د. أحمد عبد المنعموكيف تصبر على ما لم تحط به خبرا. مسألة الصبر في القرآن مسألة متشابهة، كأن الأئمة في الأزمات يبحثون عن مواطن الصبر في القرآن. مما ذكر في محنة الإمام أحمد بن حنبل، أنه كان يعد ويبحث عن مواطن الصبر في القرآن.
عايزنتكلم النهارده الفكرة الأساسية، يعني عايزين نتكلم على أصل مفهوم الصبر سريعا، مش هتكلم عنه فلسفيا؛ لأن الناس بتقعد تخوض في تعريف الصبر، وتقعد تحلل في المفهوم النفسي، مش هناخد كثيرا في ده. لكن عايزين نعرف كيف ساعدنا القرآن على الصبر ولماذا أصلا؟ كيف ساعدنا القرآن على الصبر؟ لذلك ممكن يبقى عنوان اللقاء الصبر في القرآن.
مبدئيا ليه نصبر؟ أبسط حاجة؛ لأن لا تسير الدنيا أبدا على أمانينا، قال الله سبحانه وتعالى: أم للإنسان ما تمنى * فلله الآخرة والأولى. كثير من المفسرين قال أم للإنسان ما تمنى، المعنى العام يعني أن الدنيا مش هتمشي على مزاجك، أن الدنيا لن تسير على مرادك في كل شيء. لازم هيقابلك، أنت بتقعد تخطط وترتب سواء في الدين أو في الدنيا، يعني مسألة الصبر لازمة لكل أحد في الحياة. قال الله سبحانه وتعالى: لقد خلقنا الإنسان في كبد. في لازم جزء من المعاناة، وقال صلى الله عليه وسلم: أصدق الأسماء حارث وهمام. أنت كده كده عندك هم أن تفعل شيئا، ونفسك تفعل شيئا فانت جواك هموم عايز تحققها، والهموم دي بتتحول لحركة الأعمال عايز تعملها، فبتفاجأ أن يا أما مثلا في أشياء مضادة ليك. أنت لو في الدين عايز تنشر الحق، في أمامك ناس يريدون ليطفئوا نور الله بأفواههم والله متم نوره، ففي ناس بتعاديك، قال الله سبحانه وتعالى: والله أعلم بأعدائكم. أنت كده كده ليك أعداء، قال الله سبحانه وتعالى: وكذلك جعلنا لكل نبي عدوا من المجرمين. وفي سورة أخرى: وكذلك جعلنا لكل نبي عدوا شياطين الإنس والجن يوحي بعضهم إلى بعض زخرف القول غرورا. فلو أنت حتى اخترت المسار الديني، هتيجي تطبق اللي أنت عايزه في أعداء، في أقدار لا تسير كما تخطط. أنت قاعد تخطط وترتب، بتحط مثلا بتربي كوادر، ممكن فجأة ده يموت. شوف مثلا الناس اللي ماتت في غزوة أحد، شوف حزن النبي صلى الله عليه وسلم على شهداء أحد، وظل يتذكر شهداء أحد إلى قبيل وفاته صلى الله عليه وسلم.
انت مثلا كنت متصور في التخطيط، يعني بنحاول نستقي من السيرة، أنت مثلا كنت بتتصور إن هي طائفة هاجر للطائف، تفاجأ أن أشد بلد ومن أواخر البلاد التي فتحت هي الطائف؛ يعني سبحان الله كان في منعة عند أهل ثقيف في الطائف. فانت الحالة هتمشي على موعدك، فانت لابد أن تصبر شئت أمبيت لابد أن تصبر.
طيب الإشكال الثاني فين في الصبر أو النقطة المهمة في الصبر؟ أن الإنسان لما بيشعر أن الأحداث اللي بيعيشها مش متركبة مع المفاهيم اللي هو فاهمها، بيحصل له حالة من الآيه، عارفين زي ما بنستعمل المصطلح؟ بيحصل له إيرور كده؛ يعني بيحصل له لخبطة، ويبدا يبقى جواة تساؤلات هو ده ليه؟ لأن لو هو مش موطن نفسه على الصبر فبيكون الإنسان عجولا. وهنجد أن من ممكن نسميها العصابات أو الأشياء اللي تعصب العين، يعني تمنع من رؤية، مما يمنع الرؤية في أفعال الله وفي أن الإنسان يكون على مستوى إيماني عالي، العجلة. قال الله سبحانه وتعالى: إن في ذلك لآيات لكل لكل مين؟ صبار شكور. الصبار الذي عنده قدرة على الصبر هو الذي يستطيع قراءة آية الحياة، نعما وبلاءات. الذي يستطيع في النعم أن يشكر الله وفي البلاءات أن يصبر، هو الذي يرى الآيات. قال الله سبحانه وتعالى: سأريكم آياتي فلا تستعجلون. العجلة تمنع من رؤية الآيات: سأريكم آياتي فلا تستعجلون. الإنسان العجول هو عايش أسر اللحظة، ودائما قاعد مرتقب إيه اللي هيحصل إيه اللي هيحصل؟ فمش عارف يتعامل مع اللحظة الحالية اللي بيمر بيها والأزمة اللي بيمر بيها التعامل العبودي الصح.
الصبر كتير في القرآن، ربنا بيقول لك هذا قد يكون، مش عايزين نقول كلمة الحل، خلينا نستعمل مصطلح هذه العبودية المطلوبة الآن؛ لأن بعض الناس بيتصور أن العبوديات لازم يكون شيء أنت هتعمله هيغير المعادله الحالية الآنية، لا ممكن يكون الحل أنك تصبر. تمام، بعض الناس لما بيسمع الكلام ده يتضايق ليه؟ يقول لك طب ما كده هتحتل إلى ناس سلبية، لا ما هو القرآن ما قالش اصبر فقط. يعني لذلك كان في درس بعنوان تقريبا اصبر وجبنا مواطن للصبر واصدع بما تؤمر. فانت عندك كذلك مواطن الصبر في القرآن المكي كتير جدا؛ لأن أنت محتاج تتحرك على المستوى الحركي والمستوى السياسي والمستوى الاجتماعي، وتفكر إزاي تغير تغير الواقع، بس أنت في حاجات فوق طاقتك، أنت ما قدامكش حل أنت لازم تصبر. لذلك سيدنا موسى كان بيقول لبني إسرائيل: اصبروا عسى ربكم أن يهلك عدوكم ويستخلفكم في الأرض فينظر كيف تعملون. هنعمل إيه؟ قالوا: أودينا من قبل أن تأتينا ومن بعد ما جئتنا. هم متصورين بمجرد البعثة لازم هيحصل تغيير آني لحظي، لا في حاجة اسمها اصبر. ما فيش حلول، ما فيش حلول تاني، ما فيش حلول مغيرة بالصورة اللي أنت متصورها، لكن في عبوديات.
يعني أنت ممكن تضيء شمعة للحق، أنت ممكن بتقارب من التغيير بشبر؛ لأن التمكين أو التغيرات أو كل ده بيحصل بصورة تراكمية، مش لازم أنت اللي تضع اللبنة النهائية، أنت لبنة في الطريق. إذا جزء كبير من الحياة أنت بتقضيه في الصبر؛ أنك أنت لازم أشياء أنت مش فاهم بتحصل ليه، أو عايز تغيرها ومش قادر، فانت لازم يكون العلاج الصبر.
أيضا لما بيحصل زي ما قلت أن أنت مش فاهم، ما عندكش إجابات للي بيحصل أو ما عندكش تفسيرات، فبيكون الصبر صعب. لذلك قال الله سبحانه وتعالى: الخضر بيقول لسيدنا موسى: وكيف تصبر على ما لم تحط به خبرا. وقال الله سبحانه وتعالى: بل كذبوا بما لم يحيطوا بعلمهم. عدم فهم، يعني بردو عشان أكون كلامي دقيق لو ما عندكش فهم كلي للحياة مش تعرف تصبر، مش لازم يبقى عندك فهم جزئي كل قضية حصلت ليه. طيب بس أنا محتاج على الأقل نماذج أقيس عليها. بمعنى أنا حصل لي في حياتي سواء على المستوى الفردي أو على مستوى أمة الإسلام، بيحصل لنا أمور صعبة مش فاهمينها؛ قتل، تشريد، تعذيب، دماء بتسيل، بيحصل حاجات احنا مش فاهمين بتحصل ليه، وما عنديش القدرة مهما ادعيت أنا ما عنديش القدرة على التغيير اللحظي، مهما استثرنا المشاعر ومهما اتكلمنا ما فيش قدرة للتغيير اللحظي الآن، في التغيير المستمر على مدار فترة طويلة.
هنا بيجي الشيطان، وده أحد الحاجات اللي القرآن عالجها أثناء الصبر إن شاء الله لما نجمع الآيات. بيجي القرآن بيديك الأول نظرة كُلّيّة عن الأحداث تمام، وبيديك وسائل تساعدك على الصبر زي ما هنقول. في واحد يقول بس أنا عايز أفهم ده تحديدا ليه؟ أنا عايز أعرف الحدث اللي حصل في حياتي من سنة ده ليه؟ أو اللي حصل الأسبوع اللي فات ده ليه؟ أو فلان حصل له كده ليه؟ لا القرآن ما عملكش كده والشريعه ما عملتلكش كده؛ لأن لو الشريعة قدمت إجابة عن كل حدث بيحصل لك، شرحت لك الحكمة، أنت كده أصلا فين الصبر أو فين، بلاش فين الصبر، فين العبودية؟ أنت كده عايز تبقى رب، أنت تشارك الإله؟ لا، أنت جزء من عبوديتك أن ترضى وأن تصبر حتى لو أنت مش فاهم الجزئية.
طيب أمال القرآن عمل إ๋า؟ القرآن جاب لك نماذج تقيس عليها بحيث أنك تطمن. يعني مثلا ابني بيرى مني مئات والآلاف المواقف اللي تدل أن أنا بحبه، وبيرى مني ابني الصغير؛ لأن هو لسه صغير مش فاهم، وبيرى مني مواقف هو كان رافضها، وبعد لما كبر تبين له الحكمة أنا عملت كده ليه. ده كافي له أن أنا مش لازم أشرح له كل موقف باخده معه هو رافضه، لازم أشرح له ليه؟ واضح الفكرة؟ يعني راى مني قد ايه الحب والرعايه والحنان اللي أنا قدمتها له، وقد ايه في مرة أخدت موقف غصبت عليه عشان يذاكر وضربته ومش عارف إيه وضغطت عليه، وبعد كده بقى فهم قيمه ده، مش لازم بقى لما أجي أعمل موقف مؤلم بالنسبة له هياخد حقنة أو هتروح لدكتور أو أي شيء بالنسبة له هو رافضه، أنا مش لازم أقعد أشرح له لأسباب كتير، أول حاجة أنا أقوله يا ابني أنا أبوك، خلاص مش لازم كل موقف كده. الحاجة التانية ممكن يكون فوق عقله أصلا.
