تفسير سورة سبأ (3) | الآيات (16-23) | د. أحمد عبد المنعم

السلام عليكم ورحمة الله وبركاته. بسم الله، والصلاة والسلام على رسول الله صلى الله عليه وسلم. بإذن الله عز وجل نستكمل تفسير سورة سبأ، كنا توقفنا عند قول الله عز وجل: ﴿لَقَدْ كَانَ لِسَبَإٍ فِي مَسْكَنِهِمْ آيَةٌ جَنَّتَانِ عَن يَمِينٍ وَشِمَالٍ * كُلُوا مِن رِّزْقِ رَبِّكُمْ وَاشْكُرُوا لَهُ بَلْدَةٌ طَيِّبَةٌ وَرَبٌّ غَفُورٌ﴾ [سبأ: 15].

بفضل الله عز وجل انتهينا المرة الماضية من قصة سيدنا داوود وسيدنا سليمان، وتكلمنا لماذا في سورة سبأ تحديدا جاء ذكر وفاة سيدنا سليمان بهذه الطريقة. وتكلمنا على مسألة المنسأة التي تستعمل للزجر ودابة الأرض التي تأكل المنسأة، ﴿فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ﴾ [سبأ: 14]. قلنا فارق بين الدعوات التي تقوم على الإيمان والدعوات التي تقوم على التربية.

بعد ذلك لمشركي قريش ربنا يقول لهم: ﴿لَقَدْ كَانَ لِسَبَإٍ فِي مَسْكَنِهِمْ آيَةٌ﴾. قلنا هنا في الجزء الأول بيتكلم على أهل الشكر سيدنا داوود وسيدنا سليمان الذين شكروا نعمة ربنا، والجزء الثاني الذين كفروا بنعمة ربنا سبحانه وتعالى. قلنا برضه نقطة مهمة تفيدنا في تفسير القرآن، أن مجيء القصة الواحدة يبقى لها أكثر من غرض؛ ممكن القصة دي المشركون يستفادوا منها شيئا، والمؤمنون يستفادوا منها شيئا، والمربون والدعاة والعلماء الذين يقومون مقام النبي صلى الله عليه وسلم في الدعوة يستفيدون منها شيئا، كلما الإنسان يترقى في الإيمان كلما استفادته من القرآن تزداد.

قلنا لماذا قصة سيدنا سليمان وسيدنا داوود مع قصة سبأ من الأشياء الأساسية؟ قلنا السورة بدأت بقول الله عز وجل: ﴿الْحَمْدُ لِلَّهِ الَّذِي لَهُ مَا فِي السَّمَاوَاتِ وَمَا فِي الْأَرْضِ﴾ [سبأ: 1]. قلنا اللام دي لام الملك؛ الله عز وجل يملك كل شيء، وبعد ذلك: ﴿يَعْلَمُ مَا يَلِجُ فِي الْأَرْضِ﴾ [سبأ: 2]، فقلنا أكثر صفتين في الأول الملك؛ الله عز وجل يملك كل شيء، الصفة الثانية العلم؛ الله عز وجل يعلم كل شيء. الصفتان دول من أكثر الصفات التي الإنسان يحتاج يستحضرها وقت الاستضعاف؛ وقت الاستضعاف الإنسان يجد من أهل الإيمان ما معهم شيء، وأهل الباطل معهم كل شيء، فربنا يذكرني أن الله عز وجل يملك كل شيء، ده بالنسبة لأهل الإيمان.

أما لأهل الكفر فربنا يذكرهم أن ربنا الذي أعطاهم هذا، وربنا قادر أن يسلبهم ذلك، لما ربنا أعطاهم هذه الأموال ربنا قادر أنه يأخذ منهم هذه الأموال في لحظة. فربنا جاء بنموذج لمن كفر نعمة الله عز وجل عليه. وطبعا النموذج ده كيف يسقط على قريش؟ لأن هنا ربنا يذكر قريشا؛ ذكر في سبأ نعمة الرزق ونعمة الأمن. نعمة رزق ونعمة الأمن، ﴿لَقَدْ كَانَ لِسَبَإٍ فِي مَسْكَنِهِمْ آيَةٌ جَنَّتَانِ﴾، هذه نعمة الرزق، بعد ذلك نعمة الأمن: ﴿وَجَعَلْنَا بَيْنَهُمْ وَبَيْنَ الْقُرَى الَّتِي بَارَكْنَا فِيهَا قُرًى ظَاهِرَةً وَقَدَّرْنَا فِيهَا السَّيْرَ ۖ سِيرُوا فِيهَا لَيَالِيَ وَأَيَّامًا آمِنِينَ﴾ [سبأ: 18].

يبقى أكثر نعمتين نعمة الرزق ونعمة الأمن، وهما دول النعمتان اللتان كانتا عند قريش؛ ﴿أَطْعَمَهُم مِّن جُوعٍ وَآمَنَهُم مِّنْ خَوْفٍ﴾ [قريش: 4]، ﴿أَوَلَمْ نُمَكِّن لَّهُمْ حَرَمًا آمِنًا يُجْبَىٰ إِلَيْهِ ثَمَرَاتُ كُلِّ شَيْءٍ﴾ [القصص: 57]. فربنا جاء لهم بنموذج الله عز وجل أعطاهم نعمتين؛ الأمن والرزق، ثم كفروا وأعرضوا فسلبهم الله عز وجل النعمتين دول الرزق والأمن. فربنا يقول لهم كما أعطيت لكم يا قريش نعمتي الرزق والأمن، أنا قادر على أن أسلبهم كما فعلت بمن قبلكم الذين هم من؟ سبأ.

﴿لَقَدْ كَانَ لِسَبَإٍ فِي مَسْكَنِهِمْ آيَةٌ﴾. بدأ الكلام على السكن، ودي أكثر نعمة الإنسان يشعر بها، زي ما النبي صلى الله عليه وسلم قال: «من بات آمنا في سربه، معافى في بدنه، يملك قوت يومه، فقد حيزت له الدنيا بحذافيرها». أول حاجة أن يبقى عنده سكن قاعد فيه. ﴿لَقَدْ كَانَ لِسَبَإٍ فِي مَسْكَنِهِمْ آيَةٌ﴾. ما هذه الآية؟ سنجد أن الآيات المقطع ده بدأ بكلمة آية وختم بكلمة آيات: ﴿إِنَّ فِي ذَٰلِكَ لَآيَاتٍ لِّكُلِّ صَبَّارٍ شَكُورٍ﴾ [سبأ: 19].

ما الآية التي في المسكن؟ بعضهم قال آية التفسير بتاعها: ﴿جَنَّتَانِ عَن يَمِينٍ وَشِمَالٍ﴾. بعض المفسرين قال كل واحد كان عنده سكن عنده على يمينه جنة وعلى شماله جنة، كل واحد، مش البلد كلها. في بعض المفسرين قال إن البلد كلها كانت محوطة بجنتين. بعضهم قال لا، ده كل واحد بيته كان على يمينه جنة وعلى شماله جنة. فكانت آية أن ربنا سبحانه وتعالى يوفر لهم هذا السكن ويدبر لهم ويقدر لهم هذا السكن، فكان آية.

ربنا بيقول: ﴿لَقَدْ كَانَ لِسَبَإٍ فِي مَسْكَنِهِمْ آيَةٌ﴾. العلماء تكلموا كثيرا: ما هو سبأ هذا؟ هو طبعا في اليمن، لكن أصل كلمة سبأ يروى أحاديث عن النبي صلى الله عليه وسلم أنه اسم رجل كان له عشرة أولاد، الأولاد دول بعشر قبائل، بعد ما حصل الإهلاك والسد أغرقهم، تفرقوا في البلاد؛ ستة فضلوا تفرقوا في اليمن، وأربعة، قبيلة راحت الشام، وقبيلة راحت مكة، وقبيلة راحت اليمن، وقبيلة راحت عمان. الشاهد وذكروا وأطالوا في علم الأنساب والبلدان، أطالوا في المسألة دي.

الشاهد أن النبي صلى الله عليه وسلم يروى عنه أنه سئل من هو سبأ فقال: «رجل له عشرة أولاد»، والمقصود بالأولاد يعني ظهر من نسله قبائل، حتى لو مش أولاد على طول. المهم ده مكان في اليمن. طب الكلام ده حصل متى؟ حصل بعد ما بلقيس ماتت، بلقيس آمنت مع من؟ مع سيدنا سليمان، وفضلت فترة مسلمة. بعد ما ماتت في فترة بفترة عاشوا في نعيم، ويقال إن الذي بنى السد ده الذي جاب لهم العين ده بلقيس، ويقال لا، إن الذي بناه سبأ بنفسه، وبلقيس من نسل سبأ، الرجل الذي اسمه سبأ هو الذي بدأ فكرة البناية، وهنيجي عند كلمة سيل العرم، إزاي ده تطور معهم، وإزاي عمل لهم تقدما حضاريا.

