السلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. إن شاء الله النهارده عايزين نتكلم في موضوع مهم شوية، أو شويتين تلاتة. بما إننا داخلين على رمضان، عايزين نتكلم على إحنا بقالنا فترة بناخد مثلاً مواضيع من القرآن، بناخد مواضع في القرآن بنتكلم فيها، النهارده عايزين نتكلم عن نظرة عامة شوية، عايزين نطلع كده فوق ونبص على أثر القرآن ككُل مش بعض.

إزاي يعني؟ الفكرة جت منين الفكرة دي؟ إن إحنا بنفكر؛ إحنا عايزين نخش الجنة ونفسنا نخش الفردوس الأعلى، فبما إننا عايزين نخش الجنة وعايزين نخش الفردوس الأعلى وعايزين مثال عملي طبق الدين ونجح في ده، فلقينا إن أعلى مثال طبق الدين هُم الصحابة. طيب إحنا لما نجي نفكر؛ هُم الصحابة دول كانوا كده ولا تغيروا بقوا كده؟ يعني هُم طول عمرهم كده؟ ولا حصل تغيير في حياتهم فتحولوا بقوا كده؟ حصل تغيير.

طيب إيه اللي غير الصحابة؟ عشان إحنا عايزين نتغير، يعني المنطلق بتاعنا، أنا المنطلق بتاعي أنا؛ عايز أخش الجنة، مش راضي عن نفسي، مش راضي عن الوضع الحالي، محتاج أشوف الصحابة أفضل جيل تغيروا إزاي عشان أتغير. فلقينا إن في عوامل كثيرة غيرت في الصحابة؛ طبعا وجود النبي صلى الله عليه وسلم بينهم، توجيهات النبي صلى الله عليه وسلم، تربية النبي صلى الله عليه وسلم.

لكن من أهم العوامل اللي ممكن نقول كعامل رئيسي هو وجود القرآن، لأن القرآن؛ إحنا بنقول إن أهم العوامل النبي صلى الله عليه وسلم، لكن حتى النبي صلى الله عليه وسلم كان في احتياج للقرآن، وقالوا: ﴿لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً كَذَلِكَ لِنُثَبِّتَ بِهِ فُؤَادَكَ﴾ [الفرقان: 32]. فؤاد النبي صلى الله عليه وسلم كان يحتاج إلى تثبيت، وهذا التثبيت كان يحدث من خلال القرآن. فبالتالي عامل القرآن هو اللي حصل فيه نقلة في حياة النبي صلى الله عليه وسلم من هو كان اسمه الصادق الأمين إلى إنه أصبح رسول، أصبح رسول يعني إيه؟ يعني معه رسالة، صاحب رسالة.

فبالتالي إحنا لما كيف السؤال بتاعنا بقى؛ عشان عايزين نخش الجنة وإحنا عايزين نتغير، سؤال: كيف غير القرآن الصحابي؟ القرآن عمل إيه في الصحابة بالظبط؟ إيه العوامل اللي القرآن غير فيها في الصحابة؟ إحنا ممكن مبدئياً نفرق ما بين كلمة أثر وتغيير؛ مش فرق لغوي يعني، ممكن اللي أنا بقوله ده يبقى غلط لغوي، مش القضية في الفرق اللغوي، لكن مبدئياً كده التأثير ده مثلاً إنك أنت حضرت درس فأتأثرت فعِطت، لكن أنت روحت حياتك زي ما هي تماماً، أنا مش بنتكلم في المنطقة دي، فيه إنك أنت أتأثرت، لا، إحنا عايزين إن أنت أتغيرت.

خلاص، ممكن واحد يقول لي: طب ما الأثر ممكن يبقى أثر ممتد ما يبقاش متغير؟ أنا مش أقصد هنا الفروقات الدقيقة بين كلمة تأثير وتغيير، القرآن كان أقصد فكرة التأثير اللحظي ده، أنا مش بتكلم على دي، يعني أنت ممكن شخص بيسمع القرآن فيبكي، هو أصلاً عايش حياة مش من منظور إسلامي تماماً، ده بالعكس، ممكن يكون المنظور علماني، فسمع قرآن في واقع مثلاً حد مات له فعِط، وبعد ما عِط خلاص نشف دموعه ورجع للحياة العملية تماماً عادي، كده ما حصلش تغيير. أو ممكن شخص عايش حياته تماماً، شاف موقف معين فقير قعد يعِط طلع صدقة فتأثر لحظياً وبعد كده مارس حياته عادي، لا أنا مش بتكلم في ده.

مش هتكلم إننا ناخد درس فنتأثر ونكمل حياتنا عادي، أنا مش هتكلم فيه دلوقتي، إحنا عايزين نعرف هو القرآن عمل إيه في الصحابة بالظبط؟ يعني الصحابة كان بيحصل فيهم إيه بسبب نزول القرآن؟ يعني القرآن كان بيعمل فيهم إيه؟ كان بيغير فيهم إيه؟ واضح؟ دي الفكرة اللي إحنا عايزين ندور حواليها. طبعا أنا لا أدعي أني هاستطيع استقصي ده، لأن ده عايز كل ما هتعيش مع القرآن أكتر كل ما هتكتشف القرآن عمل إيه، لأن من عجائب القرآن إنه كان بيغير من غير ما يشعر، يعني أنت لو سبت نفسك للقرآن ممكن تتغير من غير ما تعرف إيه اللي حصل بالظبط جواك لكن أنت بقيت إنسان تاني.

يعني لو أنت طبقت الوصية المروية عن ابن مسعود: دور مع القرآن حيث دار، وسبت نفسك وتلقيت القرآن كحقائق بدل ما تقعد تجادل فيها وتناقش فيها كحقائق وطبقتها وعشت بها وبقى هو ده زادك وبتتلقاه في قيام الليل، أنت ممكن تلاقي نفسك عمال تتغير، عمال عندك يقين ما تعرفش اليقين ده جه إزاي، يعني الميكانيزم التفصيلي أنت ممكن ما تعرفوش، لكن أنت أتغيرت. النبي صلى الله عليه وسلم زي ما مروي عنه أثر ابن عباس في البخاري أن كان جبريل يأتي للنبي صلى الله عليه وسلم في رمضان يدارسه القرآن فبيقول كأثر: كان النبي صلى الله عليه وسلم أجود ما يكون في رمضان حين يدارسه القرآن، كان من الريح المرسلة. يعني بيقول إن أثر ربط ما بين مدارسة القرآن وبين النبي صلى الله عليه وسلم جواد يعطي، لكن كان أجود ما يكون، فلاحظ هنا تغيير في حياة النبي صلى الله عليه وسلم وربطه بإيه؟ بأثر مدارسة للقرآن.

أنت ممكن تلاقي نفسك كده لو أنت لك علاقة بالقرآن، أنا مش بقول القرآن هو العامل الأوحد، أنا بقول هو العامل الأساسي. طيب تعالوا مع بعض نحاول نفقر كده كمحاولة دي محاولة استقصاء: ماذا فعل القرآن؟ أو كيف غير القرآن الصحابة؟ فوجدت أن القرآن ما غيرش في عامل واحد بس، يعني مش مثلاً غير تفكير الصحابة بس لا، ده غير حاجات كتير، والحاجات اللي اتغيرت دي ما اتغيرتش حاجة ثم حاجة، لا اتغيرت مع بعضها، يعني مش مثلاً إيه؛ هناخد الأول في سنة أولى كذا، وبعدين في سنة تانية كذا وبعدين في سنة تلاتة، لا القرآن ما عملش كده، القرآن تلاقي ممكن في نفس السورة غير في كذا منطقة، وهنشوف دلوقتي إن شاء الله.

نيجي أول حاجة لاحظت أن القرآن غير فيها الصحابة، ودي فعلاً من البدايات اللي القرآن بدأ بها، قبل ما القرآن يتكلم خالص في أحكام شرعية، قبل ما نتكلم في تفاصيل الحياة الشرعية وأن ده حلال وده حرام، التفاصيل الدقيقة دي قبل ما يتكلم فيها، القرآن عمل إيه الأول؟ الصحابي كان عايش فيها، كان كل تفكيره دنيوياً؛ بيفكر في الخيل، الإبل، الغزوة، عايز ياخد مش غزوة يعني للدين يعني بيغيروا على بعضهم البعض، دي كانت حياته، يسمع في فارس، بيسافر، دي حدود الجغرافية اللي يسمع عنها، دي حدوده المكانية، دي حدوده الزمنية، يسمع قصة أبرهة، يعني إيه في حدود معينة هو عايش فيها.

خلاص، على مستوى الغيب بالنسبة له ربط كل الغيب عنده بشيء ملموس، إن بدل ما يقعد يفكر الغيب فعندنا أصنام وخلاص، والأصنام دي بقى هي اللي بتتصرف، هي اللي بتروح الغيب، تتصرف بقى تقربنا لربنا، هي اللي بتلحلنا مشاكلنا، برة مستوى الغيب أنا راضي بالأصنام، ده محدود كان شخصية محدودة فكرياً زمنياً، ده كان تفكير الصحابي، طموحه الدنيوي على قد إنه إيه؛ بنته هتجيب له مشاكل يموتها، عايز خمر، ده كان تفكيره.

