قال والكذب قيدي بغير خداع الكافرين بحربهم وللعرس أو إصلاح أهل التنكد. وجملة ذلك أن الكذب حرام إلا في ثلاثة مواضع، وهي خداع الكفار في الحرب، وللزوجة، وللإصلاح، فهذه المواضع يباح الكذب فيها، نص عليه أحمد.
طبعا ظاهر كلامه أنه في غير هذه الثلاثة لا يباح، فهل هذا مراد؟ لما روت أسماء بنت يزيد قالت: قال رسول الله صلى الله عليه وسلم: «لا يصلح الكذب إلا في ثلاث: الرجل يكذب في الحرب والحرب خدعة، والرجل يكذب بين الرجلين ليصلح بينهما، والرجل يكذب للمرأة ليرضيها بذلك»، رواه الترمذي وحسنه.
والكذب في هذه المواضع هل هو التورية أو مطلقا؟ يعني هل لما قلنا يباح الكذب في هذه المواضع هل يباح الكذب الصريح ولا تباح التورية؟ إيه التورية؟ أنك تقول كلمة لها معنان، معنى بعيد ومعنى قريب، الأذهان تنصرف للمعنى القريب وأنت تريد المعنى البعيد، فتكون بذلك قد وريت، هي دي التورية، مفهوم كده؟ كنا بنقرا في المختصر، وبعدين جايبين قصة أن واحد وقع على جاريته فامرأته شافته فجاية بتقول فعلتها؟ فقال: ما فعلت شيئا، فكنا شايفين ده كذب بصريح يعني فين التورية؟ فشيخنا ساعتها قال لنا قال لنا: اصل هو فعل أسباب. الحدق بقى ساعتها بيعرف هي كانت جاية بسكينة هتقتله يعني.
فالمهم أن التورية قالوا يعني رووا مثلا من ذلك اللي إيه؟ قالوا في فتنة خلق القرآن بيسألوا حد بيقولوا له يعني طبعا كان ساعتها إيه دين الدولة القول بخلق القرآن؟ الوالي بيمتحن العلماء، يقولوا له: إيه رأيك في القرآن؟ فقال: القرآن هذا مخلوق من مخلوقات الله، وهو يقصد صباعه، وبعدين حاسوا أنه إيه عمل نمرة، هم مش فاهمين النمرة، بس يعني حاسوا رجعوا له تاني، قال لهم: القرآن والتوراة والإنجيل كل هؤلاء مخلوقات.
فده هي دي بقى معنى التورية. ومش برده لما حد من العلماء راح استخبى عند واحد، وبعدين قالوا من الشرطة -أظن مش فاكر الشافعية أو غيره مش فاكر يعني- وبعدين خبطوا: فلان عندك؟ قال: فلا. فلان هنا وما يفعل فلان؟ وعمل كده بايديه: فلان مش في أيدي، آه، من أين؟ قال: من ماء، علشان يوري، لأن مكة مش مش ميه مش على ماء يعني هو يقصد من ماء المهين عليه الصلاة والسلام.
فده التورية، فهل المراد هنا إباحة التورية في هذه المواضع ولا مطلقا؟ فرواية حنبل تدل على التورية، رواية حنبل عن أحمد تدل على أن كلام أحمد في التورية، وظاهر روايات ابن منصور تدل على الإطلاق. يبقى أحمد له روايتان في المسألة، الإمام أحمد له روايتان، رواية ظاهرها تدل على المباح وهو التورية، ورواية أخرى ظاهرها تدل على الإطلاق، كما أن رواية حنبل تدل على تحريم الكذب ابتداء، ورواية ابن منصور تدل على الإطلاق.
يعني يقصد إيه بقى تحريم الكذب ابتداء؟ يعني ما يكذبش ابتداء، يصدق الأول ولما يتاذي ويقوم يكذب ولا إيه؟ فصارت المسألتان على روايتين، والإطلاق ظاهر كلام الأصحاب وهو الصحيح، يبقى ظاهر كلام الحنابله الإطلاق في الأمرين أنه يكذب ابتداء ويكذب كذبا صريحا يباح له ذلك في هذه المواطن.
فالكذب بين اثنين أو قبيلتين هو أن ينمي من أحدهما إلى صاحبه خيرا ويبلغه جميلا، وإن لم يكن سمعه منه عشان يصلح. يبقى أروح لفلان أقول له: سبحان الله يا أخي، شوف مع أنكم متخانقين منين ما أقعد معاه ما يجيب سيرتك إلا بالخير، والتاني يكون بيسب ويلعن، وأروح رايح قاعد مع الأولاني، أسمع أنك بتشتمه هو! سبحان ما هو بيشتمه فعلا! ما هو أنك بتشتمه هو لسانه عفيف جدا فيك ونيجي نحاول نصحح، نقول لك: لا، بس الراجل برده في كذا وكذا وكذا، يقوموا إيه؟ يهدوا الاتنين، يهدوا.
فين احنا؟ يريد ذلك الإصلاح، أو كان سمع منه كلاما قبيحا فبدله بخير منه، إذ لو وقف على ذلك لدامت الخصومة بينهما ونشات العداوة. وقال النبي صلى الله عليه وسلم: «ليس بالكذاب من اصلح بين الناس فقال خيرا أو نمى خيرا»، أخرجاه. لو قال لك احلف؟ تحلف. يعني الصورة دي يمكن أنتم تستغربوها، إنما لو في الحرب بقى وتقول لك احلف، هتقول إيه؟ هتقول: ما أحلفش كذب. يقول: فين مخازن الذخيره؟ يقول: مش هكذب، في الحته الفلانية في كذا إيه. خلي بالكم، الباب مفتاحه فـ يعني.
وأما الكذب في الحرب فهو أن يظهر من نفسه قوة ويتحدث بما يقوي أصحابه ويكيد به عدوه، يعني ممكن في الحرب يبقى في حرب نفسية، يبقى هو الجيش ما عندوش القوة دي لكن يظهر هذه القوة، وده كذب عادي يتعمل في الحرب ده. وقد روي نعم في الحرب للحرب ماشي، وقد روي عن النبي صلى الله عليه وسلم أنه قال: «الحرب خدعة» أو «خدعة»، هما الاتنين يمشوا، وكان إذا أراد غزوة ورى بغيرها.
