دخولتسجيل الدخول

٢٠- تابع باب آداب السلام و اللقاء و الإستئذان

أمجد سميرالشيخ أمجد سمير
  • مدة الدرس:
  • قراءة

بسم الله والحمد لله والصلاة والسلام على رسول الله وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي وأزواجه أمهات المؤمنين وذريته وأهل بيته كما صليت على آل إبراهيم إنك حميد مجيد.

قال: ويكره منك الانحناء مسلماً، وتقبيل رأس المرء حل وفي اليد. يكره الانحناء في السلام لما روى أنس، قال: قال رجل: يا رسول الله، الرجل منا يلقى أخاه أو صديقه أينحني له؟ قال: لا. قال: فيلزمه ويقبله؟ قال: لا. كنا تكلمنا عن مسألة الانحناء، وقلنا المذهب الكراهة، والسجود قلنا المذهب الحرمة، والانحناء المبالغ فيه إلى أن يشبه السجود من غير وضع الجبهة. إيه الحكم؟ المذهب على هنا برضه الكراهة طالما الجبهة ما لمستش، قلنا ساعتها إنه يتنازع الأصلان؛ إنه قرب للسجود جداً فكأنه شبه السجود، وفي نفس الوقت هو انحناء. قال بالكراهة ماشي، وضبطنا المسائل دي قلنا عشان الألعاب القتالية اللي بينحنوا لبعض، فهذا الانحناء مكروه وليس حراماً. وتكلمنا ساعتها في السجود عند القبور، اللي بيحدث عند القبور وكده، اتكلمنا ده كله ولا لأ؟ ماشي.

قال رجل: يا رسول الله، الرجل منا يلقى أخاه أو صديقه أينحني له؟ قال: لا. قال: فيلزمه ويقبله؟ قال: لا. قال: فيأخذ بيده ويصافحه؟ قال: نعم. حسنه الترمذي. طبعاً هم لهم قاعدة إنه النهي إن كان في باب الأدب فيفيد الكراهة، لأن ممكن بعض الناس يقولك إيه ما هو قال له، والنهي يفيد التحريم، حد فاهم أنا بقول إيه؟ هما قالوا إن الأمر والنهي في باب الآداب يفيد الاستحباب، والأمر يفيد الاستحباب والنهي يفيد الكراهة، وقد ورد النهي عن السلام بالرؤوس والأكف والإشارة لأنه فعل أهل الكتاب.

قولها تقبيل رأس المرء حل وفي اليد إشارة إلى إباحة التقبيل، وقد قبل النبي صلى الله عليه وسلم. وقالت عائشة: قدم زيد بن حارثة المدينة ورسول الله صلى الله عليه وسلم في بيتي، فأتاه فقرع الباب، فقام إليه رسول الله صلى الله عليه وسلم فاعتنقه وقبله. حسنه الترمذي. حسن مين؟ حسن زيد ولا حسن الأثر؟ بس هو إيه؟ فاعتنقه وقبله حسنه الترمذي، تحس إن الثلاثة هما حاطين فاصلة عندي، لأ هو إيه؟ ففاعتنقه، وقبله، حسنه الترمذي. وقال ابن عمر في قصة قال فيها: فدنونا من النبي صلى الله عليه وسلم فقبلنا يده. رواه أبو داود.

وعن صفوان بن عسال قال: قال يهودي لصاحبه: اذهب بنا إلى هذا النبي. فأتينا رسول الله صلى الله عليه وسلم فسألاه عن تسع آيات بينات، فذكر الحديث إلى قوله: فقبلا يده ورجله، وقالا: نشهد أنك نبي. رواه الترمذي. دلوقتي إذا كان الانحناء تبعاً لا أصلاً، المسألة دي محتاجة بحث؛ بعض إخواننا وبعض الدعاة وبعض المشايخ ينهر بشدة اللي يقبل يده فينحني، يقوله ما تنحنيش ويزعق وكده يعني، رأينا من كذا حد يعني.

كان دائماً يقع في روعي إنه هذا الانحناء غير مقصود، هو الانحناء للتقبيل فقط وهو غير مقصود، الانحناء أتى تبعاً وليس أصلاً، يعني أنا مش جاي أنحني لك، أنا جاي أقبل يدك وهذا مشروع، يعني أقل أحواله الإباحة، لأن بعض العلماء يستحبون تقبيل يد العالم أو يد، فأقل أحواله الإباحة فهو مباح، طب عشان يحصل ده هنحني فيرد يقولك لأ ما أنت ممكن ترفع يدي ليك، ما يعني مش أنت اللي تنزل ليدي، فهذا الحديث بقى فيه فقبل يده ورجله، فمحتاجة بحث الحقيقة فكرة إنه هذا الانحناء إن جاء تبعاً فهل ينهى عنه؟ وطبعاً اللي بينهى بيقعد يقولك ما تركعش وكده، أو يعني هم بيقولوا إنه حرام يعني، أنا ما أعرفش مين قال إنه حرام بس هم بيقولوا كده يعني.

