د. أحمد عبد المنعمبسم الله والصلاة والسلام على رسول الله صلى الله عليه وسلم. درس النهاردة إن شاء الله، جلسة النهاردة هي بإذن الله مش هتبقى طويلة، يعني عايزين نتكلم عن مسألة إن الإنسان السائر في طريق الله سبحانه وتعالى أحياناً بيكون عنده أفكار معينة، طريق الله سبحانه وتعالى أحياناً بيكون عنده تصورات معينة، عنده ظنون معينة عن الدين. يعني مثلاً أنا عندي تصور، أنا كنت واحد بعيد عن الالتزام خالص وعايش مش في دماغ الدين أصلاً، وبعدين اللي هو المصطلح يقول لك التزمت. التزمت يعني إيه؟ يعني بدأ الدين جزء مهم في حياتي وبدأ الدين يشكل جزء كبير من تصوراتي في الحياة، ده معنى التزمت. وإن بدأ إن الدين هو اللي مفروض يعني الالتزام اللي بجد هو اللي بارجع له.
هنواجه اختياراتي الحياتية في الشغل في الزواج في قبل ما أعمل حاجة أشوف الحلال من الحرام، بدأ مكون الدين مكون أساسي في حياتي بعد ما أنا كنت ماشي بشتغل الشغلانة اللي أنا عايزها، باخرج مع الناس اللي أنا عايزها، باروح المكان اللي أنا عايزه. كلمة اللي أنا عايزه دي بدأ يبقى فيها ضوابط على حسب مراد الله سبحانه وتعالى. وأنا بنقل النقلة دي نقلت من عدم الالتزام نقلت التزام، ما بلحقش أكون تصورات جايبها من القرآن ومن السنة، ما بلحقش أكون تصورات كاملة جايبها من القرآن والسنة، بيبقى عندي تصورات جايبها من مسلسلات قديمة عن الدين، من فيلم الإرهابي مثلاً. عندي تصور معين مثلاً عن لا تجادل ولا تناقش يا عم علي، مين مثلاً جدتي كانت تحكي حكايات مثلاً.
فأنا عندي أحياناً تصورات جايبها من المجتمع، وعندي تصورات سمعتها في درس، سمعتها في شريط، سمعتها في إذاعة القرآن، قرأتها آية، قرأتها في حديث. فبيبقى عندي مجموعة من التصورات أحياناً، أحياناً ممكن تكون بعض هذه التصورات خاطئة، أحياناً يعني مثلاً إن أنا أكون أظن مثلاً، أنا اعتقدت أن بما إن أنا التزمت إن أنا ما ينفعش أذنب أبداً، وما ينفعش أعمل ذنب كبير، ولو أنا عملت ذنب كبير يبقى أنا كده ضايع، وإن أنا كده يبقى الحل إن أنا أرجع تاني أرمي نفسي في الوحي خلاص. ده ممكن تصور خاطئ عنده مثالية، تصور مثالي عن الالتزام وهو معتقد بما إن هو سواء هو أو غيره يعني لما يشوف واحد لما يشوف حد مثلاً شيخ أو حد متصدر وبيعمل ذنب أو مثلاً عمل وقع في أي حاجة.
يعني أحد الناس في مرة كان رايح عنده ميعاد مع شيخ في صلاة الفجر، فالشيخ راحت عليه نومة في صلاة الفجر، فالاخ ده غضب جداً وإزاي وأنتم عاملين فيها شيوخ! ومشي بعيد عنه. إيه ده؟ هو هو متصور إن ما ينفعش يبقى شيخ وإيه ويروح عليه صلاة الفجر؟ ده تصور مستقر جوه، ما ينفعش تبقى ملتحي وتعمل كذا. فاحنا عندنا أحياناً تصورات لما بيحصل ما يناقض هذه التصورات في الواقع بيحصل عندي بلبلة، وبعدين بيحصل عندي حالة من الهزة في تصوراتي ممكن تخليني أخد قرارات خاطئة. زي ما الأخ ده خد قرار إن الشيخ ده أي كلام، أو مثلاً شيخ يخطئ، أو إن أنا أقع في ذنب كبير يبقى أنا كده فاشل، أنا ما فيش مني أمل. ليه ما فيش منك أمل؟ لأن أنا وقعت في ذنب كبير والمفروض بما إن أنا التزمت يبقى أنا ما أخطئش، وخلاص أنا إيه الحل إن أنا ما أوجعش دماغي بقى وضميري يؤلمني، أنا أبعد خالص.
فأحياناً بيبقى فيه تصورات خاطئة، التصورات الخاطئة دي أحياناً بتتسبب في فساد في سيري في الطريق إلى الله سبحانه وتعالى، أحياناً بتتسبب إن أنا ما أمشيش صح في الطريق، لذلك ربنا سبحانه وتعالى بيقول: ﴿وَذَلِكُمْ ظَنُّكُمُ الَّذِي ظَنَنتُم بِرَبِّكُمْ أَرْدَاكُمْ﴾ [فصلت: 23]. الظن الخاطئ في الله يؤدي إلى الهلاك، الردى اللي هو الهلاك، عنه ماله إذا تردى، إذا سقط هلك. فالظنون الخاطئة في معاملة الله سبحانه وتعالى تؤدي إلى هم كانوا طبعا مع الفارق في الإسقاط، يعني الآية دي في سورة إيه؟ أيوه، سورة فصلت. الظن الخاطئ بتاعهم كان إيه؟ ﴿وَلَكِن ظَنَنتُمْ أَنَّ اللَّهَ لَا يَعْلَمُ كَثِيرًا مِّمَّا تَعْمَلُونَ﴾ [فصلت: 22]. هو كانوا معتقدين إن ربنا يعلم عزائم الأمور، إنما الكلمة الصغيرة اللي أنا أقولها إن أنا استخبيت عملت حاجة صغيرة ربنا ما يعلمهاش، ﴿وَذَلِكُمْ ظَنُّكُمُ الَّذِي ظَنَنتُم بِرَبِّكُمْ أَرْدَاكُمْ﴾ [فصلت: 23].
فأحياناً يكون عندي تصور خاطئ عن الشريعة ممكن تؤدي إلى نوع من البلبلة. أمثلة مثلاً يعني مثلاً قلناها في درس برضو أرجو أن أنتم ترجعوا تسمعوه كيف نتعامل، مش فاكر اسمه بالضبط، اللي هو وعود القرآن، أو كيف نتعامل مع وعود القرآن؟ المثال المشهور لما سيدنا أبو بكر الصديق رضي الله عنه سمع آية: ﴿الم * غُلِبَتِ الرُّومُ * فِي أَدْنَى الْأَرْضِ وَهُم مِّن بَعْدِ غَلَبِهِمْ سَيَغْلِبُونَ * فِي بِضْعِ سِنِينَ﴾ [الروم: 1-4]. فسيدنا أبو بكر خد القاعدة من القرآن إن الروم ستنتصر في بضع سنين. لما جه ينقلها للمشركين قال: الروم ستنتصر في ست سنوات، قيد بضع سنين. لما عدت ست سنوات والروم ما انتصرتْش على فارس حصل بلبلة؛ لأن التصور ده كان غلط.
فالتصورات الخاطئة لما عكسها في الواقع، التصورات الخاطئة لما بيحصل عكسها في الواقع إيه اللي بيحصل عندي؟ إن أنا بلبلة، إيه ده! هو أنا غلط ولا الدين غلط؟ ويبدأ يحصل تساؤلات، هو احنا كنا ماشيين غلط؟ احنا اتضحك علينا! زي لما حصل المشركين في تجمعوا مع اليهود والمنافقين في غزوة الأحزاب على المسلمين فبعض الناس قالوا إيه ده! أو قبلها كمان في غزوة أحد لما حصلت هزيمة، إزاي هو احنا إزاي نتغلب؟ إزاي يبقى فيه الرسول، أنتم بتقولوا ده من عند الله سبحانه وتعالى ومؤمنين وأنتم على الحق وهم كفار على الباطل، وإزاي ينتصروا علينا؟ هو متصور بما إن أنت مؤمن يبقى يجب أن تنتصر في كل معركة، هو حاطط دي قاعدة، وكانت أول مرة يحصل هزيمة؛ لأن أول غزوة كانت غزوة بدر وكانت المادية تقريباً كلها عكس المسلمين، يعني المشركين أكثر في العدة وفي العتاد والموضوع ما كانش مترتب أصلاً، ﴿وَتَوَدُّونَ أَنَّ غَيْرَ ذَاتِ الشَّوْكَةِ تَكُونُ لَكُمْ﴾ [الأنفال: 7]. أنتم كنتم طالعين أصلاً عشان العير مش عشان النفير وحصلت الغزوة وانتصرنا.
