تفسير سورة الكهف (7) | الآيات (83-110) | د. أحمد عبد المنعم

بسم الله الرحمن الرحيم. السلام عليكم ورحمة الله وبركاته. بسم الله والصلاة والسلام على رسول الله صلى الله عليه وسلم. أحيائي المشاهدين أهلا وسهلا بكم. وأسأل الله سبحانه وتعالى أن يتم لنا على خير. أهلا بكم في الحلقة الأخيرة من مجالس سورة الكهف.

أكرر دائما اعتذاري على تأخر المجالس. أسأل الله سبحانه وتعالى التيسير، وأسأل الله سبحانه وتعالى أن يتم لنا هذه الوقفات مع كتاب الله سبحانه وتعالى، وألا يحرمنا أبدا من هذا الخير العظيم. فمجالس القرآن هي جنة الله في الأرض. حقيقة أن يوفق الإنسان ليتدارس ويقرأ في تفاسير ويقرأ في كتاب الله سبحانه وتعالى ويتدارس مع إخوانه، هذه جنة الله في الأرض. هذه المجالس هي التي تحفها الملائكة، هي التي يذكرها الله سبحانه وتعالى. تعالوا أحبتي في الله ندخل سريعا إلى المجلس الأخير حتى لا أطيل عليكم.

الناس اللي متابعة معنا مستحضرة بفضل الله سبحانه وتعالى هذا المجلس السابع، المجلس الأخير. كنا طوفنا بفضل الله سبحانه وتعالى مع مقدمة في سورة الكهف، ثم قصة أصحاب الكهف، ثم بعد ذلك الفاصل ما بين القصتين، ثم بعد ذلك قصة صاحب الجنتين، ثم بعد ذلك كان فيه فاصل، وبعد ذلك قصة موسى والخضر. وهذا شيء عجيب وحقيقة ليس عندي استنباط أو ليس عندي إسقاط على هذا الأمر، يحتاج إلى تدبر قد يفتح فيه لأحدكم أو يبحث عنها في التفاسير، أني وجدت أن ما فيش فاصل بين قصة موسى والخضر مع قصة ذي القرنين. كل ما بين كل قصة وقصة كان في فاصل، في نوع أشب -مش عايز أقول استراحة، لكن في نوع من المراجعة للمعاني، التركيز، استخلاص العبر- لكن أصلا سبحان الله قصة موسى والخضر أصلا قصة مليئة بالعجائب، وتم الانتقال مباشرة من هذه الرحلة العظيمة في طلب العلم إلى الرحلة في الجهاد. كما قال الإمام البقاعي، الرابط بين القصتين أن هذا عبد صالح طاف الأرض لطلب علم، وهذا عبد صالح طاف الأرض للجهاد في سبيل الله.

تعالوا نبدأ بإذن الله سبحانه وتعالى كالعادة. القصص أصلا في سورة الكهف فيها نوع من الغرابة، ولذلك هي أصلا كانت موطن الاستشكال والسؤال، كانوا بيروحوا يسألوا عليها، كان فيه إجابات من النبي صلى الله عليه وسلم على هذه القصة. فاحنا مش عايزين، أو يعني في المجلس بتاعنا، أنا مش بستنكر على اللي موجود في كتب التفاسير بالعكس، فيها علم عظيم، لكن في مجلسنا مش عايزين نستطرد كثيرا، زي ما حاولناش نستطرد مع تفاصيل في الخضر والخلافات اللي فيه، أو الأحداث، أو الأماكن، أو مجمع البحرين، أو مثل هذه الأماكن؛ قلنا دي موجودة في كتب التفاسير، من أراد أن يحقق كلمة أو معنى أو مكان أو زمان فليرجع. وبحاول قدر المستطاع أن أنا أحيل على مراجع ومصادر لمن أراد الاستزادة. مجلسنا بيركز في الأكثر على المعاني التربوية المعاني الإيمانية؛ كيف يتحول القرآن إلى واقع في حياتنا؟ كيف نستخلص الدروس والعبر؟ ولا سيما من هذه السورة التي على ترجيحات بعض المحدثين يستحب لنا الحديث اللي ذكرته في أول مجلس خالص أن احنا نقرأها سورة أسبوعية. فهذه السورة سورة مركزية في موقعها في المصحف، في منتصف المصحف، في تكرارها على مسامعنا، كثير من الناس بيحفظها، فبالتالي أنا عايز يكون الغرض من وقفاتنا مع سورة الكهف أن هي تتحول إلى واقع في حياتنا.

طيب تعالوا نبدأ بإذن الله سبحانه وتعالى، احنا قلنا ما فيش فاصل، كنا دايما بنبدأ أن احنا ناخد مثلا الآية اللي قبل القصة ندخل بها هنا على طول. قال الله سبحانه وتعالى بعد على طول ختام سورة، بعد قصة موسى والخضر، قال سبحانه وتعالى: ﴿وَيَسْأَلُونَكَ عَن ذِي الْقَرْنَيْنِ ۖ قُل سَأَتْلُو عَلَيْكُم مِّنْهُ ذِكْرًا﴾ [الكهف: 83]. بدأت هنا القصة بأن الله سبحانه وتعالى بيذكر أنهم راحوا يسألوا النبي صلى الله عليه وسلم. وده بيرجح الروايات الواردة أن سورة الكهف نزلت، وخصوصا قصة أصحاب الكهف أول قصة، وأخر قصة هي اللي ورد فيها الأسئلة مع السؤال، الناس اللي عارفة مع السؤال عن ايه؟ مع سؤال عن الروح اللي جت في سورة الإسراء. بعض المفسرين حاول يستنتج وحاول يستنبط، طيب، لو هو الرواية دي صحيحة وأنهم جم وسألوا النبي صلى الله عليه وسلم، والسائلين هنا مين أصلا؟ فيه خلاف مين الذين سألوا؟ لكن جماهير المفسرين على أن يسألونك قريش.

طيب إزاي السائلين قريش والقصص دي كانت مذكورة عند أهل الكتاب، أو هم اللي كانوا عندهم بعض خلفيات عن مثل هذه الأمور؟ فقالوا كان ده بنوع من تحريم ونوع من استفزاز ونوع من استثارة الأسئلة من أهل الكتاب، من اليهود في المدينة، كانوا بيبعثوا مثل هذه التساؤلات لقريش، وقيل من النصارى. الموضوع ما لوش علاقة باليهود، قيل من النصارى، وده ترجيح ابن عاشور بيرى أن أحداث أصلا قصة ذي القرنين وقصة أصحاب الكهف حدثت بعد اليهود وكانت في واقع النصارى، وبيرى أن اللي دفعوا الأسئلة دي للنصارى، أيا كان، كان زي ما قلت لكم أنا بس هابقى أشير لمواطن الخلاف في كتب التفاسير لمن أراد أن يستزيد.

كنت بقول أن بعض المفسرين وأهمهم ابن عاشور حاول يفكر، طيب، لو هو أول الأسئلة مع بعض الروح وأصحاب الكهف وذو القرنين كانوا في مجلس واحد، ليه القرآن فصل في الإجابة؟ خلى إجابة سؤال الروح في سورة الإسراء، والقصتين في سورة الكهف. ابن عاشور حاول، يعني أنا حقيقة ما عنديش إجابة، وده عايزين نتعلم أن احنا ممكن نلتقط التقاطا في القرآن، ولا يفتح عليك بالإجابة، أنت ممكن يكون الفتح الذي يفوت عليك أنك التقطت هذه التقاطة، يأتي أحد من بعدك أو يفتح على من سبقك وأنت لم تقرأ، ثم تعود وتفاجأ أن فيه حد فتح له في فهم هذا الأمر. وده كتير، يعني سبحان الله! كنت لسه براجع قريبا في الحكمة من وضع آيات الصلاة في وسط آيات الطلاق في سورة البقرة، يعني كان فيه استنباط معين، ثم فوجئت أن فيه قريب من هذا الاستنباط ذكره راغب الأصفهاني، ثم وجدت كلام رائع للمعلمي اليماني. فالإنسان لا يتعجل في تفسير ما يجد من مثل هذه التقاطات.

فالخلاصة سورة الإسراء أصلا فيها كلام عن القرآن وفيها كلام عن العلم، فجه هناك: ﴿وَمَا أُوتِيتُم مِّنَ الْعِلْمِ إِلَّا قَلِيلًا﴾ [الإسراء: 85]. هنا كان فيه تفصيل للقصص واللي فيها غرابة، فناسب أن يأتي قص منها ويبين بعض الملامح، لكن اللي عايز الإجابة معصوم ذكرها في الإسراء مش في الكهف.

فهنا الشاهد بدأت بسؤال، طيب هنا مهم أن احنا بقى نسقط سقوطنا الواقعية التربوية الدعوية؛ أن الداعية يتعلم كيف يجيب؟ ما هي الأسئلة التي يجيب عليها؟ ما يبقاش في حالة استفزاز أن كل سؤال يسأل يعطي إجابة فورية، يستعين بالله النبي صلى الله عليه وسلم على الروايات المشهورة أنه لما قال إنه سيجيب بدون أن يستثني فتأخر عليه الوحي. فالإنسان يتعلم أيضا وقبل أن يجيب يرجع يضبط الكلام، يعني أحيانا الإنسان -وده بيحصل كتير- أن يكون الداعية مثلا في مقام منازرة أو العالم أو في مقام سؤال ويسأل سؤال، يفاجأ بسؤال ايه، ومش عايزقول ايه طبعا ده بالنسبة لنا احنا مش بالنسبة للنبي صلى الله عليه وسلم، أن الإنسان ممكن يتعجل الإجابة، لأ، الإنسان لو مش عارف الإجابة يتأنى ويرجع ويضبط مثل هذا الكلام. وكم من محدث وقع في هذا الأمر أن ممكن يتعجل وينسب مثلا حديث، ويكون ده للأسف سبب في ضعف هذا المحدث. الخلاصة أن للداعية لازم يتأنى وتكون الإجابة مش كما يريدون، هتوفو دلوقتي: ﴿قُل سَأَتْلُو عَلَيْكُم مِّنْهُ ذِكْرًا﴾ [الكهف: 83]. مش كل القصة، يعني كلمة منه قيل للتبعيض، أن أنا مش هقعد أحكي لكم تفاصيل قصته، أنا ساذكر لكم ما يصلح أن يكون تذكرة وعبرة، ما يصلح أن يكون ذكرى؛ لأن قصص القرآن ليس للتسلية، وهكذا الداعية هو مش طالع يسلي الناس، هو مش طالع يقعد يحكي لهم قصص زي اللي بتقعد تتبعت في واتساب كده وتسلي الناس، لأ، أنا ده مش دور الداعية، في هدف من القصة، في مبادئ يريد أن يوصلها، فالقصة وسيلة وليست غاية. زي أحيانا الإنسان يمزح ويوصل بعض المعاني من خلال الدعابة، أصبح ممكن الشيء يتحول إلى غاية، أن هو عايز يبقى هو يقال لفلان مازح.

طيب، يسألونك عن ذي القرنين، طبعا هنا واضح أن مجرد أن سأله بالاسم، واضح الاسم ده كان منتشر وأصبح علامة، أصبح لقب مشهور، لأن مثلا زي فرعون أصبح لقب لأن ده مش اسمه؛ اختلفوا ليه لقب ده لقبه؟ وليه لقب بذي القرنين؟ هل لانه وصل إلى المشرق والمغرب؟ هل كان له قرنين من شعر بيضفر شعره؟ هل كان له شيء بيلبسه أثناء الحرب؟ أيا كان، قيل أقاويل كثيرة زي ما قلت لكم، واللي عايز بقى يرجع لمثل هذه التفاصيل. يبدو أنه كان ملك مشهور، وهكذا دائما أخبار الملوك الذين سادوا وانتشروا تحفها شيء من الغرابة والقصص الغريب، أيضا نوع من بيبقى فيها نوع من الكذب والأساطير، هم بيسألوا عن أساطير سمعوها فرايحين بقى يسمعوا من النبي صلى الله عليه وسلم. فربنا سبحانه وتعالى بيقول قل لهم: ﴿قُل سَأَتْلُو عَلَيْكُم مِّنْهُ ذِكْرًا﴾ [الكهف: 83]. فيه نوع من التمييز، وما ساقوله يصلح لأن يتلى، سأتلو، ويصلح لأن يكون ذكرا. ساعات تشوف الإجابة، تشوف التأني الداعية لما يكون الداعية فاهم ما هو مقام الداعية أن هو يريد أن يذكر الناس بالله، مش مجرد أنه بيحكي قصص: ﴿قُل سَأَتْلُو عَلَيْكُم مِّنْهُ ذِكْرًا﴾ [الكهف: 83]. لأن زي ما قلنا مش للتسلية، ذكرى، عبرة، ويتذكر الناس الغاية من وجودهم، القضية مش مجرد أن احنا نقعد نحكي وراح وسافر وضربهم وانتصروا وموتوا، ده مش الغرض من مثل هذه القصص في القرآن.

