د. أحمد عبد المنعملله وحده الصلاة والسلام على من لا نبي بعده محمد صلى الله عليه وسلم. بإذن الله عز وجل اليوم إن شاء الله هناخد حديث من أحاديث النبي صلى الله عليه وسلم، نتأمل ما فيه من عظات وعبرة، ومسألة أن تزكية أو التربية أو الإنسان يحسن من أخلاقه ومن أفعاله عن طريق الوحي. نزل الوحي ليهذب النفوس، والمفروض لما نتزكى نتغير بالقرآن وبالسنة قدر المستطاع.
ممكن كل فترة ناخد حديث من أحاديث النبي صلى الله عليه وسلم، خاصة الأحاديث الجامعة في ألفاظ للنبي صلى الله عليه وسلم. طبعا النبي صلى الله عليه وسلم أوتي جوامع الكلم. في أحاديث بتصلح كقواعد عامة، وفي أحاديث قيلت في مواضع خاصة، وفي أحاديث قيلت كقواعد عامة من ذلك قصص النبي صلى الله عليه وسلم، الأمثلة النبوية، مواقف معينة؛ لذلك في أحاديث المفروض الإنسان يتربى عليها ويتزكى بها، وتكون في الطرح التربوي للأفراد من خلال سواء كتاب ربنا سبحانه وتعالى من مواضع في القرآن، أو الطرح من خلال سنة النبي صلى الله عليه وسلم. زي حديث الثلاثة والصخرة، غلام الأخدود، حديث الأقرع والابرص والأعمى اللي آتاهم الله عز وجل المال ابتلاء لهم، أحاديث من الأمثلة النبي صلى الله عليه وسلم، أمثلة عن الدنيا للمؤمن سواء كان نحلة أو النخلة، نحلة ثورية مرفوعا أو موقوفا عن النبي صلى الله عليه وسلم.
الشاهد؛ أحاديث كثيرة، وبعض المؤلفين خصوا بعض الأحاديث بالتأليف فيها بحيث إن الإنسان يستفيد من هذه الأحاديث. معنا حديث النهاردة من أحاديث النبي صلى الله عليه وسلم نستفيد منه بعض المواقف التربوية وإسقاطات في واقعنا في العمل لنصرة دين الله سبحانه وتعالى. الحديث في البخاري باب العلم. نقرأ الحديث أولا وبعدين نحاول نشوف الفوائد من هذا الحديث.
عن أبي واقد الليثي رضي الله عنه أن رسول الله صلى الله عليه وسلم -صلوا عليه- كان رسول الله صلى الله عليه وسلم بينما هو جالس في المسجد والناس معه، إذ أقبل ثلاثة نفر، فأقبل اثنان إلى رسول الله صلى الله عليه وسلم وذهب واحد. قال الراوي: فوقف على رسول الله صلى الله عليه وسلم، فأما أحدهما فرأى فرجة في الحلقة -أو في الحلق إن كان الأكثر على أنها فرأى فرجة في الحلقة المجلس بتاع النبي صلى الله عليه وسلم- واحد شاف فرجة فجلس فيها، وأما الآخر فجلس خلفه قعد في آخر الليل، وأما الثالث فأدبر ذاهبا.
فلما فرغ رسول الله صلى الله عليه وسلم -النبي صلى الله عليه وسلم كان بيكلم الصحابة، لما انتهى- فقال النبي صلى الله عليه وسلم: النبي صلى الله عليه وسلم ما عداش الموقف ده، ثلاثة جم، واحد دور على مكان وقعد، واحد وقف في الآخر وقعد، واحد مشي. موقف ممكن يكون عابر، النبي صلى الله عليه وسلم وهو يربي أصْحابه ويعلم أصحابه استغل الموقف وقال للصحابة: ألا أخبركم عن النفر الثلاثة؟ بما إن الموقف ده النبي صلى الله عليه وسلم ما عداهوش، وقف معه النبي صلى الله عليه وسلم، احنا برضه عايزين نقف مع الموقف ده.
فقال النبي صلى الله عليه وسلم -صلوا عليه-: «ألا أخبركم عن النفر الثلاثة؟ أما أحدهم فأوى إلى الله فآواه الله، واما الآخر فاستحيا فاستحيا الله منه، واما الآخر -اللي هو التالت- فأعرض فأعرض الله عنه». الأول آوى إلى الله فآواه الله، والثاني استحيا فاستحيا الله منه، والاخر الثالث فأعرض فأعرض الله عنه.
احنا عايزين نقف وقفات مع الحديث ده، وازاي النبي صلى الله عليه وسلم موقف زي ده ما اعتبروش النبي صلى الله عليه وسلم مجرد موقف عابر في درس، اعتبره أنه ممكن يبقى سلوك حياة، ويترتب عليه معاملة من الله عز وجل؛ أن أحيانا طريقة معاملتك مع الصلاة، سواء بالاقبال أو اللامبالاة، طريقة معاملتك مع دروس العلم، طريقتك معاملتك مع بيئة الإيمان، مع الفرص الإيمانية اللي بتعرض عليك، طريقة معاملتك دي ممكن تمثل سلوك حياة وتمثل أيضا معاملة الله عز وجل لك.
بدأ الحديث عن أبي واقد الليثي أن رسول الله صلى الله عليه وسلم بينما هو جالس في المسجد، يبقى لابد أن المربي أو الداعية يبقى له وقت يمكثه في المسجد. لما الناس تعوزه تلاقيه في المسجد، دايما كتير من أحاديث صحابة النبي صلى الله عليه وسلم أن صحابي يكون محتاج النبي صلى الله عليه وسلم، في أول مكان يفكر يروح للنبي صلى الله عليه وسلم، يروح له فين؟ في المسجد. قبل ما يروح البيت يروح الأول يبص على المسجد، ما لقهوش في المسجد يبدأ يسأل، خير؟ وخاصة في الأوقات اللي كان بيمكث فيها النبي صلى الله عليه وسلم في المسجد.
يبقى دور المسجد وتعظيم دور المسجد لابد أنه يعظم ويرجع يكون هو المدرسة الأولى للتربية، وفي فضائل كتير فيه، مجرد المكث في المسجد. يعني أنت صليت المغرب وتستنى العشاء، انتظار الصلاة ده النبي صلى الله عليه وسلم بيسميه الرباط، مجرد أنك تجاهد نفسك على المكث في مسجد. واحد يقول لك: طب وأنا أقعد في المسجد يعني؟ طب ما ممكن أقوم أعمل أي حاجة تانية. لو في خير آخر أعمله، لكن مجرد المكث في المسجد ومجاهدة نفسك أنك تقعد أطول وقت ممكن في المسجد هو رباط، كأنك تجاهد نفسك أنك تمكث في المسجد.
فالنبي صلى الله عليه وسلم قاعد في المسجد والناس معه، طالما النبي صلى الله عليه وسلم قاعد في المسجد يبقى بيعلمهم أو يتعبد وهم يتأسون به. يعني مش كل مجلس النبي صلى الله عليه وسلم مش كل مجالسه أن هو بيتكلم وهم بيسمعوه، ممكن كان النبي صلى الله عليه وسلم أحيانا في المجلس يستغفر، كانوا يقولون: كنا نعد للنبي صلى الله عليه وسلم في المجلس الواحد للاستغفار مائة مرة. يبقى ممكن وهم قاعدين والنبي صلى الله عليه وسلم قاعد بيعمل إيه: أستغفر الله، أستغفر الله، أستغفر الله.
