د. أحمد عبد المنعمإنا بلوناهم كما بلونا أصحاب الجنة إذ أقسموا ليصرمنه مصبحين. إنا بلوناهم أي بلونا قريش بنعم الله سبحانه وتعالى، كما أن الله سبحانه وتعالى ابتلى غيرهم. سنة الله ماضية في الابتلاء بالسراء والضراء. إنا بلوناهم كما بلونا أصحاب الجنة، بدأت القصة بقول الله سبحانه وتعالى: إذ أقسموا ليصرمنه مصبحين.
لما نجيء نفتح كتب التفسير، تجد أن القصة لها بداية قبل كده. تجد بيحكوا في قصص كتير أن كان هناك رجل فاضل غني ثري من أهل الخير، كان عنده أرض زراعية كبيرة، كان هذا الرجل الطيب يقسم الخير اللي بييجي من الأرض، يحط ثلث للفقراء يرجعوا تاني في الأرض، وكان يقسم الخير اللي في الأرض. وبعد كده الراجل ده مات وورثه أولاد، وأن أولاده دول قعدوا فترة يعملوا نفس الخير اللي كان والدهم بيعمله. ثم بعد فترة من الزمن جاءهم الشيطان وأقنعهم أن الخير اللي بيطلع من الأرض دي لابد أنهم يمنعوه عن الفقراء. فقعدوا مع بعض واتفقوا أنهم سيمنعوا هذا الخير من الفقراء. فتجد أن في مقدمة في الحقيقة أن القصة في القرآن كان لها بداية مختلفة، إنما بلوناهم كما بلونا أصحاب الجنة، إذ أقسموا، يعني في هذه اللحظة حصل تحول في حياتهم. لحظة قرار المعصية. لحظة قرار المعصية ممكن يبقى تحول في حياة الإنسان، ممكن والعياذ بالله يكون سبب في نزول النقمة والغضب والبلاء في حياة الإنسان.
فبدأت القصة من لحظة القسم، لحظة العزيمة على المعصية. إذ أقسموا، يبقى هم خدوا قرار وخدوا نية وعزيمة أنهم ناويين يمنعوا الخير بتاعهم عن الفقراء وعن المساكين. إذ أقسموا ليصرمنه مصبحين. الصرم بمعنى القطع، يعني عايزين يقطعوا كل الخير الخارجي، لا يتركوا منها ولا ثمرة واحدة في الصباح الباكر زي ما كتير من المفسرين قال، هيصحى الصبح بدري قبل ما يأتي أي فقير ويبنوا كل الثمار ويأخذوها لأنفسهم. بعد ما كان بيقسموا الخير اللي بيطلع من المزرعة، لا، مش هندي أي حاجة للفقراء، إحنا هناخد، بدل ما نقسمها ثلت تلث ليك وثلث للفقراء وثلث يرجع للأرض تاني، لأ، إحنا مش هندي أي شيء للفقراء، ولا يستثنون مصبحين. يروح بدري في الصبح بدري نعمل كده، ولا يستثنون. وقيل ولم يقولوا إن شاء الله، وقيل ولا يستثنون لن يتركوا ثمرة واحدة للفقير، يعني بيتعاملوا بقمة الجحود وقمة أعطاهم الله عز وجل النعم لسنين، ولا يستثنون مش هيتركوا ثمرة واحدة لأي فقير.
طيب، بمجرد ما أقسموا، هم لسه ما نفذوش، هم خدوا عزيمة وأقسموا أنهم هيحاولوا الصبح بدري ياخدوا كل الثمار ولا نترك إليها ثمرة واحدة. بعضهم بيقول أن دي السببية، يعني بسبب القسم اللي أقسموه على المعصية فطاف عليها طائف من ربك وهم نائمون. فطاف عليها طائف من ربك. العذاب ممكن ينزل بحاجة بسيطة جداً وهو عليه هين سبحانه وتعالى. يعني ما تتوقعش من العذاب عشان ينزل على قوم يعني الموضوع صعب جداً، أبدا، ﴿وَمَا أَرْسَلْنَا عَلَى قَوْمِهِ مِن جُندٍ مِّنَ السَّمَاءِ وَمَا كُنَّا مُنزِلِينَ﴾ [يس: 28]. الموضوع مش محتاج، دي بتنزل إن كانت إلا صيحة واحدة فإذا هم خامدون. يعني الله عز وجل إذا أراد أن يهلك قوماً والعياذ بالله نسأل الله السلامة والعافية، الموضوع ممكن يعني بنفخة الملك يخلص. فطاف عليها طائف من ربك، ربك يا محمد صلى الله عليه وسلم كما بلونا قريش، فالذي أرسل هذا الطائف على هؤلاء القوم قادر على أن يرسل هذا الطائف على قبيلة قريش ومن حوله. فطاف عليها طائف من ربه، وكلمة عليها قالوا هنا عليها بتفيد الشمول والعموم.