فلازم الإنسان يحذر أن أحيانا الداعية يسأل أسئلة للفتنة، يسأل أسئلة -كانوا أحيانا اليهود يتجمعوا، كنت قرأت زمان تجميعة حلوة للشيخ حبنكة الميداني شاكر في كتاب ايه؟ اظن ناحية المكر الثلاثة، مش فاكر كتبه القديمة، اتكلم فيها عن مكر اليهود- كان بيتكلم أن اليهود والله نسيت اسم الكتاب، كان اليهود يتجمعوا ويبعتوا ويسألوا النبي صلى الله عليه وسلم، وهذا مبثوث في كتب التفاسير، اللي يقرأ في تفسير الطبري وابن كثير وغيره والآثار موجود، لكن كان ميزة الكتاب أنه مجمع مثل هذه التساؤلات، مثلا أسألوه عن حكم الرشوة، أسألوه عن كذا، يبعتوا يسألوا ويقول لك ايه، إن أجابكم بكذا فهو نبي، وإن أجابكم بكذا فهو ملك، زي ما ذكرنا في قصة درس الهدهد وصدمة الحضارة أن لما الملكة أرسلت إلى سليمان قالت: ﴿وَإِنِّي مُرْسِلَةٌ إِلَيْهِم بِهَدِيَّةٍ فَنَاظِرَةٌ بِمَ يَرْجَعُ الْمُرْسَلُونَ﴾ [النمل: 35]. خد بالك يا جماعة فيه ناس بتتسأل أسئلة فبتتنازل عن الدين، يتخيل أن هذا التنازل سيجعل الناس يسلمون، بالعكس، هذا التنازل يؤكد لهم أنك لست بنبي، وبيؤكد لهم أن انت بتراوغ. فكانوا يبعتوا السؤال، فقالت: سأرسل إليه هدية، فإن قبلها فهو ملك، وإن رفضها فهو نبي. أحيانا بيتحط الإنسان في اختيارات، فالإنسان يكون على حذر، في أسئلة للفتنة، وفي أسئلة للتعجيز: ﴿وَيَسْأَلُونَكَ عَنِ الرُّوحِ﴾ [الإسراء: 85]. لو أنت تعمدت الإجابة فأنت بتجيب ليس من علم، بيعرفوا أن أنت كده أنت هنا يعني بتتقول على الله سبحانه وتعالى، فقل الروح من أمر ربي، والإنسان يا جماعة لازم يتعود مثل هذه الإجابات في بعض القضايا: ﴿قُلِ الرُّوحُ مِنْ أَمْرِ رَبِّي﴾ [الإسراء: 85]. ما عنديش عنها إجابات، يعني في حاجات الخوض فيها دخل للأسف المسلمين في نقاشات لا يملكون فيها شيئا.

قل سأتلو، يسألونك عن ذي القرنين، جايين هنا تحفز ومنتظرين الإجابة: ﴿قُل سَأَتْلُو عَلَيْكُم﴾ والسين فيها نوع من التأني والتلاوة: ﴿قُل سَأَتْلُو عَلَيْكُم مِّنْهُ﴾ [الكهف: 83] بعض القصة مش كل القصة زي ما قلنا ما يصلح لأن يكون تذكرة وعبرة، وهذا غرض من القصص القرآني كما قلنا ليس بالتسلية.

أنا عايزكم يا جماعة تركزوا نحاول كده مع بعض بإذن الله سبحانه وتعالى نتعلم نلتقط بعض القضايا؛ إزاي لما نجيء نقرأ القصص القرآني؟ كنت ذكرت الفكرة دي في أول درس من دروس سلسلة أصول الانحراف، إزاي نلتقط فكرة الكلمات التي قيلت في القرآن؟ هنا دايما ابقوا ركزوا في بدايات القصة، بدأت ازاي؟ أول كلمة ربنا ذكرها في القصة هي ايه؟ وأول كلمة تكلم بها ذو القرنين ايه؟ ولما جينا نشوف أصحاب الكهف في الأول بدأوا بالدعاء واتكلمنا حاولنا نحلل كلمات أصحاب الكهف، وحاولنا نحلل الكلمات التي تكلم بها صاحب الجنتين المشرك، والكلمات التي تكلم بها المؤمن، وحاولنا ننظر في الكلمات التي تكلم بها موسى مع فتاه. هذه الكلمات يا جماعة الكلام هو ده مغرفة للي في القلب، ما هو الكلام بيظهر ما في القلب، علمه البيان، أنت الان حينما تتكلم تبين ما في قلبك، أنت تقول أشهد أن لا إله إلا الله، معنى التوحيد والتأله لله سبحانه وتعالى أن في قلبك تتلفظ به في لسانك فتشهد الناس على ذلك، على هذا المعنى القلبي العميق.

فهنا الوقتي هذه الكلمات لها ما وراها، فلما ربنا يبدأ القصة، أول كلمة القصة الناس منبهرين، تخيل كده الناس بتحكي إزاي عن دول، قاعدين رايحين يسألوه عن اسم علم ذو القرنين، الناس كانت بتحكي.

قصة ذو القرنين، هل ذو القرنين دمرهم؟ ذو القرنين نسفهم؟ هل ذو القرنين أهلكهم؟ لا، القصة بدأت إزاي؟ إياك أن تلتفت إلى الأسباب وتنسى رب الأسباب. الناس لما بتيجي تحكي القصة بتنسى ربنا، والناس لما بتيجي تتكلم في التاريخ، لما تيجي تقرأ كتب غير المسلمين في فلسفة التاريخ ما فيش ربنا خالص، ورافضين، يعني أما تيجي مثلا حد يحاول يقدم التفسير الإسلامي للتاريخ، زي حتى من المتأخرين؛ عماد الدين خليل أو حد من المهتمين بالمسألة ديت هو رافض أنك تحط ربنا في المعادلة، اسم الله سبحانه وتعالى؛ رافض أنك تقول مثلا الله سبحانه وتعالى يقدر كذا في سنن، حملة الله، الله سبحانه وتعالى يعامل الأمم، الأمم المسلمة بكذا والأمم الكافرة في سنن، هو يرفض.

أول كلمة قيلت عن هذا الملك العظيم، الذي بلغ المشرق والمغرب، عن هذا الملك الذي كان له من العدة والعتاد والأدوات والأسباب، أول كلمة: ﴿إِنَّا مَكَّنَّا لَهُ﴾ [الكهف: 84]. توكيد، نون العظمة، نسبة الأفعال إلى الله، هكذا يتعلم المؤمن أن ينظر إلى التاريخ، أن ينظر إلى الأحداث، التمكين بيد الله، التمكين نسب في القرآن إلى الله. وكذلك: ﴿وَمَكَّنَّا لَهُ﴾ [يوسف: 21] في سورة يوسف مرتين، ﴿لَيُمَكِّنَنَّ لَهُمْ﴾ [النور: 55] في سورة النور، التمكين ينسب إلى الله سبحانه وتعالى. يبقى الناس اللي هو احنا يعني نبحث عن التمكين ونريد التمكين، لابد أن نبحث عن مراد الله ليس عن مرادنا نحن: ﴿وَمَكَّنَّا لَهُمْ دِينَهُمُ الَّذِي ارْتَضَى لَهُمْ﴾ [النور: 55]. فإذا حققنا الدين الذي ارتضاه الله مكن لنا في الأرض: ﴿الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ﴾ [الحج: 41]. فالتمكين أيضاً في سورة الحج نسب إلى الله سبحانه وتعالى: ﴿إِنَّا مَكَّنَّا لَهُ فِي الْأَرْضِ وَآتَيْنَاهُ مِن كُلِّ شَيْءٍ سَبَبًا﴾ [الكهف: 84].

يبقى الآيات بدأت بفعل الله معه، وليس بفعل العبد مع الناس. الآيات بدأت هكذا نظرة المؤمن، انظروا إلى اسم الله الأول، أنه هو سبحانه وتعالى الذي أعطى هذه الأمور، وهو قادر سبحانه وتعالى على أن ينزعها: ﴿تُؤْتِي الْمُلْكَ مَن تشَاء وَتَنزِعُ الْمُلْكَ مِمَّن تشَاء﴾ [آل عمران: 26]. ﴿إِنَّا مَكَّنَّا لَهُ فِي الْأَرْضِ وَآتَيْنَاهُ مِن كُلِّ شَيْءٍ سَبَبًا﴾ [الكهف: 84].

نظرة الأرض، لاعب يتفرج كده، ده ملك، كان عنده من العدة والعتاد، القرآن يقول لك: آتيناه من العدة والعتاد الأرضية، يقول هو كان عنده، اللي ينظر نظرة قرآنية يقول: ﴿وَآتَيْنَاهُ مِن كُلِّ شَيْءٍ سَبَبًا﴾. سيدنا موسى وهو بيدعو على فرعون: ﴿رَبَّنَا إِنَّكَ آتَيْتَ فِرْعَوْنَ وَمَلَأَهُ زِينَةً وَأَمْوَالًا فِي الْحَيَاةِ الدُّنْيَا﴾ [يونس: 88]. يعني هو يعلم أن كل شيء بقدر الله، وأن الله سبحانه وتعالى قادر على أن ينزع هذا وهذه الأموال وهذه الزينة منهم، وقد كان بالفعل.

﴿إِنَّا مَكَّنَّا لَهُ فِي الْأَرْضِ وَآتَيْنَاهُ مِن كُلِّ شَيْءٍ سَبَبًا * فَأَتَبَعَ سَبَبًا﴾ [الكهف: 84-85]. طيب، ﴿إِنَّا مَكَّنَّا لَهُ فِي الْأَرْضِ﴾، أنت ممكن لما تسمع الآية دي تقول إيه؟ ده الله سبحانه وتعالى قادر على كل شيء، طب خلاص بقى، يبقى ذو القرنين أول لما هيوصل لهم صاعقة هتنزل من السماء تموتهم، ما هو ربنا بقى اللي بمكن له. لأ، أنت فاهم التمكين مش معناه أن ربنا هو اللي بيمكن أنك أنت لا تبذل ولا تأخذ بالأسباب، وهو التمكين فعل الله، عايزين بس نفهم القاعدة دي ونعيها، فعل الله سبحانه وتعالى في الأرض يكون بطريقتين.

طريقة الطريقة غير المباشرة هي طريقة الأسباب، وطريقة الفعل المباشر، غالب الأفعال الإنسان مطالب بها هي طريقة الأسباب، اللي هو فعل الله اللي بنسميه الفعل غير المباشر؛ أن أنت مطالب أن تبحث عن هذه الأسباب، وأن أنت أصلاً مفطور على كده، طفل وهو صغير يتضرب يبحث عن مكان الضرب، سبب الضرب، يبحث عن من يحدث أي مؤثر، يبحث عن أثر هذا المؤثر، من السبب في دي فطرة في الإنسان، يبحث عن سبب الشيء وده من رحمة الله سبحانه وتعالى، وده الحاجات التي تجعل الإنسان يستدل بها على وجود الله سبحانه وتعالى، هذه الفطرة المفطورة فيه.

طيب، ﴿إِنَّا مَكَّنَّا لَهُ فِي الْأَرْضِ﴾ هذا التمكين لم يكن بالفعل المباشر؛ وهو الخسف والقصف التدمير، ولا كان عن طريق إعطاء وإيتاء الأسباب، وهو مطالب أن يفعل هذه الأسباب. يبقى التمكين كان بتوفير وتسهيل الحصول على هذه الأسباب، اللي احنا هنتكلم عنها دلوقتي إن شاء الله. يبقى: ﴿إِنَّا مَكَّنَّا لَهُ فِي الْأَرْضِ وَآتَيْنَاهُ مِن كُلِّ شَيْءٍ﴾ [الكهف: 84].

طيب، لما تيجي تقرأ، قبل ما نكمل بقى، هو الناس لما جت تتكلم هو مين ذو القرنين؟ وكان إمتى؟ وهل ده كان مسلم ولا كافر؟ والنقاشات اللي حصلت، فطبعا أنا هذكر الحاجات الأساسية والخلافات هحيلكم عليها. بكرة أنا طبعاً ملك مسلم، لأنه هنا بيطبق فعل الله سبحانه وتعالى، وقالوا كان ورد في بعض الآثار أن التاريخ حكى عن أربعة ملوك حكموا الأرض؛ اتنين مسلمين واتنين كفار، منهم ذو القرنين. وحتة اتنين مسلمين واتنين كفار دي مهمة بالنسبة لنا في إيه يا جماعة؟ أن سعة الملك ليست دائماً دلالة على الصلاح، وأن في سنن قد يأخذ بها الكافر، ركزوا معي، في سنن قد يأخذ بها الكافر فيمكن له وقتياً حتى تأتي أجل هذه الأمة. يبقى سعة الملك لما تلاقي أمة منتشرة ومسيطرة على لا تغيب عنها الشمس فترة من الفترات، ده مش معناها أن هي على صلاح، قد تكون أمة هي على باطل ولها أجل، لكل أمة أجل، خلاص تأتيها أجلها وتنتهي في سنن سقوط الأمم والنهوض، مثل هذه الأمم.

طيب، هو مين ذو القرنين ومكان وفي فين وزمنه خلاف طويل، أشهرها أربع أقوال؛ هل هو الإسكندر المقدوني؟ وللاسف أنا كنت متعجب من هذا القول وذيوع هذا القول ومناصرة هذا القول بالرغم من أن هو تلميذ أرسطو وهو كان وثني مشرك، لدرجة وأنا يعني تعجبت حقيقة من مدافعة الإمام القاسمي عن هذا القول ومحاولة تزيين هذا القول وأن هو ورد على كل الشبهات، لكن قول ضعيف جداً، حتى الإمام الرازي حاول في الأول لكن قال يعني إليه لن يسلم لنا لأن ده واحد يسأل يعني، لن يسلم لنا هذا الأمر. بل كان دائماً سمعت الطيب معززة بيقول أن أرسطو صنع للناس وثنيين، الإسكندر والمنطق الأرسطي، مثلاً يعني دمر الناس، عمل للناس نوعين من الطواغيت؛ طاغوت حسي طغى على الناس الإسكندر المقدوني، وطاغوت فكري، وهو المنطق الذي ظل مهيمناً لفترة طويلة حتى تم زعزعته وإعادة التفكير فيه ونقده.

المهم قيل إن هو ملك من ملوك اليمن، وفي كتاب للي عايز الاستقصاء كتاب ضخم يعني مليء بقى بالقصص والآثار والنقاشات والتحشية عليه قوية جداً، والله حتى نسيت اسم الكتاب هو الشيخ الطباخ والشيخ الطباخ راغب، محمود راغب الطباخ يعني كان من الشيخ الألباني بيجلهم، والكتاب بتحقيق شيخ أظن مشهور سليمان، وتحقيق جيد فيه بصراحة يعني نقاشات طويلة اللي عايز استفاضة بقى والأقوال والرد عليها، وهو للاخر الشيخ مرجح أن هو ملك من ملوك اليمن لأسباب لغوية وأسباب في الأعصاب، نرجح في كتابه أن كان هو خالف الشيخ في بعض القضايا في الكتاب، كتاب طويل يعني اللي عايز. الشيخ السعدي له رسالة يعني هي مش موجودة مش منتشرة، وده كويس لأن هو قيل إنه تراجع عنها، له بعض الآراء في ذو القرنين، نوع من التأويلات في الآيات، زي ما يجي لنا في الآخر مع يأجوج ومأجوج، لأن هو الرسالة أصلاً في يعني مش ذو القرنين، لكن هو الكلام جه عن السد في الآخر، دي من الحاجات اللي عايز يرجع ويستفيض قوي يعني.

