دخولتسجيل الدخول

١- المقدمة

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله، وعلى آله وصحبه ومن والاه، لا إله إلا الله وحده لا شريك له، وأشهد أن محمداً عبده ورسوله، اللهم صل على سيدنا محمد النبي وأزواجه أمهات المؤمنين وذريته وآل بيته، كما صليت على آل إبراهيم إنك حميد مجيد. أما بعد؛

هذا المجلس الأول إن شاء الله من مجالس شرح منظومة الآداب. منظومة الآداب للناظم، احنا ابن عبد القوي، عندنا في المذهب الحنبلي يسموه الناظم، ماشي، له نظم في الفقه كبير، وله نظم في الآداب وده اللي احنا معانا اللي هنشرحه إن شاء الله.

وشرحه أكثر من واحد، لكن من الشروح المختصرة، الشرح اللي معانا ده ما هواش شرح كبير للنظم ولا استوعب كل الأبيات، فهو شرح مختصر لبعض الأبيات. لكن ميزة الشرح ده القوية في شارحه، لأن اللي شرح النظم هو الحجاوي، والحجاوي إمام في المذهب عندنا، وله مصنفات كثيرة. المفروض أنتوا شطار وتعرفوا مين الحجاوي، عدى عليكم ولا ما عداش عليكم؟ هو عدى عليكم فين؟ تسألني ولا إيه؟ وأنت شفت زاد المستقنع فين؟ الحجاوي طبعا من الأسماء الكبيرة عندنا في المذهب، وليه كذا كتاب في المذهب. فده قيمة الشرح اللي معانا، أنه للإمام الحجاوي.

فنبدأ على طول: قال بسم الله الرحمن الرحيم: اللهم أعني. الحمد لله المرشد الهادي، الذي عم جوده وكرمه كل حاضر وبادي. وستر حلمه، من ضيع زمانه بين الغفلة والتمادي. وأشهد أن لا إله إلا الله وحده لا شريك له، إلهاً واحداً أحداً فرداً صمداً، لا يغيره الأبد، ليس له والد ولا ولد. شهادة أرجو النجاة بها يوم معادي. وأشهد أن محمداً عبده ورسوله، البشير النذير، الشفيع يوم التنادي. صلى الله عليه وعلى آله وأصحابه وأزواجه وذريته الأدباء الفضلاء، ما أعلن بالأذان منادي. وسلم تسليماً. أما بعد، فهذا شرح مختصر على القصيدة الدالية الموسومة بالآداب الشرعية، نظم الشيخ الإمام العلامة شمس الدين أبي عبد الله محمد بن عبد القوي بن بدران المرداوي المقدسي، تغمده الله برحمته وأسكنه فسيح جنته، آمين.

من الأدب مع المصنفين انك تشملهم بدعائك، يعني هذا المصنف الذي كتب الكتاب، سواء النظم أو الشرح، احنا بنستفيد منه دلوقتي مش كده؟ ففكرة أن احنا ندعيله دي ماهياش رفاهية، ده جزء من أدب طالب علم يجي دعاء له، أقل شيء أن احنا نؤمن بقلب، لأنه أفادنا.

قال: وهي قصيدته الصغرى. يبقى عنده قصيدة في الفقه. وعشان كده إذا قال الحنابله الناظم عنوا به ابن عبد القوي. وهي سهلة للحفظ والفهم لمن هو مبتدئ مثلي. طبعا احنا شهور طالب علم نبقى إيه، الحجاوي بيقول سهلة للحفظ والفهم لمن هو مبتدئ مثلي، مشتملة على جملة من الفوائد والمسائل الفقهية الفرائد.

قوله: ولد ناظمها الفقيه المحدث النحوي. يبقى فقيه محدث نحوي، عشان ما يجيش عيل بعد كده يقول إيه الحديث ده ضعيف والحنبلة مش عارف. شمس الدين المذكور، على ما ذكره ابن رجب، سنة ثلاثين وستمائة بمردى، ولذلك هو مرداوي نسبة لمرده، وسمع الحديث من خطيب مردا وعثمان بن خطيب القرافة وابن عبد الهادي، وتفقه على الشيخ شمس الدين بن أبي عمر وغيره، وبرع في العربية واللغة والشعر، ودرس وأفتى وصنف.

قال الذهبي، يعني صاحب السير: كان حسن الديانة، دمث الأخلاق. وهذا مضطرد في سير العلماء، أنه كانوا أصحاب ديانة، وكانوا أصحاب خلق، ولهذا بورك لهم في علمهم وانتشر علمهم وانتفعنا بعلومهم.

وهذا من الآداب الحسنة التي ينبغي أن نحرزها، أنه واحنا بنتعلم، نتعلم العلم ونتعلم قبل العلم الأدب والسمت والخلق والديانة والصيانة، وإلا نصير فتنه للناس. هنصير فتنه للناس، وفي الآخر يقذف الشقي في النار. فقل أن تجدوا ترجمة عالم من العلماء ولا يذكر بتلك الصفات، ندرة أن تلاقوا حاجة زي كده، مش عاوز أقول ما فيش عشان ما بقاش يعني الإطلاق ده ما بنحبوش.

فاحنا محتاجين ده ومحتاجين ده بكثره في أول الأمر، ماشي، نطيب قلوبنا لهذا العلم. فكان حسن الديانة، دمث الأخلاق، كثير الإفادة، مطرحاً للتكلف، ما يتكلفش شيء، مش لازم يبقى لابس حاجة معينة، مش لازم يبقى قاعد في مكان معين، مطارحاً للتكلف.

حكيت لكم قبل كده اثنين من مشايخنا، ما فيش اسماء بقى وكده في تصوير، اثنين مشايخنا الكبار، كبار يعني. وبعدين قاعدين مع شوية طلاب، فمشايخنا الكبار دول، اللي ربونا، لما يقعدوا يتكلموا يتكلموا كده زي ما أنا بتكلم كده يعني، ما يتكلفوش أنهم يتكلموا بالفصحى يعني طالما القاعدة كده، حاوي يعني، مش احنا كلنا بنتعلم، وهم ناس كبيرة، كبيرة في القدر في العلم وكبيرة في المقام وكبيرة في كل حاجة. وبعض الطلاب قاعدين من القدامى، فواحد منهم حب يسأل أحد الشيخين سؤالاً، فراح صاغه بالفصحى، والاثنين بيتكلموا عامي!

فراح الشيخ التاني مسكه بستفة! الشيخ التاني يبقى شيخه المباشر يعني. تتكلم زي ما احنا بنتعلم، يعني أنت ساعات بيبقى التكلف ده مش مطلوب، وينبئ عن أمور، طبعا هو مش بنقول الشاب ده عنده حاجة في قلبه، يعني ممكن يبقى تعظيماً لقدر الشيخ، يعني بيصيغ السؤال بالفصحى وكده، لكن ممكن برض يبقى في آفة، اللي هو أنا اللي بعرف إيك أتكلم بالفصحى ولا ألحن. فخد على دماغه! فاطراح التكلف ده مهم أننا برض نتعلمه، ودي كانت حاله النبي عليه الصلاه والسلام، كان مطرحاً للتكلف، ما يلبسش غير اللي الناس بتلبسه، ما ياكلش غير الناس ما بتاكله، يمكن أقل كمان، مش كده؟ يعني هم يربطوا الحجر، هو يربط الحجرين على بطنه عليه الصلاه والسلام.

وبعدين يجي في الهجرة، يبقى داخل هو وأبو بكر، الناس اللي على الأسطح يقولوا: أيهما هو؟ أيهما هو؟ مش كده؟ النهار ده لو حاجة معظم وماشي وسط ناس، أول ما تبص تعرف مين، لا، سيدنا النبي ماشي عادي عليه الصلاة والسلام. وبعدين بس كده، يا ريت ده يوصل، يوم أبو بكر واقف يتكلم، يروح هو قاعد، فالناس تفتكر مين النبي؟ تفتكر أن أبو بكر هو النبي عليه الصلاة والسلام! ما هو الولد بيتكلم لغايه ما الشمس دي تضرب في وجهه الشريف، فيروح أبو بكر وهو بيتكلم يعمل إيه، يعني يجي يداري على وجهه، فالناس تعرف أن العادة هو النبي عليه الصلاة والسلام من فعل أبي بكر. فكان مطرحاً للتكلف صلى الله عليه وسلم، كان سيد المتواضعين.

وليتدريس الصاحبية مدة. وكان يحضر دار الحديث ويشتغل بها وبالجبل. وله حكايات ونوادر. وكان من محاسن الشيوخ رحمه الله. قال: جلست عنده وسمعت كلامه ولي منه إجازة. مين اللي بيقول؟ الذهبي. الذهبي بيقول: جلست عنده وسمعت كلامه ولي منه إجازة.

وقال ابن رجب، مين ابن رجب الحنبلي؟ قلت: درس بالمدرسة الصاحبية بعد ابن الواسطي، وتخرج به جماعة من الفضلاء، وممن قرأ عليه الشيخ تقي الدين بن تيمية. يبقى هو أحد شيوخ ابن تيمية.

