الشيخ محمد خيريالسلام عليكم ورحمة الله وبركاته. الحمد لله رب العالمين، له الحمد الحسن والثناء الجميل، وأشهد أن لا إله إلا الله وحده لا شريك له، وأشهد أن محمداً عبده ورسوله. وبعد؛ فأسأل الله سبحانه وتعالى أن يزينا وإياكم بزينة الإيمان، وأن يكتب لنا في هذا الصباح وفي كل صباح العلم النافع والعمل الصالح والرزق الطيب المبارك. طيب الله أوقاتكم، ويسر الله أموركم، وأزال الله همومكم.
هذا اللقاء هو اللقاء الأخير مع سلسلة السيدة خديجة رضي الله عنها. ونحن كنا في كل لقاء كأننا كنا ندخل ونطرق باباً من بيت خديجة رضي الله عنها؛ فمرة كنا نتأمل حكمتها، ومرة كنا نتأمل الوفاء، ومرة نتأمل الثبات، ومرة نتأمل اتساع القلب يوم أن ضاقت الأرض على النبي صلى الله عليه وسلم. واليوم نحن نحاول بقدر الإمكان أن ننتهي من كتاب خديجة، لكن لا نغلق الطريق. السلاسل العلمية تنتهي، لكن الرسائل لا تنتهي، الرسائل لا تنتهي.
مش محتاجين أننا نيججي في نهاية السلسلة يعني نمصمص شفايفنا ونصفق ونصفق بأيدينا، وأن ربنا منى علينا بالسلسله، لكن محتاجين ندرك أن هذا الزمان يحتاج إلى نساء تسير على هدي خديجة وتتأسى بأخلاق خديجة رضي الله عنها. هذا المعنى مهم جداً جداً، لأننا في زمن ماتت خديجة إلا من رحم ربي، فنريد أن ربنا يستعمل بعضكن في إحياء هذه الرسالة، رسالة خديجة رضي الله عنها.
لو السلسلة دي لو خرجت منها فتاة واحدة بس من هذه السلسلة اصلحت علاقتها بالله، وثم اصلحت علاقتها ببيتها وربت ولادها على معاني القرآن، فده امتداد لحياة خديجة في الأمة من جديد. إن خديجة إن شاء الله هنقول إن رسالتها ما زالت حية، هو ده الدرس الذي تركته لنا السيدة خديجة رضي الله عنها. رحلت منذ قرون لكنها ما زالت تربي، يموت الجسد ولا تموت الرسالة. هذا الأمر إحياؤه في قلبك مهم جداً جداً. ماذا لو بقيت خديجة بيننا؟
تعالوا نراجع مرة أخرى ما قلناه سريعاً عن خديجة، وتكون يعني هذه الأمور أو المفاهيم التي خرجنا بها من قصة خديجة لا تنسى إن شاء الله. هذه المرأة الكاملة أنجح نموذج زوجة عرفها تاريخ الأسرة. بنجد فيها صفات ومفاهيم بتخالف كتير جداً من مفاهيم النجاح الأسروي المعاصر. اتكلمنا معكم في زواج النبي صلى الله عليه وسلم من السيدة خديجة، وكان سنها الخلاف بين العلماء ما بين أربعين وما بين ثمانية وعشرين.
لو اخترنا القول الذي بيقول -طبعاً قلت لكم القول الأقرب وهو الثمانية وعشرين- لكن لو اخترنا القول الذي بيقول أربعين، القول ده بيفهمنا ويدينا وعي مختلف تماماً في مفهوم مغلوط منتشر، إيه هو؟ أن البنت الصغيرة أنجح من الكبيرة في كسب الزوج. السيدة خديجة ضربت لينا المفهوم ده وقالت: مش شرط. مفهوم أن المتزوج البكر أنجح من غير بكر في الكسب الزوج والنجاح والزواج الناجح، السيدة خديجة برضه ضربت هذا المفهوم. فسبحان الله، فعلى قول الذي بيقول خديجة رضي الله عنها كان عمرها أربعين سنة، كانت تزوجت مرتين قبل النبي صلى الله عليه وسلم، وهو لم يسبق أن تزوج كخديجة رضي الله عنها مطلقاً. ففي نظر النساء بعض المعاصرين أن هي بتمتلك إمكانيات أقل من الزوجه الشابة الصغيرة البكر، صح؟ لكن استطاعت بفضل الله أن تسبق كل هؤلاء. فالمفهوم ده مهم جداً أننا بنتعلمه، أن السيدة خديجة بتقول: لا، مش شرط. فالمعنى ده أسأل الله أننا كلنا نستوعبه.