غالب المفسرين بيقول لك هم أربع أقوال؛ أن هو الإسكندر المقدوني، أنه ملك من ملوك اليمن، أنه ملك من ملوك الصين زي ما ابن عاشور مال شوية من القصص واستنتج بعض السيدات، أو الله أعلم بمن هو، وأنا باخد بالقول الرابع ده: الله أعلم من هو، هو ملك مسلم عادل، قص الله علينا قصته لنأخذ منها العبرة والعظة فقط. لأن يا جماعة في أماكن إذا كان ربنا بيقول يعني الناس اللي تقول لك إيه؟ وإزاي مش هنعرف والتاريخ واحنا اكتشفنا الكرة الأرضية زي ما هنيجي في موضوع السد وفين؟ وإزاي وكل حاجة تم اكتشافها؟ ده وهم، وظن أهلها أنهم قادرون عليها، دواهم ده، أنا شفت مشهد خريطة الكرة الأرضية على مدار مثلاً مش عارف كم مية سنة وكام مليون سنة وإزاي بتغير الخريطة، الكرة دي اتغيّرت كذا مرة أصلاً، شكلها واليابسة اتحرك كده. لأ، وده كمان نوع من الاستنتاج، فإزاي ظن أنك أنت مسيطر على كل حاجة؟ ده ربنا بيقول عن أنبيائه، مش عن ملك: ﴿وَرُسُلًا قَدْ قَصَصْنَاهُمْ عَلَيْكَ مِن قَبْلُ وَرُسُلًا لَّمْ نَقْصُصْهُمْ عَلَيْكَ﴾ [النساء: 164]. رسل جاؤوا أرسلهم الله سبحانه وتعالى لأهل الأرض واحنا ما نعرفهمش، فأنت يعني إحساس الوهم السيطرة على الزمان والسيطرة على المكان والسيطرة على التاريخ، ده وهم يا جماعة، يعني ده دواء من من أوهام الإنسان واعتقادات الإنسان، يملك كل شيء.

فدي بس يعني إيه معلش كان استطراد لمسألة ذو القرنين ومكانه، وكنت حابب أشير للنقطة اللي أنا قلتها لكم، أن مش معنى سعة الملك ليس فقط وقد يكون عامل من العوامل علامة على صلاح هذا الأمر، فانتشار أمة وسيطرة أمة وهيمنة أمة ليس علامة على صحة مبادئها، ما حدش يجي يقول دلوقتي احنا بنعيش هيمنة الأمة الأمريكية أو الصينية ده دلالة أن منه، لأ مش دلالة على الحق، قد يكون لديهم بقايا الدين بقايا أمور صالحة لأنه بعض الأخلاق في معاملة سنن الله التي تجعل عمر الأمم بيطول، لا تقوم الساعة الا الروم والروم أكثر الناس كما الحديث اللي في مسلم عن عمرو بن العاص في في سنن لمسلم هذه الأمور.

طيب، ﴿إِنَّا مَكَّنَّا لَهُ فِي الْأَرْضِ وَآتَيْنَاهُ مِن كُلِّ شَيْءٍ سَبَبًا﴾ [الكهف: 84]. احنا قلنا التمكين هنا ربنا عطاه الأسباب، طب ايه معنى سببها؟ يعني ايه اتيناه من كل شيء سببا؟ الرازي ونقلها للقاسمي له كلمة جميلة قوي يقول لك ايه؟ ما يتوصل به إلى المقصود من علم وقدرة وآلة. ودي من أجمع الكلمات اللي أنا قرأتها. الشيخ السعدي والقاسمي في سورة الكهف مبدعين، مع بعض الانتقادات بس في مسألة الإسكندر عند الإمام القاسمي، لكن حقيقة أبدعوا، لأن القاسمي عن الفصل كده والشيخ السعدي بيعملها دائماً في القصص، فصل من الفوائد المستنبطة من القصة مبدع حقيقة يعني لولا الإطالة كنت قرأته عليه كله كل الفصل، قلت لكم بس النقد الموجود.

فقال: لا يطاقوا، ركزوا بس عشان دي هتفيدنا قوي، ما يتوصل به للايه؟ سبب. لأن السبب ده زي في اللغة الحبل، الحبل أنت بتمسكه عشان توصل للبئر تطلع الماية، يبقى السبب ده شيء معين أنت بتمسك فيه بيصل بك إلى، ها ركز معي، إلى هدف معين. يعني لو أنا لي هدف معين وعايز أحقق الهدف ده، اللي احنا هنسميه المقصود، أنا لي قصد معين، وعايز حاجة تساعدني للوصول ده، بنسميه سبب. السبب ده قد يكون معنوي، عموماً أنا بتكلم عموماً في الكلمة عموماً، قد يكون سبب معنوي، قد يكون سبب معارف: ﴿وَتَقَطَّعَتْ بِهِمُ الْأَسْبَابُ﴾ [البقرة: 166] قيل الوصل والمعارف آية البقرة، يبقى سبب ما يتوصل به المقصود هنا من علم. وده ورد عن كثير من السلف، أظن ورد عن ابن عباس ذكره الطبري من علم، وده أهم حاجة وبوديء به، العلم مهم.

ابن عاشور كان له كلمة رائعة في قصة سيدنا سليمان في سبأ، في قصدي في سورة النمل مع ملكة سبأ، لما قال الذي عنده علم: ﴿أَنَا آتِيكَ بِهِ قَبْلَ أَن يَرْتَدَّ إِلَيْكَ طَرْفُكَ﴾ [النمل: 40]. اللي عنده علم كان أفضل من اللي عنده القوة، وقال: ويتأتى بالعلم ما لا يتأتى بالقوة. العلم يخليك توفر في الطاقة وقوة وتعمل لشيء أكثر إبداعاً. الخلاصة: ما يتوصل به المقصود من علم (يعني طبعا دنيوي أكثر وديني) وقدرة وآلة، يبقى علم وقدرة تحولك إلى تفعل الآلة، لأنك دائماً العلم والقدرة بتعمل نوع من طلاقة المشيئة: ﴿حَلِيمٌ قَدِيرٌ﴾. ابحثوا عن كلمة عليم قدير جت فين في القرآن مع بعض؟ اقتران الاسمين دول، اقتران الأسماء الحسنى مجال تدبر عظيم في القرآن.

طيب، يبقى السبب: ﴿وَآتَيْنَاهُ مِن كُلِّ شَيْءٍ سَبَبًا﴾ [الكهف: 84]. عنده علم، يعرف زي ما جه مثلاً قالوا له عايزين سد تمام، هو عنده علم ومعه جنود، هيحول العلم والقدرة يعمل آلة يعمل لهم سد، يبقى تحصيل العلم الأول وتوفير الطاقة والقدرة يخليك تصنع اللي أنت عايزه. احنا عايزين نصنع دواء كورونا، مواجهة كورونا، يعني أنا محتاج أفهم أصل الفيروس وتكوينه وتفاصيل اللي فيه، وهيتأرجت إيه مثلاً جوة؟ هيهاجم إيه جوة الجسم؟ أنا محتاج أفهم التفاصيل دي، بقى عندي آلات، وبعد كده عشان أطلع الدواء خلاص.

يبقى لما أعطي هذه الأسباب، ماذا فعل؟ قعد يقول يا رب أنت مكنتني انصرني؟ لا خلاص، ﴿فَأَتَبَعَ سَبَبًا﴾ [الكهف: 85]. وإن كان كتير من أنفسنا قال سبب في الطريق، يمكن خليني آخد القول أن اتبع سبباً أيسر خلف هذه الأشياء وحصلها ووظفها حتى يبلغ ما يريد، ماشي؟ يبقى ﴿وَآتَيْنَاهُ مِن كُلِّ شَيْءٍ سَبَبًا * فَأَتَبَعَ سَبَبًا﴾ [الكهف: 84-85]. عنده الأسباب، رتبها، فاتبع سببه حتى يصل إلى ما يريد.

﴿فَأَتَبَعَ سَبَبًا * حَتَّى إِذَا بَلَغَ مَغْرِبَ الشَّمْسِ﴾ [الكهف: 85-86]. يبقى الراجل ده عنده هدف، عنده قصد، احنا قلنا السبب ركز معي، ما يتوصل به إلى الآية؟ إلى المقصود، من علم وقدرة وآلة. صار خلف جمع الأسباب وله هدف. طيب، الأمة الآن، العالم اللي احنا عايشينه دلوقتي، التقدم المادي اللي احنا عايشينه، عنده افتتان بالأسباب، وعنده تحصيل علمي دنيوي وقدرة وآلات.

المقصود إيه؟ رايحين فين؟ مش عارفين. عارفين يا جماعة لما يكون واحد ماشي في صحراء ومحدد وجهة وفجأة انت دخلت عليه، تخيل انت جاي من فوق كده وقمت شايل منه البوصلة وشايل منه الخريطة وسبته؟

إيه اللي هيحصل له؟ فقد القصد، فقد الوجهة، ما حدش عارف هو رايح فين. فعمل يلبخ بقى زي التيه بتاع بني إسرائيل كده، قاعد يخبط ويعمل. هي دي، ده العالم من غير وحي قاعد يحصل.

رايحين فين يا جماعة؟ عايزين إيه بالتقدم الدنيوي؟ عايزين رفاهية. طب عايزين رفاهية ليه؟ يقول لك ودور الدولة هو تحقيق الرفاه. ليه؟ وبعد ما نحقق الرفاهة يعني إيه بقى، رايحين فين؟ مش عارف.

طب فظهرت فكرة الإنسانية، طب الحداثة، طب ما بعد الحداثة، هما مش عارفين هما رايحين فين. كل شوية تظهر فكرة أن مفيش وجهة، فبالتالي أصبح وبال عليهم، هذه الأمور اصبحت وبالاً عليهم. يعني أصبح فيه حالة من النقمة وعدم الرضا لأن هو مفيش هدف. وتدمير، يدمروا دول ويهلكوا بعض ويحصل مشاكل وحروب. حرب عالمية أولى وحرب عالمية تانية، والله أعلم يبقى فيه تالته ورابعة ولا لأ.

فالخلاصة مفيش قصد. هكذا العالم حينما يفقد وجهته. يعني الوحي بيضبط الوجهة. سورة الحج لما اتكلمت عن القتال لأن هنا احنا بنتكلم عن الجهاد والقتال، خطورة فقدان...

بصوا معي، سورة الحج ده معنى محوري في سورة الحج، خطورة فقدان القصد. الحج هو القصد، فقدان الوجهة عند المقاتل والمجاهد ده يدمر العالم. إنسان بيمتلك طاقة وأدوات ولا يملك وجهة صحيحة ده يعمل تدمير في العالم.

أهو ده بالضبط يعني. تلاقي سورة الحج من اسمها القصد وذكر فيها القتال، أول أذن في القتال جه في سورة الحج: ﴿أُذِنَ لِلَّذِينَ يُقَاتَلُونَ بِأَنَّهُمْ ظُلِمُواْ﴾ [الحج: 39]. أنت بتقاتل ليه؟ القضية ليست مجرد القتال لأجل القتال.

تطبيق القوة لأجل القوة لأ، لك هدف، لك وجهة. كذلك ذو القرنين كان متجهاً، له أهداف بمجرد ما وصل، هنشوف كلمات ذي القرنين، لها أهداف واضحة. طيب، حتى إذا بلغ، يبقى: ﴿حَتَّى إِذَا بَلَغَ مَغْرِبَ الشَّمْسِ وَجَدَهَا﴾ [الكهف: 86]. إيه ده؟ فضل يمشي ورا الأسباب، لذلك فاتبع، فيه قراءة «فاتبع»، سوى قراءة «فاتبع سبباً». قل الكثرة وقيل يركب هذه الأسباب وقيل صار في هذا، فاتبع سبباً. فضل ماشي ماشي ماشي حتى بلغ أقصى طاقة بشرية ممكنة وأقصى قدرة بشرية ممكنة عند المغرب.

آخر حاجة خلاص، شايف الشمس بتغرب قدامه، ما حدش عارف يروح فين بعد كده. يبقى هنا بنتعلم من ذي القرنين. أول حاجة توظيف كل الأدوات التي يملكها، أول حاجة توظيف كل الأدوات، اتنين توظيف كل الأدوات إلى أقصى نقطة ممكنة.

يعني في واحد يا جماعة، المشكلة واحد عنده أدوات، في واحد عنده أدوات بيوظفها بس كسلان. يعني يدوبك إيه، واحد عنده، خليني أخد حاجة بسيطة جداً، عنده طاقة حفظ، يحفظ سورة صغيرة.

في واحد عنده طاقة حفظ بيجيب آخره في الحفظ. في واحدة عنده طاقة تعلم. في واحد عنده طاقة شرح. في واحد عنده طاقة حركة. وظف هذه الطاقات في حياتك لله سبحانه وتعالى. فدور قانون: وظف كل ما يملك من أدوات وأسباب وعلم وقدرة وآلة لتحقيق غاية الجهاد في سبيل الله.

لله سبحانه وتعالى، وبلغ أقصى نقطة ممكنة، ما اكتفاش. يعني هو ممكن يجي يقول إيه؟ لو أنا بأمن مملكتي أنا مش محتاج أوصل للمغرب يا شمس ومشرق شمس، أنا ممكن أعمل حدود كده زي ما حتى بنيجي نشيل الورم يقول لك أعمل، أنا ممكن أعمل دي حدود مملكتي وخلاص، في منطقة آمنة حواليها وخلاص.

