د. أحمد عبد المنعمبسم الله الرحمن الرحيم. السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. بإذن الله سبحانه وتعالى نستكمل سلسلة أصول الانحراف. كنا توقفنا بعد الدرس الرابع.
اعتذر عن طول انقطاع، كان في بعض الظروف المرضية. أسأل الله سبحانه وتعالى أن يتم لنا على خير. هذه السلسلة كنا تكلمنا فيها عن قضية أصول الانحراف، وكنا قلنا إن إحنا هنتكلم عن مش هنتكلم عن الفروع، لأن الأبواب التي ممكن أن يخرج منها الإنسان خارج الشريعة هي كثيرة جدا. والشيطان على طول الطريق يحاول أن يصرف الإنسان عن طريق الله سبحانه وتعالى. لذلك إحنا قلنا هنتكلم من وجهتين.
الوجهة الأولى أصول الانحراف. ومن خلال الوحي هنتكلم عن الأصول الكبرى، مش هنتكلم على الفروع. لذلك إحنا قلنا هنكتفي أنا كنت قلت لكم أصلا في أول درس طريقة تحضير السلسلة إن إحنا ممكن نجري القرآن والسنة ونبحث في إزاي بنستخرج أصول انحراف؟ يعني ممكن ترجعوا للدرس الأول، فإحنا قلنا هنتكلم عن الأصول بس. أنا كنت كتبت معكم ست عشر مقولة من مقولات الكفر اللي بتبيّن أو مقولات الفاسدين اللي بتبيّن كيف خرجوا عن طريق الله سبحانه وتعالى. فإحنا قلنا نتكلم على الأصول. ثانيا من خلال الوحي.
فإحنا اكتفينا بما يقرب من أربع أصول مع الدرس اللي هو الأول استعادة الثقة. يعني السلسلة دي عبارة عن خمس دروس: الدرس الأول استعادة الثقة في الوحي، وشرحت فيها كيف نبحث عن مرادنا في الوحي؟ لأن بعض الطرق الخاطئة في التعامل مع النص القرآني أو مع السنة بيقول لك إيه؟ أنتم بتقولتوا وده هنتكلم عنه النهاردة إن شاء الله، بتقولوا إن القرآن نزل ليعالج الأزمات المعاصرة والقديمة ويصلح لكل زمان ومكان. أنا رحت أدور القرآن على الليبرالية ما وجدتهاش. إحنا قلنا دي طريقة خاطئة. كيف تبحث عن الليبرالية في القرآن؟ تكلمت في الدرس الأول.
بعد كده قلنا هتناول أربع أصول. أربع أصول غير الدرس الأول. الأصول الأربعة دي بتتكلم عن الأصل، سواء الأول والثاني والثالث والرابع، فكرتهم الأربعة أن الإنسان نظرتَ المادية، وأن هو يبعد عن الغيب وشهواته الداخلية، بل يريد الإنسانليفجر أمامه، وسوء التصور عن الإله، ثم أخيرا الانحراف في النص. الأربع أصول دول، يعني سواء اجتمعوا أو افترقوا في إنسان، يؤدوا إلى انحرافه. يبقى تاني، النظرة المادية للأشياء بعيدا عن الغيب، ده الأصل الأول من أصول الانحراف.
ثم الشهوة التي بداخله التي تجعله يرى الأشياء على غير حقيقتها. ثم ما فيش وازع، ما فيش رادع يمنعه، فبالتالي تصوراته عن الإله خاطئة، أو هو يتفنن في تغطية هذه التصورات، زي ما اتكلمنا أن غالب انحراف البشرية في تصورات الإله ما بين سنّة الإله أو تأليه الإنسان. آخر حاجة هنتكلم عنها النهاردة، وده الأصل الأخير من أصول الانحراف في هذه السلسلة، لعل الله سبحانه وتعالى ييسر بعض السلاسل نتكلم عن بقية القضايا الانحرافية.
آخر أصل هنتكلم عنه هيكون بعنوان: ابتغاء تأويله. يبقى عنوان درس النهاردة سلسلة اسمها أصول الانحراف، درس النهاردة اسمه ابتغاء تأويله. يعني إيه ابتغاء تأويله؟ هنتكلم درس النهاردة في مجموعة من عناصر، وهشرح ليه اخترت العنوان ده تحديدا، أو ممكن العنوان الفرعي نسميه: معركة النص. لأن النص حواليه معركة كبيرة زي ما هنشوف، معركة من أيام الجاهلية، معركة بعد ذلك من أهل الكتاب، بعد كده معركة، وإحنا هنتكلم عن تلت معارك مع النص.
لكن قبل ما نوصل للتلت معارك اللي مع النص، هادي مقدمات مهمة جدا عشان نفهم ليه في معركة أصلا حوالين النص. درس النهاردة هنتكلم في عناصر: العنصر الأول: احتياج البشرية إلى نص من الله سبحانه وتعالى. هل البشر أصلا كانوا يحتاجون إلى نص من الله سبحانه وتعالى؟ ثم ثانيا: طب فيه نص نازل من الله سبحانه وتعالى، لماذا هناك أصلا معركة حول النص؟ ثالثا: عنصر اتكلمت عنه بالتفصيل في درس بس هذكر بس العناوين الرئيسية، اسمه الهروب من التكليف.
رابعا: وبدأت بقى معركة النص. خامسا وسادسا وسابعا: معركة الجاهلية، معركة أهل الكتاب، المعركة المعاصرة. آخر حاجة: نواجه هذه المعركة. نحن كمسلمين مؤمنين بقيمة النص الذي أنزله الله سبحانه وتعالى، كيف سنواجه هذه المعركة؟ وأنتم عارفين دايمًا أن إحنا بنتكلم في الإشكالية أكثر من كيف، فغالبا كيف دي هتبقى سطر أو سطرين يعني.
طيب، إحنا قلنا عنوان الدرس ابتغاء تأويله. لما نجي نبص للآية اللي فيها العنوان ده اللي أنا اخترته من عنوان -أنا بحب بما أن إحنا قلنا هنتكلم من خلال الوحي أن تكون العناوين عناوين قرآنية، زي كده لما جينا نتكلم عن النظرة المادية قلنا ﴿أَلَن نُؤْمِنَ لَكَ حَتَّىٰ تَفْجُرَ لَنَا مِنَ الْأَرْضِ يَنْبُوعًا﴾ [الإسراء: 90]، أو الشهوات ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5]- لما نجي نشوف قول الله سبحانه وتعالى: ﴿هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ﴾ [آل عمران: 7].
ربنا سبحانه وتعالى هو اللي بيقول، يعني بعض الناس يعتقد أنه من فرط ذكائه أنه اكتشف المتشابهات، فربنا بيقول: أنا أصلا اللي نزلت متشابها. ﴿هُوَ الَّذِي أَنْزَلَ عَلَيْكَ الْكِتَابَ مِنْهُ آيَاتٌ مُحْكَمَاتٌ هُنَّ أُمُّ الْكِتَابِ﴾، واللي عايز يرجع لتفصيل الآية دي، الإمام الطبري له تفصيل رائع، شيخ الإسلام ابن تيمية له فصل كامل أظن في المجلد الثالث عشر بيتكلم على مسألة المتشابه والمحكم، لأن حصل خلاف طويل، ده مش قضيتنا دلوقتي، «أُمُّ الْكِتَابِ» الطبري قال دي الأصول اللي بنرجع لها.
يعني إنا لا نستطيع أن نفهم المتشابهات من غير أصول، لما واحد يطرح عليك آية أو حديث من المتشابهات تقول له: لأ، ما هو هذا لا يفهم بمفرده، هذا يفهم ضمن السياق، من سياقه أن إحنا نرجع للمحكم. فربنا بيقول: ﴿وَأُخَرُ مُتَشَابِهَاتٌ﴾ [آل عمران: 7]. طيب، المتشابهات دي لها حكمة أكيد، ابن الجوزي في زاد المسير وغيره، وابن قتيبة من قبله، ما هي الحكمة من وجود المتشابهات في النص القرآني؟ ليه ربنا سبحانه وتعالى قال متشابهات؟
أظن أن ابن قتيبة ذكروا أربع حكم تقريبا، وبعض المعاصرين زود عليها، حاول يفرع وابتكر ليه ربنا سبحانه وتعالى ابتغاء الحكمة، ده شيء أحيانا بيزرع في الإنسان الدافع أنه هو لا يفتن وأخوة المتشابهات، فربنا بيقول، وربنا نص على حكمة من هذه الحكم، فقال ربنا سبحانه وتعالى: ﴿فَأَمَّا الَّذِينَ فِي قُلُوبِهِمْ زَيْغٌ﴾ [آل عمران: 7]. يبقى ده أول وصف له، أن هو في قلبه، مش في عقله. يعني المتشابه ظاهر الآية أن الفرق ما بين المحكم والمتشابه عايز نوع من التفكير.
فأنا أحيانا لا أستطيع أن أفهم المتشابه، ممكن أظن لقلة العلم، لعدم وجود أدوات كافية، لعدم وجود مجلس مشورة لفهم الآية، لا لا لا، ده بتفاجأ أن المشكلة الرئيسية كانت في قلبه مش في عقله. يعني أحيانا لا يفهم آية من المتشابهات بعقلي، ثم يقول: آمنا به، كل من عند ربنا، ما عندوش مشكلة أصلا، يعني المشكلة كانت عند الطائفة دي اللي إحنا أصلا عايزين نتكلم عنها النهاردة، أن السلسلة اسمها أصول الانحراف عن هؤلاء الذين انحرفوا، ربنا بيقول: ﴿فَأَمَّا الَّذِينَ فِي قُلُوبِهِمْ زَيْغٌ﴾.
يبقى أول حاجة المشكلة فين؟ ليست في عقله، في قلبه. زي العلماء بقى اتكلموا: هل مرض؟ هل شك؟ يعني في واحد عايز يعيش، وده اتكلمت عنه في درس المعرفة القرآنية، في واحد دايمًا عايز يعيش في حالة من الشك، يقول لك من أوائل أو أول آية في القرآن: ﴿لَا رَيْبَ فِيهِ﴾ [البقرة: 2]، ما فيش شك هنا، المعرفة هنا معرفة يقينية. ﴿فَأَمَّا الَّذِينَ فِي قُلُوبِهِمْ زَيْغٌ﴾ قلنا في مرض، في واحد في قلبه، إما شهوة أو شبهة، ﴿فَيَتَّبِعُونَ مَا تَشَابَهَ مِنْهُ﴾ [آل عمران: 7]. قاعد بيتكلف، يتتبع ما تشابه منه.
طب ليه؟ طب ما أنت قدامك المحكمات. يعني لما ييجي واحد يقول لك إيه؟ بنشوفه دلوقتي كتير بعد بقى التقلبات اللي حصلت في الواقع والأزمات من 2011 لغاية دلوقتي، واحد يقول لك: إحنا اتضحك علينا. فتقول له: يعني إيه اتضحك علينا؟ يقول لك: لا لا لا، أنا مش مكمل في الطريق ده، إحنا اتضحك علينا، الإسلاميين دول كلهم طلعوا مش عارف إيه. فتقول له: يعني ليه مش عايز تكمل في الطريق؟ واتكلمت على ده بالتفصيل في درس الحوار بعد الكون، يقول لك: أصل كل حاجة طلع فيها خلاف.
تقول له: طب التوحيد فيه خلاف؟ لا. طب الصلاة فيها خلاف؟ لا. طب أركان الدين فيه خلاف؟ لا. طب حتى النوافل القيم دي فيه خلاف؟ لا. أمال أنت قاعد بتستجلب قضايا خلافية عشان تنقض الأصول ليه؟ فدول قاعدين ﴿فَيَتَّبِعُونَ مَا تَشَابَهَ مِنْهُ﴾. النبي صلى الله عليه وسلم قال لأمنا عائشة: إذا رأيتم الذين يتبعون ما تشابه منه فأولئك الذين سماهم الله فاحذروهم. يعني النبي صلى الله عليه وسلم قال لنا: لازم يبقى عندكم المقدرة على معرفة هؤلاء، هؤلاء اللصوص اللي بيدعوا بيقفزوا بعيدا عن المحكمات نتابع المتشابهات.
عايزين إيه من المتشابهات؟ يعني أنت سايب الأصول، وواحد عايز يقدم الدين، سايب كل الأصول وسايب كل القضايا الواضحة، وقاعد رايح المتشابهات ويتكلف في ذلك. طب ليه؟ ﴿فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ﴾ [آل عمران: 7]. ركز معي بقى، ليه؟ ربنا قال حاجتين: ابتغاء الفتنة وابتغاء تأويله. طيب هو التأويل ده، زي ما هنتكلم في آخر الدرس إن شاء الله، هو أحد الأدوات التي ممكن يتم التعامل بها مع النص، وغالبا أصبح في الآخر لفظ مذموم، لكن خلينا نتكلم ابتغاء تأويل.
كان المتوقع أن التأويل ده الوسيلة للوصول للغاية، فانا كان متوقع أنا لما قريت الآية أصلا قعدت أقراها كذا مرة، أنا ظني أن إيه؟ ابتغاء تأويله يأولها الأول عشان يوصل للفتنة. لكن ربنا جاب المقصد اللي هو رايح له قبل الوسيلة اللي يستعملها، لأن هو رايح للنص بمقصد معين، هو اعتقد الأول ثم استدل، هو رايح بيدور على الفتنة، ﴿فَيَتَّبِعُونَ مَا تَشَابَهَ مِنْهُ﴾. ليه بتتبع المتشابه؟ هو رايح بيبحث عن الفتنة.
طيب هوصل إزاي لفتنة الناس من خلال النص؟ أداة تأويل، وده اللي هنتكلم عليها، ما هي الأدوات التي تم استعمالها للانحراف عن النص؟ فربنا سبحانه وتعالى بيقول ابتغاء الفتنة، بيتكلموا إيه هي الفتنة؟ في أقوال كتير، من أجمل الاقوال اللي لقيتها، حاولت تصيغ الأقوال التي وردت عن السلف والمتأخرين في جملة صديق حسن خان في في تفسير فتح البيان بيقول: طلبا منهم، ابتغاء طلب، عايزين إيه؟ طلبا منهم لفتنة الناس في دينهم وللتلبيس عليهم، وللتلبيس عليهم وأفساد ذات بينهم، لا للحق.
