الشيخ محمد خيريالسلام عليكم ورحمة الله وبركاته. الحمد لله رب العالمين، له الحسن والثناء الجميل، وأشهد أن لا إله إلا الله وحده لا شريك له، له الملك وله الحمد وهو على كل شيء قدير. وبعد، فأسأل الله سبحانه وتعالى أن يزيننا وإياكم بزينة الإيمان، وأن يكتب لي ولكم الرضا والتوفيق والسداد.
على مسافة قلب من علاقة نبي، كانت تمر على الدنيا بقلب أبي. كانت تخبئ حتى عن نواظرها من سر ضحكته نهرا من العنب. ولكن عند سفوح الظل تبصرها، حمالة الحب لا حمالة الحطب رضي الله عنها. فيها من الماء ما في الماء من مطر، فيها من الشمس ما في الشمس من ذهب، فيها من الحب ما لم تحوه كتب، والححب أكثره ما ليس في الكتب رضي الله عنها.
نقية الروح والأخلاق طاهرة، طهر الندى ونقاء الماء في القرب. كان الصباح على وعدين من يدها، مسح على القلب أو مسح على التعب. المتعبون إذا ناءت كواهلهم آووا إلى ظل أنثى أو ظلال نبي، ما ذملته رضي الله عنها بثوب من ملاءتها، إلا وغطته قبل الثوب بالهدب.
حاشا يسوءك يا ابن العم ربك، قالتها وهزت على الملهوف بالرطب. كان الفؤاد كبيرا والنبي على حال من البرد أو حال من الرهب رضي الله عنها. ألمسته بعينيها، وألثره منها حنان أب أو أمنيات صبي رضي الله عنها. والأم في لحظة أو لحظتين معا تعطي على سبب، تعطي بلا سبب.
كانت له البيت حتى كان مسجدها، الجسم في أرب والروح في أرب. كانت الشعب حين الكل حاصره، والمستراح إذا اسودت دجى الخطب. وما قالته على ضراء أو سعة، أو ودعته على سراء أو نصب. كانت رضي الله عنها الحصن والحضن والسكن بمفردها، إذا كل من حوله كانوا أبا لهب.
وناصرته بما تقوى، لأن لها قلبا بغير رسول الله لم يذب. وطمأنته وقالت: لا تخيب، ومن يطرق باب الله لم يخيب. خديجة، لجلال اللفظ أجنحة تطير على الأعلى كأسراب من السحب رضي الله عنها. بلفظ الطفل بعجزة الكليل وبعي الفصيح عن القول الفصيح وبي.
ولا تقوم بحق الوصف ألسنة ولا منابر صاغت أروع الخطب. وكيف توصف والرحمن بشرها بنهر من عسل وبيت من قصب. جبريل أقرأها منه السلام، فما أسماه من رتبة تسمو على رتبي. تهديك كل نساء العالمين وما فبين أرفع في عز ولا نسب.
والعذر منك إذا جاوزت قدري في جناب قدرك أو قللت من أدبي. أسأل الله أن يتقبل من كاتب هذه القصيدة وهو الدغيم، شاعر معروف كان يتغزل ويمدح أمه خديجة رضي الله عنها. خديجة رضي الله عنها كانت امرأة من خارج الزمان، كانت الليل لرسول الله صلى الله عليه وسلم، كان الليل له معها يشرق بالنهار رضي الله عنها.
كلما تمادت قريش في عتمتها كان يلقاها فيرى صلى الله عليه وسلم الشمس تجري في ضحكتها. عشان كده استحقت من الله بيتا في الجنة لا نصب فيه ولا تعب رضي الله عنها. رحيق الجمال ونبض النبي في حبها، كانت البداية وهي هي الختام. قال عنها: والله ما أبدلني الله خيرا منها.
يا الله، حب علوي فوق معاني الدهر، سبحان الله. أكان هذا البيت بيتا بشريا؟ أم مدارج روحين التقيا على حب الهرولة لله؟ يهرولان رغم العتمة كي يصنعا للعالم مزيدا من النجوم. خديجة، يا سيدة نساء الجنة.
كأنه لم يكن في الدنيا امرأة إلا خديجة، يا الله، هكذا قالت الحبيبة للحبيب صلى الله عليه وسلم. قالت عائشة الأريبة، العاقلة، الموفقة: كأنه لم يكن في الدنيا امرأة إلا خديجة. بمكانه في مجرد غيرة امرأة من امرأة فحسب، هذه كانت شهادة عميقة عظيمة خرجت من قلب امرأة عظيمة.
عائشة رضي الله عنها لم تكن تغار من جمال خديجة، فلم ترى خديجة، إنما كانت تغار من حضورها المستمر في قلب النبي بعد وفاتها رضي الله عنها. رحلت خديجة عن الدنيا، لكن لم ترحل من الذاكرة. غابت عن العيون، لكن بقيت في القلوب. مات جسدها وبقي أثرها، ولذلك أردنا أن نتكلم عن خديجة.