فأصبح مستقر جوه بعض الناس، جوه عقولهم العقل الباطن كده جواه أي غزوة هناخدها مع المشركين حتى لو مش مستعدين وحتى لو جت كده من غير ترتيب هننتصر. ليه؟ هننتصر عشان احنا مسلمين، عشان أنا مسلم ومعي النبي صلى الله عليه وسلم في صف النبي صلى الله عليه وسلم يبقى أكيد هننتصر، عملنا ذنوب ما عملناش ذنوب، أعدينا العدة ما أعديناش العدة، لا، تصور خاطئ! فلما بيحصل مواجهة بين المسلمين والمشركين وينهزم المسلمين بسبب معصية ربنا سبحانه وتعالى أو تقصير في الإعداد، يقول لك إيه ده؟ هو احنا اتغيرنا؟ يبقى احنا مش على الحق؛ لأن هو عنده تصور خاطئ أصلاً.
فعمل عنده البلاء، قال لك: يبقى أنا مش على الحق. غزوة الأحزاب لما حصل تجمع، المنافقين قالوا إيه ده؟ احنا اتضحك علينا، ﴿مَا وَعَدَنَا اللَّهُ وَرَسُولُهُ إِلَّا غُرُورًا﴾ [الأحزاب: 12]. وفي الآثار أن كان المنافق يروح للمسلم يقول له: لقد وعدنا محمد صلى الله عليه وسلم، وطبعا هنا مش بيقولوا إنه هو رسول، بكسور كسرى وقيصر، وإن أحدنا ليأمن على نفسه من الغائط أصلاً، مش مهم إن أنا أروح أقضي حاجتي، وتضحكوا علينا وتقولوا لنا أنتم الإسلام هينتشر والإسلام هيسود! احنا اتضحك علينا. هو كان متصور إن معنى كلمة الإسلام هينتشر إن الإسلام لن يمر بمراحل فيها ابتلاءات. ربنا قال: ﴿وَلَوْ يَشَاءُ اللَّهُ لَانْتَصَرَ مِنْهُمْ وَلَكِنْ لِيَبْلُوَ بَعْضَكُمْ بِبَعْضٍ﴾ [محمد: 4]. ربنا يعلم: ﴿أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوامَعَهُ مَتَى نَصْرُ اللَّهِ﴾ [البقرة: 214].
اللي بيحصل إيه بقى؟ إن التصورات الخاطئة دي بتيجي بسبب انتقائية فهم الدين، أياً كان بعض الأسباب أيضاً. افتكرت بس مثلاً من التصورات الخاطئة، كنت لسه باقرأ في تفسير سورة المجادلة أو المجادلة، فاليهود عايزين يعملوا اختبار: النبي صلى الله عليه وسلم ده حق ولا لأ؟ فكانوا يروحوا يحيوه بتحية باطلة: ﴿وَإِذَا جَاءُوكَ حَيَّوكَ بِمَا لَمْ يُحَيَّاكَ بِهِ اللَّهُ﴾ [المجادلة: 8]. اللي هم كانوا بيروحوا للنبي يقولوا له إيه؟ السام عليه، السام اللي هو الموت، اللعنة، السأم عليك. فيه رواية بس دي ضعيفة شوية، السأم، أي تسأمون دينكم، يعني بيدعوا أن إنتم تكرهوا الدين. لكن الرواية الأششهر والصحيحة، السام عليكم. هيقولوا إيه؟ ﴿وَإِذَا جَاءُوكَ حَيَّوكَ بِمَا لَمْ يُحَيَّاكَ بِهِ اللَّهُ وَيَقُولُونَ فِي أَنْفُسِهِمْ لَوْلَا يُعَذِّبُنَا اللَّهُ بِمَا نَقُولُ﴾ [المجادلة: 8].
إيه معنى لولا يعذبنا الله بما نقول؟ هم حاطين تصور، شوف القاعدة اللي حطوها: لو إن ده رسول من عند ربنا، فاحنا بمجرد ما نغلط فيه ينزل عقاب فوري من السماء. وحطوا قاعدة وراحوا يطبقوها: رحنا قلنا السلام عليكم، ما نزلش عقاب فوري من السماء، يبقى إذاً هذا ليس رسول، ﴿لَوْلَا يُعَذِّبُنَا اللَّهُ بِمَا نَقُولُ﴾ [المجادلة: 8]. فلما ربنا رد عليهم قال لهم: لأ، العقاب الكامل يكون في الآخرة، فلذلك ختام الآية إيه؟ ﴿حَسْبُهُمْ جَهَنَّمُ﴾ [المجادلة: 8]. أنت العقاب الكافي لك هيكون في جهنم مش في الدنيا.
هو حاطط تصور أن أي معصية كبيرة وخاصة لو أنا مثلاً باغلط في النبي صلى الله عليه وسلم أو أو يبقى إذاً ينزل عقاب فوري. كنت لسه أحد الإخوة باعت لي بيقول لي بوست لأحد الملاحدة، الراجل كان كاتب بوست فوجئت إنه هو مش مشهور ومعمول لي مثلاً تسعين لايك، هو صعب علي أصلاً، كان طويل جداً يعني لولا يعني لولا إن الكلام اللي موجود كلام كفري كان الواحد تصدق عليه باللايك، بس هو كان آه كاتب بوست طويل البوست إن هو زعلان إن حلا شيحة انتقدت، بيقول يعني ده فين عقلك؟ وباعت لها رسالة يعني رسالة طويلة، أنا باعت لك عشان فوقي، أنت ضيعتي، مش عارف شوية كلام فارغ كده طويل، وقعد يشتم والعياذ بالله في ربنا وفي الدين.
