د. أحمد عبد المنعملقاء اليوم بإذن الله سبحانه وتعالى مش هيبقى يعني احنا بنقول إن في سلسلة اسمها نقاشات تربوية. بيكون الغرض من سلسلة نقاشات تربوية يعني بعض القضايا في الحياة زي مثلا عملنا درسين في فقه الحياة والارتقاء في معارج الإيمان. درس الليلة ممكن يتحط ضمن الأمسيات التربوية بس هو ألصق حقيقة بقضايا القرآن. ولقاء اليوم إن شاء الله بإذن الله سبحانه وتعالى أسأل الله سبحانه وتعالى أن يفتح لنا وأن يسددنا وأن يتقبل منا وأن يجعل أعمالنا خالصة لوجهه سبحانه وتعالى. اللهم اجعلنا من أهل القرآن الذين هم أهلك وخاصتك.
لقاء اليوم ممكن يكون داسم شوية لأنه هو أشبه بتجميعة قرآنية. وده بيكون فيه صعوبة شوية للإن الإنسان إزاي يجمع المعاني المتناثرة في القرآن. هي مبثوثة في القرآن لكنه بيكون معنى متواتر. تاني كده. بيكون عندنا أحيانا معنى متواتر في الوحي موجود بكثرة. دورك وده بيبقى اللي هو بيسموه السهل الممتنع، إزاي معنى متواتر ومبثوث في القرآن وأنت مطالب إنك تجمع شتات هذا المعنى في صدرك.
تمام، وده أحد والله أعلم وأعلم كنت أديت درس اسمه تثوير القرآن والمعاني المركزية، أحد أوجه تثوير القرآن. دايما لما بنسمع مصطلح تثوير القرآن ذهننا بيتجه مباشرة لفكرة المعاني الدقيقة واللطائف والمعاني المستنبطة الغريبة، في حين والله أعلم وأعلم أظن يعني إن أولى المعاني بتثوير القرآن مسألة المعاني المبثوثة في الوحي لكن الإنسان بيغفل عنها من شدة ما مبذولة أمامه. يعني مثلا لما أنت تعمل ختمة وتبحث عن كيف حدثنا القرآن عن علم الله. ده معنى بديهي.
لكن إزاي بقى القرآن لأن القرآن مثاني يكرر المعنى ولكن أيضا مصرف، يعني يكرر نفس المعنى بطرق مختلفة. تمام؟ فلقاء اليوم أشبه كده كان في درس اسمه جهود الشيطان في الصد عن القرآن، كان برضه فكرة تجميعية. لقاء اليوم ممكن نسميه رحلة الإنسان مع الآيات والفرقان. لقاء اليوم ممكن نسميه مبدئيا رحلة الإنسان مع الآيات والفرقان. إيه لفظة الآية والآيات في القرآن لفظة متواترة. يعني أنا كل لما أقول إيه أنا هعيش مع السورة دي عشان أنظر لفكرة الآيات في الوحي، وأفاجأ إن السورة دي بتسلمني لسورة ثانية بتتكلم في نفس المعنى، وأفاجأ إن العائلة القرآنية دي إن صح التعبير بتتكلم في نفس المعنى.
وهكذا ففوجئت أنه معنى متواتر وهي دي مشكلة المعاني دي بالنسبة لنا طبعا، لكن هي مش مشكلة إن هو سهل ممتنع بيحتاج إنك تعمل أكثر من ختمة مستحضر هذا المعنى. تمام؟ الآيات والفرقان هي سورة محورية ولكنه أيضا معنى متواتر في الوحي، قضية الفرقانية بين الحق والباطل. طيب، قبل ما نتكلم في لقاء اليوم المعنى المركزي اللي هنتفرع منه هو أصلا لماذا نحتاج الآيات؟ لماذا نصب الله سبحانه وتعالى لنا الآيات؟ إيه رأيكم؟ ليه ربنا لنا الآيات أيا كان الآيات هي إيه؟ يعني هنتكلم على أنواع الآيات المذكورة في الوحي، لكن ليه ربنا حط لنا الآيات أصلا؟ هو الآية بمعنى إيه؟ علامة. علامة على إيه؟ على وجوده. ها؟ للتذكرة. إيه رأيكم؟ إيه تاني؟ أسمائه. للتعرف على الله تعالى، يبقى إذن الله سبحانه وتعالى بعض العلماء قال: الحمد لله رب العالمين، العالمين جمع عالم.
وعالم في اللغة بعضهم بيقول هذا اسم آلة على وزن خاتم، فالخاتم هو ما يختم به، والعالم هو علامة على الله، ما يدل على الله سبحانه وتعالى. فمن أول كلمة وأنت بتستفتح الوحي: الحمد لله الذي جعل لنا هذه العلامات لتدل على ربوبيته سبحانه وتعالى. لو جينا للسؤال المحوري بتاع لقاء اليوم، كيف نتعرف على الله سبحانه وتعالى؟ هل الله سبحانه وتعالى غيب أم شهادة؟ بالنسبة لنا. غيب. غيب بالنسبة لنا، غيب. أسأل الله سبحانه وتعالى أن يرزقنا لذة النظر إلى وجهه سبحانه وتعالى يوم القيامة. واعلموا أنكم لن يرى أحدكم، لن يرى أحدكم ربه في الدنيا. تمام؟ لكن رؤية الله سبحانه وتعالى تكون يوم القيامة.
طيب، كيف الله سبحانه وتعالى غيب؟ كيف نتعرف على الله سبحانه وتعالى؟ وكيف تعرف الله إلينا؟ الله سبحانه وتعالى لم يتركنا سدى، ﴿أَيَحْسَبُ الْإِنْسَانُ أَنْ يُْتَرَكَ سُدًى﴾ [القيامة: 36]. الله سبحانه وتعالى هو الظاهر الباطن سبحانه وتعالى. طيب، كيف تعرف الله سبحانه وتعالى إلينا؟ وبالتالي كيف نتعرف نحن على الله سبحانه وتعالى؟ إيه رأيكم؟ كيف نتعرف على الله سبحانه وتعالى؟ هم. عايز أسمع يا شباب، إيه رأيكم؟ كلام الله، كلام الله سبحانه وتعالى، كويس. أسماء الله. أسماء الله. الخلق. الخلق. الأقدار. الأقدار، كويس جدا.
يبقى إذن التجميعة القرآنية لما نيجي نبص للفظة الآيات هنلاقيها غالبا بتعود إلى، في ظني والله أعلم وأعلم، إلى ثلاثة معاني أساسية في الوحي. الله سبحانه وتعالى تعرف إلينا بكلامه، اللي هو الوحي. تمام؟ ﴿وَمَا كَانَ لِبَشَرٍ أَنْ يُكَلِّمَهُ اللَّهُ إِلَّا وَحْيًا أَوْ مِنْ وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ﴾ [الشورى: 51]. اللي هو بالنسبة لنا هنا هيبقى القرآن. الله تعرف إلينا بكلامه وبمخلوقاته وبأقداره سبحانه وتعالى. ثاني، الله سبحانه وتعالى تعرف إلينا بكلامه ومخلوقاته وأقداري اللي هي أفعاله سبحانه وتعالى. فإذا أردنا أن نتعرف على الله سبحانه وتعالى، أن نتعرف إليه من خلال القرآن الوحي وما جاء به النبي صلى الله عليه وسلم. أن نتعرف إليه من خلال النظر في المخلوقات والتأمل في الأقدار. لما نيجي نشوف لفظة الآيات إن في ذلك لآية، إن في ذلك لآيات، كذبوا بآياتنا، أعرضوا عن الآيات، في غفلة عن الآيات، سنريهم آياتنا، هنجد إن الآيات بتعود إلى هذه المعاني. غالبا لا تخرج عن هذه المعاني. إما الآية القرآنية، الآية الشرعية أو الآية الكونية أو الآية التقديرية.
بمعنى إيه مثلا؟ يعني من أقدار الله أنه أهلك الأمم السابقة. فَنَحْنُ نَسْتَدِلُّ عَلَى قُدْرَتِهِ. لأن خد بالك الاستدلال بيكون الاستدلال بالمجمل على وجود الله وعلى التفصيل على أسماء الله وصفاته. يعني لو أنا قلتلك كيف تعرفت على اسم الله الرزاق؟ أنت ممكن تحكيلي موقف. كيف تعرفت على اسم الله اللطيف؟ أنت ممكن تحكيلي موقف. الأقدار دي بتعرفك على التفاصيل مش بس على المجملات. تمام كده؟ ﴿أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ﴾ [الفيل: 1]. ﴿أَلَمْ تَرَ كَيْفَ فَعَلَ رَبُّكَ بِعَادٍ﴾ [الفجر: 6]. دي أقدار. إن في ذلك لآية اللي متكررة في سورة الشعراء كتير ولعل إن شاء الله نجي لها. هي دي بتتكلم على الآية. الآية هنا إلى إيه؟ دي سنن التاريخ. السنن اللي ربنا سبحانه وتعالى وضعها في إهلاك الظالمين. بل كثير من العلماء بيقول سنريهم. وإن شاء الله نجي لها برضه في فصلت: ﴿سَنُرِيهِمْ آيَاتِنَا فِي الْآفَاقِ وَفِي أَنْفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ﴾ [فصلت: 53]. قالوا الآيات هنا مش الآيات الكونية. لا. آيات إهلاك الظالمين. سنة الله سبحانه وتعالى في إهلاك الظالمين، سواء في الآفاق أو قريبة منكم فتح مكة وفي أنفسكم. تمام؟
يبقى أنت الآيات التي وضعها الله لنا لنتعرف عليه، آيات شرعية اللي هي القرآن الوحي، آيات كونية المخلوقات، آيات في أقداره سبحانه وتعالى. نستدل أحياناً في التفاصيل ﴿وَمَا لَنَا أَلَّا نَتَوَكَّلَ عَلَى اللَّهِ وَقَدْ هَدَانَا سُبُلَنَا﴾ [إبراهيم: 12]. أنا هنا ده هنتكلم دلوقتي إن شاء الله تعامل المؤمن مع الآيات، تمام؟ يبقى اللقاء اليوم عبارة عن ثلاث حاجات، ثلاث نقاط أساسية. مقدمة تأصيلية لفكرة كيف نتعرف على الله. تعامل الكافر مع هذه الآيات، تعامل المؤمن مع هذه الآيات. تمام؟ وبينهما درجات.
يبقى المقدمة الأولى كيف نتعرف على الله سبحانه وتعالى، وكيف تعرف الله إلينا؟ الله سبحانه وتعالى تعرف إلينا بآياته الكونية، الشرعية. الأقدار والأفعال سبحانه وتعالى. هنا أنا يهمني الفكرة أياً كان المصطلح اللي هنستعمله، تمام؟ بس في شيء تاني مهم. ربنا سبحانه وتعالى لما نصب للإنسان، الله سبحانه وتعالى غيب. وأمرنا أن نؤمن به. لذلك لو قرأت القرآن، ركز معايا في الحتة دي. دي أحد مفاتيح فهم المعنى اللي أنا بقوله من خلال الوحي. لو قرأت القرآن تحت سؤال ضاغط عليك وهو قبل ما أقول السؤال أنت تدخل الوحي وفي سؤال ضاغط عليك بتبحث عن إجابته. أو موضوع شغلك، تريد أن تستهدى بكلام الله. ستتفاجأ بالكنوز القرآنية اللي بتحل لك هذه المشكلة. لو دخلنا الوحي تحت سؤال ضاغط. خليني أشرح السؤال بموقف.
النبي صلى الله عليه وسلم بعث إلى أقوام مشركين. أو أي رسول أرسل إلى أقوام معرضين، جاحدين، سواء ملحدين أو مشركين أو كافرين. تمام؟ أو يعبدون مع الله آلهة أخرى. ويقولهم أنا رسول إليكم من عند الله. هناك إله واحد لهذا الكون ونحن مأمورون أن نعبد الله وحده. لا إله إلا الله دعوة كل الأنبياء. فالسؤال الضاغط؟ أيوة يعني نتبعك ليه؟ إيه الدليل؟ إيه الآية؟ إيه الآية اللي على ده؟ تمام؟ الرسل السابقون كانوا يأتون بالآية. بعضهم كان يأتي بالآية الحسية اللي بيسموها هنرجع للفظ ده. اللي بيسموها بعض العلماء المعجزة. وشيخ الإسلام عنده اعتراض شوية على اللفظ ده. مش هو بس وفي قبله بعض المتقدمين. في شوية اعترضوا على اللفظ ده. لو تيسر لنا الوقت نتكلم في المعنى ده. وخلينا هو دايماً بيفضل المعنى القرآني لنقاشات. هو شرحها في كتاب النبوات. لأ هو اللفظ القرآني لفظ الآية مش المعجزة. هم وضعوا لفظ المعجزة ووضعوا شروط للمعجزة. شيخ الإسلام أثبت إن هي الأمر لن يكون مضطرداً يعني. المهم.
فممكن تكون الآية ضمن الآيات تضاف عليها، لكن بالنسبة لنا هي مش موجودة الآية الحسية التي يأتي بها النبي زي ناقة صالح. عصا موسى. تمام؟ إحنا بالنسبة لنا قال صلى الله عليه وسلم: «ما من نبي إلا أوتي من الآيات ما على مثله آمن البشر، وإنما كان الذي أوتيته وحياً أوحاه الله إلي». تمام؟ طيب. ففي السؤال الضاغط إنه هو يقول لك أيوة ورينا آية. المؤمن. تخيل واحد رايح يدعو. أنت رايح سافرت برة. رحت أوروبا أو أمريكا تدعوهم إلى الله سبحانه وتعالى. يقولك أيوة يعني قولنا. إيه الدليل يعني؟ ليه ليه ليه نضحي بحياتنا اللي إحنا عايشينها اللي هي مليئة بالشهوات والرفاهية اللي إحنا عايزينها عشان نتكلف بأوامر شرعية. ﴿لَا يُكَلِّفُ اللَّهُ نَفْسًا إِلَّا وُسْعَهَا﴾ [البقرة: 286].
وده معنى تاني قرآني. إن جزء كبير من هروب النفس البشرية إلى الشرك هي هروب من التكليف. ولذلك بدأت سورة البقرة بالمعنى ده. حاولوا تركزوا النهار ده المعاني مركزة شوية. يبقى السؤال الضاغط أيوة. فين الآية؟ نطيع ربنا ليه؟ ليه إله واحد؟ الله سبحانه وتعالى أخبرنا في الوحي، ركزوا معايا، أن الآيات كافية. الآيات التي نصبها الله للإنسان آيات كافية. ﴿سَنُرِيهِمْ آيَاتِنَا فِي الْآفَاقِ وَفِي أَنْفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ﴾ [فصلت: 53]. ﴿أَوَلَمْ يَكْفِهِمْ أَنَّا أَنْزَلْنَا عَلَيْكَ الْكِتَابَ يُتْلَى عَلَيْهِمْ﴾ [العنكبوت: 51]. آيات كافية. لذلك إحنا لما بنروح للملحد أو الكافر أو المشرك أو حتى الدين الباطل وبتحاول تفترض آيات أخرى أنت بتطول على نفسك الطريق، بل هذا نوع من الجهل بسنة الله. ﴿فَإِنِ اسْتَطَعْتَ أَنْ تَبْتَغِيَ نَفَقًا فِي الْأَرْضِ أَوْ سُلَّمًا فِي السَّمَاءِ فَتَاتِيَهُمْ بِآيَةٍ﴾ [الأنعام: 35]، مش هتعرف. لذلك ربنا قال له في ختام الآية دي ﴿فَلَا تَكُونَنَّ مِنَ الْجَاهِلِينَ﴾ [الأنعام: 35] بسنة الله وتقدير الله سبحانه وتعالى. تمام؟ ودي في الأنعام، والأنعام من السور العظيمة اللي اتكلمت في المعنى ده زي ما هنشوف إن شاء الله.
يبقى السؤال الضاغط، وعلى فكرة ده كان سؤال ضاغط جدًا على المؤمنين. ولا سيما في العصر المكي. المؤمن. يا رب، تخيل كده المؤمن يهيأ له ويظن إن آية واحدة بس حسية تيجي قومه يسلموا. المؤمن يوقن في العهد المكي. وطبعًا في العهد المدني بس أنا بكلمك على بداية الدعوة. أو تخيل واحد أسلم في الغرب. يوقن أن أهله لو ماتوا على الشرك سيخلدون في النار. فيروح يقول لهم فهم يقولوا له إيه؟ إحنا نفسنا نصدقك بس أنت ما فيش آية، طب قول لنا آية واحدة وإحنا نمشي وراك. ما فيش إله. إيه اللي يخلي ما وفي إله هو مش إله واحد، لا إحنا هنعبد هذه الآلهة من دون الله.
