تدبر سورة الكهف 04

السلام عليكم ورحمة الله وبركاته. الدرس الرابع من دروس تدبر سورة الكهف، كنا قلنا إن أول عشر آيات يا جماعة لهم خاصية كده معينة مع المسيح الدجال، وعلشان كده محتاجين نقف معهم وقفة بشكل مختلف. احنا طبعا يعني شرحنا منهم جزء، لكن بمنظور آخر، ويعني دي أول آيات هتقرع أذن النبي عليه الصلاة والسلام وأذان المؤمنين وأذان الكفار بعد انقطاع وحي خمستاشر يوم في مقام تحدي، واتكلمنا عليها في تلات دروس.

النهارده هنتكلم عن العشر آيات دول بمنظور آخر، وهو علاقتها بالمسيح الدجال وعلاقتها بالفتن عموما. أول عشر آيات لهم خاصية كده أن فيهم حديث؛ النبي عليه الصلاة والسلام حديث أبي الدرداء قال: «من حفظ عشر آيات من أول سورة الكهف عصم من الدجال». ومعنا حافظ هنا مش مجرد الحفظ، وإلا فحتى المنافق يستطيع أنه، حتى الكافر يستطيع أنه يحفظ الآيات دي، إنما الحفظ هنا كان فيه معنى من وراء الحفظ.

ولذلك حتى الإمام النووي لما جى يشرح هذا الحديث قال: فمن تدبرها لم يفتن بالدجالين. تحفظ، تتدبر لتعمل، والحفظ قد يتعدى لكل هذه الأمور. احفظ الله يحفظك، احفظ الله يعني احفظ حدود الله. يعني ايه؟ تحفظ إن ده حلاوة، يعني تقعد تسمع كده الزنا حرام والصلاة واجبة، لأ. احفظ حدود الله يعني امتثل واجتنب.

فهنا النبي صلى الله عليه وسلم قال: «من حفظ عشر آيات من أول سورة الكهف عصمة من الدجال». الدجال من أعظم الفتن يا جماعة، ولذلك النبي عليه الصلاة والسلام حذر الأمة منه، وأخبر أنه ما من نبي إلا وحذر أمته الدجال. ليه؟ لعظم فتنة الدجال، المسيح الدجال دجال آخر الزمان، ولذلك كان ندبا عليك أنك في دبر كل صلاة تستعيذ بالله من فتنة الدجال، تستعيذ من أربع حاجات: ومن شر فتنة المسيح الدجال، لعظم فتنة الدجال.

طيب، إيه المنجة من فتنة الدجال ومن فتن الدجاجلة؟ لأن النبي صلى الله عليه وسلم كما جاء في الحديث قال: «يكون في آخر الزمان دجالون كذابون». فهيبقى فيه دجالين قبل الدجال، كذابين وصفة الدجل يعني كثرة الكذب التي تموه على الناس الحق وتموه على الناس الباطل، بتخلي الباطل كده يظهر في صورة الحق. طيب، إزاي بقى ننجو؟ تعالوا كده نفكر بالعقل، دلوقتي لو فيه فتنة، إيه اللي يخليك تروح للفتنة دي تقع في الفتنة؟ لو فكرنا يعني قسمة عقلية بحتة، فتنة، ليه تقع في فتنة؟

أول حاجة لو هنعمل هنرسم إيه، هنشجر كده ننزل بفرعين؛ فرع كده إن أنت أصلاً مش شايفها فتنة ما شفتهاش أنها فتنة، وفرع تاني لأ شفتها فتنة لكن في أسباب خلتك إيه تروح تجيلي بعدها، يبقى فرعين هينزلوا، فرع أن أنت أصلاً ما شفتش الفتنة فقعت فيها، فرع تاني شفت الفتنة هنيجي له كمان شوية.

طيب، ما شفتش الفتنة فرحت رايح ووقعت في الفتنة، ليه ما شفتش، ليه ما شفتش الفتنة؟ إما أن الدنيا ضلمة، أنت أصلاً مش، يعني محتاج نور عشان تشوف أصلاً، أو لأ ده فيه نور لكن ما فيش بصيرة، النور موجود صحيح، لكن أنت اللي فاقد الحاسة، زي، بص، شبهها بالزبط مكان مِظلِم ووحش ومليان يعني إيه أمور مهلكة، تعابين بقى وحفر وحاجات كده، فانت محتاج حاجتين علشان أصلاً تشوف الحاجات دي، عشان تشوف الدنيا تنور، يعني هيكون عندك حاسة البصر، وإلا لو الدنيا نورت وأنت ما بتشوفش برضو مش هتنجو، محتاج، طب نرجع بقى تاني للفتن، محتاج نور ومحتاج بصيرة بها الفتن.

البصيرة هي أن ترى الأشياء على ما هي عليه، على حقيقتها، ده معنى البصيرة. طيب، لأ ده أنا شفت الفيلم وعرفت أنها فتنة، لكن برضو وقعت فيها، ليه بقى بالعقل كده؟ أسباب مثلاً أن ممكن تشوف الفتنة فتنة صحيح وتقع فيها لأنك محب للدنيا. اللي بيروح يزني ده، هو مش عارف أن الزنا حرام؟ عارف وبيقع في الزنا ليه؟ لأنه ضعيف قدام الشهوة. {زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ} إلى آخر الآية. هو شايفها فتنة لكن وقع منين؟ أنه بيحب الدنيا، بيحب الشهوة، ضعيف قدامهم.

سبب تاني تخليك شايف الفتنة وعارف أنها فتنة وتققع فيها، إيه أنك شايف نفسك، معجب بنفسك، بتزكي نفسك، فبتقول أنا جامد أوي، يعني أنا هروح وهقف وهدخل في الآخر أعرف أمنع نفسي، هتلاقي نفسك أتدمرت، تبقى تزكية النفس.

