د. أحمد عبد المنعمبسم الله، والصلاة والسلام على رسول الله صلى الله عليه وسلم. بإذن الله عز وجل سنستكمل تفسير سورة سبأ. كنا توقفنا عند قول الله عز وجل: ﴿وَلَقَدْ آتَيْنَا دَاوُودَ مِنَّا فَضْلًا يَا جِبَالُ أَوِّبِي مَعَهُ وَالطَّيْرَ وَأَلَنَّا لَهُ الْحَدِيدَ * أَنِ اعْمَلْ سَابِغَاتٍ وَقَدِّرْ فِي السَّرْدِ وَاعْمَلُوا صَالِحًا إِنِّي بِمَا تَعْمَلُونَ بَصِيرٌ﴾ [سبأ: 10-11].
تكلمنا في الجزء الأول من السورة عن الجو الذي نزلت فيه السورة، وأن أهل الباطل يملكون المال والعدة والعتاد، ونقرر أن هذا أحيانا يؤدي إلى الهزيمة النفسية عند الإنسان. النقطة الثانية: كل قصة في القرآن لها علاقة بجو السورة، فلماذا ذكر ربنا سبحانه وتعالى هنا قصة سيدنا داوود وسيدنا سليمان؟ أكيد لها دلالة، مثلما شرحنا في سورة الأنعام لماذا جاء مقطع سيدنا إبراهيم: ﴿وَكَذَلِكَ نُرِي إِبْرَاهِيمَ مَلَكُوتَ السَّمَاوَاتِ وَالْأَرْضِ وَلِيَكُونَ مِنَ الْمُوقِنِينَ﴾ [الأنعام: 75].
هذا الجزء من قصة سيدنا إبراهيم لم يأت في القرآن إلا في سورة الأنعام، وكذلك هنا التفصيل في "ألنّا له الحديد" ومع سيدنا سليمان "محاريب وتماثيل وجفان كالجواب وقدور"، وقصة النهاية في لحظة: ﴿فَلَمَّا قَضَيْنَا عَلَيْهِ الْمَوْتَ﴾ [سبأ: 14]. لماذا هذا المقطع تحديدا جاء في سورة سبأ؟ هذا له دلالة. القرآن معجز، حاشاه سبحانه وتعالى أن يكون الكلام اعتباطيا، فلا توجد آيات ماشية ثم تأتي أي قصة وبعدها أي موضوع أبدا. هذا كلام معجز ومترابط في بعضه.
يؤكد الله عز وجل أن فضله عظيم. بدأت السورة بذكر أهل الباطل في الصفحة التي قبلها: ﴿وَالَّذِينَ سَعَوْ في آيَاتِنَا مُعَاجِزِينَ﴾ [سبأ: 5]. أهل الباطل لا يمشون، بل يسعون؛ أي يبذلون أقصى جهدهم ليظهروا أن آيات الوحي عاجزة. هو يعرف أن مصدر قوتك ليس المال، وليس العدة والعتاد، بل مصدر قوتك في آيات الوحي، فلذلك يريد أن يطعنك فيها. هو يعلم أن الفلوس دورات تمكين تروح وتجيء، والحرب سجال، لكنه إذا أراد هدم الدين يطعن في القرآن والسنة؛ لأنه يعلم أن هذا سر القوة، ولو استطاع فصل الناس عنهما فقد نجح في هزيمة المسلمين.
في ظل هذا الجو قد يعتقد المسلمون المستضعفون أننا نحتاج فقط إلى القوة والعتاد لننتصر. لذلك سيدنا عمر لما سأل الصحابة قال لهم: تمنوا. تمنى واحد ملء هذه الغرفة مالا ينفقه، وقال آخر: أتمنى ملء هذه الغرفة خيلا يجاهدون في سبيل الله، فقال سيدنا عمر: أما أنا فأتمنى ملء هذه الغرفة رجالا. قضية الفلوس والعدة والعتاد تروح وتجيء، وأهم شيء أن يكون هناك رجال مبنيون على القرآن. فربنا يقول للنبي صلى الله عليه وسلم: كما أعطيت داوود وفضلتُه، وكما أعطيت سليمان الريح، فكان يمكنني أن أعطي محمدا صلى الله عليه وسلم ذلك؛ لكن القضية ليست في هذه العطايا، فلا تعتقدوا أن الإشكالية الأساسية في الفلوس.
سيدنا داوود له خصيصة؛ لما خلق الله عز وجل سيدنا آدم ومسح على ظهره أخرج منه كل الذرية التي ستخلق إلى يوم القيامة، وهذا ما يسمى بعالم الذر. نظر سيدنا آدم إلى ذريته فوجد رجلا في وجهه بصيص من نور. تخيل مليارات البشر، ويلفت انتباهه واحد وجهه فيه نور! فقال: أي رب، من هذا؟ قال: عبدي داوود يأتي في آخر الزمان. والبصيص هذا بسبب العبادة. فقال سيدنا آدم: أي ربي، أعطه من عمري أربعين سنة. الشاهد أن سيدنا داوود متخصص في العبادة، ولذلك قال النبي صلى الله عليه وسلم: «أحب الصيام إلى الله صيام داوود، وأحب الصلاة إلى الله صلاة داوود». وكان داوود يأكل من عمل يده.
وفي البخاري يقول النبي صلى الله عليه وسلم: «خُفِّفَ عَلَى دَاوُدَ الْقُرْآنُ؛ فَكَانَ يَأْمُرُ بِدَوَابِّهِ فَتُسْرَجُ، فَيَقْرَأُ الْقُرْآنَ قَبْلَ أَنْ تُسْرَجَ دَوَابُّهُ». أي كان يقرأ الزبور كاملا في الوقت الذي يجهزون فيه دابته. الطاعة تخفف على صاحبها؛ من يمارس قيام الليل يوميا يجد الطاعة عليه خفيفة، ومن يقرأ القرآن كثيرا يجد القرآن خفيفا، ومن يحافظ على حفظ القرآن ييسر الله له الطاعة. في الأول تكون صعبة، ثم لما تمارسها يكافئ الله جهدك وييسرها لك، كأن تصحو للفجر تلقائيا بدون منبه.
ربنا يقول: ﴿يَا جِبَالُ أَوِّبِي مَعَهُ وَالطَّيْرَ وَأَلَنَّا لَهُ الْحَدِيدَ﴾. انظر عطايا الطائعين؛ أشد المخلوقات قسوة وقوة هما الجبال والحديد، فجعل الله الجبال تسبح مع داوود وألان له الحديد. نقطة مهمة جدا: من يعمل لدين الله، وخاصة من يريد أن يجاهد أو يتحرك في سبيل الله، قد يعتقد أنه لا يملك وقتا للعبادة. لكن هنا ربنا يقول لك: لا تنسَ العبادة في وسط الحركة للدين، فالعبادة هي التي تيسر لك، هي التي تجعل الشيء المعسر سهلا. سيدنا داوود كان ملكا ونبيا، لكن كان لازم يسبح ربنا ويقرأ الزبور يوميا. من شدة إتقان وإخلاص سيدنا داوود في التسبيح كان الكون كله يتناغم معه، فالجبال والطير تردده معه.
