أما بعد، قال: فصل: الأمر بالمعروف صدقة، والنهي عن المنكر صدقة. وطبعاً جاء في الحديث لقول النبي صلى الله عليه وسلم: «وأمر بالمعروف صدقة، ونهي عن المنكر صدقة» رواه مسلم. يبقى من أراد أن يأمر أو ينهى -احنا في باب الأمر والنهي- فأولاً ينوي أنه يفعل الواجب إذا كان ما يأمر به واجباً أو ما ينهى عنه محرماً.
ثانياً، ينوي أنه بيرفع الحرج عن كل عالم قادر، يعني كل واحد عرف المنكر وعارف ينكر وما أنكرش كان كله هيأثم، أنت بترفع الإثم عن كل دول. وثالثاً، ينوي الصدقة، ينوي الصدقة لأنه بنص الحديث أن ده صدقة. وهل هو أفضل أم الصدقة بالمال؟ قال ابن رجب في شرح النووية: والصدقة بغير المال نوعان: أحدهما ما فيه تعدية الإسان إلى الخلق فيكون صدقة، وربما كان أفضل من الصدقة بالمال، وهذا كالأمر بالمعروف والنهي عن المنكر، فإنه دعاء إلى طاعة الله وكف عن معاصيه، وذلك خير من النفع بالمال، وكذلك تعليم العلم النافع، انتهى.
يعني أيهما أفضل: أن تتصدق بمال أو أن تأمر وتنهى من حيث كونه صدقة؟ فابن رجب بيقول من حيث كونه صدقة، الصدقة بالامر والنهي أفضل، ليه؟ لأن تعدي النفع هنا نفع ديني ولا نفع دنيوي؟ ديني، صدقة المال نفعها دنيوي، فإن تنفع المسلم في دينه أفضل من أن تنفعه في دنياه، مش كده؟ وهنا الناس برضه يعني بعض الناس عندها شطط في الحتة دي، ركزوا في الكلام ده كويس. بعض الناس بتغفل الأمر الدنيوي للمدعو، وده غلط يا شباب، طبعاً الناس بتغفل الأمر الديني وده مافيش كلام، يعني ما أظنش أن حد قاعد محتاج أني أقول له إن احنا نهتم بدين الناس، احنا أصلاً قاعدين عشان احنا اجتمعنا أولاً لديننا ثم لأديان الناس، فما فيش معنى إن احنا بعض الناس في دعوتهم بيغفلوا دنيا الناس، وده غلط.
ده غلط، لأن ممكن واحد يبه شغله عن الدين الدنيا، والدنيا هنا مش لازم تبقى الدنيا يعني مفتوحة، ممكن الدنيا لو مضيقة قوي تشغله عن الدين برضه، والنبي قال كده عليه الصلاة والسلام: «أو فقراً منسياً» من شدة الفقر، من شدة الحاجة، من شدة العوز ينسى الدين. هو دلوقتي يعني أنت عمال تكلمه في الصلاة وفي هو لاقي ياكل ولا لاقي ياكل عياله، بنته عندها مرض مش عارف إيه، مش عارف يجيب لها الدواء، أحواله كرب، فمن الدعوة إلى الله أن احنا نهتم بدنيا الناس، ماشي بدنيا المدعو، بالذات بقى لو في دعوة خاصة، دعوة فردية حد بيقوم بيها، ما تخلوش كل لقاءاتكم مع المدعوين كلام في الدين، أحواله في الدنيا عاملة إزاي، مشاكله اللي في الدنيا عاملة إزاي، فده مهم.
طيب، بنقو دعوة عامة زي اللي بيعملوا فيديوهات على المنصات أو غيره، حاولوا تعيشوا مشاكل الفئة اللي أنتم بتستهدفوها، ده مهم جداً، يعني لو أنت مش عايش مشاكل الفئة اللي بتستهدفها مش هتنجح في دعوتك، ماشي.
والمعنى ده موجود في القرآن؛ معنى الاهتمام بدنيا الناس كالاهتمام بالدين قلناه قبل كده في كذا درس، نستفيد من قصة إبراهيم مش كده؟ سيدنا إبراهيم لما ساب إسماعيل والقصة معروفة سأل ربنا إيه؟ دين ولا دين دنيا؟ ﴿وَاجْعَلْ أَفْئِدَةً مِّنَ النَّاسِ تَهْوِي إِلَيْهِمْ وَرُزُقْهُم مِّنَ الثَّمَرَاتِ﴾ [إبراهيم: 37] وفي ربنا: ﴿رَبِّ اجْعَلْ هَٰذَا بَلَدًا آمِنًا﴾ [البقرة: 126] ما قالش إيه ربنا قوي دينهم وقوي لا مش كده بس، ﴿رَبِّ اجْعَلْ هَٰذَا بَلَدًا آمِنًا﴾ ده دنيا، دنيا تعين على دين بس ده دنيا، يعني أن يبقى بلد امن، ده ده دنيا وبعدين رزق الثمرات دنيا، فسيدنا إبراهيم ما أغفلش الدعاء بالدنيا عشان تستقيم الحياة ويستقيم الدين، ماشي.
طيب، نرجع بقى لمسألتنا، يبقى هو تعدي الإحسان هنا إلى الخلق، تعدي للإحسان الديني فيكون أفضل، ده على كلام ابن رجب من الصدقة بالمال، وكذلك تعليم العلم النافع فيه صدقة وهو برضه دين، انتهى. قال الله تعالى: ﴿قَوْلٌ مَّعْرُوفٌ وَمَغْفِرَةٌ خَيْرٌ مِّن صَدَقَةٍ يَتْبَعُهَآ أَذًى﴾ [البقرة: 263]. قال المروذي: قلت لأبي عبد الله يعني أحمد بن حنبل: ترى للرجل أن يشتغل بالصوم والصلاة ويسكت عن الكلام في أهل البدع؟ فكشح وقال: إذا صام وصلى واعتزل الناس، أليس إنما هو لنفسه؟ قلت: بلى. قال: فإذا تكلم كان له ولغيره، يتكلم أفضل. يعني استهجن الكلام، يعني عمل تعابير وجه توحي بأنه مستهجن للكلام، ماشي.
طبعاً احنا لما بنيجي نتكلم في أي مسألة يا جماعة بنجمع النصوص والادله، مسألة العزلة أفضل ولا خلطة الناس أفضل، دي مسألة كبيرة وأدينا قرانا فيها كتب، احنا قرانا العزلة للخطابي، وقرانا العزلة من كتاب منهاج القاصدين -مش مختصر منهاج القاصدين- قرنا منهاج القاصدين بعد ما خلصنا عزلة الخطابي، وتكلمنا فيها كتير وخدناها في شرح رسالة أنغبط أوليائي لابن رجب، وده معنى كبير لازم نتقنه؛ معنى العزلة والخلطة، واللي يقدم، وامتى يقدم، وايه الاحترازات في ده وده، وايه مشاكل ده وده، وانا يعني ادعوكم أن انتم تراجعوا الحاجات دي اللي ما سمعهاش يسمعها واللي سمعها يراجعها، ماشي.
