دخولتسجيل الدخول

٦- من النميمة إلى السخرية

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله، وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي، وأزواجه أمهات المؤمنين، وذريته وآل بيته، كما صليت على آل إبراهيم إنك حميد مجيد. أما بعد.

قال: قوله نميمة، أيوه نميمة، فحذف حرف العطف. وهي نقل الحديث على وجه التصريه. تصريه كده. التخريب. التصريه. إيه التصريه؟ أنك تجيب الغنمة، وتقوم تربط الدرع بتاعها عشان ما إيه ما تنزلش اللبن، وبعدين تيجي تبيعها، فيقوم الراجل يفتكر أن دي عادتها أنها تجيب لبن كتير، فيشتريها بالغالي، فيكتشف بعد كده أن لا دي بتجيب لبن عادي زي بقية الغنم أو أقل، فده من التدليس في البيع. فيقول التصريه. هل ليها معنى تاني بقى تنفع هنا؟ أه، معنى التصريه بين المرء وصاحبه، بس هتبقى صعبة صعبة هنا قوي. التخريب واضحة؛ نقل الحديث على وجه التخريب بين المرء وصاحبه.

ماشي، عرفتوا التصريه إيه هي؟ ودي يذكرونها في إيه؟ في التدليس، باب إيه؟ في البيوع. يعني في البيوع دي صورة من صور التدليس بيذكوها في الخيار، ماشي، أنه بعد ما يكتشف هو بقى بالخيار؛ لأنه بان أن فيها حاجة كانت تاني مدلس فيها. طيب.

قال: وهي -يعني النميمة- نقل الحديث على وجه التخريب بين المرء وصاحبه، ويقال: النمام الذي يكون مع القوم يتحدثون فينم حديثهم، ويسمى الفتان والقتات. القتات والقساس. يبقى النمام بينقل الحديث بصدق لكن بنية. أما الفتان فيكذب. والنميمة حرام؛ قال رسول الله صلى الله عليه وسلم: «لا يدخل الجنة قتات». فتان! دي كان صلى بالناس صلاة طويلة، لا، فتان هيفتنهم.

قوله: إفشاء سر. قال الجوهري: فشى الخبر يفشو فشواً؛ أي ذاع. والسر الذي يكتم، يعني الشيء الذي يكتم. وإفشاء السر حرام. زاد في الرعايات الكبرى: المضر. يعني إفشاء السر المضر حرام. شوفوا هنا الاحتراز بمثل هذه القيود، وزي ما قلنا لكم قبل كده الفقهاء بتوع زمان إزاي واحنا بنقرا كتبهم نركز. فوق أطلق: إفشاء السر حرام، فيبقى إفشاء كل سر حرام، وقدمه؛ يعني قدم هذا. زاد في الرعاية الكبرى: المضر، يعني المضر إيه؟ السر المضر ولا الإفشاء هو اللي مضر؟ الإفشاء هيبقى مضر، مش كده؟ لأن احنا ممكن ننظر أصلا لو السر مضر نفشيه ولا لا؟ فهنا إفشاء السر يعني يظهر المضر إفشاؤه، مش السر في نفسه هو اللي مضر، والله أعلم يعني.

قال الله تعالى: ﴿وَأَوْفُوا بِالْعَهْدِ ۖ إِنَّ الْعَهْدَ كَانَ مَسْئُولًا﴾ [الإسراء: 34]. طب هو فين العهد؟ مجرد أن واحد حملك شيئاً، ده عهد بينك وبينه ما تقولوش حتى لو ما قالكش. في الحديث النبي عليه الصلاة والسلام جعل التفات الرجل.. هي مجرد أنا جيت بكلمك فقبل ما أكلمك رحت أعمل كده، وبعدين رحت إيه بكلمك، مجرد التفاتي ده معنى كده أن هذا الإيه؟ هذا الكلام أمانة، وده في حديث من غير ما أقول لك ما ترجعْش، عشان تروح أنت تمشي وتقول لي إيه؟ أنت ما قلتليش! ما قلتلكش ده أنا واخدك من إيديكم واخدك جوه ومكلمك بيني وبينك وطيت صوتي! لازم أقول لك.

وقال صلى الله عليه وسلم: «إن من أشر الناس منزلة عند الله يوم القيامة الرجل يفضي إلى المرأة وتفضي إليه ثم ينشر سرها» رواه مسلم. ده طبعا سر مخصوص.

وقال أبو بكر لعمر رضي الله عنهما حين عرض عليه حفصة فلم يرجع إليه شيئاً. سيدنا عمر عرض بنته على أبو بكر اتجوزه فما ردش عليه، فسيدنا عمر زعل. طب حتى يرد عليا يعني! لا قال ماشي ولا قال لا، فعيب حتى يرد عليا! فسيدنا عمر زعل. ثم خطبها النبي صلى الله عليه وسلم فقال أبو بكر: والله لعلك وجدت علي حين عرضت علي حفصة فلم أرجع إليك شيئاً؟ فقال: نعم. فقال: فانه لم يمنعني أن أرجع إليك فيما عرضت علي إلا أني كنت علمت أن النبي صلى الله عليه وسلم ذكرها، فلم أكن لأفشي سر رسول الله صلى الله عليه وسلم. فسكت أبو بكر. وأبو بكر أما سكت فاهم أن سيدنا عمر هيزعل، بس اختار الوقت المناسب بقى، سابه زعلان لغاية ما إيه النبي عليه الصلاة والسلام إيه خطبها، فقال له: هاجي أقول لك إيه؟ ما كانش ينفع أفشي سر النبي عليه الصلاة والسلام.