فالمسلم بيضغط تحت وطأة هذا السؤال، كيف عالج القرآن هذا المعنى؟ واضح السؤال الضاغط اللي لما نيجي نجرد نقرأ الوحي أكثر من مرة نبحث عن إجابة هذا السؤال. اللي بيعمل في الدعوة السؤال ده سؤال شاغل جداً له. اللي بيتناقش مع ملحدين السؤال ده سؤال شاغل له. اللي انشغل فترة أنا مش عايز أخبط في النقطة دي كتير لكن غصباً عني هنيجي فيها شوية. انشغل فترة بعلم الكلام وتصور إن علم الكلام كافي أو سيعطيه الأدوات الحجاجية للنقاش أيضاً ده سؤال ضاغط عليه. تمام؟
طيب لما نقرأ الوحي ونبحث أنا قلت ربنا سبحانه وتعالى أخبرنا أن الآيات اللي سماها آيات يعني الآية يا جماعة هي كافية بنفسها. يعني الآية مش محتاج وإلا هندخل في نوع من التسلسل يعني الآية مش محتاجة آية. هي اسمها إيه؟ آية علامة. فلما أنت تغفل عن الآية أنت بتضيع نفسك. لذلك القرآن تكلم كثيراً عن خطورة مش بس عدم رؤية الآيات. لإن ربنا سماه أعمى. لأ. في مصطلح في القرآن الغفلة عن الآيات وده في الأعراف. وفي مصطلح التعامي قاصد يتعامى عن الآيات سورة الزخرف ﴿وَمَنْ يَعْشُ عَنْ ذِكْرِ الرَّحْمَنِ نُقَيِّضْ لَهُ شَيْطَانًا فَهُوَ لَهُ قَرِينٌ﴾ [الزخرف: 36]. تمام؟
يبقى المعنى الأول المقدمة التأصيلية أن الله سبحانه وتعالى لم يتركنا سدى. ولازم نفهم يا جماعة يعني أرجو أن المصطلح يخرج مني منضبط شوية. الله سبحانه وتعالى مسألة التوحيد ومسألة
وجود الله ومسألة عبادة الله ليست شيئاً ثانوياً في الكون، ده أمر مركزي. فربنا سبحانه وتعالى مش هيسيبك ومش هيسيب الناس. ربنا سبحانه وتعالى سيبين لهم أنه الحق سبحانه وتعالى، وبعد كده هم إما أن يؤمنوا أو يجحدوا. بعد ما يوقن، وجحدوا بها واستيقنتها أنفسهم. ليه؟ ظلماً وعلواً.
فهم المعنى ده هيساعدنا كتير في الدعوة، تفهم أنه ليست الصوارف لكثير من الناس كما كنا نظن في عدم وضوح الآيات. بل ستتفاجأ أن القرآن ذكر كثيراً من الصوارف عن طريق الله سبحانه وتعالى، غير مسألة عدم وضوح الآية. زي إيه مثلاً؟ إيه رأيكو؟ إيه الصوارف اللي ربنا ذكر إن ده صرف الناس عن اتباع الوحي؟
الهوى، اتباع الهوى، الكبر، الحسد. حسداً، ظلماً، علواً. تمام؟ ففي أمور كثيرة قلبية: إن في صدورهم إلا كبر ما هم ببالغيه. ظلماً وعلواً، وجحدوا بها واستيقنت أنفسهم ظلماً وعلواً. تمام؟
طيب. الله سبحانه وتعالى لما نصب لنا هذه الآيات، خد بالك يبقى إحنا كده عندنا تلات حاجات: الآيات الكونية، والآيات الشرعية، وأقدار الله سبحانه وتعالى. في المقابل ليها، ركز، الله خلق الإنسان قابلاً ليتلقى هذه الآيات. إيه اللي في الإنسان مخليه يتلقى هذه الآيات؟ حاجتين: العقل والفطرة.
تاني، يبقى إحنا عندنا إنسان خلقه الله. عجبني أوي المصطلح بعض الإخوة اللي انشغل فترة بعلم الكلام، وبعدين وفق للارتباط بالوحي. فكان بيقول كلمة جميلة بيقول: علم الكلام وكأنه يتحدث مع إنسان لم يخلقه الله. يعني هو بيتخيل إنسان معين مولود متصفر من العدادات، فأنت قاعد بتضيع وقتك معاه، بتقنع الإنسان ده إن لكل حادث محدث ولكل شيء له سبب. متخيل أنت رايح لواحد عنده 40 سنة مثلاً، بتناقش مع واحد ملحد وقاعد بتقنعه إن لو اتضرب على قفاه يبقى أكيد حد ضربه، وإن لو حصل كذا يبقى أكيد تخيل، فهو يقعد يفسفس معاك يقولك لا اثبت لي. فأنت متخيل اللي ممكن نوصل لحالة عبثية؟ المهم، الله سبحانه وتعالى خلق الإنسان قابلا لذلك.
شيخ الإسلام في كتاب درء التعارض وهو كتاب ضخم جداً واستيعابه صعب يعني كتاب بعض الرسائل حاولت تلخص الأفكار المركزية اللي شيخ الإسلام عايز يقدمها. كان الفهرس الكتاب رسالة هي قديمة كانت مكتوبة بالإنجليزية بس ترجمت متأخرة، يعني في دار لا مقاربة عمرو بسيوني ترجمها هي لياسر قاضي. لكن ياسر قاضي، أنا بتكلم هنا على الرسالة، الرسالة كان فيها مجهود كويس، بيلخص الفكرة اللي بيقول إيه؟ عايز يقول إن الوحي والعقل والفطرة متناسبين مع بعض. لما واحد بيفسد عند الإنسان، ربنا سبحانه وتعالى جعل له أشياء؛ يعني لو الوحي عمره ما يفسد، تأويله للوحي عقليته بتفسد في تأويل الوحي، فطرته ترده. وهكذا. وعمل رسومات بيانية حتى في آخر رسالة قاضي إزاي إن الثلاثة تتوافق مع بعض.
الصورة اللي أنا متخيلها والله أعلم، مش كده، عندنا ثلاث آيات وحاجتين عند الإنسان: آيات كونية، وآيات قرآنية، وآيات تقديرية من أفعال الله سبحانه وتعالى، مقابل ليها فطرة وعقل. التفاعل ما بين الثلاث آيات مع الحاجتين دول مع الإنسان بيخلوا الإنسان يوصل لربنا. وده مش بس على مستوى الكافر، لإن لو بقى معانا وقت وده جزء مهم في اللقاء إن شاء الله، سألت حتى المؤمن: أنت بتوصل لربنا إزاي؟ إيه اللي يخليك لما يحصل لك موقف تعيد التفكير؟ إيه اللي جواك كفكرة الضمير اللي يخلي ضميرك يأنبك؟ ﴿لَا أُقْسِمُ بِيَوْمِ الْقِيَامَةِ * وَلَا أُقْسِمُ بِالنَّفْسِ اللَّوَّامَةِ﴾ [القيامة: 1-2]. ربنا أتبع القسم بالقيامة على النفس اللوامة. تمام؟ واضح دي الفكرة الأساسية.
طيب. أهل الباطل وعلى رأسهم الشيطان، هو هيتجنن، هو عارف إن طريق وصولك لربنا سبحانه وتعالى من خلال الآيات. لكن الشيطان وأهل الباطل لا يقدرون على تغيير الآيات. الشيطان ما يقدرش يغير في الوحي، الشيطان ما يقدرش يغير في الآيات الكونية، الشيطان ما يقدرش يدخل في معاملة ربنا معاك، في تقدير الله لك، الشيطان لا يغير أقدار الله لك.
أمال الشيطان بيعمل إيه؟ أدوار بقى الشيطان وأهل الباطل إن هما يشوشوا على الآية. فأنت لذلك القرآن أكثر من لفظة مش الجهل بالآيات، الإعراب أو الغفلة أو التعامي عن الآيات. تمام؟ إن أنت ما تشغلش بالك هو ربنا عمل معاك إيه، زي ما النبي صلى الله عليه وسلم يذكر عنه في حديث عن المنافق لما بيمرض، وبعدين ربنا يشفيه، يقول: كالدابة لا يدري فيما عقل ولا فيما ترك. هو مش شاغل باله أصلاً.
في واحد مش شاغل باله، في واحد يحصل كسوف أو خسوف أو زلزال أو هزائم أو نصر، هو مش شاغل باله أصلاً، دي سنن، دي آية. يعني اللي حصل ده آية آمن بها بعض الناس، وهو بالنسبة له عادي جداً، إن الشمس والقمر آيتان من آيات الله. فيحصل خسوف، ففي ناس تقول سبحان الله، وفي ناس تعرض. والقرآن كده؛ النبي صلى الله عليه وسلم كان يقرأ القرآن على بعض الناس فناس تؤمن وناس تعرض. أنت ممكن أو أنت وواحد يحصل لكم نفس الموقف فواحد يسجد لله سبحانه وتعالى وواحد يعرض. يبقى إذاً مش معنى إن هي آية إن هي هتكون تكرهك على الإيمان، لأ، في الآخر ده قرارك أنت.
يبقى ﴿وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ﴾ [الذاريات: 56]. ولتحقيق هذه الغاية الله سبحانه وتعالى جعل الآيات وجعل الإنسان قابلاً لتلقي هذه الآيات. دور أهل الباطل إن هما بيعملوا إيه؟ يشوشوا على الآيات.
أهل الإيمان يرون أن الآيات كافية، يرضون بالآية فيقبل عليها ويتأمل فيها. اللي أنا عايز أقولهولك إن الآيات الثلاثة دول لا نهاية لها في نظري فيها. تاني، كلما تدبرت في كلام الله أو في المخلوقات أو في أقدار الله، الثلاث آيات دي لا تنضب، لا تبلى. فمعرفة الله أنت قاعد هي غير متناهية. كل ما بتزداد نظر في الوحي ونظر في الكون ونظر في أقدار الله، تصل إلى الله سبحانه وتعالى وتعارج إليه سبحانه وتعالى. ركز، من رحمة الله بك أن يريك الآية. يعني ربنا نصب الآية، لكن أنت قد تعرض عنه، من رحمته إنه يخليك تلتفت للآية. ﴿وَكَذَلِكَ نُرِي إِبْرَاهِيمَ مَلَكُوتَ السَّمَاوَاتِ وَالْأَرْضِ﴾ [الأنعام: 75]. خد بالك من كلمة إيه؟ نري.
أنت ممكن تكون يعني حرب غزة دي آية، الناس تعرض عنها. أنت في أحداثك في حياتك ممكن تقص قصتك على حد يرى منها الآيات. أحياناً واحد يسمع قصة واحد، الواحد ده أصلاً معرض، أنت تسمع قصته وقاعد تقول: سبحان الله، وهو قاعد مش فاهم. يعني مش فاهم يعني سبحان الله على إيه، كأنك ترى الدابة فتسبح في أقدار الله للدابة والدابة لا تفهم، ﴿بَلْ هُمْ أَضَلُّ سَبِيلًا﴾ [الفرقان: 44]. واحد مش واخد باله يعني مش شاغل باله أصلاً، لا ينظر لا في الكون ولا في الوحي ولا في أفعال الله وأقدار الله.
أنا دايماً يعني إيه، وما لنا أن نتوكل على الله وقد، هو بيستدل بإيه على إيه؟ يعني هو بيثبت نفسه في مواجهة الباطل بالهداية السابقة، هو ما بينساش أفعال الله معه، ما بينساش تقديرات الله له. كيف أتى الله سبحانه وتعالى بها إلى هنا؟ فهو لا ينسى ذلك، هو بيستدل بده، مستصحب أفعال الله في حياته. تمام؟
دور الشيطان إنه يشوش عليك، تدعي تدعي تدعي فربنا يجيب دعائك ولو بعد فترة، الشيطان يقولك لا لا ده حصلت عادي صدفة، دي مش إجابة الدعاء، هو الشيطان هنا إيه؟ بيشوش على آية إجابة الدعاء. لإن من الآيات، ما هو إجابة الدعاء ده من أفعال الله وأقدار الله، من الآية الثالثة. تمام؟ كان بيحصل مع المشركين، كان بيحصل مع المشركين، يتحطوا في نص البحر، يقولوا يا رب، فربنا ينجيهم، بعد ما يعدي، لا لا لا عادي، ما ناس كانت في نص البحر وعدت، مثلاً بقى أنا، الضراء والسراء عادي، حصل قبل كده وعدت. فلما تتأمل، ماذا فعل الله بالناس ليعودوا إليه؟
طيب. تعالوا نبدأ رحلة قرآنية. ممكن تطول شوية، بس أنا هنفر كده وسريعا في بعض السور القرآنية. الأول نبدأ بالمعرض، وبعد كده نتكلم على أهل الإيمان. من أكثر السور، لو خدنا سورتين ورا بعض، عايزك هيكون في واجبات قرآنية: إقرأ الأنعام والأعراف بحثا عن لفظ الآيات. تمام؟ وهنشوف الفرق ما بين الأنعام والأعراف دلوقتي.
من أول، لو تفتحوا المصحف على الأنعام، من أول لحظة في سورة الأنعام، وسورة الأنعام أوائل السور اللي بدأت بالحمد بعد الفاتحة، أول سورة بدأت بالحمد بعد الفاتحة. الحمد لله إيه؟ ﴿الْحَمْدُ لِلَّهِ الَّذِي﴾ [الأنعام: 1]. طبعا، كل سورة فيها حمد بتحمد الله على شيء. ربنا، أسأل الله سبحانه وتعالى أن يعينني وأعمل درس عن الحمد، إحنا عملنا درس عن التسبيح، وأتمنى من الله سبحانه وتعالى نعمل درس عن الحمد، ولعل إن شاء الله ربنا ذكرني في ختام لقاء اليوم، نتكلم إن حياة المؤمن أصلا، حياة المؤمن بتدور حوالين: سبحان الله، والحمد لله، ولا إله إلا الله، والله أكبر. ودول أصلا إيه؟ لهم دوي كدوي النحل حول العرش. حياتك المفروض في علاقتك بالله بتدور حوالين الأذكار دي.
في كل سورة بتبدأ بالحمد بتحمد الله على شيء؛ الفاتحة: ﴿الْحَمْدُ لِلَّهِ رَبِّ الْعَالَمِينَ﴾ [الفاتحة: 2]. الكهف: ﴿الْحَمْدُ لِلَّهِ الَّذِي أَنْزَلَ عَلَى عَبْدِهِ الْكِتَابَ وَلَمْ يَجْعَلْ لَهُ عِوَجًا﴾ [الكهف: 1]. في سبأ أنه يملك كل شيء وجابت سورة سبأ علاج قضية الفتنة بالمال: ﴿الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ وَلَهُ الْحَمْدُ فِي الْآخِرَةِ﴾ [سبأ: 1]. في فاطر الفطرة وذكرت فيها التنوع: ﴿الْحَمْدُ لِلَّهِ فَاطِرِ السَّمَاوَاتِ وَالْأَرْضِ﴾ [فاطر: 1]. في الأنعام: ﴿الْحَمْدُ لِلَّهِ الَّذِي خَلَقَ السَّمَاوَاتِ وَالْأَرْضَ وَجَعَلَ الظَّلُمَاتِ وَالنُّورَ﴾ [الأنعام: 1]. ربنا جعل في ظلمات وجعل في نور، وقال لنا احذروا من السير في طرق الظلمات وعرفنا طريق النور. بدأت الأنعام بوضوح كده. تمام؟ وبالرغم إن في ظلمات وربنا حذرنا منها ونور واضح واحد ثم، يعني اللي هي فيها بعد يعني ثم بعد كل ده ﴿ثُمَّ الَّذِينَ كَفَرُوا بِرَبِّهِمْ يَعْدِلُونَ﴾ [الأنعام: 1]، يشركون به سبحانه وتعالى. تمام؟
طيب. طول السورة، ابدأ من آية أربعة كده: ﴿وَمَا تَأْتِيهِمْ مِنْ آيَةٍ مِنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ﴾ [الأنعام: 4]. يبقى ربنا بيقول، هل ربنا قال إن في آيات بتأتيهم ولا لأ؟ في آيات بتأتيهم. يعني هم هنشوف كل شوية إنهم عمالين يقولوا إيه؟ عايزين آية. إحنا هنصدق كلام ربنا مش هنصدقهم. ربنا قال لنا إنه جاب آيات ولا ما جابش آيات؟ جاب آيات مش آية واحدة. ربنا بيقول إيه؟ وما تأتيهم، ده الآية بتوصل لهم. إنما المشكلة فين؟ في الإعراض. ما أنت دلوقتي عقلك لما بتشوش عليه وتفسد فطرتك، أنت كده بتدمر تلقيك للآيات. دي برده من الحاجات اللي ر-, يعني لو ربنا ييسر وافتكرتها إحنا قلنا، فكروني ختام اللقاء بسبحان الله والحمد لله ولا إله إلا الله والله أكبر، الحاجة الثانية حاجتنا للوحي عشان يصلح فساد الفطرة والعقل.
