سلسلة أصول الانحراف (3) | الأصل الثاني: بل يريد الإنسان ليفجر أمامه | د. أحمد عبد المنعم

بسم الله والصلاة والسلام على رسول الله صلى الله عليه وسلم. نستكمل بإذن الله سبحانه وتعالى سلسلة طول الانحراف والبحث عن الانحراف الذي حدث للبشرية، ولكن استهداء من خلال الوحي. كما قال ربنا سبحانه وتعالى: ﴿كَانَ النَّاسُ أُمَّةً وَاحِدَةً﴾ [البقرة: 213]، أي على الأرض أحيانا، أي على التوحيد. فبعث الله النبيين مبشرين ومنذرين. ففي هنا محذوف، أي فاختلفوا، وحدثت اختلافات، وحدثت انحرافات، إحنا بنحاول نستجلي من خلال النص أسباب انحراف البشر عن مراد الله سبحانه وتعالى.

طبعا يستحيل استقصاء ذلك؛ لأن الشياطين كل فترة تتبع طريقة جديدة وأفكار جديدة لصرف الناس عن طريق الله سبحانه وتعالى. ولكن إحنا هدفنا الرئيسي في هذه السلسلة مش البحث عن كل أسباب الانحراف أو عن كل ينابيع الغواية، زي تعبير الشيخ عبد الله العجيري، لكن إحنا بنحاول نتكلم عن الأصول.

لذلك زي ما ذكرت المرة الماضية، إن أنا أثرت أن هذه السلسلة لا تكون سلسلة طويلة، يعني مش مثلا خمستاشر أصل من أصول، لأ، ممكن نتكلم على أربع أو خمس أصول بالكتير. هيكون الغرض إن إزاي الأصول العامة دي بتتسبب في الانحراف كأصول عامة. داخل كل أصل من الأصول أو تركيب مجموع الأصول مع بعضها ليفرع جزئيات الضلال الكثيرة. اتكلمنا في الدرس الأول من السلسلة عن استعادة الثقة بالوحي.

وأنا شايف إن الدرس ده مهم مع درس آخر: مميزات الخطاب القرآني، إن إحنا نستعيد الثقة مرة أخرى في الوحي، وأن الوحي قادر على حل مشاكلنا القديمة والحاضرة والمستقبلية، مش نزل لزمن. واتكلمنا في الدرس الماضي عن الأصل الأول من أصول الانحراف اللي ممكن يصاغ في قضية مركزية الدنيا، سواء على مستوى المعلومات أو على مستوى الرغبات.

يعني مركزية الدنيا أنه لن يؤمن إلا بما يراه حسيا في هذه الدنيا، ولا يريد إلا هذه الدنيا. ومآل الاتنين لبعض، أيا كانت البداية، تجذر حب الدنيا في قلب الإنسان، فلا يريد إلا هذه الدنيا، ولا يؤمن إلا بما يراه في هذه الدنيا، كما قالوا: ﴿لَن نُؤْمِنَ لَكَ حَتَّىٰ نَرَى﴾ [الإسراء: 90]. ثم تحولت إلى قول الله سبحانه وتعالى: ﴿إِنَّ الَّذِينَ لَا يَرْجُونَ لِقَاءَنَا﴾ خلاص ما عادش عايز يقابل ربنا، ﴿وَرَضُوا بِالْحَيَاةِ الدُّنْيَا وَاطْمَأَنُّوا بِهَا﴾ [يونس: 7]. فالايمان بالدنيا فقط مع الرضا بهذه الدنيا ولا يريد غيرها أدى إلى إنه، زي ما ذكرت المرة الماضية بتلخيص سريع كده، أدى إنه وضع كل طاقته في هذه الدنيا. فبالتالي بالفعل هذه الطاقة العظيمة التي أعطاها الله للإنسان وضعها في الدنيا وفقط فأثمرت بالفعل. فلما الأرض زخرفها وازينت، والإنسا بدأ يشعر بالسيطرة الوهمية على الأرض، وصلنا إلى قول الله سبحانه وتعالى: ﴿وَظَنَّ أَهْلُهَا أَنَّهُمْ قَادِرُونَ عَلَيْهَا﴾ [يونس: 24].

هذه الآيات الثلاث المحورية اللي بتبين، يعني قول الله سبحانه وتعالى أيضا: ﴿وَلَتَجِدَنَّهُمْ أَحْرَصَ النَّاسِ عَلَىٰ حَيَاةٍ﴾ [البقرة: 96]، بتبين هذا الأصل الأول من أصول انحراف قضية المادية. وكنت ذكرت آيات كثيرة من سورة الجاثية إن هي تصلح ملخص للدرس الماضي كله، بل هي أنا شايف إن لو الإنسان تأمل في سورة الجاثية وعاش معها، وينقي مثلا تفسير من التفاسير اللي بيحبها، ويقرأ تفسير سورة الجاثية ويصلي بالجاسية، نجد أن كثير من الأفكار اللي أنا ذكرتها متفرقة ومبعثرة وغير منظمة تجدها بصورة عجيبة في سورة الجاثية.

وأنصح اللي عنده أي قسط من البلاغة أو النحو قرأ مقدمات نحوية أو بلاغية ممكن يقرأ يستعين بتفسير الدكتور محمد أبو موسى في سلسلته في تفسير الحميم، كتاب بنتكلم فيه عن الجاثية، شروط الجاثية. حقيقة يعني إحنا لما اتكلمنا المرة اللي فاتت آثار وتبعات ولوازم الفلسفة المادية، حد فاكرها؟ صلوا على النبي، عندي حب من طرف واحد.

لما اتكلمنا مسألة غياب الحقيقة ونسبية الأخلاق والبهائية، وأن الإنسان ينزل لمرتبة الأنعام والعياذ بالله، وأنه أصبح لا يصدق بشيء، ما عادش عنده حقائق، وأنه يصل إلى حالة الزهو والاستكبار وأن هو لا، يعني ظن أنهم قادرون عليها، ويتكبر. وأن كل شيء بقا ظني، وأن هو لا يؤمن إلا بهذه الدنيا. كل هذه الآيات سبحان الله الواحد لما رجع بعد درس قرأ سورة الجاثية يفاجأ أن كل هذه الآيات وجدتها في سورة الجاثية.

يعني قول الله سبحانه وتعالى: ﴿فَبِأَيِّ حَدِيثٍ بَعْدَ اللَّهِ وَآيَاتِهِ يُؤْمِنُونَ﴾ [الجاثية: 6]، وكان والله أعلى وأعلم الذي يرفض الإيمان بالله وباياته الكونية لن يستطيع أن يؤمن، ما عادش هيبقى عنده يقين، وده اللي موجود أيضا في نفس السورة: ﴿إِن نَّظُنُّ إِلَّا ظَنًّا وَمَا نَحْنُ بِمُسْتَيْقِينِينَ﴾ [الجاثية: 32]. مسألة الاستكبار والاستهزاء وهو بيستهزئ بايات الله أيضا موجودة في السورة، وفي آخر السورة أن الله سبحانه وتعالى هو الذي له الكبرياء. الرجل الذي ظن أنه يتكبر وأنه ظن أنه قادر على الأرض.

أيضا التعبير بلفظ: ﴿أَمْ حَسِبَ الَّذِينَ اجْتَرَحُوا السَّيِّئَاتِ﴾ [الجاثية: 21]، لفظ الاجتراح أصلا ولفظ الأنعام ومشهد، أعزكم الله، الذئب أو الكلب حينما يجد الفريسة ويجترحها، والرجوع أيضا للتصوير البلاغي ده بديع في كتب التفاسير. ﴿إِن نَّظُنُّ إِلَّا ظَنًّا﴾ أيضا في السورة: ﴿أَفَرَأَيْتَ مَنِ اتَّخَذَ إِلَٰهَهُ هَوَاهُ﴾ [الجاثية: 23]. أصبح خلاص أن ما فيش أخلاق ثابتة، هو هو اللي بيحدد. الآية المحورية اللي ذكرناها أصلا: ﴿وَقَالُوا مَا هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَا إِلَّا الدَّهْرُ﴾ [الجاثية: 24].

أيضا حتى لما طلب آية: ﴿قُلِ اللَّهُ يُحْيِيكُمْ ثُمَّ يُمِيتُكُمْ﴾ أو ﴿قُدُورًا بآبَائِنَا إِن كُنتُمْ صَادِقِينَ﴾ [الجاثية: 25]، عايز آية مادية نشاهد أن ملخص ما ذكرناه من أفكار موجود في سورة الجاثية. فادعو العودة مرة أخرى إلى تأمل سورة الجاثية وقراءتها وكثرة الصلاة بها وقيام الليل.

طيب، درس النهاردة أو الأصل التاني اللي هنتكلم عنه النهاردة إن شاء الله من اصول الانحراف، ممكن نختار له عنوان، وزي ما ذكرت عندي مشكلة في ختان العناوين؛ لأن بيكون الدرس بيتكلم في قضايا كتيرة، ممكن يكون العنوان فيه نوع من الاختزال، لكن هناخد آية تبين قدر المستطاع ما أريد أن أقوله هذا اليوم، قول الله سبحانه وتعالى من الأصل الثاني من أصول الحرام: ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5]. موضع هذه الآية في سورة القيامة نتكلم عنه بإذن الله سبحانه وتعالى، قد تكلمت عنه بالتفصيل في تفسير سورة القيامة، لكن في موضع إن شاء الله مخصوص في الدرس أتكلم عن أن بل حرف إضراب عن شيء سابق. السورة كانت بتتكلم عن شيء وأضربت عن هذه الفكرة وقالت إن الإنسان، يعني لا يريد أن القضية مش الشبهة التي تقف أمامها، ولكن القضية الحقيقية التي بداخل الإنسان هي أنه يريد الفجور.