كما علمتنا خديجة من الحاجات الجميله جداً التي علمتنا خديجة رضي الله عنها لما دخل عليها النبي وقال: زملوني، زملوني. ما هو الدور الخديجي للزوج الذي جاي يقول: زملوني؟ الذي جاي يقول: زملوني، يحتاج للتطمين قبل الاستفسار، محتاج أن يسمع من خديجة: أنت لا، أهمك همي. سبحان الله، دواعي الفضول بتغلبنا، فبننسى الألم من أمامنا وننشغل بآلامنا. فتلاقي اللي جاي مهموم، إيه اللي بيحصل ده؟ أنك تسأله وإيه اللي حصل وبتاع واحكي لي وبتاع. لا، السيدة خديجة امرأة قلبها قد الدولة التي أنت قاعد فيها، عاقلة جداً موفقة، فانشغلت بالتطمين قبل الاستفسار. أنت لا، ما أجلت أن هي تشارك في الهم وتفهم الأول ولا لا لا؟ كتير مننا بينساق خلف الفضول، مهما بدأت تبققى ذكي كده وبتاع، تلاقي في اللحظة دي بتحاول تستطرد في الاستفهام: إيه اللي حصل وإيه بتاع؟ وتبدأ تتابع الأسئلة على صاحب المصيبة من باب يعني إرواء الفضول المتعطش جواك دون أن نسقي المتالم بعضاً من احتياجاته. المتألم يحتاج بعض من الاحتياجات وهي التطمين. نموذج الزوجه المراعيه لمشاعر زوجها تترك الاستفسار، إيه الجمال ده؟
على فكرة، هو أنتم ممكن دلوقتي كلكم تقولوا على فكرة عادي. صدقوني مش عادي، مش أي حد يعرف يعمل كده، مش أي حد بالعقل ده أن يكبح جماح الفضول، وأنه يترك الاستفسار ويتجاهل كل تلك الرغبات فقط حتى تطمئن زوجها قبل أن تعرف ما الذي حدث. رضي الله عنها، أبانَتْ أن رغبتها في الاطمئنان أهم من رغبتها الفطرية في استكشاف الأمر، فهو عندها أهم من نفسها. يا سلام عليك يا خديجة رضي الله عنك.
من المفاهيم الجميله جداً أن السيدة خديجة جاء في بعض الآثار والسير يعني أنها كانت تعد للنبي طعامه وربما كانت ترسله وتذهب إليه في الغار عندما يتحنث. فسبحان الله، في ملمح مهم جداً، بالرغم من غناها -فهي مخدومة بمالها وجهدها وأولادها- لكن تذهب بنفسها، وكان وراء هذا الذهاب أشياء لو الواحد يعني حاول يفكر كده. أولاً، الاستمتاع بخدمته. يا جماعة، ما كانش اتولدت عندها فكرة: مين عليه إيه ومين ليه إيه؟ ومش معنى. في امرأة بتتكلم في الأمور الأسرية، سمعت لها مقطع يعني جاء أمامي كده، هذا المقطع عجبني جداً جداً، بتقول وخاصة هذه الأمور لما بتكون من نساء لنساء، بتقول إن في أخوات تقول: أنا مش ملزمة أخدمه، ومش ملزمه أكون متاع خير ومتاع الدنيا لي، أنا مش ملزمة كذا، أنا مش ملزمة كذا، أنا مش ملزمة كذا. فالأخت المستشارة بترد تقول لي: براحتك، سيبيه للي يعرف يعمل كده وهيستمتع وهو بيعمل كده. واخدين بالكم؟ أنت مش ملزمة بالحاجات دي خالص. طيب يا ستي، ما تنشغليش بالك بيه، وسيبيه للي يرى أن ده متعة. صدقوني يا جماعة، عمرك ما هتيجي تقولي وتوقفي مع أولادك، وتقولي لهم: أنا مش ملزمة أعمل لكم أكل، أنا مش ملزمة أغير لك -تقولي للرضيع كده- أنا مش ملزمة أذاكر لك، أنا مش ملزمة كذا، إلا عندما يقع ويشوش في باب المودة والسكينة والرحمة. طول ما أنت بتحبيهم، عمرك ما بتقولي الكلام ده، بتقومي تخدمي بالحب. فالسيدة خديجة رضي الله عنها مستمتعة بالخدمة، ومستمتعة بالرؤية، مجرد الحديث العابر معه.
بس في معنى نفيس جداً عندها، مع كل هذا الود: لن أقطعك يا رسول الله -طبعا ما كانش لسه النبي صلى الله عليه وسلم- لن أقطعك يا محمد عن الخلوة التي حُببت إليك، لكن سأستمتع بالخدمة والنظرة العابرة، واخدين بالكم؟ سأستمتع بالحديث الخاطف، وسأصبر على الابتعاد عنك لأجل رغبتك أنت لا رغبتي أنا، حتى لو زاد شوقي إليك.
وده بنستفيد منه أن كثير من الزوجات تضجر وتتمتع وتطالب زوجها: خليك معايا، وأنه يترك محبوباته. زوج مثلاً يحب القراءة ويحب العلم -مثل الإمام الزهري كده- كانت زوجته تضايق منه تقول: والله إن هذه الكتب أشد علي من ثلاث ضوائر كتبه وطلب العلم بتاعه. شوفوا النبي صلى الله عليه وسلم بيقول لها: «ذريني أتعبد لربي» قول لها: سيبيني يا عائشة. خلي بالكم بيقول لمين؟ لأحب الخلق إليه، لكن كأنه بيقول لعائشة: يا عائشة، وهل أحببتك وهل كنت في حياتك إلا لتكوني وسيلة لكي أتعبد لربي؟ كل يا عائشة من يعطلني عن القرب من ربي، فلا ينبغي أن يبقى في حياتي. فلا ينبغي أن يبقى في حياتي أي حد يعطلك عن القرب من ربنا أو يعطل دعوة.