الغريب لما دخلت في التعليقات، وطبعا هو أول ما أحد أصحابه مع بعض فالتعليقات كلها إيه؟ لما دخل بعض المسلمين ينافح، ولأسف ما كانش الحجة القوية بتاعتهم اللي بينافحوا، ودي خطورة الحماسة بدون علم، فالمسلمين داخلين إيه؟ يشتموا ويدافعوا و، هو طبعا يستاهل أكثر من كده أنا مش بنكر إن هو هو يشتغل أكثر من كده. الردود بقى الغريبة كلها، وده فوجئت إن ده العقل اللي بيرد، كل بيقول إيه؟ هو أنتم ربنا قال لكم تدافعوا عنه؟ ما هو لو إله موجود كان دافع عن نفسه، كان إيه عقب اللي كتب الكلام ده؟
هي نفس بالضبط: ﴿لَوْلَا يُعَذِّبُنَا اللَّهُ بِمَا نَقُولُ﴾ [المجادلة: 8]، لا، ﴿حَسْبُهُمْ جَهَنَّمُ﴾ [المجادلة: 8] لو ماتوا على كده. يعني هو كل التعليقات، كل ما يدخل واحد مسلم يدافع يوم الرد بتاعه على طول يتقال له إيه؟ يتقال له: هو أنت بتدافع عن هو لو الإله ده موجود مش هو يدافع عن نفسه؟ هو إله ضعيف؟ هو محتاجك عشان تدافع؟ وكان زمانه عاقبه، لو فيه إله كان زمان كان زمان حصل له مش عارف كان زمانه اتشلل. ده تصور خاطئ أصلاً، هو فبالتالي أحياناً ممكن أحط تصور خاطئ أن حد مثلاً يطلع ينكر السنة، أنا متصور إنه بمجرد ما هيطلع وينكر السنة هينزل عقوبة من السماء تشله، تخرسه، فما حصلش، إيه ده؟ واحنا على الباطل ولا إيه؟ هو مين اللي قال لك إن التصور ده صح؟
ممكن يكون من التصورات الخاطئة مثلاً أنا تصور قال أنا يعني احنا دلوقتي نشأنا كبرنا من واحنا صغيرين لغاية لما كبرنا، المسجد الأقصى مع اليهود. لو تخيل لو كان المسجد الأقصى معانا، وبعدين حصل أن اليهود استولوا عليه. إيه ده! وإزاي المسجد الأقصى المذكور في القرآن يتاخد من هنا، وإزاي اليهود ياخدوه! يعني هم على الحق ولا احنا الحق؟ ويحصل بلبلة. هو أصلاً الشرع قال لك إن المسجد الأقصى لن يؤخذ منكم؟ بلاش المسجد الأقصى، الكعبة، تخيل لو حصل سطو على الكعبة دلوقتي عصبة هجمت على الكعبة وكسرت الكعبة وخدت الحجر الأسود؟ تخيل لو ده حصل، إن هم إيه ده! الكعبة والقبلة وهنعمل إيه؟ ويبقى يبقى احنا مش على الحق، يبقى ديننا باطل، والدين قال لك إن إلى يوم القيامة مش هياخد الحاجة.
أنا جاب لكم نقل في كتاب فقهي أقرأه لكم، بس شوف الفقهاء بيتعاملوا كتاب مختصر في الفقه الخرقي، عمل متن في الفقه شرحه الإمام ابن قدامة في كتاب المغني، فكان الإمام بيكتب المتن المغني اللي هو ابن قدامة يعني، بيجيب المتن وبعدين بيجيب الشرح. فشوفوا لما جه اللي بيعمل خرقي قبل اللي ابن قدامة بمئتين ثلاثمائة سنة، عاصر وقت أن القرامطة هجموا على الكعبة وأخدوا الحجر الأسود، وده حصل، حصل على فكرة أكثر من مرة. الله الله الله! إيه يا عم الكلام الغريب ده؟ هو أنت هتشككنا في زننا ولا إيه؟
شوف بقى وهو بيكتب في فقه الحج، أما جه عند مسألة الحجر الأسود، بيقول إيه في المتن؟ بيقول إيه؟ ثم أتى الحجر الأسود إن كان لو موجود فاستلمه إن استطاع. خدت بالك من إيه؟ لو موجود، شوف هو بيتعامل عادية جداً بيشرح فقه، شوف المؤمن ابن قدامة بيشرح بيقول إيه: وقول الخرقي: إن كان، تعني: إن كان الحجر في موضعه لم يذهب به.
أولم يُذهب به؟ كما ذهب به القرامطة مرة حين ظهروا على مكة، فإذا كان ذلك والعالعياذ بالله، يعمل إيه؟ هو خلاص الموضوع يتجاوز المسألة ديت، نشوف الفقه نعمل إيه؛ فإنه يقف مقابلاً لمكانه، ويستلم الركن، مش لازم يستلم الحجر الأسود، أما إن كان الحجر موجوداً يعمل كدة.
ما حدش بقى قعد يقول: إيه ده، وأزاي، واحنا اتضحك علينا، والدين ده مش حق! هم خلاص، لو موجود هنعمل كذا، مش موجود احنا مكملين، أنا لي ثوابت عندي، مش من الثوابت اللي جأت لي في القرآن والسنة أن الحجر لم يؤخذ.
هم بيتعاملوا إزاي؟ وده موجود اللي عايز يرجع كتاب المغني أو للمتن موجود، فشوف هم كانوا بيتعاملوا أننا سنظل ثابتين في هذا الطريق.
كان من التصورات الخاطئة عند الصحابة مثلاً أن النبي صلى الله عليه وسلم مش هيموت، متصورين ده، أو ما قعدوش يفكروا في النقطة دي، فلما حصل في غزوة أحد وأشيع مقتل النبي صلى الله عليه وسلم، حصل بلبلة لدرجة أن البعض -وإن كان دي فيها ضعف لذلك- بعضهم قال: ده المنافقين أو اللي خرجوا لأنه سمعه أياً كان.
البعض في الجيش بعد ما أشيع مقتل النبي صلى الله عليه وسلم قالوا إيه؟ قالوا: علام نقاتل هؤلاء؟! إنما هم إخواننا وأبناؤنا، حصل انقلاب في الفكر على طول، في العقيدة، انقلاب مباشر مجرد ما وشي مقصد.
انس بن النضر قال إيه؟ قوموا فموتوا على ما مات عليه، الموضوع بسيط، احنا قاتلنا صرنا وراءه صلى الله عليه وسلم حياً، فلنزر على طريقه بعد ما مات صلى الله عليه وسلم، الموضوع بسيط.
هو احنا جأنا وعد ثم أخلف هذا الوعد؟ جأنا وعد أن النبي صلى الله عليه وسلم لن يموت؟ ما جلاش الوعد ده، ﴿وَمَا مُحَمَّدٌ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ أَفَإِنْ مَاتَ أَوْ قُتِلَ انْقَلَبْتُمْ عَلَى أَعْقَابِكُمْ وَمَنْ يَنْقَلِبْ عَلَى عَقِبَيْهِ فَلَنْ يَضُرَّ اللَّهَ شَيْئًا وَسَيَجْزِي اللَّهُ الشَّاكِرِينَ﴾ [آل عمران: 144]، اللي هو مكمل على طريق أن هو شكر نعمة الإسلام ككل.
فأحياناً بتحصل إشكالية أن أنا عندي تصور أن المسلمين لازم يبقوا متقدمين دنيوياً، أن المسلمين أن الإسلام لازم يبقى فيه كذا، أن العالم لازم يبقى كذا، أن العلم لازم تبقى صورته كذا، أن الالتزام لازم يبقى كذا، أن الملتزم لازم يبقى كذا، أن المنقبة لازم يبقى كذا، عندي تصورات معينة.
ثم لا أجد هذه التصورات في الواقع، فيحصل بلبلة، ويحصل أن أنا يحصل لي نوع من الهزة في فهم الدين، هو مين اللي قال لك أصلاً؟ جبت البيان ده منين؟ ربنا سبحانه وتعالى بيقول: ﴿عَلَّمَ الْقُرْآنَ * خَلَقَ الْإِنْسَانَ * عَلَّمَهُ الْبَيَانَ﴾ [الرحمن: 1-3].
بعض العلماء قال: البيان هنا الذي جاء من القرآن. الرحمن أكبر رحمة، اسم الرحمن اسم الله سبحانه وتعالى، سورة فعلان دي يعني أعلى حاجة في الرحمة، في صلة، فعلا لما مثلاً تقول إيه: فلان غاضب وفلان غضبان، غاضب يعني إيه؟ بتصفه بالغضب اسم فاعل وغضب، لكن لما يظهر الغضب على كل فعل من أفعاله وآثاره امتلأ بالغضب، نقول هنا غضبان، سورة.
فاليه المثل الأعلى، لما آثار رحمة الله في كل مكان وفي كل فعل وفي كل قول منه سبحانه وتعالى الرحمن، أعلى حاجة في الرحمة أنه علق القرآن، إذن لنا أن نتعلم القرآن، وجاي تعلم القرآن قبل خلق الإنسان؛ لأن ما قيمة الإنسان بدون قرآن؟
لو الإنسان عاش في الأرض بدون وحي، بدون هدى، هيعيش إيه؟ هيبقى أشبه بالبهائم، الإنسان نزل إلى الأرض يحتاج إلى هدى معه في هذه الأرض، ثم قال ربنا سبحانه وتعالى: ﴿عَلَّمَهُ الْبَيَانَ﴾، أي علم هذا الإنسان المخلوق البيان من هذا القرآن الذي تكلم به الله سبحانه وتعالى.
