دخولتسجيل الدخول

١٤- تابع باب آداب الأمر بالمعروف و النهي عن المنكر

أمجد سميرالشيخ أمجد سمير
  • مدة الدرس:
  • قراءة

بسم الله، الحمد لله، والصلاة والسلام على رسول الله، وعلى آله وصحبه ومن والاه. وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صلِّ على سيدنا محمد النبي وأزواجه أمهات المؤمنين وذريته وأهل بيته، كما صليت على آل إبراهيم، إنك حميد مجيد.

أما بعد، قال: وهجران من أبدى المعاصي سُنته، وقد قيل إن يردعه أوجبُ وآكدي. وقيل على الإطلاق ما دام مُعلناً، ولاقه بوجهٍ مكفهرٍّ مُربدِّ. قوله مُكفهرٌّ هو على وزن مُستمرٍّ، هو الغليظ، وقد اكفهرَّ في وجهه إذا عبس وقطَّب، وفي الحديث: «القوا المخالفين بوجهٍ مكفهرٍّ». والمُربدُّ الملوَّن وزناً ومعنى؛ يعني على نفس وزنها ونفس المعنى. خدناها قبل كده، جَت معانا فين اللي بيفتكر وبيذاكر؟ لا، أما قلنا لو تفتكروا في علوم القرآن لما قلنا إن زمزمي مع ناظم النقاية، ساعتها قلنا النقاية الخلاصة وزناً ومعنى، قلنا لكم كده. فما يقول المربد الملوَّن وزناً ومعنى، يعني هو نفس الوزن ونفس المعنى، يقال تربد لونه، أي تلوَّن وصار كلون الرماد، عن أهل اللغة.

وجملة ما ذكره الناظم أنه يُسنُّ هجر من جهر بالمعاصي الفعليه والقولية والاعتقادية. يبقى هنا القول الذي قدمه الناظم سُنيَّة ذلك لا وجوبه، ماشي؟ احفظوا ده كويس عشان ده مهم نحتاجه، يبقى سُنيَّته هذا المقدم عند الناظم. وقيل: يجب إن ارتدع به وإلا كان مستحباً، هذا القول الثاني الذي أيضاً ذكره الناظم. الناظم قال إيه: «وهجران من أبدى المعاصي سُنته»، ليه بنقول احفظوا ده عشان بعض الناس بتنكر على الناس، يقول لك المفروض طالما ما تهجر ويجب، في قول بالوجوب، إنما ما هواش القول الأوحد يعني في الفقه، دي حاجة. ثاني حاجة: يراعى بقى الأقوال، يعني ممكن القول بالسُّنيَّة ده نحتاجه مع ناس معينة، مفهوم؟

وقد قيل إن يردعه أوجبُ وآكدُ، يبقى إن لم يردعه يظل على السُّنيَّة ده المعنى، ولذلك قال: الحجاوي يجب إن ارتدع به وإلا كان مستحباً. وقيل: يجب هجره مطلقاً إلا من السلام بعد ثلاثة أيام. يبقى هنا الحجاوي زاد قيد، الناظم قال: وقيل على الإطلاق ما دام مُعلناً، ولاقه بوجه مكفهر مربد، راح الحجاوي قال هذا بقيد أن هو ما يعديش الثلاثة أيام، وإلا يبقى بعد كدة تسلِّم عليه، تلقي عليه السلام، ماشي؟

وقيل: ترك السلام على من جهر بالمعاصي حتى يتوب منها فرض كفاية، ويكره لبقية الناس تركه. غريبة شوية دي، يعني هل المقصود من الكفاية إشاعة ترك السلام عليه؟ فده لن تتحقق الكفاية بواحد، يعني محتاجة بحث شوية. هل المقصود إن يبقى حد ترك السلام فواحد يكفي، ولا المقصود إشاعة ذلك بين الناس، يتقال ده فلان ده ما بيسلموش عليه، فلان ده السُّنَّة عدوه ما بيسلموش عليه لأنه مثلاً مرابي، لأنه بيقرض بالفايدة، لأنه بيشرب خمرة وهو قاعد قدام المحل، كلام كده، يعني فيبقى لازم يُشاع ده. وبعدين جعلوا الترك فرض كفاية. الغريب بقى بالنسبة لي إنه يُكره لبقية الناس تركه، يعني ينتقل من الفرضية على الكفاية إلى الكراهة.

وظاهر ما نُقل عن أحمد ترك السلام والكلام مطلقاً، قال في رواية الفضل وقيل له: فينبغي لأحد ألا يكلم أحداً؟ فقال: نعم، إذا عرفت من أحد نفاقاً فلا تكلمه؛ لأن النبي صلى الله عليه وسلم خاف على الثلاثة الذين خُلفوا فأمر الناس ألا يكلموهم. يعني إيه خاف على الثلاثة الذين خُلفوا؟ هو بيقول ينبغي لأحد ألا يكلم أحداً، قال: نعم، إذا عرفت من أحد نفاقاً فلا تكلمه؛ لأن النبي صلى الله عليه وسلم خاف عليهم النفاق مثلاً، يعني خاف هنا كأنه مش بمعنى الخوف، يعني بمعنى مرتبة من مراتب العلم زي الظن، يعني توهم فيهم كذا، يظهر كده خاف عليهم النفاق، هو كان لسه ما فيش قرآن نزل في حقهم، مفهوم؟ فأمر ألا يُكلَّموا، الله أعلم.

