تفسير سورة فاطر (5) | الآيات (42-45) | د. أحمد عبد المنعم

إن الله يمسك السماوات والأرض أن تزول ولئن زالت إن أمسكهما من أحد من بعده إنه كان حليما غفورا. وأقسموا بالله جهد أيمانهم، تكلمنا في المرة اللي فاتت عن قدرة الله عز وجل المطلقة، من المعاني التي تحوم وتتكلم عنها سورة فاطر.

الله عز وجل له العلم الكامل وله القدرة المطلقة، يخلق ما يشاء وينوع في خلقه ما يشاء سبحانه وتعالى لحكمة يعلمها هو سبحانه وتعالى. وذكرنا أن هذا التنوع، وأن الفطرة -يعني بدأت بالفاطر- أن كان الأصل واحد، لكن يحدث تنوع، هذا التنوع قد يكون محموداً وقد يكون مذموماً. وذكرنا في الآية الماضية أن الله يمسك السماوات والأرض أن تزول، أن في هنا القرآن عمل نقلة، أن في مشاكل الناس ممكن تتخيل لها حل، لكن في مشاكل فوق طاقة البشر أن هم أصلاً يفكروا فيها؛ زي مسألة زوال الأرض من مسارها، إن الله يمسك السماوات والأرض أن تزول.

فقدرة الله عز وجل مطلقة لا يتخيلها إنسان قط. والآيات اللي زي دي، زي ما قال بعض العلماء، من دلالات أن القرآن من عند الله؛ يعني لو كان بشر عايز يتكلم عن قدرة الإله بتاعه، ما يجيش في ذهنه أنه يقول كده، لكن ده دلالة أن القرآن من عند الله عز وجل، أن الذي خلق السماوات والأرض هو هو الذي أنزل هذا القرآن. فالإنسان لما بيتخيل قول الله عز وجل: ولئن زالت، يعني متخيل أن في مشاكل مهما اجتمع أهل الأرض عشان يشوُفوا لها حل لن يستطيعوا، وأن الله عز وجل قادر يغير الأحداث في لحظات بقدرته سبحانه وتعالى: إن يشأ يذهبكم أيها الناس ويأت بخلق جديد وما ذلك على الله بعزيز.

فهنا ربنا بيقول: وإن أمسكهما ولئن زالت إن أمسكهما من أحد من بعده إنه كان حليما غفورا. كلمة حليماً غفوراً برضه الصفتين دول انتهت بهم آية الإسراء: وإن من شيء إلا يسبح بحمده ولكن لا تفقهون تسبيحهم، مسألة أن الكون كله يسبح الله وبالرغم من كده في ناس تعصي الله عز وجل، فالله عز وجل حليم عليهم غفور إن تابوا وعادوا وأنابوا إلى الله عز وجل، غفور لذنوبهم ولجرائمهم إن تابوا.

بعد كده تيجي الآيات بتقول إن في ناس مشركين كانوا قبل نزول الكتاب عليهم، كانوا بيقولوا: وأقسموا بالله جهد أيمانهم؛ يعني بيحلف بقمة تؤكد الإيمان بتاعته، وأقسموا بالله، يعني تشوفه وهو بيحلف تقول مش ممكن يعني، يا واد يا مؤمن فعلا. وأقسموا بالله جهد أيمانهم، بيقول إيه؟ بيحلف بيقول إيه؟ لئن جاءهم نذير ليكونن أهدى من إحدى الأمم. يعني إيه؟ كان العرب هم أميين، يطلق عليهم الأميين، أي ليس عندهم كتاب، مش بس مسألة القراءة والكتابة لا، ليس عندهم كتاب، وكان فيه أهل الكتاب اليهود والنصارى. كان دايمًا العرب وعبادتهم الوثنية حاسين بنقص تجاه مسألة أهل الكتاب؛ لأن ما عندهمش معلومات عن الغيب. يعني مسألة العرب كانت تؤمن بالملائكة، وقالوا: ما نعبدهم إلا ليقربونا إلى الله زلفى، وكانوا عارفين أن في حاجة اسمها غيب بعد أن سألتهم: من خلق السماوات والأرض؟ ما عندهمش هم كتاب أو علم يدلهم على هذا الغيب، فما كانوا يحبوا يعرفوا حاجة كانوا يروحوا يسألوا أهل الكتاب، فكانوا يحسوا بنقص أنه ما عندهمش إيه؟ كتاب.

بل حتى لما بعث النبي صلى الله عليه وسلم راحوا سألوا اليهود عليه، وكذب اليهود، وقالوا: أنتم أهدى سبيلا منه، أنتم بعبادتكم الأصنام دي أهدى سبيلا من المؤمنين. الشاهد: كانوا دايمًا يروحوا يسألوا أهل الكتاب؛ بل كثير من الأسئلة، زي ما قال بعض المفسرين، اللي المشركين سألوا فيها النبي صلى الله عليه وسلم في مكة، كانوا بيروحوا يبعتوا مبعوث لليهود بيعرفوا منهم أسئلة، سورة الكهف نزلت في مكة مكية سورة، طب في بعض أسباب النزول أنهم سألوا النبي صلى الله عليه وسلم عن فتية الكهف، فسواء سئل النبي صلى الله عليه وسلم في المدينة أو تكرر السؤال من اليهود أو أن المشركين سألوا النبي صلى الله عليه وسلم عنهم، عن ذي القرنين وعن الكهف وعن الروح، جابوا الأسئلة دي منين؟ من اليهود!

فكان عندهم هذا النقص، وأنهم دايمًا بيحتاجوا إلى سؤال أهل الكتاب. وكان العجيب أن اليهود ما يهتموش بنشر دينهم عكس النصارى، اليهودي حاسس أن هو الديانة بتاعته زي شرف النسب كده، مش مهتم بانتشار، هو مهتم بكفر الآخرين، لكن مش أنه يدخل في اليهودية، عكس النصراني. وده سبحان الله العظيم، عشان كده الإسلام انتشر في مكان فيه يهود مش فيه نصارى، اليهود كان اللي حواليهم كارهينهم، فأخيرًا وجدوا دين يسمح لهم بالدخول فيه، بل وبلوغ أعلى درجات في هذا الدين، عكس اليهود الموضوع عندهم مش كده، مش انك تدخل وبقى لا، ده فيه تقاليد زي الجماعات المتشددة جداً.

الشاهد: العرب كانوا حاسين بنقص ومنتظرين لحظة أن يبقى معهم كتاب. لذلك لما كان اليهود يستفتحوا على المشركين ويقولوا: هييجي نبي ونحاربكم ونغلبكم، فكان المشركون يتمنوا أن يكون هذا النبي منهم وأن يبقى معهم كتاب، وكانوا يتمنوا بزوال أهل الكتاب، وفرحوا لما انتصر الناس اللي ما عندهمش كتاب الفرس على الروم اللي عندهم كتاب، ده يدلك أن كان عندهم مسألة النقص دي، فكانوا يقولوا: لو جاء لنا كتاب زيهم هنبقى أحسن منهم. وأقسموا بالله جهد أيمانهم لئن جاءهم نذير ليكونن -أي المشركون- ليكونن أهدى من إحدى الأمم؛ من كل الأمم أو من أي أمة سبقت، سواء اليهود أو النصارى. فبيقولوا: لن نكفر بنبينا وبكتابنا إذا جاءنا كما فعلت اليهود مع أنبيائهم، بيوعدوا بكده.

ودي دايمًا نقطة مهمة جداً في مسألة بتوقف تدينك ونموك على وجود الظروف: لئن جاء لنكونن. طب ما في ناس في وجودهم قبل ما يبعث النبي صلى الله عليه وسلم رفضوا الشرك؛ زيد بن عمرو بن نفيل، يبعث يوم القيامة أمة واحدة، أمة واحدة رضي الله عنه يبعثه الله عز وجل زيد بن عمرو بن نفيل أمة، ليه؟ لأنه رافر الشرك، وكان لوحده ويسند ظهره للكعبة ويقول: الشاة خلقها الله ورزقها الله، تذبحونها لغير الله؟ أمر بدهي ازاي تعمله كده؟

وكان الحنيفية، وفيه ناس ظلت تبحث زي سيدنا سلمان إلى أن بلغه الله عز وجل. يبقى دايمًا اللي بيوقف هدايته على الظروف أن هي تتحسن، ده في الغالب لما الظروف بتحسن ما بيشتغلش؛ لأن اللي بياوز يشتغل بيشتغل في الظروف الموجودة دي: من تقرب شبرا تقربت إليه ذراعا. وزي ما قلنا نفس الآيات تقريبًا ذكرت في ختام سورة الأنعام، زي ما اتكلمنا من أول قول الله عز وجل تماماً عن الذي أحسن، ثم آتينا موسى الكتاب تماماً على الذي أحسن، فلما أحسن موسى في وقت الاستضعاف آتاه الله الكتاب وقت التمكين.