وقال أنس: أتى إلي رسول الله صلى الله عليه وسلم وأنا ألعَب مع الغلمان، فسلم علينا فبعثني في حاجة فأبطأت على أمي. فلما جئت قالت: ما حبسك؟ قلت: بعثني رسول الله صلى الله عليه وسلم لحاجة. قالت: ما حاجتها؟ قلت: أنها سر. قالت: لا تخبرن بسر رسول الله صلى الله عليه وسلم أحداً. وما.. اللي متربية! طب قول لي! مش هقول لحد. احنا كان زماننا هنموت أول ما نعرف أن في سر! عليا أنا؟ ده أنت عيال مش.. قال أنس: والله لو حدثت به أحداً لحدثت به يا ثابت. أنس بيحكي لثابت بعد كده، وأنس كان غُلام صغير. شايفين بقى الغلام متربي إزاي؟ قال لها: لا، الحاجة دي سر. ما..

وذكر ابن عبد البر الخبر المروي عن رسول الله صلى الله عليه وسلم: «من أسر إلى أخيه سرا لم يحل له أن يفشيه عليه».

وقال العباس بن عبد المطلب لابنه عبد الله: يا بني، إن أرى أمير المؤمنين يدنيك -يعني عمر- فاحفظ عني ثلاثاً: لا تفشين له سرا، ولا تغتابن عنده أحدا، ولا يطلعن منك على كذبة. مسكن الذال هنا، ما اعرفش.. كذبة.. كذبة، وكذب في كذبة دي مش عارف.. ماشي. يبقى لا تفشين له سرا، ولا تغتابن عنده أحدا. والكبير لا يسمح بالغيبة في مجلحه، يعني الصغير أو التابع لا يغتاب، طب إذا اغتاب، الكبير لا يسمح بذلك، يوقف الغيبة، ويوجه الصغير، ويوجه التابع أن ده لا يحل، أو يقطع الغيبة بشيء يفهم منه التابع أن هو بيصرفه عن الإيه؟ أنه تابع عنده الناس، ماشي، كذبة..

قوله: ثم لعن مقيده، نعم. هو النبي ذكرها عليه الصلاة والسلام، هل حد يعرف هو النبي يحب أنه يتقال سيدنا عمر ده ولا لا؟ أبو بكر مش عارف دي حاجة ذكرها، هل استقر.. ما أنا دلوقت هقول لك كلام زي كده وبعدين سيدنا النبي عليه الصلاة والسلام يبدو له أمراً آخر فيما يكمل، يبقى أنت عشمت نفسك، مش كده؟ يعني مثلاً فلان هيغدينا بكره مثلاً.. ففلان ما يغديناش، طب هو هو فلان قال لحد يتسحب من لسانه ويقول الكلام ده؟ أنا بفترض يعني مثال ما حصلش، يقوم إيه الناس تتعشى، وبعدين فلان يصدمهم أن لا ما فيش والكلام ده، دول كذابين ضلالية! أه..

قوله: ثم لعن مقيده. يعني ويحرم لعن المعين، هذا معنى المقيد هنا في الإيه في النظم. يعني حرام أن تلعن معيناً. قال ابن الأثير: هنفهم يعني إيه دلوقتي، أصل اللعن الطرد والابعاد من الله ومن الخلق والابعاد من الله ومن الخلق السب والدعاء. أصل أصل اللعن يعني لغة الطرد والابعاد من الله ومن.. لا، مش عشان ابن الأثير، هو عموماً لما نجي نتكلم في كلمة ونقول أصل أصل الكلمه أصله كذا، أصله اللعن أو أصله أي حاجة يبقى المقصود لغة، يعني ده الظاهر. ومن الخلق السب والدعاء يعني، يعني لو واحد قال: فلان ملعون، يبقى المقصود أنه بيشتمه وبيدعو عليه باللعن بالطرد يعني.

وقال الجوهري: اللعن الطرد والابعاد من خير. ده أقرب بقى من حيث اللغة أصل من الله فوق دي مش يعني فيها إشكال شوية، أديها صبغة شرعية شوية. يعني أقصى أدلو لو واحد بيتكلم العربية وما لا يؤمن بالله أصلاً فاللعن موجود في اللغة، فنخليه الطرد والابعاد من الخير، لعل ده الأقرب رب يعني، والجوهري برضه بتاع لغة يعني، وهو حرام إذا لعن إنساناً بعينه أو دابة. وطبعا الدابة جاء فيها حديث: لعن رجل دابة، والنبي عليه الصلاة والسلام إيه أنزله من عليها وامر بابعادها وقال: «لا تصحبنا».. أو «لا يصحبنا شيء إيه ملعون» أو حاجة زي كده، ماشي. وده زجراً للفاعل. الحديث ده عشان برضه في مشكلة شوية، يعني الدابة مالها؟ فده كان زجر للفاعل ونهي عن فعله أن ما حدش يستسهل أنه يعمل حاجة زي كده، ماشي.

