دخولتسجيل الدخول

١- بناء وعطاء

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله، وعلى آله وصحبه ومن والاه. وأشهد أن لا إله إلا الله وحده لا شريك له، وأشهد أن محمدًا عبده ورسوله. اللهم صلِّ على سيدنا محمد النبي، وأزواجه أمهات المؤمنين، وذرياته، وآل بيته، كما صليت على آل إبراهيم إنك حميد مجيد.

أما بعد، الدفعة الثانية من دفعات "أمة"، واسم "أمة" هو من قول الله عز وجل: ﴿إِنَّ إِبْرَاهِيمَ كَانَ أُمَّةً﴾ [النحل: 120]، وأقوال المفسرين في هذه اللفظة المباركة "أمة": أنه كان إمامًا قدوةً جامعًا لخصال الخير. والمفروض أن الحضور الآن كل واحد منكم على صغرٍ، إما في دعوة، إما في تحفيظ قرآن، أو ماسك إدارة مكان كدار أو غيره، فكلنا على ثغور نخدم دين الله عز وجل. فكان مهمًا جدًا أن نتكلم عن صفات هذا الداعية أو هذا المحفظ للقرآن. طبعًا أنا سأتكلم بصيغة المذكر والكلام يشمل الرجال والنساء جميعًا، لنصير "أمة"، ليصير كل واحد منا "أمة"؛ أي إمامًا قدوةً جامعًا لخصال الخير. فمن هنا كان اسم هذه الدورة.

الفئة المستهدفة كما قلنا منذ قليل هي العاملون على الثغور؛ الدعاة، والمحفظون، ورؤساء الدور. هذه هي الفئة المستهدفة. أهداف الدورة: نحن عندنا هدفان كبيران من الدورة؛ الهدف الأول أن نخرج من هذه الدورة وقد تغيرت العقليات، وهذا الهدف الكبير من الدورة، يعني نريد وأنت خارج من دورة "أمة" أن تخرج بعقلية غير العقلية التي دخلت بها. الهدف الثاني هو أن نتكلم في تفاصيل ما ذكرنا. نحن نريدكم أن تكونوا أئمة وقدوة جامعين لخصال الخير.

فالذي جاء الدورة ومتخيل أنه بعد ست لقاءات -فالدورة ثلاثة أيام، ست لقاءات، كل يوم لقاءان- سيخرج "أمة"، فذلك واهم طبعًا، إنما نحن جئنا لنغير العقلية ونرسم طريقًا لمن أراد ذلك، وهذا الهدف الكبير. الهدف الثاني أن نناقش بعض التفاصيل من تفاصيل الطريق ومن تحديات الطريق، ونقول لك: أنت لكي تكون "أمة" لا بد أن تفعل كذا وكذا وكذا. وتفاصيل وأنت تفعل كذا وكذا، سيقابلك تحديات هي كذا وكذا، فكيف نتغلب على تلك التحديات؟ بعد الدورة المطلوب منكم أن تنطلقوا في هذا الطريق بتلك التفاصيل التي رُسمت في هذه الدورة، وأن تبقوا متوقعين وجود بعض تلك التحديات فكيف نتعامل معها. فهذان هما الهدفان لدورة "أمة" إن شاء الله.

الأسئلة الآن ونحن شغالون فطبيعي جدًا، بل ليس طبيعيًا بل هو مطلوب منكم؛ نحن نتعامل مع فئة مفترض أنها باذلة، ومعنى أنك باذل لدين الله عز وجل أنك عندك قدر من التحصيل، قلَّ أو كثر، فهذا القدر يجعلك تملك تساؤلات وتحديات ومناقشات، وهذا متصور بينكم، بل لو لم أجده فستكون هناك مشكلة؛ فنحن هنا لسنا لنمنع ذلك، بل بالعكس، أنت لكي تنطلق يجب أن نجيب عن أي استفسار أو أي شيء يشغل ذهنك في الذي نقوله. فأنا منتظر منكم أسئلة ومنتظر منكم مشاكل تظهر، ومنتظر هذا من الرجال والنساء.

لكي نضبط هذه المسألة، فالسؤال أي حد عنده سؤال وأنا أتكلم سيسجله في ورقة، وبعدين سنترك وقتًا في الآخر للورق الذي سيُجمع هنا ونناقش تلك الأسئلة، وسأعيد ثانيةً: أنا منتظر هذا منكم، ولو لم أجد هذا فستكون هناك مشكلة، أو أن الفئة التي أمامي مستحيل أن نكون متفقين أو أن الجميع فهم كل شيء، فهذا صعب. فعادي، سنناقش أي شيء، ولكن لكي ننظم هذا سنجعل الأسئلة في الآخر في ورق، وصاحب السؤال لو أجبته واحتاج أن يناقشني، فعادي يناقش، لا توجد مشكلة خالص حسب الوقت طبعًا.

الدورة ستمشي كيف؟ عندنا ست لقاءات؛ اللقاء الأول الذي نحن فيه هو لقاء تعريفي بخريطة "أمة"، ثم عندنا خمس لقاءات بعده. لقاؤنا هذا سيكون اسمه "بناء وعطاء"، اللقاء الثاني سيكون اسمه "الناس ثلاثة"، واللقاء الثالث سيكون اسمه "قلب سليم"، واللقاء الرابع اسمه "مدد"، واللقاء الخامس "هذه سبيلي"، والسادس والأخير "ألا ورعى الغنم". هذه هي الست لقاءات لدورة "أمة" التي معنا. الناس كلها جاءت هنا كما قلنا عندهم نوع بذل للدين، والمفاجأة أننا لن نتكلم أصلاً في مسألة البذل إلا في لقاء واحد من الستة، فنحن هنا جئنا لنغير العقلية أصلاً. فالدعاة والمحفظون، هذا كله في محاضرة واحدة في الستة، وهي "هذه سبيلي"، هذه المحاضرة سنتكلم فيها عن العطاء.

فلنبدأ كده إن شاء الله ونرى؛ دورتنا اسمها "أمة"، والمفسرون في قول الله عز وجل ﴿إِنَّ إِبْرَاهِيمَ كَانَ أُمَّةً﴾ قالوا ثلاث حاجات: أنه إمام قدوة، جامع لخصال الخير. فإذا أردنا الرجل "الأمة" فلا بد أن يكون إمامًا قدوةً جامعًا لخصال الخير. وكلمة "جامع لخصال الخير" هي مفتاح دورتنا، ودول مفتاحان من مفاتيح الدورة: بناء وعطاء. واضح من الكلمتين أن البناء بذل للنفس، والعطاء بذل للغير. وكل الموجودين الآن المفروض أن لهم باعًا في العطاء، يقل أو يكثر، المهم أن الناس كلها شغالة في العطاء.

لو هذا عمرك التديني، هل المتصور أو الذي نريده أن يكون هناك مدة أنت مشغول فيها بالبناء، وبعد ما تخلص هذه المدة تبتدي تشتغل عطاء؟ التصور هذا خاطئ، وليس هذا الذي نريده ولا الذي جئنا لنتكلم عنه خالص، أي أننا سنقعد مثلًا سنتين أو ثلاث أو خمس سنوات بناءً بلا عطاء، فالتصور هذا تصور خاطئ.

ما التصور الذي نريد أن نتكلم عنه؟ لو قلنا هذه نقطة التدين الخاصة بك، وهذا عمرك التديني، وهذه نقطة الصفر؛ أي أنك تبتَّ هنا، وهذه المدة المبذولة للدين، ولنضع رقمًا، ولنفترض أنك في الأسبوع تبذل لدين الله عز وجل 20 ساعة. قلنا إن التصور الخاطئ هو أن 100% من طاقاتنا ومواردنا في الأول تكون ذاهبة ناحية البناء؛ هذا تصور خاطئ من حيث الشرع ومن حيث العقل. من حيث الشرع؛ لأن التصور الذهني في عقولنا عندما أقول "عطاء" هو أن واحدًا يعطي درسًا، لا، الأمر بالمعروف عطاء، النهي عن المنكر عطاء، أن تذهب لأخيك في بيته وتقول له: "تعال نصلي" هذا عطاء.

فصور العطاء مطلوبة من أول يوم تدين، بل مطلوبة من قبل أن تتدين أصلاً، قال الله عز وجل: ﴿كَانُوا لَا يَتَنَاهَوْنَ عَن مُّنكَرٍ فَعَلُوهُ﴾ [المائدة: 79]، وعلماء التفسير قالوا: ينبغي على شارب الكؤوس أن يتناهوا فيما بينهم. فعندنا أنواع عطاءات مطلوبة ليس من أول يوم تدين، بل حتى والإنسان عنده نوع فسق أو فجور، فهو مطالب بنوع من العطاء. فعشان كده فكرة أن العطاء صفر في الأول شرعًا غير مقبولة.

