تفسير سورة العاديات | د. أحمد عبد المنعم

السلام عليكم ورحمة الله وبركاته. الحمد لله وحده، والصلاة والسلام على من لا نبي بعده، محمد صلى الله عليه وسلم. بإذن الله عز وجل، معنا اليوم سورة أيضاً من سور جزء عم؛ سورة العاديات. التفاسير بتكتبها سورة «وَالْعَادِيَاتِ» سواء بإثبات الواو، سورة «العاديات». هذه السورة، سورة العاديات، يعني كثير من الأطفال يحفظونها، لكن فيها ألفاظ بيشعر كثير من الناس بصعوبة، سواء في نطقها أو في معناها.

هذه السورة العظيمة بتحتوي على معاني عظيمة جداً، أُفرِدت بالتصنيف؛ حاول يتناول -أو حتى مش اللي أفرده لها بالتفسير، تكلموا عنها عامة- أفرِضوا فيها في الكلام؛ لأن هي ممكن يتم تناولها من أكثر من مجال؛ سواء من ألفاظها وتحليل ألفاظها، أو موضوعها، أو حتى نهايات الآيات ونسق الآيات بتاعها. فلما نجي نقرأ في هذه السورة: بسم الله الرحمن الرحيم، نجد: ﴿وَالْعَادِيَاتِ ضَبْحًا * فَالْمُورِيَاتِ قَدْحًا * فَالْمُغِيرَاتِ صُبْحًا * فَأَثَرْنَ بِهِ نَقْعًا * فَوَسَطْنَ بِهِ جَمْعًا﴾ [العاديات: 1-5].

تجد أن خمس آيات متتاليات معطوفة كلها بالفاء ورا بعضها، والنهاية بتاعة كل آية صيغة فعل والعياذ -فالموريات قدحا- خمس آيات متتاليات تشعر بسرعة، وكأنك مش قادر تاخد نفسك وأنت بتقرا الخمس آيات. بعد ما بتنتهي من الخمس آيات: ﴿فَأَثَرْنَ بِهِ نَقْعًا * فَوَسَطْنَ بِهِ جَمْعًا﴾، تبدأ السياق بتاع أو بواقع الآيات يتغير: ﴿إِنَّ الْإِنْسَانَ لِرَبِّهِ لَكَنُودٌ * وَإِنَّهُ عَلَى ذَلِكَ لَشَهِيدٌ * وَإِنَّهُ لِحُبِّ الْخَيْرِ لَشَدِيدٌ﴾ [العاديات: 6-8]، تجد فيه إيه؟ مد كده بيطيل في صوتك، يبقى إيه بيمتد كده وكأن المعنى تغير! بل كأن الواقع بتاع الآيات ده تغير؛ كأن الخمس آيات دول واقع، وده واقع تاني تماماً مختلف.

ثم في صيغة التعنيف والتهديد والذم: ﴿أَفَلَا يَعْلَمُ إِذَا بُعْثِرَ مَا فِي الْقُبُورِ * وَحُصِّلَ مَا فِي الصُّدُورِ * إِنَّ رَبَّهُمْ بِهِمْ يَوْمَئِذٍ لَخَبِيرٌ﴾ [العاديات: 9-11]. ألفاظ شديدة، ألفاظ فيها معاني التراب، النقع، البعثرة، التحصيل، تحصيل إخراج ما في صدور بقوة، إخراج البذرة من قشرتها بقوة، زي ما نتناول هذه المعاني. سورة بتحتوي على معاني عديدة.

بدءاً من بدء، المفسرين اختلفوا: هل السورة مكية أو سورة مدنية؟ الغالب على أن السورة مكية؛ قصر الآيات، الواقع السريع بتاعها، ذم الإنسان على العموم: إن الإنسان لفي خسر، إن الإنسان خلق. ذم الإنسان على العموم غالباً -أقول غالباً مش مش دائماً، غالباً- يأتي في السور المكية الذم بتاع العموم الإنسان؛ لأن دي صفات في كل الإنسان. بعض المفسرين قلة قالوا إن هي سورة مدنية؛ يعني نزلت في المدينة، ورجح ده الإام ابن عاشور -وهو من المتأخرين في تفسير التحرير والتنوير- رجحه على سبب نزول. وإن كان سبب السند بتاع سبب النزول ضعيف، لكن قال يتقوى بشواهد معينة تاريخية؛ أن كان في سرية بعثها النبي صلى الله عليه وسلم، طلعت سرية تجاهد في سبيل الله فتأخرت، فاغتم لذلك رسول الله صلى الله عليه وسلم، فنزلت هذه الآيات؛ أي تبشره يعني انتصار هؤلاء، بأن هؤلاء أدوا ما عليهم وجاهدوا في سبيل الله، فنزلت هذه الآيات أو السورة: ﴿وَالْعَادِيَاتِ ضَبْحًا﴾.

وإن لو قلنا زي ما هنيجي نتكلم في الخلاف: والعاديات، أي الخيل التي تجاهد في سبيل الله. فلم يكن في مكة خيل تجاهد في سبيل الله، فرجح أن السورة تتكلم عن الخيل التي تجاهد في سبيل الله، وهذه لم تكن إلا في المدينة، فرجح أنها مدنية. لكن كما قلت، غالب المفسرين على أن السورة مكية. نبدأ نفسر الآيات مع بعض؛ بسم الله الرحمن الرحيم: ﴿وَالْعَادِيَاتِ ضَبْحًا * فَالْمُورِيَاتِ قَدْحًا * فَالْمُغِيرَاتِ صُبْحًا﴾. تبدأ السورة، في سور في القرآن بدايات مختلفة، لها يعني في سورة بتبدأ تثير الذهن في التساؤل؛ زي السور اللي بتبدأ بالحروف المقطعة، إنسان يسمع: ألم، حـم، عسق، يسمع فيبدأ ذهنه يتشد: إيه معنى الحروف دي؟ إيه علاقتها؟ فسور تشد الذهن عن طريق الحروف المقطعة.

وفي سور بتبدأ مباشرة كأن ما فيش مقدمات؛ زي الصورة دي، بتبدأ بخيل تجاهد وتعدو في سبيل الله، بتنطلق؛ زي سورة محمد صلى الله عليه وسلم: ﴿الَّذِينَ كَفَرُوا وَصَدُّوا عَنْ سَبِيلِ اللَّهِ أَضَلَّ أَعْمَالَهُمْ﴾ [محمد: 1]. أما تيجي تقرا آية زي دي، تتوقع إن هي في منتصف سورة، أن في سورة بدأت بحروف مقطعة، ثم الكلام عن رحمة الله، ثم الكلام أن في ناس تصد عن السبيل، ثم أن هؤلاء يجب أن نقاتلهم، لكن تفاجأ إن السورة ما بدأتش كده. سورة محمد صلى الله عليه وسلم بدأت -اللي هي سورة القتال-: ﴿الَّذِينَ كَفَرُوا وَصَدُّوا عَنْ سَبِيلِ اللَّهِ أَضَلَّ أَعْمَالَهُمْ * وَالَّذِينَ آمَنُوا وَعَمِلُوا الصَّالِحَاتِ وَآمَنُوا بِمَا نُزِلَ عَلَى مُحَمَّدٍ﴾ [محمد: 1-2]. السورة بدأت، دخلت في الموضوع مباشرة.

هنا كذلك، السورة عايزك تتخيل معي كده، من لطائف أساساً تسمية سورة، قال بعض أهل العلم: ليه السورة سميت بسورة؟ لأن كل مجموعة آيات في وحدة معينة، الشرع سماها سورة، ووضعت هذا الوضع توقيفي من النبي صلى الله عليه وسلم. ترتيب الآيات ده بأمر من النبي صلى الله عليه وسلم، وأن هي تبقى وحدة واحدة كده، ويفصل بينها وبين كل سورة بالبسملة بأمر من النبي صلى الله عليه وسلم.

طب ليه وحدة الآيات المجمعة دي اتسمت سورة؟ وكأن هذه مجموعة الآيات أحيط في حائط كده حواليها كده سور، عملنا سور، وكأن هي حديقة؛ حديقة غناء مليئة بالثمار والأزهار والفاكهة والثمار المستطابة، فكأن كل سورة عبارة عن حديقة غناء حولها سور، يجب عليك أن تتسور -أي تصعد- تتسور هذا السور حتى تشاهد ما فيها. طول ما أنت بعيد عن السورة، أنت لا تبصر ما فيها من جمال، لابد أن تدخل وتمشي وتتعمق داخل الحديقة حتى ترى ما فيها من جمال. كذلك هذه السورة، فتخيل احنا كده بنستفتح هذا هذه السورة، ونفتح باب السور، وبنحاول ندخل.

أول لما بتفتح السور، تفاجأ أن السورة بدأت بصوت؛ مشهد صوتي. مشهد صوتي: ﴿وَالْعَادِيَاتِ ضَبْحًا﴾. العاديات، أقسم الله عز وجل -كما قلنا من قبل- أحياناً المفسرين بيختلفوا الأقسام بسبب أن الله عز وجل يذكر الصفة ولا يذكر الموصوف. ذكر الله عز وجل هنا صفة العدو، أي الجري، لكن لم يخبرنا الله عز وجل ما الشيء الذي يجري؟ مين اللي بيجري؟ لذلك اختلفوا: هل هي الإبل في الحج، ولا الخيل في الجهاد؟ وهو كان غالب المفسرين على أنها الخيل في الجهاد.

