تفسير سورة سبأ (1) | الآيات (1-8) | د. أحمد عبد المنعم

السلام عليكم ورحمة الله وبركاته. وعليكم السلام. بسم الله والصلاة والسلام على رسول الله صلى الله عليه وسلم. بإذن الله عز وجل نستفتح تفسير سورة سبأ. منّ الله عز وجل علينا بفضله وكرمه ورحمته سبحانه وتعالى. انتهينا من سورة الأنعام بفضل الله عز وجل، وإن شاء الله بإذن الله عز وجل نستفتح في تفسير سورة سبأ. يا ريت اللي معه مصحف يفتحها على سورة سبأ، صفحة أربعمئة وثمانية وعشرين.

يقول الله عز وجل في هذه السورة، طبعا سورة سبأ سورة مكية، يعني بعضهم نقل الإجماع، وإن كان في خلاف في بعض الآيات، لكن اتفق المفسرون على أنها مكية كاملة. يقول الله عز وجل: ﴿الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ وَلَهُ الْحَمْدُ فِي الْآخِرَةِ وَهُوَ الْحَكِيمُ الْخَبِيرُ﴾ [سبأ: 1].

بدأت هذه السورة العظيمة، افتتحت بحمد الله عز وجل وبالثناء على الله عز وجل. وزي ما إحنا عارفين إن في خمس سور في القرآن مفتتحة بالحمد؛ سورة إيه؟ الفاتحة، والأنعام، والكهف، وسبأ، وفاطر. افتتاح السورة بالحمد لله له دلالة، أن السورة تفتتح بالحمد لله عز وجل بالثناء على الله عز وجل له دليل. قبل ما نتكلم من معاني، طبعا دي زي ما بنقول دايما هذه معاني يفتح الله عز وجل بها على من يشاء من عباده بفضله سبحانه وتعالى. وبعض المفسرين بيذكر فيها أشياء قبل ما نذكر من خصائص أو من معاني لها ذكرت، افتتحت هذه السورة بالحمد.

الأول عايزين نعرف حاجتين جو هذه السورة؛ الجو المعين الذي نزلت فيه هذه السورة، ثانيا نعرف الحمد الذي ذكر في بقية السور. كتاب الله عز وجل دايما نكرر المعنى ده، أن الله عز وجل أنزله على واقع حي؛ يعني كان الصحابة في معارك، سواء مع أنفسهم، مع الشيطان، مع المشركين، مع اليهود، مع المنافقين، في بناء مجتمع، في بيوتهم، في أعمالهم، في علاقتهم بالدنيا، في علاقتهم ببعضهم البعض، في علاقتهم بالمشركين. هذه الحياة كانت تحتاج إلى نور من الله عز وجل، وكان الصحابة لا يستطيعون أن يسيروا في هذه الحياة بعيدا عن القرآن.

بل قال الله عز وجل للنبي صلى الله عليه وسلم لما قال الكفار: ﴿وَقَالَ الَّذِينَ كَفَرُوا لَوْلَا نُزِّلَ عَلَيْهِ الْقُرْآنُ جُمْلَةً وَاحِدَةً﴾ [الفرقان: 32]. ليه القرآن ما نزلش مرة واحدة؟ فربنا بيقول: ﴿كَذَلِكَ لِنُثَبِّتَ بِهِ فُؤَادَكَ﴾ [الفرقان: 32]. أي أن فؤاد النبي صلى الله عليه وسلم يحتاج في أوقات الحياة والفتن والمشاكل إلى كتاب الله عز وجل ليثبته، القرآن يثبت فؤاد النبي صلى الله عليه وسلم. فبالتالي الصحابة قطعا يحتاجون إلى القرآن في كل مشكلة. فواقع، يعني دايما أحيانا غصب عننا أو بعض المفسرين غصب عنه، أو ما يبقاش الغرض منه هو شرح معاني القرآن للناس، والغرض منه توضيح مبهمات القرآن، فتجد وأنت بتشرح القرآن أن الآيات بتحول عبارة عن إيه؟ أو الآية بالنسبة لك عبارة عن إيه؟ الآية أنت عندك كلمة ما أنتاش فاهمها، مبحث عقدي، مبحث لغوي، مبحث فقهي. إنما هذه الآيات متتاليات، السورة دي على بعضها لما نزلت، سواء مقطع منها على بعضها، غيرت في أرض الصحابة، غيرت في الواقع، غيرت في نفوسهم، أصبح كان قبل السورة في أزمة، بعد السورة ازداد يقينا، ازداد قوة، عقيدته بقت أقوى، الإيمان زاد. ﴿فَأَمَّا الَّذِينَ آمَنُوا فَزَادَتْهُمْ إِيمَانًا﴾ [التوبة: 124].

يبقى وإذا ما أنزلت سورة كانت بتزود الإيمان، بتزيد الإيمان، فأصبح الصحابي بعد السورة مختلف، عنده نور في المشكلة وبصائر وهدى، ازداد روحا وقوة فأصبح الإيمان أقوى بعد السورة. فده المفروض إن أنت علاقتك بالقرآن تزود هذا الإيمان، تزيد من اليقين في قلبك، من النور وفي رؤيتك في تقييمك للأشياء، ده المفروض يحدث بعد هذه السورة. ما يبقاش السورة بالنسبة لك هي مجرد كلمات، عرفت معاني الكلمات أو بعض المباحث اللي أنت عرفتها، مباحث لغوية وفقهية، اتعرفت عليها في السورة، مش بس كده، لأ، ده مهم انك تستفيد هذه العلوم، لكن القرآن ده علم التفسير، ما أنت بتفسر، التفسير الكشف والتوضيح عما كان فيه غامض عليك في الآيات. لكن القرآن كروح وكحياة، كما سماه الله عز وجل روح ونور وهدى وبينات وبصائر، المفروض تستفيد من هذه الأوصاف في حياتك.

اقرأ سورة سبأ، طبعا الواقع لما نجي نتأمل في كلمات ذكرت، ولما تحب تعرف جو سورة، حاجة من اتنين: يا يبقى فيها سبب نزول واضح، زي مثلا آيات آل عمران في غزوة أحد، واضح إن دي غزوة أحد، فبتجيب دراسة غزوة أحد في السيرة حتى تفهم إيه اللي كان واقع الصحابة وقلوب الصحابة وتفكير الصحابة حتى نزل هذا القرآن، هذا الجزء من القرآن، ليعالج هذه المشاكل. طيب، لو إنا ما عندناش حادثة معينة زي حادثة الإسراء؟ الوسط في المدينة أو القرآن المدني كان مليان أحداث. لما تيجي تقرا السيرة، الجزء المدني في سيرة النبي صلى الله عليه وسلم أحداث غزوة بدر، غزوة أحد، يعني الوفود جايين في فتح مكة، في أحداث في اليهود، مع المنافقين في مشاكل، في نقاشات، في تشريعات، في حادثة في المدينة، كل حادثة معينة ينزل فيها تشريع، فبتشوف التشريع ده كان في سنة كام فبتعرف، لما يجي في السورة المدنية بيبقى في دقة شوية في ده كان أمتى في المدينة، الحادثة بالضبط كانت إيه. القرآن المكي أو مكة كان ما فيش فيها أحداث كتير، هي كلها ضرب، يعني مكة ما فيش فيها، يعني مش مثلا تشريعات وغزوات، لا هي أحداث، يعني لو هنجيب فواصل على خبر تقسيمة الدعوة السرية والدعوة الجهرية، وفي ناس ما اعتبرتوش، أو مثلا هجرة الحبشة، الإسراء والمعراج والهجرة، يعني ما فيش أحداث نعرف نعمل بها فواصل تصل، فبنبقى عايزين نعرف الجو اللي كان سائد.

طيب، نعرف الجو اللي كان سائد إزاي؟ من الكلمات اللي على ألسنة قيلت في السورة، أو على لسان المؤمنين، أو قضايا بتعالجها السورة. لما نسمع في سورة سبأ: ﴿بَلْ مَكْرُ اللَّيْلِ وَنَهَارٍ﴾ [سبأ: 33]، واللي يسمع فصول بقى: ﴿وَقَالَ الْمْتْرَفُوهَا﴾ [السبأ: 34]. لما نسمع في سورة سبأ: ﴿نَحْنُ أَكْثَرُ أَمْوَالًا وَأَوْلَادًا﴾ [سبأ: 35]. لما نسمع في سورة سبأ أن قصة أصلا واسم السورة سبأ، وكان الغنى العظيم اللي كان عندهم. لما نسمع في سورة سبأ: ﴿وَالَّذِينَ سَعَوْا فِي آيَاتِنَا مُعَاجِزِينَ﴾ [سبأ: 5]، بتيجي مرتين في سورة سبأ. إذا هذا الجو من السورة؛ ناس معها فلوس كتير، أكثر أموالا وأولادا، ناس عندها تمكين، ممكنة، مترفين، في مجموعة من المستكبرين ومجموعة مستضعفين. هذا الجو بيستعمله كل هذه الأدوات: ﴿وَقَالُوا لَن نُّؤْمِن بهذا الْقُرْآنِ وَلَا بِالَّذِي بَيْنَ يَدَيْهِ وَلَوْ تَرَى إِذِ الظَّالِمُونَ مَوْقُوفُونَ عِندَ رَبِّهِمْ يَرْجِعُ بَعْضُهُمْ إِلَى بَعْضٍ الْقَوْلَ يَقُولُ الَّذِينَ اسْتُضْعِفُوا لِلَّذِينَ اسْتَكْبَرُوا لَوْلَا أَنتُمْ لَكُنَّا مُؤْمِنِينَ * قَالَ الَّذِينَ اسْتَكْبَرُوا لِلَّذِينَ اسْتُضْعِفُوا أَنَحْنُ صَدَدْنَاكُمْ عَنِ الْهُدَى بَعْدَ إِذْ جَاءَكُم بَلْ كُنتُم مُّجْرِمِينَ * وَقَالَ الَّذِينَ اسْتُضْعِفُوا لِلَّذِينَ اسْتَكْبَرُوا بَلْ مَكْرُ اللَّيْلِ وَنَهَارٍ﴾ [سبأ: 31-33]. يبقى إذا عملوا كل ده في مكر الليل والنهار عشان يصرف الناس عن الدين.

