دخولتسجيل الدخول

٤- اللسان - النظر

أمجد سميرالشيخ أمجد سمير
  • مدة الدرس:
  • قراءة

من آفات اللسان المدح، كما جرت به عادة الناس عند زيارة المحتشمين من أبناء الدنيا. يعني يقول إن المدح الذي جرت به العادة كذلك محذور، لأن بعض الناس ربما يحترز من كثير المدح أو من عظيم المدح، لكن إذا مدح على العادة لم ير في ذلك شيئاً.

هنا بيقول: من آفات اللسان المدح كما جرت به عادة الناس عند زيارة المحتشمين من أبناء الدنيا. وفي المدح ست آفات؛ أربع على المادح، واثنتان على الممدوح. فالآفة الأولى على المادح أنه قد يفرط فيذكر ما ليس فيه فيكون كاذباً. فالهاء عائدة على مين؟ الممدوح بقى، فيكون كاذباً. ودي واضحه.

الثانية أنه قد يُظهر -شوفوا يا جماعة احترَازهم عن الكذب بص أول ما قلت، احترازهم عن الكذب في إيه؟ إنك بس لو زودت شوية في المدح تكون كذبت فتأثم- الثانية أنه قد يُظهر به من الحب ما لا يعتقد، فيكون منافقاً مرائياً، إلا أن يكون ثمّ ضرورة لمثل هذا كذب يعني عُرضك مثلاً، واحد مجرم لو أنت ما هششتش ليه وبششت بيه يعمل أي حاجة ممكن يأذيك، فمن باب الأخذ بالأسباب -وقلبك طبعا متوكل على الله يعني- بس من باب الأخذ بالأسباب أنك ممكن تظهر له نوع بُشْر وأنت من جواك عاوز تديله بالي في رجلك. سيدنا النبي عمل كده عليه الصلاة والسلام، مش كده؟ استأذن عليه رجل يوماً فقال: بئس أخو العشيرة، ثم خرج فالان له كلام. فسيدة عائشة كأنها استشكلت هذا الأمر، قالت: قلت ما قلت ثم فعلت ما فعلت؟ فقال: إن شر الناس يوم القيامة عند الله من يُتقى لفحشه. فيعني ممكن ده يحصل.

طبعا إذا كان الواحد يُقتدى به في الدين فلا ينبغي أن يفعل ذلك مع الظلمة، ليه؟ عشان الناس ما تتفتنش، لا يأخذ بالعزيمة حتى لو هيناله شيء، لو في مجالس مغلقة ماشي، إنما يطلع يثني عليهم أو يقول ما ليس فيهم فالناس تفتن في دينها. طيب، يبقى دي الآفة الثانية أنه يُظهر بالمدح من الحب ما لا يعتقد فيكون منافقاً مرائياً. الثالثة أن يقول ما لا يتحققه فيه، يعني الأولى هو يذكر ما ليس فيه وهو يعلم أنه ليس فيه، دي الأولى، الثالثة أنه يذكر ما لا يتحقق فيه، يعني يمدحه بشيء تقول له هو أنت عارفه كده؟ يقول لك والله مش متاكد. الأولى يمدحه في شيء تقول له هو أنت عارفه كده؟ يقول لك لا هو مش كده، بس ده من باب المجامله ماشي، يعني مما يجري على ألسنة الناس في ده، وحشتيني جداً، هو وحشك جداً؟ لا ما وحشكش جداً ولا حاجة ماشي، فما تقولش كده. الثالثة أن يقول ما لا يتحقق فيه فيكون مجازفاً كقوله إنه عدل وانه ورع وغير ذلك.

ومدح رجل بين يدي رسول الله صلى الله عليه وسلم رجلاً، فقال: «ويحك، قطعت عنق صاحبك». إيه ده بقى؟ يعني إيه اللي جاب الدليل ده هنا؟ مش فاهم. ممكن يظن أن هو في نفسه حاجة مش فاهم يعني دي تتقال في الآفة اللي في الممدوح، إنما ليه تتقال هنا؟ محتاجة حاجة تأمل، مش فاهم. يعني هو دلوقتي بيقول الآفة الثالثة أنه يقول ما لا يتحقق فيه فيصير مجازفاً، ده كله المادح، وبعدين راح جايب الدليل ده هنا، هو ما حدش قال إنه بالغ هنا، بيقول حاجة بس مش متحققة، ما بالغش ولا حاجة، المبالغة قالها فوق. مش عاوزين نركز بس عشان أنا قلت لكم الكلام ده المره اللي فاتت، لو ده كتاب لواحد من المحدثين ولا كنت هقف على الكلام، هو بيحطوا أي حاجة في أي حتة، إنما لما الحجاوي يحط الدليل ده هنا محتاج تأمل، يعني ليه حطه هنا؟ عاوز يقول لنا إ ايه؟ قدم الممدوح أن هو فعلا عدل هو فعلا ورع، خطأ غلط أن هو كويس.

طيب، ممكن نجيب كلام العلماء على الحديث ده؟ هو كده يعني مش عاوزين مش بكلم في شرح الحديث قوي، على قد ما أنا بتكلم في إن ليه محطوط هنا، ليه محطوط في المجازفة؟ يعني ليه حطه هنا؟ فمحتاجة بحث محتاجة تأمل يعني كبير، يعني نشوف الحجاوي عاوز يقول إيه.

الرابعة أن يفرح -وربما يكون ظالماً- فيفضي ذلك إلى ادخال السرور على قلبه. وقال النبي صلى الله عليه وسلم: «إن الله ليغضب إذا مدح الفاسق». الرابعة أن يفرح -مين اللي يفرح؟ وربما يكون ظالماً- فيفضي ذلك إلى إدخال السرور على قلبه. برضو الجملة فيها إشكال، ماشي مش وقت بقى عشان أنت هتزهقوا من الطريقة.

وقال ها الحديث وصاحبه المال كان حال أحسن الكلام، فهل دي أحسن؟ مش متاكد عليه ولا يعني ممكن يكون هو بيقول إيه إن تكملة الحديث قطعت عنق صاحبك من كان مدحاً أخا فليقل أحسن فلان والله حسيبه يعني لا يفصل يعني حتى لا يقع في مسألة المجازفة، هو عاوز يقول كده، عاوز يقول الشاهد في باقي الحديث قد يكون يعني أنا مش هقدر أجزم أن ده فعل الحجاوي هنا بس هو محتاج بحث الحجاوي يحط الحديث ده هنا دي ما تعديش كده، قد يكون بيشير إلى آخر الحديث ويكون بقى من تصريف البعض أن هو شال آخر الحديث هنا أو هو لم ينشط للاخر أو عارف أن هو بيكلم طلاب علم حافظين السنن الكتب كلها فيعني بيشير. فق نعم السنية كاتب فيش إنها كلمة يقال ترحم وتوجع لمن وقع في هلكة لا يستحقها، كلمة صاحبه لا يستحقها فتكون بمعنى أن هو يعني النبي صلى الله عليه وسلم في ما لا يتحقق فيه ما لم تتحقق فيه، ويقول هي كلمة هو الظاهر هنا أنه وقع في شيء لا يستحق أن أنا اللي اهلكته وهو هو واحد ماشي في حاله كده تقوم تقول له إيه الجمال ده وأيه اللي تقوم تنفخه، هو في الآخر شبهك المفروض يبقى الجمال أكتر يعني التامور بجد يعني مش لازم عشان ما يتنفخش.

اتجوزت ولا شوف لك عروسة؟ شوف لك عروسة يعني أيوه صح صح الذهب موجود وجاهز يعني أنت بس انوي اسمه عشان ينزل.

