سنة استئذانه لدخوله على غيره من أقربين وبعده ثلاثاً، ومكروه دخول هاجم ولاسيما من سفر وتبعد.
قال الله تعالى: ﴿يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا﴾ [النور: 27].
قال ابن الجوزي: لا يجوز أن يدخل بيت غيره إلا بالاستئذان لهذه الآية. يعني يجب الاستئذان إذا أراد الدخول إلى بيت غيره. ابن الجوزي بيقول لا يجوز أن يدخل بيت غيره إلا بالاستئذان، فقال يعني يجب الاستئذان. يعني ده اللفظ أو السياق الأقرب لإيه لصنيع الفقهاء. يعني هو هنا ابن الجوزي بيقول إيه؟ ينفي الجواز عن عدم الاستئذان. ينفي الجواز عن عدم الاستئذان، ما هو وجوب الاستئذان. فهمتوا المعنى؟
قال: ومعنى تستانسوا تستأذنوا. وقطع بوجوب الاستئذان ابن أبي موسى والسامري وابن تميم على القريب والبعيد. يبقى من أراد الدخول على قريب له يستأذن أيضا. ماشي.
وقيل لا يسن إيه يعني استأذن قبل ما يدخل. لو العرف جرى أنه يستأذن قبل ما يجي. لو العرف أصل هو على حسب البلدان. يعني في المدن، في المدن يستثقل المرء أن يستقبل غيره لو مش واخد ميعاد، ده في المدن. في القرى مش كده، في القرى تلاقي عادي جدا إيه واحد معدي راح مخبط عليك، وده عرفهم يعني مش.
وقيل يسن. قال في الرعاية: يسن أن يستأذن في الدخول على غيره ثلاثا فقط. قال في الآداب الوسطى: وهو ظاهر كلام جماعة. قال في غاية المطلب: يجب أن يستأذن في الدخول على غيره، ذكره ابن أبي موسى والسامري وابن تميم. وقيل يسن، قدمه في الرعاية، انتهى. وقد يفهم هذا من كلام الناظم، أعني كون الاستئذان سنة، والصحيح وجوبه. وقد لا يكون في كلام صاحب الرعاية حجة، أعني في كون الاستئذان نفسه سنة. يعني نفس الاستئذان ممكن يبقى العدد مفهوم. يعني أصل الاستئذان واجب، والعدد فيه سنة.
طيب على القول السنية، يعني أن يقال الاستئذان سنة وليس واجبا، ممكن يجب لغيره، يعني هو لا يجب في نفسه، لكن احنا طبعا بيقول صحيح الوجوب أنك تستأذن قبل ما تدخل. إنما لو كان على قول من يقول بالسنية، الظاهر والله أعلم أنه قد يجب لغيره، يعني إن خيف اطلاع على عورة. أصل هو يا جماعة الصور كثيرة، ودائما لما نجي نتكلم في الفقه، الإنسان بيتشدد في مسائل لمجرد أن الصورة الذهنية عنده شكل نمط معين. هديكم مثال.
دلوقتي كنت جالي سؤال أن ولد بيقول أن أمه وأخته متبرجات، وأبوه بيقول له لازم تخرج معانا وأنت بتفرّق الأسرة، فأنَا أجبتُه بأنه يخرج بغض النظر عن بقية الفتوى وأنا أجيب على كل الصور. يعني هذه إجابتي على كل الصور. فبعض إخواننا أنكر ده، وأنا غالب ظني أنه أنكر ده لصورة ذهنية في عنده. بعض من أنكر اتصل بي، فبيقول لي إزاي والتبرج والسفور؟ قلت له: طيب، واحدة لابسه طرحة ومبينة حتة من رقبتها، دي اسمها إيه عندك؟ قال لي: متبرجة. قلت له: لو أمه كده، ما يخرجش معاها؟ قال لي: يخرج.
هو دلوقتي الولد باعت السؤال: أنا أمي وأختي متبرجات، هو ما قالش سافرات سفورا بالغا ومبينات، هو ما قالش، هو الولد ما قالش حاجة، هو دي الجملة: متبرجة، دي معاك من أول.
طب أنا أقول لكم حاجة؟ الشيخ أسامة عبد العظيم اتبعث له سؤال: منتقبة وتبين عينيها؟ قال: هذا هو التبرج. فاحنا معانا التبرج من أول ما المرأة تبين عينيها، دي اسمها متبرجة عند. يعني العين، آه لا، العين السؤال قاله كده بتبين عينيها، قال: هذا هو التبرج. فخلاص نسيبنا من مذهب سيدنا الشيخ أسامة عبد العظيم، قلت له: طيب واحدة لابسة واسع جدا وفضفاض جدا وسايبه شعرها؟ دي إيه؟ متبرجة. طب تمنع؟
هو لما سمع السؤال، هو تصور تصور ذهني معين وابتدي الحمية خدته: أنت إزاي؟ مع أن أنا بقول كدة في ده، يعني أنا بقول في كله، يعني هذه الفتوى صالحه لكل أنواع التبرج ولا أنكر غيرها. لو حد تاني قال لا، ده الواجب هنا ما، يعني الدنيا واسعة، يعني ما بنكرش. إنما الشاهد دلوقتي أنا عاوزكم بس تتعلموا ده، لما نجي، لما ييجي الفقهاء يتكلموا عن مسألة، لابد أنك ما تحجرش المسألة وما تقصرش المسألة على الصورة الذهنية اللي تيجي عندك، مفهوم؟
فمثلا اللي معانا بقى عشان ما نسبش يا جماعة، اللي أنا قلت دي قاعدة مهمة. فدلوقتي احنا بنقول الاستئذان واجب، وبعض العلماء يقول الاستئذان، أصل الاستئذان سنة، مش عدد الاستئذان، أصل الاستئذان سنة. طيب، هل على هذا القول يعني يمكن تركي؟ أروح أهجم على البيت اللي أنا رايحه لأن أصل الاستئذان سنة؟ نقول: قد يجب لغيره، أنك بهذا الهجوم تطلع على العورات، أو على شيء صاحب البيت ما يحبش أن أنت تطلع عليه، أو كذا، فيعني يجب.