﴿وَمَا تَأْتِيهِمْ مِنْ آيَةٍ مِنْ آيَاتِ رَبِّهِمْ إِلَّا كَانُوا عَنْهَا مُعْرِضِينَ * فَقَدْ كَذَّبُوا بِالْحَقِّ لَمَّا جَاءَهُمْ﴾ [الأنعام: 4-5]. هو هيفضل يجيب له آية آية آية حتى يأتيه إما العذاب أو الموت. الأقوام السابقة هددوا بالعذاب، ومن بعد بعثة النبي صلى الله عليه وسلم أو حتى من بعد نزول التوراة ما عادش فيه عذاب استئصالي، خلاص إما أن يعذبوا بأيدي المسلمين أو بالموت ويكون عذاب الآخرة. ربنا بيقول له شوف: ﴿وَلَوْ نَزَّلْنَا عَلَيْكَ كِتَابًا فِي قِرْطَاسٍ فَلَمَسُوهُ بِأَيْدِيهِمْ لَقَالَ الَّذِينَ كَفَرُوا إِنْ هَذَا إِلَّا سِحْرٌ مُبِينٌ﴾ [الأنعام: 7]. يعني هو اتأكد إنه نزل من السماء، لقال الذين كفروا إن هذا إلا سحر، لا لا لا ده سحر. تمام؟ طب ينزل ملك.
طيب، وهنشوف، ودايمًا القرآن بيذكر إن من وسائل الإعراض السخرية والاستهزاء. ده إن صح التعبير يعني ميكانيزم دفاعي بيستعمله المعرض دايمًا للبعد عن النظر في الآيات، منها السخرية والاستهزاء، وده مذكور جدًا في سورة الجاثية. بالنسبة للمؤمن: ﴿قُلْ أَغَيْرَ اللَّهِ أَتَّخِذُ وَلِيًّا فَاطِرِ السَّمَاوَاتِ وَالْأَرْضِ﴾ [الأنعام: 14] آية 14، فاطر السماوات والأرض وهو يطعم ولا يطعم، قل إني أمرت أن أكون أول من أسلم ولا تكونن من المشركين. تمام؟
طيب. آية 25 إحنا هنمر مرور سريع معلش، آية 25: ﴿وَمِنْهُمْ مَنْ يَسْتَمِعُ إِلَيْكَ وَجَعَلْنَا عَلَى قُلُوبِهِمْ أَكِنَّةً أَنْ يَفْقَهُوهُ وَفِي آذَانِهِمْ وَقْرًا﴾ [الأنعام: 25]. ربنا سبحانه وتعالى عاقبهم إنه سد عليهم منافذ تلقي الآيات. ﴿وَإِنْ يَرَوْا كُلَّ آيَةٍ لَا يُؤْمِنُوا بِهَا﴾ [الأنعام: 25]. شافها؟ المعنى ده في الأنعام وفي الأعراف: ﴿وَإِنْ يَرَوْا كُلَّ آيَةٍ لَا يُؤْمِنُوا بِهَا﴾. طب هو عايز إيه بعد كده؟ يعني ربنا بيقول إنه هيشوف بصيغة المضارع: وإن يروا كل آية لا يؤمنوا بها. حتى إذا جاءوك، طب جاي يسمع الوحي، جاي يعمل إيه؟ حتى إذا جاءوك إيه؟ جاي يجادل بدل ما جاي يسمع. ﴿حَتَّى إِذَا جَاءُوكَ يُجَادِلُونَكَ يَقُولُ الَّذِينَ كَفَرُوا إِنْ هَذَا إِلَّا أَسَاطِيرُ الْأَوَّلِينَ﴾ [الأنعام: 25].
سورة الأنعام السورة الوحيدة اللي جت فيها كلمة يصدفون ثلاث مرات. ويصدف يعني قمة الإعراض عن المقبل عليك، تعرض عن المقبل عليك. سورة الأنعام جابت حاجات عجيبة، جابت إن إن لو دخل النار ولامس جسده النار ثم عاد هيحصل إيه؟ هيكفر. ﴿وَلَوْ رُدُّوا لَعَادُوا لِمَا نُهُوا عَنْهُ وَإِنَّهُمْ لَكَاذِبُونَ﴾ [الأنعام: 28]. وفي قول في التفسير بيقول آية 28 ولو ردوا لعادوا لما نهوا عنه وإنهم لكاذبون وقالوا.
يعني لو بعد في وقالوا دي قال قبل ما مش معطوفة. في ناس قالت يعني بعد ما يرجع هيقول إيه؟ إن هي إلا حياتنا الدنيا وما نحن. هو لسه جاي من هناك. أنت متخيل المعنى؟ عايزك بقى من أول آية 35 واشتد الفكرة اللي أنا بكلمك عليها. ربنا بيقول للنبي صلى الله عليه وسلم: ﴿وَإِن كَانَ كَبُرَ عَلَيْكَ إِعْرَاضُهُمْ﴾ [الأنعام: 35]. المسلم اللي نفسه الناس تؤمن ده سؤال ضاغط عليه.
﴿وَمَا أَرْسَلْنَا مِن قَبْلِكَ مِن رَّسُولٍ وَلَا نَبِيٍّ إِلَّا إِذَا تَمَنَّى أَلْقَى الشَّيْطَانُ فِي أُمْنِيَّتِهِ﴾ [الحج: 52]. وإن كان كبر عليك إعراضهم فإن استطعت أن تبتغي نفقًا في الأرض أو سلمًا في السماء فتأتيهم بآية. ولو شاء الله لجمعهم على الهدى فلا تكونن من الجاهلين. طب يا رب أنا عايز أكلمهم. ربنا بيقولك لك اللي بعدها، إنما يستجيب الذين مين؟ أي حد مش هيسمعك، والله لو عملت إيه. لو نزل، والأنعام سورة الأنعام قالت كده، لو نزلت له ملائكة. وصحيت له الموتى، وخليت كل حاجة تقول له لا إله إلا الله، هيقول لأ ده سحر، ما حدش يشوش على أن امشوا واصبروا على آلهتكم.
ما تتخيلش إن المشكلة في نقص العلم. طالما مش عايز يسمع، والله لو عملت إيه، إنما يستجيب الذين يسمعون والموتى يبعثهم الله ثم إليه يرجعون، وقالوا. شوف الاستفزاز، بعد كل الآيات اللي جت، وقالوا إيه؟ شوف. لولا نزل عليه آية واحدة بس وإحنا نسلم. المؤمن والمسلم بيضغط، بيتصور فعلًا إن ما فيش آيات، أو مش، ما فيش آيات، إن الآيات ليست كافية بالنسبة له، أو إن هو صادق. وربنا قال في الآيات، في كل السورة من مقدمة السورة: ﴿وَإِن يَرَوْا كُلَّ آيَةٍ لَّا يُؤْمِنُوا بِهَا﴾ [الأنعام: 25]، هو هنا بيقول إيه؟ لولا نزل عليه آية من ربه. شوف الرد، مش هنزل لك آية، أنا بس هثبت لك، قل إن الله قادر على أن ينزل.
إيه محتاج، ده واجب بقى أنت تعمله مع نفسك، جمع طلبهم لولا نزل آية في القرآن في الأنعام وفي الرعد، شوف موجودة فين في الوحي. وشوف الرد كل مرة إيه، ولكن أكثرهم لا يعلمون. أنت عايز آية؟ ﴿وَمَا مِن دَابَّةٍ فِي الْأَرْضِ وَلَا طَائِرٍ يَطِيرُ بِجَنَاحَيْهِ إِلَّا أُمَمٌ أَمْثَالُكُمْ مَّا فَرَّطْنَا فِي الْكِتَابِ مِن شَيْءٍ ثُمَّ إِلَى رَبِّهِمْ يُحْشَرُونَ﴾ [الأنعام: 38]، والذين كذبوا بآياتنا صم وبكم في الظلمات، من يشأ الله يضلله ومن يشأ يجعله على صراط مستقيم.
شوف هنا، انتقال عجيب لآية هو مش متصورها، أفعال الله معه، أقدار الله معه، سواء في السراء أو الضراء. ﴿قُلْ أَرَأَيْتَكُمْ إِنْ أَتَاكُمْ عَذَابُ اللَّهِ أَوْ أَتَكُمُ السَّاعَةُ أَغَيْرَ اللَّهِ تَدْعُونَ إِن كُنتُمْ صَادِقِينَ * بَلْ إِيَّاهُ تَدْعُونَ﴾ [الأنعام: 40-41]. إحنا بننسى وإحنا بنناقش المعرض إن إحنا نذكره بأفعال الله القاهرة له، دي من الآيات اللي القرآن استعملها. بل إياه تدعون فيكشف ما تدعون إليه إن شاء وتنسون ما تشركون.
ربنا قال إن هو أخذهم بالبأساء والضراء وبعد كده قال إن هم هيعرضوا. بعد كده: ﴿قُلْ أَرَأَيْتُمْ إِنْ أَخَذَ اللَّهُ سَمْعَكُمْ وَأَبْصَارَكُمْ وَخَتَمَ عَلَى قُلُوبِكُمْ مَّنْ إِلَٰهٍ غَيْرُ اللَّهِ يَأْتِيكُم بِهِ انْظُرْ كَيْفَ نُصَرِّفُ الآيَاتِ ثُمَّ هُمْ يَصْدِفُونَ﴾ [الأنعام: 46]. بس يصدف يعني قمة الإعراض، ده أول لفظ يصدف معانا هنا في الأنعام. ونفس الفكرة مستمرة، الشوط مستمر في مسألة هم عايزين آية وربنا بيقول لهم الآيات موجودة أنتم اللي معرضين.
ولو أنت متصور إن الآية أنا اللي هجيبها زي آخر الأعراف لولا اجتبيتها، لو تصور ربنا بيقول له إيه هنا؟ أنت تقول لهم إيه؟ ﴿قُل لَّا أَقُولُ لَكُمْ عِندِي خَزَائِنُ اللَّهِ وَلَا أَعْلَمُ الْغَيْبَ وَلَا أَقُولُ لَكُمْ إِنِّي مَلَكٌ﴾ [الأنعام: 50]. تخيل تخيل، الرسول رايح يقول لهم أنا ما عنديش خزائن الله، أنا لا أعلم الغيب، لست ملكًا. إحنا أحيانًا الداعية بيبقى عايز يصور نفسه إن هو عنده كل شيء، لا أنا ما عنديش حاجة، أنا رسول. قل لا أقول لكم عندي خزائن الله، وده نفس المعنى اللي قاله سيدنا نوح في سورة هود.
قل لا أقول لكم عندي خزائن الله ولا أعلم الغيب ولا أقول إني ملك. أمال إيه اللي عندي؟ وحي. إن أتبع إلا ما يوحى إلي. اللي بيؤمن بالوحي هو البصير والمعرض عنه أعمى. ﴿قُلْ هَلْ يَسْتَوِي الأَعْمَى وَالْبَصِيرُ أَفَلَا تَتَفَكَّرُونَ﴾ [الأنعام: 50]. في الآخر أنذر به مين؟ الذين يخافون أن، أي حد ما عندوش التقوى اللي جواه دي إحساس الخوف ده مش هيفضل لربنا.
ربنا بيقول إن في عوارض قبلتهم فكرة الحسد: ﴿وَكَذَلِكَ فَتَنَّا بَعْضَهُم بِبَعْضٍ لِّيَقُولُوا أَهَؤُلَاءِ مَنَّ اللَّهُ عَلَيْهِم مِّن بَيْنِنَا﴾ [الأنعام: 53]. عايزك تقرأ الشوط ده كله وأنت مستحضر فكرة اللي إحنا شرحناها الآيات. ربنا بقى جاب لنا قصة واحدة في سورة الأنعام نموذج عجيب، نموذج مين؟ سيدنا إبراهيم، كيف وصل إلى الله؟ بأبسط حاجة بالآيات الكونية، على قول أنه كان ناظراً، ده اختيار الطبري، طبعاً مسألة خلافية معروفة.
وكذلك، يعني شوف في سورة الأنعام ربنا جاب نموذج يرووا كل آية لا يؤمنوا بها، ولو ردوا لعادوا لما نهوا عنه، ولو أننا حشرنا عليهم كل شيء قبلاً. وجاب نموذج هنا ويصدفون، ربنا جاب نموذج قمة الإعراض مع وضوح الآيات، وجاب نموذج اللي وصل بأبسط الآيات. بص الشمس القمر دي الأكيد، الله سبحانه وتعالى لا إله إلا الله، سبحانه الله.
هتلاحظ بقى وأنت لو أنت مركز في السورة، لفظ الآية كل مرة بيجي مع إيه؟ يعني مثلاً آية 93: ﴿بِمَا كُنتُمْ تَقُولُونَ عَلَى اللَّهِ غَيْرَ الْحَقِّ وَكُنتُمْ عَنْ آيَاتِهِ تَسْتَكْبِرُونَ﴾ [الأنعام: 93]. فهتلاقي مرة إعراض، مرة يصدفون، مرة يستكبر عن الآيات. لغاية من الآيات بقى المحورية في السورة آية 109. أنت المعركة، القرآن يا جماعة بيخوض معارك، المعركة اشتدت معاهم، هو في الأول قال إحنا قلنا عشان ما نتوهش آية 37 وقالوا إيه؟ لولا نزل عليه آية ربه.
طب هنا بقى بدأ يسخن بقا في 109 قال إيه؟ ﴿وَأَقْسَمُوا بِاللَّهِ جَهْدَ أَيْمَانِهِمْ لَئِن جَاءَتْهُمْ آيَةٌ لَّيُؤْمِنُنَّ بِهَا﴾ [الأنعام: 109]. هو بقى متصور لما يقولي كده أنا، قل إنما الآيات عند الله، نفس الرد اللي في إن الله قادر. إنما الآيات، ربنا بقى بيقول لنا إحنا: ﴿وَمَا يُشْعِرُكُمْ أَنَّهَا إِذَا جَاءَتْ لَا يُؤْمِنُونَ﴾ [الأنعام: 109]. أنت متصور إن ربنا يقول لك أنت، أنت ليه متصور إن أول ما الآية تيجي هو هيؤمن؟ ما الآية موجودة، ونقلب أفئدتهم وأبصارهم كما لم يؤمنوا به أول مرة ونذرهم في طغيانهم يعمهون.
ولو أننا نزلنا إليهم الملائكة وكلمهم الموتى وحشرنا عليهم كل شيء قبلاً ما كانوا ليؤمنوا إلا أن يشاء الله آيات تعمل ضبط نفسي للداعية، ولكن أكثرهم يجهلون. واعرف إن في أعداء دورهم إيه؟ تشويش على الآيات: ﴿وَكَذَلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الإِنْسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورًا﴾ [الأنعام: 112]. ولو شاء ربك ما فعلوه فذرهم وما يفترون. طب هل في ناس هتترك وحي الله وتروح لوحي الشياطين وتميل إليه ولتضغى إليه مين؟ أفئدة الذين لا يؤمنون بالآخرة وليرضوه وليقترفوا ما هم مقترفون. ﴿أَفَغَيْرَ اللَّهِ أَبْتَغِي حَكَمًا وَهُوَ الَّذِي أَنزَلَ إِلَيْكُمُ الْكِتَابَ مُفَصَّلًا﴾ [الأنعام: 114].
عايزك تكمل بقى سورة الأنعام بهذا المعنى، وتتتبع لفظ يصدفون، وشوف لما سورة الأنعام جابت مصير من أعرض عن الوحي. يعني أحد طرق عرض أن الإسلام هو الحق أن تذكر ضياع الحضارة أو ما تسمى به الحضارة ليست حضارة الغربية مثلاً أو أي حضارة وهي لا تستحق أن تسمى حضارة أعرضت عن الوحي، وهنا القرآن بين في سورة الأنعام سفاهة المعرضين عن الوحي.
عشان ما أطول عليكم، أدخل بقى في سورة الأعراف. سورة الأعراف جابت نماذج بقى غريبة ثانية، نماذج ناس شافت الآية واقترفت إن هي آية لكن أعرضت. في الأنعام هو مش عايز يشوف أصلاً، في الأعراف لأ، لذلك الأعراف أكثرت من ذكر نماذج اللي إحنا بنسميهم المنتكسين. اللي هو شاف ورأى الآية للأسف، وعارف إن هي آية وبعدين قام عامل إيه؟ قام أعرض. لذلك ربنا بيقول: ﴿وَمَا وَجَدْنَا لِأَكْثَرِهِم مِّن عَهْدٍ﴾ [الاعراف: 102]. دي من الآيات المحورية الفاصلة ما بين القصص وقصة سيدنا موسى، من الآيات المحورية، وما وجدنا لأكثرهم من عهد، يشوف، يعاهد ورجع.