يبقى إذن جو السورة ناس معها فلوس كتير، جو السورة ده مهم ليه؟ مهم أن أنت ممكن تعيش واقع زي ده، أن الأعداء هم اللي ممكنين في المال وفي الأسباب وفي القوة، والداعية معاهوش ده. إيه اللي ممكن يقع في صدر الداعية لما يواجه العدو الأقوى في المال وفي الأسباب؟ ممكن يقع في صدره الإحباط، ممكن يقع في صدره اليأس، ممكن يقع في صدره أنه لا يستمر، أنه يلتفت، ما حدش يكمل في الطريق، ممكن يقع في صدره أنه يغير في المنهج، أنه يداهن. بدون ما تشعر وبدون ما تذكر هذه الخواطر، تجد أن اللي يقرأ سورة سبأ تحل عنده المشاكل دي؛ يعني سورة سبأ تحل مشاكل اللي عند الداعية اللي في الوسط ده، وتواجه المشركين اللي ظانين الظن ده اللي معتقدين أنهم أكثر أموالا وأولادا، وتستخرج المستضعفين من سلطة المستكبرين، تجد هذه السورة بدون ما تشعر تعالج كل الفئات؛ الداعية المؤمن المجاهد اللي في الوسط اللي فيه استضعاف، المستضعف اللي قاعد منبهر بالمستكبرين، المستكبرين تخاطبهم، فتجد أن في خطاب لكل هؤلاء.

فلم تجد بقى السورة دي ليه بدأت بالحمد؟ نجد أن في كل مرة في سورة بتبدأ بالحمد، ده جو السورة، بيجي معها وصف لربنا، هذا الوصف يتناسب مع السورة؛ يعني الفاتحة الحمد لله إيه؟ ﴿رَبِّ الْعَالَمِينَ﴾ [الفاتحة: 2]. الكهف الحمد لله إيه؟ ﴿الَّذِي أَنزَلَ عَلَى عَبْدِهِ الْكِتَابَ وَلَمْ يَجْعَل لَّهُ عِوَجًا﴾ [الكهف: 1]. قيمة لينذر بأسا شديدا. الأنعام إيه؟ ﴿الَّذِي خَلَقَ السَّمَاوَاتِ وَالْأَرْضَ وَجَعَلَ الظُّلُمَاتِ وَالنُّورَ﴾ [الأنعام: 1]. سبأ إيه؟ الحمد لله الذي له، مش خلق، ما هنا إيه؟ ﴿لَهُ مَا فِي السَّمَاوَاتِ وَمَا فِي الْأَرْضِ وَلَهُ الْحَمْدُ فِي الْآخِرَةِ﴾ [سبأ: 1]. فاطر: ﴿الْحَمْدُ لِلَّهِ فَاطِرِ السَّمَاوَاتِ وَالْأَرْضِ جَاعِلِ الْمَلَائِكَةِ رُسُلًا أُولِي أَجْنِحَةٍ﴾ [فاطر: 1].

ممكن ربنا ييسر، وبعد سبأ نكمل في فاطر. بالنسبة للفاتحة، فاتحة ملخص سورة الفاتحة اللي ربنا قال إن ده الإلغاء، هذا بيني وبين عبدي، الطلب اللي على أساسه جيت المقدمات سورة الفاتحة. الفاتحة، وإيه الطلب؟ ﴿اهْدِنَا الصِّرَاطَ الْمُسْتَقِيمَ﴾ [الفاتحة: 6]. فسورة أن البشر يحتاجون إلى هداية، ومن لم يمن الله عز وجل عليهم بالهداية أما كانوا إيه في السورة؟ إما مغضوب عليهم أو ضالين. وأن اللي نجوا من الغضب ومن الضلال مين؟ الذين اجتهدوا؟ الذين أنعمت، يعني اللي نجوا من الغضب والضلال مش اللي اجتهدوا في السورة ومش اللي جاهدوا في السورة، أمّال اللي عملوا إيه؟ اللي ربنا أنعم عليه. ربنا في أول سورة الفاتحة أنت بتقول إيه؟ الحمد لله أن أنا لي رب ينقذني من الضلال، أنت محتاج هنا للربوبية.

في سورة الأنعام، ربنا يقول: في الظلمات وفي نور. أما تيجي تقرا سورة الأنعام وتجد كمية الضلال اللي وقعت في المشركين والسفاهة اللي وقع فيها المشركين؛ الراجل اللي ممكن يقتل ابنه، وتكلمنا ده بالتفصيل في سورة الأنعام. ومن أكثر السور، زي ما قلنا، اللي جت فيها سماع عن القرآن أنه بصائر وأنه بينات وأنه هدى، أكثر السور اللي جابت أوصاف لوضوح وبيان القرآن، فأنت بتقول من الأول: الحمد لله أن ربنا خلى الضلمة واضحة والنور واضح، وجعل الظلمات والنور.

تيجي تقرا سورة الكهف، تشوف ما فيها من فتن عظيمة؛ فتنة السلطان الظالم، وفتنة المال، وفتنة العلم، فتن كثيرة للشيطان، طب كيف ينجو في هذه الفتن؟ فربنا يقول لك: أنا نزلت لك قرآن، فتقول: الحمد لله أن ربنا نزل لي قرآن، ﴿الْحَمْدُ لِلَّهِ الَّذِي أَنزَلَ عَلَى عَبْدِهِ الْكِتَابَ﴾ [الكهف: 1].

لما تيجي بقى في سورة سبأ وتشوف كمية الأسباب والأموال اللي مع أهل الباطل، وكمية التمكين اللي مع أهل الباطل والاستكبار اللي وصلوا له والمستضعفين اللي اتضحك عليهم، القرآن يقول لك في أول السورة دي، سورة سبأ، احمد ربنا أن كل شيء ملك له سبحانه وتعالى، أنهم لا يملكون مثقال ذرة إلا بإذنه، فتبدأ سورة سبأ تطمن نفسك من الأول، تقول إيه؟ الحمد لله الذي له، اللام دي له خلقا وملكا وتصرفا، قالوا له إيه خلقا؟ يعني هو اللي خلقه، وبعد ما خلقها يملكها، وبعد ما بيقولها بيتصرف فيها كيفما يشاء. لما تلاقي أهل الباطل معهم كل الأسباب أموال، برضه تحمد ربنا، ليه؟ لأن دول ما انتزعوهاش من ملك ربنا سبحانه وتعالى حاشاه أبدا.

لا، الحمد لله أن أنا لي رب يهديني، سورة الفاتحة. الحمد لله أن ربنا يوضح الظلمات والنور. الحمد لله أن ربنا نزل القرآن. الحمد لله أنه يملك كل شيء. لا، فاطر بقى مش هنقولها هو أنا لسه بصراحة يعني ما عنديش حاجة واضحة في فاطر، عشان نتكلم عن سورة فاطر هتبقى طويلة شوية، فأنا ما عنديش سطر أقوله كده، فخليها لما تيجي سورة فاطر وادع لنا يا رب، ربنا يفتح علينا.

فتجيء في سورة سبأ فتقول: ﴿الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ﴾ [سبأ: 1]. أن كل شيء يملكه الله عز وجل. فتبدأ دايما الحمد بيجي في الأزمة، بعد الأزمة، يعني ما فيش أكل بتقول إيه؟ الحمد لله. خلصت أكل بتقول الحمد لله. الظالمين بيعذبوا وبتقول الحمد لله، إهلاك الظالمين بعد ما يقول لك الظالمين وقيل: ﴿وَقُلِ الْحَمْدُ لِلَّهِ رَبِّ الْعَالَمِينَ﴾ [الصافات: 182]. دايما الحمد، لذلك النبي صلى الله عليه وسلم إذا تم الحاجة يقول: «الحمد لله الذي بنعمته تتم الصالحات». حصل إيه؟ الحمد لله على كل حال. يبقى الحمد قبل الأزمة أنك موقن أن الله عز وجل هو أهل للحمد حتى في هذه الأزمة. لكن أنا مش فاهم، أنا ممكن أقى مش مستوعب إيه أوجه الثناء على الله في الأزمة؟ ممكن أنا ما يبقاش عندي استيعاب لقصور نظر الإنسان وحبي العاجلة عند الإنسان وهلع الإنسان. ممكن يحصل أزمة مادية في حياتك، لازم تقول الحمد لله، طب إزاي ده أزمة؟ الله عز وجل يعلم أن هذا الخير لك، أنك أنت تبتلى بالأزمة دي، فتقول إيه؟ الحمد لله. الأزمة تعدي، برضه تقول الحمد لله. فهنا قبل.

الحمد لله. وبعد التمكين نقول الحمد لله. تبدأ السورة بالحمد لله، له الثناء الحسن سبحانه وتعالى؛ فهو أهل لأن يُحمد. كلمنا عن الحمد والشكر، وسورة الأنعام في بدايتها الحمد، والحمد هو الثناء عليه لأنه أهلٌ لذلك لا لأن شيئاً قد حدث. أما الشكر، فأنت تشكر شخصاً إذا فعل لك شيئاً؛ فإذا قدم لك عصيرًا تقول له شكراً. الحمد يكون من غير أن يقدم لك أحد شيئاً؛ فأنت تثني عليه لأن من اتصف بهذه الصفات فهو أهل للحمد، ولله المثل الأعلى.

لو أنت حتى لا تحس أو لا تفهم ما الذي حدث أو ما الذي وصل إليك، فهو سبحانه أهل لأن يُحمد. فبنقول الحمد لله، ودائماً تأتي الصفة كما قلنا بما يناسب السورة. الحمد لله الذي؛ كلمنا عن "الذي" من قبل، وهو اسم موصول يُعرفك من الله عز وجل الذي تحمده هنا في هذه السورة؟ الذي يملك كل شيء؛ مهما سيطر أهل الباطل على ثروات الأرض وعلى الأسباب وعلى الأموال، الله عز وجل يملك كل شيء. ﴿وَلَوْ يَشَاءُ اللَّهُ لَانْتَصَرَ مِنْهُمْ﴾.

