دخولتسجيل الدخول

٥- البهتان والغيبة

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله، وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله.

اللهم صل على محمد النبي وأزواجه أمهات المؤمنين وذريته وأهل بيته، كما صليت على آل إبراهيم إنك حميد مجيد. أما بعد؛ كنا بنتكلم عن أقسام النظر، قال فصل: القسم الثالث: النظر المباح؛ فمنه نظرة الفجأة من الأجنبية، وهي النظرة الأولى التي تكون من غير قصد. الحجاوي -طبعا زي ما قلنا ننتبه لكلامه لألفاظه يعني- فمنه نظرة الفجأة من الأجنبية مباحة، يبقى معنى كده أن ما بعدها -ظاهر الكلام- إنه يأخذ حكم آخر، هنشوف بقى هينص على ده مش هينص؟ وهي النظرات الأولى التي تكون من غير قصد، ده تعريف نظر الفجأة، لما روي عن علي رضي الله عنه أنه قال: قال رسول الله صلى الله عليه وسلم: «لا تتبع النظرة النظرة، فإنما لك الأولى وليست لك الآخرة» رواها أبو داود.

قال: وإن كانت الأولى عن قصد فهي حرام كالثانيه. يبقى كده عرفنا أن الثانية حرام، يبقى نص على أن النظرات الثانية حرام. وهنا أطلق، فهل هذا الإطلاق مراد؟ يعني الثانية حرام مطلقا؟ هو قطعا الإطلاق غير مراد قطعا، مش كده؟ لأن في أحوال تبيح. قال: ولو نظر ثانية من غير قصد لم تكن حراما ولم يأثم بها لعدم القصد.

طبعا احنا كنا اتكلمنا عن النظر الحرام ولا إيه المرة اللي فاتتك؟ الحرام جه معانا، طيب نقرأ هان المحرم عشان اللي هو أول سطر بس عشان نفهم نضبط المسألة اللي تحت، قال: المحرم هو جل المقصود في هذا الموضع، كالنظر إلى الأجنبية من غير أن يحتاج إلى النظر إليه. يبقى أنت ماشي في الشارع فنظرت لوجه امرأة لابسة حجاب واسع وسابغ ومحترم جدا، فنظرت إلى وجهها؛ وأنت لو نظر فجأة خلاص مباح، أطلت النظر تأثم. نظر للوجه فقط هنا ها ما بنتكلمش واحدة لابسة ضيق ولا لا، تأثم.

قال إيه؟ كالنظر إلى الأجنبيه من غير أن يحتاج إلى نظر إليه، المحرم؛ فإنه محرم إلى جميعها في ظاهر كلام أحمد، يعني يحرم النظر للوجه، يحرم النظر إلى الكف طالما ما فيش حاجة تدعو إلى ذلك. احنا مش هنعيد الكلام بس احنا عشان نضبط المسألة لتحت، عشان تحت قال لك إيه؟ المباح نظر الفجأة، فين احنا؟ قال لك نظر الفجأة من الأجنبية، اللي هي النظرة الأولى عن غير قصد. طيب رجع قال لك: إن كانت الأولى عن قصد فهي حرام كالثانيه. احنا عاوزين بقى عاوزين إيه؟ نقيد المطلق هنا، هو هنا أطلق، فهنا هنقيد هنقول إيه؟ فهي حرام كالثانيه لغير حاجة تدعو إلى النظر. فهمتوا التقييد يعني إيه؟ فاحنا جبنا القيد من فوق حطيناه تحت.

وقل مثل ذلك في على الفيسبوك وغيره برضه، الانستغرام وكده؛ يعني بتقلب فوقع نظرك فجاه على وجه امرأة محجبة حجابا سابغا ساترا واسعا فضفاضا فأطلت النظر تأثم. بلا شهوه، وهنا لم يقيد بشهوة، النظر حرام. هل في حاجة تدعو؟ لو في حاجة تدعو ماشي، نشوف بقى إيه الحاجة الشرعية التي تدعو إلى النظر، ما فيش حاجة تدعو تأثم.

قال: ومنه -يعني من النظر المباح- نظر كل من الزوجين إلى جميع بدن صاحبه، يعني الزوج ينظر إلى جميع بدن الزوجه، والزوجة تنظر إلى جميع بدن الزوج، هذا نظر مباح وكذا لمسه حتى الفرج. وكذا حكم من لها دون سبع سنين، نص عليه أحمد؛ لأن المذهب لا، إيه حكم لعورته من دون سبع؟ ملوش، مالهاش حكم يعني لا عورة له.

ماشي، طبعا هنا لغير شهوة يعني إن كان النظر مظنة الشهوة يحرم زيه زي أي حاجة، ماشي؟ يعني احنا هنا افصلوا مسألة النظر عن الشهوة عشان تتحل في دماغتنا قاعدة مطردة: نظر بشهوة حرام مطلقا لغير زوجة أو أمة، والأماء ما فيش أماء دلوقتي. كل اللي بنتكلم فيه بعد كده هو لغير شهوة أصلا، فهمنا دي؟

أم لها، يعني عمرها يعني، من لها من السنوات دون سبع سنين. وقال -يعني أحمد- عندكم وقال: يكره النظر إلى الفرج فقط، لقول عائشة رضي الله عنها: ما رأيته من رسول الله. هنا يكره النظر إلى الفرج فقط، يعني من زوج وزوجة، لقول عائشة رضي الله عنها: ما رأيته من رسول الله صلى الله عليه وسلم ولا راه مني، يعني الفرج.

وقوله آخر: ومنه نظر السيد -يعني من المباح- نظر السيد إلى جميع بدن أمته المباحة له، وما فيش أماء دلوقتي، ولا ينظر إلى المشتركة مش مهم مسائل الأماء، فإن كانت أماته متزوحة أو وثنية أو مجوسية فله النظر منها إلى ما فوق السرة وتحت الركبة فقط. ومنه -مش مهم مسائل الأماء مش مهمة- ومنه نظر الطبيب إلى ما تدعو إليه الحاجة من بدنها حتى فرجها، ومثله من يلي خدمة مريض ولو أنثى في وضوء واستنجاء.

هنا أطلق الحجاوي أطلق، والمسألة دي احنا بحثناها قبل كده لما حصل خناقة أنه ظاهر المذهب كده، فهنا الحجاوي أطلق، مع أني في بيت عند ابن عبد القوي نفسه قيد ذلك بعدم وجود الأنثى. حد فاهم المسألة دي؟ المذهب عندنا ظاهر المذهب الإطلاق، يعني إيه الإطلاق؟ يعني للطبيب النظر إلى ذلك ولو مع وجود الأنثى، ولو مع وجود طبيبة. ده ظاهر المذهب كده الله أعلم.

ماشي، هل الظاهر مراد ولا لا؟ دي مسألة أخرى. عارفين إيه الظاهر الأول يا جماعه دلوقتي؟ يعني إيه الظاهر الأول عشان بس نبقى فاهمين؟ دلوقتي لو جيت قلت إيه: أنا واقف مثلا في الحته اللي بره دي فجه واحد فبيقول لي: أحمد ومحمود فين؟ فقلت له: أحمد جوه. ده يتفهم منه إيه؟ ماشي، هذا هذا القول نص في أن أحمد جوه، بيسموه كده، أنا نصصت أن أحمد جوه صح كده؟ طيب، وظاهر في أن محمود مش جوه، ظاهر كلامي كده بس أنا ما قلتش أن محمود مش جوه، لو قلت: أحمد جوه ومحمود مش جوه يبقى ده نص في أن أحمد جوه ونص في أن محمود مش جوه، لكن قلت: أحمد جوه، فدخل طلع يقول لي بقى كده، تقول لي تقولي: محمود مش جوه، ما محمود جوه، ساعتها أنا من حقي أرد أقول إيه؟ أنا ما قلتش محمود مش جوه، أنا ما قلتش ده.

ماشي، طب هو فهم ده، هو فهم ظا يعني الكلام على ظاهره، هو ظاهر الكلام كده أن محمود مش جوه، ولو سمعه سمع الكلام ده عشرة الآلاف يفهموا كده، ماشي؟ أو تسعة أو يعني المهم يعني عدد كبير منهم هيفهم كده أن محمود مش جوه، لكن ده ما هواش نص في إيه في أن محمود مش، ده ظاهر الكلام.