يبقى عدم إحسانك في أوقات الاستضعاف هيؤدي أيضاً إلى عدم إحسانك في وقت التمكين، فدايمًا اشتغل في كل الظروف، واللي بيتعلل في ظرف بيتعلل في كل الظروف. اللي دايمًا يقول: أنا بس المشكلة أن الدروس بتاعة المساجد بعيدة، وأن الشيخ مش فاضي، وأن اللي بيحفظ ما بيجيليش البيت، لو في محفظ يجي لي البيت ويتابعني، وأصدقائي تابعوني وبيئة إيمانية، وما عدش يبقى فيه فساد، والنساء تتحجب، ودايمًا منتظر المدينة الفاضلة تتكون عشان يبقى كويس، وهو أصلاً حتى وبعدين هو انت عايز تبقى كل ده موجود وما تبقاش كويس؟! طب ما هو البلاء عامل زي اللي منتظر أن يمشي وأن الشهوة تروح من صدره وأن يبقى، أقول لك: هبقى كويس لو كل ده حصل هبقى كويس.

زي المنافقين لما كانوا عايزين يجاهدوا قالوا: العدد بس يبقى الكتير بتاعنا، لا تنفروا في الحر والظروف تبقى مناسبة. زي بني إسرائيل لما قالوا لسيدنا موسى: فأن يخرجوا منها لو مشيوا احنا هندخل، طب أومال لما هم مشيوا أومال انتم هتجاهدوا مين؟! يعني هم هيخرجوا اهو، طب انتم هترروحوا تعملوا إيه بقى؟ هتروحوا تحتفلوا هناك؟ عايزة تروحوا؟ فدايمًا اللي بيتعذّر ما ما بيعملش حاجة، فدي نقطة مهمة.

النقطة التانية في كلمة لئن جاء لنكونن، تعليق الهداية على المجيء، طب هو كان منتظر النبي ليه ييجي ليه؟ هل لرغبة حقيقية في الوصول إلى الله؟ زي من المعاني التي ذكرت في تفسير قول الله عز وجل: ألم نشرح لك صدرك * ووضعنا عنك وزرك. من معاني الوزر له معاني كثيرة، من معاني الوزر الحمل الثقيل؛ إيه الحمل؟ أن كان النبي صلى الله عليه وسلم يذهب يتعبد يتحنث الليالي ذوات العدد في الغار، يعلم أن لهذا الكون إلهاً وما هو مراده تحديداً مش عارف، منتظر الوحي ولا يمكن يصل إليه بالعقل، لابد من وحي، فكان في همّ ثقيل: كيف يصل بنفسه وبالناس إلى الحق؟ كيف ينقذ نفسه والناس للوصول للحق؟ كان همًّا ثقيلاً، ده الوزر اللي أُزيح بنزول الوحي.

فالإنسان الراغب في الحق حقيقة لما بتيجي الظروف تتحسن بيسير، ودول كانوا عايزين كتاب ليه؟ عايزين كتاب له زي ما قلنا عشان يفتخر به على اليهود، كان ينتظر ليه؟ ليفتخر، كان ينتظر ليه؟ ليفتخر مش ينتظر ليصل إلى الحق. لذلك الآية اللي بعدها إيه؟ استكباراً في الأرض، ودي زي قول النبي صلى الله عليه وسلم: من تعلم العلم ليماري به السفهاء، ويجاري به العلماء، ويصرف وجوه الناس إليه، فهو في النار والعياذ بالله.

يبقى هم كانوا منتظرين النذير ليه؟ في فارق انك أنت تتعلم العلم عشان تترسم به، وعشان تجادل به، وتتعلم المعلومة عشان تغلب به غيرك، لا مش ده العلم. فهم ما كانوا عايزين العلم أو الكتاب عشان كده، لذلك ربنا قال في الآية اللي بعدها من أسباب انصرافهم: استكباراً في الأرض. الاستكبار اللي إيه؟ اللي في صدورهم؛ أقسم بالله جهد أيمانهم، بكل طاقاتهم وكل ما أُوتوا من قوة وعزيمة، اللي تشوفه وهو بيقسم كده زي بالضبط: ألم تر إلى الذين قيل لهم كفوا أيديكم وأقيموا الصلاة وآتوا الزكاة، لو تشوفه وهو يطلب القتال وبيتحمس له، تقول: مش ممكن! ده أنا لما تيجي فرص القتال هيقطع الدنيا، فلما كتب عليهم القتال إذا فريق منهم يخشون الناس كخشية الله أو أشد خشية وقالوا: ربنا لم كتبت علينا القتال؟! وكانوا يقولون: متى يكتب علينا القتال؟!

فليست الحماسة الزائدة عنوان الصدق ولا تقلل منها ولا تعني دائماً الكذب، لكن الحماسة الزائدة المفرطة تعني في الغالب الأحيان عدم تقدير الأمور بمقاديرها، لذلك قال الله عز وجل: ولقد كنتم تمنون الموت من قبل أن تلقوه؛ لازم تصور للموت وللقتال وللبذل غير الحقيقة، فلما لاقى الحقيقة صدم: ولقد كنتم تمنون الموت من قبل أن تلقوه، طب لما لقيتموه فقد رأيتموه وأنتم تنظرون، اتحولت من متحمس إلى يا متفرج ما عملتش حاجة.

لابد أن الإنسان يجمع بين العقل والحماس، كان عمر بن الخطاب يجمع في مجلسه بين الشيوخ العقل والرزانة، وبين الشباب يلتمس حدة عقولهم وحمسهم، الجمع بين الاتنين مهم. الشاهد: وأقسموا بالله جهد أيمانهم لئن جاءهم نذير ليكونن أهدى من إحدى الأمم، فلما جاءهم نذير -خد بالك من كلمة نذير، هم قالوا: لو جاء لنا نذير هنبقى كويسين، لما جاء لهم النذير والتعبير بالنذير هنا بدون البشارة أن الوحي فيه انك هتمتنع عن شهواتك، مش مجرد تحقيق لرغباتك فقط- وده فارق ما بين اللي عايز دين أو شريعة عشان يحقق احتياجات داخلية فقط، وبين اللي عايز عبودية بمعنى مثلاً اللي قاله: لما كتبت علينا القتال؟! هو طلب كان بيطالب القتال ليه؟ لأنه زهق من الاستضعاف، زهق من الجو ده، عايز يعيش براحته، مش مجرد، وإن كان المطلب ده في حد ذاته لوحده مش إشكال، المشكلة أن هو يقتصر على ده فقط، مش طلب القتال لينشر دين الله عز وجل في الأرض، فهو عايز يخلص وخلاص، يخلص من الأوضاع دي.

فلما يجي وضع، لذلك اللي طلب القتال في مكة جزء من اللي طلب القتال في مكة وكان متحمس، لما راح المدينة وبقى فيه فتح المحل بتاعه بقا وحط اليافطة والدنيا واتجوز وجاب حتة أرض، الدنيا بقى فيها نوع من الاستقرار واتعيّن، وخلاص، والجو بس، عايزين بقى ننشر الدين في الأرض، مش انت كنت عايز القتال عشان ننشر الدين في الأرض؟! يلا بقى نطلع نقاط، بلاش موضوع القتال ده، ممكن نشوف حاجة تانية مثلاً، نبعتلهم رسايل، يعني نعمل أي حاجة، نبعتلهم حد يكلمهم، لكن بلاش موضوع القتال ده! مش عايز أن الوضع بتاعه يتهز.

لذلك من أكثر الأجزاء اللي اتكلمت في القضايا الاجتماعية والحياة الاجتماعية جزء ثمانية وعشرين، لابد لابد أن يكون بداخله كلام عن القتال، ضبط الحياة الاجتماعية لا يعني نسيان القتال والبذل لدين الله عز وجل. فدي نقطة مهمة، أن في فارق بين تريد شيئاً تبحث عن استقرارك، وبين تبحث عن نصرة الدين، الفروقات بتكون دقيقة: انت عايز ده ليه؟ عايز تنصر دين الله عز وجل حقاً، ولا انت عايز تستريح؟! لذلك لما بعض الأنصار قالوا، بعضهم قال بعضهم لبعض سراً دون رسول الله صلى الله عليه وسلم.

لما انتشر الإسلام وكثر فاتحوه، الأنصار بقي من يوم ما جه النبي صلى الله عليه وسلم وبيبذلوا نصرة الدين؛ من بدر راجل كل بيقفل المحل يطلع بدري، وبعدين أحد، وبعدين الأحزاب، وما استقرش، وهؤلاء يعني من أوائل من أدخل الجنة. فلما انتصر الإسلام وعاشوا بقي في أطراف البلاد عايزين يرجعوا بقي، فقالوا بعضهم لبعض سرا دون رسول الله صلى الله عليه وسلم: هل عدنا إلى إخواننا وأصلحنا أراضينا وأموالنا وأموالنا؟ فنزل قول الله عز وجل: ﴿وَأَنفِقُواْ فِي سَبِيلِ ٱللَّهِ وَلَا تُلْقُواْ بِأَيْدِيكُمْ إِلَى التَّهْلُكَةِ﴾ [البقرة: 195]. فبيقول أبو الدرداء: فكانت التهلكة الإقامة في الأموال والأوطان وترك الغزو. يبقى لما قال بقي خلاص بقي احنا عملنا نرجع بقي نشوف شغلنا، لا ما هو ده شغلك؛ طالما استعملك ربنا في شيء لا تتمنى أن تتنخلع منه.