قلت يا أبا عبد الله، كيف يصنع بأهل الأهواء؟ فقال: أما الجهمية والرافضة فلا. قيل: فالمرجئة؟ فقال: هؤلاء أسهل، إلا المخاصم منهم فلا تكلمه. وقال أبو داود: المخاصم يعني اللي بيجادل فيهم ويظهر بدعته ويجادل عليها وينافح. عموماً أهل الأهواء مش درجة واحدة، والعلماء يقسمونهم إلى درجات، يعني العالم منهم غير الجاهل المقلد، وفي الأحكام كمان، والعالم الساكت غير العالم المتكلم والمُظهر للبدعة، ماشي؟

وقال أبو داود -أبو داود صاحب السنن طبعاً، من أصحاب أحمد، يعني من تلاميذ أحمد-: قلت لأبي عبد الله، أرى رجلاً من أهل السُّنَّة مع رجل من أهل البدعة، أترك كلامه؟ قال: أعلمته أن الرجل الذي رأيته معه صاحب بدعة؟ فإن ترك كلامه فكلمه، وإلا فألحقه به، انتهى. يعني ألحقه به مش لمجرد أنه رآه معه، ألحقه به يعني لو رآه مُعترفاً ببدعته أو كذا خصوصاً لو البدعة شديدة؛ لأن أحمد كان وقتها البدعة المنتشرة هي الجهمية والقول بخلق القرآن، فدي بدعة شديدة؛ لأن أحمد نفسه زي ما شفنا فوق المرجئة نفسه قال لك كلمه، طب ما هو ده مبتدع مش بقى اللي ماشي مع المرجئ، فالمرجئ نفسه وهو عنده مبتدع قال لك لا ده أسهل. فنيجي اللي ماشي مع المرجئ نقول عرِّفه، يا كده يا ما تكلموش، لا مش كده. ماشي فالبدع عندهم دركات، يعني مش كل البدع شبه بعض.

مهم جداً أن إحنا نلاحظ السياق المكاني والزماني لكلام العلماء؛ ده مهم جداً لأنه بيعمل إشكالات، وبعض الفرق الموجودة دلوقتي إشكالات معظم إشكالاتها وشبهها الموجودة من كونهم يروحوا واخدين كلام لواحد زي الإمام أحمد، هو بيقوله بيبقى مستحضر ذهنياً السياق الزماني والمكاني اللي هو فيه، ويعممون كلامه، حد فاهم حاجة؟ يعني من الفرق اللي موجودة دلوقتي يجي أحمد يتكلم، وأحمد زي ما قلت لكم كده البدعة المنتشرة وقتها بدعة الجهمية، فكان يشتد عليهم جداً، وما يلاحظوش السياقات.

ومن عجيب ما يقع فيه القوم، يعني أحمد بن حنبل مثلاً لما جه يتكلم عن واحد زي...، كان محدثاً كبيراً ومن أهل السُّنَّة وناخذ عنه الآن، وبعدين نُقل لأحمد إنه كان بيقول بقول بدائي، فقال -وكان مات أفتكر-: إن كان قال فلا غفر الله له. فشدة أحمد هنا لها وجه في ردع غيره، هو يعني إحنا في محنة جديدة في وقت، طيب تعال نيجي بقى نقول لهم طب أنتوا بتعملوا بكلام أحمد مع هذا الرجل، تحكمون عليه بكذا؟ ولا يقول لك لا ده من أئمة السُّنَّة ولا ده مش عارف إيه! طب يعني أنتوا جيتوا في المسألة الخاصة اللي ذُكر فيها واحد باسمه ودعى عليه ونبتدي نشوف له التأويلات، وتسقطون أحكامه على ناس هو ما اتكلمش فيهم أصلاً! ماشي، لأن هم طبعاً مخلطين؛ أولاً يلحقون الأشاعرة بالجهمية، أولاً والأشاعرة ليسوا جهمية، طب بعد ما يلحقون بقى الأشاعرة بالجهمية يقوموا يسقطوا أحكام الجهمية اللي أحمد قالها على الجهمية على الأشاعرة، طب ليه؟ لأن الأصل فاسد أصلاً إن هم يلحقون الأشاعرة بالجهمية، ده أصل إحنا مش موافقينكم فيه، ماشي؟

طيب نرجع تاني، قال أحمد: إذا سلَّم الرجل على المبتدع فهو يحبه. قال النبي صلى الله عليه وسلم: «ألا أدلكم على ما إذا فعلتموه تحاببتم؟ أفشوا السلام بينكم». يعني أحمد بيستدل بإيه بهذا الحديث أو الحجاوي بيستدل لأحمد بهذا الحديث. وقال الشيخ تقي الدين: المظهر للمنكر يجب الإنكار عليه علانية ولا يُتَّقى له غيبة، ويجب أن يُعاقب علانية بما يردعه عن ذلك، وينبغي لأهل الخير أن يهجروه ميتاً إذا كان فيه كف لأمثاله، فيتركون تشييع جنازته، انتهى كلام تيمية.

طبعاً إحنا المذهب عندنا إن الإمام فقط هو الذي يترك الصلاة على من عليه دَيْن أو إيه، بقية الناس ما يتركوش الصلاة عليه، طب أهل الخير ما يتركوش الصلاة عليه؟ ماشي، لكن ده كلام تيمية رحمه الله، ماشي، إحنا لا ما نتركش الصلاة، ونرجو له الرحمة، ما إحنا المظهرين للمنكر ده، مش هنصلي على بعض ولا إيه! بيقول المظهر للمنكر يجب الإنكار ويجب أن يعاقب علانية وينبغي لأهل الخير أن يهجروه ميتاً. برضه لعل... يا جماعة هي دي اللي أنا بتكلم فيه، يعني ابن تيمية لو جبناه وقلنا له أنت تقصد بمظهر المنكر ده مثلاً اللي ماشي يبص على الستات في الشارع؟ هو ممكن ابن تيمية هو بيتكلم عنده صورة ذهنية معينة وأخرج الكلام، ما هو ده مظهر للمنكر أهو، ولا مثلاً أي منكر بقى ظاهر زي اللي بيحلق دقنه وهو عند ابن تيمية حرام ومنكر، ولا اللي ماشية بحجاب "إسبانش"، ولا ما إحنا ممكن نعد من هنا لبكرة منكرات ظاهرة، مش هنصلي على الناس دي كلها؟ محتاجة برضه يُبحث في كلام تيمية، لا أظن إنه يقصد ذلك والله أعلم.