لما يجي الفقهاء يكتبوا الكلام -يعني أحكام الفقه- مهم جدا ننتبه لمسألة: هل هذا الحكم نص للفقي ولا ظاهر كلامه؟ لأن لو نص يبقى هو يريد الحكم، لو كان ظاهرا ساعتها يقولوا بقى الكلمه الأولى دي: وهل الظاهر مراد؟ ويناقشون المسألة بقى، يقعدوا يبحثوا: الظاهر ده مراد ولا مش مراد؟ يعني كتب المذهب قاطبة إلا كتاب أو اثنين، كتب الفقه -مش الآداب- أما يجوا في المسألة دي ما يحطوش قيد الأنثى، يعني ما يقولوش إيه: وللطبيب نظر كذا وكذا وكذا إن عدمت الأنثى أو عدم وجود المرأة، ما يقولوش كده.

هنا هل نقول: أهو دي ده نص عند الحنابلة في أن الطبيب له أنه ينظر حتى مع وجود الطبيبة؟ لا، لا نجرؤ نقول ده، نقول بس نقول ده الظاهر. كونهم أغفلوا كتابة القيد، وكلهم تقريبا إلا إلا يعني كتاب أو اثنين يغفلوا القيد ده، يظهر أنهم يريدون الظاهر مراد هنا. بغض النظر عن الفتوى، احنا ممكن دلوقتي نقول: لا، الفتوى ما تعملش كده. لكن لما نيجي نحرر المذهب دي مسألة، ولما نيجي نقول بقى الفتوى مع فساد الزمان، قلة الديانة، تساهل النساء، دي مسائل تانية تخلينا نذهب نشدد في المسألة دي، ما نقولش كده عمال على بطال الست تروح لطبيب، لا طبعا. بس احنا بنفهم المسألة من حيث التأصيل الفقهي، نفهم إزاي فقه.

خلاص، في كتب الآداب ذكروا القيد، يعني هلاقي ابن عبد القوي في المنظومة لما يجي يتكلم عن نظر الطبيب قال لك: مع عدم وجود ال. عاوزين نجيب البيت ولا إيه رايكم؟ طب يلا هاتوا لي البيت، هيقول إيه؟ وإن مرضت أنثى ولم يجدوا لها طبيبا سوى فحل أجز ومهدي. فحل يعني ذكر. شوفوا هنا القيد ذكره واضح هنا فين؟ ابن عبد القوي هنا. الحجاوي لما جه يتكلم عن المسألة أطلق، ما قالش خالص إيه لم يجدوا لها طبيبا سوى فحل، لأن هنا وجود القيد ده برضه ظاهره أنه إيه؟ أنه مع وجود الطبيبة ظاهره الحرمة، ده ظاهره برضه مش نص، خلي بالكوا، ممكن يبقى مكروه مش حرام، يعني لسه يعني فاهمين. هو هنا قال لك: أجز، طب لو ما كانش ممكن يبقى مكروه الله يعني بس الظاهر الحرمة. وكذلك ابن مفلح في الآداب الشرعية ذكر القيد.

خلاص، هنا بقى اختلفت الأنظار، أنظار مين؟ اللي أنا طبعا راسلت واتصلت بناس لها عناية بالمذهب، أسماء كبيرة يعني عشان نحرر المسألة دي، واختلفت أنظارهم في تحرير المسألة: وهو فعلا ظاهر المذهب مراد ولا غير مراد؟ ومنهم حد يعني من وهو من أحسن الحاجة من يعني ارتحت لكلامه الصراحة يعني، يعني اللي هقوله ده كله اللي جاي ده مش كلام أنا خالص، واحد من إخواننا برضه اللي لهم عناية بالمذهب شديدة يعني هو يرى أن ظاهر المذهب مراد للحنابلة، بغض النظر بقول لكم الفتوى ما حدش ينقل الكلام ده كفتوى أن الست تروح لدكتور مع وجود دكتورة تقوم بنفس الشغل، لا، ما فيش ست تروح لدكتور مع وجود دكتورة، إنما يرى أن ظاهر المذهب مراد.

طب ليه؟ قال لك: أولا كونه ذكر في المستوعب، وده كتاب من كتب المذهب، أنا قلت لكم إيه؟ إلا كتاب أو كتابين، يبقى معنى كده أن القيد ده معروف، يعني هما بيكتبوا الكتب مش مثلا إيه ماجاش في، لا، بدليل أن في كتاب كتبه، بس المذهب ما يتاخدش من عشان ناخد نقول مذهب احنا كذا مش هناخده من الكتاب ده. فدي أول حاجه، ثاني حاجه كون أن كتب الآداب كاتبينه برضه، بالذات أن الحجاوي مثلا ما هو شارح الشارح المنظومة فهو عارف القيد ده موجود في الآداب، الحجاوي في ولا كتاب من كتبه في الفقه ذكر القيد. الأعجب من كده ابن مفلح نفسه اللي هو ذكر القيد في كتاب الآداب لم يذكر القيد في الفروع، اللي هو كتاب الفقه! يعني نفس الشخص لما جه كتب في الآداب ذكر القيد، لما جه كتب في الفقه ما ذكرش القيد! فهو يرى أنه إيه؟ أنه كونهم أغفلوا القيد في كتب الفقه لأن هو طبعا هو بيكتب في الفقه هو بيكتب المذهب، في الآداب ممكن يذكر فتوته هو شخص، يعني إيه؟ يعني أنا بقول لك هنا قولي لما يجي يكتب في الفقه ما بيكتبش قوله، مفهومة دي؟

وبعضهم قال: لا نحمل المطلق على المقيد، وكلام زي كده برضه له وجاهة، يعني الكلمة له وجاهة، بس أنا الصراحة أميل لقول أن ظاهر المذهب مراد في الحته دي ولا أقول به، يعني ما أقولش لوحدة: روحي اعملي كده.

بقية المذاهب بقى يبحثها أهلها، لأن أنا برضه عشان أقول المذهب الفلاني كذا دي مش مسألة سهلة يا جماعة، مش مسألة أن إيه أجيب قول مثلا مثل النووي في المذهب الشافعي وأقول يبقى ده لا، المذهب مش كده، عشان أقول مذهب الشافعية إيه دي قصة، زي الحنابلة ما أجيبش إيه قول مثلا واحد حنبلي أقول أهو مذهب الحنابلة، غلط، غلط، فانا ما اعرفش بقية المذهب إيه الصراحة يعني محتاجة تحقيق. مذهب الحنابلة ظاهره عدم اشتراط وجود الطبيب، ظاهره كده. الظاهر مراد ولا لا؟ إديني حكيت لكم القصة بقى، لا، عشان نعرف المذهب إزاي ناخده بقى إن شاء الله في لما ناخد المدخل لابن بدران هنشوف الحاجات دي، طبعا هو إزاي نعرف المذهب؟ في أماكن نقدر نقرا فيها زي كتب المداخل، زي مقدمة المرداوي للانصاف، يعني في أماكن يعني مش وقتها بقى، ده مسألة تانية دي.

خبرة، وروني حد يديني الكتاب كده، عاوز أشوف كتابه. في فرق يعني، فرق خبرة واضح مثلا موجود عنده.

هنا يبقى احنا ما بنتكلمش في المسألة دي، مسألتنا، مسألتنا أن هي تعبانه، والتعب ده ينفع طبيبة تعالجه، فما تروحش لطبيب. مسألتك دلوقتي أن لا، هي تعبانه مثلا، أشهر مثال الإنجاب الخلفة والبتاع، في واحدة عادي حملت بتخلف، فعادي طبيبة هتخلفها تولدها وخلاص، لا، ده هو دي حملها مش سهل، والجنين بيسقط؛ لأن الرحم ضعيف ما بيشيلوش، وبيجي لها نزيف في مش عارف إيه، فتعالوا يا دكاتره حلوا. الستات يرفعوا، يقولوا: ما فيش ده والله ما، فنعمل إيه وقتها؟ هنا ما فيش طبيبة تحل. أنا هاقول لكم حاجة شفتها بعيني أنا، بادخل غرفه العمليات في في الولادة مع مع زوجتي، وبنجيب الطبيبة ست ونجيب دكت دكتور التخدير أو دكتور تخدير، بتبقى لابسه كل لبسها لغاية ما يخضر وبعدين إيه ودي وشه.

