بسم الله، الحمد لله، والصلاة والسلام على رسول الله، وعلى آله وصحبه ومن والاه. أشهد أن لا إله إلا الله وحده لا شريك له، وأشهد أن محمداً عبده ورسوله. اللهم صلِّ على سيدنا محمد النبي وأزواجه أمهات المؤمنين وذرياته وأهل بيته، كما صليت على آل إبراهيم إنك حميد مجيد. أما بعد:
النهارده إن شاء الله المحاضرة الخامسة من مجموع ست محاضرات من دورة أمة الدفعة الثانية. المرات اللي فاتت كانت كلها بنتكلم عن البناء، والمحاضرة دي والمحاضرة اللي جاية إن شاء الله هنبقى بنتكلم فيهم عن العطاء. المحاضرة دي بعنوان: هذه سبيلي، والمحاضرة اللي بعديها إن شاء الله هتكون بعنوان: إلا ورعى الغنم. فخلينا نراجع مع بعض كده المخطط الدورة كامل نكتبه.
إحنا طبعاً الهدف من كتابة المخطط ده كل مرة أننا نحفظ الكلمات المفتاحية بتاعة الدورة. أمة وكانت مستوحاة من قول الله عز وجل: ﴿إِنَّ إِبْرَاهِيمَ كَانَ أُمَّةً﴾ [النحل: 120]. إيه الثلاث أسهم دول بقى؟ جامع لخصال الخير، وده ملخص كلام المفسرين في قوله تعالى: أمة. وكي يصير الرجل أمة فإحنا عندنا محورين لازم هنمشي فيهم عشان نبقى جامعين لخصال الخير هم: البناء والعطاء.
البناء قلنا فيه خمسة، هنا كان فكري، وهنا تسكاوي، ودول اللي مش معانا في الدورة دي. التسكاوي ده كان مقسوم حتتين هنا جوارح تحتيها آداب وأخلاق، وده كله ما أخدناهوش المرة دي. يتبقى بقى اللي إحنا أخدناهم؛ اللي هو ده كان علمي، خلاص التسكاوي هو هنا بقى القلب وده تحته تخلية وتحلية، وتعبدي. ده كله إحنا انتهينا منه إن شاء الله، وأدينا تصورات المفروض الداعية إلى الله ينطلق منها، وتبقى لنا بقى العطاء حاجتين هم: الدعوة وإدارة الدعوة، والدعوة هيبقى اسم الدرس: هذه سبيلي.
هذه سبيلي وده لقاؤنا النهارده إن شاء الله، واللقاء الأخير بإذن الله هو إلا ورعى الغنم، فدول اللقائين اللي باقيين لنا إن شاء الله. يبقى محاضرة النهارده: هذه سبيلي، وطبعاً هذه المحاضرة مستوحاة من قول الله عز وجل: ﴿قُلْ هَذِهِ سَبِيلِي أَدْعُو إِلَى اللَّهِ عَلَى بَصِيرَةٍ أَنَا وَمَنِ اتَّبَعَنِي وَسُبْحَانَ اللَّهِ وَمَا أَنَا مِنَ الْمُشْرِكِينَ﴾ [يوسف: 108].
هذه الآية هي الآية الأهم في بناء الداعية إلى الله عز وجل. النهارده هنتكلم عن عطاء الدعوة، فمن الحاجات المهمة لأي داعية؛ سواء اللي بيحفظ قرآن، أو اللي بتدير دار، كل ده داخل معانا؛ أننا نبقى عارفين أن الدعوة لها أركان؛ فمنها الداعي، ومنها المدعو، ومنها نفس الدعوة، ومنها الشيء الذي يُدعى إليه. فمن الآيات العمدة في كتاب الله عز وجل التي تخاطب الداعية هذه الآية.
أولاً لما نقول: هذه سبيلي؛ يعني هذا هو طريقي، هذا هو نهجي. فهل يتصور أن يقال ذلك على شخص يعطي الأمر الذي هو سبيله فضل الوقت أو فضل الجهد؟ خلي بالكم الآية دي خطيرة، كل حرف فيها مهم. هذه طريقتي، هذا نهجي، هذا الذي خُلقت من أجله. فأول كلمة هذه سبيلي، وهذه تعالج آفة خطيرة موجودة الآن في الحقل الدعوي؛ وهي أن كثيراً من الدعاة يعطون الدعوة فضل الوقت، فضل الجهد، فضل كل حاجة. اللي هو إحنا: عاوز الدنيا 100 فل و14، وبعد الـ 14 ما يخلصوا، نشوف اتبقى لي خمس ست ساعات في الأسبوع، خد وظفهم لي في الدعوة وفي الدين.
لو بقت 113 لأ، الأولى أخليها 114 وبعدين أشوف الدعوة، ده مش سبيل النبي عليه الصلاة والسلام ولا دي طريقته. عشان نبقى على بلاطة كده، النبي عليه الصلاة والسلام صبر على شظف العيش وصبر على كل شيء من أجل هذا السبيل. ولن يسمى أي طريق لك في الدنيا أنه سبيلك أو منهجك إلا إذا كان مقدماً عندك. لو حضرتك اللي مقدم عندك الدنيا، فإنت سبيلك الدنيا ما تضحكش على نفسك، حتى لو إنت أشهر واحد في الكوكب في الدعوة؛ إنت بتاع دنيا، بدليل أول ما الدنيا بتتهز منك بتوقف دعوة وبتقلل دعوة، لغاية ما الدنيا تظبط ترجع لدعوتك تاني.
فـ قل هذه سبيلي بتعالج هذه الآفة. فإحنا موجودين في هذه الدنيا لهذا الهدف، وهو تعبيد أنفسنا أولاً لله عز وجل، ثم أن نعبد الناس لله. ولذلك الإمام أحمد لما سُئل عن النية في طلب العلم قال: ينوي بذلك رفع الجهل عن نفسه، ثم أن يرفع الجهل عن غيره. فإحنا بنعبد أنفسنا أولاً لله، ثم نكون سبباً في تعبيد غيرنا لله.
مظاهر ده بتظهر فين؟ أنا بحب دائماً أدي إسقاطات عشان ما نقعش في الفخاخ دي وإحنا ماشيين في الدعوة أو في تحفيظ القرآن أو غيره. بنشوفها في أن الشاب اللي خلاص بقى من الدعاة إلى الله، أو له قدر من طلب العلم، تبتدي تروح له دنيا بأنه يسافر بره ويجيله مرتب أحسن. هتعمل إيه هنا؟ ما فيش تفكير أصلاً، إحنا بنتكلم عن الإنسان المُكفي المستور يعني ما بيشحتش، مش أنه لازم يعيش في ليفل معين.
فإنسان مكفي ومستور وكل حاجة، وجاله سفر بره بمرتب أحسن، ده حصل لناس وكانت بداية أنهم بعدوا وسابوا الطريق. الحاجات اللي بقولها دي فخاخ في الطريق، فإنت هتعمل إيه دلوقتي؟ لا، أنا راجل بتاع دين، أنا لما أسافر دعوتي هتقع هنا، فأنا مش مسافر. يقولك: ده أحسن، ده بالدولار، ده المرتب هيضرب في عشرة! لا، مش مسافر. ليه؟ هذه سبيلي أدعو إلى الله. يقولك: ما إنت هناك برضه في دعوة، ما الناس هناك محتاجة. كل ده "هكس"، كل ده لو مشيت وراه فإنت بتاع دنيا مش بتاع آخرة.
طيب، إنت راجل مسؤول عن دعوة في مكان وباذل فيه، يقوم تيجي عاوز تعزل في مكان آخر. هل المكان ده فيه دعوة؟ إنت ما بتبصش أصلاً، لا ده الشقة كبيرة، لا ده الشارع جميل، لا ده العمارة، ده الجيران مش عارف عاملين إزاي. طيب يا ابني دعوتك! بالذات لو دعوتك تتطلب منك أن تكون موجوداً؛ في أصل ممكن الواحد يبقى دعوته درس أسبوعي، يقول لا أنا هروح أدي الدرس وأرجع. لكن في واحد تاني دعوته مش كده، هو إمام الفجر، وهو اللي بيدي درس بعد الفجر كل يوم، وهو اللي بيقعد يحل مشاكل.
والشباب المتدين محتاج يقعد معاه عشان يستشيروه، راح سايب كل ده عشان ينقل في شقة أكبر، عشان ينقل في مكان أحسن! يا ابني هذه سبيلي أدعو إلى الله، سبيلنا ما ننقل في مكان أكبر ولا نقل في مكان أحلى. طبعاً لا أقصد أن كل واحد ما ينقلش، لكن أقصد أننا بنرتب حياتنا على الدين مش العكس. الموضوع وصل ببعض الناس المتدينة أنه بيجي يختار الشقة وما بيبقاش عارف الشقة دي جنبيها جامع ولا ما فيش، وبعد ما يسكن يكتشف أنه مش عارف يصلي في المسجد، أو الشيطان سَوَّل له: ما إنت هتنزل تاخد العربية، يوم في الثاني في الشهر في الشهرين، وساب الصلاة في الجامع.
إحنا بنتكلم عن فئة الباذلين؛ بعد ما كان المسجد تحت بيته أو هو كان إمام المسجد، راح رايح في حتة ما فيهاش جامع أصلاً. من الشكاوي العجيبة اللي جت لي بره أن أسرة متدينة، الراجل متدين ومراته متدينة، راح خد عياله سكن في فيلا في "كومباوند" ما فيهاش مسجد، ما بقوش يصلوا الجمعة. الموضوع وصل بيهم واحدة واحدة، هي خطوات، بل مكر الليل والنهار، وصل بيهم في الآخر، بنتكلم في أسرة واحد بدقن وواحدة منتقبة.
هذه سبيلي أدعو إلى الله، يبقى أنا رايح أتنقل في شقة، اه المنطقة عاملة إزاي؟ في دعوة في المنطقة ولا ما فيش؟ هعرف أعمل حاجة ولا مش هعرف؟ ما فيش، مش منقول. طيب أنا في دعوة مع ناس، وماشي مسؤول عن الحتة الفلانية، ما هواش بالمزاج أعزل. أنا هنا مش بتكلم في أمر؛ ده تكليف، إنت ماسك دعوة في منطقة، تقوم عادي جداً شاري شقة في حتة تانية وبتحضر أنك تعزل! والكيان اللي إنت فيه ما يعرفش حاجة عنك أصلاً، ما يعرفش أنك بتفكر تعزل. طيب والدين والدعوة والناس اللي إنت هتسيبها دي مين هيمسكها؟ ولما تضيع مين مسؤول عن كده؟ كل واحد ماشي بدماغه!
هذه سبيلي أدعو إلى الله، يبقى لازم يبقى في استشارة، وإخبار، والمصلحة الشرعية فين. ممكن تفضل تعيش وتموت في الحتة اللي إنت فيها دي، وممكن يبقى ما فيهاش مشكلة لو عزلت، أنا ولا حاجة أصلاً، أجي هنا أو أروح هنا ما فيش حد حاسس بيا. يبقى هذه سبيلي يعني إنت لا تكاد تُرى إلا أما محصلاً أو باذلاً عشان تتسمى سبيلك.
فيبقى أول درس عاوز أطلع بيه: هذه سبيلي، يعني أنا راجل بتاع دين، أنا مش بتاع دنيا خالص. طيب والله أنا بقى بتاع دين والدنيا بتيجي غصب عني؛ في ناس كده، الدنيا مش في دماغها وتلاقي الدنيا جاية لها ويزوغ منها، تجي له من ناحية تانية، خلاص ده فضل الله عز وجل أو ابتلاء الله عز وجل. إنما في الآخر بذلنا للدين، قراراتنا مبنية على مصلحة الدين. إحنا بنتكلم في فئة الباذلين؛ عندك دار إنت اللي ماسكها، كنت الأول جنبها فسهل أنك تشرف وتباشر، وده مطلوب، تقوم الدنيا تحلى في عينيك تقوم باعد عن الدار.
