د. أحمد عبد المنعمالسلام عليكم ورحمة الله وبركاته، الحمد لله وحده، والصلاة والسلام على من لا نبي بعده، محمد صلى الله عليه وسلم. بإذن الله عز وجل ومشيئته، ونطلب منه العفو والرضا سبحانه وتعالى، نستفتح ونعود مرة أخرى إلى مجالس القرآن، وإلى وقفات مع كتاب الله عز وجل. من الله عز وجل علينا بفضله وكرمه ورحمته، وانتهينا من سورة الأنعام، وبعد كده سورة سبأ، وسورة فاطر، وياسين، واليوم بإذن الله عز وجل نستفتح سورة...
آه، مدنية! كل السور اللي فاتت الأنعام وسبأ وفاطر وياسين كانت سور مكية. نحن بفضل الله عز وجل اخترنا -أو اختار الله عز وجل لنا- هذه السورة: سورة الفتح.
سورة الفتح، بإذن الله عز وجل نحاول نعيش معها في الأيام القادمة، ونسأل الله عز وجل أن يكون لنا باسمه أوسع، وأن يفتح الله عز وجل لنا من كل أبواب الخير، وأن يجعلنا مفاتيح للخير مغاليق للشر.
سورة الفتح سورة عظيمة، وكان الصحابة -زي أي سورة من القرآن- محتاجين إن السورة دي تنزل عليهم، لكن في الوضع ده تحديدا كانوا أشد احتياجا لهذه السورة، زي ما هنتكلم بإذن الله عز وجل مع بعض.
مسألة اختيار السور -عشان أكون صادق معكم- ومسألة الناس تقول ليه ما بنمشيش بالترتيب، ده بيبقى فتح من ربنا؛ لأن احنا بنتكلم عن سورة الفتح، يعني اللي يوفق إنه يبقى ربنا يعطيه فهم في السور بطريقة متتالية، ده من عند ربنا سبحانه وتعالى، ده إيمان من الأئمة مثلا زي ابن كثير كده إنه يستفتح ويكتب إيه؟ تفسير للقرآن كده. إنما اللي ربنا بيمن علينا به وبنفهم فيه حاجة، نقعد مع بعض نتكلم حول هذه السور، أقرأ في التفاسير، وأنقل لكم ما وجدت في التفاسير، حتى نقترب ولو خطوة واحدة من فهم كتاب الله عز وجل. ولازم الإنسان دائما يستحضر قيمة فهم آية من كتاب الله عز وجل، ولهذا هو النور والشفاء والبصائر والهدى والروح في حياة الإنسان. وعكس هذه الأوصاف تحدث للإنسان إذا غاب عن القرآن، لذلك ينبغي أن نحرص كل الحرص على مجالس القرآن، تدبر القرآن، نتدارس بيننا القرآن ولو في أبسط السور، ولو في أبسط... صوري، مجلس بسيط، معاني كلمات، لا يزال الإنسان في مثل هذه المجالس.
سورة الفتح زي ما قلت لكم سورة عظيمة، هنشوف إزاي الواقع كانوا محتاجين جدا السورة دي، زي ما في رواية وردت عن أنس بن مالك: نزلت وأصحاب رسول الله صلى الله عليه وسلم يخالطهم الحزن والكآبة. تخيل! وضع الشرح النفسي لحالة الصحابة قبل نزول الفتح في قمة الحزن والكآبة! إزاي السورة خلتهم يستبشروا ويتحركوا وينطلقوا، زي آيات آل عمران اللي خلته يستجيبوا لله والرسول من بعد ما أصابهم القرح. إزاي القرآن ينزل يجاوب على الأسئلة زي سؤال: أنى هذا؟! أحيانا تحدث أحداث فوق طاقة البشر إنه يفهمها، هو مش فاهم، وزي ما هي حصل في سورة الحديبية، في سورة الفتح إيه اللي حصل ومش فاهمين وأحداث غريبة، ينزل القرآن نور في هذه الأوقات، لذلك قال الله عز وجل عن القرآن: ﴿كَذَلِكَ لِنُثَبِّتَ بِهِ فُؤَادَكَ﴾ [الفرقان: 32]. أي أنزلنا القرآن مفرقا منجما، فؤاد النبي صلى الله عليه وسلم يحتاج إلى القرآن كي يثبت، فما بال أفئدتنا؟
فؤاد النبي صلى الله عليه وسلم يحتاج إلى تنزل القرآن بصورة مستمرة متقطعة حتى يثبت، فما بال أفئدتنا؟ أمال احنا محتاجين إيه بقى؟! إذا كان هذا أطهر فؤاد على وجه الأرض، أطهر قلب، قلب النبي صلى الله عليه وسلم كان يحتاج القرآن...
حتى لو أقيمت خاصة المقدمة، كان عدد الضعفين، أنا بطول في المقدمة، بتاخد درس لوحده يعني، قبل ما نبدأ ونتكلم في آيات سورة الفتح: ﴿إِنَّا فَتَحْنَا لَكَ فَتْحًا مُّبِينًا﴾ [الفتح: 1]. وحد يفكرني إيه السور اللي بدأت بإن؟
لازم برضو واحنا ماشيين كده لما يقابلنا كلمة جديدة في الصورة نشوف الكلمة دي برضو جت في صور إيه تاني وإيه المواضع اللي جت فيها الكلمة دي. طيب، سورة الفتح عايزين نشوف الأول موضعها في القرآن.
الأول هي سورة مكية ولا مدنية احنا قلنا؟ مدنية. طب هي نزلت فين؟ نزلت في حادث إيه؟ طبعا في اختلاف، إيه هو الفتح؟ على أربعة أقوال، الأشهر صلح الحديبية. صلح الحديبية ده كان فين؟ من عند مكة، يعني بالقرب من مكة، يعني مش في المدينة! أومال اللي يقولوا عليها مدنية، أومال ازاي يقولوا عليها مدنية؟ سواء كانت في الطريق أو بالقرب من مكة، أومال ليه يقولوا عليها مدنية ليه؟
الهجرة، التقسيمة، في خلاف في تقسيمة المكية والمدنية؛ لأن بعض العلماء بيصروا أن احنا نسميها بالمكان اللي نزلت فيه يا حديبية، أو نسميها في الطريق بين مكة والمدينة ما أقولش عليها مدنية. لكن اللي اشتهر عند الجماهير خلاص من المتقدمين والمتأخرين أن التقسيمة ما قبل هجرة، ما قبل الهجرة أيا كان المكان اللي نزل فيه السورة يسمى مكية، ما بعد الهجرة أيا كان مكان السورة يسمى مدنيا. طب والطريق في الهجرة؟ يعني قيل إن الذي فرض عليك القرآن لآخر القصص مكية، قيل إنها نزلت في الطريق بين مكة والمدينة. فبعد الهجرة النبي صلى الله عليه وسلم نززل القرآن في أماكن شتى، كان في غزوة تبوك، يسموها مدنية! طبعاً ما كنش في المدينة، لكن مدنية بأحكام المدينة، ببناء مدينة رسول الله صلى الله عليه وسلم، ببناء الدولة الإسلامية. فبيسمى فيها هذه الأحكام وهذه النقلة التي حدثت في التشريعات وهذا التمكين الذي حدث للنبي صلى الله عليه وسلم، فبيسموها مدنية. فلذلك عشان ما حدش لما يجيء اعتراض: إزاي هي ما كانتش في المدينة؟ النبي صلى الله عليه وسلم ما كانش في المدينة!
نزول هذه الصورة كان أثناء رجوعه، ولما نزلت عليه السورة نادى عمر بن الخطاب -كان لسه في الطريق- وقرأ عليه سورة الفتح، وقال: أنزلت علي الليلة آيات أحب إلي من الدنيا وما فيها، أو مما طلعت عليه الشمس. النبي صلى الله عليه وسلم كان فرحان جدا بالسورة دي وحب يفرح الصحابة.
السورة، إذا بنسميها مدنية ليه؟ لأنها نزلت بعد الهجرة. طيب، ده مكان أو يعني في تقسيمة مكية ومدنية. تعال نشوف موضعها في القرآن. لما نجيء نشوف موضعها في القرآن -قبل ما نتكلم في موضعها، دي مقدمة المقدمة- نجد أن ترتيب القرآن في المصحف -طبعا في خلاف بين أهل العلم هل هو توقيفي أو لا؟- فأنا آخذ بقول إن هو توقيفي، ده خلاف يرجع في مظلة البحث عنها، أن ترتيب المصحف غالبا بيجي مجموعة سور مكية وراء بعض، وبعدين سورة مدنية أو مجموعة سور مدنية، وبعدين مجموعة سور مكية وراء بعض، وبعدين سورة مدنية، فيه مكي مدني مكي مدني، مش كله مكي ورا بعضه وخلص وبعدين المدني، لأ.
قد يشير هذا التقابل بين المكي والمدني إلى -يعني عمال يتكلموا في المسألة دي ليه؟- قد يشير إلى أن الإسلام هيمر بدورات من التمكين والاستضعاف، فالسور المكية تمثل واقع للاستضعاف، والسور المدنية تمثل واقع التمكين.
لذلك نجد أن سورة الفتح نزلت في إيه؟ الواقع إيه؟ اللي غزوة تبوك ولا نزلت في إيه؟ سور الحديبية اللي كان قبل صلح الحديبية على طول، من الغزوات كان إيه؟ لا، بدري؟ إيه، أنتم مش مذاكرين؟ الأحزاب. ما بين الفتح في المصحف والأحزاب سور كتير جدا؛ يعني الأحزاب لو قلنا إن محمد والفتح والحجرات أنا عايزكم تركزوا معي، ده قلنا إن محمد والفتح والحجرات وحدة مدنية ورا بعض، تلات سور مدنية ورا بعض.