سبب أول حب الدنيا، السبب التاني تزكية النفس. سبب تالت، لا ده ولا ده، لأ ده أنا مش بحب دنيا زاهد في الدنيا، ومش بزكي نفسي، أنا شايف نفسي ضعيف وكل حاجة، لكن مشفق على غيري، فبقول إيه؟ هروح أدعو الناس دي، هروح أجيبهم لطريق ربنا، فلما تروح أنت اللي تروح مش هما، مش هما اللي ييجوا، طب إيه أصلاً اللي وقعك؟ كان المدخل فين؟ المدخل كان من أنك مشفق على غيرك في وقت أنت مأمور به، مأمور فيه بعدم الإشفاق، أو بأن يكون الإشفاق ده يقف على هذا الحد، وأنك بقى تهتم بنفسك، سيبك من دول وخليك في نفسك. إيه، لو في كده في الدين؟ آه في كده وهنجي له.

تاني بقى السببين اللي يخلوك تقع في فتنة سواء فتنة الدجال أو غيرها؛ أول سبب عقلي أنك ما تشوفهاش فتنة أصلاً، السبب التاني أنك لا تشوفها فتنة لكن إما مسرور للدنيا محب لها ضعيف أمام شهواتها، وإما أنك بتزكي نفسك فشايف الفتنة يعني أنت أكبر من الفتنة، وإما أنك مشفق على غيرك.

طب تعالوا نرجع بقى، أول حاجة أنك مش شايف الفتنة، طب محتاج إيه؟ نور وبصيرة. طب إيه النور؟ القرآن، القرآن نور سماه الله نورا سبحانه وتعالى، فقال سبحانه وتعالى: ﴿وَأَنزَلْنَا إِلَيْكُمْ نُورًا مُّبِينًا﴾ [النساء: 174]، وقال سبحانه وتعالى: ﴿فَآمِنُوا بِاللَّهِ وَرَسُولِهِ وَالنُّورِ الَّذِي أَنزَلْنَا﴾ [التغابن: 8]. فربنا سمى القرآن نور. يبقى أول حاجة أنت محتاج نور، وبعدين محتاج، هنجي كمان شوية البصيرة زي البصر كده في المثال بتاع الضلمة اللي قلناه.

النور القرآن، ولذلك يا جماعة لازم يكون لك وقت مع كتاب الله عز وجل، وقت يعني وقت مش فضل وقت، لأ، خصص للقرآن يعني وقت، القرآن ده ممكن نلغي حياتنا عشان خاطر الورد، نجيب الورد، ممكن الخروجة تأجل وممكن ما أتغداش دلوقتي، وممكن، ليه؟ أنا عندي ورد أخلصه. ليه؟ لأن القرآن نور، وانت محتاج النور عشان تنجو من الفتن من فتن الزمان قبل ما، قبل فتنة الدجال، محتاج عشان تنجو من الآية، من الفتن.

طيب يبقى القرآن نور، وسورة الكهف، العجيب بقى النبي عليه الصلاة والسلام أخبر أنه من قرأ سورة الكهف يوم الجمعة أضاء له من النور ما بين الجمعتين. شوفوا بقى هنبتدي نخش فين، الكهف كمان ده نور مخصوص بقى، اللي هي عصمة من الدجال أصلاً، نور مخصوص اهو خلاص، أضاء له من النور ما بين الجمعتين. طيب، ده فين بقى في العشر آيات الأولى؟ ما ننساش احنا عمالين نقول أن العشر آيات الأولانيين دول هم دول النجاة، من حفظهم وتدبرهم وعمل بهم نجا من فتنة الدجال ونجا من كل فتنة دون الدجال، لأن الدجال أعظم الفتن.

طيب فين القرآن هنا؟ الحمد لله الذي أنزل على عبده الآية، الكتاب عجيب، يبقى أول آية اهو، يبقى أول ما أخرج من الفتن القرآن، ﴿الْحَمْدُ لِلَّهِ الَّذِي أَنزَلَ عَلَىٰ عَبْدِهِ الْكِتَابَ وَلَمْ يَجْعَل لَّهُ عِوَجَا ۜ قَيِّمًا﴾ [الكهف: 1-2]. إشمعنى الوصفين دول؟ ما هو القرآن وصف بأوصاف كثيرة في القرآن، إشمعنى وصف بقيم ونفي العوج؟ ارجعوا بقى للفيديوهات عشان اربطوا بقى الكلام ببعضه، إزاي أنت محتاج أن القرآن يكون قيم، وإزاي تكون محتاجه غير ذي عوج، مش هعيد الكلام عشان الفيديو ما يطولش يعني، لكن ارجعوا للفيديوهات القديمة.

يبقى القرآن ده النور، محتاج إيه تاني بقى؟ بصيرة، احنا ده كله لسه في أول فرع، أن أنا أشوف الفتنة أصلاً أنها فتنة. يعني في ناس هتشوف مساخيط الدجال ده حاجة حاجة جميلة، يعني هيتبعوه لأنه مؤمنين به، أنت متخيل زي ما أنت بتتعجب دلوقتي من حاجات تقول أن الناس دي ما بتشوفش، آه هي ما بتشوفش فعلا، ما بتشوفش، ليه ما بتشوفش؟ حاجة من اثنين؛ يا أما معهاش نور يا أما معهاش بصيرة، فهي ما بتشوفش هي عميا.