أنا بحاول أضرب في كذا حتة عشان تقوم الدار تقع، وبدايتها كانت إيه؟ إن أنت مش عارف سبيلك إيه أصلاً. فـ ﴿قُلْ هَذِهِ سَبِيلِي﴾، وهذه كانت حالة صلى الله عليه وسلم. نيجي نبص على حاله في السيرة؛ هنلاقي هو كان تجسيداً لهذه الكلمة. هذه سبيلي يعني إيه؟ بياكل إيه مش فارقة معاه، بيلبس إيه صلى الله عليه وسلم مش فارقة معاه، ليلته معدية إزاي، يومه معدي إزاي، ولا في الدماغ خالص؛ هي دي سيرة النبي عليه الصلاة والسلام.
إنما اللي همه إيه؟ اللي همه دينه الشخصي وعبادته صلى الله عليه وسلم؛ ويصلي لغاية ما تورم قدماه، وكان خلقه القرآن، ويصوم حتى نقول لا يفطر، وكذا وكذا وكذا. وفي الناحية الثانية؛ البذل، حتى أنا في خضم هذه الحياة يبقى فرحان جداً؛ ليه؟ إن واحد في سكرات الموت راح قال له: قل لا إله إلا الله، فيقول: الحمد لله، أنقذ به نفساً أو نسمة من النار، ده اللي شاغله. ده اللي شاغله؛ إن عاوز ألحق الراجل ده قبل ما يموت يخلد في النار، ده اللي شاغل النبي عليه الصلاة والسلام.
فإحنا دلوقتي كل واحد فينا قاعد في المحاضرة، طبعاً أي واحد قاعد هنا دلوقتي فهو في ذهنه هذا، أنت صاحي من النوم وجاي بدري، ويمكن منكم أجاز من شغل، يمكن اللي عطل مصالح ثانية، فأكيد ده موجود في أذهانكم، أكيد إن شاء الله حسابكم كذلك. إنما عاوزين نبقى ده اللي دائماً في أذهاننا. ماشي، اللي بيفرق واحد عن واحد في هذه المسألة هو قدر حمله لتلك القضية؛ فتلاقيه بينتهز فرص ممكن غيره تعدي من قدامه كده، يعني واحد مش عارف إيه يروح رايح جايبه، تعالى، ويعمل ويسوي ويكلمه في الدين؛ ليه؟ هو شايل الهم ده، شايل القضية دي، هذه سبيلي، أهو أنا هنا ليه؟
طبعاً اللي حاضرني دلوقتي مثلاً المثال المتجسد أمامي الشيخ أسامة عبد العظيم رحمه الله، على ما ناله من مكانة علمية طبعاً؛ وصل في الأزهر لمكانة عالية، وكانت بتعرض عليه العروض خارج مصر وكذا، والغريب إنه حتى ما سابش منطقته، في لغتنا إحنا منطقة شعبية؛ ليه؟ هي دي مسجده ودعوته وكل حياته هناك، خلاص مش هسيب عشان الدين وعشان المسجد. فمحتاجين نبقى عندنا العقلية دي شوية، إن إحنا عايشين لده، خلاص.
قل هذه سبيلي، وبعدين ادعوا إلى الله، ادعوا هي الدعوة بس؟ أنا عاوز أقف هنا مع كلمة إلى الله. ادعوا إلى الله، هذه الكلمة بتحل لنا إشكال كبير جداً في الساحة الدعوية، وهي: أنت تدعو إلى إيه؟ تقول إيه بدعو إلى الله؟ ما كلام سهل، كلام سهل، ولكن لو نزلنا على التطبيق؛ فبنلاقي ممكن واحد بيدعو إلى نفسه، بيدعو لنفسه، يعني بيقول لهم إيه اعبدوني؟ يعني أنا ربكم الأعلى، هو مش بيعمل كده، ده فرعون اللي هيعمل كده، إنما بيدعو إلى نفسه يعني إيه؟ يعني هو لا يريد تعبيد الناس لله. تقول لا يا شيخ إزاي؟ ما لما بدعو بطلع بفيديو ولا بدخل أدي كلمة في الحلقة أنا عاوز تعبيد الناس لربنا! طبعاً، أقول لك بقى علامة ذلك؛ علامة كاشفة، وهي أنك لو رأيت الناس عبدوا لله على يدك أو على يد غيرك فرحت لذلك واستبشرت خيراً، يعني لما تلاقي الناس مثلاً أنت رايح بتدعو إلى الله وبعدين واحد ثاني بيدعو إلى الله فالثاني ده نجمه علي والناس بقت تحبه وبتاع وبيروحوا لربنا، لما تشوفه تفرح؛ ليه؟ بيعبد الناس لربنا.
لو حسيت في قلبك إنك ما بتتمناش إن ده يحصل، فأنت ما بتدعوش إلى الله، لأن اللي بيدعو إلى الله خلاص طالما أنا وجهتي الله وغيري وجهته الله والثالث وجهته الله والرابع وكذا وكذا، فإحنا كلنا ماشيين في نفس الطريق هذه سبيلنا، فاللي جهده بقى جه على إيدي، جه على إيد غيري؛ خير وبركة. وهنا الشيطان يدخل يسول لك عشان تفضل في هذه الحلقة المفرغة، لكن مريح ضميره يقول لك: لا أصل هو مبتدع، أصل هو عنده خلل في المنهج، كلمة المنهج بقى اللطيفة دي، اللي هي إيه؟ يعني سيبك حتى من المبتدع، يقول لك عنده خلل في المنهج. إيه بقى المنهج ده؟ اللي هو إيه المنهج يا جماعة؟ أنا بنعدي حد مطباط، إحنا مع بعض كده بسلاسة، اللي منكم ما قابلهاش فيحمد ربنا بس هتشوفوها قدام؛ فتكتشف إن تقول له طب تعالى معلش أنا آسف، أنا متأسف، إيه مخالف المنهج؟ إيه المنهج بقى؟ فتكتشف إيه المنهج؟ لا ده شوية مسائل كده جبناها في الفقه من هنا ومن هنا وسميناها منهج، وبقى أي حد بيخالفنا في مسألة فيهم، وهي أصلاً مسائل خلافية أصلاً، يبقى ده مخالف المنهج، وطالما مخالف المنهج يبقى ده ما بيدعوش نفس دعوتنا، فيبقى لما حد يتدين على إيده مش بس هنبقى زعلانين ده إحنا هنحارب هذه الظاهرة، ظاهرة إن في غيرنا بيعبد الناس لربنا.
ده موجود على الأرض من زمان طبعاً، قبل حتى ظهور السوشيال ميديا، وتلاقي ما أعرفش منكم كبار شوية الأسر في الجامعات مثلاً؛ فتلاقي الأسر عمالة متضايقة إن الأسرة دي أكبر من الأسرة دي ويخطفوا الناس من بعض، يا جماعة إيه ده؟ أصل دول مخالفين للمنهج. طب أنا هنا بهون من كل مسألة مما سموه بالمنهج؟ لا مش بقول كده، في حاجة بتبقى فعلاً فيها كذا وكذا، إنما في الآخر هم؛ الولد ده لو ما كانش خده فلان ولا علان هنلاقيه بكرة في الخمارة، هنلاقيه بكرة بيزني، هنلاقيه بكرة شيوعي يساري ليبرالي ملحد؛ فالحمد لله، الحمد لله إنه تدين وعرف طريق ربنا، بقى على منهجنا على منهج غيرنا، الحمد لله. خلاص، أو كيان، إحنا ده كله بنتكلم لو أنت دعوتك فردية، إنما حتى لو كيان؛ فممكن يبقى الكيان ما هو طبعاً زي ما نقول برضه مش بنقول اعبدوا الكيان أو اعبدوا رأس الكيان ما حدش بيقول كده، ولكن بيبقى إحنا بندعو إلى الله أيوه، ولكن إحنا عاوزين الكل يبقى تحت مظلتنا، واللي خارج المظلة بتاعتنا ده حاجة من اثنين؛ يعني أسلم، أو غاية ما يطمح له إن هو نبقى مسالمينه، يعني ساكتين عنه كده ومغمضين عينينا، وإلا هنحاربه وهنبهدله وهنعمل، طب هو دي دعوة إلى الله؟ دعوتكم إلى الله لو إلى الله يبقى خلاص الناس تعبدت معانا تعبدت مع غيرنا حتى لو مخالفنا في المنهج شوية ما فيش مشكلة، إيه القضية؟ فيبقى إحنا لو لقينا الأمور دي في أنفسنا يا شباب نعرف إن فيه مشكلة ولازم نقعد نحلها جوانا، كي تكون دعوتنا إلى الله، ماشي.
وزي ما قلنا لكم الآفة دي موجودة على الأرض من زمان، وبعدين ظهرت بقى بقوة بعد ظهور مواقع التواصل، والحرب بعد ما كانت مثلاً على الأرض وما هياش باينة قوي للناس، لا ابتدى الغسيل نشرناه قدام الناس، يعني بقت الناس تقول هم دول بقى المتدينين؟ ده بيحصل، هم دول بقى المتدينين! يعني هم دول المفروض أنا دلوقتي أنا راجل على الله حكايتي ما أعرفش حاجة في الدين، عاوز بقى أتعلم شوية دين، فدخلت لقيت واحد بيتكلم بيقول ربنا وتعالوا هقول لكم ربنا بيحب إيه وبيكره إيه، قلت ماشي يلا نسمعه. ما فيش يومين لقيت واحد ثاني داخل يقول لك إيه: الحق ده فاسق ده فاجر ده داعر، الأولاني يسكت، عيب إحنا ما نعرفش، يقوم طالع سالخ في الثاني، ماشي، واحد ثالث بقى لسه صاحي مثلاً ولا يروح داخل سالخ في الجوز، إيه ده بقى؟ طب البني آدم الطبيعي اللي عاوز أسمع دين، عاوز أعرف ربنا، طيب اللي دي حياته أو اللي ده نمط دعوته، هل هذه الدعوة إلى الله محتاجة وقفة؟ محتاجة وقفة.
وزمان كنت بتناظر مع بعض الشباب اللي منتمين لبعض الكيانات، فكانوا دائمًا يقولوا إيه المنهج، فكنت أهزر معاهم حبايبي يعني فأقول لهم إحنا لو جبنا عشرة من الكيان وقلنا لكل واحد قول لنا إيه المنهج، هيقوموا على أحد عشر قول، يعني ما فيش اثنين يعرفوا إيه كلمة منهج دي؛ ما هو أنت لما تقول لي أصل مخالف للمنهج، فأول سؤال يتبادر لذهن أي بني آدم حتى لو مش مهندس قول لي المنهج، مش كده؟ قول لي إيه بقى منهجك، يعني طب قول لي المنهج دي يعني إيه؟ إحنا عندنا حدود بقى، يعني ما هو إحنا عندنا حد كده، اللي هو هنا هتبقى في المنهج هنا وراء المنهج، فأنا مش عاوز كلام هلامي، ما تقعدش تقول لي إيه المنهج بتاعنا وتقعد تقول لي كلام حلو بوقك اللي هو إحنا مثلاً القرآن والسنة بفهم سلف الأمة، ده اللي ما كله بيقول كده، كله بيقول كده، ماشي، كل دي أنا أعني مين؟ حتى لو إحنا قلنا إن في حاجة اسمها بيسموها سلفيين، السلفيين دول هم فئة واحدة، عشرات الفئات، وكل فئة بتشتم بقية الفئات كلها، ليه؟ عشان المنهج. اللي هو إيه منهجكم؟ القرآن والسنة بفهم سلف الأمة، طب وإيه منهجهم؟ القرآن والسنة بفهم سلف الأمة، فما تجيش تقول لي كده، ما هو ده لو منهج يبقى إنتوا كلكم حاجة واحدة؛ فتلاقي حتى الأتباع، وأنا هقول كلمة أجازف فيها شيئاً ما يعني ربنا ينصر وبعض الرؤوس ما عندهمش، يعني ما تيجي بتقول له حط لي منهج، إيه منهجك اللي بيه هتدخل وهتخرج؟ تلاقيه يضطرب، يضطرب.
