د. أحمد عبد المنعمسريعاً كده نموذج للخطاب القرآني وهو بيخاطب العقل. بيستعمل القرآن خطاب التساؤلات، زي سورة الملك بتبقى سورة تلاتين آية، نصها -يعني لو قلنا خمستاية- نص التلاتين تقريباً فيها ما يقرب من اتناشر لارباعتاشر سؤال، أسلوب التساؤل بحيث إنه يستسير الذهن. أسلوب بيان طريقة التفكير الخاطئ وقواعد التفكير الصحيح، كل دي أساليب استعمال القرآن مش أستطيع إني أدخل في أمثلة. مآلات الاختيارات الخاطئة ومآلات الاختيارات الصحيحة، أسلوب القرآن في خطاب المشاعر مختلف تماماً.
في القرآن عشان يستثير مشاعرك جعلك تستحضر مدى ضعفك كإنسان واحتياجك لغذاء الروح، بل القرآن بيخاطبُك، يخاطبُك كإنسان أنت تحتاج إلى ركن ركين تركن إليه. فيقول لك هذا هو الإاله الحق، أنت محتاج ربنا وهذا الإله يبسط يده بالليل ليتوب مسيء النهار، أنت تحتاج إلى هذا الإله، وهذا الإله يفرح بتوبتك. فالقرآن يُذكِّرك وجود الإله الذي أنت بداخلك تحتاج إلى قوة تركن إليها. فالقرآن يُذكِّرك بنقاط الضعف باحتياجك للإله تركن إليه، احتياجك لحقيقة مطلقة.
الإنسان يا جماعة من غير حقائق يبقى إنسان عدمي عبثي، يعني تخيل أنت عايش في كون ما فيش فيه حقائق، يعني أي حاجة ممكن تطلع صح وممكن أي حاجة تطلع تبقى غلط، يعني القتل والسرقة ممكن قدامي يطلعوا صح. فالإنسان بيحتاج عشان يعيش حياة هادئة يحتاج إلى حقائق، بيحتاج إلى حقائق. فيأتي القرآن يقدم له حقائق مطلقة إحضار مواطن الضعف زي الموت والنوم والابتلاءات في منتصف البحر، كل دي مواطن القرآن يعني سترها بداخل الإنسان.
استعمل القرآن أسلوب التنقل بين الدار الآخرة وعالم الشهادة وعالم الغيب، التنقل مرة والكلام عن الدنيا وبعدين انتقال الدار الآخرة ثم عودة إلى الدنيا. آخر حاجة عشان طولت عليكم، هجيب مثالين للقرآن استعملهم في تفنيد الشبهات. مثال في سورة الأنعام ومثال سورة القيامة. أنا هجيب آيتين في سورة الأنعام سريعاً كده، لكن أرجو أن الكلام اللي قلناه النهارده خدوا كواجب تطبيق عملي على سورة الأنعام، يعني روح اقرأ سورة الأنعام واستكشف فيها مواصفات الخطاب القرآني سواء أنا ذكرته أو لم أذكره.
يعني اقرأ كده الخطاب، وأنا جاي كنت قاعد بسمع سورة الأنعام، فسمعت إيه؟ ﴿لَيَجْمَعَنَّكُمْ إِلَى يَوْمِ الْقِيَامَةِ لَا رَيْبَ فِيهِ﴾ [الأنعام: 12]. إيه اليقينيات دي؟ تخيل واحد منكر بيسمع الآية دي؟ هتتوت غصب عنك، فأنت قاعد بتسمع، عايزك تسمع سورة زي سورة الأنعام، سورة طويلة تتكلم عن الله. وأصلاً سورة الأنعام فيها بيان حجة، يعني ﴿وَتِلْكَ حُجَّتُنَا آتَيْنَاهَا﴾ [الأنعام: 83]، يعني فيها الحجة القوية، ﴿وَلِلَّهِ الْحُجَّةُ الْبَالِغَةُ﴾ [الأنعام: 149]، كل ده في سورة الأنعام. فارجع اسمع سورة الأنعام وأنت بتبحث عن مواصفات الخطاب القرآني.