أنتم عارفين أسوأ من أسوأ، الواحد سبحان الله مؤخراً كده تاملت في الحقد والحسد والغيرة العفنة. عما بتغار من حد من العاملين لدين الله وتتمنى أنه يتعطل. أنت عارف أسوأ ما في هذا الأمر إيه؟ مش أسوأ ما في هذا الأمر يعني أنا بقول: لو أنت فكرت أنك تطخ الداعي ده بالنار أفضل، طيب ليه؟ لأنك أنت لما بتطخ بالنار خلاص، واحد مات، لكن لما بتفكر تفكر إزاي تعطل دعوته، لا، أنت عندك مشكلة ضخمة جداً مع دين الله، وواهم نفسك أن هي مع الداعي فلان، صدقني هتدفع فاتوره صعبة جداً جداً تلمها الأمماتها. واخدين بالكم؟ المعنى ده مهم جداً إدراكه.
فالنبي صلى الله عليه وسلم بيقول إيه؟ ذريني أتعبد لربي. أنت وسيلة، أنت وسيلة ولست الغاية، حتى ولو كنت أحب الخلق إلي. فتقول المؤدبة: والله إني لأحب قربك وأحب ما يصرك صلى الله عليه وسلم. وكان كذلك حال خديجة رضي الله عنها، كان ده الحال.
من المعاني الجميلة التي اتكلمنا فيها: المدح والتشجيع والثناء وإعطاء الثقة. وأنا قلت لكم، كل عما الزوجه تشوف زوجها مالي عينيها كده وبتدرب -ود دي مهمة جداً- تدربي أنك تثني عليه. السيده خديجة نطقتها بل وأقسمت عليها: والله لا يخزيك الله أبدا. تشجع فؤاده، تربط على قلبه، بتمنحه الثقة في الموقف العصيب. المعنى ده مهم جداً، سبحان الله، ضعف الزوجه بيكون قوة في الموضع ده، وده كتير من الزوجات لا يتأملنها. هي بتؤكد بقى على الكلام ده، آه راحت تديه الثقة المطلقة. إزاي عملياً بعد ما قالت له كده لسانيًا؟ عملياً كانت أول من أسلمت بها وصدقت، علماً بأنه قد أتى من وجهة -يعني نظرها- بدين جديد لم يتبعه عليه أحد، لكن عاوزه تقول له: قد إيه أنت يا محمد على الحق، أديني أول واحدة قبل أن تحوجه أن يدعوها. جمال ما بعده جمال رضي الله عنها.
من المفاهيم أنها لم تنتظر إلى غيرها من الناس، هل هيتبعه ولا يكذب؟ المهم أنا فانا من دون الناس أكفيك، أنا أثق بك، أؤمن بدينك حتى لو كنت الوحيدة الآن يا محمد. سبحان الله صلى الله عليه وسلم، طبعا إلى الآن يعني يا دوب لسه لسه هتبدأ هي تدرك صلى الله عليه وسلم. سبحان الله، شوفوا بقى الثقة دي، قارنوها بين التي دائماً تحاسبه على قراراته، والتي عاوزه اقتنع ومن حق أن أنا أسألك وأحاسبك، لأني دائماً أنا الذي على الحق.
سبحان الله، من المفاهيم المهمة جداً: توظيف إمكانياتها ومهاراتها، عندها أي مهاره، توظيف حتى العلاقات والروابط الأسرية. كل ما معي أبتغي فيما أتاني الله الدار الآخرة، فاستغلت خديجة رضي الله عنها لأجل مصالح زوجها المبارك صلى الله عليه وسلم جميع ما في يديها من ورقة، حتى ورقة ابن نوفل، ذهبت بنفسها وتباشر الموضوع المهم لزوجها وهو نزول الوحي، ويعني شرحنا الكلام ده. سبحان الله، فشوفوا النهارده الأخت التي تكون تجيد أي مهارة وقاعدة تسخرها، سهم في كنانة زوجها.
من المفاهيم الجميلة جداً: عدم تصغير ألم الزوج. عدم تصغير ألم الزوج رضي الله عنها خديجة، لم تستقبل النبي صلى الله عليه وسلم بازدراء لخوفه عندما أتَى من الغار أو هتعاتبه، تقول له: ما أنت سايبنا وسايب البيت، طب إيه المشكله؟ ما تتعبد هنا، أنت كل شويه تروح الغار، ولو بقيت معانا ما كانش أصابك ما أصابك والوحشة دي سببها كذا. سبحان الله، طبعا السؤال ده سؤال الوهم الشيطاني دائماً يرمي في ذهنك، إيه هو؟ أصل ده النبي كامل وخديجة كاملة. ربنا سبحانه وتعالى أرسل لنا نبي وقال لنا: ﴿لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ﴾ [الأحزاب: 21] عشان أنا أقول إيه؟ أصل ده النبي. واخدين بالكم؟ أمهات المؤمنين وزوجات الصحابه ونساء السلف الصالح، ماه ده النموذج عشان أنا دول السلف الصالح يا شيخ. ما هو السلف الصالح عشان نمشي وراهم، أما أنت عاوز تمشي ورا بيتر وكاميليا ووهم دول النموذج وتقول: أنا هقيس نفسي على كده؟ خليكوا عشر خديجة اللي شايفيني، أصل خديجة كاملة، خليكي حرف الكاف في الكاملة، المهم خليكي حاجة من خليكي النقطة التي على حرف الخاء.