وأما الكذب للزوجة فهو أن يعدها ويمنيها ويظهر لها من المحبة أكثر مما في نفسه، ليستديم بذلك صحبتها ويستصلح به خلقها، قاله البغوي في شرح السنة. يبقى ده الكذب على الزوجه أو للزوجة، ماشي، مش يسرق ذهبها ويكذب يقول أنا، بعدين يقول في حديث عندنا حديث تكذب على الزوجة عادي.
وظاهر كلام الأصحاب إباحة الكذب للزوجة دون كذب الزوجة له، ليه كده بس؟ والظاهر إباحته لكل منهما. أصل برده كذب الزوجه للزوج مهم برده، يعني أنت متخيل أنت عمال تتودد لها بالكذب ويقول له: أنا مش طايقاك هو! فهو برده برده لا يعني ده مهم يعني نستديم به العشرة أحيانا، وأحيانا ربنا يفتح القلوب بكلام زي كده، يعني ممكن يبقى الراجل مثلا مقفول من الزوجة أو العكس، ليه؟ عشان شايف منها طباع سيئة، لكن لما تسمع منه كلام حلو تقوم تجتهد أنها تعدي الطباع السيئة دي لحسن إيه؟ كلامه معها، فتقوم الكفة تتعدل لوحدها. يعني متصور، يعني متصور أن ده يحصل.
فبيقول ظاهر كلام الأصحاب أنه إباحة الكذب للزوجة دون كذب الزوجة له، والظاهر إباحته لكل منهما فيما بينه وبين صاحبه؛ لأن صحبتهما تطول، ولأن إصلاح الإنسان ما بينه وبين -يعني يظهر كده أولى والله أعلم- يعني تمشي كده وكده برده وما بين صاحبه أفضل من إصلاحه بين الناس. يعني احنا نروح نقول لها: لا يجوز تكذبي للزوج عشان تدوم العشرة، ويجوز تروحي تجذبي بين اثنين تانيين ما تعرفوهمش عشان تصلحي بينهم؟ يعني هو هنا بيستدل بيقول لك: أيهما أولى وأفضل؟ لا، أن تدوم العشرة.
يبقى هنا كان الحجاوي بيخالف ظاهر كلام الأصحاب، عشان تبقوا مركزين بس، ها؟ بيقول: ظاهر كلام الحنابله أنه لا يجوز لها، ده كلام الحجاوي، والظاهر، ده كلام الحجاوي بقى هو ترجيحه هو: إباحته لكل منهم، ماشي.
وروي أن رجلا قال في عهد عمر رضي الله عنه لامراته: نشدتك بالله، هل تحبيني؟ طب ليه يعني ما برده الإنسان ما يزنقش اللي قدامه، فقالت: إيه ده؟ تحبني؟ طب بتحب بحبك دي ماشي، الإصلاح إنما جدا دي جدا؟ أنت حر بقى تتحاسب على كل دول. هل تحبيني؟ فقالت: أما إذ نشدتن بالله فلا. مش بتحلفني! فخرج حتى أتى عمر، فأرسل إليها فقال: أنت التي تقولين لزوجك لا أحبك؟ فقالت: يا أمير المؤمنين، أشهد نشهدني بالله أفأكذبه؟ قال: نعم، فأكذبيه، ليس كل البيوت تبنى على الحب، ولكن الناس يتعاشرون بالإسلام والإحسان. دلوقت لا في إسلام ولا في إحسان ولا في حب، بيوت بقى تبنى بإيه دلوقت؟ بالطوب!
آه يبقى دي قاعدة يا جماعه، قاعدة مهمة، ليس كل بيت تبنى على الحب، في عشرة بينهم، وحتى قبل العشرة -يعني حتى لو لسه ما فيش عشرة طويلة- لكن ما في نوع إحسان، في كمبيالات، في قائمة، ما نستحمل هنقعد.
فهذا ما ورد فيه الخبر، ويقاس عليه ما في معناه، مثل كذبه لستر مال غيره عن ظالم، وإنكار لستر غيره، عشان الجملة الممكن ما تبقاش مفهومة: مثل كذبه لستر مال غيره عن ظالم. يعني يكذب. مال أنت عارف أنه مدفون في الحتة الفلانية، فيجي يقول لك: فين الفلوس فلان ده؟ يقول: أنا ما أعرفش مين فلان ده أصلا. فأنت بتعمل إيه دلوقت؟ بتستر هذا المال عن الظالم اللي هياخد المال، وإنكار، وإنكاره لستر غيره، بيقول: أي إنكار المعصية عن غيره إذا لم يجاهر بها صاحبها.
يبقى وإنكاره المعصية أو خلونا نوضحها أكتر: وإنكاره معصية غيره ليسترها. يعني شفت فلان بيعصي، ابتداء مش هتفضحه ابتداء، ده مفهوم يعني المفروض يعني. طب سئلت عن معصيته التي يسرها هو ما بيجهرش بالمعصية دي، ساعتها تنكر وتكذب ولا تقول لا الكذب حرام؟ لو في مفسده من الستر يبقى هتقول، يعني إيه؟ ما هي ممكن المعصية دي تكون لآدمي فيها حق، ولو أنت أنكرت هيروح حق الآدمي التاني ده، فساعتها هتقول، أو تكون المعصية دي معصية مخلة بشيء كبير، واللي جاي بيسالك ده مثلا هو هيبقى أخو بنت ده جاي يخطبها مثلا يعني، وساعتها أولى طبعا أنك ما تقولش برده، يعني تقول له نصيحة بلاش مثلا أو ده مش مناسب ليكوا كلام زي كده، إنما لو ما فيش كده تنكر وتكذب عادي ما فيش مشكلة.
ماشي، أما كان مجاهر بقى، واحد بيجاهر بالمعصية، خلاص، وكذلك إنكار معصية نفسه بل أولى، فإن المجاهرة بالفسق وإظهارها حرام. يبقى واحد جابوه قالوا له: أنت بتعمل كذا وكذا، ينكر ويكذب، هنا بيقول ما فيهاش مشكلة أنه ينكر ويكذب، لكن لو هينكر ويكذب برده برده ما يكونش بيضيع حقوق ناس، وما يكونش مصر بقى، يعني ما يكونش إيه بينكر ويكذب وهو جوه: هعملها تاني وثالث ورابع وكل مرة هاجي أكذب عادي! ساعتها يبعد أننا نقول إن ده مباح، إنما لو هو من الناس الطائعة الدينة، وقع وقع في الزلل فأي معصية بقى، وبعدين يعني واحد عرف وجايه إيه بيفتش، قوله: أنت عملت كذا؟ فيقول: لا، ما عملتش، وهو بيقول كده جوه قلبه إيه بقى معنى الآية أن ربنا يعني يا رب لو سترتها علي هذه المره لا أعود، مثلا. فله أن يعمل كده، له أن يعمل كده، ماشي.
