دخولتسجيل الدخول

سلسلة أصول الانحراف (4) | الأصل الثالث: وما قدروا الله حق قدره | د. أحمد عبد المنعم

أحمد عبد المنعمد. أحمد عبد المنعم
  • مدة الدرس:
  • قراءة

السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم، بإذن الله سبحانه وتعالى إن شاء الله نكمل مجالس التي كنا بدأناها في أصول الانحراف. وتكلمنا أن الله سبحانه وتعالى -يعني كما نكرر دائما وأبدا- لم يترك الخلق سدى ولم يخلقهم عبثا، فأرسل الله سبحانه وتعالى الرسل وأنزل الله سبحانه وتعالى كتبا أن يكون الناس على بينة من أمرهم. قال ربنا سبحانه وتعالى: ﴿كَانَ النَّاسُ أُمَّةً وَاحِدَةً﴾ [البقرة: 213]، أي على التوحيد فاختلفوا فحصل اختلاف. فلما حصل اختلاف أراد الله سبحانه وتعالى أن يردهم مرة أخرى إلى التوحيد، فبعث الله الرسل مبشرين ومنذرين، فإذا بيحدث دائما انحرافات يعني بيحدث انحرافات من البشر. كما النبي صلى الله عليه وسلم يقول -أظن الحديث في البخاري-: كان بنو إسرائيل يسوسهم الأنبياء، كلما هلك نبي جاء نبي آخر، فبنو إسرائيل كان على طول بيحدث لهم انحرافات، فيرسل الله سبحانه وتعالى نبي ليعيده مرة أخرى إلى الطريق.

فالإنسان كما أخبر الله سبحانه وتعالى وكما أخبر النبي صلى الله عليه وسلم، أن الله سبحانه وتعالى خلق الإنسان على الفطرة فاجتالتهم الشياطين. فيحرز انحرافات من البشر، أسباب هذه الانحرافات والابواب التي على جنبتي الطريق كثيرة جدا، زي ما النبي صلى الله عليه وسلم قال: ضرب الله مثلا صراطا مستقيما، وعلى جنبتي الصراط سوران، وفي السورين في هذين السورين أبواب مفتحة، عليها ستور مرخاة، كلما أراد أن يرفع الستارة ناداه مناد: ويحك إنك إن تفتحه تلجه، ومناد على في منتصف الطريق: أيها الناس سيروا ولا تعوجوا. الشاهد أن كمية الأبواب الجانبية كثيرة، ﴿وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ﴾ [الأنعام: 153]. يبقى إذن فيه سبل متعددة كثيرة. لذلك دائما في القرآن يأتي النور مفرد، وتأتي الظلمات جمع، ليه؟ لأن مسالك الشيطان وأبواب الانحراف كثيرة جدا. فطبعا احنا مستحيل أن احنا نلم بكل أسباب الانحراف اللي بتكون سبب الانحراف البشري، فحاولنا من خلال النظر في الوحي أن احنا نجمع أصول الانحراف، عشان كده هي اسمها أصول الانحراف مش كل أسباب الانحراف. وفي جهود كثيرة ذكرتها في اللي حاولوا يستقصوا أسباب الانحراف.

فتكلمنا عن السبب الأول، المحاضرة الأولى كانت استعادة الثقة في الوحي، أن احنا لا -ودي من أهم المحاضرات حتى لو هي مش في صلب الموضوع- أن بعد كده ده دوركم ودور المتدبر في كتاب الله أنه ينظر في الوحي وينظر كيف ضلت الأمم السابقة بحيث إنه يحترز من ذلك. وذكرنا في المحاضرة الأولى كيف يستخرج الإنسان من الوحي أسباب الانحراف؟ المحاضرة الثانية كانت عن... حد فاكر؟ بل يريد الإنسان ليرجع آميا، دي كانت التالثة. الثانية: ﴿لَن نُّؤْمِنَ لَكَ حَتَّىٰ نَرَى﴾ [الإسراء: 90]. تكلمنا عن النظرة المادية ونسيان الدار الآخرة، وتبعات هذه النظرة لن نؤمن لك حتى نرى. وبعد كده تكلمنا عن الوازع والدافع الحقيقي المختبئ وراء كثير من الشبهات، وهو إرادة الفجور. دي كانت المحاضرة الثالثة: ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5]. إن شاء الله النهاردة المحاضرة الرابعة في أصول الانحراف تكون بعنوان: وما قدروا الله حق قدره، وما قدروا الله حق قدره. ونختم بالمحاضرة الخامسة بإذن الله سبحانه وتعالى هتكون عن الذين يتبعون ما تشابه منه. فأسباب الانحراف التي الواحد حاول طبعا هي أسباب كثيرة وأنا وبكتب كتبت ما أكثر من خمستاشر سبب، لكن حاولنا ندمجهم بحيث إن هي تكون أصول ما تبقاش سلسلة مطولة.

درس النهاردة إن شاء الله هو كان حق هذا الدرس حقيقة يكون الأول، لكن الواحد بيهاب دائما الكلام عن الله سبحانه وتعالى وأمره جلل. وهذا من الأسباب الرئيسية لانحراف الناس عن الطريق عن السير في طريق الله سبحانه وتعالى: أنهم ما قدروا الله حق قدره، الخلل في التصورات عن الله سبحانه وتعالى، هذا الخلل في التصور عن الله سبحانه وتعالى أدى لكثير من الانحرافات. لذلك القاعدة الأولى دي -ممكن لو دي نطلع بها من درس قلت اقولها قبل ما تناموا، أنا كل مرة باقول الخلاصة في الآخر، فانا قلت اقولها في الأول بحيث إن اللي عايز ياخد القاعدة دي يمشي ما فيش مشكلة- أن طريقة القرآن في الحديث وفي الكلام عن الله سبحانه وتعالى هذه الطريقة تحل كثيرا من الشبهات. تاني: طريقة قرآن الكلام عن الله سبحانه وتعالى... العرب قبل نزول الوحي كان عندهم بعض التصورات عن الله سبحانه وتعالى، ما كانوش ملحدين صرف يعني ما كانش بيقول ما فيش إله، لا بالعكس لما كانوا بيسألوا في أكثر من آية في القرآن: ﴿وَلَئِن سَأَلْتَهُم مَّنْ خَلَقَ السَّمَاوَاتِ وَالْأَرْضَ لَيَقُولُنَّ اللَّهُ﴾ [لقمان: 25]. لكن هذا التصور كان مشوها، أدى إلى انحرافات كثيرة، أدى إلى: ﴿مَا نَعْبُدُهُمْ إِلَّا لِيُقَرِّبُونَا إِلَى اللَّهِ زُلْفَى﴾ [الزمر: 3]، أدى إلى: ﴿وَمَا نَهْلَكُ إِلَّا الدَّهْر﴾ [الجاثية: 24]، أدى عند غيرهم: ﴿نَحْنُ أَبْنَاءُ اللَّهِ وَأَحِبَّاؤُهُ﴾ [المائدة: 18]، أدى إلى: ﴿اتَّخَذُوا أَحْبَارَهُمْ وَرُهْبَانَهُمْ أَرْبَابًا مِّن دونِ اللَّهِ﴾ [التوبة: 31]. يعني أدى إلى انحرافات، أدى إلى قولهم: ﴿يَدُ اللَّهِ مَغْلُولَةٌ﴾ [المائدة: 64]، أدى إلى قولهم: ﴿إِنَّ اللَّهَ فَقِيرٌ وَنَحْنُ أَغْنِيَاءُ﴾ [آل عمران: 181]، أدى إلى قولهم: ﴿المسِيحُ ابْنُ اللَّهِ﴾ [التوبة: 30]. أدى إلى تصورات في الأرض كثيرة مغلوطة.

فالقرآن جاء ليعدل وليصحح كل هذه التصورات عن الله سبحانه وتعالى، فإذا تلقى الإنسان التصورات القرآنية والنبوية عن الله سبحانه وتعالى استقام له الطريق. وزي ما هنشوف إن شاء الله أن في محاور كثيرة من الشبهات من اللي تلقى على الشباب أو الشباب بيسألها تكون سبب من الإلحاد هي بسبب التصور الخاطئ والمفهوم الخاطئ عن الربوبية والألوهية. فاحنا عايزين نقول النهاردة أن القرآن -ودايما قلت لما أقول الوحي بيعني القرآن والسنة وفهم السلف، فانا مجازا أو اختصارا بقول القرآن الوحي أو القرآن- قدم لنا تصورا عن... ركزوا معي في هذه الثلاثية: قدم لنا تصورا عن الله سبحانه وتعالى، وعن الإنسان، وعن العلاقة بينهما، اللي هي علاقة العبودية. يبقى القرآن قدم لنا تصورا عن الله مكتملا كاملا، وهذا من أهم خصائص الوحي. ولقد جاء الوحي خصيصا لقضايا هامة من أهمها هذا، وده بيرد على إشكال كبير في نقاشات في الكتب الكلامية: أن الوحي ليس كافيا في الكلام عن الله سبحانه وتعالى، وأن الإنسان يحتاج إلى مصادر أخرى، وإلى فلسفات، وإلى عقول وكلام عن صفات الله سبحانه وتعالى. لا بالعكس، الوحي جاء كافيا في هذا الأمر، والاعتماد الرئيسي في تصور السلف عن الله سبحانه وتعالى وفي القرآن والسنة وكلام الصحابة اللي تلقوه من النبي صلى الله عليه وسلم.