خديجة التي لا ترى، ما أكثر الناس الذين يعيشون بيننا فلا نشعر بوجودهم إذا غابوا، وما أقل أولئك الذين يغيبون عن الدنيا كلها ثم يبقى حضورهم يملأ المكان. بعض الناس بيعيشوا أعمار طويلة، ولكن سبحان الله لا يتركون إلا أسماء في السجلات. وبعض الناس يعيشون أعمارا قصيرة، لكنهم يتركون جزءا من أرواحهم في كل قلب لامسوه، وكانت خديجة من سادات هذا الصنف رضي الله عنها.
حتى بدا لعائشة رضي الله عنها أن النبي صلى الله عليه وسلم كلما ذكرت النساء، كلما ذكر الوفاء، كلما ذكرت البدايات عادت خديجة من جديد. الله أكبر، سر العظمة في كلمة عائشة كأنه لم يكن في الدنيا امرأة إلا خديجة. كأن الرسالة التي تريد عائشة رضي الله عنها أن تخبرنا ليس السؤال كم سنة عشت، بل كم قلباً سكنت. عبارة السيدة عائشة رضي الله عنها بتوصف الحضور الذي لا ينسى، كأنها لم تكن امرأة إلا هي إلا خديجة.
امرأة لا تغيب، خديجة التي لم ترحل ولا ترحل، الحاضرة رغم الغياب، كأنها وحدها إلا خديجة. فإحنا مش جايين نكلمكم عن قصة امرأة وحسب، بل قصة أثر جعل امرأة تبدو وكأنها وحدها في الدنيا إلا خديجة، الحاضرة رغم الغياب. يمضي الناس وتبقى آثارهم، وخديجة من سادات هؤلاء. سبحان الله، دائماً تجد إحنا كلنا كلنا فينا أثر من حضور خديجة، ولكن بالغفلة لا ننتبه.
قلة من الناس لا يكتفوا بترك أثر بعد الرحيل، بل لابد أن يترك حضور. حضور يتجاوز الزمان، يمتد بعد الممات. خديجة رضي الله عنها من هؤلاء، كأنه لم يكن في الدنيا امرأة إلا خديجة. كلما مررت على كلمة السيدة عائشة سبحان الله أحس إنها مش بتوصف امرأة عادية، مش بتوصف أثراً استثنائياً. خديجة يومها كانت غابت عن الدنيا، مضى على وفاتها سنين، وجاءت بعدها زوجات وعاشت أجيال، تغيرت أحوال لكنها بقيت، بقيت في قلب النبي صلى الله عليه وسلم، بقيت في حديث النبي صلى الله عليه وسلم، بقيت في وفائه صلى الله عليه وسلم، بقيت في ذاكرته صلى الله عليه وسلم.
ألا يجعلك هذا أنها تبقى في قلبك وتبقى في حياتك؟ حتى خوي اللي عاش من الدنيا كلها إذا ذكرت النساء لم يبقى فيها إلا اسم واحد، إنه خديجة يا سادة. إذًا محتاجين بقى نسأل السؤال الحقيقي: ما الذي يجعل إنسانًا حاضرًا رغم كل هذا الغياب؟ اللي يخلي امرأة رحلت منذ سنوات طويلة وقرون تبقى صورتها حية في قلب البشر، وظلت بعد سنوات في قلب أعظم رجل عرفته البشرية. هل كان الجمال؟ أم هل كان المال؟ أم شيئًا أكبر من كل ذلك؟
عاش في الناس العالم نساء أجمل ونساء أغنى ونساء أشهر، لكن التاريخ لم يقل عنهن ما قاله عن خديجة. لأن سر خديجة لم يكن فيما تملك، بل فيما منحت. لم تكن عظمتها في التجارة كما يسول للبعض أن يرى، البعض لا يريد أن ينظر إلى السيدة خديجة إلا من هذا الإطار. بل كان في طمأنينة خديجة رضي الله عنها، ما كانت قوتها في إدارة المال بل قدرتها على احتواء القلب. لم يكن حضورها أمام الناس، ولكن أثرها داخل النفوس.
كانت سكنًا حينما اضطرب العالم، وأمانًا حينما خاف الناس، كانت ثباتًا حينما تزلزلت الأرض تحت الأقدام. خديجة رضي الله عنها نشوف فيها حاجات هتعرفوا إن هي من الناس اللي صنعت العظماء دون أن يطلبوا لأنفسهم مجدًا، بيبنوا رسالات دون أن يتصدروا المشهد، بيزرعوا النور في حياة الآخرين ثم ينسحبوا بهدوء. سبحان الله، خديجة مش مجرد زوجة للنبي صلى الله عليه وسلم، هي كانت مرحلة كاملة من حياته صلى الله عليه وسلم.
كانت وطنًا عاد إليه يوم ارتجف في غار حراء. خديجة رضي الله عنها كانت الحضن الذي احتمى به يوم ضاقت عليه الأرض. خديجة رضي الله عنها كانت القلب الذي آمن به يوم كذبه الناس. خديجة رضي الله عنها كانت الروح التي آزرته يوم خذله الخلق. عشان كده لم يكن غريبًا أن تبقى بعد الرحيل، خاصة في الأزمنة اللي كثرت فيها الأصوات وقل فيها الأثر، كثر فيها الحضور الرقمي ونظر فيها الحضور القلبي.