لما تريد أن تحصل على بيان لشيء، تتبين لك الأمور، تتضح لك الأمور، لابد أن تأتي بها من الوحي، أما تجيب سنة أو قاعدة لازم تجيبها من الوحي، ما تجيبهاش من تصوراتك اللي عندك، من أن أنا سمعت بيقولوا كذا، أنا كنت معتقد أن الكعبة هيحصل كذا، أن لا يمكن أن الكعبة يحصل فيها أذى، أنا كنت متصور أن المسجد الأقصى لا يمكن، أنا كنت مين اللي قال لك هذه التصورات؟
لذلك أحياناً أنا يكون عندي فكرة معينة، الفكرة دي هي اللي مدياني حماستها، أنا مثلاً عندي تصور أنا بعمل للدين عشان التمكين، عشان احنا جيل التمكين، أنا شغال للدين عشان كده، وبعدين فوجئت لقيت حد بيقول لي: على فكرة حديث: «ثم تكون خلافة على منهاج النبوة» فيه كتير من أهل العلم ضعف، وعلى فكرة احنا ممكن نفضل مستضعفين كده لغاية لما تقوم القيامة، لغاية لما القيامة تقوم!
على فكرة بس عشان إيه قلت أقول لك؛ عشان لقيتك إيه، لقيتك سخن كده وبتاع، تقعد تقول لك تروق كده وإيه، تاخد الموضوع، شوف حاجة إيه، شوف حاجة تانية اعملها بدل ما، أنا مش عايزكم، أنا بحس أن الدرس ده ممكن نسميه الشبهات مثلاً، الشبهات على الطريق.
أهو احنا أقصد إيه؟ هو إيه هي الثوابت؟ إيه هي الثوابت اللي بتحركها؟ يعني لما نرجع كده نشوف بكل بساطة كده أول لما نزل القرآن إيه اللي اتحط عندهم جواهم ثوابت؟ وفيه متغيرات، يعني لو عايزين نحط اسم الدرس النهارده: الثوابت والمتغيرات.
إيه الثوابت عندك؟ لا تهتز أبداً. وإيه المتغيرات؟ أياً كان مش فارق معك، يعني في واحد -خلينا نجيب في الدنيا- في واحد عنده طموح دنيوي عالي جداً، وبيقاتل وبينافح وفي متغيرات حياته: افتقر، أبو مات، دخل الجيش، سافر، قعد، وهو مصمم على هذا الطموح مهما كانت المتغيرات حصل فشل في أول شركة عملها، حصل كذا، سقط، وبالرغم من ده فضل مكمل لغاية آخر حاجة.
أنا أحياناً شفت بعض الفيديوهات بتوع الإيه التنمية البشرية والتحفيز الأجانب عاملين فيديوهات كده إيه، إزاي، أنا قلت: طيب، احنا عندنا مثلاً الصبر على البلاء، عندنا معاني معينة في الدين تصبر الإنسان أن هو يكمل في طريقه، هم عندهم إيه؟ فشفت لهم عندهم فعلاً هو قاعد بيدور على أي معنى يخليك تكمل في الطريق.
فقدان المعنى المحوري في حياتك ممكن ينفعني يخليك مش قادر تكمل في الطريق، إيه اللي يخليك تكمل في الطريق بالرغم من البلاءات اللي فيه؟ الصحابة كان عندهم ثوابت فيهم متغيرات، المتغيرات دي: حصلت دولة أو ما حصلت دولة هو مكمل، راحوا الحبشة ما طلعتش الحبشة وهو مكمل، راحوا الطائف ما طلعتش الطائف وهو مكمل، راح المدينة لقى فيها يهود وكانوا معتقدين أن احنا نستريح هناك، طلع فيها منافقين ويهود وغزوات، مكمل في الطريق، النبي صلى الله عليه وسلم مات، مكمل في الطريق، هي دي كلها متغيرات.
لذلك في صحابة ماتوا في أول البعثة، في صحابة ماتوا في منتصف، في صحابة ماتوا في آخر المرحلة المكية في حصار شعب أبي طالب، في ناس ماتوا في غزوة بدر، في ناس ماتوا في أحد، في في كل مرحلة من مراحل الطريق فيه ناس ماتت.
أقصد إيه أن فيه ناس ماتت؟ أقصد أنهم ما شافوش اللي كان جاي، مات وهو ما يعرفش إيه اللي هيحصل، اللي حصل في قصة غلام الأخدود: الناس بتلقى في النار، الملك الظالم بيرميهم في النار مش عارفين إيه اللي هيحصل، طب الملك اللي موتنا ده هيموت؟ طب إيه اللي هيحصل؟ هم عندهم ثوابت.
الثوابت اللي أنا بموت في سبيل الله سبحانه وتعالى، إيه بقى الثوابت اللي كان عند الصحابة؟ الله الواحد الأحد، توحيد الله، خالق كل شيء، الله قادر على كل شيء، هل بما أن الله قادر على كل شيء والله يعلم كل شيء، يستلزم منها أن أي حد عمل معصية ربنا يعاقبه، مش هو دلوقتي الله قادر على كل شيء والله عليم بكل شيء سبحانه وتعالى؟
وفي واحد بيعصي ربنا، الله يحب هذه المعصية ولا يبغضها؟ يبغضها، يبقى إذن ربنا يعاقبه، صح؟ مش صاحي ليه؟ أيوه. أيوه، ربنا هذه صفاته، هو أخبرني أن الدنيا دار عمل وأن الآخرة الجزاء الأوفى في الآخرة، سم يجزاء الجزاء الأوفى في الآخرة، الجزاء الكامل في الآخرة، وربنا من أسمائه كما أنه قدير هو حليم، لا يعجل بالعقوبة.
يبقى هي المشكلة في إيه؟ أن أنا ركزت على منطقة معينة وبس، وعايز المنطقة دي من الدين، أو عايز الجزء ده من القرآن، أو لا الدين أوسع من ده، أنت لازم تاخد الدين على بعضه، تاخد صورة من ربنا سبحانه وتعالى.
شاكر كان في درس إيه يكلمنا على مسألة أن السنن لله سبحانه وتعالى تعمل مجتمعة، يعني أنا خدت سنة من سنن القرآن، السنة اللي هي سنة كونية مرتبطة، يعني خدت سنة أن الله عز وجل ينصر المؤمن، أيوه بس فيه سنة قصدها أن لو المؤمنين قصروا يعاقبوا، فلازم الاتنين يعملوا مع بعض، لازم الاتنين يعملوا مع بعض؛ عشان ما يحصلش عندي بلبلة.
السؤال: إيه هي الثوابت اللي عندك؟ وهل أنت عندك قدرة أنك تتحمل المتغيرات أياً كانت؟ يعني احنا للأسف احنا في زمن المتغيرات، يعني آخر عشر سنين ولسه غالباً العشر سنين اللي جايين متغيرات ضخمة بتحصل، يعني العالم بيمر أحياناً بمراحل استقرار، وبعدين مراحل متغيرة، وبعدين مراحل استقرار، وبعدين مراحل متغيرة.
زي مثلاً لما كان العالم كله نسبياً متقارب دنيوياً، المعارك كلها سيوف، منجنيق بتاع، يعني الدنيا كانت قريبة من بعضها، شوية حصل ثورة صناعية وطفرة، مئتين سنة حصل فرق فيهم، فده متغير، وبعدين يحصل حالة من الاستقرار، والدول وتقسيمات معينة وفي، وبعدين لا فكرة الاستقلال والدول وتقسيمة الدول تغير شوية، حالة من الاستقرار يحصل مثلاً خمسين سنة الوضع في العالم شبه ثابت، أو مثلاً حرب عالمية أولى وبعدين حرب عالمية تانية، وبعد كده الدنيا دلوقتي مستقرة بقالها فترة بعد الحرب العالمية التانية نسبياً وتقسيمات الدول، وبعد ما كل كل دولة خدت الاستقرار بتاعها، الاستقلال السوري -طبعاً ظاهرياً يعني آآ- في حالة من الإيه، ظاهرين كده حالة من الاستقرار.
