دخولتسجيل الدخول

٦- إلا ورعى الغنم

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله وعلى آله وصحبه ومن والاه. وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي وأزواجه أمهات المؤمنين وذريات بيته كما صليت على آل إبراهيم، إنك حميد مجيد.

أما بعد، المحاضرة السادسة والأخيرة في دورة أمة الدفعة الثانية، ونتكلم فيها إن شاء الله عن العنصر الأخير وهو إدارة الدعوة، هيبقى بعنوان «ألا ورعى الغنم». هذا العنوان طبعا مستمد من قول النبي عليه الصلاة والسلام: «ما بعث الله نبياً إلا ورعى الغنم». من فوائد هذا الحديث التي استنبطها العلماء أنه ليه كل نبي يرعى الغنم؟ قالوا علشان يتعلم إدارة البشر، ماشي، أنه يرعى الغنم فيترربى جواها معاني؛ منها الصبر، ومنها أنه يسدد ويقارب، ما ينفعش كل ما غنمة تشرد يروح ضاربها على نفوخها يجيب أجلها.

فمن جملة ما قيل من فوائد هذا الحديث أن الأنبياء رعوا الأغنام لذلك؛ علشان بعد كده لما يؤمروا بقيادة البشر يعرفوا، ما احنا شوية غنم، احنا مش كده، فينا صفات من صفات الغنم. احنا اتكلمنا كده في ده في بودكاست اسمه «تحرر من سلوك القطيع»، وأن سلوك القطيع ده فينا كبشر، وهو أصلاً اتسمى سلوك القطيع عشان قطعان الأغنام بتمشي كلها، قصة بقى كبيرة كده، عاوز يسمع يسمع، مش عاوزين نشرحها دلوقتي.

فاحنا محتاجين في دعوات الناس وإدارة المجتمعات الإسلامية، سواء بقى المجتمع الإسلامي ده دولة إسلامية يعني خلاص نظام اسلامي قائم وكذا وكذا وعندنا راس لهذا النظام، تسميه بقى خليفة، تسميه أمير، تسميه رئيس، تسميه ملك، أياً كان يعني، فازاي هندير الناس، أو كيانات صغيرة زي دار تحفيظ قرآن، مدرسة إسلامية، كيان دعوي؛ فدي كيانات صغيرة، فبرده بيبقى محتاجة إدارة للبشر اللي تحتيها. أو واحد فردي لوحده كده، داعية إلى الله، بيبقى محتاج يعرف إزاي المدعوين دول، إزاي يديرهم؟ ما هو يعني أنا دلوقتي قاعد في محاضرة اهو دلوقتي، فقدامي ناس، طب هأديرهم إزاي؟ طب لو فيهم واحد بيحب يتكلم كتير، طب أنا ده ازاي اعرف أتعامل معاه؟ طب لو في واحد... هو في المحاضرة دي ممكن تلاقوني كتير لساني يسبق وأقول لفظ بالانجليزي، فده لأني درست الإدارة بالانجليزي، مش لأني أنا مثقف خالص، أنا على الله حكايتي، بس هو بيبقى أنا درست العلم ده بالانجليزي فممكن لساني يسبق لده، فيبقى غصب عني شوية، ماشي.

طب أنا وأنا بدي الكلمة فعندى قدامي واحد منطوي، إزاي أصلاً اكتشف إن قدامي واحد منطوي؟ وليه اكتشف ده؟ لأني لازم أعرف إزاي أيدير الموضوع مع المنطوي ده، يعني ده ما ينفعش تخرجه بره الحته دي وتقول له: يلا قوم بقى قول لنا إزاي، اشرح لنا على السبوره، انت كده بتموته خلاص. فإزاي أعرف أكتشف ده، وإزاي أعرف أتعامل مع ده؟ ولو أنا عاوز أجرؤه على الحته دي، فإزاي أعرف أجرؤه على ده واحدة واحدة؟ وهكذا.

فأنا حتى لو أنا داعي وماليش في كيان ولا حاجة، لكن محتاج أعرف شوية إدارة عشان أعرف حتى أدير درسي، وأدير محاضرتي، وأدير دعوتي على صفحتي في التعليقات، هرد على مين وما أردش على مين؟ واللي هرد عليه ده، طب وهزر مع مين وما أهزرش مع مين؟ طب التفاصيل دي مهمة في إدارة البشر.

وسيدنا النبي عليه الصلاة والسلام نتعلم من إدارته، من سيرته، ده المشاريع الكبيرة إن شاء الله يعني المؤجلة ونسأل الله أنه يتمها، عاوزين نتكلم عن السيرة بس مشروع بقى كبير سنين هياخد سنين، فننتكلم في كذا جزء منه؛ جزء الإدارة، إدارة البشر، التعامل مع البشر. إزاي النبي عليه الصلاة والسلام مثلاً، مثال بسيط عشان نفهم إحنا جايين نتكلم عن إيه؛ يعني هنا النبي عليه الصلاة والسلام كان يمزح ولا كان لا يمزح؟ يمزح. مزاحه اتفق في أمور، كم حاجه كده منها منقول، هو اتفق في مزاحه ثلاثة أمور؛ منها أنه يمزح مع من يحتاج إلى ذلك، قالوا كضعفة الرجال كالغلمان كالنساء، فالمزاح الذي أُثر عن النبي عليه الصلاة والسلام هو أُثر مع دول، لأن دول محتاجين ده في إدارتهم، محتاجين ده.

فأنا عشان أدير واحد، ممكن الواحد عشان أديره... لازم قليل الأدب... واحد عشان أديره أديره يعني إيه؟ يعني أعرف أخرج... الأول طبعا عشان معنى الإدارة إيه يا جماعة؟ يعني إحنا بنتكلم عن المانجمينت أو المانجر اللي هو المدير، عندي موارد. ده معناها ببساطة إيه؟ أبسط تعريف إداري فيها أن إحنا كلنا متجمعين علشان نحقق هدفاً مشتركاً، بيسموه كومن جول، ماشي. كلنا متجمعين كده في مكان واحد علشان هنحقق هدف مشترك. خلاص، فإحنا عشان نحقق الهدف المشترك ده، لازم يبقى في إدارة للموارد، اللي منها الموارد البشرية. الموارد، في أكبر منها تكون موارد بشرية، ما عندنا موارد مالية مثلاً. المهم، فعندنا موارد بشرية، وده اللي الدرس ده هيركز عليه بشكل كبير.

فالموارد البشرية دي إزاي أعرف أديرها ليه؟ عشان أحقق الهدف ده اللي في الآخر ده، فأن أنا أعرف أدير أحمد غير أن أعرف أدير محمد غير أن أعرف أدير محمود. عندنا حاجة في مصر كده لطيفة جداً، اللي منكم يشتغل في شركات أو مصانع أو كده، عندنا قاعدة كده في إن الموظف جاي على الله كده الصبح، يشوف إيه مزاج المدير إيه عشان يمشي على مزاج المدير، قاعدة كده. طب مديره اتغير؟ يقوم هو الموظف اللي أدابت، اللي يضبط نفسه، يتاقلم على المدير الجديد، ده قلب للإدارة! قلب للإدارة!

إحنا يا جماعة الإدارة فيها مدير ومدار، أو رئيس ومرؤوس، المرؤوس ده هو جاي علشان يخلص حتته التقنية أياً كانت هي إيه، يعني لو هو على خط إنتاج هو وظفيته جاي ليه الراجل المرؤوس ده؟ عشان يخرج لنا المنتج اللي على خط الإنتاج. المدير جاي ليه؟ جاي عشان أربع حاجات هنعرفها إن شاء الله، منها القيادة، منها أن واحدة من وظائف المدير إن هو اللي يواَقلم نفسه على كل نمط من أنماط الشخصيات اللي تحته. إحنا في مصر ما حدش بيعمل كده بس دي الإدارة، يعني إيه؟ يعني أنا دلوقتي أنا هفترض أن أنا المدير، فهنزل على خط الإنتاج، فهاجي على أحمد، هحط إيدي عليه يقول لي: ازيك يا أبو حميد عامل إيه أنت واحشني أنت مش عارف إيه، وهروح على اللي بعده محمد، أقول له: محمد، ركز النهارده إحنا عندنا إنتاج مش عارف إيه ولازم يحصل إيه؟ وهروح على... ليه؟ لأن أياً كان بقى أحمد ده مثلاً إيه، راجل كبير في السن وبقى له 30 سنة في المصنع، فهو حاسس بأن هو لازم يقدر بشكل معين، ومثلاً محمد ده لو حس بالحته إن فيها تراخي، فهو شخصيته إنه بيتجرأ ومهمل.

ففي الغالب المديرين ما بتلاقيهمش كده قوي، بتلاقي هو إيه، هو ستايل واحد في الإدارة، وأنت بقى اللي تضبط نفسك على مديرك! فده أصلاً تصور خاطئ عن فكرة الإدارة. أنا هنا بكلم مين بقى؟ بكلم إحنا زي ما قلنا، مدير دار، واحدة تحتها بنات ماسكين دعوة مثلاً أو كذا، واحد تحته ناس وبيدعوا في الجامعة، بيدعوا في المنطقة، بيدعوا في... لازم نبقى عندنا وعي شوية إداري، إزاي ندير الدعوة؟ إذا كان قلنا الدعوة دي عبارة عن عملية ولا مشروع؟ في فرق بين العملية والمشروع، مش مهم. اصل أنا كنت أقول مشروع، بعدين يعني كلمة... إحنا الدعوة دي مشروع، الدعوة مش هي عملية، يعني التعريفات الإدارية هي عملية ومش مشروع، هي بروسيس مش بروجكت، ماشي؟

فإذا كانت الدعوة دي عبارة عن عملية يعني مستمره معانا، فإحنا محتاجين نحسن إدارتها، ماشي. طيب، فخلونا نبدا كده علشان ناخد تصور عام مخل، بس هيفتح... يعني مخل يعني ايه؟ يعني مش كفاية خالص أننا ننطلق بيه، بس هيفتح عينينا على مصطلحات، أو خلينا نسميها إيه، كلمات مفتاحية، اللي هي كي ووردز، يعني انتوا بعد كده تدوروا عليها وتقروا فيها، تسمعوا فيها، عشان نفهم إزاي نشتغل في الدعوة أو في أي حاجة عاوزين نديرها.

