الشيخ أمجد سميربسم الله، الحمد لله، والصلاة والسلام على رسول الله، وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على محمد النبي، وأزواجه أمهات المؤمنين، وذرياته وأهل بيته، كما صليت على آل إراهيم إنك حميد مجيد. أما بعد: النهارده الدرس الثامن في السلسلة، وهو درس مهم جداً، وهو تكملة الدرسين بتوع غض البصر. الدرسين مهمين ولازم يتسمعوا. النهارده هنتكلم عن علاج إدمان الاباحية.
عوزين نبدأ بشويه قواعد كده ماشي. القاعدة الأولى: أن في هذا الدرس النساء شقائق الرجال، فأنا إذا تكلمت ووجهت الخطاب للرجال فالنساء داخلين تبعاً. وفي بعض المسائل ممكن يعني أفرد خطاب لهن، لكن الخطاب موجه للجنسين جميعاً، دي أول حاجة.
المسألة الثانية: أن النهارده بنتكلم عن إدمان الاباحية، مش عن مشاهدة الاباحية. هو في فرق؟ آه في فرق. مشاهدة الاباحية يكفي الشخص اللي وقع في هذا الدرس بتاع المره اللي فاتت، الإشكال اللي بنتكلم عنه النهارده مسألة تانية خالص وهي إدمان الاباحية. فيبقى لازم نفهم يعني إيه إدمان أصلاً، وهل الاباحية إدمان؟ آه، الاباحية إدمان، وهي من آخِر الحاجات اللي دخلت -الكلام ده كلام طبي مش كلام مساجد- يعني من أواخر الحاجات اللي دخلت في مظلة الإدمان طبياً: الاباحية.
وبيتكلموا عن الاباحية أنها إدمان، طبعا الإدمان نوعان؛ في إدمان مادي وإدمان سلوكي. إدمان مادي يعني واحد مدمن مخدرات، مدمن مادة بيشمها بيشربها، مدمن كحليات. وفي حاجة اسمها إدمان سلوكي. فإدمان الاباحية يدخل تحت الإدمان السلوكي. فيبقى لازم -طالما النهارده الدرس عن علاج إدمان الاباحية- نفهم يعني إيه إدمان أصلاً؛ يعني إمتى نقول إن فلان ده مدمن، مدمن أي إدمان بقى سلوكي مش لازم أبداحية خلاص.
فلما جه الأطباء عرّفوا الإدمان في أبسط تعريف فاته، قالوا: هو رغبة قهرية في تناول المادة الإدمانية مع الزيادة منها، ده أبسط تعريف خلاص. فاللي يلاقى عنده رغبة... يعني إيه رغبة قهرية؟ يعني رغبة لو جيت تقاومها ما تعرفش، ما تعرفش تقاومها. ندي مثال كده أن مثلاً لو جيت قلت لك واحد مثلا هو خلاص وصل لدرجة أن هو قاعد على الفيسبوك من أول، فجي أقوله: عدي يومين تلاتة من غير ما تفتح فيسبوك، فيجي يحاول يعمل ده ما يعرفش، ما يعرفش يعمل ده؛ يعني هو عاوز يعمل ومش عارف يعمل.
رغبة قهرية انك تتناول هذه المادة الإدمانية مع انك بتزود الجرعة منها مع الوقت. طيب ليه بتزود الجرعة؟ كلمة السر هنا الدوبامين، هنجهد له كمان شوية إن شاء الله. فيقى ده معنى الإدمان. فالنهارده احنا ما بنتكلمش عن مشاهدة الاباحية، ومش بنتكلم عن مشاهدة الاباحية، واللي في مشاهدة الاباحية لا تخرج عن كونها إطلاق بصر طبعا في درجة عالية يعني أو دركة سفلية، فخلاص احنا تكلمنا عن غض البصر قبل كده.
لكن لا، هو الإشكال اللي احنا عايشينه دلوقتي في معظم الجيل اللي طالع شباب وبنات أن احنا وصلنا لمرحله الإدمان؛ رغبة قهرية. يعني إيه الفرق بين واحد يجي يقول: طيب، أنا شاهدت الاباحية، أنا مدمن ولا مش مدمن؟ فنقول له: لو انت النهارده قلت: أنا خلاص وقفت ومش هرجع تاني، خلاص ما بترجعش. يقول: أنا خلاص، يعني ده هي كانت مرة مثلاً.
وأنا من خمس سنين عملت الموضوع ده، وخلاص بقى خمس سنين ما فيش أي حاجة ولا موضوع بيوح عل، ولا خلاص ده اسمه مشاهدة إباحية. يقول: لا ده أنا كل ما استقيم يوم أقع، بعدين أسبوع أقع، وبعدين شهر أقع، وبعدين شهرين أقع. فنقول له: لا، أنت كده دخلت في مرحلة إدمان الاباحية، بقى عندك رغبة قهرية في أنك تفعل هذا الفعل، أنك تشاهد الاباحية. فده اللي إحنا جايين نتكلم عنه النهارده، إحنا النهارده بنتكلم عن الإدمان مش عن المشاهدة.
خالص، طبعا واضح جداً أن الإدمان كان أوله إيه؟ مشاهدة. واضح، ولذلك العلاج للي ما وصلش للحته دي لإدمان الاباحية -عشان لو افترضنا أن في حد قاعد يقول ما وصلش لإدمان- فنقول له: احفظ بقى عليك بصرك وسمعك، علشان ما توصلش للحته اللي بنتكلم عنها النهارده، وهي إدمان الاباحية، أنك مش قادر تبطل. فيبقى دي قاعدة ثانية بنسيه، يبقى أول حاجة النساء شقائق الرجال، ثاني حاجة درس النهارده عن إدمان الاباحية مش عن مشاهدة الاباحية.
ثالث حاجة، أن المغالطة اللي عند بعض الشباب وهي أني إن شاء الله مع الجواز الموضوع كله ينتهي، أكبر مغالطة عند الشباب دلوقتي. ده غلط طبياً وغلط واقعياً، يعني الواقع يشهد بعكس اللي أنت بتقوله ده. فلو حضرتك أو حضرتك موجود دلوقتي وأنت لسه ما تجوزتش ولا لسه ما تجوزتيش، ففاكر عن شهوة مكبوته لغاية ما أتجوز والموضوع هيُنتهي، أحب أقول لك ده مش هيحصل خالص، بل العكس هو اللي هيحصل. اللي أنا بقوله ده مش هكرر الكلام، أنا هقوله تاني، يعني الجملة دي بقى خدوها لآخر الدرس، ما فيش كلمة هقولها النهارده غير لما هيكون ليها مرجع سند طبي، والواقع يشهد لها.
الواقع منين؟ من كتر الأسئلة اللي بتيجي ماشي. اللي بيحصل إيه يا شباب؟ اللي بيحصل أن بتجينا الشكاوى والأسئلة بعد الجواز، أنه مش عارف يبطل ده بعد الجواز، وأن ده مأثر على علاقته أصلاً، وأن الموضوع ده مؤثر على العلاقة، وأنه ممكن يفضل الموضوع ده على العلاقة الطبيعية. خلاص، الأسئلة دي بتيجي من الفئة المتدينة شوية، في فئة أقل تدُّيناً أو ما عندهاش تدين، أنه لازم يكون ده موجود وقت العلاقة.
طيب ليه؟ إيه اللي بيحصل بقى؟ الأطباء بيشرحوا الحته دي بيقولوا أن في حاجة اسمها التكيف الجنسي. خلاص، تعالوا بقى عشان نخش في الموضوع، موضوع أعمق شوية؛ إحنا يا جماعة ربنا سبحانه وتعالى خلق لنا مخنا بيبني حاجة اسمها كده دايِرة العادة. خلاص، الموضوع تكلمت عليه فيديو قبل كده أو درس مش فاكر، فيعني اللي سمع الدرس ده هيبقى مستحضر معايا اللي بقوله ده بشكل أسرع.
يعني دلوقتي يا جماعة تخيلوا أن كم العمليات الدماغية المهول اللي إحنا عايشين بيه في حياتنا، لو كل ما هتخش عملية عقلك هيفكر فيها عقلك ده هينهار. ربنا سبحانه وتعالى مش خالق العقل عشان يعرف يعمل ده. طيب إيه البديل؟ البديل ربنا سبحانه وتعالى بيخلق حاجة بيسموها الهابيت لوب أو دايِرة العادة. معلش، دقيقتين ثلاثة كده يعني نركز عشان ده مفتاح الموضوع كله، موضوع الإدمان عموماً.
يعني إيه؟ هديكم مثال الأول عشان نرجع بقى نفهم إيه اللي بيحصل؛ حضرتك وأنت لسه تتعلم سواقة جديد، لسه أول مرة تركب العربية وتتعلم سواقة، بتلاقي أن كل حواسك مع السواقة.
كده يعني مركز مليون في المية في السواقة. فوت سنة واتنين وتلاتة وأربعة، وانت بتسوق بتلاقي بعد كده أنت بتبتدي ترتب جدولك على السواقة. يعني إيه؟ يعني أنا المفروض النهارده كذا، أقول لا لا خلي دي وأنا سايق أعملها. بيحصل ولا مش بيحصل يا جماعة؟ المكالمة لا لا المكالمات كلها بعملها وأنا سايق. بعد ما كان وأنت سايق مستحيل أن تعرف تعمل حاجة تانية جنب السواقة، مستحيل صح؟
ده بيحصل ولا ما بيحصلش؟ بيحصل. مثال تاني، ونرجع بقى نفهم عشان ننور الحتة دي: أن حضرتك بتبقى عاوز تعمل مكالمة مهمة جدا، فبتوح رايح مادد إيدك ناحية الموبايل عشان تعمل المكالمة. المكالمة مثلا كانت الساعة خمسة، ما تفاجأ غير بأن الساعة خمسة ونص ست إلا ربع وأنت بتسكر على الفيسبوك وما عملتش المكالمة المهمة. حصلت لحد؟ أنا ممكن أقول ما حصلتش لحد، بتحصل مش كده؟ أن تمسك الموبايل تروح داخل أو غيره يعني من التطبيقات اللي أنت متعود بتفتحها، تمسك الموبايل تروح فاتح التطبيق، تسرح مع التطبيق وتنسى الحاجة المهمة اللي كنت فاتح عشان تعملها. إيه اللي حصل؟ ليه ده حصل؟
وخلي بالك أنت بتفاجأ، يعني كأنك لما عملت ده أنت عملته يعني مصطلح غلط بس يعني وأنت لا واعي، يعني أنت مش دريان أنك بتعمل ده. ليه ده بيحصل؟ ربنا سبحانه وتعالى خلق المخ أنه لو لقي الهابت لوب دي أو دايرة العادة دي تكررت كذا مرة، بيحطها بينقلها في حتة تانية في المخ ماشي اسمها العقد القاعدية. ماشي، فبمجرد ما يحصل إشارة معينة الدايرة دي بتتقفل لوحدها.