فأقسم الله عز وجل بخيل تجري تعدو، وذكر الله عز وجل من هذه الخيل الصوت، فقالوا: ﴿وَالْعَادِيَاتِ ضَبْحًا﴾؛ صوت يصدر من الخيل أثناء الجري، وهنتكلم لماذا اختير الضبح تحدداً؟ وهنتكلم عن المعنى التفصيلي بتاع الضبح. لكن عايزك تتخيل معي: أنت لسه بتفتح وتقول: بسم الله الرحمن الرحيم، تفتح كده السورة، تفاجأ بصوت خيل بتجري، أنت عارف إيه اللي بيحصل ولا رايحة فين، ولسه المشهد ما بقاش مشهد ضوئي، يبقى لسه مشهد إيه؟ صوتي، وده أغلب في الإثارة. حتى لما تيجي في مقاطع الفيديو أو الأفلام، أو اللي عايز يبدأ بإثارة، تلاقي الأول إيه؛ حتة ضلمة وصوت شغال يستثيرك، فتبدأ تركز فتسمع أصوات مثلاً معينة، ولو أصوات مش مفهومة؛ كأصوات حيوانات أو أصوات مؤثرة معينة، تبدأ يكون المشهد أكثر إثارة.

فتبدأ السورة ضلمة؛ تخيل معي السورة ضلمة كده وأصوات بتظهر، صوت خيل بتجري. شوية يبدأ يظهر نور؛ كيف يظهر في الصورة أو في الصورة الأول المرسومة قدامنا؟ وبالتالي الصوت؛ الضوء يظهر، الضوء ده اللي هيجي: ﴿فَالْمُورِيَاتِ قَدْحًا﴾. الموريات؛ الخيل بتجري، اصطكاك الحوافر في الحجر يطلع شرارة، وهنتكلم برضه بالتفصيل. لكن الشاهد أن حتى مش ضوء نور السورة لأ، شرارة كده بتظهر، فانت عايزك تتخيل كده معايا المشهد: الدنيا ضلمة، وفجأة سمعت صوت خيل بتجري، بتجري أنت مش عارف رايحة فين ولا إيه اللي بيحصل، وبعدين قعدت تركز مستني نفسك الدنيا تنور، فوجئت بشرارة صغيرة عمالة تظهر من كل مكان؛ شرارات كتير، شرارة تظهر شرارات تظهر وتنطفئ، المكان كله امتلاء كذلك.

هذه الشرارة، بالرغم من قوتها، لم تتوقف الخيل عن الجري؛ الجري مستمرة. تفاجأ في الآية التالتة: صبحاً، بدأ الشمس تطلع؛ لازم تتخيل مع المشهد، الشمس بتطلع والظلام بقى بتاع السورة بيروح، وبدأت تشوف الخيل واكتشفت أن هي رايحة تغزو، تجاهد في سبيل الله على الأعداء. شوية المشهد يرجع تاني بس مش مظلم، يرجع تاني يلغوش وفي ضباب بسبب التراب اللي حصل: ﴿فَأَثَرْنَ بِهِ نَقْعًا﴾. وبعد كده التراب طلع ما شفتش اللي بيحصل جوة في وسط النبي جمع -وهنشوف اللي هيحصل-.

إذاً، سورة مليئة بالإثارة؛ كجو المعارك وجو الحروب، كأن السورة بتاخدك تعيشك هذا المشهد، وده من إعجاز القرآن؛ أن الكلمات هذه الكلمات البسيطة يحمل عليها معاني ضخمة؛ معاني ضوئية ومعاني مرئية ومعاني صوتية، كأن الإنسان عايش هذه المشاهد، وهذا كلام الله عز وجل المعجز الذي لا يستطيعه بشر. فبدأت السورة يقسم الله عز وجل بالعاديات جمع، أن هم متجمعين، الخيل بتاع عدو تجري وزي ما تشوف هذا الجري للجهاد في سبيل الله. الضبح هو صوت الخيل الذي يظهر عند الجري، وقال روي عن ابن عباس أن ده مش موجود غير بالخيل والثعالب وبعض الحيوانات التي لا تجري مسرعة جداً. وقيل إن أصل صوت الخيل -سواء الصهيل أو الحمحمة- ده مش بيكون مثلاً عند الوقوف أو السير البسيط، لكن لما الخيل بتجري بسرعة رهيبة جداً جداً تحتاج أن تغير في مجرى النفس؛ ليه؟ أنت لما تيجي تجري بسرعة، أنت طول ما أنت قاعد بتاخد نفسك كده عادي خالص، لما تيجي تجري فنفسك هيوقفك، فبتحتاج تاخد نفسك بسرعة حتى لا تقف، يعني أنت بتعمل تغييرات في جسمك حتى لا تتوقف، كذلك الخيل بيحصل تغيير في مجرى نفس بطريقة معينة، فيدخل الهواء ويخرج بسرعة.

حتى ابن عباس في رواية عنه -إذا كان قرطبه وغيره- أنه فسر معنى ضبحاً قال: إن الخيل هذا هذا صوت يظهر منها أثناء الجري السريع، فكأن الخيل لا تريد أن تتوقف حتى لتأخذ أنفاسه! شوف الهمة والسرعة بتاعة الخيل، فما بالك بمن يجلس عليها؟! وطبعا القسم بالخيل المقصود منه الفارس الذي يركب على هذه الخيل؛ الخيل لا تجري بمفردها، لكن في فرق عليها لا يجعلها تتوقف، وهي أيضاً تجاهد في سبيل الله. فبدأت السورة في مشهد الخيل المسرعة، مشهد صوتي؛ صوت خيل لا تريد أن تتوقف ولو حتى بسبب نفس، وزي ما قلنا الصوت ده لا يكون إلا عند شدة الجري وشدة السرعة.

فأقسم الله عز وجل بالخيل على رأي -زي ما قلنا رأي كثير من المفسرين، إن كان بعضهم قال الإبل في الحج- الخيل التي تنطلق وتجري مسرعة ويظهر منها هذا الصوت: ﴿وَالْعَادِيَاتِ ضَبْحًا﴾؛ الصوت الذي يظهر بسبب شدة العدو، أي شدة الجري. معنى أن ربنا سبحانه وتعالى يقسم بها أن لها شأن ولها أمر عظيم؛ هذه الخيل كما سنعلم التي انطلقت لتجاهد في سبيل الله أمر عظيم، وبالتالي ينطبق عليها كل عدة ووسيلة تستعمل لنصرة دين الله عز وجل وللجهاد في سبيل الله. فكلما استطاع الإنسان أن يسخر أدواته لنصرة دين الله عز وجل، ارتفعت هذه الأدوات ونالت مرتبة الشرف لنصرة هذا الدين؛ سواء عندك سيارة، سواء عندك أي شيء تسخره لنصرة هذا الدين، هذا بينال ويكون أمر عظيم عند الله عز وجل.

وهنتكلم في مسألة أن الدنيا التي تسخر لنصرة الدين؛ أن الانسان الناس تسأل: طب أنا عندي حاجات في الدنيا، هل الدنيا اللي عندي دي لازم أخد -يعني طول ما عندي دنيا أخد ذنوب، ولا طول ما عندي دنيا أخد ثواب، ولا في شروط معينة؟ هنتكلم ازاي النبي صلى الله عليه وسلم قسم الدنيا أو الخيل هنا تحدداً إلى ثلاثة أنواع؛ لأن القسم هنا مش بالخيل، ربنا ما قالش: والخيل. أقسم الله بإيه؟ بالخيل التي تعدو وتجاهد، يعني مش مجرد وجود الحاجة في حد ذاتها كويس، لأ، فيما ستستخدم.

يعني ربنا لم يقل: والخيل. لا، الخيل دي -كما قال كتير من المفسرين- هي اللي الخيل الجميلة دي هي اللي أطاعها قطع أقدامها وعنقها سيدنا سليمان في سورة ص، لما قلنا -يعني أو تشغل بها عن ذكر الله سبحانه وتعالى حتى حتى توارت بالحجاب- قد ردوها عليه فطفق مسحاً بالسوق والأعناق. يبقى إذاً الخيل مش في حد ذاتها هي اللي مكرمة أو مشرفة، لكن في حسب استعمالها، والانسان ينال الأجر أو ينال الوزر على حسب استعمال الخير.