فإحنا لو قلنا إن إحنا عندنا مدير، سيب المدير دلوقتي، نفضيله المكتب، ماشي. ده الدرس الاخير، ألا ورعاها الغنم. لو إحنا عندنا مدير خلاص، والمدير ده بقى إحنا عرفنا خلاص اللي ماسك الدعوة، اللي ماسكه الدار؛ فعندنا أربع وظائف أساسية لأي مدير في الدنيا، ما ينفعش مدير ما يبقاش عارفهم. حد يعرف أي حاجه منهم؟ التخطيط، القيادة، التحكم... اتقالت بقى من شويه هنا... أوريجنايزينج، يعني إيه بالعربي؟ التنظيم. ماشي، لاقي بلانينج وليدينج وأوريجنايزينج وكنترولينج، دول الأربع وظائف الكبيرة، دي بينزل بعد تحتيها بقى إيه، يعني سب فانكشنز كده أو يعني وظائف منبثقة من تلك الوظائف الكبيرة، لكن دول الأربع وظائف الكبيرة لأي مدير في الدنيا.

اللي يعني ايه؟ يعني انت راجل مدير كده على الصبح جاي بترش مية وبتفتح المكتب، فأنت عندك أربع ملفات كبيرة المفروض أنت بتبص فيها، خلاص، ممكن الملفات دي مش كل يوم بتبص بس يعني في ملفات كبيرة أربعة في حياتك كمدير أنت لازم تكون شايفهم، ماشي؟ طيب، وطبعا كل واحدة من دول تحتيها كلمات مفتاحية، ماشي.

فإذا كنا بنتكلم على البلانينج أو التخطيط، فلو عاوزين كلمة واحدة -طبعا برده إحنا قلنا ده اختصار مخل ولكن هنحاول يعني نجتهد إن شاء الله أننا نطلع بحاجة تطبق- فلو إحنا بنتكلم على التخطيط أو البلانينج ده، فاحنا لو في كلمة مفتاحية تحت البلانينج، فهيكون كلمة الهدف، ماشي؟

يعني في مرحلة التخطيط، أو خلينا نقول بلاش نقول مرحلة، مرحلة التخطيط كمرحلة إحنا بندرسها في علم تاني غير المانجمينت، إحنا بندرسه في حاجة اسمها بروجكت مانجمنت، بنقسمها فيزز فعلاً مراحل. أنما كمدير هي مش مراحل، يعني إيه مش مراحل؟ يعني أنت كمدير أنت طول حياتك عندك تخطيط، وعندك قيادة، وعندك تنظيم، وعندك تحكم، طول... كله داخل في بعضه، ماشي. لما بتيجي تعمل مشروع، شوية بتتقسم تقسيمة تانية، ماشي.

طيب، ففككرة الهدف دي خطيرة جداً جداً، اللي هو إيه بقى؟ إحنا دلوقتي في دار، في دعوة، في كذا، فإحنا لازم يكون لنا هدف بنسعى عليه كلنا. الهدف ده بيبقى في هدف كبير طبعا، بس هو الهدف الكبير ده مش هو المحرك، الهدف الكبير مش هو المحرك، يعني إيه الهدف الكبير؟ يعني نقول إيه، آه طبعا لنا هدف، إحنا بنرضي ربنا، آه، نقول لك: آه، ما أنت بترضي ربنا صح، والراجل مثلاً إيه، لو إحنا بنتكلم في الناس في دعوة بيقول لك: إحنا بنرضي ربنا، قول لهم: ما أنت بترضي ربنا، والراجل اللي راح يصلي الظهر في المسجد بيرضي ربنا، والراجل اللي بيبر أبوه بيرضي، ما كلنا بنرضي ربنا، يعني، بس أنت هنا ليه... فاهمين؟ فانت لازم يبقى في هدف كبير، ماشي.

الهدف الكبير ده مش الفيجن والمشن، خلاص، دول حاجة تانية بس مش وقتها مش عاوزين ندخل فيها. طيب، إحنا جينا النهارده نتكلم في هدف كبير؟ لا، يعني مش هنتكلم في حته الهدف الكبير ده، الهدف الكبير ده لما بنحطه يا جماعة ببتدي نكسره، نكسر الهدف الكبير ده لأهداف صغيرة طول ما إحنا ماشيين. الهدف الكبير ده غالباً بيبقى استراتيجي، يعني إيه استراتيجي؟ يعني حاجة ما بتتحققش في يوم وليلة ولا في شهر، الهدف الكبير ده تلاقيه بيتحقق في خمس سنين، سبع سنين. يبقى أنا النهارده المفروض بقى بداية كده بسم الله الرحمن الرحيم، حضرتك عندك دعوة، أو حضرتك عندك دار، أو حضرتك ماسك مدرسة إسلامية، فأجي أقول لك إيه: الاستراتيجيك جول بتاعك أو الهدف الاستراتيجي بتاعك بعد خمس سنين سبع سنين من دلوقتي لازم يبقى عندك كذا، حتى لو أنت داعية وعندك صفحه كده تدعو إلى الله في صفحة، أو تدعو إلى الله على الأرض، فانت عندك هدف محدد، مش هدف بعد سبع سنين إن شاء الله أن أكون داعية، ما أنت داعية، أنت إيه الهدف اللي أنت بتسعى له؟ طب ده مهم جداً، هنعرف إيه دلوقتي بقى؟ مهم جداً، والخطوة دي بقى دي أكبر خطوة ممكن تستغرق وقتاً في الدايرة بتاعتك، يعني لو إحنا... أنا مش عاوز أفتح في مواضيع كتير، بس هو المهم دي خطوة، اديها وقت، يعني استثمر وقت كبير في تح... في وضع الهدف.

عارف ليه؟ جماعة، ركزوا أرجوكم، حتى اللي بيدعو لوحده كده، عشان ما تجيش بعد خمس سنين وسبع سنين وتيجي تقول: يا ريتني كنت... مش أنا حاسس أن أنا ضاع عمري، الكلام اللي بنسمعه. عارف ليه بقول لك استثمر وقت كبير تحدد الهدف؟ عشان بعد ما تحدد الهدف، هتسخر كل مواردك في تحقيق الهدف ده، فلو أنت ماشي عشوائي كده، هتستفز من أي حاجة. اللي هو مثلاً دي مثال بقى واقعي، اللي هو إيه؟ جالك تريند، يلا بينا! ده في ناس إيه، هي أصلاً بتصحى الصبح الكلام عليه النهارده ده، اعرف أنه راجل ماشي كده، ماشي بنور الله، لو ماشي بنور الله ده حاجة جميلة، هو لا، لو في نور الله ماشي بنور الله، دايما بقول ماشي بنور الله ده اللي هو الإيه، يعني كأنها بتد... على الله.

اه بقى دي حاجة كويسة، يعني نفسنا نبقى بنور الله، وعلى الله حكايتنا، كلام جميل. المهم، فاللي هو صاحي الصبح ده يقول لك إيه: الكلام النهارده على إيه عشان نلحق إيه نقرا لنا كلمتين وننزل الفيديو؟ اللي هيقضي على الترند ده ملوش خطة استراتيجية، ملوش هدف استراتيجي. ماشي، طيب، فاحنا مهم يبقى نحدد الهدف ده، وناخد وقتنا في تحديد الهدف. يبقى النهارده احنا في دار أهو، دار كذا.

لو جيت مسكت مدير الدار ولا مديرة الدار: ها، أنت هدفك إيه ولا هدفك إيه في الخمس سنين اللي جايين دول؟ يعني بعد خمس سنين أجي ألاقيكم فين؟ أجي ألاقي إيه حصل؟ لازم نبقى حاطين الهدف ده كدعاء. طيب، حطينا الهدف الكبير، وده مش هنتكلم عنه، ده دراسة لوحده، حاضر. الهدف الكبير، الهدف ده بقى.

الهدف ده ممكن يبقى يعني مش بن عشان نوصل، محتاج سنين زي ما قلنا. أيوة، أنا النهارده هعمل ايه؟ ما توجعش يعني خلاص لنا هدف كبير، النهارده بقى هعمل ايه الشهر ده؟ هعمل ايه؟ بنبتدي نكسر الهدف الكبير ده. ماشي. كلمة تكسير دي، هو فعلاً بيعملوا حاجة بيسموها إيه: بريك داون.

البريك داون بنعمله بريك داون، يعني إيه؟ بنمسكه نكسره لأهداف أخرى قصيرة المدى. أهداف أخرى قصيرة المدى، اللي هو إيه يا جماعة؟ هدفنا الشهر ده كذا. ممكن يبقى التيم، الفريق اللي تحتي مش شاغل أنا بالهدف الكبير ده خالص، بس أنا عمال إيه أكسره لأهداف صغيرة، في الآخر هتوصلني للهدف الكبير.

متصورين دي يا جماعة؟ حد عنده إشكال في الحته اللي بقولها دي؟ طيب، احنا النهارده عاوزين نتكلم شوية عن الأهداف الصغيرة. يعني خلاص، أنت وفقت وحطيت الهدف الكبير، أهدافك الصغيرة دي أو الأوبجكتفز بتاعتك دي اللي أنت هحطها عشان تبتدي توصلها، عاوزين يعني بيقولوا فيه كده كلمة معienne هنكتبها، وبعدين نقعد بقى نتاملها شوية ونسقطها على دعوتنا.

خلاص، هو بيقولوا الأوبجكتفز بتاعتها دي لازم تكون معانجليزي؛ لأن مش عارف لها اختصار بالعربي، سمارت بيسموه. ماشي، وسمارت دي مش كلمة إنجليزي عشان في كلمة سمارت في الإنجليش اللي هو يعني ذكي أو كده، لا، سمارت دي دي إنيشالز يعني كل حرف من دول دي كلمة. ماشي، هنعرفها دلوقتي إن شاء الله.

