دخولتسجيل الدخول

٣- صيانة الجوارح - آفات اللسان

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله وعلى آله وصحبه ومن والاه. وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صلِّ على سيدنا محمد النبي وأزواجه أمهات المؤمنين وذريته وآل بيته كما صليت على آل إبراهيم إنك حميد مجيد. أما بعد:

قال الناظم في آداب الجوارح: ألا كل من رام السلامة فليصن جوارحه عما نهى الله يهتدِ

جارح الإنسان أعضاؤه، سميت جوارح لأنها تكتسب وتتصرف. «اجترح» في اللغة يعني اكتسب، وجاءت في القرآن كذلك: ﴿أَمْ حَسِبَ الَّذِينَ اجْتَرَحُوا السَّيِّئَاتِ﴾ [الجاثية: 21]؛ يعني اكتسبوا السيئات. ومنها سميت جوارح الطير جوارح، لا لأنها تجرح، بل قالوا إن جوارح الطير سميت كذلك لأنها تكتسب غذاءها بنفسها، فهي تفترس وتجلب غذاءها؛ فمن الاكتساب سميت جوارح. فقالوا جوارح الإنسان سميت جوارح لأن بها يكتسب الخير والشر.

وجملة ذلك أن من أراد النجاة والسلامة من الذنوب والقيود والأغلال، ويكون له في ميدان الصالحين مجال، فليصن جوارحه عما نهى الله عنه. الناظم يقول: «ألا كل من رام السلامة فليصن جوارحه عما نهى الله يهتدِ»، والحجاوي يشرح لك أن من أراد النجاة والسلامة من الذنوب، والسلامة من الذنوب تعني السلامة من غوائلها ومن تداعياتها، فإذا وقعت في الذنب نالك من جرائه العقاب والإثم، فأنت تنجو من ذلك. وأما القيود والأغلال: فالقيود هي التي تقيدك عن الطاعات، والأغلال قد تكون في الآخرة. فكل هذا تسلم منه إن صنت جوارحك عما نهى الله.

قال عماد الدين الواسطي، الذي قال في حقه الشيخ تقي الدين ابن تيمية: هو جنيد وقته، والجنيد من سادات العارفين: يحاسب الإنسان نفسه في حركات جوارحه السبع من حين تطلع الشمس إلى أن تغيب، ومن غروبها إلى أن تطلع، وهي: العين والأذن واللسان والبطن والفرج واليد والرجل. فيحفظ اللسان عن الكلام فيما لا يثاب عليه ولا يترتب عليه مصلحة دينية أو دنيوية مما يحتاج إليه، ويحفظ العين عن كل محرم، خصوصاً النظر إلى الأمرد والنساء الأجانب، ولو كان ذلك بغير شهوة. فهم كانوا يشددون جداً في الأمرد كتشديدهم في النساء وأشد، لأنه فتنة ومأمون من حيث الشبهة. ويحسم مادة النظر عن كل شيء لا يثاب عليه، كما كانوا يكرهون فضول النظر كما يكرهون فضول الكلام.

وكذلك يحفظ سمعه، فإن المستمع شريك للقائل. وكذلك يصون بطنه عن الحرام والشبهات، فكل جسم نبت من حرام فالنار أولى به، وأكل الشبهات كيف يتنور قلبه أو كيف يزكو عمله؟ وكذلك يحفظ الفرج واليدين عن جميع محرمات الشرع ومكروهاته، وكذلك يحفظ الرجلين، ومتى أخطأ أو زل بادر إلى التوبة.

ينبغي أن نتدرب على هذا، ولو يوماً في الأسبوع. قالوا الجوارح سبعة كعدد أبواب جهنم، وبعضهم تلمح هذا المعنى، وكان كل جارحة مسؤولة عن باب. قال الله تعالى في القرآن: ﴿لَهَا سَبْعَةُ أَبْوَابٍ لِّكُلِّ بَابٍ مِّنْهُمْ جُزْءٌ مَّقْسُومٌ﴾ [الحجر: 44]. وكذلك يحفظ القلب ويجتهد في حفظه مهما أمكن، والله الموفق. وكيف نحفظ القلب؟ نحفظ مداخل القلب، ولا نذهب للأماكن أو نتفرج على الأشياء التي تؤذي القلب، وجملة ذلك في حفظ الجوارح السبع مع التركيز على ما يقع فيه الناس.

يكره خوف الفقر، وسخط المقدور، والغل، والحسد، والحقد، والغش، وطلب العلو والمنزلة في الدنيا، وحب الثناء والمحمدة، وحب الجاه في الدنيا، والكبر، والغضب، والحمية، وحب الرئاسة، والعداوة، والبغضاء، والطمع، والبخل، والشح، والرغبة، والأشر، والبطر، والتعظيم للأغنياء، والاستهانة بالفقراء، والفخر، والخيلاء، والتنافس في الدنيا، والمباهاة، والإعراض عن الخلق استكباراً، والخوض فيما لا يعني، وكثرة الكلام بغير منفعة، والاعتراض في أمر الله، والتزين للمخلوقين، والمداهنة، والعجب، وحب المدح بما لم يفعل، والاشتغال بعيوب الخلق عن عيوبه، ونسيان النعمة، وعدم الخشية والخوف والمراقبة، والانتصار للنفس إذا نالها الذل، وترك الانتصار للخالق، والاتكال على الطاعة، والمكر، والخيانة، والمخادعة، والحرص، وطول الأمل، والتجبر، والتماس المغالبة لأجل الدنيا طلباً للجاه، والفظاظة، والغيلة، وسوء الخلق.

