الشيخ أمجد سميربسم الله، الحمد لله، والصلاة والسلام على رسول الله، وعلى آله وصحبه وموالاه، وأشهد أن لا إله إلا الله وحده لا شريك له، وأشهد أن محمداً عبده ورسوله. اللهم صل على سيدنا محمد النبي، وأزواجه أم المؤمنين، وذريته آل بيته كما صليت على آل إراهيم، إنك حميد مجيد. أما بعد.
النهارده المجلس الثاني من مجالس هذه السلسلة المباركة، سلسلتي مريم أو السيدة مريم عليها السلام. المرة اللي فاتت كنا بدأنا نتكلم عن نشأة السيدة مريم، وكيف أثرت النشأة فيها، واتكلمنا عن كذا معنى أسهبنا فيه؛ أول أول معنى: معنى الأم ودور الأم في نشأة الابنة. المعنى الثاني اللي اتكلمنا عليه: معنى البيئة الإيمانية، واتكلمنا فيه عن اختيار الزوج، وأن ازاي السيدة مريم يبقى أمها كما رأينا، وأبوها عمران كبير الكهنه رجل صالح، أخوها هارون كذلك رجل صالح. وأشرنا سريعا إلى حاجات المفروض بقى النهارده دورنا أن احنا نفصل فيها.
أشرنا سريعا إلى مسألة المحراب، كون أن مريم السيدة عليها السلام كانت في المحراب، واتكلمنا عن مسألة الخلوة أو أشرنا إليها، وأشرنا كذلك إلى مسألة سيدنا زكريا أنه كفلها، وأن ده دور مهم جدا جدا؛ وجود المربي لمن أردنا له الخير. والنهارده بقى دور أن احنا نتكلم أو نفصل في هذه المسائل بالنسبة للمرأة؛ المسألة الأولى: مسألة الخلوة. طبعا ذكر الله عز وجل المحراب في قوله تعالى: ﴿وَكَفَّلَهَا زَكَرِيَّا كُلَّ مَحَدَّ دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا﴾.
طبعا قبل ما نشوف بقى مسألة المحراب، حتى كفالة لمريم عليها السلام إنما هو استجابة لدعاء أمها. فين ده؟ في قراءة مجاهد في هذه الآية: ﴿فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا وَكَفَّلَهَا زَكَرِيَّا﴾. على الدعاء؛ فتقَبَّلَها ربها ربها على النداء، وتَقَبَّلَها يعني على الدعاء؛ يعني الكلام ما زال متصلاً، وهو دعاء أم مريم. فكأن أم مريم اللي بتدعي: ﴿فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا وَكَفَّلَهَا زَكَرِيَّا﴾. فاستجاب الله عز وجل دعاء أمها: ﴿فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا وَكَفَّلَهَا زَكَرِيَّا﴾، وكفلها زكريا قراءتين. فحتى دي إنما هي استجابة لدعاء أم مريم.
طيب، ﴿كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا قَالَ يَا مَرْيَمُ أَنَّى لَكِ هَٰذَا قَالَتْ هُوَ مِنْ عِندِ اللَّهِ إِنَّ اللَّهَ يَرْزُقُ مَن يَشَاءُ بِغَيْرِ حِسَابٍ﴾. تعالوا نتأمل بقى الآية دي ونطلع منها بفوائد في؛ أولاً: ازاي احنا نتعامل في هذه الدنيا كنساء. ثانياً: كيف نربي بناتنا.
فأول المسألة أن مريم، اللي هي واحدة من أربعة هن خير نساء الأرض وخيرهن بإطلاق مريم عليها السلام، إنما كانت منقطعة لعبادة الله عز وجل في محرابها. وهنا بيشير هذا إلى مسألة الخلوة، والخلوة يا جماعة أو العزلة هو أصل في ديننا؛ أصل في ديننا سواء للرجال أو للنساء، يعني لابد للرجل والمرأة جميعا -اللي عاوز دين طبعا واللي عاوز آخرة- أن يكون له حظ من الخلوة وحظ من العزلة. فكما قالوا: الخلوة أم الجلوة، يعني من أراد أن ينجلي قلبه وأن يفاض عليه من المعارف والفيوضات الإلهية فعليه بالخلوة.
وجاء في ذلك أحاديث كثيرة، والأحاديث يشترك فيها الرجال والنساء -احنا قلنا احنا بعد كده هننتقل للمرأة لوحدها- لكن عشان نفهم أن ده اصل من اصول هذا الدين، بل جعلوه أصلاً من اصول السلوك؛ أهل السلوك -ولما نقول اهل السلوك يعني من أراد سلوك طريق الآخرة، من أراد الوصول إلى الله عز وجل- أقاموا طريقهم على أربع أصول احفظوها بقا؛ أربع حاجات أقاموا عليها الطريق، وكلهم قلة، كلكم احفظوها، قالوا: قلة الطعام، وقلة المنام، وقلة الكلام، وقلة الأنام. يبقى قلة الإيه؟ الطعام. كلوا كلوا يا حبايبي كلوا. قلة الطعام. دي الاصول؛ اللي عاوز ينجلي قلبه، اللي عاوز يعرف ربه، اللي عاوز أو عاوزه يعني ينال من تلك الفيضات الإلهية مش هيحصل غير بأربع حاجات: قلة الطعام، قلة الأكل، قلة الكلام السكوت، قلة المنام علشان نستثمر الوقت مش هننام كتير، وقلة الأنام ودي اللي تعنينا اللي هي الخلوة أو العزلة.
وفي ذلك قلنا أحاديث منها قول النبي عليه الصلاة والسلام وقد سئل: أي الناس خير؟ فقال صلى الله عليه وسلم: «رجل يجاهد بنفسه وماله، ورجل في شعب من الشعاب يعبد ربه ويدع الناس من شره». وهذا الذي يعمينا؛ «رجل في شعب من الشعاب يعبد ربه ويدع الناس من شره». وهنا في إشارة مهمة أن لما نيجي نقول للمرأة: اختلي بربك ومحراب بيتك أولى بك، فده مش معناه أن انت مختلي بربك يعني قاعدة على التليفون وفاتحة الواتساب وفاتحة الفيسبوك وفاتحة التيك توك وفاتحة الإنستجرام، لا. رجل في شعب من الشعاب يعبد ربه ويدعو الناس من شره؛ يعني أن قد أنكببت على عبادة الله عز وجل وأقبلت عليه بكلتك، فنلت شيئاً من تلك الفيضات الإلهية، إنما أحوالنا الان ما هواش ده المقصود بالخلوة ولا بالعزلة.
ماشي، وقال عمر رضي الله عنه: خذوا بحظكم من العزلة. وقال سعد بن أبي وقاص: والله لوددت أن بيني وبين الناس باباً من حديد لا يكلمني أحد ولا أكلمه حتى ألحق بالله سبحانه. وانتبهوا يا جماعة أن هذه الآثار لناس من جيل الصحابة، يعني مع صلاح الزمان، يعني سيدنا سعد بن أبي وقاص اللي بيقول ده يعني متخيلين زمانه كان عامل ازاي ومع ذلك يقول: لوددت أن بيني وبين الناس باباً من حديد لا يكلمني أحد ولا أكلمه حتى ألحق بالله سبحانه. وقال حذيفة: والله لوددت أن لي إنساناً يكون في مالي -يعني واحد يصلح لي تجارتي- ثم أغلق علي باباً فلا يدخل علي أحد حتى ألحق بالله عز وجل. إلى غير ذلك من الآثار، منها اثر أبي الدرداء وهو مهم: نعم صومعة المرء المسلم بيته.
فإن كان هذا في حق الرجل والمرأة جميعاً فهو في المرأة آكد، لما يأتي إن شاء الله عشان احنا بعد شوية هنقول لك أن الأصل انك في بيتك، ده الأصل مش أنك في الشارع ولا في النوادي، الأصل أنك في البيت، وهنعرف الأصل. إنما كلام أبي الدرداء دلوقتي هو كلام عام؛ قال: نعم صومعة المرء المسلم بيته، يكف لسانه وفرجه وبصره، وإياكم ومجالس الأسواق، فإنها تلهي وتلغي. وطبعا في هذا حديث أصلاً؛ قال صلى الله عليه وسلم: «وليسعك بيتك». وأيضا الحديث عام للرجل والمرأة: «وليسعك بيتك».
طيب، احنا هنا مركزين على النساء طبعا فمش عاوزين نسهب في توجيه كلام للرجال، يعني هذا ليس تحيزا، هذا ليس تحيزا وإنما لان الدرس اصلا، لكن يعني، فـ عاوزين ندخل على طول لما يخص النساء يعني. وقال سفيان الثوري: ما شيء خير للإنسان من جحر يدخل فيه. طيب، طبعا العزلة لها فوائد كبيرة جداً منها أن احنا نتفرغ للعبادة والفكر، ونستأنس بمناجاة الله عز وجل، وده اللي معانا، مش عاوزين نسهب بقى في العزلة والخلوة على هذا الوجه عشان ندخل في الكلام للنساء خاصة.
طيب، هنا مريم كانت في محرابها في محل عبادتها، قد اختلت واعتزلت الناس، وكانت هذه حالتها الدائمة حتى أن الذي يتردد عليها هو زكريا، يعني كأنها لا تخرج، هذا هو الأصل عندها. طيب، كانت تخرج؟ قالوا: كانت ساعات تخرج. ذكروا من ذلك أنها كانت إذا حاضت خرجت؛ لأنها كانت في بيت المقدس، فلا يجوز لها أن تمكث في بيت الله وهي حائض، فكانت تخرج إلى بيت زكريا، فده كان خروج ليها. وخروج آخر ذكروه: أنها كانت إذا نفد ماؤها ربما خرجت لتملأ إناءها مرة أخرى. فدول الخروجين اللي ذكروهم لمريم، وما دون ذلك هي في محرابها.
وعندنا هنا أصل يدل على مشروعية ذلك في ديننا للمرأة، وهو حديث النبي عليه الصلاة والسلام: «أقرب ما تكون المرأة من وجه ربها وهي في قعر بيتها». وهي في قعر بيتها، فمن أرادت الرحمة ومن أرادت وجه الله لزمت بيتها، لزمت بيتها. حتى يا جماعة الحديث الذي يذكر في هذا وهو محفوظ عند النساء، أن النبي صلى الله عليه وسلم قال: «لا تمنعوا إماء الله مساجد الله». نهاية الحديث يعني النساء ربما كثير من النساء يحفظن الحديث إلى هذا الحد: لا تمنعوا إماء الله مساجد الله. لكن الحديث له نهاية، أن النبي صلى الله عليه وسلم ختم الحديث بقوله: «وبيوتهن خير لهن».