أول سورة مدنية غير محمد صلى الله عليه وسلم، قبل الفتح الأحزاب، وبعد كده شوط طويل من السور المكية، بينتهي عند الأحقاف، وهنتكلم في المسألة دلوقتي، وبعد كده يبدأ محمد الفتح تلات سور وراء بعض مدنية ووحدة مدنية وراء بعض كده، وبعدين أبدأ دورة جديدة من الاستضعاف في سورة ق في المكية، بتنتهي عند سورة الحديد. خلاص يبقى لما نجيء نشوف الموضع في القرآن، ترتيبه مش المقصود منه في الترتيب المصحف السياق التاريخي، وإلا كانت جت الفتح وراء الأحزاب؛ اللي قبل فتح على طول كانت غزوة الأحزاب. وده اللي يدلك على قوة المسلمين؛ إزاي؟ هم كانوا لسه السنة اللي قبلها عندنا ومجمعين عشر آلاف مقاتل وجايين للمدينة، واحنا السنة اللي بعدها احنا اللي رايحين مكة! مش خايفين، ألف وأربعمائة واحد -على خلاف ألف وأربعمائة أو ألف وخمسمائة أو ألف وأربعمائة وكسور-. إزاي احنا واخدين بعض ورايحين نعتمر في مكة؟ هم كانوا لسه عندنا وبيحاصروا، إزاي احنا رحنا لغاية مكة؟ لذلك المنافقين خافوا يطلعوا، قالوا: دول مش راجعين! وهنتكلم على مسألة ظن السوء اللي اتكرر في...
إذن عايزين نستحضر كده مكان سورة الفتح في ترتيب المصحف. احنا قلنا أحيانا أو الغالب أن مجموعة سور مكية، وبعدين سور مدنية، مجموعة سور مكية وصور مدنية. لو أفترضنا أن مجموعة الصور المكية دي بتمثل واقع النوم، بتمثل واقع الاستضعاف؟ في نفس الواقع الاستضعاف. وبعد كده الصور المدنية واقع التمكين. قلنا الوحدة المدنية اللي احنا بنتكلم فيها: سورة محمد القتال، سورة الفتح، سورة الحجرات، وهنتكلم عن الترابط بينهم دلوقتي، التلاتة دول تحديدا. هنتكلم على الفتح باللي قبلها كله، مش الفتح بمحمد، الفتح محمد لهم علاقة خاصة، العلاقة بين سورة محمد صلى الله عليه وسلم اللي هي سورة القتال وسورة الفتح فيه ترابط خاص ده بنتكلم فيه.
عارف زي ما يبقى مثلا واحد في العيلة له صلة قرابة بعمه وبخاله، لكن أخوك لأ مختلف! هو ده من عيلة كذا وقبيلة كذا وبلد كذا، وأخوه كذا. فهو بالضبط كده، سورة الفتح هي في منظومة من أول سورة سبأ لغاية سورة الحجرات، لو أفترضنا أن دي الدورة بتاعت الاستضعاف والتمكين. انتهت سورة الأحزاب، كانت آخر... كانت سورة مدنية قبلها شوط طويل جدا مكي، سورة الأحزاب سورة مدنية قبلها شوط طويل جدا.
عايزك في ترتيب المصحف يبقى في ذهنه شوط طويل مكي قبله الميم المكية: ألم، العنكبوت، الروم، لقمان، السجدة، وقبله الطواسين التلاتة، وقبله كمان الفرقان، بعد كده النور، من أول الفرقان لغاية الأحزاب ده شوط، بدأ شوط تاني من سبأ لغاية الحجرات. طيب، كانت لفتة جميلة من أحد المفسرين بيقول: ﴿إِنَّا فَتَحْنَا لَكَ فَتْحًا مُّبِينًا﴾ [الفتح: 1]. تشير إلى وعده سبحانه وتعالى: ﴿وَمَا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا﴾ [فاطر: 2]، اللي هي كانت سورة إيه؟ فاطر، اللي هي تاني سورة على طول بعد سبأ لو الشروق بادئ من سبأ، تاني سورة بعد سبأ جه الوعد بالفتح. ومتى تحقق الفتح؟ شوف بعد قد ايه!
لذلك أنت لازم تصبر، ما تستعجلش في الطريق، الله لا يعجل بعجلة أحد، دي من أهم دروس صلح الحديبية، دايما مستعجلين، عايزين الفتح بسرعة. ﴿إِنَّهُ مَن يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ﴾ [يوسف: 90]. لا بد من الصبر مع التقوى، لابد من الصبر مع الجهاد. لازم مع: ﴿وَلَمَّا يَعْلَمِ اللَّهُ الَّذِينَ جَاهَدُوا مِنكُمْ وَيَعْلَمَ الصَّابِرِينَ﴾ [آل عمران: 142]. بيقولوا واو العطف دي جت منصوبة، واو المعية، يعني أنت مطلوب منك الاتنين مع بعض: جهاد وصبر، الجهاد وحده ليس كافيا، لازم جهاد وإيه؟ وصبر، ﴿وَتَوَاصَوْا بِالْحَقِّ وَتَوَاصَوْا بِالصَّبْرِ﴾ [العصر: 3]. وقيل إن الفتح اللي هو بتاع سورة الفتح ده تحقق، شوف الإشارة بتاعته كانت فين؟ في أول سورة فاطر.
بعد كده شوط طويل من سبع سور متتاليات بادئة بنفس الحروف، اسمها إيه؟ جزاك الله خيرا، اسمها الحواميم. سبع سور بادئين من أول غافر لغاية الأحقاف، أول لما خلصت الأحقاف بدأت سورة القتال سورة محمد، لذلك النبي صلى الله عليه وسلم روي عنه في أكثر من موضع وخاصة في الخندق كان يقول للمسلمين: شعارنا إذا بيتنا -لو هجموا بالليل- فإن شعاركم أو في رواية: فإن دعواكم -الدعاء اللي تنادوا به-: حم لا ينصرون! أن المسلمين يحطوا لنفسهم شعار، يعني إيه يحطوا لنفسهم شعار؟ لما ييجي الحرب بالليل الناس مش شايفة بعض، ما فيش كهرباء، فيمكن يحصل قتال وتدافع وتداخل بين الناس وبعضها، المسلمين مع المشركين، طبعا مش بيبقوا لابسين مثلا أحمر، لابسين أبيض، ومقسّمين، أو أشكال مختلفة، هو نفس اللبس ونفس الشكل، فيحصل تداخل فيمكن حد يموت حد غلط، أو أنت عايز تعرف ده معك ولا عدوك؟ ممكن جيس كبير عشر آلاف واحد وما فيش بطائق، مش هيفول: وريني إيه...
فكان لازم يبقى فيه شعار عارفينه، المسلمين مع بعض الشعار ده بيعرفوا ببعض ويحمسهم ويستجلبوا به النصر، بيسخنهم يعني؛ كان أحيانا كان في شعار وضعه النبي صلى الله عليه وسلم: حم لا ينصرون! أي بمعاني: حم، نطلب النصر بتاع القتال سورة محمد. وشوف الإعجاز، النبي صلى الله عليه وسلم -نفس ترتيب المصحف-: حم لا يبصرون، لذلك جه القتال بعد بتقول إيه حميم، وجاء بعدها الفتح.
ففعلا الفتح بيجي بعد الحواميم، ففي معاني مهمة في سور الحواميم بيجي بعدها الفتح، ده بيبقى في مجموعة معينة الحواميم والكلام بتقوليه عايزة يعني أن ربنا يفتح هنا كده لو قعدنا جلسات ترابط الحواميم السبعة مع بعض وختام الأحقاف.
خلاص! وإذ صرفنا إليك نفراً من الجن، أنت بتحاول معهم في الجدال والدعوة، اللي بدأت سورة غافر بالجدال: ﴿مَا يُجَادِلُ فِي آيَاتِ اللَّهِ إِلَّا الَّذِينَ كَفَرُوا فَلَا يَغْرُكَ تَقَلُّبُهُمْ فِي الْبِلَادِ﴾ [غافر: 4]. أنت عمال شغال معهم دعوة وجدال بالحق وبالتي هي أحسن سبع سور، ما فيش فايدة، قمة الإعراب بتنتقل.
الحل التاني القتال، يبقى ما بتبدأش الدعوة الأول، إن القتال زي ما هنشوف هو وسيلة وليس غاية، وده الفرق كان بيننا وبين الصحابة، هنشوف هم كانوا شايفين إيه هو الفتح؟ واحنا بالنسبة لنا إيه الفتح؟ وبالنسبة لهم ما هو الفتح لما نجي الخلاف في كلمة: ﴿فَتَحْنَا لَكَ﴾ [الفتح: 1]. وإزاي كان الصحابي يقول للتابعين؟ احنا كنا شايفين الفاتحة حاجة وأنتم شايفينه حاجة تانية، ما ورد عن البراء بن عازب وجابر رضي الله عنهما.
احنا دلوقتي بنتكلم فين؟ في موضع سورة الفتح في منظومة السور المكية والمدنية اللي وراء بعضها، إن في مجموعة من الحواميم فيها معاني معينة من الدعوة إلى الله والبذل ونصرة الدين والجدال بالتي هي أحسن، لما خلاص الناس بتفضل، لازم ييجي الحل التاني اللي هو محمد صلى الله عليه وسلم، فبييجي بعد القتال الفتح.
بعد ما بنفتح البلد لازم ننظم المجتمع بتاعنا، مش نفتح بلد وراء بلد ولا بلد من غير ما ننظم نفسنا، ودي كانت الأخطاء اللي وقع فيها إيه؟ كثرة الفتوحات الإسلامية من غير ترتيب البلاد اللي اتفتحت، لذلك جاءت سورة الحجرات بعد الفتح مباشرة لوضع قواعد وأخلاق ترتب المجتمع المسلم، مش الفكر إن احنا نكتر من الفتوحات وخلاص.