خلاص طيب، إحنا بقى الناس الغلابة اللي زينا كده اللي قاعدين هنا في الأوضة دي، ما لناش دعوة، إحنا بندعو إلى الله، إحنا عاوزين نعبد الناس لربنا سبحانه وتعالى، خلاص؛ فلقينا واحد تدين عندنا أو على إيدينا كنا سبباً في ذلك فرحنا واستبشرنا وزقططنا، لقينا غيرنا كان سبب هو في هداية الناس فرحنا وزقططنا ودعونا له في السر كمان، دعونا له في السر خلاص إن ربنا يوفقه ويسدده. طب أنا شايف إن عنده شوية بدع مثلاً مزعلاني، أدعي ربنا إنه يهديه، خلاص ربنا كتب له قبول والناس بتحبه وبتاع، أدعي، أدعي أنا ما بهزرش وأنا واقف في الصلاة، لو أنا شايل همي لو أنا بدعو إلى الله، فشايف واحد مثلاً كان بلغه بقى الأرقام اللي إنتوا بتحبوها، واحد على صفحته سبعين مليون بني آدم، رقم ضخم جداً ودعوته مثلاً تتكلم الكلمة بتتسمع في مش عارف إيه بس هو عنده في ما تراه أنت ده راجل مبتدع، طب أنت عملت إيه يا من تدعو إلى الله؟ عملت إيه مما اللي ممكن تعمله؟ ده ليه ورد ثابت في دعائك في قيام الليل، هذا الرجل يا رب اهديه، يا رب رجعه إلى السنة، يا رب سدده في إنه ما يخالفش دينك، يا رب كذا، ده الصادق اللي بيدعو فعلاً لربنا. إحنا بقى بنعمل كده؟ تلاقي على طول إيه شتيمة، على طول شتيمة، وأحذروا فلان، يا عم روح ادعي لفلان، فلان يا رب ربنا يهديه ويبقى خلاص ويبقى يا دار ما دخلك شر.
طب خص يعني ده بقى، ده إنت بنقول لك حتى لو أنت شايفه بعيد، طب قريب بقى منك لكن مخالفك في منهجك أيها المعصوم، يا من لا يأتيه الباطل من بين يديه ولا من خلفه، عشان لما تحط منهج يبقى لازم هو ده المنهج اللي الناس كلها تمشي عليه وإلا يبقوا مبتدع وضال وناس ضالة. إحنا بنقول لك بقى واحد قريب منك، يعني الفرق بينك وبينه حاجات بسيطة، عملت معاه إيه؟ يعني ممكن تناصحه مثلاً؛ لأن الآية الأسس واحدة، يعني الدنيا قريبة، ما تتوبش وأنت قاعد في مجلس علم كده، تسهروا طول الليل طبعاً وكنت سهران فين امبارح؟ قيام ليل.
طيب ده كله ده كله لكل الآفات الموجودة على الساحة دي، ودي مش النهارده ولا امبارح هذه الآفات، يعني مش من عقود ولا من مئات سنين لا ده من زمان، يعني خلاص مستورة في الكتب وإزاي زمان الفرق حتى الفرق القريبة يعني مش البعيدة كانوا ممكن يكيدوا لبعض، وكان ممكن مش فدي موجودة يعني فيها حظوظ نفس؛ فإحنا عاوزين نخرج من ذلك، الخروج من كل الدايرة دي إلى الله ﴿قُلْ هَذِهِ سَبِيلِي أَدْعُو إِلَى اللَّهِ﴾، ونحن احفظوا الجملة الجاية دي خلوها بقى شعار لكم: نحن ندعو إلى الله لله وبالله.
اجعلوها شعاراً لكم في دعوتكم: نحن ندعو إلى الله، لله وبالله. خلاص ندعو إلى الله فهمناها خلاص، ندعو إلى الله لله، يعني ده توحيد القصد، نقصد بدعوتنا الله، نقصد بدعوتنا الله جل وعلا، يبقى ندعو إلى الله لله نقصده الله، يبقى في دعوتنا ما إحناش قاصدين شهرة ولا كثرة أتباع ولا فلوس ولا إيه تاني؟ تقصدوا إيه تاني في الدعوة؟ إيه سلطة، سلطة مثلاً؟ لو هي دعوة رسمية فممكن يبقى فيها تدرج في مناصب وكده، يصل إلى رأس الهرم ولا حاجة، أو حتى مش رسمية كيانات دعوية فبيتدرج في الآية.
في الكيان، فبرده مش قاصدين سلطة، إحنا ندعو إلى الله سبحانه وتعالى، مش عاوزين حاجة، ما أسألكم عليها من أجر. هي دي سبيلي. فلا عاوزين أجر ولا عاوزين سلطة ولا عاوزين شهرة ولا عاوزين أي حاجة من الحاجات دي خالص، ولا عاوزين مجدًا شخصيًا؛ هذه لله.
وطبعًا دي علاجها كان في البناء التزكوي، مش كده؟ لو اتكلمنا في التخلية يبقى إحنا الرياء، ولو اتكلمنا في التحلية يبقى في الإخلاص. ندعو إلى الله، لله وبالله، وده توحيد. إحنا الأولى توحيد القصد، إحنا نقصد الله عز وجل، يبقى لله. والثاني هو توحيد الاستعانة، يعني إيه ندعو إلى الله لله وبالله؟ يعني الله عز وجل هو المعين، ده معنى بالله.
فده ينفي من قلبك الأغيار في قصدك؛ تنفي من قلبك الأغيار قصديًا، يبقى مش شايفين غير ربنا، لا نريد غير الله. والثانية تنفي من قلبك الأغيار استعانة وتوكلاً واعتمادًا؛ فأنا في دعوتي أدعو إليه به سبحانه وتعالى. فإن كنا بنستخدم بعض الوسائل في الدعوة، جايبين كاميرات تصور، وجايبين ناس نزعق لها كل شوية ونقول لها التصوير وحش وأنت ما رفعتتوش وما عملتوش، وهم مستحملين جزاهم الله خيرًا مؤدبين، بنستخدم وسائل في الدعوة لكن قلوبنا لا تعتمد على تلك الوسائل.
يعني إيه؟ يعني ما تجيش قلوبنا تقول: "آه والله ده إحنا التصوير هو اللي هيوصل الدعوة". نستعين به، ما فيش مشكلة، إنما مين اللي بيوصل؟ ربنا. لما قال لسيدنا إبراهيم: «يَا إِبْرَاهِيمُ»، اذن في الناس، وهو فين؟ في الصحراء، مش كده؟ وحواليه كم قبيلة يسمعوها؟ ولا بني آدم!
هذا المنظر يا جماعة ركزوا فيه عشان بالله عليكم إحنا هنا في مسألة خطيرة؛ هذا المنظر لو رأينا أحدًا يفعله نقول "يعبس". يعني واحد كده مثلاً ليه شنة ورنة، واحد كبير ولا ذو سلطة، وراح جاي لك في وسط الصحراء ما فيش ولا مخلوق قال لك "هوف"، اذن هنا؟ هذا ما فعله الله مع إبراهيم، وهذا الذي أشكل على إبراهيم نفسه، وده كان درس لينا ولإبراهيم في التعامل مع ربنا.
غير "اقف اذن هنا"، قال له أن يبلغ صوتي، يعني صوتي هيوصل؟ سبحان الله، أدب إبراهيم؛ جاب المشكلة فين؟ في صوته! يعني شوف حتى عليه السلام قال له: "أن يبلغ صوتي"، يعني صوتي مش هيوصل للناس. فالله سبحانه وتعالى بيربينا، عليك النداء وعلينا البلاغ. ما فيش وسائل خالص، أنا واقف في وسط صحراء بس امتثلت أمر ربنا سبحانه وتعالى فآذنت.
البلاغ دي بقى مش بتاعتك أصلاً، مش بتاعتك؛ ليه؟ لأننا ندعو إلى الله بالله. فدي تنفي من قلبك الأغيار استعانة وتوكلاً واعتمادًا؛ أنا معتمد على كاميرا؟ ولا معتمد على اللبس اللي بلبسه وأنا طالع في الفيديو شكله إيه؟ ولا معتمد على تحضير الأدلة والأشعار اللي بتدغدغ العواطف والسجع من الكلام؟ ولا معتمد على.. يا شيخ ما عملش ده كله، ما قلتلكش ما تعملش ده كله، إبراهيم وقف وآذن.
مفهومه، هو وقف وآذن، ما قالوش: "يا إبراهيم ما تأذنش وإحنا هنبلغ"، ما عملش كده ربنا سبحانه وتعالى. فقولك بنقول لك اعمل، يعني خذ بالأسباب، لكن قلبك لا يعتمد على السبب، ولا يتوكل على السبب. يعني إيه؟ يعني يا رب أنا أديت الدرس بكاميرا، أديته من غير كاميرا، أنت المبلغ. خلاص سجلته ما سجلتوش، أنت المبلغ برضه. لا الكاميرا ولا التسجيل ولا القناة ولا الألوف اللي عندي ولا الملايين، أنت المبلغ يا رب، أنا أدعو إليك وهو الموفق.
أنت ممكن صوتك يبلغ الملايين، وتلاقي تأثير دعوتك ضعيف. يعني بلغ صوتك يا سيدي خلاص وملايين الملايين، طب تأثير الدعوة بقى بتاعتك تلاقي مالهاش تأثير خالص؛ يعني إيه؟ مالهاش تأثير، أه ملايين سمعوك، إنما ولا واحد فهم منك، أو ما أثرتش فيهم، أو ما تغيرتش حياتهم.
العلاج ده كله فين؟ ﴿قُلْ هَٰذِهِ سَبِيلِي أَدْعُو إِلَى اللَّهِ ۚ عَلَىٰ بَصِيرَةٍ أَنَا وَمَنِ اتَّبَعَنِي﴾ [يوسف: 108]. وهذه الكلمة من أخطر الكلمات في الآية: "على بصيرة". ومحتاجين في دعوتنا يا شباب إلى بصائر عدة. فأول تلك البصائر أن تكون بصيراً بنفسك.
أول بصيرة أن تكون بصيراً بنفسك؛ إحنا قلنا أركان الدعوة إذا كانت الدعوة هي: داعٍ، ومدعُوّ، ودعوة (وهي العملية نفسها)، وشيء يُدعى إليه. فإحنا محتاجين بصائر، فمحتاجين بصيرة في نفسك، في الداعي، أكون بصيراً بنفسي؛ لأن بعض الدعاة تفوته نفسه.
محتاجين نكون بصراء لأنفسنا؛ أول حاجة أنا من جوه أريد الله ولا ما أريدش الله؟ محتاج أكون بصيراً: أريد الله؟ طيب أنا من بره متبع لسنة النبي ﷺ في تلك الدعوة ولا مانيش متبع للسنة في تلك الدعوة؟ محتاجة بصيرة، ده كله في نفسك. فمحتاج تكون بصيراً بنفسك، وبصيراً بعيوبها، وبصيراً بمواطن ضعفها؛ علشان أول ما يلوح لك موضع من مواضع الضعف ده من بعيد كده تفر منه تجري، لأن ممكن الذي يضعفني غير الذي يضعفك، أو الذي انهزم أمامه غير الذي تنهزم أنت أمامه، مش لازم كلنا تكون نقطة ضعفنا واحدة.
فلو قلت لك: "أنت بصير بنفسك في الحتة دي؟ أنت إيه اللي بيضعفك؟ أنت إيه اللي ممكن تنهزم أمامه؟"؛ علشان ده لو لاح لك من بعيد، أنا قافل الباب بتضبه والمفتاح في الحتة دي. لأن طريق الدعوة، زي ما قلنا لكم قبل كده، زي ما في فتنة ضراء، في فتنة سراء. وفتنة السراء، إذا ما كانش نفس بنفس عظم، فهو أعظم؛ في طريقك إلى الله عز وجل في دعوتك هيقاب لك فتنة ضراء، اللي هو إيه؟ هتتشتم، دي ضراء، ممكن يضيق عليك، إلى غير ذلك، وممكن تصل إلى القتل؛ فدي كلها فتن ضراء في الدعوة، وفي فتن سراء.
في طريق الدعوة، هناك فتن سراء، وهي: المال، والشهرة، والنساء، والرئاسة. هذه الفتن أربع، وقد ذكرناها من قبل. فهل أنت بصير بنفسك تلك البصيرة التي توقفك على نقاط ضعفك؟ وبعدها ستعرف كيف تتعامل مع تلك النقاط، وكيف تدير هذه القضية الكبيرة؛ فمحتاج أن تكون بصيراً بنفسك.
