إنه القرآن | د. أحمد عبد المنعم

السلام عليكم ورحمة الله وبركاته. الحمد لله وحده، والصلاة والسلام على من لا نبي بعده، محمد صلى الله عليه وسلم.

أشكر الإخوة في هذه المدينة المباركة على هذه الاستضافة، أسأل الله عز وجل أن يجعل أعمالهم خالصة لوجهه، وأن يتقبل منا ومنهم، وأن يجمعنا في الفردوس الأعلى مع الحبيب محمد صلى الله عليه وسلم.

طبعا موضوع الكلام عن القرآن، حتى ندخل في الموضوع بدون مقدمات، هذا الكتاب العزيز، هذا الكتاب المبارك، احنا عايزين الكلام في هذه الجلسة السريعة يعني ما يبقاش مجرد أن قاعد بتكلم كلام بلاغي؛ يعني أنا مش عايز أقول كلام بلاغي عن القرآن فالناس تطلع، احنا عاملين نتكلم عن القرآن، احنا نفسنا نكسر الحاجز ده وندخل إلى القرآن.

أي حد لو سألته في الشارع أنت بتعظم كلام ربنا؟ يقول لك: طبعا! ما بالك أهل المساجد؟ ما بالك العاملين لدين الله؟ ما بالك اللي نفسه ينصر دين ربنا؟ فده طبيعي، فلأسف احنا مش عارفين قيمة، يعني زي ما ربنا قال: ﴿وَمَا قَدَرُوا اللَّهَ حَقَّ قَدْرِهِ﴾ [الأنعام: 91]، قيمة هذا الشفاء، والبصائر، والبينات، والهدى، والروح، كل دي أوصاف ربنا ذكرها في كتابه عن الكتاب، عن القرآن.

يبقى لما بنتعامل مع القرآن، تعالوا نشوف القرآن قال إيه عن القرآن؛ يعني ربنا سبحانه وتعالى، بدء ذي بدء، لازم نفهم أن القرآن ده صفة من صفات ربنا، صفة من صفات الله، الكلام؛ تكلم الله عز وجل بهذا القرآن حقيقة.

لما تحس وقع ده في قلبك، خالق السماوات والأرض الذي سبحانه وتعالى قدرته مطلقة، لا يعجزه شيء، على كل شيء قدير، صفات المهابة كلها والعزة، وصفات الرحمة؛ الرحيم، اللطيف، الرؤوف بعباده، تكلم بكلام لعباده ليخرجهم من الظلمات إلى النور: ﴿كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظَّلُمَاتِ إِلَى النُّورِ﴾ [إبراهيم: 1].

يبقى القرآن نزل، تكلم به الله ليخرج الناس من الظلمات إلى النور. ﴿اللَّهُ وَلِيُّ الَّذِينَ آمَنُوا﴾ [البقرة: 257]؛ ربنا ما يسيبش المؤمنين، يتولاهم أعلى صور الولاية، يخرجهم من الظلمات؛ يعني ربنا بيتولى الناس في كل حاجة، لكن أعلى صور الولاية يخرجهم من الظلمات إلى النور.

يبقى نفهم الأول أن القرآن، عشان واحنا بنتعامل معاه على حسب ما بتتعامل، الأسس والقواعد والمشاعر اللي تجاه كتاب أو شخص بتعرف تتعامل. فلما نفهم أن القرآن اللي أمامنا ده تكلم الله به ليخرجنا من الظلمات إلى النور، عشان ربنا ما يسيبناش تائهين، تكلم بهذا الكلام ليخرجنا من الظلمات إلى النور، وربنا قال أن القرآن هدى، وبينات، وبصائر، وروح.

يعني لما غياب هذه الأوصاف بتخلي حياة الإنسان في ضلال، وفي ظلام، وتيه، وموات، عكس كل هذه الأوصاف. لازم الموضوع ده يصبح عندنا يقيني؛ يعني اللي حياته ما فيهاش قرآن، أو المجتمع اللي ما فيهوش قرآن، يوقن أن حياته ظلام وتيه وضلال وموات، لازم يوقن كده حتى لو بيرتبط بأي شيء آخر، لو مبتعد عن كتاب ربنا سبحانه وتعالى، ما فيش في حياته ولو آية.

يعني هي حتى نقول لك: القرآن، أنت المفروض تقرا ورد القرآن. يعني إيه ورد؟ الورد؛ كلمة الورد دي جت في القرآن، الورد المورود، ﴿وَنَسُوقُ الْمُجْرِمِينَ إِلَى جَهَنَّمَ وِرْداً﴾ [مريم: 86]، خلاص؛ يعني إيه وِرْداً؟ قيل ابن عباس: أي عطاشاً. يعني إيه؟ يا عطشانين ترد الماء؛ يعني إيه ترد الماء؟ ترد الماء؛ يعني تيجي عطشان، تصدر من عند الماء، حتى يصدر الرعاء الناس اللي بترعوا؛ ترد الماء يعني تيجي عطشان، تصدر يعني تمشي من عنده شبعان.

فكلمة ورد القرآن، أنت جاي للقران إيه؟ عطشان، المفروض تطلع من عند القرآن وأنت ريان، وأنت شبعان. المفروض بتيجي تتغذى من القرآن، عايزين نتعامل مع القرآن ببساطه كده أن ده مصدر النور في حياتنا، ولو غاب هنضيع.

لا يمكن، لا يمكن إنسان يوقن، يوقن أن القرآن في كل هذه الأوصاف وأن لو ابتعد عنه هيضيع، وعنده المسألة دي يقينية، ويكون ده التعامل بتاعنا مع القرآن. مستحيل! مستحيل إنسان موقن مثلا عنده امتحان، أو محتاج شغلانة عشان يصرف، ولو ما اشتغلش هيموت من الجوع، وممكن يتسجن، وبتلاقيه قاعد في البيت يقول لك: أنا أعمل إيه؟ يعني! أيوه، انزل دور على شغل، اقرا في الجرايد على الإعلانات، انزل لف على الناس. يقول لك: أنا أعمل إيه؟ أنا لسه هنزل! مش مشكلة بقى يبقى أنت تقول له: يبقى أنت مش مصدق أن الحاجات دي كلها هحصل فيه!

فلا يمكن الإنسان، اللي أنا عايز أخرج بيه النهارده، أن لازم جواك طاقة تتحرك تجاه كتاب ربنا، أنت تتصرف، أنت تبحث وتسال. لا يمكن تبقى موقن وتقول لي: أنا أعمل إيه؟ يعني عمر بن عبد العزيز لما كان بيتكلم عن الأخره، كان بيقول للناس: أنتم في أمر المصدق به أحمق، والمكذب به هالك!

فالجملة مش مفهومة، فابن كثير في آخر سورة في الصلاة بيشرح الجملة دي في التفسير، بيقول يعني إيه؟ بيقول لهم: الحياة اللي أنتم عايشينها ديت بالنسبة لدار الآخرة، اللي مصدق فيكم أن في دار آخرة أحمق، والمكذب أن في دار آخرة هالك! ليه بيقول كده؟ بيقول: لأن لا يمكن تبقوا، ده إنسان حال المصدق وده حاله مع الآخرة يبقى أحمق، ومصدق وده حاله مع الآخرة ومكذب لك.

فهل احنا الواحد، هل احنا ده تعاملنا مع كتاب ربنا سبحانه وتعالى؟ الواحد لما بيسال نفسه، أنا بسال نفسي أنا، أنت بتقرا في كتاب ربنا أن ربنا بيقول على القرآن كل هذه الأوصاف، وبعدين حالي أنا مع كتاب ربنا كده؟ يبقى أنا أكيد في تيه! يبقى كل التيه اللي في المجتمع اللي احنا فيه دوت، ومش عارفين نعمل ايه؟ والتوهان اللي احنا فيه، طب ما ربنا بيقول: أنا نزلت لك نور، تركت فيكم ما ان تمسكتم به لن تضلوا بعدي أبدا، كتاب الله وسنتي! طب احنا ليه ما بنتمسكش بالقران؟ ليه ما بنبذلش جهود؟

ممكن الجهود في جهود بفضل الله طيبة، لكن ممكن في مسألة، وده رائع حفظ القرآن، وضع المصاحف أنه يبقى عنده مصاحف، لا، احنا عايزين نتوغل أكثر من كده، يعني ندخل أكثر من كده في العلاقة بالقران.

يقول النبي صلى الله عليه وسلم: «ما نبي إلا أوتي من الآيات ما على مثله آمن البشر، وإنما كان الذي أوتيته وحيا أوحاه الله الي، فارجو أن أكون أكثرهم تابعا يوم القيامة».

يعني صلى الله عليه وسلم بيقول: كل نبي خد من الآيات اللي تخلي البشر، تضطر البشر للإيمان، ما على مثله آمن البشر، كانوا يشوفوا الآية، يضطر حاجة من اثنين: يا يؤمن، يا يجحد. النبي يبقى واقف في النص، لا، يا يؤمن يا يعرف أن هي آية فيجحد. النبي صلى الله عليه وسلم يقول بصيغة الحصر، طيب النبي صلى الله عليه وسلم كان له آيات ثانية؛ انشقاق القمر وخروج الماء ما بين أصابعه وتسبيح الحصى، كان له آيات أخرى، لكن خص إيه؟ قال: «وإنما الذي كان أوتيته وحيا أوحاه الله الي، فارجو أن أكون أكثرهم تابعا» أكثرهم تابعا يوم القيامة.

عايزين ندخل في مسألة القرآن يأثر فينا، عايزين القرآن يأثر فينا. هضرب لكم مثال: تخيل أمية لا تقرا ولا تكتب، وابنها سافر، ابنها الوحيد اللي بتحبه، اللي مالهاش غيره سافر اشتغل بره، وبقى له 10 سنين شغال، فبعت لها جواب. وابنها ده كان راجل فصيح، وبتاع لغة عربية، وأديب، فبعت الجواب كله بالحاجات اللي هي الآية البلاغية؛ وأن القلب ليضطرم بالنار، وأن ولقد قف شعر راسي... لما كل الجواب كله إيه مكتوب بأسلوب بلاغي.

فالأم مسكت الجواب، هي أساساً ما تعرفش تقرا وتكتب، فمسكت الجواب، أول حاجة قعدت تبوس في الجواب وتحضن في الجواب وتعيط، وهي مش فاهمه لسه إيه اللي وعماله تعيط! وبعدين جابت واحد يقرا لها يفسر لها الجواب، فجابت راجل بتاع لغة عربية.