يبقى التعليم مش لازم بمجرد الكلام، ممكن بالعمل، النبي صلى الله عليه وسلم ممكن كان يقوم يصلي القيام فيجوا في رمضان يلاقوه بيصلي قيام فيأتم به، وخش النبي صلى الله عليه وسلم يكرر ذلك حتى لا تفرض عليهم التراويح. الشاهد أن التعليم ممكن يكون بالكلام أو بالعمل.
والناس معه، إذ أقبل ثلاثة نفر، معنى أن التلاتة جم يبقى التلاتة في أول لحظة كانوا جايين رغبة، التلاتة كان عندهم رغبة للتعلم في مجلس النبي صلى الله عليه وسلم. يعني التالت اللي مشي ده أول لما جه كان في بداية الرغبة أن هو عايز يتعلم، لكن في ظروف منعته أنه يكمل فمشي. يعني هو مش جاي ناوي إنه يمشي، هو جاي عزيمته ضعيفة، هو جاي نيته مش قوية، إنما من الأول هو كان جاي عشان يتعلم.
إذن أقبل الثلاثة، يبقى الأول أن التلاتة كانوا جايين. النبي صلى الله عليه وسلم قاعد في مسجد بيعلم أصحابه، جه تلاتة، التلاتة أقبلوا، فبيقول الراوي: فأقبل اثنان وذهب واحد. بيقولوا يعني هل كده في نوعين من الإقبال؟ قال لك: أه، الأول هم جم لقوا المجلس من بعيد كده فقربوا التلاتة، لما قربوا التلاتة واحد شاف المنظر كده حس إن الموضوع زحمة وهيبقى فيه تعب ولسه هيطولوا والقاعدة بقى هتطول، قام ماشي. يعني من بعيد كده في واحد بياخد قرار في العمل للدين أو في نصرة الدين أو حتى في أعمال الدين، بياخد قرار بدري أنه يمشي والعياذ بالله. اللي هو زي ما ربنا سبحانه وتعالى قال: ﴿فَأَعْرَضَ عَن تَوَلَّى * وَأَعْطَىٰ قَلِيلًا وَأَكْدَىٰ﴾ [النجم: 33-34] هو من الأول داخل أعطى قليلا، من الأول داخل شكله مش ناوي يكمل.
فيه واحد داخل كده بيتلكك عشان يمشي، يدخل مثلا يصلي، حد يضايقه، والله ما أنا داخل المسجد تاني! هو من الأول داخل بيتلكك. حد يقول له: يا عم ما بتجيش؟ اصل هو اللي بيقف جنبي بيدوس على صابعي الصغير. طب وأنت هتسيب الصلاة في المسجد عشان صابعك الصغير؟ اللي هو فيه ناس بتتلكك عشان تمشي من المسجد، عشان تمشي من الطاعة، عشان تمشي من العمل للدين دي ما بتدعوش إلى الله. اصل أنا في مرة مش عارف حد قال لي كلمة ضايقتني، هو قاعد يفكر على أي عذر أنه يمشي، لأن من الأول نيته مش قوية.
فيقول الراوي: أقبل اثنان وذهب واحد. أما أحدهما الأولاني عمل إيه؟ شوف بقى النبي صلى الله عليه وسلم المشهد اللي شافه ده، زي ما قلنا بيعرفنا أن ده ممكن يبقى سلوك حياة الناس بتتصرف إزاي المقبلين. احنا لغاية دلوقتي بنتكلم على المقبلين على الدين، أن في تلاتة أقبلوا على الدين. يعني الحديث ده ما بيتكلمش من الأول عن المعرض أساسا، لأ، ده بيتكلم عن تلاتة أقبلوا في مجلس للنبي صلى الله عليه وسلم سلوكهم بيختلف. يعني التلاتة ملتزمين بالتعبير المعاصر، تلاتة عايزين دين، لكن تصرفاتهم بتختلف حسب الواقع اللي بيشوفوه.
يبقى ممكن تلاتة كانوا أصحاب والتلاتة قرروا يسيبوا المعاصي ويمشوا في طريق الالتزام، لكن سلوكهم بيختلف حسب الواقع اللي بيشوفوه. ممكن واحد من الأول يتصدم في واقع زميله يقوم ماشي، يقول لك: لا يا عم ده طلعوا وحشين ويمشي، ونشوف بقى التانيين بيعملوا إيه. يعني الحديث مش بيتكلم عن اللي معرض أساسا واللي ما بيصليش واللي ما بيجيش، لأ، ده تلاتة أقبلوا على مسجد النبي صلى الله عليه وسلم، وفي حلقة من حلقات العلم أو حلقة من حلقات الذكر. أقبل اثنان وذهب واحد، فوقف على رسول الله صلى الله عليه وسلم، وقفوا كده يبصوا الاثنين بقى. التالت وقف بعيد كده، لقى المشهد زحمة قام ماشي على طول، وهنتكلم عنه التالت.
فقال الراوي: أما أحدهما عمل إيه؟ فرأى فرجة في الحلقة، قعد يدور مكان فاضي كده قدام، فقعد يحاول لغاية لما وصل للمكان الفاضي. ده يدل أن المكان كان زحمة، ده يدل أن المكان كان فيه زحام حول النبي صلى الله عليه وسلم وكان في إقبال لسماع كلام النبي صلى الله عليه وسلم. فرأى فرجة، لقى حتة فاضية كده، وكانوا قاعدين عشان قالوا يستحب أن اللي في مجالس العلم يكون حلقات ويكون فيه تقارب، مش زي ما احنا قاعدين كده، لا، يستحب أن يكون فيه تقارب زي ما النبي صلى الله عليه وسلم كان بيقول له أو يروي عن أصحابه وسلم: كانوا إذا جلسوا مجلس لو بسط عليهم رداء واحد لغطاهم كلهم. الشاهد: فرأى فرجة، لقى حتة فاضية في الحلقة، فراح لغاية لما وصل لها وجلس فيه.
الثاني بص كده مش عارف مش لاقي فرجة ومكسوف يدور أو يسأل أو يقول لحد، ففضل واقف مكسوف يعمل إيه؟ وفي رواية أنه كان هَمَّ أنه هيمشي، ما هو مكسوف ومش لاقي مكان. ففي الآخر قال: لا، استحيا أن يعرض عن مجلس فيه النبي صلى الله عليه وسلم، فقام جالس في آخر مكان في المسجد وقعد وراهم كلهم، ما لقاش مكان في حلقات النبي صلى الله عليه وسلم فقعد وراهم. وأما الآخر فجلس خلفهم، وأما الثالث التالت لقى المنظر كده وزحمة: أنا أتعب نفسي ليه؟ فأدبر ذاهبا وقام ماشي.
فلما فرغ رسول الله صلى الله عليه وسلم -النبي صلى الله عليه وسلم ما قالش أول لما جم، استنى عشان ما يتحطوش في موقف محرج- خلص الحديث خالص فقال النبي صلى الله عليه وسلم: ألا أخبركم عن المثل الثلاثة؟ أما أحدهم -الأولاني- فأوى إلى الله فآواه الله. تعالوا نقف مع الأول بقى شوية، الأول اللي جاي عايز طريق الالتزام، في ناس ربنا سبحانه وتعالى بيديها القدرة هي تفكر، عارف الشخص اللي احنا بنقول عليه في تعبيرنا حرك؟ بيعرف يدور على ثغور، بيروح يسأل هو التحفيز فين؟ عشان عايز أحفز قرآن، عايز أتعلم دعوة، عايز أبقى إمام، عايز أؤذن، عايز أتعلم أن أنا أمسك حاجة ثغر من ثغور الدين، عايز أتعلم أي حاجة أعمل بيها دين ربنا، ويسأل ويدور على أي مكان ثغر فاضي للدين.