وله تصانيف؛ منها في الفقه القصيدة الطويلة الدالية، وهي في الفقه، وكتاب مجمع البحرين لم يتمه، وكتاب الفروق، وعمل طبقات للأصحاب. وحدث، حدث يعني كان له مجلس حديث، روى عنه إسماعيل بن الخباز في مشيخته. وتوفي في ثاني شهر ربيع الأول سنة تسع وتسعين وستمائة، ودفن بسفح قاسيون رحمه الله. انتهى كلام ابن رجب.

ولما نظم القصيدة الطويلة في الفقه، اتبعها بهذه القصيدة في الآداب، اقتداء بطريقة جماعة من الأصحاب؛ كابن أبي موسى، والقاضي. طبعا أي اسم هنعدي عليه دلوقتي إن شاء الله في مدخل ابن بدران في المرحلة الثانية، هنعرف مين دول بقى، ماشي، هنتطرق لأهم الأسماء عندنا في المذهب يعني؛ كابن أبي موسى، والقاضي، القاضي مين؟ لا، القاضي أبو يعلى، وابن حمدان في رعايتيه، لأن ابن حمدان له رعاية صغرى ورعاية كبرى، كل ده هنعرفه إن شاء الله في المدخل، وصاحب المستوعب، وغيرهم في اتباع الكتاب بمقدمة في الآداب.

يبقى شوفوا عادة الفقهاء المربين، أنه كنا زمان، ما أعرفش دلوقتي الشباب إيه في طلب العلم، كنا جايين حريصين قوي، عاوزين الفقه والعقيدة، ونلاقي شيوخنا يفرملونا في أول الطلب، ويقعدوا يدونا أداب وأخلاق وآفات قلوب ومش عارف إيه، ونبقى احنا عمالين نهري وننقط، عاوزين نجري في العلوم الثانية، وهم كانوا أعلم وأعرف بما يصلحنا.

المهم يعني الآداب مهمة جداً يا جماعه، مهمة لأنها أولاً بتحسن ظاهرك، وبتجود يومك، تلاقي طول ما أنت ماشي في اليوم عمال تاخد حسنات كده، سمتك اختلف، طريقتك اختلفت. مهمة كذلك لأن بالآداب تحصل حسنات بسهولة، ليه؟ لأن الآداب متعلقة في غالبها في معظمها بأعمال اليوم والليلة أصلاً. يعني لما ندخل في الآداب، هنلاقي الآداب بنتكلم فيه: آداب اللباس -حد هنا ما بيلبسش؟ كله بيلبس- آداب الأكل، آداب الشرب، آداب النوم، آداب الجماع، آداب وهكذا، يعني هتلاقي الأعمام اللي بتعملها في اليوم والليلة في معظمها، ماشي؟

فأنت كده -يرحمك الله- بتاكل، فأقول لك: طب خلاص والله كل بيمينك. تقول: ما أنا أصلاً إيهمن -باكل بيميني عداً يعني، عادة يعني إيه؟ من باب العادة- فنقول: طب خلاص، انوِ بها السنة، تأكل لأمر النبي عليه الصلاة والسلام؛ لأنها من آداب الأكل فتثاب، أنت ما عملتش أي حاجة زيادة غير أنك عرفت أنها سنة أمر بها النبي عليه الصلاة والسلام فنويت بها السنة، أنت بتأكل باليمين.

طيب كل مما يليك، تقول: ما هو ده الأتيكيت، وأنا راجل إيكسلنس وبتاع. بص الفرق! كنا مرة في الشغل، وبعدين جبنا سندوتشات شاورما سوري، وبعدين واحد صاحبي نص الساندوتش بيجيني، بيقولي: الساندوتش ده فيه حاجة، طعمه غريب! فببص، لقيته شال الورق من عليه، وفي بيبقى ورقة بيضا تانية اللي هي الشفافه دي، نص الساندوتش بالورقة! فرفص، رحت فاكك له الورقة، باصص، قال لي: أبوس إيدك، ما تقولش لحد! فده سر بينا احنا الخسين يا جماعه واللي هيشوفوا الفيديو بعد كده. ما هو أنا ما قلتش اسم ولا حاجة.

قال: وغيرهم في اتباع الكتاب بمقدمة في الآداب، فاتبع كتابه بهذه القصيدة. ولم أرى أحداً نشط إلى شرحها مع كثرة المشتغلين بها وبدرسها، وقد استخرت الله تعالى وشرعت في جمع شرح لها يبين مشكلها، وتتضح به دلائلها، وأضيف إليها بعض مسائل من غيرها بعد ذكر مسألة الكتاب، مما يسر الله لي ذكره إذا كان يشبهها أو يلحقها، أو كان حقه أن يذكر في ذلك المحل، مما لا يستغني عنه المعتني بها، مما قاله الأصحاب من الروايات والوجوه.

إيه الفرق بين الرواية والوجه؟ أحسنتم، الرواية قول الإمام والوجه قول الأصحاب. أنت شارب حاجة قبل ما تيجي؟ الحجاوي بيسرد منهجه إية في الكتاب، يعني هيشرح بأنهي طريقة. وغالب ما ذكرته في هذا الشرح من الروايات والوجوه والنصوص عن أحمد، ومن أقوال الأصحاب... طبعا لما نجي نقول النصوص برضه، فالأصل أنها برضه نصوص الإمام الإمام يعني، امام المذهب اللي هو الإمام أحمد، ولذلك هتلاقوا في الكتب في كتب الفقه لما يقول: نص عليه، وأنت عارف على طول هم بيتكلموا عن أحمد، مش محتاج يقول لك أنا بتكلم عن الإمام أحمد، هو يقول لك نص عليه ويسيبك ويمشي، هو مين ده اللي نص عليه؟ تبقى أنت عارف أن طالما بتكلم عن نص في أقوال الأصحاب، نص عليه يبقى الإمام، خلاص ماشي.

هو بيقول: وغالب ما ذكرته في هذا الشرح من الروايات والنصوص عن أحمد، ومن أقوال الأصحاب، استمديته مما وقع لي من مختصري الآداب الشرعية لشيخ الإسلام أبي عبد الله محمد بن مفلح المقدسي قدس الله روحه ونور ضريحه، الوسطى والصغرى. طبعا احنا عندنا الآداب الشرعية كتاب معروف لابن مفلح ماشي، وهو كتاب الآداب الشرعية فعلا زي ما هو قال كده، هو في كتابين وسطى وصغرى ماشي، وفي كبرى كمان، في الآداب الشرعية الكبرى، ولو أنا فاكر صح، الكبرى دي طبعت مؤخراً يعني، في دار إيه بقى؟ دار الفتح، طبعت الآداب الكبرى، وفيها زيادات على الآداب الشرعية اللي هي مشهورة اللي مطبوعة قبل كده كذا مرة، وطبعها الرسالة، وهي نسخة الأشهر أن هي متقنة، لكن لا هي فيها سقط في بعض المواطن بلغ صفحات، وطبعتها دار الفاروق طبعة كويسة.

المهم احنا عندنا آداب صغرى ووسطى وكبرى لابن مفلح ماشي. ثم بعد ذلك ظفرت بحمد الله بأصلهما، أصلهما اللي هم إيه؟ الآداب الصغرى والآداب الوسطى، والآداب الكبرى لابن مفلح في سفرين كبيرين.

وبالله استعنت وعليه اعتمدت فيما أملته وقصدته، أنه حسبي عليه توكلت واليه أنيب. يبقى برضه أدب في الأعمال الصالحة أن نستعين بالله عز وجل، وأن نعتمد عليه، كي لا نخذل، إياك نعبد على طول إيه؟ وإياك نستعين.

المقدمة قال الناظم: بحمدك ذي الإكرام ما دمت أبتدي، كثيراً كما ترضى بغير تحددي. طبعا في هذا الكتاب ممكن نجد بعض مسائل اللغة، فنقراها ولن نقف عليها كثيراً؛ لأن...

هذا برضه إيش ماهواش مناسب لكم أن إحنا نتكلم في مسائل اللغة قوي يعني دلوقتي. طبعا العلماء زمان كان منهجهم غير كده يعني كانوا يجوا للطالب المبتدئ ويجوا مثلا في البسملة ويتكلموا في كل تلاقي البسملة دي مثلا ممكن تاخد إيه سبع دروس مثلا؟ فقلنا الكلام في البسملة سبع دقائق.