وربنا أخبر عن الناس كده: ﴿فَإِنَّهَا لَا تَعْمَى الْأَبْصَارُ وَلَكِن تَعْمَى الْقُلُوبُ الَّتِي فِي الصُّدُورِ﴾ [الحج: 46]. ففي ناس عميا آه، طيب معك النور؟ عرفنا النور اللي هو إيه؟ القرآن. محتاجين بقى بصيرة، إيه البصيرة دي؟ تيجي منين البصيرة؟ احنا قلنا أن أنت ترى الأمور أو الأشياء على حقيقتها، تيجي منين؟ إيمان وعمل صالح باختصار كده، إيمان وعمل صالح يعني بصيرة.

يبقى أنت معك نور وبصيرة هتشوف الفتنة، هتشوف الفتنة بقى، هيتبقى تلات حاجات من الأول، يعني إيه؟ أنك تخرج من المطبات اللي جاية اللي هو في الفرع التاني، بس خلينا الأول في البصيرة، البصيرة إيمان وعمل صالح. ولذلك تجد إيه؟ ﴿الْحَمْدُ لِلَّهِ الَّذِي أَنزَلَ عَلَىٰ عَبْدِهِ الْكِتَابَ وَلَمْ يَجْعَل لَّهُ عِوَجَا ۜ قَيِّمًا لِّيُنذِرَ بَأْسًا شَدِيدًا مِّن لَّدُنْهُ وَيُبَشِّرَ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا﴾ [الكهف: 1-2]. شوفوا يا جماعة الترتيب ماشي ازاي في القرآن، معك نور، محتاج بصيرة بقى، إزاي؟ بإيمان وعمل صالح، زود إيمانك واعمل الصالحات.

أزود إيماني، هو إيه الإيمان أصلاً؟ هتجد بقى الإيمان اللي هو ممكن نترجمه للعقيدة، أنتم عارفين يا جماعة العقيدة العلماء يقولوا هم تلات أقسام كبار؛ إلهيات ونبوات أو رسالات وغيبيات. إلهيات تدخل فيه كل ما يخص الرب سبحانه وتعالى، رسالات أو نبوات يدخل كل ما يخص الرسل والكتب وكذا، وغيبيات الجنة والنار والآخرة وأشراط الساعة وكذا.

أعتقد التلاتة دول، التلاتة دول اللي هم لو حققتهم حققت الإيمان، موجودين في أول كام آية في الكهف، وكأن دي إشارة أنك زود إيمانك اللي هو إيه الإيمان؟ الحمد لله، الحمد لله الإلهيات، وهتيجي كمان شوية هيقول لك إيه: ﴿وَيُنذِرَ الَّذِينَ قَالُوا اتَّخَذَ اللَّهُ وَلَدًا مَّا لَهُم بِهِ مِنْ عِلْمٍ﴾ [الكهف: 4-5] الإلهيات التوحيد. ﴿الْحَمْدُ لِلَّهِ الَّذِي أَنزَلَ عَلَىٰ عَبْدِهِ الْكِتَابَ﴾ عبده والكتاب نبوات ورسالات. ﴿وَلَمْ يَجْعَل لَّهُ عِوَجَا ۜ قَيِّمًا لِّيُنذِرَ﴾ و﴿يُبَشِّرَ﴾ غيبيات. يبقى زود إيمانك علشان تحصل بصيرة، زود إيمانك.

والإيمان ينجي من الفتن؟ آه، وربنا قال كده في القرآن، قال سبحانه وتعالى: ﴿كَذَلِكَ حَقًّا عَلَيْنَا نُنجِ الْمُؤْمِنِينَ﴾ [يونس: 103]، وقال سبحانه وتعالى: ﴿وَنَجَّيْنَا الَّذِينَ آمَنُوا﴾ [فصلت: 18]. الإيمان ينجي؟ آه. وشوف بقى الحديث العجيب ده، النبي صلى الله عليه وسلم أخبر أن المسيح الدجال مكتوم بين عينيه كافر، مين اللي هيقرا؟ قال: «يقرأها كل مؤمن كاتب وغير كاتب». يا الله! انتبه يا جماعة! شرط قراية الفتنة، شرط أنك تشوف الفتنة أنك يكون عندك نور قرآن وبصيرة. أول شرط من عشان تحصل بصيرة للإيمان، واللي هيقرا المؤمن حتى لو ما بيقراش ويكتب، حتى ما بيقراش يكتب، أنت، يعني تخيل يا جماعة، تخيلوا ده أن هييجي في وقت من الأوقات واحد دكتور في الجامعة، دكتور في الجامعة ومش عارف يقرا كلمة، مش شايف الكلمة مش عارف يقراها، وراجل أمي لم يكتب ولم يقرأ ويقرأ. يقرأ إيه؟ يقرأ الفتنة، يرى الفتنة باإيه؟ بالإيمان، الإيمان.

طب والعمل الصالح ينجي؟ آه، النبي عليه الصلاة والسلام قال: «بادروا بالأعمال فتنا كقطع الليل المظلم، يصبح الرجل مؤمنا ويمسي كافرا، ويمسي مؤمنا ويصبح كافرا، يبيع دينه بعرض من الدنيا». يبقى كان معه إيمان اهو، يصبح مؤمنا لكن هيمسي كافرا. ليه؟ ما عهوش رصيد، ما فيش عمل صالح، يبقى معه إيمان لكن ما حوش عمل صالح، طب إيه الحل؟ «بادروا بالأعمال فتنا كقطع الليل المظلم». نسأل الله السلامة، يصبح الرجل مؤمنا ويمسي كافرا، ويمسي مؤمنا ويصبح كافرا، نعوذ بالله من الخذلان، يبيع دينه بأعراض من الدنيا. ودي هنجي لها بعدين، إيه الحل؟ بادروا بالأعمال.