فزي ما هو الأولاني دور على فرجة، فرجة يعني حتة فاضية في الصف، فرجة في الحلقات، لغاية لما وصل لها، حتى بيقولوا زاحم، بيقولوا زاحم حتى يصل إليها، لذلك قالوا: يستحب المزاحمة في أبواب الخيرات، أنك أنت تزاحم عشان تزاحم، طبعا بدون أذى، تزاحم لباب الخيرات. لذلك يسن المزاحمة على الصف الأول والإقراع على الصف الأول، مش الناس تزهد عنه؟ لأ، نتنافس. في واحد دي نفسيته عنده قدرة أنه يدور ويروح ويسأل ومش مكسوف، إيه يعني لما يروح يسأل أول شيخ والشيخ ما يعبروش، يروح تاني، يروح لشيخ تاني، يروح يحفظ واللي بيجي يسمع له ما يجيش، يروح يدور على واحد تاني، ويدور على مسجد تاني، ييجي يقعد جلسة ضحى في مسجد يمشوه، يروح يدور على مسجد تاني، بيدور يروح يحضر درس يتلغى يروح يدور على درس تاني. في واحد قاعد بيبحث عن أي فرجة ليجلس فيها، عن ثغر يخدم به الدين.
في بداية التزامك ما انتاش عارف ممكن تخدم الدين بايه، أنت ممكن في الدنيا دورت لما شبعت لغاية لما لقيت لك كلية وبعدين وظيفة أو اشتغلت شغلانة، شفت شغلانة مناسبة لك.
طب في الدين اعمل ايه؟ سؤال ناس كتير بتسأله، اعمل ايه في دين ربنا؟ ممكن ما تلاقيش واحد يقول لك انت اعمل كذا، يعني أحيانا كان النبي صلى الله عليه وسلم يقول لبعض الصحابة: أنت اتعلم لغة عشان ترد على القوم الآخرين، وأنت روح السارية الفلانية وأنت اتعلم القرآن وتعلمه للناس، في أحيانا خذل عنا ما استطعت، النبي صلى الله عليه وسلم يقول له: اعمل حاجة، دور على حاجة اعملها، ما أعرفش دور.
اجتهد بحيث إن مش لازم كل واحد حد يقول له اعمل كذا، أنت دور، فاللي يجي يدور على حاجة يعملها للدين، فيه واحد زي ما قلنا شخصيته بتساعده إنه يعمل كده. الراجل ده بحث عن ايه؟ بحث عن فرجة في الصف، يعني ايه فرجة؟ مكان فاضي في الدين بتسده، إنك بتبحث عن الثغر اللي فاضي، مش دورك، مش أنت عايز تقوم حد وتقعد مكانه وخلاص في الدين.
عايز تبقى زي فلان أو داخل الدين عايز تبقى زي فلان، آه أنا عايز أبقى زي فلان، طب واستفادنا ايه إنك تبقى زي فلان؟ هيبقى عندنا فلانين! يعني احنا عايزين نسد ثغر فاضي في الدين، لو الدعوة الفردية فاضية تسدها، الدعوة الجماعية، الأمر بالمعروف والنهي عن المنكر، التعليم، التعلم، تحفيظ القرآن، حفز القرآن، دور على مكان فاضي وسده، ابحث عن فرجة، كل ثغور الدين الآن مفتوحة، يعني احنا محتاجين كل الناس لسد ثغور الدين، أي ثغر الآن من ثغور الدين محتاجين فيه ناس.
ابحث عن فرجة، فالراجل ده دور على ايه؟ بحث عن فرجة في الصف، دور على مكان في الصف عشان يروح يجلس فيه، ما قومش حد عشان يقعد مكانه، مش داخل من الأول ينازع الموجودين، لأ، داخل يساعد العاملين. هو مش داخل من الأول ينازع إنه عايز ايه؟ يدي لفلان كتفه ويبقى مكانه، أو يضرب في فلان أو يشتم في فلان، لأ، هو داخل بيشوف الدين محتاج ايه وأنا أعمله.
شوف قالوا: يستحب زي العلماء ما قالوا إن الحديث ده زي ما يستحب إتمام صفوف الصلاة، يستحب إتمام الحلقات في العلم، إنك لما تلاقي مكان حلقة العلم فاضي تيجي تسد المكان ده. وزي ما الشياطين بتدخل ما بين المصلين لو فيه مكان فاضي، كذلك لما بيبقى فيه ثغور فاضية في الدين الشياطين بتدخل منها، تاني المعنى ده مهم، زي ما واحنا واقفين في الصلاة ليه يستحب إن احنا نسد الفرجة في الصلاة؟ الشياطين بتدخل منها، فالمفروض المؤمنين كل ما يبقوا صف متماسك كل ما الشياطين ما تعرفش تدخل ما بينهم، وبالتالي ما تعرفش تفرق بينهم والتحريش بينهم يقل لو في ثغور فاضية في الدين.
فيه ثغور فاضية عندنا في الدين، هيحصل تنازع لأن كل ما نترك جزء من الدين كل ما يحصل خلاف بينا في الدين، قول الله عز وجل: ﴿فَلَمَّا نَسُواْ حِظَّا مِّمَّا ذُكِّرُواْ بِهِ أَغْرَيْنَا بَيْنَهُمُ ٱلْعَدَاوَةَ وَالْبَغْضَاءَ﴾ [المائدة: 14]، وشيخ الإسلام دايما بيذكر الآية دي، إني على قدر ناس وحظا من الدين لما تسيب جزء من الدين، على قدر العداوة والبغضاء، ده اللي بيحصل، إن جزء من الناس يقول لك بس العلم الشرعي أهم حاجة، واحد يقول لك لا الجهاد أهم حاجة، واحد يقول لا التعليم مثلا، واحد يقول لا دعوة، فكل واحد يختار جزء من الدين ويمسك فيه، ويحصل فجوات بين الناس دي وبعضها.
لذلك شوف قول الله عز وجل في سورة التوبة: ﴿فَلَوْلَا نَفَرَ مِن كُلِّ فِرْقَةٍ مِّنْهُمْ طَائِفَةٌ لِّيَتَفَقَّهُوا فِي الدِّينِ وَلِيُنذِرُوا قَوْمَهُمْ إِذَا رَجَعُوا إِلَيْهِمْ لَعَلَّهُمْ يَحْذَرُونَ﴾ [التوبة: 122]، فلولا ها نفروا من كل فرقة منهم طائفة، يبقى أول فعل عندنا في الآية ايه؟ نفر، فلولا نفر من كل فرقة منهم طائفة، ليه؟ ليتفقهوا في الدين ولينذروا قومهم إذا رجعوا إليهم لعلهم يحذرون، فلولا نفر من كل فرقة منهم طائفة. يبقى أول فعل عندنا في الآية إيه؟ نفر، ليتفقهوا في الدين ولينذروا قومهم إذا رجعوا، يبقى رجعوا وبعدين ينذروا، يبقى عندنا أربع أفعال: نفر فتفقه فرجع فأنذر قومه، يبقى عندنا أربع أفعال بالترتيب كده في الآية، إن جزء ينفر.
ينفر يعني ايه؟ النفر الحركة السريعة، إن محتاجين حد الآن يعمل لنا مكان التحفيز، محتاجين حد الآن يتخصص في علم من العلوم الشرعية، محتاجين حد يدرس لغة أجنبية يرد بها على الشبهات، محتاجين حد الآن يأمر بالمعروف وينهى عن المنكر. يخرج، أول حاجة النفر، إن ده استجابة فورية لسد الثغر، يبقى أول فعل في الآية: نفر من كل فرقة منهم طائفة ليتفقهوا في الدين، بيخرج طائفة تزداد تفقها في الدين. العجيب أن المفسرين قالوا إن معنى الآية اختلفوا على قولين، أن الفرقة التي خرجت نفرت عشان تفقه في الدين، بعضهم قال دول اللي راحوا يجاهدوا، بعضهم قال لأ دول اللي راحوا يطلبوا العلم، فاللي راح لثغر حركي أو راح لثغر علمي الاتنين بيستفادوا فوائد.