ذلك من القواعد اللي هنطلع بها من سورة الفتح: كل مدد من الله، كل مدد بغير سند -يعني كل مدد ييجي لك من ربنا، دي قاعدة مهمة قوي ياخدها بالتفصيل- كل بغير سند فهو بدد هيروح؛ جزا الله خيراً الشيخ البحيوي في مشاركته بسورة الفتح. كل مدد ربنا بيديك حاجة وانت ما عندكش الأدوات اللي تخليها تستمر، أنت استعجلت هترروح منه، هتروح، ما أنت ما عندكش اللي يخليها تكمل، أنت استعجلت أنك تفتح حاجة معينة بلد معينة وما عندكش حد يعلمهم أو ينشر فينشر، فيروح هيروح، فكل مدد بغير سند فهو إيه؟ هيروح مدد.
ده موضع سورة الفتح في وسط إيه؟ طيب، إيه علاقة سورة الفتح بقى بسورة محمد؟ محمد صلى الله عليه وسلم، سورتين وراء بعض على طول، إيه العلاقة؟ أصلًا أنت لما تجي تقرا سورة محمد صلى الله عليه وسلم -صلوا عليه- في سورة محمد، وتيجي تقرا سورة الفتح في حاجة غريبة جداً، سورة محمد بتكلم ناس متثاقلين عن الجهاد، سخنهم عشان تكلمهم عن ثواب الشهادة في سبيل الله وأن ربنا يصلح لهم بالهم ويعطيهم جنات تجري وانهار في الجنة، وأن لازم الإنسان هيبتلي عشان إذا كان منافق ولا مؤمن وأن ونبلو أخباركم هتظهر على حقيقتك وأن ذلك: ﴿وَلَوْ يَشَاءُ اللَّهُ لَانْتَصَرَ مِنْهُمْ﴾ [محمد: 4]. الحكمة من فرض القتال سورة محمد ميكس بتسخنهم على الإقدام، سورة الفتح العكس.
الناس وصلت لدرجة من السخونة اللي بتقول: لا، دلوقتي ما فيش قتال، شيل قلل شوية موضوع الحمية، سورة محمد فيها إقدام، وسورة الفتح بتعلمه أنه يحجم، فيها نوع من كأن العبودية قد تكون في موضع إقدام وفي موضع تكون إحجام، وعبودية الله تختلف من مكان لمكان وزمان لزمان حسب ما يريده الله، مش القضية إن هو قتال وخلاص أو إحجام وخلاص لا، وده بيربي العبد على مراد أن ينفذ مراد ربنا.
وزي ما نشوف النبي صلى الله عليه وسلم في صلح الحديبية كان عبداً لله سبحانه وتعالى في قمة العبودية، نتخلص من مراده ومن أهواءه ومن أمنياته، يبحث عن مراد الله أياً كان ما هو مراد الله، حين نطلب منك الإقدام، وحين يطلب منك الإحجام، زي في مكة: ﴿أَلَمْ تَرَ إِلَى الَّذِينَ قِيلَ لَهُمْ كُفُّوا أَيْدِيَكُمْ وَأَقِيمُوا الصَّلَاةَ وَآتُوا الزَّكَاةَ﴾ [النساء: 77] بعد فترة فلما كتب عليهم القتال، فالتكاليف تتغير.
أحياناً الإنسان مصر على وضع معين وعبودية معينة، طب مش ده المناسب ولا يقبل ذلك، لكن كمال العبودية أن تتخلص من مرادك إلى مراد الله، ربنا يريد إيه وتعمله؟ هنا ربنا يريد إقدام تقدمه، هنا ربنا يريد سكون تسكن، هنا تتوقف تصبر تصبر.
أيضاً إن العلاقة بين محمد والفتح: سورة محمد فضحت المنافقين وطهرت الصف: ﴿وَلَتَعْرِفَنَّهُمْ فِي لَحْنِ الْقَوْلِ﴾ [محمد: 30]، أظهرت المنافقين، كانت تنزل السورة تفضح كان، لولا نزلت سورة، إذا أُنزلت سورة محكمة وذكر فيها القتال رأيت الذين في قلوبهم مرض، المرض باطني الصورة خلته أنك تعرف تشوفه بعينك، رأيت الذين في قلوبهم تدور أعينهم خايف، سورة محمد عملت نوع من تصفية الصف، عملت نوع من التمييز بين المؤمن والمنافق.
دائماً يأتي الفتح بعد هذا التمييز، الفتح ينزل على الثلة المؤمنة الخالصة لما بتصفى من المنافقين، ربنا بيقول إيه؟ ﴿وَلِيُمَحِّصَ اللَّهُ الَّذِينَ آمَنُوكَ﴾ [آل عمران: 141] بعدها إيه؟ ﴿وَيَمْحَقَ الْكَافِرِينَ﴾ [آل عمران: 141]، المحق جه إمتى بعد الآية بعد التمحيص؟ ينقى الصف أولاً وبعد كده ينزل الفتح، لذلك لما حصلت المفاصلة: ﴿قُلْ يَا أَيُّهَا الْكَافِرُونَ * لَا أَعْبُدُ مَا تَعْبُدُونَ﴾ [الكافرون: 1-2] مفاصلة تامة وتمييز تام بين أهل الإيمان، والصورة اللي اقرأوا سورة إيه سورة النصر؟ فإن النصر.
أشار بعض أهل العلم إلى أن الترابط بين الفتح ومحمد بالظبط زي الترابط بين النصر والكافرون، وزي ما دي عملت تصفية سورة محمد وجه الفتح بعدها: ﴿إِنَّا فَتَحْنَا لَكَ فَتْحًا مُبِينًا﴾ [الفتح: 1] وجات المغفرة أيضاً، جاءت سورة النصر بالفتح والمغفرة: ﴿إِذَا جَاءَ نَصْرُ اللَّهِ وَالْفَتْحُ * وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا * فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّابًا﴾ [النصر: 1-3].
إذاً من الترابط أيضاً أن الفتح: متى يأتي الفتح؟ على الثلة المؤمنة الخالصة، فهنفضل ننقى ننقى ونصفى نسأل الله الثبات لغاية لما يبقى في ثلة مؤمنة دي اللي بينزل عليها الفتح، يستحق أن ينزل الفتح، حتى أنت في أبسط الأمثله أنت قايم تصلي تطلب الفتح، دعاء اسمه دعاء الإيه؟ الاستفتاح، إيه دعاء الاستفتاح؟ اللهم باعد بيني وبين خطاياي، لازم تبقى طاهر حتى ينزل الفتح، تتوضأ وتستفتح تتطهر من ذنوبك وتطلب أن تبعد ذنوبك عنك، ليه؟ عشان تكون أهل لنزول الروحانية.
وكذلك الثلة المؤمنة إمتى ينزل عليها الفتح؟ لما تتطهر وترفض الخبيث ويحدث التمييز، ينزل الفتح على هذه الثلة المؤمنة، أيضاً من الترابط: متى يأتي الفتح؟ كلمة الفتح هي من أحب الكلمات إلى قلب المؤمن، هي من أجمل اللحظات التي ينتظرها المؤمن، ينتظرها المؤمن، سمعها النبي صلى الله عليه وسلم فكان وقعها على قلبه صلى الله عليه وسلم أنها كانت أحب إليه من الدنيا وما فيها، أنه يسمع: ﴿إِنَّا فَتَحْنَا لَكَ فَتْحًا مُبِينًا﴾ [الفتح: 1].
تفضل تشتغل سنين في الدعوة، تنتظر لحظات الفتح، بتبقى بشريات لازم جهد سنين، قال حميم سبع سور وقبلها القتال عشان ييجي الفتح، ولا فتحة بدون قتال، لازم برضو تاخد بالأسباب، أيضاً من الترابط بين السورتين بين محمد والفتح، من اسم السورة سورة محمد صلى الله عليه وسلم وبدايتها: ﴿وَآمَنُوا بِمَا نُزِّلَ عَلَى مُحَمَّدٍ﴾ [محمد: 2] في كمال الاتباع، فالفتح يأتي دائماً بكمال الاتباع للنبي صلى الله عليه وسلم.
احنا عايزين فتح نعمل اللي كان بيعمله النبي صلى الله عليه وسلم والصحابة، لو احنا عايزين فتح -أنا بقول كلمة الفتح كلمة محببة- فاحنا عايزين واحنا ماشيين في الصورة: ما هي أسباب الفتح؟ عايزين ربنا يفتح لنا في حياتنا، إيه أسباب الفتح؟ الصورة الختامية اللي جت في سورة الفتح لمشهد من هم أهل الفتح؟ لماذا نزل عليهم الفتح؟ ﴿مُحَمَّدٌ رَسُولُ اللَّهِ وَالَّذِينَ مَعَهُ﴾ [الفتح: 29]، وصف أهل الفتح الذين يستحقون الفتح، وعشان يفتح لك محتاج ترتبط بسنة النبي صلى الله عليه وسلم.
لذلك قال بعض أهل العلم -بعض أهل العلم في إشارة في قصة طالوت وجالوت- قبل ما طالوت يروح يحارب وكانت آية ملكه أن يأتيهم إيه؟ التابوت فيه سكينة من ربكم وبقية مما ترك آل موسى وال حملته الملائكة، لازم رابطة بينهم وبين سيدنا موسى، لازم في إشارة بينهم وبين موسى عليه السلام حتى يفتح لهم وبقية مما إيه؟ مما ترك.