قال النبي صلى الله عليه وسلم: «لعْن المؤمن كقتله». وقال: «لا ينبغي لصديق أن يكون لعاناً». وقال: «لا يكون اللعانون شفعاء ولا شهداء يوم القيامة». وقال: «لا تلاعنوا».. ما تحمدوش ربنا ليه بعد العطسة؟ مين اللي عطس؟ مثلاً.. وقال: «لا تلاعنوا بلعنه الله ولا بغضبه ولا بالنار». وقال: «ليس المؤمن بالطعان ولا اللعان ولا الفاحش ولا البذيء». هنا ولا الفاحش البذيء عندكم كده ما فيش ولا، ماشي. وقال صلى الله عليه وسلم: «إن العبد إذا لعن شيئاً صعدت اللعنة إلى السماء فتغلق أبواب السماء دونها، ثم تهبط إلى الأرض فتغلق أبوابها دونها، ثم تأخذ يميناً وشمالاً، فاذا لم تجد مساغاً رجعت إلى الذي لعن، فإن كان أهلاً لذلك وإلا رجعت على قائلها». ركزوا بقى في الحديث ده.

فوق الحجاوي قال.. ركزوا قال: ثم لعن مقيدي. ده الناظم راح قائل لك الحجاوي يعني ويحرم لعن المعين. ظاهر كلامه مسلما كان أو كافرا. ظاهر كلام الحجاوي كده، ما قالش يحرم لعن المسلم المعين. وخلاص. وطبعا مسألة لعن المعين على ثلاثة أقوال للعلماء، وفيها ما قوله اللي هو حرمة لعن المعين مسلما كان أو كافرا يحرم لعنه، وظاهر كلام الحجاوي أنه يقول بهذا. طب ليه حتى الكافر؟ حتى الكافر، طب كافر مقاتل للمسلمين؟ حتى كافر مقاتل للمسلمين، أشمعنى اللعن؟ قالوا: لأن اللعن الطرد من رحمة الله عز وجل، وهذا لا يعلمه أحد. لما تقول: فلان ملعون، ملعون يعني إيه؟ مطرود من رحمة الله. قد يسلم ويدخل في الرحمة ويدخل الجنة، فمن هنا حرم لعن المعين ولو كافرا. اشتموا بأي.. ما تلعنوش. طيب، نرجع بقى للحديث.

الحديث بقى بيقول إيه؟ إن اللعنة تطلع السما، تتقفل في وشها، تقوم نازلة تشوف الملعون ده هو أهل للعن ولا مش أهل؟ لو ما كانش أهل، ترجع إلى قائلها. فالإنسان يحذر؛ لأن بعض الناس بتحمس. المسألة فيها خلاف؟ أه، فيها خلاف، ماشي. أنما الإنسان يحذر. احنا نعمل إيه؟ نخاف، يعني ما نقعش في الخلاف في مسألة مغبتها قوية زي كده.

كنت في درس وبعدين مش فاكر السياق قوي، بس بقول للقاعدين قدامي، بقول لهم يعني مثلاً تخيل كده نمت صحيت لقيت نتنياهو أسلم! فالناس إيه.. قلت لهم: أهو، أه كنت باروح لهم غزوة أحد، فبقول لهم أن سيدنا النبي عليه الصلاة والسلام لما جه بيدعي، بيدعي على ناس فقيل له: ﴿لَيْسَ لَكَ مِنَ الْأَمْرِ شَيْءٌ أَوْ يَتُوبَ عَلَيْهِمْ﴾ [آل عمران: 128]. وبعدين غزوة أحد، قائد الجيش أبو سفيان، وصاحب النصر نصر الكفار خالد، والاتنين أسلموا! وفي غزوة أحد كاد يقتل النبي، يعني شوفوا الفاجعة! احنا دلوقتي إيه ممكن الفجعة اللي جواك المسلمين اللي بيتقتلوا والاطفال اللي مش عارف إيه والبيوت أتهدمت في غزة، لا، ده ده صاحب.. ده قائد جيش وده صاحب نصر كاد فيه أن يقتل النبي عليه الصلاة والسلام وخلص إليه، وكسرت رباعيته وشج وجهه.. أسلموا! فبقول لهم نفسية الصحابه دلوقتها إيه كانت عاملة زي.. كنت بشرحهم عن نفسي، أقول لهم يعني تخيلوا دلوقت نتنياهو ده صحيت لقيت أسلم! فاتغاظوا يعني. فما أقول لهم يعني لو أسلم خلاص، هنعمل إيه؟ احنا دلوقتي بنترضى عن خالد، بنترضى عن أبي سفيان، مش كده؟ لو كنا عايشين وقتها كنا هنحس بنفسية شديدة. والنفسية دي ما أنتِش.. أنت معذور فيها، ما أنت.. يعني سيدنا النبي عليه الصلاة والسلام إيه اللي قتل حمزه وحشي، كان سيدنا النبي ما يحبش يشوفه، حتى بعد ما أسلم، قتل وهو كافر وبعدين وحشي أسلم، فما كانش يحب يشوفه النبي عليه الصلاة والسلام. ده شيء نفسي، سيدنا حمزه زي عم النبي عليه الصلاة والسلام.

طيب، ويجوز لعن غير المعين، ممن يجوز لعنه، لقوله: ﴿أَلَا لَعْنَةُ اللَّهِ عَلَى الظَّالِمِينَ﴾ [هود: 18]. يبقى غير المعين نقول إيه؟ لعنة الله على الظالمين، ما فيهاش مشكلة. لعن الله من غير منار الأرض، ما فيهاش مشكلة، ماشي. وقال عليه الصلاة والسلام: «لعن الله اليهود والنصارى». يبقى كده يؤكد أن الظاهر مراد. يا ما تروحش لواحد يهودي بعينه وتقول: فلان ملعون، أو نصراني، سيبشاور كده جت في..