في قول الله سبحانه وتعالى: ﴿وَلَوْ أَنَّنَا نَزَّلْنَا إِلَيْهِمُ الْمَلَائِكَةَ وَكَلَّمَهُمُ الْمَوْتَى وَحَشَرْنَا عَلَيْهِمْ كُلَّ شَيْءٍ قُبُلًا مَّا كَانُوا لِيُؤْمِنُوا﴾ [الأنعام: 111]. دائماً الإنسان معتقد أن الحل الوحيد عشان اللي قدامك يقتنع بالحجة أو أنك ترد عليه بالشبهة أن يشوف آية حسية. وكثر طلب المشركين للمعنى ده أثر على بعض المؤمنين، وده المعنى ده أنا بذكُره في كثير من المجالس القرآنية والأبواب السور المكية، وذكرته بالتفصيل لسه في مجالس سورة الرعد اللي فاتت المجلس الأول والمجلس الثاني أشرت ليه لأن المعنى ده أيضاً متكرر في السور، في سورة الرعد أن المشركين عايزين آية: ﴿وَيَقُولُ الَّذِينَ كَفَرُوا لَوْلَا أُنْزِلَ عَلَيْهِ آيَاتٌ مِّن رَّبِّهِ﴾ [الرعد: 7]، وهات لنا آية واحنا نؤمن، الكفار بيقولوا كده.
عارف لما تقعد مع واحد ملحد أو واحد يقول لك أنت عارف أنت بس مشكلتك أنت لو تقنعني أنا أصلًا أصلي معاك العشاء بس أنت أنا مش مقتنع، فانت بتبقى معتقد أن أنت ينقصك حجة أو آية، يقول لك طب هات لي آية واحدة، آية واحدة بس يقول لك إيه هات لي آية واحدة بس على وجود ربنا، كلامك وطريقتك وسؤالك واستفهامك كل ده دليل على وجود ربنا! أنك أنت بتطلب وقدرت أنك تبين عما بداخلك ولو أنا تكلمت معك وأنك بتفكر وتحلل ده كل دليل، اعمل لي مين اللي أعطاك ده؟
فربنا بيخاطب الناس اللي معتقدة، بعض الناس أهل الإيمان معتقدين أن المشكلة في نقص الحجة أو ما فيش آية حسية، لو في آية حسية واحدة كانت الناس آمنت، والطلب ده المشركين طلبوه كتير فربنا بيقول -وربنا قال لهم أصلاً قبل الآيات دي على طول بيقول لهم-: ﴿وَمَا يُشْعِرُكُمْ أَنَّهَا إِذَا جَاءَتْ لَا يُؤْمِنُونَ﴾ [الأنعام: 109]. فربنا بيقول ده مش بس مش هيؤمنوا لو جت آية حسية، ده لو ربنا نزل الملائكة والموتى كلموهم وكل شيء اتحرك عليهم قال هذا رسول الله وهذا وحي من عند الله لم يؤمنوا: ﴿وَمَا يُشْعِرُكُمْ أَنَّهَا إِذَا جَاءَتْ لَا يُؤْمِنُونَ * وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُوا بِهِ أَوَّلَ مَرَّةٍ وَنَذَرُهُمْ فِي طُغْيَانِهِمْ يَعْمَهُونَ * وَلَوْ أَنَّنَا نَزَّلْنَا إِلَيْهِمُ الْمَلَائِكَةَ وَكَلَّمَهُمُ الْمَوْتَى وَحَشَرْنَا عَلَيْهِمْ كُلَّ شَيْءٍ قُبُلًا مَّا كَانُوا لِيُؤْمِنُونَ إِلَّا أَن يَشَاءَ اللَّهُ وَلَكِنَّ أَكْثَرَهُمْ يَجْهَلُونَ﴾ [الأنعام: 109-111].