هو ممكن ما نطلعش على عورات أو لا يخاف؟ نقول: أه، ما أنت عشان تبقى في دماغك صورة ذهنية أن أنت رايح لحد عنده زوجته وعياله وبناته، مش الصورة كده، أنت ممكن تروح لابن عمك اللي أنت أصلا متعود تروح له وتخش عليه، فنقول نستاذن ولا ما نستأذنش؟ هو طبعا احنا قلنا على الوجوب الاستئذان على الوجوب، أنت كدة كده هتستاذن، بس بقول على قول من يقول بالسنية، ما نفهمش منه أن هنجهم على بيوت الناس ونقول الاستئذان سنة، فهمتوا؟
أما نخلص، قال: ويحيمل قوله يسن أن يستاذن في الدخول على غيره ثلاثا فقط أن المراد به صفة الاستئذان في العدد وهو قوله ثلاثا، فيكون المسنون الصفة لا نفس الاستئذان. ألا تراه قال بعده فقط، أي لا يزيد المستأذن على الثلاث إذا لم يُجب؟ إذن الاستئذان واجب، والقطع على الثلاث سنة. فهمتوا دي؟ ما يزودش، ما يقعدش بقى يخبط ويرزع ماشي، لئلا يكون مخالفا للسنة، ويحيمل أيضا كلام الناظم هذا المحمل، وإن قُدر أنه قول فهو ضعيف جدا. ولهذا قال في الآداب الكبرى: ولا وجه لحكايات الخلاف.
بيقول وجه الحكاية: ما نقولش هنا في خلاف، فيجب في الجمله على غير زوجة وأمة، انتهى. عليكم السلام. تاني، ركزوا، فيجب في الجملة على غير زوجة وأمة. يبقى هتدخل على ابنك؟ هتدخلي على بنتك؟ أنا بجيب حتى نفس الجنس أهو، هنا لم يستثني إلا الزوجة والأمة. ماشي.
مرة في درس قلت تدخل على ابنك ليه تستأذن؟ برضه الناس زعلت. طب أنتوا عاوزين إيه يعني؟ ما هو الواد ده مالوش حرمة؟ يعني حرمة، مش حرمة يعني ست مستباح كده، تدخل على ابنك في أي وقت؟ يقول: تشوفه لو بيعمل حاجة غلط. ما هو احنا مش عاوزينك تشوف بيعمل حاجة غلط، وده أصلا سبب من أسباب الاستئذان، احنا مش عاوزينك تشوف يعمل حاجة غلط. يعني أسيبه وأعمل غلط؟ ما حدش قال سيبه وأعمل غلط، ربيه وعلمه الخوف من ربنا، إنما لا تسقط حرمته ولا تسقط خلاص، هيتشاف مرة واثنين خلاص هيتجرا بعد كده.
ماشي، وده يدخل أصلا في إيه بقى أصلا في باب الأمر والنهي كمان. أنتُوا لو تلاحظوا أن هنا جاب باب الاستئذان فين؟ لأن هيجي يقول لك أنا بهجم عشان أشوف بيعمل إيه. ما احنا مش عاوزين نشوف بيعمل إيه أصلا ونمنعك من ذلك. ماشي، حتى لو غير يعني من غير ما يطلع، يعني مثلا لو فتح عليه مثلا بص، تستأذن. تستأذن على ابنك وتستأذن على بنتك ليه؟ ليه تسقط الحرمة؟ علشان الزوجة مالهاش عورة بالنسبة لك. الزوجة والأمة يباح النظر إلى جميع بدنها. ماشي، إنما لو جاي من سفر تعرفها، ما تهجمش فجاه وده فيها حديث.
ماشي، قال وروى سعيد عن أبي موسى قال: إذا دخل أحدكم على والديه فليستاذن. وعن ابن مسعود وابن عباس مثل ذلك. ويسن أن يكون استئذانه ثلاثة. أنس يروح فاتح الباب عليّ كده، فبعد ما أزعق له أديه الطريحة أقول له: اطلع بقى واقفل الباب واستأذن. فطلع مخبط، أقول له: مين؟ أذن له بقى.
ويسَن أن يكون استئذانه ثلاثا إلا أن يجاب قبلها، ما يقولش بقى أنا هعمل السنة. طب هو جاء خلاص قالك مين؟ خبط. قال: ولا يزيد على الثلاث بشرطه، لقول رسول الله صلى الله عليه وسلم: «الاستئذان ثلاث، فإن أذن لك وإلا فارجع» متفق عليه.
وصِفة الاستئذان: السلام عليكم، أدخل؟ واستأذن رجل على النبي صلى الله عليه وسلم وهو في بيت فقال: أألج؟ فقال رسول الله صلى الله عليه وسلم لخادمه: «اخرج إلى هذا فعلمه الاستئذان، فقال له قل: ادخل»، فسمعه الرجل فقال: السلام عليكم، أدخل؟ فأذن له النبي صلى الله عليه وسلم فدخل. رواه أبو داود بإسناد صحيح. وهذا الذي ذكره الشيخ عبد القادر وابن الجوزي وابن حمدان. وقيل: يقول سلام عليكم فقط.
دلوقتي بقى في الجرس، فيقوم مقام الكلام، أنك ترن الجرس مثلا، أو تخبط على الباب. من الحاجات الجميلة واللي فيها يعني يظهر نوع المبالغة في التحرز من الاختلاط؛ في شارع المعز في بيت السحيمي أو في غيره مش فاكر، أظن في غير بيت السحيمي، مش في بيت السحيمي، في حتة هناك بس مش فاكر فين، في كان يقعد القاضي اللي هو الخراشي، عارفين القاضي الخراشي؟ عارفين لما الستات في مصر يحصل حاجة كده يتخضّوا يقولوا: يا خراشي؟
ليه بيقولوا: يا خراشي؟ كان في زمان قاضٍ اسمه الخراشي، وكان عادلا. فكان لما حد يظلم يقول: يا خراشي، يعني كأنه يستنجد بهذا القاضي العادل، فبقت جارية على الألسن بقى أن لو الست خافت تقول: يا خراشي. ماشي.
