دخولتسجيل الدخول

١٣- تابع باب آداب الأمر بالمعروف و النهي عن المنكر

أمجد سميرالشيخ أمجد سمير
  • مدة الدرس:
  • قراءة

قال: ولا غرم في دف الصنوج كسرته، ولا صور أيضاً، ولا آلة الدر، وآلة تنجيم وسحر ونحوه، وكتب حوت هذا وأشباهه، وبيّض، وجوز للقمار بقدر ما يزيل عن المنكور مقصد مفسد، ولا شق زق الخمر أو كسر دنه إذا عجز الانكار دون القد. وإن يتأتى دونه رفع منكر ضمن، ضمنت، ضمنت بقى، ضمنت كده، أهي ضمنت عندي برضه أنا مش عارف جبت الضمة دي منين، ضمنت الذي ينقى بتغسيله قدي.

سهلة دي مش محتاجين نقرا بقى. ماشي، الدَّيْن بيت آلات اللهو واللعب. وفي الحديث: «ما أنا من دد ولا الدد مني»، يعني أنا لا، النبي بيقول ما أنا عليه الصلاة والسلام: «ما أنا من اللهو واللعب ولا اللهو واللعب مني». وفيه ثلاث لغات، تقول: هذا دد ودن ودد ودن. قale الجوهري مش عارف إيه، وجه دنكم إيه، د د، تاني واحدة هانيدة، هذا ددا مش عارف وجه الصراحة.

وجملة ذلك أن للأمر بالمعروف والناهي عن المنكر كسر آلة اللهو واتلافها؛ زي إيه بقى؟ كدف الصنوج. طب دف من غير صنج؟ الصنوج عارفين الري اللي بيبقى فيه بتوع النحاس دول، هو اللي بيقول كدف الصنوج، يبقى دي آلة محرمة عنده تكسر. وفصنوج، لعله يقيد الدف أن الدف العادي الذي من غير صنوج يضرب به. ماشي، فهمتم كده؟

قال لك: ولا غرم في دف الصنوج كسرته. يبقى لو واحد كسر دف أو غيره بقى، البيانو، الأي حاجة من أدوات اللهو التي لا تباح. قال: والحلق، وصور الخيال، والأوتار، والنايات، والمزامير، والعيدان، والطنابير، والرباب، والشباب، والشبابة، والجنك، والطبل، وما أشبه ذلك. أدوات لهو كلها، أدوات معازف، يعني مش عارف إيه صور الخيال، محتاجة برضه تتشافوها لنا وهاتوها بعد العشاء.

قال: ولا غرم عليه إلا قبل الحرب فإنه يباح. والأصل في ذلك ما روى أبو أمامة قال رسول الله صلى الله عليه وسلم، يعني إيه لا غرم عليه؟ واحد كسر الحاجات دي ما نرجعش نقول له ادفع فلوسها، لا غرم عليه. ماشي، طيب لو الحاجات دي، ولا بلاش بلاش نفتحها.

والأصل في ذلك ما روى أبو أمامة قال رسول الله صلى الله عليه وسلم: «إن الله بعثني رحمة للعالمين، وأمرني بمحق المعازف والمزامير». رواه سعيد بن منصور. قال ابن الأثير في النهاية: العزف اللعب بالمعازف، وهي الدفوف وغيرها مما يضرب، وقيل إن كل لعب عزف، انتهى. ده من حيث اللغة يعني. ولأنها تطرب وتصد عن سبيل الله وعن الصلاة فحرمت، كالخمر.

والدف المحرم وهو ما فيه صن حلق، حلق ها؟ أه، أنا برضه من أول وأنا مشكل معايا موضوع الحلق ده، حلق. فمن كسره فلا ضمان عليه، نص عليه، ما يدفعش فلوسه. عاوزين بقى نبحث المسالة دي ليه؟ علشان لو زي ما قلت لكم كده ده قول معتبر عند الشافعية، فليه هننكر المختلف فيه وكمان بأعلى صور الإنكار، اللي هو إن احنا نتلفه؟ فاهمين؟ فعاوزين نبحث دي أولاً، أن اللي أنا بقوله صح نبص عليه، يعني دف الصنوج ده الشافعية بيقولوا فيه ايه؟ وبعدين لو لقينا اللي أنا بقوله صح، إن شاء الله يطلع صح يعني، فنشوف ليه الحنابلة هنا قال لك تتلفه إذا هو واقع فيه الخلاف اهو، فهل يضاعفون الخلاف ده؟ يعني عندهم الخلاف ده خلاف ضعيف محتاج تبحث برضه. طب وليه دي مهمة؟ عشان زي ما بقول لكم كده الصوفية منهم ناس بتضرب في الدف في الصنوج، ولما بقول الصوفية يعني ما بنتكلمش عن التقاليع بتاع الصوفية، منهم ناس فقهاء، فيعني هل لو ضربوا بيه في مناسبة، اللي هو الناس المتدينة اللي فيهم يعني، الفقهاء يعني وهم واخدين بده، فمحتاجين الأول بس نشوفها، نشوف القول ده مين اللي قايل بيه ونبتدي نتكلم.