فاحنا هنا الكلام على مسألة؛ المسألة الأولى أن بيت المرأة أولى بها، وهذا باتفاق العلماء؛ احنا هنا في مسألة إجماع، ما فيش خلاف أن بيت المرأة أولى بها، وأن عدم خروج المرأة هو الأول والأصلح. اللي انا بقوله ده يعني احنا طبعا انا في يعني إذا وعظت انتبهت جدا أن في مسائل الفقه لا يطغى الوعظ على الفقه؛ يعني ايه؟ يعني اما اجي اقول لكم أن حكم فقهي اما ما يبقاش طاغي علي الوعظ أن انا عاوز الستات تقعد في بيتها فأنا بجود، لا. هذه المسألة مسألة فقه دلوقتي، احنا بنتكلم في فقه.
خلاص العلماء اختلفوا -يعني هو إجماع، إجماع أن الأولى أن المرأة تمكث في البيت، وأن هذا أقرب لها من رحمة ربها ومن وجه ربها سبحانه وتعالى، وأن خروجها فيه من المفاسد ما فيه- الخلاف بينهم في إيه بقا؟ خلاف العلماء: هل هذا المكث في البيت واجب أو مستحب؟ ده الخلاف. يبقى بعض العلماء ذهب أن المكث واجب، ومن ذهب إلى ذلك يبقى يعني هيحجر مسألة الخروج؛ يعني يقول لا، طالما واجب بقا المكث في البيت، يبقى الخروج يكون للضرورة، ومن خرجت لغير ضرورة تأثم. وبعضهم قال: لا، المكث في البيت ما هوش واجب ولا حاجة، هذا فقط على الاستحباب، هذا فقط على الاستحباب. والأدلة طبعا دول لهم أدلة ودول لهم أدلة، بس احنا هنا مش جايين نذاكر فقه يعني، بس دول لهم أدلة ودول لهم أدلة.
فمن جملة مثلا أدلة من قال بالوجوب قول الله عز وجل: ﴿وَقَرْنَ فِي بُيُوتِكُنَّ﴾، قالوا: الأمر للوجوب. والفئة الأخرى التي ذهبت إلى الاستحباب لهم أدلة، ولعل لهذا المذهب هو الاقوى، بل وهو الأصلح للزمان الآن، ويمكن ده كلام غريب شوية؛ يعني النساء كانت متوقعة أن اقول أن الأصلح لهذا الزمان أن احنا نضيق على المرأة جدا ونقول لها حرام تخرجي والكلام ده. لكن الحقيقة يعني بنظرة إلى هذا الزمان وما فيه من تحديات، فيظهر أن احنا القول بالاستحباب هو الأرفق بالنساء في هذا الزمان. لكن لابد أن يكون له ضوابط وشروط، أن يكون له ضوابط وشروط تحكم ذلك الخروج، وهنتكلم في ده دلوقتي إن شاء الله.
ومن جملة ما استدل بها هؤلاء اللي هم قالوا باستحباب مكث المرأة في بيتها، قول النبي عليه الصلاة والسلام: «قد أذن لكن أن تخرجن لحاجتكن». والكلام النبي عليه الصلاة والسلام ده له موقف؛ السيدة سودة كان سيدنا عمر يعرفها قبل الحجاب، وبدن سودة -يعني كانت ضخمة البدن- يعني تعرف حتى بعد الحجاب بعدما انتقلت. خرجت مرة السيدة سودة فرآها عمر فعرفها فناداها: والله ما تخفين علينا يا سودة. وكان رضي الله عنه يتمنى أن النساء يَمكثن في البيت يعني. فرجعت، انطلقت إلى النبي عليه الصلاة والسلام وأخبرته الخبر، وسيدنا النبي عليه الصلاة والسلام كان قاعد بياكل، فسكت وهو بياكل، أتاه الوحي، فلما سُري عن النبي عليه الصلاة والسلام -يعني خلاص انفصل عنه الوحي- قال هذا: «قد أذن لكن أن تخرجن لحاجتكن». فيعني السيدة سودة كانت خارجه لحاجة، فلم يضيق عليهن في ذلك، حتى مع ما كان من عمر في أمر سودة.
وطيب، وعندنا حديث آخر في هذه المسألة، قال صلى الله عليه وسلم: «إن المرأة عورة، إن المرأة عورة فإذا خرجت استشرفها الشيطان، وأقرب ما تكون من وجه ربها وهي في قعر بيتها». إن المرأة عورة فإذا خرجت استشرفها الشيطان. كان مجاهد يقول في هذا الأثر: إذا أققبلت المرأة جلس الشيطان على رأسها فزينها لمن ينظر، وإذا أدبرت جلس على عجزها فزينها لمن ينظر. فطبعا من مجموع هذه الأدلة يظهر أن مكث المرأة في بيتها في محراب بيتها في بيتها أولى.
طيب، وهنا العلماء اتكلموا في مسألتين: مسألة خروج المرأة للصلاة لشهود الصلاة، ومسألة خروج المرأة مطلقا لضرورة أو حاجة. فالعلماء اتكلموا في الحته دي، وطبعا لماذا تكلم العلماء على مسألة خروج المرأة للصلاة مع أنها يعني تدخل ضمن خروجها مطلقا؟ عشان فيها أدلة وفيها أخذ ورد، والصحابه نفسهم في كلام بينهم في هذه المسألة، مسألة خروج المرأة للصلاة. فالعلماء اتكلموا في الحته دي، معلش هو الدرس النهارده ممكن يكون فيه مسائل شوية، بس هي مسائل شائكة، ولازم تفصل، يعني لازم نبقى نسمع كلام العلماء، ما يبقاش درس وعظي بما تحمله كلمة الوعظ للأسف الحته دي شوية من سوء سمعة -أنا آسف أن بقول ده- بنلاقي الدروس الوعظية ساعات لما نجي نحرر مسائل الفقه تلاقي يغلب على الواعظ ما -طبعا أو ثقافته يعني- مش بيحرر مسائل الفقه فقهيا، لا، تلاقي إيه هو مثلا عنده شدة في الحته دي فيغلب على الوعظ مسألة الشدة، فتلاقيه بعيد شوية عن روح الشريعة، أو العكس، عنده هو تساهل في حته معينة فتلاقيه يغلب على الوعظ التساهل، فبرضه بعيدا عن روح الشريعة. فلما نجي لمسألة شبه كده ومسألة كبيرة بالنسبة للمرأة ويمكن مسألة.
من أكبر المسائل الآن التي تشغل النساء؛ مسألة إحنا نخرج أمتى وما نخرجش أمتى ولو خرجنا نخرج ازاي والكلام ده يعني، ماشي.
فتعالوا نقرأ كده كلام ابن بطال في قول النبي عليه الصلاة والسلام لسودة: «قد أذن لكن أن تخرجن لحوائجكن». قال ابن بطال: في هذا الحديث دليل على جواز خروج النساء لكل ما أبيح لهن الخروج فيه من زيارة الآباء والأمهات وذوي المحارم والقربات. طبعا احنا قلنا مذاهب العلماء في المسألة مذهبان؛ المذهب الأول وجوب المكث في البيت والمذهب الثاني الاستحباب، خلاص؟
احنا هنضرب صفحاً عن كلام العلماء عن كلام من قال بالوجوب؛ وجوب المكث وهو تضييق شديد بالذات في هذه الأعصار. لكن تعالوا بقى نشوف كلام اللي بيقول بالاستحباب، يعني مكثك في بيتك فقط على الاستحباب. وقال البدر العيني: وإذا كان حق عليهن أن يأذنوا فيما هو مطلق لهن الخروج فيه، فالإذن لهن فيما هو فرض عليهن أو يندب الخروج إليه أولى. يعني ايه؟ يعني واحدة احنا بنقول لها خلاص اخرجي فيما يندب، مثلا صلة رحم لا تجب ماشي اخرجي، فنيجي بقى نقول على الواجب لا ما تخرجيش؟ لا، هنقول لها اخرجي. من الواجبات مثلا أن واحدة هتحصل العلم الشرعي الواجب عليها وما فيش سبيل لتحصيله في البيت مثلا، فده واجب بس أنا أقول لها لا اخرجي.
قال ثم ضرب أمثلة لذلك، يعني الحاجات التي يجب أن تخرج المرأة فيها. قال الغزالي بعد أن ذكر اعتراض أحد أبناء عبد الله بن عمر على الإذن للنساء بالخروج، ودي ليها قصة؛ عبد الله بن عمر كان يذكر حديث النبي عليه الصلاة والسلام: «لا تمنعوا إماء الله مساجد الله»، فقال أحد أبنائه: والله لنمنعهن. فغضب عبد الله بن عمر وقال: أقول لك قال رسول الله صلى الله عليه وسلم وتقول والله لنمنعهن! ثم حلف ألا يكلمه حتى يموت؛ لأنه رد حديث النبي عليه الصلاة والسلام.
وظاهره، الظاهر والله أعلم أن الولد ما أراد رد حديث النبي عليه الصلاة والسلام، هذا الظاهر، لكن الظاهر يعني من حال الولد إنما ظاهر لفظه أنه يرد حديث النبي عليه الصلاة والسلام، فلذلك عنفه ابن عمر. وإنما كأنه آنس من النساء شيئاً زائداً من مثلاً كما قالت عائشة، يعني هذا الحديث لا تمنعوا إماء الله مساجد الله، ماذا قالت عائشة؟ قالت: لو رأى رسول الله صلى الله عليه وسلم ما أحدث النساء بعده لمنعهن.
وأنا هذا الأثر يا جماعة والله أتعجب منه يعني، أنا أقعد أتأمل كده، دلوقتي سيدتنا عائشة رضي الله عنها عاشت بين صحابية وتابعية -دي اللي عين عائشة شافتها- فبتقول: لو سيدنا النبي عليه الصلاة والسلام شاف اللي النساء عملوه بعد ما مات، أحدثوه بعد ما مات، كان منعهم. فأيه اللي النساء أحدثوه؟ يعني نقعد نفكر كده هو إيه اللي السيدة عائشة شافته فمتضايقة منه جداً جداً وبتقول: لو كان النبي عليه الصلاة والسلام شاف اللي أنا شفته كان منعهم؟
بلاش، نسأل السؤال بشكل تاني؛ لو السيدة عائشة بيننا الآن؟ بيننا اللي هو بين مين؟ بين النساء المتدينات، مش المتبرجات ولا المنحلات خالص، النساء المتدينات اللي هم في أعلى درجات الستر، يعني قلنا مثلاً إن في واحدة محجبة وواحدة مختمرة وواحدة منتقبة، خلينا نجيب شريحة من المنتقبات اللي هم الأعلى، مش بقول الأعلى عند الله، بنقول الأعلى في هذه الحيثية فقط من هذه الحيثية، يعني أنها منتقبة فهي أعلى درجات الستر، خلاص؟ طب هي الأفضل ولا المحجبة؟ الله أعلم، ده بتاع ربنا يعني.