وهو لما رايح للنص القرآني مش رايح قاعد بيقول إيه؟ هو مراد ربي مني إيه؟ الله سبحانه وتعالى خلقني أكيد بحكمة، ﴿وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ﴾ [الذاريات: 56]. وربنا سبحانه وتعالى قال إن الإنسان لم يخلق سدى. طيب أنا عايز أبحث عن المراد لله سبحانه وتعالى، هو ما بيعملش كده، هو عايز الناس ويفتن نفسه، وعايز الفتنة بقى لها استعمالات كتير: قيل الشرك، وقيل الشهوات، وقيل إفساد ذات البين، يعني هو عايز يفسد ذات البين، فانت متخيل واحد عايز يوصل للفتنة دي! طب إزاي؟
في بقى طرق قديمة قوي أن هو إيه؟ وده هنشوف زي معركة الجاهلية مع النص، أن هو ينكر النص، يقول: ما فيش نص، ﴿مَا أَنزَلَ اللَّهُ عَلَى بَشَرٍ مِّن شَيْءٍ﴾ [الأنعام: 91]. الجاهلية المعاصرة أنها مش بتعمل كده، لا، هي هتاول تأول هذا النص. يبقى لذلك إحنا سمينا الدرس ده ابتغاء تأويله، ليه؟ أن عايزين نشوف ما هي الوسائل اللي بيتم استعمالها لمقاومة هذا النص، لأن هو له هدف، هو له هدف أن هو عايز يفتن الناس، خد بالك. نلخص الدرس: كيف يقوم بفتنته دون التخلّي الكامل من النص؟
لأن الجاهلية رفضت النص، وهنشوف إزاي الجاهلية عملت معارضة مع النص قالت: لأ، ما فيش، ما فيش قرآن. طب إزاي بقى أهل كتاب؟ وإزاي أن في ناس بتدعي الإسلام، بتدعي أن هي بتنتمي إلى دين من الأديان، ثم تقوم بتبرير كل الشهوات؟ إزاي؟ ده هنشوفه إن شاء الله. يبقى أول حاجة اتكلمنا عنها النهاردة فكرة عنوان الدرس.
نيجي بعد كده للعناصر، أول عنصر: احتياج البشرية إلى نص من الله سبحانه وتعالى. الله سبحانه وتعالى عايزك تستحضر لحظة النزول الأولى، ولحظة الخطاب الأول من الله سبحانه وتعالى لآدم بعد المعصية. يعني عايزك تستحضر الآيات في سورة البقرة، ربنا سبحانه وتعالى يقول بعد ما وقع آدم في المعصية وأزلهما الشيطان عنها فأخرجهم مما كان فيه، ربنا بيقول إيه؟ ربنا سبحانه وتعالى بيقول: وقلنا ده الخطاب، يعني ممكن نسميه الخطاب الأول بعد المعصية، اللي إحنا هنستفيد منه بعد كده أن إحنا جالنا خطاب من ربنا.
ربنا بيقول: ﴿اهْبِطُوا بَعْضُكُمْ لِبَعْضٍ عَدُوٌّ﴾ [البقرة: 36]، ده أول حاجة ربنا قالها لسيدنا آدم: فيه عداوة هتقابلك، ﴿وَلَكُمْ فِي الْأَرْضِ مُسْتَقَرٌّ وَمَتَاعٌ إِلَىٰ حِينٍ﴾ [البقرة: 36]. تاني حاجة ربنا بيقولها له، بيقول له: أنت مش اللقاء البقاء في الدنيا ليس دائما، أنت تقعد فترة مستقر ومتاع إلى حين. طيب الحين ده اللي إحنا هنرجع له هنتحاسب عليه، طب إيه المنهج اللي هنتحاسب عليه؟ ﴿فَتَلَقَّىٰ آدَمُ مِن رَّبِّهِ كَلِمَاتٍ﴾ [البقرة: 37].
ربنا ما سبوش، ربنا نزل له كلمة، هذه الكلمات أخرجته من الذنب وعلمته كيف يقاوم إبليس، وبعد كده ربنا بيقول له: كلوا اهبطوا منها جميعا، فاما يأتينكم مني هدى، فمن أول لحظة ربنا بيقول له: أنت يا آدم عند نزولك للأرض.
نحن الآن نتكلم من بعد النزول، يعني هذه مرحلة، هذه حياة، هذه قصة، وفهمها مهم جدا لفهم احتياجنا للنص. نحن سنبدأ من الجزء الثاني، أن هو نزل آدم أو قبل النزול، فربنا بيقول له: اهبطوا. طيب يا رب أنا هنزل إزاي؟ أنا كنت في الجنة، أنت أما بتقول لي على اللي أنا أعمله، أنت لما قلت لي ما تاكلش من شجرة كان خطاب مباشر: لا تقربا هذه الشجرة. طب أنا هنزل الأرض! طب إيه الوظيفة المطلوبة مني؟ خليفة في الأرض. طب إيه طبيعة الوظيفة؟ إيه مقوماتها؟ إيه أدواتها؟ كيف تتعامل مع أعداء هذه الوظيفة؟ من هم الأصدقاء والأولياء؟ من هم الأعداء؟ آليات التعامل؟ كل ده أنا ما أعرفش عنه حاجة، فربنا بيقول له: لن أتركك، فإما يأتينكم مني هدى.
دورك أنك تتبع الهدى، فمن تبع هداي ما تخافش؛ فلا خوف؛ لأني أنا نازل مكان جديد، أرض جديدة، أنا كنت في الجنة، ربنا بيقول لسيدنا آدم: أنت كنت في الجنة لا تظمأ ولا تجوع ولا تعرى، كل حاجة مجابة. أنت هتنزل أرض مكان جديد، أول مرة تشعر بالظمأ، أول مرة تشعر بالجوع، بالعري، بالالم، الأعداء بوسوسة الشيطان، ماذا ستفعل؟ والذين كفروا وكذبوا بآياتنا أولئك أصحاب النار هم فيها خالدون. لذلك بدأت سورة البقرة بأصناف التعامل مع النص، يعني لو إحنـا عايزين نستحضر أن سورة البقرة بدأت أن في نص نزل من الله سبحانه وتعالى لا ريب فيه، هدى للمتقين، وأن هناك طائفة آمنت، وطائفة أعرضت، وطائفة ترددت. يبقى هناك طائفة آمنت، وطائفة أعرضت، وطائفة ترددت؛ وهم المنافقين.
طيب، يبقى هل البشرية تحتاج إلى نص؟ طبعا، الإنسان ضعيف، الإنسان، وده في محاضرة كاملة اتكلمت عنه، الإنسان أجوف، وأبليس اكتشف الأمر ده وبيدخل الإنسان من هذا الجوف، واتكلمنا على احتياج الإنسان إلى ملء هذا الجوف، فالإنسان له جوف مادي يملؤه بالغذاء، ثم جوف معنوي يملؤه بالكلام. والكلام اللي الإنسان محتاجه، طب واحد يقول إيه؟ طب ما نقعد، مش ربنا إدانا عقل وإدانا فطرة؟ يعني مش دلوقتي ربنا إدانا عقل وفطرة، طب ما نقعد مع بعض كمجموعة بشرية ونحاول نوصل؟ لأ، ما هو أنت العقل والفطرة ينقصها نص؛ تفاعل العقل والفطرة مع النص يعرفك مراد ربنا سبحانه وتعالى. بدون النص لن تستطيع، ليه؟ لأن أنا ممكن أهوائي تغلبني، أنا شايف أن الصح أن احنا نعمل كذا، طب اختلفنا، طب أنا هموتك، اهو آخر الصراع بين أي اتنين هو القتل.
لذلك الملائكة لما عرفت ده، أحد الأقوال يعني في معنى خليفة، لما عرفوا أن هو هيكون عنده حرية من الاختيار وعنده نوع من الإرادة، طب ما هيحصل تنازع إرادات، تنازع الإرادات ده سيؤدي إلى اختلاف، الاختلاف ده يؤدي لقتل. لذلك أول ملحظ التقته الملائكة قالوا إيه: ﴿أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء﴾ [البقرة: 30]، وخصوا من بين الفساد سفك الدماء؛ لأن أي تنازع إرادات، دول شايفين أن الصح كده، ودول شايفين أن الصح كده. طيب، احنا عايزين خطاب من فوق، من فوق البشر، خطاب من خارجنا كلنا، كلنا نرجع له؛ فخطاب من الذي خلقنا؛ لأن إحنا كلنا ممكن تغلبنا أهواؤنا، الفطرة ممكن تشوه، العقل ممكن تأتي عليه حجب.
ودي مسألة مش عايز أدخل فيها، قصة طويلة بقى في عند المتكلمين، مسألة التحسين والتقبيح العقلي، أنا يعني لا بنقول زي المعتزلة العقل يوجب، ولا نقول زي الأشاعرة عمرنا هنعرف حاجة والعقل عمره ما هيعرف حاجة؛ لأ، العقل يستطيع بالإيجاب يكون من الله سبحانه وتعالى لا من العقل. مش هتكلم في النقطة دي، أنا بتكلم أن الإنسان من غير نص ممكن يوصل لحالة من السيولة، أن كل حاجة ممكن تبقى صح، وكل حاجة تبقى غلط. تخيل لو احنا، عشان كده هو بيقول لك إيه؟ لما حبوا ينشروا الإلحاد، قال لك احنا عايزين ننزع المقدس من العالم. تخيل لو العالم ده ما فيش فيه شيء مقدس، يعني عايزك تخيل كده العالم ده ما فيش فيه مقدس، ما فيش فيه عيب، ما فيش فيه حرام، ما فيش فيه غلط!
تخيل إحنا عايشون في عالم أي حاجة ممكن تبقى عادي صح، بل كلمة الصح مش موجودة؛ لأن هو كله زي بعضه، الصح زي الغلط، كلمة صح وغلط مش موجودة، ما فيش أساساً لو ما فيش عتاب، ما فيش وجود. تخيل إحنا عايشون في عالم كده، اللي عايز يعمل أي حاجة بيعملها! هو ده خطورة نزع المقدس. كانوا بيسموه زي تعبير أحدهم يعني؛ آه، معتقدين أن هم لما يشيلوا المقدس من العالم العالم يستريح من الدين، هكذا يعتقدون؛ فنزع السحر من العالم، بيعتقدوا أن الدين سحر، كما قال المشركون الأوائل.
تخيل أنت بتعيش في عالم ما فيش مقدس، يعني تخيل أنت عايش في بيت، بيت بس ما فيش فيه صح وغلط، ما فيش فيه عيب، اللي عايز يعمل حاجة بيعملها، طب إيه اللي هيقدس كلامك؟ يعني لو أنت هتجيب لي، يعني يقول لك إيه: ممنوع تعمل كذا، قانون. أيوه، إه اللي خلاه ممنوع؟ يعني ليه القانون ده يمنع؟ أنا ممكن أتعترض ويحصل الخلافات. لكن لما يكون شيء مقدس من عند الرب سبحانه وتعالى، خلاص، الكل يلتزم.
إذاً، البشرية لو، ودي إزاي نعرضها؟ إحنا إزاي نعرف احتياج البشر إلى نص أن احنا نشرح مدى احتياجه وفطرة الإنسان وضعف الإنسان؟ أو أن احنا نتكلم بقى بمفهوم المخالفة: ماذا لو غاب النص؟ أنك تقعد تتخيل، وده في درس كامل اسمه: ماذا لو غاب القرآن؟ تقعد تتخيل العالم من غير أي وحي، مش بس من غير القرآن، من غير أي خطاب من الله سبحانه وتعالى للبشرية. عايزك تتخيل العالم، كل العالم، من غير أي شيء مقدس. تخيل لو احنا جبنا كل دساتير العالم وجبنا كل القوانين وقطعناها! ده حتى في تعبيرات الناس بيقول لك إيه: هي البلد ما فيش فيها قانون؟ هو إحنا عايشين في غابة؟ يعني ده حتى تلقائياً هيقول لك: بما أن ما فيش قانون، هو على طول؛ لأن إحنا عايشين في ضلال. يعني الإنسان تلقائياً يفهم أن نزع النص المقدس من حياته يجعله كالأنعام، ده فطرة الإنسان؛ أن لو ما فيش حاجة بنتحاكم إليها ونرجع إليها، يصبح الإنسان كالأنعام.
بل احتياج الإنسان يا جماعة لنص أعلى من ذلك بكثير، مش بس للتحاكم، ربنا بيقول للنبي صلى الله عليه وسلم: ﴿وَنُثَبِّتُ بِهِ فُؤَادَكَ﴾ [هود: 120]؛ يعني مجرد أنك تثبت على المعاني الصح، أنت محتاج لنص. ده مش بس كده، مش بس في الشريعة وفي التحاكم وفي فهم العالم، لأ، في فهم الأقدار؛ يعني لما المسلمين في غزوة أحد قالوا: أنى هذا؟ أنت من غير وحي ممكن تحصل أقدار كتير أنت مش فاهم. يعني ممكن ليه غني؟ أنت ممكن تتساءل: ليه غني وظالم؟ ليه فقير ومتسامح وطيب؟ ليه الظلم فضل فترة طويلة؟ لو ما عندكش تفسيرات، أنا ممكن واحد يقول لك إيه: أنا أقول لك على حاجة، أنا هشرح لك أنا ليه موضوع الغني كذا، قلت له: لأ، أنا مش مقتنع بكلامك. لكن لما يجي لك كلام من ربك، كلام مقدس، يشرح لك، أنت ممكن تستريح.
لذلك سورة آل عمران اللي لقيت فيها كلمة المتشابهات، وده سبحان الله من إعجاز القرآن، نجد أن تقريباً تقريباً سورة آل عمران نصين، يعني تقريباً هي السورة مئتا آية، من آية مئة وعشرين كده، وبدأت تقريباً تتكلم بقى في غزوة أحد ويضغط، ومن قبلها مقدمات. النص الأول: المتشابهات التي كان يريدها النصارى وكيفية التعامل، وأن هم مثلاً يقولون كلاماً فيه نوع من التلبيس، أو يلبسون الحق بالباطل، أو آمنوا وجه النهار ويكفروا آخره، أو يعملوا شوية حركات كنوع من المتشابهات في الدين.