ففيه فرق بين اللي عايز يتخلص من أوضاع معينة هنا من ظلم لمجرد استقرار نفسه وأنه بيبحث عن هم نفسي، وبأنه بيبحث عن الأفضل للدين. لذلك أحيانا تحدث أشياء وأقدار زي ما هنتكلم، مسألة السنن هي أفضل لدين الله، لكن مش أفضل للأشخاص؛ فالإنسان يبغض مثل هذه الأشياء، لكن هي حقيقة خير، زي ما ربنا قال: ﴿لَوْ خَرَجُواْ فِيكُم مَّ زَادُوكُم إِلَّا خَبَالاً﴾ [التوبة: 47]. أحيانا الإنسان بيزعل من أشياء وتكون هي الخير لهم. المهم فلما جاءهم نذير؛ فجاء لهم نذير عشان ينهاهم، عن —ولذلك جت النذارة هنا مش البشارة— عن شهواتها فلما جاله مش عايز، ما زادهم إلا إيه؟ إلا نفورا؛ هو كان عايز بس حاجة تزود الرسوخ بتاعه. لذلك ربنا قال إيه: ﴿اسْتِكْبَارًا فِي الْأَرْضِ﴾ [فاطر: 43]. أبو جهل لما سئل: أنت مش عارف إن هو صادق؟ قال: صادق، لكن لما تبقى لما تكون السقاية عندهم سقوا فسقينا وأطعموا وأطعمنا، فقالوا ما بين القبائل بقي والتنازعات: فمنا نبيته الوحي فانا ندرك ذلك؟ هنعملها ازاي دي؟ خلاص يبقى نكذب. وزي ما قيل لأحد: أتعلم أن محمد صلى الله عليه وسلم صادق؟ قال: نعم. وأن مسيلمة كاذب؟ قال: نعم. قال له: طب إزاي بتتبعه؟ قال له: آه، كذاب ربيعة أفضل عندنا من صادق مضر، ده تبعي.

فمسألة الاستكبار رفضوا ذلك إيه؟ استكبارا. وقالوا: ﴿لَوْلَا نُزِّلَ هَٰذَا الْقُرْآنُ عَلَىٰ رَجُلٍ مِّنَ الْقَرْيَتَيْنِ عَظِيمٍ﴾ [الزخرف: 31]. يبقى القضية هم ما كروش عايزين دين، هم كانوا عايزين إيه؟ استكبار. يبقى فيه فارق؛ فيه ناس تحب الدين، ودي نقطة مهمة أوي، ودي بنشوفها للاسف كل دولة تلاقيها بتهتم بجزء من أجزاء الدين، وكأن الدين بياخد جنسية الدولة، ده أصبح فيه تجنيس للدين. فتجد دولة الإمارات مثلا أو قطر بتاخد جزء من الدين تهتم به جدا وتنشره، الجزء ده يرسخ وجود ملوكها، يرسخ وجودهم، فيختار من الدين ما يرسخ وجوده، يقول لك: أنا عايز الجزء ده، الجزء اللي هيزعزع، لأ مش عايزينه. ﴿إِنَّ كَثِيرًا مِّنَ الْأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ﴾ [التوبة: 34]. في ناس بتستفيد من ده وتكذب على الدين. قال الله عز وجل: ﴿وَتَجْعَلُونَ رِزْقَكُمْ أَنَّكُمْ تُكَذِّبُونَ﴾ [الواقعة: 82]. في ناس رزقها من الكذب على الدين وبقائها عن طريق الكذب على هذا الدين. فيقول الله عز وجل: ﴿وَاسْتِكْبَارًا فِي الْأَرْضِ وَمَكْرَ السَّيِّئِ﴾ [فاطر: 43].

رفضوا دعوة النبي صلى الله عليه وسلم عنادا واستكبارا في الأرض، وطلبا لمكر السوء ولتحقيق شهواتهم. فوجئوا أن هذا الدين الذي كانوا ينتظرونه لينتصروا به على اليهود فوجئوا أن هذا الدين يعيد الأوضاع الاقتصادية من جديد، ويغير في طبقاتهم، ويعطي الحقوق، ويعطي العدل، ويصرف كثير من شهواتهم. فوجئوا، قالوا: لا، مش عايزين ده. فقالوا: ﴿ائْتِ بِقُرْآنٍ غَيْرِ هَٰذَا أَوْ بَدِّلْهُ﴾ [يونس: 15]، هات لي حاجة تانية أو بدله. ﴿قُلْ مَا يَكُونُ لِي أَنْ أُبَدِّلَهُ مِنْ تِلْقَاءِ نَفْسِي﴾ [يونس: 15]. قالوا: الدين ده مش راكب معانا، خلاص، احنا مستقرين بقى لنا سنين في أوضاع وفي قبائل وفي اقتصاد وفي أصنام، والاصنام دي كل قبيلة على من القبائل من مكة لغاية الشام حتى صنم عندها واحنا متفقين معهم، هتيجي تسيبوا الصنم بتاعكم؟ وبحيث إن أنتم تسيبونا في التجارة لو كسرنا الصنم التجارة هتبوظ، أوضاعنا الاقتصادية متظبطة على كده، هتيجي تدور مش عايزين هذا الدين، احنا كنا عايزين دين يضبط لنا يزيد من ترسيخ، ودائما الملوك تتمسح في الدين لترسيخ وجودها.

لذلك فرعون من أكفر الخلق، العجيب أنه يقول: ﴿أَنَا رَبُّكُمُ الْأَعْلَىٰ﴾ [النازعات: 24]، ويقول: ﴿إِنِّي أَخَافُ أَن يُبَدِّلَ دِينَكُمْ﴾ [غافر: 26]. لازم مسحة الدين، والانسان مفتور على تعظيم الدين، الانسان مفتور فيستغل مسألة الدين. الشاهد: استكبارا في الأرض ومكر السيء، استكبارا في الأرض ومكر السيء، إذا رفضوا الدين لكبر في نفوسهم وأنه لا يحقق أغراضهم، ودائما بين الدين والملوك عداوة، دائما لأنه يععيد التقسيمات مرة أخرى، فبيرفض كتير. قال: يا بني، هذا أمر تكرهه الملوك. فقال له ورقة للنبي صلى الله عليه وسلم: ما جاء أحد بمثل ما جئت به إلا عودي. وخاف هرقل على ملكه ومات كافرا.

عندهم استكبار، فوجدوا أن الأمر ده هيخالف كبرهم، استكبارا في الأرض ومكر السيء، وعشان يحافظ على وجوده بدأ يمكر السيئات. وقيل: ﴿اسْتِكْبَارًا فِي الْأَرْضِ وَمَكْرَ السَّيِّئِ﴾ أي رفضوا الدين استكبارا في الأرض ورفضوا لأنهم يحبون المكر والشهوات وحياتهم قائمة على ذلك، والدين ينهاهم عن المكر وعن الكبر. يقول الله عز وجل: ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ [فاطر: 43]. إذا في الصورة معنا هنا ضبط الداعية وعلاج الضبط النفسي للداعية ما بين: ﴿فَلَا تَذْهَبْ نَفْسُكَ عَلَيْهِمْ حَسَرَاتٍ﴾ [فاطر: 8]، وما بين: ﴿وَلَا تَكُ فِي ضَيْقٍ مِّمَّا يَمْكُرُونَ﴾ [النمل: 70]. الداعية تجاه اللي يتفلت منه أو أعدائه حاجة من اثنين: إما بيحزن عليهم جدا أنهم تفلتوا منه، أو اللي بيزداد في عداوته بيحزن أنهم بيمكروا بيمكروا به.

فتجي صورة فاطر تقول لك: الأمر كله بيد الله عز وجل: ﴿فَلَا تَذْهَبْ نَفْسُكَ عَلَيْهِمْ حَسَرَاتٍ﴾ [فاطر: 8]، وأيضا: ﴿وَلَا تَكُ فِي ضَيْقٍ مِّمَّا يَمْكُرُونَ﴾ [النمل: 70]. الأمر كله لله سبحانه وتعالى، والصورة بتعلق القلب بالله بصورة غير عادية. فيقول الله عز وجل: ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ [فاطر: 43]. يبقى إذا هنا، والمكر جه معنا في أول سورة فاطر، لما يجي في قول الله عز وجل: ﴿إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ ۚ وَالَّذِينَ يَمْكُرُونَ السَّيِّئَاتِ لَهُمْ عَذَابٌ شَدِيدٌ ۖ وَمَكْرُ أُولَٰئِكَ هُوَ يَبُورُ﴾ [فاطر: 10]. وقلنا يعني إيه هو يبور؟ قلنا: يبور، الأرض اللي مهما تحرس فيها ما تطلعش، أرض بور. فكأن هم هيحرسوا وهيبذلوا لكن النتيجة لن يحصلوا على الثمرة التي دونها في النهاية. فالمكر بتاعهم مستمر لكن العاقبة لكن العاقبة للتقوى: ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ [فاطر: 43].

مهمة جدا: ﴿فَهَلْ يَنظُرُونَ إِلَّا سُنَّتَ الْأَوَّلِينَ ۚ فَلَن تَجِدَ لِسُنَّتِ اللَّهِ تَبْدِيلًا ۖ وَلَن تَجِدَ لِسُنَّتِ اللَّهِ تَحْوِيلًا﴾ [فاطر: 43]. هذه الآية العظيمة الكلام عن سنة الله عز وجل. خذ بالك، ما قالش: ولا يحيق المكر السيء إلا بالماكر، قال: ولا يحيق المكر إلا إيه؟ باهله. إيه الفارق بقى؟ الكلام هنا عن سنة من سنن الله عز وجل في الكون. هنتكلم شوية عن مسألة سنن لله عز وجل، وخاصة في ختام هذه السورة العظيمة نتكلم عن سنن الله في الكون، أن لله عز وجل سننا لا تتبدل ولا تتغير في هذا الكون.