﴿لَقَدْ كَانَ لِسَبَإٍ فِي مَسْكَنِهِمْ آيَةٌ جَنَّتَانِ عَن يَمِينٍ وَشِمَالٍ﴾. قلنا الذي يروى في الآثار كانت المرأة تخرج من البيت تضع المكتل على رأسها، تمشي بس الثمار تقع، ما تحتاجش أن هي تمد إيديها وتقطف وتضع، يعني كانوا في قمة الرغد والعيش الرغد الهنيء الذي يأتيه الرزق بدون تعب. العيش الرغد الهنيء الذي يأتيه الرزق بدون أي تعب، مش محتاج أن هو وهي تصحى الصبح بدري ويروح، لا هو وقت ما بيعوز بينزل أي وقت، وحتى مهما كانت الشمس موجودة الجنة أصلا هي ملتفة من الأشجار، تمنع وصول أشعة الشمس للأرض، فكانوا في نعيم رغد هنيء.

﴿كُلُوا مِن رِّزْقِ رَبِّكُمْ وَاشْكُرُوا لَهُ﴾. قلنا أي نعمة قصادها شكر، سواء مادية أو معنوية؛ يا مريم ﴿إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَىٰ نِسَاءِ الْعَالَمِينَ﴾ [آل عمران: 42] قصادها على طول ﴿يَا مَرْيَمُ اقْنُتِي لِرَبِّكِ﴾ [آل عمران: 43]، ﴿إِنِّي اصْطَفَيْتُكَ عَلَى النَّاسِ بِرِسَالَاتِي وَبِكَلَامِي﴾ [الأعراف: 144] قصادها على طول ﴿فَخُذْ مَا آتَيْتُكَ وَكُن مِّنَ الشَّاكِرِينَ﴾ [الأعراف: 144]. يبقى كل نعمة قصادها شكر. فربنا بيقول لهم: ﴿كُلُوا مِن رِّزْقِ رَبِّكُمْ﴾ لكن لازم قصاد كده شكر، ﴿وَاشْكُرُوا لَهُ بَلْدَةٌ طَيِّبَةٌ وَرَبٌّ غَفُورٌ﴾.

قيل ما معنى ﴿وَرَبٌّ غَفُورٌ﴾؟ قال إن الله عز وجل لم يعاجلهم بالعقوبة، يعني هم قبل بلقيس كانوا يسجدون للشمس، ربنا ما دمر عليهم السد، سابهم فترة، ولغاية لما سيدنا سليمان بعث لهم وبعدين آمنوا، وبرضه استمروا في رغد من العيش، وبعد كده كفروا، قعدوا فترة كفار وربنا سبحانه وتعالى لم يعاجل بالعقوبة. فربنا بيقول لهم: ﴿بَلْدَةٌ طَيِّبَةٌ وَرَبٌّ غَفُورٌ﴾، ربنا سبحانه وتعالى غفر لكم وصبر عليكم وأرسل إليكم ووضح لكم، ليه لسه على الجحود؟ ﴿بَلْدَةٌ طَيِّبَةٌ وَرَبٌّ غَفُورٌ﴾.

في الآخر صمموا على الإعراض، ﴿فَأَعْرَضُوا﴾. الإنسان أحيانا لما يعيش فترة من نعيم يتناسى أن ربنا الذي جلبه له، وبيعتقد أنه قادر واخد بالأسباب، وأن النعيم ده مش هيروح أبدا، واعتقد أنه ضبط؛ زي بالضبط كده صاحب الجنتين في سورة الكهف لما نظر للجنات بتاعته ودخل جنته وهو ظالم لنفسه قال: ﴿مَا أَظُنُّ أَن تَبِيدَ هَٰذِهِ أَبَدًا﴾ [الكهف: 35]، لا يمكن تروح، أصل هتروح إزاي؟ هو ضابط والنخل والشجر والمياه، فدول معتقدين أنهم ضابطين السد وعاملين حفر كويسة، هيصدق المياه تنزل منها، وواخدين احتياطاتهم، فمهما يقول لك لا بالأسباب مستحيل الجنات دي تروح.

فيبدأ بعد فترة الإنسان والعياذ بالله ده يحس أنه مش محتاج لربنا. هو كان في الأول لسه المياه ممكن تغرقهم فيقولوا يا رب، فهُدوا إلى الفكرة، فأول لما عملوا السد كانوا خائفين، هذا السد يقع فيقولوا يا رب، قعد فترة السد ما وقعش فيحس الإنسان والعياذ بالله أنه مش محتاج لربنا، هي دي نقطة الكفر وتبدأ. لذلك ربنا سبحانه وتعالى في أول آيات أنزلت استكمالا لها ﴿اقْرَأْ بِاسْمِ رَبِّكَ الَّذِي خَلَقَ * خَلَقَ الْإِنسَانَ مِنْ عَلَقٍ﴾ [العلق: 1-2]، ربنا بيقول لك الإنسان ضعيف، ﴿خَلَقَ الْإِنسَانَ مِنْ عَلَقٍ﴾، ﴿اقْرَأْ وَرَبُّكَ الْأَكْرَمُ * الَّذِي عَلَّمَ بِالْقَلَمِ * عَلَّمَ الْإِنسَانَ مَا لَمْ يَعْلَمْ﴾ [العلق: 3-5]. الإنسان جاهل، بالرغم أن الإنسان ضعيف وبالرغم أن الإنسان جاهل، ﴿كَلَّا إِنَّ الْإِنسَانَ لَيَطْغَىٰ﴾ [العلق: 6]، بيطغى ليه؟ ده أنت الآيات بتقول لك ده أنت جاهل وأنت ضعيف، بتطغى إزاي؟ ﴿كَلَّا إِنَّ الْإِنسَانَ لَيَطْغَىٰ * أَن رَّآهُ اسْتَغْنَىٰ﴾ [العلق: 6-7].

أول لما يحس نفسه مش محتاج ربنا يطغى. تلاقي إنسانا في صحته ومعه فلوس والوظيفة ثابتة بقى متعين خلاص، والحكومة ما عدش شغل خاص، واشترى العربية التي هو عايزها، واشترى عربية أنظف، ومعتقد أن مشكلة العمرة بتاعة العربية لو اتعملت والتكييف بيتضبط هي دي بس، لو اتضبط خلاص ما عدش هيحس حاجة، فيبدأ والعياذ بالله يعصي. طول ما هو حاسس أنه محتاج لربنا تلاقيه خائف، خائف، يقول لك لا أصل أنا لو عصيت هتروح مني، هتبوظ. أول ما يحس يشعر يظن أن الدنيا اتضبطت يبدأ يطغى.

فدول لما قعدوا فترة السد بيتضبط ما بيقعش، والمياه متضبطة والجنات عمالة تكبر ما تتعبوش، وبعدين كفروا وما حصلش حاجة، سجدوا للشمس وما حصلش حاجة، قعدوا فترة كده وما حصلش حاجة، بدأ الطغيان، فربنا هنا سبحانه وتعالى يعاقبهم. ﴿فَأَعْرَضُوا فَأَرْسَلْنَا عَلَيْهِمْ سَيْلَ الْعَرِمِ﴾ [سبأ: 16]. الله عز وجل يعطي كيفما شاء سبحانه وتعالى، ويأخذ كيفما شاء سبحانه وتعالى، الملك ملكه سبحانه وتعالى. الله عز وجل إذا أراد شيئا قال له كن فيكون.

الله عز وجل أرسل عليهم الشيئين؛ قال لي السيل يقع يبقى هيقع، والله ضابطين السد، عاملينه بأسمنت، عاملينه بفولاذ، ربنا قال له يقع فيقع، عشان كده هنا ربنا ما قالش إزاي وقع، إزاي؟ غالب المفسرين يقول أن ربنا سلط دواب الجرذان والفيران، قعدت تقرض في السد لغاية لما وقع. بعض المفسرين المتأخرين قالوا الكلام ده يستحيل، ده أكيد هم اشتغلوا بحروب داخلية ونسيوا رمموا السد لغاية لما وقع، أيا كان الله عز وجل قدر ذلك، يبقى هيحصل.

الله، ما حدش يعتقد أن مثلا عشان في بترول يبقى خلاص هيفضلوا أغنياء على طول، لا، ربنا ممكن يقول للبترول أنه يغور في الأرض، ﴿وَيُصْبِحُ مَاؤُكُمْ غَوْرًا فَمَن يَأْتِيكُم بِمَاءٍ مَّعِينٍ﴾ [الملك: 30]، يعني ما حدش يعتقد أن الأسباب هتفضل زي ما هي، كل حاجة ممكن تقلب في لحظة، كل شيء. لذلك ربنا سبحانه وتعالى جاب هنا أن الله عز وجل عندما يعطي يعطي بغير حساب. لما بتشوف القصتين دول قصة سيدنا داوود وسيدنا سليمان وقصادها قصة سبأ، وتشوف الملك الرهيب، ربنا قال ﴿أَنِ اعْمَلْ سَابِغَاتٍ﴾ [سبأ: 11]، ﴿وَأَسَلْنَا لَهُ عَيْنَ الْقِطْرِ﴾ [سبأ: 12]، ﴿وَسَخَّرْنَا لَهُ الرِّيحَ﴾ [سبأ: 12]، وبعدين كل ده ويعني الإيمان الذي انتشر في الدنيا كل ده توقف بسبب إيه؟ دابة الأرض تأكل منسأته. دابة في الأرض أكلت العصاية خر سيدنا سليمان الجن توقف عن العمل.

