د. أحمد عبد المنعمبسم الله الرحمن الرحيم. بسم الله، والصلاة والسلام على رسول الله صلى الله عليه وسلم. أهلاً وسألاً بكم، وأسأل الله سبحانه وتعالى أن يرزقني وإياكم الإخلاص، وأن يتقبل منا أعمالنا، وأن يجعل أعمالنا خالصة لوجهه سبحانه وتعالى. وأسأل الله سبحانه وتعالى أن يبلغنا رمضان في عافية وستر، وأن يتقبل منا، وأن يوفقنا لفعل ما يحب ويرضى. اللهم بلغنا ليلة القدر، اللهم أعنا فيها على ذكرك وشكرك وحسن عبادتك يا رب العالمين. كل عام أنتم بخير، شهر رمضان على الأبواب. أسأل الله سبحانه وتعالى أن يرزقنا صيامه إيماناً واحتساباً، وأن يوفقنا لقيام لياليه إيماناً واحتساباً. وإن شاء الله بإذن الله سبحانه وتعالى، لقاء اليوم سنتكلم فيه عن القرآن، ولا سيما مع اقتراب رمضان.
درس اليوم إن شاء الله بإذن الله سبحانه وتعالى ضمن -ممكن يعني بقية فترة بحاول قضية شغلاني- مميزات الخطاب القراني؛ كيف صنع القرآن الصحابة؟ كيف نواجه شياطين الإنس والجن بالقران؟ كيف نجاهد بالقران؟ كيف نتخلق بالقران؟ يعني حوالين هذه المواضيع، وكان في درس بعنوان مميزات الخطاب القراني، ودرس تاني بعنوان جهود الشيطان في الصد عن القرآن. الدرس بتاع النهارده مكمل للدرس دول، ثلاث دروس بنحاول نستكشف كيف يغير الخطاب الإنسان؟ الخطاب ده كلام، كلام الإنسان بيسمع كلام، هل يغير الكلام في الناس؟ الحقيقه هي نعم، بل الدول حتى عشان تصنع مواطن موافق على الدولة، له تصورات عن الدولة، بيصنعوه إزاي؟ بالاعلام بالتعليم. فجزء كبير من صناعة الإنسان من الخطاب.
درس النهارده هذا الخطاب القراني خطاب مختلف، لأنه كلام الله سبحانه وتعالى. فهذا الخطاب الرباني كيف صنع المسلم وكيف صنع المجتمع؟ يعني هنحاول -والدروس دي ليس فيها إجابات نهائية، هي محاولات لمس في هذا الخطاب المعجز الذي لا تنقضي عجائبه، وكل ما الإنسان بتأمل أكثر ويتفكر أكثر، بل كل ما بتتسع معارف الإنسان أصلاً ثم يعود إلى الوحي- ينبهر. يعني الإنسان كل ما يوسع الاطلاع للقراءة في كل العلوم الدنيوية والإنسانية والاجتماعية ثم يعود إلى الوحي ينبهر بخطاب الوحي، لأن الوحي تكلم الله به ليخرج الناس من الظلمات إلى النور. تكلم الله سبحانه وتعالى بهذا الكلام، وأنزل هذا الكلام على النبي صلى الله عليه وسلم ليخرج الناس من الظلمات إلى النور. وده أعلى صور الولاية؛ أن ولي الله الذي نزل الكتاب وهو يتولى الصالحين ﴿وَاللَّهُ وَلِيُّ الَّذِينَ آمَنُوا يُخْرِجُهُم مِّنَ الظَّلُمَاتِ إِلَى النُّورِ﴾ [البقرة: 257]. فأعلى صور الولاية أن الإنسان يرتبط بكلام الله سبحانه وتعالى، كلام الله يخرج البشرية من الظلمات إلى النور.
فإذا غاب الوحي عنا أصبحنا في الظلمات. فالإنسان أحياناً لا يستوعب قيمة ما معه من وحي، لأنه مش متخيل الظلمات الموجودة لو نزع الوحي من العالم، بل أحياناً من رحمة الله سبحانه وتعالى، ومن تقدير الله وحكمة الله ولطف الله أن في مجتمعات احنا بنراها غاب عنها الوحي، وبنشوف كيف وصلت إلى حالة من البهيمية، حالة من الطينية الأرضية لما غاب عنها الوحي. فلقاء اليوم إن شاء الله كيف أو يعني أثر الخطاب القراني في صناعة المسلم وصناعة المجتمع المسلم؟
أمُنا عائشة رضي الله عنها لما سئلت عن خلق النبي صلى الله عليه وسلم -وسؤال دايماً الأسئلة اللي ظاهرة أن هي سهل وفيها نوع من العمومات إجابتها بتبقى صعبة، لأن من القواعد العامة في الأسئلة أن السؤال العام إجابته عامة، والسؤال الخاص إجابته خاصة، أنت لو بتسال عن نقطة محددة أجوبك عن النقطة المحددة، فالأسئلة دايماً العامة ديت بتبقى صعبة في الإجابة- فلما تتسأل عن خلق النبي صلى الله عليه وسلم، فإجابة وهي من أقرب الناس للنبي صلى الله عليه وسلم فقالت رضي الله عنها: كان خلقه القرآن. فإجابة عجيبة جداً.
وكنت بتدرس مع بعض إخواني: يعني إيه كان خلقه القرآن؟ يعني إيه؟ هل فقط لأن الناس تبدا تقول إيه: أن احنا ما ينفعش يبقى في انعزال بين العلم والعمل، وكل ما الفجوة اللي بين العلم والعمل بتزيد يقع الإنسان في شعبة من شعب النفاق نسال الله السلامة والعافية؟ فبيبقى الناس يتساءل: طب هو أنا دلوقتي الصورة دي مثلاً أنا لما ذاكرتها، أو لما قريت الصورة دي، أو لما تدارست الصورة دي، أو صليت بالصورة دي، أنا مش ماسك عمل معين أقوم أعمله، فيعني إيه كان خلقه القرآن؟ هل معناها الأوامر اللي في الصورة دي النبي صلى الله عليه وسلم كان بيعملها، والنواهي اللي في الصورة دي النبي صلى الله عليه وسلم كان يجتنبها؟ ده أحد معاني خلقه القرآن.
هضرب لك مثال ببعض الناس اللي بتحب تقرا في الفكر والفلسفة، ممكن واحد يتبنى فلسفة شخص معين، كانط أو نيتشه أو أيا كان، ويقعد يقرا في الفلسفة دي لغايه لما يشعر أنه بينتمي للمؤلف ده، ويرى الحياة كلها من منظور المؤلف، فهو بيتخلق وبینظر للحياة وللوجود من خلال مؤلفات الراجل ده. فالراجل ده لو شاف أن مثلاً الضعاف في الحياة مالهمش قيمة، هو يرى أن الضعاف في الحياة مالهمش قيمة، لو يرى أن التعامل مع الآخرين بهذه الطريقة هو كذا، دي نظرة للحياة.
فلما نقول أن النبي صلى الله عليه وسلم كان خلقه القرآن، هو كان بيرى الحياة من خلال الوحي، كانت النظارة اللي بينظر منها للحياة كانت من خلال القرآن. فلما القرآن يعظم أشياء يعظمها النبي صلى الله عليه وسلم، لما القرآن ينظر إلى أشياء يزهد فيها يزهد فيها النبي صلى الله عليه وسلم. فكانت الموازين -انت لما تبص على الوحي، الوحي عمل موازين للأمور، في ميزان للأخرة، في ميزان للدنيا، في ميزان للناس، ميزان للممال، ميزان للأولياء، ميزان للأعداء، ميزان لما يرضى الله عنه، في موازين للحاجات- الموازين اللي موجودة دي هي نفس الموازين اللي في صدر النبي صلى الله عليه وسلم، تطابق ما بين اللي تكلم عنه الوحي وبين اللي في صدر النبي صلى الله عليه وسلم وبين اللي في حياة النبي صلى الله عليه وسلم. فبالتالي كان لا ينطق عن الهوى صلى الله عليه وسلم، فكل ما بيختلط الوحي بلحمنا وبدمنا احنا قاعدين بنقترب من التخلق بالقرآن.
القضية ليست في بعض الأوامر أو بعض النواهي، وده جزء مهم جداً، لكن القضية أعمق من كده. يعني لما نجيء إن شاء الله نتكلم مثلاً عن قضية المال أو المجتمعات أو القضايا الاقتصادية، القضية مش في حكم شرعي أن الربا حلال أو حرام -وده طبعا مهم- لا، هو أصلاً أنت كيف تنظر إلى الدنيا، وكيف تنظر إلى المال، وكيف تنظر إلى المعاملات الاقتصادية أصلاً؟ كيف تراها؟ وايه موازينها عندك؟ وايه قيمتها عندك؟ فمسألة كان خلقه القرآن هي دي اللي كيف صنع القرآن الإنسان؟
الإنسان قبل الوحي غير الإنسان بعد الوحي. النبي صلى الله عليه وسلم بعد الوحي مختلف، وربنا سبحانه وتعالى قال ده في أكثر من آية أن كان النبي صلى الله عليه وسلم نزول الوحي عليه غيره، ﴿وَكَذَلِكَ أَوْحَيْنَا إِلَيْكَ رُوحًا مِّنْ أَمْرِنَا مَا كُنتَ تَدْرِي مَا الْكِتَابُ وَلَا الْإِيمَانُ﴾ [الشورى: 52]. أثر الوحي في النبي صلى الله عليه وسلم -يعني لما سيدنا ابن عباس بيتكلم واحنا داخلين على رمضان، ربنا يبلغنا رمضان- أن النبي صلى الله عليه وسلم أجود الناس أصلاً مطلقا، مافيش مقارنة أصلاً بين النبي صلى الله عليه وسلم وبين أي حد، وكان أجود ما يكون في رمضان حين يأتيه جبريل فيدارسه القرآن. مدارسة القرآن مع جبريل كان لها أثر زائد على النبي صلى الله عليه وسلم.
فإذاً الوحي ده روح تسري في الإنسان، مش قضية أنك ذكرت معنى آية أو جزأت السورة لبعض الكلمات وبعض الأوامر وخلاص، الموضوع أعمق من كده، وده اللي احنا عايزين نحاول نوصل له النهارده. يبقى إذن أول حاجة عايزين نقولها أن الخطابات تصنع الناس، ماحدش يتساهل أنه يتعرض لخطابات كتير. أنت ممكن تكون متبني أخلاق معينة ولك نظرة في الحياة، فتسافر بلد تانية غير مسلمة، تمكث فيها فترة، تلاقي المجتمع بيتصرف بطريقة معينة، وأنت قاعد بتتلفت في الإعلام والتعليم والجامعات والحياة، خطاب معين أنت بتلاقيك اتغيرت من غير ما حد يفرض عليك قوانين، أنت اتغيرت، الخطاب اللي أنت تعرضت ليه غير مفاهيمك وغير نظرتك للحياة، وخلاك كائن أرضي متشبث بهذه الطينية، اتغيرت بعد ما كنت متصل بالسماء.
فالإنسان قابل للتشكل، وده أيضاً من فطرة الإنسان أنه قابل للتشكل، ممكن يصل إلى أعلى عليين، وممكن ينزل إلى أسفل سافلين، نسال الله السلامة والعافية. ﴿وَاتْلُ عَلَيْهِمْ نَبَأَ الَّذِي آتَيْنَاهُ آيَاتِنَا فَانْسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ * وَلَوْ شِئْنَا لَرَفَعْنَاهُ بِهَا وَلَكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ﴾ [الأعراف: 175-176]. يبقى ممكن الإنسان باتباعه الوحي يصل إلى أعلى عليين، وممكن الإنسان -أسأل الله السلامة والعافية- بانسلاخه عن الوحي ينزل إلى أخس من الكلب، بل التشبيهات اللي شبه بها الإنسان بالحيوان جاءت أصلاً في معرض الإعراض عن الوحي؛ الكلب والحمار، الكلب في سورة الأعراف والحمار في سورة الجمعة في المثلين دزتين تحديدا في إعراض عن الوحي، أن هنا انسلاخ وهنا تحمل ثم لم يحملها، ﴿حَمِلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِيلُ أَسْفَارًا﴾ [الجمعة: 5]. فنجد أن القرآن بيقول لك انسلاخ الانسان عن الوحي بينزل بيه أصلاً على مرتبة الإنسانية. قال ربنا سبحانه وتعالى: ﴿الرَّحْمَٰنُ * عَلَّمَ الْقُرْآنَ * خَلَقَ الْإِنسَانَ﴾ [الرحمن: 1-3]، جاء تعليم القرآن قبل خلق الإنسان، لأن الإنسان لن تكتمل إنسانيته أصلاً، لن يكون إنساناً على وجه الحقيقة إلا باقترابه من هذا الوحي.
يبقى الخطاب ممكن يصنع تفكير الإنسان، الواحد لو ساب نفسه للإعلام، لمسلسلات، لأفلام، لبرامج، لليوتيوب، للريلز، للسكورلينغ؛ هو هيتغير ومش واخد باله، هو همومه هتتغير، مشاعره هتتغير، علاقاته الاجتماعية هتتغير، يعني هيبقى بيحب ناس، هيبقى بيدافع عن حاجات معينة، هيبقى مهموم بأشياء معينة.