بيحكوا عن واحد كان معاها خمر، أزازة خمر، كان سكيرا يعني، مش بس مرة واتعرف عنه في يعني في أيام السلف يعني اعرف عنه أنه سكير ومخبى حد بقى من الآيه من المحتسبة معدية، وأيه راح مخبي القارورة، اللي هم الأمر في عن المنكر زي الشرطة دلوقت كده، فجوم مسكوه هي إيه؟ فناجى ربه وقال له: إن سترتها علي لا أعود. وبعدين طلعوا القارورة لقوا فيها مية! وتصور ده ولا إيه؟ ولا شغل دروشة؟ وادي اهو واحد إيه واحد خمرجي كان يعني ما أعرفش بقى ربنا يستجيب لمين وما يستجيبش لمين، دي حاجة بتاعت ربنا، هو صدق مع ربنا في لحظة فربنا نجاه قال له: إن سترتها علي لا أعود، فانقلبت الخمر ماء.
هـاه اللي هو كان بيسلم عليهم وبعدين قبل ولا إيه؟ اللي هو قبل ما يجي عليه يفتشه هو. ما تشوقناش احكي القصة. تحكي القصة ماشي آه، لما قال له في آخر ربنا قال لسيدنا موسى: سترته عاصيا فافضحه بعد أن تاب، هي دي؟ لا، مش عارفها احكي بقى، بس دي مالها بالمالها باللي احنا بنقوله معلش إيه اللي ده احنا دلوقتي بنقول إنك تكذب عشان تنجي نفسك، وبعدين راحت واخدانا الكذب ده، إيه اللي دخلنا بقا اللي معاه خمرة برده ده، إيه اللي ودانا ليه؟
آه، أن تكذب في حالة نفسك، أن تكذب، صح كده؟ آه، بس هو ماكذبش برده اللي خمرة ده ماكذبش، يعني ماشي ليك حق، خلاص، أنا اللي خرجت مش أنت.
ماشي، يعني القصة أن سيدنا موسى خرج يستسقي فلم يمطره، فاستغرب سيدنا موسى فنادى ربه فربنا قال له إن في واحد عاصي بينكم ويعني منعت القطر به، أمره أنه يخرج من بينكم عشان إيه ينزل المطر. فسيدنا موسى بلغ قومه فشوية المطر، فهذا الرجل -أظن أنه أدخل رأسه في ثوبه حياء- وتاب، يعني طلب من ربنا سبحانه وتعالى أنه لا يفضح، يعني ما هو هيقوم في وسط بني إسرائيل كلهم، صعبة جدا، صعبة أن من ربنا يعني أن ده حكم من ربنا على الشخص، يعني احنا لو جه حد من مشايخنا ويعني أسقط أرض إنسان فينا أو أسقط حرمته.
أو كذا هيبقى كسفته عاملة إزاي؟ يعني يقول مثلاً إيه؟ حد من مشايخنا يدخل: فلان فاسق، ما حدش يجي ناحيته. كْسِفْته تبقى عاملة إزاي؟ فده ربنا... فشوية المطر نزل، فموسى استغرب يعني ما حبش حد قام، والمطر نزل، فناجى ربه فقال له: تاب. فقال له: طب أنا عاوز أعرفه. فقال له: سترتوه عاصياً، أففضحه بعد أن تاب؟
يعني ده كله عاصيني سبحانه وتعالى، قال: وإظهارُه حرام. قال: وكذلك إنكارُه معصيةٌ نفسَه بل أولى؛ فإن المجاهرة بالفسق وإظهارَه يعني إظهار الفسق حرام، وكل ذلك يرجع إلى دفع المضرات، ولا يباح لجلب مال أو جاه، يعني إذا أبحنا كل ذلك فأبحناه لدفع المضرة لا لجلب مصلحة، يعني ما تكونش رايح عاوز تحصل مالاً مثلاً فيقول لك: مش أنت اللي بترابي مثلاً كذا مثلاً؟ فتفوق لا مش أنا وتقول: إحنا خدنا في الدرس أني أنكر، فنقول لك: أنت بتنكر عشان تجلب مصلحة، لا، إحنا بس لو فيها يقع عليك مضرة ساعتها ممكن تنكر وتكذب.
قيل: وأكثر كذب الناس يكون في هذين. قال ابن الجوزي والنووي: وضابطه أن كل مقصود محمود -ده بقى هو أوسع الأقوال في المسألة-.
دلوقتي إحنا عندنا المنصوص عليه الثلاثة دول، وبعدين رجع الحجاوي قاس على هذه الثلاثة ما يشبه الثلاثة، ورجع قال لك: قال ابن الجوزي والنووي: وضابطه أن كل مقصود محمود لا يمكن التوصل إليه إلا بالكذب فهو مباح. واضحة دي؟ إن كان ذلك المقصود مباحاً، وإن كان ذلك المقصود واجباً فهو واجب، انتهى.
فإذا... يعني إذا كان مش هنصل للمقصود الواجب إلا بالكذب يصير الكذب واجباً؛ لأنه لا يتوصل إلى الواجب إلا به، يعني الكذب في الحرب ده حكمه إبيه؟ مش مباح، لما يجي يقول المعلومة اللي هياخدها منك مثلاً تدمر المسلمين وتوقع الجيش والكفار يستولوا على، ونيجي نقول لك: الكذب مباح، ما هو مباح ده يعني إيه؟ ممكن يترك، ما هو ده معنى مباح يعني، فنقول لا أنت الكذب واجب هنا.
قال: فإذا اختفى مسلم من ظالم يريد قتله، فلقي رجلاً فقال: أرايت فلاناً؟ فإنه لا يخبره به، ويجب عليه الكذب والحالة هذه. واضحة، وكذا لو احتاج إلى الحلف في أنجاء معصوم، اللي هو كان بيسأل فيها أخوكم من مهلكة. قال في المغني يعني ابن قدامة: لأن إنجاء المعصوم واجب، كفعل سويد بن حنظلة.