أحمد، ما احنا بس نشوف، أه، نفس الكلام قال: واما الدف العاري عن ذلك (يعني مفوش الصنوج والحلق) فيباح للنساء في غير النكاح. وبرضه للنساء دي فيها خلاف يعني من العلماء أن يبيحه للرجال كذلك، ماشي، لأن امرأة نذرت أن رجع النبي صلى الله عليه وسلم سالماً ضربت على راسه بالدف فقال: «أوفي بنذرك». ويكره، أكره للرجال لأن فيه تشبهاً بالنساء. وأما، طب على كل حال، يبقى حتى لو على المذهب يبقى لا يجب الإنكار على رجل يضرب الدف، غايته يستحب، يعني حتى لو على المذهب يعني برضه مسألة مهمة عشان دلوقتي الأفراح الرجالة بتمسك الدف وبتضرب الفرق اللي هي، فدول ينكر عليهم؟ لا، ما ينكرش عليهم. ماشي.

طيب هنا قال لك يباح للنساء في إيه؟ في غير النكاح، أمال في النكاح بقى؟ قال: وأما في النكاح فيسن. يعني إيه يسن بقى؟ يعني النساء تضرب الدف، والمرأة تثاب على ذلك. فيسن الضرب بالدف للنساء لقوله صلى الله عليه وسلم: «فصل ما بين الحلال والحرام الدف والصوت في النكاح». رواه أهل السنن غير أبي داود. ولا يكره لقدوم غائب ومسافر ونحوهما بل يسن. يبقى وأنت داخل بيت مراتك تطبل.

وقال القاضي: يكره في غير العرس، قول آخر يعني في المذهب. ماشي، يبقى تعال بس نضبط المسائل: يبقى الدف للنساء مطلقا، ويسن في حالتين: في النكاح وفي قدوم الغائب، وعند قدوم الغائب، ختان، وختان. فين؟ في أنه حته عندكم؟ ده اللي هو يعني ولا يكره لقدوم غائب ومسافر وختان ونحوهما، كده. ما عندكوش هو مسافر؟ بل يسن.

قوله: ولا صور، أي ولا غرم في كسر الصور وإتلافها. وهذا محمول على صور الحيطان، فانه لا ضمان على من أتلفها، بخلاف الصور المصورة على الستور والثياب، فانه لا يجوز تخريقها وإن كان تصويرها حراماً. قال المروذي: قلت لأبي عبد الله: فالرجل يدعى فيرى ستراً عليه تصاوير؟ قال: لا ينظر إليه. قلت: قد نظرت إليه، كيف أصنع؟ قال: اهتكه. عندكم همزة على الألف؟ أه، ده هو لسه كلام، صح كده ماشي، لسه كلام المروذي: اهتكه. قال: تخرق ستر شيء الناس. الكلام، ولكن إن أمكنك خلعه خلعته. قلت: الناس تحرم تجيبك البيت تاني! قلت: فالرجل يكتري البيت فيه تصاوير، طب أجرت شقة فدخلت لقيت صور محرمة، هنا طبعا الصور المحرمة مش مش أي، يعني صورة جبل، صورة شجرة، صورة وردة، صورة الحاجات دي مش حرام، إنما ذوات الارواح. وذوات الارواح عندنا اللي هو ما لو بثت فيه الروح يحيى، إنما صورة راس بس أو راس بصدر، واحد راسم صورة، فدي مش حرام في المذهب عندنا، دي مش حرام أصلا. ماشي، ما فيش بني آدم بيعيش كده، بيعيش رأس بحتة من صدره، يعني ما فيش بني آدم كده. فبيقول لك: فالرجل يكتري البيت فيه تصاوير، أجَر بيت ولقى البيت فيه كده، ترى أن يحكه؟ قال: نعم. ها، أنحك الرأس؟ قال: نعم. ماشي يعني يتلف بس اللي هو يذهب أقل ما يذهب بقى إيه، يظهر والله أعلم أنك تقطع الرقبة، يعني لو حك اللي هو بني آدم كامل مرسوم بس تفصل راسه عن جسمه، ما فيش حد بيمشي، عارفين الحادثة اللي هو القطر ضربه فصل راسه عن جسمه جري مسك راسه وباسها؟