وقال الحسن البصري: من دعا لفاسق بالبقاء فقد أحب أن يعصى الله. ربنا يخليك، ربنا يخلي مين؟ ربنا ياخده الفاسق. فيبقى لا يدعى لفاسق بالبقاء فقد أحب أن يعصى الله، فالظالم الفاسق ينبغي أن يُذم لتفتر رغبته عن الظلم والفسق. إنما يفسق ويدعو إلى الفسق وبعدين يلاقيه كل حتة يروحها الناس تتلمع حواليه ولا عاوز يتصور معاه ولا لا، طب ما هيتجرا على الفسق مش كده؟ لا ده يترك ويهجر.

وأما الممدوح فإحدى الآفتين فيه: أن يُحدث فيه كبراً وعجباً وهما مهلكان. قال المروذي صاحب: قلت لأبي عبد الله -يعني أحمد بن حنبل- وتنطق المروذي هكذا مش المروزي. ماشي، قلت لأبي عبد الله: الرجل يقال له في وجهه أحييت السنة؟ قال: هذا فساد لقلب الرجل. شوف، يعني واحد أحيا السنة تقول له أحيت السنة؟ قال: هذا فساد لقلب الرجل. ثانية السنة دي شيخ حد مثلاً بيعمل حاجة سنة لو أنت مثلا أو أنت اختبأ.

الظاهر هنا أن هو مش المعنى ده، الظاهر كده الظاهر أن أحييت السنة يعني أظهرتها بعد أن اندثرت، كنت نصرتها بعد أن خذلها غيرك، يعني الظاهر كده، وده اللي بيتقال عن أحمد في وقته إنه إمام أهل السنة، غيره أخذ بالرخصة وهو أخذ بالعزيمة في مسألة خلق القرآن.

الثاني أن يففرح فيفتر عن العمل ويرضى عن نفسه. وقلنا لكم قبل كده قاعدة من قواعد السير أن دينك لا يصلح إلا على الاتهام، دي قاعدة، دينك لا يصلح إلا على الاتهام. أول ما تلاقي نفسك راضي عن نفسك وراضي عن يومك وراضي عن اللي عملته النهارده، اعرف أن دي بداية النقص.

ممكن طبعا بيقول -عشان التسجيل مش بقى باين فيه صوتكم بيقول- ممكن الاحساس ده يزيد عن حده يعني آه، أي حاجة في الدنيا لو زادت عن حدها تنقلب لضدها على طول، يعني إيه؟ يعني واحد مهما يعمل يقول أنا وحش لدرجة ما يوصل للقنوط والياس فيترك العمل، عاوز تقول كده ها؟ الضابط أن طول ما إحساسك يدفعك لمزيد من العمل ومزيد من، أو خلينا نرتب الجملة: يدفعك إلى مزيد من اتهام للنفس يبعثك على مزيد من العمل يبقى ده كويس، يبقى ده كويس. لو لقيت إنه بيدفعك إلى مزيد من اتهام النفس فيقعدك عن العمل يأساً وقنوطاً، نقول لك بقى لا ما ينفعش، ما هو علامة من علامات الإكتئاب ترك العمل ده، الدكاترة بيقولوا كده أصلا، يعني الإكتئاب أشهر علاماته إيه؟ اختلال الأعمال، ما تعملش.

إنما طول ما أنت الإحساس ده بيدفعك لمزيد من العمل أو بيدفعك إلى أنك ترى نفسك أسوأ الناس وتبقى قاعد مكسوف من نفسك وأنت قاعد مع أي حد، ليه؟ أصل أنا الأسوأ، أنا الأوحش، أنا ماشي، ده كويس مطلوب. إنما لو خدك بقى في حتة أنك هتجلس عن العمل وتقعد وخلاص بقى خربانة خربانة أنا مهما يحصل خلاص أنا يعني لا. عندك إشكال؟ قول.

مش إن هو بس لو حضرتك حس مش حاسس، هو مكمل بس هو مش حاسس حتى، ده اللي بنسميه اسمه لا، جنباً أنا بحس إن الحركة أكثر مش أحس حاسس مش حاجة. لو إيه؟ ما هو الفرح موجود بردو بس بنلحظه في معنى آخر، أن نلحظه في توفيق الله، يعني هو هيبقى شايف نفسه النفس المقصرة المذنبة الملوثة بالخطايا، وفي نفس الوقت يرى أنه في محل الرحمة والرعاية وإلا ما كانش عمل الطاعات دي، مش كده؟ فده إحساس تاني يفرحه بفضل الله وبرحمته، ﴿فَبِذَلِكَ فَلْيَفْرَحُوا﴾، فهو فرحان بفضل الله عليه، مش بنسبة يعني خلينا نضبط الجملة، هو فرحان بنسبة العمل لله لا بنسبة العمل للنفس، كده تنضبط عندك.

يعني هو لما يعمل الأعمال الصالحة يقول إيه لنفسه؟ يقول: دي علامة على أنك في محل الرحمة، مش محل الولاية وال، لا يعني محل الرحمة يعني الرحمة اللي بتسع الناس كلها، وغيري ما قعد عن العمل ده، لم يوفق للعمل ده، فاللي هو إيه المعنى اللي قلته لكم المرة اللي فات أظن بتاع ابن الجوزي وأوحق لمن تلمح هذا الإنعام أن يرجو التمام، وهو ابن الجوزي كان تكلم مرة في صيد الخاطر على أنه تلمح كده حياته فقال إيه: أسلم على يدي مش عارف كم ألف نفسه وتاب على يدي، وفي الآخر راح قعد يقول شوية حاجات يعني حصلت له، قال: وحق لمن تلمح هذا الإنعام أن يرجو التمام. هو هنا انتبه للمعنى اللي أنا بقول لك عليه بقى اللي هو إيه؟ إنه إنعام من الله، مش ابن الجوزي خالص هو ابن الجوزي بيقعد يتكلم مين بقى اللي وضع في كلامه القبول ومين لو حسبناه مخلصا فمين الحبب إليه الإخلاص ومين، فكل ده من ربنا سبحانه وتعالى، مين فتح إليه الأذان والقلوب؟ مين اللي خلى اللي قعد سمعه راح أسلم وسمع غيره ما أسلمش؟ فبيقول: حق لمن تلمح هذا الإنعام أن يرجو التمام. فاحنا ممكن نتلمح المعنيين وهم فعلا نتلمح ده اللي احنا دايما بنقوله إيه: مشاهدة المِنة ومطالعة عيب النفس والعمل، وهو ربنا أَمَن علينا بالطاعة ومَن علينا بالجلسة، ومن نفسنا عمالة تراودنا على إيه؟ نسرح، نفتح نشوف الواتساب نطلع ونسيب الجامع.

ليها علاقة مثلاً مع حد محتاج أن أنا أحفز حتى لو حاجة مش عندك تعمل كذا تدخل في، يعني تدخل في الكذب لو بتقول له حاجة مش فيه تدخل في الكذب فانت عاوز تشجعه شجعه بس مش لازم تقول له انت كذا، يعني مش لازم، يعني قول له أغبى منك ووصله فيقوم يعرف أن في أغبى منه، بغض النظر بقى عن وسيلة يعني. يعني بلاش تقول له حاجة مش فيه.

واضحه ولا إيه؟ يعني ممكن تقول له يعني لو شديت حيلك شوية إن شاء الله ربنا يكرمك وكده، إنما تقولوش انت تقدر تعمل أو أنت شاطر وهو مش شاطر أو أنت لا.

يبقى من رضي عن نفسه خلاص هلك، بداية الهلاك، فيفتر عن العمل بقى.

فصل: وينبغي للممدوح أن يكره المدح. صعبة جداً دي، يعني يظهر الكراهة ماشي، إنما يكره المدح دي بقى، إزاي بقى نكره المدح؟ إيه رايكم؟ خلينا أقول لكم حاجة، دلوقتي لو أنت واقع في كبائر، وكبائر من اللي تفضح، لو اتعرفت عنك.