ربنا نوعين، في سنن كونية، وسنن بعض سميها كما تشاء الثانية، بعضهم بيسميها السنن الاجتماعية بتاعة البشر؛ علاقات البشر مع بعضهم، أو أمر الله عز وجل للبشر، أو السنن الشرعية، أو السنن الدينية، أيا كان. السنن الكونية اللي هي بتاعة الشمس والأرض والدوران والغليان والذوبان والتجمد وانصهار الحديد، اللي هي اللي بيكتشفها الإنسان؛ لدرجة غليان ماء، درجة انصهار مادة معينة، الجاذبية، دوران الكواكب، كل هذه السنن وضعها الله لا تتبدل ولا تتغير. ومن رحمة ربنا أن الكونية لا تتبدل ولا تتغير، وإلا كان الكون فسد. يعني لو الماية النهاردة بتغلي عن درجة مية وبكرة بتغلي عن درجة عشرة وبعده بتغلي على درجة مية وعشرين، ناس مش لو الحديد النهاردة صلب وبكرة بقى مائع وبكرة بقى غاز، البيوت هتنهار. فربنا من رحمته جعل السنن الكونية إيه؟ ثابتة.

كذلك لله عز وجل سنن بيسموها السنن الاجتماعية في علاقات البشر، في في نصرة المظلوم، في التدافع بين أهل الحق وأهل الباطل، معايا؟ طيب، إيه الفرق ما بين السنن الكونية والسنن الاجتماعية؟ الاثنين من عند ربنا؛ فهم السنن الكونية بيجي بالتجارب، هم عرفوا منين أن الماية بتغلي، أو الحديد بيستعمل أو بينصهر، أو المادة دي كذا، وأن لو اتفك ده، بيتكتشف بالسير في الأرض يكتشف، جزء منه جت به الشرائع وجزء أشارت له الشرائع وجزء بالعلم التجريبي المكتشف. الصور الاجتماعية بقى بتاعة مثلا ربنا ينصر ربنا يهلك الظالمين، العلاقة بين الظالمين وبعض، العلاقة بين الظالم والمظلوم، التدافع بين الحق والباطل، سنن أحيانا الإنسان ما يبقاش فاهم؛ إزاي ظالم وبعدين مات ميتة عادية، وفيه ظلمة تانيين ربنا أهلكهم، وفي قرية ظالمة ربنا أهلكها، وفي ناس ربنا ما أهلكهاش في الدنيا؟ عايز دي السنن الاجتماعية. إزاي في النبي صلى الله عليه وسلم والصحابة أبو بكر وعمر وعثمان وعلي، إزاي جيش فيه الصحابة وفيه القائد النبي صلى الله عليه وسلم ويهزم من مين؟ من مشركين صرف، كفار، أبو سفيان قائد وكفار، إزاي؟ دي سنن محتاجة تتفهم، دي اللي بنسميها السنن الاجتماعية.

فدي سنن ودي سنن، في فروقات ما بينهم ما بين السنن الكونية والسنن الاجتماعية؛ غالب الصفات بتاعتهم وفي كتب كتير اتكلمت في المسألة دي، غالب الصفات متشابهة لكن في فروقات دقيقة؛ منها أن الله عز وجل قد يغير السنة الكونية لكن لا يغير أبدا السنة الاجتماعية. بمعنى: دوران الشمس دي سنة كونية ولا سنة اجتماعية؟ عشان نشوف أنتم معايا، كونية. انتصار أهل الحق على أهل الباطل، سنة إيه؟ اجتماعية.

لحظة دخول يوشع بن نون الأرض المقدسة ويوم الجمعة قبل غروب الشمس بلحظات وفاضل فترة وتغرب الشمس ولو غربت الشمس هيجي يوم السبت، يوم السبت ما فيش قتال، هيستعدوا. محتاج يهزمهم في اللحظات دي، فقال: اللهم احبس الشمس علينا، أنت مأمور وأنا مأمور، اللهم احبسها علينا. فغير الله سنة كونية لأجل إتمام سنة اجتماعية أو سنة بشرية، وهي نصرة أهل الحق. كما فعل الله مع أصحاب الكهف، والمعجزات عامة، الأنبياء، معايا؟ بل حتى لا تتغير الفِطَر؛ يعني شوف المشهد الجميل، سيدنا موسى كان أذوه بنو إسرائيل وقالوا عليه، اتهموه في خلقته وأنه معيب عليه السلام —حاشاه عما يقولون— فأراد الله عز وجل أن يبين كذبه وأنه من أحسن الناس خلقا، فكان ممكن ربنا يقول له: روح قدامهم واقلع ثيابك وكن عريانا وشوف. ربنا عمل إيه؟ سيدنا موسى بيختزل وحده وضع ثيابه على الحجر، إيه اللي حصل؟ فأخذ الحجر ثيابه وتحرك! شوف تغيير السنة حتى ما تتغيرش الفطرة، للحياة، حفاظا حتى ما يقولوش اخلع ثيابك ويؤمر بشيء خلاف في الشرع، يغير الله عز وجل هذه السنة حتى يحافظ على الفطرة. معايا، فاهمين القضية؟

فمن هذه السنة الاجتماعية التي لا تتغير: نصرة أهل الحق على أهل الباطل، ونصرة المظلومين، وأن العاقبة للتقوى، وأن مهما مكر أهل السوء وخططوا ودبروا العاقبة ستكون للتقوى. مهما حصل يعني حتى لو أبو سفيان وقف وهذا المشهد العجيب ويقول: أعل هبل، لنا عزة ولا عزة لكم، والنبي صلى الله عليه وسلم تسيل الدماء من وجهه في أحد، برضه العاقبة للتقوى مهما حصل. مهما كلهم خدوا براءة، مهما حصل، يعني مهما كانت الظروف. طب إزاي واحد يقول طب ازاي أنا مش قادر أفهم؟ نقول في نقطة مهمة جدا، زي ما في فوارق بين السنن الكونية والسنن الاجتماعية عايزين نقول فوارق مهمة جدا بين سنة الله في الفرد وسنة الله في الأمة. ودي، عشان كده أنا بقول: ربنا قال: ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ [فاطر: 43]، ما قالش: إلا بالماكر.

الله عز وجل أراد الأمم تكون مجتمعة، يعني أراد أمة الإسلام تكون مجتمعة، بل عاتب بني إسرائيل الموجودين في عهد النبي صلى الله عليه وسلم بجرائم آبائهم؛ لأن الأمة كالنفس الواحدة ولأنهم رضوا بذلك. فيتخيل طالما أمة بني إسرائيل ما تبرؤوش وتنصلوا من فعل أجدادهم، عُاتبوا بجرائم آبائهم؛ لأن الأمة كالنفس لوحدها. بل دائما: ﴿لَا تَقْتُلُوا أَنفُسَكُمْ﴾ [النساء: 29]، ﴿لَا تَأْكُلُوا أَمْوَالَكُم﴾ [النساء: 29]، ﴿وَلَا تَلْمِزُوا أَنفُسَكُمْ﴾ [الحجرات: 11]؛ لأن الأمة بمنزلة، زي ابن كثير بيقول، نزل الأمة الواحدة بمنزلة النفس الواحدة. الله عز وجل يحب يحب التجمع، يحب الذين يقاتلون في سبيله صفا. لذلك النصر الموعود به في القرآن للأمة، مش فرض للعقيدة، للمبدأ مش للشخص. النصر الموعود به، السنة اللي ربنا: ﴿إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ﴾ [غافر: 51]، جموع مش الفرد. ماتت خديجة في الشعر رضي الله عنها ومات مصعب في أحد ولم ير الفتح، مش معنى أن لحظة الموت —حاشاه يعني— أنه يقول: إيه ده! احنا هنموت! احنا اتضحك علينا! ما شفناش النصر! لأ، دي سنن.

لذلك ابن تيمية بيقول: آيات السنن اللي جت في القرآن المقصد بها الآيات السنن الاجتماعية مش السنن الكونية؛ السنن الكونية من تجارب البشر، إنما السنن الاجتماعية تفهم أولا من الوحي من القرآن، مش هلاقي حتة تانية عشان الناس ما تفتنش فيها. القرآن فيه العلم العظيم: ﴿لَّكِنِ اللَّهُ يَشْهَدُ بِمَا أَنزَلَ إِلَيْكَ ۖ أَنزَلَهُ بِعِلْمِهِ﴾ [النساء: 166]؛ قيل: أنزله في علمه بمعنى البادئ أي فيه علمه، أنزل القرآن وأنزله الذي يعلم السر في السماوات. القرآن

وفيه سر، فيه غيب. فقل رب زدني علما، أي وحيا وعلما في الوحي. ﴿لَقَدْ يَسَّرْنَا الْقُرْآنَ لِلذِّكْرِ فَهَلْ مِنْ مُدَّكِرٍ﴾ [القمر: 17] البخاري، فهل من طالب علم؟ أي للوحي. يبقى أنت كثرة قراءتك للوحي والسير في الأرض، حتى من الإمام لعرفة بيقول السير في الأرض سير حقيقي وسير معنوي بقراءة التاريخ، يديك تفهم هذه السنن.