نحن قلنا 20 ساعة في الأسبوع، لا أقول إنها 20، أنا أقول رقمًا لنفهم. فلو كان منحنى البناء 18 ساعة أسبوعيًا، فنحن نتخيل أن منحنى العطاء هنا سيكون رقم 2؛ لكي عندما تجمع هذا على هذا يعطيك الـ 20 ساعة التي وضعتها للدين. هذا هو المتصور، وسنرى هذين الاثنين ما نقصد بهما؛ ليس أنك ستبقى في الدعوة فقط، سنرى هذا. وبعد مدة من عمرك التديني هذا سيبتدي -بفرض أننا ثبتنا الـ 20 ساعة- المنحنى هذا ينزل قليلًا، والمنحنى هذا يطلع قليلًا لغاية ما يثبت الاثنان مدة. المهم هذا هو التصور الأقرب لما نتكلم عنه؛ أنك من أول يوم تدين عندك نسبة كبيرة في البناء ونسبة صغيرة جدًا في العطاء، وستستمر هكذا فترة، والكلام هذا كله سنناقشه إن شاء الله، وبعد فترة سنقول لك منحناك العطائي سيطلع، ويبتدي منحنى البناء ينزل؛ لأن مواردك الوقتية هي هذه، فيبتدي هذا يطلع لحساب المنحنى الثاني، وسنرى الكلام هذا إن شاء الله.

لكي تكون "أمة" لا بد أن تكون جامعًا لخصال الخير، خصال الخير فيها بناءات وفيها عطاءات. أهم بناءات عندنا محتاجينها -وأؤكد أن هذا ليس كل البناءات- نحتاج بناءً علميًا، وبناءً تربويًا أو تزكويًا، وبناءً تعبديًا. هل عندنا بناءات ثانية؟ نعم، ومذكورة في القرآن، عندنا بناء نفسي مثلًا، لكن الدورة هنا لن نتكلم عن البناء النفسي خالص. عندنا بناء فكري، وبرضه الدورة هنا لن نتكلم عن البناء الفكري.

البناء النفسي يعني أن الداعية إلى الله يحتاج قوة نفسية لمواجهة أمور ستقابله، ومعنى القوة النفسية مذكور في القرآن، قال الله عز وجل مخاطبًا نبيه صلى الله عليه وسلم سيد الدعاة: ﴿فَلَعَلَّكَ بَاخِعٌ نَّفْسَكَ عَلَىٰ آثَارِهِمْ إِن لَّمْ يُؤْمِنُوا بِهَٰذَا الْحَدِيثِ أَسَفًا﴾ [الكهف: 6]. باخع يعني قاتل نفسك، والنبي عليه الصلاة والسلام كان يحزن، وربنا نهاه عن الحزن، وهذا كله بناء نفسي. ﴿وَإِن كَانَ كَبُرَ عَلَيْكَ إِعْرَاضُهُمْ﴾ [الأنعام: 35]، ﴿لَا يَحْزُنكَ الَّذِينَ يُسَارِعُونَ فِي الْكُفْرِ﴾ [آل عمران: 176]، آيات كثيرة جدًا في البناء النفسي، وخلي بالكم نحن نتكلم في بناء نفسي يصيب الداعية للدعوة؛ فأنا أدعو إلى الله فلا أجد قبولًا للدعوة، فأصاب بشيء نفسي، فنحن محتاجون أن نُبنى نفسيًا لأنك ستواجه هذا شئت أم أبيت، وهذا حدث لأشرف الخلق صلى الله عليه وسلم.

وبناء فكري، من أهم البنايات الفكرية النظم الحديثة التي نعيش فيها، فعندما تكون في نظام رأسمالي مثلًا، فإلى أي مدى أنت أيها الداعية مصاب بالرأسمالية في دعوتك؟ أنا لا أتكلم عن شيء آخر في شركتك أو مصنعك، بل في دعوتك؛ إلى أي مدى أنت مصاب بلوثة الرأسمالية؟ العلمانية، إلى أي مدى أنت مصاب بالعلمانية في دعوتك؟ وأنا أعي ما أقول؛ دعوتك قد تكون دعوة علمانية، فإذا أنت لست متربيًا فكريًا فأنت ممكن أن تكون واقعًا في هذا. فإذًا، نحن سنتكلم عن ثلاث بناءات رئيسية: بناء علمي، وبناء تربوي، وبناء تعبدي. وفي العطاء سنتكلم عن حاجتين إن شاء الله: الدعوة، والدعوة هذه سيدخل فيها الدعوة إلى الله، وتحفيظ القرآن؛ لأن الناس الذين يجلسون أمامنا يا دعاة يا سيبتدون طريق الدعوة يا محفظو قرآن.

تحدثنا عن الدعوة، وتحفيظ القرآن، وإدارة الدعوة. هؤلاء هم الست لقاءات الخاصة بنا: اللقاء الأول هو اللقاء التعريفي، واللقاء الثاني: الناس ثلاثة، وهو مخصوص بالبناء العلمي. اللقاء الثالث: قلب سليم، وهو مخصوص بالبناء التربوي أو التزكوي. اللقاء الرابع: مدد، وهو مخصوص بالبناء التعبدي. اللقاء الخامس: هذه سبيلي، ونتحدث فيه عن الدعوة إلى الله. اللقاء السادس والأخير: الراعي والغنم، وهو مخصوص بإدارة الدعوة.

هذه هي اللقاءات الستة، البناء التربوي والتزكوي قد يندرج تحته البناء التعبدي، لكننا أفردناه لأهميته. في البناء التربوي والتزكوي عندنا مساران: مسار قلب ومسار جوارح. كل داعية أو مسؤول عن دار تحفيظ يجب أن يعلم هذه الخريطة ليعرف مكانه منها. مسار القلب فيه تخلية وتحلية، ومسار الجوارح فيه آداب وأخلاق. نحن في هذه الدورة لن نتحدث عن مسار الجوارح، ولا عن البناء الفكري أو النفسي، فهذه أمور مهمة لكنها خارج نطاق دورتنا.

يجب أن تكون قدوة، فالناس ترمقك وتنظر إليك، فإذا كنت داعية يجب أن تكون متلبساً بالآداب والأخلاق؛ لأن الخطاب موجه إليك بصورة أقوى، والناس تقلدك وتنتقدك إذا خالفت تلك الآداب. لا نقصد هنا مجرد العلم بالآداب، بل التلبس بها. أما مسار القلب ففيه تخلية، أي التنزه عن آفات القلوب كالعجب وحب الظهور، وتحلية، أي الاتصاف بصفات قلبية يحتاجها الداعية كالتوكل على الله عز وجل، والافتقار إليه، والتبرؤ من الحول والقوة.

ذكرنا أن معظم الموارد تنفق في البناء في أول عمرك التديني. الموارد هي: الوقت، العمر، المال، الصحة، والذهن. هذه كلمات مفتاحية يجب أن تستوعبها. نحن نطلب إنفاق معظم الموارد في البناء لأن الناتج هو العطاء. هذا مطلب شرعي ومطلب عقلي؛ فالطبيب مثلاً لا يُؤتمن على حياة الناس إلا إذا أنفق معظم موارده في البناء والتعلم في بداية مشواره.

استسهال فتح الكاميرات والحديث عن دين الله دون تأهيل علمي هو بلاء، وقد يغتر الواحد منهم بكثرة المشاهدات والمتابعات. العقلاء يرفضون أن يقوم طالب طب في مرحلة مبكرة بالتشخيص، فكيف نرضى بذلك في دين الله؟ الشرع أيضاً دل على هذا الترتيب، ففي القرآن: ﴿اقْرَأْ بِاسْمِ رَبِّكَ الَّذِي خَلَقَ﴾ [العلق: 1]، و﴿يَا أَيُّهَا الْمُزَّمِّلُ * قُمِ اللَّيْلَ إِلَّا قَلِيلًا﴾ [المزمل: 1-2]، جاءت قبل ﴿يَا أَيُّهَا الْمُدَّثِّرُ * قُمْ فَأَنْذِرْ﴾ [المدثر: 1-2]. كما بوب البخاري: باب العلم قبل القول والعمل.

هل هذا حاصل في الساحة الدعوية اليوم؟ الواقع يثبت خلاف ذلك. سعادة المرء بكمال القوتين: العلمية والعملية، وأي قصور في إحداهما يؤدي إلى خلل. فالقصور في القوة العلمية يعني أن الداعية قد يفتح الكاميرا ويتصدر دون أن يدرك مفهوم البناء، أو أنه يدرك الفكرة العامة لكنه يفتقد التصور التفصيلي، فلا يعرف الحد الأدنى من البناء المطلوب ولا كيفية تنفيذه.

من أكبر أسباب هذا الخلل هو انعدام تبني الكيانات الدعوية -سواء كانت دوراً للقرآن أو هيئات- لهذه الفكرة، أو غياب خطة واضحة لديهم للبناء. فالمسؤولون أو القائمون على هذه الدور قد يملكون التصور الكلي نظرياً، لكنهم يفتقرون إلى الآليات والخطط التطبيقية لتربية وتأهيل أفرادهم.