طب النبي صلى الله عليه وسلم ماذا ترك لنا؟ القرآن والسنة، «تركت فيكم ما إن تمسكتم به لن تضلوا بعدي أبدا؛ كتاب الله وسنتي». ولو احنا عايزين يفتح لنا التمسك بكتاب الله وسنة وسنة، لذلك البخاري في بداية باب الجهاد في تبويب في البخاري لما جه يتكلم عن الجهاد بدأ بحديث ويبقى حطه من الأوائل، قال حديث النبي صلى الله عليه وسلم: «يأتي على الناس زمان يغزو يغزو فئام من الناس، فيقال فيسألون الناس» الصحابة رايحين يقاتلوهم بيسألوا: هل فيكم من رأى؟ وفي رواية من صحب رسول الله صلى الله عليه وسلم؟ الصحابة يقولون: نعم، فيقول النبي، فيفتح له.
الفتح جه إمتى؟ مع صحبة النبي صلى الله عليه وسلم، ثم يأتي زماننا على الناس فيغزو في أمر الناس فيقال لهم: هل فيكم من رأى من صاحب رسول الله؟ أو هل فيكم من صاحب صاحب صاحب رسول الله صلى الله عليه وسلم؟ فيقول التابعون بقى فيقولون: نعم، فيفتح لهم، ثم يأتي في أب من الناس فيقال لهم: هل فيكم من صاحب من صاحب رسول الله صلى الله عليه وسلم؟ فيقولون: نعم تابعوا التابعين، فيفتح. في كل مرة يقول إيه؟ فيفتح.
الفتح جه إمتى؟ على قدر الارتباط، ده من أفضلية القرون الثلاثة الأولى، وعلى قدر تمسكنا بهدي الصحابة والسلف يقولون الثلاثة الأولى على قدر ما بيأتي الفتح. الإمام مالك العظيمة: أن صلاح آخر الأمة لن يكون إلا بما صلح به أوله.
هنا ده أحد ترابط بين الفتح وبين سورة محمد صلى الله عليه وسلم، طبعا لو رجعت للتفاسير هتجد أنهم حاولوا يربطوا بالأول سورة الفتح أول صورة محمد وسورة الفتح وختام سورة محمد سورة في أوجه كثيرة للترابط، وفعلا القرآن عظيم لا يخلق على كثرة الرد أين يبلى؟ يعني معانيه متجددة لا تمل، كل ما بترجع لنفس السورة تجد معاني عظيمة وكثير.
نبدأ الكلام عن الألفاظ بقى بتاعة السورة وآية سورة الفتح نفسها، بسم الله الرحمن الرحيم: بدأت هذه السورة بقوله سبحانه وتعالى مؤكداً بحرف التوكيد وبنون العظمة التي أُدغمت في نون التوكيد، إن أنا من العظمة أُدغمت في نون التوكيد اللي هي بتاعة: ﴿إِنَّا﴾، العرب بيقولوا إن الطبيعي أنك ما تستعملش توكيد، لما تجي تتكلم مع واحد طبيعي أنك ما تستعملش توكيد، إلا لو في أسباب معينة، لو اللي قدامك شاكك مش مصدق خبر غريب عليه.
يعني أنا لو أنا مثلاً اتغديت لغاية ما أنا اتغديت، مش هينفع لو أنا أكدت أني اتغديت باكد لك يبقى أنت إيه؟ شاكك في حاجة مصدق، كان الطبيعي أن أنا صايم فخبر غريب يستحق التأكيد، فالعلماء بيقولوا اهل اللغة العربية إن استعمال التوكيد له دلالات، بدأت الصورة بتوكيد وبنون العظمة: ﴿إِنَّا فَتَحْنَا لَكَ﴾ [الفتح: 1].
لماذا بدأت هذه السورة بتوكيد الفتح؟ ليه ربنا أكد أن حصل فتح؟ اللي حصل وللأسف احنا مش هنعرف نستقصي مع بعض أحداث صلح الحديبية لأنها طويلة، واحنا ماشيين مع بعض في السور سورة الفتح الموضع اللي هنحتاجه من من أحاديث صلح الحديبية، لكن أنت عشان تسقيع مش الموضوع يبقى في دماغك متكامل حاول ترجع وتقرا قصة في أي كتاب سيرة قصة صلح الحديبية كاملة من أول الرؤية اللي شافها النبي صلى الله عليه وسلم.
الموضوع كله بدأ برؤية، والعجيب أن الرؤية تيجي آخر حاجة في السورة: ﴿لَقَدْ صَدَقَ اللَّهُ رَسُولَهُ الرُّؤْيَا بِالْحَقِّ﴾ [الفتح: 27]، الموضوع كله أن النبي صلى الله عليه وسلم -ودي حاجة غريبة جداً يعني شوف اللي حصل- النبي صلى الله عليه وسلم يشوف رؤية، إيه الرؤية؟ أن هو هيعتمر هو والصحابة: ﴿لَتَدْخُلُنَّ الْمَسْجِدَ الْحَرَامَ إِنْ شَاءَ اللَّهُ آمِنِينَ﴾ [الفتح: 27].
يقوم النبي صلى الله عليه وسلم -شوف كلمة العبودية- يقوم النبي صلى الله عليه وسلم يحرم لبس الإحرام وينطلق ليسوق الهدي، هم كانوا لسه السنة اللي فاتت الأحزاب وعشر آلاف مقاتل وكنا مهددين، تشوف رؤيا من ربنا تتحرك عشانها تاخد معك ألف وربعمية واحد بس بس، هم كانوا عشر آلاف، قمة العبودية.
في قاعدة اتكلم عنها: أن المؤمن يقدم أعلى التضحيات بأقل الإشارات، زي سيدنا أبراهيم كده يعني يضع السكين على رقبة ابنه برؤية رáها، إنما في واحد تلاقيه معاهد لتطبيق شرع الله عز وجل، محتاج ألف حاجة يشوفها ويسمعها عشان ينفذ، فالنبي صلى الله عليه وسلم شاف رؤية اتحرك، قمة العبودية.
وهو بيتحرك في الطريق قريش تحاول تمنعه وتبعت ناس تصده ويتحجب لنفسه، وحق قريش أكلتهم الحرب، ماذا يضرهم لو خلوا بيني وبين الناس أو بين سائر العرب؟ هو ده أهم الداعية، خلوا بيني وبين الناس، هو ده الفتح الرئيسي للداعية محتاجه، لما احنا نؤتى هذه الفرصة يخلى بين إمام الناس ونضيعها نحن لا نستحق الفتح، هو احنا مش فاهمين أصلًا ما هي قيمة الدعوة أو ما هي وظيفة الداعية؟ لأن الجهاد أصلاً شرع لأجل تحقيق هذه الغاية، فلو حققت بغير جهاد ولا قتال فكفى الله المؤمنين القتال، ولا تتمنوا لقاء العدو، فهي دي الغاية أصلاً انتشار الدين.
اتسمى فتوحات إسلامية إيه؟ لأن كانوا واقفين عقبة بين الناس من سماع الدين، فكلمة فتوحات أي أزالت هذه العقبات وجعلت الدين يصل إلى أسماع الناس، أزالت المغاليق التي وضعها أعداء الله عز وجل حتى لا يصل الدين إلى الناس، هو وسيلة لتطبيق للوصول إلى غاية معينة، أن الناس يوصل لهم الدين.
النبي صلى الله عليه وسلم خرج، شاف رؤيا. قريش حاولت تمنعه، خد طريق تاني. النبي صلى وبرضه مافيش فايدة، يبعتوا له ناس وهو ماشي. ناقة النبي صلى الله عليه وسلم بركت، قالوا: خلأت الناقة، فقال النبي صلى الله عليه وسلم: «ما خلأت الناقة، وما ذاك لها بخلق، ولكن حبسها حابس الفيل».
إن ده قمة الاستسلام لأقدار الله. طب النبي صلى الله عليه وسلم نفسه يروح يعمل عمرة، وشاف رؤية ونفسه يروح مكة وبلده اللي بيحبها صلى الله عليه وسلم. شوف قمة الاستجابة، رؤية يتحرك، الناقة تبرك يقول لا خلاص. أي خطة يعرضوها عليَّ، صلح هقبله طالما في تعظيم لحرمات الله.
لأن حبسها حابس الفيل، الفيل منع أن يصل إلى مكة تعظيماً لحرمات الله. فكذلك الناقة منعت وبركت تعظيماً لحرمات الله. وفي رواية، النبي صلى الله عليه وسلم قبل أن تبرك استشار أبو بكر الصديق في القتال، فأشار الصديق رضي الله عنه: ما جئنا إلا لنعتمر.
خلاص، غير شوف هم عايزين ايه ونعمله، النبي كان جاي يعتمر. شوية بعد ما خلاص قررنا مش هنعتمر، ييجي إشاعة مقتل عثمان وهنتكلم على ده في البيعة، أويت البيعة وخلاص نبايع على القتال. شوية ييجي سيدنا عثمان، خلاص مافيش قتال ونرجع للصلح.
ده اللي تلقوا فيه قمة الاستسلام، قمة المرونة في العبودية. رؤية خلاص نعتمر، طب مافيش خلاص مش مشكلة. طب سيدنا عثمان وشائعة القتل؟ لا خلاص نقاتل حتى نأخذ بحق أخينا عثمان رضي الله عنه. طيب خلاص رجع سيدنا عثمان، نرجع للصلح. التنقلات دي الصحابة ما كانوا مستوعبين.
مش مستوعبين ولا ايه؟ وده أنك إنت تبقى لين مع أقدار الله ومراد الله سبحانه وتعالى، لذلك استحق صلى الله عليه وسلم أن يققال له: لك، أي لأجلك إنت وحدك جاء هذا الفتح. قمة العبودية، ودائماً الفتح يأتي بعد أن تظهر كمال الاستسلام. فتحي بيجي في حياتك لما تختبر كذا اختبار تنجح فيهم وتظهر كمال الاستسلام، وتتخلص من مرادك تماماً: ﴿تِلْكَ الدَّارُ الْآخِرَةُ نَجْعَلُهَا لِلَّذِينَ لَا يُرِيدُونَ﴾ [القصص: 83].