الواحد بيبقى العالم مستحضر وعايش في سياقه الزماني والمكاني وده طبيعي، طبيعي جداً، ماشي فممكن يبقى مش كل الكلام اللي يقوله هو عايش في نفسية، وكل العلماء عايشين في نفس النفسية، فلما بيقول كلام إسقاطه سهل بالنسبة لهم؛ لأنهم عايشين في جو معين، فدي محتاجة شوية هدوء وفهم عميق لكلام الشخص وتجميع كلامه من كذا مكان عشان نفهم هو عاوز يقول إيه، عشان بس نفهم مذهب الشخص، وفي الآخر عشان برضه نبقى فاهمين دي وركزوا فيها، في الآخر هيبقى قول الشخص... يعني إحنا نقعد نعمل ده كله عشان في الآخر نفهم قول مين؟ ابن تيمية، ويبقى على العين والراس، بس في الآخر هو قول بني آدم، يعني إيه بني آدم؟ يعني ده واحد عادي لا مش عادي، ده واحد ممن يُذكر قوله لما بنتكلم عن الوجوه في المذهب، بس في الآخر هو واحد برضه.

يعني فكرة تضخيم شخص زي شيخ الإسلام ابن تيمية رحمه الله بحيث إنه يبتلع كل مخالف، دي مش معروفة عند الأوائل، يعني دي شيء كده أُحدث الآن، دلوقتي يقول لك ابن تيمية قال، فإنت ما ينفعش تتكلم، ليه؟ أصل ابن تيمية قال، طب ما هو ابن تيمية قال وغيره خالفه، المذاهب الأربعة خالفوه، ابن تيمية له مسائل مخالف فيها المذاهب الأربعة، المذاهب الأربعة مخالفين ابن تيمية، فأيه فلا ما ينفعش تقول كدة؟ ليه ما ينفعش أقول كدة؟ يعني ابن تيمية شخص وإحنا عندنا في المذهب عادي، المرداوي في الإنصاف بيجي كلام تيمية عادي جداً ويخالف كلام تيمية، عادي. ابن مفلح اللي هو تلميذ ابن تيمية ومعظم له في الفروع، يقول لك قال شيخه كذا وبعدين يقول لك كذا قال، عادي وماحدش قال إيه قليل الأدب ده تلميذه إزاي يقول كذا قال! يعني لا، هو في الآخر هو راجل بيحرر مذهباً، وشيخ الإسلام شيخه فيجيب قول شيخه، يقول لك كذا قال، بس هو مخالف للمذهب.

فتضخيم شخص أياً كان هذا الشخص، أياً كان، جناية على التراث الفقهي جناية كبيرة، وتقزيم لهذا التراث. واللي هيعيش في النفسية دي هيفوته الخير، مش هقول لك بقى معظم الخير كله هيفوته، هيفضل عايش في فلك إنه يفهم كلام بني آدم، ويا ريته يفهمه، يعني ليه يا ريته يفهمه؟ بقى روح بقى دور على كل مكان اتكلم فيه عن مسألة مش عارف إيه وهاتها وجمِّع كلامه وشوف هتعرف تجمع بين الكلام ولا لا، ولو ما عرفتش تجمع طب هتقدم إيه وهتؤخر إيه، وهتُبدي أنهي كلام على إيه؟ وده كله عشان في الآخر تفهم كلام بني آدم واحد، وسايب إيه بقى المذاهب التي حررت جيلاً بعد جيل، عمالين يحرروا في المذهب وينقحوا في المذهب، فلو عاوز تلاقي مش فاهم الكتاب ده، هتروح للكتاب ده، مش فاهم ده، هتلاقي مئة حاشية على الكتاب، سيبت ده كله ورايح عاوز تفهم كلام بني آدم عشان تحاكم الأمة إلى كلام هذا الشخص أياً كان، فما فيش حد ليه قدسية بعد النبي عليه الصلاة والسلام.

طيب تعالى لهؤلاء اللي عايشين بالنفسية دي، نقول لهم طيب جميل، عندكم ابن سيد الناس شيخ الإسلام ابن تيمية، كان أُثر عنه إنه بقى من بعد الفجر يقعد يقرأ الفاتحة ويكررها لغاية ما يطلع الشروق كل يوم، فيلا نروح نعمل زيه، ما يا ريتهم، إحنا دايماً أقول إيه: مشكلة التيميين إنهم ليسوا تيميين.

مشكلتهم أنهم ليسوا تيميين أصلاً، ولو بقوا تيميين لحُلَّت مشاكل كثيرة. طب بلاش هذه؛ كان يقعد يقول أربعين مرة: يا حي يا قيوم برحمتك أستغيث، أصلح لي شأني كله، بعد الفجر أربعين مرة بالعدد. يلا نعمل زيه، هيقولوا إيه؟ لا، روح لواحد منهم ما تقولوش ابن تيمية كده، قل له أنا سأقعد أربعين مرة أقول كذا، سيقول لك: لا طبعاً، أنت مبتدع! أقول له: طب هذا من شيخ الإسلام، هو الذي كان يفعل هذه الحركة. راح عليها صواريخ، نعم، قال: لا لم يمت قلبه أو حاجة زي كده.

هو موضوع الإنكار على المنكر أو الحسبة، ليست هي، الحتة التي هي متعلقة بالإنكار، هو يجوز دوت، ما أصلي عليه؛ يعني هل ممكن يكون قصده عن الذي النبي صلى الله عليه وسلم نفس النوع الذي ما يصلي عليه النبي صلى الله عليه وسلم؟ ما هو عندنا المذهب أن من الذي لا يُصلى عليه؟ ليس أهل الخير، الإمام؛ بس زجرًا. إنما هل هناك دليل؟ هو النبي قال: «صلوا على صاحبكم» عليه الصلاة والسلام. هو في أهل خير بعد الصحابة؟ يعني هم دول هم دول أهل الخير.