فالراجل قاعد ماسك الجواب، يقول لها: ده بيقول أن القلب ليضطرم، ويضطرم يعني يشتعل، هو الراجل عمال يفسر الكلمات، وهي عماله تعيط! هو الراجل عمال يقول: الكلمه دي معناها كذا، وهي عماله إيه تعيط! اللي جواها من مشاعر خلاها تفهم ما وراء الكلمات؛ هي جواها مشاعر لابنها منتظرة أي كلمة من ابنها، خلى كل كلمة تقول له تاني، تقول له: استنى عيد تاني، قول تاني، قول تاني، وتعيط، تقول له: قول تاني وتعيط.

جواها مشاعر، المشاعر دي كانت أحسن حاجة، الراجل اللي بيقرا ما بيعيطش، الراجل اللي فاهم وبيعرف يقرا ما بيعيطش ومش متاثر ليه؟ لأن هو مش جواه المشاعر دي تجاه هذا الكلام.

ده اللي أنا قصدي عليه، أن احنا ممكن نبقى فاهمين لكن مش عايشين، مش حاسين أن دي رسالة الله إلينا، فبنقراها تاني، واحد يقول تاني: قول لي بقى تاني دي معناها إيه؟ الله يقول هذا وأنت بتعدي الكلام عادي؟! لا يمكن قلب مليء بالمشاعر تجاه ربنا يتعامل مع القرآن على أنه كتاب عادي، وأن هو فهم معنى الكلمة دي، أو الكلمة دي معناها فقط!

لا، ده دي أول درجة من درجات المعاملة، لسه كلمة التدبر. يعني إيه تدبر؟ ﴿كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُولُو الْأَلْبَابِ﴾ [ص: 29]، التذكر جه بعد التدبر؛ يعني إيه يتدبر؟ يعني إيه كلمة التدبر؟ النظر في دبر الشيء؛ ما وراء الشيء! هذه الكلمات، ما وراءها من المعاني، والمشاعر، والعقائد، ما وراءها إلى ما لا منتهى، ﴿وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ﴾ [البقرة: 255].

على قدر قلب المؤمن ما بيشتعل إيمانا، ويتعلم دين ربنا سبحانه وتعالى، تلاقيه بيتوغل في فهم ما وراء الآيات، وتكون الآيات دي نور في حياته. عايزين نحط قاعدة قالها شيخ الاسلام عشان الكلام يبقى الكل: كثير من آي القرآن لا يحتاج إلى تأويل، أغلب آيات القرآن مش محتاجة تفسير.

اسأل سورة ق، لو أنا اديت المصحف وقلت لك: جزء تبارك أو سورة ق أو الحاقة، أو أغلب السور، الزمر، شاور لي على عدد الكلمات اللي مش فاهم معناها وعدد المواضع اللي محتاجة تتشرح عندك، هتجد بتشاور لي على 10% في الأكثر 20%. والباقي: الله نور السماوات والأرض، الله له ملك السماوات والأرض، الله على كل شيء قدير، الله يرزق، الله يحيي، الله يميت، الله يقصم ظالماً، الله يخسف بأقوام، الله ينصر مظلومين.

جزء كبير من القرآن عن صفات الله، وجزء في الدار الآخرة في أهوال القيامة، والبعث والقيامة، والجنة أو النار. أغلب هذه المعاني تحتاج إلى قلب متعطش للهداية، يبحث عن نور وعن غذاء. احنا سامعين سورة القيامة في صلاة المغرب، عدد الكلمات اللي مش فاهمها في سورة القيامة تعد على أصابع اليد الواحدة! طب أمال سورة القيامة ما تأثرش فينا ليه؟

يبقى ما حدش يقول لي: لا، أصل الموضوع محتاج علماء، أنا بتكلم على تأثير. أن ناشئة الليل هي أشد وطأ، وطأ بتوطأ القلب؛ ناشئة الليل؛ أي المعاني التي تنشأ بالليل من قراءة القرآن في الصلاة، المعاني دي بتنزل على قلبك، بتوطأه، بتغير شكل قلبك، بتغير ملامحك الداخلية، بتغيرك؛ القرآن لما بينزل على قلب متعطش مشتاق بيغيره.

يا جماعة، عايزين نقول إن أخطر عملية بتتم في هذا الوجود هي عملية تفاعل القلب مع آيات القرآن. إيه الكلام ده؟ قال النبي صلى الله عليه وسلم: «مثل ما بعثني الله به من الحق والهدى أو الخير والهدى كمثل غيث أصابت أرضا»، كمثل إيه؟ غيث، يبقى الوحي النبي صلى الله عليه وسلم شبهه باليه؟ الغيث! مش المطر، الغيث ده اللي بيغيث اللي تحت محتاج عطشان مشتاق.

«كمثل غيث أصابت أرضا، فكان منها أرض طيبة أنبتت العشب الكلأ»، فكان منها أرض طيبة عملت إيه؟ أنبتت، هو ده اللي أنا عايزه، تفاعل الوحي مع الأرض الطيبة القلب الطيب، عملت إيه؟ عملت عملية إنبات العشب والكلأ، الناس كلها تاكل منه، تداخل الماء مع الأرض، تدخل الوحي مع القلب. وأنت بتقرا القرآن في قيام الليل، أو قاعد بتدبر القرآن، يغير في قلبك، تبقى إنسان جديد، يبقى عندك نور للناس دي أخطر عملية بتتم في الوجود.

لذلك الصنف الثاني، قال النبي صلى الله عليه وسلم: «فكانت أرض طيبة أنبتت العشب والكلأ، وكان منها أجاد»، في أرض أجادب وظيفتها أن هي حفظت المية، ما عرفتش تعمل الآية التفاعل ده، فكان دورها أن هي تحفظ الماء عشان توديها لناس تانيين يعملوا الآية هذا التفاعل.

يبقى أنت دورك يا تتفاعل مع الماء يا تحفظ الماء، يبقى دور الداعية يا يتفاعل مع الماء ويدي للناس العشب والكلأ، يا يبلغ للناس الماء، «فرب مبلغ أوعى من سامع». لكن الأرض، فقال النبي صلى الله عليه وسلم النوع الثالث: «وكان منها قيعان لا تمسك الماء»، قرآن ينزل على قلبه، ما يمسكش ولا إيه تاني.

عايزين نصاني يشرح لنا تفاعل الوحي مع القلب، يقول الله عز وجل: ﴿اللَّهُ نُورُ السَّمَاوَاتِ وَالْأَرْضِ ۚ مَثَلُ نُورِهِ كَمِشْكَاةٍ فِيهَا مِصْبَاحٌ ۖ الْمِصْبَاحُ فِي زُجَاجَةٍ ۖ الزُّجَاجَةُ كَأَنَّهَا كَوْكَبٌ دُرِّيٌّ﴾ [النور: 35]. قيل مثل نور الله في قلب العبد المؤمن كمشكاة، مشكاة ديت اللي هي الآية، أيوه التجويف اللي في الحيطة ده اللي بيتحط فيه الآية المصباح.

كمشكاة فيها مصباح، المصباح في زجاجة، فالزجاجة غير المصباح، المصباح دي الفتيلة اللي جوه اللي بتولع، اللي هي عارفين بتاعة الزيت لمبة الزيت ديت الفتيلة دي هي عبارة عن إيه في المثل؟ عبارة عن الفطرة والقلب السليم بتاع المؤمن، قلب المؤمن الطاهر النضيف عامل زي المصباح اللي بينور للناس، بينور للناس، والنور ده حواليه زجاج، الزجاج ده صدره. طب المصباح ده المصباح ده اللي هو قلب

المؤمن يجيب النور منين؟ بيجيبه منين عشان ينور الناس؟ ما هو أنت دلوقتي هي في لمبة بتفضل منورة لوحدها مش لازم يجي لها النور؟ لمبة الزيت دي أنت بتجيب لها النور منين؟ من الزيت؛ عشان كدة ربنا قال: ﴿يُوقَدُ﴾ إيه اللي بيوقد؟ لو مش هتقولوا مش هنكمل. إيه اللي بيوقد المصباح؟ اللي هو إيه في المثل؟ قلب المؤمن الطاهر الفطرة السليمة بتاعته.

يبقى المصباح يوقد من شجرة مباركة زيتونة لا شرقية ولا غربية، صافية، زيتونة صافية ما فيهاش بقيل، لا شرقية ولا غربية الشمس بتطلع عليها في كل الأوقات، وقيل مالهاش انتماء معين هي للعالمين نذيراً. المهم، المصباح جاب الوقود من الزيت اللي جاي منين؟ من الشجرة. قيل: الزيت اللي جاي من الشجرة ده معناه القرآن اللي جاي من القرآن.

يبقى القرآن بالنسبة لقلب المؤمن عامل زي الزيت بالنسبة للإيه؟ للمصباح، عمل الفعل اللي احنا عايزينه اسمه فعل يوقد. يعني إيه يوقد؟ يقول لك: يوقد يعني يديك حاجتين، ما قالش يستضيء، قال: يوقد. يوقد تديك حاجتين: تديك ضوء وتديك وقود طاقة. يبقى القرآن يديك طاقة تلاقيك بعد ما تقرا القرآن تفهم عن القرآن، تلاقيك عايز تصلي، تلاقيك عايز تعمل الخير، تلاقي ما عادش في قلبك غل، تلاقيك ناسي هموم الدنيا، يبقى يديك طاقة ويديك نور، هي الكلمة دي اللي احنا عايزینها يوقد. تفاعل القلب المؤمن مع القرآن بيجي عن الإيقاد.

طب يوقد من شجرة مباركة زيتونة لا شرقية ولا غربية يكاد زيتها يضيء ولو لم تمسسه نار، نور على نور، يهدي الله لنوره من يشاء، ويضرب الله الأمثال للناس، والله بكل شيء عليم. الآية بعدها إيه؟ ﴿فِي بُيُوتٍ أَمِنَ اللَّهُ﴾ العلماء قالوا: هو إيه اللي في بيوت؟ إيه اللي بيحصل في البيوت؟ الإمام الطبري يقول: في بيوت الفعل بتاعها عايزين نفسر أي جار ومجرور في يعني لما نقول في المدرسة، هتقول لي إيه هو إيه اللي في المدرسة؟ لازم في حاجة بتحصل في المدرسة. أنا بقول لك في الشارع، أيوه إيه اللي؟ يبقى الكلمة دي لازم تعود على حاجة، فكلمة في بيوت من أول الآية فقالوا هو إيه اللي بيحصل في بيوت؟ فالامام الطبري بيقول: يوقد.