لازم الدكتور يفضل قاعد في الأوضة، ما ينفعش يخرج بره، والدكتور خدي ما ينفعش يسيب أوضة العمليات. المهم، إيه احترازات وأنا ببقى واقف ما بسيبش الغرفة؟ فانا شفت بعينيا المنظر اللي هحكيه ده حصل، يعني، ما أعرفش بيسموها إيه كده الطبية دي، أشهر واحدة في إسكندرية. أشهر واحدة ارتبكت وإديها ارتعشت وبقت مش عارفة تنادي على مين، يعني مش عارفة تعمل إيه؟

أنا المنظر ده أنا ما بحكيش عن حاجة بقى ابتدت إيديها ترتعش وهي، ده إحنا في جراحة، يعني إيه بترتعش إيه في جراحة؟ يعني ما رحت أنا وأنا هادي كده قلت لها: إيه، لو عاوزة دكتور راجل دخلي دكتور راجل. هي ما بقتش عارفة تعمل إيه أصلاً، هاتوا لي، وتسكت، هي مش عارفة تعمل إيه؟ مش عارفة تقول إيه؟ مش عارفة تنادي على مين؟ من كتر ما خلاص يعني. فانا قلت لها: لو عاوزة تدخلي دكتور راجل دخلي دكتور راجل. بقيت أنا اللي بهدي الدكتورة. فده هو النساء كده. أم، فهو هو النساء كده، يعني بيبقى قدرات، يعني أنا بقول لكم مش راح لوحده أي كلام.

طيب، 187 في نسخ و27، تعالوا نقرا كده، الحجاوي هيقول إيه؟ بيقول: «وإن مرضت أنثى ولم يجدوا لها طبيباً سوى فحل أجزه ومهدي». ده كلام ابن عبد القوي. هنا راح الحجاوي قايل إيه؟ مشى على كلام الناظم بقى، قال إيه: «وجملته أنه إذا مرضت امرأة ولم يوجد من يطبها غير رجل، جاز له منها نظر ما تدعو الحاجة إلى نظره حتى الفرجين، وكذا اللمس لأنه ضرورة، وكذا الرجل مع الرجل». قال ابن حمدان: «وإن لم يوجد من يطبه سوى امرأة فلها نظر ما تدعو الحاجة إلى نظره منه حتى فرجيه». قال القاضي، يعني أبو يعلى: «يجوز للطبيب أن ينظر من المرأة إلى العورة عند الحاجة إليها نص عليه، وكذلك يجوز للمراة والرجل أن ينظر إلى عورة الرجل عند الضرورة نص عليه»، إلى آخره.

ماشي، يبقى هنا لما جه يشرح الآية، البيت على قول مين هنا؟ لما جه يقرر المسألة في موطن آخر قررها على المذهب. ماشي، طيب، هذا ما أميل إليه بعض الإخوان، قال: لا نحمل مطلقهم على مقيدهم، وده له وجه برده، يعني ما أطلقوه في موضع وقيدوه في آخر نحمل المطلق على المقيد. له وجه، يعني مش بقول إن ده قول ضعيف، ماشي. وفي الآخر ده كله مسألة تبحث لا للعمل أصلاً، إحنا في الآخر هنقول للست في الزمن اللي إحنا عايشين في زمن الأخير ده: ما فيش حاجة اسمها كده، دي الفتوى بقى، ما تروحيش لراجل مع وجود امرأة، ينفع تعمل إيه الـ يعني تطبك؟

خلاص، طبعا أنا آسف قفلت بقى. وهنا مسألة مهمة وهي مسألة أن ده كله في النظر لا الخلوة، يعني حيث جاز النظر تحرم الخلوة. فين؟ اللي هي 187. ماشي، أما نجي لها بقى، يعني دي مسألة بس على جنب كده، يعني عشان ما يعني تروح له عشان خلاص ما فيش غيره وبتاع، ما ينفعش يقفل عليها باب ويقعد، ما فيش كده. ماشي، يدخل معاها حد من محارمها أو يبقى هو دايماً في ممرضة قاعد ما تسيبهمش. ماشي، دي مسألة بقى هنقعدها إن شاء الله زي ما قلنا كده في واحنا بنشوف المذهب إزاي بنعرف المذهب، مذهب الحنابلة ناخده إزاي؟ يعني الكتاب الفلاني قال كذا، وكتاب الفلاني قال حاجة تانية، ناخد فين المذهب في دول؟ دي مسألة هندرسها بعدين.

انت عاوز حاجة؟ اتفضل. هو دلوقتي هو مثلاً الرجال عايز أن هو يعرفها، هو الأول بنتكلم عن نظر الطبيب. جاب بس كده هنا دي للانس، هي الروح للطبيب لو ما فيش. قبل كده بيقول إن الطبيب، خلينا افتحوا لي الصفحة كده تاني 187، هو عاوز يقول إيه؟ بيقول إنه هنا بيقول للطبيب: انظر، فما فيش وجه. هو عاوز يقول كده، وبعدين يشوف الألفاظ، يعني ما فيش وجه أن نقول له إيه: أنثى ولا مش أنثى؟ لأن هي داخله له هيقعد يقول لها: انت، هو في أنثى ولا ما فيش؟ هو عايز يقول كده، يعني هو له النظر. إنما الناحية التانية بنقول لها إيه؟ بنخطاب للانثى، أن ما تروحيش لطبيب غير مع عدم الإيه. طيب، تعالوا بقى نشوف هو هنا بيتكلم عن إيه؟ بيقول قول: «وإن مرضت أنثى ولم يجدوا لها طبيباً سوى فحل أجزه». أجزه يعني إيه؟ أجزه التطبيب للفحل ومهدي.

فراح قايل لك إيه بقى؟ شوف بقى كلام إحنا شرحنا اللي هو عاوز يقوله، عاوزين نشوف بقى كلام الحجاوي يحتمل ولا لا؟ راح قال وجمته: أنه إذا مرضت امرأة ولم يوجد من يطبها غير رجل جاز له، للرجل اللي هو الطبيب، منها نظر ما تدعو الحاجة إلى نظره حتى الفرجين. يبقى الخطاب لمين هنا؟ للطبيب. يبقى كلامك صح ولا غلط؟ يعني لا الظاهر أنه مش كده، الظاهر أنه زي ما إحنا قلنا بقى. طيب، حد عنده إشكال تاني هنا؟ اللي هو ظاهر المذهب زي ما إحنا قلناه بس ما ننقلوش على أنه فتوى، على أنه يعمل بها في الزمن ده. وإخواننا نقلوا لنا كلام عن دكاترة كلام قذر، فده يؤكد إنه إيه النعمة، ما ما فيش ستات تروح للرجاله مع وجود، لكن في الآخر واحدة هتموت، هنعمل إيه بقى؟

طيب، قال ومنه نظر الطبيب إلى ما تدعو إليه الحاجة من بدنها حتى فرجها، ومثله من يلي خدمة مريض ولو أنثى في وضوء واستنجاء. يعني الممرض اللي بيقعد مع حد تعبان فبيشطفه وب، فغصب عنه هينظر، انظر إلى الإيه. ومنه نظر الصبي المميز الذي لا شهوة له، فينظر من المرأة ما فوق السرة وتحت الركبة. يعني صبي مميز سبع سنين لكن لا شهوة له. لا شهوة له، يعني ما ما بيبقاش مراهق، لأن بيقولوا هو يشتهي حتى لو لم يبلغ، لسه، يعني مثلاً لو البلوغ مثلاً مثلاً 15 سنة، 14 سنة، من 13 سنة يبتدي إيه ممكن يشتهي المرأة وإن لم يبلغ. فلو مالوش شهوة وهو مميز، يبقى ينظر من المرأة ما فوق السرة وتحت الركبة. وإن كان ذا شهوة فهو كذي محرم. لو كان هو لسه ما بلغش برده، لسه ما بلغش، المسألة دي مهمة لأن كتير من النساء بايه بيبقى اللي حصل إيه؟ منتقبات أو مختمرات أو محجبات، وبعدين رايحه بابنها أبو 11 سنة، 12 سنة، فبيعمل إشكال شوية، أما بيقعدوا مع بعض براحتهم ستات، طب ده؟ فبيبتدوا يقولوا إيه؟ لا، ما فيش واحدة تجيب ابنها لو 11 سنة أو 12 سنة، لا، ما تجيبوش معاه. كويس، ده برده كويس، لأن إحنا بس بنشوف الفقه إيه، بس ده كويس برده لأن إحنا عندنا إشكال آخر غير النظر وهو النقل. ده إشكال تاني غير النظر، اللي هو ولد ولد صغير، في الآخر صغير، فممكن يقعد يحكي اللي شافه.

ماشي، فهنا بيقول: طيب هو إن كان ذا شهوة فهو كذي محرم. طب المحرم ده ينظر إيه؟ فينظر ما يظهر غالباً من وجه ورقبة. احفظوا الكلام ده مهم جداً، مش عشان الولد، عشان المحرم. الابن يشوف إيه من أمه؟ الأخ يشوف إيه من أخته؟ ينظر ما يظهر غالباً من وجه، ورقبة، ويد، وقدم، ورأس، اللي هو الشعر، وساق. يبقى ده اللي ينظر. ماشي. طيب، الساق، طبعا اللي هو لغاية الركبة ده الساق. ماشي، والباقي مفهوم.