فإذن القرآن والوحي قدم لنا تصورا عن الله وعن الإنسان: ما هو الإنسان؟ ما هي وظيفته؟ وعن العلاقة بينهما: ليه علاقة العبودية؟ أي خلل في التصور عن الله أو عن الإنسان أو عن هذه العلاقة بيحدث الانحرافات. يعني في خلل في التصور عن الله سبحانه وتعالى، يعني مثلا اللي يقرأ -ولا اريدك أن تقرأ، اللي يقرأ في التصورات الفلسفية أو التصورات الكلامية عن الله- يتعجب، مش فاكر أنا اتكلمت عن ده في درس المعرفة القرآنية تقريبا، تصورات باردة باهتة وأشبه بالمعادلات التي تحتمل الصواب وتحتمل الحدوس والإمكان ونقاشات ليس للمجال هنا نقد هذه البراهين أو النقاش فيها، ده قصة طويلة مش مبنى ده يعني. لكن مثلا من الكتب كتاب اسمه المفاهيم الغربية عن الله، وكتاب مختصر وفيه من كتب أكبر منه، اللي يقرأ في كتاب زي ده -ولا اريدك أن تقرأ فيه أو أي كتاب كلامي آخر، ده فلسفة- يتعجب هم ازاي كانوا شايفين ربنا كده؟ يعني تصوراتهم عن ربنا تصورات باردة لا ينتج عنها علاقة العبودية، وهي دي مشكلة الطريقة الكلامية في إثبات الله أن هي مش ينتج عنها عبادة. القرآن مش كده.

ويعني كان في نوع من التفصيل شوية في درس مميزات الخطاب القرآني، وده من أهم الدروس اللي أرجو أن أنتم تسمعوه مميزات الخطاب القرآني؛ لأن تكملة اسم الدرس وطريقته في تقرير العقايد. القرآن لما كان يصب العقائد في قلوب الناس كان مختلف تماما عن أي كتاب آخر: ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]. طريقة القرآن مختلفة، طريقة القرآن تصنع -إذا تلقى الإنسان الوحي ولم يشحذ- تصنع إنسان عابد بمعنى العبودية الواسع مش عابد يعني بيصلي، تصنع عبد. الطريقة التانية ممكن ذهنيا يؤمن بوجود قوة خارقة أو إله له مواصفات باردة قد تكون موجودة، ويدخل في نقاشات وبراهين وهي ما بتحركش الإنسان للعبادة، ما بتطلعش قيمة الإنسان. لذلك زي المشركين ما هو كان يقول لك ربنا موجود، وزي كتير من الفلاسفة يقول لك يعني فيه حاجة في إله، أيا كان هنسميه إله أو محرك أول أو... بتعبيراتهم، لكن هو ما أداش للعبادة، لم يبحث عن تشريع.

لذلك الوقتي الموضة الجديدة أن الإلحاد لما أتهزم في مناظرات كتير وصدمات كتير، بدأ في حالة من الانزياح بعيدا عن الإلحاد إلى منطقة تانية، منطقة اللاأدرية: لا أدري. وبعدين بدأ برضه منطقة القادر يدير أن هو لازم ياخد موقف بدأ يقول لك: خلاص فيه رب وخلاص، اللي هو الربوبي؛ فيه رب، لكن ما فيش... الرب ده يعني؛ لأن هو محتاج يثبت أن فيه إله خلق الكون، الكون ده جه ازاي؟ يقول لك: فيه رب بدأ لنا الخلق، واحنا بقى خلاص نعمل اللي احنا عايزينه؛ لأن هو عنده مشكلة في نقطة البداية والإعجاز الرهيب اللي في الكون، فيؤمن بوجود إله لكن ما فيش علاقة بينه وبينه. هو ده التصور المنحرف اللي بيخلي كتير -وده إن شاء الله هنكمله في الدرس الخامس من أصول الانحراف في مسألة الوحي والتصور الخاطئ عن الوحي- أن خلى كتير من الناس ظاهريا يتكلم أن فيه إله، أنت تتصور من أخلاق، من حياته بالفجور اللي هو فيه، إيه ده! ده ما بيقولش وجود ربنا؟ لأ، أنا مؤمن. طب إيه تصوراتك عن الإله؟ في قمة الانحراف زي التصورات الباردة اللي موجودة في الكتب دي.

فالتصور الخاطئ عن الإله والتصور الخاطئ عن الإنسان: ما هو الإنسان؟ ما هي وظيفته؟ والتصور الخاطئ عن العلاقة اللي اختصارا هنسميها العبودية، أن الإنسان في علاقته بالله سبحانه وتعالى لابد أن يكون موحدا، هذا التوحيد مش مجرد توحيد أنه يقول الله إله، لا، بتوحيد الربوبية وتوحيد الألوهية، ودي هنتكلم عنها في المفاهيم الخطأ في العبادة. أن العبادة لا تقدم إلا لله، يعني ايه: ﴿اتَّخَذُوا أَحْبَارَهُمْ وَرُهْبَانَهُمْ أَرْبَابًا مِّن دونِ اللَّهِ﴾ [التوبة: 31]؟ يعني ايه أرباب؟ طب هم... ولذلك عدي بن حاتم استغرب: احنا ما كناش بنعبدهم. ما هو ده خلل في مفهوم العبادة، والخلل ده من أسباب الخلل في تصور العبادة هو اللي خلى الناس تستغيث بالأموات في القبور فيما لا يقدر عليه إلا الله، يقول لك: ده عادي. أن هو ده خلل في تصور العبادة، لذلك لما العلماء حاولوا يردوا عليهم كان أهم الردود هو تصحيح مفهوم العبادة. إن شاء الله في آخر الدرس -لو نسيت بس حد يذكرني- الكتب اللي صححت لما جت ترد على الاستغاثة الشركية دي ردت من خلال إيه؟ من تصحيح مفهوم ما هي العبادة.

لذلك لما نجي نشوف إيه بقى التصورات، ملخص التصورات الخاطئة عن الله سبحانه وتعالى؟ أولا تصور مشوه. لو نجي نشوف طريقة القرآن في الكلام عن الله -يعني عايزك طبعا مستحيل الدرس ده نتكلم عن طريقة القرآن في الحديث عن الله، دي سلسلة- لكن عايزك لوحدك كده وتكون مدي وقت فاضي تماما، وقت فاضي مش بس وقت، وقتيا لأ، نفسيا مش مشغول بشاجة: ﴿إِنَّ فِي ذَلِكَ لَذِكْرَى لِمَنْ كَانَ لَهُ قَلْبٌ﴾ [ق: 37] زي ما قلنا الأثر المروي عن ابن عباس وعن مجاهد: لا يحدث نفسه بغير القرآن. من أهم وسائل تدبر القرآن مش التفريغ الوقتي فقط، لا التفريغ النفسي، عايز تسمع قارئ بتحبه، سورة مثلا سورة الأنعام بدون انقطاع، تسمعها على بعضها مع مثلا مشاري، الأنعام القديمة، أيام ما كان مشاري، الأخ مشاري قبل ما يبقى الشيخ مشاري، وتسمع، أو سورة فاطر مثلا للحصري، أي قارئ أنت بتحبه. اسمع بس، تسمع ساعة، السور اللي اتكلمت عن وشوف القرآن بيتكلم ازاي عن ربنا. أشوف القرآن لما بيكلمك عن ربنا بيكلمك ازاي؟ وكمية (قل) المهولة، أكتر من أربعين (قل) في سورة الأنعام، والكلام عن الإله المبهر في سورة فاطر، أو السور اللي بدأت بالثناء عموما: الفاتحة، والأنعام، وسبأ، وفاطر، والكهف. سور الثناء اللي بدأت بالحمد لله، شف كيف تثني هذه الصور على الله سبحانه وتعالى.

ربنا بيقول -شوف يعني المقصد الأساسي من نزول الوحي ممكن نأخده من آية-: ﴿لَوْ أَنزَلْنَا هَٰذَا الْقُرْآنَ عَلَىٰ جَبَلٍ﴾ [الحشر: 21] -أنا عايزك تتخيل المشهد كده القرآن نزل على جبل- ﴿لَرَأَيْتَهُ﴾ -مش مجازا، لرأيته أي الجبل، الجبل الصلب الغليظ الحجارة- ﴿خَاشِعًا مُتَصَدِّعًا﴾ [الحشر: 21]. ليه يعني القرآن عمل فيه ايه؟ إيه المعنى اللي القرآن غرسه في الجبل خلى الحجارة تتشقق؟ إيه اللي حصل؟ من خشية الله. ده معنى محوري، القرآن اللي بيخرج منه من غير خشية الله ده مشكلة زي ما اتكلمنا عنه في التدين المعرفي، هو مجرد معارف.

ونقاشات باهتة مش ده الغرض الأساسي للقرآن. كاد قلبي أن يطير، أهو ده خرج من سورة الطور صح، جبير بن مطعم فأسلم، ده من آثار القرآن الحقيقية في الإنسان. هو كده بيتلقى القرآن حقيقة: ﴿وَإِنَّكَ لَتُلَقَّى الْقُرْآنَ﴾ [النمل: 6]. ده تلقي حقيقي للقرآن، كانوا يخافوا يسمعوا: ﴿لَا تَسْمَعُوا لِهَذَا الْقُرْآنِ وَالْغَوْا فِيهِ﴾ [فصلت: 26] خايف من تأثير القرآن.

كانت الناس بتتقصف على دار لما صلى في فناء داره أبو بكر الصديق رضي الله عنه. في خطبة بعنوان لماذا لا يؤثر فينا القرآن؟ ليه القرآن ما بيأرش فينا؟ إزاي المشركين كانوا خايفين إن القرآن يقرأ على الناس واحنا عادي بنسمعه ومش حاسين بأي تأثر؟ طريقة القرآن في الحديث عن الله مختلفة بتخاطب -وده اتكلمت عنه في مميزات الخطاب القرآني- بتخاطب مفاصل الضعف هي. الآيات عارفة هي رايحة فين، في مناطق جواك لما بتتلمس أنت بيحدث جواك تغيير.