تفضح يعني مش؛ في كبائر أهي معاصي في كبيرة لو اتعرفت تبقى فضيحة فانت واقع في الكبائر دي.

وبعدين في شخص أو أكتر عارفين انك واقع يعني فضحوك مش انت دلوقتي حكيت لهم شافوك مش فضحوك يعني راحوا أشاعة ده شافوك وأنت عارف إنهم شافوك، وبعدين الشخص ده ولا الأكتر واقفين كده وواحد بيمدحك ودول واقفين سامعين.

شعورك إيه وقتها؟ صح، هتبقى مكسوف جداً وففعلا كاره ده اسكت مش عاوز أسمعك.

فهو يظهر أن بس لو قويت معاني المراقبة لله واستحضار معنى يعني السمع والبصر له سبحانه وتعالى، وهو المطلع بقى على يعني خبايا النفس وخبثها، وهو مطلع وقت المدح وأنت تمدح، فالظاهر كده أن فعلا هنبقى مش عاوزين حد ينطق، بس لأن المعاني دي مش ماهيش قوية عندنا فبنحب المدح.

معنى ثاني أنه أنت أشطر كتكوت بس اللي عامل لك الواجب واحد تاني، واللي عامل لك البحث واحد تاني والـ ماشي، وبعدين أنت واقف في السكشن كده ولا في الفصل وراح جاي المعيد قعد إيه وهم قاعدين بقى طبعا دي أخف من الأولى شوية، لكن برده مش هحس بالـ يعني أنت ممكن تحس بالنشوة لو لو دول مش موجودين، تخيل بقى لو إيه الفصل كله عارف أو السكشن كله عارف أن إيه أن فلان لا ده هو فلان وفلان اللي عاملين له كل حاجة فانت طالع بتتكرم على أنك الأول وأنت عارف أن كل اللي قاعدين دول عارفين حقيقتك.

فاقل حتى لو قلت ما كرهتش المدح في الموقف الأول واضح جداً أنت تبقى مش عاوز تقول له أخرص، إنما على الأقل الموقف ده أنت مش هحس بلذة في المدح ولا يعني هو إيه ﴿يُحِبُّونَ أَن يَحْمَدُوا بِمَا لَمْ يَفْعَلُوا﴾ [آل عمران: 188]، دول يظهر عشان إيه الناس مش عارفة أنهم ما عملوش إنما لما الناس كلها عارفة أن أنا ما عملتش.

فبرده قل مثل ذلك في الايه في الطاعات؛ أنت اللي بيمدحك على حسن تلاوتك أو بيمدحك على توقد ذهنك أو تحصيلك للعلم أو بلاغتك في الدعوة، هو في الآخر بيمدحك على حاجة أوتيتها، مش كده؟ فانت فرحان بإيه؟ ده شيء أنت أوتيته مش حاجة أنت يعني فبرده يظهر أن المعنى ده لو استحضرناه أقل شيء مش هنبقى حابين يعني لو قلنا ما وصلناش للكره ده نصله بالولى دي، إنما الثانية على الأقل مش هنبقى مش لاقيين للمدح معنى يعني مالوش طعم، أه مش كده.

كنا زمان في هندسة نعمل حاجة اسمها نفونس اللوح، حد عارف يعني نفونس اللوح؟ اللوح لوح الرسم الهندسي بتبقى تخينة يعني ما، فاحنا عشان إيه اللي صعب عليه الرسم الهندسي يروح عامل إيه؟ يقوم جايب لوحة واحد صاحبه راسمها وخلصها ويحط فوقها اللوحة البيضا بتاعته على لوح إزاز كده يكون سندة بأي حاجة بقى من الجناب، ويرروح حاطط من تحت لمبة عشان كده خبرة، ما كانش عندنا عربيات إحنا.

يحط لمبة من تحت فتقوم اللوحة تعمل إيه؟ تتباع آه لا مش عارفها دي برده ما لحقناهاش دي، تقوم اللوحة اللي تحت تبان للايه للي فيقوم يشفها فيقول إيه فونس اللوح، فاناقلمص ما شاء الله.

فانا كنت بقى عمري ما فونست وما أعرفش إيه يعني إيه خبرة الفونسة دي، ورحت فونست لوحة وأنا في الجامعة، وبعدين كنا لسه ما تديناش قوي يعني فرفرت في هونست لوحة، وبعدين رايح بيها للمعيد ففطبعا اللوحة إحنا لما بنيجي بنلفها ونحطها في في الرول ده ففردته قدام المعيد كده وبشيل إيدي فراحت اللوحة عاملا إيه؟ قفلت فلقيت في رصاص من ورا، أتاري المفروض الشطار بقى في الفونسة عارفين لازم يمسحوا الرصاص بتاع الظهر ده قبل ما يروحوا يدوا، ما هو أنت بتدوس بالقلم على خطوط اللوحة اللي تحت فبيطلع الرصاص في ظهر اللوحة.

فاتقفل شفت رحت واخدها هو خلاص يبصنا ما فيش كلام بقى خلاص.

طيب بيقول بقى: ينبغي للممدوح أن يكره المدح ويظهر الكراهة. يظهر الكراهة دي إيه رايكم فيها؟ يعني ساعات بيبقى فيها برده إشكال شوية، يعني محتاجة تأمل كده يعني إظهار الكراهة مطلقا ممكن تظهر الكراهة ويدخلك العجب بإظهار الكراهة، فممكن في اوقات يعني نحاول نعملها بذكاء شوية أن إحنا نمشي برده من غير ما نظهر يعني مش أن أنا ماشي عشان بأبدح لا يعني مسألة إظهار الكراهة دي برده يا جماعة محتاجة شوية مراقبة للقلب وأحنا بنظهر الكراهة.

يعني إيه؟ يجي حد بيسلم عليك ويبوس إيدك فانت تشد إيدك كده وقال يعني الواد إيه، مين بيتباس إيده هنا؟ ما فيش حد مخلف خالص فيكم ولا أنتو بوسوا إيدين العيال، أبوس إيدك نام.

فيظهر أن إيه أن ممكن في وقت محتاجة شوية يعني أولا توفيق من ربنا سبحانه وتعالى أولا أنك تتعامل إزay بس ممكن في وقت نحاول يعني نعمل ده بشكل مش ملاحظ، ممكن في وقت يكون الترك أفضل، محتاجة شوية توفيق ثم تفكير.

اتفضل لسه؟ ممكن صاد العلي والأحم.

هو يظهر هنا إنه يظهر الكراهة هنا لمعنى آخر غير الكره، هو قال لك يكره المدح دي حاجة دي مسألة، ويظهر الكراهة دي مسألة؛ إظهار الكراهة هنا لعله لمعنيين والله أعلم؛ المعنى الأول أنه إنكار المنكر، ده من باب إنكار ما هو هذا منكر الذي يحدث منكر فهو ده من باب إنكار المنكر، والمعنى الثاني تعليم الطالب أو يعني لو ده شيخ مع طالب أو كبير مع متبوع مع تابع متبوع مع تابع، يعني من باب من باب التعليم أن اللي بتعمله ده غلط، ده غير إنكار المنكر يعني إنكار المنكر ده معنى شرعي مطلوب، المعنى الثاني أنك تعلمه أن هذا مما لا ينبغي أن أن يفعل أو أو أن يقال.

ماشي طبعا هم يعني هم في نفس المنطقة لكن هو ده معنى وده معنى ثاني.