فلازم الأهداف بقى الصغيرة بتاعتك أيها الداعية أو أيها يعني المدير لدعوة أو المدير لدار أو كذا، يبقى سمارت أوبجكتف. يعني إيه سمارت؟ أول حرف حرف الأس ده: سبيسيفيك. سبيسيفيك يعني إيه؟ يعني حاجة محددة. يعني إيه الكلام ده بقى؟ يعني هناخد خد بقى أمثلة. يعني ما ينفعش هتيجي تقول مثلاً واحد عنده دار فيجي يقول للإيه المعلم معين مثلاً عنده أو إيه تقول نقول له مثلاً إيه هدف الدار أو الأوبجكتف بتاع الدار الأسبوع ده؟ فيقول والله احنا هدفنا مثلاً الترم ده أن احنا نطلع ناس مثلاً إيه تجود صوتها حلو إيه تجويدها حلو. تجويدها حلوة، ماشي.

أو بلاش تجويدها حلوة دي، لا، خلينا نقول ناس ناس بتاعة قرآن. خلينا نقول لفظ عام شوية أو في مدرس مثلاً فيقول له إيه: احنا عاوزين العيال تطلع الترم ده مؤدبة. لفظ عام كده، اللي هو طب جميل، احنا هنيجي آخر الترم وأقول لك عاوز أقيس بقى يعني سيبكم كلمة أقيس، عاوز أشوف أنت عملت اللي أنت قلت ولا لا.

فإيه، يعني إيه بتوع القرآن دي؟ إيه بتوع القرآن إيه الكلمة دي؟ ما هو بتاع القرآن ده ممكن يبقى واحد تجويده كويس وخلاص على كده، يعني ده هدفنا؟ ممكن يبقى الهدف كده، وممكن تاني يقول لك لا، ده أنا هدفي الترم ده -وده هيبقى اسمه بتاع القرآن برضه يعني ماشي في طريق القرآن- واحد يقول لك لا، ده أنا هدفي ناس خاتمة، واحد ثالث يقول لك لا، ده يا عم لا، ده احنا في القراءات دلوقتي وبتاع، واحد رابع يقول لك لا، ده أنا ببعد معلمين، ودول كلهم اسمهم إيه؟ بتوع قرآن. فما ينفعش يبقى هدفك كده، اللي هو أنا بتوع قرآن، مفيش حاجة اسمها كده، هدفك محدد. أنا ليه هدف محدد، وكلما كان الهدف أكثر تحدداً كان أسهل في التحقيق؛ لأن هو واضح لل أنت بتكلم واحد بحاجات، خلاص أنا فاهم أنا مطلوب مني إيه.

تخيل كده جبتك النهارده قلت لك إيه: بقول لك أنت راجل عندي في الدار ماسك حلقة قرآن، أنا عاوزك تطلعي الناس دول آخر سنة بتوع القرآن، وسبتك ومشيت. إيه بتوع القرآن؟ عامل معاهم إيه؟ يعني أنت عاوز إيه بتوع القرآن دي؟ فيبقى الأهداف بتاعتنا يا جماعة أو أوبجكتف يعني إيه بالعربي؟ ليها معنى تاني. يعني المهم خلي أهداف الأهداف الصغيرة بتاعتناها دي لازم نخليها أهداف محددة. ماشي، طيب، تاني تاني كلمة، الأول دي واضحه، حد محتاج نزود فيها شويه؟ ماشي.

تاني سمارت، الأس خلاص، الأم يبقى إيه؟ ميجرابل. يعني إيه ميجرابل؟ يعني يمكن قياسه. يمكن قياسه يعني إيه يمكن قياسه؟ ها، متعاير؟ لا، يمكن قياسه، مش عارف إيه متعاير الصراحة يعني، معيار، ليه معيار يعني، طلع مثلاً إثنين حفاظ أو واحد حفاظ. أه، أه، ماشي.

يبقى يمكن قياسه يعني إيه؟ يعني هاجي أقول هجيب الراجل بتاعنا ده اللي هو إيه اللي ماسك الحلقة بتاعة القرآن وأقول له: بقول لك الحلقة دي أنا عاوز مش هقول له بقى بتوع القرآن خلاص أنا راجل متعلم دلوقتي هتبقى سبيسيفيك. فهاجي أقول له إيه: أنا عاوز يطلع لي من الحلقة دي ناس حافظين المصحف كله. اللي هو الأول ده سبيسيفيك ولا لافي؟ سبيسيفيك مجر. هو مش ميجرابل قوي؛ ليه؟ لأني عاوز كم واحد؟ يعني هي الحلقة 20 واحد. ماشي، فأن لو جبت لك آخر السنة ثلاثة هبقى ناجح ولا محقق؟ مش عارف أنا، فهو لا يمكن يعني هذا المقدار ده مش عارف أقيسه.

ماشي، أه، فاحنا عاوزين يبقى حاجة يمكن قياسها. يمكن قياسها، الحاجات اللي بقولها دي ممكن يبقى فيها نزاع، ودي تتحط هنا ولا تتحط هنا، بس فككم من الخناقات اللي في الإدارة دي، احنا جايين بس ناخد تصور بسيط؛ لأن ده كله لسه في أول حاجة. فاحنا يمكن قياسها، وعندنا القاعدة الذهبية في الإدارة: أن ما لا يمكن قياسه لا يمكن إدارته. فلو حسيت أن أنت في المنظومة بتاعتك في شيء أنا مش عارف أقيسه، مش عارف أحطله معايير يقاس عليها، اعرف أنك مش هتعرف تديره. ماشي، فاحنا محتاجين يبقى في كل حاجه في إدارتنا أو في دعوتنا أو كذا يمكن قياسها.

ماشي، سمارت الأس خلاص، والأم خلاص، والأيه؟ أشيفبل. يعني إيه أشيفبل؟ يعني يمكن تحقيقه. يعني إيه برضه؟ يعني ما ينفعش أجي مثلاً أقول اجيب الراجل بتاعنا ده اللي هو هيفضل معانا بقى لآخر مثال المعلم اللي في الدار ده وأقول له: أنت عليك آخر السنة أنك تكون أديت عشر آلاف حلقة. خلينا نبقى سبيسيفيك احنا عشر آلاف، خلاص هي يعني إيه ميجرابل وهنعرف عشر آلاف حلقة قرآن من بتوع جزء عم وتطلع مثلاً تجويد، يعني سبيسيفيك جداً وميجرابل جداً. بس ده مين يعرف يدي عشر آلاف حلقة في سنة؟ ما ينفعش على فكرة يا جماعة كل واحدة من دول دي فخاخ بنقع فيها.

ماشي، يعني أنك تحط هدف، دي طب كويس، يعني أقول لكم الفخ ده يعني؛ لأن دلوقتي مهمة جداً جداً الحته اللي أنا هتكلم فيها دي. الأول حته عادية متوقعة وحته بعد كده خطيرة شوية. دلوقتي أنا بحط لنفسي أنا أهدافي اهو الصغيره اللي هشتغل عليها كأماجد أو في إدارة دار أو في إدارة مدرسة أو كفة، فلازم عارف مواردي دي اللي هحط عليها الأهداف.

فأنا لو مثلاً ما ينفعش أقول إيه: هدي عشر حلقات في اليوم، حلقات قرآن في اليوم مع بعض كلهم شغالين في نفس الوقت وأنا أصلاً كل اللي عندي خمس محافظين، فانت بتقول إيه يا عم الحاج؟ الخمسة التانيين دول مين هيقوم بيهم؟ فلازم نبقى عارفين الموارد بتاعتها.

طيب، الحته بتاعة أشيفبل دي بقى، دلوقتي في ناس تروح حاطة لنفسها أهداف وتلاقي في الآخر مش عارفة تحققها؛ لأن كان من الأول الهدف ده لا يمكن تحقيقه، كبير جداً عليك أنك تحققه، فدي واضحة. في حاجة تانية بتحصل بقى، وهي دلوقتي احنا حطينا الهدف خلاص، ويا إما هنوصل للهدف يبقى احنا حققنا كام في المية من الهدف؟ مية في المية. يا إما أقل من الهدف، فيبقى متوقعين رقم أقل من المية أياً كان الرقم. يا إما أعلى من الهدف، متوقعين رقم فوق المية.

أعلى من الهدف يعني إيه؟ يعني قلت لك تجيب لي خمسة حافظين فانت جبت لي ستة، أنت كده عدّيت المية في المية. فاهمين دي يا جماعة؟ طيب، بيبقى عندنا دايما حوالين المية في المية، كله هنا بقى حوالين المية في المية دي لازم يبقى محطوط هنا وهنا زي مساحة كده بنسميها إيه؟ زي مارجن كده ده مقبول. مقبول يعني إيه؟ يعني أنا قلت له خمسة، لو جاب لي أربعة أنا مرضي وده نجاح وزي الفل، ولو جاب لي ستة زي الفل. طب جاب لي واحد؟ لا، ساعتها هنقف ونشوف الإيه ليه ده حصل وكده.

طبعاً، احنا حته الأعداد دي أنا ما بتكلمش في حته أنك بتدعو إلى الله وبتجيب، لا، أنت معاك واحد بتحفظه لي سورة النبأ؛ لأن ده إشكال تاني بتاعة الدعوة والعدد ده يعني إشكال تاني. طيب، جاب لي واحد هنا، في مشكلة عندنا ولا لا؟ عندنا مشكلة. جاب لي عشرة حافظين، وكل دي مشكلة ولا نفرح بيها؟ كل دي مشكلة.

ماشي، طب الأول جاب لي واحد، ظاهر قوي أنها مشكلة. المشكلة دي في مين؟ ما نعرفش، ما نعرفش، ممكن الآخر تطلع المشكلة في المدير أصلاً؛ لأن لما نقعد نحلل ونقعد نحقق في المسلاقي أنك اللي طالب منه خمسة هنا ده أنت طالب منه عشرة في حته تانية وسبعة في حته تالتة، ومش لازم قرآن، ده بيحصل في كائنات دعوية خلي بالكم وتلاقي إيه كل واحد بيسموها آيلاند مود، وده حاجة آيلاند مود يعني إيه؟ يعني كل واحد في جزيرة. يعني أنا اهو شخص اهو في كيان دعوي فيجي يقوم يقول لي إيه اللي ماسك مثلاً دعوة المناطق: بقول لك إيه، أنت معايا في كذا وكذا وكذا.