مش محتاج أبعد من كده، لا، ذو القرنين بلغ مغرب الشمس. خلاص شافها تغرب في عين حمئة. يعني للناظر، وده من الحاجات، أنا آسف برضه أن أنا أطلع هنا بيقول لك فيه شبهة في القرآن، وجدنا شبهة، بيقول لك الشمس بتغرب في عين حمئة، وكيف هذه الشمس؟ وتعال للعلم الحديث، اكتشف أن الشمس ضخمة جداً، كيف تغرب في عين في الأرض فصول كذا؟

هو أنت متصور أن مقصد الآية أن الشمس نزلت وغطست في البير وطفت وكده؟ متصور كده يا جماعة؟ دي اللي بنسميها اللغة العادية وعلى بداهة الفكرة، وللاسف كتب فيها كتب كتب يعني. على بداهة الفكرة أنا كنت مصور إنها واضحة. يعني ليه؟ القرآن بيقول السماء فوقنا واكتشفنا أن هي دائرية. مش لأن فيه لو القرآن وكلام الناس البشر لا استعمل اللغة العادية واستعمل اللغة اللي كنا بنسميها اللغة المعملية ده معد أو اللغة التجريبية، أياً كان هنسميها إيه اللغة دي.

ده فساد الطبيعة، الأصل أن الحديث يعني ما ينفعش تقول لي أقول لك السماء فوقنا تقول لي لأ، أقول لك أنت مجنون، هتقول لي أصل هذه ليست سماء، هذه هذه هذه هذه معلش بعد إذنكو هذه ليس هذه ليس سماء هذه بخار ومش عارف إيه وبتكثف ولف.

ابني أيوه، السماء فوقنا، ده طبيعي، هذه اللغة العادية المستعملة بين الناس. فتغرب في عين حمئة أي في في عين في في اللي بيشوفها، شايفها كده. أنا بقول لك إيه، وشفت والله النهارده كان منظر جميل، وكنت قاعد وبقول أذكار وبسبح ومنظر الشمس وهي بتغرب كده في البحر أو في النيل كان منظر، تقول لأ لأ ما بتغربش في البحر.

يا عم أنا عارف، يعني أنت أنت بوظت، ما أنا عارف إن هي بتقول ما أنا فاهم، طبيعي إنها ما بتغرقش في البحر. فهي يعني فوجئت، ويقول لك شبهة إلحادية، يعني في ناس الناس فعلاً تحس إنها عايزة تلحد على نفسها بأي شكل فبتدور على أي حاجة.

المهم: ﴿وَجَدَهَا تَغْرُبُ فِي عَيْنٍ حَمِئَةٍ﴾ [الكهف: 86]. ووجد، ركزوا بقى معي في الكلمة دي لأن دي بتكرر معي، ووجد عندها إيه؟ كنزا! زي بلغ السدين وجد عندها إيه؟ كنزاً! لأ، هو ذو القرنين كان رايح يدور على إيه؟ علو القرنين؟ إيه اللي يوديه مغرب الشمس ويقول له يوديه مشرق الشمس وإيه اللي يوديه بين السدين؟ رايح بيدور بيدور على كنوز؟

يعني قاعد بيحفر بيدور على غابات يقطعها ويبعتها دولهم تتقطع وتتعمل هناك، بيدور على مناجم يسرقها آه من القارة الإفريقية القارة الأوروبية ولا قارة أمريكا، بيدور على بترول يخبيه، بيدور على مخطوطات يحرقها وياخدها لنفسه، بيدور على إيه؟

يدور على بشر يدعوهم إلى الله. وجد بغيته، وجد قوماً. الإبداعية لما بيلاقي إنسان أدعوه إلى الله يرتفع به إلى مستوى الإنسانية: ﴿وَلَقَدْ كَرَّمْنَا بَنِي آدَمَ﴾ [الإسراء: 70]. ده هدف الداعية أنه يقابل الطمع، لما نسب إلى المسلمين في سورة البقرة: ﴿أَفَتَطْمَعُونَ﴾، تطمعوا في إيه؟ ﴿أَفَتَطْمَعُونَ أَن يُؤْمِنُواْ لَكُمْ﴾ [البقرة: 75]. طمع المؤمن يكون في إيمان الناس. حينما سمع النبي صلى الله عليه وسلم يدخلون في دين الله أفواجاً، استشعر بقرب بقرب أجله. دي وظيفته.

أن يدخل الناس في دين الله أفواجاً. فهنا: ﴿وَوَجَدَ عِندَهَا قَوْماً﴾ [الكهف: 86]. وجد بغيته، لقى ناس عشان يدعوهم إلى الله سبحانه وتعالى. قلنا، لم يتركه الله سبحانه وتعالى هنا، قلنا دي عملت عند بعض المفسرين يعني إيه؟ إيه ده؟ هل هو نبي؟ وده قوله ضعيف مذكور.

يعني قلنا كيف كلم الله؟ الأمر بسيط، قيل إلهاماً، أن النبي صلى الله عليه وسلم أخبر أن الأمم السابقة كان فيها محدثون، وقيل كان على لسان نبي معه. زي ما كان مثلاً قصة طالوت وجالوت، أن مش لازم النبي هو اللي يحارب، النبي بتاعهم هو اللي قال لهم: ﴿إِنَّ اللَّهَ قَدْ بَعَثَ لَكُمْ طَالُوتَ مَلِكاً﴾ [البقرة: 247]، وقال لهم نبيهم، يبقى في نبي دي رسالة، في قائد للجيوش، قيل الفصل ده كان معروف، فممكن قلنا أي على لسان نبي وقيل غير ذلك.

﴿قُلْنَا يَا ذَا الْقَرْنَيْنِ إِمَّا أَن تُعَذِّبَ وَإِمَّا أَن تَتَّخِذَ فِيهِمْ حُسْناً﴾ [الكهف: 86]. خيره الله سبحانه وتعالى بين أن يقتله وهم كفار أو يستمهلهم ويأسرهم ويدعوهم إلى الهدى. يعني خيره الله سبحانه وتعالى إما بالقتل لأنهم كفار محاربون أو يستمهلهم، يأسرهم، ثم بعد الأسر يعرض عليهم الإسلام.

قال: هنا هيتكلم ذو القرنين يا جماعة، عايزين نشوف فكر الراجل، احنا شفنا أفعاله، وفهمنا طريقته أنه بياخد بكل الأسباب، أنه بيفظ كل الأدوات لنصرة الدين، أنه يبذل أقصى طاقة بشرية ممكنة، أنه لا يدخر جهداً لنصرة هذا الدين، أنه يبحث عن التمام مغرب الشمس يعني لأقصى حاجة، احنا احنا بنستكشف هذه الشخصية، شخصية غريبة لم تذكر إلا بسورة الكهف، فلو عايزين الناس تكشفها ما قدامناش غير الآيات وبعض الآثار.

طيب، هيتكلم ذو القرنين، هنفهم دماغه. طيب، ده واحد عايز ينسف الناس، ده ملك مثلاً عايز مهتم بتنسف ناس وتدمير الناس؟ ويقول لك لأ، أنا هدور على الكنوز، ماذا عن ماذا يبحث؟

قال: ﴿أَمَّا مَنْ ظَلَمَ فَسَوْفَ نُعَذِّبُهُ ثُمَّ يُرَدُّ إِلَى رَبِّهِ فَيُعَذِّبُهُ عَذَاباً نُّكْراً * وَأَمَّا مَنْ آمَنَ وَعَمِلَ صَالِحاً فَلَهُ جَزَاءً الْحُسْنَى وَسَنَقُولُ لَهُ مِنْ أَمْرِنَا يُسْراً﴾ [الكهف: 87-88]. هو الدنيا عنده واضحة، الناس متقسمة. زي أول سورة البقرة كده، قيمة أنك وأنت رايح المدينة لأول مرة تنزل سورة البقرة، قيمة وضع سورة البقرة في أول المصحف بحيث أن أي واحد داخل إسلام جديد يقرأها أن سورة البقرة بتقول لك الدنيا متقسمة واضحة. لما تبص على الكرة الأرضية من فوق.

متقسمة قارات، ومتقسمة قبائل، ومتقسمة دول، ومتقسمة أجناس، ومتقسمة سلالات، وهناك تقسيم على الإيمان، كيف يتعاملون مع الوحي؟ فذو القرنين التقسيمة عنده واضحة، مش الأبيض هناخده والأسود هنستعبده، مش البيض هنعمله والسود هنعمل فيهم كذا، مش أغنياء هنصاحبهم والفقراء نموتهم، التقسيمة على الإيمان.

أما من ظلم أي بالكفر لأنه ظلم نفسه أولاً، مفهوم الظلم ذو القرنين مفهوم الظلم عنده واضح، الشرك ظلم عظيم، قال: ﴿أَمَّا مَنْ ظَلَمَ﴾ أي من أشرك وكفر وأصر على الكفر، هنا العلماء قالوا أصر، طب جابوا كلمة أصروا على الكفر منين؟ قالوا لأن التانية قال: ﴿وَأَمَّا مَنْ آمَنَ﴾، وقال: ﴿فَسَوْفَ نُعَذِّبُهُ﴾، قال له التسويف بتاع سوف نعذبه دي أن أدى له مهلة، عرض عليه الإسلام وتناقش معه وكلمه ثم أعطاه المهلة.

هذا أصر على الكفر، هذا ظالم. هنا بقى إيه الأفكار الرومانسية الوردية الغير واقعية؟ تقول لك برضه ما يموتوش، طب ليه؟ أنا أنشر دين الله سبحانه وتعالى وهو يرفض نشر هذا الدين؟ في تصورات رومانسية غير واقعية.

قال: ﴿أَمَّا مَنْ ظَلَمَ﴾ أصر على الكفر بعد البيان ﴿فَسَوْفَ نُعَذِّبُهُ﴾ وهو أخد الإذن من الله سبحانه وتعالى بذلك. ثم يرد، شف واضحة الإيمان والكفر عنده واضح، عرض الدين واضح، اللي أصر بعد ذلك هو الذي اختار لنفسه. وبعد كده ذو القرنين فاهم أن الدنيا دي لا تساوي شيئاً في الآخرة، أن مهما عذب في الدنيا لن يكون هذا شيئاً بالنسبة إلى عذاب الآخرة.

ثم يرد إلى ربه فيعذبه عذاباً نكراً، عذاب نكرة يعني ذو القرنين عايز يقول إيه؟ عذاب قد إذا رآه الإنسان قد يستنكره ولكنه عذاب حق، لكن من العذاب. عايز يقول لك أنا مهما عملت فيهم هذا يا رب لن يكون شيئاً في عذابك، فبيخوفهم عشان الناس تتوب إلى الله سبحانه وتعالى.

وأما من آمن، أي بعد عرض الإيمان عليهم وعمل صالحاً، وفاهم أن الإيمان له تبعات من الأعمال الصالحة. ذو القرنين مع العذاب، ركز معي في كلامه، شف العقلية الناجحة في الإدارة، مع العذاب بدأ بأن هو يعذب الأول وبعد كده ذكر العذاب الأخروي، مع الجزاء بدأ بالجزاء الأخروي وبعد كده قال: ﴿وَسَنَقُولُ لَهُ مِنْ أَمْرِنَا يُسْراً﴾.

الإنسان في الخوف طبيعته بيخاف أكتر من الشيء المحسوس الملموس القريب، خوفه من النار قد يكون أقل، خصوصاً أن الذي لم يتمكن الإيمان من قلبه أقل من خوفه من الشيء، فهو عايزهم يؤمنوا، فالتخويف بالشيء المحسوس يكون أكثر.

بالنسبة للإيمان واللي خلاص اختار الإيمان عايز يرتب له بقى قوية الإخلاص، أنت آمنت لله، تنتظر الجزاء من الله سبحانه وتعالى، أما أنا سأقول لك من أن، لكن أنت في الأصل تؤمن لتنال الجزاء الحسنى من الله سبحانه وتعالى: ﴿وَأَمَّا مَنْ آمَنَ وَعَمِلَ صَالِحاً فَلَهُ جَزَاءً الْحُسْنَى وَسَنَقُولُ لَهُ مِنْ أَمْرِنَا يُسْراً﴾ [الكهف: 88].

ثم أتبع سبباً. طيب، آه قبل ما نروح بقى للقصة التانية، يبقى ذو القرنين يا جماعة الراجل له مقصود، له هدف، آه الناس اللي بتقول عايزين تمكين، عايزين تمكين ليه؟

أول ما يسمع كلمة أنا مكننا وليمكننا ومكناهم، هل المقصود عندنا واضح يا جماعة؟ يعني هل أهدافنا، يعني ذو القرنين هدفه نشر التوحيد في الأرض؟ هل احنا هدفنا توظيف كل الأدوات التي نملكها ليوحد الله سبحانه وتعالى، يعرف الناس الله، ليذكر الناس الله، ليعبد الله في الأرض؟

هل ده هدفنا؟ هل المعنى ده واضح عندنا؟ هل كل الإمكانيات التي يعطينا الله سبحانه وتعالى إياها نوظفها لننشر التوحيد في الأرض؟

يعني هل المقصود عندنا واضح؟ لأن التمكين، خدوا بالكم ربنا قال أسباب، مجموعة من الأسباب. فالتمكين هو عبارة عن إيه؟ هو جمع مثلاً هذه الأسباب بصورة تراكمية، يعني ما فيش حاجة اسمها لحظة التمكين النهائية، هي صورة تراكمية، تمكين تراكمي.

يعني التمكين تراكمي؟ يعني أنت في منطقتك النهاردة عرفت تقيم الصلاة، ده جزء من التمكين. ربنا بيقول: ﴿الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ﴾ [الحج: 41]. وجهتهم واضحة، إقامة الصلاة جزء من التمكين. جمع الزكاة جزء من التمكين.

نشر الدعوة جزء من التمكين. فما فيش حاجة اسمها أن التمكين ما فيش حاجة اسمها أن التمكين يا موجود يا مش موجود، القاعدة اللي كنا اتكلمنا عنها اللي كثير من الناس للأسف بيفكر بها.

التمكين ليس هكذا؛ أنت ممكن يوكل إليك في بيتك، في منطقتك، في مسجدك؛ فكل ما تستطيعه وظفه لنشر هذا الدين. نحن عندنا تصور أن التمكين لحظي يأتي بفعل الله المباشر، لا. أنت كل ما تستطيع وتيسر فيه حتى حد الأقصى ما نستطيعه.