من الحاجات المهمة جداً: التضحية رضي الله عنها. من يوم ما قال لها: زملوني، وهو دورها إذهاب الفزع عن رسول الله. لما ذهب عنه الفزع، سبحان الله هو ده دورها رضي الله عنه تنطلق به إلى ورقة، وتضحي به. وجماعة السيدة خديجة يا ريتنا كنا عملنا محاضرة اسمها تضحيات خديجة. السيدة خديجة هي ضحت بحاجة بسيطة؟ تضحية السيدة خديجة تضحيات كبيرة جداً؛ تضحيات بالأهل، تضحيات بالراحة، تضحيات بالمال، تضحيات بالطرف، تضحيات بالانس بالزوج، حينما يحاصر الزوج في حصار الشعب. لما النبي صلى الله عليه وسلم تحاصر، ماذا فعل؟ لم تتاخر عن اقتحام المصاعب معه. هو ده المعنى الحقيقي للحب يا جماعه الصحيح، ماشي؟
هو ده الحب الحقيقي، والحب الحقيقي ده اللي بيجي بالموده، الحب ده يا جماعه بذرة بتسقى بالمودة اليومية، إيه المودة؟ فعل. بتقول: أنا أود فلان، صح؟ لكن ما بتقولش: أنا أود الصيام، مش بود الصلاه، أنا بحب الصلاة، لكن الود فيه تفاعل في فِعْل، واخدين بالكم؟ في فعل. فالسيدة خديجة بترجم يعني إيه حب، رغم اللي عندها كمية مبررات رهيبة أن هي تنسحب، صح؟ يعني لما النبي صلى الله عليه وسلم اتحاصر، اللي منكم مش عارف حاصروهم في شعب أبي طالب، فحصروهم ممنوع حد يديهم أكل، ممنوع وممنوع وممنوع وممنوع. سبحان الله، إيه اللي حصل؟ كان ممكن تنسحب أولاً على
العمر اللي بيقول إن هي كانت بدأت بـ 40 سنة، فهي دلوقتي عندها كام؟ تقترب من الـ 60 أو عندها 48 على السن الثاني. فبرده ست كبيرة خلاص. فتنسحب يا عم ما أنا مش قادمة، عندها مستلزمات لأولادها من أزواجها السابقين. طب عشان عيالي فانا من حقّي إن أنا أترك الشعب عشان أراعي شؤونهم، وهم ذنبهم إيه يتحصروا هنا؟ وبعدين ده الحصار ده كان لبني عبد المطلب وأنا مش منهم.
ومش عاوزين ننسى الغنى اللي كانت عايشاه، فكانت ممكن يكفيها إن هي ترسل طعام وخلاص وهي باقية في بيتها. لا وحاصروا معك. هتسيبي العيشة الحياة دي وهتيجي العيشة المرهقة والجوع لغاية ما تاكلوا ورق الشجر زي ما جاء في صحيح البخاري. آه، والمدة مش يوم ولا أسبوع ولا شهور؛ هنقعد ثلاث سنين بالرغم إنها من أغنياء قريش وذات حسب ونسب ووجاهة.
رغم كل المبررات دي، المبررات المقنعة دي، إلا أنها تلذذت بالتضحية لزوجها وأسرتها حتى لو عانت المتاعب. هو ده الحب يا جماعة! أنا بحبه، وفي الآخر خالص إيه؟ ما عندهاش استعداد تضحي لأجله تضحيات عملية حقيقية يا جماعة، اللي من ضمنها بتضحي بالوقت لأيه؟ للغايات اللي هو شغال فيها. الحاجات دي مش هنشوفه في الأفلام والمسلسلات، هنشوفه مثلاً في قصص الحب غير إيه؟ غير المنضبطة عشان يقنعك إن هو ده هنا بس. واخدين بالكم على الاحتيال المخادع كده؟ طبعا الحمد لله التضحية ما زالت موجودة، بس في ناس، جيل طالع جديد ما عندهوش استعداد إنه يضحي، ما عندهوش استعداد يضحي خالص. لا ده من الأول إحنا اللي بنخليه يسف التراب من أول الرؤية الشرعية! آه ضحي بأمك وسيب السكن اللي في بيتك، ضحي بمدينتك وتجيب لي شقة هنا جنبها، ضحي مش عارف بايه بوظيفتك وحاول تشوف لنا وظيفة هنا، ضحي بكذا! يا ابني، يا ابني افهم، يا ابني هو أنت حاطط فردة حذاء في دماغك؟
يا ابني افهم يا ابني، المكان ده أنت رايح غلط، الجي بي إس بتاعك رايح تل أبيب، ما بيفهمش، خلي الزمن يفهم بقى! شوفوا سيدنا موسى امرأته منين يا جماعة؟ زوجة سيدنا موسى منين؟ أم من مدين، صح؟ فلما قضى موسى الأجل وسار بأهله. نعم لا، اصل أنا من مدين فلازم أدنك هنا في مدينتي. خلاص مدينتي مدين، يعني مش مدينتي مدينتي، فهي عاوزة أدنها قاعدة هنا. لا، أنا مش، لا، أنا وممالي؟ وبعدين لا يا عم، إحنا هنروح عند الراجل المجرم ده، بعبع وأنا مالي؟ خلاص هتيجي تقول لي ده بوحي، لا هو من الأول الوحي هيجي له وهو ماشي، خلاص لسه هيجي وهو ماشي.