فلا يقل من يتحرك لدين الله: ليس عندي وقت للعبادة. بل بالعكس، كلما زدت في الشغل لنصرة الدين يجب أن تزيد في العبادة؛ لأن الله قال: ﴿إِنَّا سَنُلْقِي عَلَيْكَ قَوْلًا ثَقِيلًا﴾، فإذا كانت الأعباء ثقيلة يجب أن تكون العبادة ثقيلة؛ ولذلك أمره: ﴿قُمِ اللَّيْلَ إِلَّا قَلِيلًا﴾.
تخيل مسلما في مكة مستضعفا يرى قريشا معها الفلوس والعدة والعتاد وهو لا يملك شيئا، ثم يسمع ربنا في القرآن يقول: ﴿يَا جِبَالُ أَوِّبِي مَعَهُ﴾. فالله عز وجل يأمر الجبال، والمسلم يزداد عزة، ويعرف أن الإله الذي يعبده يأمر الجبال فتطيع، وأنه قادر أن يسقط عليهم الجبال التي حوله في مكة. فيزداد المسلم عزة ويوقن أن الله قادر على كل شيء: ﴿وَلَوْ يَشَاءُ اللَّهُ لَانتَصَرَ مِنْهُمْ وَلَكِن لِّيَبْلُوَ بَعْضَكُم بِبَعْضٍ﴾ [محمد: 4].
لما بذل سيدنا داوود الوقت في الطاعة، يسر الله له نصرة الدين بأن ألان له الحديد في يده، وكان يشكله كالعجين. ثم قال له: ﴿أَنِ اعْمَلْ سَابِغَاتٍ وَقَدِّرْ فِي السَّرْدِ﴾. السابغات هي الدروع الواقية، وكان الجهاد قبل سيدنا داوود يعتمد على صفيحة حديد يمسكها بيده، فكان السهم قد يصيبه من الجنب. فألان الله الحديد لداوود ليصنع دروعا على مقاس الجسم بالكامل؛ لتغطي أي مكان يأتيه السهم أو الرمح.
وقوله: ﴿وَقَدِّرْ فِي السَّرْدِ﴾؛ أي ضع المسامير في حلقات معينة، ونسّق بين قطع الحديد بدقة، كأنك تخيط قماشا في قماش. ربنا يعلمنا الإتقان؛ فعندما تعمل لدين الله لا تكن مهيئا للعمل دون جودة، بل يجب أن يكون فيه إتقان، سواء في الصلاة أو الدعوة أو أي عمل خيري، فكن إنسانا متقنا.
وقدر في السرد، لازم تظبطها كويس وتحط الحديد جنب بعضه ويغطي الجسم داير ما يدور، وكأن هنا حتة حديد وهنا حتة حديد، كأنه هيخيطهم في بعض هيربطهم ببعض، ما تبقاش مفكوكة، ما يبقاش ييجي المجاهد يتحرك فتفك منه، أو يبقى فيه أماكن فارغة.
إن القرآن يتكلم في تفصيلة صغيرة زي دي، يبقى النقطة دي مهمة. الإتقان في أدوات الجهاد نقطة مهمة، والإتقان في إعداد أدوات الجهاد نقطة مهمة، ﴿وَأَعِدُّوا لَهُم مَّا اسْتَطَعْتُم مِّن قُوَّةٍ وَمِن رِّبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ﴾ [الأنفال: 60].
إذا ربنا بيأمر سيدنا داوود أن أنا أديتك نعمة هسألك عنها. نقطة مهمة قوي، اللي أوتي فصاحة أو خطابة أو أوتي مال هو معتقد إنه بيتنفل وهو بيدي دين ربنا، لا ده ربنا أداك النعمة هيسألك عليها. أنا أديتك القدرة إنك تعلم ناس، ما علمتهمش ليه؟ أنا أديتك القدرة إنك تنفق مال، ما أنفقتش ليه؟ أنا أديتك القدرة إنك تحفّظ قرآن، ما حفّظتش ليه؟ غيرك ما بيعرفش يحفّظ. أنا أديتك القدرة إنك تقوم تصلي، أديتك القدرة إنك تجاهد في سبيل الله، أديتك القدرة إنك تدعو، ما عملتش ليه؟ هتسأل. فربنا قال لسيدنا داوود أنا أديتك.
اعمل الآية الأولانية بيقول له إيه؟ زي بالضبط ﴿يَا مَرْيَمُ إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَىٰ نِسَاءِ الْعَالَمِينَ * يَا مَرْيَمُ اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ﴾ [آل عمران: 42-43]، ما هو الاصطفاء لازم وراه تكليف على طول. وأنا اخترتك بعدها فاستمع ﴿إِنِّي اصْطَفَيْتُكَ عَلَى النَّاسِ بِرِسَالَاتِي وَبِكَلَامِي فَخُذْ مَا آتَيْتُكَ وَكُن مِّنَ الشَّاكِرِينَ﴾ [الأعراف: 144]. دايما الاصطفاء وراه تكليف، والنعمة وراها تكليف. أنا أديتك حاجة ربنا هيسألك عنها، ربنا قال له أنا ألنت لك الحديد، اعمل سابغات وقدر في السرد. فينا حاجة عجيبة قوي ربنا بيقول إيه؟ ﴿أَنِ اعْمَلْ سَابِغَاتٍ وَقَدِّرْ فِي السَّرْدِ﴾ وبعدين إيه ﴿وَاعْمَلُوا صَالِحًا﴾، صح؟ لأ. واعملوا، ليه الخطاب كان مفرد؟ بقى جمع. إحنا بنقول القرآن معجز، ليه القرآن كان بيقول إيه؟ ﴿أَنِ اعْمَلْ سَابِغَاتٍ﴾، ها؟ وقدر، خطابه للمفرد، بيقول له فجأة قال إيه ﴿إِنِّي بِمَا تَعْمَلُونَ بَصِيرٌ﴾.
هنا في لطيفة حلوة قالها بعض المفسرين، قال كأن ربنا بيقول لسيدنا داوود الصنعة اللي أنا علمتها لك علمها للناس من بعدك، واللي وراك يعلّمه للي وراهم، بحيث إن لما يموت سيدنا داوود يبقى فيه جيل متعلّم. ودي نقطة مهمة جدا حتى في الصناعات الدنيوية أو في العلم الديني، إن لازم إنشاء كوادر تشيل من وراك. الطبيب أو المهندس اللي يتعلم حاجة لازم يربّي بعده ناس تتعلم الحاجة دي، بحيث لما يموت في ناس تشيل. وبعض العلماء قالوا ده كان فيه إشارة في قول ﴿وَمَا مُحَمَّدٌ إِلَّا رَسُولٌ قَدْ خَلَتْ مِن قَبْلِهِ الرُّسُلُ أَفَإِن مَّاتَ أَوْ قُتِلَ انقَلَبْتُمْ عَلَىٰ أَعْقَابِكُمْ﴾ [آل عمران: 144]، فكأن ربنا سبحانه وتعالى بيقول لازم يبقى فيه كوادر أول لما النبي صلى الله عليه وسلم يموت يبقوا جاهزين على طول، مين اللي هيحمل الراية؟ مين اللي هيشيل كذا؟ مين اللي هيعمل كذا؟ لازم يبقى فيه دايما حد يشيل بعدك.