محتاجين نقف مع خديجة رضي الله عنها، مش عشان نروي قصة امرأة من الماضي، بل لنبحث عن سر الإنسان الذي يبقى. رحلة البحث عن السر الذي جعل امرأة تغيب عن الدنيا لكن تبقى حاضرة، حتى قيل عنها كأنه لم يكن في الدنيا امرأة قط إلا خديجة. ابن هشام في السيرة بيقول لنا: وكانت خديجة امرأة حازمة شريفة لبيبة، مع ما أراد الله بها من كرامة. سيدة خديجة هنشوف يعني كل واحد منكم هيلاقي رجل أو امرأة، شاب أو فتاة، كبير أم جد، أم، أب، كله سيجد في خديجة شيئًا من نهرها يستطيع أن يرويه.
خديجة ديت زي الماء الكوثري، ماء زمزمي، تقبل عليه ترتوي، تأخذ منه، حتى هتعلمك إزاي تختار صح الزوج، هتستفيد منها إزاي تربي، إيه طموحك؟ إيه أهدافك؟ في أوقات تاهت كثير من الفتيات وكثير من النساء وكثير من الآباء، تاه إزاي يرابي بنته وعلى أي شيء يربي بنته. كثير من الناس هنتفاجئ مع السلسلة ديت إن هو بيحب خديجة عاطفة، لكن ما عندوش استعداد يتأسى بها سلوكًا، ولذلك ينطفئ في قلبه وتنطفئ في قلوبهم الحس الخديجي.
يقول ابن هشام: وكانت خديجة يومئذ أوسط نساء قريش نسبًا وأعظمهن شرفًا وأكثرهن مالاً، كل قومها كان حريصًا على ذلك منها أي زواج لو يقدر عليه، يا الله. عاش معها ضعف ما عاش مع غيرها صلى الله عليه وسلم. فإحنا النهار ده مش جايين نتكلم عن امرأة عاشت قبل أربعة عشر قرنًا، ولا جايين نروي قصة كثير مننا حافظ كثير من أحداثها، إحنا جايين نجتمع، ندردش، لأننا نفتقد شيء كانت تملكه خديجة، كانت خديجة رضي الله عنها تمتلك ما نفتقده.
نحن نفتقد الطمأنينة في زمن كثرت فيه المخاوف، نفتقد السكن في زمن امتلأت فيه البيوت بالصراخ والضجيج، نفتقد الوفاء في زمن أصبحت العلاقات فيه مجرد يعني حاجة كده استهلاكية وخلاص، نفتقد الإنسان اللي يحمل عن الناس أثقالهم دون أن يطلب منهم ثناء أو تصفيق. مش عاوزين نبحث عن خديجة في صفحات التاريخ، عاوزين نبحث عن خديجة في أمهاتنا، في بيوتنا، في أزواجنا، في زوجاتنا، في بناتنا، في نفوسنا. نبحث عن هذه المرأة التي لم ترفع شعارًا، لم تطلب شهرة، ما زاحمتش على الأضواء، ومع ذلك كانت من أعظم النساء أثرًا في تاريخ البشرية كلها.
سبحان الله، كيف استطاعت أن تكون وطنًا لقلب الرسول صلى الله عليه وسلم؟ كيف استطاعت أنها تكون سكن في لحظة الفزع؟ كيف استطاعت تكون نور في لحظة الحيرة؟ كيف استطاعت أن تترك فراغًا في قلب الرسول حتى سمي العام الذي ماتت فيه بعام الحزن؟ أي امرأة هذه؟ أي أثر تركته؟ أي سر أودعه الله في هذه النفس العطرة؟
الرافعي له كلمة عجيبة جدًا سبحان الله، بيتكلم عن أمنا خديجة بيقول إيه؟ يقول: أما خديجة زوج النبي فكانت في هذه المحنة قلبًا مع قلبه العظيم، وكانت لنفسه كقول نعم للكلمة الصادقة التي يقول لها كل الناس لا. الكلام عامل إزاي؟ كانت لنفسه كقول نعم للكلمة الصادقة التي يقول لها كل الناس لا. فاهمين الكلام العبقري ده؟ بيقول إن خديجة رضي الله عنها كانت لرسول الله كقول نعم للكلمة الصادقة التي يقول لها كل الناس لا.
شاء الله في دورة المقبلين على الزواج كل أنثى لن تأخذ ولن تتأسى بأجل ما عند خديجة فلا تصلح أن تفتح بيتا، فلا تصلح أن تفتح بيتا. وكل رجل يطلب أنثى تكمل معه حياته ليس فيها من التأسى بخديجة فلا تصلحك، فدعك منها. والكلام السطر اللي أنا قلته من شوية ده ترجمته في الدورة إن شاء الله.