مسألة أن من أعظم أصول الانحراف أن النفس، النفس كما قال ربنا سبحانه وتعالى، النهاردة هيكون حديثنا عن النفس شوية، هنطوف عن حديث القرآن سريعا عن النفس ونتكلم على مراوغة النفس، ده من اصول الحرام. لأن مش كل اصول الانحراف، وده تكلمت عنه في أول درس، مش كل اصول الانحراف فكرية؛ لأن كما قلنا وأكدت مرارا في درس مميزات الخطاب القرآني: الإنسان ليس عقلا فقط، الإنسان يتكون من مجموعة لهذه الأمور: نفس وعقل ومشاعر وقلب وإرادة، فالانحراف بيكون في مجموعة هذه الأمور.

لذلك أحيانا الانحراف السلوكي الأعمال بيكون فيها انحراف، حتى لو عقليا منضبط، لكن لا يطبق، وده من اصول الانحراف وحسب بقى الظروف هنعرف نتعرض له ولا لأ. مسألة فصل العلم عن العمل ده يؤدي للانحراف حتى لو هو فاهم كويس، لكن عدم التطبيق يعود على أفكاره بالتأسف. ده أثر البيئة على أفكار الإنسان: إزاي الإنسان يكون عنده أفكار صحيحة وبعدين مع الأفعال الخاطئة يرجع يراجع أفكاره مرة أخرى؟ لذلك في نهي عن المكث في بلاد الكفار حتى لا يتأثر الإنسان. فمسألة هذه الآية -تحليل، ركزوا معي- هذه الآية: ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5]، تحليل نفسي عميق جدا من الله سبحانه وتعالى الذي خلق الإنسان ويعلم هذا الإنسان وما بداخله، كما قال ربنا سبحانه وتعالى: ﴿أَلَا يَعْلَمُ مَنْ خَلَقَ﴾ [الملك: 14].

فهذه الآية تبين أعماق الإنسان حينما يتستر بمجموعة من المصطلحات أو مجموعة من الشبهات وهو في حقيقة داخله، في داخله يريد أن يفجر، يريد أن يراوغ. هذه النفس كما قال ربنا سبحانه وتعالى في سورة عجيبة، يعني من السور السورة دي أشعر أنها تحتاج خبراء لمدارستها: سورة الشمس. هذه الاقسام المتتالية حتى نصل إلى هذا الخلق العجيب النفسي: ﴿وَالشَّمْسِ وَضُحَاهَا * وَالْقَمَرِ إِذَا تَلَاهَا * وَالنَّهَارِ إِذَا جَلَاهَا * وَاللَّيْلِ إِذَا يَغْشَاهَا﴾ [الشمس: 1-4]. وأن الأقسام دي، الآيات الأولى دي كلها بتتكلم عن الشمس وتابعها، يعني الشمس وضحى والذي يتبع الشمس وأثر القمر حينما يتبع الشمس ثم أثر النهار مع الشمس ثم أثر الليل. لذلك الهاءات تعود على الشمس: شمس وضحاها، وضحى الشمس، والقمر إذا تلاها، والنهار إذا جلاها أي كل هذا يعود على الشمس. والسماء وما، والليل إذا يغشاها تعود أيضا على الشمس.

ثم كلام عن السماء وعن الأرض: ﴿وَالسَّمَاءِ وَمَا بَنَاهَا * وَالْأَرْضِ وَمَا طَحَاهَا﴾ [الشمس: 5-6]. ثم جاءت نكرة ونفس، كل الأقسام: والشمس والقمر والسماء والأرض. أقسام عجيبة وحارة وتأمل المفسرون علاقة الأقسام بالنفس، بل البحث أصلا عن جواب القسم وهل هناك إشارات في هذه الأقسام تعود على النفس؟ هل للنفس فيها فطرة مضيئة؟ قد يأتي الليل ويغطيها، وقد وقد تكون نفس الإنسان مضيئة، وقد تكون نفس تابعة كالقمر، وقد تصعد نفس الإنسان إلى السماء إلى أعلى عليين، وقد تنزل إلى الأرض وما طحاها إلى أسفل سافلين.

ولكن كل مخلوق من المخلوقات: الشمس والقمر والسماء والأرض، هو فطر على هيئة واحدة لا يتغير، فالأرض لا تكون سماء، والسماء لا تكون أرضا، والشمس لا تكون قمرا، والقمر لا يكون شمسا، ولكن النفس قد تتقلب. النفس قد إذا زكيت تصعد إلى أعلى عليين إلى السماء، وقد تنزل إلى مرتبة الأنعام إلى أسفل سافلين. الشمس قد تكون نيرة مضيئة وقد تكون تابعة. لذلك بالنكرة؛ لأن التعريف، تعريف النفس يساهم فيه الإنسان بمشيئة من الله سبحانه وتعالى، لكن تعريف الشمس والأرض هي جبلت على ذلك وضعها الله ذلك. لكن جاءت النفس نكرة، فقال: ﴿وَنَفْسٍ وَمَا سَوَّاهَا﴾ [الشمس: 7].

فبداخل هذه النفس، فالأهمها فجورها وتقواها. يبقى أول معلومة مهمة لابد أن نعلمها عن النفس: أن بداخل النفس فجور، النفس بداخلها فجور وبداخلها تقوى، ﴿فَأَلْهَمَهَا فُجُورَهَا وَتَقْوَاهَا﴾ [الشمس: 8]. من أراد أن يخرج التقوى التي بداخله عليه أن يقوم بأعمال، وهي تزكية: ﴿قَدْ أَفْلَحَ مَنْ زَكَّاهَا﴾ [الشمس: 9] على قول هنا أن الفاعل هو الإنسان، لأن فيه قول أن الفاعل هو الله سبحانه وتعالى، وده مال إليه الطبري لقول النبي صلى الله عليه وسلم: «أنت خير من زكاها». هو يتكلم عن الله سبحانه وتعالى، وإن كان ليس المعنى مستنكرا أن يكون الإنسان هو اللي يزكي نفسه؛ لأن جاءت أيضا آيات في القرآن تدعو أن الإنسان هو الذي يزكي نفسه، فليس هناك مانع شرعي من ذلك.

فقد أفلح من زكاها. والزكاة تدور حوالين معنيين مهمين، أي معاني الزكاة: الطهارة تؤدي إلى النماء. يعني زكاة المال، معنى زكاة المال أن تطهر مالك من هذا المال الذي ليس لك فيه حق، ويبارك له فيه، ويبارك لك فيه. وكذلك تزكية النفس: تطهير النفس من الأخلاق الخبيثة فتنمو النفس وتربو وتصعد إلى أعلى عليين. كأن هذه الأخلاق الخبيثة تنزل بالنفس إلى الأرض، ﴿مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ﴾ [التوبة: 38]. صلوا على النبي، أنا ماشي مش عارف ليه كده معي ولا إيه، طيب.

﴿وَنَفْسٍ وَمَا سَوَّاهَا * فَأَلْهَمَهَا فُجُورَهَا وَتَقْوَاهَا * قَدْ أَفْلَحَ مَنْ زَكَّاهَا * وَقَدْ خَابَ مَنْ دَسَّاهَا﴾ [الشمس: 7-10]. غطى النفس، وضع حاجزا، منع تعرض النفس للنور، لم يزكي النفس، لم يطهر النفس، فأصبحت النفس، والعياذ بالله، تنزل إلى أسفل سافلين. طيب، هذه النفس بما أن بداخلها فجور وبداخلها تقوى، إذا لم يزكيها الإنسان، إذا لم يزكها الإنسان، اخرج ودساها الإنسان، أخرجه والعياذ بالله الفجور الذي بداخله، وإذا خرج الفجور الذي بداخل النفس، هذه النفس وهنا بقى محل شاهد علاقته بالدرس، قد تقود الجسد، قد تقود الجسد وتقود العقل.

قد تقود النفس هي التي تطغى، ما تعرفش تسيطر عليها. من الأذكار اللي يستحب أن تقولها صباحا ومساء، بل وفي رواية أظن في أبو داود قبل النوم: «اللهم عالم الغيب والشهادة، فاطر السماوات والأرض، رب كل شيء ومليكه، أعوذ بك من شر نفسي ومن شر الشيطان وشركه». بدأ الاستعاذة من شر النفس، صباحا ومساء وقبل النوم. طغيان النفس يقود الإنسان إلى الهلاك، لما النفس تطغى، الطغيان: مجاوزة النفس عن مجاوزة الشيء عن الحد. فلما النفس هي اللي تطغى، النفس هي اللي بتقود.

وإن شاء الله أشير إلى مقطع جميل ذكره الشيخ الطريفي في كتابه الرائع الماتع: الفصل بين العقل والنفس، الفصل بين النفس والعقل، وأن أمتى النفس هي اللي بتقود؟ يبقى أحيانا النفس هي اللي بتقود، إحنا بنقول: بل يريد الإنسان ليقذر، هذه إرادة الفجور بداخل النفس، فلما فجورها ويريد أن يفجر يبقى النفس هي اللي عايزة تفجر، تزين وتسوي ذلك للعقل، وده إن شاء الله هنقوله في آخر الدرس.

يبقى إذا أن النفس الآن قد، إذا دساها الإنسان قد يخرج الفجور، والفجور لو خرج تؤدي إلى حالة من الطغيان ما يعرفش يسيطر عليها. من أشهر السور -وإحنا كده اتكلمنا على سورة الشمس- نروح لسورة تانية سريعا، من أشهر السور اللي اتكلمت على تكلمت عن أثر تزكية النفس وعدم تزكية النفس أثر ده على مراوغة النفس وطغيان النفس؛ لأن النفس ما بتسمعش الكلام.

