بسم الله، الحمد لله، والصلاة والسلام على رسول الله، وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي، وأزواجه أمهات المؤمنين، وذرياته وآل بيته، كما صليت على آل إبراهيم إنك حميد مجيد. أما بعد.
قال: آداب الأمر بالمعروف والنهي عن المنكر. وأمرك بالمعروف والنهي يا فتى عن المنكر اجعل فرض عين، تسددي على عالم بالحظر والفعل لم يقم سواه به، مع أمن عدوان معتدي، ولو كان ذا فسق وجهل، وفي سوى الذي قيل فرض بالكفاية واحد.
هذا في ذكر الأمر بالمعروف والنهي عن المنكر. والمعروف ما يؤمر به شرعاً، والمنكر ما ينهى عنه شرعاً. وهو واجب على الناس من حيث الجملة، واجب على الناس. هنا على عمومها كده من حيث الجملة. يعني هل يقصد أنه لو قام بالنهي كافر أسقط الوجوب؟ هل يقصد ده؟ دي الصورة، ولا واحدة بس عشان نَفهم المقالات؟
لو قلنا: لا، يبقى لو قام كافر بالنهي عن المنكر فزال المنكر، لا إثم على المسلمين؛ لأنه لسه الواجب قائم. فهنا يقصد الناس، هو يقصدها. قال الله تعالى: ﴿كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ﴾ [آل عمران: 110]. وقال: ﴿وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ﴾ [آل عمران: 104]. وقال: ﴿لُعِنَ الَّذِينَ كَفَرُوا مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ۚ ذَلِكَ بِمَا عَصَوا وَكَانُوا يَعْتَدُونَ * كَانُوا لَا يَتَنَاهَوْنَ عَن مُّنكَرٍ فَعَلُوهُ ۚ لَبِئْسَ مَا كَانُوا يَفْعَلُونَ﴾ [المائدة: 78-79].
طبعاً هذه الآية عمدة في أن ينهى الإنسان عن المنكر الذي يتعاطاه. وده إشكال بيحصل عند كتير من الناس، يقول لك: أنا بعمل المعصية الفلانية فما ينفعش أنكرها. هنا قال سبحانه وتعالى: كانوا لا يتناهون، كانوا لا يتناهون عن منكر فعلوه. وقالوا في تفسير هذه الآية، ذكروا آثاراً منها: ينبغي على شاربي الكؤوس أن يتناهوا فيما بينهم، يعني هم قاعدين في قعدة كده كلهم بيشربوا الخمر، ينبغي على كل واحد منهم أن ينكر هذا المنكر الذي يفعله هو. فيبقى دول مسألتين ما لهمش دعوة ببعض: المسألة الأولى: فعلك المنكر ده حرام، سكوتك عن المنكر الذي تفعله حرام آخر، مفهومة؟
طيب، الإنسان لو بيعمل المعصية الفلانية، يروح بقى ينهى عنها وهو جوّاه بيتنطط على مخاليق ربنا؟ لا. يبقى ينهى عن المنكر الذي يفعله وفيه انكسار، وفيه تبرئة للذمة؛ يعني هو يقول: لولا أنكار المنكر واجب ما أنكرت. وفيه أيضاً معنى آخر، وهو أن يتوسل بهذا الإنكار أن يعينه الله عز وجل أن يقلع عن تلك المعصية؛ يبقى هو بينكر المنكر اللي بيعمله، يبقى جوّاه معنى أنه: يا رب، أنهي عبادك عن هذا المنكر الذي يفعلونه فأعني على أن أقلع عنه.
طيب، لو راح ينكر منكراً لا يفعله؟ يبقى جوّاه الخوف والوجل أنه يقع فيه؛ فيبقى: يا رب، أنا أنكر هذا المنكر الذي يفعلونه، وأعيذك أو وأستعيذ بوجهك وبنور وجهك أن أقع في مثل هذا المنكر الذي أنكره. مفهوم الكلام؟ ما يبقاش جوّانا استعلاء ورؤية نفس، وأن إحنا الناس الحلوة ما بتعصيش، خلاص.
والآيات في الباب كثيرة. وأما الأحاديث، فروى الترمذي عن حذيفة عن النبي صلى الله عليه وسلم أنه قال: «والذي نفسي بيده لتأمرن بالمعروف ولتنهون عن المنكر، أو ليوشكن الله أن يبعث عليكم عقاباً منه، ثم تدعونه فلا يستجاب لكم». وقال في حديث آخر: «لتأمرن بالمعروف ولتنهون عن المنكر». يبقى ترك الأمر والنهي، الحديث الأول: ترك الأمر والنهي مؤذن بنزول عقاب، ومؤذن بعدم استجابه الدعاء، خلاص.
يبقى الناس اللي بتقعد تشتكي طول ما إحنا بندعي ربنا ما يستجيب لناش، هل أنكرت كل منكر رأيته أو سمعته أو يعني وجب عليك إنكاره؟ قبل ما تقول: لماذا لا يستجاب لي؟ اسأل نفسك عن موانع الإجابة. خياركم. ده اللي بعديهم، إحنا لسه في الحديث الأول، هنشوف بقى الثاني بقى. وقال في حديث آخر: «لتأمرن بالمعروف ولتنهون عن المنكر، أو ليسلطن الله شراركم على خياركم، فيدعو خياركم فلا يستجاب لهم».
يبقى بأي شيء يسلط الأشرار أمثالنا على الناس؟ ما هو مين الأشرار؟ إحنا. صح؟ حد هنا من الخيار؟ كلنا أشرار. الناس بتقعد تقرا الأحاديث ويه يحطوا نفسهم دايماً في خانة أهل الإيمان وأهل، وإحنا اللي ببلاوينا منعنا بكل خير. «أو ليسلطن الله شراركم على خياركم، فيدعو خياركم فلا يستجاب لهم»، يدعون بايه بقى؟ إن ربنا ما يسلطش الأشرار ويرفع ظلم الظالمين، فلا يستجاب. طب ليه؟ لأننا تركنا الأمر والنهي.
وقال صلى الله عليه وسلم: «ما من قوم فيهم رجل يعمل بالمعاصي وهم أعز منه وأمنع، لا يغيرون إلا أصابهم الله بعقاب». يعني ما فيش داعي أن هم يسكتوا خوفاً من بطش أو كذا، هم أعز منه وأمنع. والعزة والمنعة في كل موقف بحسبه، يعني مش أنا بقى أعز وأمنع يعني أهل الإيمان لهم القوة والاستعلاء، لا، ممكن في موقف معين، يعني ثلاثة أربعة ماشيين واثنين بيعملوا معصية، فالثلاثة أربعة دول لو راحوا هم أعز وأمنع، مفهوم؟
وقال: ها؟ أم لا أمنع؟ المنعة، هو الفئة التي يمتنعون بها، هذا الأصل في اللغة. دول أمنع، أمنع يعني لهم منعة، منع؛ يعني ناس يفيئون إليهم يمنعوهم لو أرادهم الآخر بسوء. ده معنى أمنع. هو أمنع يعني مثلاً يمكن إحنا في القاهرة ما نفهمهاش قوي الحته دي، بس خلينا لو إحنا في الصعيد مثلاً، فأنا مثلاً من قبيلة فلان أو، فالقبيلة دي لها اصول وجذور ومحترمه ومهابه، فلقيت عيل ابني بيعمل غلط من قبيلة أي كلام كده، فإنه يبقى اسمي أمنع، لي منعة، لي ناس تمنعني، تمنعني مش يعني تكفلني، لا، لو أردت بسوء منعوني، ده معنى أمنع عن المناعة، مش عارف، من المناعة معه يعني.