الحمد لله الذي له ما في السماوات؛ أهل الباطل يسيطرون على ما في الأرض، فتبدأ السورة تجعلك كما يسمونه "تحود"؛ ما معنى السماوات؟ وما هذه الأرض أصلاً؟ أهي إلا ذرة في الكون؟ ما هي في وسط الكون إلا أشبه بصواريخ العيد، ولن تفعل شيئاً في وسط الأفلاك والأجرام السماوية والنيازك، والشمس أصلاً والمجموعة الشمسية لا تساوي أي شيء بالنسبة للكون.

فبتبدأ من الأول، وهذا من أهم مزايا القرآن؛ أن من يعيش في الواقع يتأثر بالواقع؛ فالقرآن يقول لك: أنت ماذا الذي يُعيشك في هذا القمقم؟ اطلع فوق. القرآن يجعلك تنظر إلى العالم من فوق. أنت ماذا الذي يُعيشك؟ هذا فيه دار آخرة، وفيه عالم من الغيب، وفيه ملائكة، وفيه روح تصعد إلى السماء. وكما تكلمنا في سلسلة الحق والباطل، أن من يختار أنه لا يؤمن إلا بما يرى فقط، لا نؤمن حتى نرى، هذا يعيش في قمقم صغير؛ لقد نزل بمستوى إنسانيته إلى مستوى الأنعام التي لا تؤمن إلا بالذي تراه.

فأنت يجب أن تصعد؛ الله عز وجل يملك ما في السماوات، وبدأ بـ ﴿مَا فِي السَّمَاوَاتِ﴾، وما هذه للتعظيم والتحقير والإبهام؛ لا يعلم ما في السماوات إلا الله، ولا يعلم ما في الأرض إلا الله. هذا في الدنيا؛ يعني أثناء الابتلاءات التي تحدث، وأثناء جو الاستضعاف، وأثناء ما هم شغالون في مكر الليل والنهار، وأثناء ما هم أكثر أموالاً وأولاداً، وأثناء ما هم مترفون، أنت تقول الحمد لله. لماذا؟ لأنه الله عز وجل يملك ما في السماوات والأرض.

﴿وَلَهُ الْحَمْدُ فِي الْآخِرَةِ﴾. لم يقل والحمد لله في الآخرة، بل قال ﴿وَلَهُ الْحَمْدُ فِي الْآخِرَةِ﴾؛ وله الحمد أي له الحمد هنا واحدة، استثناء الاختصاص، ستقول طب ما ربنا هو الذي يختص حمدي في الدنيا؟ في الدنيا بالضبط مثل الملك، ﴿مَالِكِ يَوْمِ الدِّينِ﴾؛ طب ما ربنا مالك كل الأيام، لكن يوم الدين يظهر الملك جلياً أنه لله؛ لا ينازع، يعني لا أحد يأتي يوم القيامة يقول هذه الحتة لي، أنا الذي أحكم، أنا الذي أقول؛ لا يوجد، كله ساكت، لا تسمع أي حس ولا أي همس ولا أي شيء، كله ساكت.

فكذلك في الآخرة، لما تتضح الحقائق في الدنيا هناك أشياء نحن لا نفهمها؛ لماذا ربنا تارك هؤلاء الكفار معهم أموال أكثر؟ لماذا هم موكلون أكثر؟ لماذا؟ أنت لا تفهم لماذا فلان المؤمن قد يُبتلى في الدنيا، لماذا فلان يتعاقب؟ أنت لا تفهم، كما قال تعالى: ﴿ذَلِكَ تَأْوِيلُ مَا لَمْ تَسْطِعْ عَلَيْهِ صَبْرًا﴾. هناك أشياء كثيرة تحدث أنت محتاج أن تُشرح لك، كل هذا سيحدث في الآخرة، جزء منه سيحدث في الدنيا، لكن الحقيقة الواضحة الكاملة والجزاء الواضح الكامل، ماذا تفعل حضرتك في الدنيا؟ فالكل يحمد الله عز وجل في الآخرة.

بل قيل في الأثر: يدخل أهل النار النار وتلهج ألسنتهم بالحمد، مش بالشكر؛ تلهج ألسنتهم بالحمد، عرفوا قدر الله عز وجل. يدخلون النار لأنه لا ينكر، ﴿يَوْمَ يَدْعُوكُمْ فَتَسْتَجِيبُونَ بِحَمْدِهِ﴾ [الإسراء: 52]؛ قيل من معانيها أن أهل الأرض كلهم مؤمنهم وكافرهم يقولون يوم يطلبون من البعث الحمد لله، لماذا؟ رأوا العظمة. نحن قلنا الحمد ليس جزاء شيء؛ أنت أخذت شيئاً حلواً أو وحشاً وتقول الحمد لله، الحمد لله هذه لأنني رأيت عظمة الذي يُثنى عليه، فتقول الله عز وجل أهل هذا الرب، أهل لأن يُحمد.

فلما يرون عظمة الله، يعرفون أنهم غلطانون، وأنهم أنكروا صفات الله عز وجل، يعرف قدر ما هو غلطان، وأنه كان يستاهل؛ كما قال النبي صلى الله عليه وسلم: «ولا يهلك على الله إلا هالك». يستاهل؛ الحسنة بعشرة وتضاعف سبعمائة ضعف، والسيئة بواحدة، ولو هم بسيئة وما عملها يأخذ حسنة، ولو السيئة تُكتب واحدة، وفي الآخر يدخل النار، فالنبي صلى الله عليه وسلم بعد الحديث هذا يقول: «ولا يهلك على الله إلا هالك»، هو الذي يستاهل.

فله الحمد في الآخرة، كل شيء سيظهر على حقيقته؛ تقول ياه! معقول فلان الذي عاقبه كان رفعة له؟ معقول ربنا ساب هؤلاء؟ ﴿إِنَّمَا نُمْلِي لَهُمْ لِيَزْدَادُوا إِثْمًا﴾، معقول كان ربنا يريد أن يصل للدرك الأسفل؟ في واحد والعياذ بالله مصمم يصل للدرك الأسفل من النار؛ نفاق وراء نفاق، كذب، افتراء على الله عز وجل، مصمم، وكان المسلمون يتأذون منه، هو مصمم يصل للدرك الأسفل والعياذ بالله. وفي ناس ربنا سابها عشان تتوب، كل هذا يظهر يوم القيامة، فالكل يحمد الله عز وجل. وبداية النبي صلى الله عليه وسلم يفتح الله عز وجل عليه لما يسجد تحت العرش، بمحامد، يحمد الله عز وجل في الآخرة عشان يبدأ الحساب.

﴿وَهُوَ الْحَكِيمُ الْخَبِيرُ﴾ هذه نقطة مهمة في السورة؛ كل الأفعال التي تحدث، حتى لو أنت لا تفقه ما هي الحكمة منها، فلابد أن توقن أن الله حكيم. يعني دائماً لو أحد يملك أشياء كثيرة ممكن من البشر يتصرف بسفاهة؛ معه فلوس كثيرة فتلاقيه عمال يصرف فلوس في أي شيء، عنده موظفون تلاقيه مش عارف يعطي الفلوس لمن، فبيدي، ما عندوش حسن توزيع المال الذي عنده، ما فيش حكمة. والحكمة، لكي يبقى الإنسان حكيماً لازم يكون عنده علم؛ يعني أنا عشان الحكمة وضع الشيء في موضعه، فانت عشان يبقى عندك حكمة لازم تعرف ما هو الشيء وما موضعه.

الخبرة حاجة أعلى من العلم؛ يعني مثلاً واحد تعلم وأصبح عنده علم بالطب وتخرج، فيأتي ليفتح عيادة أو يطلب التعيين في مستشفى فيقولون له لا، نحن نحتاج حاجة اسمها شهادة خبرة، كما يقول سيدنا موسى للنبي صلى الله عليه وسلم. سيدنا النبي صلى الله عليه وسلم هو الأفضل، فسيدنا موسى يقول له: إني عالجت بني إسرائيل قبلك، أنا عندي خبرة في التعامل مع هؤلاء الناس؛ خمسين صلاة لن تنفع، هؤلاء الناس بالعافية، أنا تركتهم ورجعت وجدتهم يعبدون عجلاً، ارجع إلى ربك، قل له لن تنفع، هؤلاء الناس لن ينفع معهم خمسة، البشر أنا تعاملت مع البشر، لن ينفع معهم، لو هم سيبقون مثل بني إسرائيل، ليس لدرجة أن خمس صلوات؛ قال له ارجع، قال له برضه لن ينفعهم خمسة، فالنبي صلى الله عليه وسلم قال له: «إني استحييت من ربي».

يعني تخيل النبي صلى الله عليه وسلم لما ربنا قال له خمسين صلاة، فالنبي صلى الله عليه وسلم كان يرى عادي، خمسين صلاة ما المشكلة؟ أما الناس تصلي خمسين صلاة في اليوم أو ما شابه؟ يعني حد سيكره الصلاة؟ فنازل وهو يظن أنه عادي يقول للناس خلاص خمسين صلاة، ده الناس، أنا تعاملت مع الناس، خمس صلوات، يعني تكلم واحداً تلاقيه يفاصل، لما تكلم واحداً في الصلاة تلاقيه عمال يفاصلك في الصلاة؛ طب اثنان، طب ثلاثة، طب المسجد، طب ما ينفعش، تلاقيك بتفاصل معه في الصلاة، فالخبرة بتفرق.