الفترة اللي فاتت حصل نوع من التغيرات السريعة، فترة التغيرات دي هي اللي بتعمل بلبلة عند الإنسان؛ لأن دايماً الواحد بيحب حالة من الإيه؟ من الاستقرار، بيتكيف مع الوضع، احنا متكيفين واضح أن المسجد الأقصى مع اليهود، قال أصبح جوانا تكيف مع ده عادي، أنا مش ده بالنسبة لي مش عامل لي بلبلة، لكن لحظة أخذ المسجد الأقصى كانت عملت بلبلة عند المسلمين، زي ما هو الراجل كاتب كده إيه: يروح للي يقبل الحجر الأسود إيه إن كان هو خلاص.
هم رأوا عايشين المجتمع الحجر الأسود مش موجود، اللحظة بتاعة أخذ الحجر الأسود كانت لحظة بلبلة، زي بالضبط لحظة صلح الحديبية، كانت لحظة بلبلة، حتى لما سيدنا عمر مش متصور اللي بيحصل، وإزاي إزاي تمحو اسم محمد رسول الله، وإزاي باسمك بسم الله الرحمن الرحيم، وإزاي ده؟ وقعد يناقش النبي صلى الله عليه وسلم، حتى روي عنه أنه قال -رضي الله عنه أنه قال-: فعملت لذلك أعمالاً أتوب على فترة النقاش اللي أنا عملتها مع النبي صلى الله عليه وسلم صلح الحديبية دي، قعدت بعد فترة اعمل أعمال من الطاعات عشان أكفر عن الوقت ده، فبتبقى إيه فترة بلبلة.
تخيل الصدمة بتحصل إمتى؟ أنك تسمع مثلاً حديث أنت كنت متوقع أن ده الأصل من أصول الدين، ويطلع حد يقول لك: ده فيه ضعف! زي مثلاً حديث آه، من الإخوة كان حصل له بلبلة جداً، سمع حد من الإيه الإخوة الأفاضل بيشرح عقيدة، فقال: على فكرة يا جماعة، المهدي ليس من أصول العقائد، وأن الذي ينكره كافر، لا، الزي الزي ينكر مهدي لو عنده إشكالية في كذا وكذا ليس بكذا، هو بيأسر في المسألة.
أنا أثبت طبعا المهدي، لكن أنا بتكلم على فسمع ده، فحصل له، هو أنت دينك قائم على مجيء المهدي؟! يعني أنت قاعد بتشتغل للدين عشان منتظر المهدي ييجي، فلو ما جاش هتسيب كل حاجة، أنت بتشتغل الدين ليه؟
أنت لازم عندك ثوابت: الله، الجنة، النار، الوحي، هذه حقائق ثابتة، الوحي من عند الله، هذا الدين حق، الله سبحانه وتعالى هو الواحد الأحد الفرد الصمد، الجنة موجودة، النار ما أطفئت، دي ثوابت عندك، أنت شغال في استضعاف، في تمكين، في نصر، في هزيمة، أنت شغال، في فقر، في أيا كانت الظروف، أنت مكمل في الطريق.
لما بتفقد اتصالك بالثوابت ديت وترتبط بمكاسب أرضية، يعني أنا شغال عشان أنتصر، أنا شغال عشان أنتشر، أنا شغال عشان أبقى، أنا بدي الدرس عشان الناس تسمع، لما دايماً أكون رابط عملي بأثر أرضي على الأرض والأثر ده ما يحصلش، يحصل لي انهزام، يعني أنا بدي درس عشان ناس كتير تحضر، فالناس قالت ما عادش مكمل الدرس، أنا بدي درس عشان كذا، فلما كذا ده ما حصلش مش مكمل!
لا، أنا بحضر الدرس عشان الشيخ ده أنا بحبه، الشيخ ده عمل موقف مشين بالنسبة لي، أنا ما بقعدش أتعلم الدين ده أصلاً، أنت لازم يكون ارتباطك عقيدتك صحيحة مستقاة من القرآن ومن صحيح السنة النبوية للنبي صلى الله عليه وسلم، فبالتالي تعرف تكمل مهما كانت المتغيرات.
أنت صحيت الصبح سمعت خبر أن أغلب دول الإسلام تم استعمارهم، صحيت الصبح أن فلسطين تم تحريرها، أنت أياً كان بتتكيف مباشرة، إيه العمل مطلوب مني في اللحظة دي؟ هنا الصبر، هنا البذل، هنا التضحية، هنا العلم، هنا الدعوة، إيه المطلوب؟ أنت عبد لله في أيا كانت الظروف، أنت عبد لله، تقدم العبودية أياً كان مكانك.
بعيدا عن التغيرات اللي بتتكلم عن العالم على مستواك الشخصي، أنت طالب، أنت اتخرجت، أنت في الجيش، أنت اتجوزت، أنت خلفت، أيا كان؛ في عبودية للوقت؛ لأن في ناس دايما بتضع شروط عشان تكمل في عبوديتها، أنا عشان أعمل كذا وفر لي ظروف كذا، لأ.
المفروض تتعود أن عبوديتك مستمرة مهما كانت الظروف، لما تقعد تقرأ مثلا عن فقه الأسير، عافانا الله وإياكم من ذلك، حتى الأسير له فقه، إيه اللي يعمله؟ وإيه اللي ما يعملوش؟ وإيه المتاح له؟ وإزاي يصلي؟ وإزاي يفقد الطهورين؟ وإزاي المريض المسافر؟ لما الفقه بيتكلم في كل هذه.
أنحاء؛ صفقة استضعاف وقت تمكين؛ أنك أنت في كل وقت من الأوقات فيه عبودية بتقدمها ليه؟ لأنك أنت مرتبط بثوابت ما بتغيّرش، الله سبحانه وتعالى على العرش استوى، الجنة المخلوقة بالفعل، النار الموجودة بالفعل، هذه الثوابت التي لا نتحرك عليها.
النبي صلى الله عليه وسلم كان في قيام الليل يقول هذه الحقائق: الجنة حق، والنار حق، والساعة حق، والنبيون حق، ومحمد صلى الله عليه وسلم حق، تذكر هذه الحقائق يذكر بها نفسه صلى الله عليه وسلم، ويتعلم ذلك منه صلى الله عليه وسلم.
أنت في عندك حقائق مش متغيرات ثابتة، الجنة، النار، الرسول، دي حقائق؛ أنك أنت مثلا تكون زي ما قلت لك، تصور تصور معين أن أي معركة بين الإسلام والشرك أن الإسلام هو اللي سينتصر، لأ.
ما حدش قال لك كده، ده ربنا بيقول: كذلك حق علينا نصر المؤمنين، أيوه ما هو دي لها ردين، أول حاجة مين المؤمنين اللي حققوا الإيمان؟ تاني حاجة ما في آيات تانية: وأعدوا، وفي آيات تانية أن هذا: ﴿قُلْ هُوَ مِنْ عِندِ أَنْفُسِكُمْ﴾، أنك أنت ما ابتعدت عن المعاصي، يبقى أنت بتاخد القرآن على بعضه، بتاخد سنن ربنا مجتمعة، بتضم القرآن مع السنة، وبتاخد الوحي مكتمل، بتاخد الصورة مكتملة، عشان ما يحصلش الصدمة بتاعة أن هذا.
هتلاقي للأسف ودي إشكالية أن إحنا ما عدش عندنا مصادر للتلقي أصلا، ومصادر تلقينا للدين أصبحت مجتزأة، يعني أنت دلوقتي بتسمع عن الدين منين؟ تسمع دي منين؟ أغلبنا مثلا بيسمع عن الدين من الفيسبوك وتويتر، يعني كان زمان مش من زمان يعني من كم سنة.