وأما من لم يجاهر بالمعاصي وسترها وكتمها، زاد في الرعايات الكبرى، وشق عليه إشاعتها عنه، فيجب الإغضاء عنه. يبقى لا نساوي يا جماعة، وهذه مهمة جداً: أهل الفضل ليسوا أهل عصمة، ليسوا أهل عصمة. طب عرفنا زللاً عن أحدهم، يُتغاضى عنه؛ «أقيلوا ذوي الهيئات عثراتهم». يعني واحد له هيئة وله مكانة وله فضل وزل، نعمل إيه؟ سكتنا؛ لأننا لم نتبعه على شرط العصمة، أو لم نعتقد فيه الإمامة أو تلك المكانة على شرط العصمة، بل اعتقدنا فيه الإمامة وتلك المكانة العالية في الدين على أنه بشر، ومقتضى البشرية أنه ربما زل، مش كده؟ فنعمل إيه؟ نتغاضى خلاص، نتغافل ولا كأننا سمعنا، كأنه لم يكن، كأنك لم تسمع ولم يقل، كأنه ما قال شيئاً، وكأنك ما سمعت حاجة. طب هذا أنا شفت بعيني؟ كأنك ما شفتش حاجة، طالما هو لم يستمر يعني ما هو مستهبل فيها.

وأما من لم يجاهر بالمعاصي وسترها وكتمها، زاد في الرعايات الكبرى، وشق عليه إشاعتها عنه؛ يعني ما يحبش يُعرف عنه هذا، فيجب الإغضاء عنه، يعني من لم يفعل ذلك أثم، يجب الإغضاء عنه. قال المروذي: قلت لأبي عبد الله، اطلعنا من رجل على فجور وهو يتقدم يصلي بالناس؟ الفجور ده شيء كبير طبعاً. أخرج من خلفه؟ يعني نفسه ليست مطاوعته أنه يصلي وراءه وقد اطلع على فجور منه. قال: اخرج من خلفه خروجاً لا تفحش عليه؛ يعني خلاص أنت عارف أنه بيصلي في المسجد ده يا إمام، ما تعملش بلبلة، ما تروحش تصلي في المسجد ده وخلاص، لا تفحش عليه، يعني ما تصليش وراءه طالما أنت عارف منه فجوراً ونفسك ليست مطاوعتك تصلي، لكن لا تفحش عليه. يعني هو مش بيجاهر بالمعصية، ده ظاهر الكلام، ما هو لو بيجاهر يبقى كل اللي واقفين وراءه عارفين أنه بيفجر، ما كانش قال له لا تفحش عليه.

هذا إذا لم يكن داعياً، يعني بيدعو الناس للفجور، فساعتها لا ننبه الناس. وقال الشيخ تقي الدين: إن المستتر بالمنكر يُنكر عليه ويُستر عليه، فإن لم ينتهِ فعل ما ينكف به إذا كان أنفع في الدين. طبعاً المستتر بالمنكر لا يُفتش عنه أصلاً، وهذه مسألة قدمت معنا؛ نحن لا نفتش عن أحد. طب بلغ الكلام عن أحد ما لا تحقق، إذا ظننت فلا تحقق، ما تروحش تحقق. ما هو مستتر وقدراً رأيت أو قدراً سمعت، أنت ما رحت فتشت ولا رحت اقتحمت بيته ولا عملت هاك على موبايله ولا عملت أي حاجة، قدراً سمعت قدراً شفت، فعرفت أنه عمل كذا أو بيعمل كذا أو كذا، فهذا يُستر عليه، ويُنكر عليه، وبرضه نشوف طريقة الإنكار المناسبة إيه، عشان ممكن يبقى الأصلح أنك لا تعرفه أنك عرفت أصلاً.

وعن عقبة بن عامر عن النبي صلى الله عليه وسلم قال: «من رأى عورة فسترها كان كمن أحيا موؤودة» رواها أبو داود. لأن هذه العورة في نشرها وفضحها هلاك لهذا الرجل، هلاك لسمعته أو هذه المرأة، وهلاك لما معه من الخير إن كان معه شيء من الخير؛ يعني إذا كان من الباذلين مثلاً لدين الله، دعوة ولا نال ولا جهاد ولا أي عمل، فأنت كده بتعمل إيه؟ بتغتاله معنوياً؛ سمعتم اللفظ ده؟ طب إذا سترت كأنك أحييت موؤودة؛ واحدة خلاص محكوم عليها بالاعدام ورحت واخذها وقلت لا، دي ما تُدفن، «من رأى عورة فسترها كان كمن أحيا موؤودة» رواها أبو داود.

يُكره لكل مسلم مكلف أن يجالس من يلعب بشطرنج أو نرد، وأن يسلم عليه، بل يُنكر عليه ذلك ويهجره إلى أن ينزجر عنها. يُكره، هنا ما قالش بالحرمة، يُكره أن يجالس من يلعب بشطرنج أو نرد وأن يسلم عليه، وهذا متسق مع ما قدمه الناظم أن الهجر سنة وليس فرضاً وليس واجباً، مفهوم؟ بل يُنكر عليه ذلك ويهجره إلى أن ينزجر عنها. وحكى الشيخ تقي الدين أن أبا حنيفة وأحمد وغيرهما قالوا: إنه لا يُسلم على لاعب الشطرنج لأنه مظهر للمعصية، وقال مالك وصاحبا أبي حنيفة: يُسلم عليه.

وقال أحمد في رواية ابن منصور: فمن يلعب بالشطرنج ما هو بأهل أن يُسلم عليه، وهذا معنى كلام الشيخ عبد القادر وغيره، وأنه لا يُسلم على المتلبسين بالمعاصي، واضح الكلام يا جماعة؟ قال الشيخ عبد القادر: وإن سلموا هم عليه، رد عليه، أو العكس هم اللي بيسلموا عليه أهل المعاصي أو المظهرون للمعصية، إلا أن يغلب على ظنهم انزجارهم بتركه الرد عليهم، فإذا لا يرد. ودي إزاي تغلب على ظننا؟ لو واحد له وجاهة ومكانة مثلاً، وبعدين جاء، يعني غالب الظن لو الثاني ده معظم لهذا الشخص فلا، ما بيردش عليه السلام، تؤثر فيه جامد جداً. قال الشيخ عبد القادر: وإن سلموا هم عليه رد عليهم إلا أن يغلب على ظنهم انزجارهم بتركه الرد عليهم، فإذا لا يرد. طب ما هوش مترجح له حاجة، يرد بالسلام عادي. وتوقف أحمد في السلام على قوم يتقاذفون، فقال: هؤلاء سفهاء، والسلام اسم من أسماء الله؛ يعني من قال يُنزه عن مثل ذلك له وجه، ومن قال يُسلم عليهم على الأصل له وجه برضه. هنا توقف يعني ما قالش حكماً، وأحمد في السلام على المخنث قال: لا أدري، السلام اسم من أسماء الله.