وجبنا شريحة من دول ونتخيل أن السيدة عائشة بعثت الآن بيننا وجات تشوف نمط حياة هؤلاء اللي هو اللايف ستايل بتاعهم، يعني ايه نمط حياة؟ يعني تصحى الصبح تعمل ايه؟ تنزل تروح فين؟ ترجع عاملة إزاي ولابسة إيه؟ نمط الحياة كانت قالت إيه لما هي بتقول؟ يعني إيه يا جماعة تصوركم إيه الذي أح... النبي عليه الصلاة والسلام جعل عائشة رضي الله عنها تقول الكلمتين دول: لو رأى ما أحدث النساء، وبعد مين النساء اللي بعده؟ اللي شافتهم عائشة، لمنعوهن.
فنقرأ بقى الغزالي بيقول بعد ما ذكر بقى الأثر اللي أنا حكيته لكم اللي هو بتاع ابن عمر وابنه لما اعترض على أو يعني ظاهر كلامه الاعتراض وحاشاه أن يعترض يعني على كلام النبي عليه الصلاة والسلام، قال إيه بقى الغزالي؟ قال: وإن (يعني الغزالي قال إن حامله على ذلك هو تغير الزمان)، قال: والخروج الآن مباح للمرأة العفيفة برضا زوجها ولكن القعود أسلم.
تعالوا نقرأ كلام الغزالي؛ الغزالي فقيه شافعي مش حد برضه، فكلامه واحدة واحدة كده بيقول: فالخروج الآن مباح للمرأة العفيفة، مش لأي امرأة، امرأة عفيفة، ويظهر أو تظهر عفتها في ثيابها، في رائحتها، في طريقة حديثها، ما فيش حاجة من الحاجات دي تعمل فتنة للرجل، امرأة عفيفة برضا زوجها. طب الزوج مش راضي؟ لا، ما تخرجش، المرأة لا تخرج إلا برضا الزوج.
طيب رضا الزوج ده يعني لازم يقول لها أنا موافق؟ لا، مش لازم ولا حاجة، مش لازم، يكفي السكوت. يعني لو سكت يكفي. طب سكت وأنا عارفة إنه غيران بس ساكت، ينفع أخرج؟ ينفع. احنا دلوقتي مش بنتكلم على الأولي أخرج ولا ما أخرجش، احنا بنتكلم في مسالك الفقه، يعني هو جوزي ساكت بس أنا عارفة إن من جواه متضايق، إنه من جواه غيران بس ساكت ما قاليش ما تخرجيش، ينفع أخرج ولا أبقى أنا كده عاصية؟ لا، لست عاصية طالما هو ساكت، يكفي سكوته. طب وغيرته؟ يعالجها، طالما هو عاوزك ما تخرجيش يقول ما تخرجيش.
خلاص، اللي أنا بحكيه ده حصل مين؟ لعائكة، عائكة كانت مرات مين؟ مرات سيدنا عمر، حصل معاها ومع سيدنا عمر؛ عائكة كانت فائقة الجمال رضي الله عنها، وبعدين اتجوزت سيدنا عمر على ثلاث شروط (يعني قبل ما يتجوزها هي كانت متجوزة قبله ابن أبي بكر الصديق واستشهد في الجهاد)، وبعدين عمر طلبها للزواج، قالت لا، بثلاث شروط. فكان من الثلاث شروط -طبعاً أول شرط طبعاً طالما سيدنا عمر إنه ما يضربهاش- أول شرط قالت إيه؟ هتجوزك بثلاث شروط، أول شرط ما تضربنيش. الشرط الثاني أن هي كانت تخرج لصلاة العشاء. يا جماعة بصوا، أنا الأول بس عاوز أقول لكم حاجة قبل ما أكمل؛ بيت عائكة فين؟ عشان نشوف بس احنا بنتكلم في إحنا ها! غير سيدنا عمر وعائكة بتشترط أن أنا هخرج أصلي في مسجد النبي عليه الصلاة والسلام صلاة العشاء، ها! مش كل الصلوات، صلاة العشاء يعني في العتمة بالليل. عارفين بيت عائكة فين؟ اللي راح منكم المسجد في باب اسمه باب الرحمة للمسجد، باب السلام اللي هو بنخش منه عشان نسسلم على النبي عليه الصلاة والسلام -باب السلام للرجال- بعد باب السلام، أنت واقف ووشك لباب السلام كده، في بعديه باب صغير كده اللي هو خوخة أبي بكر، ده باب صغير يعني قصير وده اتساب زي ما هو، مش باب كبير، مش هتلاقوه باب كبير لأن ده كان سيدنا النبي عليه الصلاة والسلام أمر بأن كل الخوخات تسد، الخوخة الباب الصغير كده الفتحة الصغيرة على المسجد إلا خوخة أبي بكر، ومن يومها الخوخة دي زي ما هي كده ما اتسدتش.
المهم، بعديه في باب تاني، هتلاقوا في الباب ده تحتيه، يعني تحت الباب على طول كده، تحت الحلق بتاع الباب، مكان مسدس باللون الأسود الرخام. لو عملتوا جوجل دلوقتي يعني اعملوا جوجل كده على مكان منزل السيدة عائشة، ده كان بيت السيدة عائشة، أنتم فاهمين إحنا بنتكلم فين؟ أنها تروح تصلي العشاء، يعني هتخرج تخخش على الجامع. واعملوا دلوقتي يعني ابحثوا عنها، شوفوها، شوفوا فين منزل السيدة عائشة فين.
ماشي، المهم اشترطت كده أنه أنا بشترط أني أخرج لصلاة العشاء، ده شرط من ثلاث شروط عشان تتجوز سيدنا عمر، فقبل بشرطها وتجوزها، وبعد الجواز كان بيغير عليها بس ساكت، ساكت ليه؟ عشان حديث النبي عليه الصلاة والسلام: «لا تمنعوا إماء الله مساجد الله». طب هي عارفة؟ كانت عارفة، كانت عارفة إنه غيران وعارفة إنه ساكت. طب كانت بتخرج؟ أه، كانت بتخرج. السيدة عائشة كانت بتخرج (يعني مما روي في ذلك)، عاوز أجيّب لكم الآثار اللي رويت عن بقى إيه السيدة عائشة في في الموضوع ده؛ فالسيدة عائشة كانت تعلم، كانت تعلم أن هو لو تكلم لنما... وإنما سكت إجلالاً لحديث النبي عليه الصلاة والسلام، وكانت تخرج عادي جداً، وبعدين يقولوا لها، يعني في آثار يقولوا لها، يعني قعدت تقول لهم لا، إلا أن يمنعني، إلا أن يمنعني. طب أنت عارفة أن هو عشان كلام النبي عليه الصلاة والسلام؟ تقول لهم طالما ساكت.
إيه الحكم الفقهي هنا؟ إيه الحكم الفقهي لو الراجل ساكت هل لي أن أخرج؟ أه. طب أنا عارفة أن من جواه زعلان بس ساكت، أخرج ولا أثم؟ لا تأثمين. طب ده من حسن العشرة؟ دي مسألة تانية بقى، يعني احنا هنا بنتكلم في إيه الأفضل؟ بنتكلم هل يجوز؟ نعم يجوز، طالما الراجل ساكت يجوز، خلاص.
طيب، نرجع تاني لكلام الغزالي -احنا ده كله بنتكلم يا جماعة في الخروج مطلقاً، في الخروج مطلقاً- قال: برضا زوجها ولكن القعود أسلم، يبقى الغزالي بيقول مباح انك تخرجي لكن القعود أسلم، قال: وينبغي ألا تخرج إلا لمهم، فإن الخروج للنظارات والأمور التي ليست مهمة تقدح في المروءة وربما تفضي إلى الفساد.
وده السؤال اللي بتسأله كتير من النساء؛ عاوز أخرج أتفسح. هو ده أن أنت تخرجي علشان للنظارات والأمور التي ليست مهمة، أتفرج، ده معنى أتفسح. هل نصِف ذلك بالحرمة لذاته؟ لا، يعني حرام المرأة تخرج أتفسح؟ لا، مش حرام، المرأة تخرج أتفسح مش حرام، يبقى لا يوصف بحرمة لذاته، ربما وصف بالحرمة لأمر خارج زي الرجالة برده يعني، مش الستات مش حكر في الحتة دي، يعني نقول للراجل حرام تروح المكان الفلاني؟ هو الأصل في الخروج إنه مش حرام، لكن المكان الفلاني لما كثرت فيه المنكرات وصعب فيه تغيير المنكر ربما يظن الفتنة فيه، تظن الفتنة فيه وكذا، خلاص يحرم أن تذهب إلى هذا المكان، فكذلك المرأة، ولا أنتم عاوزين خطاب بقى أصل ساعات الستات ما يعجبهاش الخطاب ده؟ طب ما احنا بنخاطب الرجال بالخطاب ده، فتلاقي إيه الفكر النسوي والخطاب النسوي مسيطر للأسف حتى على المتدينات، المتدينات اللي تلاقيها معاها القرآن ومعاها القراءات ومعاها العلوم الشرعية؛ لا، الراجل يتخاطب كده وتيجي لغاية عندي وما تخاطبنيش كده، قول للراجل ما تخرجش وما تروحش! هتيجي تقول لي ربع كلمة هقول لك أنت ذكوري، وبيقولوا إيه رد... ريد بل وأنا مش عارف!
لا، هو هذا الخطاب لك ولا ليكم أنتم الاثنين.
طيب، هذا كلام الغزالي؛ ابن الجوزي يقول: خروج النساء مباح، لكن إذا خيفت الفتنة -ثاني- خروج النساء مباح، لكن إذا خيفت الفتنة بهن أو منهن فالامتناع من الخروج أفضل، طبعا ابن الجوزي حنبلي. ابن حجر شافعي، قال: استمرار العمل على جواز خروج النساء إلى المساجد والأسواق والأسفار منتقبات لئلا يراهن الرجال، هذا ابن حجر.
يعني نجيب لكم كلام المالكية والشافعية والحنابلة عشان نشوف الكلام ده، طيب، تعالوا كده نقرا شوية في التمهيد لابن عبد البر. معلش، يعني أنا عارف الدرس ممكن ما يكونش على الوجه اللي إيه اللي ممكن تكونوا منتظرين، ولكن أنا الحقيقة في المسائل دي أميل إلى ذكر كلام الفقهاء كما هو، بعيداً عن الوعظ خالص ولا خطاب عاطفي ولا خطاب صوت عالي خالص، احنا بنتكلم بهدوء؛ ادي كلام الفقهاء في في المسائل.