هو إيه اللي حصل؟ فكرني، كان أحمد قاعد الإمام أحمد قاعد، وبعدين راح عامل إيه بقى؟ دي جت معانا في باب إيه؟ تعرفوا تجيبوه بسرعة دلوقتي؟ يعني مثلاً هو إيه جاي عاوز يحضنه أو حاجة فطب أصل ممكن يبقى كده مش مسألة الانحناء يعني، هو مد إيديه بس يعني هو لا الإمام أحمد قاعد فراح مد إيديه بس، ما جاش يوطي عشان يحضنه، يعني بيقول آه يعني أحمد بن حنبل قال إن ده أدب إن هو لو كان جه مثلاً يوطي عشان يحضنني كان هيضطرني أقوم عشان أحضن، يعني أظن ملهاش دعوة قوي باللي إحنا بنقوله ده.

قال: ويباح تقبيل اليد والرأس تدينًا وإكرامًا واحترامًا مع أمن الشهوة، وظاهره عدم إباحته لأمر الدنيا وعليه يحمل النهي. يبقى يباح تقبيل اليد والرأس تدينًا، لو كان ذا دين هذا الذي نفعل ذلك تقربًا إلى الله، ده معنى تدينًا؛ إنك تقبل رأس العالم، رأس شيخك زي كده. وإكرامًا واحترامًا، وظاهره عدم إباحته لأمر الدنيا، يبقى متقعدش تتملق وتتمحلس لبتوع الدنيا عشان تنال دنيا، وعليه يحمل النهي.

قال حميد بن زنجويه قد جاء عن النبي صلى الله عليه وسلم أنه نهى عن المعانقة والتقبيل. طب هذا النهي يحمل على إيه؟ يا ابني، أمر الدنيا، نهى عن المعانقة والتقبيل لو لأمر الدنيا؛ لو واحد بيعمل ده علشان الدنيا. وقد صح أنه عانق جعفرًا وقبله عند قدومه من أرض الحبشة، وأمكن من يده حتى قبلت صلى الله عليه وسلم، وفعل ذلك أصحابه ولكل وجه عندنا. فأما المكروه من المعانقة والتقبيل فما كان على وجه الملق والتعظيم وفي الحضر، يبقى بيتملق له لينال دنياه، وفي الحضر يعني اللي مش جاي من السفر. ماشي، طبعًا في الحضر هل بإطلاق؟ إحنا قلنا لو في الحضر وطالت غيبته أباحوا له، إنما من اعتاد، يعني مش كل ما إيه واحد بتشوفه كل يوم، أو واحد بتشوفه كل ما تسيبه في الصلاة وترجع تروح مسلم عليه وبتاع، قالوا لا.

ماشي، فأما المأذون فيه فعند التوديع والقدوم من السفر وطول العهد بالصاحب أهو، يبقى حتى لو في الحضر لكن طال العهد، يبقى نسلم ويبقى نبوس ونقبل يعني ونعانق، وطول العهد بالصاحب وشدة الحب في الله، يبقى كلنا نبوس بعض بعد كده ونحضر بعضنا خلاص. وإنما كره في الحضر فيما يرى، لأنه يكثر ولا يستوجبه كل أحد. المرة اللي فاتت تلخبطنا فيها ولا إيه عندكم؟ يستوجبه. فإن فعله الرجل ببعض الناس دون بعض وجد عليه الذين تركهم، هيزعلوا أنت سلمت على دول ما، أو بست دول وحضنت دول وإحنا لأ، وظنوا أنه قد قصر بحقوقهم وآثر عليهم، وتمام يبقى عشان كده قالوا إيه يبقى بلاش في الحضر إلا لو بعد غيبة بقى.

وتمام التحية المصافحة انتهى كلامه حكاه عنه البغوي في شرح السنة. وهذا التوجيه ظاهر كلام أحمد، قال المروذي: سألت أبا عبد الله عن قبلة اليد فقال: إن كان على طريق التدين فلا بأس، قد قبل أبو عبيدة يد عمر بن الخطاب، وإن كان على طريق الدنيا فلا، إلا رجلا يخاف سيفه أو صوته، واضح الكلام. وقال المروذي أيضاً: وكرهها على طريق الدنيا انتهى.