ويجي اللي ماسك دعوة الجامعات يقول لي: بقول لك إيه، أنت مطلوب منك كذا وكذا وكذا. ويجي اللي ماسك الإدارة يقول لك إيه: أنا محتاج ناس تعمل لي الإكسيل شيت والبتاع، فانت اللي معاك ده واخد بالك، ودول كلهم ما حدش يعرف فيهم أن الشخص ده، فيجي في الآخر لا يحقق هنا ولا يحقق هنا، نيجي نيجي نشوف المشكلة فين، المشكلة في الإدارة مش في الشخص. يبقى فكرة أنك إيه، في قاعدة كده بنقولها مهمة جداً ماشي: أن الأارقام المطلقة مضللة، ده بالعربي ماشي. الأرقام المطلقة مضللة، يعني ما تسلمش دماغك لرقم مطلق كده يقول لك إيه: ده جاب ثلاثين في المية. لو ابتديت تبني تحليلاتك على الرقم ده أنت هتضيع كمدير. فيش حاجة اسمها رقم مطلق كده ويبقى هو ده اللي، لا، ادخل في التفاصيل، هو ليه ده حصل ونبتدي نشوف.

فاحنا ما نعرفش ليه واحد دي ما نعرفش، مش دي اللي عاوز أتكلم عليها، اللي عاوز أتكلم عليها بقى يا جماعة وركزوا فيها جداً: جيت أنا قلت أنا المفروض أعمل كذا، لقيت نفسي عملت ثلاثمية من كذا، اللي هو بدل ما خمسة بقوا حداشر، ده معناه إيه؟ ليه يبقى وحش؟ أه، ده معناه أن أنا من الأول ما كنتش حاسب مواردي صح كمدير. ما هو أنا لو حاسب مواردي صح ليه أنا ما حطيتش الهدف الحداشر؟ طالما تحققوا، يبقى أنا من الأول ما شفْتهمش، ما شفْتش أن أنا كنت أقدر أحقق الحداشر.

أه، نسمح لك كمدير تغلط في نسبة، يعني أقول له اعمل لي خمسة فيطلع لي ستة، أه جميل، ما فيش مشكلة أنا مش حاسبها يعني بالميزان. أن أنا اعمل لي خمسة يجيب لي حداشر، دي كان يبقى أنا عندي مشكلة ما كنتش حاسب مواردي صح، فمافرحش يعني إيه لا، ليه عارفين ليه مافرحش يا جماعة؟ لأن معنى كده أن كان ممكن أصلاً كانوا يبقوا عشرين، وده اللي كسل. ما هو جاب لي حداشر، ده ما يمكن هو لا، حداشر قال كده برضه خلاص الحمد الراجل قال لي خمسة أنا جايب له حداشر، ما كنت أنا حاسب صح كنت أقدر أخليه يجيب لي العشرين. مفهومة كده؟

فديب يعني يمكن تحقيقه، الهدف اللي أنا هحطه لازم يبقى ممكن نحققه. وبعدين الـ آر، ودي بقى يعني عاوز أقول لك لو مش هنطلع من الجزء ده كله غير بالآر دي كفاية علي في الدعوة؛ لأن ده أكتر حرف بيحصل فيه غلط. ماشي، أنا عارف كويس جداً أن معظم يعني الدعوة ماشية مش كده أصلاً يعني مش ماشية بإدارة كده، بس الحرف ده بالذات حصل فيه مشاكل كتير.

يعني إيه ريليفنت؟ يعني دلوقتي أنا ليه هدف كبير، أو لما أجي أحط هدف صغير، ما ريليفنت بالعربي يعني إيه متعلق بكذا، هذا معنى أنه ريليفنت، يعني ليه علاقة بكذا أو يعني ماشي، ليه صلة. أه، يعني ريليفنت يعني ليه علاقة بكده، فانا حطيت الهدف الكبير خلينا نمسك الدار اللي احنا بنتكلم فيها. واحد عنده دار القرآن فقال والله أنا الخمس سنين اللي جايين دول أنا خطتي أني أخرج من الدار ألف حافظ.

خطتي أن دي خطتي ده هدفي، عفوا، هدفي أن بعد خمس سنين دار كذا تكون خرجت ألف حافظ للمصحف. ده الهدف كبير.

طيب، ركزوا يا جماعة جداً والله الكلام ده خطير. قلت: جميل جداً، فبعد شوية أنا بقا إيه مشترك في الصفحة بتاعة الدار دي، فلقيتهم في شهر واحد منزلين إيه: دورة فقه الطهارة مع المعلمة فلان الفلانية اللي هي أحسن واحدة في الناحية بتدي طهارة. وبعدين بعد في نص الشهر كده دورة العقيدة في مش عارف إيه مع المعلمة فلان وفلانية اللي هي أحسن واحدة في العقيدة. آخر شهر واحد، دورة شهر اتنين لقيت نفس الكلام، شهر تلاثة لقيت.

خلوا بالكم دلوقتي لو دخلنا في التفاصيل بقا، هي دورة الطهارة دي حاجة جميلة ولا حاجة جميلة؟ دين وزي الفل، بس ريليفنت؟ طيب، يعني ممنوع؟ مش ممنوع، بس أنت ممكن تبقى في النص تلاقي نفسك حِدت عن هدفك وأنت مش، ده بقا بيحصل معانا كلنا. ده بيحصل معانا كلنا، ده اسمه حيود عن الهدف. فمثلاً، ما تلاقيش السنة 365 يوم، فانت مثلاً أنت شغال الدار مثلاً بقول أي رقم 200 يوم في 365، فلاقيك شاغل لي الدار من الـ200 يوم 100 يوم في إيه؟ دورة المعلمه الفلانية ودورة مش عارف إيه. ليه؟ في حاجات بقى بتستفزك كمدير، مش حاجة بتنرفزك، لا، إن إيه ده؟ أنا ضربت صحبة مع المعلمه الفلانية المشهورة أوي، ولقيت في فرصة أن نعمل مش عارف إيه، أفوتها؟ آه، هتفوتها.

ليه هتفوتها؟ لأن دي لا تخدم الهدف. هنا بقى بنتكلم عن إيه؟ عن ثقافة أنك لازم في طريقك في الدعوة تعرف تقول لا. ده لا يخدم هدفي. ده مش، مش هدفي دلوقتي. ده اللي هيخده من الهدف تفوتها. يعني لازم أفوت، مش يعني لا، أنت لو أنت حاسبها صح وعندي متسع، عندي الدورة دي ماشي، ما عنديش مشكلة في كده، إنما مش أنا اللي بتسئال، اللي هو النهارده عرفت المعلمة الفلانية اللي هي بتاعة الفقه، الحلوة في الفقه، ولقيت فرصة أن أعرف أجيبها هجيبها، بكره هجيبها، عرفت بتاعة، مش هجيبها، عرفت واحدة بقى بتاعة علم نفس وتعرف، هاجيبها، ماعديش أنا داري لازم تبقى بتجيب كل.

طيب، بعد خمس سنين ها عملتي إيه؟ وصلتي لفين من هدفك؟ طيب، كان الإشكال فين في ريليفنت دي؟ أن الأهداف الصغيرة بتطلع لنا في النص كده هي مستفزه، يعني، يعني بتستفزك، بتخليك عاوز تعملها. خلاص، نروح على الدعوة، ده بيحصل كتير يعني. دلوقتي واحد مثلاً هو دعوته بيخاطب الفئة المؤثرة، هو خلاص هو فاهم أن هو يقدر يدي في الحته دي، فالفئة المؤثرة دي اللي هي مين مثلاً؟ اللي هم الدعاة، اللي هم محفظين قرآن، اللي هم مدرسين شرعي في المدارس، فئات مؤثرة.

فهو خلاص هو حاطط نفسه في الحته دي، فيقوم هو وهو ماشي كده يجي له حاجات تستفزه. يقولوا له إيه مثلاً: ده احنا عندنا درس ومجمعين فيه شباب قد مش عارف إيه، لا. طيب، بعديها على طول هيجي يقولوا: احنا عندنا درس ست مدرسين شرعي في مدرسة كذا. اه.

هو خلاص هو فاهم هدفه إيه، وبناء على الهدف ده أي حاجة ريليفنت آه نقبل بيها، أي حاجة متماشية مع هدفي الكبير بقبلها، أي حاجة تانية عندي الثقافة أن أقول لا عادي جداً. واضح؟

على فكرة أنا مش بقول إن أنت لازم تبقى محدد يعني، احنا بندي مثال دايماً بنروح الحته الإيه في أي أمثله الحته الإكستريم عشان الدنيا تنور، بس هو الدنيا ما تبقاش كده، يعني ممكن الواحد يبقى هو معدول وبس وفي نفس الوقت باذل في الحته التانية، بس هو القدر ده ومش هأزود عنه. مثلاً يقول إيه: أنا لي درس عام واحد في الأسبوع، مش هأزود عنه، ده بتاع الشباب.

فجاء قال لك إيه: احنا عندنا ألف شاب، أهلاً وسهلاً يجوا لي الدرس. أنا عندي الدرس بتاعي يجوا لي درسي، أصل احنا محتاجينك تبقى حاجة خاصة، ما بروحش لحد. ليه؟ ده مش هدفي أصلاً ولا دي الشريحة اللي بخاطبها، لا، أنا زي أقول لكم كده اهو، ألف اهو، تاني يوم هيجيلك ستة هتقول: آه هروح لدول وهتحمس وأنا اللي هتصل، وأنتم يا جماعة فينكم؟ طيب يلا ندي.

خلاص، ممكن واحد العكس، لأن هو هدفه بيكلم الشباب، فهو المهم يبقى أنت ليك هدف وشايف الهدف ده كويس، وشايف إيه اللي بيخدم الهدف ده وإيه المتصل بالهدف ده، وتقدر تقول على الحاجة اللي ما هياش متصلة بالهدف ده مش هتوصل ليه: لا ده بره، ده بره الإسكوب بتاعي، ده بره الهدف بتاعي. خلاص، فعاوزين نركز جداً في حرف الار ده بقا يا جماعة واحنا في طريقنا في الدعوة، عاوزين نركز فيه جداً.

طيب، الأخير، التي اللي هو التايم بيز أو تايملي يعني، لازم الهدف اللي تحطه يكون له وقت محدد. أنا هخلص دي في الوقت الفلاني، فما ينفعش أجي أقول لك إيه: خد يا معلم قرآن، أنا عاوز منك تديني خمسة حافظين العامة بتجويد بنسبه 80% لو عملنا لهم امتحان. وده كان طبعا إيه ريليفنت الهدف الكبير، وأسيبك وأمشى.

