الشيخ محمد خيريالسلام عليكم ورحمة الله وبركاته، الحمد لله رب العالمين له الحمد الحسن والثثناء الجميل، وأشهد أن لا إله إلا الله وحده لا شريك له، وأشهد أن محمدا عبده ورسوله. وبعد، طيب الله اوقاتكم ويسر الله أموركم، وأسأل الله سبحانه وتعالى أن يجعل هذا الصباح حظنا فيه العلم النافع والعمل الصالح والرزق الطيب المبارك، وأن يكتب لي ولكم التوفيق والسداد، وأن يحفظنا وإياكم من بين أيدينا ومن خلفنا وعن أيماننا وعن شمائلنا ومن فوقنا ونعوذ بالله أن نغتال من تحتنا.
ما زال حديثنا عن أمنا رضي الله عنها خديجة، خديجة التي ما أبدل الله نبينا صلى الله عليه وسلم خيرا منها. تقول عائشة رضي الله عنها: كان النبي صلى الله عليه وسلم إذا ذكر خديجة أثنى عليها فأحسن الثناء. قالت: فغرت يوما فقلت: ما أكثر ما تذكرها حمراء الشدق، أبْدَلك الله بها خيرا منها؟ قال: ما أبدلني الله عز وجل خيرا منها؛ قد آمنت بي إذ كفر بي الناس، وصدقتني إذ كذبني الناس، وواستني بمالها إذ حرمني الناس، ورزقني الله ولدها إذ حرمني أولاد النساء. وتقول أيضا عائشة رضي الله عنها: ما غرت على نساء النبي صلى الله عليه وسلم إلا على خديجة، واني لم أدركها. وفي لفظ في لفظ مسلم: ما رأيتها قط، يعني عاوزة تقول لكم حتى المنام ما شفتوهاش في المنام، سبحان الله. قالت: وكان رسول الله صلى الله عليه وسلم إذا ذبح الشاة فيقول: ارسلوا بها إلى أصدقاء خديجة. قالت: فأغضبته يوما فقلت: خديجة!
تعلم كيف تغضب رسول الله صلى الله عليه وسلم؟ مجرد إيه اللي يغضب النبي؟ أنك تجيبي سيرتها فقلت: خديجة! فقال رسول الله صلى الله عليه وسلم: إني قد رزقت حبها، يا الله! وتقول عائشة رضي الله عنها خلونا كده عايشين مع العمق العائشي الخديجي ده، فتقول عائشة رضي الله عنها: ما غرت على امرأة ما غرت على خديجة من كثرة ذكر رسول الله صلى الله عليه وسلم إياها. قالت: وتزوجني بعدها بثلاث سنين، وأمره ربه أو جبريل أن يبشرها ببيت في الجنة من قصب، وفي رواية عند البخاري قالت: ما غرت على أحد من نساء النبي صلى الله عليه وسلم على خديجة. أنتوا عارفين مين اللي بتتكلم يا جماعة؟ مين اللي بتتكلم؟ دي مش واحدة عادية اللي بتتكلم، عشان تعرفوا نفاسة عمن تتكلم، يعني عما تلاقي إن الأول على الدفعة بيتكلم على أنه بيغير من حد، أوعى تكون فاكر يعني العاشر أو الواخير واخدين بالكم، هذه حب رسول الله صلى الله عليه وسلم بتقول لكم قد إل أنا كان عندي غيرة لخديجة رضي الله عنها.
وأنا عاوزكم تسمعوا وأسرد عليكم ما قالت عائشة فيما يخص خديجة؛ عشان إيه يكون ده مدخل أعلّق عليه لهذا اللقاء. تقول رضي الله عنها: ما غرت على أحد من نساء النبي صلى الله عليه وسلم ما غرت على خديجة، وما رأيتها، ولكن كان النبي صلى الله عليه وسلم يكثر ذكرها، وربما ذبح الشاة ثم يقطعها أعضاء ثم يبعثها في أصدقاء خديجة أو في صدائق خديجة، فربما قلت له: كأنه لم يكن في الدنيا امرأة إلا خديجة، فيقول صلى الله عليه وسلم: إنها كانت وكانت وكان لي منها ولد. رضي الله عن عائشة ورضي الله عن خديجة. شوفوا بيقول لك: كانت وكانت يعني عاوزة تقول لكم إيه النبي صلى الله عليه وسلم كأنه بيقول: هقول إيه ولا إيه؟ عشان تعرفوا مين هي خديجة، رضي الله عنهم. سبحان الله.
وفي رواية وهي إسنادها مرسل يعني ليست من الأحاديث التي يعني فيها الصحة ولكن تعزز ما نتكلم فيه. قالت رضي الله عنها: أهدي لرسول الله صلى الله عليه وسلم جزور أو لحم، فأخذ عظما منها فناوله الرسول بيده فقال: اذهب بهذا إلى فلانة. فقالت عائشة: لما غمرت يدك؟ يعني وضع النبي صلى الله عليه وسلم يده فين؟ في اللحم يعني، فقال: إن خديجة أوصتني به. فغارت وقالت: كأنه ليس في الأرض امرأة إلا خديجة! فغضب النبي صلى الله عليه وسلم وأخذ بعائشة وقال: ألست القائلة: كأنه ليس على الأرض امرأة إلا خديجة؟ والله لقد آمنت بي إذ كفر قومك ورزقت مني الولد وحرمتموه، يا الله! وتقول كما في الصحيحين عائشة رضي الله عنها: استأذنت هالة رضي الله عنها بنت خويلد اخت خديجة على النبي صلى الله عليه وسلم فعرف استئذان خديجة فارتاع لذلك، يا الله، فرتاع ساعة لذلك، شوفوا الكلام عامل ازاي.