خلصنا في الخروج، يبقى خروج الحاجة من من حاجاتك ماشي، لضرورة طبعا أولى. طيب هخرج عشان أتفسح؟ مباح بشروطه، يبقى لا لا تكوني مصدر فتنة لحد، ولا خلوني بقى نكلم نعلى بالمستوى شوية في الخطاب. طبعا مصدر الفتنة المتبرجة مصدر فتنة بلا شك فخروجها على تلك الهيئة حرام عشان بس نقفل الحتة دي.
طب اللي بتظن أنها منتقبة، بعض بنشوف للأسف بعض النساء نقاب -يعني نقابهن فتنة- تلبس نقاب بشكل معين يبقى أشد جذباً ولفتاً للنظر من لو خلعت النقاب يعني مشيت سافرة الوجه. طيب، هي مابقاش عارفة؟ الظاهر بتبقى عارفة، الظاهر كده ليه؟ لأني أظن أن هي نبهت أكثر من مرة على ده، وأظن كده برضه، ممكن متبقاش عارفة؟ ممكن، يعني وبعض النساء برضه نرى ذلك بعض الغافلات؛ الغافلات دي مش من الغافلات يعني إيه؟ امرأة يعني مالهاش خلطة كبيرة بالرجال ومالهاش خبرة في الرجال وكده، فهي بتبقى بتعمل حاجة مش فاهمة إن هي بكده بتفتن، هي مش ظاهرة عن هذا المعنى، فلما تنبهين على معنى زي كده يبقى تظبطي نقابك، تظبطي لبسك بحيث إنه ميبقاش مصدر فتنة، ماشي؟
في التمهيد لابن عبد البر، عبد البر طبعا مالكي، بيقول: وأما أقاويل الفقهاء فيه، فقال مالك: لا يمنع النساء الخروج إلى المساجد، فإذا جاء الاستسقاء الاستسقاء والعيد فلا أرى بأسأ أن تخرج كل امرأة... المرأة المجالة. المرأة المجالة اللي هي المرأة الكبيرة التي انقطع إرب الرجال منها، اللي هي المرأة ال مش بس الكبيرة في السن، العجوزة قوي اللي خلاص ما الراجل لو شافها لا يشتهيها، ما يبقاش عاوز يتجوزها، ماشي؟ ده كلام مالك، الإمام مالك وفي رواية عنه.
تخرج المرأة إلى المسجد ولا تكثر التردد. هنا مالك، خلي بالكم يا جماعة مالك؛ الإام مالك عشان بس تبقوا فاهمين، الإمام مالك من جيل تابعي التابعين. ده الإمام مالك، يعني بينه وبين سيدنا النبي عليه الصلاة والسلام اثنين. يعني مالك عن نافع عن ابن عمر، دي السلسلة بينه وبين النبي اثنين عليه الصلاة والسلام. فهو في طبقة تابعي التابعين الإمام مالك، وكان مقره فين؟ المدينة.
فاحنا بنتكلم عن جيل تابعي التابعين في مدينة رسول الله صلى الله عليه وسلم. مالك بيقول الأحكام دي في جيل تابعي التابعين في مدينة رسول الله. أنتم عارفين مدينة النبي عليه الصلاة والسلام أو في مكة، تلاقي الناس أكثر تحفظاً، يعني يعني احنا ممكن نشوف مناظر بره مكة والمدينة وما نشوفهاش جوه مكة والمدينة. نفس الشخص، أنت تكوني بتمشي على هيئة بره مكة والمدينة، تدخلي مكة والمدينة لا، ما تمشيش على الهيئة دي. فالكلام اللي مالك بيقوله ده هو في جيل تابعي التابعين في مدينة النبي عليه الصلاة والسلام.
بيقول إيه بقى؟ المرأة المرأة الكبيرة العجوزة التي لا أرب للرجال فيها تخرج للمسجد وإيه؟ ولا تكثر التردد. مش كل شوية بقى رايح الجامع جاي من الجامع. ده كلام مالك. طيب، وتخرج الشابة؟ طب الشابة تروح؟ قال: مره بعد مره، يعني إيه؟ آه هنخرج النهارده يبقى كمان أسبوع نروح، انما مش كل يوم رايح أصلي في الجامع. ما فيش حاجة اسمها كده. وكذلك في الجنائز يختلف في ذلك أمر العجوز والشابة.
قال الثوري، سفيان الثوري: ليس للمرأة خير من بيتها إن كانت عجوزاً. احنا لسه بنقرا في يعني ابن عبد البر مالكي، فبنقرا نشوف كلامه إيه. فيقول إيه سفيان الثوري؟ قال: إن المرأة ليس لها خير من بيتها وده باتفاق قلنا لكم، وإن كانت عجوزاً. وقال الثوري، قال عبد الله: المرأة عورة، وأقرب ما تكون إلى الله في قعر بيتها، فاذا خرجت استشرفها الشيطان. وقال الثوري: أكره اليوم الخروج للنساء إلى العيدين. سفيان الثوري في أيامه بيقول: أكره الخروج للنساء إلى العيدين، ليه؟ علشان ما أحدثن. طب سيدنا سفيان الثوري لو بقى دلوقتي وراح في العيدين بتوعنا احنا بقى ويشوف الستات بتعمل إيه؟
وقال ابن المبارك، ركزوا في قول ابن المبارك ده، ركزوا فيه؛ لأن شوية ابن عبد البر هيقول هو ده القول اللي بيرتاح له. عاوزين نقرا قول ابن المبارك كده واحدة واحدة. قال ابن المبارك -عبد الله بن المبارك يعني-: أكره اليوم الخروج للنساء في العيدين، فإن أبَت المرأة إلا أن تخرج فليأذن لها زوجها أن تخرج في أطمارها. الأطمار جمع طمر، والطمر اللي هو الثياب الرثة، ما هياش ثياب يعني جميلة، لا، ثياب البالية. هي دي الأطمار، في الحديث: «ريث أشعث أغبر ذي طمرين». الطمر اللي هو هدوم مقطعة، هدوم بالية، هدوم رثة، ما تبقاش يعني لا تفتن. قال: فليأذن لها زوجها أن تخرج في أطمارها ولا تتزين. فإن أبَت أن تخرج كذلك فللزوج أن يمنعها من ذلك. ده كلام عبد الله بن المبارك.
وكمان شوية هيرجع يقول لك ابن عبد البر أبو عمر: قال أقوال الفقهاء في هذا الباب متقاربة، بعد هيذكر أقوال كثيرة وبعدين هيتبي بقى هو يعلق على الاقوال وخيرها قول ابن المبارك. ده كلام ابن عبد البر في التمهيد، يرجح قول ابن المبارك اللي احنا قريناه دلوقتي. ليه بقى؟ قال: لأنه غير مخالف لشيء منها. يعني قول ابن المبارك ما هواش مخالف لأقوال الفقهاء، كأنه مجمع أقوال الفقهاء. يبقى دي أول حاجه. ويشهد له قول عائشة. فاكرين قول عائشة؟ اللي هو: لو أدرك رسول الله صلى الله عليه وسلم ما أحدث النساء بعده لمنعهن. قال: ومع أحوال الناس اليوم، ومع فضل صلاة المرأة في بيتها، فتدبر ذلك. يعني قول ابن المبارك موافق لكل ده. أحوال الناس يا جماعة، ابن عبد البر بيقول: أحوال الناس اليوم يتقال لهم كده. ماشي؟
من الجميل أنه ابن الملقن ذكر عن الداودي قال بعد ما ذكر أثر عائشة، اللي هو: لو أدرك رسول الله صلى الله عليه وسلم ما أحدث النساء بعده لمنعهن. قال: فكيف لعائشة لو أدركت وقتنا هذا؟ راح الملقن قال: قلت: فكيف لو أدركت وقتنا هذا؟ فطبعا بقى المصنفون بعد كده كل ما يكتبوا يقولوا إيه: فكيف لو أدركت وقتنا ذلك أو وقتنا هذا؟ ماشي؟
طيب، آخر كلام عشان نختم بيه المسألة دي، مسألة الخروج ونبقى يعني إيه فهمنا أولاً مقصد الشريعة منك، وبعدين الشريعة ندبتك لذلك مش ببلاش. مش ببلاش. يعني إيه مش ببلاش؟ يعني المرأة التي تمتثل وتقول: أنا خلاص أنا من النهارده الأصل أن أمكث في بيتي، والخروج هو الاستثناء، هو الاستثناء. يعني إيه؟ يعني ما ينفعش يبقى فين فلان على طول بره البيت. ده الأصل أنها بره البيت. طيب واحدة قالت: خلاص أنا النهارده هعمل ده، نقول: أبشري. ده مش ببلاش؛ أقرب ما تكونين من وجه ربك، من رحمة ربك وأنت في قعر بيتك. فأنت قريبة من الرحمة، قريبة من الله، قريبة من الله جل وعلا.
خلاص، طيب أنا ليه قلت قبل ما نقرا كلام آخر كلام بقى لابن رجب؟ عشان ده حنبلي، احنا قرينا للمالكية والمالكية بيجيبوا أقوال الناس التانية، يعني هو جاب قول أبي حنيفة برضو ابن عبد البر لكن احنا ما قريناهوش يعني. بيجيبوا أقوال الناس التانية بس عشان يبقى نوعنا من المذاهب. أنا كنت عاوز أقول إيه؟ نسيت، كنت عاوز أقول حاجة قبل ما يلا نقرا، نقرا كلام ابن رجب.
في فتح الباري يقول: ولا نعلم خلافاً بين العلماء أن المرأة لا تخرج إلى المسجد إلا بإذن زوجها. وهو قول ابن المبارك والشافعي ومالك وأحمد وغيرهم. هنا زاد حاجة مسألة جديدة؛ أنه بيقول: ولا نعلم خلافاً بين العلماء أن المرأة لا تخرج للمسجد إلا بإذن الزوج. وقلنا لكم: هل يكفي السكوت؟ آه، يكفي السكوت. خلاص.
لكن من المتقدمين لسه ابن رجب بيقول: من كان يكتفي في إذن الزوج بعلمه بخروج المرأة من غير منع، اللي هو احنا لسه قلناهولكوا؛ يعني قلنا لكوا إيه؟ هو عارف أن مراته بتخرج وساكت، خلاص كفاية. ثم ذكر الآثار اللي أنا بدور عليها بقى؛ إنه ابن عمر قال: كانت امرأة لعمر تشهد صلاة الصبح والعشاء، عشاء وفجر يعني عشان بالليل، في جماعة. فقيل لها: لما تخرجين وقد تعلمين أن عمر يكره ذلك ويغار؟ فقالت: ما يمنعه أن ينهاني؟ طب ما ينهاني، هو إيه اللي منعه؟ قالوا: يمنعه قول رسول الله صلى الله عليه وسلم: «لا تمنعوا إماء الله مساجد الله». ومع ذلك كانت بتخرج عادي.