فصل: وليكن الباعث للمنكر على انكاره رجاء ثوابه، يبقى دي أول حاجه، وخوف العقاب في تركه، لأن ممكن واحد يحركه الثواب، واحد تاني ما يحرك- يعني لما يعرف في ثواب في البتاع يقول لك إيه يكسل عن الثواب ده، يقول لك إيه: ما احنا بناخد ثواب كتير في حتة تانية مسكين ما يعرفش إن هو ممكن ما يبقاش ياخد ثواب في أي حتة-، بس على كل حال فيحركه إيه؟ خوف العقاب، مش كده؟ وواحد ثالث هو ذاهل عن الثواب والعقاب، هو درجة أعلى، ولكنه يغضب إذا رأى محارم الله تنتهك، يعني هو المحرك له الباعث له وهو رايح ما فکرش في ثواب نفسه أو في عقاب نفسه، لكنه تحرك غيره على دين الله، أو تحرك لأنه يعلم أن هذا الشيء الذي يفعل يغضب الله، يعني هو كأن استشعر معنى أن ربنا يغضب إذا رأى ذلك يفعل، فغضب لغضب الله سبحانه وتعالى، ودي درجة أعلى، مفهوم؟
يبقى غضباً لله على انتهاك محارمه، ونصيحة للمؤمنين ودي برضه درجة أعلى من الثواب والعقاب برضه، إنه المحرك له إنه في قلبه رحمة ورأفة بإخوانه، فيتحرك لأجل ذلك، ماشي. إنه يعني أن يراه على معصية الله عز وجل، إنه معرض نفسه لغضب الله عز وجل، فيرحمه ويرف به ورحمة له، رجاء أن ينقذهم مما أوقعوا أنفسهم فيه من التعرض لغضب الله وعقوبته في الدنيا والآخرة، وإجلالاً لله، يعني تعظيماً لله وإجلالاً له أن يعصى. هنا ده معنى آخر يا جماعة، كل معنى من دول معنى كبير ها، معنى أنك تغضب لغضب الله ده معنى، معنى تاني إجلال لله أن يعصى، هو ممكن ده يبقى ذاهل عن أن ربنا غضبان من هذا الفعل، لكن المعنى المسيطر عليه إيه؟ الله يعصى، يعني الله أجل من أن يعصى، من أن يخالف، هو مش في دماغه أن ربنا غضبان من ده فانا غضبان لغضب الله فلازم مش كده؟ لكن هو يجل الله عز وجل إجلالاً يجعله إنه يعني إزاي ربنا يعصى، واعظاماً له ومحبة، وده معنى تاني المحبة غير الإجلال، أنت ممكن تكون بتحب واحد لكن لا تجله يعني، بتحب ابنك أنت لا تجل ابنك يعني بس بتحبه، ماشي؟
فلو حد زعل ابنك تقوم تزعل من اللي زعله، مش لأنك بتوقر ابنك لأنك بتحب ابنك، صح آه فمن محبتك لله عز وجل إذا رايت أ رايته يعصى تقوم ما تحبش يبقى في عصيان ليه؟ ليه؟ لأنك محب له سبحانه وتعالى، وأنه يطاع فلا يعصى، ويشكر فلا يكفر، ويذكر فلا ينسى سبحانه وتعالى، وأنه يفتدى من انتهاك محارمه بالنفوس والأموال، وكما قال هو، فالجهاد قائم كله على الأمر والنهي، هو الجهاد إيه أصلاً؟ ذروة الأمر والنهي، مش كده؟ أنت رايح بتعمل ايه؟ هما بيقولوا في إله مع ربنا أو بيعبدوا صنم فبتروح تبذل المهج والأموال عشان ما يعملوش ده، ده إنكار للمنكر، بدليل لو فجأة قال له لا إله إلا الله خلاص هتسيبهم وترجع، فهو بيقول: يفتدى من انتهاك محارمه بالنفوس والأموال.
كما قال بعض السلف: وددت أن الخلق كلهم أطاعوا الله وأن لحمي قرض بالمقاريض، يعني بيقول: لو كان ثمن أن الناس تطيع ربنا ومايعصوهوش إن أن ألبذل نفسي وروحي ما فيش مشكلة. شوفوا يا جماعة هما الناس احنا بقى عايشين ليه في الدنيا دي؟ وماديين الدين قد ايه من وقتنا وقد ايه من جهدنا؟ الراجل بيقول اقرضوا لحمي بالمقاريض والناس تبقى مطيعة لله عز وجل، فانتو غيراتكم بقى على دين الله، سواء اللي بيدعوا منكم على الأرض أو اللي بيدعوا على السوشيال ميديا، أو اللي ما بيدعوش، كلنا السؤال موجه لينا كلنا، غرضنا إيه من الدعوة؟ واللي ما بيدعوش ليه ما بيدعوش؟
الناس تبذل أرواحها، ولسه كنت قاعد مع مجموعة من الدعاة بيحكوا لي عن داعية تاني يعني كبير في السن، يعني سابق يعني الجيل بتاعنا، بيقولوا جت عليه سنوات ما كانش بينام غير وهو إيه بقى؟ حد يقول كده؟ وهو ماشي! أنا استغربت بيقولوا بيقولوا جت سنوات سنوات قعد سنوات يبقى ماشي معاه اثنين، يقول لهم: أنا هنام من هنا الأول الطريق بس امسكوني، فيمسكوه ويجروه ويروح نايم وهو ماشي، يعني انا سمعت هنا وهو قاعد سمع، إنما وهو ماشي دي غريبة جداً!
ففي ناس بتبذل، والناس اللي بتبذل دي ناس عايشة معانا، مش ناس بقى بنتكلم عن السلف. واحد من إخواننا كنت قاعد مع واحد وهو اجتماعياً يعني يعني عالي يعني في إسكندرية هو، كنت قاعد معاه من كم يوم، وكان عايش في إنجلترا في بداية حياته، فهو نازل هو بقى يعني هي عالي ومادياً كويس وعايش بره، فنانز نازل بيقول مش لاقي نفسي، يعني مش متاقلم مع حد، وابتدي يحكي لي، حكي لي عن واحد، يعني بدايه بقى أن واحد يدخله وسط جو الناس المتدينة وكده، اللي دخله ده بقي واحد فقير معدم معدم، لكن عنده بذل شديد جداً، وكان يقعد يربط الناس بعض وتعالوا وروحوا مش عارف وكده، فمن اللي حكوالي بقى على الأخ هو مات، الشاب ده مات وهو شاب، بيقول من فقره كان بيمشي محافظات، يعني يطلع من محافظة يمشي المحافظة علشان في درس وماحوش فلوس يركب، فيحسب الحسبه بقى همشي يوم، همشي يوم ما أعرفش هيمشي قد إيه، ما المحافظة للمحافظة دي هيمشي قد ايه؟ يعني أظن ممكن تعدي اليوم هي ممكن يدخل ينام في جامع بقى، ممكن بقى، ففي ناس باذلة عايشين معانا، أنا بديكم الأمثلة عشان ما نقعدش نحكي عن سلف مصمص، السلف كانوا جمال، لا معانا ناس كده، معانا ناس كده، فاحنا بذلنا إيه وبذلنا ليه؟ وده السؤال بقى، يعني يعني بذلنا إيه دي حاجة، وبذلنا بنبذل ليه؟
يعني شوفوا كم نية وعه، أنتو شطار بقى طلاب علم، النية مش اللي هنقعد نقوله في بقنا إن يعني قلبي انبعث عشان ده أنا لما شفت المعصية أجللت الله أن يعصى ربنا يعصى، أو لما شفت المعصية من حبي لله كرهت أن يعصى بحبه، أو لما شفت المعصية شفقة بالمسلم ورحمة به، وددت لو ينتهي، ده اللي حركني يعني خايف عليه اللي هو حديث النبي عليه الصلاة والسلام اللي هو إيه: «أنا آخذ بحجزكم وأنتم تأبون إلا أن تقحمون في» عمال أبعدكم عن النار وأنتم بتجروا على النار. فاستشعار المعنى ده وإن القلب ينبعث لده قبل ما تفتح كاميرا وتعمل فيديو، قبل ما تنزل تدعو في على الأرض أو في مسجد، تقعد تستحضر المعاني دي، فالسطرين دول مهمين الحقيقة، ماشي.
