د. أحمد عبد المنعمبسم الله الرحمن الرحيم. السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. أهلاً وسهلاً بكم مرة أخرى في مجالس القرآن، التي أسال الله سبحانه وتعالى أن يبارك لنا فيها، وأن يتقبلها منا، وأن يفتح سبحانه وتعالى علينا في هذه المجالس.
أحبتي في الله، أعتذر عن التأخر في مجالس القرآن، بإذن الله سبحانه وتعالى نعود إليكم هذه المرة مع سورة عظيمة. حقيقةً، بعد رمضان أو أثناء رمضان، أسال الله سبحانه وتعالى أن يعيده علينا، كنت متردداً أي سورة نبدأ بها مرة أخرى بعد توقف مجالس القرآن بعد أن وفقنا الله سبحانه وتعالى وانتهينا من سورة الناس، لمن يتابع معنا سورة الكهف بفضل الله سبحانه وتعالى. بعد الانتهاء من سورة الكهف أنا توقفت فترة، وظللت أفكر أي سورة ممكن الإنسان يستفتح فيها ويعايش القرآن معها ويقرأ في التفاسير، لأن أنا أصلاً باستغل حقيقةً موضوع مجالس القرآن، أنا هشجع نفسي وأقرأ في التفاسير، لأن لولا الله سبحانه وتعالى ثم هذه المجالس، الإنسان ممكن يكسل، ما يبقاش عنده العزيمة إنه يقرأ في التفاسير، وخصوصاً أن في تفاسير كثيرة في سورة واحدة.
وردت أفكر من الله سبحانه وتعالى علينا بكثير من جزء عم، بسور من القرآن المكي: الأنعام، فاطر، سبأ، يس بفضل الله، كثير من السور المكية، سورة الأعراف. وفقنا الله سبحانه وتعالى معايشة هذه السور، ولا سيما في آخر السنوات الأخيرة كانت سورة يوسف وسورة الرعد على خلاف مشهور فيها، وسورة العنكبوت، ثم كانت سورة الكهف، فكانت آخر سور مَنَّ الله سبحانه وتعالى علينا بها سورة مكية.
فقلت: إذاً نحتاج إلى معايشة السور المدنية، وخصوصاً الإنسان قد تأتيه المنية في أي لحظة، الإنسان لا يعلم متى سيموت، وكما نرى -أسأل الله سبحانه وتعالى أن يصرف عنا الوباء وأن يحفظنا جميعاً وأن يحفظكم- الوباء يتخطف الأناس الطيبين. أسال الله سبحانه وتعالى أن يرزقني وإياكم الخاتمة، فقلت: إذاً أحتاج إلى سورة مدنية طويلة، وحتى لا أطيل وقع الاختيار على سورة عظيمة، أتمنى من الله سبحانه وتعالى أن يتم علينا هذه السورة حتى لو طالت المجالس قبل أن يتوفانا الله تعالى، وهي سورة البقرة.
سورة عظيمة، كنت متردداً بين البقرة وآل عمران، وخصوصاً أن سورة آل عمران أنا لي معها تاريخ طويل، ويل حب، فترة بداية الالتزام كلها كانت الممكن السنة الأولى كلها كانت مع سورة آل عمران، لكن قلت إن سورة البقرة، كما سنرى الآن، فضائل عظيمة في سورة البقرة، وأنا متهيب من هذه السورة، وهي سورة حقيقةً فيها مهابة وسورة عظيمة كما سنرى في فضائل هذه السورة.
إذاً، المجالس نستفتح -بإذن الله سبحانه وتعالى- معكم في سورة البقرة، أسال الله سبحانه وتعالى أن يتمها لنا على خير. طيب، عشان ندخل في الموضوع، سورة البقرة، المنهجية اللي هنسير فيها -بإذن الله سبحانه وتعالى- زي ما أنتم عارفين في خلال مجالس، ما فيش عدد معين من المجالس، زي ما ربنا سبحانه وتعالى يسرها، تأتي أسئلة كتير أو تأتي طلبات واستفسارات: قلل اللغة العربية، وناس يقول لك: لأ، زود اللغة العربية، ناس بتقول: قلل الإحالة على، وتزود الإحالة على التفاسير. فكالعادة احنا هنحاول إيه؟ نوطن الأمور وسط شوية في ذكر بعض الأقوال، في الإحالة على بعض التفاسير.
وعشان أخلص من أن يكون في معلومات كتير نفسي -من حبي لكم- أنا أبين لكم هذه المعلومات في كتاب الله سبحانه وتعالى، لأن أصلاً رسالة الموقع، رسالة القرآن، هي كسر الحواجز بين الناس وبين كتاب الله سبحانه وتعالى. فانا أصلاً دوري المفروض إنه يكون يربط بينكم وبين كتاب الله سبحانه وتعالى، مش إن احنا نتوقف على الدرس، ففكرة إن أنا باحيل، أنا نفسي إن أنتم تقرأوا كل التفاسير، وده بيبقى صعب بسبب الانشغال، فلذلك إن في حواجز أحياناً بتبقى أصلاً بيننا، مش بس بيننا وبين القرآن، بيننا وبين التفاسير، وده كان بفضل الله مساق سورة القرآن أو البرامج التعليمية في القرآن اللي بتحاول تكسر حاجز مثلاً اللغة، حاجز علوم القرآن، ده بفضل الله هيساعدنا كتير إن احنا نتعرف على التفاسير باريحية، وخصوصاً لو الإنسان دارس عقيدة، خلاص أنا بفضل الله أعرف أقول لك: اقرأ تفسير كذا وتفسير كذا، فهيبقى فيه عشان نقلل المشكلة ديت، يا ريت واحنا ماشيين في المجالس تعملوا حاجتين.
أول حاجة: المجالس ما بينها وبين بعض غالباً هيكون بينها فترات زمنية، فتستغلوا الفترات الزمنية دي بحاجتين: إن أنتم تحفظوا الآيات اللي احنا هناخدها في المجلس، تتقنوها وتصلوا بها كتير وتتقنها زي اسمك في الحفظ، تحفظها زي الفاتحة، وأيضاً أنك تقرأ في التفاسير الأخرى في المجالس اللي احنا قرأناها، بحيث ممكن تقرأ وجهة نظر أخرى. فائدة القرآن أصلاً لا يخلق على كثرة الرد، لا يبلى، يعني كلما عاد الإنسان وتدبر في كتاب الله سبحانه وتعالى فتح له، لذلك تجد أن في بعض التفاسير نعم في بعض النقولات متكررة في معظم التفاسير، لكن هذا يوفق في لطيفة بلاغية، وهذا يوفق في نكتة نحوية، وهذا في رد على، وهكذا فتح الله سبحانه وتعالى على المفسرين.
فأنا عايزكم في الفترات البينية تقرأوا في الكتب واللي أنا هحيل إن شاء الله في دراسة هذه الآيات اللي احنا هنتدارسها سويا. أنا حاولت إن أنا أنتقل لكم كتابين قدر المستطاع تستصحبوهم طوال رحلة مجالس القرآن في سورة البقرة، ربنا يتمها علينا على خير. الكتاب الأول: وهو كتاب هو أصلاً من الكتب اللي شجعتني إن أنا أشرح سورة البقرة، وهو كتاب مجالس القرآن الجزء الثالث للدكتور فريد الأنصاري رحمه الله، دكتور فريد مشروعه معروف، ثلاث كتب في مجالس القرآن، بدأ الأول باختيار أربع سور في الكتاب الأول رأى لها دلالة معينة: الفاتحة والفرقان وياسين والحجرات، ثم رأى أن يحتاج في جزء ثاني سور عِظَام فاختار: ق، والذاريات، والطور، والنجم، ثم قرر أن هو يتفرغ بقى للقرآن كاملاً من أوله، وبدأ سورة البقرة، ثم توفاه الله سبحانه وتعالى بعد أول ربع من سورة آل عمران.
فالكتاب ده، ودايماً أقول لكثير من إخواني: أوعى تستخسر أنك تعيش مع الكتاب ده سنة أو سنتين، أو تعيش مع سورة البقرة سنتين ثلاثة، إياك أن تمل، سورة عظيمة كما سنرى -بإذن الله سبحانه وتعالى-. والمجالس، يعني أنا مش هشرح لكم، خلاص أنتم هتقرأوا المقدمة وتفهموا إزاي طريقة شرح فريد الأنصاري، إزاي بيقسم السورة للمجالس وكل مجلس بيقسمه بطريقة معينة هترجعوا لها إن شاء الله. ما أقدرش أوعدكم أن يبقى في توافق بين عدد الآيات اللي هنشرحها هنا وبين طريقة المجالس بتاعت الدكتور فريد الأنصاري، لكن عموماً هيبقى فيه نوع من التقارب.
يبقى ده الكتاب الأول، اللي بيغلب على الكتاب ده الطابع التربوي شوية، أو أنا اللي قريب منه يعني، الطابع التربوي وطابع التخلق. فأحياناً يفوت الشيخ -زي ما يفوت أي حد- شرح بعض الآيات بالتفصيل، ذكر سبب نزول، خلاف معين، ارتأيت أن لازم يكون معنا تفسير، يعني ده كتاب ممكن أشبه بتفسير تربوي، عايزين تفسير متبحر يستطيع أن يقرأ في التفسير، ينتقي أي تفسير. اللي عايز ينتقي ابن كثير طبعا المتقدم في العلم يقرأ معنا الطبري أو المحرر الوجيز، أو عايز حاجة من الكتب المتأخرة، ممكن يقرأ فتح القدير للشوكاني أو اللي أعاد ترتيبه شوية بإعادة تنسيق فتح البيان صديق حسن خان. الكتب المتأخرة فيها بعض الدرر لأنها جمعت من المتقدمين، المتقدمين أكثر أحكاماً، اه حاولت أشوف تفسير يكون مبسط وفي نفس الوقت يكون دسم، إيه هو تفسير؟ التفسير الوسيط للشيخ محمد سيد طنطاوي.
طبعا التفسير فيه بساطة وفيه نوع من العمق، هو أصلاً التفسير قيمته الأساسية، ممكن واحد يقول لي: على فكرة أنا قريت الكتاب مش حاسه قوي، هو المتقدم في العلم ما يحسوش قوي ليه؟ لأن أصلاً دور الوسيط أن هو أشبه -هو مش قصده كده يعني- أشبه أنه وسيط بين القارئ وبين بقية التفاسير. الشيخ محمد سيد طنطاوي كان مركز على مجموعة من التفاسير، ستة أو سبع تفاسير، بيجيب خلاصتها، وأحياناً يعيد صياغة الكلام في هذه التفاسير بصورة مبسطة.
فلو احنا بفضل الله استطعنا إن شاء الله أن ربنا من علينا -أسأل الله سبحانه وتعالى السداد والتوفيق والتمام- تسمعي المجلس وتقرأ الآيات من مجالس القرآن لفريد الأنصاري، تحفظها الأول، وبعدين تقرأها من مجالس القرآن لفريد الأنصاري، وتقرأها من الوسيط، إن شاء الله دي خلطة دسمة نوعاً ما أن احنا نكمل مع بعض كده مجالس القرآن، لأن أنا مش هعرف أقول كل حاجة، والله طبعا الكتب دي هتقول كل حاجة، لكن على الأقل ما نعيش مع آيات القرآن يبقى أنت بتسمع وبقرأ، أنت قرأت ترجيح آخر لآية، قرأت سبب نزول أنا ما قلتهوش، قرأت معنى أنا غفلت عنه.
طبعا عايز أكرر، لأن بيجي لنا برضه التساؤلات كتير، عايز أحط قاعدة يا ريت توقعت أن هي مفهومة، وتوقعت للأسف أن هي واضحة مع طولي، وخصوصاً اللي بيسمعنا بقى له فترة من سورة الأنعام من عشر سنوات أكتر، توقعت أن المعنى ده واضح، لكن خليني أكرره تاني: ليس معنى ترشيحي لكتاب معين أن أنا أمتفق مع المؤلف تماماً في كل اختياراتي، المفروض ده أمر بدهي! هو أنا لما أغلق الزمخشري قال في الآية دي معنى يبقى أنا بقول كون معتزلياً مثلاً، برشح مذهب الاعتزال؟ فده امر كنت متصور الواضح.
أنا لما أقول مثلاً الوسيط للسيد طنطاوي يبقى أنا متفق معاه، وخصوصاً في حياته الأخيرة للاسف أنا كنت مختلف معه كثيراً، بل في بعض الدروس كنت تكلمت على بعض الفتاوى، وخصوصاً في قضية النقاب لما منعته فرنسا وغيره. الخلاصة: لكن عموم الكتاب أصلاً يخلو من مثل هذه، بل اللي عجبني في ثنايا الكتاب لما بتيجي مسألة كلامية -وأنا لا أحب القضايا الكلامية ولا أحب لكم أن تخوضوا في هذه القضايا- بيعجبني أن هو بيقول إيه في هذه المسألة: توسع علماء الكلام ولها محلها، ارجعوا لها، ما كانش بيدخل نفسه في هذه القضايا الكلامية. واحنا إن شاء الله في مسائل عقدية هنبقى نشير لبعض القضايا.
فياريت نحط دي قاعدة عامة، أي تفسير أتكلم عنه أو أشير إليه هذا لا يعني أبداً أن أنا أرتضي منهج المؤلف كاملاً، ده أمر بدهي، بل حتى الدكتور فريد رحمه الله على ما أتففق معه في كثير من القضايا، إلا طبعاً أن له بعض اجتهادات في المرحلة الأخيرة أنا أخالفه في بعض هذه القضايا. فالخلاصة نرجع، يبقى ده المنهج بتاعنا، يا ريت اللي حابب يكمل معنا مجالس القرآن سورة البقرة يعيش معنا بهذه الطريقة.
طيب، مجلس النهاردة هنحاول نقسمه نصين: مدخل لسورة البقرة، الاسم، الخصائص أو الخواص -زي ما دايماً بحب نرجع، وخصوصاً الكتاب اللي أنا قلت لكم عليه أكثر من مرة: خواص القرآن الكريم، الخواص الأثرية والخواص الاستنباطية- زي ما نحاول نعمل مدخل عموم السورة، نظرة عامة عن السورة، ثم الآيات الأولى. طبعا مش هنعرف ناخد كتير النهاردة، يعني احنا طولنا أصلاً في المقدمة مع الكلام عن خصائص السورة، فمش هنعرف ناخد مجموعة آيات كتير.
مش عايزكم تتخضوا لما تحسوا أن المجلس النهاردة بيطول مع أن احنا ما خدناش آيات كتير، لأن احنا -مش عايز أقول ضياع وقت- أنفقنا وقتاً طويلاً في شرح الفكرة مع اللي هنتكلم عنه دلوقتي. يبقى مجلس النهاردة عبارة عن ثلاث أجزاء: جزء خلصناه كان مقدمة، الجزء التاني عن سورة البقرة، نظرة عامة بقى عن اسمها وفضائلها وخصائصها، والجزء التالت عن البداية بقى، نلتقي على حسب ما ربنا يفتح معنا أول خمس أو سبع آيات من سورة البقرة.
طيب، نستفتح كده: بسم الله الرحمن الرحيم، سورة البقرة سورة عظيمة! وكلمة عظيمة دي يعني مش ده استنباط أن أنا بقول إيه، هي سورة عظيمة، لا لا لأ، سورة البقرة أصلاً لما نحب ننظر إليها، أكثر أحاديث الفضائل جاءت في سورة البقرة، بل كان الصحابة يعظمون هذه السورة، بل كان النبي صلى الله عليه وسلم يعظم هذه السورة، وكانوا ينظرون لمن يحمل هذه السورة نظرة خاصة، لدرجة مثلاً أنا حتى مش عارف أبدأ منين من كتر أحاديث الفضائل ومستحيل استوعبها، هدلكو على كتب ترجعولها في مسألة الفضائل.
لدرجة أن النبي صلى الله عليه وسلم في مرة بيجهز جيش، فيعايز يأمر حد على الجيش، فيستقرئ الناس القرآن، انظر كيف كان يأمر النبي صلى الله عليه وسلم الأمراء على الجيوش، شف بيشوف معه قد ايه من القرآن، اللي معه القرآن حفظاً وفهماً، ده فاهم، وخصوصاً أن أنت لما بترسل واحد هو هيواجه مشاكل كتير، يعني النبي صلى الله عليه وسلم مش بيقول له إيه: هتعمل كذا، ولما يقابلك كذا يحصل كذا، ولما يحصل كذا لأ، زي ما النبي صلى الله عليه وسلم أرسل مصعب، هو خلاص أرسل واحد فاهم هيتعامل مع مدينة جديدة مع واقع جديد، مع أناس جدد، مع أصلاً يهود.
انطلق سيدنا مصعب وقضى السنة الأولى لوحده. في المدينة؛ النبي صلى الله عليه وسلم استقرأ الناس القرآن، فجه واحد قال له: ما معك من القرآن؟ قال له: سورة البقرة. أنا بأحاول استحضر المشهد والحديث، بيقولوا: معك إيه؟ فقال له: معي سورة البقرة.
وكان أحدثهم سنا، كان صغيرا، فالنبي صلى الله عليه وسلم قال له: أمعك سورة البقرة؟ يعني أنا أصلا حطيته كده كشتاء وشعار، أمعك سورة البقرة؟ شف النبي صلى الله عليه وسلم بيستغرب: أنت متأكد؟ قال: نعم، معي سورة البقرة. فالرسول قال: أنت أميرهم. على طول أنت، ما عدتش أنت متأكد أن أنت حافظ ومتقن لسورة البقرة؟ قال له: أنت الأمير.
عن أنس قال: إن اللي كان معه البقرة وآل عمران جد في أعيننا، يعظم في أعيننا، اللي معه سورة البقرة دي حاجة مختلفة، حتى النبي لما قال كده، فصحابي تاني قال له إيه؟ يعني معنى الكلام يعني: والله أنا على فكرة كنت ممكن أحفظ سورة البقرة بس ما كنتش راضي أحفظها عشان خايف ما أصليش بها ولا أقوم بها. فاقرؤوا القرآن وتعلموا القرآن وتعلموا سورة البقرة.
ما هو ماشي، أنت خايف ما تقومش، طب ما تتعلمها وتقوم بها؟ فإذا عايزين نبص دلوقتي على نظرة عامة، احنا الطريقة دي ما عملناش غير بهذا التوسع غير في سورة الكهف، يعني نحاول نعملها المرة دي، عايزين أحاديث وفوائد كتير. عايزة نقسمها تحت يعني كل أحاديث بتعمل حاجة معينة، زي أذكار الصباح والمساء كده، تلاقي مجموعة من الأذكار بتحميك من العين، مجموعة من الأذكار في الرزق.
طيب، سورة البقرة بقى بتعمل إيه؟ احنا كده بنعمل إيه عشان ما نتوهش؟ احنا في الجزء الثاني من الدرس: خصائص سورة البقرة. بس احنا نبدأ بالخصائص الأثرية، يعني إيه؟ يعني اللي مش من اجتهادنا. احنا هنشوف دلوقتي لما نحب احنا بقى نمسك المصحف كده ونقول: آه، سورة البقرة دي مميزة بإيه عن بقية السور؟ احنا هنحاول نشوف نلتقط إيه المميز في سورة البقرة عن بقية السور؟ دي بقى الخواص اللي أنا ممكن أسميها الاستنباط.
لكن احنا في خواص هي مش كده، هدية، هي أثرية بلغت عن النبي صلى الله عليه وسلم، جاءتنا من النبي صلى الله عليه وسلم. طيب، أنا لاحظت؟ لا، أنا هقول لكم التجميع وبعد كده هقول لكم التفصيل. لقيت سورة البقرة بتعطي الإضاءة، أو الإضاءة، يعني الإنارة، تنور الطريق وتضيء الطريق، والحفظ والمنعة والرفعة. أنا لقيت سورة البقرة مجموع الفضائل اللي أنا قرأتها أنها تضيء وتحفظ وتمنع وترفع، ده حتى فريد الأنصاري بدأ بكلمة قال: سورة البقرة سورة منيعة تمنع صاحبها، ودي فكرة المنعة اللي احنا هنتكلم عنها.
طيب، أصلا أشهر اسم للبقرة وآل عمران -ها، الناس اللي حافظة الأثر- الزهراوين. النبي قال: اقرؤوا القرآن، وخاص من بقية القرآن، اقرؤوا الزهراوين. يعني إيه الزهراوين؟ وهقول لكم ليه النبي صلى الله عليه وسلم قال لنا نقرأ الزهراوين. الزهراوين مفرد الزهراء، وشيل الأزهر، أي المضيء، تثنى همزة دي اتشال تبقى الزهراوين. الأزهر قالوا من الإضاءة وشدة الإنارة، لدرجة أن بعض العلماء قال: معنى أن هم زهراوين أي أشبه بالقمرين.
القمران بتغليب القمر على الشمس، يعني الشمس والقمر. يعني لو القرآن مجموعة كبيرة من السماء المضيئة بالنجوم، وفيه حاجتين كده في النص بصوا منورين -وطبعا القرآن كله مضيء، لكن فيه شمس كبيرة كده وفيه قمر- فهذه هي البقرة وآل عمران. أنت متخيل اللي عايز يستضيء بنور القرآن وبيمشي على الأرض المظلمة، ثم تضاء هذه الأرض بسماء مليئة بالنجوم، كأن بقية السور، طبعا احنا لو استثنا الفاتحة هي أعظم سورة، لكن احنا هنتكلم بقى أن أعظم آية في سورة البقرة، لكن أعظم سورة هي سورة الفاتحة.
فلو أنت ماشي بتستظل بهذه السماء المضيئة، طب إيه الشمس في السماء دي والقمر؟ هي البقرة وآل عمران. العلماء لما قعدوا يفكروا: ما هي سبب الإضاءة؟ بعضهم قال: لكثرة الأحكام. بعضهم قال: لكثرة الأسماء الحسنى. يعني الأسماء الحسنى والأحكام تضيء لك الطريق الربانية في علاقَتِكَ بالله، وأن تتأله له وتتعبد له بهذه الأحكام، فتضيء لك الطريق.
يبقى أول حاجة مسألة الإضاءة، والإضاءة على فكرة مش بس معنوية، يعني مش بس تضيء معنويا الطريق، ده حصل في أثر أنا كنت ذكرته في سورة الكهف، لأن هو في روايات وذكرت هناك الخلاف الطويل ذكره ابن حجر في مسألة أسيد بن حضير لما كان بيقرأ السورة يصلي ثم جاءت سحابة أظلتهم مضيئة. في روايات كتير في البخاري أن السورة اللي كان بيقوم بها الليل فنزلت السحابة المضيئة، اللي هي الملائكة التي تضيء، أنها سورة البقرة. ولما خاف على ابنه، أرجعوا بقى الأثر، خاف على ابنه يحيى والفرس قاعد يتحرك فتوقف عن القراءة، فالنبي صلى الله عليه وسلم قال: اقرأ ابن حضير، أنه لو كان استمر إلى الصباح يقرأ لكانت الناس تجيء صبح وتجد السماء مضيئة بسبب قراءة سورة البقرة.
بل في أثر كان عن مين؟ كان عن ثابت بن قيس -أظن ابن شماس- أنهم رأوا أن في زي شيء مسرج كده في إضاءة فتعجبوا، فراحوا للنبي صلى الله عليه وسلم، قال: يا رسول الله، كان أثر فيه كلام يعني دار ثابت بن قيس، كان فيها ضوء. قال بكل بساطة: لعله كان يقرأ سورة البقرة. فراحوا لثابت بن قيس، قالوا له: في سروج عليك وسألنا النبي. قال: قرأت سورة البقرة البارحة. فحتى الإضاءة مش بس إضاءة معنوية، إضاءة حسية لمن بلغ في علاقته بالله سبحانه وتعالى وكانت مع صحابة النبي صلى الله عليه وسلم. يبقى دي مسألة أن هي بتضيء.
الحاجة التانية، إنما في نفس الحديث لما قال اقرؤوا الزهراوين، قال: إنهما البقرة وآل عمران تأتيان يوم القيامة كأنهما غمامتان أو غيايتان أو فرقان من طير صواف تحاجان عن صاحبهما. هنا أن هم بيحفظوا هذا الإنسان. لذلك النبي صلى الله عليه وسلم قال: اقرؤوا سورة البقرة وتعلموا سورة البقرة؛ لا يستطيعها البطلة، لا يستطيعها البطلة.
والنبي صلى الله عليه وسلم قال: إن البيت الذي يقرأ فيه سورة البقرة تفر منه الشياطين، البيت الذي يقرأ فيه سورة البقرة تفر منه الشياطين. يبقى إذا سورة البقرة بتحفظ من الشياطين. سورة البقرة ككل تحفظ البيت من الشياطين ثلاثة أيام، وآية واحدة من سورة البقرة وهي آية الكرسي تحفظك من الشيطان إذا قرأتها بالليل أو قرأتها بالنهار حتى تصبح وحتى تمسي، يعني آية واحدة الكرسي. ودي حتى الشيطان أخبر بهذا الأمر أبا هريرة رضي الله عنه والقصة مشهورة.
إذن، لما النبي صلى الله عليه وسلم بيقول أن سورة البقرة بتحفظ الإنسان أو تحفظ البيت وتفر الشياطين من البيت الذي يقرأ فيه سورة البقرة، لذلك في أثر جميل قوي -سواء موقوف عن ابن مسعود أو مرفوع عن النبي صلى الله عليه وسلم في تردد، وإن كان والله أعلى وأعلم الاقرب أن هو موقوف عن ابن مسعود- أن ابن مسعود يقول: لا ألفين أحدكم يجلس يتعشى -يعني ييجي بالليل بعد العشاء كده- ويتغنى يضع إحدى رجليه على الأخرى، يعني قاعد فاضي ويضيع سورة البقرة، يعني مش متخيل أن واحد قاعد بالليل مضيعها! طب ما كنت قرأت سورة البقرة تصرف عنك الشياطين. يعني شف فقه الصحابة: قاعد بالليل فاضي، كان بيقول له إيه؟ كان زمانك قريت سورة البقرة بدل ما ضيعت وقت وصرفت عنك الشياطين. يبقى إذا بتحفظ الإنسان، لذلك آخر آيتين -ودول بقى قصة آخر الآيتين دول، أسأل الله سبحانه وتعالى أن يتم لنا السورة- دول عالم آخر ولها خصيصة بمفردها، واتفتح باب مخصوص لها يعني.
ده مسألة الحفظ. مسألة المناعة، أنا ذكرتها في حديث الزهراوين أنها تحاجان، تمنع عنك الأذى، تحفظك من الشياطين. الحفظ، امتى يكون حواليك حاجز يمنع عنك الأشياء؟ لكن لما شيء يهجم عليك وفي حد بيهجم عليك، أنت عايز من يحاج عنك. هنا تيجي سورة البقرة بقى، لذلك أثر عجيب أن كان في رجل -هو صحيح إن شاء الله، فاكر أن رواية مين؟ أبو سعيد تقريبا- رجل كان معه القرآن، هو يعني حديث مؤلم حقيقة، ثم قتل رجلا عمدا فلما مات ظل القرآن يدافع عنه، ثم ظلت السور تتسرب تخرج من القبر، هو إيه؟ هو هيتعذب، فالقرآن بيدافع عنه، فظلت السور سورة تلو السورة تخرج، فلم يبق معه من القرآن يدفع عنه إلا البقرة وآل عمران، ثم خرجت آل عمران وبقيت البقرة أسبوعا ثم تركتْه سورة البقرة. آخر سورة فضلت تدافع عنه كانت سورة البقرة، أطول مدة للمدافعة عنه كانت سورة البقرة.
لما النبي صلى الله عليه وسلم يقول: لا يستطيعها البطلة، يعني إيه لا يستطيعها؟ لو قعدت أقرأ كتير في المعنى ده، المعنى المتبادر وده اللي أنا قرأته أكتر للشراح: لا يستطيعها يعني لا يستطيع السورة. طب يعني إيه لا يستطيع السورة؟ يعني مش هيعرفوا يذاكروها، مش هيعرفوا يحفظوها، مش هيعرفوا يفهموها، زي ما قالوا السحرة. مع أن المعنى الأشهر: لا يستطيعون إيذاء حاملهم. لا يستطيعها، هي المفروض أن هي هذه البقرة، لكن ده لأن القارئ وكأنه تلبس بالسورة فبقى هو والسورة حاجة واحدة، فالسورة تحفظه، السحرة عايزين يأذوه وهو كأنه التحف بسورة البقرة فلا يستطيعون أن يؤذوه. ولذلك من المعاني الإمام الطيبي قالها في الشرح، وده معنى بديع، يعني إيه؟ أن البطلة من البطالة الكسلان، أن سورة البقرة عايزة إنسان جاد، عايزة إنسان عنده عزيمة. فمن الأول كده، من أول الأول ده.
سورة البقرة عايز أقول لكم أن اللي هيطول واللي عايز شوية مقاطع وعايز حاجات، أنا بضطر أن أنا أعتذر له. أنا أذكر كنت بأسمع من فترة طويلة تفسير سورة البقرة للشيخ مصطفى البحياوي، أنا سمعت ما يقرب، بس هو بدأ بالأول بمقدمة لأنه كان يشرح لابن عطية، شرح مقدمة ابن عطية والاستعاذة والبسملة والفاتحة، وبعد كده دخل في البقرة، أنا كنت عايز أسمع البقرة، سمعت مية وكام درس وما كانش كان لسه في الآيات الأولى من سورة البقرة. بس ما تقلقوش، أنا ما عنديش هذه المعلومات أصلا يعني.
طيب، احنا قلنا سورة البقرة الإضاءة اللي هي الزهراء والزهراوين، الحفظ تفر الشياطين، المناعة تحجبها عن صاحبها والراجل اللي كان في القبر ونزول الملائكة أيضا. الرفعة: جد في أعيننا، وأنت أميرهم. فيبه سورة البقرة تضيء، تحفظ، تمنع، ترفع. دي، وطبعا في كل ما تيجي تحفر أكثر، النبي صلى الله عليه وسلم في غزوة حنين لما انفرط عقد المسلمين وقالوا، فالنبي قال للعباس، وكان صوته جهوريا، فقال: نادي عليهم. فقال: يا أصحاب السمرة -ذكرهم ببيعة الشجرة اللي كان بيحصل عندها البيعة- يا أصحاب سورة البقرة.
طب ما القرآن مية وأربعتاشر سورة، وخد بالك مع، يعني لما ينادي على أصحاب سورة البقرة هو لو احنا جمعنا مجموعة من الفضلاء مش كل الناس حافظين ومتقنين وفاهمين ومذاكرين سورة البقرة، فمعنى كده أنه بينادي على عدد قليل. يعني أنا مثلا لو أقول إيه: يا أصحاب سورة الإخلاص، هيجي عدد كبير. أنا في معركة وعايز عدد يدافع عن النبي صلى الله عليه وسلم، هو هنا واضح أنه بدأ ينتقل كيف. خلاص، احنا في أزمة، أنا هنا محتاج الكيف مش محتاج الكم. فقال: يا أصحاب سورة البقرة، وده كان شيء عجيب، فلما جاءوا انتصروا.
العلماء بيقولوا: طب ليه سورة البقرة؟ هل لأن للفضائل أن هي بقى بتحج وتدافع فهؤلاء يدفعون الأذى عن النبي صلى الله عليه وسلم، كان يعني هيؤذوه لكنه ثبت صلى الله عليه وسلم؟ بعض العلماء قال -وأنا شف اللي بيعجبني قوي لما يكون في معنى زي كده والعالم، وده بيبقى قليل للأسف، يقعد ينخر بقى عايز يبحث- بعضهم قال إيه: هذا لما في السورة من قوله تعالى: ﴿كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ﴾ [البقرة: 249]. عجبتني يعني، أيا كان هو صح ولا لأ، بس بيعجبني أنه يجيب نص ثم يبحث في هذا النص.
وبعدين قال: لا، مش بس عشان أي كلام، أنتم عارفين طبعا الكلام اللي فات القليل إن شاء الله في قصة طالوت وجالوت، لأن برضه حصل أنهم قلة قلة قلة وبعد كده انتصروا. فكأن الموقف كده، ده اللي كان مع السمراء، قال: لما السمراء فيها بيعة، فعايزين آية البيعة، قال: ﴿أَوْفُوا بِعَهْدِي أُوفِ بِعَهْدِكُمْ﴾ [البقرة: 40]. وبعدين قال: لا، الموقف مش مسألة، ما هو خلاص، البيعة ده كده هيبقى تأكيد للمعنى، ما هو أصحاب السمراء ده تأكيد للبيعة أهو.
بعضهم قال: فيه معنى جميل قوي، قال: هذا موطن استشهاد، يعني احنا عايزين ناس تضحي، فنادى بسورة البقرة لما فيها من قول الله: ﴿وَمِنَ النَّاسِ مَن يَشْرِي نَفْسَهُ ابْتِغَاءَ مَرْضَاتِ اللَّهِ﴾ [البقرة: 207]. هو عايز الناس اللي جاية تضحي، وعندها استعداد تضحي وتموت لنصرة هذا الدين.
طيب، دي الخصائص بتاع سورة البقرة الأثرية. طب تعالوا نبص بقى سريعا على -هي ما عادتش سريعا للأسف أنا عارف إن الوقت فرط منا- تعالوا نبص على خواص سورة البقرة للاجتهاد. طبعا يا جماعة اللي عايز يطول فيه كتاب اهو: خواص سورة البقرة، الشيخ الدكتور تركي بن فهد الهويمي. وأي كتاب من أحاديثه الفضائل.
أنا عندي كتاب طيب طابع دار السلام اسمه: «الأحاديث والآثار الواردة في فضائل سور القرآن الكريم دراسة ونقد»، دكتور إبراهيم علي السيد. كتاب جيد، وهو على فكرة ميزة كتاب في سورة البقرة استفاض في آثار كتير جميلة عجبتني، وميزت الكتاب إنه لا يكتفي بالمرفوع، بل يأتي بالآثار الموقوفة حتى على صحابة النبي صلى الله عليه وسلم في سور.
وحتى على التابعين، في آثار جميلة عن التابعين. في آثار عن عبد الرحمن بن الأسود الكوفي -أظن تلميذ ابن مسعود- عن أيضاً سورة البقرة، وإن كان في الأثر أشبه بحث الناس على الصلاة بسورة البقرة ولو في ليلة، إنه يأتي بتتاج يوم القيامة، وفيه آثار كثيرة ارجعوا لها إن شاء الله. برضه من التفاسير الأثرية الجميلة ابن كثير، طبعا أنتم عارفينه، بيبدأ كل سورة بمثل هذه الفضائل.
طيب، خواص سورة البقرة الاجتهادية، يعني إيه؟ يعني إهننا هنحاول فبص كده بما تتميز سورة البقرة؟ يعني أنتم عارفين مثلًا في المنار، واحد زي رشيد رضا، أحيانا مش مع كل حد هقول يا جماعة لا يعني أن أنا بشير لكذا الاتفاق، خلاص القاعدة اللي احنا قلناها.
عجبني جدا رشيد إنه بحث الأول قبل ما يدخل في السورة القواعد والتشريعات العامة التي في هذه السورة، وصل لما يقرب من ثلاثة وثلاثين قاعدة من القواعد العامة، وقواعد جميلة وبديعة في السورة. ميزة التفاسير في سورة البقرة المفسر بيكون لسه في الأول بخير وكده ونشيط، وده على فكرة من أصعب الحاجات عليّ أن أنا باجي أقرأ ألاقي مثل في «الم،» لسه بقى بخيره، يعني تلاقيه عامل مية صفحة يعني، ده «الم» يعني.
الزمخشري يعني طول جدا في العلوم القطاعية وحاشية الطيبة، وابن عاشور. ابن عاشور يعني جاب كل الأقوال اللي تعرفها واللي ما نعرفهاش في الحروف المققطعة وقعد يرتبها في مجموعات، ثلاث مجموعات في الآخر. فتجد أن إيه المفسر يعني بخيره كده في الأول ونفسه لسه طويل يعني.
أيضاً من خصائص سورة البقرة بعضهم جمع قال ده أركان الإسلام كلها في سورة البقرة، بعضهم قال أغلب المعاملات، لذلك في أثر أنا لما قرأته ما كنتش فاهمة بيقول إيه: لو اكتملت أو لو أكملت سورة البقرة ثلاثين آية لاكتفت. هي سورة البقرة مائتان ستة وثمانون آية، أنا مش ما كنتش فاهم يعني إيه؟ ده كلام بعضهم قال في شرح الأثر ده.
أي لاكتفى بها الإنسان في الدين، يعني كانت تحتوى كل الأحكام من كثر ما سورة البقرة يعني فيها احتواء لعمومات الشريعة وقواعد الشريعة وأحكام الشريعة سورة البقرة. وده اللي أنا عايز أقوله لكم: سورة البقرة بتعيد ضبط فكر الإنسان أصلاً، وده أنا قلته في القرآن عموماً وفي سورة البقرة خصوصاً، وافتتاح -وده هنقولها دلوقتي من خواص سورة البقرة- أن أول حاجة إن هي في أول المصحف.
يعني لما نجي احنا نبص كده أما أقول لكم كده إيه رايكم يا جماعة؟ إيه خواص سورة البقرة؟ واحد يقول لي ده فيها أعظم آية في القرآن، أقول له: أحسنت، آية الكرسي. طب آية الكرسي بتتكلم عن إيه؟ عظمة الله سبحانه وتعالى. إيه تاني؟ يقول لي: فيها آخر آيتين من قرأ بهما في ليلة كفتاه، والعلماء لما اتكلموا يعني إيه الكفاية؟ قالوا الخلاصة: كفتاه في كل شيء، عن قيام الليل والحفظ وكل شيء.
إيه تاني؟ واحد يقول لي: الدمج العجيب بين العبادات والمعاملات. جميل. واحد يقول لي: الحرمات الحج والقتال الأسرة المال مقاصد الشريعة كلها قواعد الفهم والموازنات والمصالح والمفاسد وترتيب الأولويات كل ده موجود في سورة البقرة. واحد يقول لي -وده اللي أنا قلته من شوية- اللي هي فكرة إيه؟ إن هي في أول المصحف.
أنا ودايما المعنى ده أنا كنت قلت الخاطرة دي في رمضان اللي فات، كنت عامل مجموعة من الخواطر كده يعني مسجلة للأسف تسجيل سيء. أول خاطرة كان اسمها "بداية قوية"، أن أنا عايزك تخيل من سبل وده بيساعدني جدا أنا فهم القرآن، أنا بحب أفهم آية أو سورة بتخيل أن احنا عندنا مشكلة دايما إيه اللي في العادة؟ احنا اتعودنا قوي على القرآن وقريناه كتير فاحنا ممكن بتفوتنا اشياء.
عايزك تخيل لما تدي المصحف لواحد غير مسلم، عزة خالد زي مصحف واحد غير مسلم أول مرة يقرأ القرآن وتقول له: هذا كتاب نزل من السماء من عند الله. هيمسك المصحف ده، تقول له: خد بالك هذه آخر رسالة لأهل الأرض، خلاص بعد كده تقوم الساعة، هذه الرسالة الخاتمة. يقول لك: هو ربنا لم يرسل رسائل؟ أرسل رسائل، لكن خلاص هذه الرسالة المهيمنة على الكتب السابقة وما سواها الآن لا تستطيع أن تثق فيه مائة بالمئة في إصابته التحريف والتبديل والتغيير.
امسك كده تخيل إحساسه، يعني ده من عند الله! طب ربنا بيقول لنا إيه؟ فيفاجأ به الفاتحة وطلب الهداية، الثناء والهداية، ثم يفاجأ سورة البقرة. أنا أصلا واحد في بداية الالتزام كان بيقول إيه وكان عنده بقى هم الدعوة وحرصه على غير المسلمين، طب ما كنا نجيب مثلا سورة الزمر في الأول أو سورة ق؟ يعني سورة البقرة صعبة في الأول.
تفاجئ أن سبحان الله هذه عجيبة سورة البقرة، فعلا اللي بيبدأ بسورة البقرة صح إسلامه كله بيكون صح: ﴿إِذْ قَالَ لَهُ رَبُّهُ أَسْلِمْ ۖ قَالَ أَسْلَمْتُ لِرَبِّ الْعَالَمِينَ﴾ [البقرة: 131]. تمام الاستسلام الذي يسسلم نفسه إلى سورة البقرة ليخرج تسليماً مطيعاً، يخرج من سورة البقرة يقول: آمن الرسول بما أنزل إليه من ربه والمؤمنون، خلاص هو عنده حالة من الإيمان: سمعنا وأطعنا. خلاص فاهم مغزى ومعنى التكليف.
طيب أيضاً من خصائص سورة البقرة -احنا عمالين نقول خصائص سورة البقرة البقرة البقرة- هي إيه قصة البقرة دي؟ دي قصة مع بني إسرائيل. قصة مع بني إسرائيل، ده القرآن بيتكلم كتير عن بني إسرائيل. يعني أكيد القصة بتاعت بني إسرائيل دي، بني إسرائيل جت في المدني وجت في كتير من السور المكية في حم، وجت في طه وفي الأعراف، طبعا حديث طويل عن بني إسرائيل، وجت في السور المدنية كتير كلام عن بني إسرائيل.
أه يعني واضح أن سورة البقرة موجودة في أكتر من مكان؟ لا لا لا، سورة البقرة بالرغم أن هي مع بني إسرائيل، لأنها لم تأتي في القرآن إلا في سورة البقرة. إذاً لها دلالة، احنا كنا أحيانا من فرائض السورة -أنا بحب أفهم خفائ السورة- أشوف بماذا تميزت؟ بماذا تفردت هذه السورة؟ لما قلنا مثلا أن قصة سيدنا إبراهيم اللي في سورة الأنعام لم تأتي إلا في هذه السورة، قصة موسى عليه السلام مليانة في القرآن لكن مع الخضر لم تأتي إلا في سورة الكهف، أيضاً قصة البقرة لم تأتي إلا في سورة البقرة، ودي لها دلالة لما نجيء دلوقتي على الاسم.
آه، يبقى إذا خصائص سورة البقرة طبعا أطول سورة في القرآن وأعظم آية والاية الخاتمة، وتقسيمة الناس وقالت للاستخلاف: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30] كل دي خصائص تفردت بها سورة البقرة، واحنا إن شاء الله ماشيين هيجي لنا مثل هذه الخصائص.
طيب مسألة الاسم عشان نبدأ بقى ندخل -يعني احنا طولنا- ندخل في الآيات الأولى. مسألة الاسم ومسألة النظرة الهامة، سيليها لما نجيء أتكلم في النظرة العامة أنا بصراحة ما بحبش لا أحب فكرة المعنى الموضوعي أو المعنى الواحد موضوع السورة ويتقال في الأول، أحب ده ييجي في الآخر بعد ما ما فيش تفاصيل تفاصيل السورة. كتير من الناس بيتعجل، بيقول لك: إيه موضوع سورة آل عمران كذا، وموضوع سورة المائدة كذا، وأنا خلصت خلاص يا جماعة المصحف، تقول له: بقى عيش مع آية، يقول لك: لا، ما أنا عرفت ده سورة آل عمران طلعت بتتكلم عن كذا خلاص.
أيوه، هو القرآن احنا محتاجين نعيشه آية آية، فأننا أخاف من الفرح الذهني والمتعة الذهنية بالقرآن، ونستعيض بهذه المتعة الذهنية ونترك المعاشة والتخلق ومكابدة هذه الآيات ومعايشة هذه الآيات في الواقع.
طيب، لما نجي نبص على سورة البقرة واسم سورة البقرة: سورة البقرة بدأت بالإيمان: ﴿يُؤْمِنُونَ بِالْغَيْبِ﴾ [البقرة: 3] وختمت بالإيمان: ﴿آمَنَ الرَّسُولُ﴾. هاذكر لكم بعض المعلومات عشان أقول لكم أنا عايز أقول إيه: سورة البقرة آخر حاجة فيها: ﴿لَا يُكَلِّفُ اللَّهُ نَفْسًا إِلَّا وُسْعَهَا﴾ [البقرة: 286] تكليف.
إذن، بدأت بايمان الغيب ختمت بايمان وبعدين قضية تكليف. ماشي، سورة البقرة لو افتقرنا أن في جزء في الأول عن بني إسرائيل والجزء التاني تشريعات الإسلام. أنا أتخيل لو أنا بيدي الكتاب لواحد مسلم أن أنا أدي له الأول التشريعات وبعد كده قل له بني إسرائيل. لأ، القرآن بدأ بني إسرائيل، لأن انت لو هتعامل مع الكتاب كما تعامل بنو إسرائيل ما لوش لازمة تكمل الجزء التاني، لو انت هتدخل الكتاب بعقلية بني سليم -اللي احنا هنحاول نحللها واحنا ماشيين مع بعض- انت مش هتعرف تستفيد من التشريعات.
ليه؟ لأن كل هتحرف وهتبدل وهتراوغ وهتغير وهتبدل مجموعة الجرائم اللي ذكرت -يعني مجملة بصورة دقيقة جدا في صفحة ثم مفصلة في خلال الجزء الأول- هي دي الجرائم اللي احنا حذرنا منها وتستشعر أن وكأن سورة البقرة بتقول لك: نزل إليكم كتاب فيه هدى، كيف ستتعاملون مع الكتاب؟ هل ستتعاملون كما تعامل بنو إسرائيل مع الكتاب؟ أم ستتعاملون كما أمر الله النبي صلى الله عليه وسلم أن يقول للمؤمنين: آمن الرسول، قولوا سمعنا وأطعنا، أن تؤمن وأن تطيع. هتتعامل إزاي مع هذه التكليفات التي في الكتاب؟
طيب برضه أنا كل ده عايز أوصل لكلمة البقرة. سورة البقرة، قصة البقرة لو انت ما تعرفش اسم السورة وأنا غطيت على اسم السورة وأنا قلت لك تخيل معي -يعني لو أنا بيدي الكتاب ده لواحد غير مسلم وغيري خبيت اسم السورة وقلیت لك الجزء الأول فيه جرايم كتير لبني إسرائيل. فانت بصيت كده وقلت لي حصل، قلت لك عايزك تنقي جريمة من جرائم بني إسرائيل أو مشكلة أو تعامل سيء من تعاملات بني سويف نخليها اسم السورة.
انت قلت لي ماشي سهلة، ولو أنا ما اعرفش إيه السورة هابص كده أنا هحاول لو أنا أنتقي أبشع جريمة أو أسوأ جريمة، مثلا أن هم طلبوا أن يروا الله جهرة، هم حرفوا أن هم فبدل الذين ظلموا أن هم بدلوا. أحاول أشوف جريمة من الجرائم اللي عملوها: عبدوا العجل مثلاً.
خد بالك، السورة ما اسمهاش العجل، هم عملوا اسمها البقرة، لأن هم ذبحوا البقرة. لكن عبدوا العجل! إيه ده، ده ده ده شبه الحاجة الوحيدة اللي عملوها، ده هم عملوا الطاعة البقرة ده هم دبحوا البقرة. ربنا بيقول إيه: ﴿فَذَبَحُوهَا﴾ في سورة البقرة، ربنا بيقول إيه: ﴿فَذَبَحُوهَا﴾ يعني إيه فذبحوها؟ الواو دي اللي هم بنو إسرائيل لهذه البقرة ذبحوا، ذبح بنو إسرائيل البقرة ذبحوها، يعني هم نفذوا الأمر.
وبالرغم من كده تتسمى بها؟ أيوه، ما هو هذا التنفيذ بهذه المتباطأة والمراوغة والمناكفة، هذه طريقة لا يحبها الله. يعني إياك أن تتخيل أن حتى لو طبقت بس بالطريقة اللي عملها بنو إسرائيل: ادع لنا ربك، ويراوغ ويرجع، تعنتوا. فكأن اسم البقرة فيه دلالة: إذا أردتم أن تطيعوا الله فأسرعوا وقولوا سمعنا وأطعنا.
لذلك عايزك تلاحظ أن كلمة يؤمنون بالغيب في الأول -يعني إيه يؤمنون بالغيب؟ وده هن هنتكلم فيها إن شاء الله، في نوع من مقالات هذا الايمان مع معاني في هذا الايمان هي غائبة عنك- طيب آخر السورة: ﴿آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ ۚ كُلٌّ آمَنَ﴾ [البقرة: 285]. الآيات دي أصلاً نزلت لما الصحابة خافوا من أمر من الأوامر، ما هو الأمر بيقول لهم إيه؟ ﴿وَإِنْ تُبْدُوا مَا فِي أَنْفُسِكُمْ أَوْ تُخْفُوهُ يُحَاسِبْكُمْ بِهِ اللَّهُ﴾ [البقرة: 284]. إيه ده؟ طب إزاي؟ طب يعني يا رسول الله طب لو احنا الطاعات تانية عرفناها، لكن إزاي ما نخفي في أنفسنا؟ أتريدون أن تقولوا كما قال بنو إسرائيل؟ الربط: كما قال بنو إسرائيل قولوا سمعنا وأطعنا. فلما قالوا سمعنا وأطعنا نزلت الآية.
وهما قالوا سمعنا وأطعنا ولا يعلمون أن مآل هذا الأمر -اللي هو سمعنا- هيحدث التخفيف. فالفكرة أنك تؤمن بشيء ولا تعلم مآل هذا الأمر، وهو على فكرة هي دي فكرة البقرة. هي البقرة لما راحوا يذبحوها، هو دلوقتي مات واحد، عايزين يعرفوا مين اللي قتلوه، فراحوا لسيدنا موسى في قتيل عايزين نعرف مين اللي قتله. فسيدنا موسى قال لهم خلاص ادبحوا. بقى إيه ده، أتتخذون هزوا؟ بنقول لك في واحد مات عايزين نعرف مين اللي قتله تقول لنا ادبحوا بقرة؟
هو مش مش قادر يفهم أن هو لازم ينفذ، هي دي مشكلتنا أن احنا نقول للناس: الله سبحانه وتعالى يقول اتركوا الربا، الله سبحانه وتعالى يقول افعلوا كذا في المعاملات الأسرية، وافعلوا كذا في المعاملات المالية.
مش مقتنع. ليه؟ ما مش الحكمة لا تظهر لي. يعني مع احترامي لعقليتك، الله خالق السماوات والأرض يقول كذا، قل الحكمة لا تظهر له. يعني أو مش مقتنع. أنا مش متخيل، يعني أنت يعني الله سبحانه حاشاه تعدل على مين؟ يعني ده ده ممكن بتستسلم لطبيب لسه متخرج، وما حوش حتى شهادات، وكل ما شهادة تعلى بتزداد الثقة. أنا مش متخيل أنت يعني مش مقتنع بإيه في البقرة، في قصة البقرة؟ أن هما ينفذوا حتى ولو يعلم المآلات! بل العجيب في سورة البقرة أن كانت هذه البقرة التي ذبحت كانت فتحاً لغيرهم، القصة المشهورة في الإسرائيليات أن هي رجل كان يبر بأمه، وفضلت البقرة يغلي ثمنها، يغلي في ثمنها، فاستفاد من ثمنها ذهباً.
بشوف إزاي في قصة عجيبة مليئة! وأسأل الله سبحانه وتعالى أن يبلغنا هذه القصة في السورة عشان نتدبر فيها أكثر من كده. لكن عموماً فكرة التكليف والإيمان استسلام لأوامر الله سبحانه وتعالى؛ الاستسلام المباشر السريع غير المعترض، غير المتعنت، هذا أمر يحبه الله سبحانه وتعالى.
طيب، نبدأ كده نستعين بالله سبحانه وتعالى وندخل في الآيات الأولى من سورة البقرة، بعد -طبعاً يعني للأسف أنا كنت كاتب حاجات بس خلاص- يعني أي حاجة أنا أحلتكم عليها ترجعوا لها إن شاء الله. اللي حابب يكمل معنا بالتفصيل؛ حديث الفضائل أو النظرة العامة، فيه حاجات في النظرة العامة أنا حاولت أجلها لما تيجي لنا مثلاً آيات: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30]، أما تيجي لنا قصة البقرة نستفيض أكثر.
المعاملات المالية التي في الآخر لها دلالة. إن شاء الله نبدأ نستعين بالله. سورة البقرة هذه السورة العظيمة، قبل ما أنسى -معلش كويس أن أنا افتكرت- الاسم؛ الاسم نفسه بعض العلماء -ودول قلة- بيحاول يبحث في معنى اسم السورة نفسه؛ يعني إيه بقرة؟ يعني المعلومة دي أنا هاقولها لكم، وهي بالنسبة لي أنا نفسي محل تردد، أنا قرأتها لكن هي بالنسبة لي محل تردد، لعل الله سبحانه وتعالى يفتح على من يتأمل في هذا الأمر.
البقرة اسم البقرة نفسه من اللغة، البقر هو الشق والتوسع، يعني أنت تفتح حاجة وتتوسع فتستكشف الأمر. عارفين أحياناً في الجراحة لما واحد ييجي الطوارئ -نسأل الله السلامة والعافية يعني- ويكون عنده مشكلة أو حادثة أو مشكلة داخل بطنه مش معروف، هيفتح فين الجراح؟ بيسموه يعمل فتح استكشافي؛ عشان فتح واسع يكتشف كل شيء، ده بالمعنى البقر. لذلك الباقر هو الذي توسع في العلم، والذي يبقر الأرض التي يصل فيها، يستطيع أنه يشق الأرض ويصل فيها إلى ثرواتها.
من معاني البقر الشق والتوسع واستكشاف الخيرات والوصول إليه، والله أعلى وأعلم. وجود البقرة في بداية السورة هي وكأنها تشق لك الطريق وتخرج لك الكنوز والثروات. فكلما عايشت هذه السورة، كلما بقرت كثيراً من أراضي العلم، وأخرجت لك هذه الأرض كثيراً من الكنوز والخيرات، والله تعالى أعلى وأعلم.
نبدأ الآيات؛ تبدأ سورة البقرة. وبرضو عايزك تاني تستحضر واحد غير مسلم بيقرأ السورة، أول حاجة بسم هات يا عم السورة، أول سورة في القرآن بعد الفاتحة، فهم أن الفاتح -احنا كنا شرحنا الفاتحة في مجلسين من سورة الفاتحة- أنه يثني على هذا الإله الرحيم العظيم الكريم ويطلب منه الهداية، وهو يخاف من سورة الفاتحة، يخاف أنه يكون من المغضوب عليهم أو الضالين والعياذ بالله، ففهم أن فيه صراط مستقيم.
فيدخل سورة البقرة يبحث عن هذا الهدى، ويبحث عن الصراط المستقيم الذي هو غير المغضوب عليهم ولا الضالين، يفاجئ: بسم الله الرحمن الرحيم، الم، إيه ده؟! يعني حاجة، وهنا هذه الحروف المليئة بالأسرار. معلش راجعوا مقدمة سورة الأعراف، حاولت أفصل الأقوال التي هناك، أكثر واحد شفته استفاض حقيقة في مسألة الحروف المقطعة؛ لأن أنا بعيد شوية، أنا قرأت معظم التفاسير، أظن هو كان ابن عاشور ذكر ثلاثة وثلاثين قولاً تقريباً، وبعدين جمع حاجة وتلاتين قولاً فيما أذكر، وجمع جمع الأقوال دي لثلاث مجموعات، يعني كل مجموعة تحتها أقوال وحاول يرجح، وإن كان أنا يعني اللي رجحه هو اللي شبه إيه، أشبه محل اتفاق بين المتأخرين؛ أنها للتحدي وللإعجاز، وأنها غالباً يأتي بعدها ذكر للقرآن؛ لأنهم اختلفوا أصلاً: هل لها معنى؟ هل بتشير -يعني هل لها معنى ولا لها دلالة؟- بتشير على معنى معين، ولا هي للتهدي، ولا هي فيها أسرار؟ ومسألة طويلة وطويلة الذيل، وتكلمنا فيها قبل كده.
وأنا حقيقة أميل نوعاً ما أن لها معنى ودلالة، مش مجرد أن هي قسم أو أسماء سور، لا، أنا أرى أن لها دلالة، وأن تخصيص الحروف بالسور لها ربط، يعني الحواميم المدنية (البقرة وآل عمران) فيها ارتباط، والحواميم المكية (العنكبوت والروم لقمان السجدة) لها ارتباط، وقال حميم لها ارتباط، يعني الطواسين لها ارتباط، والف لام راء مجموعة لها ارتباط. فإذاً هناك دلالات، والله أعلى وأعلم يفتح الله سبحانه وتعالى بها من شاء.
النقطة التي عايز أقولها؛ طبعا بداية الاندهاش والتعجب والتساوي التي في أول السورة في كلام كتير؛ فكرة كأنك أنت من بداية السورة كده تستطيل عليه، تقول له إه، شف القرآن، بتعرف تتهجى؟ قل كده، قل الم، قل ورايا: الم، يقول لك: الم، قل ورايا: لام راء ميم، شفت الحروف التي نزلت تحت الجهة دي؟ سيأتي القرآن مكون هذه الحروف، لا تستطيع أن تأتي بمثله.
فمما قيل يعني مسألة الحروف المقطعة عشان اللي بيقرأ في تفاسير كتير يعني بتوزف، خدوا بالكم في مبحث تاني، في مبحث للخلاف في مسألة الأسماء والصفات، يعني مسألة الحروف دي بيتم توظيفها لأن يقول لك إيه: بما أن ممكن ما يبقاش لها دلالة، طب إذاً ممكن مذهب التفويض أننا ما نعرفش معاني، مش الكيفيات، معاني أصلاً الصفات، هل دي تدخل من المتشابهات ولا لأ؟ فأحياناً لما تجد ده في البحث، هو يتم توظيفه في المبحث ده، وده مبحث مش هنتكلم فيه دلوقتي.
طيب، ﴿الم * ذَلِكَ الْكِتَابُ لَا رَيْبَ فِيهِ هُدًى لِلْمُتَّقِينَ﴾ [البقرة: 1-2]. هل هي ثلاث نملة؟ ولذلك الكتاب لا ريب فيه هدى للمتقين. كل ذلك الكتاب لا ريب فيه هدى للمتقين. خلينا ناخد النهاية، ذلك الكتاب، مبتدأ وخبر، لو قلنا إن الخبر هدى والقرايب معترضة، ذلك والكتاب بدل، ذلك الكتاب لا ريب فيه هدى، يعني هذا الكتاب هدى، ربنا يخبرنا أن الكتاب ده هدى.
طب لو ربنا بيقول لنا ذلك الكتاب؟ يعني إيه؟ يعني تقول مثلاً هذا الرجل، هنا لما بيكون المبتدأ والخبر فيه ألف ولام بيسموه تعريف الجزئين، يعني الجزء الأول اللي هو المبتدأ معرف يعني ده اسم إشارة تاني معرف أيضاً في ألف ولام؟ هنا قد يفيد الحصر القصر، يفيد أن هذا هو الكتاب الكامل. فكأني في إشارة والله أعلم أن هذا الكتاب اللي هو القرآن لو وضع بين كل كتب الأرض، ده كتاب مميز، ذلك الكتاب تنتزعه كده من وسطه، عايزك تخيل كده -عارف في بعض الصور بعض الناس المثقفين يعني يحطوها في في صور البروفايل بتاعتهم مكتبة كبيرة كده وسلالم كتب- عايز يتخيل كده، وبعد ذلك من وسط كل مليارات الكتب تنتزع وتقول: هذا كتاب مختلف عن كل كتب الأرض.
ذلك الكتاب الكامل لا ريب فيه في وجه من الوجوه ولا نقص فيه. فده بداية قوية. هل أنت داخل داخل بتقرا لما بتبدأ الكتاب ده بعض الناس بتفوت المقدمة؟ لأ، تخيل كده من البداية خد بالك ذلك الكتاب ده. لو قلنا أنا عايزك عايزكم يا جماعة وأنا مع بعض في التفسير إن شاء الله أو المجالس دي نقلب كده وجوه الآيات بما قد تحتمله الآيات، وفي خلاف: هل ينفع أن تحمل على كل هذه الأوجه؟ وده آه، يعني اختاروا بعض المفسرين، عاشور طبعا بيؤيد ده بقوة خصوصاً لو ما فيش منها تضاد.
طيب ذلك الكتاب، احنا قلنا لو المقصد الإخبار عن هذا الكتاب الكامل. طب هل في إشارة لما ربنا بيقول كده ذلك الكتاب؟ أو تعريض بحاجة، أو إشارة لحاجة؟ طيب لو الخطاب للنبي صلى الله عليه وسلم، أو لليهود والنصارى، أو للمشركين، أو لعموم الخلق. ركز معي، خطاب للنبي صلى الله عليه وسلم ولا يهود نصارى والمشركين ولا هم الخلق؟ كل واحد من دول قد يأخذ إشارة ومعنى من هذا من هذه البداية.
النبي صلى الله عليه وسلم في بداية البعثة وعده الله سبحانه وتعالى بكتاب لا يغسله الماء، وطول مكة بينزل عليه الكتاب، لكن لم يكتمل بعد؛ لأن طول مكة القرآن المكي لسه ما فيهوش فيه التفاصيل التشريعية. وركزوا معي، وجود تفاصيل تشريعية في كتاب سماوي دلالة على التمكين لهذه الأمة؛ لأنها ستطبق هذه التشريعات. يبقى أنت لما القرآن المكي فيه تشريعات، لكن ليست بكثرة ومش بتقيم مجتمع كامل يطبق كل -شوف سورة البقرة مليئة بالأحكام إزاي-.
فمن البداية ربنا بيقول له هذا هو الكتاب الذي وعدتك به يا محمد، وعدتك به في أول البعثة ووعدتك به أثناء مكة، وها هو الآن يبدأ في الاكتمال، نقلة جديدة للكتاب الذي ينزل عليك، ذلك هو الكتاب.
ولو التقطنا آية فيها خلاف طويل، أنا هقول لكم ما أميل إليه والله أعلى وأعلم؛ في قول الله سبحانه وتعالى في سورة السجدة: ﴿وَلَقَدْ آتَيْنَا مُوسَى الْكِتَابَ فَلَا تَكُنْ فِي مِرْيَةٍ مِنْ لِقَائِهِ﴾ [السجدة: 23]. الهاء دي حيرت المفسرين، اختلفوا على ثلاثة أو أربعة أقوال، بناتكم في بداية من لقائه، وجعلناه هدى لبني إسرائيل. أنا أميل أن الهاء دي بتعود على الكتاب، وحتى تكملة الآية: وجعلناه -اللي هو الكتاب- أنا أميل كده والله أعلى وأعلم. طب هيبقى يعني إيه فلا؟ لأن في بعضهم قال فلا تكن في بداية من لقائه، موسى أو لقاء الله، قد آتَيْنا موسى الكتاب فلا تكن في مرية من لقائه بلقاء الكتاب.
المعنى والله أعلى وأعلم أن هذا من عندي؛ آتينا موسى الكتاب أي مكناه وأهلكنا فرعون، وآتيناه كتاباً فيه هذه التشريعات فأقامها، فلا تكن أنت في مرية أيضاً من هذا، أنت مستضعف في مكة، لكن سيأتي يوم تؤتى هذا الكتاب، فلا تكن فتأتيه سورة البقرة الآن اتاك هذا الكتاب ويكتمل الكتاب بتشريعاته. فبشرى، لذلك كثير من المسلمين قال: ذلك الكتاب فيه هذا الوعد، بعضهم قال: الوعد الذي جاء في التوراة، لذلك قالوا: لو الخطاب لليهود والنصارى، طب احنا لو قلنا الخطاب للنبي صلى الله عليه وسلم، طب لو اليهود والنصارى؟
أي ذلك الكتاب الذي لم يحرف ولن يحرف ولن يبدل، فتعريض بكتابكم الذي حرف وهل الدين، وهذا الكتاب الذي بشر به في كتابكم أنه سيأتي نبي معه كتاب أن يجيء لهم في صدورهم. الخطاب لليهود والنصارى؛ لأن دي مرحلة جديدة، احنا الآن انتقلنا إلى مكان جديد في مكة، استحضار أن دي سورة مدنية الأولى، سيدنا النبي صلى الله عليه وسلم بعث سيدنا معاذ بيقول له اليمن: انك تأتي قوماً أهل كتاب، يبقى أنت لما تروح مكان فيه أهل كتاب محتاج دعوة مختلفة، غير لما تتعامل مع مشركين. فمن البداية هذا كتاب مختلف.
لو المشركين: ذلك الكتاب الذي استهزئتم به ها هو ينتصر وها هو يبني وهو يشرع الآن. لو الكتاب بقى للخلق: ذلك الكتاب لا ريب فيه هدى للمتقين. لحظة نزول سيدنا آدم، لحظة مؤلمة، هيعمل إيه في الأرض؟ غريب في غرابة وحة، كان في الجنة منعم يأتيه الرزق، لما نزل الأرض هو حصل له صدمة، صدمة دنيوية، الأكل اللي تخيل يذبح ويعمل عشان يأكل ويتعب ويستنى ويزرع، لكن فيه صدمة، ما الذي سيصبر عليه هذه الوحشة؟
فربنا قال له في لحظات النزول الأولى: ﴿فَإِمَّا يَأْتِيَنَّكُم مِنِّي هُدًى﴾ [البقرة: 38]. ربنا بيقول ذلك الكتاب هو الهدى الذي وعدت به كل المرسلين، لكن أنتم يا أمة محمد لكم كتاب خاص مهيمن على كل الكتب السابقة، فأنتم لا تحتاجون إلى أي كتاب سابق من لدن آدم، مش هتحتاجوا حاجة، أوصاكم كتاب! تخيل لما يكون معك كتاب، يا جماعة القرآن والله رحمة من ربنا سبحانه وتعالى، رحمة خصوصاً للضعفاء اللي زيي، لما هو مش قادر يتبحر في العلم ده ولا يقرأ، فخلاص معك الخلاصات، تتعب ليه وتضيع نفسك ليه؟ من لدن آدم معك الخلاصات، الخلاصات. فاقبل على هذا الكتاب.
ذلك الكتاب البداية القوية دي، يعني الكتاب ده كامل، وهذا الذي وعدنا به وفيه تشريعات وبشر به، وهو يعني يؤنسنا في وحشتنا على هذه الأرض. نعم، طب يعني ما فيش فيه لا ريب فيه؟ أُمِّي، أنت بداية مطمئنة، لا ريب فيه. خلاص أنت مطمن، الريب فيه نوع من الإيه؟ من الاتهام كده، دع ما يريبك إلى ما لا يريبك، أنك أنت بتكون فيه نوع من الاتهام تقول لك: لا لا، إياك أن تظن أن في أي شك في هذا الكتاب.
واحد يقول لي: طب إزاي؟ إزاي لا ريب فيه وفيه ناس بترتاب في الكتاب ده؟ كده غلط في الآية دي ولا إليه؟ على فكرة، ما هو يعني بالعقل كده، إذا كان في نفس السورة بعدها بكم آية ربنا بيقول: ﴿وَإِنْ كُنتُمْ فِي رَيْبٍ مِمَّا نَزَّلْنَا عَلَى عَبْدِنَا﴾ [البقرة: 23]. يعني ده مش حاجة أنت اكتشفتها، مش تقول لي أنا.
لو سمحت أنا اكتشفت غلطة معلش، بتقولوا «لَا رَيْبَ فِيهِ»، ودي بقى الشبهات اللي الشباب الجديد اللي في كلاب هاوس يعني، الشبهات الجديدة يقول لك: أنا اكتشفت غلطة في القرآن. أنتم بتقولوا «لَا رَيْبَ فِيهِ»، وفي ناس ارتبت في المصحف، لو سمحت! هنا سجل غلط، وإذا كان ربنا بيقول بعدها: ﴿وَإِن كُنتُمْ فِي رَيْبٍ مِّمَّا نَزَّلْنَا عَلَى عَبْدِنَا﴾ [البقرة: 23].
هذا لا ينبغي أن يرتفع عاقل. يعني الكتاب وده سبحان الله، أنا تكلمت عن ده في درس مميزات الخطاب القرآني: القرآن بيحاصرك، كأنه بيقول لك: أي حد هيرتاب في القرآن راجع نفسك، المشكلة عندك. لذلك لما ربنا تكلم عن القرآن وأثره في الآيات الأولى، بعد كده ربنا ممكن ييجي في صدر آية: إيه ده؟ طب وإزاي في ناس ما آمنتش؟ ما هم اللي غلطانين، ﴿إِنَّ الَّذِينَ كَفَرُوا سَوَاءٌ عَلَيْهِمْ﴾ [البقرة: 6]. الآيات الآيتين اللي بعد ده، لأن ده رد والمح ابن عاشور المعنى ده: أن بعد ما أثنى الله سبحانه وتعالى على القرآن وعلى أثر القرآن، فبالذات الكتاب بالعمق ده وبالقوة دي، وفيه ناس ما تؤمنش، ﴿خَتَمَ اللَّهُ عَلَىٰ قُلُوبِهِمْ﴾ [البقرة: 7]. المشكلة عندهم.
فمن البداية: ﴿لَا رَيْبَ فِيهِ﴾. يعني أنا لما فيه دوا، والدوا ده يعني بفضل الله سبحانه وتعالى شفى ملايين من الناس، وفيه ناس يعني لا تستفيد من هذا، المشكلة فيهم. يعني خلاص، هو المشكلة، هو بيتعامل معه بطريقة خاطئة. ﴿لَا رَيْبَ فِيهِ﴾، فتخيل من البداية: راجع نفسك، المشكلة عندك! إيه القوة دي؟ هذا كلام لا يقوله إلا الله، البشر مهما بلغ من القوة والعلم والحكمة لا يستطيع أن يتكلم بهذا الكلام. من الشطر الأول في الكتاب يقول: هذا هو الكتاب الكامل، ﴿لَا رَيْبَ فِيهِ﴾! إيه ده! إيه القوة دي! مش مثلا، وأعتذر للقراء، وأن الأخطاء بإذن الله أعدكم أن أنا نلاحظ الطباعة القادمة ما فيش الكلام ده. من البداية: ﴿لَا رَيْبَ فِيهِ﴾، خدوا بالكم يا جماعة.
الفلسفة والأفكار اللي بقالها مئات السنين هي قائمة أصلاً على فكرة الريب؛ قائمة أن واحد يجيب فكرة، فالتاني ييجي يرتاب فيها فيصلح فيها، فاللي بعده يرتاب فيها فيصلح فيها. يعني عجلة الفلسفة التي تم استبدالها والبعد عن الوحي، وأن هم خدوها مكان الوحي، وخلاص هي دي بقت الحكمة، هي أصلاً قائمة على فكرة اللامتناهي المتغير؛ أنه ييجي واحد يرتاب فيقول: آه، ده غلط فنحط دي كذا، فيشيلها، هي عجلة مستمرة. فتخيل من البداية أنت بقى عندك ثابت، أصبحنا أمة لها كتاب.
وده يعني ده شرف أهلي الكلاب هاوس، كانوا يستطيلون على المشركين: ليس معكم كتاب، احنا معانا كتاب. أنتم عارفين يعني ايه يا جماعة؟ أمة لها كتاب، يعني أخيرا أمة هتتوحد، ما هو الكتاب أصلاً من معانيه الجمع زي الكتيبة المجتمعة، ومن معانيه الشيء الفرد، وله معاني كتير. فاكر مين اللي قرأته جاب كل معاني الكتاب في الأول ما التيسير، اللي نسفت، هو التيسير اللي نازل جديد، تيسير مش النسف، اللي هو مدارك التأويل لأ.
تاني، تيسير في التفسير، استفاض، يعني جابت كل معاني الكتاب، يعني استفاض بطريقة جميلة يعني. فأصلاً أنتم عارفين يعني ايه أمة لها كتاب؟ يعني أخيرا أمة لها تشريعات، يعني أخيرا أمة هتتوحد، أمة لها ثوابت. الأمم اللي ما لهاش كتاب، يعني تخيل كده أمة ما لهاش معالم، شلنا كتابها وشلنا انتماءاتها وشلنا مبادئها، يلا الأمة دي هتمسخ يعني كم سنة كده وخلاص ولا يكون لها أي اثر.
يقعدوا يحافظوا على العادات والتقاليد وطريقة الأكل وطريقة اللبس، أي أمة بتعمل كده لأن هي هتمسخ، هتذوب في الأمم الأخرى القوية. تخيل أصبحنا أمة لها كتاب! ده شرف لا يغسله الماء. ﴿ذَلِكَ الْكِتَابُ لَا رَيْبَ فِيهِ هُدًى﴾ [البقرة: 2] كتاب كامل، وعد الله سبحانه وتعالى النبي صلى الله عليه وسلم، تعريض باليهود والنصارى، الذي يؤنس وحشتنا في هذه الأرض بعد نزول آدم إلى الأرض.
هذا الكتاب تتعامل معه بقيمة اليقين، أنت عارف لما بتكون واثق في حاجة بتحط فيها كل عمرك، فيه ديلة رهيبة، فيه يعني لما هم حبوا يثبتوا أن تيتانيك سفينة عظيمة حطوا فيها كل أملاكهم. الإنسان لما بيكون واثق في تجارة بيحط فيها كل فلوسه، وبعدين يرجع يعني يتنصب عليه ويصوت وكده بس عموماً، لكن لما يكون انسان واثق في شيء بيحط فيها كل عمره وكل أمواله.
فتخيل لو أنت عايز تحط كل ذهنك وكل جهدك وكل يا سيدي أغلب طاقتك في القرآن، أن واحد يقول لك إيه: وأفرط قعدتي طول عمري أدرس في فكر فلان، قعدت طول عمري أفهم في كانت، ومش هتفهموه عموماً، بس قعدتوا وترجع تندم: ده طلع مش عارف فيه إيه، ده طلع فيه مشاكل. هذا ﴿لَا رَيْبَ فِيهِ﴾ يعني يقين، ﴿هُدًى لِّلْمُتَّقِينَ﴾ [البقرة: 2].
كلمة هدى، أنا مهدي، وخصوصاً لما ترجع الدلالة اللغوية للكلمة وتشوف اشتقاقاتها وتواصلاتها، وهل هي الوصول؟ وخصوصاً أشار المعنى ده فريد الأنصاري. الوصول برفق، كان أنا بحس شوية -مش عارف الشيخ ختيمه منين- قال: أما يكون لك بغية وهدف وتكون في حالة من التيه، الذي يأخذك من هذا التيه ويصل بك إلى الهدف هو ده الهدى. مش حابب طبعا أدخل في الكلاميات النقاش الطويل والهدى والاهتداء والقصة اللي دخل فيها الزمخشري والطيبي، يعني دخل في خناقة طويلة والرازي، مش قصتنا يعني.
بيرجع لها، أنا أصلاً شايف أن لما ربنا بيقول: ﴿لَا رَيْبَ فِيهِ﴾ هذا الريب هو الذي أضاع كثيراً من عقول الناس وأعمار الناس، أن الناس للاسف لازم تجرب. ليه؟ طب ما ربنا نزل لنا وحي، ليه نضيع أعمارنا في الفاضي؟ يعني ليه الناس تقبل على كتب البشر وتضيع أعمارها فيها؟ أنا ما بقولش ما نستفيدش، طبعا واضح من سواء من طريقة حياتي أو أنا والكلام.
أنا ما بقولش اهجر كل شيء في الحياة، لكن أنا باتكلم: اللي تعامله معه في ثقة ويقين وإقبال، كتاب الله سبحانه وتعالى ﴿لَا رَيْبَ فِيهِ﴾. الريب ده أنت لما تيجي تشوفه، كلمة هدى دي عايزك تتخيل بعد ما سيدنا آدم نزل الأرض وبيببحث بقى عن كيف يرضي الله، كيف يقوم بالعبودية، كيف يفهم الحياة، حاجات كتير نفسه يفهمها لما نزل الأرض، وعايزك تحط في المقابل جهد العقول البشرية للوصول.
بدون وحي، نجيب مثلاً كتاب الله، في الفلسفة الغربية، الله في الفلسفة الحديثة، وتشوف كم التوهان اللي الناس عايشة فيه، وكم التخريف الناس بتتكلمه عن ربنا، وكم ومش عارف إيه والجوهر ولا المادة والصورة، ولا إيه ولا الدليل مش عارف، وتوهان! توهان! بيتكلموا عن ربنا وهل مش عارف يعرف اللي بيحصل فيه؟ ما فيش، لن تستطيع أن تصل إلى كلام عن الله أن يخبرك الله سبحانه وتعالى عن نفسه كما في الوحي. خوض الكلام الكثير بعيد عن الوحي بيجعل عظمة الله تخفض في القلب، وقسوة القلب، وتتجرأ، وتجد مع احترامي يعني شاب لسه صغير، واحد يتكلم عن الله بكلام يعني بارد، كأن الأولى له أن يقبل على كتاب الله سبحانه وتعالى ويدع مثل هذا الكلام الفارغ.
كلمة هدى كلمة بتوفر أعمار واحد تايه بقاله سنين، وبعدين جه حد قال له: أنا هاوصلك. اللحظة دي، لحظة عارف لما لو أنا مش لاقي لها تعبير من من نصوص الوحي إلا أن تشبيه النبي صلى الله عليه وسلم لما قال الرجل الذي فقد زاده وفقد كل شيء وخلاص، كان إلى الله: «أَفْرَحُ بِتَوْبَةِ عَبْدِهِ مِنْ رَجُلٍ» أضل راحلته وأضل الأكل والشرب وكل شيء عليها، طعامه وشرابه، وتخيل وخلاص قال: أنا هنام استنى الموت، وصحي فوجدها فأخذ بخطامها وقال: أنت عبدي وأنا ربك أخطأ من شدة الفرح. ده المفروض يكون فرحنا بالهدى، أنك أنت هتضيع من غير الوحي، أن هذا القرآن سبب طرفه بأيديكم وطرفه بيد الله، هتوه من غير قرآن، ارجعوا لدرس مشاعرنا تجاه القرآن.
لابد من استحضار هذه المشاعر، هدى، وافتكر من كلمة هدى: ﴿فَإِمَّا يَأْتِيَنَّكُم مِّنِّي هُدًى فَمَن تَبِعَ هُدَايَ﴾ [البقرة: 38]. كيف سنتعامل مع الهدى؟ ده من المعالم الأساسية في سورة البقرة: كيف سنتعامل مع الهدى؟ هل نقبل، أنعرض، نتردد؟ الثلاث أصناف في أول السورة على حسب تعاملهم مع القرآن، ثم تحدي بالقرآن، ثم قصة أصلاً نزول الهدى للأرض، ثم تعامل بني إسرائيل مع الهدى الذي جاء إليهم. أنت ممكن حسب زاوية النظر، لو بصيت كده لزاوية النظر لسورة البقرة من قضية الهدى تجد السورة كلها متسلسلة معك، ولو بصيت لسورة البقرة من قضية التكليف تجد السورة كلها، وهذا من نعم القرآن علينا ومن أفضال القرآن علينا.
طيب، الهدى يتصبر به الإنسان في وحشة الدنيا، يستضيء به الإنسان، يوفر عليك عمرك بدل رحلة البحث عن الهدى اللي أي حد قارئ في توهان الفلاسفة يكتشف أن ربنا من علينا بنعمة عظيمة، وخصوصاً في مبحث الإلهيات، يعني توهان. طيب، ﴿هُدًى لِّلْمُتَّقِينَ﴾ العلماء هنا قالوا، حتى اللي بتوع اللي عايزين يبحثوا على الشبهات في القرآن يقول لك إيه: يعني ايه ﴿هُدًى لِّلْمُتَّقِينَ﴾؟ طب ما كده مين اللي هيستفيد من القرآن؟ ما المتقين.
يبقى احنا كده استفدنا إيه؟ العلماء وقفوا وقالوا: يعني ايه ﴿هُدًى لِّلْمُتَّقِينَ﴾؟ يعني المتقين بس اللي هيستفيدوا ولا غير المتقين؟ طب هو إيه مواصفات المتقين عشان أستفيد؟ طب هو أنا أبقى متقي عشان أستفيد ولا هأستفيد، متقي؟ ودي أظن كنت تكلمت فيها بس في ضمن مساق في شرح كتاب الخلاصة في تدبر القرآن للشيخ خالد السبت، أن الناس في يقول لك إيه: هل تبقى كويس عشان تفهم، ولا تفهم عشان القرآن يخليك كويس؟ وهي أصلاً علاقة جدلية، الاتنين بيصبوا في بعض.
طب تعال نشوف فكرة المتقين. العلماء قالوا تلات حاجات، قالوا: اتسمى للمتقين ليه؟ أنت بمجرد، ركز معي، اتسمت بمجاز بما سيحدث، يعني بمجرد ما هتبدأ تلابس القرآن، أنت الآن في رحلة السير لتصبح من المتقين، فسماك بالمآل، يعني هودن أن الذي سيتلبس بالقرآن ويعايش القرآن سيكون من المتقين، وده أظن اللي مال إليه الزمخشري، يعني هينقلك إلى مرحلة التقوى، فكده يبقى بيدينا معنى أن القرآن بيوصلك للتقوى.
بعضهم قال: لأ، هو هنا فيه محذوف، تقيكم الحر، أي الحر والبرد، فقالوا: هدى للمتقين ولغيرهم، لكن المتقين هم الذين سينتفعون أشد الانتفاع من القرآن، سيكون هدى حقيقة وينقلهم حقيقة. المتقين ولغيرهم بمثابة الإشارة والدلالة، أما ثمود: ﴿فَهَدَيْنَاهُمْ فَاسْتَحَبُّوا الْعَمَى﴾ [فصلت: 17]، فغير المتقين القرآن يبصرهم بالطريق لكنهم لا يسيرون، أما المتقون فيبصرهم القرآن ثم يسيرون في الطريق، هذا الفارق بين الاتنين.
فاللي استفاده وساروا هم المتقون، أما غير المتقين لم يسيروا لكنهم أبصروا. لذلك ربنا بيقول إيه: ﴿جَحَدُوا بِهَا﴾ [النمل: 14]. يعني القرآن يحاصر الإنسان، أما أن تتقي وإما أن تجحد بعدما علمت أنه الحق. وقيل، وهذا معنى عجيب، سبحان الله، كان وأنا بحاول يعني كان وقع في صدري أثناء ما كنت بأقرأ الكتاب للشيخ المعلمي اليماني عن فكرة العبادة، وكان أشار معنى جميل بيقول: الباحث عن الحق، لو مات، وهل كل باحث للحق سيصل ولا ممكن يكون هو كان يفترض؟ هل ممكن يكون إنسان صادق، صادق في البحث ويبحث بكل ما أوتي من إمكانات، ويعطيه الله إمكانات للبحث ويمد له في العمر، ولا يصل؟
المعلمي قال: لا، لازم يصل، ﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾ [العنكبوت: 69]، شويه أنه يصل للإسلام، ولا وصل لغير الإسلام يبقى هو اللي عنده خلل، ولو مات في الطريق طبعا أنا معروف تكلم عنه غيره من علماء كتير، من العلماء المتقدمين، فقد وقع شروع الله.
إيه علاقة ده باللي أنا بقوله؟ كان وقع في صدري معنى أن ممكن يكونوا من عن المتقين، أن مين اللي هيستفيد من القرآن، وهذا الواحد بيشوفه في نقاشات كتير مع الشباب اللي عندهم شبهات، أو بيدعي أن هو ملحد أو كده، أن له عنده حذر. يعني ايه عنده حذر؟ يعني واحد نظر في الكون فوجد فيه إتقان وإبداع، فهو حاسس أن فيه حاجة، ما ينفعش نبقى كده. في واحد تاني تناقشه يقول لك: يا عم بقول لك إيه الموضوع خلصان، ما فيش إله وما فيش دين والموضوع خلصان، وما بص ما تسألش ورايا، الموضوع منتهي وما تسألش ورايا والقصة دي خلصانة، وتعالوا نشوف بقى هنعمل إيه، مش لازم هنعمل إيه يعني شهوات، المهم الموضوع ده اقفل.
أنه يفكر اللي لسه شاغله ويشعر أزمة وضيق وفراغ في صدره وروحه وفقر روحي، ويشعر بأن لا يستحي، قيل إن الكون بهذا الإتقان يكون عبثاً، ويبحث عن قضية الأخلاق، وفي قضايا شاغلاها ويبحث، ده اللي ممكن يسمى متقي، فيبحث فيكون القرآن.
عندي الواقع في صدري بس مش عايز أقول أن ده اللي تعنيه الآية تحديدا، ممكن يدخل ضمن ما تعنيه الآية، اللي لقيته أشار للمعنى ده بطريقة يعني فيها اقتضاب شوية، محمد عبده نقل عنه رشيد رضا، ومش فاكر مين اللي انتقده، أظن كان هو نفسه رشيد رضا أو القاسمي، لحد بعد ما نقل القول ده انتقده، لكن ممكن نقول يدخل ضمنه، ده بعيدا حتى لو قلنا مش ده له علاقة بالآية، ده في الواقع، أن الإنسان حتى في النقاشات اللي جاي باحث ومتقي، مش متقي بمعنى أن هو صالح، ما هو أصلاً لسه بيبحث.
لكن فيه خوف وفيه إشفاق وفي وجل، ويبحث؛ لأن الأمر خطير. الأمر خلود، هي الحياة واحدة، الأمر محتاج بحث يعني بخوف وجل، هو ده اللي بإذن الله سبحانه وتعالى، وبيبحث يصل بإذن الله سبحانه وتعالى يتركه الله سبحانه وتعالى.
الثلاث أقوال اللي أتقالت في مسألة للمتقين، طيب بعد كده ربنا سبحانه وتعالى -ركزوا بقى معي عشان نخلص الخمس آيات الأولانيين-: آلم الآية الأولانية، اتكلمنا في فصلنا على ﴿ذَلِكَ الْكِتَابُ لَا رَيْبَ فِيهِ هُدًى لِّلْمُتَّقِينَ﴾ [البقرة: 2].
بعد كده عندنا آية تلاتة: ﴿الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالْآخِرَةِ هُمْ يُوقِنُونَ أُولَئِكَ عَلَى هُدًى مِّن رَّبِّهِمْ ۖ وَأُولَئِكَ هُمُ الْمُفْلِحُونَ﴾ [البقرة: 3-5]. تمام.
عندنا الحروف المقطعة المقدمة بهذا الكتاب، وبعد كده عندنا وصفين، ثم نتيجة الوصفين. يقول لك إيه؟ كتير من الناس يقول لك مقدمة البقرة خمس آيات في المؤمنين، واتنين في الكافرين، وتلاتاشر في المنافقين. لأ، هي مش خمسة في المؤمنين، يعني هي الأول حروف مقطعة، وبعد كده وصف للكتاب للمتقين أصبح له مودا، وبعد كده بقى الاتنين دول، واحنا عايزين نتكلم في الاتنين دول عشان دول -ركز معي- دول باللي مشي ورا هدى ربنا. قال إيه؟ ﴿أُولَئِكَ عَلَى هُدًى مِّن رَّبِّهِمْ وَأُولَئِكَ هُمُ الْمُفْلِحُونَ﴾ [البقرة: 5].
احنا دلوقتي هنقرأ في مواصفات ربنا قال دول المفلحون، يعني لما يجي انت داخل الجامعة وداخل أي حاجة فيها دراسة، ويجي الأستاذ أو المسئول المكان ده يقول لك: إيه اللي هيعمل كذا وكذا دول اللي بينجحوا، عشان ما تشغلوش نفسكم بمذكرات وبدروس، اللي بيعمل كذا هو اللي بينجح.
كلمة بينجح وبيفلح بتخلي حاجة عندك تنور. إيه يا جماعة؟ أنا عايز أعرف. فكلمة المفلحون في آخر الخمس آيات تخليك ترجع تاني: مين المفلحون دول؟ يعني لما بتيجي تقرأ سورة المؤمنون ﴿هُمُ الْوَارِثُونَ الَّذِينَ يَرِثُونَ الْفِرْدَوْسَ﴾ [المؤمنون: 10-11]. إيه ده؟ تقول: يرثون الفردوس؟ تعالوا نرجع تاني، مين اللي بيرث الفردوس؟ عشان ترجع تشوف ما أنت عايز تكون منهم. طيب، ﴿وَعَلَى هُدًى مِّن رَّبِّهِمْ﴾ [البقرة: 5]، مين دول؟ ﴿هُدًى لِّلْمُتَّقِينَ الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ﴾ [البقرة: 2-3]. تعال مفصص بسرعة التلاتة دول، طبعا ما عدش بسرعة استحملونا بقى، يؤمنون بالغيب. العلماء قالوا: هل التلات أوصاف دول ﴿يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ﴾ في طائفة، ﴿وَالَّذِينَ يُؤْمِنُونَ بِمَا أُنزِلَ إِلَيْكَ﴾ يوقنون دول طائفة، وبعد كده ﴿أُولَئِكَ عَلَى هُدًى مِّن رَّبِّهِمْ﴾ الاتنين مفلحون؟ ولا ده هو نفس الوصفات دي وأنهم صنف واحد؟
الأشهر واختيار يروى عن النعاس واختيار الطبري وغيره أن دول طائفة اللي هم المشركون، ودول طائفة اللي هم أهل الكتاب. أن ﴿الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ﴾ دي جت للمشركين، ودي جت في أهل الكتاب، والاتنين اللي هي على هدى من ربهم.
مثلًا الاتنين طائفة واحدة، طيب اللي قال طائفة واحدة: مين؟ المشركون؟ لأ، الأغلب قالوا: لأ، دول أهل الكتاب؛ لأن السورة ماشية أكثر على أهل الكتاب: يا بني إسرائيل. وأنت رايح تخاطب أهل الكتاب، فأنت عايز تقول لأهل الكتاب: السبيل للحاق بنا على خطى القرآن أنكم تؤمنون بالغيب وتقومون الصلاة وتنفقون وتؤمنون بما أنزل من قبل وما أنزل النبي وبالآخرة هم يوقنون. احنا عندنا يا أما دول صنف ودول صنف، يا أما صنف واحد يكون لأهل الكتاب، أو صنف واحد يكون للمشركين، وده كده بالترتيب الاقوى، اللي هم صنفين أو أهل الكتاب أو المشركين.
فخلينا نشوف ﴿الَّذِينَ يُؤْمِنُونَ بِالْغَيْبِ﴾، نبحث الأيمان ده مبحث ضخم، مستحيل أتكلم عنه، هحاول طول ما احنا ماشيين في السورة أشوف بعض الإشارات كده لمعنى الإيمان؛ لأن فيه ناس تقول الإيمان هو التصديق، والطبع نقل عن بعض الناس.
لكن من إبداع اعتبر أن لما جمع في الاخر معاني الإيمان قال: لأ، كل المعنى أن هم في ناس قالت: التصديق. وفيه ناس قالت: العمل. وفيه ناس قالت: الفعل. وفيه ناس قالت: القول باللسان.
الإيمان: قول وعمل، قول واعتقاد وفعل، وبعض الناس بيحط كلمة اعتقاد تحت القول؛ يعني قول القلب. هذا الإيمان بالغيب، يعني إيه ﴿يُؤْمِنُونَ بِالْغَيْبِ﴾؟ وخد بالك ده يعتبر أول وصف يقابلنا بعد هدى للمتقين.
يعني لما ربنا يقول لك في ناس اهتدت بالقرآن، إيه مواصفاتهم؟ أول وصف في القرآن: يؤمنون به. وزي ما قلت لكم، دي مترابطة مع آخر السورة: آمن الرسول، الإيمان فيه تصديق مع أمن، مع بذل، مع سير. إيه بالغيب؟ بصوا ركزوا معي معلش، البلدي لو قلنا إن هي اسمعوها وعدوها، يعني هي اللي هتعدي الفعل؛ يعني آمنوا بايه؟ زي مثلاً أنت كلت كذا، فالفعل كل بيبقى كلام يتعدى بنفسه. طيب آمن الغيب، يعني منبيل غيب؟ يعني باقي التعدية دي، يعني إيه هو اللي آمن؟ آمن بايه؟ آمن بالرسول، آمن بالقرآن؟ لأ، بكل الغيب، إيه ده! يعني من أول لحظة في الطريق -تخيل معي تاني صدمة غير المسلم ماسك المصحف، وخصوصاً العقلية بقى الهندسية المعاصرة ديت- أمسك المصحف وجاي يقرأ اللي هي بيقول له: آلم، وبعد كده بيقول له: ﴿ذَلِكَ الْكِتَابُ لَا رَيْبَ فِيهِ هُدًى لِّلْمُتَّقِينَ﴾ [البقرة: 2]، وبعد كده في غيب لازم تؤمن به! هو ممكن عقليته تتعسر في الآية دي؟ ليه في غيب يؤمن به؟ لا عايز.
شوف: ﴿لَن نُّؤْمِنَ لَكَ حَتَّى نَرَى﴾ [البقرة: 55]، ده أصل من اصول الانحراف، اتكلمت عنه في سلسلة اصول الانحراف، اللي هو لن نؤمن لك حتى أنظر، لأ من الأول كده في غيب.
لازم حياتك تكتمل، ربط هذا العالم -عالم الغيب- بعالم الشهادة، بل أنت تشعر أن غياب عالم الغيب من حياتك مدمر لنفسيتك، هتعيش ازاي؟ يعني معقول كل حياتنا هو في عالم الشهادة ده بس فقط؟ والناس اللي بتموت والناس اللي بيحصل لها ظلمة خلاص تنتهي هذه الحياة؟ أين الغيب؟ عالم آخر ﴿يُؤْمِنُونَ بِالْغَيْبِ﴾. هذا الإيمان اللي بالغيب لو قلنا إنه معناه يؤمن بالغيب.
ولد أفعالًا، الأفعال دي نوعين: علاقته بالغيب دي ظهرت في حاجتين، ظهرت في علاقته بالله وعلاقته بالناس. إيه اللي يخليه يكون لازم يبحث عن علاقة بالله؟ إيمانه بالغيب. وإيه اللي يخليه يبحث عن عطائه للناس؟ إيمانه بالغيب.
إيمانه بالغيب خلاه إنسان متحرك في الحياة، يبحث عن علاقته بالله وعن علاقته بالناس. لو نزعنا الإيمان بالغيب، هيبقى إنسان أشبه بهائم، خلاص هو مش محتاج حاجة، عايز ياكل ويشرب وينام، مش عايز حاجة تانية، ويمارس شهواته طبعا.
مش عايز حاجة تانية يعني لا يشغل بالنا في علاقته بالله ولا علاقته بالناس. دخول مكون الإيمان بالغيب بقوة يجعله يقيم الصلاة وينفق للناس، دول الرمزين عمالين كبار من أعمال الإسلام، من علامات من شعائر الإسلام: الصلاة والانفاق. خلينا نقول كلمة الإنفاق دلوقتي مش الزكاة.
ده لو قلنا بعض العلماء قال: الباء هنا -وده قول أقل قوة، القول الأول ده الأشهر، أقل قوة- الباء هنا ممكن نسميها باء المصاحبة باء الحال؛ يعني يؤمنون حال غيبهم عن الناس.
يؤمنون حال غيبهم؛ يعني يحافظون على إيمانهم حتى لو غابوا عن الناس، وليس كهؤلاء الذين في الظاهر فإذا غابوا عن الناس وخلوا إلى شياطينهم قالوا: إنا معكم. يبقى ﴿يُؤْمِنُونَ بِالْغَيْبِ﴾ الأولانية، المعنى الأول: تعريض باليهود وبالمشركين أن عندهم مشكلة في إيمانهم بالغيب.
المعنى الثاني: تعريض بالمنافقين، المعنى التساع ده أقلهم درجة، بس على حسب الباء، الباء لو تعدية يبقى المعنى الأول، الباء لو حال أو مصاحبة المعنى الثاني. قال له: لو الباء باء الآلة؛ يعني إيه باء الآلة؟ يعني أنت سافرت إيه؟ بالسيارة، دي الآلة التي سافرت بها، كتبت بايه؟ بالقلم، ده باء الآلة. فقال له: آمن بايه؟ آمن بالقلب، يعني إيه آمن بالقلب؟ قالوا: يعني أن إيمانه مستقر في قلوبهم وليس فقط على لسانهم كالمنافقين: ﴿وَمِنَ النَّاسِ مَن يَقُولُ آمَنَّا﴾ [البقرة: 8]. فيبقى فيه ناس إيمانهم كلام فقط، لا يوجد هناك أفعال، هؤلاء هم المنافقون.
فيفبقى القولين التانيين دول فيهم تعريض بالمنافقين، والقول الأول تعريض بأهل الكتاب أن إيمانهم بالغيب فيه مشكلة، أو بالمشركين على قول أن دي في المشركين بس. ﴿يُؤْمِنُونَ بِالْغَيْبِ وَيُقِيمُونَ الصَّلَاةَ﴾. يعني إيه يقيمون الصلاة؟
معلش احنا النهاردة هنفصل شوية، وبعد كده إن شاء الله نمشي أسرع شوية زي بقية المجالس. يقيمون الصلاة، الصلاة يعني إيه؟ العلماء اختلفوا في اشتقاق الصلاة، وأنا بصراحة بسمع كتير دايما يقول لك إيه: ومعنى بديع وأنا بقوله كتير، الصلاة صلة بين العبد وربه، الصلاة صلة بين هي الصلاة صلة. لكن هل ده الأصل معنى الصلاة اللغة؟؛ لأن الصلة جاية من وصل، ودي صلاة، يعني فاء الكلمة الحرف الأول هنا صاد وهنا واو، ولذلك قالوا: لأ هي الصلاة مش من وصل أصلها. ما أصلها من إيه بقى طويل؟
هل حرك الصلوين من أول العينين اللي منتحت كده، وأنت لما بتوطي زي مثلاً في السباق قصة كده -وإن كان بعضهم اعترض وقالوا: مش معقول يكون معنا مشهور زي كده ده أصله أختلف أصله- لكن المعنى والله أعلى وأعلم أن أنا أميل إليه أصل معنى الصلاة -وأظن ذكروا الفراهي في المفردات بتاعته حميد الفراهي، مين تاني يا شرفي؟- أظن برضو المصطفوي في التحقيق أشار إليه، أن الصلاة فيها معنى الملازمة، وأنك بتعالج شيء بتدخل فيه وتلازمه.
قالوا: إن اللي بيصلى النار يقاسيها، يدخل فيها ويلازمها، اللي بيصلى النار يدخل فيها، هكذا هي الصلاة تدخل في شيء وكأنك تدخل عالم آخر وتلازمه. هذا العالم هو الذي تقيم.
أنت تقيمها وهي تقيمك، أقاموا الصلاة؛ لأنك أنت بتحب تقيم العود بتصليه بتحطيه كده بتحطي العود المعوج كده فلما يصلب النار بيتظبط كده، هكذا تفعل فيك الصلاة، أقيمك، تقيم اعوجاجك.
يصحح هذا الاعوجاج من معاني الصلاة، هذه العلاقة الخاصة بين العبد وبين ربه، أول أثر من آثار الإيمان بالغيب أن تقيم الصلاة، يبقى من علامات إقامة إيمان الغيب إقامة الصلاة.
طيب يعني إيه يقيمون؟ طبعا كان ربنا يقول: الذين يؤمنون بالغيب وصلوا. ليه دايما أقاموا الصلاة؟ قعدوا وقفوا مع كلمة أقاموا قالوا: هل أقام جاي من إقامة العود زي ما انا قلت لكم ويصلحها زبطها، فانت قاعد طول الصلاة تزبط الخشوع والخلص والنية والأركان؟ ولا جاية من أقاموا السوق قامت السوق يعني نفقة واشتغلت والناس اللي مركزة في السوق، فمركز في الصلاة بحيث أن الصلاة تكون رائجة ومداوم عليها؟ ولا قام بالأمر اهتم به؟ كل دي معاني تنفع مع إقامة الصلاة، ولابد أن تقام الصلاة في المجتمع مش بس في النفس.
وبس خدوا بالكم من الصلاة دي هتبقى معه ماشية معنا طول السورة: استعينوا بالصبر والصلاة مرتين، عليهم صلوات، تغيير القبلة في الصلاة، الصلاة في الطلاق، طول السورة احنا معنا الصلاة عشان يفهم مركزية الصلاة والإنفاق. السورة اصلا مختومة بالانفاق، ختمت بالانفاق، والصلاة ماشية معنا طول السورة. يعني أول عبادتين ماشيين معنا طول السورة.
بتختم به الإنفاق والصلاة، هتبقى محورية إن شاء الله بإذن الله معنا في السوق، بل من الأوامر المركزية لبني إسرائيل قضية الصلاة. طيب ﴿وَمِمَّا رَزَقْنَاهُمْ يُنفِقُونَ﴾ الإنفاق من علامات المؤمن؛ لأن الإنفاق بحثت كتير في قضية الإنفاق، ويعني إيه نفقة؟ وهل في علاقة بين النفاق والإنفاق؟
أنا في الأول كنت متصور أن الإنفاق يزيل النفاق وتصور كده يعני، بس أنا بحثت لقيت المعنى ده مش دقيق أوي، يعني كنت متخيل لذلك آخر سورة المنافقون دي قضية الإنفاق.
فمن طرق إزالة النفاق -ودي عايزة بحث في القرآن-: كيف تزيل النفاق منها؟ أنك تلقي نفسك في الجهاد زي في سورة النساء، من أنك تنفق زي في سورة المنافقون. يعني في طرق لإزالة النفاق من القلب.
من شعائر الإسلام أن الإنسان يكون يعطي، المال لا يكنز، كنز المال يؤدي إلى مشاكل دائما، وده فكر بني إسرائيل، الكنز والجمع، السورة بدأت بالعكس بالتفريق والإنفاق، يعني المال اللي ما بيجمع بيسمع فيه ويعمل مشاكل.
فدائما اللي يقوم على أموال المسلمين يكون حريص على قضية الإنفاق مش على قضية الكنز والجمع، ده بيولد مشاكل وفتن وهروب، لكن لما بيجمع لما بينفق ببعث شف فعل النبي صلى الله عليه وسلم يعطي هذا مئة من الإبل، ويعطي هذا ويعطي هذا، عطاء من لا يخشى الفقر، عارف يعني أعطى بلاغ في الفقر؛ يعني واحد حسابه في البنك لا نهائي -بلاش في البنك يعني- يعني واحد ما عمل لا ينفد لا يفكر في قضية الفقر، فيعطي ويعطي ويعطي.
هو إيه هو ﴿مِمَّا رَزَقْنَاهُمْ﴾ وإن كان من للتبعيض، لا يعني أن يسألكموها يحفكم فتبخلوا ويخرج أضغانكم، الشرع ما طلبش انك تخرج كل مالك أبدا، من تبعيض، وهتيجي السورة: ﴿يَسْأَلُونَكَ مَاذَا يُنفِقُونَ﴾ [البقرة: 215] مرتين، ننفق إيه؟ دي هتيجي لنا أيضا في السورة. ﴿رَزَقْنَاهُمْ يُنفِقُونَ﴾.
في ناس قالوا بقى زي ما قلنا، وده اختيار الطبري أن ده للمشركين فلذلك ده قال معنى جميل قال: أن الناس نوعين، الناس اللي هتؤمن بالدين الإسلامي ده نوعين، ناس فطرتهم سليمة ولم يكن لهم دين سابق كانوا مشركين ففطارهم السليمة قادتهم للإيمان بالغيب، وناس كان سبب تأثرهم بدين سابق هم سبب إيمانهم بهذا الدين، فدول الايه الصنفين.
يعني ﴿الَّذِينَ يُؤْمِنُونَ بِالْغَيْبِ﴾ مجرد الفطرة، ﴿وَالَّذِينَ يُؤْمِنُونَ﴾ بهذا الدين بتأثير إيمانهم بما أنزل من قبل من كتب. والذين يؤمنون بما أنزل إليك -خلاص أنا بقفل اهو- والذين يؤمنون بما أنزل إليك وما أنزل من قبلك وبالآخرة هم يوقنون.
عجيب قوي أن حتى لو قلنا أن دول أهل كتاب إصرار القرآن من الأول أن الإسلام ليس دينا منبتا عن بقية الأديان. إصرار أن في ناس قالت على فكرة أن ده وصف لأهل الإيمان.
هو مؤمن بما أنزل إليك، طيب، ما خلاص ما اللي مؤمن بما أنزل إليك تلقائي في الضمن مؤمن بما أنزل من قبلك. لأ، والذين يؤمنون بما أنزل إليك وما أنزل من قبلك. طيب، إيه لازمتها الآية؟ ما هو اللي هيؤمن بما أنزل النبي صلى الله عليه وسلم، ما هو ضمن ما أنزل للنبي صلى الله عليه وسلم من ضمن ما أنزل إليه أن هناك كتب كتب سابقة.
من الأول نحن امتداد، نحن أسرة ممتدة، عائلة طويلة، خط التوحيد من لدن آدم. هم بيحاولوا يعزلوا الإسلام، وأن حاشاه صلى الله عليه وسلم، وأن محمداً رجل ادعى، وجه في الصحراء، وقال كلمتين وضحك، لا لا لا، الإسلام امتداد؛ هم حرفوا وبدلوا، هم اللي عايزين يخرجوا المسيرة بتاعتنا، ويدعوا أن إبراهيم متصل بهم، وما أنزلت التوراة والإنجيل إلا من بعده. هتهودوا إبراهيم إزاي وتنصروه إزاي؟ بيقول لك الشافعي كان أشعري مثلاً، كنت بحس إنه إزاي ده هو قبله هو يعني مع الفارق، لكن أقصد هنا الإسلام ده امتداد، الإسلام امتداد، فيؤمنون بما أنزل إليك وما أنزل من قبلك، نحن أولى بموسى منهم.
لازم تبقى فاهم ده من البداية، إنك رايح، أنت لازم تستحضر، إحنا رايحين مدينة جديدة الآن، وناس أهل كتاب، ويهود وتقسيمات وأفكار، اتعاملنا مع قوم مختلفين. لذلك ابن حجر قال في الشرح، لما النبي صلى الله عليه وسلم قال إنك تأتي قوماً أهل كتاب، قال لهم طريقة مختلفة في الدعوة غير طريقة المشركين، والذين يؤمنون بما أنزل إليك وما أنزل من قبلك، وب الآخرة هم يوقنون. قالوا ده تعريض بطريقة أهل كتاب في الآخرة، دي الإيمان بالآخرة.
يعني ممكن واحد يكون مؤمن بالآخرة بس غلط؟ أه، مش بالغ لدرجة اليقين، يقول لك هنعذب أيام ونطلع زي ما اليهود والنصارى قالوا، أو لأ، ده ده فهم خاطئ للآخرة، وتقديم للآخرة، وكأن الآخرة، وكأن الآخرة، وكأن تاني الآخرة هي اليقين الأوحد وما سواها سراب، عكس ما إحنا عايشين؛ الناس الآخرة سراب والدنيا هي اليقين الأوحد. لأ، بالآخرة هم، واليقين، واليقين ده من معانيه الثبات والشفافية، تظهر ما تحت الماء لما يقن الماء كده يعني، ما عادش بيتحرك، ثابت وبيبان اللي تحته؛ اليقين رسوخ الإيمان، اللي هو اطمئنان القلب: ﴿أَوَلَمْ تُؤْمِن قَالَ بَلَىٰ وَلَٰكِن لِّيَطْمَئِنِّ قَلْبِي﴾ [البقرة: 260].
يعني الآخرة عنده ما بتتهزش، الإسلام يقع، يروح يموت مسلمين، مشايخ تقع، دعوات تسقط، مش عارف إيه، هو يقين؛ لأنه بالآخرة، هو مش مبني بجماعة ولا بشخص ولا بطائفة، هو بالآخرة، وده اللي بيكمل، اللي إيمانه بالآخرة هو ده اللي بيكمل؛ لأن الآخرة ثابتة، فيقين اللي هو الماية ما بتتهزش، عارف بارميه ماية ثابت، شفاف، يرى ما تحته، فتستطيع أن تبصر ما وراءها، كأنك تراه، الإحسان كأنك تراه، وفي الآخرة كأنك تراها: إني لأجد الجنة. وبالآخرة هم يوقنون، ثبات ورسوخ في الإيمان، دول أولئك على هدى الله، في الأول بشرى بالهدى، وبعد كده تمكنوا من الهدى.
يعني في الأول الكتاب ده فيه هدى أو لا ريب فيه هدى، الآن تمكنوا من الهدى، على هدى من ربهم، يا الله! يبقى الإيمان بالغيب اللي بيولد علاقة بالله قوية، وتقام علاقة زي القصور كده تقام علاقة تبنى وإنفاق وعطاء، وإيمان بما أنزله الله من كتاب، ويقين في الآخرة، هذا هو المفلح، اللي عنده خلل في هذه الأركان عنده خلل في الهدى، وأولئك هم المفلحون، الفلاح الوصول للبغية وادراك الطلب والبقاء بعد ما يسقط الناس.
قالوا دي أصول معنى الفلاح، السحور بيتسمى الفلاح؛ لأنه يبقيك ويبقي صيامك إلى المغرب، والفلاح فيه شق حتى تصل إلى بغيتك، والذي يفلح هؤلاء اللي هم تعبوا حتى وصلوا إلى الأمر. أنا كان نفسي أصلح آيتين الكفار، بس إحنا ممكن نسيب الكفار المرة التانية عشان ما ينكدوش علينا، إحنا طولنا قوي كده، مش طالبة كفار النهاردة، خلينا نكتفي.
أعتذر على الإطالة، أسال الله سبحانه وتعالى أن يفتح لي ولكم في فهم هذه السورة العظيمة، سبحانك اللهم وبحمدك، أشهد ألا إله إلا أنت أستغفرك وأتوب إليك، والسلام عليكم ورحمة الله وبركاته.