دخولتسجيل الدخول

٩- تابع باب آداب الأمر بالمعروف و النهي عن المنكر

أمجد سميرالشيخ أمجد سمير
  • مدة الدرس:
  • قراءة

قد تقدم أنه يشترط أن يكون صاحب المعصية مجاهرا بها، فأما من يستتر بها ويتخفى فلا يجوز الإنكار عليه لأنه تجسيس، ويأتي لذلك تتمة إن شاء الله تعالى عند قوله: ويحرم تجسيس على مستتر بفسق.

احنا الكلام ده قلنا المرة اللي فاتت، قلنا: واحد بيعمل معصية في بيته، ما تروحش تتجسس على حد، سيبه خلاص ماشي. طب بلغك أن واحد بيعمل معصية في بيته؟ ما تروحش برضه تتجسس عليه، قالوا: إلا لو كان المفسدة متعدية؛ أن واحد يقتل، يعني واحد في بيته بس يقتل حد، فتقول: يحرم التجسيس ونروح نسيبه بقى يقتل؟ لا. إنما لو معصية ماهياش متعدية كده، هو كده مجاهر؟ وهو كان مجاهر أصلاً.

وتقدم أنه يشترط أن يكون المنكر الذي يجب إنكاره أن يكون مجمعا عليه، قاله ابن رجب، وقال: فأما المختلف فيه، فمن أصحابنا من قال: لا يجب الإنكار على من فعله مجتهدا فيه أو مقلدا لمجتهد تقليدا سائغا.

تاني، نركز في الكلام ده، مهم جدا يا جماعة. دلوقتي المنكرات نوعين: نوع مجمع على حرمته أو كراهته. أنتم عرفتوا: المكروه ينكر ولا لا؟ ينكر استحبابا. واحد بيعمل حاجة مكروهة، أنكر عليه استحبابا، يعني لو ما أنكرتش لا أثم. طب الحرام؟ ينكر وجوبا.

طيب، واحد بيعمل حاجة حرام، فالمنكر ده حاجة من اثنين: يا مجمع عليه (يعني إيه مجمع عليه؟ يعني جميع الفقهاء يقولون هذا حرام)، يا مختلف فيه (يعني بعض العلماء يقولوا حرام، وبعض العلماء يقولوا لا، ده مش حرام). المجمع على حرمته ده لا إشكال فيه، خلاص كده.

طيب، إذا كان مختلفا فيه (يعني الحاجة اللي أنت رايح تنكرها دي بعض العلماء يقولوا حرام، بعض العلماء يقولوا لا مش حرام)، فهنا بيقول -نقرا بقى كلام الحجاوي عشان نفهم المسألة دي-: بيقول تقدم أنه يشترط أن يكون المنكر الذي يجب إنكاره أن يكون مجمعا عليه، يبقى ده كلام الناظم ابن عبد القوي، والحجاوي أيد كلام الناظم فوق قبل كده، قاله ابن رجب.

وقال (يعني ابن رجب بقى بيتكلم): فأما المختلف فيه، فمن أصحابنا من قال: لا يجب الإنكار على من فعله مجتهدا فيه أو مقلدا لمجتهد تقليدا سائغا. يعني كلام ابن رجب بيقول لغاية دلوقتي مين الذي لا ينكر عليه؟ إذا فعل المختلف فيه: أما أن يكون مجتهدا (يعني هو عالم فقيه مجتهد، اجتهد فأداه اجتهاده إلى حل كذا، فساعتها لا ينكر عليه)، أو هو مقلد (يعني مش واحد ماشي كده يخبط خبطة عشواء، لا، مقلد تقليدا سائغا، يعني إيه؟ يعني واحد سأل مجتهدا، سأل عالما فافتاه بحل كذا، مش واحد هو مش فارق معاه وبيعمل كذا وكذا ونقول له إيه ما تروحش مش تنكر عليه يا حبيبي ده أصلاً لا سأل ولا يعرف حكم دين). فاهمين كلام ابن رجب دلوقتي؟

من المواطن الجميلة جدا اللي جت في طبقات الحنابلة -يعني أثرت فيا حقيقة- أنه كان في فقيه حنفي -طبعا مش فاكر قوي دلوقتي الأسماء الاسم يعني- وكان يشرب النبيذ، والأحناف يبيحون النبيذ، والإمام أحمد يحرم ذلك تحريما شديدا عنده، إن النبيذ ده هو الفاكهة التي تنبذ في الماء، وبعدين هات لنا النبيذ ده، أنت بتسأل افتح التليفون وشوف حكم لا، أنت مش عارف حاجة، شوف وقول لنا إيه النبيذ عند الأحناف.

فالإمام أحمد استأذن على هذا الحنفي الفقيه ده وكانت أزازة النبيذ على الترابيزة، فأسرع راعي الغلام إلى النبيذ وأحمد على الباب عشان يشيل الأزازة، فقال له مه، ايتنا بأخرى (قال: أنت بتشيل إيه؟ روح هات لي أزازة تانية حطها جنب جنب اختها) وأحمد على الباب، إمام أحمد.

فأحمد دخل وكلم الراجل وبتاع ومشي وما أنكرش عليه لا إن فيه نبيذ على الترابيزة، وكان أحمد -هجيب لكم الأثر ده يعني إن شاء الله أن أنا الحاجات أما بقرا كتاب بؤيد بس في الكتاب نفسه على أن كان يعظم هذا الشيخ جدا ويراه دينا وكده. فدي عقلية العلماء، احنا بقى عندنا عقليات شوية محجرة، عاوزين نفك شوية في هذه المسائل.

حتى لو أنت تعاملت فيها في خاصة نفسك بالورع، ده جميل؛ واحد قال لك أنا هتقي في خلاف العلماء، أخرج منه، حلو ولا وحش؟ حلو. إنما تروح بقى تنكر على مخاليق ربنا، تضايق على الناس عيشتها ليه؟ مفهوم.

فيفبقى من الامور التي ينبغي أن تحصلها قبل الإنكار: أنك تعرف المسألة دي مختلف فيها أصلاً ولا مش مختلف فيها؟ وبعدين الراجل اللي أنت رايح تنكر عليه ده قبل ما تنكر: أنت بتعمل كده ليه؟ ممكن يقول لك: والله أنا سألت الشيخ فلان وقال لي يا حلال، خلاص حط لسانك في بقك وامشي. قال لك والله ما أعرفش أنا إيه بعمل وخلاص، قول له: طب ده حرام. مفهوم.

دي مسألة، المسألة التانية أشرنا إليها المرة اللي فاتت ودي مهمة برض أن احنا ناخد بالنا منها، بعض إخواننا العكس، اللي هو يشدد جدا في مسألة أنه لا إنكار في المختلف فيه في مواطن الاجتهاد، ويبتدي ينكر على من ينكر في مواطن الخلاف.