كان بيسمع عن الدين من القنوات الفضائية، فعلى الأقل القنوات الفضائية كان فيها درس ساعة شوية، كان قبلها من بعض المواقع الإسلامية اللي موجودة على النت، كان ينزل درس، كان يقول لك الأخ ده أخ أي كلام ليه مش راضي يسافر مثلا ميت كيلو عشان الواحد درس؟ يبقى قاعد بيسمعه على النت.
الأخ المرفّه التعبان بيسمع الدرس، بيسمع السلسلة سمعها من على النت ما رضاش يروح يسافر يحضرها، دلوقتي يقول لك لو المقطع زاد عن تلات دقائق في اليوتيوب ده مقطع طويل.
آه يعني لسه بقى هنقعد نسمع كل ده؟ قل لي يا عم الزتونة، هو فيه زتونة أصغر من تلات دقائق؟ يعني هنجيب زتونة أصغر من كده منين؟ مش عارف، فهو بيسمع مجتزآت.
بيسمع مجتزآت، فاحيانا بعض الإخوة الأفاضل هو بيقدم طرح معين ما بيقدمش الصورة اللي قبلها والصورة اللي بعدها، بيقدم جزئية معينة، هو بيعتقد مثلا أو هو بيخاطب خاطب بعض الناس اللي فاهمة أو طلبة علم.
فأنت بتيجي تقرا بوست على الفيس، أو تقرا حاجة على تويتر، أو تقرا أي حاجة، فيحصل لك صدمة، إيه ده؟ لدرجة أن في ناس -طب أنا قلت لكم مثلا أن ممكن حد يتصدم في حديث مثلا كان حاطوه أصل من أصول الدين واكتشف أن فيه خلاف- أو الناس بتصادم حتى أن مسألة فقهية كان واخد بقوله فسمع قول تاني يحصل له صدمة، يا أبي أنت بتتلكك عشان تتصدم.
إيه المشكلة؟ مش يعني هو كان بياخد أن صلاة الجماعة فرض، فسمع أن لا ده في قول قوي أن هي سنة، فيحصل له بلبلة، إحضحك علينا! يعني هو أنت بتتلكك عشان يتضحك عليك! إيه المشكلة؟ أنت كنت بتدين لله! يعني هو يعني صلاة الجماعة دي مثلا! أنت كنت بتصليها عند الأصنام! أنت كنت بتصليها لربنا سبحانه وتعالى.
واللي قال لك أن هي سنة قال لك أن ده الأفضل، وأن فيه خلاف فعلا، فتلاقيه بيتلكك، مش حكيت لكم أنا على الاخت اللي كاتبة سؤال -مش فاكر قلت لكم-: إحنا اتضحك علينا وقالوا لنا كذا أن النقاب فرض وقالوا لنا أن مش عارف إيه وقالوا لنا، إحنا اتضحك علينا بقالنا سنتين تلاتة، وأنا دلوقتي عايزين حل.
حل لإيه؟ حتى قلت للأخ: قل لها خلاص اعملي شوية معاصي قصاد الإيه؟ قصاد شوية هنا كده، صفرنا العداد بين النيوتورن، ارجعي ابدأي بقى على إيه؟ على النضافة، يعني هي متصورة.
خلاص؟ أنا سمعت مسألة فقهية كان فيها قول، يبقى أنا عندي إشكالية أن أنا ما كنتش بتعلم صح، خلاص هتعلم صح، بعيدا بقى أقعد إيه الناس دي ضحكت علينا أن ضحكت علينا أن... ماشي ماشي، هتعمل إيه بعد كده يعني؟ لا، أنا ما عدتش هسمع حاجة بقى، لا قرار فعلا.
قرار موفق يعني في ناحية إبليس بامتياز، يعني قرار شيطاني رائع، أنك أنا ما عدتش لا أسمع بقى أي فقه بقى، أنا اكتشفت أن أنا فعلا كان دراستي للفقه دراسة خاطئة، خلاص أنا هدرس صح، بفترض يعني مثلا، أو أن أنا عرفت أن صلاة الجماعة فيها فيها خلاف وهي فرض ولا سنة، وأنا طلعت بفضل الله بعمل الأفضل، أنا هحاول أحافظ على الأفضل.
لأن أنا أصلا لما أقوم نومي وانشغالاتي وتعببي وأنزل المسجد، ودي كمان تبقى فضلة، أقول له: يا رب أنا نازل بالرغم أن هي فضل، أنا نازل أصلا، وأتعب عشانك يا رب.
زي قيام الليل؛ استحضار أنك أنت بتقوم وتعبان أو راجع تعبان من الشغل، وراجع بعد ما خرجت، أو راجع تعبان وتقوم تصلي الوتر وتقوم بتصلي قيام الليل، أنت بتستشعر معنى البذل أكتر.
طلب العلم، في الدعوة إلى الله، حتى الحاجات اللي هي ما فيش فيها فرض عين وهي كانت من فروض الكفايات، أنت بتجتهد وبتبذل فيها، ده اللي نكتسبه لمسنا حاجة زي كده، لكن أنا أي معلومة جديدة تعمل لي نوع من البلبلة، وعلى طول أبعت أسأل: أنا سمعت أن يجوز الأخذ من اللحية، أنتم ضحكتم علينا؟ أنا سمعت أني مش عارف إيه، أنتم ضحكتم، على طول هو عايز يعيش في جو الإيه؟ المضحوك عليه، البلبلة، الصدمة، أنا طب، فبالتالي أنت بتضحك عليك، فبالتالي يعني ماشي أيا كان الناس دي وحشة، ماشي الناس دي وحشة، وبعدين الخطوة العملية اللي هتبنيها بعد ما.
ده ناوي تعمل إيه؟ ناوي أنك تكمل في الطريق، خلاص ماشي، آه أنت اتضحك عليك على فكرة، كمل بقى، يعني لو الخطوة العملية اللي أنت هتاخدها أنك تزداد علما وتزداد.
عشان تبقى على بصيرة أكتر، خلاص أنت اتضحك عليك على فكرة، إزاي أنت كده محتاج تكمل فعلا، لكن لو الخطوة العملية اللي هتاخدها: أنا هسيب الطريق دوت، الطريق ده مليء بالأختلافات ومليء بالبلبلة وأنا مش مكمل، أهو ده بالضبط، زي ما الدرس اللي اديناه قبل كده: ﴿وَلَكِنَّكُمْ فَتَنتُمْ أَنفُسَكُمْ﴾.
في واحد غاوي يفتن نفسه، غاوي كل شوية يرجع يقعد مع نفسه: أنا اتضحك علي، أنا مش مكمل في طريقي، طب ليه؟ هي إيه الثوابت؟ حاجة من الثوابت اتغيرت عندك؟ اكتشفت أن القرآن باطل؟ اكتشفت أن ما فيش إله؟ يعني تبين لك باليقين.
أن هذا الكون عبث، لو تبين لك كده يبقى أنت فعلا ضاحك عليك، يتبين لك قطعا أن ما فيش آخرة، هي فعلا ضحك عليك، دي حاجة عظيمة، لأ ده تغيير في حياتك تماما، بعد ما كنت أنت ملتزم بأخلاق وآداب تراقب الله سبحانه وتعالى وتنتهي عن نواهي.
اكتشفت أن الحياة عبث وعايز تعيش زي البهايم، لأ أنت فعلا كده تضحك، يبقى أنت فعلا فعلا هتغير نمط حياتك، ما فيش زي الحيوانات، لأن هم بيقولوا: إحنا أصلا أصلنا حيوانات وما فيش فرق غير في العقول، وما فيش فينا ضوابط، ونعمل اللي إحنا عايزينه، وما فيش أخلاق ثابتة والأخلاق نسبية.
أيوه فعلا أنت كده اتضحك عليك؟ لأن هنا جزء ده ده مجرى كبير من الحياة اتغير، ده نظرة كاملة للحياة اتغيرت، زي النصراني لما بيتكشف بتضحك عليه، آه هو محتاج ينقل، حياته بتتغير، زي الملحد بالعكس لما هو بيستكشف أن هو اتضحك عليه، هو محتاج ينقل.