لذلك بدأت بقصة مين؟ سيدنا آدم مع الشيطان، الشيطان أكثر واحد شاف، قال له: ﴿فَبِعِزَّتِكَ لَأُغْوِيَنَّهُمْ أَجْمَعِينَ﴾ [ص: 82] وبعدين أعرض. جابت نموذج: ﴿وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانْسَلَخَ مِنْهَا﴾ [الأعراف: 175]. وهنا ملمح عجيب قوي، غالب إن لم يكن كل ما عدا موضوعين، القرآن المكي بيمدح بني إسرائيل ولا يذكر سقطاتهم بعد إهلاك فرعون. هما سورتين اللي كملوا بعد إهلاك فرعون سور مكية، الأعراف وطه، ودي ليها دلالة ودي ليها دلالة.
هنا إيه؟ إن سورة الأعراف أصلاً بتكلمك عن الننماذج اللي رأت الآيات وأعرضت. أنا عايزك تقرأ، أنا فوجئت إن من أكثر السور القرآنية اللي فيها لفظ الآية سورة الأعراف. أنا أقول لك كل ما أقول إيه؟ سورة الأنعام بتعالج الموضوع ده، تروح تبص تلاقي الأعراف كانت عالجت نفس الموضوع بصورة عجيبة، كذبوا بآياتنا أكثر مرة جت جت في الأعراف.
لذلك برضه سورة الأعراف هي السورة الوحيدة اللي ذكرت تفصيل آيات بني إسرائيل، آيات مفصلات. مثلاً آية: ﴿فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُفَصَّلاتٍ﴾ [الأعراف: 133]. آيات مفصلات، سواء مفصلات بينها فواصل زمنية، الإنسان آية اقتنعت إنها آية، ينزل عليهم القمل أو الضفادع، كله يتيقن إنها آية، يروح لسيدنا موسى: ادعوا لنا ربك، سيدنا موسى يرفع إيده، اصرف عنهم هذا العذاب، ينصرف عنهم العذاب، يشركوا.
تيجي الآية اللي بعدها ينتشر البلاء، الكل أيقن إنها آية، هما هيروحوا لمين؟ سيدنا موسى، ادعوا لنا ربك، يدعي ربنا يصرف، يشركوا، قمة الوضوح. تتبع لفظ ليه العقوبات كانت بتنزل في سورة الأعراف، هتجد في كل مرة العقوبة ربنا يقول في التحليل النهائي إنهم بسبب التكذيب الآيات، بسبب الإعراض عن الآيات، تمام؟
كتير بقى أنا يعني عشان أعدي بسرعة، 64 مع قوم نوح: ﴿كَذَّبُوا بِآيَاتِنَا﴾ [الأعراف: 64]. هتجمع كلمة الآيات في سورة الأعراف، بس أنا هجيب لك مواطن فيها واضحة جداً، تمام؟ هو الأول آية 106 بيقولوا لسيدنا موسى: ﴿قَالَ إِن كُنتَ جِئْتَ بِآيَةٍ فَأْتِ بِهَا إِن كُنتَ مِنَ الصَّادِقِينَ﴾ [الأعراف: 106]. سؤال مشروع، سيدنا موسى جاي لفرعون، بيقول له أنا رسول من رب العالمين، حقيق على ألا أقول على الله إلا الحق، وبيقول له قد جئتكم ببينة من ربكم.
فرعون هذا الرجل الديمقراطي الذي يحب النقاش والمناظرات، قال له كلامك مقنع، بس قول لنا آية وإحنا نمشي، الموضوع بسيط، معاك آية ولا آية ولا يا عم الراجل لو جاب آية يبقى معاه، صح ولا لأ؟ قام عامل إيه؟ قام جاب آية، قال لأ دي مش آية، ده إيه؟ ده سحر. معلش دي مش آية ده إيه؟ والدليل إن ده مش سحر، أنا هعمل إيه عشان أثبتلك إن ده سحر؟ هعمل إيه؟ هجيب السحرة بتوعي، يثبتوا لك إن ده إيه؟ سحر. جاب السحرة بتوعه، السحرة يقولوا له إن ده إيه؟ مش سحر. وبعدين عمل إيه؟ أعرض. يعني هو اللي بيحط، يعني هو بيقول إيه؟
أنا عايز آية، طب خد آية. لأ ده سحر. طب ماشي، إيه الدليل إنه سحر؟ هجيبلك السحرة بتوعي يثبتوا لك إن ده سحر. يجيب السحرة بتوعه يقولوا له إن ده مش سحر. يقوم يعمل إيه؟ لأ أنتوا معايا؟ أنا اكتشفت المخطط. فهمتوا معايا؟ هو القضية مش في وضوح عدم وضوح الآيات.
لذلك لما تخلص القصة بتاعة سيدنا موسى، طبعًا ربنا ذكر زي ما قلنا فيها، لأ هما هنا إيه بقى؟ 132 جابوا، طبعًا يا جماعة ده مبحث تاني قرآني، وبعض الناس بيظنوا شبهة وهي مش شبهة ده بالعكس ده إعجاز قرآني. يقولك هم تكلموا بالعربية، يعني هم قالوا الألفاظ دي؟ لا هم القرآن يعبر سواء عما حقيقة ما قالوه أو عما في نفوسهم. شوف 132. يعني الخلاصة: ﴿وَقَالُوا مَهْمَا تَأْتِنَا بِهِ مِنْ آيَةٍ لِّتَسْحَرَنَا بِهَا فَمَا نَحْنُ لَكَ بِمُؤْمِنِينَ﴾ [الأعراف: 132].
طب أعمل إيه بقى؟ يعني بيقول له، بص عشان أقولك على حاجة، أي حاجة هتجيبها هقول عليها إيه؟ سحر. أنت بقى شغل أنت هتـ أيوه أنا أنا خلاص أنا قاعد خلاص خلصت. هو في حد كده بيحس إنه قفل الملف، فقاعد أنت مش عارف توصل معاه. أعرض عنه ما تضيعش وقتك معاه. فربنا قال، بالرغم من إنهم قالوا كده، شوف من رحمة الله: ﴿فَأَرْسَلْنَا عَلَيْهِمُ الطُّوفَانَ وَالْجَرَادَ﴾، بعد ما قالوا كده، الطوفان والجراد، الله سبحانه وتعالى ما أحد أحب إليه العذر من الله سبحانه وتعالى.
والدعاية من باب إن نتعلم هذا الأمر، إنه مش من أول لقطة يعرض ويقولك أنت ما فيش منك أمل، لأ، أنت لا تدري. ﴿فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُفَصَّلاتٍ فَاسْتَكْبَرُوا وَكَانُوا قَوْمًا مُّجْرِمِينَ﴾ [الأعراف: 133]. لذلك أكثر سورة جابت لفظ الملأ سورة الأعراف، هو ده من أسباب الإعراض عن الآية. فانتقمنا 136: ﴿فَانْتَقَمْنَا مِنْهُمْ فَأَغْرَقْنَاهُمْ فِي الْيَمِّ بِأَنَّهُمْ كَذَّبُوا بِآيَاتِنَا وَكَانُوا عَنْهَا غَافِلِينَ﴾ [الأعراف: 136].
سأصرف عن آياتي الذين يتكبرون في الأرض بغير الحق، وإن يروا كل آية لا يؤمنون بها، وإن يروا سبيل الرشد لا يتخذوه سبيلا، وإن يروا سبيل الغي يتخذوه سبيلا.
يعني وتتكرر في سورة التوبة: ﴿وَمَا كَانَ اللَّهُ لِيُضِلُّ قَوْمًا بَعْدَ إِذْ هَدَاهُمْ حَتَّى يُبَيِّنَ لَهُم مَّا يَتَّقُونَ﴾ [التوبَة: 115]. يعني ربنا بيوريله الآيات فيقول مش عايز، ربنا يقوله ده سبيل الرشد؟ ده رشد؟ اه لا مش عايز، الغي؟ أيوه أنا عايز الغي. وإن يروا سبيل الرشد لا يتخذوه سبيلا، وإن يروا سبيل الغي يتخذوه سبيلا.
ليه؟ ليه وصلوا للمرحلة دي؟ ذلك بأنهم وكانوا عنها، ويبدأ مصطلح الغفلة معانا لآخر السورة ويتكرر في آخر السورة. واتكررت مع إيه؟ يعني لما تيجي تشوف في آخر الـ معلش أنا مستبق الأحداث، تيجي تشوف آخر الأعراف آخر حاجة آخر آية قبل اللي هي قبل الأخيرة قبل آية السجدة: ﴿وَاذْكُر رَّبَّكَ فِي نَفْسِكَ تَضَرُّعًا وَخِيفَةً وَدُونَ الْجَهْرِ مِنَ الْقَوْلِ بِالْغُدُوِّ وَالْآصَالِ وَلَا تَكُن مِّنَ الْغَافِلِينَ﴾ [الأعراف: 205]. حتى الخطاب لأ أهل الإيمان. تمام؟
المهم لفظ الغفلة بيتكرر كتير في آخر السورة سواء آية 179: ﴿وَلَقَدْ ذَرَأْنَا لِجَهَنَّمَ كَثِيرًا مِّنَ الْجِنِّ وَالْإِنسِ لَهُمْ قُلُوبٌ لَا يَفْقَهُونَ بِهَا وَلَهُمْ أَعْيُنٌ لَا يُبْصِرُونَ بِهَا وَلَهُمْ آذَانٌ لَا يَسْمَعُونَ بِهَا أُولَئِكَ كَالْأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ﴾ [الأعراف: 179]. تمام؟
لذلك ربنا قال على عالم بني إسرائيل: واتل عليهم نبأ الذي آتيناه إيه؟ آياتنا. الـ الـ كل لفظة في القرآن لما بتفهمها ضمن سياق السورة تفهم هنا ليه ما قالش مثلًا آياتنا ولا علم. واتل عليهم نبأ الذي آتيناه آياتنا فانسلخ منها. تمام؟ يبقى بني إسرائيل أكثر نماذج ذكرت في سورة الأعراف شافت الآية. الشيطان وبني إسرائيل هذا العالم وتختم به السورة شافت الآية فأعرض. تمام؟
يبقى الأنعام هو معرض من الأول مش هو بيصدف، الأعراف شاف الآية ودقها وعاش معاها فترة، إبليس كان من العباد، بني إسرائيل ولقد اخترناهم -أنا إمبارح بس مع سورة الدخان: ﴿وَلَقَدِ اخْتَرْنَاهُمْ عَلَى عِلْمٍ عَلَى الْعَالَمِينَ﴾ [الدخان: 32]- واتل عليهم نبأ الذي آتيناه آياتنا. عاش مع الآيات فترة ثم أعرض. طب ده تقول له إيه؟ ده مشكلته في الآيات؟
لذلك كثير من الإخوة يقول لك نسأل الله الثبات والعافية دعوة المنتكس أصعب من دعوة الـ الـ المعرض. كل ما تيجي تقول له حاجة يقول لك إيه؟ عارف. عارف. فـ فهي فتنة.
طيب. معلش إحنا قلنا هيبقى في جولة النهار ده يعني إيه في الـ الوحي كده. لما تيجي نبص أنا هاخد مصطلح الفرقان ونرجع لمصطلح الآيات في آل حميم، بس هاخد مصطلح الفرقان وبعده الطواسين، وبعد كده معركة بتخوضها آل حميم. لو ما بقاش معنا وقت ممكن نأجل. إحنا كل ده بنتكلم على خطاب الكفار أو المعرض عن الآيات وإزاي القرآن بيثبت إن الآيات دي موجودة لكن هو اللي معرض، وكنا عايزين في الآخر نتكلم على علاقة المؤمن بهذه الآيات.
معركة الفرقان سورة الفرقان لما جت بعد سورة النور، وسورة النور: ﴿اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِنْ شَجَرَةٍ مُبَارَكَةٍ زَيْتُونَةٍ لَا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ﴾ [النور: 35]. وبعض العلماء يتكلم عن مسألة الفطرة السوية مع الوحي. إحنا قلنا حتى نظرية شيخ الإسلام مسألة الوحي والفطرة والعقل. الفطرة السوية والعقل السليم يتلقى الوحي يبصر طريق الله سبحانه وتعالى.
ليس نوراً فقط ربنا بيقولنا لا ده نور فرقاني: ﴿تَبَارَكَ الَّذِي﴾ بعد سورة النور ﴿نَزَّلَ الْفُرْقَانَ﴾ [الفرقان: 1]. يعني إيه الفرقان؟ يعني ربنا مش بيقولك إنه هيوريك آيات بس، الآيات دي أنت ممكن تظن إنها طرق مختلفة، لا ده أنا هوريك آيات وأعرفك أنه الطريق الأوحد إلى الله. فرقانية، فرق بين الحق والباطل. تمام كده؟
طيب. سورة الفرقان سورة عجيبة جداً، وأنا عامل درس كامل اسمه معركة الفرقان، هاخد هنا لقطات سريعة جداً. كنت قلت سواء في درس مرحلة الفرقان أو درس معركة الفرقان، مرحلة الفرقان قديم والفكرة نضجت في درس معركة الفرقان. إن دلوقتي ربنا سبحانه وتعالى بيقولنا كيف نصل بأي مجتمع إلى حالة فرقانية؟ إزاي نروح لأي مجتمع نحاول نقنع المجتمع ده إن فيه حق أهو منفصل عن الباطل.
تمام؟ الأول إحنا خدوا بالكم أنا سميت الدرس رحلة الإنسان مع الآيات والإيه؟ الفرقان. الآيات بتوصلك لربنا حتى تصل إلى مرحلة فرقانية، أنت أعلى شيء توصل إنك تكون على يقين إني على بينة من ربي. تمام؟
إزاي نوصل مع المجتمع لحالة فرقانية؟ ربنا بيقول تبارك الذي نزل الفرقان، يبقى الوحي من سبل الوصول للحالة الفرقانية. فيه ثلاثة تبارك في سورة الفرقان: تبارك الذي نزل الفرقان على عبده ليكون للعالمين نذيراً. تبارك الذي إن شاء جعل لك خيراً من ذلك جنات الآية الحسية الواضحة. وفي الآخر تبارك الذي جعل في السماء بروجاً وجعل فيها سراجاً وقمراً منيراً. وهو الذي جعل الليل والنهار خلفة لمن أراد أن يذكر أو أراد شكوراً. وعباد الرحمن الذين يمشون على الأرض هوناً.
فربنا دلوقتي بيقولنا الوحي وعباد الرحمن الذين يطبقون الوحي، دول من صور الوصول للحالة الفرقانية في المجتمع، وممكن ربنا سبحانه وتعالى يؤيدنا ببعض الآيات الكونية. لكن ربنا سبحانه وتعالى اصطفى لهذه الأمة الأصل فيها أنها تجاهد بالوحي، لذلك ربنا قال في نفس السورة: وجاهدهم به جهادًا كبيرًا، تمام كده؟ نيجي للآية دي تحديدًا.
يعني ربنا بيقول وجاهدهم إيه؟ به، الآية دي في سورة الفرقان، الآية ديت ربنا بيقول آية 50: ﴿وَلَقَدْ صَرَّفْنَاهُ بَيْنَهُمْ لِيَذَّكَّرُوا فَأَبَى أَكْثَرُ النَّاسِ إِلَّا كُفُورًا﴾ [الفرقان: 50]. ولو شئنا لبعثنا، ربنا بيقول للنبي صلى الله عليه وسلم أنا قادر.
دلوقتي النبي صلى الله عليه وسلم نفسه ينشر الدين ونصل إلى حالة فرقانية في المجتمعات كلها، فربنا بيقول له أنا قادر إن أنا أبعث في كل قرية نذير، لكني لم أرَد ذلك. طب أعمل إيه يا رب؟ فلا تطع الكافرين وجاهدهم به أي بالوحي جهادًا كبيرًا.
موقع دائمًا ال- الآيات ده يحير الإنسان، ليه الآية دي اللي فيها الجهاد بالقرآن جت في نص الآيات الكونية؟ يعني شيخ الإسلام أحيانًا يشير إن إرسال الأنبياء ييجي أحيانًا بعد إرسال الرياح، وإن في إرسال كوني وفي إرسال شرعي، موجودة في سورة الروم وغيرها، ويربط ما بين الإرسال الكوني ده والإرسال الشرعي.