وقال مسعر: أمر ملك أن يخسف بقرية، فقال: يا رب، فيها فلان العابد! فأوحى الله إليه: به فابدأ، فانه لم يتمعر وجهه في ساعة، يعني يرى المنكر ولا ينكر حتى بقلبه، منكب على العبادة وترك الأمر والنهي. والأحاديث في الباب كثيرة جداً، ولولا الأمر بالمعروف والنهي عن المنكر لشاع الجهل وبطل العلم، وهو فرض على كل مسلم لا يسقط في حال من الأحوال. عندكم في حال ولا بحال؟ في. هو فرض على كل مسلم في الجمله لا يسقط في حال من الأحوال. لعله يقصد لو بالقلب، يعني لو بالقلب فنعم.
قال: ويمكن الإنسان الإنكار في كل وقت حتى بقلبه، كده ماشي، ولذلك هو بيقول لك: فلذلك كان واجباً على كل مسلم، يبقى لو رأينا معصية فلم ينكرها القلب أثمنا. أنتوا فاهمين إحنا بنقول إيه ولا مش فاهمين؟ يعني لو رأيناه متبرجة ولم تنكر قلوبنا أثمنا. دعكم الآن من اللسان واليد هيجي معانا.
ضابط ذلك: إنما لم تنكر القلوب ذلك، فضلاً عن أن تستروح القلوب بذلك. معنى إنكار القلب أنك تكره ذلك، تكره ذلك شرعاً، وإن أحببته شهوة أو طبعاً دي مسألة أخرى، إنما تكره ذلك شرعاً. والاعلى من ذلك أن تكرهه طبعاً لأن ربك يكرهه. ولو رأينا حليقاً، حليقاً مش يعني بيهذب لحيته، اللي بيهذب لحيته عادي ما فيهاش مشكلة يعني ما تعملوش كده بس، إنما اللي حرام أنه يحلقها بالموس، ده حرام في المذاهب كلها، والشافعية يعني بعضهم يقول لك هم يقولون بالكراهية ومحققوا الشافعي يقولوا لا ما بنقولش بالكراهية ولا حاجة حرام عندنا برده.
فييبقى لابد أنه يكره قلبك ذلك، تنكر ذلك بقلبك. مادي على مؤسسة ربويه ضخمة كل تعاملات كل التعاملات فيها بالربا، يسموها زي ما يسموها بقى، يعني مجرد ما تخش الباب ده هو كل التعاملات جوة ربا، يبقى وأنت معدي قلبك يبغض ذلك المكان ولا تدخله طوعاً، وإن دخلته ضرورة مجرد ما تخلص حاجتك اللي فيه تجري، لأنه كأن تنزل اللعنات في هذا المكان، يبقى قلبك يبغض ذلك ينكر ذلك. فاهمين ولا إيه ولا لازم نقعد نقول حاجات واضحة؟
إيه تاني؟ أنا ليه أنا ليه بقى بس بقول شوية أمثله عشان الأسقاطات دي الناس بتغفل عنها. طب لو لقيت قلبك بقى مش منكر لده، لازم تقعد تذكر نفسك أولاً بكونه حراماً أولاً، يعني هذا الذي تراه حرام، ثم تذكر نفسك بأن ربك إذ حرمه هو يكرهه سبحانه وتعالى، ربنا بيكره أنه يرى ذلك، فطالما ربنا يكرهه يبقى أنت كمان تكرهه لأنك تحب ربك سبحانه وتعالى، يعني تجاهد نفسك انك تنكر ذلك بقلبك. طبعاً إلف المعصية من آفات أنه يزيل تلك تلك الكراهية ويزيل ذلك الإنكار من القلب، إلف المعصية.
واحد من إخواننا اللي عايش في أمريكا ومعاه جنسية بقى عايش هناك بقاله حوالي مثلاً 40 50 سنة كبير في السن، بيحكي لي كان جاب أحد الدعاة الكبار، فبعدين الداعية ده هو اللي بيحكي لي اللي هو الأمريكاني ده، فبيقول لي الداعية ده نزل المطار، بيقول أول ما نزل قال: رجعوني الطيارة تاني، أنا عاوز أرجع مصر، بيقول لسه ما خرجش من باب المطار بس، فهو بيقول لي: فقلت له: ويلكم تو أمريكا، أنت لسه إحنا لسه ما دخلناش أمريكا أنت في المطار.
من المواقف اللي حصلت لي أن كنت مرة في في ترينينج، فالراجل هو بيدينا الإنسراكتور ده يعني كان شغل فيديو المفروض نتفرج عليه، يعني فكان في موسيقى عالية، فأنا أخذت بعضي وخرجت بهدوء، يعني ما عملتش دوشة يعني بس طبعاً أنا ملتحي كده وبعدين خرجت لغاية ما الفيديو خلص ورجعت. فبعدين هو في في الراحة بيقول لي: هو أنت خرجت ليه؟ فقلت له: الحقيقه في موسيقى شغاله في الفيديو وأنا ما بسمعش موسيقى فخرجت يعني. قال لي: تمام، وعدى الموقف.
وبعدين بعد سنين جالي في يعني قابلته في الترينينج تاني، هو برده الإنسراكتور بس وفي مكان تاني فكنت ما كنتش فاكره، فقالي لي: فاكر حصل بينا كذا وكذا؟ قلت له: مش فاكر، ده أنا بعمله دايماً يعني لما بيحصل حاجة بخرج. فقال لي: أنا بقى ساعتها أنت كأنك دلقت عليا دُش مية ساقعة، مش عشان أنت خرجت عشان الموسيقى، عشان أنا ما كنتش عارف أنت خرجت ليه وأنا كنت متدين أصلاً، وقعد بقى يحكي لي: أنا كانت لحيتي مش عارفة عاملة إزاي، أنا كنت بحضر لفلان وفلان وفلان وكنت طالب علم في وقت من الأوقات. بيقول لي: أنا أنا قاعد مش عارف أنت خرجت ليه، ما بقتش منتبه أن ممكن حاجة زي دي تخلينا يعني نخرج أو أو ناخد موقف يعني.
حكيت لكم أنا عن عن واحد اسمه مصطفى، وكنت هو ده بقى عارفين القصة دي حاجات؟ هو ده هو ده مصطفى بقى، مصطفى ده ليه حواديت معايا عجيبة، يعني طبعا وبعد كده بقَينا أصحاب وخرجنا سوا وكده. القصة اللي هو قلت له: كنت قاعد بذاكر زمان بقى إيام ما قبل ما أعجز، عشان إذاكر بقعد أفتح إيه مثلاً 10 15 كتاب كده، فكنت أقعد على الأرض ما ينفعش أقعد على مكتب، وبعدين الساعة 2 3 الفجر كده سقطت كده ما بين النائم واليقظان، يعني ما نمتش ولقيت صوت في ودني بيقول لي: قوم كلم مصطفى دلوقتي.