يتكلموا بقى فيها إيه؟ في اللغة نحوا وصرفا، ويتكلموا فيها في العقيدة لأن فيها أسماء وصفات، ويتكلموا فيها في الفقه لأن البسملة لها تعلق بالصلاة، يعني هتقراها ولا مش هتقراها؟ طب تجهر ولا تسر؟ فلها ليها أحكام فقهية. ويتكلموا في القرآن هي إيه ولا ما هياش إيه؟ ويتكلموا في فنون كثيرة، فده منهج لبعض العلماء أن هو لما يدخل، طيب هم دول بيعملوا كده ليه؟ أولا بيربط علوم الشريعة وعلوم الآلة كلها في ذهنك، أن هو عشان ما تجيش تفتكر أن أنا ممكن أبقى إيه بتاع فقه كده بس، لا ما فيش حاجة اسمها كده، الشرع كله منفذ على بعضه، وأديك أهو شفت في البسملة العلوم كلها درستها في البسملة.

ماشي، تاني حاجة بتكون مفتاح البسملة بتكون مفتاحا لكل العلوم، يبقى أنت جاي لا سمعت نحو قبل كده ولا سمعت صرف قبل كده، لكن لما أخدت البسملة ابتديت تفهم شوية نحو شوية صرف، فسمعت مصطلحات علماء كل فن من الفنون. دي طريقة لبعض العلماء، بعض العلماء لهم طريقة تانية في البسملة أن هم يسهبوا في شرح البسملة بما يناسب الفن، يعني إحنا بنتكلم في النحو يقوم يجي يكلم لك في البسملة في النحو بس ما يتطرقش ولا للعقيدة ولا للفقه ولا خالص. طب هنتكلم في العقيدة يتكلم لك في الأسماء والصفات اللي في البسملة، طب وهكذا هنتكلم في الفقه ما هو أي كتاب فيه بسم الله الرحمن الرحيم، ما فيش كتاب ما فيهوش بسم الله الرحمن الرحيم، يعني ليه كل كتاب فيه؟ ليه؟

كل أمر ذي بال لا يبدأ فيه ببسم الله فهو أبتر فهو أجدَم. بيقول الشيخ أسامة عبد العظيم كان ينهر طالب الشرع -طبعا كان في الجامعة دكتور في الجامعة يعني- فكان ينهر طالب الشرع الذي لا يفتتح كراسته ببسم الله الرحمن الرحيم، يعني إيه طالب شريعة قاعد والكراسة بتاعتك ما فيهاش بادئة ببسم الله الرحمن الرحيم؟ خلاص، يبقى أنت كل علمك ده أجدَم أزبم أبتر مقطوع البركة يا فشلة.

وطبعا في رواية: كل أمر ذي بال يبدأ بحمد الله. ولذلك اعتاد المصنفون أنهم يبدأوا بالبسملة ثم بالحمدلة: «بسم الله الرحمن الرحيم، الحمد لله رب العالمين». ماشي، ويبقى الحمدلة هنا ابتدوا بها، قالوا إيه؟ افتتاح نسبي أو إضافي يسموه كده يعني، هي لأن هو طبعا افتتح بالبسملة، ما هو مش هينفع يفتتح بالاثنين، هو لازم يفتتح بواحدة، فقالوا طب ما هو في إشكال لا يبدأ بالحمد لله ولا يبدأ باسم الله، فاللي بدَأ ببسم الله لم يبدأ بالحمد لله، طب لو بدَأنا بالحمد لله يبقى ما بداناش باسمه، فقالوا لا هو إحنا بدَأنا ببسم الله وبعدين بدَأنا بالحمد لله، ده افتتاح إيه؟ إضافي أو نسبي يعني بالنسبة لما بعدها، ماشي، فإحنا بدَأنا بيهم كده الاثنين، فيعني العلماء اعتادوا على كده.

ده كان زمان، النهارده بقى لا ما ينفعش نعمل يعني نقول لك بسم الله الرحمن الرحيم يلا نديكم العقيدة اللي فيها وأنت لسه ما درشتش عقيدة، حتى لو بندرس عقيدة طب نحو فما بقناش نعمل كده، يعني أنتُوا أكبر من ده بكثير. بحمدك ذي الإكرام ما دمت أبتدي كثيرا كما ترضى كما ترضى بغير تحدد تقديره أبتدئ ما دمت بحمدك ذي الإكرام إلى آخره، يعني أبتدئ بالحمد ليه؟ أبتدئ بالحمد ليه؟ هيجي معانا، إنما بدَأ بالحمدلة لأنه افتتاح مقال واقتداء بقول النبي صلى الله عليه وسلم: «كل كلام لا يبدأ فيه بالحمد لله فهو أجدَم». وقد كان النبي صلى الله عليه وسلم يفتتح خطبته بالحمد لله والثناء عليه، ولذلك جعلت فاتحة الكتاب في أول المصحف لافتتاحها بالحمد لله وتضمنها الثناء عليه سبحانه.

والحمد نقيض الذَّم والشكر نقيض الكُفر، يعني الحمد عكسه الذَّم والشكر عكسه الكُفر، ﴿لَئِن شَكَرْتُمْ لَأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ﴾ [إبراهيم: 7] مش كده؟ والحمد لله هو الثناء على الله بجميل صفاته، يبقى معنى الحمد: الثناء على الله بجميل صفاته، ده معنى الحمد. لو جُلنا لكم في الامتحان نقول لكم إيه معنى الحمد؟ يبقى واحد ما يجاوبش بقى الثناء على الله بجميل صفاته هنا، ها؟ سواء كانت هذه الصفة ذاتية لازمة أو متعدية.

فالإنسان يحمد مثلا على كونه جميلا ماشي، ويحمد على كونه مثلا إيه قويا -بلاش قويا دي ممكن يقول لك عشان هيضرب الأشرار ولا كريما دي متعدية ما هو كريما عشان هي- إنما إنما الحمد الإنسان أو أو الرب يعني سبحانه وتعالى يكون على الصفات حتى اللازمة الذاتية ماشي، حتى لو مش يعني أنت جميل أنا استفدت منك جميل؟ جمالك لنفسك ما استفدتش حاجة أنا، فيحمد الإنسان على كونه جميلا، بخلاف الشكر، الشكر لازم يبقى على شيء متعدي، يعني أشكرك لكونك أنفقت مثلا على الفقراء، أشكرك وهكذا، فده أحد الفروق بين الحمد والشكر ولذلك بيقول الحمد هو الثناء على الله بجميل صفاته، ويكون يعني الحمد لمبتدئ النعمة ولغيره، يبقى لمبتدئ النعمة ولغيره، حتى لو لم يبتدئ نعمة، حتى لو كانت صفة إيه؟ زي ما قلنا إيه لازمة أو صفة ذاتية، هذا عمومه.

يبقى كان الحمد له عموم، لو بصينا له هو والشكر عشان نفهم كلامه لأن هنا الكلام صعب شوية، لو بصينا للحمد والشكر هنلاقي الحمد في حتة عام والشكر فيها خاص، اللي هي أني حتة أنا بقول لكم عليها دلوقتي دي، أن هو الشكر لو عندنا دايرتين كده يا جماعه؛ دايرة اسمها الصفات المتعدية، ودايرة اسمها الصفات الذاتية أو الصفات اللازمة. الشكر بيكون على أنهي دايرة؟ دايرة أهي شمال اسمها الصفات المتعدية وفي دايرة يمين اسمها الصفات الذاتية أو الصفات اللازمة، الشكر على أنهي دايرة؟ المتعدية. الحمد على إيه؟ الدايرتين الاثنين. يبقى هنا الحمد أعم ولا أخص؟ أعم. فهمتوا دي؟ فهمتوا دي؟ طيب.

قالوا إن الحمد يكون باللسان فقط، والشكر يشمل الجنان واللسان والأركان. يعني إيه؟ يعني كي أحمُدك أقول لك إيه: أنا أحمدك على كذا، باللسان بس. طب كي أشكرك؟ قالوا لا، الشكر لازم يكون بالجنان أولا بالقلب، وبدئين بالقلب أنك تعترف بهذه النعمة باطنا، ثم اللسان أنك تتحدث بها ظاهرا -هنفهم ده إن شاء الله أو مش هنفهمه يعني مش مهم دلوقتي بس عشان نفهم كلام الحجاوي بس- ثم الأركان أنك تصرف تلك النعمة في مرضات معطيها ومسديها، يعني لو أنا اديتك فلوس فقلت لك إيه بس أنا بس بكره الصوت العالي، رحت أنت واخد الفلوس اشتريت بيها صب وحطيته في الصالة ومشغله على آخره، أنت كده ما شكرتني حتى لو ليل نهار بتقول لي شكرا على الفلوس اللي إديتها لي، ليه؟ لأنك خدت الفلوس وصرفتها فيما يغضبني فيما يزعجني فما شكرتني، عشان كده قالوا إيه: أُفادتكم النعماءُ مني ثلاثةً يدي ولساني والضميرُ المحجَّبُ.

هو الجنان، الأصل أن تعترف بالنعمة باطنا، هذا هو الأصل، فإذا أعترفت أنطلق اللسان والجوارح. طيب، نكمل. قال: ولا يكون -مين اللي ولا يكون؟ إيه اللي جاب الشكر في الكلام؟ الشكر أنا بقوله، كلمة شكر دي ما جتْش خالص عند الحجاوي لغاية دلوقتي- يبقى ولا يكون إيه هو الحمد؟ ولا يكون إلا باللسان، هذا خصوصه.