القرآن عمل إيه بقى؟ قبل ما يكلمه في موضوع الخمر والزواج والزنا، قبل ما يتكلم تفاصيل، أول حاجة عملها القرآن، أول تغيير عمله؛ تغيير في النظرة الكونية، تغيير على مستوى العقل، تغيير على مستوى رؤية، إن صح التعبير ممكن نسميها: عمل لبسه النظارة القرآنية، لبسه نظارة قرآنية، خلاه يشوف العالم كأنه بيشوفه من جديد، لأنه بيتلقى نظرة للعالم كأن القرآن كأنه عمل للصحابة؛ خدُّه من إيده كده ونزل به بيعرفه على كل حاجة من جديد، الأرض اللي أنت شايفها دي ملكه، السماء دي في سبع سماوات وفي عرش وفي كرسي، والله عز وجل مستوٍ على العرش، وملائكة تصعد وتنزل، والأرض ديت بدأت: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30]. القصة دي بدأت، كسر له كل حواجز الزمان والمكان، كلمه عن ما قبل خلق الإنسان وكلمه عن ما بعد دخول الجنة والنار والخلود، والعقل ممكن ما يستوعبش يعني إيه كلمة الخلود، العقل بيعد يعني كم زمني، كلمه عن: ﴿خَالِدِينَ فِيهَا أَبَدًا﴾ [البينة: 8] في الجنة والنار، كسر له كل الحواجز، أعاد له كل شيء من جديد، كلمه عن ربنا إزاي خلق، كلمه عن قضية الخلق، اتكلموا عن الإله القادر على كل شيء، السميع لكل صوت، ليعلم ما في الصدور، عدَّل وتعريف كل حاجة من الأول، وعادله بمسميات جديدة ما كانتش موجودة.

قال له في حاجة اسمها مؤمن، حاجة اسمها كافر، حاجة اسمها فاسق، اسم منافق، قعد له تعريف مصطلحات الناس، قسم له الناس تقسيمات مختلفة تماماً، مش قريشي بقريشي أو مثلاً من فارسي، لا عاد له تعريفه؛ مش أحمر، مش أبيض، مش أسود، تقسيمة الناس تقسيمة مختلفة تماماً، فلبسه نظارة خلاه يشوف الحياة بنظرة مختلفة تماماً، إن السماوات والأرض جميعاً في قبضته يوم القيامة، بقى عادي يمشي في الأرض كده ممكن يبص للشمس يقول لها: أنت مأمورة وأنا مأمور، أعاد نظرة كل حاجة، بدل ما يخاف من الشمس ويعبدها لا بقى عارف إن دي مخلوقة من مخلوقات الله، وإنها تسجد تحت العرش، كان يعني سواء أن ده حقيقي وده الراجح أو أن ده بمعنى الخضوع للشمس لله.

تخيل لما هو يتلقى الله؛ الخالق القادر المصور اللي خلق الإنسان ولحظة بداية الخلق، عاد له تعريف، فتخيل أنا عايز أتخيل الصدمات اللي بيتلقاها، واحد كان عايش خلاص، بيفكر يصحى الصبح يروح الصنم يمسي عليه أو يصبح عليه بتاع، وبعدين نشوف هياكل إزاي النهاردة، يضرب ده ولا هيجيب من ده، طب إحنا عايزين نشوف مصلحتنا، ما فيش قواعد، ما فيش معايير، ما فيش صح وغلط، اللي قادر على حاجة بيعملها، القوة هي المعيار الأساسي، ده عايش المنظومة دي، فجأة انتقل لمنظومة تانية تماماً، بنسميها إن في حاجة بنسميها نظرة متجاوزة.

يعني إيه متجاوزة؟ يعني حاجة فوق البشر، حاجة ما ينفعش نقول لها لأ، هو إيه مشكلة العلماني مع الدين؟ إيه مشكلة لما تجي تكلمه في حاجة: لو سمحت ما تدخلش الدين في الموضوع، هو إيه اللي بينرفزه قوي من كلمة لما تجي تكلمه في الدين؟ إيه اللي بيخليه يقول لك كلمة ما تدخلش دي في الموضوع؟ ليه بيتنرفز كده؟ عارفين ليه؟ أصل كلمة دين يعني حلال، يعني قيمة متجاوزة، ما يقدرش يردها، أنت لو قلت لي حرام هسكت، لا أنا عايز أرفضها وأقول لأ وأقول رأيي وأتبع هواي ودي ما بتجيب دي بتجيب فلوس، عايز نقعد ناخد وندي مع بعض، إنما أنت تقفلها لي لما تقول لي حرام، أنت عايزني اسمعك، افرض اللي أنت قلت لي عليه الحرام دي بتجيب لي فلوس أو ضد شهوتي، لا يا عم مش لاعب، مش عايز، ما تدخليش بقى أي قيمة متجاوزة فوق الإنسان، فوق الدستورية، ما تجيبليش القيم دي، لا شل لي ده خالص وخلينا إحنا بشر مع بعض، إيه اللي قادر على التاني يعمله، إيه دي العلمانية؟ أو هو ده تحييد الدين.

وهنتكلم لو قدر يعني اتكلمنا عن مسألة العلمانية من التعريفات الجزئية جداً الضعيفة مسألة فصل الدين عن الدولة، تعريف جزئي، العلمانية أكبر من كده بكتير، العلمانية مضادة للإسلام، نظرة نظرة كونية شاملة خالص ضد الإسلام تماماً، فالإسلام أول أول حاجة القرآن عملها مع الصحابة أنا أقول له استنى، قبل ما نتكلم في أي تفاصيل عشان تبقى فاهم لما تجي تنفذ التفصيل تبقى أنت عارف أنت بتعمل إيه، افهم أنت عايش فين، أنت جيت هنا ليه؟ الأسئلة الوجودية، أنت مين اللي جابك؟ وجيت هنا ليه؟ ورايح فين؟ وعايز إيه؟ وأهدافك إيه؟ وإيه غاياتك؟ وإيه الوسائل وإيه اللي متاح وإيه اللي مش متاح.

كلمه الأول عن نظرة، غير له نزرته للحياة تماماً، بقى لابس نظارة كده يبص على الصنم يعرف إنه لا يخلق ذباباً، يبص على الإنسان يعرف أن كلهم من علق لا يملكون النفع والضر، يبص على المادة يعرف إن هي مش قيمة في حد ذاتها، والفلوس يعرف إن هي ليست يعني إيه، المال والبنون زينة وليست قيمة، وبتكتسب قيمتها من حسب وضعها، غير نظرته للحياة تماماً تماماً، ده القرآن عمله الأول قبل ما يتكلموا في أي حد.

فتخيل واحد قاعد عمال يتلقى صدمات، إه! يعني الأرض اللي عايشين عليها دي دي بتسبح في ملكوت الله، الشمس والقمر بتجري لمستقر، كل ده بمقدار ربنا اللي قدر ده، الله قادر إنه ينسف كل ده في لحظة، وكل ده هيتنسى في يوم القيامة، هييجي يوم الخلود واللي كل اللي عايشين فيه ده حاجة تافهة جداً، وهييجي يوم الأرض تتكلم وتحدث بأخبارها، كل ده هيحصل! فتخيل لما يقعد إيه خبطات خبطات خبطات خبطات، رؤيته اتغيرت، بدأ يبص للكون بقى عارف إن حجمه، عارف إنه ضعيف، عارف إنه مجرد مخلوق، عارف إنه عبد، عارف إن الله قادر، عرف ده والطرقات.

في النص أثناء الضربات دي بيحصل تغيير في المشاعر، مش بيخاطب العقل بس، الكلمة الجميلة لأحد الكُتَّاب بيقول: العقل أحد جوانب الإنسان فحسب، يعني العقل ده جزء من الإنسان، فيه مشاعر، فيه جسد، فيه، يعني العقل ده حاجة من الإنسان، فاللي هيخاطب العقل بس ممكن ما يتغيرش.

يعني أنت ممكن تبقى مقتنع ومش بتنفّذ، كتير من اللي بيشربوا سجاير عارف ومقتنع إن هي مضرة بالصحة. الاقتناع في حد ذاته مش كافي للتغيير، فالقرآن ما اكتفاش بس بإيه؟ بالنزرة دي.

كان بيضغط على المشاعر، القرآن كان بيخاطب، كان بيوصل الحقائق دي للصورة تضغط على المشاعر، خلت جبير بن مطعم يقول: كاد قلبي أن يطير. مش كده؟ عقلي؟ لأ، كاد قلبي أن... في حاجة عمالة تضغط على قلبي، أنا مش فاهم، أنا حاسس إن أنا ضعيف وعمال أتلقى ضربات مش بس على دماغي.

خليتني أخضع وتخليني أسجد، زي سورة النجم كده: سجد المسلمون والمشركون والجن والإنس إلا رجل... حاجة يعني في حاجة بتضغط على عقلك بتخليك تخضع. عارف، عارف لما تروح مكان تقعد تنبهر تنبهر تنبهر، تقول خلاص يا جماعة اللي أنتم هتقولوا عليه أنا...

الاستسلام ده نتيجة إنبهارك عقلياً. القرآن بيعمل معك كده، بيضغط عليك عقلياً تخليك تستسلم، تخضع لله، وبيعمل ضغط على مشاعرك، ضعفك وعجزك فيخليك تجأر إلى الله، تلجأ إليه سبحانه وتعالى.

خليك تشتاق للجنة، يخليك تخاف من النار. يعني زي المثال المشهور شاكر، قلت لكم قبل كده ولا لا؟ سورة غافر. ربنا بيقول لنا حقيقة: إن الله عز وجل ينصر رسله والذين آمنوا.

قبل ما ربنا يقول لنا الحقيقة دي، بدأت سورة غافر إن في معركة جدال بين أهل الحق والباطل: ﴿مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا﴾ [المؤمن: 4]، وإن اللي بيجادلوا دول متقدمين دنيوياً: ﴿فَلَا يَغْرُرْكَ تَقَلُّبُهُمْ فِي الْبِلَادِ﴾ [غافر: 4].