يعني لما تيجي انت، واحد بينكر على إنسان في شيء مختلف فيه، يقوم هو يجي يقول لك: أنظر إلى الجاهل ومش عارف إيه، ودي مسألة خلافية ولا إنكار فيه ومش عارف إيه؟ ساعتها قلنا لكم الدرس اللي فات إيه؟ قلنا لكم: إنه بمقتضى تلك القاعدة، انكارك أصلاً انكار المختلف فيه مختلف فيه، فانت جاي تقول إيه: ما ينفعش تنكر في المختلف؟ انت رايح تنكر على من ينكر في المختلف فيه، وهي أصلاً مسألة مختلف فيها، فانت رايح تنكر عليه ليه؟ فاهمين أبو إيه ولا مش فاهمين؟

يعني يا جماعة، هل مسألة أنه لا إنكار في مواطن الخلاف مواطن الاجتهاد هل هذه المسألة مجمع عليها من العلماء؟ لا، مش مجمع عليها، مش مجمع عليها، وفيها تفاصيل كتير. ماشي؟ فطالما مش مجمع عليها يعني مختلف فيها، هي نفسها مختلف فيها، طب أنا أنكرت ما تجيش انت بقى تغلط -مش أمجد يعني أي حد أنكر- ما تجيش تغلط وتقول: أصله لا إنكار في مواطن الخلاف! طب انت بتنكر عليه ليه أصلاً ما هو ده مواطن خلاف.

طيب يلا يلا نكمل، يبقى لغاية دلوقتي الكلام ابن رجب بيقول: المختلف فيه من أصحابنا من الحنابلة اللي هيقول: لا يجب الإنكار على مين بقى؟ من فعله مجتهدا فيه أو مقلدا لمجتهد تقليدا سائغا. واستثنى القاضي -يعني أبو يعلى في الأحكام السلطانية- ما ضعف فيه الخلاف.

يبقى لو كان الخلاف ضعيفا، استثنى القاضي، يعني ينكر في الموطن الذي كان الخلاف فيه ضعيفا، القاضي استثنى في الأحكام السلطانية ما ضعف فيه الخلاف وكان ذريعة إلى محظور متفق عليه؛ كرِبا النسيئة، فالخلاف فيه ضعيف وهو ذريعة إلى النساء (يعني ربا ربا النسيئة المتفق على تحريمه، ونكاح المتعة) لأنه طبعا الخلاف فيه ضعيف، ثم هو ذريعة إلى الزنا، وذكر عن إسحاق بن شاقلة أنه ذكر أن المتعة هي الزنا صراحا. يعني سيبكم دلوقتي من الأمثله، لكن القاضي استثنى: لو المسألة الخلاف فيها ضعيف وكانت ذريعة إلى المحرم يبقى برض ده ينكر أهو مع وجود الخلاف.

وعن ابن بطة أنه قال: لا يفسخ نكاح حكم به قاض، قاض ازاي بقى؟ قاض إذا كان قد تأول فيه تأولاً -ولا تأويلاً عندكم ياء، صح؟ ماشي- إلا أن يكون قضى لرجل بعقد متعة، فالحكم القاضي لا ينقض، طالما يعني قاضي شرعي المقصود، واحد قاضي شرعي، فحكم بحكم والحكم ده له مساق شرعي يعني، فما يجيش حد ينقض حكم القاضي، وإلا الحياة هتقف، خلاص القاضي حكم خلاص. بيقول لك بقى: إلا أن يكون قضى لرجل بعقد متعة، أو طلق ثلاثا في لفظ واحد، أو حكم بالرجعة من غير زوج (يعني بعد الثلاثة) فحكمه مردود وعلى صاحبه العقوبة والنكال. يظهر صاحبه هنا اللي هو خد الحكم ده وهو عارف أنه حكم باطل ماشي.

قال: والمنصوص عن أحمد الإنكار على اللاعب بالشطرنج. هنا أحمد، ركزوا بقى في الكلام ده مهم جدا يا جماعة: اللعب بالشطرنج مختلف فيه، والخلاف فيه مش ضعيف. ماشي كده؟ أحمد ينكر على اللعب بالشطرنج، ده انكار في مواطن الخلاف أهو، خلاص وما الخلاف مش ضعيف، راح جاي ركزوا في الكلام كويس جدا وتاوله القاضي هنا -الحجاوي بيقول إيه؟ القاضي بقى أبو يعلى قال إيه؟ تأوله على من لعب بها بغير اجتهاد وتقليد وتقليد سائغ-. القاضي قال قال لك إيه؟ قال لك لا، أحمد يقصد يقول: لو اللي بيلعب ده ما هواش مجتهد أو ما هواش مقلد تقليد سائغ، ده كلام القاضي.

راح جاي الحجاوي معلق على كلام القاضي قال إيه: وفيه نظر. يعني الحجاوي مش موافق على كلام القاضي، كأن الحجاوي لا، بيقول: أحمد لما رأى الإنكار على الشطرنج يرى ذلك انكاراً مطلقاً، سواء بقى هو مجتهد مقلد تقليد سائغ، ما فيهاش، ينكر عليه ماشي كلام ابن رجب ماشي، وفي نظر دي يبقى بتاعة ابن رجب على كلام القاضي ماشي.

فإن المنصوص عنه (يعني عن أحمد) أنه يحد شارب النبيذ المختلف فيه، أحمد بن حنبل منصوص عنه أنه شارب نبيذ يحد المسكر، وإقامة الحد أبلغ مراتب الإنكار مع أنه لا يفسق بذلك عنده (يعني عند أحمد شارب النبيذ لا يفسقه عنده، ماشي، ولكن يحد)، طب ليه لا يفسق؟ ما لا نفسقه لأن المسألة مختلف فيها. طب هو معلش هو إقامة الحد ده مش ده انكار منكر؟ ده أعلى مراتب الإنكار أصلاً، انك تجيبه تحدد ده أعلى مرتبة من مراتب الإنكار في انكار المنكر أصلاً. ماشي، فدل على أنه ينكر كل مختلف فيه ضعف فيه الخلاف لدلالة السنة على تحريمه، ولا يخرج فاعله المتأول من العدالة بذلك.

هنا كان ابن رجب أولا يرى أن الشطرنج على كلام ابن رجب كده يراه ضعيف، الخلاف فيه ضعيف على كلام ابن رجب ده دعكم من المسألة نفسها، بس ابن رجب كده يرى الخلاف ضعيف، لكن هو بيقول لك ابن رجب بيقول لك لا، الإنكار على أي مسألة فيها خلاف ضعف فيها الخلاف ينكر فيها، طب ده راجل مجتهد واجتهد واداها واجتهاده ينكر عليه، ده كلام ابن رجب، فهم ابن رجب لمين؟ لكلام أحمد يعني، طب ده مقلد تقليدا سائغا ينكر عليه برضه.