كانوا يحكوها لنا زمان ونقعد نتاثر، مسك راسه طب بسهاب، يعني طبعا هو الأول هو جري مسك راسه دي شافها ازاي أولاً، يعني حتى لو في روح لسه يعني، طب مسكها بسهاب إيه بقى، ما هو بقه في راسه، ايوه، لو حد هو الجسم ده كله كده، حد زي حط لزق مثلاً حاجة على الوش بس، فيها حاجة عادي، عشان مرسوم على حيطة يعني. الجسم مثلاً لزقنا على الوش، على الجزء الوش ده كله حاجة، الوش ده خالص، ماشي كده، يبقى عادي، يظهر إنه عادي، أه، بس يعني إيه، إيه الفن؟ الفن في كده، ما تشيلوها بقى وخلاص، أنا بس ما اعرفش، يعني أهم حاجه في الرسمة الوش، فإن هم يدروا الوش، يعني ما صورة، كل صورة فيها كذا وش، أم، راجل بوشين، هو ده رسم بسورة مصوره، وتماثيل إيه؟ لا، صورة مصورة، لا، الصور الحديثة دي حبس ظل، فدي ما هياش ما تدخلش في ال حتى لو كامل أه ما تدخلش في التحريم، حتى لو أطبعت، دي حبس ظل أه حتى لو أطبعت أمرها أخف.

قال: قلت فإن دخلت حماماً فرأيت فيه صورة، الحمام اللي هم كانوا بيستحموا فيه زمان مش الحمام اللي هو، ترى أن أحك الرأس؟ قال: نعم. وهذا الحك في الحائط، وأما في الستر فلا يتلفها. وقال ابن عقيل في الفنون: وسئل هل يجوز تخريق الثياب التي عليها الصور؟ قال: لا يجوز، لأنها يمكن أن تكون مفارش بخلاف غيرها. يبقى هنا عدم إتلاف الثوب لأن الثوب ممكن يستخدم في حاجة تانية، إنما لو صورة محرمة على ثوب لا يجوز لبس هذا الثوب، والحنابلة عندهم كمان يبطلون الصلاة إذا كان صلى بهذا الثوب. ماشي، فبرضه ناخد بالنا من الحاجات دي.

وقال: ولا آلة الد، أي ولا غرم في إتلاف آلات اللهو واللعب إذا أتلفها، كمن أتلف مزماراً ونحوه. قال شيخ تقي الدين: آلات الملاهي لا يجوز اتخاذها ولا الاستئجار عليها عند الأئمة الأربعة، انتهى. وكذلك كل منفعة محرمة كزنا ونوح، جايبين حد في القرافة يقعد يصوت، وغناء وزمر، وكتابة من يكتب له شيئا من ذلك، وداره لمن يتخذها كنيسة أو بيعة، بيعة بفتح الباء، هي هنا مشكلة بالكسر في كله عندنا ساكنة، ما هو كده ساكنة وكده ساكنة، بيعة، الياء ساكنة برضه، يعني إيه البيعة؟ أماكن العبادة بتاعة أهل الكتاب. يبقى يظهر وكتابة دي يعني من باب الإجارة أو شيء، وكتابه من يكتب له شيء من ذلك، وداره لمن يتخذها كنيسة أو بيعة، أو بيعة. ماشي، بيعة عندي في كله، يعني لو عرفت أن اللي هياخد دارك هيستخدمها في شيء محرم، ما تعملش كده. ماشي، أو لشرب خمر أو لقمار، ولا كتابة، عندكم وا ما فيش وا، ولا كتابة شعر محرم، أه ماشي، ونحوه، يعني برضه ما يجيبش حد يكتب له شعر محرم ونحوه، الأغاني والحاجة دي، لأنه إعانة على معصية، والإعانة على المعصية حرام إجماعاً.