النازعات شروط النازعات بدأت بقول الله سبحانه وتعالى: ﴿وَالنَّازِعَاتِ غَرْقًا﴾ [النازعات: 1]. أي صورة غالبا تكلمت عنها إن شاء الله أو أتكلم عنها؟ موجودة بالتفصيل لمن يريد أن يرجع للتفصيل، لكن أنا باخد منها الإشارات السريعة أو أهم الإشارات اللي أنا عايزها من الشغل.

والنازعات غرقا، يعني إيه؟ والنازعات غرقا؟ قول الأشهر: الملائكة التي تغرق في نزع الروح والنفس بعنف. ليه بتخرج النفس بعنف؟ لأن النفس ما بتسمعش الكلام. الملائكة جت قالت للنفس: أخرجي، مش عايزة تخرج، فتتفرق في الجسد. هذه النفس اللي ما سمعتش الكلام دي لم تتعود على الطاعة، هذه نفس تعودت على القيادة، بتسمع كلام الملك ليه أصلا؟ دي ما اتدربتش، لم تروض. النفس دي هي اللي كانت بتقود الشخص ده، النفس دي هي اللي كانت تفجر، هي اللي كانت تريد الفجور، هي اللي كانت تطغى.

فلما ييجي الملك يقول لها: أخرجي، ما تخرجش، استعمل معها القوة، فيغرق في نزعها، فيتألم الإنسان. النفس التانية المؤمنة التي روضت، كانت بتسمع الكلام، وكان المؤمن بيديها أوامر، واستطاع بتوفيق من الله أن يروضها قدر المستطاع. لما الملك يقول لها: أخرجي، تخرج، هي متدربة على سماع الكلام، فتخرج في حالة من النشاط: ﴿وَالنَّاشِطَاتِ نَشْطًا﴾ [النازعات: 2].

الرابطة السهلة اللي بتتفك بسهولة، أو كما عبر النبي صلى الله عليه وسلم: «كما تخرج القطرة من في السقاء». يعني شف لما تيجي تقلب الماية وهي بتنزل بكل سلاسة، هكذا ستخرج النفس. ليه؟ لما نجي ندرس كلمة التزكية والطغيان والنفس في سورة النازعات، لأن النفس إما أن تزكى وإما أن تطغى، في سورة النازعات نجد أن عندنا نموذج الطغيان فرعون، أن سيدنا موسى راح له وقال له: ﴿هَل لَّكَ إِلَىٰ أَن تَزَكَّىٰ * وَأَهْدِيَكَ إِلَىٰ رَبِّكَ فَتَخْشَىٰ﴾ [النازعات: 18-19].

لكن فرعون طغى، فنفسه قادته. كان يرى الآية، يعلم أنه على حق. يعني فرعون شاف الآيات، يعني قال له: هات لي آية، فوراه العصا واليد، من أول لحظة هو عارف أنه لا يستطيع أن يفعل ذلك، فقال له: خلاص أنت ساحر، اللي أنت بتعمله ده سحر. فسيدنا موسى قال له: بما أن أنا ساحر، هات لي كل السحرة، ولو أنا غلبتهم يبقى أنا مش ساحر. قال له: موافق، فكرة جميلة، جمع كل السحرة وسيدنا موسى كسب.

قال له: ده أنت اللي معلمهم السحر! طب أنت عايز إيه؟ آيات مفصلات: آيات مفصلات الطوفان والجراد والقمل والضفادع. خلاص اقتنعت؟ لأ، ما اقتنعتش. ادعي ربنا إنه يشيلهم، يدعي ربنا إنه يشيلهم، برضه ما اقتنعتش. وراه البحر يشوفه، برضه مش راضي يصدق. طغيان النفس بتقوده، حينما شعرت النفس بالغرق بدأت تصرخ، النفس خايفة تموت، قال: ﴿آمَنتُ﴾ [يونس: 90]. القضية مش قضية اقتناع، يعني العقل يعلم، هو عقليا عارف، يعني الداتا اللي حصلت دي عمل لها طلوع هو عارف أن ده صح، لكن النفس هي اللي تقود، وهو هيتخل عن الملك: أترك دينك ودين آباءك؟

يجي الشيطان للنفس مش للعقل، كل اللي سمع كلام النبي صلى الله عليه وسلم عرف أن ده مش كلام بشر، لكن النفس كانت بتفكر تبعات سماع هذا الكلام. ده موجود يعني معالجة نفسية ضخمة في الجزء الأول من سورة البقرة لليهود، لأن مشكلة اليهود الكبيرة أن هم هيتنازلوا عن، بخلاف هينزع منهم الاستخلاف، ما عادوش هيبقوا هم الأحبار والرهبان، هينزع منهم ده. لذلك ربنا قال لهم: ﴿وَاسْتَعِينُوا بِالصَّبْرِ وَالصَّلَاةِ﴾ [البقرة: 45]. أي على إيه؟ استعينوا على ترك زينة الدنيا والرئاسة، استعينوا عليها بالصبر والصلاة، وده اختيار الإمام الطبري، أن استعينوا هنا بمعنى الخطاب لرؤساء اليهود أن هو مش قادر يسيب، مش مش مقتنع، مش إن كلام النبي صلى الله عليه وسلم مش مقنع له.

الحوار المشهور بين اليهوديين ثم حذيفة بن أخطب، مش فاكر التاني مين، لما بيقول له: اطلعت على مواصفات النبي مثلا؟ قال له: أيوه. قال له: هو هو اللي عندنا في التوراة؟ قال: هو هو. يعني عقليا قاعد بيعمل إيه؟ الداتا اللي جات له هو آه هو هو، كل العلامات هو. طب هنعمل إيه؟ ده العقل. هنعمل إيه؟ قال: عداوته ما بقيت. أنت هتحصل لك إيه نور كده يعني! العقل بيقول: هو، والنفس بتقول: مش هسمع الكلام، أيوه أنا عارف أنا مقتنع بس أنا مش هسمع الكلام.

النفس هنا بتكسب، ليه؟ لأن هذه النفس لم تروض. لذلك نرجع لسورة النازعات في ختام السورة: ﴿فَأَمَّا مَن طَغَىٰ * وَآثَرَ الْحَيَاةَ الدُّنْيَا * فَإِنَّ الْجَحِيمَ هِيَ الْمَأْوَىٰ * وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ * فَإِنَّ الْجَنَّةَ هِيَ الْمَأْوَىٰ﴾ [النازعات: 37-41]. نفسي محتاجة تخاف، ونهى النفس عن الهوى، بيقول لنفسه لأ. فلما قعد يقول لنفسه لأ كتير، النفس دي بقت مزكاة، عارف أنت تعبانة؟ متربية، بتسمع الكلام، فتيجي: أطلعي، تطلع على طول. في لحظة الموت دي هنا تقاد، اطمأنت بالشرع، ولما ييجي الإنسان يكلمها بالشرع هي مطمئنة للشرع، النفس المطمئنة.

لكن في نفس تريد أن تبدو. طيب، احنا اتكلمنا على النفس في سورة الشمس وفيها فجور وتقوى، وأن الفجور لما بيزيد يؤدي حالة الطغيان، حالة الطغيان بتقود النفس، وأن الإنسان المهم هو أن يخاف مقام ربه فينهى النفس عن الهوى، وإلا النفس دي هي اللي هتطغى وتأتي الملائكة تغرق في النزع.

طيب، الشيطان فاهم ده، لما ييجي يدخل مش بس بيدخل بحجج عقلية، مش بس بشبهات عقلية، تلاقي بيدخل بشبهة عقلية تحبها النفس، يجيب لك شبهات فالنفس تقول: أيوه أنا مقتنع بده. اتكلمت على ده في النص التاني، بندرس مميزات الخطاب القرآني، فكرة أن القرآن لما بيعالج مش بيعالج بس الشبهة العقلية، بيعالج الدافع النفسي اللي خلى الإنسان يسير رأي هذه الشبهة، فتلاقيه يقول لك: أيوه أنا مقتنع. نتعرض عليه مثلا قضايا أديان معينة، الإسلام واليهودية والنصرانية مثلا والإلحاد، يشوف كده هو إيه اللي موضوع الواحد يعمل اللي هو عايزه فيه، والنساء وكل حاجة. مين في دول؟ الإلحاد! أنا مقتنع جدا بالإلحاد على فكرة، ويبدأ هنا يشرعن ده ويضع له قوالب، وهنتكلم على ده إن شاء الله في الآخر لو وصلنا لآخر كالعادة إحنا بالسلامة إن شاء الله.

النفس هنا اختارت وقادت العقل، النفس هنا هي اللي بتقود العقل، والشيطان عارف ده، فالشيطان لما ييجي يدخل قبل ما يديك الشبهة العقلية لتقنعك، يلعب على النفس الأول يصنع. ركز بقى معايا، ده في درس أظن مش فاكر اسمه خطوات الشيطان أو إيه، يصنع أمنية لك الأول. الشيطان ييجي لسيدنا آدم يخليه يحب الشجرة الممنوعة، يخليها أمنيته. كان كلمة جميلة أوي عجبتني قالها الدكتور حازم، كلمة عبقرية بصراحة بيقول: الشيطان ما بيعرفش يشتغل من غير شجرة! هو مش قصده أن الشيطان قرب، هو قصده هيشتغل من غير شجرة يعني إيه؟ يعني لازم يخلي الشجرة تبقى أمنيتك وتبقى هتموت عشان توصل لها، لما يعمل الأمنية دي، يعرف بقى يضحك عليك بالشبهات.

