د. أحمد عبد المنعمالسلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. إن شاء الله، بإذن الله عز وجل، هنستكمل دروس تفسير جزء عم. كنا آخر سورة تكلمنا عنها سورة الانفطار، والنهارده، بإذن الله عز وجل، نتكلم عن سورة المطففين. سورة المطففين لها أهمية خاصة لأكثر من سبب؛ أول سبب أن سورة المطففين ربنا سبحانه وتعالى وضعها كترتيب في القرآن، جت بعد سورة الانفطار وقبل سورة الانشقاق. نجد أن سورة التكوير، ثم سورة الانفطار، وبعدين سورة الانشقاق، الثلاثة ورا بعض.
النبي صلى الله عليه وسلم قال: «من سره أن ينظر إلى يوم القيامة رأي العين فليقرأ: إذا الشمس كورت، وإذا السماء انفطرت، وإذا السماء انشقت». الصور الثلاث بتتكلم عن تصور رأي العين ليوم القيامة، وما بين الانفطار والإنشقاق جت سورة المطففين. فأكيد لها أهمية، أن وجود سورة المطففين بين الحديث عن أعلى تصور ليوم القيامة تيجي سورة المطففين، أكيد بتتكلم عن موضوع مهم لن يتم إصلاحه بصورة كلية إلا من خلال يوم القيامة؛ موضوع التطفيف.
النقطة الثانية أن سورة المطففين العلماء اختلفوا فيها، هل هي سورة مكية ولا سورة مدنية؟ طيب، هل الاختلاف ده مهم؟ هنجد أن في من العلماء قال آخر سورة مكية، أو من أواخر ما أنزل سورة المطففين، ونجد من العلماء من قال إن أول سورة مدنية سورة المطففين، وبعضهم من قال نزلت في الطريق بين مكة والمدينة. فكأن سورة المطففين نزلت في هذه المرحلة، آخر مكة وأول المدينة، وطبعا ده مهم جدا؛ مرحلة الانتقال من المجموعة المؤمنة اللي موجودة في مكة لسه ما فيش دولة ما فيش نظام عام، إلى الانتقال لبناء دولة في المدينة، أن تيجي سورة المطففين واضح إنها بتكلم عن شيء مهم جدا، لذلك سورة المطففين سورة مهمة.
طيب، طبعا بداية السورة من أول ﴿وَيْل لِلْمُطَفِّفِينَ﴾، بداية من أنواع التهديد والعتاب والتوعد زي سورة ويل لكل همزة لمزة، ونجد أن الصور اللي بدأت بالويل، سواء سورة المطففين أو سورة الهمزة، بتتكلم عن معاصي فيها إذاء للأخرين، فيها إذاء سواء بالتعدي على حقوق الآخرين المادية زي التطفيف، أو التعدي على حقوق الآخرين المعنوية زي الهمزة اللمزة اللي بيستهزأ بالآخرين.
طيب ليه سورة المطففين تنزل في أول المدينة أو آخر مكة، مرحلة الانتقال؟ لو فهمنا النقطة ديت، النقطة دي محورية في فهم سورة المطففين؛ مرحلة الانتقال من الجو المكي إلى الجو المدني، مرحلة الانتقال من المجموعة المؤمنة إلى بناء الدولة المؤمنة. تيجي سورة المطففين أولاً، التطفيف ده عيب موجود في السوق، فكان من أول لحظة في المدينة كان القرآن بيعرفهم والاسلام بيعرفهم أن الإسلام يدخل في جميع نواحي الحياة، مش معنى أن مشكلة حتى صغيرة أو كبيرة موجودة في السوق أن الإسلام هيتغاضى عنها، ابدأ. الإسلام هيدخل في السياسة، في الاقتصاد، في الاجتماع، في الحياة الأسرية، له تشريعات في كل نواحي الحياة من أول لحظة. هذا الدين يرفض العلمنة، يرفض الإقصاء عن نواحي الحياة، يرفض المكوث في المسجد فقط ولا يخرج خارج المسجد لإصلاح جوانب الحياة، أن هذا القرآن يهدي للتي هي أقوم، يهدي في كل شيء للتي هي أقوم في النظرات الاقتصادية والسياسية والاجتماعية. يهدي للتي هي أقوم من أول لحظة ودخول المدينه بنعرف أهل المدينة أن الإسلام دين جاء ليحكم في كل نواحي الحياة، نعم سيتكلم في أخطاء الاقتصاد، نعم سيتكلم في الأخطاء السياسية والاجتماعية، سيصلح من كل جوانب الحياة.
النقطة الثانية، دايما الدول لما بتسيطر بتركز على الاقتصاد، دايما اليهود يسيطروا على اقتصاد العالم. برضه في المدينة كان اليهود ليهم سوق وكانوا يحاولون السيطرة على السوق، فتدخل الإسلام في إصلاح عيب موجود في السوق. ده معناه أن الاهتمام بالاقتصاد مهم في إنشاء الدولة، لذلك عبارة "دلني على السوق" اللي قالها عبد الرحمن بن عوف هي مش مجرد عبارة زهد في أموال الآخرين والاعتماد على النفس، ده عمارة بناء دولة، عبارة تساعد في بناء دولة؛ دلني على السوق، أن لازم يبقى فيه اقتصاد. لذلك يروى في بعض الآثار أن النبي صلى الله عليه وسلم لما راح المدينه اختار مكان معين جعله سوق للمسلمين وقال إن اللي هيتاجر في السوق ده لا يضرب عليه خراج، يقلل عليه الأعباء الاقتصادية عشان يتاجر. وعمل سوق خاص بالمسلمين، ولما عرف كعب بن الأشرف وحب يهدم السوق بتاع المسلمين، النبي صلى الله عليه وسلم قال زي ما بيقول في بعض الآثار: والله لاخترنا سوقا للمسلمين تكون له أغيظ. الاهتمام بقضية الاقتصاد اللي بيبني الدول، لذلك أصلا غالب الخلاف العالمي بين الدول زي أمريكا وروسيا هو أصل المنشأ خلاف اقتصادي، الفكر الرأسمالي والفكر الشيوعي، الأفكار الدول بتقوم أصلا على أفكار اقتصادية. والتحليل، مش عايز أقول الأساسي لكن غالب محاربة قريش للنبي صلى الله عليه وسلم كانت بسبب قضية اقتصادية، ما هي قريش كانت بتسافر لرحلة الشتاء ورحلة الصيف، القبيلة الوحيدة اللي كانت بتستطيع إنها تسافر من مكة للشام ومن مكة لليمن بدون تعرض لأذى أو اعتداء من القبائل أو قطاع الطرق هي قريش ليه؟
كانت عامله معاهدات أو بنسميها إيلاف، كانت عامله إيلاف مع كل القبائل من مسيرها من مكة للشام أو من مكة لليمن. عامله معاهدات أن كل قبيلة تقول لقريش ايه: أنا هحط الصنم بتاع القبيلة بتاعتي عندك في مكة ما تهديش الصنم، واللي يجي لنا واللي يجي لك يا قريش من القبيله بتاعتنا سيبيه يطوف في حريم البيت في مقابل إنها ما تعتديش وتوفر الأمن لقريش في طريقها. فلما يجي النبي صلى الله عليه وسلم وهيهد الأصنام، هو كده بيقطع العلاقات الاقتصادية اللي قامت عليها قبيلة قريش في مكة ما بين كل العلاقات الاقتصادية. لذلك لما ربنا قال: ﴿إِنَّمَا الْمُشْرِكُونَ نَجَسٌ فَلَا يَقْرَبُوا الْمَسْجِدَ الْحَرَامَ بَعْدَ عَامِهِمْ هَذَا﴾ [التوبة: 28]، ربنا قال بعدها في نفس الآية مباشرة: ﴿وَإِنْ خِفْتُمْ عَيْلَةً﴾ [التوبة: 28] طرد المشركين من مكة كان ممكن يسبب ضغط اقتصادي، فربنا قال لهم ما تخافوش من الفقر: ﴿فَسَوْفَ يُغْنِيكُمُ اللَّهُ مِنْ فَضْلِهِ﴾ [التوبة: 28].