ومنه، يعني من المباح، مين اللي كان عاوز تمييز سبع سنين تقريبا؟ سبع سنين. لا، سبع سنين هو مش مميز، من سبع سنين يبقى مميز. أنت ذاكرت الفقه باين وأنا كنت ذاكرت فقه كنت سالت السؤال ده. ومنه النظر إلى العجوز، يعني أباحوها، والبرزة، التي هي تبرز لحاجتها. عاوزين تعريف البرزة. هاتوا البرزة، من هي ما مش من جوجل بقى، من كتب معتمده. ما حدش يجيب لي من جوجل، حتى لو هتجيبوه من جوجل بس قال فلان في الكتاب الفلاني، هاتوه، بس يبقى منه النظر إلى العجوز والبرزة والقبيحة. فينظر منها إلى غير عورة صلاة، وكذا من الأمة ليست مع. ماشي، ده الكلام اللي إحنا قلناه المره اللي فاتت، المره التي تخرج في حوائجها. ماشي، هي اللي بتروح السوق تشتري، هي اللي بتدخل السوبر ماركت، هي اللي بتروح دي البرزة. من البروز، ده اللي قلنا لكم المره اللي فاتت، اللي هي تخرج في حوائج نفسها، حد بقى شق حاجة غيرها. مين قال إيه فين؟ أنت. أنت خليك جنب النوس تدلع فيه وتهشتك فيه، سيبك من العلم، أنت مالك ومال العلم ها. بلاش من، لا مش عاوز من المعاجم، عاوز من كتب الفقه. ابن مين؟ عادل. مين ابن عادل الحنبلي؟ مش عارفة ده، ما فيش كتب فقه خالص جت في عشان تبحثوا، تقوموا تكتبوا إيه؟ تعريف البرزة عند الحنابله مثلاً، تقوم يجيلكم كده تعريف البرزة عند الشافعية، تعريف، مثلاً، أنت معانا ولا مع الاسفخاري ولا صحيح البخاري مش هيقول تعريف البرزة. مين مين قال فين؟

طيب ماشي، خلوها بقى زي ما إحنا لغاية ما تشوفوا إيه، لو لقيتوا تعريف تاني قولوه. يبقى البرزة اللي بتخرج حوائج، يبقى المرأة اللي هي بتخرج في إيه لحوائجها، هي اللي بتروح تشتري من السوق زي ما قلنا. طيب، مباح النظر له لايه بقى؟ العجوز والبرزة والقبيحة. هنبص لإيه؟ إيه اللي يباح النظر، طبعا لغير إيه؟ إحنا ما كناش في شهوة خالص دلوقتي. قال: فينظر منها إلى غير عورة صلاة. يبقى عاوزين نعرف عورة الصلاة إيه للمراه؟ إيه عورة الصلاة للمراه عندنا؟ المذهب كله ما عدا الوجه، وفي قول تاني الوجه والكفين. ماشي، يبقى الذي ينظر لها دول، اللي هي العجوز والقبيحة إذا أباحنا، هنبيح النظر للوجه. ماشي، طب الوجه والكفين؟ الكفين يبقى كده مش العباية بتطلع لغاية الحتة دي، فالحتة دي لا تنظر، وده لمين؟ للعجوز والقبيحة. ماشي، أم. ما عورات، ما عورة الصلاة خلاص بقى متغطية، عورة الصلاة كل البدن ما عدا الوجه، يبقى ينظر إلى غير عورة الصلاة، له النظر إلى الوجه. فاهم.

قال: ومنه النظر إلى ذوات المحارم، وإحنا خلاص عرفنا إيه اللي ينظر من إيه ذوات المحارم، فينظر منهن ومن بنت تسع سنين. عندكم سبع، نعم. افتح لي كتاب من الكتب، شوفها، شوفها في في النكاح. كتاب النكاح هيقول هنا تسعة ولا سبعة؟ عشان ناسي دلوقتي. لا، ماشي، أي كتاب من كتب الفقه، فقه المذهب عندنا، بس إحنا يعني في كتاب إيه؟ مكتوب إيه دلوقتي؟ اقرا لي الجملة عشان بس أنا ماناسي دلوقتي سبع ولا تسعة؟ هو الأقرب تسع، لأن ما ما اللي دون السبع لها حكم 12، لا تسعة، هيبقى تسعة. شوف كده، لأن ما بين السبعة والتسعة الفرقان، والله أعلم، هيبقى تسعة. أنا بس ناسي، يعني ما تاخدوا مني الكلام ده دلوقتي. في أول كتاب النكاح، في أول كتاب النكاح خالص، في الباب بتاع رؤية الخاطب هتلاقوا المسائل دي. لا، بلاش، ماشي، بس هو يعني مش هناخدها من المغني، بس قول، والمغني يبقى صعبة أنك توصل لها، هاته من المختصر القصين. لا. قول. في رؤية، يا جماعة، ما أنا ممكن اطلعها، أنا بس أنا عاوزكم أنت تشتغلوا وتعرفوا أنت بتجيبوا إيه منين، فكله يشتغل، يعني ما قاعدين طرزانات، ده جزء من الدرس بس.

في منت قال إيه بقى؟ تسحرم كمحرم. وبنت تسع مع رجل كمحرم. يبقى التسعة هي اللي صح، بس هاتوها من حتة تانية، لأن هو طب هات زي ما بقول كده: ما دون السبع لا حكم للعورة، وبين سبع وتسع الفرقان، صح كده؟ ما بين السبع التسع الفرقان، وبعدين بقى بنت تسع مع رجل كمحرم. اللي ما بيدوروش ليه؟ طب ما بيدوروش مع، آه، إيه بقى ده؟ هو أي تسعة وخلاص؟ طب ما أنت ممكن تلاقي صفحة تسعة برده هاتها. هو أي تسعة لقيتها؟ إحنا بنكلم في إيه دلوقتي؟ في العورة والنظر، ده ماله بالنقب بالعورة والنظر؟ لا خالص، تهيا لك. شوف مسألة إيه؟ تعلموا تبحثوا. طب هي اطلعها أنا وخلاص؟

أه بس هاتها هاتها في الهداية بقى. المستقنع. أم أم. يا جماعة مش أي تسعة بالله عليكم، أنت عملتوا سيرش على تسعة ولا إيه؟ أنا مش هداية الراغب. مش العمدة، أنت جايب العمدة نفسه؟ لا، العمدة مختصر. خلاصة إيه يا شيخ؟ هي العورة للصلاه وطرين الولادة التمييز سبع سنين لا عوض لهما وعرض البنت وعرض البنت من السبع إلى من الصورة لفرعور الصبي. ده مش المذهب. ده كتاب إيه ده؟ كتاب. ده الولد سابع العشر ده، من سبع م، قول كمل، متني ورا. ما بينهم وعش الفرجان. أم. خلاص ماشي، الذي دعوه، ماشي. وعن ذلك إلا ما قبل س كان الصلاه. ماشي، ومن بعد تسع سنين بقى، من بعد تسع سنين بقى. ماشي، يبقى هي التسعة صح. ماشي، التسعة هي اللي صح مش السبع هنا. إيه؟ ليه؟ إيه؟ ما هو إحنا اللي أنت قريتوه دلوقتي، أنت شاطر أهو قريت.

طيب، يلا، النظر إلى ذوات المحارم فينظر منهن ومن بنت تسع سنين إلى وجه ورقبات ويدم وراس وساق. يبقى البنات اللي هم مش محار، إحنا مش دلوقتي على المحارم يا جماعة.