مش فاهمين؟ تعالوا نفهم بقى دايرة العادة دي يا شباب، تلات عناصر مهمة، تلات عناصر مهمة. الأول بس قبل ما ابتدي، أكبر خدوا بقى قاعدة أهي كمان اعتبروها قاعدة: أكبر عضو جنسي في بدنك مخك! تاني، أكبر عضو جنسي في بدنك مخك. هو المسؤول عن أي تغيرات بتحصلك، فكله بيتبدي بتبتدي من الحتة دي. فاحنا بنقعد نتكلم عن المخ وإيه اللي بيحصل في المخ، فما تقولش إيه هو فين الموضوع فين الإباحية؟ لا هو كله هنا أصلاً البداية من هنا.
ماشي، اللي بيحصل إيه بقى؟ عندنا تلات عناصر مهمين جدا: عنصر بيسموه المحفز ماشي بيسموه كيو أو تريجر، وعنصر بيسموه الروتين أو الفعل المتكرر، وعنصر بيسموه المكافأة أو الرورد. كده إحنا قفلنا الدايرة. يعني إيه؟ حضرتك بيحصلك محفز معين، المحفز ده بيخليك تدخل في فعل معين، الفعل ده لما بتعمله بتكافأ بشكل معين. الدايرة دي لو اتعملت كذا مرة، المخ بيفهم على طول أنها روتين عندك عادة، يقوم ناقلها على طول لحتة كده اللي هي العقد القاعدية دي؛ بحيث أول ما يحصل المحفز المخ بيَفصل تماماً، المخ بيَفصل تماماً وتبتدي تشتغل من غير إيه؟ من غير عقلك. فيبقى العقل فارغ لأي عمليات تانية، وهذا اللي بيفرس لك أنك بعد شوية من السواقة بتلاقي عقلك ممكن تركز بيه في حاجات تانية.
خلاص، واللي بيفرس لك برضه موضوع الموبايل ده بقى واحد من المحفزات، أنك تفتح الفيسبوك أو أنك تفتح الاب اللي هو بيحقق لك مكافأة معينة؛ أنك تبقى مبسوط، أنك تتواصل مع غيرك، أنك تلقط الموبايل ده بس أنك يبقى في إيدك ده بقى محفز. فأول ما المحفز ده حصل 10، 20، 30، 100 مرة، وأول ما تمسك الموبايل بتفتح الفيسبوك فتفتح الفيسبوك بيحصلك نوع من الرضا أو السعادة مرة تانية 100، المخ بيروح ناقلها على طول العقد القاعدية يقولها إيه: أول ما يحصل المحفز الفلاني أنا هَفصل خلاص، أنت اشتغلي بقى دايرة في الآي دايرة العادة تشتغل لوحدك، تلاقي نفسك روح داخل على الفيسبوك فاتحه. طب أنا ماكنتش هفتح الفيسبوك، أنا إيه اللي خلاني فتحت الفيسبوك؟ أنا إيه اللي خلاني فتحت التيك توك؟ إيه اللي خلاني أعمل كده؟ اللي خلاك تعمل كده أن أنت كونت العادة دي عندك فالمخ فصل خالص.
طب ما بقتش بتعمل حاجة أنت مركز فيها؟ لا. فعلاج الموضوع ده بتاع العادة ده، طب إيه اللي دخل ده في الإدمان بقى؟ هو الإدمان أصلاً تكون من فكرة العادة دي خلاص، أنك بيحصل محفز معين، المحفز ده لما حصلك رحت عملت فعل معين، لما الفعل ده حصل لقيت الدوبامين اللي هو بقى المسؤول عن السعاده أُفرز، فشعرت بسعادة مرة في التانية في العشرة ابتدت تتكون عندك العادة دي، أول ما المحفز بيحصل بتلاقي نفسك على طول بقى إيه بقى سلوك قهري. قهري يعني إيه سلوك قهري؟ يعني لو أنا عاوز أبطله أنا ما بعرفش أبطله، ما بعرفش أبطله. فعلاج ده أن إحنا بنكسر دايرة العادة دي، بنكسر دايرة العادة دي.
طيب، إحنا هنرجع للكلام ده تاني إن شاء الله، يبقى القاعدة اللي بنتكلم عنها أن الجواز ما بينهيخش المشكلة بل بتبتدي مشاكل من نوع تاني. كم الرسائل اللي بييجي لناس متزوجة ومش عارف يبطل ده، أو نساء وبتقول إن هي اكتشفت أن جوزها كده، ده كم كبير يعني ده. ومش النهارده ولا إمبارح ولا لا، أنا بتكلم ده على مدار عمري، أنا من قبل حتى ظهور الفيسبوك والحاجات دي خالص ماشي، يعني كان ناس تيجي المسجد وتحكي تحكي كده أنه بيفضل أنه يشاهد هذه المواد الإباحية دي ويمارس العادة السرية عن الجماع وأشكال عنده، بل نسب من الطلاق أنا أنا ما بحبش أقول يعني إيه أقول حاجات أنا مش محقق، لكن هي نسبة كبيرة، لكن هي الأكبر ولا الله أعلم، بس هي نسبة كبيرة من الطلاق بخصوص الموضوع ده أنه كان متخيل أنه هيلاقي المتعه في الزواج اللي هتخديه ما بيلاقيها خالص.
فلو حضرتك القاعدة بقى عايزين نقولها يعني أيها الشاب أو أيتها الفتاة، لو أنت فاكر أن هي مرحلة وهتعدي بالجواز أنت غلطان أنت غلطان. إيه اللي دخلنا في حته الهابت لوب والعادة بقى؟ أن أنت اللي كونت لنفسك العادة دي، أنت بقالك 10 سنين 15 سنة كونت لنفسك عادة أني علشان أحفز في الحتة دي بقيت أحفز بشكل معين، قاعد في مكان معين بأجواء معينة، بقيت مارس دور المتفرج دي مهمة جدا، دي مهمة جدا، بقيت مارس دور المتفرج، وهو ده اللي اللي بيثبتني، فبيؤدي في الآخر بقى إلى إفراز الدوبامين والقصة اللي إحنا حكيناها دي. فجأة فجأة أنت مطالب منك أن العادة دي تكسرها وبتبقى فاكر أنك هتلاقي اللذة في العلاقة يعني الطبيعية، فاللي بيحصل إيه يا جماعة؟ اللي بيحصل إيه أن أنت أنت اللي كونت العادة دي بقالك 10 سنين تعمل كده، أنت بتثار وأنت بتمارس دور المتفرج، فبتكتشف فجاه فجاه أنك مش عارف.
تعمل ده وبعض الناس بتقول خلاص أنا عندي
ضعف في الجنس ويروح يعالج في الحتة دي، وللأسف في بعض الأطباء مش بيربطوا الموضوعين ببعض والموضوع بيكون هو نفسي أكثر منه عضوي، وبمجرد انك تتوقف عن مشاهدة الإباحية فترة كافية بترجع لعلاقة طبيعية جداً.
ولذلك يا جماعة ودي قاعدة كنا المفروض هنقولها يعني فخدوها دلوقتي برضه من قواعد التعافي للمتزوجين، انك تتوقف فوراً مش عن مشاه حية احنا هنقول كمان شوية؛ لأن يا جماعة الإدمان ما فيهوش طبطبة، لو تفتكروا احنا قلنا النهارده مش جايين نتكلم عن مشاهدة الإباحية، بنتكلم عن إدمان الإباحية، الإدمان ما فيهوش طبطبة، ما فيهوش أنا هبطل بالتدريج، غلط غلط هبطل بالتدريج ده مش في الإدمان.
كل من تكلم في الإدمان أي إدمان أي إدمان، الإدمان عشان تبطله بتبطل فوراً وتنتكس وترجع ماشي، ده مقبول عندهم، إنما ما فيش حاجة اسمها إيه أنا هبطل بالتدريج غلط؛ لأن هو الإدمان هو كده كده هو رغبة قهرية، هو رغبة قهرية فدي لازم تتقطع فوراً ماشي، طب اتقطعت فوراً لمدة أسبوع ورجعت انتكست؟ نقول لك انتكست، هقول لك قوم تاني بس وأنت قايم قايم بنية انك هتبطل فوراً.
في حاجة اسمها أنا بشاهد مثلاً مرتين في الإسبوع، تلاتة في اليوم أياً كان الرقم؟ أبدأ، ما فيش كده، هتبطل فوراً وهتسيب كل حاجة فوراً، وهتقطع علاقتك بكل حاجة بترجع وتفكر بده فوراً، اللي احنا سميناها إيه؟ المحفزات التريغر أو الكيوز ماشي، أي حاجة احنا هنخش في التفاصيل دي إن شاء الله وهنفسر أو بتحفز ده لازم تقطعها فوراً.
لازم، خلوا بالكم يا جماعة المحفزات دي ممكن يبقى محفز واحد، ممكن يبقى عدة محفزات بيدوا لنفس النتيجة، وممكن يبقى عدة حاجات مجموعة على بعض بتعمل لك محفز، حد فاهم حاجة؟ يعني إيه آخر واحدة دي؟ يعني الاتنين سهلين يعني محفز واحد بيؤدي إلى النتيجة الفلانية أو عدة محفزات كل ما يوجد محفز منهم بروح اعمل كذا.