فأقسم الله عز وجل بالخير التي تجد، فقال: ﴿وَالْعَادِيَاتِ ضَبْحًا﴾، ثم السرعة بمعنى أنه ما توقفش، وده مهم جداً بالنسبة للإنسان: ﴿وَالْعَادِيَاتِ ضَبْحًا * فَالْمُورِيَاتِ قَدْحًا * فَالْمُغِيرَاتِ صُبْحًا﴾. الإنسان الطائع لابد أن ينتقل من طاعة إلى طاعة، إنهم كانوا يسارعون في الخيرات. ما قالش إلا الخيرات فيه، كأنه لا يخرج من فيه الخيرات، كأن الخيرات أحيط به؛ هو لسة بيصلي وعارف أنه بعد الصلاة هينطلق يزور مريض، بعد وهو عند المريض بيجهز نفسه إنه يروح؛ هو من خير إلى خير، لا يخرج من الخيرات، لا ينفك من قيراط حتى يسارع إليه، بل هو داخل في مسمى الخيرات في كل وقت من أوقاته. ﴿إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا﴾ [الأنبياء: 90].

وكذلك نوي العاديات: فالموريات، فالمغيرات، فأثرن، فوسطن. من عوامل الثبات: استمرار الطاعة بعد الطاعة. قال النبي صلى الله عليه وسلم: «صلاة في إثر صلاة، كتاب في عليين». أن الإنسان يمارس الطاعة بعد الطاعة حتى لا يفتر، حتى لا يتوقف. واتكلمنا عن المعنى ده في سورة الشرح: ﴿فَإِذَا فَرَغْتَ فَانْصَبْ﴾ [الشرح: 7]، وأن فترة الفراغ لا ينبغي أن تمر على المسلم العامل لدين الله عز وجل.

والعادية ضبحا، فالموريات قدحا. القدح استكاك شيء بشيء فيخرج إيه؟ الشرارة. لذلك بيقول قدح، خبط حاجتين فأورى يعني طلع النار، موريات أي أظهرت شرارة أظهرت النار. فرأيتم النار التي توقنون، فالموريات أي يخرج منها ضوء.

العرب يقولوا إيه؟ قدح فأورى، أو قدح فأصلد، أصلد يعني إيه؟ ما طلعتش أو ما جابتش معها وهو بيولعها، يا إما خبط فطلع شرارة أو خبط وما طلعتش شرارة. فالرجل يقول له قدح، ولذلك بالولاعة اللي بتولع دي اسمها القداحة، يعني بيحصل استكاك فيطلع شرارة.

فالنور يأتي قدحا، الموريات أي الخيل يتسبب عنها ظهور شرارة، جزء من النار، حتى بيسموها نار أظن الحباحل. ده رجل كان لأن هي شرارة خفيفة، كان رجل بخيل جدا جدا.

فيجي بالليل طبعا كان العرب اللي بيجي مشهور بالكرم إنه يولع نار عظيمة، لما ييجي يطبخ يجيب عند طاهي الأواني، يجيب الأواني قصدي العظيمة، وساعة الطهي يولع نار عظيمة. فكل اللي معدي يشوف الدخان بتاع النار فيعرف إن في هنا طعام، فمن عادة العرب إنه كان يعمل نار عظيمة حتى لو الأكل هيأكل قليل، بحيث كل اللي يعدي يشوف النار عظيمة فكأنها دعوة إلى الطعام. فكان الحباحل بيستني بالليل جدا.

بيولع نار بسيطة جدا جدا جدا زي الشمعة عشان ما حدش إيه، عشان ما حدش يجي ياكل، فبيسموا اتسمى أي نار صغيرة أو شرارة صغيرة بيسموها نار واحد لأنه إيه؟ كأنها نار خفيفة جدا جدا جدا.

فالشاهد، عشان لو قريتوا المصطلح ده في أي كتاب يعني، فالموريات اسم فاعل، أي التي يتسبب عنها ظهور النار، قدحا أن يظهر من أرجل الخيل شرارة بسبب إيه؟ بسبب أن أرجل الخيل بتصطدم بالصخر أثناء الانطلاق فتخرج الشرارة. وكأن هذا الاصطدام اللي بيحدث وهذه العوائق من الحجارة والصخر وهذه المشاكل من ظهور الشرارة هذه لم تمنع الخيور من الانطلاق ولم تمنع الفارس من الانطلاق. وظهور الشرارة يدل أن المشهد ليلي ولا، ليلي الشرارة تظهر أكثر أمتى؟ بالليل.

فإذا كانت هذه الخيل ظلت تنطلق طوال الليل، لغاية لما تيجي آية ثلاثة مغيرات صبحاً، فأخيراً ظهر النهار. فبدأت المشهد بصوت ثم بعض الضوء ظهر يبين لنا إن ده في قمة الظلام وقمة الليل. إذا هذه تنطلق لا يمنعها النفس، لا يمنعها الظلام، لا يمنعها الصخر، لا يمنعها الشرارة، كل هذه العوائق لا تمنع الإنسان من الانطلاق. إذا في مسيرك لنصرة دين الله عز وجل لابد من وجود عوائق.

لابد من وجود عوائق سواء داخلية زي إرهاق النفس أو عوائق خارجية زي الصخر أو ما يحدث من الاحتكاك زي الشرارة، هذه عوائق لابد أن تواجه أي إنسان يريد أن ينطلق لنصرة دين الله. من توقف عند أي عائق لن لن يصل، لن يكمل مسيره، «وألا اقتحم العقبة». لابد من عقبات، والحل معها الاقتحام وليس التوقف. أفرأيت الذي تولى وأعطى قليلاً وأكدى؟ أكدى أي وجد كدية، صخرة عظيمة فرجع.

لابد من مقاومة هذه الكدية، لابد من اقتحام العقبات. فهذه الخيل وهؤلاء الفرسان انطلقوا، والعاديات ضبحا، فالموريات قدحا، فالمغيرات صبحا. إلى أين كان؟ إلى أين كانوا يتجهون؟ إلى أنهم يغيرون في سبيل الله على الأعداء. فالمغيرون أيضا بالفاء، يعني مش لما نوصل نريح تلت أيام وبعدين نغير في سبيل الله، لا، متواصل.

العاديات ضبحا، فالموريات قدحا، فالمغيرات صبحا. العجيب إنه ما بدأش طالما الثلاث آيات دول بتصور لنا رحلة خروج الخيل للجهاد في سبيل الله، كان المتوقع أن المشهد الأول أن الخيل واقفة وبعدين فارس يركب وبعدين يعدو يعني يجري، وبعدين أثناء الجري يحصل الاحتكاك فيخرج الشرارة، وبعدين آخر الوصول الإغارة في سبيل الله، مشهد الغبار، وبعدين وسطنا به جمعة. والمشهد اللي كان متوقع الأخير سواء النصر أو القتل أو الهزيمة، إيه اللي حصل في الآخر؟

العجيب أن الخمس آيات، إن كان في آية قبلها أو مش يعني كأن في مشهد قبل كده، اللي هو مشهد الاستعداد للقتال بقا، لسه الفارس بيركب على الخيل وبينطلق. ومشهد النهاية اللي هو النصر أو القتل أو الشهادة. إيه اللي حصل؟ مشهد النهاية لم يذكر ومشهد البداية لم يذكر. مشهد النهاية لم يذكر هنقول إيه بعد لما نيجي نشرح الآية الخامسة. طب مشهد البداية لم يذكر ليه؟ كان لابد أن الإنسان أن يكون في هذه الحالة دائماً أنه على طول بيجري. فكرة إنه يروح وينزل من على الخيل ويربط الخيل ويستنى منادي، ده مش موجود.

عند العامل لدين الله مجاهد، هو بيخرج على طول من غزوة لغزوة، من سرية لسرية. قال النبي صلى الله عليه وسلم في صحيح مسلم: «من خير معاش الناس لهم رجل آخذ بعنان فرسه في سبيل الله»، على طول ممسك بعنان فرسه في سبيل الله. يطير على متنه، مش قاعد، لأن زي ما اتكلمنا في مسألة الفراغ، إنه مقعد أن كل ما فترات الفراغ بتطول على الإنسان كل ما الكسل بيزيد. عارف المثل العامي المشهور اللي بيقول لك أنت بتنام كتير، يقول لك تقاوي النوم نوم. يعني تقاوي اللي بيغذي يعني. يعني كل ما معنى المثل، يعني كل ما تنام كل ما تنام أكثر هتنام أكثر. مش كل ما تنام أكثر، كل ما هتنام عشر ساعات هتلاقيك عايز تنام اتناشر ساعة، كل ما تقلل في النوم كل ما يبقى عندك وقتك.

كذلك كل ما بتطول فترات الفراغ التي تظن أنها أوقات راحة عشان تشتغل بالعكس، أنت بتستمرئ الوضع. واتكلمنا في سورة الشرح، اللي بيطول عليه فترات الراحة يصعب عليه القيام مرة أخرى. هنا بدأت بمشهد الجري، والجري أسهل مشهد لتغيير الاتجاه للحركة، للانتقال، المستعد دائماً. إنما القاعد يصعب عليه أخذ القرار إنه يقوم ويلبي النداء ويركب الخيل ويستعد. إنما على طول على المتن كما قال النبي صلى الله عليه وسلم: ممسك بعنان فرسه يطير، سيروا على متنه، كلما سمع هيعة أو فزعة طار إليها يبتغي الموت أو القتل في مظانه. ليه؟ لأنه مستعد دائماً.

