السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم، بإذن الله سبحانه وتعالى نستكمل السلسلة التي بدأناها عن أصول الانحراف. تكلمنا في المرة الماضية عن استعادة الثقة في الوحي، وأنه ينبغي أن نعود ونتمسك بكتاب الله سبحانه وتعالى مرة أخرى، ولا سيما في الاستهداء؛ طلب الهداية في الطريق إلى الله سبحانه وتعالى، ومن كمال الاستهداء كمال الهداية: أن تتبين طرق الضلال حتى لا تسير فيها. وذكرنا قول الله سبحانه وتعالى: ﴿وَلِتَسْتَبِينَ سَبِيلُ الْمُجْرِمِينَ﴾ [الأنعام: 55]، حتى لتظهر وتتضح وتتطلب بيان سبيل المجرمين. وتكلمنا أننا سنحاول نستبين السبيل من خلال بعض الكلمات التي قالها المجرمون في كتاب الله سبحانه وتعالى أخبرنا الله سبحانه وتعالى بها، فنتبين من خلالها كيف يفكرون؟ وما هي معتقداتهم؟ بحيث الإنسان يتبين طرق الضلال فلا يسير فيها.
قبل أن أبدأ الأصل الأول -أو يعني مش الأصل الأول، يعني عايز أتكلم في مقدمتين سريعتين-؛ الأولى أن: أكيد مرة أخرى عشان الناس التي لم تستحضر معنا المعنى ده. والمعنى الذي أقوله ده مبسوط -ومش فرحان-، يعني مبسوط، يعني مفروض مبسوط في درس مميزات الخطاب القرآني في تقرير العقائد، أن القرآن له طريقة مختلفة في تقرير العقائد أو في الرد على الشبهات تختلف عن أي كتاب آخر، بل بتتميز مع الاحتياج إلى الكتب الأخرى التي تفكك الشبهة المعاصرة وتبين مدى إسقاطاتها على واقعنا، لكن القرآن له طريقة مختلفة. وكما ذكرت وشرحت ده بالتفصيل لمن يريد أن يرجع للدرس، وأنا أرى أنه مهم قبل سماع هذه السلسلة؛ سماع درس مميزات الخطاب القرآني.
نموذج سريع لذلك: لما جاء أبو الوليد للنبي صلى الله عليه وسلم بيطرح عليه عرض معين بعد التضييق على الدعوة، أن التضييق على الدعوة كان مستمراً دعوة النبي صلى الله عليه وسلم في مكة، وبالرغم من ذلك الأتباع يزدادون؛ لاتباع النبي صلى الله عليه وسلم، فجاب عرضاً ما ومقدمة طويلة: احنا كنا قبيلة واحدة أنت جيت فرقتنا، وجاب مقدمة عاطفية قوية جداً في مدخل عاطفي، وبعد كده عروض مبهرة، قال له: لو عايز ملك ملكناك، لو حاسس أن فيه مشكلة طبية جبنا لك نجيب لك أحسن طبيب، لو عايز اللي أنت جيت به ده تبحث به عن أنك تبحث عن تتزوج نجيب لك أحسن واحدة نجوزها لك. قعد عرض عليه عروض، يعني دخل مقدمة عاطفية وعروض كتير، وإن كان كتاب السير حللوا العروض دي وحللوا ليه النبي صلى الله عليه وسلم ما قبلش مثلاً لو أردت ملكاً ملكناك؟ طب النبي صلى الله عليه وسلم كان يقبل الملك وينفذ اللي هو عايزه، لكن فيه فرق بين الملك الذي يعطى إليك وبين الذي أنت تحصله. الخلاصة يعني رد النبي صلى الله عليه وسلم لو أنت ما تعرفش القصة؛ يعني تخيل أنت ما تعرفش رد النبي صلى الله عليه وسلم، يعني لو أنك مكان النبي صلى الله عليه وسلم وأتعرض عليك مقدمة عاطفية وعروض بتنافي مبادئك، أنت كمتوقع أنك هترد على الجزء العاطفي الأول أنه مليء بالأخطاء، كل عرض من العروض دي اتهام لك في مبادئك، الرد كان مفاجئاً: قال: أفرغت يا أبا الوليد؟ قال: نعم. قال: بسم الله الرحمن الرحيم: ﴿حُمِسَ﴾، وقرأ عليه صدر سورة حتى بلغ النبي صلى الله عليه وسلم الإنذار بالعذاب، فخاف أبو الوليد ووضع يده على فم النبي صلى الله عليه وسلم، قال: حسبك!
فالغريبة هنا أن الرد عجيب، والأعجب أن الرد جاب أثر، يعني مش مثلاً ده ده منهجنا وخلاص فاحنا هنقوله، لأ، ده بالفعل الرد جاب أثر في أبي الوليد وخلاه ينسى كل العروض التي قالها ورجع بغير الوجه الذي ذهب به إلى قومه، بل قالوا له: لقد عدت بغير الوجه الذي ذهبت إليه. فاحنا محتاجين نستعيد هذه الثقة في كتاب الله سبحانه وتعالى، لأن زي ما قلت لكم والمعنى هذا لابد أن الواحد يكرره كثيراً كثيراً: أن طريقة القرآن مختلفة في العلاج، مش بتعالج الشبهة مباشرة، تعالج الأصول. فبالتالي لما القرآن يعالج قضية زي العلم أو الليبرالية أو أي قضية هو بيعالج أصولها، أنت ممكن يهيأ لك أن القرآن لم يتكلم في مثل هذه الأمور، يهيأ إليك القرآن لم يتكلم في مثل هذه الأمور.
القرآن، ودي ركزوا معي، بيصنع -اللي هيسيب نفسه للقرآن، وهذا كان في درس إعادة ضبط، اللي هيسيب نفسه للقرآن ويدور مع القرآن حيث دار- هيصنع مناعة قوية، هيصنع إنسان مسلم عنده مناعة قوية لكل الأفكار التي تؤدي للضلال، اللي هيدور مع القرآن حيث دار القرآن هيصنع إنسان مسلم لديه مناعة قوية تجاه هذه الأفكار، حتى لو ما يعرفش الأفكار الأفكار الضالة التي تطرح عليه هو عنده، عارفين المثل بتاعنا: امشي عدل يحتار عدوك فيك؟ هو كده، القرآن بيخليك تمشي عدل، يعني القرآن بيضبطك يخليك تمشي عدل ما تنحرفش، حتى لو أنت مش عارف ومش متبين سبل المجرمين، وإن كان هذا مهم لبعض الناس أن يتبينوه؛ كنا في سورة الأعراف قول الله سبحانه وتعالى: ﴿وَلَا تَقْعُدُوا بِكُلِّ صِرَاطٍ﴾ [الأعراف: 86]، ازاي سيدنا شعيب كان عنده فهم وتصور للمناهج المتبعة لصرف الناس عن الدين، فمسألة تتبع مناهج الضلال والتقارير التي تبث من الاستخبارات وغيرها إزاي يضلوا المسلمين وإزاي يهجموا على المسلمين ويغيروا أسس دينهم، ده مهم لبعض الناس لكن مش لكل الناس، فالخلاصة أن الإنسان يدور مع القرآن حيث دار في مؤنة القراءة في كثير من الكتب والاطلاع على كثير من القضايا، لكن هو يكون مسلماً صح على كتاب الله سبحانه وتعالى.
دي المقدمة الأولى؛ الثانية: أن الطريقة التي احنا قلنا هنمشي بها إن شاء الله -يعني ترددت فيها كثيراً، وزي ما قلت لكم احنا هنمشي بطريقة إيه؟ العشوائية المنظمة بالزبط كده- احنا هنحيب شوية أصول على بعضها كده ونخلطها في بعضها وأنا هديها لكم وربنا يوفقكم ويعينكم. كنت كاتب مجموعة من الأصول الكثير حسيت الدنيا هتاخد وقت واللي أنا في صحة -أنا أصلاً جاي تعبان النهارده وما لحقتش أحضر، ودي مشكلة أن أنت دايماً تفضل تأجل اليوم إلى الغد والأسكندري معتقد أن الديدلاين أنت هتخلص قبله وتتمنى يوم زيادة وبيجي لك يوم زيادة وبرضه تضيعه-، صلوا على النبي! أنا آثرت أن احنا ندمج الأصول المتشابهة مع بعض في درس واحد، وهتبقى المشكلة في تسمية الدرس مش عارف هنسميه إيه، المشكلة المتكررة، يعني كان كل أصل من الأصول اللي هشرحها النهارده كنت مفرده بدرس، فحاولت أدمجهم مع بعض بحيث أن الناس ما عادتش محتاجة نوع من تبسيط الأفكار، عايزة أفكار مركزة، الناس سمعت وقرأت، السوشيال ميديا فتحت آفاق الناس على كثير من القضايا، واللي هيعوز نوع من البسط في طرح ومناقشة الفكرة اللي هنقولها بطريقة فكرية عميقة أدل على كتب، بحيث أن احنا نحاول قدر المستطاع السلسلة تغطي شريحة أكبر من الناس التي عايزة الخلاصة وإزاي القرآن بيعالج هذه القضايا بنوع من التركيز والبساطة، خلاص، احنا هنقوم بده مع بعض في الدرس.
أثناء الدرس سيكون فيه بعض المصطلحات الصعبة شوية، بتخاطب الناس المهتمة بالقراءة الفكرية، في قراءة للرد على الأفكار الضالة أو تلبست بهذه الأفكار من حيث لا تشعر، وكانت مهتمة ومنبهرة، خاصة في آخر عشر سنوات في اهتمام كبير بالقراءة في الكتب الفكرية، أتكلمت عن ده قبل كده، مسألة الاهتمام بالروايات والقراءة في الكتب الفكرية مع ضعف تأصيل شرعي وده أدى أن الناس قد تتلبس بأفكار مش إسلامية صرف، فيكون في بعض الدروس -وللأسف الواحد بيعتذر عن ذلك- استعمال بعض المصطلحات أو ذكر بعض الأسماء التي تكلمت في هذه الأفكار الضالة، فاحنا هنحيل على مراجع للرد إن شاء الله.