أي مكان ناجح اللي بيهتم مين اللي هيشيل بعده، أي مدير ناجح بيهتم دايما إنه يختار ناس تحته، ده هعلّمه كذا وده هعلّمه كذا، عشان لو أنا غبت أو تعبت أو مت أو حصل أي حاجة حد يشيل العمل، ما يتوقفش العمل، ما يبقاش متوقف على شخص، ما ينفعش أبدا إن العمل يبقى متوقف على شخص، لو شخص غاب العمل يتوقف. فربنا بيقول ﴿وَاعْمَلُوا صَالِحًا﴾ يعني ممكن الجيل اللي بعد كده يستعمل الأدوات دي في الفساد، ممكن الجيل اللي هييجي بعد كده، ودي دايما صورة إن يبقى فيه ناس صالحين وييجي بعدهم ناس فاسدين يستغلوا ده في الفساد، فربنا بيقول لهم اعملوا صالحا، لازم يبقى فيه رقابة، لازم فيه ناس تراقب الأدوات والحديد والأسلحة دي هتستعمل لنصرة الدين ولا هتستعمل للفساد والاستطالة على البشر. ﴿وَاعْمَلُوا صَالِحًا إِنِّي بِمَا تَعْمَلُونَ بَصِيرٌ﴾.
يبقى كل نعمة ممكن الإنسان يستغلها لنصرة الدين أو ممكن يستغلها لحرب الدين. كل نعمة، واحد مثلا ربنا أدّى له لباقة في الكلام ومذيع وبيطلع في الإعلام، دي نعمة ربنا يديها له، ممكن يستغل ده لنصرة الدين ويعلّم الناس دين ربنا، وممكن يستغل ده لهدم الدين. فكل نعمة أدهالك دي بلاء، مش كل نعمة تعني الرضا. في خلط عند الناس، معتقد إن طالما ربنا أدّى له يبقى بيحب، النعمة دي ابتلاء ﴿وَفِي ذَٰلِكُم بَلَاءٌ مِّن رَّبِّكُمْ عَظِيمٌ﴾. وزي ربنا ما قال لبني إسرائيل، وسيدنا موسى قال لهم ﴿عَسَىٰ رَبُّكُمْ أَن يُهْلِكَ عَدُوَّكُمْ وَيَسْتَخْلِفَكُمْ فِي الْأَرْضِ فَيَنظُرَ كَيْفَ تَعْمَلُونَ﴾ [الأعراف: 129]. ليه ربنا هيستخلف بني إسرائيل؟ عشان إيه؟ فينظر كيف تعملون، عشان اعملوا إيه لما تمكنوا؟ يعني ده اختبار، ربنا بيقول لهم أنا هنقلكم من الاستضعاف للتمكين عشان أنتم تم اختباركم في الاستضعاف، لسه اعتبره بقى في التمكين هتعملوا إيه؟ وبالفعل نجح بنو إسرائيل في مرحلة الاستضعاف ولم ينجحوا في التمكين. لما ربنا نجّاهم، وطبعا مش كلهم نجح كمان في الاستضعاف، لما ربنا نجّاهم أول لما ربنا قال ﴿وَجَاوَزْنَا بِبَنِي إِسْرَائِيلَ الْبَحْرَ فَأَتَوْا عَلَىٰ قَوْمٍ يَعْكُفُونَ عَلَىٰ أَصْنَامٍ لَّهُمْ قَالُوا يَا مُوسَى اجْعَل لَّنَا إِلَٰهًا كَمَا لَهُمْ آلِهَةٌ﴾ [الأعراف: 138]، من أول لحظة وبدأوا يسقطوا والعياذ بالله في الامتحان. فربنا بيقول ﴿وَاعْمَلُوا صَالِحًا إِنِّي بِمَا تَعْمَلُونَ بَصِيرٌ﴾ هذا بالنسبة لسيدنا داوود.
بالنسبة لسيدنا سليمان ﴿وَلِسُلَيْمَانَ الرِّيحَ غُدُوُّهَا شَهْرٌ وَرَوَاحُهَا شَهْرٌ﴾. ربنا سخّر الريح لسيدنا سليمان، هنجد إن ربنا ألان الحديد لسيدنا داوود بعد ما سيدنا داوود سبّح، التسخير جه بعد العبادة. وهنا ﴿وَلِسُلَيْمَانَ الرِّيحَ غُدُوُّهَا شَهْرٌ وَرَوَاحُهَا شَهْرٌ﴾، العلماء بيقولوا لما ذبح سليمان عليه السلام الخيل، سيدنا سليمان في سورة ص قال إيه ﴿إِنِّي أَحْبَبْتُ حُبَّ الْخَيْرِ عَن ذِكْرِ رَبِّي حَتَّىٰ تَوَارَتْ بِالْحِجَابِ * رُدُّوهَا عَلَيَّ فَطَفِقَ مَسْحًا بِالسُّوقِ وَالْأَعْنَاقِ﴾ [ص: 32-33]. سيدنا سليمان كان بيقعد يسبّح عند غروب الشمس وهو بيسبّح، مرّت الخيل بجمالها وشكلها الجميل، انشغل بها سيدنا سليمان عن التسبيح حتى غربت الشمس، فغضب سيدنا سليمان؛ إزاي الخيل تشغلني عن طاعة ربنا؟ ردوها علي، رجعوها لي، فطفق مسحا بالسوق والأعناق فذبحها. ربنا أبدله لما ذبح الخيل بالريح، أسرع من الخيل، الخيل عشان تروح مكان وتقعد فترة برغم إن هي أسرع من الجمال والبغال. لما ذبح الخيل ربنا أدّى له مكانها الريح. يبقى أيضا لما كان طائع وترك لله ربنا أبدله خيرا.
يبقى إذا وأنت بتتعامل لنصرة الدين أوعى تنشغل بالأسباب عن رب الأسباب، أوعى تنشغل بالشغل والحركة عن إنك تذكر الله عز وجل. لذلك سيدنا علي بن أبي طالب في حديث رائع لما كان بيعلّم الصحابة، النبي صلى الله عليه وسلم علّمه إنه يقول قبل النوم «سبحان الله ثلاثا وثلاثين، والحمد لله ثلاثا وثلاثين، والله أكبر أربعا وثلاثين». فأحد التابعين سأله فبيقول له هل تركتها قط؟ سبتها قبل كده؟ في مرة نمت من غير ما تقول؟ قال لا. قال ولا يوم صفين؟ معركة صفين دي كانت بين الصحابة وكان أزمة نفسية ضخمة وفتن عظيمة. فقال له طب اليوم ده أنت نسيتها فيه؟ قال ولا يوم صفين. ما انشغلش بالجهاد وبالعمل وبالحركة عن الذكر اللي النبي صلى الله عليه وسلم علّمه له. دي نقطة مهمة جدا، بالحفاظ على الطاعة يسدّد الإنسان، بالحفاظ على التسبيح بالنهار وفي أول النهار وفي آخره، وبالحفاظ على قيام الليل، وبالذكر الإنسان يبقى مسدّد.