شف بقى خد بالك، وكذلك جعلنا لكل نبي عدواً شياطين الإنس والجن. يبقى أنت لما بيجي واحد يسألك على شبهة لازم تعرف أن في حاجة اسمها شياطين الإنس والجن، أن مش قضية أن هو قعد مع نفسه وفكر يقول لك أنا مش مقتنع، لأ، في شياطين إنس وجن بثوا الشبهات. استحضار ده مهم أنك تبقى فاهم أن في حاجة اسمها شياطين وأنك بتجاهدهم، وأن الشبهة دي مش نابعة من داخلك، لا ده على مر العصور شياطين الإنس والجن يوحي بعضهم إلى بعض إيه؟ زخرف القول. يبقى رقم واحد في حاجة اسمها شياطين الإنس والجن، رقم اتنين القول المزخرف. يبقى الشبهة لازم بيتم زخرفتها.
وتكلمت على ده في درس معقاصد الشيطان. الشيطان لما بيبث شبهة مش بيجيب لك شبهة سخيفة أو مش حتى الشهوة، يعني لما راح لسيدنا آدم وقال لسيدنا آدم كل من الشجرة قال له إيه؟ ﴿مَا نَهَاكُمَا رَبُّكُمَا عَنْ هَذِهِ الشَّجرةِ إِلَّا أَن تَكُونَا مَلَكَيْنِ أَوْ تَكُونَا مِنَ الْخَالِدِينَ﴾ [الأعراف: 20]، ما قالوش روح كل من الشجرة دي هتجيب لك مغص وهتتعبك، روح بس كل يعني ما بقتش دي شجرة بالعكس لازم إيه؟ يزخرفها ويزينها لها. لذلك عجبني اسم الكتاب بتاع العجيري والشيخ العجلاني اللي نزل جديد اسمه زخرف القول، الاقوال التي زخرفت وانتشرت بين الناس فبيرد عليها، القول المزخرف المزين، والزخرف ده اللي هو ممكن يكون ماء الذهب المطلي، شيء مطلي بماء الذهب تظن أنه ذهب أو الذهب، زي قول الله سبحانه وتعالى: ﴿وَزُخْرُفًا﴾ [الزخرف: 35].
يبقى أول حاجة شياطين الإنس والجن، كل دي عوامل القرآن بيقول لك وأنت تفند الشبهة لابد أن تستحضر أن القضية ليست معلومة خاطئة فقط، أنتم فاهمين أنا عايز أقوله؟ أنت لما بتيجي تناقش شبهة، القضية ليست في خطأ نظرية الأكوان المتعددة فقط، لأ، ده وافقت هوى، ده تم زخرفتها وتم تقويتها وإضعاف أبحاث ومعهودة في ريسيرش ومعمولة بصورة معينة عشان تروج على الناس ولها أهداف فلسفية. يبقى القضية ليست معلومة خاطئة تقابل بمعلومة صحيحة، لأ، ده فيه شياطين إنس وجن، سم في زخرفة ﴿يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورًا﴾ [الأنعام: 112]. ولو شاء ربك ما فعلوه فذرهم وما يفترون، برغم أن ده افتراء، القول المزخرف ده افتراء ﴿فذرهم وما يفترون﴾ [الأنعام: 112].
طيب، شياطين الإنس والجن اخترعوا شبهة ويزخرفوها، إيه اللي هيحصل بقى؟ يجي واحد يقول لك إيه والله أنا سمعت لفلان اللي الشيطان الفلاني -مش هيقول الشيطان يعني- سمعت لأن فيه شياطين الإنس، استمعت إلى الشيطان فلان الفلاني واقتنعت برأيه، اقتنعت برأيه يقول لك أنا بسمع لكل الناس فلما سمعت لفلان الفلاني اللي هو شيطان يعني اقتنعت برأيه، ربنا بيقول لك خد بالك ليس قبول الشبهة دائماً ناتج نتيجة اقتناع عقلي، أمال إيه؟ ﴿وَلِتَصْغَى﴾ [الأنعام: 113]. تصغى يعني إيه؟ تميل، أصلاً صغا يعني الميل: أصغى إليها الإناء -النبي صلى الله عليه وسلم دخلت النار إناء مال لها الإناء- بدأ القول ده إيه؟ يعجبه، يميل ليه، يميل إليه.