وكل العطاء الرهيب بتاع سبأ، ﴿جَنَّتَانِ عَن يَمِينٍ وَشِمَالٍ﴾، وكل العطاء المبهر ده ادمر بأيه؟ النفق كان للسد أو أيا كان الذي حصل، يبقى إذا الله عز وجل يعطي بغير حساب ويسلب بأقل الأسباب. الله عز وجل قادر سبحانه وتعالى مهما كان واحد صحته قوي، ممكن نقطة دم صغيرة تتجلط في مكان ما يعرفوش يوصلوا له، خلاص يصاب بشلل. الإنسان ما يتغرش مهما اعتقد أن الدنيا كلها معه، أو أنه معه واخد كل الأسباب، الله عز وجل قادر بأقل الأسباب.

مثل نمرود مات ببعوضة لما قال: ﴿أَنَا أُحْيِي وَأُمِيتُ﴾ [البقرة: 258]. ربنا سلط عليه البعوض. لما يأجوج ومأجوج عاثوا في الأرض فسادا وربنا سبحانه وتعالى أوحى إلى عيسى عليه السلام: «أن حرز عبادي إلى الطور، فإن لي عبادا لا يدان لأحد بقتالهم»، يعني ما حدش يقدر يحاربهم، حديث صحيح مسلم، وعاثوا في الأرض فسادا ودمروا وشربوا البحيرة الكاملة، وقالوا: "علونا أهل الأرض، الآن نعلو أهل السماء"، ورموا أسهما في السماء ونزلت الأسهم مخضبة بالدماء، قالوا: "والآن علونا السماء". سلط الله عليهم النغف، يعني ربنا يقول لسيدنا عيسى مش هتقدر عليهم، ويموتوا، يعني حاجات بسيطة كده، حشرات بسيطة كده، النغف الذي يبقى عند الإبل، سلط الله عز وجل عليهم النغف.

إيه ده! الله عز وجل قادر، إذا أعطى يعطي بغير حساب، وإذا سلب قد يسلب بأقل الأسباب. ﴿فَأَرْسَلْنَا عَلَيْهِمْ سَيْلَ الْعَرِمِ﴾. قيل كلمة العرم معناه السيل الضخم، وقيل العرم ده اسم للسد.

قيل إن المبنى في حد ذاته يسمونه العالم أو المنساة، وهو الذي ما بين جبلين يمنع نزول المياه، اسمه العالم. وكان قبل سبأ لا تقوم لهم حضارة، كانت منطقة جبلية، وكلما تنزل الأمطار وجانب المحيطات تغرق، إلى عهد سبأ أنه يبني ما بين الجبال، ويعملوا حفرًا في السد تجلب لهم على قدر المياه التي يريدونها، فكان سببًا لبناء العمران عندهم وانتشار الجنات. وفعلاً كانت أودية عندهم، وكانت موطنًا في الجزيرة العربية كلها. اليمن معروفة أنها منطقة زراعية ومنطقة فيها جنات بسبب فكرة السد التي وفقها الله لهم، فدمر الله لهم هذه النقطة. فأحياناً يكون مركز قوة دولة على نقطة معينة، زي فكرة البترول، مركز قوة اقتصاد دولة على حاجة معينة، الله عز وجل قادر أن يسلبهم هذا الشيء.

﴿فَأَرْسَلْنَا عَلَيْهِمْ سَيْلَ الْعَرِمِ وَبَدَّلْنَاهُم بِجَنَّتَيْهِمْ جَنَّتَيْنِ ذَوَاتَيْ أُكُلٍ خَمْطٍ وَأَثْلٍ وَشَيْءٍ مِّن سِدْرٍ قَلِيلٍ﴾ [سبأ: 16]. انظر بالله عليك كيف أن الله عز وجل لما يبدل النعمة الإنسان يتألم؛ كانوا عايشين في جنات ولذة ونعيم. ربنا يقول: انظر الألم، ليس فقط أنها راحت، بل سلبهم أشياء بسيطة تؤلمهم، وبدلناهم بجنتيهم جنتين ذواتي أكل خمط. قالوا الخمط هذا قيل: شجر الأراك له ثمرة مرة، وقيل الخمط هنا معناه أكل مر، وجنتين ذواتي أكل خمط أي أكل مر، وأكل أيضاً طعمه مر وفيه شوك، وشيء من سدر قليل. السدر أحسن حاجة، أحسن من الخمط وأحسن من...؛ عشان كذا لما ربنا جاب السدر قال: ﴿قَلِيلٍ﴾، وقال: ﴿وَشَيْءٍ﴾ يعني كلمة شيء أصلاً كلمة قليل. ﴿وَشَيْءٍ مِّن سِدْرٍ قَلِيلٍ﴾؛ تخيل مدى الحسرة التي هم فيها. تخيل لو واحد مؤمن بهذا الخطاب، وهو أيام قريش وعايش في قمة الاقتصاد بسبب مكة وموقعها الاقتصادي ووجود الكعبة، وقلنا إنها كانت حربًا اقتصادية، الشاهد أن هذا ممكن يتدمر في لحظة؛ كل هذا ممكن يتدمر في لحظة. فربنا سبحانه وتعالى يقول لهم: أنا قادر أن أبدل عليكم هذه النعمة، ما أحد يغتر بها. وياما دول قامت وانهارت، وياما ناس تفرعنت وتجبرت ثم انهارت، ما أحد يغتر بأي نعمة ربنا سبحانه أعطاها له، لأن الله عز وجل قادر أن يسلب هذه النعمة.

﴿ذَلِكَ جَزَيْنَاهُم بِمَا كَفَرُوا وَهَلْ نُجَازِي إِلَّا الْكَفُورَ﴾ [سبأ: 17]. قلنا هذا الخطاب بالنسبة للمشركين تهديد، وبالنسبة للمؤمنين تطمين. الخطاب هذا بالنسبة للمشركين أن الله عز وجل يملك كل شيء، فلا تغتروا بما معكم من قوة. وبالنسبة للمؤمنين تطمين؛ اطمئنوا مهما أوتي أهل الباطل من مال وعتاد، إن الله عز وجل قادر على أن يأخذ منهم ذلك، وأن يعطيكم ذلك. لذلك الرجل المؤمن لما سمع صاحب الجنتين الكافر يقول: ﴿مَا أَظُنُّ أَن تَبِيدَ هَذِهِ أَبَدًا﴾ [الكهف: 35]، قال له: الوضع يتبدل بكلمتين، عسى ربي أن يؤتيني... الموضوع يخلص، ﴿عَسَى رَبِّي أَن يُؤْتِيَنِي خَيْرًا مِّن جَنَّتِكَ وَيُرْسِلَ عَلَيْهَا حُسْبَانًا مِّنَ السَّمَاءِ فَتُصْبِحَ صَعِيدًا زَلَقًا * أَوْ يُصْبِحَ مَاؤُهَا غَوْرًا فَلَن تَسْتَطِيعَ لَهُ طَلَبًا﴾ [الكهف: 40-41]. يقول له: الدنيا ممكن تتقلب في لحظة، ربنا يعطيني ويأخذ منك. الموضوع ممكن يخلص، أهل الإيمان دائماً مطمئنون بالله سبحانه وتعالى. لذلك نحن نقول دائماً: لا تنس بداية السورة أنها تتكلم عن الملك في كتاب الله؛ لذلك ستأتي آيات لم تذكر في القرآن إلا في هذا الموطن، آيات تتكلم عن التجريد التام للبشر، البشر لا يملكون شيئاً، وتأتي الآيات في الآخر أن الملك كله لله سبحانه وتعالى. البشر لا يملكون شيئاً، بل حتى الأنبياء ما أعطاهم الله لهم، الله عز وجل هو الذي ألان لداوود الحديد، الله عز وجل هو الذي أسال القطر لسليمان، الله عز وجل هو الذي سخر الريح لسليمان، فليطمئن أهل الإيمان بالله سبحانه وتعالى، لا يطمئنون بسببك.

﴿وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ﴾ [الحج: 11]، الهاء هذه عائدة على الخير، هو لا يطمئن إلا بالمال. تقول له: أنت مطمئن؟ اه، يحط يده في جيبه الأول، اه أنا مطمئن. هو لا يطمئن غير لما يكون معه الخير الذي هو المال الكثير، دائماً الخير في القرآن تأتي بمعنى المال الكثير، ﴿إِن تَرَكَ خَيْرًا الْوَصِيَّةُ﴾ [البقرة: 180] أي إن ترك مالاً كثيراً، ﴿وَإِنَّهُ لِحُبِّ الْخَيْرِ لَشَدِيدٌ﴾ [العاديات: 8] أي المال الكثير. ﴿فَإِنْ أَصَابَهُ خَيْرٌ﴾ يعني لو معه فلوس كثيرة يطمئن به، ﴿وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ﴾، لأنه ليس مطمئناً بالله. ﴿أَلَا بِذِكْرِ اللَّهِ تَطْمَئِنُّ الْقُلُوبُ﴾ [الرعد: 28]؛ فربنا هنا سبحانه وتعالى يقول: ﴿ذَلِكَ جَزَيْنَاهُم بِمَا كَفَرُوا وَهَلْ نُجَازِي إِلَّا الْكَفُورَ﴾. يقال هنا: هل نجازي؟ الكفور هذا كان عذاب استئصال للجنات، هذه معاملة ربنا للكفار، أما المؤمنين يبقى عقاب لكي يرجعوا، لكن ربنا لا يستأصل الذي معه، فعقاب الكفار يكون عقاب استئصال، أما عقاب المؤمنين يكون عقاب تأديب. عقاب الكفار عقاب تعذيب، عقاب المؤمنين عقاب تأديب.