فربنا يقول وهو الحكيم؛ البشر لكي يحتاجوا خبرة لازم يجربوا، الله عز وجل لا يحتاج إلى ذلك، هو الخبير؛ فقال له الخبير أوائل الأمور وعواقبها، يبقى الله عز وجل يعلم عاقبة، الله لا يحتاج هو يعلم الحاجة التي لم تحدث، ما لم يكن لو كان كيف يكون؟ لو حاجة ستحدث وهي لم تحدث، ربنا يعلم هذه لو عُمِلت ما الذي سيحدث. هو الحكيم الخبير، فالذي يدبر ما يحدث بين المسلمين والمشركين هو الحكيم الخبير، الذي يملك كل شيء، ﴿لَهُ مَا فِي السَّمَاوَاتِ وَالْأَرْضِ﴾. اطمئن؛ الذي يدبر ما يحدث الآن بين المشركين والمسلمين على كل أنحاء الأرض هو الذي يملك كل شيء، هو الحكيم والخبير، فاطمئن سبحانه وتعالى. فالبداية تسكب الطمأنينة من الأول، هكذا أنت مطمئن.

أنت داخل معركة الحق مع الباطل، أنت مطمئن؛ خلاص، الله يملك كل شيء، الله عز وجل هو الحكيم، الله عز وجل هو الخبير، مش بس كده، آفاق وعوالم تُفتح على قلب المسلم، لا يفقه ذلك إلا المسلم. فربنا يقول ماذا؟ ﴿يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنْزِلُ مِنَ السَّمَاءِ وَمَا يَعْرُجُ فِيهَا﴾. العالم يضج بالحركة؛ يعني يا جماعة، المسلم لما يسمع آية مثل هذه، كما قال سيد قطب، ما فيش عقل بشري لما يحب يتكلم عن علم حد، كما قال أيضاً وعنده مفاتيح، قال نفس المعنى هنا، يتصور أنه يقول الجملة هذه. الجملة هذه من عند ربنا، ما فيش أحد يعرف يقول الجملة هذه.

يعني ما فيش أحد قبل الجملة هذه كان يتصور أن فيه حاجات لا توصف ولا تُعد، يعلم ماذا؟ ما نحن قلنا هذا أبهم حرف في اللغة؛ ما يلج في الأرض وما يخرج منها وما ينزل من السماء وما يعرج فيها. الكون يضج بالحركة، كمية حاجات بتنزل من السماء أنت لا تعلمها، مادية ومعنوية، كمية حاجات بتدخل وتخرج من الأرض وتنزل وتعرج في السماء أنت لا تعلمها. تخيل لو كُلف البشر بإحصاء ذلك، كل ذرة وكل قطرة مطر وشحنة كهربائية أو دعاء أو عقوبة وعذاب وفضل ونعمة وخير ورزق ينزل من السماء، أو عبادة أو دعاء أو تسبيحة أو تحميدة أو عمل سيئة أو نظرة أو سوء ظن أو أي شيء، تخيل كل هذا يصعد إلى السماء، كل هذا ينزل من الأرض، سواء الماديات أو المعنويات، إيه ده!

يعني تخيل كده لما تقفل عينك وتتخيل كمية الحاجات التي نازلة المادية من السماء والمعنوية، والحاجات التي طالعة، والحاجات التي داخلة في الأرض، إيه، الله عز وجل يعلم كل ذلك، بل ما يعزب عنه، كما سيأتينا، ما يعزب عنه مثقال ذرة. ما يعزب، ما يغيب، ما فيش حاجة لحظة تغيب عنه، هذا العلم المطلق، فقدان، إيه العلم المطلق هذا؟ القرآن يخاطب نفساً بشرية، أنت محتاج الكلام هذا، يعني أنت لست محتاجاً، آه، فيه حق وباطل، اذهب بقى اقلب الباطل، حاضر، أنا ذاهب أحارب الباطل، لا، أنت محتاج تهيئة.

نفسك البشرية ضعيفة؛ لذلك لما ربنا قال لسيدنا موسى اذهب إلى فرعون، قال له ده فرعون طاغية، ما قال له طيب حاضر، تلبية أنا سأذهب، قال له ماذا؟ أنا محتاج، قال له ربي ﴿اشْرَحْ لِي صَدْرِي * وَيَسِّرْ لِي أَمْرِي * وَاحْلُلْ عُقْدَةً مِّن لِّسَانِي﴾. لما قال له اذهبا إلى فرعون فقولا له قولاً لينا، قال له ربنا إنا نخاف أن يفرط علينا، كان محتاج من يسمع من ربنا، هو كان محتاج يسمع ﴿لَا تَخَافَا ۖ إِنَّنِي مَعَكُمَا أَسْمَعُ﴾. هو مش عارف أن ربنا يسمع ويرى؟ بس كان محتاج يسمعها، محتاج ربنا يقول له أنا معك، لن يقترب لك، أنا أسمع كل حاجة وأرى كل شيء، ناصيته بيدي، هو كان محتاج يسمعها ويرى.

فأنت محتاج الكلام هذا في المعركة، أنت محتاج هذا في خط حياتك، محتاجه، محتاج تتلوه مرة بعد مرة، تخلص سبأ وفاطر ويس وتخلص الحواميم وترجع للبقرة، أنت محتاج إيه ده؟ وإلا ستضل، نحن قلنا الثبات بالقرآن مش بالعضلات. ﴿يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنْزِلُ مِنَ السَّمَاءِ وَمَا يَعْرُجُ فِيهَا﴾؛ تقول عالم انفتاح لا يعلمه إلا الله عز وجل. الكون غير شوية الناس التي أنت تعيش معهم هذه؛ يعني واحد معتقد أن حل الأزمة أن مثلاً الظالم الفلاني يموت، الكون أكبر من كذا، هذا ولا حاجة، هذا ولا حاجة، قطرة دم تتجمد في مخه يُصاب بشلل؟ هذا ولا تضيعه. أنت بس ما تضخم الحاجة، أنت لما تعيش مع الكون الواسع تكتشف أن الموضوع بسيط. طيب، من الحاجات التي تعرج وتنتزل وتطلع حاجتان: الأرزاق والأعمال، أعمال البشر سواء خير أو شر.

والأرزاق والعقوبات. فليشاهد ذلك، كان يتوقع أن يحصل تناسب كامل ما بين أعمال العباد من شر وبين العقوبات، وبين أعمال العباد من خير وبين الأرزاق. لكن الغالب مش كده؛ الغالب أن كمية الأرزاق التي تنزل عجيبة بالرغم أن كمية المعاصي التي تصعد كثيرة، عشان كده ختام الآية يقول: ربنا بيقول إيه؟ ﴿وَهُوَ الرَّحِيمُ الْغَفُورُ﴾ [سبأ: 2]. يعني لو كان ربنا سبحانه وتعالى العدل لأ، ده الموضوع كان هيختلف خالص؛ لأ، ده كان كل معصية بتطلع قصادها صاعقة تنزل على فلان. ده لو ﴿وَلَوْ يُؤَاخِذُ اللَّهُ النَّاسَ بِمَا كَسَبُوا مَا تَرَكَ عَلَىٰ ظَهْرِهَا مِن دَابَّةٍ﴾ [فاطر: 45].

يعني لو في تناسب لأ، في دار للجزاء زي ما يجي بقى ﴿لِّيَجْزِيَ الَّذِينَ آمَنُوا﴾ [سبأ: 4]. إنما في الدنيا يقول النبي صلى الله عليه وسلم: «ما أحد أصبر على أذى سمعه من الله، يدعون له الولد، ومع ذلك يرزقهم ويعافيهم». يعني يعرج إلى السماء من الأعمال التي تصعد والعياذ بالله مش تصعد قبولا، تتكتب؛ لكن لا يصعد إلا الكلم الطيب والعمل الصالح يرفعه، زي ما تيجي في آية. واللي نازل رزق وعافية، سبحان الله! في ختام الآية: ﴿وَهُوَ الرَّحِيمُ الْغَفُورُ﴾ [سبأ: 2].

فقالوا إن ختام الآية يتناسب مع أن الذي نازل من رزق لا يتناسب مع الشرور، وده رحمة ومغفرة من ربنا. والرحيم الغفور أن ده كان يستوجب كم من الشكر، والشكر ذكر في الآية أكثر من مرة، زي ﴿قَلِيلٌ مِّنْ عِبَادِيَ الشَّكُورُ﴾ [سبأ: 13]، وقرية سبأ لما ما شكرتش ربنا. فإن هذا الوصف لله سبحانه وتعالى والخير كان المفروض يستلزم من الناس شكر كتير لكن الناس ما شكرتش، فربنا رحيم غفور، وهو ﴿الرَّحِيمُ الْغَفُورُ﴾ [سبأ: 2]. بعد كل المشهد ده اللي يخلي أي إنسان يخضع، وقال الذين كفروا بعد كل ده قالوا إيه بقى؟ قالوا آمنا؟ قالوا إيه؟ لا تأتينا الساعة. ارجع اقرأ الآيتين دول تاني كده: ﴿الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ وَلَهُ الْحَمْدُ فِي الْآخِرَةِ ۚ وَهُوَ الْحَكِيمُ الْخَبِيرُ * يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا وَمَا يَنزِلُ مِنَ السَّمَاءِ وَمَا يَعْرُجُ فِيهَا﴾ [سبأ: 1-2]. سابوا كل ده وركزوا على كلمة إيه؟ ﴿وَلَهُ الْحَمْدُ فِي الْآخِرَةِ﴾ [سبأ: 1].

ما أنكرش أن ربنا له ما في السماء والأرض، ما أنكرش أن ربنا حكيم خبير، ما أنكرش ربنا يعلم، مشكلته أنه هيتحاسب. يعني يقول لك سيبني أنا هعترف أن ربنا يملك كل شيء وهو الحكيم الخبير، لكن ما فيش حاجة اسمها إيه؟ ما فيش حاجة اسمها حساب. أنا عايز أعمل اللي أنا عايزه. بل يريد الإنسان ليفجر. فسأب كل ده وقال إيه؟ ﴿لَا تَأْتِينَا السَّاعَةُ﴾ [سبأ: 3]. كل اللي مركز عليه الساعة، بقى هو يوصل له أن فيه ساعة للحظة معينة هتيجي هيتحاسب على كل حاجة؛ لأ، ما فيش ساعة، وده أول كلمة قالها. لأن عايزين نأخذ بالنا الكفار قالوا إيه في السورة. سورة سبأ زي سورة الأنعام من أكثر السور اللي جت فيها كلمة قل. يعني ممكن أنا ما عملتش إحصائية لكن ممكن تبقى تاني سورة؛ سورة الأنعام أول سورة أكثر من أربعين مرة كلمة قل، سورة سبأ من أكثر السور التي جت فيها كلمة.