فإن حمل خمراً أو خنزيراً أو ميتة لذمي بأجره، فقال أحمد: أكره أكله، يعني الأجرة دي، ولكن يقضى له بالكراء، يعني ياخد اجرته. صورة المسألة: حمل خمراً أو خنزيراً أو ميتة لذمي بأجره، يعني واحد نصراني راح الهايبر وبيبيع خمرة مثلاً ولا خنزير، أو اشتغل الخنزير فراح جاي قايل لك: تعال شيل لي الحاجات دي لغايه البيت، وهو ده المسألة، وهديك كذا، أو بيديك تبس أو حاجة، يعني حتى لو بالعرف كده، فالفلوس دي ياخدها ولا ما ياخدهاش؟ هو بيقول يقضى له بالكراء، يعني يقضى له أنه له الكراء، له الأجرة، لكن أكره أكله. راح جاي القاضي أبو يعلى وجه كلام أحمد توجيه غريب شوية، قال: هذا محمول على أنه استأجره ليريقها، أما للشرب فلا يحل أخذ الأجرة عليه.

فاكرين حد كان سألني واتقطع الكلام، بيقول: هم مخاطبون بفروع الشريعة؟ فانا قلت لكم: في الآخرة ولها ثمره في الدنيا. اتقطع الكلام بقى ما كملناش الثمرة في الدنيا، أنه قالوا إنه لو نصراني وأنت في مطعم، شغال في مطعم مثلاً، وجالك في نهار رمضان وقال لك: هات أكل، فهنا طبعا ده لو مسلم يحرم عليك، أما لو هو نصراني وقال لك: هات أكل، نزل لي أكل، فلو هو مخاطب بفروع الشريعة، قالوا إن دي من الصور اللي برضه تأثم انك لو، لأن هو مخاطب بفروع الشريعة فأنت تأثم أنك تعينه على إيه. هنا غير مسألة إنكار المنكر، أنت هنا لأن هو عندك مخاطب بأنه يمتنع عن الأكل، فذكروا الصورة دي. وإيه، يعني لو أنا بقى عشان كده هو، لا، ما ده مش الأصل، إنه علق لا، لا، هي الدار متخذة للسكن. ماشي ماشي، إنما الدار متخذه للسكن، يعني مش لتعليق الصليب. فاهم الفرق؟ الدار متخذة للسكن، مش لتعليق الصليب، الصليب ده تبع وليس أصلاً، يعني هو ما بيشتريش الدار عشان يعلق فيها صليب، هو بيشتري الدار عشان يسكن، فلما بيسكن بيعلق صليبه، فهي الدار مش متخذة لتعليق الصليب، فاهم الفرق؟ فده تبع وليس أصل، ولانه سكن هنا علق الصليب. بس، دلوقتي حاجة.

موضوع بي إم بي ده، إن في ناس يعني حتى ملتزمين بيفرشوا ويمشوا على جديدة ويغالب، يعني لو الغالب ده يبقى حرام، لو هو الغالب هنا سيحكم بغلبة الظن؛ معظم الناس اللي بتيجي بيبقوا زناة، وببيبقوا مخدرات وحاجات زي كده، لو ده الغالب يبقى يحكم بأنه لا يمنع، إنما لو مش الغالب، خلاص في برضو إن أنت لازم تلفزيون تشغل واي فاي. إيش الحرام في الواي فاي؟ يعني يظهر ما ترقاش ليه حرمة الإيجار، يعني ما نقولش إن التأجير حرام وفلوسك حرام عشان حطيت تلفزيون، فاهم؟ ما بقولش إن برضو التلفزيون يتحط، بس بقول لك يعني حتى لو عمل كده فنقول له: لا أنت كده قعدت على الاسم أن هو لو زي ما أنت بتقول يعني بيتفرجوا على حاجات حرام، إنما هل التأجير حرام وبقت فلوسي حرام عشان؟ يعني يظهر برضو ما توصلش لكده يعني.