يعني ماشي ماشي العلم والحلم بالتحلم، إنما هل هل الكره يحصل وبإظهار الكراهة إحنا نخاف يظل حب المدح في القلب وينبت نوع آخر من الآفات بإظهار الكراهة وأنا جوه عاوز يعني يظهر الحتة دي برده أنا بخاف منها الحتة دي الحقيقة أنا بخاف منها، وبعض إخواننا هداهم الله بيعملوا شوية مقارنات والله أعلم بالقلوب يعني يجيب لك واحد من المشايخ بالذات مع اختلاف التوجهات يجيب لك واحد من المشايخ أنه جه يمدح فايه اسكت المادح وكذا وكذا، وجيب لك واحد تاني أنه بيمدح وقعد ساكت، بالذات مع اختلاف التوجهات بقى لو يعني إيه ده ده في حته وده في حته أو يعني فيقول لك شوف بقى دول إيه ودول إيه ويقعدوا، وده تسلط على قلوب العباد، فيخشى على من يفعل ذلك.

دلوقتي أكرين ريكورد الشاشة قفلت في فصل هعمل واحد تاني وأركبهم بقى على بعض.

فإيه ممكن فراك إنكار المنكر اللي ده منكر فبيسكته، أنا اللي أقصده أقوله إيه؟ أنك تحكم على من أظهر أنه أحسن أنه أحسن حالا وأفضل قلبا من اللي سكت، دي الصراحة فيها مجازفة شديدة، قد يكون من سكت لمعاني منها بقى أصلا أنه بيجاهد نفسه لأنه حس لو أظهرت الكراهة هبقى باظهر تواضعا أنا مش حاسه دلوقتي فانا مش عاوز أظهر ما ليس فيا مثلا ممكن الله أعلم أنا ما بقولش ده بس فكرة أن أنت بقى خلاص بقيت أنت المتسلط على العباد وأنت اللي بتقول شوف دول حلوين ودول وحشين وخليك في نفسك أنت مش دلوقتي لوكار.

أنا حتى لو أنا أصلا مش ما هو دلوقتي هيبقى عندنا منكرين، أنت عارف إحنا عندنا بيقول إيه؟ إحنا في قاعدة هيجي معانا إن شاء الله قاعدة في إنكار المنكر أن المنكر ينكر ما لم يؤدي إلى منكر أكبر، فممكن لو هو بالذات لو هو عالم عنده العلم فقد يرى ذلك أنه الآن اسكت لأنه ده منكر أيوه ده منكر، إنما لو تكلمت وأنا أضرب بقى بحال قلبي في اللحظة دي هقع في منكر أكبر، اللي هو أن أن أنا هبقى بأعجب أصلا بإنكاري بقى، فاهمني؟

طيب أنا أعمل إيه؟ ممكن حاجة من اثنين: أقدر اجمع من المصالح أن اسكت وبعدين باخده على جنب كده إيه مش قدام الناس مثلا، أو ممكن لا، ده العالم يعملها مش بقول إنه يقول إليه لا أنا دلوقتي أرى أن المنكر أعظم في علي لو اتكلمت مثلا، فممكن يعني لها وجه الحقيقه لها وجه، إحنا اللي يعني دلوقتي إحنا إحنا أنفسنا حاجتين أن إحنا نجاهد أنفسنا في الحتة دي، وتاني حاجة بالذات المتصدرين يعني الدعوة، وتاني حاجة ما نحكمش على مخاليق ربنا.

ماشي.

يعني إيه الطريقة اللي ممكن أظهر فيها مثلا ده قدام أنك تضايقه يعني أنت يا حودة ما حدش يتضايق منك دي حقيقة يعني، هو مستني الشتيبة.

هو باصص لا هو باصص مستني إيه يعني هيجيبها ازاي بقى يعني، لا الأطفال أحباب الله أنت ما شفتوش الاستيكر بتاعه.

تسكت بقى ولا ماشي هابعث لكم حاجة على الجروب بس دي بينا إحنا العشرين ها يا جماعة أرجوكوا ما تفضحوش الراجل ها، ما تخافش يا حودة سرك كبير تفكر بقى تمشي وتسيبني على الفيسبوك على طول صفحة الفيسبوك أهو.

قال علي رضي الله عنه لما أثني عليه: اللهم اغفر لي ما لا يعلمون، ولا تؤاخذني بما يقولون، واجعلني خيرا مما يظنون. مش دي أبو بكر ولا إيه؟ هنا مروية عن علي.

وقال خطاب بن بشر قال أبو عثمان الشافعي لأبي عبد الله أحمد بن حنبل: لا يزال الناس بخير ما من الله عليهم ببقائك. وكلام من هذا النحو كثير.

عندكم كلام؟ ها، ما فيش ألف بعد الميم.

ماشي، فقال يعني أحمد: لا تقل هذا يا أبا عثمان، لا تقل هذا يا أبا عثمان، ومن أنا في الناس؟

وقال ابن عبد البر في منثور الحكم والأمثال: من مدحك بما لا يعلم فيك جهرا ذمك بما لا يعلم منك سرا. ده معنى بقى إيه برده، ودايما يا جماعة إحنا وفعلا يعني ده باستقراء الأحوال والخبرة في الناس بتلاقوا ده يجي يقعد يمدح في وشك في حاجة مش فيك ما تفرحش، هيقول في ضهرك مش لازم على الدواب يعني بس عادي جدا ما هو كذب في وشك في حاجة مش فيك مش مش هيحترز يعني أنه إيه عشان يجامل حد تاني، هيقول في ضهرك اللي إيه جايبين حته كده مقطوعة مش عارف من إيه.

أما الأربعة قاعدين ويقول له تعال إيه مش فاكر وبعدين يقوم واحد يروح شاتم اللي قام عارفينها دي وغير التاني روح شاتم فالاخير قاله أنا خايف أم تشتم، مش فاكر أنا، فهو كده.

طيب وقال المروذي: قلت لأبي عبد الله يعني أحمد: ما أكثر الداعين لك؟ فتغرغرت عينه وقال: أخاف أن يكون هذا استدراجا.

ده كنت قاعد مرة عند واحد من مشايخنا الكبار وحاضر عنده شيخ آخر، اطلع بره مين اللي بيكلم؟ واحد عنده شيخ آخر وبعدين قال شيء يعني أفادني الحقيقة كثيرا وبكى هذا الشيخ الآخر يعني بكى بكاء شديد وقتا قال له: لما بستهبل وأعصي ربنا الثاني برده شيخ كبير ويقوم يتشاف لي رؤى حلوة، حد يجي يقول لي ده أنا شفتك ما شاء الله وشك منور، ما يمكن النار قدام وشي شوفها منوراني يعني أنا شفت مش عارف إيه أنا، وقعد يبكي بكاء شديد أنه إيه بيبقى بيقول: أنا عارف أن هذه الرؤى بتبقى استدراج أو أنها من الشيطان عشان أفضل في الغفلة والمعاصي اللي أنا عليها، وقعد يعيط عياط شديد، وهذا معنى ما انتبهت إليه إلا في الموقف ده أن ممكن يكون الاستدراج حاجة زي كده.

ما هو اللي غيرك شافه ده أنت مين قال لك يعني أنه رؤية من الرحمن يعني؟ ما يمكن حلم من الشيطان وعمال يبعت لك في ناس إيه تقول لك ده أنت ما شاء الله شفتك ده وده وده وده وده ما بيركعهاش وده بينام على جنابة وده عادي.

ماشي.

وقال رجل لأبي عبد الله: الحمد لله الذي الحمد لله الذي رايتك. فقال: أقعد، إيش هذا؟ من أنا؟

أه يا محمود أه دي حلوة ديليقح إيش هذا أو أظن ممكن تتقال مش فاكر شوفوها إيش دي كده بالتنوين ولا ولا إيش بالبناء شوفوها إيش دي بتتنطق زي كده في دي منحوته أي شيء هذا.

ماشي وصادق.

طب أنا أعمل إيه بقى؟ أه فأنآ أعمل إيه برده، طب ما أنت بقى تبقى مركز؛ ركز؛ الكلام ده كان لا أنا لسه شارحها من درسين، شفت يعني مرتين أهو، النسخ اللي هي معتمده أهو بيبقى في اقرأ في المقدمة هتلاقي في نسخة ألف ونسخة باء، أديني بقولها ثالث، فهو بيبقى إيه بيبقى يشير إلى النسخ لقيته إيه أي شديت إيه ما إعراب إيش أو يعني منحوت من أي شيء.