لو جيت وجهت هذا السؤال أو كنت شخصاً لا تنتمي لكيان ولا تروح داراً، لكنك تبذل لدين الله عز وجل؛ فالمفروض يبقى كل واحد من اللي أنا بقولهم دول عنده تصور. لو جيت قلت: أنت بتعمل إيه للناس اللي تحتك؟ إيه هي الخطة البنائية للناس اللي تحتك؟ فلو أنت ماسك دار أو أنت ماسكة دار أو موجود في كيان دعوي وتحتك ناس وما عندكش خطة تفصيلية للبناء، فأنت مضيع للأمانة. أنا كلامي واضح: أنت مضيع للأمانة. ليه بقى إحنا مضيعين للأمانة يا جماعة؟ علشان لو تفتكروا كان في حاجة هنا كده اتمسحت، حد فاكر كان هنا مكتوب إيه؟ جميل قوي، قلنا لكم لازم نبني بناءً فكرياً، وساعتها قلت لأن إحنا عندنا ممكن تبقى واحد دعوته دعوة رأسمالية، هو مصاب بالرأسمالية في الدعوة، فاكرين الكلام ده؟

تعالوا بقى ناخد المثال ده، وقت المثال ده بقى إن هو صاحب الكيان أو صاحب الدار أو القائم على الدار أو القائم على الدعوة، هو بيبقى عنده هدف. إحنا في الإدارة بنسميه إيه؟ بيحط غير التارجت، يعني بيحط حاجة اسمها إيه؟ "كي بي آي" بيحاسب عليها الناس، ماشي؟ اللي هو بالعربي إيه بقى دي؟ مؤشر أداء، ماشي جميل، مؤشر أداء، سيبكم من "كي بي آي"، عنده مؤشرات أداء بيحاسب عليها الناس. فبتلاقي مؤشرات الأداء بتاعة الدور؛ دار تحفيظ قرآن أو كيان دعوي، أول ما تلاقيه رايح في حتة العدد، يعني الـ "كي بي آي" بتاعنا العدد، أنت بتجيب لي كام واحد؟ كام رأس؟ اعرف على طول إن إحنا عندنا اللوثة، إحنا مصابين بقى باللوثة دي؛ لوثة الرأسمالية وما عندناش تصور شرعي للمسألة دي. مسألة إن العدد ما هواش مؤشر الأداء الأوحد ولا المقدم له، ولا المقدم كمان. يعني هو ما نقدرش نقول هو مش مؤشر أداء، إحنا محتاجين الناس تهتدي، هي الدعوة إيه وظيفتها؟ إن إحنا ناس ربنا يهدي الناس، فربنا يهدي بـ 100 أحسن ما ربنا يهدي بواحد، مفهومة طبعاً، إنما لا هو مؤشر قياس أوحد (يعني ما فيش غيره) ولا هو المقدم.

بل هنجد إن القرآن مثلاً لو اتكلمنا على مؤشر الأداء ده، لما اتكلم عن فكرة الكثرة اللي هو ممكن تبقى الكيانات بتسعى لها؛ أنا ليه بركز قوي على كلمة كيانات؟ لأنه الخلل في كيان بيكون خلل في عدة أفراد؛ يعني خلل في الفرد وفي الآخر فرد، إنما لما يكون الخلل في كيان، سمي الكيان ده بقى دار تحفيظ قرآن فيها محفظين ومحفظات، سميه كيان دعوة فيه دعاة إلى الله على مستويات متعددة، يعني سميه زي ما تسميه، فالخلل في الكيان بيكون خلل في منظور منظومة كاملة في عدة أفراد، وخلل مستمر باستمرار الكيان؛ يعني لو فيه خلل في فرد هيموت ويريح، إنما لو بقى الخلل في كيان قائم، والفكر بيورث، فتلاقي الخلل ده بيتوارثه الناس جيل بعد جيل، واضح؟

فهتلاقوا فكرة الكثرة دي في القرآن ما هياش شيء يشغل قوي، بل خلوني بقى أقول لك، ولا حتى هو مؤشر أداء. يعني إيه ولا هو مؤشر أداء؟ بحيث إنك لو جيت قلت: والله أنا ما جبتش غير واحد، نقول لك أنت فاشل؟ عندنا نص في الشرع يقول ده، ﴿يَأْتِي النَّبِيُّ يَوْمَ الْقِيَامَةِ وَمَعَهُ الرَّهْطُ، وَيَأْتِي النَّبِيُّ وَمَعَهُ الرَّجُلَانِ، وَيَأْتِي النَّبِيُّ وَمَعَهُ الرَّجُلُ، وَيَأْتِي النَّبِيُّ وَلَيْسَ مَعَهُ أَحَدٌ﴾. فبمؤشر الأداء ده اللي إحنا حاطينه ككيان، وأنا مش هينفع أقولها، بس يعني لو واحد جه في هذا الكيان وقال: والله أنا دعوت ولم يستجب، أنا ما جبتش حد، فإنت كده فاشل! فهل ده يقال على هذا النبي الذي يأتي يوم القيامة وليس معه أحد؟ فده مؤشر أداء محتاجين إعادة النظر فيه ككيانات، محتاجين إعادة النظر فيه. طيب يعني نعمل إيه دلوقتي؟ أنا معلش، أنا ممكن يكون الكلام بعضنا مالوش فايدة قوي ليه، بس أنا عارف إن في ناس قاعدة ومفيد ليها. خلاص، محتاجين نفكك مؤشر زي ده؛ يعني إحنا لو ده مؤشر أداء مثلاً، فإحنا محتاجين نفككه لمؤشرات أصغر من ده، والاسم ده أنا -بصراحة- في إدارة الكيانات لا يُذكر أصلاً فكرة أنت جبت كام واحد؟ معاك كام رأس؟ دي ما تتقالش أصلاً. لكن نقدر نفككها لمؤشرات أداء أصغر منها، ماشي؟ يعني إيه؟ زي مهام أنت حاطتها للراجل إنه يعملها، مهام محددة. أنت عليك مثلاً، أنت في مقرأة مثلاً، هتمسكها في الجامعة ولا في المنطقة، أياً كان، خلاص هو قعد ومسك المقرأة، طيب عاوز تخلي فيه مؤشر الأداء داخل المقرأة، مثلاً في إتقانه للقرآن، في أي شيء، يعني كده، خلاص؛ كم واحد بقى جه ما شاغلنا، كم واحد جه مش بتاعتنا، ﴿لَّيْسَ عَلَيْكَ هُدَاهُمْ﴾.

طيب إذا إحنا ركزنا ككيانات على المؤشر ده، أول السقوط، السقوط يعني إيه؟ يعني سقوط الكيان، يعني الكيان هيصغر؟ لا ممكن يكبر ويبقى بالملايين كمان، لكن هو بدأ السقوط شرعياً. خلاص، هيبتدي يتغاضى عن حاجات كتير جداً في سبيل تحقيق هذا المؤشر، خلاص؛ يعني إيه؟ هيبتدي يتغاضى، ممكن مش رأس الكيان بيتغاضى، لكن الأتباع بيتغاضوا، ليه؟ لأن هم شايفين هو ده؛ لما فلان جاب 10 ولا 20 ولا 30 بقوا الألفا، إنت غصب عنك كواحدة بقيت ماسكة دار أو كواحد ماسك دار أو واحد ماسك كيان دعوي أو كذا، إنت خلاص رسخت في نفوس الأتباع إنك تجيب لي ناس مهما بقى كانت الطريقة إيه، ومهما كان الناس دي شكلها إيه، ومهما كانت الخطة معاهم عاملة إزاي، فده لا يصلح الحقيقة إنه يكون مؤشر أداء ظاهر كده، زائد إنه بيصطدم مع نصوص شرعية صريحة.

فأنا بالفكر دلوقتي -لكن هي دي حتة جت كده عشان بس نفهم إحنا إيه اللي جابنا الحتة دي- إننا قلنا إن إيه المعوقات؟ لما كلنا متفقين لازم بناء، فليه ما بنبنيش نفسنا؟ فقلنا عندنا قصور في القوة العلمية، وأدينا أمثلة قصور، فكان منها إننا متبعين لكيانات هي أصلاً لا تتبنى فكرة البناء، فإنا قعدت 100 سنة في الدار ما سمعتش كلمة إنك يا معلم القرآن لا بد أن تبني نفسك، فضلاً عن أن يبقى الدار أو الكيان الدعوي هو اللي يعمل الخطة لبناء أتباعه. ما فيش يا جماعة، إحنا هنيجي نتكلم إن شاء الله في الإدارة في آخر محاضرة، إنك لازم تستثمر في هؤلاء الأتباع، لأن دول بيعتبروهم في الإدارة "أصول"، أصول يعني الناس بتاعتك دي أصول، أسس للكيان اللي إنت فيه، فلازم تستثمر في تلك الأصول. فيبقى دار تحفيظ القرآن زي ما هي عاوزة تبقى أشهر دار، وأكتر دار عندها حلقات، وأكتر دار اسمها بيتكرر؛ هي عندها خطة لبناء المحفظين وبناء المحفظات، بنائهم إيه؟ مش هنقعد نتشعب، عندنا ثلاث أنواع بناء أهي مكتوبة: عندنا خطة للبناء العلمي، وخطة للبناء التربوي أو التزكوي، وخطة للبناء التعبدي. ليه؟ لما ندخل بقى في كل محاضرة من دول هنفهم ليه؛ يعني هنتخيل كده محفظ القرآن ولا الداعية إلى الله من غير بناء علمي، ده هيبقى شكله عامل إزاي؟ هنحطه قدامنا كده على الترابيزة ونتفرج عليه وهو بيدعو إلى الله من غير علم، أو داخل حلقة القرآن من غير، هنشوفه، هنتفرج عليها، هيبقى عامل إزاي في الحلقة ولا في الدرس ولا في الكلمة اللي طالعها؟ وقول مثل ذلك في الداعية أو المحفظ أو كذا الخالي من البناء التربوي، وقل مثل ذلك في المعلم أو الداعي الخالي من البناء التعبدي، فده مهم جداً.