في رواية تانية قالت: والله لاأخرج إلا أن تمنعني. يعني سيدنا عمر فلا يمنعها. هنا برضه رسالة للرجال، يعني تعظيم قول النبي عليه الصلاة والسلام، وللرجال والنساء يعني. بس يشوف سيدنا عمر مع شدة غيرته ومع شدة مش عارف، والسيدة عائشة بتقول: لو رأى ما أحدثنا... طب ما هو ده في جملة ما أحدثنا، يعني كان في الوقت ده ومع ذلك لا. سيدنا النبي قال عليه الصلاة والسلام، خلاص سمع وأطاع. فيعني محتاجين نتأدب بهذا الأدب مع قول النبي عليه الصلاة والسلام. خلاص.
وحكي عن الشافعي، الكلام لسه لابن رجب: أن له المنع من ذلك. وقاله القاضي أبو يعلى -ده من الحنابلة- وغيره من أصحابنا، يعني الحنابلة. ومن أصحابنا من قال: يكره منعهن إذا لم يكن في خروجهن ضرر ولا فتنة. طيب، ما فيش لخروج المرأة ضرر ولا فتنة، هل للزوج أنه يمنع من ذلك؟ ده سؤال. يعني دلوقتي المرأة لو الخروج فيه ضرر أو فتنة، للزوج أنه يمنع؟ آه يمنع، وربما يجب عليه ذلك ويأثم إن لم يمنع.
طب السؤال: ليس في خروج المرأة ضرر ولا فتنة، هل له أن يمنع؟ أقوال ثلاثة للعلماء. أقوال ثلاثة؛ بعضهم قال إنه له أن يمنع، يعني مباح أنه يمنع، وبعضهم قال بالكراهة، وبعضهم قال بالحرمة. يلا بقى نقرا تاني عشان كده هنبتدي نفهم بقى.
حكي عن الشافعي أن له المنع من ذلك، ليه أنه يمنع؟ طيب. وقاله القاضي أبو يعلى وغيره من أصحابنا -يبقى برضه بعض الحنابلة قال إن ليه أنه يمنع-. ومن أصحابنا -يعني بعض الحنابلة- من قال: يكره منعهن؛ لا مكروه أن الرجل بس مش حرام عليه. يعني لو منع لا يأثم، لكن مكروه إذا لم يكن في خروجهن ضرر ولا فتنة، فحملوا النهي على الكراهة.
وقال صاحب المغني منهم -صاحب المغني اللي هو ابن قدامة، وده برضه من الحنابلة-: ظاهر الحديث يمنعه من منعها. يبقى ظاهر الحديث أنه لا لا يمنع المرأة طالما ما فيش ضرر ولا فتنة. ليه بنقول الكلام ده؟ علشان تبقى المسألة واضحة قدامنا، الزوج بقى اختار قولا من هذه الأقوال، احنا بنتكلم على راجل دين وعمل به.
طيب، هل ده الفقه؟ نصيحتي بقى للزوج: لو خروج المرأة لبيت الله تتعلم دين الله، وخلطتها بالنساء دول نساء صالحات بيعقلوها مش بيبيقووها عليك وعلى بيتها وعلى كذا، يبقى سيبها، هذا مما تنصلح به النساء، خصوصاً مع قلة هذا في هذا الزمان، خصوصاً وخصوصاً أنك لو منعتها الخروج هتقعد على الموبايل. فين دلوقتي المرأة اللي ما معهاش سمارت فون؟ فين هي؟ فهي لو ما راحت بيت ربنا وما ما اشتركتش في المقرأة وما اشتركتش في وما تعلمتش القرآن وما تعلمتش دروس علم شرعي أو ما يوازي بقى يعني يعني لو ده ما هواش متاح في المساجد، لكن في دور تحفيظ القرآن ولا كذا ولا كذا، بتتعلم دين ربنا وبتختلط بنساء صالحات.
ما أنت عارف، أصل أنت دلوقتي لو قعدت في البيت مش زي زمان؛ لو قعدت في البيت كانت المرأة بتقعد لوحدها في البيت. ومما نص عليه الفقهاء: أن الزوج له أن يمنع زوجته من مخلاطة النساء؛ فانهن يفسدنها عليه. هذا منصوص في كتب الفقه. ده مش موجود دلوقتي. يعني يعني احنا احنا لازم نتعامل مع واقع، نفهم واقع. المرأة لو قعدتها في البيت، هل هل هتاخد منها السمارت فون اللي في إيديها؟ ده ما بيحصلش. طيب، فانت ما ما نزلتهاش، هتلاقيها راحت داخلة على جروبات النسويات وجروبات مش عارف إيه وصفحات مش عارف إيه، وتفسد! خلاص فسد دينها، وفسدت آخرتها، وفسد ودنيتها كمان هتبقى طول النهار شايفة حاجات لا أنت عارف تجيبها لها، وشايفة يعني مش عاوزين ندخل في المهم يعني.
التليفون ده مفسد، التليفون ده مفسد، ودلوقتي يصعب جداً جداً إنه الإنسان ما يبقاش ماسكه رجل أو امرأة، طب هتعمل إيه في ده أنت بقى؟ فلو في دي النصيحة -احنا خلاص خلصنا الفقه، قلنا الفقه ثلاثة أقوال: مع أمن الضرر مع وجود الضرر والفتنة تمنعها، مع أمن الضرر والفتنة أقوال ثلاثة: الإباحة، الكراهة، الحرمة من المنع-.
النصيحة: لا تمنع مع عدم الضرر والفتنة. سيب المرأة تخرج تتعلم دينها، سيبها تشوف ناس يقولوا لها: اتقي الله في بيتك وفي زوجك. ونصيحة بقى للنساء: اعملوا ده، اعملوا ده، يعني إيه؟ يعني أيتها المتدينات، ما تبقوش خربات بيوت! ما تبقوش خربات بيوت! ازاي خربات بيوت؟ تيجي المرأة تفضفض مع تقوم تقومها على جوزها: أنت ازاي سايباها يا... ويمكن من غير ما تفضفض، والله والله والله تصل لنا رسائل بهذا المعنى، أن امرأة غافلة، غافلة -مش يعني تاني غافلة، يعني يعني ما شافتش رجالة، ما تعرفش التعامل مع فجوزها بالنسبة لها في شدة شوية أو غلظة شوية- هي مش منتبهه. مش اللي فتح عينيها على ده؟ صاحبتها! صاحبتها المتدينة! يعني تبقى قاعدة معاها، فتلاقي مثلاً جوزها بيكلمها فصوته علي، هو بيزعق لك؟ هي التانية عادي يعني، التانية مش واخدة بالها أن هو بيزعق لها، تقوم صاحبتها: هو بيزعق لك كده ليه؟ وأنت ساكتة ازاي؟ ما النهارده بيزعق لك، بقى بكره إيه؟ بكره والنهارده هي الست اشتكت لك؟ يعني يا ريت جاية تشتكي؛ هي لا اشتكت ولا فتحت بقها. خربات بيوت!
طيب دي هتعدي؟ والله ما هتعدي عند ربنا سبحانه وتعالى. فيها لعن. الحديث فيه لعن ولا إيه؟ هتروح حديث كده: من خبَّب امرأة على زوجها، بيتهيا لي في لفظ اللعن مش كده؟ لعن الله من خبّب امرأة على زوجها. فالمهم يعني في وعيد، في وعيد شديد يبقى التخبيب. الرواية الثابتة إيه؟ «ليس منا من خبَّب امرأة على زوجها». ففي الوعيد يعني. خلاص.
نكمل احنا لسه بنقرا كلام ابن رجب في فتح الباري، وده يعني آخر كلام هنقراه في المسألة دي عشان نبقى خلصنا يعني منها فقها. قلت -ابن رجب بيعلق بعد ما قال: يباح له أن يمنعها قول الشافعي وبعض الحنابلة، ولا يكره وده قول بعض الحنابلة، ولا يحرم وده قول ابن قدامة في المغني-. قال: قلت وهو ظاهر ما روي عن عمر وابن عمر كما تقدم، يعني بيقوي من قال بحرمة منع النساء الخروج إلى المسجد. قال: وكذلك مذهب مالك: لا يمنع النساء من الخروج إلى المسجد. وبكل حال -ركزوا بقى في الجملة اللي جاية دي ابن رجب بيختم الـ-... وبكل حال فصلاتها في بيتها أفضل من صلاتها في المسجد. واضح الكلام.
طيب ثم ذكر حديث النبي عليه الصلاة والسلام: «لا تمنعوا نساءكم المساجد وبيوتهن خير لهن». طيب يبقى احنا كده. ﴿كُلَّمَا دَخَلَ عَلَيْهَا زَكَرِيَّا الْمِحْرَابَ﴾ [آل عمران: 37]
وجد عندها رزقاً، يبقى مريم كانت فين؟ اللي هي سيد نساء العالمين في المحراب قاعدة، تعمل إيه في أوضة ربنا سبحانه وتعالى؟ متفرغة لعبادة الله عز وجل. فده معنى آخر من معاني نشأة مريم، من معاني نشأة مريم عليها السلام أن قعادها في هذا المكان خالية كان بربها، تعبد ربها عز وجل.
فيقى ده ملمح آخر تربي به نفسك أولاً وتربي عليه بنتك ثانياً؛ أن أنت فين؟ أنت في قعر بيتك، في أبعد حتة في البيت. بتعملي إيه؟ قاعدة مع المصحف، قاعدة مع الذكر، قاعدة مع الأوراد، قاعدة مع العلم الشرعي. ليكي على الأقل لو مش اليوم كله كده، فانت ليكي وقت كبير في يومك كده. تقولي: طب أنا زهقانة، أعمل إيه؟ بعمل إيه في البيت؟ أنا زهقانة، زهقانة فين أورادك؟ فين قرانك؟ فين تعلمك الشرع؟ فين قرايتك في التربية عشان تعرفي تربي ولادك؟ في حاجات يعني مهمات الدين والدنيا أكبر بكثير من أن احنا نقول زهقانين، سواء راجل ولا ست. فكرة أن أنا زهقان، أصل ما فيش حاجة أعملها، لا؛ هو في حاجات كتير تتعمل، أنت اللي مش عارف تعمله، أو أنت اللي مش عارفة تعملي، ولا أنت مش عارفة إيه المفروض يتعمل.