وكذلك نحتاج في الدعوة بصيرة في غيرنا، في المدعو نفسه. نحن في الدعوة، أو تعليم القرآن، أو أي شيء آخر، لا أتصور أن أحداً من الداعين الآن يكون حافظاً للقرآن مثلاً، ووظيفته هي مجرد تعليم الآيات والمضي، على عظم هذا الأمر. خلي بالكم، هذا شيء جميل جداً أن نعمل كذلك، ولكن لو فعلنا هذا فقط، فنحن في منطقة "الأجاذب" بسرعة. نحن نريد اللفظ النبوي الجاذب، لا ما هو "شربت"؛ فالأجاذب هي التي تمسك الماء، فنحن في منطقة الأجاذب، فهل هي منطقة وحشة أم حلوة؟ هي منطقة حلوة، ولكننا نريد أن نكون في "الأرض الطيبة".
لذا، نحتاج بصيرة بالمدعو. طبعاً البصيرة بالمدعو سنتحدث عنها بالتفصيل في إدارة الدعوة إن شاء الله في المحاضرة القادمة، ولكن من الأمور التي سنحاول الخروج بها خارج إطار الإدارة هي أننا نحتاج بصيرة ونحن ندعو. الدعوة إما دعوة فردية أو دعوة جماعية. الدعوة الفردية هي "واحد لواحد"، كأن أكلم معاذ، أو معاذ يكلم شخصاً آخر. ففي الدعوة الفردية، هذا الشخص الذي سأكلمه، بماذا أبدأ؟ أرهّب أم أرغّب؟ هل في البداية إصلاح أم ترهيب؟ إذن نحن محتاجون لبصيرة في هذه النقطة.
قلنا لكم عن قصة قاتل المئة نفس، النفس الرقم مئة الذي قُتلت، لماذا قُتلت؟ لأنه قنط، لو لم يكن قد قنط لما قتل المئة نفس. هناك ناس تظن أن الترهيب هو الأساس دائماً، وهناك ناس تعتقد العكس، وأن "الطبطبة" هي الصحيحة دائماً، وهذا خطأ وهذا خطأ أيضاً. القرآن في الاثنين، وهناك آية تقول: ﴿فَأُولَٰئِكَ قَدْ حَقَّتْ عَلَيْهِمْ كَلِمَةُ الْعَذَابِ ۖ وَأُولَٰئِكَ هُمُ الضَّالُّونَ﴾، وفي آية أخرى: ﴿وَرَحْمَتِي وَسِعَتْ كُلَّ شَيْءٍ﴾. فهل أرغب أم أرهّب؟
في الدعوة الفردية، نحتاج أن نرى حال الشخص. يأتيك شاب، أو فتاة، يبكي وينتحب ويقول: "لقد فعلت الذنب الفلاني"، وتجده منهاراً. أنت لست مضطراً لأن تنزل عليه بالسلخ وتقول: "كيف فعلت هذا؟"، فهو جاءك نادماً ويبكي، فماذا تريد منه أكثر من ذلك؟ هنا الترهيب ليس هو المطلوب، فهو جاء في حالة نفسية تحتاج إلى الترغيب بأن رحمة الله واسعة، كما قال تعالى: ﴿وَرَحْمَتِي وَسِعَتْ كُلَّ شَيْءٍ﴾. الموضوع ليس مجرد "أنا شيخ"، بل هو فقه بالحالات النفسية.
سنعود ثانية إلى قوله تعالى: ﴿قُلْ هَٰذِهِ سَبِيلِي أَدْعُو إِلَى اللَّهِ﴾. لقد تحدثنا عن آفات في الصف الدعوي، منها أن الداعي لا يدعو للكيان، وهذه من المعاني الكبيرة. وهناك مشكلة أخرى يعالجها هذا المفهوم، وهي أن الذي تدعو إليه هو دين الله، وليس فهمك أنت لدين الله. فهمك للدين ليس هو الدين نفسه؛ فدين الله عز وجل معصوم، وشرع الله معصوم، ولكن فهمك للشرع ليس معصوماً.
لماذا أقول هذا؟ لأن بعض الناس -وقد اختزلناها في كلمة "المنهج"- يحاكمون الآخرين إلى فهمهم الخاص للدين، ويجعلون فهمهم هو الدين نفسه، فيقوقعون أنفسهم ودعوتهم في "الدعوة إلى فهمهم للدين". ومظاهر ذلك في الواقع هي أن المسائل التي يخالف فيها الناس أو يخالفونه فيها، تصبح دعوته كلها أو معظمها تدور حول تلك المسائل. هو هنا لا يدعو إلى الله، بل يدعو إلى فهمه لدين الله.
لو قلنا له: أنت رجل ممتاز وفهمك صحيح، لكن قدر هذه المسائل من دين الله؛ كم نسبتها؟ هل هي 10% أم 20%؟ تخيل أنك تعطي 100 درس، فإذا كانت هذه المسائل تُذكر في 10 دروس فقط، وبقية الـ 90 درساً في بقية الدين الواسع، فمن أين أتى بالخلل؟ الخلل أنه يدعو إلى فهمه الخاص، فلما وجد نفسه غير مستهوٍ في الـ 90% من الدين، أراد أن يحشر نفسه في هذه الـ 10%.
وهناك من يقع في فخ أخطر، وهو الترتيب؛ فقد تكون هذه المسائل 1% فقط من الدين، لكنه يدعي أنها هي الأهم، وهي أخطر 1%، وأنه إذا تركت الـ 99% وتمسكت بهذه الـ 1% فأنت من الفرقة الناجية. وهذا حال أتباع تلك الفئات؛ لو سألت أي واحد من أتباعهم في أي موضوع من الـ 99% الأخرى، ستجده "أبيض"، لا يعرف شيئاً، بينما هو في هذه الـ 1% عامل فيها كأنه يحمل دكتوراه، ولو وضعت هذه الدكتوراه أمام عالم حقيقي لكانت صفراً، لأنه متحيز لا يعرف إلا ما يُقال له.
هو عارف اللي شيخه بيقوله فيه، فده مش دين ربنا، أنت كده ما بتدعوش إلى الله، أنت بتدعو إلى فهمك أنت لدين الله عز وجل.
فضل عن الأولويات، زي ما بيقول كده إحنا عندنا يا جماعة دي مسألة مهمة جداً جداً للدعوة برضه؛ في حتة "ادعو إلى الله". عندنا قضايا كبرى في دين الله عز وجل، فأنت فين من تلك القضايا الكبرى في دين ربنا؟
عندنا قضايا كبرى محتاجة إنا نكبرّها لأن هي كبرى في دين الله عز وجل وإحنا راكنينها شوية، وعندنا العكس؛ عندنا قضايا هي حجبها أصغر من اللي إحنا مدينها. فمحتاجين إنا نرجع نحطها تاني في حجمها، بدون دخول في تفاصيل.
عندنا مثلاً قضايا تتناول في الفقه، بقدرة قادر بقت قضايا توحيد وشرك، مش عارف ليه! فجأة كده نمنا وصحينا لقيناها قضايا توحيد وشرك وولاء وبراء، وهي لو جبت القضايا دي متناولة فين؟ في العصور كلها هتلاقيها في كتب الفقه، هي مسألة فقهية، حولناها لمسائل عقيدة ومسائل ولاء وبراء ومسائل شرك وإيمان.
والعكس؛ مسائل ضخمة جداً في دين الله عز وجل وعليها نصوص شرعية كبيرة جداً، ونلاقي الخطاب الدعوي لا يكاد يذكرها أصلاً. ودي ممكن أقول فيها مثال، أنا ما كنتش حابب أقول فيها مثال، إنما دي ممكن نقول فيها مثال، اللي هو قضية هامشية الدنيا ومركزية الآخرة.
دي قضية كبيرة جداً جداً. شوف لفظ الدنيا ذكر كم مرة في القرآن، ولفظ الآخرة ذكر كم مرة في القرآن؟ التحذير من الدنيا قد إيه في النصوص الشرعية، قرآن وسنة، وبعدين انزل بقى إلى التطبيق العملي في حياة النبي ﷺ والصحابة والسلف في التعاطي مع ذلك الملف الخطير؛ ده من أخطر الملفات.
لكن لأن الدعوة -أقصد الساحة الدعوية- مش مدية له حجمه، بقت الناس مش عارفة إنه ملف خطير، لأن في الأثر: «حب الدنيا رأس كل خطيئة». فدي إحنا بنسميها قضية مركزية في الشرع، ليه قضية مركزية؟ لأن دي بسببها بنسيب الأوامر وبنقع في النواهي، بسببها قال الله عز وجل: ﴿مَا لَكُمْ إِذَا قِيلَ لَكُمُ انفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ ۚ أَرَضِيتُم بِالْحَيَاةِ الدُّنْيَا مِنَ الْآخِرَةِ﴾ [التوبة: 38].
فبسببها إحنا بنسيب الدين. طب دي فين في الخطاب؟ لو قلنا مسألة زي دي مسألة باتفاق، مسألة محورية أساسية في الدين، طب واخدة قد إيه حيز في الساحة الدعوية؟ لا تكاد تُسمع. ده بالعكس، لو ما سمعناش يبقى خير وبركة، ده إحنا وصلنا لحالة أسوأ وهي إنك تلاقي الخطاب الشرعي دلوقتي أو الخطاب الدعوي بيرغّبك في الدنيا، فده إشكال.
إحنا هنا دلوقتي بندعو إلى الله؟ لا، إحنا ما بندعوش إلى الله، إحنا بندعو إلى فهمنا نحن لدين الله عز وجل، وبعدين نسكت؟ لا ما نسكتش، نحول فهمنا إلى أن هو ده الدين، وكأن فهمك هو الفهم المعصوم، فدي نقطة مهمة.
إيه بقى اللي فكرني؟ بدي أصلاً إن إحنا نرجع لها على بصيرة، قلنا تبقى بصير بالمدعو، متى الترغيب ومتى الترهيب؟ إمتى هنرهب وإمتى هنرغب؟ لازم تكون بصير بذلك المدعو. فالمدعو ده جايلك مستواه خلاص على آخره، ده محتاج واحد يستوعبه.
أنا دايماً أتأمل مثالاً في السنة، وهو ذلك الشاب الذي أتى إلى النبي ﷺ وقال: «ائذن لي في الزنا». المثال ده مش واخد حقه في التأمل. تخيلوا كده أن أنت هذا الشاب في عصر النبي ﷺ، فإنت راح تقعد دلوقتي بين إيدي النبي تقول له إيه؟ ده ليه في الزنا؟ هو كبيرة من الكبائر.
واللي إحنا عارفينينه إن ذلك الشاب كان ينازع نفسه في إنه أصلاً يروح للنبي ﷺ، يعني تخيلي عن نفسية ذلك الشاب وقعد يجاهد نفسه أيام إنه يمنع، وبعدين وهو رايح للنبي، الخطوات دي كان شكلها إيه؟ هيقعد بين إيديه يقول له: «ائذن لي في الزنا».
لحظات صعبة جداً. طب إيه اللي دفع الشاب ده؟ فاهم يا جماعة نفسيات الناس، وده هيجي معانا في الإدارة. إيه اللي دفع الشاب إنه يعمل كده؟ إنه مش قادر فعلاً، ده مش مستحمل. أنا فكرتي إنه جه للنبي وبيقول له «ائذن لي في الزنا» ده محتاج حد يستوعبه. وهذا الذي فعله النبي ﷺ، فإحنا محتاجين نبقى على بصيرة بهذا.
بخلاف بقى لو إنت رايح لواحد من أفات الناس، من الكبائر، ده تديله نار وآخرة وموت، هو أصلاً ضايف؟ هتقول له رحمة ربنا؟ طب والله زي الفل يا عم الشيخ، متشكرين، اطلع أنت بقى! فهنا دي محتاجة بصيره بالمدعو إذا كانت الدعوة فردية.
الإشكال الأكبر أو التحدي الأكبر لما بتكون الدعوة جماعية، أنت بتكلم مجموعة أو جماهير بالذات بعد مواقع التواصل، فإنت مش عارف. فالذي أميل إليه في أغلبية الناس -وده ما فيهوش صح وغلط، دي اجتهادات- هو قول الغزالي ومن بعده ابن الجوزي رحمهم الله، إن ده وقتهم؛ يعني ده وقت ما فيهوش ترغيب، ده وقت فرم للناس في غفلة.