يعني بتفيد الشمول والعموم إيه؟ زي ما كانوا ناويين ما يشموش فيها ولا ثمرة، فاللي جه وأهلك الزرع لم يتبق فيه ولا ثمرة. عوقبوا بنقيض قصددهم بالضبط. فطاف عليها طائف من ربك، خد بالك تعبيرات القرآن ما بتجيش كده جزافاً، لأ، كل كلمة في القرآن لها دلالة، كل حرف في القرآن له دلالة. فطاف عليها، ممكن ربنا يقول فطاف عليها طائف من ربك فأصبحت كالصريم. لكن ربنا قال من ربك إيه؟ ها؟ وهم نائمون. طب إيه دلالة كلمة وهم نائمون؟ أن أحياناً يخطط أهل الباطل يخططوا ويدبروا ويمكروا، وبعدين في لحظة غفلة كل ده ينقض، كل ده يروح، أشبه بقول الله سبحانه وتعالى وهم لا يشعرون اللي في سورة القصص. زي أن ممكن أهل الباطل يخططوا وهو لا يشعر كل تخطيطه يفشل، فكما أن الله عز وجل قد يهلك العاصي بأسباب لا يشعر بها، الله سبحانه وتعالى يدبر للطائع بأسباب لا يشعر بها.
عكس القصة دي بالضبط، عكسها تماماً، حديث النبي صلى الله عليه وسلم في صحيح مسلم، قال: «بينما رجل يسير في أرض فلاة أرض صحراء، إذ سمع صوت في السحابة»، يعني هي صحراء أصلاً، لكن سمع صوتاً في سحابة. فبص كده على السحابة، سمع صوتاً في السحابة يقول: اسق حديقة فلان. أمر بيقول للسحابة: اسق حديقة فلان. تعجب الرجل، فنظر إلى السحابة فتنحى السحاب، وأفرغ ماءه كله في شِرْجَة من الشِّرَاج، خط كده من بين الصخور، الماء كله نزل فيه. الراجل اتخض، فتتبع الرجل الماء، فضل ماشي وراء جدول الماية اللي ماشي ده، فإذا رجل يقف بمسحاته يحول الماء إلى أرضه. الراجل ما يعرفش إيه اللي حصل؟ هو واقف الفأس بتاعه مستني الماية، والمية جت جت إزاي وهو ما يعرفش، فتعجب الرجل، فذهب إلى ذلك الرجل، والرجل الطيب بقى اللي ماسك المسحة والفأس، فقال له الراجل اللي سمع: ما اسمك؟ الراجل اتخض فجأة، اسمه أنت إيه يا عم في إيه؟ عايز بطاقتي ولا إمثال؟ قال: فلان، للاسم الذي سمعه في السحابة. فالرجل فقال الرجل: لما تسألني عن اسمي؟ قال: لقد سمعت كذا وكذا وكذا، ووجدت السحابة، حكى له القصة. قال: أنا. فالرجل قال له: بالله عليك تخبرني ماذا تفعل في أرضك؟ قال: أما إذ قلت ذلك، فإني أقسم الأرض ثلاث أثلاث؛ ثلث أديه للفقراء، وثلث آكل أنا وأولادي، وثلث يرجعه مرة أخرى في الأرض. فكما أن الله دبر لهذا الرجل وهو لا يشعر، هو ما يعرفش ما كانش يعرف قصة السحابة واسق حديقة فلان، وأن السحابة تتنحى وتفرغ الماء والماء يمشي ما بين الصخور، ما كانش يعرف كل ده. فاحياناً الطائع يكون في طاعته ويدبر له الأمر، كن المؤمن في طاعته ويدبر وهو لا يشعر. فكذلك العاصي وأهل الباطل يكونون في تدبير وتخطيط ومكر، يمكر بهم وهم لا يشعرون.