قال: فيجوز لعن الكفار عاماً. هنا نص بقى فوق قلنا إيه؟ ظاهر كلامه كذا، ماشي، تحت بينص أنه يجوز يجوز لعن الكفار عاماً. طب، هل.. هل بقى لعن.. يلعن المعين؟ وهل يجوز لعن كافر بعينه؟ على روايتين يعني لمين؟ لأحمد. يعني الكلام ده عن أحمد، فأحمد له روايتان في هذا. قال شيخ تقي الدين -يعني ابن تيمية-: ولعن تارك الصلاة على وجه العموم جائز، وأما لعنة المعين فالأولى تركها؛ لأنه يمكن أن يتوب.

طيب، هل هنا بيشير إلى كفر تارك الصلاة؟ هو دلوقت الكلام في من؟ الكافر هو بيقول لك يا جماعه ركزوا في فعل الفقهاء. الفقهاء ما يتكلموش كتير، هو بيقول لك احنا بنناقش إنهي مسألة؟ لعن إيه؟ لعن الكافر بعين. فقال لك: وهل يجوز لعن الكافر بعينه؟ على روايتين.

قال تقي الدين: ولعن تارك الصلاة على وجه العموم جائز، وأما لعنه المعين فالأولى تركها، فكأنه يشير إلى مسألة كفر تارك الصلاة، كمان يعني خدنا مسألة تانية خالص، كده جت في الآية، وقال في موضع آخر في لعنة المعين من الكفار، شوفوا الكلام لسه ماشي في الكفار، طبعا احنا المذهب أن ترك الصلاة كفر، لكن متى يكفر تارك الصلاة بقى؟ في شروط عندنا في المذهب، خلاص، يعني مش أي حد بيترك الصلاة يكفر في المذهب، عندنا شروط المفروض أنتم تبقوا عارفينها وخدتوها، واللي ما خدهاش بقى يبقى يذاكر فقه كويس.

قال في موضع آخر، يعني ابن تيمية: في لعنة المعين من الكفار من أهل القبلة وغيرهم، من أهل القبلة يعني ممن ينسبون إلى القبلة زي، لا الشيعة ما يكفروهمش، إنما مثلا يكفروا الجهمية، يكفرونهم وهم منسوبون إلى القبلة، ماشي، وأهل القبلة أهل المسلمين. قال في موضع آخر من لعنته، في لعنة المعين من الكفار من أهل القبلة وغيرهم، ومن الفساق بالاعتقادات أو بالعمل، لأصحابنا فيها أقوال. يبقى الكلام لمين؟ ابن تيمية. أحدها: أنه لا يجوز بحال أن تلعن معينا، لا يجوز بحال كافر بقى، مسلم، فاسق، وهو قول أبي بكر عبد العزيز. والثاني: يجوز في الكافر دون الفاسق، قول تاني للحنابلة أو للأصحاب يعني. والثالث: يجوز مطلقا، انتهى. وأجاز بعض العلماء، وهو قول بعض الأصحاب، لعن يزيد بن معوية، وقال الإمام أحمد: الإمساك أحب إلي. سيدنا الإمام أحمد غير أنه كان يعني ورعا وكان مؤدب كمان، يعني اللي يتتبع مسائل أحمد وألفاظ أحمد عنده أدب.

وقال أيضا على الجهمية: لعنه الله، هنا ما خصش يعني، على الجهمية لعنه الله، وقال: الواقفة الملعونة، والمعتزلة الملعونة، الرافضة في نسخة الرافضة، ماشي، نعم، أنا قلته يعني الجهمية يكفرون، هم يعني أهل السنة يكفرون الجهمية، الجهمية منسوبون للقبلة ولا لا؟ منسوبون، يعني هم بيقولوا احنا مسلمين، ما بيقولوش احنا، ما بيقولوش احنا النصارى، ما بيقولوش احنا يهود، فاهم، ماشي.

وقال، آه ده الإمام أحمد، وتوقف أحمد أيضا في لعن الحجاج بن يوسف. شوفوا جماعة أحمد بتوقفوا في مين، يعني تخيلوا كده الحجاج عمل إيه عشان احنا جراءة شوية، والجريء ده يشوف الثاني مميع وهو جاهل، يعني أنت غايتك إيه لو أنت أصلا دارس علم؟ إنك خدت بقول ده، غايتك لو أنت دارس علم فاهم علم، أنما كمان تروح للي ساكت وما بيلعنش تقول له: أنت مميع، أنت إيه تاني؟ يقولوا إيه؟ أنت مرجئ، لا أنت اللي مش فاهم دين بقى قوي بقا سيدنا الإمام أحمد كده يعني يختار له بقى واحدة من الاتنين.

قال شيخ تقي الدين: من أصحابنا من أخرجه عن الإسلام لأنه أخاف أهل المدينة، وانتهك حرمة الله وحرمة رسوله، فيجيزون اختصاصه باللعن، والأكابر من أصحابنا يأبون ذلك. يبقى من أصحابنا برضه، تيمية تحسه مؤدب هنا، والأكابر من، كأنه الثانيين مش إه، يعني منسوب للعلم، لكن الأكابر من أصحابنا من الحنابله يقولون: لا يكفر بما فعل الحجاج، يأبون ذلك ويكلون أمره إلى الله.