في رواية وهنقول الرواية دي لأن فيها المسيح الدجال، قال: «بادروا بالأعمال سبعا، فهل تنتظرون إلا فقرا منسيا، أو غنى مطغيا، أو مرضا مفسدا، أو هرما مفندا، أو موتا مجهزا، أو الدجال فشر غائب ينتظر، أو الساعة، والساعة أدهى وأمر». الحل فين؟ بادروا بالأعمال تاني.

يبقى الفتن، أو ناخد بقى كمان حديث عشان ايه نرجع نربط كله ببعضه؛ حديث النبي صلى الله عليه وسلم استيقظ فزعا قال: «ويل للعرب من شر قد اقترب، ماذا أنزل الله من الخزائن، وماذا أنزل من الفتن». نعمل إيه، نعمل إيه؟ النبي صلى الله عليه وسلم قال مفزوع في فتن، نعمل إيه؟ قال: «من يوقد صواحب الحجرات» عشان يعملوا إيه بقى؟ عشان يدخلوا يقروا الأخبار ويحللوا الأخبار عشان يعرفوا اللي جاي واللي فات وإيه اللي هيحصل، عشان يهتموا بالقيل والقال، عشان يقعدوا على السوشيال ميديا والفيسبوك؟ «من يوقد صواحب الحجرات كي يصلين».

يبقى الفزع إلى الأعمال الصالحة، قيام الليل الصلاة وقت الفتن يا جماعة محتاجين ده، محتاجين أعمال، محتاجين رصيد. ربنا قال في القرآن عن يونس: ﴿فَلَوْلَا أَنَّهُ كَانَ مِنَ الْمُسَبِّحِينَ * لَلَبِثَ فِي بَطْنِهِ إِلَىٰ يَوْمِ يُبْعَثُونَ﴾ [الصافات: 143-144]، كان عنده رصيد من الأعمال، إيه اللي نجاه؟ العمل الصالح التسبيح.

نرجع بقى تاني التقسيمة؛ إليه اللي بيخليك تقع في الفتنة، إما أنك مش شايف الفتنة وإما أنك شايفها لكن في أسباب منعت أنك إنجو من الفتنة دي.

مش شايفها محتاج نور ومحتاج بصيرة، النور المصحف القرآن. ﴿ٱلْحَمْدُ لِلّهِ الَّذِي أَنزَلَ عَلَى عَبْدِهِ الْكِتَابَ﴾ [الكهف: 1] والبصيرة إيمان وعمل صالح، ﴿وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا﴾ [الكهف: 2] ما يكفين فيه أبدا.

كذلك من البصيرة أنك تبقى عارف أهل الفئة الناجية شكلهم إيه، والفئة الضالة شكلها إيه؟ ده نوع من أنواع البصيرة. يعني أنك تبقى عارف الناس الكويسة دول شكلهم إيه، الناس اللي هينجوا شكلهم إيه، والناس اللي هيضيعوا شكلهم إيه؟ وده هتلاقيه برضه: ويبشر الذين يعملون الصالحات ويبشر الله سبحانه وتعالى لينذر.

الحمد لله ده إنزال على عبده الكتاب ولم يجعل له عوجا قيما لينذر بأسا شديدا من لدنه ويبشر المؤمنين الذين يعملون الصالحات أن لهم أجرا حسنا ماكفين فيه أبدا. وينذر الذين قالوا اتخذ الله ولدا. كأن ربنا بيديك بقى هنا من النور والبصيرة اللي تميز به الفريقين، أن المسيح الدجال لما يطلع مين أكثر اتباع اليهود؟ قالوا عزير ابن الله.

فأنت أما تقف كده وتلاقي أن أكثر اتباعه الذين قالوا اتخذ الله ولدا وفي الناحية التانية الفسطاط التاني اللي ما اتبعهوش دول المؤمنين اللي بيعملوا الصالحات، تبتدي يبقى ده من البصيرة، خلي بالك ده ضلالي، ده هو ده الدجال، دجال آخر الزمان، لأن اتباع الذين قالوا اتخذ الله ولدا.

تعالوا نرجع تاني عشان ما نتوهش؛ طب أنا شفتها فتنة خالص، معي النور ومعي البصيرة، معي القرآن ومعي البصيرة اللي هو الإيمان والعمل الصالح، اللي لو معي دول ربنا سبحانه وتعالى بيوفقني بقى أرى الأشياء على ما هي عليه الحقيقة.

قبل ما أنتقل عندنا حديث عجيب جدا وهيوقفنا على المعنى ده، معنى النور ومعنى البصيرة وأن لا نجاة إلا بالاتنين مع بعض. النبي عليه الصلاة والسلام ضرب مثلا يوما قال: «ضرب مثلا بصراط وعلى جنبتي الصراط سوران». يبقى طريق يا جماعة وفيه سورين، وفي السورين أبواب مفتحة وستور مرخاة.

في السورين دول فيه أبواب مفتحة ما عليهاش أقفال ولا حاجة، لكن كل باب عليه ستر نازل كده زي ستارة، وداعا على باب الصراط أو على رأس الصراط يقول: يا أيها الناس ادخلوا الصراط جميعا ولا تعوجوا. كله يدخل الصراط ده وداعا فوق الصراط. كلما هم عبد أنه يفتح سترا من هذه الستور يقول له: ويلك لا تفتح فإنك إن تفتح أوعى تفتح الستر ده، لو فتحته هتخش.

إيه المثل ده؟ قال صلى الله عليه وسلم: «فالصراط الإسلام، والسوران حدود الله، والأبواب محارم الله، والداعي على رأس الصراط القرآن، والداعي فوق الصراط واعظ الله في قلب كل مؤمن». الحديث ده يلخص اللي احنا قلناه، أنت محتاج إيه؟ نور. النور بيكشف لك: اهو الطريق اهو، ادخل. وده اللي القرآن بيعمله، خشوا كلكم الصراط.