يعني زي بالضبط قول الله سبحانه وتعالى: ﴿وَلَأُمَنِّيَنَّهُمْ﴾ [النساء: 119]، يسمع لك أمنية، وبعد كده إيه؟ ﴿وَلَآمُرَنَّهُمْ﴾ [النساء: 119]. يعني يعمل لك الأمنية الشيطان أو يخوفك، ﴿الشَّيْطَانُ يَعِدُكُمُ الْفَقْرَ﴾ [البقرة: 268]. يعني قبل ما الشيطان يديك الأوامر وينص على الشبهات، يدخل الأول للنفس، بيلعب على مسألة النفس. لما النفس تريد بل يريد الإنسان أن ينظر أمامه، لما النفس تريد شيئا هتنطلق لها، وهيكون فيه طغيان نفسي، أنت ما عادفتش تعرف تسيطر على النفس فتقنع العقل. النفس عندها قدرة، مش بس أن هي تخليك تعمل الحاجة، يعني النفس عايزة حاجة وأنت عقليا كاره الحاجة، النفس برضه مش مش هتخليك تعملها وأنت عقليا كاره، لأ، هتقول لك: أنت زعلان يعني نفسيا؟ زعلان عقليا يعني؟ أنا هجيب لك حاجة تراضيك.

يعني أنا هقنعك اللي هو التعبير القرآني المبهر: ﴿فَطَوَّعَتْ لَهُ نَفْسُهُ قَتْلَ أَخِيهِ﴾ [المائدة: 30]. هو بيحسد أخوه ومتضايق ونفسيته تعبانة وعايز يقتله، طيب ما تشوف لنا حل معقول هيعملوه، يعني معقول هيقتل أخوه ويبقى هو حاسس بالغلط؟ وده إن شاء الله ربنا ييسر لو قلناها، مسألة ليه ربنا أقسم بالنفس اللوامة مع: ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [النازعات: 5] في سورة القيامة، لأن الشيطان عايز يموت اللوامة دي.

كلمة طوعت يعني إيه؟ طوعت لك نفسه. شف شف القدرة النفسية على تحويل شهواتك وإراداتك تحويلها لشيء مقنع. الطبري ذكر أقوال بمعنى: زينت، وبمعنى: شجعت، يعني خليتها شيء مزين وأنت كنت مش قادر تعملها فقعدت تشجعك عشان تقدر تعملها. الزمخشري بيقول: يسرت له ووسعت له، خلته شيء سهل ميسر واسع. ابن عطية بيقول: وكان القتل في ذاته مستصعب عظيم على النفس، كان شيء صعب. الرازي هنا قال كلام معلش أنا هقرأه عليكم يلخص اللي أنا عايز أقوله في شرح الآية، بيقول الرازي وتحقيق الكلام، يعني إيه طوعت لنفسه قتل أخيه؟ ده ملخص اللي أنا عايز أقوله: إزاي النفس بتضحك على الإنسان؟

أن الإنسان إذا تصور، لما الإنسان يقعد يتصور قضية القتل العدوان العمد يراه من أعظم الكبائر، حاجة أنت شايفها صعبة جدا، هذا الاعتقاد أن القتل العدوان أخوك من أعظم الكبائر يجعلك أو يصيرك يصير ذلك صارفا لك عن فعله، يعني ما هي لا لا يمكن أعمل الحد، أنا هاقتل أخويا؟ مستحيل أعمل كده، فيكون هذا الفعل اللي هو قتل أخيك كالشيء العاصي المتمرد عليه الذي لا يطيعه بوجه البتة، مش راضي يسمع الكلام.

فإذا، شف بقى، النفس تدخل هنا، النفس عايزة تخلص من أخوه، والعقل بيقول له: ده شيء صعب جدا، إزاي؟ ده حاجة مبغضة. فإذا أوردت النفس أنواع الوساوس والتزيين صار هذا الفعل سهلا عليه، فكأن النفس جعلت بوساوسها العجيبة هذا الفعل كالمطيع له بعد أن كان عاصيا متمردا علينا. يبقى النفس عندها قدرة لما تريد شيء وتطغى وتفجر تقوم تلجأ إلى التزيين، ودي الخطوة التانية للشيطان.

الشيطان الأول يمنيك بالشيء، يعني سيدنا آدم ما كانش شاغل باله بالشجرة، الجنة وسط، جه الشيطان خلى الشجرة مركز اهتمام. الإنسان بيستمتع بالجنة، فجه الشيطان، يعني أنت ممكن تبقى يعني مثلا تدخل الجامعة عايش حياتك عادي جدا، فييجي شيطان يخليك تركز على واحدة معاك في الدفعة مثلا عشان تحبها، أو تيجي يخليك تركز على معصية وتبقى عاملة لك مسمار في دماغك، أنت كنت عايش حياتك طبيعي عادي أصلا يعني شيء عادي ما يكونش الموضوع شاغل بالك لهذه الدرجة، ويظل الشيطان، هي دي فكرة الشجرة، ويظل الشيطان يمنيك ويمنيك، لما الشيطان يطمن أن اتزرعت الأمنية خلاص ما عدتش عارف تشيلها، انزع الأمنية دي، يبدأ الشيطان يزين الأمنية دي.

يعني شغلانة حرام بفلوس كتير، هي ما كانتش في ذهنك أصلا الشغلانة، اتعرضت عليك الشغل الحرام، الشيطان ده يبدأ أنك تخن لنفسك كده وأنت بتقبض الفلوس آخر الشهر، أنت متخيل يعني إيه تقبض 15 ألف أو 20 ألف جنيه؟ والدولارات ومين بيشتغل حرام؟ عادي يعني ومش عارف إيه، وتبدأ تخيل وتخيل نفسك وهيسلموك عربية، وأنت بقى تتخيل الشيطان يقعد بقى إي يجي لك بقى قبل ما تنام، مش خير! لو أنت سايق العربية كده تمشي على الشتاء بقى الماية تطرطش على الناس كده يعني عيش بقى، الشيطان يقعد، أنت أصلا ما كانش في ذهنك الموضوع، يظل الشيطان يجعلها أمنيتك.

لما تبقى أمنيتك، تقعد تقول له: إيه دي حرام؟ ممكن في الآخر لما يوصل بقى للخلاص المسيطر يقول لك: وما له؟ إيه يعني حرام؟ لكن قبل، أنت لسه لسه عصي، مين اللي قال لك إنها حرام؟ مين قال لك نهرب؟ أنت مش عارف أن مش عارف مين البحلؤي قال لي إن ده يجوز مثلا، أو الشيخ مش عارف أنت ما تعرفش، وبعدين أنت هتفضل متشدد لغاية إمتى؟ ويبدأ الشيطان يزين ويسهل عليك الأمر، ويطوع لك الأمر، الشيطان يصنع الأمنية وبعدين يشرعن.

طيب، بعد كده الشيطان بيوصل لمرحلة بقى، راجعوه في الدرس، مسألة السيطرة التامة، اللي هي ربنا سماها مرحلة الاحتناك، يبقى مرحلة صناعة الأمنية وبعدين صناعة، ثم المرحلة التانية التزيين والتسويق، ثم المرحلة التالتة خلاص لما الشيطان يسيطر ما عادش محتاج يعمل المراحل دي تاني، يعني الشيطان عشان تقع أول معصية والعياذ بالله ممكن يقعد خمس ست سنين عشان يخليك تعمل العصاية دي تاني، ممكن يقعد خمس أيام تاني، ممكن يقعد خمس ساعات بس، لأنه بدأ يمسك نقاط الضعف. الاحتناك زي ما ربنا قال في الإسراء، لأن الاحتناك هو أحد المعاني وضع اللجان في الحنك، والحنك لما أنت بتضغط على حنك الدابة بتتألم فتحود، طبعا بيحب يخليك تحود، بيضغط على ألمك، خلاص هو عرف مناطق الظهر. ﴿وَإِنَّمَا اسْتَزَلَّهُمُ الشَّيْطَانُ بِبَعْضِ مَا كَسَبُوا﴾ [آل عمران: 155] دي سورة آل عمران.

طيب، يبقى دي كانت نقطة تالتة النهارده، الإمام الشمس النازعات، ثالث خطوات الشيطان. نيجي لما نجي نبص في مسألة الأصل اللي بنتكلم عنه النهارده: ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [النازعات: 5]، أو ممكن سميه المراوغة والهروب من التكاليف، كل ده كانت عبارة عن مقدمة، ليه النفس تهرب من التكليف؟ ليه النفس دي؟ لأن النفس ما بتحبش أن هي تقيد، لذلك الشيطان لما راح لسيدنا آدم الجنة كلها واسعة مليانة أشجار، هي اسمها جنة يعني هي يعني الأرض مش باينة من كتر التفاف بالأشجار، ما هو من معاني الجنة أن الجنة يعني شيء غائب عن أن الجن غائب، الجنة سميت جنة، هذه إحدى المعاني اللغوية، لماذا سميت الجنة جنة؟ لأن من كثرة التفاف الأشجار الأرض لا ترى، متخيل؟ اسمها جنة، وهو إيه؟ الشيطان ييجي له عند الشجرة دي.

الشيطان لما بيأتي بعد ما بيزرع الفكرة دي في النفوس، يقنعك الشيطان أن التكليف ده قيد. دي نقطة خطيرة جدا ليك. شوف الشيطان بيقوله إيه: ﴿مَا نَهَاكُمَا رَبُّكُمَا عَنْ هَٰذِهِ الشَّجَرَةِ إِلَّا أَن تَكُونَا مَلَكَيْنِ أَوْ تَكُونَا مِنَ الْخَالِدِينَ﴾ [الأعراف: 20]. يقول له: بص، أوامر ربنا واقفة في طريقك، لو شيلنا أوامر ربنا تملك. ده اللي الشيطان بيعمله. أنت التكاليف قافلة عليك أوي كده يعني، التكاليف مضيقة عليك. احنا لو شلنا التكاليف من حياتك اتنطلق، اعمل اللي أنت عايزه. يجب أن يريد الإنسان الفجور. حالة الفجور اللي هو، رجعوا معنى الآية دي في التفاسير، ابن كثير أو أي تفسير، يعني يبدو أمامه أقوال جميلة عن السلف أن فكرة الفجور حاجة انفجرت مش عارف تسدها، هو مفيش حاجة عارفة تقف قدامه. الشيطان وصل معه لمرحلة إنه خلاه ينفجر، ما عادش عايز يشوف تكاليف.

