السلام عليكم ورحمة الله وبركاته. الحمد لله رب العالمين، له الحمد الحسن والثناء الجميل، وأشهد أن لا إله إلا الله وحده لا شريك له، وأشهد أن محمداً عبده ورسوله. وبعد؛ فأسأل الله سبحانه وتعالى أن يزيدنا وإياكم بزينة الإيمان، وأساله سبحانه وتعالى أن يكتب لي ولكم التوفيق والسداد، وأن يعيذنا وإياكم من كل ذي شر وسوء.
وأساْل الله سبحانه وتعالى أن يحفظنا وإياكم من بين أيدينا ومن خلفنا وعن أيماننا وعن شمائلنا، وأساله سبحانه وتعالى أن يجعل عن يميننا نوراً وعن شمالنا نوراً، ومن أمامنا نوراً ومن خلفنا نوراً، ومن فوقنا نوراً، وأن يجعل في ألسنتنا نوراً وفي قلوبنا نوراً. وأساْل الله سبحانه وتعالى أن يستعملنا لنشر النور.
ما زال حديثنا عن أمنا خديجة رضي الله عنها، وهذا اللقاء هو اللقاء الأخير أو قبل الأخير في سيرتها رضي الله عنها. ابن القيم لما تكلم عن السيدة خديجة يقول: ومن خواص خديجة رضي الله عنها أنها لم تسوئه قط، ولم تغاضبه، ولم ينلها منه إيلاء ولا عتب قط ولا هجر قط، وكفى به قَبولاً وفضيلة. ومن خواصها أنها أول امرأة آمنت بالله ورسوله من هذه الأمة. سبحان الله! خديجة رضي الله عنها كانت الوتد لرسول الله صلى الله عليه وسلم في وجه الدنيا، كانت أمه التي فقدها صغيراً، كانت أخته التي لم تنجبها أمه، كانت رفيقته التي وهبها الله سبحانه وتعالى إياه، كانت سنده الذي يوم نزل عليه الوحي ذهب إليها وتدثر بحنانها ولكل مزمل خديجة، وكانت زوجته التي أنجبت له الزهراء الكاملة، أم سيد شباب أهل الجنة.
يقول عنها: آمنت بي إذ كفر بي الناس. يا الله! الموضوع مش قصة مجرد الإيمان، قصة أنك تجد من يثق بك وفيك عندما يهتز العالم من حولك. فآمنت بي إذ كفر بي الناس، وهذا إن دل على شيء يدل على كمال عقلها وسداد أمرها وصدق قلبها. لماذا؟ لأنها الوحيدة التي تفرست في النبوة. آمنت بي إذ كفر بي الناس، يا لها من بصيرة! وصدقتني إذ كذبني الناس. أهذا يكذب؟ فأي شيء راته خديجة حتى تقول أنا غير؟ فقد رأَت عيني ما لم ترَ عيون الخلق كلهم. هي رأت، لو رأَت عيناك من حسن ما رأينا، لو رأَت عيناك ما رأينا، الذي أضحى قتيلاً... لو ذقت من طعم المحبة ذرة بس آه لو رأَت عيناك. فهي القصة أن السيدة خديجة رأت عيناها، فعشان كده آمنت بالنبي صلى الله عليه وسلم إذ كفر به الناس، وصدقتني إذ كذبني الناس، وآوتني إذ طردني الناس، وواستني في مالها إذ حرمني الناس. عايزين نعمل ثلاث دروس، أربعة: خديجة المؤمنة، خديجة المصدقة، خديجة الآوية المأوى، خديجة المواسية. وواستني في مالها إذ حرمني الناس. سبحان الله! فلو شاهدت عيناك من حسننا الذي رأوه لما وليت عنا لغيرنا. سبحان الله! خديجة بالكلام رسول الله عنها كأنها امرأة واحدة جيش كامل، هي امرأة واحدة بس هي جيش كامل، خديجة التي لا يوجد منها نسخة ثانية في تاريخ البشرية.
أقول لكم على حاجة، لما بتشوفوا الناس في عرفة والزحمه الشديدة قوي دي، تستحضروا إيه؟ ولما بتشوفوهم في العشر الأواخر من رمضان، تستحضروه يوم القيامة، وايه كمان اللي بتستحضروه؟ تستحضروا فضل ربنا، استشعر الجنة، جميل، عز الإسلام رائع. هقول لكم على حاجة بقى دايماً إن شاء الله تربطكم بالسيدة خديجة ماشي وتخليكم دايماً تحبوها أكثر وأكثر، إيه هي؟ نبوءة خديجة واستشراف خديجة: كلا والله لا يخزيك الله أبداً. فلما تشوفوا المشاهد دي افتكروا خديجة، افتكروا استشراف المستقبل ليها واخدين بالكم.
الرافعي ليه كلمة جميلة يقول: يظل الرجل يخرج إلى الدنيا بدرعه وسيفه، ولا يهتز لمصائب الدنيا وضرباتها حتى يظن أنه صخر لا قلب له، حتى يلقاها هي دون سواها فيلقي أسلحته ويخلع درعه، فترى جراحه هي فقط من يأتمنها على جراحه. سبحان الله! خديجة يا جماعة في حياة النبي لم تكن صلى الله عليه وسلم لم تكن مجرد زوجة، كانت عوض الله، كانت عوض الله سبحانه وتعالى واخدين بالكم. فكانت العوض، عوض ربنا للنبي عن كل ما لا قبلها، وكانت ملجأ وكهف عما سيلاقي بعدها. خديجة عوضت النبي حنان الأم الذي فقده صغيراً، وكانت كل دنياه رضي الله عنها. خديجة، عم النبي كان الجبهة الخارجية، أما خديجة فكانت الجبهة الداخلية الآمنة. خديجة كانت تجعل العلقم شهداً والصعب يسيراً، كان النبي يشعر معها أن ظهره محمي صلى الله عليه وسلم. كانت أكبر من رسول الله سناً، لكن عندها من التوفيق والقلب ما يكفي لتنزل إليه، وكان عندها من العقل ما يكفي ليصعد إليها. خديجة كانت غنية، لكنها كانت تشعره أنه أغلى ما تملك. وكان رسول الله صلى الله عليه وسلم قليل المال، فكان آنذاك يصنف في دائرة الفقر، لكن كان يشعرها أن مالها أقل ما تملك صلى الله عليه وسلم. خديجة المرأة أحبت النبي كما لم يحبه أحد على كثرة محبيه صلى الله عليه وسلم، كانت عكازه صلى الله عليه وسلم، كانت عصاه صلى الله عليه وسلم التي يتكئ عليها في طريق حياته، كانت الجيش حين عز الجنود، هي المرأة التي لم يملأ مكانها في قلبه أحد صلى الله عليه وسلم فريدة إلا خديجة رضي الله عنها.