أهو نص على مسألة الحلف أهو، قال: خرجنا نريد النبي صلى الله عليه وسلم ومعنا وائل بن حجر، فاخره... فتحرج القوم أن يحلفوا، خرجنا ومعنا وائل بن حجر، فاخره... طب ثواني بس هنا: فاخره عذر له عندكم، فاخذه ولا فاخذ عدو؟ فاخذه. أممم... فتحرج القوم أن يحلفوا، فحلفت أنه أخي، فذكرت ذلك للنبي صلى الله عليه وسلم فقال: «صدقت، المسلم أخو المسلم»، انتهى.
يعني حسبها النبي تورية. قالوا: محمود شرعاً، مش محمود عرفاً عند الناس أو عقلاً، غرض محمود شرعاً، ماشي.
أيوه أيوه، هو دلوقتي بيقول يعني لو غرض محمود بقى إن هاخد فلوس، اللي هو المسألة اللي قلناها فوق، ماشي. يعني إيه؟ حاجات بمنفعة. أيوه ما هو ده القول الأخير بقى اللي هو في كل غرض محمود.
قال وليعدل إلى المعاريض ما أمكن حتى لا تعتاد نفسه الكذب، يبقى حتى لو أبحنا له الكذب نقول له: ما أمكن أن تعدل إلى المعاريض فافعل؛ ليه؟ حتى لا تستمرئ الكذب حتى لو هتقوله في المواطن التي يباح فيها الكذب. وهنا كان العلماء لما يقولون باب الكذب فيه توسع الحقيقة يعني يقولون، كان الغرض والله أعلم أو القصد أن الكذب خرج عن حكمه الأول اللي هو الحرمة، لكن أنه هل خرج من الحرمة إلى الإباحة؟ الظاهر أن مش ده المقصود، مفهوم؟
لا، ممكن يخرج من الحرمة إلى الوجوب، ممكن يخرج من الحرمة إلى الاستحباب حسب الغرض، ماشي. طب هو هيتقفش ما بيعرفش يعرض، ما هو عشان تعرض دي أنت لازم تبقى واد إيه يعني أولاً موفق مسدد، يعني أولاً عشان وثانياً بقى عندك بقى قاموس لغوي واسع، وعاوز تجيب كلمة ليها معنيين في الموقف وتنفع كده، ويا ويلك يا سواد ليلك لو بقى إيه فهمت المعنى البعيد اللي أنت... أنت ما عاوز يبقى ليها معنى إيه؟ معنى قريب تفهمه، ومعنى بعيد أنت تقصده، فتتروح أنت قايل الكلمة تروح هي تفهم المعنى البعيد، هتعمل إيه وقتها؟ بنت اللعيبة جبتيها إزاي دي؟ ده أنا...
هنا ما بنتكلمش على المعاريض، بنتكلم على الكذب اللي هو المواطن التي تباح فيها الكذب أصلاً، فنقول لك: اذهب إلى المعريض أولى لو قدرت تعمل ده عشان ما تتعودش على الكذب. يظهر أنه برضه لو ما فيش معنى مصلحة... مصلحة شرعية فلا يفعل، هو صنو الكذب يعني، أخو الكذب يعني. طب أنت بتعمله ليه؟ ماشي. والأولى أنه لو أنك تفهم أن سؤاله خطأ، وأحنا عندنا من الآداب، ما أعرفش قلناها ولا ما قلناهاش، ما ينفعش تقابل واحد تقول له: أنت رايح فين؟ دي من الآداب، أنت تقول واحد... ب... فلا، أنت رايح فين؟ أنت مالك رايح فين؟ ما هو أنت يعني... مش عايز يقول لك إيه اللي يحصل، ففي أسئلة كده تستفز ده أو غيره بقى يعني.
حرم الكذب مهما أمكن المعاريض حرم الكذا... ماشي، ما هو في القول الأول قال لك: ظاهر كلام الأصحاب أن هو خاصة بالمعريض، مش هو قال كده؟ إيه؟ مش قال التورية في التورية، أنت حكوا إيه في إيه؟ أنا بتكلم، أرجع تاني أرجع تاني للكلام، قال إيه هو الحجاوي في حتة التورية بدايه كلامه خالص؟ إقرا ها، قال لك: في عندنا روايتين؛ رواية حنبل ورواية ابن منصور، مش قال كده؟ رواية حنبل فيها التورية، ورواية ابن منصور فيها الإطلاق، صح كده؟ وقال لك: رجع قال لك: ظاهر كلام الأصحاب ولا ما قالش كده؟ لا، كمل كده. أمال إيه اللي كان؟ ها...
أيوه صح صح، وفي حديث عمران بن حصين: «إن في المعاريض لمندوحة عن الكذب» أي فسحة وسعة، أي فيها ما يستغني به الرجل عن الاضطرار إلى الكذب، وهي أن يريد بلفظه خلاف ظاهره، كقوله: هذا أخي، وعنى في الدين، وبالسقف وعنى السماء، وبالفراش الأرض، وبالوتد الجبل، وباللباس الليل، وبالنساء الاقارب، وبالبارية السكين التي تبري القلم.
ولا باس بتعلمها وتتبعها. كل الكلام اللي فات ده يا جماعه بيقول لك حاجات ومعناها البعيد إيه، وكان المعنى القريب إحنا فاهمينه، وبيقول لك: لا باس بتعلمها وتتبعها عشان لما تحتاجها تلاقيها حاضرة في ذهنك. وذكر ابن الجوزي أن عمر قال: ما يسرني أن لي بما أعلم من معاريض مثل أهلي ومالي. يبقى عمر كانت بتخرجه من مآزق المعاريض، بالذات لو أنت بقى رجل دولة، راجل سياسة، ما هو في مواقف ما ينفعش ما تردش وما ينفعش تصرح، هتعملها ازاي دي؟
يقولون السادات كان في زي جاسوسة أو حاجة زي كده، وكانت يعني الظاهر طلعت أسرار كتير ما كانوا عارفينها لغاية ما عرفوها، وبعدين اتعرفت وتقبض عليه، وكان جايله أظن حد تقيل يعني من أمريكا فاستقبله، وبعدين وهو قاعد ساله عليها وهي محبوسة، سالوا بس عليها فالسادات بيقولوا استشعر أن هو هيطلب لها العفو، فأشار إشارة لواحد من اللي قاعدين فهمها، راح قايم اتصل بالسجن: هات فلانه دلوقتي، والسادات عادي مكمل كلام ورجع إيه: زيد أشهر سن... إيه اللي أنت عاوزه؟ خلص يعني أو حاجة زي كده يعني.