ده بيستفيد وده بيستفيد، وقالوا إن المجاهد اللي بيخرج يعمل الدين يرى من آيات الله لنصرة العاملين، طول ما أنت قاعد بتتكلم أنت ما شفتش ربنا بيعاملك إزاي، لما تخرج وتشتغل في الدعوة ترى من آيات الله، أنت بتشوف بقى مش بتقرأ، ترى من آيات الله كيف يعامل الله عز وجل العاملين لنصرة دينه، ما ترجع تكلم الناس تقول لهم الله عز وجل يفعل كذا وكذا وكذا.
يبقى أول حاجة، الفعل الأول في الآية: نفر، الفعل التاني: يتفقه، احنا ممكن أجزاء مننا بتطبق الاتنين دول، لأن فعلا في ناس بتروح تتعلم حاجة وبتستفاد فعلا، لكن المشكلة بقى نجيء بعد كده إنه ما بيرجعش، رجعوا إلى قومهم، ما فيش مكان نتجمع فيه نعلم بعض اللي احنا تعلمناه، بيحصل بينا قطيعة، بيحصل بينا فجوات، نحتاج إلى سد هذه الفجوات، نحتاج إلى بناء هذه الجسور بين المسلمين، فأصبح في قطيعة، إن كل فرقة الآن هي فرحانة إن هي متميزة في ثغر، وفي قطيعة من اللي بيتعلم العلم وبين المعروف والنهي عن المنكر وبين بتاع الدعوة وبتاع الواقع الحركي وبتاع الجهاد، أصبح فيه قطيعة الآن بين المسلمين.
كل واحد فرحان، كل حزب بما لديهم فرحون، فرحان إنه اتعلم حاجة ما بيكملش، ممكن في جزء مننا بينفر، جزء مننا بتفقه، لكن ما فيش بقى رجع فأنذر قومه فبالتالي ما بيحذرش وبيحصل القطيعة. فالراجل ده هنا عندنا في الحديث بحث عن فرجة ليسدها، عايزك تدور على جزء فاضي في الدين تسده، إنك أنت تقول أنا أكفيكم هذا الثغر، لن تؤتوا من قبلي، ما حدش هيدخل من المكان ده طالما أنا واقف هنا، أنا مسئول عن المسجد، أنا مسئول عن التحفيز، أنا مسئول عن الدعوة، أنا مسئول عن كذا في مكان كذا، اختار حاجة.
الراجل ده استطاع بتوفيقه من الله أنه يبحث عن فرجة ويدور لغاية لما راح وزاحم حتى وصل، زي ما قلنا في شخصيات ربنا أداها القدرة إن هي تعمل كده، إن هي تدور وتبحث وتسأل، اعمل ايه؟ أفيد الدين ازاي؟ لغاية لما ربنا بيسر له لأنه أقبل على الله عز وجل، وزي التعبير هنا بيقول ايه؟ النبي صلى الله عليه وسلم قال ايه؟ أما الأول فأوى إلى الله، إحساس إنك أنت من غير ثغر في الدين أو من غير إنك تعمل للدين أنت ما لكش مأوى، أوى إلى الله، إحساس إن ثغرك اللي بتنصر في الدين ده مأواك مش العكس، يعني مش أنت بتخرج من بيتك تروح تنصر الدين وبعدين تأوي لبيتك، لأ، ده أنت تأوي إلى الثغر بتاعك حتى لو ثغر تعبدي، تأوي إلى ثغر وتخرج تمارس حياتك وبعدين ترجع إلى مأواك، لا تشعر بالطمأنينة إلا وأنت تعمل للدين، مش العكس، أوى إلى الله في التعبير فأواه الله، إنك أنت إحساسك إنك لما أخيرًا تلاقي حاجة تخدم بها الدين فتأوي بكلك، مش تدخل تقدم أعطى قليلًا وجدة، لا، تأوي بكلك لنصرة الدين من هذا المجال، مش داخل كده بتدي فتات الأوقات لنصرة الدين وتدي بعض أوقات لنصرة الدين، لأ، أوى إلى الله.
واللي بيعمل كده ربنا ما بيضيعوش أبدا، أبدا، ربنا سبحانه وتعالى بيقبله، أوى إلى الله فأواه الله، أوى إلى ركن شديد سبحانه وتعالى، خلاص يؤويه الله عز وجل، زي الفتية لما أووا الكهف كده قالوا: ﴿رَبَّنَا آتِنَا مِنْ لَدُنْكَ رَحْمَةً وَهَيِّئْ لَنَا مِنْ أَمْرِنَا رَشَدًا﴾ [الكهف: 10]، لما أووا إلى الله عز وجل آواهم، الأولاني عنده ربنا آتاه القدرة إنه يبحث ويدور ويزاحم، لقى فرجة، حاول يسدها، بذل مجهود عشان يوصل لها، أوى إلى الله فأواه الله.
كان ممكن يقف يقول ايه؟ مش لاقي مكان، طب اعمل ايه؟ أنا ماشي، لما تبقوا تلاقوا مكان تبقوا نادوا علي، لما تحتاجوني تبقوا نادوا علي في الدين، في ناس تتعامل مع الدين كده، يقول لك ما اصل أنا ما حدش قال لي اعمل حاجة، لي أحد أصدقائي مريت ببلاء كده، ابني كان مريض، فنقوم ايه؟ واحد صاحبي يتصل بيا يقول لي محتاج حاجة؟ أقول له لأ شكرا، واحد صاحبي تاني جه فضل واقف معي، طول ما وقف معي اكتشف إن أنا كنت محتاج دواء من كذا، كنت محتاج كذا، طول ما واقف جنبي اكتشف إن أنا كنت محتاج حاجات، هو قال لي، صاحبي ده قال لي، كان واقف قال لي: أنا والدي نصحه نصيحة: لما حد يكون في مشكلة ما تتصلش به تقول له أنت محتاج ايه، روح اقعد جنبه وأنت تعرف هو محتاج ايه.
اه في الدين كده، ما تقولش لما تعوزوا ابقوا كلموني، روح اقعد في بيت الإيمان وأنت تعرف الدين محتاج ايه، طول ما أنت بره بيت الإيمان ما انتاش عارف الدين محتاج ايه، ما انتاش عارف، أنت ما بتقعدش في المسجد، ما انتاش عارف المسجد محتاج ايه، ما بتروحش لإخوانك تزورهم، ما انتاش عارف هم محتاجين ايه، مش عارف، مش متابع واقع المسلمين، يبقى أنت ما انتاش عارف واقع المسلمين محتاج ايه، أنت طول ما أنت بعيد حاسس إن الدنيا زي الفل وكويسة، مش محتاجيني في حاجة، طب سلام عليكم، أشوف أنا بقى حالي.
طول ما أنت جوه واقع الدين، طول ما أنت تعرف الدين محتاج ايه، سبحان الله! من تقرب إلي شبرا تقربت إليه ذراعا، أنت الطريق لربنا ما بيظهرش كامل من أول لحظة، لا، خطوات، أنت الأول بتمشي شبر بيظهر لك جزء، فتمشي فيظهر لك جزء، وده الطريق إلى الله عز وجل، مش إنك أنت عايز لأ، أنا مش هامشي خطوة إلا لما حد يعرفني من أول لحظة هامشي فيها في الدين لغاية التمكين أو لغاية لما أموت، ايه اللي هيحصل؟ لأ، ما نعرفش، أنت بتعامل ربنا مش بتعامل البشر.