تمام؟ هنا ليه آية القرآن، الجهاد بالقرآن جت وسط آيات كونية؟ وإيه نوعية الآيات الكونية؟ ركزوا، إيه نوعية الآيات الكونية اللي مذكورة هنا؟ ربنا بيقول لنا، وده شيء عجيب قوي. أنا عملت آيات كونية كان ممكن تدخل في بعضها، بس أنا فرقتها عن بعض: ﴿أَلَمْ تَرَ إِلَى رَبِّكَ كَيْفَ مَدَّ الظِّلَّ وَلَوْ شَاءَ لَجَعَلَهُ سَاكِنًا ثُمَّ جَعَلْنَا الشَّمْسَ عَلَيْهِ دَلِيلًا﴾ [الفرقان: 45]. ليه؟ أنت لما بتشوف ال- الشمس والظل مفصولين عن بعض ولا متداخلين في بعض؟ مفصولين عن بعض. ربنا كان قادر إنه يخلي الحق المعنوي بالصورة دي، وده مبحث في القرآن ضخم جدًا ربط السنن الشرعية بالسنن الكونية.
يعني ربنا بيقول إيه؟ ﴿أَنزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا﴾ [الرعد: 17]. ده شيء مادي كوني ولا شيء معنوي؟ مادي. أنزل من السماء ماء فسالت أودية بقدرها فاحتمل السيل زبدًا رابية. ده كله شيء مادي كوني صح؟ فاحتمل السيل زبدًا رابية ومما يوقدون عليه في النار ابتغاء حلية أو متاع زبد مثله كذلك يضرب الله الحق والباطل. ده كله مادي كوني. فجأة رحنا للمعنوي الحق. ولما أنت ترجع تقرأ المثل تاني إيه ده؟ يعني أنا هستفيد من السنة الكونية في الحياة الشرعية؟ آه.
يبقى هنا ربنا بيقول وجاهدهم. جاب قبلها وبعدها صور من الفصل، صور من الفرق. تمام؟
طيب. وجاب الإرسال: ﴿وَهُوَ الَّذِي أَرْسَلَ الرِّيَاحَ بُشْرًا بَيْنَ يَدَيْ رَحْمَتِهِ﴾ [الفرقان: 48]. الإرسال الكوني. ﴿وَأَنزَلْنَا مِنَ السَّمَاءِ مَاءً طَهُورًا﴾ [الفرقان: 48]. ده المقصود به هنا المطر، وكما أن الله أنزل ال- الماء الطهور أنزل أيضًا الوحي الذي يطهرنا ويزكينا. ﴿لِنُحْيِيَ بِهِ بَلْدَةً مَّيْتَةً وَنُسْقِيَهُ مِمَّا خَلَقْنَا أَنْعَامًا وَأَنَاسِيَّ كَثِيرًا﴾ [الفرقان: 49]. ولقد صرفناه.
كثير من العلماء قالوا ده المطر، يعني ربنا ما بيخليش المطر يروح في مكان واحد، لا المطر مصرف. ولقد صرفناه بينهم ليذكروا فأبى أكثر الناس إلا كفورًا. ربنا كان قادر إنه يخلي الوحي زي المطر، لكن ربنا خلى الوحي ينزل على النبي صلى الله عليه وسلم، وبعد كده يصنع عباد الرحمن بالوحي هم اللي ينتشروا في الأرض. شوف العجيب. آية 52 دي عجيبة جدًا: ﴿فَلَا تُطِعِ الْكَافِرِينَ وَجَاهِدْهُم بِهِ جِهَادًا كَبِيرًا﴾ [الفرقان: 52]. وهو الذي ها؟ ﴿مَرَجَ الْبَحْرَيْنِ هَذَا عَذْبٌ فُرَاتٌ وَهَذَا مِلْحٌ أُجَاجٌ وَجَعَلَ بَيْنَهُمَا بَرْزَخًا وَحِجْرًا مَّحْجُورًا﴾ [الفرقان: 53].
يبقى ده نموذج للماء المفصول ولا الممزوج داخل في بعضه؟ المفصول. اقرأ اللي بعدها: ﴿وَهُوَ الَّذِي خَلَقَ مِنَ الْمَاءِ بَشَرًا فَجَعَلَهُ نَسَبًا وَصِهْرًا وَكَانَ رَبُّكَ قَدِيرًا﴾ [الفرقان: 54]. ماء الرجل وماء المرأة بيُمزجوا ولا مفصولين؟ بيُمزجوا. فجعل منه فجعله نسبا وصهرا. وكان ربك قديرا. ربنا قادر على الفصل وقادر على المزج بما ينفع الناس، سبحانه وتعالى يفعل ما يشاء.
فربنا قادر إنه يفرق لكل الناس فرقانا واضحا بينا لا عذر فيه لأحد بين الحق والباطل، لكنه نصب الآيات وجعل فيك العقل والفطرة لتصل أنت إلى الله سبحانه وتعالى. فتجيلك الآية فتعرض، فيجيبلك الآية اللي بعدها فتعرض، فيجيبلك آية كونية فتعرض، فيجيبلك آية في نفسك فتعرض، فيحطك في مرض فتعرض، فيحطك في السراء فتعرض، وهكذا يداول لك بين الآيات الشرعية والكونية والقدرية في حياتك حتى تموت. نسأل الله سبحانه وتعالى العافية.
وليس للإنسان عذر. يدخل أهل النار في الأثر وإن كان يعني لما أروي عن بعض التابعين، يدخل أهل النار النار وتلهج ألسنتهم بالحمد. يوم يدعوكم في الإسراء: ﴿يَوْمَ يَدْعُوكُمْ فَتَسْتَجِيبُونَ بِحَمْدِهِ﴾ [الإسراء: 52]. نفسي أعمل درس عن الحمد، الحمد في القرآن عجيب. يبقى إذا الله قادر على طيب.
بالرغم من الحالة الفرقانية دي، إحنا قلنا الشياطين يغيرون ولا يشوشون؟ لا تسمعوا لهذا القرآن وألغوا. تمام؟
إيه سبل التشويش على الفرقان؟ عندك ثلاثة طواسين. سبل التشويش اللي بتخلي الإنسان يشوش على عقله وفطرته، تمنعه من قبول الآية النورانية النور الفرقانية. النور الفرقان بعدها ثلاثة طواسين. أول ما تفتح أول طاسين بعدها اللي هي سورة الـ إيه؟ الشعراء. هو الفرقان اللي ربنا سماه فرقان في سورة الفرقان إيه هو؟ القرآن. القرآن ده عبارة عن إيه؟ أيوه يعني عبارة عن يعني عبارة عن عصا ولا عبارة عن إيه ولا كلام؟ تمام؟
فأول شيء بيشوشوا عليه بكلام مقابل، تمام؟ اللي هو هنا بقى الإيه في الآخر؟ الشعر. طيب. شوف شوف سورة الشعراء: طس م تِلْكَ آيَاتُ الْكِتَابِ الْمُبِينِ. ها؟ الأول شعور الـ شعور الداعية اللي نفسه إن الناس تؤمن، اللي بيحطوا ضغط تحت ضغط سؤال الآية، ها؟ ﴿لَعَلَّكَ بَاخِعٌ نَّفْسَكَ أَلَّا يَكُونُوا مُؤْمِنِينَ﴾ [الشعراء: 3]. أنت هتموت نفسك عشان يؤمنوا؟ ومتصور إن الحل إن يؤمنوا إيه؟ آية.
فربنا بيقول لك إيه؟ ﴿إِن نَّشَأْ نُنَزِّلْ عَلَيْهِم مِّنَ السَّمَاءِ آيَةً فَظَلَّتْ أَعْنَاقُهُمْ لَهَا خَاضِعِينَ﴾ [الشعراء: 4]. مش بس أي آية، ده ربنا بيقول لك أنا ممكن أخـ أنزلهم آية تخليهم إيه؟ تخليهم عاملين كده أهو. فظلت أعناقهم لها خاضعين. طب وهما ما بيجيلهمش آية؟ ﴿وَمَا يَأْتِيهِم مِّن ذِكْرٍ مِّنَ الرَّحْمَٰنِ مُحْدَثٍ إِلَّا كَانُوا عَنْهُمْ مُعْرِضِينَ * فَقَدْ كَذَّبُوا فَسَيَاتِيهِمْ أَنْبَاءُ مَا كَانُوا بِهِ يَسْتَهْزِئُونَ﴾ [الشعراء: 5-6]. عايزين آية؟ ﴿أَوَلَمْ يَرَوْا إِلَى الْأَرْضِ كَمْ أَنبَتْنَا فِيهَا مِنْ كُلِّ زَوْجٍ كَرِيمٍ﴾ [الشعراء: 7]. دي آية إيه؟ من الحاجات الثلاث حاجات اللي إحنا قلناها تدخل ضمن الآية الكونية.
طب الآية في أقدار وأفعال الله في الكون وسنن الله في الإهلاك؟ في الأول قال: ﴿أَوَلَمْ يَرَوْا إِلَى الْأَرْضِ كَمْ أَنبَتْنَا فِيهَا مِنْ كُلِّ زَوْجٍ كَرِيمٍ إِنَّ فِي ذَلِكَ لَآيَةً﴾ [الشعراء: 7-8]. دي كانت بتعود إلى الآية الكونية. بعد كده إن في ذلك لآية تكررت طول سورة الشعراء بس كانت بتعود على الإهلاك، على معاملة الله، على سنة الله في معاملة البشر. مع كل قوم ربنا يقول بعد كده إن في ذلك لآية.
شوف بقى عد كم مرة تكررت في السورة لغاية لما ربنا يقول في آخر الشعراء خالص بعد ما قال آية 190: ﴿وَإِنَّ رَبَّكَ لَهُوَ الْعَزِيزُ الرَّحِيمُ﴾ [الشعراء: 191]. وإنه تعود بقى على أول السورة خالص. الطبري يربط دي بأول السورة: وإنه آيتك يا محمد صلى الله عليه وسلم، ﴿وَإِنَّهُ لَتَنزِيلُ رَبِّ الْعَالَمِينَ * نَزَلَ بِهِ الرُّوحُ الْأَمِينُ﴾ [الشعراء: 192-193]. و طب هاتوا آية زيها، وما تنزلت به الشياطين وما ينبغي لهم وما يستطيعون. ابن كثير له شرح رائع للآية دي ارجعوا له. تمام؟
طيب. وربنا بيديك وسائل التفرقة ما بين الأنبياء والشعراء في الآخر: ﴿أَلَمْ تَرَ أَنَّهُمْ فِي كُلِّ وَادٍ يَهِيمُونَ * وَأَنَّهُمْ يَقُولُونَ مَا لَا يَفْعَلُونَ * إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرُوا اللَّهَ كَثِيرًا وَانْتَصَرُوا مِنْ بَعْدِ مَا ظُلِمُوا﴾ [الشعراء: 224-227]. وسائل التفرقة من الأنبياء والشعراء. الشعراء في كل واد يهيمون، يقولون ما لا ما لا يفعلون، لا يذكرون الله كثيرا، لا يستطيع أصلا. المنافق بالرغم إنه منافق، يعني هو عايز ينافق، بس مش عارف يذكر ربنا كتير، ما يعرفش. تمام؟
يبقى من وسائل التشويش على الفرقان الشعر والكلام. ومن وسائل التشويش -دي دي لقطات في السورة، دي ليست كل السورة، القرآن لا ينضب- أنا عايز أحط قاعدة مهمة: مش معنى إن أنا قلت الأنعام فيها كذا والأعراف فيها كذا إن ده فيها فقط، ده ده السورة ما السورة هي مصورة زي جنات، إحنا بنلتقط ثمرة من الجنات اللي موجودة في السورة.
الشعراء من ثمراتها بينت أن أحد المشوشات على الحالة الفرقانية النورانية هي الكلام والشعر. النمل أشارت إلى معنى تكرر فيها كثيرا وهو العلم، وفتنة الإنسان بالعلم، ولا سيما العلم الدنيوي. تكرر فيها العلم، بل ذكرت السورة كما ذكر بعض المفسرين أنها أشبه بمقارنة بين العلم والقوة، وأن العلم هو الذي يكسب. قال الذي عنده علم من الكتاب أنا آتيك به. الأول كان عفريت من الجن، قال أنا آتيك به قبل أن تقوم من مقامك وإني عليه لقوي أمين. الثاني قال الذي عنده علم، فالعلم يكسب القوة. لذلك العلم في النمل ذكر قبل القوة التي في القصص. المشوش في القصص هو العلو في الأرض بالقوة وبالمال.
المشوش في القصص، وسورة القصص بدأت بالعلو وختمت بالعلو؛ إن فرعون علا في الأرض، وختمت بالذين لا يريدون علواً في الأرض ولا فساداً. العلو في الأرض بالقوة وبالمال هو الذي يعمل مشوشات. في سورة القصص ماذا حصل؟ الذي حصل أنهم رأوا سيدنا موسى يكلمهم، بعد ذلك قارون خرج في زينته، فأبو سيدنا موسى قالوا قارون مع الحق، بسبب هذا التشويش الذي حصل. قارون أهلكه الله، وهم قائلون إن قارون غلط، نرجع ثاني، هو يتحرك بما يراه لا يعقل الآية. نرجع للنمل، يبقى تشويش في الشعراء بالكلام بالشعر، تشويش في النمل بالعلم والفتنة التي تحصل، تشويش في القصص ذكر بمسألة العلو في الأرض بالقوة، وذكر نموذج فرعون، وبالمال وذكر نموذج قارون. الثلاث صور الطواسين ختمت بالقرآن: ﴿وَإِنَّهُ لَتَنزِيلُ رَبِّ الْعَالَمِينَ﴾ [الشعراء: 192]. هذه في الشعراء، ﴿وَأَنْ أَتْلُوَ الْقُرْآنَ﴾ [النمل: 92] في النمل، ﴿إِنَّ الَّذِي فَرَضَ عَلَيْكَ الْقُرْآنَ لَرَادُّكَ إِلَىٰ مَعَادٍ﴾ [القصص: 85] في القصص.
ففي معركة يخوضها الطواسين بعد الفرقان بالثبات على هذا الوحي. كمان معركة بس دي قصة ثانية، معارك ثانية، اللوامين المكية إن صح التعبير، وهي العنكبوت، الروم، لقمان، السجدة، أيضاً معركة ثانية بتنتهي بالأحزاب. تبدأ سورة سبأ بعد الأحزاب، وتبدأ سبأ وتتكلم برضه نفس الفكرة، الفتنة الدنيوية التي تفتن الناس عن اتباع الوحي؛ سبأ، فاطر، يس، الصافات، ص، الزمر. ودي عايزة شرح، لكن هنا بنجي آل حم، بتخوض معركة أيضاً طويلة. معلش أنا كنت عايز أفصل دلوقتي بس خلينا نقول حم ونفصل عشان ما نتوهش، ونختم هنا بملف الآيات مع الكفار.
حم بتخوض معركة طويلة بدأت وهي سبع صور حم، وكأن المعنى القاطرة التي لآل حاميم بدأت وتخوض المعركة طول السبع صور، ما بعد مقدمة غافر: ﴿مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا﴾ [غافر: 4]. تمام، افتح كده غافر وركز معي هنقلب كده في آل حاميم بسرعة عشان نختم المعنى ده. حاميم تنزيل الكتاب من الله العزيز العليم، غافر الذنب وقابل التوب شديد العقاب ذي الطول لا إله إلا هو إليه المصير. بعد هذه المقدمة على طول: ﴿مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا﴾، وأهم سبب: ﴿فَلَا يَغْرُرْكَ تَقَلُّبُهُمْ فِي الْبِلَادِ﴾؛ يعني ناس يتقلبوا في البلاد عندهم سطوة ومال وعز دنيوي، فيكفرون فيجادلون في آيات الله. ده معنى ضخم في غافر.
ربنا قال لنا بعد هذه المجادلة لأن حتى مؤمن آل فرعون كان يجادل ويدافع عن آيات الله في سورة غافر. بتنتهي المجادلة في آيات الله في غافر أن ربنا بيقول لنا بعدها سورة فصلت؛ الآيات مفصلة واضحة، لأن الله من صفاته إيه في أول فصلت؟ حاميم تنزيل من الرحمن الرحيم؛ تفصيل الآيات رحمة من الله. وأنت في حياتك تفصيل الآيات في حياتك رحمة من الله، وحل الشبهات للناس رحمة بالناس، إن واحد يبقى عنده شبهة في الآية وتفكها له ده رحمة. ربنا لا تزغ قلوبنا بعد إذ هديتنا وهب لنا من لدنك رحمة، البقاعي بيشير بمعنى بديع جدا جابه من الحرالي، بيقول إن الرحمة هنا حل الشبهة التي هي قبلها متشابهات ﴿هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ﴾ [آل عمران: 7]. فبيقول يا رب لا تزغ قلوبنا بهذه المتشابهات وهب لنا من لدنك رحمة لحل هذه المتشابهات. العلم الأصل فيه إنه رحمة، والخضر ربنا آتاه رحمة ورشداً.