في بقى حاجة يعني حاجة تريكي شوية الناس ما بتاخدش بالها منها، إن عدة حاجات كده لما تتجمع تكون محفز، مثال للي احنا فيه مثلاً مشاهدة الإباحية أو إدمان الإباحية، أن أنا كل ما أكون في البيت لوحدي وبالليل وحط بقى أي حاجة، كل واحد فينا طبعا ليه يعني إيه مجموعة الحاجات اللي بتكون المحفز.
أول ما يحصل الحاجات دي بتتجمع مع بعض على طول ألاقي نفسي رحت ناحية الكذا، مهم جدا يا جماعة نبقى واعيين في الحته دي ليه؟ علشان أقول لك لازم تكسر المحفزات دي، لازم يعني أبسط مثال اللي أنا بقوله ده، فلو كده فممكن يقول لك إيه؟ ما تبقاش في البيت لوحدك، لو هتبطل مش هبقى في البيت لوحدك مثلاً، تقول طب ما أقدرش ما أبقاش في البيت لوحدك.
أقول لك يبقى إحنا قلنا إيه؟ في البيت ولوحدك وبالليل، يبقى إيه؟ وهو في البيت لوحدك يبقى خليه بالنهار، المهم تكسر واحدة من دول عشان الدائرة ما تدخلش في الدائرة بتاع العادة دي؛ لو دخلت فيها ما بتعرفش تكسرها.
فنرجع للقواعد تاني، اه فبيقول إيه بقى ركزوا معايا في اللي أنا هقوله ده، بعض الناس بتتجوز وبعدين يقول لك طب أنا هتوقف خلاص عن مشاهدة الإباحية أو عن الإدمان، وممكن يتوقف فترة لكن بيقع في فخ تاني وهو التخيلات، وربما يقع في هذا الفخ حتى أثناء الجماع.
يا جماعة التخيل هو زي المشاهدة بالضبط بالضبط وتاثيره نفس تأثير المشاهدة، وربنا سبحانه وتعالى ما خلق لناش أصلاً التخيل غير عشان كده، أنت أنت بقى تخيل بقول لك أهو، تخيل أن مثلاً عمال أكلمك على جنة وفيها كذا وفيها كذا، واحنا ربنا ما خلق لناش حاجة اسمها تخيل، ما عندناش قدرة أن لما أقول لك الجنة فيها أنهار وفيها بساتين وفيها مش عارف إيه، والثمر يدنو والحور العين.
فاحنا ربنا ما خلق لناش تخيل، مين منا هيبقى ده محفز ليه أنه يعمل صالحات؟ مين؟ ما حدش، إحنا أصلاً يبقى ده محفز لنا، إحنا بنتخيل هذه الأمور مجرد تخيلك لهذه الأمور فعل فعل المشاهدة، طبعا مش بقوه المشاهدة صحيح، لكن هو بيفعل فعل المشاهدة، فتلاقي صاحبنا اللي اتجوز ده أو اختنا اللي اتجوزت واللي فعلا توقف عن المشاهدة يقع بعد فترة تاني ويبقى مش عارف منين، واحدة من الأسباب الأطباء يذكروها هي التخيل؛ لأن التخيلات لها قوة المشاهدة.
فلذلك من النصائح الأطباء يذكروها للمتزوجين الواعين في الفخ ده أنه يتوقف فوراً عن التخيل حتى أثناء العلاقة، لو ما قدرش يعتذر عن العلاقة لكن عمره ما يعملها وهو يتخيل، ليه؟ علشان هيفضل في سلسلة إدمان الإباحية مش هيعرف يخرج منها مش هيعرف تماماً كأنه يشاهد.
دي قاعدة تانية خلاص من القواعد اللي معانا، القاعدة اللي بعد كده وحقها التقديم، آخرنا ليه؟ لأن اتكلمنا عنها كتير قبل كده وهي أن إحنا كمسلمين لازم يبقى عندنا خطاب شرعي، جميل جداً أنك تروح تبدا برنامج تعافي، وده احنا هنقوله يا جماعة، الناس اللي واقعة في الإدمان من الحاجات المهمة جداً في طريق العلاق أن تجد من يعينك على هذا العلاج.
وده مش عيب، ده مش عيب هو إدمان زيه زي أي إدمان، زي ما في واحد مدمن مخدرات، واحد مدمن زي أقول لكم كده مدمن كحوليات، واحد مدمن إباحية، طب عاوز أبطل؟ بلجا للناس المتخصصة في الحته دي؛ لأن في بعض الحالات فعلاً لازم تلجا لطبيب، لازم، في بعض الحالات لازم تلجا لناس عندها برنامج تعافي لازم؛ عشان تساعدك ازاي تتعافى وازاي تخرج من اللي أنت فيه ده.
خلاص فده مش عيب، في ناس بتعمل ده دلوقتي، وفي ناس بتعمل ده دلوقتي، والحقيقة مشاركتكم مع صارحني كانت يعني أثر الموضوع ده يعني يمكن أنا استفدت منه من أكتر الحاجات اللي جتلي عنها يعني كلام كويس واعي، مجموعة واعية، فادخلوا ابحثوا عنها على أي منصة بقى من منصات واعي وتواصلوا معاهم، جالي أسماء تانية أطباء دكاترة.
واعي ده يعني يعتبر مجموعة فريق عمل فهو بيوجد لك واحد يشاركك في رحلة التعافي بتاعتك، هكتب لكم الأسماء كلها؛ لأن الأسماء مش في ذني دلوقتي هطلعها بقى من صارحنا، جالي كم رسائل مرعب الحقيقة، الكم المرعب لكن في رسائل مبشرة جداً، فهكتب لكم كلها إن شاء الله على التليجرام علشان اللي عاوز يبدا رحلة التعافي، رحلة الخروج من النفق المظلم اللي الشباب عايشة فيه دلوقتي.
طيب فدي قاعدة، القاعدة اللي بعد كده القواعد دي يعني، اه القاعدة بعد كده اللي هي كان حقها التقديم بقى أنك مش هعمل ده، أخونا الله يبارك له قبل ما يمشي، يعني أنت مش هتعمل ده غير بالله سبحانه وتعالى، مش هتعمل ده غير بالله.
تقول لي بقى بص يا عم الشيخ هتقول لي بالله؟ الكفرة عملوها وعندهم برامج تعافي وبطلوا ومش عارف إيه، أقول لك حتى الكفرة حتى الملحدين لما عملوا ده عملوه بالله، يعني إيه بالله؟ مش هو لازم يستعين بالله الكافر ده أو الملحد؟ مش استعين بالله؟ لكن كونه توقف ربنا سبحانه وتعالى قدر له أنه إيه أن يعني يعني ما فيش حاجة بتحصل في الكون غير بربنا سبحانه وتعالى.
الفرق بقى بينا وبينهم إيه؟ أن وأنت في رحلتك في التعافي هتبقى مكنة حسنات شغالة، مفهومة دي يا شباب؟ يعني كل مرة زي ما أخونا قال قبل ما يمشي هتمر وجهك في التراب وتدعي، الدعاء ده عبادة ولا مش عبادة؟ الدعاء لوحده يعني مجرد أنك دعيت ربنا سبحانه وتعالى عبادة ولا لا؟ عبادة، عبادة يعني بتاخد عليها إيه؟ ثواب، صح كده؟
فأنت في رحلتك للتعافي بتتعافى وبتاخد ثواب، الثواب ده إحنا في الآخر يا جماعة إحنا عندنا مشاكل دنيوية بنقع فيها مع إدمان الإباحية كتير، وفي هنا ناس أساتذة تحكي لنا بقى تجاربها من اكتئاب ومن رهاب اجتماعي مش عاوز يقابل حد، مش عارف يقعد مع حد، قرفان من نفسه، حاسس دايما بالدونية، مأثرة على دماغه ولا عارف يحفظ ولا عارف يفهم، مأثرة على بدنه بعد ما كان رياضي ساب الرياضة، مأثرة على حتى ما بقاش يعني مهتم بشكله الخارجي.
على فكرة يا جماعة أعراض أعراض الإدمان تقريباً واحدة في كل يعني اللي أنا بقوله ده أسقطه على واحد مدمن مواد مخدرة هتلاقيه صح ماشي، فكل ده في الدنيا بس إحنا عندنا مشكلة أكبر من دي كمسلمين، إحنا عندنا آخرة، عندنا آخرة فعندنا جنة ونار ففي قصة تانية كبيرة شغلانة عن الدنيا أصلاً.
ففكر وأنت في رحلة التعافي أنت عمال بتوزن الميزان شوية ميزان الحسنات والسيئات، دي فكرة لا تستهين بها، يعني فكرة أن أنا طول ما أنا في طريقي للتعافي عمال مركز أن أنا مع ربنا سبحانه وتعالى وأني أنا بالله سبحانه وتعالى، فده هيؤثر في علاقتي مع ربنا سبحانه وتعالى في عبادتي في طاعتي في دعائي.
واحد باعت ورقة وخطه جميل مش عارف أقرأ منه حاجة، منصة واعي مالها بقى؟ أوليس هذا من باب يعني هو ظاهر من باب بس إيه البلا في الكلام الإجهار بالمعاصي وهل يدخل تحت حديث النبي صلى الله عليه وسلم إيه؟ كل أمتي معافى إلا المجاهرين مثلاً؟ يعني بحاول أقرب الآية كده أهو بس أنا منصة واعي يعني أنت لما بتبعت لهم مثلاً بيفضحوك؟ يقولوا الحقوا فلان جائن و يعني كده بيعملوا كده على المنصة يعني أنت تبعت لهم في السر يقوموا عاملين سكرين شوت مثلاً للاكونت بتاعك؟
ما أعتقدش لا، هو من باب أنك بتلجأ لأهل الذكر في النقطة دي، زي ما أنت بتبق مريض فبتراح لطبيب متخصص فانت بتلجأ لحد بيعينك وفاهم كويس، وده من ترشيحات ناس منكم يعني بعتوا لي رسائل أن هم تعافوا خلاص.