هو كده هل ممكن الكتابة دي اللي هو الشخص اللي بيثبت حق النقل من شخص إلى آخر، يعني زي دلوقتي مثلاً اللي هو الشهر العقاري، أنا بروح دلوقتي الشهر العقاري عشان أوثق إن أنا مثلاً أنسخ من حد تاني؟ الشخص اللي بيكتب ده لو عارف أن يحرم كتابته شيء من ذلك، ومن يكتب دي اللي هو بيكتب الكتابة دي، يعني الكتابة دي فاعل من ده مش مفعول؛ أصل أنا فهمتها إيه؟ وكتابة من يكتب أن من دي مفعول على المفعولية يعني أنت كاتب من يكتب. أنت بتقول لا: كتابة من يكتب، من هنا على الفاعلية يعني كتابة من يكتب له شيء من ذلك محرمة، ممكن تمشي كده؟ أنت راجل فقيه قد الدنيا.

قوله آلة تنجيم وسحر ونحوه يعني ولا غرم في إتلاف آلة تنجيم وتخريق كتبه، يعني كتب التنجيم وكذا السحر والتعزيم والحصى الذي يتخذ لذلك وكذا كتب مبتدعة مضللة وكتب كفر وكتاب فيه أحاديث موضوعة، يعني كل ذلك يتلف ولا غرم فيه. أحاديث مش موضوعة؟ اه، وأنا أصلاً أحاديث موضوعة دي لأن في بعض الكتب مصنفه لذلك أصلاً، بس ده لبيان وضعها أحاديث رديئة، يظهر هو كده والله أعلم، يعني أو لو أحاديث موضوعة من غير تبيين لوضعها بحيث اللي هيقع في يده هذا الكتاب يظنها، إنما مثلاً المنار المنيف في الصحيح أو اللاه، المصنفة في الأحاديث الموضوعة، في كتب أصلاً مصنفة لبيان الأحاديث الموضوعة، فده لا، دي كتب لابد لأهل العلم أنهم يبقوا عارفينها، إنما واحد جه راح ضارب لك أحاديث مزال على أنه أحاديث يتلف.

قال المروذي: قلت لأحمد: استعرت من صاحب الحديث كتاباً يعني فيه أحاديث رديئة، ترى أن أخرقه أو أحرقه؟ قال: نعم، وكذا الطلاسم، والقداح والشعير والحصى الذي يضرب به، الحاجات اللي هي بتستخدم في القمار وتستخدم في السحر، فهذا ومثله لا ضمان على متلفه، ويجب إتلافه ولو كان مع صغيّر لأنه منكر، ومثله كسر صليب، وإناء فضة وذهب، وحلي محرم على ذكر لم يستعمله يصلح للنساء، ومثله كسر صليب وإناء في ذهب، يعني يكسر ولا ضمان فيه، وحلي محرم على ذكر لم يستعمله عندكم يصلح للنساء. تحت عندك حاجة؟ قول. لا يضمن هذه الأمور ما فإنه، ماشي بس هو حلي محرم على ذكر لم يستعمله يعني يبقى في سقط هنا، لا يصلح للنساء ولا هو لو يصلح للنساء لا يترك يترك للنساء، وايه معنى لم يستعمله؟ طب لو استعمله يعني ولا لم يستعمله دي ده حكم، يعني وحلي المحرم على ذكر لم يستعمله يعني لا يستعمله.

قوله: وبيض وجوز وجوز البيت، يعني ولا غرم في إتلاف البيض والجوز الذي يقامر به؛ كانوا يستخدموا البيض في المقامرة والجوز يلفوها مثلاً ولا حاجة مش عارف، لأن القمار محرم، ولكن يكون إتلافه لذلك بقدر ما يزول المنكر به، ماشي يعني لو بس إيه يكسر الجوزة كده كسرة بسيطة هتكفي، ماينفعش إيه يدمرها. ولا شق زق الخمر، إلى آخر البيت، يعني لا ضمان على من شق ظرف الخمر، الزق الإناء اللي بيتحط فيه الخمر، واحد راح جاي شقه، كان بيبقى ساعات من جلد، راح شاق الإناء اللي إيه اللي بيتحط فيها الخمر، أو كسر دن، الدن برضو إناء بس مش من الجلد بقى، فكسروه إن تعذر الإنكار بدونه، يعني لو لو تعذر، لو ممكن ينكر بدون ذلك ماشي، مش ممكن كسر وقيل مطلقاً، كذا في الرعاية، وفيه روايتان، أصحها عدم ضمان ذلك سواء قدر على إراقتها بدونه أو لا.