من المفاهيم المهمة جداً جداً إن في ناس بيلخصوا الحياة الأسرية فين؟ في الأمر الخاص، العلاقة الخاصة، خلاص قضاء الوطر، وهو ده المقياس النجاح الأساسي في كسب الزوج. لا، لا، خديجة رضي الله عنها تزوجت مرتين وأنجبت من كل زوج منهما، ومع ذلك عاش معها النبي ولم يلتفت إلى غيرها. خلاص، النبي صلى الله عليه وسلم صار يذكرها بالرغم أنه تزوج بعدها عشراً! فلو الأمر متعلق بقضاء الوطر ما خلاص بقى، لكن لا يا جماعة، النجاح الخديجي، النجاح الخديجة بتعلمنا أن النجاح الأسري مختلف تماماً. واخدين بالكم؟
النجاح يا جماعة اللي بنقوله دي، دي فوائد، عاوز تعمل بيها اعمل، مش عاوز تعمل بيها اعمل باللي يناسبك ويشرفك في قبرك، رريح دماغك. النجاح السيدة خديجة رضي الله عنها بتقول لنا الموضوع أكبر من كده. أكبر من كده إيه اللي يخلي السيدة عائشة رضي الله عنها تغير الغيرة اللي إحنا ذكرناها؟ ويا ريت نتعلم من السيدة عائشة يعني إيه كلمة غيرة، والنساء المؤمنين ماشي. إيه هي الغيرة المنضبطة؟
الغيرة المؤذية هي دي، لا، ده قبل ما نقول لخلسة قلبية، لخلل نفسي! لخلل نفسي. أنا بحس إن في ناس بحجة الغيرة والحقد والحسد قاعد أمال يدي نفسه أمان إنه هيكون في الفردوس الأعلى عشان اللي جوه ده. السيدة خديجة رضي، عائشة رضي الله عنها عليها الموضوع مختلف تماماً، بس هي إحنا استفدنا منها حاجة، إيه هي؟ أن السيدة سبحان الله خديجة ماتت. صح؟ ماتت والنبي صلى الله عليه وسلم تزوج بعدها مين؟ بنات الش المبشرين بالجنة! ببنات من العشرة المبشرين بالجنة؛ بنت أبو بكر وبنت عمر. فتزوج ناس من العشرة، بنات ملوك زي بنت أبو سفيان وبنت حبيبها. أخطب بنات زعماء وأشراف، صح؟ ومع ذلك احفظوا الجملة ديت، ولو نسيتوا السلسلة كلها ما تنسوش الجملة دي: ظلت خديجة رضي الله عنها وهي ميتة أنجح منهن وهن أحياء رضي الله عنها وهي ميتة!
خلاص، عائشة غارت من خديجة وهي ميتة أكثر من غيرتها من الزوجات إيه؟ اللي على قيد الحياة. فاللقاء الخاص ده ساعة في الواحدة في اليوم، فلو نجحت فيه الزوجه نجحت في ساعة، لكن قدامها 23 ساعة هتملاها بالفشل. الموضوع أعمق من كده بكتير. بصوا يا جماعة، النجاح ما كانش جمالاً للوجه ولا صغراً في السن. لو واحد في يوم من الأيام قال لك ما هو النجاح الأسري تقول له إيه؟
واحد قال لك إيه هو النجاح الأسري؟ تقول له إيه؟ هأقول لكم، هأقول لكم إجابة جديدة بعد كده لما حد يقول لك ما هو النجاح الأسري للمرأة؟ تقول النجاح هو خديجة، وخديجة هي النجاح! بس فعلاً النجاح هو خديجة وخديجة هي النجاح. بذلت ووصلت للقمة دون وجود منافس، كانت الزوجة الوحيدة في حياته. واخدين بالكم؟ وهي سبحان الله يكفي يا جماعة ما عشان يعني مهما أنكم تتكلموا في خديجة هتقف عند حديث: أن ربك يأمرك أن تبلغها السلام! يا إيه ده؟ إيه ده؟ أنت دنتك تعملي سلام ورا سلام ورا سلام ورا سلام ورا سلام ورا سلام حتى أن الرب العلي يأمر جبريل أن ينزل للنبي يقول له: بلغها السلام!
إيه ده؟ يعني أنت طول ما تكون حياتك مشروعك: كيف أكون سلماً لزوجي؟ ربما ينالك هذا الجزاء الخديجي. كان أحد الموفقين يقول: أجدني أنسى نفسي وأنا أمسك القلم كي أعبر عن رغبة عظيمة تعتريني. إيه هي؟ أن أطلب من ربي أن يبلغها السلام! لكن من أنا حتى أرتقي تلك العظمة وأتشرشرف بالسلام عليها؟ من أنا؟ مين أنا عشان أطلب السلام للسيدة خديجة؟ حاسس هو حاسس أن هي أكبر من أن يوصل للدرجة دي، وهي أم لمليارات المؤمنين قبلي، ولمليارات المؤمنين بعدي. غير أن عزائي أنه بقي لي نصيب من العظمة. إيه يا عم النصيب من العظمة ده؟ أن خدي خديجة رضي الله عنها هذه المرأة العظيمة أمي! بقول اللي مخليني شوية عندي جرأة إن هي أمي فانا واخد العظمة دي من أمي، وأشهد الله على محبتها أكثر من أمي التي أنجبتني!