لفظ مسلم بيقول ايه: فارتاح، أي هش لمجيئها وسر بها يا سلام. طيب والرواية بتاعة فارتاع يعني خاف قال لك لا، شدة الشعور بالشيء يسمى إيه؟ روع، يعني المفاجأة من الصوت اللي يشبه صوت حبيبته فحصل له بغتة فجاه فارتاع لذلك أو فارتاح لذلك فقال: اللهم هالة! قالت: فغرت فقلت: ما تذكر من عجوز من عجائز قريش حمراء الشدقين هلكت في الدهر قد أببدلك الله خيرا منها؟ جاء رده كما سمعتم. وتقول عائشة رضي الله عنها: جاءت عجوز إلى النبي صلى الله عليه وسلم وهو عندي فقال لها النبي صلى الله عليه وسلم: من أنت؟ قالت: أنا جثامة المزنية، قال: بل أنت حسّانة المزنية، حسّانة دي الماشطة ماشي اللي قلت لكم عليها في بداية اللقاءات، فقال: كيف أنتم؟ كيف حالكم؟ كيف كنتم بعدنا؟ صلى الله عليه وسلم بيقول لها إيه: كيف أنتم؟ كيف حالكم؟ كيف كنتم بعدنا؟ قالت: بخير بأبي أنت وأمي يا رسول الله. فلما خرجت قلت عائشة رضي الله عنها: يا رسول الله، تقبل على هذه العجوز هذا الإقبال؟ تقبل على هذه العجوز هذا الإقبال؟ فقال: أنها كانت تاتينا زمن خديجة، كانت تاتينا زمن خديجة، وإن حسن العهد من الإيمان.
وعند الطبراني وبجودة الإسناد الشيخ شعيب الأرنؤوط رحمه الله عليه، قالت عائشة رضي الله عنها: كان رسول الله صلى الله عليه وسلم إذا ذكر خديجة لم يكن يسأم من ثناء عليها والاستغفار لها، يا سلام مع الجمال! بيقول: إذا ذكر خديجة لم يكن يسأم من ثناء عليها والاستغفار لها، فذكرها ذات يوم واحتملتني الغيرة إلى أن قلت: قد عوضك الله من كبيرة السن، قالت: فرايت رسول الله صلى الله عليه وسلم غضب غضبا سقط في جلدي يعني أنا اترعبت، فقلت في نفسي: اللهم إنك إن أذهبت عني غضب رسول الله صلى الله عليه وسلم لم أذكرها بسوء ما بقيت.
امتى هيكون عندنا الأدب ده وأنت بسبب الحسد الذي يأكل قلبك والغيرة التي أببدل الله في قلبك جمرة نار، متى ستؤول يوما كما قالت عائشة رضي الله عنها؟ تقول عائشة: والله لا أعاتبك فيها بعد اليوم، فتقول: اللهم إنك إن أذهبت عني غضب رسول الله صلى الله عليه وسلم لم أذكرها بسوء ما بقيت. فلما رأى رسول الله صلى الله عليه وسلم الذي قد لقيت، قال: كيف قلتي؟ بتقولي إيه؟ والله لقد آمنت بي إذ كفر بي الناس، وصدقتني إذ كذبني الناس، ورزقت مني الولد إذ حرمتيه مني، فغدا بها علي وراح شهرا، يا الله على الجمال! شهر كامل يدخل البيت يقول لي الجملة دي يخرج من البيت يقول لي الجملة ديت.
عارف أن في أذهانكم وفي عقولكم أسئلة كتير، لكن صلوا على النبي صلى الله عليه وسلم، لأن الكلام عن أمنا خديجة وعن البيوت الطاهرة لا يناسب لا يتناسب أبدا مع مرضى القلوب أبدا أمثالنا، فمحتاجين أن احنا نتوب عشان أصلا نبقى مؤهلين نسمع عن الناس الطاهرة دي. أنت أحيانا بيكون كل ما يعني كل مشكلتك أن قلبك غير مؤهل، قلبك غير مؤهل، خلاص صدرك فيه حشائش ضاره فيه تعابين فيه أفاعي، فممكن ما بنعرفش نفهم، خلاص مش عشان الموقف مش مفهوم لا، عشان التعابين اللي جوه صدرنا فنسأل الله أن يطهر قلوبنا وأن يسددنا.
الراجل راح للنبي صلى الله عليه وسلم وقال له: يا رسول الله أنا لقيت سمعت أن في بقرة قالت كذا وكذا وكذا وبقرة تكلمت فالناس استغربوا، فقال النبي صلى الله عليه وسلم: إني أؤمن بذلك وأبو بكر وعمر يؤمنون بذلك، يعني كان النبي صلى الله عليه وسلم بيقول للايه للصحابه: لا، في معاني مش الكل هيلقطها، هي حقيقة خلاص بس أنت قلبك أقل من الحقيقة لا يستوعب هذا الجمال.
هذه الأحاديث اللي أنتم سمعتوها كده خلاص، خلينا كده دلوقتي إيه قبل ما نروح للسيدة عائشة هذه الأحاديث اللي أنتم سمعتوها بتقول لكم إيه عن السيدة خديجة؟ ها، إيه اللي وصل لكم عن السيدة خديجة من الجمال ده؟ عظمة مكان السيدة الفريدة جميل، كم هي رائعة، كم هي كاملة، ها بتخبرنا عن الكمال، بتخبرنا عن الوفاء، بتخبرنا قد إيه أن الطهر السكينة صح قدرها عالي، قد إيه البيت ده جنة، عملت إيه في قلب رسول الله؟ عملت إيه في بيت النبي صلى الله عليه وسلم؟ خلاص إيه الأثر العميق اللي عملتيه ده؟ إن الله يدافع عن الذين آمنوا، نعم هي في قبرها والله يدافع عنها حتى في سيرتي مين؟ حتى في مجال جلس الأبرار الأطهار.
خلاص أوعى تكون فاكر أو تكوني فاكرة أنك عما تطلقي لسانك ويعني وتبيتي، والله يعلم ما يبيتون، خلاص فإنك ده انك تبيت احتقانات معينة وغيبة ونميمة، أوعى تكون فاكر أن الرب جل وعلا غائب عن هذا وما كنا غائبين، وصلى الله على من قال: من تتبع عورة المسلمين فضحه الله ولو في قعر بيته، يعني إيه قعر بيته؟ عارف لو أنت مستخبي جوه جوه جوه جوه أكتر نقطة مستورة في بيتك هتيجي، هتيجي غلقت الأبواب لكن باب السماء لسه مفتوح.