بس، وبعدين فعلاً قال له فلانه، ويعني قالوا لها اتعدمت خلاص، طبعا أنا ما كانش جاي يستشفع لها، يبقى أعدمت البت كده كده تتعدم، بقى في ده يعني. المهم يعني في في مواقف ما أنت دلوقتي وأنت واحد كده، واحد من عامة الشعب غلطتك أنت هتستحمله خلاص، بقيت مسؤول، كل ما مسؤوليتك تكبر غلطتك مش بتستحمله لوحدك، يعني أنت ممكن بكلمه منك تجر بلد إلى ويلات مثلاً، فبيبقى محتاج السياسة، محتاجة شوية فطنة وذكاء وسرعة بديهه، كله ياتي بعد توفيق الله عز وجل طبعا، وبقى تعلم بقى هذه الأمور، أنك يبقى عندك كلام كتير يعني حصيلة لغوية كبيرة من الكلمات اللي هي ممكن تستخدم.
بيقولوا ابن الجوزي قعد في مجلس فيه روافض ونواصب، يعني الروافض بيغالوا في آل البيت، والنواصب يعادوا آل البيت، وسئل: أيهما أفضل فاطمة أو عائشة؟ فأي إجابة هيقتل، اتبعت له سؤال: مين أفضل فاطمة ولا عائشة؟ لو قال عائشة هيقوم عليه الروافض، ولو قال فاطمة هيقوم عليه النواصب، فأخر الإجابة إلى آخر المجلس أو حاجة زي كده يعني، في آخر المجلس قال: الأفضل منهما... أهدى بقى عشان افتكر... لا... ثواني، لا، سئل: أيهما أفضل أبو بكر أو علي؟ هكذا، مين أفضل أبو بكر ولا علي؟ فلو أجاب أن أبو بكر أفضل الروافض هيموتوه، وإن أجاب علي أفضل النواصب، سبحان الله، فقال في آخر المجلس: الأفضل منهما من كانت ابنته تحته، وقام.
إيه بقى ده؟ الضمائر عايدة على مين هنا؟ النواصب قالوا: يقصد أبو بكر؛ ليه؟ لأن ابنته تحت النبي... تحت دي في اللغة يعني مرأة فلان، فقالوا يبقى يقصد أبو بكر، والنواصب قالوا: لا، ده يقصد علي... النواصب قالوا: يقصد أبو بكر، والروافض قالوا: لا، ده يقصد علي؛ ليه؟ لأن ابنته يعني ابنة النبي تحته، يعني تحت علي. جيبها إزاي دي أنت بقى؟ يعني أنت في موقف دلوقتي فاهم وهتتقتل كده مقتول، طب تعملها إزاي دي؟ توفيق بقى من ربنا سبحانه وتعالى، الواحد بيسمع حاجات.
بيقولوا برضه مرة واحد من الحاجات برضه العجيبة يعني من العلماء وجاي على مدينة، يعني وبعدين الوالي بتاع المدينة بس مستنيه يوصل، وهي... فراح جاي واحد من العلماء اللي جوه أرسل له ورقة، طب الورقة دي لو اتقفشت فمشكلة، فكتب: يا موسى إن... ورح رايح باعت الورقة، فوصت الورقة للراجل للعالم الثاني راح مزود ألف بقت: يا موسى إن... روح راجع له الورقة، بس خلاص كده، إيه ده بقى؟ هو بعت له: يا موسى إن الملا ياتمرون بك، فراح روح مزود ألف: يا موسى إنا لن ندخلها... طبعا لو واحد منكم غشيم هيقرا إيه الكلام الهايف ده ومكمل راشق في الإير لما أروح أشوف يقصد.
وكان بعضهم يعتذر عن... إحنا فين؟ وقال إيه؟ ما خلاص دي، وقال النخعي: لهم كلام يتكلمون به إذا خشو من شيء يدرؤون به عن أنفسهم، اللي هي المعاريض. وكان بعضهم يعتذر عند الأمير ويقول: منذ فارقتكم ما رفعت جنبي عن الأرض إلا ما شاء الله. وكان بعضهم ينكر ما قال فيقول: الله يعلم ما قلت من ذلك من شيء، فيوهم النفي بما وهو يريد معنى الذي فيما، يعني الله يعلم ما قلت من ذلك من شيء، وهو يقول: الله يعلم الذي قلته، ما هو ما تيجي موصولة وتيجي نافية، فاهمين؟ أما أجي أقول ها... مش عارف.
وكذلك ينبغي لمن يمتنع من أكل الطعام ألا يكذب، فلا يقول: لا أشتهي، إذا كان يشتهي، بل يعدل إلى المعاريض، ولا يجمع كذباً وجوعاً، تقول لا ما ليش نفس وأنت ريقك... وقال المروذي: قلت لأبي عبد الله عن أحمد: يجيئون بالطعام، فإن قلت لا أأكله ثم أكلت؟ قال: هذا كذب لا ينبغي أن يفعل. وقال الأثرم: سمعت أبا عبد الله سئل عن الرجل يأتيه الأمي الذي لا يكتب فيقول: أكتب لي كتاباً؟ فيملي عليه شيئاً يعلم أنه كذب، أيكتب له؟ قال: لا يكتب له الكذب. هنا أنت مش بتكذب، لكن حد بيمليك حاجة تكتبها له وأنت عارف أن ده كذب، فاعملها لي، ما تعملهاش ليه؟
قال: وتباح المعاريض ولو مع عدم الحاجة إليها، وقيل مع الحاجة فقط. هنا السؤال اللي كنت بسأله: معاريض بلا... هنا بيقول بقى بلا الحاجة أصلاً، قال لك: تباح، وقيل مع الحاجة فقط. طبعا اللي هيبيعها مطلقاً هيقول لك: ما هياش كذب.
طبعا يا جماعه برضه إحنا عاوزين بس إيه نحط قيد هنا وهي أن أنت مش بتتبطل حقاً لغيرك، ماشي؟ إنما هو... أه، يعني حاجة ما يعني... لو مش مش هتبط الحق أو مش هتبيع الهواء في أزايز فماشي، إنما الراجل يروح يدفع قد كده وعلى أنه في كذا وكذا وما يلاقيش الكذا والكذا، كده بس هيست... لا يعني هيستلم لو هو يفهم تقول له كلام مثلاً معناه القريب أنه يفهم أنه هيستلم قريب، وأنت تقصد معنى بعيد أنه هيستلم أحفاده.