أما الحرص فهو الحرص على الدنيا، وسوء الخلق، والفرح بالدنيا والحزن على فواتها؛ فمعنى ذلك أنها صارت أكبر همك، تفرح بها لأنها أتت وتزعل لأنها فاتت، والآخرة ليست في بالك. وكذلك يكره الأنس بالمخلوقين، فمن أنس بالله استوحش بوجود الأغيار. ابن الجوزي كان له كلام جميل يقول فيه إنه ربما مرت عليه أحوال وفيوضات من الرب سبحانه وتعالى، حتى إنه لو كان قاعداً مع بشر الحافي ومعروف الكرخي -وهما من أئمة العارفين- لرأيتهما زحمة ولا يريدهم؛ لما هو فيه من الأنس بالله.

تقول لا، لا مش عاوزاه أنا، أنسى بالله مش عاوز دول. والوحشة لفراقهم، يا ترى الأنس بهم ماشي، والوحشة لفراقهم مش عارف الوحشة لفراقهم دي، ولا مثلاً هي الإمام أحمد روي عنه لما لا تصحب الناس؟ قال لألم الفراق، أو لوحشات الفراق، شوفوا كده رواية أحمد إيه؟ قال إيه لوحشات الفراق ولا لألم الفراق؟ ما هو لو قال لوحشة الفراق تبقى نص في المسألة أن هو يحس بوحشة فراق، مش كده؟ لما لا تصحب الناس؟ قال لوحشات الفراق، ولا كان إيه؟

الفراق له وحشة طبعاً للناس اللي عندها قلب يعني. والخن، إيه الخن؟ مش شرط في الكلام، الخن إيه الخن؟ شوفوا كده إيه الخن. بس القول أظن الخن يأتي في الفعل يعني كذا كلام نادر، بيقول إيه اللي هو الفحش في الكلام والرديء منه، إنما كله في الكلام. ماشي والطيش والعجلة وقلة الحياء، وفي هذه الخصال ما هو محرم، يبقى هذه الخصال تدور بين لأنه قال إيه يكره كذا في الأول. قال لك وفي هذه الخصال ما هو محرم، لو ما كانش قال كده كنا نقول برضه يكره دي، أنتم عارفين الحرام مكروه برضه مش كده؟ كل ذلك كان سيئة عند ربك، إيه أو سيئة كذا وكذا، قرأت إيه بقى اللي هو إيه الزنا والقول ده مكروه، لا مكروه يعني الله يكرهه، الله يكره الحرام.

فصل ويستحب أضدادها من الرضا والقناعة والتوكل وسلامة الصدر وحسن الخلق والصبر على الطاعة والنعم والبلاء. ماشي وتستحب أو يستحب تمشي، الصبر على النعم يعني ولا، والصبر على الطاعة، والنعم والبلاء، الصبر على النعم؟ ما هو الشكر يعني شكر النعم ماشي، الصبر على النعمة. يعني ممكن تؤول إنما على ظاهرها كده فيها إشكال شوية، ماشي والبلاء والنقم في بدنه وعرضه وأهله وماله، واستدراك ما فات من الهفوات، وقصد القربة والطاعة بالنية والفعل وسائر القربات والحركات والسكنات، والزهد في الدنيا والرغبة في الأخرى، والتوبة من المعصية، والاكتفاء بالكفاية المعتادة بلا إسراف ولا تقتير، وبعض هذه الخصال واجب.

طيب واضح كده الكلام؟ ها ندخل بقى على الضد يعني العكس، لا لا لما نقول كلمة من الأضداد، أه يبقى الكلمة ليها معنيين، نقول الكلمة دي من الأضداد ليه؟ اتسمت من الأضداد عشان تحمل المعنى وضده، ده فيبقى من الأضداد، إنما كلمة ضد يعني عكس، قول لنا بقى ثلاث كلمات من الأضداد طالما أنت سألت؟ بلاء ماشي، إيه تاني؟ يعني البلاء أن تيجي في، وأنا أبلوكم بايه؟ إيه تاني؟ ما تقول فتنة يا ناصح بالمرة. سليم من الأضداد، سليم سليم يعني سليم وسليم يعني لديغ لو اتلدغ، واحد ملدوغ جت في الحديث يسمونه سليماً تفاؤلاً، وإيه تاني في القرآن من الأضداد؟ القرء من الأضداد الحيضة أو الطهر، إيه تاني في القرآن من الأضداد؟ وراء، وراء يعني ورا أو قدام جت في القرآن بمعنى قدام، وكان وراءهم ملك يأخذ كل سفينة غصباً، وراءهم يعني إيه أمامهم، هم لسه ماجوش عليه، فوراء من الأضداد. قول لنا بقى يوسف الخمس كلمات اللي قلناهم من الأضداد، ابتدي من الآخر. أنا ما قلتش فتنة أصلاً، الفتنة دي كنا بنهزر.