﴿كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا ۖ قَالَ يَا مَرْيَمُ أَنَّىٰ لَكِ هَٰذَا﴾ [آل عمران: 37]. وقلنا المعنى التالت بقا أو الرابع من معاني النشأة، هو من كفلها؟ زكريا. زكريا نبي الزمان، ولا شك أنها رأت منه أحوالاً تعلمت منها أموراً. سيدنا زكريا نبي نبي الزمان، وكان يدخل عليها المحراب، وكانت تقعد عنده في بيته لأنه كان جوز خالتها أو جوز اختها على قولين. فيقيناً رأت من الكفيل أموراً وأحوالاً أثرت في شخصيتها. وده ملمح قرآني أن ربنا سبحانه وتعالى تفضل وذكر ذلك، أن ذلك من جملة ما تفضل به على مريم أنه كفلها زكريا.
والمرة اللي فاتت لو تفتكروا، قلنا لكم إنه كفلها زكريا دي ما تعديش بالساهل كده. ليه ما تعديش بالساهل؟ لأنه كفلها زكريا، ﴿وَمَا كُنتَ لَدَيْهِمْ إِذْ يُلْقُونَ أَقْلَامَهُمْ أَيُّهُمْ يَكْفُلُ مَرْيَمَ﴾ [آل عمران: 44]. وقلنا لكم القصة عجيبة جداً؛ يرموا الاقلام في النهر، كل الاقلام تجري مع النهر إلا قلم زكريا يجري عكس النهر، عشان يكفل مين؟ يكفل مريم. يعني حتى كفالة زكريا لها بأمر عجيب خارق للعادة، العادة ما فيش حاجة اسمها قلم يجري عكس النهر، مش كده؟ طيب.
طيب، ده احنا نستفيد منه إيه؟ نستفيد منه؛ أنت حاطة بنتك، طبعا أنا مركز مع النساء، ها؟ فبقول بنتك، بالقياس بقى ابنك، حطاها في مدرسة شكلها إيه؟ ليه؟ لاني جزء كبير من القيم اللي هتاخدها والتربية اللي هتاخدها من المدرسين. هنا كفالة زكريا ذكرها الله ليه في القرآن؟ وامتن الله بها ليه؟ فلازم نفهم ده. يبقى بنتي هدخلها مدرسة إيه؟ والمدرسات في المدرسة شكلهم إيه؟ ولبسهم إيه؟ وثقافتهم إيه؟ وخلفياتهم إيه؟ ليه؟ أصل هي يكفي أن بنتي تتاثر بمدرسة واحدة تضيع لها دينها كله، يكفي! واحنا كل حد فينا في دماغه في ذاكرته مدرس أو مدرسه من وهو طفل، أكثر أكثر مدرس أثر فيا، أو أكثر مدرسة أثرت فيا، وكل واحد بقى وحسب المدرسة اللي دخلها.
فانت لما تروحي تدخلي بنتك بإيديك مدرسة مدرسة راهبات مثلاً، مستنية المدرسة اللي هتتاثر بها شكلها إيه؟ أو مدرسة إنترناشيونال عادية مش هي ما فيهاش صبغة إسلامية مثلاً، متخيلة المدرسة اللي هتتاثر بها بنتك شكلها إيه؟ عارف أنا ده، مش بقول دي يعني طبعا دي كل قاعدة شواذ، والشاذ يثبت القاعدة؛ يعني ممكن تلاقي واحدة في المدرسة، مدرسة زي الفل وأحسن من مئة واحدة في المدرسة، ممكن! ده ممكن نلاقي ده، لكن ده نادر الوقوع. ليه نادر الوقوع؟ لأن من شروط المدارس الإنترناشيونال في الإنترفيوهات بتاعت المدرسين والمدرسات يبقى لهم شكل معين وثقافة معينة وتتسق مع الإيه؟ المنظومة اللي هيلتحقوا بها. ده مفهوم.
طيب، لو حتى ما فيش واحدة عدت كده مش هتصبر جوه، هتلاقي هي لوحدها نشاز في وسط مختلف تماماً، مش هتعرف تصبر. ففي الغالب كل كيان أو كل مؤسسه بتلفظ اللي مش اللي مش على مبادئها ولا على قيمها ولا. فما تجيش بقى تقولي لا أصل احنا في البيت واحنا بنشوف واحنا، البيت إيه؟ البيت إيه؟ بنتك بتروح المدرسة من سبعة الصبح، ثمانية الصبح عشان ترجعلك أربعة العصر، زي ما بيقولوا فسيخ تدخل تنام. عشان بيت إيه؟ بيت إيه؟ مدرسة في المدرسة ثمان ساعات وتسع ساعات، وبعد شويه هتكبر بنتك وهتبقى يا ريت بقى بترجع أربعة العصر تقعد معاكي، لا دي ترجع أربعة العصر عشان تروح مع صاحباتها بتوع المدرسة، بعديها بساعتين يا في دروس يا في خروجات يا. فبيت إيه اللي انت هتلحقي فيه ده كله؟
أنا بقولكم من بدري للبنات اللي لسه متجوزة أو هتتجوز أو كده عشان هتيجي بعد شويه تشتكوا وتقولوا: البنت مش عارفة أحجبها، البنت ما أنا لبست الحجاب عاوزة تقلع الحجاب. ده بيتقال، ها؟ الأم تبقى متدينة وعندها قدر كبير من الدين ونفسها بنتها تبقى شبهها أو أعلى منها كمان، مش عارفة تعمل ده مع البنت، مش عارفة البنت تعبها جداً! فضلاً بقى عن الصحوبية، وفضلاً عن السهر، فضلاً عن ما يبقاش في حد عارف يمشي كلمته على بنته. ده كله منين؟ اختيار المربي، اختيار المربي. وقولي بقى مثل ذلك في معلمة القرآن بتاعتها؛ مش بس تبقى معلّمة قرآن، تبقى حد عنده قدر من التدين، حد عنده قدر فهم تربية.
﴿وَكَفَّلَهَا زَكَرِيَّا﴾ [آل عمران: 37]. يبقى ده ملمح ثاني من ملامح نشأة السيدة مريم. ليه السيده مريم نشات؟ عشان تبقى سيدة نساء العالمين. نشأت إزاي؟ أم، والام دي فيها الدعاء، وخلصنا، بيئة أب وأم وأخ، خلوة وعزلة، مربي اللي هو سيدنا زكريا. وبعدين: ﴿كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا ۖ قَالَ يَا مَرْيَمُ أَنَّىٰ لَكِ هَٰذَا ۖ قَالَتْ هُوَ مِنْ عِندِ اللَّهِ﴾ [آل عمران: 37]. هندي ملمح هنا كده بسيط عن فضل مريم، وبعدين هنسيب آيات زكريا كلها بقى سيدنا زكريا كلها، لأن مش من حاجتنا هنا عشان نروح بسرعه نشوف برده شويه ملامح ثانيه من ملامح النشاه.
زكريا لما يدخل يلاقي الرزق، فالرزق معنى كده الرزق فين؟ قدامه، قدامه يعني موجود، فاكهة الصيف في الشتاء وفاكهة الشتاء في الصيف، حاجة عجيبة جداً. فمناسب أنه يستخدم هذا، هذا اسم إشارة، يعني لما تشاور على حاجة تقول إيه؟ أقول هذا؛ الرجل قدامي هذا الرجل، أقول هو الرجل، هذا الرجل ليه؟ قالوا إن هذا اسم إشارة، اسم إشارة يبقى حاجة حاضرة، أمال هو دي بيسموها إيه؟ ضمير غائب، لما أجي أتكلم عن حد مش فاهمين؟ فأقول إيه؟ قال هو كذا، اللي هو مش موجود ده. إنما لو موجود هقول هذا، مش هقول هو. فطبيعي أن سيدنا زكريا يستخدم هذا: ﴿قَالَ يَا مَرْيَمُ أَنَّىٰ لَكِ هَٰذَا﴾ [آل عمران: 37]. اللي مش طبيعي، السيدة مريم لما جِت ترد قالت إيه؟ قالت: ﴿هُوَ مِنْ عِندِ اللَّهِ﴾ [آل عمران: 37]. ليه؟
شوفوا يا جماعه بقى من يعني عظم قدر السيدة مريم، واللي هأقوله ده هو من عند نفسي، ما لقيتش أنا قعدت أبحث في كتب التفاسير وفي كلام من تكلم في البلاغة القرآنية، ما لقيتش حد تطرق لهذا خالص، فبرده ده محل بحث، اللي يلاقي حاجة فيها يبقى يقولها يعني. يظهر، والله أعلم، أن مريم استخدمت ضمير الغائب إشارة إلى استغراقها في الشهود، وذهولها عن كل ما هو ما سوى الله. استغراقها في الشهود يعني قد استغرقت أو استغرقت في شهود الله عز وجل، فغاربت عن السوى. يعني إيه؟ يعني بقى بالنسبة لها الدنيا دي المشاهده دي هي هي غايبة عنها، فهي مش شايفة الرزق، يعني هو وإن كان موجوداً حساً صحيح، لكن هي غائبة عنه، هو ليه؟ لأن هي مع ربنا سبحانه وتعالى. يظهر هذا والله أعلم، ما قالتش هذا من عند الله، قالت: هو من عند الله. فاستخدمت ضمير الغائب، والله أعلم، لكن محل بحث، يُبحث.
خلاص، طيب. وتبتدي بقى سيدنا زكريا طبعا لما إيه: ﴿هُنَالِكَ دَعَا زَكَرِيَّا رَبَّهُ ۖ قَالَ رَبِّ هَبْ لِي مِن لَّدُنكَ ذُرِّيَّةً طَيِّبَةً ۖ إِنَّكَ سَمِيعُ الدُّعَاءِ﴾ [آل عمران: 38]. ليه؟ قالوا في مناسبة هنا؛ سيدنا زكريا كان كبير، امرأته عاقر، وبعدين السيدة مريم كان يدخل يلاقي فاكهة الصيف في الشتاء وفاكهة الشتاء في الصيف، يعني يجد الرزق في غير أوانه، فحرك ذلك منه أن يأتيه الولد في غير أوانه. إذا كان أوان الولد والمرأة صغيرة صبية، دلوقت امرأته كبيرة وعاقر، فلما لقي فاكهة الصيف في الشتاء وفاكهة الشتاء في الصيف، يعني الرزق في غير أوانه، فحرك منه أن يأتيه الولد في غير أوانه أيضاً. فدي المسألة الثانية.