لذلك لما نجي نقرا، يعني لو حاولنا نقرأ سورة البقرة بالفكرة دي، أنا مش بقول إن ده موضوع سورة البقرة، لكن أنا كنت قلت لكم قبل كده في، في درس استعادة ثقة، أول درس، لما أشرت إلى كتاب بناء الإيمان من خلال القرآن للدكتور مجدي الهلالي، قلت إنه قال فكرة جميلة قوي أنك تعمل خاتمة بفكرة لو قريت سورة البقرة بالفكرة دي، فكرة التكاليف والمراوغة. عايزين نقرا سورة البقرة بالفكرة دي: أن القرآن نزل هدى للمتقين، في تكاليف للمؤمنين، المؤمنين وافقوا عليها وآمنوا بالغيب وصدقوا، الكفار رفضوا، المنافقين، وشوف التعبير القرآني: ﴿يَجْعَلُونَ أَصَابِعَهُمْ فِي آذَانِهِم مِّنَ الصَّوَاعِقِ حَذَرَ الْمَوْتِ﴾ [البقرة: 19]. من معاني حذر الموت: هو شايف التكاليف الشرعية على أنها موت، هو ينظر إلى التكاليف الشرعية بالنسبة له على أنها تموته. زي تعبير سورة المدثر: ﴿كَأَنَّهُمْ حُمُرٌ مُّسْتَنفِرَةٌ * فَرَّتْ مِن قَسْوَرَةٍ﴾ [المدثر: 50-51]. أسد هيفتكش، هو شايف الداعية وهو بيكلمه بالأوامر الشرعية إنه أسد هيفتمسه، حمر مستنفرة لما بيجي يذكر كأنه حمر مستنفرة فرت من قسوته، الصياد هيصطاده أو أسد هيفتمسه، فالشيطان بيصور لك التكاليف أن هي قمة القيود، أنت عايز تتخلص منها، عايز تكسرها.

لذلك في الآية بتاعة المثل: ﴿إِنَّ اللَّهَ لَا يَسْتَحْيِي أَن يَضْرِبَ مَثَلًا مَّا بَعُوضَةً فَمَا فَوْقَهَا﴾ [البقرة: 26] آخبرها: ﴿وَيُضِلُّ بِهِ إِلَّا الْفَاسِقِينَ﴾ [البقرة: 26]. من معاني الآية أن ربنا لن يترك شيئا في هذا الدين إلا وسيوضحه حتى لو كان مقدار بعوضة فما فوقها، يبقى كل حاجة هتوضح، الفاسق ما يستحملش كده. لذلك أصلا من معاني الفسق في اللغة: فسقت الرطبة، أن التمرة ما عادتش مستحملة القشرة حواليها فتقطعها فتخرج منها. هو ده، فاسق لا يتحمل أن يحيي به شريعة، أن تحيط به شريعة، ما تستحملش، مش عايز أي تكاليف تحيط به، عايز يقطعها ويخرج براها. فلو قرأنا سورة البقرة بهذا المعنى، لذلك الدكتور فريد الأنصاري التقط أن الجزء الأول من بني إسرائيل، جزء من سورة البقرة اللي بيتكلم عن بني إسرائيل، ممكن سماه ملخص كلمة تمرد بني إسرائيل على الشريعة، مش عايزين، كل ما تجي لهم الشريعة عمالين يروغوا، وده مبحث ضخم جدا؛ وسائل المراوغة التي قام بها بنو إسرائيل للهروب من شريعته، هذا مبحث ممكن واحد يعمل فيه بحث، ما هي وسائل اللي استعملها؟ ده أنا كنت ناوي أشير إليها في آخر الدرس، بس زي ما قلت لكم دايما أنا عندي مشكلة في الوقت.

الوسائل اللي استعملها بنو إسرائيل للمراوغة من الشريعة موجودة الجزء الأول، وكمان موجودة مجملة في الأوامر اللي في الأول: ﴿يَا بَنِي إِسْرَائِيلَ﴾ [البقرة: 40]، وبعدين مفصلة طول الجزء الأول. لما نروح للجزء التاني، نروح للجزء التاني، الجزء التاني بدأت التكاليف عملته لكم كأننا هنقرأ سورة البقرة بفكرة المراوغة والتكليف. الجزء التاني من سورة البقرة بدأ يتكلم عن التكاليف لمين؟ دول نايمين، المؤمنين بدأت، يعني الجزء الأول غالبه بيتكلم عن بني إسرائيل والفساد اللي عملوه بني إسرائيل، الجزء التاني لأ، بدأت التكاليف توجه لمين؟ يقول السفهاء، وانتقال القبلة والقيادة والاستخلاف عند المسلمين، وبدأت بقى التكاليف من فكرة القصاص أول تكليف وبعد كده استمرت التكاليف: الأموال، الوصية، الصيام، ملء الأموال تاني، الحج، القتال، حاج تاني، القتال، آيات الطلاق، الصلاة، الأموال، الربا، الزكاة، دي التكاليف.

طب ليه الجزء التاني اللي هو بتاعنا ما جاش في الأول؟ الجزء التاني ده جاي لنا احنا، تكاليف، ليه ما جاش في الأول؟ ليه الجزء الأول اللي خاص ببني إسرائيل جه في الأول؟ كأن ربنا سبحانه وتعالى بيقول لنا: لو تعاملتم مع التكاليف كما تعامل بنو إسرائيل من المراوغة، لن تنجحوا. كأن إيه؟ كأن المعنى، والله يعني إيه، عارف أنت إيه بتقرا الجزء الأول من سورة البقرة كله مراوغة، فلو أنت هتبقى كده ما تكملش الجزء التاني بقى، مش مش بتاعك بقى خلاص، لأن الجزء التاني تكاليف، فلو أنت ناوي تراوغ خلاص، اتعلم من بني إسرائيل واعمل زيه، مش مهم تقرا بقى الشرعية. العجيب أن برضه ممكن يبقى بحث جميل تعملوه لو حد يعمله وهو بيختم كده بسورة البقرة: أوجه التخفيف التكاليف الشرعية اللي موجودة في الجزء التاني، تجد أن التكليف ييجي بعده كده إيه: ﴿ذَلِكَ تَخْفِيفٌ مِّن رَّبِّكُمْ وَرَحْمَةٌ﴾ [البقرة: 178]. ما هي التخفيفات التي وردت في الجزء التاني من سورة البقرة؟ تخفيف القصاص، تخفيف الصيام، تخفيف الحج، تخفيف، طيب بل حتى الأوامر اللي جه ظاهرها صعب وظاهرها مفيش فيها تخفيف، ربنا يقول لنا فيها حكمة أنتم مش عارفينها: ﴿كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَىٰ أَن تَكْرَهُوا شَيْئًا﴾ [البقرة: 216]. يعني الآيات التكاليف الشرعية في الجزء التاني كانت تراعي نفسية الإنسان حتى لا يراوغ منها، بل ختام سورة البقرة اللي احنا ينبغي استحبابا أن نكررها قبل النوم يوميا، ربنا بيقول لك: ﴿لَا يُكَلِّفُ اللَّهُ نَفْسًا إِلَّا وُسْعَهَا﴾ [البقرة: 286].

ده الختام اللي أنت بتكرره ليليا قبل أن تنام، بتفكر نفسك: لا أيتها النفس، لا تراوغي من التكاليف، هذه التكاليف لمصلحتك، هذه التكاليف أنت تستطيعين القيام بها: ﴿لَا يُكَلِّفُ اللَّهُ نَفْسًا إِلَّا وُسْعَهَا﴾ [البقرة: 286]. وتدعو وتطلب من الله التخفيف في ختام كل ليلة: ﴿رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا﴾ [البقرة: 286]. وأنك تطلب من ربنا أنه لا يضع عليك إصرا كما فعل على الأمة السابقة لأنك مستحضر، مستحضر الجزء الأول؛ نطلب من ربنا في ختام الآيات: يا رب لو أنا وقعت في الأخطاء أنه يعفو عنك ويغفر لك ويرحمك. ختام سورة البقرة ده إيه ده! أصل كبير من أصول الضلال: المراوغة من التكاليف. بسبب إيه؟ الرواة، أن النفس تريد أن تفجر، وبتشعر النفس وهي عايزة تروح حاسة أن التكاليف حائط صد.

أنت دلوقتي لو تركت لنفسك العنان، زي قول الله سبحانه وتعالى، احنا قلنا أن ﴿مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ * فَإِنَّ الْجَنَّةَ هِيَ الْمَأْوَىٰ﴾ [النازعات: 40-41]. طغى الأول، التاني: ﴿وَآثَرَ الْحَيَاةَ الدُّنْيَا﴾ [النازعات: 38]. الكلمتين دول ملخص الدرسين: الأصل الأول والأصل الثاني؛ النفس وإيثار الحياة الدنيا. فان الجحيم هي المأوى، خواتيم النازعات ده ملخص الدرسين، إيثار الحياة الدنيا ده الدرس الأول الأصل الأول، طغيان النفس. لما النفس تطغى هي اللي إيه؟ هي اللي تقود.