نبدأ مع بعض الأصل الأول من أصول الانحراف، ممكن تقول الأول والثاني والثالث والرابع، يعني مجموعة أصول في الأول كده، يبدأ القرآن بعد الفاتحة -وهذا الشيء الواحد يسأل فيه كثيراً ويستدعي الانتباه- أن القرآن بدأ بسورة البقرة، على عكس أو مش على عكس، يعني على غير ما أنزل، أول ما نزل من القرآن -كما قالت أمنا عائشة-: أول ما نزل من القرآن المفصل فيه ذكر الجنة والنار، بداية القرآن بالمدني مش بالمكي، هذا أمر محتاج بحث وتدبر ومدارسة. لكن كمان سورة البقرة سورة عظيمة، يعني مقاصد سورة البقرة، أهم مقاصد سورة البقرة وأنا أزعم ذلك وكمان آل عمران، مقاصد فهم البقرة وآل عمران بتبني هوية مسلم قادر على مواجهة كل أصول الانحراف، أنا أزعم ذلك، أن دراسة وفهم سورة البقرة ومعها كمان آل عمران تجعل إنسان مسلماً واعياً لكثير من قضايا الانحراف الموجودة، وأن يكون مسلماً متأصلاً تأصلاً متيناً.
فإنك أوى تستخسر أنك تدي من عمرك سنة أو سنتين أو ثلاثة أو أربعة لمدارسة -طبعاً لحفظ ومدارسة وفهم وقراءة تفسير- سورة البقرة، أوى تستخسر ده، يعني احنا بندي أعمارنا لحاجات كتير، أوى تستخسر أنك تدي وقت أنك تعايش سورة البقرة وآل عمران. تبدأ سورة البقرة: ﴿الم * ذَلِكَ الْكِتَابُ لَا رَيْبَ فِيهِ هُدًى لِلْمُتَّقِينَ * الَّذِينَ يُؤْمِنُونَ بِالْغَيْبِ﴾ [البقرة: 1-3]. طبعاً دي كانت صدمة، أنت متصور صدمة كبيرة جداً أن المصحف يبدأ، أنت تخيل أنت بتدي واحد ما بيؤمنش بالدين ملحد يمشي بأي رسالة من السماء فبتدي له القرآن، فبيفتح القرآن بعد الاستفتاح أنه بيطلب الهدى فربنا بيقول له: لقد جاءك الهدى الذي تريده في الفاتحة: ﴿اهْدِنَا الصِّرَاطَ الْمُسْتَقِيمَ﴾ [الفاتحة: 6]، تطلب الهدى في الفاتحة فربنا بيقول لك في أول سورة البقرة: ﴿ذَلِكَ الْكِتَابُ لَا رَيْبَ فِيهِ هُدًى لِلْمُتَّقِينَ﴾ [البقرة: 2]، الهدى الذي تطلبه موجود، لكن لن يستفيد من هذا الهدى إلا أول وصف من أوصاف المؤمنين بالهدى أو اللي هيستفيدوا من الهدى أو اللي هيضيئوا بالهدى: ﴿الَّذِينَ يُؤْمِنُونَ بِالْغَيْبِ﴾ [البقرة: 3].
يعني من أول لحظة أصحاب التفكير المادي البحت الذين ينزعون من تفكيرهم مسألة قضية كبيرة جداً، عالم اسمه الغيب، رافض أن يكون فيه عالم اسمه الغيب ولا يؤمن إلا بما يرى فقط، هذا لن يستفيد من القرآن، بل هذا لن يؤمن. يبقى الأصل الأول من أصول الانحراف اللي احنا عايزين نتكلم عنه النهارده، اللي أنا شايف أنه أصل عظيم من أصول الانحراف، وكثير من آيات القرآن حذرت منه بطريقة مباشرة وبطريقة غير مباشرة، قول اليهود لقول بني إسرائيل لنبي الله موسى: ﴿لَنْ نُؤْمِنَ لَكَ حَتَّى نَرَى﴾ [البقرة: 55]، أي لن نؤمن إلا بما نراه، عايزين نؤمن؟ قالوا: ﴿أَرِنَا اللَّهَ جَهْرَةً﴾ [النساء: 153]، أنا شايل عالم الغيب من حياته تماماً، لا يفكر، ومش بس لا يفكر، لا يؤمن، يعني أي معلومة هتقولها له، أي طرح هتطرحه عليه، أي عقيدة هتكلمه عليها، هتكلمه عن الإيمان بالله، الإيمان بالكتب، الإيمان بالرسل، يقول لك لأ، كلمني بما إيه؟ كلمني بما أرى، عايز أشوف.
سدنا موسى كلم فرعون عن الدين يقول إيه؟ ﴿يَا هَامَانُ ابْنِ لِي صَرْحاً لَعَلِّي أَبْلُغُ الْأَسْبَابَ * أَسْبَابَ السَّمَاوَاتِ فَأَطَّلِعَ إِلَى إِلَهِ مُوسَى وَإِنِّي لَأَظُنُّهُ كَاذِبًا﴾ [المؤمنون: 36-37]، يعني هو بيقول له أنا لازم أشوف، أقول له أنا مش مصدق، نعمل، يعني سيدنا موسى يرد عليه ويفحمه ويخبره من رب السماوات والأرض ويخبره عن الشمس والقمر والمخلوقات وتدبير الله سبحانه وتعالى والأمم السابقة، ويتكلم معه سيدنا موسى ويحاصره ويبين له مدى وعجزه عن الرد، ثم بالرغم من ذلك فرعون لما حب يهرب هرب للمنطقة المادية، قال لأ، أشوف الأول، لن أؤمن إلا بما أرى. وطبعاً يعني قدر أنه يلعب لعبة يضحك بها على الناس، أن هو كأنه هيبحث ويبذل المجهود البحثي زي ما بيدعوا دلوقتي الملاحدة، البحث زي ما بيقولوا كده البحث عن الإاله في المعنى، وهذا تصور عقيم، فكرة التصور المادي، فنشأ تصور مادي صرف لا يؤمن إلا بهذه الحياة الدنيا فقط، وده مصيبة هنتكلم دلوقتي إزاي القرآن أشار خطورة العقيدة دي، لأن هي بتصبح عقيدة، هي بتتبدأ الأول بمجرد فكرة منحرفة فكرة وظاهرها أن واحد يقول لك أنا ببحث عن الحق، لكن أنا إه اللي يخليني أصدقك، إه اللي يخليني أصدق أي فكرة يصطلح عليها إلا لما أشوفها وأجربها بنفسي، فالفكرة دي قائمة على إه؟ الفكرة دي قائمة على أن ببساطة كده الكون كله اللي احنا عايشين فيه أشبه بصندوق مغلق، صندوق مغلق احنا عايشين جوه مفيش حاجة بره، لا يجي له رسالة من خارجي ولا فيه إله ولا فيه ملايكة ولا فيه رسالة السماوية جت ولا فيه أي حاجة، احنا الدنيا اللي احنا عايشين فيها دي وفقط.
ولذلك، ركزوا معي، دي نقطة مهمة اللي أنا هقولها دي وبتفرق في كل أصول الانحراف، أن دايماً الفكرة الضالة المنحرفة بتبدأ ظاهرة حاجة بسيطة، يعني هم بيقولوا أن سيدنا موسى ورينا بس واحنا نؤمن: ﴿لَنْ نُؤْمِنَ لَكَ حَتَّى نَرَى﴾، يعني احنا كل اللي بنطلبه أن احنا مش هنؤمن غير باللي احنا شايفينه. الفكرة دي بتمتد، ودي بقى ركزوا معي وهذا الذي
حصل اللي بيتابع تاريخ أي فكرة وتطورها، زي ما اتكلمنا في سورة الأعراف عن تطور الأفكار؛ إن هما الأول يقولوا: وجدنا عليها آباءنا، إذا فعلوا فاحشة قالوا وجدنا عليها آباءنا، وبعدين يقولوا إيه؟ والله أمرنا به، بيحصل تطور في الفاحشة. واتكلمنا على مسألة تطور المجتمعات في الفاحشة في سورة الأعراف. لأ، هنا إزاي نتعلم إن احنا تبدأ الفكرة بخط وبعدين نمشي نمشي نمشي، نفاجئ إن نهاية الخط ده قمة الضلال والانحراف. وده اللي حصل دلوقتي؛ الحضارة الغربية الآن هي في قمة الانحراف.
البعد عن أخلاق يعني أشبه بالأنعام، زي ما القرآن وصفهم بسبب إن هما مدوا الخط لآخره، اللي بتنشأ الفكرة في أولها لن نؤمن لك حتى نرى. تيجي الفكرة دي من سورة البقرة تفضل تمتد والقرآن يفصل فيها لغاية لما تنشأ عقيدة.
زي في سورة الجاثية: إن هي إلا حياتنا الدنيا نموت ونحيا وما يهلكنا إلا الدهر. يعني ما فيش حياة تانية، لا يوجد أي حياة أخرى، ما فيش أي حياة أخرى. يبقى الفكرة بتنشأ إنه بيدعي إنه لن يؤمن إلا بما يراه.
صور الفكرة إن هو يرفض وجود أي حياة أخرى. طيب لما شخص يرفض الغيب ولا يؤمن إلا بما رأى، وهنتكلم دلوقتي على النظرة المادية دي وخطورتها. وفي الآخر اللي هو التعبير القرآني: إن الذين لا يرجون لقاءنا، مش عايز أي عالم آخر، ورضوا بالحياة الدنيا واطمأنوا بها. يعني هو عايز الدنيا بس وراضي بها وعايش فيها، مع إن أصلاً ربنا سبحانه وتعالى في أعظم السور اللي تكلمت عن التحذير من الفتنة وعن نعمة الوحي الذي أنزله الله للتحذير من الفتن، سورة الكهف: ﴿ٱلۡحَمۡدُ لِلَّهِ ٱلَّذِي أَنزَلَ عَلَىٰ عَبۡدِهِ ٱلۡكِتَٰبَ وَلَمۡ يَجۡعَل لَّهُۥ عِوَجَاۜ﴾ [الكهف: 1]. في السورة اللي حذرت من الفتن قال ربنا سبحانه وتعالى في أول فتنة: إنا جعلنا ما على الأرض زينة لها لنبلوهم أيهم أحسن عملا. يعني من أول لحظة ربنا بيقول لك -ودي هنتكلم عنها إن شاء الله في طريقة القرآن في التحذير من الفكرة الضالة دي- إن القرآن حط مركز أو يعني حط حجم للدنيا، ما سابهاش تمتد. اللي حصل دلوقتي إن الدنيا بقت هي بكل حاجة، أصبحت الناس لا تفكر إلا من خلال هذه الدنيا.