ولله المثل الأعلى، فربنا جاب لنا نماذج في القرآن؛ مثل لما نجيء نمر على بعض الحاجات في الصبر زي سورة الكهف، جاب لك نماذج أن ممكن يكون قتل غلام وخرق سفينة، ممكن يكون خير، وشرح لك بالتفصيل ليه؛ يعني ما سابلكش وقال لك النتيجة إيه؟ أن الخضر قتل الغلام وخرق السفينة فكان خيرا، لا ما سابلكش، قال لك خرق السفينة كان في ملك ظالم وراهم ياخدوا كل، يعني شرح. فعندك نماذج تقيس عليها رايت فيها حكمة الله سبحانه وتعالى، ومش بس في القرآن في حياتك الخاصة، أنت في حاجات كنت في الأول غضبان أن هي بتحصل وفي صدرك حرج منها، ثم بعد ذلك تبين ليك الحكمة. مش لازم بقى يكون زادك للصبر في كل أزمة وفي كل بلاء أن يجي لك شرح تفصيلي واضح. كده الفكر؟
طيب، دي كانت المقدمة، قبل ما ندخل لازم ناكد أن الإسلام هو الدين الوحيد اللي عنده القدرة أنه يقدم لك رؤية متكاملة تساعدك أنك تعيش الحياة من غير ما تحس بالتناقضات. الإسلام هو الدين الوحيد اللي عنده القدرة أنه يقدم لك رؤية متكاملة أنك تعيش حياتك بدون متناقضات. ليه؟ لأن الإسلام بيقدم لك رؤية متكاملة فيها الدنيا وفيها الآخرة، فيها الله وفيها الأقدار، بيقدم لك الصورة كاملة، وما فيش حد هيستطيع يصبر بدون هذه الرؤية الكاملة. اللي نظرتهم دنيوية فقط مش هيستطيع أنه يصبر، وهنشوف دلوقتي إيه الصبر. مش هيستطيع، مكون مهم من زادنا إن شاء الله، مكون مهم من مكونات الصبر قضية الدار الآخرة. فالإسلام لما يجيء يقدم لك تفسير للحروب، أي أشهر شبهة عند الناس مشكلة الشر في الكون كما يسمونها؛ يعني مشكلة الشر هي اللي بيرد على مشكلة الشر. في فرق بين أن اللي يرد يرد على جزئيات، الإسلام بيعمل إيه؟ الإسلام بيديك نظرة كلية تخلي الشبهة أصلا ساقطة.
لذلك أحيانا بيكون الأفضل الطرح الكلي أفضل من أنك تقعد ترد على جزئيات الشبهة. يعني بدل ما واحد يجيب لك شبهة يقول لك إيه طب هو ده حصل ليه؟ والطفل ده سببه إيه؟ لا القرآن بيعمل إيه؟ وهي دي نفس فكرة القدر. القرآن بيتكلم عن الله الحكيم القدير اللطيف، بيكلمك عن الدار الآخرة، بيكلمك عن الدنيا وأن هي أيام، بيديك نظرة متكاملة، كل حاجة دي لو اتسكنت عندك الشبه تسقط ما عادش عندك السؤال ده أصلا، واضح؟
طيب هنبدا نحاول ندور على آيات الصبر في القرآن، زي ما قلنا؛ لأن الإنسان، الله سبحانه وتعالى خلق الإنسان ويعلم أن الإنسان يحتاج إلى زاد؛ لأن الإنسان أجوف. الإنسان أجوف ماديا محتاج طعام، وأجوف معنويا محتاج أن هو زاد. ربنا سبحانه وتعالى بيقول إيه: وكذلك أوحينا إليك روحا من أمرنا ما كنت تدري ما الكتاب ولا الإيمان ولكن جعلناه نورا.
الله سبحانه وتعالى، كلكم عارفين خلق الإنسان من طين ونفخ فيه من روحه، فالطين محتاج زاد من الطين، والروح دي محتاجة زاد من عند الله سبحانه وتعالى. ربنا بيقول إيه: إن الإنسان خلق هلوعا * إذا مسه الشر جزوعا. يبقى هلوع وجزوع دي عكس اللي احنا عايزينه، اللي هو إيه الصبر. تاني: إن الإنسان خلق هلوعا * إذا مسه الشر جزوعا * وإذا مسه الخير منوعا. عكس هلوع وجزوع عايزينها، فربنا مال إلى الآية المصلين. يبقى ليس، وهذا مهم معنا النهارده، ليس الحل، الحل دائما هو الحل الذهني؛ يعني ليس الحل واحد متصور إيه يقول لك أنا بس لو كنت أفهم الحكمة، لا أنت ممكن على فكرة تفهم الحكمة ما تصبرش. يعني القرآن بيشرح لك أن أنت، القرآن الله سبحانه وتعالى هو الذي خلق الإنسان فهو أدرى بك من نفسك، ألا يعلم من خلق وهو اللطيف الخبير؟ فانت بتتصور اوقات كتير بعض الناس يقول لك إيه لو أفهم هستريح، لو كان جالي بلاء فلان كان أحسن من البلاء، ويقعد يلولو في علاقتي بالله، وهذا من ظن السوء في علاقة الإنسان بالله سبحانه وتعالى.
فالمهم عشان ندخل في الموضوع، الإنسان أجوف يحتاج إلى زاد، ما هو الزاد الذي قدمه لنا القرآن للصبر؟ ما هو الزاد الذي قدمه القرآن لنا للصبر؟ نجيبها إيه؟ مسموح المشكل، إيه رأيكم نجيبها إزاي؟ يعني لو أنا عايز أعرف الصبر في، اعمل إيه؟ جذر صبر في القرآن. كويس، نحن ممكن نعمل ده دلوقتي، احنا مع نفتح المصحف نجيب كلمة إيه مثلا؟ اصبر، وده سهل علينا زمان. أنت الناس اللي حافظة أو اللي هو مضطر أن يختم القرآن، يبحث عن الصبر، ستجد ما يقرب، لو كتبت اصبر ستجد ما يقرب من 26 نتيجة تقريبا.
تستبعد بعض الكلمات اللي هي ممكن ليست زي مثلا فما أصبرهم على النار دي ليها معنى آخر. وتجمع آيات الصبر. طيب، بعد ما وصلت لآاية الصبر في القرآن أولاً، محتاج برضو لو أنت عايز بحثك يكون أعمق، محتاج تبحث عن الأوامر القريبة من الصبر زي مثلا رابطة: ﴿وَاصْبِرُوا وَصَابِرُوا﴾، ورابطة.. أنت هتقعد تجيب إيه اللي يؤدي نفس معنى الصبر وتبحث عنه في القرآن.
طيب، بعد ما جمعت الآيات دي أنا ليه بقول كده؟ بقول لأن بعض الناس لما بتيجي تقول له ابحث عن كذا من الوحي، بيظن أن ده شغل للعلماء، ده عايز.. لا أنا لازم أكتب مثلا كتاب يكون منـزل كتاب عن الصبر. لا هو ما حدش قال لك فسر آيات الصبر، ما حدش قال لك ابتكر معنى لغوي جديد للآية، لا القرآن نزل للعالمين وفي معاني عامة في القرآن يلتقطها عامة الناس حتى بأفهمهم.
تمام، وده اللي عايزين نشوفه النهارده لما نجي نجمع آيات الصبر في القرآن. أنا ظني والله أعلم، أنا بعمل طريقتين لفهم إيه اللي ربنا، إيه الزاد اللي أداني القرآن عشان الصبر. ببص على سياق الآية نفسها؛ يعني مثلاً: اصبر وافعل كذا، زي ما يجي لنا مثلاً أنا كاتب مش فاكر ست أو سبع نقاط يعني هقولهم بصورة عشوائية كده. مثلاً: اصبر وأسبح مثلاً، فممكن نقول: آه التسبيح من أهم زاد الصبر، هنشوف ليه، أو تيجي آية مثلاً بعد شوط طويل، ربنا يقول: فاصبر، زي مثلاً في غافر جت مرتين يعني لو أنتم عاملين البحث، يعني في: ﴿فَاصْبِرْ﴾. فواصبر دي معطوفة على حاجة، ﴿فَاصْبِرْ﴾ الفاء هنا بتيجي يعني ليها دلالات، بمعنى مثلاً إيه؟ فإذا علمت هذا فاصبر، الفاء اللي بتعقب على الكلام دي بتيجي من معانيها: فإذا علمت هذا فاصبر، هذا ده اللي هو إيه؟ اللي هو كل اللي فات. فأنت عشان تيجي آخر آية في سورة الروم -ها حد عارفها؟ آخر آية في سورة الروم: ﴿فَاصْبِرْ إِنَّ وَعْدَ اللَّهِ حَقٌّ﴾.
يعني لو أنتم عاملين البحث آخر آية في الروم: ﴿فَاصْبِرْ إِنَّ وَعْدَ اللَّهِ حَقٌّ﴾. عكس بقى الصبر: ﴿وَلَا يَسْتَخِفَّنَّكَ الَّذِينَ لَا يُوقِنُونَ﴾، يبقى واحد مستخف طبيعي أن هو لا يوقن، أما الموقن لا يستخف. اليقين أصلاً من معانيها يقول لك الماء لما يسكن تماماً ويتملا، لما تجيب حاجة كده وتملاها مية والماء يفضل ساكن فيه لا يتحرك، هذا من معاني يقن: الماء امتلاء وسكون. اليقين كده امتلاء بمعاني الإيمان يؤدي إلى حالة من السكينة، ما انتش متوتر.
شفت النبي صلى الله عليه وسلم في الغار كده مع سيدنا أبو بكر؟ ده يقين امتلاء بمعاني الإيمان وسكينة. لو نظر أحدهم تحت قدمه لرآنا. يقول: اسكت أبا بكر، ما ظنك باثنين الله.. وده وده كما قلنا كثيراً، ده أمر تراكمي تمام. عشان تفهم معنى فاصبر، فأنت دلوقتي بتدونا الصبر له زاد معنوي، إن الموضوع ترتيبه أن لابد هيقابلك حاجات أنت مش عايزها في الدنيا: ﴿أَمْ لِلْإِنسَانِ مَا تَمَنَّى﴾، فأنت محتاج تصبر والقران بيقدم لك صورة كلية عن الحياة بحيث تبقى فاهم قضية الصبر.
ليه قلنا الصورة الذهنية الذهنية لوحدها مش كفاية؟ القرآن بيقدم لك الزاد، طب هنصل إلى الزاد القراني ازاي؟ أنت محتاج الزاد القراني ده، آه محتاجه، لأن أنت أجوف، ولو ما مليتش الجوف ده هتكون هلوع وجزوع، ده تلقائياً ده مش عضلات. طيب إيه الزاد القراني بنوصل له ازاي؟ قلنا هنجمع الصبر في القرآن والالفاظ المقاربة للفظ الصبر. هنعمل إيه؟ عندنا طريقتين أو أكثر من طريقة، لكن اللي هقوله النهارده طريقتين: طريقة أن أنا أبص على الآية نفسها: اصبر وسبح، وهنشوف الآيات دي إيه، أو لا ده أنت محتاج، ودي الطريقتين الأعمق، ومش معنى أعمق أن هي مستحيلة أو زي ما قلت برضو بعض الناس يقول لك: لا دي مش بتاعتنا، أو دي عايزة عالم، أنك هتقرا سورة غافر.. اظن أنا كان لي درس اللي قلت فيه اصبر واصدع، اظن كلمت فاصبر على غافر واصدع، شرحت الحجر تقريباً.
هترجع لسورة غافر أو ترجع.. ناخد مثال سورة الروم: أنت مش مطالب أنك تفسر سورة الروم، أنت مطالب أنك تقرا سورة الروم بتركيز وتأني أول آية لغاية لما توصل: ﴿فَاصْبِرْ إِنَّ وَعْدَ اللَّهِ حَقٌّ﴾، أنت هتفاجأ أن سورة الروم طوفت بك في معاني كتير، هو ده زادك في الصبر، هو ده زادك في اليقين. مش لازم يكون خريطة سورة الروم وموضوعات سورة الروم، مش لازم الكلام ده خالص.
وعلى فكرة، هيقابلك آيات في سورة الروم أنت ممكن تكون مش فاهم معناها التفصيلي، لكن هتجد السورة تطوف بك في التغيرات السياسية اللي في العالم، بفارس الروم، وتطوف بك في الآيات: ﴿وَمِنْ آيَاتِهِ﴾، ﴿وَمِنْ آيَاتِهِ﴾، ﴿وَمِنْ آيَاتِهِ﴾. أنت محتاج النظرات دي كلها عشان تعرف تصبر، لأن من أهم مشاكل الصبر أن الشيطان.. الصبر يا جماعة لازم معاه زمن، مشكلة الشيطان أن هو معايشك في أسر اللحظة، والصبر حله أن لازم وقت هيعدي، فأنت لو قاعد بتبص في الساعة أو ترقب الشمس أنت هتتعب.