يعني دلوقتي انظر إلى إيه من المحارم، انظر الرجل ينظر إلى إيه من أمه، من بنته، من أخته؟ ينظر إلى إيه؟ وكذلك ينظر إلى إيه من بنت تسع؟ دي مش محرم، دي ما أعرفهاش، واحدة ما أعرفهاش أجنبية، عندها تسع سنين أو أكثر ما لم تبلغ. ما هي لو بلغت بقت خلاص أجنبية بالغة، نرجع تاني إنه يحرم النظر إلى إيه؟ إلى جميعها. فهمتوا المسألة اللي احنا فيها دلوقتي؟

طيب، فقال لك: ينظر من ذوات المحارم ومن بنت تسع سنين إلى وجه ورقبة ويد وقدم ورأس وساق، وده اللي تقدم معانا وهن يعني من المحارم من تحرم عليه على التأبيد بنسب أو سبب مباح لحرمتها إلا نساء النبي صلى الله عليه وسلم. فله يبقى مين ذوات المحارم اللي تحرم عليك على التأبيد؟ ليه على التأبيد؟ عشان اخت مراتك تحرم عليك ولا لا؟ تحرم. أنا بسأل سؤال ما قلتش تأبيد، سؤالي تحرم؟ تحرم على التأبيد؟ لا؛ لأنك لو طلقت مراتك ممكن تتجوز أخت مراتك، فدي مش محرم ليك. فهمتوا؟

طيب بنسب؛ زي اختك. أو سبب مباح؛ زي حماتك. دي تحرم عليك على التأبيد. اللي لا.. آه تحرم عليك على التأبيد. ماشي. طب بنسب، بسبب مباح، مش كده؟ ماشي. أو الرضاع -أنا بس بفكر الحمى دي بنسب ولا بسبب؟ مش فاكر برضه نا في ماشي- إلا نساء النبي صلى الله عليه وسلم، نساء النبي يحرمن علينا على التأبيد، ماشي، إنما ما يجس أن احنا ننظر إليه منهن إلى هذه الأمور.

ومنه -يعني من النظر المباح- نظر العبد إلى سيدته إذا كان كله رقيقا، فينظر منها كذي محرم، وكذا نظر غير أولي الإربة كعنين وكبير ونحوهما، السيد والأمة والحاجات دي مش عندنا، والعبد والكلام ده مش عندنا دلوقتي، ماشي. إنما قال لك: نظر غير الإربة، يعني من لا حاجة له في النساء، من لا شهوة له، كعنين. مين العنين؟ لما نسأل حاجة دائما عاوزه نضبط الكلام ده مهم يا جماعة، الكلام اللي هو كده ده ارجعوا الفقهاء، مين العنين؟ قول.

في القبل ده طبعا الآي. إنت بتقرأ الآي. إي. دلوقتي؟ فأول حاجه ما ناخدش دينا من الآي. إي. ده خالص، ماشي، أنا ما بقولش غلط وصح بس يقع إيه ده. ماشي، الآي. إي. معمول عشان يبسط الكل، يعني أنت لو قلت له: لا، لا، الحالة مش، يقول لك: آه، لا، مش كده خالص، ده أنا كنت بس بهزر معاك.

لا يقدر على.. ماشي. ماشي يبقى من لا إيه؟ لا يقدر على إتيان النساء، ده العنين. حد عنده حاجة؟ قول آخر. منهم العنين مجموعة منهم العنين، كغير الإربة كعنين يمثل، يمثل كعنين وكبير ونحوهما، يبقى نحو العنين والكبير، يبقى في غيرهم، ماشي.

طيب، ويحرم نظر خصي ومجبوب إلى أجنبية، نص عليه أحمد. وكره أحمد أن ينظر العبد إلى شعر مولاته. ماشي، يبقى إحنا لما قلنا لكم مين العنين قلتم الخصي، طلع قال لك: لا، الخصي بقى يحرم نظر خصي مجبوب إلى أجنبية. الخصي معروف، هو والمجبوب، مين الخصي؟ معروف، صح. والمجبوب؟ مقطوع الذكر. بصوا عليها برضه من المجبوب، سيبكم أنا ما قلتش حاجة خالص، اعلموا كده، تعلموا أن أنتوا تعرفوا تدخلوا.

قال: ويحرم نظر خصي ومجبوب إلى أجنبية، نص عليها خلاص خلصنا. ومنه النظر إلى الأمرد، منه يعني من الآية المباح، النظر إلى الأمرد، مين الأمرد؟ ماشي، من لم تنبت لحيته. عاوزين تشوفوها؟ اتعلموا يا جماعة عشان الكلمات دي أنتوا مش بالحب كده، مش بكده هي.

ومنه النظر إلى الأمرد، ولا يكرره، يبقى محافظ القرآن اللي بيحفظ أطفال صغار مالوش إنه يكرر النظر للأطفال أنهم مرد، لا يكرره، وإن خاف ثوران الشهوة حرم. هو الأمرد يشتهى؟ آه، بيشتهى وبيجيلنا مشاكل كبيرة. ومنه نظر الأم.. وأولياء الأمور ينتبهوا لده برضه.

ومنه نظر المرأة إلى المرأة -يعني مباح- فتنظر منها ما فوق السرة وتحت الركبة، وكذا رجل مع رجل، وتنظر أيضا من الرجل ما تنظر من المرأة، يعني المرأة تنظر من المرأة ما فوق السرة وتحت الركب، الرجل من الرجل ما فوق السرة تحت الركب، المرأة من الرجل ما فوق السرة وتحت الركبة، ده كله تاني مع أمن الثوران، ثوران الشهوة.

وعنه -عن أحمد- يعني يحرم عليها أن تنظر منه -يعني من الرجل- ما يحرم عليه أن ينظر منها. حلوة دي؟ حلوة دي! يبقى المرأة تنظر لوجه الرجل، وبس كده، تنظروا حاجات تلبسوا الطاقية عشان إيه.. أنت رجلك.. أنت أنا خايلك.

طيب، ومنه -يعني من المباح- النظر إلى من يشهد عليها أو يعاملها من بيع أو شراء أو غير ذلك، فينظر إلى وجهها وكفيها، ما ينظرش لحاجة تاني. هو دلوقتي واحد بيعاملها أو يشهد عليها، فيجي بيتحمل الشهادة يقوم يقول لك: أنا راجل متدين مش هبص، يقوم يجي يطالب بالشهادة اللي تحملها، يقول له: تعالى دي هي دي. القول: والله ما شفتش! يقوم يضيع حقوق الناس عشان هو متدين، صح؟ عشان جاهل، مش هيعرف يتحمل شهادة، ما يروحش يتحمل شهادة ويضيع حقوق الناس.

ماشي، علشان في البيع والشراء فهو هيبقى صعب قوي إنه إيه.. آه طبعا، بص تدقيق العلماء في المسائل دي، وأرجعوا بقى شوفوا تساهلنا نحن في التعامل مع الملفات دي، ونرجع نقول مش لاقيين قلوبنا وقلوبنا قاسية، طب ما هو من كده!

فصل: قال شيخ تقي الدين ابن تيمية: من كرر النظر إلى الأمرد ونحوه وقال: لا أنظر لشهوة، كذب في دعواه؛ لأنه قاعد عمال يبص على المردان، على الأطفال الصغار وعمال يكرر النظر. جينا نقول له: ما تبصش، قال: أنا لا أنظر لشهوة! ابن تيمية بيقول: كل من كرر النظر إلى الأمرد ونحوه وقال: لا أنظر لشهوة، كذب في دعواه. كذب في دعواه؟ طب ممكن يبقى صادق؟ ولا ممكن يبقى صادق في نفسه لكن نحن نكذبه في دعواه احتياطاً وايه؟ تقديماً لدرء المفسده. كذب فما نسمحلوش إنه يكرر النظر للمرد.

وقاله ابن عقيل. وقال شيخ تقي الدين أيضا: تحرم خلوة المرأة بحيوان يشتهي المرأة أو تشتهيها، بأمرد حسن.. ما فيش بحيوان يشتهي المرأة أو تشتهيها كالقرد. طيب دي زيادة عندنا فماشي ماشي كالقرد، ودي مسألة يعني بعيدة دلوقتي والخلوة بأمرد حسن ومضاجعته -يعني أنها تنام معه في السرير، ده إحنا مش بنتكلم في شهوات وكده عادي- أمرد وامرأة كالمرأة الأجنبية، ولو لمصلحة التعليم والتأديب، برضو لا تخلو به. ومن عرف بمحبته بمحبه المردان أو معاشرة بينهم منع من تعليمهم، يبقى لو رفع إلينا مسألة أن محافظ قرآن واتعرف عنه حاجة زي كده أو اتمسك عليه حاجة زي كده، يمنع من تعليم الصبيان القرآن. مدرس في المدرسة وعرفنا عنه حاجه، يمنع من التدريس. ندخلوا بقى العيال بتاعة ثانوي يفرموه هم.

إنما ما يدخلش بقى للإيه خلاص، طالما اتعرف عنه أن هو محب للمردان؛ لأن ده دي مشكلة، دي شهوة زيها زي شهوة النساء كده، ماشي. لا ما هو المحرم يختلف، المحرم يعني دي مسألة تانية دي. أم.