في روايتين لو هو يقدر والحالتين مش موجودين دلوقتي، يعني فاهمين الكلام ده؟ يعني يقدر ينكر المنكر من غير ما يشق الزق أو يكسر الدن، وراح كاسر الدن أو شق الزق، يضمن ولا لا يضمن؟ دي المساله فيها روايتين عن أحمد، فيها روايتين، إنما لو ما يقدرش ينكر غير بكده لازم أكسر الإناء. صورة المسألة دي إيه دلوقتي؟ إزازة خمره، إزازة خمره تقدر تدلق الخمرة اللي فيها والازازة غالية بقى عشان تضمن الإزازة دي، إنما ممكن تبقى الإزازة غالية من نوع زجاج معين أو كده أو مجموعة إزاز تعمل ثمن، يعني فتقدر تدخل تسكب الخمر اللي فيها وتبقى الإزازة ليها قيمة، رحت أنت ما عملتش، رحت داخل مكسر الإزاز! الظاهر أنك تضمن، تضمن ثمن الإزاز، أنت كسرت الإزاز ليه؟ أدلق الخمرة وسيب الإزاز، يعني موصف لهم إزاز الخمرة، هيحطوا فيه؟ ما يحطوا في إزازة البيبسي خمرة، يعني هي جت على هي المشكلة في الإزازة دلوقتي؟ وبعدين أنت قاعد مع خمورجية ليه يعني؟ أنت هيحط في جديد ده، يبقى أنت عايش معاهم!

نقرا كم سطر دول ونقف على الفصل، قال: ولا شق زق الخمر، خلصنا ده، والأصل في ذلك حديث ابن عمر: أمرني النبي صلى الله عليه وسلم أن آتيه بمدية، سكينة أو حاجة وهي الشفرة، فأتيت بها، فأرسل بها فارهفت، ثم أعطانيها وقال: اغد علي بها ففعلت، فخرج بأصحابه إلى أسواق المدينة وفيها زقاق الخمر قد جلبت من الشام، فأخذ المدية مني فشق ما كان من تلك الزقاق بحضرته كلها، فشق بقى فشق يظهر ما كان من تلك الزقاق بحضرته كلها، فشق ما كلها بقى، كلها كمان لو فشق، أو تمشي كده وكده يعني كلها، على أن هي عائدة على ما أو كلها على الزقاق، تمشي كده وكده، وامر أصحابه الذين كانوا معي أن يمضوا معي ويعاونوني، وامرني أن آتي الأسواق كلها فلا أجد فيها زق خمر إلا شققته، رواه أحمد.

واضح الكلام؟ ماشي. ينقى، إحنا عاوزين البيت بيقول إيه؟ البيت بيقول: ولا شق زق الخمر أو كسر دنه إذا عجز الإنكار دون التقدم دي، فين ينقى؟ ماشي، وإن يتأتى دونه رفع منكر ضمنت الذي ينقى بتغسيله قديم، يعني الإناء ده منهم من آنية لا تشرب، لا تتشرب الخمر، زي الزجاج لا يتشرب الخمر، فده لو غسلته هينقى، طيب، فهو لو ما فيش ضرورة، لو ما فيش ضرورة لشق الزق أو لكسر الدن يبقى إيه تضمن؟ تعالوا بقى نشوف اللي هو الآية اللي عاوز يقوله.

قال: ينقى، وهو بياء بياء مثناة من تحت ثم نون ساكنة بعدها قاف مفتوحة، هذا على الروايات المرجوحة، وهي اختيار الناظم فيما إذا قدر على الإراقة بدون الإتلاف أنه يضمن إذا كان الوعاء الذي فيه الخمر يمكن تطهيره بغسله وينقى من النجاسة، يبقى كده الحجاوي بيقول إن دي رواية مرجوحة في المذهب، يبقى رواية المذهب، رواية المذهب أنه لا يضمن حتى لو يقدر ينكر بدون الكسر وراح كسر لا يضمن، فهمتوا؟ واما إذا لم ينقى بالغسل كالإناء الذي الإناء الذي يتشرب الخمر وفشى فيه فانه لا يضمن على كلتي الروايتين لأنه كذا كذا حتى بعد ما هيدلق الخمرة يظل الإناء نجساً، فساعتها بقى خلاص يكسره من الأول كالعجين إذا تنجس فانه لا سبيل إلى تطهيره، معلش نكمل نكمل نخلص الفصل، فصل كله فصل.