النقطة الثانية هي أننا لو تفتكروا في أول السورة قلنا كلمة أحسن عملاً، وتكررت أن في واحد أحسن عملاً بالنسبة له أنه ما عُندوش أسباب زي أصحاب الكهف، وفي واحد أحسن عملاً بالنسبة له أنه يوَظِّف كل الأسباب اللي عنده، وفي واحد أحسن عملاً بالنسبة له أنه يطلب العلم، وفي واحد أحسن عمل بالنسبة له أنه يدعو زي المؤمن اللي كان مع صاحب الجنتين. فالصورة منوعة، لنهدينهم سبلنا، سورة منوعة في أحسن عملاً. بلاش دايماً نحط نفسنا عند نقطة واحدة ونقول هي هو ده، ده بالنسبة لي ثغري، مين اللي قال الدين واسع؟ وهذا من رحمة ربنا سبحانه وتعالى أن قرأت كلمة حلوة قوي للنابلسي يقول: «وجعل الله عدد الطرائق للوصول إليه بعدد أنفاس الخلائق». يعني عايز يقول لك ما فيش حاجة اسمها مش عارف أوصل لربنا إزاي؟ أنت ممكن تعمل أحسن عملاً هذا ببر الوالدة، وهذا بكل بما يستطيعه. فاتقوا الله ما استطعتم.

وخدوا بالكم من الفاء، فاتبع سبب الاستجابة السريعة بعد كده خلص المهمة دي، واحد راح لمغرب الشمس أنت متخيل يريح بقى ماشي، ثم الفاصل الزمني حتى العودة، اتبع سبابه، فإذا فرغت فانصب. ذو القرنين المداومة، عارفين حديث النبي صلى الله عليه وسلم حديث جميل قوي: «صلاة في أثر صلاة كتاب في عليين». الحديث بيقول صلاة في صلاة لا لهو بينهما كتاب في عليين. لذلك بعض الشرح أسقطوه على أن ممكن تصلي الفجر وتقعد في المسجد تذكر الله لغاية لما تصلي الضحى، فانت كده صليت صلاتين لا لغو بينهما، لك كتاب في عليين. تخيل بقى جهاد في أثر جهاد، يعني ذو القرنين هنا يعني إذا كان صلاة في أثر صلاة الوقت ده كتاب في عليين. طب تخيل لو واحد عمره حياته عمل في أثر عمل، دعوة في أثر دعوة، علم في أثر دعوة، دعوة في أثر عبادة. تخيل دي حياته مع ما يحتاجه من طلب المال الحلال في حياته، هو في محراب حياته كلها يعيشها في هذا المحراب الأرضي ينتظر لحظة خروج الروح لتصعد إلى السماء.

ذو القرنين أيضاً الاستمرار حتى وصول الهدف، عدم تضييع الأوقات، يعني دي الحاجات اللي كانت في القصة الأولانية. بعد كده ثم اتبع سبباً استمرار حتى إذا بلغ مطلع الشمس، الله أكبر، هذا الرجل لا يكل. يعني واحد وصل لأقصى نقطة ممكنة هنا، ثم أقصى نقطة ممكنة، اللي بيصلي ركعتين طوال هتكلم حتى على قيام الليل في بيتك في مكان مكيف، تيجي تقول له نصلي كمان ركعتين يتعب، ولو حصل لك كم ركعتين يقول لك يبقوا خفاف. اللي بيعمل عمل، ودي مشكلة بتتقابلنا كتير، اللي بيعمل عمل كبير في الدين وصعب اللي عايز يريح بعدها فترة طويلة، يطلع لي من الأمتحانات يقول لك أنا عايز أريح سنتين بقى. فتلاقي اللي يعمل عمل دي، لأ هو وصل مغرب الشمس ثم حتى مشرق الشمس.

حتى إذا بلغ مطلع الشمس وجدها تطلع على أهدافهم على قوم طيب، وجد الطفل على قوم لم نجعل لهم من دونها ستراً. في قمة بتعبيرنا المعاصر يعني مش لاقي بس تعمل ايه؟ عايز أقول في قمة التخلف الدنيوي ما فيش حتى وسيلة للاحتماء من الشمس، في قمة البدائية. طيب يعني ايه كذلك وقد أحاطنا بما لديه خبراً؟ يعني ايه كذلك وقد أحاطنا بما لديه خبراً؟ قيل كذلك أي اتبع سبباً حتى بلغ مطلع الشمس كما اتبع سبباً وبلغ مغرب الشمس. وقيل كذلك كما فعل مع القوم هنا فعل مع القوم هناك، منهج واحد. مش مثلاً لما لقى دول ضعاف أو لقى دول أقوياء كان عنده منهج، وهنا له منهج، منهج ثابت، مش مع الدول القوية بمنهج ومع الدول الضعيفة بمنهج، لا، المنهج ثابت أنه يعرض التوحيد، يعرض من آمن سنقول لهم آمين، ويوسف ولو جزاء الحسنى، ولو الجزاء الحسنى دخولاً من الأولى يسري ويعذب المشرك على الكفر. منهج سيدنا، إيه اللي عمله هنا أو عمله هنا؟ وقد أحطنا بما لديه خبراً.

يعني ايه وقد أحطنا بما لديه؟ بلاش، ركزوا معي، لو احنا الهاء دي لما تحس إنك فصلت مني وقف تسجيل ومخمخ كده عشان مش عايزك تفصل مني في الآية تمام؟ فاتح مصحفك قاعد معك كوباية الشاي أو كوباية القهوة بتاعتك حسب أنت من أنهي مدرسة ومركز في الدرس التفسيري، تمام كده؟ صلي على النبي عليه الصلاة والسلام. وقد أحطنا بما لديه خبراً، الهاء دي بما لدى إيه؟ قيل بما لدى ذي القرنين تمام؟ وقيل بما لدى مطلع الشمس، وده قول بعيد شوية. اللي قال بما لدى يعني عايز يقول فقد أحاطنا بالمكان اللي هناك خبراً، الله سبحانه وتعالى إذا كان ذو القرنين لسه مكتشف المكان ومستغرب فالله سبحانه وتعالى يعلم كل شيء. فعلاً تفاصيل يا شيخ، فإشارة إلى أن علم الله سبحانه وتعالى فوق علم البشر. وقيل، وده أنا قلت القول الضعيف، خلينا نجيب القول الأشهر واللي له دلالة مهمة بالنسبة لنا هنا، عشان كل من يعمل في الدين نستحضر القول ده: بما لديه أي بما عند ذي القرنين من كل عدة وعتاد وآلة وجنود، كل حاجة مع ذو القرنين ربنا يعلمها.

طب ده معناه ايه، هل معناه التكريم ولا معناه التخويف؟ قيل معناه التخويف، أنك ما تفتكرش أنك مش معنى أنك أنت أنتشرت وبقيت معروف وبقيت ملك كبير أو بقيت داعية مشهور أو بقيت عالم، أنك مش مراقب، كل كلمة بتقولها محسوبة، الذي رفع الإنسان قد والعياذ بالله قد يخسف به الأرض، الدوام لله سبحانه وتعالى في حياة الإنسان في نشوة الانتصارات ينسى أنه مراقب وينسى أن كل كلمة بيتكلمها كل منشور بيكتبه وكل فعل بيِفْعَله أنه تحت أمر الله سبحانه وتعالى قد، ولئن شئنا لنذهبن بالذي أوحينا إليك. تخيل كلمة النبي صلى الله عليه وسلم، متخيل، ما تتصورش أن العلم اللي في صدرك ده ممكن ممكن يسلب في لحظة، فيا جماعة لازم الإنسان دايماً يستحضر قضية المراقبة لله سبحانه وتعالى. هذا الاستحضار مهم في نشوة الانتصارات ونشوة الشهرة أنه بقى معروف، مهم جداً هذا الاستحضار.

فبعد ما راح بقى مشرق الشمس ومغرب الشمس وبدأ يستحضر هذا المعنى. وقيل أحطنا بما لديه خبراً أي بما لديه من إيمان وتقوى وصلاح أهلته لأن الله سبحانه وتعالى يختاره في هذا المكان، فالله أعلم حيث يجعل رسالته، والله أعلم حيث يجعل العلم ويجعل الدعوة ويجعل التمكين. فالله سبحانه وتعالى يعطي هذا الدين لمن يحب، ولكنه يعطي الدنيا لمن يحب ولمن لا يحب. بعد كده خلصنا بقى الرحلة المغربية والرحلة المشرقية، نجي بعد كده للرحلة التانية.

طيب ذو القرنين هيعمل ايه؟ هيريح؟ أبداً، ثم اتبع سبباً. زي بالظبط لو تفتكروا مدخل قصة سيدنا موسى، نفس البداية هنا في العلم وهنا في الجهاد والنفير يذكر مع الاتنين، النفير في العلم والنفير في الجد. سيدنا موسى: لا أبرح حتى أبلغ. فلما بلغ، فلما جاوزا، فلما، فلما، فلما، هنا ذو القرنين على طول، بقى فاتبع سبباً، ثم اتبع سبباً، ثم اتبع سبباً. توظيف كل الإمكانيات وكل الطاقات، وهدف واحد نشر التوحيد في الأرض. طيب، ثم اتبع سبباً حتى إذا بلغ بين السدين من جبلين كبيرين جداً، وجد ايه من دونهما؟ من دونهما وجد كنزاً، أبداً وجد قوماً وجد بغيته، يبقى الدعوة. طيب ها، وجد من دونهم قوماً إيه، إيه مواصفاتهم؟ أكيد بقا لهم قوم أغنياء جداً وقوم متقدمين جداً، فقال خلاص أنا أخد البلاد دي وأسيطر عليها وأخد ملكها لنفسي، فوجد من دونها قوماً لا يكادون يفقهون قولا. أنت متخيل، أنت ملك ورايح تغزو بلد، ومؤمل بقا، فوجئت أن البلد دي مش عارفين يتكلموا كلمتين على بعض، لا حول ولا قوة إلا بالله. طب أنا هستفيد ايه من البلد دي؟ طب ماشي، هنحاول نشوف مترجم ولا هنتكلم معهم، ولا هو كان علم بيتكلم بكثير من اللغات أياً كان الأقوال إزاي يتكلم معهم؟ لا يكادون يفقهون قولا. طيب عندكم ايه يا جماعة؟ عندكم فلوس ولا عندكم يعني هاخد منكم ايه؟ بص يا ذو القرنين احنا واقعين في مشكلة، عندنا يأجوج ومأجوج مفسدون في الأرض. كمان مشاكل! يعني أنا جاي لكم ما فيش تقدم، ما تعرفوش تكلموا، وعندكم مشاكل وعدو شرس، طب أنا مالي، لأ أنا مالي، ما هو أنا أتيت لأنشر التوحيد، أنشر الحق، أتيت لأقيم العدل لأمنع الظلم، دي أهداف المؤمن، ما ينفعش يقول أنا مالي! أنا هستفيد ايه؟

أنت متخيل لو الدول الاستعمارية راحت لأماكن ما ليس لديهم من الشمس ستراً ولا يكادون يفقهون قولا عملوا ايه؟ لما مش تخيل أنا آسف ده حدث بالفعل، عملوا ايه في إفريقيا؟ شحنوا الناس بالسفن مات إن شاء الله يموت ملايين على الدواب واستعبدوهم، وهات لي كل الثروات الإفريقية دي أسرقها، وحط لي نظام هنا ديكتاتور يكون شغال عندنا عشان الدول دي ما تفوقش وما تتعلمش. هكذا فعل، انظروا إلى الجهاد الحق لنصرة الدين، انظروا إلى الإسلام الحق وانظروا إلى لما بتسيطر المبادئ الدنيوية، وهي ليست مبادئ، لما تسيطر الأفكار الدنيوية على الناس، لما يكون أحرص الناس على الحياة، طغيان المادي لما بينتشر، وأهم حاجة تحصيل الفلوس، الإنسان بالنسبة له رقم، الإنسان العبد ده يساوي كم؟ ده ييجي يشتغل عندي في مصانع، بدل ما هو قاعد كده، هذا العبد قاعد في إفريقيا كده، ده ييجي يشتغل عندي في مصانع ألعاب الأطفال ومصانع الشوكولاتة عشان أطفالي يستفيدوا من هذا العبد، يتحول إلى آلة أوفر من الآلة، هكذا يتعاملون، ولطالما سرقت ونهبت مهما ادعوا وتكلموا عن حقوق الإنسان وادعاء اليوتوبيا، هذا وهم التاريخ يفضح هؤلاء. لما بتيجي تشوف فرنسا عملت ايه في مالي وعملت ايه في الجزائر، إيطاليا عملت ايه في ليبيا، أمريكا عملت ايه في الدول اللي دخلتها، حتى الدول في العراق وأفغانستان ماذا فعل هؤلاء المجرمون حتى يكون الأمر واضح عندنا.

لكن انظروا ماذا فعل ذو القرنين، راح لمغرب الشمس إيه ده، ذو القرنين ما سيطرش، ده سابهم يعني أقرهم على ملكه وهكذا يفعل الإسلام، يقر الملك على ملكه إذا أسلم؛ لأن القضية نشر التوحيد، نشر الإسلام في الأرض، القضية ليست نهب الثروات، سيطرة على البلاد بنشر التوحيد في الأرض. لما تيجي تقرأ قصة سيدنا سليمان عمل ايه مع ملكة سبأ في آخر القصة، الناس منتظرة آخر القصة أنه يجوزها، أنه يروح يسكن هناك، أنه، لا، القضية أن هي تؤمن وأن البلد تؤمن، دي النهاية السعيدة عند المؤمن أن يؤمن الناس. فتخيل واحد رايح لبلد لا يكادون يفقهون قولا وعندهم عدو، طب هتصرف معهم إزay؟ هساعدهم، مش هقول أنا مالي، لأ، أنا هساعدهم وأقف بجوارهم.