وهتيجي السيدة خديجة يعني من المعاني الجميلة اللي كلكم اللي أنتم قلتوها، قد إيه كاملة وقد إيه الجمال ده بس هقول لكم على حاجة بقى عشان تعرفوا مين هي السيدة عائشة، لولا عائشة رضي الله عنها ما علمنا هذا الجمال عشان تعرفوا السيدة عائشة قد إيه جميلة، خلاص شوفوا يا جماعة حتى أخطائها خلاص العفوية اللي في الطبع كانت جميلة ليه؟ لأن ربنا قدر ليها غيره عشان تنقل لينا الجمال ده، لأن عشان هي نضيفة واخد بالكم، لا ما هو مش أي حد بيغار بيبقى المقال حلو واخدين بالكم. في واحد بيكون بيغير وعاوز يقتل أخوه واخدين بالكم، لكن في واحد بيغير ويعلم الله طهر هذا القلب، فلمكانته عند ربه ولو له يقول له حتى غيرتك ستكون عبقا لا يعرف الرحيل، واخدين بالكم المعنى ده يا جماعة يجعلك ساجد لله تشكره على نعمة وجود عائشة في الأمة رضي الله عنها، أنتوا فاهمين احنا بنقول إيه؟ حاجة كده جمال.
علشان كده أسيد رضي الله عنه كان موفق جدا، أسيد ده ابن حضير ده أنا عرفت أن الراجل ده هو مبارك عشان صحابي بس، قال كلمة مرة في حق السيدة عائشة، الراجل ده يا جماعة فعلا لسانه بينزل شهد وليه أنا كان بقم الليل الملائكة بتنزل تسمع، قال إيه للسيدة عائشة مرة؟ السيدة عائشة حصل مره خطأ ما خطأ عادي جدا، كانت واخدة العقد بتاع أختها وبعدين رايحة مع النبي صلى الله عليه وسلم في سرية، العقد ضاع فبدأنا ندور والصحابه تأخروا وبتاع، وبعد كده عاوزين يصلوا ما لقوش مية، فأبو بكر متضايق أن بسبب بنته تأخرنا والمية ما فيش مية هنصلي إزاي؟ فنزلت آية التيمم.
فسيدنا أسيد بن حضير كأنني أراه يبتسم فيقول إيه: ما هذه بأول بركتكم يا آل أبي بكر، يا سلام على الجمال العالي، إيه يا جماعة إيه الرقي ده؟ بيقول لها إيه: بيقول لها دي مش أول بركتكم، خلاص في حادثة الإفك خدنا بركة لا يعلمها إلا مقدر هذا القدر وادينا هنا بناخد تيمم، شوفوا حتى الغيرة واخدين بالكم، حتى غيرتها صارت كأنع عطر، عطر خلاص نشر على سيرة خديجة رضي الله عنها، غيرت عائشة رضي الله عنها كأنها كانت يعني هواء استعمله الله سبحانه وتعالى ليزيل الأتربة على هذه السيرة العطرة عشان تظهر لينا واخدين بالكم، جمال السيدة عائشة بيبان قوي وهي بتحكي لنا جمال السيدة خديجة رضي الله عنها، يا رب نفهم ونستوعب الجمال ده.
فديت أمنا يا جماعة السيدة خديجة رضي الله عنها اللي اتكلمنا عنها طول الحلقات دي، يخليك قد إيه تعرف لا مختلفة، مختلفة جدا جدا، فسبحان من قدر لنا وجعلنا نحن نتكلم عن شوف النبي صلى الله عليه وسلم بيقول لها إيه: وإن حسن العهد، كانت تاتينا زمن خديجة، حسن العهد من الإيمان. يا رب نتعلم ده، نتعلم المعنى ده، أنك تكون وفي، يكون عندك نبل، واخدين بالكم، يكون عندك نبل لهذا لهذه المعاني، واحد صنع لك في يوم ما معروفا، يكون اصل دي يا جماعة بصوا خلي بالكم في أخلاق ما بتخرجش إلا من قلب نظيف حي، خلاص من إنسان غير مشوش واخدين بالكم، إنسان غير مشوش، ناس في أخلاق كده اسمها ماعرفش اسمها أخلاق الناس النظيفة ممكن نسميها كده يعني، أخلاق الناس الكبيرة، الناس النضيفة، خلاص تعرف على طول الإنسان ده نضيف لما تعرف أن حسن العهد عنده عالي.
النبي صلى الله عليه وسلم بيقول: حسن العهد. يعني إيه حسن اللي أنا مش فاهم؟ يعني الوفاء ده يا جماعة مش خلق اجتماعي بس، ده شعبة من شعب الإيمان، حسن العهد من الإيمان، من علامات إيمانك حفظ الجميل، عدم نسيان المعروف، الوفاء لأهل الفضل، تخيل بقى بدل ما تكون وفي لأهل الفضل أن ربنا يبتليك تكون بتسعى في إذاء أهل الفضل.
يا ستير يا رب! ده أنا بقول لك لو نسيت فضلهم العابر، الفضل العابر، نسيت فضل المدرس بتاعك اللي علمك وأنت صغير، نسيت فضل اللي علمك الفاتحة، نسيت أول واحد دخلك المسجد، نسيت أول واحد، ده أنا بقول لك الحاجات العابرة. المطعم بن عدي، ده رجل كافر، كافر! بل من سادات الكفار.
وفي يوم من الأيام النبي لما رجع من الطائف وقال: من يأويني؟ عاوز أدخل مكة حتى أبلغ دين الله، منعوه، فهو اللي دخلوه، قال له: أدخل وأنت في حمايتي، بس. مشهد عادي جداً، النبي صلى الله عليه وسلم يوم بدر يقول معاه سبعين واحد أسير من كفار مكة في حرب كانوا جايين يستأصلوا المدينة بمن فيها ويقتلوا رسول الله صلى الله عليه وسلم، دي كانت نواياهم. ومع ذلك بيقول: لو المطعم بن عدي حي أنا كنت هدي له الناس دي لو طلبهم. ليه؟ قال لك عشان أنا وفي. ده موقف عابر من كافر، طب لو موقف عابر من مسلم؟
خلاص، أطال خدمتك، فلو موقف عابر من مسلم أطال تعليمك وإرشادك وجبرك، تعمل معاه إيه؟ فبدل ما تكون وفي لأهل الفضل، تكون استعملك، شوف بقى أنت يعني أنت شوف ما الذي في صدرك حتى اختار لك الله تلك المنزلة. أنت اختار أنت، إسألي نفسك، روحي إسألي نفسك: هو إيه اللي جوايا أن ربنا ابتلاني أكون هنا؟ ولو ما سالتش نفسك السؤال ده، تأكد أن الصدر ده اللي هتدخل بيه قبرك. تخيل بقى تبقى إيه داخل قبرك معاك الصدر ده؟ تخيل!