يبقى تاني عشان ما يتوهش الأصل الأول من أصول الانحراف -ممكن نصيبه- لأن نؤمن لك حتى نرى، ده احنا ممكن نسميه أو ممكن اللي بيسمى النظرة المادية أو الفلسفة المادية، لا يؤمن إلا بالمادة، لكن أي حاجة غيبية تيجي تكلمه عن الغيب لا يقبل، مش عايز يسيبها، يقول لك لأ، أنا اتكلموا عن ربنا يقول لك لأ شوف الأول، العلم دلوقتي يتطور، جايز والعياذ بالله كما يقول الملاحدة جايز نكتشف ربنا؛ لأن هو متخيل إن الحياة كلها على مقدار الحواس فقط.
لما تيجي تبص في سورة البقرة في آية محورية جداً؛ سورة البقرة يا جماعة زي ما قلت لكم سورة عظيمة، بتتكلم على الجزء الأول انحرافات بني إسرائيل، اللي يجمع مقولات بني إسرائيل في الجزء الأول من سورة البقرة ممكن يحضر سلسلة فصول انحراف؛ لأن النبي صلى الله عليه وسلم قال لنا إن احنا هنتبع سنن من قبلنا، فالنبي صلى الله عليه وسلم قال لنا إن جزء من الأمة دي هيمشي وراهم. فاللي يجمع مقولات بني إسرائيل والتحذيرات الأولى -يعني الجزء الأول من سورة البقرة- تأسيس يخليك تعرف تدخل الأحكام الشرعية اللي في الجزء التاني بدون مراوغة زي ما كانوا بيعملوا بني إسرائيل، كانوا بيروغوا. في آية محورية بتبين أسباب انحراف بني إسرائيل: قول الله سبحانه وتعالى: ﴿وَلَتَجَدَنَّهُمۡ أَحۡرَصَ ٱلنَّاسِ عَلَىٰ حَيَوَةٖ﴾ [البقرة: 96].
ولتجدنهم أحرص الناس على الحياة. يبقى المشكلة بدأت: لن نؤمن لك حتى نرى، أصبحوا أحرص الناس على حياة، انتهت إن: هي إلا حياتنا الدنيا نموت ونحيا وما يهلكنا إلا الدهر. خلاص اكتملت المنظومة بتاعتهم، الرؤية بتاعتهم اكتملت، النظرة بتاعتهم اكتملت، نظرتهم للحياة لا نؤمن إلا بما نراه، لا نصدق إلا بما نراه.
تجد صورة تانية سورة النجم مثلاً، واتكلمت عن سورة النجم، أنا هلتقط مشهد بس ذكرته في سورة النجم. لما تيجي تبص في سورة النجم هو معنى كلام الراجل ده إيه؟ معنى النظرة المادية دي معناه إيه الأصل المنحرف ده معناه إيه؟ معناه إن هو يرفض يصدق أي شيء إلا إيه؟ إلا اللي بيراه بحواسه، حاجة يشوفها بحواسه ساعتها يقبلها، أي معلومة أخرى رافضها. فربنا في سورة النجم من أول لحظة ربنا بيقول إيه: ﴿وَٱلنَّجۡمِ إِذَا هَوَىٰ * مَا ضَلَّ صَاحِبُكُمۡ وَمَا غَوَىٰ﴾ [النجم: 1-2]. النجم كانوا بيتهدوا به، شيء حسي بيساعدهم في الهداية، بس الهداية الحسية في الطريق، فربنا بيقول له: ده أنت المفروض تثق في الوحي أشد من وثوقك في الماديات، الماديات دي النجم قد يهوى والنجم إذا هوى فلا ترى، لكن النبي صلى الله عليه وسلم الوحي لابد أن تكون أشد ثقة في الوحي من ثقتك في حواسك. دي سورة النجم بتعكس الموضوع، يعني مش بتقول قل له خلي عندك يقين في الوحي وده غيبيات زي ما عندك يقين في الماديات، لا لا لأ. القرآن هنا بيستعمل أسلوب مختلف تماماً، بيقول له أنت لازم تثق في الوحي أشد من ثقتك في حواسك، الحواس قد تضل، الإنسان قد فهمه لشيء، وده اللي بيحصل أصلاً.
واللي يتابع أي تطورات علمية -بل هما دايماً يقولوا النظرة المشهورة للعلم وهشير إلى الكتب هل العلم تقدمي ولا تراكمي ولا العلم إيه؟- لا، العلم ثوري، العلم بتظهر نظريات وبعدين تنهار وتظهر نظريات تانية وتنهار، إذاً أنت المفروض يكون عندك شيء ثابت مش شيء متغير، الثابت ده عندك هو الوحي.
لذلك اللي يقرأ سورة النجم، الناس اللي بتحب الكلام الكبير والكتب الفكرية اللي يجي عايز يقرأ في نظرية المعرفة -فين الناس اللي بتحب الكلام الكبير؟ الناس اللي بعضهم بيقول هي نظرية المعرفة أياً كان- يعني تخيل أنت تقرأ نظرية النجم وبتعليك المسألة دي. سورة النجم من أكتر الألفاظ اللي تكررت فيها لفظ -حد فاكر سورة النجم زمان؟- الألفاظ اللي تكررت فيها لفظ إيه؟ لفظ الرؤية: ﴿أَفَرَأَيۡتُمۡ أَلۡلَّٰتَ وَٱعۡزُىٰ﴾ [النجم: 19]، أرأيت، لفظ الرؤية تكرر، ﴿لَقَدۡ رَءَاهُ نَزۡلَةً أُخۡرَىٰ * عِندَ سِدۡرَةِ ٱلْمُنتَهَىٰ﴾ [النجم: 13-14]. لفظ الرؤية تكرر.
عارفين لما فالامام البخاري كان بيشترط في قبول السند اللقيا والمعاصرة، إنه كل راوي يعاصر الراوي، أئمة اشترطوا المعاصرة فقط، يعني لو أنا جالي سند حديث فلان عن فلان، بعض الأئمة اشترط لو فلان ده ثبت إنه عاصر فلان -مجرد إن أنا أعرف إن ده كان في عصره وده، وده لا يكذب وده أيضاً ثقة- بما أنهم متعاصرين ولا يوجد مانع مستحيل من التلاقي بما أنهم متعاصرين، أنا ما حدش ثبت عندي يقيناً أنهم التقيا، بس أنا ثبت عندي المعاصرة بالنسبة لهم، وده ثقة فده كافي في صحة سند. الإمام البخاري اشترط شرط أعلى: لا، ثبوت المعاصرة وأنه يلتقي.
سورة النجم بتقول لك مش بس حصل لقاء، ده فكان قاب قوسين أو أدنى، ده اللقاء، ده قمة القرب في اللقاء: ﴿فَأَوْحَى إِلَى عَبْدِهِ مَا أَوْحَى﴾ [النجم: 10]. الموضوع كان في قمة السند المتصل، ووصل السند إنه رآه. أنت بقى عايز تجيب علومك الدنيوية المتغيرة اللي مليئة بالتغيرات؟ الوحي لذلك القرآن بيتعامل في سورة النجم أن اللي هيفكر بالتفكير المادي فقط أنت مش هتوصل معه لحاجة، ربنا بيقول إيه: ﴿فَأَعۡرِضۡ عَن مَّن تَوَلَّىٰ عَن ذِكْرِنَا وَلَمْ يُرِدْ إِلَّا الْحَيَاةَ الدُّنْيَا﴾ [النجم: 29]. اللي عايز حياة دنيا بس أنت مش هتعرف تتفاهم معه، وده من أول لحظة في القرآن: ﴿الَّذِينَ يُؤْمِنُونَ بِالْغَيْبِ﴾ [البقرة: 3]. يعني من أول لحظة في القرآن اللي هيتعامل تعامل مادي صرف مش هتوصل معه لحاجة، وده كتير في المناظرات؛ حتى أشهر داعية الإلحاد المشهور دوكينز لما يتزنق في المناظرات هو مصمم إن هو عالم مادي صرف فقط، وكل المناظرات هو بيهرب بيراوغ بطريقة مضحكة، يعني حتى لما بيقولوا له: طب وافترض أن كان فيه إله؟ برضه بيبدأ يصف إله بتصور مادي.
هو خلاص، الفكرة دي لما بتسيطر على الإنسان، هو أشبه -أعزكم الله- بالأنعام. لذلك ربنا بيقول في سورة عبس الفارق بينا وبين الأنعام؛ الفارق الرئيسي بينا وبين الأنعام في التعامل مع النعم المحيطة هو النظر. احنا بنشترك في الأنعام في التمتع: ﴿مَّتَاعًا لَّكُمْ وَلِأَنْعَامِكُمْ﴾ [النازعات: 33]. بنشترك مع الأنعام في التمتع بالنعم، بنخالف الأنعام: ﴿فَلْيَنظُرِ الْإِنسَانُ﴾ [عبس: 24]، الإنسان اللي ربنا كرمه: ﴿وَلَقَدْ كَرَّمْنَا بَنِي آدَمَ﴾ [الإسراء: 70]، فلينظر الإنسان إلى طعامه، ما وراء الطعام. المفروض لما يتحط قدامك أكل الأنعام بيتحط لها الأكل إيه؟ تحط راسها في الأكل وتاكل وعايشة حياتها، يتمتعون ويأكلون كما تأكل الأنعام والنار مثوى لهم.