النص الثاني: حصلت أحداث قدرية، أنا ممكن أسميها المتشابهات القدرية، أن مثلاً زي حصل في أحد كده هزيمة للمسلمين، والمسلمين معهم العدة والعتاد والنبي صلى الله عليه وسلم، فصدمة: ليه نتغلب؟ إحنا انتصرنا في أحد بعدد أقل من كان معنا، وكان معنا النبي صلى الله عليه وسلم، ليه اتغلبنا في أحد وكان النصر في الأول معنا؟ فدي أسئلة بتحصل للإنسان في الطريق: ليه اتظلمت؟ ليه حصل لي كذا؟ ليه؟
التساؤلات دي لا يجيب عليها بإجابة شافية إلا الله سبحانه وتعالى، إلا بالنص. أنت أي حد هيحاول يجيب لك إجابة بشرية، تقول لك: لأ، أنا مش مقتنع، أنا مش هصدق؛ ممكن يدخل في اكتئاب وجنون، ما يتحملش ضغوط الحياة. النص يصبر الإنسان. يبقى إيه ده؟ البشرية تحتاج إلى نص للتحاكم، للفهم، للهدى، للبصيرة، لفهم الحياة، للثبات؛ بالقدر يبعد عن البشرية تحتاج إلى نص.
طيب، بما أن النص طلع حلو قوي كده، والنسان طلع ضعيف، والإنسان بعقله وفطرته نقص مكون ثالث عشان المكونات دي تتفاعل معه، وهو النص؛ واكتشفنا أن من أول لحظة ربنا بيقول لسيدنا آدم: سأنزل عليك كلمات؛ بل احتفاء آدم لفظ التلقي: ﴿فَتَلَقَّىٰ آدَمُ مِن رَّبِّهِ كَلِمَاتٍ﴾ [البقرة: 37]، أظن أجمل حد قرأت له شرح معنى التلقي الرازي لما نقل عن الإمام القفال: التلقي ده فيه احتفاء، مش بس قبول، يعني فيه احتفاء.
طيب، ده طلعنا أن احنا محتاجين أن احنا في الدنيا دي غرباء، إحنا أصلنا في الجنة، مكان غريب، فيه عدو لا نراه، كيفية مواجهة العدو ده؟ وأول خطاب ربنا قاله لنا: أن اهبطوا بعضكم لبعض عدو. ده إحنا طلعنا محتاجين نص جداً! وننزع النص من العالم، وده درس بقى بالتفصيل: ماذا لو غاب القرآن؟ أو ممكن بقى نسميه هنا: ماذا لو غاب المقدس من العالم؟ طلع أن احنا هنعيش في الغابة.
طيب، بما أن طلعنا محتاجين النص ده، ليه في معركة حول النص؟ ليه في ناس رافضة نص؟ ليه في ناس مش عاجبها وجود هذا النص وبتحارب هذا النص؟ كما سنشوف، ده العنصر الثاني: لماذا هناك معركة حول النص؟
هبقى عايزك تتخيل لو أنا اقترضت منك قرض، ربنا قال: عشان ما يحصلش نوع من المراوغات، ربنا قال لي أعمل إيه؟ الدين ده قال إيه؟ ﴿فَاكْتُبُوهُ﴾ [البقرة: 282]. كتابة الدين تمنع من المراوغة؛ لأنك ما ترجعش تقول ليه: لا، ده كانوا مئة ألف، لا، ده كانوا خمسمئة ألف، لا، حصل، لا، ما حصلش، لا، أصل أنا ناسي. لأ، هو إيه؟ مكتوب. النفس البشرية، وجاي اتكلمت عنه في الأصل الأصول: ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5]، واتكلمت عن الصراع بين النفس والعقل، وزي ما قلت لكم، من الكتيبات الجميلة التي أبدعت في الشرح: كتاب الطريفي الفصل بين النفس والعقل، حاول يفصل ويشرح لك الفرق ما بينهم، وقدرات كل واحد من العقل والنفس.
النفس تحب المراوغة. عقلاً، أنت ممكن تكون مقتنع أن ده أحسن حاجة، لكن مفصل الشهوات؛ أنت عايز في وسط أهواء البشر والخلافات الكتير والاقتراحات اللي مقترحة، يعني إيه مثلاً؟ خلينا مثال عشوائي كده لسه جه في ذهني الوقتي، لسه جاي من الواحد بيقلب في السوشيال ميديا، واضح أن قضية النسوية عمالة تزداد جداً، وتصورات المرأة عن المرأة حتى المسلمين بل الإسلاميين -إن صح التعبير- أشعر بنوع من الغبش. طب لو إحنا عايزين نعيد تعريف المرأة؟ إحنا عايزين دلوقتي نتكلم، وده لسه بأقرا بعض الكتب الغربية تصارعت عن المرأة، التصورات حتى السياسية، من الكتب الجيدة لتناول النسوية كتب سياسية بتتكلم في الأيديولوجيات السياسية أصلاً؛ لأن هو أصبح سياسة.
طيب، لما الواحد بيقعد يقرأ الكلام ده، والتصور الاشتراكي والتصور الليبرالي عن المرأة، والتصورات الفلسفية والتصورات النسوية القديمة والجديدة والخناقات اللي بينهم دي كلها، لو فقدنا كل التصورات النسوية اللي جت لنا كده وقعدنا نبص، أنت ممكن تتوه. المرأة لو، تخيل المرأة قاعدة هي المرأة عايزة تعرف طبيعتها، هي الطبيعة دي ولا دي ولا دي أنفع لها وللأصل؟ وبعدين دول يقول لك النسوية القديمة، وبعدين سواء المعاصرة، وبعدين هيطلع أكيد حاجة مستقبلية! إحنا عايزين يا جماعة نقول لهم: إحنا عايزين حاجة ثابتة، مش عايزين متغيرات، مش عايزين، خلي بالك، مش عايزين أهواء، أنا عايز ثابت، هو ده قيمة النص.
وهذا اللي بيخلي ناس تكره النص؛ أن فيه نوع من الثبات. قل لي: طب إزاي؟ وهنتكلم بقى على فكرة المتغيرات: هل النص ما فيش فيه متغيرات؟ هتكلم عن فكرة المتغيرات إن شاء الله. لكن النص فيه إيه؟ فيه ثبات. النص فيه تمام؛ لأن الإنسان من لحظة الخلق الأولى، وهذا يعرفنا أن إحنا ليه ضد التطور، من لحظة الخلق الأولى والإنسان فيه مرتكزات ثابتة، في ثوابت، في مشاعر ثابتة، في أخلاق ثابتة، في فطرة ثابتة؛ فالنص يخاطب هذا الجزء الثابت من الإنسان، سواء كونه ذكراً أو أنثى، طفلاً أو رجلاً، وبيتحرك فيه، في ثوابت في الإنسان. النص ثابت في، بيخاطب هذا الجزء الثابت. المتغيرات الحياتية نص اعتبرها وسكت عنها، واتكلمت عن ده في سورة العنكبوت في قضية الاكتفاء المنهجي، وأن في مساحة من النص.
مفضوحة، لكن نرجع: يبقى ليه فيه معركة حول النص؟ لأن النص ثابت ضد الأهواء. ففي واحد يقول لك إيه: لا، على فكرة هو كده المرأة مش صح؛ الصح إن المرأة كذا كذا كذا.
وبعدين يفاجأ: إيه ده؟ ده النص عكس اللي أنا بقوله. طب أنا هتصرف إزاي؟ أنا بقى شكلي وحش جداً دلوقتي. طب واحد يقول لك: أنا شايف إن الدنيا التعامل معها كذا كذا وكذا -يعني يعني مسألة سريعة كده برضو نقد يعني- من الكتاب اللي بيحاولوا يطلعوا أفكار إبداعية أو أحمد خيري العمري، له أفكار جيدة في بعض الكتب، قولوا أفكار أنا أرى إن هي يعني للأسف تحتاج إلى مراجعات، سواء حتى في موضوع الإلحاد كان فيها أخطاء منهجية سيئة جداً.
لكن خلينا ناخد الكتاب اسمه البوصلة القرآنية بتاعه البوصلة القرآنية، والكتاب بيحاول يقول لك وجهد القرآن، أنا ممكن مثلاً -وده مش ممكن، ده حقيقي- أنا مخالف الطرح اللي في الكتاب البوصلة القرآنية. طب لو أنا عايز أقدم دليل أن أنا أقول له يا أستاذ أحمد -ما أعرفش هو الدكتور أو إيه؟ الدكتور أحمد خيري- أنا أالف ما تفضلت وتقدمت به في طرحك في كتاب البوصلة القرآنية. يقول لي: ما دليلك؟ قولها: في نص ثابت، يعني النص ثابت أهو بيقول كذا كذا كذا، والمعاني اللي أنا بقولها مبثوثة في النص القرآني، ولو بحثنا كمّاً وكيفاً هنوجد أن المعاني دي بتخالف الطرح والمعاني دي. يبقى فيه نص نرجع له، فيه نصوص نرجع لها.
يبقى عندنا الخلافات لازم فيه حاجة نرجع لها، وإلا الخلاف هيظل إلى ما لا نهاية يعني، وده قيمة النص. فأحياناً المخالف مش قصدي طبعا دخول أحمد خيري عمر دلوقتي خلاص أنا برجع الناس المفسدين؛ اللي عايز يتبع هواه يفاجأ أن النص ضد الهوى. وأصلًا الإمام الشاطبي بيقول: كل الشريعة جاءت، زي ما بيقول في الموافقات في كتابه: جاءت لإخراج المكلف عن داعية هواه. يعني الشريعة جت تقول لك: ما تتبعش هواك، واسمع كلام ربنا، يعني خالف الهوى، بل: «لا يؤمن أحدكم حتى يكون» -وإن كان فيه ضعف، لكن معناه صحيح- «حتى يكون هواه تبعا لما جئت به».
يعني عموم الشريعة ومن المقاصد الكلية الرئيسية للشريعة أن تخرج الإنسان من داعية هواه. طيب ما هو أنا دلوقتي أهوائي ديت عايز أمشيها، أفاجأ أن فوزي يقول: لا لا لأ، لف وارجع تاني، أهو النص بيقول كذا كذا، بس الموضوع عكس اللي أنت بتقوله تماماً.
فده خلى، طب واحنا هنتصرف إزاي؟ أهل الشهوات متضايقين، هنتصرف إزاي؟ يبقى إحنا لازم نتصرف في النص ده، النص ده حاجز، إحنا لازم يعني نكسر النص ده. وده بقى هنا ننقل بقى العنصر التالت، وهو الهروب من التكليف، وده كنت اتكلمت عنه في تقريبا درس: وما قدروا الله حق قدره، تقريبا، اللي هو الأصل التاني من أصول أو التالت من أصول الانحراف؛ مسألة لما اتكلمت عن السنن الإلهية وتقليد الإنسان، ولما حاولنا نجيب كلمة: «وما قدروا الله حق قدره» في القرآن، فوجئنا أن هذه الكلمة، هذه الجملة: وما قدروا الله حق قدره، أو من غير واو في آية: وما قدر الله حق قدره، موجودة في تلات مواطن في القرآن: في سورة الأنعام، وفي سورة الحج، وفي سورة الزمر.
ولقينا إن التلات آيات أو التلات مواضع كل موطن بينفي سوء الظن عن الله، لأن يعني: وما قدروا الله حق قدره -لما قدروا الله حق قدره؟- إما مسألة الخلق اللي موجودة في سورة الحج، أو نفي الوحي اللي موجودة في سورة الأنعام: ﴿مَا أَنزَلَ اللَّهُ عَلَى بَشَرٍ مِّن شَيْءٍ﴾ [الأنعام: 91]. يبقى إحنا قلنا: وما قدروا الله حق قدره جت في تلات مواطن: مرة مع الخلق، ومرة مع الوحي، ومرة مع الدار الآخرة. وقلنا التلاتة دول هو ده مسلسل التكليف، أي حد عايز يهرب من التكليف يا أما ينكر وجود الله، أو ينكر النص، أو ينكر الدار الآخرة.
يعني المشركين قالوا: فيه إله، بس أنكروا الاتنين دول. الملحد ممكن يوجه التلاتة. في واحد ممكن يوجه الدار الآخرة بس أو يدلس في الدار الآخرة، زي بعض أهل الكتاب قالوا: إن مثلاً: ﴿أَيَّامًا مَّعْدُودَاتٍ﴾ [البقرة: 80]. يدرس في دار آخرة، ويسيب النص زي ما هو، ويسيب، أو يعني برضو يحرف في النص. فده مسلسل التكليف، أي لعب في ضلع من الأضلاع هيساعد اللي عايز يتابع الشهوات أنه يهرب من التكليف.
يبقى إذا هيفاجأ أن أمامه ضلع من الأضلاع لازم يتخلص منه، وهو النص. يعني مثلاً الملحد دلوقتي لو عايز يدعي العقلانية أو الاضطراب، أو أن كلامه مضطرب أو أو أو، لازم يجاوب، وده اللي خلى كتير من الملاحدة الآن بيهربوا من منطقة الإلحاد المباشر إلى منطقة اللاأدرية؛ أن هو لازم يجاوب على سؤال الوجود، فييجي الملحد يفاجأ أنه مش قادر يقدم إجابات. لازم الملحد يرد على مسألة الخلق، ولازم اللي هيثبت وجود الإله يثبت: هل الله خلقنا كده عبثاً؟ ما فيش رسالة؟ ما نزلناش نص؟ ولازم اللي هيحرف في النص يبقى عنده إجابات على الأسئلة اللي هترد عليه.
فبالتالي المراوغة من التكليف تخلي الإنسان لازم يقدم إجابات. وده اللي خلى أن دلوقتي أي حد بيدعي أو أو خلاص أي حد وصلنا معه أننا هزمناه في مسألة وجود ربنا سبحانه وتعالى، وأثبتنا أن هذا الكون له حكمة عظيمة، وبالتالي: ﴿أَيَحْسَبُ الْإِنسَانُ أَن يُتْرَكَ سُدًى﴾ [القيامة: 36]. يعني لو إحنا نجحنا في المقدمة دي، وفي مناظرة أو في إقناع أو في نقاش كسبنا المقدمة الأولى أن الإنسان لم يترك ولن يترك سدى، فبالتالي الله سبحانه وتعالى له نصاً.
لو نجحنا في المقدمة الأولى، وفي واحد أتهزم معنا في الجولة الأولى، وعايز يظل يتبع الشهوات، هتيجي بقى درس النهاردة، اللي هو معركة النص؛ حاسس أن النص بالنسبة له بيحرجه، ثابت، مش متغيب، يتصرف إزاي؟ يبدأ بقى هنا يتكلم عن المعارك، بدأت المعركة مع النص.