فالعجيب أن الصورة ما بدأتش مشهد الاستعداد أو مشهد ركوب الخيل، جابت مشهد الجري المنطلق. العربية وهي واقفة يصعب أنك أنت تحودها وتحركها، العربية وهي ماشية يسهل أنك أنت تغير اتجاهها، تزود السرعة. فكذلك مشهد الجري ده مهم أن يكون ده دائماً في حياة الإنسان.

والعجيب أن هذه السورة جاءت بعد سورة الزلزلة والكلام عن مثقال الذرة من الخير. وكأن الإنسان حتى يصل إلى مرحلة الجري في سبيل الله لابد من زلزلة تحدث في حياته، زلزلة في الموازين. قلنا سورة الزلزلة بدأت بزلزلة وانتهت بالموازين. فلابد من زلزلة تحدث في حياة الإنسان في قيم ومبادئه حتى يتعامل ولو بالذرات في نصرة دين الله سبحانه وتعالى.

طيب، والعاديات ضبحا، فالموريات قدحا، فالمغيرات صبحا. وكأنهم ظلوا يسيرون طوال الليل لغاية لما جه الصبح، ما استناش يريح ودخل على طول في الإغارة والقتال في سبيل الله. صبحا، وكان من عادة النبي صلى الله عليه وسلم أنه بيغير في الصباح، كما قوله سبحانه وتعالى، كان يقوله النبي صلى الله عليه وسلم أيضا: ﴿فَسَاءَ صَبَاحُ الْمُنذَرِينَ﴾ [الصافات: 177]. وكان النبي صلى الله عليه وسلم ينتظر يأتي بالليل وينتظر الصباح، فإذا سمع أذان الفجر لم يظهر عليهم، وإذا لم يسمع أذان الفجر أغار عليهم. فكان القتال غالباً يكون في الصباح، المغيرات صبحا.

إذا اكتشفنا في الآية الثالثة أن المشهد الصوتي ده كان صوت خيل بتجري، وأن المشهد الضوئي ده كان شرارة في الظلام. هذه كانت خيل يركبها يركبها المجاهدون في سبيل الله يقصدون الإغارة على أعداء الله عز وجل. فالمغيرات صبحا، بدأ بعد ما المشهد بقا صباح والدنيا منورة، بدأ المشهد تاني يعلوه إيه؟ نوع من الضباب.

فأثرنا به نقعا. يعني إيه فأثرنا به نقع؟ أثر الشيء يعني حرك الشيء، اتحركوا وخلى الشيء الراكد يتحرك. النقع هو التراب، فأثرنا أي الخيل التي كانت تعدو به، قيل بمكان الإغارة المغيرات يعني وصلوا لمكان العدو. فأثرنا به أي أثارت الخيل الغبار في مكان الأعداء، ومعنى أن الخيل أثارت الغبار في مكان الأعداء أنهم اقتحموا. يعني مش هم جم ووقفوا، ده ده جه واقتحموا. يعني مش المجاهدون في سبيل الله لما وصلوا توقفوا، لأ، دخلوا لغاية جوة وكر وفروا، فصعد الغبار في مكان الأعداء، أو فأثرنا بنقع أي أن الخيل أثارت الغبار به أي بسبب العدو. يبقى الباء إما على المكان أو على العدو، وبتختلف عن حسب الباء، سواء باء السببية أو باء المكان. لو باء السببية أي أن بسبب العدو، لو باء المكان أي أن ديت بهذا المكان.

فأثرنا به نقعا، طب مسألة أثارة التراب إيه يعني؟ ده مشهد تحس إنه مشهد لو إنا بنحكي عن حرب مش بيمارسها، طبعا بنحكي عن حرب، مشهد جمالي. لكن طبعا لو بتمارسه مش هيبقى مشهد جمالي، لكن أن هذه الآية تكون آية في سبيل الله أكيد لها غرض. فمسألة أثارة التراب يدل على المجهود اللي ببذله المجاهد، وأيضا في استمرار مسألة العوائق اللي بتقابل المجاهد في سبيل الله. فاللي عايز يجاهد من غير ما يتوسخ بالتراب، اللي عايز يعمل للدين من غير ما يصاب بأي شيء، ده واهم.

لذلك لما المنافقين قالوا إحنا عايزين نجاهد قالوا إيه؟ ﴿لَا تَنفِرُوا فِي الْحَرِّ﴾ [التوبة: 81]. قالوا إحنا عندنا استعداد نقاتل ولكن نقاتل في إيه؟ نقاتل في جو مكيف، ما يبقاش حرب، نستنى يوم ظريف لطيف، تكون الدنيا لا ساقعة قوي ولا حر جدا، ويكون يعني بيشترطوا الشروط اللي جت: ﴿لَوْ كَانَ عَرَضًا قَرِيبًا وَسَفَرًا قَاصِدًا لَّاتَّبَعُوكَ﴾ [التوبة: 42]. ربنا بيقول كانوا هيجوا معك، معقول؟ لكن بشرط أن يكون مكان قريب وفي غنيمة. فحطوا ثلاث شروط في سورة التوبة للقتال: مكان قريب، يكون فيه غنيمة، أن ما يكونش الجو حار.

كتير من الناس ممكن يقول لك أنا ممكن اشتغل للدين لكن بشروط، أن عهد وميثاق لا ينالني أي أذى، لا يصيبني أي أذى أو أي شيء ولو ذرة تراب. في حين أن دايما يجي تعبير في السنة: اغبرت قدمه في سبيل الله، أشعث رأسه مغبرة قدماه. ده ليه ليه التعبيرات دي تيجي سواء في السنة أو في القرآن، هنا فأثرنا به نقعة؟ التعبير الأشعث المغبر ليه؟ هذا ما يلاقيه المجاهد من مشقة أثناء البذل. وقال الراهب للغلام: إنك ستبتلى. معرفة يعني العوائق اللي سيقابلها الإنسان في طريق مهمة جدا حتى يتخطاها، كما قلنا هذه الخيل قابلت كثيرا من العوائق ولكنها لم تتوقف.

فإذا الذي يريد أن يسير في هذه المسيرة لنصرة دين الله عز وجل لابد أن يقابله العوائق، بل عدم وجود عوائق في السير ده دليل أن ممكن الطريق غلط، ممكن يكون الطريق غلط. ﴿حُفَّتِ الْجَنَّةُ بِالْمَكَارِهِ﴾. يقول الله عز وجل: فأثرن به نقعا. مشهد التراب المتصاعد مع الكر والفر والبذل والمجهود وصعود التراب. ثم يقول الله عز وجل: فوسطنا به جمعا.

فوسطن به جمعا أي أن الخيل توسطت بالمجاهدين جموع الأعداء. فوسطن أي الخيل بالمجاهدين، متوسطة الخيل بالمجاهدين جموع الأعداء. فوستن به جمعا أي مش بس قاعد كر وفر على الأطراف، ده ظل، شف الراجل من ساعة ما كان راكب على الخيل وبينطلق بيعدو، فضل يجري يجري يجري، سواء النفس، الخيل تغير مجرى النفس فيظهر الضبح، سواء الشرارة ويجي القدح، سواء الصبح طلع، سواء التراب ظهر، هو مستمر لغاية لما وصل لأقصى نقطة للوصول وسط الجموع مش على الأطراف.

لذلك كانوا يقولون: الذي لا يقاتل إلا على الأطراف، ده أحد تعبيرات السلف في تفسير قول الله عز وجل: ﴿وَمِنَ النَّاسِ مَن يَعْبُدُ اللَّهَ عَلَى حَرْفٍ﴾ [الحج: 11]. قيل أي لا يقاتل إلا في الطرف. ﴿وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ﴾، أي إن أصاب الجيش، إن أصاب الجيش الهزيمة اطمأن ودخل، لو لو أصابوا الغنيمة يدخل، ولو اتهزموا يرجع، يبقى دايمًا عامل حساب واقف في الطرف.

هؤلاء دخلوا إلى المنتصف بدليل قوة الإيمان، أنه موقن بهذه الصفقة: ﴿إِنَّ اللَّهَ اشْتَرَى مِنَ الْمُؤْمِنِينَ أَنفُسَهُمْ وَأَمْوَالَهُمْ بِأَنَّ لَهُمُ الْجَنَّةَ﴾ [التوبة: 111]. هو موقن بذلك. المنافق لا يوقن بهذه الصفقة ويقف دائماً على الأطراف. توسطوا الجمع، مش كانوا رايحين يقتلوا خمسة ستة، توسطوا الجمع، معنى كده أن الأعداء جمعوا لهم: ﴿سَيُهْزَمُ الْجَمْعُ وَيُوَلُّونَ الدُّبُرَ﴾ [القمر: 45].

إذا الأعداء جمعوا لهم، مش مجرد كانت معركة عادية، لكن في جموع من الأعداء ينتظرونهم. اتجه هذا المقاتل، هذا المجاهد، انتقل إلى أن وصل إلى منتصف أكتر مكان يغيظ الأعداء، أكثر مكان خطر، اختار أخطر مكان ليقف فيه. لما وصل في المنتصف إيه اللي حصل؟

خلصت الآيات: ﴿إِنَّ الْإِنسَانَ لِرَبِّهِ لَكَنُودٌ﴾ [العاديات: 6]. ده جواب القسم، والكلام عن واقع تاني خالص، واحد قاعد بقا مأنتخ في بيته قاعد كنود، وحتى سياق الآية اتغير. بعد ما كان فيه الجري: إن الإنسان لربه لكنود.