ففي واحد يأكل كما تأكل الأنعام، في التعبير القرآني في سورة محمد: ﴿وَالَّذِينَ كَفَرُوا يَتَمَتَّعُونَ وَيَأْكُلُونَ كَمَا تَأْكُلُ الْأَنْعَامُ وَالنَّارُ مَثْوًى لَّهُمْ﴾ [محمد: 12]. يبقى في واحد يأكل لا كما تأكل الأنعام، سورة عبس: ﴿فَلْيَنظُرِ الْإِنسَانُ إِلَى طَعَامِهِ﴾ [عبس: 24]. يقعد يفكر: ﴿أَنَّا صَبَبْنَا الْمَاءَ صَبًّا * ثُمَّ شَقَقْنَا الْأَرْضَ شَقًّا * فَأَنبَتْنَا فِيهَا حَبًّا * وَعِنَبًا وَقَضْباً * وَزَيْتُوناً وَنَخْلاً﴾ [عبس: 25-29]. لما يقعد كده كل النعم دي، ربنا يقول في الآخر إيه؟ بنشترك مع الأنعام في التمتع: متاعاً لكم ولأنعامكم. لكن نخالف الأنعام في التأمل.
هنقول الوقتي تطور التفكير المادي ده وصل لإيه، لكن تاني عشان نثبت الكلام: القاعدة الأساسية إن أول أصل من أصول الانحراف: التفكير المادي الصرف، وده للأسف انتقل إلى بعض أهل الدين.
طيب التفكير المادي الصرف ده بدأ: لن نؤمن لك حتى نرى، وصل إلى: إن هي إلا حياتنا الدنيا نموت ونحيا وما يهلكنا إلا الدهر، لمرحلة ركن بالحياة الدنيا واطمأنوا بها؛ أصبح لا يفكر إلا من خلال هذه الدنيا، رفض تماماً أي طرح يجي له فيه غيب.
طيب إيه خطورة ده؟ يعني إيه خطورة إن واحد -يعني احنا عايزين نشوف الفكرة بقى لما نوصل الفكرة لآخرها- إيه خطورة أن واحد يقول لك أنا لا أؤمن إلا بما رأيت، أي كلام هتقوله لي.. ولذلك حتى أما تيجي مثلاً تكلم واحد ملحد، فيه فارق بين أقنعني وجود ربنا وبين اللي بيتعامل، لذلك كنت لسة قريب أحد الشباب بيناقشني برضه في قضية الإلحاد يدعي أن هو ملحد.
فالمهم ناقشه هو مصر يعني بداية النقاش معه، وده مهم جداً جداً ما تنقلش في النقطة رقم اتنين غير لما تثبت أنت في النقطة رقم واحد، وده اللي عمله الشيخ عبد الله العجيري في نقاشه مع عمر جبران؛ ما تنقلش النقطة رقم لغاية ما تثبت النقطة رقم واحد. هو مصمم أن ما فيش وسيلة يقينية للمعرفة غير التجربة، مصمم، فبالتالي أنت مهما تقعد اقعد اتكلم للصبح بقى، يعني اقعد احكي بقى واتكلم عن القرآن واتكلم عن السنة واتكلم عن النبي صلى الله عليه وسلم اتكلم زي ما أنت عايز هو مش هيصدق.
المشكلة بقى الخطورة في إيه.. خلي الخطورة دلوقتي، إيه بقى مقالات التفكير ده؟ يعني إيه مقالات أن واحد يقول لك أنا لا أصدق إلا بما رأى؟ أول حاجة.. أول حاجة ركزوا معي بقى عشان نبدأ نعد الكلام. أول حاجة لازم نفهم إن تصوره عبارة عن إيه؟ إن الكون ده حاجة مغلقة، والكون ده عبارة عن أشياء متغيرة حركة دائمة أياً كان بقى مش بتكلم في الفلسفة هل الأصل السكون ولا الحركة؟ المهم الكون مليء بالتغيرات ونظريات وحاجات دي.
فأول قاعدة بيحطها اللي بيؤمن فكرة إنه لا يصدق إلا بالتجربة: إن ما فيش حقيقة، إن كل شيء نسبي، ما فيش حقيقة. يعني تيجي تقول له في إله يقول لك جايز، الإمام جايز، أي حاجة بقت عنده ما فيش حقيقة.
الرد بقى على دي جمع كلمة بالحق في القرآن. شوف الطرح القرآني، شوف الطرح الفكري؛ الطرح الفكري والفلسفة هو قائم أصلاً على أفكار تنقض وتجيء وتنقض، ودي اتكلمت عنها في المعرفة، درس اسمه المعرفة القرآنية.
يقيني.. أول كلمة بدأ بها المصحف: ﴿ذَلِكَ الْكِتَابُ لَا رَيْبَ فِيهِ﴾ [البقرة: 2]. ما ينفعش نتعامل مع القرآن على إيه نظريات؟ نظرية قابلة للنقد؟ لأ، القرآن من الأول إيه؟ لا ريب فيه. وشوف كمية الآيات اللي تكلمت عن خلق السماوات والأرض بالحق، سواء الباقي الملابسة مصاحبة للحق من أول لحظة، في حق.
التاني صاحب نظرة مادية يقول لك ما فيش حق، يعني إيه ما فيش حق؟ يقول لك ما فيش.. شوف شوف الفكرة، تقول له طيب مش أنت يا عم كنت بتقول من شوية لا أصدق إلا بالتجارب؟ طب ما يقول لك طب ما جايز التجربة دي تتغير قدام، يعني حتى لو أنت أثبت له الدين ده جدلا ماديا يقول لك برضه جايز، ده جايز تيجي تجربة تانية تنقض دي، ما فيش أصلاً حاجة ثابتة، وهو ده فعلاً اللي المشركين وصلوا له قبل الملاحدة بتوع اليومين دول، من زمان المشركين خلصوا الموضوع، قالوا بص يعني ووبني إسرائيل قالوا كده: ﴿لَقَدۡ وُعِدۡنَا نَحۡنُ وَءَابَاؤُنَا هَٰذَا مِن قَبۡلُ إِن هَٰذَا إِلَّا أَسَاطِيرُ ٱلۡأَوَّلِينَ﴾ [المؤمنون: 83]. ﴿وَإِن يَرَوْا كِسْفًا مِّنَ السَّمَاءِ سَاقِطًا يَقُولُوا سَحَابٌ مَّرْكُومٌ﴾ [الطور: 44]. شف شف اللفظ ده.. شف اللفظ ده، ده في سورة الأعراف، شف بقى لفظ سورة الحجر: ﴿وَلَوْ فَتَحْنَا عَلَيْهِم بَابًا مِّن السَّمَاءِ فَظَلُّوا فِيهِ يَعْرُجُونَ * لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَّسْحُورُونَ﴾ [الحجر: 14-15].
علمي هيكشف، وده هم زمان المشركين زمان قالوا سكرت أبصارنا بل نحن قوم مسحورون، المشركين المعاصرين قالوا إيه؟ لا فاحنا مش فاهمين بس العلم هيكتشف ده قدام، العلم هيكتشف ده قدام.
نحن معولون على العلم الطبيعي ليكتشف ما أمامه، فأول مصيبة هي أننا نحاول أن نستخرج أصول انحراف النسبية، وما يسمى بـ "الحقيقة"؛ الحقيقة هي أصول انحراف كاذبة. لا، نحن نريد أن نمسك القرآن من خلال الآيات؛ ما أصل الفكرة التي حينما تكون موجودة عند مجتمع تتفرع منها أفكار ضالة كثيرة جداً تنبت كشجرة خبيثة؟ لذلك القرآن سماها شجرة، كما في آية سورة إبراهيم: ﴿كَلِمَةً طَيِّبَةً كَشَجَرَةٍ طَيِّبَةٍ﴾ [إبراهيم: 24]. الفكرة الواحدة، الكلمة الطيبة، تصبح شجرة تخرج أفكاراً كثيرة، وكذلك الكلمة الخبيثة، الفكر الأساسي الخبيث يصبح شجرة تخرج ثماراً خبيثة كثيرة.
الفارق ما بين الشجرة الطيبة أنها لها جذور؛ لأن الخالق سبحانه وتعالى هو الذي تكلم بهذا الكلام، لكن الكلمة الخبيثة ما لها من قرار، ليس لها أصول، سهل هدمها. نحن نريد من خلال الحديث عن أصول الانحراف أن نهدم تلك الأفكار، لأننا لو قعدنا نتكلم على الفروع فكل فترة ستظهر كلمة خبيثة وفكرة خبيثة وفلسفة خبيثة تهدم الدين. نحن نريد أن نرى أصول القرآن؛ فالقرآن حين حذر منها، وتتمسك بعكسها، ويعالجها، فأنت هدمت هذه الأفكار وهذه الشجرة كلها. صلوا على النبي. أنا أشعر أنكم نزلتم في الأول، صلوا على النبي، لعلنا نقول شيئاً مفيداً. عليه الصلاة والسلام. بدل الكلام والتخريف الذي تقولونه، ماذا كنا نقول؟ عليه الصلاة والسلام.
بالضبط، نحن نقول إن فكرة أن "لن نؤمن لك حتى نرى" هي فكرة يركز عليها القرآن، وأنت تتعجب كيف يهجم القرآن على هذه الفكرة. ابحث عن كلمة "الدنيا" في القرآن، اعمل بحثاً أو خاتمة؛ انظر كيف تعامل القرآن مع الدعاء. أحد أوجه علاج القرآن لهذه الفكرة الضالة هو جمع كلمة الدنيا من اسمها، فهي اسمها "الدنيا" أي "الأدنى"، ونحن جعلناها -أو هم جعلوها- العليا؛ ليست العليا المقدسة الوحيدة، بل هي أصبحت عندهم كذلك، وهي هذه الفكرة الضالة.
أول ما قلناه من آثار الفكر المادي الصرف هو أنه لا وجود لحقيقة؛ فإذا جئت تكلمه يقول لك: لا، لا توجد حقيقة أصلاً. وهذا ما حدث عندما كنت أناقش أحد الشباب، فقال لي: لا توجد حقيقة أصلاً. قلت له: لماذا؟ طيب، إذا لم تكن هناك حقيقة، فلماذا تضيع وقتي الآن؟ ولماذا تكلمني؟ سنقعد نتكلم عشر ساعات، وبعد ما نخلص يقول لي: "جائز". والله هذا هو ما ذكره القرآن في سورة الجاثية: ﴿إِن نَّظُنُّ إِلَّا ظَنًّا وَمَا نَحْنُ بِمُسْتَيْقِنِينَ﴾ [الجاثية: 32]. هذه هي الآية التي تلخص نتيجة الفكر المادي؛ حتى "دوكينز" قال هكذا، والله جائز أن يكون هناك مخلوقات أتت وخلقتنا.