فطاف عليها طائف من ربك وهم في غفلة، وهم نائمون. فأصبحت كالصريم، كلمة الصريم سمعناها قبل كده لسه ها ليصرمون، شوف التعبير، هم كانوا عايزين يصرموها، فربنا لا يظلم منها مصبحين فأصبحت كالصريم. وقيل إن الصريم الأرض التي تصبح سوداء ولا تنبت أبداً، قيل للأرض بمعنى الصريم أي التي لم تعد أصلاً تصلح للزراعة. لذلك بعض الناس -ما أعرفش صحة الكلام ده- بيقول إن فعلاً الأرض دي موجودة في اليمن إلى الآن، أرض سوداء لا تصلح للزراعة حتى الآن، والله أعلم بذلك يعني. فالشاهد أن الصريم قطعت تماماً، وده أصلاً أحد الصيغ اللغوية، كلمة فعيل يعني كلمة صريم فعيل بتفيد الصفة الدائمة المستقرة الثابتة. الشاهد فأصبحت كالصريم. فتنادوا مصبحين، ما تعرفوش بقى اللي حصل، إحنا بس اللي عارفين لأن إحنا اللي بنقرأ القصة، إحنا اللي بنشاهد المشهد، هما لسه كانوا نايمين ما يعرفوش اللي حصل، إحنا بنشاهد المشهد من الخارج. صحيوا من النوم، عارف أنت بقى اللي إيه عمال يخطط طول الليل لمعصية وصاحي بقى إيه يلا نطلع بقى نايه نعمل معصية. فتنادوا، كل كان منتظر الصباح، كله مشارك في الخطأ. تنادوا صيغة اشتراك، أن ده بينادي على ده، وده بينادي على ده، وده بينادي على ده، كله بيصحي بعضه. فتنادوا مصبحين، كله كان منتظر الصباح، لحظات الصباح يبقوا هم بقى إيه رايحين في قمة السعادة خلاص هيجنوا الثروة بتاعتهم وهيمنعوا كل الفقراء. فتنادوا مصبحين، طب بينادوا على بعض بيقولوا إيه؟ أن اغدوا أي اذهبوا في الصباح الباكر إلى الحرث إن كنتم صادمين، كان متوقعين، اغدوا على زرعكم اغدوا على ثماركم.
الحرث ده دي المرحلة الأخيرة، يعني بيحرث في الأرض، حارس الأرض ده بيبقى فين؟ ده بيبقى غالباً في الأول، وكلمة الحرث أصلاً أياً كانت بيبقى فيها نوع من جحود الشيء، فيها نوع من المشقة المشقة، لذلك قال النبي صلى الله عليه وسلم: «أصدق الأسماء حارث وهمام»، اللي فيه حرث وفيه تعب. فكلمة حرثكم الغني الذي يمنع ما له من الفقير، هنشوف هنا بعض مصطلحات ذكرت وكلمات ذكرت، هعرفك نفسية الغني الذي يمنع. أول حاجة يقول لك: مالي، ده أنا تعبت فيه. حرثكم، ده بتاعكم، اللي أنتم تعبتوش فيه، ما تديهوش للفقراء. يبقى أول كلمة نتعرفها نفسية الغني الذي يمنع زكاة ما له، ويمنع ما له عن الفقراء. أول كلمة في السياق تشرح لك القرآن بيكشف كل خبايا النفوس. حرثكم أي جهدكم، المال الذي تعبتم فيه وهو حق لكم. مش اغدوا إلى الأرض، اغدوا إلى الزرع، لأ، ونسبوا إلى أنفسهم. اغدوا على، إحنا قلنا على أيضاً يفيد زي حرف شمول، على حرفكم، بيشجعوا بعض، عارف لما واحد مثلاً يبقى شلة اتفقت أن هو يعمل معصية، صحيوا الصبح يلا، فبدأ يحسوا ببعض هل حد متكاسل؟ فقال له إيه يا عم أنت رجعت في كلامك ولا إيه؟ أنت مش راجل ولا إن كنتم ظالمين، عارف اللي هو نوع من الحث والدفع للعزيمة، ها إنتم رجعتم في كلامكم ولا إيه؟ فتنادوا مصبحين أن اغدوا على حرثكم إن كنتم ظالمين.