وفي الطريق ده لك علاقة مع الله سبحانه وتعالى، تاخد خطوة ربنا يفتح لك اللي بعدها، على قدر الصدق والإخلاص في الخطوة الأولانية على قدر الفتح في الخطوة التانية. الأول بحث عن فرجة، زاحم حتى وصل إليه، فقال النبي صلى الله عليه وسلم الأول ده أفضل اختيار، أوى إلى الله فأواه الله، تبحث عن ثغر، وبعدين أنت لما بتقعد في الفرجة ديت أنت بتستفاد أكثر من حاجة، أولا بتسد الصف بين المسلمين فبتمنع دخول الشياطين.
بتقيم جسور بين العاملين للدين فبتمنع دخول طيور الظلام بين الناس وتوقعهم، النقطة التانية: أنت بتستفاد مش بس اللي إخوانك بيستفادوا، إنك بتبقى محاط بإخوانك، يأكل الذئب من الغنم القاصي البعيد، لما تبقى أنت وجنبك أخوك وجنبك أخوك، قدامك أخوك، وراك أخوك، خلاص الشيطان ما يعرفش يأكلك، ما يعرفش يغتالك، أنت بتجلس في فرجة فتصبح محاط بإخوانك.
دائما البعيد عن واقع الدين وبيئة الالتزام وما يعرفش إخوة بيصلوا الفجر يصحوه، ما يعرفش ناس بتحفظ قرآن، ما يعرفش ناس بتدعو، ما يعرفش ناس بتتعلم، ده سهل إنه يتخطف، حتى لو كان هو ناوي بجد وكان عايز، ده سهل إنه يتخطف لما بيبعد عن بيئة الإيمان، فسهل إنه يتخطف، كتير من اللي بعد عن بيئة الإيمان سواء اختيارا أو اضطرارا والعياذ بالله.
قلنا الأول لازم تبحث عن ثغر، نبحث عن فرجة، احنا بنتكلم عن الناس اللي جت اتنين تلاتة جملة دين، الأول قعد يدور على مكان في الصف عشان يقعد فيه، دور على مكان فاضي، ما نازعش اللي قاعدين، ما قومش واحد، ابحث عن ثغرة تسد، ابحث، خذل عنا ما استطعت، كل الثغور الآن مفتوحة، خليك محاط بإخوانك، أقم الجسور بين العاملين الديني.
لما تقعد في مكان ما تفصلش بين ده وبين ده، أنت لما بتيجي بتصلي في مكان، وبعد الصلاة في آخر الصلاة بتقول ايه؟ السلام عليكم، السلام عليكم، بتفشي السلام بين الصف، الصف كله كأنه بيسلم على بعضه، خلاص أنت بقيت تلقي السلام على اليمين وعلى اليسار، أنت أصبحت سلاما، المكان ده وجعلني مباركا أينما كنت، فتصبح مباركا وسلاما أينما حللت، وتقيم الجسور بين المسلمين أيضا.
في مسألة سد الثغور أو سد الفرجة ديت إحساس، أنت ممكن أنت تشوف فرجة في الصف بتقول ايه؟ طب ما خلاص غيري يبقى يجي يسدها، يعني ما الدين ما وقفش علي أنا، لقيت مثلا كنهضرو بابسط مسال، أن حد يؤذن في المسجد، أن حد يفتح المسجد، حد ينظف المسجد، حد يحفظ أطفال، أن حد.
يعدي على ناس يقول لهم قوموا صلوا، حد يتعلم علم معين، ليس قصدي أن تسوي شيلة عظيمة. النبي ﷺ قال: «عرضت علي أعمال أمتي»، حتى إزالة الأذى من المسجد وتطهير المسجد عمل عظيم. الشاهد أنك قد تقول: ما الذي سيحدث لو الدين سيقع؟ التفكير بهذه الطريقة هو الذي يجعل الدين لا يكون، ويجعلك أنت أول واحد تخسر. نريد أن نغير طريقة التفكير. الفرجة لو ما أحد شدها لن تسد؛ أريدك أن تغير طريقة التفكير. إنك تفكر دائماً عندما تأتي مثلاً لتعلم شيء في العلوم الشرعية، كالفقه، فأنت تتعلم ودائماً حاطط في ذهنك: غيري كثير يذاكرون، لو اليوم أنا لم أذاكر ليس مشكلة، طب غداً ليس مشكلة، طب هذه السنة لم أذاكر؟ ليس مشكلة.
طريقة التفكير هذه توقعك وتوقع الدين. لذلك كان هناك مثال جميل جداً في سيرة النبي ﷺ، صلوا عليه، كان أحد كتاب السيرة يقول: غزوة حنين وغزوة أحد، الغزوتان حدث فيهما شيء غريب جداً؛ بداية ونهاية مختلفة. غزوة حنين البداية كانت هزيمة والنهاية كانت النصر. أحد العكس، البداية كانت النصر والنهاية كانت الهزيمة. يقول التحول هذا حصل لماذا؟ هل لأن أعداد المشركين زادوا فجأة؟ لا. هل العدو تغير؟ لا. هل المسلمون حدث فيهم تغيير؟ لا، نفس الأعداد ونفس الآمال. التغير حصل في النفوس. في غزوة حنين دخلوا وهم يقولون: لن نهزم اليوم من قلة. نحن كثير جداً، فداخل بنفسية: عادي، لو أنا لم أضرب فغيري سيأتي يضرب.
فكثير جداً نحن كذا ألف، لو أنا لم أنزل أفتح المسجد، نحن في المنطقة عشرة إخوة، لو أنا لم أنزل فلان سينزل. وماذا يحدث لما تفكر هكذا؟ المسجد لا يفتح. لما تفكر بطريقة: نحن عشرون واحداً في المنطقة لتحفيظ الأطفال، لو أنا لم أنزل غيري كثير جداً سينزل؛ ماذا يحدث؟ الأطفال يصبحون أطفال شوارع بعد ذلك ويضربونك. هذه طريقة التفكير لما في أول حنين فكروا هكذا قالوا: لن نهزم اليوم من قلة، لما دخلوا بهذه النفسية هزموا. لما فروا نادى النبي ﷺ على الأعيان: يا أصحاب البيعة، يا أصحاب كذا، يا أصحاب سورة كذا؛ نادى على أشخاص. فالكاتب يقول كلمة ظريفة: فتحول الأمر عنده من فرض الكفاية إلى فرض العين، فأقبلوا فانتصروا. داخل حاسس أنه هو المسؤول، لما دخل بالنية هذه انتصر. لما تدخل عمل الدين أنت مسؤول، لا تمشِ، ليس هناك أحد وراءك، ليس هناك أحد في ظهرك؛ ستمشي ستقع.