طيب، مين تاني ما كانش مركز نسأله؟ في حاجة في القرآن تاني من الأضداد؟ ماشي قال: يكب الفتى في النار حصائد لسانه، الأصل في أن حصائد اللسان يكب الناس في النار. كلمة الأصل تطلق ويراد بها أشياء منها الدليل. ماشي كلمة أصل إذا ذكرها العلماء ممكن يراد منها كذا حاجة مش مهم دلوقتي بندرسها في الأصول، إنما من معاني كلمة أصل الدليل، فنقول الأصل في حرمة مثلاً الربا قوله تعالى: ﴿لَا تَأْكُلُوا الرِّبَا﴾ [آل عمران: 130]، يعني دليل حرمة الربا كذا، ماشي فهنا قال لك الأصل في كذا نعرف إنه هيجيب دليل على طول. الأصل في أن حصائد اللسان يكب الناس في النار حديث معاذ أهو، حديث معاذ بن جبل رضي الله عنه قال: قلت يا رسول الله أخبرني بعمل يدخلني الجنة ويباعدني من النار، قال: «لقد سألت عن أمر عظيم، وإنه ليسير على من يسره الله عليه، تعبد الله لا تشرك به شيئاً، وتقيم الصلاة، وتؤتي الزكاة، وتصوم رمضان، وتحج البيت»، ثم قال: «ألا أدلك على أبواب الخير؟ الصوم جنة»، يعني إيه جنة؟ وقاية. قلنا لكم قبل كده جنة، الأصل ده في اللغة الجيم نون ده يدل على الخفاء، فتلاقوا أي كلمة فيها الجيم والنون أو مكونة من الجيم والنون فيها معنى الخفاء، فتلاقي جن، وجنين مداري ببطن أمه، وجنون عشان العقل اختفى ما بقاش في عقل، وجنة قالوا الجنة هي البستان لما بيعلو الشجر فيدار اللي تحته، ما يتسماش جنة البستان ما يتسماش جنة إلا لو كده لو شجرة كبير وفروعه كتير، بحيث اللي يدخل تحته ما يبانش، ماشي وجنة زي اللي معانا، ماشي الصوم جنة يعني يحمي الآية ويداري عليه وكده، ماشي أه جن عليه الليل الليل بيستر مش كده، الصوم جنة والصدقة تطفئ الخطيئة كما يطفئ الماء النار، وصلاة الرجل من جوف الليل ثم تلا ﴿تَتَجَافَىٰ جُنُوبُهُمْ عَنِ الْمَضَاجِعِ﴾ [السجدة: 16] حتى بلغ يعملون.

ثم قال: «ألا أخبرك برأس الأمر وعموده وذروة سنامه؟ رأس الأمر الإسلام، وعموده الصلاة، وذروة سنامه الجهاد»، ثم قال: «ألا أخبرك بملاك ذلك كله؟»، وهذا هو الشاهد، قلت بلى يا رسول الله، فأخذ بلسانه قال: «كف عليك هذا»، الله أكبر، شوفوا بعد ما ذكرنا الدين كله فوق ذكر الدين كله قال له بقى أدلك على ملاك ذلك كله كف عليك هذا.

إيه رأيكم بقى خد بالك من لسانك، وقلنا القلم أحد اللسانين اللي بتكتبه، كف عليك هذا. طيب ليه ده الملاك؟ يعني ليه ده الملاك؟ وأنتم عارفين في الآية في أثر أن ما من يوم يصبح فيه العبد إلا وكل الجوارح تناشد اللسان، اتق الله فينا كل يوم، ماشي. طبعاً الأمور أول أمر أنه من أطلق لسانه ضاع عمره، إحنا لسه ما دخلناش شفنا حرام ولا حلال اللي بتقوله من اعتاد إطلاق اللسان ففاته العمر، فيجي يعمل الطاعات ما فيش وقت للطاعات ليه؟ هو ثرثار اتعود يتكلم كتير. طب إشمعنى اللسان؟ لأن حركة اللسان سهلة، حركة اللسان سهلة بخلاف لو هتروح مشوار يعني هتحرك رجلك هتحرك إيدك الحركة دي أصعب، حركة اللسان سهلة. تاني حاجة أنه كثرة الكلام بتفسخ العزم يعني تلاقي إيه الإنسان اللي قليل الكلام دائماً عزمه قوي دائماً، والإنسان اللي بيتكلم في، أو غالباً يعني بلاش نقول دائماً ما بحبش التعميم يعني، الإنسان اللي كلامه كتير تلاقي فعله قليل، حتى عندنا كده يقول لك كده في العامية يقول لك إيه اللي بيعمل ما بيقولش، اللي يتكلم كتير يعرف إنه غالباً غالباً مش هيعمل حاجة. ماشي، أمور تانية بقى بخلاف الكلام نفسه لو بصنا هو حرام ولا لا وكده يعني.

طيب، فقال قلت يا رسول الله صلى الله عليه وسلم وإنا لمؤاخذون بما نتكلم؟ فقال: «ثكلتك أمك، وهل يكب الناس في النار على وجوههم أو على مناخرهم إلا حصائد ألسنتهم؟» كان معاذ رضي الله عنه بيتعجب إحنا الكلام مؤاخذين عليه، طبعاً في أول الإسلام الناس بتعرف الإسلام شيئاً شيئاً يعني ما حدش يقول أنا أعلم من معاذ، كانوا بيتعلموا الإسلام واحدة واحدة، فقال له يعني حتى الكلام مؤاخذين عليه، فقال وهل يكب الناس في النار على وجوههم إلا حصائد ألسنتهم؟ رواه الترمذي وقال حسن صحيح.