طيب، عندنا ممكن يبقى القصور مش في القوى العلمية، يعني لا والله، الحمد لله أنا عارف كويس جداً إن لازم بناء، بناء قبل العطاء، على صورة المفروض تفصل، يعني إزاي رسمنا زي منحنى كدا، المنحنى ده مش منحنى نهائي، يعني أنا كنت بديكم تصور بس مبدئي، إيه الفكرة بتاعة البناء والعطاء لكن هنناقشه إن شاء الله. فأنا عندي لا، عندي فاهم كويس جداً إنه المفروض بناء وعندي الخريطة وعندي الخطة، يا إما هي محطوطة لي من حد باثق في علمه ودينه، أو خدت خطة من على النت لحد، لكيان موجود، أياً كان، فأنا عندي الخطة تفصيلية، طب يلا امشي، ما بيمشيش! هنا القصور في العلم ولا في العمل؟ في القوى العملية.

إحنا يا جماعة كمال المرء زي ما قلنا، قال ابن القيم في تمام القوتين: كمال القوة العلمية والعملية، لأن إنت ممكن تبقى عارف بس ما بتعملش، ﴿وَجَحَدُوا بِهَا﴾، يعني هم مستيقنون لكن عملوا ما عملوش حاجة، وعشان كده كان في الدعاء إيه: اللهم أرني الحق حقاً واتبعني إياه، يعني كان عندنا، إحنا محتاجين حاجتين؛ أول حاجة إن "أرى الحق حقاً" دي قوة علمية، و"أرزقني اتباعه" دي قوة عملية، فإحنا محتاجين الاثنين، لأن في ناس بترى الحق حقاً وما لا تتبع، وعشان كده كان وجوباً 17 مرة في اليوم والليلة إنك تقول: ﴿اهْدِنَا الصِّرَاطَ الْمُسْتَقِيمَ * صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ﴾ دول اللي فقدوا القوة العملية، دول عندهم قوة علمية (اليهود)، ﴿وَلَا الضَّالِّينَ﴾ دول فاقدين القوة العلمية، وطبعاً الضال هو فقد العلمية وفقد العملية، لكن هي خلل بالأساس في القوة العلمية، فشوف إنت كل صلاة تستعيذ بالله من الخلل في القوتين جميعاً؛ خلل في القوة العلمية وخلل في القوة العملية، واضح؟

فإحنا خلاص، طب حصلنا القوة العلمية، ويلا بقى امشي على الخطة، يلا تعلم، يلا تربى، يلا تعبد، قاعد مكانك ليه؟ أسباب برضه من أهمها (يعني الأسباب دي أنا مجمعها كده من الاستقراء الواقع)، فإحنا برضه ممكن اللي شايف أسباب يقولها، لكن من أهم الأسباب إنه لذة العطاء؛ إحنا قلنا في بناء وعطاء، العطاء له لذة، فالنفس تنشط له، ليه للذة؟ لأنه في هوى نفس في العطاء، في حظ للنفس. لو قلنا يعني أخطر أربع أبواب كبيرة مهم جداً للداعية والمحفظ وغيره إنه ينتبه ليهم، دول أخطر أربع حاجات، ويعني اللي علينا ممكن نعرج عليهم بعد كده في البناء التربوي: الشهوة -والشهوة يعني أقصد النساء وغيرهم وغيرهم- دي برضه هنجيلها، بس أقصد بالشهوة يعني الحتة دي، يعني شهوة المرأة للرجل وشهوة الرجل للمرأة، والمال، والشهرة، والرئاسة. دول أخطر أربع أبواب مهلكة في العطاء وهنتكلم عليهم إن شاء الله بعدين. ماشي، ليه كتبتهم دلوقتي طالما هنتكلم عليهم بعدين؟ لأن دول من الحاجات اللي بيأثروا على القوة العملية في البناء.

تقول لي: والله مش ده عطاء؟ نقول لك: أيوه، ما هو إنت دلوقتي عندك مورد، اللي هو الوقت بتاع الـ 20 ساعة اللي قلناهم دول، وهنفصل معاكم فيهم إن شاء الله بعد كده؛ فإما هقعد أبني نفسي علمياً أو فكرياً أو نفسياً أو تعبدياً أو تزكوياً، أو أروح أفتح لايف أو أعمل "شورت" أو أعمل "ريل"، أو أنزل من الدار دي للدار دي للدار دي، وكل خلاص مواردي منفقها في هذه! إيه اللي بيخليك تعمل كده؟ إن العطاء له لذة، إحنا بنربط الكلام، بنرجع تاني: العطاء له لذة، هوى النفس، شهوة النفس اللي هي إيه حاجات كتير؛ أهم أربع أبواب مضيعة الناس هم الأربعة اللي قدامكم دول، خلاص وهنتكلم عن تفاصيل فيها بعدين إن شاء الله، لكن عاوزين بس نشير إلى إن الشهرة غير الرئاسة، يعني إيه الشهرة غير رئاسة؟ يعني ممكن واحد يبقى شهوته في إنه يبقى مشهور، واحد تاني هو مش شهوته الشهرة بس، "المشاهير دول كلهم بيرجعوا لي في الآخر وبيصدروا عن أمري"، هو شهوته في الرئاسة مش في الشهرة، فالشهرة حاجة والرئاسة حاجة تانية، حب الرئاسة حاجة تانية، حب الرئاسة دي خطيرة جداً، ويمكن ناس كتير ما تنتبه لهاش، وقالوا إن ده آخر حاجة تخرج من رؤوس الصالحين، يعني الناس الصالحة يفضلوا إيه عندهم شهوات، ويتخلصوا من الشهوات واحدة واحدة، وتفضل حب الرئاسة آخر حاجة. فدول أخطر أربع أبواب، فإيه اللي بيخلي الناس بقى تبذل في العطاء؟ عشان واحدة من الأربعة دول غالباً.

ماشي، طيب، فلما يروح للعطاء دمر البناء، وهنا إشكاله في القوة العملية، مش قوة علمية بقى، هو عارف إنه المفروض يبني نفسه بس ما بيبنيش نفسه، يعني هو خلاص جه وقعد وأقر: وأنا المفروض أتعلم صح، يلا أتعلم؛ يجي يتعلم يلاقي ما فيش شهرة، بيبعد عن الأضواء، يلاقي ما فيش بقى أي حاجة من الأربعة، مش لازم نقعد نعيد ونزيد، ماشي، طيب، منها إنه ضعف الهمة، ضعف الهمة هنا يعني هو ممكن يبقى لا باذل هنا ولا باذل هنا. خلاص، ده تصور برضه موجود إنه هو همته ضعيفة، فلو هو مثلاً عنده 20 ساعة فاضيين في الأسبوع، نيجي نبص عليه نلاقيه هو بذله للدين ساعتين، يعني مش هو مثلاً طغى عليه حب العطاء لمعنى غير شرعي زي اللي إحنا كاتبينه ده، لا، هو لا بيبني ولا بيعطي، فبقى الوقت قليل عنده اللي هو بدل ما هو عنده 20 ساعة يقدر يبذل فيهم هو بيبذل في ساعتين، ودي مشكلة تانية يا جماعة.

خلاص، ضعف الهمة، منها فقد الموجه.

أنا خلاص عارف الخطة الحمد لله، لكن محتاج اللي إحنا بنسميه في الإدارة "المنتور". المنتور ده بياخد بإيدي، يجي واحدة واحدة كده علشان يعدي بي العقبات الموجودة في الطريق، علشان لما يحصل لي مشكلة أرجع له. أنا ما عنديش ده، ما أعرفش موجه بالعربي بتاعي صح ولا إيش اسمه؟

ماشي، نمشيها متابع. مرشد، ماشي، دونال ده غير المربي. الموجه ده غير المربي، لا، يعني هو ممكن الأدوار تتداخل، هو ممكن يكون في جزء تربية، لكن المربي في الغالب لما بنقولها بيبقى شيء أكبر شوية من كده، يعني في صف الأذهان لـ "شيخ"، الشيخ مربي. المنتور أو اللي هو موجه أو مرشد أو زي ما أنتم قلتوا، ده حد أصغر شوية، يعني هو محتاجينه في تفاصيل الطريق. الشيخ مش لازم يبقى فاضي إنه يقعد معاك في كل تفصيلة، لا، فهو في واحد سابقك بخطوتين ثلاثة، فأنت محتاجه في التفاصيل دي.