الاهتمام بالاقتصاد الإسلامي مهم جدا جدا في إنشاء الدول. طيب، ربنا سبحانه وتعالى بدأ السورة ﴿وَيْل لِلْمُطَفِّفِينَ﴾ قلنا التركيز على مشكلة في السوق، أن هذا الدين عصي على العلمنة، يرفض العلمنة، وأنه يتدخل في كل جوانب الحياة من أول لحظة في إنشاء الدولة الإسلامية في المدينة. النقطة الثانية؛ أهمية الاقتصاد، وأن عبارة "دلني على السوق" هي عبارة بناء دولة ليست عبارة مجرد تزهد في أموال الآخرين. النقطة الثالثة؛ أن لازم نفهم من أول لحظة أن هذا الدين هيتعارض مع بعض رغبات النفوس والاهواء، هيقوم ده أن الفلوس اللي بتيجي بالساهل عن طريق أكل أموال الناس بالباطل، الدين هيقف حاجز أمام ده.
نبدا مع بعض بقى نشوف كده السورة، لأن السورة مهمة، المرحلة الانتقالية دي مهمة جدا جدا. لذلك نفاجأ أن السورة جابت لفظ المطففين، لفظ الفجار، لفظ الأبرار، لفظ الذين أجرموا، جابت دي أصناف، جابت وصف الناس صنف رسماته المطففين وبعد كده ﴿كَلَّا إِنَّ كِتَابَ الْفُجَّارِ﴾ [المطففين: 7] وبعد كده ﴿كَلَّا إِنَّ كِتَابَ الْأَبْرَارِ﴾ [المطففين: 18]، بعد كده ﴿إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ﴾ [المطففين: 29]. ليه الأوصاف الأربعة دي وليه الترتيب ده جه كده وليه في النص جه الأبرار، ربنا ما خلصش الأول المطففين والفجار والمجرمين وبعدين جه الأبرار؟ نتكلم ده أن شاء الله مع بعض في ثنايا السورة.
بدات السورة ﴿وَيْل لِلْمُطَفِّفِينَ﴾، ويل طبعا كلمة توعد وتهديد ووعيد، وبعض المفسرين قال وادي في جهنم، وإن كان الأثر لا يصح في ذلك. المطففين هنجد هنا أن المطففين جمع واسم، مش ويل للذين يطففون، وربنا ما قالش ويل للمطفف، لا هنجد أن ده رقم واحد اسم، الاسم غير الفعل، الفعل يفيد التجدد يعني يعمل شويه ويبطل شويه، الاسم ده أصبح متمرس، أصبح جزء من كيانه، بقا مطفف، أصبح إنه مش احيانا يطف في الميزان وأحيانا لا، ده الميزان مصمم للتطفيف، ده عمل أداة متظبطة واتباعت وانتشرت في السوق، وده فكرة الجمع بقا أن المشكلة دي منتشره في كل السوق، أن بقت هذه الإشكالية مشكلة التطفيف انتشرت في السوق كاملا، فأصبح في جزء كبير من التجار الأدوات بتاعتهم بقت مصممة لأصل التطفيف. يعني بقا جزء من كيانه، جزء من طريقة التجارة، زي ما بتكلم مع أحد الإخوة في السورة دي فبيقول لي: أنت عارف أن في بعض البضاعة في السوق الكيلو عرفا هو تسعمائة جرام مش ألف جرام ومظبطين المكيال بتاعه عشان كده والناس ما تعرفش؟ فأصبح أن المكيال ممكن يصمم والميزان يصمم لنوع من التطفيف والناس لا تشعر. يبقى أول حاجة الاسم أن ده ممارسة، النقطة الثانية الجمع أن ده عيب بقا منتشر في السوق، لذلك بيع في بعض الآثار كان كان أهل المدينة من أخبث الناس كيلا قبل مجيء النبي صلى الله عليه وسلم، فلما جاء النبي صلى الله عليه وسلم وقرأ عليهم المطففين أصبحوا من احسن الناس كيلا إلى يومنا هذا زي ما ذكر بعض المفسرين المعاصرين إلى يومنا هذا أصبحوا من أحسن الناس كيلا.
النقطة الثانية المهمة قوي أن في بعض الآثار ذكرها بعض المفسرين أن النبي صلى الله عليه وسلم نزل وقرأ هذه السورة، قراها في السوق، دي نقطة مهمة قوي النزول بالقران للناس في مواطن الخطاب. السورة دي بتكلم أهل السوق أو الجزء ده بتاع التطفيف يبقى لازم يخاطب بيه أهل السوق، ما يبقاش أهل الإسلام في وادي وبنتكلم في وادي والكلام ده ما بيوصلش للناس. لذلك هنجد أن ربنا بيتكلم عن شخص من الفجار يكذب بيوم الدين، معتد يعني بيتطول على الناس، أثيم أصبح بيفعل كل الآثام، وربنا يقول ﴿إِذَا تُتْلَى عَلَيْهِ آيَاتُنَا﴾. مين اللي وصل له وقرا عليه القرآن؟ يبقى أهل الإيمان مطالبون بالنزول للناس وقراءة القرآن عليهم، لأهل السوق، ننزل لأهل السوق نعلمهم أحكام السوق، ننزل للمعاصي ونتلو عليهم القرآن ونوضح لهم آيات الله سبحانه وتعالى، ﴿إِذَا تُتْلَى عَلَيْهِ آيَاتُنَا﴾ يبقى وصلوا لغاية ذلك اللي ربنا سماه الفاجر المكذب المعتدين الأثيم وقرأوا عليه القرآن.