سبحان الله، يقول الرافعي: وما زالت المرأة الكاملة المحبوبة المحبة هي التي تعطي الرجل ما نقص من معاني الحياة. طب يا جماعة تروي في الجملة دي بقى، الجملة دي لوحدها لوحدها تكفي أي راجل عاوز يتجوز، ويقول لي يا شيخ إيه أدور على مين؟ دور على السطر ده، هي التي تعطي الرجل ما نقص من معاني الحياة. دي يا جماعة الجملة ما تتشرحش، دي جملة كده زي العطر كده أهو بيتشام، طب أنا مش شامم خلاص بقى عندك زكام أعملك إيه أنا بقى، سل الله أن ربنا يسلكك عشان تشم.
سبحان الله، هي التي تعطي الرجل ما نقص من معاني الحياة. شوف الجملة عاملة إزاي، بحس كده إن الرافعي جاب اللغة العربية ونفضها، وطلع على فكرة يا جماعة الكلام ده كلام واحد بيحب، عشان هو بيحب أمه وعاوز يعبر بكلمة فقال الجملة ديت، هو شاف إن هي أعطت ما نقص من معاني الحياة، إيه اللي ناقصني أنا في الحياة؟ فتجد المرأة تعطي الرجل هذا الأمر، واخدين بالكم؟ ولذلك هنشوف إن شاء الله لما نتكلم قصة البداية وآدم وحواء، هو آدم كان عاوز إيه؟ كان عاوز السكن، هذا ما نقص من معاني الحياة.
يقول: وما زالت المرأة الكاملة المحبوبة المحبة هي التي تعطي الرجل ما نقص من معاني الحياة، وتلد له المسرات من عواطفها كما تلد من أحشائها. يا سلام على الكلام، تلد للرجل، تلد له المسرات من عواطفها كما تلد له.
من أحشائها. اللي ما بتعرفش تعمل كده تسأل الله إن ربنا يرزقها الأنوثة. الموضوع سهل، يدعي ربنا. زي ما كل واحد بتدعي له خلاص بتدعي بالدعاء يدعي كده. يقول فالوجود يعمل بها عملين عظيمين، أحدهما زيادة الحياة في الأجسام، والآخر إتمام نقصها في المعاني.
هسه بقى اللي فهم فهم واللي ما فهمش يسأل الله أن يفهمه. فإحنا النهار ده عاوزين نتعلم من خديجة؛ خديجة كل الناس بيبحثوا عن النجاح كما يراه الناس. أما خديجة رضي الله عنها بتعلمنا النجاح كما يحب الله. وكما يريد الله سبحانه وتعالى. تعلمنا أن أعظم الأعمال قد تكون تلك التي لا يراها أحد.
بتعلمنا السيدة خديجة أن أعظم البطولات قد تكون خلف باب بيتك. أعظم الإنجازات قد تكون كلمة صادقة تقال لمكسور، أو حصنا آمنا لخائف، أو قلبا واسعا يحمل هموم من حوله. عشان كده عايزين نسأل أنفسنا ماذا كانت تصنع خديجة؟ كيف صنعت بيتا صار مهد الرسالة؟ كيف صنعت سكينة احتاجها خير البشر؟
السكينة دي بيحتاجها الكل بما فيها رسول الله. احتاجها. اللي عاوز يعرف قيمة خديجة، عاوز يعرف قيمتها قوي يقرأ قول الله سبحانه وتعالى في سورة التحريم، لما حدث ما حدث مع زوجتي رسول الله فقال الله: ﴿إِن تَتُوبَا إِلَى اللَّهِ فَقَدْ صَغَتْ قُلُوبُكُمَا وَإِن تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ وَالْمَلَائِكَةُ بَعْدَ ذَلِكَ ظَهِيرٌ﴾ [التحريم: 4].
إيه الموضوع؟ السيدة عائشة والسيدة حفصة قيل سبب نزول الآية معروف لدى الكثير واللي مش عارف ممكن يبحث عنه. مهم إن النبي صلى الله عليه وسلم ترك بيته واغتم واهتم وأصابه هم. هذا الهم كان كبيرا عند الله سبحانه وتعالى. إن النبي صلى الله عليه وسلم يرى أن رسول الله صلى الله عليه وسلم قد اغتم. فأنزل الله سبحانه وتعالى هذه الآية. واخدين بالكم؟
إن ربنا يقول من يتظاهر على الرسول ويكدر عليه بيته فإن الله هو مولاه. وكفى. يعني مش ده كافي إن ربنا يكون مولاه؟ لكن لا. مش الله بس. وجبريل أمين الوحي. ومش بس كده. وصالح المؤمنين. انتهى الأمر؟ لا. والملائكة بعد ذلك ظهير. كل ده إعلان الموالاة ديت ليه؟ لتطييب خاطر محمد صلى الله عليه وسلم. ليشعر بالطمأنينة والراحة مما أهمه.