هنا النبي صلى الله عليه وسلم بيقول لها: حسن العهد من الإيمان. وفاء الزوج لزوجته، شوفوا بيمتد حتى إلى من تحبه. هم عشان تعرفوا مين خديجة دي؟ العجوزة دي ما كانتش إيه؟ ما كانتش مجرد قريبة للنبي صلى الله عليه وسلم، لكنها كانت صديقة لخديجة، فأكرمها إكراماً لخديجة، ده أرقى من أرقى صور الوفاء. ولذلك الزوج اللي بيكرم أهل زوجته، أمها، أخواتها، ده حتى رغبت يا جماعة. الوفاء في هذه الأحاديث بيعلمنا النبي صلى الله عليه وسلم في سيرة خديجة أن الوفاء لا ينقطع بالوفاء، فتخيلوا هي عايشة! يا الله!
وده اللي بنشوفه، كوني خديجية الهوى. إزاي بقى أنك تتركي أثراً حتى بعد رحيلك، حتى بعد رحيلك أثر على أصدقائك، على كل من كان محيطاً بك؟ ليه؟ لأجل عين تكرم ألف عين. عندي طبيب أحد أقاربي أمه من بلد ما في مركز من المحافظات، وهو من الأطباء اللي ليه شأن يعني، أي واحد يجي من بلد أمه، سواء يعرفه أو لا يعرفه، لا يدفع كشفاً، ما يحاسبش، ليه؟ يقول له: أنت من بلد أمي وخالتي. فيقول له: أنت والدتك منين؟ فيبدأ بقى يحاول يجيبه، عادي بقى، هما سايبين البلد بقالهم ٣٠، ٤٠، ٦٠ سنة، ما عارفين حد فيها، بس لمجرد الريحة، أنت جاي من ريحة بلد كذا؟ آه، ما تدفعش كشف، ما تدفعش. ليه؟ من ريحة أمي، من ريحة خالتي. واخدين بالكم؟ تخيل ده يكون شعورك!
في واحد تاني تلاقيه ممكن يشتغل غيبة ونميمة أما يعرف أن الناس دي من البلد دي، ويغتاب، وهو ليه بقى؟ ما أنا قلت لك على حسب الدود اللي جوه. في ناس قلبها يطوف حول الحش والقمامات، وما يخرج من الناس، خلاص، وفي واحد قلبه يطوف حول العرش، سبحان الله. تخيلوا أن السيدة عائشة يا جماعة وهي بتروي الأحاديث ديت بينها وبين نفسها بتقول إيه يا تحس بالامان صح؟ السيدة عائشة تحس بالأمان، عارفين ليه؟ لأن أدركت أنها مع زوج. واخدين بالكم؟ زوج يقدر، عشان كده في ميثاق على الفطرة. هيعرف البنات أن من المؤشرات أنك تعرفي أن الولد ده كويس ولا لا، علاقته بالبنات المحارم؛ أخواته، بالنساء المحارم؛ أمه، عمته، خالته، تعرفها، ده بيبقى من المؤشر اللي تعرفي طبيعته إيه مع النساء عموماً، تعرفيها من خلال أهل بيته، تعمل إزاي مع أخته، مع أمه، مع خالته؟ مش التعامل بتاع الاحترام لا يا جماعة، في فرق بين الاحترام كده وفي فرق بين المسؤولية والرحمة.
هذا الحديث بيعلمنا أن التقدير مش محتاج مناسبة يا جماعة، يقول لك إن شاء الله عما بنته تنجح، عما ابنه ينجح، لا، الوفاء مش منتظر مناسبات، الوفاء بيظهر تلقائياً كلما سنحت الفرصة بالغ في الترحيب، سبحان الله. من الحاجات المهمة جداً وعاوز أكلمكم عنها حديث في حصل سيدة خديجة رضي الله عنها لما بنتها زينب تزوجت من ابن اختها أبو العاص بن الربيع، اللي هو ابن هالة، أعطتها قلادة في الفرح بتاعها كده، أدتها إيه؟ قلادة. فلما حدثت غزوة بدر، كان أبو العاصي ده خارج فين مع الكفار يقاتل؟ وكان في الوقت ده ما فيش آيات التحريم بتاعة أن اللي زوجها كافر تسيبه، وهذا التشريع لم يكن إيه؟ سمى لم يكن أتى بعد.
فبعث أهل مكة كل واحد باعت حاجة عشان تفدي الأسير بتاعه، فأبو العاص بن الربيع دلوقتي مأضور، فلما بعث أهل مكة في فداء أسيرهم، بعثت زينب بنت رسول الله صلى الله عليه وسلم في فداء زوجها أبي العاص بن الربيع، ما كانتش لسه سافرت وهجرت، وبعثت فيه، هتبعت حاجة عشان يجي، هتبعت إيه؟ مش معاها حاجة تجيب زوجها، فبعثت قلادة كانت خديجة أدخلتها على أبي العاص حين بنى عليها يوم العقد، أدتها كده، فايدة كده على جنب يعني. تلاقي بنتك دلوقتي تقول لك: يا ماما يوم البناء الله يكرمك وبحطيت القلادة. تقتدي بقى بخديجة رضي الله عنها.
فالمهم، فدتها لمين؟ لزينب، فزينب مش معاها حاجة عشان تفدي زوجها، فبعثت مع الوفد هذه القلادة. النبي صلى الله عليه وسلم قاعد وبيشوف الإيه؟ الكفار هما جايين ومعاهم الحاجات وبيعرضوها على المسلمين. فلما رأى رسول الله صلى الله عليه وسلم القلادة، عقد خديجة، رق لها رقة شديدة حتى دمعت عيناه. يا الله! شوفوا بقى يا جماعة، افتح قوس كده وشوف إيه اللي ممكن تحطه في القوس ده وتتخيله: رق لها رقة شديدة حتى دمعت عيناه! وبيقول الصحابة رضي الله عنهم: إن رأيتم إن رأيتم أن تطلقوا لها أسيرها وأن تردوا عليها الذي لها فافعلوه. يا الله! حتى دي بيستأذنهم، يقول لهم: بصوا، أنا مش هتدخل، بس لو ينفع تسيبوه وتدوا له العقد ده فافعلوه. فقالوا: يا رسول الله، بأبينا أنت وأمنا! فأطلقوه وردوا عليها الذي لها.