طبعاً أعرف مصطفى كتير منهم أقربهم أخويا، أخويا اسمه مصطفى، فطبيع حد يقول: قوم كلم مصطفى يبقى يعني أقرب حد يجي في ذهني أخويا. فأن لا كنت عارف أنه بيكلمني عن فلان ده، يعني الصوت ده فما اهتممتش، فراح قايل لي تاني: قوم كلم مصطفى دلوقتي. ما اهتممتش، راح قايل لي بقى بشدة: قوم كلم مصطفى دلوقتي. طيب، الساعة 2 الفجر هكلم واحد غريب أنا يعني ده لا صاحبي ولا قريبي هكلمه؟ رحت مكلمه.
فرد سكت كده بيَلقلق كده: ألو! قلت له: ازيك يا مصطفى، عامل إيه؟ أنت بخير؟ قال لي: والله الحمد لله بخير. قلت له: طب أنا بطمن عليك، ورحت قافل. وبرده مرت أيام أو سنين مش فاكر يعني، وبرده أقابلنا أو كلمني مش فاكر بقى الموقف ده يعني، بس بيقول لي: هو أنت اليوم الفلاني ده كلمتني ليه؟ قلت له: اللي حصل حصل واحد اتنين تلاتة. قال: كنت في أمريكا، كان فاتح تليفون تجوال يعني وأصحابي تحت في البار وديسكوتيك وكده، وأنا في الأوضة عمال قال أجاهد نفسي أنزل ما أنزلش أنزل، لغاية ما لبست وبفتح الباب بتاع الأوضة لقيتك بتكلمني. بيقول: أول ما كلمتني رحت قفل الباب ورجعت إيه قلع هدومي وقاعد بقى خلاص يعني.
فاللي هي معاه قصص كتير يعني وما أنا معرفوش يعني قابلته في حياتي تلات أربع مرات بس ليه قصص عجيبة معاه شويه. الشاهد الشاهد: ألف المعصية، إحنا دلوقتي مش بنتكلم عن واحد هو ما كانش عمره شاف دي معصية، يعني هو كان في وقت ما بيسمعش الموسيقى وفي وقت ينكرها، ولكن مرة في مرة في مرة وخلطة اللي بيسمعوها، خلاص، أليفة لدرجة أنه بقى لما لقى واحد له سمت معين أو بتاع قام ماشي، عارف مشي ليه؟ مش منتبه هو ليه خرج. ماشي.
فمن مزايا المجتمع المسلم لو إحنا فعلاً يعني أقمناه أنه بيحافظ على نفسه في حته الإيه؟ القلوب، وأنه ما يبقاش المعصية منتشرة. انتشار المعصية خطير؛ لأنه بيقضي على إنكار القلب، ولو لم ينكر قلبك هتنكر بلسانك ازاي؟ يعني أوله الدرجات هي أن تنقل، ولذلك كانت آخر درجات رفعاً سيدنا النبي قال إيه عليه الصلاة والسلام: «وليس وراء ذلك مثقال حبة خردل من إيمان».
فمن لم يستطع فبقلبه، وذلك أضعف الإيمان. فاحنا محتاجين نجاهد أنفسنا في أن تنكر قلوبنا المنكر. لو أنا أنكرت معصية من المعاصي وقال لي مش قابل فيها شوف حد بيعملها مفكر عليه عشان أطلع نفسي من أمر، ولكن شخص مدى على المسيح، لما أنكرها أنا بقلبي وعم بتعذب وعم بجاهد نفسي إني ما أعملها لمت إني أقث على عدم إنكارها راحت، لكن المعصية لسه موجودة صحت مع... ما فهمتش، يعني هو أنت بتنكر شيئاً لكن صاحبه ما بيطلوش؟ كده.
بحاول أبطله مثلاً بس مش قادر، لا خلاص؛ ما هو أنت ما هو نوح عليه السلام أنكر على ولده الكفر، هو في معصية بعد الكفر؟ وإبراهيم أنكر على أبيه الكفر، والاثنين ماتوا كفاراً. هو أنت اللي عليك أنك تنكر ليس عليك هداهم، ربنا قال كده للنبي عليه الصلاة والسلام، والا كان النبي عليه الصلاة والسلام آثماً عن كل كافر مات على الكفر. صح ما هو الكفر ده أعظم معصية موجودة على الأرض، فانت اللي عليك أنك تأمر وتنهى، هو بقى يستجيب ولا ما يستجيبش بتاعته ولا بتاعتك؟
لو هو اللي بيعمل الذنب ورحت أنكرت عليه وما استجابش بتاعتك ولا بتاعتك؟ بتاعتك برده. بيقوا برده نشوف إخلاصنا، يعني لو احنا بننكر على الناس ولقينا الناس ما بتستجبش، أسهل شيء تقول إيه؟ ما هو ابن مش عارف إيه، ما أسهل حاجة، لا تقول إيه؟ أنا والله لو مخلص كان ربنا فتح قلبه وكان استجاب للكلام، فبكده يصلح لك دينك. فاهمين بقول إيه ولا مش فاهمين في ليلتكم ولا مش فاهمين؟
واحد من إخواننا بتوع التبليغ والدعوة، بيحكي، التبليغ والدعوة ليه قصص حلوة يعني أنا بحبهم، ليه همة عالية في الدعوة الحقيقة، ونحسبهم مخلصين يعني بيستحملوا حاجات الصراحة غيرهم ما يستحملهاش. فكان بيحكي بيقول لي جارو ما بيصليش الفجر، مش ما بيصليش، فكل يوم يخبط عليه إيه عشان يصحيه الفجر، فالثاني ما يفتحش، وطبعا وقت الفجر وقت ما حدش يخبط على حد فيه. وبعدين راح مرة فاتح تف في وشه وقفل الباب، فأخونا بتاع التبليغ قعد على جنب يعيط يبكي، فالظاهر كان بصوت أو حاجة فالتاج اتكسف يعني ففتح الباب واعتذر له: أنا آسف. قال له: أنا ما بعيطش عشان أنت تفيت عليا، أنا بعيط عشان لو كنت مخلص كان ربنا فتح قلبك وسمعت كلامي، فبأعيط إن أنا مش مخلص في دعوتك.
فده معنى برده مهم، يعني مش لازم تكون مش... يعني مش لازم أن لو أنت مخلص تفتح لك القلوب ولا أنك لو... مش لازم بس ده يصلح به دينك، يعني لما تيجي تدعو حد وتلاقيه ما بيستجبش تقوم تقعد مع تضبط نيتك شوية وتفتقر لربنا شوية، يمكن اعتمدت شوية على إيه لسانك الحلو في الكلام فربنا يخذلك. أنت عارف لو اعتمدت على لسانك الحلو فربنا فتح قلبه تبقى فتنة عليك، صح؟ أنما لما تعتمد على لسانك الحلو في الكلام أو لباقتك أو انطلاقك أو أي حاجة من المعاني دي، تقوم تخذل، يبقى كده ربنا يريد بيك الخير ولا لا؟ عشان ترجع لنفسك. تقول ما هو ما استجابليش الولد ده أو المجموعة دي عشان ما افتقرتش لربنا، ما اعتمدتش على ربنا وأنا بادعوهم، فمحتاجة شوية أقعد مع نفسي وأراجع أحوالي مع ربنا. فبرده إذا اللي قدامنا ما استجابش محتاجة شوية مراجعة، ماشي؟ طيب، أنت بقى سؤالك إيه بقى ده كله ما جاوبناش سؤالك، صح؟ وصل، طيب.