ومن لاحظ هذا المقام هان عليه ما يلقى في في الأذى ما يلقى من الأذى في الله، من لاحظ هذا المقام هان عليه ما يلقى من الأذى في الله، إيه يعني أؤذى في الله بس الناس هتدخل الجنة، أؤذى هيؤذى في الله بس همنع ما يغضب ربي، أؤذى هيؤذى في الله، لكن وهكذا، وربما دعا لمن آذاه. يبقى نفوس سوية، يبقى واحد يأذيه وهو يقعد يدعي له، ليه؟ ما هو برضه اللي آذاه محل دعوة، دايماً أقول للإخوة يستغربوا، أقول لهم: كل حد محل دعوة، لو لو مشينا بالعقلية دي أو فهمنا المعنى ده حياتنا هتختلف، كل حد بتقابله محل دعوة أياً كان، أصل أنت قول لي كده هتقابل مين في الدنيا دي؟ ما قلت سالتكش سيب البتاع وخليك معايا، كل حد محل دعوة، حتى اللي بيمسك الموبايل ويقعد يفر فيه، مين في الدنيا دي يعني أشد من فرعون وكان محل دعوة مش كده؟ فعايشوا بالنفسية، يبقى أنت اللي بيعصي ربنا محل دعوة، طيب لما رحت تنهاه واحد آذاك محل دعوة برضه، وليس من الدعوة أن تدعو له بالصلاح؟ ما هو ما حد دعوة، يعني أنا عاوز أخده من الحته دي أحطه في حته تانية أحسن، صح؟ من الأسلحة اللي معاك أو من الوسائل
ينقل هنا الدعاء، فوجد يا أخي أنت تدعي له: «يا رب اهدِهِ، يا رب خُذْ بيدي للصلاح، يا رب اجعله سيفاً وحرباً على أعدائك وسلماً لأوليائك يا رب». ومش بعيد عن ربنا، ربنا من الصحابة اللي كان قتل صحابة وهو كافر، وبعدين يسلم ويبقى صحابي ويُحسن إسلامه ونترضى عنه دلوقتي، ماشي.
كما قال ذلك النبي عليه الصلاة والسلام لما ضربه قومه فجعل يمسح الدم عن وجهه ويقول: «رب اغفر لقومي فإنهم لا يعلمون». وهنا يا جماعة المسألة دي من المسائل التي الأمر فيها واسع، يعني لا إنكار على هذا أو ذاك، هي بتبقى قلوب وأحوال. يعني يقولي: طب ما هو الدعاء على الظلمة جائز؟ ما قلتلكش جائز ومش جائز دلوقتي، يعني ممكن في نفس الموقف اتنين أذوا من واحد، واحد دعا عليه وواحد دعا له، هل يُنكر على ده أو يُنكر على ده؟ ما بنقولش يُنكر.
طيب، نفس الشخص بقى مش اتنين، يعني س وص؛ س ظلم ص، فصاد دعا له وبعد شوية س ظلم ص فصاد دعا عليه. برضو مش مسألة، مش بنقول ننكر ولا هي، قلوب وأحوال؛ في حال بتلاقي قلبك مايل إنه إيه: آه، ده مسلم وربنا يهديه يعني، ما في حال بيغلب عليك معنى إن أنا مظلوم وإن أنا لا، أنا عاوز يعني إيه كده مثلاً. وعندنا الأنبياء تنوعوا؛ سيدنا النبي اهو عليه الصلاة والسلام: «اللهم اغفر لقومي فإنهم لا يعلمون». سيدنا نوح: ﴿رَبِّ لَا تَذَرْ عَلَى الْأَرْضِ مِنَ الْكَافِرِينَ دَيَّارًا﴾ [نوح: 26]، تلمح معنى تاني ليه؟ إنك: ﴿إِنَّكَ إِنْ تَذَرْهُمْ يُضِلُّوا عِبَادَكَ وَلَا يَلِدُوا إِلَّا فَاجِرًا كَفَّارًا﴾ [نوح: 27]، معاني منطقية يعني، معاني عقلية. طب هو سيدنا النبي عليه الصلاة والسلام كان غافل عن المعنى ده؟ لا مش غافل، بس قال: لو اتهدوا مش هيضلوا العباد ومش هيولدوا كافر فاجر، هي أحوال يعني؛ أحوال وقلوب ماشي.
وينبغي للآمر بالمعروف والناهي عن المنكر أن يكون متواضعاً. يبقى أول صفة من صفات، إحنا عندنا طبعا أركان للدعوة وأركان الأمر والنهي منها الداعي أو الأمر والناهي، فمن صفات الآمر الناهي أن يكون متواضعاً، وأن يلحظ المدعو تواضعك، ما أنتتاش جاي بتكلمه من فوق: يلا يا عاصي يا ابن لا ماشي كده، لا، تبقى متواضعاً ويرى التواضع فيك؛ لأن ده أولاً أدعى لقبول النصح. لما تحس أن اللي جاي ده بيكلمك: شايفنا إيه هو يعني أنا نضيف وأنت مش مستحمي؟ هتحس يعني ممكن ما تقبلش كلامه، إنما أنا لما تلاقيه متواضع معاك -وهنيجي بقى للصفات التانية مش عاوز إيه أدخل في صفات ده مش درس دعوة، إحنا بس بنفهم يعني إيه تواضع وفايته- أن التواضع دليل على إتمام استحضار معنى أن أنت كمان عاصي وملوث بالمعصية، ما هو اللي بيبقى متكبر وهو يأمر وينهى ده غافل عن حال نفسه، ولو استحضار معاصيه حال الدعوة أو حال الأمر والنهي لتواضع وانكسر مش كده؟
فينبغي أن تكون متواضعاً، رفيقا فيما يدعو إليه، شفيقا رحيما. رفيق، ده الأصل، ده الأصل، يُعدل عنه لقرينة قوية أو واحد خلاص قدر أن المصلحة في غير الرفق. طب ما إحنا مش عارفين نقدر مصلحة، أو إحنا أصغر من أن إحنا نعمل ده، أو إحنا أقل علماً أن إحنا نعمل ده؟ يبقى إحنا في مرحلة الرفق ما نتعداش، ما كان الرفق في شيء إلا زانه، وما نُزع من شيء إلا شانه. لكن في وقت: واغلظ عليهم، ربنا قال كده للنبي عليه الصلاة والسلام مش كده؟ واغلظ عليهم في وقت، طيب يبقى امتى نغلظ دي؟ محتاجة تقدير للمصلحة والمفسدة ماشي، ما إحناش عندنا العلم ده ولا عندنا الحكمة دي ولا عندنا الخبرة اللي نقدر بيها المصلحة بتاعه الإغلاظ من عدمه، يبقى إحنا في الرفق ما لا نتعداه، ليه؟ لأن الرفق غالب حاله أنه لو ما نفعش ما بيضرش، ده في الغالب يعني ممكن في أحوال يضر؟ آه بس دي أحوال يعني إيه نادِرة، فلو ما نفعش مش هيضر.
حكيت لكم على أخونا بتاع التبليغ، بتوع التبليغ عندهم خبرة في الدعوة وفي أحوال الناس وكده، المتمرسين فيهم يعني، متمرس منهم طبعا مقابل بقا الآلاف البشر، فبيحكوا لي مرة واحد عمال يدادي في واحد عشان إيه؟ يدخل يصلي معايا في الجامع، والتاني أبدا، في مع في إيه؟ تعديه واحد من بتوع التبليغ عشان قال له: يا عم سيبك منه ده ابن كذا وراح إيه؟ بتوع التبليغ برده يعني كده يعني، في منهم ناس راحة يعني شتيمة مش شديدة قوي بس هي برده ابن حاجة دي، يعني قال له: ده مش هيدخل بصوت عالي قال له: طب إيه رأيك بقى هدخل؟ ورح رايح داخل، ورح رايح داخل الجامع. طب أنت تعملها بقى أنت تتغاشم تقول له ما أنا شفت هو بيعملها بقى اعملها أنا كمان تيجي لنا مضروب وكذا.