اه، الحديث ده، ده الحديث ده عاوز عاوز مساق، عاوز سلسلة كده اسمها إلا خديجة، نسميها قلادة. أول شيء عاوزين نشوفه في هذه المرأة النبيلة الغريبة الفريدة كامله، كامله فعلا، ما كانش ينفع يتجوز عليها لأنها كملت، كامله، امرأة كاملة، سبحان الله. أول شيء أن القلادة دي علمتنا حاجة مهمة قوي، أن القلادة ما كانتش مجرد حلي، ما كانش مجرد ذهب بيتلبس، لكن أصفت كانت رمز لسنوات من المودة والوفاء، كانت هدية من أم لبنتها في ليلة الزواج. أنتم عارفين ده اللي احنا بنسميه في المعاصرين في وقت المعاصر ده إيه؟ ده يا جماعة فن بناء الذكريات. اللي دخل منكم أمعية عارف أن في محاضرة اسمها صناعة الذكريات، أنك تصنع ذكريات مع ولادك. واخدين بالكم؟ صناعة الذكريات ده مهم جداً. الهدايا مش مجرد قيمتها في الثمن، لكن في المعنى اللي بتحمله، المعنى اللي بتحمله. عرفتوا ليه النبي صلى الله عليه وسلم قال: «تهادوا تحابوا»؟
سبحان الله، حسن العشرة وبناء الذكرى الجميلة دي لازم أن احنا نتدر أن احنا نبني ذكريات مع أولادنا. المعنى ده مهم جداً وهتطرق ليه بعد شوية إن شاء الله. الأم اللي بتأسيس بيت بنتها ما اكتفتش بالدعاء بس، لكن راحت شاركت البدايات بهدية فيها الحب والاحتواء. يا الله! شوفوا الدعم بتاعها، عشان كده بقيت بعد وفاتها الذكريات دي، يقول لك سبحان الله: أبوي كان بيجي بعد الجمعة يروح مجمعنا، خلاص، ويحكينا قصة، أو يقول لنا الخطيب قال إيه، ونشرب شاي كده احنا وأمنا ومش عارف إيه والكلام ده كله. واخدين بالكم ليه؟ صناعة ذكريات. خديجة توفيت قبل بدر بسنوات، ومع ذلك بقي أثرها حاضر في بنتها، في زوج ابنتها، في رسول الله ﴿وَنَكْتُبُ مَا قَدَّمُوا وَآثَارَهُمْ﴾ [يس: 12]. الإنسان بيموت لكن آثاره مش بتبقى آجال، سبحان الله.
وشوفوا وفاء الطاهر نبي الوفاء، كان لي محاضرة زمان أظن من ثلاث سنين كده عن وفاء النبي صلى الله عليه وسلم ممكن تفيدكم. فمن الوفاء أن يبقى الإنسان ذاكراً لجميل من أحسن إليه، لا أن يطوي الصفحة بمجرد انتهاء المرحلة. في ناس كده، في واحد زي كعب بن مالك، في واحد يجي يذكره يعيط، ليه يا كعب؟ ليه أما بتيجي تجيب أسعد بن زرارة تبكي وبتعيط؟ يقول لك: ده أول واحد جمعنا وصلينا جمعة في المدينة، فيروح باكي. ذكريات وفي وفي!
العظيم يا جماعة، لو مسكتم ورقة وقلم واكتبوا كده قائمة الأوفياء، وقولي كده: من إذا ذكرته بكيت؟ سواء ممن له فضل في الدنيا أو فضل في الآخرة عليك أو عليك. هات شيخ، شيخ من اللي تعرفهم، خلاص، وقول لي: يبكيك الحويني في إيه؟ لما آواك من وسط مئات الطلبة وآلاف الطلبة، واختارك أنت أن يقول لك ويفيدك ويخصك. طب معلم، سين ليقول لي: ده يا والله بكتني يا شيخ. ليه؟ ده الشيخ اللي سبحان الله كنت قاعد أمال أدور وأدور على حد أختم عليه، لقيته في مسجد نائي كده، وقالت: يجي لي كل يوم الفجر، وأروح يوم الفجر أروح أصلِّي، دهن الأذكار، وبعد كده يلتفت إليّ خلاص بلا أن يتكلم، فكان كان التفاته كان تعالى، فأروح أسمع ليه القرآن سنتين ليس لي إلا أنا وهو فقط. واخدين بالكم؟
الشيخ فلان، ده سبحان الله، ساظل وفياً له ما حييت، لما كنت مرة في يوم من الأيام بقلب كده في النت فلقيته طالع في مقطع اليوتيوب المنتقبة سبتي، فحسيت أن أبوي بيكلمني فثبت. لما في واحد قال لي حديث النبي صلى الله عليه وسلم وهو واقف على المنبر: ساظل وفيّ طول عمري لما استشرت فلان ونزل من على المنبر، بعد ما نزل من الخطبة فبقول له كذا، بص لي كده فقال لي كلمة واحدة: رد المظالم وكف عنها، لأن ربنا قال: وعزتي وجلالي لأنصرنك، وأنت يا ابني مش قده. راح خبط على صدري كده، قال لي: أنت مش قده، ومش قد البلاء اللي هيكد اللي هيفضحك بيه. فخفت واترعبت، فطول عمري هني وافي للخبطة بتاعتي، فلاهدني في صدري دي. واخدين بالكم؟
أمك اللي مش عاجباك، وأبوك اللي مضايقك، لو مسكت القائمة دي وفتحت كده وقلت إيه: أن أبويا أحسن من المطعم بن عدي، عمل معايا حاجات برده. طب عمل إيه يا أبوك؟ صدقني هتلاقي حاجات ستجعلك تبكي دماً على خستك، أنك ما كنتش شايفها. بالدم هتبكي بالدم، وتبول الدم بسبب الحياء والخسة اللي كانت جواك، وأنت مش عاجبك أبوب وأمك لأن هما ما عدوش اسلوب مناسب ليك. أما تيجي تشوفهم من الناحية دي، هتلاقي في حته تانية خالص. زوجك أنت بتعمل إيه يعني؟
حطيه كده، اكتبي كده في قائمة الوف الوفاء، يا جماعة الخير والله العظيم هتفوقوا بعد ما الناس دي تدخل تربتها. والله هتفوقوا، بس صدقني، الفوقان بعد التربة ما بينفعكش، خلاص. الخدمات اللي بتتقدم بعد الموت دي كل سنة وأنت طيب، روح أبعد بقى لأمامك هدايا بعد ما إيه؟ بعد ما أهيل عليها التراب وهي ماتت! مش هقول لك مش راضية عنك، بس ما كانتش شايفه منك الوفاء العالي، ما كانتش بتتغنى بيك، خلاص.
