دخولتسجيل الدخول

١٢- تابع كتاب آفات اللسان

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي ﷺ وعلى أزواجه أمهات المؤمنين وذرياته وآل بيته، كما صليت على آل إبراهيم إنك حميد مجيد. أما بعد:

مع الآفة السادسة من آفات اللسان وهي السخرية والاستهزاء، قلناها ولا ما قلناهاش؟ قلناها. الآفة السابعة: إفشاء السر، وإخلاف الوعد، والكذب في القول واليمين، وكل ذلك منهي عنه، إلا ما رخص فيه من الكذب لزوجته.

شوفوا هنا ما قالش الكذب على زوجته، قال: «إلا ما رخص فيه من الكذب لزوجته»، يعني لمصلحة الزواج. ما يروحش يسرق الذهب ويبيعه، وبعدين مين اللي سرق الذهب؟ ماعرفش والله، يقول إيه؟ بيبالغ بالكذب على الزوجة؟ لا طبعاً، نصاب وحرامي. الكذب للزوجة اللي هو أنك تضحك عليها بكلمتين: «ده أنتِ أجمل واحدة في الدنيا»، هي أجمل واحدة في الدنيا، «أنتِ ما دقتيش أكل زي أكلك»، أنت كده الكذب اللي هو به تستمر الحياة، ومن رحمة ربنا أن الستات بتصدق الكلام ده، فدي حاجة.

طبعاً ده مش معناه أن كلنا بنكذب، أنا ما بكذبش، فيبقى الكذب للزوجة يعني الكذب بما يخدم مصلحة الزواج. وفي الحرب، يجي واحد يتقصر، يقولوا له فين مخازن الذخيرة؟ يقول أنا مش هكذب، الكذب حرام وهروح النار، لو يقول لهم فين مخازن الذخيرة؟ لا، يكذب طبعاً، فإن ذلك يباح.

وضابطه أن كل مقصد محمود لا يمكن التوصل إليه إلا بالكذب فهو فيه مباح. والشيخ وسعها بقى، قال إن أي شيء، أي مقصد شرعي محمود لا يمكن أن نتوصل إليه إلا بأن نكذب، وهنا قال لا يمكن، يعني لو كنا نقدر نتوصل إليه بأي طريق آخر يبقى ما لا يجوز الكذب، إنما خلاص لو ما كذبناش المصلحة الشرعية دي لن تتحقق. وطبعاً كونها مصلحة شرعية يعني مصلحة شرعية عند العلماء وعند الفقهاء، مش كل واحد بدماغه كده يقول دي مصلحة شرعية ويروح يكذب، فاهمين؟ ما هو كده ما يبقى خلاص بقى ما فيش كذبة حرام في الدنيا، كل واحد يقابله موقف يقول لك بس دي مصلحة شرعية أنا هكذب.

والكذب يا جماعة، ما حدش يستمر الكذب، إن الرجل ليكذب ويتحرى الكذب حتى يكتب عند الله كذاباً. أنت فاهم يعني إيه بقى اسمك في السماوات في الملأ الأعلى فلان الكذاب؟ وبعدين تفتكر أنك بكذبك هتنجو من قدر ربك؟ ما هي دي برضه حاجة غريبة جداً، ليه بتكذب وليه بتعمل الحرام؟ ما هو القدر مش هتنجو منه بالكذب، يعني لو مكتوب لك أنك هيحصل فيك اللي أنت بتهرب منه بالكذب ده هيحصل فيك. عاوز تأخذ الأسباب الشرعية أو الأسباب المباحة، ماشي، لأن ده مما أباحه الشارع، إنما تروح تعمل الحرام عشان تهرب من قدرك.

قال: فهو مباح، يعني الكذب إن كان هذا المقصود مباحاً، وإن كان المقصود واجباً فهو واجب، فينبغي أن يحترز عن الكذب مهما أمكن. طيب يحترز عن الكذب بإيه بقى؟ بالمعاريض. إيه المعاريض؟ المعاريض أنك تقول كلمة، الكلمة دي لها ظاهر متبادر، ولها معنى بعيد، وأنت تقصد البعيد واللي قدامك هيفهم المعنى الظاهر المتبادر.

يعني شباب بتسأل، يقولوا بنيجي نروح دروس العلم الشرعي في المسجد فالأب بيمنعنا، أولاً الأب ماله حق يمنع الولد، لا ينبغي يعني أقصد لا ينبغي أنه يمنع ابنه من تعلم الدين، ده أولاً. طيب الولد يعمل إيه؟ قلنا قبل كده يصلح حاله مع ربنا وكده، ده مش وقته يعني، مش دي فتوى، إنما مما يجوز هنا أن تستخدم المعاريض، يبقى يقول لك أنت رايح فين؟ قول له خارج مع صحابي، وأنت بتيجي المسجد مع صحابك. طب رايح فين؟ رايح بيت، والمسجد بيت من بيوت الله، كده هو يفهم معنى بعيد أنه بيت، يعني بيت حد من أصحابك مثلاً وأنت بتقول تقصد بيت ربنا، ماشي، يبقى أنت هنا استخدمت المعاريض بدل ما تكذب، دي حاجة استخدمتها في مصلحة شرعية، مش رايح تصيع بقى، لا أنت رايح تتعلم دين ربنا. وهكذا يبقى دي المعاريض، أن تقول كلمة لها معنيين: معنى بعيد تقصده، ومعنى قريب يفهمه المستمع، يبقى أنت ما كذبتش.

قال: وتباح المعاريض لقوله ﷺ: «إن في المعاريض لمندوحة عن الكذب»، يعني بديل. وقال: وإنما تصلح المعاريض عند الحاجة إليها، فأما مع غير الحاجة فمكروهة لأنها تشبه الكذب وتجرئ صاحبها على الكذب. يبقى المعاريض ما تستخدمهاش عمال على بطال، طبعاً المعاريض محتاجة واحد برضه ذهنه حاضر.

بيقولوا في محنة خلق القرآن، جاب واحد من العلماء، طبعاً عقيدة أهل السنة أن القرآن كلام الله غير مخلوق، وبعدين الحكام في الوقت ده كانوا يقولون بخلق القرآن، ودي مصيبة كبيرة، مش وقت بقى عشان الناس أكيد فيجي ناس مش فاهمة اللي أنا بقوله، المهم عقيدة أهل السنة أن القرآن كلام الله غير مخلوق، الحكام كانوا بيقولوا القرآن مخلوق ويجيبوا العلماء يمتحنوهم، فاللي يقول إن القرآن غير مخلوق يتعذب ويتسجن وفي منهم اتقتل، دي الخلاصة. فجابوا عالم من العلماء قالوا له ما قولك في القرآن؟ قال: القرآن هذا مخلوق من مخلوقات... اللي هو إيه صباعه! وبعدين فمشوه، وبعدين شكوا في أمر الراجل ده، يعني جابوه تاني قالوا له ما قولك في القرآن؟ قال: القرآن والتوراة والإنجيل كل هؤلاء مخلوقات من مخلوقات. فعاوزين مدردحة كده، يعني أن في المعاريض مندوحة عن الكذب، وإنما تصلح المعاريض عند الحاجة إليها، فأما مع غير الحاجة فمكروهة لأنها تشبه الكذب.