قال: فلذلك كان واجباً على كل مسلم، لا يجوز أن يرضى بالمعصية، اهو، ولو لم يقدر على إزالتها. يبقى إزالة المعصية شيء والرضا بالمعصية شيء، لا نرضى بمعصية الله عز وجل. طب شهوتنا في المعصية؟ ده مش معناه أننا نرضى بالمعصية، لا. نشتهي المعصية شيء ونرضى بالمعصية... يعني لو إنسان شهوته في النساء، فهل يرضى أن يكون النساء اللي ماشيين كلهم متبرجات أو مظهراً للمفاتن؟ ويقول لا لا أرضى، والله لأن هذا لا يرضي الله عز وجل. ماشي.
وخرج ابن أبي الدنيا من حديث أبي هريرة عن النبي صلى الله عليه وسلم أنه قال: «من حضر معصية فكرهها فكانه غاب عنها، ومن غاب عنها فأحبها فكانه حضرها». واضح الحديث؟
فتبيّن بهذا أن الإنكار بالقلب فرض على كل مسلم في كل حال. فتبيّن بهذا أن الإنكار بالقلب فرض على كل مسلم في كل حال. ويأتي لذلك تتمة إن شاء الله تعالى عند قوله: وأضعفه بالقلب.
فصل: والامر بالمعروف والنهي عن المنكر فرض عين، كما اقتضاه كلام الناظم، على من علمه جزماً وشاهده وعرف ما ينكر ولم يخف صوتاً ولا عصاً ولا حبساً ولا قيداً ولا نفياً ولا أذى. زاد في الرعاية يزيد على المنكر أو يساويه الأذى. لفظ الأذى يطلق على الشيء الخفيف، ﴿لَن يَضُرُّوكُمْ إِلَّا أَذًى﴾ [آل عمران: 111]. فهنا بيقول الإطلاق، يقول: ولا أذى كده، كان هذا إيه إطلاق المذهب. قيده في الرعاية أنه يزيد هذا الأذى على المنكر أو يساويه، يعني لو واحد مثبت واحد، ولو رحت أنت أنكرت هيقتلك، ما تنكرش خلاص. لو هيقتلك خلاص، خليه ياخد شوية فلوس من الراجل ويمشي، ما فيش مشكلة. طب لو رحت أنكرت هيشتمك؟ الشتيمة ما تلزقش، عادي يشتمك والراجل ياخد فلوسه، ماشي. ولا احنا هنرجع نقرا الكلام ده تاني ونقف عليها، ولا فتنة في نفسه أو ماله أو حرمته أو أهله أو جيرانه، ولم يقم به غيره، قاله الاصحاب.
نقرا بقى تاني واحدة عشان نفهم الكلام، فصل. هو طبعا هيجي بعد كده للشروط بقى في صاحب المعصية يكون مجاهراً والمعصية تكون مجمعاً عليها. هنيجي، بس عاوزين نفهم الكلام اللي فات ده عشان نضبطه.
الأمر بالمعروف والنهي عن المنكر فرض عين، كما اقتضاه كلام الناظم، على من علمه جزماً. يعني علم المنكر جزماً. وازاي تعلم المنكر جزماً؟ أولاً تعرف أنه حرام، وبعدين تعرف أن اللي بيعمله فلان ده هو الحرام اللي أنت عارفه ده، يعني شرب الخمر حرام، فيها مشكلة دي؟ واللي في كاس فلان ده خمر؟ ممكن يبقى عصير تفاح، فاهمين؟ كده يبقى أنت علمته جزماً أنه أولاً حرام، ثانياً أن اللي بيعمله ده هو ده الحرام. ماشي.
وشاهده، يعني حضره. حضر المنكر، لذلك احنا لا يجوز احنا نفتش عن المنكر، لا، هو حصل قدامك حصل، ما تروحش بقى تتصنت عشان تسمع فلان بيعمل منكر ولا ما بيعملش، لا يجوز خلاص. وعرف ما ينكر، ولم يخف. عرف ما ينكر واضحة، يعني ولم يخف صوتاً ولا عصاً ولا حبساً ولا قيداً ولا نفياً ولا أذى، كل ذلك يسقط الفرضية. ماشي، يتايد، يتكتف، يتكلبش مثلاً زي دلوقتي، يتكلبش، إن خاف ذلك سقط الوجوب.
طيب، إن كان ذلك في نفسه فأخذ بالعزيمة وأنكر وسيب، يقول لك خلاص أنا عارف أن هيحصل لي الحاجات دي، هتحبس ولا هتضرب ولا... وهأنكر برده المنكر، يثاب لأنه فعل المأمور به، لكن هل يجب عليه أنه ينكر؟ لا يجب. طب إن كان هذا الأمر يتعدى إلى غيره قد يصل إلى الحرمة؟ يعني إيه؟ يعني بعض إخواننا يقول لك أنا بأنكر المنكر ولما بيعمل حاجات من اللي بيعملها يقوم مش يأذي نفسه، يأذي أخواته، يأذي أصحابه، أبوها... فاهمين ولا مفهوم الكلام ده؟ ساعتها قد يصل إلى الحرمة، يأثم إن أنكر لأن الأذى تعداه، أنت دلوقتي مش ممكن مش بس يأذي، ده ممكن يوقف دعوة سنين في منطقة أو في مناطق، بس عشان دماغه جايبة إنه إيه لازم أنكر المنكر، هو لا فاهم إنكار منكر ولا فاهم أمتا يسقط الوجوب عنه ولا فاهم مقالات اللي بيعمله، يقوم يضيع الدين.
ماشي. قال: يبقى لم يخف ذلك، يعني فإن خاف سقط الوجوب، سقطت الفرضية. ولا فتنة في نفسه أو ماله أو حرمته أو أهله أو جيرانه، كل ده يسقط الوجوب. طب يسقط الوجوب إلى إيه؟ لا يختلف بالأحوال بقى، قلنا قد يبقى الاستحباب في أحوال ولكنه مش واجب، وقد يصل إلى الحرمة. ماشي.
ولم يقم به غيره، لأنه لو قام به غيره خلاص، ما بقاش فرض عين عليه، بقا... قاله الأصحاب.
وأن يكون صاحب المعصية مجاهراً بها، واحد مستخفي بمعصيته ما تروحش تفتش عنه، يعني واحد مثلاً أخوه هو عارف إنه يعمل حاجة غلط، ما يخش... ما يخشش، ولا الأب، الأصل أن الأب برده ما يتجسسش على ابنه ده الأصل، ولا يفتش في حاجته ولا يداهمه في الأوضة يفتح فجأة كده ويدخل عليه. أنت كنت تعمل كده مع عيالك؟ لا، بس يعني هعرف من الواد ده كويس، كويس ربيه، بدل ما أنت قاعد مشغول بال... أنت عارف مشغول بأيه؟ ولا اهتم بعيالك، رب الواد وخلاص، أنما الأصل في التجسس على الأبناء إنه حرام برده. بعض العلماء جوّزه إذا تيقن شيئاً، أنما الأب اللي بيربي ابنه على النداء دائماً، مراقبة على أنه... دا الواد مش هيطلع فالح.