أنتم عارفين الحسن، الحجاج لما حضرته الوفاة كان يقول إيه: اللهم إنهم يزعمون أنك لا تغفر لي فاغفر لي. فكان الحسن لما تذكر هذه الكلمة تعجبه، كان برضه أنفسهم، خلي بالكم، عيشوا نفسية سيدنا الحسن البصري، مش احنا قاعدين دلوقتي، الحسن البصري شاف عينيه الصحابه اللي اتقتل، شافهم بعينيه الصحابه اللي اتعلقت، الحجاج قتال الصحابة مش عامل حاجة بسيطة، فهو عاش ده، وبعدين لما تذكر له كلمة الحجاج كانت تعجبه، أصل هو ده الدين، هو عمل أي حاجة، ما هو ربنا سبحانه وتعالى لم يستثني شيئا لا من المغفرة، ماشي.

فكانت تعجبه، تعجبه يعني بيقول الحجاج في الجنة، داخل الفردوس؟ لا، بس تعجبه أنه فاهم، هو ما يضيره يعني لو الحجاج دخل الجنة في الآخر؟ طب واحد متغاظ وبتاع، حقه برضه الحتة دي ما فيهاش صح وغلط، واحد غلبت عليه معاني الشفقة ببني آدم بالذات أنه منسوب للإسلام، ماشي. واحد تاني لا غلبت عليه معاني الشدة والغلظة عليه لأنه فعل وفعل وفعل وفعل، برضه ماشي، يعني تلاقي دي لها وجه ودي.

س سيدنا، بلاش فرعون وهو بيغرق، ده في بعض الآثار أن جبريل يحكي للنبي محمد صلى الله عليه وسلم بيقول له إيه: لو رأيتني وأنا آخذ من حال البحر أضعه فيه خشية أن تدركه الرحمة، لأنه كان بيقول: آمنت أنه لا إله إلا الذي آمنت به بنو إسرائيل وهو بيغرق. فجبريل بقى ياخد من الطين بتاع البحر ويعمل إيه؟ يحطه في بق فرعون خشية أن تدركه الرحمة. هنا غلب على جبريل معنى إيه: لا، أنت ترحم؟ خد طين في بقك مش هخليك تقولها.

وبرضه في معنى تاني: كان جبريل اطلع على رحمة أو جزء من رحمة الله، ما شافهاش كلها برضه، وعلم بما علم أن ربنا سبحانه وتعالى قد يعني لو قيلت الكلمه قد يرحم جل وعلا. فممكن الواحد يغلب عليه معنى. المهم الحتة دي ما فيهاش إيه، ما تبقوش تتخانقوا في مكان مش خناق خالص، واحد غلب عليه معنى معين على قلبه في وقت، وهو نفس الشخص ممكن يغلب على قلبه معنى آخر في وقت آخر فينطق بما غلب عليه. يوم عرفة جاي اهو، هتلاقوا في عرفة من الناس اللي في الموقف يغلب عليهم الرجاء، ومنهم من يغلب، ورد عن السلف يعني، أتظن من أسوأ هذا الجمع حالا من ظن أن الله لا يغفر له؟ ده واحد غلب عليه الرجاء يعني، ده أسوأ في الموقف.

وورد عن بعض السلف المعنى العكس تماما، ماشي، أنه غالب عليه الخوف وأنه، ومنهم اللي مات في عرفة يعني ينطق بكلمات من الخوف ويموت. مين صح ومين غلط؟ ما فيش صح وغلط، المعنيين في الشرع، ماشي، نعم. هات الأثر اللي أنا بقوله ده، الأثر اللي أنا بقوله ده على الحسن إن هو كانت تعجبه، ولا هو ذاكره هنا؟ لا إله إلا الله، يا ابني أنت لسه صغير على الحاجات دي، نعملها احنا اللي خلاص داخلين على خمسين، تقعد تجيبوا، أيوه حسن مين؟

طيب، يبقى الأكابر يأبون ذلك، يأبون إخراج الحجاج من الملة، ويكلون أمره إلى الله. لقيتوا الأثر إيه؟ أمسي ولا عسى؟ هتلاقي الرواية زي ما يقول لك كده: كانت تعجبه، ولما بلغه قال: عسى. ما تجراش على ربنا، أنا بلاقي جراءة كبيرة جدا والله، قال: عسى. وباقول لكم: عيشوا نفسية الحجاج اهو كمان اخوك اهو بيقول إيه؟ ده في رواية إنه كان بيعلن الحجاج، يعني أنا باقول لكم حتى من غير الرواية دي أي واحد عنده إيمان وعايش في عصر شايف الصحابة بيتقتلوا على إيد بني آدم، مش محتاجين رواية اللعن، بس تثبت نفسية الحجاج، نفسية الحسن تجاه الحجاج، لكن لما بلغه كلمة الحجاج وهو بيموت قال: عسى، ما نعرفش، ماشي.