ودي قاعدة بقى، القاعدة اللي بعد كده اه الأول بس أنت بالله سبحانه وتعالى إيه يا جماعة؟ تتلخص الموضوع كله عشان أفهمك يعني إيه بالله وأنت مع ربنا، الطريق هيبقى مختصر جداً، قال الله عز وجل: ﴿وَلَكِنَّ اللَّهَ حَبَّبَ إِلَيْكُمُ الإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الكُفْرَ وَالْفُسُوقَ وَالْعِصْيَانَ﴾ [الحجرات: 7].
هو أنت اللي بيخليك تروح تعمل ده أنك حبه على بلاطة كده مش كده؟ حبه، طب حبه ليه؟ ادينا قلنا لك الدوبامين بيفرز تحس بالسعادة، طب أنا عاوز أكره بقى الموضوع ده؟ ربنا قالها لك، ربنا اللي بيكره، وكره إليكم الكفر والفسوق والعصيان.
فتخيل كده أن أنت عاوز حاجة هي في إيد ربنا سبحانه وتعالى، فيبقى في طريقك للتعافي ما ينفعش تغفل ربنا سبحانه وتعالى، وبقول الكلام ده لأن في ناس هترروح لهم غفلوا ده ليه؟ هم ماشيين على برامج تعافي زي ما هي كده جاية من عند الغرب خلاص، زي ما هي بيسلمها لك كده زي ما هي، بالميسبة في برامج تعافي جاهزة يعني تطبق إن شاء الله بنسبة كبيرة بتنجح ماشي.
القاعدة اللي بعد كده أن السبب في الوصول لإدمان الإباحية مش بس الشهوة، السبب ودي قاعدة مهمة جدا يا شباب في أنك توصل أنك تدمن الإباحية مش بس الشهوة، لا هو مجموعة حاجات جنب بعض كده، منهم طبعا الشهوة، لكن في حاجات تانية، وصناعة الإباحية والمصطلح ده مش مصطلح أنا ده مصطلحهم هم، مصطلحهم بتوع الإباحية، الإباحية بقت صناعة، صناعة يعني يعني في ممثلين وممثلات ورواتب ومونتاج وصناعة ماشي.
هم فاهمين ده كويس وبييلعبوا على الغرائز أو الشهوات اللي عندك علشان تبقى واحد من فرائسهم ماشي؟ ليه؟ مش قضيتنا دلوقتي فمنها منها حب الشهوة طبعا، الشهوة دي موجودة طبعا، إه تاني بقى ودي مهمة جدا الآية؟ الفضول اللي هو صح الفضول أو الشغف لكل ما هو جديد ماشي.
لأن الإنسان دايما يحب يعرف حاجات جديدة، يشوف حاجات جديدة خلاص، ولذلك مدمن الإباحية مدمن الإباحية منهم اللي بيقول ده بيقول أنا يعني لا أثار لو شاهدت الحاجة مرتين، هو عنده حاجة تانية غير الشهوة هو عاوز دايما يشوف حاجة جديدة، ومنها أن الإنسان دايما عنده بقى الفضول هي اللي أنا قلتها الأولى هم دول حاجتين قولهم الفضول وحب الجديد.
الفضول بقى يا جماعة اللي هو إيه عارفين لما أجي أقول لك ودي غريزة في البني آدم، أجي مثلا هات كده إن شاء الله طفل صغير تقوله إيه؟ أنا الحاجة اللي في إيدي مش هوريها لك، هو هينسى، عاوز يشوف الحاجة إيه؟ الحاجة اللي في إيدك دي مع أن أنت لو ما قلتش أيد كده يا جماعة وما قلتش حاجة، طب قلت في حاجة في إيدي بس مش هوريها لك يا جماعة، كل اللي في المسجد هيبقى عاوز يعرف إيه الحاجة اللي في إيدي دي؟ طبيعة بشرية، طبيعة بشرية، فهم بيلعبوا على ده كله.
أنا ليه بقول القاعدة دي؟ القاعدة تحس أنها مش مهمة هو اللي جاي هو مهم، للنساء من الغرائز دي، وده عند نساء أن النساء يا جماعة الأكثر في تحرك هذه الأمور وأنهم يروحوا للفخ ده أو النفق المظلم ده حاجات بعيده عن الجنس أصلاً ماشي.
يعني يعني كتير من الرسائل بتاعة النساء، وده برضه الأطباء بيقولوه، بتيجي أن البداية كانت الرومانسية، أنا جتلي رسالة من واحدة البداية كانت أفلام أنمي عادية جداً أفلام أنمي عشان كانت بتقوي اللغة، اتفرج على أفلام أنمي بتقوي اللغة بس ماشي.
مشاهد فيها رومانسية، مشاهد فيها حميمية، مشاهد فيها حب، مشاهد فيها مش عارف إيه، تطور الأمر إلى أنها بقت مدمنة إباحية، فيبقى لازم نبقى واعيين برضه للحته دي بالذات عند المرأة، ولذلك يا جماعة ودي برضه من القواعد اللي المفروض نقولها أن مش بس المشاهدات، حتى القراءات في هذه الأمور.
ربما تثير بالذات عند النساء، وليه عرفنا عند النساء؟ علشان مسألة الرومانسية. رسالة جتلي أنا يعني اللي بحكيه لكم ده يا جماعة رسائل وصلا لي أن واحدة من واحدة من البنات ما كانتش عارفة إيه التريجر بقي؟ إيه الكيو؟ إيه المحفز؟ بتقول: مش ما بعملش حاجة، لا بتفرج على ولا أي حاجة لغايه ما عرفت الأغاني حرام، سابت الأغاني، الموضوع ده انصرف عنها بنسبة كبيرة جدا أول ما سبت الأغاني. بتقول بعد كده ابتدت قل فرجة على الأفلام والمسلسلات لغايه ما قطعت أفلام والمسلسلات الموضوع ما بقاش يجي في دماغي خالص.
هنا المحفز إيه أصلاً؟ مش الشهوة، هو المحفز حاجة تانية خالص، ماشي؟ ولذلك جالي شكاوى قبل كده بقى كذا مرة من البنات المسلسلات أو الأفلام الكوري، أنا معرفش أنا ملحقتهاش دي فأنا معرفش فيها إيه، بس هم بيقولوا أنها فعلاً بتؤثر على البنت بشكل كبير جدا، ومش في حته شهوة خالص يعني هو طب بص للشهوة لكن الحاجات دي كلها رومانسية وكلها حب وكلها حاجات زي كده. فلازم فاهمين إن اللي بياخدنا للحته دي مش بس الشهوة، مش بس الشهوة.
طيب، القاعدة اللي بعد كده: التعافي ممكن؟ آه، ممكن، وححصل، وبيحصل، وهيفضل يحصل، ماشي؟ فالتعافي ممكن بإذن الله سبحانه وتعالى. طيب، يعني محتاجين قد إيه عشان نتعافى؟ كلام الأطباء أن أنت عشان تتعافى من إدمان الإباحية بيدوروا حوالين رقم تسعين يوم، بيدوروا حوالين الرقم ده خلاص، بيدوروا حوالين رقم تسعين يوم. طب ده مهم في إيه؟ مهم علشان لما أنا أجي أقولك النهارده يا فلان يلا ابتدي رحلة التعافي فتبقى حاطط لنفسك الهدف بتاعك إن أنا تسعين يوم مش هقع في حاجة، ده مهم؟ آه مهم، ليه؟ طول ما أنت قدامك هدف وعمال بينقص واحدة واحدة أنت بتقرب لهدفك، بيديك حافز. عارف جيت قلت لك إيه: من النهارده لغايه ما تموت ما تتفرجش على حاجة؟ ممكن واحد همته تقع كده، لكن لما أجي أقوله إيه: طب امسك نفسك تسعين يوم بس، دي بتعلي الهمة شيئاً ما، دي بتعلي الهمة شيئاً ما. فهو ممكن؟ آه، ممكن، وححصل وبيحصل لناس عادي جدا، خلاص؟
القاعدة اللي بعد كده: أنا القواعد ما هياش بالترتيب. القاعدة دي لو أنا يعني بإيدي وكنت هرتب وأكتب هتبقى أول قاعدة اللي أنا هقولها دلوقتي دي، وهي: مالكش حجة، مالكش حجة. اقعد بقى أقول من هنا لبكرة، حضرتك بلغت النهارده بتتحاسب من النهارده، أصل كله بيعمل كده، مش حجة قدام ربنا سبحانه وتعالى، مش حجة. أصل ما أنت شايف الدنيا والفتن، مش حجة قدام ربنا سبحانه وتعالى، يعني لو أنت فاكر متوهم انك لما تموت وتبعث وتبل من إيد ربنا فتقول له: أصل يا رب أصحابي كلهم كانوا كده، أصل الدنيا كانت الفتن مش عارف إزاي، أصل النساء أصل هم اللي كانوا يدعو إلى أنفسهن أصل، فهتهتف أن: خذوه إلى الفردوس الأعلى، قد يحدث، الله أعلم، يعني ده دي بتاعة ربنا، يعني أنا لا أتالى على الله سبحانه وتعالى، خلاص.
إنما دي مش حجة، دي مش حجة أمام الله سبحانه وتعالى، لكن كيف يعاملك الله؟ دي بتاعته مش بتاعتي، خلاص. يعني إيه مش حجة؟ يعني مش هتيجي تلاقيها مش في صحيفة سيئاتك لمجرد أن الناس كلها بتعملها، وزي ما قلت لكم النار تساع، مش كده؟ أخرج بعث النار وما بعث النار من كل ألف تسعمائة وتسعة وتسعين من لدن آدم إلى قيام الساعة، تسعمائة وتسعة وتسعين في الألف هيخشوا النار. طب بعد ما يخشوا لسة النار بتقول إيه: هل من مزيد؟ فهي المكان واسع، فما تتكرش إيه أصل هو النار ضيقة فهو عدد صغير فأكيد يعني إيه؟ لا ما فيش كده، هي النار تساع. فانت مالكش حجة، أنا بقول لكم لو بإيدي أرتب القواعد أو يعني كنت مرتبها كويس دي أول قاعدة: أوعى تخلق لنفسك شماعات لمجرد أنك ضعيف قدام شهوتك، ليه؟ كل ده هييندم أمام الله سبحانه وتعالى، هييندم وفي الدنيا. يعني حضرتك لما خلقت لنفسك شماعات، هتصحى ذهنك صافي وعارف تركز وبدنك زي الفل وهتكمل في الرياضة بتاعتك ولا أي حاجة؟ حتى التأثير في الدنيا هو هو من واقع أن أنت وقعت في هذا الشرك إدمان الاباحيات، فانت مالكش حجة، خلاص.