يعني لو أنت قاعد في مسائل الصبر: إمتى؟ طب خلاص، طب لسه؟ عارف اللي مستني حاجة وقاعد ببص على الإشعارات كل شوية؟ هو بيحس الوقت طويل، ومش عارف يعيش اللحظة اللي هو يعني.. اللي عارف يقوم يسبح ولا عارف يقوم يقرا، ولا عارف يقوم يصلي، ولا عارف يقوم يطلب العلم. هدف الشيطان أنك تعيش أسير لهذه اللحظة. إبراهيم عليه السلام لما أخذت منه زوجته الملك الظالم عمل ايه سيدنا إبراهيم؟ قام يصلي، أنت هتعمل إيه؟ قام إبراهيم يصلي. في حاجات.. شريح قال: دعوني أصلي. كنت باحاول أجمع كده في اللي ورد، الكلمة دي اللي وردت في الآثار: دعوني أصلي. كان الشيخ ابن عثيمين رحمه الله حتى مجمعه في كتيب كده اسمه: دعوني أصلي. أن أنت في حاجات.. طب أنا هعمل إيه؟ ما هو أنا لو فضلت قاعد ما بشغلش نفسي بمعاني إيمانية أعلى أنت هتقنط، هتئس، هتفكر تفكر غلط، هتسوق الظن بالله، مش هتعرف تعيش حياتك.
أنت لازم تشغل نفسك، وإذا كان بتوع علم النفس والدكاترة النفسيين بيدوروا لك على حاجة تشغلك عشان ما تقعدش دماغك تهرسك والتروس بتاعة المخ تلف في الاتجاه الغلط، أنت محتاج بس تلف في الاتجاه الصح الاتجاه الجاز الواحد ده هتجيبه منين؟ هتجيبه من المعاني بتاعة الواحد. أنت لو سبت تروس مخك تلف في الأزمة اللي أنت عايشها بس أنت هتحرق جاز، عامل زي المكنه اللي بتلف وما فيش فيها زيت. فتلاقيك قاعد بتفكر.. يعني دايماً بقول المعلومة دي لحد: يقول لي يعني ما نفكرش في حل الأزمة؟ يا ابني ما أنت بتفكر من غير معطيات جديدة، أنت قاعد بتحرق دماغك في نفس المشكلة وما جالكش معطيات جديدة، فانت ما بتطلعش منتج جديد، أنت كل اللي بتعمله أنك بتحرق في نفسك.
يعني قاعد إيه.. أنت منتظر حاجة حصلت الأسبوع الجاي، فكرت ألف مرة وعملت حساباتك خلاص، المفروض بقى تشغل نفسك، تشيل عينك من على الأزمة دي وتعمل زوم أوت وتبص على أشياء أعظم عشان تعرف تعيش في الحياة. الشيطان بيعمل لك إيك؟ يخليك تعيد نفس التفكير تاني! طب ما أنا ما عنديش معطيات جديدة، هطلع إيه؟ ما أنا ما عنديش معطيات جديدة، ما ظهرش حاجة جديدة، فانت بتقعد إيه.. حياتك كلها. فتلاقيك ماشي في الشارع دماغك بتلف في نفس المشكلة، مش داخل تنام دماغك بتلف في نفس المشكلة، أنت كل اللي هنا اللي بتعمله أنك بتحرق من نفسيتك.
تخيل بقى لو أنت تفكيرك كمان للدين تفكير أممي فانت قاعد ما عندكش حلول ومش قادر تفهم أن في زمن، أنت مش ربنا، في زمن لعلاج الأزمة، الزمن جزء كبير من علاج الأزمات. ﴿إِنَّهُمْ يَرَوْنَهُ بَعِيدًا * وَنَرَاهُ قَرِيبًا﴾ [المعارج: 6-7]، ودي من الآيات اللي فيها الصبر.
طبعاً احنا مستحيل هنمر على آيات الصبر كلها، المجلس النهارده هو أشبه بنموذج عملي يساعدنا كيف نستفيد من القرآن في أزماتنا. تمام.
طيب، يبقى احنا عندنا طريقتين: يا نبص على الآية بصورة مباشرة، يا نبص على سياق السورة. هنحاول نجمع ما بينهم في المواطن اللي هنذكرها.
طيب، في.. جمعت بعض المواطن في الصبر استخلصت منها: ماذا يريد منا القرآن كي نصبر؟ اللي هقوله ده زي ما قلت هو نموذج تجريبي، أنتم ممكن بعد كده تجردوا آيات الصبر ونطلع نصائح أخرى.
أول حاجة من اللي بيقدمها لنا القرآن لكي نصبر: ربنا سبحانه وتعالى يقول: ﴿فَاصْبِرْ كَمَا صَبَرَ﴾. هنا ده ممكن نسميه إيه؟ نموذج الاقتداء في الصبر: ﴿فَاصْبِرْ كَمَا صَبَرَ﴾ مين؟ في آخر الأحقاف: ﴿أُولُو الْعَزْمِ مِنَ الرُّسُلِ﴾ [الأحقاف: 35]. هل الفكرة دي متواترة في القرآن ولا دي جت مرة واحدة في الأحقاف؟ إيه رايكم؟ فكرة تذكر قصص السابقين. دي شبه من أصول القرآن، أنت تجد ولاسيما في القرآن المكي مع شدة الاستضعاف تجد في كثرة من قصص الأنبياء.
تجد مثلاً أواخره هود، بعد.. يعني فعلاً صلى الله على النبي محمد صلى الله عليه وسلم، يعني كلمة: شيبتني هود. اللي يحاول يعيش أزمات السيرة اللي كانت النبي صلى الله.. اللي كان النبي صلى الله عليه وسلم عايشها والضغوط اللي على النبي صلى الله عليه وسلم، وأن بعض الناس بتصور أن أنت لازم يبقى عندك إجابات كاملة نهائية وأنت في الأول وفي الآخر عبد، ومش عارف تتصرف إزاي، وفي ضغط رهيب عليك، وفي ضغط أن أنت بيتعرض عليك عروض مهولة: طب تنازل، طب غير بس حاجة.. يعني في اللي قبل هود سورة إيه؟ يونس. في يونس قالوا: ﴿ائْتِ بِقُرْآنٍ غَيْرِ هَذَا أَوْ بَدِّلْهُ﴾ [يونس: 15]. فهود ربنا بيقول له إيه: ﴿فَلَعَلَّكَ تَارِكٌ بَعْضَ مَا يُوحَى إِلَيْكَ﴾ [هود: 12].
هو قاعد بيقدم لك كل الخيارات، غير كله؟ لا، أنت بتغير بعضه. يعني هو قاعد بيعرض عليك كل العروض، وأنت شايف أصحابك بيعذبوا عشان يختاروا الطريق اللي أنت عرضته عليهم، وبعدين أنت بيجي لك أسئلة: طب إيه اللي هيحصل؟ طب هيجي طوفان زي نوح؟ وارجع اقرا سورة هود وشوف إجابات الأنبياء، إجابات من أيقن أنه عبد لله.
خصوصاً لما تيجي تقرا مثلاً إجابات سيدنا نوح، مش ممكن! يعني سيدنا نوح في سورة هود إجاباته: العبد المثالي، عبد لله سبحانه وتعالى. كل ما يقولوا له حاجة: أنا ماليس دعوة، أنا عبد. يضغطوا عليه: أنا ما أطردهم، أنا ماليس دعوة. طب هات لنا فلوس: أنا ما عنديش خزائن ولا أنا ملك ولا أنا قوي. طب إحنيا مش هنسمع كلامك: ﴿إِنَّ اللَّهَ يُضِلُّكُمْ إِنْ أَرَادَ أَن يَنصَحَ لَكُمْ إِنْ كَانَ اللَّهُ يُرِيدُ أَن يُغْوِيَكُمْ هُوَ رَبُّكُمْ﴾ [هود: 34]. مش ممكن! أنا أسخر منك؟ هأسخر منكم، طب إيه اللي هيحصل؟ أنا منتظر زيكم. ثبات عجيب، لذلك قعد كام؟ 950 سنة وهو من أولياء العزم، ثبات عجيب. واللي ما عنده هذه المعاني العبودية صعب يثبت. فربنا في الآخر بيقول للنبي صلى الله عليه وسلم: جاءك في هذه الحق وموعظة، لذلك كثير من العلماء قال: هذه سورة هود وفي هذه الآيات دي في هذه القرآن.
يبقى أول زاد عندنا للصبر هو إيه؟ تذكر قصص السابقين، فكرة الأسوة. الأسوة ممكن تعمل إيه في الصبر؟ يعني إيه الشيء، مش عايز أقول الفلسفي، إيه يعني إيه اللي ممكن يساعدني نفسياً لما أسمع قصص السابقين؟ يعني ليه النبي صلى الله عليه وسلم لما كان يشوف ابتلاءات كان.. كان ممكن يقول لهم إيه مثلاً؟ كان يكثر من قول: كان في من كان قبلكم، ليه؟ يعني ليه لما قال له سيدنا خباب، وسيدنا خباب في ظهره حفر من التعذيب، يقول له هنا إيه سيدنا خباب؟ هنا حصل.. مع أن ده بالنسبة لنا يعني قمة الصبر، بس حصل هنا شوية استعجال.
النبي صلى الله عليه وسلم قال له في الآخر: «ولكنكم تستعجلون». هنا النبي صلى الله عليه وسلم قال له: كان في من كان قبلكم يؤتى بالرجل.. الحديث. إيه رايكم؟ إيه الفكرة بتاعة قصص السابقين ممكن تفيدني في إيه؟ إزاي إزاي ممكن تساعدني على الصبر؟
التفاصيل ديت يعني متكررة أو ليها سابق، فبالتالي أنا مش بدعي من الناس. بالضبط، أنا مش بدعي من الناس، وأن البلاء ده مش.. أحياناً مشاركة بتعرف أن غيرك عنده نفس بلائك ده بيصبرك. أنت لما بتعرف.. وده أحياناً بيشوفوه غريبة في الطب، أن لو بتعرف أن في ناس عندها نفس المرض اللي عندك أنت بتهدى شوية، تبحث عن إيه؟ بتلاقي جمعية مثلاً، أو ده أحياناً لما بتعرف أن في ناس عندها نفس الأعراض اللي عندك، بتشتكي نفس الشكاوى، أنت بتهدى شوية. ده شيء. إيه تاني؟
عز منك وأفضل منك. أحسنت، أحسنت. في ناس أفضل منك، الموضوع مش معناه.. أنت بتعرف تفهم حاجات كتير من فكرة السابقين منها أن أنت مش مبغوض عند الله سبحانه وتعالى. إيه تاني؟ أصلاً الابتلاء اللي عندك ده يعني واحد من.. ممكن وممكن، دي نقطة ممكن المقارنة فممكن واحد يقول: لا، بس هو بلاؤهم أخف، لكن دي ممكن وده حصل فعلاً. أحسنت، لأن النبي صلى الله عليه وسلم جاب بلاء لسيدنا خباب أعلى. فانت بدور، لذلك النبي صلى الله عليه وسلم كان يقول: «يرحم الله أخي موسى أُذي بأكثر»، ففي غيرك أكثر بلاء فصبر. كويس، أحسنت. إيه تاني؟
النتيجة. سبحانه وتعالى. العاقبة، جزاك الله خيراً، ذكر العاقبة. إيه تاني؟ أن البنات.. ما هيدي أحسنت، نفس فكرة العاقبة. إيه تاني؟ أنا من الحاجات اللي حسيتها.
هي قريب من اللي انتوا قلتوه؛ عارف فكرة؟ احنا بنستعمل مصطلح كده حتى في الطب بيقول لك إيه: بس ده أبليكابل، يعني ده إيه اللي أنا هقوله لك ده الوسيلة الميثود اللي هقول لك دي قبل يعني تيجي تقولها لك، أقول لك اتعملت في معمل تاني، فانت بتبقى عندك جرأة انك تعملها، اتعملت قبل كده قابلة للتطبيق.