وإن هم هيستعملوا كل الوسائل حتى لقتل الأنبياء: ﴿وَهَمَّتْ كُلُّ أُمَّةٍ بِرَسُولِهِمْ لِيَأْخُذوهُ﴾ [غافر: 5]. وإن المؤمن الضعيف اللي شكله مستضعف ده معاه مخلوقات الدنيا بتدعي له، الملائكة بتستغفر للمؤمنين وبتدعي لهم. وإن الله عز وجل يصطفي من البشر رسل ينزل عليهم الوحي. وإن الله يعلم خائنة الأعين وما تخفي الصدور.

وبعد كده جاب نموذج لواحد مستضعف بيجادل، لأن هي معركة جدال في سورة غافر، قاعد بينافح عن الحق مؤمن آل فرعون الضعيف المستضعف، وفرعون والملأ يضغطوا عليه وهو عمال يجادل وهم بيضغطوا عليه. آخر ما وصل طول النقاش هو يقول، وفرعون يقول: قال رجل مؤمن من آل فرعون، وفرعون يرد عليه.

وهو يتكلم والنقاش يحتدم ما بينهم لغاية في آخر لحظة زهقوا منه، قرروا يمكروا به: ﴿فَوَقَاهُ اللَّهُ سَيِّئَاتِ مَا مَكَرُوا﴾ [غافر: 45]، و﴿حَاقَ بِآلِ فِرْعَوْنَ سُوءُ الْعَذَابِ﴾ [غافر: 45] ودخلوا النار، فرعون المستضعفين اللي ما كانوش راضيين يتكلموا زي ما مؤمن آل فرعون اتكلم بدأوا يتكلموا في النار. اتخانقوا مع المستكبرين: أنتم اللي ضيعتونا، لأ أنتم اللي سمعتم...

وكلامنا طب نتصرف إزاي؟ تعالوا ندعو، ندعو ربنا ولا ندعو الملائكة، ينادوا على الملائكة: ﴿ادْعُوا رَبَّكُمْ يُخَفِّفْ عَنَّا يَوْمًا مِنَ الْعَذَابِ﴾ [غافر: 49]. ما فيش تخفيف للعذاب، قالوا: ﴿فَادْعُوا وَمَا دُعَاءُ الْكَافِرِينَ إِلَّا فِي ضَلَالٍ﴾ [غافر: 50]. آخر مشهد، مشهد المستضعفين والمستكبرين قاعدين بيصوتوا في النار ويقولوا يا رب خرجنا، بعدها مباشرة تسمع: ﴿إِنَّا لَنَنصُرُ رُسُلَنَا﴾ [غافر: 51] فتيجي بعد ما أنت تهيأت نفسياً انك تسمعها، عمال تعيش وتطلع السما مع الملائكة وتنزل الأرض وتروح قصر الفرعون وبعدين تطلع من قصر الفرعون وبعد كده أتفرج عليهم في النار لغاية لما تسمع وهم بيصوتوا في النار، تيجي حقيقة:

﴿إِنَّا لَنَنصُرُ رُسُلَنَا﴾ ما بداتش سورة غافر رقم واحد الله ينصر المؤمنين، رقم اتنين في كفار هيعاندوكم، رقم تلاتة القرآن ما اتعملش كده، مع أن دي حقائق، لكن القرآن ما وصلهاش مجردة، لأ، وصلها بالضغط على المشاعر النفسية بتاعتك، فأنت تستسلم. لو أنت، كل ده لو أنت سبت نفسك للكون، زي الكون بقى، كانت مشكلتهم: ﴿لَا تَسْمَعُوا لِهَذَا الْقُرْآنِ﴾ [فصلت: 26]، أوغوا فيه لعلكم تغلبون، أوعى تسيب نفسك للقرآن.

سدنا أبو بكر مجرد بس كان جوه بيته بيصلي، سيدنا أبو بكر كان حديث طويل في البخاري، قرر يهاجر، قابله ابن الدغنة واحد من المشركين، قال له: أنت رايح فين؟ قال له: أنا قررت البلد دي أسيح أعبد ربي. قال له: ومثلك يخرج؟ أنت إزاي ده أنت... وقال له نفس الكلام اللي أمنا خديجة قالته للنبي صلى الله عليه وسلم، قال: أنت تطعم الكل، وتطعم الضعيف الفقير، نفس المواصفات: مثلك لا يُخْرَج. حتى هنا بيقولوا إن في إشارة في الحديث ده جميلة، إن في كوادر وقدوات ما ينفعش تسيب البلاد، لو سابت البلاد، البلاد دي بتخرب، واللي فاهم كده حتى واحد مشرك، قال: ما ينفعش يسيب البلد. المهم فقال له: ارجع وتدخل في جواري، وما حدش... واعمل اللي أنت...

قالوا له: خلاص نشترط عليك أن طالما هتحخلي أبو بكر في جوارك إنه يصلي في بيته بس. فأبو بكر قعد فترة يصلي في بيته، البيت ضيق، فقرر إنه يعمل زي إيه؟ حوش فناء قدام البيت، داخل حتى سور البيت بس فناء. فكان يصلي في فناء داره أبو بكر.

وكان صوته جميل، وكان رجل بذكاء، كان بيتقاطف عليه الأطفال والنساء المشركين منبهرين بالقرآن، ويبكوا ويسمعوا. الحديث في البخاري بيقول إيه؟ فأفزع ذلك أشراف قريش، فزعوا لقوا الشباب بيضيع منهم، رايحين انبهروا بالقرآن.

فراحوا للدغنة قالوا له: لأ، يدخل جوه ما يصليش في الحوش، ما يصليش في الحوش. هو كل ده هو بيعمل إيه؟ هو بيصلي. قال: لأ، راح قال له: ما اتفقناش على كده.

قال له: أرد عليك جوارك وأرضى بجوار الله. ورده، قال له: يا عم أنا خلاص مش عايز منك حاجة. رد عليه الجوار. كانوا خايفين إن الناس تسمع القرآن من رجل صادق، يعني لو سابوا نفسهم للقرآن هيتغيروا، هي المشكلة أن احنا مش سايبين نفسنا.

أولاً مش فاهمين، مش سايبين القرآن وهو بيغير النزرة الكلية دي، يعني شوف أنت لما تيجي بس تقرا زي سورة غافر كده تحس إن القرآن بيطوف بك، غير نظرتك عن كل حاجة. مم. اللي عايش في زمن فرعون، هو شايف فرعون إن هو الإله، سيطر على كل حاجة لأن ما فيش أمل، هو يملك كل الموارد ويملك كل شيء، وما فيش أمل، ومحبط ويائس، ممكن ينتحر. لما يقرأ حاجة زي كده: إيه ده! ده الموضوع طلع كبير.

ده الموضوع طلع كبير قوي! ده في العقد ده طلع مجرد مخلوق، إيه ده! ده طلع امتحان، ده طلع اللي إحنا فيه ده امتحان وبيخلص وبيتصحح. يعني إعادة نظرة للحياة تماماً، فتجد عنده أمل.

وعايش بنفسية مختلفة تماماً عن الناس، لأنه عايش في عالم تاني. ناس عايشة في عالم ضيق، وهو عايش في عالم واسع. هي دي معنى: جئنا لنخرج الناس من عبادة العباد إلى عبادة رب العباد، ومن ضيق الدنيا... الدنيا ضيقة لأن هي زمانها ضيق.

يعني زمانها: ما الدنيا في الآخرة إلا كما يجعل أحدكم أصبعُه في اليم، فلينظر بم يرجع. الدنيا ضيقة قوي، اللي هيعيش في الدنيا بس ومعايير دنياه وبس أعيش في منطقة ضيقة جداً جداً، فتلاقي عيش مخنوق، مدايق، قرفان. فالقرآن لما بينقلك النقلة ديت مع النظرة دي مع المشاعر، فتلاقي مشاعرك بتستثار، تبكي خروج، جدل وبكى، ده يعني لم يتمالك، خضع بعقله وبدنه وبكيه وبقلبه. فزي ما لبس النظارة القرآنية بقى فيه مشاعر قرآنية اكتسبها الصحابة.

بقى شخص بعد ما كان بيخاف من الجن: الحق المكان ده فيه الجن، فنعبد سيد هذا الوادي من الجن، وأنه: ﴿وَأَنَّهُ كَانَ رِجَالٌ مِّنَ الْإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا﴾ [الجن: 6]. تبقى عارف أن الجن دي مخلوقات، يقرأ المعوذات، بعد ما كان ممكن يخاف من الصنم، مش عارف إيه موضوع المستقبل، أو نقلة تانية خالص في جوار الله، ممكن يطُعَن كده هو، وإيه الفزت؟ ورب الكعبة أنت مجنون ده ولا إلة؟ إحنا اللي قتلناك يا ابني إزاي أنت فزت؟

إن هو له معايير تانية خالص، له نظرة تانية، وبقى عايش بقيم تانية ومعايير تانية تماماً، أنا عايزك ده تعيش ده حصل للصخابة، هي دي النقلة اللي حصلت لهم، عايش حياة فجأة لقى حد بيكلمه نظرات كلية. مم. يضغط على مشاعره.