قبل ما نتكلم عن الإنسان الكنود، طب إيه اللي حصل؟ مات؟ استشهد؟ انتصر؟ لم يذكر الله عز وجل لنا ذلك. ليه مش مهم النتيجة إيه؟ المهم أنه استطاع أنه يصل إلى هذه النقطة، أياً كانت النتيجة هو فايز في كلا الحالتين، المهم أنه يستطيع أن يظل يعدو حتى يصل إلى هذه المنطقة. لو استطعت أن تكون دائماً في الخمس آيات دول أن في كل حالة من حياتك أنت تجري بكل ما تستطيع لتنصر دين الله عز وجل أياً كانت.

النتيجة؛ انتصر، اتغلب، اسر، قتل، أياً كانت النتيجة مش مهمة، ويقاتل في سبيل الله فيقتل أو يغلب فسوف نؤتيه أجراً عظيماً. في سورة النساء بدأ بيقتل الأول، حتى لو قتل مش مشكلة.

القضية ليست في النتيجة، القضية في البذل، أنه استطاع أن يأخذ القرار ليصل إلى هذه المنطقة وسطنا به جمع. ثم يقول الله عز وجل جواب للقسم: ﴿إِنَّ الْإِنسَانَ لِرَبِّهِ لَكَنُودٌ﴾ [العاديات: 6].

بالتأكيد أن في ناس مالهاش علاقة بالجماعة دول خالص؛ والعاديات والجري والنقع والبذل، وهو قاعد جنود في أثر، وإن كان في ضعف الذي يضرب عبده ويمنع رفده ويأكل وحده، قيل أرض الكنود: التي مهما تعطيها من ماء -أرض سبخة مهما تعطيها من ماء- لا تخرج لك زرعاً، وقيل الكنود الذي يعد المصائب وينسى النعم. الشاهد أن المعاني بتاعت الكانوت كلها بتدور حول الجحود وكفران النعمة وعدم البذل.

الجحود وكفران النعمة، يعني يقول لك الأرض الشكور هي الأرض اللي تديها شوية مية تطلع زرع كتير، الأرض الكانود اللي مهما تديها ما تطلعش حاجة، وكذلك في ناس كده مهما تكلمها ومهما ربنا يديها من نعم -عنده نعم كتير جداً- ما يعملش حاجة للدين.

لا يشكر أي نعمة ليخرج عاقبة أي نعمة أبداً في حياته: ﴿إِنَّ الْإِنسَانَ لِرَبِّهِ لَكَنُودٌ﴾. يعني معنى كده أن عنده نعم، التاني كان عنده خير سخرها في سبيل الله، ده عنده نعم لكن اكتنزها لنفسه.

تناعوا كأن في ناس امتنعت وفي... احنا قلنا الراجل بتاع العاديات ده فيه عوائق كتير استطاع بفضل من الله أن يتغلب عليها، ده استسلم للعوائق. شوف إيه أخطر عائق خلاه يقعد في بيته، خلاه يجاهد مع العاديات؟ ما الذي منع هذا الكنود ألا يخرج مع العاديات؟

إن الإنسان لربه... وبجد صيغة التأكيد وجت على عموم الإنسان. بعضهم قال الكافر أو الفاجر أو العموم، أن دي صفة غالباً في الإنسان إلا أن يغلب الإنسان نفسه ويزكي نفسه.

بربه كأن الإنسان كنود بالذات مع ربنا، بخيل مع ربنا تحديدا، مع غالب الناس يعني ممكن مع صاحبه يبقى جدع، ويجي عند الدين ما يبقاش جدع، أو أن ممكن أنه يضطر أنه يرد للناس حاجات معينة، لكن مع ربنا لا يشكر النعم.

أو أن الإنسان ده قوي ومجتهد زي قول الله عز وجل: ﴿وَإِنَّهُ لِحُبِّ الْخَيْرِ لَشَدِيدٌ﴾ هيجي في معاني شديد أنه قوي يبذل، لكن في إيه؟ في المال، فيجي عند الدين ما أعرفش. يعني تلاقي واحد ذكي جداً قوي بيسعى ومتحرك وفهلاوي وبيعرف في الدنيا، تيجي تكلمه في الدين يقول لك أنا والله ما أعرفش حاجة وما أعرفش هيروح فين، ولا... طب ما بتسألش ليه؟ طب ما بتحركش ليه؟ زي ما أنت اتحركت في الدنيا.

والله ما حد قال لي وما أعرفش، هي ما حدش بيعرفني وأصل الصراحة الدنيا صعبة، والدين وناس مختلفة وأنا ما أعرفش أتبع مين. طب وأنت في الدنيا؟ وأنت في الدنيا جاهدت عشان توصل للمكانة دي؟

إن الإنسان إلى ربه تحديداً، وكلمة لربه أي الذي رباه بنعمه، ده جزاء ربنا اللي أداك كل النعم دي ما فيش شكر لهذه النعم إلا... الإنسان لربه هو، حتى مش للرب، يعني مش الذي أنعم على العالمين، الذي أنعم عليك تحديدا: ﴿إِنَّ الْإِنسَانَ لِرَبِّهِ لَكَنُودٌ﴾ لا يشكر نعمة أناني ده جحود قاعد يتنعم بالنعم ولا يبذلها في نصرة دين الله عز وجل: ﴿إِنَّ الْإِنسَانَ لِرَبِّهِ لَكَنُودٌ﴾.

قلنا الكنود الجحود الأنانية الطمع البخل، ﴿وَإِنَّهُ عَلَى ذَلِكَ لَشَدِيدٌ﴾. أنه على ذلك، غالب المفسرين أنه الهاء مين اللي شهيد؟ الإنسان ده، أي أن الإنسان شهيد على نفسه في الدنيا وفي الآخرة. طب في الآخرة إزاي؟ الجوارح ستنطق.

يجي يقول والله ما كنت أعرف، الجوارح ترد عليه: كنت تعرف. والله ما كنت أقدر، لو نعلم قتالا لاتبعناكم، إيده ورجله ترد عليه: لا كنا نقدر نقاتل، الجوارح ستشهد عليه بأن يريدون أن يكذبوا.

أنا ما كنتش أعرف، أنا ما كنتش أقدر، لا كنت تعرف وكنت تقدر، أو أنه على وفي الدنيا: ﴿وَإِنَّهُ عَلَى ذَلِكَ لَشَدِيدٌ﴾ بينه وبين نفسه لما بيقعد بيشعر بنوع من أنواع العتاب، لكن هو يعني إيه؟ سريعا ما يحاول الهروب من هذا العتاب النفسي.

كتير مننا لما بيغلط ممكن يبقى يقعد مع نفسه تلومه، ضميره يبدأ يصحى، في ناس أول لما ضميره يصحى يقوم إيه؟ وموته؛ اسكت مش عايز أسمع، وأعوذ بالله في قلب كل مسلم، مش عايز يسمع، يريد أن يقتل النفس اللوامة: ﴿لَا أُقْسِمُ بِيَوْمِ الْقِيَامَةِ * وَلَا أُقْسِمُ بِالنَّفْسِ اللَّوَّامَةِ﴾ [القيامة: 1-2]. شدة الإيمان بيوم القيامة يزود اللوم بتاع النفس اللوامة، شدة إنكار يوم القيامة تقتل النفس اللوامة، فلذلك ربنا قال: أكتر واحد عايز يموت النفس اللوامة مين؟ ﴿بَلْ يُرِيدُ الْإِنسَانُ لِيَفْجُرَ أَمَامَهُ﴾ [القيامة: 5] الفاجر اللي عقل الفجور ده حاجة اتفجرت وانطلقت، فمش عايز حد يلومه ولا نفسه تلومه.

لأن ربنا بيؤكد أنه يعلم أن هذه نعم من الله، ويعلم أن عليه واجب تجاه هذه النعم، هو يشهد على نفسه بذلك: ﴿وَإِنَّهُ عَلَى ذَلِكَ لَشَدِيدٌ﴾ من معانيها أن الناس يشهدون على بعضهم البعض، أنه على ذلك شيء أن الإنسان يشهد.

قالوا إزاي؟ قالوا سواء في الآخرة وبعض المفسرين قال قال معنى جميل قوي، قال إيه؟ قال في قول النبي صلى الله عليه وسلم: «يرى أحدكم القذاة في عين أخيه ولا يرى الجذع في عين نفسه» لما يجي انسان ينتقد واحد، إيه؟ بيعرف ينقي القذاة الحاجة الصغيرة خالص، طب ما أنت بتعرف تنتقد أهو، طب ما تنتقد نفسك.