فلو عندنا ثلاث دوائر؛ دايرة فيها الجنان البنان، ودايرة فيها اللسان، ودايرة فيها الأركان الأعضاء يعني، وقلنا لكم الحمد يكون بانهي دايرة في الثلاثة؟ اللسان. طب الشكر؟ بالثلاثة. يبقى الشكر أعم ولا الحمد أعم؟ ما فيش، اهدى بس في اللي أنا بقوله دلوقتي، الشكر الأعم. فهمتوا؟ يبقى الحمد أعم من وجه، والشكر أعم الكلام بقى على بعضه أعم من وجه، ده اللي كان عاوز -مش عاوز أقول أسماءكم عشان إيه يعني- الأفندي كان عاوز يقوله عشان هو طالب علم متقدم.

طيب، قال: والشكر -خلصنا بالعموم والخصوص- قال: والشكر يكون باللسان وغيره، هذا عمومه، ولا يكون إلا لمبتدئ نعمة، هذا خصوصه. أتفهمت كده الكلام؟ بس هو الحجاوي طبعا مش هييكتب كلام زينا كده، لازم يتعبنا. وهذا معنى قولهم: بين الحمد والشكر عموم وخصوص. وقيل هما سواء، يعني في قول ولكنه قول إيه عرفت منه ضعيف، آه عشان قيل، ماشي عشان كلمة قيل يبقى هذا قول موجود ولكنه يضاعفه، يعني أنا ما أعرفش أجاوب على السؤال ده، فكرة أنها حاجة عامة دي محتاجة استقراء شديد يعني عشان أقول ده الفقهاء عموما في كتب الفقه غالبا غالبا إذا قالوا كده يبقى بيضاعفوا القول غالبا، إنما هل هي عامة في كتب؟ لا مش عامة، ده قولا يعني ده يقينا أنا بقوله دلوقتي، فعل الحجاوي بقى محتاج استقراء، يعني هل قاعدة عامة في الكتاب هيعمل ده؟ محتاجة استقراء يعني.

قال: وصلّ قال الناظم: وصلِّ على خير الأنام وآله وأصحابه من كل هاد ومهتدي. صلى الله عليه وسلم. ثنَّى بالصلاة على النبي عليه الصلاة والسلام. يعني إيه ثنَّى؟ يعني أتى بها ثانيا، يعني بعد ما حَمِد ثنَّى بالصلاة اقتداء وامتثالا لقوله تعالى: ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾ [الأحزاب: 56] صلى الله عليه وسلم، ولقوله تعالى: ﴿وَرَفَعْنَا لَكَ ذِكْرَكَ﴾ [الشرح: 4] جاء في تفسيرها: لا أُذكَرُ إلا أُذكِرتَ معي. الحقيقة يعني بس كده هو ثنَّى بالصلاة على النبي صلى الله عليه وسلم لأن ربنا أمر أن يصلي عليه، يعني يظهر في معنى آخر معنى آخر يجعله يثني بها، وإلا لو كان بس كده يكفي أنه يذكرها في تضعيف النظم أو في آخر النظم، ويقينا هتلاقوه ذكرها في آخر النظم برضه ده من غير ما أبص يعني، يعني بص بص شوف هتلاقيه إن شاء الله، شوفها شوفها شوف شوف.

هو في معنى آخر، في معنى زائد، بص، في معنى زائد أن هو يثني بالصلاة على النبي عليه الصلاة والسلام وهو معنى طلب القبول، وده معنى إحنا بنعمله في الدعاء، أن إحنا بنبدأ الدعاء أولا بالثناء على الله عز وجل، وبعدين نثني بالصلاة على النبي عليه الصلاة والسلام، ثم نختم الدعاء بالصلاة عليها، طبعا في أدب أن بعد الثناء والصلاة نبدأ بالاستغفار والتوبة لا بس سيبكم إحنا مش جايين في آداب الدعاء دلوقتي، إنما بعد ما نثني بالصلاة يقوم نختم الدعاء برضه بالصلاة على النبي عليه الصلاة والسلام، ليه؟ قالوا إن الصلاة عليه تقبل يقينا -اللهم صل على محمد- يقبل الله عز وجل هذا الدعاء يقينا، فقمن أن يقبل ما بينهما، يعني يعني إذا قُبل أول الدعاء وآخر الدعاء فحري أن يُقبل ما بين الدعائين، فده معنى موجود في الصلاة.

لقيت إيه؟ قال إيه بقى صلاة والسلام على سيدنا، بقى ده خاتمة نظم، لا خاتمة النظم ومن يضيع ما، طب يبقى أنا الغلطان ولا هو اللي غلطان؟ يا خبر أبيض! آه، لا أنا ولا هو، أنتُوا اللي مش مركزين، يعني لو ما لقيتوش هنا خاتم يبقى أنتُوا اللي مش مركزين في حاجة أنا قلتها، قلت إن الحجاوي لم يأتي على كل أبيات النظم، وإنما اختار منها أبيات، فأنتم عاوزين بقى تشوفوه ختم ولا لا؟ ارجعوا لنظم الآداب الأصلي لابن عبد القوي، شوفوه ختم بالصلاة ولا... يعني على كل حال يعني هذا فعل المصنفين عموما يعني ماشي.

طيب، قال: ويستحب ذكره صلى الله عليه وسلم مفاخرة به، نفاخر به لأنه خير خلق الله صلى الله عليه وسلم، فإن العالم العلوي والعالم السفلي يصلون عليه صلى الله عليه وسلم، وما ذاك إلا لشرفه صلى الله عليه وسلم، وما عظم الله آدم بسجود الملائكة له إلا إذ كان في ظهره صلى الله عليه وسلم، روي ذلك مرفوعا خرجه ابن مروان، خرجه أبو مروان عفوا.

ماشي، طبعا في هذه الأبواب هم يعني إيه، أم شفتوا بقى أهو. في مثل هذه الأبواب هم يتساهلون في إيه؟ في هذه الأحاديث يعني في أسانيدها وكذا، لكن بلا شك هو خير ولد آدم صلى الله عليه وسلم.

والصلاة لغةً الدعاء، ومنه وصلي عليه. والصلاة لغة الدعاء ماشي، يعني في اللغة مش في الشرع، الصلاة في اللغة الدعاء، فقال ومنه يعني من بابه، من هذا الباب أن تأتي الصلاة بمعنى الدعاء: وصلِّ عليهم يعني وادعُ عليهم. جت فين لهم دي بقى؟ هو بيقول وصلي عليهم يعني وادعُ عليهم تيجي تديني الزكاة أقول لك روح يا شيخ الهي لا تربح ولا تغنم. ماشي، طب عليهم تيجي بمعنى لهم يعني ولا إيه مش فاهم؟ نديه لكم واجب، هاتوا لنا أقوال المفسرين كلهم في الآية دي.

الإمام ذكر الصلاة، ده في النظم نفسه مش كده؟ قال إيه بقى: صلاة وعز على خير عليه الصلاة والسلام. يعني آخر بيتين بالصلاة، ختم بالصلاة كده صح؟ ماشي، يبقى قال: والصلاة لغة الدعاء ومنه وصلي عليهم، ده واجب ها، تدوروا عليه عشان تعرفوا تتعلموا قرآن وتتعلموا حاجات كتير. والصلاة من الله الرحمة، جزاكم الله خيرا، جزاكم... والصلاة من الله الرحمة، ومن الملائكة الاستغفار، ومن الآدميين التضرع والدعاء، والصلاة من الله الرحمة.

الصلاة من الله جت في القرآن: ﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ﴾ [الأحزاب: 56]، مش كده؟ عليه الصلاة والسلام. طب يعني إيه ربنا يصلي على النبي؟ يرحم.

على قول الحجاوي هنا، يبقى الصلاة من الله الرحمة ماشي، ومن الملائكة الاستغفار؛ يستغفرون له. في دليل أن الصلاة من الملائكة الاستغفار؟ قول. يبقى نفكر قبل ما ننطق، صح كده؟ سمعت السؤال صح؟ فين الجواب بقى؟ عاوزين دليل أن الصلاة من الملائكة يعني الاستغفار. أيوة ما احنا عاوزين بقى دليل واضح.

طيب، الحديث بتاع الذكر بعد الصلاة وأنت قاعد. ليه بنقعد بعد الصلاة نذكر ربنا واحنا قاعدين؟ ما نقوم نتمشى، هنقول الأذكار في أي حته. إيه الحديث؟ بيعملوا ايه؟ كمل، يقولون: اللهم اغفر له. انتوا عارفين أنا بقوله ده ولا انتوا مش؟ يبقى يصلون عليه ما دام في مصلاه، يقولون: اللهم اغفر له، اللهم ارحمه. يبقى الصلاة من الملائكة الاستغفار.