فشوفوا النبي صلى الله عليه وسلم الاحتواء هنا، رقت رقة قلب النبي صلى الله عليه وسلم، ده ما كانش ضعف يا جماعة، ده ما كانش ضعف، ده أشجع الناس، أقوى الناس، أعظم القادة، لكن دموع الرحمة لا تنقص من الرجولة شيء، بل دي من كمال رجولته. بيعلمنا الحديث ده أن الوفاء لا ينتهي بالوفاة، الوفاء لا ينتهي بالوفاة! من أبر البر صلة الرجل أهل ود أبيه. إذا كان ده حق صديق الاب، فالوفاء للزوجه والأولاد والأب والأم أولى.
عملت ايه يا خديجة حتى يثني عليك النبي صلى الله عليه وسلم كل هذا الثناء؟ احفظ كرامتك في حضورك وغيابك، يصل أهلك ويرعى أولادك ويحفظ أسرارك. يا الله! كانت تأتينا زمن خديجة، شوفوا عشان كده قلت لكم من شوية أن خديجة هندينا طول عمرنا نتعلم منها، لسه بنتعلم أهو، اصنع لأولادك ذكريات تربطهم بالحب مش بمجرد الماديات. كثير من الأبناء لا يتذكروا قيمة الهدية، لكن يتذكرون من أداها ولماذا أهديت؟ إيه الكلمات اللي قيلت؟ نعم، إيه الذكرى اللي هتبقى؟ مش ثمن الهدية ولا حاجة، دي ذكريات. واخدين بالكم؟
أخويا في يوم من الأيام أخد جايزة عشرة جنيه من مدرس وهو في ابتدائي حل مسألة كده، فأخد عشرة جنيه، بروازها ولغاية دلوقتي معاه، وعنده ولاده في جامعة، واخدين بالكم ليه؟ هو ده صناعة الذكريات، ماشي. النبي صلى الله عليه وسلم من حديث ده، السيدة خديجة علمتنا أن المناسبات ستبقى، تقول لك: اجعلها اجعل في المناسبات دي رموز وقيم تبقى، زي ما بقيت قلادة خديجة. خلي القلادة دي يا جماعة رمز، واحد يديك مصحف عند البلوغ، أول ما بلغت أداك مصحف. واخدين بالكم؟ أب في يوم من الأيام كتب ورقة وبروازها وحط قلب كده وكتبها لأولاده: أنا بحبكم. عادي، ما يكتبها على الواتس وفي الجروب كلنا بالعيلة والكلام ده كله، لا، رسالة.
يا الله، صورة جماعية في كل عيد كان أبويا يعملها، أمي كانت تعملها، دي ذكراها. عاوزك تطلع دفتر تكتب فيه المواقف الجميلة، ذكرياتك الأسرية وذكرياتك الدعوية؛ ليه؟ عشان تبقى وافي ونضيف. الأشياء دي بتحول مع الزمن لكنوز.
لغاية دلوقتي سبحان الله حاجات كتبتها في 2005 وراء مشايخي في سفريات، أكون مسافر لطلب العلم فأقعد عند شيخ بالشهور وأحضر دروسه وأكتب وأسجل. ما كانش بقى في موضوع إنك أنت تفرغ الحاجة بايدك، مش دلوقتي تروح باعت المحاضرة على طول وتجيك التلخيص وبتاع، ويا ريتك بتذاكر بعد كل الكلام ده، لا؛ كنت تكتب وراه، وبعد ما تكتب وراه ده إنك تبيض في البيت، وده إنك تسطر وتعمل وتجهز والقصة دي كلها. شوفوا الكلام ده عدى عليه 20 سنة، صح؟
والوالدان كذلك. والله في محاضرات أنتم تسمعوها كتير بتكون هي قراءة للي مكتوب وتعليق عليه بس. الأولاد ما يتربوش بالمواعظ بس، لا؛ رحلة عائلية سنوية، مجلس أسبوعي أسري، مشاركة الأكل. يقول لك: ما نتغداش إلا كلنا، ما فيش حاجة اسمها كل واحد يتغدى لوحده، دي ممنوعة في البيت، ممنوع الغدا الأصل فيه الجماعية. طب يا أمي، أصل أنا عندي امتحان؟ عادي، استنانا، شوف الموعد المناسب كلنا ناكل، رتب مع والدك شوفوا إيه، عادي ممكن نقول له: يا أبي ممكن ناكل المغرب بدل البتاع؟ رتب، ما فيش حاجة اسمها كده. لن ينفرط العقد من يدي. فتربط المعاني دي سبحان الله.
أول مصحف جalk، أول رسمة، هدية بسيطة تصنعها. القلادة يا جماعة دي بتبقى أكثر من الكلمات التي تحفظ، حتى في كلمات كده ممكن تظل تدندن عليها، تخلي ولادك يحفظوها: أنا فخور بيك، أسأل الله ربنا يجعلك من الصالحين، ربنا يستعملك استعمالاً يشرفك ويحفظك. الله به تعلم أولادك أن يكونوا عندهم وفاء لهذه الذكريات.
الوقفة اللي ممكن تبقى قبل الأخيرة: النبي صلى الله عليه وسلم بيقول: «رزقت حبها». يا سلام، بيقول للسيدة عائشة: أنا رزقت حب خديجة. كان بيقول لها إن الحب ده، لا، الحب الحقيقي ده رزق مش تصنع. في ناس تيجي تقول له: أنت شغال إيه؟ يقول لك: أخوه يوسف، دي شغلانتك؟ آه، أنا ليل نهار بفكر إزاي أرميه في الجب، ليل نهار إزاي أفكر أرميه في الجب وأكذب وأرجع أبكي عشان أقول مش عارف إيه، هو كده. شغال إيه أخوه يوسف؟ أهم حاجه عنده يحرق دم يوسف، بس هو ده اللي شغ. دي شغلانته. يحرق دم يعقوب، ده اللي شغلانته. ليه، ليه يعمل كده؟ هو كده، عشان فهم إن ﴿وَيَخْلُ لَكُمْ وَجْهُ أَبِيكُمْ﴾ [يوسف: 9] دي بتاعة أبوه، مش بتاعة أبوك. ديت كما قال: ودي رزقته. ده رزق، ثمره الأخلاق العظيمة اللي عملتها، خلاص؟ حتى أصبحت الآية: ﴿سَيَجْعَلُ لَهُمُ الرَّحْمَٰنُ وُدًّا﴾ [مريم: 96]، إن الذين آمنوا وعملوا الصالحات سيجعل، هو الذي سيجعل، مش بتاعتك، لو أنفقت ما في الأرض جميعاً مش هتتضبط. أنت مصمم إن هي تتضبط تحت الود؟ ده رزق من الله مرتبط بإيه؟ بالإيمان والعمل الصالح.