وشوفوا هول الوحي، سبحان الله! لما نزل على النبي والروع والخوف والبرد الذي أصابه في تلك اللحظة صلى الله عليه وسلم، كان يحتاج كتفاً يعلم أنه سيكون السند حتماً له، وكان يحتاج إلى من ياويه، فكان قلب خديجة أوسع الأماكن الضيقة في العالم لرسول الله صلى الله عليه وسلم. كان ممكن يذهب بيومها إلى صديق أو قريب، لكنه سار بقلبه وروحه نحو الساكنة المسكنة. كان النبي صلى الله عليه وسلم يعلم أن هذا الكوكب المترامي الأطراف من سيفهمهُ ويحتويه ويدثره ويزمله هي خديجة رضي الله عنها. يكفيها أن هي أشعرت النبي صلى الله عليه وسلم: لست وحدك، أن هذا العالم فيه رفقة. أنتم مدركين يا جماعة أنها أسلمت قبل أن يطلب منها أن تفعل؟ رضي الله عنها كانت ظل النبي صلى الله عليه وسلم ترافقه بلا إزعاج رضي الله عنها.
في يوم من الأيام النهارده إن شاء الله هنتكلم عن ملمحين في قصتها، كان قبلها نحكي مشهد وحديث كلكم عارفينه، لكن أريد أن أنا أسلط الضوء على بعض الكلمات التي جاءت في الآثار. في يوم من الأيام أته امراه فاكرها النبي صلى الله عليه وسلم غاية الإكرام، والقصة المشهورة جداً، فالسيدة عائشة لما شافتها كده وشافت الإكرام فقالت له يعني شفتك يعني بتكرمها جامد جداً فقال لها إيه؟ جاءت عجوز إلى النبي صلى الله عليه وسلم وهو عند... تقول عائشة، عائشة دي يا جماعة لازم نتكلم، لو في وقت النهارده هنتكلم عن قد ايه سلامة القلب، قد ايه السيدة عائشة نقية خفية، حاجة كده يعني سبحان من نسأل الله سبحانه وتعالى أن يعطينا ويرزقنا يعني شيئاً من القلب العائشة ده عشان تعرفوا سلامة هذا القلب، بتحكي كل التفاصيل حتى قد ايه أن هي بتنقل لنا إنصافها ورقيها حتى مع أقرانها ومع من يؤذيها. المهم تقول إن شاء الله لو في وقت كده ذكروني كده في النهاية لعلي أتطرق لهذا. تقول عائشة رضي الله عنها: جاءت عجوز إلى النبي صلى الله عليه وسلم وهو عندي، فقال لها: من أنت؟
قالت: أنا جثامة المزنية. قال: بل أنت حسانة المزنية؛ لأن النبي صلى الله عليه وسلم كان يحب أن الإنسان لازم يكون له اسم حسن، اسم يبقى ليه معنى كده خلاص. وده حاجة نستفيد منها يا جماعة، الأسماء الغريبة لازم أجيب اسم غريب كده ماشي، ويا سلام بقى طول ما يبقى إيه بأسماء أجنبية خلاص، لازم نفس كده تحسسني أن أنا نقلت كده خلاص أنا سكنت في مدينتي، سكنت في أكتوبر خلاص سبت الأوباش دول كلهم وطلعت بره خالص وسكنت في كندا ولا استراليا، فلازم الأسماء تبقى مختلفة كده خلاص، أدور لي على أي اسم زهرة من الأزهار اللي موجودة في الصحراء الغربية ولا في الحرائر الشرقية ولا أي حاجة، لوتس وماوتس و... أترجمها وأطلع لها مش عارف إيه، أدور على أي اسم فاكهة وأشوفها بالإنجليزية بتقال إيه وأروح مسمي بنتي كده. إيه يا عم إيه النقص مالي بعض الناس كده؟ نسال الله العفو والعافية، نسال الله أن يهبك عزة تعلم بها أن هذه الأمور لا تزيدك إلا ضعفاً.
المهم فقال: بل أنت حسانة المزنية. فقال: كيف أنتم؟ كيف حالكم؟ كيف كنتم بعدنا؟ فقالت: نحن بخير بأبي أنت وأمي يا رسول الله. فلما خرجت من عنده قلت: يا رسول الله، تقبل على هذه العجوز هذا الإقبال؟ فقال: أنها كانت تاتينا زمن خديجة، وإن حسن العهد من الإيمان. يا سلام! شوفوا يا جماعة عاوزين نعلق على إيه: زمن خديجة! كانت تاتينا، مش من عشرين سنة، مش واحنا شباب. زمن خديجة، كان عمر الإنسان لم يعد يؤرخ بالسنوات، بل كان يمنح به السكينة. يا جماعة، ليست كل زوجة تؤرخ الحياة بها، عارفين زوجة أرخت الحياة بها؟ زمن خديجة، كأنه يؤرخ عمره صلى الله عليه وسلم بخديجة. سبحان الله! الزوجة اللي بتصنع السكن، وجودها بيكون مرحلة كاملة من العمر يا الله!
ده في حديث سبحان الله، أنا قلت لكم في أول السلسلة أنا مدرك أن أنتم أثناء السلسلة هتخرجوا بنفسية كده إيه النفسية؟ هذه الأم، نحن عق لها واخدين بالكم، عندنا عقوق خفي، عقوق صامت. العقوق الصامت في ضعف وفاء لا لهذه الفريدة. فالواحد بيحاول يعني يتقرب إلى الله أن يكون شوية كده إيه يعني لعل الله سبحانه وتعالى يبصرنا ويعلمنا ويجعل هذه السلسلة يعني جزء من الأجزاء اللي تخلي الإنسان يقول: ها نحرك المية الركدة. وذلك من الحاجات العجيبة قوي أن تلاقي أن في ناس سبحان الله عندها الشعور ده، قرات لأحدهم كاتب كتاب فبيهديه، أنتم عارفين الإهداء صح؟ فأهداه لخديجة رضي الله عنها قال: إلى المرأة التي أحبت النبي كما لم يحبه أحد على كثرة محبيه، إلى التي آمنت به حين كفر به الناس، وصدقته حين كذبه الناس، وأعطته حين حرمه الناس، إلى التي كانت حبيبته وصديقته وجهته الآمنة، إلى التي كانت كتفه وعكازه وجيشه حين عز الجنود، إلى المرأة التي لم يملأ مكانها في قلب أحد فبقيت بعد موتها كما كانت في حياتها، تلك الفريدة التي لا تتكرر، إلى أمي خديجة أهدي هذا الكتاب نيابة عن الأمة عرفاناً بفضلها واعترافاً بمكانتها. جميل أنك تكون نيابة عن الأمة.
عاوز اديكم حديث، أنا عارف أن كلكم سمعتوا عن معناه لكن أنا محتاجكم تقفوا مع كلمة منه، تقول عائشة رضي الله عنها: كان إذا أتي بشيء يقول: اذهبوا به إلى فلانة. الحديث ده عدى عليكم صح؟ فإنها كانت صديقة خديجة. اذهبوا إلى بيت فلانة فإنها كانت، شوفوا اللي جاية دي: تحب خديجة. يا الله! أي جمال هذا! تحب خديجة. لاحظ أن النبي صلى الله عليه وسلم لم يحفظ أسماء الصديقات بل حفظ المشاعر، كان عارف المشاعر تجاه أصل كانت بتحب خديجة. يا جماعة، المرأة الموفقة الخديجية ما تركتش أثر في بيتها بس، ده في شبكة العلاقات قاتل خلاص، يقول لك: لاجل عين تكرم ألف عين، حسن العهد من الإيمان. سبحان الله! النبي صلى الله عليه وسلم ما كانش منتبه لهيئة حسانة، لكن لما انتبه وعرفها وأنها من صواحب خديجة أكرمها لأن حسن العهد من الإيمان.