طب إيه علاقة ده بخديجة؟ أن النبي صلى الله عليه وسلم لم يجد هذا الشعور مع خديجة. واخدين بالكم؟ ولذلك قال له الرب جل وعلا: ﴿عَسَىٰ رَبُّهُ إِن طَلَقَكُنَّ أَن يُبْدِلَهُ أَزْوَاجًا خَيْرًا مِّنكُنَّ مُسْلِمَاتٍ مُّؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا﴾ [التحريم: 5].
وجل هذه الصفات كان في خديجة. تخيلوا كده إن النبي صلى الله عليه وسلم يجد هذا الشعور. ويجد هذا. ويتذكر بقى في خلوته خديجة رضي الله عنها. فإحنا يا جماعة عاوزين نشوف إزاي إن السيدة خديجة كانت مهد الرسالة. إزاي نصنع من حياتها علاج لأزمات كتير جدا في حياتنا. حياة بيوتنا. وحياة بناتنا. وأبنائنا. وعلاقتنا اليومية.
فنريد أن نقترب من خديجة رضي الله عنها أمنا، لا لنزداد معرفة بها بل لنزداد اقتداء بها وتشبه بها. احنا محتاجين أخلاق خديجة أكثر ما محتاجين أخبار خديجة. بيوتنا كلها محتاجة تعيش الموضوع ده. سبحان الله. بيت بشرت ببيت من قصب لا نصب فيه ولا تعب. ليه؟ لما أفاضت على النبي من نعيم السكن. سبحان الله.
عشان كده كل امرأة ستعلم إن شاء الله في اللي منكم هتدخل واللي منكم هيدخل رجالا ونساء دورة المقبلين، هيعرف إن المشروع الأول للمرأة هو أن تكون سكنا لمن حولها. احنا مش عاوزين نتكلم على معلومات تاريخية وخلاص. احنا عاوزين نتكلم على المنهج الخديجي في حياتنا. الناس عارفين إن هي كانت تاجرة وأول من آمن وأنها أم أولاد النبي، لكن القليل من الناس من يعيش القيم التي صنعت خديجة.
فاحنا محتاجين نتكلم عن خديجة التي لا يراها الكثير، عن سيرة خديجة إلى مسيرة الأمة، إلى المرأة التي ساندت النبوة في صمت. يعني مش عاوز أعمل تعليق على كلام بيتقال عشان لو علقت ممكن تعليقي يضايق. لكن عموما في كلام بيكتب دلوقتي، ده على طول بيعلن بالكتابة أنه ليس على هدي خديجة ولا تعرف خديجة.
إحنا السلسلة دي إن شاء الله مش جايين نتحدث عن أحداثها وخلاص، لأ إحنا عاوزين عن المعاني التي سكنت بها بيت النبي صلى الله عليه وسلم. واخدين بالكم؟ محتاجين نسأل أنفسنا أسئلة، لماذا أحب الله خديجة رضي الله عنها؟ السؤال ده مهم جدًا، نظل نتساءل ليل نهار فيه. ما الصفات التي جعلت امرأة من البشر يأتيها السلام من ربها من فوق سبع سماوات؟
خديجة يا جماعة، إذا كان رسول الله كان قرآنا يمشي على الأرض، فخديجة كانت سكينة تمشي على الأرض رضي الله عنها. خديجة العاملون في صمت. كل الأضواء كانت على النبي صلى الله عليه وسلم، لكن من كان يداوي التعب بعد انتهاء المشهد؟ من كان يجبر الخاطر؟ من كان يسمع الآلام؟ من كان يربط على هذا القلب؟ إنها خديجة يا سادة.
من خديجة؟ ليس كل عظيم يصنع التاريخ يا جماعة من فوق المنصة. لأ يا جماعة، كثير ممن يصنع التاريخ يصنعه من خلف الستار. لو لم تكن خديجة رضي الله عنها، لما كانت تلك البيئة الآمنة التي نزل فيها الوحي أول مرة. خديجة رضي الله عنها هي ترجمة لقوله لتسكنوا إليها.
كل الناس بتتكلم عن الحب أو كثير من الناس بتتكلم عن الحب، لكن تجد أن القرآن بيكلمنا عن السكن. لأن السكن شيء أعمق. سبحان الله، ولذلك قالت للنبي صلى الله عليه وسلم: «كلا، والله لا يخزيك الله أبدا». سبحان الله. وإحنا اتكلمنا في الموضوع ده يمكن من أسبوع كده، إن هي لم تبدأ بسؤال ولا بلوم ولا بتحليل، بدأت بطمأنينة. وهيجي إن شاء الله لما نيجي للموضع ده هنعرف كويس قوي.
إن أعظم نعمة في حياتك مش المال ولا المنصب، بل إنسان إذا اهتز العالم من حولك ثبتك. هو ده. دي من أعظم النعم. سبحان الله، رضي الله عنها. خديجة رضي الله عنها هنشوفها وهي بتعيد بناء صورة النبي صلى الله عليه وسلم وتذكره بصورته أمام نفسه، إنك تصل الرحم. تذكره بقيمته، بماضيهم الجميل، بأثره في الناس.