وأنت في الصراط محتاج بصيرة، مش كفاية النور، محتاج بصيرة، وإلا يا جماعة فالقرآن هو القرآن، ده أنا وانت بس اللي بنقراه ولا حتى ولا متاح حتى للكافر ولا حتى من القراء كما أخبر صلى الله عليه وسلم منافقون، ناس قراء للقرآن حافظين المصحف ومنافقين. طب ما هم معهم نور اهو النور اهو في إيديهم لكن ما فيش البصيرة.

البصيرة دي اللي هي بتخلي بقى فيه الواعظ ده اللي هو أنت على الطريق محتاج حد يقول لك: النور منور لك اللي قدامك، لكن وراء الستر ده فيه إيه؟ دي محتاجة بصيرة، «ويلك لا تفتح فإنك إن تفتح».

هديكم مثالين بسرعة؛ لما مات النبي عليه الصلاة والسلام وكان أنفذ جيشا بإمرة أسامة رضي الله عنه، ابتدت القبائل حوالين المدينة ترتد، فكان القرار الاستراتيجي العسكري السليم من وجهة نظر أي باحث: رجع الجيش ده مش وقته، كان أسامة رايح يفتح مكان بعيد. لأ رجعوا، ده الناس بترتد، هيدخلوا على المدينة اللي هو قلب أو العاصمة بقى الإسلامية وقتها والدنيا هتضيع. رجع الجيش احنا محتاجين الجنود.

فأبو بكر وقف قال: والله -لو في رواية- لو دخلت الكلاب أو جرت الكلاب وامهات المؤمنين من أرجلهن في سكك المدينة، ما رددت جيشا أنفذه رسول الله صلى الله عليه وسلم. احنا مش هندخل في التفاصيل، لكن إنفاذ الجيش كان هو الصح وقتها، ولما الجيش ابتدى يعدي على القبائل اللي بترتد، قالوا: إيه ده! باعتين جيش، كل الجيش ده عشان يحارب بره واحنا عمالين نرتد حواليه، ده معنى كده شايلين لنا إيه في المدينة؟ فرجعوا خافوا.

دي إيه دي؟ افتح المصحف كده مش هتلاقي فيه: أنفذ الجيش ولا لا تنفذه، مش هتلاقي فيها دي. دي بصيرة دي بقى بتاعت ربنا، دي بإيمان وعمل صالح، ولذلك الناس تتفاوت.

مثال تاني وأختم به كعب بن مالك، أختم به الحتة الأولانية اللي هي النور والبصيرة. كعب بن مالك لما تخلف عن غزوة تبوك والنبي صلى الله عليه وسلم هجره وأمر الصحابة أنهم يهجروه حتى مراته، ودق عليه الحال جدا، ملك غسان وكان كافرا، أرسل إليه جوابا قال له إيه بقى؟ قال له: بلغنا ما أنت فيه، أن صاحبك قد جفاك ولم يجعلك الله في دار هوان، فالحق بنا نواسك.

أنت ليه مع حضرتك عندك؟ تعال لنا فالحق بنا نواسك. كان أي حد يشوف إيه بقى الموضوع ده؟ إيه والله ده اهو خير وجالي، ده أنا صبرت ونلت.

كعب قال إيه؟ قال: «وهذا أيضا من البلاء». شاف الفتنة، مش فاهم إيه؟ لو فتح المصحف هيلاقي أن جواب ملك غسان بلاء أو ابتلاء أو فتنة، مش هيلقى ده في المصحف، لكن بالبصيرة بالإيمان والعمل الصالح واعظ بقى: «لا تفتح فإنك إن تفتح تلج» هتمشي فيه.

طيب، نجي ناخد الفرع التاني. شفت الفتنة، فتنة، لكن برضه وقعت فيها. ليه؟ حب الدنيا. أنا شفت أن الزنا حرام وعارف أنه حرام لكن وقعت فيه. شفت أن المسيح الدجال فتنة وعارف أن المسيح الدجال، لكن اصل هو هيأتي يا جماعة المسيح الدجال فتنته من عظيم فتنته أنه هيأتي في زمان قحط، الناس مش لاقية تاكل ولا تشرب، وبعدين يأمر السماء أن تمطر فتمطر، ويأمر الأرض أن تنبت فتنبت، ويدخل الخربة فتخرج كنوزها تتبعك كيعاسيب النحل، فتن عظيمة جدا.

مش بس كده، معه جنة ونار فيما يراه الناظر. يعني دنيا، ممكن واحد يقع عليه لأنه محب للدنيا. طب فين حلها دي؟ اقرا كده في أول سورة الكهف، عشان كده احنا قلنا العشر آيات دول عجيبة، هم فعلا المنجيات.

قال سبحانه وتعالى: ﴿إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلًا * وَإِنَّا لَجَاعِلُونَ مَا عَلَيْهَا صَعِيدًا جُرُزًا﴾ [الكهف: 7-8]. فين النجاة من فتنة الدنيا؟ أنك تعرف حقيقتها، أن الدنيا اللي أنت شايفها زينة دي ما هي إلا اختبار وابتلاء. خلي بالك، ﴿إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلًا﴾، بعض أهل العلم قال: لنبلوهم أيهم أترك للزينة؟ أيهم أزهد فيها؟ يبقى زينة الدنيا ما هي إلا اختبار لك أنك تسيبها.

يبقى ده علاج أول حاجة بقى خلاص، لو شفت الفتنة إزاي أهرب من أن أنا ما أبقاش محب للدنيا؟ أنك تعرف هي الدنيا دي ليه موجودة أصلا؟ زينة، ابتلاء واختبار.