محمد بن واسع ليه كلمة جميلة جداً يقول: لا يبلغ العبد مقام الإحسان حتى يحسن إلى كل من صحبه ولو ساعة. يا الله على الجمال! إيه دي نظافة يا جماعة؟ في ناس كده تحس أن هو نضيف من جوه، ريحة طالعه منه يا جماعه! خاصة عند النساء، موضوع القمص والبوز والقصص ديت يعني أنا سبحان الله مع يعني حديث النبي صلى الله عليه وسلم وهو يحذر بيكفرن العشير. سبحان الله يخليك فعلا أن كل واحدة تخاف فعلا، لا ينظر الله إلى امرأة لا تشكر لزوجها وهي لا تستغني عنها. حديث النبي صلى الله عليه وسلم بيقول لك: الله لا ينظر إلى امرأة لا تشكر لزوجها ولا تستغني عن... مش هتعرف تستغنى عنه، لكن بسبب إحنا عصر النسوية والغزو النسوي الخفي بيشعرك بيديك وهم الاستغناء. في وهم الاستغناء! صدقوني يا جماعة بيوت كتير جداً هتتحل مشكلتها، وعلاقات كتير جداً هتتحل، والبوز اللي موجود عند حضرتك ده ومعدي القناطر الخيرية صدقني هيتحل لو انت كنت وفي.
واوعى تكون في يا جماعة الوفا ما بيتجزاش، زي الكرم كده الكرم ما بيتجزاش، ما تلاقيش واحد كريم مع ناس وبخيل مع غيرهم، مش هتلاقي واحد علاقاته حلوة مع الناس كلها ويبقى سيء مع من علمه، لا لا هو لشيء جواك. فشوف محمد بن واسع يقول: لا يبلغ العبد مقام الإحسان حتى يحسن إلى كل من صحبه ولو ساعة.
في يوم من الأيام أحد مشايخي الافاضل الكبار رحمه الله عليه بيتسئل على شيخ آخر من أقرانه، فبنقول له يعني الشيخ ده ما شاء الله ومش عارف إيه سبحان الله، بس يعني رغم العلم ده كله والقصه دي كلها بس آثاره مش ممتدة. فقال لنا كلمة عميقة جداً قال: ابتلي بتلاميذ عُقُّل ولم يرزق تلاميذ أوفياء. يا الله! والشيخ بيقولها أن فلان ابتلي بتلاميذ ليسوا بأوفياء. الجملة دي مؤلمة جداً سبحان الله.
وبعدين قال لنا: ولكن صدقه ينجيه وهو ده الذي يبقيه. وفعلا هذا الشيخ مازال موجود وعلمه مازال سبحان الله عميقا. فسبحان الله، الوفاء ده حاجة!
محمد بن واسع يقول: كان إذا باع شاة، شاة معزة، يوصي بها المشتري اللي بيشتريها، بيوصي بها يقول له: قد كان لها معنا صحبة.
يا ربي على الوفاء حسن العهد! لما يقع بينك وبين صديق ليك خصومة، تذكر لحظات الوفاق القديمة. ربنا سبحانه وتعالى بيقول، للي بيتفصلوا: ﴿وَلَا تَنسَوُا الْفَضْلَ بَيْنَكُمْ﴾ [البقرة: 237].
يا جماعة، الإنسان كلما زادت إسلاميته وإيمانه بيزداد استجابته. ما أنت في واحدة اسمها بسمة وواحد اسمه باسم، فبقول يا باسم يا بسمة، فاللي اسمه باسم وبسمة هيقولوا نعم، لكن اللي باسمها بسيمة مش هتسمع، مش هتقول نعم ليه؟ مش ليا. فهذا القول: ﴿وَلَا تَنسَوُا الْفَضْلَ بَيْنَكُمْ﴾، فكلما زاد إيمانك، كلما قلت سمعاً وطاعة. فلما يقع بينك وبين صديق ليك خصومة، تذكر لحظات الوفاق، تذكر الضحكة اللي أنت ضحكتها معاه، والدمعة اللي في يوم من الأيام بكيتها معاه، تذكر العيش والملح اللي أكلتوه مع بعض، لا تفجر في الخصومة وتتلبس بخصلة سلولية كابن سلول، لا ترد الإساءة بمثلها فإن حسن العهد من الإيمان.
لما يقع بينك وبين جار ليك سوء تفاهم، يا عم، تذكر مرضك اللي زارك فيه، تذكر العزا اللي وقف معاك فيه، تذكر طبق الأكل اللي أداهولك في نهار رمضان وقال لك افطر عليه. العشرة يا جماعة لا تهون أبدا عند النبلاء، فإن هانت فاعلم أن الذي أمامك قد كشف قناعا لك فقال لك: لست نبيلا. فانتبه! اللي ما تلاقي المعاني دي مش موجودة عنده صدقني هو كشف القناع، فما تتألمش. سبحان الله في سبحان الله ذكريات غير قابلة للاحتراق، غير قابلة للتهشيم، ذكريات عصية أن هي تمحى.
خمسة وعشرون سنة من حياته. عام رسول الله يقترب من الخمسين فيسمع حد بيخبط فيقول: عرف استئذان خديجة. قال: اللهم هالة. في حد بيقول: هل الكلام ده للصحبة برده؟ يا جماعة للكفار! المطعم بن عدي، النبي صلى الله عليه وسلم بيقول: لو كان عايش كنت أديته أسرى بدر عشان الموقف اللي عمله معايا قبل كده. إيه هو الموقف؟ مش موقف كبير ولا حاجة، ده دخل النبي صلى الله عليه وسلم مكه وهو جاي من الطائف. فصدقوني يا جماعة، النظيف نضيف على طول، الأخلاق زي لون البشرة، زي لون بشرتك لا تفارقك. واخدين بالكم؟ أخلاقك كده، واحد بشرته قمحاوي هيدنه أمحاوي في أي حته، هو قمحاوي ماشي، أو واحد بشرته بيضاء هتلاقيها بيضاء، ما بيتلونش، مش حرباء هو.