تعرفوا تعيشوا الحرفين دول؟ تعرفوا تعيشوا الحرفين دول؟ على فكرة، في منكم ناس بيشوش عليه قصه خديجة وهو بيشوفها زوجة خاصة النساء. إيه إيه إيه؟ تحس ببعضهم كده تحس يقول لك بس سن في أفورة يا شيخ، خلاص هي الطريقة دي اللي جايباكي ورا! بس عموماً يعني فتلاقي بعض الناس ممكن يشوفها بالطريقة دي واخدين بالكم، لكن لما تبص عليها أن دي أمك هتاقي نفسك الدنيا سلسة خالص. ماشي.
السؤال اللي اتسأل دلوقتي أنا مش هاجاوبه ومش هاقوله، ليه؟ لأني جاوبته في السلسلة قبل كده، حضرتك روحي اسمعي السلسلة هتلاقيني جاوبته، بس هو ينم ينم عن جزء كبير جداً كأن في قدر من، كأن في قدر من سوء الظن بهذه الشخصية الفريدة. كأن هذه الشخصية الفريدة خلاص ما بتكونش كويسة إلا زي السيدة عائشة كده. هنقول إيه؟ اصل السيدة عائشة كانت حلوة أصلاً، أصل هي كانت اتجوزت النبي! على فكرة هو ده مش ثناء على السيدة عائشة، هو ده ذم فيها! خلاص، ذم خفي، أنا عارف السائل لا يقصده، بس عاوز أقول لك أن الشيطان أحياناً يضع لك حمل خبيث خلاص في هذا الآي في هذا الرحم رحم السؤال، فبيبديك حتة كده: خلي بالك برده أصل الصحابة كانوا حلوين يعني وخدموا الدين، أصل كانوا أيام النبي يعني كانوا عايشين معاه.
لا، هو أنت تقول أن الواحد بيخرج أكتر وبيخرج بنفسية سلسة وبيخرج وبيخرج، لكن بلاش تقول أصل أنا أمي كانت حلوة، أصل أبويا كان حلو. يعني أبوك لو كانش كويس كانت أمك هتبقى سيئة يعني مثلاً؟ واخدين بالكم؟ بلاش بلاش تغطي سوءتك خلاص بالتقطيع في سيرة غيرك.
من المفاهيم المهمة، وأختم بها أو قبلا الختم يعني، أنها كاملة وأنجبت كاملة! إنها كاملة أنجبت كاملة رضي الله عنها سيدة خديجة. ما كانش عندها أن التربية أكل وشرب وخلاص، لا يا جماعة. السيدة خديجة رضي الله عنها كانت مجرد التعامل مع الأولاد ده مشروع رعاية، لا مشروع تربية وأنجاب جيل يشرفني بين يدي ربي غداً. واخدين بالكم؟ بعض زوجات اليوم وبعض أمهات اليوم بتتساهل جداً في عفاف ابنتها وملابسها! يعني البنات اللي انتم شفتوهم في الثانوية العامة وقاعدين يرقصوا، عاوزين تفهموني أن أهاليهم كده؟ الإجابة: لا. بس إيه اللي جابهم هنا؟
كتير منهم ربنا يعني يهدي الجميع ويحفظ شباب المسلمين ويستر نساء المسلمين ويرزقهم طول العمر في طاعته وحسن الختام. المهم أن الكثير تساهل في عفاف بناته، في الملابس، في التنشئة. فعشان كده بقى عندنا جيل تشوفوا إيه؟ نرى أمهات ما شاء الله ماشيين تلاقي صورة غريبة تكون الأم ما شاء الله محتشمة اللباس ومش عارف إيه وبنتها لابسة لباس العري والإغراء! إيه ده بقى؟ إيه ده؟ ده اسمه إيه؟ بيقول: تعرف ذوق الست في لبس زوجها وتعرف رجولة الراجل في لبس مراته. راضيين على الجملة دي؟ راضيين على الجملة دي؟ يعني ما نعرفش الرجولة في لبس مراته، يعني ممكن يبقى راجل ومراته كده ماشية براحتها.
تعرف رجولة الراجل وغيرته من لبس بناته ولبس محارمه البنات اللي تحت رعايته، وتعرف ذوق مراته المفترض يعني واهتمامها والكلام ده كله بلبس زوجها وأولادها وتعرف الأم المربية ماشي؟ طبعا بصوا يا جماعة إحنا في وقت كل واحد بيقول اللي هو في دماغه، هو ميزة مواقع التواصل ديت أن مخلياك كل واحد إيه اللي يصحى النوم من الأول يقول اللي هو عاوزه. بتقول لك الأم اللي مربية بتعرفها واخدين بالكم؟ تعرف الأم المربية. اتعلموا أن الحاجات دي اسمها القواعد الأغلبية. يعني إيه الأغلبية؟ يعني ده الأصل. يعني الأصل تعرف الواحد منين؟ ما هو أنتو أنا أما أسمع اخت بتعلي صوتها على زوج وبتقل أدبها أنا قبل ما بتكلم عليها أنا بقول البيت اللي خرجت منه. هتقول لي بس في استثناءات؟ ماشي، بس هما لو 1000 بنت بيعملوا كده ده يدل على أن في 990 950 بيت ما كانش فيه راجل بيربي! واخدين بالكم؟ فهنا الأم تلاقيها محتشمة لكن البنت في سكة تانية خالص. تلاقي ميوعة الولاد في قصات الشعر كأنهم بنات، وبتجر أولادها على هذه الأمور. ربنا يهدي أولاد المسلمين، بس في المجمل، في المجمل أن المعنى ده إدراكه بيفرق كتير قوي.