طب بمناسبة المعز والكلمات، عارفين اللي اختشوا ماتوا؟ عارفين قستها ولا إيه؟ حمام الحمام ده فين بقى؟ في شارع المعز برضه، كان حمام الحمام زمان طبعا مش هو مكان قضاء الحاجة، الحمام ده اللي بيستحموا فيه. فكان في حمام، ده في شارع المعز برضه، مش فاكر اسمه إيه، يعني اسمه غريب قوي كده، هتلاقوه هناك يعني. فكان الحمام ده الناس فيه بيستحموا، وبعدين حصل حريق، فناس طبعا هم قالعين بيبقى مثلا لابسين حاجة بسيطة أو حاجة، فناس طلعت جريت وناس اتكسفت فضلت جوه ماتت. فبقى مثل يقول لك: اللي اختشوا ماتوا.
طبعا هو اللي اختشوا ماتوا حر في معناه دلوقتي، يقول لك: اللي اختشوا ماتوا، يعني إيه؟ يعني يقول لك: أنت، أنت ما بتختشيش، اللي اختشوا ماتوا خلاص. بس يظهر والله أعلم، يظهر والله أعلم أن المعنى بتاعه والله أعلم برضه يعني ما أعرفش وقت المثل إن كان معناه، إن كان معناه إيه، ما تتكسفش في الحق، يعني اطلع خلاص، لأن اللي اختشوا ماتوا، يظهر كدة والله أعلم يعني، أو يكون المعنى كدة يعني، اللي هو على إيه، اللي اختشوا ماتوا، فاللي باقي كله مافيش خشية خلاص، زي ما يقول لك: الرجالة ماتت في 73، ما فيش رجالة.
المهم، فالقاضي الخراشي ده بقى كان ليه مجلس القضاء، اللي ممكن يروح شارع المعز، اكتبوا كده، شوفوا على جوجل كده فين مجلس القضاء وقت ما تروحوا يعني. فمن الجميل بقى هناك كان فيه زي صندرة يقعد فيها الست اللي هي جاية للشكوى، والراجل يقعد قدامه. طيب، لما الست تخبط، تفتح لها ست، ولما الراجل يخبط، يفتح له راجل. طب إزاي نعرف اللي بتخبط ست ولا راجل؟ في أكرتين هناك موجودين لغايه دلوقتي، الأكرتين دول موجودين. كل أوكرة ليها صوت مختلف، موجودين لغايه دلوقتي لو رحتوا، هتخبطوا بهم وهتلاقوا الصوت مختلف. فلو راجل بيخبط بالأوكرة ناحية اليمين، ولو ست بتخبط بالأوكرة ناحية الشمال. فحتى هي ممكن نعرف إنه راجل أو ست من الكلام، يعني لو ست تكلمت هنعرف افتحولي مثلا ولا بتاع، كانوا حتى يحترزون من إيه؟ يعني بيحاولوا يعملوا الحاجات اللي بها حتى ما، لو نقدر نعمل ده نعمل، يعني ما نعملش ليه؟
ماشي، تفاصيل، في تفاصيل مهمة لما بنقف عليها بتدينا معاني مختلفة للشرع ورؤية ما لم نكن نراه. مثلا في هذا، هذه القضية أيضا، عشان نعرف إحنا واصلين لفين في التعامل في هذه الملفات؛ أعرف ما قلتها لكم قبل كده ولا لا، السيدة عاتكة كانت متجوزة الأول ابن سيدنا أبي بكر، وبعدين استشهد، فتجوزها عمر رضي الله عنه، وبعدين مات عنها وتجوزت غيره. المهم، فكانت هي مشترطة أنها تخرج للعشاء والفجر بس عشان دول الصلاتين اللي بالليل، ما فيش متشافة فيهم عشاء وفجر، وكان عمر يكره ذلك، لكن لا يمنعها لحديث النبي عليه الصلاة والسلام: «لا تمنعوا إماء الله مساجد الله». الكلام ده معروف. وكانت هي عارفة إنه يكره ذلك وتقول: والله لا طالما ما منعنيش خلاص، أنا هخرج. وده العلماء يستدلون به على أن الرجل يكفي أنه، أنه يسكت وإن علمت المرأة كراهته لذلك، ليها أنها تخرج عادي. دي مش مسالتنا خالص، لغايه هنا عادي، الأثر ده موجود، ويمكن
لما نقف على مسألة مهمة في العمران، إن بيت عاتِكة كان فين؟ اللي منكم راح السعودية في باب اسمه باب الرحمة. لما تقف باب السلام اللي أنت بتخْ... تسلم منه على النبي عليه الصلاة والسلام، لو وقفت قدام باب السلام من بره -طبعا باب السلام عشان توصل وتقعد تلف وتعمل ومش عارف إيه، لا يعني ما تدخلش خالص اللفة والمتاع دي- من بره كده وقفت قدام باب السلام هتلاقيه بعديه بيبان صُغيرة كده فيها خَوْخة أبي بكر، وبعديها باب كبير اسمه باب الرحمة.
باب الرحمة ده على الأرض في علامة مسدسة كده بالرخام أسود، ده كان بيت عاتكة في الحتة دي. طب بداية المسجد النبوي كان فين؟ بعديه بحوالي... حوالي أظن 10 متر بالكتير يعني مكتوب كده على العمدان: هذا حد مسجد النبي عليه الصلاة والسلام، موجودة يعني في المسجد القديم، اللي منكم يروح يشوف ده.
احنا هنا لما نعرف العمران كان شكله إيه، الموضوع ياخدنا لحته أبعد من تصوراتنا. لأن احنا دلوقتي إحنا بنقول السيدة عاتكة وكانت بتقول له، وكان يكره ذلك والكلام ده، فأنت في دماغك إيه؟ أنك ساكن فين؟ في العبور ولا في التجمع وهتنزل تاخد أوبر للمسجد فهتقعد في... في الأوبر، في أوبر خمس دقائق، وأنت تكتشف أن إحنا بنتكلم في واحدة هتخرج بالليل تمشي خمس، ست، سبع متر عشان تدخل مسجد النبي عليه الصلاة والسلام. هنا التصورات بتدينا شوية تصورات الحياة كانت يعني... الملف ده كان التعامل بتاعهم في الملف ده شكله إيه؟ مفهوم؟ نفسياتهم عاملة إزاي فيه أولاً، ثانياً عشان لما نجي نقيس، نقيص بقى بمفهوم يعني.