وتمر الآيات بتاعت سيدنا زكريا ليأتي قول الله عز وجل: ﴿وَمَا كُنتَ لَدَيْهِمْ إِذْ يُلْقُونَ﴾ لا ﴿إِذْ قَالَتِ الْمَلَائِكَةُ يَا مَرْيَمُ إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَىٰ نِسَاءِ الْعَالَمِينَ﴾ [آل عمران: 42]. يبقى من معاني النشأة اصطف, اصطفاء الرب سبحانه وتعالى، ودي مش هنتكلم فيها كتير لأن دي بتاعت ربنا بقى سبحانه وتعالى، أن ربنا يصطفي إنساناً ويطهره دي بتاعت ربنا سبحانه وتعالى، فمش عايزين نسيب فيها وكمان الوقت خلاص أزف، يعني معرفش أنا ما فيش أسئلة طلعت لي لغاية دلوقتي، معرفش الأسئلة هتيجي ولا لا، لكن من المعاني المهمة في النشأة: ﴿يَا مَرْيَمُ اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ﴾ [آل عمران: 43].
وده آخر معنى هنتكلم عنه في نشأة مريم بقى خلاص، اللي هو إيه؟ واركعي مع الراكعين. عندنا بقى يا نساء يا نساء كذا معنى. المعنى الأول أنه بعديها طبعا بعد هذه الآية: ﴿يَا مَرْيَمُ اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ * ذَٰلِكَ مِنْ أَنبَاءِ الْغَيْبِ نُوحِيهِ إِلَيْكَ ۚ وَمَا كُنتَ لَدَيْهِمْ إِذْ يُلْقُونَ أَقْلَامَهُمْ أَيُّهُمْ يَكْفُلُ مَرْيَمَ وَمَا كُنتَ لَدَيْهِمْ إِذْ يَخْتَصِمُونَ * إِذْ قَالَتِ الْمَلَائِكَةُ يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا﴾ [آل عمران: 43-45] إلى آخر الآيات.
حصل فصل هنا، حصل فصل! ﴿إِذْ قَالَتِ الْمَلَائِكَةُ يَا مَرْيَمُ إِنَّ اللَّهَ اصْطَفَاكِ وَطَهَّرَكِ وَاصْطَفَاكِ عَلَىٰ نِسَاءِ الْعَالَمِينَ * يَا مَرْيَمُ اقْنُتِي﴾ [آل عمران: 42-43]. بصي يا مريم، الملائكة بتقول: يا مريم اقنتي لربك واسجدي واركعي مع الراكعين، يا مريم إن الله يبشرك بيحيى أو أو بكلمة منه اسمه المسيح. كان الأولى يجي كده، وبعدين ﴿وَمَا كُنتَ لَدَيْهِمْ إِذْ يُلْقُونَ أَقْلَامَهُمْ﴾ [آل عمران: 44] الآيات ما جاتش كده، الآيات جات كلام ملائكة مرتين، وبعدين ﴿وَمَا كُنتَ لَدَيْهِمْ إِذْ يُلْقُونَ أَقْلَامَهُمْ﴾ [آل عمران: 44]، وبعدين ﴿إِذْ قَالَتِ الْمَلَائِكَةُ يَا مَرْيَمُ إِنَّ اللَّهَ يُبَشِّرُكِ﴾ [آل عمران: 45]. وكان البشارة متأخرة عن هذه الآيات المذكورة اللي هو الاصطفاء والتطهير والأمر بالقنوت والسجود والركوع، وبعد شوية هتيجي البشارة بأيه؟ بعيسى.
أول معنى، يا نساء؛ أن يكون لكم حال مع ربنا سبحانه وتعالى، ده طريق البشارات. يبقى ﴿اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ﴾ [آل عمران: 43] وانتظري بشارات الله عز وجل، بعد شوية هيجي لك البشارة. يبقى ده أول معنى؛ انتظري البشارات بايه؟ بحالك مع ربنا سبحانه وتعالى. ماشي؟ وده معنى كبير، وفيه نصوص كثيرة، بل مش مهم دلوقتي عشان مش عاوزين نطلع كده الوقت خلاص يعني.
المعنى الثاني؛ المعنى الثاني أن البشارة بعيسى عليه السلام هي مش بشارة سهلة، دي بشارة يصحبها بلاء! يعني هي مش إيه؟ مش واحدة متجوزة وهيجي لها عيل وهتفرح بيه، مش كده. لا دي واحدة مش متجوزة وهيجي لها عيل وهتتهم بالزنا! فصحيح بشارة، لكن في مصاحب لتلك البشارة إيه؟ بلاء كبير، ولذلك من من الملامح البلاغية في سورة مريم، احنا لسه ما دخلناش في سورة مريم لغاية دلوقت، بس من الملامح البلاغية: ﴿فَأَتَتْ بِهِ قَوْمَهَا تَحْمِلُهُ﴾ [مريم: 27]. هو هل متوقع في عيسى وهو في المهد غير أن هو محمول؟ لازم تكون تحمله، يعني هو إيه المتوقع يعني؟ فلماذا قال الله تحمله؟ يعني لو كانت الآية إيه: فاتت به قومها، هل في ذهن هينصرف إلى أنها فاتت به غير محمول؟ ولا لازم يكون محمول؟ هو صبي في المهد!
فمما قيل من بلاغة هذه الكلمة: تحمله، بتصف الحمل اللي شايلاه مريم، مش الولد. يعني يعني تحمله دي كلمة فيها الحمل اللي شايلاه، هي مأمورة بأنها تواجه قومها بهذا الطفل. المهم، البشارة اللي هتبشر بيها بعد شوية مش بشارة عادية، دي بشارة يصحبها بلاء. طب عشان تصبر في هذا البلاء وتصمد أمام البلاء يبقى إيه؟ ﴿يَا مَرْيَمُ اقْنُتِي لِرَبِّكِ وَاسْجُدِي وَارْكَعِي﴾ في في بلاء هيحصل لك، في بشارة صحيح، لكن معاها بلاء. فاعملي إيه؟ خلي لك حال مع ربنا سبحانه وتعالى، فلما لك حال مع ربنا، ربنا يصبرك ويوفقك ويحرسك ويمنعك من الخروج إلى التسخط وكذا وكذا بايه؟ ﴿اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ﴾ [آل عمران: 43].
وطبعا ده برضه فيه أحاديث كتير زي إيه: «بادروا بالأعمال فتناً» إلى آخر الكلام. يعني فيها أحاديث كتير، أقول قولي هذا واستغفر الله العظيم لي ولكم، سبحانك اللهم وبحمدك، نشهد أن لا إله إلا أنت، نستغفرك ونتوب إليك. المرة الجاية إن شاء الله نبقى نشوف بقى سورة مريم؛ احنا النهارده ما دخلناش في سورة مريم، بس بس اتكلمنا عن النشأة، وده مهم جداً جداً، يعني فيه ملامح كبيرة.
هل أثم لو في حرك في قلبي أن الإسلام دين أنت مشغل؟ أن الإسلام دين ذكوري، أو على الأقل الطريقة التي يطبقها بعض الناس لا فرق كبير الإسلام دين ذكوري، ربما تكفرين بالله! يعني لو تقصدين أن الإسلام دين ظالم، خلينا نقول ألقاب ثانية يعني كأنك بتجملي الله، ما هو دين ذكوري يعني إيه؟ يعني دين ظالم. ده اللي تقصديه يعني المفروض كان يبقى في أحكام تساوي بين الرجل والمرأة فوجدناها؟
أتت لصالح الرجل، لو ده المقصود؛ فهذا قول كفري، ده كفر بالله سبحانه وتعالى. فلو كده يبقى طيب؛ الطريقة اللي بيطبقها بعض الناس دي بقى مسألة تانية، اللي هو دين الناس نفسه يعني، احنا مش فاهمين دين. فلان ده مش فاهم دين؛ ﴿إِذَا أَتَاكُمْ مَنْ تَرْضَوْنَ دِينَهُ وَخُلُقَهُ فَزَوْجُوهُ﴾، دينه اللي هو تدينه، اللي هو طريقة تعامله مع الدين، تعاطيه مع الدين، دي مسألة تانية.
طيب لو انت اللي في دماغك المعنى الأول، أول حاجة تستغفري ربنا وتتوبي بسرعة وتتشهدي كمان، أنا هنا ما بهزرش بقى، يعني ما فيهاش هزار؛ لو انت في دماغك أن الدين دين ظالم، يبقى ده الأمر خطير جدا، ولازم تتعلمي دين صح، لأن الدين مش ظالم ولا حاجة. يعني مثال، هديكم مثال. لما نقول معلش يا دكتور لأن فيها سؤال تاني. لما نقول: الدين بيقول إن المرأة ما تخرجش متعطرة وما تخرجش متبرجة عشان ما تفتنش الرجال؛ أنا هديكم مثال واحد بس عشان تفهموا الشرع بيفكر ازاي أو الشرع يعني كيف جاءت أحكامه.
اللي أنا قلته دلوقتي في مصلحة الرجل ولا المرأة؟ هذا في مصلحة المرأة. في مصلحة الرجل المتدين آه، إنما لو راجل بصباص وعاوز يبص على الستات، مصلحته إن الستات تخرج إيه؟ متبرجات، مش كده؟ تقوم زوجته لما تعرف إن الدين بيقول للستات ما تخرجوش كده، فالستات تمتثل، وجوزها خائن بقى بصباص، هيخرج هيشوف مين؟
لما الدين يقول للمراه قعدي في بيتك وهذا هو الأصل، فتخلو الطرقات من النساء، ففي الآخر الحكم عاد على مين؟ على المرأة، الست اللي تعبانة (ودي بقى أسئلة بتيجي كتير): قرفت منه على طول، مش عارف إيه، وعلى طول إيه، وكل شوية اكتشف مش عارف بيعمل إيه. لما بقى يجي الدين يقول إيه: ما احنا بنقفل كل الأبواب اللي تخلي الراجل يصل للمراة. احنا بس يا جماعة مش عارفين ننظر للدين صح. مش عارفين ننظر للدين صح.
فدي أحكام الشريعة المفروض تطبق، فهتلاقي الست اللي قاعدة في البيت مطمنة، الراجل خرج مطمن، ليه؟ الستات في بيوتها. مفهوم؟ وأنا ضربت مثال واحد بسيط عشان ده معانا النهارده. كل أحكام الشريعة كده، احنا مش عارفين ننظر لأحكام الشريعة صح.
هل يجوز أن نخرج لما المكوث يسبب لي ضيق واختناق؟ السؤال يحتاج إلى توجيه، وهو أن الجواب المباشر: جائز بالشروط اللي قلناها، ده الجواب المباشر. لكن الضيق واختناق لعل أن احنا محتاجين شوية نتعامل مع ربنا يعني يبقى لينا أحوال مع ربنا تمنع هذا الضيق وهذا الاختناق. لكن آه يعني ساعات الواحد بحتاج فعلا يرفه عن نفسه شيئا ما فيحتاج يخرج، ما فيش مشكلة بالشروط اللي قلناها، ماشي.