يبقى النعمة الأولانية نعمة الرزق، ربنا يقول لهم: كنتم في رغد من العيش، وراحت منكم نعمة الرزق بسبب المعصية. النعمة الثانية نعمة الأمن، ﴿وَجَعَلْنَا بَيْنَهُمْ وَبَيْنَ الْقُرَى الَّتِي بَارَكْنَا فِيهَا قُرًى ظَاهِرَةً وَقَدَّرْنَا فِيهَا السَّيْرَ سِيرُوا فِيهَا لَيَالِيَ وَأَيَّامًا آمِنِينَ * فَقَالُوا رَبَّنَا بَاعِدْ بَيْنَ أَسْفَارِنَا﴾ [سبأ: 18-19]. ما معنى هذا الكلام؟ وجعلنا بينهم وبين القرى التي باركنا فيها، قيل القرى التي باركنا فيها التي هي الشام، وهم في اليمن. تخيلوا هم في اليمن، والقرى التي باركنا فيها هي الشام؛ يبقى معنى الآية: وجعلنا بينهم وبين الشام قرى ظاهرة، وقدرنا فيها السير. يعني لما واحد يحب يسافر من قوم سبأ هو في اليمن، وعايز يسافر لغاية الشام، ربنا جعل لهم طول السفر محطات، فلا يحتاج أن يتزود، لا يحتاج بقى أنه يسافر، يتمشى بس، يفضل ماشي طول النهار، يجي العصر يلاقي قرية ومكانًا يدخل ينام فيه ويأكل ويشرب، يصحى يمشي شوية لغاية لما الليل يجي يدخل ينام. طول ما هو ماشي في محطات استراحة ربنا عملها لهم طول الطريق، فما يحتاج أن يتزود. تخيل يبقى معنى الآية: وجعلنا بينهم وبين الشام أماكن ظاهرة، قرى ظاهرة يعني أماكن جانبية، فيمشي، أول لما يجي عايز يريح يلاقي قرية يدخل يريح فيها.

كلمة ﴿قَدَّرْنَا فِيهَا السَّيْرَ﴾ يعني السير كان مقدرًا محطات، يعني مش مسافة بعيدة عقبال ما يلاقي قرية، واللي بعدها قريبة؛ لا، مسافات متساوية من تقدير ربنا سبحانه وتعالى. وقيل إن ربنا الذي ألهمهم يعملوا الفكرة هذه، وقيل إن هم عملوا اتفاقيات مع كل القبائل لأن كان عندهم جنات ورغد واقتصاد عالٍ، فكان كل القبائل نفسها تخدم سبأ، فكانوا كلهم استراحات، وكانوا معروفين على مستوى الطريق كله ما أحد يقرب لهم، فكان يسير المسافر من اليمن إلى الشام لا يحتاج إلى الزاد، مش محتاج أنه يعمل شنطة ويسافر، هو وقت ما يحب يريح هيمشي شوية يدخل يريح. محطات استراحة على طول الطريق، وجعلنا بينهم وبين القرى التي باركنا فيها دي الشام، قرى ظاهرة يعني محطات استراحة، قدرنا فيها السير يعني السير مقدر، مسافات واحدة، المسافات قريبة ما بين القرية هذه والقرية هذه، نفس المسافة بينها وبين اللي بعدها، فكان يسير حتى يأتي وقت العصر يدخل يريح في القرية، يمشي لغاية بالليل يدخل يصحى الصبح يمشي لغاية الظهر يدخل يريح في قرية، وده من تقدير ربنا لهم ومن كمال نعمة ربنا عليهم.

قالوا إيه بقى؟ وربنا قال لهم: ﴿سِيرُوا فِيهَا﴾، كلمة ما قال: سيروا بينها، قال: ﴿سِيرُوا فِيهَا﴾، كأنه ما بيخرج بره القرية، يعني كأن كلمة فيها يعني داخل القرية، كأنه من سبأ لغاية الشام رايح راجع كأنه ما سافر، كأنه بيتمشى جوه البلد بتاعتهم. تخيل كده لما أنت تسافر من المنصورة للقاهرة مش محتاج عربية، مش محتاج زاد، أو مسافر مثلاً لبلد ثانية، أنت مش محتاج هدومك، هتمشي شوية هتلاقي قرية هتدخل تريح، والناس تطعمك وتسقيك وتعطيك ما تشاء، وبعدين تمشي مش محتاج تتزود، ﴿سِيرُوا فِيهَا لَيَالِيَ وَأَيَّامًا﴾، بدأ بالليالي قبل الأيام لأن الطريق في السفر بالليل الواحد يخاف بالليل أكتر من النهار، فربنا بيقول لهم: ده أنتم تطمئنوا بالليل زي النهار، يعني هتبقى ماشي بالليل في قمة الاطمئنان كأنك ماشي بالنهار، فعشان كذا قدم الليالي على الأيام، ﴿لَيَالِيَ وَأَيَّامًا آمِنِينَ﴾. هي هذه أهم نعمة، نعمة الأمن، قلنا نعمة الرزق ونعمة الأمن، ﴿أَطْعَمَهُم مِّن جُوعٍ وَآمَنَهُم مِّنْ خَوْفٍ﴾ [قريش: 4].

قالوا إيه بقى؟ حاجة عجيبة جداً، طلب طلب عجيب: ﴿فَقَالُوا رَبَّنَا بَاعِدْ بَيْنَ أَسْفَارِنَا﴾، وفي قراءة: ربنا بعد، يعني كمان فيها شدة وتضعيف. باعد بين أسفارنا، يعني يا رب احنا مش عايزين تبقى المسافات قريبة جداً، احنا عايزين تبقى واسعة، ويبقى في صحراء، وعايزين بقى نركب جمال ونسافر ونربط الشنط، عايزين نسافر، طلب، أنا قعدت أقرأ لكثير من المفسرين ليه طلبوا كذا؟ يعني طلب عجيب، بعضهم قال هذا نوع من بطر النعمة، زهق، مل، قال لي عايزين نجرب، زي مثلاً يقعد فترة في أمن يقول عايزين نجرب الحروب بقى إحنا زهقنا مثلاً، فهذا نوع من الخلل العقلي، أن ربنا سلط عليهم عقولهم ضيقة أفسدتهم. تخيل يطلبوا أن ربنا يزيل هذه النعمة، زي بالضبط الذي قاله: ﴿وَإِذْ قَالُوا اللَّهُمَّ إِن كَانَ هَذَا هُوَ الْحَقَّ مِنْ عِندِكَ فَأَمْطِرْ عَلَيْنَا حِجَارَةً مِّنَ السَّمَاءِ﴾ [الأنفال: 32]. تخيلوا اطلبوا من ربنا أن المسافات تبقى بعيدة، وأن يبقى فيه صحراء، وأن يتعرضوا للأخطار، بعضهم قال المفسرين مستغربين يعني في بني آدم عاقل يطلب الطلب هذا، بعضهم قال: لا، الذي حصل إيه؟ الذي حصل أن الأنبياء لما جاءوا لهم وقالوا لهم: اتقوا الله هذا ربنا أنعم عليكم وعمل لكم قرى ظاهرة طول الطريق، ودي من نعمة ربنا عليكم، قالوا له: إحنا مش عايزين حاجة من ربنا، إحنا عندنا القوة على السفر. عارف لما تيجي تقول لواحد هذا ربنا أعطاك، يقول لك مش عايز، والعياذ بالله، فكان رداً جحوداً وإعراضاً، قالوا لا.