إقرأ غافر، إقرأ آل حاميم وابحث عن المعنى ده. ربنا بيقول في 56 غافر، نقرأ الآية دي في غافر وبعد كده نروح لفصلت بسرعة، آية محورية جداً في سورة غافر: ﴿إِنَّ الَّذِينَ يُجَادِلُونَ فِي آيَاتِ اللَّهِ بِغَيْرِ سُلْطَانٍ أَتَاهُمْ ۙ إِن فِي صُدُورِهِمْ إِلَّا كِبْرٌ مَّا هُم بِبَالِغِيهِ ۚ فَاسْتَعِذْ بِاللَّهِ ۖ إِنَّهُ هُوَ السَّمِيعُ الْبَصِيرُ﴾ [غافر: 56]. الآيات واضحة: ﴿لَخَلْقُ السَّمَاوَاتِ وَالْأَرْضِ أَكْبَرُ مِنْ خَلْقِ النَّاسِ وَلَٰكِنَّ أَكْثَرَ النَّاسِ لَا يَعْلَمُونَ﴾ [غافر: 57]. واضح؟ في الآخر خالص ختام غافر 83: ﴿فَلَمَّا جَاءَتْهُمْ رُسُلُهُم بِالْبَيِّنَاتِ فَرِحُوا بِمَا عِندَهُم مِّنَ الْعِلْمِ﴾، هو عنده، سواء بقى العلم الدنيوي أو حتى بعضهم هنا حاول يسقطها حتى على الفلسفة وغيره، عنده علم رفض به علم الوحي. ﴿فَلَمَّا رَأَوْا بَأْسَنَا قَالُوا آمَنَّا بِاللَّهِ وَحْدَهُ وَكَفَرْنَا بِمَا كُنَّا بِهِ مُشْرِكِينَ * فَلَمْ يَكُ فِي يَنفَعُهُمْ إِيمَانُهُمْ لَمَّا رَأَوْا بَأْسَنَا ۖ سُنَّتَ اللَّهِ الَّتِي قَدْ خَلَتْ فِي عِبَادِهِ﴾ [غافر: 83-85].
في فصلت استمرار معركة آل حاميم، في آيات الكفار يجادلون فيها، الله سبحانه وتعالى يقول لهم الآيات ستكون واضحة شئتم أم أبيتم. طب هم بيعملوا إيه؟ عندنا لفظين مهمين جداً في سورة فصلت: ﴿لَا تَسْمَعُوا لِهَٰذَا الْقُرْآنِ وَالْغَوْا فِيهِ﴾، ﴿إِنَّ الَّذِينَ يُلْحِدُونَ فِي آيَاتِنَا لَا يَخْفَوْنَ عَلَيْنَا﴾. الإلحاد هو الميل، يبقى هو يلغو، يعمل لغوشة في الآيات، وعايز يخفي الآيات. ربنا قال في الآخر، بالرغم إنه قاعد بيلغوش على الآية وعايز يخبي الآية، ربنا قال في الآخر إيه؟ ﴿سَنُرِيهِمْ آيَاتِنَا﴾. يعني كل جهود أهل، يعني يقعدوا يعملوا سنين لفكرة الإبراهيمية والتطبيع ومش عارف إيه، وتيجي حرب غزة تهدم لهم كل ده، يقوموا يقعدوا يفكروا ويعملوا مؤتمرات ويصرفوا فلوس ويبنوا ويوم جاي موقف يهدم لهم كل اللي بيعملوه.
سيريهم الآيات في الآفاق وفي أنفسهم حتى يتبين لهم، مش معنى إنه تبين إنه هم سيؤمنون، مش معنى إنه تبين إنه هم يؤمنون، حتى يتبين لهم أنه الحق ﴿أَوَلَمْ يَكْفِ بِرَبِّكَ أَنَّهُ عَلَىٰ كُلِّ شَيْءٍ شَهِيدٌ﴾ [فصلت: 53]. ﴿أَلَا إِنَّهُمْ فِي مِرْيَةٍ مِّن لِّقَاءِ رَبِّهِمْ ۗ أَلَا إِنَّهُ بِكُلِّ شَيْءٍ مُّحِيطٌ﴾ [فصلت: 54]. طبعاً السورة سواء آل حم كل سورة بتعالج قضية الآيات بطريقة مختلفة، وسورة الشورى بدأت بالوحي وختمت بالوحي، السورة الوحيدة التي ذكر فيها اسم الله الولي مرتين، الله يتولى عباده والله لن يترك عباده، سواء بالآيات التقديرية ﴿وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الْأَرْضِ﴾ [الشورى: 27]، وهي التي جاءت معي هنا الولي الحميد سبحانه وتعالى.
وربنا بيقول ﴿وَمَا كَانَ لِبَشَرٍ أَن يُكَلِّمَهُ اللَّهُ إِلَّا وَحْيًا﴾، ربنا لن يسيب الناس، ربنا سينزلهم وحي، ويعملهم أقدار ويرتب لهم، طب هم بيعملوا إيه؟ ﴿أَمْ لَهُمْ شُرَكَاءُ شَرَعُوا لَهُم مِّنَ الدِّينِ﴾، بيحاول يحط منهج مقابل، بس هذا المنهج المقابل لن يقبل بدون زخرفة. لازم يزخرف، مش قلنا في الوحي المقابل، الوحي الشيطاني لازم يكون مزخرف في سورة الأنعام ﴿وَكَذَٰلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الْإِنسِ وَالْجِنِّ يُوحِي بَعْضُهُمْ إِلَىٰ بَعْضٍ زُخْرُفَ الْقَوْلِ غُرُورًا﴾ [الأنعام: 112]. فتجي سورة الزخرف، عايز يحط المعايير المادية لقبول الحق، فربنا يهدم لهم هذه المعايير، وحتى فرعون عايز يحط هذه المعايير: ﴿أَمْ أَنَا خَيْرٌ مِّنْ هَٰذَا الَّذِي هُوَ مَهِينٌ وَلَا يَكَادُ يُبِينُ * فَلَوْلَا أُلْقِيَ عَلَيْهِ أَسْوِرَةٌ مِّن ذَهَبٍ أَوْ جَاءَ مَعَهُ الْمَلَائِكَةُ مُقْتَرِنِينَ﴾ [الزخرف: 52-53].
سورة الدخان بتعرفك إن الأغلب لا يأتي غير لما يمسوا العذاب، ربنا اكشف عنا العذاب إنا مؤمنون، طب وبعد ما بيكشف العذاب؟ ﴿إِنَّكُمْ عَائِدُونَ﴾. يبقى الدخان العذاب الدنيوي الذي يرفع، الأحقاف العذاب الدنيوي الذي لا يرفع، بينهم الجاثية، الجاثية تتكلم عن يوم القيامة. أنا عايزك بقى تقرأ الجاثية قراءة متأنية في المعنى الذي نقوله هذا، من أول الآية حاميم تنزيل الكتاب من الله العزيز الحكيم، هم طول. خذ بالك اربط أول الجاثية بأول غافر، أول غافر بعد المقدمة إيه؟ ما يجادل في آيات الله إلا الذين كفروا، هنا ﴿إِنَّ فِي السَّمَاوَاتِ وَالْأَرْضِ لَآيَاتٍ لِّلْمُؤْمِنِينَ﴾ [الجاثية: 3]، وبعد كده ﴿لِقَوْمٍ يُوقِنُونَ﴾ [الجاثية: 4]، وبعد كده ﴿لِّقَوْمٍ يَعْقِلُونَ﴾ [الجاثية: 5]. ﴿تِلْكَ آيَاتُ اللَّهِ نَتْلُوهَا عَلَيْكَ بِالْحَقِّ ۖ فَبِأَيِّ حَدِيثٍ بَعْدَ اللَّهِ وَآيَاتِهِ يُؤْمِنُونَ﴾ [الجاثية: 6]. لازم الداعية يقتنع بكده، إن لو لم يؤمن بالله وبآياته لن يؤمن بشيء، لا تضيع وقتك معاه.
هو بيعمل إيه؟ ﴿وَيْلٌ لِّكُلِّ أَفَّاكٍ أَثِيمٍ * يَسْمَعُ آيَاتِ اللَّهِ تُتْلَىٰ عَلَيْهِ ثُمَّ يُصِرُّ مُسْتَكْبِرًا كَأَن لَّمْ يَسْمَعْهَا ۖ فَبَشِّرْهُ بِعَذَابٍ أَلِيمٍ﴾ [الجاثية: 7-8]. طب ولما بيعرف، لما أنت بتزنقه بيعرف حاجة: ﴿وَإِذَا عَلِمَ مِنْ آيَاتِنَا شَيْئًا اتَّخَذَهَا هُزُوًا﴾ [الجاثية: 9]، الميكانيزم الدفاعي على طول يقوم عامل إيه؟ يلجأ للسخرية، السخرية هي هروب، تحويل الشيء الجد إلى نوع من الميوعة عشان ما يواجهش. وإذا علم من آياتنا شيئاً اتخذها هزواً.
وسائل الملحدين الآن غالباً التي أعرفها والله أعلم ثلاثة: السخرية، الإعراض، ادعاء اللاأدرية؛ ما أعرفش. قديماً كان الملحد يحاول يتبنى موقف صلب وأنت بتناقشه، الآن أثبت فشله، في الوقت الغالب الذي يدعي إنه ملحد يلجأ للثلاث حاجات دول، والسورة تكلمت عن ده هنا، واتكلمت فكرة الادعاءات التي انتهت لنا أي حسية، طب صحي لنا الموتى. فأنا عايزك تقرأ سورة الجاثية تصلي بها في ركعة كده وتعيش المعنى ده. معلش أنا قلت لكم الدرس النهاردة هو مراجعة قرآنية على معنى متواتر مثاني منتشر في الوحي.
وربنا بيقول في الجاثية: ﴿أَفَرَأَيْتَ مَنِ اتَّخَذَ إِلَٰهَهُ هَوَاهُ وَأَضَلَّهُ اللَّهُ عَلَىٰ عِلْمٍ وَخَتَمَ عَلَىٰ سَمْعِهِ وَقَلْبِهِ وَجَعَلَ عَلَىٰ بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ ۚ أَفَلَا تَذَكَّرُونَ﴾ [الجاثية: 23]. بعد كل ده وقالوا: ﴿مَا هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَا إِلَّا الدَّهْرُ ۚ وَمَا لَهُم بِذَٰلِكَ مِنْ عِلْمٍ ۖ إِنْ هُمْ إِلَّا يَظُنُّونَ﴾ [الجاثية: 24]. حياتهم كلها ظن، لذلك قالوا في آية 32: ﴿إِن نَّظُنُّ إِلَّا ظَنًّا وَمَا نَحْنُ بِمُسْتَيْقِنِينَ﴾ [الجاثية: 32]. ختام الجاثية مرعب، حرب نفسية على ذلك الشخص الساخر الذي إذا علم من آياتنا شيئاً اتخذها هزواً.
أنا عايزك تتخيل إنك بتخاطب واحد معرض بيسخر بالآية دي، يا جماعة القرآن المكي كان يخاطب المشركين والمؤمنين، فكرة إن الناس عندها تصور إن أنا ما ينفعش أستعمل القرآن في الدعوة دي فكرة متوهمة، وموجودة للأسف في علم الكلام عندهم فكرة قذرة مش عايز أدخل فيها، أصل ده هيؤدي إلى الدور، ده تصور باطل في ظني، بل أنا متيقن بده. ﴿وَبَدَا لَهُمْ سَيِّئَاتُ مَا عَمِلُوا وَحَاقَ بِهِم مَّا كَانُوا بِهِ يَسْتَهْزِئُونَ * وَقِيلَ الْيَوْمَ نَنسَاكُمْ كَمَا نَسِيتُمْ لِقَاءَ يَوْمِكُمْ هَٰذَا وَمَأْوَاكُمُ النَّارُ وَمَا لَكُم مِّن نَّاصِرِينَ * ذَٰلِكُم بِأَنَّكُمُ اتَّخَذْتُمْ آيَاتِ اللَّهِ هُزُوًا وَغَرَّتْكُمُ الْحَيَاةُ الدُّنْيَا ۚ فَالْيَوْمَ لَا يُخْرَجُونَ مِنْهَا وَلَا هُمْ يُسْتَعْتَبُونَ﴾ [الجاثية: 33-35].
وتيجي بعد كده الأحقاف نموذج للعذاب الإهلاكي الذي يقول لي الداعية في الآخر: ﴿فَاصْبِرْ كَمَا صَبَرَ أُولُو الْعَزْمِ مِنَ الرُّسُلِ﴾ [الأحقاف: 35]. وبعد المجادلة في الآيات، إن لم يستجيبوا بعد الجدال في الآيات هتعمل معاهم إيه؟ في سورة اللي بعد الأحقاف هتعمل معاهم إيه؟ القتال. خلاص أنت استنفذت كل الوسائل، هو مصر مستكبراً ويستهزئ هتعمل إيه؟ ﴿الَّذِينَ كَفَرُوا وَصَدُّوا عَن سَبِيلِ اللَّهِ أَضَلَّ أَعْمَالَهُمْ * وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِّلَ عَلَىٰ مُحَمَّدٍ وَهُوَ الْحَقُّ مِن رَّبِّهِمْ ۙ كَفَّرَ عَنْهُمْ سَيِّئَاتِهِمْ وَأَصْلَحَ بَالَهُمْ * ذَٰلِكَ بِأَنَّ الَّذِينَ كَفَرُوا اتَّبَعُوا الْبَاطِلَ وَأَنَّ الَّذِينَ آمَنُوا اتَّبَعُوا الْحَقَّ مِن رَّبِّهِمْ ۚ كَذَٰلِكَ يَضْرِبُ اللَّهُ لِلنَّاسِ أَمْثَالَهُمْ * فَإِذَا لَقِيتُمُ الَّذِينَ كَفَرُوا فَضَرْبَ الرِّقَابِ﴾ [محمد: 1-4].
إحنا كده بفضل الله سريعا مرينا على هذا المعنى المتواتر القرآني، مسألة أن الله سبحانه وتعالى نصب لعباده الآيات الكونية الواضحة في خلق السماوات والأرض وفي كل المخلوقات وفي أنفسكم أفلا تبصرون، ولم يترك الناس سدى بل أرسل إليهم الرسل وأنزل إليهم الكتب ليهلك من هلك عن بينة ويحيى من حي عن بينة. ثم سبحانه وتعالى أيضاً بالرغم من إرسال الرسل والآيات إلا أنه كان يأخذ الناس بالبأساء.
والضراء. هو ده المعنى الذي أقصده بالآيات القدرية، إنه لا يتركهم هكذا، بل يعاملهم. والمعاملات ليست معاملات أممية فقط، يعني ليس أن الأمة هذه يأخذها بالبأساء والضراء، بل كل واحد ربنا يعامله معاملة خاصة. أنت لو رحت لأي شخص عنده ثلاثين أو أربعين سنة، وقلت له حتى لو كان ملحدًا: حدثني عن ترتيب حياتك، احكِ لي، ستجد أن كثيراً من التجار يقول لك: الذي يتصور إن التجارة ماشية بتخطيطه واهم، حتى لو لم يكن مسلماً.
فالله سبحانه وتعالى لا يترك الناس سدى، بل يعاملهم. فتكلمنا على مسألة المعرض أو الكافر، وكيف يعرضون عن الآيات، وإزاي القرآن خاض معركة من الآيات من خلال الأنعام والأعراف من خلال فرقانية الآيات، ثم المشوشات التي ذكرت في الطواسين الشعراء والنمل والقصص، واختتمت ثلاث سور بالقرآن، وكيف أن الله سبحانه وتعالى قادر على الفرق والمزج، ومتى الحكمة من المزج ومتى الحكمة من الفرق، بل حتى كذلك الناس يفرقون ويجتمعون له دلالة، مثل سورة النساء أن إحنا خلقنا من نفس واحدة وجعل لها زوجها، وإن العائلة البشرية كلها خلقت من نفس واحدة وكيف حصل التفرق. ولذلك سورة النساء تتكلم على هذا المجتمع المتفرق كيف يتعامل بالعدل، لأن سورة النساء لم تترك أحداً إلا وأعطته حقه، الكلالة، المرأة الضعيفة، اليهودي الذي قد يظلم من مسلم، سورة النساء أعطته حقه.