قال ابن رجب، مين ابن رجب؟ ابن رجب الحنبلي، هذا الحديث يدل على أن كف قال ابن رجب هذا الحديث، يبقى من غير ما تبصوا يبقى هيقول ده فين، أه يعني غالباً ممكن جامع العلوم، ما عارف ده مش مكانه إنما جامع العلوم والحكم لو ده حديث من الأربعين، الأربعين النووية وهو منها فممكن نتصور أن يبقى ابن رجب قالها في جامع 40 نووية ابن رجب جه راح مزود عليهم 10، عارفين المعلومة دي؟ واتسمت الـ 50 الرجبية، يعني جامع العلوم والحكم بتاع ابن رجب فيه شرح 50 حديث من جوامع الكلم الـ 40 نووية بتوع الإمام النووي وبعدين راح مزود 10 عليها. طب الإمام نووي ليه اختار 40؟ ليه الرقم ده بالذات حد يعرف؟ في حديث في حديث فيها ولكنه ضعيف، ماشي إنما في معنى تاني كانوا بيختاروا رقم 40 ده عشان حاجة تانية، قالوا ده أصغر رقم لربع عشر صحيح، ربع العشر بتاع الـ 40 كام؟ ربع العشر بتاع الـ 40 ده واحد، ربع الـ 40 كام؟ ربع الـ 40 كام يا ابني؟ 10، عشر الـ 10 واحد، فربع العشر بتاعه الـ 40 واحد، فقالوا الـ 40 ده أصغر رقم ليه ربع عشر صحيح. هو في رقم صحيح أصغر من الواحد؟

تضحكوا على إيه يا جماعة؟ طيب إيه برضه دخل ده ليه بقى؟ كأنه بيقول لك أنا اديتك 40 حديث أهو، ادي زكاتهم، اعمل ولو بحديث، شفتوا اللفة بقى ما هو الزكاة ربع العشر فيروح جاي يجيب لك 40 حديث يقول لك خد 40 حديث أهم وأدي زكاة هذه الأحاديث، اعمل ولو بحديث واحد منها. ابن رسلان في الزبد بس راح على إيه نوع زكاة تاني اللي هو زكاة إيه اللي فيها العشر الزروع مش كده؟ قال إيه فاعمل ولو بالعشر كالزكاة تخرج بنور العلم من ظلماته، ماشي فاعمل ولو بالعشر كالزكاة يعني تتعلم حاجة اعمل ولو بعشر اللي بتتعلمه. يا أهل الحديث أدوا زكاة حديثكم، مين اللي الكلام ده؟ شوفوا مين، يا أهل الحديث أدوا زكاة حديثكم، اعملوا من كل عشرة أحاديث بحديث، مين اللي قال كده؟ بشر من كل 10 ولا من كل 40؟ قال من كل 10 أه، من كل 200 حديث بخمسة يبقى كده إيه حسبها على الآية بسرعة. يا ابني لا من غير ما تمسك اهد اهد من كل 200 يبقى من كل 100 من كل 200ص تقسم على الاتنين بقى يا جماعة لو سمحتم أرجوكم، إحنا مش عارفين نفهمه بالإنجليزي الراجل ده جامعة أمريكية إنتو عارفين ده لو تصدق بقى أنا غلطان بدافع عنك تسكت تصدق والله صح، يبقى 2.5% نص في اللي هو ربع العشر بس يعني.

إنتوا تعليم مجاني إنتوا تفهموا العربي. مين تاني كان في ثلاث حروف؟ جمع ثلاث حروف هنا أهو واحد اتنين بس ده تلاقي ثلاث حروف بنها إيه، ماشي يا ح. طيب يلا نرجع تاني، قال ابن رجب، طيب افرض بقى كان الحديث ده في الصحيح في صحيح البخاري، يبقى ممكن يبقى فتح الباري بتاع ابن رجب، إحنا عندنا اتنين فتح باري، لما نقول فتح الباري ونسكت يبقى ده بتاع مين؟ ابن حجر العسقلاني. اكتبوا المعلومات اللي مش عارفينها، اكتبوها اللي عارفينها خلاص عندنا فتح الباري شرح صحيح البخاري لابن حجر لما نقول فتح الباري ونطلق كده ده بتاع مين؟ ابن حجر. ابن رجب بقى ليه شرح على صحيح البخاري آخر ماشي، إنما طبعاً الحديث ده مش في الصحيح، حديث الترمذي رواه الترمذي يبقى ابن رجب قاله في إيه؟ يبقى ابن رجب الكلام ده غالباً في جامع العلوم والحكم، هو تحت بقى في الهامش قال جامع الحكم.