قالوا يا ذا القرنين إن يأجوج ومأجوج مفسدو، حتى اسمهم يخض أصلاً، تخيل واحد، أنت رايح، إن يأجوج ومأجوج مفسدون في الأرض، وإن كان الإمام الطبري قال سيفسدون، يعني هنا دي مقلبحة بس اللي عايز يحقق القوي فيه خلاف بقا هنا، لكن الجمهور على أن مفسدون أي كانوا بيفسدوا ولا زالوا يفسدوا وبالقد سيفسدونا عشان يربطها بأخر أحداث آخر الزمان، مفسدون في الأرض. شف التفكير اللي هو التفكير المنتشر، جاء لهم ملك ومعه جنود يبقى أكيد عايز فلوس، فهل نجعل لك خرجا نديك فلوس، إخراج يعني عطاء سنوي، ولا نديك دفعة فلوس مرة واحدة؟ قيل قصدي رواية يعني صحيحة؟ القراءة قصدي صحيحة؟ فهل نجعل لك خرجا على أن تجعل بيننا وبينهم سداً؟ يديك.

عالم الملك وعالم السياسة لا يعترف ببعض المبادئ، لا يعترف بالصدق، لذلك هرقل ملك الروم لما سأل أبو سفيان عن النبي صلى الله عليه وسلم هو الآن يقيم دولة في المدينة ويحارب، قال: هل يغدر؟ قال: بالغدر قال: لا. إزاي ملك لا يستعمل الغدر في السياسة؟ إزاي أكيد ما بي، يعني ملك بينشر الدولة وينشر مبادئ ولا يغدر، ده أكيد نبي في أسئلة مميزة، الحديث في البخاري ترجعوا لها كده، سأل أسئلة مميزة هو عايز يعرف ده نبي ولا ملك، زي ما قلنا اليهود كانوا بيسألوا أسئلة يعرفوا بها ده ملك ولا نبي، وكذلك أهل الباطل بيبقوا عارفين الصادق من الكاذب، لهم أسئلة وعروض من يقبلها يبقى ده ليس صاحب حق. قالوا هل نجعل لك حاجة، مش مستوعبين أن في حد يعمل كده لله، يعني مش مستوعبين واحد جاي ومسافر كل البلاد دي عشان يؤمنوا عشان يساعدهم، يعني إذا كان المشرق والمغرب الكلام فيهم كان عن الإيمان والكفر، هنا راح يساعدهم ليقف بجوارهم ليصرف عنهم الظلم، طيب دي النقطة الأولى. قالوا هل نجعل لك خرجا، وده للأسف يا جماعة التفكير اللي الدول العربية بتفكر به: هات لنا واحد وندي له فلوس يعملها. طب ما تتعلمها إنت! احنا عايزين نعمل جامعة كذا، خلاص هاتوا لنا يا جماعة ناس يعملوا لنا الجامعة دي. وكنا عايزين حد، طب ما نتعلم احنا المكنة دي والآلات دي! لا لا لا، هات لنا واحد مثلاً من أي دولة من الصين.

هات لنا واحد شف بكام وهاته لنا، التفكير ده تفكير الكسالة، تفكير المتأخرين. طب ما أنا أتعلمها، أنا أجيب مدرب، أجيب معلم، يعني أجيب حد يشرح لي لغايه لما أتعلم، وبعد كده خلاص أبقى أنا امتلكت مثل هذه الأدوات. هو فكرة أدي لك فلوس عشان تعمل لنا التفكير ده مش صح. التفكير ده يدعو إلى التأخر. فدول قالوا له: لا، أعينوني بقوة. الأول قال لهم زي رد سيدنا سليمان.

أتتمدونني بمال؟ فسيدنا فذو القرنين بيقول لهم: ما مكني فيه ربي. أنا مش عايش وأنت متصور أن أنا جاي التمكين عشان فلوس! أنا جاي عشان التوحيد وإقامة العدل في الأرض. مهما كان فيه ربي خير. خدوا بالكم هنا برضو فيه نقطة مهمة. الناس دي كانت عندها الفكرة، أكيد ما عندهاش القدوة. يعني هم قالوا له: اعمل لنا سد، أأجعل لك خرجا على أن تجعل بيننا وبينهم سدا؟ ما قال لهمش الفكرة غلط، الفكرة طلعت صح على فكرة.

يعني الفكرة اللي قالوها طلعت صح، لكن كانت مشكلتهم في كيفية تطبيقها. فأنت أحيانا بتملك فكرة، ابحث عن من يساعدك في تنفيز الفكر أو يعلمك كيف تنفز الفكرة، لا تدع الفكرة تموت. يعني أنت لما يكون عندك فكرة، يا تديها لحد يا تتعلم ما حد يعلمك تعملها ازاي يا تستعين بحد، لكن بلاش تسيب الأفكار تموت. لأن الفكرة دي على فكرة، أنا عمال أقول على فكرة مع الفكرة عاملة، الفكرة دي محورية. ليه محورية هنا؟

حد يفتكر أول خالص، إحنا كنا قرأنا سورة الكهف بتنجينا من إيه؟ أكبر فتنة، فتنة الإيه؟ الدجال، أعظم فتنة في التاريخ. وأول عشر آيات أو آخر عشر آيات على الخلاف، الدجال كيف سيحارب في آخر الزمان؟ خدوا بالكم بس هنا من الإشارات دي، الدجال سيحارب سيواجه، ينزل عيسى عليه السلام ويروح يقتله، أيا كان طريقة القتل المذكورة في الروايات. يبقى كان حل الدجال الاعتصام بالإيمان ثم المواجهة.

ركزوا معي، الاعتصام بالإيمان، انتظار القائد والمواجهة. أول لما الدجال بيموت، اللي يقرأ بقى اللي عارف أشراط الساعة وأحداث الساعة، إيه اللي بيحصل؟ ربنا سبحانه وتعالى يقول لعيسى عليه السلام: لأن عيسى هو اللي يقتل الدجال: أن لي عبادا لا يدان لأحد بقتالهم. ما حدش يقدر يقتلهم، حرز عبادي إلى الطور. في مشاكل حلها وضع السد مش مش المواجهة. فيه مشاكل في حياتك مش هتلاقي المواجهة. بلاش كل حاجة في حياتك بلاش كل مشكلة حلها المواجهة، لأ، لازم تكون في فتن حلها المواجهة، وفي فتن حلها أنك تضع بينك وبينها سدا.

وزي ما يأجوج ومأجوج جم آخر القصة هنا، يأجوج ومأجوج في آخر الزمان هيجوا بعد الدجال، وسبحان الله زي ما كان الحل مع يأجوج ومأجوج السد، هنا كان هيكون الحل في آخر الزمان أن أن يذهبوا ويتجمعوا في مكان آمن، يبتعدوا عنه، وربنا سبحانه وتعالى ينزل عليهم العذاب القدري. إحنا قلنا بقى في الفعل غير المباشر وفي فعل مباشر، دوسوا عليهم والنغف، وتملأ الجثث الأرض، ويملأ نتانها نتنهم الأرض. عيسى ومعه من المؤمنين، الله سبحانه وتعالى فيرسل رياحا ومطرا لنظف الأرض، ومنة وقصة بقى اللي أرجعوا بقى لتفاصيل من كتب المعاصرين: إتحاف الجماعة التويجري في أحداث الساعة وفي الشيخ مصطفى العدوي في أشراط الساعة ويوسف الوابل كتب أشراط الساعة، أو المتقدمين يعني في كتب في مسألة أحداث الفتن وأخر الزمان.

طيب، هنا قالوا، خدوا بالكم يبقى هنا هم كان عندهم الفكرة وكانت فكرة صحيحة، طلبوا وضع السد. فقال لهم: خلاص أعينوني بقوة. أنا شف هنا برضو القُطبي هنا له كلام بديع في مسألة الوالي وأمتى ياخد أموال الناس ومش من حقه مش يبرطع في أموال الناس، هي مش مش بتاعة كده عشان بيسموها إيه كده وهو ماسك بتاعته يعني يعمل فيها اللي هو عايزة. لأ، لأ هنا في ضابط وكلام بقى من التنمية الرائع في السياسة الشرعية الموضوع مش مفتوح كده.

طيب، فأعينوني، أنا عايز أقول لكم قوة اجعل بينكم وبينهم ردما. آتوني خلاص قطع الحديد، حتى إذا ساوى بين الصدفين الجبلين قال انفخوا. أنا بقرأ الآيات دي أنا لسه مش فاهم برضو، طبعا هنا المفسرين اتكلموا كتير، وأزاي بقى سبيكة ومش عارف والنحاس المذاب ووضعه مع الحديد، وأزاي ده قوي، وأزاي أصبح أملس، وأزاي أصبح متين، فما استطاعوا عيادة ما استطاعوا له نقبا. ده النتيجة النهائية للسد، القرآن يعني مش مش الأصل فيه تفاصيل، لأ، الأصل فيه الإيجاز وكل كلمة لها غرض.

التفصيل في في طريقة السد كان ممكن ربنا يقول: فصنع لهم السد. شرح التفاصيل لأن أحيانا إحنا بتصور أن قضاء وقت الكلام بقى الإيمان ما بيزيد عن الإنسان، تصور قضاء وقت في تفاصيل الدنيا ده يخالف جو الخشوع والإخبات والإنابة، لأ، ده الوقت وده لوقته. ذلك من الآيات اللي بحبها قوي كانت في سورة سبأ: ﴿وَلَقَدْ آتَيْنَا دَاوُودَ مِنَّا فَضْلاً يَا جِبَالُ أُوِّبِي مَعَهُ وَالطَّيْرَ وَأَلَنَّا لَهُ الْحَدِيدَ * أَنِ اعْمَلْ سَابِغَاتٍ وَقَدِّرْ فِي السَّرْدِ﴾ [سبأ: 10-11]. يعني الكلمة من معانيها اللي هو بعد سورة سبأ، يعني ازاي يضع الحلقات بالضبط بالمقاس وتقفل عشان يكون الدرع اللي بيلبسه، يعني واحد كان فيه قيمة الإيمانيات والجبال تؤوي معه والطير ويسبح، المشهد التاني واحد قاعد بقمة الدقة والاتقان وقاعد يضبط الحلقات تقفل.

يعني ممكن واحد يكون ساعة قيام وخشوع وإخبات وإنابة وتسبيح وكأن الكون يسبح معه، الساعة اللي بعدها بيذاكر وبيحفظ ومعادلات وبالتفاصيل، هذا لا يراقب هذا، طالما الهدف والقصد طاعة الله سعداء، هذا لا يناقض هذا. فشرح التفاصيل ده يعني حتى لا يستنكر ده في المؤمن، حتى لا يكون في صدره حرج من هذه الأمور الدنيوية، بالعكس هذا ما يكون في كتابك منصوص بتفاصيله في كتابك. فما استطاعوا النتيجة النهائية أيظهروه ما عرفوش، لذلك جه قيل إن جت من غير التاء وإن زيادة المبنى دولة ذات المعنى، يعني ده الكلام المشهور، هم استطاعوا أن يظهروه لا عرفوا يحفروا ولا عرفوا يقفزون.

فين بقى السد ومكان السد والخلاف وهل هو اتكسر ولا ما اتكسرش وهيجي، ولا كل ده زي ما قلت لكم، أنا شايف هذا نترك علمه إلى الله سبحانه وتعالى. إحنا عندنا في آخر الزمان في أحداث يأجوج ومأجوج وعندنا إن كان في ملك اسمه ذو القرنين وعندنا إن هو عمل سدا، هذا ما عندي، التفاصيل بعد ذلك والله أعلم بمثل هذه الأماكن وتفاصيل المناقشات، وأنا اديت لكم كتب واللي عايز يستفيض ويرجع لها.

طيب، لما صاحب الجنتين المشرك دخل جنته وهو ظالم نفسه، أول لما شافها كده قال: ما أظن أن تبيد هذه أبدًا. لا يمكن ده جهد سنين، دول قانونين لما تعب في السد هو حقيقة تعب والناس تعبوا، أول لما شاف السد قال: هذا رحمة من ربي، ربنا اللي عمله مش أنا. عشان كده قال له: قل ما شاء الله لا قوة إلا بالله، ربنا اللي عمله مش أنت، أنت بتتعب في الأكل وتاكل وبعد كده تقول: الحمد لله الذي أطعمني هذا، هو اللي أطعمني هذا ورزقني من غير حول مني ولا قوة. قال هذا رحمة من ربي.

فإذا جاء وعد التاني قال: ولا يمكن يقع أبدًا، ما أظن، وأنت مين هنا بيقول: جعله دكا، وكان وعد ربي حقا. يبقى إحنا فارق بين نظرة المؤمن لانجازاته ونظرة الكافر لانجازاته، الكافر لا يرى الله سبحانه وتعالى في أي شيء في هذه الدنيا، إن المؤمن يرى الله سبحانه وتعالى في أفعاله وفي حياته وفي تفاصيل تفاصيل حياته.

طيب، بعد ذلك: ﴿وَتَرَكْنَا بَعْضَهُمْ يَوْمَئِذٍ يَمُوجُ فِي بَعْضٍ وَنُفِخَ فِي الصُّورِ﴾ [الكهف: 99]. معلش إحنا هنطول عشان نخلص النهارده إن شاء الله، استحملونا بقى، وقف التسجيل كوباية الشاي جنبك، أوعى نفسك، وارجع عشان الآية دي عايزة تركيز، تمام كده؟ صل على النبي صلى الله عليه وسلم، اكتبها كده قدامك: وتركنا بعضهم، وتركنا بعضهم يومئذ يموج في بعض.

أسلوب الخلاف من المفسرين الضمائر لما تتفك، اللي مسكوها بعض مين؟ ويومئذ ده اللي هو أمتى؟ في بعض مين؟ البعض التاني؟ لو إحنا فكينا عرفنا بعضهم اللي هم دول، هم مين؟ وعرفنا اليوم ده أمتى؟ يومئذ، وعرفنا يموج في بعض، البعض التاني مين؟ هنعرف الخلاف اللي في الآية. تعالوا نجيب أول قول.