لذلك ربنا قال في آخر سورة المزمل اللي بتتكلم عن قيام الليل، آخر سورة ربنا قال إيه ﴿عَلِمَ أَن سَيَكُونُ مِنكُم مَّرْضَىٰ ۙ وَآخَرُونَ يَضْرِبُونَ فِي الْأَرْضِ يَبْتَغُونَ مِن فَضْلِ اللَّهِ ۙ وَآخَرُونَ يُقَاتِلُونَ فِي سَبِيلِ اللَّهِ﴾ [المزمل: 20]. طيب واحد مريض وواحد شغال في الدنيا بيسافر يشتغل وواحد بيقاتل في سبيل الله، كان متوقع إن بعد التلاتة دول ربنا يقول فهؤلاء معذورون من قيام الليل، لكن ربنا قال في الآية إيه ﴿فَاقْرَءُوا مَا تَيَسَّرَ مِنْهُ﴾، قيل ما تيسر في قيام الليل، يعني حتى التلاتة دول يقيموا الليل برضو، حتى المريض واللي شغال والمقاتل في سبيل الله برضو يحافظ على قيام الليل ولو حتى جزء، ما تيسر منه. فهنا نجد إن ربنا بعد دايما الطاعة والبذل لدين ربنا في الطاعة والعبادة ربنا يسخّر لك حاجة صعبة. لذلك كان النبي صلى الله عليه وسلم إذا حزبه أمر يعمل إيه؟ عشان يتحل، فزع إلى الصلاة، كل ما الدنيا تقفل تفزع إلى الصلاة، تطيع ربنا فربنا ييسّر لك الأمر العسير ده.
﴿وَلِسُلَيْمَانَ الرِّيحَ غُدُوُّهَا شَهْرٌ وَرَوَاحُهَا شَهْرٌ﴾، قيل يعني المسافة اللي كانت الخيل بتقطعها في شهر، الريح تقطعها في يوم. يعني كان المسافرين يروحوا المسافة في شهر ويرجعها في شهر، هو في نفس اليوم يروح ويرجع الصبح، أي في مسافة شهر. الناس تقعد شهرين عشان تروح وترجع، وسيدنا سليمان يروح ويرجع آخر اليوم في نفس اليوم. سيدنا سليمان استعمل هذه الريح في الجهاد، إن كان بيخلي الريح تحمله وإنه يروح يستكشف الأماكن اللي لسه ما بتطيعش ربنا عشان يجاهد وينشر دين ربنا سبحانه وتعالى. ﴿وَأَسَلْنَا لَهُ عَيْنَ الْقِطْرِ﴾، القطر اللي هو النحاس، وأسلنا له عين القطر اللي هو النحاس. ومن الجن، وربنا سخّر له كمان الجن، التسخير لسيدنا سليمان أعلى من التسخير عند سيدنا داوود. وهنشوف بقى النهاية، ﴿وَمِنَ الْجِنِّ مَن يَعْمَلُ بَيْنَ يَدَيْهِ بِإِذْنِ رَبِّهِ ۖ وَمَن يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ السَّعِيرِ﴾ [سبأ: 12].
في نقطة مهمة قوي، الريح والنحاس ممكن يستعملوا في البناء، في البناء الحضاري، يعني أبني بيوت، والنحاس يستعمل في البناء اللي فيه استقرار، الحديد يستعمل أكثر في الجهاد وبرضه في البناء. نجد إن ربنا ذكر الجهاد قبل البناء، دي نقطة مهمة جدا، والريح فيها التنقل، لو ما فيش جهاد عمر ما ناس هتتنقل بأمان. لذلك اللي بيترك الجهاد ويبدأ على طول في مسألة استعمال التنقلات وبناء وسائل المواصلات وبناء الأبنية بالنحاس قبل ما يجاهد في سبيل الله، دايما يعيش مرعوب. لذلك النبي صلى الله عليه وسلم قال «إذا تبايعتم بالعينة وأخذتم أذناب البقر ورضيتم بالزرع وتركتم الجهاد سلط الله عليكم ذلا لا ينزعه حتى ترجعوا إلى دينكم». شوفوا كأن ترك الجهاد ده فيه جزء كبير من ترك الدين. يبقى إذا عشان كده دي نقطة مهمة جدا في القرآن، كتير من السور اللي نزلت في المدينة لازم ييجي فيها في وسطها كلام عن الجهاد، مش معنى إن أنتم بتبنوا دولة إنك تنشغل ببناء الدولة وتترك الجهاد وتقول أصل إحنا مش فاضيين بقى نجاهد في سبيل الله، أصل إحنا مشغولين ببناء الدولة، أبدا، طول ما الجهاد موجود طول ما أنت بتحافظ على الدولة، ودايما الدولة المستقرة حضاريا هي اللي جيشها قوي، كل ما جيشها يضعف تعرف إن هي عمرها ما هتستقر، عمرها ما هتعرف تبني خايفة، فلذلك هنا ربنا سبحانه وتعالى ذكر الجهاد الحديد أولا وبعدين النحاس.
طيب وبعدين؟ الجن دول بيعملوا إيه؟ ﴿يَعْمَلُونَ لَهُ مَا يَشَاءُ﴾. والجملة دي هنقف عندها وقفة، بس أخلص تفسير الآيات معاني الكلمات ونرجع لكلمة مهمة قوي؛ يعملون له ما يشاء، الجن بيعملوه لمين؟ لسيدنا سليمان. ﴿مِن مَّحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَّاسِيَاتٍ﴾ [سبأ: 13]. سيدنا سليمان طالما ربنا جاب تفصيل يبقى دي حاجة مهمة، زي كلمة وقدر في السرد، سيدنا سليمان استغل تسخير الجن كيف؟ خلّاهم يعملوا إيه؟ خلّاهم يعملوا أربع حاجات. محاريب، عشان لو أنت ربنا أدّى لك القدرة على إلانة الحديد واكتشافها بعد كده، كأن دي فيها إشارة إن إذا كان إلانة الحديد واستعمال النحاس كان في فترة من الفترات هو تسخير من ربنا، ممكن العلم بعد كده يكتشف كيف يُلان الحديد عن طريق الأفران والنار وكده، واستعمال النحاس، ماذا سيستعمل المسلمون أو هيستعملوا الحديد والنحاس في أي شيء؟ يستعملوه في إيه؟ سيدنا سليمان استعمل الجن في إيه؟ يبنوا محاريب وتماثيل وجفان كالجواب وقدور راسيات.
يعني إيه الأربعة؟ الأولانية محاريب اللي هي جمع محراب، أماكن الطاعة، أول حاجة بناها المساجد، زي النبي صلى الله عليه وسلم أول لما راح المدينة، أول حاجة بناها المسجد. يبقى أهم حاجة في بناء الدول إن أول حاجة تُبنى المساجد. والمحراب سُمي المحراب، قالوا لأن الإمام وسموا الموطن ده محراب أو أماكن العبادة زمان، مش بس المحراب ده، مكان العبادة في البيت حتى كان أيام بني إسرائيل يسموه محراب، اه، قال لك لأن ده مكان حرب، ده المكان اللي أنت بتستطيع إن أنت تحارب فيه الشيطان، فلذلك سُمي محراب. يبقى أول حاجة أماكن العبادة. تاني حاجة تماثيل، قيل إن التماثيل كانت مباحة في عهدك، وده اللي عليه جمهور المفسرين كانت مباحة في عهده.