الحاجة التالتة: التغيير التالت، إحنا قلنا التغيير الكلي نظرة لكلية أو النظارة القرآنية دي، الرؤية الكونية، المعايير كلها اكتسبها من القرآن. يعني كلمة صح وغلط، كلمة صح وغلط دي هيجيبها منين؟ وعلى فكرة دي أكبر مشكلة بتواجه الإلحاد، لأن أنت لما بتقول له أنت بتقول على حاجة غلط، طب غلط ليه؟

الملحد حد بينكر وجود ربنا، فانت لما تنكر وجود ربنا معناه إن ما فيش حاجة متجاوزة للبشر، فبما إن إحنا بشر مع بعض واللي قادر على حاجة يعملها، طب كلمة غلط غلط ليه؟ مين اللي قال إن هي غلط؟

وده من الأسئلة اللي بتسأل لما باجي أناقش واحد مننا، عندهم مشكلة في الأخلاق، ليه أن حد والعياذ بالله زنا المحارم؟ ليه غلط؟ ليه أنك تقتل الطفل المعوق غلط؟ لأن المسن ما هو بيستهلك موارد من الدولة، طب ما نموته! نولع فيهم، اللي يعدي سن الستين يدخل...

ده ليه غلط؟ إسأل واحد ملحد لو هو مضطرد لذلك منهم قال: أه ده مش غلط، مين اللي قال ده غلط؟ اللي بيحب اللي بيضطرد مع نفسه، أه مش غلط، إن هو معياره الأساسي للمادة وفقط، ما عندوش حاجة برة المادة، ما عندوش غيب. لا، أنت عندك أخلاق بتجاوب بها على الأسئلة دي؟ تقول: لأ، إحنا في غيب، في إله وفي منظومة قيمية فوق البشر هي اللي هيتبنى ده غلط. فالرؤية الكونية دي عرفته إن فيه معايير وقيم يقيم بها الأشياء. واضح؟

مع الضغط على المشاعر، التغيير التالت اللي حصل للصحابي وركزوا معي دي مهمة قوي: اللي غيرته على مستوى الانتماء، بقى بيشعر أن هو منتمي لطائفة المؤمنين. يا منحاز، أه لطائفة حزب الله، مش بتاع حسن نصر... حزب الله اللي هم الغالبون اللي ربنا قال في سورة المجادلة عنهم، يا منتمي لأهل الإيمان اللي بيدافعوا وبيجاهدوا أهل الباطل. بقى عارف أن في حاجة اسمها صراع وأنه لازم يكون في طائفة، ما فيش حاجة اسمها حيادي.

ده وهم، واللي معتقد، أنا مش بقول حتى اللي بيکذب، اللي معتقد أن الحياة دي هو فيه شيطان بيلعب به، فيه شيطان من النظرة الكونية اللي اتغيرت من أول أن في حاجة اسمها شيطان وأنه اتخذوها عدوة وأنه بيضحك على الناس: ﴿فَقَاتِلُوا أَوْلِيَاءَ الشَّيْطَانِ﴾ [النساء: 76]، لأن الشيطان عمل أولياء وخلاهم يقاتلوا. فانت لازم تقاتله بقى منحاز، بقى عاش جو المعركة المؤمن، ارتبط بالنبي صلى الله عليه وسلم قائد المؤمنين، وانضم لهذه الطائفة.

بقى منتمي مش بس كمان لسيدنا إبراهيم، وفي الصلاة بكرر هذا الانتماء: اللهم صل على محمد وعلى آل محمد كما صليت على إبراهيم وعلى آل إبراهيم. بكرر هذا الانتماء، رضي بأبي الأنبياء إبراهيم، رضي بالنبي صلى الله عليه وسلم رسولاً. خلاص، بقى فيه قدوة، يعني بقى فيه معيار كمان على الأرض، مش بس معايير قيمية، بقى فيه نماذج على الأرض ويبقى فيه طائفة وينتمي لها وبيدافع ويدخل مع الطائفة دي الشعر، ويهاجر مع الطائفة دي ويجاهد مع الطائفة دي.

فبقى يشعر بالانتماء، مش إنه عايش بلا هوية أو منتمي الأرض، منتمي لشوية تراب أو منتمي للقبيلة. كانت الانتماءات قبل كده إيه؟ يا أما شخص مش منتمي إنه بيتنقل من البلاد.

كانوا على فكرة بيقسموا، كان في تقسيمات زي الجنسية كده، أن ده مثلاً من أشراف القبيلة وده مولى، وده التحق، وده جاي من الأسر فالتحق بفلان، كان فيها لها تقسيمات كده. لأ، هو بقى منتمي لأهل الإيمان، خلاص بقى عارف أن: ﴿إِنَّ أَكْرَمَكُمْ عِندَ اللَّهِ أَتْقَاكُمْ﴾ [الحجرات: 13].

بقى متبع للنبي صلى الله عليه وسلم، فكسر الانتماءات الأرضية دي، هو مش كسرها، هو بيحترمها ما لم تعارض الدين عشان نبقى منضبطين في الكلام. يعني عادي، هو مع قبيلته بيحترم قبيلته وبلده، لكن إمتى بيكسر ده؟ لما يحصل تعارض: ﴿لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ﴾ [المجادلة: 22]. أول ما بيدخل أن الروابط دي بتعمل ضد الدين والأخلاق، أبويا، أخويا، بلدي، كل ده ما لوش دعوة، إديني رقم واحد، الناس دي مش هتحدد الدين، خلاص أنا معها، الناس دي...

إن هو منتمي انتماء أعلى، للطائفة المؤمنة. كل التغييرات التلاتة دي حصلت للصحابة، غير نظرتة للحياة تماماً، مشاعره بقى بيخاف من حاجات الناس مش خايفة منها، بقى ماشي يستعيذ بالله من الشيطان، بقى ماشي يستعيذ من النار، بقى ماشي خايف من لحظة الصراط، بقى ماشي يرجو الفردوس، بقى ماشي طموحاته غير طموحات الناس، يعني هو ماشي في الشارع رؤيته للحياة اتغيرت: إسألني يا ربيعة، قال له: مرافقتك في الجنة. طموحاتهم اتغيرت الصحابة، أحلامهم اتغيرت.

بعد ما ده اتغير عنده ومشاعره اتغيرت، رؤيته للحياة اتغيرت ومشاعره اتغيرت، وبقى منتمي، جه هنا دور التفاصيل. فبكل بساطة سكبوا الخمر، وتركوا الأرض، وبذلوا النفس بكل بساطة، عادي جداً.

بقى عارف هو بيعمل كده ليه؟ يعني هو لما بيكب الخمر هو بيكبها بسلاسة، لأنه عاش المنظومة الأولانية ديت، عارف أنه بيضحي عشان الجنة. هو بقى كل عمل شرعي أو تفصيلة بيسمعها من تفاصيل الدين الحلال والحرام، بقت دي منظومة، مش بيعملها وخلاص مش فاهم، بقى لما يحفظ قرآن أو يحفظ قرآن هو عارف إنه ضمن منظومة كبيرة اسمها المسلمين، ضمن طائفة المسلمين، بيرجو ثواب الله عز وجل، وأنا بعمل العمل البسيط الذي لا أحقره، لكن هو بقى فاهم.

لذلك كتير من الصحابة، أكتر من واحد يعني يروى عنه أن لما كان يتسأل: أنتم مين؟ يقول: نحن قوم ابتعثنا الله لنخرج العباد من عبادة العباد إلى عبادة رب العباد، ومن ضيق الدنيا إلى سعة الدنيا والآخرة.

عندهم إجابة كلية للإاسلام. مش مثلاً أنتم مين؟ آه، إحنا عندنا كذا حرام وكذا. لا، قبل ما يتكلم في التفاصيل دي يتكلم في النظرات العامة. فلما طولبوا بهذه التفاصيل بذلوها بكل سلاسة، بذلوا الأرواح وبذلوا ما جاهدوا وضحوا عشان ربنا. الإشكالية بتحصل فين بقى؟ لذلك الأحكام الشرعية تأخرت شوية، زي ما أمنا عائشة قالت: أول ما نزل من القرآن المفصل فيه ذكر الجنة والنار، التغيير الأول نظرة للحياة، حتى إذا ثاب الناس، الناس فهمت وعقلت: ﴿لَا تَشْرَبُوا الْخَمْرَ﴾، ولا تدري. ولو كان أول ما نزل لا تشربوا الخمر لقالوا: نشرب.

الإشكالية اللي بتحصل فين دلوقتي عندنا؟ في المجتمع اللي إحنا عايشين فيه، المجتمعات العربية كلها. المشكلة اللي بتحصل أنك ممكن تلاقي واحد بيعمل عمل ديني، عمل خيري مثلاً، هو مش فاهم هو بيعمله ليه، ممكن بيعمله ضمن منظومة علمانية. يعني في النص في وسط العمل الخيري بيعمل مخالفات شرعية، ممكن يعمل نيته مفقودة، هو بيعمل عشان يحقق السعادة وهو بيتبسط؛ لأن اليد العليا خير، هو بيشعر بسعادة أنه بيدي للفقير، هو مش فاهم هو بيعمل إيه. ممكن شخص بيتعامل بالربا وبيصلي التراويح وبيعيط في آيات الربا بتاعة سورة البقرة، يعني هو بيتأثر وبعدين بيطلع يمارس حياته العلمانية عادي، هو مش فاهم: إيه علاقة الدين بحياتي أصلاً؟ أنا إيه علاقة ده الدين؟

ولذلك العلمانية أخطَرَ من الإلحاد بكثير جداً، الإلحاد واضح؛ يعني لو كَمِثَال تقريبي فارق ما بين العلمانية والإلحاد كده؛ النفاق أخطر، القرآن يهتم به أكثر وفصل وقال إنه في الدرك الأسفل. دي العلمانية، العلمانية هي هياها الإلحاد بس تضحك على الناس. هو إيه الفرق بين العلمانية والإلحاد؟ إيه العلمانية؟ أن برة المسجد أنت ملحد، وجوة المسجد أنت اللي أنت عايزه، في دار عبادتك أنت حر. يعني العلمانية عملت الإلحاد من غير ما تدخل خناقة الإلحاد، حد مطالب أنه يرد: مين اللي خلق؟ ومين اللي عمل؟ فيضعف، مناظرات فيتغلب؛ لأنه مش عارف يجاوب إيه؛ لأن العلمانية قالت لك: يا عم، إحنا هنخش في المناظرات دي؟ خلاص، ربنا اللي خلقنا ولازم نعبد، اعبده! إحنا كلنا ملحدين زيه، ما فيش دين، ما هو أي حاجة برة كنيستك ومسجدك وحاجتك، إحنا كلنا ملحدين زي بعض، ما فيش قيمة عليا، القيمة بتاعتنا هي المادة وبس.