قال في الرعايات وغيرها: يُكره أن يجالس دنياً أو سخيفاً أو فاسقاً أو مرائياً أو متهماً في دينه أو عرضه. مرائياً دي بقى إيه؟ كل اللي فات ده يُكره عشان هنقعد مع بعض، كلنا كده حد هنا مش مرائي؟ المفروض نرش بقى كله يمشي بقى نسيب بعض، يُكره يا شيخ؟ آه يُكره.

ويحرم تجسس على متستر بفسق، وماضي الفسق إذ لم يجددي. التجسس بالجيم هو البحث عن عيوب الناس، وبالحاء المهملة التحسس البحث عن طلب الخير، وهو التتبع لأخبار الناس، وكلاهما منهي عنه. تجسس جاءت في القرآن، والتحسس بصحس، ﴿فَتَحَسَّسُوا﴾ [يوسف: 87]؛ أبو يعقوب قال إيه؟ ﴿يَا بَنِيَّ اذْهَبُوا فَتَحَسَّسُوا﴾، فالتجسس والتحسس اثنان جملة في القرآن. التجسس خلاص كده؛ أما في الأول يعني التجسس فلأن لا يظهر على عورات الناس، وأما في الثاني فلأن لا يقع في حسد. لا تحسسوا ولا تجسسوا، لا يقع في حسد عندكم؟ آه أيوه عندي حسد وغريبة شوية حتى لا يقع في حسد. ما هو قلنا التحسس أن أنت بتحاول تعرف الخير، فلما تعرف الخير تقوم تحسده، فيبقى منهي عن التحسس من هذا الوجه، فاهمين؟ وقيل بالحاء المهملة التحسس لاستماع حديث القوم، وأصله من الحس لأنه يتتبعه بحسه، يتتبعه ماشي، وقيل هما سواء.

قال في الرعاية: ويحرم التعرض لمنكر فعلي خفي على الأشهر، أو مستور أو ماض أو بعيد. وقيل يجهل فاعله ومحله، وقال أيضاً الإنكار فيما مضى وفات إلا في العقائد والآراء. يظهر والله أعلم أن يحرم الإنكار فيما مضى وفات إلا في العقائد والآراء؛ لأن العقائد والآراء تستمر. وخرج ابن ماجه من حديث ابن عباس رضي الله عنهما عن النبي صلى الله عليه وسلم أنه قال: «من ستر عورة أخيه المسلم، ستر الله عورته يوم القيامة، ومن كشف عورة أخيه المسلم، كشف الله عورته حتى يفضحه في بيته».

ونص أحمد في روايات الجماعة في الطنبور ووعاء الخمر وأشباه ذلك يكون مغطى، لا يعرض له، وعنه رواية أنه يُنكره ويتلفه، يبقى أحمد له روايتين في المسألة دي، مفهومة الصورة صح كده؟ حد عنده حاجة ومغطيها، آلة لهو ومغطيها، وعاء خمر ومغطيه، كده يُنكر عليه؟ فأحمد له رواية لا يعرض لها طالما هو مغطيه خلاص، وفي رواية لا يُنكر عليه ويتلفه في رواية ثانية. وقال أبو الحسين: هل يجب إنكار المغطى على روايتين؟ أصحُّهما يجب لأننا تحققنا المنكر، وكذا في الترغيب أنه يجب في أصح الروايتين. قال أبو الحسين: والثانية لا يجب، كأهل الذمة إذا أظهروا الخمر أُنكر عليهم، وإذا أسروها لم نتعرض لهم، هنا بيقيس على أهل الذمة، دلوقتي أهل الذمة في زمانهم يقيناً عندهم خمر في البيت يعني تيقنا وجود الخمر، مش كده؟ ولن نُنكر عليهم شيئاً، بل متيقنون من شربهم الخمر في البيت، مش بس وجود الخمر متيقنون، وربما تيقنا في وقت من الأوقات زي مواسمهم وأعيادهم مثلاً، يبقى إحنا بره وفي الشوارع المسلمين وعارفين أن دلوقتي في البيت ده بتشرب الخمر يقيناً، ولا نتعرض له، فده وجه الرواية الأخرى لأحمد، اللي هو طالما مغطيين المنكر، مش أهل الذمة بقى المسلمين يعني هو مغطي.

المنكر خلاص لا يتعرض له. انتهى.

دلوقتي يا شباب عاوزين نفهم حاجة هتنور لكم حاجات كتير في حياتكم وفي طريقكم. الشريعة مبنية على أصول، وهناك إشكالات كتير بتحصل لما نفسية أو قلب الداعية أو طالب العلم أو الإنسان المتدين ما يبقاش مستوعب لجميع الأصول؛ فبيبتدي أفعاله بتنبئ عن الأصل الذي يتبناه. أمثلة عشان نبقى فاهمين أنا عاوز أقول إيه، فمثلاً من الأصول في الشريعة الستر، ده أصل من أصول الشريعة أصلاً، والنصوص فيه كثيرة؛ ستر المسلم، وترتيب الثواب على ستر المسلم، وترتيب العقاب على فضح المسلم.