لدرجة أن أربع آيات متتاليات في ختام السورة كلمة قل، لأن فيه هجوم إعلامي شرس، استعمال هذه الأموال وهذه الأسباب استعمالها في ترسانة إعلامية ضخمة للصد عن سبيل الله، اللي ربنا سماها هنا في سورة سبأ إيه؟ مكر الليل والنهار. فكلم قالوا، فلازم أنت تواجه هذا الإعلام الشرس بالقرآن، تقول أنت إيه بقى؟ ذلك الرد هنا لما قالوا لا تأتينا الساعة المؤمنين ما عرضوش، هنا الرد كان إيه؟ قل. أول قل بقى لما قالوا لا تأتينا، أنت لازم بترد على طول، فبترد بقوة: ﴿قُلْ بَلَىٰ وَرَبِّي﴾ [سبأ: 3]. تقسم وتقسم بالربوبية، يعني أنا معاملة ربنا لي الذي رباني بالنعم وأنزل إلي الهدى الذي أعلم أنه حكيم، لن يتركنا هكذا. الوضع مش هيخلص كده زي ما احنا، أصل ما فيش ساعة، ما فيش بعث. يعني أنت تموت وتضرب وتموت والموضوع خلص؟ يستحيل، يستحيل يخلص كده. أنا أثق في ربي، مستحيل دي تكون النهاية. يستحيل نهاية أصحاب الأخدود أن هم يلقوا في النار، مستحيل دي النهاية؛ النهاية أن هم في الجنة، ويطلعون وهم في الجنة على عذاب من كان يعذبهم في الدنيا، ويشفق، فصدق دي النهاية، ده الرب، ده ربي، أنا أثق. ﴿قُلْ بَلَىٰ وَرَبِّي﴾ [سبأ: 3]، والله هي جاية، وأنت دائما أن تقسم أما أنك أنت بتأكد الموضوع لنفسك أو بتأكده لقدامك واحد منكر. فلما بيشتد الإنكار أنت بيشتد التأكيد، فيشتد الإنكار فيشتد التأكيد. فهنا وسط القمة في الإنكار فانت تقسم: ﴿قُلْ بَلَىٰ وَرَبِّي لَتَأْتِيَنَّكُمْ﴾ [سبأ: 3] بنون التوكيد. أي الساعة، واستعملت نفس اللفظ اللي قاله، قال لا تأتينا قال لأ هتأتيك، لتأتينكم. وما قالش لتأتي الساعة، نفس اللفظ قال إيه؟ لا تأتينا، فقال له لأ هتيجي لكم، مع أن الساعة هتيجي للكل، قال له أنت هتموت، أيوه أنت هتحاسب، أيوه أنت هتجزى بكل حاجة يا عبد الله، وده مهم في الرد على الشبهة، لما أهل الباطل يطرحوا شبهة، شبهة لازم الرد يبقى مناسب لها تفصيلاً شوية.

يقول حاجة ودي خطورة أهل العلم لما يتكلموا في الواقع أن الواقع لا يتجزأ، يقول إيه؟ ﴿وَيَرَى الَّذِينَ أُوتُوا الْعِلْمَ الَّذِي أُنزِلَ إِلَيْكَ مِن رَّبِّكَ هُوَ الْحَقَّ﴾ [سبأ: 6]. يعني إيه الواقع لا يتجزأ؟ يعني الواقع لما يحصل واقع من المشركين معين أو من أهل الباطل أو المنافقين، لما تيجي ترد ما تردش على جزء، أنت لازم ترد على الكل. فلما قالوا لا تأتينا فجاءت نفس اللفظة لتأتينكم، وزودت كمان اللي اتقال ده يفهم من الآيتين الأولانيين. ﴿عَالِمِ الْغَيْبِ﴾ [سبأ: 3]. طبعاً زي ما قلنا، الإنسان والعياذ بالله لما بينكر الغيب ينزل إلى مستوى الأنعام. ﴿عَالِمِ الْغَيْبِ﴾ هم بيقولوا ما فيش حاجة غير اللي احنا شايفينها، ما فيش حاجة اسمها بعدين، ما فيش حاجة اسمها غيب. فبدأ الأول لأ ده فيه غيب والله يعلمه، ﴿لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ وَلَا أَصْغَرُ مِن ذَٰلِكَ وَلَا أَكْبَرُ إِلَّا فِي كِتَابٍ مُّبِينٍ﴾ [سبأ: 3]. قال التفصيل ده هنا ليه؟ التفصيل بتاع ﴿لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ وَلَا أَصْغَرُ مِن ذَٰلِكَ وَلَا أَكْبَرُ إِلَّا فِي كِتَابٍ مُّبِينٍ﴾، قالوا ده دليل المقصد هنا أن وأنت بترد عليهم أن كل عمل بتعملوه يحصيه الله عز وجل.

فقالوا إيه دلالة العلم بأفعالكم؟ بعضهم قال لأ، المقصد هنا دلالة القدرة على البعث، والاثنين يعني إيه؟ يعني الرد هنا لما أنكروا البعث لما تيجي أنت ترد، الداعية جاب صفات معينة لربنا، ليه اختار الصفات دي؟ يعني قال: ﴿قُلْ بَلَىٰ وَرَبِّي لَتَأْتِيَنَّكُمْ عَالِمِ الْغَيْبِ﴾، فجاب عالم الغيب لا يعزب وصف لربنا سبحانه وتعالى. ليه الوصف ده تحديداً هنا في الرد على ده؟ لأن هو أنكر أما أنه مش شايف أن قدرة ربنا يقول لك إزاي يعني؟ زي بعد ما كنا، فأنت بتجيب له آيات تدل على القدرة، أو أنكر أنه خايف من أعماله، فقالوا فأنت بتقول له أعمالك محصاة، ما فيش ذرة إلا ومكتوبة. فالاثنين ما فيش ذرة عملتها إلا ومكتوبة، نفس المعنيين دول للعلم أو القدرة هم اللي اتقالوا في المفسرين قالوهم في آية لقمان، ﴿مِثْقَالُ ذَرَّةٍ﴾. فقال له تكون يعني إيه؟ قالوا يعني لو عملت عملة، سواء حسنة أو سيئة عملتها في صخرة أو في السماوات أو في الأرض، ﴿يَأْتِ بِهَا اللَّهُ﴾ [لقمان: 16] يعني هتتحاسب عليه يوم القيامة. وقالوا يعني لو في حاجة مستخبية شيء في صخرة أو في السماوات والأرض ﴿يَأْتِ بِهَا اللَّهُ﴾ يعني يعلمها الله. فقالوا الآية أما المقصود منها قدرة الله إذا القادر أنه يجيب أي حاجة، أو العلم بالعملة التي أنت عملتها فيتحاسب عليها، نفس المعنى. فهنا برضه ﴿لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ وَلَا أَصْغَرُ مِن ذَٰلِكَ وَلَا أَكْبَرُ إِلَّا فِي كِتَابٍ مُّبِينٍ﴾.

الساعة هتأتي ليه؟ لأن الله حكيم، الموضوع مش سبهللة. مش اللي تعب زي ما تعبش، مش اللي ذاكر زي ما ما ذاكرش، مش اللي صبر زي ما ما صبرش، مش اللي صام زي ما ما صامش، واللي صلى زي ما ما بدأ. إذا ﴿لِّيَجْزِيَ الَّذِينَ آمَنُوا وَعَمِلُوا الصَّالِحَاتِ ۚ أُولَٰئِكَ لَهُم﴾ وبدأ بالآية بالمغفرة، أن مهما عمل أهل الإيمان لن يستطيعوا أن يشكروا الله عز وجل حق شكره، مهما عملوا نعم ربنا سبحانه وتعالى عظيمة، الإنسان لازم يشعر دائماً بالتقصير. ﴿أُولَٰئِكَ لَهُم مَّغْفِرَةٌ وَرِزْقٌ كَرِيمٌ﴾ [سبأ: 4]. قيل الرزق الكريم الذي يأتي بدون تعب، في الجنة أنت مجرد تتمنى الشيء، ما تشتهيه، يعني اشتهيت حاجة تقوم تلاقيها، مش لسه بقى هتروح وتطلب وتستنى وتحاسب وتلاقي معكش فلوس ويحصل مشكلة؛ لأ، مجرد ما تشتهيه الأنفس تلاقيه على طول. ده قال له ده من معاني الرزق الكريم، وقيل الرزق الكريم الذي لا ينقطع، مش بس اللي من غير تعب. طيب ﴿لِّيَجْزِيَ الَّذِينَ آمَنُوا وَعَمِلُوا الصَّالِحَاتِ ۚ أُولَٰئِكَ لَهُم مَّغْفِرَةٌ وَرِزْقٌ كَرِيمٌ﴾. ده الصنف الأول.