وإنا لجاعلون ما عليها صعيدا جُرُزًا، تعرف مآل الدنيا. الدنيا كده كده ماشية، يا هتمشي أنت وتسيبها، يا هتمشي هي وتسيبك، يعني مش قاعدة معك. فلما المعنيين دول بقى يا جماعة لو في دماغك أن الدنيا زينة، الدنيا ابتلاء واختبار، تاني حاجة مش باقية. حتى آمنت بالمسيح الدجال، رحت زنيت، عملت، شربت، كل حاجة، هتقعد قد كده؟ هتقعد على الحال ده قد إيه؟ ﴿أَفَرَأَيْتَ إِن مَّتَّعْنَاهُمْ سِنِينَ * ثُمَّ جَاءَهُم مَّا كَانُوا يُوعَدُونَ * مَا أَغْنَى عَنْهُم مَّا كَانُوا يُمَتَّعُونَ﴾ [الشعراء: 205-207]. كده كده ميت وسايبها، أو هي اللي هتسيبك قبل ما أنت تسيبك، وتفتقر بعد الغنى، وتضعف بعد القوة، وتتيبس بعد الشباب، ما لهاش تالت، يا تسيبها يا تسيبك. فلما تفكر في المعنيين دول تزهد في الدنيا، وده في أول سورة الكهف اهو: ﴿إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلًا * وَإِنَّا لَجَاعِلُونَ مَا عَلَيْهَا صَعِيدًا جُرُزًا﴾ [الكهف: 7-8].

المعنى التاني اللي ممكن يخليك بعد ما تشوف الفتنة تقع: تزكية النفس. يعني إيه؟ أنا جدع أنا ما بتفتنش، أنا هدخل الصفحات بتاعة الملاحدة وهسمع كلام شبهات النصارى وشبهات اليهود، أنا جدع، وتيجي تسأل عليه بعد سنة بعد اتنين؟ لأ، ده الحد. لأ، ده ساب الصلاة. ليه؟ تزكية النفس. ربنا سبحانه وتعالى قالها صراحة: ﴿فَلَا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى﴾ [النجم: 32]. أوعى تزكي نفسك.

ولذلك في حديث أن المسيح الدجال النبي قال إيه؟ إذا خرج عليه الصلاة والسلام، إذا خرج: «فأنا فيكم فأنَا حجيجُه، وإلا فامرؤ حجيجُ نفسه». والكلام ده النبي بيقوله لمين يا جماعة؟ لأبو بكر وعمر وعثمان وعلي! أنت متخيل النبي بيقوله لمين؟ بيقوله للصحابة اللي حواليه عليه الصلاة والسلام وللأمة طبعا من بعديها، لكن الكلام ده موجه لدول: «فامرؤ حجيجُ نفسه». أوعى حد يروح يا أبا بكر، ما تروحش يا عمر، ما تروحش. النبي بيقول لهم كده عليه الصلاة والسلام، مش بقى هنادي كل واحد باسمه، لأ، بيقول للصحابة كده: «والا امرؤ حجيجُ نفسه».

فإن أحدكم يأتيه ويظن أنه مؤمن فيفتن به مما يبعث به من الشبهات. الحل في الفتن: ما تروحش، ما تزكيش نفسك خلاص. الحديث اللي قلنا بتاع الصراط: «لا تفتحه فإنك إن تفتح». لو فتحت هتخش، أوعى تفتكر نفسك جدع، لا تفتحه، فإنك إن تفتح تلج. والحديث التاني المرعب: «بادروا بالعمَال فتنا كقطع الليل المظلم، يصبح الرجل مؤمنا ويمسي كافرا». أنت بتزكي نفسك على إيه؟

طب ده موجود في سورة الكهف؟ آه موجود فين؟ شف كده أصحاب الكهف قالوا إيه؟ قالوا: ﴿إِنَّهُمْ إِن يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَن تُفْلِحُوا إِذًا أَبَدًا﴾ [الكهف: 20]. شفت الدنيا ابتدت تنور إيه؟ اهو. لو يا جماعة قومكم دي هنجيلها إن شاء الله، هيبقى نشرح يعني قصة أصحاب الكهف بالتفصيل، لكن بسرعة كده هما قالوا إيه؟ يعني حد يروح يجيب لنا أكل، وأوعوا حد ياخد باله أن ما حدش يعرفه. ليه؟ ﴿إِنَّهُمْ إِن يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَن تُفْلِحُوا إِذًا أَبَدًا﴾ [الكهف: 20]. ما فيش تزكية نفس عندهم، هما مؤمنين صح، لكن خايفين، خايفين على نفسهم. ده إذا كان يوسف يا جماعة قال كده: ﴿وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ﴾ [يوسف: 33]. يوسف خايف على نفسه من الفتنة! فلا حول لك ولا قوة إلا بالله سبحانه وتعالى.

يبقى ده تاني معنى ممكن يخليك بعد ما تشوف الفتنة تقع فيها، أنك بتزكي نفسك. شايفها فتنة صحيح، لكن إيه اللي وداك؟ بتزكي نفسك.

المعنى التالت اللي يخليك تقع في الفتنة بعد ما تشوفها، أنك خايف على غيرك. أنا لا بزكي نفسي ولا بحب دنيا، لكن أنا مشفق على الناس، فأنا أروح للمسيح الدجال ليه؟ أصل لازم حد يناظره، وإلا أسيبه يعني يضل الناس؟ أسيب الإعلان الفلاني يضل الناس؟ أسيب المناظر العلاني يضل الناس؟ أسيب المساخيط، هاروح له وتخالف أمر النبي عليه الصلاة والسلام بالفرار من مواطن الفتن!