وكذلك من أصول الشريعة الغيرة للمحارم، ده أصل في الدين؛ أن قلبك يغار أن تنتهك محارم الله. وقعدنا نبحث المسألة وطلعنا أن الذي قاله ابن رجب هو الراجح في وجهها أنه ليس رأي ذلك مثقال حبة خردل من الإيمان، الموضوع خطير جداً فاكرين الكلام ده؟ فانت لازم تبقى بتنكر المنكر، فدول أصلان. فتلاقي ممكن واحد يغلب عليه الأصل الأول ومش شايف الأصل الثاني ده خالص أو ضعيف في قلبه، فيقوم يترك الإنكار في وقت يجب عليه فيه الإنكار، وتيجي تكلمه يقوم يكلمك بالأصل الأول اللي هو صحيح هو أصل في ديننا.

واحد تاني العكس يغلب عليه الأصل الثاني اللي هو الغيرة على محارم الله وإنكار المنكرات، يقوم يخليه أنه غلب عليه الأصل ده يخليه ينكر المنكر في وقت الشريعة تندبه أنه يعمل ولا شايف حاجة أصلاً، يعمل نفسه مش شايف. في الموقف ده تقوم تيجي تقول له: يا أخي اتق الله واستر أخاك، يقوم يكلمك بعموم الأصل الأول اللي هو أصلاً احنا لا ننكره. إشكاله فين؟ أن هو قلبه مش عارف يجمع الأصلين، ودي بقى اللي فاهم دي ويبص على كتير من الخلافات اللي حاصلة في الساحة سواء على الأرض أو على السوشيال ميديا بين المتدينين، كتير منها منشؤها ده.

فاللي مستوعب للأصول كلها بيبقى قاعد عنده هدوء؛ لأنه فاهم أن ده اللي بيعمله ده لأنه هو مغلب أصلاً معيناً أو يجهل أصلاً الأصل الثاني خالص مش في دماغه يعني ولا يعرف عنه حاجة، والتاني عكسه. وتلاقي الأول يتهم الثاني بأن قلبه قاسي وجلف ومش عاوز الناس تخش الجنة وعاوز ده ربنا رحيم، وده يتهم الأول ده مميع مضال عاوز الدين يبقى سمك لبن تمر هندي، والاثنين غلط أو مش غلط، الاثنين ده ناقصة حاجة وده ناقصة حاجة. فاهمين ده؟ لما تعرفوا دي بقى هتلاقوا نفسكم هديتوا شوية في حاجات كتير من اللي موجودة، واللي مخالفك أنت شخصياً هتحبه فتشوف النقطة الكويسة يعني.

أما يجي هو يقول لك ده مميع وأنت تشوفه إيه ما هو ده غير على، هو الراجل يعني ما احنا لو دين بقى لو احنا هدفنا دين فعلاً، فجي واحد قال لك إيه شفت مش عارف إيه وبتاع، تقوم أنت أما تهدى كده تقوم تقول إيه بفرض أن أنت خلاص أنت فاهم أنت بتعمل إيه شرعاً يعني، أنت فاهم كويس جداً اللي أنت بتعمله ده مش تمييع ده كلام الفقهاء مثلاً، فأنت فاهم خلاص أنت فاهم كويس أن ده مش تمييع، والتاني ده أنت فاهم أن هو طالب علم والراجل بيجتهد أنه يبقى كويس، يعني مش واحد برضه جاهل، أصل فيه دلوقتي عيال تلاقيه مثلاً 17 سنة و16 سنة و15 سنة، وأنت عارف البروفايل بتاعه تلاقيه بس من سنة واحدة كان مسقط البنطلون ومقطع مش عارف إيه وشعره عمل إزاي، فجاي النهارده يقول لك ده مميع ده بيبقى واضح قوي أن هو ما تعلمتش حاجة.

إنما لا الكلام مش في كده، الكلام في الكبار، يعني حد لا طالب علم وله باع في الدعوة وبيذاكر وراح جاي لاطش فيك لطشة، تقوم هتلاقي وده هتحسوه يعني بعد الكلمتين دول هتحسوها، هتلاقي نفسك بتحبه عادي جداً، ما هو أنت لو هدفك دين أنت شايفه ده راجل غيور على دين ربنا يعني عادي، يعني كونوا مثلاً فاته حاجة ده طبعاً مش علو أن أنت بقى اللي مش فاتك حاجة، أقصد أقول أنت مذاكر كويس وفاهم مسألة وباحثها وعارف أولها من آخرها خلاص، فتقول لا هو غيور على دين ربنا سبحانه وتعالى، أو العكس تقول إيه هو قلبه فيه رحمة ورأفة بالمسلمين، فإيه اللي يزعلك؟ ما احنا الشتيمة في ذاتها ما بتزعلناش في حاجة، يعني الشتيمة أنك تتشتم في حد ذاتها أن أنت اللي اتشتمت يعني المفروض ما تزعلكش زيادة عن كونها معصية، بس عصى ربنا بشتمتك. فاهمين ده؟

والثانية لا يجب كأهل الذمة إذا أظهروا الخمر إنكاراً ماشي دي خلصناها دي صح. والمستتر هو الذي يفعله في موضع لا يعلم به غالباً غير من حضره. المنكر في واحد في مكان بس اللي حاضر اللي شايف ويكتمه ولا يحدث به، وأما من فعله في موضع يعلم به جيرانه ولو في داره، زي رفع أصوات الحاجات المحرمة أو الروائح طلعت وكده، فإن هذا معلن مجاهر غير مستتر.

قال ابن الجوزي: من تستر بالمعصية في داره وأغلق بابه لم يجز أن يتجسس عليه، إلا أن يظهر ما يعرفه؛ كده أصوات المزامير والعيدان، فلما لمن سمع ذلك أن يدخل ويكسر الملاهي، وإن فاحت رائحة الخمر فالأظهر جواز الإنكار. انتهى.

وقال العاقولي: سمعت أبا عبد الله يسأل عن الرجل يسمع صوت الطبل والمزمار ولا يعرف مكانه؟ فقال: وما عليك وما غاب عنك فلا تفتش. ماشي، وسامع صوت هيصة وديجي وبتاع ومش عارف منين امشي. ونقل أبو يوسف: وما عليك إذا لم تعرف مكانه خلاص.