فانطلقوا، بعض أهل اللغة قال: انطلاق ده أشبه من الطلق بعد قيد، فكأنه يرى أن الطاعة طاعة والده كانت قيد له، وأخيراً جاءت فرصة الانطلاق. الحقيقة الناس بتشوف الطاعة بتشوف كفيد، وأنه أخيراً خلص رمضان أن هو ينطلق في المعاصي والعياذ بالله. فانطلقوا وهم وهم إيه؟ يتخافتون. ده فعلاً مشهد مضحك جداً، يتخافتون من مين؟ من الله سبحانه وتعالى. يعني عارف لما يكون في ستارة مثلاً شفافة، واحد حاسس بأمان أن الستارة مشدودة عليه، ومش داري أن الستارة شفافة، واحد بقى يتسحب ويسرق، وأنت قاعد في القمة، مشهد مضحك جداً قاعد ما حدش يشوفك، هو أصلاً مين يعني؟ فكلمة هم يتخافتون هي كلمة مضحكة أصلاً، يعني بيتخافت ممن؟ وفضح كلامهم في القرآن، يعني مش بس على قد اللي شهد، لأ، ده العالم كله ربنا سبحانه وتعالى أخبر بكلامهم في القرآن الذي يتلى إلى يوم الدين. فانطلقوا وهم يتخافتون، ألا يدخلنها اليوم عليكم من النهاردة يكون في تعامل مختلف مع الفقراء. من النهاردة قرروا أن حياتهم هتبقى مختلفة، خلاص هيبقوا أغنياء، خلاص المال اللي كان بيروح للفقراء خلاص حياتنا هتتقلب تماماً وهنبقى أغنى الناس. اليوم ألا يدخلنها اليوم عليكم، مش إليكم، دخل على أحياناً تأتي مع دخول الحرب، واللي بيغزو إنسان، أو أن هو بيخرج فيه نوع من أو في نوع من لما يكون حد مثلاً بيقصد حد وأعلى منه، ففي علو دائماً، أما تيجي تشوف كلمة على تتبعها في القرآن، أما فيها نوع من الاستعلاء أو الفوقية، أو أن حد أعلى من حد بينصحه أو بيعلمه.
فهنا هو ينظر للفقير كأنه الداخل يستعلي عليه، كأن الفقير داخل يأخذ يسرق منه المال. فدي نظرة أيضاً الغني ينظر إلى الفقير ليس له أي حق، في حين أن ربنا أخبر أن زكاة المال حق للفقير، ﴿وَالَّذِينَ فِي أَمْوَالِهِمْ حَقٌّ مَّعْلُومٌ * لِلسَّائِلِ وَالْمَحْرُومِ﴾ [المعارج: 24-25]. المال ملكية، ده بتاعه، مش من حقك تتصرف فيه، أنت تدي له المال وهو يتصرف فيه. فانطلقوا وهم يتخافتون ألا يدخلنها اليوم عليكم مسكين، وغدوا على حرص قادرين. حينما يظن الإنسان أنه امتلك كل الأسباب، زي ما اتكلمنا في كلمة التراويح، أن أحياناً بيحصل طغيان للأسباب، قادر، هو شايف عارفين القصة المشهورة بتاعة جحا؟ قالوا له: نقول إن شاء الله وهو رايح يشتري الحمار؟ قال: أقول إن شاء الله ليه؟ الفلوس في جيبي والحمار في السوق، مش محتاج أقول إن شاء الله. كتير ناس بتفكر كده، هو مش حاسس أنه محتاج لربنا، الفلوس في جيبه، والحاجة اللي عايز يشتريها، تعبان الفلوس في جيبه ويرروح لأشطر دكتور، بيتعامل أن بما أن الأسباب موجودة في جيبه خلاص هو مش محتاج، مش محتاج يتضرع ويدعي يا رب، ليه يعني ليه هو مش شايف؟ فهما حاسين أن هو يملك كل الأسباب وانه أحاط بكل الأسباب. هو حط الخطة المحكمة وحط الموعد المناسب للتنفيذ وكلهم قرروا يعملوا كده وصحوا فعلاً الصبح بدري وانطلقوا وغدوا زي ما اتفقوا وهينقضوا على زرعهم ورايح ينفذ القضية اللي هو رايح عايزها والموضوع بالنسبة له تماماً وغدوا على حرص قادرين.