المفهوم قبل الأخير: الجملة دي صحيحة، اخت بتقول: طيب الرجالة اللي نفسها زوجته تلبس اللبس الشرعي وهي بتقرف ده يعمل إيه؟ أنتو إيه رايكم يعمل إيه يا جماعة؟ واحد بيقول لزوجته: البسي الشرعي، وهي بتقول له: لا، أنا هلبس قط وأمشي بشعري. إيه رأيكم؟ يعمل إيه؟ عليه واجب! في واجب بيعمله، في واجب الراجل ده، واجب عنده واجب يعني ولا ما عندوش واجب؟ طيب، إديكم إيه؟ رديتوا على بعض بقى، فعيشوا مع بعض.
المفهوم قبل الأخير واتكلمنا عنه، هي إذا أرادنا أن نعرف ما هو السكن الأسري فهو خديجة رضي الله عنها! البشارة اللي جت من بيت من قصب لا سخب فيه ولا نصب، كان جزاء من جنس العمل! واخدين بالكم؟ كان جزاء من جنس العمل. فلما كانت حريصة أنها توفر للنبي بيت الذي لا سخب فيه ولا يسمع ما يؤذيه من أصوات وإزعاج، نالت من الله الجزاء بذاك البيت في الجنة رغم كثرة أولادها وصغر مسكنها! سبحان الله في ردود مال تيجي دلوقتي تأكد دي: رسول الله صلى الله عليه وسلم: «رايتكن أكثر أهل النار» بايه؟ بكفران العشير! فربنا ينجينا وإياكم من النار. سبحان الله، بعض الأزواج لا يجدون راحتهم في بيوتهم بسبب سوء إدارة الزوجة، عدم التنظيم، كثرة الطلبات، الاهتمام بالمشاكل، بس سبحان الله، هذه هي خديجة رضي الله عنها، شهادة من النبي بموقفها لما قالت: آمنت بي إذ كفر بي الناس، وصدقتني إذ كذبني الناس، وواستني بمالها إذ حرمني الناس، ورزقني الله منها الولد إذ حرمني أولاد النساء!
خديجة رضي الله عنها، يا ترى واحنا بنختم اللقاء أن هذه السلسلة جاية تقول لنا: أتيت لأصلح ما أفسده بعض الزمان! عاوزين نخرج من السلسلة ديت، عشان ما تنتهيش، أن أنت تبدأ من جديد، وأن أنت تبدأي ببيت جديد وقلب جديد وتربي جيل جديد لما ننتهي من الدورة ديت وأنت أقرب إلى الله، وأنت أقرب إلى الله، وأن القرآن.
تزداد له صحبةً، وأن الصلاة تكون راحةً ليك، وأن الحياء يكون زينةً ليكي، وأن الدعوة همك وهمه، وأن يكون بيتكم قطعةً من الجنة لا قطعةً من صخب الدنيا؛ فأنت على هدي خديجة. اجعلي أعظم أمنياتك أن يقال يوم القيامة: هذه امرأة أصلحت حيث فسد الناس، وثبتت حيث اضطرب الناس، وأحبت الله حتى أحبها الله.
ما تخليش حلمك أن أنا أكون الاجمل، أن أنا أكون الانجح، أن أنا أكون الاشهر. سبحان الله، النساء الرسالة الأعمق ليهن أنها تحافظ على أن يكون لها الأثر لا أن يكون لها القدر؛ الأشهر ليس الأثر، الأقدر أكثر أثراً. البخاري أشهر ولا أمه؟ البخاري مشهور صح، وأمه هي صاحبة الأثر. لما أمه ما انشغلتش بالشهرة البخارية، طلعت البخاري؛ لما أم الإمام أحمد انشغلت بعدم الشهرة، الأحمدية دي طلعت الإام أحمد. اليوم اللي هتنشغلي أنك تكوني زي، يكون ليكي نفس الشهرة دي؛ هتروحوا في حتة تانية خالص.
الأثر مش شرط أنك تكوني معروفة، أثرك يكون مشهور لكن أنت ممكن ما تكونيش مشهورة، ماشي؟ أنت بيجي لك اللقاء لغاية عندك على الموبايل وتشوفه صح؟ أنت عارف مين اللي وصله لك؟ حد صاحب أثر وصل لك هذا الصوت الذي تسمعه في بيتك. فالوصية الأخيرة، ماذا بقي من رسالة خديجة؟ هي دي الرسالة اللي أنا عاوزكم تخرجوا بيها.
ما هي الوصية؟ ماذا بقي من رسالة خديجة في حياتك وفي حياتك أنت؟ بصوا يا جماعه، الزوج اللي ما يعرفش يطلّع خديجة هو مشارك في التشويش على السكينة في البيوت والمودة والرحمة. القصة مش هتنتهي عندك أنت؛ لما ربنا سبحانه وتعالى يرزقك بنت وتربيها التربية المشرفة بين يدي الرب، أنت عملت إيه؟ أنت طلعت جيل غير مشوه؛ لأن البنت دي بكره هتبقى زوجة وهتربي أولاد، هتربيهم على التربية اللي أنت اديتها لهم، وهكذا سلسلة لا تنتهي، سلسلة لا تنتهي. ولما بتبوظ وبتسيب وبهدل، تطلع بنت وولد أجيال مشوهة، أجيال مشوهة، نسأل الله العفو والعافية.