هل جت الملائكة يصلون على المؤمنين في القرآن؟ جت: ﴿هُوَ الَّذِي يُصَلِّي عَلَيْكُمْ وَمَلَائِكَتُهُ﴾ [الأحزاب: 43]. حاجة تانية؟ ماشي، في دليل تاني في القرآن، بس يعني دليلين بمجموعهما برضه نطلع أن الصلاة هي الاستغفار. بس أكد دليل واحد.

وقال العلامة ابن القيم، يبقى هنا الحجاوي بيعظم مين؟ احفظوا الموطن ده هيفيدكم قدام يعني؛ لما تكبروا شوية كده وتجيوا بقى تردوا على الشبهات وكده، أن الحجاوي لما جه يتكلم عن ابن القيم في شرح منظومة الآداب، قال: قال العلامة ابن القيم. ماشي، وقال العلامة ابن القيم: قولهم الصلاة من الله بمعنى الرحمة باطل من ثلاثة. ابن القيم يا جماعة، عشان بس برضه تتعلموا حاجة، ابن القيم شديد في ألفاظه وحاد، وده لازم تبقوا عارفينه يعني، كل مصنف أو كل مؤلف بيبقى ليه طباعه كده في ال... انتوا ما حضرتوش معايا الكتاب؟ هو ده كان؟ ما كنتوش معايا، كان ستات بس فأنا افتكرت. كانت دورة على زوم لسان المساء، فقعدت أبص مين حضر وبعدين افتكرت. عشان أسهبنا في الحته دي، يعني يمكن خدنا فيها نص درس يعني؛ ابن القيم من كلامه ألفاظه شديدة، فما تأتثروا بده. لما تعرفوا أن هو كده تقوموا إيه؟ ليه بقول ده؟ ابن القيم طبعا احنا في الدرس الأساسي ممكن أبقى أجيبه لكم، يعني أنا نزلت شوية منه اللي هو عدة الصابرين، نزلت شوية منه على القناة أظن ولا ما نزلتش عدة الصابرين خالص على التليجرام؟ ماشي، أصل جبت أمثلة كتير لابن القيم، يعني هو أصلا كانت في مثال في الكتاب وأديته واجب ليهم أن هما يجيبوا. يجي يقول لك إيه مثلا؟ فيقول لك إيه: ولا يقول كيف يقول بهذا عاقل؟ لا يقول بهذا مسلم! ألفاظ كده، وأنت تروح تلاقي إيه؟ جمهور في إيه في القرآن مثلا، فتلاقي جمهور المفسرين قالوا كده.

فأنت بقى لو عارف ده أن هي دي طبيعة كتابات ابن القيم، عادي بنفوتها بقا؛ يعني إيه؟ يعني الكلام ده نفوته خلاص، ما بنقفش عليه قوي، بنروح نرجع ونراجع ونلاقي أن لا عادي، الناس قالت كده، عادي ماشي. يعني ساعتها أنا فاكر في عدة الصابرين كان أتكلم عن القلب في القرآن، وقعد شدد جداً أن ما فيش حاجة اسمها قلب. يعني إيه القلب؟ يا سلام! يا سلام! القلب دي ظاهرة لغوية، لما أجي أقول لك يقول لك إيه؟ هو الخاتم دخل في صباعك ولا ما دخلش؟ تقول له: والله ضيق ما دخلش في إصباعي، صح كده؟ هو اللي بيخش في إيه؟ الخاتم بيخش في إصباعك ولا إصباعك اللي بيخش في الخاتم؟ إيه، الاتنين واحد. أنت عشان متعود تقول الخاتم دخل في صباعي، بس هو إصباعك اللي دخل في الخاتم، دي بيسموها في اللغة قلب. الظاهرة دي في اللغة يسموها قلب، نقول الخاتم دخل في صباعي مع أن إصباعك اللي دخل في الخاتم. طب هل في قلب في القرآن؟ أنت عامل جو لطيف في القعدة يعني.

أنت تاني رجعت للقلب ده، ما تقولش كده، القلب سبل لاشية يا شيخنا. أنت قلبك أسود. حد يدي له بونبونية يا جماعة، سكتوه! فدي اسمها ظاهرة إيه؟ يسمونها القلب. فيجي ابن القيم عن ظاهرة القلب دي، يقول لك: ما إزاي حد يقول إن في القرآن قلب؟ لا يقول بهذا مش عارف، مش فاكر أول لفظ يعني، بس مسلم أو أو يعني حاجة كده ترجع للعلماء، وتلاقوه في الآية اللي هو أصلا بينكر فيها، تلاقي البغوي يقول بالقلب، وابن كثير يقول بالقلب. طب أنت منين جبت؟ فده هتلاقوه كتير في كلام ابن القيم، ده مش موطن ولا موطنين، ماشي، فهنبقى عارفين الحته دي بس في ابن القيم رحمه الله.

في القرآن قالوا زي مثلا الآية بتاعة سورة القصص: ﴿مَا إِنَّ فَوَاتِحَهُ لَتَنُوءُ بِالْعُصْبَةِ أُولِي الْقُوَّةِ﴾ [القصص: 76]. تنوء يعني تميل. فالمفاتيح لو أنت شايل المفاتيح، مين اللي بيميل؟ أنت اللي بتميل ولا المفاتيح اللي بتميل؟ المفتاح اللي بيميل. أنت عشان ماسك المفاتيح فمن ثقلها المفاتيح بتميل، ولا أنت من ثقل المفاتيح أنت بتميل؟ أنت اللي بتميل من ثقل المفاتيح، مش كده؟ فقالوا أن ده موطن فيه قلب. لا تنوء بالعصبة أولى القوة، لا تنوء، يعني هو ده القلب، لا تنوء العصبة بها، بس هذا مما إيه جرى على لسان العرب، ما هو قالوا القلب ظاهرة لغوية عادي، فالقرآن أتى بها لأنها ظاهرة لغوية. مفهوم؟

بس مش ده الموطن اللي ذكره ابن القيم في اللي هو كان النقاش عليه، بس ده من المواطن اللي مشهور فيها القلب. إيه همزة القلب؟ مش على الحرف، على الكلمة. أه.

طيب، قال: يبقى هنا بصوا بقى يا جماعة، ركزوا. الحجاوي قوله في معنى الصلاة من الله الآية، صح كده؟ هو قال لك، هو يعني أسهل‌ها لك، قال لك الصلاة من الله الرحمة. رجع قال لك إيه؟ وقال العلامة ابن القيم: قولهم الصلاة من الله بمعنى الرحمة باطل. ده معنى، ده أدب تاني يا جماعة استنفيدوه، عادي جدا يعني. الحجاوي قال لك: أنا بقول الصلاة الرحمة، أنا ده اللي مش هو يعني، الحجاوي العلماء عادي بيقولوا أنا بأخد بالقول ده، وابن القيم بيقول باطل، عادي، ما فيش مشكلة. يعني هدوء خالص في التعامل مع المسألة، احنا بنقول الصلاة من الله الرحمة، وابن القيم يقول عليها باطلة، القول ده باطل. والحجاوي ما غيرش رايه ولا حاجة، قال لك: أنا بقول إن الرحمة عادي، ماشي. نعم. هو كمان طرح رأي. أه أتى به، أتى به. العكس، ده بيجله في الأول. أيوة أيوة أتى به، يعني احنا مش ابن القيم شيخه ابن تيمية؟ له أقوال كثيرة بتخالف المذهب، وطبعا ليه أقوال ممكن تخالف الأئمة الأربعة، المذاهب الأربعة. طيب هو ابن تيمية محسوب على أنهي مذهب؟ الحنبلي.

يردوا على أقواله أبداً، يأتونَ بأقواله وينكرونها بلفظ فيه أدب. يعني ابن مفلح من طلاب ابن تيمية، فتلاقي ابن مفلح في الفروع يقوم يقول لك إيه: قال الشيخ، وابن مفلح من إجلاله لابن تيمية، إذا قال في الفروع: الشيخ؛ يقصد به ابن تيمية، ودي من مفاتيح الكتب، أنك تعرف صاحب الكتاب لو قال الشيخ يبقى مين؟ ما هو مش هقول لك ابن تيمية، ابن مفلح في الفروع العقال قال الشيخ، يقصد ابن تيمية من إجلاله لابن تيمية.

فهو يجي مثلا يبحث مسألة فيقول لك: قول المذهب في، ويقول لك إيه، وبعدين يقول لك إيه: وقال الشيخ كذا كذا. قال: وقال الشيخ مثلا حرام، وهو المذهب أن حلال، مثلا يعني. يقوم يقول لك إيه ابن مفلح كذا قال، تفهم منها إيه؟ أن احنا مش معاه، هو قال كده بس احنا مش معاه، فعادي يجيب لك ابن تيمية في قول ابن تيمية. أنت، ما هو أنت لو أصل السؤال بيبقى ليه إيه يعني؟ أنت أنا نفسي توافقني في حاجة بس يعني. قال: لا، هو كل ما يقول تيمية وكذا قال، هو هنلعب بقى يعني!