أحيانا أولادك طفل بيغلطوا. طلابك بيغلطوا. هل تذكرهم بأخطائهم ولا بمواطن قوتهم؟ خديجة نتعلم معاها البطولة الخفية. في الفكر المعاصر البطولة يعني ظهور. أما عند خديجة رضي الله عنها البطولة الأثر. البطولة الأثر رضي الله عنها. هتعلمنا مش المطلوب إنك تكون مشهور. لكن المطلوب إنك تكون نافع.
خديجة رضي الله عنها تعلمنا ازاي نربي البنات. لما نشوف كيف خرجت امرأة بهذا النضج. روحوا اسمعوا كده سلسلة جمانة. إيه ده؟ أنتِ خرجتي البنت دي ازاي؟ أنتِ ربيتيها ازاي في وسط كل الزلازل دي؟ وسط كل الأصنام اللي موجودة في مكة. وزوجك قاعد بيتقال عليه ساحر وأساطير الأولين وكذاب. كل الضغط المجتمعي. والزنا منتشر في كل حتة. والخمر منتشر في كل حتة. أنتِ خرجتي الكواكب دي ازاي؟
هتقول لنا إن شاء الله في سيرتها إزاي اتخرجت، إزاي بقت هي كاملة وخلفت الكاملة. سبحان الله هتتأملوا لو اللي منكم يسمع سلسلة ويكمل فيها، هيدرك أن صفات فاطمة رضي الله عنها كثير من صفاتها هو امتداد لمدرسة أمها. طبعًا كثير من الأخوات ما بيقدرش يقتدي بفاطمة وخديجة ليه؟ لأن فيهم الطابع البيوتي.
فكثير منهم بيحس إنهم مش النموذج المبهِر. واخدين بالكم؟ مش قادرين نقتدي أو نقتدي إزاي وبتاع. سبحان الله. هنعرف هل خديجة رضي الله عنها كانت سيدة أعمال؟ ولا المفهوم ده مفهوم مختزل؟ لأن بعض الأفكار المعاصرة اللي فيها تشويش مختزل قصة خديجة أنها رائدة أعمال. وكأن أعظم ما فيها كان بالتأكيد إن مالها كان بيستعمل في التجارة. يا جماعة المال عندها كان وسيلة، رسالتها كانت أعظم من ذلك بكثير.
أقولكم حاجة. لو سألنا النبي صلى الله عليه وسلم ما أكثر ما تتذكره من خديجة؟ هل هيقول نجحت في التجارة؟ أم هيقول آمنت بي حينما كفر الناس؟ صدقتني حينما كذبني الناس. آوتني حينما رفضني الناس. وآستني بمالها ونفسها حينما تركني الناس. فالقيمة المركزية في خديجة ليست الفكرة بتاعت الريادة والاستقلال الاقتصادي والقصص ديت، لما يجي بقى موضوعها هنتكلم، بل كان العمق الوفائي والسكن والنصرة والإيمان برسول الله صلى الله عليه وسلم.
سبحان الله عام الحزن لما تقرأوا في كتب السيرة أحيانا كده يقولك عام الحزن، بتدرك قد إيه قيمة خديجة، اللفظ ده. وتدرك ماذا يحدث حينما يغيب أهل السند. هنا في عام الحزن ده بيتجلى قيمة الأشخاص اللي بيسندوك. بعض الناس مش بنقدر حجمهم إلا بعد رحيلهم. سبحان الله كنت بقول للبعض إن الشيخ الحويني الله يرحمه كان بيقول كلمة كده في خصوص الدعوة، كان يقول أقل الناس انتفاعا.
أنا لخصت السؤال عشان مش تفكروا كتير يعني، بقوله أنا بيجيلي أوقات كده وفي ناس بيضغطوا عليا وعاوزيني أخطب، وبروحلهم في قرية بعيدة كده وبتاع، وحسيت إن الموضوع ده بدأ ياخد من وقتي وكده. قالي جملة جميلة جدًا، قالي أقل الناس سينتفعوا بك هم الملتصقون بك، وسينتبهوا لك حينما يواروك التراب. إيه ده؟ هيبدأوا يدركوا ويقولوا يااه ده كان سبحان الله ده كان كذا. ده في المجمل كده.
فسبحان الله بعض الناس، الناس اللي حواليك، أنا كنت بحضر للشيخ محمد صفوت نور الدين. كان مش كنت في آخر هندسة كده، كنت أصلي في المسجد جنبي. الشيخ محمد صفوت نور الدين ده كان بيصلي فيه، كان بييجي مرة عندنا في الشهر كده مرة، ما أعرفوش بس يعني سلمت عليه مرة وبعد كده عرفته. كنا نحضر كده ما فيش خمس ست صفوف. لما توفي رحمة الله عليه، إيه ده؟ الراجل اللي جنبنا، وعادي كنا نسلم عليه كده. بدأت بقى لما توفي وبدأت الواحد بعد كده التزم بعدها بسنة، حسيت إن أنت كنت قدام حد.