المطففين قالوا جايه من كلمة طفيف يعني حاجة بسيطة، بمعنى إنه لما بيجي ياكل من الناس أو بيعتدي على أموال الناس ما بياخدش حاجة ضخمة، لا ده بيسرق حاجات طفيفه بحيث إنها ما تبانش، فلذلك قالوا التطفيف؛ جمع ظلم إنه بياخد مال مش ماله، واختلاس إنه بياخد من غير ما اللي قدامه يحس، ولؤم ودناءة إنه بياخد حاجة بسيطة. طب هل الحاجه البسيطة دي مش مؤثرة؟ لا مؤثره، لأن الأصل في أموال الناس أن هي حرام عليك أنك تاخدها، أموالكم ودمائكم وأعراضكم عليكم حرام، فما ينفعش تاخد منه ولو شيء بسيط. لذلك هنجد أن كلمة طفيف مقابل لها عظيم، لذلك ربنا قال ﴿وَيْل لِلْمُطَفِّفِينَ * الَّذِينَ إِذَا اكْتَالُوا عَلَى النَّاسِ يَسْتَوْفُونَ * وَإِذَا كَالُوهُمْ أَوْ وَزَنُوهُمْ يُخْسِرُونَ * أَلَا يَظُنُّ أُولَئِكَ أَنَّهُمْ مَبْعُوثُونَ * لِيَوْمٍ عَظِيمٍ * يَوْمَ يَقُومُ النَّاسُ لِرَبِّ الْعَالَمِينَ﴾ [المطففين: 1-6]. اللي أنتم حسيتوا إن هو بسيط وتحسبونه هينا وهو عند الله عظيم.
طيب، المطففين دول كانوا بيطففوا إزاي؟ لهم وصفين ﴿الَّذِينَ إِذَا اكْتَالُوا عَلَى النَّاسِ يَسْتَوْفُونَ * وَإِذَا كَالُوهُمْ أَوْ وَزَنُوهُمْ يُخْسِرُونَ﴾ [المطففين: 2-3]. المطفف ده معاه مكيال، الكلمه اللي بقت عبارة دولية دلوقتي ومنتشرة؛ الكيل بمكيالين، أنه معاه مكيال أداة وزن كده أو أداة بيوزن بيها، يكيل بيها، لو عايز ياخد حقه من الناس يطلع المكيال الأوفى اللي ياخد حقه كاملا، وبعضهم قال بالعكس بيزيد على حقه، لو هيجي يوزن للناس يطلع معا مكيال تاني صغير، هياخد من الناس يبقى يطلع المكيال الكبير، هيدي للناس ياخد المكيال الصغير. للاسف ده مش خلق بس في المعاملات التجارية، ده ممكن خلق في المعاملات مع الناس؛ أنا همدح واحد لجماعتي أو حزبي هستفيض، هطلع المكيال أن أنا اللي بعذر والتمس له أعذار وأجيب له الخيرات بتاعته، أقلل من ذكر السيئات بل لا أذكرها أصلا. أنتقد واحد مش معايا، أمحفجر كل الحاجات الكويسة اللي عملها وأذكر المساوئ وأجيب عدسات مكبره تبين المساوئ بتاعته. أصبح فيه مكيالين، لذلك الإسلام بيهتم وهنا في السورة دي في بداية إنشاء الدولة أن لازم يبقى فيه قواعد ومعايير ثابته للتقييم. لما ربنا هنا سبحانه وتعالى قال ويل للمطففين وقال المشكلة في التطفيف في المكيال، والمكيال دي أداة التقييم، أداة المعيار، لذلك ربنا سبحانه وتعالى بيقول في سورة الحديد: ﴿لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمُ الْكِتَابَ وَالْمِيزَانَ﴾ [الحديد: 25]، لازم أهل الدين يبقى عندهم ميزان ثابت لا يتغيّر للتقييم في الأمور الدينية وفي الأمور الدنيوية، لازم يبقى عندهم قواعد للتقييم.
الناس ما يبقاش في بخس للحقوق، أن أنا أقيم الشخص ده أهل ولا مش أهل، فيبقى عندي أمانة، لذلك ﴿إِذَا ضُيِّعَتِ الْأَمَانَةُ فَانْتَظِرِ السَّاعَةَ﴾؛ إيه تضييع الأمانة؟ أن يسود الأمر إلى غير أهله، أن ما يبقاش عندنا في الدول الإسلامية معايير للتقييم الموضوعي، آه أن ده قريب فلان يبقى كويس لا. لازم الإسلام، طالما هنا الكلام متكلم على المكيال، ﴿الَّذِينَ إِذَا اكْتَالُوا﴾ في الآية اللي بعدها ﴿وَإِذَا كَالُوهُمْ﴾، تكرار المعيار، وربنا قال: ﴿لَقَدْ أَرْسَلْنَا رُسُلَنَا بِالْبَيِّنَاتِ وَأَنْزَلْنَا مَعَهُمُ الْكِتَابَ وَالْمِيزَانَ﴾ [الحديد: 25]، ذكر الميزان بصحبة الكتاب أن لازم أهل الدين هم اللي يضعوا هذه المعايير، والا للاسف أحيانا الناس عايزين ياخدوا حقوقهم الدنيوية فلا يجدون هذه الحقوق عند أهل الدين فيلجؤون إلى غيرهم، فيحسوا أن الدين مش مش بيحل لهم مشاكلهم الدنيوية، ما يحسوش أن الدين ينتصر للمظلومين من أهل الظلم فيبداوا يعتقدوا.
إن الدين ما عندهش الحلول دي، لكن لابد أن الدين وأهل العاملين لدين الله عز وجل يضعوا المعايير والقواعد الثابتة التي يقيم بها الإنسان وتبقى معايير ثابتة وواضحة في موازين لا تتغير ولا تتبدل، ما يبقاش فيه لعب في المكيال. ما يبقاش زي الكيلو مكيالين؛ يا معايا يا علي، معايا اطلع له المكيال الحلو، وعلى اطلع له المكيال الأقل. ﴿الَّذِينَ إِذَا اكْتَالُوا عَلَى النَّاسِ يَسْتَوْفُونَ﴾ [المطففين: 2]، الطبيعي أن إذا اكتالوا من الناس، مش على الناس؛ ربنا هنا جاب حرف الجر على الذي يفيد الاستعلاء، كأنه لما بيجي ياخد حاجة من الناس، إذا مش إذا اكتالوا من الناس، على الناس، شايف نفسه طبقة فوق الناس، على الناس أقل منه، لما بيجي ياخد حقه عايز ياخد حقه كامل، بل بالعكس كلمة على تفيد في نوع من القهر والظلم يعني حتى لو هياخد حقه وافياً مش هياخد فوق حقه، لا، في زيادة معنوية، في ظلم، في قهر معنوي، وقد يتعدى ذلك أنه ياخد حق مش بتاعه.