يعني لو أنت خليت واحد ينتقد شخص تاني مقصر في الطاعات، يقول لك آه ده ما بيعملش كذا وما بيعملش كذا وما بيعملش كذا. طب وأنت؟ لا، أصل أنا لي ظروف، أصل أنا مختلف، أصل كذا، ما يركزش في نفسه ويركز في أخطاء الاخرين. قال لك ده من معاني أنه على ذلك لا شيء شاهد لها.

وفي قول تاني خالص أن هو على ذلك شهيد أي أن الله عز وجل شهيد عليه. يعني في لحظة الكنود فكأن السورة جابت خمس آيات لواحد منطلق مجاهد، ثم ذكرت لنا الصورة المعاكسة البخيل اللي عمال يجمع مال، الجحود اللي مش عايز يطلع ولا نعمة.

يعني ربنا خلاه يعرف يتكلم، ما أنت بتتكلم في الدنيا، طب اتكلم وانشر الدين؟ لا. طب أدايله فلوس طلع للدين؟ لا. طب أداك أدوات استعملها، أداك عربية استعملها نصر الدين؟ لا. طب أداك عقل تفكر بيه اسأل الدين؟ لا. بخيل بكل الأدوات اللي ربنا أداهاله كنود.

ربنا بيقول لك السبب كده إيه؟ ﴿وَإِنَّهُ لِحُبِّ الْخَيْرِ لَشَدِيدٌ﴾. إن أكبر مانع هو المانع النفسي مش المانع الخارجي، وأنك أنت لما بتتخلص من الموانع والعوائق النفسية غالباً لا تقف أمامك العوائق الخارجية، قل غالباً ما فيش داعي.

أخطر مانع هو لو احنا حبينا نلخصه الكلمة هو البخل بالذات وباللذات. بخل التضحية بالذات أو باللذات، بالذات يعني بنفسك أو بلذاتك دي أخطر موانع تمنع الإنسان من الانطلاق. لكن ربنا بيقول: ﴿وَالْعَادِيَاتِ﴾ الخيل المنطلقة، أنك أنت خايف، لذلك النبي صلى الله عليه وسلم بيقول: «اللهم إني أعوذ بك الهم والحزن العجز والكسل، الجبن البخل» كلها حاجات نفسية.

آخر حاجة غلبت الدين القهري، لأن حد عليه فلوس أو ناس تقهرني، لكن الستة الأولانيين كلها موانع نفسية، فلذلك آخر ودي عايزة درس لوحدها.

آخر الجزء التاني في سورة البقرة، بعد ما ربنا ذكر الشرائع الهدى، وقبل كده الجزء الأول ذكر أسباب الضلال التي ضل بها بني إسرائيل، إزاي ضلوا في الابتعاد؟ آخر الحاجة اللي ربنا ذكر قصة -كان متوقع أن قصة طالوت وجالوت تذكر في ضمن القصص، قصة سيدنا آدم، قصة بني إسرائيل، قصة سيدنا إبراهيم- لا ذكرت في الآخر أهم أسباب ممات الأمم.

تفاجأ أن الربع الأخير بدأ بقول الله عز وجل: ﴿أَلَمْ تَرَ إِلَى الَّذِينَ خَرَجُوا مِن دِيَارِهِمْ وَهُمْ أُلُوفٌ حَذَرَ الْمَوْتِ﴾ [البقرة: 243] هي دي! ده تشخيص كل أمة منهزمة، وبعد كده: ﴿وَاللَّهُ يَقْبِضُ وَيَبْسُطُ﴾ [البقرة: 245]، من ذا الذي يقرض الله قرضا حسناً فيضاعفه له والله يقبض ويبسط.

مسألة الخوف على النفس والخوف على المال؛ لذلك قبل ما ربنا يذكر قصة طالوت وجالوت ذكر أن دول أهم عقيدتين لازم يتصلحوا في أي أمة منهزمة. ولا يستبد مستبد ولا يستبد مستبد على المستضعفين إلا باستغلال هذه المشاعر؛ الخوف على نفسه، الخوف على المال، ولا تنهض أمة إلا بكسر هذه المشاعر. يعني دايماً يقول لك أصل فيه هيبة، الثورات لا تحدث إلا بسقوط الهيبة، ولا تقهر الثورات إلا باعادة الهيبة. الهيبة فين؟ هي مش حاجة مادية، هي في النفوس، هي كلمة هيبة حاجة الخوف.

فلذلك ربنا ذكر أهم أسباب الأمم المنهزمة كلمة حذر الموت، وده التعبير النبوي المعجز اللي النبي صلى الله عليه وسلم قاله أسباب هزيمة الأمة الإسلامية بالرغم أن عددها كبير إيه؟ الوهن. قيل: وما الوهن يا رسول الله؟ قال: حب الدنيا وكراهية الحذر وكراهية الموت.

﴿أَلَمْ تَرَ إِلَى الَّذِينَ خَرَجُوا مِن دِيَارِهِمْ وَهُمْ أُلُوفٌ﴾ ألوف ده جمع كَثْرَة مش ألف، ألوف ده جمع كَثْرَة، ألوف لكن خايفين أو من قلة نحن يا رسول الله صلى الله عليه وسلم؟ قال: لا أنتم يومئذ إيه؟ كثير، لكن المشكلة في الوهن في مسألة حب الخير الشديد ده، ده أغلال تمنعك أنك تبذل: ﴿مَا لَكُمْ إِذَا قِيلَ لَكُمُ انفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ﴾ [التوبة: 38] ده مشهد إنسان بيحاول يقوم لكن فيه أغلال بتشده للأرض.

شدوا شفت مشهد كمشهد -طبعا مع الفارق في التمثيل- المشهد اللي عايز يقوم يصلي القيام أو الفجر، قوم من على السرير وأغلال البطانية والدفا بتايه، ولذلك يقول النبي صلى الله عليه وسلم: «يعقد الشيطان على قافية أحدكم ثلاث عقد».

هذه المراحل عشان تقوم لازم تكسر عقد كتير، في عوائق، زي ما قلنا عائق النفس والقدح عوائق بتمر بها، فإذا قام وذكر الله انحلت عقدة. في ناس أول بتفك أول العقدة وبعدين ترجع تنام، لأن لازم تكمل هنا، وزي ما قلنا: والعاديات فالموريات فالمغيرات، لازم تكمل عشان تحل كل العقد.

فإذا قام وذكر الله انحلت عقدة، فإذا توضأ انحلت عقدة، فإذا صلى انحلت الثالثة. في واحد بيقوم وذكر ربنا ويرجع ينام، في واحد يقوم ويتوضأ وبعدين إيه عارفينه؟ كلنا عارفينه يرجع بعد ما يقوم ويرجع على السرير، طب أريح شوية، طب لسه على الفجر قد ايه؟ وبعدين يصحوه على الظهر بعد ما كان ناوي يصلي ينام لغاية ما إيه الظهر. لأنك لازم تستمر في حل كل العقد، في كسر كل العوائق، في اقتحام كل العقبات.

القضية كلها في مازالت حب الخير لشديد، سيطرة الخير أي المال الكثير: ﴿إِن تَرَكَ خَيْراً﴾ [البقرة: 180] قيل للمال الكثير، لذلك قالوا اللي يوصي لازم يبقى عنده مال كثير، وجيب تعبير القرآن: ﴿إِن تَرَكَ خَيْراً﴾ أي المال الكثير. طبعا مسألة الخير هنا فيها كلام كتير، والشديد حتى بعضهم قال الشديد هنا معنى بخيل، قالوا طب إزاي تفسير الآية إيه؟ وانه لحب الخير أي وانه بسبب حبه للممالك شديد أيلا بخيل.

طب قالوا يعني إيه شديد تجي بمعنى بخيل؟ قالوا شديد تجي بمعنى بخيل، شديد يعني هقولها لغة بسرعة كده، شديد قالوا دي فعيل ممكن تجي بمعنى مفعول.

يعني إيه فعيل بمعنى مفعول؟ يعني مثلاً جريح معناها أصلاً إيه؟ مجروح، رجيم معناها أصلاً إيه؟ مرجوم. فقالوا شديد معناه إيه؟ مشدود، كأنه في أغلال شداه، فالبخيل، وده تعبير نبوي جه مشهور في حديث صحيح: أن كأن البخيل عليه جبة من حديد، كأنه لابس قميص حديد، ييجي يحاول يطلع إيده عشان ينفق مش قادر، فيه حديد مكلبشه في حديد. وكنت درجت... أظن كنت ذكرت شرح الحديث ده بالتفصيل ومحاولة تغيير أخلاق الإنسان في شرح سورة الحجرات، العودة إليها.

الشاهد قال: ﴿وَإِنَّهُ لِحُبِّ الْخَيْرِ لَشَدِيدٌ﴾ أنه متكلبش، أو قالوا شديد وهو مشدود، أو هو اللي قعد يشد على نفسه. قيل شديد أي يشد كل صرة، يعني يجيب كل فلوسه ويربطها وممنوع تتفتح، عمال يحوش ﴿الَّذِي جَمَعَ مَالًا وَعَدَّدَهُ﴾ [الهمزة: 2] عمال يعده مرة واتنين ويقفله. هذه المشاعر حينما تسيطر على الإنسان لا يستطيع الخروج، لا يستطيع البذل أبداً، لذلك أخطر الموانع هي الموانع النفسية، ولا تهزم الأمم إلا بالموانع النفسية، ولا تفيق الأمم إلا بكسر هذه الموانع النفسية.