فلما رزق ود خديجة، لأن خديجة كانت إيمانها مختلف وصلاحها كان مختلف، سند قبل أن تكون زوجة. واخدين بالكم؟ شوفوا لما كان يرتجف فؤادك، وعملنا ده في محاضرة: كلا، والله لا يخزيك الله أبدا. واخدين بالكم؟ لا يؤذيك الله أبدا. آه فعلا، في حد بيقول لك بيتعلموا السحر عشان يأذوا بعض، خلاص، حد بيقول لي إن في حد ملتزم غار من حد، راح اتعلم السحر وراح دور على واحد تاني يحرمه من حاجه. شوفوا، وبقى من أتى كاهناً، والقصة دي كلها، كل ده خلاص نسي دينه! فسبحان الله، بتقول له: كلا، والله لا يخزيك الله أبدا. ترى محاسن النبي صلى الله عليه وسلم أكثر من أي شيء آخر، لا ترى إلا المحاسن وتعددها له، سبحان الله، وتشارك الرسالة بالمال والوقت والجاه. واحدة جاية تشارك في الرسالة، ما بتتفرجش عليها، واخدين بالكم؟ وصنعت له البيت اللي اتملى سكينة، ما كانش بيت النبي مكان للنزاعات بل كان خديجة المأوى. خديجة دي اسمها خديجة المأوى، ماشي. لو نسيت كلمة أن الزوجه سكن، لو نسيت كلمة سكن، آه، ما تنساش إن الزوجة خديجة، يعني لو شلنا كلمة سكن وحطينا خديجة، آه ماشية ما تقلقش، الاتنين هي هي، النموذج الأكمل في السكن والتسكين، واخدين بالكم؟
وفي ملمح سبحان الله في السيدة خديجة أنها لم تنافس النبي صلى الله عليه وسلم في المكانة والجاه، هي شخصية قوية صح، وكانت عندها مال وكانت وكانت، وكل عارفها خلاص، لكن سبحان الله جعلت قوتها عبارة عن سهم في كنان زوجها. مش تقول له: لا عادي، ما أنت برده وأنا موجودة برده، لا لا، قالت له: أنا طلقة في مسدسك فاستعمرني حيث شئت. كان معها المال، لكن أشعرت رسول الله أن أقل ما تملك مالها، أقل كل ما تملك هو المال، أقل ما تستطيع أن تهديه لرسول الله المال، كانت دايما شايفه كده، تقول له: ما فيش حاجة أقدمها إلا، واخدين بالكم؟
سبحان الله، احنا يا جماعة فكرة أننا نوصل منزلة خديجة، انسوا، دي انسوها، لكن أن تقتدي بصفاتها، آه، أن تكوني خديجية، الاقتداء صح، لكن أن أنت تكوني تبلغي المنزلة بتاعتها، لا لا. همها كان سبحان الله أن اللسان هيكون مصدر طمانينة مش مصدر قلق، تحفظ أسرار بيتها، تكثر من الشكر والثناء الصادق، تقف مع زوجها عند الشدائد قبل الرخاء، تبني بيت مليان إيمان ورحمة، مش مليان مقارنات وتنافس وراحوا وجوا وعملوا واحنا قلنا وهم قالوا.
يا جماعة، الحب الحقيقي المواقف اللي بتطلعه، مش الكلمات، مش: بتحبني؟ آه بحبني. بتحبني؟ ابعت لي دبدوب، ابعت لك البوب. لا، لما النبي صلى الله عليه وسلم غضب ما قالش السيدة عائشة أصلها كانت جميلة، كانت سرية، كانت صاحبة مكان، عدد المواقف وقال لها: «آمنت بي إذ كذبني الناس، وآوتني إذ رفضني الناس، ورزقت منها الولد». كان الرسالة للحب العميق بيتبني بالمواقف اللي بتسند الإنسان، مش بالمظاهر اللي بتقول للزوال. المواقف الصادقة هي اللي هترسخ المحبة.
عشان كده من أعظم أسباب المحبة أنك تكون سند وقت الازمات. عندما كذبه الناس، كذبه الناس، عندما رفضه الناس، احتاج إلى مأوى خديجي. والعرب بتقول لك: الصديق عند الضيق، والرجولة عند الضيق. الزوج الوفي لا ينسى البدايات، فضلاً أن ينسى النهايات، ولا تنسوا الفضل بينكم. النبي صلى الله عليه وسلم ما تحدثش عن أيام الفتح وأيام أيام الانتصار، عاد إلى أول الطريق، إلى الأيام التي لم يكن فيها إلا خديجة.
اعملوا القائمة دي: أيام لم يكن فيها إلا، وافتح قوس بقى واكتب: إلا شيخي لما قال كذا، إلا معلمي لما قال كذا، إلا أمي لما عملت كذا، إلا أبي لما عمل كذا، إلا صديقي لما عمل كذا، الأيام التي لم يكن معي فيها.