مش عايز حاجة غير ربنا. أحياناً إنت بيبقى جواك طموحات مغلفة أغلفة الدين، يعني جواك طموحات من إيه؟ من الفتك بالأعداء، وممكن تصل إلى الغاية بغير ذلك. الغاية الأساسية كذا، لا إنت جواك غضب عايز، يعني أمنية عايز تحققها. طب ممكن تحقق بطريق آخر، مراد الله يحقق بطريق آخر، لا إنت عايز تمشي إيه؟ تطلق. فلما كان صلى الله عليه وسلم في قمة الاستسلام وتخلص من مراده، جاء الفتح في هذه اللحظة.
أنا فتحنا لك، لما أظهر واتقال له الآيات إمتى؟ بعد ما اخلص كل حاجة وهو راجع، قال له إنت تستحق أن يفتح لك: ﴿إِنَّا فَتَحْنَا لَكَ فَتْحًا مُّبِينًا﴾ [الفتح: 1]. إمتى؟ لما أظهر كمال العبودية. إنت متعبد ببر الوالدين دلوقتي، خلاص ببر الوالدين، أو متعبد بالصبر، فبتمر بمواضع مختلفة في العبودية، إذن تظهر جمال الاستسلام حتى يأتيك الفتح، حتى يأتيك الفتح.
فبدأت وضع غريب رؤية وبعدين ما تتحققش، وصلح عجيب وموقف غريب للناقة أول مرة يشوفوه. فالأحداث الغريبة دي كانوا يحتاجون إلى التأكيد حتى تستحضروا عظمة الله ولا تشكوا في قدرته. هم في اللحظات دي محتاجين حد يأكد لهم الكلام، وإزاي القرآن بيراعي نفوس البشر بيكلمهم، لأنه محتاجين حد يشرح لهم وحد يفهمهم.
لذلك لما عمر بن الخطاب، وأنتم عارفين القصة المشهورة في الحديبية، والنبي صلى الله عليه وسلم بياخد صلح ومش قادر سيدنا عمر يصدق ويروح للنبي: ألسنا على الحق؟ ألسنا مؤمنين وليسوا مشركين؟ لما نعطى الدنية في ديننا؟ النبي صلى الله عليه وسلم يجاوبه إجابة واضحة: «إني عبد الله ورسوله ولست أعصيه ولن يضيعني».
ويعني يروح للصديق ويقوله نفس الكلام مش متخيل، ويروح لأبي جندل، والنبي صلى الله عليه وسلم بيرجع أبا جندل في صلح الحديبية، وأبو جندل يصرخ: أتتركوني تردوني إليهم؟ وسيدنا عمر بن الخطاب يمشي جنب أبي جندل ويعمل بالسيف جنبه كده يقوله إيه؟ إنما هو سيف وضربة، كده بيكمل. عشان لو سهم واحد، وده هنتكلم في السكينة والحمية، سهم واحد طلع من المسلمين كانت باظت، كل ده كان راح. واحد بس ما يمسكش أعصابه من المسلمين يطلع سيف أو يدرس كتف، خلاص بص.
وهنتكلم دي قيمة السكينة التي أنزلها الله علينا، عكس الحمية التي كانت في قلوب أعداء الدين. إنت فعلا ترتيب عجيب حدث محتاجين حد يأكدون. بعد كل ده النبي صلى الله عليه وسلم تنزل عليه سورة الفتح أول واحد يناديه. لأن مش الفكرة إن سيدنا عمر يقوله شوف إنت غلطت ازاي، لأ، صحبة وفهمه. فالنبي صلى الله عليه وسلم أول واحد قال لها سيدنا عمر وبحث عنه، قال تعالى: يا عمر! وقرأ عليه هذه الآيات.
بأبي هو وأُمي صلى الله عليه وسلم، معلم، مربي. هو خايف عليه، عايزه يفهم، عايزه يعرف اللي حصل، مش يقوله شوفت مش أنا قلت لك؟ مش المفروض تقعد ساكت؟ قرأ عليه الآية، سيدنا عمر قعد يسأل النبي صلى الله عليه وسلم، بيسأله يسأله فلم يجبه النبي صلى الله عليه وسلم ثلاثاً.
حتى إذا نزلت الآية سيدنا عمر خاف، وطلع بقى في أول الجيش خاف ينزل. فلما نزل القرآن والنبي صلى الله عليه وسلم بحث عنه، خاف، خاف يروح، قال بس هينزل في آيات من المنافقين. نفاجأ أن النبي صلى الله عليه وسلم بيشرحه وبيقرأ عليه الآيات ويبشره بنفس البشرى التي بشر بها النبي صلى الله عليه وسلم.
وكان الصحابة يحتاجون إلى تأكيد. إحنا بنمر بأوقات عصيبة أحياناً تحتاج حد يأكد لك الحقائق اللي إنت عارفها، عارفها بس حد يأكد لك أن الدين سينتصر، إنت محتاج تسمع هذه الحقائق. من كتر ما بتشوف من استضعاف والأخبار بتسوءك، أحياناً تحتاج إلى من يؤكد لك الحقائق.
لذلك النبي صلى الله عليه وسلم كان يقصد لما هم كانوا بيقسموا المشركون اللي هي في آخر سورة إبراهيم: ﴿أَلَمْ تَرَ إِلَى الَّذِينَ بَدَّلُوا نِعْمَتَ اللَّهِ كُفْرًا وَأَحَلُّوا قَوْمَهُمْ دَارَ الْبَوَارِ﴾ [إبراهيم: 28]. وكان يققسم ويقول: والله ليتمن الله بهذا الأمر حتى يسير الراكب من صنعاء إلى حضرموت لا يخاف إلا الله، ولكنكم تستعجلون.
هم عارفين إن الدنيا هتظلم، لكن كان أحياناً بيحتاج يسمعها بصيغة التأكيد، بل بصيغة القسم وبدأت السورة. إنا فتحنا لك، إحنا قلنا حد يفكرني بس ما حدش فكرني، أربع سور في القرآن بدأت بنفس التأكيد وبنون العظمة. اللي هم إيه؟ القدر والفتح والكوثر، وتلك الدعوة: ﴿إِنَّا أَرْسَلْنَا نُوحًا﴾ [نوح: 1]. تفاصيل تعب الدعوة، تفاصيل التعب ليلاً ونهاراً سرًّا وجهاراً.
كأن هذه العطايا في الدنيا والدين والآخرة، القدر والفتح والكوثر تأتي بعد جهد مضمن بالدعوة إلى الله. فأنت لو عايز بعظمته سبحانه وتعالى تنال هذه العطايا لابد أن تتعب في نصرة دينه سبحانه وتعالى. في عطايا خاصة لأهل الدعوة، قضايا خاصة للي تعبوا عشان ينصروا دين ربنا: ﴿رَحْمَتُ اللَّهِ وَبَرَكَاتُهُ عَلَيْكُمْ أَهْلَ الْبَيْتِ إِنَّهُ حَمِيدٌ مَّجِيدٌ﴾ [هود: 73].
يحمد لكم أفعالكم فيعطيكم ويثيبكم عليه. فلا تتعجبوا من عطايا الله لأهل الدعوة وفضل يعطيه الله عز وجل لمن يشاء بالتأكيد في الوحي والقدر والفتح، والفتح جه مفتوح يشمل فتوح كثيرة، والكوثر. والعجيب أن التأكيد برضه في الكوثر أن وضع مكة ضرب وتعذيب وتشريد، وأولاد النبي صلى الله عليه وسلم يموتون، فيقولوا عليه أبتر، فتأتي السورة تقول: لا ليس هو الأبتر، بل إن شانئك هو الأبتر، ولسوف يعطيك الله عز وجل نهراً في الجنة عدد آنيته الاكواب كعدد نجوم السماء.
وكأنها بشرى أن أتباعه سيكونون مثل نجوم السماء. طب إزاي ده إحنا مستضعفين في مكة؟ فكانت البشرى تحتاج إلى تأكيد: ﴿إِنَّا أَعْطَيْنَاكَ الْكَوْثَرَ * فَصَلِّ لِرَبِّكَ وَانْحَرْ﴾ [الكوثر: 1-2]. وقيل أن وانحر بشرى لصلاة العيد الذين يجتمعون فيها. فبدأت سورة الكوثر بمنظر اجتماعهم على نهر الكوثر مع النبي صلى الله عليه وسلم في الجنة، ثم ثنت بمنظر اجتماعهم في صلاة العيد، ثم ختمت بمشهد الأبتر المقطوع الذي إن لم ينفعه أتباعه بشيء، المشرك الذي عادى النبي صلى الله عليه وسلم.
هذه الوعود كانت تحتاج إلى تأكيد لأن الظاهر مخالف، ودي عايزة فقه في التعامل مع وعود الله. أحياناً بيجي وعد من ربنا إحنا نستغرب أين هذا الوعد؟ ﴿سَيُهْزَمُ الْجَمْعُ وَيُوَلُّونَ الدُّبُرَ﴾ [القمر: 45]. سيدنا عمر يستغرب أي جمع سيول؟ إحنا عمالين نتضرر في مكة. فلما كانت بدر تذكرها عمر كده، إحنا بنستعجل على الوعد يحصل.
وأحياناً بنعمل حاجة أقصر من كده، مش بس بنستعجل زي النبي صلى الله عليه وسلم قال لخباب: «ولكنكم تستعجلون». الحقيقة بنعمل حاجة تانية أبداً، أن الوعد إن مثلاً ربنا ينصر أهل الإيمان أن الوعد بيكون مطلق مش محدد. زي بالضبط لما ربنا قال إيه؟ ﴿الم * غُلِبَتِ الرُّومُ * فِي أَدْنَى الْأَرْضِ وَهُم مِّن بَعْدِ غَلَبِهِمْ سَيَغْلِبُونَ * فِي بِضْعِ سِنِينَ﴾ [الروم: 1-4].