مفهومة دي يا جماعة؟ الكلام ده مش كلام نظري، احنا عمالين نفك إشكالات لها إسقاطات في الواقع بتاعنا كبير وبتحل مشاكل، ماشي؟ فركزوا فيه، نخلص بس يا ابن رجب عشان إيه، ما فيش حاجة اسمها في كده بس، دي نفسها فيها خلاف وجواها فيها تفاصيل. اللي احنا عمالين نقوله ده بقى هو اللي شايفين فيه ضعيف أهو ابن رجب يراه كده بقى.

ايوه، القاضي بيقول هو ليه أحمد قال ننكر على لعب الشطرنج؟ قال لك لا مش ده مش انكار مطلق، يعني ماهواش انكار مطلق كده أي واحد يلعب شطرنج هنكر عليه، ده لو كان بيلعبه بلا اجتهاد ولا تقليد سائغ. بيقول لك تجتهد يا جماعة مش يعني مجتهد في الشطرنج، يعني واحد مجتهد في الشطرنج ما تنكرش عليه، فاهمين؟ تجتهد ماشي، يقول لك: سيبه ده راجل مجتهد في الشطرنج كده تنكر عليه.

طيب، قال: ولا يخرج فاعله المتأول من العدالة بذلك، يبقى شارب النبيذ وهو راجل مجتهد أو راجل مقلد تقليدا سائغا مش هنفسقه. وكذلك نص أحمد على الإنكار على من لم يتم من لم يتم، من لا يتم صلاته ولا يقيم صلبه من الركوع والسجود مع وجود الاختلاف في وجوب ذلك، آخر كلام ابن رجب.

طيب ما هي المسألة دي برضه ما هياش الخلاف فيها ضعيف، فيها خلاف قوي برضه، عشان كده بقول لكم يا جماعة الحتة دي مشكلة شوية، يعني هي مشكلة يعني ماشي، يعني لا يتم صلاته يعني لا يتم فيها القيام، حتى لا يقيم صلبه فال ينكر. المسألة دي محتاجة تحرير قوي، ماشي؟ ما هياش بالبساطة اللي الناس فاكراها خالص.

اتفضل حاجة. أنا بقى شوقتنا أحسن عشان ساعات يبقى اتعلم اتعلم أن هو ده أنت جبت الكلام ده منين هو أنت إيه؟ لو في حاجه حصلت اعرف فيها الاقوال ايه هتاخد منك قد ايه دلوقتي مع وجود الشامله وموجود المش؟

ماشي فطلع فيها اختلاف. دلوقتي لو رحت أنت للراجل اللي هو بيعمل الحاجة دي فبتقول له: هو أنت بتعمل ده ليه؟ مثلاً قال لك أنا سألت فلان الشيخ أو فلان طالب العلم أو فلان، وقفت تاني ده خلاص، قال لك أنا لا، وده معظم الناس كده، معظم الناس في حاجات كتير هو لا مقلد تقليد سائغ ولا طبعا مجتهد، فده لا يعلمش، ما تصليش وراه. حصل؟ مسافرين بره. مش مهم ما كنت مسافر بره يعني مش حصل معاك وخلاص أن هو نادر يا جماعة سافر بره، لا قصدي الموضوع

وقال صاحب الآداب: ولا إنكار فيما يسوغ فيه خلاف من الفروع على من اجتهد فيه أو قلد مجتهدا فيه. يبقى صاحب الآداب برده نفس الكلام بيقول ما ننكرش على خلاف سائغ على مين؟ على المجتهد والمقلد تقليدا سائغا، كذا ذكره القاضي والأصحاب، وصرحوا بأنه لا يجوز الإنكار والحالة هذه، ومثله شرب نبيذ ومثله شرب النبيذ. يعني ده إيه ينكر فيه ولا لا ينكر؟ والتزوج بلا ولي، ده ينكر ولا لا ينكر؟ لا ينكر. بتنكر، ولا فرحان إن هتعرف تتجوز تجيب عائله بقى تضحك عليها، وبعدين خلاص ما فيش بقى مهر ولا قانون في مصر طبعا ماشي على مذهب الأحناف أن المرأة لها أنها تزوج نفسها، ده القانون في مصر، ولذلك لو رحت للمأذون ما بيطلبش ولي، وسواء المرأة ثيب أو بكر، ده القانون في مصر، وعلى ذلك تمت زيجات كثيرة. عاوزين بقى تعملوا إيه تنكروا تقولوا ده زنا وتفرقوا بينهم ولا عاوزين تعملوا إيه إرهابيين.

طب هنا بيقول لك لا أنت فرحان ليه مش هو تحسه صح مش جوزونا احنا لا طب اه بقى. في حد الخلاف الخلا ده سؤال كويس دور عليه وهات لنا بقى. لو له حظ من النظر، والمسائل دي كلها لها حظ من النظر الحقيقة، فيبقى الخلاف سائغ، ماشي. وطبعا الكلام اللي أنا بقوله ده قوله سهل تطبيقه صعب، فاكرين لما خدنا مصطلح اللي خد معانا مصطلح قلنا لكم المصطلح درجتين درجة تنظيرية اللي أنا أقول لكم إيه الصحيح هو كذا وكذا وكذا والحسن هو كذا وكذا وكذا سهل ونحفظ المتن ونطلع فرحانين ونقولك احنا بتوع مصطلح وأنت ما أنت في الآخر عرفت إيه هو الصحيح تعالى بقى طبق، يعني أديك حديث أقول لك ده صحيح ولا لا مثلا فتقوم تقول إيه إنه لو الراجل الراوي ده مثلا أديكم مثال بسيط مثلا تم الضبط والعدالة يبقى زي الفل تقوم احنا ماسكين راوي واحد من السلسلة تقوم طب هتعرف منين؟ من كتب الرجال برافو عليك روح دور يوم تلاقي فلان قال كذا وفلان قال كذا وفلان قال كذا وفلان ده في راوي واحد، طب هتعمل أنت بقى في نفس الراوي؟

ممكن واحد يقول لك إنه تام الضبط وأحد يقول لك إنه خفيف الضبط وممكن واحد يسقط عدالة راوي والثاني يثبت العدالة، وعيش بقى وده كله احنا في جزء جوه جزء جوه جزء من عشان تحكم على حديث، مفهوم. طيب عدم الشُّذوذ وعدم العلة القادحة، سيبك من العلة، عدم الشُّذوذ يعني إيه عدم الشُّذوذ؟ أنك إنه ما يكونش مخالف لمن من هو أوثق، صح؟ يبقى معنى كده إيه؟ يعني أنت ممكن تروح تلقط على حديث أنه صحيح ويجي واحد يقول تعال يا حبيبي بس تعال في رواية أهي يعني أقوى من الرواية دي وهذه الرواية مخالفة لها فالرواية دي شاذة أصلا، طب تجيبها ازاي دي بقى أنت؟ يبقى عندك اطلاع واسع بالسنة أصلا مش يعني عشان تحكم على حديث ده أنت عندك اطلاع واسع على السنة.