قال ابن رجب في شرح النووية: واعلم أن الناس على ضربين: أحدهما من كان مستوراً لا يعرف بشيء من المعاصي، فإذا وقعت منه هفوة أو زلة فإنه لا يجوز كشفها ولا هتكها ولا التحدث بها، لأن ذلك غيبة، وفي ذلك قال تعالى: ﴿إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ﴾ [النور: 19]. والمراد إشاعة الفاحشة على المؤمن المستتر فيما وقع منه أو اتهم به وهو بريء منه كما في قصة الإفك.

قال بعض الوزراء الصالحين لبعض من يأمر بالمعروف: اجتهد أن تستر العصاة، فان ظهور معاصيهم عيب في أهل الإسلام، وأولى الأمور ستر العيوب. دي وصية الوزير للمأمور بالأمر والنهي، وفي مثله جاء الحديث عن النبي ﷺ: «أقيلوا ذوي الهيئات عثراتهم»، خرجه أبو داود والنسائي من حديث عائشة.

والثاني: من كان مجاهراً بالمعاصي معلناً بها ولا يبالي بما ارتكب منها ولا بما قيل له، فهذا هو الفاجر المعلن وليس له غيبة، ومثل هذا لا بأس بالبحث عن أمره لتقام عليه الحدود، وصرح بذلك بعض أصحابنا. آخر كلام ابن رجب وحذفت منه كلاماً لا يخل بالمعنى.

وقال القاضي في الأحكام السلطانية: إذا غلب على الظن الاستسرار بالمعصية بإخبار ثقة، فإن كان في انتهاك حرمة يفوت استدراكها؛ يعني واحد جه ثقة أخبرك أن في واحد مستتر بمعصية، احنا قلنا من شوية المستر بالمعصية ما تروحش تفتش، هنا بيقول لك بس في نظر آخر أنه لو كان في انتهاك حرمة يفوت استدراكها، يعني واحد جه قال لك الحق ده فلان هيغتصب فلان، الحق ده فلان هيقتل فلان في بيته، فاهمين الصورة دي؟ هنا دلوقتي هو مستتر بالمعصية، لكن في حرمة يفوت استدراكها، مثل أن يخبره من يثق بصدقه أن رجلاً خلا برجل ليقتله أو بامرأة ليزني بها جاز التجسس والإقدام على الكشف والبحث حذراً لفوات ما لا يستدرك من انتهاك المحارم. مفهومة المسألة دي؟

وقال محمد بن أبي حارث: سألت أبا عبد الله يعني أحمد عن الرجل يسمع المنكر في دار جيرانه؟ قال: يأمره فإن لم يقبل يجمع عليه الجيران ويهول عليه. طبعاً لو أنت عملت ده دلوقتي هيقول له أنت عبيط أنت مجنون، أنت تروح تجيب الجيران تقول لهم إيه فلان بيشغل موسيقى معليها، في لازم نطلع غربة الدين ولا حول ولا قوة إلا بالله. أمم ممكن نفس المثال لو هو بيعملني مع الجيران أه يعني لو هو بيأذي على راحتهم مش على الدين يعني، هو عاوز يقول إيه لو كان ده بيزعجهم هيطلعوا يضربوه، إنما لو نقول لهم ده يعني من محارم الله ولازم نغضب لدين الله ما حدش هيغضب لدين ربنا.

وفي من سمع صوت المغني في الطريق قال هذا قد ظهر عليه أن ينهاهم، ورأى أن ينكر الطبل يعني إذا سمع صوته. قال القاضي في المعتمد: ولا يجب على العالم ولا العامي أن يكشف منكراً قد ستر، بل محظور عليه كشفه لقوله: ﴿وَلَا تَجَسَّسُوا﴾ [الحجرات: 12]. شفتوا احنا بقى بنعمل حاجات غلط إزاي بقى على السوشيال ميديا ونقعد نجرس الناس ونقعد.

قال ابن الجوزي: لا ينبغي له أن يسترق السمع على دار غيره ليسمع صوت الأوتار، ولا يتعرض للشم ليدرك رائحة الخمر، ولا أن يمس ما قد ستر بثوب ليعرف شكل المزمار، ولا أن يستخبر جيرانه يعني يسأل ليخبر بما جرى، بل لو أخبره عدلان ابتداءً هو ماشي راحوا اثنين جيران موقفين وقايلين له أن فلاناً يشرب الخمر، فله أن يدخل وينكر، ده على القول بإنكار المنكر المستتر ودي فيها الخلاف الذي قدمناه أصلاً.

وقال بعض السلف: أدركت أقواماً لم تكن لهم عيوب، لا إله إلا الله، فذكروا عيوب الناس فذكر الناس لهم عيوبهم، وأدركت أقواماً كانت لهم عيوب فكفوا عن عيوب الناس فنسيت عيوبهم أو كما قال. تقعد لغيرك على الساقطة واللقطة هيسيبك يعني هيقعد لك على الساقطة واللقطة، وأشد من ذلك أن الله هو الذي يهتك سترك مش بقى فلان ده، مش كده الحديث اللي قلناه: ومن تتبع عورة أخيه تتبع الله عورته، ومن تتبع الله عورته يفضحه ولو في جوف بيته.

وشاهد هذا حديث أبي برزة عن النبي ﷺ أنه قال: «يا معشر من آمن بلسانه ولم يدخل الإيمان في قلبه، لا تغتابوا الناس ولا تتبعوا عوراتهم، فإنه من اتبع عوراتهم تتبع الله عورته، ومن يتبع الله عورته يفضحه في بيته»، خرجه أحمد وأبو داود.