يبقى المثلث ده: قلب نظيف، قرآن، مكان طاهر، يديك التفاعل لأخطَر عملية بتتم في الوجود، عملية إنتاج النور للناس. الثلاث حاجات دول: القلب الطاهر، القرآن، المكان النظيف؛ المعطيات بتاع سورة النور، والسورة اسمها سورة النور اللي بتدينا النور. الثلاثة مجموعين في حديث للنبي صلى الله عليه وسلم، إيه هو؟ ها؟ مين عارف الحديث؟ جاب الناس وقران ومسجد. ها؟ ما اجتمع قوم في بيت من بيوت الله يتلون كتاب الله ويتدارسونه.

هي دي اللي احنا عايزینها، يتلون كتاب الله ويتدارسونه. من عظم هذه العملية هذه عملية تشهدها الملائكة، حفتها الملائكة، مش تشهدها بس، بتحفهم الملائكة خشيتهم، السكينة، ونزلت عليهم الرحمة، وذكرهم، احتفاء كوني بمجلس في مسجد في آخر البلد، مطرف، خمسة ستة قاعدين عايزين ينضفوا قلوبهم وقاعدين ماسكين كتاب ربنا يقروا ويفهموا ونفهم كلام ربنا. العملية البسيطة دي أخطر العمليات اللي بتتم على وجه الأرض، أخطر من إنشاء مفاعل نووي! دي عملية بناء إنسان، دي عملية إنتاج نور لإنقاذ العالم مأتين، دي عملية إخراج النور اللي هيخرج الناس كلهم، لتخرج أول سورة إبراهيم لتخرج الناس كلهم من الظلمات كلها إلى النور كله. عشان كده اسمها إبراهيم أم سورة الأئمة: ﴿كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظَّلُمَاتِ إِلَى النُّورِ﴾ [إبراهيم: 1].

لذلك لما النبي صلى الله عليه وسلم كان تساؤلات هيعمل إيه لوحده؟ هو لوحده صلى الله عليه وسلم أول بعث وحيداً، قال: أوذيت في الله ولم يؤذَ أحد، وأخفت في الله ولم يخَف أحد، كان لوحده بيتاذى في الأول. طب يعمل إيه؟ فتساؤلات إزاي يوصل بالمجتمع وهو لوحده؟ أن ربنا بيقول له في أول سورة الفرقان -ودي المرحلة اللي احنا نفسنا نوصل لها أن يبقى في فرقان في المجتمع بين الحق والباطل- فأول السورة ربنا بيقول له: ﴿تَبَارَكَ الَّذِي نَزَّلَ الْفُرْقَانَ عَلَى عَبْدِهِ لِيَكُونَ لِلْعَالَمِينَ نَذِيرًا﴾ [الفرقان: 1]. قال يعني أنا دوري مش على قد قوستنا، دوري للإيه؟ للعالمين نذيراً. طب إزاي؟ فربنا يقول له في سورة الفرقان لأن أحياناً ممكن الداعية يستثقل هذا الحمل أو يتعجب هيعمله إزاي، فربنا بيقول له: ﴿وَلَوْ شِئْنَا لَبَعَثْنَا فِي كُلِّ قَرْيَةٍ نَّذِيرًا﴾ [الفرقان: 51].

طب الحل إيه؟ طب أنا لوحدي وأوصل العالم ازاي؟ فلا تطع الكافرين وجاهدهم به -الهاء دي عايدة على إيه؟ على القرآن- وجاهدهم به جهاداً كبيراً، يعني الحل أنك تصنع نماذج فرقانية من القرآن فهم اللي يروحوا في كل حته في العالم، بس الحل حل أن يبقى معاك القرآن، لو أنت ما معاكش القرآن مش عارف تعمل حاجة. لذلك النبي صلى الله عليه وسلم بيقول: ﴿قُل إِنَّ رَبِّي يَقْذِفُ بِالْحَقِّ عَلَّامُ الْغُيُوبِ﴾ [سبأ: 48]. إيه الحق ده؟ ﴿قُلْ جَاءَ الْحَقُّ وَمَا يُبْدِئُ الْبَاطِلُ وَمَا يُعِيدُ﴾ [سبأ: 49]. ﴿قُلْ إِن ضَلَلْتُ فَإِنَّمَا أَضِلُّ عَلَى نَفْسِي ۖ وَإِنِ اهْتَدَيْتُ فَبِمَا يُوحِي إِلَيَّ رَبِّي﴾ [سبأ: 50].

النبي صلى الله عليه وسلم بيقول لهم أنا ماليش أي هداية إلا بالقران، وإن اهتدت فبما يوحي إلي ربي. المصيبة للأسف أن أهل الباطل عارفين خطورة القرآن أكتر من المسلمين؛ عشان كده كان دايماً أهل الباطل لما يجي يتكلموا مع النبي صلى الله عليه وسلم يقول له إيه: هذا القرآن مش أي قرآن اللي في إيدك ده هو، اللي معانا ده هو، يقولوا إيه؟ راحوا له قالوا له: ائت بقران غير هذا، مش مشكلة قرآن بس اللي معاك ده مش عايزينه مش قادرين عليه! عشان كده كانت المعركة بينهم: ﴿وَقَالَ الَّذِينَ كَفَرُوا لَا تَسْمَعُوا لِهَذَا الْقُرْآنِ وَالْغَوْا فِيهِ لَعَلَّكُمْ﴾ [فصلت: 26] إيه؟ لعلكم تغلبون! بيقولوا جايز نكسب. ده هو حتى حاسس بالياس، تخيل لما المشرك بيتحط قدام القرآن عارف إنه هيخسر، هو عارف، فقال الحل.

الآية دي جت في سورة إيه؟ ﴿وَقَالَ الَّذِينَ كَفَرُوا لَا تَسْمَعُوا لِهَذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ﴾ [فصلت: 26] سورة إيه؟ سورة فصلت. أولها راحوا للنبي صلى الله عليه وسلم قالوا له: ﴿قُلُوبُنَا فِي أَكِنَّةٍ مِّمَّا تَدْعُونَا إِلَيْهِ﴾ نحن حاطين قلوبنا جايبين عشان أنت مش تعرف تأثر فينا، مستحيل تأثر فينا، قلوبنا كده شايلينها وحاطينها في شو في أكنة مما تدعونا إليه وفي آذاننا وقر، ومن بيننا وبينك حجاب، قلوبنا شلناها وربطناها وحاطين وقر في ودنا وبيننا صور بينا وبينك، فاعمل إننا عاملون. خلاص.

دي في بداية سورة فصلت؛ أبو الوليد عتبة بن ربيعة راح للنبي صلى الله عليه وسلم يساومه يقول له: لو عايز ملك نديك ملك، لو عايز نساء نزوجك، لو عايز تبقى أنت الرئيس هنخليك رئيس. وقعد يساله أسئلة فيها نوع من الإحراج يقول له إيه عايز معتقد يعني أن هو هيعمل كده مع النبي، صلى الله عليه وسلم، يقول له إيه: أنت خير أم عبد المطلب؟ فلو قال له أنا، هيقول له يعني أنت بتشتم جدك؟ أنت خير أم أبوك عبد الله؟ النبي صلى الله عليه وسلم ما ردش على كل الكلام ده كله، ودي أخطَر حاجة بتتم أن احنا ننشغل بشخص بشخصنة الموضوع. النبي صلى الله عليه وسلم سابه يخلص خالص، قال: أفرغت يا أبا الوليد؟ خلصت كل الكلام اللي عندك، خلصته؟ قال: نعم. قال: اسمع مني، فقرا عليه سورة فصلت.

شوف أول السورة وهم بيقولوا مستحيل تأثر فينا! آيات قراها عليه النبي صلى الله عليه وسلم، أما أبو الوليد عمل إيه؟ حط إيده على بوقه، قال له: حاسبك. مش أنت كنت عامل فيها جدع وبتقول للقران لا يمكن القرآن يأثر فينا وقلوبنا في أكنة وفي آذاننا وقر؟ آيات شوف عملت فيه إيه! عشان كده شوية لما السورة كملت في الآيات سورة فصلت: ﴿وَقَالَ الَّذِينَ كَفَرُوا لَا تَسْمَعُوا لِهَذَا الْقُرْآنِ﴾، مش أنت كنتوا بتقولوا القرآن ده لا يمكن يأثر فينا؟ الوقت خايفين من القرآن ليه؟ ﴿لَا تَسْمَعُوا لِهَذَا الْقُرْآنِ وَالْغَوْا فِيهِ﴾ [فصلت: 26]. يعني إيه والغوا فيه؟

شوف جهد أهل الباطل لصرف الناس عن القرآن! لو أنت قعدت تجمع كده أهل الباطل عملوا إيه عشان يصرفوا الناس عن القرآن؟ والغوا فيه. قيل يعني أثناء القراءة يشغلوا أغاني ومعازف وطبل وزمر بحيث الناس قلوبها تنشغل؛ لأن القرآن عايز قلب متفرغ، زي ما قلنا بقى مشكاة في مصباح النظيف، قلب طاهر، قرآن، مكان طاهر، التفاعل ده يديك النور. في بيوت أذن الله يديك النور، ما اجتمع قوم، المعادلة دي لازم تعملوها، لازم كل مجموعة في مسجد ويتجمعوا مع بعض؛ عشان كده لازم القلوب تبقى طيبة، لذلك النبي صلى الله عليه وسلم بيقول في صحيح مسلم: اقرأوا القرآن، فإذا اختلفتم عليه فقوموا. لو القلوب باظت وتخانقتوا مع بعض، وده مش طايق ده وده منفس من ده وقاعدين مع بعض مش القرآن مش هيفيدكم في المرحلة دي، يبقى لازم قلب طاهر وكلام صافي قرآن ومكان طاهر، المعادلة دي تخرج لنا النور.