يعني أحياناً أقول لك أنا مثلاً في السينما والحاجات دي أما بيحبوا يأثروا ويجيبوا مشهد مؤثر أنت بتتفرج وأنت عارف إن التمثيل وبتعيط، أنت مش قادر تملك الدموع. أنت ممكن وأنت بتعيط حد يقول لك على فكرة ده ده بطل ما ماتش ده الممثل هيقوم ده هو الموتة دي خد فيها على قفاك كمية فلوس مش طبيعية أنت فكان عارف، بس هو المشهد ده استثار مشاعر معينة بداخله. أهو القرآن تقشعر -بيوصل لاماكن معينة- تقشعر منه جلود الذين يخشون ربهم ثم تلين. يعني القرآن اللي يتلقاه صح بيحدث تغيير ما.

دراسات بقى كتير وأفكار كتير ماذا يفعل القرآن. لذلك أنا فاكر برضه درس إيه اللي بيسيب نفسه مع القرآن بيتغير، ممكن ما يعرفش إيه اللي حصل. لما تحافظ على وردك أو قيام الليل شهر أنت هتلاقيك بتتغير بقيت أحسن، إزاي؟ أنت ممكن ما تلاحظش. في ناس ممكن تفكر، يعني السورة دي غيرت في كذا. أنا حسيت إن أنا المعاني اللي كان الخوف على الرزق التعلق بالدنيا بدأت تغير، أياً كان فيه تغيرات.

اللي هحافظ على قيام الليل صح مثلاً ساعة يومياً صلي قيام ليل بخشوع ومركز هيتفاجأ إنه بيتغير، هو ممكن مش واخد باله إيه الأسباب؟ يعني مش قادر يحسبها، أنا سورة كذا عملت فيا كذا، لا هو اتغير. فإذاً طريقة القرآن مختلفة في الكلام عن الله سبحانه وتعالى، طبعاً مختلف في كل شيء ولا سيما في المقصد الرئيسي: ﴿قُلْ هُوَ اللَّهُ أَحَدٌ * اللَّهُ الصَّمَدُ﴾ [الإخلاص: 1-2] تعريف بسيط واضح موجه. دخول بقى النقاشات الكلامية والفلسفية دي كانت بتفسد جلال النص القرآني، وزي ما هنشير إن شاء الله لدرس إننا في كتير من الآيات أفسدناها بالنقاشات في درس القرآن والأسئلة الخاطئة. في أسئلة خاطئة صرفت نزول الآيات في موقعها يعني التي نزلت لأجلها.

طيب، يبقى احنا قلنا إن طريقة القرآن مختلفة. ادي لنفسك مساحة أنت عايز تعرف أنا قصدي إيه؟ ادي لنفسك مساحة أنت تجرب وركز شوف القرآن بيكلمك إزاي. من الكتب الجميلة في ده كتاب بناء الإيمان من خلال القرآن دكتور مجدي الهلالي، كتاب بسيط خالص مبتدئ بيحاول يبني الإيمان جواك من خلال القرآن. وكان الدكتور مجدي عايز يجيب أكتر من معنى، الجميل اللي في الكتاب إنه ما استوعبش كتير يعني كان مركز على الأسماء الحسنى أكتر، إن هو حاول يجيب معاني أخرى ركز على الأسماء الحسنى أكتر. فإزاي القرآن بيكلمك عن الله الرحيم، عن الله الحكيم، أنت بعد كده بقى كمل، القهار سبحانه وتعالى، الملك القدوس.

لذلك لما جت آية: ﴿لَوْ أَنزَلْنَا هَذَا الْقُرْآنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ﴾ [الحشر: 21]. شوف القرآن بقى بيقول لك من هو الله، وهو شوف بقى الأسماء الحسنى المتتالية اللي جت في آخر الحشر. ولما تربطها بأول آية أول آية بعد التسبيح سبح لله، بعد كده هو سبحانه وتعالى الذي أخرج الذين كفروا من أهل الكتاب هو سبحانه وتعالى، من أوصاف هذا الإله الذي أخرج الذين كفروا من أهل الكتاب هؤلاء اللي ما ظنوا أن يخرجوا من أوصافه الملك القدوس السلام المؤمن.

فالحديث القرآني عن الله مختلف تماماً. لما بنيجي نتكلم شخص غير مسلم أو ملحد عن الله بطريقة غير طريقة القرآن بتنشأ شبهات، طب وليه ربنا يعمل كده بقى؟ وتصور كرات خاطئة عن الله، فيحدث تصور مثلاً احنا قلنا أول حاجة التصورات المشوهة عن الله ناقصة، أو يحدث المشكلة من اتنين كبار على مدار التاريخ، أما مجازاً هنقول يعني اختصاراً أسنة الإله أو تأليه الإنسان.

أسنة الإله إنه يبدأ يعامل ربنا كبشر، وهذا كان أكثر عند اليهود كانوا تكلموا عن ربنا كأنه بشر، ﴿وَقَالَتِ الْيَهُدُ يَدُ اللَّهِ مَغْلُولَةٌ﴾ [المائدة: 64] تعالى الله عما يقولون علواً كبيراً، وصارع مع يعقوب، وتعب بعد خلق السماوات. طبعاً ربنا تعامل غريب جداً، تعامل ربنا كده إزاي؟ ومن هنا -ودي هاجلها شوية- هنا إن أهم الأخطاء التي نشأت مشكلة الشر، اللي سبب كتير من المشاكل الإلحادية اللي الواحد شافها، إنه بدأ مش فاهم يعني إيه ربنا، فبدأ يسأل ليه يعمل كده؟ وليه؟ أنت مش فاهم أصلاً يعني إيه إله! أنت لا فاهم إله ولا إنسان ولا عبودية، فبالتالي نشأت الأسئلة: هو ليه ربنا عمل كده؟ هو ليه في شر؟ هو مش فاهم أصلاً القصة.

اللي كانت في قمة الإيجاز والروعة بدأ بها الوحي: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30] وده من إعجاز أن القرآن يبدأ بسورة البقرة. يعني ممكن ترجعوا لمقطع جميل قوي اللي اسمه جيفري لانج وبيتكلم عن قصة إسلامه، وكان من أهم أسباب الإسلام إسلامه قراءة سورة البقرة، وبيحكي عن تصوره وكتب كتاب حتى الملائكة تسأل في في تأثره الآيات دي تصور أصلاً الإله سبحانه وتعالى ويقول الملائكة: ﴿إِنِّي جَاعِلٌ فِي الْأَرْضِ خَلِيفَةً﴾ فانت بتفهم وظيفتك فما عدتش هتبدأ تعترض، أنت أصلاً فاهم يعني إيه تكليف وفاهم يعني إيه عبودية وفاهم يعني إيه ابتلاء وفاهم يعني إيه: ﴿لِيَبْلُوَكُمْ أَيُّكُمْ أَحْسَنُ عَمَلًا﴾ [الملك: 2].

يعني إيه إن الموت ذكر قبل الحياة؟ أنت هتموت وتبعث، وفاهم يعني إيه الدار الآخرة؟ هذه المفاهيم لما استقرت ما كانش عندهم مشكلة الشر، الصحابة ما كانش عندهم المشكلة دي. كان بيشوف الابتلاءات والتقطيع، ولما كان يبدأ يسأل النبي صلى الله عليه وسلم يفكره، فلما تذكر لب العبودية والتكليف خلاص، لما تشوف كلمة: ﴿وَمَا قَدَرُوا اللَّهَ حَقَّ قَدْرِهِ﴾ [الزمر: 67] هتلاقيها جت في تلات مواطن في القرآن: سورة الأنعام مع إنكار الوحي: ﴿وَمَا قَدَرُوا اللَّهَ حَقَّ قَدْرِهِ إِذْ قَالُوا مَا أَنزَلَ اللَّهُ عَلَى بَشَرٍ مِنْ شَيْءٍ﴾ [الأنعام: 91]. وجت في سورة الحج مع القدرة على الخلق: ﴿إِنَّ الَّذِينَ تَدْعُونَ مِنْ دُونِ اللَّهِ لَنْ يَخْلُقُوا ذُبَابًا وَلَوِ اجْتَمَعُوا لَهُ﴾ [الحج: 73] وجت في سورة الزمر مع يوم القيامة: ﴿وَالْأَرْضُ جَمِيعًا قَبْضَتُهُ يَوْمَ الْقِيَامَةِ﴾ [الزمر: 67].

التصور ده التلات معاني الرئيسية دول فهم يعني إيه أن البشر يحتاجون إلى وحي -ده الدرس الجاي إن شاء الله- فهم قدرة الله المطلقة سبحانه وتعالى واحتياج البشرية بهذه الطريقة إلى بعث إلى دار آخرة. فأي نقص من التلاتة دول يعمل انحراف خلل في فهم أصلاً هو احنا جايين هنا ليه؟ نبدأ تساؤلات واعتراض على ربنا، ويبدأ يعترض ويسيء الظن بالله سبحانه وتعالى، وهنتكلم على دي إن شاء الله في مسألة سوء الظن بالله.

فمسألة أن كان في طائفة مالت إلى أسنة الإله، يعني إيه أسنة الإله؟ يعني أن هو بدأ يصبغ على لله سبحانه وتعالى أوصاف الإنسان، فبدأ ينشأ تساؤلات كتير غلط: ليه ربنا يعمل كده؟ يقول لك: من خلق الله؟ هو ده سؤال ده ده السؤال خاطئ. لأن هو ولذلك يعني الكتب اللي ردت عليها وإن كان يعني كان عليه بعض النقاشات كتاب الدكتور وجاب أكتر من طريقة للرد منها إن أنت ما ينفعش تقول ما احنا لو قلنا الله.

طيب، الله لم يلد ولم يولد، الله سبحانه وتعالى الذي هو يخلق سبحان الله لا يخلق ويطعم سبحانه وتعالى يطعم، فانت لما تشيل لفظ الله وتحط من خلق الذي لا يخلق هو سؤال غلط لأن أنت من الأول بتتعامل غلط مع ربنا. كتير من التساؤلات المنحرفة هي مش حلها أنك تقعد ترد على التساؤل لا لأ يعني عشان كده بيقولوا ده سؤال الفئة الخاطئة، يعني كأنك بتقول مثلاً إيه؟ إيه لون الطعم ده؟ سؤال غلط، فالحل أنك أنت هو يفهم هو الله.