طيب، ده دلوقتي يا جماعة ليه محتاجينه؟ في القوة، إحنا بنقول ده بيبقى خلل في القوة العملية؛ ليه؟ لأن أنت ممكن تحيد لمجرد إن أنت كنت محتاج هنا حد يزقك، فأنت محتاج هذا الموجه في طريقك.

من الأمور اللي برضه بتؤثر على القوة العملية: صعوبة الرجوع إلى البناء بعد ما تقطع شوط العطاء. بيكون ثقيل على الناس شوية، ليه؟ لأن إحنا قلنا العطاء له شهوة، له حظ، حفظ نفس. فحضرتك بقيت الفلان المشهور، المشهور ده بقى، يعني كلهم بيحسب، ممكن واحد مشهور على السوشيال ميديا منين ما يروح الناس عارفاه، ممكن واحد مشهور في الدور، يعني هو مش عشان ما حدش يعرفه، لكن هي مثلاً مشهورة إنها أحسن محافظة في الدور في التجمع مثلاً، أو أحسن واحدة لما بتيجوا عاوزين واحدة تدي دورة مثلاً في التجويد، ولا دورة في العقيدة، ولا دورة في الفقه، ولا هي أحسن أول اسم يتجاب في الدور في التجمع، مضلية نصر وما حولها مثلاً. فنيجي نقول لها: لا تعالي اقعدي اتعلمي، ده أنتِ فايتك حاجة، تبقى كبيرة عليها شوية إن هي تيجي تقعد وتسمع حد غيرها.

فبعد ما بقيت زي ما قلنا واحد مشهور على السوشيال ميديا، تقعد تقول لي: المشهور ده تعال يا مشهور اقعد اسمع غيرك، تبقى تقيلة على نفسها، أو يرجع يحسبها باللي كان مكتوب هنا كده: أنت كم "فولور"؟ أنت اللي هتقعد تديني كلام؟ أكيد ما قلت لكم إحنا في ناس مننا دعوتهم رأس مالية أصلاً، دعوتهم كده وهو مش عارف. فهو يقول له: تعال اقعد اسمع لواحد ما عمره ما سمع عنه، فهو بالضبط عشان ندي المثال الشرعي نسقطه على الحياة دلوقتي، اللي هو النبي، هو القيام معه واحد ومعه اثنين وما معهوش حد، عارفين؟ ده إسقاطها الآن: أن هذا النبي لو هو عايش معانا دلوقتي، عمل صفحة على الفيسبوك أو على الإنستغرام أو أي حاجة، فضل يدعو عشرين سنة عنده "فولور" واحد. ده الإسقاط ليها دلوقتي، تدخل على صفحات تلاقي "فولور" واحد.

تخيل بقى إحنا بنقول لحضرتك: تعال اقعد اسمع اللي عنده "فولور" واحد، هتفكر فيها إزاي؟ لو بتفكر تفكير شرعي، هتشوف إن ده سابق عنده علم، المهم، فتقعد تسمع، أول ما تلاقي تفكيرك بقى راح لحتة: إيه ده؟ مين ده؟ مين ده اللي أقعد له؟ لا، لازم يبقى عنده أكتر مني عشان أبتدي خطابي. أنا أعرف على طول إن أنت واحد رأسمالي، واحد علماني، لأن ده مش دين، ده مش دين.

فده يؤدي إلى خلل في القوة العملية؛ هو أنت عارف، خلي بالك، وأنت عارف إن أنا عندي قصور في الحتة الفلانية، لكن لما اتقال لي: يلا تعالى اقعد، بنقول: لا. ضعف همة ولا أن مش أي حاجة نقولها عشان ما نعتش، اللي منعني إيه؟ إن أنا قاطع شوط في العطاء، لا، ففي حاجة هنا معينة من أن أرجع أبني نفسي تاني منها.

ومنه برضه، وحاجات خطيرة جداً بتؤثر على القوة العملية: فقد الصُّحبة. الصاحب ده يا جماعة غير المنتور، غير المرشد، غير الموجه؛ الصاحب ده اللي هو زيك بقى. «الْيَدَ مَعَ الْجَمَاعَةِ، وَإِنَّمَا يَأْكُلُ الذِّئْبُ مِنَ الْغَنَمِ الْقَاصِيَةِ». ففأنت محتاج في طريقك لكل دول، محتاج الشيخ المربي، ومحتاج الموجه أو المرشد اللي هو المنتور، ومحتاج الصاحب اللي هو زيك، اللي هو وأنت رايح المقرأة فهو زيك بيروح المقرأة، زيك بيتعلم، زيك. المرشد أو الموجه ده لا، ده اللي قاعد بيديكم المقرأة، والشيخ المربي لا، ده شيخ بقى، الموجه بتاعكم ده هو الراجل الكبير اللي أنت ممكن تشوفه كل أسبوعين ثلاثة تحضر له درس. أنت محتاج كل دول في طريقك، وعدم أي واحد من هؤلاء يؤثر على القوة العملية، يضعف سيرك إلى الله.

وكل ده له أدلة شرعية، وكان المفروض نقول حتى شوية بس ما فيش وقت، خلاص، خلونا ناخد أسئلتكم على المحاضرة الأولى اللي حاولنا نبين إننا ما كروتناهاش؛ الفرق بين البناء التزكاوي والتربوي، والبناء النفسي، البناء النفسي بره المنهج فمالوش لازمة.

الأسئلة: كيف تحديد المنهج السليم وسط الاختلاف الحالي؟ الاختلاف ما إحنا اتفقنا عليه، في أكثر من قدوة وفي أكثر من إمام، مين الصح وأي طريق؟ إزاي نحدد الطريق الصح؟ أول حاجة: الافتقار إلى الله عز وجل، وفي قيام الليل: «اللَّهُمَّ رَبَّ جِبْرَائِيلَ وَمِيكَائِيلَ وَإِسْرَافِيلَ، اهْدِنِي لِمَا اخْتُلِفَ فِيهِ مِنَ الْحَقِّ بِإِذْنِكَ». فالدعاء اللي إحنا بنطلع بنيجي نقيم الليل نستفتح بيه ديباجة كده، لا، ده إحنا نستحضر ذلك المعنى: يا رب، أنا فلان، يا رب اهدني لما اختلف فيه من الحق بإذنك.

لماذا جبريل وميكائيل وإسرافيل؟ لماذا هؤلاء الثلاثة؟ لأنهم الثلاثة الموكلون بالحياة. فعندك ميكائيل موكل بالآية، بالقطر، بالماء، والماء هو حياة الدنيا. وعندك إسرافيل موكل بالنفخ في الصور، حياة الآخرة. وعندك جبريل موكل بالوحي، وهو حياة القلب؛ فالثلاثة هم الموكلون بالحياة.

اللهم رب جبرائيل وميكائيل وإسرافيل، وبعد ذلك تدعو ربنا وتقول له: اهدني لما اختلف فيه من الحق بإذنك، فأنت محتاج لافتقار لربنا سبحانه وتعالى أن يهديك، ولما تفتقر فإن الله يهديك.

ربما يكون السؤال محتاج درس، فنحن نعطي مفتاحًا وأنتم تكملون. ما رأيك يا جماعة في كذا؟ أنا لا أريد أي أسئلة فيها أسماء؛ لا جماعات، ولا أشخاص، ولا أكاديميات، ولا أي شيء من هذا القبيل.

لدي مشكلة، وهي أنني أركز على الأعداد في الدعوة في الجامعة. ما هو هذا؟ نحن جئنا لنقول لك: لا تركز على الأعداد. شفتوا الإجابات مقنعة كيف؟ للأسف الوقت ضيق، وعندنا محاضرة ثانية.

ركز على أن يكون الطريق طريق النبي ﷺ، وهذا هو الذي أنت محاسب عليه. فكرة أن تركز على الأعداد كأنك تركز على شيء أنت غير مؤاخذ به وغير مطالب به؛ ليس عليك هداهم، فأنت تركز على الشيء الذي الله قال لك إنه ليس بيدك. وغالبًا، الذي يركز في هذا هو ناسي لما عليه؛ لأنه أصبح صاحبًا كذابًا، يركز فقط على جلب الأعداد.

لو وقفته في أي لحظة وقلت له: يا بني، الطريق الذي تسلكه هو طريق النبي ﷺ، وهو طريق شرعي، فالتفاصيل هذه ليست شغلك أصلاً، أنت تريد جلب عدد وخلاص؛ فهذا أول معنى. المعنى الثاني أن هذا قد يكون فيه نية مدخولة؛ أي أن هذا العدد بالنسبة لك مهم جدًا لكي يقال إنك "الجدع" أو "الأكثر اتباعًا"، وفي الآخر يأخذهم للنار. مَن يتبع هذه الأشكال أين يذهب؟ يذهب للنار.

فركز على ما أنت مطالب به، أن يكون طريقك طريق النبي ﷺ، طريقًا صحيحًا شرعًا. الناس تأتي أو لا تأتي، هذا ليس شأنك. ودائمًا ضع أمامك أنه قد يقول لك: "أصل لو لم يأتِ العدد..."؛ قد لا تكون نيته سيئة، لكنه اتخذه مؤشر أداء، وهذا الشيء يترسخ في داخله سواء بشكل مباشر أو غير مباشر.