ماشي ما أنا أط ما قلنا منحوت من أي شيء دي قلناها دي أي شيء هذا. أي إيش.

فصل، وإن سلم المدح من هذه الآفات في الممدوح وللمادح؛ فلا بأس به، وربما ندب إليه.

فلا بأس به؛ يعني مباح، وربما ندب إليه؛ يعني يثاب عليه فاعله إذا سلم من تلك الآفات. قال رسول الله صلى الله عليه وسلم: «لو وزن إيمان أبي بكر بإيمان العالمين لرجح». وفي بعد كده بقى مدح، بس اللي ايمانه كده ده هيتـ... لا، سيبك منه، يمدح بقى، هيعجب وهيتكبر؛ ما هو ده إيمانه يرجح على إيمان العالمين، فيمدح من سيدنا النبي عليه الصلاة والسلام. وبعدين، بعد ما يمدح من سيدنا النبي، أهو، يقول إيه؟ يا ليتني شجرة تعضد، ثم مش عارف تؤكل، ثم مش كده... أهو، ولو إحدى القنامين في الجنة والأخرى خارجة... وقال: «لو لم أبعث لبعثت يا عمر». بعدين بقى، احنا هنقوم كل اثنين من جنب بعض! لو لم أبعث لبعثت يا عمر، أهو ده في مدح بعد كده. لو كان نبياً بعد... كان عمرنا نبيّاً.

وقيل لعمر يا أمير المؤمنين، من الذي إلى جانبك؟ فقال: هذا سيد المسلمين أبي بن كعب.

فصل، قال القاضي أبو يعلى: وفي قصة يوسف؛ يعني قوله: ﴿اجْعَلْنِي عَلَى خَزَائِنِ الْأَرْضِ ۖ إِنِّي حَفِيظٌ عَلِيمٌ﴾، دلالة على أنه يجوز للإنسان أن يصف نفسه بالفضل عند من لا يعرفه، وانه ليس بالمحظور، وفي قوله تعالى: ﴿فَلَا تُزَكُّوا أَنْفُسَكُمْ﴾. ساغ لعمر أن يزكي نفسه حين سأله رجل عن صيد قتله، فقال: اصبر حتى يأتي حكم آخر، فحكم لنفسه أنه أحد العدلين. فاهمين دي؟ ما هو يحكم به إيه؟ ﴿ذَوَيْ عَدْلٍ مَّنكُمْ هَدْيًا بَالِغَ الْكَعْبَةِ﴾ [المائدة: 95]. فسيدنا عمر اتسال في الصيد، قال: طب اصبر لما يجي واحد تاني، واحد تاني عشان نحكم، يبقى كده سيدنا عمر حكم على نفسه أنه إيه؟ عدل. فاهمين دي؟ قيل: إنما نهي عن تزكية النفس بالمدح والاطراء المورث عجباً، انتهى. يعني ده كله كان كلام أبي يعلى.

طيب، احنا بقى في أحوالنا التعبانة دي يظهر أن جانب الحظر يغلب؛ يعني في فساد في... كلها فساد ديني وفساد علمي وفساد أخلاقي وكل حاجة، فجانب الحظر يغلب. قال ابن الجوزي: فإن قيل: كيف مدح نفسه؛ يعني يوسف، ومن شأن الانبياء والصالحين التواضع؟ فالجواب: أنه لما خلى مدحه لنفسه عن بغي وتكبر، وكان مراده الوصول إلى حق يقيمه، وعدل يحييه، وجور يبطله، كان ذلك جميلا جائزاً. وقد قال نبينا عليه الصلاة والسلام: «أنا أكرم ولد آدم على ربه». وقال علي: ما من آية إلا وأنا أعلم بليل نزلت أم بنهار. وقال ابن مسعود: لو أعلم أحداً أعلم بكتاب الله مني تبلغه الإبل لأتيته؛ يعني يشهد لنفسه بالعلم. فهذه الأشياء خرجت مخرج الشكر لله، يبقى هنا المعنى اللي كنا بنقول لسه من شوية إلا أحمد أنه هو تلمح فيها النعمة مش فعلاً، وخرجت مخرج الشكر لله وتعريف المستفيد ما عند المفيد، آخر كلامه.

هنا بيقول: آخر كلامه. وبعدين تحت بيقول إنه ده آخر كلام أبي يعلى عندكم كده؟ طب ده آخر كلام مين بقى؟ ابن الجوزي ولا أبو يعلى؟ يعني يظهر؛ لأنه فوق قال: انتهى، وبعدين قال: ابن الجوزي كذا. يظهر كده والله أعلم أن ده آخر كلام... الله أعلم يعني أخ... ابن الجوزي تحت، الراجل بيقول؛ يعني القاضي أبا يعلى. ها؟ لا، لا، ما عندناش، عندنا المساوئ بس. احنا انتهى اللي قبلها كان ابن عقيل في الفنون... مش... ما فيش حاجة، ما فيش ابن عقيل في الفنون دي خالص عندنا.

ثانية واحدة، أنا ما قلتهاش يعني في الكلام. طب أنا مش قلت لكم لما يبقى في اختلاف نسخ؟ عندنا اثنين عمر، وفي قوله تعالى: ﴿فَلَا تُزَكُّوا أَنْفُسَكُمْ﴾، ساغ لعمر أن يزكي... أم... أم... ممكن؟ أبو يعلى ميت كام وابن الجوزي ميت كام؟ شوفوا، شوفوا القاضي أبو يعلى ميت إمتى وابن ابن الجوزي ميت إمتى. أم... يبقى ما ينفعش ينقل عن ابن الجوزي. ثانية واحدة يا جماعة! مش ابن عقيل بقى؟ ابن عقيل ميت... ابن عقيل 700. ماشي، 700؟ لا، لا، لا، ابن عقيل الحنبلي 513، والقاضي أبو يعلى 400. طيب، يبقى كلام ابن عقيل كمان مش أبو يعلى اللي قايله، حد فاهم أنا بقول إيه؟ دلوقتي يا جماعة، الكلام الأول كلام أبي يعلى بيقول: قال القاضي أبو يعلى وفي قصة كذا كذا وفي قوله تعالى: ﴿فَلَا تُزَكُّوا أَنْفُسَكُمْ﴾ ساغ لعمر أن يزكي نفسه حين سأله رجل عن... انتوا بتقولوا هنا عندكم حتة زيادة: قال ابن عقيل في الفنون. يبقى هنا عندنا احتمالين؛ يا اما يكون انتهى كلام القاضي عنده وأنه ليس بالمحظور خلصنا، وابتدى كلام ابن عقيل ماشي، وبعدين راح قايل تحت: انتهى، اللي هو كلام... مين؟ ابن عقيل، على حسب بقى إما كلام ابن عقيل إما كلام القاضي أبي... أنا ما عنديش ابن عقيل دي خالص، يعني ما نعرفش إيه الصح بقى، يعني تتشاف بقى.