المشركين بيعملوا لغو في القرآن قيل ولغو فيه ده من المعاني الجميلة قيل ولغو فيه أي في كلمات من كلماته، خايفين كلمة واحدة بس توصل من القرآن! عشان كده كان المشركين على أطراف مكة كانوا بيعملوا يطلعوا برة مكة وأي حد داخل المدينة يوزعوا عليه إيه؟ القطن مجاني! عاملين حملة توزيع القطن المجاني اللي بيسموه الكرسف؛ عشان أي حد يحطوا له في ودنه الكرسف عشان ما يسمعش كلام النبي صلى الله عليه وسلم. كانوا عاملين حملات مجانية لتوزيع القطن وتوزيع القطن مجاناً لوجه الله مش لوجهت بقى مش لوجه الله ويوزعوا القطن، فكان اللي يخش مكة داخل في ودنه إيه؟ الكرسف القطن. احنا عايزين ننزع الكرسف ده، الكرسف ده الآن مش قطن، الكرسف ده ألف موقع صرف الناس عن القرآن، ألف قناة، ألف برنامج، شهوات، مشاكل، عايزين ننزع بس الكرسف، عايزين ندي لنفسنا فرصة نسمع القرآن.

والله كتير من آيات القرآن عايزة بس قلب حاضر وذهن صافي، وتلاقي القرآن غير حياة الناس! كان ممكن قاطع طريق بيسرق جاي يسرق من البيت يسمع واحد بيقرا بالليل فتلاقيه يتاثر ويتوب. دي مش قصص خيالية، ده واقع، احنا مش موقنين أن كلام ربنا في كل ده النور والهدى والبينات وال... احنا مش موقنين؛ لأن لو موقنين لا يمكن ده يبقى التعامل لا يمكن، مستحيل. دي علاقتنا دي علاقة المسلمين المشركين فكروا بكل طريقة حاولوا يبعدوا الناس عن اللغة العربية بقا أغلب الناس لو قرا كتاب عربي عربي يقول لك أنا عايز ترجمة! هو هو أصلاً عربي يقول لك أنا عايز ترجمة للكلام ده فبقت كتب الدين اللي فيها شروح الدين هو بقى مش فاهمها، فعزلوا الناس عن كتاب ربنا. ربنا يقول: ﴿قُرْآنًا عَرَبِيًّا غَيْرَ ذِي عِوَجٍ﴾ [الزمر: 28]. قرآن عربي هو مش عارف يفهم القرآن! تخيل أن في ناس مثلاً قصة مشهورة لواحدة ألمانية تقريباً كانت تقرا القرآن العربي وبعدين تقرا ترجمة العربي للإنجليزي وبعدين تقرا من الإنجليزي للألماني عشان تفهم في الآية الواحدة! عشان عايزة تفهم كلام ربنا، عايزة تفهم رسالة الله إلى البشر، الرسول سمي رسول لأنه جاء برسالة اللي هو القرآن.

فالشاهد، احنا عملنا إيه؟ جاهدنا قد إيه عشان نفهم كلام ربنا؟ لازم ناخد خطوات عملية في حياتنا، ما ينفعش حياتنا عمالة تعدي ولما نجي أبسط وأوضح وأقصر السور ما بنعيشش معاها، ما نعرفش عنها حاجة، سور الأطفال حافظينها، ما نعرفش. كان في واحد من الصحابة عايش مع سورة الإخلاص يصلي بيها في كل وقت وعايش معاها، واحد مع سورة الزلزلة يجي الأعرابي يقرا يقرا عليه سورة الزلزلة فيكتفي بها يقول له دي تكفيني! في واحد كان كل واحد له معاني بيعيش معاه، طب احنا لما نجي نسالك إيه الآيات اللي أنت عايش معاها؟ إيه السورة اللي أثرت في حياتك؟ ما ينفعش تبقى الإجابة ما فيش، ما ينفعش، أمَال بتغذى إزاي؟ حديث النبي صلى الله عليه وسلم في البخاري في أول نزول الوحي ومن عائشة وهي بتقص الخبر تقول: وجاءه جبريل -الحديث المعروف- فغطى غطى حتى بلغ منه الجهد، فقال له: اقرأ. فقال: ما أنا بقارئ. فقرا عليه الخمس آيات من سورة اقرأ، فبتقول فرجع.

به رسول الله صلى الله عليه وسلم يرجف فؤاده. فرجع بها، الهاء دي اللي هي إيه؟ اللي هم الخمس آيات. أنا عايز كل ما تدخل القرآن، أو تسمع درس، أو ترجع بحاجة بآية؛ تبقى راجع بيها البيت غيرت في حياتك.

زيك المفروض إحنا دور، دور الدعاء أساسًا هو كده، هو كسر الحاجز بين الناس وبين القرآن. في حواجز أقيمت في أكنة ووقر وحجاب، ده جهد المشركين؛ المشركين عرفوا إن هما مش هيعرفوا يعملوا حاجة مع القرآن، أيقنوا، أيقنوا بده؛ فبدأوا يلغوا في القرآن، يؤولوا القرآن، إنما عرفوا إن القرآن محفوظ، أيقنوا، فبدأ دورهم اللغوشة.

فدورنا إحنا ودور أي مسلم إزالة اللغوشة دي عن نفسه وعن الناس، ده دورنا بس، دورنا ببساطه إيصال القرآن للناس واضحًا، وكل واحد قلبه بيشرب من القرآن على ما فيه من معاني وما فيه من مشاعر.

لذلك سورة البروج، وسورة البروج بتتكلم عن عارفين قصة أصحاب الأخدود؟ قصة ملخصها مالك ظالم، وكان عنده ساحر، ومنع الناس من الإيمان، ربنا قدر إن في غلام يدعو الناس إلى الإيمان، فمجتمع الغلام مات والمجتمع كله أسلم؛ عمل إيه الملك الظالم ده؟ ولع عمل أخاديد؛ يعني عمل زي أنفاق في الأرض، ولع فيها النار، وحرق المجتمع كله.

تخيل قصة زي دي بتقص على المسلمين في مكة، والمسلمين في مكة مش عارفين إيه اللي هيحصل؛ يعني إحنا عارفين إن هما هاجروا بعد كده وراحوا المدينة، هما ما شافوهاش قبل كده، هما ما كانوش عارفين إيه اللي هيحصل، هما قاعدين في مكة ومش عارفين إيه اللي هيحصل، هما عارفين إن ربنا ينصر الدين، طب إحنا مش عارفين إيه اللي هيحصل فين؟

فتنزل سورة البروج، وكان أحد الاحتمالات اللي ممكن تحصل إن كل المسلمين يحصل لهم إيه؟ يموتوا! أحد الاحتمالات، ربنا بيقول للنبي صلى الله عليه وسلم: ﴿فَإِمَّا نُرِيَنَّكَ بَعْضَ الَّذِي نَعِدُهُمْ﴾ [الرعد: 40]، أو جايز تموت وما تشوفش، وجايز تشوف جزء مش كل، خلاص.

فاخر سورة البروج، وشدة التعذيب بقا في مكة، والواقع السورة اللي هو غلام الخدود، يعني قتل لكل الناس وإبادة جماعية؛ فربنا بيقول لهم إيه: ﴿إِنَّ بَطْشَ رَبِّكَ لَشَدِيدٌ * إِنَّهُ هُوَ يُبْدِئُ وَيُعِيدُ * وَهُوَ الْغَفُورُ الْوَدُودُ * ذُو الْعَرْشِ الْمَجِيدُ * فَعَّال لِّمَا يُرِيدُ * هَلْ أَتَاكَ حَدِيثُ الْجُنُودِ * فِرْعَوْنَ وَثَمُودَ * بَلِ الَّذِينَ كَفَرُوا فِي تَكْذِيبٍ * وَاللَّهُ مِن وَّرَائِهِم مُّحِيطٌ﴾ [البروج: 12-20].

فجأة ربنا بيقول إيه: ﴿بَلْ هُوَ قُرْآنُ مَّجِيدٌ﴾ [البروج: 21]، يعني إيه بل هو قرآن مجيد؟ ﴿فِي لَوْحٍ مَّحْفُوظٍ﴾ [البروج: 22]. يعني إيه الخطاب ده للمشركين؟ معناه إيه؟ معناه افعلوا ما شئتم، واقتلوا من شئتم، وابيدوا من شئتم، فإن القرآن محفوظ، وطالما أن القرآن محفوظ هو يصنع الرجال، فمعركتكم خسرارة خسرارة، لأن معركتكم الحقيقية مع القرآن، ولن تستطيعوا، الموضوع منتهي!

بل هو آخر السورة بعد ما أبادوا: ﴿بَلْ هُوَ قُرْآنُ مَّجِيدٌ﴾؛ له المجد، وله العزة، وله الشرف. عشان كده ربنا بيقول عن القرآن: وانه لكتاب سورة فصلت، وانه لكتاب عزيز، لا يأتيه الباطل من بين يديه ولا من خلفه. يعني إيه؟ لأن هما حاولوا يأتوا من بين يديه ومن خلفه ما عرفوش، حاولوا من كل الطرق، حاول مرة يحرف، حاول يعمل كتاب مضاد، الكتاب الفاشل اللي عملته أمريكا اللي سموه الفرقان الحق، الكتاب الفاشل اللي ما كملش، ما كملش شهرين ثلاثة، ومن أول ما نزل القرآن وربنا بيتحداه: أنتم في إيه؟ ما هو ربنا، ربنا بيقول لكم أنتم بتعملوا إيه؟ ما هو ربنا فأتوا بسورة بس، تحدي! اجتمعوا كلكم وأتوا بسورة، لن تستطيعوا.

فلما يبقى المشركين فاهمين ده تجاه القرآن، فقرروا أن المعركة هي معركة مع أن القرآن ما يوصلش للناس بكل الطرق، كل الطرق: صرف، لغو، شهوات، بعد عن اللغة العربية. تخيل أن أحياناً، أحياناً إحنا بنقوم بالدور ده! المسلمين بنقوم بهذا الدور، إن إحنا نبعد الناس عن القرآن، عشان كده ربنا بيقول في سورة فصلت: ﴿وَقَالَ الَّذِينَ كَفَرُوا لَا تَسْمَعُوا لِهَٰذَا الْقُرْآنِ وَالْغَوْا فِيهِ لَعَلَّكُمْ تَغْلِبُونَ * فَلَنُذِيقَنَّ الَّذِينَ كَفَرُوا عَذَابًا شَدِيدًا وَلَنَجْزِيَنَّهُمْ أَسْوَأَ الَّذِي كَانُوا يَعْمَلُونَ﴾ [فصلت: 26-27]. ربنا قال أسوأ حاجة بيعملها المشركين إن هما يعملوا إيه؟ إن هما يصرفوا الناس عن القرآن، فلنجزين الذين كفروا اللي هما اللي في الآية اللي قبلها عذابا شديدا، ولنجزينهم أسوأ الذي كانوا يعملون، ذلك جزاء أعداء الله النار، لهم فيها دار الخلد جزاء بما كانوا بآياتنا يجحدون.