بدأت المعركة مع النص أقوال كتيرة يعني ممكن ترجعوا لها في الكتب المصادر اللي هقولها لكم، زي جون لوك كان بيقول: لم يعد لنا حاجة إلى الوحي، هو حاسس أن الوحي عامل نوع من التضييق، يقول لك: لم نعد بحاجة واحدة، فالله سبحانه وتعالى بيقول هو خلاص بيثبت وجود الله، أعطانا وسائل أكثر نفعاً من الوصول لاحتياجاتنا. وتلاقي حد تاني يقول لك: لأه، إحنا الوحي مقيدنا، محتاجين نوصل لطريقة إن احنا نتخلص بها من سيطرة الوحي على حياتنا، ونقولات يعني ممكن أقول لكم على موضوعنا إن شاء الله في آخر الدرس.
طيب، نيجي بقى بدأت معركة النص، إحنا اتكلمنا على في لحظتين مفصليتين: لحظة الخطاب الأول من الله سبحانه وتعالى لآدم عند نزوله الأرض، واللي يهمنا إحنا بقى كمسلمين، ولحظة النزول الأول للوحي عن النبي صلى الله عليه وسلم: ليه أقرأ؟ النبي صلى الله عليه وسلم اتكلمنا عن اللحظة المفصلية الأولى دي خلاص، واتكلمنا إيه، حللنا الألفاظ اللي فيها.
نيجي نتكلم على اللحظة المفصلية التانية دي؛ لحظة أقرأ. طبعا اللحظات المفصلية كتير زينا يعني، لو أنت عايز التلات لحظات ورا بعض: سورة المائدة: ﴿إِنَّا أَنزَلْنَا التَّوْرَاةَ فِيهَا هُدًى وَنُورٌ﴾ [المائدة: 44]، وبعد كده الإنجيل، وبعد كده القرآن: ﴿أَنَّهُ مُهَيْمِنًا عَلَيْهِ﴾ [المائدة: 48]. وبعد كده: ﴿وَمَن لَّمْ يَحْكُم بِمَا أَنزَلَ اللَّهُ﴾ [المائدة: 44]، خلاص، التلات آيات. وأنه من أحسن الله، قال: ﴿قَوْمٍ يُوقِنُونَ﴾ [المائدة: 50]. الربع ده جيد جداً في تصور خريطة نزول الشريعة والتصور العام لنزول الشريعة. سورة المائدة أصلاً سورة يعني لعل الله سبحانه وتعالى ييسر الشرح لها، سورة بتبيّن لك النظرة الإجمالية لنزول الشريعة على الأرض وفكرة العهود والمواثيق.
طيب اللحظة المفصلية دي خلينا نشوف ما قبل اللحظة المفصلية وما بعدها، أنتم طبعا عشان أنتم عكسي، فلما هيبقى عندكم القبل وبعدها هنتكلم على ما قبل اللحظة المفصلية. النبي صلى الله عليه وسلم قبل الوحي كان اسمه إيه؟ كان يسمى يلقب به: الصادق الأمين. هل كان النبي صلى الله عليه وسلم حد بيعمل له معارك، ركز معه وعايز يغتالوه وعايز يموتوه وزعلانين منه؟ لا ما حصلش.
بالعكس، النبي صلى الله عليه وسلم كان اسمه الصادق الأمين، كانوا بيشاوروه، وكانوا عارفين أنه بيظل الليالي ذوات العدد في الغار، وكانت بكل أمان عادي جداً. أمنا خديجة تذهب إليه وتعطيه الطعام ليتزوج -ما كانش حد بيراقبه، يعني ما كانش بقى زي زي الهجرة: قال لأمنا خديجة وأنت جاية الغار خلي حد يجيب الغنم ويمسح الآثار وخلي حد يعرفك- وتقولي: لا لا أبداً، بكل أريحية خديجة كانت تأتي بالطعام وتروح للنبي صلى الله عليه وسلم ليتزود الليالي ذوات العدد، بل في بعض الروايات أنها كانت تعتكف بجواره.
فالموضوع في قمة الأمان، وكان يخلص الأيام دي وينزل يعيش وسط المجتمع ويتاجر ويكسب، والناس ممكن تعطيه أموال، فكان عايش حياة ما فيش فيها المعارك اللي إحنا بنتكلم فيها، للنبي اللي ربنا قال من أول لحظة: ﴿بَعْضُكُمْ لِبَعْضٍ عَدُوٌّ﴾ [البقرة: 36].
متى بدأت المعركة؟ أول ما تغير الاسم من الصادق الأمين -لأن ده اسم، يا جماعة، الصادق الأمين وصف، هتقول لي: ذاتي؟ ما هو بيصدق للناس وبأمانة الناس، مش قصدي، مش قصدي ما لوش أثر متعدي، أقصد أن هو كإنسان هو أنا انسان صادق، دي أخلاقي- لكن تغير الاسم إلى رسول الله، بقى اسمه إيه بعد ما كان الصادق القديم؟ بقى اسمه: محمد رسول الله.
يعني إيه رسول الله صلى الله عليه وسلم؟ يعني إيه كلمة رسول؟ يعني يحمل رسالة، بقى هنا شيء متعدي، يعني هو الآن مطالب أن يبلغ الرسالة: ﴿تَبَارَكَ الَّذِي نَزَّلَ الْفُرْقَانَ عَلَىٰ عَبْدِهِ لِيَكُونَ لِلْعَالَمِينَ نَذِيرًا﴾ [الفرقان: 1]. يعني الآن من أول لحظة قيل له: قم، ما حدش ينفع خلاص تقعد، ما حدش ينفع تعتزل. ما قبل الرسالة يسعك الاعتزال، أنك تعتزل عن الناس، لأن هو أصلاً ما كانش معه أداة للتغيير.
ولو أنت عايز تتخيل ماذا لو غاب القرآن؟ هنرجع للحظة الأولى، لحظة الاعتزال في الكهوف، وده اللي حصل للنصرانية لما بدأ يحصل التحريف، هو خلاص الرهبانية، ما هو ما معهوش أداة يغيّر بها، يعني تحريف النصوص هيمنعك من أنه يبقى معك أدوات التغيير.
النبي صلى الله عليه وسلم انتقل بعد أقرأ إلى أنه كان أو أصبح رسول الله صلى الله عليه وسلم. يعني إيه أصبح رسولاً؟ يعني إيه بقى معه رسالة؟ ومطالب أن يبلغ هذه الرسالة، وركز معي، كما هي. وأن لم تفعل، زي ما ربنا قال وابن عباس فسر، يعني: إن لم تبلغها كاملة -وإن لم تفعل فما بلغت رسالته- يعني لو أنت بلغت القرآن كاملاً إلا آية أو آيتين، فكأنك لم تبلغ رسالة، لأن الرسالة مجملة بعضها، إذا كان في استطاعتك ذلك طبعا، أو إحنا من بعدنا للنبي صلى الله عليه وسلم يعني.
طيب، لما النبي صلى الله عليه وسلم بدأ يبلغ رسالة، فوجئ بمعركة. يعني إيه ده؟ أنا قبل المعركة، لذلك النبي صلى الله عليه وسلم لما نزل الوحي بكل أريحية، هم واثقين فيه، فدعا الناس ودعا الأقرباء ودعا العشيرة: أيها الناس! وبعدين قال لهم: هو مش أنا لو قلت لكم إن فيه خيل لخلف هذا الوادي تغير علينا مش هتصدقوني؟ أنا كلمتكم على مسألة حياتية خطيرة سياسية هتؤدي إلى الوفاة وإلى القتل، هتصدقوني؟ أه هتصدقك.
يعني لو أنا كلمتكم في مسألة سياسية يترتب عليها أننا قد نباد، هتصدقوني ولا هصدقكم؟ أنا بقى بكلمكم في مسألة أخروية، ينبني عليها أن قد إنسان يخلد في جهنم، هتصدقوني؟ قالوا: ليس، بدأ يطرح عليهم القرآن، يقول: لا، مش هنصدقك. يبقى بدأت المعركة من اللحظة دي.
طيب، هنا بدأت المعارك الثلاث: معركة الجاهلية الأولى مع النبي صلى الله عليه وسلم حتى الهجرة، لما راح بقى لأهل الكتاب قالوا: لأ، طب ما احنا أصبحنا اللي معنا النص! هنا بقى بدأت معركة أخرى تماماً: أصبح نص مقابل نص. هناك نص مقابل أهواء وشهوات فقط، يعني في الجاهلية في مكة النبي صلى الله عليه وسلم بيقول لهم نص، هم بيقولوا إيه بقى؟ نزكي من الآيات الجميلة أوي في سورة ترتيب الآيات في سورة الأنفال بيقولوا إيه؟ بيقرأ القرآن فمضايقهم جداً القرآن، فقالوا: على فكرة لو نشاء لقلنا مثل هذا.
بعدها بشوية: ﴿وَمَا كَانَ صَلَاتُهُمْ عِندَ الْبَيْتِ إِلَّا مُكَاءً وَتَصْدِيَةً﴾ [الأنفال: 35]. يعني هو لما حب يعمل حاجة صلاة وحب يجيب، عمل إيه؟ قعد يصفر ويطبل، هو ما عندهوش حاجة، هو ما عندهوش معنى قادر يقدمه. لكن معركة الجاهلية كان نص مقابل أهواء وشهوات، وهنشوف إزاي حاربوا بقى ده.
لما الناس راح قال الكتاب: لأ إحنا معنا نص، طب هم أصلاً قدروا يحاربوا النص بتاعهم إزاي؟ يعني إزاي أنتم بتحلوا الربا؟ بتتعاملوا بالربا؟ إزاي: إذا سرق فيكم الشريف تركتموه؟ إزاي مش بتقيموا العدل بينكم؟ إزاي بتتبعوا الشهوات؟ إزاي الأحبار والرهبان عندكم بياكلوا أموال الناس بالباطل؟ إزاي وصلتم كده وأنت لسه الكتاب، عملتوها إزاي دي؟ يعني بحيث أن اللي عندنا اللي عايزين يتعلموا الحاجة دي يتعلموا يفضل ازاي مفتي وإزاي مش عارف إيه، وبرضه يعمل اللي هو عايزه من الشباب، عملتوا عملتوها إزاي دي؟
فهم قدروا يعملوا حاجات، عايزين بقى ينقلوا الأدوات دي مع النص القرآني، فدي معركة تانية. معركة تالتة خالص بقى اللي نزلت لمعركة النص: القراءات المعاصرة للنص القرآني، إزاي قدروا أن هم يبتكروا أدوات عشان يحرفوا النصوص، وعشان يظلوا قدام الناس يقول إيه: أشهد أن لا إله إلا الله.
أنا مسلم أنا بحب النص القرآني، وبعدين لأ أنا شايف أن المرأة تمشي بالبكيني في الشارع. ازاي يعني؟ أصل أنت مش فاهم أنا هأشرح لك النص قريب. هو ما أنكرش مصر، هو لم ينكر النص خلاص وهنتكلم على المعركة الأخيرة مع مصر.
طيب نجي نتكلم يبقى دلوقتي احنا هنتكلم تلات معارك: معركة الجاهلية، معركة أهل الكتاب، المعركة المعاصرة مع النص القرآني، سم الختام كيف نواجه هذه المعارك. معركة الجاهلية يعني احنا ممكن نزرها في عناصر، لما بسقها في عناصر قد يظن البعض أن المشركين حطوا خطة، رقم واحد هنعمل كذا، فإذا فشلنا هنعمل كذا، فإذا فشلنا الخطة، مش ده اللي حصل، لكن أنت هتلاقي طريقة عرضها أشبه بكده، يعني ده محاولة، محاولة أن احنا إيه من استقراء النصوص القرآنية، ما هي الأدوات التي استعملها المشركون لمحاربة النص القرآني؟
طيب ممكن نقول أن هما عملوا أربع حاجات، يعني معركة أربع حاجات، ممكن نسميها: الإعراض، ثم معركة عدم التأثر، ثم معركة الاتهام والهجوم، ثم معركة المساومة. أربع معارك خاضها المشركون مع النص: إعراض، عدم تأثر، اتهام وهجوم، مساومة. وبعد ما خلصوا المعارك دي وفشلوا فيها كلها، عملوا معركة أخيرة هأقولها وبعد كده ننتقل لمعركة أهل الكتاب.
إيه معركة الإعراض؟ دايمًا لما حد مثلاً، وده بيحصل في أي حاجة حتى احنا كمسلمين، هتيجي شبهة إلحادية أو واحد أنت بتورد عليه شبهة، أول حاجة بتعملها عايز تبين مدى ثقتك في نفسك، فبتعمل إيه؟ فتقول إيه ده كلام فارغ، ده هو ده كأنه ينفخ في هواء وكأنه يريد أن يطفئ نور الشمس، فهما برضو عايزين ياخدوا بقى الحتة دي فيقولوا إيه الكلام ده سيبوه كلام كلام.
لذلك أذن سورة لقمان فقول الله سبحانه وتعالى: ﴿وَلَوْ أَنَّمَا فِي الْأَرْضِ مِن شَجَرَةٍ أَقْلَامٌ وَالْبَحْرُ يَمُدُّهُ مِن بَعْدِهِ سَبْعَةُ أَبْحُرٍ﴾ [لقمان: 27]. في أكتر من سبب نزول منها أثر مروي عن قتادة أنهم قالوا هذا كلام، يعني هما دلوقتي قعدوا يفكروا إيه اللي جَدّ على النبي صلى الله عليه وسلم؟ هل نزل عليه سلاح من السماء؟ هل أخرج يده فأصبحت بيضاء؟ هل كانت معه عصا فشق بها البحر؟ هل كان يحيي الموتى؟ هل يبرئ الأكمه والأبرص؟ لا، لا، مش كل ده، إيه اللي جَدّ عليه؟ اللي جَدّ عليه أنه نزل عليه وحي. يبقى احنا هما نشوف التفكير، وده تفكير على فكرة صحيح، لو احنا استطعنا أن احنا ننزع منه الوحي أو نهون من شأن الوحي، احنا كده نجحنا في المعركة، لأن ده اللي جَدّ، آه، قبل كده ما كانش عندنا مشكلة معه، كان الصادق الأمين اللي بيروح يقعد في الغار وبنشاوره في مشاكلنا، ما عندناش منه مشكلة خالص، طيب.