ده لما أنت تكتشف ده أو عندك إشكالية في ده، ده أنت تسعى فعلا لحلها، لكن برضه لا تجعل -زي ما شيخ الإسلام ابن تيمية كان بينصح ابن القيم-: لا تجعل قلبك كالاسفنجة يتشرب كل شبهة بيسمعها.
تكلمنا قبل كده برضه في درس: فتنتوا أنفسكم، أنك بلاش قاعد تبقى عندك هوس للشبهات، لأ تحصن ابن نفسك صح، يبقى إذا عايز أرجع تاني للنقطة بدأت بها وعايز اختم بها، إيه هي الثوابت اللي في حياتك؟ إيه هي الثوابت اللي ما بتغيّرش؟ يعني بصوا يا جماعة، أنا عايز تصورك لحياتك كده، أنت عندك عجلة؛ عجلة الدين وعجلة الدنيا، خلي ده التصور نطلع.
النهاردة كده، أنت عندك إيه؟ عجلة الدين في حياتك وعجلة الدنيا، عجلة الدنيا بتلف، أنت في ابتدائي، إعدادي، ثانوي، اتخرجت، اتجوزت، خلفت، دخلت الجيش، سافرت، قعدت، أيا كان، دي عجلة بتلف.
فين بقى عجلة، أنا عايز عجلة الدين تمشي برضه ما تقفش، عجلة الدنيا عندك كده، عايز أنت النهاردة حفظت قرآن، اتعلمت، فهمت، اشتغلت في الدعوة، هي لا تتوقف، قد تمر بأزماتك، تاخد مطبات، لكن ما تتوقفش.
على طول بتبحث عن عبودياتك في هذا الوقت، أنا عايز ده مستمر، أنت دلوقتي مثلا الناس كانت بتتعامل أن الدولار بكذا جنيه وأن الجنيه قيمته الشرائية كذا، حصل التعويم، الناس حصل لها بلبلة، لكن ما انتحرتش، ما سابتش الفلوس، قالت لك لأ إحنا اتضحك علينا إحنا ما عدناش هنتعامل إيه بالفلوس، ما عملوش كده، عملوا إيه؟ تكيفوا.
شدوا حيلهم أكتر، طحنوا شغل، بدأ قال لك خلاص أنا بدل ما كنت باعتمد على الجنيه اعتمد على الدولار، هدور على شغلانة برة أخد بها بعملة أجنبية، بدأ يتكيف مع الوضع.
ما حدش قال إيه؟ لا لا لا أنا ضحك علي في الدنيا، أنا ماشي، ماشي في الدنيا بتوع الدنيا ضحكوا علي، أنا مش مكمل وطلع بينهم خلاف أنا ماشي، لأ ومباشرة بدأ يتأقلم ويشوف إيه المطلوب منه في هذا الوقت.
ده كذا بقى بكذا، بيتحول بقى أغلى، قيمة القيمة الشرائية وقعت، هتصرف، أدور على سفر في مكان معين، هشتغل مش عارف على إيه من على النت، هزوّد كذا، هقلل احتياجاتي، هشيل كذا، هزوّد، بدأ يتصرف.
أهل الدنيا بيصرفوا لما بيحصل تغييرات حادة في الحياة، طب ليه إحنا؟ أنا ما بقولكش أن الوضع سهل في الدين، لأ الوضع صعب، أنا ما بقولكش ما فيش متغيرات، أنا قلت لك أصلا إحنا دلوقتي في زمن المتغيرات.
هو في متغيرات أكتر من أن البلد اللي كانت شعارها الدفاع عن التوحيد وعلمائها اللي كانوا يدافعوا عن التوحيد يعملوا فيهم كده ويسجنوهم؟ هو في تغيرات أكتر من كده وأن بدأ أن العالم اللي كان بيكتب في العقيدة ويدافع عنها هو دلوقتي ممنوع يتكلم عن العقيدة؟ السعودية.
تغيرات كبيرة بتصل، أزمات ضخمة، رموز بتسقط، رموز فعلا بتسقط، فأنت بيحصل لك صدمة، لكن هو ده ثابت كان عندك؟ ده ثابت؟ يعني ده كان من الثوابت أن مثلا أن الشيخ فلان اللي كتب كتاب فلان واتوزع في كل أنحاء الدنيا والناس كلها انبسطت عشان هو قال لهم لا تحزنوا.
والكتاب انتشر لما يعمل كذا مثلا، آه أنت أنت ده كان عند ربنا يثبتنا يعني؟ أنت كان عندك ده ثابت أن أمه بما أن فلان كتب التويتة ديت يبقى أنا ما عدتش واثق في الدين، خد بالك مش هأثق فيه، مش هأثق في الدين، ليه؟ يقول لك لا يا عم، ده أنتم كلكم نصابين.
كلنا نصابين، أنا اتنازل معك، آه إحنا كلنا نصابين، فبالتالي زيد بن عمرو بن نفيل كان في زمن قبل بعثة النبي صلى الله عليه وسلم أو قبيل بعثة النبي صلى الله عليه وسلم، كان يقول: يا رب لو أعلم أي الوجوه أحب إليك لعبدتك بها، قاعد بيدور لم ييأس، لم يستسلم.
كان في أئمة، أئمة قبيل بعث النبي صلى الله عليه وسلم، في أئمة في الباطل، ناس عملوا تجديد، اسمه عمرو بن.
عمرو بن لحي، لما النبي صلى الله عليه وسلم قال: «رأيت عمرا يجر قصبه في جهنم»، أمعاؤه بتندلق في جهنم، ليه؟ أول من سيب السائب، هو اللي اخترع السائبة والدين الباطل اللي كان بيفعلوه مع الأنعام، وراح الشام وعمل تجديد وجاب الأفكار بتاعتُه لمكة وعمل تجديد.
في الجاهلية، في الباطل، ده إمام ما رضاش باستقرار الجاهلية على وضع معين، حب يرتقي بالجاهلية لوضع أعلى، ده إمام في الباطل، ويبعث إمام في النار زي ما ربنا قال على فرعون أن هو أئمة يدعون إلى النار، في أئمة في الحق، لذلك النبي صلى الله عليه وسلم قال عن زيد بن عمرو بن نفيل: «يبعث أمة وحده».
وابنه سعيد بن زيد من العشرة المبشرين بالجنة، سعيد بن زيد بن عمرو بن... أنت ما تستسلمش الأوضاع، هل أنت عندك لما تقول لي أصل أنا لما فلان عمل كذا وفلان اتسجن وفلان وكانوا بيعملوا مع بعض، سواء الإخاء وبيضربوا في بعض، لا ده أنتم كلكم.
نصابين فبالتالي مش هتكمل في الدين؟ هو لما دول يحصل بينهم كده ده معناه إن الله مش موجود، معناه إن الوحي باطل، معناه إن مفيش جنة، معناه إن النار اتطفت؟ لأ، مش كده.
تعالى كده، طب أنت ليه بقى توقفت؟ لماذا حماسك أصابه الفتور؟ ليه؟ هو أنت كنت شغال عشان دول؟ لأ، أنت محتاج تراجع نفسك. محتاج تراجع متعلقات قلبك، متعلق بأيه؟ محتاج تراجع عقيدتك، أنت على أي أساس كنت مكمل؟ لو كل الناس تخلت أنت لازم تكمل، لو كل الرموز سقطت أنت لازم تكمل. أنت عندك ثوابت تصلح عقيدتك، ده إشكالية في مشوارك في عقيدتك، في كمال عقيدتك، ده إشكالية فهمك للدين أصلاً.