احنا ليه بنقول لكم خافوا؟ عشان أنت ممكن تعرض نفسك لحاجة أنت مش قدها، أنت هتدخل دلوقتي في اختصاص ربنا، يعني يجي واحد عمل العمايل وبعدين قال: يا رب اغفر، وهو على فراش الموت بقى قال: يا رب اغفر لي أو أي حاجة بان منه حاجة، تقول لي: يغفر لمين ده؟ ابن مش عارف إيه، ده عمل وسوى بتاع! أنت دلوقتي أنت عارف أنت فاهم إيه؟ أنت دخلت في تخصص ربنا، يعني يغفر له، أنت مالك يغفر لمين؟ أنت مالك يغفر ولا ما يغفرش؟ مش بتاعتك. طب دخلت في إيه بقى؟ عارفين الحديث بتاع الاتنين الأخوات بتوع بني إسرائيل؟ واحد طائع والثاني لم يترك شيئا من محارم الله إلا ركبه، وعيش بقى اسرح كده يعني إيه لم يترك شيئا إلا ركبه، وكل شوية أخوه بيُنصحه ما ينتصحش لغايه مرة قال له إيه: والله لا يغفر الله، قال له: خليني وربي، الوحش ده العاصي أو اللي كان يعني، قال له: خليني وربي، أبعثت علي رقيبا؟ أنت مالك بيا؟ أنت سيبني مع ربنا. فراح أخوه قال له: والله لا يغفر الله لك. فاوحى الله إلى نبي الزمان: من ذا الذي يتألى علي؟ مين ده اللي دخل في، أنت مالك اغفر؟ أخبره أني قد غفرت لأخيه وأحبطت عمله. فخافوا من الكلمة، خافوا من الدخول في اختصاص ربنا سبحانه وتعالى، ماشي، ممكن طبعا ممكن.

لا إله إلا الله، سيدنا عمر بن عبد العزيز اللي هم يقولون الخامس يعني، مع التجاوز يعني في هذا اللفظ، يعني لأن ممكن يبقى في إساءة لغيره، إنما سيدنا عمر سيرته معروفة يحسد الحجاج على الكلمة دي إنه يوفق ليها. عاوز إيه؟ قول عاوز إيه، اتفضل ما انت هتهدرنا، انت احنا، قول يا رب سبحانه وتعالى. قولهم تاني كده على إيه؟ رب قد خلقت، إن رجلا من ساكني النار يحنون على، رب قد حلف الأعداء واجتهدوا بأنني رجل من ساكني النار. أيحلف على عمياء ويحهم؟ ما علمهم بعظيم العفو غفار؟ ماشي.

قال قوله: وفحش، وهو بضم، حد يقول لنا البيت اللي احنا فيه على بعضه كده من أول فوق: ويحرم بهت واغتياب نميمة، وافشاء سر، ثم ثم لعن مقيدة وفحش، ماشي. وفحش، وهو بضم أوله وسكون ثانيه، ومش لاله وجه أنها تبقى مكسورة يعني. وفحش هو بضم أوله وسكون ثانيه، وهو من قذع الكلام، من بدع الكلام، وهو حرام، وهو حرام.

قال الله تعالى: ﴿قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ﴾ [الأعراف: 33]، وكل ما نهى الله عنه فهو فاحش قاله ابن عرفة. وكثر استعمال الفاحشة في الزنا، ويقال رجل بذيء فاحش سيء القول. وفي الحديث: «إن الله يبغض الفاحش البذيء».

قوله: ومكر، يعني ويحرم مكر. ما فيش أشكال في الفحش يعني. ومكر، طبعا الفاحش من القول قد يحتاج إليه، فإذا أحيج إليه يعني قالوا منه مثلا التصريح بما يكون بين الرجل والمرأة، هذا من فاحش القول، ولذلك العرب تُكني عن ذلك، وقالوا إن من أكثر الكنايات هنلاقيها في لغة العرب الجماع وما يكون من مقدماته، وكده تلاقيه كنوا كتير عن كنايات كتير عشان التصريح فيه فحش قد يحتاج إليه لو هنقيم حد مثلا على حد وبعدين عمالين نكلمه بالمداري وبالكنايات وبرده حاسين قلقانين يكون مش فاهم، فممكن نصرح بهذه الألفاظ، نصرح معه علشان في حد سيقام هنا في مصلحة شرعية بأن نحن نصرح بمثل هذا علشان قبل إقامة الحد مثلا، ماشي.

لو في إغاظة للكفار من في وقت معركة ولا بتاع وبعدين حد عمل حاجة، أو وقت إظهار عز المسلمين وراح حد قال كلام فاحش، فقد تكون دي مصلحة، فبرضه ممكن يتجاوز عن مثل ذلك في هذا الموقف، ماشي.

وكثر استعمال، خلاص، قوله: ومكر، يعني ويحرم مكر. والمكر الاحتيال والخديعة، والخداع إظهار غير ما في النفس، وهو حرام. قال رسول الله صلى الله عليه وسلم: «من خبب زوجة امرئ أو مملوكه فليس منا»، روااه أبو داود. ومعنى خبب أي أفسده وخدعه، كأن التخبيب كان التخبيب لن يكون إلا بنوع مكر واحتيال. خبب يعني إيه؟ يفسد ما بين المرأة والرجل فتطلب منه الطلق. للأسف هذا واقع الآن وينقل كثيرا، وللاسف ينقل عن، عن الناس ينقل كثيرا، والله أعلم، والله أعلم، أرى أن ننشر في الناس قول المالكية في هذه المسالة، أنه من خبب امرأة على زوجها يحرم زواج منها ونكاحه باطل. ده قول طبعا مخالف للجمهور بطلان النكاح، قول مخالف للجمهور، لكن أرى والله أعلم أن نشر هذا القول بلا ذكر الخلاف أصلا، ما نقولش في خلاف ولا بتاع، وأن النكاح يعني واحد راح قعد يزن على دماغ واحدة لغايه ما أطلقت، وبعدين يجي يقول: أنا بحبها وعاوز أتجوزها؟ باطلة، ماشي، هي مين بتنصح مين؟ هتتجوزها إزاى بقى؟ التخريف حاجة وأنا بتكلم في حاجة تانية خالص دلوقتي، ما تنرفزنيش، ماشي، أنتم قاعدين هنا إيه؟ أنتم عشان تخرجوني من الحته اللي أنا، أنتم يعني أجيب العيال الصغيرة يقعدوا جنب، كنت أقول الأسامي.