الصديق لما نزلت هذه الآيات راهن المشركين أن الروم هينتصروا بعد قد ايه؟ بعد ست سنوات. حصل هنا إيه؟ تدخل في تحديد الوعد. يعني لما ربنا يقول ينصر أهل الإيمان، وإنت تحدد طائفة معينة أن هي دي اللي لازم تنتصر، إنت إيش عرفك إن أمتهم اكتملت وكملوا النصاب وكملوا المواصفات، وما فيش سنة تانية تعرضها سنة من ربنا تعمل مجتمعة، وإن ما عملوش ذنب معين؟ إنت إيرفك أن يكون تحقق؟
لما تدخل الصديق وهو من هو في تغيير حاجة بسيطة جداً في الوعد، كان الشك كاد الشك أن يدب في قلوب بعض أهل الإيمان. من أسباب أن أهل الإيمان نفسهم يشكوا في الدين أن إحنا نتدخل في الوعود أو نسقط وعود ربنا بطوائف معنا، نسقطها على طائفة معينة. هي وعود بنقول لأ إن الجماعة دي لازم هتنتصر، وأن فلان، وأن الحرب دي لازم.
لما المسلمين راحوا أحد معتقدين أن من سنن ربنا أن دايمًا أهل الإيمان هينتصروا على الكفر، ومعتقدين كده لأن الغزوة اللي فاتتي كانت بدر بكل سهولة، فراجع اللي بعدها أحد عادي جداً، إحنا مؤمنين وهم كفار، إحنا معنا النبي يبقى أكيد هنكسب؟ هتغلب.
وبعدين إن هذا بيسأل: ألسنا على الحق؟ مش المفروض أن أهل الإيمان بينتصروا على طول ولا ايه؟ لا مش على طول، في سنن تانية ممكن تعمل معصية ممكن يؤدي إلى: ﴿وَتِلْكَ الْأَيَّامُ نُدَاوِلُهَا بَيْنَ النَّاسِ﴾ [آل عمران: 140]. إذا كان شرح آيات آل عمران تشرح لهم: أنتم فاهمين غلط، أنتم غلطتم، ولذلك ربنا قال لهم إيه: أنتم اللي غيرتم مش أنا: ﴿وَلَقَدْ صَدَقَكُمُ اللَّهُ وَعْدَهُ﴾ [آل عمران: 152]. أوعى حد يظن في وعد الله، أوعى تسيء الظن. أوساط المنافقين اللي جت في السورة إنه سيء الظن بالله، يسيء الظن لا يمكن الدين ده يستمر، لا يمكن الدين ده ينتشر.
بدأت السورة بالتأكيد: ﴿إِنَّا فَتَحْنَا لَكَ﴾. أنا فتحنا لك فتحاً مبيناً. العلماء اختلفوا إيه المقصود بالفتح ده؟ هل صلح الحديبية والنبي صلى الله عليه وسلم نزلت عليه السورة وهو راجع من صلح الحديبية على الراجح من الأقوال؟ هل المقصود أن الفتح أن الصلح اللي فات ده اللي أنتم مش معتبرينه فتح، هيطلع فتح وأنتم مش واخدين بالكم؟ ولا أن في فتح هيحصل؟ ودي بشرى: «وأنا فتحنا» بمعنى: أنا سنفتح. ولكن لما كان الزمان عند الله عز وجل يعني الماضي زي المستقبل، الله عز وجل سبحانه وتعالى يفعل ما يشاء، وأن إذا قضى شيئاً سيتحقق، فتأتي وعود المستقبل تأتي بصيغة الماضي: ﴿أَتَى أَمْرُ اللَّهِ فَلَا تَسْتَعْجِلُوهُ﴾ [النحل: 1].
فأنا فتحنا قيل بمعنى أنا سنفتح لك مكة. طب هو راجع صلح عشر سنين صلح الحديبية وهم نقضوا بعد كده، حصل ربنا رتب حاجة كده وحصل إشكالية نقض بها الصلح ما استمرش بعد سنتين تقريباً. عايزك تتخيل النبي صلى الله عليه وسلم راجع، كان نفسه يخش مكة، كان نفسه يكسر الأصنام، كان نفسه قبل ما يموت يشوف الكعبة من غير ولا صنم. النبي صلى الله عليه وسلم تقريباً كان عمره كم وهو في الحديبية؟
تقريباً تسعة وخمسين. ما هي الحديبية سنة كم؟ ستة من الهجرة، وهو في قبلهم كم في مكة؟ تلاتة عشر، بعد الأربعين يبقى تلاتة عشر وستة بعد الأربعين يبقى تقريباً تسعة وخمسين. تسعة وخمسين سنة وعشر سنين صلح يعني تسعة وستين. طب يا ترى بعد العصر إيه اللي هيحصل عشان مكة؟ إنت ممكن لو حد تحسبها كده تيأس، ربنا قال له: أنا فتحنا هات ما لكش دعوة هتتفتح: ﴿وَيَنصُرَكَ اللَّهُ نَصْرًا عَزِيزًا﴾ [الفتح: 3]. إزاي هتتعمل؟ فالنبي صلى الله عليه وسلم استبشر وقبل البشرى، وقد نزلت علي آية: «أحب إلي من الدنيا وما فيها». النبي صلى الله عليه وسلم ما قالش كده بعد فتح مكة، لا، هو راجع لسه ما شافش حاجة.
يعني لسه هو بعد كده من الفتوح أن الناس دخلت في دين الله أفواجاً، وأن أضعاف أضعاف الناس اللي أسلمت الفترة اللي فاتت دخلوا في الإسلام، وخالد بن الوليد وعمرو بن العاص دخلوا في الإسلام.
وفود جت والنبي صلى الله عليه وسلم كل الناس وراحوا خيروا كل ده حصل بعدين وسلم رضي بالبشرى واستبشر ولسه ما شفش حاجة. دول اهل اليقين وموقن: ﴿إِنَّا فَتَحْنَا﴾ [الفتح: 1] أي سنفتح، موقن أن هيحصل فتح، ازاي ما أعرفش، ربنا هيرتبها.
يملك كل شيء، أنت ما تعرفش تترتب إزاي: ﴿إِنَّا فَتَحْنَا﴾. الفتح أصلاً في اللغة إزالة الشيء المغلق، يعني فيه حاجة هي موجودة فيه بركات موجودة، لذلك ربنا قال: ﴿مَا يَفْتَحِ اللَّهُ لِلنَّاسِ مِنْ رَحْمَةٍ﴾ [فاطر: 2]. الرحمات كتير وموجودة، أنت اللي قافلها بذنوبك.
لولا دعاء الاستفتاح، طلب الفتح أنك بتعمل إيه؟ بتتخلص من ذنوبك، فينزِل الفتح. الأصل في معاملة الله الرحمة، سبقت رحمته سبحانه وتعالى غضبه، فالفتح أن أذن الله عز وجل بشيء يحدث. وخلاص، الشيء المغلق هيبدأ يتشال.
المغلق ده بقى قلوب الناس المقفولة، أن خلاص الصلح بتاع صلح حديبية ده فيه اعتراف من قريش، اعتراف من مكة بوجود المدينة، واللي يدوه القوة معتبرينه الحصون الهدنة والهدوء، فسمع الناس عن الإسلام.
كتير من أهل العلم الإمام الزهري يقول: أي إنسان كان عاقل بيدي نفسه فرصة في الفترة دي يسمع، الإنسان كان بيسلم مباشرة، وانتشر الإسلام انتشار رهيب، ومن رحمة ربنا لو كانوا جاهدوا في صلح النبي حصل جهاد كانت قوتهم هتضعف، هيجي يروح خيبر هيروح ضعيف، فادخر الله عز وجل قوتهم لخيبر وطرد اليهود وعاد إليهم منتصراً صلى الله عليه وسلم.
يعني أنت ما تعرفش إيه اللي مدخر لك: ﴿وَيُثِيبَهُمْ فَتْحًا قَرِيبًا﴾ [الفتح: 18]. يعني أحياناً أنت نفسك في حاجة تتأجل فتفضل زعلان، أنت ما تعرفش الخير فيها.
تفضل واقف أنا عايز دي، أنت ما تعرفش: ﴿وَيَدْعُ الإِنْسَانُ بِالشَّرِّ دُعَاءَهُ بِالْخَيْرِ﴾ [الإسراء: 11]. وربنا جاب لنا أحد الحكم اللي بسببها تم تأجيل هذا الفتح فتح مكة نتكلم عنها في آخر السورة إن شاء الله.
﴿إِنَّا فَتَحْنَا﴾ وربنا أزال أشياء كانت موجودة عاملة إغلاق. هل بقى قلوب الناس تسمع عن الدين؟ هل آه إزالة اليهود؟ هل بشرى بفتح مكة انتشار الدعوة؟ أغلبهم قال: انتشار الدعوة. وقيل: كل ده فتح، لأن ربنا ما قالش فتحنا لك إيه المفعول به؟
يعني الفاعل لفظ الجلالة الله أو النون العظمة، والفعل الفتح، طب المفعول به: فتحنا لك إيه؟ مكة؟ قلوب الناس؟ ربنا ما قالش. خيبر؟ ما قالش. فقال له: إذاً خليه فتح عام.
أمال فتحاً دي بيسموها إيه؟ اللي هو حد عارف مفعول مطلق، يعني إيه مفعول مطلق؟ أنا عارف أن اللغة العربية بتضايقكم شوية، آه يعني إعنا عايزين يعني إيه نتذوق مطلق؟ يعني إيه كلمة مطلق أصلاً؟ ليه سموه مطلق؟ قالوا: سموه مطلق أي أطلق من كل قيد.