يستوفون؛ يعني يأخذ حقه وافياً. طيب، طالما بيحب ياخد الحقوق وافية كده، هل لما بيجي يدي للناس الحقوق بيديها وافية؟ لا بالعكس، ﴿وَإِذَا كالوهُم أَوْ وَزَنُوهُمْ يُخْسِرُونَ﴾ [المطففين: 3]، لما بيجي يدي للناس حقوقهم ينقص من هذه الحقوق. هنا في لطيفة جميلة قوي، ربنا ما قالش: وإذا كانالوا لهم أو وازنوا لهم، قال: وإذا كالوهم أوز، كلمة حرف الجر اللام دي لام الملكية، وإذا كالوا لهم عايز يدي له حقه كأنه مش قادر يعترف أن له حق، شال في إسقاط لحرف الجر اللام ده، وده يجوز لغة، ربنا بيقول: وإذا كالوه، ما قالش كالوا له، كأنه مش قادر يعترف أن له حق. شوف كده لما بيجي واحد مثلاً أنت بتشتري عربية أو بتبيع عربيتك، تيجي وأنت بتبيع عربيتك عايز مستخسرها فيه وبتفضل كل حاجة منها كأنك ما يستحقهاش وعايزه يدفع زيادة، لكن لما تيجي تبيعها العكس تماماً.
أنت أول لما تيجي بقى تشتري عربية عايزه يسيب كل حاجة فيها وتقول له أنا من حقّي. تجد أن في معايير مختلفة، رحم الله عز وجل امراً سمحاً إذا باع سمحاً إذا اشترى، لا يحب أن يؤتى إليك الذي تؤتيه للناس. لكن للاسف أن ده بقى فيه مشكلة أنه بيعامل نفسه بمعاملة ويعامل الناس بمعاملة، يرى أحدكم القذاة في عين أخيه ولا يرى الجذع في عين نفسه، أو جزلاً في عين نفسه. يشوف لو واحد يعني لابس جلابية بيضا وفيها نقطة سودا تلاقيه شايفها ويكبرها وينشرها للناس، وهو فيه ممكن جزع شجرة من العيوب ولا يراه. ﴿الَّذِينَ إِذَا اكْتَالُوا عَلَى النَّاسِ يَسْتَوْفُونَ * وَإِذَا كَالُوهُمْ أَوْ وَزَنُوهُمْ يُخْسِرُونَ﴾ [المطففين: 2-3].
طيب، حل ده إيه اللي بيعامل الناس بمعايير مختلفة ويعامل نفسه بمعيار ويوزن لنفسه ويوزن للناس بمكيالين؟ حلها إيه؟ ﴿أَلَا يَظُنُّ أُولَئِكَ أَنَّهُم مَّبْعُوثُونَ﴾ [المطففين: 4]. مجرد الظن كان كافي أنه يرضى عن ده، الظن بس أنه يظن أنه هيبعث ليوم القيامة، وأن بعد الموت الحساب بقى، كله هيتحاسب، حتى الحيوانات؛ الله عز وجل يأخذ الحق للشاة القرناء من الشاة الجلحاء ثم يقول لهن: كوني تراباً. اللي يظن أن في يوم كده عمره ما يعتدي على حقوق الآخرين. لذلك ربنا سبحانه وتعالى بيقول، وهيجينا إن شاء الله: ﴿أَرَأَيْتَ الَّذِي يُكَذِّبُ بِالدِّينِ﴾ [المعاون: 1]، مين اللي بيكذب بالدين؟ هل اللي بيسجد لصنم؟ لا، تفاجأ مين اللي بيكذب بالدين؟ اللي بيعتدي على حقوق اليتامى، ﴿فَذَلِكَ الَّذِي يَدُعُّ الْيَتِيمَ﴾ [الماعون: 2]. يدع، ده بيقول لك الدع ده لفظ دفع البهائم أعزكم الله، بيتعامل مع الناس أن هو طبقة فوقهم، وخاصة بيجي عند اللي ما حدش يعرف ياخد له حقه، يجي لليتيم. فاللي يتعامل كده مع الناس ولا يلتفت إلى حقوقهم، هو بيعمل كده زي هو مش معتقد أن في يوم قيامة، يوم لا دينار فيه ولا درهم إنما الحسنات والسيئات.
طيب، هيعمل إيه؟ ﴿أَلَا يَظُنُّ أُولَئِكَ﴾ أولئك ده البعد، هؤلاء المبعدون عن رحمة الله عز وجل. ﴿أَلَا يَظُنُّ أُولَئِكَ أَنَّهُم مَّبْعُوثُونَ * لِيَوْمٍ عَظِيمٍ﴾ [المطففين: 4-5]. لما كان التطفيف بالنسبة له حاجة سهلة وكان شيء طفيف، هو كان بيتعامل أن هي هتعدي، عدّته وما خدش باله، ما خدش باله، لكن الملك كتبها وربنا سبحانه وتعالى يعلمها، لذلك لما ربنا قال: ليوم عظيم، يوم يقوم الناس، ما قالش يقوم الناس للحساب من بعضهم البعض، يوم يقوم الناس لرب العالمين، ربنا اللي هياخد له حقه، زي ما في الحديث القدسي ربنا سبحانه وتعالى بيقول: «ثلاثة أنا خصمهم» مش اللي قصاده خصمه، «أنا خصمهم؛ رجل أعطى بي ثم غدر، ورجل باع حراً فأكل ثمنه، ورجل استأجر أجيراً فاستوفى منه ولم يعطه أجره». الشاهد أن مش ربنا هيجيب ده المظلوم قصاد الظالم، لا، ربنا بيقول: أنا خصمهم، زي العبد اللي بياكل الربا كده كأنه يحارب الله عز وجل ويبارز الله عز وجل بالمعاصي. فهنا ليوم عظيم، اللي كان فاكرها سهلة يفاجأ: معقول هقف مثلاً مئتي سنة عشان شوية التطفيف دول؟ معقول هيتاخد مني مليون حسنة عشان شوية التطفيف دول؟ يفاجأ بمعايير مختلفة تماماً تماماً، يوم عظيم تعظم فيه الحقوق، ويحبس على القنطرة مش هتخش الجنة إلا ما ترد كل حباية أخذتها زيادة بدون علم من أخيك ما لم يسمح بذلك.