ففي كلام بيبقى في يعني إيه على درجة التنظير أو سهل يتقال، ولذلك هتلاقي حتى المسائل يعني يقول لك ده خلاف سائغ ولا لا المسألة دي مسألة خلاف سائغ ولا لا العلماء يختلفوا فيها أصلا، يعني نفس المسألة دي هي خلاف سائغ ولا لا العلماء يختلفوا فيها ماشي. قال ومثله بعضهم بأكل متروك التسمية، في الأكل ولا في الذبح؟ في الذبح، أكل متروك التسمية في الذبح، فاهمين؟ يعني حد ذبح ذبيحة وما سماش ربنا بس ما سماش حد غير ربنا، يعني عندنا ثلاث حاجات واحد بيسبح بيقول بسم الله، واحد بيسبح بيقول باسم الصليب، واحد بيذبح لا بيقول بسم الله ولا باسم الصليب، فالأولى يؤكل منها لا إشكال، والثانية لا يؤكل منها، الثالثة فيها خلاف مسألة بقى اللي هي إيه؟ اللي هي هو ما سماش ما سماش عليها، ماشي، فقال لك ده برده مما لا ينكر فيه، لأنه خلاف سائغ، وهذا الكلام منهم مع قولهم بحد شارب النبيذ متأولا أو مقلدا عجب، ماشي الكلام ده لمين احنا بنقرا كلام لمين؟ صاحب الآداب صح ولا انتهى كلام صاحب الآداب.

ثم ذكر تخريـ اه احنا لسه مع صاحب الأدب، ماشي بيقول: وهذا الكلام منهم مع قولهم بحد شارب النبيذ متأولا أو مقلدا عجب، لأن الإنكار يكون وعظا وأمرا ونهيا وتعزيرا وتأديبا وغايته الحد، هو بيقول هو دلوقتي عمال يعمل ايه يا جماعة بيشكل على أقول الأصحاب قول الحنابلة في المسألة وبيشكل عليهم بيقول إيه اللي هيقول لك إنك بصوا يا جماعة الكلام هنا في حاجة لازم كلنا نفهمها أن المسألة دي مسألة كبيرة خلاص كده ومش بالبساطة ولا السذاجة اللي بعض إخواننا بيعرضوها بها، اللي هو لا إنكار في مسائل الخلاف ويبتدي يشتم في اللي بينكر، ده ضعف علمي لهذا الحد لازم كلنا كده كل قاعدين يبقوا فاهمين الدخول في التفاصيل دي دي طبعا بتكبر المخ، يعني اللي عمالين يقولوا ده أنا عارف أن منكم ناس دلوقتي استقل استقل الموضوع بقى مين قال ايه وده بيعمل ايه وأنكر عليهم ليه ففي ناس بتروح فاصلة دماغها في وقت زي كده تروح فاصلة دماغها ومش عاوزين نسمع، فأنصحكم اسمعوا بتكبر دماغاتكم وبشوفوا العلماء بيفكروا ازاي وبيردوا على بعض ازاي وازاي المسائل اللي احنا كنا فاكرينها وكان ممكن بعضنا يعملها أصلا دخل لا إنكار في مسائل مش عارف، هو نفسه يقول ده فكان فاكر أن هو ده القول الموجود وانه واكتشف أنه لا المسألة فيها خلافات وفيها تفاصيل والموضوع مش بالبساطة دي.

طب اللي اللي الكلام ده صعب عليه مش مهم بقى، بس يبقى فاهم المجمل، وهذا الكلام منهم مع قولهم بحد شارب النبيذ متأولا أو مقلدا عجب، لأن الإنكار يكون وعظا هم دلوقتي هم قالوا إيه؟ لا ينكر في مسائل الخلاف السائغ ومثلوا لها بشرب النبيذ والنكاح بلا ولي وأكل متروك التسمية، صح كده؟ قالوا يبقى لا ينكر على على دول صح كده، وبعدين يقولوا يقولوا إحنا هنحد شارب الايه؟ النبيذ فهو بيقول لهم هو حدكم اللي شارب النبيذ ده إيه؟ ده بيقول لك ده غاية الإنكار يعني الإنكار بيكون إيه؟ وعظ وزي ما قال بقى كده وعظ أمر نهي تعزير تأديب وغاية الإنكار الحد، فكيف يحد ولا ينكر عليه، فبيشكل عليهم بقى في الايه في المسألة دي أم كيف يفسق على رواية طبعا احنا قلنا أحمد قال لا يفسق قلنا عند أحمد يحد ولا يفسق اكتشفنا تحت أن في رواية عن أحمد أنه يفسق، العلم واسع يا جماعة العلم واسع، العلم واسع من أهم الأمور اللي لازم نخرج بها من تلك المجالس أن احنا ننكسر أمام العلم، ما نفكرش في أي مسألة حوستها أن أنت حوست العلم فيها.

واحدة واحدة كده وأنتم عارفين طبعا القول إيه العلم ثلاثة أشبار، من اخذ الشبر الأول تكبر أو ما نفسك كده معجب باللي عندك اعرف أن أنت لسه أبو شبر لسه، ومن أخذ الشبر الثاني تواضع أما تخخش في الشبر الثاني من العلم هتجيب ورا، هتجيب ورا، ومن أخذ الشبر الثالث علم أنه لم يعلم شيئا، شوفوا العكس الهرم مقلوب، علم أنه لم يعلم شيئا، ولذلك يعني أكثر الناس علما أكثرهم سكوتا مش أكثرهم كلاما وتلاقي الواحد كل ما يحوز علم زيادة تلاقيه يفرمل زيادة ويسكت زيادة ويخاف زيادة، ليه؟ لأنه هو نفسه شاف نفسه لما كان بينطلق ويتصدر ويقول أي كلام وبعدين يكتشف قدام أنه ايه.

واحد من الدعاة المشهورين جدا من الجيل الكبير يعني، كان واحد من أشهر ثلاث أسماء في مصر يعني، فسمعته يقول أنه كان بيدرس في مصر العقيدة خلص كتب وشريته كانت بتكسر الدنيا بتتباع باليعني مئات الآلاف وشرح المش عارف إيه ومش عارف إيه ومش عارف إيه، الشيخ بقى بعدين بيقول سافرت بلد من البلدان وراح درس على الشيوخ هناك العقيدة، بيقول وأنا هناك استنى لما رجع راح مكلم الشركة اللي بتعمله شرايط وقفوا إنتاج الشرايط كلها، يعني مش فاكر بقى كلام لو تعرفوا تحرقوا ما أعرفش يعني يعني اكتشف أنه كان بيعمل إيه بيقول فين في العقيدة، بيقول طوام، فالتصدر قبل الأوان مضر جدا.