طيب تعالوا نشوف مزايا هذا الخطاب؛ المزايا اللي عايز أتكلم عنها النهارده عايز أتكلم عن أثرها في صناعة الإنسان، مش مزايا الخطاب نفسه. مزايا الخطاب نفسه احنا اتكلمنا عنه في درس اسمه مميزات الخطاب القراني أو أوصاف الخطاب ده، لكن أنا عايزك تتخيل لو إنا ادينا القرآن ده -ودايما أنا بحب أضرب المثال ده، لأنه الفرق ما بين الأبيض والأسود بيكون واضح، بين الحق والباطل بيكون واضح، الإنسان أحياناً يعتاد الوحي مابيبقاش واخد باله من الأشياء المركزية اللي في الوحي- لو إنا ادينا القرآن لشخص ملحد، لشخص كافر بالله، شخص مع -يعني خلينا نقول ما يعرفش حاجة عن الاسلام- وقلنا له اقرا الكتاب ده وقول لنا كده الكتاب ده بيتكلم عن إيه؟ يعني قول لنا كده ده الكتاب ده إيه أكتر حاجة بيتكلم عنها؟ لو واحد مش مسلم خالص، حتى لوربوتس يعني أصلاً، وبتقول له شوف لنا كده القرآن ده، ده بالنسبة لنا ده وحي، ده كلام الله، شوف لنا كده إيه أكتر المواضيع اللي القرآن ده بيتكلم عنها؟
ما ينفعش -ودي أول معنى نتكلم عنه- ما ينفعش إنسان يدخل الوحي ويخرج من الوحي وهو لم يتعلم عن الله. القرآن في الأصل هو خطاب رباني، ومفهوم رباني هنا عايز أفصل فيه كتير شوية، لأنه أوسع من -مش عايز مش قصدي مصطلح الربانيين اللي موجود في سورة آل عمران، لا- أنا قصدي أوسع من كده وأحاول أفسر إن شاء الله، لأن أول وصف لأوصاف القرآن أنه كلام الله.
لازم نبقى عارفين أن أي كلام أي كلام في الحياة يحمل صفات قائله. البشر لما بيقولوا كلام معين بيحمل صفات البشر، مهما كان البشر دول، مهما كان منصبهم، مهما كانوا ملوك أو رؤساء أو أغنياء، سيظل في سمات كلامهم وبين ثنايا كلامهم تظهر صفات البشر، كلامهم هيبقى فيه لحظات ضعف، وهيبقى فيه فقر وهلع وخوف مهما حاول يتشبع بالاسباب ويظن أن هو ملهم، سيظل فيه -شوف يعني حلل كلام فرعون في القرآن، شوف كلام حلل كده كلام فرعون هتجد فيه خوف، هو خايف على الملك، هو خايف أنه ينزع منه- واقرا كده كلام ربنا لما بيتكلم عن الملك عشان تعرف الفرق بين الرب والعبد.
فأول وصف لكلام ربنا أن هو كلام ربنا، فلو عايز تعرف ربنا صح مش هتلاقي زي كلام ربنا يعرفك عن ربنا. البشر -ربنا بيقول: ﴿قُل لَّوْ أَنتُمْ تَمْلِكُونَ خَزَائِنَ رَحْمَةِ رَبِّي إِذًا لَّأَمْسَكْتُمْ خَشْيَةَ الْإِنْفَاقِ﴾ [الإسراء: 100]- الإنسان حتى لو معاه الخزائن هيفضل قتور، هيفضل ضعيف. لذلك الراجل اللي جه للنبي صلى الله عليه وسلم والنبي أعطاه غنم ما بين جبلين، الراجل قال: ده مش عطاء بشر عادي، هنا العطاء ده والخطاب ده في روح بتسري مختلفة عن البشر، أنا رحت للملوك وعارف العرب أصلاً بيديني كل ده عشان إيه؟ عشان نسلم، طب أفرد ما أسلمتش؟ لا، العطاء ده مختلف، ده هنا عطاء مختلف، ده رسول من عند الله وأسلم. فكانت أفعال النبي صلى الله عليه وسلم بتخلي الناس تسلم لأنه رسول من عند الله.
فكذلك كلام الله سبحانه وتعالى أنت لو عايز تعرف ربنا أنت محتاج تقرا القرآن وأنت تبحث عن الله، أن تقرا القرآن كأنك تراه. عايزين نصل لمرتبه الإحسان واحنا بنقرا القرآن، أنا عايزك تصل إلى مرحله الرؤية، كأنك ترى الأسماء والصفات والأفعال، ده موجود في ثنايا الوحي. والوحي لما كلمك عن ربنا كلمك عن ربنا غير أي كتاب، الخناقات اللي عمالة تحصل في الأسماء والصفات والخناقات الجدليه الكلامية دي، القرآن مختلف تماماً، القرآن بيكلمك عن الله في كل تفاصيل الحياة، كلمك عن الأسماء والصفات في البيوت، في النفوس، في المعارك، مع الأولياء، مع الأعداء، في لحظات قوتك وفي لحظات ضعفك.
لحظات ضعفك بيكلمك عن الله سبحانه وتعالى، اللي أنت محتاج له، اللي أنت ما تعرفش تعيش من غيره، اللي السماوات والأرض ما تعرفش تككمل من غيره. فالقران خطاب مختلف، خطاب علوي، الله تكلم بهذا الكلام، لذلك اللي هيعيش المعنى ده مع القران هيبدا يفهم يعني ايه أن هو عبد.
يعني هيبدا، احنا دلوقتي بنتكلم عن أثر القران في صناعة مسلم، المسلم اللي يتلقى القران ده إيه؟ ده ربي يقول كذا فيبدا يتلقى الوحي، ده كلام ربنا بيحملني أمانة: ﴿إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا﴾ [الأحزاب: 72]. وبالتالي أنا لما أروح أشتغل في الدعوة أنا رايح كعبد، أنا رايح أقول للناس يا جماعة ربكم بيقول لكم كذا، مش عاجبكم، أقولوا ربنا أنا مالي؟ إن كان الله يريد أن يغويكم هو ربكم وإليه ترجعون. أنا مالي دي مشكلتك؟ القران بيخلي معركة الكافر مع ربنا مش مع الرسول، حتى لما بيغلطوا في الرسول بيقولوا له ساحر، سيدنا موسى بيقول لهم: ﴿وَيْلَكُمْ لَا تَفْتَرُوا عَلَى اللَّهِ كَذِبًا فَيُسْحِتَكُم بِبَعْضٍ﴾ [طه: 61]. هو أنت بتتعامل معايا؟ أنت ما تشخصهاش، الموضوع أكبر من كده، أنا جاي أبلغك رسالة رب العالمين.
شوف قصة سيدنا موسى في سورة طه عجيبة جدا، فيها المعاني الربانية ونقاش سيدنا نوح مع قومه في سورة هود، وقصة سيدنا إبراهيم في الشعراء. اقرأ الثلاث مواطن دول وتلمس ازاي الرسل هنا عارفين أن هم عبيد لربنا، عباد لله بيدعوا عباد الله إليه مش لينا إحنا رسول من عند الله. سيدنا إبراهيم في وسط الدعوة في وسط النقاش في سورة الشعراء بيسيبهم ويقعد يدعي ربنا، بيسيبهم! يعني أنت قاعد بتقرا نقاش نقاش نقاش وفجأة ينفصل عنهم ويدعي ربنا ويعيش مع صفات الله ومع أسماء الله: صفاتي أنا ببلغك رسالة، مش عايز تقبلها قل لربنا، أنت جاي تقول لي ليه؟ فكافر هنا بيتفاجأ، البشر لما بيتلّقى كلام من بشر بحس أن هو زيه، فبيبقى عنده نوع من النفَسنة كده مش عايز يقبل.
يعني كأن إيه؟ بعض الناس تكلموا في الدعوة بيستحق، كأنك جاي تحط إيدك على كتفك تقول لك نزل إيدك. إيه؟ مش جاي لك، مش أنا، شيلني من المعادلة خالص، أنا ببلغك: بلغوا عني ولو آية. أنا ببلغك رسالة رب العالمين، مش مقتنع ما تقتنعش. القران أسلوبه مختلف، أنت أسلوبنا في الدعوة أنت بتكلم واحد كأنه زبون وقاعد بتعرض عليه: وطب عشان خاطري والله هتكسب صدقني، والله أنا والله ده أنا جايب منه لعيالي، عارف أنت بتقعد إيه؟ لا، القران ما بيعملش كده، القران خطاب العِزّة. يقعدوا يقولوا شبهات في القدر، ربنا بيقول لهم: ﴿كَذَلِكَ فَعَلَ الَّذِينَ مِن قَبْلِهِم﴾ [الذاريات: 52]، اللي قبلكم قالوا كده برضه وعذبتهم. خطاب مختلف، عايزك تتلمس العِزّة، مثلاً شوف صفة صفة، كنت لسه بحضر درس صفات العِزّة في سورة المائدة، خطاب العِزّة في سورة المائدة.
يا جماعة، القران ده ما ينفعش بشر، ما فيش بشر يعرف يقوله، ﴿وَمَا كَانَ هَٰذَا الْقُرْآنُ أَن يُفْتَرَىٰ﴾ [يونس: 37]. صدور البشر ما تعرفش تطلع الكلام ده، يعني الصدر البشري، لأن الصدر ده في مشاعر وفي خوف وهلع وفقر وضيق. الإنسان مفطور على الصفات دي، مطبوع على الصفات دي، آخره يتخلص منها شوية عشان ما تطغوش عن التكاليف الشرعية، لكن سيظل فيه هذه الصفات النقص في النوم وفي المرض وفي الحاجة وفي... سيظل فيه هذا العوز وهذا الفقر في الإنسان، فالصدر البشري ما يعرفش يطلع كلام العِزّة ده، حتى لو حاول يتشبع بالمُلك ما يعرفش. آه، ده بشر، بس هو مثلاً مِلك، لكن هو بشر، لكن رب البشر لا. الصفة اللي موجودة في القران دي محتاجين نرجع نتلمسها لأنها تصوغ لي حياتي من جديد، هتفهمني يعني ايه رب ويعني ايه عبد، وهتصرف إزاي؟ أنا بتشكل من جديد بخطاب الوحي، ودي من أهم الصدمات اللي القران عملها للبشرية وللصحابه وحتى للمشركين.
كان يقول الكلام مختلف، هو بيقرر، والقران بيفضل يحاصر النفس البشرية إلى مرحلة أن تؤمن أو تجهد، بيبقى عارف أن ده مش كلام بشر. يعني اقرأ أي... اقرأ سورة فصلت اللي النبي صلى الله عليه وسلم قراها على الوليد بن مغيرة، قد يقول له: احنا بنعرض عليك عرض كذا وعرض كذا وعرض كذا. قال: أفرغت يا أبا الوليد؟ قال: فرغت. قرا عليه صدر سورة فصلت، عمل له صدمة! عمل له صدمة: ﴿فَإِنْ أَعْرَضُوا فَقُلْ أَنذَرْتُكُمْ صَاعِقَةً مِّثْلَ صَاعِقَةِ عَادٍ وَثَمُودَ﴾ [فصلت: 13]. شوف يعني في البشر حتى لما يحب يهدد ما يعرفش يهدد بالطريقة دي، مَن البشر اللي لما لما يحب يهدد واحد يهدده مثل صعقة... ما يعرفش، ده كلام من رب البشر!
المشرك قاعد بيجادل بيجادل بيجادل في سورة ق، فجأة ربنا بيقول له: ﴿وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ﴾ [ق: 16]. أنا أعلم اللي جواك، أنت قاعد بتتكلم كتير وبتجادل، أنا أعلم اللي في داخلك إيه، ده مين البشر اللي يقدر يقول كده؟ ما فيش. فلما أنت تتشبع بهذا الخطاب أنت بتتصتل بالله اتصال مختلف.
القران لما بيكلمك عن ربنا مش بيكلمك عن الأسماء والصفات بصورة تجريدية، مش بنمسكها اسم اسم ونقول: العليم يبقى العلم، ونقعد نحلل العلم ده يعني إيه؟ لا لا لا لا، القران بيكلمك عن الحياة، بيكلمك أن وأنت لوحدك ربنا يعلم اللي في صدرك، بيقول لك خد بالك: ﴿يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ﴾ [غافر: 19]. بيكلمك عن العليم عشان أنت تعرف تعيش مع الاسم، عايزك تخل أن تسعة وتسعين اسم، أسماء الله وصفاته، زي ما تكون الأسماء محطورة على الحيطة كده، كل ما تقرب من الوحي أكتر كل ما اسم ينور عندك في صدرك. كأن اللي على الحيطة ده اللي في صدرك، تسعة وتسعين اسم في صدرك كده مطفيين، كم اسم نور؟ كم اسم نور في حياتك؟ القران مش بيتكلف... القران بيتكلم عن الاسم والاسم مقترن باسم تاني، والاسم في لحظة تشريعه وفي لحظة أخلاق وفي قصة وفي سياق وفي زمن وفي تاريخ، ومرة مع الأعداء ومرة مع الملائكة ومرة مع المخلوقات.
فالقران لما بيكلمك عن ربنا هو بيعيش معك الاسم في الحياة، فانت لما بتعيش مع اللطيف بتعيش قصة كاملة مع سيدنا يوسف عشان تقول في الآخر: ﴿إِنَّ رَبِّي لَطِيفٌ لِّمَا يَشَاءُ﴾ [يوسف: 100]. أنت عشت هنا، الاسم هنا، أنت ما عدتش محتاج غير انك تعيشه، يعني ما فيش كلام تاني هيوصل لك يعني ايه لطيف بعد أحسن القصص في سورة يوسف، أنت بس فاضل أنت تروح بقى تعيش مع الاسم ده في حياتك، فانت عايش مع اللطيف. لذلك القران بيصنع إنسان يعيش بالله وإلى الله ومع الله، فبيبقى إنسان مختلف.
فالقران لما بيحدثك عن ربنا زي ما قلت مش بيحدثك بصورة تجريدية ذهنية، المعارف عندنا في الإسلام مش مش بنقعد زي الفلسفة كده نقعد إيه نعيش فيها ذهنياً منعزل عن الوقت، لا لا. حتى الحكمة، الحكمة في القران مختلفة، لما تعمل بحث كده عن الحكمة في القران وكنت عملتها في أكتر من مسجد، طلّع كده المعقول واكتب الحكمة، تلاقي ستة عشر أو سبع عشر موطن، شوف مواطن الحكمة فين في القران؟ تجد منها أن الحكمة تأتي بالعمل، أن أنت محتاج تعمل عشان تفهم الحكمة، تجد في سورة البقرة جت مع الجهاد والإنفاق. فانت هتعرف الأسماء والصفات لما تسمع عنها في الوحي وتعايشها وتطبقها.