حاسس القول ده يا نهار أبيض! ده الموضوع اللي طلع حرام لو خدنا بالقول ده هيطلع حلال، أنا أنا موافق على القول ده، هو موافق عليه ليه؟ عجبه. يبقى لتصغى إليه إيه إيه ده! ما طلعش عقول! يعني اللي اقتنع اللي خلاه يقبل القول ده الفؤاد مش العقل، القول ده طلع هيخليه يفجر أمامها ﴿وَلِتَصْغَى إِلَيْهِ أَفْئِدَةُ الَّذِينَ لَا يُؤْمِنُونَ بِالْآخِرَةِ﴾ [الأنعام: 113]. وطلعت المشكلة الرئيسية عنده الذين إيه؟ لا يؤمنون بالآخرة. يبقى الحل الجذري للشخص ده مش أنك بس ترد له على الشبهة، أنك تكلمه عن اليوم الآخر! تقول لي يا عم ده هو مش مقتنع أصلاً؟ أقول لك أيوه ما أنا عارف.
يعني طلعت الدروس الوعظية اللي بتتكلم عن الدار الآخرة مفيدة في رد الشبهات! طبعا طبعا مفيدة جداً في رد الشبهات. لأن جزء كبير من الشبهات بتنطلي على الإنسان -مش بتنطلي- بيميل إليها الإنسان، بل يميل إليها عشان بقى التعبير القرآني يميل إليها فؤاد الإنسان نتيجة أن هو بعد عن اليوم الآخر، ما عدش خايف من اليوم الآخر، يبقى اللي هيقبل ده مين؟ فؤاد مش عقل، ﴿الَّذِينَ لَا يُؤْمِنُونَ بِالْآخِرَةِ﴾ [الأنعام: 113]. يبقى كثرة الحديث عن الدار الآخرة من العواصم من السقوط في الشبهات، مهم جداً أنك تسمع كتير عن الدار الآخرة، يبقى مهم يشوف القرآن.
القرآن يا جماعة لما بيركز لما بيرد على شبهة بيرد على أصل الشبهة. يعني إيه تاني؟ شف ربنا بيقول ايه؟ وده من الآية دي فيها فوقية، خطاب فوقي وفيها تركيز: ﴿بَلْ نَقْذِفُ بِالْحَقِّ﴾ [الأنبياء: 18]، شف كلمة نقذف حينما تتخيل أن الله بقدرته يعني هو يقذف بالحق ﴿بَلْ نَقْذِفُ بِالْحَقِّ عَلَى الْبَاطِلِ فَيَدْمَغُهُ﴾ [الأنبياء: 18]. بعضهم قال فأصاب دماغه، عارف لما قذيفة مصوبة في الدماغ فتموته، فيدمغه. القرآن لما بيجيب على الشبهة مش بيجيب على الشبهة الظاهرية، لأ، بيجيب على ما وراء طلب الشبهة دي.
إزاي؟ يجيب لكم نموذج حتى على المؤمنين في سورة النساء -أنا طولت عليكم معلش إن شاء الله خمس دقايق وأخلص، بس لو عدّيت خمس دقايق هتسامحوني إن شاء الله صلوا على النبي-. بنقول في سورة إيه؟ تمام، في سورة النساء لما انتقل المسلمون من مكة إلى المدينة، كان بعض المسلمين في مكة بيتمنى الجهاد وكان دايماً وهو في مكة يقول: متى يؤذن لنا بالجهاد؟ يعني يا رب ليه ما يتكتبش علينا القتال؟ عايزين نقاتل خلاص. ﴿أَلَمْ تَرَ إِلَى الَّذِينَ قِيلَ لَهُمْ كُفُّوا أَيْدِيَكُمْ﴾ [النساء: 77] أي عن القتال. طب بنعمل ايه في مكة؟ وأقيموا الصلاة وآتوا الزكاة.