فأول حاجة قالوا إيه؟ إظهار بقى الثقة، هذا كلام، زي ما قلت النبي بيقول: هذا الكلام يوشك أن ينفد، يعني النهاردة عرف يقول سورة الفلق، بكرة هيقول سورة التكوير، بعد كده مش هيلاقي سورة يقولها، سيبوه يخلص شوية، الكلام ما بيخلصش، ومش بس الكلام ما بيخلصش، ده أحد معاني أن كان لا، يعني ممكن يناقش فيه بس يعني، ما نفذت كلمات، هو المعاني المتجددة للوحي، يعني حتى لو الوحي له عدد آيات ثابت ستة آلاف وشوية، المعاني ما بتخلصش، ففشلوا في مسألة أن هما إيه يوشك أن ينفد.
قالوا طب خلاص، سيبه يتكلم لغاية لما عمره اللي ينفد، شاعر نتربص به ريب المنون، أو بيقول شاعر وشويه وهيموت، ريب المنون، هل دي بقى يعني هل دي إشارة كده خفية لاغتياله؟ المهم يعني إيه شاعر نتربص به ريب المنون، كده كده هيموت، جه ناس قبله وماتوا، ونصبر عليه شويه، مش مشكلة جيلنا يفسد بس الجيل اللي بعده هيكون هو مات وكلامه خلص. فقعدوا يتعاملوا ويتواصوا بالإعراض، يتواصوا بالإعراض، وبيفاجئوا الكلام مستمر، الأثر مستمر، أبقى الله، وده من إعجاز القرآن وإعجاز الإسلام، لما حد يقول لك إيه من معجزات الإسلام؟ أنت بتقول له لما تقرأ بداية القرآن المكي، اللي يتكلم بالكلام ده يتكلم بطريقة فيها ثقة أنه سيمكن، طيب ما كان ممكن يموت في نصه، لكن أن هو ما يموتش غير بعد: ﴿الْيَوْمَ أَكْمَلْتُ لَكُمْ دِينَكُمْ﴾ [المائدة: 3]، وما يموتش غير بعد: ﴿إِذَا جَاءَ نَصْرُ اللَّهِ وَالْفَتْحُ * وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا﴾ [النصر: 1-2]، ده من إعجاز الإسلام، ففشلت المحاولة الأولى.
قالوا لأ، قعدوا بقى عملوا ده تخيلات يعني ده أنا بجود من عندي يعني، عملوا بقى كده المجلس، احنا مش هنسكت على اللي بيحصل ده، يتباع اللي معنا ويروحوا، وبعدين ده الزنا هتقل، واشتغلوا شوية يقول لك ما تعملوش كده، وهما بيحاولوا يدرسوا إيه أسباب التغيير؟ يعني زي ما درسوا كده سيدنا شعيب قالوا في حاجة غيرت في سيدنا شعيب فقالوا إيه: ﴿أَصَلَاتُكَ تَأْمُرُكَ﴾ [هود: 87]، حسوا أن الصلاة بتاعة سيدنا شعيب دي هي اللي بتدي الأوامر، يعني حاسس أنه بيقف في الصلاة بيتغير فاحنا عايزين نحارب الصلاة دي، فهم عايزين يحاربوا الوحي، فلقوا أن الإعراض والتجاهل مش نافع.
انتقلت معركة رقم اتنين، طب خلاص، لو احنا هاجمناه هيقول أن احنا معزمين الوحي ده، احنا هنعرض بس المرة دي إعراض بنوع من التواصي بعدم التأثر، هنقعد نحذر بعضنا: اوعى تسمع له. وهنرتب إيه؟ وهنوزع القطن والقرطس مجانا، هنعمل جمعيات خيرية توزع القطن مجانا على أبواب مكة، وهنبدا بقى معركة جديدة خالص أن احنا هنوصي بعضنا البعض بعدم التأثر، وقال الذين كفروا: ﴿لَا تَسْمَعُوا لِهَذَا الْقُرْآنِ﴾ [فصلت: 26]، دي المعركة رقم اتنين. تسمعني يبقى رقم واحد التجاهل كأنه مش سامع حاجة، يعني لو سمع آية القرآن ولا كأنه سامع حاجة وعادي وعايش حياته بيمارس حياته باريحية. رقم اتنين لأ، بدأ في حالة الطوارئ، إعلان حالة الطوارئ ويجمع ناس: هنعمل إيه؟ ممنوع أي حد يسمع للقرآن، تحذير. لا، مش لا، ابن عاشور بيقول لا تستمعوا لا لا تسمعوا، يعني لو قدراً أنت معه، أنت مع، دي من عندي هما مش بيقولوا قدراً، لو بالصدفة أنت معدي والنبي قال: اتصرف. طيب أنا ما معييش قطن، جيت أحط عشان أحط القطن، غني، والغوا فيه، افتكر أي حاجة، افتكر أغنية، افتكر كنت ليلة حلوة قضيتها، يعني إيه؟ لغو على نفسك والغوا فيه، لأنك لن ننتصر في معركتنا معه إلا بانتصارنا على الواحد، لعلكم تغلبون. فبدأت المعركة رقم اتنين، اللي هو أحد معاني سامدون، وأنتم تغنون، اللي هو أن احنا نلغوش عشان الناس ما تسمعش، فن اللغوشة.
أحد القنوات اللي كان شعارها القناة الفاسدة اللي من شعاراتها مش هتقدر تغمض عينيك، اللي هو احنا هنخليك مش هتقدر تسمع، زي ما إن شاء الله باذن الله سبحانه وتعالى، إن شاء الله يعني أرجو أن بعد السلسلة دي ندخل في سورة الكهف، وهنتكلم أن من الآيات المحورية في سورة الكهف: ﴿وَكَانُوا لَا يَسْتَطِيعُونَ سَمْعًا﴾ [الكهف: 101]. هو عايزك توصل أنك مش قادر تسمع القرآن، وبعدين يفاجأ أن بمجرد ما بيشيل الكرسي وبيشيل القطن، زي ما حصل مع بعض الصحابة اللي أسلموا ويسمع، يؤمن، أن يكون معدي من قدام دار أبي بكر الصديق ويسمع قراية القرآن من الصديق، والصديق التزم أنه مش هيطلع برة فناء الدار، ومجرد قرايته للقرآن ويعيط أبو بكر، أبو بكر كان رجل كان رقيقاً أسيفاً يبكي، فالناس كانت بتقصف على الدار تحاول تسمع.
قالوا إيه ده، مش هينفع بقى الموضوع ده، احنا موضوع أن احنا نعرض بس أو نعرض وندعو بعضنا البعض لعدم التأثر، كان في آذاننا وقر، مش هينفع، الوقر ده مش جاب همه، احنا لازم نتصرف، نعمل إيه بقى؟ قال لي خلاص، احنا المرة دي هنعمل حالة من الهجوم، طولت عليك وأنا عارف معلش، هنعمل حالة من إيه؟ من الهجوم. يعني إيه بقى الهجوم دي؟ يعني احنا هنحاول نقوم بتشويه النص القرآني ده، يعني الأول إعراض، ثم عدم تأثر، ثم تشويه، هنقول بقى عليه شعر، نقول عليه سحر، ومرحلة التشويه دي يا جماعة محتاجة تفكير، لذلك ربنا بيقول إيه قبل المرحلة دي: ﴿إِنَّهُ فَكَّرَ وَقَدَّرَ﴾ [المدثر: 18]، لازم الكلام يكون موزون، ما يقولش أي كلام كده، قدر في ذهنه وقعد يرتب وقعد، دي مرحلة بقى أن لما حد يحاول يحارب النص القرآني دلوقتي، تلاقي بعد طول تفكير أنه فكر وقدر، في الآخر قال، طلع باتهام قال: ﴿إِنْ هَٰذَا إِلَّا سِحْرٌ يُؤْثَرُ﴾ [المدثر: 24].
قبل ما يقدموا الطعونات في النص القرآني بيقعدوا يفكروا، دي مرحلة التخطيط على، يعني كنت عشان حسيت الوقت بيجري بنا، كان في أكتر من آيات هنا ممكن نشرحها، زي بالضبط قول الله سبحانه وتعالى: ﴿كَمَا أَنزَلْنَا عَلَى الْمُقْتَسِمِينَ﴾ [الحجر: 90]، قيل اقتسموا، قيل أقسموا، مقتسمين، قيل من القسم وقيل من اقتسام. لو خدنا قول الاقتسام: قيل اقتسموا طرق مكة، وأن كل واحد بيدخل، اقتسموا أيضاً التهم، يعني واحد واقف على مدخل مكة، ده اللي جاي يدخل مكة يقول له ده شعر، هيقابلك واحد شاعر، وواحد هنا يقول كاهن، وواحد هنا يقول ساحر. لما تتوزع التهم، الإنسان يحصل له حالة من اللغوشة، وده حصل دلوقتي زي ما بتلاقي موقع بيتهم القرآن أن هو واخد من الكتب السابقة، وموقع بيقول أن القرآن فيه أكاذيب، وموقع بيقول أن القرآن ضد العلم، وموقع، يعملوا حالة من اللغوشة على النص القرآني، كل ده حالة من الهجوم.
آخر حاجة فشلوا في كل ده، قال لك بقول لك إيه، تعالوا بقى مع بعض، دي برضو من عندي، قعدوا مع بعض كده قالوا إيه، ما نلعب على المكشوف؟ إيه رأيك بقى؟ لأن واضح أن كل اللي احنا عملناه ده مش نافع، احنا هنقعد معه ونعمل الاتفاقات، خلاص، إيه رأيك تسيب النص القرآني ده ونديك اللي أنت عايزه، عايز ملك هنملكك، عايز أجمل واحدة هنجوزك، شوف أنت عايز إيه واحنا هندفعه، بس توقف عن هذا النص القرآني.
اللي هي بقى مرحلة آخر مرحلة، مرحلة المساومة: ﴿ائْتِ بِقُرْآنٍ غَيْرِ هَذَا أَوْ بَدِّلْهُ﴾ [يونس: 15]. مش هينفع تكمل كده، طب أقول لك على حاجة، فشلوا في دي، طيب إيه رأيك تتنازل عنه قليلًا؟ يعني زي ما ربنا قال: ﴿وَلَوْلَا أَن ثَبَّتْنَاكَ لَقَدْ كِدتَّ تَرْكَنُ إِلَيْهِمْ شَيْئًا قَلِيلًا﴾ [الإسراء: 74]. هما عايزين إيه؟ عايزين قليلًا دي، وارجعوا للدرس ده، لأن قليلًا دي معناه أن النص ده طلع مش مقدس، يا جماعة خدوا بالكم، يعني موضوع أن احنا نتنازل عن شيء من الدين لإرضاء الآخر، وبنعتقد أن ده نوع من التقارب، لا، ده ما ده بيدي له ثقة أن النص ده طلع مش مقدس، هو اللي يخليك، عارف لما نقول إيه أنا مستحيل أقرب منه، ده مستحيل أقرب منه، وبعدين بعد ضغط قال إيه: طب خلاص، أنا دي مضايقك بس هتسلم؟ والله والله لو قطعتها تسلم، طب قل والله، خلاص اه، طب ممكن تقطع لي الصفحة دي كمان؟ لا يمكن، ده مقدس، مقدس، أنت قطعت الصفحة الأولانية، يعني يعني هو دلوقتي بقى مقدس، فهيقول أنت مجرد القليل الأولاني هيجيب القليل التاني وقليل التالت وقليل الرابع، خلاص بقت الموضوع اتفتح ما تعرفش ترجع فيه، وده بيحصل كتير.
إذن كان في مجموعة محاولات قام بها اليهود ومن قبلهم المشركين، بل قامت بها ملكة سبأ مع سليمان، كان أظن جمع المحاولات دي حملناك الميداني في كتاب أظن اسمه مكائد يهودية تقريبا، كانوا عايزين يعرفوا، يقول لك أأنبي هو أم ملك؟ اختبارات، زي ما بلقيس كده أنا هابعت هدية، لو قبلها يبقى هو ملك مش نبي، محاولات اليهود حاولوا يعملوها، يقول لك احنا هنعمل له اختبار، لو اختار الاختيار اللي احنا عايزينه يبقى ده طلع ملك، يبقى احنا خلاص هنحاربه وهنضغط عليه، لو فضل صمم على ما نكره ده طلع نبي، يعني أحيانا إصرارك على ما يكره الخصم يؤكد أنك على الحق مش العكس، فإياك أن تتنازل عن جزء من الدين.
يعني إيه الخلاصة؟ المعركة الأولى كده خلصت معركة الجاهلية، أو لسه هنقول بقى آخر حاجة، معركة الجاهلية اه كانت معركة يعني أنا بسميها معركة وش في وش، هو دخل في النص، مش عايز نص، ﴿مَا أَنزَلَ اللَّهُ عَلَى بَشَرٍ مِّن شَيْءٍ﴾ [الأنعام: 91]، شيل لنا النص ده غيره. أهل الكتاب أزكى شويه، يخشوا، لأن هما أهل كتاب، لو تُرك النص هو أصلاً قيمته أن كثيراً من الأحبار والرهبان لا يأكلون أموال الناس بالباطل، هو أصلاً مصدر الرزق بتاعه أن هو الأحبار والرهبان، فهو عايز يحافظ على مصدر الرزق ده، أحد معاني قول الله سبحانه وتعالى: ﴿وَتَجْعَلُونَ رِزْقَكُمْ أَنَّكُمْ تُكَذِّبُونَ﴾ [الواقعة: 82]، وهذا قول المتأخرين أظن ذكر ابن عاشور، يعني أحد مصادر الرزق هو الكذب على الله سبحانه وتعالى.
فشلت المعركة الأولى، قال لك خلاص، هو النص ده بيطلع إيه؟ يعني النص ده لما النبي صلى الله عليه وسلم نزل به في الأرض طلع إيه؟ يعني طلع مثلاً لما النبي صلى الله عليه وسلم نزل بالوحي في الأرض بين الناس، طلع مثلاً ثمار فنولع له فيها؟ أو طلع مال فنسرقوه منه؟ النص ده طلع إيه؟ طلع رجال، طلع صحابة، ده منتج النص القرآني، يعني لو أنت عايز تعرف ما هي منتجات النص القرآني؟ هم الصحابة. طب نعمل إيه؟ نموت الصحابة، نموت نموت النص، نموت، ما احنا مش عارفين نموت النص، أعرضنا وأعترضنا وشغلنا وهربنا وحاولنا أن احنا نساوم وكل ده فشل، طب نعمل إيه؟
نتقل إلى سورة البروج، ومحاولة التقتيل لن تثمر، يعني اللي عايزين يحاربوا الدين ربنا بيقول لهم، أحد معاني قول الله سبحانه وتعالى: من كان يظن -اللي معتقد أنه هيهزم الدين- ﴿مَّن كَانَ يَظُنُّ أَن لَّن يَنصُرَهُ اللَّهُ فِي الدُّنْيَا وَالْآخِرَةِ فَلْيَمْدُدْ بِسَبَبٍ إِلَى السَّمَاءِ ثُمَّ لْيَقْطَعْ﴾ [الحج: 15]. قيل بتعود على النبي صلى الله عليه وسلم، من كان يظن أن لن ينصره الله، الآية بقا فيها أقوال كثيرة.