فالصبر ده اتعمل قبل كده، أنا مش بطالبك بحاجة تجريدية مش موجودة، لا، اتعمل ونجحت وعاقبتها، فاللي أنا الفكرة اللي عايز أقولها هي مجموع اللي انتوا قلتوه ده بيهون عليك إن ده ينفع فاعتمل. يعني ما باجي أقول لك صلي كذا، فلان صلى، يعني ما باجي أقول لك إيه مثلا بعض الأخوة مثلا جزاهم الله خيراً يجي في مواسم العبادات عايز يقرا يختم القرآن في ركعة، لما بيعرف إن سيدنا عثمان عمل كده، وإن بعض التابعين عمل كده، وإن بعض المعاصرين عمل كده، هو بيتشجع.
لكن لما بتجيله الفكرة تجريدية فقط بدون أي سابق، هو نفسه بيدخل حاسس إن هي مستحيل، وبتبقى مستحيل لما بيدخل عارف إن هي اتعملت، وهذا شيء عجيب بيبقى عنده قدرة على تطبيق الفعل ده؛ الصيام، في أي حاجة، في أي عبادة.
فالتأسي ده مهم، يبقى إذاً من أول الشيء اللي لما تيجي نبص في الصبر هتجد أن الصبر يقرن بالسابقين تمام. من النماذج القرآنية اللي القرآن ربط بيها بالصبر التأسي، قول الله سبحانه وتعالى عندنا مثلاً في احنا قلنا في آخر الأحقاف، قلنا في آخر هود أيضاً، سورة الناس بقى اللي معاها إيه الموبايلات والمصاحف بحيث إن احنا نتابع مع بعض، والسورة دي هنرجع لها مرتين، سورة ص مليانة بذكر الصبر، وهستفيد منها أكثر من حاجة.
سورة ص بالنسبة لي هي أصلاً اللي فتحت لي الدرس ده على فكرة، لأني لقيت ثلاث مقومات، أنا كنت مسمي الدرس ده مقومات الصبر، لقيت ثلاث مقومات للصبر في سورة ص، وهي سبحان الله كانت البداية أن أنا اطلع من سورة ص لبيت القرآن. هنقول إيه الثلاثة في آخر سورة ص، لكن أول حاجة لقيت صبر المشركين ودي من الحاجات اللي هنقولها في الصبر. وبعد كده لقيت ربنا بيقول للنبي صلى الله عليه وسلم إيه في آخر الصفحة الأولى إية 15 و16: ﴿وَمَا يَنظُرُ هَٰؤُلَاءِ إِلَّا صَيْحَةً وَاحِدَةً مَّا لَهَا مِن فَوَاقٍ * وَقَالُوا رَبَّنَا عَجِّل لَّنَا قِطَّنَا قَبْلَ يَومِ الْحِسَابِ﴾ [ص: 15-16].
هم مستعجلين، وريني عندك إيه من العذاب؟ عجل، أي عجلة، حلها قصادها صبر: عجل لنا قطنا قبل يوم الحساب. ربنا بيقول للنبي صلى الله عليه وسلم إيه؟ اصبر على ما يقولون، بس كده؟ طب ما كان ممكن يقول له اصبر وخلاص يا جماعة القرآن بيكلم بشر وأنا محتاج زاد. قال له اصبر على ما يقولون واذكر، خد بالك واذكر عبدنا داود، إيه كم إيه؟ 17، ووهبنا لداود دي معطوفة على اللي قبلها، على سيدنا داود: ﴿وَوَهَبْنَا لِدَاوُودَ سُلَيْمَانَ﴾ [ص: 30]. طيب اقرا إيه كده 41 بدأ بإيه؟ إيه 41 بدأ بحرف العطف واذكر عبدنا، واذكر عبدنا أيوب معطوف على واذكر داود، اللي هي معطوفة اللي هي إيه؟ اصبر، يعني اصبر واذكر داود وسليمان وأيوب، بيجيب له نماذج متنوعة من الصبر في النعمة، وأن النعمة قد تؤدي إلى فتنة، وأن المرض قد يؤدي إلى فتنة، أنت محتاج تصبر على ده وتصبر على ده تمام.
طيب يا رب أنا محتاج أتاثر بالسابقين، أذكر الابتلاء بتاع داود، وأذكر الابتلاء بتاع سليمان، وأذكر الابتلاء بتاع أيوب عليهم السلام. بس لا، واذكر معطوف على اللي قبلها اللي هي إيه 45: ﴿وَاذْكُرْ عِبَادَنَا إِبْرَاهِيمَ وَإِسْحَاقَ وَيَعْقُوبَ أُولِي الأَيْدِي وَالأَبْصَارِ﴾ [ص: 45]. دول برضه أذكر. طب دول صبروا إزاي أصلاً؟ دي نقطة رقم اثنين بقى معانا في الصبر هنقولها دلوقتي بس نشوف إن هنا ربنا لما قال للنبي صلى الله عليه وسلم اصبر قال له إيه؟ اصبر واصبر، أنت محتاج عشان تصبر قوم اقرا شوية في قصص الصحابة، يعني أنت قاعد شاغل بالك ليه بالمشكلة؟ ما تخرج من عالمك الضيق ده وروح عوالم أخرى اقرا فيها.
يعني لما تيجي تقرا مثلا قصة الحسن رضي الله عنه بن علي رضي الله عنه سبط النبي صلى الله عليه وسلم، لما تيجي تقرا سيدنا عثمان والآلام التي مر بها سيدنا عثمان، تقرا آلام العلماء. لذلك العلماء كانوا يؤلفوا كتاب، في أكثر من كتاب تألف في مسألة المحنة، الإمام أحمد والحنابلة كانوا يهتمون بهذا الباب. والحنابلة على مدار التاريخ كان بيضيق عليهم، يعني سبحان الله فتح لهم في الأصول المتأخرة، لكن كان حتى بعضهم اللي بيحلل تاريخ الحنابلة يعني كانوا بيعيشوا في مجموعات متقاربة بيحاولوا يدافعوا عن أنفسهم، هم فكان لازم بيبحثوا عن شيء للتأسي، فكانوا تتذكروا محنة الإمام أحمد بن حنبل صبر.
فإذاً أنت محتاج تخرج من العالم الضيق وتروح للعالعالم الواسع، العالم الواسع ده هيفيدكم بقى بالحاجات اللي انتوا قلتوها.
طيب، يبقى احنا قلنا أول حاجة ذكر نموذج الاقتداء: ﴿فَاصْبِرْ كَمَا صَبَرَ أُولُو الْعَزْمِ﴾ [الأحقاف: 35]، اصبر واذكر عبدنا، أكان في من كان قبلكم.
الحاجة الثانية مسألة قالت يعني عندنا الدار الآخرة، وذكر الله خلينا نبدأ بالدار الآخرة رقم اثنين الدار الآخرة. قال الله سبحانه وتعالى عشان نبقى هنا في سورة ص ربنا بيقول إيه: ﴿وَاذْكُرْ عِبَادَنَا إِبْرَاهِيمَ وَإِسْحَاقَ وَيَعْقُوبَ أُولِي الأَيْدِي وَالأَبْصَارِ﴾ [ص: 45]. أنا أخلصناهم، دلوقتي بدايه السورة في ضغط المشركين بيعملوه، والمشركين وصلوا لدرجة أن هم مشوا، واصبروا على آلهتكم، المشركين نزلوا وانطلق. مين اللي انطلق وانطلق الملا منهم أن امشوا واصبروا على آلهتكم، وبدا في طعن وهجوم إعلامي شرس على الدعوة، والنبي صلى الله عليه وسلم ما عنده أدوات لمواجهتهم، أدوات مادية، وبداوا يسخروا: ﴿عَجِّل لَّنَا قِطَّنَا قَبْلَ يَومِ الْحِسَابِ﴾ [ص: 16].
فربنا بيقول للنبي صلى الله عليه وسلم اصبر، الحل الجذري مش الوقتي العذاب اللي بيستعجلوه مش الوقتي إلى أن تحدث، ده أنت مطالب بعبوديات منها الصبر عشان الناس اللي بتعترض على فكرة الصبر السلبي منها ومن أهمها الصبر تمام. التعجل بيضيع الدعوات، كثير من المشاكل اللي حصلت في تاريخ الحركات الإسلامية أن كان عندها جزء من التعجل، كانوا رافضين فكرة الصبر.
وده لما بيجي حتى الناس تحلل قصة صلح الحديبية إزاي إن كان ممكن تعجل مثلاً أبو جندل أو غيره، كان ممكن يبوظ أشياء كثيرة في دعوة النبي صلى الله عليه وسلم، لكنهم صبروا ورضوا باختيار النبي صلى الله عليه وسلم. هتخيل كده سهم واحد كان يطلع من جيش المسلمين يضرب حد من رؤساء الكفر في صلح الحديبية باظت، تنشوا بالحرب وتبوظوا، وقد ايه أن صلح الحديبية ده كان فتحاً سماه الله فتحاً، فشوف صبر الصحابة.
هنا في صبر وفي حركة أخرى، يعني اللي عمله بس ده بقى عشان ما نطلعش يعني عايز أن احنا نشرح بالتفصيل اللي عمله بقى سيدنا أبو بصير كان عنده حكمة بقى في التصرف، يعني لما جم مسكوه جه ليتوب جه للنبي صلى الله عليه وسلم أسلم، وجد للنبي صلى الله عليه وسلم فجول المشركين قالوا لا رجع لنا أبو بصير. فتخيل أصل تخيل مشهد أبو جندل أو أبو بصير، أبو جندل ساعة الصلح يقول له هترجعوني للكفار رامي لهم، وأبو بصير يقول له هترجعني للكفار.
فسبحان هنا أن أنت أحياناً بتمر بابتلاءات، بس ده خارج درسنا يعني أنت محتاج تحلها أنت ذاتياً. تخيل أنت رايح للنبي صلى الله عليه وسلم ويقول لك النبي صلى الله عليه وسلم إيه: سيجعل الله لك فرجاً. أنت بتيجي تقول واحد كده أيوه اللي هو إيه يعني ما أنا ما أعرفش يقول لك مش أنت الشيخ؟ يعني مش أنا يعني إيه أنا الشيخ؟ أنا واحد يتصل بيقول لي هنعمل إيه في موضوع غزة؟ يا حبيبي الدول مش عارفة تعمل إيه في موضوع، أنا اللي عرب يعني أنت بتصور أن أنا عارف ومخبي مثلاً.
فالنبي صلى الله عليه وسلم قال سيجعل الله لك فرجاً مخرجاً. عمل إيه أبو بصير؟ رجع معاهم وضحك عليهم، خلاهم يناموا كده قال والله سيفك ده جميل قوي، وريني كده سيفك ده العبيط قام يديله السيف بتاعه موتهم، رجعوا جري للنبي صلى الله عليه وسلم ورجع. فأبو بصير قال له النبي صلى الله عليه وسلم قال له مش هقدر أخدك ارجع، قال يا رسول الله أدا الله عنك، سيبهم لي بقى أدا الله عنك، قال والله لا أتركهم يفتنوني في ديني.
شوف عنده حرص فقال: ويل أمه مسعر حرب وفي روايات أخرى، قال: لو أن له رجال. بعض الصحابة فهم أن هو يروح ما يسلمش نفسه ورايح، المهم راح في أرض البحر وبعض الناس المهاجرين بقى أبو جندل وغيره بدأوا يرجعوا بصير وعملوا مجموعة يقطعوا الطريق لغايه لما المشركين قالوا خلاص خدهم خدهم عندك مش عايزين. فسبحان الله بعث النبي صلى الله عليه وسلم إليهم ليعودوا إليه، أبو بصير جاءه كتاب النبي صلى الله عليه وسلم وهو في الوفاة وضع كتاب النبي على صدره ومات أبو جندل هو اللي رجع للنبي صلى الله عليه وسلم.
فالمقصد أن شوف أن الصبر ليس معناه، عشان أنا قلت اطلع لأن الناس ما بتفهم الدرس ده، هو ليس معناه الاستسلام التام، لكن ما كانش الحل انك تروح تهاجم قريش، وده هيجي لنا أن من من أدوات الصبر عدم تعجل معارك ليس عندك القدرة عليه. بعض الناس يحط نفسه في معركة هو مش قدها ثم يتهم الله سبحانه وتعالى، ولعل نتذكر ذلك دلوقتي احنا بنتكلم في نقطة رقم اثنين اللي هي الصبر وذكر الدار الآخرة.