كيف ذلك؟ مثلاً أنتم شباب صغير، والكبير منكم عندما يسمع كلمة "في وقت ما" أو يقول "لو حصل شيء ننزل بالملايين"، فيأتي في ذهنه فورًا أن المسألة مسألة عدد، حتى وإن لم يقلها لك أحد بشكل مباشر كفرد في كيان أو جماعة. فإذا كنت واقعًا تحت هذا التأثير، فافتق إلى الله فورًا.

الحديث يقول: «يأتي النبي وليس معه أحد»، وهذا قطعًا ليس قادحًا في دعوة هذا النبي. فلا تشغل نفسك كثيرًا؛ فسيّدنا نوح كم سنة دعا؟ عمر الدعوة 950 سنة، وفي الآخر الذين آمنوا معه ومع الحيوانات اجتمعوا في سفينة.

سؤالك: كيف يقرأ الواحد طريق النبي ﷺ ويكون مطابقًا له؟ أو كيف يطابق ذلك بالبناء العلمي؟ هذا عندما تتعلم وتعرف.

لو كان مسؤولًا عن مقرأة في الجامعة، ما أهم الموضوعات التي يجب طرحها؟ هذا سؤال تفصيلي جدًا، سيأتي معنا إن شاء الله في "البناء العلمي". لأننا في البناء العلمي نتكلم عن مسألة مهمة جدًا، وهي أننا سنعرض "محافظ القرآن" الذي ليس عنده بناء علمي ونرى شكله في الحلقة، أو الداعية الذي ليس عنده بناء علمي ونطلعه على المسرح لنرى شكل دعوته.

من الأشياء التي نقولها لمحافظ القرآن وهي في الحلقة أن يمسك الآية وتدبرها. فلو لم يكن عندك تصور عن أولويات الشرع، سينعكس ذلك على دعوتك. كنت أقول مثالًا دائمًا؛ عندما يأتي ربع آيات الوضوء مثلاً، فمن يذهب ليتدبر أو يفسر آيات الوضوء؟ غالب المحافظين والمحفظات يذهبون لآيات الوعظ والجلال، بينما نحن ليس عندنا أولويات. والوضوء الباطل يعني صلاة باطلة، وهذا أهم ركن.

حتى اختيارك للآية التي ستفسرها في الحلقة، حتى لو وجدتها مملة، إذا لم يكن عندك بناء علمي قوي، فستقع تحت وطأة ما يطلبه المستمعون. فيقول: "خلاص، سأعطيهم ما يريدون"، فيدخل الحلقة والثانية والثالثة ويستمرون معه سنين، وهم لا يعرفون كيف يتوضؤون أو يصلون، لديهم خلل في الوضوء يؤدي لخلل في الصلاة، وربما يبطل الصلاة. وكل هذا لأنك لا تملك أولويات، وهذا سأتكلم عليه إن شاء الله في موضوع العلم.

كيف يمكن الاستثمار في الأطفال؟ هذا سؤال خارج الموضوع. هل الدعوة تقتصر على التصدر؟ هذا سؤال جيد جدًا. لو تذكرتم، نحن قلنا إن الرجل في الأمة لا بد له من بناء وعطاء. وجئنا وقلنا إن العطاء ينقسم إلى قسمين: دعوة، وإدارة دعوة. هل العطاء كله دعوة؟ لا، ليس كله دعوة. نحن قلنا بناء وعطاء، وإذا عرفنا البناء والعطاء فإنهما: بذل للنفس، وبذل للغير. لو قلنا مثلاً الجهاد...

ده بناء ولا عطاء؟ عطاء مش كده؟ السعي على الأرامل والمساكين، توزع لهم حاجات في بيوتهم، ومش عارف ده إيه؟ عطاء. العلم ده إيه؟ الاثنين، هتتعلم بناء وهتتعلم عطاء، واضح كده.

فالدعوة مش هي بس، إحنا جايبين فئة هنا قاعدينهم بتوع دعوة، فإحنا بنتكلم عن الدعوة بس، إنما هل الدعوة هي العطاء؟ لا، ولابد أن ندرك، بس ده مستوى أعلى شوية، يعني إن اللي ماسك حاجة كبيرة، كيان، ولا إنه يبقى عنده الرؤية الشمولية للشرع كده. إحنا مش عاوزين كل الناس علماء، ولا عاوزين كل الناس طلاب علم، ولا عاوزين كل الناس دعاة؛ لا، إحنا محتاجين واحد في الأمة يكون مسؤول عن السعي على الأرض، واللي هيموتوا مثلاً خلاص. طيب ده لازم يبقى داعية إلى الله؟ مش لازم يبقى داعية إلى الله ولا حاجة، مش لازم خلاص. ومحتاجين فئة في الأمة تجاهد وهكذا، كل العطاءات بقى على هذا.

طيب لو دخلنا في الدعوة نفسها، فالدعوة فيها تفاصيل كتير. يعني اللي بيصور الدرس دلوقتي ده إيه؟ ده حبيبي، ده ما حدش يجي جنبه. فالدعوة يعني برضه مش كل الدعوة اللي قاعد قدام المايك وبيتكلم؛ أي خلل في المنظومة الدعوية تختل شيئاً ما. ويمكن سبحانك قدر ربنا سبحانه وتعالى أن في أول المحاضرة يحصل اللي حصل. هل ده قصور في الداعية؟ طبعاً هو لو مخلص والنية سالكة ما كانش حصل اللي حصل، فهو قصور فينا كلنا؛ الداعي والمدعو واللي بيصور وكل، كله.

فالدعوة ما بتقتصرش، لا تقتصر على التصدر لا أبداً، ما فيش كده خلاص، هي منظومة كاملة. فاللي بيصور ده في الدعوة، واللي طبع الورق ده في الدعوة، واللي راح جاب الأكل وحاطه ده في الدعوة عشان ييسر الأمر وهكذا؛ مش لازم تصدر. هل هذا هدف؟ أم يكفيني دعوة الدوائر المحيطة؟ على حسب كل واحد وطاقاته وإمكانات كياناته. وعشان كده إحنا قلنا لكم لما جينا رسمنا المنحنى، قلنا من أول يوم تدين أنت مطالب بنوع عطاء، لو تفتكره وساعتها قلنا لك إيه، إنك بتقول لأخوك: «قم صلِّ»، ده عطاء مش بناء، مش كده؟ فكرة إن أنا هفضل في الثلاجة ما بتكلمش خالص في الدين بأي شكل من الأشكال ده غلط، وغلط، وفي مواقف هآثم إن فعلتها؛ لأنك في مواقف هيبقى عليك إنك تأمر بالمعروف أو تنهى عن المنكر. خلاص أنا عارف إن الصلاة واجبة، فأخويا الصغير ما بيصليش، لازم أقول له: «قوم صلِّ»، يعني لازم.

فإحنا مش عاوزين نحطك... بالمناسبة قبل ما نكمل الأسئلة عشان ده برضه حاجة مهمة جداً، إحنا عندنا دلوقتي في الساحة الدعوية عندنا ثلاث تصورات: تصور يهمش فكرة البناء، إما يهمشه بالكلية أو مش مدي له قدره الكافي. وعندنا العكس تماماً، اللي هو بيغالي جداً في فكرة البناء، فيفضل ما قعد الناس جنبه في هذا الكيان أو في هذه المنظومة أو أياً كان، ما يد الناس جنبه بلا أي نوع من أنواع العطاء، لمدة كبيرة لغاية ما الناس تفقد تلك المهارات أو تفقد هذه الهمة، فيوم ما يجي يستدعيهم بقى للعطاء ما يلاقيهمش. وفي الوسط، اللي هو يبقى واعي لفكرة البناء وواعي لفكرة العطاء والتوازن بين البناء والعطاء، وإن فعلاً إحنا في الأول محتاجين البناء يبقى عالي جداً جداً عن العطاء، ومع الوقت البناء ممكن يقل شيئاً ما في سبيل العطاء يزيد.

وده مش أحسن حل، لو تفتكروا إحنا رسمنا المنحنى قلنا 20 ساعة يبقى 18 واتنين. فاكرين المنحنى ده؟ أنا ساعتها مش هقول لك كده، أنا ده كنت بضحك عليكم، أنت تيجي تقول لي: «طب أنا ببذل 20 ساعة»، فهشيل منهم... مش عارف أقول لك لا، إحنا هنعمل لك حاجة في الإدارة بسميها "استرتشينج"، يعني إيه؟ إحنا هنقول لك لا، الـ 20 ساعة دول هتخليهم زي ما هو وتضيف عليهم كمان خمس ساعات في الأسبوع كمان 10 ساعات في الأسبوع. ده أول حل، مش أول حل، هم دول عندك رتبهم لي، شوف هتخليهم قد إيه بناءً وقد إيه عطاءً.