القاعدة اللي بعد كده: عشان وأنت بادئ التعافي أو بادئ العلاج في إدمان الاباحيات أن زي ما قلنا الإدمان أنا ما بكلمكش على مشاهدة الاباحيات دلوقتي، أنا بكلمك على إدمان، إدمان يعني عشان تبطله لازم فوراً. فوراً يعني إيه؟ يعني النهارده أول ما هخرج من المسجد أنا من النهارده مش هبص تاني، مش هتفرج تاني، مش أنا بتفرج خمس أيام في الأسبوع هيبقوا يومين؟ غلط، ومش هتبطل وهترجع أشرس من الأول. طب يعني أنا لو بطلت فوراً مش هرجع؟ قد ترجع، قد، ودي هيسموك، ولما تنتكس هنقول لك قوم تاني وابتدي تاني بنية الفورية برضه، ماشي؟ الكلام ده طبي بحت، والا فاحنا أتكلمنا عليه شرعي الدرس اللي فات، فاكرين لما قلنا أنت ما تعرفش هتموت أمتى؟ فهو فكرة أن أنا إيه بدل خمسة هبقى اتنين؟ حضرتك في الفيديو الثاني أنت مت وأنت بتتفرج، أنا حكيت لكم الحكاية المرة اللي فاتت: داعية إلى الله سبحانه وتعالى واحدة بتكلمه عارفاه: الحقني وبتصوت، راح واخد اتنين معاه ورايحين لها البيت، فتحت لهم الباب أغمى عليها، فوقوها، ملكة بنت الحلال خدتهم على أوضة ابنها، فتحت الأوضة الولد ميت، فاتح الكمبيوتر بيتفرج على فيلم إباحي وميت هو على الحالة دي.
المشهد اللي أنا حكيته لكم ده قد تكون أنت ضحيته النهارده أو بكره أو بعده، بلاش، يعني مش لازم وأنت بتتفرج بس، أتفرجت وخلصت وما تبتش فكتب عليك خلاص في صحيفة سيئاتك. طب أنت بتراهن دلوقتي؟ يعني أنت عمال في اليوم الواحد تفرج على مشهدين تلاتة صورتين مش عارف، طيب، أنت أنا دلوقتي لو سالت أي واحد فينا، حتى أنا يعني بعيد عن الاباحيات ولا أي حاجة، أقعد أسال نفسك كده: أنت دلوقتي لو مت دلوقتي يا ترى كفة حسناتك شكلها إيه؟ وكفة سيئاتك شكلها إيه؟ يعني إيه الكفتين ترجح؟ حد فينا عنده جواب ولا مخلوق؟ لو سالتك دلوقتي، دلوقتي ده اللي هو إيه؟ يعني حضرتك عندك أربعين سنة، خمسين، ستين، سبعين، فأنا بكلمك من أول ما تكلفت، أو عشرين، أو أي سن من أول ما تكلفت، حضرتك سيئاتك قد إيه؟ وزنها قد إيه في الميزان؟ خلي بالك أصل الوزن ده قصة تانية، يعني سيئتك دي مش يعني إيه سيئة اتنين تلاتة أربعة، مش كده مش كده، وكذلك الحسنات، أنا لا أقنط بس برضه ما بجرش، مش كده، يعني إيه: ﴿إِنَّكُمْ لَا تَعْمَلُونَ أَعْمَالًا هِيَ أَعْيَنِكُمْ أَدَقَّ مِنَ الشَّعَرِ إِنْ كُنَّا لَنَعُدُّهَا عَلَى عَهْدِ رَسُولِ اللَّهِ مِنَ الْمُوبِقَاتِ﴾ المهلكات ماشي، واحنا في سورة النور: ﴿وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ﴾ [النور: 15]. يبقى أنت فاكر أن السيئة دي بسيطة وهي عند ربنا عظيمة، ما تعرفش، طب أنت يوم القيامة جيب ميزانك معاك وأنت يعني إيه كل واحد هيوزن بميزانه، ولا هو ميزان ربنا هو ميزانه سبحانه وتعالى؟ ميزان ربنا، فالسيئة دي شكلها إيه وقد إيه؟ الله أعلم، الله أعلم. طب والحسنة كذلك؟
مين فينا بقى دلوقتي يعني زي ما بيقولوا كده مغسل وضامن جنة؟ ما فيش مخلوق كده، ما فيش، ما فيش، معظم يا جماعه خوف السلف، خوف الصحابة الذي ورد عنهم كان خوف سوء الخاتمة، مش كده، أو أن اللي هي الحته دي اللي هو سوء خاتمة، اللي هو يقدم على الله عز وجل فيبدو له من الله ما لم يكن يحتسب. الحته دي اللي هي بالنسبة لأي مخلوق رمادية، يعني ما أقدرش أقول، ما أقدرش أقول أنا إيه دلوقتي سيئاتي راجحة ولا حسناتي راجحة، ما حدش يعرف. طيب حضرتك بتتفرج ومقضي حياتك، ولو مدمن بقى بشكل كبير فانت متخيل أن معظم اليوم بيدور في الفلك ده؟ حتى لو مش يعني مش حاجة صريحة، لكن معظم يومك داير في الفلك ده، متخيل أن نياتك هتيجي على إيه؟ ما هو الإنسان بيموت على ما إيه؟ على ما قلناها لكم المرة اللي فاتت بالرياضة، مش كده؟ حسبناها لكم رياضياً، يعني أنت سبعين في المية من حياتك هي بتدور في الحته دي، فسبعين في المية احتمال انك تموت على ده أو نسبة انك تموت على سبعين في المية ده ده حاجة رياضية بحته. حد فاهم ده يا جماعة؟ حد مش فاهم ده؟ حد مش فاهم ده؟ يعني حياتك سبعين في المية بتدور في الحته دي، سواء بقى بتفكر فيها وأنت قاعد لوحدك، سواء بتخيل ده مع مع مع أي حد تشوفه، سواء بتتفرج صراحة، سواء بتشير، سواء أي حاجة، فسبعين في المية من حياتك هي في الحته دي، طب نسبة رياضياً، رياضياً، ما دخلناش بقى في مسائل القدر، نسبة انك تموت على ده قد إيه؟ سبعين في المية، صح؟ ونسبة انك تموت على حاجة تانية الثلاثين في المية الباقيين، صح يا جماعة؟ فانت مستني إيه بقى؟ أنت مستني إيه؟
القاعدة كانت إيه اللي لو بيدي أخلية أول قاعدة؟ مالكش عذر، مالكش عذر، فلازم تدي فوراً، لأن كل الأعذار اللي أنت بتخلق لنفسك دي كمسكنات، كمسكنات لنفسك، لن تخيل على الله سبحانه وتعالى، مش هتتخيل ولا هتروق عنده سبحانه وتعالى، خلاص. فلازم تبتدي فوراً، مالكش عذر.
طيب إيه تاني من خطورة الاباحية؟ من خطورة الاباحية أو إدمان الاباحية أنها بتعلي، طبعا دي حاجات كتير، وأظن يعني الناس اللي جاية عشان تسمع حاجة زي كده فهي أكيد قاربة في ده قبل كده أو سامعة في ده قبل كده، لكن أنا عاوز أركز على خطر مهم جداً جداً يا جماعة، وده بيعمل مشاكل بعد كده في الزواج، وليه مركز على ده؟ علشان أقول لكم أن الموضوع مش بينتهي بالزواج، لأن هذه أكذوبة يخلقها لكم الشيطان خلاص، وزي ما بقول لكم كم الرسائل اللي بيجي واللي جه في اليومين دول بس بشع، بشع، الناس فاكرة كده وما بيحصلش كده، بل ربما بيزيد الأمر، خلاص، وبيحصل طلاق زي ما قلت لكم قبل كده.
ليه ده بقى بيحصل يا شباب؟ قلنا لكم أول حاجه اللي هو التكيف الجنسي اللي قلنا لكم عليه ده، أنت اللي كونت العادة دي أني أنا أثار وأنا في وضع المشاهد، وأنا في وضع المشاهد، خلاص، أنت كونت العادة دي لنفسك. الموضوع التاني بقى المرعب يا شباب، المرعب وده بتخش في اكتئاب الناس مدمنة الاباحية اللي بيخشوا في اكتئاب، سواء رجل أو امرأة، أن احنا قلنا لكم الاباحية أصبحت صناعة، خلاص، فعشان تبقى صناعة بيبقى في مواصفات معينة بمن يمارس هذا الأمر، سواء رجل أو امرأة، أنت بتيجي تقيس نفسك بالمواصفات دي أول حاجة، فبتلاقي نفسك غير مطابق لهذه المواصفات، فتصاب باكتئاب وإحباط، وبتبقى عاوز من شريك حياتك أنه يكون في المواصفات بتاعتاع الآخر، فما بتلاقي ده فيبقى شريك حياتك ده مش قادر يلبي لك ما ترغبه.
كل ده إيه اللي عمله أصلاً يا جماعة؟ زمان الفطره السليمة الطبيعية، الفطره السليمة الطبيعية خلاص، التي لم تتاثر بملوثات، لم تتأثر بأي ملوثات، أن الرجل تثيره المرأة وخلصت شكرا على كده، ماشي، يعني كل امرأة تثير كل رجل، مش لازم بس هو الرجل تثيره المرأة، ما بقيناش كده، ما بقيناش كده ليه؟ لكثرة المحفزات دي، خلاص، ما بقاش أي حد يثير أي حد، مين اللي عمل كده؟ أنت اللي عملت كده في نفسك مش حد تاني، أنت اللي عملت كده في نفسك، ما تجيش تشتكي أصل هي أصل هو أصل ما تجوش تشتكوا أنتم نفسكم حتى البنت، حتى المرأة ربما تهمل نفسها، هي خلاص متعقدة لو قاست نفسها لا تساوي شيئاً، تهمل نفسها تماماً، خلاص، اكتئاب، اكتئاب حاد ونوصل للحالة دي لا الراجل مهتم بنفسه، ولا الست مهتمة بنفسها، ولا هو شايفها ولا هي شايفاها، خلاص، طلاق، ده الطلاق ده لو هم ناس محترمة، ده لو هم ناس محترمة، والا في حاجات أبشع من كده بكثير.