وبعد كده الآية اللي بعدها على طول: ﴿وَقَالَ الَّذِينَ كَفَرُوا رَبَّنَا أَرِنَا اللَّذَيْنِ أَضَلَّانَا مِنَ الْجِنِّ وَالإِنسِ نَجْعَلْهُمَا تَحْتَ أَقْدَامِنَا لِيَكُونَا مِنَ الْأَسْفَلِينَ﴾ [فصلت: 29]. جابت مشهد صرف الناس عن القرآن، فربنا بيقول أسوأ حاجة يعملها المشرك واللي هيستحق عليه أشد العذاب إنه يبعد الناس عن القرآن، فعشان كده جاب الناس اللي تأثرت بكلامهم وبعدوا عن القرآن، قالوا ربنا جايين بقى فوق يوم القيامة: ربنا أرنا الذين أضللنا من الجن والانس نجعلهم تحت أقدامنا ليكون من الأسفلين، إن الذين قالوا ربنا الله ثم استقاموا تتنزل عليهم الملائكة. جزاك الله خيراً.

لذلك في نفس السورة أيضاً سورة فصلت، والسورة اسمها فصلت؛ يعني أن القرآن مفصل وواضح، في نفس السورة ربنا بيقول إيه: ﴿إِنَّ الَّذِينَ يُلْحِدُونَ فِي آيَاتِنَا لَا يَخْفَوْنَ عَلَيْنَا﴾ [فصلت: 40]. يعني إيه يلحدون في آية؟ يعني اللحد يعني إيه؟ المعاني؟ آه اللحد في اللغة يعني إيه؟ عشان النبي صلى الله عليه وسلم يقول: اشق لهم واللحد لنا. اللحد المفروض القبر بتاع المسلمين، أهل الكتاب يعملوا القبر حفرة كده في الأرض، لا، إحنا المفروض نعمل حفرة وبعدين نعمل إيه حتة في جنب كده بنسميها اللحد؛ يعني تلاقي القبر الشرعي هو حفرة، وبعدين حفرة كمان في الجنب كده، هي الحتة دي اسمها إيه؟ اللحد.

فالميل ده بنسميه اللحد، فيلحدون في آياتنا يحاول يخبي آيات القرآن، يحاول ما يظهرهاش، ويحاول لما تأثر في الناس يصرف التأثير ده. وكذلك في الآيات الكونية، زي مثلاً الخسوف والكسوف؛ النبي صلى الله عليه وسلم لما كان يحصل الخسوف والكسوف يدخل ويخرج ويدخل ويخرج ويقوم ويصلي أطول صلاة.

الوقتي الناس لما يحصل الكسوف خسوف بيعملوا إيه؟ يجيبوا نظارات عشان ما تأذيش عينهم، ويطلعوا في مكان سياحي مع بعض يتفرجوا على إيه؟ الخسوف والكسوف! بقت الآيات اللي كانت تذكير للناس تحولت إلى صرف للناس عن إيه؟ عن دين ربنا. تجد أن ده بقا أغلب الأماكن، تشوف المقابر تلاقيها دلوقتي بقت بيتطولون في البنيان في المقابر، والمقبرة الفلانية معمولة بالرخام مش بالسيراميك، والمقبرة بقا اللي جنبها بتاعة عيلة فلان لا لازم تبقى أحسن من مقبرة؛ بقت زيارة المقابر تذكر بالدنيا مش بتذكر بالآخرة.

تلاقي في المستشفى؛ يعني الواحد لما أحياناً يروح مثلاً مستشفى الأورام عندنا ولا حاجة، تلاقي عايزين يكرموا المريض يحطوا له في كل أوضة التلفزيون وشغل له تمثيليات، فبدل ما هو يتذكر، تلاقي أغلب الأماكن ده حتى الواحد من الحاجات العجيبة أما ربنا يرزقنا وإياكم الحج والعمرة، تجي تروح المدينة، فتزود شهداء أحد، فتلاقي جبل الرماة، البياعين طالعين جبل رماة يبيعوا فوق، الناس طالعين فاصل فوق جبل المكان ده أصلاً كان النزول عن عليه بسبب الدنيا، كان هو سبب الهزيمه، فتلاقي الناس رايحة هناك بدل ما تتذكر أن ممكن الدنيا ضيعين، رايحين يتذكروا إيه؟ الدنيا.

أصبح أغلب الأماكن اللي تذكر بالله أو الأحداث يحاولوا يخبوها والشيطان يصرفها، ما يخليهاش تذكر. كذلك يفعلون مع القرآن، يبعدوا الناس عن تأثير القرآن، حاولوا يشككوا ويطعنوا في القرآن، لكن دور المسلمين.

يبقى أنت دورك ببساطة، عشان نخرج بحاجة، دورك ببساطة افهم ولو؛ عشان كده النبي صلى الله عليه وسلم يقول: «بلغوا عني ولو الآية»، قال: «بلغوا عني ولو آية»، أنت نورك فهم ولو آية هتكون نور ليك. لذلك أمنا عائشة لما سئلت عن النبي صلى الله عليه وسلم قالت: كان خلقه القرآن.

لذلك إحنا نفسنا، المسلمين نفسنا نوصل أن المجتمع اللي إحنا عايشين فيه يوصل لحالة من وضوح بين الحق والباطل بحيث بعد كده يحيى من حي عن بينة ويهلك من هلك عن بينة. نفسنا نوصل لكده؛ دور الدعوة إن هي توصل لحالة من الإيه؟ بنسميها حالة الفرقان بين الحق والباطل. ذلك اللي عن بينة دي جت في سورة الإيه؟ الأنفال، اللي هي شرحت غزوة إيه؟ غزوة بدر، اللي ربنا سماها يوم الفرقان.

ويهلك من هلك عن بينة ويحيى من حي عن بينة دي بتقتقال إمتى؟ لما بنوصل لحالة من الوضوح أن الناس تشوف تقول ده دين وده مش دين. عارفين المشركين وهم رايحين يقتلوا النبي صلى الله عليه وسلم، النبي صلى الله عليه وسلم ترك اللي ينام في مكانه في الفراش مين؟ سيدنا علي بن أبي طالب. طب ليه النبي صلى الله عليه وسلم ساب سيدنا علي ينام مكانه في الفراش؟ عشان يعمل إيه؟ عشان يرد الإيه؟ الأمانات. الأمانات دي أمانات مين؟ اللي رايحين يقتلوا مين؟ هما عينين يعني، هما رايحين يقتلوه عينين عنده الأمانات؛ يعني الكفار هم عارفين أن ده دين.

إحنا نفسنا نوصل لكده، أن حتى اللي يعاديك يقول اللي أنت بتعمله ده المجتمع يقول ده دين. أبو سفيان لما راح عند ملك الروم هرقل، وكان الكلام ده قيل بعد غزوة أحد، فابو سفيان سال هرقل ملك الروم، سال أبو سفيان أسئلة على التطبيق العملي، التطبيق العملي لأخلاق المسلمين، قعد يقول له يسأله: اللي باتباعه ضعفاء بقا والاغنياء أكثر؟ قال له: الضعفاء أكثر. قال له: بيزيدوا ولا بينقصوا؟ قال له: بيزيدوا. قال له: حد بعد ما بيمشي معاه بيسيبه؟ قال: لا. قال: هل يرتد منهم أحد سخطاً عن دينه؟ قال: لا. فقال: كذلك الإيمان إذا خالطت بشاشته القلوب. قال: هل يغدر؟ بيغدر؟ قال: هل يغدر؟ قال: لا.

بيسال على التطبيقات العملية لمعاني القرآن موجودة، قال ده دين، عرف أن ده نبي، قال: لو كنت عنده لغسلت تحت قدميه، وأنه سيبلغ ملكه تحت قدمي هاتين. هو عارف أن ده دين؛ إحنا نفسنا نوصل لحالة الفرقان. حالة الفرقان دي اللي هي موجودة في سورة الفرقان اللي ربنا قال عليها في الأول: ﴿تَبَارَكَ الَّذِي نَزَّلَ الْفُرْقَانَ﴾ [الفرقان: 1]، آخر الفرقان ربنا بيقول: ﴿تَبَارَكَ الَّذِي جَعَلَ فِي السَّمَاءِ بُرُوجًا وَجَعَلَ فِيهَا سِرَاجًا وَقَمَرًا مُّنِيرًا * وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِّمَنْ أَرَادَ أَن يَذَّكَّرَ أَوْ أَرَادَ شُكُورًا * وَعِبَادُ الرَّحْمَٰنِ﴾ [الفرقان: 61-63].

يبقا إحنا عايزين عباد الرحمن اللي بيقروا الفرقان ويطبقوا معاني الفرقان فيمشون بين الناس هونا؛ كده المجتمع ينصالح ببساطة. هي دي ببساطة الموضوع مش مش حاجة يعني عايزة حسبة، هو الموضوع ببساطة عباد الرحمن الذين يمشون على الأرض هونا؛ دول مين؟ دول اللي في سورة الفرقان اللي تخلقوا بأخلاق الفرقان.

آية تفهمها وتستنير بها وتتخلق بها، كان خلقه القرآن، تبقى في أخلاقك. لما مؤمن قال فرعون بيقول لهم: يا قوم سورة غافر: ﴿يَا قَوْمِ إِنَّمَا هَٰذِهِ الْحَيَاةُ الدُّنْيَا مَتَاعٌ﴾ [غافر: 39]. هو كان شايفها متاع، مش كان بيمثل، ما كانش بيمثل عليهم، هو كان الموضوع ده عنده، هو شاف القرآن يقيناً.

أنت بقا المفروض دورك تشوف القرآن يقيناً: اعلموا، دي حاجة لازم تعلمها وتتعلمها، إنما الحياة الدنيا لعب ولهو وزينة. لازم تبقى المعاني دي جواك، تنزل تشرب المعاني دي بالليل وتنزل في المجتمع؛ المجتمع يتغير المجتمع محتاج، محتاج يشوف دين بجد، الناس نفسها تشوف دين بجد، نفسها تشوف القرآن يا سيدي إيه تمشي على الأرض، بلاش قرآن نمشي عايزين آيات تمشي على الأرض تتخلق بأخلاق القرآن.