الصنف الثاني بقى ما قلش الكفار لأن هنا زي ما قلنا من معاني السورة أن أهل الباطل معهم أموال، ده الجو بتاع سورة سبأ، زي ما جينا لما جينا نتكلم في جو سورة الحديد قلنا ليه المقدمة الرهيبة بتاعت سورة الحديد دي، كلام عن الله عز وجل، ده سورة الحديد جو لحظة الضيق واستضعاف، واللي هيجي فرج، ﴿لَا يَسْتَوِي مِنكُم مَّنْ أَنفَقَ مِن قَبْلِ الْفَتْحِ وَقَاتَلَ﴾ [الحديد: 10]، لحظة جهاد طلب للجهاد خروج للجهاد، مع أن هي مرحلة مدنية، لكن هنا مطالب أنك تجاهد سيف، فذكر النور كتير هناك، قلنا ليه، والقتال والتفرقة والدرجات والمنافقين يبقى الأشياء التي ذكرت في سورة الحديد متناسبة مع جو السورة، كذلك هنا الذي زي ما هيجي لنا. فهنا ربنا بيقول ﴿وَالَّذِينَ سَعَوْا﴾، سعوا، سعوا يعني الناس دي ما كانتش بتلعب، الناس دي ما كانتش بتهزر، أهل الباطل ما تهزروش، كمية المجهود اللي بذل للصد عن سبيل الله أنت لا تتخيله، كمية الفلوس اللي اتصرفت في رمضان اللي فات ده عشان الناس ما تصليش أنت لا تتخيلها. يعني أنت معتقد أن برنامج وهزار وخلص والموضوع، وأن هم اه كانوا جايين يهزروا ومشيوا، كانوا جايين إيه؟ لا، أنت ما تعرفش ده وراه إيه، أنت ما تعرفش عشان يقعدك ما تنزلش تصلي العشاء ويجيب لك البرنامج بتاع هزار قبل أذان العشاء بشوية عشان تقعد بعد ما أكلت وانتخت كده تقعد بقى، ما أنت ما انتاش واخد بالك، الشوية الربع ساعة والنص ساعة دي مصروف عليها مجهود قد إيه، وفلوس قد إيه؟ أنت مش متخيل، فده سعي، ده بذل، ﴿إِن تَكُونُوا تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ﴾ [النساء: 104]، ده بيتعبوا ما بيناموش، ﴿وَالَّذِينَ سَعَوْا﴾ لكن السعي بتاعهم مركز، مش أي حاجة. ما بيقعدوش كده، أهل الرباط يقول له إيه؟

يلا يا جماعة اعملوا بقى أي حاجة عشان الناس لا، ده هو عايز يضرب الأكابر. طبعاً العيال الصغيرة والشياطين الصغيرة والأمين الصغير والكلام ده ماشي، هم ممكن يشتغلوا عشوائي، لكن المستكبرين لأ لهم منهج. إيه المنهج؟ زي بالضبط كده في سورة الجن: ﴿قُلْ أُوحِيَ إِلَيَّ أَنَّهُ اسْتَمَعَ نَفَرٌ مِّنَ الْجِنِّ فَقَالُوا إِنَّا سَمِعْنَا قُرْآنًا عَجَبًا * يَهْدِي إِلَى الرُّشْدِ فَآمَنَّا بِهِ ۖ وَلَن نُّشْرِكَ بِرَبِّنَا أَحَدًا * وَأَنَّهُ تَعَالَىٰ جَدُّ رَبِّنَا مَا اتَّخَذَ صَاحِبَةً وَلَا وَلَدًا * وَأَنَّهُ كَانَ يَقُولُ سَفِيهُنَا عَلَى اللَّهِ شَطَطًا﴾ [الجن: 1-4]. سفيهنا اللي هو الشيطان، الشيطان لما كان يجي يديهم دروس كان يديهم دروس إيه؟ في العقيدة على الله، ﴿وَأَنَّهُ كَانَ يَقُولُ سَفِيهُنَا عَلَى اللَّهِ شَطَطًا﴾، كان مركز وعايز يبعد الناس عن ربنا، الشيطان لما كان يجي يتكلم كان مركز هو بيتكلم في إيه، فعايز يقطع صلة الناس بينهم وبين الله، وبعدين يبدأ يكلمهم بقى، فعنده ففي اهتمامات. فهنا دول ﴿الَّذِينَ سَعَوْا فِي آيَاتِنَا﴾ [سبأ: 5]، يعني إيه بقى سعوا في آياتنا معجزين؟ في ده يعني بتعمق، يعني ما كانش التعمق سطحي، ترا غالي من المفسرين على أنه القرآن، بدليل أن الآية اللي بعدها ﴿وَيَرَى الَّذِينَ أُوتُوا الْعِلْمَ الَّذِي أُنزِلَ إِلَيْكَ مِن رَّبِّكَ هُوَ الْحَقَّ﴾، اللي هو القرآن في آياته، وقيل آياتنا الآيات الكونية، لو قلنا الاثنين عايزين يعملوا إيه؟ يعني بذلوا كل وسعيهم، يبقى سعوا، ويعني إيه؟ يعني جاب آخره، سعى يعني تعب وعرق، سعى ده يعني جاب السعي بذل الوسع، ﴿سَعَىٰ﴾ [سبأ: 5] أي جرى يسعى، ﴿وَالَّذِينَ سَعَوْا فِي آيَاتِنَا﴾ [سبأ: 5]، مش تعامل سطحي، يعني ما بيجيش مثلا عايز يمشي شبهات في القرآن في يوم اه، هنا ممكن نقول لهم أن، قل لهم كذا وهم لأ، دا تعمق ودراسة وأبحاث ومراكز دراسات وفلوس.

﴿وَالَّذِينَ سَعَوْا فِي آيَاتِنَا مُعَاجِزِينَ﴾ [سبأ: 5]، يعني إيه معاجزين بقى؟ معاجز أي يريدون أن يظهروا أنها عاجزة، وفي قراءة متواترة أيضاً، ﴿وَالَّذِينَ سَعَوْا فِي آيَاتِنَا مُعَاجِزِينَ﴾، فقالوا هم عايزين يعملوا حاجتين، عايز الآيات، لو قلنا الآيات الكونية والآيات القرآن والناس اللي بتستفيد من القرآن، القرآن نزل الناس استفادت من القرآن ينتشر الهدى في الأرض، هم عايزين يعملوا حاجتين، يقول لك أن آيات القرآن دي مش كويسة وحشة عاجزة، وأن الناس ما تعرفش توصل يعجز، يقول لك أي يثبت معاجزين الناس أن يسألوا، فهو بيشتغل على الآيات وأنه يمنع الناس للوصول.

يقوم بإنشاء برنامج شبهات وبرنامج شهوات؛ برنامج شبهات ضد الآيات، وبرنامج شهوات يمنع الناس من الوصول للآيات، ويوزعوا على بعض كما في أحد معاني قول الله عز وجل: ﴿كَمَا أَنزَلْنَا عَلَى الْمُقْتَسِمِينَ * الَّذِينَ جَعَلُوا الْقُرْآنَ عِضِينَ﴾ [الحجر: 90-91]، وكنا شرحناها في أواخر سورة الحجر. المقتسمين قيل من القسم الحلفان أو من الاقتسام التوزيع، "نوزعه القسم وخلاص" لها معاني. اقتسام قالوا: يعني إيه مقتسمين؟ يعني يوزعوا؟ قال لك كانوا يوزعوا مداخل مكة عليهم؛ كل واحد مسؤول عن مدخل وكل واحد مسؤول عن شبهة، أنت هتاخد المدخل الفلاني من مكة، دول مناسبهم قبيلة كذا بيفكروا، تقول لهم إن ده مجنون، اللي جايين من دول هطل شوية وعلى قدهم قل لهم إن هو مجنون، اللي جاي النهاردة تقول لهم إنه كاهن، بيخافوا من السحر والحركات وعندهم وادي جن هناك قل لهم، إنت تبدأ إيه؟ نقسم على بعض؛ أنت هتضرب في البخاري، وأنا هتكلم في الشهوة، وأنت هتتكلم في العلماء للقرآن إنه مش ثقة، ويقسموا البرامج على بعض، كل واحد ياخد إيه؟ فده بذل، بيتعبوا، بذلوا سعياً، والذين سعوا في آياتنا معاجزين. عايز يظهر أن الآيات دي عاجزة، يقول لك إيه يعني القرآن؟ هيعمل إيه؟ ما بيعملش حاجة، وعايز يعجز الناس، يثبط الناس من استماع الآية والوصول للقرآن.

ابن زيد يقول في تفسير: معاجزين، وقالوا: ﴿لَا تَسْمَعُوا لِهَٰذَا الْقُرْآنِ﴾ [فصلت: 26]، بلغوا في فعل العمل الاثنين؛ عايز يبعد الناس عن القرآن وعايز يقول ده ما يستاهلش إنك تسمعه أصلاً، يعني يقولوا طب اسمعوا سماع عابر حتى ولا تفكر فيه، طب خلاص ﴿لَا تَسْمَعُوا لِهَٰذَا الْقُرْآنِ وَالْغَوْا فِيهِ﴾ [فصلت: 26]، يلغوا فيه يعني يعمل زي أغاني ولغو، فبهذا الحديث أنتم، ﴿فَبِأَيِّ آلَاءِ رَبِّكُمَا تُكَذِّبَانِ﴾، هذا نذير من النذر الأولى، ﴿وَأَنتُمْ سَامِدُونَ﴾ [النجم: 61]، أنتم تعجبون وتضحكون ولا تبكون ﴿وَأَنتُمْ سَامِدُونَ﴾، فبهذا الحديث يعني القرآن، قيل ﴿وَأَنتُمْ سَامِدُونَ﴾ أحد المعاني: أي أنتم تغنون أثناء تلاوة القرآن، يعني ساعة ما يقرأ القرآن أنهم يعملوا إيه؟ يغنوا.

الشهوات في شبهات، والذين سعوا في آياتنا معاجزين، دول بقى بالذات أولئك لهم عذاب مخصوص من رجز؛ أصل الرجز النجس والقذارة، إن هم كانوا عايزين المجتمع يعيش بعيد عن الوحي، المجتمع لما يعيش بعيد عن الوحي يعيش مجتمع قذر، خلاص مش متصل بالسماء، كله شهوات، أولئك لهم عذاب من رجز أليم، وقيل أشد ألوان العذاب، دول لهم بالذات قيل الرجز أشد من العذاب، دول لهم أشد العذاب، ده مش واحد بس عمل معصية ولا واحد كان بيصد عن سبيل الله وخلاص، ده واحد كان عايز يقطع الصلة بين السماء والأرض، ﴿فَلْيَمْدُدْ بِسَبَبٍ إِلَى السَّمَاءِ ثُمَّ لْيَقْطَعْ﴾ [الحج: 15]، كان عايز يقطع الناس عن الوحي، ويظهر أن الوحي عاجز، ويلاقي كلامهم عذاب من رجز أليم.