فلما انتقلوا إلى المدينة فلما كتب عليهم القتال، لما انتقلوا إلى المدينة وحصل نوع من الاستقرار في جو المدينة، جو مكة جو كله ما فيش فيه استقرار، جو ضرب وتعذيب وأذى فما فيش واقع مستقر فانت مش باكي على شيء فعايز تقاتل. فلما راح المدينة اشتغل في التجارة واتجوز واشتغل وعلق اليافطة وبقى في الدنيا بقت فيها نوع من الاستقرار، فلما كتب عليهم القتال إذا فريق منهم يخشون الناس كخشية الله أو أشد خشية وقالوا -ده سؤال اهو-: قالوا إيه؟ ﴿رَبَّنَا لِمَ كَتَبْتَ عَلَيْنَا الْقِتَالَ لَوْلَا أَخَّرْتَنَا إِلَى أَجَلٍ قَرِيبٍ﴾ [النساء: 77]. مش ده سؤال؟
هذا السؤال قد يجاب بأي إجابة شرعية صحيحة. يعني ممكن لو السؤال ده جه حد مثلاً كاتب في السيرة وبيقول إيه ولماذا فرض القتال في المدينة ولم يفرض في مكة؟ السؤال ده له إجابات، حتى كان في مكة في قوة وحتى إذا استكملنا العدة، يعني له إجابات. لذلك لما المفسرين قالوا هو يعني إيه لما كتبت علينا القتال الآن؟ يعني لماذا لم يؤجل القتال؟ ده برضه سؤال ممكن يبقى له إجابة: كتب عليكم القتال الآن لأن لابد من مباغتة المشركين وعدم الانتظار، يعني كان ممكن يبقى له إجابة من باب السياسة الشرعية. أو لما كتب علينا القتال كان السؤال معناه لماذا ليست الدعوة للقتال؟
يعني إيه القتال؟ لما كتبت علينا القتال تحديداً هل ما فيش وسائل أخرى للإصلاح؟ كان ممكن برضه يرد عليهم برد من باب السياسة الشرعية: أن أي أمة تترك القتال تنهار، لابد من أن كل أمة يكون عندها قوة تدافع بها عن نفسها. القرآن لم يرد بهذه الطريقة ولا رد عليها! سؤال: لما كتبت علينا القتال؟ الجواب: ﴿قُلْ مَتَاعُ الدُّنْيَا قَلِيلٌ وَالْآخِرَةُ خَيْرٌ لِمَنِ اتَّقَى﴾ [النساء: 77]. إذاً إيه علاقة السؤال بالإجابة؟ العلاقة السؤال بالإجابة يا جماعة، هذا هو الدافع الحقيقي المختبئ وراء السؤال!
القرآن مش هيقعد بقى، لأ، القرآن بيركز على الدوافع الداخلية، لما بتتحل كل حاجة بتتصلح. زي بالظبط غزوة أحد: ﴿وَمِنْكُمْ مَنْ يُرِيدُ الدُّنْيَا﴾ [آل عمران: 152]، دي الآية لما قعدنا نحلل نحلل وصولنا دي، دي اتحلت كل حاجة هتتحل. تشوف السؤال أنت ممكن، ممكن واحد يجي يسألك، أحد يسأل أسئلة كتير وأصل مش عارف إيه فانت تقول له أنت عايز تقول في حاجة، أنت يعني في مشكلة أكيد أو أنت يعني إيه اللي يخليك عمال تتكلم كده؟
يعني في أحيانًا الواحد ييجي يسأل مثلاً سؤال ومش عارف إيه تقول له أنت في حد منكد عليك، في حاجة ورا الكلام ده قال؟ وأصل ما فيش مش عارف إيه، والاسلاميون ضيعوا الدنيا. أنت يا ابني في حاجة مزعلاك اليومين دول؟ في آه، أصل أنا واحد عمل لي بلوك على الفيسبوك. طب ما تقول كده!
يعني أحياناً بيبقى الأسئلة الكتير وراها دوافع نفسية معينة، ودي زي ما قلت لك خطورة تجريد الشبهة عن سياقها، القرآن ما بيعملش كده، القرآن فيدمغه بيجيب على الدوافع اللي خلته يسأل السؤال ده. فربنا بيقول: ﴿وَلِتَصْغَى إِلَيْهِ أَفْئِدَةُ الَّذِينَ لَا يُؤْمِنُونَ بِالْآخِرَةِ﴾ [الأنعام: 113]. وبعد ما كان
مجرد ميل، يقول لك: أنا موافق، والايه؟ وليرضوه باراضي. وبقى بيأصل ثم يقترف، وليقترف ما هم مقترفون. شف بعد ايه اللي خلاه يكون في حزب الشيطان، أنه أصغى فمال؟ فمال فؤادُه فابتعد عن الدار الآخرة فرضي فاقترف والعياذ بالله.