فيقول النبي صلى الله عليه وسلم لما سمع حد بيخبط فقال: اللهم هالة. يا تخيلوا كده سبحان الله، صوت يقترب من أذن النبي صلى الله عليه وسلم، امرأة بتستاذن، الصوت كأنه يعني أيقظ الشوق كله، بل الأشواق كلها. عقدين اليوم كده، من عقدين ونصف من المودة اتفتح، المستأذنة مين؟ هالة، أخت رفيقة الدرب خديجة. فاتت بعد زمن من وفاة النبي صلى الله عليه وسلم فعرف استئذان خديجة. يا سلام على البيت الجميل! أن تلاقي الأخوات كده إيه، يا جماعة هي بصمة واحدة، بصمة واحدة كده تشوفه تقول له: بقول لك ايه أنت أخو فلان؟ عرفت منين؟ سبحان الله البصمة واحدة. فذكرته بأسلوب خديجة في الدخول والاستئذان، أسلوبها أخذ سبحان الله يعني أخذ مقعد في ذاكرة النبي صلى الله عليه وسلم فارتاح لذلك. حس أن قميص خديجة ألقي على قلب رسول الله. شايفين يعقوب كده إيه اللي حصل له لما شم وألقي عليه قميص يوسف فارتاح؟ هو فارتاح النبي صلى الله عليه وسلم فقال: اللهم هالة.
يا الله، ذكرته بالملاك! سمع في صوتها صوت خديجة وسمع في أسلوبها في الاستئذان أسلوب خديجة. كان النبي صلى الله عليه وسلم يشتاق إلى أي شيء يذكره بخديجة. مين خديجة دي يا جماعة؟ عشان كده أما بنتكلم معاكم في ميثاق على الفطرة ونقول لكم من لوازم القوامة تمكينه من القيادة والهيبة، صدقوني يا جماعة القصة هي قصة أن هو مش مالي عينك، وقصة أن أنت داخله له هو وأنا والشراكة. القصة لما أنت بتجوزي المعظم صدقوني يا جماعة بتستمتعوا، استمتاع البنت على الفطرة بتستمتع وهي تعطي القوامة، القوامة ديت عاملة زي القميص، هي بتحس كده أن في لذة وهي بتكوي قميص القوامة لزوجها، مستمتعة وقاعدة تعطره كده، واخدين بالكم كده؟ متعة.
فسبحان الله، فإن هنا النبي صلى الله عليه وسلم تحسوا أن هو، لأن فقد خديجة يا جماعة ما كانش سهل، فقد خديجة لم يكن سهلا كان مؤلما جدا. تخيلوا الواحد يتخيل كده تفاصيل اللقاء الأخير، الآثار شحيحة لم تذكر إيه اللي حصل في قصة وفاتها، لكن سبحان الله يا ترى اللقاء الأخير كان عامل ازاي بينها وبين النبي صلى الله عليه وسلم؟ لأن خديجة رضي الله عنها لما خرجت من حصار الشعب وانهكتها الأيام وشدتها، رجعت بيتها مضت بضعة شهور، خرجوا منه في أول سنة خمسين من عام الفيل، وتوفي أبو طالب بعد كده في ستة شهور وخديجة بعده بثلاث أيام، الجبهتين الداخلية والخارجية سبحان الله! وكان النبي بعدها شعر باليتم مرة أخرى، لكن اليتم من طريق آخر. فكانت وفاتها وبعدين ماتت في شهر رمضان، ماتت رضي الله عنها لعشر خلون من شهر رمضان سنة عشر من البعثة. غسلتها أم أيمن وأم الفضل رضي الله عنهما، ودفنت بالحجون مكان في مكه، ونزل النبي قبرها صلى الله عليه وسلم ولم يكن صلاة جنازة قد شرعت. دي أمور بقى احنا ما نعرفش نتكلم في الحته دي خالص، إيه اللي حصل بقى في المشهد ده؟ تفاصيل اللقاء الأخير ده.
فتخيلوا بقى القصة من يوم ما تزوجها والمواقف المحطات، هو بيقول لها يا خديجة مالي؟ لقد خشيت على نفسي يا الله! مالي؟ وهي بتنطلق بيه إلى ورقة بن نوفل، مش هقول بقى يدا بيد، بل قلبا بقلب يا جماعة. السيدة خديجة لم تكن تفارقه حتى في المنام، حتى في المنام! أريت لخديجة بيتا من قصب لا سخط فيه ولا نصب لأن جاء في السير أنه قال لها: مضى عهد النوم يا خديجة. في أثر يعني في مقال لكن ذكره بعض السير: مضى عهد النوم، ما فيش راحة يا خديجة، خلاص من يوم ما سرنا في هذا الدرب بدا زمن التعب. اليوم أن تستريح في بيت لا أذى فيه لا تعب يا الله!
ولذلك النبي صلى الله عليه وسلم قلت لكم الأثر المره السابقة يقطع اللحم ويقول: ارسلوا بها إلى أصدقاء خديجة رضي الله عنها، إلى أصدقاء خديجة رضي الله عنها. ولما اتلام في حبها قال إيه؟ لم يجد تبرير سوى أنه باحث، لا أرادة: رزقت حبها. وروزقت حبها ديت فيها ملمح: رزقت أنا أن أحبها، وروزقت حب خديجة لي. يا جماعة هي كانت بتحبني حب مختلف، واخدين بالكم؟ ورزقت حبها. سبحان الله، فالهاء ديت ثابتك عشان تحس أن هي أرواح معقودة، رزقت حبها.
خولة رضي الله عنها بنت حكيم تسال النبي صلى الله عليه وسلم: يا رسول الله كاني أراك قد دخلتك صلى الله عليه وسلم، بتقول له: يا رسول الله كاني أراك قد دخلتك خلة لفقد خديجة. الخلة اللي هي الآية؟ الجرح يعني، عارفين اما يجي كده الشيخ يقول لك ايه: سدوا الخلل، جروح فرج يعني الاماكن المفتوحة. فكانها سد ثبت فجوه جواك، فهي بتقول للنبي صلى الله عليه وسلم كده، تقول له: يا رسول الله كاني أراك قد دخلتك خلة لفقد خديجة. قال: أجل. أجل سبحان الله! ولذلك الإمام الإمام ابن حجر، أنتم مدركين يا جماعة أن في حد أصابك بسببه نحافة أو خلة لفقده؟ مين مين من الكبار؟ أمي، أبي. جميل.
طيب إذا كنت أنت يعني شايف أن قريبك ده يستحق انك إيه بسبب أن يصيبك ما أصابك، طيب بالله عليك بقى بالنسبة للسيدة خديجة رضي الله عنها أنت شايف إيه اللي المفترض يحصل بقى؟ إيه اللي المفترض يحصل لخديجة رضي الله عنها وهي بالجمال ده؟ يا جماعة ابن حجر ذكر في الإصابة في كتابه الإصابة في تمييز الصحابة الكلمة رهيبة جدا، قال: إن النبي لزم بيته وأقل الخروج. لزم بيته وأقل الخروج صلى الله عليه وسلم. خلاص خديجة قال: أجل صلى الله عليه وسلم، لا يستطيع النبي صلى الله عليه وسلم أن ينكر كده ومعاه دليل على أجل. إيه هو الدليل؟ نحول جسده صلى الله عليه وسلم. نحول الجسد شاهد على آثار الفقد. افتقد الحارس، افتقد السكن، افتقد السند. وأنت لسه بتقولي وأنا أسمع له وأطيع ليه؟ ما لازم يقول لي ولازم لازم يستاذني هو، واخدين بالكم؟ الشرع بيقول لك أنت عشان تروحي الجامع تستأذنيه، عشان تصومي تستأذنيه، وأنت بتقولي عشان هو اللي يعمل يستأذنك، وعاوزاه يشوفك خديجة.