فلما رأوها، لما وصلوا الأرض بتاعتهم قالوا إيه يعني إنا لضالون؟ قالوا لا لا لا لا، يمكن دي تبقى أرضنا، إحنا أكيد إيه من كتر الفرحة بس أصل يعني ربنا نزلنا غلط، يعني محتاجين، اه لأ مثلاً فصل، لا لا إحنا هنشوف كده تاني، إيه ده؟ هي الأرض؟
أنت عارف معنى أن يشوف الأرض بتاعتده وما يعرفهاش؟ ده معناه مش إن هي اتبدلت، ده معناه إن هي اتنسفِت؛ يعني ما معنى أن هي أرضه بتاعتده اللي هي بقى لها سنين بتاعتده وفيها زروع وثمار وخيرات، وكان رايح يجني كل الثمار؟
معنى اللي ما يعرفهاش فعلاً، زي ما ربنا قال: كذلك العذاب؛ عذاب ربنا لما بينزل يبدل الشيء تماماً والعياذ بالله، نسأل الله السلامة والعافية؛ يعني عقاب ربنا شديد يخشى الإنسان منه، تبديل تماماً. لذلك في بعض الألفاظ في الآيات؛ يعني بعض الناس رجح أن فعلاً الأرض دي لم تعد تصلح للزراعة، منها كلمة الصَّرِيم، ومنها إن هي ما عرفوهاش، ومنها في الآخر قالوا: عسى ربُّنَا أن يُبدِلَنَا خَيْرًا مِنْهَا؛ دي باظت خلاص، وجب لنا واحدة تانية، دي ما عادتش تصلح وتدي لنا خير منها.
فالشاهد، فلما رأوها قالوا إنا لمُغْرَمُونَ؛ مش ممكن دي تبقى بتاعتهم، يستحيل، يستحيل، احنا أكيد غلطنا، وبعدين قعدوا يفكروا قالوا: بل نحن محرومون. طيب هم هنا ليه ما شكوش أن حد من الفقراء اللي عمل العملة دي؟ حد مثلاً مستقصدُهم، حد عامل لهم عمل لحد، يعني ليه ما فكروش؟ ليه عرفوا على طول أن دعوة من ربنا؟
زي ما قلت بنفس الفكرة: كذلك العذاب؛ عذاب ربنا مختلف، فيه عذاب لما بينزل، فيه عقوبة لما تنزل تقول بس تعالوا دي مش ذنوبي أنا عارف دي، دي من ربنا. في حاجات بتصل ترتيب عجيب، الطائع يعرف أن دي بترتيب ربنا له، والعاصي يا رب ده عقاب ربنا منه، وهنا الكويس أنهم فهموا الرسالة، وفهموا الرسالة، ما قالوش: ياه ده أكيد بسبب رياح شمالية شرقية مثلاً غربية هي اللي عملت كذا، والمرة الجاية هنحاول بقى نحتاط ونجيب الأسباب الأرضية، وقعدوا بقى إيه زي ما ربنا قال: ﴿إِذْ أَقْسَمُوا لَيَصْرِمُنَّهَا مُصْبِحِينَ﴾ [القلم: 17]، من معاني إقسامهم أن ينسب الآيات إلى غير الله؛ يحصل زلزال يدمر الناس يقول لك: لا ده عادي، ده بسبب أن القشرة الأرضية الوقت ده من السنة ده بيحصل.
وبيحصل للمسلمين والكفار، بطلوا عقدة التشاؤم اللي عندكم، كل حاجة بسبب المعاصي! بسبب المعاصي! أنتم إيه مش عاجبين؟ فاحياناً اللي ينسب الأفعال إلى الله؛ لأنه لو نسبها إلى الله معناه أنه بيتعاقب، معناه أنه غلط، معناه أنه لازم يتوب، هو يقفل الدائرة دي يقول لك: لا لا دي حاجات بقى دي الطبيعة، كأن الطبيعة دي جت من نفسها، طب هو من الذي قدر ذلك في هذا الوقت تحدداً؟ من الذي فعل ذلك؟ إنه الله سبحانه وتعالى.