ليكم عذر؟ مالكش عذر، ما حدش ليه عذر في حاجة، ما حد الله عز وجل قطع كل الأعذار، كل الأعذار، يعني يوم القيامة لوقف قدام ربنا كده، أمال أنت فكر نفسك مش هتتحاسب يعني؟ يعني اللي أنت بتقوله ده بالله عليك ولا اللي أنت بتقوليه ده؟ يعني حطه كده قدامك كده وبص عليه كده: كله بيعمل كده؟ إيه ده؟ يعني تخيل كده بلاش عشان بس تفهم يا جماعة تفهموا إحنا بنعمل إيه مع ربنا سبحانه وتعالى، تخيل حضرتك مدير شركة، خلاص، وجيت جبت واحد: يا ابني أنت بتتاخر ليه؟ ما كله بيتاخر، ده الرد، تقوله: أقنعتني والله مئة مئة، اتفضل، هتعمل كده معه؟ ما هو ده اللي احنا بنعمله ومتخيلين أو مستنيين من ربنا يعاملنا كده.
هتعمل كده مع الموظف اللي بيتاخر لمجرد أنه قال لك ما هو كله بيتاخر؟ مش هتعمل كده، هتعاقب، هتعاقب وتقول له: هعاقب كله، يعني إيه؟ يعني كله يتعاقب، مش كده؟ هيجي يقول لك أصل أنت عارف بقى الطرق ومش عارف إيه، هتقبل منه كل يوم بيتاخر ويقول لك أصل الطرق، هتقبل منه ولا هتقوله: انزل بدري؟ مش هتقبل، مش هتقبل. طب احنا ليه عاوزين ربنا سبحانه وتعالى يقبل منا اللي احنا ما هنقبلوش واحنا بشر أهم مش هنقبلوه؟
غيرنا أصل الدنيا ربنا بيقولك أنت ليه بتروح المكان الفلاني؟ يا جماعة احنا مش جايين نطبطب كالعادة ماشي، احنا هنقول أول حاجة في انك تتخلص من الإدمان انك تقطع صلتك بأي محفز، طبعا أكبر محفز هو إيه؟ الموبايل.
فأكبر محفز لحضرتك لو ده المحفز جوه ببعمل ده صح، طبعا هيطلع كل الأعذار: الأصل الشغل، الأصل الإيميلات، الأصل المذاكرة، الأصل عارف إيه؟ وفي الآخر تروح النار يعني كل ده هيعملك إيه؟ خلي شباع خاصة بنلاقي الأعذار معظمها وهمية، طب اللي بيخليها الشيطان؟ مش بس الشيطان دماغك كمان بتعمل كده، وده جزء الأطباء يذكره.
وكلما كنت أذكى أنت نفسك ذكي، لو أنت ذكي تلاقي تبريرات أذكى؛ لأن دماغك بتستخدم ذكاءك في أن هي توهمك أن أنت معذور، مفهومة دي؟ كل دي مش مبررات، اقطع صلتك فوراً. زمان كان الموضوع أسهل يعني نقوله إيه؟ زمان بقى قبل كمان النت السريع هو كان الأول فيه نت أصلاً، وسبحان الله يا جماعة يعني علاقة النت بالاباحية من قديم الأزل.
يعني الناس الكبيرة شوية بقى مش الشباب عك مش هيعرفوا اللي أنا بقوله ده، كان زمان في نت بسلك التليفون كده ده ما كانش سريع، النت سريع أظن ظهر 2006 ماشي، وسبحان الله برضه ظهور النت السريع مع الآيفون يعني هم الاتنين ظهروا في الحقبة دي 2006، قبليها كان النت بخط التليفون كده وصل بالجهاز يعني بالكمبيوتر، وكان النت بطيء جداً.
فكان لما بنبقى احنا شباب يعني ثانوية عامة، إعدادية يعني في الحقبة دي، جامعة في الحقبة دي، فكان أول واحد يقول لي أنا هدخل البيت كله هدخل النت، هم خلاص من يوم ما ظهر النت وهو مربوط بالآية بالاباحية، مع أن زمان ما كانش فيه حتى المشاهد يعني لا، كان آخرها ممكن صور، ممكن ما كانش في نت سريع أصلاً، فكان الحلول سهلة وقتها يعني أقول لك إيه؟ شيل يا عم النت من البيت سهلة يعني.
أبسط يعني الحلول أبسط، النهارده الموضوع تغلغل بشكل بشع، أو ما تشيلش النت من البيت بس الكمبيوتر ده كان الحلول فعلاً يعني بتتقال وقتها الكمبيوتر في مكان واضح، يعني ما يبقاش شاشة الكمبيوتر للحيطة، لا شاشة الكمبيوتر مثلاً في الصالون ووشها للصالون بحيث وأنت قاعد خلاص يبقى حاجة حصلت كل الناس شايفاها، فده كانك بتخلق رقيب عليك من من غيرك علشان ما تقعش في ده.
النهارده هنقول إيه؟ يعني النهارده لما أجي أقول لك اقطع العلاقة بالحاجات اللي بتفكرك، هقول لك إيه؟ ما هي ما فيهاش مجاملة يا جماعة، يعني في وقت من الأوقات لازم لازم تقطع ده، هو التليفون بقا في إيديك؟ بالتليفون ده أنت في أوضتك، بالتليفون في الحمام، بالتليفون في الشارع، بالتليفون في الجامعة، بالتليفون لازم لازم تقطع العلاقة دي.
لو العلاقة دي مش قادر تحجم مش قادر تتحكم فيها، هيجي وقت هنقول لك اقطع خالص التليفون بالسمارت فون يعني أعمل إيه؟ نوكيا ابن الحلال بتاع زمان ده أبو زراير الحمد لله لسه في السوق، واحد نوكيا كده معاك 90 يوم، 90 يوم هبتدي برنامج التعافي، هتدخل تقرا برنامج التعافي، هبتدي فيه، تليفونك ده اخفيه من وشك.
طب الحاجات الضروري؟ الحاجات اللي مش عارف إيه؟ يبقى من لو ربنا فاتح عليك معاك لاب توب، معاك تابلت، معاك مش عارف إيه، آخر اليوم ساعة زمن هقعد أشوف الحاجات المهمة، أصل ما أقدرش أعمل غير مش عارف إيه؟ احنا عشنا فوق، فترة الشباب الصغير للاسف مش متخيل حياته من غير سمارت فون مثلاً، مش متخيل يعني هي ينفع حياة من غير؟ هو كان نافع حياة من غير موبايل أصلاً يعني؟
احنا عشنا ده عادي جداً يعني عشنا حياة من غير موبايل، ما كانش فيه ولا الموبايل حتى القديم اللي هو مالوش دعوة بالنت خالص ده، لا احنا عشنا ده، وكانت عادي الحياة ماشية والله جداً، وما كناش حاسين أن في توتر ولا حاجة خالص. النهارده احنا بقى مش بكلم الشباب الصغير، احنا الناس الكبيرة واللي أكبر مني، أنا لو نزلت من بيتي من غير التليفون أحس أن يومي هيقف، يعني ممكن أغير مشوار عشان أرجع أجيب التليفون بس.
طب ده عذر؟ لا مش عذر خالص، فهتقطع علاقتك بده كله، علاقتك بإيه بقى؟ صحبة بتجر لده هتققطع لازم، ألف باء تعافي، ألف باء تعافي علاقتك بصحبة بتجر لده هتقطع، مكان كل ما بتروح، خلي بالك يا جماعة في حاجة بقى مهمة جداً المحفز مش هو الفيلم اللي رحت اتفرجت عليه ولا المقطع، ركزوا في دي، مش ده المحفز، هو المحفز حاجة حصلتلك ممكن وأنت في الشارع عينك وقعت على إعلان مثلاً، سلمت على زميلتك في الجامعة مثلاً، كلمت واحدة ضحكت ضحكة مش عارف إيه مثلاً.
المحفز بيكون حاجة تانية خالص وتفضل في ذهنك لغاية ما تروح تعمل المصيبة، لازم تقف على المحفزات اللي بتدفع لده لازم، يعني احنا عاوزين بقى فترة كده من اكتشاف النفس بيسموها إيه؟ السيلف أويرنس مش كده؟ تعرف نفسك: أنا إيه المحفزات اللي لما بتصل بتثير مني، بتخليني أروح للحته دي؟ ماشي.
الحاجة التانية الخطيرة اللي قلت لكم أنا لازم أقولها عشان موضوع الجواز أن المواد الاباحية المعروضة بقت مش بس انتشارها الخطير، ولا سهولة الوصول ليها، ولا أنها مجانية، ودي برضه علامة استفهام كبيرة يعني، دي محتاج درس لوحده بقى، كونها مجانية مع سهولة الوصول مع أنها صناعة يعني في تكاليف كبيرة بتدفع فيها هي ليه مجانية؟ أو ليه في منها جزء كبير مجاني يعني؟ ممكن المرء يستغنى به عن اللي بفلوس علامة استفهام كبيرة جدا جدا، لكن مش وقت نخش في دي.
لكن الخطورة الأكبر بقى في التنوع الموجود، التنوع الموجود فده بيخلي إيه؟ بصوا يا جماعة الدوبامين اللي بيحصل إيه؟ أنت عشان تحس بسعاده فانت بيفرز حاجه في جسمنا اسمها الدوبامين خلاص، الدوبامين ده بيفرز بشكل أو مستوى معقول مع أنشطتك المختلفة، يعني الرياضة تفرز دوبامين، العملية الجنسية مع زوجتك تفرز دوبامين، لو عرفت حاجة جديدة أفادتك وبسطتك تفرز دوبامين، ده كله دوبامين صحي بيفرز.