فعاوزين نسال أنفسنا: إيه اللي أنا خرجت بيه من رسالتي؟ ماذا بقي من رسالة خديجة التي ماتت ونافست الأحياء وما سد مكانها الأحياء؟ السيدة خديجة اللي بتختار الدين الأول، سيدة خديجة اللي عايشة بعقلية ماذا سأقدم، لا ماذا سأخذ؛ ماذا سأخذ رقم اثنين، ماذا سأقدم هي رقم واحد. السيدة خديجة اللي عاشت على أن السكن يصنع ولا ينتظر، مش تنتظر زوج مثالي عشان نصنع له السكينة، كوني أنت سبباً في نزولها، احفظي لزوجك مكانته، زي ما السيدة خديجة كانت من أول يوم: خلي بيتك مشروع، مشروع لبيت لا صخب فيه ولا نصب، خلي بيتك وأخلاقك وحياتك لا تنشغل بصورة الحياة عن حقيقة الحياة، النجاح مش في الصور والمنشورات، النجاح في بيت يرضى الله عنه، بيت يرضي الله عنه. خديجة علمتكم: كوني امرأة يفتقدها الناس إذا غابت.
بالمناسبه يا جماعة، السيدة خديجة لو عايشة وسطيكُمْ في كتير منكم هيحبها، بس في كتير برضو هينتقم منها؛ لأن في ناس الموفقين والمسددين منهم خلاص بتلاقيهم كأنهم بيذوهم. إزاي يعني؟ أوعى تفتكر زي ما الصحابي قال سمع من تابعي بيقول له: رأيت النبي! يا بختك! والله لو رأيناه لحملناه على الأعناق وما تركناه يمشي. واحد بيقول لحذيفة كده، قال: هون عليك يا ابن أخي، فإن هناك من رأى رسول الله وحاربه.
فصدقوني، اسألي نفسك دلوقتي هذا السؤال، خلاص، اسألوا أنفسكم هذا السؤال واسألوه بعمق: أنت في ناس ناجحة في المجتمع اللي حواليك في حلقتك في أهل بيتك، في ناس تعرفيهم أنت مشحونة منهم ومتضايقة منهم؟ لو آه، أنا بقول لك: لو خديجة كانت وسطينا كنت هتتضايقي منها وهتحقدي عليها وتفتري عليها، واخدين بالكم؟ فهو ممكن يكون الحب ده حب غير حقيقي لخديجة رضي الله عنها. لكن صدقوني خديجة لو عايشة وسطينا في ناس كتير هتحقد عليها، أبو بكر لو عايش وسطينا في ناس هتحقد عليه، مصعب لو عايش وسطينا في ناس هتحقد عليه.
الملمح ده أنا عارف أن هو يخض، لكن صدقوني احنا كتير مننا مبسوط قوي بالصحابه والتابعين والناس اللي خدموا الدين وكده، بس في نفس الوقت أنت مولع من أخيك اللي بيخدم الدين، والشيخ فلان اللي بيخدم الدين، والأخت فلانة اللي بتخدم... أنت مولع ليه منهم؟ فنسال الله سبحانه وتعالى أن تخرج ولو فتاه واحدة من هذه السلسلة أصلحت علاقتها بالله ثم أصلحت بيتها وكانت امتداد لحياة خديجة في الأمة من جديد.
ليه بقول ولو فتاه واحدة؟ أنا أدرك دعائي؛ لأن أنا أعلم في كل زمان لو وجدت امرأة واحدة خديجية، فنحن على أعتاب فتح لا يعلمه إلا من يعلم الغيب والشهادة. فنسال الله أن يرزق بنات المسلمين إيمان خديجة وعقل خديجة، أو من إيمان خديجة -حتى لا يكون ثم تعتدٍ في الدعاء- أن يرزق كثير من بنات المسلمين من إيمان خديجة، ومن عقل خديجة، ومن حكمة خديجة، ومن صدق خديجة، ومن عفة خديجة، ومن وفاء خديجة، ومن سكن خديجة، ويجعل بيوتهن سكناً، ويعينهن على الطاعة، ويجعلهن مفاتيح خير مغاليق شر، ويخرج منهن أمهات يربين عباداً صالحين يحملون هذا الدين إلى العالمين.
أرجو من الله ألا أكون تعديت يعني حدودي وتجاوزت وأنا أتكّلم عن هذه المرأة الكاملة التي لا نظير لها. وأسال الله سبحانه وتعالى إن كان من خير فيتقبله، وهو منه محض فضل سبحانه وتعالى، وإن كان من شر أو خطأ فهو مني ومن الشيطان، أعاذنا الله وإياكم، الله منه بريء.
فأسال الله سبحانه وتعالى أن يشرفنا وأن يرفعنا بذكر هؤلاء الأطهار، وأسال الله سبحانه وتعالى ألا يحرمنا من شرف إذلال الناس عليهم، وأن يستعملنا استعمالاً رضياً مرضياً؛ بأن نُحبب الخلق في هذه الكوكبة العطرة، وأن نُذب عن دينه ما أحياؤنا الله، برفق ولين وحكمة وعزة يحبها الله. وأسال الله أن يمن علي وعليكم بحسن العمل، وحسن الخلق، وحسن الختام. أقول قولي هذا وأستغفر الله لي ولكم.