أخو الكهنة: سيدنا النبي عليه الصلاة والسلام قال واحد مرة وقال له إيه؟ الك... وكان قضى بالدية في الجنين، وهذا الحكم الشرعي، فقال له: أرايت من لا شرب ولا أكل ولا نطق ولا استهل؟ فمثل هذا يُطل، يعني اللي لا أكل ولا شرب ولا صرخ ولا عمل هذا هدر. فقال: إن هذا إيه أو هذا أخو كهانة أو حاجة زي... اللي هو بيقول كلام شكله حلو، لكن في الآخر هو عاوز إيه؟ يبطل الحق. مش مش هو... لا مش ده، ده الكهنة نفسهم. هي مشكلة البروكر وال... أو أياً كان يعني أنه ما بيتشافش بعدها، يعني هو لا ليه أمضة ولا ليه أي، يعني هو إيه؟ ياخد القرش ويطير، طب التاني اكتشف؟ يقوم راجع على مين؟ على اللي كاتب.
تباح المعاريض ولو مع عدم الحاجة إليها، وقيل مع الحاجة فقط. والمراد بإباحة المعاريض لغير الظالم. وأما الظالم فيحرم عليه التعريض ليعطل بذلك حقا لمسلم. وقال أحمد: المعاريض لا تكون في الشراء والبيع.
ومراده والله أعلم لأنه يتعلق بالشراء والبيع حق الآدمي، لأنه سئل عن الرجل يحلف فيقول هو الله لا أزيد، ما قالش والله، يقول هو الله لا أزيد يعني مش مغلي عليك، لا أزيد يعني يهم الذي يشتري منه، فقال: هذا عندي يحنث، يحنث في اليمين ده. إنما المعريض في الرجل يدفع عن نفسه يقول له بكذا، يقول له غالية كده، يقول له والله أصل دي والله من بره، من بره المحل.
وأوجب عن المحظور كف جوارحه، وندب عن المكروه غير مشدد. وأوجب عن المحظور كف جوارحه يعني الحرام يجب الكف عنه، ده معنى. وندب عن المكروه يعني المكروه يستحب الكف عنه، ده معنى. فهمتم؟
قد تقدم ذكر الجوارح وذكر صونها وكفها مجملا في كلام الناظم، وذكر هنا تفصيلا بين المحظور وهو الحرام وبين المكروه. فإن كان المنهي عنه محرما وجب الكف عنه، فيجب كف يده عن تناول سرقة وغصب وقتل ونحو ذلك، ولسانه يعني كف لسانه عن الغيبة والنميمة واللعن وما أشبه ذلك، وفرجه عن الزنا، وعينيه عن النظر إلى غير ما يحل له النظر إليه، وسمعه عن سماع المحرمات سواء كانت قولا كسماع الغيبة أو فعلا كسماع الملاهي، وبطنه عن الحرام، وكذا بقية الأعضاء. واضح الكلام؟
وإن كان مكروها فيسن الكف عنه لأن تركه خير من فعله. قال في الآداب الكبرى: ويجب كف يده وفمه وفرجه وبقيه أعضائه عما يحرم، ويسن عما يكره، نفس الكلام. قال ابن الجوزي: هذا فيمن لم يضطر إلى ذلك وإلا جاز، وده يعني أظن معروف يعني. قال أبو الدرداء: إنا لنكشر في وجوه أقوام وإن قلوبنا لتلعنهم. نكشر يعني نضحك.
التكشير أنه يبدي الناحزة والأنياب، يقول لك كشر عن أنيابه، كشر يعني يعني أظهرها. فهنا بيقول: إنا لنكشر في وجوه أقوام نضحك ونهش ونبش وإن قلوبنا لتلعنهم. قال البخاري: ويذكر عن أبي الدرداء فذكره. ومتى قدر ألا يظهر موافقتهم لم يجز له ذلك. إحنا الكلام في مين دلوقتي؟ الاقوام دول، يعني لو قدر ألا يظهر الموافقة لم يجز له ذلك بإطلاق كده. يعني لو يقدر بس مش هنقول هيعمل مشكلة، إنما تحدث يعني فجوة هو بينه وبين الناس.
صالح بن أحمد في مسائله عن أبيه، وسألته عن حديث ابن عباس: «إياكم والغلو فانما أهلك من كان قبلكم الغلو». قال أبي: لا تغلو في كل شيء حتى الحب والبغض. يعني لا تغالوا حتى في الحب والبغض. قالوا: احبب حبيبك هونا ما عسى أن يكون بغيضك يوما ما، وأبغض بغيضك هونا ما عسى أن يكون حبيبك يوما ما.
وروى الطبراني وغيره عن أبي هريرة مرفوعا: «أفضل الأعمال بعد الإيمان بالله التودد إلى الناس». وعن ابن عمر مرفوعا: «الاقتصاد في النفقة نصف المعيشة، والتودد إلى الناس نصف العقل، وحسن السؤال نصف العلم».
عوزين يا شباب نبقى عندنا فطنة في أن إحنا لا نستعدي الناس، ونعرف إزاي نمتص عداوة الناس. الاثنين دول مهمين جدا، وهو ده التودد للناس يعني في غير معصية الله طبعا. ولما بقول في غير معصية الله يعني المعصية الظاهرة، لأن بعض إخواننا برده عنده مشكله شويه، ركزوا الكلام ده مهم، عنده مشكلة شويه أن هو حاطط لنفسه كده مبادئ، بعضهم يحط مبادئ يقول لك دي مبادئ يعني مش مستمدة، هو ما بيقولش إنها دين، وبعدين يحاكم الناس على المبادئ اللي هو حاططها، وبعضهم يخيلها دين كمان.
مبدأ كده يقول لك إيه مثلا يعني اللي ما بيتكلمش عن كذا ده يبقى كذا وكذا. مبدا كده هو حاطه كده، طب المبدا ده فين يعني جبته منين؟ فيجب لك شويه نصوص، طب هو النصوص دي ده كلام العلماء فيها، يعني أنت عارف إن ده كلام العلماء ولا هو سورجي وخلاص؟ فتلاقيه ما عند لا هو محقق باب الأمر والنهي -وأحنا هيجي معانا باب الأمر والنهي هياخد مننا وقت كبير هنا- ولا هو فاهم حاجه، وبتحركه عاطفته مثلا.