فقال صلى الله عليه وسلم: أجل. افتقد السكن، السند، الحاجات دي يا جماعة ما كانتش عندهم، هي الحاجات دي كانت إيه؟ كانت موجودة في في نظام التشغيل، يعني ما كانوش يدوهم يسالوا كده إيه هو مين اللي ه مين اللي يبقى ليه القيادة؟ مين اللي ليه القيادة؟ كان الأسئلة دي ما كانتش بتيجي ليه؟ كانت حاجة كده عادي، أنت جعت بتأكل، هي كانت عاملة زي كده اللي بيجوع بياكل، حاجة مش محتاجة نسال فيها. فقال صلى الله عليه وسلم: أجل. ثم يكمل فيقول: كانت أم العيال ورب البيت.
يا الله! شوفوا تخيلوا كده طريقة سرد النبي لهذه الجملة، طريقة السرد: كانت أم العيال وربة البيت. ما قالش: كانت تاجرة وكانت وكانت، زي ما بعض اللي عندهم لوثات معينة عاوزين يلخصوا قصة خديجة رضي الله عنها فيما هو في أذهانهم. كان النبي يعالج صخب الحياة وضراوة الأحداث المكية بخديجة ربه البيت، كان بيقول صلى الله عليه وسلم: مكة كانت ملتهبة، كانت ملتهبة! إلا من بيت واحد هو بيت خديجة. كانت أم العيال وربة البيت، سبحان الله! الذي بيتها كان بيقول بعد ما هي مشيت: هذا البيت هو سكني صلى الله عليه وسلم. كانت المستشارة وكانت المولة لدعوته، كانت ربة البيت وكانت عصابته وكانت كل شيء، كل شيء في حياته.
سبحان الله، من التعبيرات الجميلة اللي كان بيقولها برحمة: كانت ثامن يوم في الأسبوع، كانت الدقيقة الستمائة وخمس عشرة، كانت العين الثالثة، كانت المرأة التي وسعت له الآمال. يا الله! فعلا كانت اليوم الثامن في الأسبوع. خديجة يا جماعة لم تأخذ معنى اسمها لأنها الكاملة، أدت دورها كسيدة نساء العالمين بنجاح ثم ماتت. سلاما على خديجة!
ذكر ابن كثير وغيره أن لما تعبت، النبي صلى الله عليه وسلم بيقول لها إيه؟ وذكروا هذا الأثر الطبراني أيضا، توجهت قال: بالكره مني ما يجري لك يا خديجة، إن يوجعني ما يوجعك. خايف على قنديل الدار! قنديل الدار سبحان الله! شوفوا، جملة واحدة: كانت أم العيال رربة البيت، ما قالش: كانت جميلة، ما كانتش سرية. كان أعظم ما نفتقده ليس المال ولا الخدمة، الجو والذي يصنع في البيت. البيوت دلوقتي فيها نيش وفيها أساس وفيها أجهزة وسفرة وملايات وتحت السرير وفوق السرير، خلاص وبيت الساحل وبيت البلد، لكن السكن والسكينة أقل! امتلات البيوت بالأشياء وضعفت كثير من البيوت من الطمانينة وبدأت يتزرع في نفوس الكثيرات: قيمتك في جمالك، استقلالك يعني تستغني عن الأسرة، الزوج منافس خلي بالك وأنت شريكة ليه خلي بالك، بيتك البيت سجن، خلي بالك الأمومة بتعطل النجاح وهتعطل لك كاريرك! وكرري بقى المعاني دي خلاص، التضحية ضعف! على فكرة على فكرة، خدمة الأسرة وخدمة البيت امتهان للمرأة! ماشي امتهان يا ابتسام. سبحان الله!
ليست كل زوجة تنسى بعد رحيلها، بعضهن يبدان الحضور الحقيقي بعد الرحيل، أه والله الحضور الحقيقي يبدا بعد الإيه بعد الرحيل. واحنا النهارده لو شفنا، شوفوا النبي صلى الله عليه وسلم هو بيقول لها: بالكره مني ما يجري لك يا، يوجعني ما يوجعك. خمسة وعشرون سنة يحنو عليه، يحميه، خمسة وعشرون سنة أمه وزوجته رفيقته دنياه. خمسة وعشرون سنة تغير فيها الناس وبقيت خديجة هي خديجة، بقيت خديجة هي خديجة! تزوج بعدها إحدى عشرة امرأة وبقي إلى آخر عمره: والله ما أبدلني الله خيرا من خديجة. لم يكن النبي صلى الله عليه وسلم يعدها من النساء مجرد يعدها من النساء وبس، لا، كان يعدها من أبواب الرزق: رزقت خديجة. أهال عليها التراب ومضت خديجة، لكن الكثير من خديجة بقي فيه إلى الأبد صلى الله عليه وسلم. خديجة الدنيا كانت الدنيا لرسول الله صلى الله عليه وسلم، عشان كده بنقول لكم: ليست كل زوجه تنسى بعد رحيلها، بعض الزوجات يبدأ حضورها الحقيقي بعد الرحيل. المرأة اللي بتصنع البيت من الأساس الله يعينها، البيت يتصنع من السكينة.
أجمل ما يمكن أن تهديه خديجه لاسرتها الطمانينة، عشان كده ما تفكريش كتير في الرجل الكامل، فكري كتير كيف أسرع للرجل الذي معي السكن الكامل. والله قد ينسى الناس جمالك لكن عمرهم هينسوا جمالك الداخلي، أثر الراحة اللي كانت في قلوبهم. يا جماعة لو البيت فقد السكينة الخديجية لن تعوضهم أبدا الرفاهية والترفيه، مهما هتدنك تجيبي لهم أكل من بره وتعملي أكل من جوه ومهما تلبسيهم ومهما ومهما ومهما، مهما رششنا أغلى العطور على قيس القمامة لن يغير أن هذه قمامة! في بيوت كثير جدا مشغولة برش العطر على أكياس القمامة، ولو بيتك نضيف وفقدت العطور ما أجمله! خديجة يا جماعة ما كانتش مجرد زوجة للنبي.
فخديجه رضي الله عنها لم تكن مجرد زوجة للنبي صلى الله عليه وسلم، بل كانت الوطن الذي يعود إليه والوطن الذي كلنا نعود إليه. ألا نعود كلنا الآن لخديجه رضي الله عنها نقتبس منها معادن السكن والسكينة؟ وازاي نربي؟ يا جماعة، أنا عارف إن في رجالة دلوقتي بيسمعوني وعمالين يقولوا: فين خديجة دي؟ وفين اللي هتربي؟ أنت خديجة! لو عندك بنت، خليها خديجة؛ خلي بنتك تبقى خديجة، وافهم الكلام ده عشان أنت ليك دور في تخريج خديجة. واخدين بالكم؟ من اعظم النجاحات يا جماعة، من أعظم النجاحات للمرأة وللفتاة، أن يشتاق أهلها إلى حضورها وهي بينهم، تبقى قاعدة معهم وهم مشتاقين ليها ويذكرونها بخير بعد غيابها. الله المستعان.