وهذه كانت طريقة القرآن، قبل ما البشر يقعوا في الانحرافات دي كان القرآن بيكلمهم عن ربنا، فلما سمعوا عن ربنا صح ما عدش بيسأل التساؤلات دي. ففي طائفة مالت إلى أسنة الإله، وهذا اللي خلى والعياذ بالله اليهود تفكيرهم مادي مع ربنا، قالوا: ﴿يَدُ اللَّهِ مَغْلُولَةٌ﴾ [المائدة: 64] قالوا إن ربنا تعب -قرناً في هذه الأمور- وقد: ﴿لَيْسَ كَمِثْلِهِ شَيْءٌ﴾ [الشورى: 11] ضلت أيديهم ولعنوا بما قالوا.

وفي بقى التصور الخاطئ عن الإنسان، فعمل تأليه الإنسان، وهذا النصارى وبدأ يرفع البشر إلى مرتبة أعلى من مرتبة الإنسان اللي المفروض يظل فيها، فقالوا المسيح هو الله، قالوا المسيح ابن الله، وظهرت ومش هم بس على فكرة يعني دي فكرة أصلاً قديمة: ﴿يُضَاهِئُونَ قَوْلَ الَّذِينَ كَفَرُوا مِنْ قَبْلُ﴾ [التوبة: 30]. يعني الفكرة دي وفي كتب كتير اتعملت في مسألة إن دي مش أول مرة فكرة الثالوث أو حد ابن الله، وأن دي فكرة وثنية قديمة واستقرت عند النصرانية، لكن الخلاصة إن ده تفكير خاطئ. إن مثلاً تظن في بشر: ﴿اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللَّهِ﴾ [التوب: 31] أن بشر يشرع لك من دون الله، هذا أيضاً من تأليه الإنسان. أنك تظن أن إنسان يعطيك ما لا يقدر عليه البشر وما لا يكون إلا بيد الله: ﴿مَا نَعْبُدُهُمْ إِلَّا لِيُقَرِّبُونَا إِلَى اللَّهِ زُلْفَى﴾ [الزمر: 3].

كل الآيات دي بتفسر لك إزاي حصل انحراف في مفهوم الإنسان، فانحراف في مفهوم الله سبحانه وتعالى، انحرافات كتير، أسئلة تساؤلات كتير تعمل شبهات، الشبهات تؤدي إلى إلحاد أو ترك الدين أو أو. لذلك الواحد أحياناً بيجيله أسئلة كتير في شبهات مثلاً، وخاصة أن بقى زمن للأسف زمن الشبهات وأحياناً بقى لنا كتير للأسف الواحد شافه الشاب أو الفتاة لما يسيب نفسه أو تسيب نفسها للتعرض لشبهات كتير كتير كتير.

يعني اتردم شبهات فأصبح فقد اليقين في كل حاجة، هو بقت دماغه دي مكنة توليد شبهة، يعني بقت تقول له الحل يطلع قصاده فبقى هو مكن التوليد، يعني بقى إيه بقى شغال أوتوماتيك يعني هو تدي له الإجابة يطلع شبهات، فبقت حياته كلها عبارة عن كده.

كتير بقى الواحد لما بيسمع الأسئلة مجموعة كبيرة، لو حاولنا نقسم الأسئلة أسباب الانحراف اللي في الأسئلة دي مثلاً: فهم خطأ، هنا هنا ده إرادة فجور، هنا حب شهوات، هنا إفلات التكليف. لو حاولنا نقسم الأسئلة اللي جاية لفئات معينة كده تجد أن فئة كبيرة من الأسئلة اعتراض على ربنا سبحانه وتعالى لأنه مش فاهمين مين معنى الآية دي، يعني أسئلة.

وهيشير إلى كتاب الدكتور سامي، كتاب جيد وحلل سؤال بطريقة غريبة عن الناس ما كانت متوقعة غير عادة كتابات الدكتور سامي، اللي هو: لماذا يطلب الله من البشر عبادته؟ بدأ يطلب الله سبحانه وتعالى من البشر عبادته الكتاب أشبه بكتاب إيماني، واللي يقرأ حتى عناوين الكتاب كتاب رائع في أن هو ما استقصاش فيه، لأن حقيقة النقاش النهائي لإجابة سؤال زي ده: ﴿لَا يُسْأَلُ عَمَّا يَفْعَلُ وَهُمْ يُسْأَلُونَ﴾ [الأنبياء: 23] دي النهاية، لكن هو الإنسان يحتاج إلى أن يفهم أن العبادة -وده بقى عشان ما نتوهش- احنا قلنا: فهم خطأ عن الله، وفهم خطأ عن الإنسان، تأليه الإنسان، وفهم خطأ عن العلاقة.

في ناس شوهت العلاقة فقالت: ﴿نَحْنُ أَبْنَاءُ اللَّهِ وَأَحِبَّاؤُهُ﴾ [المائدة: 18]. يعني إيه احنا؟ هو ما فيش نسب بين الله وبين عباده، هي العلاقة علاقة عبادة. المشكلة الرئيسية أن عدم فهم معنى خليفة وفهم دورك في الأرض وعدم فهم حقيقة العبودية، لذلك كان شيخ الإسلام حاول يقدم تصور أن الموضوع مش قضية تكاليف شاقة، بل كان يرفض كلمة التكاليف دي -دي ما جتش في النصوص جت منفية- وقدم تصور ممكن يسمى قاعدة في المحبة، أن العبادة أو التكاليف دي -اللي هو رارفض الاسم ده- ده احتياج الإنسان.

زي ما أنت مطالب أنك تاكل وتشرب احتياجاً، أنت محتاج العبادة، وهذا واضح جداً في كل من تخلى عن عبادة الله لازم يدور على حاجة يعبدها. ومهما بيحاول يزيل أي مقدس من حياتي شوية ويجيب مقدسات، وبعدين يكفر بها، وشويه يشيلها وبعدين يرجع يجيب مقدسات أخرى، هو مش عارف يعيش من غير عبادة.

زي ما الواحد قرأ عن بعض الملحدين، طب إيه؟ قعدوا فترة طب احنا محتاجين حاجة تجمعنا هنبقى كده ملحدين لوحدنا، الناس كلها عندها يوم، طب ما نعمل إيه احنا عيد؟ طب ما المكان نتجمع فيه ونعمل كنيسة نتجمع في كنيسة الملحدين. طب احنا محتاجين حاجة نقولها هنقعد نقول إيه؟ اضطر في الآخر أنه يصنع منظومته اللي هو كان كفر بها أصلاً.

شيخ الإسلام كان يقدم تصور كامل وهذا للأسف تصور عندنا بيخلي اللي بيجي يقدم تصور الدين وخاصة لغير المسلم هو مش فاهم يعني إيه احتياجه هو كبشر من لحظة الخلق الأولى من طين الروح يحتاج إلى عبادة كاحتياجه أو أشد احتياجاً كاحتياجه للطعام والشراب، كما أنه أجوف -وهذا كان في درس أجوف- كما أنه أجوف يحتاج إلى طعام وشراب فهو أجوف يحتاج إلى إلى عبادة، يحتاج إلى غذاء روحي، فالعبادة احتياج.

لذلك العلاقة دي علاقة خاصة، من أبدع من وصف هذه العلاقة وكتاب رائع أنصحكم بقراءته كتاب ممتع يعني كتاب الأركان الأربعة لأبي الحسن الندوي.

أبو الحسن الندوي له كتاب جميل اسمه الأرکان الأربعة، اللي هم الأرکان العملية بعد الشهادتين: الصلاة والزكاة والصيام والحج. بيتكلم عن المعاش الإيمانية في هذه العبادات، مقارنة، بيقارن العبادات دي عند الديانات السابقة.

نتكلم عن الصلاة والزكاة والصيام والحج عند الأعمال السابقة، الأديان السابقة، وبيقارن ده بالإسلام، وبيقدم التصور الإسلامي الرائع والمعاني الإيمانية اللي فيه. فلما جه يتكلم عن الصلاة، قال: عشان نفهم الصلاة نحتاج أن نفهم حقيقة الصلة بين العبد وبين الرب. إيه العلاقة اللي لما بتتفهم صح بتفهم مفهوم العبادة؟ هي إيه العلاقة بين العبد والرب؟ فبيقول: لا يفهم الصلاة ولا يفهم الحاجة إليها ولا يتذوقها إلا من عرف تلك الصلة الغريبة الفريدة التي تقوم بين العبد وبين ربه. إنها صلة لا، إنها صلة غريبة لا نظير لها ولا مثال، لا تقاس على أي صلة بين طرفين. يعني ما تقعدش تقيسها تنفع زي الأب والابن لأ، زي الأم والابن لأ، زي السيد والعبد لأ، زي الشريك مع صاحبه لأ، زي الصديق مع صديقه لأ، كل العلاقات اللي أنت شايفها في الدنيا ليس هناك مثيل لعلاقة العبد مع الله سبحانه وتعالى. وجاب أمثلة وقال: عايز تفهم الصلة عشان تفهم ده؟ يعني ممكن ده يكون لب الدرس.

احنا قلنا تصور خاطئ عن الله، تصور خاطئ عن الإنسان، تصور خاطئ عن العبادة. هو بيقول لك إيه بقى؟ احنا هو هنا بيتكلم عن عن إيه؟ عن الصلة بين الله وبين العبد، اللي هي اللي احنا قلنا هنسميها العبودية، العبادة. خلاص بيتكلم عن الصورة دي، بيقول لك: أنت عايز تفهم الصلاة دي كويس؟ يعني أنت عايز تفهم حقيقة الصلة بين الله وبين العبد؟ فانت تقول له إيه؟ قل له: أيوه ولا إيه؟ مش عايزين عايز تفهم الصلة بين العبد وبين ربه؟ تقول: آه أيوه يا أبو الحسن. قال لك: عايز تفهمها؟ محتاج تفهم صفات الرب وصفات الإنسان، لما تفهم صفات الرب وصفات الإنسان أنت تلقائيا هتفهم الاحتياج.