فهنا يعني الخطأ اللي عملوه في الأول هم منعوا الفقراء، لكن الكويس أنهم فهموا لسانك؛ المهم أن أنت تفهم الرسالة، أحياناً تحصل مصيبة في حياة الإنسان وما يترجمهاش صح، زي ما قلت يقعد يسيبها لأي أسباب؛ لأ يقول لك: ده حسد، ده عين، فهو ممكن يكون، ممكن يكون حسد، بس ممكن يكون بذنب أنت عامله ومصر عليه، ممكن يكون كذا، وهنا فهموا الرسالة وقالوا: بل نحن محرومون.
قال أوسطهم -قيل أوسطهم سناً وقيل أفضلهم، الوسط يأتي أحياناً بمعنى الأصل، تفضل: ﴿وَكَذَلِكَ جَعَلْنَاكُمْ أُمَّةً وَسَطًا﴾ [البقرة: 143]- قال أوسطهم: ألم أقل لكم لولا تسبحون؟ يعني ده كان فيه خير، وكان في الأول عنده نوع من الممانعة؛ عارف أحياناً واحد شلة فاسدة ورايحين يعملوا حاجة حرام، واحد يقول لهم: يا جماعة بلاش، أنا رأيي بلاش، يا عم أقبل أنت عمالك تتعامل كده ليه؟ يا جماعة ده حرام، أنت هتقعد بقى تعملها لي الشيخ؟ أنت نسيت نفسك؟ وفي الآخر يروح معهم، هيتعاقب زيهم، ده مش هينفعه الكلام اللي قاله أوسطهم ده لن ينفعه، نزل عليه العقاب معهم؛ يعني أحياناً الإنسان بيكون عنده بذرة خير، لكن الصحبة السيئة.
فالمفروض يبعد عنهم، لما يقول لهم: لولا تسبحون ويرفضوا، يسيبهم ويمشي، يقول لهم: أنا معترض، أنا مش هشارك معكم، لكن ربنا قال: ﴿فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ﴾ [القلم: 19] أي كلهم ثلاثة، كلهم غدوا على حركة قادمة، كلهم كانوا مصممين، فهذه الكلمة لم تنفعه.
فإن الآية دي تأتي تحدداً بعد نزول العذاب، معناه أن التردد اللي بيحصل للطيب اللي في وسط الشلة الفاسدة، وبعدين يسمع كلامهم، ده مش هينفعه، التردد ده المفروض كان يعقبه انفصال عنهم؛ لما يلوم كده حرام وهم يصروا، يقول لهم: مش جاي معك، مش جاي معك، ينفصل عنهم تماماً، يتركهم، ما يكملش معهم، فهو قالهم، بس هو إيه ضعف؟ الغريب أن قال أوسطهم: ألم أقل لكم لولا.. مش مثلاً لولا تستغفرون؟ لو إيه علاقة التسبيح باللي حصل؟ يعني إيه علاقة التسبيح؟ التسبيح هو تنزيه الله؛ تنزيه الله سبحانه وتعالى بكل نقص، فمعنى أنك تظن أنك لما تمنع الفقراء أن مالك هيزيد، وتظن حينما تعطي في القرآن إن مالك هيينقص، ده سوء ظن بالله.
حينما تظن أن الطاعة تؤدي إلى الخسارة في مالك، وأن المعصية تؤدي إلى زيادة مالك، ده سوء ظن بالله. حينما تظن أن الربا يزيد في المال، وأن الصدقات تنقص من المال، ده سوء ظن بالله؛ يدفع بالتسبيح والاستغفار؛ لأن التسبيح أن تنزه الله عن هذا التصور: أن الله يعاقب على إنفاق الفقراء، ويمنعك؛ قال ربنا سبحانه وتعالى: ﴿يَمْحَقُ اللَّهُ الرِّبَا وَيُرْبِي الصَّدَقَاتِ﴾ [البقرة: 276]، أن تظن في الله العجز ده، فهنا كلمة التسبيح لها دلالة، أن ده سوء ظن بالله.
قال أوسطهم: ألم أقل لكم لولا تسبحون؟ قالوا: سبحان ربنا إنا كنا ظلمين؛ اعترفوا مباشرة، وزي ما قلت ده الجميل اللي عملوه، فهموا الرسالة، اعترفوا بخطئهم، سبحوا وقالوا: إنا كنا ظالمين.