الحديث ده بيعلمنا: لا يجوز التقليل، لا يجوز التقليل من شأن من له فضل. تقول له: لقد عوضك الله من كبيرة السن، دي عائشة اللي بتتكلم، ده كان صادر بدافع الغيرة، غيرة جبلية، لكن النبي صلى الله عليه وسلم بيعلمنا: لا أسمح أن ينتقص من قدر صاحبة فضل. وده معنى نبيل بنتعلمه: من ذب عن عرض مسلم، ذب الله النار عن وجهه يوم القيامة، واخدين بالكم؟
طبعاً في ناس كتير ممكن يقول لك: أيه، اصل خديجة ديت يا شيخ كان معاها النبي، صح؟ دي اسمها حقنة التخدير. هي خديجة دي ما اتجوزتش قبل قبل النبي صلى الله عليه وسلم اتنين؟ كانت عبارة عن أيه؟ المشوشة، الموتّرة، المزعجة، وبعدين بقى لما اتجوزت النبي بقى بقت كويسة بقى وهي عندها 28 سنة بقى. آه، لا يا جماعة، دي واحدة معها طبعها، خلاص، قريش كلها تتمنى هذه المرأة، واخدين بالكم؟ فبطلوا إنكم تخدعوا أنفسكم بهذه المخدرات، هذه المنومات، ده مخدر بيخدرك. طب وآسيا كان معاها مين؟ واخدين بالكم؟ آسيا كان معاها مين؟ طب ونوح ولوط عليهما السلام، أزواجهم ليه ما استفادوش من وجودهم؟ النظيف نضيف.
لقد عوضك الله من كبيرة السن، لم يسمح النبي صلى الله عليه وسلم يذب على طول، أنت لازم تبقى شغال، قال: الذاب عن عرض أخيك. فرضا لو كان أبيك، فرضا لو كان معلمك أو من علمك دين رب العالمين، من استعمله الله. والله سبحان الله في واحد مرة بقول له كلمة كده، قال لي: أنا أهاب أتكلم. فبقول له: ليه؟ فقال لي كلمة جميلة جداً، قال لي: ربنا استعمل لسانه أن يتكلم عنه، فأنا أهاب أن أتكلم وأجيب سيرت حد استعمله الله في أنه يتكلم عن الله، فبخاف فبدل نحسبها ألف حساب.
أقول: من عاد لي ولياً، ده لو في ضابط خلاص قال: اللي هيجي ناحية فلان هتشيله من على وش الأرض، أنا اترعب، فإذا كان الرب العلي العزيز الجبار المنتقم بيقول: «من عاد لي ولياً فقد آذنته بالحرب»، يعني ايه آذنته بالحرب؟ بقول له: استعد، أعلنا الحرب عليك. تخيل عبد أو أمة، تخيل امرأة ربنا بيقول لها: أنا أعلنت الحرب عليك! دي هتنجو من عرض؟ عرضها هينجو، جسمها هينجو، قلبها هينجو، أولادها هينجو، حياتها هيكون فيها إيه إذا كان الرب أعلن الحرب عليها؟!
هنا النبي صلى الله عليه وسلم لا يسمح بهذا الكلام يذب، لا، هو خديجة عشان مش موجودة مش حد ما حدش هيدافع عنها؟ لا، فكم من زوج وزوجه ممكن يقلل من تاريخ حياة رفيقه أو من إحسانه بسبب خلاف، ده خلاف الإنصاف.
خديجة خديجة رضي الله عنها علمت أن الأبناء نعمة بتزيد المودة: «ورزقت منها الولد». فمش عاوزين أخلف دلوقتي بعد ثلاث أربع سنين من الجواز، يا بنتي، يا بنتي الخلفه دي الولد ده هيزيد المودة إن شاء الله. فإشارة إلى أن تربية الأبناء، ولذلك هيجي معانا إن شاء الله رد النبي لما حد يقول له: أنت مالك بعد موت خديجة؟ هيقول حاجة كده مرتبطة بالآيه الأولاد، خلونا إن شاء الله المرة القادمة نبقى نقولها.
السيدة عائشة بقى النبيلة الموفقة المسدّدة، النموذج العائشي اللي هنتكلم عنه إن أحال الله وقدر لنا، بتقول: والله لا أذكرها بسوء. ليه قلتي كده يا عائشة؟ فاقت. السيدة عائشة بتقول ايه؟ عادي أنك ممكن إيه تسرح، بس ما تكملش بقى سرحان، اصحى فوق، أعترفت، عرفت أن اللي حملها على كده الغيرة، الغيرة، الغيرة ممكن توديني مش توديني تفوتني نعيم، الغيرة ممكن تخليني اتحشر مع أبو لهب ومع ابن سلول. سبحان الله، عاش مع الرسول وكان ابن سلول والنجاشي ما راى النبي وصلى عليه النبي، في عادي ممكن تبقى أنت قريب من بيئة بس سبحان الله هناك تبقى مع ابن سلول.
الحديث ده بيعلمنا: من حق صاحب الفضل أن يذكر بفضله. النبي لم ينتقص، لم يسمح أن ينتقص من عشر معشار خديجة صاحبة الفضل الذي لا ينسى. من كان له أثر في حياتك فلا تسمح أبداً أن يمحى تاريخه، واخدين بالكم؟ لا تسمح أبداً.
خلوني أختم بالخطيرة دي: السيدة خديجة يا جماعة أول امرأة أسلمت، وأول من توضأت وصلت بعد النبي صلى الله عليه وسلم، أن لما أن جبريل علم النبي هي تعلمت من النبي صلى الله عليه وسلم. السيدة خديجة بتعلمنا خديجة، السابقة، المبادرة، مبادرة للخيرات. مش قال بقى: أنا أنتظر لغايه ما الناس تسلم، هستنى أما أشوف اللي هيحصل، هشوف النتيجة الأول. بادرَت من أول لحظة، مش مش من مش مستنية أن الخير يكون موضة وترند عشان تبدا إيه تمشي فيه، لا لا، مش مستنية أن السالكون ينتشروا ويكثروا، لا لا، إذا ظهر له الحق استجاب، استبان له الحق خلاص استجابت. الفتاة الخديجية لا تؤجل الخير، ما تعيشش أسيرة التردد، واخدين بالكم؟ عشان كده كانت شريكه من أول خطوة.
محتاجين أنكم تكلموا كتير عن خديجة، خديجة الأم، خديجة المبادرة، السابقة. الريادة عندها مش لطلب الشهرة، أصبحت أول امرأة في الإسلام، ريادة أهي ولا مش ريادة؟ أه، لكن مش ريادة لطلب الصداره، لكن ريادة المسارعة للخيرات. الريادة ثمرة إخلاص مش هدف بيطلب لذاته، واخدين بالكم؟
نكتفي بهذا وإن شاء الله نكمل المرة القادمة، لعل يكون المجلس القادم هو المجلس الأخير في سيرة هذه الفريدة المسدّدة الموفقة. طيب الله ذكركم، ويسر الله أمركم، ورزقني الله وإياكم حسن العمل، حسن الخلق وحسن الختام. والسلام عليكم ورحمة.