قال المروذي: سالت وسالت أبا عبد الله قلت: أمر في السوق فأرى الطبول تباع أكسرها؟ قال: ما أراك تقوى، ده اللي احنا بنقوله دلوقتي، ما أراك تقوى، إن قويت يا أبا بكر فاكسرها، قلت: مش هتقول الحمد لله ولا؟ فين سمعته؟ سمعته بعوك! أرحمك الله. قلت: أدعى لغسل الميت فاسمع صوت الطبل، فرحانين بالميت يعني ولا إيه؟ قال: إن قدرت على كسره وإلا فاخرج. يظهر يعني طقس من الطقوس عندهم مثلاً بيطبلوا.

في حاجة هنا مهمة، إن الأعراف بتختلف، يعني ممكن هنا يكون في بعض البلدان ضرب الطبل ده دليل على الحزن، فهو بيقول إيه: أروح لغسل الميت أسمع صوت الطبل. قال المروذي: وسالت أبا عبد الله قلت: أمر في السوق فأرى الطبول تباع، أكسرها؟ قال: ما أراك تقوى، إن قويت يا أبا بكر فاكسرها، قلت: أدعى لغسل الميت فاسمع صوت الطبل، قال: إن قدرت على كسره وإلا فاخرج. وسالت أبا عبد الله عن كسر الطنبور قال: يكسر. قالت له وقال ابن هانئ لأحمد: والدف الذي يلعب به الصبيان؟ قال: يروى عن أصحاب عبد الله أنهم كانوا يتبعون الأزقة الشوارع يعني والسكك يخرقون الدفوف.

فصل: والدف إحنا خلاص بقى تقدم معنا أصلاً. لا لا أصحاب عبد الله يعني صحابي، يظهر أنه ابن مسعود والله أعلم، بس برضو محتاجة تتراجع.

فصل: انقطع غير واحد بأن البيت الذي فيه الخمر لا يتلف، هنا بيت الخمر يعني واحد شغلانته الخمرة فمخزن الخمره في مكان، نحرق البيت ده ولا ما نحرقوش؟ زي مخزن مثلاً، مثلاً زي المخازن دلوقتي، أو في بيته هو نفسه المخزن في بيته فنحرق بيته؟ ده الكلام قطع غير واحد بأن البيت الذي فيه الخمر لا يتلف، قال القاضي أبو الحسين: اختلفت الرواية يعني عن أحمد في من تجارته في الخمر هل يحرق بيته؟ على روايتين: إحداهما يحرق، والثانية لا يحرق، وجه الأولى يعني من قال إنه يحرق البيت اختارها ابن بطة وهي المذهب، لما روت صفية بنت أبي عبيد قالت: وجد عمر بن الخطاب في بيت رجل من ثقيف شراباً فامر به عمر فحرق بيته، ويروى عن علي مثله، ووجه الثانية لا يحرق، لأنها كبيرة كغيرها يعني، وغاية أنه يفعل كبيرة.

طيب، واضح الكلام.

فصل: يحرم حرمة التكسب بآلات الملاهي كالطبل ونحوه، ويؤدب الآخذ والمعطي، ويحرم الاعطاء عليه، وتعلمه وتعليمه ولو بلا عوض، يعني حتى لو من غير فلوس، والعمل به، كل ده حرام، ويحرم النظر فيما يخشى منه الضلال والوقوع في الشك والشبهة، يعني يخشى منه الضلال ويخشى منه الوقوع في الشك والشبه يبقى النظر في كتب أهل البدعة، النظر في في في كلام الملاحدة، يقول لك شفت فلان اسمه إيه؟ العيل الجن ده حرقان، الحرقان ده ماسجنوش في واحد تاني بقى سجنوه، فنقعد نتفرج عليه! حرام، حرام! أصل أنا هطلع أعمل فيديو عنه، وأنت مين أنت أصلاً؟ وأنت تعرف إلحاد ولا تعرف توحيد وحيده؟ يبقى ما تسمعوهوش، ما تسمعوش بتوع الإلحاد دول، ما تسمعوش النصارى والقساوسة، ما تسمعوهمش، كل ده يخشى منه الضلال والوقوع في الشك.