يجي واحد يقول: ما هو، نقول له: طيب تعال بس نشوف، ونشوف المجتمع كان عامل إزاي ونشوف دي كانت خارجه تمشي في حتة شكلها إيه والمسافة قد ايه؟ نعرف نتصور المسائل دي. مش بقول إن احنا نمنع به شيئاً ولا، بس مهم نفهم ده، ماشي؟
وطبعا عشان ما حدش يقول إن كان في لفة، ومثلا حتى لو في لفة، أصلا المسجد كله كان إيه؟ كان 70 ذراع في 70 ذراع ده بعد ما اتوسع، يعني 30 متر في 30 متر تقريباً، لكن هو ما كانش فيه لفة. مين يقول ليه ما كانش فيه لفة بقى اللي شاطر؟ لا، عشان خوخة أبي بكر. سيدنا النبي قال إيه؟ «أمر بكل الخوخات تُغلق إلا خوخة أبي بكر». أصلا مسجد الرحمة جنب خوخة أبي بكر، باب الرحمة -عفواً- جنب خوخة أبي بكر على طول، فدي لم تُغلق منذ عهد النبي عليه الصلاة والسلام حتى لغاية دلوقتي الباب ده ما تقفلش، ماشي؟
الاهتمام بس ده طبعا يعني مش في المرحلة دي، يعني بتاعتكم بس، الاهتمام بقضية العمران وقضية... لا، ده اهتمام مهم جدا جدا ورؤية بقى الآية... العمران الإسلامي كان شكله إيه؟ وليه بالتفاصيل دي؟ وليه بتدينا تصورات مختلفة شوية عن الآية... عن الدوشة اللي في دماغنا دلوقتي إحنا مش عارفين؟ استنى، طب عشان هنا يوسف كان عاوز يقول حاجة، قول.
الأستاذ مش فاهم اللي داخل... اللي جاي جاي يزور في المدينة قبل ما يجي لك، فاستبيان بيكون من جزء البيت ولا من الزوج نفسه؟ الزوج له... له أنه يحكم في بيته أن يقول مثلا فلان ما يجيش، أو فلانة ما تجيش طالما في وجه لكده، فلا يلام فيه. مش ده السؤال؟ أنا أنا عاوز أفهم أنا فهمت صحك ولا إيه. أياً ياخد المفروض يست... يعني إيه أياً يكن؟ يعني اديني لو سمحت استنى أنت، يعني مثلا أسكن دي ممكن يبقى إيه في دماغي مثلا؟ ابن عم الزوجه، ممكن يبقى أبو الزوجه. أبو الزوجه! شفت أنت بقى عرفت أنك طيب يا نادر.
ممكن يبقى أبو الزوجه، ويبقى الزوج مش متربي، لو في معنى شرعي لده. له أنه يمنع، أنه يكون الأب أو الأم بيقلب البنت على الزوج مثلاً، والزوج مسكين مظلوم. جميل. دي بعملها ريل. هي ممكن يمنع ده، قالوا بس ما يمنعهاش هي من زيارتهم. فلو مش كده بقى ونفسيات وبتاع، لا يبقى تستحمل... تستحمل. أصل إيه في الآخر تقطع أبوها وأمها ليه؟ شيخ ما هي سيارات، احنا كده ما حققناش المر... برضه هيروح. لو لو بيفسدوها فساد شديد وبتاع، يبقى... يبقى بس هو مش كده، أصل هو يعني السؤال مش كده، هو بيبقى واحد بيستنصح، عاوز ياخد أيه؟ يقول لك أياً كان هو، لو كانت وقفت عليّا كان، وأنا قلت آه، وأنا طبعا مسكين غلبان مش في دماغي، يقصد يقول لك إيه؟ الشيخ قال أياً كان.
قال: وما قول يا... الباب الصغير، هتلاقي لما تروح مسجد هناك، تلاقي باب السلام كبير كده ضخم، وباب الرحمة كبير ضخم، تلاقي بينهم تلات بيبان صغيرة كده قصيرة، كانوا زمان الصحابه عشان يطلعوا من بيتهم يدخلوا على طول على المسجد، يعمل لنفسه خوخة كده في الآية... في الجدار، يعني فتحة صغيرة في باب المسجد، في جدار المسجد ليه هو؟ فكان أصحاب عاملين كده اللي ساكنين منهم لسور المسجد أو قريبين من المسجد، كل واحد عامل له خوخة يدخل منها، مش لازم يروح لباب مسجد رئيسي عشان يدخل من باب المسجد.
فقبل النبي ما يموت عليه الصلاة والسلام أمر بغلق كل الخوخات، كل حد فاتح خوخة يقفلها إلا خوخة أبي بكر. وده واحد من الأحاديث اللي استدلوا بها على أن أبو بكر هيكون الخليفة، أن النبي عليه الصلاة والسلام يشير إلى ذلك لاحتياج أبي بكر لكثرات الدخول والخروج. فده واحد من الأدلة اللي استدلوا بيها أنه إيه؟ النبي يشير إلى أن أبو بكر هيبقى الخليفة، فيحتاج كثيراً أنه يدخل لمجالس بقى مثلاً الوفود كان بيقابلها في المسجد، الصلاه، هو الإمام، ما هو الخليفة هو الإمام، وهكذا.
وقال: وقوله: «مكروه دخول لها الهاجم»، وهو الذي يدخل بغتة، خصوصاً إذا كان مسافراً سفراً بعيداً، فانه يكره له أن يأتي أهله ليلاً؛ لأن النبي صلى الله عليه وسلم نهى إذا أطال الرجل الغيبة أن يأتي أهله طروقاً، ما يجيش كده فجأة يدخل. وفي رواية: «نهى أن يَطْرُق أهله ليلاً يتخونهم أو يطلب عثراتهم»، ما يعملش كده، لا، يبلغها: أنا جاي. وفي رواية: «إذا قدم أحدكم ليلاً فلا ياتين أهله طروقاً حتى تستحد المغيبة»، المغيبة كده صح عندكم تشكيل؟ آه. الغين... الغين والياء عليها شدة، آه.