وقال البراء رضي الله عنه: فدخلت مع أبي بكر على أهله فإذا عائشة ابنته مضطجعة قد أصابتها حمى، فرأيت أباها يقبل خدها ويقول: كيف أنت يا بنية؟ رواه البخاري. طب مضطجعة هيقبل خدها إزاي؟ هينحني مش كده. الانحناء عمري ما شفت إشكال يعني، ده كنت دايما ألاقي بعض وبقوا بعض مشايخنا بقى التانيين عادي جداً يعني يويويو ممكن من يده والناس توطي عادي يعني، ما كنت بقى مستغرب اللي عمال يعني يزعق وما تنحنيش ولا، مش فاهم ليه يعني، يعني ما فيش حد وهو بينحني في نيته الانحناء أصلا، يعني هو ما ما كانش عندي فيها شبهة يعني، ما وبعدين ما ما لقيت ده بقى دخل لي وسواس وأنا صغير لسه، وبقيت إيه بلطج على أروح شادد إيده لفوق كده وهندمه إنه، الموضوع بسيط يعني إن شاء الله، بس خلينا نبحثه يعني.

وسئل أحمد عن الرجل يقبل أخته، قال: قد قبل خالد بن الوليد أخته. وقال تميم بن سلمة التابعي: القبلة سنة. وقال مهنى بن يحيى: رأيت أبا عبد الله يرحمك الله، قال مهنى بن يحيى: رأيت أبا عبد الله كثيراً يقبل وجهه ورأسه وخده، يعني أحمد، ولا يقول شيئاً، ورأيته لا يمتنع من ذلك ولا يكرهه. ورأيت سليمان بن داود الهاشمي يقبل جبهته ورأسه، لا يمتنع من ذلك ولا يكرهه. ورأيت يعقوب بن إبراهيم يقبل جبهته ووجهه.

ده يفيدنا إيه يا شباب؟ طبعاً يفيدنا أن العالم منظور حتى في أفعاله، وهذا ينبغي أن يكون؛ لو قاعدين مع حد نعلم منه العلم مع الديانة، يعني أنه يطبق ما يتعلمه، فمجرد أن أنت ترمقه تستفيد أموراً، يعني شوف هنا بينقلوا إيه؟ يقولك إيه أنا شفت أحمد بن حنبل بيتباس، فلما لما يحصل ده مع شدة تحريه للسنة، يبقى كأنه لا يرى بذلك بأساً، دي أول حاجة. تاني حاجة تفيدنا حاجة هي لا ينبغي أن تكون لكنها موجودة فلابد أن إحنا ننتبه، لأن برضه الذي يظهر عليه التدين منظور ومرموق، مرموق من الرأي يعني مش مرموق يعني ذو مكانة، فييبقى برضه ينتبه لأفعاله وأقواله وحركاته وسكناته علشان ما يبقاش فتنة لغيره، ماشي؟

يعني الناس دلوقتي إيه بيشوفوا وش واحد شوية عنده تدين ولا شوية مشهور ولا بتاع، يبتدوا يشوفوا بيعمل ايه لما بيخش، بيعمل ايه لما بيخرج، بيعمل ايه لما بيقعد، بيعمل ايه لما بيقوم، بيعمل ايه. فنبقى حريصين إن احنا ما نبقاش فتنة لغيرنا.

وقال عبد الله بن أحمد: رأيت كثيراً من العلماء والفقهاء والمحدثين وبني هاشم وقريش والأنصار يقبلونه. طبعاً أتى بإيه؟ الناس المعظمة، علماء وفقهاء ومحدثون وأهل البيت بقى. وقريش طبعاً تقدم لقوله: قدموا قريشاً ولا تقدموا، كان أحمد يقدم قريشياً، يعني أباه، ها؟ ها؟ كل دول أتوا على الإمام أحمد؟ تبقى بيبقى تصحيف، بيقولك يعني في نسخة كذا مكتوب كذا، يقبلونه يعني أباه. طبعاً إيه التنقيط، هي دي بس الفرق في التنقيط. فشوفوا بقى التنقيط يعني كنت تعرفوا تقولوا أنتم زمان من غير تنقيط؟ زمان ما كانش فيه نقط. إيه يعني أباه، إيه يقبلونه؟ بعضهم يده وبعضهم رأسه، ويعظمونه تعظيماً لم أرهم يفعلون ذلك بأحد من الفقهاء غيره، ولم أره يشتهي أن يفعل به ذلك رضي الله عنه.

وقال إسماعيل وهو الـ يعني المستحق لذلك لكن يكره ذلك، احنا لا لا ما نستحقش كده وعاوزين نبقى كده. وقال إسماعيل بن إسحاق السراج: قلت لأبي عبد الله أول ما رأيت يا أبا عبد الله إذن لي أن أقبل رأسك. قال: لم أبلغ أنا ذاك. يعني أنا لا أقبل، لا تقبل مثلي، لا تقبل لا يقبل رأسه ولا لا تقبل؟ يقبل مش احنا قلنا أنه تذكير للتأنيث الرواية ضعيفة، يعني أو يعني لغة ضعيفة. القرآن أدب التذكير مش كده؟ واشتعلت الرأس شيبا كده ولا واشتعل؟ واشتعلت الرأس شيبا مش كده؟ وفي السنة كمان؟ أي في السنة تقوى الله حق تقاته يعني إيه؟ أن تحفظ الرأس وما وعى مش وما وعدت، مش كده؟