بيحصل إيه؟ هتقع. حلها فين؟ ﴿فَلَعَلَّكَ بَاخِعٌ نَّفْسَكَ عَلَى آثَارِهِم إن لَّمْ يُؤْمِنُوا بِهَذَا الْحَدِيثِ﴾ [الكهف: 6]. أسف في أول عشر آيات برضو، ولعلك باخع نفسك قاتل نفسك يا محمد عليه الصلاة والسلام، قاتل نفسك من التأسف على آثارهم إن لم يؤمنوا بهذا الحديث. والمعنى ده احنا قلنا قبل كده ربنا ذكره في القرآن تلاتاشر مرة، يلوم النبي عليه الصلاة والسلام على هذا النهج، أنه يوصل للحالة دي من الشفقة عليهم ومن الحزن على عدم اتباعهم له صلى الله عليه وسلم. ربنا نهاه خلاص، ولذلك هتلاقي معانا متكرر في سورة الكهف.

اللي هو إيه؟ أصحاب الكهف عملوا إيه؟ ﴿إِذْ قَامُوا فَقَالُوا رَبُّنَا رَبُّ السَّمَاوَاتِ وَالْأَرْضِ لَن نَّدْعُوَ مِن دُونِهِ إِلَهًا لَّقَدْ قُلْنَا إِذًا شَطَطًا﴾ [الكهف: 14]. وبعدين راحوا الكهف، يعني وقفوا دعوا قومهم، وده هنجيلها بالتفصيل. قالوا لقومهم كده في العلن: إذ قاموا فقالوا كذا وكذا وكذا، وبعدين سابوهم وراحوا الكهف، ما قعدوش يناظروا ولا، واحنا قومنا ونقعد وسطيهم، ما عملوش ده. وده فيه تفصيل يا جماعة، إمتى نقعد وإمتى ما نقعدش، لكن طبعا الفيديوهات ما تبقاش مستحملة ده.

وبعديها ربنا يقول للنبي صلى الله عليه وسلم الحق إيه؟ ﴿وَقُلِ الْحَقُّ مِن رَّبِّكُمْ فَمَن شَاءَ فَلْيُؤْمِن وَمَن شَاءَ فَلْيَكْفُرْ﴾ [الكهف: 29]. يعني إيه هو هذا الحق؟ فمن شاء فليؤمن ومن شاء فليكفر، خلاص، ﴿فَلَا تَذْهَبْ نَفْسُكَ عَلَيْهِمْ حَسَرَاتٍ﴾ [فاطر: 8].

فده يعالج الحتة الأخيرة بقى، أن أنا خايف على الناس، فيخليك تروح تتعرض للفتنة في موطن أنت مأمور فيه أنك تعتزل الفتنة.

نرجع بقى تاني نلخص كله؛ إيه اللي يخلينا نقع في الفتن؟ أما أنك مش شايف الفتنة، طب إيه اللي يخلي المنجى من دي؟ أنك تشوفها، طب إزاي أشوفها؟ نور وبصيرة. النور القرآن: ﴿الْحَمْدُ لِلَّهِ الَّذِي أَنْزَلَ عَلَى عَبْدِهِ الْكِتَابَ﴾ [الكهف: 1] وبعدين لما يطلع له عوجا قيما، راجعوها للوصفين دول.

وبصيرة تيجي بايه؟ بالايمان والعمل الصالح. ربنا سبحانه وتعالى قال: ﴿إِنَّ الَّذِينَ آمَنُوا وَعَمِلُوا الصَّالِحَاتِ كَانَتْ لَهُمْ جَنَّاتُ الْفِرْدَوْسِ نُزُلًا﴾، وقال: ﴿وَيُبَشِّرُ الْمُؤْمِنِينَ الَّذِينَ يَعْمَلُونَ الصَّالِحَاتِ أَنَّ لَهُمْ أَجْرًا حَسَنًا * مَاكِثِينَ فِيهِ أَبَدًا﴾ [الكهف: 2-3]. وكمان محتاج انك تعرف اهل النور والبصيرة دول من غيرهم، فلذلك ربنا اتى بالوصفين دول: ايمان وعمل صالح في ناحية، وفي الناحية التانية: ﴿الَّذِينَ قَالُوا اتَّخَذَ اللَّهُ وَلَدًا﴾ [الكهف: 4]، عشان لما تلاقيهم اتباع المسيح الدجال تعرف ان مش هو، وان ده المسيح الدجال وان دي فتنة.

طيب لأ، طب انا شفت الفتنة خلاص، معايا النور والبصيرة، شفت الفتنة انها فتنة، بس برضو وقعت ليه؟ لان معايا النور والبصيرة لكن انا محب للدنيا مؤثر للشهوات، حلها فين؟ قول الله عز وجل: ﴿إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلًا * وَإِنَّا لَجَاعِلُونَ مَا عَلَيْهَا صَعِيدًا جُرُزًا﴾ [الكهف: 7-8]. تعرف الغاية من زينة الارض ايه؟ تعرف مآلها الى ايه؟ فتنجو من فتنة الدنيا.

لا، انا مش مفتون بالدنيا، لكن عندي تزكية نفسي، شايف نفسي، حلها فين؟ ﴿إِنَّهُمْ إِن يَظْهَرُوا عَلَيْكُمْ يَرْجُمُوكُمْ أَوْ يُعِيدُوكُمْ فِي مِلَّتِهِمْ وَلَن تُفْلِحُوا إِذًا أَبَدًا﴾ [الكهف: 20]. اوعى تزكي نفسك، ﴿فَلَا تُزَكُّوا أَنْفُسَكُمْ هُوَ أَعْلَمُ بِمَنِ اتَّقَى﴾ [النجم: 32]. اذا خرج وانا فيكم فانا حديث، والا امرؤ حجيج نفسه، اهرب اهرب، سر من الفتن.