وبعدين قال: ابن الجوزي كذا وكذا، في احتمالات عندنا، احتمال يكون هذا إنشاء كلاماً جديداً؛ يعني الحجاوي بيقول: ابن الجوزي بيقول كذا وكذا، أو يكون لسه الكلام لمن؟ للقاضي أبي يعلى. احتمال أن يكون لسه الكلام للقاضي أبي يعلى منتفي؛ لأنه متقدم، ولا هو عارف إن في واحد هيتولد اسمه ابن الجوزي وهيقول كذا فقال أقولها بالمرة في كتابي لغاية ما يجي هو يقولها بعدين؟ ما ينفعش مش كده؟ فظ... طب ما بين معين من الآداب الشرعية المفتاح ولا بد منها أن يستفيد... هي الحتة اللي مش... أياً كان، أياً كان؛ يعني ده كله ما يشغلنيش، بس هو ما ينفعش يجي عند آخر كلامه دي ويقول لك ده كلام القاضي أبي يعلى، آخر كلام أبي يعلى ما ينفعش، القاضي أبو يعلى مش هيقول لك ابن الجوزي، بس هذا اللي أنا عاوز أقوله، فاللي عنده نفس نسختي ومكتوب تحت يعني القاضي أبي يعلى لا دي فيها مشكلة، فهمتوا أنا عاوز أقول إيه؟ طيب الحمد لله.

قال: وارسَال طَرْفِ المرء أَنكَى فقيدي. الشطر الأول كان بيقول إيه؟ ها؟ يكبا الفتى في النار حصّد... قصد لسانه كده، حفظتوا ولا ما حفظتوش؟ أنت بتبصولي ليه؟ وارسَال طَرْفِ المرء أَنكَى فقيدي، وطرف الفتى يا صاح رائد فرجه ومتبعه. فاغضضه... ما استطعت تهتدي. ومتبعه... أنا قلت إيه؟ ماشي، وطرف الفتى يا صاح رائد فرجه ومتبعه فاغضضه ما استطعت تهتدي.

أراد بالارسال اطلاق البصر إلى ما لا يحل النظر إليه، والطرف هو البصر. قوله أنكى أي أشد في النكاية. قال الجوهري: نكيت في العدو نكاية إذا قتلت فيهم وجرحت. ولما ذكر الناظم رحمه الله اللسان وآفاته... وافته... إيه؛ آفاته أو وافته كاتبها كده... اتبعه بذكر النظر وآفاته، فإن أكثر المعاصي إنما تتولد من فضول الكلام والنظر، وهما أوسع مداخل الشيطان، فإن جارحتيهما... لا... هما... عندكم تشكيل؟ وعندكم بالياء ولا بالتاء؟ بالياء. ياء إيه؟ ياء م... فان جارحتيهما... لا، تملان يظهر، جارحتهما لا يتملان والله أعلم، بخلاف البطن؛ فانه إذا امتلا لم يبق له إلى الطعام إرادة، واما العين واللسان فلو ترك لم يفترى من النظر والكلام، كما قيل: أربعة لا تشبع من أربع، لا تشبع عين من نظر، ولا أرض من مطر، ولا عالم من أثر، ولا أنثى من ذكر.

ثم إن فضول النظر هو أصل البلاء، لانه رسول الفرج. طبعا هنا هو إذا تكلمنا عن اطلاق البصر فالمعنى الظاهر المتبادل للذهن المراد به نظر الشهوه؛ اللي هو الرجل ينظر للمراة أو للأمرد مثلاً، لكن هو في معنى أعم من هذا، لما نجي نتكلم عن اطلاق البصر وغض البصر في معنى أعم من هذا ومذكور في القران برضه، مش كده؟ أه، لا تدن على ذلك إلا ما متعنا به أزواجاً منهم زهرات الحياة الدنيا فتنهم فيه. فاحنا يعني الأمر بغض البصر مش بس عن... عن... عن الشهوة. طبعا التانية شهوة؛ أقصد شهوة اللي هو النساء أو شهوة المردان أو كده، ماشي.

وهنا هو اتكلم عنه في هذه المسألة، إرساله طرف المرء أنكى فقيدي؛ يعني قيد هذا... هاد... الطرف، أغضضه، ولا فقيدي؛ يعني قيد هذه الفائدة، ممكن تمشي كده، وممكن تمشي كده. ثم إن فضول النظر هو أصل البلاء لأنه رسول الفرج؛ أعني أن الآفة الكبرى والبلية العظمى هي وهي الزنا، إنما يكون سببه في الغالب النظر، فانه أعني فضول النظر يدعو إلى الاستحسان ووقوع صورة المنظور إليه في القلب والفكرة في النظر، فهذه الفتنة من فضول النظر... ها... يدعو إلى الاستحسان ووقوع صورة المنظور إليه في القلب والفكرة في النظرة، نقطة، نقطة. ماشي، ممكن تمشي كده وكده، والفكرة في النظرة؛ يعني النظرة فيها الفكرة، تمشي كده وكده، بس يظهر والله أعلم أنا يعني مرتاح والفكرة في النظر؛ يعني لما تنظر هتستحسن وتقع صورة وتبتدي تفكر فيها والله أعلم يعني. فهذه الفتنة بتمشي كده وكده على كل حال، فهذه الفتنة من فضول النظر، وهو من الأبواب التي تفتح للشيطان على ابن آدم، تفتح بقى مش كده؟ تفتح للشيطان على ابن آدم. وهو سهم من سهام إبليس، هو ده يعني إيه فضول النظر؟ كما في المسند عن النبي صلى الله عليه وسلم أنه قال: «النظر سهم مسموم من سهام إبليس، فمن غض بصره...» الله... «أورثه الله حلاوة يجدها في قلبه إلى يوم يلقاه»، أو كما قال النبي صلى الله عليه وسلم.

أسئلتك عميقة. تعمل لنا بحث فيها بقى المرة الجاية.

ولهذا يقول يحيى الصرصري، يحيى الصرصري ده اللي ابن تيميه قال عنه حسان وقته، مش كده؟ عفا الله عنه. دي من الحججاوي دي. وغض عن أصل... يعني يحيى الصرصري في قصة حواليه شوية، ولهذا يقول إحدى الصرصري عفا الله عنه -طبعا يحيى صرصري حنبلي-: وغض عن المحارم منك طرفا طموحا يفتن الرجل اللبيبا. الصر... طبعا شاعر وأكثر من مدح النبي عليه الصلاة والسلام، وكان ابن تيميه يقول عنه حسان وقتها أو حسان زمانها أو كده، ماشي: وغض عن المحارم منك طرفا طموحا يفتن الرجل اللبيبا. فخائنة العيون كأْسُدِ غاب إذا ما أهملت وثبت وثوباً. ومن يغضض فضول الطرف عنها يجد في قلبه روحاً وطيباً. فاهمين حاجة؟ في أنهي بيت؟ طموحا يفتن الرجل، لا أنت بتقول تفتن... أ... يفتن بقى؛ الطرف هيفتن، مش كده؟ وغض عن المحارم منك طرفا طموحا يفتن الرجل اللبيبا. يظهر يفتن اللي صح. فخائنة العيون كأْسُدِ غاب إذا ما أهملت وثبت وثوباً. ومن يغضض فضول الطرف عنها؛ عنها اللي هي إيه؟ عائد على إيه الضمير ده؟ المحارم، أحسنتم. يجد في قلبه روحاً وطيباً. بتقول إيه يا أحمد؟ ماشي، ممكن صح: وغض عن المحارم منك طرفا طموحا تفتن الرجل اللبيبا؛ عن المحارم تفتنوا. ماشي، يعني مش عارف صراحة.

فكم من نظرة أعقبت صاحبها حسرات، كما قال الشاعر: كل الحوادث مبدأها من النظر ومعظم النار من مستصغر الشرر. كم نظرة فتكت في قلب صاحبها فتك السهام بلا قوس ولا وتر. إيه البيت الثالث بتاعها؟ إيه؟ يسر مهجته... ما... ما يسر مقلته ما ضرته، لا مرحبا بسرور عاد بالضرر. ماشي. عمال تبسط عينيك وبتبهدل قلبك! يسر مقلته ما ضرته، لا مرحبا بسرور عاد بالضرر. تعرف بقى تقول البيت ده يا إبراهيم في فيديو من بتوعك؟ قول لي البيت الاخير إيه؟ طب ما كتبتوش ليه؟ يعني كفاية يعني مجبورة دي تعمل ريتش حلو. يعني اكتبوا، يمكن في يوم من الأيام، يمكن في يوم من الأيام، يعني إيه؟ ربنا يهديك وتحب العلم فتلاقي البيت اتكتب لو أنت مش عاوزه دلوقتي.