في ناس كده. والدتك. أختك. أبوك. أمك. حماتك. وحتى جيرانك. ممكن تحس إنهم ناس عادية. بس صدقني، بعض الناس لا ندرك حجمهم إلا بعد رحيلهم. عشان كده الرسالة العملية اللي نتعلمها من قصة خديجة: كن في حياة الناس خديجة. كن سندًا. كن مأوى. كن موطنًا للسكينة. كوني خديجة في موقعك.
الرجالة محتاجين يتسألوا السؤال ده: مين هي خديجة اللي في حياتك وهل بتشكرها ولا لأ؟ للزوجة، محتاجة تسأل نفسها: هل أنتِ سكن ولا مصدر توتر للي حواليكي، أمك، زوجك، أخوكي، أبوكي؟ للأم، محتاجة تسأل نفسها السؤال ده: هل أنتِ بتخرجي أبناء أقوياء مطمئنين؟ محتاجة كل بنت تسأل نفسها السؤال ده: إيه النموذج اللي أنتِ تتمني إنك تكوني عليه؟ وبنسأل الشباب: هل أنت بتدور على الجمال بس؟ ولا بتدور على المرأة التي إذا اهتزت الحياة ثبتتك؟
ليه إحنا النهاردة في أمس الحاجة إن إحنا نتكلم عن السيدة خديجة؟ من وجهة نظري، لأن أزمات البيوت دلوقتي ليست مجرد أزمات مال وشهادات ووظائف، بقت أزمات قلوب متعبة أو متعبة من غيرها، علاقات هشة، رجال بلا سند، كثير من النساء بلا معنى، فتيات كثير منهم تايه بين التقليد والنسوية، أمهات بيربوا أبناء ناجحين دراسياً لكن مهزومين نفسياً ومعنوياً، بيوت فيها كل شيء إلا السكينة.
هنا تظهر قصة السيدة خديجة، ليست مجرد شخصية تاريخية، بل علاج وبناء للي إحنا فيه. عشان كده السلسلة ديت، نفسي ربنا يفتح عليا فيها عشان نجاوب على فكرة: ماذا لو عادت خديجة إلى بيوتنا؟ إيه اللي هيتصلح؟ إيه اللي هيحصل؟ صدقوني، العالم ده مش محتاج وبيوتنا مش محتاجة امرأة جميلة قوية أكثر ما هو محتاج امرأة مطمئنة.
أكبر أزمة موجودة دلوقتي هي القلق، ناس عندهم قلق. فمحتاجين في وسط التوترات ديت حد يساعدك في إزالة القلق. أول موقف عظيم لخديجة كان في لحظة الفزع. النبي صلى الله عليه وسلم بيرتجف، العالم كله اهتز. ماذا فعلت؟ ما ارتجفتش معاه، أصبحت هي الثبات. المرأة مش مطلوب منها إنها تكون أقوى من الرجل، لكن مطلوب أن تكون أكثر الناس قدرة على بث الطمأنينة في هذا الرجل.
هنعرف من قصتها إن البيوت لا تنهار بسبب قلة الحب. ممكن عادي جدًا، ليس كل البيوت تقوم على الحب كما قال عمر، لكن بسبب غياب السكن. بالمناسبة، كثير من الأزواج بيحبوا بعض، لكن لا يسكنون إلى بعضهم. عشان كده خديجة هتعلمنا إن أعظم ما تقدمه الزوجة لزوجها، مش مجرد الإعجاب، بل الأمان؛ الأمان النفسي والسكن. إني أشعر مهما حدث في الخارج، هناك مكان أعود إليه. خديجة رضي الله عنها هتعلمنا إزاي نفهم.
اللي قدامنا قبل ما يشرح وإزاي نحتويه قبل ما يطلب؟ خديجة رضي الله عنها هتعلمنا إزاي نكتشف الإنسان والولد والابن العبقري. الناس بتدرس عبقرية العظماء، لكن لما بتدرس، كثير منهم ما بيدرسش البيئة اللي صنعت العظماء. لو أنا سألتكم سؤال؛ أين بدأت الدولة الإسلامية؟ إيه الإجابة؟ المدينة، أحسنتم. والبعض يقول لي مكة. الإجابة العميقة من وجهة نظري بدأت في بيت خديجة. كل مشروع عظيم بيحتاج حصن يحتضنه ويحتويه ويظهره. خديجة رضي الله عنها البطولة التي لا يراها الكثير. جيل اليوم مهووس بالظهور، متابعات وإعجابات، ولا تحسب أن الدين مش عارف إيه وبتاع، والجري واركب الفرس والكبي مش عارف العجل، واعملي إيه وبتاع، وإعجابات وأضواء.