يقول برضه الحجاج، الحجاج طبعاً كان مجرماً وكان يقتل الناس وما يهموش وكان يقتل الصحابة، بعدين برضه بيدور على واحد من الناس الصالحين، فدخل استخبى عند واحد ثاني، فالعساكر دخلوا خبطوا عليه قالوا له فلان عندك؟ قال لهم هنا، وما يفعل فلان هنا؟ وايديه يعني عمل لهم يعمل إيه هنا يا فلان؟ ليس هنا، وهو مش هنا فعلاً.

كان واحد صاحبي يحط الفلوس مثلاً في جيبه اليمين، وبعدين يجي راجل فقير مسكين في الشارع يقول له حاجة لله، يروح حاطط إيده في جيبه الشمال يقول له معيش فلوس هنا دلوقتي والله، طب يقول لك أنا بستخدم المعاريض! طب يا عم هتديله فلوس يا عم، معاريض إيه اللي بتستخدمها؟ يعني جت على الجيب اللي هتدي للراجل اللي هتستخدم فيه المعاريض؟

من المعاريض، ما روينا عن عبد الله بن رواحة -رضي الله عنه-، وكان شاعراً، أنه أصاب جارية له، فعلمت امرأته؛ فكانت مصيبة كبيرة، فأخذت شفرة وجاءت لتخلص عليه، ثم أتت فوافقته، ولم تره بعينيها. فقالت: أفعلتها؟ قال: ما فعلت شيئاً. قالت له: إما أن تقرأ القرآن، أو لأطعنّك بهذه الشفرة.

فقال رضي الله عنه: «وفينا رسول الله يتلو كتابه ... إذا انشق معروف من الفجر ساطعه يبيت يجافي جنبه عن فراشه ... إذا استثقل الكافرين المضاجع أرانا الهدى بعد العمى فقلوبنا ... به موقنات»

قالت: آمنت بالله وكذبت بصري! شوفوا المرأة الصالحة، قالت آمنت بالله، طبعاً ليست حافظة للقرآن، وهو ذهب ليقول شعراً فقالت: آمنت بالله وكذبت بصري.

وكان النخعي إذا طلب، قال للجارية: قولي لهم اطلبوه في المسجد. ما قال لها: قولي لهم إنه في الجامع؛ فالنخعي إمام كبير، وطلاب العلم من حرصهم على العلم كانوا يلحون على العالم أو المحدث، يريدون أن يلحقوا بالعلم قبل أن يموت أو يطرأ عليه طارئ.

فكانوا ربما أزعجوا بعض المحدثين، حكيت لكم عن الأعمش؛ الأعمش كان محدثاً، فكان طلاب العلم -وهم في رتبة سفيان الثوري والناس -يأتون إليه، فكان يطلق عليهم كلباً! يتخيلون طلاب العلم يجرون من كلب، ثم يرجعون ثانية، فيطلق الكلب عليهم مرة أخرى. وفي مرة قعدوا يقربون، فلم يسمعوا حس الكلب، فهاجموا البيت، فإذا بالإمام يبكي، قالوا: ما لك يا إمام؟ قال: مات الذي كان يأمر بالمعروف وينهى عن المنكر؛ يقصد الكلب.

فكان حال الإمام النخعي، إذا خلص مجلس تحديثه وذهب إلى بيته، وجاءوا وراءه، يقول للجارية: قولي لهم اطلبوه في المسجد؛ لكي يذهبوا إلى الجامع وهو في بيته.

الآفة الثامنة: الغيبة. يجب ألا نكذب، ولا نستمرئ الكذب، ولو كانت هناك مصلحة شرعية في الكذب -والمصلحة الشرعية ليست بدماغنا، فليست كل مصلحة يقررها الشخص لنفسه- فمن استمرأ الكذب يُخشى عليه أن يُكتب عند الله كذاباً. ونذهب للمعاريض، فلو كانت هناك مصلحة نستخدم المعاريض، ولكن إن لم تكن هناك مصلحة فلا نستمر ولا نعتاد، بل نقول الصدق.

الآفة الثامنة هي الغيبة، وقد ورد في الكتاب العزيز النهي عنها، وشبه صاحبها بآكل الميتة. وفي الحديث: «إن دماءكم وأموالكم وأعراضكم عليكم حرام». والغيبة هي ذكرك أخاك بما يكره في غيبته. لا تقل: "ما هو أصلاً هذه هي الحجج التي نسمعها"، فلو كنت تعرف الحقيقة ولم تكن غيبة، فماذا تسميها؟ تسميها بهتاناً. لو قلت فلان بخيل وهو ليس بخيلاً، فهذا بهتان وليس غيبة.

ومن أشد ما سمعت في الاحتراز من الغيبة، قصة أحد مشايخنا، كان صاحب مكتب هندسي، وكان عنده محاسب اسمه أحمد، وكان ينزعج جداً لو قال له أحد "يا أحمد"، بل يجب أن يقال له "يا أستاذ أحمد". فكان الشيخ يقول: كنت إذا أدعو له أقول: "اللهم اغفر للأستاذ أحمد"، ويخشى أن تكون غيبة؛ لأنه ذكره بما يكره.

وروينا -والله أعلم بصحة القصة- أن امرأة حلمت أنها تزرع، وكلما زرعت جاء أحد المشايخ المقرئين بصوت جميل يأخذ زرعها ويمشي، فقصت الرؤيا على معبر، فقال لها: أنتِ اغتبتِ هذا الشيخ. فقالت: والله عمري ما قلت إلا "فلان صوته أحلى من فلان".

الشاهد يا شباب أن نحترز من أي شيء قد يكون يكرهه صاحبه؛ لأن موازين يوم القيامة موازين الذر: ﴿فَمَن يَعْمَلْ مِثْقَالَ ذَرَّةٍ خَيْرًا يَرَهُ * وَمَن يَعْمَلْ مِثْقَالَ ذَرَّةٍ شَرًّا يَرَهُ﴾ [الزلزلة: 7-8]. فأي كلمة تشك أنها تضايق الطرف الآخر، فلتصمت.

وإذا قيلت الغيبة أمامك، فلا تستمع ولا تستمرئ هذا المجلس، ولا تستحل هذا المجلس؛ لأن هذا منكر كبير، والغيبة من الكبائر، فالواجب عليك أن تنكر ذلك المنكر أو أن تقوم من ذلك المجلس، وبالذات في مجالس النساء التي يكثر فيها: "فلانة عملت وفلانة سوت".

عن أبي برزة الأسلمي قال: قال رسول الله ﷺ: «يا معشر من آمن بلسانه ولم يدخل الإيمان قلبه، لا تغتابوا المسلمين ولا تتبعوا عوراتهم». سيدنا النبي ﷺ يحكم على من يغتاب أو يتبع العورات أنه لم يدخل الإيمان قلبه.

يا معشر من آمن بلسانه ولم يدخل الإيمان قلبه، لا تغتابوا المسلمين ولا تتبعوا عوراتهم. سمعت شيئًا عن أخيك، ماذا تفعل؟ هل تغلق أذنيك كأنك لم تسمع شيئًا؟ وإذا ظننت فلا تحقق؛ لأن النفس البشرية مجبولة على أنها تبلغ نهاية القصة، فإذا رأت الفضيحة لفلان، فإياك أن ترى أو تسمع أو تتقصى لتعرف كل ما قيل عنه.

كل ما يقال عن فلان ليس من الدين؛ فلو كان هذا الشخص من خصومك، هل تبيح لك الخصومة ارتكاب الحرام؟ لا تسكت هذا الذي يتكلم، فلو جاءك شخص ليخبرك بفضيحة فلان، فقل له: اسكت واتق الله، ولا تقعد تسمع له وتحكي التفاصيل.