أول مصيبة من آثار هذا الفكر هي النسبية. رقم اثنين: ما موقع الإنسان في الفكر المادي؟ الغرب تفكيره كله فكر مادي صفر، وكذلك الشرق؛ ما موقعك كإنسان؟ هم يقولون إن هذا الكون مقفول، لا توجد غيبيات، هو الكون شوية ذرات وشوية حيوانات ونباتات، وفيه إنسان. ما موقع الإنسان عندهم؟ هو شيء من الأشياء، شوية ذرات تكونت وتطورت، عملت شوية حيوانات، والحيوانات قعدت تتطور وتتطور حتى عملت الإنسان. فموقع الإنسان أنه شيء من الأشياء، مادة من ضمن الأشياء. هل له روح؟ هل له فكر؟ هل له غاية أو هدف يبحث عنه؟ لا، لا، الإنسان شيء من الأشياء، رقم من الأرقام، حيوان من الحيوانات التي تطورت. هذه حقيقة موقع الإنسان عندهم، وهذه داروين؛ الإنسان حيوان تطور.
أما موقع الإنسان في القرآن فهو مختلف تماماً، ﴿وَلَقَدْ كَرَّمْنَا بَنِي آدَمَ﴾ [الإسراء: 70]. ممكن الإنسان حين يعرض عن الوحي ينزل إلى ﴿أَسْفَلَ سَافِلِينَ﴾ [التين: 5]، ودي ذكرتها في سورة التين، رحلة السقوط أعوذ بالله إلى أسفل سافلين حينما يبتعد عن الوحي.
بما أن الإنسان شيء من الأشياء في الفكر المادي، سيتم التعامل معه على أنه رقم، على أنه وظيفة، على أنه منتج. قيمتك بالمنتج الذي تقدمه، قيمتك بالفلوس التي تطلعها، قيمتك بالمادة التي تنتجها، هذه هي قيمتك. لكن لا تقل لي مثلاً إن معك شيئاً من الوحي، أو إنك مؤمن، فهم لا يعترفون به أصلاً. إذا فشلت في هذا المنتج نتيجة مرض أو ابتلاء أو إعاقة ابتليت بها، فأنت لا تساوي شيئاً، أنت صفر. بل في بعض الأفكار قيل إنه يتم التخلص منك لأنك لا تفيد؛ الكون مادي، وأنت رقم، ولم تعد تطلع أرقاماً، فليس لك قيمة. فالإنسان فقد قيمته وأصبح شيئاً، والتعبير الذي استخدمه المسيري هو "التشيؤ"، أن الإنسان أصبح حاجة من الحاجات الموجودة، لكن حاجة منتجة، فحسب الإنتاج الخاص بك وحسب تقييمه نعطيك رقماً. تقييمك هو شهادتك، معلوماتك، منتجك، تجيب كم؟ تطلع كم؟ تساوي كم؟ هذا هو تعريفك عند الفكر المادي، وهذا هو الموجود حالياً.
قيمتك عالمياً بالمنتج الذي تطلعه، لكن هل لك أي قيمة بنوع من الاتصال بالغيب عن طريق الوحي؟ لا، هم لا يعترفون به أصلاً، ولا يرون العالم الآخر هذا أصلاً. وهذا بدأ يتسرب إلينا، أن أصبح هناك احتقار -أو ليس احتقاراً بل تعظيم زائد- للعلوم الدنيوية على العلوم الشرعية. قضية العلوم الشرعية ليست واخذة حجماً كبيراً أصلاً، وسنتكلم عن فكرة تعريف كلمة "العلم" عندهم، وهذه من مقالات التفكير الدنيوي المادي.
مقالات التفكير المادي الصرف؛ نحن نأخذ كلمة ﴿لَن نُّؤْمِنَ لَكَ حَتَّىٰ تَرَىٰ﴾ [البقرة: 55]، وأن ﴿إِنْ هِيَ إِلَّا حَيَاتُنَا الدُّنْيَا﴾ [الأنعام: 29]، وأنهم أحرص الناس على الحياة. انظر ونحن نمدها لنشوفها توصلنا لإيه، لأن الفكرة تبدأ بسيطة ثم تبدأ توصل للي يريحك جداً. لما تقرأ للغرب -أو أي أحد ملحد أو غيره- يكون مريحاً جداً أنه يجيب آخر الخط. من الفلاسفة المريحين جداً "نيتشه" مثلاً، عندما تقرأ له واضح جداً؛ آه، نحن شوية حيوانات، هو مريح جاب الآخر. بيشد الخط لآخره: المعاقين نموتهم، وما لو نشقينا.. تظهر السوءة أمام الناس. العوار هذا يظهر أمام الناس، هم قاعدين يتزينون بالحضارات، وهو يظهر على حقيقته، كما وصفهم القرآن بالضبط.
أحياناً نحن نكف من وصف القرآن لهم بأنهم ﴿كَالْأَنْعَامِ بَلْ هُمْ أَضَلُّ﴾ [الأعراف: 179]، هذا توصيف قرآني فعلاً يا جماعة؛ الذي سيفكر تفكيراً مادياً هو في حقيقة الأمر كالأنعام، بل أضل من الأنعام، ويأتي يوم القيامة يتمنى أن يكون كالأنعام: ﴿يَا لَيْتَنِي كُنتُ تُرَابًا﴾ [النبأ: 40]. هذه حقيقة، لكننا نتيجة الزخرفة والاختراعات ننكسر.
طيب، يبقى أول حاجة: ما دام لا توجد حقيقة، فالإنسان سيصبح مجرد شيء، مجرد رقم، منتج متطور من حيوانات، ليس له أي قيمة معنوية؛ قيمته قيمة مادية. طيب، لا توجد حقيقة، الإنسان أصبح شيئاً مادياً. رقم ثلاثة: لم يعد فيه أخلاق؛ لماذا؟ لأن الأخلاق نسبية. هم يقولون الكون هكذا.. طيب من الذي سيقول إن فيه أخلاقاً؟ ما هي شوية أنعام تتصارع مع بعض، والبقاء للأقوى! ما عادت فيه أخلاق، لا توجد أخلاق ثابتة. يعني ما خلق "التضحية" في المفهوم المادي هذا؟ إذا كنا نقول قيمة الشيء بالمادة التي ينتجها، فالدولة هذه موتت الدولة هذه وأخذت فلوسها وعمرتها وأخذت الخيرات التي عندها، خلاص، تبقى الدولة هذه أقوى، هذا موت هذا خلاص، يبقى هذا أقوى، هذا سيطر على هذا يبقى هذا أقوى. خلاص، البقاء.. ما فيه أخلاق، ما فيه مفهوم تضحية، ما فيه عفو، ما فيه تسامح. الأخلاق هذه ليس لها قيمة أصلاً في التفكير المادي. لما تأتي تقول له "خلق"، يقول لك: يجيب كام؟ عارف مثلما كان المسيري يتريق، لما تقول لواحد: "معلش"، يقول لك: "أصرفها منين؟". حتى هي، يريد أن يحول كل شيء إلى أنه يتصرف.
التفكير المادي هذا يجعل ما فيه أخلاق، هذه مصيبة، أن أي شيء ممكن يُشرع عنه، أي شيء ممكن يصبح قانوناً. الشذوذ ممكن يتحول إلى قانون عادي يُقبل به، أي شيء هكذا. ممكن بعد ذلك قتل الأطفال المعاقين يصبح قانوناً عادياً، هو يكلف الدولة ومادياً لا يطلع منتجاً ويجيب خسارة، وبالدراسة قالت كذا، لو بالارقام قالت كذا، إذن نتخلص منه. وفين المشاعر؟ مشاعر إيه حضرتك؟ نحن في كون مادي، نحن شوية ذرات وشوية حيوانات، مشاعر إيه؟ خلاص، هذا نهاية التفكير هذا، وهذا بالفعل موجود. يعني من الكتب المؤلمة جداً التي الواحد يقرأها كتاب اسمه "تأثير داروين" وكتاب اسمه "من داروين إلى هتلر"، يجيب كيف أن فكرة أننا متطورون من الحيوانات ولا يوجد إله، كيف أوصلت واحداً مثل هتلر أن يكون عنده استعداد أن يموت نصف البشرية عادي جداً؛ ما فيه أخلاق حاكمة، ما فيه دين حاكم له. فهذه هي النهاية الطبيعية للفكرة هذه.
أنا أتعمد في زمن حصل فيه انبهار بالحضارة المادية، النظر إليها باحتقار، أنا متعمد أن نبين مدى حقارة هذه الحضارة الخالية من الوحي. في زمن فيه انبهار كما تكلمنا في الهدهد والصدمة الحضارية، أنا متعمد أن نستعمل الألفاظ القرآنية الواضحة: ﴿إِنْ هُمْ إِلَّا كَالْأَنْعَامِ بَلْ هُمْ أَضَلُّ سَبِيلًا﴾ [الفرقان: 44]. في زمن كما قلت فيه فقدان لهوية المسلم؛ المسلم بقى في حالة من الانهزام، أن أي شيء هم يعظمونه نحن نعظمه وينتقل لنا مباشرة. يعني من المؤسف جداً كل شوية يجي لي إعلان في الفيسبوك على بطولة مصارعة ستُعمل في أرض الحجاز، شيء عجيب جداً أن أي شيء يعظمونه.. طب ما علاقة التعظيم بالمصارعة؟
خبر لا أعلم من الذي مات في حلبة ملاكمة وضربة؛ هذا قتل مقنن، لكن لو كان مات في مكان آخر لكانت جريمة! ليه كل حاجة؟ لأن الفلسفة التي هم قائمون عليها غير التي عندنا. نحن لماذا نستورد؟ لماذا حالة الانهزام؟
أنا عارف أنكم تريدون أن تفصلوا قليلاً؛ أحكي لكم قصة ظريفة، حاجة تفصل قليلاً بحيث حتى الذي يريد أن ينام يسمع شيئاً قبل أن ينام. كنت أقرأ كتاباً جميلاً يتكلم في الذي نتكلم فيه هذا، اسمه "العالم من منظور غربي" لعبد الوهاب المسيري. فبيتكلم أننا لماذا دائماً عندنا انهزامية وبنستورد كل حاجة؟ على موضوع المصارعة هذا، يقول القصة عند عودتي من الخارج، عام ألف وتسعمائة وتسعة وستين، زمان يعني؛ عدت من قدام محلات "عمر أفندي" في شارع، وكانوا موقفين قدام عمر أفندي رجلاً لابساً لبس بابا نويل، بلحيته البيضاء وملابسه الحمراء وبدنته الشهيرة، هو أمر معروف لدى أطفال العالم الغربي، فهذا جزء من حضارتهم. لكن واقف بابا نويل، واحد لابس بابا نويل عمال يهزر مع الناس.