لذلك سيدنا هود بيقول لما وقف قدام قومه وهو لوحده، فقال: ﴿إِنِّي تَوَكَّلْتُ عَلَى اللَّهِ رَبِّي وَرَبِّي مَا مِنْ دَابَّةٍ إِلَّا هُوَ آخِذٌ بِنَاصِيَتِهَا إِنَّ رَبِّي عَلَى صِرَاطٍ مُسْتَقِيمٍ﴾ [هود: 56]. يعني إيه ربي على صراط مستقيم؟ يعني ربنا ما بيغيرش وعده، سنن ربنا كسبت، ربنا قال هينصر الحق، أمت أنا ما متّش، ربنا قال هينصر الحق، عنده ثبات، عنده يقين. اللي بيتلقى هذه السنن من الوحي عنده يقين مهما تبدلت الظروف.

اللي هيبقا دينه من الظروف هيبقى كل يوم عنده دين؛ النهاردة بيشجع فلان وبكرة بيشجع فلان وبعده بيشجع فلان. اللي بيتلقى دينه من الوحي هو ثابت مع الحق حتى لو الظروف ظاهرها غير كده.

طيب، عايزين نقول سريعا كده إيه الفوارق ما بين سنة الله في الفرد وسنة الله في الأمم؟ منها أن العقاب أو العذاب أو العقوبة أو الفتنة قد تنزل على الأمة حتى لو فيها أفراد صالحون، يبقى صلاح بعض الأفراد لا يصرف الفتنة عن الأمة. وده تعجب أم المؤمنين لما قالت للنبي صلى الله عليه وسلم: أنهلك وفينا الصالحون؟ قال: «نعم، إذا كثر الخبث».

إذن إيه؟ كثر. يبقى المصلحون يحتاجون إلى النصاب، أن يبلغوا النصاب في أمة حتى لا ينزل العذاب. عشان ما حدش يقول: ده في ناس كويسين إزاي يحصل كده؟ ما هو لأن النصاب ما اكتملش. قال الله عز وجل بعد ختام سورة هود إن العذاب نزل ونزل ونزل على أقوام، قال عز وجل في ختام السورة: ﴿فَلَوْلَا كَانَ مِنَ الْقُرُونِ مِنْ قَبْلِكُمْ أُولُو بَقِيَّةٍ يَنْهَوْنَ عَنِ الْفَسَادِ فِي الْأَرْضِ﴾ [هود: 116]. كانوا لازم يبقى فيه إيه؟ مش صالحين، كان لازم يبقى فيه مصلحين، ﴿إِلَّا قَلِيلًا مِمَّنْ أَنْجَيْنَا مِنْهُمْ وَاتَّبَعَ الَّذِينَ ظَلَمُوا مَا أُتْرِفُوا فِيهِ وَكَانُوا مُجْرِمِينَ﴾ [هود: 116]. واللي بعدها: ﴿وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ﴾ [هود: 117]. معي؟

﴿وَاتَّقُوا فِتْنَةً لَا تُصِيبَنَّ الَّذِينَ ظَلَمُوا مِنْكُمْ خَاصَّةً﴾ [الأنفال: 25]. الأمة لو رأت المنكر ولم تنه عنه، وقلة بس اللي عملوا كده، قال الله عز وجل، قال النبي صلى الله عليه وسلم: عمهم الله بعقاب، مع أن اللي عمل حاجة بسيطة. يبقى إذا العقاب قد يأتي، أحيانا الناس تستغرب إزاي فتنة تحصل في بلد فيها أناس صالحون؟ لأن نصاب الإصلاح ما اكتملش. يبقى إذا الفارق ما بين الفرد والأمة زي ما النبي صلى الله عليه وسلم قال: ينزل عذاب يخسف بجيش، والجيش فيه ناس ما لهمش دعوة بالموضوع، خرجوا أسواق أو خرجوا مكرهين أو غير ذلك أو ابن السبيل. فقال النبي صلى الله عليه وسلم إيه؟ «يبعثون على نياتهم». إذاً هذا هو الفارق الأول.

الفارق الثاني ما بين السنة في الاقوام والأفراد أن الفرد مش لازم ياخد جزاؤه في الدنيا، ممكن واحد منافق وفاجر وكافر وظالم ومفتري يعمل كل العمايل ويموت موته طبيعية جدا عادي. انما الأمة أو المبدأ أو العقيدة لازم يظهر، لو باطل لازم يظهر الباطل بتاعه في الدنيا، لازم تعاقب هم في الدنيا. ده الخلل الخطير اللي بيخلي الناس تشك: إزاي ربنا ما ينصرش؟ وكذلك النصر، النصر مش للأفراد، النصر للايه؟ للعقيدة، للمبدأ، للأمة، مش للأفراد. الأفراد ممكن يموتوا، ابن سلول كان في قمة النفاق.

أنت لو في عهد النبي صلى الله عليه وسلم أنت متوقع مثلا أن ابن سلول زي ما قلنا قبل كده كتير واحنا بنشرح سورة الانعام، إنه أول لما يتكلم على أمنا عائشة، أول لما يتكلم بالإفك، لسانه يتشل مثلا ويقع في الأرض وصاعقة تاخده من السما ويبقى في ميدان عام ويفضل تمثال والناس تتفرج عليه؟ مش ده اللي بيحصل، ده بات موته عادية جدا، وبعد ما مات ابنه راح للنبي صلى الله عليه وسلم طلب منه إنه يجي يلبسه القميص بتاعه، راح لبسه القميص بتاعه من قبره ولبسه، وهم أن يصلي عليه. تخيل! ما هو منافق، رأس النفاق، تخيل!

الأفراد ممكن عادي، الأمة لأ، عقابها لا، أو الأمة هنا أو الفكر أو يعني لن تقوم الساعة حتى يظهر باطل الليبرالية والعلمانية واليهود والنصارى، لازم الباطل بتاعهم كامم يظهر. أنما الوعود القرآنية بالنصر للأمة مش للأفراد، دي نقطة مهمة جدا. لذلك دايما اللي خايف على نفسه ومش خايف على دينه دايما عنده سوء ظن، خد القاعدة دي: اللي خايف على نفسه مش خايف على دينه دايما عنده سوء ظن.

قال ربنا: ﴿وَطَائِفَةٌ قَدْ أَهَمَّتْهُمْ أَنْفُسُهُمْ يَظُنُّونَ بِاللَّهِ غَيْرَ الْحَقِّ ظَنَّا الْجَاهِلِيَّةِ﴾ [آل عمران: 154]. لما همه نفسه وظن في ربنا سوءا: ﴿يَقُولُونَ هَلْ لَنَا مِنَ الْأَمْرِ مِنْ شَيْءٍ﴾ [آل عمران: 154]. يبقى إذا فارق ما بين سنة ربنا في الاقوام أن لازم الحق يظهر كامة، بمعنى أن في مسلمين مستضعفين ماتوا في مكة، النصر والوعد كان للإسلام مش للأفراد، لذلك ربنا بيقول للنبي صلى الله عليه وسلم: ﴿فَإِمَّا نُرِيَنَّكَ بَعْضَ الَّذِينَ نَعِدُهُمْ أَوْ نَتَوَفَّيَنَّكَ﴾ [يونس: 77]. مات رسول الله صلى الله عليه وسلم ولسه الإسلام ما انتشرش في الأرض، وإذا الوعد للأمة مش للأفراد.

الفرد اللي كل همه نفسه، إنه هو عايز يشوف مصر، هو عايز يعيش تمكين، هو ده دايما عنده سوء ظن، وليه وإزاى؟ النبي صلى الله عليه وسلم زي ما قلنا بيقول: إنما أنا في البناء، الناس والمجموعات والعاملين لله هم لبنات، فلا جلو البناء وحدهم، هو لبنة في الطريق الطويل للإصلاح. الإصلاح يا جماعة تجميعي، يعني إيه الإصلاح تجميعي؟ يعني طوب على طوب لغاية لما يتبنى البناء على مدار سنين.

الناس دايما عايزه حل سحري في ظل الفتن اللي احنا بنعيش فيها، يقول لك: اديني حل سحري أعمله دلوقتي، ارسم لي خريطة التغيير من الوقتي ميت سنة لغاية لما نجي للتمكين. التفكير ده خاطئ، التفكير ده خاطئ، أنا معايا منهج بتحرك من خلاله، وفي أقدار. يعني الكلام ده ما كانش موجود في مكة، ما راحوش النبي صلى الله عليه وسلم قالوا له: لأ، احنا نمشي معاك بس بشرط، ارسم لنا خريطة زمنية من أول لما نبدأ نمشي معاك لغاية لحظات التمكين واحنا نمشي معاك! راح الحبشة ما طلعتش الحبشة، راح الطائف ما طلعتش الطائف، أنت بتجرب وأنت ماشي، أهم حاجة ما تغيرش المنهج ده، ما تلعبش فيه، ما تغيرش، دي أهم حاجة، دي الثبات.