وأن يكون صاحب المعصية مجاهراً بها، وأن تكون المعصية مجمعاً عليها. يعني المعصية لو مختلف في شيء مختلف في حرمته، خلاص، خلاف سائغ، يعني فيها المعصية دي فيها خلاف سائغ، فهو لعله واخد بالقول... على سؤال، على رد على سؤال مين؟ اللي هو إنه هو حاجة مفتوحة... لا لا، هو بيتكلم على أنا... أنا المسألة دي أن حاجة الفقيه الفلاني بيقول أنها حرام والفقيه الفلاني بيقول أنها حلال والخلاف سائغ، الخلاف سائغ، فساعتها لا ننكر على كلام هنا على كلام الحجاوي، المسألة دي نفسها فيها خلاف، ماشي؟ وعندنا حتى في المذهب فيها خلاف.
دائماً أنا أتنذر بهذه المساله، أقول إنه... طبعا إخواننا دائماً يقول لك إيه: المسائل الخلاف السائغ لا إنكار في مسائل الخلاف، يقولوا كده دائماً ويبتدوا ينكروا على من ينكر فيها. فنقول له: إنكارك عليه إنكار في مسألة فيها خلاف، فاهمين؟ يعني بعض العلماء قال: ينكر على... برده... على الفاعل وإن كان فيها خلاف، والكلام ده منصوص عندنا في الكتب. ماشي.
الإسبال. كان شيخي بحكي لنا، عارف أن أنا من شبرا، زمان بقا من... ف حكي لي بيقول شبرا طبعا كان فيها... أه يعني كان فيها شوية تكفير على شوية جهاد على شوية زمان يعني، فبيقول مرة... مسكوا بياع فاكهة جامد من الصعيد وزنقوه في الحيطة، اثنين راحوا مزنقينه في الحيطة، واحد راح مطلع مقص ونازل... هو لابس جلابية الصعيدي دي فبقى طويلة بقى، أو هو نازل يقص له إيه؟ طبعا اللي بيقعد يصرخ هو مش فاهم ده، ما هو اثنين زنقين وده نازل بالمقص تحت، طب نازل يعمل إيه تحت؟ قعد يصوت و... وطبعا إخواننا ما عندهمش بقى إنكار باللسان، هو على طول بالمقص، حتى مش باليد. طبعا الإسبال... يعني الجمهور على كراهته، القول بالحرمة قول... قول... قول قلة من الفقهاء بالحرمة مطلقاً، يعني مش لو معاها كبر. ماشي.
على الفتنة تشمل بقى كل شيء، فتنة على نفسه يعني تشمل أنه يفتن بضرب أو حبس أو كذا أو كذا. بس هو هنا بقى عممها، قال: أو ماله أو حرمته أو أهله أو جيرانه، كل ده يسقط الوجوب، يسقط وجوب الإنكار. وهنا بيقول: ولم يخف صوتاً، فإن خاف، يعني هنا مش أن تيقن، وإن خاف. ماشي، يسقط الوجوب.
طيب، وأن تكون المعصية مجمعاً عليها. ويأتي بابسط من هذا، وإن كان يخاف ذلك أو بعضه فانه يسقط عنه الأمر والنهي. قال ابن رجب: وقد نص الأئمة على ذلك، منهم مالك وأحمد وإسحاق وغيرهم.
كلام واضح مش كده؟ الوجوب... الوجوب يسقط. الوجوب يصير إلى إيه بقى؟ اليد أو اللسان بالقلب، كده أصل ما فيش حد... ما فيش سلطان على قلبك باليد أو اللسان طبعا. يظهر أنه... إنه يظن، أن ظن والله أعلم.
قال ابن شبرمة: الأمر بالمعروف والنهي عن المنكر كالجهاد، يجب على الواحد أن يصابر فيه الاثنين، ويحرم عليه الفرار منهما، ولا يجب عليه مصابرة أكثر من ذلك. فإن خاف... فإن خاف السب أو إسماع الكلام السيء لم يسقط عنه الإنكار بذلك، نص عليه أحمد. قلنا الشتيمة ما... أه يعني ما فيهاش مشكلة.
وإن احتمل أي الأمر الأذى وقوي عليه فهو أفضل. قلنا لكم يسقط الوجوب لكن يبقى الاستحباب، لو هو اللي هيتاذي، اهو بيقول: وإن احتمل الأمر الأذى وقوي عليه، هل يجب؟ لا... أه موجودة عندنا، ما عندكمش في النسخة دي؟ طب اكتبوا دي: وإن احتمل أي الأمر الأذى وقوي عليه. وإن احتمل، بين علامتين اللي هو جملة اعتراضية يعني، أي الأمر الأذى وقوي عليه، فهو أفضل. هو اللي هو إيه؟ الإنكار. نص عليه أحمد.
وقيل له، عندكم دي بقى: أليس قد جاء عن النبي صلى الله عليه وسلم أنه قال: «ليس للمؤمن أن يذل نفسه أن يعرضها من البلاء لما لا طاقة له به»؟ قال أحمد: ليس هذا من ذاك. ما فيش أحمد، أنا ما عنديش أحمد برده، أنا بس بقول لكم قال يعني أحمد يعني: ليس هذا من ذاك، يعني هذا الحديث ليس في باب الأمر والنهي. ويدل على ما قال الإمام ما خرجه أبو داود وابن ماجه والترمذي عن أبي سعيد عن النبي صلى الله عليه وسلم قال: «أفضل الجهاد كلمة عدل عند سلطان جائر».
والأصل يا جماعة في الإنكار على ولي الأمر أن يكون عند ولي الأمر العندية دي، هذا الأصل في الإنكار عنده. ماشي وفي مسند البزار بإسناد فيه جهالة عن أبي عبيدة قال: قلت يا رسول الله، أي الشهداء أكرم على الله؟ قال: «رجل قام إلى إمام جائر فأمره بمعروف ونهاه عن منكر فقتله». انتهى. قال ابن الجوزي: فأما السب والشتم فليس بعذر في السكوت. يعني لو كل واحد هيتشتم مش هينكر يبقى ما فيش حد هينكر، لأن الأمر بالمعروف يلقى ذلك في الغالب. ده كلام ابن الجوزي، وظاهر كلام غيره أنه عذر لأنه أذى، قلنا لكم فوق الأذى اللي هو إيه أقل شيء.
ماشي، يبقى ظاهر كلام الأصحاب أنه حتى إن خاف السب والشتم يسقط الوجوب، يسقط الوجوب، قد يبقى الاستحباب دي مسألة تانية، إنما يسقط الوجوب. ابن الجوزي بيقول: لا، أنا لا أسقط الوجوب بخوف السب والشتم. يبقى المسألة فيها خلاف. ماشي، يبقى واحد سكت عشان ما يتشتمش، له ذلك. وواحد أقدم على الإنكار مع خوفه أنه يتشتم، وله، يعني المسألة دي واسعة بقى. ماشي، يبقى ما إيه؟ أنت جبان أنت يا عم الفقهاء اللي قالوا كده؟ الفقهاء اللي قالوا كده فواحد سكت وقال: أنا ممكن اتشتم فلا، مش له وجه، اه، ده أصلاً ده قول الأصحاب، يعني ظاهر قول الحنابلة أصلاً، فيها خلاف في المذهب، اه، فيها خلاف، إنما ظاهر قولهم كده لأنه أذى.