مش هتجد مثل خطاب القران في الوحي، فتجد مثلاً زي ما قلت لك، ارجع كده أنا قلت سور كتير، حط الواجبات دي طبقها في رمضان، اقرا كده ابحث عن آيات العِزّة في القران ولا سيما في سورة المائدة. يعني شوف لما قال: ﴿فَمَن يَمْلِكُ مِنَ اللَّهِ شَيْئًا إِنْ أَرَادَ أَن يُهْلِكَ الْمَسِيحَ ابْنَ مَرْيَمَ وَأُمَّهُ وَمَن فِي الْأَرْضِ جَمِيعًا﴾ [المائدة: 17]، ما فيش بشر يجي في ذهنك يقولها. يعني لما حد عايز يتكلم عن علم حد، ما يجيش في ذهنك انك تقول في سورة الأنعام: ﴿وَمَا تَسْقُطُ مِن وَرَقَةٍ إِلَّا يَعْلَمُهَا وَلَا حَبَّةٍ فِي ظُلُمَاتِ الْأَرْضِ وَلَا رَطْبٍ وَلَا يَابِسٍ إِلَّا فِي كِتَابٍ مُّبِينٍ﴾ [الأنعام: 59]. يعني لو أنت واقف قدام أرض زراعية يعني مئات الفدادين كده وأنت واقف بالليل مليانة أشجار، تخيل: وما تسقط من ورقة إلا يعلمها! أنت أصلاً صعب أنك تتخيل المشهد، فالقران لما بيكلمك عن علم الله غير كلام البشر، صورة أنت ممكن ما تتخيلهاش.
لما بيكلمك عن القدرة بيقول لك: في مشاكل مش هتعرفوا تحلوها، زي السماوات والأرض، هو يمسك السماوات والأرض أن تزول، ها، حلها أنت! يعني مش بيكلمك على قد مشكلة عندك في الشغل، ولا مشكلة عندك في البيت، يمسك السماوات والأرض ولأن زالتا... بيقول لك في مشاكل كونية ما حدش هيعملها غير ربنا. القران يعرفك الحياة بتمشي بدون أي حد، الحياة هتمشي من غيرك، أنت بتظن أن أنت واللي ماشي البيت وأنت مش عارف إيه، بتموت والحياة بتمشي من غيرك عادي جداً، لكن الحياة ما تمشيش من غير ربنا. لذلك يجي لحظة في الحياة كله يموت وملك الموت يموت، وربنا يقول: ﴿لِمَنِ الْمُلْكُ الْيَوْمَ لِلَّهِ الْوَاحِدِ الْقَهَّارِ﴾ [غافر: 16]. الله لا يحتاج إلى أحد، الله غني.
فخطاب القران فيه عِزّة، في غنى، في لطف، في حكمة. وتقرا ربنا بيقول لو تقول عن النبي صلى الله عليه وسلم: ﴿وَلَوْ تَقَوَّلَ عَلَيْنَا بَعْضَ الْأَقَاوِيلِ * لَأَخَذْنَا مِنْهُ بِالْيَمِينِ﴾ [الحاقة: 44-45]، أنت اجمع الآيات: ﴿يَا أَيُّهَا الرَّسُولُ بَلِّغْ مَا أُنزِلَ إِلَيْكَ مِن رَّبِّكَ وَإِن لَّمْ تَفْعَلْ فَمَا بَلَّغْتَ رِسَالَتَهُ وَاللَّهُ يَعْصِمُكَ مِنَ النَّاسِ﴾ [المائدة: 67]. هذا القران لما كان العربي وسمعوه، ايه ده؟ مين مين اللي يقدر يقول ده؟ النبي صلى الله عليه وسلم قال لهم: ﴿فَقَدْ لَبِثْتُ فِيكُمْ عُمُرًا مِّن قَبْلِهِ﴾ [يونس: 16]. هو أنا كنت بعرف أقول الكلام ده؟ أنا كنت منعزل في الغار، أنا ما أعرفش أقول الكلام ده: ﴿مَا كُنتَ تَدْرِي مَا الْكِتَابُ وَلَا الْإِيمَانُ﴾ [الشورى: 52].
إفًا، إذاً نحن نتكلم عن أثر القران في صناعة هذا المسلم، وأول معنى عظيم، هذا المعنى ختم به الوحي، قل هو الله أحد، الله الصمد، تصمد إليه في كل شيء، لم يلد ولم يولد ولم يكن له كفواً أحد، ثم تستعيذ به من كل الشرور، ثم تستعيذ بالله من كل الشرور الخارجية مهما كانت في وقت في ظلمات أو داخلية.
إذاً القران لما يحدثنا عن الله سبحانه وتعالى وعن الأسماء والصفات، كما قلت، يحدثك عن الله في لحظات في المعارك. اقرا سورة الأنفال وابحث فيها عن الله، ماذا فعل الله؟ اقرا كده غزوة بدر في سورة الأنفال، شوف لما تقرا غزوة بدر في أي كتاب ولما تقراها في القران، تجد غزوة بدر في القران الله فعل كل شيء، ربنا دبر كل حاجة، حتى الميعاد أنتم ما كنتوش تعرفوا تعملوه، لو تواعدتم لاختلفتم في الميعاد، والرمي: ﴿وَمَا رمَيْتَ إِذْ رَمَيْتَ وَلَكِنَّ اللَّهَ رَمَى﴾ [الأنفال: 17]. كل شيء، حتى الخروج من البداية: ﴿كَمَا أَخْرَجَكَ رَبُّكَ مِن بَيْتِكَ بِالْحَقِّ وَإِنَّ فَرِيقًا مِّنَ الْمُؤْمِنِينَ لَكَارِهُونَ﴾ [الأنفال: 5]. كل حاجة ربنا اللي عملها، والسورة سورة الأنفال حزب أربع أرباع، ثلاث أرباع كله بيتكلم أن ربنا اللي عمل كل حاجة.
فين في آخر ربع ماشي: ﴿وَأَعِدُّوا لَهُم مَّا اسْتَطَعْتُم مِّن قُوَّةٍ﴾ [الأنفال: 60]. وحتى لما اتكلم عن الأسباب في آخر ربع، ربط الأسباب الأرقام ربطها بالإيمان. شوف الفرق ما بين الإنسان الرقمي اللي يععبد الدينار والدرهم والأسباب، لما بتقدم له خطاب بشري، كل خطابك الأسباب والأسباب والأسباب، طب وفي آخر الدرس يا جماعة بس مش عايزين أن إحنا خلينا نتوكل على الله، يا جماعة معلش يا ريت يا جماعة نتوكل، ما حدش ينسى التوكل. لا، القران ما عملش كده، القران عكس، القران ثلاث أرباع بيكلمك أن ربنا يفعل كل شيء، وفي الآخر بيقول لك خد بالأسباب، وكمان الأسباب ربطها بالإيمان: ﴿إِن يَكُن مِّنكُمْ عِشْرُونَ صَابِرُونَ يَغْلِبُوا مِائَتَيْنِ﴾ [الأنفال: 65]، ولما إيمانك بقل بتحتاج أنت عندك مشكلة.
فخطاب القران مختلف، هذا المؤمن اللي بيصنعه القران متصل بالله سبحانه وتعالى، فهو في الدعوة مختلف، في الحياة مختلف، في الأزمات مختلف، هو عنده تصور مختلف. فبيلقى الله سبحانه وتعالى يحدثه زي ما قلنا في المعارك، في القصص، في التاريخ، في الزمن، في المستقبل. أكتر حاجة بتشغل الإنسان المستقبل، أكتر كلمة بتخلي الإنسان دماغه ما بيعرفش ينام: طب وبعدين؟ طب وايه اللي هيحصل؟ قضية الغيب. شوف لما القران يطمئنك، كله بيد الله سبحانه وتعالى، كل الأمور بيد الملك سبحانه وتعالى، فخطاب القران بيصنع ذلك الإنسان الرباني ليس فقط على مستوى أنه يعرف أنه عبد وأن له رب، بل على مستوى الربوبية وعلى مستوى الألوهية، ثم يوله لهذا الإله، يضحي، يبذل، لأن هو خلاص بقى بيعامل ربنا، لما بيعفو عن الناس بيعفو لأن الله يعفو عنه، لما بيعيش في الحياة يفعل هذه العبادات يفعل أشياء عجيبة، لأنه خلاص بقى فاهم أنه بيعامل ربنا. لذلك ربنا بيقول: ﴿وَالَّذِينَ آمَنُوا أَشَدُّ حُبًّا لِّلَّهِ﴾ [البقرة: 165]، لأن هو بيعامل ربنا، بعكس الناس: ﴿وَمِنَ النَّاسِ مَن يَتَّخِذُ مِن دُونِ اللَّهِ أَندَادًا يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبًّا لِّلَّهِ﴾ [البقرة: 165].
فبقت عبادته لربنا مختلفة، لأن في ناس بتعبد ربنا مش عارفة ربنا فبتوقع: ﴿وَمِنَ النَّاسِ مَن يَعْبُدُ اللَّهَ عَلَى حَرْفٍ﴾ [الحج: 11]، ومن الناس اللي في الحج معطوف على قبلها في طائفتين: ﴿وَمِنَ النَّاسِ مَن يُجَادِلُ فِي اللَّهِ بِغَيْرِ عِلْمٍ وَلَا هُدًى وَلَا كِتَابٍ مُّنِيرٍ﴾ [الحج: 8]، ومن الناس من يعبد الله... إيه ده؟ يعني ناس معطوف على اللي بيجادل في الله، ما هو ده كان واقف على الحرف، طب ليه واقف على الحرف؟ ليه بيقع؟
بسهولة كده: ﴿وَمِنَ النَّاسِ مَنْ يَعْبُدُ اللَّهَ عَلَى حَرْفٍ﴾ [الحج: 11]، فإن أصابه خير اطمأَنّ؛ لأنه لم يكن مطمئناً بالله بل مطمئناً بالخير، هو من الأول داخل -والحديث في البخاري- هو داخل يجيب فلوس يبقى الإسلام حلو، ما جابش فلوس يبقى الإسلام وحش، هو ما عرفش ربنا.
لا، الذي يترك قلبه ليتعرض لمعاني الوحي، أول معنى يجعله يفيق: الحديث عن الله سبحانه وتعالى، أنا عايزك زي ما قلت لك كده أن تقرا القرآن وكأنك تراه؛ أنت ابحث عن أسماء الله، عن صفات الله، عن أفعال الله في القرآن.
دائماً أقول للأخوة من الأمثلة السهلة: سورة الأنفال وسورة الأنبياء، ابحث فيها: ماذا فعل الله؟ تعرف على ربك، أنت لو خرجت من الوحي من غير «الله الصمد»، ارجع فاقرأ فإنك لم تقرأ، فإنك لم تقرأ؛ زي اللي خرج من الصلاة كده بدون طمأنينة قال له: ارجع فصل فإنك لم تصلِ.
في معاني في الوحي ما ينفعش تخرج من غيرها، ده معنى مركزي، وبالتالي الإنسان المسلم الذي المعنى هذا عنده ضعيف، الذي الأسماء مطفية جواة هذا في خلل، لذلك بعض العلماء قال: 99 اسماً أصلاً موجودين في الوحي.
الذي ينور لك بصدرك هو الوحي، يعني ما فيش كتاب تاني هيكلمك عن الله بهذه الطريقة، بالطريقة اللي فيها نوع من السرد والقصص والمعاني واقتران الأسماء والصفات، فيكلمك عن العزيز، ويكلمك عن العزيز الحكيم، ويكلمك عن العزيز العليم، ويكلمك عن الوهاب والعزيز، فهو بيكلمك بصورة مثاني؛ يكرر لك المعنى وينوع ومفصل ﴿كِتَابٌ فُصِّلَتْ آيَاتُهُ﴾ [فصلت: 3]، في تفصيل وفي تكرار في تثنية للمعاني، كل ده يطوف حول الكلام عن الله سبحانه وتعالى.
يبقى إذاً الوحي يصنع -أول ما يصنع- ده سمة في المسلم المتلقي للوحي، أول ما يصنع ذلك الإنسان المتصل بالله، أول ما نزل على النبي صلى الله عليه وسلم: اقرأ، ها! مش هتعرف تقرا لوحدك، مش هتعرف تعيش لوحدك، مش هتعرف تكملها لوحدك، المسلم فاهم أن كل حاجة باسم ربك، المسلم فاهم أن قبل ما يقرا يقول: «بسم الله الرحمن الرحيم»، هو فاهم كده مش هتمشي من غير ربنا، ﴿اقْرَأْ بِاسْمِ رَبِّكَ الَّذِي خَلَقَ * خَلَقَ الْإِنْسَانَ مِنْ عَلَقٍ﴾ [العلق: 1-2]، ربك هو اللي كريم، ﴿اقْرَأْ وَرَبُّكَ الْأَكْرَمُ * الَّذِي عَلَّمَ بِالْقَلَمِ﴾ [العلق: 3-4] أنت جاهل ربنا هو اللي علم، ﴿عَلَّمَ الْإِنْسَانَ مَا لَمْ يَعْلَمْ﴾ [العلق: 5]، دي مقدمة القرآن، يعني ما فيش أوضح من كده.
القرآن بيقول لك: الله هو الذي خلق، الله قدير، الله عليم، الله رحيم، وبيقول لك أنت محتاج لربنا، المصيبة: ﴿كَلَّا إِنَّ الْإِنْسَانَ لَيَطْغَى * أَنْ رَآهُ اسْتَغْنَى﴾ [العلق: 6-7]، أول ما يستغني عن ربنا هو ما عادش هيشوف الوحي، لذلك ربنا بيقول من أهم الموانع لفهم الوحي: الكبر، ﴿سَأَصْرِفُ عَنْ آيَاتِيَ الَّذِينَ يَتَكَبَّرُونَ﴾ [الأعراف: 146]، أهم موانع: ﴿إِنْ فِي صُدُورِهِمْ إِلَّا كِبْرٌ مَا هُمْ بِبَالِغِيهِ﴾ [غافر: 56]، اللي مانع نزول المعاني هذه على الصدر هو الكبر؛ الكبر بيخليه مش عايز يشوف نفسه على حقيقته، مش عايز يعرف أنه عبد ضعيف، في حين أن الخطاب ممكن يرجَم كده زي سورة النجم.