﴿يَوْمَ يَقُومُ النَّاسُ لِرَبِّ الْعَالَمِينَ﴾ [المطففين: 6]. كلمة هنا يقوم زي المسألة على كده، حكمت المحكمة فالناس تقف، أو محكمة الناس تقف فكله يقف بقى للميزان الحق، مش ميزان اللي كان فيه لعب في الدنيا، الميزان اللي كانوا بيظبطوا مكيال يغير فيه أو موازين يلعب فيها لا، يوم يقوم الناس لرب العالمين. لو الناس هنا المقصود بهم المطففين أي أن الله عز وجل يوقف هؤلاء المطففين عشان ربنا سبحانه وتعالى يأخذ حقوق الضعفاء له، زي ما قلنا كده: ثلاثة أنا خصمهم. أو يوم يقوم الناس، لما ربنا هنا كلمة الناس لو المقصود بها العموم كان هذا الخلق نادراً ما ينجو منه أحد، فكلمه الناس كان غالب الناس هتقف عشان تتحاسب على موضوع التطفيف سواء في المعنويات أو في الماديات، كان هذه من الأخلاق التي يعني نادراً، اللهم ربنا ينجنا منها يا رب، نادراً ما ينجو منه أحد. يوم يقوم الناس، يفضلوا واقفين ما حدش يتحرك، ما حدش هيدخل الجنة ولا حد هيصرف من على يوم الحساب، لن تزول قدم عبد حتى يسأل، مش هيزول، مش هيتحرك ويفضل واقف حتى يسأل عن كل حاجة أخذها بدون ما يشعر الآخرين.
يبق التساهل في التطفيف ده كان خلق موجود في مجتمع المدينة، مش معنى أن ده خلق، احنا قلنا جاب صيغة الاسم يعني كانوا متمرسين على اللي كانوا أساتذة فيه وجاب صيغة الجمع كان منتشر، كل دي مش أعذار للتاجر اللي يروح المدينة يقول: أحمل إيه ما السوق كله كده، الموازين اللي إذا كان الراجل اللي بنشترى من عنده الموازين هو مظبط على كده أنا مليش دعوة فأضطريت أبقى زيهم. لا، جت الصورة تواجه هذا الخلق المنتشر، تواجه هذا المنكر العام، مش معنى أن فيه منكر عام أن احنا نقول خلاص احنا هنعمل إيه بقى؟ هي الناس كلها بتزور فأن أضطر أزور، لا، لابد تجاهد إلا إذا اضطررت، لكن تبذل وسعك وتنصح وتجاهد، وطبعاً خير ديننا الورع قدر المستطاع إلا إذا يعني خلاص كالضرورة وتكون بفتوى، مش حكم، تكون بفتوى تستفتي فيها.
إذاً، بالرغم أن التساهل في التطفيف كان موجود ومنتشر هذا لم يكن عذر أن الناس تمارس هذه الأخطاء ولكن لابد من تغيير المجتمع. طيب، دي المقدمة، ست آيات بدات بعتاب شديد، ويل للمطففين، وقلنا جت زي ما قلنا بصيغة الاسم والجمع، الذين إذا اكتالوا على الناس، مراجعة سريعة كده أنه بيستعلي على الناس، حاسس أنه طبقة فوق الناس، يستوفون وياخد حقوقه كاملاً، وإذا كالوهم أو وزنوهم يخسرون. لذلك بعض المفسرين قال هنا لطيفة جميلة قوي بيقول إيه؟ بيقول: أنت الأفضل ليك أنك تكي بمكيالين، بس عكس ده، إزاي يعني؟ لما تيجي تدي الناس حقوقهم تستعمل المكيال الأوفى، تدي له يا سيدي بالزيادة، سيبه ياخد بزيادة، ولما تيجي تاخد حقك يا سيدي مش مشكلة. وعباد الرحمن الذين يمشون على الأرض، هنا وإذا خاطبهم الجاهلون قالوا سلاماً، يتنازل عن حقه. إنما لما تيجي تدي حقوق الناس يديهم حقوقهم وفية بل ويزيدهم، دي أعلى معاملة. المعاملة اللي أقل من كده معاملة العدل، أن هو مكيال واحد هتدي للناس خلاص تدي له حقه كامل، هتاخد حقك تاخد حقك كامل. المعاملة أقل من كده أنك لما تيجي تاخد حقك دي الدرجة الثالثة أقل، لما تيجي تاخد حقك تاخده كامل إنما لما تيجي تدي له حقه تنقص منه ودي اللي ذكرت في الصورة. المعاملة الأدنى معاملة أنك بتاخد حقك بزيادة وبتدي له حقه ناقص، فدي أربع درجات. الأفضل طبعا أنك أنت بتتعامل بالعدل ولا بالفضل، قصدي ولا تنسوا الفضل بينكم، تعامل بالفضل، لكن لو نزلنا ننزل لمرتبة العدل، ما ننزلش لمرتبه الظلم، يبقى لو حصل مشكلة ونزلنا من الفضل ننزل العدل ما ننزلش تحت الظلم.
طيب، يوم يقوم الناس لرب العالمين. هنا ربنا سبحانه وتعالى بيقول: ﴿كَلَّا إِنَّ كِتَابَ الْفُجَّارِ لَفِي سِجِّينٍ * وَمَا أَدْرَاكَ مَا سِجِّينٌ * كِتَابٌ مَّرْقُومٌ * وَيْلٌ يَوْمَئِذٍ لِّلْمُكَذِّبِينَ﴾ [المطففين: 7-10]. كلا، هؤلاء لا يعلمون حقيقة ما سيحدث أو لا يعلمون حقيقة ما يفعلون، لذلك سيدنا شعيب لما كان بيقول للقوم بخس ميزان، بقية الله خير لكم، الشويه اللي أنت هتبسيبهم عشان ربنا ده أفضل ما أنت تاخدهم، أنت عندك معايير خاطئة أنت بتقيس دايماً بالدنيا. فربنا يقول: كلا، ده اللي بيعملوه ده هيخلي أعمالهم تكتب في كتاب الفجار.
طيب، ده احنا قلنا التطفيف ده حاجة طفيفة، هل الفجار هم هم المطففين ولا ده صنف تاني تكلمت عنه الصورة بصفة أن هما رايحين مجتمع المدينة أو كان موجود في مكة، والأصناف بتفضل برده موجودة في مكة وموجودة في المدينة؟ بمعنى هل دي مجموعة من أصناف الناس زي ما ربنا قال في أول سورة البقرة أن في مؤمنين وفي كافرين وفي منافقين بحيث أن التقسيمة اتغيرت عن اللي موجودة في مكة وهم رايحين المدينة؟ بعض العلماء قال: الفجار هم هم المطففين، لكن من كتر ما قعد يطفف وتتعامل بحاجات بسيطة أصبح بعد كده فاجر، أصبح والعياذ بالله بعد كده تاجر من الفجار من الذي لا يرقب مؤمن ولا ذل. ما عادش بقى يطفف في الميزان عاد بيسرق أموال الناس وينهب ويمارس كل الرذائل الاقتصادية الموجودة والعياذ بالله، بيفجر في السوق بل تعدى ده أنه يفجر في الشهوات، فممكن الحاجة تبقى طفيفة في المعاملة وبعد كده يفجر في معاملة الناس.