طيب قال: أم كيف يفسق على رواية ولا ننكر على فاسق؟ يعني بيقول على رواية يعني على الرواية الثانية يعني يظهر الأولى الرواية الأولى هي اللي بيرجحها لأصحاب، لكن على رواية أحمد الثانية أنه يفسق فنقول إنه فاسق ولا ينكر عليه إزاي يعني، وذكر في المغني (يعني ابن قدامة) أنه لا يملك منع امرأته الذمية من شرب الخمر على نص أحمد لاعتقادها إباحة حتـ المغني بيقول ها من يسير الخمر الخطيرة دي عاوزين حد يشوفها في المغني، طبعا على هذا القول يعني مهما شربت حتى لو ثملت يعني يظهر هنا يسير الخمر اللي هو إيه؟ لا يؤدي إلى الثُّمَل أو ذهاب العقل أو شيء مثلا، ماشي.

ثم ذكر يبقى ركزوا بقى دلوقتي يبقى في المغني بيقول إيه؟ إنه لا يملك منع امرأته الذمية من شرب الخمر بقى ويسير الخمر على نص أحمد ليه لاعتقادها الإباحة؟ هي تعتقد إباحة يسير الخمر، وأظن هيبقى يسير لأن أصلا حتى أهل الذمة ما عندهمش أن هم يشربوا حتى يعني أن هم يغيبوا عن الوعي والله أعلم، عندهم أنهم يسير الخمر هو المباح والله أعلم يعني. ثم ذكر تخريجا من أحد الوجهين، يبقى ده كلام مين؟ ركزوا يا جماعة أولا أحد الوجهين يبقى ده كلام أحمد، ده كلام الأصحاب لو كان أحمد كان يقول أحد الايه؟ الروايتين، هو يبقى احنا عندنا وجهين للأصحاب وهو خد وجه خرج عليه، ماشي يبقى نعرف أن احنا بنتكلم اتكلم عن مسألة تانية أصلا لما نجي نقول خرج على أحد الوجهين نفهم المسألة يعني إيه؟ يعني في مسألة عندنا فيها قولين القولين دول مش للإمام القولين دول للأصحاب عشان كده قال وجهين مش روايتين والمسألة دي مش مسألتنا أصلا هيقوم ياخد وجه من مسألة تانية يخرج عليه قولا في مسألة لا نص فيها للأصحاب، فهمتوا أنا بقول إيه؟ فهمتوا اللفة؟

طيب هو بيقول إيه؟ ثم ذكر تخريجا من أحد الوجهين في أكل الثوم بأنه يملك منعها لكراهة رائحته، يبقى احنا عرفنا أن في أكل الثوم دلوقتي دي مسألة كبيرة ركزوا في المسألة هل هل الزوج يمنع زوجته من أكل الثوم؟ فيها قولين، طب القول بأنه يمنع له أنه يمنع ليه؟ قال لأنه يمنع كمال الاستمتاع استمتاع الزوج بالزوجة وهو أصلا عقد النكاح إيه؟ هو المهر مقابل البضع مقابل أنه بيستمتع بالمراه بزوجته فأكلها للثوم يمنعه كمال الاستمتاع، مش لأن أكل الثوم حرام هنا هو مش الزوج بينكر على الزوجه أنها بتاكل ثوم فكل الثوم حرام لا، فعندنا قولين في المسألة أنه أيوه له أنه يمنعها من أكل الثوم ليه؟ لأنه يمنع كمال الاستمتاع، فهمتوا دي؟ طيب.

فوق في مسألة الخمر خلي بالكم هل الزوج يمنع مراته الذمية من شرب يسير الخمر؟ ففي المغني قال لك إيه؟ لا ما يمنعهاش على نص أحمد، يبقى المسألة دي فيها رواية اهي نص عن أحمد اهو فهمتوا دي ليه؟ لانها تعتقد إباحته الحرمة صح، لا احنا في الإنكار بس هو ينكر على الزوجه ولا لا مالناش دعوة حرام وحلال دلوقتي، إيه دي؟ مش أنا أهدى أهدى الله يكرمك عشان يعني ما صدقنا الناس اللي ابتدت ايه فهمنا دي كده، قال لك بس أنا والله ممكن أعمل لك إيه أخرج لك وجه أو أخرج لك قول على وجه في مسألة تانية خالص اللي هي الثوم، ليه بقى؟ لأن الخمر ريحتها وحشة يعني مش بتكلم في حرمة الخمر وأباحة الخمر دلوقتي، إحنا بنتكلم أنه له منع زوجته الذمية من شرب الخمر لأنها تمنع كمال الاستمتاع، ليه؟ لكراهة رائحتها، الخمرة ريحتها وحشة، فهمتوا اللفة دي؟

طيب، ثم ذكر يا شيخ يا شيخ احنا دلوقتي بنكلم الناس على عقولها مش عقلك أنت، لو على عقلك أنت يبقى أنا ماليس لازمه هنا كده مش هيفهموا، كده مهما يعني هندن في ملطة فليه، ثم ذكر تخريجا من أحد الوجهين في أكل الثوم بأنه يملك منعها لكراهة رائحته قال وهكذا الحكم لو تزوج امرأة تعتقد إباحة يسير النبيذ، يجوز واحدة حنفية هل له منعها على وجهين؟ يبقى عرفنا برضه ما فيهاش رواية عن أحمد دي طالما قال على وجهين.

وذكر أيضا في مسألة مفردة أنه لا ينبغي لأحد أن ينكر على غيره العمل بمذهبه، فانه لا إنكار في المجتهدات، يعني واحد يعمل بمذهبه واحد حنبلي واحد شافعي واحد حنفي، عشان الأحناف مخالفين كتير وهو شغال على المذهب الحنفي، لا تنكر عليه خلاص الراجل ماشي على المذهب الحنفي. فصل: من التزم مذهبا. هاتي، بصيتوا في المغني؟ أنا بدور عليه بس مش دلوقتي، كلام المفتح فين؟ يظهر كده أن هو عند بداية الفصل والله أعلم، طبعا هو لازم ما هو دي بقى من المواطن الـ

اللي فيها مشاكل شوية أو مثلاً عند وذكر في المغني مثلاً مش عارف ممكن نرجع للآداب ونشوف يعني أنت تجيب الآداب الشرعية على الشاملة وتقول لنا ونكتب وقف فين تكتب أي بقى إيه يعني كيورد كده وتجيبها.