فبعدين أجيلك كمان شهر أقول لك: هي عملت إيه؟ تقول لي: لسه. أقول لك إيه؟ لسه؟ الشهر خلص! تقول لي: شهر! أنا أعرف منين أن أنت عاوزهم في شهر؟ أنت قلت لي عاوز خمسة فانا قلت أنت هتاخد مني بعد سبع سنين مثلاً! يبقى لازم واحنا بنحط الهدف يبقى هـ ليه وقت، هستلمهم منك في الوقت الفلاني.

خلاص، فانت برده لو بتحط هدف لنفسك دعوي، فاه أهداف صغيرة، يبقى لازم أحط وقت ليه علشان ما تتسحلش في حته الوقت دي، نفسك سرحت. يبقى أنا مثلاً أنا بعمل مقاطع دعوية، بس أنا راجل أنا لسه عندي حاجات تانية، عندي بناءات ببني نفسي فيها، وعندي ممكن يبقى حاجات تانية عطاءات أخرى، يبقى المقاطع دعوية دي مثلاً أنا إيه محددها بوقت، عشان ما تتسحلش. يبقى أنا لي مقطع واحد مدته قد كذا، لي درس واحد مدته قد وهكذا. يبقى تايملي أو تايم بيز.

ماشي، خلينا مش عاوزين، يعني احنا زي ما قلنا إيه، احنا بندي قصور كده في هدف، في حته القيادة اللي هي الليدرشب. هي دي بقى الحته دي، الحته يا جماعة بتاعت إدارة البشر، واللي بيجي دايما فيها السؤال المشهور: إيه الفرق بين المدير والقائد؟ حد عارف السؤال ده؟ مش الإجابة، حد عارف السؤال؟

أه، مش مدير. حد عارف إيه الفرق؟ حد عارف غيره؟ قول. المدير، مش أنت، أنا ما قلتش أنت راجل. هو كل، هو كل مدير مش، ممكن يبقى قائد؟ قائد مدير. ماشي، نفس الكلام. لا، العكس. لا، العكس، حد عنده قول ثالث؟

كل مدير قائد، بس مش كل قائد مدير، وواحد قال العكس. خلاص، خلاص، مش عاوزين ندرس بقا، خلاص أنت قلت كده ها، حد خلاص كلنا في دول. طيب، ده احنا عندنا إدارة قديمة وإدارة حديثة، السؤال ده كان بيسأل في الإدارة القديمة، الإدارة الحديثة قالت السؤال ده غلط. قالت السؤال ده غلط، وعشان كده حطت الليدرشب تحت المانيجمنت. قالوا إنه أصلاً واحدة من وظائف المدير إنه، إنه يليد، إنه يقود.

ماشي؟ فما بقاش في حاجة اسمها عندنا حاجة اسمها ليدر وحاجة اسمها مانجر، ما بقاش في حاجة اسمها كده في الإدارة الحديثة، قالوا أن يعني الاتنين واحد دلوقتي، لازم يبقى الإيه، طبعا الإدارة دي مصر كانوا بيقعدوا يقولوا إيه تفاصيل كده يعملوها الجدول ويفرقوا بين المانجر والليدر، ده موجود، يعني ممكن لغايه دلوقتي الناس بتبقى بتدرس ده، خلوا بالكم يعني مش مش حاجة عيب يعني، بس الإدارة الحديثة لغت الفكرة دي خالص.

ماشي؟ يبقى أنت لازم عندك المهارات اللي بيها تعرف تقود البشر، وده أصلاً اللي احنا عاوزينه، احنا كدعاة نعرف نقود البشر، وده اللي الأنبياء بعثوا به، يعني بعثوا بدين الله عز وجل علشان يقود البشر إلى الله سبحانه وتعالى. وهنلاقي ده في حياة النبي عليه الصلاة والسلام متكرر، أنه إزاي يعرف يقود البشر وإزاي يعرف يقود الأنماط المختلفة من البشر.

ماشي، فاحنا هنا مهم جداً أن احنا نفهم أن في أنماط مختلفة من البشر، وأنت جاي بتقود البشر، مش احنا بنقول دايماً احنا كلامنا النهارده مخل يعني، في أنماط مختلفة من البشر، فمثلاً مثلاً لو احنا بندي الأطفال وعندنا درس في حلقه ولا بتاع، فأشهر تست بيتعمل، حد يعرفه؟ حد يعرف فارك؟

طيب، فارك ده أشهر تست بيتعمل علشان نعرف اللي قدامنا ده نعرف نعلمه ازاي. فبرده دول إنيشيالز يعني كل حرف بكلمة، خلينا نتكلم عربي، فالفي يعني هو يعرف يتعلم بالنظر، فترسم له منحنيات، تدي له جداول فيها أقام كده يعني، يتعلم وعلى طول يلقط، ده نمط من البشر موجود.

الإيه ده سماعي، حتى لو ما فيش قدامه أي مادة معروضة وقعد سمع يلقط، تمام. الار ده، لا الار ده بتاع قراية وكتابة، ده واحد يعني إيه؟ تدي له حاجة يقراها، تدي له حاجة يقراها، يبقى زي الفل. الكي ده بتاع إيه؟ حركة، هتدي له تجربة يعملها بإيده.

طيب، هنا السؤال اللي هيجي: أنا ممكن أبقى دعوتي فردية، فخلاص أنا هألقط أنت في ولا أي ولا آر ولا كي، الإشكال دايماً بيجي فين؟ الجماعة. عشان كده بقا الناس الشاطرة من المحاضرين تلاقيهم عشان ديزاين أي كورس لازم يحط فيه الأربعة، أنت ممكن ما تبقاش فاهم ده، بس تلاقي بيعمل إيه؟ تلاقيه هو قاعد عارض لك بريزنتيشن أو على وايت بورد كده إيه شغال كتابة، خلاص، ده ليه؟ علشان الناس الفيگوال تشوف.

وشغال طبعا فبيبيتكلم فباين قوي أن إيه، في سماع طبعا، وتلاقيه بيوزع ملزمة في الكورس علشان اللي بيقرا، القراية أكتر هي اللي يلقط، وتلاقيه يبتدي يعمل لك إيه: قوم من هنا، أقعد هنا، طب إيه رايكم هنعمل جروبس صغيرة علشان تعمل مش عارف إيه؟ ماشي، الناس ممكن ما تبقاش فاهمة قوي، يعني هو ليه بنعمل كده؟ طبعا هي ليها أهداف تانية، لكن هدف أساسي أنه يعرف يخدم على الأربع أنماط دول بتوع الفار، خلاص؟

فاللي طالع خلاص راضي. فانت بتديزاين، يعني إيه بالعربي؟ بتصمم كورس جديد، بتصمم حاجة جديدة، فلازم تبقى مستوعب أنها تشمل الأربع حاجات دول على قد ما تقدر طبعا ماشي.

حتى لو أونلاين، بالمناسبة حتى لو أونلاين، فلازم تبقى مركز أن تشمل الأربعة دول بقدر، يعني مش لازم يبقى إيه 25%، لا مش لازم كده، بس لازم يبقى بقدر فيه موجود ده. فهنا محتاجين ده، محتاجين نفهم طباع البشر، محتاجين نفهم طرق تفكير الناس، علشان ما تزعلش من اللي قدامك.

أنت راجل دلوقتي بتدير دعوة، ففي واحد مثلاً هو حد داس على السلك، في واحد هو إيه دايما هو كده، دماغه راكبة كده دايما بيفكر في الويرست كيس سيناريو، ربنا خلقه كده، يعني إيه؟ يعني هتقول له حاجة إيه دايما السيناريو الأسوأ جاي في دماغه للحاجة دي، فدايماً هتاخد منه أفكار سلبية، هو مش عاوز يحطمك.

طيب ده احنا محتاجين له في حاجة ولا نرميه؟ محتاجين له جداً، بس أبقى مستوعب أن وأنت رايح لفلان ده أنت هتستقبل منه إيه عشان ما تزعلش. في واحد تاني العكس تماماً، هو برنس، يعني تقول له الحاجة هو شايف الدنيا وردي والأرض مفروشة بالمش عارف إيه ماشي، كده.

في واحد تالت بالاحساس، هو بالحب كده، ده كتير عن ستات، ويبقى احنا الرجال ممكن مش فاهمين، يقول لك إيه؟ تقول لها: أنا عاوزين نعمل كذا وكذا. تقول لك إيه: والله أنا حاسة الموضوع ده حلو، فانت اللي بتشنك: إيه حاسة دي؟ احنا هنعمل دي، ده احنا هنحط فلوس وهو. في بشر كده، هي الاحساس بيحركه.

طب احنا لازم نبقى فاهمين أنماط البشر في طرق تفكيرهم إيه. خلاص؟ ليه؟ علشان نعرف ندير الناس. فدي ممكن نقرا فيها إيه؟ آه ماشي، السيكس هيدز أوف ثينكينج، يعني في ست قبعات للتفكير، هتدينا شوية صورة وهتفهموا يا جماعة احنا ليه ممكن نلطش مع بعض في الدعوة، ممكن نلطش مع بعض في الدار، وممكن نلطش وكلنا هدفنا ربنا، مش بقول إن حد بقى عنده رياء وكده، كلنا هدفنا ربنا في الآخر، مش عارفين نتوفق ليه مع بعض؟

علشان تريكات زي كده، اللي هو إيه؟ أنا داخل متحمس جداً بقا أنا، هي دي حاجة تانية، أنا مثلاً كومباينر مثلاً، أنا إيه راجل أول ما تيجي في دماغي فكرة بروح على طول أعملها، في واحد تاني مش كده، في واحد تاني لازم أقعد وأستدي وأعمل بلان، فأنا داخل متحمس على أني أعمل على طول، فجأة أقول له، يقول: طب تمام يعني بقا نقعد، فروح أنا أبقى من جوه بغلي، نقعد ونعمل.

ماشي، أو العكس، الراجل التاني ده اللي عاوز يخطط، فبيجي يقول فكرة يصبح الصبح يلاقي التاني كلمه: الحمد لله احنا خلصنا وطبعنا ومش، يقول له: أنا قلت لك اطبع يا ابن.