يبقى تاني: النفس تريد أن تفجر لأن بداخلها فجور، فإذا لم يقم الإنسان بتزكيتها ودساها الإنسان، تفجر ويخرج الفجور الذي بداخلها، وإذا فجرت النفس وصلت إلى مرحلة الطغيان، إذا وصلت إلى مرحلة الطغيان فقد الإنسان السيطرة عليها، فهي تقود الإنسان، وإذا قادت الإنسان، زينت وسولت له ثم وضعت له إطار ظاهره إقناعي يجعل الإنسان يسير في هذا الطغيان والفجور ولكن بنفس لا تلومه على ذلك وعقل لا يلومه على ذلك لأن نفسي استطاعت أن تقود وأن تشرع. ده ملخص الدرس.

لذلك نرجع للآية التي نحن نتكلم فيها، الآية المحورية، قلنا التركيز على مسألة التخفيف تكلمنا عنه في الجزء التاني وختام سورة البقرة. طيب نرجع الآية المحورية، هي آية الدرس الأولانية اللي اسمها إيه: ﴿بَل يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5]. الحمد لله أنت لحقتني والله! بل يريد الإنسان ليفجر أمامه. هو أكيد فيه مشكلة أنا مش عارف هي فين، لكن أنا مش سامعكم أو تواصل، بل يريد الإنسان ليفجر أمامه، جت سورة إيه؟ القيامة. طيب لما نجي نشوف موضع الآية، وده أنا زي ما قلت شرحته بالتفصيل مرتين؛ مرة في سورة القيامة ومرة في آخر درس مميزات الخطاب القرآني. هاخد بس لقطة أنا محتاجها هنا.

موضع الآية: ﴿لَا أُقْسِمُ بِيَوْمِ الْقِيَامَةِ * وَلَا أُقْسِمُ بِالنَّفْسِ اللَّوَّامَةِ﴾ [القيامة: 1-2]. في يوم قيامة، ومن أدلة يوم القيامة وجود النفس اللوامة، وده قصة طويلة شرحتها بالتفصيل في سورة القيامة. ليه نفس، ليه مجرد أن فيه حد يعاتب نفسه، العتاب الداخلي ده، ده دليل على يوم القيامة. أنت شرحتها بالتفصيل في يوم القيامة، سريعا: قضية لو احنا عايشين حياة عبثية مفيش فيها صح وغلط واحنا مجرد ذرات وحياة عبثية، يبقى مفيش صح وغلط، يبقى مفيش فكرة اللوم، هو اللوم ده أو العتاب أن كان فيه صح أنت ما عملتوش، فطالما فكرة اللوم موجودة في النفس البشرية موجودة بينا، يبقى كان فيه صح المفروض نعمله نعاتب أنفسنا على غياب. هذا العتاب سيكون بصورة كبيرة وبصورة حقة يوم القيامة، واللي عايز التفصيل يرجع لسورة القيامة: ﴿أَيَحْسَبُ الْإِنسَانُ أَلَّن نَجْمَعَ عِظَامَهُ﴾ [القيامة: 3]. الشبهة اللي هو بيقولها، الشبهة اللي هو بيقولها بيقول إيه؟ الإنسان: أنا لا أؤمن بيوم القيامة. ليه؟ هيصيغ لنا شبهة ظاهرة، شبهة عقلية، يقول لك: والله عقليا تأملت وفكرت، كيف العظام بعد أن تصبح رميما؟ هذه العظام بعد أن أصبحت رميما كيف تعود مرة أخرى؟

وضرب لنا مثلا وقام قدام الناس وقال: طب أنا هثبت لكم تجريبية أن مستحيل يبقى فيه يوم قيامة. وقام جايب العظم وقام مفرفته كده وقام قدام الناس في مشهد يعني تمثيلي جميل كده وأننا بتوع العلم وأننا بنثبت وماديا، معقول العظم ده؟ ﴿وَضَرَبَ لَنَا مَثَلًا وَنَسِيَ خَلْقَهُ ۖ قَالَ مَنْ يُحْيِي الْعِظَامَ وَهِيَ رَمِيمٌ﴾ [يس: 78]. شفتم بقى أن مستحيل؟ بيقول لك آهو، فانا بالتالي عقليا مش قادر اقتنع أن العظام دي تجتمع تاني، أحيحسب الإنسان أن نجمع عظامه؟ فربنا بيقول له إيه مسألة القدرة، بلا قادرين. الدافع وراء التمثيلية اللي أنت عملتها دي مش عدم الاجتماع العقلي، هي إرادة الفجور النفسي: ﴿بَل يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5].

يبقى تاني: سورة القيامة بتلخص مقدمتها بتعلمك إزاي أن فيه جذور نفسية لكثير من الشبهات العقلية، أن هناك جذور نفسية وراء كثير من الشبهات العقلية. من مزايا القرآن أنه يخاطب هذه الجذور، وده شرحناه من مميزات الخطاب القرآني أنه بيروح للأصول. لذلك احنا قلنا أن النفس، انتم الجو بقى، النفس في سورة النازعات لما وصلت لمرحلة الطغيان، الصورة في الآخر قالت حلها أن النفس دي كان مفروض تعمل إليه؟ يحصل معها إيه عشان أسمع الكلام؟ قبل: ﴿وَنَهَى النَّفْسَ عَنِ الْهَوَىٰ﴾ [النازعات: 40]. هو إزاي؟ إيه؟ ﴿أَمَّنْ...﴾ يبقى النفس دي كانت محتاجة تخاف، ما أنت لو قلت لها لأ هتقول لك لأ أنت، ولا أنك محتاج إيه؟ تخاف. لذلك لما ربنا قال: ﴿بَل يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5]، طالما المشكلة من شبهة عقلية هي فجور نفسي، الصورة تخوفني على التخويف اللي هيحصل يوم القيامة خلته مرعوب، فالصورة استعملت الحل اللي أشارت إليه في النازعات. لذلك، وأنا قلت ده في درس مميز الخطاب القرآني، أن كسيرا من الدروس الوعظية التي ممكن ناس تستهزئ بها هي بتساهم في حل كثير من الشبهات التي ترى شبهات عقلية. إيه الأصل ده؟ أنا كنت عايز حل الشبهة، ده قاعد يكلمني وعظي! أيوه، ما أنا عارف، ما هو أنت حضرتك، دي دي مش شبهة عقلية، فيه شبهات عقلية لا، إن فيها، لكن اللي عندك دي هي نفسي.

يبقى إذا احنا قلنا إن مقدمة سورة القيامة بتقول أن كثير من الشبهات العقلية قد يكون وراءها فجور نفسي، وده على فكرة اتكلم فيه كتير يعني من الكتب الظريفة، مع اختلافنا في بعض أطروحاته، لكن من باب الإنصاف كتاب مميز كتاب الإحساس مشكلة نفسية للدكتور عمرو شريف، وهو أصلا استفاد من أطروحة الناس، كان كتب على نفسية الإلحاد، وكتاب ترجم واحد اسمه بول نيدز، اتكلم أن فيه نفسية معينة بتدفع الإنسان للإلحاد، ومركز دلايل جزاهم الله خيرا ترجموه، بيتكلموا فكرة أن فيه مشاكل نفسية ودوافع نفسية قد تدفع الإنسان للإلحاد، وده مش بس كله يعني لا، أنت بتقول لي إيه: أصل أنت متحيز للقرآن! آه طبعا، أنا متحيز للقرآن لأنه كلام ربنا سبحانه وتعالى، لكن لو افترض حد مش مؤمن بالقرآن، أقول له فيه أطروحات أخرى حافلت تبحث وجابت نماذج خصوصا كتبنا في شتيت الإلحاد اللي سماه العنوان الفرعي: إيمان فاقد الأب، نتكلم على النقطة دي.

طيب، احنا وصلنا أن فيه جذور نفسية للشبهات العقلية. في كلمة جميلة للكتاب الطريفي، والكتاب زي ما قلت لكم ممتع: الفصل بين النفس والعقل. بيقول إيه هنا صفحة مئة وسبع عشرة: والعلم مع النفس سلاح ذو حدين، بيتكلم أن العلم، يعني المعلومات ممكن تروض النفس، يعني أنك تقابل واحد تقعد تكلمه معلومات عقلية عشان يسيطر على نفسه. بيقول إيه: وكما أن العلم علاج للنفس من الوصول إلى أهوائها، النفس عايزة تروح لأهواء، فانت تيجي تقول له: خد بالك، ده خطر، المكان اللي أنت رايحه ده خطر، الشهوة دي هتوديك في داهية، الشهوة دي هتخليك تقعد تخوفه بطريقة معلوماتية بعلم، أنه ما يقعش في الأهواء دي أو في الشهوة دي، عارف بالضبط زي إيه؟ لما النفس بقى تسيطر، بيجيب علبة السجائر مكتوب عليها: التدخين ضار جدا بالصحة، يؤدي إلى الوفاة، يدمر الصحة ويؤدي إلى مرسوم إيه؟ صورة مرعبة.

لو واحدة مش عارف شكلها مخيف، وهو يقرا البتاع جدعان وعامل إيه عادي جداً؟ الصورة دي غريبة جداً والله يا أخي، حاطين حاجات، وبعدين إيه، ويقوم إيه مطلع الكلام هنا؛ العلم ما عملش أي حاجة. يعني المعلومة هنا ما فادتتوش أي حاجة. وانتقل النفس هنا قادمة.

فبيقول زي في ناس ممكن لما تسمع ما تخاف، وحد يحصل له كانسر مثلاً في الرئة أو في دخان، فالمعلومة دي تفزعه فتخليه يترك. بيقول: كما أن العلم علاج للنفس من الوصول إلى أهوائها. وقائد إيه؟ أحياناً العلم يسوسها كما يسوس الفارس فرسه حتى يطوعها.