هضرب لكم نموذج عشان نفهم اللي أنا بقوله ده، قصدي ليه هو النهاردة الدرس كله ضرب. يعني لما حد يسألني هو حكم الفرجة على ماتشات الكورة حلال ولا حرام؟ فممكن واحد يقول لي: آه، عشان الكورة تبقى حلال -أنا بتكلم على الكورة الموجودة مش الكورة اللي أنت بتحجز الملعب وتروحوا تلعبوا كورة، لأ، أنا بتكلم على برشلونة وريال مدريد والبرازيل والمنتخبات والدوري والكأس، أنا بتكلم على المنظومة الرياضية، مش هتكلم أن أنت تلعب كورة؛ لأن لو كان فرجة على الكورة بتخسس كان زماننا خسنا من زمان!-.

أما حد يسألني، الإشكالية في إجابة السؤال ده إيه؟ أن الناس بتجاوب إجابات جزئية. يعني إيه إجابات جزئية؟ يعني يقول لك: حرام؛ لأن ركبته باينة، أو بتيجي صور بنات على الناس اللي ماتش برشلونة وكده، ومثلاً مشجعة سخنت شوية مع الفريق وعايزة تدعم الفريق، والمصور برضو عايز يظبط، يعني يراضي الناس، فيقول لك: خلاص أنت لو جت اللقطة دي تغض بصرك، وممكن نلبسهم بناطيل واسعة، وممكن كذا. هل لو ده حصل هتبقى الكورة حلال؟

الإشكالية هنا بقى أن قبل ما نتكلم في حرام وحلال؛ لأن أحياناً القضية مش قبل ما تتكلم في منطقة حرام وحلال أنت محتاج ترجع شوية؛ لأن الشرع أحياناً -وده كان من فقه السلف- أحياناً يقول إيه: لا أحب ولا أفضل ولا ينبغي. قبل ما نتكلم في موضوع حلال، هي الكورة دي مسألة الرياضة دي، دي أصلاً فكرة مش من منظور إسلامي، المنظور الموجود ده، فكرة أن الناس تباع وأنها تاخد الحجم ده من الحياة والفلوس والملايين دي، وتاخد هذا الانتباه والمشاعر والانتماء والصراع، دي خدت جزء كبير من عقول ومشاعر الناس وحطتها في اتجاه وكلها مبنية على مادة، يتخانقوا عشان فلوس وفلوس، يعني كل الليلة دي كلها فلوس، كلها منظومة اقتصادية، سواء المدرب أو اللعيب أو المكانة، كل دي منظومة اقتصادية. الوحيد ما بيستفيدش اللي بيشجعه، الوحيد ما بيحصلش على اللي ما بياخدش منظومة اقتصادية: إحنا يعني، اللي بيتفرجوا، إنما دي أساساً منظومة اقتصادية، دي سلع، دي سلع زي ما أنت بتتفرج عليها كده، وكل ما أنت بتتفرج أكثر وهو بيستفاد أكثر، زي لايكات اليوتيوب هو بيستفاد منك أكثر من المشاهدات أنه بيعمل إعلانات، فأنت ده دورك، أنت مجرد بتساهم في نشر هذه السلعة، دي منظومة اقتصادية تماماً حولت البني آدم لسلعة. النظرة دي مش نظرة شرعية أساساً، دي نظرة علمانية، ما فيش فيها أي منظومة قيامية أو أي دين، أو ده بكام؟ وده النهاردة بعد ما كان بكذا عمل عملية في رجله يترمى في الزبالة ما يساويش ولا مليم! ده فلان حصل له إصابة يترمى في الزبالة!

فأنت لما نجي نناقش دي، إحنا بنناقشها كمنظومة اقتصادية، ده يا جماعة ده حول الإنسان لسلعة، فالمنظومة دي ليست منظومة شرعية. وكتير من الحاجات كده، دي مش منظومة شرعية. يعني إيه مش منظومة شرعية؟ يعني الإسلام نظرته عن الحياة وعن البني آدم وعن المشاعر وعن الانتماء مش كده خالص. دي حاجة جت خطفت جزء من شعورك وانتماءاتك وصراعك وحياتك والفلوس والبني آدم، دمرت كل ده. أنتم فاهمين أنا عايز أقول إيه؟ يعني الموضوع أكبر، ده الموضوع ممكن يبقى أفجر، مش بس حرام، ده فجر! يعني ده دمار للبني آدم، الشخص اللي بيجري قدامك اللي أنت حولته لسلعة ده، ده أنت دمرته، حولته لسلعة، ده عبد، كان العبد مش من حقه يمارس حياته العادية، ده عبد للوظيفة دي اللي هو فيها، مطالب يحسن مكنة، بيحسن من أداءه عشان هيتباع ويتكشف عليه قبل ما يتباع: شوف راشش برة ولا جوة، مكنة فعلاً، يشوف ركبته، يشوف صدره، بيأخد بتاع عليه، بيأخد كذا، بالضبط زي ما بتشتري عربية، سوق النخاعة اتعرض!

هتتخلع أنت لما تبص، ده واحد بمنظور تاني تماماً، فالموضوع أكبر من الشورت! إيه القيمة اللي بتقدمها؟ هل ده في الحياة الشرعية دي قيمة بتقدمها؟ يعني أنت بتقدم إيه؟ يعني ده بيقدمه للناس إيه؟ بيقدموا خير دنيوي، بيقدموا نفع، بيقدموا ثقافة، بيعلموا حرفة للناس، بيفيدوا المجتمع بحال؟ يا هلس! ده هلس! ده اسمه تحييز بقى، لا على ده، هو ده أسلمة؟ ما هو إحنا عندنا الشرع أنك ممكن تسابق بالخيل عشان الجهاد، ما تقوليش بقى أنك رايح تشجع برشلونة عشان الجهاد! دول كفار أصلاً، يعني هنا أنت دمرت الولاء والبراء قبل ما كلمني في الجزئية، ما هي دي الخطورة بقى.

محاولة -خد بالك- أنا ما يمننيش دلوقتي أن أنا أوصل معك أنك ما تتفرجش على الكورة، أنا بكلمك في حاجة أخطر من كده، عادي اللي بيتفرج على الكورة دلوقتي وهو بيتهبد إلى آخره في خمسين حاجة تانية أصلاً، هو عنده عقائد مضروبة تانية، يعني دلوقتي مش بتكلم بس في جزئية الكورة؛ فعشان ما تسيرش حميتك وتقعد تدافع عن، أنا بكلمك في حاجة، ده نموذج جبته شائك وتعمدت؛ بس أفهمك أنت لما تيجي تبص للحياة -أنا اجيب لك ممكن أكثر وظيفته-: هو مين اللي قال إن أنت مهندس وبس وأنت دكتور وبس؟ مين اللي قال ده؟ مين اللي عمل هذه التقسيمة؟ لا، يعني ما هو أنا دكتور يا جماعة وشغال في الجامعة. مين اللي قال إن أنا مسلم قبل ما أكون دكتور؟

يعني إيه بقى مسلم؟ يعني إيه كونك مسلم؟ التبعات أنك اخترت هذا الدين. الصحابي كان فاهم تبعات ده، لما بيختار أنه مسلم، هل ده معناه إنه ما بيتاجرش؟ كان لحظة الهجرة قبل ما النبي هاجر، كان الزبير في تجارة. أنا ما بقولكش أنت تسيب حياتك، لكن هو فاهم تبعات الاختيار، أن معنى كوني مسلم -هم قالوا: لو كانت كلمة لقالها-، تبعات كونك مسلم دي نظرة كلية للحياة، القيم القيم بتتغير. يعني أنت بتبص على القيمة اللي بتقدمها المصارعة والملاكمة والكورة، تعرف أن دي ما بتقدمش القيم، دي شهوة أنت بترضي شهوتك بسوق النخاسة اللي أنت بتتفرج عليه وبس، ولا فارق معاك ده مسلم، كافر، موتوا بعض، ضربوا بعض، اتكسر، ما يترمى في الزبالة! الحيوان ده ما شاطش، كان المفروض الحيوان ده يشوط! أنت مش مهم، أنت بتغير أسماء أشخاص بنعملهم لعب ونلعب بهم في، يعني أنت فاهم أنت حولتهم لإيه؟ أنت دمرت الإنسان، دمرت البني آدم، حتى قبل الدين أنت دمرته كإسان أصلاً، ده مش إنسان، فاهم الفكرة؟ فأنت بتحول الناس لمادة.