خديجة رضي الله عنها صنعت أعظم أثر في التاريخ دون أن تبحث عن منصة. ليست القيمة أن يعرفك الناس، القيمة أن يبارك الله في أثرك. خديجة رضي الله عنها علمنا إن شاء الله بإذن الله إن هي عصية عن أنها تسرق من الأفكار الحداثية والنسوية، اللي أخذت منها لفظ واحد بس ولقطة واحدة بس. أنا أسألكم سؤال؛ لو نزعنا التجارة من حياة خديجة، هل خديجة ستبقى عظيمة؟ خلاص كده فهمتوا القصة ولا الفكر كله ده يعني ينتهي ويتلاشى بالسؤال ده. أما لو نزعنا السكينة والوفاء والإيمان والاحتواء، لما بقيت خديجة التي نعرفها. عشان كده ده اللي إحنا محتاجينه؛ نعيد تعريف النجاح للفتيات. خديجة رضي الله عنها بتجاوب على مشكلة بنات كثير جدا اليوم، اللي بتسأل كيف الزوج المناسب؟ هنعرف السلسلة ديت إن شاء الله الجواب ده. لكن مبدئيًا قبل ما تسألي كيف أجد الزوج المناسب، السؤال الأهم: هل أنا الزوجة المناسبة؟ خديجة لم تصبح عظيمة يوم تزوجت، بل كانت عظيمة قبل الزواج؛ كانت حكيمة، كانت لديها الحياة، حسن الاختيار. قبل البحث عن الرجل المناسب، كوني أنتِ باحثة عن البناء المناسب، إنك تبني نفسك صح. السيدة خديجة هتعلمك إزاي تختاري زوجك؛ لأن إحنا في زمن اختلت فيه معايير الاختيار. إن شاء الله في الدورة هيعلن عنها خلال أسبوع، الدورة دي للرجال والنساء، هتعرفوا فيها إن قد إيه معايير الاختيار فيها حصل تشويش ما بين شهر ومال ومظهر وكلام معتوه. خديجة اختارت حاجة واحدة: الأمانة. اختارت الحاجة اللي تبقى، لكن كل ما يزول لم تقف معه. الشقة عادي إيجار ولا ملك؟ خلينا عادي، مش هتبقى، مش هنقف معها لأنها مش مكملة معنا.
خديجة رضي الله عنها علمتنا حاجة جميلة قوي إن الأم ممكن تصنع التاريخ عادي جدًا وهي في المطبخ. أنا عارف إن ده عنوان صادم، كثير من النساء من الأمهات بيقولوا أنا مجرد ربة منزل، بينما خديجة رضي الله عنها كانت تقول بلسان سيرتها وحالها: أنا أعظم صناعة في الأرض، أنا قائمة على أعظم صناعة في الأرض. بتقول لنا إن أعظم صناعة الأرض هي صناعة الإنسان الذي يعيش على الوحي بوعي. خرج من بيتها القاسم وزينب ورقية وكلثوم وفاطمة رضي الله عنهم أجمعين، ثم خرجت منه أجيال الأمة كلها. هنا تعود كرامة الأمومة إلى القلوب. إن شاء الله هنعرف قيمتها لما نتكلم عن وفاتها، عن الفراغ الذي تم بعدما ماتت، عشان كده هنستفيد من قصتها في النهاية: كن في حياة الناس شخصًا يفتقد، لا شخصًا يستبدل. يقولك والله أفتقد فلان، مش عادي ده جه مكانه واحد. بعض الناس يا جماعة مش مجرد أفراد في حياتك، ربنا يثبتنا وإياكم.
نحاول إن شاء الله وإحنا بنتكلم في قصتها بنجاوب على كتير جدًا من الأمور، الأسئلة الكتير اللي بتيجي في الاستشارات وموجودة في الحياة: ليه في بيوت كتير فيها توتر؟ ليه كتير من النساء بيحسوا بالتعب النفسي؟ ليه كتير من الرجال حاسين بالوحدة والتوتر؟ ليه ضاعت كتير من الفتيات بين نموذجين بعاد عن بعض ومقارنات؟ ليه انهارت معايير الاختيار؟ وليه الأولاد كتير أصبحوا عندهم تفاهات وعندهم هشاشة؟ ليه البحث عن الشهرة أكثر من الأصل؟ ليه افتقدنا السكينة؟ محتاجين كل مرة نسأل السؤال ده، نقول: الإجابة خديجة. لهذا نحتاج أن نعود لخديجة، لا لشخصها بل لما كانت تحمله من قيم ومبادئ. أعظم ما تركته خديجة رضي الله عنها ليس بيتًا في مكة ولا تجارة في قريش، بل تركت وصفة لصناعة الإنسان المطمئن والبيت المطمئن والأمة المطمئنة.
سؤال أختم به اللقاء: لو قدر لخديجة أن تدخل بيتك أو بيتك، ما أول شيء ستسعى لإصلاحه؟ وما هو الشيء الذي ستشكرك عليه؟ طيب الله أوقاتكم ويسر الله أموركم، وأرجو من الله أن يطلق لساني بحب في الكلام عن خديجة رضي الله عنها، ويسددني لما يشرفني غدا بين يديه، ويشرفكم عند حوض النبي صلى الله عليه وسلم لما تسمعون وتطبقون. أسأل الله أن يمن علي وعليكم بحسن العمل وحسن الخلق وحسن الختام، وجزاكم الله خيرا.