ربنا بيقول للنبي صلى الله عليه وسلم الناس اللي أنا بقول لك اقتدي بيهم دول أنا أخلصناهم، أن أنا اصطفيتهم أصلاً. أيوه طب ربنا اصطفاهم ليه؟ أنا أخلصناهم بخالصة أي أنا اصطفيناهم بسبب صفة خالصة فيه. طب إيه هي يا رب؟ هي إيه؟ ذكرى الدار. كان أهم صفة عند هؤلاء كثرة ذكر الدار الآخرة، لن يستطيع إنسان أن يصبر على هذه الحياة بدون كثرة ذكر الدار الآخرة، لذلك الأسوة جاءت في القرآن: ﴿لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الآخِرَ﴾ [الأحزاب: 21] مش هتعرف تتأسى بالنبي صلى الله عليه وسلم بدون اللي يرجو والأسوة جات مرتين، وجات مع المرتين لمن كان يرجو الله في اليوم الآخر. لن تستطيع أن تصبر بدون رجاء الدار الآخرة: ﴿إِنْ تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ وَتَرْجُونَ مِنَ اللَّهِ مَا لَا يَرْجُونَ﴾ [النساء: 104].
مش هتحمل الآلام بدون ذكر الدار الآخرة، لأن يا جماعة وعود القرآن وعود للمجموع وليست للأفراد، تاني: وعود القرآن والعاقبة اللي ذكرها القرآن لمين؟ للمجموع وليس للأفراد. يعني العاقبة للمتقين لعموم المتقين، وليس لأفراد المتقين. وأن نهاية الظلم لعموم الظالمين، وليس لأفراد الظالم. فبالتالي في ناس ماتت في شعب أبي طالب، في ناس ماتت قبل الهجرة، في ناس ماتت في الحبشة، في ناس ماتت ولم ترى شيئاً، في ناس ماتت في أول البعثة، ورقة بن نوفل مات في أول البعثة، زيد بن عمرو بن نفيل مات أصلاً وهو يعني لم يرى لم يؤمن بالنبي صلى الله عليه وسلم، قال النبي صلى الله عليه وسلم يبعث أمة واحدة.
فإذاً أنت بتمر عليك أو قد تكون بمفردك، ففكرة انك تنتظر شيء يحدث في الدنيا لا، ما فيش حاجة حصلت. مكون الدار الآخرة ده لما بيتركب عندك صح، بيحل لك كثير من الأزمات، لأن بالضبط المشهد عبارة عن إيه؟ أنا قلت المثل ده كتير: تخيل شريط كده ممتد قدامك 1000 كم الدنيا، وده مش عايز أقول على الحقيقة، ده يعني ده أقل من الحقيقة بكثير. نفترض أن الدنيا هي أول 100 متر، يعني إن الحياة الدنيا بالآخرة شريط ممتد 1000 كم، الدنيا هي أول 100 متر، أنت عايش كل نظرك لأول 100 متر فطبيعي أنك عايش ضيق.
القرآن يوسع لك الأفق بيقول لك بص على الصورة الكاملة، لذلك القرآن يكثر كثيراً في خصوصاً في القرآن المكي من ذكر الدار الآخرة حتى في حتى في الجهاد في القرآن المدني: ﴿هَذَانِ خَصْمَانِ اخْتَصَمُوا فِي رَبِّهِمْ فَالَّذِينَ كَفَرُوا قُطِّعَتْ لَهُمْ ثِيَابُ مِّن نَّارٍ﴾ [الحج: 19]. آخر المطففين: ﴿إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ * وَإِذَا مَرُّوا بِهِمْ يَتَغَامَزُونَ * وَإِذَا انقَلَبُوا إِلَى أَهْلِهِمُ انقَلَبُوا فَكِهِينَ * وَإِذَا رَأَوْهُمْ قَالُوا إِنَّ هَؤُلَاءِ لَضَالُّونَ * وَمَا أُرْسِلُوا عَلَيْهِمْ حَافِظِينَ * فَالْيَوْمَ﴾ [المطففين: 29-34]، أمتی؟ يوم القيامة.
اليوم الذين آمنوا من الكفار نفس الفعل يضحكون اليوم، اللي هو أمتى؟ اليوم على الأرائك ينظرون هل ثوب الكفار ما كانوا يفعلون، زي العماية يقولوا يجلس متكئاً على أريكته ويفتح له زي شبابيك كده من الجنة يبص فيها على النار ينظر لمن كان يعذبه يشتفي منه، ده من النعيم. لكن ده بيحصل أمتى؟ ده في الدار الآخرة، فاللي ما عنده يقين بذلك، ثواب الشهداء وأنها لجنان وحديث النبي صلى الله عليه وسلم عن ثواب الشهيد، وعن أن الشهداء يتمنون الرجوع من كثرة ما يلقون من النعيم، كل ده مهم جداً، لفظ يستبشرون مع الشهداء في سورة آل عمران، كل ده مهم لأن الإنسان المشاهد الدنيوية مؤلمة، لما بيركب المشهد الأخروي بيهدي الإنسان. مشهد حديث غلام الأخدود، آخر مشهد والناس بترمي، أنت متخيل مشهد الناس زعلانة على تخيل لو كان في كاميرات بتصور المشهد ده، أنت بتشوف فعلاً مشاهد في غزة في قمة الألم، لكن تخيل المشهد ده كده ناس قاعدة بتخفر خنادق وقاعدين يرموا الناس فوق بعض في النار.
ومالها كلها نيران وطوابير، وقاعدين يرموا الناس في النار، ويقول الناس هترجع عندنا، يقولوا لا، يقوم يرميه في النار، وكبار وصغيرين وعواجز وستات وأطفال، كله بيترمى في النار. تتخيل المشهد المهين ده؟ لدرجة أن النبي صلى الله عليه وسلم من المشهد المهيب ده التقط مشهد واحد بس، أم شايلة طفلها الصغير وبعدين بدأت تقاعست خافت، وخافت على ابنها، فانطق الله الغلام، قال: «يا أمه اصبري فإنك على حق».
فمشهد النار ده مش المشهد الأخير، المشهد اللي قدامك اللي الناس اتكربست فيه في النار واللحم تساقط والدم والصديد والجثث والمشهد المفزع ده ده مش المشهد النهائي، ده هو أصلا ممكن لا يجد إلا ألم القرصة، ثم تنتقل إلى عالم ممتد. فكثيرة القرآن يكثر من ذكر الحديث على الدار الآخرة، هو ده ذاتك في الصبر. لو أنت كل تحليلاتك سياسية وذهنيه فقط، مش هتصبر، خلاص النفس بتضجر. يا عم زهقنا من الكلام ده وعدتونا بكذا وما حصلش. لو كل الوعود دنيوية فقط، أولا مش هتظبط معاك، احنا قلنا الدنيا لا تسير على مراد الإنسان، وهتخلي الإنسان مش هيعرف يصبر، هيمر عليه هو لحظات بمفرده يصيب حالة يأس.
لكن تخيل لما هو إن هي إلا أيام، أنها لحياة طويلة إن عشت حتى آكل هذه التمرات فألقى تمرات كن في يدي. لذلك، هنا مش بس أنك أنت تتذكر دار الآخرة، أنت طريقة عيشتك إيه؟ الانغماس الانغماس في الترف بيخلي الإنسان قليل الصبر، كده تجد أن أي طفل بيدلل كثيرا ما عندهوش صبر، تعود أن كل حاجة ما تعودش أن في حاجات مش موجودة، هو عايز كل حاجة خلاص. هو اتعود أن كل حاجة موجابة حياته عبارة عن زراير، ولذلك كل الأجيال اللي بتطلع بتلاقي جيل ورا جيل فكرة الصبر بتتقل والملل عنده أسرع، الوقت بتاع الملل عنده بقى وقت أسرع ما عندهوش طاقة تحمل.
لأن هو خلاص الحياة بقت تكنولوجيا أفضل، بقت الحياة بالزراير بالريموت كنترول، كل حاجة بضغطة زر، فهو اعتاد هذه الحياة. لا، هو قبل كده في تعب عشان يحصل حتى الماية، بيروح ويجيب الماية ويرجع، الحياة كان فيها تعب، فالحياة بتربيك على الصبر، الوقتي الحياة بطبيعتها بتربيك على عكس الصبر، بتربيك أن أنت لو قعدت ربع ساعة بدون حاجة تشعر بالملل وتبقى زهقان وعايز تطلع موبايلك ومش قادر تقعد. اتعودت أن كل شوية يجي لك حاجة، فمن المهم أن أنت تدرب نفسك على الدار الآخرة أنك أنت ما تمر عليك، حتى اللي ربنا وسع عليه يحط نفسه في مواطن أنه على الأقل يخشوشن قليلا.
لذلك أنا أتعجب من حتى أن العبادات اللي فيها مقاربة مقاربة فكرة الجهاد زي الحج والعمرة، أن هو برده بيعملها بحالة ترف، لا، أنت على الأقل محتاج مرة ترف ومرة على الأقل يعني إيه تربي نفسك على نوع من التحمل، لكن حياتك كلها ما فيش فيها شيء من التحمل! طب ما طبيعي جدا عند أول قرصة بلاء ما تستحملش. يبقى ذكر الدار الآخرة ليس فقط على المستوى الذهني مهمة، على المستوى الذهني عن طريق أنك تحضر غسل للأموات، أنك تحضر الجنازة، أنك تقرا عن الموت، تقرا عن الدار الآخرة، تعيش تفاصيل الدار الآخرة، كما قلت أن أنت أصلا تغير شوية من نمط الحياة، بلاش حالة الانغماس في الترف.
عشان الوقت، احنا كده قلنا حاجتين، بعد كده احنا قلنا في سورة ص درسنا منها ﴿اذْكُر عَبْدَنَا دَاوُودَ﴾ [ص: 17]، واذكر عبادنا وخدناها منها أنا أخلصناهم بخالصة ذكرى الدار. والعلماء هنا بيقولوا: كأنها هي الدار الحقيقية، يعني ربنا ما قالش الدار دي اللي هي إيه؟ في قلة من المفسرين قال: الدار اللي هي الدنيا، يعني يزهدونها، لكن الأصل أن هي الدار الآخرة. فتخيل أن لما يتقال الدار خلاص العقل يتجه، زي في قول الله سبحانه وتعالى: ﴿فَلِأَنْفُسِهِمْ يَمْهَدُونَ﴾ [الروم: 44]، هو البيت اللي بيفرشه لنفسه هناك، الجنة غراسها، سبحان الله، هو قاعد بيبني هناك وبيزرع هناك، فده الأصل عنده.
يبقى قلنا رقم اثنين: مسألة ذكر الدار الآخرة، وأيضا مسألة ثواب الصبر، واللي أعظم أكمل عن الاثنين، يعني يبقى ده رقم ثلاثة دلوقتي: ثواب الصبر. واللي أعظم من فكرة ثواب الصبر: تصبر لمن؟ ذلك من أوائل ما أنزل سورة المدثر، لذلك حتى بعض العلماء يقول: أول ما نزل، هو يقصد أول ما نزل بعد فترة الوحي، يعني نزل جبريل بيقرأ، حصل فترة انقطاع للوحي ثم جاءت المدثر، فتجد بعض العلماء حديث مروى عن جابر: أول ما نزل، يقصد بعد فترة، فمن أوائل ما أنزل سورة المدثر: ﴿يَا أَيُّهَا الْمُدَّثِّرُ * قُمْ فَأَنْذِرْ * وَرَبَّكَ فَكَبِّرْ * وَثِيَابَكَ فَطَهِّرْ * وَالرُّجْزَ فَاهْجُرْ﴾ [المدثر: 1-5].