أخذ قول كان مش هو الأشهر، فليمدد بسبب إلى السماء ثم ليقطع، قيل سبب؛ حبل إلى السماء ويخنق نفسه، وكان فيه نوع من التهكم، أو بسبب إلى السماء ثم ليقطع الوحي؛ يعني الوسيلة، أنا بادلك، عارف أنت لما تكون لتفقيم السِقَة زي الغلام اللي خدوده كده، بيقول للملك: أنت عايز تموتني؟ ما فيش غير وسيلة واحدة بس، لست بقاتلي حتى تفعل ما آمرك به. فأنت عايز تقول لهم: أنتم يا جماعة اللي متضايقين من النص، ومتضايقين من الثابت، ومتضايقين من القوانين الشرعية والوحي والشريعة، أنتم عايزين تهزموا الشريعة، موضوع القتل والسجون والتعذيب ده مش هيجيب، أنا بقول لكم ده مش هيجيب؛ لأن أنتم هتموتوا، دول هيغيرهم، القرآن محفوظ، والقرآن لما بيثمر لما بيزرع، بيطلع منتج اللي هو الرجال، وهي دي سورة الطارق.
الدورة اللي ربنا ذكرها في سورة الطارق: ﴿وَالسَّمَاءِ ذَاتِ الرَّجْعِ * وَالْأَرْضِ ذَاتِ الصَّدْعِ﴾ [الطارق: 11-12]. الماية بتنزَّل والأرض بتطلع، هو الوحي كده، بينزل على قلوب المؤمنين يطلع معاني إيمانية ما بيخلصش، موتوا دول هينزل على غيرهم؛ لأن هو محفوظ، أنتم عايزين تيجوا من الآخر وتوفروا جهدكم، خليكم تعاملوا مع النص المباشر، ﴿فَلْيَمْدُدْ بِسَبَبٍ إِلَى السَّمَاءِ ثُمَّ لْيَقْطَعْ فَلْيَنظُرْ هَلْ يُذْهِبَنَّ كَيْدُهُ مَا يَغِيظُ﴾ [الحج: 15]، وده مش هيحصل. وكذلك أنزلناه، ده مش هيحصل.
آخر معركة؛ التعذيب والتشريد والقتل أيضًا باءت بالفشل، وهاجر النبي صلى الله عليه وسلم إلى المدينة، وبدأت معركة جديدة مختلفة، وده مهم. المعركة الجديدة دي؛ هذه المعركة الجديدة مهمة ليه؟ لما النبي صلى الله عليه وسلم قال لسيدنا معاذ وهو بيبعته لليمن: «إنك تأتي قوما أهل كتاب». مهم انك تعرف مين اللي بيقاومك؛ يعني مقاومة الملحد غير المشرك الوثني غير أهل الكتاب غير العلمانى تختلف. طب أهل الكتاب، وللأسف برضه الوقتي جري مننا، هيتعاملوا إزاي؟
يعني أنا قلت مشكلة أهل الكتاب أنهم اسمهم أهل كتاب وأهل الكتاب، وده أنا شرحتها قبل كده في فيديو: يريد الإنسان أنه لا ينظر أمامه، عايز يعمل معادلة صعبة جدا، عايز يحقق الفجور الذي بداخله ويحافظ على النص. أهل الكتاب قال لك: هنعمل إه؟ قال لك: هات لي الكتاب ده وأنا هحضره، قام ماسك الكتاب، هو دخل الآن في معركة، الشهوات والأهواء تريد شيئاً، والنص الثابت بيقول شيئاً، فدخل المعركة مع المصلحة اللي احنا بنتكلم عليها النهارده. قال خلاص، معارك بقى ربنا ذكرها في مقدمة سورة البقرة، وتفصيل في سورة البقرة، وفي النساء، وفي المائدة، في معركة التحريف، ومعركة التأويل، ومعركة الانتقاء، ومعركة تجعلونه قراطيس تبدونها وتخفون، في معارك قاموا بها.
فممكن يقول لك إيه: احنا هنحرف المعنى، أو هنبدل النص، نمسح، كانو يعملوه قراطيس عشان يخبوا اللي هم مش عايزينه على الناس، وكانت الناس أمية مش عارفين: ﴿وَمِنْهُمْ أُمِّيُّونَ لَا يَعْلَمُونَ الْكِتَابَ إِلَّا أَمَانِيَّ﴾ [البقرة: 78]. إذن؛ آيات التحريف تذكر ضمن سياق يعرفك أن الناس ما كانتش عارفة أن ده بيحرف. فالوقت أصبح دلوقتي أصبح في معارك كثيرة تقام من أهل الكتاب مع النص، والنص بتاعهم احنا لسه ما جيناش بقا للإيه للنص بتاعنا اللي هو القرآن، هم حاولوا في النص بتاعهم وربنا قال لنا كده.
يعني الجزء الأول من سورة البقرة؛ الجزء الأول من سورة البقرة بيبين وسائل التدليس والتلبيس التي قاموا به، يعني قاموا بالتحريف، يقول لك اللفظ دي مش معناها كذا، ﴿يُحَرِّفُونَ الْكَلِمَ عَن مَّوَاضِعِهِ﴾ [المائدة: 41]، وفي آية من بعد موجات والتفريق مش يعني هيطول مش وقته. أو الانتقاء: ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ﴾ [البقرة: 85]. أو التلبيس الحق؛ التلبيس ده قضية خطيرة جداً، يعني مثلاً في قول الله سبحانه وتعالى، حكاية يلبسون الحق بالباطل، وده من أوائل التوجيهات اللي جت في سورة البقرة.
مثلاً يقولوا إيه؟ اليهود مثلاً يقولوا إيه؟ محمد نبي؟ يقولون: نعم محمد نبي، محمد رسول؟ نعم محمد رسول الله، أنتم آمنتم ولا إيه اللي حصل؟ إيه الإيمان ده؟ ولكنه رسول للعرب فقط؛ يبقى حاطط حتة من الحق على حتة من الباطل، التلبيس ده يا جماعة أصعب شيء، لذلك العالم يحتاج فك هذا اللبس. يعني مثال الجاهلية قامت به، ومثال حسّي ربنا سبحانه وتعالى بيقول أن الصفا -في سورة البقرة أيضاً-: ﴿إِنَّ الصَّفَا وَالْمَرْوَةَ مِن شَعَائِرِ اللَّهِ﴾ [البقرة: 158]. طب ليه ربنا بيقول كده؟ أنهم جابوا صنم اسمه إساف وصنم اسمه نائلة، وحطوا الصنمين على الصفا والمروة، فأصبح اللي بيطوف بين الصفا والمروة بيطوف بين الصفا وإساف ونائلة والمروة، فقد يعتقد الإنسان أن إساف ونائلة من شعائر الله كما أن الصفا والمروة من شعائر الله.
فكان من معاني الآية في قدرة الآية وده دور العلماء على فك اللبس، يعني كان ممكن واحد يقول إيه: احنا هنطوف وخلاص مش مشكلة مقدسة؛ إساف مقدس ونائلة مقدس زي ما الصفا مقدس؛ يعني هياخد إيه هياخد إساف والصفا مع بعض، أو واحد يقول لك: لا لا لأ، سننجو الطواف بين الصفا مش عايزين؛ لأن دي في إيه؟ مش هتطوف من الصفا والمروة؟ يقول لك: يا عم ده فيه أصنام، أنت أنت عايز تطوف لله؟ أنت مشرك ولا إيه؟ واحد تاني يقول له: يا عم ده مقدس، ده على بعض. فآية فصلت: الصفا والمروة فقط من شعائر الله، وأن إساف ونائلة ليست من شعائر الله. فدور العالم أن أصعب شيء يقدم على الناس أنه يقدم الحق ومعه جزء من الباطل، ثم يجيء العالم ليفك هذا اللبس.
لكن أيضاً من وسائل أهل الكتاب؛ فأهل الكتاب استعملوا وسائل كتير، لدرجة أن النص بتاعهم دلوقتي أصبح نوع من، يعني زي ما النبي صلى الله عليه وسلم يقول: إن الإيمان لا يخلق، النص وخلاص أصبح دايم ما عداش فيه نص، بل كتير من النقاد، زي ما بيبقى عندهم عامة النقاد هناك، زي ما ذكر الدكتور سامي العامري في كتابه: المصري الأصلي إنجيل، كتاب قيم رائع، أن هو بيتكلم هل نستطيع استعادة النص الاصلي؟ يعني هم بيعترفوا: النص الأصلي مش موجود، هل سنستطيع استعادة النص الأصلي للإنجيل؟ وعامة النقاد على المنع مش هنقدر، واللي بيقول أن احنا، يعني ينقد، طب يقولوا لك إيه، طب هم مش هيستطيعوا استعادة نص الإنجيل؟ طب أومال هيتعبدوا الناس ليه؟ يقول لك: لا، ما احنا فاهمين المجملات، احنا متعبدين المجملات وربنا سابنا أن احنا نختار. فهم أصلاً عندهم النص مش موجود، وده اللي خلى للأسف اللي نشأت العلمانية عندهم ليه؟ أن أصبح أن ما فيش نص.
ويا جماعة دايماً اعرفوا كده: احنا حضارتنا، أي أي دين هو حضارته قائمة على النص، أول لما النص بيروح، تنشأ حضارة لكنها ليست على مراد الله. احفظوا الكلمة دي: حضارة المسلمين هي حضارة نصية قامت على نص، قامت بتوجيهات من النص، تغيير في النص وإنشاء حضارة يؤدي إلى حضارة على غير مراد الله، لازم تعرف كده. الخلافة اسمها خلافة راشدة، دي اتسمت راشدة؛ لما كان اللي فوق خالص اللي هو الرئيسي، اللي هو الخليفة، يجتمع في فهمه للنصوص مع تطبيقه على أرض الواقع. لما حصل الانفكاك بين الملك والكتاب، بين السلطان والكتاب، هنا بدأنا ندخل في مرحلة الملك مش في مرحلة الرشد.
إذاً، محاولة أهل الكتاب، احنا انتقينا منها، نيجي بعد كده رأي المعركة المعاصرة مع النص بدأت إزاي؟ أقول لكم نص جيد من كتاب اسمه: ظاهرة التأويل في الفكر الغربي العربي المعاصر، للدكتور خالد، من أقوى الكتب وكتاب صعب شوية، من أقوى ما كتب في مسألة الحرب على النص. بيقول قصة البداية هنا في النص بيقول إيه، بعد ما ذكر، هو الكتاب بيشرح قصة التأويل من الأول خالص؛ يعني إيه كيف أولوا النص؟ وبيقول في صفحة مئة وثلاثة يقول: أنا هقرأ لكم هنا كلام إيه سياقه الأول؟ الكنيسة عمالة تفاجئ أن ما عادش نص، كل شوية حتة النص اتشال، حتة النص تحرر، يعملوا مجمع كنسي، والطرف الآخر، طرف بقا اللي هو زي الجاهلية بقا، طرف الأهواء، هجوم شنيع: غيروا لنا دي، اعملوا لنا أن الربا حلال. فالمجمع الكنسي، طب إزay ده احنا عندنا، طب خلاص هنشيل لكم إيه؟ هجوم متواصل الكنيسة أن هي تغير في نص أهل الأهواء أقوى، مين يهجموا، يجلبوا بخيلهم ورجليهم عشان يغنوا نص، فالكنيسة من الخبطات المتتالية، فهنا بيقول في مئة وثلاثة:
وبعد هذه الضربات المتوالية على الفهم الكنسي، الكتاب المقدس هو كل شوية يخبطوا يخبطوا خطة، والفهم الكنسي يتراجع، اضطر الفهم الكنسي، أو اضطر إلى التراجع لصالح القراءة الجديدة للكتاب المقدس، واعترف -خذوا بالكم ده اعتراف خطير جدا- واعْترافاً رسمياً بالنقد الكتابي لهذا النص. احنا، يعني حطوا الكتاب المقدس بتاعهم على طاولة النقد، بس خلاص، ده اعتراف كان خطير جداً في ضوء إيه؟ طب هننتقده إزاي؟ طب إزا كان ده الثابت المفروض نرجع له، هننتقده بإيه؟ قال لك: لا، ما في حاجة اسمها، ودي هنتكلم عنها، المناهج النقدية الحديثة، هنستعمل المناهج النقدية الحديثة. المناهج النقدية الحديثة دي كانت بتستعمل مع الروايات، مع المسلسلات، مع النصوص الفنية، أياً كان، بقا هي بدأت في المقدس، المقدس أياً كان، يعني فقد اعترف المجمع الكنسي الشهير في مجمع الفاتيكان الثاني، والذي انعقد سنة ألف وتسعمائة واثنين وستين ألف وتسعمائة وخمسة وستين، إلى اتخاذ قرارات جريئة جداً، من أهمها الاعتراف الرسمي بحق العلماء في قراءة الكتاب المقدس باستخدام المنهج التاريخي المعاصر، وده اعتراف جعل هناك تصالح بين الكنيسة والحداثة، وأصبح فهم وتأويل الكتاب المقدس في ضوء نظراته الحديثة مشروعاً بعد أن كان زندقة ومبروكاً من أيديه.
يعني المطلب اللي اعترفوا به ده، اللي اعترفوا به، لما كان حد بيطلبه قبل كده كان ممكن يحرقوه، لما كان حد بيقول لهم: احنا عايزين نقرأ الكتاب المقدس قراءة جديدة، كانوا يعتبروا أن ده هرطقة، ده زندقة، ده خروج من الدين. من كتر الضغوطات ومن كتر ما هو، احنا قلنا إيه اللي يخليهم يضغطوا؟ ما انت تنازلت مرة، قدمت القليل، وبعدين بقا عشان أهواك وشهواتك، طب ما تقدم عشانا، وهنراضي بعض وهنسيبك أنت أهل الكتاب، وهنسيبك تعبث في الكنيسة، وهنسيبك تعبث في المسجد، أنت ترضينا برة واحنا راضيين جوة، ويتم في تعاقد.