قال ابن رجب: هذا الحديث يدل على أن كف اللسان وضبطه وحبسه هو أصل الخير كله، وإن من ملك لسانه فقد ملك أمره وأحكمه وضبطه. يبقى هنملك لساننا أولاً في الكلام في ابتداء في إنشاء الكلام، ثانياً في الرد، ممكن واحد ينجح أنه يحفظ لسانه ابتداء لكن مجرد ما حد يضايقه يتحول بني آدم تاني خالص، يعني هو يقدر يبقى ناجح أنه يسكت بس تيجي جنبه ياكلك ويطلع بقى منه قلة أدب وسفالة، فوزنا نبقى في ده وده يعني نمسك سواء اللسان أو الكتابة نمسك أنفسنا في ده وده ماشي، وربنا سبحانه وتعالى لأن الأمر التاني ده أصعب فأشار إليه في القرآن مش كده ﴿ادْفَعْ بِالَّتِي هِيَ أَحْسَنُ السَّيِّئَةَ﴾ [المؤمنون: 96]، يبقى لو حد أساء إليك ادفع مش بأي حاجة، بحسنة بالتي هي أحسن. ماشي بالذات أن لو واحد ليه سمت معين والناس تقول لك أدي السمت أهو ولا الأدب، وإحنا ولاد الأدب فعلاً يعني إحنا ربنا يأدبنا يا رب نسأل الله أن يؤدبنا، يروح يتعامل مع واحد بيبيع شقق مثلاً ويلاقيه باع له الهواء بعد ما الراجل يسكن يكتشف كل اللي اتقال كذب مش كله، أيوه كده يا شيخ طمنتني يا شيخ، يقول لك إيه السمت ياكلوا مال النبي عليه الصلاة والسلام صح ولا غلط؟ صح، نلم نفسنا بقى ونبقى ناس محترمة ندعو إلى الله بدل ما الناس تكفر، يقول شفت الدين عامل إزاي يكفروا بالدين، مش هيكفروا بيك يقول لك مش إنت طبعاً إنت راجل محترم سايبينك في المجال ده عشان تحسن صورة ال، لا طبعاً بقى بهزر يعني بس هو في طبعاً الفئات دي يعني أقصد أقول أما الواحد بيبقى ليه سمت معين لازم يحترم السمت ده زي أي حاجة يعني واحد مثلاً لابس بدلة ظابط فلما هيضرب واحد مثلاً هيقولوا إيه شفت.

الشرطة المجرمين بيعملوا إيه مش هيقولوا فلان الفلاني مش محترم، مش هيقولوا كده هم. تلاقي الناس عندها شهوة التعميم؛ دايماً دايماً تلاقي الناس كده، واحدة منقبة راحت سرقت عيلة ولا مش عارف إيه، قال لك شفت المنقبات! وهي لا منقبة ولا نيلة، هي لابسة النقاب عشان يعني تدري وشها، فتلاقي الناس تعمم الأمور. يعني نادراً من الناس اللي تلاقيه يقعد يحلل الموقف صح. اللحية دي إيه؟ شعر بينبت على الوجه، يعني أي واحد هيسيب دقنه شوية هتطلع دقن، فمالهاش معنى، يعني هي سنة طبعاً، يعني أنا ما أقصدش مالهاش معنى أقصد أقول مش هتقيم من الشخص اللي قدامك على كده.

فعلى كل حال بالذات لو ليك سمت معين فلازم ده يحط عليك عبء زيادة إنك تحفظ لسانك. طب لو كمان ليك باع في الدعوة، سواء دعوة فردية أو دعوة على الأرض أو دعوة على النت، ده يحط عليك عبء زيادة؛ أنت مش واحد عادي، أنت واحد هينظر إليك دلوقتي إن أنت شئت أم أبيت إن أنت فلان الفلاني، الداعية فلان، الشيخ فلان، فيحط عليك عبء زيادة. طب ده غلط إني أراعي ده؟ لا مش غلط؛ هتفتن الناس ليه في دينهم؟ فمش غلط، يبقى تحفظ لسانك حفظاً زائداً اللي ممكن كان يسعك إنك تعمله لو أنت حد ما عليهش الأعباء دي كلها، وساعتها الناس مش هتلومك برضه ما تعملوش، مفهوم ده يا جماعة؟

مين اللي قال سفيان؟ أظن كان بيقول: كنا نضحك ونمازح، أما وقد صار الأمر إلينا أو ترأسنا أو حاجة زي كده، فلا أراه يسعني التبسم. شوفوا الأثر ده، اكتبوا الآثار دي مهمة؛ يعني لأن هي بتربي جوانا معاني؛ يعني حتى لو قلنا لا مش للدرجة دي دلوقتي، إنما معنى إن إحنا نتحفظ شيئاً ما لمجرد إن إحنا ابتدى الناس تبص لنا بعين مختلفة. سفيان أظن كان بيقول: كنا نضحك ونمازح، فلما صرنا يقتدى بنا خشيت ألا يسعني التبسم.

خلاص، لو أطلق الثوري ده الأوزاعي بيقوله، فنراعي المسائل دي. والمراد بحصائد الألسنة جزاء الكلام المحرم. وهل يكب الناس في النار على وجوههم أو قال على مناخرهم إلا حصائد ألسنتهم؟ جزاء الكلام المحرم وعقوباته، فإن الإنسان يزرع بقوله وعمله الحسنات والسيئات، ثم يحصد يوم القيامة ما زرع؛ فمن زرع خيراً من قول أو عمل حصد الكرامة، ومن زرع شراً من قول أو عمل حصد غداً الندامة. اللهم نسألك أن نكون من أهل الكرامة لا من أهل الندامة.

وظاهر حديث معاذ يدل على أن أكثر ما يدخل به الناس النار النطق بألسنتهم، فإن معصية النطق يدخل فيها الشرك وهو أعظم الذنوب عند الله، والقول على الله بغير علم وهو قرين الشرك، وشهادة الزور، كل ده في النطق باللسان، والسحر والقذف والكذب والغيبة والنميمة وسائر المعاصي الفعلية مما لا تخلو غالباً من قول يقترن بها يكون معيناً عليها. يعني بيقول لك كل الحاجات اللي في الأول دي دي خالصة للسان، وبعدين بقية المعاصي غالباً بيكون فيها لسان برضه. وقال الحسن: اللسان أمير البدن، فإذا جنى على الأعضاء شيئاً جنت، وإذا عفَّت عفَّت.