يعني سورة الجزء أصلاً بتاع سورة «ق» هذا، بتاع الجزء «ق» والذاريات والطور والنجم، ده إيه ده؟ صواعق زلازل، ﴿وَالطُّورِ * وَكِتَابٍ مَسْطُورٍ﴾ [الطور: 1-2]، يعني حتى ممكن يكون المعنى مفتوح يخلي العقل بيسموها يذهب فيه كل مذهب، طب ده إيه؟ ده القدر ولا الشرع؟ مين اللي بيقسم بالحاجات دي؟ إيه البيت المعمور؟ إيه العظمة اللي فيه؟ وآيات النجم المتتالية.
لذلك هم سجدوا في آخر النجم ثم جحدوا، هو عرف أن ده كلام مختلف له أثر مختلف، خلاه لا يتمالك ويسجد، يعني زي ما السحرة لما شافوا الآية لم يتمالكوا فسجدوا، كذلك آية القرآن أعظم، وده حديث النبي صلى الله عليه وسلم: «ما من نبي أُتي من الآيات إلا على مثله آمن البشر، وإنما الذي أُوتيتُه وحياً أوحاه الله إليَّ، ولو أن قرآناً سيِّرت به الجبال أو قطعت به الأرض أو كُلِّم به الموتى...» الجواب قيل محذوف، أي لكان هذا الوحي، أثر الوحي أعظم من ذلك.
فإذاً القرآن، كما قلت حتى في دعوتك الأول مع نفسك، القرآن بيقول لك دي أمانة بحملك المسؤولية، ونتكلم عن ده إن شاء الله، القرآن في دعوتك بيقول لك: أنت عبد مبلغ، لازم تفهم أن اللي أنت بتدعو ده -غير المسلم اللي انت بتدعو ده أياً كان هو مين- لازم تفهمه أن معركته مع ربنا مش معاك، والكافر خد بالك بتقول له: أنت كده واقف مع الشيطان، ﴿وَكَانَ الْكَافِرُ عَلَى رَبِّهِ ظَهِيرًا﴾ [الفرقان: 55]، أنت بتظاهر الشيطان ضد ربنا، خد بالك مالكش دعوة بيا.
المهم في الدعوة أن شخصية الداعية تكون حضورها قليل، ويكون الكلام عن ربنا كتير، النبي صلى الله عليه وسلم قال عن اللي يخطب الجمعة: أمتى يكون فقيه؟ لما يقول كلام قليل ويصلي صلاة طويلة، الخطبة تبقى قصيرة ويطيل الصلاة، قال: «ذلك مِعْرَفَة من فقه الرجل»؛ لأن هو حضوره قليل، فبالتالي خطاباتنا لازم يكون تدخلنا فيها قليل، ونعرض الناس للوحي أكتر؛ لأن احنا هنتسأل، أي داية هتسأل يوم القيامة زي ما ربنا سأل، شوف مثلاً احنا بنتكلم عن خطابات العزة في المائدة، شوف آخر ربع في المائدة عجيب.
يوم يجمع الله أفضل الخلق، يوم يجمع الله الرسل ويسألهم: ﴿مَاذَا أُجِبْتُمْ قَالُوا لَا عِلْمَ لَنَا﴾ [المائدة: 109]، بعض العلماء بيقول هم قالوا لا علم لنا ليه؟ بعضهم قال من الفزع، بعضهم قال يعني من بعد ما متنا ما نعرفش إيه اللي حصل ما نعرفش، شوفوا ربنا بيقول لسيدنا عيسى: ﴿أَأَنْتَ قُلْتَ لِلنَّاسِ اتَّخِذُونِي وَأُمِّيَ إِلَهَيْنِ مِنْ دُونِ اللَّهِ﴾ [المائدة: 116]، كل واحد هيسأل في الدعوة: أنت قلت للناس كذا وكذا؟ أنا قلت لك تقول كذا؟ مين اللي هنوء؟ اللي قال: ﴿مَا قُلْتُ لَهُمْ إِلَّا مَا أَمَرْتَنِي بِهِ﴾ [المائدة: 117]، أنا عبد أنا بلغت.
خطورة التدخل في تغيير الخطاب الدعوي؛ لأنه هيغيِّر في شكل الناس، القرآن يصنع المسلم ده، أنت لما بتغيِّر في الخطاب بتصنع واحد رافض حكم ربنا، فممكن الإنسان يساهم في إفساد الناس وهو بيغيِّر في هذا في خطاب الوحي، لذلك القرآن يصنع انساناً مختلفاً يخلقه خلقاً آخر، يصنع مسلماًَ كما قلت يخوض هذه الحياة بالله وإلى الحياة، ﴿اهْدِنَا الصِّرَاطَ الْمُسْتَقِيمَ﴾ [الفاتحة: 6]، يغيِّر وجهته ويأخذ هذه الحياة مع الله سبحانه وتعالى.
الخطابات الأخرى، كثرة أنك تسمع خطابات تانية، تصنع إنسان أرضي، إنسان في حجب بينه وبين الله سبحانه وتعالى، يبقى إذاً القرآن تخرج منه بخط فاصل واضح فرقان بين الرب والعبد، ده معنى كما قلت ما ينفعش يبقى ضبابي.
القرآن يعني مثلاً بعض العلماء كان يرى ده اجتهاد يعني نوع من التحليل التاريخي لنشأة الشرك وظهور الشرك، يرى أن أصل الشرك نشأ من عبودية الملائكة، بعض العلماء يرى استقراء تاريخي -سواء نظر في الوحي أو في التاريخ- بيقول إن من اصول الشرك في العالم أن الناس اتجهت لعبودية الملائكة، فبيقول: ولذلك، طب القرآن يعالج ده إزاي؟ ولذلك أكثر القرآن من عبودية الملائكة، يعني مش بس هننشر على مستوى رد الشبهة، لا، اللي أنت رايح بتعبد ده ده عبد لله سبحانه وتعالى.
لذلك سورة المائدة كما قلت سورة عظيمة، السورة اللي بتأتي بـ ﴿لَقَدْ كَفَرَ الَّذِينَ قَالُوا﴾ [المائدة: 17، 73] وفي نفس الوقت تديك تشريعات، شوف انت كده تخيل انك داخل، أنت هتستخلص المائدة من أول لحظة ربنا يقول لك إيه اللي تاكله وإيه اللي ما تاكلوش، تاكل ده وده ما تاكلوش، وينفع تتجوز دي وما ينفعش تتجوز دي، يحدثك عن طعامك وعن نكاحك وعن وضوءك، تعامل إزاي مع الماية ومع التراب؟ يديك: أنت عبد.
لذلك من الأول بدات بـ: ﴿يَحْكُمُ مَا يُرِيدُ﴾ [المائدة: 1]، وختمت بـ: ﴿لِلَّهِ مُلْكُ السَّمَاوَاتِ وَالْأَرْضِ وَمَا فِيهِنَّ وَهْوَ عَلَى كُلِّ شَيْءٍ قَدِيرٌ﴾ [المائدة: 120]، فتخيل القرآن يعيد صياغة المسلم من أول، تخيل كده سورة واحدة كده عيش مع سورة المائدة ويكلمك عن العلاقات ويسمح لك تتجوز من أهل الكتاب وفي نفس الوقت يقول لك عقيدتهم كذا.
وبعدين يقول لك: أي مجتمع ينزع منه الوحي؟ ﴿إِنَّا أَنْزَلْنَا التَّوْرَاةَ فِيهَا هُدًى وَنُورٌ يَحْكُمُ بِهَا النَّبِيُّونَ﴾ [المائدة: 44]، ويجيب وبعدين يقول لك: ﴿وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الْكَافِرُونَ﴾ [المائدة: 44]، الوحي لما ينزع، الوحي ما ينفعش تشوف الحياة من غير وحي.
اللي بعدها القصاص، لو الوحي نزع في القصاص ده ظلم ولا يحكم الله: ﴿وَمَنْ لَمْ يَحْكُمْ بِمَا أَنْزَلَ اللَّهُ فَأُولَئِكَ هُمُ الظَّالِمُونَ﴾ [المائدة: 45]، ولو المواعظ لأن الإنجيل فيه مواعظ، نزعت هينتشر الفسق، قاعد بيقول لك خطورة أن انت تشيل آيات، أنت خطورة غياب الآيات في نفس السورة: ﴿يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ﴾ [المائدة: 67].
العلماء بيقولوا معنى الآية: بلغ كل ما أنزل إليك من ربك، ﴿وَاللَّهُ يَعْصِمُكَ مِنَ النَّاسِ﴾ [المائدة: 67]، وإن لم تفعل أي وإن لم تبلغ كل ما أنزل إليك من ربك فما بلغت رسالته، دي مش رسالة ربنا، أنت بلغت رسالة تانية، لو شوهت وغيرت وجزأت وعدّلت وأضفت حاجات دي مش الرسالة بتاعة ربك، فما بلغت رسالة، أنت بلغت رسالة إيه؟ لكن رسالة الله كما أنزلت، ﴿وَلَوْ تَقَوَّلَ عَلَيْنَا بَعْضَ الْأَقَاوِيلِ * لَأَخَذْنَا مِنْهُ بِالْيَمِينِ * ثُمَّ لَقَطَعْنَا مِنْهُ الْوَتِينَ﴾ [الحاقة: 44-46].
محاولات: ﴿ائْتِ بِقُرْآنٍ غَيْرِ هَذَا أَوْ بَدِّلْهُ﴾ [يونس: 15]، محاولات: شوف لنا حاجة غير ده، غير الوحي ده الثقيل ده، لذلك ولعل -لو معانا وقت- نتكلم في مسألة الوحي لما بينزع من الحياة، أنت بقيت تشوف الحياة مختلفة، زي فكرة العلمانية، أنت دي العلمانية دي نظرة تانية للحياة خالص، يعني أنت كده قلعت نظارة القرآن اللي بتكلمك عن الله اللي فيه القرآن في مقدسات بيكلمك عنها ولبست نظارة تانية خالص، فبقيت تشوف المجتمع -عارف أنت- عايز أضرب لك مثاله: لما تلبس نظارة، تيجي أنا لبست نظارة كده في المسجد فشفت عواميد مربوطة ببعض بشكل معين وشفت اللي داخل العواميد ماسكين إزاي وشفت الرسمة وشفت.
قمت قارع النظارة دي ولبست نظارة تانية رسمت لي العواميد بشكل مختلف تماماً مربوطة بشكل، غيرت لي الشكل اللي أنا شايف بيه، هو كده بالضبط، في ناس لما تقلع نظارة الوحي وتلبس نظارة تانية، هي بتشوف العالم بصوره مختلفة، العلاقات بتشوفها بصورة مختلفة، ما عادش بيصنع مثلاً الانتماء لأمة الإسلام.
يبقى أثر هذا المعنى في الإنسان، هذا المعنى اللي في الحديث عن الله يغير من أخلاقه، شوف لما ربنا يقول: ﴿بَلْ يَدَاهُ مَبْسُوطَتَانِ يُنْفِقُ كَيْفَ يَشَاءُ﴾ [المائدة: 64]، أنت قاعد بتسمع عن سعة خزائن رحمة الله، المعنى هذا يسري فيك، الإنسان الأصل في أن إيده مقبوضة، يقبض يده، النبي صلى الله عليه وسلم لأنه كان يتخلق بالقرآن وكان خلق القرآن، كان يأتيه جبريل فكان يبسط يده بالعطاء، سرت فيه هذه الروح فكان أجود ما يكون في رمضان، هنا شوف أظهر الوحي على النبي صلى الله عليه وسلم في رمضان.
خلاص انت قاعد بتسمع عن خزائن الله، عن عطاء الله، عن سعة الله، يعني خلي من الـ 99 اسم، امسك اسم الله «الواسع»، دور عليه في الوحي، بدل ما نقعد ندرس الاسم لوحده كده لغة في المعجم وندرسه، لا، أنا عايزك تعيش مع الواسع في القرآن، شوف الواسع بيعمل إيه، وشوف المواطن اللي جه فيها الواسع وعجيب جداً مواطن في الجهاد وفي الاصطفاء وفي الأزمات، في الطلاق وفي العطاء وفي الفقر، إيه ده؟
خلاص انت بتحس أن الحياة، أنت لبست نظارة تانية، أنت ما عادش شايف الدنيا ضيقة، أنت قبل ما تعيش مع معنى الواسع، اسم الله الواسع، أنت الحيطان ضاغطة عليك ومش شايف والدنيا ضلمة ومالهاش حل ومقفولة وعايز تعمل في نفسك حاجة ومضايق، لا، لما تعيش مع اسم الله الواسع في الوحي حاجة تانية، أنت بقيت عايش، أنت طلعت للسماء، أنت ما عادش قدامك أي حواجز، لا عاد قدامك جبال ولا عواميد، ولا أنت خلاص بقيت شايف الأفق، خلاص أنت بقيت عندك: ﴿لَنْ تَنْفَدَ كَلِمَاتُ اللَّهِ﴾ [لقمان: 27]، كل حاجة مش ليها حل، كل حاجة ليها ألف حل، ما فيش حاجة اسمها قفلت، ما فيش حاجة اسمها يأس، ما فيش حاجة اسمها قنوط.
خلاص أنت ارتقيت في العلاقة، ده واحد كان قاعد قدامه سور مش عارف يشوف منه، القرآن رفعه فوق كده، نظر إلى السماء فرأى من آيات ربه الكبرى، لا، ده بقى إنسان مختلف بيعيش حياة مختلفة، هكذا يصنع الوحي بهذا الخطاب الرباني.
المعنى الثاني المركزي -هما معنيين كبار وبعد كده حاجات تانية- المعنى الثاني في القرآن اللي انت لو سالت أي حد ملحد، كافر، شد جيبي، القرآن ده إيه الأساسيات اللي فيه؟ هيقول لك الدار الآخرة.