فبدأت اللي هي بقا ابتغاء الفتنة وابتغاء تأويله، عايزين الفتنة عن طريق التأويل. بدأت بقا حاجة اسمها المناهج المعاصرة للتعامل مع النص، بدأت فكرتها إزاي نشأ عند أهل الكتاب أن أهل الكتاب النص عندهم مرن شويتين ثلاثة (يعني استك شوية)، احنا نصنا عندنا ثابت: ﴿إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ﴾ [الحجر: 9]. نصّنا ثابت عندنا، وهو دلوقتي نشأت نظريات كتير منها حاجة اسمها النص المفتوح. قالوا: احنا لازم نقدر إزاي نسيبكم أهل كتاب وإزاي، فقالوا: خلاص، احنا محتاجين حاجة اسمها عشان يقول لك هم دايماً دايماً، حتى الملأ، أي أنصار في كده، عشان يظل قدام الناس أن هو مش متناقض، لازم يصيغها صياغات معينة ويكتبها ويكتبها في صورة صيغة.
طيب، ما هي المناهج النقدية التي أنتم دخلتم بها النص؟ نشأ علم ممكن بيسموه الهيرمينوطيقا، إيه الهيرمينوطيقا ده؟ قال لك ده علم، سموه بقا التأويل، سموه الترجمة، سموه المقاربة، سموه التفسير، أياً كانت، أنت لو جيت بحثت عنها في الترجمة، هتجد ترجمات كتير ليه. إيه في إيه؟ إيه نشأته أصلاً؟ له أكثر من رواية (أو ذكر في نشأته واختلافات)؛ إيه هو أصلاً نشأته؟ ما تخلينا نقول: ميزة كتاب التأويل بتاع خالد السيف أنه جاب الموضوع من الأول خالص.
أذكر لكم إن شاء الله في الآخر مراجع هامة جداً لمعركة النص. تأتي كلمة الهيرمنيوطيقا من اللغة اليونانية، وتعني التفسير. نشأت من اعتقادهم أن الإله اليوناني، وهذه الفكرة للأسف تسربت عند بعض المتكلمين الإسلاميين، لا يتكلم بكلام يسمعه الملك، ولا يتكلم بحرف وصوت. عندهم قصة أن الكلام يودي إلى شيء اسمه التغير وحلول الحوادث. لكن أهل السنة يعتقدون أن الله سبحانه وتعالى يتكلم كيفما شاء ووقتما شاء بحرف وصوت سبحانه وتعالى يسمعه من يشاء.
هم يقولون إن الإله عند اليونان شيء مصمت منعزل عن العالم، وقالوا إن هناك إلهاً صغيراً يعرف تفكير الآلهة، وهذا الإله الصغير يتواصل مع البشر، ففي فكرة الآلهة الصغيرة إله تطوع ليرى لنا تفكير الآلهة، ونزل واسمه هيرمس. وهنا فكرة الهيرمنيوطيقا؛ وهو الذي سيترجم لنا ماذا يريد الإله منا. فدور الإله الصغير أنه يروح لتفكير الآلهة وينزل للبشر يقول لهم. طبعاً هذا عند اليونان فكرة أسطورية ومش موجودة دلوقت.
سألنا: كيف نعرف مراد ربنا؟ قالوا: العقل بمناهج معينة سيضع النص أمامنا، وهذا النص هو مراد ربنا الذي نزل لنا. قلنا: طب ما هو واضح في لغة وفي آثار، يقولون: لا، النص مرن ينفع نغير فيه براحتنا بمناهج معينة، ونشأت فكرة الهيرمنيوطيقا ومناهج كل ذلك. خد بالك، هذا نشأ هناك في الغرب، وعندنا العلمانيون العرب هم الذين اصطفوه؛ لذلك هنا قيمة الكتاب ده أنه بيقول لك في الفكر العربي، أنه جاب نشأته هناك من أول اليونان وبداية التحريف عند اليهود والتأويل عند اليهود لغاية لما وصل للمعاصرين.
قالوا: إحنا عايزين نوصل لحاجة ابتغاء الفتنة. إيه الفتنة؟ الهدف أننا عايزين النص ده، ممكن نسميه النص السائل، يعني إيه نص سائل؟ يعني نعيد تشكيله زي ما إحنا عايزين. عايزين النص ده يا جماعة يقول إن الإنسان تطور من إيه؟ هنخلي لكم الإنسان تطور. عايزين النص ده يا جماعة يبيح الشذوذ، زي في بعض الكنائس وإن كانت أقلية بدأت تقر بده، هنجيب لكم يا جماعة الشذوذ، بس ما تضغطوش علينا أكتر من كده، كل شوية أهل القهوة يتضغطوا يطلعوا لنا من النص أن ده عادي.
فأصبح النص مفتوحاً تماماً، ونشأت نظريات، ومن ساعة لما نشأ البروتستانت والاعتراض، يعني ما فيش كنيسة، يعني ما فيش فهم مقدس للكلام المقدس والفهم المفتوح، نشأت حاجة اسمها النص الشخصي، يعني أنت حضرتك بينك وبين النص علاقة مباشرة، أنت حر. ممكن بقى يتجمعوا وبمناهج معينة يطلعوا اللي هم عايزينه من النص. فنشأ علم اسمه علم القراءات الحداثة والهيرمنيوطيقا، أو ممكن نسميه كله التأويل، هم دلوقت قدامهم نص مقدس وشهوات، عايزين بمناهج معينة نطلع الشهوات التي نريدها من النص ده، والنص ما بيقولش كده، بالعكس تماماً.
نشأت مناهج، مرة يسموها البنيوية ومرة يسموها التفكيكية، وفي ناس قالت لك أصلاً هم واحد، والمسيري حاول يربط أصلاً بين التفكيكية ديت واليهودية ومدارس طويلة وقضايا، سأشير لكم على حاجات للي عايز يرجع لها؛ لأن الدرس له نوع من الطرح العام شوية لا يخش في قضايا خاصة. نشأت مدارس، كل مدرسة حاولت تتعامل مع النص. إيه الجامع للمدارس دي؟ واحد يقول: أنا مش عايز أقرأ، قل لي كده الأفكار الرئيسية عندهم إيه؟
كل واحد من الكتب دي، كتاب "ظاهرة التأويل الحديثة" للدكتور خالد السبت، وكتاب "العلمانيون والقرآن" للدكتور أحمد إدريس الطعان، وكتاب "القراءات المعاصرة والفقه الإسلامي" لعبد الولي، هذه الكتب الثلاثة مهمة جداً، وسأقول لكم كتاب تاني كمان. كل واحد حاول يتناول، وده قيمة أن الواحد يعمل بحث، يقول لك أنا سأجرد كل الكتابات التي تعاملت مع القرآن وأقول لك ملخص أفكارهم. في واحد قال: كل ده يعود إلى خمس أو ست أصول، إيه هي الأصول بتاعته؟
قال لك رقم واحد: انعدام البراءة في قراءة النص، يعني إيه انعدام البراءة؟ يعني أنت تدخل النص وأنت لك أفكار مسبقة وتدور عليها في النص، يعني أنت داخل تدور على أن الإنسان حر يفعل ما يشاء. طلع لي من النص كده، أنت داخل مثلاً واحد يقول لك: على فكرة عادي الإنسان ممكن من حقه يكفر، جبت ده منين؟ وهو داخل بفكرة ﴿فَمَن شَاءَ فَلْيُؤْمِن وَمَن شَاءَ فَلْيَكْفُرْ﴾ [الكهف: 29]، لقيتها لكم! هو داخل، طب ممكن حضرتك بس تكمل الآية؟ يعني اللي هيكفر ده سيحصل له، ده مش عايز أقول يعني ده هيتبهدل يوم القيامة، أنت متخيل تكمل الآية؟ فهو واحد داخل، إحنا ممكن نسميها "أدلجة النص" وداخل بفكر مسبق، "انعدام البراءة".
رقم اتنين: تبنوا نظرية بعد كده اسمها مصائب خطيرة جداً اسمها "موت المؤلف"، يعني يقول لك إيه: اللي كتب الكتاب ده حتى لو جه لنا عند الرسول هو مات وزمنه انتهى، إحنا من حقنا أن نفسر النص كما نريد. فنشأ بعد كده حاجة اسمها، التلاتة مرتبطين بنفس، أن أنت داخل بانعدام البراءة، ومؤلف مات، فبالتالي نشأت نظرية اسمها "لا نهائية المعنى"، يعني إيه؟ يقول لك القرآن ده أنت ممكن تفسره زي ما أنت عايز.
في فارق بين القرآن وده أشار إليه دكتور اسمه اليوسف ببحث في علوم القرآن؛ بعض العلمانيين أخذ كلمة قالها بعض المصلحين، وقال: "شبابية النص القرآني" و"فتوة النص القرآني" وأن القرآن يصلح لكل زمان، يقول لك: أهو عرفتم بقى أن إحنا قصدنا أن القرآن لا نهائي المعنى؟ فبالتالي لو إحنا عايزين نشوف أن الربا مناسب نحله عادي نحلله ونجعله حلالاً، فده مصيبة. فنشأت أدلجة النص، وموت المؤلف، والمعنى غير المتناهي، وأفكار كتير نشأت من المعاني الكتير.
بصوا يا جماعة عشان أخلص لكم الموضوع، لأننا بدأنا ندخل في كلام ما لهوش لازمة، وأنا عارف هيضايق كثير من الناس، المعارك اللي مع النص معركتان. خلاصة المعارك دي كلها مع الوحي بتاعنا معركتان: معركة ثبوت ومعركة فهم. يعني إيه معركة ثبوت ومعركة فهم؟ معركة أن القرآن والسنة ثبتوا، وأن ربنا سبحانه وتعالى نزل القرآن والنبي تكلم، ونثبت أن دي وصلت لنا، "معركة ثبوت". ومعركة تفسير، كيف نفسر هذا النص المقدس الذي وصل إلينا؟
كل بقى النقاشات الغربية التي حصلت في الكتب هناك بتاعتهم، جاءت عندنا العلمانيين العرب كالعادة يأكلون على موائدهم، راحوا جابوا من عندهم وياما كتابات كتبت عن سرقات العلمانيين العرب من هذه المدارس، إزاي نقلوا القراءات دي لعندنا سواء أركون أو الجابري أو شحرور أو حنفي، كتير من القامات، وسأذكر لكم الدراسات التي ردت عليهم في الآخر، ملخصات الكتب التي ردت عليها.
الخلاصة: المدارس دي بيعملوا معركتين مع النص. "معركة ثبوت": يقول لك هذا النص لم يثبت، طب النص ثابت متواتر؟ يقول لك ده مش معناه كده. فخلاصة المعارك لو إحنا نجحنا قصادهم أننا نثبت تواتر القرآن ووصول السنة، ونجحنا أننا نقول أن في عناصر ثابتة لفهم النص، هم كده ومش هيعرف يتملص، وخلاص أنت كده استطعت أنك تمسك بخناقه، مش هيعرف يتحرك.
هو بيلعب إيه؟ بيلعب أن النص ده مش ثابت. غالباً العلمانيين العرب ما يقدرش يطعن في القرآن عشان الشكل العام وكده، ما يعرفش يطعن في القرآن فيطعن في الثبوت في السنة، يقول لك السنة دي مش ثابتة كلها، عادي ما عندوش مشكلة. ويجي عند معركة التفسير يقول لك لأ، تقول له طب ما القرآن ثابت أهو، والقرآن بيقول لك لا لا أنت ما انتاش فاهم! فيلعب في القرآن في معركة التفسير.
في ناس كان أكثر جرأة زي أركون قال: عادي أن القرآن نفسه فيه حاجات مش ثابتة وفيه قرآن ما وصل لناش، وكان رد عليه السكران في مقالة اسمها "مصحف البحر الميت"، وعمل بقى كتاب كامل للتأويل الحداثي للتراث، أن ما فيش مصحف ما وصل لناش ولا حاجة. بيبقى فيه معركة ثبوت ومعركة فهم. لو إحنا نجحنا في إثبات، ودي هيسيبنا بقى في كيف نواجه المعركة؛ نواجه المعركة بأن نكسب في معركة الثبوت: كتاب "عصمة السنة" للشهري، كتاب "معقولية السنة" للجديد بتاع رضا زيدان، الكتب التي ردت عن ثبوت السنة، كتاب "برهان إيماني" للسيوطي، كتاب "السنة ومكانتها في التشريع" للسباعي، كتب كتير في إثبات السنة. خلاص؟ دي معركة الثبوت عن السنة وتواتر القرآن، وفي معركة التفسير ودي هأقول فيها كلمة خاتمة في الآخر.
طيب إيه المداخل التي استعملوها لهدم نص القرآن؟ عشان أكون على وعي، إيه المداخل التي استعملوها لهدم النص القرآني؟ أنت أصلاً مستغرب، فيه حد يجرؤ أنه يهدم النص القرآني؟ طب ده حصل في الإنجيل وهو محرف وكل شوية يطوره ويعملوا مجامع، بل نسخ الإنجيل نفسها مختلفة أصلاً، ده فيه زي شباتر زيادة في البروتستانت عند الكاثوليك والأرثوذكس. وزي ما قلت لكم ارجعوا لكتاب "ملخص القضية: إشاعات النص الأصلي" للدكتور سامي عامري.
إيه المداخل؟ قالوا: إحنا ممكن ندخل مدخل، قعدوا يدوروا كده في التراث الإسلامي لقوا أن المعتزلة بيقولوا "خلق القرآن"، قالوا بس، القرآن مخلوق، والمخلوق بيتغير، وكذا، وكل مخلوق بيحصل له نوع من التغير، ندخل من مدخل "خلق القرآن"؛ فيرد عليهم. قالوا: بس إحنا ممكن ندخل مدخل لغوي؛ اللغة مش ثابتة، واللغة مالهاش معاني، أو اللغة ثابتة وكان النص ده نازل يبقى عادي، ثابتة مش هينفع نستعملها دلوقتي، دخلوا مدخل اللسانيات، وده مدخل هم في الغرب استعملوه بأسماء كتيرة جداً جداً جداً، واستفاض فيه الدكتور خالد السبت، مدخل اللسانيات إزاي يلعبوا في لغة النص.