إذاً لا بد من اصلاح عقيدة... عقيدتين مهمين للنهوض بأي أمة، اللي بدأ بهم الربع الأخير من الجزء التاني: عقيدة الله يحيي ويميت، عقيدة الله يقبض ويبسط. إذا تمكنت هذه العقائد من أي أمة مسلمة نهضت وأثارت وقامت، عقيدة الله يحيي ويميت، وعقيدة الله يقبض ويبسط.

لذلك العجيب أنك تجد أن بداية الربع بدأت بمشهد ناس خايفة من الموت: ﴿أَلَمْ تَرَ إِلَى الَّذِينَ خَرَجُوا مِن دِيَارِهِمْ حَذَرَ الْمَوْتِ﴾، وبداية الإصلاح بدأت بناس بتجري ناحية الموت: ﴿أَلَمْ تَرَ إِلَى الْمَلَإِ مِنْ بَنِي إِسْرَائِيلَ مِنْ بَعْدِ مُوسَى إِذْ قَالُوا لِنَبِيٍّ لَهُمُ ابْعَثْ لَنَا مَلِكًا نُقَاتِلْ﴾ [البقرة: 246]. هنا أمة بتجري من القتال وهنا أمة بتجري على القتال.

بداية الإصلاح النهوض يكون بكسر هذه الحواجز النفسية، لذلك النموذجين دول اللي جم عكس بعض في الصورة ذكرهم النبي صلى الله عليه وسلم في حديث واحد، لكن بدأ هنا الصورة بدأت بالنموذج المنطلق وبعد كده ختمت بالنموذج القاعد. النبي صلى الله عليه وسلم بدأ بالنموذج القاعد فقال صلى الله عليه وسلم كما في الصحيح في البخاري وغيره.

تعس عبد الدينار، تعس عبد الدرهم، تعس عبد الخميصة، تعس عبد الخميلة، تعس وانتكس، وإذا شيك فلا انتقش. وبعد كده النبي صلى الله عليه وسلم بيتكلم عن صوته فجأة طوبى لعبده في حديث واحد، طوبى لعبد أخذ بعنان فرسه في سبيل الله؛ أشعث رأسه، مغبر قدماه، إن كان في الساقة كان في الساقة، وإن كان في الحراسة كان في الحراسة.

نموذجين عكس بعض؛ نموذج الأسير اللي النبي صلى الله عليه وسلم سماه هنا إيه؟ العبد. وننموذج الحر المنطلق، برضه نفس التعبير؛ آخذ بالعنان لسه هيركب الفرس، لأ ده هو ماسك في سبيل الله، لا يأبه بتغير في شكله ولا في ملابسه، التاني أي تغير في ديناره ودرهمه وملابسه وشكله يغضب، وإذا شك أن الشوكة تؤثر فيه فلا انتقش ولا تقرب منه.

قيل إن دعاؤه على النبي صلى الله عليه وسلم، وقيل وصف لحاله، أن المشكلة الصغيرة تخلي قاعد، الشوكة الوحيدة تؤثر فيه، المصيبة الصغيرة تؤثر. التاني لا يعوقه عائق ولا تحده الحدود، منطلق حر آخذ بعنان فرسه في سبيل الله، نشأت رأسه مغبرة مغبرة قدماه. هو عايز يقال لذلك لما قلنا فوسطنا به جمع أيا كانت النتيجة، برضه أيا كان هيروح فين.

إن كان في الحراسة أي إن أمر به في الحراسة كان في الحراسة، أي كان بكله في الحراسة، يعني إن كان ترتيبا في الحراسة كان هو بكله في الحراسة، يعني لما بيشتغل يشتغل بجد، إن كان في الساقة كان في الساقة، إن أذن لم يؤذن له، وإن شفع له مشفع. كمان ما لوش وجاهة دنيوية، يعني حتى منصبه الديني ده اللي هو رفيع عند الله عز وجل الناس مش معتبراه، فهو مجهول عند الناس معروف عند الله وملائكته، يحب الله عز وجل وتحبه الملائكة.

كم من مجاهد لا يعلمه الناس يعلمه الله عز وجل، وكم من صادق لا يعلمه الناس والله عز وجل يعلمهم، ولذلك قال عمر بن الخطاب رضي الله عنه: وما يضرهم أن عمر لا يعرفهم، ولكن الله يعرفه، الله عز وجل يعلمهم سبحانه وتعالى. إذاً هذه السورة بتتكلم عن نموذجيزن من الناس؛ نموذج المنطلق اللي بدأ بالحركة، ما بدأش لسه بالاستعداد، ونموذج اللي بيتحرك الذي يريد أن ينصر دين الله عز وجل، ثم ختمت أو النموذج التاني نموذج الكنود الجحود البخيل الأناني الذي لا يبذل أي نعمة لنصرة دين الله عز وجل.

وقلنا أخطر حاجة ذكرت هنا المانع النفسي، سيطرة حب المال عليه، ذلك حب المال وبالخير المال الكثير حب الدنيا ده زي سرطان، يكبر جوه الإنسان لغاية لما يسيطر على كل مشاعره، يخليه ما يعرفش يفكر في أي حاجة ولا يحسب أي حسابات إلا من خلالها. ده معنى ضخم جدا، لذلك طول الجلوس في وسط الدنيا ينمي هذا السرطان، لذلك لازم كل شوية تخرج.

لذلك قال النبي صلى الله عليه وسلم: من لم يغزو أو لم تحدثه نفسه بالغزو، ده ده واحد رضخ تماما، فقال النبي صلى الله عليه وسلم إيه؟ مات على شعبة من شعب النفاق، لأنه استسلم تماما للتغيير مش عايز، لا بيروح بنفسه ولا حتى بيفتكر أن الأوضاع تغير، فخلاص ده طبيعي أن عارفين فيه بيئات كده يقول لك دي بيئة رطبة كده ممتنة ينبت فيها الفطريات الضارة، حسبي في بكتيريا تنبت في بيئات معينة، فالنفاق ينبت في هذه الأوساط؛ أوساط الدنيا المستمرة دائما دي أخطر الأوساط التي ينبت فيها النفاق.

الحمد لله وحده والصلاة والسلام على من لا نبي بعده محمد صلى الله عليه وسلم، إذاً السورة ذكرت صنفين يا ناس المقدم الذي لا يعوقه العوائق ولا تحده الحدود، والكنود الذي يبخل ولو بنعمة واحدة من نعم الله عز وجل، ولا يشكر الله عز وجل ولا يبذل أي شيء لنصرة دين الله عز وجل.

في البداية بمسألة العاديات والذهاب إلى الأعداء، ده مسألة برضه فرعية كده، مسألة أن كتير من الناس كان أو متأخرين طبعا، مسألة أنه ينكر جهاد الطلب، لأ طبعا في حاجة اسمها جهاد الطلب؛ الذهاب إلى الأعداء لنشر دين الله عز وجل، وأني لابد من البذل والتحرك، يعني الصورة الصورة بتتحرك العاديات، لابد من الحركة لنشر دين الله عز وجل وجهاد من صدوا عن سبيل الله سبحانه وتعالى.

أيضا كنا قلنا مسألة أن المدح هنا في السورة لم يكن للخيل لمجرد أنها خيل، ولكن الخيل إيه؟ لأنها تجاهد في سبيل الله. في حديث جميل جدا للنبي صلى الله عليه وسلم أيضا في الصحيحين يبين لنا أن حسب معاملتك مع الدنيا على حسب الثواب والإثم اللي بتاخده، يقول النبي صلى الله عليه وسلم: «الخيل ثلاثة؛ فهي لرجل أجر، ولرجل ستر، ولرجل وزر. الخيل ثلاثة؛ فهي لرجل إيه؟ أجر، ولرجل ستر، ولرجل وزر».

أما التي هي له أجر؛ مين اللي الخيل بالنسبة له أجر؟ الرجل يتخذها في سبيل الله ويعدها له أي لسبيل الله، فلا تغيب شيئا في بطونها، يعني ما تاكلش أي أكلة إلا كتب الله له أجره، يعني أي أكل طالما الخيل في سبيل الله هو سايبها لسبيل الله، العربية دي بتاعت ربنا استعملها في سبيل الله لا تغيب العربية دي بنزين ولا أي حاجة إلا إيه؟ له أجر، فكذلك لا تغيب في بطونها شيئا إلا له أجر.

ولو راعاها في مرج، لو سابها ترعى كده في مرعى معين برغم أن مش هو اللي أكلها، ما أكلت من شيء إلا كتب الله له بها أجر، ولو سقاها من ناهج كان له بكل قطرة تغيبها في بطونها أجر، بل حتى الراوي بيقول بل حتى ذكر أي النبي النبي صلى الله عليه وسلم الأجر في أبوالها، يعني حتى اللي بيخرج منها، ولو استنت شرفا أو شرفين يعني لو طلعت مكان كتب له بكل خطوة تخطوها أجره.