طيب، وكان نفسي ناخد نموذج تاني لسورة القيامة، بس أنا طولت عليكم، ممكن أقول لكم في دقيقة كده سورة القيامة، بس رجعوها بالتفصيل في درس كامل عن سورة، كيف عالجت سورة القيامة شبهة؟ اللي هي ايه؟ اللي هي هل يستطيع الله؟ ده سؤال مشرك جاي بيسأل للمسلمين، شبهة بالنسبة له.
هل يصطلح إحياء الموتى؟ ما الدليل على أن الله قادر على إحياء الموتى؟ وده ممكن واحد ييجي يسأل السؤال ده زي بالضبط الشبهة اللي جت في آخر سورة يس، أن واحد يجيب مجموعة من العظام ويقوم كاسرها كده وعاملها رفات أمام الناس ويقول ايه؟ ﴿مَنْ يُحْيِي الْعِظَامَ وَهِيَ رَمِيمٌ﴾، ازاي ازاي ده يحصل تاني؟
فسورة القيامة ربنا بيقول: ﴿لَا أُقْسِمُ بِيَوْمِ الْقِيَامَةِ * وَلَا أُقْسِمُ بِالنَّفْسِ اللَّوَّامَةِ﴾، هو بيعترض بيقول: ﴿أَيَحْسَبُ الْإِنْسَانُ أَنْ لَنْ نَجْمَعَ عِظَامَهُ﴾. شف ازاي سورة القيامة ردت على الشبهة دي؟ شبهة هل يستطيع الله سبحانه وتعالى أن يجمع العظام؟ طريقة سورة القيامة في الرد.
فهذه شبهة تدرس، يعني ده منهج كامل في الصورة دي. ازاي أن الأول إثبات الله قادر، وبعدين ترك السؤال تماماً وقال له: خد بالك أنت اسأل عشان أنت عايز تفجر، جاب له الدافع، ﴿بَلْ يُرِيدُ الْإِنْسَانُ لِيَفْجُرَ أَمَامَهُ﴾. وبعدين اللي هو بينكره اللي هو يوم القيامة، القرآن تعامل معه على أنه حقيقة، عارف لما واحد جاي يقول لك شبهة، تتعامل مع الشبهة دي على أنها حقيقة بديهية أصلاً، يا ابني أنت اللي مجنون.
يعني يقول لك ايه؟ ايه وجود ربنا؟ فانت تقول له اللي بينكر وجود ربنا مجنون، يعني أنت تجاوزت الشبهة مش بس بإقرارها وأدلتها، ده اللي بينكر ده عنده مشكلة. وبعدين القرآن بدل ما يجيب له أدلة يوم القيامة، تجاوز النقطة دي، وبعدين تكلم قال له: أنت مشكلتك أنك عايز تفجر أمامك، عايز تعمل الشهوات، وأن يوم القيامة بقى لما هييجي زي بقى فكرة الامتحان لما يا تسقط، فإذا برق البصر، خسف البصر، فإذا ملك البصر وخسف القمر وجمع الشمس والقمر.
أنت بقى اللي بتقول فين يوم القيامة أو امتى يوم القيامة؟ هتقول أنت ساعتها هناك، أنا، أنت ساعتها تقول ايه؟ أين المفر؟ وساعتها يتقال لك: ﴿كَلَّا لَا وَزَرَ * إِلَى رَبِّكَ يَوْمَئِذٍ الْمُسْتَقَرُّ﴾. وكل اللي أنت عملته، شف هو بيسأل ايه وبيسأل ما الدليل على قدرة الله على البعث؟ شف القرآن بيخاطبه ازاي؟ تجاوز السؤال، وبعدين قال له ايه؟ أنت هتقول هناك أين المفر؟ وهتنبأ بالتفاصيل.