يا معشر من آمن بلسانه ولم يدخل الإيمان قلبه، لو دخل الإيمان قلوبنا لكرهنا ذلك. ركزوا فيما أقول، فنحن لا نحب مجرد السماع، بل نجاهد أنفسنا؛ لأننا لو دخل الإيمان قلوبنا بصدق لكرهنا المعصية، ولكن الله حبب إليكم الإيمان وزين في قلوبكم الإيمان وكره إليكم الكفر والفسوق والعصيان، ﴿أُولَٰئِكَ هُمُ الرَّاشِدُونَ﴾ [الحجرات: 7].

لا تغتابوا المسلمين ولا تتبعوا عوراتهم؛ فإنه من تتبع عورة أخيه تتبع الله عورته، ومن تتبع الله عورته يفضحه ولو في جوف بيته، نسأل الله السلامة والستر. وفي حديث آخر: «إياكم والغيبة، فإن الغيبة أشد من الزنا، وإن الرجل قد يزني ويشرب الخمر ثم يتوب ويتوب الله عليه، وإن صاحب الغيبة لا يغفر الله له حتى يغفر له صاحبه».

المعنى صحيح بغض النظر عن ضعف الحديث؛ فالغيبة قد تكون أشد من شرب الخمر من وجه أن الغيبة تتعلق بحق آدمي، بينما شرب الخمر لا يتعلق بحق آدمي، فمن تاب من شرب الخمر يتوب الله عليه، أما إذا كان الأمر يتعلق بحق آدمي، فالتوبة تتطلب شرطًا إضافيًا وهو أن تتحلل من هذا الذنب.

من هذه الحيثية، كيف ستصل لمن اغتبته؟ إذا كان لسانك طلقًا، فمن أين ستحصيهم؟ فضعوا ألسنتكم في أفواهكم واسكتوا. وقال علي بن الحسين رضي الله عنهما: «إياك والغيبة، فإنه أدم كلاب الناس».

والأحاديث والآثار في ذلك كثيرة مشهورة، ومعنى الغيبة أن تذكر أخاك الغائب بما يكرهه إذا بلغه. سواء كان ذلك نقصًا في بدنه كالعَمش والعور والحول والقرع، كأن تقول: فلان الأقرع، أو فلان الأعور، فكل هذا غيبة. أو في طوله وقصره ونحو ذلك، فكل هذا غيبة.

أو في نسبه كقولك: أبوه نبطي، والنبطي الآن قد يقال عنها فلاح، فإذا كان القصد منها التنقص فهي غيبة، أما إذا لم يكن كذلك فهي بهتان وكذب. وطبعًا إذا قيلت كلمة "فلاح" بقصد التنقص فهي غيبة، وإن كانت الكلمة في ذاتها لا تنقص، لكن الناس استخدموها لهذا الغرض. وكذلك في نسبه كقولك: هندي، أو فاسق، أو خسيس، أو نحو ذلك.

أو في خلقه كقولك: هو سيئ الخلق، أو بخيل، أو متكبر، ونحو ذلك، فكل هذا غيبة. أو في ثوبه كقولك: هو طويل الذيل، أو واسع الكم، أو وسخ الثياب. والدليل على ذلك أن النبي ﷺ سئل عن الغيبة، فقال: «ذكرك أخاك بما يكره»، قال: أرأيت إن كان في أخي ما أقول؟ قال: «إن كان في أخيك ما تقول فقد اغتبته، وإن لم يكن فيه ما تقول فقد بهتته».

فإن كان فيه ما تقول فهي الغيبة، وإن لم يكن فيه ما تقول فهي البهتان، والبهتان هو الكذب. واعلم أن كل ما يفهم منه مقصود الذم فهو داخل في الغيبة، سواء كان بالكلام أو بغيره، كالغمز والإشارة والكتابة، فالقلم أحد اللسانين. فالغيبة ليست باللسان فقط، بل بالإشارة أيضًا.

والسيدة عائشة رضي الله عنها مرة قامت بحركة عن السيدة صفية من شدة الغيرة، فقالت: «حسبك منها»، ولم تتكلم بل أشارت بيدها، فقال النبي ﷺ: «لقد قلتِ كلمة لو مُزجت بماء البحر لمزجت». هي لم تقل شيئًا، لكنها أشارت بيدها، فالموضوع خطير، وأعراض الناس ليست لعبة، وحقوق الناس لن تمر يوم القيامة؛ فهذا الديوان لن يترك الله منه شيئًا لأنه يتعلق بحقوق العباد.

فلا تفرح بطاعاتك؛ لأنك قد تجد كل الحسنات التي عملتها يوم القيامة ليست لك، بل تُؤخذ منك؛ فإذا اغتبت فلانًا أخذ من حسناتك، وإذا شتمت فلانًا أخذ من حسناتك، وإذا ظلمت زوجتك أو أضعت عيالك أخذوا من حسناتك، فتفنى حسناتك وتُطرح عليك سيئاتهم، ثم تُطرح في النار عياذًا بالله.

أما الكتابة بالقلم، فمن يستمر في التريقة على لاعب في منشور على الفيسبوك أو الإنستغرام، فأين سيذهب بذلك يوم القيامة؟ قد يصل الأمر إلى اتهام اللاعب في شرفه أو اتهام زوجته بالزنا، من أين لكم هذا الأمان؟ حتى لو قلتم "كنا نهزر"، فوالله لن تنتهي عند الله. ربنا يحاسبكم، ونصوص الشرع توجب أن تصل لهذا الشخص وتستحل منه؛ فقل له: أنا اتهمتك بكذا، فحلني منها في الدنيا. أما من يشتم اللاعبين في المباريات، تارة عند الفوز وتارة عند الخسارة، فماذا سيقول لربه؟

أقبح أنواع الغيبة غيبة القراء المتزهدين المرائين؛ يعني غيبة أهل الدين. أسوأ أنواع الغيبة لماذا؟ لأنها تخرج في معرض النصح، ويلبسونها لبوس الشرع. وهذا أسوأ؛ أن تلبس على الناس، تبقى أنت تغتاب وتعمل كبيرة من الكبائر وتشرعن فعلك القبيح. ليتك إذا ووجِهت طأطأت رأسك واعترفت بذنبك واستغفرت ربك، لا؛ كيف أبقى الشيخ وأقول أنا غلطان؟ لا يا حبيبي، أنت الذي لا تفهم الدين، هذا دين، وأنت الباعث من قلبك نحو ذلك التشفي والغيظ والحسد. لكن ستقول: أصل هذا مبتدع، أصل هذا ضال، وأنت الذي بداخلك غل من فلان؛ تضحك على من؟ ربنا سبحانه وتعالى يعلم السر وأخفى.