ده هو ده دور العلمانية؛ حتى الدولة، هو يعني إيه دولة ناجحة؟ وبتسمع عن حاجة اسمها دولة أخلاقية؟ لأ، اسمها دولة قوية، دولة قادرة على، دولة بتحط على دولة، لما نقول: أمريكا دولة قوية، مش عشان أمريكا تنازلت عن جزء من أرضها تراضي به فلان، أو سابت، ما فيش حد بيعمل كده. دولة القيم اتشالت، قيم الأخلاق دي اتشالت من حساباتهم. إحنا الخلافة اسمها خلافة راشدة، الوصف ده ما يتحطش جنب أي دولة دلوقتي، لذلك هم ليه قالوا على بني أمية: ملك عضود؟ اتشال الرشد، الغاية الأساسية بدأت تتحول، مع أن إيه تحولات بسيطة ونزع منها هذا الاسم، يعني تحولات بسيطة جداً اللي حصلت في الدولة الأموية، فكرة توريث وبعض الحاجات اللي اتغيرت، خلاص يتشال منها الرشد اللي فيها، ما تسمى خلافة رشيدة. فكلمة الرشد دي لما تتبع كمان، الرشد في القرآن، مش دي قصة تانية؟ أن إحنا بنضيف القيم على كل شيء، الإسلام بيضيف القيمة.

إسلام: هتلعب رياضة؟ حط فيها قيمة مستفادة، مش يحول الشخص! ما تجيبليش أن النبي صلى الله عليه وسلم صارع ركانة وتقول لي: إزاي الدبليو دبليو إي مش عارف إيه، ولا البتاع ده يبقى حلال، زي ما أنت بتعمل في أن يا بني هنستبق. وإيه علاقة أن ذهبنا نستبق بأنك تعمل منظومة وفلوس؟ إيه علاقة ده بده؟ هم عملوا كده، هي دي خطورة زي ما قلت لكم خطورة الأسلمة، وخطورة أن تكون فكرة تنمية بشرية أو إدارية نشأت عشان تجيب فلوس أكثر، أنت تحاول تقسمها، أنت لك منظورك، استفيد منها، أنا ما قلتلكش ما بستفيدش منها، ما أنت بتستفاد من تنظيم النمل والنحل بس مش هبقى نملة! يعني مش معنى أن أنا بستفاد من الحيوانات أن أنا أبقى حيوان، وكذلك أنت بتستفاد من خبراتهم من ضمن خبرات حياتية في الحياة بتستفاد. أبو هريرة لما الشيطان قال له على آية الكرسي خدها منه: «الحكمة ضالة المؤمن»، لكن مش هبقى زيه، أن هو منطلقه في الحياة هو مش شايف الآخرة، هو لما تقول له: يعني إيه آخرة؟ يعني إيه؟ وما يعرفش ده، يعني إيه؟ ده جبته منين ده؟ يعني إيه الله مطلع على النوايا؟ يعني إيه حضرتك في الكلام ده؟ يعني إيه مطلع على النوايا؟ هو كلمني في اللي أفهم فيه، ده بكام يعني؟ ده بيجيب إيه؟ عايز زي ما قلت لكم قبل كده بتقول له: معلش، يقول لك: اصرفها منين؟ أيوه، حول لي معلش القيمة المادية لو سمحت، ما تقوليش معلش حولها لي، جوة بقت منطلقه كله في الحياة منطلق مادي وفقط، أي حاجة فوق المادة وما بيعترفش بها.

وعشان ما يخشس معك في صراع ونقاش وتكسبه قال لك: لا لا لا، خش صل يا عم ركعتين وتعال نكمل كلامك، يعني خلي دينك ده اللي أنت عايزه، خش في مسجدك، إنما إحنا برة إحنا معنا نعمل اللي إحنا عايزينه، ما تدخليش أي دين! فبقينا إحنا عايشين فاقدين الهوية، إحنا مش عارفين إحنا بنبقى عايزين، إحنا بنصوم وخلاص اثنين وخميس، مش فاهمين هو ده إيه؟ هو يعني إيه مسلم؟

ده نموذج أنا تعمدت أجيب نموذج شائك في حياتنا عشان أعرفك بس: ادي لنفسك فرصة، أنا ما بقولكش حلال ولا حرام النهاردة، رأيي أنا الشخصي: آه، ما تتفرجش، رأيي اللي مش ملزم له ومش عايز أناقش فيه، اللي عايز يعتبره اعتبره: ما تتفرجش ليه؟ مش عشان البنطلون، لأ، عشان ده سوق نخاسة، دول عبيد، أنت دمرت ميت حاجة وأنت بتتفرج، أنت بتعتقد أنك بتشجع، دول كفار، أنت أصلاً الدين مش موجود عندك، أنت ده ما يلزمكش في حاجة، ده زي ما قلت لك مجرد طلب أنه يلعب لعبة حلوة عشان يبسطك، ده عش حياة ليس لها قيمة شرعية وأنت راضي الجو مبسوط، ولو خلى حياته لها قيمة أنت هتضايق! ليه؟ اعتزل، معتزل عشان يبقى حياته لها قيمة؟ لأ، يرجع تاني حياته هايفة، يعني ده لو حاول يقدم حاجة تانية سواء لدينه أسلم أو لدنيته أنت هتضايق؛ لأنه بوظ لك الماتش! فأنت مسئول عن أرواح هذه الناس، أنت ﴿شَاهِدًا وَمُبَشِّرًا وَنَذِيرًا﴾ [الأحزاب: 45]، فده منظوري أنا لهذه المنظومة، أنا ما بقولكش أنت فكر كده، أنا باطرح فكرة، أنت عايز تقبلها تقبلها.

فالنهاردة مش حلقة الكورة حلال ولا حرام، دي حلقة: عيد تقييمك لكل حاجة حواليك، مش بس الكورة، لوظيفتك.

لوظيفتك أصلاً. الوظيفة دي حاجة مهمة جداً، هو ليه الرقّاصة شغلتها غلط ليه؟ حتى ده أنا برجع ما أنا ببدا ما لو جينا نبدأ بشقة الناس. ببدا الأول من البعيد ونبدأ ندخل.

دلوقتي لما قلت لك يعني إيه أنت دكتور بس؟ يعني إيه أنا زمايلي يقولوا لي أنت مش وظيفتك تشتغل في الدعوة أنت وظيفتك يا دكتور؟ دي جبناها منين؟ أنا بسأل. طبيعي إنك تعيد الأسئلة تاني. عارف لو وصلت لنفس الأجابات؟ ما فيش مشكلة.

أنا وصلت الإجابة اللي أنت كنت عندك قبل الأسئلة ده جميل، أديّك بقى عندك أدّاك عندك يقين، ما فيش مشكلة كده أنا وصلت لدرجة من اليقين عشان ما حدش يضحك عليك كل شوية ويقول لك الكورة حرام. أنت عدّيت الأسئلة وجاوبت أيقنت إن دي ما فيش فيها مشكلة.

أنا عايزك تعيد تفكير بس، هل أنت من منظورك للحياة؟ منظور إسلامي وعرفنا يعني إيه إسلامي، مش يعني حلال وحرام، يعني ما بقولكش بص للشمس حلال ولا حرام، يقول لك دي مخلوقة لله.

ما بقولكش بص نفسك على أنك حلال ولا حرام. بص لنفسك أنت جاي ليه؟ ومين اللي جابك هنا؟ ودورك بتعمل إيه؟ ورايح فين؟ واللي في القبر دلوقتي بيحصل فيه إيه؟ وايه اللي بيحصل في الجنة؟

أنت محتاج تستصحب ده في حياتك، إيه اللي كان عند الصحابي؟ كانوا عايشين تفاصيل الآخرة وعايشين مجملات الدنيا، ونحن عكست؛ الآخرة بالنسبة لنا مجملات. اسمع، مش في حاجة اسمها الصراط، في حاجة اسمها حوض النبي نسمع الدنيا؟ لأ، تفاصيل تفاصيل تفاصيل الدنيا عايشينها.

وما أسمحلكش، ما أسمحلكش زرار واحد حتى في البلايستيشن مسلس مش هسمح لك، يعني إيه كل حاجة؟ لأ تفاصيل عايشها، لكن الآخرة بالنسبة لنا الصحابة كانوا غير كده.

فلو احنا أيقنا إن ده أفضل جيل، أنا بدأت معاك بمسلمة، فدول أفضل جيل، فبالتالي دول ربنا أثنى عليهم فاحنا عايزين نبقى زيهم عشان نخش الفردوس الأعلى، فأول حاجة الناس دي كان نظرتها للحياة غير نظرتنا.

نظرتها للقيم، ما كانوا بينبهروا بتمثال دهب، يعني هو كان عنده الحياة، كان يروح يدخل على الملك وهو داخل بالرمح بتاعه بيضرب في السرير بتاعه قوم بتاع، عسانا الله نخرج العباد من عبادة العباد.

هو كان شايف حاجات غير اللي احنا شايفينها. احنا بقى ممكن لو كنا أيامهم ورحنا الفارس والروم ممكن نقول لهم خدونا معكم، احنا آسفين، احنا نلغي الإسلام بتاعنا وننبهر، وده اللي بيحصل.

إنك بتروح الحضارة الغربية تنبهر، تلاقي واحد مسلم يروح الحضارة الغربية يقول لك إيه ده؟ وجدت بيقولوا إيه؟ حاجة بلا حاجة كده، إسلاماً إسلاماً بلا مسلمين، ولا بالإسلام ولا إسلام؟ المهم يعني دي حاجة من غير حاجة.