وبعدين خرج كمان السورة لأن هي بتتكلم على قضية معينة، وديه نشرتها السورة اه عن النبي صلى الله عليه وسلم حينما يتلقى الوحي. وبعدين قالت له الخلق الإنساني اللي خلاك تقبل الدنيا وتترك الآخرة، وخلق العجلة، ولذلك سورة القيامة عالجت هذا الخلق، يعني الدافع اللي خلاك تنكر يوم القيامة أن أنت إنسان عجول، لذلك السورة بتعالج خلق عَجِل عند الإنسان سواء عند المؤمنين أو سواء عند الكافرين، لذلك ربنا: ﴿كَلَّا بَلْ تُحِبُّونَ الْعَاجِلَةَ﴾، اللي بيختاروا الدنيا على الآخرة ده متعجل.
وبعدين جابت له مشهده يوم القيامة، وأن هو ازاي سيحمل الذنوب ويفعل به فاقرة. وبعدين جابت مشهده لحظة الموت والروح تخرج منه والناس عمالة تتنادى: ﴿وَقِيلَ مَنْ رَاقٍ﴾ حد يا جماعة ييجي يرقيه، حد ييجي يعالجه، أو من راقٍ الملائكة من سيرقى به إلى السماء؟
رجع بيس يقتني للدنيا، واتقال له فاكر في الدنيا كنت بتعمل ايه؟ لا كَلَّى ولا صلى ولا كنت بتزكي، وذهب إلى أهله يتمطى. وبعدين رجع بقى للسؤال الأول تاني، هو أنت فاكر أن أنت جاي سودا؟ هيحسبوا، يعني الآية دي معناها ايه؟ خد بالك وده سؤال ده اجابة عقلية منطقية، بس احنا مش فاهمينها، تبعات إنكار يوم القيامة معناه حالة من العدمية، السدوية، يعني السدوية دي يعني العدمية والعباسية، يعني بتقول له اللي هو يعني أنت مصيرك هيبقى زي ميت شاكّ كده، يعني أنت عايز تنكر البعث يبقى احنا حالة من احنا غابة.
بيقبل ده هيحصل مثلا يتركها سودا، وجه بقى في الآخر الرد العقلي على شبهة أن الله قادر على أن يبعث الإنسان. مش ربنا خلقك من نطفة، وربنا من منيّ يُمْنَى، ثم جعل نطفة، ثم جعل ذكر وأنثى؟ ﴿أَلَيْسَ ذَلِكَ بِقَادِرٍ عَلَى أَنْ يُحْيِيَ الْمَوْتَى﴾ سؤال اهو، يعني حد جه في الآخر، طب ما كان ييجي في الأول؟ لأ، شف الترتيب والتطويف ويجيب له لحظة الموت ولحظة البعث، ومشهده يوم القيامة، ومشهده وهو بيجري، وبعدين مشهده وهو يحمل الذنوب يفعل به فاقرة، ومشهده وجهه بازر وبعدين باسرة، والتطويف ده وفي الآخر يقول له: أليس ذلك بقادر؟ لا يملك المستمع المنصت إما أن يقول: بلى ويؤمن، أو بلى ويجحد، يبقى عارف أن ربنا خلقه ثم يجحد ويصر ويعاند ويستكبر.
ده أسلوب الخطاب القرآني مختلف، أحاط بالنفس البشرية، طرق على جوانب متعددة، استعمل أسلوب السؤال، استعمل أسلوب اللوازم تبعات قولك، استعمل أسلوب الوعظ، خاطب المشاعر، خلاه يتخيل يوم القيامة ويستحضر نفسه، تجاوز الشبهة وتعامل معها على أنها حقيقة مطلقة، كل ده اتعمل في صورة سورة القيامة.
لازم نتعلم من الخطاب القرآني في تقرير العقائد وفي الرد على الشبهات، خطورة تجريد الشبهة عن سِقَة، والتعامل مع المعلومة خاطئة؟ ده أمر بيطول كثير من النقاشات، تقعد سنة تتناقش في مسألة واحدة، والقرآن لم يتعامل بهذه الطريقة. وأسأل الله سبحانه وتعالى أن يجعلنا وإياكم من أهل القرآن الذين قالوا.
اعتذر عن الإطالة، أقول قولي هذا وأستغفر الله لي ولكم. سبحانك اللهم وبحمدك، أشهد أن لا إله إلا أنت أستغفرك وأتوب إليك، وجزاكم الله خيراً.