لذلك هنجد سورة الانفطار قبل سورة المطففين بتتناول: ﴿يَا أَيُّهَا الْإِنسَانُ مَا غَرَّكَ بِرَبِّكَ الْكَريْمِ﴾ [الانفطار: 6]، كنا شرحنا دي حتى قبل كده في خطبة الجمعة، يا أيه الانسان ما غرك بربك الكريم، اكلمنا أن ده الشخص اللي بيتعامل بلا مبالاة في حقوق الله، اللي بينام وعادي وما يظبطش المنبه أنه عادي الصلاة راحت، بيتعامل بلامبالاة في حقوق الناس هنا. اللي بيتعامل بلامبالاة في حقوق الناس بيبدأ يطفف: مشكلة إيه يعني لما أكل منه خمسين جرام؟ إيه يعني لما يبقى مئة جرام؟ إيه يعني ما رجعتلوش الباقي؟ إيه يعني ضحكت عليه وديته حاجة باظة؟ إيه يعني؟ إيه يعني؟ لغاية لما يفجر، ولا يزال الرجل يكذب ويتحرى الكذب لغاية لما تبقى خلق ثابت له حتى يكتب عند الله كذاباً والعياذ بالله، لدرجة أن اللي يكتب عند الله كذاباً يجي يقول الصدق ما يعرفش يعني الموضوع مش مستاهل يكذب، ما حدش قال له حاجة تعود أن يكذب. يعني ممكن حاجة يسرقها هو مش محتاجها لكن أصبح خلق فيه، حاجة بيطفف فيها هو مش محتاج بالعكس ده ممكن ياخدها يصرفها في أي حاجة لكن أصبح خلق فيه والعياذ بالله، ودي دي خطورة اللي هنقول عليها عند كلمة الران.
يبق قلنا الفجار إما هم المطففين لكن فجروا، يعني ده وصف تاني وصف أعلى وأن دول التجار فجروا أو صنف تاني من الناس ودول صنف الشهوات. ودایماً في غالب استعمال القرآن الفجار دول اللي بيفجروا في الشهوات، زي ما ربنا قال: ﴿لَا أُقْسِمُ بِيَوْمِ الْقِيَامَةِ * وَلَا أُقْسِمُ بِالنَّفْسِ اللَّوَّامَةِ * أَيَحْسَبُ الْإِنسَانُ أَلَّن نَّجْمَعَ عِظَامَهُ * بَلَى قَادِرِينَ عَلَى أَن نُّسَوِّيَ بَنَانَهُ * بَلْ يُرِيدُ الْإِنسَانُ لِيَفْجُرَ أَمَامَهُ﴾ [القيامة: 1-5]، عايز يبقى زي الماصورة اللي اتفجرت كده في المعاصي زي ما الحسن البصري يروى عنه يركب راسه مش عايز يسمع كلمة حرام. فالفجار دول اللي فجروا في الشهوات.
لو قلنا أن الصنف الأول أهل الاقتصاد الفاسد والصنف الثاني أهل الشهوات، دول أكثر صنفين موجودين في الدول الفاسدة، لما تيجي تبني دولة إسلامية هيعادوا بناء الدولة الإسلامية؛ اللي مسيطرين على الاقتصاد وأهل الشهوات، وربنا بدأ بأهل الاقتصاد اللي مسيطرين على السوق الفاسد وعاملين مكاييل وموازين فاسدة تظبط لهم حياتهم، زي ما اليهود دلوقتي بيسيطروا على الاقتصاد العالمي وحاطين قواعد تناسبهم، زي صنم اللي من عجوة لما تيجي عليهم يغيرها بحاجة تانية، لما تيجي للمسلمين يغير في النظام، نجد أن دول أهل الاقتصاد الفاسد أخطر من أهل الشهوات وهيحاربوا المسلمين أشد من أهل الشهوات، لكن الصنفين هيحاربوا بناء دولة إسلامية، في إقامة الدولة الإسلامية أنت هيقابلك صنفين من الناس هيرفضوا بناء الدولة الإسلامية؛ اللي مسيطرين على الاقتصاد لأن عارفين أن الدين بيمنع ده، وأهل الشهوات اللي عايزين حرية مطلقة בלי قيود.
القواعد الإسلامية بتحط قواعد ثابتة ما فيش فيها مكالين، فهو الاقتصاد بتاعه القائم على الغش، والقائم على التطفيف، والقائم على كيب مي كين هيتأثر. فالبناء الاقتصادي اللي عامله هيتأثر فيخاف، وخوفه على الفلوس وجد لأنهم أحرص الناس على حياة، ومن الذين أشركوا أحرص على الحياة من المشركين. على قوله في الآية الصنف الثاني أهل الشهوات، دول أكثر ناس هيمانعوا من إقامة الدولة الإسلامية، ودول أكثر صنفين هيواجههم أي مسلمين عايزين يقيموا دولة إسلامية صفية وحكم إسلامي، هيقابلهم الصنفين دول. وأهل الاقتصاد دول هم اللي بيصرفوا على أهل الشهوات وهم اللي بيصرفوا على الحرب، دول أخطر ناس بيواجهوا بناء دولة إسلامية.
وزي ما قلنا إن التحليل زي ما بعض المؤرخين وكتاب السير إن غالب صراع قريش مع النبي صلى الله عليه وسلم كان صراع اقتصادي، طبعا مع لأن قالوا لو كانت لقلناه، هما عارفين تبعات ده على أموالهم وعلى اهوائهم. أهل الاقتصاد وأهل الشهوات عارفين تبعات كلمة لا إله إلا الله على أموالهم، وعارفين أن كثيرا من الأحبار والرهبان ليأكلون أموال الناس حتى اليهود. وعارفين تبعات كلمة لا إله إلا الله على اهوائهم، على انتشار الشهوات في المجتمع. هما عارفين يعني إيه دخول تطبيق الشريعة على أثر الاثنين دول.