فإحنا فين بقى؟ اه، يبقى رفيقا فيما يدعو إليه شفيقا رحيما، أن اللي قدام ما يدخلش النار غير فظ ولا غليظ القلب حراً، ويتوجه أن العبد مثله. ها، ما عندناش عبودية دلوقتي، يعني هل العبد ينكر ولا لا ينكر؟ وإن كان الحر أكمل، وما المسألة دي ما تعنيناش دلوقتي، عدلاً فقيهاً عالماً بالمامورات والمنهيات شرعاً. طبعا ده يعني كأنه لو عندنا فلان وفلان، من يقدم في الأمر والنهي بالذات لو هنعينه في الحسبة؟ ساعتها نقول: آه، هات العدل، فإنما هل معنى كده أن غير العدل لا يوجه إليه خطاب الأمر والنهي؟ مثلاً إحنا اتكلمنا عليها صح، أن الفاسق يأمر ولا ما يأمرش وينهى؟ يأمر وينهى برده، وكان هنا ممكن يبقى التوجه في إيه؟ في أنه إذا كان ولي الأمر هيعين فئة تأمر وتنهى، ساعتها لا يجيب العدول يعينهم الفقهاء؛ لأنه هيحتاجوا علم، ده ينكر ولا لا ينكر؟ ده هيحتاج فقيهاً عالماً بالمامورات والمنهيات شرعاً ديناً نزهاً عفيفاً. طب إحنا نستفيد إيه من الصفات دي؟ أن إحنا نتصل بها، نتلبس بها، نبقى عدول، نبقى نتعلم، نبقى ناس دينة ودنا ظاهر علينا.
ذا رأي وشدة في الدين. ليه ذا رأي وشدة؟ لأن برضو أنت في وقت الأوقات بالذات لو أنت معين من قِبل ولي الأمر، هتحتاج شوية عنف في وقت، هتحتاج ده مش كده؟ على الأقل إقامة الحدود. إحنا بنتكلم في واحد معين بقا، ولي الأمر معين فئة، هنسميها شرطة بقى، هنسميها حِسبة، هنسميها زي ما نسميها في أي دولة على حسب كل دولة هتسميها إيه، ما هو يعني الشرطة، لو واحد ظابط شرطة واحتسب في فعله أنه بينهى عن المنكر، ما هو ما هو بتاع الشرطة ده ممكن يبقى رايح لتجار المخدرات مش كده؟ وبتاع الشرطة ممكن يبقى رايح رايح الشباب اللي بتشرب خمور في الشارع، طبعا هو في ظل إيه؟ قانون، سيبكم بقى من القانون دلوقتي، بتكلم على الضابط اللي هو رايح فلو احتسب في هذا المشوار أو أنه أنه لا ده حرام وكبيرة من الكبائر وأنا رايح أنكرها شرعاً يعني أنا للدين، يعني غيرتي للدين ويكون فعلاً كده يُثاب ماشي؟
فضلاً بقا لو الدولة هي نفسها بتتبنى مسألة الشرع وإقامة الشرع وأنه الحرام ما يتعملش وأنه كذا وأنه كذا، والقانون مستنبط من هذا، فخلاص دي واضحة، المسألة واضحة يعني. ساعتها بقى نسميها شرطة، نسميها حِسبة، نسميها جماعة أمر المنكر، تسموها زي ما تسموها يعني في الآخر هي فساعتها ممكن يبقى عنده شِدة لازم يعني إيه في وقت مطلوب منه يبقى شديد، وربنا ذكر ما معنى في القرآن: ﴿وَلَا تَأْخُذْكُمْ بِهِمَا رَأْفَةٌ﴾ [النور: 2]. ممكن واحد يجي إيه يضعف عن إقامة الحد، الكلام ده كان فين؟ في حد الزنا مش كده؟ شروط النور اه حد الزنا، فربنا قال: ﴿لَا تَأْخُذْكُمْ بِهِمَا رَأْفَةٌ فِي دِينِ اللَّهِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآخِرِ﴾ [النور: 2].
شوف جمال القرآن، ليه بقى؟ ما هو اللي مؤمن بالله واليوم الآخر هو بيقول: لا تأخذكم بهما رأفة إن كنتم تؤمنون بالله. ما هو اللي مؤمن بالله هيبقى مؤمن أن ده شرع، شرع ربنا، وشرع وربنا هو الأرحم بالمحدود ولا، فلما استحضار المعاني دي أن ده شرع ربنا وأنا مؤمن بالله الرحيم الودود الغفور صفاته وأن هو أرحم بهذا المحدود مني، فساعتها مش هتاخدني رأفة بل أرى وقتها أن الرأفة والرحمة عرفت ليه؟ ما عرفتش، مش قضيتي دلوقتي بقى يعني، إنما إيه إن كنت تؤمن مش مش هتاخدك الرأفة. فهمتوا دي؟ واليوم الآخر. لأن المؤمن باليوم الآخر اللي طبعا اللي مش مؤمن بيوم آخر أو زاهل عن اليوم الآخر حرام وبن وفل، لأنه لا يرى المقالات، إنما المؤمن باليوم الآخر هيعرف أن الحد كفاره، وأنه ده لو اتساب كده هيروح في داهية في الآخرة، ولو أقمنا عليه الحد خلاص لا يُسأل عن ذنبه في الآخرة، فهراف به ليه؟ ده أنا مؤمن بأن في يوم آخر أصلاً، إحنا مش آخرتنا الدنيا. فهمتوا؟
طيب، إحنا فين؟ أم، رأي وشدة في الدين، ولا غليظ القلب حراً، لا، ذا رأي وشدة، ذا رأي وشدة في الدين قاصداً بذلك وجه الله وإقامة وإقامة دينه ونصره شرعه وامتثال أمره وإحياء سنته. هو إحنا ممكن نقصد حاجات تانية؟ يعني ممكن طبعا نقصد الشهرة، أن أنا لما أطلع أدعو إلى الله وأمر وناهي هنبقى مشهورين، وأنا وأنا معايا اهو جزاك الله خيراً هنبقى مشهورين، فايه؟ قال لك لا ما تقصدش ده، أو ما يقصد الفلوس، يكون الدعوة بفلوس مثلاً.
طيب، بلا رياء ولا منافقة ولا مداهنة. بلا رياء واضحة، ولا منافقة ما أظن واضحة برضو، ولا مداهنة أنا بس عاوز أتكلم على المداهنة دي أن برضو بعض إخواننا ما بيفرقش إنه من فقه الدعوة أن إحنا ممكن نتلطف شوية بالمدعو، أن إحنا ننزل الناس منازلهم. بعض إخواننا هتلاقيه عنده حتة غشومية في الحتة دي، يعني ايه؟ يعني عامل مثلاً اللي شغال شغلانة ضعيفة قليلة يعامله بمعامله ونفس المعاملة يعمل بيها مثلاً السي إي أو بتاع الشركة المالتي ناشيونال مش صح، ده مش صح يقول لك هو كده وأنا، وطبعا زي ما قلت لكم قلت لكم أي حد بيقع إيه ما حدش بيقول أنا غشيم، يقول لك إيه أنا في الله، أنا لا أخاف في الله لومة لائم، وهو يقول لك كلام كده حلو. يا حبيبي أنت غشيم، أنت لو مت لائم إيه وبتاع؟ أنت مش عارف تتعامل مع البشر؟ ما هو ده ده معاملة وده معاملة، عشان يقبل منك ما بنقولكش تسكت عن الحرام، ما بنقولش كده، بس إزاي تنكر عليه الحرام؟ ده ليه معاملة وده ليه معاملة ماشي؟
قلنا لكم قبل كده من الحاجات الجميلَة اللي بحبها في قصة الفتح، فتح مكة الحمد لله على السلامة أن سيدنا النبي لما دخل مكة عليه الصلاة والسلام قال كلام أنا كنت كل ما أضرب كف على كف وما لقيتش حد تكلم فيه لغاية دلوقتي، بس هو معنى جميل جداً قال إيه: «من دخل بيته فهو آمن، ومن دخل الكعبة فهو آمن، ومن دخل بيت أبي سفيان فهو آمن». فأنا كنت أقول الشباب دلوقتي جيت قلت لكم في الظروف دي اللي يدخل بيته آمن وليدخل الكعبة آمن وليدخل بيت أبو سفيان آمن، مين هيروح بيت أبو سفيان؟ ولا واحد هيروح بيت سفيان، هروح بيت أبو سفيان ليه ما أنا هدخل بيتي آمن وهدخل، طب أنا زهقان من بيتي أقعد في الكعبة، ما هو ده كان إيه؟ كان الحتة اللي بيقعدوا فيها، يعني ده كان النادي بتاعهم النادي اللي هو إيه؟ فليدع ناديا، المكان اللي كانوا بيقعدوا فيه يتسامرون وبتاع ومش عارف إيه، يعني زهقان من بيته هيطلع يقعد في النادي مش كده، مين بقى يروح بيت أبو سفيان؟ ما حدش يروح بيت أبو سفيان أصلاً.