ماشي، إيه غيره دي؟ غير ابن الجوزي وقال أبو داود: يشتم؟ قال: يحتمل من يريد أن يأمر أو ينهى ولا يريد أن ينتصر بعد ذلك. ودي مسألة مهمة جداً يا شباب، انتبهوا ليها في الأمر والنهي، أو حتى في النقاش والنصيحة. يبقى الأول ممكن يبقى فعلاً نيتك في الأول انك تنكر أو انك تنصح، لما يبتدي الإنسان قدامك يناقش، بتتحول نيتك أنه تنتصر لنفسك، تنتصر لقولك. ماشي، ولذلك نهوا عن الجدال، واحدة من الحيثيات التي نهوا عن الجدال من أجلها ذلك، أنه الجدال بيحول المسألة من التناصح إلى الانتصار للنفس والانتصار للرأي.
ماشي، وأحمد نص على ذلك، قالوا له أنه ينكر، فقال: ينكر، قال: طيب، اللي قدامه بقى زود وبتاع؟ قال: لا يترك، يتركه خلاص، يذهب ينتصر لنفسه. أحمد قال كده. ماشي، وللاسف طبعا احنا أنفسنا بنبقى جاهلين بيها، أنت فاكر نفسك بتنهى عن منكر وتامر بمعروف وما هو إلا إلا الانتصار للنفس. قاله الشيخ تقي الدين ابن تيمية: فصل، واشترط الأصحاب رجاء حصول المقصود. ها، قاله تقي الدين كده ولا قال إيه بقى؟ على نسخة تين.
فين يا ابني؟ قال شيخ تقي الدين: الصبر على أذى الخلق، وتحت بيقول عند، قال: عندكم قاله شايفين، وبينه المعكوفين دول مش موجودة، اللي هو أول ما تلاقوا المعكوفتين اللي هم المربع دول، اعرفوا أن ده ساقط من نسخ، دي علامة، دي علامة من علامات الترقيم، ها، المرب، القوس اللي هو مربع كده اللي هو الحد ده مش عارف بيسموه إيه. ماشي، يبقى هو النسخة اللي معايا هو ذاكر تحت قاله وساقط منه ما بين المعكفتين. وبعدين جاب ده منين؟ من الآداب الشرعية. وده عيب بقى إنه يمل لو كده الحقيقة، يعني هو النسخ اللي محقق عليها الكتاب ما فيهاش الكلام ده، يثبت ده ويكتب بقى في الهامش هو اللي يكتبه، مش يثبت في الأصل اللي جايبه من الآداب الشرعية، فاهمين بقول إيه؟
ماشي نقرا بقى، قال شيخ تقي الدين: الصبر على أذى الخلق عند الأمر بالمعروف والنهي عن المنكر إن لم يستعمل لزم أحد أمران، إما تعطيل الأمر والنهي، وإما حصول فتنة ومفسدة أعظم من مفسدة ترك الأمر والنهي أو مثلها أو قريب منها وكلاهما معصية وفساد. قال الله تعالى: ﴿وَأْمُرْ بِالْمَعْرُوفِ وَانْهَ عَنِ الْمُنْكَرِ وَاصْبِرْ عَلَى مَا أَصَابَكَ إِنَّ ذَلِكَ مِنْ عَزْمِ الْأُمُورِ﴾ [لقمان: 17]. فمن أمر ولم يصبر، أو صبر ولم يأمر، أو لم يأمر ولم يصبر، حصل من هذه الأقسام الثلاثة مفسدة، وإنما الصلاح في أن يأمر ويصبر.
إن لم يستعمل، لزم أحد، أنا مش لزم أحد أمرين والله أعلم، إن لم يستعمل يعني الصبر. ماشي، يعني إيه؟ يعني أنت رحت أمرت نهيت فأصابك أذى، لو ما صبرتش على الأذى هتعمل إيه؟ هتمد إيدك، ما هو مش ده بيحصل ساعات؟ يا فلان اتقف، مش عارف إيه، أنت مالك رحيم، تقوم إيه؟ ضاربه، ويجي اللي معاك يضربوه، وهو جايب ناس، وتتحول، وكان الـ في الأول لما تتشتم اصبر. فهو ابن تيمية بيقول إيه؟ تامر وتنهى وتصبر، وإلا هيحصل فتنة لو لم تصبر على الأذى، هيحصل فتنة، فهمتوا؟
فغالباً اللي بمد إيده بعد ما بيتشتم ده برضه ينتصر لنفسه، ما هو لو كان عشان النهي عشان المنكر، ما كان ضربه من الأول بقى، هو مش هو ما ضربوش عشان المنكر، هو ضربه عشان شتمه. ماشي، طيب، واشترط الأصحاب رجاء حصول المقصود، فإذا لم يغلب على ظنه زواله، فهل يجب الإنكار؟ يبقى كده لو غلب على ظنه زوال المنكر وجب الإنكار، طيب لو لم يغلب على ظنه زوال المنكر، هل يجب الإنكار؟ روايتان عن أحمد، فنقل أبو الحارث الوجوب ونقل حنبل عكسه. يبقى في روايتين عن أحمد أنه لو لم يغلب على الظن إنه المنكر يزول بالإنكار، هل يظل يجب عليك أنك تنكر؟
فاهمين المسألة دي فيها روايتان عن أحمد. ماشي، حاجة زي كده، اجتهادين في، ما هو المجتهد إن شاء الله أما نجيء للفقه إن شاء الله هنتكلم في الحتة دي، المجتهد كلما حدثت الحادثة، هل يجب بأنه أنه يحدث اجتهاداً جديداً؟ دي مسألة مبحوثة في في الفقه، يعني الإمام الإمام أحمد يسأل السؤال فيجيب يجيب هو يجيب دي مش يعني يجيب كده أن هو الأدلة حاضرة في ذهنه مستقرئاً لها مستحضرها فأجاب باجتهاده، طب إذا سئل نفس السؤال مرة أخرى، هل يعيد اجتهاد مرة أخرى؟ أو إذا حدثت له نازلة يجتهد قبل ما يعني يمضي فيها؟ طب إن حدثت مرة أخرى، هل يجتهد مرة أخرى؟
دي مبحوثة في الأصول في أصول الفقه هذه المسألة، فكل الأئمة كل الأئمة بيبقى ليهُم أكتر من رواية في المسألة، نفس المسألة يبقى ليه أكتر من رواية فيها. ماشي، الشافعي اللي بيدرس مذهب شافعي يعرف يقول لك إيه، أو يقول لك في القديم، الشافعي كان ليه مذهب قديم ومذهب جديد أصلاً. ماشي، الشافعي عندهم مثلاً المسلة دي لا، حتى لو ظننت أن النهي لن يؤثر تنكر برضو. ابن رسلان قال إيه في الزبد؟ كأمر معروف ونهي المنكر وإن يظن النهي لن يؤثري، يعني حتى وإن ظن أن النهي لن يؤثر ينكر برضه المنكر، ولعل ده الأقرب عشان، لا وعشان الثاني ما يبقاش فاكرها، لا أما ينكر عليه واحد واثنين وثلاثة وأربعة، حتى لو لم، يعني ممكن يبقى أنت انكارك وحده لن يزيل المنكر، أما إنكار واحد واثنين وثلاثة وأربعة يزيل.