يعني المفعول جه بيقيد الفعل، المفعول به لما ييجي لا بتقول مثلاً إيه؟ يعني ربنا لما قال على الصحابة في مدحهم قال: ﴿وَمَا بَدَّلُوا تَبْدِيلًا﴾ [الأحزاب: 23]. التبديلاً ده مفعول مطلق، لو كان ربنا قال: وما بدلوا الشريعة، يبقى قيد إيه؟ يسموه ده تقييد. فالمفعول به أو المفعول فيه أو المفعول معه سواء ظرف الزمان أو قل دي أنواع وألوان من التقييد بالفعل، أن الفعل يبقى مطلقا، مطلق أي بدون أي قيد. فكلمة وما بدلوا تبديلاً يعني ما عملوش أي تبديل خالص، ففعل منطلق.
عايز يقول لك إيه؟ أنا يعني فضلت أضرب براحتي، منطلق الضرب دي مفعول مطلق. أنا كلت أكل، ده إيه؟ مفعول إيه؟ مطلق، مش كلت مثلاً يقول لك كلت إيه؟ يقول لك أنا كلت أكل؟ ما أنا عارف أنك كلت أكل.
المقصود إيه؟ أن ده أنا ما كلتش نوع واحد، أنا ما كنتش مقيد نفسي خالص وأنا إيه؟ أنا كنت منطلق، هو ده المفعول إيه؟ مطلق. ففتحنا فتحاً ووصف مبيناً، فتح في كل حاجة، لكن الأظهر هنا العموم كان أسعد بالدليل وأوفق في الاختيار، لأن المفعول المطلق أي من كل قيد، فتوح في كل حاجة، الدعوة في قلوب الناس، في خيبر اليهود في كل شيء، بل حتى قيل قول بعض أهل العلم أن الروم انتصرت على فارس مش في مش في غزوة بدر، لا في زمن في الزمن ده على خلاف ما بين قولين.
هل وعد الروم أن هي تنتصر على فارس حدث في يوم بدر أم حدث في يوم الحديبية؟ على خلاف. قيل الإام الشعبي قال: حدث ذلك في يوم الحديبية، وهذا أحد أنواع الفتوح التي حدثت وكانت بشرى.
فتح عام: ﴿إِنَّا فَتَحْنَا لَكَ﴾ صلى الله عليه وسلم جميل قوي لأجلك، زي: ﴿إِنَّا أَعْطَيْنَاكَ﴾ [الكوثر: 1] لك أنت، الكوثر بتاعك، ﴿مَا وَدَّعَكَ رَبُّكَ وَمَا قَلَى﴾ [الضحى: 3]، في سور كده خالصة للنبي صلى الله عليه وسلم، زي ما فيه آيات كده خالصة للنبي صلى الله عليه وسلم.
يحق لهم ذلك صلى الله عليه وسلم، كمان العبودية وكمال الاستسلام، لأجلك جاء هذا الفتح صلى الله عليه وسلم. شف الحب والود من ربنا للنبي صلى الله عليه وسلم: ﴿إِنَّا فَتَحْنَا لَكَ﴾.
فتحاً مبيناً ظاهراً، أي الشاكون الآن في الفتح سيأتي زمان ويتضح لهم بياناً واضحاً قيمة هذا الفتح، مبين لا يشك فيه أحد، يعني إذا كان الوقتي ناس مرتابة ومش فاهمة فين، هييجي وقت وهيكون فتح مبين، حتى المنافقين الذين شكوا في الفتح سيأتي يوم ويعلموا أن كان أن هذا كان فتحاً مبيناً، مبين وقد كان، سواء فتح مكة أو الحديبية أو انتشار الدعوة.
قالوا: النبي صلى الله عليه وسلم كان جاي الحديبية بألف وأربعمائة، جه فتح مكة بعشر آلاف مقاتل، قيل أغلبهم أسلم في السنتين دول. تخيل القفزة دي حصلت في الدعوة إزاي؟ كل ده عشان إيه؟ وصلنا للناس.
في أقوال كتير في الفتح، أشارها الجمهور على أن هو صلح الحديبية، هو ده المقصود به الفتح، وده كان فتح عشان انتشار الدعوة، لذلك البراء بن عازب في البخاري بيقول لأحد التابعين: أنتم تعدون الفتح فتح مكة، وكان فتح مكة فتحاً، وإنما كنا نعد الفتح يوم بيعة الرضوان، وجابر برضه بيقول: تعدون فتح مكة ونعد الفتح الحديبية، والحديبية بئر، وردت أيضاً عن البراء، والحديبية بئر وشرح قصة معينة.
الأولى الصحابة لما اتكلموا عن الفتح اتكلموا عن حاجتين: الفتح بالنسبة لهم حاجتين، أن يرضى الله وأن يصل بالدين للناس، هو ده الفتح على طول. أمتى يحس أن ربنا فتح له؟ أن ربنا يرضى عنه: بيعة الرضوان، وأن أنا أعرف أوصل دين لناس.
ده الفتح، مش الفكرة أن أنا انتقمت، مش ده الفتح عنده، بالنسبة لنا لأ أنا عايز أخد حقي، حقي أنا عايز أخد حقك، نحن مش بنقول ده حرام، ده بيقول في أكمل من ذلك. في أكمل، هو مكان الفتح عندهم حاجتين، عدوا الفتح يوم الرضوان وبيعة الرضوان ووصول الدعوة للناس، ده اللي كان الفتح عندهم، ده اللي خلى جمهور المفسرين يختار أن الفتح هنا الأساس الحديبية، ثم جاءت فتوح مكة أو خيبر الأول ومكة وعامل الوفود، كل دي فتوح جاءت بعد ذلك: ﴿إِنَّا فَتَحْنَا لَكَ فَتْحًا مُّبِينًا﴾ [الفتح: 1].
ظاهراً: ﴿لِيَغْفِرَ لَكَ اللَّهُ مَا تَقَدَّمَ مِنْ ذَنْبِكَ وَمَا تَأَخَّرَ﴾ [الفتح: 2]. المفسرين وقفوا معه كتير جداً، مش فاهمين أو مش مستغربين كلمة ليغفر، الطبيعي أن يتقال قبلها أنت عملت كذا عشان ربنا يعني المغفرة بتيجي على طاعة، يعني ربنا يغفر لك ليه؟ أنت مثلاً دعيت، زي ما أمنا عائشة جت للنبي صلى الله عليه وسلم: لو ليلة القدر أقول إيه؟ فقال: «اللهم إنك عفو تحب العفو فاعف عني».
فمستغربين فعل من أفعال الله وتيجي لام وبعدين تيجي المغفرة؟ استغربوا، كان الطبيعي أن أنت عملت ليغفر لك الله ما تقدم من ذنبك وما تأخر، يعني فعل من النبي صلى الله عليه وسلم ويأتي بعده عطايا من الله، إنما عطية من الله وبعدين تيجي عطية أخرى من الله.
العلماء هنا إيه؟ قالوا: لا، في محذوف وفي غرض من حذفه، تعالوا نشوف الأول إيه اللام دي؟ تعليل، يعني إاحنا فتحنا لك عشان نغفر لك. طب هو النبي صلى الله عليه وسلم يعني هي المغفرة أنه أنا اللي بعمل ولا ربنا اللي بيعمل؟ عشان ربنا يغفر لي ولذلك دي تساؤلات دي اللي خلتهم يقفوا هنا.
دلوقتي بيقعدوا يدوروا ويفكروا، قال: ﴿إِنَّا فَتَحْنَا لَكَ﴾ لتكثر من الشكر والحمد، كتر من الشكر والحمد، فلما تكتر جداً من الشكر والحمد يغفر لك الله ما تقدم من ذنبك وما تأخر، يتم النعمة وهنشوف الأربع عطايا اللي جم بعد الفتح اللي هم المغفرة والنعمة التامة والهداية الصراط المستقيم والنصر العزيز الأربع عطايا دي.
لكن اعترض عليه كتير من المفسرين خاصة ابن عطية في تفسير المحرر الوجيز، قال: إزاي؟ طب ما أي حد ربنا بييدي له نعمة بيشكر بعدها، دي مش حاجة خاصة للنبي صلى الله عليه وسلم.
وركزوا بقى في المعنى ده، أنت جاهدت وتعبت ففتحنا لك، قد حُذف إيه من السياق؟ المجاهدة وبقي إيه؟ الفتح. عشان إحنا نرتبط بايه؟ بالفتح مش بالجهد. تاني، تاني، يعني قالوا إن كان أصل السياق أن أنت جاهدت وبذلت وتعبت، فجاء الفتح بعدها، فجاءت المغفرة. عشان أنت إيه؟ لا، هي جت عشان ربنا فتح، وكأن كل مجهود بدون فتح قد لا يعطي ثماره: وإن لم يكن من الله عون للفتا فأول ما يجني عليه اجتهاده.
لو ربنا مش هيفتح عليك أنت ممكن تضيع، فقالوا هنا الحذف ده عشان نرتبط بالفتح أي نجاهد، مع أن السورة اللي قبلها اللي هي اسمها محمد اسمها سورة القتال، فجاء الفتح بعد قتال محمد صلى الله عليه وسلم أي بعد قتاله الفاعل المفعول أي صلى الله عليه وسلم هو بذل وجاهد وقاتل وخرج من بيته، كما أخرجك ربك من بيتك إذ غدوت من أهلك وبذل من نصرة الدين صلى الله عليه وسلم، فتح الله له ثمرة لهذا الجهد وغفر له، فتشالت كلمة المجاهدة عشان حتى نتعلق نحن بالفتح لا يتعلق بتوفيق الله لا بجهدنا نحن.
وقيمة في حاجات في الدين عمرك ما هتعرف تعملها إلا لما ربنا يفتح لك. صحيح أن أنت لو لك أمنية كبيرة أن الدين ينتشر ومُّتَّ قبل ما تعملها بتاخد ثواب، لكن من كرم ربنا لك أنه يعمل لك ده ويحقق لك ده في حياتك.