الغزالي قال ده في الإحياء، وبعدين ابن الجوزي في منهاج القاصدين كلموا عن وقتهم، بيقولوا إن زماننا ده ما فيهوش ترغيب، إنما افرم، رهب، خوف، ليه؟ ده زمان غفلة. فهذا الذي أميل إليه، وهذا الذي أفعله عمداً.
خالص، لا، ده هو عمداً، بقى فعل ده أن يبقى الخطاب قوياً، الخطاب الترهيب فيه أكثر. هل هذا الخطاب يصلح مع جميع الناس؟ قطعاً لا، وما فيش خطاب يصلح مع جميع الناس أصلاً؛ فكرة أننا نريد بخطاب واحد أن نخترق الجميع ليست كذلك، لأن في بشر، وهذا هو بقى البصيرة بالمدعو.
لكن تظل مصلحته راجحة، هذا الخطاب تظل مصلحته راجحة. في ناس ممكن تضايق ولا تسمع، وهذا ما أقوله؛ أنا لو على دعواتي أنا مثلاً، بيجي لي ساعات كده رسائل أو تعليقات، وأنا ردي بيبقى واضحاً جداً، يجي يقول لك: "أنا بسمعك وبأرد بكلمة ما تسمعنيش". أنا لست مقصوداً بذلك، "لا تسمعني"، لا، أنا خطابي لا يصلح لك، فما تسمعني، اذهب واسمع لغيري الذي قد تحتاجه.
أنا حصل معي موقف في الدعوة الخاصة، منذ عشرين سنة تقريباً، لا أستطيع أن أنساه. كنت مع مجموعة من الشباب أدرس لها في مسجد بعد الفجر، فدايماً دروس الفقه أو العقيدة أو الأصول أو المصطلح، لا بد أن أختمها بشيء من الرقائق أو التزكية. في ذلك الوقت، كنت أقرأ في التزكية كتاب "قصر الأمل" لابن أبي الدنيا.
كان في واحد من الشباب هؤلاء، أول ما أبدأ في "قصر الأمل" يقوم يمشي، وتكرر الأمر أكثر من مرة. فكنت أزعل لأنني أقول دائماً: "التزكية هي الأهم في هذه المرحلة، نحن نعطيكم فقه وعقيدة لنجر أقدامكم حتى تسمعوا التزكية". فالتزكية مهمة في المرحلة الأولى، فلما تكرر الأمر ذهبت إليه وقلت له: "أنا زعلان منك، وكيف ذلك والتزكية مهمة؟"، وكنت أخطب خطبة عصماء، ولكن لم يكن عندي بصيرة بالمدعو؛ كان يجب أن أسأل أولاً: "لماذا تفعل ذلك؟" لكي أفهم، حتى لا أندفع كما اندفعت.
حاولت أن أتصور الموقف، ووضعت أن هذا التصور هو الحقيقة والواقع، وقلت في نفسي: "أنا لا أشك أنك مهمل في جانب التزكية، وأنك غير مقدر للمجلس". فجاءني وقال: "يا شيخ، اهدأ عليّ، أنا أصلاً مستوٍ في حتة قصر الأمل هذه، فإني أخرج لبيتي كل يوم وأنا لا أريد النزول لأن عندي وسواساً أني سأموت، فأول مرة جلست وسمعت كلمتين في قصر الأمل، فعلاً لم أنزل من البيت ذلك اليوم، حياتي وقفت".
فهذا الشخص لا يصلح معه هذا الكتاب، بمجرد أن تأتي قصة يقوم ويمشي ويترك المجلس. هل هذا معناه أن نوقف "قصر الأمل"؟ لا، هو لو كان واحداً في المليون سنجده كذلك، في كل مليون واحد تخرج بواحد في هذه الحالة، فهذه من البصيرة بالمدعو.
إذن، عندنا بصيرة بالداعي، وبصيرة بالمدعو، وعندنا بصيرة بالواقع. يجب أن نكون فاهمين للواقع جيداً لكي نعرف ندعو إلى الله جيداً؛ فمن الممكن أن تكون عندي بصيرة بنفسي وبالمدو، لكن لست فاهماً للواقع، فأرشد المدعو إلى شيء غير قابل للتطبيق في واقعه.
يجب أن أفهم واقع المدعو؛ فالمقيم في المدن يختلف عن المقيم في الأرياف أو النجوع أو الصعيد أو بلد ثانية، كل واحد يعيش في أعراف وواقع مختلف. أنا مثلاً إذا جئت من ريف أو نجع في الصعيد لألقي كلمة في "التجمع"، لو لم أكن فاهماً لواقع "التجمع" فسأفسد. يجب أن أفهم واقع المدعو؛ فمن يلقي كلمة في الجامعة الأمريكية يختلف عمن يلقي كلمة في الجامعة الألمانية.
يجب أن نبحث عن شيء قريب، فمن جاء من واقع صعب جداً، لا بد أن تتخيل الواقع الذي يعيش فيه، لكي تكون أوامركم ونواهيكم قابلة للتطبيق في واقعه؛ فأنت لا تخاطبه في واقعك أنت، ولا في تربيتك ولا نشأتك ولا أعرافك أنت.
فضلاً عن الواقع العام، فنحن أحياناً لا ندرك الواقع العام الذي يمس الجميع. لذلك ألاحظ في دروسي العامة، في المواضع التي قد يكون فيها اختلاف في المستويات أو الطباع، لا أحب أن أتكلم فيها بالتفصيل، مثل الكلام في أنواع الأكل؛ فقد أقول: "إذا أكلت كذا سيفيدك"، وتجد أن هذا الأمر يمثل حلمًا أو مشكلة لمعظم الناس وأنا غير دريان، فالحلقة هذه لا ينبغي الدخول فيها بمعرفتك أنت أو بطباعك أنت، بل نتكلم فيها كلاماً عاماً؛ وهذه هي البصيرة بالواقع.
كذلك من الأمور المهمة في البصيرة أن تكون بصيراً بوسائل الدعوة، وبمدى قرب تلك الوسائل وبعدها عن الشرع. بعض الناس لديه إشكال في هذا الجانب؛ فإما أن يضيق واسعاً فلا يستخدم الوسائل المتاحة والمباحة في الدعوة، أو العكس، فيفتح الموضوع على البحري، ويقول: "كل شيء في مصلحة الدعوة".
فتلاقيه يدخل في حتت محرمة أو مكروهة أو فيها شبهة كوسيلة للدعوة، ويقعدك في مصلحة الدعوة، وده موجود على أرض الواقع. تلاقي مثلا الداعية عنده فريق بنات ماسك له الدعوة بتاعته، ويتواصل مع البنات، فتقول له: "يا شيخ، إنت تواصلت مع البنات؟"، فيقول: "لا، أنا بس المشرفة بتاعتهم هي اللي بتواصل معايا"، وأنا لا، أنا على الخاص مع المشرفة.
ما شاء الله، الداعية والمشرفة على الخاص، ومع طول الوقت يحصل الألفة. إحنا هنا ما بنتكلمش في مسألة واحدة رايحة تشتري حاجة من محل، دي واحدة 24 ساعة إحنا مع بعض أونلاين. هذه الوسيلة غير مقبولة قولا واحدا، وغير مضطرين إليها أصلاً. فعندك مائة ألف حاجة ممكن تعملها؛ المشرفة دي هاتي لي أخوكِ، هاتي لي جوزك، هاتي لي أبوكِ، حطونا في جروب واحد ويبقى الجروب ده اللي بنتواصل عليه. أو عندك مثلاً زوجتك تبقى وسيط بينك وبين المتصور، أو روح اتجوزها لو مش متجوز.
المهم، هذه وسيلة غير مقبولة. إحنا بنتكلم في إيه؟ إنك تبقى عندك بصيرة بالوسائل الدعوية، وقرب الوسائل وبعد تلك الوسائل عن الشرع وقبول الشرع لها.
المسألة الثانية الكبيرة اللي بشوفها برضه في الساحة هي فكرة إننا نهتم قوي بالظهور بتاعنا، معناها منظرنا عامل إزاي ولبسنا عامل إزاي، ولو هلبس لازم البراند يبقى باين في التيشيرت عشان التصوير، وإني بخاطب الفئة المعينة. إحنا ما بنتكلمش في حاجة حرام وحلال، إحنا بنتكلم في تلك الوسيلة، أنت شايفها إزاي؟
إحنا دلوقتي عاوزين نزهد الناس في الدنيا، زي ما قلنا من شوية، دي قضية محورية؛ عاوزين نزهد الناس في الدنيا ويبقى ما هوش اهتمامهم قوي بالمظاهر واللبس والأكل والشرب والحاجات دي، فده التطبيق العملي بتاعه أهم من الكلام النظري.
ممكن نعمل ده عادي جداً، دي وسيلة، بس ابقى فاهم كويس جداً إن تلك الوسيلة مش هينفع تستمر كده. إذا كنت بعمل ده فعلاً وبعمله لله، يعني بعمله كوسيلة علشان في ناس لو ما شافتش المنظر ده هتنفر، وأنا دي الفئة اللي أنا عاوز أجيبها، فبقى فاهم إني بعمله عشان كده. وهدفي من أهدافي إن الفئة دي ما تفضلش كده، يعني أنا مش هفضل مع الفئة دي ويفضلوا هم معظمين الدنيا وحابين الدنيا وتقييمنا للناس على الدنيا؛ لا، أنا طالع وهدفي وأنا في الشكل اللي أنتم حابينه ده وشايفينه، أبتدي أكسر المعاني دي عندكم أصلاً، علشان بعد وقت هتلاقوني طالع بشكل تاني خالص وبسمت تاني خالص، ويبقى ساعتها مقبول ليكم إن تشوفوا السمت التاني ده موجود وعادي، بعد ما كنت ما بطئش أشوف الكلام ده، وكل ده من تكسير التابوهات دي.
فدي وسيلة، أه وسيلة، بس تظل وسيلة ما بقتش دلوقتي غاية؛ إن بقى لازم يبقى كذا، ولازم يبقى لابس إيه، ولازم الساعة عاملة إزاي، ولازم العربية تبقى باينة. فبقى عندنا بصيره بوسائل الدعوة ومدى القرب والبعد من الشرع، ومهمة جداً وخطيرة: ﴿قُلْ هَٰذِهِ سَبِيلِي أَدْعُو إِلَى اللَّهِ ۚ عَلَىٰ بَصِيرَةٍ أَنَا وَمَنِ اتَّبَعَنِي﴾ [يوسف: 108].
يبقى تعلم إن تلك الطريق أنت فيها متبع لنبي الله ﷺ: «أنا ومن اتبعني». فإحنا عاوزين نشوف نهجه في الدعوة ونهجه في التعامل مع الناس، ودي نؤجلها بقى للإدارة، ممكن ناخد فيها حتة كده عشان الوقت.
شوفوا ختم الآية: ﴿قُلْ هَٰذِهِ سَبِيلِي أَدْعُو إِلَى اللَّهِ﴾، وقل سبحان الله. يبقى وإحنا في الدعوة محتاجين للأوراد. ﴿قُلْ هَٰذِهِ سَبِيلِي أَدْعُو إِلَى اللَّهِ﴾ و﴿قُلْ سُبْحَانَ اللَّهِ﴾. أما يكون معنى "سبحان الله" هنا إشارة إلى مطلق الذكر، يبقى عندنا أوراد وأذكار وكذا، أو يكون "سبحان الله" على معناها؛ يعني تقدس وتنزه سبحانه وتعالى.
طيب، تقدس وتنزه عن إيه؟ خلينا نبقى محددين في الحتة دي؛ سبحان الله تقدس وتنزه عن أن يشرك به قصداً أو توكلاً. ﴿أَدْعُو إِلَى اللَّهِ﴾ لله وبالله، فسبحان الله تنزه سبحانه وتقدس أن أشرك به غيره قصداً، يعني أقصد غيره، التي هي "لله"، أو توكلاً، التي هي "بالله"، فسبحان الله.