عاش النبي صلى الله عليه وسلم وتزوج بعدها، ولكن ظل يقول: زمن خديجة. كان بعض الأشخاص يمرون في حياتنا ليس مجرد مرور، يمرون يصنعون مرحلة كاملة من العمر، واخدين بالكم؟ رضي الله عنها، استحقت أن يبقى ذكرها حياً في قلب خير البرية صلى الله عليه وسلم. العام الذي هي ماتت فيه، مات فيه أبو طالب عم النبي ونصيره؛ فالجبهة الخارجية ماتت، والجبهة الداخلية ماتت، ولذلك علماء السيرة يقولون: العام هذا اسمه عام الحزن. بالمناسبه، هذا العام بتاع الحزن هو نفس العام الذي دخل رسول الله صلى الله عليه وسلم على زوجته سودة وعقد على زوجته عائشة، وأسري به إلى بيت المقدس وعرج به إلى السماوات العلى. وده برده بيعلمنا القصة بتاعت خديجة وحياتها؛ إن موج الحياة في نزول وصعود، المهم إنك هتكون فين؟ هتيجي لك الضراء تصبر ليها، ينعم عليك بسراء تشكر، ودنك مستمر في موج البحار، خلاص دايماً ماشي. الجنة مستراح العابدين؛ الجنة مستراح العابدين! أفضل أيامك لابد أن ينخفض خلال يومين أو ثلاثة، اليوم المتوسط مقبول. أفضل يوم في حياتك يوم ما كسبنا مش عارف إيه، هتلاقيه بعدها بشويه يبدا يهدى بقى خلاص. وأسوا أيامك هتلاقيه بيرتفع خلال أيام معدودة، اليوم المتوسط مقبول. لا يشتد الألم إلا ويهدا بعدها، ولا تنتشر العافية حتى تصاب بشيء بعدها؛ ليه؟ لكل شيء إذا ما تم نقصان، لكل شيء إذا ما تم نقصانه، ولكل فساد أجل ثم يعتدل، لكي لا تأسوا على ما فاتكم ولا تفرحوا بما آتاكم. الأيام دول ومن سره زمن ساءته أزمانه، عشان كده اعقل الناس وأوفقهم توسط ظنه في الدنيا، فاستحضر الحذر في سرورها، والأمل في حزنها، والرضا في كل أحوالها.
لما ماتت خديجة رضي الله عنها، وده كان عام حزن، قدر الله سبحانه وتعالى رحلة الاسراء والمعراج للنبي صلى الله عليه وسلم، وده برده مشهد يعلمنا حاجة: إن في مواقف ستصبح فيها كلمات العزاء باردة، وكل كلمات المواساة جوفاء. لما ماتت خديجة، ضاقت الدنيا برسول الله صلى الله عليه وسلم، لأن ربنا يعلم هذا الوجع، أي وجع أن يفقد رجل سكنه وموطن مودته! فأخذه ربه إلى السماء ليسليه؛ أحياناً لا تصلح الأرض كلها لتكون كون عزاء. يا جماعة عشان تعرفوا مين خديجة: الأرض مش هتعرف يا محمد تسليك على فقدها، فاصعد بنا لنسليك على ما حدث لك. النبي صلى الله عليه وسلم رجع خد الصلاة عشان تسليه، أنتوا فاهمين القصة دي كلها إن خديجة دي لما ماتت الموضوع كان صعب جداً، اه، لا نسليك بالارتقاء، فاصعد عد إلينا. الله أكبر!
ومن الحاجات الجميلة أوي في قصة السيدة خديجة هذا الأثر -فيه مقال يعني- لكن معناه صحيح: لما ماتت خديجة، حزن عليها النبي صلى الله عليه وسلم، فاتاه جبريل بعائشة في مهْدٍ، فقال: يا رسول الله، هذه تذهب ببعض حزنك، وإن في هذه لخلفاً من خديجة. سبحان الله! فقال له: خد دي، خذ ديت، هي هتسليك شوية وهي خلف ليها. وده ملمح مهم جداً يفهموه الرجال والنساء الأسوياء. الأسوياء يعني الكلام اللي جاي ده عما تفهمه، تعرف يعني من علامات السواء النفسي انك تفهم اللي جاي ده، حسيت إن في تشويش فادعي الله بقى بالسواء، أن تقول له: يا رب ارزقني السواء النفسي والهدوء والوعي وأكون على أصل فطرتي. إيه بقى الكلام؟ هذا نبي، خلاص، هذا نبي كان يحتاج أشياء ييسرها الله له تلين كبد الحياة، فكان لابد من أنماط كخديجة وعائشة، واخدين بالكم؟ حاجات كده تلين بيها حياتك. احتاج إلى العقول والارتقاء ده، ده رزق، ده رزق! فعشان تعرفي أن دورك أن أنت مهدئة الحياة لخليفتك، الراجل اللي قاعد يقوم بمهام الخلافة ده، ماشي، فربنا يوفق الرجال أن يفهموا، ويوفق النساء أنها تطبق، وأن ترزق كل امرأة رجل يستحق أن يأخذ خيرها، وكده كده يعني إن شاء الله يعني ربنا يملأ البيوت بمن يستحق.
يعني خلونا بقى كنا عاوزين نتكلم تاني في حاجات في السيدة خديجة نرجئها المره القادمة ونختم بيها إن شاء الله، لكن خلوني اقول الملمح اللي انا قلته في السيدة عائشة عشان قد ايه؛ لأن من عظيم إنصافها رضي الله عنها، أن فضائل أقرانها رويت من طريقها! وده يقول لك قد ايه سلامة صدرها، قد ايه سلامة صدر خديجة رضي الله عنها؟ فاهمين حاجة؟ السيدة عائشة رضي الله عنها بتحكي قصة أن نساءك ينشدنك العدل في ابنة أبي قحافه، قصة طويله كده كنت شرحتها من حوالي أسبوعين ثلاثة كده، المهم تقول السيدة عائشة رضي الله عنها أتكلم عن السيدة زينب، فتقول إن النساء بعثوا زينب تشتكي، تشتكي مني أنا يعني، فلما دخلت زينب، تقول عائشة: فأرسلوا زينب، شوفوا تقول عليهم -خلي بالكم زينب دي يا جماعة قرينتها- تقول: ولم أرى امرأة خيراً منها، وأكثر صدقاً، وأوصل للرحم، وأبذل لنفسها في كل شيء يتقرب به إلى الله من زينب! إيه ده؟ شوف الإنصاف عامل ازاي؟ شوف الشهد العائشي، شوف القلب المبرأ ده! إيه الجمال ده؟ سبحان الله! لدرجة قالت: أنا مش بشوف فيها حاجة ما عدا حاجة واحدة بس بشوفها، ما عدا ثورة من حدة كان فيها يعني، في ثورة كده في شدة كده فيها توشك منها الفيئة، شوفوا عاملين إيه؟
يعني هي الأول هتثني عليها بعد ذكرها هي، أمال تثني عليها فلعل السامع يظن بززينب شر وهي بتحكي القصة، فراحت أثنت عليها عشان ما حدش إيه، فاستدركت لفرط إنصافها وقوة إيمانها بدأت إيه تذكر المناقب والمناقب والمناقب، وراحت قالت زلة فيها، قالت: إن هي سريعة بتقع أحياناً لكن سريعة الرجوع، توشك منها الفيئة، بترجع بسرعة. إيه الرقي ده؟ إيه الرقي ده؟ شوفوا أنتوا النهارده قارن بينك وبين السيدة عائشة، وأنت قارن بينك وبين موقف السيدة عائشة! أما تيجي تحكي حد عن حد من أقرانك، تحكي عليه ازاي؟ ده أنت ممكن تقول له: أنا بكرهك، ده أنا بفكر ليل نهار أذيك! ليه الغيرة؟ يا هم دول ما كانتش عندهم غيرة، بس دول عاوزين الجنة بس، في ناس تانية مش فارق معاها، إنه ممكن يكون عادي جداً في قبره يشتعل عليه ناراً زي ما قلبه مشتعل عليه ناراً، وكلها فواتير هتدفع في الدنيا قبل الآخرة. هذه النار تنهش في أجساد أمثال هؤلاء، فلا تبقي خلية -لا أقول عضواً إلا وأيه- ويحقن بهذا الجمر، نسال الله العفو والعافيه.