المواد الإدمانية بتفرز دوبامين بشكل أكبر، يعني هقول لكم رقم عندي فباق أقوله: الكوكايين بيفرز 10 أضعاف الدوبامين اللي بيفرز في الأنشطة اليومية العادية، 10 أضعاف! أنتتوا فاهمين الفرق المرعب ده؟ بيعمل إيه؟ بيخليك لو دخلت في سلوك إدماني أنت ما بتنبسطش بحاجة تانية، أنتوا فاهمين اللي بيحصل؟ أنت خلاص أنت جسمك تعود على كمية معينة من الدوبامين تفرز، فلما تروح لأي حاجة تانية مهما افرزت لك من الدوبامين أنت لسه مش مبسوط، ليه؟ أنت متعود على جرعة معينة من الدوبامين.
وده بقى اللي هيسر لك في الأول تعريف الإدمان، هو رغبة قهرية في أنك تتناول المادة الإدمانية، بس أنا زودت جملة حد فاكرها؟ مع أنك مع الوقت عاوز تزود الجرعة، وكتير جداً بيجيلنا أخبار ويمكن منكم اللي عنده أصحابه اللي مات أوفر دوز، طب هو ليه أوفر دوز أصلاً؟ يعني ليه وصلت لدي؟ يعني ليه خدت جرعة زيادة من المخدرات؟ عارفين ليه؟
عشان أنا على فكرة أنا برضه يعني قدراً يعني أن أنا كنت مشارك في برامج تعافي من المخدرات بس ده زمان بقى، يعني وأنا صغير شوية لناس كانت بتشرب مخدرات ودخلت في فترات تعافي، وواحد لسه بادئ، وفي الهاف واي وفي بعد ما بيخلص، أنا شفت المراحل دي كلها وعشتها مع ناس، فانا اللي بحكيه لكم ده تجربة أنا عشتها مع ناس.
أنا كان هيقبض عليا على فكرة مخدرات، كنت رايح نلطف الجو بقى عشان يعني بر على الدماغ كتير، كنت رايح كان في جراج في المكان اللي أنا كنت رايح فيه، ورايح لواحد مدمن وجراج معروف في المنطقة أنه بيضرب جوه في الحمام، دخلت بقى السرنجات واقعة على الأرض وكده، جماعة أنا عرفت ناس والله العظيم يعني أنت تقعد قدامها تعيط، تبكي من الحالة اللي وصلوها، وصلوا ليها يعني ماشي؟
أنه خلاص مش عارف يضرب في إيذه وابتدا يضرب في فخاده، عفش بيته، قصص مأساوية في الحته دي مأساوية! وكنت رايح لواحد من دول هم وصلوا لمرحلة بشعة، فراح عارف أنه بيضرب المكان هناك، أنا طبعا بالقميص والبدلة والدقن وكبسة من إيه؟ طبعا المباحث بيدخلوا بميكروباص، ما يدخلوش عارفين الحاجات دي، ولا بيدخلوا بميكروباص عشان ناس داخلين يكبس على الجراج عشان ياخدوا اللي جوه.
فضابط شافني واقف بالهيئة هو ظاهر صعبت عليه قال: ده مدمن بس يعني ايه؟ راح قال السواق امشي امشي وراح ماشي السواق وما نزلش، فانا خلصت المصلحة اللي أنا عاوزها من هناك قضية وبعدت شوية كده، كان الميكروباص لف تاني ونزل بقى ودخل وعملوا يعني شفتهم وهم داخلين بقى يعملوا الكبسة جوه.
الشاهد، كنا بنقول إيه بقى قبل الحدوته؟ آه، دايماً هو عاوز زيادة ليه؟ خلاص، ذبذبة الدوبامين اللي بتفرز ما بقتش مكفية، خلاص عاوز دوبامين تاني أعلى، يقوم ياخد دوز أعلى أو بقى يتفنن في إيه؟ ياخد له إيه؟ صيدلية بقى بعد ما كان المادة الفلانية لا يروح للمادة العلانية، يروح يعلي كذا، خلاص؛ عشان فكرة أن الدوبامين هو ده خلاص هرمون السعادة، هرمون السعادة.
طيب حضرتك بقى كنت رياضي فبيفرز دوبامين بنسبة، وكنت بتمارس علاقتك الطبيعية مع زوجتك فيفرز دوبامين بنسبة، فجأة دخلت هذا المستنقع، فالدوبامين بقى بيفرز بكميات كبيرة جداً، فبتلاقي بتزهد عن كل ده، طب أنا عاوز أرجع لده تاني؟ ما بتعرفش، ما بتعرفش بسهولة، وده فكرة الإدمان بقى يا جماعة، ده فكرة الإدمان.
ليه على طول مش مبسوط؟ ما هو أنت مش مبسوط ليه؟ لأن الدوبامين اللي بيفرز من الحته دي أقل من الدوبامين اللي أنت عودت نفسك عليه، ماشي؟ فدي قاعدة مهمة جداً، القاعدة اللي بعد كده: أن ينظر الآن، أنا مش عايز أقول ما فيش، بس ينظر بالذات في الأجيال الصغيرة التي لم يتعرض للاباحية، عشان بس نجيب على بلاطة يعني.
يعني كونك شاهدت الاباحية دلوقتي يا جماعة الأطباء اللي بيتكلموا في الحته دي بصيغها في سؤال بيقولوا إيه؟ ليس السؤال الآن هل شاهدت الاباحية أو لا؟ وإنما السؤال الآن: متى شاهدت الاباحية؟ فاحنا في كارثه. احنا بقى كمسلمين كمان احنا احنا كل ده مالوش شق أخروي عندهم أو عند يعني منهم، ناس منهم ما عندهمش شق أخروي في الحته دي، احنا عندنا الشق الأخروي حاضر وبقوة المفروض في أذهاننا، يعني فكرة أن الاباحية حاضرة بالقوة دي احنا لازم يكون رد الفعل مساوي للفعل لازم.
فإذا كان الاباحية حاضرة بهذه القوة فلازم يبقى رد الفعل قوي، قوة مماثلة علشان يردع هذا الأمر أنه يدخل، ماشي؟ فلما أجي أقول لحضرتك بعد إذنك يعني أنا مش هفصل فيه التريجر أو المحفزات، لكن لما تروح حك تبتدي برنامج تعافي وتكتشف أن واحد من المحفزات الجهاز شيخ أسامة كان بيقول عليه إيه؟ الزفت! بيقول الزفت؟ ما كانش يقول، ما كانش عمره الشيخ الله يرحمه العظيم عمره ما يقول موبايل، ما سمعتهاش منه، يعني لو حد يقول الزفت على طول، الزفت اللي في إيديك ده.
واحد من التريجر أصل ممكن ما يبقاش الزفت، يعني ممكن يبقى حاجة تانية، أنما لو اكتشفت أنه الزفت اللي في إيديك واحد من تريجرز، أرجوك لا تتردد لحظة أنك تستغنى عنه، لا تتردد، لا تتردد لحظة، ارميه، يعني هفضل كده طول عمري؟ هقول لك: على الأقل 90 يوم بتوع برنامج التعافي اللي هتبتدي فيه، الـ 90 يوم دول لقيت بعد نفسك بعد كده نفسك قوي كفاية أنك ترجع له، ماشي الحال، ما لقيتش إلغيه خالص من حياتك.
والله يا جماعة أنا أعرف ناس النهارده في 2024 مالهمش علاقة خالص بجهاز السمارت فون، وناس مديرين في شركات، إيه رايك؟ يعني مش واحد على الله حكايته كده، مدير في شركة مالوش علاقة بالسمارت فون أصلاً، يعني ما يعرفوش ما مسكهوش في حياته، وحياته ماشية، مدير شركة وبيديرها زي الفل، وعلاقته علاقاته كلها ماشية ما شاء الله.
أنت أنت نفسك بتلاقي مع علم فاكهة قد الدنيا ومليونير وعنده ويطلع التليفون صح كده ولا لا؟ أه ده راجل معلش يعني مع احترامي على كل اللي قاعدين، بس ده عنده تحت إيده كده إيه قدنا كلنا مثلاً بيشغلهم، مش عشان هو معلم يعني وعادي جداً الموبايل ده وزي الفل، زي الفل، وحياته ماشية، لا عمره احتاج بقا السمارت فون ولا ولا.
فدي يا جماعة كلها هي دماغنا بتخلق لنا احتياجات مش موجودة أصلاً ليه؟ علشان تفضل في الأسر بتاع الإدمان اللي أنت فيه ده، عشان تفضل في أسر الإدمان اللي أنت فيه، فكله بيتعرض للاباحية، ولذلك وبوردو نسبة كبيرة بيتعرضوا لها قبل البلوغ أصلاً، ودي يمكن تبقى مفاجأة، في نسبة كبيرة من اللي أول مره يشوف حاجة زي كده كان قبل البلوغ، هو الجهاز في إيديه وبطلعله حاجة مش شرط هو يكون راح فتش عليها، طلعتله حاجة فتعرض للـ مش بنقول هو وصل للادمان لكن شافها عينيه شاف الكلام ده زمان ما كانش فيه الحاجات دي.
فكرين يا جماعة احنا قلنا أن احنا حياتنا بتتقلب لجحيم بكثره المشاهدات دي؟ يعني أنت بتبتدي تقارن وبعدين التنوع الكتير ده بيخليك أنت عاوز تنوع كده برده في حياتك، وده مش موجود في الدنيا، مش موجود.
في الدنيا ده مش موجود. فايه اللي بيحصل؟ خلاص، بتفضل في أسر هذا، خلاص. إيه تاني؟ هو طبعا من القواعد يعني أن الدرس ده مش كفاية، دي قاعدة من القواعد يعني، وأنا أصلا كنت عاوز من زمان أعمل سلسلة عن الموضوع ده يعني ممكن تاخد خمس ست مرات، ما حبّيتش أعدّي مسألة غض البصر غير لما أدخل في حتة الإدمان دي علشان نفهم الفرق بينهم يعني.
فكرة أن بقول لك غض بصرك، وده علاج، علاج فعال جداً، ها؟ علاج فعال جداً؛ لأن من أعظم المحفزات التريغر للشباب والبنات هو إطلاق البصر. أنا قلت لك، التريغر بتاعتك مش الفيلم اللي أنت روحت شفته، هو التريغر حاجة قبليه ماشي، فبتفضل في ذهنك أو أنت مخزنها أو عقلك مخزنها للوقت المناسب علشان يستدعي التريغر ده، فيبتي يكون لك الآية الدايرة الملعونة اللي احنا قلناها دي.