لذلك: ﴿إِنَّا لَنَنْصُرُ رُسُلَنَا وَالَّذِينَ آمَنُوا﴾ [غافر: 51]. يمكن واحد يسأل: إزاي ربنا بيقول إنَّا لننصر رسلنا والذين آمنوا في الحياة الدنيا، وفي مؤمنين ربنا ما نصرهمش؟ الجواب من حاجتين؛ المسألة الأولى: ربنا قال النصر للمؤمنين مش للمؤمن، النصر لمين؟ للمؤمنين. الجواب الثاني: أن دايما احنا بنقيس النصر اللي هو المكسب الحسي، النصر بمعني الثبات. لما مات ثابتا على دينه، حرام، قال: فزت، وطعن، قال: فزت ورب الكعبة. أثنى الله عز وجل على الثابتين بالرغم من أنهم ماتوا. قُتل في غزوة هزم فيها المسلمون؟ قال: ﴿مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِمْ فَمِنْهُمْ مَنْ قَضَى نَحْبَهُ وَمِنْهُمْ مَنْ يَنْتَظِرُ وَمَا بَدَّلُوا تَبْدِيلًا﴾ [الأحزاب: 23] أنهم لم يبدلوا. وأصحاب الأخدود ثبتهم، قال: يا أمة اثبتي أنك على الحق.

إذا الشاهد، الفارق، طب ليه؟ أو يعني سواء الفريقتين الثالث أو ليه الجزاء بتاع الأمة لازم يبقى في الدنيا، انما الفرد ممكن يؤجل؟ لأن الحساب الأخروي، فرد، كل الناس ﴿أَتَى الرَّحْمَنَ عَبْدًا﴾ [مريم: 93] هيئات الله عز وجل فردا، كلهم آتيه يوم القيامة فردا، مش هيتحاسبوا كإيه كمجموعات. فالمجموعات لازم تاخد حسابها في الدنيا، انما الافراد خلاص كافراد هيتحاسبوا هناك، كافراد، انما كامم لازم، وده احد معاني قول الله عز وجل: ﴿وَإِنْ مِنْ قَرْيَةٍ إِلَّا نَحْنُ مُهْلِكُوهَا قَبْلَ يَوْمِ الْقِيَامَةِ أَوْ مُعَذِّبُوهَا عَذَابًا شَدِيدًا﴾ [الإسراء: 58]. كان ذلك في الكتاب.

صورة من معانيها: إن لم تؤمن ينزل عليها العذاب كامة في قرية مش كافراد. إذا في الآية، نرجع للآية بقى، ربنا بيقول إيه؟ ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ [فاطر: 43]. يعني ممكن، يعني أنا أقول لكم على حاجة، فرعون الذي أغرق، انتم عارفين أن قبله كان فيه كذا فرعون كافر، لكن هي جت في ده، يعني هي ممكن ما تجيش في الفرعون الأولاني ولا التاني ولا التالت، هي ممكن تيجي في الفرعون اللي بعد كده.

يعني ممكن ناس كانت متوقعة الجرائم اللي عملها اسمه إيه أبو بشار دوت؟ حافظ المجرم ده كان، وقبلهم كانوا متوقعين أن العذاب ينزل عليه، ما نزلش عليه، طب في اللي بعده؟ طب احنا متوقعين أن هي تبقى في بشار؟ ممكن ما تجيش في بشار، ممكن تيجي في الحفيد؟ أنت ما تعرفش هتيجي في مين. انما هؤلاء المجرمون النهاية بتاعتهم في الدنيا كمجموعة، الظلم ده كمجموعة نهايته في الدنيا، انما كافراد لأ. ده ربنا قال عن بعض الأفراد: ﴿إِنَّمَا نُمْلِي لَهُمْ لِيَزْدَادُوا إِثْمًا﴾ [آل عمران: 178]. ده بالعكس، حتى يزداد العقاب عليه، إنه يؤجل له العقاب يوم القيامة.

أحيانا بتبقى نفسك أن فلان يعاقب في الدنيا، لا، ده ممكن عادي خالص يتساب تماما، فاللي دايما اللي هتعامل مع الدنيا على أنها الفصل الأخير هيبقى عنده إحباط، على قدر خراف قلبك عن الآخرة على قدر الإحباط، تعلق بالدنيا على قدر الألم الإنسان، على قدر التعلق في كل حاجة التعلق على قدر التألم، على قدر التألم بأحداثها.

تزداد تألما للأحداث، وسط التعذيب في مكة والظهر يقول والله: بالوحي، اتصل بالله سبحانه وتعالى. طيب، ربنا هنا بيقول إيه؟ ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ [فاطر: 43]. يعني هم هيفضلوا يمكروا يمكروا يمكروا، نهاية المكر ده هتلف عليهم تاني، لكن زي ما قلنا مش لازم أول واحد يمكر تلف عليه، لكن الحق سيظهر ولو بعد حين، وزي ما كنا اتكلمنا قبل كده في مسألة درس موانع الإحباط أن دايما أنت جزء من الإصلاح. جلستنا هذه بذل لأجلها أموال ودماء وأنفس حتى نجلِس، مجرد جلسة، أنت لما بتَبذل مش لازم تبذل للتغيير الجذري في الأرض، لأ، ده تجميع على بعضه على بعضه لغاية لما ييجي التمكين الذي يحبه الله عز وجل: ﴿وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ﴾ [النور: 55].

فهنا ربنا بيقول: ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ [فاطر: 43]. لأن في كفار في مكة عذبوا مسلمين وماتوا قبل غزوة بدر موته طبيعية عادي، متوقع أن هم ينزل عليهم صاعقة أو لازم يموتوا في بدر؟ لأ، يحيق بالأهل مش بالفرد.

الآية دي الوحيدة في القرآن اللي جت فيها كلمة السنة تلات مرات. كلمة السنة أيضا، كان واحد عمل دراسة استقصائية لكلمة سنة الله في القرآن عشان أهميتها، سنن الله وجد أن هي جت عشر مرات، خمسة منهم في سور مدنية وخمسة في سور مكية. السور المكية جت في سورة الحجر، والإسراء، والكهف، فاطر، وغافر. السورة المدنية جت في آل عمران، والنساء، والأنفال، والأحزاب، والفتح. فبيقول: وكأن دراسة هذه السنن مهمة في كل الفترات؛ استضعاف أو تمكين، مهم فهم هذه السنن أيضا.

شيخ الإسلام ابن تيمية زي ما قلنا قال: السنن اللي جت في القرآن هي السنن الاجتماعية مش السنن الإلكترونية. ونص كلامه بيقول: هي السنن التي تتعلق بدينه وأمره ونهيه ووعده ووعيده، وليست المتعلقة بالأمور الطبيعية كسننه في الشمس والقمر والكواكب.

الحمد لله وحده، والصلاة والسلام على من لا نبي بعده، صلى الله عليه وسلم. فيقول الله عز وجل: ﴿وَلَا يَحِيقُ الْمَكْرُ السَّيِّئُ إِلَّا بِأَهْلِهِ﴾ [فاطر: 43]. دي سنة، أن المكر، لذلك مسألة: من حفر لأخيه حفرة وقع فيها، مش لازم. انما لما مجموعة وأمة أو عقيدة أو مبدأ ضال لازم هيظهر في الدنيا بطلانه حتى لو طال الأمد، يعني ممكن سنوات من الظلم، لكن ينتهي هذا الظلم، لازم في الدنيا كمجموعة مش كافراد.

فلما ربنا قال: سنن من السنن، قال إيه؟ وعشان كده دي المرة الوحيدة اللي جت في القرآن: ﴿فَلَنْ تَجِدَ لِسُنَّتِ اللَّهِ تَبْدِيلًا وَلَنْ تَجِدَ لِسُنَّتِ اللَّهِ تَحْوِيلًا﴾ [فاطر: 43]. وجمع بين الاتنين؛ التبديل والتحويل هنا، وهنقول الفرق ما بينهم لأن دي حاجة ممكن تستغربها النفس احتاجت لتأكيد، أن إزاي يعني المكر السيء هيرجع على... طب ما احنا شفنا ناس مكرت مكر سيء ونجحت؟ لا، نجحت في الوقت الحاضر، طب الحقيقة مع سنوات ستظهر.

وقد يكون النصر لإنسان حتى لو مات بنشر عقيدته الصحيحة، أن ربنا بعد ما هو يموت ينشر له الحق، ﴿وَاجْعَلْ لِي لِسَانَ صِدْقٍ فِي الْآخِرِينَ﴾ [الشعراء: 84]. يعني لما أصحاب الأخدود الملك الظالم قتلهم كلهم وحفر لهم الأخاديد وولع فيهم، الذكرى الطيبة بقيت لمين؟ وربنا أثبت في القرآن والنبي صلى الله عليه وسلم عرفنا في السنة أن من اللي كان معه الحق، خلاص احنا عرفنا، وضح الحق. لازم في الدنيا ده هيحصل.

فيقول الله عز وجل: ﴿فَهَلْ يَنْظُرُونَ إِلَّا سُنَّةَ الْأَوَّلِينَ﴾ [فاطر: 43]. يعني هو لازم يجرب ويدوق بنفسه عشان يصدق؟ ﴿فَهَلْ يَنْظُرُونَ إِلَّا سُنَّةَ الْأَوَّلِينَ﴾ [فاطر: 43]. لازم.