الأنبياء لما يذكروهم بنعم ربنا عليهم، قيل أرسل لهم ثلاثة عشر نبياً من بعد سيدنا سليمان، فلما ذكروهم، فقالوا ذلك إعراضاً وجحوداً، ما هو المفسرين اللي قال كذا، ابن عاشور قاعد مستغرب أن ما فيش آدم عاقل يطلب الطلب هذا، فقالوا: إحنا مش عايزين حاجة، إحنا لو حتى القرى هذه راحت إحنا عندنا القدرة على السفر. فقالوا ذلك، إيه بعضهم قال: لا، هم طلبوا كذا ليه بقى؟ كان في كبراء في البلد حاسين أنهم والمستضعفين زي بعض، هؤلاء بيروحوا يجيبوا أكل وهؤلاء بيروحوا، هؤلاء بيسافروا وهؤلاء بيسافروا، فاللي معهم العدة والعتاد إبل، واللي عندهم عدة السفر قالوا: يا رب خلّ فيه... عشان إحنا نتميز عن القوم، عارف زي اللي معه عربية واللي ما عنده عربية، فالبلد ما عادت محتاجة عربيات، فاللي معه عربية يقول لك: أنا هتساوى بقى باللي ما معوش عربية! يا رب خلِّ المسافات تبقى بعيدة يا رب، وخلي يبقى البلد تبقى بعيدة عن بعض عشان اللي معه عربية كده يظهر كده، ويبقى هو متكبر على... فاللي دعا كذا، اللي معهم الأموال وعدة السفر قالوا: ﴿رَبَّنَا بَاعِدْ بَيْنَ أَسْفَارِنَا﴾، لذلك فيه قراءة عجيبة جداً، قالوا ربنا باعد، بيقولوا كذا على هيئة التشكي، يعني بيقولوا ربنا... القراءة الثالثة تقول احنا قلنا في قراءة ربنا باعد، يعني هم بيقولوا يا رب، بيطلبوا من ربنا يا رب ابعد السفر، القراءة الثانية بعد، يعني يا رب زود في البعد، ما إحناش خايفين زود في البعد، القراءة الثالثة أن المستضعفين اشتكوا لما ربنا عمل كذا قال له: إيه هذا؟

ربنا باعد بين أسفارنا، أو هم أنفسهم اتصدموا لما ربنا أهلك القرى التي في النص هذه قالوا: إيه هذا ده ربنا باعد بين أسفارنا، بدأوا يشتكوا لربنا يا رب، عارفين مع الفارق طبعاً، النبي صلى الله عليه وسلم كان على المنبر وجاء أعرابي قال يا رسول الله وهو على الخطبة، يا رسول الله صلى الله عليه وسلم هلكت المواشي وأقحطت الأرض، وما فيش مطر، فالنبي صلى الله عليه وسلم ما قال له ما فيش، ادعُ ربنا، فالنبي صلى الله عليه وسلم ظل يدعو فنزل المطر، فثاني أسبوع النبي صلى الله عليه وسلم فقال له الأعرابي: يا رسول الله ادعُ الله أن يكف المطر، خلاص الدنيا غرقت، فدعا، فضحك النبي صلى الله عليه وسلم يتعجب لسرعة ملالة ابن آدم، إنسان يمل بسرعة، أنت كنت لسه الأسبوع اللي فات بتقول ما فيش، ودلوقتي زعلان أن المطر نزل، فهم قالوا يا رب إحنا متضايقين من موضوع السفر القريب هذا، فربنا باعد لهم.

بعد كذا قالوا يا رب إحنا متضايقين من موضوع السفر البعيد هذا قربوا ثاني يا رب، فهذا استهزاء، هذا عدم شعور بنعمة ربنا سبحانه وتعالى، زي الذي يقعد يا رب عايزك...

قالوا: ﴿رَبَّنَا بَاعِدْ بَيْنَ أَسْفَارِنَا وَظَلَمُوا أَنْفُسَهُمْ فَجَعَلْنَاهُمْ أَحَادِيثَ﴾. بعض المفسرين قال قولًا عجيبًا جدًا، قال: طول ما هم كانوا ماشيين ويجوا في القرى الظاهرة دي، بيبقوا الناس شايفاهم، المدن شايفينهم، فقالوا: لأ، إحنا عايزين طول السفر بحيث إن هم يعملوا المعاصي اللي هم عايزينهم ما حدش يشوفهم، فقالوا: يا رب باعد بين أسفارنا، خلي الأماكن دي كلها صحراء عشان نعمل المعاصي اللي إحنا عايزينها. وهذا أحد معاني قول الله عز وجل: ﴿قَالُوا رَبَّنَا بَاعِدْ بَيْنَ أَسْفَارِنَا وَظَلَمُوا أَنْفُسَهُمْ﴾؛ يعني عملوا معاصي، ولما ربنا خلى فيه صحراء عملوا معصية.

الشاهد أن أحيانًا الإنسان يمل نعمة ربنا، وهذه مصيبة أنه مش حاسس بنعمة ربنا عليه، وكثير مننا ما يحسش بنعمة إلا لما تروح، يبدأ يتألم لما تروح النعمة. طول ما هي موجودة، مثلاً، مخنوق من العيال، مخنوق مش عارف من مين، مخلوق مش عارف من العربية، مخنوق ومضايق، ما يعرفش قيمة، يا رب تب علينا يا رب، ومش عارف قيمة النعمة إلا لما تروح منه. والإنسان ملول ضجر، فلازم الإنسان يقدر نعمة الله عز وجل عليه، ويعرف مدى نعمة ربنا سبحانه وتعالى عليه.

فقالوا: ﴿رَبَّنَا بَاعِدْ بَيْنَ أَسْفَارِنَا﴾. الإنسان برضو دائمًا عايز يحس والعياذ بالله أنه مش محتاج ربنا، دائمًا زي ما بنقول الإنسان بيطغى لما يرى نفسه مستغني، طول ما محتاج ربنا يبقى مكسور. لذلك لما بني إسرائيل سيدنا موسى قال لهم: وإنتم في ربنا هينزل لكم المن والسمن بس تسمعوا الكلام، فبني إسرائيل قالوا: طب افرض هم مش عايزين يسمعوا الكلام؟ أكيد لو ما سمعناش الكلام مش هناكل المن والسمن ومش هينزل، إحنا هنفضل كده محتاجين لربنا؟ قالوا: لا ادعوا لنا ربك يخرج لنا مما... عايزين حاجة نعملها بإيدينا، دي اللي ما نستناهاش تنزل لنا من فوق، عشان والعياذ بالله ما يبقوش محتاجين لربنا، هو معتقد كده إنه هيبقى مستغني، أنا أعملها أنا بإيدي أنا.

فدول لما الأنبياء بيقولوا لهم: أنتم محتاجين لربنا في السفر ده ربنا عمل لكم كذا وكذا، قالوا له: مش عايزين، والعياذ بالله. الإنسان عايز يشعر إنه قادر، والعياذ بالله، عايز يشعر إنه هو اللي مش محتاج حد، عايز يكسر كل الحواجز زي الغرب الوقتي، عايز يوصل يقول لك: آه إحنا هننزل المطر، إحنا هنكتشف سر الروح، إحنا هنكتشف مكان تاني نعيش فيه برة الأرض، معتقد إنه هيخرج برة قدرة ربنا، والله لو عمل إيه، مهما أوتي من أسباب لن يخرج: ﴿لَا تَنفُذُونَ إِلَّا بِسُلْطَانٍ﴾.

﴿فَقَالُوا رَبَّنَا بَاعِدْ بَيْنَ أَسْفَارِنَا وَظَلَمُوا أَنْفُسَهُمْ فَجَعَلْنَاهُمْ أَحَادِيثَ وَمَزَّقْنَاهُمْ كُلَّ مُمَزَّقٍ ۚ إِنَّ فِي ذَٰلِكَ لَآيَاتٍ لِّكُلِّ صَبَّارٍ شَكُورٍ﴾. "جعلناهم أحاديث" بدأت الناس تقول: يا سلام! فين أيام سبأ؟ وبقى فيه مَثَل اسمه "رزقناهم" أو "فرقناهم أيادي سبأ" بيشيلوا الهمزة تخفيفًا، يعني لما يبقى فيه ناس متجمعين وفي عيش وأمن وبعدين يتخانقوا مع بعض وتفرقوا وشردوا في البلاد، يقولوا: آه، دول شبه سبأ، فرقوا أيادي سبأ، أي ساروا على نهج سبأ أصبحوا مضرب مثل.

"جعلناهم أحاديث" يعني ممكن دولة تبقى في قمة التقدم وبعد سنين الناس تقول: يااه! بقت من أفقر الدول، الله عز وجل قادر على كل شيء سبحانه وتعالى. ﴿فَجَعَلْنَاهُمْ أَحَادِيثَ وَمَزَّقْنَاهُمْ كُلَّ مُمَزَّقٍ﴾، الله عز وجل يعطي ويمنع، الله عز وجل يقبض ويبسط، الله عز وجل يملك كل شيء سبحانه وتعالى.

فالآيات دي تخلي القلب ليس له إلا وجهة واحدة: ﴿إِنِّي وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ حَنِيفًا ۖ وَمَا أَنَا مِنَ الْمُشْرِكِينَ﴾. القلوب لما تتعلق بالله لا تحزن، القلوب لما تتعلق بالله تظل مطمئنة آمنة، القلب لما يتعلق بالله يعرف أن كل شيء بيد الله عز وجل، أن كل شيء ممكن يتغير؛ حالات الضحك ممكن تبقى بكاء، حالات الأمن ممكن تبقى فزع، حالات الرزق ممكن تبقى ضيق، كل شيء بيد الله عز وجل، أنت المقدم وأنت المؤخر، لا إله إلا أنت سبحانك.

فهذه القصة توضح أن الله عز وجل يملك كل شيء، وأن الله عز وجل إذا أعطى قد يعطي بغير سبب، وإذا سلب قد يسلب بأقل الأسباب. ﴿إِنَّ فِي ذَٰلِكَ لَآيَاتٍ لِّكُلِّ صَبَّارٍ شَكُورٍ﴾، يبقى إذاً الإنسان قال لابد أن يصبر على الضراء، وأن يشكر نعمة الله عز وجل عليه، يبقى إذا أصيب بضر يصبر ويحمد الله عز وجل. «عجبا لأمر المؤمن إن أمره كله له خير، إن أصابته سراء شكر فكان خيرا له، وإن أصابته ضراء صبر فكان خيرا له».