قال: مثل أن يُذكر عندهم إنسان فيقولون: الحمد لله الذي لم يبتلنا بالدخول على السلطان. شوفوا يا جماعة، هنا الشيخ يعتبر هذه الكلمة غيبة؛ يعني كأنك تقول: فلان مبتلى بالدخول على السلطان والتبذل في طلب الحطام. آه، بس ابتُليت يا مسكين بالوقوع في أعراض المسلمين وأكل لحومهم. أو يقولون: نعوذ بالله من قلة الحياء، أو نسأل الله العافية. شوفوا إقحام ربنا في الجمل عامل إزاي، أنتم واخذين بالكم؟ كل الجمل فيها ربنا، والله بريء منهم ومن أفعالهم. فإنهم يجمعون بين ذم المذكور ومدح أنفسهم، ما هو طالما أنت تقول: نعوذ بالله من قلة الحياء، يبقى أنت أبو الحياء كله؛ ما هو هذا معناها، أليس كذلك؟

وثالث حاجة؛ هو هنا الشيخ قال: هم جمعوا كذا حاجة، ذموا المذكور ومدحوا أنفسهم، ونحن زدنا أنك لبست على الناس، وألبست فعلك السيئ الرديء لبوس الشرع، ولبست على الناس؛ وشوف بقى كم واحد سيخرج يستمرئ تلك الفعلة، ليه؟ أصل الشيخ بيعملها، يعني الشيخ سيغلط؟ وتطلع جيلاً مشوهاً نفسياً، وتطلع جيلاً كله مشاكل وكله أمراض قلوب. وربما قال أحدهم عند ذكر إنسان -يعني من هؤلاء القراء أو من هؤلاء المتزهدين- إذا ذكروا إنساناً قالوا: ذاك المسكين قد بُلي بآفة عظيمة، تاب الله علينا وعليه. يا واد يا مؤمن! ولا يقول الآفة العظيمة عشان تقعد أنت تهري وتنكت: إيه الآفة العظيمة؟ تقول لي الآفة العظيمة، طب قل لي حتة كده من الآفة العظيمة. فهو يظهر الدعاء ويخفي قصده؛ أبشر، فربك يعلم ما تُكِنّ صدرك، فلو انطلى كلامك على الجالسين ونلت عندهم الحظوة بما قلت، فلا والله لن ينطلي ذلك على الله، ولا والله لن تذهب تلك الكلمة، بل ستحاسب عليها، وسيفصل الله عز وجل بينك وبين من ذكرته بذلك، سواء في مجلس خاص، سواء في مجلس عام، سواء بلسانك، سواء كتبت منشوراً؛ كل ذلك لن يضيع عند الله عز وجل. وأشد من ذلك وأطم أن تقع في أئمة هذا الدين الذين أوصلوا لنا دين الله عز وجل، وبذلوا أعمارهم في تعلم ذلك الدين وتعليمه، وتستمر أنت أن تقع فيهم، وأن ترميهم بأشياء لم تتحققها.

قال: واعلم أن المستمع للغيبة شريك فيها، لا يتخلص من إثم سماعها إلا أن ينكر بلسانه، فإن خاف فبقلبه، وإن قدر على القيام أو قطع الكلام بكلام آخر لزمه ذلك. أولاً: الدعاة أو طلاب العلم أو الشيوخ ما ينبغي أبداً أبداً أبداً أن يغتابوا أو أن يسمحوا بالغيبة في مجالسهم، أبداً تحت أي ظرف، لا يغتابوا ولا يسمحوا بالغيبة في مجالسهم. فإن حصل، فلا مجاملة في الدين. فإن حصل، عرفت تقطع الكلام بأدب -لأن برضه شيخك له حق عليك يعني، ما هو يعني ما بقاش خلاص فاسق ضال فاجر يعني؛ ارتكب معصية ولعله متأول- تقطع الكلام بطريقة ذكية، تفتح موضوع ثاني، توقع كوباية الشاي فالشيخ يشتمك وخلاص، يبطل يغتاب، فتبقى خليك ذكي يعني. ما قدرتش قوم وسيب المجلس؛ لا تجامل بدينك، قوم وسيب هذا المجلس الذي فيه الغيبة.

قال: وقد روي عن النبي صلى الله عليه وسلم أنه قال: «من أُذِلَّ عنده مؤمن وهو يقدر أن ينصره فلم ينصره، أذله الله عز وجل على رؤوس الخلائق». وقال صلى الله عليه وسلم: «من حمى مؤمناً من منافق يعيبه، بعث الله ملكاً يحمي لحمه يوم القيامة من نار جهنم». ورأى عمرو بن عتبة مولاه مع رجل وهو يقع في آخر؛ عمرو بن عتبة شاف مولاه الخادم بتاعه مع واحد ثاني وهو يقع في آخر -يعني الرجل الثاني بيغتاب ومولاه قاعد- فقال له: ويلك، نزه سمعك عن استماع الخنا، كما تنزه نفسك عن القول به؛ يعني زي ما أنت ما بتغتبش، ما تقعدش تسمع الغيبة. فالمستمع شريك القائل، إنما نظر إلى شر ما في وعائه فأفرغه في وعائك، كأن الأذن دي حاجة بيصب فيها بلسانه ما يقول. ولو رُدَّت كلمة سفيه في فيه لسعد بها رادُّها، كما شقي بها قائلها. وقد وردت أحاديث في حق المسلم على المسلم تقدمت في كتاب الصحبة؛ يبقى من حق أخيك عليك أن ترد غيبته، لما تسمع حد بيغتاب حد، لا، ترد غيبته، تقول: لا والله هو مش كده، ده هو حد محترم، لا، ده هو كان يقصد كذا.

فصل في الأسباب الباعثة على الغيبة وذكر علاجها، وهذا فصل مهم جداً جداً يا شباب، لأن دلوقتي كاننا خلاص استعظمنا الغيبة جداً، وشفناها حاجة خطيرة؛ طيب يا ترى إزاي ما أغتبش؟ فقال لك: عشان ما تغتابش الأول اعرف أنت ليه بتغتاب. اعرف أنت ليه بتغتاب أصلاً؛ لأن الغيبة هي عرض لمرض فيك، فلو عرفت تتخلص من المرض العرض هيروح لوحده، فاهمين دي؟ أنتم نائمون ولا صاحون ولا إيه؟ ولا الدرس ينيم؟ زهقانين؟ نقفل ونغتاب؟

أما الأسباب التي تبعث على الغيبة فكثيرة، منها تشفي الغيظ؛ بأن يجري من إنسان في حق آخر سبب يوجب غيظه، فكلما هاج غضبه تشفى بغيبة صاحبه. يبقى أول سبب من أسباب الغيبة أنك عاوز تفش غلك؛ طب أنت مغلول ليه؟ أسباب بقى. يعني مثلاً أنا راجل بتاع دعوة وبلغني أن في واحد أشهر مني في الدعوة، عنده فولورز أكتر مني، الناس بتتأثر بكلامه أكتر من تأثرهم بكلامي، فأنا متغاظ؛ ليه يبقى فلان؟ أولاً، أولاً قبل بقى ما نشوف الغيبة، نقول لك: فكرة أنك متغاظ فالظاهر كده أن أنت ما بتعملش عملك ده لله، لأنه إن كان لله هتفرح أن الناس بتسمع كلام عن ربنا وبتتأثر، مش لازم يبقى على لسانك ولا لازم يبقى من خلالك ولا مش لازم خالص. أما تشوف الناس بتحب ربنا والناس رجعت لربنا، والناس بتتأثر بكلام حد بيدلهم على ربنا، المفروض تفرح إذا كان قصدك الله عز وجل، بل يبقى فلان ده الذي ربنا كتب له قبول، ولا يبقى ليه نصيب من دعائك؛ يبقى في كل ليلة كده تعمل زي ما سيدنا الإمام أحمد كان بيعمل مع سيدنا الإمام الشافعي، قال لابنه: إن أباك واحد من ستة بدعو لهم كل يوم في السحر. فيبقى فلان ده تفرح له وتتمنى له مزيداً من السداد والتوفيق.