إيه؟ أيوه، آه. فبالتالي أيوه، حاجة هنا مش كده، يعني هو عايز، طيب هو والنساء، كل الانحراف الأخلاقي، البني آدم هناك متحطم، مش بني آدم، هو عبد اللي وظيفته بيصحى يروح ويك إند زي الحيوان، بيقضي كل شهواته، يصحى الصبح، هو كل ده مش شايفه، بيتعامى عنه، مش راضي يشوفه، مش راضي يعترف به، الفجور الأخلاقي مش راضي يعني.

مش راضي يشوفه، هو شايف قيمة مادية ناجحة، وهو عنده معيار واحد فقط للنجاح، يعني لما نقول دولة متقدمة، يعني إيه متقدمة؟ تقدمت في إيه؟ أنت ممكن تتقدم ناحية الهاوية. كلمة تقدمت يعني إيه دنيوية؟ ما فيش مشكلة، آه هم سابقين دنيوية، طب والباقي؟ طب.

يبقى عندك معيار واحد زيهم، هو الحياة كلها عنده معيار واحد فقط، اللي بيجيب فلوس. هل دي مش مهمة؟ هي مهمة، بس احنا عندنا ضمن منظومة، احنا عاملين المادة ديت والدنيا دي ضمن منظومة مش لوحدها.

الصدمات اللي بتتحصل لكم الوقت دي وأنتم مسلمين وعايشين في بلاد مسلمين وجوة المسجد دي حصلت للصحابة وكانوا كفار وعايشين في أولاد كفار وسط الأصنام فاتصدموا، فكان بيتقم، كان مطالب بنقلة.

يعني أنت النهارده بتاخدها أنت أصلاً مسلم وفي بلاد مسلمين وعندك بعض الأفكار بتغير، هو لا، حياة تانية، ده هو بينتقل من حياة إلى حياة. تخيل بقى لما يبقى مسلم بعد ما فيه من القرآن ويقابل واحد مشرك، الفجوة رهيبة في النقاش، فاعرض عن من تولى عن ذكرنا ولم يرد.

الحياة الدنيا، ما فيش أي نقاط إلتقي أصلاً، واحد هو لا يفكر إلا في المادة فقط. حتى النبوة كان بيقيسها بالمادة، يقول لك لا، كان المفروض يجي على أغنى واحد، لولا نزل هذا القرآن على.

رجل من القرينين عظيم، يعني حتى النبوة عايز يعملها معيار مادي، فلولا القي عليه أسورة من ذهب، سورة الزخرف، كل ده في سورة الزخرف، يعني حتى النبوة يقول لك لأ.

يعني المفروض النبي ده يبقى معه سي دي دنيوياً عالي عشان تبقى عليه النبوة، لذلك احنا بنقيم الداعية لو ناجح دنيوي نقول ده كويس، كويس عشان إيه؟ دنيوياً ولا عشان بيقدم الشرع صافي؟

ولا عشان ما بيضرش دنيتي؟ يعني حتى معاييرنا بقت دنيوية احنا مش واخدين بالنا، مم. الجلسة النهارده مطالب عيد تفكير في حياتك كلها، دي صاعقة يعني، دي النهارده ندي إجازة شهر كده.

شهرين؟ اتفضل. تلاتة؟ أربعة؟ إنه الفكرة كلها بتدور حوالين فلسفة الحياة، الحياة دي ممكن تكون غارق في حياة بني آدمين فينا أصلاً وهو ماشي، يعني هو في توقيت معين أصلاً جميل، ما كانش بيفكر خالص أساساً.

جميل، كان في يعني مربع كده وهو مش موجود جوة المربع ده أساساً. جميل، فابتدى يحط شوية يعني لو هو مثلاً فهو ابتدى يحط شوية حاجات، بس ما زال برضو بقية القطع مش موجودة. جميل.

من فلسفة الحياة اللي كانت عند أصحابك، هو آه في فلسفة يعني في حاجة ما تغيرت في تفكيره طريقة تعامل الشغل حاجات كثيرة جداً، بس الجملة دي، جزاك الله، دي اللي أنا حد يقول لي يعني إيه ملتزم؟ بقول له الجملة دي، مش بقول له قلتها ولا لا؟ قل له تفكير.

تغير. يعني عشان كده حتى اللي ما بيحبش كلمة الملتزم، يا عم بلاش أياً كان اسمه ملتزم، اسمه عمرو، أياً كان اسمه إيه، المهم إن هو تفكير جه في مرحلة من حياته قال لك لأ مش هقضيها كده.

قبل الالتزام أنت كنت بتقضيها بتضرب الجل قبل ما تنزل تقابل البتاع، عندك عيد ميلاد مع واحدة، بترجع تقعد على القهوة أذاكر عشان أنجح، أنام عايز اشتغل، أيوه إيه ده؟ هو الإسلام فين؟

الإسلام تفاصيل وبتبعات، فين الصحابة والدين ده فين في رب حياتي؟ ده ممكن شوية في التراويح رمضان، يعني ممكن يعني لو أنا يعني ده اللي إيه أنا الكويس اللي في الشلة، أنا الشيخ اللي بيروحوا يعيط شوية.

رمضان وبعدين أو أو بيآيه بيطلع رز للفقرا، يعني هو عامل، لكن لما بيبقى تفكيره بيغير، آه ده بقى اللي اسمه ملتزم، اسمه ده بقى حصل إيه ده؟ في حاجات إيه ده؟ الفردوس الاتباع.

توحيد العقيدة الولاء والبراء، إيه ده؟ إيه الحاجات دي؟ لأ، أنا عايز الأحكام الشرعية ما يرضي الله ما يغضبه. لا لا استنى، ده الموضوع طلع كبير، لأ أنا هشوف بقى ده، هشوف إيه دوري بقى في المنظومة دي، أقدر أقدم إيه في المنظومة دي؟ ممكن كل اللي تقدر تقدمه أنك تحفز عيلتك.

ما فيش مشكلة، بس تفهم في حاجة كبيرة وأنت ضوء وأنت لك لبنة فيها، دور فيها. بالنسبة للصحابة كمان كان عندهم القوة الاقتصادية كان الطفل عليهم أنهم يلتزموا بمجموعة أخلاق معينة، حالياً العصر ده بقت التهم الاقتصادية للطفل.

أيوه، ما هي القيمة الاقتصادية اللي هي هي اللي بتسيطر، سواء في أخلاق أو ما فيش أخلاق، هو كان كان بالنسبة لهم إن هو كان ينتقل من فكرة الإسلام كانت تعتبر لحد.

أنا هغير معتقدات أحاول أقويها اللي هو الشباب مثلاً أن هو إيه؟ أنا هغير مع بعض، لا ما تحاولش تسهل اللي عمله الصحابة، الصحابة انتهت انتقلوا من حياة إلى حياة، أنت دلوقتي دورك في هو ده ممكن يبقى صعب على الغرب.

أنا بتكلم في فكرة إن هو يعني في في ناس يعني بيبصوا لها كده بيستصعبوها، اللي هو يعني اللي هو إيه؟ لا لسه لا، أصل أنت من اللي قال لي إن ده ما عندكش أخلاق العالم كله.

لأ، والعالم كله دلوقتي فيه أخلاق، هو شبه متفق عليها أن هي بتحقق نوع من المصالح فعلاً، حتى ملحد أو ده، هو فيه، بس أنت أما بتيجي تناقشه فلسفياً عشان تقول له إن الإلحاد غلط، تقول له ما هو مين اللي قال؟ أنتم اتفقتوا مع بعض على القيمة إن دي أخلاق، إن ما ينفعش نكذب.

ما هي نفس الفكرة، إذا كان كان في أخلاق زمان، في أخلاق دلوقتي، الصين الملحدة عندها نوع من الأخلاق، بس أنت لما بتيجي تناقشه بقى تقول له طب، وأنت جبت إن الكذب.

غلط منين؟ عشان اللي بيكذب ما بيجيبش فلوس، يعني منين؟ مين اللي قال لك إن كذب غلط؟ أكيد حد فوقنا هو اللي قال لنا كلنا بما أننا كلنا بنكره الكذب، يبقى أكيد في حاجة فوقنا أو حطوا.

جوانا أن احنا نكره الكذب، ليه أنك تقتل واحد بريء دي حاجة أنت جواك رافضها؟ ليه؟ ما هو لو ما فيش حاجة أخلاقية وما فيش حساب وهنموت واحنا شوية قرود.

وتحولنا، طب ما هو طب ما نعمل اللي احنا عايزينه، ولو قرد ضرب قرد أو أسد أنت شايف إنه عمل حاجة غلط؟ هم شوية حيوانات مع بعض، فبالتالي لو احنا شوية حيوانات متطورين، فبالتالي إيه المشكلة لما حيوان قوي يضرب حيوان ضعيف؟

هو اللي مضطر فيهم ما يعرفش يقول لك آه هو كده، أو في المناظرات بيقولوا كده، بيقولوا آه، آه نعمل كده، واحنا متفقين على الأخلاق دي عشان بس العالم يتعايش مع مامته.

بعد كده اللي قادر على الحاجة هو اللي هيفرض رؤيته، آه هو، معلش أنا قاطعتك أنا آسف، السؤال بقى اللي هو بالرغم أن في تغييرات في الحياة، لكن هي برضو ما وصلتش لفكرة التغيير.

هو يقدر يغير فلسفة الحياة بأكملها، يعني هو ما زال برضو ما ده بيجي تدريجي، ده طول ما أنت عملت أصل ده ما بيجيش برضو ما بيجيش فجأة، أنت كل ما هتقرا سورة.