ناس بتبذل مجهود ضخم جداً برامج شهوات وبرامج شبهات لصرف الناس عن الدين، معاها فلوس ممكنة معاها أسباب بتبذل كل مجهودها لصرف الناس عن الدين، الطبيعي أن غالب الناس يفتن ويرى أن الآيات دي ما هياش حق، فربنا بيقول إيه؟ ﴿وَيَرَى الَّذِينَ أُوتُوا الْعِلْمَ الَّذِي أُنزِلَ إِلَيْكَ مِن رَّبِّكَ هُوَ الْحَقُّ﴾ [سبأ: 6]، يعني إيه الآية دي بقى؟ ويرى، أي وبعد كل هذا المجهود هناك أناس يرى مش بس يعلم ويرى، يعني لسه الآيات واضحة، لذلك كان شاكر الغازي أو مين قال لفتة حلوة قال: لما ربنا اتكلم مع أهل الإيمان ما قالش والذين سعوا في نشر آياتهم، قالوا: ﴿آمَنُوا لِيَجْزِيَ الَّذِينَ آمَنُوا وَعَمِلُوا الصَّالِحَاتِ﴾ [سبأ: 4]، مع أهل الباطل قال إيه؟ ﴿سَعَوْا فِي آيَاتِنَا مُعَاجِزِينَ﴾ [سبأ: 5]، لأن الآيات هي واضحة مش محتاج تثبت أنها معجزة ولا حاجة، أنت مجرد إيمانك بها ونشرها بتظهر المعجزة، يعني مجرد إيمانك بالقرآن ونشر القرآن في الواقع وتطبيقه عملياً يظهر على طول أن ده معجزة زي ما اتكلمنا في مرحلة الفرقان كده، إنما دول عشان يثبتوا أن هي مش معجزة بيبذلوا مجهود ضخم، بيتعب وبيسعى ويبذل، اللي بينفق يعني الواحد بيتعجب لما يسمع: ﴿إِنَّ الَّذِينَ كَفَرُوا يُنفِقُونَ أَمْوَالَهُمْ لِيَصُدُّوا عَن سَبِيلِ اللَّهِ﴾ [الأنفال: 36]، الكفار أصلاً كفروا عشان الدنيا، يقوم يصرف الدنيا؟ آه، عشان هو دي شايف إن دي مؤثرة على دنيته، فمش مشكلة من باب المصالح والمفاسد إنه يصرف شوية فلوس، يعني تخيل ممكن يصرف الفلوس اللي بيحبها بس عشان يصد عن سبيل الله، آه يصرفها، بس دين ربنا ما نسيتش، ﴿فَسَيُنفِقُونَهَا ثُمَّ تَكُونُ عَلَيْهِمْ حَسْرَةً﴾ [الأنفال: 36].

ويرى، يبقى لسه فيه عندها الرؤية واضحة بالرغم أن سعوا في آياتنا معاجزين عايز يلغوش على الآيات عايز يطلع الآيات مش واضحة عايز يطلع الآيات عاجزة عايز يطلع الآيات فيها مشاكل عايز يطلعها فيها عيوب، لكن هيظل أناس الدنيا عندهم واضحة رؤية، مش ويعلم ويرى، بس دول مين بقى؟ مش أي حد، ﴿الَّذِينَ أُوتُوا الْعِلْمَ﴾، دول مش أي حد، يعني في زمن الفتن مش أي حد بيشوف كويس، غالب الناس بيفتن، ده دور أهل العلم بقى هنا، لأن دول اللي يرون الحق، دول اللي شايفين الحق فلازم يجهروا بالحق، لأن أهل الباطل مجهودهم ضخم، عشان كدة جت هنا في السورة المستكبرين والمستضعفين، وأن المستضعفين ضحك عليهم بل مكر الليل والنهار، فاحنا لازم في جهد الليل والنهار قصاد مكر الليل والنهار ده لتوضيح الحق لازم، وأوتوا العلم بيتكلموا بالحق ويوضحوه، ﴿وَيَرَى الَّذِينَ أُوتُوا الْعِلْمَ الَّذِي أُنزِلَ إِلَيْكَ مِن رَّبِّكَ هُوَ الْحَقُّ﴾، هو ده العلم الحقيقي بالوحي عشان ما تفتنش، العلم أي علم ما سوى الوحي لا يستحق أن يسمى علم حقيقة، هو مجازاً لو العلم ده هيوصلك لمعرفة الله الذي أنزل الوحي يبقى ده علم، ويرى الذين أوتوا العلم الذي أنزل إليك من ربك، هو الحق، صح كده؟ هو الحق، إيه فائدة هو دي بقى؟ إيه فائدة ويرى ما فيش حرف زيادة في القرآن، ويرى الذين أوتوا العلم الذي أنزل إليك من ربك، كان عادي ممكن تمشي هو بس، يعني إيه هو بس بقى؟

يبقى هم كانوا عايزين يعملوا إيه؟ يبقى هم كانوا بيعملوا إيه لما أنت شفت إن هو ده الحق بس؟ يبقى هم كانوا بيطرحوا حاجات كتير، إن ده حق، وحق، وحق، وحق، يقول لك إيه بقى نظرية النسبية؟ ما عدتش عارف الحق دول ولا دول ولا دول، هم عايزين الناس توصل لأن مش مهم المهم أنه ما يوصلش للحق، يتوهوا الناس في أحد نتائج السعي في الآيات أنه عايز يوصل والعياذ بالله معاجزين عايز يوصل أن ما عدش فيه حاجة اسمها الحق، ما عدتش تقول فلان الحق وفلان، يا عم أنا ما عدتش مصدق لا دول ولا دول يا عم، خلاص الحق يذوب، أوتوا العلم يعرفوا أن هناك حق أوحد، هم وشايفينه، له دعوة هو شايف حق أوحد، لذلك هو ده بيسموه ضمير الفصل بيجي للاختصاص أو بيسموه ضمير العماد، يعني إيه؟ ويرى الذين أوتوا العلم الذي أنزل إليك من ربك، مش هو عشان ما تغلطش مش هو الحق، يعني هو مش مبتدأ والحق خبر، لا جت هنا منصوبة، منصوبة إزاي بقى؟ إعرابها إيه يا جماعة؟ مفعول به للفعل يرى.

والشاهد أن "هو" دي جاية عشان أكد إن هو حق أوحد، لذلك قالوا لها يعني ما يبقاش لها إعراب، ما يتأثرش في الإعراب، اللهم إن كان هذا هو الحق من عندك، مش هو الحق من عندك، في في الأنفال، برضه يعني لو ده الحق الأوحد ما فيش غيره حق لا خلاص مش عايزينه، يعني لو فيه حق تاني ينفع نزل ماشي هنستنى، إنما لو هو الحق الأوحد وما فيش عهد إلا أن يمطر علينا حجارة من السماء، مش مش عايزينه، دي حجارة من السماء أهون علينا من ده مش قادرين على ده، مش هنقدر نتبع الحق ده، ائت بقرآن غير هذا وبدله، في وسط البذل ﴿وَيَرَى الَّذِينَ أُوتُوا الْعِلْمَ الَّذِي أُنزِلَ إِلَيْكَ مِن رَّبِّكَ هُوَ الْحَقُّ وَيَهْدِي إِلَىٰ صِرَاطِ الْعَزِيزِ الْحَمِيدِ﴾ [سبأ: 6]، مش بس شايفينه حق، ده شايفينه كمان ويهدي، يعني ينفع يطبق يعني مش عاجز؟ لا مش عاجز، هم عايزين يوصلوا الناس أن الحق عاجز، أن الشريعة ما ينفعش تتطبق، إحنا شايفين أن هي الحق الأوحد اللي ينفع، هم بيوصلوا للناس أنها عاجزة عن حل مشاكل المجتمع، إحنا مش شايفين أن هي تنفع، إحنا شايفين أن هي الحل الأوحد لحل مشاكل المجتمع، هو عايز يوصل للناس أن الشريعة أو الحدود أو الاقتصاد أو السياسة الشرعية أن كل ده عاجز فاشل، وبيعملوا تجارب في الأرض تثبت أن ده فاشل، عايزه يثبت أن ده فاشل عاجز، في وسط تجاربهم ومحاولاتهم دي أن ترى أن القرآن هو الحق الأوحد ويهدي إلى صراط طريق مستقيم العزيز الحميد.

نتائج اتباع القرآن النصرة والعزة، وتحمد الله عز وجل يحمد أفعالك، أنت بدأت بحمد الله عز وجل، فأنا لما تسير على طريق الله عز وجل يحمد أفعاله، الحميد لها معنيين الحميد الله عز وجل يحمد أفعال الأولياء أو هو يحمد، فالقرآن لا يغالب وما سعوا في آياتنا عايزين يغلبوا القرآن وعايزين يطلعوا القرآن عاجز فيجي الوصفين عكس اللي هم عايزين يعملوه، القرآن لا يغلب، القرآن يحمد وليس عاجز، هم عايزين يوصفوه بصفات النقص، فربنا توصف بصفات الكمال، يبقى نتيجة اتباع الوحي أنه هو الحق الأوحد ويهدي، يبقى شوف هو عايز يوصل لأقصى اليسار وأنت متمسك بقمة الحق، وعايز يوصل الناس أن القرآن عاجز وأنت بتقول له ده هو الحق وأنه حق أوحد وقابل للتطبيق ويهدي إلى طريق مستقيم، والنتيجة العزة والغلبة مهما فعلت ومهما بذلت مع الوحي لا يغالب، ومهما انتقصت من الوحي هو محمود، يهدي إلى صراط العزيز الحميد.