طيب لا أصل أنت ما تعرفش، أصل هو مش على المنهج، مش عارف إيه؛ كلمة المنهج دي اللي طالعين لنا فيها، كل شوية كده كل عشرة عشرين واحد جمعوا بعض قالوا إحنا عندنا منهج، وبعدين فلان مش على المنهج، نعمل إيه بقى؟ نسلخه، مش على المنهج! إيه المنهج ده؟ جبته من مقرر فين ده يعني؟ عشان تبص على المنهج تلاقي اختيارات فقهية مثلاً، إيه اللي خلى اختيار فقهي بقى منهج؟ إيه ده؟ إيه العك ده؟ طب يا سيدي فلان مش على المنهج، تعمل إيه؟ تدعي له يبقى على المنهج، ربنا يهديه ويبقى على المنهج. فده يخليك تتغاظ؛ أو قل مثل ذلك في الدنيا، يعني إحنا جبنا مثال شرعي أو مثال ديني، يعني في الدنيا كمان، يبقى أنت في الشركة بتاعتك أنت وواحد بتتنافسوا على منصب، أو أنت وواحد في نفس الـ.. فتلاقيه هو أنشط، تلاقيه هو الناس تحبه أكتر، تلاقيه هو مجتهد، فتبتدي تتغاظ، تقوم تغتابه عشان تقلل من انبهار الناس بيه ولا كذا، يبقى ده واحد من الدوافع للغيبة. خلاص، طيب نعالجها إزاي دي؟ إيه رأيكم؟ طيب خلينا نخلي العلاج جاي بعدين.

السبب الثاني من البواعث على الغيبة: موافقة الأقران ومجاملة الرفقاء ومساعدتهم؛ يعني إيه؟ يعني هو ممكن ما يغتابش، لكن لما يبقى قاعد مع أصحابه ويغتابوا، يقول لك: ما أنا مش هبقى بقى اللي دمه ثقيل اللي بيبوظ القاعدة كل مرة، ويقول لك: أنت يا عم أنت، أنت ساعة ما تدينت بقيت خنقة، يقوم يعمل إيه؟ يوافقهم؛ هو مش عاوز يغتاب، ولو ما حدش فتح غيبة هو مش في دماغه الغيبة، لكن لو فتحت الغيبة يوافقهم ويضحك معاهم ويهزر معاهم ويمكن يخوض معهم كمان. خلي بالك، هو ما فيش مشكلة بينه وبين الثاني اللي بيغتاب ده -يعني مش عاوز يفش غله مثلاً أو مش لا خالص- لكن يوافق الأقران، فإنهم إذا كانوا يتفكهون في الأعراض، رأى هذا أنه إذا أنكر عليهم أو قطع كلامهم استثقلوه ونفروا عنه؛ فيساعد ده ويرى ذلك من حسن المعاشرة. فهمتوا دي؟ فده برضه ما يتعملش، وبعض الناس تلبس ذلك أيضاً ثوب الدعوة، يقول لك: أصل أنا عاوز أدعوهم لربنا، فأقعد معاهم وأشاركهم الغيبة والشيشة والـ... لغاية بس ما أجيب رجلهم.

الثالث: إرادة رفع نفسه بتنقيص غيره؛ يعني ممكن ما يبقاش شاغله قوي فلان، لكن شاغله نفسه، أن أنا عاوز أبين أن أنا حاجة ضخمة، فأقوم جاي أقول إيه مثلاً؟ أقول لهم: أصل العالم الفلاني ده ربنا يهديه ده راجل مبتدع، يبقى أنت الواد بتاع السنة بقى، أنت إمام أهل السنة في العصر الحديث، أما تبدع ده وتكفر ده، فهو عاوز يعمل إيه؟ أنه هو يعني الشيخ بيتكلم عليه في الكتاب، يعني أنه ممكن يبقى عاوز يرفع نفسه، يقوم يعمل إيه؟ يضع غيره ويتنقص منه، يقول: فلان جاهل وفهمه ركيك، أو زي إخواننا اللطاف اللي يقولوا إيه، قلنا لكم كذا مرة قبل كده، يقول لك: إيه ده، الفلان ده قول الحنابلة والشافعية بس لا دليل لهم! فكده أنت تحس أنه أفقه من الحنابلة والشافعية، ما هو بيقول الشافعية ما عندهمش دليل، يبقى هو أفقه منهم! طبعاً ده.. لأنك زيه، إنما اللي فاهم أول ما يسمع حد بيقول كده عاوز يديله باللي في رجله، أما يقول الحنابله لا دليل لهم، ولا الشافعي لا دليل لهم، ولا الأحناف.. يبقى خلاص فليسقط هذا الرجل، يسقط من عينه ويفهم أن ده لا فاهم فقه ولا فاهم دين ولا فاهم أي حاجة. قال: فيقول فلان جاهل وفهمه ركيك ونحو ذلك، وغرضه أن يثبت في ضمن ذلك فضل نفسه، ويريهم أنه أعلم منه. وكذلك الحسد في ثناء الناس على شخص وحبهم له وإكرامهم؛ فيقدح فيه ليقصد زوال ذلك، يبقى متغاظ أن في حد محبوب، حد مكرم، يقوم يقعد يبقى من غيظه يقعد يغتابه قدام الناس علشان ما يحبوهوش وما يكرموهوش.

الرابع: اللعب والهزل، فيذكر غيره بما يضحك الناس به على سبيل المحاكاة، يقلده؛ يعني زي الناس اللي بيقلدوا الناس، حتى إن بعض الناس يكون كسبه من هذا، يعني بياخد فلوس على كده. طب إيه علاج الغيبة بقى؟ يبقى إحنا عرفنا أربع أسباب باعثة للغيبة، نعالجها إزاي؟ فليعلم المغتاب أنه بالغيبة متعرض لسخط الله تعالى ومقته؛ يبقى أول العلاج علاج علمي، علاج علمي يعني إيه علاج علمي؟ يعني حاجات لازم تتعلمها تعرفها، لأن بعد كده هنقول علاج عملي، حاجة تعملها. أول العلاج العلمي أنك تعرف أنك بالغيبة أنت مودي نفسك في داهية. يا سيدي هب أن مقصودك في الدنيا حصل، يعني إيه؟ يعني أنا عاوز أرفع نفسي على فلان أو أتنقص منه لأنه هو محبوب فأنا أحسده؛ لأنه ممكن ما يحصلش مقصودك أصلاً، ممكن يحصل عكسه، مش كده؟ تيجي تقعد قدام الناس تغتاب فلان يوم يستنقصوك، صح؛ ممكن، ما هو الناس مش كلها ساذجة يعني، أول ما يلاك بتغتاب فلان ده يقوموا يستنقصوك جواهم ومش هيقولوا لك، وبعد ما كنت قاعد هم حاطينك في منزلة قمت ناقص منزلتك. لكن لا يا سيدي، هب أنك نلت غرضك في الدنيا ورفعوك ووضعوا فلان ده، فإيه بقى إن شاء الله؟ إيه ده؟ يعني فادك إيه في الآخرة ده؟ ولا حاجة، لو كل الناس قالوا عليك أجدع واحد في الدنيا، وأنت عند ربنا مكتوب أنك مغتاب كذاب فاجر، هتفيدك بايه دي؟ تفيدك بايه؟

فأنت أول ما تلاقي لسانك عاوز ينطلق في كده، أمسك نفسك وقل: هذه الكلمة ربما أوبقت دنياي وآخرتي، هذه الكلمة ربما تكون من سخط الله علي، وتلقي به في النار سبعين خريفاً، أبعد ما بين المشرق والمغرب، مش ده حديث النبي يا جماعة عليه الصلاة والسلام؟ كلمة لا يلقي صاحبها لها بالاً تهوي به في النار أبعد مما بين المشرق والمغرب، تهوي به في النار، خير! يبقى فليعلم المغتاب أنه بالغيبة متعرض لسخط الله تعالى ومقته، وأن حسناته تنقل إلى المغتاب إليه. هذا علاج علمي ثاني.