اللي انا بزكي نفسي ولا بحب دنيا، لكن مشفق على غيري، حلها فين؟ ﴿فَلَعَلَّكَ بَاخِعٌ نَّفْسَكَ عَلَىٰ آثَارِهِمْ إِن لَّمْ يُؤْمِنُوا بِهَذَا الْحَدِيثِ أَسَفًا﴾ [الكهف: 6]. خلصت كل ده؟ اه. يبقى بقى حاجتين مهمين جدا، ودول اللي هنختم بهم، ودي الآية العاشرة من العشر آيات الاول في سورة الكهف، اللي هي عصمة من الدجال، عصمة من كل فتنة. ايه هم بقى حاجتين في الآية العاشرة؟

اية الآية العاشرة؟ الاول ربنا سبحانه وتعالى قال: ﴿أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا * إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا﴾ [الكهف: 9-10]. هي دي الآية العاشرة، وينتهي العشر آيات وكان وعجيب يعني اول عشر آيات اللي يحفظهم، كان لو بالعقل كده كنا ممكن نقف على الآية الثامنة؛ لان بعد كده احنا بنتكلم بنحكي حدوتة وده اولها. ليه ناخد آيتين من القصة ونقف؟ يعني عجيبة شوية، يعني كأني والله من حفظ اول ثمن آيات من سورة الكهف عصم من الدجال، ويقفوا عند: ﴿وَإِنَّا لَجَاعِلُونَ مَا عَلَيْهَا صَعِيدًا جُرُزًا﴾ [الكهف: 8] شكرا؟ لأ، ﴿أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا﴾ [الكهف: 9] الآية التاسعة، ﴿إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا﴾ [الكهف: 10]. عشان فيها معنيين في منتهى الخطورة ينجوا من الفتن.

المعنى الاول: الفرار من الفتنة، وده احنا قلناه. يعني ده ممكن تسقطه فين؟ في حتة انك في كل بقى اللي فات، اللي هو ايه؟ حب الدنيا وتزكية النفس وخوفي على غيري. العلاج فين لكل التلاتة بقى مع بعض؟ تقدر تحط الآية دي: ﴿إِذْ أَوَى الْفِتْيَةُ إِلَى الْكَهْفِ﴾ فروا من الفتن، ما فضلوش قاعدين وسط قومهم الكافرين. لأ، ايه اللي هيمنعك تفر من الفتنة؟ اما محب للدنيا، اما بتزكي نفسك، اما خايف على غيرك. اهرب اهرب.

يأتي زمان لا ينجي فيه الا دعاء كدعاء، انما انا اللي عاوزه دلوقتي حديث ابي ذر اظن، اللي هو يوشك ان يكون خير مال المسلم غنم يتبع بها شعف الجبال ومواقع القطر، يفر بدينه من الفتن. فرار من الفتن، خلاص ده فين؟ في العشر آيات: ﴿إِذْ أَوَى الْفِتْيَةُ إِلَى الْكَهْفِ﴾ فروا.

المعنى الاخير، وده اللي هنختم به: ﴿فَقَالُوا رَبَّنَا﴾. يا جماعة، كل اللي فات ده لن يعمل الا بدي، اللجوء إلى الله والافتقار إلى الله. اوسع باب تخش على ربنا منه الافتقار. يعني عملت كل اللي فات ده، معاك النور ومعاك البصيرة، وخلاص عرفت الدنيا إلى زوال وان هي دار ابتلاء، خلاص مش هتزكي نفسك وخايف على نفسك، وخلاص مش خايف على غيرك في الوقت ده، انت مهتم بنفسك عن غيرك؛ لان ده امر النبي عليه الصلاة والسلام لك، وامر القرآن لك. ربنا بقى: ﴿إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا﴾.

النبي صلى الله عليه وسلم يقول: «استعيذوا بالله من الفتن، ما ظهر منها وما بطن». هو ده، يكون زمان لا ينجو منه او لا ينجي منه الا دعاء كدعاء الغريق، انت لازم تكثر من الدعاء وتكثر من الاستعاذة. ولذلك زي ما ابتدينا قلنا ان كان بعد كل صلاة، في دبر كل صلاة، تستعيذ بالله من اربع، منها من شر فتنة المسيح الدجال. ما فيهاش هزار، وبدون الله لن تنجو، عشان كده قالوا كده: ﴿رَبَّنَا آتِنَا مِن لَّدُنكَ رَحْمَةً﴾؛ لان بلا بغير رحمة ما فيش نجاة. «لن ينجي احدا عمله»، قال: ولا انت؟ قال: «ولا انا الا ان يتغمدني الله برحمة منه». فالنجاة يعني بالرحمة، رحمة ربنا سبحانه وتعالى.

﴿وَهَيِّئْ لَنَا مِنْ أَمْرِنَا رَشَدًا﴾ انك لو هيئ لك من امرك الرشد، أترى الحسن حسنا وترى القبيح قبيحا. ده ربنا قال كده في القرآن، احنا مش هندخل في معنى الرشد ولا الرشد، لكن هي آية واحدة تلم المعنى اللي احنا عاوزين نقوله، اللي هي ايه؟ قول الله عز وجل: ﴿وَلَكِنَّ اللَّهَ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ أُولَئِكَ هُمُ الرَّاشِدُونَ﴾ [الحجرات: 7].

عرفت بقى انت ليه محتاج تقول: ﴿وَهَيِّئْ لَنَا مِنْ أَمْرِنَا رَشَدًا﴾؟ علشان تحب الايمان واهل الايمان، وتكره المعاصي واهل المعاصي، عشان تشوف الفتنة فتنة وتكرهها. السلام عليكم ورحمة الله وبركاته.