أول ما ابتدينا مع الشيخ أسامة، فانا أنا كان عندي شغف للعلم قوي، وبعدين فالشيخ مره، أنا عمري ما أنسى الموقف ده، رباني، يعني رب في معنى، يعني كنت صغير برضو ما أفهمش الحاجات اللي أنا بقولها دلوقتي دي مش فاهمها، فهو الشيخ مره قاعد قال إيه: آه والله أنا.

ايه بفكر ادي الكتاب الفلاني، يوم كان كل واحد من المجموعة بتاعتنا معاه نسخة، اشتريت نسخ بعدد الناس وزعتها، انا فرحان بقى هناخد الكتاب الفلاني، كنتش اعرف بقى أن الشيخ يقصد بعد 20 سنة مثلا. فطبعا أنا اتبسطت، أنا قلت لك اعمل كده، قلت له أنا كان يكفيني بالنسبة لي أن كلمة اتپالت خلاص، احنا خد الجلا ده يحمد ربنا أن ما قريناش المقدمة قبل ما نجي عشان نبقى جاهزين يعني، فدي اختلاف طباع، اختلاف طباع، فلازم نبقى فاهمينها.

فانت دلوقتي، خلي بالكم يا شباب عشان برضو نقطة مهمة، أنت لو أنت راجل مثلا بلاك هات اللي هو الراجل بتاع السيناريو ده اللي هو دايما شايف المشاكل، هل معنى كده ما أقدرش أتغير؟ لا، تقدر تتغير عادي جدا ما فيش مشكلة خالص. لما بنيجي نعمل برين ستورمينغ أو العصف الذهني، قاعدين قعدة عشان نطلع بقرار من التكنيكس يعني اللي بيستخدموها، وده في اليابان مشهور جدا، السكس هاتس دي ده بيستهدوه كتكنيك، يعني إيه؟ يعني احنا دلوقتي قاعدين هناخد قرار فكلنا واحنا قاعدين دلوقتي هنقول إيه، كلنا لابسين القبعة السوداء، يعني إيه؟ في الوقت ده مش هنسمع حد بيقول حاجة حلوة عن المشروع، مش الوقت ده بتاع البلاك هات، كلنا بنفكر في التحديات كلنا، ونليست التحديات اللي بتتقال بقى، خلصنا، خلصنا، اقلع البلاك هات يلا البس الييلو هات.

فالييلو هات اللي هي الصفراء دي بتاعت العكس بقى اللي احنا بنقول عليه، اللي هو إيه، مش عاوزين، مش هنسمع كلام من حد بيتكلم في تحديات دلوقتي، لا، احنا بنتكلم في المميزات، في الحاجات الحلوة اللي تخلينا نعمل المشروع ده، اه ده السوق محتاجه، اه ده احنا عندنا الموارد اللي نقدر نستغلها، اه ده كله هيتكلم في كده، يلا حط الريد هات اللي هي بتاعت الأحاسيس والمشاعر ومش عارف إيه، كل اللي عاوزين نسمعه أنا والله أنا خايف من ال... أنا متحمس جدا للموضوع ده، أنا، فده تدريب على أنك تعرف تتحول، عادي جدا ممكن تتحول، لكن على كل حال مهم أنك تعرف تدير ده، أنت حتى في بيتك مهم تعرف تعمل ده، والله يا جماعة الحاجات دي بتسبب طلقات لمجرد أن الراجل مثلا بلاك هات والست ييلو هات، والحل كان بسيط جدا أننا نفهم بعض ونعرف ازاي نعرض المسألة مش أكتر.

خلاص، ناخد مثال عشان نفهم اللي أنا، يعني لو الراجل بلاك هات والست ييلو هات مثلا دلوقتي هنطلع مصيف، هنطلع مصيف، الييلو هات أول ما هقول احنا هنطلع مصيف، هي في المصيف، هي يعني هو الطريق خلص، أنا دلوقتي قاعد على الرمله بعمل القلعة اللي على الرمل دي، فده الييلو هات، هي دي طريقتها في التفكير، دي طريقتها في التفكير، البلاك هات مش كده، لما تقول هنطلع مصيف هو بقى إيه: زين الكاوتش والبنزين والزيت، والمصاريف، فعلا كده، فعلا كده، خلاص، والحجز وال... هو ده، ده على فكرة يا جماعة مرهق لنفسه قبل ما يكون لغيره، يعني هو نفسه بيبقى تعبان بس هي طريقة تفكيره كده.

السلام عليكم ورحمة الله وبركاته. طيب، فالحه إيه اللي دايما بنقوله للناس في الحته دي؟ لو الست مثلا ييلو هات وعاوزه تطلع المصيف، بتيجي للراجل وهي عاملة كده زي تشيك ليست بالتحديات ومقفلة له، يعني إيه؟ يعني احنا عاوزين نطلع مصيف، أنا دخلت دورت على بوكينج فلقيت أن فيه الفندق الفلاني وده بكذا وده على قد أيدينا، فقفلت حته أن الفلوس والتجهيز ومش عارف إيه وبتاع، ماشي، والعربية الحمد... لو هي بتسوق مثلا، أخدتها أمبارح الحمد لله ورحت كشفت على مش عارف إيه، لو أو ابنك الكبير خدها وأيا كان يعني، أو تسهل له الدنيا، والعربية بسهولة جدا إن شاء الله هننزل في ثواني نكون خلصنا مش عارف إيه، وأنا معاك كده، فتلاقي هو الراجل مش... الراجل بيبقى مش عاوز، عاوز يروح، طب هي بقى بتبقى شايفاه إزاي؟ أن كل ما تعاوزه هو مش عاوز ويطلع فيها القطط، هو مش عاوز، بس هو مخلوق دماغه كده، يوصلوا في الآخر أن هم يتطلقوا وهو لا هو عايز ولا يعني مظلوم في الحته دي، بس محتاجين إزاي ندير ده؟

طيب، نرجع تاني لادارتنا احنا بقى للدعوة وكده، المهم أننا نعرف ده اللي تحت ده إيه، ليه مهم؟ عشان دلوقتي داخل متحمس جدا وأنا نفسيا مش مستحمل أسمع دلوقتي كلام يحبطني، مش مستحملها، أنا من نفسي عارف أني مش هروح، مش هكلم فلان ده خالص، ليه؟ أصله وحش؟ لا، مش وحش، هو طريقة تفكيره كده، طب معنى كده مش هسمعه وهروح أنفذ؟ لا، أنت في وقت لازم تروح تسمعه، بس أنا مش مستحمل ده دلوقتي، إنما أنت لو رحت عملت من غير ما تسمع بتوع البلاك هاتس دول أنت غالبا هتفشل، يعني غالبا، لأن هتكتشف في النص تحديات كانت بسهولة جدا هتشوفها من الأول لما بس تقعد مع الراجل ده، مفهومة دي؟ فمحتاج تعرف ده وأنت بتدير بشر.

ماشي، يعني كفاية قيادة كده، التنظيم لو هنقول كي وورد هنا في التنظيم أو كلمة مفتاحية هتكون إيه؟ الوكيت، يعني إيه بالعربي؟ توزيع المواد، تسكين مثلا، ماشي، تسكين مثلا، ماشي. إيه؟ تسكين الموارد مثلا، بيسموها ريسورسز ألوكيشن، دي الكلمة المفتاحية الخطيرة جدا، ماشي، أنك هتالوكيت، هتسكن الموارد اللي تحتك فين؟ دلوقتي أنا ما ينفعش أبقى راجل ماسك على راس كيان دعوي، وأجيب واحد مثلا هو متألق في العلم الشرعي والبذل في الحته دي وأمألف فيه أنه يكون في يوم من الأيام يسد الصغر ده في الأمة، واللي هو بالمناسبة الصغر شاغر فاضي أصلاً، لو شفنا في كم عالم في الأمة مقابل في كم داعية في الأمة، نسبة لا تكاد تذكر، وأقوم جايب الراجل ده أنا بقى في ككيان دعوي دلوقتي أقوم جايب الراجل ده وأفرمه في الدعوة، هنا أنا ما عملتش ريسورسز ألوكيشن مظبوطة، لا ده الراجل ده اللي أنا شايف فيه بذل في العلم وعنده ذكاء وفهم ثاقب وقدرة على الحفظ وكذا، لا تعالى، أنت راجل بتاع علم، أنا هفضيك للعلم، واضح؟ أنا برضو بتكلم، أنا دايما بدي أمثلة على الواقع يعني احنا عايشينها مش بجيب حاجات من خيالاتي، ماشي، يبقى ريسورسز ألوكيشن.

واحد متجرئ في حته النساء، فما ينفعش أجيبه وأحطه في دعوة نسائية، ما ينفعش، هيعك الدنيا وهيعمل لنا مشاكل، فده ريسورسز ألوكيشن، ده اللي هو الأورجنايزينج بقى، ده مهم جدا. واحد، أظن فهمنا كده خلاص، يعني إيه؟ عشان بس ما نطولش برضو، فده الريسورسز ألوكيشن أو تسكين الموارد البشرية اللي عندنا دي، مهمة دي كمان وهي أن ممكن بتعديلات بسيطة بنعمل إيه؟ بنكبر الكاباسيتي بتاعتنا أو القدرة الاستيعابية بتاعتنا، بتعديلات بسيطة في الموارد بس، يعني نتدخل في الموارد نقول لا، يعني بدل ما هي ماشية بالطريقة الفلانية هنمشيها بالطريقة الفلانية، فكده وفرنا ناس تدي بقى في الحته الثانية، دي تبقى محتاجة شوية دماغ للراجل المدير عشان يعرف يوزع المهام... عفوا، مش المهام، يوزع الموارد توزيع سليم، خلاص، فدي محتاجة أكتر بقى اللي هم الكيانات.

وبعدين التحير جدا ده بقى يا جماعة، الكنترولينغ ده، عاوزين نتكلم عن حاجة في خمس دقايق كده. حد سمع عن بيديكا سايكل قبل كده؟ بيديكا سايكل دي ما ينفعش يكون حد ماسك إدارة حاجة ومش عارفها، دي ما ينفعش، يعني أنا ما بهزرش، يعني حضرتك عندك دار ما تعرفش البيديكا سايكل؟ أنت ما تنفعش تدير دار، عندك مدرسة ما تعرفش البيديكا سايكل؟ ما تنفعش تدير مدير مدرسة، عندك بيت عاوز تدير البيت صح؟ ما ينفعش ما تعرفش بيديكا سايكل، عاوز تدير أي حاجة في الدنيا لازم تعرف البيديكا سايكل دي، ماشي.