طيب واحد هي دي شغلانته بقى، واحد شغلانته أن هو بيرد على أمثال هؤلاء، شغلانته يعني أقصى أو أقصد أقول أنه بلغ رتبه عالية في الاعتقاد وفاهم الشبه كويس، فإحنا محتاجين الناس ترد على الشبه، يبقى يسمع عشان يرد، آه، يرد فين؟ أنا الحقيقة متوقف في حته إنه ينشر الحاجات دي على العام كده، أن هو يبقى سهل في متناول الجميع كده إن أي حد يدخل يسمعنا، المناظرات لا يجوز الاستماع إليها، لا يجوز الاستماع للمناظرات! طب واحد عنده الشبهة وعاوز الرد، هو عنده الشبهة يروح يسمع عشان يسمع الرد، إنما واحد خالي عن الشبهة هو ما عندوش شبهة الملحد ولا عنده شبهة النصراني ولا عنده شبهة فيقعد يسمع المناظرة؟ لا يجوز! ونُص أحمد على المنع من النظر في كتب أهل الكلام والبدع المضلة وقرايتها وروايتها، وقال في رواية المروذي: لست بصاحب كلام، فلا أرى الكلام في شيء إلا ما كان في كتاب أو حديث عن رسول الله. هنا إلا منقطع، استثناء منقطع، يعني لا أرى الكلام في شيء ولكن ما كان في كتاب أو حديث عن رسول الله، فهمتوا؟

صلى الله عليه وسلم، من علم الكلام هو أن احنا نثبت المسائل الاعتقادية بالادله العقلية، ده علم الكلام فهو لا يراه، أو عن أصحابه أو عن التابعين فاما غير ذلك فالكلام فيه غير محمود، رواه الخلال. قال ابن عقيل في الفنون: ما على الشريعه أضر من المتكلمين والمتصوفين، والمتكلمون عندي خير من الصوفية طبعا. أيام أحمد كان النكير شديد على أهل الكلام، أهل الكلام ما هماش درجة واحدة يا جماعه، يعني في منهم البُعاد جداً مثل المعتزلة وزي.

الناس دي وفي منهم لا قريبين جدا زي الأشاعرة. وهؤلاء ذبوا عن الدين، يعني ظهور الأشاعرة كان دفاعاً وغيرةً على الدين عشان يردوا على المعتزلة أصلاً. وأبو الحسن الأشعري كان معتزلياً أمر، وأحمد له قول قال: ما زلنا نلعن أهل الكلام ويلعنوننا أو حاجة زي كده، حتى جاء الشافعي فجمع بيننا أو حاجة زي كده يعني. هاتوها برضه نقراها بعد العشاء، ماشي.

ودلوقتي لا يكاد يخلو مجلس اعتقاد من شيء من الكلام، لا يكاد. يعني اللي بيقعد يقول لك علم الكلام ومش عارف ايه تلاقيه أما يجي مثلا يتكلم عن أدلة وجود الله عز وجل، يقوم يكلمك بالعقل، صح. يكلمك بالعقل يقول لك: «البعرة تدل على البعير، والأثر يدل على المسير، فسماء ذات أبراج». ده إيه ده؟ دي أدلة عقلية على وجود الله عز وجل، لكن هو ما يصلحش غير كده، هتجيب واحد ملحد يقول لك ما فيش ربنا، تقول له زي ما فيش ربنا ده ربنا بيقول في القرآن. قرآن القرآن قرآن القرآن إيه؟ بقول لك ما فيش ربنا، ما فيش قرآن أصلاً. ماشي، أدلة النبوة إثبات النبوة، يقوموا يتكلموا بالعقل. وده محتاج يعني ده ضروري يعني. فماهياش يعني ماهماش على درجة واحدة، أهل الكلام يعني ماهوش على درجة واحدة.

كذلك الصوفية، كذلك الصوفية. يعني صفال عندهم الشطحات الشديدة وقد يصل إلى الكفر، وقد يصلوا إلى مسائل كبيرة جداً يعني وأن ما فيش بقى كفر في الدنيا، وأن وحدة الوجود وكلام كبير يعني كده. وفي صوفية متشرعة زي الجنيد وغيره، صوفية متشرعة، وما زال علماؤنا يمدحون هؤلاء ويترحمون عليهم ويرونهم من الأولياء والسادة. فبرضه الكلام يعني إيه لابد أن هو يضبط.

قولي هذا واستغفر الله العظيم لي ولكم. سبحانك اللهم وبحمدك، نشهد أن لا إله إلا أنت، نستغفرك ونتوب إليك.