بعض العلماء قال استنباطًا من قول الله عز وجل: ﴿وَجَعَلْنَا بَيْنَهُم وَبَيْنَ الْقُرَى الَّتِي بَارَكْنَا فِيهَا قُرًى ظَاهِرَةً﴾، قال: كذلك الدول المتقدمة لازم تبقى كذا، لازم إن هي توفر أماكن استراحة طول الطرق، وإن أموال الدولة تنفق في ذلك؛ توفير الرزق، توفير الأمن، تسهيل طرق السفر، إن الثلاث حاجات دول بيدلوا إن دولة تبقى متقدمة تبقى الحاجات دي فيها: تسهيل الرزق، يبقى فيه سهولة عند الناس، البلد تبقى فيها أمن، طرق السفر تبقى ميسرة ما يبقاش فيه تعسير في السفر.

﴿إِنَّ فِي ذَٰلِكَ لَآيَاتٍ لِّكُلِّ صَبَّارٍ شَكُورٍ﴾. العجيب أن لما ربنا سلط عليهم السيل ومزقهم كل ممزق ما تجمعوش تاني، هم كانوا عشر القبائل ما تجمعوش وتابوا، قالوا خلاص إحنا ما عشناش عيشة في البلد دي وتفرقوا، والعشر قبائل تفرقوا بعد ما كانوا كلهم العشرة مع بعض. لذلك بعض العلماء قال: ده معنى كلمة ﴿إِنَّ فِي ذَٰلِكَ لَآيَاتٍ لِّكُلِّ صَبَّارٍ﴾، صبار شاطر؛ الإنسان لما يصاب بمصيبة يتوب إلى الله، مش يقول خلاص أصلاً هيشوف لي حتة تانية، لا يتوب إلى الله عز وجل وربنا هيجمع عليه شمله مرة أخرى.

﴿وَلَقَدْ صَدَقَ عَلَيْهِمْ إِبْلِيسُ ظَنَّهُ فَاتَّبَعُوهُ إِلَّا فَرِيقًا مِّنَ الْمُؤْمِنِينَ﴾. يعني إيه "صدق عليهم إبليس ظنه"؟ إبليس بيبقى له نظرة أحياناً في الناس، زي ما في أول الخلق وإبليس قال لربنا سبحانه وتعالى إن فيه فريق هيتبعني إلا عبادك الذين هم مخلصون، لكن في ناس هتمشي ورايا، في ناس أنا هعرف أغويهم وأمنيهم. إبليس شاف الوضع بتاع سبأ قال: آه دول ينفع أشتغل معهم؟ وظن إن دول هيسمعوا كلامه، وصدق ظنه فيهم. فكلمة "صدق عليهم" وفي قراءة "سبق عليهم إبليس ظنه" يعني إبليس نشن على دول وطلع ظنه صح. ليه بقى؟

فإن أصابتْه فتنةٌ يقع على طول؛ لأنه قاعد على الحرف. ومن الناس من يعبد الله على حرف، فإن أصابه خير اطمأنَّ به، وإن أصابتْه فتنةٌ انقلب على وجهه. فإبليس له نظرةٌ في الناس؛ المتضجِّر الكاره عيشته ده ابنه مش سهل أنه يفتنه، فإبليس بيبقى إيه؟ لذلك برضو دايماً المنافقون قالوا لإخوانهم، تلاقي دايماً كلمة قالوا لإخوانهم، أن المنافق لما بيروح يضحك على واحد ما بيروحْش لأي حد، يروح للي شاكِك إنه أه ده هيجي منه، ده هينفع نكلمه.

فلذلك برضو إبليس لما شاف عيشة سبأ بالمنظر ده؛ ما فيش شكر، ما فيش حمد لربنا سبحانه وتعالى، ما فيش عبادة؛ فالذول ينفع أغويهم. وبالفعل أغواهم حتى عبدوا الشمس، فسلط الله عليهم سيل العرم. ولقد صدق عليهم إبليس ظنَّه فاتبعوه إلا فريقاً من المؤمنين، قيل إن فيه فريقاً تركهم لما لقاهم عبدوا الشمس وساَبَهم قبل انهيار السد. وما كان له عليهم من سلطان إلا لنعلم من يؤمن بالآخرة ممن هو منها في شك. فربنا سبحانه وتعالى بيقول إبليس مالوش سلطان قوة؛ يعني إبليس ما بيجيش يكتفه ويربطه، يعني عمرك مثلاً شفت واحد في الشارع أربعة شياطين مكتفينه وعمالين يضربوه؛ بص على البت دي، بص! وهو عمال يقول لأ مش هبص سيبوني. هو الشيطان بيقول له إليه؟ بص كده! وهو بس يقول له فين؟ ففي واحد وهو أصلاً إيه؟ هو منتظر، هو عنده استعداد، هي دي بقى اللي الشيطان يبقى له إيه؟ زنُّه.

هو بيجي قال الشيطان ولما قضي الأمر إن الله وعدكم وعد الحق ووعدتكم فأخلفتكم، وما كان لي عليكم من سلطان إلا أن إيه؟ عملت إيه؟ دعوت. بعتُّ لك دعوة، طب ما طب ما الدعاء طالع عين، يعني أقول إيه بس؟ معك وأنت ما سمعتش كلامهم، إشمعنا سمعت كلام إبليس؟ بيقول له أنا كل اللي عملتها كده؛ عملت لك إيه؟ دعوتُك، طب ما هم دعوك ما سمعتش كلامهم ليه وسمعت كلامي؟ إلا أن دعوتُكم فاستجبتم لي، فلا تلوموني ولوموا أنفسكم، أنا ما عملتلكش حاجة، أنا قلت لك بص أنت قلت لي فين؟ ما هو التاني قال لك ما تبصش. يعني طب ما أنا دعيتك وهو دعاك. فربنا بيقول: وما كان لهم وما كان لي عليه من سلطان إلا الاغواء؛ أنه يقول له كذا، أن يحبب إليه كذا. طب الاغواء أن الشيطان يجري من ابن آدم مجرى الدم، أن الشهوات تحبب للإنسان، قدرة الشيطان على التزيين، القدرة دي ربنا أداها للشيطان ليه؟ إلا لنعلم من يؤمن بالآخرة ممن هو منها في شك. بمعني كلما ازداد يقينك بالآخرة كلما ازددتُ بعداً عن الشيطان.

تاني، كلما ازددتَ يقيناً بالآخرة؛ اللي عايش في الدار الآخرة، اللي عايش -أمبارح كنا في جنازة- أنت أما بتشوف منظر القبر وتبقى في اللحظة دي بتبقى أبعد الناس عن الشهوات. على قُدر ابتعادك من تذكر هذه اللحظات على قُدر ترجع تاني للشهوات، هي دي الإشكالية بالظبط. عارفين مثلاً واحد مثلاً متهور في السواقة، فخبط عمل حادثة، وبعدين قعد فترة وتعب وعلاج وقعد فترة عقبال ما رجع يعيشوه تاني، أول ما يرجع يعيشوه تلاقيه إيه؟ حذر جداً، والإشارات وبتاع لغاية لما ينسى، شوية بعد كده يرجع تاني إيه لنفسه، نفس الوضع تاني.

فهو الإنسان لما افتكر اللحظة ديت اللي هي لحظة القبر والدار الآخرة تلاقيه حذر. أمن هو قانت آناء الليل ساجداً وقائماً يحذر الآخرة، اللي دايماً الآخرة في باله تلاقيه عايش إيه حذر؛ ما يتكلمش يقول لك الكلام ده هيودي فين، ما يعملش حاجة إلا لما يسأل. فربنا بيقول إن الشيطان يزداد تسليطه على الشاكِّ في الدار الآخرة، إلا لنعلم من يؤمن بالآخرة ممن هو منها في شك، وربك على كل شيء حفيظ.

بعد كده ربنا سبحانه وتعالى بيقول: قل ادعوا الذين زعمتم من دون الله. انتقل الخطاب هنا للمشركين بعد نهاية القصتين، قصة سيدنا داود وسليمان وقصة سبأ؛ نموذج للي شكر النعمة ونموذج للي كفر النعمة. واحنا قلنا برضه عن ما أسباب أو يعني بعض لطائف في وجود قصة سيدنا داود وسليمان في السياق ده. طيب هنا ادعوا الذين زعمتم من دون الله لا يملكون مثقال ذرة. أعلم الآيات دي بعد القصتين دول. الإمام الطبري بيقول معنى رائع جداً، بيقول بدأت السورة أن الله عز وجل يملك كل شيء، وبعدين ربنا قال لهم: أفلم يروا إلى ما بين أيديهم وما خلفهم من السماء والأرض إن نشأ إيه؟ نخسف بهم الأرض أو نسقط عليهم كسفاً من السماء إن في ذلك لآية.