فصل: من التزم مذهباً أنكر عليه مخالفته بلا دليل ولا تقليد سائغ ولا عذر، كذا ذكره في الرعاية. يبقى لغاية دلوقتي من التزم مثلاً قال لك أنا ملتزم المذهب الفلاني المذهب الشافعي، ورح جا في مسألة مخالف المذهب الشافعي ننكر عليه ولا ننكر؟ ننكر ولا لا ننكر؟ لا غلط. نقول له طب تعالى أنت خلفت لأنك مجتهد وبان لك دليل؟ يقول لك لا مش مجتهد. طيب أنت قلدت تقليداً سائغاً؟ يعني رحت سالت عالم فافتاك فتحكم يعني تأخذ بفتح، والعالم ده قال لك لا طب ليك عذر عشان تخالف مذهبك؟ ما ممكن يبقى لو قلب مذهبي في المسألة دي هيسبب حرج شديد جداً عليه مثلاً فهو بس لوجود العذر في المسألة دي يعني إيه مش هيفضل طول عمره بيخالف لا بس هو في دلوقتي مش هينفع أعمل مذهبي فما في حرج فقال لك لا برضه ما فيش عذر ساعتها ننكر عليه. كذا ذكره في الرعاية وذكر في موضع آخر: يلزم كل مقلد أن يلتزم بمذهب معين في الأشهر يعني من كلام العلماء يعني ولا يقلد غير أهله، يعني ما يروحش لو هو شافعي ما يروحش يسأل حنبلي في مسألة، هو ده اللي بيقوله، وقيل بلى يعني له أن يفعل ذلك لأن إحنا ما عندناش حاجة في الشرع تقول إيه انك لازم تسأل الشافعي طالما أنت شافعي، إحنا عندنا في الشرع في حتى كتب الأصول بتقول كده بتقول لك إيه انك طالما أنت مقلد تسأل مجتهد، ما قالكش يبقى مجتهد حنبلي أو مجتهد شافعي طالما لا ما حدش قال كده، وقيل بلى، وقيل ضرورة، ثلاث أقوال في المسألة دي مسألة من التزم مذهباً هل ينفع يقلد غير أهل المذهب؟

ثلاث أقوال دول المذكورين هنا. أول واحدة لا ما ينفعش أنت ملتزم للمذهب الحنبلي أما تيجي تستفتي تستفتي عالم حنبلي، القول تاني بلى لا ممكن عادي تستفتي شافعي وتأخذ بفتواه، القول الثالث تفعل ذلك للضرورة يعني الأصل أنه لا بس لو احتجت أن تستفتي عالماً من غير مذهبك ضرورة جاز لك ذلك.

عاوزين نقص الكلام على بعض بس. وقال ابن عقيل في معتقده: ومن لم يعلم أن الفعل الواقع من أخيه المسلم جائز في الشرع أم غير جائز فلا يحل له أن يأمر ولا ينهى. واضحة دي؟ وكذا ذكره القاضي، فدل على أنه لا ينكر إلا عالم، وهنا عالم يعني عالم بالمسألة. إحنا قلنا العلم حاجة علم بنفس المسألة وعلم بالواقع، فاكرين قلنا المثال إيه؟ العلم الأول انك عارف أن الخمر حرام، والعلم الثاني عارف أن اللي في الكوباية بتاعة فلان دي خمرة، فدول علمين ماشي.

وأما الجاهل فلا ينكر إلا تَبَعاً بأن يكون مع العالم أو يأذن له في إنكار تلك الواقعة وإلا فلا والله أعلم، يعني الجاهل ما ينكرش إلا لو تبع العالم يعني العالم بيستعين بناس مش لازم يبقى هو لوحده أو يقول له أه هذه المسلة ينكر فيها. وقال أحمد: هنا العالم مش الداعيه ها، يعني مش إيه أصل الداعية فلان قال إيه أن ده ينكر فيه وأن لا ده مش عالم، وده مش حط من قدر الداعية هو داعية يعني هو مش عالم. ليه بقول ده؟ لأن ده عمل مشاكل كبيرة في الأجيال اللي قبلكم، اللي هو مسألة اللخبطة بين العالم وشبيه العالم عارفين؟ من فوائد حديث قاتل مئة نفس أنه لما أول مرة قتل تسعة وتسعين قال دلوني على إيه؟ الراجل فاهم دلوني على أعلم أهل الأرض، واضح كلامه جداً أنا عاوز عالم، فدلّوه على راهب عابد ليه؟ لأنه شبيه بالعالم هو الناس عندها ما تعني ده الراجل ده بيتكلم في الدين مش كده فخلاص فلما وسد الأمر إلى شبيه العالم زادت الفتنة زادت الفتنة، إمتى انقطعت الفتنة؟ لما وسد الأمر للعالم حينها انقطعت الفتنة. فالداعية داعية، والواعظ واعظ، والله بقى كلامه بيكسر الدنيا يحطم القلوب بيسمعوه ملايين داعية وواعظ ماشي فما ناخدش منه الكلام في الحته دي خالص ماشي.

قال أحمد في رواية المروذي: لا ينبغي للفقيه أن يحمل الناس على مذهبه ولا يشدد عليهم. يبقى الفقيه لا يحمل الناس على مذهبه مش لازم إحنا مش كل الناس عاوزينها تبقى حنبليّة ولا شافعيّة ليه يعني؟ وواحدة من الحاجات اللي خلت الإمام مالك لا يصنف في الفقه إيه؟ أن الناس ما تمشيش على مذهب مالك أصلاً ماشي. وأحمد لم يصنف في الفقه برده مالوش كتاب في الفقه. طيب فإحنا ما فيش حد يحمل الناس على مذهب واحد يعني ولا يشدد على الناس.

طب الحاكم لو هو بيحكم بالشرع يعمل إيه؟ يختار الأصلح للناس وما لم يحكم أئمتهم بكتاب الله ويتخيروا منه فمما قيل أنه يختار الحكم الأصلح للرعية، الأصلح ده قد يكون في مسألة أو في وقت الأخف وقد يكون كذا في وقت وقد يسأله أو في الوقت الأشد، فدي محتاجه نظر شويه يعني إيه يا جماعه يعني ممكن الحاكم يأخذ بالقول الضعيف آه بس موجود في الفقه يعني يعني قول أدلته أضعف من أدلة القول الآخر لكنه لا تصلح الرعية إلا على هذا القول ولو حملناها على القول الآخر الرعية هيحصلها تفسد الرعية ممكن يبقى إما تنحل خالص أو تضطرب الأحوال ويضيق عليها معايشها فاهمين؟ فدي بيبقى محتاجة توفيق شديد من ربنا سبحانه وتعالى طبعا ومحتاجة بعد نظر ومحتاجة نظر في المقالات محتاجة كلام كبير جدا وده قد يحتاجه الداعية أو المربي لطلابه أحياناً، يعني واحد جاي بيساله عن مسألة وهو يرى فيها الإباحة وممكن يفتيه بالمنع ليه؟ لأن هو يرى أن ده لو أتقال له مباح مقالات ده مش كويسة أو العكس هو يرى المنع لكن لو شددت عليه في الموقف ده هو فعلاً هيقع في حرج شديد جداً ومش هيلاقي مخرج، وهنا العلماء مختلفين هل يفتيه بقول حداني لو هو عالم مجتهد يعني ولا يحرم عليه ده فيحيله؟