البيديكا سايكل برضو دي أنيشيالز طبعا حروف، ماشي، اللي هو بلان دو تشيك أكت، ده، دي الأربع كلمات، بلان يعني خطط، دو اعمل، تشيك يعني تحقق، وأكت... بس هو مش نفذ، يعني زي رد فعل، اه، يعني حاجة زي رد فعل بس مش عارف نقولها بالعربي، خليها إفعل، ماشي، يعني بس هي مش إفعل قوي، بس حطها إفعل، ماشي.

إيه بقى البيديكا سايكل دي وإيه علاقتها بالكنترولينج اللي احنا أو التحكم اللي عاوزين نقوله ده؟ احنا دلوقتي بنخطط، بنخطط لحاجة، وبعدين انطلقنا في الحاجة دي، ركزوا يا جماعة، انطلقنا فيها اللي هي في الدو، لازم يبقى عندك كل شوية حاجة اسمها تشيك بوينتس، يعني نقاط كده هقف أعمل عندها أتحقق أني ماشي صح، تعالوا ناخد المثال اللي ابتدينا بيه. دلوقتي احنا الدار، الهدف الخماسي بتاعنا تخريج 1000 حافظ، خلاص، بحسبة بسيطة كده، بحسبة بسيطة، الخمس سنين لو هنقول في تساوي يعني في كل حاجه عشان ما نجعلش الموضوع، الخمس سنين كام شهر؟ 60 شهر. طيب، ال1000 حافظ دول اللي هنخرجهم لو هنقيس، لو هنقول أنهم بيطلعوا دفعات، يعني احنا بنسهل الدنيا، ها، الموضوع مش كده، بس عشان نفهم ده، لو بيطلعوا على دفعات، والدفعة مثلا بتاخد ثلاث أشهر اللي هو ربع سنوي، يعني احنا عندنا كم ربع سنة في الخمس سنين؟ 20، صح كده؟ ربع سنة، عندنا 20 ربع سنة في الخمس سنين. طيب، 20، اقسم 1000 على 20 يطلعوا كام؟ 50.

طيب، المفروض أنا أعمل إيه بقى كراجل مدير الدار دي؟ المفروض أفضل أن احنا النهارده 2026، أفضل قاعد فوق في المكتب بتاعي لغاية 2031 وأجي أحاسب: ها، طلعتوا لنا ال1000 حافظ ولا ما طلعتوش؟ ما فيش كده، احنا عملنا بلان خلاص وقوية جدا، يلا انطلقوا يا جماعة توكلوا على الله، هاجي بعد أول كوارتر، بعد أول ثلاث أشهر، بعد أول ربع سنة مثلا، هبص، على فكرة ده احنا المفروض نبص قبل كده كمان، بس خلينا ما نجعلصهاش، هبص: إيه، طلعتوا كام حافظ يا جماعة؟ قالوا والله احنا الربع ده طلعنا 20 حافظ، اه، لا، ده احنا في مشكلة في حيد... ماشي، بنسميه ديفيجن، يعني إيه؟ المفروض كان يطلع 50 حافظ عشان أجي على آخر الخمس سنين ألاقي 1000 حافظ، فالمفروض الربع سنة ده كان يطلع فيه 50 حافظ، لا، تعالى نقف ونشوف احنا ليه... ده التشيك، احنا ليه ده حصل؟ ونبتدي نعمل إعادة تخطيط وإعادة توزيع، أيا كان بقى، نشوف المشكلة فين ونحلها، مش عاوز دلوقتي لأن في مشاكل كتير ممكن تعمل ده، وتفضل السايكل بتاع بيديكا سايكل دي شغالة كده ما بتقفش، عشان كده اسمها سايكل، دايرة ما بتقفش.

فدي بيديكا سايكل في إيه؟ طب إيه دخل ده بقى في الكنترول، في التحكم؟ يظهر فين هنا؟ في التشيك، هو أصلاً التشيك دي هو اللي بيظهر فيها التحكم، مش فاهمين؟ يعني دلوقتي الناس شغالة، أنا دوري كمدير دار، كمدير مدرسة، كمدير كيان دعوي، بعمل إيه دايما؟ دايما أنا بتشيك دايما، ليه؟ عشان أكنترول أي ديفيجن، عشان اتحكم في أي حيود. مفهوم؟ أنتوا متخيلين يا شباب بقى لو كنا احنا باجي أقول لك كمدير يلا تشيك عشان أي ديفيشن، وأنت أساسا الأبجكتيفز بتاعتك ما هياش واضحة ولا كوانتيتايف، فانت مش عارف تتشيك على إيه، يعني أتحقق من إيه؟ عشان كده تلاقي إيه الأخبار؟ الدنيا ماشية، وسبحان الله بيقتنعوا، يعني تلاقي مثلا المدير الكبير بيكلم المدير اللي تحته: قولوا الأخبار؟ قول الدنيا ماشية يا باشا؟ الاتنين مبسوطين، هو ولا ده فاهم هو بيسأل على إيه ولا ده فاهم هو بيجاوب على إيه، بس هي الدنيا حلوة، ما فيش كده، ما فيش في الإدارة كده، ما فيش إيه الأخبار الدنيا ماشية؟ دي مش إدارة دي خالص.

فالعنصر اللي لو عاوز أكد عليه وتبقى كلمة، يعني طبعا بيديكا سايكل دي كلمة مفتاحية كبيرة جدا تقرأ فيها، بس الكلمة الخطيرة جدا هي واللي أنا دايما بدوس عليها، الفيدباك أو التغذية الرجعية، دي كلمة هي أخطر كلمة موجودة هنا في التحكم ده، التغذية الرجعية أو الفيدباك. أنت كمدير في مكانك، داعية، بلاش بقى مدير، عندي صفحتي وبدعو إلى الله وما حاول، دايما تجمع تغذية رجعية عن الدنيا ماشية ازاي، من أكثر من حد، من أكثر من طريقة فكر، من أكثر... خصوصا الفئة اللي أنت بتخاطبها، لأن أنت ممكن تجي أنا مثلاً، أنا كاتب منشور بخاطب بيه فئة معينة، اللي هي مثلا في المستوى ده من التدين أو من العلم، ما أروحش أخد فيدباك من فئة قليلة، لأن متوقع هيقولوا إيه؟ احنا ما فهمناش حاجة أصلاً من الكلام المكتوب، متوقع ده، أنا أصلاً مش بخاطب دول، فعاوز تاخد فيدباك، لا، اطلع خد فيدباك من الطبقة اللي فوقيها، عشان كده يعني ممكن بعضكم يلاحظ إيه؟ أن ممكن في التعليقات يتكتب إيه؟ مثلاً إيه؟ أنا مش فاهم.

أي حاجة فأقول له أنا مبسوط إنك هو ده مش عيب، ما هو أنا مش عاوزك أصلاً أنا بالعكس أنا ساعات في بعض المنشورات أنا بصعب اللغة جداً، أنا ببقى عاوز اعمل ده ببقى وبطلصم اللغة يعني اللي هو بحيث اللي مش فاهم أنا عاوزه يفضل مش فاهم، أنا مش عاوز أفتح عينيك على مشاكل ولا عاوز أفتح عينيك على بلاوي حاصلة، وفي نفس الوقت عاوز أخاطب فئة معينة عندها المشاكل والبلاوي دي، فبقعد ده بياخد مني مجهود كبير جداً يعني أطالسم اللغة وأصعب اللغة اللي هو اللي لما يقرأ اللي عارف يفهم واللي مش عارف أنا عاوزه يفضل مش فاهم.

ماجيش بعد كل بقى أروح أخد الفيدباك من مين؟ من اللي أنا مش ما ينفعش المهم يا جماعة الفيدباك ده اعتنوا به جداً جداً، كل ما تجمع تغذية راجعية أكبر كل ما ده هيكون أنجح إن شاء الله في أنك تقف على عيوب نفسك وتقف على مناطق التحسين اللي عندك وتاخد عليها إجراءات تحسن فيما بعد إن شاء الله.

السلام عليكم. عليكم السلام ورحمة الله وبركاته. أهلاً وسهلاً. عين بالخير يا رب. الله يكرمك.

هو ده اللي ما تجاوبش عليه؟ لا دول دول دول يعني ده كمان، ده علشان لعلها المنجية كده إيه، كدة اللي اللي أنت عارفه ده لعلها المنجية ده معناه أن لازم أتعلم وأسمع إزاي أوازن بين وأعمل أنا عايز أتعلم علشان ربنا يهديني وآخد بايد الناس، أعمل إيه أعمل إيه يعني؟ ماشي خلونا إحنا عاوزين الأسئلة اللي ليها علاقة بالموضوع، حضرتك ممكن تقول لي أسمع شرح حضرتك لكتاب بداية ال.

خلوني يا جماعه في الموضوع بس عشان ما فيش أسئلة شخصية، كلها أسئلة شخصية إحنا عاوزين هو حد كاتب كان الملخص كله كاتبه في ورقة فمش عارف، وإزاي تجنب التشتت، البودكاست بتاع التشتت، التحرر من التشتت ممكن تسمعه.

هل في تكمله للدورة؟ ما فيش خطة استكمال يعني الدورة كدة انتهت والمفروض إحنا بس بنغير طريقت تفكير الناس.

إحنا كويس جداً السؤال ده، إحنا بقى يعني مثال عملي على الإدارة، إحنا قلنا الهدف من الدورة إعادة أو قلنا إيه تغيير تفكير الناس نمط التفكير، ما قلتش خالص أن الهدف من الدورة أنك تخرج رجل بهم هم، ما قلتش كدة صح؟ ده أنا أكدت عليه، فأنا يعني أظن بنسبة كبيرة ممكن نكون نجحنا في الهدف بتاع الدورة يعني الهدف الكبير بيطبق عليه سمارت، الهدف الكبير ده إحنا بنسميه استراتيجي جول وده قصة تانية، ده بيتحط مع يعني ده بيتحط مع الفيجن والميشن، يعني قصة كبيرة شوية يعني هي أكبر من أن هو يبقى سمارت أوبجكتف يعني، السمارت أوبجكتف ده ده إيه اللي هو الحاجات الكاسكيد أو البريك داون من المين جول، انما هو لا يعني ده يعني أكبر شويه.