وروى مالك أن عمر دخل على أبي بكر وهو يجبذ لسانه، سيدنا عمر دخل على سيدنا أبو بكر ماسك لسانه عمال يشده، فقال عمر: مه! تعمل إيه؟ غفر الله لك، فقال أبو بكر: هذا أوردني الموارد. سيدنا أبو بكر كان بيقول هذا أوردني الموارد، وداني في داهية.

وقال ابن بريدة: رأيت ابن عباس رضي الله عنهما أخذ بلسانه وهو يقول: ويحك! قل خيراً تغنم، أو اسكت عن شر تسلم، وإلا فاعلم أنك ستندم. فقيل له: يا ابن عباس لما تقول هذا؟ فقال: إنه بلغني أن الإنسان، أراه قال: ليس على شيء من جسده أشد غيظاً يوم القيامة منه على لسانه، إلا قال به خيراً أو أملى به خيراً.

وخرج الطبراني من حديث معاذ بن جبل رضي الله عنه عن النبي صلى الله عليه وسلم أنه قال: «إنك لن تزال سالماً ما سكتَّ، فإذا تكلمت كتب لك أو عليك». قلنا لكم قبل كده الكلام كم قسم؟ أربع أقسام: خير محض، شر محض، فيه خير وشر، لا خير فيه ولا شر. الشر المحض واللي فيه خير وشر يتعملوا ما يتقالوش، خلاص نص الكلام راح. يتبقى الكلام الذي لا خير فيه ولا شر؛ الكلام المباح، قالوا من عرف شرف زمانه سكت عن كثير منه، هتضيع وقتك في كلام أو في حاجة ما تاخد لا عليها ثواب ولا عقاب ليه؟ طبعاً الكلام ده للناس الحريصة على وقتها. فقالوا برضه هنسكت عنهم، اتبقى قسم واحد من أربع أقسام اللي هو كلام خير محض، قالوا هذا يعتريه آفات الرياء وحب الظهور، فتلجم نفسك حتى القسم ده تراجع نفسك فيه كتير قبل ما تتكلم، ولذلك كان سكوتهم أكثر من كلامهم، يعني يقابلوا بعض كده يفضلوا ساكتين شوية يروحوا قايمين ماشيين وخلاص.

وقال صلى الله عليه وسلم: «من صمت نجا». أديكم عرفتوا ليه من صمت نجا بقى عشان الأربع أقسام.

وقال: «إن الرجل ليدنو من الجنة حتى ما يكون بينه وبينها إلا ذراع، فيتكلم بالكلمة فيتباعد منها أبعد من صنعاء».

وقال: لا تكثروا الكلام بغير ذكر الله؛ فإن الكلام بغير ذكر الله يقس القلب، وإن أبعد الناس عن الله القلب القاسي، وإن أبعد قلوب الناس عن ربنا الرحيم قلب قاسٍ. يبقى لا تكثروا الكلام بغير ذكر الله؛ فإن الكلام بغير ذكر الله يقس القلب، حاجة تضبط لكم دي، يبقى دايماً في إيديك سبحة، دايماً ما تنزلش من بيتك غير بسبب أو بعداد، دي حاجة بتعين جداً على مسألة الذكر، ويبقى ليك أورادك بقى؛ يعني مش بس عداد في إيديك، دلوقتي الناس بتتفنن في شكل العداد بقى اللي هو زي الخواتم كان بيستخدموه كزينة.

وقال الفضيل بن عياض: ما حج ولا رباط ولا جهاد أشد من حبس اللسان. ولو أصبحت يهمك لسانك أصبحت في غم شديد، يعني بيقول اللي يصبح طبعاً واضح إنه حبس اللسان ده أمر شديد جداً، بيقول الجهاد أسهل من إن إحنا نحبس لساننا. وبعدين بيقول لك لو أصبحت يهمك لسانك يعني عمال تحاسب نفسك على الكلمة وبتاع، أصبحت في غم شديد؛ لأن صعب يعني حركته، اللسان واحد متعود عادي بيتكلم من غير ما ياخد باله من حاجة، نقول له خلي بالك من كلامك، عاوزين نتدرب عليه يا شباب.

وقال لقمان لابنه: لو كان الكلام من فضة كان الصمت من ذهب. وقال ابن مبارك: معناه يعني كلام لقمان لو كان الكلام بطاعة الله من فضة كان الصمت عن معصية الله من ذهب، مش أي كلام.

وفي المسند من حديث أنس رضي الله عنه عن النبي صلى الله عليه وسلم أنه قال: «لا يستقيم إيمان عبد حتى يستقيم قلبه، ولا يستقيم قلبه حتى يستقيم لسانه». حتى هنا معناها إيه؟ يعني لا يستقيم إيمان عبد حتى يستقيم قلبه، يعني إذا آمن واستقام إيمانه استقام قلبه، ولا العكس؟ لغة تمشي كده وكده. تأملوا الكلام، أنا سيبكم تتأملوا الكلام، يعني الجملة: لا يستقيم إيمان عبد حتى يستقيم قلبه، يعني يستقيم قلبك الأول وبعدين يستقيم إيمانك، لغة تمشي كده وكده. قالوا إيه بقى في شرح الحديث؟ ما أعرفش خدوه كده واجب وقولوا لي قالوا إيه في شرحه.