طبعا هو العالم المجتهد ده مش موجود دلوقتي يعني ده نادر يعني إحنا بننقل أقوال العلماء إنما المجتهد يا جماعة دلوقتي واحد مجتهد يعني إيه؟ يعني هينظر في الأدلة ويترجح له قول صح. فالعالم المجتهد ده اللي هو مش الداعيةاني ولا الواعظ ولا المشهور نظر في الأدلة وترجح له قول أن ده حرام فجه واحد يستفتيه وبعدين شايف أن لو لو أفتى له بالحرمة هيضيق عليه ضيق شديد جداً وهيوقعه في حرج، لكن هو اجتهاده يؤديه إلى الحرمة، ينفع هذا المجتهد ينقل له قول مجتهد آخر؟ المسألة دي مختلفة عند العلماء. طب حتى اللي بيقول لا ما ينفعش يقول طب يفتي بالحرمة قال لك لا يحيله، يعني إيه يحيله؟ يقول له اسأل فلان لأنه عارف أن فلان يقول بالإباحة بس هو كمجتهد ما ينفعش يفتي بخلاف ما أدى إليه اجتهاده لأنه كده بقى في الآخر بقى إيه مقلد والمجتهد فرضه الاجتهاد لا التقليد فاهمين دي؟

طيب ده يعني الشيخ بتاعك لا الشيخ بتاعك هيقول لك قول الشافعية كذا يعني هو ده مش مجتهد أنا مش مجتهد يعني أنت بتيجي تسالني كذا فأنَا شايف أنا مثلاً مذهب الحنابلة يقول بالنحراء بس أنا شايف لو قلت لك ده هتقع في ضيق شديد جداً فسيقول لك إيه قول الشافعية كذا وأنا في سعة ليه؟ لأن أنا مش مجتهد أنا فأنا لا اجتهدت ولا وصلني اجتهاد الحاجه فيحرم علي أن أخلِفَه خالص ماشي؟ إنما المجتهد شوية المسألة متضيقة عليه.

كان في حد تاني رافع إيديه قبلك وقلت له ثواني أما نخلص مين؟ نم إيه هات قول. هو ينفع المجتهد ده يقول المقلد ما هو دي اللي إحنا بنقولها بقى بعض العلماء يقول لك ماشي، بعض يقول لك لا ما ينفعش. أحمد بن حنبل كان يجي له الناس يسالوه فيقول سلوا المكيين أظن ولا البصري على المالكية مش فاكر أو المدنيين آه سلوا المدنيين حاجة زي كده يبقى اعملوا سيرش كده سلوا المدنيين المدنيين أظن هتلاقوها كده.

أحمد بن حنبل بيقول: لا ينبغي للفقيه أن يحمل الناس على مذهبه ولا يشدد عليه. وقال مهنا: سمعت أحمد يقول: من أراد أن يشرب هذا النبيذ يتبع فيه شرب من شربه فليشربه وحده. وفي رواية أخرى بخلاف ذلك. وفي رواية الميمون: الرجل يمر بالقوم وهم يلعبون بالشطرنج ينهاهم ويعظهم. وسئل أحمد عن رجل مر بقوم يلعبون بالشطرنج فنهاهم فلم ينتهوا فأخذ الشطرنج فرمى به فقال: قد أحسن. وفي رواية أبي طالب في من يمر بالقوم يلعبون بالشطرنج يقلبها عليهم إلا أن يغطوها ويستروها. وصلى يوماً يعني أحمد إلى جنب رجل لا يتم ركوعه ولا سجوده ودي مسألة مختلف فيها فقال: يا هذا أقم صلبك وأحسن صلاتك.

طيب يعني خلاص بقى أظن الكلام كده واضح يعني خلاصة الموضوع إحنا ننكر ولا ننكر بقى في مسائل الخلاف لو اللي بيعمل القول ده راجل متعلم أو سائل ومستفتي فافتي بكذا بهذا الأمر اتركه خلاص هو بقى يهمك فأنت عاوز تقول له يعني ده في خلاف والخلاف قوي وأحسن لك اخرج من دي مسألة تانية. واحد جاهل ومش متعلم ولا وسائل وهو ماشي حياته كده وخلاص فده ينكر عليه ماشي، وساعتها أنت مش مجبر تقول له أن فيها خلاف أصلاً يعني تقول له ما تعملش كذا ومش مجبر تقول له وفيها خلاف والملكية قالوا خالص خالص، زي أحمد اللي لقي الراجل ما بيتمش ركوعه وسجوده قال له يا أقم صلاتك أو أتم صلاتك ما قالوش بقى وفيها خلاف وغيرنا بيقول لا ما قالش كده ماشي.

الحجة يا شيخ قائلة ابن بشار: سألت أحمد بن حنبل عن حلف الطلاق فقال: إن حنث. فقلت يا أبا عبد النار اكتب لي بخطك فكتب لي في ظهر الرقعة: قال أبو عبد الله: إن حنث. قلت يا أبو عبد الله إن أتاني انسان يعني ألا يحدث؟ فقال لي: تعرف حلقة المدنيين؟ حلقة مين؟ المدنيين. المدنيين آه. قلت نعم. قال: الحسين بنشار، وكانت للمدنيين حلقة عندنا في سافه المسجد الجامع فإن أتاني بيدخل قال نعم. دي بقى اللي هو أحال إلى إلى المالكية هو قال له مسألة طلاق قال له يحنث سأل أحمد بن محمد يحنث يعني وقع الطلاق فقال له طب لو ما في يعني حد تاني قف تاني بغير كده قال له ما قالوش أنت جاي تسالني وأنت قليل أدب أنت خالص هو ما مسألة برد ما هو يقع الطلاق دي ممكن تبقى فيها تضييق على الناس فأحمد عمل إيه؟ قال له تعرف حلقتها المدنيين روح له.