لو قلنا وتركنا بعضهم بتعود على القصة اللي قبلها، اللي هم يأجوج ومأجوج. وتركنا بعضهم، يعني رفض القول ده، بس خلينا نمشي مع القول ده، ده قول مشهور واختاره كثير من المفسرين: ابن كثير والبقاعي وغيره. وتركنا بعضهم، يعني يومئذ، معلش ركز معي تاني، أنا بحب يبقى بعضهم يا أما يأجوج ومأجوج يا أما كل البشر، لأن يأجوج ومأجوج يا أما كل البشر. لو قلنا يأجوج ومأجوج خدنا القول ده هنطلع سهمين، يومئذ هل يوم بناء السد ولا يوم هدم السد؟

مش هو ذو القرنين كان فرحان بلحظة البناء قال: هذا رحمة من ربي، وفي نفس الوقت قال لنا إن هيجي يوم ويتهد: جعله دكا. طيب يومئذ، هل يوم البناء تركناهم يومئذ يموجون فيه؟ ولا تركناهم يوم الهدم يموجون في بعض؟ ها، يبقى وتركنا بعضهم، أي تركنا بعض يأجوج ومأجوج يومئذ خلينا ناخد يوم هدم السد، آخر حاجة أتقالت: جعله دكا، أي وتركنا يأجوج ومأجوج يوم هدم السد يموجون في بعض، الناس يفسدون في الأرض حتى يأتي وعد الله، خلاص يختلطون بالناس بالفساد، فيوز عيد، لأ، ما هو لسه باني السد ما لحقش يتهد.

وتركنا بعضهم، أي بعض يأجوج ومأجوج يومئذ أي يوم اكتمال السد يموجون في بعض، يختلطون مع بعضهم، خلاص هم يتناسلون وقاعدين مع بعضهم، ويفسدون مع بعضهم البعض مختلطين مضطربين منتظرين لحظة فتح السد. وقيل: لا الموضوع ما لوش علاقة، له علاقة بيوم القيامة خالص وجمع الناس، وتركنا الخلق كلهم يومئذ أي يوم القيامة يموج بعضهم في بعض، وده اختيار الطبري واستحسن القرطبي.

خلاص، وتركنا بعضهم يومئذ يموجوا في بعض، لأن إحنا زي ما قلنا يا جماعة إن في مشاكل حلها كانت المواجهة. إن في أثر بيروي عن النبي صلى الله عليه وسلم، أظنه في مسند أحمد، أنه لما جيء للنبي صلى الله عليه وسلم وقال: لا جهاد، إحنا برضو أنتم ممكن تستغربوا اللي عمله ذو القرنين ده اللي إحنا ممكن نسميه في تعبير القرآن حتى يسخن في الأرض، اللي هو مش مجرد جهاد وخلاص، لأ، الإذخان في الأرض، حتى تضع الحرب أوزارها.

متى تضع الحرب أوزارها؟ قيل بخروج يأجوج ومأجوج، يعني أنت بتقاتل الدجال لغاية يأجوج ومأجوج ما عادش فيك قتال، خلاص انتهى القيل. يعني في زي ما قلت لكم اللي يصحح بقى الحديث ده، لما جاء للنبي صلى الله عليه وسلم وقيل: الجهاد؟ قال: كذبوا، الآن الجهاد. وفي رواية: لا تضع الحرب أوزارها حتى يخرج يأجوج. خلاص، هنا بتحرز العباد إلى الطور فعيسى عليه السلام، ولا قتاله كان آخر لحظة قتال فقد في الدجال.

وتركنا بعضهم يومئذ، عرفنا الثلاث أقوال على حسب مين بعضهم، وأمتى يومئذ، ومين يموجوا في بعض. ونفخ في الصور، هذا الخلق العظيم، الملك العظيم ينفخ في الصور، حنى جبهته ينتظر الأذن من الله سبحانه وتعالى. قالوا: يا رسول الله، ماذا نقول؟ قال: قولوا حسبي الله ونعم الوكيل. وجمعناهم جمعا، وعرضنا جهنم يومئذ للكافرين عرضا، اللي كانوا بينكروها بقى.

خذوا بالكو خلاص إحنا إيه؟ الختام بقى، السورة مليانة فتن، مليانة شهوات، مليانة إعراض عن آيات الله سبحانه وتعالى، مليانة أقدار عجيبة. عرضنا جهنم هنا بقى بتيجي السورة تبقى واضحة في الآخر، العرض الواضح، جهنم يعود للكافرين عرضا. أول لما يشوفها: إيه دي؟ هذه النار لها سبعون ألف زمام، مع كل زمام سبعون ألف ملك، يلقى فيها الحجر يبلغ القاع يستمر لأكثر من سبعين سنة. كيف كنت غافلا عنها إزاي؟ هذا المخلوق العظيم، لها زفير، أخوك العظيم المرعب الصراط، كيف كنت غافلا عن هذا؟

يخبرنا الله سبحانه وتعالى بسبب الفتن والشهوات والشبهات التي طلعت غطاء تراكم شهوات وشبهات بيعمل غطاء، يخلي الإنسان لا يرى الآيات. سورة الكهف مليانة آيات كفاية، قصة أصحاب الكهف: ﴿أَمْ حَسِبْتَ أَنَّ أَصْحَابَ الْكَهْفِ وَالرَّقِيمِ كَانُوا مِنْ آيَاتِنَا عَجَبًا﴾ [الكهف: 9]. آيات ربنا عجيبة جدا، المشكلة، وقلت ده في الأول، ليست في قلة الآيات، المشكلة في الغطاء: ﴿لَقَدْ كُنتَ فِي غَفْلَةٍ مِّنْ هَذَا﴾ [ق: 22]. سورة ق: ﴿فَكَشَفْنَا عَنكَ غِطَاءَكَ فَبَصَرُكَ الْيَوْمَ حَدِيدٌ﴾ [ق: 22].

هذا الغطاء الذي كشف في سورة ق كان على أعينهم في الدنيا. في سورة الكهف الذين كانت، لا، أنا آسف، ما كانش على عيني. شف التعبير، شف الفارق من اللي أنا قلته، وشف تعبير القرآن. ربنا ما قالش الذين كانت على أعينهم غطاء، لا، لا، هل كانت عينهم فيه غطاء؟ إيه الفرق بين كان على عينه غطاء وبين كانت عينه في غطاء؟ الفيل هنا حرف إحاطة، يعني مش بس كان مجرد فيه غطاء على العين، لأ، الغطاء أحاط بعيني، أصبح وعاء لعينه، كانت عينه في غطاء.

الغطاء ده بقى شهوات، الغطاء ده والعياذ بالله شبهات، زنا، أيا كان، كل ما يصرف الإنسان عن ذكر الله تعالى هو من هذا الغطاء. المشكلة أن الناس تسيب الغطاء يستحكم على العين، حتى لا يستطيع أن ينزعه.

الطبري له كلام جميل، ارجعوا له لشرح الآية دي يعني إيه، يعني إيه ربنا بيقول، لأ يعني الأول كان دايماً في لقاء عن إيه؟ عند حرب اسمه حرف التجاوز. ما كانش عارف يسمع ذكر، كانت عين في غضب عن ذكري، ذكري أي تذكيري بالآيات الكونية والآيات القرآنية. آيات القرآن وآيات الكون كان لا يراها. أنت متخيل واحد الملحد كم من الآيات اللي بينكرها في الكون؟ كان كل يوم هو في شأن. كم من آيات اللحظية المتكررة يومياً إلى يوم القيامة وهو بينكرها! أنت متخيل يعني يومياً خلاياه بتتجدد، يومياً كرات الدم الحمراء كرات الدم البيضاء وبتسير في جسده، والجلد والكلى والقلب، والشمس والقمر والنبات، كم آية كان الدائم في غطاء، مش مش شايف كل ده، يقول لك فين ربنا؟ لا يرى كل هذه الآيات، تعالى الله عما يشركون، كان اليوم في غطاء عن ذكري وكانوا لا يستطيعون سمعاً.

قيل لاشتغالهم أو الانشغال بالكفر، مشغول، عارف أنا كنت قلت لكم في أول السورة تقريباً، تدخل تدخل على العيال وقاعدين بيلعبوا ويتفرجوا على التليفزيون، قاعد وأنت بتنادي عليه وهو مش سامعك، هو كانوا لا يستطيعون سمعاً معناها إنه لا يسمع؟ لأ، هو بيسمع، إزاي بقى اختلفوا؟ هل لا يستطيعون سمعاً لأنشغالهم؟ ولا للختم الذي وقع على سمعهم وقلوبهم؟ يعني كانوا لا يستطيعون، هل اشتغالهم بالكفر ده اختيار الطبري؟ أم للختم؟ وده اللي اختاره الشنقيطي لما فصل، كان مال القول ده في الآخر موضوع البيان، لكن أنا ممكن نقول: ولماذا ختم؟ وأيضاً كان للختم بسبب انشغالهم بكفر، قول ما أداهم واحد، أنا مش شايف إن هنا ممكن يكون فيه خلاف، القولان أداهما واحد وكانوا لا يستطيعون سمعاً.

أفحسب الذين كفروا أن يتخذوا عبادي من دوني أولياء؟ سايبين ربنا زي ما ربنا ذكر مع الشيطان في التعقيب مع قصة صاحب الجنتين: أفحسب الذين كفروا أن يتخذوا عبادي من دوني أولياء، ويقين في محذوف، أي: أفحسب الذين كفروا أن يتخذوا عبادي من دوني أولياء ثم لا أعاقبهم؟ كلا إني أعتدت لهم جهنم. لأن كده سياق الآية: أفحسب الذين كفروا أن هو يشرك ويتخذ عبادي من دوني أولياء ثم أتركهم ولا أعاقبهم؟ أو ثم أتركهم لو معطوف على أن يتخذوا يعاقبهم؟ كلا أفحسب الذين كفروا أن يتخذوا عبادي من دوني أولياء، وقيل ثم ينفعوهم، هو معتقد إنه يتخذ أولياء، الأولياء دول ينفعوه؟ كلا أنا أعتدنا جهنم للكافرين نزلاً. نزلاً قيل اللي هو اللي بيعد للضيف، وقيل مكان، ده فيه نوع من السخرية والاستهزاء، يعني يعني حسرة الواحد يدي عمره لغير ربنا ثم يفاجأ يوم القيامة بجهنم المعروضة أمامه، وعشان كده بعد الحسرة دي ربنا بيقول لنا: ﴿قُلْ هَل نُنَبِّئُكُمْ بِالْأَخْسَرِينَ أَعْمَالًا﴾ [الكهف: 103]. خدوا بالكم الآيات في الآخر مليانة أعمال، يعني إيه؟ أخسرين أعمالاً، سعيهم، ضل سعيهم، يحسنون صنعاً، شايفين الكلمات؟ الناس دي كانت شغالة، يعني الناس دي ما كانتش قاعدة ما بتعملش حاجة، الناس دي كانت تتعب في الدنيا، كل الناس ياخدوا، كل الناس بتتحرك، لكن المشكلة لمين؟

يعني جهد ذي القرنين في ناس عملته في الباطل، جهد موسى عليه السلام في طلب العلم في ناس عملته في طلب الباطل، ﴿يَحْسَبُونَ أَنَّهُمْ يُحْسِنُونَ صُنْعًا﴾ [الكهف: 104]. قل هل ننبئكم بالأخسرين، مش عملاً؟ أعمالاً، كانوا بيعملوا، يحسنون صنعاً، كانت بتصنع، كان بيعمل، كان يسعى، ضل سعيهم. لذلك لما كنا اتكلمنا زمان في سورة محمد قلنا سورة مليانة كلمة أعمال للفريقين، دول بيعملوا ودول بيعملوا، قل هل ننبئكم بالأخسرين أعمالاً، طب يعني ناس إيه اللي يخلي الناس تعمل وتخش النار؟

الذين ضل سعيهم في الحياة الدنيا وهم يحسبون أنهم يحسنون صنعاً. ليه؟ ليه ممكن واحد والعياذ بالله يستمر في الوهم؟ خدوا بالكم يا جماعة دي أنا بس عشان الوقت أنا طولت عليكم، في ناس آه بتستغرب حاجة زي كده، إزاي؟ يقول لك إيه هو إزاي ربنا يسيبه؟ لا، الله سبحانه وتعالى: ﴿وَمَا كَانَ اللَّهُ لِيُضِلَّ قَوْمًا بَعْدَ إِذْ هَدَاهُمْ حَتَّى يُبَيِّنَ لَهُمْ مَا يَتَّقُونَ﴾ [التوبة: 115]. ربنا بيبيِّن له ويوضح له، ومَرّة واثنين وثلاثة وهو يصر، هنا بقى فيه سنة أخرى، سنة: نوله ما تولى، سنة: نيسره للعِسرى، خلاص أنت أنت طريق النار هيتسفلت لك، طالما أنت اخترت يعني إيه أعرض مرة واثنين وثلاثة خلاص يزين له الباطل فيصير فيه ويظن أنه يحسن صنعاً. زي الآثار المروية العجيبة، إن أبو جهل قبل غزوة بدر يقول: اللهم من كان أقطعنا للرحم فأحنه الغداة واقتلوه. يعني سبحان الله أنت أنت إيه؟ أنت مصدق نفسك؟ يعني أنا بستغرب أنا بأقرأ الآثار دي، هل أبو جهل بيمثل عشان يكسب قوة؟ يعني ده كان ماسك الشؤون المعنوية مثلاً فعايز يديهم قوة دفعة عشان يجاهدوا مثلاً! يعني أنا مش فاهم هو أجوَد! ولا كان مصدق نفسه فعلا؟ في ناس تظن أن هذه الدرجة، وهم يحسبون أنهم يحسنون صنعاً. دول مين؟