ما أنا أسقطت أهو. نقول إيه مثلا؟ ها؟ أنت يوم ما تتكلم خليك بقى ساكت. ما أنا اللي نكشته، هو كان قاعد ساكت الراجل.
فالمهم، إحنا كنا بنقول إيه بقى؟ ما نستعديش الناس وما نقلبش يعني ما نقلبش العداوة، ونعرف لو العداوة جاية لنا عندنا درجات، أول درجة إزاي نشوفها فرصة أن إحنا نكسب قلب اللي هو جاي ده. ممكن يبقى كده، يعني تشوفها فرصة، واحد مثلا سخنوه عليك وجايلك بقى، تقوم أنت يبقى قدامك دي فرصة كبيرة أن أنا أعرف أكسبه إزاي بقى وأبين من حسن الخلق كذا وكذا فيمشي وهو مبسوط مثلا.
في واحد تاني لا يعني ما يقدرش يعمل ده، لكن ما يدخلش عندك معاديك ويخرج معاديك، ألقى شيء يخرج إيه اللي هو إيه نيوترا. يعني إيه نيوترا؟ محايد، يخرج محايد لا هو معاديك ولا هو أنت كسبته، ما تعرفش تكسبه صحيح، لكن خرج زي زي أي واحد ماشي في الشارع على الأقل. إنما الدماغ بقى اللي هي الصرمة دي اللي هو هو يعني داخل بيزعق لي وأنا مش غلطان والله أنا معلي على ياه، عم مش كده، هتخسروا الناس كلها. بشوف ده منكم ساعات في تعليقاتكم في على الفيسبوك وغيره. يعني داخل واحد داخل معاديك ما عرفتش تكسبه ما تخسروش، بلوك وخلاص تقعد بقى تحرق دمك.
سيدنا عمر: لا يكن حبك كلفا. تبقى عارف تبقى كالف لا مش متكلف، اللي هو كلف بحد يعني مولع بيه. ولا بغضك تلفا، اللي هو تدمر لما تزعل من حد تدمره، تتلفه أو يتلفك بغضك برده من كتر الغل اللي فيك تلاقي نفسك قاعد كل خير يصيب التاني ده تبقى أنت ليه؟
قال: وحسن السؤال نصف العلم. قال حدثنا يحيى بن عبد الباقي قال حدثنا المسيب بن واضح قال حدثنا يوسف بن أسباط قال حدثنا سفيان الثوري عن ابن المنكدر عن جابر قال رسول الله صلى الله عليه وسلم: «مداراة الناس صدقة». واحدة واحدة مع الناس يا جماعه ومش إحنا لا جايين نتخانق في الدنيا دي ولا جايين نربي عداوات ولا جايين نقابل السيئة بسيئة ونجي ننتصر لأنفسنا.
إسناد الأولين ضعيف وهذا فيه لين. نرميهم بقى صح؟ نعم. ما نرمهمش طبعا عشان هيقص الحته. ما حدش يقص. أنا بقول ده عشان بأنكر على اللي بيعمله ده بالحديث الضعيفة أهو، الحجاوي حطهم عادي جدا وقال لك ضعاف، وبرده هنحطهم عادي ما فيش مشكلة.
نعم، أنت جاي تراجع هنا؟ اصبر بس. السؤال في الربع الجاي. قول. المعلم الصلاة يعني يعني ما أعرفش ما أعرفش عالم يقول هذا. يعني ما أعرفش عالم يقول هذا أن هو المعاملة أهم من الصلاة. ما أعرفش عالم يقول.
الترتيب أن نبحث فيه، إنما هو إحنا طبعا قاعدة أن العطف بالواو يفيد الترتيب أو مطلق الجمع؟ كلام الجمهور أن الواو تفيد مطلق الجمع لا تفيد ترتيبا، جمهور أهل اللغه يعني. ولكن حتى مع القول ده يبحث في حكمته هذا الترتيب بقى، يعني حتى مع القول ده يعني طب ليه اترتبت كده؟ فيبحث فيها بقى. إنما ما حدش هيقول يعني سؤال مباشر: حسن الخلق مع الناس أهم من الصلاة؟ ما حد يعني، لا أهمية الصلاة في الدين أعظم. يعني واحد بيضايق الناس لكن مواظب على الصلاة، وواحد كويس مع الناس لكن ما بيركعهاش عشان ناخد المثال البعيد هنا والبعيد هنا في أحكام الدنيا طبعا على الأقل يعني. لا هنقول يعني الاثنين على خطر طبعا، يوم القيامة. لكن اللي ما بيصليش ده ده.
وقد قال بعضهم: لما عفوت ولم أحقد على أحد * أرحت نفسي من غم العداوات إني أحيي عدوي عند رؤيته * لأدفع الشر عني بالتحيات وأظهر البشر للانسان أبغضه * كأن قد حشى قلبي محبات مفهوم الكلام؟ ولست أسلم ممن لست أعرفه * فكيف أسلم من أهل المودات؟ ده أنا اللي ما أعرفش إيه المسلم منه، طب اللي أعرفهم بقى الناس داء، وداء الناس قربهم، وفي الجفاء بهم قطع الأخوات.
يعني داء الناس في أن إحنا نقرب منهم، طب نبعد هنقطع الأرحام؟ هنعمل إيه بقى؟ فجامل الناس، واحمل ما استطعت، وكن * أصم، أبكم، أعمى، ذا تقيات بضم التاء، تقيات بكسر التاء. ده أنت جيت الحاجة الوحيدة اللي ما تجيش.
وقال أبو سليمان الخطابي. واضح الكلام اللي فوق صح؟ ده يعني تقي. إلا أن إلا أن تتقوا منهم تقاة.
وقال أبو سليمان الخطابي، ها. أنا بحب ما التعميم ده نسوه يا جماعه، ما فيش حاجه في الدنيا يمشي فيها التعميم. قالوا إنه ما فيش عام إلا ويدخله التخصيص. وبعضهم يعني من الظرفاء قال لك حتى الجمله دي، ما هو ما فيش عام كده. يعني قعدوا يدوروا في القرآن كله على عام يبقى على عمومه دي، لقوا إيه ولا اثنين فعلا. يعني خالق كل شيء، دي على عمومها ولا مخصصة؟ مخصصة، ما هو قالوا هل خلق نفسه؟ إيه تاني؟ يعني اللي هو حاجة بقى اللي هو فاهم يعني، الآيات اللي مستحيل تقول بقى تلاقي لا فيها برده. فانسوا، انسوا في كلامكم التعميم ده. كل الناس، مش مين كل الناس؟ عرفتها منين أن كل الناس بتعمل كده؟
اتفضل. نهزق وبعدين. يقول لك الصعايدة حبايبنا. أنا بحب الصعايدة جدا، خلينا. يقول له أهدى بس يا فلان، يمكن مش هو اللي عمله. نقتله الأول وبعدين نشوف إحنا إحنا هنشوف هو اللي عمله ولا إحنا نقتل وبعدين نبقى نشوف بقى هو اللي عمل ولا ما عملش.