شوف النبي صلى الله عليه وسلم بيتكلم عن تفاصيل كان ممكن يقول إيه وكل حاجة بتعملها ياخد أجر، لأ اتكلم عن تفاصيل الخيل التي كانت في سبيل الله بدقة؛ أعرف أن ربنا سبحانه وتعالى لن تظلم نقيرا ولا قطميرا، فمش صائم أطيب عند الله من ريح المسك، حتى الرائحة الغبار اللي في سبيل الله الدمعة اللي هي بتنزل لا ينساها الله لك أبدا، وتكتب لك وترفع عند الله سبحانه وتعالى، تعامل معاملة في غاية الدقة.

ثم يقول النبي صلى الله عليه وسلم: «وأما الذي هي له ستر؛ الرجل يتخذها تكرمة وتجملا ولا ينسى حق ظهورها وبطونها في عسرها ويسرها»، يعني بيتخذها إشباع لاحتياجاته العادية وأحيانا بيؤدي حقها أنه بيشكر نعمة ربنا سبحانه وتعالى لو عليها زكاة أو يساعد الناس أو يرفع عليها أحد أو غير ذلك.

النوع التالت: «وأما الذي عليه وزر؛ الذي يتخذها أشرا وبطرا وبذخا ورياء الناس، فذلك الذي عليه وزر». يبقى الاستعمال اللي في الدنيا مبني على تلات حاجات؛ أما انك بتهتم ببناء الدنيا ده بغاية أساسية عشان نصرة الإسلام، أو مجرد إشباع احتياجاتك الإنسانية عادي، يعني واحد عايز يطلع دكتور عشان هو عايز يطلع دكتور، لا حرام؟ لا مش حرام، ده مباح، ده إيه؟ مباح.

عشان تنال الأجر في ده لازم يبقى لك نية خدمة الناس، وهذه النية لابد أن تكون مصدقة بعمل، مش مجرد نية. طب اللي عايز عشان يفتخر على الناس ويتكبر على الناس ده اللي إيه؟ إذا أما تكون لرجل الأجر أو لرجل ستر أو لرجل وزر والعياذ بالله.

يبقى نعود تاني في مسألة الخير، قلنا أو لمسألة سورة العاديات، قلنا هم صنفين من الناس. فقال الله عز وجل بعد ذلك، بعد ما أخبرنا أن مانع الرئيسي من الانطلاق وأن العائق الآن هو حب الخير الشديد، وأن حب الخير ده عشان يخرج الله سورة العاديات جت بين صورتين؛ سورة الزلزلة وسورة القارعة، وفي الصورتين حقارة الدنيا وأن لازم زلزلة؛ هذا الحب يحتاج إلى زلزلة وقرع حتى يخرج من القلوب.

جاءت العاديات بعد الزلزلة وقبل القارعة، جاءت بين السورتين زي بالضبط السورة اللي اتكلمت عن الخسران المبين بتاع إنسان سورة العصر، جاءت بين سورتين التكاثر، ودول أكثر ناس خسرانين، بين التكاثر؛ التكاثر انشغل بالناس مكاثرا، والهمزة انشغل بالناس مستهزئا فأصبح خاسرا: ﴿إِنَّ الْإِنسَانَ لَفِي خُسْرٍ﴾ [العصر: 2].

كذلك جاءت سورة العدد بين السورتين، ولن يخرج حب المال إلا بالزلزلة وبالقارعة. قال الله عز وجل لذلك ختام السورة أن الإنسان يفوق الكنود ده يتهز كده عشان يفوق، فجابت له صورته وهو بيتهز وهو ميت: ﴿أَفَلَا يَعْلَمُ إِذَا بُعْثِرَ مَا فِي الْقُبُورِ﴾ [العاديات: 9] في مشهد الأرض كلها صحراء تراب وناس كتير مدفونة، ومشهد البعثرة؛ بعثرة ده عارف حاجة مش مترتبة كده، وتبقى حاجة مهملة كده بتبعثرها، ولم يقل افلا يعلم إذا بعثر من في القبور، قال إيه ما في القبور، حاجة نكرة كده غير كأنه غير عاقل. بعض المفسرين قال لأنه كان بيبقى ميت هنا في غير عقل.

الشاهد؛ الحياة الضخمة اللي انت ما رضيتش تضحي عشانها هي أصبحت في الآخر انك مجرد شيء نكرة مرمي في الأرض هتبعثر في يوم من الأيام، هي دي الحياة اللي انت ما رضيتش تضحي عشانها؟ هي دي النهاية أفلا يعلم إذا بعثر ما في القبور؟ آخرتها في القبور، مهما اتسعت دنيا الإنسان هو آخره فيه الوعاء بتاعه هيبقى مجرد قبر.

ويقول الله عز وجل: ﴿وَحُصِّلَ مَا فِي الصُّدُورِ﴾ [العاديات: 10] والتحصيل؛ المحصول ده اللي هو الحب اللي بيخرج من القشر بمعالجة معينة، فسوف ينزع ما في صدره. كأن هنا حتى تخويف حتى للمجاهد، علامة تجاهد في سبيل الله ولا حمية وعصبية؟ الرجل راح سأل النبي صلى الله عليه وسلم لأن ده واضح أنه كان موجود عندهم؛ الرجل هو مش أهم حاجة نقاتل! الرجل يقاتل شجاعة، الرجل يقاتل حمية. أي ذلك في سبيل الله؟ من قاتل لتكون كلمة الله هي العليا فهو في سبيله. يبقى ده شرط النية حتى اللي بيتحرك مسؤول عن نيته، ونعوذ بالله.

أول ثلاثة تشعر بهم النار؛ منهم مجاهد ومنفق قارئ، المسألة حتى الحساب على النيات الدقة في المسألة حتى في النيات: ﴿أَفَلَا يَعْلَمُ إِذَا بُعْثِرَ مَا فِي الْقُبُورِ * وَحُصِّلَ مَا فِي الصُّدُورِ * إِنَّ رَبَّهُم بِهِمْ يَوْمَئِذٍ لَّخَبِيرٌ﴾ [العاديات: 9-11]. خبير؛ اسم أبو عزام خبير كان مش بس عليه ومش بس فيه إحاطة باللي عمله، لأ خبير بالنوايا. بعضهم قال الخبير أحيانا يأتي للخفايا والنوافل وما خفي من الأمور، تأتي مع حكيم لأن الأمور تحتاج إلى معرفة ما وراها في الدنيا، ما بيتعسماش خبير إلا لما بيجرب الأمور ويعلم خفاياها. ثم خبير.

فإن المثل الأعلى؛ فإن ربه بهم يومئذ لخبير؛ خبير بنواياهم وبتحركاتهم وبكل ذرة تراب جاءت على قدم المجاهد، وبكل نعمة أعرض عنها الكنود. الله عز وجل خبير بكل ذلك سبحانه وتعالى، فسوف يسألهم عن كل ذلك ويحاسبه عن كل ذلك، ويجازي المحسن بإحسانه ويعاقب المسيء على إساءته: ﴿إِنَّ رَبَّهُم بِهِمْ يَوْمَئِذٍ لَّخَبِيرٌ﴾ [العاديات: 11].

إذاً نموذجين عكس بعض ذكروا ذكروا في حديث النبي صلى الله عليه وسلم عبد الدينار والعبد الحر الأشعث رأسه مقبرة قدماه، التاني عبد للدينار الدرهم الفلوس الخميصة للطعام والملبس وقيل الأثاث. أن من معانيها أن في واحد أسير للتقاليد، أسير للعادات خايف يعمل يمين الله عز وجل فيخسر هذه الأشياء. وفي عبد تحرر وكسر كل هذه القيود كما قالت امرأة عمران: ﴿رَبِّ إِنِّي نَذَرْتُ لَكَ مَا فِي بَطْنِي مُحَرَّراً﴾ [آل عمران: 35]، ومحررا من كل قيد.

إذاً الحرية الحقيقية التي يجب أن يطالب بها الإنسان وأن يتحرر من كل القيود المانعة من عبودية الله سبحانه وتعالى، وأن كلما كان الإنسان عبدا لله كلما كان أكثر حرية من القيود، وكلما ابتعد الإنسان عن عبودية الله كلما سقط في قيود أخرى؛ كن عبد لهواه، عبد للشيطان، عبد للمستبد، يكون عبد للآخرين. لأن الإنسان فطر أنه يطيع، فإما أن يطيع الله عز وجل أو يطيع هواه أو يطيع الآخرين.

إذاً نسأل الله عز وجل أن نتحرر من هذه القيود وأن نكون من العاملين المجاهدين الذين ينصرون دين الله عز وجل. نسأل الله عز وجل أن يستعملنا ولا يستبدلنا. اللهم استعملنا ولا تستبدلنا. اللهم اهدنا واهد بنا واجعلنا سببا مهتديا. أقول قولي هذا وأستغفر الله لي ولكم. سبحانك اللهم وبحمدك، أشهد أن لا إله إلا أنت أستغفرك وأتوب إليك وأقمت الصلاة.