طيب، هاتوا كده حكم نكاح المخبب كده، هاتوا هاتوا هاتوا كل الناس اللي قالت يبطل، عاوزين، عاوزين نكبر القول ده، ها، لا لا، ممكن لو فسد على رجل أو فسد على أو امرأة على امرأة أو يعني لا مش شرط. الحمد لله، كده الجمهور بيقول، قالوا إيه؟ أمم، يعمل بنقيض قصده أم، الله أكبر، ماشي، كده يبقى كده الجمهور ندلس، نتفق هنا اهو، معانا ناس كتير مشاهير، هنطلع ندلس الجمهور المالكية ونجيب بقى أسماء يعني فلان وفلان وفلان، عشرين ثلاثين، وننشر ده إيه؟ لا، في جراءة شديدة الحقيقة، بيجي مهازل، فإاوزين نوقف المهازل دي، هنوقفها إزاي بقى؟ لازم نؤسس.

قوله: والبذاء، يعني ويحرم البذاء، وهو الفحش، وقد تقدم وهو ضد الحياء. البذاء هو الفحش، يعني البذاء أعم من الفحش، أخص من البذاء والبذاء أعم، والله أعلم. وفي حديث أبي هريرة: «الحياء من الإيمان، والإيمان في الجنة، والبذاء من الجفاء، والجفاء في النار». وقال النبي صلى الله عليه وسلم: «الحياء شعبة من الإيمان». أنا خايف.

بس أقول كدة إيه إن يعني الأصل في العطف المغايرة، وهنا الناظم جاب الفحش والبذاء، فالاصل إن احنا نغير بينهما يعني ما يكررها ليه يعني أحوجه مثلا النظم والسجع وكده يعني الوزن يعني. بس ده اللي أقصده يعني عشان كده خصوصا إنه إيه فصل بينهما، ما قالكش إيه: والفحش والبذاء، ما قالش كده، هو فصل بين الفحش والبذاء، فكأنه أراد معنى بالفحش ومعنى آخر بالبذاء والله أعلم يعني. بس ده اللي خلاني أقول كده يعني.

وفي حديث أبي هريرة خلاص، وقال صلى الله عليه وسلم: «الحياء شعبة من الإيمان». وقال: «إن لكل دين خُلُقاً، وإن خُلُق هذا الدين الحياء». وقال بعض الصحابة: يا رسول الله حارثة أفسده الحياء. فقال: «لا تقولوا أفسده الحياء، لو قلتم أصلحه الحياء لصدقتم». وقال عليه الصلاة والسلام: «أول ما يرفع من هذه الأمة الحياء والأمانة فاسألوهما الله».

قوله وخديعة يعني وتحرم الخديعة وهي المكر، وقد تقدم برضه محتاجة تبحث برضه. يعني بلا شك إن احنا الحياء ما يعني بقا نادر. احنا عندنا مشكلة إن هذه المعاني يعني احنا محتاجين عشان نعرف هو الحق رَفَعَ ولا لأ دي يصحى لنا واحد من جيل الصحابة أو التابعين ويشوفونا إحنا بنقيس على إيه. إحنا في الآخر ما احنا ممكن نبقى كلنا في الهوا سوا متدين مش متدين، وفي الآخر إحنا بنقيس على إيه؟ إحنا عاوزين حد من الأوائل كده يصحى ويبص علينا بصة كده يعني يبص يبص علينا اللي هما المتدينين بتوع المساجد يقعد كده يبص علينا، نقوم نفهم بقى إحنا فين. عارفين زي مين اللي قال التابعين؟ أنس أظن، إنه: أدركت أقواماً لو راوا سراركم لقالوا ما لهؤلاء في الآخرة من خلاق، ولو راوا خياركم لقالوا مجانين. وهو بيكلم مين بقى؟ التابعين، بيقول لهم أنا شفت أنا أدركت أقواماً اللي هما الصحابة. شوف هاتوا كده الأثر ده لو راوا شراركم -الحسن صح كده اللي أنا بقوله- لو راوا شراركم لقالوا ما لهؤلاء في الآخرة من خلاق، ولو راوا خياركم لقالوا مجانين. هما دول فاكرين إن هما... قول قول الحسن كان برضه إيه عنده سنة مبالغة أو بيربي أو كده، بس ده بقى القول ده فينا صادق، إن خيار الجيل يبقى فاكر كل واحد فاكر نفسه على شيء. مجانين، إحنا شوية مجانين مخابيل، ماشي. حتى لو مشينا على الرواية دي: لو رأيتم لقلتم مجانين. نعم، ماشي لو رأيتونا قلتم مجانين. قالوا علشان إيه من أحوالهم؟ من أحوالهم إن هما يبقوا قاعدين وبعدين إيه يفصل عنك كده يا... اتفضل.