نجي بقى للجزء المهم، المؤمن في علاقته بهذه الآيات، في علاقته بالوحي، في علاقته بالمخلوقات، في علاقته بتقدير الله له. المؤمن لا يزال يرتقي بالنظر في هذه الآيات؛ لأنها وسائل العروج إلى الله سبحانه وتعالى، وكما قلنا هذه الآيات لا تنضب ولا تنتهي، يعني ما فيش مرحلة أنت بتوصل إنك ما عدتش هتنظر؛ الخلق كل شوية بيعطينا جديد، كل شوية تكتشف شيء في الكون، في النباتات، في خلية الإنسان، وهكذا، ولا يزال الناس يقولون سبحان الله في النظر في الخلق، ولا تزال أنت في النظر في أقدار الله لك تقول: سبحان الله. بل أنت في كل مرة بسبب أقدار الله لك قد تتعرف على اسم جديد أو صفة جديدة من أسماء الله وصفاته. كنت أقول للإخوة: نعرف أحد الإخوة الأفاضل لما بيتحط سواء في بلاء جديد في حياته، أو شيء حدث جديد سواء سراء أو ضراء حصلت، يقول: غالباً إن شاء الله هذه رحلة للتعرف على اسم جديد من أسماء الله. يعني الفترة دي هيتعرف أكيد على... هو خايف ينشغل بالأحداث عن الذي قدرها. يوسف عليه السلام خرج من السجن، خرج من الملك، وخرج من كل شيء وهو يقول: ﴿إِنَّ رَبِّي لَطِيفٌ لِّمَا يَشَاءُ﴾ [يوسف: 100]. هذه أعظم نعمة إنك تخرج تتعرف على الله.
رحلة المؤمن، دعونا نضرب لكم مثالاً وأرجع على رحلة المؤمن. عارف لما تسافر لمكان، كل شبر في سفرك بتشوف حاجة جديدة فأنت لا تزال منبهراً. هكذا علاقة المؤمن مع الله، كلما نظر في الوحي ونظر في أقدار الله له ونظر في المخلوقات لا يزال يقول: إيه ده؟ أنا ما كنتش أعرف ربنا. أنا ما كنتش أعرف إن ربنا قدير كدة، ما كنتش أعرف إن ربنا واسع في عطائه، ما كنتش أعرف إن ربنا سبحانه وتعالى عزيز حكيم بهذه الدرجة. وتظن أنك وصلت فتأتيك آية قرآنية أو آية كونية أو آية قدرية تبين لك أنك كنت في مرحلة لم تصل فيها إلى المعرفة الحقيقية بالله، فلا تزال تقول: سبحان الله، تنزه الله عن المعرفة السابقة.
أنت كنت متصور، عارف أنا في مرة كنت بأطوف مع واحد بيدعي ويقول: يا اللي وسعت السماء والأرض وسع لي رزقي، أنا بأسمع وماشي يا رب زي ما وسعت ما بين السماء والأرض وسع لي رزقي. أنا قعدت أتفكر في سعة السماوات والأرض وأثر ده إنه ممكن ربنا صحيح ربنا قادر، ربنا قادر سبحان الله. فأنت كان عندك تصور عن سعة الله، عن اسم الله الواسع، ده كان تصور ناقص. لما بيحصل لك قدر بتحتاج تنزه الله عن المعرفة السابقة، أنت كنت مسيء الظن بالله فتقول سبحان الله؛ فلا يزال المؤمن مع كل آية يتعرض لها، قرآنية وكونية وقدرية، يقول سبحان الله، ثم بعد أن يسبح الله يبدأ يقول الحمد لله، يثني على الله بما هو أهله، وبعد ما يثني على الله بما هو أهله يقول الله أكبر مما أتخيل. فيصل إلى حقيقة التوحيد لا إله إلا الله، فيحصل له حدث فيقول سبحان الله، يثني على الله فيقول الحمد لله، فيقول الله أكبر، فيصل إلى التوحيد، وهكذا رحلة المؤمن بين سبحان الله والحمد لله والله أكبر، ويختم بلا إله إلا الله. ودي الأذكار اللي بعد الصلاة بهذا الترتيب، ولا يضر الإنسان بأي هذه الأذكار بدأ، لكن المقصد أن الإنسان لا يزال يترقى بسبب هذه الآيات، فأنت دورك أنك تعايش هذه الآيات، لا تكون في غفلة.
لا تكون في إعراض عن النظر في الوحي، كم من آية قرآنية تطلع علينا ونعرض عنها. كم من آية كونية نراها ونعرض عنها. كم من آية قدرية في أمة الناس عموماً وفي أمة الإسلام خصوصاً، وفي حياتك أنت على أخص الخصوص ونحن نعرض عنها. ذلك السير في الأرض، النظر في التاريخ، السفر، النظر في المخلوقات، كلها وسائل المعرفة إلى الله سبحانه وتعالى، ﴿قُلْ سِيرُوا فِي الْأَرْضِ فَانظُرُوا﴾ [الأنعام: 11]. أنت بتسير وتنظر تتأمل. من وسائل الوصول للسنن الله زي ما في سورة آل عمران قبل ما ربنا يكلمنا عن السنن في التعامل مع الهزيمة: ﴿قُلْ سِيرُوا فِي الْأَرْضِ﴾ [آل عمران: 137]. أنت محتاج تتأمل؛ السير في الأرض قد يكون سيراً زمانياً النظر في التاريخ، مش لازم يكون سير مكاني، أنت ممكن تسير في الزمان إلى الوراء، هي السور كلها ﴿إِنَّ فِي ذَٰلِكَ لَآيَةً﴾ هو سير زماني.
المؤمن كما أن الله يتجلى لكل عباده بآياته القرآنية والكونية والقدرية، كذلك للمؤمن. لكن المؤمن يتلقى الآية، فربنا قال على الكافر: ﴿وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ أَوَّلَ مَرَّةٍ﴾ [الأنعام: 110]. عكس ده مع المؤمن، ربنا سبحانه وتعالى بيزيده بصيرة في قلبه وفي إيمانه لما بيبصر الآية، فشكر الآية فربنا يديله آية بعد كده، فشكر الآية فربنا يديله آية، فالمؤمن لا يزال يتقلب في الآيات. المؤمن يا جماعة عايش حياة هي ليست كأي حياة، هي الحياة الطيبة، المؤمن ما عندوش حاجة تانية، الله المركز. فهو عايش حياته سبحان الله والحمد لله والله أكبر، هي دي حياة المؤمن، يتقلب في الآيات؛ حدث مؤلم حدث مفرح هو يتقلب في الآيات. يوسف عليه السلام في السجن وفي البئر لم يغب عنه أقدار الله ورؤية أفعال الله سبحانه وتعالى، في الملك وفي القصر لم يغب عنه ذلك، فقال في الختام: ﴿تَوَفَّنِي مُسْلِمًا وَأَلْحِقْنِي بِالصَّالِحِينَ﴾ [يوسف: 101]. هو لا عاد شغله البلاء ولا شغله الملك، عايز أوصل لربنا.
المؤمن بيبحث عن مراد الله، يجمع كده في الوحي: الله يريد إيه؟ الله يريد الآخرة، الله يريد أن يحق الحق، الله يريد بكم اليسر. أنت بتجمع مراد الله وتبقى أنت عايش تبحث عن مراد الله، ومن خلال هذه الآيات تصل إلى مراد الله. الله يريد الآخرة في الأنفال ويحق الحق في الأنفال أيضاً، فممكن ركز بقى معايا، تحصل أقدار بالنسبة لك غريبة، غريبة، ليه يحصل كده؟ ليه تحصل دماء؟ ليه يحصل قتل؟ ما هو أنت باني تصوراتك عشان أنت تريد الدنيا، فعلى مرادك أنت كده مضطرد مع نفسك، على قد طموحك الدنيء طبيعي جداً يكون مستشكل اللي بيحصل. لكن لما الإنسان يتخلق بأخلاق الوحي ما بيحسش بأي تناقض في الكون، الصورة عنده مضطردة متناسقة؛ المؤمن عنده دار آخرة وعنده الله سبحانه وتعالى يقدر الأقدار، الله بكل شيء عليم، فما عندوش تناقض ويرى الآيات. ولما بيشكل عليه، طبيعي إنه يحصل له أوقات زي صلح الحديبية سورة الفتح، ربنا سبحانه وتعالى ما بيسيبوش، ﴿رَبَّنَا لَا تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً﴾ [آل عمران: 8]. ربنا ما بيسيبوش، ربنا بيبين له حتى ولو بعد حين. لأن المؤمن -خدوا بالكم من المعنى ده قوي- المؤمن أثناء الآية لا ينشغل بمساءلة الله؛ لأنه عبد.
حياة المؤمن مع الآية القدرية أو الآية اللي مش مفهومة حتى لو الآية الشرعية، ما بيبقاش مشغول: ليه؟ وإزاي؟ وهي دي شبهة؟ لا، بيقف أمام الآية وقوف العبد، ينتظر أن يفتح له في فهمها، عبد ذليل، مقام العبودية مقام هو أعلى مقام عند المؤمن، والمقام ده هو اللي بيخليه يرتقي فيعرج إلى الله سبحانه وتعالى من خلال هذه الآيات. فإذًا رحلة التعرف على الله من خلال الآيات القرآنية والآيات الكونية، والآيات القدرية في الناس وفي أمة الإسلام وفي نفسك، هي رحلة كلها إبهار، رحلة تتوقف، ونحن بصيغة المضارع ﴿نُسَبِّحُ بِحَمْدِكَ وَنُقَدِّسُ لَكَ﴾ [البقرة: 30]، ده الملائكة، أنت بتوصل لمرحلة أن ترى هذا بقلبك. لذلك المسلم رحلته من الإسلام فـ الإيمان فـ الإحسان. الإسلام استسلم بجوارحه، إحنا قلنا دلوقتي الله غيب، تعرف إلينا من خلال هذه الآيات، فأنت عايز ترتقي، شوف بقى الرحلة بدأت من إن هو استسلم الجوارح، ثم آمن والإيمان فيه معنى الطمأنينة، آمن بقلبه، ثم الإحسان أن تعبد الله كأنك تراه. هو ده المؤمن، وصل لمرحلة إن الخطوط الفاصلة بين عالم الغيب والشهادة عنده بقت رقيقة، أن تعبد الله كأنك تراه. مش بس كده على المجمل، أن تعبد الرزاق كأنك تراه، بدأت تشوف الرزاق، ما عدتش بتتكلم عما سمعته عن الرزاق، عدت بتكلمنا عما رأيته من الرزاق، ما عدتش بتكلمنا عما سمعته عن اللطيف، عدت تحدثنا أنت عن اللطيف، عدت أنت أصبحت تحدث الناس عن الكبير المتعال، عن الواحد القهار، عما رأيته أنت، عما لمسته أنت، آيات أنت شفتها، أصبحت الآية بالنسبة لك منارة فعلاً، بينة، فبتقول: إني على بينة من ربي.
يعذب المسلمون، يحصل هزيمة للمسلمين، يحصل هزيمة حضارية، يحصل ما يحصل، وأنت على بينة من ربك، أنت رأيت من الآيات. ولا تزال ترتقي في الآيات، فيحصل لك بلبلة، يحصل أزمة، يحصل هزيمة، يحصل معركة، يحصل مشكلة، تقوم راجع للآية القرآنية، وتنظر في الكون، وتنظر في سنن الله سبحانه وتعالى، فتزداد يقيناً، فترجع للواقع بنفسية قوية. الناس تشوف الدماء في غزة فيصيبها إحباط، وترجع للوحي وتنظر في سنن الله في التاريخ فيصيبها قوة، فترجع تدخل المعارك. فبسبب تفرق المسلمين، بسبب عدم فهم سنة أخرى، يحصل هزيمة، فيرجع، وهكذا المؤمن هو حاسس إنه يأوي إلى ركن شديد.
فرحلة المؤمن أنت لما بتقوم بتقول: أحق ما قال العبد وكلنا لك عبد، الأولى تقول أهل الثناء والمجد في أهلها وفي رواية أهلها، أنا أميل والله أعلم أنها أهلها بالنداء، يعني يا أهل الثناء والمجد، عايز يعني أنت تنادي عليها تقول إيه؟ أحق ما قال العبد وكلنا لك عبد، إيه أحق كلمة أن تخرج من الحياة وأنت تقولها؟ إيه الكلمة اللي أنت دي أحق كلمة بتطلع من بقك؟ ﴿اللَّهُمَّ لَا مَانِعَ لِمَا أَعْطَيْتَ وَلَا مُعْطِيَ لِمَا مَنَعْتَ وَلَا يَنْفَعُ ذَا الْجَدِّ مِنْكَ الْجَدُّ﴾. المؤمن الذي يريد الله به خيراً يريه هذا المعنى، الله سبحانه وتعالى يعرفك هذا المعنى حتى يكون هذا المعنى عندك يقيني، ترتبط بواحد جداً جداً جداً يموت، تتعلق بحاجة تبوظ، تروح الناس كلها معها مفاتيح تحط الناس اللي معها مفاتيح تحط المفتاح يفتح، تيجي أنت معك نفس المفتاح تحط المفتاح مش راضي يفتح، ربنا بيعاملك معاملات مختلفة، والله يريد أن ترتقي إليه، أن تتعلق به، فيوصلك لمرحلة من الآيات الكونية اللي بيوريها لك، ومن الآيات القرآنية اللي بتطلع عليك، ومن الآيات القدرية اللي بيربيك بها، أن تعلم أنه لا مانع لما أعطى، أصبحت ده أنت رأيته آية، يعني بتقول اللهم لا مانع لما أعطيت ولا معطي لما منعت، سواء في الرفع من الركوع أو بعد الصلاة كما ورد، اللهم لا مانع لما أعطيت ولا معطي لما منعت ولا ينفع ذا الجد منك الجد، بتقولها يقيناً أنت شفتها، يعني لا ينفع ذا الجد منك الجد دي أنت شفتها، شفتها آيات زي اللي شاف ناقة صالح وشاف عصا موسى، كده أنت شفتها في واحد شافها وأعرض، إحنا قلنا رؤية الآية لا تؤدي لزوماً إلى الإيمان بها، تمام؟
يبقى أنت في رحلة التعرف على الله سبحانه وتعالى، إياك أن تنشغل عن رؤية الآيات. المؤمن يقظ، يقظ. الآية الكونية النبي صلى الله عليه وسلم رأى الخسوف فزع صلى الله عليه وسلم قام يصلي. بلاش تتعامل مع المداولة بين أهل الكفر وأهل الإيمان بالإعراض، دي من السنن، دي آية، ﴿إِنَّ فِي ذَٰلِكَ لَآيَةً﴾. معاملة ربنا ليك في حياتك آيات، المؤمن لا يعرض عن الآية، المؤمن في حالة ارتقاء بيتعرف على أسماء الله وصفاته، لا ينشغل، خدوا بالكم زي ما قلنا عند أهل الباطل في مشوشات على الآيات، وتتصور إن الشيطان مش هيسيبك، كل آية قدرية أو كونية أو شرعية بتجيلك الشيطان عايز يشوش لك عليها الموقف الذي أنت كنت في قمة الـ...
الإيمانيات والنشوة في علاقتك بالله بسبب قدر حصلك، الشيطان هينسيهولك ويخليك تنسبه إلى شيء سببي مادي بحت، ويخليك تنسى المعنى ده. العهود التي عاهدتها مع ربنا الشيطان هينسيهالك. ما وجدنا زي الأعراف، الصورة المرعبة بالنسبة لنا، طبعًا كل الصور المفروض تكون بالنسبة لنا تخوفنا وتقربنا من ربنا، بس الأعراف لأن الناس شافت. أنت ممكن تشوف وتبعد، لذلك لازم تحافظ على الوجل في علاقتك بالله سبحانه وتعالى لازم دائمًا.
لذلك معنى الغفلة في الأعراف أنت محتاج قصاده تذكرة، لازم دائمًا تكون بتتذكر، والمعنى ده أيضًا موجود كتير في سورة طه. من أكثر الألفاظ اللي تكررت في سورة طه الذكر، لأن سورة طه ذكرت، لذلك سورة طه ذكرت مقابل الذكر النسيان، سورة طه فيها نسيان كتير وفيها الذكر كتير، لأن أنت ﴿وَلَقَدْ عَهِدْنَا إِلَى آدَمَ مِنْ قَبْلُ فَنَسِيَ وَلَمْ نَجِدْ لَهُ عَزْمًا﴾ [طه: 115]. فبشأن تحافظ على هذه العزيمة الإيمانية لازم تتذكر بكثرة النظر في الآيات. ربنا ما سابناش، أنت مش هتخترع الآية اللي تذكرك، ربنا سبحانه وتعالى جعل هذه الآيات.