وقال إسحاق بن منصور لأبي عبد الله: يقبل يد الرجل؟ يقبل يد الرجل؟ قال: على الإخاء. ها؟ يقبل؟ لا لو لو كده كانت تبقى تقبل، لو على لو مبنية على المجهول تبقى تقبل يد الرجل، إنما طالما يقبل كده يبقى يبقى لا يبقى مبني للمعلوم. يقبل يد الرجل يعني الرجل رب يقبل يد أخاه. قال: على الإخاء. يعني ممكن واحد ي- ي- يقبل يد أخيه عادي ي- يعني اللي هو نفس قرين ولا بتاع ماشي، على على الإخاء ما فيش مشكلة.

إذا كان ده مستهجناً طبعاً، يبقى بلاش نعمله، يعني نراعي الأعراف يعني. وإذا كان ممكن ي- أخوك ي- يأخذ مقلب في نفسه، ولا ما ده يعني بيقبي بقىيت عالم وخلاص يعني إيه اللي ناقص؟ الإيد بتتباس، في حاجة تانية ناقصة عشان أبقى عالم؟ خلاص أنا بقيت عالم، فإديله على قفاه يعني أنت تقبل إيده وروح، زي سيدنا عمر كده ما عمل مع الجارود، قال له قدم سيد الناس راح ضربه، طب هو عمل إيه الجارود؟ قال له ما هي يا أمير المؤمنين؟ قال له أما سمعتها؟ قال له سمعتها طبعا، أيوه سمعتها أنا عملت إيه؟ أما سمعتها، سمعتها غلط.

طيب، إيه. يقبل يد الرجل قال على الإخاء. وقال إسماعيل بن إسحاق الثقفي: سألت أبا عبد الله، قلت ترى أن يقبل الرجل رأس الرجل أو يده؟ قال: نعم. فصل، قال ابن الجوزي: تقبيل يد الظالم معصية، إلا أن يكون عند خوف، يعني إن إن خفت صوته أو ظلمه أو بطشه ماشي. وقال في مناقب أصحاب الحديث: ينبغي للطالب أن يبالغ في التواضع للعالم ويذل نفسه. قال: ومن التواضع للعالم تقبيل يده. وققبل سفيان بن عيينة والفضيل بن عياض أحدهما يد حسين بن علي الجعفي والآخر رجله. وقال أبو المعالي بن المنجى، فأما تقبيل

فجائز، يعني يظهر أنه مع عدم إرادة الدنيا. مع عدم إرادة الدنيا، يعني أنا لما أقبل يد الكريم لرفده والسيد لسلطانه لا لأني أرجو منه دنيا بذلك التقبيل.

فأما إن قبل يده لغناه، فقد روي: «من تواضع لغني لغناه فقد ذهب ثلثا دينه». أظن الكلام واضح ولا فيه إشكالات؟ يعني ما الغني لا تقبل يده لغناه، أما ذو السلطان هل تقبل يده لسلطانه؟ هنا ما موجهة منفكة، ممكن يبقى ذو سلطان عادل، مش لازم يبقى ظالم يعني. فذو السلطان هل تقبل يده لسلطانه؟ وهذا مما اعتاده الناس في هذا الزمان يعني مش في زماننا احنا. احنا دلوقتي نادرا ما تلاقي ملك ولا رئيس بتقبل يده ده. أظن الأردن باين، صح كده؟ حتى ولي العهد شاب صغير كده بيقبلوا إيديه، آه. يعني في بعض الأماكن ممكن يبقى هو إيه معتادين ذلك، مصر ما فيش كده لأ، أظن برضه السعودية ما شفناش ده.

يعني المهم في أماكن ذو سلطان تقبل يده لسلطانه، فبافتراض أن هذا الرجل رجل عادل ولا يظلم وكذا فهل تقبل يده لسلطانه؟ ده السؤال دلوقتي، ماشي، خصوصا إنه لو ما عملش مع عدله يعني، لو ما عملش ده مع اعتياد الناس أو صار ده العرف، هيظن به إيه؟ احتقار! طب ما هو ذو سلطان عادل، أنت بتحتقره ليه؟ يعني.

فأما إن قبل يده لغناه، أولا ده غير معتاد، وما أعتقدش إنه اعتيد في زمان أن يبقى الغني تقبل يده لغناه يعني. ما هو بيقول بقى ده لأ، روي: «من تواضع لغني لغناه فقد ذهب ثلثا دينه». يعني أصلا ديننا قد إيه عشان يذهب ثلثا هكذا؟

وحل عناق للملاقي تدينًا ويكره تقبيل الفم افهم وقيدي. العناق بكسر العين الالتزام، يعني المعانقة. وهو المعانقة، وقد عانقه إذا جعل يده على عنقه وضمه إلى نفسه، قاله الجوهري، وقد تقدم ذلك قريباً. وروي عن جعفر بن أبي طالب في قصة رجوعه من أرض الحبشة قال: فخرجنا حتى أتينا المدينة، ففتلقاني رسول الله صلى الله عليه وسلم فاعتنقني ثم قال: «ما أدري أفي فتح خيبر أفرح أم بقدوم جعفر؟». ووافق ذلك فتح خيبر.