أحياناً أنت دائماً تصور لنفسك عادي، فيه غيري كثير، ماشي. لو أنت مضطر، أنا لا أتكلم على حالات الاضطرار، أنا أتكلم على الأصول. أنت لازم وأنت تعمل أن هذه لعبة نصرة الدين، ليست لعبة، ليس أصلاً أنا اليوم ليس لي مزاج أكمل، أنا جئت أذاكر أشياء معينة أو أعلم اكتشفت أن ليس لي مزاج، أنا سأمشي، الموضوع ليس مستهاناً، الموضوع ليس هكذا أبداً. في أشياء في الدين شيخ الإسلام يقول: تلزم بالشروع. يعني ماذا تلزم بالشروع؟ يعني في الأول تكون مستحبة، لما تشرع فيها وتمشي فيها تصبح واجبة عليك بالرغم أنها كانت مستحبة في الأول، مثل الحج النفل والعمرة النفل والجهاد النفل؛ في الأول الحاجات هذه تكون نفلاً أنت حر، لكن بقيت في نص الجهاد ما ينفع تولع، ما تقول بقى أصل الجهاد هذا أصلاً كان جهاداً مستحباً، والله أنا جئت هنا غلط، خلاص أنت بقيت، أو الحج ما ينفع تمص الحج تقول: لا، أنا لم أكن أعرف أن الموضوع صعب هكذا. الحج نفل، أقصد ليس الفرض بالرغم أنه كان نفلاً طول ما هو كذلك، لأ، يلزم أنك تكمله، ﴿وَأَتِمُّوا الْحَجَّ وَالْعُمْرَةَ لِلَّهِ﴾ [البقرة: 196]. الإتمام، حتى لو بعض العلماء قاس على ذلك أعمالاً مثل العلم والدعوة، في حاجات تلزمك طالما ربنا علمها لك وشرعت فيها وفتح الله عليك فيها، ليس بمزاجك تمشي.
ليس بمزاجك، أنت ربنا حفظك القرآن وبدأت تحفظ وعملت مجموعات وفيه ناس مرتبطة بك وبدأ دينهم يقوم عليك، ليس من حقك أن تمشي فجأة بدون سبب، ليس من حقك. أنت ستحاسب وتسأل أمام الله عز وجل، ليس بمزاجك تمشي هكذا فجأة تقول: أصلاً أنا لا أريد، هذا ليس من شكر النعمة، أنت لم تصل للمكان هذا بقوتك، هذا بتوفيق من الله عز وجل. أول ثلاثة ونعوذ بالله منهم تسعر بهم النار، فيعرفهم الله نعمته عليهم فيعرفونها، ربنا يقول له: أنا علمتك؟ يقول له: أيوا. يبقى ربنا يقول له: الأول أنا أعطيتك، فيسأله على النعمة. فإذا سد الثغور وسد الفرجة في الصف يحتاج إلى أننا نريد أن نغير طريقة التفكير من: في غيري كثير، إلى: ما في غيري، حتى أنت تقبل على الفرجة حتى تصل إليها وتسد هذه الفرجة.
الثاني، لكي لا نطول، الثاني عمل ماذا؟ الثاني بقى ربنا النبي ﷺ قال عنه: فاستحيا. قالوا: استحيا من ماذا؟ يتكسف من ماذا؟ قالوا حاجتين: الشراح بعض الناس قال استحيا أن يزاحم وأن يبحث عن فرجة. في شخصية هي ضعيفة، مكسوف، مش حرك، مش عارف، هو يريد فعلاً بس مش عارف. هو صادق يريد أن ينصر الدين حقاً بس مش عارف يدور. الأولاني شاطر بيعرف يتحرك ويسأل ويتنطط ولو تأذى أو أحد ضايقه مش مشكلة، بيكمل ويقوم ونفسيته قوية، الثاني نفسيته ضعيفة شوية، وهذا موجود. ربنا ما بينساهوش، طالما صادق ده ما مشاش بالرغم أنه مش عارف يتصرف، يعني هو عارف، أنا عايزك تتخيل كذا هو واقف مش لاقي مكان، مكسوف، مش عارف يزاحم، شايف ناس بتجيء وتدور وتزاحم ونفسيتها قوية وبتبحث عن مكان في الصف وبتجلس، هو كأنه يقول له: يا رب أنا بحبك وعايز أنصر الدين ومش عارف أعمل إيه، بس مش ماشي. اختيار أن أنا أمشي هذا مش موجود في الاختيار، لو هفضل واقف كذا لغاية لما أموت واقف، أفضل واقف.
فاستحيا، فلم ينسه الله، فاستحيا الله منه. قيل استحيا أن يزاحم، وقيل استحيا أن ينصرف عن مجلس فيه رسول الله أو فيه دين، اتكسف: إزاي يا رب أمشي وأسيبه؟ حتى لو مش عارف أعمل إيه؟ ما ينفعش أمشي. أسوأ اختيار أنك تمشي. لو نضع عنواناً لدرس النهاردة: أرجوك لا تنصرف، ما تمشيش. أسوأ اختيار، والمثل المشهور لابن القيم كثيراً ما يذكره، يقول لك تخيل الأم لو ضربت ابنها وطردته بره، فالابن خرج وقعد يدور على مكان يروح فيه ما لقاش مكان يروح فيه، فقعد قدام البيت يعيط. فالأم فتحت الباب لقته واقف بيعيط فاحتضنته، تخيل لو فتحت ما لقتهوش، فزع الباب، ومين اللي خسران؟ هو ما لوش غيرها، ولما زل أعلي خليك واقف حتى لو مش لاقي، أسوأ اختيار أنك تمشي. كثير للأسف أن الناس يقول لك: أنا بصراحة التزمت، كنت ناوي أخدم الدين، كنت مدي وقتاً، وهذا أثر على جزء من دنيتي، ما عرفتش أحقق ثغري في الدين، أبقى خسرت ديني ودنياي؟ لا يا عم أنا أروح أشوف دنيتي بقى.
هو من الأول طريقة التفكير هذه غلط، يعني طريقة التفكير عنده كانت متركبة غلط، ما فهم نفسه صح. طبعاً الموضوع كإسقاط على أرض الواقع بيبقى أعقد من كذا، نحن نتكلم على تقسيمات عامة. كل واحد له اختيارات وهذا يحتاج صحبة إيمانية عشان تساعده ومشورة وتوفيق من الله عز وجل، أنا أتكلم على التقسيمات العامة، أسوأ اختيار أنك تمشي. لذلك الثالث في رواية ذكرها ابن حجر في الشرح، الثالث هنا عندنا في رواية في البخاري: أما آخر واحد فأعرض، فأعرض الله عنه. في رواية: فاستغنى، استغنى الله عنه، مش عايز، أنا إيه اللي أوجع دماغي ليه؟ الثاني فضل واقف، مكسوف، مكسوف من ربنا أنه يمشي، مكسوف أن يطلع الله عليه يلاقيه ما بيدورش على حاجة في الدين، يلاقيه أعرض، أعطى ظهره لمكان فيه دين، لبية إيمان بتقول له: أنت بتعمل إيه؟ الشغل والحياة، أنت فين الدين في حياتك؟ في بتروح درس؟ لا، بتحفظ قرآن؟ لا، بتأمر في شغل دعوة ماشي فيه؟ لا، ماشي مع أحد في حاجة معينة؟ لا، طب هتكمل إزاي؟
طب ما هو ده نوع من أنواع الإعراض، ما دي بيئة الإيمان التي النبي ﷺ قال عليها، أوي إلى الله، يعني تعبير أنك من غير بيئة إيمان، من غير صحبة، من غير مكان تجدد فيه الإيمان، المكان هذا بقى درس، صحبة صالحة، حفظ القرآن، من غير مكان تجدد فيه الإيمان أنت بلا مأوى. اللي بلا مأوى هذا يسهل اختطافه، بلا مأوى يسهل أنه ينتزع في لحظة، أي شيء ممكن ينتزعه، وظيفه حرام، مكان يضيع فيه، مباحات مبالغ فيها ممكن يضيع في لحظة. بلا مأوى اللي من غير بيئة إيمان هذا استحيا أنه يمشي حتى لو مش لاقي مكان: يا رب أنا هفضل واقف لغاية لما يتفتح مكان، لغاية لما ألاقي فرجة إن شاء الله، أفضل واقف كذا لغاية، فجلس خلفهم، خلاص أنا هفضل قاعد هنا اهو مش ماشي. الله عز وجل لم ينسه.