يعني أحياناً العلم يكسب والعقل؛ فقد يكون العلم بقى زي ما يكون العلم أحياناً هو القائد، وأحياناً يكون العلم خادماً للنفس في إوصالها إلى ما تهوى. فبدل العقل بقى بدل من الحزق في مواجهة النفس قد يكون خادماً لها. فالعلم قد يوصل النفس إلى ما تشتهي.

بَحذق ودراية، يعني واحد عايز يعمل شهوة، عايز يعمل معصية، اللي هو: مش هينفع نعمل معصية كده عضوية، نعمل الشهوة دي على طول، إحنا محتاجين شبهة كده. إيه ده بقى؟ المفروض كان يبقى النص التاني من الدرس؛ اللي هو إيه؟ فن تغليف الشهوة بشبهة جيدة.

ده فن، التغليف ده يا جماعة فن، مش عني يعني أن أنت تعيد صياغة الشهوة بتاعتك اللي أنت عايزها بس بشبهة، ده قصة سنين من المجهودات ومثقفين بقى وعلمانين وقصة، بيقعدوا إزاي شهواتنا نصيبها بصياغة علمية، بصياغة فكرية، بصيغة ثقافية، ده ده فن بقى.

فهنا بيقول: والعلم قد يوصل النفس إلى ما تشتهي بحذق ودراية، حتى أحياناً يكون الجهل خيراً للإنسان من علمه. الواحد ما يبقاش عارف أحسن ما يستغل المعلومات دي. ذلك ربنا يحفظنا يا رب ويثبتنا يا رب.

كان دايماً في تحذير من الشريعة للمنافق عليم اللسان، أن المنافق عنده العالم اللي نافق والعياذ بالله عنده معلومات، يعرف يشرعن لنفسه، فبتبقى مصيبة. وقال كلام جميل يعني في بقية الكتاب.

فالخلاصة أن إحنا كده وصلنا للأصل التاني أو لقصد ختام الدرس التاني، اللي هو المفروض كان يطول شوية، أنا هأقول لكم بعض الحاجات فيه: أن ختام الأصل الأول والأصل التاني، يعني لو حطينا الأصل الأول المادية وإيثار الحياة الدنيا، عدم الإيمان إلا بما يرى في الدنيا، ده الأول، زائد فجور النفس والمراوغة من التكليف، الاتنين دول مع بعض يساوي مع بعض، لو عشان نطلع النتيجة بقى نكملها.

لو عايز يحافظ على الغطاء الديني، يعني إيه؟ يعني ممكن واحد زائد اتنين الأصل الأول زائد الأصل التاني يساويه إلحاد، يقول لك: يا عم زي ما المشركين كده إيه، بدل ما يقعدوا يفكروا ويشرعنوا، قال لك: ما فيش بعث، دخلوا وش في وش كده، ما فيش بعث، أنت مش رسول. اللي هو الإنكار.

خلاص، يبقى الأصل الأول زائد الأصل التاني قد يؤدي إلى إلحاد: إيثار الحياة الدنيا مع المراوغة من التكليف يساوي فجور وإلحاد. طب أفرض واحد زي أهل الكتاب كده، مش قادرين يتخلوا عن لقب أهل الكتاب؛ لأن هو لقب بالنسبة لهم لقب سياسي ولقب دنيوي، ما ينفعش يتخلى عنه: ﴿إِنَّ كَثِيرًا مِّنَ الْأَحْبَارِ وَالرُّهْبَانِ لَيَأْكُلُونَ﴾ [التوبة: 34]، ده ده بياكل من اللقب ده، وتجعلون رزقكم، أحد المعاني اللي ذكرها ابن عاشور كان مش ده الأصل، وتجعلون رزقكم أنكم تكذبون، هو أصلاً رزق من الكذب، هو بتاع فتاوى مضروبة، هو ده أكل عيشه أصلاً، فهيسيب منصب الفتاوى إزاي وجايبة له أكل كويس؟ هو بالتالي مش هينفع يسيب ده.

فإزاي؟ أو نفسياً عايز يراضي نفسه، إزاي؟ نعمل المعادلة الثلاثية دي: إيثار الحياة الدنيا مع إرادة -يعني فجور النفس- زائد المحافظة على الغطاء الديني، أنه يظل تحت غطاء في الآخر، سواء ديني بقى أهل الكتاب أو إسلام أو مسلم.

هنا بقى النتيجة تكون إيه؟ هنا بقى اللي هو فن التغليف اللي أنا كنت بكلمكم عليه؛ اللي هي مثلاً تطلع لنا فكرة مثلاً إيه، يقعدوا يفكروا لك: بس لقيتها، إحنا هنقول فكرة اسمها المقاصدية. إيه يا عم المقاصدية دي؟ اتقل بس عشان تاخد حاجة كويسة كده، بص؛ إحنا هنعمل اللي إحنا عايزينه، يعني إيه نعمل اللي إحنا عايزينه؟ يعني هنلغي تشريعات ومش هنقطع يد السارق ومش كل حاجة هنعملها لك.

طب إزاي والدين بيقول كده؟ يا عم اصبر بس، ما أنا أمال أنا جاي لك أهو، إحنا هنقول إن الدين ده جاي بمقاصد كلية، التفاصيل دي مش مهمة، دي كان لها تاريخ وانتهى. آه بدأت بدأت تعجبني، كمل.

ويبدا يطلع فكرة كبيرة من خلالها التكليفات اللي كانت بالنسبة له لنفس الطاغية دي قيود يكسرها. يجي واحد تاني يقدم له فكرة تانية، بدل ما يقول له فكرة، يطلع فكرة اسمها العلمانية.

إيه يا عم العلمانية دي؟ قال لك: بص، أنا أقول لك على حاجة، أنت إيه الطلب بتاعك؟ أنت رايح بقى لواحد لشيطان كده إيه من شياطين الإنس، بس شيطان مذاكر، إيه الطلب بتاعك؟ تقول له: بص، أنا عايز اعمل اللي أنا عايزه، وفي نفس الوقت أبقى مسلم.

يعني إيه؟ يعني عايز أفجر براحتي وفي نفس الوقت أكون بتاع ربنا ومسلم، ويبقى اسمي لسة مسلم. أنت طلبك صعب، بس أنا أجيبه لك، بس بص هأجيب لك حاجة. إيه بقى يا عم الحاج؟ قال لك: أنا عندي فكرة حلوة أوي، إيه؟ ما تيجي نقسم البلد نصين.

إزاي نقسم البلد نصين؟ إيه رأيك إحنا يبقى عندنا نوعين من الزمان: زمان مقدس وزمان مدنس. إيه الزمان المقدس؟ تهزر أنت بتاع ربنا؟ المقدس قال لي في المسجد لا، اللي في طور العبادة، أنت تخش المسجد وتعيط زي ما أنت عايز، وعلامة صلاة وجلابية وصلاة، اعمل اللي أنت عايزه جوة المسجد، برة المسجد يا معلم أنت انطلق افجر، واللي يكلمك قل له: ما ينفعش نصحى بالمقدس للمدنس، حياتنا دي مدنسة!

أنت مجنون! عارف زي لما كان يقول للمشركين: بلاش أصنام واعبدوا ربنا مباشرة، يقول لك: ما ينفعش نعبد ربنا مباشرة، إحنا أقل من أن نعبد ربنا مباشرة، أنت عايز الناس اللي مليانة دنيا ونجاسة تعبد ربنا؟ إحنا ما نعبدهم إلا ليقربونا، ما نقدرش أصلاً. شوف الدخلة.

إذاً، في زمان بيسموه، ودي كانت فكرة نشأة العلمانية، أن كان في حاجة اسمها المقدس والمدنس، وأن اللي كان بيطرد من الكنيسة أو يبعد عن وظائف الرهبنة ويقوم ببعض الوظائف كانوا بيسموه هنا تعلم، ده أصل فكرة نشأتها، وطبعا الدكتور سامي عميري أبدع في نشأة العلمانية ومصطلحاتها عشان الوقت، راجعوا فكرة نشأة المصطلح.

فكرة اللي هي الدنيوية أو الدهرية؛ اللي هي ما هي إلا حياتنا الدنيا نموت ونحيا وما يهلكنا، ففكرة العلمانية نشأت إزاي؟ أن لكم دينكم ولي دين. هنراضي هنراضي هنراضي بعض، هنراضي النفس اللوامة، عندك رمضان وعندك المسجد وعندك الآية في الحياة يفجر أمامك، إحنا بنحط القواعد والقوانين.

ليه؟ أياً كانت بقى الإجابة؛ لأن الدين ده مقدس ما ينفعش ندنسه، يقول لك: السياسة نجاسة ما ينفعش تدخل، والاقتصاد مش عارف إيه ده! إزاي هتدخل الدين في حاجة زي كده! والدين أعلى من أن هو يتكلم في، ويكلمك بصورة أن دي بتاعة الإنسان يفعل فيها ما يشاء، ما يحصلش خلط ما بينهم.

ومن الصور الجميلة اللي أتكلمت عن الخلط ده وفكرة تقسيم الأزمنة وأن ده مش موجود عند المسلمين، سورة الجمعة؛ لأن هم عندهم حتى اليوم المقدس بتاعهم في التعبير زي السبت أو الأحد، يوم خالص ممنوع فيه العمل للدين العمل للدنيا.