طب أنا عايز أطبق الحاجات دي، الحاجات دي مكلفة في أول الدعوة، هتتعب وهتقدم كتير، ﴿وَلَا تَمْنُنْ تَسْتَكْثِرُ﴾ [المدثر: 6]، وعشان تطبق ده كله، ما قالش: واصبر، قال إيه؟ ﴿وَلِرَبِّكَ فَاصْبِرْ﴾ [المدثر: 7]. حتى هنا مش لله، لابد أن تعرف أنت تصبر لمن؟ لربك الذي رباك بنعمه، الذي لن يضيعك، وده هنا بقى عالم خاص. يعني احنا ممكن نحط، يعني أنا كنت عاملهم ثلاث نقط لوحدهم: تصبر لمن، وثواب الصابرين، وقضية التسبيح. لو احنا كنت كاتب مقاومات الصبر: رقم واحد احنا قلنا ذكر قصص السابقين، رقم اثنين ذكر الدار الآخرة، رقم ثلاثة وربعة وخمسه ثواب الصبر وتصبر لمن والتسويح، ممكن نقولهم الثلاثة دول مع بعض.
لما بتعرف تصبر لمن، أنت فعلا الوقت اللي بتقتضيه في الصبر بيكون مختلف، أنك أنت يا رب أنت تعلم حالي. مشكلة الصبر مع طول الوقت أن دايما الشيطان عايز يحسسك أنك منسي، مرمي، عارف اللي بيترمى في السجن ما حدش بيسال عليه وحصل له أزمة وقع في ديون بقاله فترة بمر وده كتير السؤال ده يجي لي: أنا قاعد بطلع من بلاء لبلاء. هو مش قادر يقول الكلية بس عايز يقول إيه؟ الدنيا ملخبطة بتلطش فيا. لا، أنت ما بتلطشش فيك، ﴿وَمَا كَانَ رَبُّكَ نَسِيًّا﴾ [مريم: 64]. ﴿هَلْ تَعْلَمُ لَهُ سَمِيًّا﴾ [مريم: 65]؟ أنت مالكش أصلا غير ربنا.
المعنى ده، استشعار المعنى ده زي سيدنا يعقوب وهو بيقول إيه: ﴿فَصَبْرٌ جَمِيلٌ﴾ [يوسف: 18]. أنا مش هفقد جمال علاقتي بالله أثناء الأزمة، قدر المستطاع أنا هحافظ على ده، لازم يكون لك علاقة بالله سبحانه وتعالى هي اللي تصبرك على ده. لذلك ربنا بيقول إيه، وده من ثواب الصبر: ﴿إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ﴾ [الزمر: 10]. من المعاني الجميلَة أن اللي بيصبر ما بيحاسبش ربنا، فيكون الجزاء من جنس العمل، يعني ما يقعدش يقول لربنا: ليه، وإزاى، ومنين، وده حصل ليه؟ لا، فربنا بيجريه بدون حساب.
أنت عارف يعني إيه توفى أجرك بغير حساب؟ يعني أنت عارف أنت إيه؟ لما أعلا لما يتغرفلك بشويلة مثلا ذهب ما يتعدلكش، يعني في واحد هيتعدله فلوس، في واحد مش هيتعدله فلوس، في واحد هياخد ليه؟ لأنه ما كانش بيعامل ربنا ليه؟ هو قعد سنة، اتنين، تلاتة، أربعة ابتلاءات، ربنا قال عن سيدنا أيوب: ﴿إِنَّا وَجَدْنَاهُ صَابِرًا نِعْمَ الْعَبْدُ إِنَّهُ أَوَّابٌ﴾ [ص: 44]. فربنا يقول عليه: أنا وجدناه صابرا، هذا يعطى أجر بغير حساب، ما بيتعدلوش حسنات ويعفى عنه في السيئات بغير حساب. لكن أنت ما عملتش ربنا المعامله دي، فانت على حسب هتعامل ربنا إزاي.
ولربك فاصبر ولو تقعد تتذكر سبب الصبر. احنا قلنا طول الصبر، طول الفترة الابتلاء دي من أكثر المواطن اللي الشيطان بيعرف يشتغل عليها، الشيطان له مواطن كده بيعرف يلعب فيها في الإنسان، منها بعد الذنب مباشرة، لحظات الضعف دي، منها نشوة الطاعة على فكرة، يعني لما بتكون مخلص طاعة وفرحان بنفسك وكده دي يعني في أوقات كده الشيطان بينتظرها عند إنسان، منها طول فترة البلاء. ولذلك كل موطن من المواطن اللي الشيطان ينتظر لحظة يدخل لك فيها، الشرع بيديك حاجة تعالجك بها، يعني زي فكرة بعد الذنب، بعد الطاعة الشيطان، القرآن والسنة بتديك حاجات تعصمك وتحفظك من دخلات الشيطان.
تمام من لحظات طول البلاء ودي لحظات بيستغلها الشيطان أن يخليك سوء الظن، وهنا يجي دور إيه بقى مع الصبر عشان تصرف سوء الظن؟ التسبيح. احنا عملنا درس كامل عن فكرة التسبيح كيف يصرف التسبيح سوء الظن بالله، لأن التسبيح يا جماعة بينجي من الظلمات، ﴿فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ﴾ [الأنبياء: 87]، وبينجي من الظلمات المادية والمعنوية، هو نجى من الظلمات حسية، لكن أيضا ينجي من الظلمات المعنوية. أنت الشيطان بيعبث في نفسية الإنسان مع طول البلاء، يدخله في كم أزمات نفسية وضغطة، لأن زي ما قلت لك هو قاعد بيخلي تروس المخ تمشي في اتجاه معين، أنت محتاج تطلع من الأزمة دي.
وهنا بقى يعني كان في أكثر من درس زي فكرة النظر إلى السماء أو درس التسبيح، إزاي الشيطان ما يوقعكش في المنطقة المظلمة دي، فأنت محتاج تخرج أنك تنزه الله سبحانه وتعالى، والتسبيح هنا جه ربط مع الصبر ده في أكثر من موطن في القرآن، أظن في سورة الطور في آخر قاف، في أكثر من موطن في القرآن نجد أن الصبر مرتبط بالتسبيح، ﴿وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ * فَسَبِّحْ بِحَمْدِ رَبِّكَ وَكُنْ مِنَ السَّاجِدِينَ﴾ [الحجر: 97-98]. فتجد في مواطن كثيرة في القرآن فيها نوع من الضيق والضغط، أنت لن تستطيع أن تتجاوز هذا إلا بالتسبيح.
يبقى احنا قلنا دلوقتي ذكر الدار الآخرة رقم واحد، اثنين الأول، رقم واحد قلنا ذكر قصص السابقين، اثنين ذكر الدار الآخرة، كده قلنا ثلاث نقاط مع بعض عشان الوقت، احنا قلنا ده نموذج يعني تجري أنتم تجردوا القرآن وتطلعوا الصبر فيها، لربك فاصبر لمن تصبر، وثواب الصبر، والتسبيح. ثواب الصبر ينقلنا لنقطه رقم ستة: عاقبة عدم الصبر. طب لو أنا ما صبرتش؟ عكس فكرة ثواب الصبر، فمن رضي فله الرضا، ومن سخط فعليه السخط، اخبط دماغك في الحتة الفلانية، القرآن بيعرفك. أيوه، طب لو أنت ما صبرتش أنت قدامك حل من اثنين يا تصبر، يعني أوقات الشريعة عشان أوضح لكم الفكرة بتجيب طاعات، الطاعات دي مش اختيارية يا تدخلك الجنة عالية قوي، تخش النار.
عارف مثلا رغم أنف امرئ، الثلاث حاجات دي مثلا أدرك رمضان أو أدرك والديه، إيه؟ أنت في حاجات في حياتك بتجي لك مفارق، يا تطلعك فوق يا تنزلك تحت، دي مش ضمن الأسئلة الاختيارية، دي من الأسئلة الإجبارية وبتكون صعبة، يا تعليك فوق يا تنزلك تحت، منها الصبر، لذلك ﴿إِنَّ اللَّهَ بَالِغُ أَمْرِهِ﴾ [الطلاق: 3]. تجد ابن مسعود وغيره يقول إيه: رضي أو لم يرض، مش عاجبك اخبض دماغك في الحيط! ﴿مَنْ كَانَ يَظُنُّ أَنْ لَنْ يَنْصُرَهُ اللَّهُ فِي الدُّنْيَا وَالْآخِرَةِ فَلْيَمْدُدْ بِسَبَبٍ إِلَى السَّمَاءِ ثُمَّ لِيَقْطَعْ فَلْيَنْظُرْ هَلْ يُذْهِبَنَّ كَيْدُكَ مَا يَغِيظُ﴾ [الحج: 15]. لذلك العلماء قالوا ينصره، كثير من العلماء قال أي النبي صلى الله عليه وسلم.
فاللي عنده سوء ظن بالدين، أنا عامل درس كامل اسمه: هل يذهبن كيد ما يغيظ؟ بشرح فيه فكرة الآية دي أن أنت ما فيش اختيارات أخرى، اللي مش عاجبه الوضع طب وبعدين هتعمل إليه؟ حتى اللي قال حد، طب وبعد ما قال حد، طمني كده على الواقع اللي اتغير وعلى نفسيتك، بالعكس أنت كان عندك زاد أخروي يصبرك أنت تخليت عنه، ما استفدتش حاجة، لذلك ربنا من أوائل ما أنزل دايما الدعوة في أولها كانت صعبة. عجبني كتاب الناس اللي سبحان الله اسم المؤلف القرن السادس تقريبا، الكتاب عايز يعمله عن السيرة بس أكثر عن المكية، وهذا من الكتب أغلب الكتب بتوسع في السيرة في المدينة وتتقلل في مكة، الكتاب عايز يتكلم عن السيرة بس تقريبا نسبة 80% من الكتاب بيتكلم عن السيرة المكية، سماه إيه؟ سماه من صبر ظفر.
شوف فكرة الكتاب أن يعني السيرة المكية كان السيرة المكية عبارة عن إيه؟ عن صبر. الكتاب جميل، وهو كتاب الكتاب غالبه مستقى من سيرة ابن هشام عن طريق ابن إسحاق، يعني واخد معظم سيرة ابن إسحاق وحاطتها في الكتاب، لكن عجبني أن إيه أن هتتصبر إزاي، فجاب لك كتاب يصبرك بنس سيرة النبي صلى الله عليه وسلم، وده على فكرة من نسيت أقوله في مسألة التأسي بالسابقين، أنت كل ما يكون علاقتك قوية بالسيرة أولا هتفهم كتير من الوحي، ثانيا تجارب تساعدك للصبر.
احنا كنا بنقول من أوائل ما أنزل: ﴿وَلِرَبِّكَ فَاصْبِرْ﴾ [المُدَّثِّر: 7] في أول المدثر، طب في آخر القلم؟ والقلم أيضا من أوائل ما أنزل، إيه الصبر اللي في آخر القلم؟ ﴿فَاصْبِرْ لِحُكْمِ رَبِّكَ وَلَا تَكُنْ كَصَاحِبِ الْحُوتِ﴾ [القلم: 48]. ﴿وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا﴾ [الطُّور: 48] دي في الطور، ودي مهمة أيضا في مسألة ولربك فاصبر أن ربنا مش سايبك، طبعا أنا بس عشان الاستعجال بنجمع الآيات، ولربك فاصبر بتحط تحتها: ﴿وَمَا كَانَ رَبُّكَ نَسِيًّا﴾ [مريم: 64]، ﴿إِنَّكَ بِأَعْيُنِنَا﴾ [الطُّور: 48]، أن أنت مش هباءة مرمية في الهواء، لا، كل شيء بقدر، ﴿ثُمَّ جِئْتَ عَلَى قَدَرٍ يَا مُوسَى﴾ [طه: 40].
في سنين، وده هنقوله في درس إن شاء الله كنت بديته في جلسة وأحاول أسجله تاني عن رحلة الحياة مع الله، أن في ناس بتظن أن في سنين مهدرة في الحياة، كنت مجمع كده في القرآن سنين، لو واحد ما عندوش نظره دينية أخروية هينظر على السنين دي عينها سنين مهدرة، زي مثلا ﴿فَلَبِثْتَ سِنِينَ فِي أَهْلِ مَدْيَنَ﴾ [طه: 40]، فلبث في السجن بضع سنين، فاماته الله مئة عام، 50 ألف سنة إلا.