أصحاب أنس أعلم من الشعبي من الموبقات. أحسنت، ولو راوا خياركم -يعني الرواية دي أشد أصلاً- لقالوا ما لهؤلاء في... اللي أنا كنت بتكلم على الشرار، في الرواية دي على الخيار: هما لو شافوا خياركم لقالوا ما لهؤلاء في الآخرة من خلاق، طب لو راوا الشرار قالوا هما دول هما دول مؤمنين ودول مسلمين. أصلاً أنا بقى نفسي أفهم شرار التابعين دول اللي عاملين إزاي أصلاً! طب إحنا بيأس مش بيأس بس برضه ما تاخدناش الجلالة، هي ماشية كدة بالأيه بالستر في الدنيا ونرجو أنها تمشي بالعفو والرحمة في الآخرة، ماشي.

ماشي هنا برضه خديعة، هو خلاها زي المكر، وبرضه محتاجة بحث بقى شوية عشان برضه إيه يعني انتصاراً للأيه للناظم يعني. وقوله سخرية والهزء، ما احنا مش بنقف عليهم ليه؟ لأن احنا هنروح نعافر وبتاع عشان بس إيه وهنلاقي في الآخر الاختلاف بسيط، هي تمشي بس عشان ما يبقاش هو جاب كلمات بنفس المعنى، قوله قول سخرية والهزء يعني ويحرم السخرية والهزء، وهما لفظان مترادفان معناهما واحد. هنا ممكن نمشيها عشان جم جنب بعض، ممكن يعني إيه تتصور إنما نفصل بين المتشابهات أو يعني المترادفات بكلمات تانية و... يعني شوية العقل ما يستوعبهاش كده، وسخرية والهزء يعني ويحرم السخرية والهزء وهما لفظان مترادفان معناهما واحد. وقال الجوهري: الهزء السخرية، انتهى. وفي الحديث: «أتسخر مني وأنت الملك جل جلاله؟» أي أتستهزئ بي؟ ده الحديث بتاع آخر الناس دخولاً صح الجنة.

قال الله تعالى: ﴿يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونَ خَيْرًا مِّنْهُمْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ﴾ [الحجرات: 11]. ما تزعلش بقى يا عمار، سخرت منك من شوية انت مش عسى أنت أكيد أحسن مني. قال الضحاك: نزلت في وفد تميم كانوا يستهزئون بفقراء أصحاب النبي صلى الله عليه وسلم مثل عمار اهو وخباب وبلال وصهيب وسلمان وسالم مولى أبي حذيفة، لما يرون من رثاثة حالهم، فانزل الله تعالى في الذين آمنوا منهم: ﴿يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ﴾، والقوم اسم يجمع الرجال والنساء وقد يختص بجمع الرجال ﴿عَسَىٰ أَن يَكُونَ خَيْرًا مِّنْهُمْ وَلَا نِسَاءٌ مِّن نِّسَاءٍ﴾ قالوا: كأنه كثير في الايه في النساء والقوم يشمل، فقال يعني التخصيص ده كأنه كثير في النساء يعني. وروى أنس أنها نزلت في صفية بنت حيي قال لها النساء: يهودية بنت يهوديين.

قال: ولا تلمزوا أنفسكم، أي لا يعب بعضكم بعضاً ولا يطعن بعضكم على بعض. ذكره البغوي في تفسيره هـ. لا يغتب، مكتوب هنا كده لا يغتب في نسخة. وعن الحسن قال رسول الله صلى الله عليه وسلم: «إن المستهزئين بالناس يفتح لأحد... لما لما تلاقوا في اختلاف نسخ اكتبوا جنبها كده في نسخة خ كذا حتى لو احنا واحنا قاعدين رجحنا النسخه اللي معاكوا الله أعلم قد يفتح على أحدكم بعد ذلك ويلاقي وجه للنسخة الأخرى تبقى معلومة يعني». وعن الحسن قال رسول الله صلى الله عليه وسلم: «إن المستهزئين بالناس يفتح لأحدهم في الآخرة باب من الجنة فيقال له هلم هلم فيجيء بكربة وغمة فإذا جاء أغلق دونه»، يعني يعامل بايه بمثل معاملته للناس، ثم يفتح له باب آخر فيقال له هلم هلم فيجيء بكربة وغمة فإذا جاء أغلق دونه فما يزال كذلك حتى إن إن أحدهم ليفتح له الباب من أبواب الجنة فيقال له هلم فما يأتيه من القياس يعني يوصل خلاص يعني استهزئ به عدة مرات لغايه ما خلاص روح وهيتقفل ما يتحركش. رواه البيهقي مرسلاً.

وفي هذا وعظ لمن اتعظ به، سواء كان المستهزئ يرى له فضلاً على من يستهزئ به أو يسخر منه وهو حرام لأنه كبر. وفي الحديث الإلهي قال الله تعالى: «العظمة إزاري والكبر ردائي فمن نازعني...» في واحد منهما «ألقيته في النار». وقال النبي صلى الله عليه وسلم لأبي ذر: «انظر فإنك لست بخير من أحمر ولا أببيض إلا أن تفضله بتقوى». رواه أحمد.

والكذب قيدي بقى نقف هنا. قال هذا وأستغفر الله العظيم ولكم، سبحانك اللهم وبحمدك نشهد أن لا إله إلا أنت نستغفرك ونتوب إليك.