ماشي، «المغيبة وتمتشط الشعثة». يبقى المراه عارفة أن جوزها مسافر فمش مهتمة بنفسها، فيبقى قبل ما تيجي تنبهها: أنا جاي في الوقت الفلاني، وما تتخونهاش يعني، مافيش كده، الناس دماغها ما أعرفش فيها إيه. ومعنى «تستحد»: تستعمل الحديد في حلق الشعر الذي تعافه النفس وهو شعر العانة، واستعمله على طريق الكناية والتورية. يعني تستعد، يعني قال النووي في شرح مسلم: معنى هذه الروايات كلها أنه يكره لمن طال سفره أن يقدم على امرأته ليلاً بغتة، فاما من كان سفره قريبا تتوقع امرأته أتيانه ليلاً فلا باس.
ماشي، إيه؟ الطارق اللي هو الشيء الذي يأتي بغتة، واحنا عندنا في الأذكار بتاعتنا، آه، إلا طارقاً ياتي بخير، ماشي. يأتي بخير، بنستعيذ من كل طارق إلا طارقاً ياتي بخير، الحاجات اللي بتجي لك فجأة كده. نفسه عشان مش... يعني بداية الذكر ونعوذ... بداية، مش فاكر، بس في الآخر وأنا دلوقتي مش حاضرني يعني: ونعوذ بك من كل طارق إلا طارقاً ياتي بخير.
قال: «وقفَّة تلقاء باب، وكوة وكوة كده»، وكوة، فان لم يجب يمضي، وان يخفي يزددي فوق، كنا قلنا كلمة، قال كلمة وأنا عدتها، قال: «ما يزودش عن الثلاثة بشرط»، وأنا عدتها كده وكالعادة ما حدش واخد باله، إيه اللي بيعدي؟ إنه أن الاستئذان من شرط الاستئذان أنه يكون مسموع، فهو لو ظن أن الاستئذان لم يُسمع، ممكن يزود؟ آه، ممكن يزود. اللي هو بقى في البيت ده فان لم يجب يمضي، وان يخفي يزددي، ماشي، يسمع نايم مثلاً ولا؟
آه، يعني مثلاً البيت، وأنت عارف أن البيت ده الجرس مثلاً ما بيسمعش البيت كله، أو مثلاً أنت عارف أي مستأذنة زي إحنا بنقول في المدن، أنت بتبقى مستأذْن أن أنت جاي أصلاً، فخلاص هو، فبتخبط ما بيفتحش، ما هو أنت خلاص، هو عارف أن أنت جاي، فيظهر كده أن هو مثلاً أنه كذا، فهيزود.
هو الصورة بتاع المسافر يستاذن ما يرجع البيت هل فيقاس على كده أن الشخص مثلاً لو زوج ما يفتش تليفونها، أو العكس؟ طبعا طبعا، ده أشد. تفتش ليه في تليفونها وتفتش ليه في تليفونه؟ إلا لو في إذن، يعني هو مش تفتيش، يعني يعني عادي هو أذن لها أن في أي وقت عاوز امسكي التليفون امسكيها، وهي أذن له في أي وقت التَّرَبُّص، هو داخل حاجة مش عايز يشوفها، أو العكس يعني؟ لا، ما يعملش كده. الرعاية؟ لا، مش من باب الرعاية، لا، ده شيطان بينفث في النفوس، ولو استجبنا له، الوسواس هيزيد، يعني مش هو خلاص اطمأنّت، لا أول ما الشيطانلاقي هو الشيطان دي يوسوس لك في حاجات كتير قوي، ويشوف أنت إيه اللي... إيه اللي هيتلبس معاك وجاي معاك سكة، فلو لقى أن لما بيوسوس لك بخاطر الخيانة أو يوسوس لها بخاطر الخيانة جت سكة، بس بقى خلينا هنا شويه، ماشي.
قال: يعني تكره وقفة المستأذْن عند الباب مقابلاً له. يبقى خبطت، ما تقفش بحيث الباب أول ما يفتح إيه؟ تجرح حرمة البيت. أو مقابلاً له وهي السيئة عليها تشكيل بس، هو هو ضابطها بالفتح، يعني الثقب؛ لأنه إذا وقف مقابلاً لذلك ربما نظر من داخله، لا يظهر من داخله والله أعلم، أو يظهر كده؛ لأن الاستئذان إنما هو من أجل البصر. يا شيخ، مش ينظر من داخل، من دي اللي جوه دي؟ آه. لا، ينظر هو من داخله، من دي مفعولية مش على الفاعلية، من داخلي هنا أشوف اللي جواها. ما أظن أن هي في اللغة ما يُقالش من داخله، يُقال من خلاله مثلاً ولا إيه؟ من داخله، مش عارف، المهم يعني مفهوم، يعني المعنى مفهوم.
وعشان كده برده من الأدب أنك لما تروح لواحد وأنت ضيف وبعدين سابك مثلاً دخلك الصالون وما قالكش اقعد في حتة معينة، فتشوف المكان اللي ما يجرحش البيت تقعد فيه. يبقى الصالون كده مثلاً والطرقة هنا، تقوم أنت رايح قاعد لي هنا في الكرسي، إيه الشغلانة دي؟ فبتشوف المكان اللي ما يجرحش البيت تقعد فيه، ماشي.
طيب، قال وعن سهل رضي الله عنه قال: قال النبي صلى الله عليه وسلم: «إنما جُعل الاستئذان من أجل البصر»، متفق عليه. وكان إذا أتى باب قوم لم يستقبل باب من تلقاء وجهه، ولكن عن ركنه الأيمن أو الأيسر فيقول: «السلام عليكم، السلام عليكم»، وصح عنه صلى الله عليه وسلم أنه اراد أن يفقأ عين الذي نظر إليه من جُحْر من حجرته، وقال: «إنما جُعل الاستئذان من أجل البصر».