وقال آخر: وكنت متى أرسلت طرفك رائدا لقلبك يوما أتعبتك المناظر. مش عاوز، ربنا يعفو عنه، أعوذ بالله.

وقال العلامة ابن القيم رحمه الله تعالى: يا راميا بسهام اللحظ مجتهدا أنت القتيل بما ترمي فلا تصبي. وباعث الطرف يرتاد الشفاء به توقه؛ إنه يرتد بالعطب. لا، مش توقه بقى، توقهوا. وباعث الطرف يرتاد الشفاء به توقهوا، إنه يرتد بالعطب. هيرجع عليك ترجو الشفاء بأحداق بها مرض فهل سمعت ببرء جاء من عطبي؟ رايح ب... بتشفي نفسك بإيه؟ بنظر حرام.

فصل، النظر ينقسم إلى أقسام... اتفضل، كده احنا بقالنا قد إيه؟ العطب؛ حاجة باظة، يقول لك الفاكهة دي معطوبة، معطوبة يعني باظة. فصل؛ يعني ممكن يبقى ساعتها بيكتبه من حفظه، فيعني فبيقول لك يعني راجعه يعني: وباعث الطرف يرتاد الشفاء به توقه؛ يعني ممكن يبقى فعل أمر، يعني بيقول له ما تعملش كده: توقه، إنه يرتد بالعطب. النظر اللي أنت بتعبعثه ده عشان تشفى به، توقه، ما تعملش كده، إنه يرتد بالعطب.

ينقسم النظر إلى أقسام: منها ما هو محرم، وهو جل المقصود في هذا الموضع، كالنظر إلى الأجنبية من غير أن يحتاج إلى النظر إليها؛ فانه محرم إلى جميعها في ظاهر كلام أحمد، لأن احنا عندنا المذهب وجوب تغطية الوجه للمرأة، الوجه والكفين. فيبقى على المذهب يحرم النظر إلى كل الأجنبية.

هنا عشان كده قال لك إيه: كالنظر إلى الأجنبية من غير إحتاج إلى النظر إليها، فانه محرم إلى جميعها في ظاهر كلام أحمد. طيب، يبقى هو لو أجنبية ننظر ولا ما ننظرش؟ والله لو في حاجة للنظر وأمنت الفتنة، ننظر إلى ما تدعو الحاجة إليه. طيب زي إيه؟ واحدة داخلة تشتري حاجة، والحاجة دي من اللي ممكن ترجع بعد شوية تقول لك: إيه لا دي باظت، لا ده أنا أخدتها مش في... فاللي بيبيع ينظر إلى وجهها علشان يبقى عارف مين بيدخل عليه ومين بيخرج، مش أي واحدة تدخل له كدة إيه تقول له: أنا جايباها مثلاً. لو في الفواتير وكده، خلاص مش محتاج ينظر إليها.

طب لو ما فيش حاجة تدعو إلى النظر ونظر، يظهر كده أنه يدخل في عموم قوله تعالى: ﴿قُل لِّلْمُؤْمِنِينَ يَغُضُّوا مِنْ أَبْصَارِهِمْ﴾ [النور: 30]. طب حتى مع أمن الفتنة، يظهر أنه يدخل فيها ويحرم عليه لو ما فيش حاجة.

فمش عاوزين نتساهل في موضوع النظر اللي الناس بتتسهل فيه. تاني في نظر محرم باين أنه يعني إيه ما فيش حد بيتكلم فيه؛ الواحدة اللي ماشية وعامله مش عارف إيه ولابسه إيه، ده ما حدش يعني. إنما بدليل أن لو حد يظهر عليه التدين شوية وببيص ولا حد يرميه ومدي وشه، لأنه عارف إنه غلط، اللي بيعمله ده غلط يعني، مش ما يحبش يتشاف كده، ممكن عادي تلاقي واحد واقف بيكلم واحدة وما فيش حاجة لهذا الكلام يعني أو ما فيش حاجة للنظر، ممكن يبقى في حاجة للكلام، لكن حاجة للنظر فينظر إلى وجهها، فلا ما نعملش ده. ماشي، نغض الطرف.

قال أحمد: لا ياكل مع مطلقته؛ هو أجنبي، لا يحل له أن ينظر إليها، فكيف ياكل معها؟ ينظر إلى كفها؟ لا يحل له ذلك. هي طبعا بالنقاب، قاعدة بالنقاب، بس ممكن إيه تقلع الجوانتي عشان تاكل وهي مطلقة، وهذا ممكن يحتاجه الناس، يعني ممكن مش الأكل، ممكن ما هو في بينهم عيال بيشوف مصلحة مش عارف إيه، مش لازم فيها خلوة ولا حاجة يعني عشان إيه التصورات دي. هو الإمام أحمد بيتكلم في مسألة واحدة، يعني شكلها إيه بقى؟ جايبينه يصالحوه، ولو اتصالح هيردها يعني ليه تاني بعقد جديد ولا حاجة، فعزموه على الغداء مثلاً، يعني فيها تصورات كتير ممكن تحصل، في الآخر سيدنا الإمام أحمد مشكلته في إيه؟ أنه هيشوف كفها، اللي هي مين؟ كانت مراته. قال: حرام يقعد معاها يشوف كفها. يعني بقول اللي كانت مراته، اللي هو يعني راى منها أكثر من ذلك، فخلاص صارت أجنبية، فلا ينظر إلى الكف.

وقال القاضي: يحرم عليه النظر إلى ما عدا الوجه والكفين لأنه عوره، ويباح له النظر إليهما مع الكراهة إذا أمن الفتنة ونظر من غير شهوة، يعني ده قول القاضي. طبعا هنا عاوزين نبحث قول القاضي في وجوب الستر بقى، يعني ينظر قول القاضي أبي يعلى في وجوب ستر الوجه والكفين.

على كل حال، حتى القاضي قال لك: مكروه أمتى؟ لما تأمن الفتنة وتنظر من غير شهوة، يبقى مكروه مع أمن الفتنة. إيه اللي مكروه؟ النظر لإيه؟ الوجه والكفين. النساء زمان، حتى لو أظهرت الوجه والكفين، بقيت لبسها شكله إيه؟ يعني أصل هو برده في هنا مسألة؛ هو اللي بينظر للوجه ده، يعني العين ممكن نعمل زوم إن في حقة عين عشان ما تشوفش غير الوجه؟ ولا يظهر إنه اللباس كان ساتراً، بحيث إني لما بقى بنظر مش شايف غير الباقي إيه بقى؟ الباقي كله ما فيش حاجة باينة يعني، ما فيش حاجة لا متجسمة ولا حاجة باينة ولا حاجة. فالكلام كله يا جماعة يا جماعة في الوجه والكفين؛ لا حتة من الرقبة، ولا حتة من الشعر، الطرحة طالعة لورا ولا معموله سبانش، الكلام كله الآن في الوجه والكفين.

ويحرم النظر بشهوه إلى كل أحد سوى الزوجين وأمته غير المزوجه -واللي اتعمل عليا فيها حفلة دي- ويحرم النظر بشهوة إلى كل أحد حرام -قولك نعدي بقى عشان تتقطع تاني-. نقول بقى دلوقتي: أنظر لأمك عادي بشهوة؟ عاوزين نقول إيه طيب يعني مش اللي مضايقهم -سوى الزوجين وأمته غير المزوجه-. فيدخل في ذلك النظر إلى الأجنبية، والأمرد، والذي له لحية، وأمة غيره، وذوات المحارم، والعجوز، والبرزة -التي تبرز لحاجاتها-، والتي ينظر إليها عند الشهادة عليها والبيع والشراء، والتي يخطبها؛ كل ده حرام إن وجدت الشهوة.