فشوف السيدة عائشة رضي الله عنها بالثلاثة العالية دي بتقول إيه؟ سبحان الله! ميمونة رضي الله عنها، بتتكلم على ميمونة رضي الله عنها، ابن الأصم يقول: تلقيت عائشة أنا وابن عمر رضي الله عنها وطلحة وهو ابن اختها، وقد كنا وقعنا في حائط من حيطان المدينة فأصبنا منه، فبلغها ذلك فأقبلت على ابن اختها تلومه، ثم أقبلت علي فوعظتني موعظة بليغة، ثم قالت: أما علمت أن الله ساق حتى جعلك في بيت نبيه؟ ثم ذكرت ميمونة رضي الله عنها قالت: ذهبت والله ميمونة ورمي برسنك على غاربك! ثم قالت: أما أنها كانت من أتقانا لله وأوصلنا للرحم. تثني عليها ازاي؟ تثني على ميمونة بطريقة سبحان الله!
حسان رضي الله عنه، حسان بن ثابت شارك في الكلام اللي اتكال عليها، ودي بصوا يا جماعة أنتوا عارفين المرأة الفاجرة، الفاجرة النهارده بتقبل أن تمس سمعتها بسوء؟ يا جماعة لو في واحدة تقبل أن تمس سمعتها بسوء أن في حد يتكلم عليها؟ لا، فكيف بأطهر النساء وهي تحت خير الخلق؟ إيه بقى؟ حسان رضي الله عنه بيقول شعر، إيه بقى بيقول شعر؟ الأول عبد الله بن هشام عن أبيه يقول: ذهبت أسب حسان عند عائشة فقالت: لا تسبه، فإنه كان ينافح عن رسول الله صلى الله عليه وسلم. ده هو بيسبه عشان تكلم فيها! قالت له: كان ينافح عن النبي صلى الله عليه وسلم. يا جماعة، أما يبقى أما يبقى الدين غالي عليك، بيبقى عندك أنفة انك تقرب من أي حد بيتكلم عن الدين ده، فهي عندها أن النبي هذا رسول الله، خلاص، فحسان كان بيدافع عن النبي صلى الله عليه وسلم، هو تكلم فيا بس كان بيدافع عن النبي فانا دي مخلياني ساكته عنه. ازاي الإنسان يوصل لكده؟
آه، أن يحب الإسلام، أن يكون فعلا عندك إخلاص أنك تريد الدار الآخرة، لما تريد الدار الآخرة هترتفع. ولذلك هو قاعد بيقول: حسان بيقول بيت شعر جميل يقول: حصان رزان ما تزن بريبه، وتصبح غرثى من لحوم الغوافل، قاعد يثني عليها. فقالت له يا عائشة: لكنك لست كذلك -يعني هو بيقول إن هي عفيفة خفيفية ومش عارف إيه والمفترض يعني السنة الناس تكف عنها- قالت له: بس أنت مش كده. فمسروق بيقول لها لما تأذنين له أن يدخل عليك؟ طب ليه بتخليه وقد قال الله: ﴿وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ﴾ [النور: 11]؟ فقالت: وأي عذاب أشد من العمى؟ هو كان ابتلي بالعمى. هو أنت فاكر انك حتى لو أقيم عليك حد في فواتير هتدفع، هتدفع! زي الزنا، واحد زنى خلاص وبقى في حمل، آه انت توبت، آه، بس في فواتير! كمل بقى الحمل ده ولا هتشيل مع الزنا قتل وتقتل الجنين، فواتير كملها! ففي ذنوب ليها فواتير، وتكلمنا في الموضوع ده في سلسلة الداء والدواء.
فالسيدة عائشة بتقول له إيه بقى؟ بتقول لمسروق: إنه كان ينافح عن رسول الله صلى الله عليه وسلم.
السيدة عائشة واحد بيسالها عن المسح على الخفين، تقول له: روح لعلي، فإنه أعلم بذلك مني، أعلم بذلك مني! يا الله على الـ- بقول لكم يا جماعة السيدة عائشة ديت أما شوفوا مع عظيم غيرتها من خديجة رضي الله عنها، لا يجعل أنها لا تحدث بفضلها، تتكلم عن فضلها تقول: ما غرت على امرأة ما غرت على خديجة من كثرة ذكر رسول الله -مش هتروح تقول على فكرة النبي كان دائما يذكرني- لا لا لا، وتقول: ما غرت على امرأة ما غرت على خديجة من كثرة ذكر رسول الله صلى الله عليه وسلم إياها. قالت: وتزوجني بعدها بثلاث سنين، وأمره ربه عز وجل أن يبشرها ببيت في الجنة.
إيه لازمة الفواتير طالما إيه؟ لما في فواتير، ما فائدة التوبة؟ لا، أنت ترجع بقى لسلسلة الداء والدواء هتلاقيني قلت الكلام ده، عادي أنت ممكن تتوب، عادي جداً واحد بيشرب مخدرات وتعب، آه، بس فلوسك راحت، دي كانت فواتير الذنب. في ذنوب فواتيرها كبيرة، حتى آه أنت لو تبت ماشي، بس تحمل بقى الباقي؛ أنت عاوز واحد قاعد مقضيها ليل نهار بعلاقات وحقد وحسد وزنا وفواحش وبتاع وعاوز أنا تبت؟ لا، في فواتير هتدفع، فمن صدق توبتك إلى الله أنك تدفع الفواتير دي كلها. خلاص قاعد أمال تعق أبوك وأمك وتدميرهم لغاية ما ماتوا وهم مش راضيين، تقول لي خلاص أنا تبت؟ ماشي يا سيدي، بس في وحشة في صدرك هتعيش معاك شوية، وبصدقك تزول بس تكمل صدق بقا.