دول اللي غفلوا عن حاجتين، واحد يقول لك أنا خايف أَبقى زي كده، أقول لك كويس، دول اللي غفلوا عن حاجتين، والحاجتين دول اللي مذكورين في آخر السورة، إيه هما الحاجتين دول؟ آيات الله ولقاء الله. في آخر السورة: ﴿آيَاتِ اللَّهِ﴾، ﴿قُلْ لَوْ كَانَ الْبَحْرُ مِدَادًا﴾ [الكهف: 109]، ﴿مَنْ كَانَ يَرْجُو لِقَاءَ رَبِّهِ﴾ [الكهف: 110] لقاء الله. آخر آيتين في السورة عن آيات الله التي لا تنفد، فانت ما تقوليش أنا أصل أنا مش لاقي حاجة، آيات الله لا تنفد، الكونية والقرآنية لا تنفد، معاني آيات القرآن فانت لا تنفد، والتاني: ﴿مَنْ كَانَ يَرْجُو لِقَاءَ رَبِّهِ فَلْيَعْمَلْ﴾ [الكهف: 110] هذا ختام السورة، الآيات واللقاء. هنا: الذين كفروا بآيات ربهم ولقائه، خد بالك الغفلة عن آيات الله وعن لقاء الله تخلي الإنسان يسير في الوهم، يظن أنه يحسن صنعاً. أولئك الذين كفروا بآيات ربهم ولقائه حبطت أعمال، شف يعني شف أول مرة أخد بُرْج هنا وكلمة أعمال كتير، احنا أعمالاً هنا وسعي وأعمال تاني وصنع، والحبوط إن آه برضه ارجعوا له بقى في كتب اللغة، الحاجة اللي بتنتفخ ويظن فيها الخير، وقاعدة بتكبر وتتزين وفي الآخر تسقط، حبطت أعمالهم فلا نقيم ياه، فلا نقيم لهم يوم القيامة وزناً، لذلك العلماء اختلفوا هل معناها إنه من حقارته لا يوزن، أم سيكون خفيفاً؟

في خلاف هنا آه، في وزن أعمال الكفار، هل أعمال الكفار أصلاً بتوزن ولا هي لا تستحق؟ أنت زي ما ذكر الخلاف ابن حجر: سنقيم يوم القيامة وزناً. ذلك جزاؤهم جهنم بما كفروا. خدوا بالكم مش بس كفروا، واتخذوا آياتي ورسلي هزواً، اتخذ، يعني مش بس استهزأ! ده بقت صنعة! ده بقت شغلانة! يعني فيه واحد شغلانته كده وبيكسب فلوس من كده، اتخذوا آياتي ورسلي هزواً، يعني في الآخر خلاصاحنا يعني بنختم بقى السورة، الواحد بصراحة صعبان عليه إن هو يسيب السورة الجميلة دي، إن الذين آمنوا وعملوا الصالحات، في أعمال للباطل يبقى لازم يكون في أعمال الحق، إيه أعمال الحق؟ التي ذكرت السورة في غيرها، أنت ممكن تكون من أصحاب الكهف، ممكن تكون المؤمن الفقير اللي راح يدعو صاحب الجنتين، ممكن اللي بيطلب العلم زي سيدنا موسى، ممكن تكون تلقى، ممكن تكون من جند من جنود ذي القرنين.

أنا قريت مقالة جميلة أوي اسمها: المسلم العادي أو المحارب العادي، الموضوع ده كان شاغلني، كنت عامل درس في اللي هو عادي ولا خارق، يكون عبداً. عجبني جداً الالتفاتة بتاعته، بيقول: المسلم العادي كان زمان هو الذي يكون في المعركة ولا يذكر اسمه، والذي كان يمشي بالصدقات ولا يعرف، مقالة قديمة كده بس عجبتني جداً فكرتها، إن العادي معناه إن ممكن هو يعمل لكن مش لازم يشهَر. بيقول: احنا لما بنقول غزوة اليرموك القادسية، احنا ممكن نستذكر خالد بن الوليد عمرو بن العاص، وأين اسماء الجنود؟ يعلمهم الله سبحانه وتعالى، هو ده اللي احنا ممكن نسميه العادي.

إن الذين آمنوا وعملوا الصالحات كانت لهم جنات الفردوس نزلاً، الفردوس لم تذكر في القرآن إلا في الكهف وفي المؤمنون. سورة الكهف أصلاً يا جماعة لو واحد هيقرأها مرة واحدة في جلسة واحدة ويعيش أحداثها فعلاً ممكن ينهج، يعني لا يلتقط الأنفاس، يعني ممكن الفترة الوحيدة اللي هيريحها فترة أصحاب الكهف لما نام واتخطفت كده، كان كمان وهم نايمين الشمس بتتحرك ومش عارف إيه، يعني أنت قاعد وتروح مع اصحاب الكهف وتدعي، وبعد كده يقوم، وبعد كده تمشي مع صاحب الجنتين وتتكلم وتدعوه، وبعدين تيجي مش عارف الصاعقة، وبعد كده تروح سيدنا موسى، يا دوبك لسة بتوصل، يوم سيدنا موسى منطلق مع يوشع بن نون ويوصل، ويا دوبك لسة بيوصل للخضر يقوم سايبه وينطلق معه ويروح، وبعد كده لسة بتخلص الرحلة بتاعة الخضر، هتقعد تعال، رايح فين؟ رايح مغرب الشمس، وبعد كده رايح فين؟ رايح مطلع على الشمس، السورة كلها حركة. هكذا المؤمن، المؤمن يا جماعة الأفكار عنده مش لمجرد المتعة الفكرية، لأ الأفكار محركات، الأفكار كمحركات يعني مبادئ عنده اللي بيعتنقها بتحركه، أو من كان ميتاً فأحييناه وجعلنا له نوراً، أول ما يوفق هذا النور يمشي به في الناس على طول، يقعد ليه؟: ﴿يَا أَيُّهَا الْمُزَّمِّلُ﴾ [المزمل: 1]، ﴿يَا أَيُّهَا الْمُدَّثِّرُ﴾ [المدثر: 1]، أنا يعني أنا عايزك كده تقف لوحدك واقرأ آيات المدثر بصوت عالي على نفسك، يعني هو في لوحدك كده وأنت بتصلي قيام الليل واقرأ آيات المدثر بصوت عالي، بس كأنك بتقرأها على نفسك: ﴿يَا أَيُّهَا الْمُدَّثِّرُ * قُمْ فَأَنْذِرْ * وَرَبَّكَ فَكَبِّرْ * وَثِيَابَكَ فَطَهِّرْ * وَالرُّجْزَ فَاهْجُرْ * وَلَا تَمْنُنْ تَسْتَكْثِرُ * وَلِرَبِّكَ فَاصْبِرْ﴾ [المدثر: 1-7].

تخيل دي البدايات، بدايات طلقات، بدايات سريعة، قم اتحرك، فانت متخيل الحركة العزيمة في سورة الكهف. هؤلاء كانت لهم جنات الفردوس نزلاً. خالدين في، هنا الراحة بقى، كلمة لا يبغون عنها حولاً، مش عايز يتحرك من هنا، هو اتحرك في الدنيا كتير ووصل للمكان اللي كان بيسعى إليه، كلمة يبغون عنها حولاً كلمة فيها أنا بالنسبة لي نوع إيه تقابل كده مع حركة السورة السريعة، وفيه استقرار في آخر السورة، مش عايز يقوم هنا بقى.

بعد كده آخر الآيتين دول الختام كده خلصت السورة خلاص، آخر ختام بقى، يعني مية وتمنية القصة بالتعقيبات بالجزاءات خلاص التوجيه النهائي، أوعى تفتكر سورة الكهف كلها غريبة، يعني قصة أصحاب الكهف ما ذكرتش غير في السورة وآيات عجيبة، صاحب الجنتين ممكن إشارة بس تقل في سورة، موسى والخضر من أعجب ما ذكر، وسورة قصة سيدنا موسى مليانة في القرآن ما عدا قصة الخضر لم تذكر إلا في الكهف، ذو القرنين لم يذكر لأن كانت أسئلة غريبة بتدعو للتساؤلات وكانوا بيروحوا يستشكلوا ويسألوا النبي صلى الله عليه وسلم، أوعى تظن أن ده من آيات الله عجباً: ﴿قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا﴾ [الكهف: 109]. عرفت كلمة حلوة أوي للشيخ النابلسي بيقول إيه؟ بيقول هو لو احنا واحد عايز يكتب هيحتاج حبر قد إيه لو أنا عايز اكتب طول عمري؟ بيقول لو أنا عايز اكتب في الشهر كذا كتاب، هحتاج حبر مثلاً دواية حبر أو كذا، بيقول أنت ممكن تفضل طول عمرك ستين سنة تكتب، تحتاج حبر مثلاً قد الغرفة مثلاً، ده لو أنت إيه يعني أنت عارف يعني إيه تحتاج بحر من الحبر زي ما قلنا البحر هنا معناه كل المائل اللي هو تلت ترابع الكرة الأرضية، وتمده البحار، أنت قاعد بتكتب علم معلومات، لو علم الله والآيات المستنبطة من الوحي والآيات المبثوثة في الكون والآيات المستنبطة من القرآن، قاعد بتكتب ما تخلصش، لا نفد البحر وتلفت الأقلام قبل أن تنفد كلمات ربك، علم وما يحيطون بشيء من علمه إلا بما شاء، وسع كرسيه السماوات والأرض، ولا سبحانه وتعالى والعلي العظيم، ولو جئنا بمثله بمثل البحر مدداً.

الختام أنا أتيتكم بهذا ليس من عندي، قل إنما أنا بشر مثلكم، والفارق بيني وبينكم كان في الوحي، كان يسمى صلى الله عليه وسلم بالصادق الأمين، حينما نزل عليه الوحي أصبح رسول الله صلى الله عليه وسلم، أصبح محمد رسول الله صلى الله عليه وسلم، ﴿قُلْ إِنَّمَا أَنَا بَشَرٌ مِثْلُكُمْ يُوحَى إِلَيَّ﴾ [الكهف: 110] هذا الفارق الوحي، فأعرض عن النبي صلى الله عليه وسلم حالياً إيه؟ لما النبي صلى الله عليه وسلم هنا في الختام أراد إنه يذكر حاجة واحدة محورية، إيه هي؟ التوحيد.

أنا يعني للاسف أنا عشان طولت جداً وخلاص بختم، كان نفسي أكلمكم عن مركزية التوحيد في القرآن، يعني لسة كنت بأقرأ كتاب للشيخ المعلمي اليماني: رفع الاشتباه عن معنى العبادة والإله، الكتاب نور لي إن إزاي قضية التوحيد مدسوسة في القرآن احنا غافلين عنها، التوحيد يا جماعة وده خارج الاجتماعي، توحيد قوة محركة، قوة بعثت أمة، احنا حولنا التوحيد لجدالات كلامية، التوحيد لما استقر في قلوب الصحابة عمل حالة من البعث، أمة نشرت التوحيد، يعني التوحيد لما استقر في قلب ذي القرنين جعله يذهب إلى مغرب الشمس ومشرق الشمس عشان ينشر التوحيد. هتيجي تققرأ مقدمة الظلال لشرح سورة نوح، بديعة إزاي يعني بيقول إيه؟ تسعمائة وخمسين سنة عشان إيه؟ عشان التوحيد، ويستحق أكثر من ذلك، ويستحق من أعمارنا أكثر من ذلك: ﴿إِنَّمَا إِلَهُكُمْ إِلَهٌ وَاحِدٌ﴾ [الأنبياء: 108]، قضية محورية ما ينفعش تغيب عننا، قضية التوحيد، فمن كان يرجو لقاء ربه هذا الإله الواحد، من عاش معه تمنى لقاءه، واحد سواء كان يرجو لقاءه، ما هو أنت لما تعيش مع التوحيد نفسك تقابل ربنا، ترجو لقاء الله، اعمل إيه عشان أوجه لقاء الله؟

فليتمنى، فليعمل عملًا، مش أي عمل؛ عملًا صالحًا، زي ما هم لهم أعمال، اعمل عملًا صالحًا ثم لا يعني لا يضيع هذا العمل. لذلك قيل كتير من النفوس قالوا لا يشرك؛ أي الرياء، اوعى تضيع عملك. من جاء بالحسنة، إزاي تعرف تعمل الحسنة وتوصل بها سليمة لربنا؟ يعني أنت رايح بالحسنة ربنا يسترنا يا رب، درس زي ده ربنا يسترنا يضيع، كلمة تضيع رياء، ربنا يحفظنا يا رب.

من كان يرجو اللقاء به فليعمل عملًا صالحًا ولا يشرك، اوعى خليك سلمًا لرجل، اوعى تدخل مؤثرات كتير جواك، كلمة رائعة بيقول: أي حد بيمسك القلم قد يلتفت، عايز يراضي فلان ولا فلان. خلي وجهتك لله سبحانه وتعالى، ﴿فَمَن كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا﴾ [الكهف: 110]. هذه أعظم قوة محركة في الأرض؛ التوحيد وتمني لقاء الله سبحانه وتعالى، دي أعظم قوة مذكرة تذكرك حتى لا تحيد عن وجهتك حتى تصل إلى أعلى، دي أعلى قوة محركة توصل بك إلى الفردوس أعلى مكان يعني عند عرش الرحمن سقفه عرش الرحمن.

اقرؤوا يا جماعة كتير عن الفردوس، وللاسف الوقت انتهى بنا. اقرؤوا كتير عن مكان الفردوس، اقرؤوا كتير عن أحاديث الجنة، اقرؤوا كتير النار عشان نخاف، محتاجين نعيش مع الدار الآخرة. فمن كان يرجو لقاء ربه، محتاجين نستشعر آيات الله ولقاء الله، آيات الله مبسوطة في الكون وفي القرآن، ولقاء الله، الصراط، الحوض، نشرب من إيد النبي صلى الله عليه وسلم، عيشوا هذه المعاني. بفضل الله من الله سبحانه وتعالى علينا بفضله وكرمه وجوده ورحمته، وختم لنا بفضله سورة الكهف بفضل الله سبحانه وتعالى. دعواتكم بالتيسير، ننتقل إلى جنة أخرى وبستان آخر مع سورة أخرى من كتاب الله سبحانه وتعالى. سبحانك اللهم وبحمدك، أشهد أن لا إله إلا أنت، أستغفرك وأتوب إليك، والسلام عليكم ورحمة الله وبركاته.