بيقول لك: أي حد يحرم النظر إليه بشهوة إلا الزوجه. فرح لك! هي دي مشكلتك الوحيدة. مش فاهم والله إيه اللي جاب يعني، ما هو أنت الأمراض مختلفة؛ واحد بيبص عنده أيوه بشهوة. هو اللي حط، ما أنت أبوك أبوك كان رحمنا منك. طيب، نعيد تاني الكلام ده يا جماعة عشان المهم؛ بيقول: ويحرم النظر بشهوة إلى كل أحد سوى الزوجين وأمته غير المزوجه. فيدخل في ذلك -يعني يدخل في من يحرم النظر إليه بشهوة- فيدخل في ذلك النظر إلى الأجنبية، والأمرد، والذي له لحية، وأمة غيره، وذوات المحارم، والعجوز، والبرزة، والتي ينظر إليها عند الشهادة عليها والبيع والشراء -يعني عند البيع والشراء- والتي يخطبها، وكذا نظر المرأة إلى الرجل، والطبيب، وغير ذلك. فهذا كله حرام إذا كان معه شهوة، والله أعلم.

الطب هنا الباء عليها إيه عندكم؟ يظهر والله أعلم أنا عندي عليها كسرة، بس يظهر عليها ضمة، يظهر أنها معطوفة على نظر المرأة إلى الرجل، يعني وكذا نظر المرأة إلى الرجل وكذا الطبيب يحرم عليه أن ينظر إلى المريض يعني والله أعلم، إن كان بشهوة.

ماشي، واضح كده الكلام؟ نعم يا أحمد، علي صوتك. تبرز لحاجاتها يعني متعودة تخرج وتروح السوق وتروح مش كده؟ أه، ما كان في ناس زمان ما بتبرزش النساء، لا تبرز؛ فالبرزة ليها شوية أحكام في الفقة يعني.

فصل: القسم الثاني مستحب. ناخد ده كمان ونوقف به، وهو النظر إلى امرأة يريد أن يتزوجها وغلب على ظنه إجابته. قال جابر رضي الله عنه -عاوزين هنا نبحث مسألة برده وغلب على ظنه إجابته، يبقى لا ينظر إلا بعد غلبة الظن، يعني إنه يجلس مع الولي يعرف ظروفه كلها إيه ومناسب ولا مش مناسب قبل ما ينظر-. معنى أن هم يوافقوا بقى، أنه يدخل بيقعد مع البنت، يبقى كده غالب الظن أن هم موافق، عشان هنا هو إيه يعني حطه شرط، قال: وهو النظر إلى امرأة يريد أن يتزوجها وغلب على ظنه إجابته.

قال جابر رضي الله عنه: قال رسول الله صلى الله عليه وسلم: «إذا خطب أحدكم المرأة، فإن استطاع أن ينظر إلى ما يدعوه إلى نكاحها فليفعل». قال: فخطبت امرأة فكنت أتخبأ لها حتى رايت منها ما دعاني إلى نكاحها فتزوجتها. وأبو داود -طب إيه هو اللي ينظر إليه عشان بس دماغاتكم؟ وله النظر إلى وجهها وكفيها فقط-. يبقى هو كان بيستخبى عشان يشوف وشها وكفيه. دي كلمة النبي دي، من غير صلاة على النبي دي كفيلة؛ يعني واحد بيقول النبي ما قالش صليت عليه فين؟ صلى الله عليه وسلم. لحقت نفسك، عاوز إيه بقى؟

يعني ده القول الوحيد؟ لا مش القول الوحيد، لا. في أقواله صح. أشمعنى في دي الأقوال؟ ما انت ما انت عامل لي فيها حنبلي وطالع لي حامل لواء المذهب في ال... جد في دي! الله. قال: وله النظر إلى وجهها وكفيها فقط. وعنه رواية -يلا هزقططكم أهو- له النظر إلى ما يظهر منها غالباً كالوجه والرقبة واليدين والقدمين -يلا هتشوف الرقبة والرجل، الرجل هو القدم أه، هو عيب كورة ده-. قال وهي المذهب، الحجاوي بيعلق بيقول: وهي المذهب.

طيب بس كده، المذهب مشدد عليكم؟ لا، قال لك: ويجوز له أن يكرر النظر إليه -يلا هيسوا تبص الوجه والكفين براحتك-. ويجوز له أن يكرر النظر إليها ويتأمّل محاسنها بإذن وغير إذنها، ولا يجوز له أن يخلو بها؛ لأن من خلى بامراه كان الشيطان ثالثهما. ده كله بغير شهوة، إن وجدت الشهوة حرم.

ماشي، حد عنده إشكال هنا؟ واضح الكلام يا جماعه؟ وهو ده مش ده اللي بيحصل في الرؤية الشرعية؟ هو في إنتوا بتدخلوا تشوفوا إيه؟ إنتوا بتدخلوا بتبقى هي بتكشف وشها ومثلا والكفين. في حد... أنا هزن في... يعني في نظام جديد بيحصل.

نعم، كان كل ده كان مضي الشرع. بعد يعني أثناء النظر يقطع نظره، يعني لو... هو ما أعتقدش في الرؤية الشرعية الشهوة بتتحرك، يعني ناس قاعدين والأب قاعد، وأنت السفالة في دمك عاوز... يعني الناس قاعدين... مش إبراهيم، هو يعني مش عاوز أسامي... ما أنا ما قلتش... عارف هو ليس في الدنيا أحمد بن حنبل وأحمد بن معين، يعني ففي كتير الاسم ده.

المهم، المهم ده الهزار الجد؛ لو تحركت شهوة أثناء النظر يقطع النظر فوراً، ويأثم إن أطال النظر، لا يغض الطرف، هو لازم هذا يقطع النظر يمشي. إنتوا أفكاركم ليه في الحتة دي متطرفة؟ يعني كده هو بكره اضربوا نفسكم بالجزم. هو الشيطان بقى بيجي تاني أن هو لو حدث الله الوقت ده، فأعتقد في الوقت ده بيبقوا... أنا مش متصور الشهوة في الوقت ده صراحة، مش متصور الشهوة في الوقت ده، ليه بقى؟ يعني أنت قاعد قدام واحدة رايح تخطبها مثلاً وأبوها قاعد وأخوها قاعد، وأنت تشوف وشها تشتهي؟ أمال إيه اللي بيحصل؟

لا، احكي لي! ما هو بيقول هنا: ولا يجوز له أن يخلو بها -حرام أه، بيعدي الصِبية-. يعني الخلوة التي هي مظنة حدوث شيء أو كلام مثلاً، ما يبقى لا، إنما لو باب مفتوح وزي ما أنت بتقول كده الناس إيه رايحة جاية، يعني يظهر أن هي ما هياش خلوة قوي، نفس المجلس. بعد القبول خلاص، إنما لو لسه متردد، ينظر يشوفها مرة تانية وثلاتة.

بعد، ليه بقى يشوفها ليه؟ ليه ليه إيه السبب يعني؟ وأيه يعني ما هو قبل خلاص. هو ده في خلاف يا شيخ ولا؟ في خلاف يعني في مذاهب مثلاً قالت ما يدورش للوجه بعد فترة؟ أه، هو بعد فترة ولسه زي ما هو بيقول كده أن فيها خلاف ولا... مش عارف أن فيها، مش عارف يعني مش مش حافظ فيها خلاف ولا لا، بس على... لا يعني إيه، عاوز مصر الجديدة؟ عاوز تنظر في مصر الجديدة؟ عاوز تنظر في التجمع؟ عاوز تنظر براحتك، يعني المكان ما فيش تقييد، عادي.

قولي هذا، واستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.