خلوني أحكي لكم آخر يعني أثر كمان في السيدة خديجة، طبعا يعني ده ملمح جميل، روحوا ابحثوا عنه بقا، سلامة صدر عائشة رضي الله عنها، حتى بتخاف من الثناء يا جماعة! ابن عباس يستأذن وهي بتموت، ماشي، رضي الله عنها، استأذن ابن عباس قبل موتها على عائشة وهي مغلوبة، قالت: أخشى أن يثنى علي! فقيل: ابن عم رسول الله ومن وجوه المسلمين -يعني من الناس الاعيان يعني عاوز يدخل يواسيكي- قالت: خلاص بس أنا خايفة أنه يثني علي، قالت: ائذنوا له. فقال: كيف تجدين؟ قالت: بخير إن اتقيت، قالت: بخير إن اتقيت، تقول: أنا كويسة لو كملت. فقال: فانت بخير إن شاء الله، زوجة رسول الله، ولم ينكح بكراً غيرك، ونزل عذرك من السماء. هو قال أي حاجة أنتوا حسيتوا إن هو قال أي حاجة فيها ثناء؟ هو بيقول لها أنت زوجه النبي -ما هي زوجة النبي- قال لها أنت ما تجوزش بكر غيرك وهي كده، قال: ونزل عذرك من السماء -يعني ما قالش أي حاجة خلاص، يعني ما قالش أنت مثلاً طيبة وأنت كويسة ولا لا لا- فدخل ابن الزبير بعده فقالت.
دخل ابن عباس، فأسنى علي، ووددت أني كنت نسيًّا منسيًّا، حتى تتقي الثناء كما يتقي أحدنا الذم.
واخدين بالكم؟ عشان كده كانت بتقول: إنكم لتدعون أفضل العبادة؛ أنتم بتسيبوا أفضل العبادة، إيه هي يا أمي؟ قالت: التواضع، التواضع.
سبحان الله، وعطاء بن يسار يقول: جاء رجل فوقع في علي وفي عمار عند عائشة، فقالت: أما علي فلست قائل لك فيه شيئًا، وأما عمار فاني سمعت النبي يقول: «لا يخير بين أمرين إلا اختار أرشدهما».
فانظر شوف، وهي بتمدح عمار وبتثني عليه، وهو الذي كان فين؟ في الجمل، في الصف الآخر.
أخوها محمد بن أبي بكر، في أمير اسمه معاوية، خلاص، كان عند معاوية بن أبي سفيان قتله، قتل محمد بن أبي بكر، قتل أخوها.
عبد الرحمن بن شماسة بيقول: أتيت عائشة رضي الله عنها أسالها عن شيء، فقالت: ممن أنت؟ فقلت: رجل من أهل مصر.
فقالت: كيف كان صاحبكم في غزاتكم هذه؟ صاحبكم يعني الأمير.
قال: ما نقمنا منه شيئًا، وإن كان ليموت للرجل منا البعير فيعطيه البعير، والعبد فيعطيه العبد، ويحتاج إلى النفقة فيعطيه، قالت: أما إنه لا يمنعني الذي فعل في محمد بن أبي بكر اخي أن أخبرك ما سمعت من رسول الله، تقول لك: مش عشان هو عمله أم ده يمنعني أن أنا أخبرك بما قال النبي صلى الله عليه وسلم، وسمعته يقول في بيتي هذا: «اللهم من ولي من أمر أمتي شيئًا فشق عليهم فاشقق عليه، ومن ولي من أمر أمتي شيئًا فرفق بهم فارفق به».
كأنها بتدعو له، وبتقول قول وبتمدح عدله ورفقه بالناس.
إيه ده؟ إنها عائشة! آه، الموضوع ما كانش بس مجرد حب كده يا جماعة وخلاص، لا يا جماعة، السيدة عائشة، سيدة عائشة غير، السيدة عائشة غير لما النبي صلى الله عليه وسلم بيقول: «إن مما يهون علي الموت أنك زوجتي في الجنة».
مش مجرد حب كده خلاص، لا يا جماعة، النفسية دي، النفسية، واخدين بالكم؟
خديجة رضي الله عنها، يعني كل الكلام اللي على خديجة ده سببه عائشة رضي الله عنها، هي اللي وصلتنا بها، وهي اللي نقلت لنا الجمال ده، فالسلام عليك يا أمنا خديجة وعائشة.
السلام على قلب ملئ بالححب والإيمان، جزاه الله عنا وعن الإسلام وعن رسول الله خير ما جزى زوجة نبي عن حسن صحبتها.
أسأل الله سبحانه وتعالى أن يسددنا وإياكم.
خديجة يا جماعة كانت سبحان الله من الأشياء الجميلة، وأختم بها، كانت دائما تختفي خلف نجاح رسول الله صلى الله عليه وسلم، ما كانتش بتقول له إيه، وأنا عاوز أظهر برده.
شوفوا النهارده لعيبة الكورة، أي واحد منهم عاوز يطلع أهله يطلعوا، عاوزين نظهر، خلاص، يروحوا ياخدوا أي حفلات في طب ولا مؤتمر طبي، امراته عاوزة تظهر مش عارف، يروحوا يحجوا، امراته عاوزة تظهر، يخشوا الجامع، لو هي مرأة الشيخ على فكرة، أنا مرأة الشيخ، أنا خلاص معاكم الدكتورة ميسة، مرأة الشيخ اللي بيدي الدرس ده على فكرة، خلاص، أنا شيخته على فكرة، عارفين النفسية دي؟ نفسية عجيبة، نفسية ليست تعرف.
خديجة رضي الله عنها بتختفي خلف نجاح رسول الله صلى الله عليه وسلم، أهم حاجه أنت تكون ناجح، أنا كل همي وكل عارفين الأم بتعمل إيه مع ابنها؟ بتعمل كل حاجة في حياتها وما بتظهرش، احنا بنشوف الناجحين ما بنشوفش أمهماتهم، خلاص، بنشوف أثر أمهاتهم، بنشوف بنشوف خيالها فيه، بنشوف ظلها فيه، واخدين بالكم؟ بنشوف آثارها.
فعشان كده أكبر شيء بتصنعه المرأة هي بتصنع، يعني إذا كان الرجال يصنعون الحضارة، فالمراه تصنع من يصنع الحضارة، المرأة تصنع الإنسان الذي يصنع الحضارة، المرأة بتصنع الإنسان الذي يصنع الله به الأشياء.
فربنا يحفظنا عليك صناعة الإنسان وعليك صناعة البنيان، لكن طول ما احنا زانقين أنفسنا مين اللي عليه يأكل ومين اللي عليه يأكل ومين اللي عليه يلبس ومين اللي عليه يعمل كذا ومين يستأذن مين ومين مش يستأذن مين، خلينا احنا في الحته ديت والناس هناك واحنا هنا، ربنا يحفظنا ويحفظكم ويبارك فينا وفيكم، ويرزقنا الفقيه الخديجي، ويجعل بيوتنا فيها من بيت خديجة أجمل النصيب وأكثره.
وأساُل الله سبحانه وتعالى أن يرزقني وإياكم حسن العمل، وحسن الخلق، وحسن الختام، والسلام عليكم ورحمة الله.
الشيخ محمد خيري