ابن تيمية قوله قوي في المذهب يعني، ما تفتكروش، بس عادي يناقشون ابن تيمية، ويردون على ابن تيمية، ويخطئون ابن تيمية، عادي جدا يعني، ماشي؟ ففعل علماء المذهب مع ابن تيمية وغير علماء المذهب، لكن احنا بنخص علماء المذهب، لأن هو محسوب على المذهب من علماء المذهب، ففعلهم مع أقوال ابن تيمية كده، يعني هو قول ابن تيمية هو قول ضمن أقوال علماء المذهب عادي جدا يعني، مالوش مزية على باقي العلماء في سرد الاقوال وفي الترجيح بين الأقوال.

ليه؟ ليه بنقول كده؟ حد يعرف؟ اشمعنا تيمية بنقول عليه كده رحمه الله؟ عشان في بعض المدارس قافلة نفسها على ابن تيمية رحمه الله، ماشي؟ فبيفوتهم كثير من العلم بأن هم أغلقوا أنفسهم على شخص، يعني العلم والدين أوسع وأشمل من أن هو يبقى إيه يجتمع في شخص واحد يعني.

طيب، ابن تيمية إذا قُلِّد تبرا الذمم بتقليده. أه فده مش الاشكال، الإشكال فين بقى؟ أن نخرج ننكر على مخاليق ربنا، يبقى احنا قافلين نفسنا على ابن تيمية رحمه الله شيخ الإسلام، وبعدين لو قافلين نفسنا عليه (يعني أنا مقلد لابن تيمية وخلاص هو أنا إيه يعني؟ أدين لله عز وجل إني بأقلد ابن تيمية)، يجوز؟ أه يجوز، طبعا يجوز، إنما هأقرا لابن تيمية وأطلع أبدع الناس وأكفر الناس وأغلط؟ غلط! لأن زي ما قلت لكم في أقوال ابن تيمية مخالفة للمذاهب الأربعة، فخلاص أنت مقلد لابن تيمية تبرا ذمتك عالم ومجتهد، وبعض العلماء قال هو طبعا ابن تيمية رحمه الله مجتهد، ما هواش مجتهد مطلق، عندنا المجتهد نوعين: مجتهد مطلق ومجتهد مذهب، وهو تبع أصول المذهب الفلاني وبيجتهد في المذهب، فابن تيمية ما هواش مجتهد مطلق، لكنه بلغ رتبه الاجتهاد المطلق، فهو عالم لكنه ما هواش الأوحد، ولا هو ولا غيره، لا هو ولا غيره يعني ما فيش عالم هو العالم الأوحد، ما فيش كده. فلازم نبقى فاهمين وواعيين لهذا. اللي هيقلد مالك تبرا ذمته ولا ما تبراش؟ يطلع يبدع بقى الشافعية والحنابلة والأحناف علشان مخالفين مالك؟ مين قال ده؟ ما احنا ما شفناش ده حصل الحقيقة في الحته دي، لكن شفناه بكثره بيحصل مع المدرسة التي أغلقت نفسها على أقوال شيخ الإسلام تيمية رحمه الله، ماشي؟

طيب، دلوقتي المخالف مع، طيب ده التعامل مع أهل البدع، واضحة؟ ابن القيم من أهل البدع؟ يعني توصل أمص... يعني احترام الناس ده هيضرك في حاجة؟ ما تحترم الناس كده. أنا مثلا لو حد مخالف، وبأتذكر الراي بتاعه، بقول أنا رأيي كذا ورأي العلامة، وأنا مش عارف تقصد إيه بأهل البدعة ومين العلامة الفلاني، يعني بخاف أقول أه يبقى هو في دماغه تصور يعني. مش عارف مين اللي في دماغي، فاهم، فمش عاوزك تقول مين اللي في دماغي، بس يعني يكون مثلا في دماغي فلان، هو في دماغي واحد ملحد مثلا، يقول لك ده من اهل البدعة وهنقول العلامة، العلامة الملحد الكبير!

قال العلامة ابن القيم: قولهم الصلاة من الله بمعنى الرحمة باطل من ثلاثة أوجه. أحدها أو أحدها، تمشي كده وكده: أن الله تعالى غاير بينهما في قوله تعالى: ﴿أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ﴾ [البقرة: 157]. يعني إيه غاير بينهما؟ دلوقتي عندنا قاعدة في اللغة أن العطف يقتضي المغايرة، دي قاعدة في اللغة، ماشي؟ العطف يقتضي المغايرة دي قاعدة في اللغة، يبقى الأصل لو جبنا معطوفات على بعض، يبقى كل واحدة غير الثانية، هذا الأصل في اللغة، ماشي؟ يعني زي إيه؟ لما أجي أقول إيه، أنت طلبت منه مية، حبيبي اقعد يا حبيبي احنا طالعين رحلة، طب أديته مية، يعني إيه اللي بتعمله ده؟ ما جبت لي مية. أنا متغاظ. لا لا مصر، عشان بس أديته وش فما يزعلش، هو أنت عارف ده أول ما يزعل بيمشي، أو يمكن يجيب لي هدية يعني.

طيب فهمتوا دي العطف؟ العطف إيه يقتضي المغايرة، ده الأصل في اللغة، فنصنقول إيه: جاء محمد وأبو عمرو مثلا، فأول ما تسمع كده تعرف أن اللي جه إثنين ولا واحد؟ صح كده؟ ما يجيش في دماغك أن محمد ده هو أبو عمرو، ما يجيش في دماغك كده، يعني ظاهر الجملة ما توحيش بكده. هل ده مطلق؟ لا مش، ممكن يبقى يحصل عطف ولا يقتضي المغايرة، زي ما نقول إيه: جاء الرجل الشهم والشجاع والمقدام والكذا والكذا، حودة مثلا، فكده يبقى واحد اللي جه مع أني قعدت اهو عطفت كتير، في الآخر هي إيه؟ كل المعطوفات دي بتدل على واحد في الآخر، ماشي؟

ده يقتضي المغايرة ولا لا؟ يعني الفاكهة والنخل والرمان، دول غير بعض ولا زي بعض ولا إيه؟ ماشي. يلا نرجع تاني، فهمتوا دي؟ أنا بس عشان الكلام من القيم، فابن القيم بيقول لك أن الصلاة من الله تبقى بمعنى الرحمة باطل، كلمة الباطل دي طبعا شديدة، من ثلاثة أوجه. أول وجه قال لك أن ربنا غاير بينهما فقال: ﴿أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ﴾، فما ينفعش على كلام ابن القيم أن يبقى معناها الرحمة، وكانه أولئك عليهم رحمات من ربهم ورحمة، والعطف يقتضي المغايرة، فقال لك ما ينفعش.

الثاني، أن سؤال الرحمة يشرع لكل مسلم.

والصلاة تختص بالنبي صلى الله عليه وسلم وآله، وهي حق له ولآله؛ ولهذا منع كثير من العلماء الصلاة على معين غيره، ولم يمنع أحد من الترحّم على معين، يعني ينفع تقول: فلان ربنا يرحمه، ينفع، طيب فلان صلّى الله عليه؟ قال لك بعض العلماء منع من ذلك، يبقى تعرف أن فيها خلاف، طالما قال كذا ماشي؟

قال لك بس لم يمنع أحد من الترحم على معين، أن فلان ربنا يرحمه، ومنهم من منع من الصلاة على معين، دل ذلك على أن الصلاة غير الرحمة؛ ما هي لو الصلاة هي الرحمة، يبقى حينفع أقول فلان ربنا يرحمه وفلان صلّى الله عليه، لو الصلاة من الله بمعنى الرحمة، يبقى أقول فلان ربنا يرحمه وأقول فلان صلّى الله عليه بمعنى واحد، فلما لم يكن ذلك كذلك، دل على أن الصلاة من الله ليست بمعنى الرحمة، ده كلام ابن القيم.

الثالث: رحمته سبحانه وتعالى عامة وسعت كل شيء، وصلاته خاصة بخواص عباده، حد معترض على الكلام ده؟ الرحمة عامة: ﴿وَرَحْمَتِي وَسِعَتْ كُلَّ شَيْءٍ﴾ [الأعراف: 156]. طب صلاة الله خاصة على بعض عباده المؤمنين، مش كده؟ فدل ذلك على أن الصلاة من الله ليست هي الرحمة، فاهمين؟ صاحيين؟ قال وإنما هي -ده كلام ابن القيم- ثناؤه سبحانه وتعالى، وثناء ملائكته عليه. طب كان ابن القيم، طب يا إمام الآن الصلاة من الله ما هياش الرحمة عندك، الصلاة من الله إيه؟ قال لك الثناء، ماشي يبقى الصلاة من الله الثناء. في كلام ابن القيم وفي كلام الحجاوي: الرحمة. انتهى كلام ابن القيم.