قال ربنا سبحانه وتعالى: ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]. الله عز وجل تكلم بهذا الكلام ليصلح هذا المخلوق، وهو الذي خلقه، وهو أعلم بما يصلحه. ربنا أعلم إيه اللي يصلحه؟ عشان كده القرآن كتاب، اللي هيتعامل مع القرآن على أنه مجرد كتاب ممكن يخرج منه بمعلومات بس مش هيتغير، اللي هو التفاعل اللي احنا شرحناه في أول درس؛ التفاعل ده مع القرآن مش مع مش مع الكلمات اللي موجودة، يعني ممكن إنسان مفكر فتلاقيه هو مفكر فعالى يطلع أفكار حلوة من القرآن، مش ده اللي احنا عايزينه دلوقتي، احنا عايزين التفاعل، التفاعل اللي قلبك، النبي صلى الله عليه وسلم يقول: «ما من مرة نزل الوحي إلا من شدة الوحي وثقل عليه إلا وظننت أني أن روحي تقبض».

كل مرة كان يكابد نزول الوحي، عايزك كل مرة أنت بتجاهد نفسك أن الآية أنك تفهمها وتخش قلبك وأنك تتغير؛ لازم تتعب، لازم الموضوع أكبر من أن هي كلمتين بتقراهم وتعرف معناها وخلاص، وتبقى عارف أن الكلمة دي أن العاديات ضبحا يعني الخيل اللي بتجري؛ موضوع أكبر من كده، الموضوع أن العاديات ضبحا دي بتجري وتنطلق لتعمل في سبيل الله، طب أنت فين؟ طب الأذان؟

الحمد لله وحده، والصلاة والسلام على من لا نبي بعده، محمد صلى الله عليه وسلم.

فبنقول الله عز وجل خلق الخلق: ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾. وتكلم بهذا الكلام ليصلح هذا الخلق، وأخبر سبحانه أن الخلق يحتاجون إلى كلامه وأنهم يتيهون ويضيعون بعيداً عن كلامه، عشان كده القرآن بيخاطبك كبني آدم، يعني مش بيخاطبك على أنك أذن أو على أنك عقل، لا بيخاطبك كلك، بيخاطب مشاعرك، ومشاعرك دي فيها خوف ورجاء وآمال وطموحات، والقرآن بيخاطبك كبني آدم بيغيرك.

يعني هتلاقي جواك تساؤلات من غير ما تسالك القرآن بيرد عليها، والقران ما هو كلام ربنا، يعلم أن مشكلتك أنك أنت ماشي خايف مثلاً من كذا أو مش عارف قيمة كذا في الحياة، فالقرآن، القرآن بيصحح نظرتك للحياة، تصحيح النظرة للحياة؛ القرآن بيخاطب بكل مشاعرك، مش كده، مش القرآن، مش مثلاً القرآن.

كان عبارة عن إيه؟ رقم واحد: أن الله عز وجل على كل شيء قدير. رقم اثنين: أن في بعث. رقم ثلاثة: أن في جنة ونار. رقم أربعة: أن في ناس هخش الجنة. القرآن ما جاش كده، هذه الحقائق القرآنية سيقت بأكثر من أسلوب؛ بقصص السابقين، وبالأمثلة، وبالحكاية عن المستقبل بصيغة الماضي عشان تعيش الحياة. صيغت بأكثر من أسلوب، يبقى القرآن بيخاطبك كقلب بيتاثر، بس احنا اللي ما بنسمحش لنفسنا نتاثر.

طيب، أنا مشغول، أنا دلوقتي واحد يا عامل، ليه الكلام اللي أنت بتقوله دوت؟ عايز واحد شيخ فاضي ولا حاجة، أنا ملبوخ، مشغول، ما أناش فاضي للكلام ده. ربنا يقول إيه: ﴿إِنَّ رَبَّكَ يَعْلَمُ أَنَّكَ تَقُومُ أَدْنَىٰ مِنْ ثُلُثَيِ اللَّيْلِ وَنِصْفَهُ وَثُلُثَهُ وَطَائِفَةٌ مِنَ الَّذِينَ مَعَكَ﴾ [المزمل: 20]. مش كل الناس هتعرف تعمل طول قيام الليل ده، وقيام الليل ده هو أهم حاجة لفهم كتاب ربنا. عشان كده ربنا بيقول إن ناشئة الليل؛ المعاني اللي بتنشأ من قيام الليل بالقران هي أشد وطئاً وأقوى قيلاً، أكثر سداً وأشد تأثيراً على القلب.

فربنا بيقول له للنبي صلى الله عليه وسلم: أنا أعلم أن أنت وطائفة معاك هي اللي بتقوم أدنى من ثلثي الليل ونصفه وثلثه وطائفة من الذين معك والله يقدر الليل والنهار. علم أن لن تحصوه؛ مش كل الناس هتعرف تدي الوقت ده للقران. نعمل إيه؟ فتاب عليكم. نعمل إيه؟ فاقرؤوا ما تيسر من القرآن. يبقى لازم برضه يبقى ليك نصيب من القرآن. بس أنا تعبان، أنا تعبان وأنا بسافر اشتغل، ده أنا شغال ممكن بشتغل على العربية بسافر فترة طويلة، أنا بضرب في الأرض شغال.

علم أن سيكون منكم مرضى وآخرون يضربون في الأرض يبتغون من فضل الله وآخرون يقاتلون في سبيل الله. طب دول بقى المفروض معتقدين، هم دول معذورين بقى صح؟ دول معذورين؟ فاقرؤوا ما تيسر منه، برضه مش معذورين؟ ما هو أصل هو لو واحد حتى المجاهد، طب خلاص، المريض واللي شغال في الدنيا محتاج للقران. طب المجاهد محتاج للقران؟ أه طبعاً؛ لأنه هيجاهد غلط، نواياه هتختلط، هيجاهد من أجل الدنيا، يعني هيظل حتى لو بيجاهد لو بعيد عن كتاب ربنا وعن معاني كتاب ربنا. يبقى ربنا قال: فاقرؤوا ما تيسر منه؛ أي في الصلاة في قيام الليل يعني، حتى الناس دي. مالكش وتر توتر، بس توتر قلب صافي وذهن خالي، يعني حاول الوقت اللي تديه للقران اديه له صح.

ربع ساعة بس، ربع ساعة صح. تفضي، اقفل موبايلك، اقفل مشاغلك، انسى الحياة، اقفل وافتح المصحف واقرا. ادي لنفسك وقت، بس وقت صافي تقرا، والله هتتغير. والله باحث عن الحق وطالب الهدى داخل القرآن الموقن بيتعغير. ﴿أَنزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا﴾ [الرعد: 17]. على قد ما هتفتح، قيل الأودية دي القلوب، وقدرها يعني مقاسها، والماء اللي نازل ده القرآن، كل واحد بيشرب من القرآن على قد ما قلبه مفتوح. فسالت أودية، كل ما تفتح قلبك وتفضي قلبك أكثر للقران، كل ما القرآن يسيل في قلبك ومعاني أكثر. إنما واحد فاتح للقران في قلبه قد كده هو يا دوبك مش سامح إن أي حاجة تدخل، أنت اللي عملت كده. مش كده؟ ﴿كَذَلِكَ سَلَكْنَاهُ فِي قُلُوبِ الْمُجْرِمِينَ﴾ [الحجر: 12]. القرآن سلكناه؛ السلك ده زي إدخال الخيط في الإبرة عاملين فتحة ضيقة جداً، فالقران ما بينفذش منها سورة الحجر. كذلك عشان كده آخر السورة: ﴿فَاصْدَعْ بِمَا تُؤْمَرُ﴾ [الحجر: 94]، كسر الحاجز ده عشان القرآن يدخل، ﴿فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ﴾ [الحجر: 94].

فالانسان مش مدي لنفسه مساحة لا يتعلم ولا يقرأ ولا يصلي قيام الليل. طب هو عايش إزاي؟ يبقى هو مش مصدق، يبقى هو لازم يوقن أن اللي بعيد عن القرآن لازم يوقن أنه في ظلام، ده اللي احنا عايزين نخرج به، في ظلام وفي ضلال وفي تيه وفي موات، عكس الأوصاف اللي ربنا قالها؛ الهدى والبينات والنور والبصائر والروح. ﴿وَكَذَلِكَ أَوْحَيْنَا إِلَيْكَ رُوحًا مِّنْ أَمْرِنَا ۚ مَا كُنتَ تَدْرِي مَا الْكِتَابُ وَلَا الْإِيمَانُ وَلَاكِن جَعَلْنَاهُ نُورًا نَّهْدِي بِهِ مَنْ نَشَاءُ﴾ [الشورى: 52]. ده ربنا بيقول للنبي صلى الله عليه وسلم: أنت محتاج القرآن.

النبي صلى الله عليه وسلم محتاج القرآن. لما الكفار قالوا سورة الفرقان: ﴿لَوْلا نُزِّلَ عَلَيْهِ الْقُرْآنُ جُمْلَةً وَاحِدَةً﴾ [الفرقان: 32]. ما كان نزل مرة واحدة ليه؟ 23 سنة بينزل القرآن، فربنا قال له كذلك، يعني نزلناه مفرقا منجما على 23 سنة ليه؟ كذلك لنثبت به فؤادك، به دي الهاء دي عايدة على القرآن. يعني إيه كذلك لنثبت به فؤادك؟ يعني ربنا بيقول له أنت هيحصل لك مواقف في الحياة، المواقف دي مش هتثبت فيها من غير قرآن، مش هيحصل ثبات من غير قرآن. الإنسان لما يقرأ سورة الكهف، سورة يوسف، حتى السور التي تحبها ادي لها مساحة ذهنية وقلبية من حياتك، هتلاقي حياتك اتغيرت. النبي صلى الله عليه وسلم يقول: «اللي قرأ سورة الكهف يوم الجمعة أضاء الله له من النور بينه وبين الجمعة التي تليها». في نور قضيت بيه الأسبوع من سورة الكهف. أمال اللي بيقرأ القرآن بقى عايش إزاي؟ شايف الحياة على حقيقتها.