زي بالضبط ولله المثل الأعلى. أنت عايز تفهم العلاقة بين الطفل وبين الأم؟ هتتكلم عن مواصفات الأم والأم عملت إيه ومشاعر الأم، وتتكلم عن ضعف الطفل واحتياج الطفل الأم، خلاص. فلما تيجي آية على أحد الأقوال في تفسيرها أن ربنا بيأمرنا بعد الحج: ﴿فَاذْكُرُوا اللَّهَ كَذِكْرِكُمْ آبَاءَكُمْ﴾ [البقرة: 200]، قال بعض الأيام: أي كذكر الأطفال للآباء، هنا مش محتاجة شرح يعني الآية دي على قول كذكركم آباءكم أو أشد ذكرا، أن الهجوا بذكر الله سبحانه وتعالى بعد الحج زي ما الطفل اللي بينادي على أبيه وأمه، دي ما كانتش محتاجة وصل لأن خلاص دي معروفة. فبيقول: الصلة تابعة للصفات، الصلاة تابعة للصفات، فلو عرفنا أوصاف الرب حقيقة، وعرفنا أوصاف الإنسان حقيقة، هنعرف الصلة.

أبو الحسن برضه له كتاب تاني كان رد فعل يعني، كان محتاج شوية اتزان شوية، كان رد فعل لطرح أبو الأعلى المودودي ومن وراه سيد قطب، عمل كتاب اسمه التفسير السياسي للإسلام، وبهيئ الندوي اعتراض عليهم في منطقة، بيقول: انتم لما جيتوا تكلموا الناس عن ربنا، تكلمتوا عن حتة واحدة، فكان تصور مش خاطئ، ناقص، ناقص يعني إيه؟ يعني جزء صح ومحتاج يتكمل. فقال: انتم لما كلمتوا الناس عن ربنا، كلمتوا الناس عن ربنا يعني يعني كملك مش أزا جاد، ما كلمتوش عن ربنا، كلمتوش عن منطقة معينة سيطرت عليه كلها منطقة الحاكمية، لان كان فيها نقص رهيب ولا زال، فبيقول: لأ، كان مفروض تكملوا الصورة.

وبرضه نفس الفكرة استفاض فيها فريد الأنصاري، لأنها برضه كانت رد فعل للي حصل في المغرب، محتاجة شوية اتزان منهم هما الاتنين. فالشاهد بيقول: الصلاة تابعة للصفات. أتكلم بقى عن صفات الله سبحانه وتعالى في القرآن وعن الإنسان، يعني عشان الوقت قاعد يتكلم القرآن الذي جاء مهيمنا على هذه الكتب، وذكر من صفات الله الكريمة وأسمائه الحسنى، وذكر عن أفعاله وتصرفاته العجيبة، وقوته وقدرته وصنعه وإبداعه ولطفه ورحمته وحبه ورأفته وجوده وكرمه وعفوه وصفحه وأعطائه ومنعه وضرره ونفعه وعلمه ومعرفته وقربه ودنوه وإحاطته ومعيته وقبوله واستجابته سبحانه وتعالى، ما يجعله سبحانه وتعالى المثل الأعلى في الجمال الجلال والكمال، وله المثل الأعلى عن ربنا.

فأنت تفهم احتياجك وبعد كده الإنسان. طب ده ربنا، طب الإنسان؟ كل ده عشان يقول لك: الصلة تابعة للأوصاف. طب الإنسان؟ هل الإنسان ده مخلوق غريب متناقض؟ أدق وأعمق المخلوقات صنعا وأكثر غرابة وغموضا وأعظم تناقضا وتضاربا الإنسان. ضعيف، الإنسان ضعيف، يحب القوة والغلبة، فقير يحب الغنى والخير، خاضع لناموس الموت والفناء لكنه محب للخلود والبقاء، متعرض للأمراض والأخطار ولكنه ولوع بالصحة والسلامة، هلوع جزوع ولوع طموح، كثير الحاجات، دقيق الرغبات، عميق الهواجس والخواطر، بعيد الآمال والنظرات، لا تروى ولا تشبع جوعته، ملول طرف سئوم ضجر، يكره القديم التليد ويطلب المزيد الجديد، يزهد في الميسور الموجود، يرغب في المعدوم المفقود. قاعد يتكلم عن الإنسان من أبدع ما وصف الإنسان.

وهل هذا التناقض الغريب والصراع العنيف في هذا الطموح البعيد في الحرص والنهامة والطلب والاستزادة، في هذا سر شر شرفته وكرمه؟ ازاي إنه يحقق ده بالاتصال بالله سبحانه وتعالى؟ وكان فيه خطبة بعنوان وخلق الإنسان ضعيفا، كانت مستوحاة من هذه الفكرة. وبعد كده بيتكلم أن الإنسان دي صفات الرب يعني بديهيا بقى، لما كان بعض المتقدمين والعلماء يقول: معرفة الله معرفة ضرورية، معرفة الله معرفة ضرورية، يعني إيه معرفة ضرورية؟ يعني شيء بيجده الإنسان في نفسه، يعني حاجة ضرورة مش معرفة استدلالية يحتاج أن يستدل عليها.

كانت بعض الناس تعترض: ده احنا لازم نستدل على وجود الله، ما فيش حاجة اسمها أن هو عارف، أقول له ايه؟ هنا المدخل ده مدخل جيد، يقول لك: لا، لو الإنسان عرف ربنا وعرف أوصافه، عرف أوصافه اهو، اعرف تلقائي أنه محتاج لربنا، ما فيش حد مش محتاج لربنا، هو محتاج لربنا، الضعيف الذي يشعر بضعفه يحتاج إلى القوي، الفقير الذي يعرف فقره يحتاج إلى الغني. ولا سيما إيه بقى؟ أنه فقير يحب الغنى، أنه ضعيف يحب القوة. فالإنسان بطبيعته في ضعف، وغرز فيه حب الكمال فمحتاج لربنا، عارف لو ضعيف وما بيفكرش في الكمال وما لوش طموح، كان ممكن ما يحتاجش ربنا، كان هيحتاج، لكن أقصد مش هيجدها معرفة ضرورية تدفعه دفعا، محتاج فيه حاجة ناقصاه، يعني هو قاعد في حاجة ناقصاه يقعد يدور.

إيه اللي يخلي المشركين يجيبوا شوية طين ويحطوا عليهم شوية مية ويعمل صنم؟ إيه اللي خلى كتير من المؤرخين اللي بيتكلموا فلسفة الدين، أن وجدوا مش عارف يقول لك المؤرخ مش عارف مين، اللي وجد قرى بدون مصانع وقرى بدون مش عارف، لكن عمرهم ما وجدوا القرى إلا فيها معابد؟ ليه تحليلات بقى فارغة؟ يقول لك: اصل عمل عشان كان خايف من الطبيعة. طب اللي دلوقتي الإنسان معتقد أن هو مش خايف من الطبيعة ولا حاجة وظن أنهم قادرون عليها، ولسه بيدور على حاجة يعبدها؟

ده احتياج. الطرح ده على أنه احتياج هيوفر كتير من الشبهات والنقاشات، وليه وليه ربنا يأمر وليه ربنا يقول؟ ده احتياجك أنت. ما قلتش ليه ناكل؟ ما قلتش ليه نشرب؟ فالخلاصة أن هو تكلم في الآخر في مقدمة الكتاب أبو الحسن الندوي عن أن بما أنه ضعيف ويحتاج إلى الخضوع بطبيعته، فهتكلم عن سر خضوع لله سبحانه وتعالى، والصلة العادلة المعقولة. إيه بقى الصلة؟ بعدين يعني شفتم بقول لك إيه؟ أنا عايز أكلمكم عن الصلة بين العبد والرب، قبل ما أكلمك عن الصلة هكلمك عن ربنا وأكلمك عن الإنسان. فهمت أوصاف الرب وأوصاف الإنسان؟ طب الإنسان ده بقى محتاج، محتاج لهذه الصلة.

نتكلم بقى أن الصلة دي يعني لا تتحقق قمة التحقق إلا في الصلاة، وشرح ده، وأرجو أن انتم ترجعوا الكتاب، كتاب جيد جدا، وفصل الصلاة وفصل الحج. حقيقة يعني الناس اللي بتكسل تقرا الكتاب على باطنه، ممكن تقرا اللي بيجي في الامتحان يعني، الصلاة والحج، عارف انتم بتحبوا.

فالخلاصة أن الفارق الرهيب في طرح القرآن في الكلام عن الله وبين طرح الكتب الأخرى، ده بيحل كتير من الشبهات والنقاشات. التصور المشوه اللي أدى إلى إنسانة الإله فبدأ يسأل أسئلة عن ربنا كأنه بيتكلم عن إنسان. ده عجيب جدا، الواحد بيسمع أسئلة: يا ابني انت مش فاهم يعني إيه ربنا؟ هو ليه ربنا عمل معي كذا؟ وليه قال لي أننا نعمل كذا؟ انت مش فاهم! كأن ربنا حاشاه كان محتاج. لا يحتاج إليك، أنت مش فاهم يعني إيه الله الغني؟ بل ده قد يكون من أهم وأكثر الأوصاف خصوصية لله، الغنى المطلق. وأخص وده كان أشار لي شيخ الإسلام ابن تيمية، وأخص أوصاف الإنسان الفقر المطلق الاحتياج، أخص أوصاف الإنسان لاحتياجه: ﴿يَا أَيُّهَا النَّاسُ أَنتُمُ الْفُقَرَاءُ إِلَى اللَّهِ وَاللَّهُ هُوَ الْغَنِيُّ﴾ [فاطر: 15]، كلكم يا عبادي -الحديث القدسي- كلكم ضال إلا من هديته فاستهدوني، كلكم جائع -أنت متخيل؟- كلكم عار، حتى الغني، حتى اللي معه ملايين إيوه، جائع إلا من أطعمه الله سبحانه وتعالى، تاكل: الحمد لله الذي أطعمني هذا ورزقني من غير حول مني ولا قوة.