بس برضه أنا مايل إن ممكن تمشي الثانية، برضه حتى شرعًا يعني، إذا استقام إيمانك استقام قلبك، وإذا استقام قلبك استقام لسانك. برضه تمشي يعني المعنى المتبادر طبعًا إنه من الآخر للأول، يعني يستقيم لسانك فيستقيم قلبك فيستقيم إيمانك. ده المعنى المتبادر، أول ما قرينا الحديث كلنا فهمنا كده، صح؟ صح.

لكن ممكن يبقى المعنى بالعكس، إنه يستقيم إيمانك فيستقيم قلبك، وإذا استقام قلبك استقام لسانك، ممكن برضه تمشي كده، بس عاوزين نشوف كلام العلماء في الحديث ده إيه. بديكم واجب ما حدش بيعمله، المرة اللي قبل اللي فاتت، اللي هو كان إيه بقى؟ إيه وصلي عليهم، أنا ناسي أصلًا، أنا فاكر اديتكم بحث؛ ليه عليهم؟ ما جبتوهاش. إحنا قلنا ساعتها: وصلي عليهم، لو قلنا الصلاة دعاء يبقى إيه وادعو عليهم، ده اللي قلناه ساعتها، فقلنا عاوزين نشوف إيه وصلي عليهم دي، حد جاب حاجة؟

لقيت إيه بقى؟ الكلام مش حاجة بعينها زي مش نفس الموضوع. طب عاوزين نفس الموضوع، طب دوروا بقى تاني، عشان ممكن تشوفوها في الكتب اللي بتهتم باللغة، التفاسير اللي بتهتم باللغة زي إيه؟ تحرير والتنوير مثلًا، ده بيهتم باللغة، ابن عاشور. طب شوفوا بقى في التحرير والتنوير كده، وقولوا لي هيقول إيه. وخدوا بقى الحديث ده معاكم، شوفوا هل العلماء كلهم قالوا المعنى المتبادر، ولا حد قال العكس، ماشي؟

وعن عقبة بن عامر الجهني رضي الله عنه قال: لقيت رسول الله صلى الله عليه وسلم يومًا فقلت: من نجاة؟ فقال: «يا عقبة، املك عليك لسانك، وليسعك بيتك، وابكِ على خطيئتك». كلام واضح، من نجاة؟ أنجو إزاي من الفتن؟ وأنجو إزاي في الآخرة؟ ثلاث نصائح يا عقبة: املك عليك لسانك، وليسعك بيتك. طبعًا عندنا تحدي كبير جدًا إنك جوه بيتك وفي نفس الوقت مطلع على العالم، التليفون. يعني عاوز أقول لكم يا جماعة التشبيه عشان نتخيل، كده دلوقتي واحد جوه بيته بس فاتح الشباك، هو جوه بيته بس فاتح الشباك، واقف عمال يبص على عورات الجيران، وبعدين واحد معدي يتف عليه، واحد بعيد يشتمه، هل ده يصدق عليه وليسعك بيتك؟

طب اللي إحنا فيه أخطر وأكبر وأفضع، ولا ده اللي إحنا ضحكنا عليه دلوقتي، عمالين نضحك عليه دلوقتي، اللي إحنا فيه أفضع بكتير، يعني إحنا لا يصدق علينا وليسعك بيتك طول ما إحنا في إيدينا التليفونات دي، هنا لم يسعنا بيتنا، خلاص أنت في البيت وفي نفس الوقت مع العالم كله. فإذا أردت أن يسعك بيتك، أو إننا نتكلم عن معاني الخلوة ومعاني، يبقى على الأقل عندنا الوقت اللي فيه معناش التليفونات دي، يعني نقنن استخدام التليفونات دي.

فصل: ومن آفات اللسان. نقف هنا ولا إيه رأيكم؟ ها؟ هيبتدي الآفات. يعني عاوزين ناخد وقت، هو كده فات ساعة وعشر دقائق، ساعة كمان؟ مين تعب من غير كسوف؟ تعبت اطلع بره، أنت أصلك جديد مش عارف، أنت فاكر ولا واحد تعبان؟ من فوائد المجلس إن واحدة واحدة بنمط إمكاناتنا، واحدة واحدة ماشي. شرحنا لكم قبل كده البرفورمنس كيرف بتاع الأشخاص، منحنى الأداء بتاع الأشخاص. بيقولوا إنك في كذا زون، كده في الكومفورت زون ده اللي هو الحتة بتاعة الراحة بتاعتك، وبعدين في حاجة بيسموها الاسترتشينج، الاسترتشينج اللي هو الحتة اللي هو استرتشينج معروف يعني، عارف لما تيجي تعمل استرتشات فتلاقي العضلة بتوجعك؟ ليه؟ ما أنت هي متعودة على مدى معين في الحركة، مثلًا رجلك على مدى معين في المشي، تيجي تفتح حوض، لا مش متعودة المدى ده، فلو كل ما وجعتك وجع بسيط تقول لا خلاص، عمرك ما هتفتح حوض. لازم يقعد المدرب بتاعك يعمل لك الاسترتشات دي، يدوس عليك زيادة، يدوس عليك زيادة، لغاية ما في مرة هتفتح الحوض.