سليمان، لكن نسخ ذلك شرع النبي صلى الله عليه وسلم وبقيت منسوخة، والتماثيل حرمت في شريعته. طب التماثيل دي كان بيستعملها في إيه؟ المفسرون قالوا التماثيل دي كانوا بيستعملوها في إيه؟ قالوا كان بيستعملها الحاجة الأولانية في الجهاد؛ إنه كان يعمل تماثيل ضخمة من النحاس وهو رايح الحرب مخيفة على شكل أسد أو نسر أو رجال عظماء، العدو لما مجرد ينظر إلى تمثال عظيم من النحاس بيلمع مع شعاع الشمس الجيوش تخاف، منظر التمثال ده يخوفه، أو قيل تماثيل لأنبياء وصالحين تذكرهم بالطاعة.
فبرضو التماثيل إما في العبادة والطاعة أو في الجهاد. يبقى إحنا عندنا العبادة المحاريب، التماثيل في الجهاد. الجفان كالجواب والقدور الراسيات معناها إيه؟ جفان كالجواب، إنه كانت الجابية دي مكان بيجمع فيه الماية عشان الناس عايزة تشرب، يعمل أماكن أعمال خيرية بقى، يعمل أماكن للمية اللي عايز يشرب مية زي كولديرات الماية اللي في الشارع كده بقى، لأ، يعمل أماكن كبيرة اللي عايز يشرب مية في أي وقت. وقدور راسيات يعني من شدة ثقلها لا تتحرك، يعني يجيب حلل ضخمة بقى قدور كبيرة جدا فيها أكل للي عايز ياكل، تتحط كده سبيل اللي عايز يشرب واللي عايز ياكل.
سيدنا سليمان استغل التسخير والناس في تلات حاجات: العبادة، الجهاد، الأعمال الخيرية. تاني، استغل الطاقة دي بحيث إنه لو المسلمين تمكنوا يسخروا طاقتهم في تلات حاجات: بناء أماكن عبادة، أدوات الجهاد، الأعمال الخيرية. العجيب إن أخر الأعمال الخيرية بعد العبادة والجهاد عشان تبقى النية مضبوطة، إحنا بنعمل الأعمال الخيرية لنشر الدين، يعني أنت بتعملها عشان يعبد الله عز وجل في الأرض وبتعملها طلباً لرضى الله، حتى لو تطعم كافر أو تطعم كلب، أنت بتعمل ده مش بس كده، مش بتعمل زي ما بيقولوا "اعمل الخير وارميه في البحر"، لأ أنت بتعمل ده طلباً لرضى الله عز وجل سبحانه وتعالى.
الانشغال بالأعمال الخيرية قبل العبادة والجهاد بيخليها تروح تضيع، ما تديش ثمرة لأن أنت ما عندكش بناء لده. فبدأ أماكن العبادة، ثم الجهاد، ثم الأعمال الخيرية. الشاهد عشان نبقى طلعنا بحاجة لو ربنا مكن للمسلمين في طاقات يسخر ده رقم واحد في بناء المساجد، ويهتموا بالعبادة ويعلموا الناس، وأماكن لتحفيظ القرآن، يصرفوا في الحاجات دي، الحاجات اللي يتصرف عليها رقم اتنين الجهاد، رقم تلاتة أعمال خير. ولما يعملوا الخير يعملوه عام، يعني يعملوا مية عامة للناس، الأكل يبقى عام، ده ده الخير اللي بيأثر في الناس، مش يبقى خير محدود وتيجي تدي أسرة هي مش عارف محتاجة ألف جنيه تديها الخمسين جنيه، لا لازم قدر الاستطاعة الخير يبقى عام للناس كلها.
طيب سيدنا سليمان عمل الحاجات دي إزاي؟ عن طريق التسخير. يعني الجن وهم شغالين في الحاجات دي كانوا مقتنعين بالكلام ده؟ لا، ما كانوش مقتنعين، كانوا مسخرين، دي نقطة مهمة جداً عايزين نطلع بيها النهاردة. طيب اعملوا برضو خطاب بالجمع «اعملوا آل داوود شكراً وقليل من عبادي الشكور».
طيب إحنا عايزين نسأل سؤال بدأناه في أول الدرس: ليه القصة دي جت هنا؟ ليه القصة بتاعة سيدنا داود وسيدنا سليمان جت هنا؟ طبعاً دي بتبقى محاولات يفتح الله عز وجل بها على من يشاء من عباده. إحنا نقول تلات حاجات؛ الحاجة الأولانية إن إحنا قلنا جو السورة جو استضعاف، والمسلمين فقراء ما معهمش أي أدوات للنصر، والمشركين معهم كل الأموال والأسباب وأدوات النصر، خلاص؟ لذلك في نفس السورة قالوا: ﴿وَقَالُوا نَحْنُ أَكْثَرُ أَمْوَالًا وَأَوْلَادًا وَمَا نَحْنُ بِمُعَذَّبِينَ﴾ [سبأ: 35]. فربنا بيقول للمسلمين اطمئنوا، كما أن الله عز وجل أعطى داوود وسليمان الله عز وجل قادر على أن يعطيكم هذا.
ونجد ملمح مهم جداً في القصة دي، قصة داود وسليمان، وخاصة في الآية الأخيرة: ﴿فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَىٰ مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ ۖ فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ﴾ [سبأ: 14]. نجد هنا إن في معنيين مهمين أوي؛ معنى الملك ومعنى العلم. فالله عز وجل يملك كل شيء والله عز وجل يعلم الغيب ويعلم كل شيء. ربنا يملك الجبال ويملك الحديد ويملك النحاس ويملك الجن، الله عز وجل قادر على إنه يأمر الجبال فتطيع الجبال، ويأمر الجن فيطيع الجن، ويأمر الريح فتطيع الريح، ويأمر الطير فيطيع الطير، ده الملك. الحاجة التانية صفة العلم.
أول آية في السورة وتاني آية في السورة اتكلمت عن صفة الملك وصفة العلم. الآية الأولانية ﴿الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ وَلَهُ الْحَمْدُ فِي الْآخِرَةِ ۚ وَهُوَ الْحَكِيمُ الْخَبِيرُ﴾ [سبأ: 1]، الآية اللي بعدها على طول ﴿يَعْلَمُ مَا يَلِجُ فِي الْأَرْضِ وَمَا يَخْرُجُ مِنْهَا﴾ [سبأ: 2]، يبقى اتكلمت عن الملك والعلم. الآيات دي جت القصة دي عشان توضح توضيح تفصيلي إن الله عز وجل يملك كل شيء ويعلم كل شيء. دي النقطة الأولى.