وقيد الناظم المعانقة للقادم من سفر بقوله للملاقي، قال: وحل عناق للملاقي. يبقى الملاقي يعني من يتلقى المسافر، خلاص؟ وكذا قال في الإرشاد: المعانقة عند القدوم من السفر حسنة. وقال شيخ تقي الدين: فقيدها بالقدوم من السفر والقاضي أطلق. القاضي أبو يعلى يعني، والمنصوص في السفر، انتهى. القاضي أطلق يعني حل العناق مطلقا، قال لك والمنصوص في السفر يعني انتهى، فعلى هذا لا تفعله في الحضر كما هو ظاهر الحديث وكلام الإمام والأصحاب.

وقال أبو المعالي: يستحب زيارة القادم ومعانقته والسلام عليه، انتهى. وقال أحمد في رواية مثنى لما سأله عن المعانقة والقيام فقال: أما إذا قدم من سفر فلا أعلم به بأسًا إذا كان على التدين يحبه في الله أرجو. لحديث جعفر أن النبي صلى الله عليه وسلم اعتنقه وقبل بين عينيه. وحمل شيخ تقي الدين أيضا كلام أحمد على هذا. كده المسألة واضحة، ماشي وإحنا أصلا هي مبحوثة في الباب اللي قبله مع التقبيل فقلنا، آه للقادم والمسافر سواء قادم أو مسافر ممكن، وللحاضر مع طول الغياب ماشي. الحب في الله، مش عارف مش عجباني الحب في الله دي، في ناس هتسأل في ناس هتستغلها.

لا يعني ما حدش يرد حد، يعني في كل الأحوال ما حد يعني واحد جاي يحضنك تقول له، لا ما حدش ينهى يعني واحد جاي بيحضنك فتقول له لا ما تحضنش أو لا، ما هو يعني ما أنت شفت هو الخلاف أهو، هي كل دي أقوال.

وبعدين بيقول له، واحد، مش فاكر المسألة يعني أن حد، بعدين سلم فبيسلم عليه وقال له حراما، فقال له بدعة! قال له: قلة الذوق هي اللي سنة يعني. وهي جميلة، يعني أنا مش شايف فيها برضه حاجة قوي يعني.

لا، يعني دي بقى اللي اه يعني، مرة أنا زمان أنا صغير وفي العزاء بسلم فبقول له حرمة، بيقول لي أنت كنت صغير، يمكن في، قال لي: يعني إيه حرمة؟ كنت أنا صغير عيل صغير بقى وهو الراجل كبير، فسكت كده، أنا مش عارف يعني إيه حرمة، أنا طلعت أنا وجدنا آباءنا على أمة فيعني. قال لي: حرمة دي يعني تدعي لي أن أصلي في الحرم، قلت له: طب ماشي حرمة، قال لي: طب ما إحنا في الحرم يا ابني أنت. هو الراجل بقى كمان دماغه مقفلة، يعني بس بعد ما فهمني المفروض أقط لوحدي.

وقالوا: يكره تقبيل الفم لأنه قل أن يقع كرامة. وكرهه الأصحاب وغيرهم، وأما تقبيله من الزوجة والأمة المباحة فلا باس به، ولهذا قال الناظم: افهم وقيدي. يعني هذه الكراهة ليست، وهنا طبعا قال الكراهة يعني لم يقل بالحرمة. وفي بعض أعراف الناس ممكن تلاقوا ده، أن الرجل يقبل الرجل في فمه، في بعض أعراف الناس كده، دي ممكن ما تبقاش عندنا. وطبعا ده كله مع أمن الشهوة طبعا، يعني برضه الكلام هنا ما هوش مع وجود شهوة أو خوف تحرك الشهوة، لا، مع أمن الشهوة. فلو في بعض أعراف البلدان ده مش عندنا، ممكن تلاقي ده في وقت من الأوقات وفي الخليج عادة أنهم يسلموا بالمناخير، فتلاقي الفم قريب جدا من الفم، يعني اللي مش فاهم يفتكر أنهم بيقبلوا بعض في الفم يعني الرجال وهو مش كده، هو بس هم عادتهم كده، هي عوايد يعني.