ربنا بيقول لهم أنا أملك الأرض، أملك السماء، أنا قادر أن أنا أخسف بكم الأرض أو أنزل عليكم كسفاً من السماء. وبعدين جاب لهم نموذج كيف أن الله عز وجل يسخر ما يشاء ويفعل ما يشاء سبحانه وتعالى، الملك ملكه. جاب لهم نموذج أن الله عز وجل الآن سخر الرياح وأسال عين القطر وسخر الجن، وأقدر الجنات وأقدر القرى الظاهرة، ثم أزال كل ذلك، فنون النموذج للإعطاء ونموذج للسلب. بيقول لهم بعد بعد النماذج دي، طب أنتم الآلهة بتاعتكم بتعمل إيه؟ الآلهة استمتعتكم عملت لكم إيه؟ الله عز وجل فعل ذلك بأوليائه ورفع ذلك عن أعدائه، أنتم بقى الآلهة بتاعتكم بتعمل لكم أنتم؟ مش أنتم بتعبدوا الآلهة من دون الله؟ إيه الآلهة بتاعتكم دي؟ عملت لكم إيه؟ هل أَلانت الحديد لداوود؟ هل سخرت الريح والجن لسليمان؟ هل أعطَت هذه الجِنان ثم سلبتها؟ قل ادعوا الذين زعمتم من دون الله، عملوا لكم حاجة من الحاجات دي؟ دي صفات ربنا أهي كلام عملي، عملت لكم حاجة؟ ما عملتش حاجة.

طيب لا يملكون، دي بقى آيات نسميها التجريد التام؛ آيات المِلك التام لله وأن الخلق لا يملكون مثقال ذرة. عد دي لما تعيشها صح، ما يبقاش في قلبك حد غير ربنا أبدا. واحدة تبقى قاعد كل يوم الصبح كده مبسوط، تقول: أصبحنا وأصبح إيه؟ الملك لله. تقول بعدها على طول إيه؟ والحمد لله. أصبحنا وأصبح الملك لله. ليه الحمد لله؟ الحمد لله أن هو المِلك وحده، ما هو لو فلان يملك المِلك وفلان، أنت هتصحى الصبح متقطع، عايز ترضي فلان وما تزعلش فلان، لكن فيه فرق بين واحد رجل سلِم لرجل، وواحد فيه إيه شركاء متشاكسون.

الحمد لله وحده، والصلاة والسلام على من لا نبي بعده، محمد صلى الله عليه وسلم. بنقول هذه الآيات هي آيات التجريد التام أن الخلق لا يملكون شيئاً. فيقول الله عز وجل: ادعوا الذين زعمتم من دون الله. ادعوهم، اطلبوا منهم، هيعملوا لكم حاجة؟ فبدأ أول حاجة: لا يملكون مثقال ذرة في السماوات ولا في الأرض. أول حاجة كملك؛ هم لا يملكون شيء، مش لا يملكون، لا يملكون مثقال ذرة في السماوات ولا في الأرض، ما يملكون أي حاجة استقلالاً؛ يعني ما فيش حاجة، يعني ما فيش نجم من النجوم بتوعهم، نعم، ما فيش حتة من الكرة الأرضية بتاعتهم، ما فيش حاجة في الكون يتصرفون فيها كيفما، الشمس مش بتاعتهم قال له: فإن الله يأتي بالشمس من المشرق فأتِ بها من المغرب. الشمس مش بتاعتهم، القمر مش بتاعهم، والزرع مش بتاعهم. لا يملكون مثقال ذرة في السماوات ولا في الأرض.

طيب ما بيملكوش حاجة، طب هل مشاركين في حاجة؟ هو كملك استقلالاً مالوش، ماشي دي الأولانية، شف هنا هتلاقي إيه؟ أربع مراحل للتجريد، يعني سحب البساط من تحت أيدي الخلق؛ لا يملكون شيئاً. أول حاجة ما يملكش حاجة استقلالاً، ما فيش حاجة تبعك. طب رقم اتنين، طب هل مشارك في حاجة؟ هل والعياذ بالله حد مشارك ربنا في الشمس مثلاً؟ في الأرض، في الرياح، في الرزق، في الزرع، في الحياة، في المجرات، في الكواكب؟ لأ. وما لهم فيهما -أي في السماوات والأرض- وما لهم فيهما من شِرك؛ يعني مش مشتركين مع ربنا في حاجة؛ يعني ما حدش يملك حاجة، وما حدش مشارك في مُلك حاجة. عارفة لما أقول واحد: أنت مالكش في البيت ده، ده فيه حاجة؟ ولا أنت مشارك في حاجة؟

طب الحاجة التالتة؟ طب هل بيساعدوا ربنا ماشي؟ هم ما يملكون حاجة من دون الله، ولا مشاركين ربنا في، طب هل بيساعدوا ربنا في حاجة؟ تعالى الله عز وجل عما يقولون، وما له -أي وما لله، وما له منهم أي من شركائهم، وما له منهم من إيه؟ من معين، كلمة ظهير؛ حد يبقى ظهير يعني حد في ظهرك، حد يساعدك. فربنا بيقول: لا بيملكوا حاجة، ولا بيملكوا حاجة مشاعاً شِركة، ولا بيساعدوا ربنا، ولا بيعملوا حاجة في الكون، زي بالظبط اللي بيعبدوا عيسى؛ طب أنتم بتعبدوا سيدنا عيسى ليه؟ هل هو يملك شيء في الكون؟ لا. طب هو مشارك في حاجة في مُلك الكون؟ لأ. طب هو بيساعد ربنا في تدبير الكون؟ لا. طب بتعبدوه ليه؟ فدي تلت حاجات انتفت عن معبوداتهم؛ لا يملكون مثقال ذرة في السماوات ولا في الأرض. والمؤمن لما يسمع الكلام زي ما بيقولوا يزداد اطمئناناً، الله عز وجل يملك كل شيء سبحانه وتعالى؛ يعني اللي يخاف من مَثل أهل الباطل أصل عندهم قوة وعندهم وعندهم وعندهم، طب وأين الله عز وجل؟ هو الذي يملك كل شيء، نواصيهم بيد الله سبحانه وتعالى، فلازم دايماً المؤمن يكون مطمئناً بالله سبحانه وتعالى.

يبقى قلنا: لا يملكون استقلالاً، لا يملكون مشاعاً ولا شِركة، ما فيش حد بيساعد ربنا في حاجة، تعالى الله عز وجل عما يقولون. وما لهم فيهما من شِرك، وما له منه من ظهير.

قال حاجة رابعة؛ طب حد يشفع عند ربنا؟ حد واسطة؟ الآلهة اللي أنتم بتعبدوهم ما بيملكوش حاجة؟ مش مشاركين في مُلك حاجة؟ مش بيساعدوا ربنا في حاجة؟ طب هل واسطة عند ربنا ولا تنفع الشفاعة عنده؟ هنا لما التلاتة الأولانيين مش موجودين عند البشر كلهم، عشان كده دول خلصوا في آية لوحدها، ربنا لما نفاهم نفاهم إجمالاً: إلا يملكون مثقال ذرة، وما لهم فيهما من شِرك، وما له منهم من ظهير. التلاتة دول البشر كلهم والمخلوقات كلها والملائكة وكل البشر مالهمش حاجة في التلاتة دول، ما فيش استثناء في المِلك وفي المشاركة وفي الإعانة؛ ما فيش، الله عز وجل هو الذي يملك لن يشاركه أحد، هو الذي يُقيم، هو الحي القيوم، هو الذي يُقيم السماوات والأرض، والذي يُقيم المخلوقات، والذي يَقوت المخلوقات، ولا يحتاج إلى شيء.

الشفاعة بقى منفية عن غالب المخلوقات، لكن مثبتة لبعض منها، فعشان كده لما ربنا قال الشفاعة قال ما قالش ولا يشفعون وليس هناك شفاعة، ما قالش كده، قال إيه؟ ولا تنفع الشفاعة عنده إلا لمن أذن له. يعني حتى اللي هيشفع لازم يفضل واقف فترة ينتظر الإذن، لازم يفضل فترة واقف ينتظر إذن ربنا أنه يشفع، والآصنام لم يؤذن لها أن تشفع. وقيل إلا من أذن له؛ أي أذن أن يشفع له. فالمشرك واقف ينتظر الإذن أن ربنا يتركني حد يشفع فيه فلم يأذن الله، والآصنام أو المعبودات تنتظر لم يؤذن لها.

مين بقى اللي ربنا يأذن لها أن تشفع؟ الملائكة والأنبياء والمؤمنون؛ دول يشفعون. طيب حتى اللي يشفع، حتى شف ربنا جاب مشهد يقول لك الآيات دي مُلك تام لله سبحانه وتعالى؛ حتى اللي هيشفع بيفضل قبل ما يشفع واقف مرعوب، يفضل في الفزع ده لغاية لما ربنا يأذن له أنه يشفع، هي دي معنى كلمة: ﴿حَتَّىٰ إِذَا فُزِّعَ عَن قُلُوبِهِمْ﴾ [سبأ: 23]. فُزِّع عن قلوبهم يعني زال الفزع عن قلوبهم، يعني فضل عايش في الفزع لغاية لما ربنا إذن له. بمعنى الملك مثلاً هيشفع، أو نبي من الأنبياء يشفع، يفضل قبل ما يطلب الشفاعة واقف في قمة الرعب والفزع بين يدي الله، يظل في فترة في قمة الفزع حتى يأذن الله ويصدر الأمر من الله: يا فلان أو الملك أو النبي، إذنتُ لك أن تشفع، فيذهب الفزع عنه. شف المشهد المرعب ده أو الفزع!