ودي كنا عاوزين نتكلم فيها شوية أصلاً كتير في الدرس، بس برضه ما فيش وقت لكده، لكن ممكن تسمعوا درس "أيها المدثر قم"، اللي ما سمعوش واللي سمعه يعيد سماعه، ففي الحتة بتاعة ﴿وَرَبَّكَ فَكَبِّرْ﴾، الدرس ده مهم جداً للدعاء على فكرة. "أيها المدثر قم" مين هنا ما سمعش الدرس ده يا جماعة؟ ما ينفعش، لداعية ما ينفعش. ليه؟ عشان اللي قايله، لا هو ما ينفعش، يعني في معاني مهمة، ممكن يبقى غيري قايلها، يعني المعاني اللي فيه كويسة ومهمة غيري بقى قايلها اسمعوا له عادي، بس يكون على المنهج، أهم حاجة. اسمعوا درس "أيها المدثر قم" على اليوتيوب هتلاقوه، مهم جداً، واللي سمعه من زمان ونسيه معلش يسمعه تاني. اللي أنا عاوزه في "سبحان الله" ده هتلاقوه في الحتة بتاعة ﴿وَرَبَّكَ فَكَبِّرْ﴾؛ في الحتة دي اتكلمنا عن مسألة الذكر ومسألة كده، و﴿سُبْحَانَ اللَّهِ وَمَا أَنَا مِنَ الْمُشْرِكِينَ﴾.
حد هنا مشرك؟ طيب نقف هنا عشان الوقت، ناخد أربع دقائق في الأسئلة. لو شخص يتعلم على يد شيخ، يعرف إزاي هل هو مركز فقط في جزء صغير من الدين؟ هل يكون في بحث خاص مثلاً مع تعلمهم؟ عشان إحنا عاوزين يا جماعة أول حاجة يبقى في دايماً افتقار لربنا سبحانه وتعالى، ودايماً في لجوء إليه، ودايماً في سؤال، والسداد ده مهم جداً.
أعرف منين؟ أعرف منين دي بقى؟ مش بس دي، أعرف منين أصلاً الشيخ ده ما ضال ولا مبتدع، ولا فاسق ولا الكلام اللي بعرفه؟ أنا ماعرفش حاجة، إحنا لسه أبيض. خلاص، فبقى مش حتة إن هو ماسك في حتة صغيرة من الدين ده، إحنا أصلاً الحتة الصغيرة دي هو ده الدين يعني؟ بيقولها صح ولا هو فيها مبتدع أصلاً؟
فده إشكال كبير الحقيقة، والإشكال ده مش حله في أن أقول لك روح اسأل ما هو الثاني، ده يعني ممكن يبقى الأولاني هو اللي صح. واحد يقول لك: لا يا عم في إيه، تعال المسيحيين دول أحسن ناس. الحل الأمثل في هذا هو الله جل وعلا: ﴿اهْدِنَا الصِّرَاطَ الْمُسْتَقِيمَ﴾، اللجوء إلى الله والافتقار بين يديه ودوام السؤال والإلحاح على الله في السؤال أن يهديك.
لو حد عايز يتعلم عن البناء الفكري والنفسي، يتعلم ماذا نقرأ في فقه التعامل مع المدعو؟ أم هي بالممارسة؟ هي أولاً بالتوفيق. مش يعني إيه، يبقى أول حاجة أن ربنا يوفقنا في التعامل. وبعدين ملاحظة أفعال الموفقين؛ ما بقولش القدام في الدعوة، ملاحظة أفعال الموفقين. ممكن الموفق ده يكون لسه جديد، ممكن واحد بقاله 100 سنة وملخبط الدنيا خالص، فنلاحظ الموفقين بيعملوا إزاي وبيتعاملوا إزاي مع الفئات المختلفة والأنماط المختلفة، ثم تمارس بقى ذلك.
التوفيق يجي بإيه؟ بالبناء. كل البناء اللي قلناه بقى يعني يجيب لك التوفيق من ربنا سبحانه وتعالى وتسدد؛ لأن في أوقات أنت ما فيش رفاهية أنك تسأل: هو موقف حصل دلوقتي هعمل إيه هنا؟ لابد أن تلاحظ معنى أن ربنا موجود، هو اللي يوفقني أتصرف إزاي في موقف زي كده، ومع الزمان تلاحظ الموفقين في الدعوة، الموفقين دول مش لازم الأشهر ولا عندهم عدد أكبر، إزاي بيتعاملوا مع الناس؟
دايماً أضرب مثال في ده، أنا بحبه، يعني المثال ده: الشيخ أسامة عبد العظيم كان مرة في منطقته، هو كبير في منطقته يعني حد له مكانة، وبعدين جزار بيتخانق ورفع الصوت وهيموت فثبت الدين ده، أنت هتطلع دي؟ وراح في معدية، مين الشيخ؟ فشيخ أسامة قال له: «قدها يا دودة، معلم اهدأ بس تعالى كده اهو». فالثاني إيه؟ لقى الشيخ كبر، هدي وقعد وقال له: يعني ينفع بقى نسب الدين؟ قال له: والله أنا آسف وأستغفر الله. طب يا شيخ هو معدي سمع، قال له: أنت بتسب الدين مش حاجة. فمحتاجة شوية هدوء في التعامل.
واحد من مشايخنا برضه.. خلاص عشان مش حواديت كلها، بتحبوا الحواديت ولا تحبوا الصلاة في وقتها؟ كيفية التعامل مع اختلافات الرأي في الدعوة في كيان معين، مثلاً تعليم العوام في البداية على اختلافات فقهية وليس قول الجمهور. يعني لو أنت في كيان دعوي والكيان الدعوي ده عنده اختيارات فقهية، تبلغ الاختيارات الفقهية ونربي الناس على أن هذه المسائل مسائل اختلاف سائغ، بس هو في الآخر المكلف لازم هيعمل بحاجة واحدة.
يعني فكرة أن أنا آجي أكلف وأقول له المسألة دي فيها خمسة أقوال وأقول له الخمسة أقوال، ده غلط، ده غلط، يعني ما حدش بيعمل كده أصلاً، لا بتوع فقه المذهب ولا بتوع فقه الدليل. خلينا حتى في المدرستين، يعني ما يقولش إنك تروح لواحد لسه جاي إسلام، جايب أنت بتقول له تعال يا ابني صلي، يقول لك طب والله جميلة هصلي، قولي بقى أصلي إزاي؟ تقول له تعال بقى أنا هقول لك الصلاة إزاي: التكبير فيها مش عارف ثلاث أقوال، والفاتحة فيها 15 قول، هيعمل إيه؟ هيسيبك في الركعة الثانية.
فهو أنت كده كده لازم هتقول له قول. فلو أنت في كيان، الكيان ده معتمد، يعني الكيان ده له رأس علمية وهذه الرأس العلمية لها اختيارات فقهية، فإحنا عشان ما نلخبطش الناس بنقول لهم الرأي ده، اللي هو رأي من آراء كثيرة موجودة، فبنقول له الرأي ده، بس بنربي نفسيته على إيه؟ حتى لو مش في الأول، بس مع الوقت طالما هو هيبقى منتمي ليك ولكيانك يبقى فاهم أن هذه مسائل خلاف سائغ ما فيهاش ولاء وبراء، وما فيهاش أن لو لقيت حد تاني يبقى ما بيفهمش خالص، فهو غير متصور.
ماذا لو واقع المدعو حرام وبالنسبة له غير قابل للتطبيق؟ هو الأول الظهر بيد كام؟ 10، طب ماشي. ماذا لو واقع المدعو حرام وبالنسبة له غير قابل للتطبيق؟ مش فاهم إزاي في خطابات دعوية لحب الدنيا؟ ممكن تفصيل. يعني يقول لك: «المبشرون بالجنة كان ستة منهم مليونيرات»، ولازم نبقى أقوى، أقوى إزاي بقى؟ نبقى بتوع دنيا، بتوع فلوس، معانا فلوس ومعانا عربيات ومعانا فيلات، وهي دي قوة. هو طبعاً بيصدر هذا في الخطاب، يعني هو بيقولكش نبقى بتوع دنيا، هو بيقولك نبقى أقوى، فدي كلها خطابات بتحبب الناس في الدنيا وهذه الخطابات مضرة.
لو أبواي يريدون مني السفر للخارج، مش طايقينك للدرجة دي، أعمل إيه؟ خليك كويس معاهم هيحبوا قربك. الجأ إلى الله، هقول لكم حاجة حصلت لي شخصياً: الجأ إلى الله، وربنا سبحانه وتعالى هيصرف قلوبهم عن ده وهيحبوا قربك.
كيف أحدد أولويات الخطاب؟ لو أنت دعوتك عامة، فشوف القضايا الكلية في الدين، زي ما يقول لك القضايا المحورية في الدين، واتكلم، خليك في فلك هذه القضايا، لو هتخرج بره المصلحة وترجع ماشي. إنما فكرة أن أنا متابع للترندات، دي دعوة غير مثمرة. طب معنى كده أن ما أتكلمش في أي ترند برضه غلط؟ يعني أنت يا جماعة خلونا دي في الإدارة، هنتكلم عنها بالتفصيل، حتة بنحط الهدف وإزاي نوصل له، الحيود عن الهدف هتيجي معانا في الإدارة إن شاء الله.
بيتقال إن حضرتك بتهون من أمر البدعة صح؟ لا، إحنا مش بنهون من أمر البدعة، يعني البدعة اللي هي حرام، هقول عليها إيه؟ حلال؟ ده أنا أبقى فاسق لو ده حصل، إنما في أمور...
هي بيبقى فيها اللي كنت لسه بقول عليه، قول مشهور بين الناس، ولما نهدى كده وندور، نهدى وندور، ده مش أمجد، نهدى وندور ده العلماء يعني يكتشفوا أن القول المشهور ده ساعات بيبقى القول المرجوح، يعني الضعيف في الفقه اللي هو ما حدش قال بيه، أو أن معظم العلماء قايلين بعكسه، أو فهم العلماء مغاير لهذا.
هنا ألم يقع بين نارين؟ أنا بكلمكم في كواليس؛ أن هم يقولوا للناس: «يا جماعة خلي بالكم»، مش عارف يتقال عنهم بقى الكلام اللي اتقال من شوية ده، أو أن هم يسكتوا. فبعض الناس يترجح لهم السكوت ويبتدوا يقولوا الكلام ده للخواص، يعني إيه لطلابهم؟ يفهموهم أن لا، كذا دي مش بدعة، هو المشهور أنها مش بدعة، فيفهموها لخواص الطلاب.
وبعض الناس بيترجح عندهم لا، إحنا لازم يبقى فيه توضيح للعامة وكده ويستحمله بقى اللي هيحصل فيهم. فساعتها بيتقال إيه؟ إنه بقى ده راجل مبتدع وضال، جايبنا نقيم الليل في ليلة رأس السنة! ده اللي اتقال على فكرة، مش هنقيم الليل في ليلة نصف، أنا ما قلتلكوش صح؟ إحنا عاوزين نقيم ليلة النصف من شعبان، قلت لكم ماشي، طالما اتقال بقى عليا كده يعني يتقال بفائدة.
المسائل دي واسعة عند العلماء، طب ليه مش واسعة عندنا أو عند بعضنا؟ لأن إحنا أسراء لخطاب دعوي معين بقى لنا عقود. إنما لو هدينا وفتحنا كتب الأقدمين وقرينا بنفس هادي كده، هنلاقي المسائل دي عادي جدا. طب المسائل دي عادي يعني عندك أنت؟ لا مش عندي، أنا ده عند مشايخنا.
مشايخنا دول هم مين؟ هم العلماء، يعني واحد زي الشيخ أسامة عبد العظيم ده، باتفاق الموافق والمخالف من أعلم أهل مصر، إذا ما كانش أعلم أهل الدنيا في وقته؛ ده حتى المخالف ليه بيقول كده. فالشيخ أسامة عبد العظيم مثلاً يجي في الطلاق الثاني يقول لك إيه بتاع الميلادية، يقول إن إحنا نحشد الناس إلى بيوت الله، مش نقول لهم يصلوا في، نحشد الناس نقول لهم: «كله على الجوامع»، دي فتوى الشيخ وغيره، مش هو بس، أنا بكلمكم في الناس المعاصرة.
فأنا اللي عملته بس جديد أن أنا أشهرت تلك الأقوال، ما عملتش حاجة ثانية، بس مش معنى كده أن أنا عدل، يعني أنا يمكن في حاجات أسوأ من دي، بس دي أرجو أن ما تكونش فيه، أرجو.
كيف يكون عندي بصيرة بالمدعو؟ سؤال كبير، إحنا هنا مش جايين يا جماعة، إحنا قلنا لكم دورة أمة مش هتطلعك إمام أو أمة، يعني مش هتطلعك رجل أمة، إحنا بنديك حتة من كل حتة عشان تعرف وتبتدي، مش نسبة كبيرة في الدين لكن ثقيلة في الدين. فالناس تقول إيه؟ «أهم من تعليم عقيدة الناس»! ده ظاهر ش بيلقح عليا، مش كده؟
العقيدة اللي الناس لازم تتعلمها مش تفاصيل العقيدة اللي أنتم اللي في دماغكم دي خالص. ما تجيبش الواحد العمي كده وتقول له تعالى أنا هفهمك يعني إيه استواء، وهفهمك يعني إيه كلام، وهفهمك يعني إيه حلول الحوادث، وهفهمك يعني إيه قياس الغائب على الشاهد. والعمي إيه اللي دخله في ده؟ إحنا عاوزين الراجل يصح اعتقاده إجمالاً كده.
طب ده كلام أمجد؟ هذا إجماع أهل العلم، هذا إجماع. طب في ناس ما بتعملش، ماشي كده، أنا مالي؟ أنا مالي؟ روحوا بقى قولوا لهم، هم أنتم ليه بتعملوا كده ومضيعين دين الناس؟ هتلحوا بسببكم عمالين تتخانقوا على المسائل دي على العام وقدام الناس اللي لا هي فاهمة أصلاً دين ولا فاهمة.
فالراجل يعمل إيه؟ ما أصل يا ريت كل واحد بيعرض قوله وخلاص، لا، بفسق المخالف ويكفره. فالمخالف يفسقني ويكفرني، فالراجل العم اللي قاعد كلكم ولاد إيه؟ طب أنا هسمع مين بقى؟ يعني أنا هسمع مين؟ أنا خلاص بلاها دين بقى خالص!
اللي أنا بقوله ده طرف عقل، تصور عندي، أنا ما بقولش تصورات عندي، أنا بقول لكم ده الواقع، والأسئلة بتجي لنا كده. ففكرة أنه ما فيش أهم من بص كلام جميل، هي إيه العقيدة اللي ما فيش أهم منها؟ إيه العقيدة اللي مش أهم منها؟ أن نعرف هل تحل فيه الحوادث أو هل هو يحل في حادث؟ دي العقيدة ما فيش أهم منها أصلاً. ممكن أسأل سؤال، الكلمتين دول مش عارف إيه هم اللي أنا بقولهم دول؟ أهو وده واحد جاي داعية وبقى له سنين وأول مرة يسمع الكلمتين دول اللي أنا قلتهم دول، والكلمتين دول أصلاً أصل الخناقات اللي دايرة، أصلاً بقى يعني بدايتها مسألة حلول الحوادث اللي شُنِّع فيها على ابن تيمية رحمه الله، هو بقى مش عارف حتى الكلمتين اللي أنا قلتهم دلوقتي، هو مش عارفهم، اللي بعت السؤال ممكن الله أعلم عاوز بقى يشغل بيها العمي ده، ده مش دين ده.
حضرتك اتكلمت عن أهمية عدم ترك الثغور الدعوية لاختلاف الظروف الحياتية، طب إحنا في مجتمع النساء بنتجوز وبيحصل مش عارف إيه؟ وده سؤالين جايين بنفس المنظر ده، إحنا المفروض هنتكلم عليه في الإدارة إن شاء الله، بس لأنه سؤال مهم خلاص نجاوبه هنا ونشيله من درس الإدارة دلوقتي.
الستات اللي بتتجوز ودي عندنا مشكلة كبيرة جداً في الحقل الدعوي في الحتة دي، من الناحيتين، من ناحية الأفراد ومن ناحية الكيانات الدعوية. خلينا نبتدي بالكيانات الدعوية عشان نخلص القصة دي، الكيانات الدعوية اللي هي الدور أو المؤسسات الدعوية النسائية.
في بعض الدور أو المؤسسات الدعوية بتشجع النساء اللي اتجوزت -بعلم أو بدون علم بقى أو بجهل يعني- أن هي تطلق! إزاي؟ إزاي البنت تتجوز؟ كانت قبل الجواز ليها قدر من البذل، نقول أي رقم مثلاً ٢٠ ساعة في الأسبوع، أي رقم يعني، اللي هو طبعاً الدور والكيانات مش بتحسبها، مش فاهمة هي بس هي إيه بيسموها إيه، شايلة ثلاث حلقات مثلاً. فبعدين اتجوزت، فيلاقوا الكيان الدعوي اللي هم بينتموا ليه -ده طبعاً ارتباطهم بالكيان بيبقى ارتباط روحي قوي لأن بقى لهم سنين فيه- فيلاقوا الكيان ده بيطلب منهم نفس القدر من البذل بعد الجواز. وبعدين تيجي البنت تقول لا والله مش قادرة، يقولوا ما إحنا يعني عشان تفضلي معانا، فهو لازم تبقي كده، الكلام ده من أرض واقع.
فالبنت طبعًا ساعتها بتبقى بين نارين؛ يا تسيب يا تسيب، وهي بتحاول ما تسيبش حاجة من الاثنين، فتقوم تعمل إيه؟ تيجي على حساب بيتها وحياتها، فشوية جوزها ما بيطقش ده يقوم مطلق.
اللي أنا بحكيه ده مش سيناريو كده أنت بالليل حلمت بيه وقمت، لا، دي حالات على أرض الواقع، وفي بعض الكيانات الدعوية على الأرض بقت معروفة، وبقت نسبة المطلقات فيهم كبيرة، أو نسبة البنات اللي ما اتجوزتش. مش مثلاً مطلقات ففاضيين فراحوا هناك، لا، ده هم اطلقوا بسبب سوء الإدارة. المفروض هتكلم عن الإدارة على فكرة، فيكون الكيان الدعوي -وطبعًا في كيانات لا مركزية في الحتة دي بالذات يا جماعة، وأنا آسف بس لازم أتكلم بتفاصيل شوية- رأس الكيان لو هي واحدة اتجوزت وخلفت وعاشت الحياة دي غالباً بتبقى ناجحة في إدارة الجزئية دي.
لو لقيتوا رأس الكيان واحدة ما اتجوزتش أصلاً، أو واحدة جوزها ميت، أو واحدة ما خلفتش، ساعات ما بتبقى هي ما تقصدش تعمل ده بس هي مش فاهمة إن في ظروف تانية أو في أعباء أخرى شرعية. الأعباء دي أعباء شرعية؛ يعني الاهتمام بالزوج ده شرع، والاهتمام بالأولاد ده شرع دين، فممكن تبقى هي مش واعية قوي للتفاصيل دي، فتقعد تدوس على اللي تحتها لأن هي شايفه نفسها: «ما أنا كده أهو، ما أنا بعمل أكتر منكم كمان»، أيوه، أنتِ ظروفك غير ظروفنا.
تقوم تفشل في الحتة دي، تفشل في إنها تدير الظروف المختلفة للأشخاص اللي تحتها. فلازم الستات بالذات، أو يبقى اللي على الراس بس راجل، هو كده كده مطرود من البيت وقاعد 24 ساعة في الشارع. فالمهم ناخد بالنا من الحتة دي كمنظمات أو ككيانات دعوية موجودة، سواء دور أو كيان بيلم البنات يدعو إلى الله وحاجات زي كده.
بالنسبة للبنات نفسهم اللي بيتجوزوا، لازم يبقى عندنا مفهوم أوسع شوية للعبودية. العبودية مش بس هي الصوم والصلاة والأوراد والقرآن والدعوة، في ألوان أخرى من العبودية، زي ما قلنا لك، الاهتمام بالزوج تثابي عليه إن شاء الله، والاهتمام بالأولاد تثابي عليه، إلى غير ذلك من الأعباء الدنيا.
إنما اللي بقوله دايماً في الحتة دي، وقلناه وأشرنا إليه قبل كده، موضوع «الاسترتشينج»؛ اللي هو حاولي ما تبقيش كده، أنا كنت بدي قد كده، فالشويه اللي كنت بديهم في الدعوة هيتقسموا على البيت والدعوة. طب بندوس على نفسنا شوية؟ بدل ما هم كانوا مثلاً 20 ساعة هنخليهم 30 ساعة، دول هناخدهم منين؟ هتلاقي بقى شويه بنقعد على التليفونات مالهاش لازمة، شوية سرحانين في السقف ما بنعملش حاجة مالهاش لازمة، شوية قارفة جوزي وبتخانق معاه مالهاش لازمة. وفري طاقة ووقت واستغليه بحيث إننا ما نسيبش كتير؛ كده كده يعني هنسيب قدر من هنا عشان نزود قدر من هنا، يعني نشيل هنا ونحط هنا بس عشان ما نسيبش كتير.
أرجو إن أنا أكون أتيت على هذا السؤال، والسؤال ده مهم جداً. الجزء الأخطر فيه هو الجزء الأول، فأرجو الستات اللي قاعدة اللي ماسكة كيانات، أو تعرف توصل الكلام ده للستات اللي ماسكة كيانات وبيتعاملوا بالطريقة دي، إنهم يراجعوا أنفسهن.
طيب، السؤال ده خلاص، خلينا نشوف سؤال تاني مهم: الاختلاف بين الدعاة: الأولى تحشيد الجهود والتعاون، أم العمل الفردي والتركيز على المدعوين حتى لا تزيد روح الفرقة في العمل الدعوي؟ للأسف لا نتفق، للأسف. ما بتضحك ليه؟ علم الإدارة. الإدارة أخدتها حلو، طيب هنقرأها كمان شوية. مش فاهم السؤال: الاختلاف بين الدعاة؛ الأولى تحشيد الجهود والتعاون، مع إننا ما بنتفقش؟ طب إزاي هنحشد الجهود ونتعاون أم العمل الفردي والتركيز على المدعوين؟ ما هو لو ما فيش اتفاق هنتعاون إزاي؟ مش متخيلها دي.
نركز في دعوتنا ويسلم إخواننا من سنتنا، وبس ده اللي نتمناه. لو حد لم يحضر كل اللقاءات، زائد لم يتمم التكاليف، زائد الختمة لم تكتمل، يعني جمع ألوان الكفر كلنا، الكفر بالنعمة يعني إحنا في نعمة ينفع ياخد شهادة؟ ما فيش حاجة واحدة، اللي ما حضرش كل اللقاءات أو ما تممش كل التكاليف أو ما كملش الختمة مش هياخد شهادة.
وبعض المشتركين يقولون: «هذه أمانة بيني وبين الله»، مش فاهم، ما تممش وعاوزين ياخدوا الشهادة؟ ودي أمانة إيه؟ الأمانة إنهم هيكملوا. هو أنا ليه بقول لا؟ علشان إحنا عندنا حتتين محتاجين يتظبطوا؛ أول حتة إن عندنا لا مبالاة، الدنيا وسرعتها خلتنا شايفين الحاجات سهلة، وتاني حاجة ما عندناش حسن إدارة للوقت. فالمادة دي خلاص خدوه الشهادة، هيستفيدوا بيها إيه؟ أنا ما عنديش تأنيب ضمير إني أقول لا ما فيش شهادة، لأن في الآخر المادة اتاخدت، والشهادة هيستفيدوا بيها إيه؟ ولا حاجة.
هل أحاسب على المهارات والقدرات المعطلة التي لا تستثمر في العطاء مقابل المكوث في المنزل وطلب العلم وتربية الأطفال الصغار لطاعة الزوج وتفضيله؟ لذلك كان الخطاب هنا من عدة أوجه؛ الوجه الأول إن لو فعلاً شايفة عندك المهارات وشايفة إن في ثغر أنتِ ممكن تكوني فيه، وبعدين الزوج قال لك لا، أول شيء إنك تشوفي ده فعل الله بك. فإذا كنتِ في الحرمان، يبقى ده استدعاء للتوبة والاستغفار علشان ربنا يسهل لك الخير. يبقى الزوج ده ما هو إلا أداة أن تحرمي، وقلبه بين أصبعين من أصابع الرحمن يقلبه كيف شاء. بكره يجي مبسوط وبيقول لك روح يلا.