مر عليه بضعة أطفال مصريين مشاكسين من أبناء الطبقات الكادحة ممن لا يعرفون هذه البدع الغربية، فلم يفهموا بطبيعة الحال هذا الشيء الأحمر الأبيض البدين. "أنت عامل في نفسك كده ليه؟" ولم يدركوا مضمونه الرمزي، فاعتراهم شيء من الخوف وكثير من الضيق، فالتفوا حوله، وبدأوا يعاكسونه بطريقة لا تخلو من العنف: "خد يالا، مالك أنت عامل كده ليه؟" قعدوا يعاكسونه. فبابا نويل المغترب المسكين، صديق الأطفال هناك، اضطر إلى أن يمسك عصا ويدافع عن نفسه، فكان منظراً مضحكاً للغاية، بابا نويل مشتبك مع الأطفال في معركة حامية الوطيس دفاعاً عن النفس. فأنظر، أنت لماذا مصمم تنقل كل حاجة؟ طب هذا جزء من تفكيرهم، جزء من حضارتهم، أنت لماذا مصمم تنقله كما هو؟ مش بتاعنا، ليست أفكارنا، نحن لنا طريقة تفكيرنا.
في أحاديث يا جماعة، وهذه قيمة الارتباط بالقرآن والسنة حتى بدون ما تقرأ للمسيري ولا لأي أحد، قيمة الارتباط بالقرآن والسنة أنه يعيد ترتيب الأولويات. عارف لما يأتي حديث؛ واحد جاي يتقدم لواحدة والنبي صلى الله عليه وسلم يقول له: «أمعك شيء من القرآن؟». هذا الحديث يجيب الفكر المادي، تربية، هو مش حيفهمها أصلاً، مش حيتصورها، أو أنه يقدم من أتقن البقرة وآل عمران، هو مش حيفهم هذا، والذي يقف في الإمامة الأقرأ، فيه حاجات مش حيتصورها، هي مش عنده، ليس عنده تعريف لها أصلاً.
فإذن نحن لماذا نستورد هذا أصلاً؟ ثاني مقالات التفكير هذا: غياب الحقيقة، الإنسان يصبح -كما هم يقولون- شوية ذرات متسخة ماشية، شوية حاجات غريبة جداً، هذا تعريف الإنسان.
شيء مادي، فبالتالي قيمتك حسب منتجك المادي. ثالثاً: ما فيش إيه؟ إيه اللي هيغيب؟ أخلاقه. لن يعود هناك أخلاق، الأخلاق ستكون نسبية، وأحلت على كتاب من داروين إلى هتلر، أو تأثير داروين.
نشأ بعد ذلك -عشان ما أطولش عليكم ودي كنت عايز أعملها درس لوحدي، بس أقولها سريعاً هنا- لما رضوا بالحياة الدنيا واطمأنوا بها. ركز بقى معي، التطور شوف بيوصل إزاي. تصور الفكرة لا يؤمن إلا بما يرى، حط تفكير الإنسان في زكاة وعنده طاقة، حط كل طاقته وكل ذكاؤه، كل ده حطه في الدنيا بس.
فعلاً أبدع وأنتج وصنع به فعلاً حضارة مادية مبهرة، حتى لو خارجة عن الاحتياجات. وأنا جاي كنت بسمع مقطع جميل للشيخ عبد الله الشهري -لا أتذكر اسمه- قلت: سبحان الله! اسمه الاكتفاء بالحاجات الأساسية في القرآن وفي النظرة المادية. الفارق ما بين طريقة القرآن في عرض الاحتياجات، وطريقة التفكير المادي في عرض الاحتياجات؛ مقطع جميل تسع دقائق يوضح إزاي أن القرآن بيخليك عندك نوع من الرضا، ولما بتيجي تبتكر، بتبتكر في أشياء أنت محتاجها بالفعل.
الحضارة المادية المفروض الاحتياج يخليك تدور على اللي أنت بتصنعه، هم لا، هم يصنعون؛ فلما حاجة تُصنع تبقى أنت محتاجها، فكل شوية تحس بنوع من الاحتياج جديد. كل شوية عايز تغير الموبايل بتاعك وأنت مش محتاج تغيره، بس أنت عايز تجيب الأعلى؛ ليه؟ لأن هو بقى موجود، فبيصنع لك احتياجاتك فبيدفعك دفعاً. فكرة المول أنك تعدي تقعد تتفرج على الحاجات والعربية وقاعد بتعدي وأنت اللي في الآخر إيه؟ أنت اللي هتدفع في الآخر. ده فكرة العرض، أنك أنت يصنع احتياجاتك. المهم كنا بنقول إن لما بقى تفكير مادي صرف، حط كل طاقته الذهنية والإبداع اللي عنده كإنسان حطه فين؟ في التفكير المادي، فبالفعل بدأ ينتج حضارة.
صدق نفسه أكتر، بصوا عشان أقول لكم لخطورة الفكرة دي: تخيلوا لو سيدنا آدم الشيطان جه لسيدنا آدم قال له: كل من الشجرة، ماشي، قال له الشجرة دي أنت لو أكلت منها هتكون ملك، وتكون من الخالدين؛ دخل الاحتياج الإنساني الباحث عن الملك والخلود. تخيل لو سيدنا آدم لما كل من الشجرة، إيه اللي حصل؟ خرج من الجنة: ﴿اهْبِطُوا مِنْهَا جَمِيعًا﴾ [البقرة: 38]. طب تخيل لو سيدنا آدم لما أكل من الشجرة راح لجنّة أعلى، ابتلاء؛ فهنا هيحصل نوع من، هل يصدق أن دي كانت حرام؟ ولا يصدق الشيطان؟ ده بيحصل أن أحياناً من الابتلاء لما يحيد الدين ويهتم بالدنيا أكثر، يحصل تقدم أكثر، فيزداد فتنة، نحي الدين أكثر فيهتم بالدنيا أكثر فيتقدم أكثر، هنا تيجي الفكرة.
وهذه أعظم فتنة في هذه الأمة، بل في حديث النبي صلى الله عليه وسلم، شوف الحديث ده ممكن يلخص اللي أنا عايز أقوله النهاردة كله: «لكل أمة فتنة، وفتنة أمتي في المال». في نظري أن ممكن يبقى خطأ المال هنا مفهوم أوسع من مجرد الفلوس، يعني مادة عموماً. وده اللي حصل في الأمة دي؛ إن الأمم الكافرة تقدمت مادياً كثيراً عن الأمة الإسلامية. دي من أخطر الفتن اللي بنواجهها؛ يعني سيبك من أي شبهة والشاب يقعد يناقشك، هو متأثر بالحضارة المادية المتقدمة، خليك أنت بكرة تقدم، يقول لك: أنا اقتنعت بالإسلام جداً، مش ممكن، أنا إزاي ما كنتش واخد بالي من الإسلام؟
يعني هو بيشجع الكسبان، أكبر فتنة أن تنحية الدين تجيب تقدم. ينحي الدين أكثر يجيب تقدم، وده حصل مع سقوط الخلافة العثمانية، ينحوا الدين يحصل تقدم، ينحي الدين يحصل تقدم، فيزداد فتنة. إيه ده؟ زي الدجال كده، هو إيه الدجال؟ ما هو الدجال قمة السيطرة المادية على الكون.
فالنظرة المادية بتوصل في الآخر لقول الله سبحانه وتعالى: ﴿حَتَّىٰ إِذَا أَخَذَتِ الْأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا﴾ [يونس: 24]. أول ما يسيطر كده وتطلع الأرض خيراتها وهو يعمل اختراعات كتير، يقوم إيه يحس بإيه بقى؟ وظن أهلها أنهم قادرون عليها. هي دي بقى المصيبة، أنه يحس أنه ما عادش محتاج غيب أصلاً، ولا محتاج دين، ده هو قادر على السيطرة على الأرض. هنا بقى تنشأ نزعة بيسموها "العلموية"، اللي هي أن العلم بيقدر يحقق لنا كل اللي إحنا عايزينه، إحنا مش محتاجين حاجة، مش محتاج الدين، محتاج الدين في إيه؟ أنا أتقدم آه في طب وأعالج الأمراض وأتقدم في الهندسة وأعمل مباني وهتقدم في كذا وأعمل كذا وهكتشف وهسافر وهطلع برة الأرض وهعمل كل حاجة، وهكتشف سر الحياة وهنعيّن الجسس عشان لما نكتشف سر الحياة، ومش عارف إيه ضد الهرم ضد الموت، معتقداً واهماً أنه يقدر يعمل كل ده: ﴿وَظَنَّ أَهْلُهَا أَنَّهُمْ قَادِرُونَ عَلَيْهَا﴾. دي من أكبر الفتن؛ نتيجة أنه لما ركز في الفكر المادي أنتج بالفعل، فازداد فتنة على فتنة.