لا، مش ده أول حل، لأن يا جماعة إحنا عندنا آفة كبيرة جداً في الدعوة، الناس المتصدرة، إيه؟ إن إحنا الأول عاوزين الدنيا 100 فل وعشرة، وبعدين شوية الموارد اللي اتبقت قولي بقى وظفها إزاي في الدين، صح ولا لا؟ طب لو الدنيا 100 فل وتسعة؟ لا استنى بعد إذنك، أنا لازم الـ عشرة دي أجيبها، مش هبتدي دين طول ما هي 100 فل وتسعة، لما تبقى 100 فل وعشرة هقولك بقى أنا بإيدي قد إيه في الأسبوع. فجاي لك هو أصلاً مستنفذ، يعني إيه؟ يعني جامعة وبعدين كورسات وبعدين تمرين وبعدين كل حاجة، ويقول لك ده بقى فضول وقتي، ده فضول طاقتي، ده فضول مالي. فرتبهم لي أنت بقى، شوف هتستخدمهم إزاي في دين ربنا سبحانه وتعالى.

لا، لو أنت دي نفسيتك فاركن على جنب، لا الدين محتاجك ولا ربنا محتاجك، الدين يحتاج رجالاً. يعني إيه رجال؟ يعني لا الدنيا تختل، ما فيش مشكلة في سبيل إقامة الدين، إقامة ديني أو دين غيري، فالدنيا تختل شيئاً ما، إيه المشكلة؟ يعني ما تختل الدنيا شوية، اسكت أنا بتكلم... إيه ده، تزنب هنا؟ روح! فالدنيا تختل شيئاً ما في سبيل إقامة الدين، إيه المشكلة؟ ماشي. فإحنا محتاجين أصلاً نغير تلك النفسية، اللي هو إحنا نظبط أو بقى ناكل دنيا بالدين، دي مشكلة ثانية. يبقى هو بيدعو إلى الله علشان فاتح الإعلانات وجايب له فلوس؟ بيدعو إلى الله علشان بتدخل له مش عارف إيه، والدور بتجيبه وتدي له، خدوا منكم فلوس هنا، ولا خدوا فلوس، ماليش دعوة أنا ما باخدش فلوس.

السلام عليكم ورحمة الله وبركاته. هل التخصص والانحصار في باب واحد في الدعوة؛ بناء وعطاء، له ضرر على الداعية ودعوته؟ يعني مثلاً التخصص فقط في التجويد أو بعض... لا، التخصص مطلوب، يعني حد متخصص في التجويد، لكن هو يبقى بناؤه العلمي بس تجويد؟ لا، غلط، وده هنجيبه إن شاء الله في البناء العلمي اللي هو غالباً مش هيبقى النهاردة. يعني هو في عطائه خلاص قال أنا متخصص بتاع معاملات مالية مثلاً، هتخصص في دي وهاخد ماجستير ودكتوراه، دلوقتي التخصص يعني هو لغة العصر. دلوقتي خلاص، أو هتخصص في الفقه كله كفقه واحد، أنا متخصص في العقيدة واحد، الثالث ما فيهاش إشكال، لكن هل معنى كده إن هو تحصيله لنفسه؟ ده في العطاء، لو جيت جبت بتاع العقيدة ده وقلت له: «إزاي بتتوضأ وبتصلي؟»، يطلع ما يعرفش يتوضأ ويصلي، أكيد مش كده.

لو جبت بتاع الفقه ده وسألته على عقيدته، قال لك: أنا والله بقول إن الله ثالث ثلاثة؛ مثلاً. أكيد مش كده، يعني أكيد الموضوع مش كده، هو عنده قدر من العقيدة وقدر من كل شيء، واضح. إنما في العطاء عاوز يتخصص، آه ما فيش مشكلة، برضو قايلين اسم جماعة، يعني بدون بقى يقول تحصيل علمي، مش عارف إيه، لسه ماشي.

من المشاكل في الدعوة بين النساء أحياناً يحدث... الداعية بين أخواتها الداعيات، الداعية يعني الست، يعني كل أخت تحاول الانتصار لرأيها. أنا أولاً ما بحبش لفظ أخت وأخ، يعني ما بحبش إنه يتقال أخت وأخ على التصور الذهني اللي عندنا، يعني لو أنت بتقولي الأخت يعني تقصدي الأخت المسلمة، ماشي، الحل كده كده مضبوط، أو أنت بتقول الأخ فلان يعني الأخ المسلم لأنه مسلم فصار أخاً لك، فماشي الحال. إنما لو على التصور الذهني الموجود أن الأخت اللي هي لابسة لبس معين، أو الأخ اللي ليه سمت معين، يبقى أخ، طب واللي غيره يبقى إيه؟

الله عز وجل قال: ﴿إِنَّمَا الْمُؤْمِنُونَ إِخْوَةٌ﴾ [الحجرات: 10]، فهو كل مؤمن هو أخ بقدر ما فيه من الإيمان، خلاص. فإنا اللفظ لفظ أخ أو لفظ أخت على التصور الذهني اللي عندنا شوية محتاج ضابطة.

بس يلا نكمل السؤال، فكل واحدة بتحاول الانتصار لرأيها في الستات، يعني إيه الجديد؟ وما على طول، وهذا كثير جداً والله العجب، بالنفس إنها ما فيش زيها. ما قلتش حاجة، وأحياناً التنافس يكون بشكل دعوي صحي، لا ما فيش، أحياناً ولا حاجة، هو على طول، إن شاء الله في الدرس الثالث اللي هو «قلب سليم» الكلام ده.

السلام عليكم. وعليكم السلام. كيف أبدأ بداية بمقارنة الأديان؟ يعني طالما بتقولي إزاي أبدأ مقارنة ديان، يبقى أنتِ أصلاً ما تعرفش دين، يعني اللي مشي القطع شوط في طلب العلم أكيد عارف، إنما أنتِ رايحة تقارن أديان وأنتِ ما تعرفش دينك؟ اعرف دينك الأول، لأن لو عارف مش هتسألي السؤال ده.

بقيه السؤال بقى: هل الأفضل في البناء التركيز على نقاط القوة عندي أم المحاولة في نقاط الضعف؟ هذا السؤال ممتاز يا جماعة، وهذا السؤال فرق بين الإدارة القديمة والإدارة الحديثة. عندنا حاجة سموها الـ (Management) اللي هي الإدارة الحديثة، دلوقتي الإدارة في المدرسة القديمة في الإدارة، المدرستين بيقسموا؛ حد عارف الـ (SWOT Analysis)؟ الـ (S) والـ (W) إيه؟ الـ (Strengths) والـ (Weaknesses)، يعني إيه بالعربي؟ نقاط القوة ونقاط الضعف.

الـ (Weaknesses) كمان في الإدارة الحديثة ما بقاش يسموها كده، حد عارف بقى بيسموها إيه؟ بيسموها (Opportunity)، ده حاجة تانية، بيسموها (Area for improvement) يعني منطقة التحسين؛ بعدوا عن الكلمة قالوا إيه؟ كلمة ممكن تسبب أذى نفسي، الناس عينكم على الآخر.

المهم عندنا نقاط قوة ونقاط ضعف، المدرسة القديمة في الإدارة بتقول إنك روح اشتغل على نقاط الضعف وقويها. المدرسة الحديثة في الإدارة قالت: روح اشتغل على نقاط القوة بتاعتك ونميها زيادة علشان دي اللي هتظهرك، أو يعني بلاش كلمة تظهر هنا بقى عشان إحنا في درس شرعي، علشان دي اللي هتقدر تأخذ بها أكبر مخرج مع مجهود أقل، وده مش دعوة إن مجهودك يكون قليل.

لا، يعني لو هتنفق مثلاً، خلونا ناخد مثال، واحد عنده ملكة الحفظ عالية جداً، لكن ما عندوش ملكة تحليل الأمور والفهم العميق وكذا وكذا، وأنت مصر تمشيه في سكة الفقه، ده غلط. لا، خلاص، أنت خليك في مثلاً القرآن، احفظ قرآن، خلصت الحفظ ادخل قراءات، خلصت القراءات وهكذا؛ ليه؟ هو عنده ملكة الحفظ عالية، فيستغل تلك الملكة. خلاص. والعكس، واحد ما عندوش الحفظ عالي قوي، لكن عنده قوة فهم جبارة، يروح يشوف حاجة في الشرع تناسب هذه الملكة، خلاص.

وقال إيه، قال: «ومن يكن في ذهنه بلادة فليصر في الوقت إلى العبادة». يعني وأنت بتطلب العلم لقيت في ذهنك بلادة، ما فيش في العلم، خلاص، لا يكلف الله نفساً إلا وسعها. فكل ميسر لما خلق له. كل ده لعله يقوي.

المدرسة الحديثة في الإدارة إننا نشتغل أكثر على نقاط... أنا بقول أكثر تاني، يعني مع كده مش هنسيب نقاط، يعني نشتغلها بـ (Pareto) يعني إيه؟ 80/20 كده. يعني لو أنت عندك مثلاً خمس ساعات، يا إما همّي فيهم نقاط القوة، يا إما اشتغل على نقاط أو مناطق التحسين، نقول تعمل إيه؟ خد أربع ساعات لنقطة القوة بتاعتك، وخد ساعة برضه تنمي بيها نقطة الضعف أو منطقة التحسين، ما تسيبهاش بالكلية. خلاص، فالسؤال ده كويس.