عشان كده في سورة الكهف اللي بتدينا النور، صاحب الجنتين لما راح يبهر الراجل المؤمن اللي ما معوش فلوس، يقول له: ﴿أَنَا أَكْثَرُ مِنْكَ مَالًا وَأَعَزُّ نَفَرًا﴾ [الكهف: 34]. فالتاني، عشان المذكورة في سورة الكهف اللي بتديك النور، هو شايف الحياة على حقيقتها، إيه يعني؟ ﴿أَكَفَرْتَ بِالَّذِي خَلَقَكَ مِن تُرَابٍ ثُمَّ مِن نُّطْفَةٍ ثُمَّ سَوَّاكَ رَجُلًا﴾ [الكهف: 37]. في الآخر بيقول له: عسى يا ربي كل الموضوع اللي أنت فيه ده بكلمتين، ﴿فَعَسَى رَبِّي أَن يُؤْتِيَنِي خَيْرًا مِّن جَنَّتِكَ وَيُرْسِلَ عَلَيْهَا حُسْبَانًا مِّنَ السَّمَاءِ فَتُصْبَحَ صَعِيدًا زَلَقًا﴾ [الكهف: 40]. الموضوع يخلص، كل اللي أنت فيه ده وأنت عمال تقول في أول السورة: ﴿مَا أَظُنُّ أَن تَبِيدَ هَٰذِهِ أَبَدًا﴾ [الكهف: 35] لا يمكن تروح.

شوف بقى الفرق ما بين صاحب الجنتين الأعمى لما بص على جنته وقال: ﴿مَا أَظُنُّ أَن تَبِيدَ هَٰذِهِ أَبَدًا﴾، وذو القرنين البصير الذي لما تعب وبنى السور في الآخر، السد بيقول في الآخر إيه: ﴿هَٰذَا رَحْمَةٌ مِّن رَّبِّي﴾ [الكهف: 98] ما قالش هذا من جهدي وتعبى. قال إيه؟ ﴿فَإِذَا جَاءَ وَعْدُ رَبِّي جَعَلَهُ دَكَّاءَ ۖ وَكَانَ وَعْدُ رَبِّي حَقًّا﴾ [الكهف: 98]. الثاني لما دخل جنته وهو ظالم نفسه قال: ﴿مَا أَظُنُّ أَن تَبِيدَ﴾ لا يمكن تروح. أغلب الطغاة بيقولوا على أملاكهم وسلطانهم ما أظن أن تبيد. بشار معتقد أن ما أظن أن تبيد هذه الأبدان، معتقد أن لا يمكن تروح.

لكن اللي بيرى، عشان كده يقولوا الراجل الفقير اللي كان مع صاحب الجنتين، هو عرف منين لما قال له: عسى ربي أن يؤتيني خيرا من جنتك ويرسل عليها حسبانا من السماء فتصبح صعيدا زلقا أو يصبح ماؤها غورا فلن تستطيع له طلبا وأحيط بثمره فأصبح يقلب كفيه على ما أنفق. قولوا هو عرف منين؟ كان يرى بنور من الله، هو ده القرآن. يخليك تشوف، تقول فلان هيسقط مستحيل، أنت بتري، مش لازم أنا اللي هشوف، بس ده قطعا مش هيستمر. أنت عندك حقائق شايفها من القرآن، عارف موقن.

وما مثلا عندك حقيقة: ﴿وَمَا أَنفَقْتُم مِّن شَيْءٍ فَهُوَ يُخْلِفُهُ﴾ [سبأ: 39]. الحقيقة في سورة سبأ، والسياق كله سياق أموال: ﴿وَقَالُوا نَحْنُ أَكْثَرُ أَمْوَالًا وَأَوْلَادًا وَمَا نَحْنُ بِمُعَذَّبِينَ * قُلْ إِنَّ رَبِّي يَبْسُطُ الرِّزْقَ لِمَن يَشَاءُ وَيَقْدِرُ وَلَٰكِنَّ أَكْثَرَ النَّاسِ لَا يَعْلَمُونَ * وَمَا أَمْوَالُكُمْ وَلَا أَوْلَادُكُم بِالَّتِي تُقَرِّبُكُمْ عِندَنَا زُلْفَىٰ إِلَّا مَنْ آمَنَ وَعَمِلَ صَالِحًا فَأُولَٰئِكَ لَهُمْ جَزَاءُ الضِّعْفِ بِمَا عَمِلُوا وَهُمْ فِي الْغُرُفَاتِ آمِنُونَ * وَالَّذِينَ يَسْعَوْنَ فِي آيَاتِ مُعَاجِزِينَ أُولَٰئِكَ فِي الْعَذَابِ مُحْضَرُونَ * قُلْ إِنَّ رَبِّي يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ لَهُ وَمَا أَنفَقْتُم مِّن شَيْءٍ فَهُوَ يُخْلِفُهُ ۖ وَهُوَ خَيْرُ الرَّازِقِينَ﴾ [سبأ: 35-39]. دي سنة من سنن الحياة في التعامل مع المال تخليك تتغير في التعامل مع الفلوس. آيات زي دي تفوقك، تخليك تتعامل مع الفلوس وأنت بتطلع لله، تبقى وأنت بتطلع كده أنا عندي يقين فهو يخلفه، يقين.

القرآن بيغير لك مفاهيمك، بيخليك مختلف عن الناس. القرآن بيقول، ربنا بيقول: ﴿يَمْحَقُ اللَّهُ الرِّبَا وَيُرْبِي الصَّدَقَاتِ﴾ [البقرة: 276]. يعني أنا عندي 1000 جنيه، واحد تعامل بالربا بقت 1200، واحد تعامل بالصدقة بقت 900. القرآن بيقول لي الـ 900 أكثر من الـ 1200، أنا موقن، أنا عندي يقين أن يمحق الله الربا ويربي الصدقات؛ أي ينمي الصدقات. أنا ده عندي دي قواعد وحقائق أنا جبتها من القرآن، فأنا ما فيش حاجة تخليها تغير في حياتي أبداً، دي لا يمكن تتغير في حياتي.

عشان كده أنا عايزك وأنت بتقرا القرآن عايزك ببساطة؛ الحقائق الأساسية اللي في القرآن، اقرا القرآن وأنت بتقرا القرآن اسال نفسك: ربنا عمل إعليه في القرآن؟ ربنا بيعمل إيه؟ أما تيجي تبص كده ربنا بيعمل إيه، تجد أن ربنا يبسط الرزق، فبقى عندك يقين أن ربنا اللي بيرزق. تجد الله يحيي ويميت، بقى عندك يقين أن ما حدش هيضرك وينفعك غير ربنا. عشان كده المجاهد اللي رايح يجاهد في سبيل الله لازم يبقى موقن أن مش الجهاد هو اللي بيموت، ودي عمرها ما هيفهمها من غير القرآن.

عشان كده ربنا الكفار: ﴿يَا أَيُّهَا الَّذِينَ آمَنُوا لَا تَكُونُوا كَالَّذِينَ كَفَرُوا وَقَالُوا لِإِخْوَانِهِمْ إِذَا ضَرَبُوا فِي الْأَرْضِ أَوْ كَانُوا غُزًّى لَّوْ كَانُوا عِندَنَا مَا مَاتُوا وَمَا قُتِلُوا﴾ [آل عمران: 156]. وقبلها في نفس الصفحة بيقولوا إن يعني ما كنا قعدنا في بيوتنا: ﴿لَوْ كَانَ لَنَا مِنَ الْأَمْرِ شَيْءٌ مَّا قُتِلْنَا هَاهُنَا﴾ [آل عمران: 154]. فربنا بيقول لهم: ﴿قُل لَّوْ كُنتُمْ فِي بُيُوتِكُمْ لَبَرَزَ الَّذِينَ كُتِبَ عَلَيْهِمُ الْقَتْلُ إِلَى مَضَاجِعِهِمْ﴾ [آل عمران: 154]. يعني لو أنت في بيتك وجا معاد موتك، هتلاقيك فجأة من نفسك بتخرج وماشي ماشي رايح لمكان الموت وقمت حاطط راسك عشان تموت في المكان بتاعك، حتى ربنا سماه مضجع. بيقول: لابرز الذين كتب عليهم القتل إلى هيخرج يروح عشان يموت في المكان ده.

دي حقائق ما تجيش غير من القرآن، ولو أنا قلتها لك ممكن ما تصدقنيش، أصل أنا مين؟ الحقيقه بتكتسب قيمتها من قائلها. لما يقول لك: عايز أقول لكم حقيقة علمية مثلا في حاجة في الكهرباء، مين مين اللي قال المعلومة دي؟ ده الحاج فلان يا عم. أقول لك: ده اللي قال المعلومة دي العالم الفلاني المشهور، اتصدق! لما أي حاجة معلومة مثلا عن المحمول اللي معاك، يقول لك: خد بالك، المحمول بتاعك ده عشان تحافظ عليه لازم مثلا إيه أما تيجي تحطه في الشحن مثلا أو خد بالك من كذا خد بالك، اللي قال المعلومة دي الشركة نفسها المصنعة، فتلاقي المعلومة اكتسبت عندك يقين وبدات تتعامل بجد.

لما الله يقول هذه الحقائق القرآنية، أنا عايزك تتعامل مع القرآن أنه حقائق، هو مش كلام، دي حقائق. لما تقرا: ﴿اللَّهُ يَبْسُطُ الرِّزْقَ لِمَن يَشَاءُ وَيَقْدِرُ﴾ [الرعد: 26] دي حقيقة. عشان كده لما قعدوا يقولوا لقارون: ما ينفعش اللي أنت بتعمله ده، ولا تبغي الفساد في الأرض، واللي أنت بتعمله ده ما ينفعش، إن الله لا يحب الفرح، ما ينفعش، ما ينفعش، ما ينفعش، وينصحوه: ﴿وَابْتَغِ فِيمَا آتَاكَ اللَّهُ الدَّارَ الْآخِرَةَ ۖ وَلَا تَنسَ نَصِيبَكَ مِنَ الدُّنْيَا وَأَحْسِن كَمَا أَحْسَنَ اللَّهُ إِلَيْكَ﴾ [القصص: 77]. عمل إيه قارون؟ قال: الناس دي هتقعد تتكلم عليا وتقعد بقا، عمل عمل حاجة واحدة بس، عايز يغير تفكيرهم في الحياة. عمل إيه؟ ﴿فَخَرَجَ عَلَى قَوْمِهِ فِي زِينَتِهِ﴾ [القصص: 79]. عارف أن ضغط البهرجة على العيون أخطر من الكلام. فخرج على قومه في زينته بس، خرج على استعلاء في زينته في كامل الزينة.