إزيكوا؟ كلمة علم إيه يا جماعة؟ يعني إيه؟ يقلبوا جوجل مع بعض كده يعني إيه علم. طب هو أصلاً الساينس عندهم اللي هو العلم التجريبي، يعني على علوم العقيدة، أن العلم عنده هو التجريبي فقط، ده العلم. أي حاجة تانية ممكن يسميها اعتقاد، يسميها فيث، يسميها ما يسميهاش علم؛ ده مش علم. حتى إحنا مثلاً لما نيجي نقول إيه؟ للأسف لما أجي أقول لك الإعجاز العلمي في القرآن أنت أول ما بيقولوا إعجاز، يعني بيبقى على طول الحاجات الطبيعية، طب وهو اللغة مش إعجاز علمي؟ وهو التأثير القرآني النفسي مش إعجاز علمي؟ كان بعض المعاصرين، أعتقد اللفظة دي، وإن كان القائل لها ما يقصدش ذلك، لكن عايز أقول لك إن اترسخ عندنا إنما نقول كليات علمية، أكيد بننحي منها الكليات الشرعية، مش دي كليات علمية؟ ليه؟ وده مش علم؟
يعني ليه أصبح تعريف العلم؟ ما هو يعني إيه علم يا جماعة؟ هو يقول لك العلم ده لا ينفع أن يُصدق، أي حاجة تانية هي بتعبيرهم يقول لك: "تحتاج وثبة عقدية عشان تؤمن بها"، لكن مش علم يُصدق؛ لا دي عقيدة أنت حر فيها. وده في النقاش اللي كان ما بين الشيخ عبد الله العجيري وعمر جبران، الميزة اللي عجبتني في عمر، بيقول أنا استفدت من كلام عمر زي ما استفدت من الشيخ عبد الله العجيري أنه كان واضح، والراجل واضح جداً: "أيوه، أنا بصدق في العلم، الباقي ده معتقدات"، بيقول له ببساطة كل واحد يعتقد في اللي هو عايزه، إن شاء الله يعتقد في المتناقضات، إن شاء الله يعتقد في تخاريف؛ عين معتقدات، لأن كده كده ما عندكش عليها أدلة، خلينا في العلم.
فنشأت فكرة "العلموية" دي، أنصحكم بمحاضرة للشيخ عبد الله العجيري اسمها "العلموية"، أن خلاص بقينا لا نصدق إلا بهذا، وبقينا نقيم بعض، يعني مثلاً من باب نقد الدعوة أو التيار الإسلامي، تلاقي مثلاً أنت جاي تتكلم في التفسير، فتلاقي إيه؟ الدكتور إيه علاقة الدكتور أحمد بالتفسير؟ يعني إيه الاحترام الزائد اللي المفروض يُحترم لك لما تبقى أنت طبيب؟ إيه علاقة ده؟ أنت ممكن تبقى جاهل في التفسير، فسطوة الدال دي نتيجة أن في ناس بتقدس أشياء معينة. طب وده إيه علاقته بالعلم الشرعي؟ طب ما هو النبي بيقول: «إن الله يبغض كل عالم بالدنيا جاهل بالآخرة». مش يبغض كل عالم بالدنيا بس، يعني مش كل اللي يتعلم دنيا وربنا، لأ، اللي ربنا أدى له القدرة، هو ده اللي هيسخرها كلها.
يا جماعة أنا ما سبتش الدنيا عشان أنا عارف الناس عندها حساسية جداً لما بتيجي سيرة الدنيا، خلاص؟ لكن هي متعفنة كده كده، عندهم حساسية أو ما عندهمش حساسية ده واقع. أن النبي بيقول إن اللي ربنا أدى له أدوات سخرها كلها وساب الآخرة، طب ليه؟ تلاقيه لا يحسن قراءة الفاتحة، تلاقيه اتكلم تلات أربع لغات ولا يحسن قراءة الفاتحة، هو ده المقصد بالحديث. الشاهد أن نشأ بقى رقم أربعة من مآلات التفكير ده، أنه لما: ﴿وَظَنَّ أَهْلُهَا أَنَّهُمْ قَادِرُونَ عَلَيْهَا﴾ حسوا أنهم مش محتاجين ربنا. يعني في كمية نصوص هنا، شيء يعني الكلام واضح؛ نشأت نزعة بيسموها في كتاب دكتور سلطان العميري "ظاهرة نقد"، بيقول في نزعة "الإنسانية المستغنية"، بيقول إيه النزعة دي؟ ترى الإعلاء من شأن أي موجود آخر فوق الإنسان، هذا يعني بالضرورة تحقير الإنسان. شوف بيقول إيه بقى، شوف الكلمة اللي تعبر عن تفكيرهم الوقتي: "فبقدر ما يرفع الإنسان من شأن الله -والعياذ بالله عندهم- بقدر ما يحط من قدر نفسه". بيقول واحد تاني كفار كتير ما تقلقوش، واحد تاني بيقول: "الإنسان قد خضع لله بسبب عجزه وجهله، والآن وقد تعلم وسيطر على البيئة"، اللي هو القرآن سقط في كلمة إيه؟ ﴿وَظَنَّ أَهْلُهَا أَنَّهُمْ قَادِرُونَ عَلَيْهَا﴾، "وخد بالك، ظن أنه هيظل مسكين، والآن وقد تعلم وسيطر على البيئة فقد آن للإنسان أن يأخذ على عاتق نفسه ما كان يلقيه من قبل في عصر الجهل والعدل على عاتق الله، ومن ثم يصبح أي الإنسان هو الله"، والعياذ بالله.
شوف تعبير صريح لمآلات هذا الفكر، هو يؤلّه نفسه، ﴿أَفَرَأَيْتَ مَنِ اتَّخَذَ إِلَٰهَهُ هَوَاهُ﴾ [الجاثية: 23]؛ طموحاته الدنيوية بقت هي الإله اللي بيعبده. ده يا جماعة تطور طبيعي لهذا التفكير، فبمجرد تنحية الغيب هتوصل لكل المصائب دي وأكثر.
أنا طولت، آخر حاجة أختم بها، طبعاً موضوع العلموية كان المفروض ياخد وقت أكبر من كده، بس أنا أحيلكم على مصادر؛ أننا حتى لما بقينا ندرس العلم الوقتي، عجبني -سبحان الله كنت الموضوع الواحد مهتم به من زمان- عجبني أحد أساتذتنا عندنا في كلية طب، أحسبه على خير والله حسيبه، كتب منشور ساق فيه الفكرة أننا لما بنيجي ندرس أي علم زي طب أو غيره، إحنا بندرس بطريقة "كيف"، إزاي الخلية بتعمل؟ إزاي كذا؟ ما بندرسش بطريقة "ليه"؟ يعني مثلاً بيتكرر كل فترة والنقاشات الكسوف هم بيبصوا له إزاي؟ إزاي يمكثوا في الأرض والشمس والارض؟ بس هو ده آخره ونقطة. المسلم بيتعامل معه إزاي؟ لأ، آية من آيات الله ويسبح ويخاف ويتصدق ويصلي، الكسوف عندنا هو "ليه" ومين؟ فعندنا آية يخوف الله بها عباده، مع فهم إزاي، هو إزاي ونقطة، ما بيفكرش وراء المعلومات دي. فده في كل حاجة؛ لو إحنا كنا بنتعلم العلم في كل معلومة أنت درستها درستها أنك تقول سبحان الله، فهو بيقول أنا تحسرت على سنين الطب اللي ضاعت من عندي أني ما كنتش بسبح في كل معلومة كنت بدرسها.
لأن إحنا يا جماعة ماشيين مغيّبين، اتحطينا في كي جي وان واطلع لغاية ما وصلت لغاية ده، مش عارف أنت وخلاص، لغاية لما تدفن ما فيش، وأنت بتفكر في أي حاجة، واشتغل فلوس وبتاع وهات، خلاص مت العزاء. فحتى السؤال مادي، لسه طب حتى بعد ما أنا مت يا جدعان الفلوس دي أنا محتاجها؟ لأ، برضه الناس تقول علينا إيه إحنا ما بنفكرش، وهو ما يعرفش يجاوب السؤال ده أصلاً. بل لما بيتسأل ويتزنق في السؤال ده، يعني مش فاكر مين فيهم، زي ما قلت لكم الكفار كتير مش فاكر مين دول، قال أن سؤال "من" أو سؤال "ليه" إذن سؤال سخيف. يعني إيه سخيف؟ ما تجاوب على السؤال، يعني العقل مش المهم يعرف إزاي. ففكرة أن دي بتأثر في دي وتأثر في دي وشكراً على كده، ما هو مين اللي عمل ده؟ وده اللي خلى أحدهم يقول أن القوانين هي اللي خلقت الطبيعة. بجد، إحنا لو رمينا شوية قوانين كده على الأرض هيطلعوا لنا "لأ" وكتاب وينتشر، شيء عجيب فعلاً.
الخلاصة أن ده أمر كنت محتاج أحيلكم فيه على مصادر. آخر حاجة أن أصبحت المادة -وده قلتها في ثنايا الكلام- هي مصدر التقييم، مصدر الحق، بمعنى أن لما كانوا بينتقدوا الكفار أن اللي أنتم بتعملوه ده باطل: ﴿إِذَا تُتْلَىٰ عَلَيْهِمْ آيَاتُنَا بَيِّنَاتٍ قَالُوا أَيُّ الْفَرِيقَيْنِ خَيْرٌ مَّقَامًا وَأَحْسَنُ نَدِيًّا﴾ [مريم: 73]؛ يعني أنت بتقول له أنت على باطل، يقول لك: ده أنا معايا فلوس كتير، أنت مش يعني.. وقالوا: ﴿نَحْنُ أَكْثَرُ أَمْوَالًا وَأَوْلَادًا وَمَا نَحْنُ بِمُعَذَّبِينَ﴾ [سبأ: 35]. هو إيه الرابط؟ يعني هو ربط أن اللي معه فلوس أكثر هو أحسن، وبقى ده عندنا بيتسرب إلينا، أن تقييم الفكرة صح أو غلط، وده أنا شرحته بالتفصيل في سورة الفجر، لأن سورة الفجر في جزء كبير منها بيعالج هذه القضية: ﴿فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ * وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ﴾ [الفجر: 15-16]؛ كلا! التفكير ده غلط، التفكير ده غلط، نشأ عندكم ليه؟ نشأ عندكم؟ يعني ليه التفكير ده نشأ عند الإنسان؟ كلا بل لا تكرمون.
ولا تحضُّون على طعام المسكين، وتأكلون التراث أكلًا لَمًّا. التفكير ده نشأ عندكم، وتحبون المال حُبًّا جَمًّا. اللي هو التفكير المادي ده اللي هو فتنة أمتي في المال. بقينا نقيم الفكرة، بقينا نقيم الشخص تقييم على أساس المادة، بل للأسف حتى تقييم -يعني- ممكن يكون علم أو منتج دعوي، نشوف كم واحد شافه، نشوف الكتاب اتباع منه كم نسخة. انتقل ده عندنا، يعني بحيث لا -يعني- لا نشعر، حتى تقييمك لنفسك -وده أتكلمت عنه في مقطع تحقيق العبودية ولا تحقيق الإنجاز- أن بقيت تقيم نفسك بالإنجازات، بعدد الكتب، عدد الأوراق.