يعني إحنا لما نيجي نتعامل إحنا ما نتعاملش مع، دائما بنقول ده، إحنا مش نتعامل مع عرفنا وخلاص، مش كل واحد قافل على نفسه وابتدي يلطش في الناس الباقية، دي أعراف، أعراف. فنرجع مش للذوق، مش للاستهجان الشخصي، مش للتحسين والتقبيح العقلي، يعني أنا عقلي مش جايب دي فهطلع أحرمها وأقول دول شواذ، نشوف العلماء قالوا إيه، اتكلموا في المسألة دي قالوا إيه، ماشي؟

قل أن يعني الأصل في تقبيل الفم ما هوش كرامة، يعني مش بيجي واحد يعني ممكن يجي يقبل رأسك، ده واضح فيها جدا أنها بتبقى كرامة. تقبيل اليد كرامة، يعني إكرام للمقبل يعني. بيقول تقبيل الفم قل أن يقع، يعني شوف حتى ألفاظ العلماء ما قالكش لا يقع كرامة، قالك قل أن يقع، يعني ممكن، ممكن في أحوال نادرة، ممكن، ما تعرفش أعراف الناس إيه، ولا الإسلام هيفتح بلدان شكلها إيه، ولا ما نعرفش. مفهوم؟ قال: أقول لكم حاجة بس نخلص الفصل ده بس، إيه، ويكره تقبيل الفم. وأما تقبيله من الزوجة والأمة المباحة فلا بأس، ولهذا قال الناظم: افهم وقيدي. يعني قيد هذه الكراهة بتقبيل الزوجة والأمة المباحة. طيب والصبي الصغير؟ لا، ص يعني إيه.

قال ابن الحفيد: هذا مما اعتاده الناس برضه، يعني قال: ونزع يد ممن يصافح عاجلاً * وأن يتناجى الجمع ما دون مفردي. يكره نزع يد المصافح من يد من صافحه حتى ينزع الأجنبي يده. قال في الرعاية والفصول: يكره نزع يده من يد من يصافحه قبل نزعه هو، إلا مع حياء أو مضرة التأخير. يعني هيفضل حاطط إيده التانية ما بينزعش. فبيقول يعني مع مضرة التأخير خلاص بقى يعني زي، أو مع حياء يعني بيتكسف يفضل حاطط إيده في إيد اللي قدامه ومكسوف يعني، فقال الشيخ عبد القادر: ولا ينزع يده حتى ينزع الآخر يده إذا كان هو المبتدئ.

يظهر إن هو الآخر والله أعلم، ليه؟ لأنه فوق قال إيه بقى؟ ويكره نزع يد المصافح من يد من صافحه. فنسب المصافحة للآخر. وتحتيها في الفصول الرعاية: يكره نزع يده من يد من يصافحه قبل نزعه هو، ماشي؟ وفيها حديث أصلاً، في الحديث أن النبي عليه الصلاة والسلام كان إذا صافحه الرجل لا ينزع يده حتى يكون هو النازع، فهو يعني الرجل الآخر هو الذي ابتدأ المصافحة، ماشي؟

قال الشيخ تقي الدين: الضابط أن من غلب على ظنه أن الآخر سينزع أمسك. يعني لو غلب على ظنك أن التاني شوية وهيبدأ خلاص، وإلا فلو استحب الإمساك لكل منهما أفضى إلى دوام المعاقدة. لكن تقييد عبد القادر حسن أن النازع هو المبتدئ، يعني اللي بدأ السلام هو اللي ينزع. فهمتوا دي؟

دلوقتي فوق بيقول الشيخ عبد القادر: ولا ينزع يده حتى ينزع الآخر يده إذا كان هو المبتدئ. هو دي عايدة على مين؟ عايدة على الضمير المستتر في لا ينزع ولا على الآخر في الجملة اللي إحنا فيها دلوقتي؟ إحنا عندنا جملة: ولا ينزع يده. هنا في ضمير: لا ينزع هو يده حتى ينزع الآخر يده إذا كان هو المبتدئ. هو دي عايدة على مين؟ على الآخر. يعني لو الآخر هو المبتدئ ينتظر حتى ينزع الآخر، يبقى المبتدئ هو الذي ينزع. فهمتوا دي؟

فتقييد شيخ الإسلام تحت بيقول لك فوق الكلام مشكل، يعني ممكن يحتمل ده وده، راح تحت قال لك إيه؟ تقييد عبد القادر حسن أن النازع هو المبتدئ. فهمتوا؟

قوله: وأن يتناجى الجمع ما دون مفرده. ما زائدة، يعني وأن يتناجى الجمع دون مفرده. والنجوى المساررة، يقال: ناجوت فلاناً أي ناجيته. وهي مكروهة لما فيها من التحزين. صورة المسألة الحديث، وهو: ﴿لَا يَتَنَاجَى اثْنَانِ دُونَ الثَّلَاثِ فَإِنَّ ذَلِكَ يُحْزِنُهُ﴾. يبقى لو ثلاثة قاعدين ما يجيش واحد يوشوش الثاني والثالث قاعد، هذا يحزنه، يظن أنكم تتكلمون عليه. طب لو جمع، ده أشد، يعني كلنا نتناجى ما عدا مثلاً يوسف، يحزنه جداً، صح؟