ونص الإمام أحمد رحمه الله على أن الصلاة تجوز على غيره منفرداً، ونص الإمام أحمد رحمه الله على أن الصلاة تجوز على غيره -الهاء دي عائدة على مين؟ النبي عليه الصلاة والسلام- منفرداً، تقول: فلان صلّى الله عليه، عند الإمام أحمد عادي جائز ذلك. وحرّمها أبو المعالي؛ ماشي أبو المعالي اللي هو مين؟ يظهر الجويني، والله أعلم، من الشافعية، والله أعلم يعني، مش فاكر أن عندنا حد اسمه أبو المعالي في... هو ده والله ابن المنجّى، ابن المنجّى ده أبو المعالي، ماشي يبقى ده من الحنابلة، ماشي. قال بعض الشافعية: اختلف المانعون من ذلك -المانعون من أنه يصلي على معين غير النبي عليه الصلاة والسلام- هل هو منع تحريم أو كراهة تنزيه أو خلاف الأولى؟ على ثلاثة أوجه حكاها شيخ محيي الدين -مين؟ محيي الدين النووي في الأذكار، كتاب الأذكار له، اكتبوا يا جماعة الحاجات دي، محيي الدين ده يبقى النووي، عارفين أنتم أن محيي الدين ده النووي، عارفين ماشي- قال: الصحيح الذي عليه الأكثر أنه مكروه كراهة تنزيه. انتهى كلام النووي.

والصحيح ما تقدم من نص الإمام أحمد رحمه الله، لقوله تعالى: ﴿هُوَ الَّذِي يُصَلِّي عَلَيْكُمْ وَمَلَائِكَتُهُ﴾ [الأحزاب: 43]، يبقى ربنا سبحانه وتعالى، يبقى هنا في صلاة من الله على غير النبي عليه الصلاة والسلام، ﴿هُوَ الَّذِي يُصَلِّي عَلَيْكُمْ وَمَلَائِكَتُهُ﴾. وكان النبي صلى الله عليه وسلم إذا أتاه قوم بصدقتهم قال: «اللهم صل عليهم»، يتأوّلوا القرآن: ﴿وَصَلِّ عَلَيْهِمْ إِنَّ صَلَاتَكَ سَكَنٌ لَّهُمْ﴾ [التوبة: 103]، فكان يقول: «اللهم صل عليهم». قال عبد الله بن أبي أوفى -راوي الحديث رضي الله عنه-: فأتاه أبي بصدقة، فقال: «اللهم صل على آل أبي أوفى»، أخرجها البخاري ومسلم. وعن جابر رضي الله عنه أن امرأة قالت: يا رسول الله صلِّ عليّ وعلى زوجي، فقال: «اللهم صلِّ عليكِ وعلى زوجكِ». وأيضاً فإن علياً قال لعمر رضي الله عنهما: صلّى الله عليك. ووجد بخط ابن الجوزي عن العباس: صلوات الله عليه، وعن الخليفة الناصر: الصلاة عليه، ابن الجوزي بيكتب كده. واختار الشيخ تقي الدين -مين تقي الدين؟ ابن تيمية- منصوص أحمد الذي هو الجواز، قال وذكره القاضي أبو يعلى وابن عقيل والشيخ عبد القادر.

قال: وإذا جازت، جازت أحياناً على كل أحد من المؤمنين، فأما أن يتخذه شعاراً لذكر بعض الناس، أو بقصد الصلاة على بعض الصحابة دون بعض، فهذا لا يجوز؛ لأن فيه توهم، يعني يتخذ شعاراً لبعض زي علي رضي الله عنه، لو بقينا نقول على كل الصحابة رضي الله عنه، أو نقول عليه السلام، أو صلى الله عليه، تحس اشمعنى يعني؟ فهنا لا يجوز؛ مش لأن الصلاة على المعين لا تجوز، لا، اشمعنى ده؟ وهو معنى قول ابن عباس.

طيب ملاحظين حاجة؟ ما ردش على ابن القيم، يعني احنا كنا سين بقى يقول لك إيه الأول والثلاثة وهنرد على الأول عادي، احنا بنقول كذا وهو بيقول لا باطل، قال يعني ابن تيمية اختار الشيخ تقي الدين كذا منفرداً، يعني مش دلوقتي الآية: ﴿أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ﴾، هنا مش على معين مش منفرد، لما ينفع نقول معاذ صلّى الله عليه، ينفع، ماشي، هو ده منفرداً، منفرداً يعني مش في مجموع المؤمنين.

تنبيهان: أحدهما، قوله، وجاب لك أن ابن القيم بيبطّل قوله، وصدر الكلام بوصف ابن القيم بالعلامة، عادي جداً، ومن قوته أنا شايف دي قوة الحقيقة، ما اعترضش، ما جاش قال لك: تعال بقى نفنّد كلامه، قال لك لا إيه يعني، هتخرج من الكتاب معتقد أن الصلاة من الله الثناء مش الرحمة، اخرج يا عم، معتقد عادي، هنقعد بقى نتخانق على كل صغيرة وكبيرة؟ وما فيش خالص ممكن يطرح، وكان ممكن ما يطرحش، لا عادي جابهولك وصدر الكلام بقوله: العلامة ابن القيم، ماشي، ولم يسهب إلا في حاجة واحدة بس علشان ينبني عليها عمل، هي مسألة أن ينفع نصلي على غير النبي ولا لا عليه الصلاة والسلام، ودي ينبني عليها عمل؛ فقال لك خلي بالك منصوص أحمد كذا، هو هنا مش بيضاعف قول ابن القيم، لأن لو عاوز يضاعفه يرد على الثلاث أوجه، هو ما عملش كده، إنما بس ناقش مسألة أن غير النبي عليه الصلاة والسلام يصلي عليه ولا لا، علشان هينبني عليها عمل، مفهوم؟ فمحتاجين يبقى عندنا يعني إيه احنا دلوقتي، محتاجين يبقى عندنا صدر واسع في المسائل الخلافية، بعد كده لما نبقى طلاب علم متقدمين أو علماء، يعني اللي ممكن منكم يبقى عالم يبقى عنده قوة نفسية كده، اللي هو عادي مش كل حاجة انتصر، مش لازم، يعني عادي، زي ما بقول لكم كده يعني، فكّر كده يعني، هو يعني لو أنا مثلاً ما انتصرتش آخرها إيه يعني، اللي هيخرج من الكتاب هيعتقد أن الصلاة من الله الثناء، جميل عادي، يخرج معتقد ده عادي جداً، ما فيش مشكلة.

تنبيهان: أحدهما الصلاة على غير النبي عليه الصلاة والسلام وسائر الأنبياء والمرسلين والملائكة جائز بطريق التبعية بالإجماع، اللي هو بقى مش منفرداً، اللي هو بطريقة التبعية، ماشي، ذكره بعض الشافعية؛ مثل أن يقول: اللهم صلِّ على محمد وعلى أبي بكر، لم يذكره منفرداً، هنا هو جاء التبعية، التبعية يعني قلت اللهم صلِّ على محمد عليه الصلاة والسلام، دي جائزة ولا لا؟ فيها خلاف. طب رحت ألحقت به غيره على وجه التبعية، يعني أبو بكر رضي الله عنه لو صلينا على أبي بكر منفرداً اللهم صلِّ على أبي بكر، جائز ولا لا؟ جائز، فيها خلاف؟ فيها خلاف، قال لك بقى لو صلينا عليه عن طريقه بطريقة التبعية، اللي هو اللهم صلِّ على محمد صلى الله عليه وسلم وعلى أبي بكر، دي جائزة، هو بيقول هنا قال بعض الشافعية جائزة بالإجماع، عليه الصلاة والسلام، أي ياتي في الصلاة تبعاً وليس أصلاً، هو هنا أبو بكر جاء تبعاً وليس أصلاً، النبي صلى الله عليه عليه الصلاة والسلام.

الثاني: السلام في معنى الصلاة، يعني إذا سلّم على معين سواء كان حياً أو ميتاً فهو جائز، مثل أن يقول: قال أبو بكر عليه السلام، قال علي عليه السلام، وطالما السلام في معنى الصلاة، يبقى بحيث لا يتخذ شعاراً لواحد دون باقي الصحابة، نفس الكلام، قال الشيخ تقي الدين: والسلام على غيره باسمه جائز من غير تردد، يعني عند ابن تيمية والسلام على غيره -الهاء دي عائدة على مين؟ على النبي عليه الصلاة والسلام، مركزين يا جماعة؟- خلوا بالكم المسائل دي بتعمل خناقات، المسائل اللي احنا عمالين نفكها دي واحنا قاعدين كده، وممكن تبقوا أنتم مش مهتمين بيها بتعمل خناقات، وتلاقي ناس عمالة ترد بجهل، ماشي، محتاجين نبقى عارفين العلم علشان نعرف إيه اللي الدنيا واسعة فيه، فنسيبها واسعة، ما يجيش عشان أنت مخالف حد قاعد له بقى ناقر ونقير كل ما يقول حاجة تطلع تقول له، فتطلع بعد كده إيه البعيد قرطاس، يقول لك طب خد بقى ابن القيم بتاعكم بيقول، ابن تيمية بتاعكم بيقول أهو، تطلع أنت أنت عارف ابن القيم بيقول إيه ولا عارف ابن تيمية بيقول إيه؟ ويطلع ابن تيمية بيقول لك إيه: جائز بلا تردد، ما هم بينكشوك كده، يقول لك إيه: مولانا الشيخ فلان عليه السلام، تقوم أنت تسمع سعرة الجن، تقوم داخل شايطة، مش كده؟ يقول لك طب خد يا حبيبي ابن تيمية قال لك كذا، تتبل أنت بقى ما تعرفش، طب ما من الأول اقعد عدل في الدرس وركز، علشان ما بدل ما نضل ونوديك لحضرتك. هنا بقى الشيخ تقي الدين بيقول إيه؟ والسلام على غيره باسمه جائز من غير تردد، يبقى نقول يوسف عليه السلام، سيدنا يوسف.