فيبقى دي أول حاجة، يبقى نرى ذلك فعل الله بنا أن يحرمنا الخير؛ ده أول معنى تستحضره. المعنى الثاني أن ساعات بيبقى في أبواب خير كتير وإحنا قافشين في باب واحد؛ يبقى مثلا في باب إن أنا أدرّس، لو أنا مثلاً بتاعة قرآن في باب إن أدرس من البيت أونلاين، لكن أنا أفشى دماغي في إني أنزل، فجوزي قال لا مافيش نزول، قد يكون ليه معنى، هو شايف ما يمكن الراجل يبقى متسلط، وممكن الراجل لا، شايف إن ده بيؤدي إلى مشاكل، ففي ساعتها نحاول أن نرى الله عز وجل منا خيراً في باب آخر. وكان المعنى: يا رب أنا لن أبرح، أنا كده كده مقيمة على طاعتك وعلى الدعوة إليك.
دول المعنيين اللي حاضرين بس، ده سؤال فردي فمش عايزين نطول فيه. لو مش عارف أتعامل بصدر واسع مع مجموعة بسبب أذى شخصي وشايفهم متعصبين لجماعتهم، إزاي أبطل أحس في صدري إن صدري مش سليم تجاههم؟ السؤال ده مهم، لو قلنا عاوزين كم واحد عاوزني أجاوِز، ماشي مش سؤال جماهير، هل ترك الثغر بسبب ظروف شديدة وطارئة، ده ترك للثغر حتى لو هرجع بعد فترة؟
نفس الجواب معانا هنا، إنه نرى ذلك الظرف الشديد نراه فعل الله بنا، وكأنه سبحانه يعاقبنا بجنس ما اقترفت أيدينا. يعني هو رأى منا سبحانه تقصيراً في الدعوة فعاقبنا بحرماننا الدعوة. يبقى كان في وقت ما عنديش الظرف الشديد ده وبلّغ حلقة، لأقل شيء يعرض، بلّغ الدين من حياتي، وبتعامل بأمان إن الحلقة دي موجودة وتحت إيدي في أي وقت هجيبهم وأي وقت أروح لهم، فيقوم ربنا سبحانه وتعالى يعاملنا بجنس ما فعلناه.
دي الحلقة اللي أنت فاكر نفسك تحت أمرك يعني وهتجي لك في أي وقت، طب أدينا هنبتليك بعوارض حقيقية شديدة تمنعك من الدين، فده برضه مقام استدعاء التوبة والاستغفار، واستحضار تلك المرات التي ألغينا فيها الحلقات والدروس والمحاضرات لأقل عوارض ممكن كان ممكن نهندلها ونعدي الدنيا، أو لدنيا ما فيش مش عارض أصلاً؛ يعني تيجي عزومة فنلغي الدرس، تيجي خروجة فنلغي الحلقة، تيجي سفرية فسحة، فدي محتاجة توبة. نقعد نستحضر تلك المرات اللي بدينا فيها الدنيا على الدين، أو خلينا الدين أخف من نفس العارض ده؛ لو كان عارض لينا وأنا رايح الشغل، كنت هروح الشغل وأجي على نفسي، بس لما عرض لوقت الحلقة لغيت الحلقة، فده كله محتاج استحضار وتوبة واستغفار ومعاهدة لله عز وجل إن ده مش هنعمله تاني، يقوم ربنا يكشف عنا العوارض الشديدة اللي منعتنا الخير دي.
السلام عليكم. وعليكم السلام. هل يحدث أحياناً للداعي في سبيل الله أن ترهقه الدعوة وتتعبه نفسياً، خصوصاً مع كثرة الجدال في الدعوة في النساء، وكيف أخرج نفسي من هذا الفخ؟
طبعاً قد يحدث، وحدث للنبي ﷺ الإرهاق في الدعوة. ممكن يجي من أمور، أول أمر أنه يبقى من شدة حرص الواحد على الناس وتدينهم وما يلاقيش ده حاصل، يقوم يتضايق ويتأذى نفسياً، ده حصل للنبي ﷺ: ﴿فَلَعَلَّكَ بَاخِعٌ نَّفْسَكَ عَلَىٰ آثَارِهِمْ﴾ [الكهف: 6]، باخع يعني قاتل، لعلك قاتل نفسك. فده جزء نفسي، عبء نفسي ممكن يحصل للداعية من الاتهامات اللي بتوجه إليه والشتيمة اللي بتناله، حصل للنبي ﷺ: ﴿لَا يَحْزُنْكَ الَّذِينَ يُسَارِعُونَ فِي الْكُفْرِ﴾ [المائدة: 63]، إحنا عارفين كويس إنك زعلان من اللي بتسمعه، فكان النبي ﷺ يزعل من ده.
«ويا أيها المدثر»؛ إن شاء الله الدرس درس مهم جداً يا جماعة، فعلاً معانيه مهمة، اللي باعت السؤال ده لازم تسمع درس «يا أيها المدثر»، لأن معانيه مهمة لأي داعية. فكان في الأول «يا أيها المدثر» مما قيل فيها إنه لما كذب وبلغوا تكذيب قومه ليه راح دخل ودثر نفسه وغطى وشه، عارفين لما واحد يبقى مهموم وقاعد عامل كده من همه، فتأثر ﷺ فنزل: ﴿يَا أَيُّهَا الْمُدَّثِّرُ * قُمْ فَأَنذِرْ﴾ [المدثر: 1-2]. ما تدخلش في الآية في الزون دي، ما تسلمش نفسك لهذا، وده المفروض إحنا بنشرحه باستفاضة لو بندي البناء النفسي.
الجواب ممكن ده يحصل، حصل للنبي ﷺ، لكن القرآن.. صلوا على النبي.. خلاص، طب إزاي نطلع من ده؟ إزاي نطلع؟ مهم ولا نعديها؟ بتقول مع كثرة الجدال، يبقى إحنا أول حاجة لا نسلم أنفسنا للجدال أصلاً، «وأنا زعيم ببيت في ربض الجنة لمن ترك المراء»، والنبي ﷺ هنا يشير إلى أعظم حجة أو شبهة بتدخل على الواحد، قال: «وإن كان محقاً». لأن الاثنين عمالين نحر بعض، يقول لك أصل أنا معايا الحق ولو سبت.. ما هو النبي قال كده ﷺ: «أنا لمن ترك الجدال وإن كان محقاً».
طيب يعني أسيب أهل البدع يقولوا الكلام؟ اللي بيتقال هنا، الإمام الآجري في «الشريعة» له فصل خطير يقرأ، بالذات كلامه، يعني هو «الشريعة» للآجري فيه آثار، وفي النص هو بيقول كلام في فصل عن الجدال والمراء، مش فاكر اسمه دلوقتي، كنا قرأناه كامل من 15-16 سنة كده وعندي التسجيل بس مش فاكر فين برضه. المهم ألفاظ ده مهم جداً جداً لأنه بيعرض كل الشبه اللي بتتقال، اللي منها الشبهة دي اللي هو يعني أسيبه مش عارف إيه وبتاع، فيقوم يقول لك لا، هتبين الحق وتسكت، طب جه قاعد يناقشك ما تناقشوش.
اقرأوا يا جماعة الفصل ده، مهم جداً جداً لأنه ليه علاقة بالآية وباللهجة اللي قايمة دلوقتي اليومين دول، كتاب «الشريعة» للآجري، فيه فصل عن الجدال، شوفوا كده في الفهرس وطلعوا الفصل ده واقرأوه، الدنيا هتنور قدامكم. وطب وما محمد بن حنبل ناظر المبتدعة؟ هيقول لك كل ده في الفصل. اقرأوا الفصل ده، مهم جداً وخطير. يبقى أول حاجة ما نسلمش أنفسنا للجدال وما نتسحبش للحتة دي بالذات بقى على السوشيال ميديا، ودي دايماً نصيحتي للشباب الدعاة، إنك قلت حاجة صح في التعليقات، قعدوا يسحبوك ناحية الجدال كأنك..
لو ما عندكش القوة النفسية دي، اقفل التعليقات. انظر من واحد فيهم إنه فعلاً عاوز يتعلم، فعلاً هو وده الأجر، كل اللي أنا بقوله ده يا جماعة هو كلام الأجر في الشريعة.
فواحد انضم من إنه فعلاً يريد الحق، عاوز يتعلم الحق، علمه. خلاص، هيبدأ يجادل وبتاع، خلاص اقف هنا. قد الأجور يقول لك إيه: "قد عرفت ما عندي وعرفت ما عندك"، خلاص كل واحد. إحنا هنا ليه بقى بنعمل إيه؟ خلاص يعني أنا عارف، قولك كنت عارف، قولي خلاص، الموضوع انتهى. فدي واحدة من الحاجات، عامل كبير مؤثر على النفس، وفي نفس الوقت مضيع للمجهود الدعوي.
يا جماعة، الطاقات المبذولة في الأخذ والرد دي لو وجهت لبناء الأمة هنبقى عاملين إزاي؟ طبعاً الشيطان يدخل يقول لك إيه: "ما هو إحنا هنا في بناء الأمة وأنت يعني عاوزنا نسيب المشتتات؟"، يا عم أنا اللي عاوزك سيب أنت، خليك في حالك، خلاص قد عرفت ما عندي وعرفت ما عندك. فده سيبه؛ أنت بتنصحه وتقول له يا ابني وجه الطاقة دي، أنت عشان تطلع الرد ده قعدت تحضر قد إيه؟ سيبكم من الرد اللي بيطلع في خمس دقائق، أنت قعدت تتحضر عشر ساعات عشان تطلع بالرد ده، وفي الآخر مسألة في أولويات عنها بكثير ولن تُحسم.
برضه دي مشكلة كبيرة جداً، يعني إحنا بقى لنا مئات السنين عايشين في خناقات، مثلاً بين الأشاعرة والأثرية. إحنا جايين نعمل إيه دلوقتي؟ أي واحد لو فاتح الكتب هيعرف أدلة دول وأدلة دول، اللي إحنا أصلاً مهما اتشقلبنا، بتوع دلوقتي ما يعرفوش يعرضوا 1% من الأدلة اللي في الكتب أصلاً. المسألة دلوقتي مسألة بروباجندا أكثر منها ثقة علمية، يعني اللي بيكسب هو اللي صوته أعلى، اللي عنده كاريزما، مش بالضرورة أدلته حقيقية. كل اللي أنتم سامعينه والخناقات دي ولا 1% من اللي في الكتب، فإحنا جايين نعمل إيه دلوقتي؟
يبقى نبعد عن الجدال في الدعوة، هي بتقول: "كثرة الجدال في الدعوة"، فإحنا هنبعد عن الجدال. كيف أخرج نفسي بقى من هذا الفخ؟ يبقى إحنا مش هنجادل دي حاجة، وهنقبل على شؤوننا ونتعلم دين ربنا، واللي هتيجي تجادلك طبعاً ده صعب.
إذا كان في الرجال اللي هم أصلاً ما بيحبوش يتكلموا وبيقعدوا يجادلوا ويكتبوا، والله العظيم أنا ساعات بشفق، والله ما بهزر، على الناس اللي بتدخل تشتم في التعليقات. لما ألاقيه مثلاً كاتب كلام كثير، ببقى صعبان عليا، أصل أنا هعمل له بلوك، أول ما بلاقيه. أنا على فكرة مش بهزر والله، بيبقى صعبان عليا، يعني هو تعب، بيقعد يكتب كل ده فالرجل تعب، فبيبقى صعب؛ أنا ما عنديش طاقة أكتب ده كله، والله ببقى بحسده، يعني أنت شاطر إنك كتبت كل ده. فده في الرجال، الستات بقى نقول لها اسكتي، حاولي تسكتي وتبعدي عن أي مصدر للجدال إن شاء الله، عشان نخرج من الحالة النفسية دي.
الشيخ أمجد سمير