كتاب الله عز وجل محفوظ، ولا تخلو الأمة من قائم لله بحق، ده من معتقد أهل السنة: «لا تزال طائفة من أمتي ظاهرة». امبحث، تموت وأنت تبحث في الطريق أفضل إنك تموت وأنت مستسلم. ﴿وَمَن يَخْرُجْ مِن بَيْتِهِ مُهَاجِرًا إِلَى اللَّهِ وَرَسُولِهِ ثُمَّ يُدْرِكْهُ الْمَوْتُ فَقَدْ وَقَعَ أِجْرُهُ عَلَى اللَّهِ﴾ [النساء: 100]. والأثر أنتم عارفينه معروف، خرج من مكة يهاجر مات عند التنعيم، ما لحقش يخرج. التنعيم ده اللي راح يعمل عمرة أو يحج قريب جداً، يدوبك على حدود مكة مسافة بسيطة جداً. تخيل لما واحد عايز يروح المدينة أربعمائة وخمسين كيلو ويموت بعد مثلاً عشر كيلو، ده قطع إيه ده في الطريق؟ وتنزلي آية تثني على هذا الفعل! ليه؟ لأنه خرج، ما استسلمش، تحرك ﴿أن يَخْرُجْ مِن بَيْتِهِ مُهَاجِرًا إِلَى اللَّهِ وَرَسُولِهِ﴾، اتحرك والوجهة سليمة إلى الله ورسوله، ثم يدركه الموت فقد وقع أجره على الله.
فأنت لازم ترجع تاني تشوف إيه ثوابتك، ليه البلبلة اللي بتصل كل شوية؟ يسمع شيخ اللي كان بيحبه يقع مثلاً في إشكالية، في رمز يسقط، هزيمة معينة للمسلمين، استضعاف حديث، يكتشف إنه كان فيه ضعف، خلاف فقهي، نزاع من النخب، خلافات ما بين المشايخ، كل دي ابتلاءات أصلاً في الطريق. هتكمل ولا لأ؟
سدنا سلمان، أول واحد قابله رمز ديني كان نصاب. سيدنا سلمان كان مفخم مبجل في بلده، أبوه هو المسؤول عن النار وعن الآلهة، هو ابنه، تخيل! يعني واحد مبجل معزز شاب، ساب كل ده وضحى بكل ده وسافر وتعب، وبعدين راح، راح قال: دلوني على أفضل أهل الأرض وأعلم أهل الأرض، وراح لواحد قالوا له: هو ده، روح وقعد يخدمه سنوات، ويكتشف إنه هو نصاب! تخيل الصدمة بتاعة سيدنا سلمان! يعني أنا سبت كل ده عشان أجي يطلع واحد؟ أنا راجع، أنا راجع يا عم لأبويا، يا عم أنا غلطان أصلاً، هروح أُبص إيد أبويا أقول له معلش حقك علي، هات يا عم النار أنا هأولعها، أنا ما قلتش يا كش تولع الناس دي كلها. لأ، أصلاً أنا إيه؟ الناس دي عايزة الولعة، خلينا يا عم في، لأ، راح للي بعده وقال له: دلني على اللي بعده، وراح سافر أربع دول! الخريطة لما تشوف كده خريطة سير سيدنا سلمان الفارسي، راح بلد في فلسطين، وفي العراق، وفي سوريا، وفي تركيا، ويلف لغاية لما يروح يستقر عند واحد، وبعد كده يسمع عن خبر بعثة النبي صلى الله عليه وسلم، ويحاول يسافر واليهودي يضحك عليه وياخده كعبد، ويسافر عند خيبر، ويروح بعد كده يوصل بطريقة عجيبة للنبي صلى الله عليه وسلم. صادق، ليه؟ لان هو فيه فطرة جوه مشتعلة، بيحث عن ما يروي هذا الظمأ.
أنت لما تقول لي: أنا فقدت الأمل في الطريق ده، ليه؟ أصل الناس دي طلعت كلها نصابة، فبالتالي الناس دي طلعت فبالتالي الدين ده باطل؟ لأ، أنت عندك إشكالية، الرابطة دي غلط، غلط! الربط ما بين إن فلان سقط أو الجماعة دي وقعت أو الخلافات أو هزيمة أو الاستضعاف، وبين إن دينا باطل، الربط ده غلط، الربط ده ظن عندك، هذا الظن أرداك، أهلكك، هذا الظن باطل. أنت محتاج تراجع إيه الثوابت اللي عندك وإيه المتغيرات اللي عندك. زي ما قلت لكم، لا قدر الله -حفظها الله من كل سوء- الكعبة، تخيل اتضرب عليها صاروخ، أنت متصور مثلاً إن فيه ملايكة فوق الكعبة حامياها من أي صاروخ، فأنت سمعت مثلاً حد قال لك: ده استضعاف، فأنت متصور وشايف كده، ففوجئت إن جه صاروخ وعدى -على فكرة الموضوع ده وخبط الكعبة- قال لك: إيه ده! ازاي؟ احنا اتضحك علينا، يبقى الكعبة دي باطلة، يبقى الدين ده باطل! هو أنت المقدمة هي اللي غلط، فبالتالي النتيجة غلط، المقدمة اللي أنت حاططها غلط. طب حضرتك تحط مقدمة صحيحة، المقدمة دي مفيش فيها عندك من البيان، ده بتاعك مش مستقى من القرآن.
في غلط أحياناً اللي بيحصل إيه؟ يعني مثلاً شيخ بيشرح فقه، فالجزء المعلومات اللي بيقولها صحيح هو أخطأ، هذا لا يعني إن أنا الفقه ده سقط، لا، ده أنا حتى ممكن استمر أخد منه هو ده الفقه، بالرغم إني عارف إنه أخطأ في كذا. يعني دائماً يا جماعة العقل الناضج هو اللي بيعرف يفصل ويجزّأ، مش اللي بياخد بالكليات كده على بعضها، لأ، العقل الناضج اللي بيعرف: إيه ده كويس في كذا، بس عنده مشكلة كذا. الناس دائماً إيه؟ العقلية العاطفية النسائية اللي هي إيه: «رأيت منك خيراً قط»، غلط غلطة يبقى إيه، ورمان! ما بيعرفش إن دي هاخد منها كذا، ودي الحتة دي كذا، والمنطقة دي هفهم منها كذا، وشخص فلان هستفيد منه كذا بس مش في كذا.
لذلك لما تجي مثلاً حد يسألك عن حد تقول له: والله ده فلان كويس، لكن بس كان عنده مشكلة كذا، إيه ده يعني ضل؟ لأ، ده أنا بقول لك عنه يعني رائع يا ابني، افهم! هو يا أحسن واحد في الأرض يا أوحش واحد في الأرض؟ لأ، أنا بقول لك، هو عايز كلمة واحدة تبقى عامة، لما حد كان ييجي يمدح مثلاً أحد المشايخ يقول لك: ده أعلم أهل الأرض، لأ مش أعلم إيه ده، يعني ما طلعش ده خلاص مش هسمعه، هو يا إما أعلم أهل الأرض يا إما مش هسمعه! يعني ليه التفكير الحاد ده؟ يا إما هنا يا إما هنا. مفسرين في علماء شراح السنة ممكن كل حد عالم مثلاً يتصدم مثلاً إنه كان بيعزم عالم من العلماء، عنده إشكالية معينة في بعض العقائد في الصفات، إيه ده! أنا اتصدمت! ما هو خلاص هو عنده، ماشي، ماشي، جزاك الله خيراً، اتصدمت وبتاع، هدي، كمل بقى، خلاص كمل وتعلم مسألة الخلاف وكيف تتعامل، خلاص تجاوز، خد فترتك خد صدمتك براحتك، بس كمل، ده مش معناه واخد ورجع، لأ، كمل في الطريق.
خلاص يا شباب؟ واضح الفكرة اللي أنا عايز أوصلها النهارده؟ يبقى احنا هنركن هنا بقى ونقف كده إيه؟ النهارده كان صدمة. سبحانك اللهم وبحمدك، أشهد أن لا إله إلا أنت، أستغفرك وأتوب إليك، جزاكم الله خيراً. حضرتك تبين نقطة.