فائدة: قال إسماعيل بن كثير: قد غلا طلب هذا في عبارة كثير من النسّاخ للكتب، أن يفرد عليّ رضي الله عنه بأن يقال عليه السلام من دون سائر الصحابة، أو كرم الله وجهه، وهذا وإن كان معناه صحيحاً لكن ينبغي أن يساوى بين الصحابة في ذلك، فإن هذا من باب التعظيم والتكريم، والشيخان -اللي هم مين؟ البخاري ومسلم، أبو بكر وعمر- وأمير المؤمنين عثمان أولى بذلك منه رضي الله عنهم أجمعين، فلو أفردناه بهذا دونهم ربما توهم متوهم تفضيل عليّ عليهم، والأمر ليس كذلك، بل تردد أبو بكر ثم عمر ثم عثمان ثم يأتي عليّ بعد رضي الله عنه الجميع.

فصل: الصلاة على النبي صلى الله عليه وسلم في الصلاة فرض، فين فرض؟ في التشهد، مش كده؟ فلا تصح الصلاة بدونها، وتسن خارج الصلاة بقوله: اللهم صلِّ على محمد وعلى آل محمد صلى الله عليه وسلم، ويتأكد ذلك إذا ذُكر، وهي فرض كفاية. قوله: خير الأنام وآله، الأنام الإنس والجن، هنا بيشرح كلام الناظم، احنا كده نخرج النهارده نحفظ بيتين، وآله صلى الله عليه وسلم أتباعه على دينه على الصحيح من مذهب أحمد، يبقى نعرف أن فيها خلاف، ما بتقول اللهم صلِّ على محمد وآل محمد عليه الصلاة والسلام، مين اللي قال؟ هنا بيقول الآل هم الأتباع على دينه، ورجع قال لك على الصحيح من مذهب أحمد، يبقى فيها خلاف، وسئل النبي صلى الله عليه وسلم: من آل محمد؟

فقال: كل تقي، أخرجه تمام في فوائده، واختاره القاضي وغيره من الأصحاب، قاله المجد -اللي هو جد شيخ الإسلام ابن تيمية- في شرحه، وقدمه الشيخ ابن قدامة في المغني، قالوا عند الحنابلة ابن قدامة كان هو شيخ الآية، لما يقال شيخ أو شيخ الإسلام يبقى هو ابن قدامة إلى أن جاء ابن تيمية، ابن تيمية متأخر عن ابن قدامة، ماشي، قال وقدمه الشيخ في المغني يعني ابن قدامة، والشارح يعني صاحب الشرح الكبير، اللي هو يبقى ابن أخو ابن قدامة، هيجي معانا كل ده إن شاء الله، وهتمتحنوا فيه في الأسماء وتولد إمتى ومات إمتى وله كام ابن، والمجد اللي هو جد شيخ الإسلام وابن منجّى وغيرهم، كل دول اختاروا إيه، نسِينا، أن قال النبي عليه الصلاة والسلام هم أتباعه على دينه، وقيل أزواجه وعشيرته، قول آخر يضاعفه، وقيل بنو هاشم وبنو المطلب، وقال شيخ تقي الدين هم أهل بيته، وأنه نص أحمد واختيار الشريف أبي جعفر، برضو من الحاجات اللي ابن تيمية بيناقشوه فيها أقوال أحمد، هو ما هواش أعلى من الناس بأقوال أحمد، ركزوا في دي برضو مهمة جداً، يعني الصحيح من مذهب أحمد فوق الحجاوي، قال لك الصحيح من مذهب أحمد هم أتباعه على دينه، قال لك بعد كده ابن تيمية قال إيه: هم أهل بيته وأنه نص أحمد، شوف تيمية بيقول إيه، ابن تيمية ما هواش أعلى من الناس بنصوص أحمد، ماشي، فيناقش يعني لما تلاقي ابن تيمية يقول لك إيه هذا نص أحمد وتلاقي علماء المذهب كلهم مخالفين ابن تيمية في المسألة دي، يعني ما فيش حاجة تدي وثوقية لقول ابن تيمية خالص، وبرضه القاعدة دي هتحل لكم إشكالات بعد كده، ماشي. أحمد، آه، كلمة يقصد، لا هو طالما جاي بعد ابن تيمية، فإذا قال الشيخ يبقى ابن تيمية، لكن هو هنا مقيّده، قال لك قال الشيخ في المغني فاحنا عارفين أن المغني بتاع مين؟ بتاع ابن قدامة، شرح المغني ده شرح إيه فيه؟

الشرح مختصر الخرقي، ماشي، مش مهم الحاجات دي هتيجي إن شاء الله بعد كده ويش كذا بيقصد.

طالما هو متأخر عن ابن تيمية، يبقى الأصل أنه لو قال الشيخ يبقى يقصد ابن تيمية، إلا بقى لو في واحد له اصطلاح خاص به. متأخر يا شيخ قبله! متأخر يعني بعده، هو قبله هيقول الشيخ ويقصد ابن تيمية إزاي بقى، فهمني دي؟ طب لو كان متقدم على ابن تيمية يبقى يقصد مين؟ ابن تيمية أكيد صح.

يا شيخ هو صحيح غير المعتمد، مش ده المنتور بتاعك تتكلم قبله، مش هو بيعلمك حاجات ولا ما بيعلمكش؟ تقول إيه الصحيح، بين الصحيح المعتمد أو مثلاً الصحيح، ممكن يبقى مختلف، فقه صحيح في المذهب أو محرم في المذهب، لا خليها بعدين مش في الفقه دلوقتي. بقا شفت الإجابة سهلة إزاي؟ ممكن يبقى في كذا، بس هنا لو في كذا رواية المفروض يقول، وأنه نص أحمد، ظاهر الكلام أن هو رواية واحدة، ظاهر الكلام كده.

طيب البيت كان بيقول إيه بس عشان نعرف أصحابه دي تشكيلها إيه؟ أصحابي وأصحابه. ماشي، بيقول عشان السطرين دول بقى ونخلص قوله وأصحابه: الصحابي من صحب النبي صلى الله عليه وسلم أو رآه مع الإيمان به ولو ساعة، إذ حقيقة الصحبة الاجتماع بالمصحوب. يبقى الصحابي من رآه صلى الله عليه وسلم أو صحبه أو رآه مع الإيمان به ولو ساعة، لكن الصحابة طبعاً درجات. يعني اللي صحبه ولزمه مش زي الأعرابي اللي جه حصل له موقف مع النبي عليه الصلاة والسلام، نال شرف الصحبة نعم، لكن ما هواش زي الملازم للنبي عليه الصلاة والسلام.

أما يجي سيدنا خالد ويحصل شيء بينه وبين حد تاني من القدامى، فيجي سيدنا النبي يقول عليه الصلاة والسلام: «لا تسبوا أصحابي». لما قال له يا ابن السوداء، فقال: «لا تسبوا أصحابي». طب ما هو التاني صاحبه برضه بس لا ده سابق له فضل السبق. يبقى من صحب النبي عليه الصلاة والسلام أو رآه مع الإيمان به ولو ساعة، إذ حقيقة الصحبة الاجتماع بالمصحوب. قالوا ولو مات على ذلك، يعني في بقى بعض القيود الزيادة زودوها، قالوا ومات على ذلك، ولو تخلل ذلك ردة على الصحيح، يعني في نقاشات في المسألة دي لكن ما هياش موضوع الكتاب، موضوع كتاب الآداب. وقيل: من طالت صحبته له عرفاً، يعني على القول ده الأعرابي ده اللي شافه ومشي ما يسموهوش صاحب على هذا القول، وقيل غير ذلك. ماشي، مش زي ما أقول لكم مش هنوسع في الحاجات دي لأن دي ما هياش مكانها قوي.

وبعد فإني سوف أنظم جملة من الأدب المأثور عن خير مرشدي. ماشي نسيبها المرة الجاية. حد عاوز يسأل أي حاجة؟ طيب سبحانك اللهم وبحمدك، نشهد أن لا إله إلا أنت، نستغفرك ونتوب إليك.