القرآن كما أنه يصنع إنساناً ربانياً يصنع إنساناً أخروياً، أول حاجة لازم تؤمن بالغيب: ﴿وَبِالْآخِرَةِ هُمْ يُوقِنُونَ﴾ [البقرة: 4]، موضوع عنده يقيني، المؤمن لأنفسهم يمهدون، المؤمن قضية الآخرة مش بس قضية دي قضية مركزية أساسية عنده، القضية دي بتكمل له نظرته للحياة.
فالمؤمن لما بيكون كائن أخروي ما بيحصلوش ارتباك في الأزمات، يعني في الزلازل، في الأمراض زي كورونا، في الحروب زي غزة، انتشار الدماء، ما بيحصلوش ارتباك؛ لأنه خلاص متصل بالله وبالدار الآخرة، الله قادر على كل شيء، وكده كدة في ﴿مَالِكِ يَوْمِ الدِّينِ﴾ [الفاتحة: 4]، وأنا لله.. ده المعنى الأول، ﴿وَإِنَّا إِلَيْهِ رَاجِعُونَ﴾ [البقرة: 156] ده المعنى الثاني.
النبي صلى الله عليه وسلم لما يحفز الناس يقول له: «من كان يؤمن بالله واليوم الآخر»، دول العينين اللي أنا بتحرك بيهم في الحياة، دول ما يخلونيش أحس بارتباك في أي مشهد، ولا ليه وإزاي؟ ولا ده حصل ليه؟ ودول ماتوا ليه؟ ودول اتغلبوا ليه؟ ودول خلاص، ما عادش عندي الأسئلة المربكة دي، ما عادش عندي الارتباك ده، خلاص.
في مرة كنت يعني في مطار كده ولابس الإحرام يعني رايح أعمل عمرة، فلقيت واحد جنبي كده ما كنتش منتبه له يعني أجنبي، فلقيته كان في أذان.
شغال. المهم بدأ الحوار، بيقول لي: ده إيه الصوت ده؟ كان بيحسبوا صوت امرأة يعني، هو صوت شاب، كانت مش كنا قاعدين في مصر يعني. فبيقول لي: ده صوت امرأة؟ قلت له: لا، ده صوت شاب. طيب يعني، فقال: ده اسمه إيه ده؟ الأذان. المهم إيه، قعد يسأل، فقعدنا نتناقش: انت منين؟ مش عارف، قال لي: من السويد. عايز أقول له: ملتك إيه يعني؟ انت ملحد؟ لا. قلت له: لا أدري، إيجنوستيك؟ أيوه. طب أنت ربوبي؟ لا يا عم، حيرتني، خلصت اللي أنا عارفهم، ملتك إيه؟ قال لي: أنا يعني موضوع الدين مش إنترستد بصراحة قوي يعني، بس عموماً يعني إيه مش في المجموع يعني، مش... قلت له: أمَّال إيه يعني؟ قال لي: أنا المذهب الإنساني، هونست، راجل شايف إن الإنسانية هي الحل للحياة ديت، وهو حتَّى قعد يكلمني منفعل من ترامب واللي ترامب بيعمله، ده نوع من أنواع البلطجة والعنف.
فقلت له: طب أنت إيه مشكلتك مع الدين؟ قال لي: الدين بيدعو للجهل، الدين بيدعو للكبت، الدين بيدعو للحروب، دول الثلاث مشاكل اللي عنده مع الدين يعني. لقاء عابر ما أخدش ربع تلت ساعة يعني. فالمهم إيه، الحمد لله وفرنا جزء من الحوار، لما قال لي: انت شغال إيه؟ قلت له: ده أنا مدرس في كلية الطب. إيه ده؟ بجد! ازاي ومش عارف إيه؟ قعدنا نتكلم. فبعدين جينا بقى عند فكرة الدين والحروب، قال لي: الإنسانية هي الحل. قلت له: طيب، أنت مش حاسس إن الواقع مش هيمشي زي ما أنت عايز؟ ده الواقع أهو، في حروب وفي دماء، وفلسف لي كده، حلها لي طيب، هتبقى ازاي؟ هات لي من منطلقك اللي يقول لي إن دي الحياة تمشي كده ازاي؟ طب ما أنا كده واحد انتحر بقى، القوي يبلطج وبيعمل اللي هو عاوزه وخلاص، والناس ماتت، الإنسانية هتعمل لهم إيه يعني؟
فقلت له: أنت عندك مشكلة، انت في تضارب بين رؤيتك وبين اللي بيحصل في الواقع، أنا ما عنديش تضارب. القرآن بيخليك منسجم، ما عندكش أزمات، ما تحسش بنوع، وده ليه يحصل؟ وارتباك؟ لأن الإنسان لو ما بيعيش في واقع مش مش مفهوم بالنسبة له بيحصله ارتباك يعني، فعلاً ممكن ينتحر، هو مش قادر يقبل، مش قادر يفهم اللي بيحصل. قلت له: إيه؟ أنت عندك كونفليكت، ما عندكش إجابات على اللي بيحصل، أنت عندك مثاليات آه؛ لما الإنسانية تسود، ولما الإنسانية تقضي على القواعد، ولما الإنسانية توصل للمثاليات، الناس تحب بعضها، ومين ده يحصل؟ قال لي: ده مش هيحصل ولا عمره هيحصل. والحروب اللي قامت فيها دينيه وفيها ملائكة وفيها كل حاجة.
لازم تركب كده في منظومتك اليوم الآخر، هتلاقي جزء كبير من المشاكل اتحل، جزء كبير من أزماتك، وفلان اللي ضايقك وانت ما قعدتش تعرف تجيبه، والازمة النفسية اللي أنت مريض بيها وما حدش حاسس بيك، والضائع مش عارف تعبر عنها أصلاً، والظالم، كل ده جزء كبير لما تركب مربى بعد الدار الآخرة تهدى، ﴿وَإِنَّا إِلَيْهِ رَاجِعُونَ﴾ [البقرة: 156] تهدأ، خلاص بيبقى عندك مكون من مكونات تفكيرك بيفهمك اللي بيحصل ومريح، ده سبع معاني الوحي ﴿مَالِكِ يَوْمِ الدِّينِ﴾ [الفاتحة: 4]، السبع المثاني في سورة الفاتحة اللي أنت بتكررها، لازم بعد الرحمن الرحيم تقول مالك يوم الدين، وإلا أنت هتحس إن الكون ما فيش فيه رحمة، ﴿كَتَبَ رَبُّكُمْ عَلَى نَفْسِهِ الرَّحْمَةَ لَيَجْمَعَنَّكُمْ إِلَى يَوْمِ الْقِيَامَةِ﴾ [الأنعام: 12 و54] سورة الانعام.
أنت من غير المعنى الخرافي ده أنت يحصل لك تشتت، ما تعرفش تكمل في الحياة، ما تعرفش، ما تعرفش تحيط بالعوامل اللي في الحياة، العوامل اللي في الحياة ما تقدرش تحيط بها، ففي مكون القصة ما خلصتش. المشهد اللي كانوا مع غلام الأخدود وآمنوا به وبيلقوا في الأخدود في النار، ده مش مشهد النهاية، فأنت بالتالي عشان ما يحصل لكش حالة الضغط ده. لسه مالك يوم الدين سبحانه وتعالى، قال: مجدني عبدي، فوض إلي عبدي، لما بتقول في الفاتحة أنت بتفوض إلى الله سبحانه وتعالى؛ لسه القصة ما خلصتش، أنت فكرة الاحتساب إيماناً واحتساباً ازاي مؤمن يعمل ده من غير دار آخرة؟ فمعنى الآخرة معنى مركزي، ويكشف لك المعنى الآخر ده، ربنا بيقول لك إن أهم اختبار في الحياة ﴿إِنَّا جَعَلْنَا مَا عَلَى الْأَرْضِ زِينَةً لَّهَا﴾ [الكهف: 7] ليه؟ أهم ابتلاء لنبلوهم أيهم أحسن عملاً، هتعمل إيه في الزينة دي؟ يعني من المواضيع المركزية في سورة الكهف معنى الزينة تكررت فيها ثلاث مرات، والرشد أربع مرات، يعني أنت محتاج الرشد لتتعامل مع هذه الزينة، ﴿فَإِنْ ٱنَسْتُم مِّنْهُمْ رُشْداً فَادْفَعُوۡا إِلَيْهِمْ أَمْوَالَهُمْ﴾ [النساء: 6].
أنت عشان ما تفتنش بزينة محتاج رشد، ربنا بيقول لك الحقائق هي الحياة الدنيا ﴿لَعِبٌ وَلَهْوٌ﴾ [الحديد: 20] الأول؛ الأول أنت بتلعب شوية، اللعب بدا يطول وياخدك بقى، اللعب يتحول إلى إيه؟ لهو شوية، اللهو حلو بقى إيه؟ بقى زينه، بعد كده الموضوع علب بايه؟ بتفخر، بعد ما كان لعب بقى تفخر بينكم وتكاثر في، ده بقى منافسات، الموضوع كان بادئ شوية لعب، بعد كده اتشغلت بيه، بعد كده الموضوع زينة، بعد كده أنت عايش حياتك كلها ﴿أَلْهَكُمُ التَّكَاثُرُ * حَتَّى زُرْتُمُ الْمَقَابِرَ﴾ [التكاثر: 1-2]. عشان ما تقعش في الحفره دي، تلاقي القرآن بيكلمك عن الآخرة بصورة مركزية. لما أنا أحب أعمل تقييم لأي خطاب دعوي، وألاقي الدار الآخرة فيه مذكورة في الخطاب الدعوي ده، لما تروح لأي خطاب دعوي أياً كان من اللي بيقدمه، وتجيب الخطاب؛ لأن الخطاب الدعوي لما بيقيم بيقوم على مدار السنين عشان ما نظلمش، أنت بتجيب مثلاً خطاب قدم على مدار عشر سنوات أو كتب كتبت لشخص، وشوف الدار الآخرة فيه قد ايه، لما تلاقيها ضعيفة جداً وغالب الكلام ما فيش في دار آخرة، لا، مش ده خطاب الوحي، هذا ليس خطاباً نابعاً من الوحي.
خطاب الوحي مختلف، ودايماً قرآن بيعرفك يعني الفرقان جه بعدها الشعراء، يقول لك الفارق ما بين خطاب الأنبياء وخطاب الشعراء لازم تبقى عارف، خطاب الأنبياء: ﴿وَذَكَرُوا اللَّهَ كَثِيرًا﴾ [الشعراء: 227]، خطاب الشعراء ما فيش الكلام ده، ﴿وَأَنَّهُمْ يَقُولُونَ مَا لَا يَفْعَلُونَ﴾ [الشعراء: 226]. التانيين: ﴿إِلَّا الَّذِينَ آمَنُوا وَعَمِلُوا الصَّالِحَاتِ وَذَكَرَ اللَّهَ كَثِيرًا﴾ [الشعراء: 227]. فبالتالي لا، الخطاب القرآني، المعنى الأخروي فيه حاضر. أحياناً القرآن يتجاوز النهاية الدنيوية، ﴿هَذَانِ خَصْمَانِ اخْتَصَمُوا فِي رَبِّهِمْ﴾ [الحج: 19] فالذين كفروا على طول قطعت لهم ثياب، المؤمن في مكة أتربه؛ إنه مش لازم ينتصر النتيجه ينتظر نتيجة دنيوية، فما كانش مرتبك، قالوا: ﴿فَمَا لَنَا﴾ [المائدة: 84] قال: الجنة، خلصت، أنا راضي بايع؛ لأن هو بالأصل يعلم أن الدنيا ليست في الأصل دار جزاء، فبالتالي هو مش مرتبك مع كل موقف، وإيه اللي يحصل؟ طب وبعدين؟ طب ولو رحنا الحبشة وما نفعتش؟ طب ولو رحنا الطائف وما نفعتش؟ طب ولو المدينة؟ طب وما حصلش؟ طب احنا اتهزمنا في أحد خلاص راجعين الدماء تسيل منهم، وفقدوا أعز الناس في أحد، ويقول صلى الله عليه وسلم: «استووا حتى أثني على ربي». ما فيش اهتزاز لا بالله ولا باليوم الآخر، دي دي مركزيات.
المنافِق نفسه فاهم إن المؤمن عنده موضوع الله واليوم الآخر ده، فلما بيجي يقول إيه: ﴿وَمِنَ النَّاسِ مَن يَقُولُ آمَنَّا بِاللَّهِ وَبِالْيَوْمِ الْآخِرِ﴾ [البقرة: 8] يعني بحب، بيبقى عايز مؤمن؛ أنا عارف إن أنت بتحب موضوع الله والدار الآخرة، أنا برضه زيك، هو فاهم إن ده مركزي عند المؤمن، لذلك كما قلت قال صلى الله عليه وسلم في أكثر من حديث: «من كان يؤمن بالله واليوم الآخر». يبقى القرآن المسلم اللي بيصنعه القرآن مسلم متصل بالله، الأسماء الحسنى منورة في صدره، علاقة الأسماء بالوحي علاقة؛ لأن هو هو الذي تكلم بهذا الكلام.
النبي صلى الله عليه وسلم يقول: «ما أصاب أحداً قط هم ولا حزن إلا قال: اللهم إني عبدك»، فقال: «اللهم إني عبدك ابن عبدك ابن أمتك، ماض في حكمك، عدل في قضائك». الأول الاستسلام التام على المستوى التشريعي والمستوى القدري، يا رب أنا مسلم هنا، أنت بتشيل حاجز الكبر عشان تفهم الوحي، أنت الأول شلت الكبر، بعد كده: «أسألك بكل اسم هو لك». الغريب إن الحديث بدا بواحد زعلان مهموم، الحديث بدا بكده، واحد زعلان ومهموم، والنبي صلى الله عليه وسلم هيقدم له دعاء يشيل عنه الحزن ده، فكان متوقع: ما أصاب أحداً قط هم ولا حزن إلا قال: اللهم اصرف عني هذا الهم والحزن، فصرف الله عنه. لا، شوف بقى ازاي رحله صرف الهموم عن الإنسان استسلام تام لله، طبعا «إني عبدك، ابن عبدك، ماض في»، بعد كده الأسماء الحسنى بقى: «أسألك بكل اسم هو لك سميت به نفسك، أو أنزلته في كتابك، أو علمته أحداً من خلقك، أو استأثرت به في علم الغيب عندك، أن تصرف عني الهم والغم».