الصنف الثاني، لو قلنا إن ده صنف تاني، سواء استكمال للمطففين أو صنف تاني، ربنا بيقول: حاصل أعمالهم كتاب الفجار لفي سجين. أعمال هؤلاء الفجار مكتوبة في الكتاب، بمعنى اللي هيعمل هذه الأعمال هيوسم بهذا الوسم اللي هو الفجار. يعني كان مثلا في كتاب أن اللي هيعمل كذا وكذا وكذا هيكون فاجر، واللي هيعمل كذا وكذا وكذا هيكون فاسق. فكتاب الفجار في أعمال اللي هيتصف بهذه الأعمال هيستحق إنه يدخل في سجين والعياذ بالله. وسجين صيغة مبالغة من السجن والضيق والسفال، من السجن والضيق والسفال، أن هما يبقى كتاب الفجار أما أن الكتاب نفسه فيه سجين حقيقة أو مجازا، أن في كتاب اللي هيعمل الاعمال دي يستحق أن يدخل في سجين.
يبقى هو كان بيطفف وكان بيغش في الاقتصاد، وكان بيفجر في الشهوات عشان يعتقد أنه هيعيش في سعة من اهوائه وأمواله، فيفاجأ أن عكس الكلام ده حصل، ويعاقب بنقيض قصده وأنه يدخل في سجين. كلا إن كتاب الفجار، وأكد كلا إن ظنونهم خاطئة تفكيرهم غلط، أن كتاب الفجار لفي سجين. وما أدراك ما سجين، مهما توصف لنا عقولنا لن تدرك ضيق وسفال ورعب المكان بتاع سجين ده. ما فيش حاجة تستحق أنك تاخد أموال الناس، ما فيش حاجة تستحق من الأهواء والشهوات أنك توصل نفسك لهذه المرحلة. وما أدراك ما سجين، كتاب مرقوم.
قيل كتاب مرقوم يعني مختوم عليه رقم اللي هو علامة أن الكتاب اتقفل وعليه علامة لا يزاد فيه ولا ينقص، أهل الفجور مكتوبين لا يزادون ولا ينقصون، كتاب ما فيهوش تطفيف زي عكس المطففين. أو قيل كتاب مرقوم عليه أرغام وعلامات كل واحد له علامة بمعنى أما أن كتاب الفجار ده كتاب عام لكل الفجار، هو كتاب واحد عليه أعمال معينة فده اسمه كتاب عام، اللي هيتصف بهذه الأعمال ويستحق هذا الرقم أو هذا الشكل الخبيث يدخل المكان ده. أو كتاب خاص لكل فرد أن كل واحد من الفجار له كتاب من الفجار ده وله رقم معين خاص به، فيبقى الرقم ده والعلامة دي خاصة بفلان الفلاني. زي بالضبط المسالة مع الفريق يعني زي الدرجات، اللي وصل لمرحله كذا من الفجور له الرقم ده، واللي وصل لمرحله كذا من الفجور له الرقم ده، زي ما بالضبط في الدنيا يبتلى المرء على قدر دينه، كل واحد له مستوى إيماني دقيق جدا جدا درجة من الإيمان البلاء بيجي على قدر هذه الدرجة. كذلك الكتاب بتاعه والرقم بتاعه له درجة من الفجور، اللي هيوصل المرحلة دي من الفجور هيستحق الشكل ده، الرقم ده هيدخل المكان ده، دقة متناهية عكس التطفيف بقا دقة متناهية الحساب.
وعكسها برضو كتاب الأبرار فعيين برضو كتاب مرقوم، اللي هيعمل كذا وكذا وكذا من القيام والأعمال والدعوة والأمر بالمعروف والنهي عن المنكر والجهاد يستحق هذا الرقم وهذه المكانة فعيين يدخل المكان ده درجات ودركات. ربنا يرزقنا الفردوس الأعلى.
كلا إن كتاب الفجار لفي سجين، وما أدراك ما سجين، كتاب مرقوم، ويل يومئذ للمكذبين. يبقى كان مجرد تطفيف بقا فاجر بقا مكذب، هي دي درجات ودركات المعصية مالهاش نهاية. أو أن أهل الشهوات لو قلنا الفجار بقا، احنا قلنا الفجار حاجة من اثنين يا استكمال للمطففين يا صنف تاني من أهل الشهوات، أو أن أهل الشهوات دايما عندهم إشكالية زي ما برضو أهل المطففين في واكل أموال الناس بالباطل عندهم إشكالية مع ألا يظن أولئك أنهم مبعوثون، خايف من يوم القيامة عشان هيرد الأموال اللي كالها بالباطل كحسنات وسيئات. أهل الشهوات برضو خايف، خايف من البعث، فالحل بالنسبة ما فيش بعث، زي بالضبط اللي ما بيذاكرش يقول لك ما فيش امتحان، هروب نفسي حيلة نفسية للهروب.
ويل يومئذ للمكذبين، الذين يكذبون بيوم الدين. قلنا برضو الكلمة دي اتكررت في سورة الانفطار، اللي بيتعمل بلام مبالاة في حقوق الله برضو هنا يوم الدين اللام مبالاة في حقوق البشر أو في حقوق الله، كل حاجة دين هتدين وهتخضع وهتخضع لكل عمل عملته. الذين يكذبون بيوم الدين، لذلك ربنا قال: وما يكذب به، أكثر واحد ينكر يوم الدين هو مين؟ وما يكذب به إلا كل معتد أثيم. اللي فيه صفتين، والثالثة قالوا: إذا تتلى عليه آياتنا معتد، أي معتد على حقوق الخلق، أثيم يعني بيفعل الآثام في حق الله سبحانه وتعالى. وبدأت بمعتد لأن الصورة هنا في سياق إعطاء البشر لحقوقها بعد سورة الانفطار اتكلمت عن حقوق الله.
نجد هنا أن معتد أنه كثير التعدي على حقوق الناس وبياكل أموال الناس بالباطل. أثيم جت صيغة فعيل، ما قالش أثيم، صيغة فعيل دي أثيم بتفيد إيه؟ كان الإثم أصبح صفة شخصية له، دايما صيغة فعيل بتيجي للصفات الملازمة زي طويل أو قصير، لذلك لما واحد يبلغ من الفقه درجة ويكون إنسان يعني قرأ في الفقه وتمرس على الفقه، لما يحبوا يصفوه بوصف يقولوا عليه فقيه، ليه؟ كان الفقه أصبح سجية له أصبح وصف ملازم له، كل طريقة تفكيره أصبح فيها نوع من الفقه فنقول فقه أصبح فقيها، فكذلك ده والعياذ بالله أصبح أثيما، كل أفعاله الإثم بقا جزء من شخصيته جزء من سريان الدم في عرقه فيها معاصي والعياذ بالله. وما يكذب به إلا كل معتد أثيم.