أنا طبيبة أسنان، عاوز اعرف الحكم الشرعي لو مريض أو مريضة جالي وعايز يقفل المفروض يبقى يقفل فراغات بين الأسنان، سواء بالحشو العادي أو ما يعرف بالمش عارف إيه. كأنك بتتكلمي الأول على المسألة نفسها أن هو لغرض التجميل يعني. لكن قبل ما نشوف ده، هو انت ما ينفعش تشتغل لراجل أصلا، طبيبة الأسنان تخصص الأسنان بتكون الطبيب أو الطبيبة قريب جدا من المريض، قرب سيء.
الستات ما بتنتبهش لده يعني هي ممكن اللي باعتة دي هي فعلا مش منتبهة لده، طب هل الراجل المريض ده مش منتبه؟ لا، منتبه يا اختي، منتبه. فانت قربك منه قوي تخصص، فما تشتغليش للرجال أصلا، اشتغلي للنساء وللأطفال. مسألة بقى غرض تجميل وليس علاج دي أنا مش عارفها، أنا مش عارف المسألة دي أصلا يعني مش متصورة فما أعرفش أتكلم فيها، ماشي، لكن ما للرجال لا.
هل يجوز مع أهل الزوج أو الزوجة في مصيف أو أي خروج عائلة؟ هنقعد مدة ممكن نكون كلنا في شقة واحدة، كل واحد في أوضة، وإن شاء يعني الأمر في أصله برضه مباح، يعني كل واحد في أوضة، الأوضة دي كان يعني زمان كان ممكن كان البيت البيت حجرة عادي والحجرة اللي جنبيها باب تاني، هي حجرات كده يعني دي بيوت المسلمين.
ولا ده هيفضي إلى ظهور عورات وفلان دخل أوضة غلط وفلان طلعت بشعرها ولو أنا عرفت أضبط نفسي مش هعرف أضبط الستات الباقيين في الشقة، دي مسائل تانية يعني أنا يعني إنما السؤال كده لوحده يعني ما فيهوش حاجة حرام إلا أن يكون في حاجة حرام يعني. ماشي يعني المصيف نفسه شكله ايه ما أعرفش، المدى الخلطة عاملة ازاي والأحوال عاملة ازاي ومين بيشوف مين ومين عامل إيه، ما هو ده كله على حسب العيلة.
في عائلات لا متحفظة جدا، ولما بيسافروا بيبقى النساء بكامل الحجاب، والرجل ما ينفعش يخرج حتى بره مش مش يدخل أوضة ما يخرجش بره الأوضة إلا لما يخبط، هو في أوضته جوه أخرج بره أخبط قبل ما أخرج، مثلا، أو أحدث صوتا أو أكح أو أعمل في كده. في عائلات تانية سداح مداح، فما أعرفش أنت إيه.
أنا خريج مدرسة راهبات، الحمد لله ربنا عز وجل من عليا من ثلاث سنوات وبحاول ألتزم الحمد لله، والزي بتاعي بقى شرعي وبقيت بحاول ألتزم. ما فيش حد في عيلتنا ولا في المحيط بتاعنا ملتزم قوي، وكذا حد يقعد يقول لي: اللبس ده مكبر سنك، وأنت لسه صغيرة عيشي سنك، وبيخوفوني أن ممكن ما أتجوزش للسبب ده. إيه السعي اللي أقدر أعمله عشان ربنا ييسر لي زوج صالح يعينني على أمر ديني؟ مش عايز أتجوز حد مش شايل هم الدين ولا حد عنده الحرام عادي.
أول حاجة اللي بيخوفوكي بيه ده، ذكر الله عز وجل في القرآن: ﴿الشَّيْطَانُ يَعِدُكُمُ الْفَقْرَ﴾ [البقرة: 268]. فالشيطان هذا من وعد الشيطان، من وعد إبليس. تيجي تنفق، اللي يجي ينفق يقول له هتفتقر؛ اللي تيجي تلبس الزي الشرعي يقول لها مش هتتجوزي. تصديق هذا الوعد سوء ظن بالله عز وجل. تعالوا نرتب الجملة بشكل تاني: لو جيت قلت لك لما تقربي من ربنا ربنا هيضيعك، حد يوافق على الجملة دي؟ أهلهم نفسهم يوافقوا يعني لو إتقالت لهم الجملة كده: لو قربنا لربنا ربنا هيضيعنا، دي جملة اللي يوافق عليها يبقى كافر. كل ما تقرب من ربنا ربنا يضيعك، فتبقى أنا هتحجب وهلبس اللبس اللي يرضي ربنا فربنا يضيعني؟ تقولي: بس هو فعلا الحقيقة إن كل أقراني اتجوزوا وأنا اللي تأخرت، يبقى الخير في التأخير، يبقى لو كنت ما تحجبتيش كنت هتتجوزي واحد يدخلك النار، والحجاب صرفه عنك، صرف عنك أشكال من الرجال مش مناسبهم الحياة دي. أنت كان إيه المصلحة بقى في أن أنت تتجوزي حد يوديك النار؟
يبقى دي حاجة، طب أمتى هتتجوَز دي بتاعة ربنا بقى، دي بتاعة ربنا، ندعي ربنا بالخير مش بالجواز، يمكن الخير في عدم الزواج، يمكن ويمكن أنت متشالة لمعنى أكبر في الدين من مجرد تبقي واحدة زيها زي مئات ملايين من النساء اللي اتجوزت وخلفت، فيمكن ربنا شايلك لحاجة تانية خالص غير يعني مش لازم الخير يبقى مش لازم.
احنا المشكلة فين دلوقتي؟ أن احنا نمشي الكون على دماغنا احنا، مش على مراد الرب سبحانه وتعالى. كل الناس بتتجوز فانا لازم أتجوز، طب ما أتجوزش يبقى ده مش خير، مين قال؟ احنا عمالين نقول اهو: أفضل واحدة على الإطلاق مريم، أفضل امرأة السيدة مريم ما اتجوزتش وانقطعت للعبادة، فما محدش عارف الخير فين، ممكن تبقي أنت متشالة أنك هتبقي مثلا عالمة قرآن ولا قراءات وبعدين هتتفرغي وتعلمي النساء، ممكن. تبقي عالمة في الشرع وتعلمي النساء الفقه، ولا ممكن. تبقي بتسعي على الأرامل، الحاجات ممكن ما نعرفش. وممكن بعد الدرس ده يجيلك عريس برضه يعني يعني إنما فكرة أن أنا هبعد عن هبعد عن ربنا هيجيلي الخير، أقرَب من ربنا هيبعد عني الخير، ده كفر بالله.
السؤال اللي بعده على طول بيجيلي عرسان كتير وبرفضهم لعدم التزامهم مع أن الواحد بقى مش حاطط حاجات كتير. شوفي بقى يا بنتي اللي بعدك بتقول إيه، بقى شوفي الشكوى بقى اهو: مش لاقيين رجالة. بتقول أنا ما بقتش حاطة حاجات كتير أصلا يعني مش حاطة اشتراطات كتير، ومع ذلك مش لاقية حد عدل، مجرد إنه يكون ملتزم وبيصلي وبيبر أهله ويكون عنده قوامة، ببقى حاسة بالذنب عشان برفض، وده بيبقى بعد الاستخارة والخوف من تأخر الزواج. اقعدي بقى مع أختك، قوليها الأولانية، وأنت ما تخافيش من تأخر الزواج زي ما قلنا، ماشي. هو بيبقى اختبار شوية شديد، وبعدين ربنا يفرجها وتلاقي اللي يناسبك إن شاء الله، وسعي بالأسباب طبعا المتاحة عندك إنما ما ماشي.
خروج المرأة للتراويح تأثم؟ هو الدرس ما كانش واضح. يا جماعة الست اللي هتخرج تصلي: بيتها خير لها، ده الأصل في شرعنا: بيتك خير لك. طيب، ده بإطلاق؟ طب أنا لو قعدت مش هصلي التراويح في البيت، لو صليت مش هخشع زي ما بخشع ورا إمام المسجد، بيبقى في روحانيات أكتر وفي مش عارف إيه فانا هخرج، هي بتقول كده: هخرج هروح المسجد.
هنقول لك: لو خروجك لو كان خروجك للمسجد ما فيهوش لا فتنة ولا ولا أنت خارجه بشكل هيفتن رجالة ولا في، خلاص ليس لزوجك أن يمنعك ما له إنه يمنعك يمنعك من أنك تروحي المسجد. إنما ما حدش قال يعني مجرد الخروج للتراويح تأثمي، ما حدش قال كده.
شوفي يعني أنا برضه البنت اللي أنا اللي هي بتاعت الراهبات دي، بصي أختك بتقول إيه: ماذا تفعل المرأة أو الزوجة مع زوجها الذي لا يصلي ولا يأمر أهله بالصلاة؟ شوفي بقى الرجالة اللي أنت مستعجلة عشان تتجوزوكي، اهو لا بيصلي، يعني تخيلي أنت مع راجل ما بيصليش، ده الراجل اللي أنت بتدوري عليه يعني ده اللي أنت عاوزه تخلعي حجابك وتلبسي ضيق عشان يجي ياخذك؟ مما يؤثر سلبا على أولاده، ألاقي إن يرون أنه لا يصلي فكيف له أن يأمرهم بالصلاة؟ ادعي لربنا كتير يغير حاله، وبس بقى مش عاوز أ.
ازاي أجمع بين ما ذكرته وبدأ عمل التطوعي والدعوي يستدعي مني الخروج معظم الأيام؟ هذا من أعمال الخير، هذا من أعمال الخير، فلو ما فيهوش محاذير شرعية، لو ما فيهوش محاذير شرعية ولا يؤثر سلبا على بيتك وزوجك وتربيتك لولدك، جاز لك الخروج. يبقى ما فيش اختلاط محرم، ما فيش محاذير بقى شرعية، ما هي عشان ما أقولش حاجة وأنسى حاجة فتقولوا يبقى هي دي بس المحاذير اللي أنت تقصدها يعني مش في دماغي.
وثاني حاجة عشان بيجي لنا شكاوي الرجالة: تبقى مراته وهي لسه بنت قبل ما تتجوز بتقعد بالـ 10 ساعات والـ 12 ساعة بره البيت، عاوزة تتجوز تفضل كده قاعدة بالـ 10 ساعات والـ 12 ساعة بره البيت، اللي أصلها في الجمعية الفلانية وأصلها في الأكاديمية الفلانية وأصلها في الدار الفلانية وأصلها مش عارف إيه. فيقول لها: لا، ما فيش حاجة اسمها كده، هتقعدي في البيت، ومحتاجين، البيت محتاجك وكذا، تقوم تحرن عليه وتبقى متضايقة: لا، أنت مش فاهمة دين، أنت مش فاهمة دين كده، ولا فاهمة أولويات دين.