طب ليه النبي يقول كده عليه الصلاة والسلام؟ يعني ليه يقول كده وهو فان إيه؟ أدا له، ما هو هو جاي برضو تلاقيه خايف أنه إيه هيسلب مني الرئاسة، ما هو سفيان ده هو كان قائد الجيش في أحد وقائد وهو اللي قلب قريش على النبي في بدر عليه الصلاة والسلام، يعني هو كبير، هو كبير قريش، فكأنها رسالة من غير ما أكلمه، من غير ما أقول له أنا مش جاي أسلب منك رئاستك، أديته الحتة اللي هو عاوزها اللي يدخل بيت أبو سفيان هو آمن، على قول سواء أبو سفيان كان أسلم لكن لسه لم يحصل عشان إسلامه ولسه مسلم جديد فبيقول له يعني بيطمنه، أو لم يسلم بعد ماشي؟ فالحتت دي مهمة، الحتت دي مهمة مع الناس ماشي.
يبقى لا مداهنة، غير بقى المداهن ده اللي هو إيه؟ أنه عشان ده الكبير العظيم الشريف هنفوت له، ويمكن مشرعين له كمان، مش بس نفوت له، لا ده يعمل اللي يعمله نقول له يا حلال ونجيب له أدلة، ودي مداهنة في دين الله عز وجل. غير منافس، اه، المنافسة هتحيد بك تماماً عن مقصود الشارع سبحانه وتعالى. يبقى مين صفحته أكبر؟ مين فولورز أكتر؟ من كذا، لا. غير منافس، غير منافس فيما يتنافس فيه الناس، يعني ينافس في الآخرة نعم، ﴿وَفِي ذَلِكَ فَلْيَتَنَافَسِ الْمُتَنَافِسُونَ﴾ [المطففين: 26] ماشي، إنما الدنيا: من نافسك في دنياه فألقها في نحره سيبها له. ولا مفاخر.
لين القول، فقد قال الله تعالى: ﴿فَقُولَا لَهُ قَوْلًا لَيِّنًا﴾ [طه: 44]. هو مين من التابعين دخل على مين بقى؟ مش فاكر الاسمين. يعني وبعدين إيه؟ شد عليه في الكلام على واحد من الولاة يعني، من كان خليفة أو كده، وشد عليه في الكلام، قال له: يا ابن أخي، إن الله لما أرسل موسى إلى فرعون قال: ﴿فَقُولَا لَهُ قَوْلًا لَيِّنًا﴾ [طه: 44]، وأنت ما انتاش أحسن من موسى، وأنا مانيش أسوأ من فرعون.
وعظ المأمون واعظ فعنف عليه، فقال: يا رجل، ارفق! فقد بعث الله من هو خير منك إلى من هو شر مني، فأمره بالرفق، فقال: ﴿فَقُولَا لَهُ قَوْلًا لَيِّنًا﴾ [طه: 44]. وروى مسلم في صحيحه من حديث عائشة رضي الله عنها، عن النبي صلى الله عليه وسلم أنه قال: «إن الله رفيق يحب الرفق، ويعطي على الرفق ما لا يعطي على العنف».
عوزين حد يبقى يبص في الحديث ده، هل يعطي على الرفق، طبعا المعنى المتبادر إيه؟ الثواب. هل ممكن تيجي إنه يعطي على الرفق، يعني يعطي على الرفق من الفتح ومن القبول، وتيجي كده ولا لا؟ مش لازم دلوقتي، شوفوها حطوها لنا على الجروب يعني، فاهمين بقول إيه؟ يعني ما هو من العطاء أن اللي قدامك يقبل، أن قلبه يتفتح، أنه فهل ممكن يبقى المعنى كده؟
قال ابن رجب: وبكل حال، فيتعين الرفق في الإنكار. هنا عاوز يقول إيه؟ يعني يتعين بيقول: وبكل حال، فيتعين الرفق في الإنكار. يتعين دي على إطلاقها كده؟ يظهر أن محتاجة بحث. أصل الناس دي الكلمة عندها يعني ما تعديش كده، يعني يتعين الرفق في الإنكار دي يقصد يقول بيها إيه؟ ما هو ممكن حاجات كتير، هو هنقعد نقول الاحتمالات العقلية كلها؟ محتاجين نراجع كلام نراجع قبله وبعده ونشوف هو يقصد إيه. عوزين تجيبوه دلوقتي هاتوه نقراه، هتلاقوه في شرح النووية، الأربعين النووية، اللي هو جامع العلوم والحكم، قال: ويعطي على الرفق في الدنيا، قول أنا بقول عشان من الثناء الجميل ونيل المطالب وتسهيل المقاصد، وفي الآخرة من الثواب. يبقى يعطي على الرفق، أنت عاوز مطالبك تتحقق والراجل يسمعك وكده، تعطى على الرفق.
قال سفيان الثوري -هاتوا كلام ابن رجب ها- طيب، هو هنا في كلام جميل ابن رجب، وهنا نقله كله، يعني كل الكلام اللي جاي بتاع ابن رجب، تعالوا نقرا طيب، قال ابن رجب من كتاب عندكم عادي: وبكل حال، فيتعين الرفق في الإنكار. قال سفيان الثوري: لا يأمر بالمعروف وينهى عن المنكر إلا من كان فيه خصال ثلاث: رفيق بما يأمر رفيق بما ينهى، عدل بما يأمر عدل بما ينهى، عالم بما يأمر عالم بما ينهى. يبقى رفيق أهي.
وقال أحمد: الناس يحتاجون إلى مداراة ورفق، الأمر بالمعروف بلا غلظة إلا رجل معلن بالفسق فلا حرمة له. يبقى خلاص، يعني كلمة يتعين دي ما هياش مقصودة على إطلاقها، خلاص مش محتاجين بقى ندور يبقى فيها أحوال، الأحوال إيه هي بقى؟ مش مهم دلوقتي، بس يتعين دي.
قال: وكان أصحاب ابن مسعود إذا مروا بقوم يرون منهم ما يكرهون يقولون: مهلا رحمكم الله، مهلا رحمكم الله. شايفين يا جماعه الإنكار أهو! أنكروا، مش لازم بقى نعمل إذاعة واحنا بننكر، مش لازم نروح نضرب، ومش لازم مهلا رحمكم الله. وقال أحمد: يأمر بالرفق والخضوع، فإن أسمعوه ما يكره لا يغضب فيكون يريد ينتصر لنفسه. انتهى كلام ابن رجب، ودي قلناها لكم قبل كده. أول ما هيسمعك شيء تكرهه خلاص امشي بقى، اللي جاي كله ده مش لله، يعني اللي فات الله أعلم علم لله ولا مش لله، اللي فات، اللي جاي ده احنا متاكدين خلاص، اللي بعد ما بعد الحركة دي اللي جاي مش لله، بدليل صوتك هيعلى، وهتتنرفز، ما هي المعصية هي يعني مش معصية، صوتك علي دلوقتي، علو الصوت ده كان لنفسك مش لله، فاهمين؟
فصل: ولا ينكر أحد على سلطان إلا وعظا له، وتخويفا وتحذيرا من العاقبة في الدنيا والآخرة. قال ابن الجوزي: الجائز من الأمر بالمعروف والنهي عن المنكر مع السلاطين التعريف والوعظ، تعريف ووعظ يعني ما تخشنْش القول، ما تضربْش، واما تخشين القول نحو: يا ظالم، يا من لا يخاف الله! فإن كان ذلك يحرك فتنة يتعدى شرها إلى الغير لم يجز، حرام. ما تجيش بقى تقول لي إيه أفضل الشهداء، مش يا حبيبي لو انت اللي هتتقتل روح اتقتل، إنما تروح تعمل حاجة تدمر بيها جيل، تدمر بيها منطقة، تدمر بيها أصحابك وقرايبك، وتيجي تقول لا، أنت مش فاهم دين!