المؤمنون، العصاة لا يشفع لها، كأنه تفضل مرعوب مرعوب، ويفضل يعني يموت من الرعب منتظر يا ترى ربنا يأذن ولا مش يأذن، يا ترى ربنا يأذن ولا مش يأذن؟ فمنظر أشبه بك حديث النبي صلى الله عليه وسلم لما قال جبريل لما رواه في الإسراء والمعراج: كان كالحِلْس البالي. جبريل عليه السلام اللي له ستمئة جناح أصبح كالحِلْس البالي، حتة قماشة كده متقطعة مرمية، سيدنا جبريل اللي سد الأفق أصبح كده مشهد الذل بين يدي الله سبحانه وتعالى. فالآيات فعلاً تخليك تقول: الحمد لله الذي له ما في السماوات وما في الأرض، وله الحمد في الآخرة.

وهو بداية سور السبع، يبقى أول معنى في الآية، الآية دي فيها إشكالية في تفسيرها عند المعنى الأول: ﴿حَتَّىٰ إِذَا فُزِّعَ عَن قُلُوبِهِمْ﴾ [سبأ: 23] أي حتى إذا فُزِّع الأول يعني زال الفزع. فزع يعني إيه؟ يعني الصيغة دي مثلاً بتقول: مرض فلان، فلان تعب.

ولما نقول فلان يمرضه مرضه، يعني إيه؟ يعني شال المرض، فمرض دي بيسموها سورة الإزالة، يزيل عنه المرض. ففزع من معانيها إنه يزيل عنه إيه؟ الفزع؛ فحتى إذا فزع عن قلوبهم.

المعنى الأول: إن المقصود قلوبهم اللي هم دول القلوب، مين؟ قيل قلوب اللي هيشفعوا؛ سواء الملائكة أو الأنبياء. يبقى حتى إذا فزع عن قلوبهم، يعني قلوب الأنبياء يفضلوا عايشين في الفزع. طيب، يعيشوا في الفزع ليه؟ خايفين يا قالوا ربنا هيأذن ولا مش هيأذن؟

حتى إذا فزع عن قلوبهم قالوا ماذا قال ربكم؟ لو الملائكة أو الأنبياء يقولوا يا ترى ربنا تأذن لنا ولا لأ؟ فربنا قالوا الحق، يقولوا لهم: آه، ربنا قال الحق والحق إنه أذن لكم فيفرحوا. أوعوا صوت المؤمنين يفضلوا مرعوبين لغاية لما ها ربنا قال إيه؟ ماذا قال ربكم؟ يا ترى ربنا زي اللي منتظر نتيجة؟ يا ترى ربنا أذن لنا ولا لا؟

ده المعنى التالت، عايزكم تركزوا معي عشان نخلص. المعنى التالت، قيل حتى إذا فزع عن قلوبهم قلوب المشركين، وأن الآية مرتبطة بقول الله عز وجل: ﴿وَلَقَدْ صَدَقَ عَلَيْهِمْ إِبْلِيسُ ظَنَّهُ فَاتَّبَعُوهُ﴾ [سبأ: 20]، أي ظلوا متبعين إبليس حتى إذا فزع عن قلوبهم بالموت. والفزع هنا معناه إنه بدأ يذوق الفزع في لحظة الموت، فضل متعلق بالآلهة، متعلق بالأسباب، لغاية أول لما مات وبدأ ييجي الموت قام قايل إيه ساعتها؟ حتى إذا فزع قام قايل إيه؟ ماذا قال؟ قولي لي كده ربنا قال إيه عشان أسمع الكلام؟

بدأ يقول إيه؟ هو ربنا قال إيه في القرآن عشان أسمع الكلام؟ فضل متبع إبليس إلى أن جاءه الموت. يبقى حتى إذا قالوا متعلقة بقول الله عز وجل: فاتبعوه. لقد صدق عليهم إبليس ظنه فاتبعوه حتى إذا ماتوا قالوا الآن نطيع الله عز وجل، ده معنى الآية. تاني، معنى الآية: صدق عليهم إبليس ظنه فاتبعوه حتى إذا ذاقوا الموت قالوا ماذا أمر ربنا حتى نطيعه؟ خلاص؟

المعنى التالت: أن المشهد ده يحصل عندما يتكلم الله عز وجل بالوحي. لما ربنا يتكلم بالوحي ينزل الوحي على النبي صلى الله عليه وسلم، أو يتكلم بأمر تكويني: كن. يقول الله عز وجل إذا لشيء إذا أراده: كن. لما ربنا سبحانه وتعالى يتكلم بالأمر في السماء الملائكة تكون خضعان أنا في السماء. بيحصل صوت، حديث في البخاري، يحصل صوت في السماء كصوت السلسلة على الصفوان أو على الصخر. عارف لما تجيب سلسلة وتضربها على حجر صلب يطلع صوت زي الصاعقة؟ فيه صوت بيحصل في السماء كده، فالملائكة كلها تخر صاعقة، كل الملائكة في السماء.

شوف العظمة عندما يتكلم الله عز وجل بالوحي، فتخر الملائكة خضعانا لقول الله عز وجل، يسمعون صوتا كجر سلسلة على صفوان. فعندما يتكلم الله عز وجل بالكلام فيبدأ أول واحد يفيق سيدنا جبريل، فيسمع الكلام من ربنا، تبدأ الملائكة تفيق وتبدأ بتسأل: هو ربنا قال إيه؟ فيخبرهم جبريل. فأول لما يفيقوا فيقولون: ماذا قال ربكم؟ فيخبرهم جبريل؟ قال الحق. الله عز وجل لا يتكلم إلا بالحق. الحق هنا ده معناه معنى الكلام، زي مثلاً لما تقول ولله المثل الأعلى: بماذا حكم القاضي؟ فتقول: حكم بالحق أو حكم بالفصل. فيقول جبريل لهم: الحق. فتقول الملائكة: الحق الحق.

طب إيه علاقة لو قلنا الآية دي الخاصة بالوحي؟ إيه علاقتها بالسياق؟ احنا قلنا لو المشركين خلاص عرفناها، ولو الشفعاء عرفنا علاقتها بالصيام. طب المعنى التالت إيه علاقته بالسياق؟ المعنى ربنا هنا جاب لهم صفات ربنا، أن الله عز وجل يملك، الله عز وجل يعطي، الله عز وجل يسلب. فجاب لهم صفة من صفات الله وهي الكلام بالوحي وهي لا تكون لآلهتهم: ﴿قُلِ ادْعُوا الَّذِينَ زَعَمْتُم﴾ [سبأ: 22] من دون الله.

فربنا بيقول لهم: هل تتكلم الآلهة بالوحي كما يتكلم هو بالوحي؟ يعني العجيب دايمًا ممكن واحد يدعي النبوة زي مسيلمة الكذاب، لكن ما ادعاش أن فيه إله تاني بعته برسالة، لأ، هو بينتسب لله سبحانه وتعالى، لكن بيكذب ويفترى الكذب على الله عز وجل. فربنا بيقول لهم: طب الآلهة بتاعتكم دي نزلت وحي؟ الآلهة اللي أنتم بتعبدوها دي نزلت وحي؟ ولكن الله عز وجل إذا تكلم بالوحي تخضع الملائكة في السماء.

فيجب أن تخضعوا في الأرض كما تخضع الملائكة في السماء. إذا تكلم الله بالوحي خضعت الملائكة في السماء، فلابد أن يخضع الناس لوحي الله في الأرض. لازم لما نسمع قال الله نخضع، نسمع قال الله عز وجل يكون خضعانا في الأرض، نشوف ربنا قال إيه، نسأل: ماذا قال ربكم؟ ونحن في فزع خشية أن ينزل علينا العذاب.

لما ابن عباس بيقول لبعض التابعين: افعلوا كذا، قال الله عز وجل كذا وقال رسول الله صلى الله عليه وسلم كذا. فواحد قال له: قال أبو بكر كذا وقال عمر كذا. فقال ابن عباس: يوشك أن تنزل عليكم حجارة من السماء! أقول قال الله، قال رسول الله وتقولون قال أبو بكر وعمر؟! طب بالرغم من إنهم بيستشهدوا بمين؟ ده بيستشهدوا بقول أبي بكر! لكن بيقول لهم: لما أقول قال الله الموضوع ينتهي، لما أقول قال رسول الله الموضوع ينتهي. لو عرضت قول ربنا وقول النبي صلى الله عليه وسلم يوشك أن تنزل عليكم حجارة من السماء.

ده كان فهم الصحابة لتعظيم الوحي، ده كان فهمهم لتعظيم كلام الله عز وجل. اللي بكى أبو بكر الصديق وعمر بن الخطاب وأم أيمن، بكوا لانقطاع الوحي، كانوا يعظمون الوحي. فكما أن الملائكة تعظم الوحي في السماء، لابد أن نعظمه في الأرض.

لنكتفي بهذا القدر. سبحانك اللهم وبحمدك، أشهد أن لا إله إلا أنت، أستغفرك وأتوب إليك. جزاكم الله خير. أقم الصلاة.