دلوقتي أنت أول علاج علمي تعرف أنك عند ربنا بتنقص، فكر نفسك بالمعنى ده. المعنى التاني دلوقتي أنت بتغتاب حد غالبا أنت متغاظ منه ولا بتحبه؟ غالبا إيه، متغاظ منه صح كده؟ طيب هل اللي أنت متغاظ منه ده يتصور يعني أنك تروح تجيب له هدية كبيرة فخمة وأنت مش خايف منه ولا حاجة، يعني وأنت متغاظ منه وكارحه، تعمل كده؟ ما ما مش هتعمل كده، أهو أنت بتعمل كده! أنت بتعمل إيه دلوقتي؟ متغاظ منه وبتدي له حسناتك!

يعني خلي غيظك منه ده وقود يدفعك إلى ترك الغيبة. تقول الله، يعني أنا متغاظ منه في الدنيا أقوم ما أبقى متغاظ منه في الدنيا وهو عمال يزيده، وأجي في الآخرة ألاقيه دخل أعلى الجنان والفردوس الأعلى بحسناتي؟ طب والله ما أنا مغتابه! فخليها إيه وقود ليك انك ما تغتابش فلان ده. اتفضل نكمل، يبقى ده تاني علاج علمي أنك تعرف أنك بهذا تعطي المغتاب من حسناتك، وإن لم يكن لك حسنات وفنيت حسناتك يوم القيامة أخذت من سيئاته فطرحت عليك، كأنك بالضبط جبت له هدية كده، فماحدش يعمل كده.

قال: فمن استحضر ذلك لم يطلق لسانه بالغيبة. وينبغي إذا عرضت له الغيبة أن يتفكر في عيوب نفسه، يبقى ده تالت حاجة وده علاج عملي وليس علمي. يبقى لما هتفكر في الغيبة، واحنا قلنا الغيبة يا شباب ذكرك أخاك بما يكره في غيبته، ولازم يبقى إيه الحاجة دي فيه، مش كده؟ طيب أول ما تيجي تلاقي نفسك لسانك هيطلق بذكر مساوئ أخيك تقوم تقعد تتفكر في عيوب نفسك وتقول: إذا أطلقت لساني في عيب أخي أآمن أن يسلط الله ألسنة تنطلق بعيوبي؟ ولا أنت عيوبك يعني منزهة أن تذكر؟ وإذا كففت لساني الآن رجوت أن يعاملني الله عز وجل بتلك المعاملة، والجزاء من جنس العمل. يبقى تقعد تفكر في عيوب نفسك وتقول: يعني أمنع نفسي من الغيبة كي لا أفضح أنا، ويشتغل باصلاحها هي تلك العيوب، ويستحي أن يعيب وهو معيب، كما قال بعضهم: فإن عبت قوما بالذي فيك مثله، فكيف يعيب الناس من هو أعور؟ وإذا عبت قوما بالذي فيهم فذلك عند الله والناس كبر.

وإن ظن أنه سليم من العيوب، طب قاعد يفتش في نفسه قال إيه: لا أنا مية فل، ما فيش عيب خالص. نقول له: طبعا أنت كده ما أنتش عارف نفسك، لكن ماشي يا سيدي، تنزلا ظننت أنك سليم من العيوب، يبقى ليه تلوث نفسك بعيب من أكبر العيوب يا سليم العيوب؟ ما هي الغيبة دي عيب من أكبر العيوب صح؟ طب أنت إلى الآن سليم من العيوب تنزلا يعني، أنت الآن سليم العيوب تقوم تروح تلوث نفسك بيدك بعيب من أكبر العيوب؟ عيب خليك سليم.

قال: وإن ظن أنه سليم من العيوب فليتشاغل بالشكر على نعم الله عليه، ولا يلوث نفسه بأقبح العيوب وهو الغيبة. وكما لا يرضى لنفسه بغيبة غيره له، فينبغي ألا يرضاها لغيره من نفسه، يبقى ده معنى أني تفكر فيه. اكتبوا المعاني دي يا شباب عشان مهمة، الغيبة مش حاجة بسيطة. ولما أجي أقول لك أول ما تلاقي نفسك عاوز تغتاب تفكر في الحاجات دي، أنا بعد ربع ساعة بالضبط قلت لك إيه الحاجات دي؟ مش هتفتكر الحاجات دي، يبقى معنى كده أنك مش هتبطل غيبة. فخدوها كده في نقط تبقى واضحة قدام عينيكم.

المعنى ده اللي هو إيه بقى؟ أنك تفكر تقول: طب أنا أرضى أن يغتابني غيري؟ إن كنت لا أرضى ذلك من غيري، فلا أرضاه لغيري من نفسي، هذا هو الإنصاف، هذا هو العدل، كن منصفا، وخلق الإنصاف عزيز في الناس. فلينظر في السبب الباعث على الغيبة، فليجتهد على قطعه، فإن علاج العلة يكون بقطع سببها، وقد ذكرنا بعض أسبابها، فيعالج الغضب بما سيأتي في كتاب الغضب، احنا طبعا عندنا كتاب كامل اسمه كتاب الغضب وهنشرحه.

طيب، دلوقتي احنا قلنا أول أسباب الغيبة اللي ذكرناها أنك إيه؟ تشفي الغيظ. أن فلان أشهر مني، فلان صوته أحلى مني في القرآن، فلان اترقى قبلي في الشغل، فلان اشطر مني في الدراسة ويجيب درجات احسن مني فاغتابه. نقول له: أنت دلوقتي بتعترض على قسمة ربك؟ أصل هو فلان ده الذي نال الشهرة ولا نال حسن الصوت ولا نال القبول عند الناس ولا نال الفلوس ولا نال الزوجة ولا نال، هو مين اللي قدر له ده؟ ربنا! أنت مشكلتك مش مع فلان دلوقتي، أنت مشكلتك مع ربنا! روح حل مشكلتك مع ربنا بقى، أنت دلوقتي معترض على إيه ومتغاظ من إيه؟ يعني كان غيظك وحسدك وبغضك عائد على ربك مش على فلان خالص، مفهومة دي يا شباب؟ فروح حل مشكلتك مع ربنا بقى، ومع مقادير ربنا، ومع عدل ربنا في الكون، ومع قسم ربنا لعباده، أَهُمْ يَقْسِمُونَ رَحْمَتَ رَبِّكَ نَحْنُ قَسَمْنَا بَيْنَهُمْ، فدي مشكلتك مع ربنا.