نرد في مشروع نجمع الأحاديث اللي تدينا صورة كلية لمجتمع الصحابه، محتاجين ده، علشان أولاً نفهم قيادة الأمة بتكون إزاي واختلاف الأنماط والشخصيات وكده. وبرضو مهم في تصوراتنا... تصوراتنا عن التباين في الناس، يعني ممكن... يعني الصحابه مش كلهم درجة واحدة، ومش كلهم في الصحبة بنفس المقدار، ومثلاً يعني مثلاً واحد إحنا دلوقتي نقرا الحديث ممكن نبقى ذاهلين عن أن ده صحابي، يعني أراد أن يفقأ عين، ماشي، في بعض هذه الأحاديث ممكن الآية يبتدي الشُرّاح يبتدوا يقولوا: لعله كان كذا، لعله كان كذا، يقعدوا كذا. إنما في الآخر ممكن يكون صحابي وعادي يعني لسه بيتعلم.
وماشي، يعني من الأحاديث اللي جت في دماغي من يومين، الحديث المتفق عليه أظن يعني، اللي هو لما سيدنا النبي عليه الصلاة والسلام سلم من ركعتين وجلس كالمغضب وشبك بين يديه في الحديث، فقام السرعان من الناس، خرجوا من المسجد وقالوا: قُصرت الصلاة. وفي القوم مش عارف فلان فهابوا أن يكلموا النبي عليه الصلاة والسلام، ففي القوم أبو بكر وعمر، هابوا النبي متنرفز، فقام رجل في يديه طول يقال له إيه؟ ذو اليدين، وقال: يا رسول الله، قُصرت صلاة أو نسيت؟ قال: «ما قُصرت وما نسيت». قال: بل نسيت، إلى آخر الحديث.
ففكرة أن الصحابه كان في... كان فيهم سُرعان من الناس اللي هم يخرجوا بدري، يعني يخلصوا الصلاة ويمشوا، ده إحنا مش بنشجع أن الناس تعمل ده، بس لما نشوف الصورة دي، الصورة الكلية للمجتمع ده، بتدينا إحنا شوية مرونة وهدوء في التعامل، وفهم لأنماط الناس، وفهم لاختلاف الناس في الدرجات. آه، إحنا في ذواتنا نرجو المعالي من الأمور، إنما في تعاملنا مع الناس نبقى شوية أهدى بقى شوية. محتاجين بقى نجمع الأحاديث دي، يعني أنا بفضفض، ما أنا عارف ما حدش هيجمع ولا حد هيعمل، أنا بسألكم في المنهج بتاعكم، ما بتجيبوش الحاجه المره اللي بعده.
ليه بقى بقول كده؟ لأن دايماً بنلاقي الخطاب الدعوي دايماً بيتجه لأنه ياتي بالآثار والأحاديث، سواء في جيل الصحابة أو من بعد جيل الصحابة، اللي فيها الهمم العالية ومعالي الأمور، وده كويس، ده مش... يعني بس الناس مش كل الناس، يعني ما ينفعش يبقى كل الناس هتبقى كده، هو وإلا كان... ده اللي أنا عاوز أقوله بقى، وإلا كان جيل الصحابة نفسه.
بقى كده، لا عادي الصحابه فيهم سرعان للناس وفيهم اللي أنا مش عاوز أقول بقى عشان إيه ممكن إن يعني يتفهم غلط الكلام يعني، بس في يعني مجتمع فيه أنماط كتير. سهل على الواقع، مهم الداعي يبقى عنده التصور ده علشان يبقى صدره واسع وبيتعامل مع؛ لأن طبعاً هو دلوقتي ما بقاش حتى الخطاب الدعوي ده موجود للأسف، حتى يعني الخطاب كان فيه دايما الكلام عن معالي الأمور، وال حتى ده ما بقاش موجود.
إنما لو يعني كتير سمعنا الخطاب ده، تلاقي بقى إيه الشباب اللي بيتربى على الخطاب ده ما يرضاش بأنه يلاقي حاجة مثلا وهو مش كده. واللي لم يفتح له في باب، يفتح له في آخر. نفهم كده، نفهم شمولية الدين ونفهم الحاجات دي، وإزاي النبي عليه الصلاة والسلام كان بيتعامل مع المواقف دي برضه.
يعني في في عرفة وفي الحج، وتيجي واحدة شكلها حلو، يقوم الشاب يقع يبص لها، يقوم النبي يودي بإيديه، هيودي وش تاني، فيوم الشاب راجع تاني باصص، يقوم النبي مودي وش، يقوم راجع تاني باصص. فكده سيدنا النبي عليه الصلاة والسلام فاهم، إحنا مش بنهون من شأن النظر، ولا، بس بنقول هو أنكر، يعني الإنكار حدث، لكنه كأنه راعى معنى آخر؛ إنه شاب ويعني ممكن يبقى إيه استحسن النظر، مش لاقي يبقى في شهوة تحركت، ولا استحسن النظر نظر للجميلة. فيعني المعاني دي بنلاقي النبي عليه الصلاة والسلام مين الراجل اللي قعد مع الستات، قال له: الجمل، فسيدنا النبي يعمل إيه عليه الصلاة والسلام؟ فهم خلاص يعني هو حابب يقعد مع الستات، وبعدين فشافه النبي، قال له: أنت بتعمل إيه؟ قال له: الجام بتاعي شرد وبتاع فرحت أجيبه، أي كلام.
فالنبي سابه عليه الصلاة والسلام، وبقى كل ما يشوفه يقول له: إيه أخبار الجمل؟ إيه أخبار الجمل؟ إيه أخبار الجمل؟ وما يزودش عن كده النبي عليه الصلاة والسلام، كل ما يشوفه: إيه أخبار الجمل؟ لغاية ما جاله بقى قال له: لا كان في جمل ولا كان.
فهنا طبعاً إحنا ده مش بنهون من شأن الأمور، لكن بنضعها في قدرها، دي حاجة.
تاني حاجة، مش معناه إن إحنا بنشجع طلاب العلم ودعاة المستقبل إنهم يبقوا متهاونين في أنفسهم، لا، إحنا ناخد أنفسنا بالحزم في كل شيء؛ لأن الدنيا مش مستحمله إن المتدينين واللي شايلين هم الدين يبقوا نص كم. الدنيا مش مستحمله ده. ماشي، يعني الناس بقى لو إتخذت قدوات هتتخذ مين إن شاء الله؟ فده جزء مهم، لازم نشوف إحنا على أكتافنا حمل كبير. على أكتافنا حمل كبير، ولازم نكون قد الحمل ده، فنأخذ الكتاب بقوة.