القصة المشهورة، الرواية بتاعة حذير لما جاء وفد للنبي ﷺ والنبي ﷺ أعطى كل واحد منهم جائزة ونسي النبي ﷺ أن يعطي حزيراً، وانصرف الناس وحذير ما أخذ، لكن استحيا يطلب فسكت ومشي، فنزل جبريل على النبي ﷺ: إنك نسيت حزيراً، أرسل خلفهم، فبعث النبي ﷺ بسرعة ناس يجيبوهم وأعطى حزيراً الجائزة بتاعته، ربنا ما أنساهوش، هو استحيا ربنا ما نساهوش. حذير لما أخذ الجائزة النبي قال: هو مشغول بمعاملة ربنا، فقال: اللهم كما لم تنسَ حذيراً فاجعل حزيراً لا ينساك، اللهم كما لم تنسه. هو ما انشغلش بالحاجة اللي أخذها وانشغل بمعاملة ربنا، الشاهد أنه لما استحيا وتكسف، في ناس بتعتقد أنها بتوه في الزحمة، أن فيه ظهور في الدين وناس تزاحم وتخبط وممكن أخلاق سيئة من بعض العاملين، فيفتكر أنه راح أو أنه ضحى بحاجة في الدنيا وما لقاش، وما بقاش مشهور أو ما عملش حاجة في الدين، فكده راح، لا، ما فيش حاجة اسمها راح، دي عند ربنا ما فيش حاجة اسمها كده. لما جاء من الغزوة وبيسأله وبيكلمه سيدنا عمر بن الخطاب، وسيدنا عمر بيسألهم: مين اللي قتل فلان وفلان وفلان؟ فالرجل يقول له: وفلان وفلان وآخرون لا نعرفهم ولا تعرفهم. في ناس في الزحمة كذا ما نعرفهمش ولا أنت تعرفهم، مش مهم بقى هم مين، المهم ناس ماتت في الزحمة، فقال عمر: لا يضرهم أن عمر لا يعرفهم ولكن الله يعرفهم. مش مهم أن اللي قائم على دعوة يبقى عارف، أو أن أحداً يبقى عارف أنت بتعمل إيه، أنت ممكن تعتقد أن في ناس ماتت كذا وراحت في الزحمة، لا ما راحتش.
المفروض الواقف جاهد واستحيا أن ينصرف عن واقع الدين، لن ينساه الله، زي ما استحيا، شف التعبير: فاستحيا، فاستحيا الله منه، دي بقى ما تتشرحش يعني استحي زي آواه الله، دي مهما تكلمنا ما تتشرحش. استحيا الله مني، شف بقى ربنا يعطيه إيه؟ اللي يستحي الله منه ده، ده ربنا يعطيه إيه؟ ربنا مش هيرجعه زعلان أبداً أبداً يوم القيامة، ده لا يمكن يرجع زعلان. تخيل أن واحداً يجيء يوم القيامة يقول له: يا رب أنا فضلت واقف، ما رضيتش أمشي، ما لقيتش وغيري دور وأنا كنت ضعيف، ربنا مش هيرجعه زعلان أبداً. فاستحيا، استحيا الله منه، الآخراني والعياذ بالله اختار أسوأ اختيار، الاختيار الأول دور وزاحم يسأل ويروح ويتنطط ويدور لغاية لما لقى فرجة في الصف، بحث عن المكان الفاضي وسد الفرجة، الثاني استحيا فاستحيا الله منه، الثالث ده سنقوله بعد الأذان بإذن الله عز وجل.
صلى الله عليه وسلم، دول آخر اختيار أو آخر واحد فيهم اختار أسوأ اختيار، وقف كذا من بعيد، لقى الدنيا زحمة: أنا لسه هزاحم وأتعب قلبي ولو وقفت يعني هقف أعمل إيه؟ أنا بدي أروح وبعدين أبقى أجي وقت ثاني، فأعرض. في رواية خارج البخاري: فاستغنى. مش محتاج. يعني هيقول ماذا؟ إيه اللي موجود يعني في الدين يعني؟ فاستغنى الله عنه. الإنسان يحتاج إلى بيئة إيمان، يحتاج إلى تذكرة، الإنسان ينسى أن الإيمان -النبي ﷺ يقول صلوا عليه- إن الإيمان ليخلق، أي يبلى، في جوف أحدكم كما يبلى الثوب، يتقطع. لو أنت مش كل شوية في وسط بيئة أياً كانت تذكرك وتجدد الإيمان، الإيمان سيبلى. استغناء عن بيئة الإيمان يضيعها، الفارق بين الأولاني بكلمة أوي، كلمة أوي دي مثل قول الله سبحانه وتعالى: ﴿وَأَمَّا مَن جَاءَكَ يَسْعَى * وَهُوَ يَخْشَى﴾، هو جاء يسعى وخائف ويا ترى ماذا سيحدث ويا ترى، جاء بمشاعر الإقبال، مشاعر اللامبالاة، في واحد جاء عنده اللامبالاة في نصرة الدين أو في العمل لله سبحانه وتعالى أو البحث عن ثغر.
هذه الله عز وجل يعاملك على قدر نيتك. كان أحد المشايخ في مجموعة طلب علم بيقول لهم على قدر إقبالكم على قدر صدق نيتكم. بيقول لهم أنت كل ما هتبقى صادق في نيتك، ودي حاجة أنا ما أعرفهاش، هتلاقيني كده ربنا هيخليني معك كده. ده شيء ربنا مطلع عليه. كل ما نيتك تبقى ضعيفة وجاي لامبالي ونفسك ما تكملش، بالرغم انك أنت ظاهريا ما عملتش حاجة أنت بتيجي برضو، لكن كل ما نيتك تضعف هتلاقي ربنا صرفني عنك.
أنت بتعامل ربنا مش بتعامل الشيخ اللي قدامك، أنت بتعامل الله سبحانه وتعالى. ﴿قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ﴾ [المجادلة: 1] مش وتشتكي إليك، بالرغم إنها بتتكلم مع النبي صلى الله عليه وسلم، إنما يبقى قلبها متعلق بمين؟
فأنزل الله الحل، هي كانت بتتكلم عن الرسول صلى الله عليه وسلم لكن قلبها كان متعلق بالله، فأنزل الله عز وجل الحل لها. فارق ما بين اللي جاي بيعيط نفسه يعمل حاجة للدين، ولا على الذين إذا ما أتوك لتحملهم قلت لا أجد ما أحملكم عليه، جايين نفسهم يجاهدوا بس ما فيش أي عدة، فجايين يطلبوا من النبي صلى الله عليه وسلم، فالنبي صلى الله عليه وسلم قال لهم إيه؟ قلت لا أجد ما أحملكم عليه، ولا أجد ده يعني يدور ما فيش. تولوا وأعينهم تفيض من الدمع حزنا ألا يجدوا ما ينفقون. هو زعلان فعلا، كان نفسه يعمل حاجة. دول ربنا ما أنساهمش.
وقال إن له ما أجر. والنبي صلى الله عليه وسلم وهو راجع بعد كل غزو قال: «إن بالمدينة أقواما ما سرتم مسيرا ولا سلكتم شعبا إلا كانوا معكم، شاركوكم الأجر». ربنا ما أنساهمش، لأنهم تولوا صادقين وأعينهم تفيض من الدمع، بيعيط عشان يشتغل. في ناس أنت بتعيط لهم عشان يشتغلوا، وفي ناس أعينك بتفيض من الدمع عشان تعمل حاجة واحدة.