طب يبقى مع كده أحمد حنبل عارف قول المدنيين ولا مش عارفه؟ ما قالهلوش أحال إلى غيره ممن يفتيه بغير قوله. مفهوم؟ إحنا ليه بنحكي ليه بنطول هنا يا جماعة حد فاهم؟ غير التأصيل عاوزين نهدى شوية، عاوزين نرفق يعني برده يبقى جوانا مسألة الرفق بالناس وإزاي نختار الأصلح للناس وما هياش كلمتين كل هسمعهم أروح طالع كاتبهم وخلاص ويبقى مقال القول ده ممكن يفسد وممكن يشق أو ممكن يسهل، أو طب ولو ده عملته وأنا مش واخد بالي خلاص أتعلم منه ما أكرروش تاني من الفيدباك يعني من التعليقات اللي بتيجي أو من الرسائل اللي بتوصلني أو كده أنه ده حصل كذا وكذا وكذا لما أنت قلت كذا. القول في نفسه ممكن يبقى صح لكن مقالات القول ممكن ماكونش منتبه ليها يعني ما أكونش أقصده يحصل. فعادي جدا ما كبير أن أشيل القول اللي ممكن عمل المشكلة أو أو أخد بالي في اللي جاي أني خلاص ما طالما الناس ما تستوعبش قوي أو كده يبقى محتاجين ده يعني ماشي.

قول يا أسر. يعني هل إحنا بقى مثلاً إحنا شخصياً بعيداً عن نتعامل إزay مع الاختلافات دي هل مثلاً عوض ولا أي حاجة هتقولها هتلاقي لها حد بيقول بيها، نتبع نحتوط هتلاقي من يقول بذلك من العلماء، نمشي على مذهب واحد يعني بندرس المذهب الفلاني فخلاص إحنا ماشيين على المذهب ده قول موجود طبعاْ عند العلماء ما كل ما يعني يقابلني يقابلني مسألة أو كده أروح أستفتي ما هو قول موجود ده كله موجود ماشي فظن إحنا يعني إحنا ماشيين على على المذهب ففي الحاجات اللي إيه متكررة في اليوم والليلة دينا ماشيين على المذهب. تحدث تحدث لك شيء بقى ساعتها بتستفتي تشوف حد بتثق في دينه وتستفتيه فيش مشكلة.

الناس ما بين المذاهب عشان تاخد رخصة ده يجوز عامة ولا؟ قالوا من تتبع رخص على العلماء تزندق أو كاد يا أما بقى زنديق خلاص يا أما قريب هيبقى زنديق. إه ده؟ طب قول. ده في كلام مين؟ ده في كتاب روى عبد الله بن أحمد عن أبيه قال: سمعت يحيى القطان يقول: لو أن رجلاً عمل بكل رخصة لقول أهل المدينة في السماع يعني في غناء وبقول أهل الكوفة في المتعة وبقول أهل مكة في النبي كان واحد ماشي بقى عمال يجيب من هنا ومن هنا ومن هنا ده هيبقى دينه أنت متخيل دينه هيبقى عامل ازاي أصلاً.

مش هيبقى في دين، المذهب فيه دين. تتبع الرخص ده مش هيخلي له دين، اللي هو آه ولا؟ مش فاهم، ده إيه علاقة ده؟ مش فاهم. ده بيقول يستفتي خارج، لا. هو مش رايح، في فرق بين واحد مثلاً أنا حنبلي، وفلان الفلاني ده عالم المالكية في الأزهر، أو عالم الشافعية في الأزهر، وأنا ما أعرفش قول الشافعية، فأنا رايح أستفتيه. في واحد تاني، لا، أنا عارف إن دي عند الأحناف مسهلينها، فأروح أستفتي الحنفي، يجي في المسألة اللي بعديها، لا، دي الأحناف مشددين فيها، مش هاخد بقى قول الأحناف، فأنا عارف إن دي الشافعية هم اللي مسهلينها، روح رايح للشافعي.

فاهمني؟ لا ده كده، ده اللي متتبع الرخص. هو دلوقتي يا جماعة بس المسألة دي بسرعة عشان دي عامله إشكال بين طلبة العلم؛ في كتب الأصول معظم كتب الأصول يثبت درجتين: اجتهاد وتقليد ولا واسطة. احنا قلنا ماشي، أنت ماسك تبسط الناس، بس مش للدرجة دي يعني. يبقى فيك إيه؟ مجتهد ومقلد ولا واسطة. بعض المعاصرين يتكلم على، من غير بقى أسماء يعني، يتكلم على وجود الواسطة، يقول لك إيه؟ في مجتهد ومقلد وفي متبع.

آه، مين بقى المتبع ده؟ يقول لك: اللي هو أما يجي يسألك يقول، هو يقول لك، يقول لك: المقلد اللي يجي يقول لك إيه حكم كذا؟ فتقول له: حرام، يمشي؛ ده اسمه مقلد. إنما لو سالك فقلت له: حرام، يقول لك: إيه الدليل؟ فتقول له: الدليل كذا كذا، فيقول: ده اسمه متبع، لأنه متبع للدليل. الكلام ده موجود بقى في كتب الاقدمين ولا مش موجود؟

كنت عملت بحث، وجبنا كلام من كتب ناس قديمة شوية، كلامها قد يحتمل ده، لكن حتى لو موجود فهو يعني نادر جداً. هي مسألة كبيرة الحقيقة؛ لأن هو فكرة نقول مقلد ومجتهد ولا واسطة دي، طب إمتى نقول المقلد انتقل إلى الاجتهاد؟ حد فاهم أنا بقول إيه؟ يعني المقلد ده قبل ما يذاكر الربع ساعة دي كان اسمه مقلد، ولما أخلص الربع ساعة دي، الربع ساعة دي اللي هو آخر آخر تقليده يعني، بينتقل فجأة للاجتهاد، ولا في مرحلة متوسطة تنقله؟ وفي المرحلة دي هيبقى اسمه إيه؟ مسألة برضه محتاجة شوية تثوير يعني، ومحتاجة بحث ومحتاجة، أنا مش هتلاقي عندي إجابة عمرك على فكرة، الواحد من كتر ما شاف يعني سكت خلاص ما بقاش، بس هي تقدر تبحث عنها في ده، في اللي أنا بقوله ده ماشي.

طيب، واحد بقى ماشي على المذهب وسأل شيخ بيثق فيه، وأفتاه على غير المذهب، عادي، أعمل بقوله؟ عادي، ما فيش مشكلة، حتى لو بتوع المذهب، طيب حد عنده أي حاجه في الكتاب؟ لا، التقليد السائغ أن هو أولاً مقلد؛ لأن المجتهد لا يقلد، وأنه سأل مجتهداً، وده بقى في تضييق شوية على الأمة دلوقتي لو قلنا، آه، ده بس احنا مش بنقول ده، لو قلنا ده هو فين بقى المجتهدين إن شاء الله فاهمني؟ احنا ده مش اللي هو، يعني هو القول دلوقتي بقى يعني بنسأل مشايخنا بيقولوا يعني صعب جداً.

طول قولي هذا، واستغفر الله العظيم لي ولكم، سبحانك وبحمدك، نشهد أن لا إله إلا أنت، نستغفرك ونتوب إليك.