قول. مع الناس لو حد مثلا عصى بأمور. طبعا طبعا، أول حاجه المعنى الشرعي أنك تستعين عليه بالله أولا، أن ربنا يصرف عنك، أن ربنا يحسن أخلاقه معاك، أو ربنا يجعلك تحتمل هذا. مش لازم هو اللي يتحسن، ممكن أنا اللي احتمل، أو لو أنت فيك طبع أن أنا بقف على الواحدة، ما هو ممكن يبقى إيه يعني هو اللي في الشغل ده مثلا مكفر الناس كلها، مش بلاش يعني ما أقصدش مكفر عشان بس متعب يعني للناس كلها بالشكل البشع ده، ولا لأن أنا جوايا طبع فمش راكبين على بعض، فاهمين؟
فطب ما أنا أشتغل على الطبع اللي جوايا؟ ممكن هو متعب لكل الناس بس مش بالطريقة دي، يعني ما غيري يتعامل، إشمعنى أنا مش عارف أدعامل؟ إشمعنى كل ما كل شويه أتمص؟ ما لازم أسأل نفسي. فاهمين يا جماعه؟ يعني إحنا مجموعة أهو، كل شويه مثلا نادر يتقمص، فيسأل نفسه: إشمعنى يعني؟ ليه؟ ليه أنا الوحيد بتبص فيهم؟ ما هو بيهزر مع الناس كلها ولا أنا بيجي لي على الجرح مثلا ولا عشان أنا فعلا زي ما بيقول. أيوه كده. أنا عاوزكم ما تخافوش عشان أنا ظريف، أنا شايفكم يعني مش الحته دي فيها إيه وباء. أنا كده كده ظريف، مش محتاج تضحك.
فيبقى ده برده معنى تاني مهم أن إحنا نشتغل على نفسنا لما نلاقي حد كده موترنا أو طابع بقى فينا كل شويه أزعل من ده وأزعل أتقمص من ده وأتقمص من ده، لا بقى يعني الناس كلها وأنا القهوة. قاعد مع نفسي أشوف هشتغل اشتغل على نفسي إزاي في الحته دي.
وبعدين في علم بيسموه الكونفلكت مانجمنت، يعني لما يحصل أي تصادم أو إزاي نخرج إزاي ندير هذا ال. ففي خمس، في ناس بتخليها أربعة وناس.
بتخليها خمسة، مش وقته طبعا، مش هنقولهم. يعني بس تقدروا تدوروا عليه بقى، الكونفلكت مانجمنت ده هيريحك شوية في إزاي تتعامل مع أي كونفلكت. أي كونفلكت يعني بالعربي إيه؟ يعني مثلا اختلاف، تعارض، أيوه كده يعني، ماشي. فإزاي تتعامل؟ ماشي، فهم بيدوك أربعة تكنيك، وبعضهم بيخلُوه خمسة، إزاي؟ لا ده بيسموها ستيشنال، يعني ده على حسب العلاقة بينك وبين شخص.
العلاقة دي بتقيسها بحاجتين، مش هنقولهم يعني بس يعني حاجتين هتقيس بهم العلاقة بيني وبينك، لو الحاجتين دول أقوياء هتعامل بطريقة، لو الحاجتين دول ضعاف هتعامل بطريقة، لو الحاجة الأولى قوية والثانية ضعيفة هتعمل بطريقة، لو الحاجة الأولى ضعيفة والثانية قوية هتعمل بطريقة. فهمتم؟ عشان قلت لكم بعضهم بيخليها أربع حاجات، أربع طرق، طب أنتوا عاوزين كل حاجة بالساهل؟ فأنتم دوروا، هتستفيدوا إن شاء الله بالكونفلكت مانجمنت دي، مهمة يعني، ماشي.
يعني هقول لكم حاجة ولا مش دور أصل مش وقت يعني الحاجات دي، قال أبو سليمان الخطابي: ما دمت حيا فدار الناس كلهم، أهو جابها لك من الآخر، طول ما أنت عايش تقدر تداري الناس، فإنما أنت في دار المداراة. من يدري دار، ومن لم يدري سوف يرى عما قليل نديما للندمات. من يدري دار، يعني اللي يفهم الدنيا صح، هيمشي مش هيزعل منه حد، هيقعد يداري ده ويداري ده. ومن لم يدري سوف يرى عما قليل نديما، يعني إيه نديم؟ النديم اللي هو الصديق والخل، ندِيما للندمات، يعني هيبقى إيه مصاحب طول عمره بقى ندمان؛ لأنه ما عرفش يداري الناس، ماشي.
وهندخل بقى في الأمر بالمعروف والنهي عن المنكر، وده باب مهم جدا جدا في الكتاب، من أهم أبواب الكتاب اللي عاوزين نحرزها ونطيل فيها، ولو كمان أنتوا وأنتم جايين تبقوا محضرين، يعني إيه محضرين؟ هتقروا إحنا هنقرا هنتكلم عن إيه المرة دي وتشوفوها من كتب أخرى، تبقوا محضرين الاختلافات؛ لأن ده باب بنقاط قابلة وبيعمل مشاكل كبيرة، ومشاكل على مستوى الأفراد وعلى مستوى الجماعات وعلى مستوى الأمَم كمان.
وبعض الناس ترمي غيرها بالنفاق وبالمداهنة وبالكذا وبالكذا بس لأنه مش فاهم فقه الأمر والنهي، فعاوز الناس كلها تمشي تبقى زيّه، ماشي، أو العكس، يرمي غيره بالتشدد وكذا؛ لأنه مش فاهم فقه الأمر والنهي. إحنا عاوزين نفهم الباب ده كويس جداً الجاية إن شاء الله. قولي هذا واستغفر الله العظيم ولكم، سبحانك اللهم وبحمدك، نشهد أن لا إله إلا أنت، نستغفرك ونتوب إليك.
الشيخ أمجد سمير