لما لاقوك أنت بترد بقوة هم بدأوا في الأول قالوا إيه؟ لما أنت اتكلمت الحمد لله وأثنيت على الله بيتكلموا عن نفسهم، إحنا الساعة مش هتيجي لنا، فقلنا لهم إيه؟ لا أنتم الساعة هتيجي لكم، بدأ لقاك بتتكلم وتقسم وتشرح وتوضح قال لا ده إحنا لازم نشغل بقى العيال بتوعنا البرامج تنزل والإعلام يشتغل، وبدأ ﴿هَلْ نَدُلُّكُمْ﴾ يعني مش بيقول إيه مش بيتكلم عن نفسهم ده بدأوا ينزلوا للناس يكلموهم عن أن ما فيش بعث، في الأول كان بيتكلم عن نفسه بصورة مبسطة ما فيش فيها أي حاجة ﴿لَا تَأْتِينَا السَّاعَةُ﴾، الخطاب تطور، الأولانية وقال الذين كفروا، والثانية وقال الذين كفروا، الأولانية وقال الذين كفروا لا تأتينا الساعة، الثانية قال الذين كفروا بدأوا ينزلوا ينشروا فكرهم وبدأ الإعلام يشتغل والترسانة الإعلامية والأموال تتصرف على النشر، بدأوا ينشروا، يبقى رقم واحد بدأ القول يتغير، رقم اثنين بدأ الكلام مع الناس، رقم ثلاثة طريقة الكلام، ما نزلوش للناس وقالوا لن تأتيكم، لا قالوا إيه؟ بدأ بقى في جو ده بقى الفقه الإعلامي، الشوق الإعلامي بقى إزاي يوصل فكرته؟ يوصلها بطريقة مثيرة، طريقة فيها سخرية دائماً الحاجتين دول في الإعلام الإثارة والسخرية أكتر حاجتين بينتشروا وسط المجتمع، حاجة فيها إثارة؟

﴿هَلْ نَدُلُّكُمْ عَلَىٰ رَجُلٍ يُنَبِّئُكُمْ﴾، ده في تخيلوا بقى ده وفيها نوع من السخرية، تخيلوا في واحد بيقول أو أسلوب زي ما قال بعض الناس، هل أدلكم على رجل دي عاملة بالضبط إيه؟ ده مرة واحد بيقول إن اللي يسرق إيده تقطع، تخيل! يعني مثلاً واحد بيستهزأ من الشريعة مثلاً بيجيبها في أسلوب نكتة، يجيبها بأسلوب قصة، أو تخيلوا، تخيلوا إحنا هنطلع فاصل دلوقتي نوريكم هل ندلكم على رجل؟ بيقول إن الناس لما تموت في القبر بقى بعد تعب الدنيا هتتعذب، تخيلوا في ناس بتقول كده تعالوا نشوف ما فيش حاجة طبعاً، أنا قصدي هو يعني هل ندلكم هو بقى يعني بيقولوا إيه؟ تخيلوا إحنا هنقول لكم بقى هندلكم إحنا معنا الدليل، وكله متسجل، هل ندلكم على، وجابوا نكرة وهم نكرة، هل أدلكم على رجل فيه وفي واحد عارف كده بيقول إيه؟ في واحد عاقل يقول الكلام ده؟ شف البداية طريقة الإعلام، هل ندلكم على رجل ينبئكم، ده عنده حاجة عظيمة، يا ترى عنده إيه؟ ويقوم جايب لك إيه؟ يخطفها لك حتة من فتوى مثلاً تخلي الناس تضحك، ينبئكم مش إذا متم، إذا متم بيساعد في تصوير الموقف أنه يستحيل، زي إيه؟ لما يمسك العظام ويهرسها وينفخها.

﴿قُلْ مَن يُحْيِي الْعِظَامَ وَهِيَ رَمِيمٌ﴾ [يس: 78]. استعملت في آخر يس. ما هو الشوط ده كله كده؟ الآية ضرب لنا مثلا ونسي خلقه، قال: ﴿مَنْ يُحْيِي الْعِظَامَ وَهِيَ رَمِيمٌ﴾ [يس: 78]. الجو ده يساعد استبعاد البعث؛ البداية والسخرية والإثارة. ﴿هَلْ نَدُلُّكُمْ عَلَىٰ رَجُلٍ يُنَبِّئُكُمْ إِذَا مُزِّقْتُمْ كُلَّ مُمَزَّقٍ﴾ [سبأ: 7]. ما قالش تبعثوا، قال: ﴿إِنَّكُمْ لَفِي خَلْقٍ جَدِيدٍ﴾ [سبأ: 7]. شف استخدام كلمة تريقة، ده بيقول لك هترجع جديدة زي ما كنت. وتخيل بقى لما يروحوا ويطلعوا بالإعلام وينزلوا مقابر ويجيبوا جثة ويفتتوها ويعملوها، ويجيب صورته قبل ما يموت وهو مثلا بيجري وبيلعب، يقول لك تخيل بيقولوا الإرهابيين بيقولوا إن ده هو هيرجع تاني جديد زي ده.

قولوا أنتم بقى إحنا مش هنقول، هو هنا ما قالش رأيه، هو لسه هيقول، في الآية دي بيقول إيه؟ بعد ما الفكرة وصلت يبدأ، هو ما يقولش من الأول ده مجنون، هو عايز الناس تساعده وهو بياخد القرار، يعني عايز الناس تبقى في صفه وهو بياخد القرار، الناس تقول، هو بيسخنك عشان تقول إيه؟ لما أرسل في المدائن حاشرين، وقيل وبعد كده جاب الأول السحرة في سورة الشعراء، وبعد كده بعت للناس وقيل للناس هل أنتم مجتمعون؟ اللي رايح يكلم الناس بيقول لهم: ﴿لَعَلَّنَا نَتَّبِعُ السَّحَرَةَ إِن كَانُوا هُمُ الْغَالِبِينَ﴾ [الشعراء: 40]. اللي رايح بيكلم ناس بيوجههم إن إحنا هنتبع السحرة مش سيدنا موسى، وفي حالة واحدة لو كسبوا. السحرة إن كانوا إيه؟ يعني رايح بيلوم، أنتم ما عندكمش غير اختيار واحد، في اختيار إن يتبع سيدنا موسى، طب خسر فينا نتبع الكاسب، قال لهم لأ إحنا هنتبع السحرة في حالة واحدة وعمل لهم توجيه، ودي طبعاً فيها نظريات وكتب ومعاهد وكليات وعلم الإعلام: إزاي يوجه، إزاي يسرق عقول الناس؟ إزاي يصنع العقل للي بيتفرج عليك.

﴿هَلْ نَدُلُّكُمْ عَلَىٰ رَجُلٍ يُنَبِّئُكُمْ إِذَا مُزِّقْتُمْ كُلَّ مُمَزَّقٍ﴾ [سبأ: 7] وجاب إذا، دي مش إيه مزق؛ لأن كده كده هم عارفين، إذا دي للأكيد، إذا إنكم تخيلوا لفي خلق جديد بيفتري على ربنا، هم بقى طيبين، يا واد يا مؤمن افترى على الله كذبا، وهو بقى هيعيط وهو بيقول المتشددين بيقولوا افترى على الله، هم بيتكلموا عن ربنا، تخيل! لأنه طبعاً لازم يبقى متدين، هو ما ينفعش يطلع وحش، ﴿إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ﴾ [الأنعام: 15]، خلي بالك ما هو فرعون خايف على الدين المنتشر في المجتمع، الناس طبعاً بتصلي فخايف على الدين، فهنا بيقول افتروا على الله كذباً، ما هو ده حاجة من اتنين، يا بيفتري والله يا إما مجنون، الكلام ده لا يقوله عاقل، أنا طبعاً تفتكر إن أنا بقول لك أنا بتقمص شخصية أم به جنة.

شوفوا الخطاب ده لو واحد عمل برنامج زي ده ممكن كتير يقول الألوف مؤلفة، أصلاً أحيانا بتشوف فيديوهات حتى لو بتتكلم في الدين بس فيها نوع من التخريب، كيف يعني؟ ألاقي مثلا أربعين ألف واحد شاف البتاع ده أو مية ألف شاف ده وتلاقي لايكات، إيه ده؟ ده فعلاً كيف تستخف عقول الناس؟ الناس بتحب الحركات وتعرف تضحك عليها، حركات وناس يتضحك عليها بسهولة جداً، الشقلبازات دي ناس تنبسط أوي.

﴿بَلِ الَّذِينَ لَا يُؤْمِنُونَ بِالْآخِرَةِ فِي الْعَذَابِ وَالضَّلَالِ الْبَعِيدِ﴾ [سبأ: 8]. العذاب في الدنيا، وقيل الضلال البعيد العذاب في الآخرة والضلال البعيد في الدنيا، أنتم هو عمال يلف في البعث وربنا بيقول أنت مشكلتك مش في البعث، أنت مشكلتك مع الآخرة، زي ما قال في الأول هو مشكلته على الآخرة، فربنا بيقول له أنت من غير آخرة بالإضافة إنك هتتعذب في الآخرة أنت هتعيش في ضلال. كيف نتصور الحياة بدون دار الآخرة؟ يعني أنا قابلت واحد في الشارع قمت ضاربه بالقلم وقمت ماشي كده، الموضوع خلص ما فيش آخرة، طب ده يعيش إزاي نفسياً؟ ده اللي اتبهدل واتأذى واتقتل له ناس ده يعيش إزاي نفسياً؟ يتحطم لو ما فيش آخرة، الإنسان يتحطم نفسياً، إزاي ما فيش آخرة؟ إزاي حكمة الله تأبى؟ لازم في يوم يحاسب فيه الناس.

﴿بَلِ الَّذِينَ لَا يُؤْمِنُونَ بِالْآخِرَةِ فِي الْعَذَابِ وَالضَّلَالِ الْبَعِيدِ﴾ [سبأ: 8]. أفلم يروا... الاكتفاء عشان ما نطولش، المرة الجاية ناخد الآية دي مع قصة سيدنا داود وسليمان، نكتفي بهذا القدر، سبحانك اللهم وبحمدك أشهد أن لا إله إلا أنت أستغفرك وأتوب إليك، جزاكم الله خيراً.