لا، ما أنت لو قلت: أن تصرف عني الهم والغم، هيبقى صرف مؤقت، أنت عايز النور المفتوح دايماً، أنت عايز تبقى الشمس جوة مش برة، أنت عايز النور داخلي: «أن تجعل القرآن ربيع قلبي، ونور صدري، وجلاء حزني، وذهاب همي»، كده خلاص، بعد القرآن ربيع الصدر، نور الصدر، ربيع القلب ونور الصدر، خلاص يذهب الهم والحزن، ويجلى الحزن. إلا صرف الله عنه، فالعلاقة بين الوحي وبين الأسماء الحسنى؛ لأن هو الذي تكلم بهذا الكلام سبحانه وتعالى، وكما قلنا: كل كلام يحمل وصفات قائلة، لذلك الكلام. وده كنا اتكلمنا فيه في درس مميزات الخطاب القرآني، كل محاولات التلمس بين الفرق بين خطاب الله، كلام الله وكلام البشر، لازم تدور حول المعنى ده، واللي قاعدين يتكلموا، الكتب العظيمة اللي كتبت في التراث عندنا في مسألة إعجاز القرآن، بعدين البلاغي، النفسي، البياني، المستقبلي، الغيبي، يعني عمال بيدور؛ لأن هو كلام الله سبحانه وتعالى.
طيب، بعد ما الوحي يصنع الإنسان المتصل بالله الأخروي، والحجرين الأساس دول اللي يبقوا مستقرين جواه، ممكن بقى هنا يكلمهم عن الأخلاق، وكلمهم عن التشريعات، هيكون تغيير الإنسان مختلف. لذلك كنت في مرة دعيت لمحاضره عن طريقة القرآن في الحديث عن الأخلاق، فكانت الفكرة أن يا جماعه لما بتيجي تقرا مذاهب الأخلاق وطريقة كل فيلسوف قاعد: طب إيه يعني الخلق الجيد أصلاً؟ هل اللي بيجيب منفعة، ولا اللي بيجيب لَذَّة، ولا اللي بيفيد المجتمع، ولا بيعود عليّ بالمصلحة، ولا اللي فيه التزامات وخلاص، ولا اللي بيضع حدود؟ ونظريات الأخلاق كتير، تجد أن القرآن قبل ما يعيشك في قضية الأخلاق يكلمك عن الإيمان بالله. اقرأ سورة الحجرات، شوف ازاي الحجرات بتتكلم عن الأخلاق قبل ما تكلمك عن أخلاقك مع الناس، بتقول لك: ﴿لَا تُقَدِّمُوا بَيْنَ يَدَيِ اللَّهِ وَرَسُولِهِ﴾ [الحجرات: 1] لازم أكلمك عن الإيمان. السورة 18 آية، جذر الإيمان فيه 15 مرة تقريباً. هتجيب هتحافظ على أخلاقك ازاي بدون إيمان؟
فبالتالي طريقة القرآن في الحديث عن الأخلاق عن الإيمان، وبعدين عن الدار الآخرة؛ لأن يا جماعة ما فيش مجتمع بيمشي بالقوانين بس، لذلك تجد أن القرآن حينما يحدثك عن العلاقات الاجتماعية، عن علاقة المجتمعات ببعض، عن الناس مع بعض، ﴿وَإِن طَائِفَتَانِ مِنَ الْمُؤْمِنِينَ اقْتَتَلُوا﴾ [الحجرات: 9] عن الطلاق والزواج والبيوع، لازم يكلمك عن رقابة الله، لازم، وده عايز درس لوحده (يعني أنا عاملين درس اسمه طريقة القرآن في في الأحكام الشرعية، الطلاق نموذج). ممكن عايزين نعمل بقى درس عن كل المعاملات الاجتماعية أو المعاملات الاقتصادية، تجد الله عليم ومطلع ورقيب في ده؛ لأن مش هتمشي قوانين بس، المحاكم مليانة قضايا، والمحامين عارفين الثغرات، حلها مشكلة بين راجل وزوجته، هتتحل ازاي؟ والله ده حصل، والله ما حصل، هنركب بقى كاميرات مراقبة، ونحط مع كل واحد واحدة قاضي في البيت، هيتجنن، يعني مش هيحلها ولا حاجة، يعني ما لهاش حل. لذلك يقولوا إن كثرة القوانين في مجتمعات ده علامة ضعف المجتمع ده، كتر الكتب والكلام والقوانين في مجتمع علامة ضعف رقابة المجتمع ده.
فالقران لما بيحلها بيقول لك: حط قوانين، وبيضع عقوبات، بس بيعرفك إن في معنى من الرقابة الذاتية لازم يكون موجود ويدندن عليها الوحي. فبالتالي القرآن لما يصنع الإنسان الأخلاقي ده، صنع الأول الرباني الأخروي الأخلاقي، لما بيتكلموا عن الأحكام التشريعية صنع الإنسان الرباني الأخروي اللي بيسمع الأحكام التشريعية، فالكلام عن الله وعن دار الآخرة مهد الإنسان لقبول الأخلاق والتشريعات. لذلك أمنا عائشة قالت: أول ما نزل من القرآن سور من المفصل، ولذلك احنا بفضل الله اخترنا نشرح المفصل في البرنامج الجديد اللي هو هدى للناس، ليه؟ عشان دي البداية، دي اللي بتسفلت المجتمعات، تخليها تقبل بسهولة.
أمُّنا عائشة تقول رضي الله عنها: ولو كان أول ما نزل لا تشربوا الخمر لقالوا: لا ندع الخمر أبداً. طب ازاي لما... يعني ازاي أمنا عائشة بتقول لك لو كان أول حاجة لا تشربوا الخمر هيقولوا والله ما سايبينها، طب مش هيقول والله، مش هيحلف يعني مش سايبينها، لا ندعو الخمر أبداً. طب ازاي لما قال لهم تتركوا الخمر صبوا الخمر كده في طرقات المدينة؟ تخيل المشهد من أغلى ما يملكون وأنفس ما يملكون وتترمى كده في طرقات المدينة. النبي صلى الله عليه وسلم ينزع الخاتم الذهب من واحد ويرميه، ما يروحش ياخده، إيه ده؟ ده حصل ازاي يعني؟ شيء عجيب، أصعب حاجة التعامل مع البشر واللي عنده عيال فاهم كويس يعني، أص... يعني عايز تغيره، تغيره ازاي؟ مش انت عمال هتغير البشر ده ازاي يتغيروا كده يعني؟ ازاي حصل التغيير من لا ندع الخمر أبداً لأن تسكب الخمر في طرقات المدينة؟ بس واحد يعدي بس يلف، نادى منادي رسول الله صلى الله عليه وسلم أن الخمر قد حرمت وخلاص، مجهود إعلامي توصل الرسالة وخلاص، ده حصل ازاي؟ الخلافات والحمية والعصبية والقبلية.
اللي كانت موجودة والخلافات اتَحَلّت إزاي؟ إزاي وصلوا إنما المؤمنون إخوة مش بعصا سحرية، بمراحل كتير، ويختلف، وده يقول يا لِلأنصار وده لِلْمُهَاجِرِين، ويختلف مع بعض، والأوس والخزرج ويختلف مع بعض، ويصبر عليهم النبي صلى الله عليه وسلم، ثم استقر فيهم الوحي.
يموت النبي صلى الله عليه وسلم، يحل مشكلتهم في السقيفة إيه ده؟ مشكلة زي دي ممكن تعمل مشاكل ما بين الأمة إلى يوم الدين. إزاي في السقيفة بني ساعدة الموضوع يتحل بسهولة جداً؟ ده ثمرة تربية الوحي ما كانتش هتتحل بأي حاجة تانية. فبالتالي لما الأخلاق نزلت على واقع في الكلام عن الله والدار الآخرة، الأخلاق نزلت والتشريعات نزلت استقرت في مكانها. هكذا يصنع القرآن المسلم صناعة مختلفة، رؤية مختلفة؛ لأنه هو الرب سبحانه وتعالى، وهو الذي تكلم بهذا الكلام، وهو الذي خلق هذا الإنسان: ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]. فتجد أن طريقة القرآن في الحديث عن الأخلاق مختلفة، بيصنع لك قدوة، فكرة الأسوة.
يكلمك عن الروايط بين المجتمعات، لكن قبل ذلك كما قلت يحدثك تبدأ سورة زي الحجرات: ﴿لَا تُقَدِّمُوا بَيْنَ يَدَيِ اللَّهِ وَرَسُولِهِ﴾ [الحجرات: 1]. الأول تبقى فاهم حدودك مع ربنا ومع النبي صلى الله عليه وسلم قبل ما نكلمك عن حقوق للإنسان؛ لأن كلامك عن حقوق الإنسان منبعه من حقوق الرحمن.
فأيضاً القرآن، احنا قلنا القرآن خطاب رباني أخروي، نزل الحديث عن الأخلاق والتشريعات، ده في نموذج سورة الحجرات وهتلاقوه موجود، وهنا نموذج سورة الطلاق ده نموذج عن الأخلاق وده نموذج عن التشريعات. كيف يحدثنا القرآن عن حكم تشريعي؟ في درس كامل بنتكلم فيه، هو القرآن لما حب يتكلم عن الطلاق يتكلم إزاي؟ جمع آيات الطلاق اللي في البقرة واللي في النساء واللي في سورة الطلاق، ستنبهر لا يحيط بهذه المعاني إنسان، محدش عارف خبايا النفس البشرية واللي هتمر بيه ومحاولات اللعب اللي هيلعبها الراجل أو الست اللي هتلعبها عشان تخرج من حدود الله؛ لأن معنى حدود الله متكرر بصورة ضخمة جداً في آيات الطلاق، أكتر لفظ اتكرر قضية حدود الله. ده لا يعلم هذه الخبايا إلا الرب سبحانه وتعالى، فخطاب مختلف.
أيضاً القرآن لما تيجي مثلاً اللي بيتكلموا في قضية الأخلاق، كان الشيخ دراز عليه رحمة الله له كتاب ضخم كده اسمه دستور الأخلاق في القرآن، هو أصلاً كتاب ضخم كُتِب بالفرنسية وتُرْجِم وكتاب عظيم يعني، وإن كان هو في قضايا فلسفية كتير، لكن هو كان بيقول بعد ما بيتكلم درس المذاهب الأخلاقية كلها وقعد يحلل ده في كذا وده في كذا، بدأ يقول طب القرآن بيقول ايه؟ لا، أول هو بالترتيب اللي حطه كده واحد اتنين تلاتة المعالم الأخلاقية القرآنية، قال: الالزام، المسؤولية، الجزاء. القرآن بيصنع إنسان مُلْزَم، مسؤول، بحَمْلك الأمانة. يعني القرآن يجيب كأن تخيل مش يجيب الأمانة كده يقول لك خد شيل، مش عايز تشيل ما تشيلهاش، مش عايز تشيلها خلاص، أنت حملت الأمانة، عايز تكون كالحمار يحمل أسفاراً أنت حر، عايز تجيب آخرك أنت حر، فاتقوا الله، مصلحتك. عايز تلعب وتعبث بالآيات ربنا مطلع عليك، يعني يا جماعة اللي بيقعد يطلع حاجات في الدين ويلعب فيها هو ربنا سابها لك عشان تعمل ده عشان يعاقبك؟ هو أنزل عليك، هو الذي أنزل عليك الكتاب منه آيات محكمات هن أم الكتاب وأخر متشابهات، هو ربنا سابها لك كده أنت تضحك على ربنا؟
لذلك اللي واحد يروح يستفتي واحد ويقعد يغير في السؤال عشان المفتي، هو أنت حر يعني كان بعض مشايخنا أحياناً نقعد جنبه فحد يجي يساله فلا يجيب يقول له إأن كان كما تقول فالحكم كذا، أنا عايز أقوله يا شيخ الواد ده هجاص، الموضوع مش كده خالص، الواد ده بيحور عشان عايزك تفتي هو هيلقى الله شيخ، يلقى الله. أيوه بس احنا المفروض ناخدوه نربطوه لغاية لما يقول الحقيقية، لا هو مش ده، مش دورك، هو القرآن بيعلمه، أنت تلقى الله، الله مطلع على ما في صدرك: ﴿يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ﴾ [غار: 19]. أنت حر، أنت والقران وضع حدود للي بيتجاوز حدوده مع الآخرين وعقابات. لكن أقصد إن هو أنا بتكلم هنا على مستوى الفرد، يحملك هذه الأمانة، يقول لك هتعمل ايه؟ فاتقوا الله ما استطعتم، هات آخرك. فمعنى ده، معنى إن أنت ستسأل ستحاسب وتأتي يوم القيامة فرداً، عشان ما تقعدش تحتج بالمجتمعات.
الجزء الثامن والعشرين بيتكلم على قضية المجتمعات والأسرة وأثرها في الدين، ويبدأ بخبايا بيت: ﴿قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ﴾ [المجادلة: 1]. موقف واحدة بتستفتي النبي صلى الله عليه وسلم والسيدة عائشة في طرف البيت ومش سامعة، والست اللي جاية بتشتكي بتشتكي من موقف حصل ربنا مطلع عليه، محدش اطلَّع عليه تاني، قال لها كلمة أنت عليَّ كظهر أمي، لا الكلمة دي ليها حساب.