بالرغم من هو فاجر مكذب معتد أثيم، الأبرار ما سابوهوش وراحوا له لغاية عنده وقرأوا عليه القرآن. إذا تتلى عليه آياتنا يقول إيه؟ قال أساطير الأولين. هو لما كذب بيوم الدين، فأهل الأبرار قالوا له طب أنت بتكذب بيوم الدين طب ما تقول في كتاب الله، ازاي تكذب بيوم الدين والكلام ده معجز، وطالما الكلام ده معجز يدل أن في إله أنزله وتكلم به، وطالما في إله نزل كتاب والكتاب ده معجز من عند الله، الكتاب ده فيه أوامر ونواهي يبقى هتتحاسب على الكلام ده، يبقى بما أن الكلام ده معجز يبقى أنت هتتحاسب عليه يبقى في يوم قيامة. فهو عايز يخلص من المنظومة دي، فرقم واحد كذب بيوم الدين، فلما كذب بيوم الدين قلنا له طب والقران هتعمل في إيه؟ قال ده مش قران ده أساطير الأولين.
سلسلة التكذيب كلها هروب من أن هو تكلمه وتحاصره بالأوامر والنواهي، لذلك الهروب ده مش هيهرب من السجن بتاع يوم القيامة، لفي سجين وما يكذب به إلا كل معتد أثيم. إذا تتلى عليه آياتنا، هي آية واضحة، مجرد أنك تقرا عليه القرآن قال أساطير الأولين، ده كلام خرافات وأساطير وكلام مالوش أي قيمة، هو عايز يهرب من إعجاز القرآن لأنه عارف أن ده كلام من عند الله سبحانه وتعالى. فربنا بيقول كلا، أي ليس هذا الكلام بأساطير أولين، هذا الكلام ليس بأساطير الأولين ولكنه كلام الله عز وجل. القضية المشكلة مش في القرآن، المشكلة في قلبه، فربنا بيقول كلا هذا الكلام معجز هذا الكلام آيات بينات، لكن المشكلة أن أصبح على قلبه ران، القرآن خلاص ما عادش بيوصل لقلبه، هو بنى حيط سد جدار حديدي على قلبه.
كلا بل ران على قلوبهم ما كانوا يكسبون. كان لما واحد يشرب الخمر لغاية لما الخمر دواخي يقولوا ران الخمر على عقلي، خلاص بقا أصبح زي المجنون ما بيعقلش حاجة مش فاهم إيه اللي يضره اللي ينفعه. لما واحد يغلب عليه النعاس وما عادش يعرف يدافع عن نفسه أو يتحرك يقول له ران عليه النعاس، فكلمة الران فيها معنى أن بقا شيء غلب عليه فأصبح خارج السيطرة، فأصبح اصبحت الشهوات والعياذ بالله غطت على عقله لا يعلم ما الذي يضره وما الذي ينفعه. وصل لمرحلة والعياذ بالله من الآثام لدرجة أن اللي ينفعه ويضره بقا بيسمع القرآن عايز يسمع أغاني ومش عايز يسمع قران، مش قادر يستوعب ما في القرآن من معاني تدك الجبال.
يبقى إذا لما تجد القرآن ما عادش يأثر فيك اتهم قلبك، ابحث عن المعاصي اللي زادت في القلب، يبقى على قدر ازدياد المعاصي على القلب، القلب على قدر بعد الإنسان عن فهم كتاب الله سبحانه وتعالى. لذلك النبي صلى الله عليه وسلم يقول: «إذا أذنب العبد نكت في قلبه نكتة سوداء، وإذا تاب واستغفر اصبحت نكتة بيضاء، طب لو استمر في المعاصي حتى يصيبه الران على قلبه، وذلك الذي سماه الله عز وجل في كتابه». يبقى بيبدا بنكتة سوداء ونكتة جنبها ونكتة جنبها لغاية لما تبقى نقط كتير سودا لغاية لما تكون طبقة، تيجي القران ما يوصلش، عمال تقرا عليه القرآن قلبه هنا بقا في طبقة حديدية من الذنوب.
كلا بل ران على قلوبهم ما كانوا يكسبون. اللي معتقد أنه كان يكسبه من التطفيف، اللي كان معتقد أنه يكسبه من الشهوات ما طلعش مكسب، ده طلع مصيبة، ده طلع كل ذنب كان فرحان به طلع طبقة زيادة على قلبه، كل تطفيف عمله وفلوس كسبها ومعتقد أنه فرحان به طلع الطبع على قلبه، عمال يكسب في الفلوس وقلبه عمال يزداد عليه الران، عمال يزداد في الشهوات وقلبه يزداد عليه ران لغاية لما يوصل لدرجة أنه منعتا من فهم كلام الله. ثم الاشد من ذلك، كلا إنهم عن ربهم يومئذ لمحجوبون.
الران زي ما غطى على قلبه ومنعه من سماع كلام الله، يغطي على عينه ويمنعه من رؤية وجه الله سبحانه وتعالى يوم القيامة، يبقى هو زي ما كان ابتعد عن السماع ابتعد عن الرؤية، على قدر أنت ابتعدت عن السماع كلام الله سبحانه وتعالى ابتعد عن رؤية وجه الله سبحانه وتعالى. وده أشد زي ابن القيم بيقول: وأشد من عذاب أهل النار الأليم عدم رؤية وجه الله الكليم الكريم سبحانه وتعالى، لذلك ربنا هنا بدا العقوبة الحجب عن رؤية وجه الله قبل ثم إنهم لصالوا الجحيم، فعدم رؤية وجه الله أشد إيلاما وأشد عذابا من عدم العذاب النار والعياذ بالله. نسأل الله عز وجل أن يرزقنا لذة النظر إلى وجهه الكريم.
كلا بل ران على قلوبهم ما كانوا يكسبون، يبقى هو كان بيكسب في جيبه لكن المشكلة كانت في قلبه. كلا بل ران على قلوبهم ما كانوا يكسبون، كلا إنهم عن ربهم يعني الواحد نفسه يشوف ربه اللي أدى له نعم واللي خلقه يحرم من هذه النعمة. كلا إنهم عن ربهم يومئذ لمحجوبون، ثم بعد كل هذا لصالوا يشوى ويقاسي ويعاني وده معنى الصلي، ثم إنهم لصالوا الجحيم. وبعد كده التبكيت بقا التفصيلي، ثم يقال هذا، هذا اسم إشارة القريب بعد ما يقرب قوي من من العذاب يتقال له بقا هذا ما كنتم به تكذبون، هذه المطرقة في جهنم التي كنت تكذب بها، هذا الثعبان الذي كنت تكذب في جهنم، هذا السجن في جهنم الذي كنت تكذب به، هذه الحقوق التي سوف تردها هذا الذي كنت تكذب به. عذاب التبكيت شدة وإيلام أيضا في العذاب النفسي، نسأل الله عز وجل أن ينجنا من هذا. نكتفي بهذا القدر والمرة القادمة إن شاء الله نكمل النص الثاني من سورة المطففين، سبحانك الله وبحمدك أشهد أن لا إله إلا أنت أستغفرك وأتوب إليك وجزاكم الله خيرا.