طيب، ويعالج موافقة الجلاس، اللي هو السبب السبب الثاني، اللي هو لا عاوز يغتاب ولا بتاع، بس قاعد مع الناس فهغتاب زي زيهم وهضحك معاهم، بأن يعلم أن الله تعالى يغضب على من طلب رضا المخلوقين بسخطه. يعني هب الآن تمثل نفسك، ده بقى حق علاج عملي، أنت قاعد دلوقتي وجلاسك قاعدين أصحابك ابتدوا يغتابوا، ابتدوا يعملوا حاجة حرام، فقلت أوافقهم عشان ما يستثقلوش قعدتي. تمثل نفسك وقتها: واحد أنت معظمه جدا جدا ظهر فجأة في هذا المجلس واقف كده وسامعكم، كأن النبي عليه الصلاة والسلام فجأة كده بتبص لقيت سيدنا النبي واقف عليه الصلاة والسلام، ساعتها هتشتري رضاهم بسخطه صلى الله عليه وسلم، ولا هتشتري رضاه بسخطهم؟ ولله المثل الأعلى، الله يراك! فشوف أنت هتشتري رضا مين بسخط مين. فده علاج عملي، أن تتمثل أحد صالح قومك، أو تتمثل يعني واحد أنت معظمه جدا في الدين مثلا، فتقوم تقول: إيه ده، دلوقتي لو الشيخ فلان دخل عليه، هتخيال واقف دلوقتي هعمل إيه؟ أو زي ما بيقول كده النبي عليه الصلاة والسلام، ثم قل لله المثل الأعلى: لا أنا هرضي ربنا مش هرضي دول. بل ينبغي أن يغضب على رفقائه، وعلى نحو هذا معالجه البواقي.

طيب، لسه شوية عن على الغيبة برضه، أوصي قد ايه كده؟ ماشي، في سؤال: واحدة بتقول: والدتي صعبة جدا معايا من صغري، حاولت أراضيها بكل الطرق ما بترضاش، لدرجة الموضوع أثر على نفسيتي وصل لمرض مناعي مزمن، وبقت تأذيني في بيتي وبتقول عليا كلام وحش لزوجي، أنا ما بقتش متحملة وبقى لي كذا شهر مش بكلمها وعارفة إنه حرام، ولكن ما بقاش عندي حلول، أعمل إيه؟

أولا يكفي يكفي أنك بس من كل يومين كده ولا حاجة تبعتي تسلمي عليها في رسالة ولا حاجة وخلاص، يبقى ده يقطع القطيعة، يقطع القطيعة. كل يومين تبعتي لها رسالة تسلمي عليها وخلاص. لو هي في احتياج ليكي تحاولي تدبري لها حاجاتها حتى بدون احتكاك، يعني أنا ما اعرفش أحوالكم، ممكن تبقى هي ليها زوجها يعني أبوكي عايش، ممكن يبقى ليكي إخوات تانيين بيخدموها، أنا ما اعرفش، إنما لو أنت الوحيدة وهي في احتياج ليكي حاولي تدبري لها احتياجها من غير احتقَاك؛ تبعتي جوزك بقى، جوزك بالحاجة، عيل من عيالك، جار من جيرانكم يطلع يديها الحاجة طالما أنت مأذية الأذى الشديد ده من حيث التعامل.

وبعدين اشتغلي بقى مع ربنا سبحانه وتعالى أورادا شديدة؛ صومي كتير وصلّي كتير بنية أن ربنا يصلح تلك الأحوال ويصلح لك أمك، وَاسْتَعِينُوا بِالصَّبْرِ وَالصَّلاةِ على إيه يا رب؟ المستعان عليه محذوف، استعينوا بالصبر والصلاة على كل حاجة، فاستعيني بالصبر الذي هو الصوم والصلاة على إيه؟ على اصلاح الأحوال بينك وبين أمك. طيب أنت كده آثمة لو الحالة زي ما أنت بتحكيها؟ لا مش آثمة، آثمة ليه؟ خلاص هي لو مؤذية أذى شديد ليكي ووصل أنك مرضتي مرض شديد، يبقى زي ما بقول لك كده تسلمي عليها كل يومين كده وتسأليها أحوالها وخلاص، ماشي.

مش عارف إيه ده، طرح فكرة تدوين الدرس، كثيرا من البنات والنساء يأتي مش عارف إزاي ويسمع دون تدوين فوائد الدرس. الفكرة تكتب إيه؟ أنت عاوزة إيه؟ ها؟ مش عارف إيه، مش عارف المقصود إيه يعني؟ الرجالة بيبقوا عاوزين كلام مباشر، يعني إيه؟ أحمد يلعب بالكرة، خلصنا. هنقعد بقى وأحمد راح المحل وبص على الكور، ولا كورة عجبته واشتراها وراح نفخها، خلاص فصلنا منكم، وما أنا مش مش عارف أنت عاوزة إيه دلوقتي؟ قولي اعملوا كذا.

مش راضد علي، أهو ده سؤال من راجل أنا متأكد: غيبة الكافر تجوز؟ ده راجل ده، من غيره. الكافر لا حرمة له، يعني في في كونه كافرا يعني؟ ولا أنت بس الأحسن تكون تقصد يعني: نكفر وبعدين نغتاب، عشان برض أنا إيه يعني الدماغات أنا؟ يعني غيبة المسلم لا تجوز خلاص، نكفره وبعدين نغتاب بقى براحتنا؟ فانت المسلم ولا أنت الآيه؟

لا ما تغتبش الناس، ما تغتبش الناس، شفت بقى؟ طلع إيه؟ شغال مع ناس مش مسلمين عاوز يقعد يشتم في الناس ويوصل لهم أن الراجل اللي بيحضر دروس العلم عمال يشتمنا في ظهرنا! ما فيش فقه بربع جنيه! أي حاجة. تغتابوه ليه؟ يعني مش فاهم، أنتوا عمالين تغتابوا الناس ليه؟ يعني لا، ما فيهاش حاجة دي، بس ما تغتبوش برضه.

حد عاوز حاجة تاني؟ قول. قولي هذا وأستغفر الله العظيم ولكم، سبحانك اللهم وبحمدك، نشهد أن لا إله إلا أنت، نستغفرك ونتوب إليك. ظننت أنك سليم من العيوب، يبقى ليه تلوث نفسك بعيب من أكبر العيوب يا سليم العيوب؟ ما هي الغيبة دي عيب من أكبر العيوب صح؟ طب أنت إلى الآن سليم من العيوب تنزلا يعني، أنت الآن سليم العيوب تقوم تروح تلوث نفسك بيدك بعيب من أكبر العيوب؟ عيب خليك سليم.

قال: وإن ظن أنه سليم من العيوب فليتشاغل بالشكر على نعم الله عليه، ولا يلوث نفسه بأقبح العيوب وهو الغيبة. وكما لا يرضى لنفسه بغيبة غيره له، فينبغي ألا يرضاها لغيره من نفسه، يبقى ده معنى أني تفكر فيه. اكتبوا المعاني دي يا شباب عشان مهمة، الغيبة مش حاجة بسيطة. ولما أجي أقول لك أول ما تلاقي نفسك عاوز تغتاب تفكر في الحاجات دي، أنا بعد ربع ساعة بالضبط قلت لك إيه الحاجات دي؟ مش هتفتكر الحاجات دي، يبقى معنى كده أنك مش هتبطل غيبة. فخدوها كده في نقط تبقى واضحة قدام عينيكم.

المعنى ده اللي هو إيه بقى؟ أنك تفكر تقول: طب أنا أرضى أن يغتابني غيري؟ إن كنت لا أرضى ذلك من غيري، فلا أرضاه لغيري من نفسي، هذا هو الإنصاف، هذا هو العدل، كن منصفا، وخلق الإنصاف عزيز في الناس. فلينظر في السبب الباعث على الغيبة، فليجتهد على قطعه، فإن علاج العلة يكون بقطع سببها، وقد ذكرنا بعض أسبابها، فيعالج الغضب بما سيأتي في كتاب الغضب، احنا طبعا عندنا كتاب كامل اسمه كتاب الغضب وهنشرحه.