يعني تاني، النبي اللي بييموت وليس يأتي يوم القيامة وليس معه أحد، النبي ومعه الرجل والنبي ومعه الجنان، هو بياخد ثواب عظيم، لكن كمال الثواب مع كمال الفتح، لذلك النبي صلى الله عليه وسلم كان يتمنى دائماً أن يكون أكثر الأنبياء إيه؟ تابعاً.
وقال صلى الله عليه وسلم في أكثر من موضع، حديث البخاري ومسلم: «ما من نبي من الأنبياء إلا أوتي من الآيات ما على مثله آمن البشر، وإنما كان الذي أوتيته أوحاه الله إلي فأرجو أن أكون أكثرهم تبعاً يوم القيامة».
وفي حديث النبي صلى الله عليه وسلم لما رأى: انظر عن يمينك في المعراج، انظر عن يسارك فرأى السواد الأعظم فتمنيت أن تكون أمتي هي أمتك بني إسرائيل.
فيعني النبي صلى الله عليه وسلم إيه كان نفسه يبقى قومه فاشار الله عز وجل لأمته أعظم من ذلك، ففرح النبي صلى الله عليه وسلم، كمال الثواب لقيته مع كمال فتحي. ففيه ثواب في الدين وفيه مقامات عالية في الدين مش هتعرف تحصل عليها تحقيقاً إلا بعد الفتح، ربنا بيقول له: أنا فتحت لك عشان تكمل دينك وتتم يعني ويتم الله عز وجل نعمة عليك وتنال أعظم القربات وتأخذ أعظم الفتوحات وتحصل على أعلى النصر وتسبق كل الأنبياء لأجل ذلك فتحت لك، حتى تحصل على هذه المغفرة تسبق وتسبق كل البشر.
وهذا الفتح فتحته لك لأجل جهادك اللي هو محذوف برضه، إزاي تفهم كلمة فتحنا لك؟ يعني أنا عملت لك كده عشان تنال ما لم يناله أحد من البشر، أكثر الأنبياء تابعاً وأعلى أنواع الهداية.
أصل أنا عايز برضه أنا حاسس أن هي مش واضحة، أحاول أوضحها في أعمال، يعني هاقول لكم على حاجة، في أوقات الاستطاعات مثلاً في مكة في عبوديات مش عارفين يعملوها، الزكاة، القصاص، في عبوديات اللي بييموت قبل ما ينفذ الحاجات دي هو بياخد ثواب أنه كان يتمنى أنه يعمل ده، لكن اللي بيمكَّن وبيعملها بياخد ثواب أعلى.
تاني، اللي بيتمنى اللي بيتمنى أن معه فلوس عشان يصرفها في الدين بياخد ثواب؟ لكن اللي بيبقى معه فلوس بجد وبيصرفها بياخد ثواب واحد هم في الأجر سبق في حب البر، إنما تفاصيل البنك دي بياخدها. لذلك لما والدليل على كده الفقراء لما زعلوا وراحوا للنبي صلى الله عليه وسلم قالوا: يا رسول الله صلى الله عليه وسلم ذهب أهل الدثور بالاجور، اللي معهم فلوس بياخدوا حسنات يصرفوا على الدين يصرفوا في سبيل الله، وأحنا معناش، فالنبي صلى الله عليه وسلم قال لهم على: سبحان الله والحمد لله والله أكبر ثلاثة وثلاثين بعد كل صلاة عشان تعادل الإنفاق، فعلمها الأغنياء، سمعوا حد من الفقراء كان طيب فراح قال لواحد قريبه غني فالموضوع انتشر فزعلوا، قال له: يا رسول الله قالوا مثل ما قلنا؟ قال: «ذاك فضل الله يؤتيه من يشاء». هي فضل الله يؤتيه من يشاء.
ربنا يتم عليك حاجة ويفتح لك حاجة تخليك تعمل حاجات في الدين غيرك ما عملهاش لأنه ما اتفتحلوش، مش عشان هو وحش: ﴿فَتَحْنَا لَكَ﴾ أي من دون الأنبياء، واضحة؟ فأنت الوحيد اللي طبقت كل حاجة في الدين، كل حاجة في الشريعة. فدخل النبي مكة صلى الله عليه وسلم ولم يدخل موسى عليه السلام القدس ومات وقالوا: لما أيقن أنه سوف يموت قبل أن يدخلها قال: رب أمتني من الأرض المقدسة رمية بحجر، طب أموت جنبها، ومات في التيه عليه السلام.
فكان من تمام نعمة الله على محمد صلى الله عليه وسلم أن فتح له مكة، واضح المعنى؟ يبقى: إنا فتحنا لك، حتى تتم دينك وتتم الشرع ويتم الله عز وجل نعمته؛ فتفعل أفعالاً من الدين بسبب هذا الفتح، واضح؟
فالنبي صلى الله عليه وسلم أشرف الخلق كانت نعمة الله عز وجل عليه عظيمة؛ من فتح له هذه الفتوح وفتح له مغاليق القلوب، لذلك مات إراهيم عليه السلام قبل أن يحدث له مثل ما حدث للنبي صلى الله عليه وسلم، ومات موسى عليه السلام ومات عيسى عليه السلام قبل أن يحدث له مثل ما حدث لنبينا صلى الله عليه وسلم، وادخر الله عز وجل ذلك لنبينا صلى الله عليه وسلم؛ فكان أكثر الناس تابعاً وله الشفاعة العظمى يوم القيامة صلى الله عليه وسلم.
ده معنى: إنا فتحنا لك، لتنال هذه العطاء: ﴿لِيَغْفِرَ لَكَ اللَّهُ مَا تَقَدَّمَ مِن ذَنبِكَ وَمَا تَأَخَّرَ﴾ [الفتح: 2]، أول مرة النبي يسمع الكلمة دي، ما تقدم من ذنبك، وقعها إيه؟ ابن كثير بيقول: وليس في الأحاديث الصحاح ثواب مثل هذا، يعني أي حديث تلاقي فيه: من فعل ذلك فقد غفر له ما تقدم من ذنبه، وما تأخر؟ لأ، دي خصوصية لمين؟ للنبي صلى الله عليه وسلم. يعني لو لقيت حديث من فضائل الأعمال: اللي يعمل كذا فقد غفر له ما تقدم من ذنبه وما تأخر؟ لا، دي خاصة بمين؟ بالنبي صلى الله عليه وسلم.
وقع الكلمة دي على النبي صلى الله عليه وسلم عمل إيه؟ قام حتى تورمت قدماه، ممكن تسمع حاجة زي كده الحمد لله. لذلك لما اتقالت له الكلمة دي فالصحابة سمعوها فكانت معلقة معهم، فيدخل على النبي صلى الله عليه وسلم يقول له: يا رسول الله تفعل ذلك وقد غفر لك ما تقدم من ذنبك وما تأخر؟ لذلك بعض قال الحديث ده ما اتقلوش غير بعد ما السورة دي نزلت، يعني النبي صلى الله عليه وسلم كان بيقوم حتى قدماه... بعد ستين سنة دي نزلت، احنا قلنا تسعة وخمسين سنة. وبعدين لما رجع واستقر في المدينة وكان يدخل عليه الصحابي زي ما قلت لكم، بعض أهل التفسير قال: الصحابي ما قالش الجملة دي غير لما سمعها من القرآن؛ يعني قام شوف العبودية صلى الله عليه وسلم والقوة في الدين، وقال الرسول صلى الله عليه وسلم تفعل ذلك وقد غفر لك ما تقدم من ذنبك وما تأخر؟ قال: «أفلا أكون عبداً شكوراً».
فكان واقع الكلمة دي مش قادر ينساها، كان يقوم الليل حتى تتورم قدماه، سبب الجملة دي الفارق وتحدث النعمة مع النبي صلى الله عليه وسلم. الخوض بقى في مسألة إيه الذنوب وإيه اللي تأخر؟ أنا لا أحب أن أخوض في ذلك، يعني قال له بقى الذنوب، يعني خلاف الأولى أو أن هو عفا عن بعض المنافقين أو أو اجتهاد، أياً كان، دي حاجة إيه بين النبي صلى الله عليه وسلم وبين ربه، يعني مش هنستفاد حاجة قوي أن إحنا ناخد كتير من المفسرين خاض في المسألة دي وتكلم وإيه هو بالضبط. المهم أنه قد غفر، حتى بعض الناس تأدباً قال إيه؟ هو شعور الألم والتقصير في صدر النبي صلى الله عليه وسلم، الشعور ده ربنا عز وجل أياً كان أول النبي صلى الله عليه وسلم قال: «إني ليغان على قلبي»، كله فعلاً لأنه كمال الأدب مع النبي صلى الله عليه وسلم، فأيه الأفضل أن إحنا ما ناخدش إيه ما تقدم من ذنبك وما تأخر؟
ويتم نعمته عليك ويهديك صراطاً مستقيماً، وينصرك الله نصراً عزيزاً، يعني عشان نكتفي كده، المرة الجاية إن شاء الله نتكلم على تمام النعمة وكمال الهداية، ودي حاجة إحنا أشرنا ليها قبل كده. وحد لفظ الجلالة تكرر مع المغفرة ومع النصر؛ يغفر لك الله، وبعدين قال: وينصرك الله نصراً عزيزاً، ليه يتكرر في الأول وفي الآخر؟ إن شاء الله المرة القادمة بإذن الله عز وجل، أسأل الله عز وجل لنا أن يتم لنا على خير، أقول قولي هذا وأستغفر الله لي ولكم، سبحانك اللهم وبحمدك، أشهد أنك أستغفرك وأتوب إليك، وجزاكم الله خيراً.