قوله: فان لم يمضي، يعني أن المستأذن إذا استأذن ثلاثاً فلم يؤذن له، فانه يمضي ولا يزيد على الثلاث؛ لقول رسول الله صلى الله عليه وسلم: «الاستئذان ثلاث، فإن أذن لك وإلا فارجع». وسئل أحمد عن الاستئذان فقال: إذا استأذن ثلاثاً رجع.
قوله: وإن خفي يزدي، يعني إذا ظن أو علم أنهم لم يسمعوا استئذانه، زاد على الثلاث حتى يعلم أنهم سمعوا، فإن أذن له، وإلا رجع. وقال العلامة ابن القيم: وهذا القول مخالف للسنة. يريد أنه لا يزيد على الثلاث مطلقاً عملاً بظاهر الحديث. عادي الحجاج يجيب كلام ابن القيم ويسميه العلامة عادي، ويفوته.
يعني هتلاقوا، يعني اللي منكم بعد كده هيتمرس في المذهب، ويمكن أنا أشرت لده قبل كده، هتلاقوا تعامل علمائنا في المذهب يعني مع كلام ابن تيمية، الذي هو أجل من ابن القيم -وابن القيم طبعاً-، لكن حتى مع ابن تيمية نفسه، عادي يذكر قوله في الوجوه عادي، يعني في الإنصاف المرداوي، أو ابن مفلح -وهو تلميذ ابن تيمية أصلاً، ومعظم لابن تيمية في الفروع-.
حتى إحنا، يعني مهم تعرف مفاتيح الكتاب اللي بتقراه، فمن مفاتيح الفروع: أن لو ابن مفلح قال: الشيخ، يبقى ابن تيمية، من كتر ما هو معظم له. لو قال: الشيخ وأطلق كده، أنت عاوز تعرف مين الشيخ ده؟ يعني هو يقصد ابن تيمية. ومع ذلك، عادي جداً يقول: ابن تيمية قال كذا كذا، ويقول كذا، قال يعني إشارة إنه مش موافق على اللي ابن تيمية قاله. ويمكن جه معانا كلام قبل كده برضه، الحجاوي؛ أنه جاب كلام ابن القيم، وأظن في مسألة الصلاة على النبي عليه الصلاة والسلام، تبين، صح.
قال: وتحريك نعله وإظهار حسه لدخول، حتى لمنزله أشهدي. يستحب للمستأذن أن يحرك نعله ويظهر حسه في دخوله، حتى إلى بيته؛ لأن هذا مظنة الاستتار من أمر يكره الداخل أن يراه.
شفتوا بقى؟ يبقى هذا مظنة أن لو حد يعمل حاجة جوه غلط، يلم نفسه بسرعة، فانت تعمل ده، فتقوم تعمل دوشة، يعني تعمل عند الباب ده عشان الناس تعرف إنك جيت. ماشي، تتنحنح، تحرك نعلك، تعمل مفاتيح، بتاع كدة، يقوم الناس تعرف إنك جيت اللي في البيت، فلو بيعملوا حاجة غلط ما يحبوكش تشوفها، معصية بينه وبين الله خلاص، إحنا مش هنيجي نفضح الناس، يعني خلاص عرفوا إنك جيت.
قال تاني: يستحب للمستأذن أن يحرك نعله ويظهر حسه في دخوله حتى إلى بيته؛ لأن هذا مظنة الاستتار من أمر يكره الداخل أن يراه، أو أمر يكره أهل المنزل أن يرى عليهم. يبقى هم يكرهوا إن هم يتشافوا على الحالة الفلانية، أو أنت لو شفت حاجة معينة هتبقى متضايق. وتطبوا عليا؟ أتنحنح وأعمل وبتاع، ما تشوفش الحاجة.
ماشي، والحاجات دي مش لازم تبقى حرام، مش لازم، يعني مثلاً إيه، أنت قلت لكم مية مرة تقفلوا الأنوار، وأنا اللي بدفع فاتورة الكهرباء، فتتنحنح وجاريين قافلين أنوار البيت كان فرح، قبل ما تدخل. طب أنت لو دخلت وشفت كده ضغطك هيعلي مثلاً، فتقوم تعمل صوت وبتاع، فيقفلوا أنوار البيت وتدخل تبقى مبسوط والكلام جميل.
ماشي، قال: فيستحب إظهار دخوله لأجل ذلك، وأيضاً لأنه ربما يفضي إلى الشحناء بين الأهل، أهو، لأنه ربما رأى من عوراتهم، العورات يعني ما يكره صاحبه أن يرى، يعني الشيء الذي يستقبح، ده معنى العورة، رأى من عوراتهم، فإذا أظهر حسه أو تنحنح أو حرك نعله، انتفى ذلك. وقالت زينب امرأة عبد الله بن مسعود: كان عبد الله إذا دخل تنحنح وصوت، يعني أحدث صوتاً. مختصر من حديث طويل في تعليق التمام، وقال أحمد: إذا دخل على أهله تنحنح. وقال مهنى: سالت أحمد عن الرجل يدخل منزله، ينبغي له أن يستاذن؟ قال: يحرك نعله إذا دخل.
ما هو ده برضه عشان نتصور البيوت. البيت زمان كان قد إيه؟ على شأن النعل وبتاع. مين قال إن النعل خشب؟ دي جبتها، أنت بتقول كده يعني؟ آه. أنا مش عارف النعل الخشب دي جبتها منين، جبتها منين؟ أنا بقول تصور عن. آه، تصور عندك يعني على غش. كان بيعمل من الجلود النعل، فلما يحركه بره على الباب، هو الباب البيت إيه؟ حجرة، حجرة ومثلا حاجة صغيرة في الجسم، فيسمعوا. تقولي إيه؟ آه، يحرك نعله يحدث صوتاً، يعني ما تمسكوش في اعمل صوت وخلاص.