وأنشد بعضهم: لا تلتمس من مساوي الناس ما ستروا ... فيكشف الله ستراً من مساويك واذكر محاسن ما فيهم إذا ذكروا ... ولا تعب أحداً منهم بما فيك واستغن بالله عن كل فإن به ... غنى لكل وثق بالله يكفيك

فصل: مما للمسلم على المسلم أن يستر عورته، ويغفر زلته، ويرحم غربته، ويقيل عثرته، ويقبل معذرته، ويرد غيبته، ويديم نصيحته، ويحفظ خلته، ويراعي ذمته، ويجيب دعوته، ويقبل هديته، ويكافئ صلته لو خد حاجة يكافئ بها يعني يردها له يعني، ويشكر نعمته، ويحسن نصرته، ويقضي حاجته، ويشفع مسألته، ويشمت عطسته، ويرد ضالته، ويواليه ولا يعاديه، وينصره على ظالمه، ويكفه عن ظلم غيره، ولا يسلمه ولا يخذله، ويحب له ما يحب لنفسه، ذكر ذلك في الرعاية. وليس على المسلم نصح الذمي نص عليه أحمد، ليس يجب عليه ذلك. ويستحب الكف عن مساوئ الناس وعيوبهم كذا قالوا، والأولى يجب، فاهمين؟ وشوفوا دقة الحجاوي، شفتوا الفقهاء أما تأخذوا الوعظ والأدب والأخلاق من الفقهاء، أنا أصلاً الحاجات دي بتكيفني ما أعرفش أنتوا.

بتحسوا باللي أنا بحس بيه، أنت لو بتقرأ في كتاب آداب عادي لأي حد كده، هم بيوزعوا الألفاظ عادي. كنت مرة مع أحد المشايخ وهو كان عامل كتاب في العقيدة، وبعدين في الأسماء والصفات بنتكلم عن حاجة اسمها مسألة بتبحث في اللغة وفي علوم المنطق، اللي هي مسألة الدلالة بالتضمن والالتزام والمطابقة، مسألة كده بتبحث بس ليها تعلق بالأسماء والصفات، فدائماً لما يجوا يتكلموا يقولوا إيه بتدل على كذا بالمطابقة، وهذا الاسم من أسماء الله يقولك بيدل على كذا بالمطابقة، وعلى كذا بالتضمن، وعلى كذا بالالتزام. فهو كان كاتب وكان غلطان فيها، قلت له أنا بقول له أنت كاتب كذا كذا وهي كذا، قال ما تدققش، والله العظيم قال لي كده، قال ما تدققش يا عم. فرديت طبعاً أقول له إيه ده! خلاص ماشي، احترم نفسك. مهما كان هو إيه، أنت راجل داعية، وأنت عملت إيه أنت غير إنك بتكشف؟ احنا شفنا كتير والله العظيم، في محافظة من المحافظات ونخلص الفصل ده وبعدين نقول لكم إن شاء الله، نخلص الدرس وبعدين.

فين إحنا؟ قال: ويستحب الكف عن مساوئ الناس وعيوبهم. كذا قالوا، والأولى يجب؛ يعني يجب الكف عن مساوئ الناس وعيوبهم، زاد في الرعاية التي يسرونها وعما يبدو منها غفلة أو غلبة. يعني واحد حاجة بدت غفلة؛ يعني إيه غفلة؟ يعني مش منتبه إن حد وراه، وهو بيعمل حاجة مثلاً على موبايله، ولا بيشوف حاجة، فهي بدت غفلة؛ يعني هو لا يقصد أن يظهر، أو غلبة؛ يعني دخل عليه جاري وراح مكتفه أخد الموبايل يشوف بيعمل إيه مثلاً؛ غلبة يعني غلب على أنه من كشف عورة أو خروج ريح أو صوت ريح ونحو ذلك. هو ده معصية ولا إيه؟ يعني خروج الريح كنا ممكن نؤولها بريح خمر، إنما صوت ريح، ولا عندهم مثلاً، مش عارف؛ إن كان في جماعة فالأولى للسامع أن يظهر طرشاً أو غفلة أو نوماً.

هو يقصد بالريح فعلاً أو هي شيء مما، لعل الرعاية كان بيتكلم في مسألة ثانية والله أعلم، بس هو لما جه الحجاوي حطهم ورا بعض؛ حتى المساوئ هو بدأ بالمعاصي نازل لحد المساوئ والحاجات، يعني ممكن يبقى كده والله أعلم. يعني المساوئ مثلاً والعيوب، ماشي ممكن كده صح، يبقى الكلام ماشي، التي يسرونها عما يبقى واحد خرج منه صوت ريح وإحنا قاعدين، نقوم تيجي الصلاة نقوم نتوضأ كلنا، يبقى ما أحرجناش اللي موجود؛ يعني هنقوم بقى نصلي كلنا مثلاً هنصلي مع بعض والعدد ملموم وشايفين بعض، فنلاقي واحد راح طالع يتوضأ، أنت بقى مش كلنا، يعني ثلاثة أربعة يتطوعوا كده وقت الصلاة طالعين متوضيين، يبقى إيه نستر أول واحدة أخانا، أول واحدة يطلع فيه، لا ما هو إحنا لو عارفين إن إحنا قلوبنا على قلوب بعض عارفين إن في أكتر واحد يعني تخيل واحد طلع وقعد يبص على إنه بقى فاهم إن دول إخواني وهيطلعوا يستروني. فالأولى للسامع أن يظهر طرشاً، يعني كأنه ما سمعش حاجة، أو غفلة، أو نوماً، أو يتوضأ هو وغيره ستراً لذلك. انتهى، طبعاً إحنا يا ريت على الموقف بقى نقعد شهر قدام، فاكر لما كنت، هو أنت بترمي عليا يعني إن أنا؟ ماشي يا محترم أنت مظهر الفسق، فهمت الفرق بقى؟ نسكت بقى وننوم نفسنا.

قال المهدوي في تفسيره: لا ينبغي لأحد أن يتجسس على أحد من المسلمين. قال: فإن اطلع منه على ريبة وجب أن يسترها ويعظه مع ذلك ويخوفه بالله. والحمد لله رب العالمين، وصلى الله على محمد وعلى آله وصحبه وسلم تسليماً كثيراً.