طيب، دلوقتي احنا قلنا أول أسباب الغيبة اللي ذكرناها أنك إيه؟ تشفي الغيظ. أن فلان أشهر مني، فلان صوته أحلى مني في القرآن، فلان اترقى قبلي في الشغل، فلان اشطر مني في الدراسة ويجيب درجات احسن مني فاغتابه. نقول له: أنت دلوقتي بتعترض على قسمة ربك؟ أصل هو فلان ده الذي نال الشهرة ولا نال حسن الصوت ولا نال القبول عند الناس ولا نال الفلوس ولا نال الزوجة ولا نال، هو مين اللي قدر له ده؟ ربنا! أنت مشكلتك مش مع فلان دلوقتي، أنت مشكلتك مع ربنا! روح حل مشكلتك مع ربنا بقى، أنت دلوقتي معترض على إيه ومتغاظ من إيه؟ يعني كان غيظك وحسدك وبغضك عائد على ربك مش على فلان خالص، مفهومة دي يا شباب؟ فروح حل مشكلتك مع ربنا بقى، ومع مقادير ربنا، ومع عدل ربنا في الكون، ومع قسم ربنا لعباده، أَهُمْ يَقْسِمُونَ رَحْمَتَ رَبِّكَ نَحْنُ قَسَمْنَا بَيْنَهُمْ، فدي مشكلتك مع ربنا.

طيب، ويعالج موافقة الجلاس، اللي هو السبب السبب الثاني، اللي هو لا عاوز يغتاب ولا بتاع، بس قاعد مع الناس فهغتاب زي زيهم وهضحك معاهم، بان يعلم أن الله تعالى يغضب على من طلب رضا المخلوقين بسخطه. يعني هب الآن تمثل نفسك، ده بقى حق علاج عملي، أنت قاعد دلوقتي وجلاسك قاعدين أصحابك ابتدوا يغتابوا، ابتدوا يعملوا حاجة حرام، فقلت أوافقهم عشان ما يستثقلوش قعدتي. تمثل نفسك وقتها: واحد أنت معظمه جدا جدا جدا ظهر فجأة في هذا المجلس واقف كده وسامعكم، كأن النبي عليه الصلاة والسلام فجأة كده بتبص لقيت سيدنا النبي واقف عليه الصلاة والسلام، ساعتها هتشتري رضاهم بسخطه صلى الله عليه وسلم، ولا هتشتري رضاه بسخطهم؟ ولله المثل الأعلى، الله يراك! فشوف أنت هتشتري رضا مين بسخط مين. فده علاج عملي، أن تتمثل أحد صالح قومك، أو تتمثل يعني واحد أنت معظمه جدا في الدين مثلا، فتقوم تقول: إيه ده، دلوقتي لو الشيخ فلان دخل عليه، هتخياله واقف دلوقتي هعمل إيه؟ أو زي ما بيقول لك كده النبي عليه الصلاة والسلام، ثم قل لله المثل الأعلى: لا أنا هرضي ربنا مش هرضي دول. بل ينبغي أن يغضب على رفقائه، وعلى نحو هذا معالجه البواقي.

طيب.

في سؤال، واحدة بتقول: السلام عليكم، والدتي صعبة جداً معايا من صغري، حاولت أراضيها بكل الطرق ما بترضاش، لدرجة الموضوع أثر على نفسيتي ووصل لمرض مناعي مزمن، وبقت تأذيني في بيتي وبتقول عليا كلام وحش لزوجي، أنا ما بقتش متحملة وبقالي كذا شهر مش بكلمها، وعارفة إنه حرام ولكن ما بقاش عندي حلول، أعمل إيه؟

أولاً: يكفي إنك كل يومين كده ولا حاجة تبعتي تسلمي عليها في رسالة ولا حاجة، وخلاص، يبقى ده يقطع القطيعة. كل يومين تبعتي لها رسالة تسلمي عليها وخلاص. لو هي في احتياج ليكي، تحاولي تدبري لها حاجاتها حتى بدون احتكاك. أنا ماعرفش أحوالكم، ممكن تبقى هي ليها زوجها يعني أبوكي عايش، ممكن يبقى ليكي أخوات تانيين بيخدموها، أنا ماعرفش. إنما لو أنتِ الوحيدة وهي في احتياج ليكي، حاولي تدبري لها احتياجها من غير احتكاك؛ تبعتي جوزك بالحاجة، عيل من عيالك، جار من جيرانك يطلع يديها الحاجة، طالما أنتِ مؤذية الأذى الشديد ده من حيث التعامل.

وبعدين اشتغلي بقى مع ربنا سبحانه وتعالى أوراد شديدة، صومي كتير وصلي كتير بنية إن ربنا يصلح تلك الأحوال ويصلح لك أمك. قال تعالى: ﴿يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ﴾ [البقرة: 153]، المستعان عليه محذوف، استعينوا بالصبر والصلاة على كل حاجة. فاستعيني بالصبر الذي هو الصوم والصلاة على إصلاح الأحوال بينك وبين أمك.

أنتِ كده آثمة؟ لو الحالة زي ما أنتِ بتحكيها، لا مش آثمة. آثمة ليه؟ خلاص، هي لو مؤذية أذى شديد ليكي ووصل إنك مرضتي مرض شديد، يبقى زي ما بقولك كده تسلمي عليها كل يومين كده وتسأليها عن أحوالها وخلاص.

مش عارف إيه ده، طرح فكرة تدوين الدرس، كثيراً من البنات والنساء يأتي ويسمع دون تدوين فوائد الدرس، الفكرة تكتبي، أنتِ عاوزة إيه؟ مش عارف المقصود إيه. الرجال بيبقوا عاوزين كلام مباشر، يعني أحمد يلعب بالكرة خلصنا، هنقعد بقى وأحمد راح المحل وبص على الكور ولا كورة عجبته واشتراها وراح نفخها، خلاص فصلنا منكم، وأنا مش عارف أنتِ عاوزة إيه دلوقتي، قولي اعملوا كذا.

مش رادد علي، أهو ده سؤال من راجل أنا متأكد، غيبة الكافر تجوز؟ ده راجل ده! الكافر لا حرمة له في كونه كافراً، يعني ولا أنت بس الأحسن تكون تقصد يعني نكفر وبعدين نغتاب، عشان بس برضه أنا الدماغات أنا، يعني غيبة المسلم لا تجوز، خلاص نكفره وبعدين نغتاب بقى براحتنا؟ فانت المسلم ولا أنت إيه؟ لا ما تغتبش الناس، ما تغتبش الناس، شفت بقى طلع إيه شغله مع ناس مش مسلمين عاوز يقعد يشتم في الناس ويوصل لهم إن الراجل اللي بيحضر دروس العلم عمال يشتمنا في ظهرنا، ما فيش فقه بربع جنيه.

أي حاجة تانية، تغتابوا ليه؟ يعني مش فاهم أنت، إنتوا عمالين تغتابوا الناس ليه؟ يعني لا ما فيهاش حاجة دي بس ما تغتبوش برضه. حد عاوز حاجة تاني؟ قولي، قولي هذا وأستغفر الله العظيم لي ولكم، سبحانك اللهم وبحمدك، نشهد أن لا إله إلا أنت، نستغفرك ونتوب إليك.