يفضل يستمر في مكر السيء والاستكبار لغاية لما ينزل العذاب عشان يصدق أن كلام ربنا صح. فربنا بيقول: ﴿فَلَن تَجِدَ لِسُنَّتِ اللَّهِ تَبْدِيلًا وَلَن تَجِدَ لِسُنَّتِ اللَّهِ تَحْوِيلًا﴾ [فاطر: 43]. كلمنا عن كلمة سنة الله، لسه حاجتين في الآية؛ كلمة لن تجد، وكلمة تبديلاً وتحويلاً. إيه الفرق ما بين التبديل والتحويل؟ التبديل حاجة بدل حاجة، إن كان هينزل ربنا هينزل مثلاً ربنا هينزل عقاب على أقوام فربنا بيقول ما حدش يعرف يحول العقاب ده لثواب، أنه يبدله. يعني لو ربنا أراد أنه يهلك أقوام ينزل عليهم صاعقة، ما حدش يقدر يحول العقاب ده لثواب، ده معنى آية التبديل.

أمال طب واحد يقول له طب دي حاجة صعبة أنه يحول العقاب لثواب حاجة صعبة، طب حاجة أقل أنه مجرد يحول العذاب ده يبعده بس، فربنا بيقول لا حد يقدر يبدله ولا حد يقدر يبعده: ﴿وَلَن تَجِدَ لِسُنَّتِ اللَّهِ تَبْدِيلًا وَلَن تَجِدَ لِسُنَّتِ اللَّهِ تَحْوِيلًا﴾ [فاطر: 43]. ما حدش يعرف يحولها يوديها لناس تانية، يبقى إذا التبديل أن ينزل الثواب مكان العقاب أو العقاب مكان الثواب، والتحويل أن ينزل العقاب على آخرين مكانهم أو ينزل الثواب على آخرين مكانهم. وده مصداق الآية الأولانية، ودي الآية في ختام السورة، ده مصداق الآية اللي جت في أوائل السورة: ﴿مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا﴾ [فاطر: 2].

أمال يعني إيه لن تجد؟ وكلمة ما قالش لن يحدث تغيير، قال إيه؟ لن تجد. لو خدنا كلمة لن تجد للمسلمين، كأن أهل الإسلام أحياناً يضيقون ذرعاً بهذه السنة؛ بيتعجل، مش عايز يمشي على طريق السنن في النصر. يعني مثلاً لما المسلمون لما عصوا رسول الله صلى الله عليه وسلم معصية واحدة في أحد هزموا، ممكن واحد يقول طب ما كنا يعني فكنا يا رب لما نروح المدينة قول لنا أنتم غلطتم وخلاص، مش لازم نتغلب قدامهم عشان ما يبقاش حتى شكلنا. ففي ناس أحياناً تريد أن تتجاوز السنن، ربنا بيقول لك مهما عملت وقعدت تدور لن تجد، تجد كأنك بتدحش عن مخرج، لن تجد لسنة الله تبديلاً، ما تحاولش هي سنن.

لذلك مهما كان أهل الإيمان صالحين ومهما بلغوا درجة في الصلاح لكن خالفوا هذه السنن سيهزموا، سؤال ربنا لا تعذر، مهما كان في سنة عند ربنا، الاجتماع مثلاً أن الله عز وجل ينصر المجتمعين مش المتفرقين. ناس على صلاح ومختلفين ومتنازعين لن ينصروا، سنة ربنا: ﴿وَلَا تَنَازَعُوا فَتَفْشَلُوا﴾ [الانفال: 46]. حتى لو صحابة؟ حتى لو صحابة. حتى لو أهل تقى؟ حتى لو أهل تقى. ﴿وَلَا تَنَازَعُوا﴾ إيه؟ لا تنتظر النصر على قوم متنازعين أبداً، انس دي سنن، دي ما ينفعش إيه؟ هنعديها إيه؟ عدت معنا. واللي معتقد أن هي عدت معه بيكتشف بعد كذا سنة أن هي ما عدتش زي ما احنا شايفين، يعني بيكتشف أن هي ما عدتش.

يعني مثلاً هقول لكم مثال، لو كان حاشاه يعني نبي الله موسى عليه وعلى نبينا أفضل الصلاة وأتم التسليم، تخيل هم لما السحرة عملوا السحر هل طمن أقوامهم بالسحر بلاش العصا وراح جاب سحرة وانتصر عليهم دي مش النهاية، هيظهر أن هو غلطان لو كان عمل كده وهينتصروا عليه، مقابلة أهل الباطل بالباطل هيخليوهم يكسبوا حتى لو أنت انتصرت عليهم في الأول، لأن لله سنن أنت مش هتنصر إلا بالحق. لو حصل لك نصر جزئي بالباطل أنت مش هتنصر، هتلف الأيام وترجع ليه؟ مش هيحصل، السنن لا تتجاوز، لن تجد لسنة الله تبديلاً.

سواء الخطاب للمسلمين أو الخطاب للمشركين، بمعنى لو الخطاب للمشركين: مهما أوتيت من قوة عشان تفلتوا من السنن لن تفلتوا، ﴿فَإِنِ اسْتَطَعْتُمْ أَن تَنفُذُوا مِنْ أَقْطَارِ السَّمَاوَاتِ وَالْأَرْضِ فَانفُذُوا لَا تَنفُذُونَ إِلَّا بِسُلْطَانٍ﴾ [الرحمن: 33]. مش هيحصل، مش هتعدوا. فمهما أوتي أهل الباطل من قوة لن يفلتوا من سنة الله في إهلاكهم، حتى لو تأخر نزول العذاب. ومهما حاول أهل الحق أن يتجاوزوا سنناً لن يتجاوزوها، في سنن اللي ربنا لازم يمشي عليها، لن تجد، ما تحاولش تدور، امشي على الطريق الحق: ﴿إِنَّ رَبِّي عَلَىٰ صِرَاطٍ مَّسْتَقِيمٍ﴾ [هود: 56].

لذلك يعتقد بعض بعض الناس أن أهل الحق أنه يتنازل عن جزء من الوحي أو جزء من الحق عشان يبقى أسرع في الوصول، لأ، هو بيباعد هنا عن التمكين، هو مش بيبقى أسرع لأن دي سنة. في سنن وحقيقة، من باب من أفضل الناس اللي كتبوا في مسألة السنن في القرآن الإمام محمد عبده، يعني كان هو له أخطاء في قضايا أخرى لكن في هذا الباب هو أبدع، وجه من وراها ناس فتح الباب لرشيد رضا وللإبراهيمي والرشيد الخطيب الموصلي وأكثر من شخص اتكلم في مسألة الاستفسار ده من خلال القرآن، أمر عظيم جداً.

ثم يقول الله عز وجل للناس اللي معتقدة أن هي معها قوة هتمتنع من نزول العذاب عليها مثلاً، لو احنا قلنا الكلام ده للغرب دلوقتي يقول لك إيه يا عم أنتم لسه عايشين في إيه اللي أنتم بتقولوه ده! أهل حق إيه وهينتصروا إزاي! أنتم لاقيين تاكلوا والمسلمين دول غلابة، شوف الغرب وصل لإيه، مستحيل الكلام ده اللي أنت بتقوله ده يحصل، مستحيل الكلام اللي أنت عمال تقوله سنة ونصر الحق والتدافع بين الحق والباطل مستحيل. ربنا يقول لهم: ﴿أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ وَكَانُوا أَشَدَّ مِنْهُمْ قُوَّةً﴾ [الروم: 9]. كانوا أقوى منهم في سورة أخرى: ﴿وَأَثَارُوا الْأَرْضَ وَعَمَرُوهَا أَكْثَرَ مِمَّا عَمَرُوهَا﴾ [الروم: 9].

الختام بتاع الآية رائع: ﴿وَمَا كَانَ اللَّهُ﴾، أشد صور النفي، واللام دي اسمها لام الجحود: ﴿وَمَا كَانَ اللَّهُ لِيُعْجِزَهُ مِن شَيْءٍ فِي السَّمَاوَاتِ وَلَا فِي الْأَرْضِ﴾ [فاطر: 44]. هيرروحوا من ربنا فين؟ مهما حاولوا يهربوا هيعاقبه. وما كان الله إيه؟ ليعجزه. ختام كده في الآخر ينزل على قلبك برد وسلام، تطمئن، تطمئن على الدين مش على نفسك، اطمئن على الوحي، تطمئن على الحق. ما يحدث الآن من أحداث هو قطعا أفضل لديننا، ليس لذواتنا ليس لأشخاصنا لكن أفضل لديننا، ينقى الصف ويظهر الحق وتخرج عبوديات لم تكن موجودة.

﴿وَمَا كَانَ اللَّهُ لِيُعْجِزَهُ مِن شَيْءٍ فِي السَّمَاوَاتِ وَلَا فِي الْأَرْضِ﴾ [فاطر: 44]، والله لو طلعوا القمر! ﴿وَلَا فِي الْأَرْضِ ۚ إِنَّهُ كَانَ عَلِيمًا قَدِيرًا﴾ [فاطر: 44]، دايماً العلم والقدرة لما بيجتمعوا دي طلاقة المشيئة، يفعل ما يشاء، يعلم والصفتين دول طول الصورة الكلام عنهم والصورة اللي قبلها سورة سبأ. العلم والقدرة حينما يجتمعان طلاقة مشيئة يفعل ما يشاء. أنت لو رحت لواحد أي شغلانة نجار عنده علم وعنده أدوات يعمل لك أي حاجة، اختار اللي أنت عايزه يعمله لك. طبيب عنده علم ومهارة وقدرة، يقول لك أنا أعمل أي عملية، ده بالنسبة للبشر، رب البشر هو العليم العلم المطلق والقدرة المطلقة يفعل ما يشاء: ﴿إِنَّهُ كَانَ عَلِيمًا قَدِيرًا﴾ [فاطر: 44].