يبقى إذا التصور الحقيقي عن التكاليف وعن العلاقة ده بينشأ أنك تعرف من هو الله ومن هو الإنسان؟ وما هي طبيعة العلاقة؟ أي خلل في التلاتة دول هيعمل خلل في التصور، خلل في التصور هينتج عنه شبهة، تنتج عنه تساؤلات، أسئلة بقى، وليه وإيه؟ ويقعد يتكلم عن ربنا ويخوض. ده للأسف مش عايز أدخل فيها النقاشات الكتير اللي حصلت في الخوض في أسماء الله وصفاته، وسواء اللي عطلوا الأوصاف أو تأولوها، طب ما هو ليس كمثيله شيء، الموضوع في قمة البساطة، جمال الطرح القرآني أن بيقدم العقائد في أبسط طريقة، الموضوع في قمة البساطة: ﴿لَيْسَ كَمِثْلِهِ شَيْءٌ وَهُوَ السَّمِيعُ الْبَصِيرُ﴾ [الشورى: 11]. يعني بيثبت صفات لله سبحانه وتعالى، لكن ما فيش، ليس لذلك كان في رسالة جميلة جدا هي دسمة، بل يعتبر من أمتن ما كتب، ولأن هي بل قيل أن هي من أواخر ما كتب شيخ الإسلام في الأول المجلد التلاتاشر في الفتاوى، رسالة اسمها الفرقان بين الحق والباطل، رسالة دسمة جدا ومكتنزة، يعني حط فيها غالب الأفكار.

القرآن نزل لفرقان بين الحق والباطل. طب إيه فرقان في إيه يعني؟ يعني فرقان في إيه؟ قال: ومن الفرقان كذا، ومن الفرقان كذا، يقوم قايل: ومن الفرقان الذي نزل به القرآن، الفرقان يعني فريق واضح ما بين الخالق والمخلوق. قال: ده معنى محوري نزل القرآن لأجله، معنى كبير يعني. الشريعة يا جماعة كانت في الحتة دي ما بين الخالق والمخلوق، الشريعة كانت دقيقة جدا، وده اللي احنا بنقوله للي بيروح الاستغاثة بالقبور، ازاي ده؟ ده الراجل اللي جرى النبي صلى الله عليه وسلم حرف جر قال: ما شاء الله وشئت، حرف جر: أجعلتني لله ندا؟ عشان حرف جر قل: ما شاء الله ثم شئت. المنطقة دي لازم يظل فيها فرقان، الفارق ما بين الخالق والمخلوق لازم.

يعني احنا نقرأ آيات وأحاديث وآثار في فضل النبي صلى الله عليه وسلم، ولابد أن يعظم صلى الله عليه وسلم، وتقرأ كتاب الشفاء للقاضي عياض عشان تزداد محبة النبي صلى الله عليه وسلم في قلبك، لابد أن تغذي محبة النبي صلى الله عليه وسلم في قلبك بكل وسيلة، وتسمع حديث: «إنما أنا عبد»، عشان يوازنك. لعنة الله على اليهود والنصارى اتخذوا قبور أنبيائهم مساجد، ما انت عندك طائفة اليهود اعتدوا على أوصاف الله وقالوا: ﴿يَدُ اللَّهِ مَغْلُولَةٌ﴾ [المائدة: 64]، واعتدوا على أنبيائهم واتهموهم وقالوا عن موسى عليه السلام أنه، اتهموه وبرأه الله بما قالوا وكان عند الله وجيها، اتهموا موسى عليه السلام واتهموا موسى في رواية بناء قتل هارون، وكانوا بيتهموا الأنبياء بالزنا والفاحشة والعياذ بالله، دي طائفة، الطائفة التانية دول واتهام الأنبياء، الطائفة التانية لا، رفعوا تأليه بقى الإنسان.

وجاء الإسلام وسطا، لا هؤلاء ولا هؤلاء: ﴿اهْدِنَا الصِّرَاطَ الْمُسْتَقِيمَ * صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ﴾ [الفاتحة: 6-7]. فإذا التصورات الخاطئة عن الله وعن الإنسان وعن العبادة أدت إلى انحرافات كثيرة. وأكرر التلقي الصحيح لمعاني الوحي في الكلام عن الله صدقني هيحل كتير من الشبهات، وياما ناس اقتنعت وراحت تقرأ القرآن، مش مستعجلة على حل شبهة، ما هو عنده كمية شبهات صغيرة. وده أنا ذكرته في سورة الرعد، الكتاب نفسه يقرأ سورة الرعد وغيره اللي ساب نفسه يقرأ القرآن، زي ما قلت لكم اقرأوا قصة إسلام جيفري لانج، ازاي أنه لما ساب نفسه يتلقى هذه المعاني بدأ يفهم؟ لأن المعاني بتلامس أشياء بداخله فيفهم: آه، أنا محتاج للإله، بدل ما ينحرف انحرافات أخرى.

لذلك كان من أهم أسباب والعياذ بالله دخول كثير من الناس النار، لما يخشوا النار يقولوا إيه؟ ﴿تَاللَّهِ إِن كُنَّا لَفِي ضَلَالٍ مُّبِينٍ * إِذ نُسَوِّيكُم بLرَبِّ الْعَالَمِينَ﴾ [الشعراء: 97-98]. إيه هو الضلال المبين؟ ها، سورة الشعراء، إيه هو الضلال المبين؟ إذن نسويكم برب العالمين، هي دي، ده ضلال مبين أنك أنت تعتقد فيه تسوية بين الخالق والمخلوق. احنا بنقول أن القرآن جاء فرقانا بين الخالق والمخلوق. طيب، أيضا من الخلل ده في التلاتة خلاص هنتكلم عن التلاتة على باطن خلال الفترة عن الإنسان، صورة عن الله وعن الإنسان وعن العبادة، اللي بيبقى عنده خلل في الصورة دي مش فاهم.

لماذا خلقنا؟ ويبدأ يسأل أسئلة: ليه يا رب؟ ليه؟ ويبدأ يسيء الظن بالله. ومن أجمل ما قرأت الذي تكلم على مسألة ارتباط -ركز معي- ارتباط سوء الظن بالله بعدم معرفته.

احنا بنقول إن الخلل في التصورات هيعمل خلل في الأفكار يعمل شبهات، فاحنا محتاجين نصحح التصورات عن الله. من أجمل ما كتب في المنطقة دي كان ابن القيم، وفي زاد المعاد بيتكلم على غزوة أحد: ﴿وَطَائِفَةٌ قَدْ أَهَمَّتْهُمْ أَنفُسُهُمْ يَظُنُّونَ بِاللَّهِ غَيْرَ الْحَقِّ ظَنَّ الْجَاهِلِيَّةِ﴾ [آل عمران: 154]. أول لما ظن ظن غلط ظن جاهلية، بدأ يسأل أسئلة غلط: ليه؟ وليه خرجنا؟ وليه متنا؟ وليه اتسابنا واتضحك علينا؟ وليه ربنا يعمل فينا كده؟

لما مش فاهم يعني إيه الرب؟ مش فاهم يعني إيه الابتلاء؟ ويعني إيه تكاليف؟ ويعني إيه خليفة؟ لما المعاني دي حصل فيها نوع من الضبابية، بدأت تطلع التساؤلات دي، بدأ سوء الظن يطلع. لذلك ابن القيم -أنا نفسي أقرأ له بس عشان الوقت- أبدع، وأرجو أن أنتم ترجعوا تقرأوه، فصل كده في زاد المعاد في سوء الظن.

بيقول -ابن القيم يقول في زاد المعاد-: إن من لم يصبه ذلك النعاس فهو ممن أهمته نفسه، لم يهمه لا دينه ولا نبيه ولا أصحابه، وهؤلاء كانوا يظنون بالله غير الحق ظن الجاهلية. بيقول هنا إيه بقى؟ إيه هو ظن الجاهلية؟

وقد فسر هذا الظن الذي لا يليق بالله سبحانه وتعالى: إنه سبحانه وتعالى لا ينصر رسوله، وإن أمره سيضمحل، وانه يسلمه للقتل. وقد فسر بظنهم أن ما أصابهم لم يكن بقضائه وقدره ولا حكمة له فيه، ففسر بإنكار الحكمة وإنكار القدر وإنكار -عشان تشوف احنا ممكن نسيء الظن بالله- وإنكار أن يتم أمر رسوله -يقول لك خلاص كل حاجة راحت- وإنكار أن يظهره على الدين كله. وهذا هو السوء الذي ظنه المنافقون كما في سورة الفتح، وذكر الآيات.

ثم يقول: وظن الجاهلية هو المنسوب إلى أهل الجهل، وظن غير الحق. جهل بايه؟ يعني الجهل كان بايه؟ فقال: هو الجهل بخلاف ما يليق بحكمته وحمده وتفرده بالربوبية والألهية. يبقى الخلل في التصور عن الله تلقائيا يؤدي لشبهة، وتلقائيا سيؤدي لسوء ظن.