طب لو سمى رابعاً خلاص، يعني لو اثنين بيتناجوا وفي اثنين تانيين قاعدين، زالت الكراهة. فهمتوا دي؟ الجمع يعني كلنا، إنما لو مثلاً إحنا الجمع وإيه ثلاثة أربعة قعدوا خدوا بعض وشوشوا بعض هناك وإحنا قاعدين، ما فيش مشكلة، المهم ما يبقاش فيه مفرد واحد بس قاعد، أتخيل كلنا كده يلا نقوم هناك كده وخليك أنت بس عشان هنقول حاجة! صعب جداً.

الإخوة كانوا يعملوا إيه؟ وبعدين حسنوا بقى، يعني كان الأول فيه جليطة، كان مثلاً ييجي واحد هيتجوز ولا هيبقى عنده مناسبة، يقوموا مطلعينه من الجروب ويقعدوا يتناقشوا ويجيبوا له، طبعا هو طلع من الجروب يا عيني المسكين يحس إنه منبوذ، ما بعد كده قالوا لا نبقى نعمل جروب تاني، يعني يروح عامل جروب تاني ويدخل فيه الناس ومعادا هو، وخلاص. ما يجيش بقى واحد ذكي يقول لك: هو أنتم إيه الجروب التاني اللي عاملينه هناك ده بتعملوا فيه؟ هو ده اللي بلوك بقى. أو بقى خلاص يعني لو العرف اتعرف كده خلاص، ما هو يعني أول ما، يعني عندي فرح ولا يوم يطلعوني أبقى فاهم بقى إني هتبسط، ممكن يتضايق ما طلعونيش ليه لغاية دلوقتي، مش هتطلعوني ولا إيه يا جماعة؟

قال: وروى ابن مسعود أن رسول الله صلى الله عليه وسلم قال: «إذا كنتم ثلاثة فلا يتناجى اثنان دون الآخر حتى تختلطوا بالناس من أجل أن ذلك يحزنه»، أخرجه. قال الخطابي: إنما يحزنه لأجل معنيين؛ أحدهما: أنه ربما يتوهم أن نجواهما لتبييت رأي فيه أو دسيسة غائلة له، والآخر، واضح الكلام، والآخر: أن ذلك من أجل الاختصاص بالكرامة وهو يحزن صاحبه، يعني لما سار فلاناً فذلك كرامة فلان عنده ولمحبته الزائدة له وأنا لا، هذا برضه يحزن.

ولا تكره إلا إذا كانوا ثلاثة، ولا تكره إذا كانوا أربعة فأكثر إلا لو إيه؟ انفرد واحد برضه. عشان كده فوق قال الجمع وأطلق الجمع، يعني أي جمع دون مفردي لا، فاهمين دي؟ وقول الناظم: الجمع يحمل على الاثنين لأنه أقل الجمع على قول، ولا يستقيم أن يكون مراده بالجمع ثلاثة، لأنه يفضي إلى الكراهة إذا كانوا أربعة، نعم يفضي طالما هيسيب واحد مفرد.

وعن ابن عمر أن رسول الله صلى الله عليه وسلم قال: «إذا كانوا ثلاثة فلا يتناجى اثنان دون الثالث»، أخرجه. وزاد أبو صالح: قلت لابن عمر: فأربعة؟ قال: لا يضرك. قد يقال إنه لو زادوا، فبس هي المسألة إنه لا يسمى سراً، يعني قد يقال ده يعني لا يسمى سراً إنما برضه ينهى عنه، دي مسألة ثانية. حد فاهم حاجة؟

يعني هو بيقول إيه؟ إحنا عاوزين نعتذر للحجاوي في المسألة لأن هو كده كده هيرجع ينص على المسألة اللي بقولها دي، إنهم لو أربعة وثلاثة ما عدا واحد، نطوا كده الفقرة بتاعة المالك هيجي بعديها يقول لك: فإذا كانوا أربعة فتناجى اثنان دون اثنان شايفينها؟ لم يكره لقصة ابن عمر ماشي. وإذا تناجى من الأربعة ثلاثة دون واحد توجه أن يكره، لأن ذلك قد يحزنه خصوصا إذا كانوا مسافرين أو في موضع مخيف. وإن صح هذا التوجيه فهو ظاهر كلام الناظم، لأن أقل الجمع ثلاثة على الصحيح والله أعلم. خلاص كده؟

وزاد أبو صالح، قلت لابن عمر: فأربعة يضرك. رواه مالك في الموطأ عن عبد الله بن دينار. وقال: كنت أنا وابن عمر عند دار خالد بن عقبة التي في السوق، فجاء رجل يريد أن يناجيه، وليس مع ابن عمر أحد غيري، فدعا ابن عمر رجلاً آخر حتى كنا أربعة، فقال لي وللرجل الثالث الذي دعا: «استأخرا شيئاً فإني سمعت رسول الله ﷺ يقول: «لا يتناجى اثنان دون واحد».