السؤال ده مهم الحقيقة، بس برضه محتاج وقت، فلو حد يفكرني ممكن نحيل على إيه؟ أحياناً يكون هناك وقت للبذل بس بعاني من ضعف الطاقة والهمة، هل هناك علاج لذلك؟ إيه اللي إيه اللي أديناه قبل كده ممكن يتسمع درس أو سلسلة أو حاجه؟ إحنا هتلاقي حاجات كتير يعني بس أنا مش في دماغي حاجه دلوقت.

طبعا هو سؤال مهم وموجود في الساحه بقوة يعني أن تلاقي الداعية أو من اللي هو الكلمة اللي لخصها لخصها سيدنا عمر، أشكو إلى الله عجز الثقة وجلد الفاجر، الإنسان الثقة اللي عنده دين وعنده أمانة، أي على فكرة يا جماعه أي حد شغال حتى في السوق يعني سيبكم من الدعوة المشكلة دي أزلية، اللي هو الراجل اللي أعرف أمنه وبتاع كسلان ومش بتاع شغل، والراجل اللي ينجز شغل حرامي، أنا أعمل إيه دلوقت؟

فإحنا عندنا إشكال كبير في الحته دي، اللي هو عجز الثقة اللي هو أعرف أعملها بس أنا مكسل أعمل، فدي مشكله طبعا كبيرة جداً وموجودة علوه، يعني مش فاكر أن أنا في علو الهمة اتكلمت عن أسباب ده، التحرر من التفاهم، الموبايل وكده، ممكن التحرر من التفاهة جداً، البودكاست بتاع التحرر من التفاهة يتسمع اللي باعت السؤال ده، وأيه تاني؟

هي المدثر برضه، هي المدثر إحنا في كده أنا مش فاكر أيها المدثر، يلا مش هنخسر حاجه لو طلع مفيشوه، ماشي يبقى أسمع التحرر من التفاهة وأسمع أيها المدثر، قم التحرر من التفاهة على فكرة مش هتلاقيه على القناة بتاعت الدعوة، المفروض إحنا بنعملها علشان لعلها المنجية.

المشكلة أنه بحس أن المفروض أسمع حاجات كده مش ده سؤال، أنا عايز فترة أَبني نفسي وأبطل عطاء والله لو إحنا بنعطي فأنا على ثغر، فما ما ما أنصحش بأن احنا نترك الثغور لأن ساعات بتبقى وسوسة شيطان، يعني إيه أنا هسيب حلقات القرآن اللي ماسكاها بقا وأروح أبني نفسي شوية؟ هنبجيلك بعد سنة نقولك أنت عملتي إيه، لا في العطاء ولا في البناء والدنيا خدتك، على الأقل أنت في بيئة إيمانية، أو أنا هسيب الدعوة شوية وأروح أبني نفسي، هنبجيلك بعد شويه لا دعوة ولا دين ولا أي حاجه وخلاص والدنيا خدتك، فيعني يا ابني بقا يا ابني أرجوك، ده الشيطان نفسه زهق منك.

لو أنا داعي لوحدي إيه ممكن يكون هدفي الكبير؟ ما هو أنا ما أعرفش أنت أنت مين وداعي إيه وببتعمل إيه، ما هو الداعي ده ممكن يبقى مثلاً الهدف الاستراتيجي بتاعه أني أؤثر مثلاً في الفئة المؤثرة في نطاق التجمع، أنا بدي أمثلة مثلاً يعني أنا مثلاً هدفي في الخمس سنين الجايين أني أطلع مغير تفكير الفئة المؤثرة في نطاق التجمع، اللي هم المدرسين اللي في المدارس، أنا بدي أمثلة أنا مش بقول أنا كده، المدرسين المدارس الشرعية، الدور، محفظي القرآن اللي في الدور، ومديرين الدور، الدعاة ساكنين مثلاً أو لدعوتهم على الأرض في التجمع، فده ممكن يبقى هدفي هدف لي.

ممكن واحد تاني هدفه مش كده خالص، لا هدفه أن كلمتي توصل لأكبر عدد من الناس بغض النظر هي مؤثرة ولا مش مؤثرة بس توصل لأكبر عدد من الناس، فده هيمشي على خطة غير ده تماماً تماماً، يعني لو خدنا المثالين اللي قلناهم الاثنين هيجيلهم العرض بتاع إيه عندنا 1000 شاب تعال أَديهم درس، الأولاني هيقول لا، ماشي وبعدين الأولاني هيقول لا 1000 واحد، التاني طبعا يسمع كلمة 1000 يقول إيه؟ معاك طبعا راشق بعديها على طول، جه عندنا خمس محفظين قرآن في الدار الفلانية، الأولاني عينه هتلمع، مع أنه في الـ1000 قال إيه؟ قال لا مش هجيء 1000 واحد بس هروح لخمسه مؤثرين، خمسة محفظين قرآن، لأن الخُمسة دول بيتدخل لهم مئات الطلاب هيؤثروا فبعد كده إن شاء الله نلاقي ثمره أكبر بعدين.

فأنت على حسب أنت ده العصر، فأنت على حسب أنت هدف ما أقدرش أقول ما فيش حاجه اسمها أنا أنا داعي لوحدي واديني هدف، ما أعرفش أنت إيه وأمكانياتك إيه و محتاجة قاعدة كبيرة شوية.

هل ممكن حد يبقى بلاك هات وويلو هات في نفس الوقت؟ لو مجنون، دول عكس 180 درجة، البلاك هات ده شخص إيه؟ مش أنت ها، آه البلاك هات ده شخص هو أنت بتشوفه شخص متسائم، خلينا باللفظ العامي كده، بتشوفه متسائم هو مش كده، والويلو هات بتشوفه شخص متفائل، فأنت كأنك بالضبط بتقول لي إيه؟ ينفع في نفس اللحظة يبقى واحد متسائم متفائل؟ هي مش كده، ما تجيش، البلاك هات هو دايما الورست كيس سيناريو هو ده المسيطر عليه، هو دايما شايف المشاكل التحديات، ده البلاك هات، الويلو هات عكس تماماً ده، يعني هنبني مصنع المصنع اتبنى والناس اشتغلت الويلو هات كده يعني هو مش شايف أي، مش شايف بقا أن في أوراق لازم تخلص ومش شايف أن في عربجية هيحطوا إيديهم على هو ما المصنع اتبنى والناس اشتغلت والانتاج طلع واحنا قاعدين في، ده الويلو هات.

البلاك هات بقى شايف كل ده وده بيطغى عليه لدرجة أنه ما بيفرحش يعني في فترة التخطيط وكده ده ما بقاش فرحان أن احنا بنعمل مصنع، فاهمين الفرق بين الاتنين؟ فالسوال غلط يعني ما ينفعش يعني يبقى مع بعض، لكن نقدر ندرب نفسنا نقدر، يعني أنا لو بلاك هات مش هقول أنا ربنا خالقني بلاك هات لا لا أقدر أدرب نفسي أن في وقت أبقى ويلو هات واستمتع مع اللي بيستمتعوا عادي جداً يعني، يعني عادي طالعين مصيف فأنا مستمتع بأن احنا مش طول السكة متوتر العجلة اللي ورا تفرقع، طب ليه يا ابن الحلال طب وأشمعنى اللي ورا؟ يعني هو ده البلاك هات على فكرة يا يعني طول السكة شايل هم هموم هي مش موجودة في الكوكب، ماشي فممكن يدرب نفسه، لا أنا خلاص أنا هستمتع مع الناس ومبسوطين في العربية وكلنا لغاية ما تفرقع ونموت ونخلص، ده ظريف.

أنت عارف ما أقدرش ألقي الحلقة من غير ما أديك واحدة: إزاي بعد الجهد ده كله، إيه فين الجهد ده كله؟ رؤية نفس وإعجاب، ولا أتعلمتوا حاجه خالص؟

بعد الجهد ده كله في الإدارة من تخطيط وتنظيم ووضع هدف، إخلاي قلبي متعلق بالله، ما أنت من أول السؤال ولا أنت من أول سؤال مش متعلق بالله، مش بالنتيجة ولا بالعملية نفسها، أنك ما تشوفش ده كله، إيه ده كله إحنا عملنا حاجة، إحنا هنا بالله ولا بجدعنتنا؟ مين اللي جابنا؟ ربنا.

ولو شاء ربك ما فعلوه، لا كان زمان أنا بدي ولا زمان كنتوا قاعدين، فإحنا كل حاجة فيها من ربنا سبحانه وتعالى، ما نشوفش جهدنا ولا نشوف ما ما نشوفش الحاجات دي خالص، إحنا نسير في الطريق ونرى كل خير من ربنا وكل شر مننا.

يبقي إحنا جينا هنا بالله، أول يوم المايك باظ والدنيا اتبهدلت وقعدنا ساعة مش عارفين ندي حاجة، من عند أنفسنا ويعفو عن كثير، لو هيحاسبنا بذنوبنا كلها كان زمان المبنى أتهد على دماغنا ومتنا كلنا والناس خلصت من شرورنا، مش كده؟ فكله من ربنا سبحانه وتعالى ما نشوفش بقا أعمالنا.

في كتيب اسمه كذا لفلان بيتكلم، دي ممكن نقولها في موضوع الوقت وقله الهمة، ماشي إحنا ما بنقولش ما بنحبش نقول أسماء وحاجات زي كده.

أعمل إيه لو المتربي بتاعي، إيه المتربي بتاعي؟ المربي بتاعي شخصيته مختلفة عني ومش عارفين نتناقش؟ علمه أن في شخصيات أنماط شخصيات ولازم يتعلمها ولازم يعرف إيه، عرفه الحته دي، لما ينزل الدرس ابعت له الحته دي، عرفه يعني ممكن يبقى هو بس محتاج يعرف، وأول ما هيعرف هيتعلم وخلاص ماشي.

طيب نقف هنا، قولي هذا واستغفر الله العظيم لي ولكم سبحانك اللهم وبحمدك نشهد أن لا إله إلا أنت نستغفرك ونتوب إليك، السلام عليكم ورحمة الله وبركاته.