قال ابن رجب: حكى القاضي أبو يعلى روايتين عن أحمد في وجوب إنكار المنكر على من يعلم أنه لا يقبل منه، وصحح القول بوجوبه، يعني وجوب الإنكار حتى لو علمت أنه لا يقبل منك، وهو قول أكثر العلماء. وقد قيل لبعض السلف في هذا فقال: يكون لك معذرة. وده اللي جه في إيه في سورة الأعراف، مش كده؟ وهذا كما أخبر الله عن الذين أنكروا على المعتدين في السبت أنهم قالوا لمن قال لهم: لما تعظون قوماً الله مهلكهم أو معذبهم عذاباً شديداً؟ قالوا: معذرة إلى ربكم ولعلهم يتقون. شوفوا يا جماعة الألفاظ، المعذرة حاصلة بمجرد الإنكار، التقوى لعلهم يتقون.
فاهمين دي؟ يعني بمجرد ما أنكرنا أعذرنا إلى الله معذرة إلى ربكم ولعلهم يتقون، بقى مش مين اللي مش فاهم. وكذا ذكر القاضي الروايتين فيما إذا غلب على الظن أن صاحب المنكر يزيد في المنكر. انتهى. يعني روايتان عن أحمد أنه لو غلب على الظن بقى أن صاحب المنكر يزيد في المنكر إن أنكرت، فيها الروايتان، ولعل الأقرب والله أعلم أنه لا بقى، يعني ما نمنعه يزيد في المنكر، زي ابن تيمية أما حصل قالوا: ابن تيمية كان ماشي مع اصحابه ولقوا تتري سكران سمل واقع في الأرض، يعني السكر مش سكر عادي، سكر غلب عليه أنه مش قادر يصلب طوله، فأنكر بعض أصحاب ابن تيمية على ذلك التتري. فقال ابن تيمية: انكارك عليه منكر، لأن التتري لو فاق هيسرق ويقتل، فسيبه مرمي متلقح. مفهوم؟
فقال: انكارك عليه منكر، ما تنكرش عليه، خليه يشرب خمرة ويتلقح على جنب الطريق كده وخلاص هيفوق، هيفجر بنساء المسلمين وهيقتل الرجاله وهيسرق الأموال، سيبه كده. وذكروا هذه المسالة أيضاً في من يقرا كتب المجون وعلمت أنك أنكرت عليه، قرأ في كتب أهل البدع. ذكروا هذه المسألة، كتب المجون زمان اللي هي الأشعار وكده، عشان مثلاً أشعار فيها يعني إيه ذكر الخمر وذكر الفكر اللي بتاعه، فقالوا ذكروا المسالة دي، قالوا إنه لو وجدت إنساناً يقرا كتب المجون، وعلمت أنك إن انكرت عليه قرأ البدعة، قرأ في كتب أهل البدعة، فقالوا: تتركه.
ماشي، برضه أنا بأكد أن هي مش الشهوة زي المتصور دلوقت، يعني يعني يقعد يقرأ إيه؟ أشعار العرب فيها ذكر الخمر، فيها ذكر التشبيب بالنساء، يعني دي كتب المجون المتصوره ورا يعني وقتها، والله أعلم.
طيب، هنا بقى بيقول: وحيث قيل لم يجب فيستحب، دليله الآية. ماشي، طيب، هل ده فيما إذا تطال الفتنة غيره؟ فيها نظر والله أعلم، يعني يستحب ماشي، لو كان في نفسك ماشي وتحتمل برضه، لو كانت في نفسك ولا تحتمل يبقى ولا يستحب برضه ولا يستحب، يعني واحد يقول: أنا لا، أنا مش هتحمل السجن، مش هتحمل الضرب، هأفتن، هو عارف من نفسه كده أو يغلب على ظنه يعني، مش عارف يعني يعلم، فنقول له: يظهر في هذه الحال برضه لا يستحب أنك تنكر، لو غلب على ظنك أنك هتتاخد تتحبس ولا تتسجن ولا تضرب ولا تتعذب ولا بشيء بشكل لن تتحمله، يبقى يسقط الطلب مطلقاً بقى، سواء الوجوب ولا الاستحباب حتى.
فصل: سال أحمد أبو طالب. تعبتوا؟ ناخذ الفصل ده، الرواية الثانية أحمد، اللي أنا فاهمة من كلام الحجاوي: وحيث قيل لم يجب في كل ما سبق فيستحب، دليله الآية. وعاوزين بقى بحث منكم في لو كانت الفتنة تطال غيره، يعني لو كان اللي يأذي مش هو، جيرانه هيتأذوا، الجماعة المنسوب إليها هتتأذي، أصحاب هيتأذوا، زمايله هيتأذوا، ماشي، ساعات ده بيحصل، فساعتها نقول: يستحب الإنكار. ابحثوها بقى وهاتوها، ماشي.
دليله الآية، الآية الأصل في الأمر والنهي اللي هو الآيات اللي ذكرها فوق بقى خالص اللي هو. فصل: سال أحمد أبو طالب، يعني أبو طالب سال الإمام أحمد: إذا أمرته بالمعروف فلم ينته؟ فلم ينته، ركزوا يا جماعة، ركزوا في الكلام ده، إذا أمرته بالمعروف فلم ينته، واحد من المنكر أنكرت عليه ما انتهش، أمرته معروف فما عملش، قال: دعه، خلاص سيبه، إن رددت عليه ذهب الأمر بالمعروف وصرت منتصر صار لنفسك فتخرج إلى الإثم، فإذا أمرت بالمعروف فإن قبل منك وإلا فدع خلاص.
ما ينفعش أحمله على تحمل عليه لو هو في سلطانك وولايتك، يعني لو انت في بيتك مثلاً فبتجبر ولدك على امور امور مثلاً ما فيش مشكلة في ده، طب لو أنت ولي أمر المسلمين؟ يا اختي جميلة ولي أمر إيه ده؟ حكاية. تقوم طبعا أنت لو بقيت ولي أمر هتفرفش الناس وتزقططهم كده، يلا هيسوا يا جماعة. ساعتها بتجبرهم، بتجبرهم إزاي؟ بالشرطة وبأهل الحسبة، مش كده؟ الأخوات على حاجة ولا لو في ولاياتك بقى لو انت طفل صغير والاب ميت وأنت الأخ الكبير، فهو في ولايتك.