فطب إيه الحل بتاع غض البصر؟ احنا اتكلمنا بقى شريط كامل أو يعني درس كامل اسمعوه، لكن والله والله والله يا شباب ما في حل أبرك، وأندعكت دي، والله أنا بقول لكم اهو والله ومن كلام ناس، فكرة أنك بس تتغلب على نفسك في دي بس، أن عينيك وقعت على حاجة في الشارع، في يافطة، في على الفيسبوك، أول ما حصل قفلت بصرك وعديتها.
الحاجة دي اللي هي عارفين إيه يا شباب؟ أنا هعيد بس جملة كده أقولها قبل كده، عارفيين اللي هي إيه؟ اللي هي واحدة محجبة بكامل حجابها ووشها مكشوف، دي حاجة لا يحل ليك أن تنظر إليها دون سبب. حلوة المفاجأة دي للناس الجديدة؟ احنا قلنا احنا فصلنا الكلام ده في الدرس اللي فات، فاسمعوا الدرس اللي فات، إنما الناس الجديدة أظن ده بالنسبة لها أنت بتقول إيه يا عم؟ ده احنا يعني ليل نهار في مهرجانات.
أصلا العلماء قالوا كده، قالوا اللي وشها باين دي أنت لا يحلك أن تنظر ليفر لغير غرض، فواحدة بحجابها الكامل اللي هو الواسع والفضفاض واللي مش مبين حاجة وما فيش شعراية باينة، وبس الوش باين بالسكروال على الفيسبوك جت قدامك صورة ولا فيديو بتتكلم عن حاجة وأنت ما فيش غرض صحيح أن تنظر إلى وجهها، نظرت حرام، حرام وتكتب عليك.
طب أعمل إيه؟ اصرف بصرك. وأنا سألتكم سؤال في الدرس اللي فات، هو النبي عليه الصلاة والسلام لما جاله واحد من الصحابة قال له إيه؟ سأله عن نظر الفجأة. سألتكم سؤال، قلت لكم هو إيه نظر الفجأة في العصر ده؟ ما هو النبي قال كده، قال: «اصرف بصرك». مش ده العلاج النبوي؟ النبي عليه الصلاة والسلام صلّوا على النبي، لما قال: «اصرف بصرك» عن إيه؟ أنتم متخيلين عن إيه؟ يعني يعني اللي الصحابي جاي يسأل عن نظر الفجأة ده، هيشوف إيه في العصر النبوي؟ ما هو يعني أكتر مثال سافر هو اللي أنا بقوله ده، اللي هو وش واحدة، يعني ده أكتر مثال سافر ممكن يرى في عصر النبي عليه الصلاة والسلام، مش كده يا جماعه؟
أن واحدة كاشفة وشها، كانت بتصلي بقى بعد حت بالذات بعد فرض الآية النقاب، يعني رجل الوادي بتصلي بقى فكشف وشها معدي فشافه بيرو يعني، الله أعلم بقى ثبوت القصة لا أن أظن أحمد بن حنبل أو غيره، مش فاكر. وبعدين ماشي، وامرأة ماشية فالريح جت فبينت إيه كعب رجلها، فقال: أعوذ بالله، نحن في زمان فتن، كعب الرجل! فقال: أعوذ بالله نحن في زمان فتن. وأنا أظن الرواية دي يعني إيه ممكن ما تصح؛ لأن إيه كانوا بيلبسوا طويل حتى كعب الرجل ما كانش فدي قاعدة من القواعد.
بس القاعدة اللي بعديها أن أنت ضعيف، احنا قلنا أنت بالله، ودي القاعدة دي قاعدة تانية خالص، أنت حضرتك ضعيف، فالشاب الشاب عشان أنا ده أنا بسمعه بسمعه من شباب بيقول لك: بص شيخ أو بص حضرتك أو أي حاجة يعني مش مهم، أنا عارف أنا بعمل ايه وعارف امتى هقف وبعرف أعمل كنترول على نفسي. أقول له: أنت هجاس على طول. طب تراهنّي بقى؟ أنا بقول لك اهو، اللي في دماغه الموضوع ده يلا ندخل رهان، أنا بقول لك اهو اطلع النهارده من نفسك، اقعد شهرين تلاتة من غير ما تفتح مقطع إباحي، سواء سوفت أو هارد، من غير ما تعمل ده، وتعال كده كمان شهرين تلاتة، قول لي: أنا بإرادتي وبقوتي وعملت وعزيمتي والكلام ده. مش هتعرف، أنت ضعيف.
بصوا يا جماعه، في دكتور من الدكاترة وأنا بحضر، سمعت ناس كتير جداً في المجال ده، هو وصف وصف جميل جداً قال: إن موضوع الإدمان ده أنت مش مستحيل تعرف تواجهه بقوتك كده، مستحيل، احنا كل اللي بنعمله إيه؟ احنا بنتحايل على مواجهته. فراح ضارب مثال جميل جداً ولقيته معنى شرعي موجود عندنا، قال إيه؟ قال الإدمان ده كأنه بالضبط وحش مستنيك في حلبة مصارعة، يعني حضرتك طالع ببنتك دي كده لابس الجلفزات وإيه طالع تصارع، بصيت لقيت إيه؟ وحش جوه الحلبة، ده اللي أنت داخل تصارعه. هو أنت لو دخلتله كده وأنت بنيتك دي أو أنت بحالتك دي هتهزم؟ هتهزم. هو ده الإدمان اللي جوه الحلبة.
طب أنت ممكن تشتغل على ايه؟ على كل ما هو خارج الحلبة بقى، ماشي؟ يعني تقول إيه؟ لا، أما لقيته كده لا، ده أنا لازم إيه أرجع أتمرن سويدي وتتمرن جري، تجري منه في الحلبة، تروح إيه يعني اصرف إرادتك لما هو خارج موضوع أنك تواجه الإدمان مواجهة مباشرة، هتواجه هتسرق.
مفهوم المثال ده؟ ده موجود في ديننا بقى، النبي عليه الصلاة والسلام لما ذكر المسيح الدجال وقال: «إذا ظهر فيكم فأنَا حجيجُه، وإلا فامرؤ حجيجُ نفسه»، فإن الرجل يظن أنه مؤمن فإيه فيفتن به. مش ده المثال اللي أنا عاوزه؟ المثال بقى اللي أنا عاوزه، شفتوا المسيح الدجال فيفتن، أنتوا عاملة إزاي؟ النبي قال إيه بقى في حديث تاني عليه الصلاة والسلام؟ بادروا بالأعمال سبعاً، بادروا بالأعمال سبعاً يعني في سبع فتن، الحقوا بادروا بالأعمال قبل ما تواجهكم، اشتغلوا. بادروا بالأعمال سبعاً، من السبعة من جملة السبعة وعلى فكرة لو تاملتوا سبعة هتلاقوه من السبعة كلهم حاجات مرعبة، بس عشان المسيح الدجال في حديث آخر بس أو الدجال قال صلى الله عليه وسلم في السبعة أو الدجال فشر غائب ينتظر أو الساعة، والساعة أدهى وأمر.
طيب، أنا مش عاوز أقع في فتنة الدجال، اشتغل بره الحلبة، ما تروحلوش الحلبة أصلاً، سيبه هو في الحلبة، سيبه في الحلبة، أجري ابعد عن الحلبة دي خالص، ما تواجهش الإدمان بقوتك كده. طب أنا أعمل إيه في في في حديث مسيخ الدجال؟ بادروا بالأعمال، أعمال إيه يعني؟ في أعمال لا، روح اعمل أي عمل صالح، أي عمل صالح هينفعك إذا قدر الله المواجهه بقى، تنفعك تلك الأعمال اللي عملتها وأنت بره الحلبة.
فاحنا كل اللي احنا عاوزينه ودي قاعدة مهمة جداً: ما تروحش تقول أنا هواجه الإدمان، مش هتعرف تواجه الإدمان، أنا عندي إرادة وهتفضل المواقع موجودة والفيديوهات ومش هفتحها، مش هتعرف، مش هتعرف، هتعرف يوم وتنين وتلاتة وهتقع وتنتكس. فأول حاجة لازم تلغي دي من حياتك تماماً، كل الحاجات اللي بتسهل عليك الموضوع ده تلغيها، صعب الدنيا على نفسك، صعبها على نفسك ماشي.
الحاجة الأخيرة اللي عاوز أقولها لكم أن لازم تبدأ بقى برنامج تعافي مع الأمور الشرعية اللي احنا ذكرناها في غض البصر، وإن شاء الله إن شاء الله وعد، هيبقى في سلسلة بعد كده أظن هتبقى من خمس أو ست مرات أقل شيء عن موضوع الاباحية ده؛ لأنه موضوع مستشري ومحتاج كلام كتير.
ابتدوا برنامج تعافي مع حد موثوق فيه، الحقيقة أنا مش برّشح حاجة من نفسي، أنا ما أعرفش برامج التعافي اللي موجودة في السوق إيه، لكن من كتر اللي جالي عن واعي يظهر أنهم عندهم يعني إيه دراية بالحتة دي وعندهم بعد شرعي، يظهر كده يعني والله أعلم، وتفرجت على بودكاست لمؤسس واعي برضه يظهر في كلامه أنه عنده بعد شرعي يعني راجل بتاع ربنا يعني يعني يقول لك الدين ويقول لك الآخرة؛ لأن في ناس ما بتدخلش الحتة دي خالص في برامج التعافي.
فأبحثوا عن واعي، أدخلوا فيه، شوفوا البرامج، أطلبوا حد يساعدكم، بيوفروا لكم حد يساعدكم في رحلة التعافي. ومع بقى الأمور الشرعية اللي اتكلمنا عليها الدرس اللي فات.
قولي هذا وأستغفر الله العظيم لي ولكم. سبحانك اللهم وبحمدك، أشهد أن لا إله إلا أنت، نستغفرك ونتوب إليك، والسلام عليكم ورحمة الله وبركاته.