النقطة التانية، ربنا بيقول ده خطاب للمسلمين، بالنسبة بقى للمشركين ربنا بيقول لهم فيه نموذجين قصاد بعض أهو، حتى في المصحف اللي معانا قصاد بعض، نموذج ربنا ادى له نعم فأطاع فحفظها الله عز وجل عليه، ونموذج ربنا ادى له نعم فكفر فعاقبه الله عز وجل. فكرة الشكر، أنتم يا قريش أكثر أموالاً وأولاداً، طب ده المفروض يخليكم تعملوا إيه؟ تشكروا، عشان كده ربنا هنا بيقول: ﴿اعْمَلُوا آلَ دَاوُودَ شُكْرًا ۚ وَقَلِيلٌ مِّنْ عِبَادِيَ الشَّكُورُ﴾ [سبأ: 13]. ودول الناحية التانية عملوا إيه؟ ﴿لَقَدْ كَانَ لِسَبَإٍ فِي مَسْكَنِهِمْ آيَةٌ ۖ جَنَّتَانِ عَن يَمِينٍ وَشِمَالٍ ۖ كُلُوا مِن رِّزْقِ رَبِّكُمْ وَاشْكُرُوا لَهُ ۚ بَلْدَةٌ طَيِّبَةٌ وَرَبٌّ غَفُورٌ * فَأَعْرَضُوا﴾ [سبأ: 15-16].
فهنا الآيتين دول أو القصتين دول قصاد بعض بين الشكر والإعراض. سيدنا داود وسيدنا سليمان نموذج للشكر المبهر، وسبأ نموذج للإعراض المدمر، ﴿مَزَّقْنَاهُمْ كُلَّ مُمَزَّقٍ﴾ [سبأ: 19]. فبين الشكر والإعراض. النقطة التالتة، ليه القصة دي؟ قلنا النقطة الأولى القصة دي بتوضح مدى ملك الله عز وجل ومدى علم الله عز وجل وده مناسبة لأول السورة، النقطة التانية نموذج تطبيقي للشكر وإن قصاده نموذج تطبيقي للكفر، فبين الشكر والإعراض. النقطة التالتة نقطة مهمة هقولها بعد ما أخلص أخر آية.
فلما قضينا عليه الموت ما دلهم على موته إلا دابة الأرض تأكل منسأته، فلما خر تبينت الجن أن لو كانوا يعلمون الغيب ما لبثوا في العذاب المهين، أشرح الآية وأقول الدلالة التالتة لوجود القصة دي في سورة سبأ. فلما قضينا عليه الموت، سيدنا سليمان لما قدر الله عز وجل عليه الموت، إيه اللي حصل؟ دخل سيدنا سليمان عندما يروي كثير من المفسرين دخل يصلي في بيت المقدس وسند على العصاية بتاعته، وهو بيصلي مات، مات وهو ساند على العصاية. بعضهم قال بقى فترات طويلة، أيام واللي قال شهور واللي قال سنة، أياً كان والجن قاعدة تشتغل.
سيدنا سليمان كان مسخرها تعمل أعمال بقى وتروح وتيجي وتبني محاريب وتماثيل وجفان كالجواب، وإحنا قلنا الجن ما كانتش مقتنعة، كانت مسخرة، كان بالنسبة لها ده عذاب، زي ما ربنا قال في الأخر ﴿فَلَبِثُوا فِي الْعَذَابِ الْمُهِينِ﴾ [سبأ: 14]، كان بالنسبة لهم ده عذاب مهين. خلاص، قعد فترة طويلة سيدنا سليمان توفاه الله وساند على العصاية، أنت الجن عرفت؟ هم خايفين من سيدنا سليمان، ييجوا يبصوا عليه يلاقوه واقف يصلي يقوموا راجعين شغالين، يتعبوا وييجوا ويبصوا عليه يلاقوه بيصلي، لأ، إحنا لو بطلنا شغل، عشان كده ربنا قال ﴿وَمَن يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ السَّعِيرِ﴾ [سبأ: 12]، اللي ما كانش بيسمع الكلام سيدنا سليمان كان بيضربه.
فقعدوا فترة يبصوا على سيدنا سليمان، سيدنا سليمان يلاقوه ساند على العصاية وهو يتوفاه الله ومات، هم مش عارفين إنه مات. فيروحوا يشتغلوا، وأنت عارف واللي مات! شف بقى قدرة ربنا، ربنا سخر الأرضة، دابة الأرض اللي هي الأرضة تاكل الحاجات، قعدت تنخور في العصاية فأول لما قعدت تنخور في العصاية وصلت لمكان معين العصاية اتكسرت، فوقع سيدنا سليمان خر، دايماً الخرور انهيار القوة.
فلما خر وقع سيدنا سليمان، مات على الأرض بقى، هو كان ميت من زمان، هم شافوه بقى، أول لما شافوه قالوا إيه ده! ده إحنا بقى لنا فترة طويلة، يا ريتنا كنا عرفنا من زمان. فلما خر أي سقط ﴿تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ﴾ [سبأ: 14]. تبينت الجن فيها معنى إيه؟ المعنى الأول قال بعض المفسرين تبينت الجن معناها أي ظهرت الجن على حقيقتها، يعني معنى الآية فلما خر تبينت الجن، معنى الآية فلما وقع سليمان على الأرض ظهر الجن على حقيقتها، إيه هي الحقيقة دي؟ إنهم لو كانوا يعلمون الغيب ما لبثوا في العذاب المهين. المعنى التاني تبينت الجن؛ إن كان القادة بتوع الجن الكبراء مفهمين الأتباع إن إحنا بنعرف الغيب، فأول لما وقع سيدنا سليمان جم الأتباع الصغيرين للكبار وعاملين فيها بتعرفوا الغيب وعمالين تقولوا لنا إحنا اللي بنعرف الغيب! ده أنتم ده إحنا بقالنا بتاع سنة شغالين وما نعرفش وأنتم ما تعرفوش حاجة، فظهروا برضو على حتة تبيان الجن، أي صغار الجن قالوا لو كانوا يعلمون أي كبار الجن لو كانوا يعلمون الغيب ما لبثوا في العذاب المهين.
طيب ليه بقى النهاية دي تحديداً ما جتش غير في السورة دي؟ وليه كلمة المنسأة مش كلمة العصاية؟ مش هي اسمها العصا؟ ليه ربنا سماها المنسأة؟ نقطة مهمة جداً دي نختم بيها، المسلم العامل لدين الله عز وجل في وقت الاستضعاف دائماً متهيأ له إن الحل الوحيد إن أنا يبقى معي إمكانيات، داعية، مربي، عامل، مجاهد، معتقد لو قلت له أنت عايز إيه؟ يقول أنا عايز جنود وأتباع يعملون لي ما أشاء، يكونوا مسخرين، أقول لهم يروحوا يجاهدوا، يعملوا ويكتبوا ويعملوا إن أنا أديهم أوامر وهم ينفذوا. دي حلم أي حد عايز ينصر الدين، إنه عايز ناس تسمع الكلام يعملون له ما يشاء وخلاص، مش مهم يفهموا، مش مهم يبقى لهم رأي، مش مهم يفكروا، المهم إن هم يسمعوا الكلام بس، يبني دي ويعمل دي وخلاص.