وقال: ووجدت في ظهر ورقة في كتاب أبياتاً منظومة، كانها والله أعلم جواب سؤال رجل كان يعلم أولاداً مرداً، فخاف أن تميل نفسه إليهم أو كانت تميل والله أعلم، وهذا ما وجدت. ركزوا بقى في الابيات عشان:

«أيا سائلاً بالله إن كنت ذا تقى * ترج ثواب الله في جنة الخلد فإياك والأحداث العيال الصغيره * لا تقربنهم ولا ترسلن الطرف فيهم على عمد * وإرسال طرف منك لا تحقرنه ففي ضمنه سهم يفوق على الهندي * فإنك إن أرسلت طرفك رائداً تمتعه يا صاح بالناعم الخد» يا صاح -يعني يا صاحبي- بالناعم الخد، الطفل الصغير اللي هو أمرد يعني ناعم الخد يعني ما فيش لحية.

«تبوء بإثم ثم تسلب أنعماً * ثلاثاً بهن الله يهدي إلى الرشد حلاوة إيمان ونور فراسة * وثالثها إيمان ذي القوة الجلد» أنت هتخسر كل ده فما بعد ذا الخسران ربح.

«فخلهم» يعلمهم ذو عفة حسن القصد. ما تروحش تعلم الإيه طالما أنت عرفت من نفسك كده.

«فما بعد ذا الخسران ربح فخلهم» سيب العيال الصغيرة دي، ما لكش دعوة بيه، يعلمهم ذو عفة. يعلمهم حد غيرك حسن القصد. وناظمها يدعى ابن حبال أحمد هو الحنبلي بالشكر يختم والحمد.

قال الناظم: ويحرم بهت واغتياب نميمة، وإفشاء سر ثم لعن مقيد، وفحش ومكر والبذي وخديعة، وسخرية والهزء. فين بقية البيت بقى؟ ها والكذب قيدي. ماشي.

طيب، ويحرم بهت واغتياب نميمة. بهت هو بفتح الموحدة حد، اللي هي الباء يعني، وسكون الهاء وفتحها لغتان. يعني بهت أو بهت. ماشي.

قال الجوهري: بهته بهتاً وبهتاً وبهتاناً، فهو بهات، أي قال عليه ما لم يفعله. يبقى إيه إيه البهت؟ إن قال.. آه البهت: أن يقول على المرء ما لم يفعله. وقال غيره: البهتان الباطل الذي يتحير من بطلانه وشده نكره، وهو الكذب، وهو حرام.

واضح الكلام؟ قال صلى الله عليه وسلم: «عليكم بالصدق، فإن الصدق يهدي إلى البر، وإن البر يهدي إلى الجنة، وما يزال الرجل يصدق ويتحرى الصدق حتى يكتب عند الله صديقاً. وإياكم والكذب، فإن الكذب يهدي إلى الفجور، وإن الفجور يهدي إلى النار، وما يزال الرجل يكذب ويتحرى الكذب حتى يكتب عند الله كذاباً». والكذب من علامات النفاق، وسئل أحمد: بما تعرف الكذابين؟ قال: بخلف المواعيد. مين كذاب هنا بقى؟ يبقى نقرا تاني، الكذب من علامات الإيه؟ النفاق. وأزاي نعرف الكذاب؟ بخلف المواعيد. مين منافق بقى في القعدة؟

وقال أبو زرعة الرازي: قلت لأحمد: كيف تخلصت من سيف المعتصم وسوط الواثق؟ فقال: لو وضع الصدق على جرح لبرا. واحد يؤذى في نفسه، ومع ذلك أخذ بالعزيمة فصدق، ماشي. واحد هيؤذى غيره يكذب؟ فاهمين؟ ماشي. بعدين بقى عاوز إيه الناس هتأذي؟ عاوز تأذيهم يعني؟ ولا عاوز أنت مش فاهم؟ ليه إيه؟ يعني إيه اللي ليه؟ قولي سؤال على بعضه. كمل السؤال ليه ما تصبرش على إيه؟ سيبوه يا جماعة، سيبوه لو سمحتم، ما حدش خالص يكلمه. ها ليه ما تصبرش عل.. قول.

هو أنت بتصحى فجاه كده في النص؟ إيه؟ أنا قلت هو.. أنت سمعت اللي أنا قلته؟ عيد طب بلاش بلاش تسأل، عيد الجملة اللي أنا قلتها، ما أنا نسيتها! يعني من أخذ بالعزيمة في نفسه ماشي، إنما لو غيرك اللي هيؤذى تقول: لا أنا أخذ بالعزيمة وأصدق؟ لا برضه. إلا بقى لو التاني ده هو مين ساعتها نعترف كلنا.

طيب، قوله واغتيابه، تاني البيت إيه بقى؟ ويحرم بهت واإيه.. واغتياب. يعني ويحرم الاغتياب، وذكر الإنسان من وراء.. ذكر الإنسان من وراء ذكر الإنسان من ورائه بسوء. يعني من وراء الإنسان يعني من ورائه كده يعني، الهمزه على السطر صح؟ ذكر الإنسان من ورائه، واضحه. ذكر الإنسان من ورائه، يعني اللي هو مش قدامه برضه يعني ماشي تمشي كده وك.. بسوء، يعني أنتم فاهمين المهم.

قال الجوهري: اغتابه اغتياباً إذا وقع، والاسم الغيبة، وهو أن يتكلم خلف خلف إنسان مستور بما يغمه لو سمعه. ياه جامدة دي! صح؟ بما يغمه، هيزعل لو سم.. حكيت لكم حكاية أستاذ أحمد؟ حد مش عارفها؟

واحد من مشايخنا كان عنده مكتب مقاولات أو حاجة زي كده يعني وبيشتغل في العقارات وكده، فالمهم كان عنده محاسب اسمه أحمد، وهو شيخنا ده كان كبير في السن وأحمد صغير أصغر منه بكتير يعني. بس أحمد ده كان عاده كده ما يحبش حد يقول له يا أحمد، اللي يقول له أحمد يزعل جداً، لازم تقول له أستاذ أحمد.

كان شيخنا ده يحكي لنا بيقول لنا: كنت أما أجي أدعي له أقول: اللهم اغفر لأستاذ أحمد، اللهم ارحمه أستاذ أحمد، أخشى أن تكون غيبة؛ لأن هو ده يغمه لو عرف أن فلان ده بيقول عليك أحمد هيزعل. هو بيديله آه لما يجي بقى في الشغل يقول له: تعالى يا ابني مش عارف فين الحسابات. ما هو دي مش غيبة بقى، ده في وشه.

أنا ليه بحكي القصة دي؟ علشان نشوف احتراز بعض الناس واصل لفين، عشان برضه نرجع نشوف إحنا فين برضه، أنا بكلمكم ما بكلمكوش عن حد من السلف دلوقتي، بكلمكم عن واحد عايش وسطينا، فكان يحترز في الغيبة لدرجة شكلها إيه. فطبعا كلكم بتغتبوني من ضهري أنا عارف، وهاخد حسناتكم كلها.

قال.. فإن كان صدقاً -يعني لو كان اللي بتقوله ده صدقاً- سمي غيبة، وإن كان كذباً سمي بهتاناً. وعن أبي هريرة قال رسول الله صلى الله عليه وسلم: «أتدرون ما الغيبة؟» قالوا: الله ورسوله أعلم. قال: «ذكرك أخاك بما يكره». قيل: أفرأيت إن كان في أخي ما أقول؟ قال: «إن كان فيه ما تقول فقد اغتبته، وإن لم يكن فيه ما تقول فقد بهتته» رواه مسلم، حديث معروف.

وقال الله تعالى: ﴿وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ﴾ [الحجرات: 12]. وقال: ﴿وَلَا تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْئُولًا﴾ [الإسراء: 36]. وقال النبي صلى الله عليه وسلم: «يا معشر من آمن بلسانه ولم يدخل خل الإيمان في قلبه، لا تغتابوا الناس ولا تتبعوا عوراتهم، فانه من تتبع عوراتهم تتبع الله عورته، ومن تتبع الله عورته يفضحه يفضحه في بيته» خرجه أحمد وأبو داود.

قال الغزالي وابن أبي الفتح البعلي من أصحابنا.. من أصحابنا دي عايدة على مين؟ على أبي الفتح خاصة، ابن أبي الفتح خاصة، الغزالي مش من أصحابنا.

الغزالي معروف أنه شافعي، فمش محتاج أقول لك يعني. وابن أبي الفتح البعلي ده من أصحابنا يعني من الحنابلة يرخص في الغيبة في ستة مواضع.

الأول المتظلم؛ يذكر ظلم الظالم عند السلطان ليدفع ظلمه. مفهوم؟ واحد متظلم فيجي يقول إيه: فلان كان ظالم وعمل لي كذا وكذا وكذا، لازم يقول كده عشان ياخد حقه. المتظلم يذكر ظلم الظالم عند السلطان ليدفع ظلمه. فاما عند غير السلطان وعند من لا يقدر على الدفع، فلا، ركزوا بقى.