وإن لم يخف إلا على نفسه، طب لا، أنا إيه مش خلي يقول لك: طب أنا مش خايف غير على نفسي، لا يا حبيبي، ما نقصدش أنت مش خايف غير على نفسي يعني التانيين يولعوا؟ لا، يعني فعلك، فعلك غالب الظن أنه إذا أدى إلى مفسدة لن تتعداك. افهموا بس الكلام ها! مش إن لم يخف إلا على نفسه جاز له، فتقول لك إيه، فواحد يقول لك إيه: خلاص، أنا بعمل ده وأنا مش خايف غير على نفسي، ما بخافش أنا على أبويا واخواتي وما بش خايف عليهم، فلا هو مش ده المعنى. طيب، إن لم يخف إلا على نفسه فهو جائز عند جمهور العلماء، ماشي.
قال والذي أراه المنع من ذلك، مين الكلام دلوقتي؟ ابن الجوزي. هو بيقول الجمهور يرى الجواز في الحالة دي، اللي هو مش خايف على نفسه، هو أصلاً خلص مسألة إنه لو هتتعدى الفتنة الغير حرم، خلصنا من دي. طيب، إن لم يخف إلا على نفسه، الجائز عند جمهور العلماء، وبعدين ابن الجوزي بيتكلم بيقول: قال والذي أراه المنع من ذلك، لأن المقصود إزالة المنكر، وحمل السلطان بالانبساط عليه من فعل منكر أكبر من المنكر الذي قصد إزالته، أو قصد إزالته، يبقى إزالته، يبقى التاء عليها ضمة صح؟ أصل أنا عندي قصد إزالته، ما تجيش كده يا إما قصد إزالته أو قصد إزالته، ماشي.
عندكم بقى: وحمل السلطان بالانبساط عليه من فعل منكر أكبر من المنكر الذي قصد إزالته، كده، وحمل السلطان بالانبساط عليه من من فعل، أو من فعل، من فعل، مش ضابط المعنى اللي أنا فاهمه، إنه احنا المقصود إزالة المنكر. طيب، الصورة هذه أن هو واحد لا يخشى إلا على نفسه، يعني الفتنة لن تتعداه لو حد هيتعذب، لو حد هيتسجن، لو حد هيقتل، هيبقى هو بس، قال لك الجمهور يجوزون ذلك، وبعدين يجوزون دي يعني هو على الاستحباب أو على الوجوب أو على الكراهة، لكن ما هواش على الحرمة، يبحث يعني ممكن يبقى الجمهور على كده، وإيه إنما هو مش على الوجوب، ودي إحنا اتكلمنا فيها قبل كده، أن مثل ذلك يسقط الوجوب، خلاص، خلافهم في الأذى، الأذى اللي هو إيه؟ الشتيمة، الحاجه البسيطة، هل دي تسقط الوجوب ولا لا تسقط الوجوب؟ لكن لو فتنة شديدة: سجن، حبس، ضرب، قتل، تعذيب، ده يسقط الوجوب، خلاص، ماشي.
هنا بقى ابن الجوزي له نظر، بيقول: إحنا دلوقتي عاوزين نمنع المنكر، صح؟ قال: أه، صح. طيب، هو هيروح يعمل كده، وغالب الظن أن السلطان لو اتعامل معاه كده، اللي هو يعني يخشن له في القول -هذا المعنى- هو بيقول إيه: السلطان ما يتعاملش معه غير التعريف والوعظ، التعريف يعني: رحمك الله هذا حرام، ممكن هو لما يعرف أنه حرام خلاص ينتهي، يعني ممكن هو بس جاهل أنه حرام. والوعظ يعني إيه: رحمك الله، إيه هذا؟ يعني يغضب ربنا، هذا يعرضنا لمش عارف إيه، أصلح الله الأمير، بيبقى لهم طريقة كده إيه في المخاطبة، يعني يقولوا: جاء حد من الخلفاء أو الأمراء أو كده، ضرب، بيِنْشِل يعني بالسهم في الطير فما جِتْش، فواحد من الفقهاء وقف قال له: أحسنت يا مولاي! فغضب، قال له: إيه، فين الإحسان؟ قال له: أحسنت إلى الطير.
هنا ده كتاب تاني ده! أه، قال: والذي أراه المنع، المنع من ذلك، أن المقصود إزالة المنكر وحمل السلطان بالانبساط عليه، أي حمل السلطان على أن يبسط يده في التعدي عليه أكثر من فعل الم... أيوه كده، أيوه كده، هو ده المعنى كنت هقوله لكم، بقى هنا في سقط الظاهر، فهو ده جايبها من كتاب إيه أنت بقى ها؟ الباب، الباب، ماشي.
فالمهم فانت عاوز إيه؟ تزيل المنكر، خشنت القول للسلطان فقتلك، وأنت كنت خايف، يعني ده كان متوقع، أو اعتقلك، والمنكر في الغالب إيه؟ ما زلش أصلاً، فيبقى إحنا في الآخر عملنا إيه؟ زودنا المنكر، فاهمين؟ هو بيقول ليه بقى يقدم على ده؟ ابن الجوزي بيقول: ليه بقى يقدم على ده؟ فلو قلت: لأن إنكار المنكر واجب، قلنا: ما احنا ما أسقطناش عنك إنكار المنكر، وخلي بالك مع أنه أصلاً في الحالة هذه لو يخشى كذا خلاص هو سقط الوجوب أصلاً، لكن احنا ما قلناكش، إحنا بنقول لك إيه؟ تعريف ووعظ، ما قلناكش ما تنكرش، بنقول: ما يصلح مع السلاطين التعريف والوعظ بس، مفهومة دي؟
خلي بالكم يا جماعة في مسألة مهمة، ودي بقولها لكم عشان لو بقى منكم حد راس في... أو راس حتى في الدين، مش لازم في الدنيا، عشان تفهموا طبائع البشر. الأول بس عاوز أراها بهدوء الحته دي عشان نخلص وندي التليفون، اللي هي بقى إيه الساقطة، اللي هو بيقول هنا بيقول إيه: قال ابن الجوزي: قال والذي أراه المنع من ذلك، لأن المقصود إزالة المنكر وحمل السلطان بالانبساط عليه أنه يضربه ويعملوا. هاكمل معلش: وحمل السلطان بالانبساط عليه، أي حمله السلطان على أن يبسط يده في التعدي عليه، دي مش عندكم، أنتم بتكتبوا؟ طب ما تكتبوها أنتم، طرزانات ليه تكتبوا؟ أي حمل السلطان على أن يبسط يده في التعدي عليه أكثر من فعل المنكر الذي قصد إزالته. المفهوم يا جماعة؟
طيب، اللي أنا عاوز أقوله لكم بقى: إذا يعني من من صار راساً في يوم من الأيام، لازم تبقوا فاهمين طبائع البشر طالما هتقودوا بشر، وإحنا اللي حضر منكم أمة سمينا الدرس الأول إيه؟ إلا وراء الغنم، مش كده؟ ما فيش ده بيت بعث إلا وراعها على الغنم، ليه؟ عشان يعرف يقود البشر. فالسكوت على جرأة الأتباع مش دايماً صح، ومش دايماً تواضع، ومش دايماً هو الرأي الحكيم، مش دايماً. ولازم يبقى في حكمة شديدة في التعامل مع مثل هذه الأمور، على حسب بقى الشخص والحال وكده، ما فيش تفصيلة في دي، توفيق ربنا بقى قبل كل شيء ليه؟ لأن هذا يجرئ الآخرين، يعني ممكن يبقى الشخص في نفسه كويس صالح، اللي جاي يتجرا عليك ده، لكن سكوتك عنه يجرئ الآخرين، وتجريئتهم ربما يعني تحدث شرخاً في الصف لا ينعبر أو لا يلتئم بعد ذلك.