قاموا لما شافوه بعض الذين كانوا بينصحوه قالوا إيه ده؟ هو احنا ظلمنا قارون ولا إيه؟ ده شكله راجل طيب وأكيد بيوزع وجبات خيرية على الناس، أكيد أكيد احنا ظلمنا قارون. بداوا بداوا يغيروا مبادئهم، قال الذين يريدون الحياة الدنيا: يا ليت لنا مثل ما أوتي قارون إنه لذو حظ عظيم. في ناس شايفة مهما فلان جه فلان مشي، الرئيس الفلاني، الطغية الفلاني، أمريكا، مش عارف مين، هي شايفée حقائق ما بتتغيرش بالاحداث، هي شايفّة حقائق. ﴿وَقَالَ الَّذِينَ أُوتُوا الْعِلْمَ وَيْلَكُمْ ثَوَابُ اللَّهِ خَيْرٌ لِّمَنْ آمَنَ وَعَمِلَ صَالِحًا﴾ [القصص: 80]. الحقيقة دي مش أي حد يفهمها، الحقيقة دي وما يلقاها دي الصابرون، دي ما الحقيقة دي يلقاها، الحقيقة دي مش أي حد بيفهمها.

أنت ممكن يصبح الرجل مؤمنا ويمسي كافرا، ليه القلبان ده؟ ليه يبيع دينه بعرض من الدنيا قليل؟ ليه؟ هو ما عندوش نور، هو مش شايف، هو تايه في الحياة. إنما واحد نازل قرا بالليل كلمتين، شاف أفعال الله، انبه بأفعال الله في القرآن وأصبح عنده يقين في البعث. ده القرآن بيتكلم في أغلب الأحوال على الجنة والنار أن هي أمر فرغ منه. يعني يقول: ﴿وَقَالَ الَّذِينَ كَفَرُوا... رَبَّنَا أَرِنَا اللَّذَيْنِ أَضَلَّانَا مِنَ الْجِنِّ وَالْإِنسِ﴾ [فصلت: 29] كأنهم خلاص دخلوا في النار وقالوا كده.

القرآن بيعلمك أن دي حقائق: ﴿أَتَىٰ أَمْرُ اللَّهِ فَلَا تَسْتَعْجِلُوهُ﴾ [النحل: 1] كلمك أن الموضوع بالنسبة لك حقائق. عشان كده أكثر الناس انتفاعا بالقران هم الذين يؤمنون بالغيب، ﴿الم * ذَلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ * الَّذِينَ يُؤْمِنُونَ بِالْغَيْبِ﴾ [البقرة: 1-3]. اللي مش مصدق أن في غيب مش هينتفع بالقران. أغلب القرآن غيب، أغلب كلام القرآن بيحدثك عما لا تراه. عشان كده المؤمن يبصر ما لا يبصره الناس، المؤمن يبصر ما لا يبصره الناس من خلال نور ربنا سبحانه وتعالى في كتاب الله. حتى لو أطيل عليكم، عايزين ما يبقاش كلام أتقال.

ما يبقاش قلنا القرآن حلو، القرآن جميل، القرآن مش عايزين والقران بلاغي حلو لا. عايزين القرآن يدخل قلوبنا وحياتنا، عايزين نتعامل مع القرآن تعامل سطحي. لذلك زي ما بيروى عن أكثر من أحد السلف والصحابة: أن إذا زخرفتم المساجد وزينتم المصاحف فانتظروا الدمار. هو مش المقصود المجرد أنك أول لما تعمل كده، المقصود لما تنشغلوا بالشكليات عن الأساس يبقى أنت وأنت بتهلكوا. ما المساجد أهم حاجة، المسجد يبقى شكله علم، طب والصلاة، طب والخشوع؟

لذلك أول علم يرفع الخخشوع حتى بيقول صلى الله عليه وسلم حتى تدخل المسجد فلا ترى فيه خاشعاً واحداً. وكذلك تزيين المصاحف: لك أنا المصحف اللي بتاعي أزرق وأنت مصحفك إيه أخضر، أنا معايا مصحف أحمر، أنا معايا مصحف ذهبي من جوه، بقت هي دي ده أنا معايا مصحف قطيفة من بره كده بجد. عايز هو بقى الانشغال بما حول أن هو في طريقه مش عارف الآية في طريقه الأداء، فين القرآن، فين فين كلام ربنا اللي الملائكة يعني كان بيسمع لها صوت كالسلسلة على الصفوان، زي خبط سلسلة على حجر، خضوعاً لأمر الله.

إن لما كان النبي صلى الله عليه وسلم ينزل عليه الوحي كان في أشد الأوقات برودةً كان يتفصد العرق، وكان في كل مرة ينزل عليه الوحي يظن أنه يقبض بيموت. وكانت رجله تنكسر، أحد الصحابة ورجله وبس كانت جنب رجل النبي صلى الله عليه وسلم أثناء نزول الوحي كانت هتنكسر، ﴿إِنَّا سَنُلْقِي عَلَيْكَ قَوْلاً ثَقِيلاً﴾ [المزمل: 5]. عشان كده أسوأ شيء التعامل الباهت مع كلام ربنا. تلاقي تلاقي مذيعة متبرجة وجايبين واحد عايزين يقعدوا جايبين عايزين يقضوا عليه البرنامج، ويقعدوا يقولوا: وبقى موضوع الحدود ده بقى، أنتم هتعملوا إيه في موضوع والوضوع الخمرة بقى، هتعملوا إيه في الموضوع ده؟

أهكذا يتعامل مع كلام الله من فوق سبع سماوات؟ تكاد السماوات يتفطرن في أول الشورى بعد الوحي: ﴿كَذَلِكَ يُوحِي إِلَيْكَ وَإِلَى الَّذِينَ مِنْ قَبْلِكَ اللَّهُ الْعَزِيزُ الْحَكِيمُ * لَهُ مَا فِي السَّمَاوَاتِ وَمَا فِي الْأَرْضِ وَهُوَ الْعَلِيُّ الْعَظِيمُ * تَكَادُ السَّمَاوَاتُ يَتَفَطَّرْنَ مِنْ فَوْقِهِنَّ﴾ [الشورى: 3-5]. كل ده تأثر العالم بالوحي، وأحنا نتعامل التعامل الباهت، مجرد تعامل أصله ينفع وما ينفعش. كلام الله يتعامل محتاج قلب يعظم، قلب مليء بالمشاعر، قلب عطشان للهدى، قلب باحث عن النور، قلب يبحث عن الهدى مشتاق. ده قلب هيتعامل مع القرآن، هيحتاج تفسير صغير، حد بعض الكلمات، بعض التوجيهات، لكن الأصل ده ده الأصل.

غياب هذا القلب كان الأعرابي اللي ما بيفقهش أي شيء، آية واحدة كانت تزلزله: ﴿فَمَنْ يَعْمَلْ مِثْقَالَ ذَرَّةٍ خَيْراً يَرَه * وَمَنْ يَعْمَلْ مِثْقَالَ ذَرَّةٍ شَرّاً يَرَه﴾ [الزلزلة: 7-8]. هي دي آية محتاجة شرح؟ أن كل ذرة عمل شر ذرة هتشوفها في الدنيا قبل الآخرة يرى. هي دي محتاجة دي تزلزل. لذلك أمنا عائشة لما كانت تتصدق بعنباية ما عندهاش غيرها فيقولوا لها عنباية، تقول: كان فيها من ذرات ﴿فَمَنْ يَعْمَلْ مِثْقَالَ ذَرَّةٍ خَيْراً يَرَه﴾. يبقى الآيات كانت بتغير في مفاهيمهم، كانت تنزل تغير من مفاهيمه، من حياته.

لكن: ﴿وَإِنْ تُبْدُوا مَا فِي أَنْفُسِكُمْ أَوْ تُخْفُوهُ يُحَاسِبْكُمْ بِهِ اللَّهُ﴾ [البقرة: 284]. وقفوا، ما كانش يسمع الآية يعديها، وقف: إيه ده؟ يعني أنا أحلام اليقظة أو الأفكار أو الشهوات اللي بتدور في صدري وبحلم بيها اتحاسب عليها؟ أو أي فكرة عابرة تجي في ذهني أتحاسب عليها؟ فراح جاري للنبي صلى الله عليه وسلم. فالشاهد أن ما كانش الآية تعدي، هو ده التعاون مع كتاب ربنا. حط قلب يقظ، قلوب طاهرة، ومنهج صافي، القرآن مكان طاهر في المسجد يتلون كتاب الله ويتدارسونه حفتهم الملائكة وغشيتهم الرحمة ونزلت عليهم السكينة وذكرهم الله فيمن عنده.

هذين نتفاعل مع كتاب ربنا. كل إنسان لازم يبقى له دور، كل إنسان لازم يبقى له دور في كتاب ربنا يعلم أبناءه القرآن، يفهم آية، يسأل عن معنى آية، قد تكفيك آية، زي ما الإمام الشافعي قال أن سورة العصر تكفي المسلمين. يبقى الإنسان يبذل كتاب ربنا، يعلم الناس آية يعني ما تكلم أي حد تعلمه آية، أنت قاعد في الشغل فهمت آية قول له والله ده أنا امبارح كنت بسمع آية كذا في كتاب ربنا فأنا فهمتها عايز أقولها لك، علم الناس كتاب ربنا. ﴿وَأُمِرْتُ أَنْ أَكُونَ مِنَ الْمُسْلِمِينَ * وَأَنْ أَتْلُوَ الْقُرْآنَ﴾ [النمل: 91-92]. ومن وظائف النبي صلى الله عليه وسلم تلاوة القرآن على الناس، يتلو عليكم آياته ويزكيكم. ما فيش تزكية من غير كتاب الله عز وجل.

أسأل الله عز وجل أن يجعلنا من أهل القرآن الذين هم أهل الله وخاصته. اللهم اجعلنا من أهل القرآن، اللهم استعملنا ولا تستبدلنا، اللهم ارزقنا فهماً في كتابك وسنة نبيك، اللهم وارزقنا العمل بالقرآن، اللهم ارزقنا المجاهدة بالقرآن، اللهم استعملنا ولا تستبدلنا يا رب العالمين. اللهم ربنا آتنا في الدنيا حسنة وفي الآخرة حسنة وقنا عذاب النار. أقول قولي هذا وأستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك.