تفسير سورة العنكبوت (1) | الآيات (1-5) | د. أحمد عبد المنعم

السلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. بإذن الله عز وجل، اليوم نرجع تاني لمجالس القرآن. هنوقف سلسلة إشكاليات شوية، فيها إشكاليات كده ممكن نبقى نعمل درس بعد كده إشكالية الإشكاليات. الإشكاليات اللي حصلت نتيجة دروس الإشكاليات كمية رسايل، يعني كفاية كده إيه مشكلته، كفاية يا سيدي خلاص، متشكرين على الناس اللي بعتت آراءها، جزاه الله خيرا، كفاية كده.

نرجع لمجالس القرآن، ربنا سبحانه وتعالى يجعلنا جميعا من أهل القرآن. استحضار بس قبل ما نرجع تاني مجالس القرآن استحضار قيمة هذه المجالس في بناء الإنسان والارتقاء ﴿اقْرَأْ وَرَتِّلْ وَارْتَقِ﴾. وهذه المجالس مجالس مباركة تحفها الملائكة، هذه المجالس يذكرها الله سبحانه وتعالى بنفسه، يذكرها الله فيمن عنده. مرحبًا بقيمة هذه المجالس ويجعل الإنسان يقبل عليها ولا يتكاسل، ويجعل الإنسان يقبل على القرآن يستقي منه المفاهيم، ويستقي منه العقائد والمبادئ، فيزكي نفسه من كتاب الله سبحانه وتعالى.

للأسف احنا كتير مننا بيكسل، يبذل وقته مع القرآن أقصى درجة يعني إن هو بيحفظ، لكنه لا يعطي القرآن عمره وجزءًا من وقته كبيرًا. للأسف ده يعني كنت بقول إن للأسف احنا بنكسل ليه دلوقتي مع القرآن؟ نبقى عايزين الخلاصة، مين فينا بذل إنه يدي وقت مثلا يتدارس سورة فاطر أو سورة سبأ أو سورة الأنعام؟ أي سورة يديها جزءًا كبيرًا، يديها شهر مثلا، يترنم بالسورة، يصلي بها، يكثر من حفظها، يصلي بها النوافل، يتدارسها، يقرأ تفسيرها، يتدارسها مع إخوانه.

يعني ده مهم إن يكون ده في طريقة تفكيرنا، ومن أهم طرق اللي إن شاء الله عايز يتعلم ويقترب من كتاب الله سبحانه وتعالى ويتدارس القرآن على علم ويتدبر في كتاب الله سبحانه وتعالى على علم، في ركنين مهمين جدا لفهم القرآن، سريعا كده كمقدمة سريعة؛ ركن العلم إنك انت يبقى عندك علم، وركن المعايشة، هذان ركنان مهمان جدا في فهم كتاب الله سبحانه وتعالى. ركن العلم طبعا كل ما بتزداد فهم في علوم الشريعة بل حتى وفي غير علوم الشريعة بتزداد فهما لكتاب الله سبحانه وتعالى.

لكن من أخص العلوم، وأنا قلت كده لأن العلوم كلها بتصب في فهم القرآن وفهم القرآن يصب أيضا للزيادة في فهم بقية العلوم، لكن أخص العلوم علوم الأثر وعلوم اللغة. التمكن من هذه العلوم أو من هذين العلمين تحديدا؛ علوم الأثر وعلوم اللغة. الأثر لأن أنت عايز تعرف الكلام اللي وارد عن السلف، ما تبقاش بتتكلم كده في القرآن، ما تبقاش فاهم السلف تكلموا في هذه الآية وضعوا لها ضوابط، أنت فهمك للآيات على خلاف فهم السلف مؤشر خطر أنك تبتعد عن أو تتكلم في القرآن قبل الرجوع إلى كلام السلف. طبعا في تفاسير أثرية كتير لكن كيفية التعامل معها بيحتاج إتقان لهذه العلوم. وعلوم اللغة طبعا بما فيها النحو والبلاغة وغيرها، لكن من أهم العلوم طبعا في علوم اللغة النحو. ده كعلوم.

إنما كمعايشة؛ أن تستحضر واقع نزول القرآن. يعني النهاردة احنا إن شاء الله بإذن الله عز وجل هنبدأ مدارسة في سورة العنكبوت، أن تستحضر هذا الواقع اللي نزل فيه القرآن. كان واقع حي، واقع مليء بالقضايا والتفاعل. مش الإنسان الواقع اللي هو عايش فيه واقع نوع من البرودة والانعزال عن مشاكل الواقع، لا يحيا قضايا أمته فبالتالي مش مستشعر المعاني. فالمعايشة والمعايشة عشان تكون فعالة في فهم القرآن هي ركنان أيضا؛ معايشة واقع نزول القرآن، والحاجة التانية أن يكون لك واقع مماثل أو مقارب، تتمنى لمن لم يغزو أو تحدثه نفسه بالغزو، واقع مقارن لواقع الصحابة أو تتمنى أن تفعل ما فعلوه أو تقدم جزءا مما قدموه لنصرة دين الله تعالى. الركنين دول بيفتحوا للانسان آفاقًا كثيرة في فهم كتاب الله سبحانه وتعالى.

نبدأ مع بعض المجالس النهاردة مجلس سورة العنكبوت بإذن الله سبحانه وتعالى، احنا هنمشي فيها أشواط كده حسب ما ربنا يسر وحسب الوقت. سورة العنكبوت سورة أول نتكلم عن موضوعها في القرآن، وبعد كده ممكن نتكلم على اللي أشاروا إلى موضوعها. بالنسبة لموضوع سورة العنكبوت، أو الأول هي سورة مكية ولا مدنية؟ كتير من المفسرين قال إن هي مكية، وبعضهم قال مكية إلا بعض آيات وخاصة في أوائل الآيات واستثنى قال فيها بعض آيات مدنية.

بعض المفسرين استثنى أن بعض الآيات مدنية، قال في ألفاظ ذكرت هذه الألفاظ لا تكون إلا في المدينة، مثل لفظ النفاق ولفظ الجهاد. وهذه الألفاظ كمصطلحات شرعية سواء النفاق أو كحكم شرعي زي الجهاد لم ينشأ إلا في المدينة. فلأجل ذلك كما قال ربنا سبحانه وتعالى: ﴿وَمَن جَاهَدَ فَإِنَّمَا يُجَاهِدُ لِنَفْسِهِ﴾ [العنكبوت: 6] أو ﴿وَلَيَعْلَمَنَّ اللَّهُ الَّذِينَ آمَنُوا وَلَيَعْلَمَنَّ الْمُنَافِقِينَ﴾ [العنكبوت: 11]. فقالوا إن النفاق ذكر وما كانش فيه نفاق في مكة، لأن النفاق هو إظهار الإيمان وإبطال الكفر لأجل أن هو يكون ضمن مجموعة المؤمنين المنتصرة. طيب ده هيكون فيه نفاق ازاي في مكة؟ هنشير للمعنى ده لما نوصل للآية اللي فيها ذكر النفاق إن شاء الله.

لكن أيضا بعض المفسرين رفض ده وقال لا، كل السورة مكية، وممكن نجيب على كيفية ورود هذه المصطلحات في مكة، أو أن الآيات نزلت في المدينة وبتخاطب واقع ناس مستضعفين. الآيات قصدي نزلت في المدينة، ده بعض المفسرين حاولوا الأمور. الآيات دي تحديدا الحداشر آية الأولانيين نزلت في المدينة لكن بتتكلم عن واقع أناس يعيشون في مكة، لسه يعيشون في حالة من الاضطهاد والتعذيب في مكة المستضعفين. سواء اللي رفضوا الهجرة بأنفسهم أو لم يستطيعوا الهجرة، هنتكلم عن ده إن شاء الله أثناء سيرنا في السورة.

يبقى السورة غالبها الجو اللي فيها جو مكي، بل قيل إنها من أواخر ما نزلت في مكة، أو السورة الأخيرة أو قبل الأخيرة، سواء هي العنكبوت أو المطففين، دي خواتيم مكة. لازم تستحضر معنى يعني إيه خواتيم مكة؟ يعني تلاتاشر سنة من التعذيب، تلاتاشر سنة من الأذى وبدون أي نور باقي يظهر في الأفق، يعني مش عارفين الحل هيبقى ايه؟ ولما النبي صلى الله عليه وسلم كان فيه هجرة سبقت للحبشة لم تكن هي الحبشة الأرض التي هاجر إليها النبي صلى الله عليه وسلم، وبعد كده النبي صلى الله عليه وسلم محاولة للطائف أيضًا لم تكن هي هذه الأرض. فأي بوادر نصرة في الأفق أو تغير أو تمكين في الأفق لم تظهر.

مع طول فترة الاستضعاف وتنزيل هذه الآية تخاطب واقع الناس في هذه اللحظة، ده انت لازم تستحضر يا ترى واقع الناس في اللحظة دي عامل إيه؟ إتناشر أو تلاتاشر سنة نقول تقريبا إتناشر سنة من الابتلاءات والتعذيب والأذى، والأمر بيزداد سوءا، يعني الأمر بيزداد ضيقا أن حتى حصار شعب أبي طالب أقرب الناس للنبي صلى الله عليه وسلم سواء اللي كان من الكفار بيدافع عنه كعمه أبي طالب أو من المؤمنين كزوجته خديجة بيموتوا، الحماية بتقل، الأذى بيزداد، فرص وجود مدينة أخرى زي الطائف لم تنجح. الواقع ده ممكن يجعل بعض الناس يستطيل الطريق أو يصيبه يأس أو أن هو يبدأ يتضجر أو يبدأ يتساءل: هو ليه كده؟ ليه بيحصل فينا كده؟ لماذا يتركنا الله سبحانه وتعالى؟ ولماذا لا ينصرنا الله؟ يعني بتبدأ التساؤلات دي تحدث في داخل الإنسان مع طول فترة الاستضعاف.

فبيأتي القرآن ليخاطب ويجيب عن هذه التساؤلات حتى لو لم يتفوه بها الإنسان، حتى لو كانت هذه التساؤلات حبيسة في صدورهم، ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]. كان فيه تساؤلات بيتكلم بها الصحابة زي ما حصل في غزوة أحد واقع غريب، احنا رحنا مسلمين قصاد مشركين في بدر انتصرنا، رحنا في أحد مسلمين مشركين انهزمنا، طب ليه؟ قلتم إن هذا. فأحيانا تحدث أقدار فيها نوع من المتشابهات عند بعض المؤمنين فبيتسائل ليه يحصل كده؟

أيضا سورة العنكبوت بتجيب عن فهم خاطئ لسنن الله سبحانه وتعالى، عن حسابات خاطئة سواء من قبل المؤمنين أو من قبل الكفار، لذلك بدأت بنوعين من الحسابات الخاطئة: ﴿أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ﴾ [العنكبوت: 2]، ﴿أَمْ حَسِبَ الَّذِينَ يَعْمَلُونَ السِّيِّئَاتِ أَنْ يَسْبِقُونَا﴾ [العنكبوت: 4]. نوعين من الحسابات الخاطئة بتعدلها السورة وبتجيب وتوضح سنن الله سبحانه وتعالى في معاملة المؤمنين وفي معاملة المشركين. يبقى ده واقع نزول السورة خواتيم مكة.

أما موضع السورة في المصحف؛ السورة بتبدأ من السور اللي بتفتتح بالحروف المقطعة ﴿الم﴾. استدل كتير من العلماء اللي قالوا إن ترتيب القرآن جاء توقيفي من النبي صلى الله عليه وسلم أو حتى باجتهاد من الصحابة لكن بتوفيق من الله سبحانه وتعالى، سواء توقيفي أو توفيقي، أنا هتكلم بمصطلحات سريعة وأغلب المصطلحات دي أنا أشرت إليها من دروس سابقة وخاصة في سورة الأعراف، قال إن الحروف السور اللي بادئة بحروف مقطعة زي بعض بتيجي وراء بعض في المصحف، وده دليل إن القرآن مش مرتب عشوائي، لأ بتوقيف من الله سبحانه وتعالى أو من النبي صلى الله عليه وسلم أو بتوفيق من الله، وفقهم الله لهذا الترتيب.

فهذا الترتيب معتبر له دلالة وتجد أن مجموعة حميم أو بعض العلماء بيفضل أنك تقولها كده، قال أي عائلة حميم، وبعضهم بيقول ما فيش مانع إن احنا نسميها الحواميم جمع، بعضهم يرفض الجمع كلمة حواميم دي يقول لك لأ حط أل واترك الحروف المقطعة كم، يعني مثلا عائد ﴿الم﴾ أما نسمي العائلة دي آل ﴿الم﴾ أو آل حميم، وكذلك آل طواسين أو الطواسين.

من منع منهم من أجازه فسورة العنكبوت من آل أو من عائلة أو من الحواميم، عندنا حميم ورا بعض جم ورا بعض، وعندنا عائلة آل لام راء واتكلمنا عن سورة يوسف جت ورا بعض، وعندنا آل لام ميم جت ورا بعض. واحد يقول لأ أنا بعترض عليك آل لام ميم في المصحف عندنا في اتنين في أول المصحف البقرة وآل عمران، وفي يعني التلت الأخير من المصحف أربعة وراء بعض؛ العنكبوت والروم ولقمان والسجدة.

طب أنت دلوقتي بتقول إن الحروف المقطعة بتيجي ورا بعض، هنا وجدوا أن آل لام ميم مدني جه ورا بعضه البقرة وآل عمران دول صورتان مدنيتان نزلت في المدينة، الحواميم المكية جت ورا بعض، وجت أيضا بعد آل طواسين أو بعد الطواسين يعني جت مجموعة من الطواسين ورا بعض؛ الشعراء النمل القصص، وبعد كده أربعة حواميم؛ العنكبوت، الروم، لقمان، السجدة جت ورا بعض.

احنا الموقع بتاع السورة بتاعنا أول سورة في ترتيب المصحف الألف لام ميم مكية تقابل يعني سورة العنكبوت اللي هنتكلم عنها هي أوائل اللي مقابلانا كده واحنا نازلين من عند البقرة، أول سورة ألف لام ميم تقابلنا لكن نزلت فين؟ في مكة، لأن اللي نزل في المدينة البقرة. طيب موقع سورة العنكبوت بعد سورة القصص أو بعد الطواسين، أصلا الشوط أنا ذكرت ده قبل كده الشوط اللي من أول سورة يونس تستحضروا ترتيب المصحف كده في ذهنكم.

المصحف بدأ بالسبع الطوال أغلبه مدني وفي النص الأنعام والأعراف مكي، وبعد كده رجع المدني تاني الأنفال والتوبة. فالشوط اللي من البقرة للتوبة ده أطول شوط مدني في المصحف نص بس الأنعام والأعراف. من أول التوبة أحضر معي كده أو الجزء العاشر، أول التوبة لغاية يعني بعد التوبة يعني اللي هي يونس، يعني التوبة مدنية طبعا بل آخر المدينة. من بعد التوبة اللي هي يونس لغاية الأحزاب يعني اللي قبل الأحزاب السجدة كل ده مكي، ما عدا الحج والنور وبعض آيات وبعض السور. الشوط ده طويل شوط طويل مكي. والشوط ده شوط طويل جدا ومن عادة القرآن وده من الاستقراء اللي ممكن يكون خطأ، يعني ده استقراء إنسان قومي ممكن يكون خطأ يعني قابل للأخذ والرد.

حدث القرآن اللي بيذكر مرحلة مكية أو مرحلة استضعاف بعدها مرحلة تمكين، ثم مرحلة الاستضعاف بعدها مرحلة تمكين. ومراحل الاستضعاف اللي ذكرت في القرآن أطول من التي ذكرت مراحل التمكين. كأن ده إشارة إن ده غالب اللي هيحصل في هذه الأمة، أن مراحل الاستضعاف هتكون أطول. كان الدكتور رجب السرجاني له درس جميل قوي في حكم محاولة استبصار كده واستخراج الحكم من لماذا من سنة الله سبحانه وتعالى طول فترة استضعاف أكثر من فترة التمكين؟ كان يستخرج حكم من ده وأن ده في صالح أهل الإيمان.

وأن أنت لو وجدت المصحف هتجد أن تلتين القرآن أصلا مكي اللي هو نزل في مرحلة الاستضعاف وأن تُلثه هو مدني، تقريب طبعا كل ده تقريبًا، نجد النشوط الاستضعاف ده طويل، وبينتهي الحواميم وبندخل بعدها على طول في الأحزاب، بدأت سورة القصص اللي هي آخر سورة أنتم توهتوا مني صح؟ هو في الأول بس صعبة وبعد كده إيه هتزيد بقى. يعني اه أنا عايزكم تبقوا مركزين ورقة وقلم، ويفضل بعد انتهاء المجلس المدارسة تروحوا هقول لكم على مجموعة بحوث اللي عايز يتابع معنا أو حتى عايز يحضر بحوث إن هو إيه يبقى في نوع فعلا من المدارسة وأنك أنت بفضل الله ذاكرت سورة وعشت مع سورتي. كنا بنقول إن آخر سورة آخر سورة جت من الطواسين أو آل الطواسين اللي هي سورة القصص تتكلم بدأت تتكلم إن في أمل ﴿وَنُرِيدُ أَن نَّمُنَّ عَلَى الَّذِينَ اسْتُضْعِفُوا فِي الْأَرْضِ﴾ [القصص: 5].

ونجعلهم أئمة، بدا أن في أمل للتمكين يحدث، ونريد أن نمن ونمكن لهم في الأرض. آية دِي كلمة التمكين بدأت إيه؟ تظهر أهي، وجود التمكين مرتبط بصناعة إيه؟ ونريد أن نمن على أيدينا في الأرض ونجعلهم أئمة ونجعلهم الوارثين ونمكن. يبقى التمكين بييجي بصناعة إيه؟ الأئمة. يبقى اللي عايز يسعى، ومن مدافعة القدر بالقدر عايز يصل إلى مرحلة التمكين يصنع الأئمة، سواء في نفسه أو في غيره، دي الصورة اللي قبل العنكبوت اللي هو قبل مجموعة اللواميم المكية، آخر سورة في ألف لام ميم قبل الأحزاب على طول، قبل السورة اللي فيها رجال صدقوا ما عاهدوا الله عليه.

سورة السجدة اللي هي آخر صفحة بقا في السجدة: ﴿وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا وَكَانُوا بِآيَاتِنَا يُوقِنُونَ﴾ [السجدة: 24]. إذا واضح أن المجموعة بتصنع الأئمة، يعني من بعد القصص لغاية السجدة المجموعة دي اللي هيتحمل المعاني بتاعتها، ليتحمل المعاني اللي ذكرت في اللواميم المكية دي دول خلاص يقدر يواجه الأحزاب بعدها، يعني يقدر ينتقل من مجموعة اللواميم المكية دي يقدر ينتقل إلى مواجهة الأحزاب ويكون من اللي قال عنه الله سبحانه وتعالى في سورة السجدة في سورة الأحزاب: من المؤمنين رجال صدقوا ما عاهدوا الله عليه.

وده اللي بيخوف الواحد دايما إنه يتكلم في الصعود؛ لأن هو مش قد الكلام ده، يعني الواحد بتكلم عشان يتقبل بس، يعني ده أنا بتكلم بجد الواحد خايف يتكلم في مثل هذه السور، أو القرآن كله ثقيل: ﴿إِنَّا سَنُلْقِي عَلَيْكَ قَوْلاً ثَقِيلاً﴾ [المزمل: 5]. معاني القرآن ثقيلة، فعلا عن القرآن يعتادك الجبال، يعني تحتاج إلى أئمة يتلقوا هذه المعاني، فالواحد دايما يتخوف؛ لكن عذره إنه إيه بيبلغ رب مبلغ يعني يعني إيه يبقى سامع أوعى من المبلغ اللي بتكلم.

يعني أنا ببلغك وأنت إن شاء الله تكون أفضل وتطبق الكلام ده ألا تدل علي اتفقنا، فواضح أن المجموعة دي فيها معاني عظيمة، لما تيجي تبص على معنى المجاهدة في العنكبوت ركز معي. معنى المجاهدة اللي موجود في العنكبوت ومعنى اليقين في وعد الله اللي موجود في سورة الروم واستحضار الحكمة اللي موجودة في لقمان والعبادة اللي بتتجافى جنوبهم اللي في سورة السجدة، هذه المعاني الأربع وغيرها مبثوث في هذه السور لو استقرت في قلب إنسان بالرغم من تقلبات الأحداث واستقرت هذه المعاني تكون بإذن الله سبحانه وتعالى من الأئمة؛ لأن ربنا قال: لما صبروا وكانوا باياتنا يوقنون. الصبر اللي موجود في العنكبوت والمجاهدة واليقين اللي موجود في الروم مع الحكمة والعبادة اللي موجود في لقمان والسجدة هكذا تصنع الأئمة، فالصور دي صور وكل القرآن ثقيل؛ لكن إحنا يعني بنتعامل مع القرآن تعامل فيه نوع من الترف شوية الذهن، هذه الصور صور ثقيلة، فالمعاني الموجودة اللي هنمر عليها إن شاء الله معاني عظيمة ونزلت في واقع صعب.

يعني أنا لسه أتكلم مع بعض الصحابة اللي اللي كان ممكن وده أشار إليه بعض المفسرين يحدث بداخله نوع تضجر أو استعجال أو بدأ تساؤلات تحدث، تخيل الصحابة هم أفضل الناس لما حصل الضغط ده والبلاء ده بدأ أن هو بداخلي تساؤلات، أومال إحنا. معاني عظيمة جداً دي كده نظرة عامة عن صورة العنكبوت أو موضعها في المصحف، طب موضوع السورة حقيقة مسألة التفسير الموضوعي ما باحبش الخوض فيه بتفاصيل كتير أو يعني إحنا نركز عليه بكثرة؛ لأن للأسف بعض الناس آه بيتعامل فكرة موضوع الصورة إنه عايز الموضوع وخلاص وبعد كده يترك الصورة؛ لأن للأسف إنه لما حد بيشرح له كلمة التفسير الموضوعي سورة خلاص يقول لك أنا كده إيه فهمت الصورة.

بيحصل له نوع من الإغلاق النفسي تجاه تفاصيل وآيات السورة مع إن المفروض إن أنتم عايش السورة آية آية، فيتقال له مثلاً سورة الكهف بتتكلم عن كذا هتقول له طب مش هيتدارس بقى صورتك كده يقول لك لا ما أنا عرفت خلاص، عارف اللي قلب الحل في آخر البتاع؟ آه بتتكلم أنا خلاص عرفت. تقول لي يعني أعجز زي ما هو القرآن والإيمان مش معاني أو مش معلومات قصدي بتحصلها وبكده أنا خلصت، ممكن أقول لك إيه اقرأ القرآن تقول لي ما أنا قريته قبل كده، أيوه ما أنا عارف هو الإنسان بيحتاج قرآن معاني مثاني تثنى وتكرر.

فده أحياناً إشكال بيحصل غصب عن الإنسان بعض الناس حاجة نفسية؛ يعني هو بيعرف مثلاً إيه صورة كذا بتقوله تدارسها بقا وادي وقت وعيش معها واديها شهر مثلاً صل بها كتير واقرأ، يقول لك لأ ما أنا خلاص ما أنا عرفت آه موضوعها، هو أصلاً ده اجتهادي؛ يعني هو غالب الحاجات دي اجتهادية، يعني ممكن واحد يفتح عليه ما لم يفتح الآخر، وده نوع من الاجتهاد، أن هو بيرى السياق والسباق واللحاق وموقعها وأكثر الكلمات والمفتاح تحوي الختام الآيات معينة اجتهد فيها بعض العلماء للوصول لموضوع السورة.

لذلك الواحد ما بيحبش يستعجل فيها كثيراً، يعني أو إنه آه يفرد لها كلام كثيراً؛ يعني لكن الخلاصة من الواضح أن السورة بدأت بحسبان خاطئ وانتهت بمجاهدة دائمة، يعني بدأت أحاسب الناس أن يتركوا وأن يقولوا آمنا وختمت -وهذا عادة القرآن اللي بيبدأ بحالة وبينتهي بحالة أخرى-: ﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾ [العنكبوت: 69]. يعني بدأت بحالة من التكاسل عن المجاهدة والتساؤل لماذا تحدث هذه الأحداث وختمت بالاستمرار والمضي في الطريق: ﴿وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا﴾ [العنكبوت: 69].

وواضح من اسم السورة أشار بعض اللي حاولوا يصلوا إلى آه في كتب بتحاول تصل لده عملها كتاب لواحد اسمه أغلبهم معاصرين أو يعني من المتأخرين واحد من العاصين اسمه عدنان عبد القادر له كتاب اسمه جنى القلب الهائم، وبيعرف مواضيع السور وغيره كتير يعني في معجزة أسماء القرآن يعني فيه كتب كتير بتحاول تصل إلى موضوع السورة نهتم بالوصول لده من المفسرين المفسرين اسمه المهايم بينقل عنه كثيراً الإمام القاسمي قال إن اسم العنكبوت أصلاً ده دلالة على جهود أهل الباطل تجاه الآلهة أو تجاه الأصنام وظنهم أن هذه الأصنام وهذه الآلهة ستحميهم من عقاب الله، أن هذه الآلهة حقيقة هي أشبه ببيت العنكبوت الذي يظنه العنكبوت، العنكبوت يظن أن بيته سيحميه من الحشرات أو من الرياح، ثم يفاجئ أن هذا البيت بيت واهم، وكذلك آلهة المشركين وكل جهود أهل الباطل هي في حقيقتها واهية، معنى الكلام اللي ذكره الماي ونقله الإمام القاسمي، بعضهم قال لأ السورة سورة المجاهدة ومواجهة الفتن أن هيقابلك فتن كثيرة في الطريق فلابد أن تمضي.

من المتأخرين برضه آه التفسير مش مشهور قوي اسمه أولى ما قيل بتاع رشيد آه آه الموصلي كان بيقول إن هو السورة نصين نص للفتن اللي تعرض لها المسلمين نتيجة ضغوط الأشرار وآه وابتلاءاتهم وتعذيبهم، والنص التاني كيفية المضي في طريقهم وألا يلتفتوا حتى لو أدى الأمر إلى الهجرة، وفعلا السورة سورة العنكبوت وكثير من السور المكي من الدراسات اتعملت على ده تهيئة المسلمين للهجرة؛ لأن الهجرة أمر عظيم يترك وخاصة العربي اللي كان بيرتبط بأرضه وبقبيلته أن هو يترك أرضه وسماءه وأهله وقبيلته وأولاده لا سيما لو لم يوافقوه على الإيمان وزوجته أن يترك كل هذا وماله ويهاجر، الأمر كان عظيماً، فكان لابد من تهيئة وكانت سورة العنكبوت كغيرها من السور زي سورة الكهف وغيرها من السور تهيئة للمسلمين للهجرة.

وإن كان في آيات فيها أشارات زي سورة النحل وسورة الزمر فيها إشارات للهجرة بس هجرة الحبشة؛ لكن سورة العنكبوت كانت هجرة تهيئة اللي هي الهجرة إلى المدينة؛ لأنها في أواخر مكة فتجد فيها معاني عظيمة بتركز على معاني الأمن والرزق، أن الأمن بيد الله وأن الرزق بيد الله، ده أكثر شيء الإنسان بيخافه في طول فترة الاستضعاف أو إنه يترك. طب وبعدين يترك أرضه أهو طب أروح فين؟ طب الرزق طب أنا كان لي شغلانة هنا إيه اللي هيحصل هناك؟ فتجد أن في تركيز في ختام السورة على المعنى ده، على مسألة الأمن ومسألة الرزق، دي نظرة عامة على موضع سورة العنكبوت في المصحف وترتيبها أو بدايتها ألف لام ميم وختامها بالمجاهدة أو الموضوعات الثانوية في الصورة.

نبدأ نستفتح كده ناخذ ثلث أربع آيات بس ونكتفي النهاردة يعني تفسير نوع من الآية أو الوقفات التحليلية شوية: ﴿بِسْمِ اللَّهِ الرَّحْمَٰنِ الرَّحِيمِ الم * أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ﴾ [العنكبوت: 1-2]. في بداية سورة الأعراف اتكلمت بالتفصيل على اللي عايز يرجع، الخلاف في الحروف المقطعة وهل هي ذات دلالة ولا ذات إشارة؟ يعني هي تحمل معنى معين، هل هي بتشير إلى أسماء الله أو معاني مبثوثة في السورة آه لها إشارات معينة على إعجاز القرآن أو نوع من التحدي، لذلك اللي اختار المعنى ده قال إن غالب السور اللي بدأت بحروف مقطعة لابد أن يعقبها كلام عن القرآن بعد الحرف المقطع بعد الحروف المقطعة أو في داخل السورة إشارة للقرآن زي هنا: ﴿وَمَا كُنتَ تَتْلُوا مِن قَبْلِهِ مِن كِتَابٍ وَلَا تَخُطُّهُ بِيَمِينِكَ ۖ إِذًا لَّارْتَابَ الْمُبْطِلُونَ﴾ [العنكبوت: 48].

لأن قالوا إن الحروف المقطعة نوع من التحدي، وبعضهم رفض المعنى ده وقال لأ هي بتشير إلى بدايات أو بعض حروف فيها من أسماء الله سبحانه وتعالى، وضع القسم والخلاف أنا ذكرته بالتفصيل في بداية سورة الأعراف.

نبدأ السورة بعد الحروف الانقطاع مباشرة بداية، يعني الحروف المقطعة أغلبها بتدأ وبعد كده مثلاً كلام تنزيل من الله العزيز العليم كلام من الأول مقدمة عن القرآن، لأ هنا بدأت مباشرة السؤال استفهامي استنكاري مباشرة: ﴿أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ﴾ [العنكبوت: 2]. عايز تتخيل البداية اللي فيها نوع من المفاجأة، يعني في صور كده أنت لسه بتقول بسم الله الرحمن الرحيم: ﴿الَّذِينَ كَفَرُوا وَصَدُّوا عَن سَبِيلِ اللَّهِ أَضَلَّ أَعْمَالَهُمْ﴾ [محمد: 1]. فيه سور من غير مقدمات، في سوق من غير بسم الله الرحمن الرحيم، أهو سورة التوبة على طول براءة من الله في أمور آه الكلام فيها بيدخل في الموضوع مباشرة، ودي المواضيع الهامة فمن أول السورة بسم الله تخيل كده عايز تتخيل مشهد وعايش الوضع في مكة إناشر سنة من الأذى والعذاب حصول شعب أبي طالب وخارجين من الحصار.

طب النبي صلى الله عليه وسلم طائف لا مش الطائف، أبو طالب بيموت السيدة خديجة رضي الله عنها بتموت الأدب يزداد بعض الناس يتساءل طب ليه يسلطوا علينا دول كفار طب هم يعني هم اللي معهم الحق؟ طب هم اللي معهم القوة ومعهم المال؟ طب هل القوة والمال مش من معايير الحق؟ طب احنا هيسلطوا علينا طب احنا هناخد إيه لو احنا استحملنا طب هو امتى نصره ربنا هييجي؟ تساؤلات وتساؤلات طبيعية في قلب أي إنسان لما بيمر بهذه الأحداث.

الوضع كده وممكن سيدنا خباب ييجي وده نموذج حصل إن ضهره مليء من الحفر من التعذيب ويروح للنبي صلى الله عليه وسلم بالرغم من هذا الأذى وبالرغم من صبره ذهب إلى النبي صلى الله عليه وسلم يا رسول الله صلى الله عليه وسلم ألا تدعو لنا؟ ألا تستنصر لنا يعني عايزين حل، فالنبي صلى الله عليه وسلم أجابة غريبة؛ لأن الشخص هنا بيعدي إلى أمانة عظيمة غير شخص تاني، يعني ممكن شخص واحد تقول له معلش وتطبطب عليه وخلاص؛ لكن دول بيعدوا لحمل الأمانة في العالم كان لازم معاملة مختلفة، أنا والله ائتمن الله هذا الأمر والحديث معروف وذكره بصبر السابقين متخيل برضو المشهد معي ده وبعد كده تنزل صورة على النبي صلى الله، المشهد مثلاً أنزل جبريل والنبي صلى الله عليه وسلم يدخل في المشهد في نزول الوحي والعرق يتصبب من النبي صلى الله عليه وسلم ثم يقرأ عليهم سورة.

تخيل الصحابة إيه؟ دايماً أصحابي كانوا بفرحوا بنزول سورة قرآنية لولا نزلت سورة النبي صلى الله عليه وسلم بيقرأ عليهم سورة بسم الله الرحمن الرحيم: ﴿الم * أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ﴾ [العنكبوت: 1-2]. تخيل يعني أنت متخيل المشهد؟ أنت بتقعد فترة طويلة نمر مثلاً بأذى وابتلاءات وبعدين بدأت في نوع من التساؤلات ونوع من الضجر حسب إيمانك وحسب أنت بتعدل إيه وعلى حسب اللي بيكلمك فاهم مرحلتك؟ ممكن تخاطب ببعض آيات مختلفة؟ ده يخاطب بآيات وده يختلف بآيات تانية.

هنا هؤلاء بيعدوا إحنا قلنا دي صناعة الأئمة، الصورة اللي قبلها أصلاً سورة القصص هي صراع الأئمة ذكرت فيها كلمة الأئمة مع الباطل آه وكلمة الأئمة مع الحق، يعني أئمة ذكرت مع فرعون وإما ذكرت مع سيدنا موسى، هي الصورة أصلاً سورة القصص بدأت أن الصراع صراع أئمة في الحق وفي باطل: ﴿نَتْلُوا عَلَيْكَ مِن نَّبَإِ مُوسَىٰ وَفِرْعَوْنَ بِالْحَقِّ لِقَوْمٍ يُؤْمِنُونَ﴾ [القصص: 3]. مش مثلاً بني إسرائيل والمشركين لأ أئمة خطاب مفاجئ ممكن واحد يقعد فترة محتاج مثلاً خطاب تاني يتقال له.

وأنت معتقد أن كلمة الإيمان كافية وهل أحسب الناس الحسبان غالباً بييجي في القرآن مع الظن الخاطئ، بعضهم قال أن هي من الحساب الشيء اللي بيحسب شيء فيعقد عليه، يعني شخص عنده ظن معين وبيعقد عليه وقافل على دماغه ومعتقد أن هو كده صح فتحدث أحداث مخالفة لهذا الاعتقاد، فيبدأ يحدث عنده نوع من التضارب بين اعتقاداته اللي هي أصلاً خاطئة وبين الواقع فتنشأ هنا تساؤلات، وده اللي بيحصل أن أنت ممكن تبقى فاهم حاجات من الدين غلط ومعتقد ده ومستقر عندك ومش راضي تصلحها تحدث أحداث مخالفة لاعتقاداتك، يعني مثلاً أنت بتظن مثلاً من حفظ الله للدين وده أمر.

فأنت معتقد أن من هذه الوعود أن الكعبة مثلاً لن تهدم، فأنت تفاجأ، أنت معتقد كده، فجأة مثلاً يحدث حدث، حفظه الله يعني الكعبة، بتفاجأ أن الكعبة تهدم مثلاً، ده إيه ده؟ وتبدأ حسابات خاطئة، وتبدأ يحصل نوع من التضارب جواك من اعتقاداتك الخاطئة وبين الواقع، فأما يبقى عندك القدرة النفسية على بناء معتقداتك راح من نفس المصدر اللي هو الوحي، يا أما أحياناً الناس بيحصل عندها حالة من الزلزلة فتكفر بالمصدر كله بالوحي، يقول لك لا لا لا خلينا بقى مع الواقع، الواقع خلينا مع القوي.

بيبدأ يمشي مع متغيرات الواقع يغير مبادئه حسب القوة، مش حسب المبادئ، فبيبقى عندك حسابات خاطئة، أحسب الناس، ففيه كان بعض اعتقادات ممكن يظن الإنسان أن عايز أدفع البلاء عني أقول كلمة الإيمان وخلاص، هو ده اللي عمله المنافقين في المدينة، أحسب الناس أن يتركوا أن يقولوا آمنا وهم لا يفتنون؟ هل تظنون أن كلمة الإيمان قول فقط أنك تتكلم، ربنا يثبتني يا رب، أنا دلوقتي بتكلم كلام ببدل درس كلام، ده مش عمل، أنا عارف أن القول باللسان الأعمل من أعمال الجوارح، أقصد ده مش بيحتاج عمل يصدق هذا الكلام، وهنيجي دلوقتي على معنى الصادقين والكاذبين، يعني إيه في ناس ممكن تظن الظن الخاطئ أن كلام الإيمان كافي؟ لأ، هذا الكلام الذي ستتكلم به وتدعيه سوف لن تترك وتحاسب عليه، ستحدث أقدار معينة تبين هل أنت صادق أم كاذب؟ أحسب الناس أن يتركوا، مش هيتسابوا، طب مين اللي مش هيتركهم؟ يعني الفعل هنا يترك مبني لغير الفاعل، دي الكلمة الأضبط يعني من كلمة مبني المجهول، أحسب الناس أن يتركوا دي مبني لغير الفاعل، صح؟ يعني اللي بيجي بعد كده اسمه إيه؟ ما اسمهوش فعل، اللي بعده اسمه إيه؟ نائب فاعل.

طيب، مين بقى الفاعل؟ مين اللي مش هيتركهم؟ أحسب الناس وأن يتركوا مين؟ كتير من المفسرين قال: الله سبحانه وتعالى أن الله سبحانه وتعالى لن يترك الناس هكذا بمجرد أن يتكلموا بالإيمان، لكن سيقدر أقدارهم، أنك أقدار، ركز معي، أنك أقدار أو كتكاليف، لذلك اللي اختار القول ده أن الذي لن يتركهم هو الله، الناس أن يتركوا أن يقولوا آمنا وهم لا يفتنون، فلن يتركهم حتى يبتليهم بالفتن، بماذا يبتليهم؟ بأقدار تحدث كتسليط الكفار عليهم، وبتككاليف كالهجرة والجهاد، بعض السلف قال: ما كان الله المؤمنين على ما أنتم عليه حتى يميز الخبيث من الطيب، أظن مروي عن قتادة قال: بالهجرة والجهاد، كيف يحدث كيف تحدث المفاصلة ويحدث تمييز بين الخبيث والطيب؟ قال: بحاجتين، الهجرة والجهاد.

الهجرة والجهاد دي تكاليف ولا أقدار؟ تكاليف، يبقى فيه شرع بيجي وفيه أقدار تحدث، يبقى كلمة لا يفتنون إما لا يفتنون بالأقدار، أو بالنوم الدنيا ساقعة أنا عارف صلوا على النبي ها، لا يفتنون إما بالأقدار أي بتسليط الكفار عليهم وهذه فتنة أو بالتكاليف، وقالوا هنا المقصد بالفتنة لابتلاء التكليف، المقصد هنا به إيه؟ الهجرة تحديدا، لأن الصورة أصلا بتمهد لذلك، تاني أحسب الناس أي أظن الناس أن يتركوا، كتير من المفسرين قال مين اللي مين الفاعل هنا أو نائب الفاعل هنا؟ لفظ الجلالة الله، هو ما جاش في محذوف يعني، آه ابن عاشور خالف وتاح وتكلف هنا شوية وزني يعني وغلط كتير من المفسرين ولا لأ؟ حتى الموصلي برضه في أولى ما قيل قال ربنا هنا بيعرفهم أن في سنة من سنن الله، والمعنى صحيح ركزوا معي، اللي هو عايز يقول أن فيه سنة من سنن الله في العادات والتقاليد بين المجتمعات، أن لما يكون مجتمع بيعمل حاجة كلهم متفقين على شيء، وتخرج ثلة تخالف المجتمع لن يتركهم، لن يتركهم المجتمع ده، فكلمة أحسب الناس وأن يتركوا أي من أقوامهم، واضح أن اللي مش هيتركه مين؟ أي لن يبقى نائب الفاعل المقصود به هنا مين؟

القوم هم أعداء الدين، الفاعل بتاع فعل يترك هنا أي لن يترككم أو لن تترككم اقوامكم، ربنا بيقول لهم ما هو ده طبيعي، أي حد عايز يغير هيواجه بنوع مصادمة، ده طبيعي، أنتم مستغربين ليه؟ لذلك لما النبي صلى الله عليه وسلم قال أو مخرجيهم قال له: ما هو ده الطبيعي، ما جاء أحد بمثل ما جاء به إلا عودي، أي محاولة تغيير أو محاولة إصلاح هل تعالى المستوى الدنيوي؟ بتقابل بنوع من ممانعة، أخرجوا آل لوط من قريتكم إنهم أناس يتطهرون، وكأن هذه سنة، وكثير من المتأخرين بدأ يفسر التفسير اللي بيسموه السنوي اللي بيهتم بسنن الله، استخراج السنن، محمد عبده ورشيد رضا، الدكتور محمد عمارة حاول يجمع ده وغيره من المتأخرين حاول يتكلم عن سنن الله وحقيقة من اللي أبدعوه في ده المتقدمين شيخ الإسلام يعني في النص مش متصرفين سبعمية وشوية يعني استخراج سنن الله في المعاملة، لأن عدم فهم السنن بيخلي الإنسان يسيء الظن بالله، عدم فهم سنن ربنا في المعاملة ممكن يخلي الإنسان يقول إيه هو ده اللي بيحصل مش فاهم، قلتم أنى هذا؟

فأحسب الناس أن يتركوا، واضح كده الكلام أن يقولوا، يبقى الإيمان ليس إيه؟ ليس مجرد قول فقط، كلام الإيمان لابد أن يعقبه فتنة، أحسب الناس وأن يتركوا أن يقولوا آمنا وهم لا يفتنون، يعني إيه ما لا يفتنون؟ لأن الآية اللي بعدها على طول إيه؟ ﴿وَلَقَدْ فَتَنَّا﴾ [العنكبوت: 3]، يعني ربنا بيقول لهم هو أنتم معتقدين أن أنت مش هتفتن إذا كان اللي قبلك كلهم فتنوا؟ إيه بقى معنى كلمة الفتنة؟ معنى الفتنة كتير من أهل اللغة في كتب بتهتم بده حاول تشوف أصل المعنى اللغوي بتاعها، أبوابهم قال: أصل كلمة الفتنة الوضع في النار، يعني الذهب لما بيتحط في النار فتسقط الأشياء المحيطة بالذهب اللي هي مش ذهب أصلي يعني، ويبقى الذهب الأصلي هنا نقول فتن الذهب، الشيء اللي وقع من الذهب ده اللي تغير ده اللي وقع ده المفتون من الذهب، وخرج الذهب نقي لم يفتن أي لم يحرق ولم يتغير.

بعضهم قال وده ذكره في المعجم الاشتقاقي قال ركز معي: كل ما غيرته النار هو مفتون، يعني بدخل حاجة في النار اللي يتحرق ويتغير ويسقط ورا مادة كده اسمه مفتون، اللغة بتربط المعنى دايماً الشيء المعنوي بيشيل حسي عشان تفهمه، الذهب بيدخل في النار لتسقط أشياء، اللي سقط ده إيه؟ مفتون، اللي خرج ده لم تصبه الفتنة لم تصبه النار، هو ده اللي بيحصل للمؤمن أنه بيدخل في فرن الابتلاءات ده أو مجموعة المؤمنين بيخشوا بيسقط منهم ناس دول اللي فتنوا ودول اللي اتغيروا، وبيخرج الثلة الثابتة دول الأئمة، ربنا يستعملها ويثبتها، يبقى هل أنت معتقد أنك أنت مش هتحاط بنار الابتلاءات؟ لأ هتفتن.

اللي حاول يوصل اللي بقول لك للجزر اللغوي بعضهم قال العرض على النار، وقال هي جاءت في القرآن كده فعلا أن يومهم على الناري يفتنون، وبعضهم قال من أصلها من معانيها الفتنة الذوبان والتحول، وقالوا ده الدكتور حسن جبل في كتابه معناه الآية الذوبان والتحول، أن الشيء الأساسي المكون الرئيسي داخل الشيء يذوب ويتحول، وده للأسف معنى الفتنة أن المكون الأساسي لإيمانك يذوب وتبدأ تتغير وتحول، لذلك كان بعض الصحابة يطلق كلمة الفتنة أحياناً على تغيرات أصابت آراء بعض الإنسان أنه بدأ يتراجع عن بعض الآراء معينة وهي حقيقة وهي حق، زي ما بيقولوا عن حذيفة: الفتنة أن تستحل ما كنت تراه حراماً مش على دليل شرعي، لو على دليل شرعي ده اسمه اجتهاد مقابل اجتهاد آخر، لكن الفتنة أن تستحل ما كنت تراه حراماً لكن ليس عن اجتهاد شرعي، لكن نتيجة ضغط ظروف معينة التغيرات دي هي دي اللي مبنية على الأسف ذوبان للمعنى الرئيسي اللي بداخلك وتحول، هي دي اسمها الفتنة، وبعضهم قال زي واحد اسمه مصطفى كتاب اسمه التحقيق برضه بيبحث في المفردات قال: لأ أصلها هو الخلل والاضطراب، يبقى أنت لما تكون ماشي في طريق معين ويحدث خلل واضطراب ده اسمه فتنة، وغيرهم برضه قال الفراهي برضه متأخر قال: ما يعرض على عقلك ونفسك من لذة وألم، وعايز أقول أن الفتنة مش لازم تكون بالشرع وبالضراء، ﴿وَنَبْلُوكُم بِالشَّرِّ وَالْخَيْرِ فِتْنَةً﴾ [الأنبياء: 35]، والخير فتنة، يبقى بيجمع بين الاتنين، فقال اللذة أو الألم، اختار المعنيين دول تحديدا هي دي الفتن اللي بتعرض لعقلك ولنفسك، فإن خرجت منها صابرا شاكراً فانت لم تفتن، فإذا المعنى اللي بدأت به السورة: إياك أن تعتقد أن مجرد قول الإيمان يصرف عنك الابتلاءات والفتن، بل لابد من ذلك بل أشد الناس بلاء الأنبياء ثم الذين يلونهم ثم الذين يلون.

ممكن واحد يخاف فربنا النبي صلى الله عليه وسلم يقول لك: يبتلى المرء على قدر دينه، يعني أنت لا يكلف الله نفسا إلا ما آتاه، يعطيك الله قدرات للتخلص من هذه الفتنة ومن هذا البلاء، لكن الإنسان هو اللي يتخلى.

بدأ السؤال أحسب الناس، لقيت السورة بسؤال أحسب الناس استنكارا، أن يتركوا اعتقد أنك على المعنيين لا هتتساب من الأقدار والتكاليف ولا هتتساب من المجتمع، فحسب الناس أن يتركوا أن يقولوا آمنا وهم لا يفتنون، ممكن واحد يستغرب فربنا بيقول له: وهذه سنة الله في كل من سبق، ﴿وَلَقَدْ فَتَنَّا الَّذِينَ مِن قَبْلِهِمْ﴾ [العنكبوت: 3]، يعني لازم تفهموا أن هذه الفتنة أو هذا البلاء هذه سنة الله في السابقين، وكأي زي ما برضه في آل عمران: ﴿وَكَأَيِّن مِّن نَّبِيٍّ قَاتَلَ مَعَهُ رِبِّيُّونَ كَثِيرٌ﴾ [آل عمران: 146]، في قراءة: وكأي من نبي قتل معه ربيون كثير، بعد ما قتل النبي هم استمروا على أحد المعاني في هذه القراءة، كأي من نبي قتل معه كثير، ﴿فَمَا وَهَنُوا لِمَا أَصَابَهُمْ فِي سَبِيلِ اللَّهِ وَمَا ضَعُفُوا وَمَا اسْتَكَانُوا﴾ [آل عمران: 146]، فكأن هذه الآية بهذه القراءة وبهذا المعنى تحديدا في هذه القراءة بهذا التوجيه تخاطب هؤلاء الذين تركوا سلاحهم عندما سمعوا موتى النبي صلى الله عليه وسلم هذه الإشاعة، فلماذا تركتم القتال؟ فهناك من كان يجاهد مع الأنبياء ثم قتل حقيقة وليس إشاعة وأكملوا سيرهم، كأي من نبي قتل معه كثير فما وهنوا لما أصابهم في سبيل الله وما ضعفوا وما استكانوا، فما وهنوا لقتل نبيهم أو فما وهنوا لقتل إخوانهم، واستمروا في القتال، وكأي من نبي قاتل معه نبيون كثير فما وهن لما أصابهم في سبيل الله وما ضعفوا وما استكانوا والله يحب الصابرين.

كذلك الآية: ﴿وَلَقَدْ فَتَنَّا الَّذِينَ مِن قَبْلِهِمْ﴾ [العنكبوت: 3]، ثم تأتي الحكمة من هذه الفتنة، الحكمة من الدخول في فرن الابتلاءات: ﴿فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ﴾ [العنكبوت: 3]، المعنى المشهور أنه لما إنسان قال أنا آمنت وهو حقيقة بداخله كان مؤمن ده اسمه صادق، لو قال آمنت وهو حقيقة بداخله كان منافق ده اسمه إيه؟ كاذب، ده المعنى الأشهر للآية، أن في ناس تتكلم بكلام الإيمان لكن تخفي بداخلها تبطن الكفر والعياذ بالله، فده النفاق، ده المنافق، ناس قالت لأ الآية أصلا نقية، احنا مش هنختار أن القول ده أن الآية مدنية، المعنى اللي أنت بتقوله ده يصلح مع نفاق المدينة، أمال إليه معنى الصدق والكذب هنا؟ قالوا الصدق مطابقة الأفعال لأقوال، أن يصدق عملك قولك، يعني أنت بتقول كلام يعني مثلا أنتم نايمين صح مثلا أنتم إيه نجيب لكم حاجة تفوقكم كده شوية، مثلا أنت عايز تتجوز حاجة تصوركم كده شوية إن شاء الله، وجيت بقى وإيه وفي مرحلة أهو صحة أهو على سيرة الجواز، أنا عارف بس أنتم مش عارفين، المهم ما تيجي في مرحلة بقى إيه العقد اللي كاتب الكتاب يعني والوعود بقى والكلام يعني قمة بقى الإيه لعدو الرومانسية، بعد الزواج هنبقى نشوف إيه الصادق من الإيه أنا كده، مين بقى اللي بيصدق عمله قوله؟ يقول لك إيه أغلب الخناقات بتصل في السنة الأولى ليه عشان كده صلوا على النبي.

نرجع بقى نرجع للفرن بقى بتاع هي كلها أفران، ﴿وَلَيَعْلَمَنَّ اللَّهُ الَّذِينَ صَدَقُوا﴾ [العنكبوت: 3]، قالوا الصادق هنا والكاذب مش معناه ركز معي أنه لما كان جاي يقول آمن هو ما كانش جواك كاذب، ده هو كان معتقد أنه آمن فعلا، لكن لما حصل الابتلاءات ركز ما كانش متوقع أن دي تبعات الإيمان، نتخلى عن الإيمان، حينما فوجئ بتبعات هذا الإيمان قال: لأ مش عايز إيمان، لكن لما قالها أول مرة كان صادق، لكن كذب إمتى؟ إمتى أصبح كاذب؟ حينما لم يصدق عمله قوله الذي قاله، ﴿مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ﴾ [الأحزاب: 23]، يعني لما جه البلاء كان صادق في اللي قاله في الأول، يعني لما أنس بن النضر وهو ممن تصدق عليه هذه الآيات سورة الأحزاب، لما قال: لئن أشهَدَنِي الله مع رسول الله صلى الله عليه وسلم مشهداً آخر ليرين الله أو ليرين الله ما أصنع، وكان صادق فيما قال، في ناس فرت.

بيستدلوا على المعنى ده أن الصدق والكذب هنا ما فيش معناه الصدق والكذب باللسان، معناه الثبات أو الهروب، بيت شعر ذكره ابن عطية، قصيدة مشهورة لزهير بيمدح أحد الناس اسمه هرم بن سنان يقول: ليث، ليسوا الأسد يعني مكان اسمه عفر كان فيه ليث يعثر يصطاد الرجال، هو مكان العصر زي الأسد عمال يصطادوا الرجال، فبيقول إيه فيه: إذا ما كذب الليث عن أقرانه صدق، يعني بيقول هو لو دخل معركة الأسد يفر وهو لا يفر.

وسمى الشاعر فبات هذا الرجل صادق، يعني سمى الثبات أنه كان صادقاً معي، يبقى إذاً ثباتك عند الفتنة ده معناه أنك أنت كنت صادق في كلامك، لكن في أول ما قلت هذا الكلام أنت لم تكن كاذب.

لم تكن كاذباً ﴿وَلَقَدْ فَتَنَّا الَّذِينَ مِن قَبْلِهِمْ﴾ [العنكبوت: 3]، لما كان بيتمنى الموت لما كان بيقول يا رب ارزقني الشهادة هو كان صادق، لكن ما كانش متخيل تبعاته، الكلام ده أكبر إشكال بيحصل أنه بيحدث تلاقي بين الواقع والأماني الكلام والواقع يحصل فجوة يصطدم الإنسان.

الصادق بقى معناها إيه؟ أنه بيكمل على اختياره أنا اخترت الإيمان هكمل عليه ﴿فَلَيَعْلَمَنَّ اللَّهُ الَّذِينَ صَدَقُوا﴾ [العنكبوت: 3] أي ثبتوا، هنا ثبتوا على إيه؟ ثبتوا على الفتنة، ولقد فتنا الذين من قبلهم ﴿فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ﴾ [العنكبوت: 3].

ده المعنى التاني للصدق، قل كده على معنى أن الآية في مكة، على معنى أن النفاق المقصود به المدينة ﴿فَلَيَعْلَمَنَّ اللَّهُ الَّذِينَ صَدَقُوا﴾ حين قولهم آمنا ﴿وَلَيَعْلَمَنَّ الْكَاذِبِينَ﴾ حين قولهم أملوا، عارفين الفرق؟ خلاص؟ ﴿فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ﴾.

ودي القراءات المتواترة كلها كده، فيه قراءة شاذة والقراءة الشاذة تصلح للتفسير في خلاف هل تصلح كحكم فقهي ولا لأ؟ لكن يعني ممكن نسوقها لا لنقرأ بها ما ينفعش نقرأ بها، لكن ممكن تساعدنا أننا إيه نفهم وتدي معنى، في كتب بتؤلف في توجيه أي معاني يعني القراءات الشاذة.

فلْيعلمنَّه هي قراءتنا إيه؟ أو القراءة المتواترة ﴿فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ﴾ [العنكبوت: 3]، وبعضهم ﴿فَلَا يَعْلَمَنَّ اللَّهُ الَّذِينَ صَدَقُوا﴾ والكذب، أما الاثنين يعلمن أو واحدة بس يعلنان، الاتنين مرويين عن علي بن أبي طالب والتانية مرويين عن الزوجة، ﴿فَلَيَعْلَمَنَّ اللَّهُ الَّذِينَ صَدَقُوا﴾ أن يظهرهم ربنا هيعرف وهيعرف الناس قيمتهم، والتانيين ربنا هيفضحهم ربنا يسترنا يا رب.

أو يعلمن الذين صدقوا لو الذين صدقوا هنا المفعول به الأول أن يعلمنهم ثوابهم يوم القيامة، أن دول لهم ثواب مخصوص أو يثبتهم في الدنيا، ابن عطية ذكر تلاث معاني في توجيه القراءة دي لمن أراد الرجوع يعني ﴿وَلَقَدْ فَتَنَّا الَّذِينَ مِن قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ﴾ [العنكبوت: 3].

أم حسب، ده بقى الحسبان التاني، ﴿أَمْ حَسِبَ الَّذِينَ يَعْمَلُونَ السَّيِّئَاتِ أَيَّسْبِقُونَا سَاءَ مَا يَحْكُمُونَ﴾ [العنكبوت: 4]. إيه علاقة الآية دي باللي قبلها؟ في محاولات، بعضهم قال الأول خلينا ناخد يعني إيه يعملون السيئات عشان نعرف بس الأول إيه علاقتها بالأولاد، يعني إيه يعملون سيئاتهم؟

طيب، جزاك الله خيراً ﴿فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ﴾، أخونا بيقول طب ما هو ربنا يعلم الزيف ﴿فَلَيَعْلَمَنَّ اللَّهُ﴾ والذين يقولون أي علم مشاهد يترتب عليه الثواب، لكن الله سبحانه وتعالى يعلم ما سيكون، لكن لو ربنا حاسب الإنسان على ما سيكون دون ما حدث قل له يا رب أنت ظلمتني.

يخرج هذا للواقع فعلم معاينة يترتب عليه ثواب وعقاب يترتب عليه ثواب وعقاب زي أن ربنا سبحانه وتعالى كان يعلم ربنا كان يعلم أن الغلام الذي قتله الخضر لو كان بقي كان رهقه طغياناً وكفراً، لكن هو ما تحاسبش الغلام على ده.

معي، أنا ما رضيتش أدخل فيها لأن غالب كتب التفسير أن مناهجهم مش على أهل السنة مثلا معتزلة وغير ذلك، يقويها تأويلات خارجة عن ذلك، لكن ببساطة علم يترتب عليه ثواب وعقاب، لكنه سبحانه وتعالى عليم بكل شيء.

طيب، ﴿أَمْ حَسِبَ الَّذِينَ يَعْمَلُونَ السَّيِّئَاتِ أَيَّسْبِقُونَا﴾ [العنكبوت: 4]، يعني إيه يعملون السيئات؟ في قاعدة مهمة قوي عايزكم نخرج بيها النهارده نحاول كل مرة كده ناخد معنى أو قاعدة تفيدنا بعد كده في إيه؟ في فهم كتاب ربنا سبحانه وتعالى.

أحياناً بيجي في القرآن لفظ ممكن نسميه يعني كده مجازاً ممكن نسميه لفظ مجمل، إيه مجمل؟ يعني اللفظة دي مجملة تحتها مفردات تنفع كتير، يعني مثلاً كلمة الحسنة، الحسنة دي ممكن تكون صلاة، ممكن تكون الإيمان، ممكن تكون شيء فيه حسن.

لكن العلماء لما اختلفوا ﴿رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً﴾ [البقرة: 201] فكلمة عامة دي مجمل تحتها مفردات، واضح كده؟ مثلاً التقوى كلمة كبيرة، طب التقوى هنا معناها إيه؟ ترك المعصية ولا الإيمان ولا؟ يعني أحياناً بيبقى اللفظ ينفع يبقى عام وينفع يبقى إيه أو أحياناً اللفظ ينفع يبقى عام ينفع يبقى خاص.

أحياناً وده جهد بيبقى عايز يعني خبرة ويقظة من المفسر أنه يخصص المعنى العام بالسياق يخصص المعنى العام، يعني مثلاً اتقوا الله دي عامة، يقوم يقول لك في مثلاً سورة الحجرات اتقوا الله في إخوانكم، وأزود القيد ده ليه؟ من السياق سورة الحجرات ﴿وَإِنْ طَائِفَتَانِ مِنَ الْمُؤْمِنِينَ اقْتَتَلُوا﴾ [الحجرات: 9] فخصص المعنى.

يعني مثلاً الإمام الطبري ومن أحسن الناس اللي بتدع في ده حقيقةً الطبري، وبعدين ابن عطية يبدع في أنه يلتقي إيه المقصد باللفظ المجمل ده، يعني مثلاً كنموذج قبل ما نجي للاية بتاعتنا ﴿أَفَأَمِنَ الَّذِينَ مَكَرُوا السَّيِّئَاتِ أَن يَخْسِفَ اللَّهُ بِهِمُ الْأَرْضَ﴾ [النحل: 45]، صح كده سورة إيه دي يا جماعة؟

سورة النحل، ماشي الإمام القوي يقول يعني إيه مكر وسيئات؟ سيئات لفظة عامة رجعها لقبلها بصفحتين هل دول لما كانوا راحوا يفتنوا المؤمنين وراحوا لما اتسألوا ﴿مَاذَا أَنزَلَ رَبُّكُمْ قَالُوا أَسَاطِيرُ الْأَوَّلِينَ﴾ [النحل: 24] هي دي المقصود بالسيئات، رجعها للمعنى ده، شف استحضر معنى رغم أنه عدى كذا آية، قال ده المقصود بالسؤال ده المناسب للسياق.

ولا ركز برضه ولا يمنع من أن احنا بنخصص المعنى أنه يصلح للعموم برضه فالاية بتفيد المعنيين، بنقول كده وده دايما ابن عطية يعمل كده يقول: أصل الآية كان يففيد معنى كذا، لكن تصلح أن هي تكون عامة، واضح كده صعب شوية؟ تمام.

يعني ممكن كان فيه بحث كامل اسمه الألفاظ المجملة في القرآن وترك التعامل الطبري معه، بس مش هينفع يعني، فخلينا ناخد المثال بتاعنا.

المثال بتاعنا ﴿أَمْ حَسِبَ الَّذِينَ يَعْمَلُونَ﴾ الآية ﴿السَّيِّئَاتِ﴾ [العنكبوت: 4]، هل المقصد الأساسي اللي نزلت للسورة أن السيئات هنا المقصود السيئات كلها وخلاص؟ ولا سيئات معينة وينفع نسقطها على السيئات كلها؟ لكن إيه الأساسي؟

قالوا حد عارف إيه اللي هنا ينفع؟ فتنة المؤمنين أو تعذيب المؤمنين ﴿أَمْ حَسِبَ الَّذِينَ﴾ يعذبون ويعذبون أهل الإيمان ﴿أَيَّسْبِقُونَا سَاءَ مَا يَحْكُمُونَ﴾ [العنكبوت: 4]، يبقى لو اخترنا أن السيئات هنا تعذيب المؤمنين يبقى الآية نازلة في مين؟ بتخاطب هنا مين؟ كفار ولا مؤمنين؟ كفار، وده اللي عليه جمهور المفسرين لأن الآية بتخاطب الكفار.

طب إيه علاقتها باللي قبلها؟ علاقتها أن دلوقتي أهل الإيمان مستضعفين، وممكن الكافر يبدأ يظن نتيجة أنه معاه القوة أنه على الحق يقول ﴿نَحْنُ أَكْثَرُ أَمْوَالًا وَأَوْلَادًا﴾ [سبأ: 35]، بما أن أنا اللي أقوى وأنا اللي معايا فلوس إذاً أنا الصح ﴿وَمَا نَحْنُ بِمُعَذَّبِينَ﴾ [سبأ: 35].

الرابطة مالهاش علاقة، هو ربط ما بين الاتنين، وده بيحصل أحياناً داخلياً عند الناس، يعني لما سيدنا أيوب عليه السلام وهو نبي مكث في بلاءه ثمانية عشر عاما قال أحد أقرب الناس إليه: لقد أذنب أيوب ذنبا لم يذنب أحد من العالمين، هو عنده ربط داخلي نفسي ما بين طول البلاء وبين أن هو عاصي.

وبالتالي أنا مش مبتلى يبقى أنا مش عاصي ﴿فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ * وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ﴾ [الفجر: 15-16] كلا الفهم دا خاطئ، دا نتيجة تجد أن انتم ماديين بتحبوا الفلوس وبتحبوا المادة وبتحبوا الطرف فانت كل تفسيراتك كده.

﴿كَلَّا بَل لَّا تُكْرِمُونَ الْيَتِيمَ * وَلَا تَحَاضُّونَ عَلَى طَعَامِ الْمِسْكِينِ * وَتَأْكُلُونَ التُّرَاثَ أَكْلًا لَّمًّا * وَتُحِبُّونَ الْمَالَ حُبًّا جَمًّا﴾ [الفجر: 17-20]، ده اللي بيخليكم تفكروا كده، لكن معاملة ربنا مختلفة فبترد على الكافر اللي ممكن بعد ما بيستعلي على أهل الإيمان ويعذبهم ويقعد فترة طويلة تقول له إياك أن تعتقد أنك ستفلت من عذاب.

حتى لو مت على ذلك ﴿أَمْ حَسِبَ الَّذِينَ يَعْمَلُونَ السَّيِّئَاتِ أَيَّسْبِقُونَا﴾ [العنكبوت: 4] يسبقون يعني يفوتون، أي لن يعجزوا الله هرباً، مش هيحصل مهما قعد فترة طويلة في الظلم وظالم ومات متمة قدام الناس طبيعية، يعذب يوم القيامة يعذب في قبره، لن يفوت الله لن يفوت الله أبداً.

الآية بتخاطب المشرك وبتطمن المؤمن مش لازم ترى عذاب المشرك في الدنيا لكن عندك يقين أنه لن يفلت من عذاب الله إذا أخذه لم يفلته الله سبحانه وتعالى لا يعجل بعجلة أحد.

الإنسان لأنه ضعيف لو انسان حد ظلمه وقدامه فرصة حالاً أنه ياخد حقه أخد حقي دلوقتي لأن أنا ما عرفش إيه اللي هيحصل خايف من تغيرات الأوضاع، اللي بيعجل في أنه عايز ياخد حقه ده نتيجة نقص، الله سبحانه وتعالى يملك كل شيء يملك الزمان والمكان، هيروح فين؟

فأين تذهبون؟ هيروح فين لن تسبقونا، مش هيحصل ﴿الَّذِينَ يَعْمَلُونَ﴾ [العنكبوت: 4] أن يسبقون ساء ما يحكمون مهما حدث يعني هو هيروح فين، فالله سبحانه وتعالى لا يعجل بعجلة أحد.

أهل الإيمان بيبقوا مستعجلين يا رب نزّل العذاب يا رب قبل ما يموتوا، طب ما يموتوا عايزين نلحقهم أبداً بالعكس، هو يؤجل له العذاب ليزدادوا إثماً ﴿إِنَّمَا نُمْلِي لَهُمْ لِيَزْدَادُوا إِثْمًا﴾ [آل عمران: 178]، أنت أنت عشان تفكيرك كله على قد الحياة الدنيا دي، يعني هي دي الإشكال في طريقة التفكير.

أن لو احنا مثلاً جبنا خط كده طوله مثلاً ألف كيلو مثلاً، في واحد كل تفكيره في أول اتنين متر مش شايف، يعني هو قاعد يفكر واحد بيخطط في المنطقة دي، وأي خلل في المنطقة دي يصاب بإحباط ويأس، هو لو رجع وبص إيه ده؟

إيه إيه المشكلة لما تروح دي خالص أصلاً! أدي الاتنين خلاص، هو في خلود هناك الربط دايماً بالآخرة ﴿مَن كَانَ يَرْجُو لِقَاءَ اللَّهِ﴾ [العنكبوت: 5] المؤمن اللي مستضعف بيبقى عايز يعجل، ياخده صاعقة تاخدهم وأيه أول ما يشوف مثلاً قدامه جزاك الله خيراً الحمية الطيبة يعني بس بيحتاج يفهم ربنا يشوف مثلاً فيديو لواحد ملحد هو متصور أن آخر الفيديو إيه، ومع أنه اتعمل من زمان الفيديو لأنها تنزل صاعقة إزاي لا يمكن.

نملي لهم ليزدادوا إثماً، هو أنت معتقد وانه هيفلت من عذاب الله؟ ﴿أَمْ حَسِبَ الَّذِينَ يَعْمَلُونَ السَّيِّئَاتِ﴾ لا تصلح للعموم، والمعنى الأساسي هنا اللي بيعذبوا المؤمنين، أي يسبقون مش هيحصل، اللي بيفكر كده ده تفكير سيء، ده حكم سيء، ده بيتهم الله سبحانه وتعالى في حكمته ﴿سَاءَ مَا يَحْكُمُونَ﴾ [العنكبوت: 4].

تخيل لما هم يفكروا كده ماشي هم كفار، لكن تخيل لما بعض الإيمان يفكروا كده أهل الإيمان يفكروا كده ما ينفعش، لابد أن يوقن أهل الإيمان أن هؤلاء لن يفلتوا من عذاب الله، حتى لو مات وهو مستضعف.

كما فعل حرام طعن وقال فزت ورب الكعبة، عندك ده يقين، الصور دي الصور المكية تصنع المجاهدة والصبر واليقين والحكمة والعبادة لابد انك تستحضرها دائماً في وقت الاستضعاف.

﴿الَّذِينَ يَعْمَلُونَ السَّيِّئَاتِ أَيَّسْبِقُونَا سَاءَ مَا يَحْكُمُونَ﴾ [العنكبوت: 4]، الزمخشري ومشى مع الإمام الطيبي في الحاشية على الكشاف اختار أن هي دي بتخاطب المؤمنين الذين يعملون السيئات أن ممكن واحد يقول إيه؟ وابن كثير قال جملة جميلة قوي.

السؤال الأول هاغولها هجود أنا هاغولها وبعد كده هاغولكم، ممكن الواحد لما يسمع حاسب الناس يقولوا آمنا وما يفتنون طب ما أنا ما بقولش آمنا وخلاص، يعني هو اللي بيقول آمنا بيفتن؟

طب ما أنا ما اقولش آمنا، وانا إيه اللي يدخلني أصلاً الفرن اللي أنت عملته الفرن والذهب سلام عليكم خلينا نعمل بقى السيئات براحتنا، ما هو بقى أنت معتقد أن التاني هيفلت، يعني أنت معتقد أن اللي قال آمنا هو اللي ابتلى والتاني حتى لو ظاهرياً أنت مش شايفه ابتلى لغاية لما أنت معتقد أن هيفلت من عذاب الله ﴿سَاءَ مَا يَحْكُمُونَ﴾ [العنكبوت: 4].

هي بص هتبتلى هتبتلى خلاص بس نبقى واضحين، فخليك هنا أحسن بدل يعني فلا اقتحم العقبة هي عقبة لازم ﴿وَهَدَيْنَاهُ النَّجْدَيْنِ﴾ [البلد: 10]، ربنا سمى الطريق نجد الاتنين مرتفعين وصعبين، كل الناس ياخدوا كده كده تتعب ﴿إِن تَكُونُوا تَأْلَمُونَ فَإِنَّهُمْ يَأْلَمُونَ﴾ [النساء: 104].

نصوص كتير أن الناس كلها بتتعب ﴿لَقَدْ خَلَقْنَا الْإِنسَانَ فِي كَبَدٍ﴾ [البلد: 4]، طبعت هذه الدنيا على البلاءات ما حدش مستريح، أنك أنت ترجو من الله ما لا يرجون ده يهون عليك.

ولذلك ابن كثير قال إيه؟ أن يظن بعض الناس أنه يترك ويتخلص من الإيمان أنه يفلت من الفتنة قال فقد ذهب إلى ما هو أطم، أنت معتقد أنك لما هتسيب الابتلاءات؟ طب ابتلاءات الإيمان دي أصلاً عشان ترفعك عشان تنقيك.

وهنيجي لها إن شاء الله، هو دلوقتي مش هينفع يعني ﴿وَمَن جَاهَدَ فَإِنَّمَا يُجَاهِدُ لِنَفْسِهِ﴾ [العنكبوت: 6]. طيب ﴿أَمْ حَسِبَ الَّذِينَ يَعْمَلُونَ السَّيِّئَاتِ﴾ [العنكبوت: 4] وذكرنا الخلاف فيها وأن اللي هيخصص اللفظ المجمل ده هيقول إن السيئات هنا المقصود بها إيه؟

أي يسبقونا أي يفوتون ويعجزون ﴿سَاءَ مَا يَحْكُمُونَ﴾ [العنكبوت: 4] لازم يبقى لك رؤية واضحة وهدف واضح عشان تعرف تصبر على البلاء زي ما ذكرنا في درس سورة هود أنك أنت منتظر إيه؟

﴿مَن كَانَ يَرْجُو﴾ يرجو هنا بمعنى وده رأي جمهور المفسرين بمعنى يؤمل، في قلة قالوا أبو عبيدة هو اللي اختاره وناس كتير غلطوه قال يرجو المعنى يخاف، يعني مش هيكمل غير اللي خايف.

لكن ضعاف كتير من الأهل يعني أو لا يرجو الذي ينتظر ويأمل ﴿مَن كَانَ يَرْجُو لِقَاءَ اللَّهِ فَإِنَّ أَجْلَ اللَّهِ لآتٍ﴾ [العنكبوت: 5] آية تهون عليك السير بينك وبين لقاء الله جسر الموت، فتحب لقاء الله فيحب الله لقاءك.

أنت قاعد دايماً، زي ما ذكرنا في الدرس اللي فات، فكرة البحث عن المعنى، وإزاي إن هم في الغرب كمدرسة نفسية -أحد المدارس- بتحاول تخرج الإنسان من أزماته إنه يبحث عن أي معنى يعيش عشانه. أنت عايش عشان لقاء ربنا.

إيه المعنى اللي يصبرني على البلاءات؟ إن أنا أرجو لقاء الله. ده المعنى اللي يصبرني، ده المعنى اللي يخليني أستحمل أي حاجة؛ يعني مسألة إن أنا منتظر هذه اللحظة، رؤية وجه الله سبحانه وتعالى، تهون عليَّ أي شيء. مين أصبر؟ زي ما هي بتفوق الناس وبتردهم؛ يعني هذه الخواطر تدفعها وتبين سنن الله أيضاً؛ يعني إيه؟ في بلسم في النص كده كان يرجو لقاء الله تأكيد وتشويق، فاطمئنوا، مهما فعلوا أهل الباطل لن يمنعوكم عن رؤية وجه الله إذا ثبتتم على الإيمان.

ولن يجعل الله للكافرين على المؤمنين سبيلاً؛ يعني قول بعيد شوية على قلوبهم، مش هيعرفوا يسيطروا على قلبك. خلاص، أنت منتظر هذه اللحظة، هو مش هيعرف، هو مهما أوتي مش هيقدر يمنع اللحظة دي اللي أنت أصلاً منتظرها وبتصبر عشانها. خلاص، قالوا: فاقض ما أنت قاض، إنما تقضي آخرك في الاتنين متر، إنما تقضي إيه؟ هذه الحياة الدنيا. إنا آمنا بربرنا ليغفر لنا خطايانا، اختنا عليه من السحر والله، احنا بنعمل عشانه خير وأبقى، ده اللي هيبقى، ده بيزول، أجسادنا بتفنى أو بتزول، والله خير وأبقى.

الفكرة اللي هناك، إنه من يأتي ربه مجرماً... مش كدة نروح لربنا إزاي؟ ده مهم جداً الرؤية. لذلك دي خطورة إن اللي بيعبد ربنا ومستني حاجة معينة لازم تحصل في الدنيا لو ما حصلتش يرتد؛ يعني بيعبد الله سبحانه وتعالى منتظر إن حدث معين يحصل في الدنيا، ما حصلش، يبدأ يرتد. لذلك كتير من المفسرين -بل غالب السلف- قال: من كان يرجو لقاء الله فإن أجل الله لآت. إيه هو أجل الله لآت؟ قيل: البعث، وقيل: لقاء الله، وقيل: رؤية وجه الله أو الحساب، كلها معاني إيه؟ أخروية.

من المتأخرين أول واحد شفته ذكر المعنى ده -لأن دايماً الواقع المليء بالاستضعاف يخلي الإنسان يطلع معاني- الإمام القاسمي، آخر قاسمي، ألف تمنمية اتنين وتلاتين، إيه ده؟ بل فإن أجل الله، أي أن نصر الله لآت؛ يعني من كان يرجو لقاء الله، من كان يعمل للآخرة، فإنا أبشره أن نصر الله قريب. يبشر بالناصر، ليس معنى أنه يبشرك بنصر أنك ستراه. دايماً بأقول القاعدة: إن القرآن بكتير في القرآن، القرآن يأتي في أوقات ليطمئنك على الدين لا على نفسك، ممكن تموت، لكن لو أنت كنت بتشتغل عن الدين فانت تموت وأنت إيه؟ مطمئن أن هذا الدين باق؛ لأن دي قضيتك. يعني في واحد مثلاً أب ومطمن على ابنه، هو مش زعلان أنه بيموت، بيقول لك إيه؟ بيقول لك: أنا أموت وأنا مستريح كدة، لأنه حاسس إنه أدى دوره، يعني لما واحد أولاده يكبروا ويخشوا مثلاً كليات كويسة وبتاع، يقول لك: أنا كده إيه أموت وأنا مستريح.

إمتى النبي صلى الله عليه وسلم لما سمع آية حس أن ده نعيه، وأن الوظيفة نجحت؟ رأيت الناس يدخلون في دين الله أفواجاً. هو كده خلاص؛ يعني أنت حاسس بالهدف اللي أنت عايش عشانه أصلاً، فبتصبر عشانه. أنت ممكن تموت وأنت مطمئن على دين الله سبحانه وتعالى وعلى آخرتك لو أنت ثبت على الطريق، تقول: فزت ورب الكعبة.

وحتى القصيمي لما قال إن المعنى ده هو النصر قال: ولم أرَ من سبق إليه. ما شفتش حد هو بيعترف: أنا ما شفتش حد قاله، هو اجتهاد منه كدة. أنا فوجئت إن اللي جه بعده ابن عاشور، ابن عاشور ألف تمنمية تلاتة وتسعين، آه القصيمي ألف تمنمية اتنين وتلاتين، القصيمي إيه؟ آه ابن عاشور ألف تمنمية تلاتة وتسعين هجري توفي. مهم انك تعرف تاريخ وفيات العالم عشان تبقى عارف ده في القرن الكام؛ متقدم، متأخر، تبقى عارف. ابن عاشور جه بعده وقال نفس المعنى، بس ما أشارش للقصيمي، واضح أنه اجتهاد؛ لأنه برضه ساق بمعني مختلف شوية، فواضح أنه لم يطلع على كلام القصيمي، لكن قال ورجح ده.

الأول قال: يجوز أن يكون لقاء الله البعث، أو لقاء الله الانتصار، ورجح أن المقصود به يوم بدر أو فتح مكة، وأن غالب القرآن المكي لما بيتكلم على بشريات التمكين القرآن المكي بيشير إلى، زي ما ربنا قال: ﴿سَيُهْزَمُ الْجَمْعُ وَيُوَلُونَ الدُبُرَ﴾ [القمر: 45]. لما سيدنا عمر استغرب: فين ده وفي مكة؟ سورة القمر سورة مكية، فلما شافهم بيجروا في بدر قال: ده تطبيق الآية. ابن عاشور قال: إن المعنى أن أجل الله لآتٍ، أي النصر. المعاني كلها قريبة. دي أشياء تصبر الإنسان: ﴿مَن كَانَ يَرْجُو لِقَاءَ اللَّهِ فَإِنَّ أَجْلَ اللَّهِ لَآتٍ﴾ [العنكبوت: 5]. اللي أنت بتعمل عشانه جاي، لو أنت بتعمل عشان حاجات تانية أنت راجع نفسك، أنت محتاج تحدد وجهتك.

يعني لما يبدأ يحصل عندك خلل واضطراب، وده من معاني الفتنة زي ما قلنا، أنت بتسأل نفسك: طب أنا ليه حصل عندي اضطراب؟ هو أنا ليه تركت الطريق؟ أنت كنت بتشتغل عشان الجنة، عشان النار، الجنة موجودة والنار ما أطفتش، أنت إيه اللي مخليك مش مكمل يعني؟ إيه اللي حصل؟ يقول لك: أصل الرموز سقطت، وما فيش مش عارف إيه. برضه إيه اللي مخليك مش مكمل في الطريق؟ لك هدف أخروي، الهدف ده لسه موجود، الآخرة خير وأبقى. طب إيه اللي مخليك بتتوقف تمضي في طريقك؟ وبعد كده: ﴿مَن كَانَ يَرْجُو لِقَاءَ اللَّهَ فَإِنَّ أَجْلَ اللَّهِ لآتٍ وَهُوَ السَّمِيعُ الْعَلِيمُ﴾ [العنكبوت: 5].

في هذه الأوقات الله سبحانه وتعالى لا يعزب عنه مثقال ذرة، هو السميع بأقوالك، العليم بأحوالك. ﴿وَلَقَدْ آتَيْنَا إِبْرَاهِيمَ رُشْدَهُ مِن قَبْلُ وَكُنَّا بِه عَالِمِينَ﴾ [الأنبياء: 51]. ربنا عالم بما يحدث لك، عالم بما تمر به قضايا ومشاكل وهموم، اوعى تفتكر إن ربنا تخلى عنك.

من المشاهد الجميلة أوي اللي الواحد بيحبها أوي في سورة الأنبياء، تبدأ تقرأ كده بعد ما ربنا بيقول: ﴿وَلَقَدْ آتَيْنَا إِبْرَاهِيمَ رُشْدَهُ مِن قَبْلُ وَكُنَّا بِه عَالِمِينَ﴾، ربنا لم يترك، لم يتخلى عن إبراهيم عليه السلام. تيجي تقرأ الكلام اللي بين سيدنا إبراهيم وبين قومه، هم قالوا، وقال إبراهيم، قال وقالوا، قال وقالوا، قالوا: من فعل هذا؟ قال: بل فعله كبيرهم هذا. قالوا: حوار، ممكن الحوار بيشتد؛ يعني إيه؟ ممكن يبقى إنسان يعني ضعاف الإيمان؟ إزا فين ربنا؟ أول لما قالوا: حرقوه وانصروا آلهتكم، قلنا يا نار.

أحياناً أنت تمر ببتلاءات، الله سبحانه وتعالى معك مهما حدث. لابد أن تكون واثقاً من هذه القضية، أنت لو أنت مسلم مؤمن متمسك بالوحي، أنت على الحق، أنت تموت في نصرة الحق، لا يشترط أن ترى بعينيك النصر، أنت تطمئن أن العاقبة للمتقين؟ أنت مطمئن على آخرتك بإذن الله سبحانه وتعالى، ده اللي يشغل بالك، ده اللي يخليك تكمل أنك أنت تنتظر المعنى الأخروي. ﴿مَن كَانَ يَرْجُو لِقَاءَ اللَّهِ فَإِنَّ أَجْلَ اللَّهِ لآتٍ وَهُوَ السَّمِيعُ الْعَلِيمُ﴾ [العنكبوت: 5]. يطمئنك الله، كل ما يحدث ليس بعيدا عنه، وما كنا غائبين، كنا به عالمين، في القرآن: ﴿وَهُوَ السَّمِيعُ الْعَلِيمُ﴾ [البقرة: 137] سبحانه وتعالى.

السميع بمخططات أهل الباطل، السميع لتأوهاتك لآلامك، عليم بما في صدرك، هو السميع العليم سبحانه وتعالى. ثم يقول ربنا سبحانه وتعالى: ﴿وَمَن جَاهَدَ فَإِنَّمَا يُجَاهِدُ لِنَفْسِهِ إِنَّ اللَّهَ لَغَنِيٌّ عَنِ الْعَالَمِينَ﴾ [العنكبوت: 6]. يكمل الأعمار القادمة بإذن الله، نكتفي بهذا. سبحانك اللهم وبحمدك، أشهد أن لا إله إلا أنت، أستغفرك وأتوب إليك، وجزاكم الله خيراً.