وبعدين بتقول مثال بقى، خلاص أنا أظن رديت رد مش محتاج بقى المثال. الوقت مورد محدود، شكراً. فين بقى السؤال؟ إذا ما طغى العطاء على البناء بأمر معلمي وشيخي، هل أرفض ما... دي المشكلة، أم أحتسب وأعطي حتى لو توقف البناء؟ إيه رأيكم؟ سؤال صعب.

نسترتش ساعات البناء مرة. ده خلاص، نسترتش، ما تسمعيش كلام شيخك، أو أنت تسمع كلام شيخك وتستعين بالله وتزود عدد ساعات للدين. حد فاهم حاجة؟ يعني دلوقتي لو جيت أنت قلت إيه، أنا محدد مثلاً يوم السبت خمس ساعات للدين، فجاء شيخك قال لك: روح الخمس ساعات دول اتنطط في الجامعة وفي المقرأة وفي مش عارف إيه وكده، وأنت ضايع، أنت ما فيش خالص بناء، تسمع كلام شيخك ولا ما تسمعش؟

تسمع كلام شيخك وتزود الخمس ساعات، تستعين بالله وتسمع كلام شيخك وتزود الخمس ساعات دول تخليهم 15 ساعة، 10 بناء وخمسة عطا. ماشي، طبعاً إحنا هدف أساسي من الدورة دي، اللي ماسكين الدور واللي ماسكين كيانات سواء في مكان عالي أو مكان، المهم إننا نغير الثقافة دي شوية ونبقى عندنا إننا بنستثمر في الناس بتاعتنا ونديهم وقت للبناء، ونبقى فاهمين كويس إن وقت البناء ده ممكن يأخذ من العطا، ده نبقى مستوعبين.

لو قمنا بعمل دعوي وجاء الكثير، ولم نجد فيهم راحة، هل نتوقف أم نصبر لعل الله يصلحهم؟ هل نتوقف؟ لا.

مش فاهم حاجة، يعني راحله اللي هو في كل 100 ناقة راحله، يعني يقصد كده ولا إيه؟ ولو كان هناك كثير برده كثير. عارفين لما نكتب على الواتساب مثلاً كاتب أربعة ياء كثير، ولكنهم أكثر من مواردنا، هل نأخذ ما نستطيعه أن نقبل الجميع ونحاول بتكثير مواردنا البشرية؟ ﴿لَا يُكَلِّفُ اللَّهُ نَفْسًا إِلَّا وُسْعَهَا﴾ [البقرة: 286]. لو لقينا إن ده هيؤثر على بناء الأفراد عندنا، يبقى لا، نقفل الباب، ﴿لَا يُكَلِّفُ اللَّهُ نَفْسًا إِلَّا وُسْعَهَا﴾.

لكن مهم جداً جداً إن اللي قائم على الدعوة يبقى فاهم فكرة اللي بيسموه "البرفورمنس كيرف"، اللي هو منحنى الأداء للأشخاص. إن هو ممكن يبقى كل الناس بتاعتك هم بيسموه في الحتة اللي هي "الكونفرزشن"، وإحنا عاوزين ندخلهم في "الاسترتشينج". يعني هم تحتك يقولك: أنت ليك عندي 10 ساعات في الأسبوع، ممكن يبقى فعلاً هو يقدر يدي 20 بس محتاج دوسة. خلاص، فقبل ما تقول لا إحنا هنقفل الباب على كده، تبقى متأكد إن كل اللي عندك في الحتة دخلوا في حتة "الاسترتشينج"، وبرده ما خرجوش للحتة اللي بعديها بيسموها "البيرن آوت"، اللي هو إنه ابتدى خلاص أنت بتفقده، بيموت. ده إن شاء الله هنيجي لله في الإدارة، إن شاء الله هنتكلم عنه بالتفصيل، فما تشغلوش دماغكم الموضوع ده. المهم خلاص إحنا مستنفذين قدرتنا، خلاص هنعمل إيه؟ يبقى هنوقف على كده.

وطبعاً برده يا جماعة أنا آسف، طبعاً بقى ممكن أطول في أسئلة بس هي مهمة فعلاً. وحسن إدارة الموارد برده، يعني إحنا خلاص خرجنا أكبر موارد من الناس، كيف نديرها؟ إحنا ممكن يبقى ببساطة شديدة لو غيرنا شوية أماكن ناس، لو عملنا ضمنّا حاجات على بعض، لو فرقنا حاجات من بعض، نعرف نستوعب أكثر. فدي محتاجة أول حاجة طبعاً توفيق من الله سبحانه وتعالى، ثم حسن إدارة لتلك الموارد. ودي واحدة أصلاً من أهم وظائف أي مدير بيسموها "Resource Allocation"، يعني هترتب مواردك إزاي؟

هل يتعارض التصدر للدعوة مع التواضع؟ أسئلة كتير قوي مش هجاوب على ولا، عقاباً كيف؟ أنا بحاول الأسئلة اللي أختارها تكون مهمة لأكبر عدد أو تأثيرها كبير حتى لو عدد أقل. كيف تُصاب الدعوة بالرأسمالية وكذلك العلمانية؟ يعني طب إيه؟ تبقى دعوة رأسمالية تبقى حاجة حلوة؟ كيف تُصاب؟ مش دي دعوة؟ ممكن يصد؟ إمتى نقول على الدعوة ولا تصاب مثلاً نقول عليها؟ وإذا كان المتاح يا جماعة أرجوكم أرجوكم، كيف تصاب الدعوة بالرأسمالية أو كذلك العلمانية؟ إن إحنا بنصور كتير إن إحنا أصلاً من صغرنا متربيين على الرأسمالية ومتربيين من صغرنا، فإحنا نصاب بيها. عشان كده واحد كبر واتعلم إدارة، فلما يجي يتعلم إدارة تعلمها فين؟ وعلى أنهي طريق؟ على طريق هؤلاء، فلما راح يتعلم إدارة وأخذ هدف الإدارة ورجع يطبقها في الدعوة، ده شيء كويس ولا وحش؟ كويس، كويس، لكن لابد إن إحنا ننتبه لمواطن الخلل، إيه اللي يناسب الدين وإيه اللي ما يناسبش الدين. واضح، فإحنا نصاب، لو تقصدي بقى وتقصد إيه هي السمات، يعني سمات الإصابة، فدي بقى لأش وقتها.

كفاية ولا ناخد كمان شوية أسئلة؟ إيه رأيكم؟ طب مين في الرجالة عاوز نكمل يرفع إيده؟ طيب نزلوا إيديكم، مين مش عاوز نكمل نقف هنا؟ طيب نكمل سؤالين تلاتة ونقف، الناس اللي عاوزة نكمل أكتر دي ديمقراطية بقى مش حراس مالية.

عن البناء، هل لابد من ترتيب للبناءات؟ تتداخل، أولها العلم وأعظمها وأساسها العلم، وده هنقوله في درس العلم إن شاء الله، وقدمناه لذلك، لأننا هنيجي بعد كده، ده هنقوله في العلم إن شاء الله. هنيجي نقول لك مثلاً في البناء التربوي والتزكية، فنقول لك إيه، إن القلب فيه تخلية وتحلية؛ تخلية يعني آفات القلب، فنقول لك روح اعمل إيه؟ اتعلم آفات القلب، فتلاقي العلم داخل هنا. التحلية يعني حاجات مطلوبة إنك تتحلى بها، فنقول لك روح اتعلم هذه الأمور، البناء التعبدي؛ فهنقول عمل اليوم والليلة، أنت شكلك إيه، أحوالك إيه من أول ما تصحى ما تنام، فنقول لك روح اتعلم عمل اليوم والليلة، فهتلاقي العلم داخل في أي بناء بعد كده، واضح، فهو العلم الأساس، لكن هي بتتداخل. يعني مش هنقول إيه بناء علمي وقف تربية لغاية ما تتعلم، مش هنعمل كده، وبعدين خش على التربية ووقف تعبد، لا، البنايات تتداخل. ماشي، يعني الأسئلة كلها كله جاي بعد كده إن شاء الله.

طيب نقف هنا، كده إحنا خدنا درس واحد من الدرسين اللي كان المفروض ناخدهم النهارده، فإن شاء الله تاني هنحاول نعوضه لكم، هنشوف إزاي، وهنبلغكم. المفروض يبقى في تكليفات، فطبعاً التكليف بتاع النهارده كان مبني على إن إحنا هناخد درسين، فكنت عاملة تكليف علمي على إن إحنا النهارده هناخد درس العلم، فكده ما أخدناش العلم، فالتكليف هيتبعت لكم على قناة التليجرام النهارده إن شاء الله. التكليف الأسبوعي إن إحنا نخلصه، الشهادة اللي هتتاخد بالدورة بالحضور والتكاليف، وإذا كان في امتحان هيتعمل أو مشروع فيبقى الامتحان والمشروع تعدوا فيه.

قولي: أستغفر الله العظيم لي ولكم، سبحانك وبحمدك، نشهد أن لا إله إلا أنت، نستغفرك ونتوب إليك.