كل ما تقرا حديث، كل ما هتسمع أكتر، كل ما رؤية الدين عندك هتتضح، تيجي تقرا في المعاملات المالية بتاعة الدين، تفهم إيه ده؟ هو الدين لما أتكلم في المال قال إيه اللي صح وإيه اللي غلط؟ هتبدأ تفهم حتة. تيجي تقرا في النكاح والطلاق، إيه ده؟ ده الشرط.

حاجة غريبة جداً في العلاقات الاجتماعية، يعني مثلاً بس عشان طولت عليكم النهارده، احنا في في الإسلام قضية النكاح الزوج مع الزوجة، ما تلاقيش في الشرع عندنا تفاصيل تفاصيل تفاصيل العلاقة اللي بينهم مطالب على الزوج كذا سم كذا سم كذا والزوجة عليها كذا، لأ في قواعد ومبادئ ما بينهم.

وبنقول لهم ربنا مطلع عليك، يعني هنجد إيه؟ مين اللي يغسل المواعين؟ فاحنا بنقول العرف مثلاً، طيب مين اللي يجيب الغداء في اليوم ده؟ ما فيش التفاصيل دي، الشرع أداى قواعد، الزوج يحترم الزوجة هو ينفق، الزوجة تراعي زوجها وتراعي لبيتها وتراعي أولادها.

هي لها وظيفة، والوظيفة الشرع أداك إيه؟ قاعدة عمل، كان كنت بأسماع المسيري الدكتور عمر المسيري بيقول في أمريكا من خمسة وعشرين سنة كده، هو أقل يعني من عشرين خمسة عشر عشرين سنة.

حبوا حصلت الازمة دي، ما عندهمش مبادئ، يعني مش مثلاً تقول له اتق الله، فقالوا خلاص، نحن نعمل عقد بين الزوجين في تفاصيل كل حاجة، لدرجة أن لو جالها ضيوف مين اللي يجيب الأكل هي ولا هو؟ لو هو جاله ضيوف؟ طب أفرض الضيوف تبعهم هم الاتنين يعملوا إيه؟ تخيل! وكانوا لما يختلفوا يجيبوا العقد.

ويرجعوا، كل مثلاً تضايقوا في حاجة ما يتنرفزش، هو فقد إنسانيته، ما ينفعش يتنرفز، يرجع العقد الأول ويبص، اتنرفز ولا لا؟ والله ده كلام ومش كلام، وكان كان له اسم بس نسيت اسمه بالإنجليزي العقد الزواج ده. حولوها لعلاقة تعاقدية، العلاقات التعاقدية دي.

هي علاقات المادة، بتشتري واحد عقد، فاهمين؟ فده مش إيه، والحوار ده حتى لو اتعمل أصل لو غابت من عندك، تيجي تشوف الآيات بتاعة الزواج والطلاق وإزاي أسماء الله وصفاتها كانت كثيرة جداً في الآيات دي، البعد ده لو مش مراعى لازم كل اتنين بيتجوزوا ويعيش معهم قاضي.

المشاكل الزوجية فيها تفاصيل رهيبة، البعد مش بس اتنين تجار مع بعض، النبي صلى الله عليه وسلم قال اتنين جايين يتحاكموا للنبي صلى الله عليه وسلم، فالنبي بيخوفهم من ربنا، فبيقول النبي صلى الله عليه وسلم لهما: «لعل».

أحدكم أن يكون ألحن بحجته من الآخر فأقضي له. ألحن يعني لما كل واحد يحكي اللي عنده يكون نصاب، ألحن بحجتنا فأقضي له، فانما أقطع له قطعة من النار فليأخذ أو فليدع.

البعد ده مش موجود في المنظومة المادية، يخوفه من النار قبل ما يحكم. يعني إيه من النار؟ أبو جهل لما كان بيسمع الحاجات دي يقولها هنستزيد من الزقوم، مش مقتنع أصلاً تعال نشرب، آه هو أنا زودني.

خالد بتقول واحد مجدي أنت لو نصبت وجبت محامي نصاب فبيقتل على قطع النار يقول لك يا عم زود لي الدمار، هو لا يعترف أصلاً بالمنظومة الغيبية دي أساساً، فانت بتكلمه في حاجة، هي دي فكرة أنك بتعيد ده، ده بينمو عندك إزاي؟ مش بيجي من مرة واحدة.

كل منطقة بتدخل فيها في الشريعة، كل ما بتفهم أكتر، بتنتقل في القرآن، في مقاصد الشريعة، في كتب الشريعة؛ كل ما بتبدأ تعتنق الدين أكتر. وذلك اليقين يا جماعة بينمو، اليقين مش قول أو رنان، اليقين مش بيجي يا بيروح. لأ؛ زي الكتير من اللي بيقول لك أنا ملحد، أجي أناقش معاه هو مش ملحد ولا حاجة، هو عنده بعض الشكوك، هو اليقين بتاعه بدأ يقل؛ لأن هو بعيد عن الدين، ما يعرفش حاجة عن الدين، بيتعرض لسيل من الشبهات، فاليقين بيزيد بإيه؟ ﴿هُمْ يَوْمَئِذٍ أَقْرَبُ مِنْهُمْ﴾ [آل عمران: 167]، الآية بتاعة أقرب الكفر منهم للإيمان. آية آل عمران: أقرب هم للكفر يومئذ أقرب منهم للدين.

ففكرة إن هو أقرب منهم للإيمان يعني مش بيفضل يقرب يقرب يقرب من كفر، إذن كان منافقاً خالصاً، يبقى النفاق بيزداد تدريجياً. طيب، نكتفي بهذا القدر يا شباب، احنا طولنا عليكم النهاردة، حد عايز. احنا أصلاً مسلمين في إطار مسلم، لما بتيجي تحصل النقلة دي واحد كان بيصلي مثلاً قناعة عامة أصلاً إن هو عنده قناعة إنه مسلم، ففكرة ما هي دي اللي أنا اتكلمت فيها، دورة العملية هي دي خطورة العملية. إنه بقى مسلم علماني وهو مش عارف، ما هي مرض العصر هو فعلاً العلمانية يا جماعة مرض العصر مش الإلحاد، العلمانية. الإلحاد واضح وضعيف وبيتغلب بسهولة، المشكلة مش في الإلحاد، الإلحاد ظاهر، كافر ما فيش.

العلمانية لأ، في إله وفي دين وفي عبادة وفي صيام، بس ما لوش دعوة بأيه؟ حياتنا نعمل اللي احنا عايزينه، ده في المربع بتاعنا ده، الخطوط، لذلك طالب من الدعاة إن هم يدندنوا حوالين المنطقة دي كتير. خلصت، الحقيقة بقى عامة هي فيها مشاكل، مشاكل ما بتظهرش غير يعني أعتقد إن هي حاجة عادية وأنت مكمل فيها، عدد الناس كل ما بتقرب من تفاصيل الدين أكتر كل ما بتكتشف البقع العلمانية اللي في الحياة. كل ما بتقرب من تفاصيل الدين أكتر، طب أفرض أنا وقعت وأنا ما عرفش؟ لا، ما فيش حرج عليه، وأحياناً على فكرة الحاجة ما بتبقاش حرام، فكرة علمانية لحظتها مش حرام، لكن هي بتؤدي لنَمُوذج، يعني مثلاً كانوا بيتكلموا في إن دي فكرة مثلاً نشأت نتيجة واقع ألماني معين، هي مش حرام، يعني هو عايز يقول لك خد بالك إن دي مش حرام، لكن دي نشأت نتيجة حياة معينة وتصور حياة مع.

بس دي قصة فلسطينية مش هو الصحابة بعد اسمع يا جماعة معلش، موجودة طبعا، مش معنى إن رؤيته اتغيرت حضرتك قلت إن أنا. ما هو الإيمان بيزيد وينقص، هو لما نقل نقل الرؤية الكونية وعاش بمشاعره وحصل انتماء، صح، وسكب الخمر وضحى وكل حاجة، لكن ما هو كان بيجي له حاجات يبعد عن المصدر ده شوية، ينشغل بحياته: «كونوا عندك يا رسول الله صلى الله عليه وسلم، فتذكرنا بالجنة والنار».

يعني مش معنى إن أنت سطبت عندك الرؤية القرآنية إن بقى كل حاجة خلاص ما فيش شهوات، لأ، أنت هتبعد، هتقع، هتقرب تاني من مواطن الوعظ ومواطن القرآن ومواطن الإيمان هتلاقيك بسهولة بتنفذ ده، هتبعد هترجع تاني، يعني مش معنى إن حد زي ما قلت لكم سطب الإيمان إنه ما بيتقيرش، لأ، فانسلخ منها ممكن والعياذ بالله يرتد، لأ، بيفضل يجاهد. طب هو إمتى المجاهدة النفسية بتتقل؟ لما بيقرب من المنظومة دي أكتر، ويعيش مع، يعني تخيل واحد عايش مع وترى الملائكة حافين من حول العرش قاعد وشايف المشهد ده بقلبه، واحد عايش مع الدار الآخرة والجنة: ﴿وَتِلْكَ الْجَنَّةُ الَّتِي أُورِثْتُمُوهَا بِمَا كُنتُمْ تَعْمَلُونَ﴾ [الزخرف: 72]، وقاعد منتظر، وبعدين تعرض له شهوة وهو في دي الحالة النفسية بكل سهولة بيعمل لها بلوك. طيب، هو أصلاً بعد بقى له فترة وأحلامه بقت دنيوية وطموحاته بقت دنيوية وشهوات واستثارة في الشهوات وبقى له كتير ما سمعش عن الجنة والنار، عرض عليه في المنطقة دي بيبقى ضعيف شوية، هو فاهم.