يبقى قاعد بفضفض مع فلان عن فلان، غيبة. لأن أنت تفضفض ليه؟ أولاً غيبة، وثاني حاجة قلة أدب، سوء أدب مع ربنا. ربنا تشتكي مين دلوقتي؟ تشتكي مين؟ فلان ولا ربنا؟ ردوا، ما هو مين اللي سلط فلان؟ ربنا، أنت بتشتكيه ولا بتشتكي ربنا دلوقتي؟

فأنت قاعد عملت تفضفض، لا ما تفضفضش مع فلان عن فلان، دي غيبة دي خلاص. مش فاهم من الشخص الظالم يعني؟ لا، هو ظالم، هو ظلمك فعلا، أنا بتكلم على أن ما هو أنت لو رحت للقاضي ما أنت برده تشتكيه، ما قلناش بتشتكي ربنا ساعتها؛ لأن ربنا أباح لك أنك تدور على حقك، هو ربنا اللي أباح لك كده أنك تدور على حقك، وندبك أنك ممكن تترك رجوع حقك وتثاب على كده.

إنما لا، أنا عاوز حقي، ربنا أباح ده، مش هيخلي بقى الظالم يظلم ويفجر والتاني يسيب حقه، فاهم؟ إنما أنت قعدت واحد بقى بتشتكي عن بتشتكي واحد تاني. طب ده هعمل لك؟ لو هيعمل لك حاجة ماشي، يعني لو لو أنت رايح تشتكي لواحد ممكن يجيب لك حقك ماشي، إنما قاعد لا بفضفض، لا ما تجيبش سيرَة حد وأنت مخنوق.

حد يع اه، يعني ممكن كده ماشي، يعني أنت اسم فلان ده مالوش معنى حتى. يعني إيه أنا مخنوق؟ طب مالك؟ ما حد عمل كذا، تقوم تقول له: تستاهل أنت معاصيك وقرفك. بعد ما كان مظلوم مخنوق هيفرفش.

اللي أنت بتقول ده، يعني مثلا مدرس مثلا في الفصل بيسأل عن المجموعة مثلا مجموعة الطلاب أهالي. يا ابن الحلال، أنت دلوقتي. الناظر مثلا الناظر مثلا بيقول للمدرس إيه مثلا اخبار الطلاب؟ فبنقول بيقول له اخبار الطلاب كذا وكذا عشان يحلوا. صح؟ ما هو ما هو الطلاب لو فسقة ما لهمش غيبة. طلاب هنشوف دلوقتي.

اسمها غيبة، مش غيبة؛ عشان ده من الأخطاء المشهورة عند الشباب: غيبة كده. لو من باب الإصلاح، يعني إصلاح هؤلاء، فده مصلحة شرعية، أصل هو برده تقييد مش بستة يا جماعه، يعني احنا بعد الستة أظن هنا الحجاوي بعد ما يخلص يقول لك إيه: وفي أي مصلحة تانية، يعني أظن. ولو ما قالش، فانا بقول لكم كده، وده موجود منصوص عليه، يعني أنا بقوله ده منصوص عليه، إن هم بعد ما يذكروا الستة يقول لك هو في أي مصلحة شرعية؟ يعني هو احنا هنا الستة مش مقيدة بالستة، هو علماء اجتهدوا ولقوا أن دي معظم الحاجات اللي ممكن إيه تكون الناس بتعملها مما يباح فيه الغيبة ماشي. نعم؟

الشغل تعالى مع حد معين، وعايز مثلا أتكلم مع شريكي إزاي مع الشخص ده؟ تعال معاك في طريقة معينة. طريقة معينة، أنا عاوز أجبها لكم من كلام الحجاوي، يعني لو مالناهاش هنا فهي موجودة يعني في في مواطن أخرى أن بعد ما يقولوا الستة يقول لك أي مصلحة شرعية، فهي مصلحة شرعية أن احنا نؤدب الطلاب أو في مشاكل عند الطالب الفلاني فبنناقشها إزاي نعالج كل حد، يعني مصلحة. نعم.

شفت بقى؟ طيب، يبقى المتظلم عرفناه. وأغتيب الحجاج عند بعض السلف. الحجاج معروف وقتل الصحابه وعمل حاجات صعبة، فقال إن الله يعني هذا الرجل لما أغتيب عنده الحجاج، قال: إن الله لينتقم للحجاج ممن أغتابه كما ينتقم من الحجاج لمن ظلمه. وذكر الحجاوي لهذه القصة هنا كأنه يعتمدها، يعني ما أنكرهاش. هو قال لك هتغتاب حد عند واحد هيجيب لك حقك ماشي، هتغتاب حد عند حد مش هيجيب لك حقك فلا. وراح جاب لك القصة دي ماشي. الحجاج اللي هو قتل الصحابة ماشي، فهو يرى أنه لا، ما تغتابش برده الحجاج طالما مش عند حد هيجيب لك حقك، فذكره للقصة هنا كأنه مقر لإيه للمعنى اللي فيها.

الثاني الذي يغتاب على تغيير المنكر، يعني إيه على تغيير المنكر؟ يعني واحد جوز منكر، اللي ماسكين بيشاتوا على الموبايلات دول إيه ليه كده تعمل إيه؟ ماشي. بيقولوا في الإيموشنال إنتليجنس، أما تيجي عشان ده درس مهم ده عشان بس هيساعدكم في حياتكم. دلوقتي أنا شفت واحد قاعد إيه، طبعا بنكشه عشان أعرف هو بيعمل إيه يعني. معظم مشاكل الناس أنهم بيبنوا تصورات على قصص من نسج خيالهم هم.

فهو بيقول لك المنظومه بتمشي إزاي؟ أو يعني العملية أنك بتشوف حقائق، الحقيقة مجرده أن واحد قاعد ماسك الموبايل وبيعمل كده، دي حقيقة مجردة أهي ماشي، قمت أنا مترجمها في ذهني لقصة لمعنى هو إيه؟ أنه بيشات ومش معايا في الدرس، يوم القصة دي تتحول لشعور اللي هو الزعل من فلان أو الغضب عليه أو أنه مش حريص، كده شعور، أو ماخد إجراء، دول أربع مراحل اللي هو أطرده برده. فدول أربع مراحل، هم بيسموها إيه بقى؟ الحقيقة، وبعدين قصة، وبعدين شعور، وبعدين إجراء. بيقولوا الفاكت وبعدين ستوري، بعدين إيموشن، بعدين أكشن. المشكلة فين هنا بقى في الحلقة اللي بين الحقيقة والقِصة؟ بتعمل أزمات ضخمة ماشي.

مثال مثلا ده أنا قلت لاجد سلام عليكم وما ردش عليا. لغايه هنا حقيقة، دي الحقيقة، أن أنا قلت السلام عليكم ما ردش عليا. قمت مترجمه في ذهني: أمجد متكبر، ودي مش أول مرة، وإلى آخره بقى إيه الحاجات دي. يقوم يحصل لي شعور داخلي: أنا زعلان من أمجد، أنا بكره أمجد، أنا... يقوم يتحول لإجراء: مش هروح لأمجد تاني، مش هحضر له، مش هقعد معاه، لو هو صاحبي مش هكلمه تاني. ده كله مبني على إيه؟ على القصة اللي أنا نسجتها من الحقائق. مفهوم؟

ففمهم جداً أننا نعمل، طب عشان نحل الإشكال ده بقى نعمل ايه؟ عندنا قاعدة ذهبية في التواصل، قاعدة ذهبية لا تفترض، تواصل. دي قاعدة ذهبية بيسموها الجولدن رول أوف كوميونيكيشن: دونت أسيوم، كوميونيكيت. ما تفترضش حاجة، بيسموها كده فعلا، بيسموها الجولدن رول، يعني دي قاعدة ذهبية في التواصل، ما تفترضش حاجة.

طب اه، أنا عملت دلوقتي إيه؟ نكشته، إيه هو؟ الناس اللي بتشد دي أنت بتعمل ايه؟ أنا بكتب وراك. أنا كنت ممكن اعمل إيه؟ فلان لو سمحت، مش مهم، اقطع اقفل البتاع اللي في إيديك ده مثلا، وبحبه كده، وهو مش هيبقى فاهم، هو ممكن إيه ساعتها يقول لي: ده أنا بعمل كذا، وساعتها ممكن يسكت، يقوم قافل وخلاص. فدي هتحل لكم أشكالات بقى مع كل، مع زوجتك، هتحل لك إشكال مع زمايلك في الشغل، هتحل لك إشكال مع كل الناس: ما تفترضش. هي الحقيقة مجردة، واحد اتنين تلاتة، روح اسال. هو أنا دلوقتي لما قلت لك سلام عليكم ما ردست عليا، هو أنت سمعتني ومتكبر؟ اه، أنا سمعتك ومتكبر، اه، أنا متك... خلاص، فانا اللي قلت إني متكبر؟ ولا مثلا ما سمعتش؟ لا، لا، أنا...