يعني كتير من التساؤلات في مشكلة الشر -اللي كانت سبب لإلحاد كتير من الناس، وده كان واضح في فيلم سبع سنين- إن هو ما عندوش تصور عن الإه وعن الإنسان وعن العبادة، هو تصوره عن الإله إنه جاي هنا يتدلع يعني، وتصوره أن أنا جاي اتبسط، أنا ما اتبسطتش يبقى إيه ده غلط؟ هو مين اللي قال لك إن حضرتك جاي هنا تتبسط؟

هو ليه ربنا عمل فينا كده؟ هو حضرتك متخيل كنت جاي تعمل ايه؟ وحضرتك كان إيه التخيل اللي عند حضرتك وحضرتك ما لقيتوش؟ وده اللي حاول دكتور سامي عملي كتاب "مشكلة الشر" يعني في الأول شوية، لكن نقل النقاش في الأول: اتكلم على التصور الخاطئ، هو إيه تصورك عن التكاليف أصلاً، وعن الابتلاء، وعن الخليفة، وعن الإله؟ إيه تصوراتك قبل أن تسأل هذه التساؤلات؟ لماذا تسيء الظن بالله سبحانه وتعالى؟

فتكلم بقى إن من ظن -وراجع نفسك لما تقرا الكلام ده، عايزك تقرا الكلام ده لنفسك مش للناس-: من ظن بأنه لا ينصر رسوله ولا يتم أمره، ولا يؤيده ويؤيد حزبه ويعليهم ويظفرهم بأعدائه، وظلم عليه، وأنه لا ينصر دينه وكتابه، وأنه يَدِل الشرك على التوحيد والباطل على الحق أدالة مستقرة يضمحل معها التوحيد والحق اضمحلالا لا يقوم بعده، فقد ظن بالله ظن السوء، ونسبه إلى خلاف ما يليق بكماله وجلاله وصفاته ونعوته.

كل ما هيجيب هو ابن القيم عمل هنا إيه بقى؟ وده أرجعوا له. كل شوية يقول إيه؟ اللي هيظن كذا بالله يبقى ظن ظن السوء، اللي هيظن كذا. عمل فصل طويل، يعني دول تلات ورقات بس، خط طويل أنا اختصرته يعني شلت تلت تربع الكلام منهم، يقول لك: اللي هيظن بالله كذا يبقى أساء الظن بالله. ليه؟ لأن هذا لا يليق بجلاله وحكمته ورحمته سبحانه وتعالى.

يبقى كل ظن سوء في الله، كل سؤال، أي سؤال خاطئ عن الله سببه تصور خاطئ، أي شبهة خاطئة هو سببها تصور خاطئ. ومن أنكر أن يكون كل شيء بقضائه وقدره، فما عرفه سبحانه ولا عرف ربوبيته، ولا عرف ملكه وعظمته. كل شيء غلط عندك في التفكير، قصاده أنت أنكرت حاجة في معرفة الله.

طيب، أعرفه ازاي صح؟ من القرآن الوحي. القرآن من أهم مقاصد الوحي أن يعرفك بالله سبحانه وتعالى. ومن ظن أنه يعذب أولياءه مع إحسانهم وإخلاصهم ويسوي بينهم وبين أعدائه، فقد ظن ظن السوء. ومن ظن بانه يترك خلقه سدى معطلين -ده سوء الظن بإنكار الوحي، وده هنتكلم عنه المرة الجاية- ومن ظن بأنه يترك خلقه سدى معطلين عن الأمر والنهي، ولا يرسل إليهم رسله، ولا ينزل عليهم كتبه، ويتركون كالأنعام، فقد ظن ظن السوء، إلى أن قال -ركز بقى في الحتة دي-.

فأكثر الخلق -هو قال حتة هنا متعبة شوية- بل كلهم إلا من شاء الله -ركز معي- وبعدين: فاكثر الخلق، بل كلهم إلا من شاء الله، يظنون بالله غير الحق ظن الجاهلية. فان غالب بني آدم -أغلبنا، اسمع الكلام ده وراجع كده أنت قلت إيه قبل كده- يعتقد أغلبنا معتقد أنه مبخوث الحق، ناقص الحظ، وأنه يستحق فوق ما أعطاه الله، ولسان حاله من جوة: ظلمني ربي ومنعني ما أستحقه، ونفسه تشهد عليه بذلك.

بيحصرك، تقول له: لو ما يحصلش؟ يقول لك: أنت كذاب، حصل. ونفسه تشهد عليه بذلك، وهو بلسانه ينكره: ما حصلش؟ لا حصل، ولا يتجاسر على التصريح به. الخلاصة: ومن فتش نفسه وتغلغل في معرفة دفائنها وطواياها رأى ذلك فيها كامنا كمون النار في الزناد. فاقدح زناد من شئت -دور مع أي حد- ينبئك شراره عما في زناده. ولو فتشت من فتشته لرأيت عنده تعنتاً على القدر، وملامةً له، واقتراحاً عليه خلاف ما جرى، ويقول في داخله: إنه كان ينبغي أن يكون كذا وكذا. فمستقل ومستكثر.

فتش عن نفسك، هل أنت سالم من ذلك؟ فإن تنجو منها تنجو من ذي عظيمة، وإلا فإني لا أخالك ناجية. فليعتني اللبيب الناصح لنفسه بهذا الموطن.

فالخلاصة أن عجبني أن مع كل ظن سوء ابن القيم كان بيجيبه -جاب كتير ودخل بقى طبعا الرد على مسألة الأسماء والصفات- وكان كل ظن سوء بيجيبه يقول إيه: وهذا بسبب عدم معرفة كماله وجلاله وعظمته سبحانه وتعالى. يبقى كتير من الشبهات -احنا اتكلمنا الدرس مش الأشكالية اللي فاتت- إن كتير من الشبهات وراها دافع شهوات، وفي جزء كبير أيضاً من الشبهات سببه التصور الخاطئ عن الله، فبيبدأ يسأل أسئلة غلط، ويبدأ ينفسن في علاقته بربنا، ويبدأ للأسف - الواحد مش عايز يقرأ لكم بعض.. يقرأ لكم بعض الرسايل اللي بتجي له- بيتكلم عن ربنا أو بتتكلم عن ربنا لما تمر ببلاء كلام يعني هو مش زي ما ابن القيم بيقول، ده مش فاهم يعني إيه ربنا، ولا فاهم يعني إيه الإنسان في الدنيا، ولا فاهم يعني إيه التكليف في العبودية، فبينتج كمية تشوهات نفسية وتساؤلات واعتراضات. ليه غالب هذه الاعتراضات السبب الرئيسي؟ عدم الفهم.

لذلك من مداخل إبليس المشهورة إنه يخليك تعترض على ربنا، ده مدخل من لذلك النبي صلى الله عليه وسلم بيقول إيه: فإن لو.. يقول: اللي بيقعد يلولو الكتير ده، فإن لو إيه؟ تفتح عمل الشيطان. ويعني إيه عمل الشيطان؟ كان أظن كان في درس صغير في التراويح زمان ربع ساعة عن عمل الشيطان، وحاولنا نستقصي كلمة عمل الشيطان، لما جت سورة المائدة مع الخمر والميسر وجت هنا في الحديث لما بتقول: لو. كأنك بتفتح الباب وتقول للشيطان: تعال فاعمل.

طب إمعنى لو دي تفتح عمل الشيطان ليه؟ ما هي لو اعتراضية -مش لو اللي ممكن تيجي انك بتحاول تستدرك أمور فاتت دي ما فيش فيها مشكلة، وده الجمع بين إزاي في نصوص وردت عن النبي صلى الله عليه وسلم قال فيها لو. لا. المقصد هنا لو الاعتراضية- لو التي تصنع الحسرة: لو كانوا عندنا ما ماتوا ما قتلوا، لما قالوا: لو دي، ليجعل الله ذلك ليجعل الله ذلك حسرة في قلوبهم. يبقى الحسرة دي ارتبطت باللولوة دي؛ لأنك تقعد تعترض. الشيطان عايزك تعترض على القدر وعلى الشرع.

هو الشيطان أول مدخل دخله لسيدنا آدم قال له إيه؟ قال له: بص، ما نهاكم ربكم عن هذه الشجرة إلا أن تكونا ملكين أو تكونا من الخالدين. بيقول له: أوامر ربنا ضد مصلحتك، أنا لو مكانك هعترض، وهو أعترض؛ ربنا يسجد وهو أعترض، فعايز الناس تعترض زيه. ده أهم مدخل شيطاني: لا يزال الشيطان بالإنسان حتى يعترض على الله سبحانه وتعالى، سواء في الأمور الشرعية -وده بقى مع العلمانيين أو مع برة الدين- أو على الأمور القدرية. طب أنت ما بتعترضش على الشرع؟ خليك تعترض على القدر، يجيلك من لو. ومن الاعتراض على الشرع والاعتراض على القدر تنشأ الشبهات. لكن ليه التساؤلات دي؟ لعدم فهم حكمة الله سبحانه وتعالى وعظمة الله سبحانه وتعالى وغنى الله سبحانه وتعالى وجلاله سبحانه وتعالى.

فإبليس راح لسيدنا آدم قال له: ما نهاكم ربكم عن هذه الشجرة إلا أن تكونا ملكين أو تكونا من الخالدين، إن الأمر ده بتاع لا تأكل من الشجرة ده ضد مصلحتك، وقاسمهما وحلف حتى صدقه آدم وأكل من الشجرة ففوجئ أن الأمر كان في مصلحته.

كتير من الأوامر احنا بنقول: ليه ربنا ليه تشريعات المرأة كذا وليه تشريعات الرجل كذا؟ وليه فيه كذا؟ فتجي مجتمعات ترفض التشريع، فيحدث بادئ ذي بدء انطلاق في الشهوات ومتعة ولذة عاجلة، فالناس تغتر، تقول لك: إيه ده! شفت لما سابوا الدين حصل إيه؟ لما يعيشوا بقى فترة طويلة، يظهر آثار ترك ده، ويبقى مجتمع مسخ، مجتمع مسخ في قمة يعني المسخ والعياذ بالله الفطرة. وده واضح في كتير من المجتمعات الغربية. الشيطان غرضه: لو تفتح عمل الشيطان ليه؟ لان الشيطان عايزك -من أهم مداخل الشيطان- الاعتراض على الشرع والقدر، عدم فهم صفات الله سبحانه وتعالى وعدم فهم صفات الإنسان.