إنما لو الأب موجود خلاص الأب موجود، احنا دلوقتي مش بنتكلم على الأمر والنهي، احنا بنتكلم على أنك إيه يعني الأمر والنهي خلاص يسقط بالمرة، إنما ده أخوك الصغير اللي أنت مسئول اللي هو مسئول منك، خلاص خلاص كلما رأيته يتجدد الطلب، يعني إيه؟ يعني هو دلوقتي قاعد بيعمل حاجة حرام، فقلت له: اتق الله وده حرام، خلاص ما انتهش، مش هتقعد اتق الله وده حرام، اتق الله وده حرام، هو طول ما هو يعني مش كده، طب خلاص خلص اللي بيعمله، وجا تاني يوم قعد بيعمل نفس الحاجة، يتجدد الطلب يبقى تقول: اتق الله ده حرام مرة.
ها، أي حاجة أي حاجة هيخاف الس، مثلاً بس هو من أخوه الكبير مثلاً، أه مثلاً، وقاعد بيقعد مع تعرف واحد أخوك الكبير شد عليك أجزا، فهو يعني السب ده قول اتفضل. كان ضابط يعني أخوه كبير فشد عليك زاق مرة فقلت يعني أخوات حلوة الأخوات دي اللي بتشتم بس يعني، قول يا ابني كمل مثلاً هو مثلاً بيقعدوا مع بعض مثلاً أو بيعملوا حاجة، هو قاعد معاه دلوقتي فيك مثلاً ينكر ولا مش فاهم.
الإنكار شيء وأنه أنه يقعد، لا، ما يقعدش، شوف مكان فيه منكر ينكر ويقوم من المكان اللي فيه المنكر سكن، هو السكن، يعني أنتم قاعدين في نفس، ما هو تنتقل أوضتك، واحد، أه، هو الممكن أعمله يعني في البيت كله جاب عامل حفلة بقى بيلفه، يعي أنت خلاص هيدخل أوضتك وخلاص أول ما هاش أي حاجة. اشتغلت اشتغلت في الشركة، فكان ليا واحد معايا في الشقة بيشتم شتايم صعبة جداً، كان بينيمني المغرب، مش عاوز هو ما بيشتمنيش أنا يعني.
بس هو كنت أدخل الأوضة ما أطلعش منها. هو طيب يعني هو راجل طيب بس لسانه شوية. تقول إيه؟ أو مش مش لازم ممكن تصل لكده، ممكن تصل لكده، إنما هو مش ده المقصود باليد دايمًا، الضرب والعنف مثلًا؛ إن في منكر فأنت أزلته بإيدك خلاص. إخواننا زمان يجيبوا سبراي أسود ويمشوا يرشوا على النساء، إعلانات النساء. فمش لازم يعني يبقى إيه اليد اللي هو الضرب، لا مش لازم، احنا احنا هنقول هيجي بيتالي معانا بعد كده إنه لو إنكار المنكر يتوجب حمل سلاح، يبقى ده لابد من إذن ولي الامر. يعني لو عشان ننكر ما هو ممكن إنكار المنكر ده يكون إيه؟ زي ما مثلا عصابة مخدرات مثلا، فدول هتروح تنكر دول؟ هتنكر على زي دول؟ يبقى ناس كتير ومعاها سلاح وداخلة، ده ما ينفعش أحد المسلمين كده يروح يعمله كده، بيفتات على ولي الأمر أو على السلطان، وده يؤدي إلى فتنة، فحينها لابد من إذن ولي الأمر. ماشي. طيب.
والإنكار في ترك الواجب وفعل الحرام واجب، وفي ترك المندوب وفعل المكروه مندوب، اللي كنت بتقول عليه أهو. إيه بقى من غير ما تبص؟ برافو عليك. يبقى الإنكار في ترك الواجب وفعل الحرام واجب، وفي ترك المندوب وفعل المكروه مندوب، ذكره الأصحاب وغيرهم. يعني ننكر على فاعل المكروه؟ آه ننكر. وننكر على تارك المندوب؟ آه ننكر. وحينها الإنكار مستحب، بس يعني لو لم تنكر خلاص، إذا هو فعله نفسه مش حرام. وهو فرض كفاية على من لم يتعين عليه بالشروط المتقدمة، طبعا كان شرط مهم في الشروط المتقدمة عشان بس إنتم لو شرحتم إنه لم يقم به غيره.
ماشي، عفوا، عاوزين نرجع كده للفظ لم يقم بغيره ولا ولا يقوم به غيره، ها؟ ولم يقم، ولم يقم. ماشي. طيب. وهو فرض كفاية على على من لم يتعين عليه بالشروط المتقدمة، وهو مندوب في سوى الذي قيل، ها، في باء وهو قول الناظم. بس النهارده بيعمل وهو مندوب، وهو مندوب في سوى الذي قيل فرض بالكفاية. عندكم بقى وهو قول الناظم الذي وفي سوى هو، وريني وريني، هو في قول جنبها دهش، فين؟ ماشي، وهو فرض كفاية على ما لم يتعين عليه بسورة، وهو قول الناظم وفي سوى الذي قيل فرض بالكفاية. ها، ده جزء من البيت.
ماشي، يبقى وهو وهو قول الناظم في سوى الذي قيل فرض بالكفاية، يعني لو لم يتعين فهو فرض كفاية إذا لم يتعين، وسواء في ذلك الإمام والحاكم والعالم والجاهل والعدل والفاسق. عندكم كده وهو قوله ولو كان ذا فسق وجهل، يعني لو لو الإنسان فاسق ينكر برضه؟ مفهوم كده ينكر أصلا؟ افتكره بقى. بس هو بس هو الكلام على إنه ينتهي، هو مش إنه يترك النهي، فاهم. كقول الله عز وجل إيه؟ الثانية اللي في البقرة: ﴿أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ وَأَنْتُمْ تَتْلُونَ الْكِتَابَ﴾ [البقرة: 44]. يبقى المعنى أنك لا تامرون لا تأمروا الناس بالبر لا تنسوا أنفسكم، فهمت.
يلا السطرين دول بقى عشان نقف. وقيل لا يجوز لفاسق الإنكار، كأنه يضاعف القول ده؛ يعني قول موجود أن الفاسق لا ينكر، لكن هو الناظم قال ولو كان ذا فسق ينكر. وقيل لا يجوز إلا لمن أذن له ولي الأمر. وللمميز الإنكار ويثاب عليه لكن لا يجب، يبقى قول آخر ضعيف برضو إنه قيدوا الإنكار باذن الولي ولي الأمر، ده قول برضو يضاعفه. ثم قال وللمميز الإنكار، يعني واحد ابن سبع ابن ثمان سنين تسع لم يبلغ، يستحب له الإنكار لا يجب. قال ابن الجوزي: الكافر ممنوع من إنكار المنكر لما فيه من السلطنة والعز، يعني لا يولى منصب ينكر فيه المنكر، ده المعنى. ماشي، ليه؟ لما فيه من السلطنة والعز أنه رايح ينكر المنكر أو رايح يمنع الناس من كذا، هيتسلط على المسلمين، فيبقى الكافر يمنع من تلك المناصب. نقف هنا، ها؟
يظهر أنه جاهل بتفصيل؛ يعني يعرف أن مثلا ترك الصلاة حرام، طب تيجي بقى تكلمه ليه حرام؟ مش عارف، بس هي حرام، وأن كله بيقول حرام، يعني يظهر كده والله أعلم. ساعتها ينكر برضه؟ آه.
ماشي، حد عنده سؤال هنا؟ قول قولي هذا واستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.
الشيخ أمجد سمير