وتختم الجزء الثامن والعشرين بشيء عجيب جداً، يجيب لك تلات نماذج أوعى تحتج بالمجتمع: ﴿ضَرَبَ اللَّهُ مَثَلًا لِلَّذِينَ كَفَرُوا امْرَأَةَ نُوحٍ﴾ [التحريم: 10]. أنت بتقول اصل أنا لو مجتمع أنا نفسي والله أنا مشكلتي في المجتمع، طيب أنت واحدة في أفضل مجتمع بيت النبوة، ومنهم واحد بنقول العزم من الرسل سيدنا نوح وكفرت، ما نفعش المجتمع. واحدة تانية، ودايماً اختار امرأة يعني كمان الأضعف: ﴿وَضَرَبَ اللَّهُ مَثَلًا لِلَّذِينَ آمَنُوا امْرَأَةَ فِرْعَوْنَ﴾ [التحريم: 11] وزوجته مش بنته أو أمه مثلاً، واختار وجاب لك بيئة أفسد ما يكون، يعني جاب لك الشخص الفاسد في البيئة الصالحة، وبعد كده الشخص الصالح في البيئة الفاسدة، وبعد كده جاب لك الشخص الصالح في البيئة الصالحة: ﴿وَمَرْيَمَ ابْنَتَ عِمْرَانَ الَّتِي أَحْصَنَتْ فَرْجَهَا﴾ [التحريم: 12]. طبعا الشخص الفاسد في البيئة الفاسدة هتزيد فساداً، لم يذكر؛ فبالتالي هو يصنع هذا الفرد المسؤول.
صحيح القرآن، ونيجي نتكلم على صناعة المجتمعات والقران يركز على ذلك، لكن يقول لك خد بالك أنت هتسأل، لما تقول ده كان آخري، ربنا اللي يعلم، لما تقول إننا لم نستطيع، اللي هيجي يقولوا يا رب ما قدرناش نهاجر، يجي يوم القيامة رب كنا في مكة ولم نستطع سبيلاً وما كناش قادرين، الله أعلم بقى ربنا اللي هيحسيك، فكلمة ده كان وسعي، ده كان آخري، دي إمكانياتي، هو ربنا اللي هيحاسبك. فالقران يحملك الأمانة ويحملك المسؤولية، ويكلمك عن ربنا ويكلمك عن الدار الآخرة لك واجه أنت اتحرك.
القرآن يا جماعة مش بيقول لنا الدين بتاع طائفة بتوع الدعاة ولا المشايخ ولا مش عارف طائفة مين ولا مش عارف لا لا لا لا ولا حزب مين، لا لا، بيقول لك الدين مسؤولية كل فرد، أنت هتسأل، كل واحد، مش حاجة اسمها انتماؤك إيه ولا أنت عبد لله عملت إيه في الموقف ده، وليه ما خدتش القرار ده، وليه ما نصرتش الدين في الموقف ده كله؟ القرآن يحمل الأمانة للجميع، ويحفز المؤمن ويحاصر الكافر.
فالقران خطاب عالمي: ﴿تَبَارَكَ الَّذِي نَزَّلَ الْفُرْقَانَ عَلَى عَبْدِهِ لِيَكُونَ لِلْعَالَمِينَ نَذِيرًا﴾ [الفرقان: 1]. وده قيمة الدعوة بالوحي: ﴿فَذَكِّرْ بِالْقُرْآنِ مَنْ يَخَافُ وَعِيدِ﴾ [ق: 45]، ﴿وَجَاهِدْهُمْ بِهِ جِهَادًا كَبِيرًا﴾ [الفرقان: 52]. فبالتالي مهم، لأن من وظائف النبوة: يتلو عليهم آياته. أنت زي ما قلنا شخصية الداعية تدخلها المفروض يقل، يكون بسيط، ويكون الأكثر تعريض الناس لهذا النور، ونترك الناس مع هذا النور، ويقوم يعايش هذه الآيات التي جاءت إليه من رب العالمين.
يبقى كنت في مرة بَسْمَع بودكاست بيتكلم عن أهل غزة، واحد كان بيقول احنا كنا هدفنا في التربية صناعة المسلم المقاوم. صناعة، عجبتني الكلمة، إن هو مركز على معنى عايز يتربى في الطفل ويكبر معاه، فكرت طب احنا خطابنا الدعوي يصنع إيه؟ يعني بيصنع المسلم يتعبد بصورة جزئية وحياته ما بتغيرش. احنا خطابنا بيصنع إيه؟ طب مش مهم خطبنا، الوحي يصنع إيه؟ هي دي كانت الفكرة في الدرس، صنع الوحي، بيصنع إيه؟ الوحي بيصنع الإنسان كما قلت الرباني الأخروي المسؤول المقاوم.
القرآن بيعيش معارك في درس كامل اسمه معركة الفرقان، القرآن مش بيقول لك كلمتين وتقولهم وخلاص، لا، والمشركين كانوا فاهمين، قالوا لو كانت كلمة لقلنا، يعني القرآن بيعيش معركة، بيقول لك خد بالك في عدو، اتخذوه عدو، وعندك مراتب للعداوات، القرآن بيصنع انتماء، بيقول لك أنت مش لوحدك، طب بس أنا لوحدي في البلد ديت اللي مسلم؟ لا، ما أنت لك تاريخ من أول لحظة: ﴿إِنِّي جَاعِلٌ فِي الْأَرْضِ خَلِيفَةً﴾ [البقرة: 30]. القرآن بيكلمك عن وظيفتك، من أنت؟ أنت مين أصلاً؟ وأنت مادتك وإيه تاريخك؟ فالقران بيصنع هذا في الإنسان، بيفكرك بانتمائك للرسل والمؤمنين على وجه الأرض. لما القرآن يقول الرسل المؤمنين الكفار هو بيجيب منظومة على بعضها، فانت بتنتمي لكل هؤلاء ضد كل هؤلاء.
إذاً المسلم الإنسان عموماً، كما قال صلى الله عليه وسلم: «أصدق الأسماء حارث وهَمّام». يعني إيه أصدق الأسماء؟ ممكن واحد يكون اسمه كريم، ولكن لا يصدق عليه هذا الاسم هو بخيل. فيقول صلى الله عليه وسلم فيما يروى عنه: «أصدق الأسماء حارث وهمام». لا يخلو انسان من فعل وهو الحَرْث، وهَمّ، أي إنسان في الدنيا جواها هموم بتحركه عشان يفعل أفعال معينة، حتى لو في التفاهم جواها مشاعر، المشاعر دي بتحركه لأفعال معينة، المشاعر دي اللي هي هَمّام، والهموم، والحَرْث ده الفعل.
كثرة التعرض للقران بتبطل لك الهموم والحَرْث بتاعك، بيوجَّهك في الاتجاه الصح. أنت لما تقعد تعبي نفسك مشاعر معينة، أنت مثلاً تخيل قاعد بتتفرج على إعلانات لمنتج معين إعلانات إعلانات إعلانات وبعد كده تنزل أنت فجأة تحس إن حياتك مش نافعة من غير المنتج ده ومضغوط وقاعد بتفكر طب وأمتى طب أوصل له والمسافه بينك وبينه في الفلوس قد ايه؟ أنت صُنِع، زُرِع فيك هذا الهَمّ. فالهَمّ بيصنع حَرْث، ممكن واحد ما يكونش في ذهنه شهوة معينة يتعرض ليها يسمع عنها يشوفها يبقى في صدره الشهوة دي يسعى لتحقيقها.
القران بيزرع جواك الهموم عشان تسير في الاتجاه اللي يرضي ربنا: يا رب أنا عايز أعرف مرادك، بس أنا كبشر أنا مش أنا مش كائن ذهني، يعني أنا مش مش مخي ماشي على الأرض، أنا بني آدم متكامل، فايه المشاعر اللي استثيرها جوايا عشان تمشي في الاتجاه الصح؟ ده سؤال.
السؤال التاني، وافرد مثلاً واحد صاحبه مات فجأة وقف على قبره بكى وحصل مشاعر جميلة جداً في اللحظة دي، بس المشاعر دي تخف منه. واحد شاف مشهد كوني مبهر إيمانه زاد جداً فنفسه يحافظ على المشاعر دي، المشاعر دي تخفت منه مع الزمن. طيب أنا عايز حاجتين مشاعري تستثار في الاتجاه الصح وتفضل في الحالة دي، مالكش طريق غير كثرة الوحي رايح جاي، فيما يرى الأثر، وإن كان في ضعف الحال المرتحل، تخلص القرآن ترجع تقراه تاني.
يعني الحديث في الترمذي وبعضهم حسنوه وبعضهم ضعفوا، اللي مين؟ الحال المرتحل الذي أول ما بيفخلص خاتمة يبدأ في خاتمة تانية؛ لأن الآيات آيات سورة البقرة هتستير مشاعر معينة، وآيات سورة آل عمران هتستير مشاعر تانية، وتجد آيات في سورة سورة الأنعام هتراجع لك على معاني مثلاً في سورة البقرة، وهكذا. القرآن مثاني، بيتكرر، المعاني المركزية بتكرر، فالقران بيضغط لك على الزراير اللي جواك اللي هتمشي في الاتجاه الصح.
وقلنا بقى في درس جهود الشيطان، والشيطان قاعد بيدوس على نفس الزراير عشان يمشيك في الاتجاه الغلط: ﴿الشَّيْطَانُ يَعِدُكُمُ الْفَقْرَ وَيَأْمُرُكُمْ بِالْفَحْشَاءِ﴾ [البقرة: 268] والله يعدكم مغفرة منه وفضلا. الشيطان بيقول لك أنت هتفتقر، خليك هلوع، خليك جبان، اعمل معاصي، ربنا يقول لك أغفر لك المعاصي وربنا عنده فضل ما تخافش، الخطابين بيدوسوا على نفس الزرار هي وعود الرحمن مقابل وعود الشيطان هي معركة دائماً.
فأنا عايز الاستثارة في المشاعر في الاتجاه الصح بصورة مستمره لازم تكون مرتبط بالوحي بصورة مستمرة. وربنا عامل لنا الشهر ده شهر رمضان عشان فرصة، شيخ الإسلام بيقول من مقاصد صلاة التراويح أن المسلمين يسمعوا الوحي، يعني ربنا اختار لما الناس كلها تتجمع في مكان في صلاة في وقت تركيز بالليل يسمعوا إيه؟ يسمعوا القرآن. وكثير من العلماء قال يستحب الختم عشان القرآن يمر على القرآن كله مرة واحدة كده يسمع مراد ربنا كده ياخد خاتمة يسمع ماذا يريد الله منه.
يبقى هنا أثر القرآن في صناعة الآية، صناعة هذا المسلم. أيضاً القرآن لا يكتفي بصناعة الفرد، القرآن بيكلمك عن المجتمع، احنا قلنا القرآن بيقول لك المجتمع ده لو نزعت منه أن نضارة الوحي ومن لم يحكم بما أنزل الله فأولئك هم الكافرون، ولو نزع منه تطبيقات بقى القصاص دول ظلمة أو المواعظ هينتشر الفسق. فالقران لذلك كنا عاملين درس اسمه: ماذا لو غاب القرآن؟ القرآن بيقول لك الحياة من غير الوحي ضلمة على مستوى المجتمعات.
شوف سورة الحجرات إزاي تصنع مجتمع إزاي يمنع الغيبة ويمنع النميمة ويمنع سوء الظن ويرتبها لك بصورة معينة ويقول لك الأقوام دول ما يقولوش من دول، طب لو اتخانقوا مع بعض طب يتدخلوا إزاي؟ طب إيه المعاني اللي يفتكروها عشان يرجعوا تاني؟ تيجي طائفة جديدة أسلمت قالت آمنا، لا القرآن يرتب لهم معنى الإيمان ومعنى الإسلام.
فالقران مش بس بيصنع أفراد، ده بيصنع علاقات اجتماعية، أنت لو تخيل زي ما قلت أنت رحت بلد جديدة مش مسلمة، أنت جاي من ثقافات مختلفة وليك أفكار مختلفة، البلد دي بتقول لك لا، لذلك البلاد التي تفتح بالهجرة هو يقول لك احنا مش بنركز على اللي جاي، أنا مركز على أولاده، اللي جاي ده دماغه بالنسبة لهم مليانة أفكار غلط هتلاقينا، بس ابنك ندخله في السيستم بتاعنا هو يفهم يعني إيه مفاهيم الليبرالية ويفهم يعني إيه الحرية وحرية الجنس وحرية المال والراسمالية المفاهيم دي مش هنديها له.
بصورة محاضرات، إحنا هنخليه يعيش السيستم ده وقاعد بقى بيسمع، الضغط اللي بيسمعه ده طوال الحياة هو يتغير، وتجد بقى أن كثيراً -فعلاً- يجد في الجيل الثاني أو الثالث جزء كبير منه ألحد؛ لأنه بيتعرض لثقافة مختلفة. فالقران يقول لك قيمة إنشاء المجتمعات المؤمنة، مش الأفراد بس، الأفراد بيكون فيه ضعف.
لذلك كان أنت بقرأ حد بيتكلم في السيرة، بيقول: هو بيقول، أنا عايز أسأل سؤال: الناس اللي دخلت في دين الله أفواجاً بعد الفتح، ﴿وَرَأَيْتَ النَّاسَ يَدْخُلُونَ فِي دِينِ اللَّهِ أَفْوَاجًا﴾ [النصر: 2]، كان قبل كده بيدخلوا أفراداً، فبيقول: الناس اللي دخلت أفواجاً دي هل ظهر لها من حجج الإسلام ما لم يكن بيناً من قبل؟ يعني كان فيه شبهات ففهمها فجأة، والا المجتمع ساعده؟ لذلك ربنا يقول لك: خد بالك من أثر المجتمع، ﴿أَن تَقُومُوا لِلَّهِ مَثْنَىٰ وَفُرَادَىٰ﴾ [سبأ: 46].
ذلك بلقيس سيدنا سليمان عمل معاها إيه؟ خدها بعيد عن المجتمع، عن ضغط التفكير. وربنا قال: هي صدها ما كانت تعبد من دون الله أنها كانت من قوم كافرين، انتمائها كان مانعها من الإسلام. لما خرجت وشافت نموذج أسوى وانبهَرَتْ قالت: أسلمت. فبالتالي ربنا يحث هنا على صناعة المجتمعات المسلمة مش بس بناء الأفراد المسلمين، والمجتمعات المسلمة دورنا كلنا، كلكم راعٍ وكلكم مسؤول عن رعيته، كل بيئة إيمانية تقدر تصنعها أنت بتساهم في نشر الدين.