غالب الناس في وقت الاستضعاف عايز كده، عايز أسباب وعايز أموال يعمل بها كده، فربنا هنا بيقول للنبي صلى الله عليه وسلم فارق ما بين التربية، الدعوة المبنية على التسخير والدعوة المبنية على التربية. تاني، فارق بين الدعوات المبنية على التسخير والدعوات المبنية على التربية، بمعنى ربنا بيقول للنبي صلى الله عليه وسلم أنا قادر إن أنا أنزل لك جيش يسمع كلامك في مكة وتقول لهم جاهدوا ويعملوا، طب وبعدين؟ وبعد ما تموت إيه اللي هيحصل؟ هينقلبوا. لذلك العجيب إن ربنا جاب قصة سبأ بعد سيدنا سليمان، هو مين اللي فتح سبأ أصلاً؟ سيدنا سليمان، فربنا جاب نموذجين للارتداد، إن الجن اللي كانوا مسخرين اللي كانوا بيشتغلوا انقلبوا، والبلد اللي سيدنا سليمان فتحها كفرت بنعم ربنا سبحانه وتعالى.
فربنا بيقول للنبي صلى الله عليه وسلم الدعوة بتاعتك دعوة خالدة إلى يوم القيامة، ما ينفعش تبقى مبنية على التسخير، لذلك لازم الدعوة بتاعة النبي صلى الله عليه وسلم تكون مبنية على تربية الرجالة والكوادر، دي اللي بتستمر. لذلك أخر مشهد في حياة النبي صلى الله عليه وسلم هو إيه؟ بأبي هو وأمي صلى الله عليه وسلم النبي صلى الله عليه وسلم تعب قعد فترة تعبان من يوم الخميس وقعد في البيت، وحديث طويل في وفاة النبي صلى الله عليه وسلم.
جه يوم الاثنين الصبح في صلاة الفجر أحس بخفة ونشاط، فقال وفتح الستارة بتاعة البيت، بص لقى الصحابة يقفون صفوفاً في صلاة الفجر، فأول لما شافوه هموا أن يفتنوا في صلاتهم، أبو بكر رضي الله عنه حاول، فأشار إليه أن أتموا صلاتكم، أخر مشهد الصحابة واقفين صفوف في صلاة الفجر جماعة، ومن صلى الفجر في جماعة فهو في ذمة الله، تركهم في ذمة الله صفوفاً، فاستمر الدين بعد وفاة رسول الله، مش كلهم انقلبوا، فاهمين الفرق؟ لو كان الجيل ده متربي على التسخير إنه معتقد إنه شغال في العذاب المهين وقاعد مضايق وبيشتغل وهو مضايق، كان أول لما النبي صلى الله عليه وسلم يموت خلاص بقى يعملوا حفلة وخلصنا، لكن لأ جاهدوا ونشروا الدين، وسيدنا أبو بكر قال والله لو منعوني عقال بعير لقاتلتهم عليه. ده فارق بين الدعوة المبنية على التربية، كوادر رجالة مؤمنة بهذا الدين، وبين الدعوة المبنية على التسخير، إن أنت عايز ناس يعملوا لهم ما يشاء، الدعوات دي تسقط سريعاً بموت الداعية.
مقتنع مؤمن، مش مسخّر وحاسس إنه في عذاب مهين، لا، مؤمن وهو بيحب ويبذل. لما يموت الداعية ييجي واحد مكانه أحسن منه ويبتكر، واللي وراه واللي وراه. الحمد لله، والصلاة والسلام على رسول الله صلى الله عليه وسلم. نقول فارق بين الدعوات المبنية على التسخير، والدعوات المبنية على تربية رجال يؤمنون بالعمل. الصحابة تركهم النبي صلى الله عليه وسلم، وده نجاح؛ دي آية إن بعد ما كانوا قلة مستضعفة، إن آخر مشهد هو مشهد صفوف.
إن النبي صلى الله عليه وسلم والصحابة واقفين جنب بعض، دي عوامل النجاح، عوامل الاستمرار؛ إنهم يبقوا صف مع بعض في ذمة الله. لذلك النبي صلى الله عليه وسلم لما قال عن الدجال قال: «إن يخرج فيكم وأنا حي، فإني حجيج دونه»، سيبوه لي. طب ولو خرج بعد وفاة النبي صلى الله عليه وسلم؟ «فالله خليفتي على كل مسلم». فالله بيقول: ﴿اللَّهُ خَلِيفَتِي عَلَى كُلِّ مُسْلِمٍ﴾. من الإعجاز ومن إبهار نجاح النبي صلى الله عليه وسلم بتوفيق الله له، وده يعرفك الدعوة الصحيحة.
أقرب الناس للنبي صلى الله عليه وسلم هو مين؟ أقرب شخصية للنبي مين؟ أقرب شخصية من البشر أبو بكر الصديق، ثاني اثنين، معه على طول في كل حاجة. الصديق دايما أقرب واحد، لما تبقى أنت أقرب واحد لواحد صاحبك، لما يحصل له حاجة أنت أكثر واحد تتأثر. كان المتوقع إن لما النبي صلى الله عليه وسلم يموت أكثر واحد ما يعرفش يتكلم وينهار هو مين؟ هو سيدنا أبو بكر. تفاجأ إن أكثر واحد كان مرتبطاً بالله هو سيدنا أبو بكر. الله! إزاي النبي صلى الله عليه وسلم استطاع بتوفيقه من الله أن يربط الناس بالله؟
لذلك سيدنا أبو بكر لما كان يبكي بعد وفاة النبي صلى الله عليه وسلم، هو وسيدنا عمر لما راحوا لأم أيمن وبكت أم أيمن وهم بكوا، بكوا ليه؟ قالوا لها: يا أم أيمن بتعيطي ليه؟ أما تعلمين أن ما عند الله خير لرسوله؟ قالت: نعم، ولكن أبكي على انقطاع الوحي؛ لأنهم كانوا مرتبطين بالوحي، فبكيا. يبقى أنت مش القضية إنك تربط الناس بالشخص، قدر إنك تربط الناس بالوحي. القضية ليست في ربط الناس بالشخص ولكن في ربطهم بالنص، هي دي الربانية: ﴿وَلَكِن كُونُوا رَبَّانِيِّينَ بِمَا كُنتُمْ تُعَلِّمُونَ الْكِتَابَ﴾ [آل عمران: 79]، مش إنك تربطهم بشخصك.
بالعكس، ربنا عمل لهم تمرين وهم والنبي صلى الله عليه وسلم حي وسطهم لما أُشيع مقتل النبي صلى الله عليه وسلم، ليه؟ عشان يتدربوا عشان لما يموت بجد يبقوا اتدربوا قبل كده وخدوا التدريب ده عملي. إذاً فارق بين الدعوات المبنية على مجرد إصدار الأوامر، طبعاً عشان برضو من باب الإنصاف، فيه كتير من الناس ما عندهمش طاقات، فهو محتاج حد يقول له تعمل كذا وكذا بس، لكن مش كل الناس كده. فلو دعوة قائمة كلها بأكملها على مجرد إصدار أوامر لأشخاص بتنفذها بدون ما يبقى عندهم لا فهم ولا إيمان ولا حب ولا تفاني في العمل، دي هتسقط. وطبيعي برضو من باب الأمانة إن الناس تبقى متعلقة بشخص، ولما الشخص يروح يحصل بعض النقص.