الشاهد أن في فارق ما بين اللي مقبل ومؤوي جاء أكياس وعواشر، وبين المعرض. وأما الآخر فاستحيا فاستحى الله منه، وأما الآخر فأعرض، وفي رواية: فاستغنى فاستغنى الله عز وجل عنه. إذاً مسألة أنك أنت تبحث عن ثغر من ثغور دين، فجوة تصل بها الصفوف لا تقطع الصفوف. فلذلك في فارق ما بين ﴿وَالَّذِينَ جَاءُوا مِنْ بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ﴾ [الحشر: 10]. هو عايز يبقى فيه ترابط بين الأمم، ترابط زمني؛ الناس اللي سبقتنا واشتغلت للدين، احنا نجي ورائهم نقول ربنا يغفر لهم حتى لو أخطأوا. في فارق ما بين شف الفارق ما بين آية ربنا اغفر لنا ولإخواننا الذين سبقونا بالإيمان، وبين كلما دخلت أمة لعنت أختها.
يعني مش لازم حتى لو اللي قبلك عمل حاجة للدين وأخطأ، إن مش لازم كل ما يجي جيل يلعن في اللي قبله. كده أنت بتهدم وبتضطر أنك تبدأ من الصفر، أنت بتخسر. في واحد بيبحث عن سد الفجوات وإقامة الجسور وإقامة الصفوف. وقال النبي صلى الله عليه وسلم صلوا عليه: «ما من خطوة أحب إلى الله من خطوة تصل بها صفا». أما يبقى فيه صف في فجوة أنت بتوصله. وقال النبي صلى الله عليه وسلم: «من وصل صفا وصله الله». تخيل لما ربنا يوصلك في حياتك، حياتك تبقى عاملة إزاي؟
التاني استحيا فاستحى الله منه؛ حتى لو مش عارف مش لاقي مكان مش قادر يدور، لكن هو الصادق العاجز غير الكاذب؛ يعني عاجز مش عارف يعمل حاجة للدين لكنه صادق، زي تولوا وأعينهم تفيض من الدمع كده. الصادق ده ربنا ما بيضيعوش. فلذلك الآخراني اللي مشي، آخر واحد اللي مشي، هذا ليس تصرف الصادقين، الصادق ما يستحملش أنه يمشي كده عادي، ما يستحملش؛ لأ، يسأل طب وأخبار إيه؟ طب محتاج؟ ويدور ويفضل واقف ويبحث ويدعي ربنا سبحانه وتعالى أن ربنا يستعمله في حاجة. وأما الآخر فأعرض فأعرض الله عنه، وفي رواية: فاستغنى فاستغنى الله عنه.
إذاً في أعذار مش مقبولة، فكرة أصل ما حدش قال لي، أصل أنا ما حدش عرفني، أصل أنا ما حدش شرح لي، أصل أنا ما حدش علمني، أصل أنا ما حدش فهمني. الكلام ده تقوله وأنت جوة بيت الإيمان مقبول، تقوله وأنت قاعد في دنيتك وما بتسألش على أي حاجة في الدين مش مقبول. لذلك كان أحد شروح حديث غلام الأخدود بيقول الغلام لما راح اشتكى للراهب قال له أهلي بيضربوني.
الغلام كان بيجي يروح للساحر، أهله بيقولوا له لازم تروح تتعلم السحر، وهو رايح للساحر بيعدي على راهب يتعلم الدين؛ لأنه عارف أنه من غير أو ربنا قدر له أن من غير ما يمر على بقية إيمان هيضيع. السحر احنا الآن محاطين بالسحر في كل مكان، محاط بسحر في كل مكان والفتن والكذب في كل مكان، فلازم في بيئة تجدد فيها الإيمان. فكان يعدي على الراهب فيتأخر على الساحل، الساحل يضربه، يعدي على أهله ويروح متأخر، وهو راجع من عند الساحل يعدي على أهله يضربوه.
فاشتكى، الشرح بيقول إيه؟ إيه الفارق بين شكوى الباحث فعلا عن حل، ومن شكوى اللي عايز حد يقول له خلاص ما تعملش؟ يعني في واحد بيجي يشتكي لك مثلا طريقة معينة في حفظ القرآن مش مناسباه أو في الدعوة، أو في واحد صادق فعلا عايز حل ولو اديته حل فعلا هيشتغل، وفيه واحد بيشتكي عايز يسمع كلمة إيه خلاص ما تعملش.
يجي يقول لك أصل أنا بس مش عارف أعمل كذا، تقول له خلاص احنا ممكن ما نعملهاش بالطريقة دي نعملها بالطريقة دي، يقول لك لا أصل دي برضو فاشلة أنا جربتها، تقول له طب إيه رأيك؟ لا، كل ما تيجي تقترح حل من قبل أما يسمعه يقول لك إيه مش هينفع، هو هو منتظر كلمة خلاص ما تعملش حاجة، يقول لك أيوه فعلا جربنا كل حاجة وفشل ما فيش حاجة نافعة.
وفي واحد بيجي يشتكي وهو صادق، قول له طب ما تجرب كذا، جرب نفسك في كذا، يقول لك فعلا أنا ما جربتش لو جربت بس هجرب تاني، صادق، كذلك كل ده أوا مستحيا كل دي حاجات داخلية، ربنا سبحانه وتعالى اطلع عليها وأعلم بها نبيه صلى الله عليه وسلم، بالرغم أنهم رايحين مجلس النبي صلى الله عليه وسلم زي ما قلنا إلا أن هو في معاملة مع ربنا. إقبالك على الدين، سواء ميراث الإيمان، طلب العلم، نصرة الدين، العمل لنصرة دين الله سبحانه وتعالى، كل ده ربنا مطلع على نيتك عارف أدي لك على قد نيتك.
أوا واستحيا وأعرض، والتالتة في رواية استغنى. شف بقى أنت وانت جاي فعلا صادق، خدوا بالكم يا جماعة وأختم دي ثغور الدين. أنت دايما مفترض لما واحد يسأل أعمل إيه لدين ربنا؟ أنت دايما مفترض أن ما فيش حاجة جديدة يا أما كزا يا أما كزا، لأ ربنا ممكن يخلق لك وظائف؛ يعني اللي كتب باب حصن المسلم الصغير بتاع الأذكار وانتشر رياض الصالحين أحاديث الإمام النووي، الكتاب لما بيقوله إن أكتر كتاب بيوزع تقريبا في إحصائية في السعودية ومش فاكر في بعد المصحف رياض الصالحين، أنت ممكن قبل رياض الصالحين ما يتكتب أو قبل حصن المسلم ما يتكتب هتيجي تكتب كتاب؟ واحد بيكتب كتاب أذكار، أعمل إيه يعني؟ طب ما الدنيا كلها كتبت كتب أذكار، وتفترض أن اللي أنت دايما الشيطان بيثبطك، يقول لك هتعمل إيه يعني؟ هتحفظ طفل قرآن؟ يعني جت على الطفل ده؟
آه جت على الطفل ده، الفرجة دي لو ما حدش سدها مش هتتسد. ما هو الطفل ده لو أنت ما حفظتوش، ابنك ده لو أنت ما علمتوش، المكان في الصف ده لو أنت ما سدتهوش، ما حدش هيسده غيرك؛ لأن ربنا جابك في المكان ده. فإذا أوعى تفتكر أن الثغور خلصت، ربنا قادر أنه يخلق لك ظرف ومكان معين تعمل فيه للدين لم تسبق إليه من قبل، ويفتح الله عز وجل عليك.
نسأل الله عز وجل أن يستعملنا ولا يستبدلنا. اللهم استعملنا ولا تستبدلنا، اللهم اهدنا واهد بنا واجعلنا سببا لمن اهتدى، اللهم اجعلنا هداة مهتدين. أقول قولي هذا وأستغفر الله لي ولكم. سبحانك اللهم وبحمدك، أشهد أن لا إله إلا أنت أستغفرك وأتوب إليك وأقم الصلاة.