بقيت كل حاجة لها أرقامها، عايز تقيم نفسك رقميًا؛ عدد مش عارف إيه، عدد الركعات، عدد المعلومات، بتقيم نفسك كده. ما هو ده مش، ده جزء من التقييم مع النظر للعبودية، فالقضية تحقيق العبودية مش تحقيق الإنجاز، ده انتقل عندنا. أنا قلت خطورة الفكرة دي أن بتوصل الإنسان أنه يظن وظن أهله أنهم قادرون عليها، زي ما ربنا قال: ﴿وَظَنُّوا أَنَّهُمْ مَانِعَتُهُمْ حُصُونُهُمْ مِنَ اللَّهِ﴾، زي ما ربنا قال عن سبب كفر الكافر: ما أظن أن تبيد هذه أبدًا. لا يمكن، إحساس أن الإنسان سيطر على كل حاجة وقفل كل أسباب السقوط بتخليه يشعر بحالة من الطغيان، وده اللي من أول لحظة ربنا قال لنا عنه في القرآن: ﴿كَلَّا إِنَّ الْإِنْسَانَ لَيَطْغَى * أَنْ رَآهُ اسْتَغْنَى﴾. طب الإنسان بيستغني بأيه؟ بيستغني بإحساسه الوهمي، بإحساسه الوهمي بالسيطرة على الطبيعة.
دي كانت أفكار سريعة عن أول أصل، أو تلت أربع أصول بقى من أصول الإنحراف؛ سواء بقى قلنا لن نؤمن لك حتى نرى، أو وظن أهله أنهم قادرون عليها، أو نحن أكثر أموالًا وأولدًا. تلت أفكار من أفكار الضلال: نفي الغيب، إحساس السيطرة على الكون، التقييم المادي للأفكار. تلات حاجات دول اتكلمنا عنهم النهاردة، وأشرت لبعض المحاضرات اللي أنا كنت ذكرتها في بعض التفاسير يرجع لها. في كتاب المسيري -كنت بختلف معه في بعض القضايا- اسمه المادية وتفكيك الإنسان، دي مراجع اللي عايز يرجع. يعني اللي عايز يكتفي بالوحي يكتفي بالمحاضرة ويرجع يقرأ بقى القرآن يدور على الدنيا.
لأن عايزين نشوف إزاي، إزاي القرآن عالج الفكرة دي؟ يعني لما تيجي تقرأ أي كتب فكرية هتلاقيه مثلاً إيه؛ تحليل النظرة المادية، مآلات النظرة المادية. القرآن، القرآن عمل حاجة تانية بقى؛ القرآن قال لك هي إيه الدنيا دي أصلاً؟ ومين الإنسان؟ ونشأ ازاي؟ يعني إذا كان النظرة المادية بتقول إن الإنسان هو حيوان متطور بصورة عشوائية، مين الإنسان؟ وايه وظيفته؟ وأنت جاي هنا ليه؟ ومن أول لحظة: إِنِّي جَاعِلٌ فِي الْأَرْضِ خَلِيفَةً. إيه دورك؟ يعني اللي عايش يا جماعة نظرة مادية صرف، صرف تماماً، ويقرأ القرآن يحس بقيمته.
واقْرَءوا قصة إسلام جيفري لاند؛ إزاي أنه لما قرأ أول سورة البقرة أسلم؟ أسئلة كتير كان بيسألها لنفسه السورة جاوبت عليها، يعني فهم قيمته، أنا ليه الدور ده في الأرض؟ يعني أنا الناس بتحاسبني بمجرد شهادات وأرقام؟ أنا ربنا قال عني للملايكة: إِنِّي أَعْلَمُ مَا لَا تَعْلَمُونَ. ربنا يباهي بعباده الصالحين الملائكة! أنا! أنت ممكن تصل لأعلى عليين، أنا ربنا بيقول: أعددت لعبادي الصالحين ما لا عين رأت، ولا أذن سمعت، ولا خطر على قلب بشر. بس أنا، يعني أنت تفهم، افهم قيمتك، تفهم الدنيا وحقارتها، اعْلَمُوا -ده مما يعلم، ده علم- سورة الحديد: ﴿اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ﴾. ده مما ينبغي أن يعلم، يعني ده دروس علمية تسمعها عن حقارة الدنيا وعدم الاحتفاء بها والتقييم على أساسها.
فالقرآن لما عالج عمل إزاي؟ القرآن عمل إيه؟ صنع منظومة كاملة عكس النظرة المادية دي تمامًا. فاللي ما قرأش الكلام اللي أنا قلته، ولا قرأ الكتب دي، ولا ما له علاقة ولا عايز يقرأ الكتب دي؛ أهم حاجة يكون البناء القرآني عنده واضح بس، يفهم دوره في الحياة، يفهم أصله، يفهم غايته، يفهم سببه، يفهم قيمته، يفهم قيمة الدنيا، علاقة الدنيا بالآخرة، يفهم هذه المفاهيم من القرآن. مش محتاجين أنه يقرأ حاجة تانية، مش محتاجه بقى يقرأ الكتب اللي أقول عليها أو أي حاجة، هو يفهم ده كويس وما يتأثرش بالحضارات الأخرى، ما يتأثرش بزخرف الدنيا بزينتها. اقرأ مثلاً سورة الزخرف، شف إزاي سواء المشركين أو فرعون كانوا عايزين تقييم مادي. يعني المشركين بيقولوا إيه: لولا نزل هذا القرآن على رجل من القريتين عظيم. وفرعون بيقول: لولا أُلْقِيَ عَلَيْهِ أَسْوِرَةٌ مِنْ ذَهَبٍ أَوْ جَاءَ مَعَهُ الْمَلَائِكَةُ مُقْتَرِنِينَ. ده تفكير مادي وده تفكير مادي، ده تقييم للشخص على حسب الشرف، وده على حسب الصورة من الذهب والمال.
فطريقة القرآن هدمت الفكر المادي ببناء نموذج آخر يكرم الإنسان، ويضع الدنيا في حجمها الحقيقي، ويضع الآخرة في الموضع الرئيسي فيها، ويبين لك أن من أول لحظة لن تهتدي بهذا الوحي إلا إذا كنت من الذين يؤمنون بالغيب. أول لفظ قرآني، وزي ما قلت لكم كثير من مشاكل بني إسرائيل كانت بسبب التفكير المادي، بل أظن شاكر -مين اللي عمل عن التفكير المادي عند بني إسرائيل؟ يا إما الدكتور صلاح الخليلي في كتاب الشخصية اليهودية من خلال القرآن، يا إما البهي الخولي في كتاب بنو إسرائيل في القرآن- حد فيهم اللي التقط فكرة التفكير المادي. وطبعا اللي أشار إليها كثيراً خلال التفسير فريد الأنصاري في سورة البقرة؛ فكرة التفكير المادي عند بني إسرائيل وإزاي ده انتقل لنا. بل حتى بمجرد المجاوزة للبحر بقى عايزين إله مادي: ﴿اجْعَلْ لَنَا إِلَهًا كَمَا لَهُمْ آلِهَةٌ﴾. بل حتى تفكيرهم عن الله تفكير مادي، وده هنتكلم عن أصل من أصول الانحراف: قالوا ﴿يَدُ اللَّهِ مَغْلُولَةٌ﴾. كل تفكيرهم كان تفكير مادي، انتقل التفكير ده.
لذلك -وأختم به معلش أنا آسف- دي اللي كنت عايز أتكلم فيها مسألة الدجال؛ أكثر الناس اتباعاً للدجال اليهود، ده تفكيرهم المادي يتجلى في أبقى الصور فبيتبعوه. كده احنا بنكتفي من المراجع زي ما قلت لكم كتاب المادية وتفكيك الإنسان لعبد الوهاب المسيري، أو كتاب العالم من منظور غربي، كتاب ظريف -وإن كان هو العالم هنا ومنظور غربي مركز شوية على المصطلحات اللي هم بيصدروها لنا وبيضحكوا بها علينا-. إزاي إزاي كانوا بيشتموا في الخلافة، وإزاي كانوا بيقولوا على الدولة العثمانية اسم رجل أوروبا المريض، وليه سموه كده، قصة كده كان مركز شوية على موضوع المصطلحات.
مين الكتب المهمة اللي -مش عارف هل هنفرد لها محاضرة أصلاً؟- مسألة العلمانية؛ لأن العلمانية هي النشأة الطبيعية للفكر المادي، إزاي ده ممكن ربنا ييسر ونحاول نفرد له محاضرة. لأن العلمانية أنا شايف أن لا ينبغي لمسلم يريد أن يحمل دين الله -يعني- ما يكونش عنده تصور عن العلمانية، ما ينفعش. العلمانية متغلغلة في العالم الإسلامي، فما ينفعش تكون منسوبة من العلمانية، والعلمانية أصلاً نشأت بسبب هذا الفكر المادي. فممكن ربنا ييسر نحاول نشرح نشأتها وتفكيرها، يعني إيه؟ يعني كلمة بنسمعها كتير؛ يعني هي العلمانية هي العالم المنظور، والمادية هي الإيمان بالعالم المنظور فقط. فده تطور طبيعي جداً نشأة العلمانية، تطور طبيعي جداً جداً للفكر المادي.
المرة الجاية إن شاء الله هنتكلم على أصل من أصول الانحراف ونربطه بالعلمانية، نجمع بين الفكر المادي وأصل تاني، وبردو موجود من خلال سورة البقرة زي ما انطلقنا النهاردة من خلال سورة البقرة. اللي عايز رد على العلموية لو حد في الأول يسمع محاضرة عبد الله العجيري لو ناس مهتمة اهتمت بقراءة الكتب الفكرية. في كتاب لرضا زيدان اسمه نحو منهج وصفي للعلم، بيرد على فلسفات العلم المعاصرة. وكده نكتفي بهذا القدر، سبحانك اللهم وبحمدك، نشهد أن لا إله إلا أنت، نستغفرك ونتوب إليك.
د. أحمد عبد المنعم