خمسون عاماً، سنين ممكن اللي يبص لها يقول: إيه كل السنين دي؟ دول احنا بنتكلم في أنبياء وصالحين، إيه السنين دي؟ خلاص يعني سيدنا موسى سنة يروح وبعدين يرجع في الدعوة، بقى مات ألف عام إلا خمسين سنة؟ ليه؟ سنتين وخلاص، ما سنتين كفاية، ألف عام إلا خمسين عاماً، ليه؟ لا، السنين دي مش مهدرة عند ربنا، هي مهدرة عند البشر عشان احنا بس إيه فكرة الإنجاز، لكن هي مش مهدرة عند ربنا سبحانه وتعالى.
طيب، دي إحنا قلنا إيه؟ أنا كنت بس عشان فيناك نرجع، أنا كنت بقول إن من أوائل ما أنزل: ﴿يَا أَيُّهَا الْمُدَّثِّرُ * قُمْ فَأَنذِرْ * وَرَبَّكَ فَكَبِّرْ * وَثِيَابَكَ فَطَهِّرْ * وَالرُّجْزَ فَاهْجُرْ﴾ [المدمثر: 1-5]، وصبرك فاصبر في أول المدثر. طب في آخر القلم؟ ﴿فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ﴾ [القلم: 48]. وبعدين ولا تكن نموذج اللي ما صبرش إيه اللي حصل؟ يعني شوف التحذير من أول لحظة، ومقام عالي، أنت دلوقتي ما صبرت هتمشي، طب وبعدين هتمشي قبل ما يجيلك الإذن؟ هتدخل سجن الحوت وأنت بتصور لو خرجت من مكة قبل الإذن إن الدنيا هتفتح لك، ومش هتفتح لك هقفلها عليك لازم، لذلك أو اذن لك. سيدنا أبو بكر الصديق كان يقول النبي صلى الله عليه وسلم في الهجرة: تنتظر الأذن. فبالتالي أنت مش، حتى أنت مش من حقك تغير حاجات في الدين، تصبر، تنتظر مراد الله سبحانه وتعالى.
يبقى رقم ستة، عاقبة عدم الصبر إيه الاختيار الثاني؟ أنا عجلت دي ما بحبش أبدا بدي، لأن أنت يعني أنت بيدك محتاج تاخد زاد للدفاع، بس حاجة تخوفك من الرجوع للوراء لو أنت ما صبرتش. يعني إيه اللي مش هتستفد؟ بالعكس، أنت قد تضيق على نفسك: ﴿فَظَنَّ أَن لَّن نَّقْدِرَ عَلَيْهِ فَنَادَى فِي الظَّلُمَاتِ أَن لَّا إِلَٰهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ﴾ [الأنبياء: 87].
أيضا من الآيات اللي جت فيها صبر فكرة ودي ممكن تدخل مع فكرة الأسوة، بس هنا فكرة الصُحبة، قول الله سبحانه وتعالى اللي هي في سورة الكهف: ﴿وَاصْبِرْ نَفْسَكَ مَعَ الَّذِينَ يَدْعُونَ رَبَّهُم بِالْغَدَاةِ وَالْعَشِيِّ﴾ [الكهف: 28]. طبعا هنا بالنسبة للنبي صلى الله عليه وسلم المراقبة والرعاية لهم، بالنسبة لنا إحنا ممكن نحمل هذه الآية أن أنت محتاج صُحبة، عينك أنت لوحدك فعلا ممكن ما تقدرش إلا إن ابتليت بذلك، لكن الإنسان الأصل فيه لو في صُحبة تساعده، يتصبر بهم زي ما قلنا إن من فوائد الأسوة أنك بتحس إنك مش لوحدك في البلاء، لذلك تجد أن الناس لما بتشارك بلائها وبيتحول حتى الموضوع إلى شيء عادي، فلان يعني تجد الأسر الشهداء في غزة وفي كثير من الأماكن تقول: أنا عندي ثلاثة، ودي تقول: أنا عندي أربعة شهداء، فتجد أن هم بيتصبروا بذلك ليست بدعا من البلاءات؛ فإنك أنت بتكون ناس شايل نفس الهموم معاها ده بيساعدك على الصبر. واصبر نفسك مع الذين يدعون ربهم بالغداة والعشي، يبقى الصُحبة الصالحة اللي تعينك على الصبر.
قلنا معالجه سوء الظن ده عن طريق التسبيح. أيضا ذكر جهود الكفار، خد بالك الحياة كلها قائمة على الصبر، وأنت متصور أنهم ما يصبروش، الواحد لما إحنا نتفرج على بعض الفيديوهات أهل الباطل بيعملوها، إيه المجهود ده عشان إيه؟ حتى لو عشان الفلوس، إيه الفرهدة دي كلها؟ ولا مثلاً بيصنع قنبله ولا بيجاهد ولا في سبيل الباطل؟ الذين كفروا يقاتلون في سبيل الطاغوت، في ناس بتقاتل، يعني أنت قاعد مكسل تتفرهد شويه في الدين، في ناس متفرهدة عشان الباطل. لذلك ده كان المقاومة الثالثة اللي لقيته في سورة ص، ومنها بقى انطلقت: امشوا واصبروا. أنا لقيت ثلاث مقاومات في سورة ص: جهود أهل الباطل، ذكر ذكر الأسوة السابقين، ذكر الدار الآخرة. دي كانت مقاومات الصبر اللي لقيتها في سورة ص.
وبعد كده تبص في القران أن هم نفسهم بيجدوا الألم، هو نفسه بيترك تتجافى جنوبهم هو كمان عن المضاجع، بيقوم يسهر طول الليل عشان يفتنك. الواحد لما بيشوف آحياناً حاجات مجاناً على النت تفتن الشباب، ليه؟ ليه؟ يعني يعني عاملها لمين؟ للشيطان. فانت فعلا بتستغرب أن في جهود معموله، الأولى الناس اللي بتسافر في إفريقيا عشان التنصير، الواحد بيسمع أحياناً بعض الدعاة اللي بيسافر إفريقيا يقول لك: قرية قعدنا، نزلنا من طيارة، العربية مش عارف نروح فين، وبعدين لقيت هناك كنيسة ولقيت هناك ناس نصارى، إيه ده؟ إيه اللي موديهم هناك؟ يعني حتى لو عشان الفلوس، ليه الفرهدة دي؟ في ناس أيضا تصبر، لذلك ربنا قال إن المعركة مع المشركين ليست فقط معركة صبر، لكنها معركة مصابرة: ﴿اصْبِرُوا وَصَابِرُوا﴾ [آل عمران: 200]. دي لما إحنا هزمنا في أحد، أيوه ما هو هو يعني ما اتقتلش منه ناس؟ أنت لما تيجي تقرا في تفاصيل السيرة وضع قريش بعد غزوة بدر، أنت مش تخيل مدى الحزن اللي كان في قريش، يعني لو واحد مخرج كافر عايز يصور الآلام اللي مرت بها قريش، وقد إيه أن الإسلام ده أذاهم، وقد ويجيب بقى فلانة ومراتها وسفيان وفلان اللي كان منتظر وفلان اللي هيبيع كل اللي عنده عشان ينتقم، لذلك راحوا أحد بكمية غيظ مهولة، شوف اللي عملوه في شهداء أحد كان عندهم غيظ، وفضلوا فاكرين الموضوع ده، إيه اللي حصل لهم لغايه هند وهي زوجة أبي سفيان وهي تبايع النبي صلى الله عليه وسلم فين؟ بعد فتح مكة، فمن شروط البيعة أنهم ولا يقتلن أولادهن، قالت: ربيناهم صغاراً وقتلتموهم كباراً. بتقول للنبي صلى الله عليه وسلم رايحة تبايع، تقول له: إحنا برده اللي قتلناهم، إحنا قعدنا نربيهم وأنتوا اللي قصدها على بس، وهم انتقموا في أحد، بس شوف لسه فاكرين؟ أيوه، هم متألمون وصابروا، فقدوا ناس وصابروا، باعوا حاجات عندهم عشان يطلع يجاهد ويعمل معاهدات ويرروح ويروح يقعد مع اليهود.
فانت ما تتصورش أن أنت بس اللي تعبان، ده تلاقي الأخ تقول له: اقرا شوية بس عن قضية فلسطين، ولا اقرا شوية عن حاجة، مش، عايز أصل مش عارف إيه، وتلاقي ناس جيش إلكتروني شغال بيشوه القضية الفلسطينية وبيشوه تصوراتها، تقول له: اتعلم أنت مثلاً، اتعلم لغة أو معاك لغة يا سيدي، ابدأ اكتب حاجة انشر فيها عن المسلمين أو عن فلسطين، تلاقي مكسل، أو أُذي شوية اتحفل عليه شوية على السوشيال ميديا عشان بيدافع عن حاجة في الدين تلاقيه بيكش. لا اصبر، طب ما غيرك يصبر! غيرك يصبر، إذاً من مقومات الصبر أن هم أيضا يصبروا وأنت صاحب قضية، ﴿الَّذِينَ آمَنُوا يُقَاتِلُونَ فِي سَبِيلِ اللَّهِ ۖ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ﴾ [النساء: 76]. ما تتصورش أن هو ما بيقاتلش، لا، أنت بتقاتل وهو بيقاتل، أنت ما بتنامش وهو ما بيامش، لكن أنت المفروض تكون: ﴿وَالَّذِينَ آمَنُوا أَشَدُّ حُبًّا لِلَّهِ﴾ [البقرة: 165]. ربنا يقول: ﴿وَمِنَ النَّاسِ مَن يَتَّخِذُ من دونِ اللَّهِ أَندَادًا يُحِبُّونَهُمْ كَحُبِّ اللَّهِ ۖ وَالَّذِينَ آمَنُوا﴾ [البقرة: 165]. لكن دي مش في الآية: والذين آمنوا أشد حبا لله. يبقى إذا استحضار جهود المشركين تساعدك أيضا على الصبر.
أيضا ممكن نختم بدي، الأول كنت عايز أتكلم على مسألة اليأس عكس الصبر، ودي ممكن سريعا كده ترجعوا لسورة يوسف، من الصور اللي جت فيها ألفاظ اليأس كتير، يعني: ﴿فَلَمَّا استيأسوا خلصوا نجيا﴾ [يوسف: 80]، ﴿حَتَّىٰ إِذَا استيأس الرُّسُلُ﴾ [يوسف: 110]، ﴿وَلَا تَيْأَسُوا مِن رَّوْحِ اللَّهِ﴾ [يوسف: 87]. عندنا ثلاث مرات وفيها اليأس والاستيئاس تمام، وإزاي أن ممكن الحل يجي بعد فترة طويلة، وده مهم فعلا: ﴿وَهُوَ الَّذِي يُنَزِّلُ الْغَيْثَ مِن بَعْدِ مَا قَنَطُوا وَيَنشُرُ رَحْمَتَهُ﴾ [الشورى: 28]، وأن طبيعي تمر علينا آوقات قد نقول فيها: متى نصر الله؟ تمام. ده طبيعي، اللي مش طبيعي أن السؤال ده يظل مسيطر عليك، يعني طبيعي تيجي أوقات من الضغط تقول: متى نصر الله؟ اللي هيخليك متوتر أن السؤال ده يبقى هو السؤال الملازم ليك. لا، خلاص، ﴿أَلَا إِنَّ نَصْرَ اللَّهِ قَرِيبٌ﴾ [البقرة: 214]. مش معنى أنه قريب أنه بكره أو بعده، ﴿إِنَّهُمْ يَرَوْنَهُ بَعِيدًا * وَنَرَاهُ قَرِيبًا﴾ [المعارج: 6-7].