آخر آية مهمة قوي عشان برضه الناس تقول طب إزاي الكلام ده؟ وفيه ناس متسابة وماتت موته عادية زي ما اتكلمنا، وربنا يقول لك ده لسه في الآية في الآخر، وكأن غالب الظلمة في هذه الأمة يؤجل عقابهم. ختام السورة: ﴿وَلَوْ يُؤَاخِذُ اللَّهُ النَّاسَ بِمَا كَسَبُوا مَا تَرَكَ عَلَىٰ ظَهْرِهَا مِن دَابَّةٍ﴾ [فاطر: 45]. لو كان كل واحد غلط نزل عليه عذاب ما ترك على ظهرها من دابة، ما كانش حد فضل، ولكن إيه؟ ﴿وَلَكِن يُؤَخِّرُهُمْ إِلَىٰ أَجَلٍ مُّسَمًّى﴾ [فاطر: 45]. يبقى ختام السورة برضه لازم يكون عندك توازن، أحياناً العاطفة: الظالم ربنا هيموته في الدنيا ولازم ينزل عليه عذاب، لأ مش لازم.

والله سينزل النصر على القوم، ليه الوعد لما ربنا نزله ما نزلوش لأقوام بأعينها؟ مجموع الأمم من الحاجات اللي تخلي سوء ظن في موعود ربنا التحديد في وعد ربنا. بمعنى القصة المشهورة قصة سيدنا أبو بكر الصديق رضي الله عنه لما ربنا قال: ﴿غُلِبَتِ الرُّومُ * فِي أَدْنَى الْأَرْضِ وَهُم مِّن بَعْدِ غَلَبِهِمْ سَيَغْلِبُونَ﴾ [الروم: 2-3]، قال إيه؟ في بضع سنين. ربنا قال إيه؟ بضع، ما قلش كم. أبو بكر الصديق رضي الله عنه قال بعد ست سنين أو سبع سنين الروم هينتصروا على الفرس، تدخل الصديق في تحديد الآية الوعد، عدت الست سنين وما انتصروش فبدأ الناس تشك.

يبقى أنت مفروض ما تتدخلش، ربنا قال بضع يبقى إيه؟ يبقى بضع، التدخل أنك تقول لأ فلان ده هو هينصر، طب دي جبتها منين؟ الاقوام دول هيموتوا كده، الظالم ده ربنا ينتقم منه، لأ ربنا ينتقم منه في الآخرة قطعاً. احنا بنستأنس ببعض سنن ربنا تعمل مجتمعة حتى لا تسيء الظن. يعني إيه سنن ربنا تعمل مجتمعة؟ بمعنى، عندنا سنة بتقول أن ربنا بينصر المؤمنين على الكفار: ﴿إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا﴾ [غافر: 51]. طب ما احنا حصل عندنا غزوة أحد كانوا المسلمين قصاد كفار وما انتصروش، لأن في سنة تانية أن لما المسلمين يتركوا عهد الله عز وجل أو مخالفة شرع الله عز وجل أو يتنازعوا فيما بينهم يتغلبوا، يبقى السنن بتعمل إيه؟ مجتمعة مش سنة واحدة بس.

﴿وَلَوْ يُؤَاخِذُ اللَّهُ النَّاسَ بِمَا كَسَبُوا مَا تَرَكَ عَلَىٰ ظَهْرِهَا مِن دَابَّةٍ وَلَكِن يُؤَخِّرُهُمْ إِلَىٰ أَجَلٍ مُّسَمًّى فَإِذَا جَاءَ أَجَلُهُمْ﴾ [فاطر: 45] الظالم ﴿فَإِنَّ اللَّهَ كَانَ بِعِبَادِهِ بَصِيرًا﴾. ﴿وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ﴾ [إبراهيم: 42]. آية مكية سورة إبراهيم في قمة التعذيب والاستضعاف، ربنا بيقول لهم مش لازم يموتوا في الدنيا، إنما يؤخرهم إيه؟ ليوم تشخص فيه الأبصار. كده في الآيات دي بتاعة إبراهيم ربنا بيقول لهم فلا تحسبن الله مخلف وعده، أوغ تظن أن ربنا أخلف الوعد أبداً، أنت اللي ما فهمتش الوعد، أنت اللي أسقطت الوعد على نفسك، أنت اللي تدخلت في تحديد الوعد، ربنا قال هينصر الرسل أهل الإيمان، هينصر الحق مش الشخص، وضحت النقطة دي؟

دي نقطة من أهم أسباب سوء الظن والإحباط عند الناس، أنه عايز النصر ينزل على طائفة معينة، يعني مثلاً بعد كل اللي حصل في سوريا من الدماء التي أسيلت وو ممكن الظالم يرجع تاني ويستمر عشرين تلاتين سنة تاني، وارد. وأن ما حدث لا يضيع عند الله أبداً، والدماء اللي سالت، أوعى تفتكر: ﴿وَلَا يُظْلَمُونَ نَقِيرًا﴾ [النساء: 124]. أوعى تفتكر أن الدماء اللي سالت والمجهود أبداً، ولا حتى في الأرض مش بس في الآخرة، أن في ناس فاقت وناس عرفت حق وناس فهمت وعبوديات ظهرت.

يا جماعة نصرة الدين عايزة بذل ولا تمنن تستكثر، من أول لحظات نزول الدين ربنا بيقول لك هذا الدين يحتاج إلى بذل عظيم. أوعى لما تبذل شوية تستكثر، بتقول إيه ده ده احنا قدمنا كتير! قدمت كتير يعني إيه؟ ظهور العبوديات في الأرض يحتاج إلى بذل ولا تمنن من أول لحظة، ولا تمنن تستكثر: ﴿وَلِرَبِّكَ فَاصْبِرْ﴾ [المدثر: 7]، صبر وبذل نصرة هذا الدين.

إذاً في ختام هذه السورة العظيمة يصبرنا الله عز وجل ويؤكد الله عز وجل لنا حتى نطمئن أن لله سنن، أن المكر السيء يحيق بأهله مهما طال الزمان سيظهر الحق. مهما مات كثير من المظلومين وعاش كثير من الظلمة حتماً سيظهر الحق يوماً حتى لو بعد أن مات كل هؤلاء. لذلك من أكثر المعاني اللي اتكررت في سورة البروج معنى الشهادة، ليه؟ لأن ما حدش شاف اللي حصل، المجرم الملك الظالم جاب الجنود وحفروا الأحاديث ولعوا فيها نار وموتوا كل المسلمين، ما حدش شاف الموقف وبقى كل الموجودين كفار بس في القرية، ما حدش كان موجود عشان يشهد عليه.

فربنا من أول لحظة بيقول: ﴿وَالسَّمَاءِ ذَاتِ الْبُرُوجِ﴾ [البروج: 1]، كأني عارف زي أبراج المراقبة كده، ﴿وَالْيَوْمِ الْمَوْعُودِ * وَشَاهِدٍ وَمَشْهُودٍ * قُتِلَ أَصْحَابُ الْأُخْدُودِ * النَّارِ ذَاتِ الْوَقُودِ * إِذْ هُمْ عَلَيْهَا قُعُودٌ * وَهُمْ عَلَىٰ مَا يَفْعَلُونَ بِالْمُؤْمِنِينَ شُهُودٌ * وَمَا نَقَمُوا مِنْهُمْ إِلَّا أَن يُؤْمِنُوا بِاللَّهِ الْعَزِيزِ الْحَمِيدِ * الَّذِي لَهُ مُلْوُكُ السَّمَاوَاتِ وَالْأَرْضِ ۚ وَاللَّهُ عَلَىٰ كُلِّ شَيْءٍ شَهِيدٌ﴾ [البروج: 2-9]. أكثر لفظ اتكرر في السورة لفظ الشهادة، الله يشهد على كل شيء.

لذلك ختام السورة هنا: ﴿فَإِنَّ اللَّهَ كَانَ بِعِبَادِهِ﴾ إيه؟ بصيراً، يعلم كل شيء، يبصر كل. أوعى تفتكر أن في حاجة عدت على ربنا أبداً، ودعوة المظلوم تجاب ولو بعد حين وتدخر له يوم القيامة، والظالم يدفع يوم القيامة من الحسنات ويأخذ من السيئات، فمش معنى أن ظالم عاش قدام الناس عادي ومات موتة طبيعية أن الناس تشك في وعود الله، ده سوء فهم لسنن ربنا سبحانه وتعالى.

لذلك: ﴿لَن تَجِدَ لِسُنَّتِ اللَّهِ تَبْدِيلًا وَلَن تَجِدَ لِسُنَّتِ اللَّهِ تَحْوِيلًا﴾ [فاطر: 43]. بفضل الله عز وجل ومني وتوفيق، انتهينا من تفسير سورة فاطر. المرة القادمة بإذن الله عز وجل نستفتح في سورة ياسين. أسأل الله أن يستعملنا وأن يوفقنا لفهم كتابه وتدبره والعمل به على الوجه الذي يرضى به عنا سبحانه وتعالى. أقول قولي هذا واستغفر الله لي ولكم. سبحانك اللهم وبحمدك، أشهد أن لا إله إلا أنت، أستغفرك وأتوب إليك. جزاكم الله خيراً.