الإسلام لأ، بيقول: ﴿فَإِذَا قُضِيَتِ الصَّلَاةُ﴾، إحنا نستطيع الجمع، يعني إحنا ينفع نشبك بين الدنيا والآخرة، ما عندناش الفصل التام ده، حتى يوم عبادة وبعد كده أسبوع فجور، كيوم عبادة وأسبوع لا، إحنا ما عندناش كده، حتى يوم الجمعة ممكن تجمع: ﴿فَإِذَا قُضِيَتِ الصَّلَاةُ فَانتَشِرُوا فِي الْأَرْضِ﴾ [الجمعة: 10].

شرط للمعنى ده أن زي سورة الجمعة بتعالج فكرة العلمنة اللي بذرت عند، بذرت عند اليهود والنصارى، وانتقلت إلينا، واحنا تلقيناها بالقبول، لدرجة أن لسة حد للأسف قارئ منشور اللي عمل فيلم في سبع سنين بيتكلم أن الحل الوحيد اللي لازم الناس تقبله هي العلمانية، وكتب بدأت كتير بتتكلم أن المسلمين لا خيار أمامهم إلا العلمانية، ولابد أن تفرض عليهم فرداً، وأن الإسلام دين في منظورهم قابل للعلمنة.

وإحنا بنقول أن الإسلام دين عصي على العلمنة، مستحيل أصلاً. برضو نرجع لسورة البقرة، اللي يقرأ سورة البقرة يجد تداخل بين العبادات والمعاملات، وأن فصل العبادات عن المعاملات ده مستحيل.

فالخلاصة أن أن كده إحنا وصلنا الساعة أن في تغليف الشهوة، لذلك أنا كنت قريت كلمة زمان للشيخ الطريفي، كلمة جميلة قوي، بس كنت محتاج استوعب جذورها، يعني كان بيقول إيه وأذكر يعني، بيقول: ما من شبهة إلا ونشأت من رحم شهوة. وأذكر يعني نص الكلام: ما من شبهة إلا ونشأت من رحم شهوة. الجملة دي اللي اللي قالها الشيخ في بعضهم يعني، ده برضو تلخيص للفكرة اللي أنا عايز أقولها، أو للنص التاني من الدرس، أن الشهوات تغلب.

لذلك من الكتب الجميلة أوي كتاب زخرف القول، الشيخ عبدالله العجيري وفهد العجلان، دي أقوال مزخرفة، الأقوال دي كلها الحاجة وأربعين مقال أو الأربعين مقالة دول دورها إيه؟ هو التغليف الجيد للشهوة.

أحياناً لما ييجي يشرح الشيطان، يعني لما ييجوا يشرحوا بيقولوا ايه؟ آه دي المقولة تستبطن كذا، يعني المقولة ظاهرها مثلاً إيه: نصدق بالقرآن، لكن السنة لم تصل إلينا بصورة متواترة فما ينفعش كده، فممكن يكون عايز يظهر المدافع عن الدين، لكن المقولة تستبطن مراوغة من التكاليف، مثلاً في قضية السنة كنت أشرت في درس ماذا لو غابت السنة أن نزع السنة من الدين ده هيجعل فيه حالة من السيولة يخلي النص سائل، بل مش بس السنة بل فهم السلف، تحييد فهم السلف مصيبة، هيعمل نوع من السيولة في المفاهيم، ويعمل حاجة اسمها النص المفتوح، أن نصي، واللي كان يتابع مثلاً واحد زي إسلام البحيري كان يشوف إزاي بيلعب في النصوص.

يعني كان يتكلم من المصحف، ما ينكرش النص القرآني، يعني هنا إسلام وحيد عايز يحافظ على المعادلة الثلاثية اللي إحنا حكيناها: إيثار الحياة الدنيا مع إرادة الفجور مع المحافظة على الغطاء الديني، فلازم يبقى ظاهرياً بيجيب حلول للنص القرآني، كان ممكن يقول: إحنا مش مؤمنين بده وخلاص ما فيش، المشركين كده اللي هو اللي هو مش لازم يضيف رقم تلاتة، يعني واحد يصارح إرادة الفجور يساوي ما فيش دين، ما فيش.

هو اللي عايز يضيف غطاء ديني مضطر إنه يغلف الشهوة؛ لأنه مش هينفع يقول: أنا أريد الفجور، أنا أريد الزنا. واللي عايز يتكلم على النساء والتبرج والاختلاط ودعوة ذلك وأن وأن الناس تعمل إيه عايزة هو مش معقول هيقول كده، ولازم يجيبها بتغليف بقى، وكل شوية الغلاف لما يتقدم يجددوه، يعني كل شوية أما الغلاف يتقدم يقوموا عاملين غلاف جديد للايه؟ الشهوة ديت بشبهة التحرر، التحضر، مش عارف إيه.

وده اللي بيحصل للأسف الآن في الجزيرة العربية الآن في أرض الحجاز، أن مع التغريب المستمر للأسف بيبقى فيه ناس تحاول تغليف ما يحدث بمقولات، بمقدمات، أياً كان، بشبهات، بحيث أن هو ما يبقاش فيه اعتراف أن دي إرادة فجور، هو ما يحدث بكل وضوح هي هذه النفس انطلقت في الدنيا وتريد الفجور، فلماذا التغليف؟

ده للأسف زي ما ربنا، ده نوع من التزيين، اه، وكذلك زي اللي هي آية: ﴿وَكَذَلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورًا﴾ [الأنعام: 112]. يبقى زخرف القول ده هو عبارة عن إيه زخرف القول؟ هو التغليف الجيد المبهر للشهوة بشبهة تجعل الإنسان يعمل إيه؟ تجعل الإنسان بعد إيثاره للحياة الدنيا وبعد إرادته للفجور مع حفاظه على غطائه أنه يعمل اللي هو عايزه.

يبقى دي المعادلة الثلاثية، كان المفروض يكون فيه درس من أصول الانحراف، تجميع بقى من الجزء الأول، المقولات والأفكار اللي البشر وصلوا لها عشان يطبقوا المعادلة الثلاثية دي، وإزاي القرآن فضحهم، يعني مثلاً فكرة الانتقائية: ﴿أَفَتُؤْمِنُونَ بِبَعْضِ الْكِتَابِ وَتَكْفُرُونَ بِبَعْضٍ﴾ [البقرة: 85].

فكرة الانتقائية مش في الشريعة، الانتقائية في التطبيق: كان إذا سرق فيهم الشريف تركوه، وإذا سرق فيهم الضعيف أقاموا عليه الحد. يعني فيه أفكار هم حاولوا تلبيس الحق بالباطل: ﴿وَلَا تَلْبِسُوا الْحَقَّ بِالْبَاطِلِ﴾ [البقرة: 42]. وضع الصنم على الصفا والمروة إساف ونائلة، أفكار كتيرة موجودة سورة البقرة، إزاي أن هم يحاولوا يضعوا مقولات من خلالها يعمل اللي هو عايزه، وفي نفس الوقت يحافظ أنه ما يتركش الدين في الكلية، وهذا دي أكبر أزمة.

يعني الملحد الصرف واضح، الكافر واضح. سورة البقرة لما بدأت بآيات المؤمنين وآيتين عن الكفار، تلاتاشر آية عن المنافقين؛ لأن دي المشكلة: منافق عليم اللسان، اللي بيدعي أنه يريد إصلاح: ﴿إِنْ أَرَدْنَا إِلَّا إِحْسَانًا وَتَوْفِيقًا﴾ [النساء: 62]، ده أنا بعمل كده عشان إرادة الإصلاح.

فده كان الدرس النهارده، الكتب اللي أشرت لها الفصل بين النفس والعقل، وده أرجو هو ده أهم كتاب، اللي عايز يقرأ كتاب ماتع وجيد للشيخ الطريفي، أنا حاولت النهارده أن إحنا نجمع ما يقرب من تلت أربع دروس مع بعض عشان السلسلة ما تطولش، ناخد كمان مرتين ولا حاجة، ونرجع إن شاء الله.

مجالس القرآن بيبقى درس النهارده جمع بين إيثار الحياة الدنيا، زائد بل يريد الإنسان ليفجر أمامه، لا يؤدي لو عايز يضيف على المعادلة دي الحفاظ على البطاقة اللي هيضطر إن هو يقدم زخرف القول. الشبهة تكون عبارة عن تغليف جيد لهذه الشهوة، بحيث إن ما تبقاش ظاهرة للناس إن هي شهوة. واللي يقرأ في تأصيلات وتأصيلاتي العلمانية، الناس دي مش بتقول أي كلام بل بتدخل للنفوس من أشياء محببة.

يعني حتى اسم الليبرالية يعني كان أزن من الجميل اللي وجه إليها من طيب وعزة في كتاب نقد الليبرالية. لما أتكلم إن ما فيش حاجة اسمها إنك تختار مذهب وتسميه باسم محبب إلى النفس تدخل منه، وده اسم المفروض يكون عام. الحرية ما كل الناس بتحب التحرر، إنك تسمي مذهب بده ده خداع، ده صورة من الخداع، الإسلام فيه استسلام وفي تكاليف فيبغضك إلى شيء.

وهو ده نفس المدخل الليبرالي الذي قام به الشيطان في أول لحظة، تصوير إن التكاليف هي عائق أمام متعتك، ﴿مَا نَهَاكُمَا رَبُّكُمَا عَنْ هَٰذِهِ الشَّجَرَةِ﴾ [الأعراف: 20]. الخطاب الليبرالي الحديث بيقول نفس الجملة مع وضع اختيارات مختلفة. ما نهتكم الشريعة عن هذه إلا لتقيدكم، إلا لتمنع شهواتكم، إلا عايزك تعيش في خنقة، هو ده التصوف الليبرالي.

أسأل الله سبحانه وتعالى أن يقينا شر أنفسنا، وأن يصرف عنا الفتن ما ظهر منها وما بطن. أقول قولي هذا وأستغفر الله لكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.