فصل: يستحب للمستأذن إذا قيل له: من أنت؟ أو: من هذا؟ ونحوه، أن يقول: فلان، فيسمي نفسه بما يعرف به من اسم أو كنية، يعني ما يقولش: أنا، ما أنت مين يعني! لما في حديث أبي ذر، قال: خرجت ليلة من الليالي، فاذا رسول الله صلى الله عليه وسلم يمشي وحده، فجعلت امشي في ظل القمر، فالتفت فراني، فقال: من هذا؟ فقلت: أبو ذر. وفي حديث الإسراء، ثم صعد به جبريل إلى السماء الدنيا فاستفتح، فقيل: من هذا؟ فقال: جبريل. قيل: ومن معك؟ قال: محمد صلى الله عليه وسلم، متفق عليه. وكذا في السماوات السبع، فقيل: من هذا؟ فقال: جبريل. وقال عبد الله بن أحمد: دق أبي الباب، فقيل: من هذا؟ قال: أبو عبد الله.
ويكره للمستأذن إذا قيل: من هذا؟ أن يقول: أنا، ولا يسمي نفسه؛ لما روى جابر، قال: أتيت النبي صلى الله عليه وسلم فدققت الباب، فقال: من هذا؟ فقلت: أنا. فقال: أنا، كأنه كرهه، متفق عليه. وقال المروذي: قال أبو عبد الله: ما أكثر ما تلقى من الناس يدقون الباب فيقولون: أنا، أنا، إلا يقولون: أنا فلان. بيقول: مشهور الناس تقول: أنا.
فصل، قال الخلال: كراهية الجلوس وسط الحلقة. أبو داود قال: رايت أحمد بن حنبل إذا كان في الحلقة فجاء رجل فقعد خلفه، يتاخر. يعني لو هو قاعد الحلقة كده، وبعدين راح جاي قاعد وراه، فبقى كأن أحمد بقى في نص الحلقة، يقوم يتاخر عشان ما يبقاش في نصف الحلقة.
والحلقة، والحلقة، بمعنى عند بعض اللغويين، وبينهما خلاف عند البعض اللي هيفرق بينهما. كان عندي شعر حافظه كده، والواحد بقى ما بيبيكبر خلاص بينسى. شيبتوه، الله أكبر الله أكبر.
قال الخلال: كراهية الجلوس وسط الحلقة. أبو داود قال: رايت أحمد بن حنبل إذا كان في الحلقة فجاء رجل فقعد خلفه، يتاخر، يعني يكره أن يكون وسط الحلقة؛ لما جاء عن النبي صلى الله عليه وسلم. انتهى كلامه.
والنبي لعن، أظن فيها لعن دي، صح؟ من يجلس وسط الحلقة. ويتوجه تحريم ذلك، ولعله مراد الخلال؛ فإنه عليه السلام لعن أهو من جلس وسط الحلقة. أنا كنت أقصده: التسكين والفتح في وسط ووسط، مش في الحلقة، ماشي. وسط ووسط، إمتى تسكن وإمتى تفتح؟ بعضهم قال: نفس المعنى. وبعضهم فرق بين المحسوسات والمعنويات، أو يعني غير المحسوسات يعني رواه أحمد وأبو داود والترمذي وصححه.
فصل: يجلس حيث أجلسه صاحب البيت، وقيل: بل حيث انتهى إليه منه، يعني من المجلس، كذا في الرعاية. يعني لو ناس داخله الصالون فبيلفوا يقعدوا، فانت المكان اللي هتوصل إليه اقعد فيه، لو صاحب البيت قعدك في مكان معين، ماشي.
فصل: عن سلمان مرفوعاً: «ما من مسلم يدخل على أخيه فيلقي له وسادة إكراماً له إلا غفر الله له». يبقى دي سنة، ماشي. آه يعني تجيبله، تجيب له الكرسي، تكرمه بذلك، تقعده في مكان كويس، يعني ما يجيش مثلاً يبقى في كرسي عندك حلو مثلاً تقوم أنت اللي قاعد عليه وأنت صاحب؟ لا، تكرم ضيفك، أنت تقعده على الكرسي المريح.
وعن عمر عن النبي صلى الله عليه وسلم: «ثلاثة لا ترد: الطيب، والوساده، واللبن». رواهما الطبراني. وقد جاء النبي صلى الله عليه وسلم إلى عبد الله بن عمرو، فألقى له وسادة من أدم، جلد، يعني حشوها ليف، فجلس على الأرض وصارت الوسادة بينه وبينه، متفق عليه. ما هو هنا ده مجلس علم، مش الحلقة بالمعنى المقصود يعني؛ لأن إحنا كاننا مرتبين كده، بس هو الناس عاوزه تسند على الحيطان يعني، آه زي الشلتة الشلتة.
فصل: لا باس أن يستاذن الرجل إذا أراد أن يقوم من المجلس. قال ابن منصور لابي عبد الله: إذا جلس قوم إلى رجل يستاذنهم إذا أراد أن يقوم؟ قال: قد فعل ذلك قوم، ما أحسنه من أدب. قال أسحاق بن راهويه كما قال: وينبغي للعالم إذا جلسوا إليه فأراد القيام أن يستاذنهم. قال المروذي: كنا عند أبي عبد الله، إذا أراد أن يقوم، كان يضع يده على فخذه مرتين أو ثلاثاً، يعني يكسف يعف يعمل كده يعني، اللي هو عاوز كأنها عاوز يقوم يعني. فكنت ربما غمزت بعض أصحابنا فأقول: قم، فانه يريد أن يقوم.
وقال أبو داود: وكنا نقعد إليه كثيراً -طبعا أبو داود صاحب السنن من طلاب أحمد-، وكنا نقعد إليه كثيراً، فيقوم ولا يستاذننا. يعني لعل ده مع الخواص ممكن يتعمل. وقال البخاري: باب من قام من مجلسه أو بيته لم يستاذن أصحابه، أو تهيا للقيام ليقوم الناس. وذكر وليمة رسول الله صلى الله عليه وسلم على زينب وجلوسهم يتحدثون.
فنقول قولي هذا وأستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.
الشيخ أمجد سمير