الثاني الذي يغتاب على تغيير اه، اللي بيغتاب على تغيير المنكر ده، اللي هو مين؟ اللي هو دلوقتي أنا ممكن إيه أشوف منكر وأعرف أنكره لوحدي، ممكن أشوف منكر لا، وأبقى محتاج محتاج مساعدة عشان أنكره؛ أما الموضوع أكبر مني، أو في حد أجدر في إنكار هذا المنكر، يعني كأنه إيه؟ صديق فلان، فهو احسن يكلمه مني، فانا فرحت عاوز إيه بستعين بحد على تغيير منكر، المنكر ده ما يخصنيش خالص، يعني مش هو ظالمني لا. شفت واحد مفطر في رمضان، فممكن أروح أنكر عليه مباشرة، طب الواحد ده لا ده بلطجي ولو رحت إيه هيجيب لي وشي بالمش عارف إيه وبتاع، فروح رايح جايب بلطجي تاني أقول له إيه... المهم فانا إيه بستعين على تغيير منكر فأحكي. فلما أحكي أغتاب ده، أقول حاجات هي تغضبه، لو وصلت له ما فيهاش مشكلة، ليه؟ لأنه معنى شرعي.

الثالث المستفتي إذا احتاج إلى ذكر المسؤول عنه. هنا ده غير المتظلم. المتظلم رايح للي هيعرف يجيب له حقه، القاضي هيقول هيقول الشرطة: هاتوا لي ده من قفاه، ادي له حقه. المستفتي مش كده، المستفتي بيسال يقول إيه: أنا ممكن اعمل بقى اعمل إيه؟ لأن المفتي مش هيجيب لك حقك، ما عندهوش سلطة أن يجيب لك حقك، زي ما عملت إيه هند مع أبي سفيان أن أبا سفيان رجل شحيح. وهذا كله شكاية، وإنما ما يحل إذا كان فيه فائدة.

شوفوا يا جماعة، عشان الستات هتخش النار، مش أنا، بيقولك النبي عليه الصلاه والسلام... ما هو ما هو إيه تكفرنا العشيرة وتكسرنا اللعن، من معانيها اللي تدخل فيها ده أن أنتم هتكفروا العشير وتكسرنا اللعن، تقعدوا تشكوا لبعض. طب ما دي غيبة في زوجك! طب هي فلان بتشتكي لها دي هتجيب لك حقك؟ يعني مش هتجيب لك، يبقى حرام.

الرابع تحذير المسلم من شر الغير فيذكره لمن يتوقع ضرره فقط. يعني مش ماشي عمال أقول: خلوا بالكم من فلان، طب فلان ده احنا اللي هنشوفه ولا شفناه؟ ولا إنما لا، أنا عارف أن فلان أو يعني إيه يغلب على ظن أن فلان بيكيد مكيد لعلان، فاروح أنبهه، ما فيهاش مشكلة.

الخامس أن يكون معروفا باسم اسم فيه عيب كالأعمش ونحوه. يعني لو قلنا سليمان بن مهران ما حدش يعرف، لما نقول الأعمش هو سليمان مهران، هو الأعمش، فالأعمش مشهور سليمان ابن مهران ماشي، معروف الاسم فيه فيه عيب كالأعمش ونحوه ماشي. يبقى واحد معروف إيه الجحش، فتقتل أنا رحت أكل عند الجحش، ما هو هو اسمه كده، يعني هتقول إيه طيب؟ الحمار الصغير الجحش هو اسمه كده، هو اسمه كده، ما هو لو قلت اسمه العادي هيقول لك مين ده؟ والعدول إلى اسم آخر إذا أمكن أو لا.

السادس أن يكون مجاهرا بذكر العيب ولا يكره أن يذكر به كالمخنث، انتهى. المخنث هنا كالذي يتخنث، والله أعلم، يعني إيه يمشي مشية النساء، وهكذا. مش المقصود به المخنث اللي هو في كتب الفقه، يذكرونه في كتب الفقه.

قال أبو طالب: سئل أبو عبد الله -يعني أحمد- عن الرجل يسال الرجل يخطب إليه فيسال عنه فيكون رجل سوء، فيخبره مثله ما أخبر النبي صلى الله عليه وسلم حين قال لفاطمة: معاوية عائل وأبو جhem عصاه على عاتقه. يكون غيبة إذا أخبره؟ قال: المستشار مؤتمن.

يعني إيه واحد جاي يقول لك: أنا هخطب من البيت الفلاني، إيه رايك؟ فتقوم أنت راجل بقى عندك دين، طبعا أنا هاغتب ده ناس محترمين ما فيش بعد كده، ويروح هو يخطب، وبعدين يلاقي إيه المصيبة، يكتشف المصيبة. لا، طيب، قالوا إنك تعرض مهما أمكن، يعني لو هو واحد يثق في قولك فتقول له إيه: نصيحة بلاش. فيقول لك: ليه؟ قول له: أنا يعني لو أنت بتثق في رايي، نصيحة بلاش. طب هو قال لك: لا لو ما قلتليش أنا هروح يعني أنا البنت عاجباني وشايف البيت، ما ساعتها تقول له بقى اللي عندك ماشي؛ لأن ممكن فعلا يبقى أنت نصيحة بلاش أن أنت عندك معيار معين، هو المعيار بتاعه مختلف، برده يعني معاييرنا مش واحدة، مش كده؟

إيه اللي يتعارض؟ لا، يتعارض، يتعارض طبعا بس مقدم للمصلحة، ما أنت ما أنت بتقول اللي فيها فأكيد يتعارض مع الستر بس هو يقدم للمصلحة.

طيب قال: المستشار مؤتمن يخبره بما فيه ولكن يقول ما أرضاه لك، ونحو هذا أحسن، يقول يعني إيه كلام زي كده أحسن، انتهى. قال: ولا يقصد في ذلك الازدراء والطعن فيه ولا في من ليست له غيبة. هذا معنى كلامه في الفصول، قول وهو الفاسق المعلن: حتى الفاسق المعلن وأنت بتذكره لو أردت ازدراءه والطعن فيه لا يجوز. أمال أمال أريد إيه؟ أنوي إيه؟ التحذير. طب لو لقيتني نيتي لا ده أنا عاوز أطعن وأعمل وبتاع تسكات.

قال حرب: سمعت أحمد يقول: إذا كان الرجل معلنا بفسقه فليس له غيبة، وكذا قال الحسن، وقال ابن أبي الحسن: من دخل مداخل التهمة لم يكن له أجر الغيبة. يعني واحد هو بيقف موقف التهمة فناس تظن به السوء، وبعدين واحد يذكره مثلا فيقول لا مالوش أجر الغيبة. خلي بالك، ما قالش أن التاني ما عليهوش إثم بس هو مالوش أجر، أنت اللي وقفت الموقف ده.

ورخص أحمد في اللقب إذا لم يعرف إلا به كالأعمش، نقله الأثرم. وأما جرح الرواة والشهود والأمناء على الصدقات والأوقاف والايتام ونحوهم فيجب جرحهم عند الحاجة. يعني الرواة تخيلوا كده لو رواة الأحاديث كل واحد جه قال لك إيه: لا مش هغتاب، هيبقى فلان كذاب، لا مش هقول كذاب، وفلان فاسق لا مش هقول فاسق، ويوصل لنا أحاديث النبي عليه الصلاه والسلام وسلم بقى ما نعرفش الصحيح من الضعيف من المكذوب من... ماشي. وقل مثل ذلك بقى في الشهود والأمناء وكده، لا ده يجب عند الحاجة، ولا يحل الستر عليهم إذا رأى منهم ما يقدح في أهليتهم.

وليس هذا من الغيبة المحرمة، بل من النصيحة الواجبة، وهذا مجمع عليه قاله في شرح مسلم. لكن ثمة طوائف تتجرأ وفي مسألة الجرح والتعديل دي ويقعدوا يطعنوا في المسلمين بأدنى شبهة وبلا مصلحة وبلا تثبت فيأثمون.

قوله نميمة نقف هنا قول هذا أستغفر الله العظيمكم سبحانك اللهم وبحمدك، نشهد أن لا إله إلا أنت، نستغفرك ونتوب إليك.