ابن عمر أراد أن يوشوش واحداً، يريد أن يقول له شيئاً سراً ولكن ليس معه إلا واحد، فجعل معاه واحداً ليطبق الحديث، وبعد ما وقفهم قال لهم: امشوا، أريد أن أكلم الرجل هذا. فإذا كانوا أربعة فتناجى اثنان دون اثنين لم يُكره، لقصة ابن عمر. وإذا تناجى من الأربعة ثلاثة دون واحد توجه أن يُكره؛ لأن ذلك قد يحزنه، خصوصاً إذا كانوا مسافرين أو في موضع مخيف، والله أعلم.

ثم هناك قرينة، لأنه قد يحزن الاثنين، فتتجه الكراهة إذا كانت هناك صفة جامعة، مثل أن يكون في حتة تعزز عنده مسألة القبلية، كأن يكون اثنان من قبيلة واثنان من قبيلة أخرى مثلاً. فإذا كنا أربعة، وذهبت أنا مع الذي من قبيلتي وقلت له: «تعال أسرّك بشيء»، بالذات لو كان بينهم مشاكل، فيظهر أن المسألة ما دامت عائدة على إحزانه فإنه يراعي ذلك. حتى لو لم نقل بالكراهة، نراعي ذلك إذا كانت هناك صفة جامعة، مثل أن يكون اثنان ثقالاً واثنان رخواً، فيذهب الرفيع يقول لهم: «تعال أوشوشك»، فيقوم الثقال ينظرون لبعضهم، وقد يخطر ببالهم أن يقولوا له: لو أكلت كثيراً ستصبح مثل عمك.

وإن صح هذا التوجيه فهو ظاهر كلام الناظم؛ لأن أقل الجمع ثلاثة على الصحيح والله أعلم. طبعاً فكرة أقل الجمع: هل هو ثلاثة أم اثنان؟ فيها خلاف بين العلماء لغوياً، ولكل طريقة في الاستدلال. الذين قالوا إن أقل الجمع ثلاثة، قالوا لأن عندنا ما يسمى "المثنى"، فيكون الجمع ما غير الواحد والاثنين، وإلا فما فائدة المثنى في اللغة؟ والذين قالوا إن أقل الجمع اثنان استدلوا بنصوص شرعية، كأن الله تعالى جمع الاثنين في قوله: ﴿إِن تَتُوبَا إِلَى اللَّهِ فَقَدْ صَغَتْ قُلُوبُكُمَا﴾ [التحريم: 4]. فكلمة "قلوبكما" تدل على أنهم قلبان، وهما مثنى، والجمع هو ما زاد عن ذلك.

وفي معنى النجوى المكروهة: إذا تحدث بلسان لا يفهمونه، وهذه نقطة مهمة. فإذا كنتم ثلاثة، وقمت أنت تكلم واحداً بالإنجليزية والثالث لا يفهم الإنجليزية، فإنه يتحدث بلسان لا يفهمه، وهذا مكروه. أو العرباوية أحياناً يفعلون ذلك؛ لو جلست معهم وحولوا لسانهم بحيث لا تفهم منهم حرفاً، تكون أنت الوحيد في وسطهم الذي لا يفهم، وهذا أيضاً مكروه.

قال: «وتباح النجوى للحاجة». قال النووي: طالما قلنا إنها مكروهة، ففي قاعدة عندنا أن الكراهة تزول بالحاجة؛ أي أن الشيء المكروه إذا احتجت إليه تزول كراهته، والحرمة تزول بالضرورة. وقيل: إنما تُكره النجوى في السفر وفي الموضع الذي لا يأمن فيه صاحبه على نفسه، أما في الحضر فلا بأس به، كما ذكره البغوي في شرح السنة.

وهم في البيت، نظام بيكلموا بطلاقة، هو بيتكلم فرنساوي أحسن من العربي أصلاً. ما فيش مشكلة، إحنا قاعدين ناس كتير.

وهم أصلاً... "وتباح النجوى للحاجة" قاله النووي. طالما قلنا إنه مكروه، في قاعدة عندنا أن الكراهة تزول بالحاجة؛ دي قاعدة: الشيء المكروه إذا احتجت إليه زالت الكراهة، والحرمة تزول بالضرورة.

وقيل: إنما تُكره النجوى في السفر وفي الموضع الذي لا يأمن فيه صاحبه على نفسه، وأما في الحضر فلا بأس به، ذكره البغوي في شرح السنة. وقول آخر: في الحضر لا بأس بالنجوى.

نقف هنا، الحمد لله رب العالمين.