الذي برضه شحرور استعمل المدخل ده كتير جداً؛ أن هو يقول لك ما فيش حجاب، ويقعد يلعب في المدخل اللغوي للنص القرآني. في مدخل ده بقى مدخل ضخم، يعني الكتاب ده اسمه "العلمانيون والقرآن" للدكتور أحمد إدريس الطعان ثمانمائة صفحة، شايف أن ده المدخل الأساسي وجاب مداخل كتير اسم العلمانيين والقرآن العنوان الفرعي "تاريخية النص". المدخل يسموه مدخل أن النص ده نص تاريخي، يعني إيه نص تاريخي؟ مدخل سهل أن نقربه للعوام، البحيري كان بيستعمل المدخل. قال لك إيه؟ مش القرآن ده نزل في بيئة صحراوية ثابتة معينة، كل ده خلص، والنص ده محدود ولا لا نهائي؟ النص ده عدد آياته محدود، كيف سيواجه النص المحدود الحوادث التي تتغير على مدار الزمان؟ فيا جماعة النص لا، ده كلام ده التبسيط بتاع الشبهة بتاعتهم.
أوعوا حد يقتنع، ده أنا بقول لكم إن النص ده نزل لزمان معين، ودور النص خدوا بالكم وهنا بقى يدخل مع البعد التاريخي بعد بنسميه، كل دي مداخل لهدم النص القرآني، مدخل "خلق القرآن"، المدخل اللغوي، مدخل "التاريخية"، والمدخل الرابع مدخل "المقاصدية". يقول لك إيه: دور النص القديم ده يفهمنا مقاصد الدين، لكن إحنا حرين في وضع ما نشاء من التشريعات التي تحقق المقاصد. إيه بقى يا عم المقاصد؟ من الآخر مصلحتنا الشخصية ومنافعنا وشهوتنا، اللي هو عكس داعية الشريعة الذي تكلم عنها، أو عكس كلام الشاطبي الذي قاله.
مدخل البعد التاريخي ده مدخل، بل أركوني يقول للمدخل التاريخي يعني ملخص الكلمة التحول والتغير، يعني ملخص أفكاره أن في تحول وتغير، وأن النص ده لازم يتغير، لذلك هم بيسموا بقى بيسمونا إحنا إيه بقى؟ بيسمونا الأصوليون، عنده أصول ثابتة رافض يغيرها يقول لك التفاهم معهم صعب لأن عندهم أصول، فبيسموهم الأصوليين دول محتاجين أو في فرق ناس بتفرق بين الأصوليين دول محتاجين يتغيروا لأن عنده ثوابت، فنشأ مدخل التاريخي.
للاسف بعض المداخل نشأت من بعض المسلمين الذين تكلموا في القصص القرآني، ممكن أنا بسميه تاريخية النص، عجنة النص اللي هو النطق اللغوي، سيولة النص في الفهم، أنا بسميه مدخل اسمه "أسطرة النص"، النص ده أسطوري، يعني إيه؟ يعني يا جماعة دي كانت أساطير، دي مش قصص حقيقية، وللأسف بعض الناس كتب في دفع قصة القرآن لما ندخل في ذكر أسماء، كان يقول لك القصص القرآنية دي مش قصص حقيقية، دي قصص أساطير، ما ينفعش تعتبروها عظة وعبرة وتأخذوا منه أحكاماً. فكل ده مداخل إزاي يتعاملوا مع النص القرآني.
المدخل بقى الأشهر والأكبر الذي إحنا ممكن نسميه بتعبير القرآن "التأويل"، وعشان كده كان قيمة كتاب "ظاهرة التأويل". فيه كتاب تاني الربع الأخير من الدرس ده للي عايز يتخصص ويخوض معركة النص، كتاب اسمه "العقائدية وتفسير النص القرآني" تقريباً للدكتور ياسر المطوع، العقائدية بيتكلم بقى مش على العلمانيين والمشركين والملاحدة وزي ما بدأ الدكتور خالد السبت، لأ ده بدأ الخلاف الذي داخل الإسلاميين، وإزاي أن النص حصل فيه خلاف في فهمه.
وانقسموا قسمين، قسم كان عنده إيغال في الظاهر، وقسم اتجه للتأويل. وجاب بقى على التأويل قصة، وتكلم سواء على الفلاسفة والمعتزلة والأشاعرة وقبلهم كمان بالترتيب كده: الفلاسفة، الشيعة، الإباضية، المعتزلة والأشاعرة. وتكلم إزاي قضية التأويل تغلغلت للأسف في التصور عند كتير من الإسلاميين، فده داخل الصراع، ممكن صراع إسلامي إسلامي شوية.
لكن ده دلوقتي علماني اللي داخل عايز يهدم الدين قضية التأويل. كل ده عن طريق إن هو يشوف حاجة تشتبه على الناس ويدخل من مدخل المتشابهات. أنا كده ما أعرفش أخلص، آخر حاجة بس أختم بها إن لما فشلوا في محاربة النص القرآني قال لك: طب ما احنا نرجع خطوة لورا، نحارب السنة. يعني إذا كان في كتب بترد على تأويل القرآن، في بقى ناس في مدخلين مهمين قوي هم فاستعملوه؛ حرب السنة وتأويلها، وده كتاب رائع يكفيه الكثير من الكتب اسمه «الحداثة وموقفها من السنة» للدكتور الحارث فخري عيسى عبدالله.
أو بدل ما نحارب السنة -خدوا بالكم حسب الواحد وبجاحته ومستوى كفؤه، يعني حسب كل واحد يعني- في واحد يخبط في نص مباشر قرآن، في واحد يقول لك: بلاش عشان ما تزعلش الناس ندخل في. فييجي يقول لك إيه: طب ما تسيب لهم القرآن والسنة ونلعب في الفهم بتاع العلماء، فندخل على التراث نهدم التراث كله، يتفضل لنا النص من غير فهم يبقى نص سائل نلعب فيه زي ما احنا عايزين.
رد عليهم السكران في كتاب «التأويل الحداثي للتراث»، إزاي تعامله مع التراث؟ يبقى فيه تلات مستويات للأجور: هجوم على القرآن، هجوم على السنة، هجوم على فهم القرآن والسنة وفهم العلماء اللي هو التراث. وملخص كتاب السكران بيقولوا إن كل هم بيقولوه: إن كل التراث بتاعنا إما إن احنا استوردناه تقنية التوفيق، أو إنه كان نتيجة ضغوط سياسية، وأن العلماء كانوا تحت سطوة السيف بيحرفوا في فهم الدين اللي هو التسييس. أما إن احنا استوردنا النص أو إن احنا قمنا بتسييس النص.
كده أنا انتهيت من المعارك، معلش دخلت بكم في قضايا كتير. كيف ننتصر في معركة النص؟ عايز أقول كلمة وبعدين أفصل؛ كيف ننتصر في معركة النص؟ كلمة الواحد كان بيسمعها كتير وما كانش فاهم قيمتها: كلمة فهم السلف، اللي كان بيسمعها وللاسف اصبحت حتى مبتذلة من كتر ده، طلعت حاجة عجيبة قوي، طلعت ضد النسبية، ضد السيولة. فهم السلف دي؛ لأن النص لوحده من غير تطبيق الصحابة ما انت ممكن يتحول نص لأوبن تكس المفتوح، اللي هو المتغير، اللي هو مناسب لكل، إن هو كل واحد بيدخل فيه زي ما هو عايز.
فكان لازم هنا نواجه هذه السيولة في فهم النص، فلما بنقول كلمة «فهم السلف» دي خطيرة. علم أصول الفقه، أصول التفسير، دي علوم خطيرة جدا، علوم مهمة لا يستهان بها في فهم النص. ودي هنا خطورة الجرأة، وإن كان شيء محمود الإقبال على تدبر القرآن، قال لك إن أحيانا في جرأة على التعامل مع النص القرآني قبل تحصيل الأدوات، وقلنا الأثر واللغة من أهم أدوات فهم النص القرآني اللغة، اللي هي اللغة العربية. مش اللغة اللي هم عايزينها، زي تفسير مثلا في قضية جيوبهن، وأن هي الجيوب اللي هي الحاجات المخفية في جسد المرأة، فبالتالي هي لو غطت منطقة البكيني دي بس خلاص هي كده محجبة، يعني هو ممكن، وأن اللي هيحڪمنا هنا التقاليد مش الحرام.
لا، اللغة، اللي هي اللغة العربية اللي هي وردت عن العرب، وهنا كانت قيمة الشعر والحفاظ عليها. فبالتالي الحفاظ على فهم السلف، على الآثار اللي وصلت لنا، على اللغة، على أصول التفسير، على أصول الفقه، وطبعا القضايا اللغوية، الحفاظ على المنظومة دي هي دي قيمتها. وهم ما بيحبوا يضربوا بيضربوا كده، هم ليه زعلانين من الإمام الشافعي؟ يعني ليه يقول لك كتاب بالعنوان ده: جناية الشافعي مش عارف على التراث ولا؟ وليه الشافعي مضايقهم قوي؟
لان الشافعي بدأ يستيقظ للهجمة دي مبكرا، وحط كتاب الرسالة كبداية لمسألة تجميع -هو طبعا هو نوع من تجميع القضايا اللي كانت موجودة وإعادة صياغتها، وكان فيه ابتكار رائع في أصول الفقه- هو حَسّ إن انت كده قافل لنا النص. هم كل ما ييجوا يرجعوا للتراث يلاقوا إن علم أصول الفقه واقف لهم، طب هات تأويله أو عندهم آخره، يلاقي الشافعي يقول لك: هو ده اللي جنى على النص. لو دبحت لنا الشافعي وقدرنا إن احنا نسوق سمعته -ولن يستطيعوا- احنا نقفز على، نخلي النص نوع من السيولة.
فإذا، كيف ننتصر في معركة النص؟ بالحفظ أولا، لا نلقلل من حفظ القرآن والسنة، الحفاظ، عايزين يا جماعة حفاظ القرآن والسنة. بقيمة فهم السلف، قيمة اللغة، الأدوات اللغوية وتحصيلها، أصول الفقه والتفسير، فهم المداخل الشيطانية، وده بقى دور الكتب دي كلها؛ يعني دور كتاب «ظاهرة التأويل»، دور كتاب «العلمانين والقرآن». وحقيقة الكتاب على إنه كتاب كبير، ده كتاب قيم جدا، بذل فيه جهد الدكتور أحمد إدريس، طبعا حتى لو خالفناه في بعض المسائل الفرعية كان كتاب قيم جدا.
مين اللي قدم أطروحة حاول يحط قوانين عشان يبقى عندك قوانين ثابتة في معركة النص؟ اللي هو الدكتور عبدالولي عبدالواحد الشنقيطي في «قراءات المعاصر والفقه الإسلامي»؛ لأنه جاب أثر، ده عايز يقول لك إيه؟ انت يعني ممكن واحد يسمع درسي: يا عم، أنا مش فاهم إيه أثر ده كله على الأرض؟ هو بقى جاب لك هو والدكتور خالد السيف أثر ده في الصيام، وفي الحج، وفي الصلاة، وفي الحجاب، وفي المعاملات المالية، أثر ده في الواقع اللي انت متخيل إنه ممكن كلام مش هينبني عليه عمل، لا، أثر ده في الواقع.
الميزة إن هو حط قوانين، جاب عشر قوانين؛ قانون سماه الختم والحجية، الشمول، ربانية النص، التكامل، بنائية المعرفة، المجال العقلي اللغوي، الاختلاف، الخبرة، التخليص. وشرحها، يعني طبعا كان نفسي أديكم نبذة سريعة كده عن القوانين دي، لكن خلاص طال بنا الوقت، ممكن ترجعوا الكتاب؛ بداية القوانين دي من صفحة وشرحها من أول قانون الختم والحجية صفحة 290 قبل عشر قوانين دي. دي حاولت ألم لكم المعركة الكبيرة اللي بتواجهنا، لو هم -معاذ الله- لن ينجحوا، لو نجحوا في جزء منها بيحصل الانحراف.
النص حاجز، النص مانع الهوى والشهوات، عايز تمشي كده مصر يقول له: لأ، ده حرام. بيقول لك كلمة: قال الله، قال رسول الله صلى الله عليه وسلم، إجماع العلماء، الحاجات دي بتوقف كتير من الناس. وزي ما احنا شايفين كل شوية تطلع دعوة للعبث بتلات مستويات: قرآن، ده شرس جدا البجح اللي يعني مستواه كفر عالي أو أقل شوية، الطعن في السنة؛ يعني فيه قرآن، فيه السنة، فيه التراث. كل شوية مسألة تجديد الدين، إيه الفكرة في قضية دعاوى تجديد الدين؟ وعايز يتكلم في معركة الفهم، يعني هو مش قادر -أنا بتكلم عن أصحاب النوايا السيئة- هو مش قادر يتكلم، هو هنا مش قادر يتكلم في معركة الثبوت، هو يقول لك: خليني أتكلم في معركة الفهم، أنا أتكلم في معركة التفسير.
فيَبدا بأصحاب النوايا السيئة يقول لك: إيه رأيك، يجدد لها أمر، مش ده عندكم برضه؟ ما تيجي نجدد الدين! ويبدأ يدخل من المدخل ده لهدم النص. لكن يبقى الله سبحانه وتعالى، هذا النص محفوظ، يستعمل الله سبحانه وتعالى أناسا يحفظ بهم هذا الدين. أسأل الله سبحانه وتعالى أن أكون أنا وأياكم من هؤلاء الذين يحفظون الوحي حفظا وفهما وتطبيقا. بل قال الله سبحانه وتعالى لنبيه صلى الله عليه وسلم أن ترتقي بهذا النص إلى أعلى درجات المقاومة: ﴿وَجَاهِدْهُم بِهِ جِهَادًا كَبِيرًا﴾ [الفرقان: 52]. مفعول مطلق، وجت كلمة «كبيرة» نكرة، جاهد بهذا الوحي، إياك أن تتخلى عنه في معركتك، وإلا ستفقد سلاحك الرئيسي، ستفقد نقطة قوتك إذا تخليت عن هذا النص.
أسأل الله سبحانه وتعالى أن يجعلني وأياكم من أهل القرآن الذين هم أهل الله وخاصته. أقول قولي هذا، وأستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك. وجزاكم الله خيرا، والسلام عليكم ورحمة الله وبركاته.