هديكم هنبهكم المعنى كده، ما أعرفش أنتم انتبهتوا ليه ولا لا، إحنا عندنا الخلفاء الراشدون، اللي في الأول كام واحد؟ أربعة، مش كده؟ الأربعة الخلفاء الراشدون معروف أبو بكر وعمر وعثمان وعلي، ثلاثة ماتوا مقتولين. حد انتبه للمعنى ده؟ ثلاثة من أربعة خلفاء راشدين ماتوا مقتولين! وده تأويل سيدنا معاويه بعد كده أنه منع أن حد يتجرا عليه، ما هو أنا يعني إحنا هنقعد نكرر بقى المأساة؟ أه، يعني مين بعد سيدنا عمر يعني عشان يموت مقتول؟ بلاش يعني سيبكم من عمر، عشان هيقول لي: قتلوا المجوسي، والتاني سيدنا عثمان، يعني هو في ثلاثة مات بس واحد حصلت فتنة كبيرة، فتنة كبيرة واقتتال، وهو اللي منع الناس أنها تقتتل من أجلي وكذا وكذا.
فلازم المعنى يكون واضح، ماشي، واضح ليك، عشان لما تبقى راس وهينور لك حاجات لما تيجي تتعامل مع راس، ماشي، هينور لك حتت، هو أنا أتعامل معاه إزاي؟ هو هيشوف تعاملي معاه ده إزاي؟ حتى لو شايفني صح، ممكن يبقى شايفك صح وعارف نيتك ويأذيك، ما يقبلش أنك تعمل ده معاه! إحنا بنتكلم في إيه؟ في راس، حتى لو الراس نفسه صالح، ما يقبلش، طب ما يقبلش ليه؟ ممكن وهو يأذيك هو بيتقطع من جواة، لكن ما ينفعش يسكت.
سيدنا عمر يا جماعة مش عزل عزل صحابه؟ ما ينفعش هتتعزل، ماشي، وفعلة مع أبي ذر، يعني، ولا أبو بكر يعني؟ خير أبا ذر، مين؟ أبو بكر ولا عمر؟ مش فاكر، ولا عثمان؟ مش فاكر، يعني مين؟ وأبو ذر اختار أن يقعد بقى لوحده خلاص في إيه؟ لأنه كان ينكر على الناس، كان يرى أن مسألة كده، يعني المهم إيه؟ عاوز الناس كلها تطلع فلوسها وما حدش يبقى معاه فلوس وكده، ويرى أن أي فلوس معاك دي كنز وتعاقب عليه وكده، وقال له: لا ما ينفعش الكلام ده، وراح قعد في الربذة بقى لوحده. سيدنا عثمان -سيدنا عثمان ودي كانت من الحاجات أظن اللي أنكروها على سيدنا عثمان بعد كده، والله أعلم يعني- أنكروها، أقصده الفئة الباغية اللي هي أرادت يعني قتله.
فانتبهوا للمعاني يا جماعة ماشي، خليكم هاديين كده وواعيين وفاهمين دنيا وفاهمين دين، الموضوع ما هواش فرد عضلات ولا فتح صدر.
قال: حد عنده مشكلة في اللي بقوله؟ ماشي، طبعا عنده مشكلة متخفي، ده مش هيتكلم. والذي أراه المنع، خلاص خلصنا كلام قال.
الإمام أحمد لا يتعرض للسلطان، فإن سيفه مسلول وعصاه. فأما ما جرى للسلف من التعرض لأمر أمرائهم؛ واحد يجي يقول: طب ما هو السلف أهو، يجيب لك أدلة عن السلف، فإنهم كانوا يهابون العلماء؛ هو راح وقف مين في الشارع وقال له أنت ما؟ واحد يهاب العلماء، العلماء لهم قدر في قلبه، فإذا أغلظوا عليهم احتملوهم في الأغلب، ماشي. فهمتم دي يا جماعة؟ ما يجيش حد يجيب ده ويسقطه على واقع مغاير، ماشي.
فصل: قال في الفروع: ويحرم أن يتبع الجنازة مع منكر. نخلص نص الصفحة دي أو الصفحة دي كنت هقف ولا نقف؟ آه نخلصهم. قال في الفروع -يعني ابن مفلح-: ويحرم أن يتبع الجنازة مع منكر وهو عاجز عنه -يعني عاجز عن إنكار المنكر- أو نص عليه أحمد نحو طبول أو نياحة أو لطم نسوة وتصفيق وراء النعش. وعنه -يعني عن أحمد-: يتبعها وينكره بحسبه وفاقاً لأبي حنيفة؛ يبقى رواية تانية عن أحمد أنه لا يتبع الجنازة وينكر بحسب إيه ما يستطيعه من الإنكار.
ويلزم القادر -يعني أن يغير- فلو ظن أن أتبعها أزيل المنكر لزمه على الروايتين؛ يعني اتباع الجنائز سنة، جنازة فيها منكر، ولو أنت اتبعت الجنازة هذا المنكر سيزال، اتباعك للجنازة فرض مش لاتباع الجنازة؛ لأنه تعين عليك إيه؟ إنكار إزالة المنكر. زي إيه؟ واحد معروف أنه شيخ مثلاً ولا معروف في العيلة أنه هو متدين وكذا، ولو اتبع الجنازة هيبطلوا، أو لو حضر الفرح مش هيبقى فيه الأغاني والاختلاط، خلاص يروح ويبقى كده أنكر المنكر لحصول المقصودين، ذكره صاحب المحرر «فيَاعَى بها»، انتهى -يعني نقولها فزورة يعني- ماشي.
يعني إيه؟ يعني دي بيبلغزوا الفقهاء، يحبوا يعني يقول لك إيه: جنازة فيها منكر يلزمك اتباعه، فزورة! أمتى بقى إيه الحالة دي؟ اللي هي أنه لو غلب على ظنك أنك إن اتبعتها أزيل المنكر، فهمتم؟ «فيَاعَى بها». واتباع الجنازة. وهل يسوغ الإنكار على النساء الأجانب إذا كشفن وجوههن في الطريق؟ مسألة. نروح ننكر على النساء الأجانب كشف الوجوه في الطريق؟ مبني على أن المرأة هل يجب عليها ستر وجهها أو يجب غض البصر عنها؟ ففي المسألة قولان، مفهومة دي؟
يعني لو قلنا إنه الواجب ستر الوجه يبقى ينكر كشفه، ولا يجب غض البصر أن هي كشفت يعني يعني ما هواش الواجب ستر الواجب، إنما الواجب هو غض البصر عنها، يبقى خلاص سيبها، هو بيقول كده ففي المسألة قولان. فإن رأى رجلاً مع امرأة فهل يسوغ الإنكار؟ ينظر؛ فإن كان ثم قرينه تتعلق بالواقف أو قرينة زمان أو مكان أو غير ذلك ساغ الإنكار، وإلا فلا.