ناس عندها تصورات مثالية شوية عن كلمة تطبيق الشريعة أو نشر الشريعة، لا، اتحرك أنت، دورك -إحنا قلنا فكرة المسؤولية والالزام- هي هي بقعة بتتمدد بتتسع، أنت تقدر تعمل حاجة. فالقرآن بيكلمك عن فكرة المجتمعات، إحنا قلنا الجزء 28 جزء عظيم، فكرة المجتمع المسلم من أول لحظة البيت وإزاي بتتحل مشاكل البيت، وأن بدا بحل مشكلة بالظهار، وختم بحل مشكلة بالتحريم، لما حرم، وقال هنا حلها إيه وهنا حلها إيه، وعشان ما توصلش للتحريم قبلها الطلاق لو في مشكلة إزاي تتحل، والطلاق لو اتعمل غلط، نص سورة الطلاق الأولاني بيتكلم عن نهار البيوت، والنص الآخراني بيتكلم عن نهار المجتمعات، ربنا بيقول لك هي هتسمع في بعضها، ما هو المجتمع بيوت والبيوت أفراد، دي طريّقة شرح القرآن لفكرة المجتمع المسلم.
شيخ الإسلام مثلاً يستنبط استنباطات بديعة، مثلاً من خواتيم المزمل وغيرها من الآيات والأحاديث، بيقول المجتمع المسلم ثلاث أقسام: أهل القرآن والعلم، وأهل المال والتجارة، وأهل الجهاد. هو بيتكلم عن الجهاد، أنا بضيف كلمة الحركة؛ لأن هنا في ناس بتتحرك، في ناس هو عنده إمكانية الحركة، وفي ناس عندها إمكانية المال، وفي ناس عندها إمكانية العلم. التعاون بين الثلاثة دول هو اللي يصنع المجتمع المسلم. نقصان فرد يعمل مشكلة؛ تلاقي واحد في حركة دعوية مثلاً ومافيش دعم مال، المجتمع في ضعف، تخيل في علم وفي دعوة بس ما فيش مال، في مال وفي علم ومافيش دعوة حالة من الشلل، في حركة علم وفي مال ومافيش علم حركة في الاتجاه الخاطئ والضلال وتنشا الأفكار الخاطئة والأفكار الضالة.
فهو بيكلمك أن من الكلام ده إيه؟ حتى من قرآن مكي، يعني هو استنبط ده من أواخر المزمل، هي سورة مكية، مفاهيم الإنفاق والعتق وفك الرقبة وصلة الرحم وبر الوالدين والشورى، ده مكي، شيء عجيب جداً. يعني إيه؟ ده إحنا مش لسه هننتظر أن أنت تروح المدينة ويبقى لك دولة وبعدين نتكلم في القضايا دي، لا، دي محكمات مستضعف ممكن، دي محكمات أخلاقية ما بتغيّرش، يعني حديث القرآن.
بعض الناس كان بيحلل، كنا بنتدارس ليه القرآن المكي بيتكلم عن الإنفاق كتير كده، طب إحنا ما معناش حاجة ده إحنا بنضرب؟ لا، في حديث عن العتق والإنفاق وفك الرقبة، ﴿فَلَا اقْتَحَمَ الْعَقَبَةَ﴾ [البلد: 11]، وفي البذل وإطعام المساكين، غالب آيات إطعام المساكين جت تصور سور مكية. بعضهم مثلاً كان يلتقي يقول: الواقع المكي واقع تعذيب، الواقع ده أحياناً بصع بيصنع نفسية انتقامية أو نفسية الخروج من العذاب وخلاص، زي أحد تحليلات الكتاب لنفسية بني إسرائيل أنه تعرضه للعذاب لفرعون بقى شخص انتقامي يبحث عن الخروج من العذاب وعايز يفجر مش عايز يعبد، فالنفس مش مت.
فمن صناعة النفسيات المتزنة حتى في وقت الأزمات أنه يعفو وانه ينفق وانه يعطي وأن يصل الرحم وتواصى بالمرحمة، فيقع في سورة مكية سورة البلد. فالقران مش بس بيصنع أفراداً، ده بيصنع مجتمعات مسلمة.
القرآن لما بيتكلم -يعني مثلاً- يجي يتكلم عن المال، شوف القرآن يتكلم عن إزاي في المال في البقرة، الحزب الآخراني من البقرة ده عجيب، عجيب! إحنا ممكن ندي محاضرة عن حرمة الربا، القران تكلم عن المال بصورة عجيبة، بدا الأول بآية عن الإنفاق، وبعدين يشرح قصة طالوت وجالوت، وبعدين ثلاث قصص عجيبة عن الإحياء والاماتة؛ الملك الظالم اللي أنا أحيي وأميت والذي مر على قرية وقصة سيدنا إبراهيم مع الطير تمام، وبعدين شوف ما بين قصة طالوت وجالوت وبين دي تجد أعظم آية في القرآن.
كل ده قبل ما ربنا يقول لنا ننفق؛ يعني أنا محتاج أتشبع بأن الله قادر على الإحياء والاماتة، وأن أنا لازم أنفق لهذا الدين وبأسماء الله الحسنى، أعظم آية في القرآن عشان لما ربنا يقول لي: أنفق، الإنفاق هيكون سهل وهأنفقه بإخلاص، ويكلمني عن الإنفاق في آيات كتير جداً، ويضرب لي أمثلة. أكتر شيء ضرب عليه أمثلة في القرآن: الإنفاق، أربع أمثلة ورا بعض في سورة البقرة، وآية طويلة عن معاملاتنا مع بعض آية الدين.
فالقرآن لما بيتكلم عن الإنفاق هو الأول بيصنع نظرتك، يعني إيه المال وإيه قيمته، وهل هو على طول خير ولا ممكن يبقى شر، واتصرف فيه ازاي، ومقاله بالنسبة لي إيه، واستفيد منه ازاي، واتعامل في المال ده مع ربنا ازاي، واتعامل في المال ده مع الناس ازاي في المصالح في التجارة، واتعامل فيه مع الفقير ازاي، هو القرآن بيصلح لي نظرتي تماماً، مش بيديني حكم واحد فوق يقول لي ده حلال وده حرام وخلاص. وبيفصّل ذلك القرآن والسنة تفعل ذلك، لكن أقصى غير نظريتي للحياة.
لذلك أختم: خطورة عزل القرآن عن الواقع، خطورة أن إحنا القران ما يبقاش موجود في حياتنا، أن إحنا لا نصنع من خلال الوحي؛ لأن لما بيغيب القرآن هنا انسان مشوه بيتبنى اللي تشوف بعض الناس أسمع حد اللي كان بيتكلم عن رغم أن هو ظاهرياً مش مسلم يعني، بس أنا أشاعر أن هو مسلم وخبي إسلامه، يعني بيتكلم عن دستور الإسلام على مدار من أول القرن الثالث للقرن 17، تكلم عن رحلة طويلة في الشريعة وعظمه الشريعة، واحد بيتكلم عن أن إزاي القوانين اللي جت جديدة على الإسلام شوهت الناس، صنعت ناس أنانية، ناس رأسمالية، ناس لا تفكر إلا في الأرض، ناس مقطوعة الصلة بالسماء.
فنزع القرآن يا جماعة هو بيصنع ظلمات، نزع القرآن واقع بيصنع ظلمات، فتخيل لما أنت تغيب القران عن حياتك أنت ما دمت أنت القرآن بالنسبة لك بتقراه بس مش بتسقط على الواقع. وزي ما قلت أختم بدي؛ لأن دي نقطة مهمة وخطيرة، ليه؟ لأن التعجل في تنزيل آيات القرآن على الواقع بدون علم ده خطر، والخوارج نشأوا كده، يعني قتل المسلمين وتكفير المسلمين بينشا بعق بما أن إذا ربنا قال كذا هو ما عندوش علم هو أعجمي، لذلك الخوارج أنا أرى أن ده نوع من الأعجمية عن الشريعة، هو مش فاهم هو بيقضيها معادلات، بما أن إذا، يبقى إذا، لدرجة ق سيدنا يبقى سيدنا عثمان كافر، يعني مش بيقول سيدنا يعني أنا بقول، فهو خلاص بيتعامل بهذه الطريقة، إذاً يبقى دول كفار، يبقى إذاً يقتلوا على طول، هي عنده معادلات.
فالتعجل في تنزيل الآيات على الواقع بدون علم وبدون فهم مراد الله خطأ، وفي نفس الوقت عزل القرآن تماماً عن الواقع ده نوع من الظلمات، لذلك في نص بديع لشيخ إسلام بيقول إيه؟ بيقول آيات اللي فيها كلمة الإنسان كتير في القرآن، أنا كنت قرأت بحث صغير جداً كده اهو اسمه الإنسان في جُزْء عَمَّ، كل اللي عمله جمع كلمة الإنسان في جُزْء عَمَّ وجاب تفسيرها من السعدي وابن كثير بس، وتشوف إيه ده؟ ده القرآن المكي اتكلم عن الإنسان كإنسان كتير قوي، يعني شيء عجيب جداً.
المهم فشيخ إسلام بيقول: طائفة من المفسرين بيجي عند الآيات بتاعة الإنسان؛ ﴿إِنَّ الْإِنسَانَ لَكَنُودٌ﴾ [العاديات: 6]، ﴿إِنَّ الْإِنسَانَ خُلِقَ هَلُوعًا﴾ [المعارج: 19]، ﴿وَكَانَ الْإِنسَانُ عَجُولًا﴾ [الإسراء: 11]، بيجي عند الآيات دي ويقول أن هذه الآيات نزلت في الكافرين، وأن وده قول موجود عند كثير من المفسرين أن الإنسان يراد به هنا الكافر، يعني ده لفظ عام يراد به معنى خاص.
فقال طائفة من المفسرين تقول في هذه الآيات: ﴿وَإِذَا مَسَّ الْإِنسَانَ ضُرٌّ دَعَا لِجَنبِهِ أَوْ قَاعِدًا أَوْ قَائِمًا﴾ [ونس: 12] ومثلها يقول فيها هذا مما ذكر الله في عيوب الإنسان وذمها، فيقول هذه الآية في الكفار والمراد بالانسان هنا الكافر.
يقول بقى خطورة ده إيه؟ أنك تقول الآيات دي بني إسرائيل، والآيات دي أهل الكتاب، والآيات دي كفار، والآيات دي مجوس، وحضرتك لا، أنا جاي بس يعني أوزع الذم؛ يعني أنت الآيات دي ما بتخاطبنيش؟ لا، لا ما بتخاطبنيش. فبيقول إيه؟ فيبقى من يسمع ذلك يظن أنه ليس لمن يظهر الإسلام في هذا الذم والوعيد نصيب، يقول لك: يا عم أنا مسلم الكلام ده مش لي، كل القصة اللي فاتت ده هي ده كان مشركين كفروا فربنا أهلكهم أنا ماليش علاقة، واللي بعدهم أهم منافقين، واللي بعدهم هو شايل نفسه من النص القراني.
فبيقول بل يذهب وهمه بيظن أن ده هذا لمن كان مظهرا للشرك من العرب أو الكفار اللي هو عارفهم في الواقع؛ يعني اللي عايشين حواليه، فإيه اللي يحصل النتيجة؟ فلا ينتفع بهذه الآيات التي أنزلها الله ليهتدي بها عباده.
طيب خلاص نختم به أن خطورة عزل القرآن عن الواقع، وأن تنزيل الآيات على الواقع يحتاج إلى هدى من الله، لذلك أخطر دعاء أنت تدعيه هو: ﴿اهْدِنَا الصِّرَاطَ الْمُسْتَقِيمَ﴾ [الفاتحة: 6]، أنت مش متخيل قيمة الدعاء ده؟ أنت مش متخيل؛ لأن كتير من الأسئلة: أقرا الكتاب ده ولا ده؟ أسافر المكان ده ولا ده؟ أَمْشي في الاختيار ده ولا ده؟ أظبط قيامي قد إيه؟ أجي على إيه في نومي؟ أجي أتعامل ازاي مع الناس؟ أقدم إيه على إيه في عصر الشتات اللي إحنا فيه؟ وتكلمت عن ده في درس فقه الاختيار، كتير من الأسئلة دي هي حلها اهدينا الصراط المستقيم.
أنك أنت تكون يا رب الآيات عامة، يعني الآيات بتاعت القرآن عامة بس أنا عايزها في حياتي أنا، النقلة دي اللي بيسموها الاعتبار، أن تعبر بالايات اللي نزلت في الماضي لواقعك، الاعتبار بتعبير شيخ الإسلام، لكن أنت إزاي الآية دي أنت هتعبر بها لواقعك ده عايز هدى وعايز علم، لكن أقصى حتى أنت ممكن تبقى مذاكر تفسير الآية المستشرقين بيبقوا أحياناً مذاكرين تفسير أكثر من كثير من المسلمين ولا يهدى بها، لا يهدى بهذه الآيات.
فإذا قضية الاستهداء بكتاب الله سبحانه وتعالى ولا سيما في الشهر الذي قال الله فيه: ﴿شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِلنَّاسِ وَبَيِّنَاتٍ مِنَ الْهُدَى وَالْفُرْقَانِ﴾ [البقرة: 185]. بعض العلماء بيقول: أي أن هذا الهدى عليه بينات أنه هو هدى، ربنا سيحط لك العلامة ويقول لك العلامة دي هتهديك، لكن دي معامله غيبية بينك وبين الله.
أَسأل الله سبحانه وتعالى أن يهدينا بالقرآن، اللهم اهدنا بالقرآن، اللهم وفقنا لفعل ما تحب وترضى، هيئ لنا من أمرنا رشداً، اللهم اجعلنا من أهل القرآن، اللهم اجعلنا من أهل القرآن، اللهم بلغنا رمضان، اللهم أعنا فيه على كثرة قراءة القرآن وتدبر القرآن والعمل بالقرآن والجهاد بالقرآن، وفقنا لفعل ما تحب وترضى، هيئ لنا من أمرنا رشداً، ﴿رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ﴾ [البقرة: 201]. سبحانك اللهم وبحمدك، أشهد أن لا إله إلا أنت، أستغفرك وأتوب إليك، والسلام عليك ورحمة الله.