زمن عامل الزمن مختلف عند البشر، غير في تقدير الله سبحانه وتعالى، أنت ممكن بالنسبة لك عامل الزمن أن هو يوم، أسبوع، شهر، عند ربنا سبحانه وتعالى كل شيء بقدر، الله لا يعجل بعجلة أحد سبحانه وتعالى. الله سبحانه وتعالى حكيم، رحيم، خبير سبحانه وتعالى، عزيز لا يغالب، لا يعجل بعجلة أحد، الله سبحانه وتعالى يعلم ما يحدث، ويرى الأنبياء، من الأنبياء من قتل، بنو إسرائيل كانوا يقتلون الأنبياء، فالله لا يعجل بعجلة أحد، تمام.
فكري أصل أمتى، وده يأثر عليك، لا، أنت الأصل أنك أنت إيه؟ لا تيأس، لا تقنطوا من روح الله، يموت أحدنا وهو موقن بنصر الله، هو لم يرى شيئاً لكنه موقن بنصر الله، لذلك من الأشياء اللي جت مع الصبر كثير في القرآن أن وعد الله حق، إياك أنك تشك في هذه الأمر، في هذا الرب، إياك أنك تشك في هذه القاعدة أن وعد الله حق.
آخر حاجة أختم بيها، يعني عشان بعض الناس بيعمل مشكلتين في مسألة الصبر: أول حاجة أنه بيحط قواعد وبعدين يحاسب ربنا عليها، القاعدة دي أنت اللي حطيتها مش الشريعه اللي قالتها بمعنى أن مثلاً: لازم في كل معركة من المسلمين والمشركين والمسلمين ينتصروا، هو ربنا ما قالكش كده، هتقول لي: بس ربنا قال: ينصر المؤمنين، إحنا قلنا: ينصر العموم مش الأفراد، وسنن الله تعمل مجتمعة، مش معنى ما هو ينصر المؤمنين، لكن بيعاقب برضه المؤمنين اللي بيعصوا، لكن ممكن قلة تعمل ذنب والعلاء والبلاء يكون عام في غزوة أحد، مثلاً، وده مثال مشهور دائماً بحب أقوله أن ممكن واحد يحط قاعدة أن ربنا سبحانه وتعالى طالما أن الدين حق لابد أن يحفظ الكعبة من الهدم، فتخيل لا قدر الله حصل كفار هجموا لا قدر الله على الكعبة وهدموها وأخذوا الحجر الأسود، ممكن واحد إيه يقول لك: إيه هذا ليس الدين حقاً؟ ويبدا يرتجف ويشك، هو مش مثلاً زعلان وده طبيعي، لا، هو بدأ يشك في أصل الدين: إزاي ربنا ما حفظش الكعبة؟ أيوه، هو مين اللي مين اللي قال لك تحط القاعدة دي؟ عندك المغني بيشرح متن الخرقي، المتن بيقول ايه؟ يقبل الحجر الأسود إن وجد، لو ما كانش موجود فعادي، هو ده بيشرح الفقه، مش بس الناس تركت الدين، لا، عادي، الناس بتتكلم في تفاصيل الدين، متمسكة بدين الله سبحانه وتعالى.
فمن الأخطاء في الصبر، أنا قلت أختم بخطائين الإنسان بيقع فيهم، أن هو يحط حاجات، يحط قواعد أن لازم، زي إيه بالضبط؟ ﴿أَيْنَ نَصْرُ اللَّهِ﴾ [البقرة: 214]، أيوه، اللي هو إيه يا نصرك الذي وعدت؟ فلما ما يحصلش نصر في معركة معينة يقول: إيه ده، ربنا خذلنا؟ لا، أولاً مين اللي قال لك أن ربنا وعد المعركة دي تحديدا؟ ثانياً مين اللي قال لك أن أنتم ما عملتوش حاجات منعت النصر؟ ﴿وَلَقَدْ صَدَقَكُمُ اللَّهُ وَعْدَهُ إِذْ تَحُسُّونَهُم بِإِذْنِهِ ۖ حَتَّىٰ إِذَا فَشِلْتُمْ وَتَنَازَعْتُمْ فِي الْأَمْرِ وَعَصَيْتُم مِّن بَعْدِ مَا أَرَاكُم مَّا تُحِبُّونَ ۚ مِّنكُم مَّن يُرِيدُ الدُّنْيَا وَمِنكُم مَّن يُرِيدُ الْآخِرَةَ﴾ [آل عمران: 152]. ليه ما تتهمش نفسك؟ يبقى فكرة أنك أنت بتحط قواعد وتحاسب ربنا عليها ده غلط.
الإشكال الثاني أن مش بقى بتحط قواعد، أنك بتقحم نفسك في معارك ربنا ما أذنكش فيها، أنت مش قدها، بسبب حماسة، بسبب شجاعة، بسبب قلة فهم، بسبب قلة حكمة، أنت حطيت نفسك في معركة أنت مش قدها، لذلك من الحاجات اللي لقيتها في الصبر: ﴿وَاصْبِرْ عَلَىٰ مَا يَقُولُونَ وَاهْجُرْهُمْ هَجْرًا جَمِيلًا﴾ [المزمل: 10]. في صبر معاه إيه؟ هجر، مش لازم تواجه المعركة دلوقت، ممكن تهجر.
يعني في آخر الزمان، ذو القرنين، ذو القرنين ربنا بعته عشان حط سد بيننا وبين مين؟ ياجوج وماجوج. ففي آخر الزمان عندنا الدجال وعندنا ياجوج وماجوج، تمام. من الذي سيقتل الدجال؟ عيسى عليه السلام في معركة هتقوم مع الدجال. طب من الذي سيقتل ياجوج وماجوج؟ مش إحنا، ربنا هيقول لسيدنا عيسى: حرز عبادي إلى الطور. ففي معركة هنعـرف نواجهها، وفي معركة مش هنعرف نواجهها. حتى ذو القرنين راح حارب، وبعدين في معركة قال لها إيه؟ السد. ما تقحمش نفسك، وده عايز حكمة، في معارك أنت مش قدها، عشان ممكن أنت ما تعرفش تصبر عليها.
العلماء لما بيتكلموا في حديث النبي صلى الله عليه وسلم: «لا ينبغي لأحدكم أن يذل نفسه»، قالوا: يا رسول الله صلى الله عليه وسلم، وكيف يذل أحدنا نفسه؟ إزاي يعني؟ طبيعي أن الإنسان، لذلك هنا العلماء بيقولوا إيه؟ هو المؤمن ممكن يمر بفترات حتى يقولوا كده قلة وذلة وعله، آه، ابتلاءات بقدر الله، لكن ما هو مش هو اللي يعمل في نفسه كده، يعني مش هو اللي يفقر نفسه ولا هو اللي يذل نفسه، جت أقدار يصبر عليه، الأصل أنك بتسال الله العافية، الأصل أنك تسال الله العافية، مش أنت اللي تعمل؛ لأن لما بيجي لك من عند ربنا بيجي معاه اللطف، أنت بتعمل في نفسك كده، أنت شيل بقى، تمام.
قالوا: يا رسول الله صلى الله عليه وسلم، وكيف يذل أحدنا نفسه؟ قال: «يتحمل»، هو اللي يتحمل، يتحمل من البلاء ما لا يطيق. ﴿لَا يُكَلِّفُ اللَّهُ نَفْسًا إِلَّا وُسْعَهَا﴾ [البقرة: 286]، يبتلى المرء على قدر دينه، ده اللي بتيجي من عند ربنا، هو بيحط نفسه هو، ممكن يحط نفسه في شيء غير قادر على أنه يتحمل، لذلك بعض العلماء يحط الحديث ده تحت أبواب الأمر بمعروف والنهي عن منكر. إيه العلاقة؟ أنك أنت في منكر، أنت مش قادر تتحمل تبعات إنكاره، ما تروحش تنكر. بعض الناس هو عايز تصورات معينة اللي هو إيه: خير الشهداء حمزة، ورجل قام عند منكر.
عارف، طب رجل سلطان جائر، طب هو أنت مش قد ده أو مثلاً عايز ينكر منكر وهو ما عندوش فقه ينكر المنكر؟ العلماء كانوا يقولوا: لازم تكون فاهم تبعيعه عليك وعلى غيرك. طب لو إنسان أراد، وخصوصاً في المعارك، أنه ينغمس ويغرر بنفسه وهو عنده القدرة على ذلك؟ قالوا: هذا مستحب له، هو حر، دول عنا مختلفين، لكن أنا أميل الاستحباب، خصوصاً كتير من أئمة المالكية وغيرهم، حتى العز بن عبد السلام قالوا: يغرر بنفسه في سبيله وينغمس في العدو، ما فيش مشكلة.
طب افرض واحد، أنا مش بس بتكلم حتى على الأمور الدينية العظيمة زي الجهاد، حتى في تفاصيل الحياة، أنت ممكن تلاقي واحد دخل نفسه في بيعة معينة، عمل نقلة لحياته، دخل جوازة معينة، أياً كان، دخل نفسه شغلانة، سفرية، سفر، ورط نفسه في تبعات من التحمل هو مش قدها، يعني هو كان مطالب بعبوديات واحد اتنين تلاتة، واخد قرار في حياته سفرية أو نقلة في مكان، خلى العبوديات اللي هو مطالب بيها واحد اتنين تلاتة أربعة خمسة ستة، هو ما كانش عارف يقوم بالثلاثة دول، طب ليه؟
فاصبح تشوف بعض الإخوة يشتكي: أنا بقيت مطالب بكذا وكذا وكذا وكذا وكذا. طب ما أنت اللي حملت نفسك، أنت بتشتغل، تطلب لك شوية علم، تشتغل شوية دعوة، وتشتغل في الدنيا وكانت متقضية كدة. في فرق إن فتح ليك باب وبين إن أنت اخترت تغير في مسار حياتك فتحملت من البلاءات، طب أنت ليه عملت نفسك؟ ما تقحمش نفسك. الشخصيات الجريئة الواحد بيخاف عليها، قد يفتح، لكن واحد بيخاف عليها بيبقى عنده جرأة في نقلات في حياته، طب مش عارضك أن أنت يعني إنسان المفروض في علاقته بالله بيتحسس كدة، يطلب الإذن، يستخير، خايف، يدعي: يا رب أنا خايف، يا رب أعني. المال حتى اللي بيجي لك، لما بيجي لك من عند ربنا ويجي لك يعني بدون ما أنت بتطلبه، تلاقيك يفتح لك فيه، وده حتى في العطاء لما بيجي لك عطاء اقبله، لكن لما أنت بتسأل أو حتى الإمارة فالشريعة بتفرق ما بين الحاجة اللي أنت قاعد بتحفر عشان توصل لها وبين الحاجة اللي سواء من البلاءات أو من النعم.
فتجد بعض الناس الواحد جاي يشتكي من أمور هو اللي حط نفسه فيها ثم يتهم الله! طب أنت اللي عملت لنفسك كدة، أنت اللي لوثت فطرتك، أنت اللي غيرت مسار حياتك، أنت جاي تتهم ربنا؟ لا، أنت اصبر بقى وصابر ويجعل الله لك فرجا ومخرجا، لكن ما تتهمش الله سبحانه وتعالى. واضح أنا كده؟ أنا تقريبا خلصت.
الأمور يعني أن الله سبحانه وتعالى لم يتركنا سدى. فعلاً الواحد لما بيقرا سورة الكهف ويرجع يجيبها من الأول، إني يقول: ﴿الْحَمْدُ لِلَّهِ الَّذِي أَنزَلَ عَلَىٰ عَبْدِهِ الْكِتَابَ﴾ [الكهف: 1]، الحمد لله أن في سور بتفهمنا الحكمة من البلايات، الحمد لله أن القرآن عرفنا إيه الزاد اللي يصبرنا، الحمد لله أن ربنا ما سابناش بدون وحي، كان زماننا ضعنا، فالحمد لله أن كما أنه سبحانه وتعالى خلقنا لنعبده وخلق الإنسان في ضعف، خلق له الزاد الذي يعينه.
فمن الواجبات العملية أن أنتم ترجعوا لمواطن الصبر في القرآن. أسأل الله سبحانه وتعالى أن يفتح لي ولكم، ونكتفي بهذا القدر، سبحانك اللهم وبحمدك، أشهد أن لا إله إلا أنت، أستغفرك وأتوب إليك، والسلام عليكم ورحمة الله وبركاته.