فمن فوائد المجالس بقى دي إن أنت غصب عنك هتقعد، واحدة واحدة بقى تبتدي، آه أنا عادي ممكن أقعد أذاكر بالساعة والاثنين والثلاثة، عادي. أنا عاوز أقول لكم إحنا في البداية كنا بنروح للشيخ الفجر ندرس للمغرب، قاعدين في المسجد، كنا نروح الفجر ونمشي المغرب، وراكم حاجة؟ ما أعرفش اسمها إيه النظرية، ما أعرفش في نظرية أصلًا، هو برفورمنس كيرف بيسموه منحنى الأداء بتاع الأشخاص، فأنت ممكن بقى تدور على كده يعني. وبعد الاسترتشينج بقى بيدخل حاجة اسمها البيرن أوت، اللي هو بتحرق نفسك، ده غلط تروح له، يعني تدوس على نفسك ماشي، إنما ما تروحش لحتة إنك بتتحرق، اللي هو بقى جاء في الأحاديث برضه، آه اللي هو المنبت، لا أرضًا قطع ولا ظهرًا أبقى، عارفين حديث المنبت ده؟ اللي هو راح للحتة بتاعة إنه حرق نفسه، ماشي؟ أنت لسه بدرك.

طيب، قال: فصل من آفات اللسان، الكلام فيما لا يعني الإنسان. قال النبي صلى الله عليه وسلم: «من حسن إسلام المرء تركه ما لا يعنيه». وجاء معانا إمبارح في أربع المهلكات، قال إيه؟ لتتكلمن فيما لا يعنيك لأعاقبنك بصوم سنة، فكانوا بيحرصوا إنهم ما يتكلموش فيما لا يعنيهم. وقال صلى الله عليه وسلم: «أكثر الناس ذنوبًا أكثرهم كلامًا فيما لا يعنيه». وقال وهب بن منبه -عندكم مضبوطة كده؟- كان في بني إسرائيل رجلان بلغت بهما عبادتهما أن مشيا على الماء، يعني نال كرامة، ممكن الإنسان يمشي على المية، آه إيه المشكلة كرامه. بتثبتوا الكرامات أنتم ولا مبتدعة ما بتثبتوش الكرامات؟ بتثبتوا الكرامات ولا لا؟ نثبت الكرامات، عندنا كرامات في الدين آه طبعًا، عندنا كرامات، سيدنا خالد لما شرب السم وما، ده كرامه ولا مش كرامه؟ سيدنا عمر لما شاف قال يا سارية الجبل، كرامه ولا مش كرامه؟ عندنا كرامات يعني، طب واحد يمشي على المية إيه يعني يمشي على المية؟ عادي يعني كرامه ممكنة، والأولياء ذو كرامات رتب، وما انتهوا لولد من غير أب، فعندنا الكرامات.

قال: كان في بني إسرائيل رجلان بلغت بهما عبادتاهما أن مشيا على الماء، فبينما هما يمشيان في البحر إذا هما برجل يمشي على الهواء، فقال له: يا عبد الله، بأي شيء أدركت هذه المنزلة؟ قال: بيسير من الدنيا، فطمت نفسي عن الشهوات، وكففت لساني عما لا يعنيني، ورغبت فيما دعاني إليه، ولزمت الصمت، فإذا أقسمت على الله أبر قسمي، وإن سألته أعطاني. سهلة ولا صعبة؟ صعبة جدًا. وقال مورق العجلي: أمر أنا في طلبه منذ كذا وكذا سنة، لم أقدر عليه ولست بتارك طلبه. قالوا: وما هو؟ قال: الكف عما لا يعنيني. عشان إحنا هنخرج النهارده هنجهد نفسنا يوم، الثاني، الثالث، ونسيب الملعب نقول مش لاعب، هنا مورق العجلي بيقول بقالي كذا سنة نفسي أوصل لده. فإذا ترك الإنسان ما لا يعنيه، وفعل ما يعنيه كله فقد حسن إسلامه. وقال النبي صلى الله عليه وسلم: «إذا أحسن أحدكم إسلامه، فكل حسنة يعملها تكتب له بعشر أمثالها إلى سبعمائة ضعف، وكل سيئة بمثلها حتى يلقى الله»، رواه مسلم.

ماشي، نقف هنا عشان المدح بقية طويلة شوية، نقف هنا إن شاء الله. حد عنده سؤال في الكتاب؟ في الكتاب. طلبت منكم إيه؟ يصغى متعدية، أهدي، ما بتجيش متعدية، لو السمع لو جاءت بمعنى السمع بتيجي بمعنى الميت، فين الكلام ده بقى ومين اللي قائله؟ طيب ماشي كويس، بس عاوزين لما نطلب بحث بعد كده يبقى تجيبوه بالإحالات، يعني ده في الكتاب كذا فلان اللي قائله، ماشي، ما هم هيقولوا بقى مين بقى يعني. ماشي، وإحنا يصغى اللي إحنا كنا بنتكلم فيها إمبارح، الميل مش السماع المرة اللي فاتت، صح ولا؟ ماشي، حد عاوز حاجة تانية؟ قولوا قولي هذا وأستغفر الله العظيم لي ولكم، سبحانك اللهم وبحمدك، نشهد أن لا إله إلا أنت، نستغفرك ونتوب إليك.