المؤمن بقى، المؤمن تخيل كده لهذه الحياة أسأل الله سبحانه وتعالى أن يذيقنا طعم الإيمان. المؤمن يسمع القرآن في الصلاة، يقرأ القرآن في ورده، يذكر الله، يزداد إيمانًا لأنها آيات. يسير في الحياة ينظر بمجرد نظر زي سيدنا إبراهيم كده، ينظر إلى الشمس، إلى السماء، إلى القمر، آيات تذكره، وكل موقف في حياته آية تذكره، فالمؤمن كيف ينسى؟ يعني زي ما سيدنا إبراهيم كده بيقول كيف أخاف، أنت بتقول كيف أنساك؟ يعني أنت في علاقتك بالله سبحانه وتعالى المذكرات حولك في كل مكان، في نفسك، في بدنك، في سماع القرآن، في النظر. طبيعي إن الإنسان بيمر بلحظات غفلة، لكن سرعان ما يعود إلى التذكرة.
ثم جعل ربنا ليك مواسم طاعات بيكون فيها التذكر عالي، الآيات أعلى، خلي بالك أنت لما تروح الحج وتشوف بقى الآيات ومقام إبراهيم والكعبة والسعي وتعيش هذه المشاعر مع الناس وترى آيات عظيمة آيات بينات مقام إبراهيم. وتشوف في الصيام ورمضان وتلقي الوحي وهكذا، فالمؤمن الله سبحانه وتعالى أحاطه بهذه الآيات المذكرات. الإشكال فين؟ الإشكال في الغفلة إنه ينشغل، يعني يوسف عليه السلام لم ينشغل بسنوات السجن عن الله. إياك أن تنشغل، هو الإنسان يتقلب بين السراء والضراء، إما سراء مفرحة تخليه ينسى افتقاره إلى الله سبحانه وتعالى.
بعض الناس سبحان الله ربنا يفعل ما يشاء مع عباده، يعني ﴿لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاءُ يَهَبُ لِمَنْ يَشَاءُ إِنَاثًا وَيَهَبُ لِمَنْ يَشَاءُ الذُّكُورَ * أَوْ يُزَوِّجُهُمْ ذُكْرَانًا وَإِنَاثًا وَيَجْعَلُ مَنْ يَشَاءُ عَقِيمًا﴾ [الشورى: 49-50]. الله سبحانه وتعالى أعلم بعطاءاته للناس، في واحد تشوفه كده في لحظات الاحتياج في قمة القرب من الله، وتشوفه أول لما يأخذ شيئًا ما ينسى. الله أعلم بما يصلح عباده، مش أنت اللي موزع توزيعة البلاءات، ربنا سبحانه وتعالى يفعل ما يشاء. قالوا أذينا من قبل أن تأتينا ومن بعد ما جئتنا، قال ﴿عَسَى رَبُّكُمْ أَنْ يُهْلِكَ عَدُوَّكُمْ وَيَسْتَخْلِفَكُمْ فِي الْأَرْضِ﴾ [الأعراف: 129].
هو أنت متصور أنه لما يهلك العدو ويستخلفك أن ورقة الأسئلة خلصت؟ لا ده هيجيلك سؤال ثاني. لقد نجحتم في سؤال البلاء وسألت وفشلت في سؤال السراء، فينظر كيف تعملون. بعض الناس بيعترض بداخله على أشياء قد تكون هي الخير بل هي الخير له ﴿وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ﴾ [البقرة: 216]. عجبًا لأمر المؤمن إن أمر كله له خير. ﴿وَظَنَنْتُمْ ظَنَّ السَّوْءِ وَكُنْتُمْ قَوْمًا بُورًا﴾ [الفتح: 12]. وطائفة قد أهمتهم أنفسهم يظنون بالله غير الحق ظن الجاهلية، ودي إيه في آية هزيمة.
فيجي الناس زي المعارك زي غزة الحروب البلاءات أكثر الحاجات اللي بتثور الصدر تشوش على الآيات. لذلك ماذا فعل النبي صلى الله عليه وسلم حينما عاد من أحد والدماء تسيل والمسلمين في هزيمة؟ ماذا فعل صلى الله عليه وسلم؟ قال إيه: استووا حتى أثني على ربي. الحمد، هنا أنا هأنزه الله وأثني على الله، أنا سأحافظ على هذه الحياة في علاقتي بالله، لن أجعل الهزيمة والدماء تشوش على علاقة التسبيح والحمد والتكبير.
يعقوب عليه السلام قال: ﴿فَصَبْرٌ جَمِيلٌ وَاللَّهُ الْمُسْتَعَانُ﴾ [يوسف: 18]. مش هيخلي فقدان أحب الناس إليه يشوش على علاقته بالله، المؤمن ينازع هذه الأمور. هيجيلك سراء أو بلاء يجعلك مشوش، ده طبيعي كلنا كده، الإشكال إنك تستمر في التشويش ده. ينام الرجل نومة فترفع الأمانة من قلبه. من رحمة ربنا بيك أنه هيبعتلك آية ثانية، ما تخافش، ربنا كريم، إحنا قلنا تنزيل من الرحمن الرحيم، الله فصل الآيات، الله رحيم.
أنا ما بقعد مع حد وأحس إن غالب كلامه شكوى من ربنا، وربنا سابني، وربنا ما عرفنيش، وأنا ما أعرفش أعمل إيه، ومش شايف، ومش فاهم، ويقعد، أنا بحس إن أنا على قد فهمي ببقى بقول جوايا أنا مصدق ربنا أكثر ما أنا مصدقك بصراحة. مش معقول، مش معقول تكون أنت صادق، يعني بقول ببقى يعني واحد عايز يوصل لي رسالة إنه صادق وعمل كل اللي يقدر عليه وبيتضرع ونفسه يوصل، لكن ربنا ما ورالوش أي حاجة، وما. مش ربنا اللي إحنا نعرفه؟ هذا الإله؟ غريبة جدا.
خلاص، هو ربكم إن كان الله يريد أن يغويكم هو ربكم وإليه ترجعون، يبقى قولوا له لما ترجعوا، ما هو مش ربنا. يا سيدي الروح عمال يجادلهم يجادلهم، في الآخر قال لهم يعني إن كان رب يريد أن يغويكم هو ربكم وإليه ترجعون، يبقى قولوا له لما ترجعوا، أنا مالي. أنا رسول، أنا جاي أبلغك آيات الله سبحانه وتعالى، فالله اللي نصب كل هذه الآيات، أنت مش عارف توصل له؟ إزاي يعني؟ إزاي؟ ده نظر في الكون، نظر في القرآن، نظر في حياتك يخليك طول ما أنت قاعد أصلًا تقول سبحان الله والحمد لله ولا إله إلا الله.
أنت محتاج تقلل من هذه المشوشات، لذلك الوحي نبه لخطورة مثلًا ﴿لَا تَمُدَّنَ عَيْنَيْكَ﴾ [الحجر: 88] سورة الحجر، اللي فيها برضه فكرة سورة الحجر من المعنى فيها معنى الآيات. أنت هتشوش على نفسك ليه؟ تزود التشويش على نفسك ليه؟ ما هو أنت عينك لما تمتد لمتاع الحياة الدنيا وزخرف الحياة الدنيا، هتتقلص النظر في آيات الله سبحانه وتعالى، فلن تعد تبصر عظمة الله وقدرة الله، هتبدأ منشغل بعظمة الدنيا بالنسبة لك وزخرف الدنيا، لذلك.
موسى عليه السلام رايح يواجه أعلى طاغية، بيقول هو ربهم الأعلى، تعالى الله عما يقول علوًا كبيرًا لعنه الله. فبيقول إيه: ﴿رَبِّ اشْرَحْ لِي صَدْرِي * وَيَسِّرْ لِي أَمْرِي * وَاحْلُلْ عُقْدَةً مِنْ لِسَانِي * يَفْقَهُوا قَوْلِي * وَاجْعَلْ لِي وَزِيرًا مِنْ أَهْلِي * هَارُونَ أَخِي * اشْدُدْ بِهِ أَزْرِي * وَأَشْرِكْهُ فِي أَمْرِي * كَيْ نُسَبِّحَكَ كَثِيرًا * وَنَذْكُرَكَ كَثِيرًا﴾ [طه: 25-34]. وربنا قال له ﴿وَلَا تَنِيَا فِي ذِكْرِي﴾ [طه: 42] اوعى تضعف، كل ما بتكون مهمتك أعلى كل ما بتحتاج زاد أعلى، اوعى تضعف في الذكر، اوعى تضعف في هذا الأمر حتى تستطيع أن تواجه مصاعب الحياة.
يبقى المشكلة إن إحنا الشيطان بيعوز يوصلك، وأختم باب ده، الشيطان بيعوز يوصلك نسأل الله العافية، يعني الشيطان عايز يوصلك إن الحياة عبث، فلان مات صدفة وفلان اتخذ صدفة وفلان حصل له كذا والقنبلة دي موتت كذا صدفة والرشاشات موتت، عايز يحسسك إن الحياة ماشية كده عبث، وإن ما فيش أي حاجة ولا ما فيش وإن دعائك مش مسموع وإن ما حدش يعرف عنك حاجة، وإن الشيطان عايزك تعيش هذا المعنى هذا الخواء وشعور إنك وحيد كده وإنك في صحراء دعائك لا يصل وكأنه صرخة في صحراء لم يسمعها أحد، ده معنى شيطاني يريد أن يحصرك به الشيطان.
لكن كل شيء بقدر، ثم جئت على قد، شوف سيدنا موسى، كان بيتربى في القصر، وبعد كده واحد قال له الحقني فقام رايح يلحق ومموت واحد، فجي يعمل إيه بعد كده؟ قال له الحق عايزين يموتوك، قام هارب، بعد كده راح مدين، بعد كده لقى ناس الصخرة شالها وجاب البير وسقى الفتاتين، قال له تشتغل اشتغل وبعد كده اتجوز وبعد كده رجع بأهله تاني رأى نار، وبعد، إيه ده؟ ربنا بيقول له هو أنت فاكر إن ده كده؟ وفتناك، عشان كده بيسموه حديث طويل أثر وإن كان أثر طويل يذكر ابن كثير وغيره حديث الفتون وفتناك فتونا أقدار، وبعد كده ربنا بيقول له في سورة طه إيه: ﴿ثُمَّ جِئْتَ عَلَى قَدَرٍ يَا مُوسَى﴾ [طه: 40].
أنت فاكر كل شيء بقدر، أنت الذي لا تنظر في هذه الأمور، أنت اللي الشيطان بيصور لك ذاك الأمر، كل شيء بتقدير الله لك. فأوعى الحياة والأسباب والانشغالات والناس والاتصالات والمعارف والخروج ينسيك المركز اللي في أصلًا، أنت بتطوف حوالين إيه يا جماعة؟ الإنسان أصدق الأسماء حارث وهمام، كل الناس جواها هم وجواها حرث، إيه مركز الهم والحرث في حياتك؟ بتطوف حوالين إيه؟ في ناس بتطوف حوالين نفسها، في ناس تصحى الصبح تصحى وتنام تسبح بحمد نفسها، هي لا تفكر إلا في صورتها فقط، هو بيطوف حوالين نفسه، في اللي بيطوف حوالين أي معبود آخر ﴿أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ﴾ [الجاثية: 23].
لكن في واحد هو منشغل بالله، لن تستطيع أن تكون كما قال يعني حنظلة لو أننا نكون على الحال التي نكون فيها عندك، قال صلى الله عليه وسلم لسيدنا حنظلة: «لو أنكم تدومون على الحال التي تكونون فيها عندي وعلى الذكر لصافحتكم الملائكة في الطرقات»، أنت مش هتستطيع ده، لكن على الأقل ساعة وساعة، ساعة تبصر فيها الآيات على الأقل أن تقارب. اللي جه لابن عمر يخطب ويطوف قال فلم يرد عليه قال إنا كنا نطوف ونتخيل الله بين أععيننا. هو ده الطواف كأنك تراه، وأن تقرأ القرآن كأنك تراه، وأن تصوم كأنك تراه، وأن تصلي كأنك تراه، أنت ما عادش عندك الإحسان مرتبة عامة، ده أنت عندك الإحسان في التفاصيل في علاقتك بالله سبحانه وتعالى.
وكأنك تراه إزاي؟ من خلال الآيات التي نصبها لنا. واضح المعنى؟ نرجع لفكرة التصور الشيطاني اللي عايز يخليك تتصور إن الحياة عبث، يقول لك في أوقات ضايعة في الحياة، سنتين حرب، إيه 100 سنة هزيمة، 300 سنة مش عارف إيه، يظن. أما تيجي تبص في القرآن: ﴿فَأَمَاتَهُ اللَّهُ مِئَةَ عَامٍ﴾ [البقرة: 259]، ﴿فَلَبِثُوا فِي كَهْفِهِمْ ثَلَاثَ مِائَةٍ سِنِينَ وَازْدَادُوا تِسْعًا﴾ [الكهف: 25]، ﴿وَلَبِثَ فِي قَوْمِهِ أَلْفَ سَنَةٍ إِلَّا خَمْسِينَ عَامًا﴾ [العنكبوت: 14].
شوف الأرقام، فلبث في السجن بضع سنين، اللي لا يرى تقدير الله في دي أوقات ضايعة، 300 وشوية سنة في الكهف نايمين، أماته الله 100 عام عشان يعلم أن الله على كل شيء قدير، 1000 سنة إلا 50، 950 سنة بيدعوا ناس معظمهم مش هيسلم أصلاً، وفي الآخر الطوفان يهلكهم. هو مش فاهم أن ممكن 100 سنة أقدار مؤلمة تخرج منها بمعرفة اسم من أسماء الله، الأمر يستحق. أمال إحنا جينا ليه أصلاً؟ ﴿وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ﴾ [الذاريات: 56]. إنك تتعرف على معنى أو يتبين لك الحق، الله يريد الحق، ونحن نريد الدنيا.
﴿وَتُوَدُّونَ أَنَّ غَيْرَ ذَاتِ الشَّوْكَةِ تَكُونُ لَكُمْ﴾ [الأنفال: 7]. فأنت عشان كده قاعد شايف إن دي أوقات مهدرة وإن ده مال ضائع وإن دي عمارات هدمت وإن دي دماء سالت، أنت تصوراتك هي اللي مخلياك تقيم التقييمات غلط، لكن دي دماء مسك ودي عبوديات وده حق اتضح وهنا لطف ظهر وهنا رزق، نظرة ثانية. الملائكة تسبح بحمد الله لأنها ترى، وترى ملائكة حافين من حول العرش يسبحون بحمد ربهم، رؤية الآيات تخليك ترتقي في النظر للكون، فتسبح، إيه ده؟ أنا ما كنتش رحلة عظيمة، أنا ما كنتش أعرف إن ربنا كده، فتثني عليه بما هو أهله، ثم تقول أكيد الله أعظم، الله أكبر من ذلك، فتقول لا إله إلا الله، وهكذا رحلة.
هذا المؤمن، فإذاً من رحمة الله بالعبد أن يريك الآيات وكذلك نريه، وهي ملكوت السماوات. من رحمة ربنا سبحانه وتعالى إنه يبصرك بالآية، إنه يسمعك الآية. أنت، إحنا نبقى واقفين في نفس الصف في الصلاة، كلنا سامعين نفس الصوت، بس مش كلنا سامعين نفس الآيات، أحياناً أنت تروح تعمل عمل صالح، تروح تبر والديك، تعمل حاجة، تعمل عمل خيري، وتيجي منهك مش مركز وتقف في الصلاة وتحس إن الإمام قرأ الآية بطريقة، إيه ده؟ ده رزق، دي مش كده، ده رزق، ربنا بيسمعك الآية.
ودي لسه الخطوة الأولى، هتعمل إيه بعد ما سمعتها؟ ده أول نعمة، هتشكرها؟ هتجيلك الآية اللي بعدها، هتلاقي موقف عجيب فتلاقي آية، فتشوف زهرة أو تشوف شمس بصورة عجيبة، تقول سبحان الله، طب ما هي كانت موجودة. وهكذا المؤمن في رحلة مع الآيات حتى يصل إلى حالة الفرقانية ويكون في حالة اليقين. أسأل الله سبحانه وتعالى أن يرزقني وإياكم اليقين والعافية.
اللهم بصرنا بما ينفعنا، وفقنا لفعل ما تحب وترضى، اللهم آتنا من لدنك رحمة وهيئ لنا من أمرنا رشدا، ربنا آتنا في الدنيا حسنة وفي الآخرة حسنة وقنا عذاب النار. أقول قولي هذا وأستغفر الله لي ولكم، سبحانك اللهم وبحمدك، أشهد أن لا إله إلا أنت، أستغفرك وأتوب إليك، والسلام عليكم ورحمة الله وبركاته.