يعني واحد واقف مع واحدة نروح ننكر عليهم؟ قال: لو في قرينه تغلب أن أن ده ما هواش من محارمها ولا جوزها ولا كذا، في قرينة زمان، إخواننا بتوع ال... مش مهم بتوع إيه، كانوا ينزلوا على الكورنيش، أي واحد مع واقف مع واحدة يقولوا لهم إيه يعني مين دي؟ يقول له مراتي. يقول له: طب فين قسمت فين قسمت الجواز؟ أو البطاقه زمان اللي هي العادية الورق دي كان ممكن ما يتكتبش في يعني ما كانش حد بيجددها أصلاً ولا بتاعة فممكن يبقى إيه مكتوب في بطاقتها آنسة، فلو محوش ينزلوا في ضرب، طب ما هو لو في قرينه ماشي، يعني إيه قرينة؟ يعني غالباً مش ماشي يضرب، يعني ماشي ينكر عليه بس مش يضرب، يعني مش مكان الضرب، يعني اللي متجوز واحدة مش هيقف في أوضاع مخلة مش هيفعل حاجات مخلة، الغالب كده يعني بيبقى قاعد وهي بعيدة عنه 10 متر، هو، فلو لقوه بقى في وضع مخل ولا في الغالب مافيش حد هيعمل ده مع مراته في الشارع يعني غالباً يعني، فدي ممكن تبقى قرينة قوية، ماشي، فينظر -برضه مش الضرب- إنما مجرد أن هو قاعد على الكورنيش لا ما عادي ممكن واحد يقعد مع مراته على الكورنيش، يعني إيه المشكلة؟
فهنا ما فيش قرينه فاصلاً ما نروحلوش أصلاً، ما نروحلوش يعني واحد قاعد جنب واحدة على الكورنيش، ماشي. ما هم برضه عيال صغيرة بقى، بتوع جامعة، باين أن هم بتوع جامعة ولا ثانوي ولا بتاع ده، ما نروحلوش ولا ننكر عليه أصلاً، ليه؟ ما فيش قرينة تخلينا نعمل كده، ماشي، هو ده المقصود بقى، أو قرينة زمان أو مكان (يعني هم في مكان مراتك مين يعني أنتوا هنا بتعملوا إيه لو دي مراتك مثلاً) أو غير ذلك ساغ الإنكار وإلا فلا.
قال محمد الكحال لأحمد في الرجل السوء يرى مع المرأة -يعني الراجل بقى معروف أنه فاجر، راجل سوء يرى مع امرأة- فقال: صحبه، زي الفيديو كده اللي إيه شفتوه الست مصورة من البلكونه عمالة تزعق في الولد والبنت اللي في الشارع، صح به، راحوا قايمين ماشيين. وقال أحمد أيضاً في الغلام يركب خلف المرأة: ينهى ويقال له، إلا أن يقول: إنها محرم، يقal لها يعني ما تعملش كده يعني.
قال فصل: ينبغي للأمر والناهي أن يحذر من فعل ما نهى عنه، ما تروحش تنهى حد وأنت تعمل المصيبة اللي بتنهى عنها، وترك ما أمر به أو تأمره بحاجة وأنت ما تعملش، يبقى ما آمرش وننهى، مش ده اللي بيقصدوه؟ يقصد يقول: أُمر وانهَ واجتهد في أنك تعمل، ولا يكون ممن يخالف قوله فعله، فيأمر بالمعروف ولا يأتيه، وينهى عن المنكر ويأتيه. فإذا كان بهذه الحالة فيكون قد عرض نفسه لسخط الله وغضبه وعذابه، ويكون علمه عقيماً، ليه عقيماً؟ ما أنجبش عمل، فاهمين دي؟ يكون علمه عقيماً لأن العلم بلا عمل عقيم ووبال على صاحبه.
وعن أسامة رضي الله عنه قال: سمعت رسول الله صلى الله عليه وسلم يقول: «يجاء بالرجل يوم القيامة فيلقى في النار فتندلق أقطابه في النار فيدور كما يدور الحمار برحا فيجتمع إليه أهل النار فيقولون: أي فلان! ما شأنك؟ ألم تك تامرنا بالمعروف وتنهانا عن المنكر؟ مش أنت الشيخ؟ قال: كنت آمركم بالمعروف ولا أتيه، وأنهاكم عن المنكر وآتيه»، أخرجاه -يعني في الصحيحين-.
قال بعضهم: وعالم بعلمه لم يعملن معذب من قبل عباد الوثن، مثلاً هو هنا بيقول عابد الوثن، حافظها عباد عباد الوثن، وقد ورد حديث بهذا المعنى.
فإذا هذب الأمر نفسه أثر قوله؛ أما في زوال المنكر، أو في انكسار المذنب، أو إلقاء الهيبة له في القلوب. يبقى عشان دي حاجة تانية في صفات الأمير الناهي، أنه يعمل إيه؟ يشتغل على نفسه، يهذب نفسه، يوم يؤثر كلام لأمه في الناس، ماشي. فهذا هو الأولى، وإلا استهزئ به وبكلامه. يعني معنى كده أن كل واحد هيستهزئ به وبكلامه يبقى هو وحش؟ لا، ﴿إِنَّ تَسْخَرُوا مِنَّا فَإِنَّا نَسْخَرُ مِنكُمْ﴾ [هود: 38]، يبقى سخر من أنبياء، مش معنى يعني عشان ما نجيش نقول إيه: شفت بقى اتسخر مني يبقى هو ما بيشتغلش على نفسه، إنما لو أنت اتسخر منك تقول إيه: عشان ما بشتغلش على نفسي، ماشي.
ويسن له العمل بالنوافل والمندوبات؛ يبقى احنا كناس في الدعوة احنا بنقول لكل الناس: يسن لكم العمل بالنوافل والمندوبات، كل الناس كده، لكن أنت كداعية -اللي حضر معنا أمه- قلنا إيه لما جينا نتكلم عن الآداب، آداب الجوارح كنا حطينا تحت الآداب، إيه؟ البناء التزكوي، مش البناء العلمي، قلنا ليه؟ احنا الغرض مش احنا نعرف الآداب، الغرض احنا نتلبس بتلك الآداب، ليه؟ لأنك لأنك بينظر إليك، أنت بينظر إليك غصب عنك، بينظر إليك إزاي بتتعامل مع الناس على الأرض، وإزاي بتعامل مع الناس على السوشيال ميديا، وإزاي بتعامل مع التعليقات السخيفة، وإزاي بتعامل مع التعليقات الكويسة، وإزاي بتعامل مع البنات اللي بتعلق، وإزاي كل حاجة بتعملها مرموقة -مرموقة يعني منظور إليها، مش مرموق يعني منظور إليها غصب عنك- فانت المفروض تبقى أحرض على ذلك: يسن له العمل بالنوافل والمندوبات، والرفق وطلاقة الوجه وحسن الخلق عند إنكاره، والمسامحة بالهفوة أول مرة.
قال ابن الجوزي: من لم يقطع الطمع من الناس من شيئين لم يقدر على الإنكار: أحدهما من لطف ينالونه به، والثاني من رضاهم عنه وثنائهم عليه. يبقى عاوزين نقطع الطمع من نوال ننائله من الناس، ناس بتدي فلوس، ناس بتدي هدايا، برفانات (فين الثاني؟ اهو اهو جابوا لي برفان الاثنين، جزاهم الله خيراً، نقطة بقى الطمع ده نحبهم طبعا وكل حاجة، يعني اللي جاب برفان زي ما جابش برفان ما ينفعش نداهن بقى هنا، نداهن عادي ما فيش مشكلة).
يبقى يقطع الطمع من إيه؟ من لطف ينالونه به، الساعة طبعا برضه في دول برضه ندلعهم عادي، جلابية برضه، مش كده؟ أنا قاعد ماشاء الله كل، والثاني من رضاهم عنه وثنائهم عليه، يعني ما فيش حد إيه هينال رضا الناس كلها، فنقطع الطمع من هذا، أم ينالونه به باللطف (الهاء على اللطف)، ماشي. اه يعني احنا ممكن إيه نتغافل عن حاجة، هو في حد ما بيعصيش؟ واحد عصى ربنا مرة، تغافل، ماشي، وأيه؟ أُقيل ذوي الهيئات، اه ذوي الهيئات، ما هو كله بيعصي، ما فيش حد ما بيعصيش، فطالب علم أو داعية أو شيخ أو أياً كان، وذل ذل ده بقى ذل زي ما ذل يعني، نقوم نقيلهم عثراتهم، ولو هنتكلم معاهم يبقى في السر، وما فيش يعني نفضح للناس.
نقف هنا، حد عاوز حاجة في الكتاب؟ قولي هذا واستغفر الله العظيم ولكم، سبحانك وبحمدك، نشهد أن لا إله إلا أنت، نستغفرك ونتوب إليك.
الشيخ أمجد سمير