فأقبل بعضهم على بعض يتلاومون؛ يعني يقول له: أنت السبب، دي كانت فكرتي، كانت فكرتك أنت، أنت اللي قلت، أنت اللي ما سمعتش كلامي، لا أنت، وقعدوا، وده لن ينفعهم، دائماً يحلو الكلام بعد نزول المصيبة: دي كانت فكرتك لأن أنت السبب، لا أنت اللي قلت، دي كانت شورتك، وفي الآخر نزل العدد.
﴿فَأَقْبَلَ بَعْضُهُمْ عَلَىٰ بَعْضٍ يَتَلَاوَمُونَ * قَالُوا يَا وَيْلَنَا إِنَّا كُنَّا طَاغِينَ﴾ [القلم: 30-31]، الطغيان أنهم ظنوا أنهم يستغنوا بالأسباب؛ لأن الطغيان زي الاستغناء، عكس الاستقامة: ﴿كَلَّا إِنَّ الْإِنسَانَ لَيَطْغَىٰ أَن رَّآهُ اسْتَغْنَىٰ﴾ [العلق: 6-7]، هم ظنوا أنهم سوف يستغنوا بمالهم عن الله، وبمنعهم حقوق الله سبحانه وتعالى للفقراء، وظنوا أنهم سيستفيدوا من المال، وده سوء ظن بالله وطغيان، زي ما قلنا في بدء على حرب القادرين أن تظن أنك إذا امتلكت السبب أنك لن تحتاج إلى الله، ده وهم، الله قادر على منع السبب وإبطال السبب، وأن يعطي السبب بعجزه.
قالوا: يا ويلنا إنا كنا طاغين * عسى ربنا أن يبدلنا خيراً منها إنا إلى ربنا راغبون؛ إلى ربنا وليس إلى أموالنا، خلاص، احنا عرفنا الرغبة تكون فين، إنا إلى ربنا راغبون.
كذلك العذاب؛ أي عذاب الدنيا إذا نزل يكون بهذه القوة، يكون كالصيرم، ينسف الشيء، يبدل، يفقد قيمته، فالإنسان يكون على حذر نزول العذاب. العذاب الدنيوي أليم، وزوال العذاب الدنيوي ينسف الشيء، فقال ربنا سبحانه وتعالى إن الذي يفعل المعاصي ولا ينزل عليه العذاب، أن هذا استدراج: ﴿كَذَلِكَ الْعَذَابُ وَلَعَذَابُ الْآخِرَةِ أَكْبَرُ﴾ [القلم: 33]؛ يعني ربنا بيقول أن هؤلاء نزل عليهم عذاب الدنيا فتابوا، لو أُجِّل إلى عذاب الآخرة لكان العذاب أكبر، فمن رحمة الله بهم أن عاقبهم في الدنيا، فأفاقوا وتابوا وناموا لوجه الله؛ يعني أحياناً بيكون ألم عقوبة المعصية بيكون أشبه بالرادع اللي بيرجع الإنسان من السير في الطريق الخاطئ.
غياب العقوبة مع الاستمرار على المعصية، ده استدراج؛ غياب العقوبة مع الاستمرار والإصرار على المعصية، الإنسان، كما قال النبي صلى الله عليه وسلم فيما يروى عنه: «إذا رأيت الله يعطي العبد من نعمه وهو مقيم على معاصيه -مقيم، ثابت، مصرّ- فاعلم أن ذلك استدراج».
فيقول الله سبحانه وتعالى: كذلك العذاب، أي عذاب الدنيا، ولعذاب الآخرة أكبر لو كانوا يعلمون. هذه الجنات التي أعرض عنها أصحاب الجنة ومنعوا الفقراء، فيقول ربنا سبحانه وتعالى: أما أهل الدنيا لهم جنات أخرى، ﴿إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ﴾ [القلم: 34]، لا يمكن أبداً يكون فيه مساواة بين الاتنين: ﴿أَفَنَجْعَلُ الْمُسْلِمِينَ كَالْمُجْرِمِينَ * مَا لَكُمْ كَيْفَ تَحْكُمُونَ﴾ [القلم: 35-36].
ده كان نظرة سريعة على قصة أصحاب الجنة في سورة القلم، أسأل الله عز وجل أن يجزينا وإياكم من المنفقين الذين ينفقون في سبيل الله خلقوا لهذا، واستغفر الله لي ولكم، وجزاكم الله خيراً.