تاني، طبيعي إن الناس تبقى متعلقة بشخص؛ النبي صلى الله عليه وسلم قال: «أنا أمنة لأصحابي، فإذا أنا ذهبت أتى أصحابي ما يوعدون، وأصحابي أمنة لأمتي، فإذا ذهب أصحابي أتوا أمتي ما يوعدون». حصل تأثر بعد وفاة النبي صلى الله عليه وسلم قطعا، لكن مش التأثر اللي أدى للانهيار. فدي نقطة مهمة.
آخر حاجة، ليه كلمة ﴿مِنسَأَتَهُ﴾؟ دابة الأرض تأكل منسأته، مش العصا، يعني العصا بتسمى منسأة لما بيستعملها الشخص إنه بيهش بها على الغنم، بيؤخر بها الغنم؛ بينسأ بها يعني بيؤخرها ويردها ويظبطها ويقدمها أو يؤخرها، دي تسمى العصا، فكأن العصا هنا هي أداة تسخير الغنم. فكأن العصا دي أول لما اتأكلت -اللي هي أداة التسخير- أول لما بدأت تتأكل، التسخير انتهى. وده أيضاً فارق بين الدعوات المبنية على العصا، إنه بيتربى جيل مجرد جيل خايف، ده اللي بيخوفه، أول ما بيموت الجيل ده ملوش أي قيمة، بيرتد، وبين الجيل اللي بيتربى على الإقناع والإيمان.
الصحابة كانوا مؤمنين بده، كانوا مقتنعين، كانوا بيبذلوا، ده هم اللي كانوا بيروحوا للنبي صلى الله عليه وسلم يقولوا: لم نرضَ الدنية في ديننا، ليه ما تخلينا نقاتل؟ ﴿أَلَمْ تَرَ إِلَى الَّذِينَ قِيلَ لَهُمْ كُفُّوا أَيْدِيَكُمْ﴾ [النساء: 77]، كانوا بيطلبوا القتال حتى في مكة، كانوا عايزين يبذلوا لينصروا دين الله عز وجل، كانوا مؤمنين، كان عندهم إيمان بالرسالة، كان حاسس إن دي قضيته هو.
النبي صلى الله عليه وسلم لما كان اغتم في مرة وأصابه غم، عايز يجمع الناس للصلاة قبل تشريع الأذان، المسلمون بدأوا يكتروا، كانوا زمان عدد قليل ينادي الصلاة فالناس تيجي تصلي، المسلمون بقوا كتير في المدينة، فأعداد كبيرة وعايزين نجمع الناس فقعدوا يفكروا، واحد قال: نعمل زي النصارى ناقوس، واحد قال: نعمل زي اليهود، فالنبي صلى الله عليه وسلم نام مغموماً يفكر، فعبد الله بن زيد بيقول حتة حلوة في الحديث: فأغتممت لغم رسول الله، نمت أنا كمان مغموم، فرأى رؤيا فيها الأذان، هو اللي شاف الأذان، فراح قاله للنبي صلى الله عليه وسلم.
أنا شفت رؤيا طويلة كده، جالي واحد قال لي: أنتم عايزين إيه؟ قلت له: عايزين نجمع الناس، قلت له: إيه رأيك في الناقوس؟ قال لي: ده بتاع النصارى، المهم في آخر الرؤيا علمني الرجل ده -تقريباً سيدنا جبريل- علمه الأذان، قال له: قل الله أكبر الله أكبر، علمه الأذان. جه عبد الله بن زيد رضي الله عنه للنبي صلى الله عليه وسلم تاني يوم، قال له: أنا شفت رؤيا كذا وكذا، قال: هي رؤيا حق، ألقه إلى بلال، علمه لبلال فإنه أندى منك صوتاً. يبقى الأذان -تشريع من التشريعات اللي لازم تبقى موجودة في المجتمعات الإسلامية- علامة على إسلام المجتمع، جه إزاي؟ إن واحد من الصحابة اغتم، شال الهم، هو شايل الهم، مش كلهم يروحوا: طب أما نشوف بقى النبي صلى الله عليه وسلم هيقول لنا نعمل إيه بكرة ونبقى نعمله وخلاص. لأ.
وفي رواية إن بعد ما عبد الله بن زيد قال الرؤيا، جه سيدنا عمر قال له: أنا شفت نفس الرؤيا، وسيدنا عمر شاف برضو الأذان، فقصها على النبي فقال: هي رؤيا حق، بس كان سبقه عبد الله بن زيد. يبقى كانوا بيشيلوا الهم، ده الجيل اللي ينشر الدين، مش إن إيه؟ أما نشوف بقى الإمام هيعمل إيه أو الشيخ هيعمل إيه وخلاص واحنا ما لناش دعوة. لأ.
ربنا بيقول في سورة ياسين: ﴿وَجَاءَ مِنْ أَقْصَى الْمَدِينَةِ رَجُلٌ يَسْعَى﴾ [يس: 20]، الراجل ده جه وكان عنده تلات رسل، إذ أرسلنا إليهم اثنين فكذبوهما، فعززنا بثالث، وهو جاي من آخر الدنيا ما قالش إيه؟ خلاص فيه تلاتة أنا أروح أعمل إيه بقى؟ أنا ماليش لازمة، أما التلاتة الرسل دول يقولوا لي انزل أبقى أنزل، يقولوا لي اتكلم أبقى أتكلم، يقولوا لي اقعد هبقى أقعد. لأ، ما ينفعش، عمر الدين ما ينتشر كده. كل واحد مسؤول، أنت عندك فكرة مش عند فلان، وفلان عنده فكرة مش عند التجمع ده، والكل يشيل الهم. لازم كل اللي قاعدين يشيلوا هم نصرة الدين، أنت شايل هم مش ياخد التكليف لنصرة الدين؟ يوه أنا امتى نخلص بقى من اللي بيكلفنا ده! كما قال: ﴿لَوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ﴾ [سبأ: 14].
تخيل معتقد إن نصرة الدين عذاب مهين، لأنه شغال على فكرة التسخير مش التربية. لذلك الدعوات التي تستمر بعد موت الداعية هي الدعوات التي قامت على التربية ليست بالتسخير، الدعوات التي قامت على الإيمان ليس بالعصا، دي الدعوات ليس بالمنسأة إن هو يقدم ويؤخر بالعصا، دي الدعوات التي تستمر. فربنا سبحانه وتعالى بيقول لنا في سورة سبأ: مش القضية إن معهم فلوس يبقى أنتم معكم فلوس، مش الحل إن يبقى معكم أموال وأسباب، الحل في وجود جيل من الصحابة يؤمن بهذا القرآن ويؤمن بالوحي ويحمل الرسالة وينشر الدين فينتشر الدين في الأرض.
أسأل الله عز وجل أن يستعملنا ويسددنا، أقول قولي هذا وأستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك. وأقم الصلاة.