أنا للأسف فوجئت أن الوقت بيجري. اه، كان نفسي أكلمكم عن آية: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30] لأن ده أنا محوري جداً في تصور العلاقة، إن كان في درس -هو مش مصور للأسف- موجود على الساوند كلاود ممكن تسمعوه بعنوان "خليفة"، درس طويل شوية، أو درس تاني اسمه "من نحن؟ وما وظيفتنا؟" سواء ده أو ده. التركيز على الآية دي، أو اللي عايز يقرأ الدكتور فريد الأنصاري كتاب "مجالس القرآن" لما اتكلم في سورة البقرة الجزء التالت شرح الآية دي أبدع فيها. يعني ما تسمع درس خليفة أو عايز تقرأ شرح آية: ﴿إِنِّي جَاعِلٌ فِي الْأَرْضِ خَلِيفَةً﴾ مجالس القرآن للدكتور فريد الأنصاري الجزء التالت هو اللي فيه سورة البقرة. اقرأ هذه الآيات، دخول القرآن باستحضار المعنى ده طوال القرآن، تفهم وظيفتك، يخليك ما تكثرش من الاعتراضات الموجودة.

إذاً أحبتي في الله، قال ربنا سبحانه وتعالى: ﴿مَا أَنزَلْنَا عَلَيْكَ الْقُرْآنَ لِتَشْقَى﴾ [طه: 2]. القرآن نزل عشان يفهمنا، مش عشان نشقى. للأسف نقوم احنا نعمل إيه؟ نقوم احنا ننحي القرآن ونبدأ نحاول نفكر في إجابات عن تساؤلات لن نجد لها إجابات حقيقية إلا في الوحي.

المهندس أيمن عبد الرحيم في مسألة إن القرآن فيه تجلي لرحمات الله سبحانه وتعالى: إنه بيوفر على الإنسان كتير من الطاقة المهدرة التي ضيعها الفلاسفة وما وصلوش لحاجة. فإزاي أن القرآن تتجلى فيه رحمة الله سبحانه وتعالى؟ إنه وفر عليك الإجابات، أنت ليه رايح تجيبها من برة؟

يعني التصور عن الإله، والله أنا لولا أن ما بحبش الكلام الفلسفي وتضييع الأوقات في الكلام الفارغ، لو قرأت لكم تصورات الناس -أو كتاب اسمه "الله في الفلسفة الغربية" تقريبا ضخم كده- والله أنت تتعجب، إيه هي الناس دي كانت ازاي مش شايفة ربنا كده؟ طب وهو لما يشوف ربنا كده، طب هو هيعبده ازاي؟ هو فين العبادة؟ هو مجرد تصور سد خانة، زي ما بيقولوا عندي كارت كده إنه أثبت ربنا برجماتياً. هو محتاج بس حاجة عشان الحياة تمشي، محتاجين نحط كلمة ربنا وخلاص، هو مش احتياج حقيقي، مش عبادة حقيقية.

وزي ما قلت لكم أن الكتب اللطيفة: كتاب -بيعتبر كتاب إيماني بعيداً عن كتب الدكتور سامي العامري ردود الشبهات- كتاب "لماذا يطلب الله من البشر عبادته"، الكل كله نقولات إيمانية جيدة. من الكتب اللي حاولت -وده في جهود كتير- كيف قدم القرآن تصوراً عن التوحيد أو عن الإله؟ يعني دي جهود حاول كتير من الناس، زي ما قلت لكم مثلاً المودودي يقدم رأي فالندوي يستدرك عليه، يقول له: لأ، المفهوم اللي انت حاولت تجيبه عن التوحيد أو عن الألوهية كان فيه نقص.

من الناس اللي حاولت تقدم تصور عن التوحيد، كتاب جميل أنصحكم بقراءته اسمه "جمالية الدين". الفصل اللي بيتكلم عن جمالية التوحيد، دي مقالة اللي عايز يقرأ المقالة بس موجودة لوحدها، كانت مقالة قديمة مجلة البيان "جمالية التوحيد": أنك أنت تعيد التصور عن التوحيد، التصور الجمالي، فتفهم أن العبادة احتياج. وأنا أظن أن كتير من هذه المعاني لو قدمت لكثير من اللاأدريين أو الملاحدة، هيعيد التفكير.

مش معقول أن هو مش عصا سحرية، لكن هيبدأ يعيد التفكير، يفهم أن هي بتخاطب منطقة فيها نقص بداخله، فبتسد هذا النقص. طرحنا للدين طرح ناقص، وكثير من المناظرات اللي الملحد أو غيره اتهزم، ما حصلوش تغير؛ لأن هو كان ده مطلوب، كان الغرض أنه يتكسر مش أنه يؤمن، ولذلك كثير من الوزارات كان بينصرف عنها السلف؛ لأنها غالبا ما بتؤديش لنتيجة.

اللي حاول يقدم في طرح قرآني عن مفهوم الإله ومفهوم الإنسان -احنا قلنا ضبط المفهومين دول- كان سعيد النورسي في تركيا، كان مايل للتصوف، حاول وكتب كتب كتير، حاول يستخلص غالب الأفكار اللي كتبها عن الإله وعن الإنسان وعن الكون وعن القرآن في مفهوم خامس، يعني مفاهيم خمسة كده. فريد الأنصاري في كتاب اسمه فاتح النور، فصل التوحيد جيد نوعا ما، لو أنت عايز القرآن قدم التوحيد إزاي.

برضو سعيد نورسي كان معترض على الطريقة الفلسفية، وكان أياميها طغيان مادي والانفجار المادي اللي حصل، وكان بعد الحرب العالمية، ورأى رؤية أن هو هيفتح عليه فهم كتاب الله سبحانه وتعالى، فانصرف عن كل حاجة في الحياة وأقبل على القرآن. ورأى رؤيا كان تأويلها رؤية طويلة ذكرها في الأول، كان تأويل الرؤية أن هو هيفتح عليه في فهم القرآن، وهيقدم القرآن بصورة جديدة للناس؛ لأن الناس كان فيه انغماس في المادية.

فاتجه -وده ردود الأفعال دي بيبقى فيها نوع من عدم الاتزان شوية- فكتب كتب كتير، استخلص خلاصة ما كتب فريد الأنصاري عن التوحيد. اعترض سعيد نورسي، وبالتالي فريد الأنصاري اعترض على الطرح الفلسفي، اعترض على الطرح الكلامي، وقال أن ده لا يبني الإيمان، وأن طريقة القرآن هي فقط اللي تبني الإيمان، الطرق الأخرى تحل شبهة.

عشان برضو ما هتقول لي طب وأنت بتدرسها ليه أو بتذاكرها ليه أو بتناقش بها ليه؟ بتحل شبهة. زي ما اتكلمت، ميزات الخطاب القرآني هي أشبه بالغذاء، آخر العلاج؛ ولذلك اللي هيخلط بين الغذاء والدواء هيصنع إنسان مشوه. القرآن هو الغذاء، الطريقة الأخرى هي دواء لمشكلة، حلينا الدواء وحلينا الداء واتحلت المشكلة، نرجع للغذاء.

الاستمرار في الطرح الدوائي يقتل المناعة، أنك أنت تربي طفل بأدوية بس بيطلع طفل ما عندوش مناعة، عايش على الأدوية، أي حاجة ياخد قصادها دواء. ده الفارق بين اللي بيتربى على الطريقة القرآنية في بناء العقائد، والطريقة الكلامية في حل الشبهات. ما تنشغلش بحل كثير من الشبهات، لا تجعل قلبك كالإسفنج، أي شبهة يشربها ويدور على حلها، ادي لنفسك فرصة تتبنى واليقين إيه؟ ما جاش النهاردة.

اليقين تراكمي؛ يعني ما تستعجلش، ادي نفسك فرصة تعيش، ابني الإيمان من خلال القرآن. دي الكتب اللي نصحنا بها، آخر كتاب هو كتاب تخصصي شوية؛ لأن أنا ذكرت المسألة دي في تعريف العبادة، وأن الخلل في مفهوم العبادة أدى إلى الوقوع في بعض السلوكيات الخاطئة زي الاستغاثة بالقبور. كتاب للدكتور سلطان العميري اسمه تحقيق الإفادة بتحرير مفهوم العبادة، إيه هو مفهوم العبادة؟ الكتاب اسمه تحقيق الإفادة بتحرير مفهوم العبادة.

الكتاب استفاد كتير من كتاب المعلمي اليماني رفع الاشتباه عن العبادة والإله. نجد أن كلهم عايزين قبل ما يردوا على المشكلة يقول لك تعالى بس يعني إيه إله ويعني إيه عبادة؟ وده مهم جدا تحرير المعنى. ولذلك لما تجيء لك شبهة، ولا سيما للوشوب عامة كده كده ما تردش، يعني بس لو افترضنا أن حد جا له شبهة وشبهة اعتراض ليه؟ قبل ما تجاوب.

يعني ما تجيء مثلا تشوف تصرف السيدة عائشة، السيدة عائشة لما جت واحدة تقول لها: احنا ليه أمرنا بقضاء الصوم ولا نور قبائل الصلاة؟ طب ما هي كانت ممكن تجاوب، هي التقطت أن ده مدخل؟ لا، ده هي لها هنا طريقة مختلفة. قالت: أحَروريّة؟ ده مش سؤال عن الحكمة. طب ما هي لها إجابات تانية عن الحكمة! السؤال ده مش سؤال عن الحكمة.

من فطرة الإنسان لما تجيء له الشبهة، ما هي الدوافع؟ أو ما هي المفاهيم الخاطئة التي بنيت بصورة خاطئة؟ تحتاج إلى تصحيح، فإذا صححت الأصول خلاص يقوم الفرع، أنك تنشغل بتقويم الفروع بعيدا عن بناء الأصول ده خطأ. فيعني نكتفي بهذا القدر، وأسأل الله سبحانه وتعالى أن يرزقنا حق معرفته سبحانه وتعالى، وأن يرزقنا حسن عبادته على الوجه الذي يرضى به عنا. أقول قولي هذا، وأستغفر الله لي ولكم، سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيرا.