د. أحمد عبد المنعمطيب، احنا كده اتكلمنا عن المقدمة، وأن هذا القرآن، زي ما النبي صلى الله عليه وسلم كده قال: «فإذا وافق الدواء الداء برئ الإنسان بإذن الله»، فكذلك إذا لامس القرآن الإنسان برئ بإذن الله وشفي من الشهوات والشبهات.
دي كانت المقدمة. بعد كده قلنا أوصاف الخطاب القرآني، أن هو خطاب يقيني، خطاب مصيري، خطاب فوقي مهيمن، خطاب متحد، خطاب مركز، استحضار ده وأنت بتتناقش مع شخص، أو عايز تقر عقيدة عند إنسان، عايز تعلم الإنسان العقيدة لم يتعلم العقيدة بعد، أو عايز تناقش حد عنده شبهات، استحضار الخطابات دي مهم جداً. أن لما بتيجي تتكلم مع شخص مثلاً بينكر وجود الله وبينكر الدار الآخرة، أياً كان هو تصنيفه، لا أدري ملحد، مهم جداً أنك تكلمه بيقين.
المهم أنك تفهمه أن احنا مش بنلعب، وأن ده خطاب مصيري. فأنت بتستفيد بقى من أوصاف القرآن، مهم أنك أنت تستحضر المعاني دي في أثناء تقرير العقائد. كل ده احنا عايزين أن احنا بنقول مفارقة، عنوان الدرس: مفارقة الخطاب القرآني عن الخطاب البشري في حاجتين؛ في تقرير العقائد وفي تفنيد الشبهات.
طيب، تعالوا بقى نشوف الطريق أو المحتوى بقى القرآني. طبعا مستحيل أن احنا نمر، أنا هاَحاول في خمس دقايق كده المحتوى القرآني أتكلم عن بيقول لك إيه، اليقينيات والمصيريات. بيكلمك عن إيه؟ قبل ما نتكلم عن المحتوى القرآني بصورة عامة كده سريعة، الأول، القرآن يجيب عن أسئلة النفس الحائرة، وهي دي أحد معاني صوت الحس، أن النبوة دي شرحتها بالتفصيل برضو هنا في درس آجوف، إزاي أنت جواك شيء منتظر أن يملأ بداخلك، وعاء لا يناسبه إلا الوحي من عند الله.
وكلام آخر: الإنسان لما بيسمع الوحي يجد إجابات عن تساؤلات عميقة بداخلي، حتى لو بيهرب منها. التساؤلات اللي هو حتى بتتناساها، بتظهر في لحظات المرض ولحظات الموت القريب، ويجي القرآن يملأ الفراغ، الميثاق الأول الذي أخذ على البشرية: ﴿أَلَسْتُ بِرَبِّكُمْ ۖ قَالُوا بَلَىٰ﴾ [الأعراف: 172]. هذا الميثاق، سواء أن هو حقيقي الترجيح الطبري، أو أن هو معنى الفطرة ترجيح غيري من المفسرين، والمعنيان إن شاء الله صحيح، أن هذا الميثاق الذي بداخلنا يأتي القرآن ليذكرك بهذا الميثاق، فأنت لما بتسمع القرآن في شيء بيحصل فيه تلامس بداخلك، يعني هذا الكلام كنت أبحث عنه بالرغم من أني كنت أهرب منه.
يعني ده شعور للنفس البشرية، للمعرض، للملحد اللي مش عايز يسمع القرآن، ده خطاب أنت تبحث عنه، لكن بدنه الذي يريد الشهوات يفر منه، فيحيط به القرآن، فإما أن يؤمن ويستسلم، أو يستمر في الإعراض ويجحد. ده من المشاعر التي كانت تختلج في داخل صدر الإنسان اللي بيسمع الوحي، خاصة لو هو يفهم اللغة العربية أو حتى مجرد ترجمة معاني الوحي، يشعر أن هذه المعاني كان مفتقداً لها.
يبقى أول حاجة في محتوى الخطاب القرآني أنه بيجيب على أسئلة النفس الحائرة وبوضوح وسهولة. أسلوب القرآن في تقرير عقائد بيمتاز عن الأسلوب الكلامي المعقد أو عن أي أسلوب بشري آخر، واضح وسهل، ﴿كَانَا يَأْكُلَانِ الطَّعَامَ﴾ [المائدة: 75]، قمة الوضوح والبساطة لإثبات بشريتهما عيسى ابن مريم وأمه، الأمر في قمة البساطة، ﴿كَانَا يَأْكُلَانِ الطَّعَامَ﴾. يبقى الإجابة عن تساؤلات النفس الحائرة بوضوح وسهولة بطريقة تصلح لملأ هذا الجوف الذي بداخلك، متوافق مع أطماعك.
طيب، القرآن بقى ده الأول، الإجابات. القرآن في مجمله يحدثك عن الله، القرآن في مجمله يحدثك عن منزل هذا الكتاب، نزل الكتاب ليعرف بالله لكن بطريقة مختلفة عن أي طريقة بشرية أخرى، فتجد القرآن يتكلم عن الله وعن أوامره. شف كل حاجة أنا هاَحط لها الإضافة أن هي تعود إلى الله، عن الله وعن رسله وعن كتبه وعن أوامره وعن نواهيه وعن يوم لقائه وعن أوليائه وعن أعدائه وعن مصير هؤلاء وعن مصير هؤلاء. يبقى أنت عايزك وأنت بتقرأ القرآن، القرآن بيكلمك عن الله ثم تبعات الكلام عن الله.
محتوى الخطاب القرآني: رقم واحد، يجيب عن أسئلة النفس الحائرة. رقم اثنين، بيكلمك عن الله، لكن مش كلام تنزيري الأوصاف الأسماء، لا مش كده، القرآن مش بيتكلم كده، القرآن فيه تداخل: كلام عن أسمائه وصفاته، وعن كتبه ورسله، وعن نعيم أوليائه، وعن عذاب أعدائه، وعن مصير هؤلاء وهؤلاء، صورة مختلطة، وده هنتكلم عنها في طريقة تقديم المحتوى.
هنتكلم عن المحتوى الآتي: بيتكلم عن الله. يبقى رقم واحد، بيجيب عن أسئلة النفس اللي هيقراها، وأهم سؤال بتسأل عنه النفس الحائرة عن الخالق. رقم ثلاثة، ودي نقطة مهمة أوي في النقاشات جداً، ودي يعني مختلف مع بعض، يعني بالرغم من جهودهم الرائعة في الرد على الإلحاد والشبهات، لكن بختلف معهم في مش عايزين نقف كثيراً في مسألة إثبات وجود الله، يعني المنطقة دي، القرآن بيشير إلى الأدلة ثم يتجاوز، يقفز سريعاً، لا يقف عند هذه المنطقة كثيراً.
القرآن، يعني تجد مش هنقعد ثلاث سنين نتناقش في إثبات وجود ربنا، طب وبعدين؟ لا، القرآن مش بيعمل كده. القرآن بعد ما بيثبت وبيشير الأدلة، ينتقل بقى: طيب، تبعات أن لم تؤمن بهذه القضية، وتبعات أن آمنت بهذه القضية؟ فيتكلم عن اليوم الآخر. طيب، في إله، وهذا الإله أنزل وحياً، وهذا الوحي يطلب منك افعل ولا تفعل، فبيتجاوز مسألة الإثبات لمسألة الأوامر والنوايا، كل ذلك في محتوى الخطاب القرآني.
تاني، الخطاب القرآني بيتكلم عن مصير من آمن بهذه القضية اللي أنت لسه قاعد بتناقش فيها، وأنت قاعد بتناقش إثبات وجود ربنا مع واحد ثلاث سنين. القرآن بيتكلم قصصية بقى، يستعمل أسلوب القصص في مصير من آمن ومصير من كفر، بيتكلم على أنها حقائق وأن في ناس يعني واحد يقول لك أنا مش مصدق وجود الله، تقول له: كان في ناس زيك وأنكروا وجود ربنا، وربنا أنزل عليها عذاب وخسف بهم الأرض، ويوم القيامة يبعثون ثم يدخلهم النار، عليهم الحميم يُسهر به. شف أنت قاعد إيه؟ أنت انتقلت لمنطقة وهو لسه بينكر، يقول لك: استنى، أنا أصلاً مش مصدق. أقول له: طيب، خليك، أنا هأكمل أنا برضه، يعني أنت بتكمل الخطاب، أنت بتجاوز القضية دي أصلاً. يقول لك: بس أنا مش مقتنع. خليك ماشي، أنا برضه باطرح كلامي، فهتعذب ويصب عليك الحميم ومقامع من حديد، يقول لك: أنا أصلاً مش... يا عم خليك مش مقتنع برضه وتكمل.
الخطاب القرآني يطوف به، ودي مسألة أشرت إليها في كثير من مجالس القرآن أن مثال مشهور كنت بضربه، أن لما يجي حد يقول لك أنا مش مصدق أن في امتحانات، تقول له: خلاص براحتك، بس على فكرة يوم الامتحان أنت هتسقط، وبعد ما تسقط هتترفد. يقول لك: أنا مش مصدق. تقول له: بس استنى أما أقول لك، وبعد ما هتترفد هيتعمل... أنت بتكلمه في تبعات قرار هو مصمم عليه. بتثبت وبتشير الأدلة وبتشير للإتقان والأحكام وهي الأدلة التي أشارت إلى وجود الله، لكن مش هينفع تقف عند المنطقة دي كتير، القرآن مش بيعمل كده، وده الفارق ما بين النقاش الذهني ونقاش القرآن، نقاش القرآن مختلف تماماً.
يبقى المحتوى اللي بيقدمه القرآن، بيجيب عن أسئلة النفس الحائرة وأهمها الكلام عن الله عن الخالق، ثم يطوف في الكلام بقى عن وحي، عن نهي، عن رسله، عن كتبه، عن أعدائه، عن أوليائه، عن نعيمهم، عن نعيم أوليائه، وعذاب أعدائه، وبيتنقل... لذلك تجد: يا أيها الذين آمنوا بما أمركم القرآن به افعلوا كذا، أما الكفار الذين أعرضوا عن القرآن فمصيرهم كذا. ده طريقة القرآن، أنت متخيل واحد بيسمع القرآن وبينكر وجود الله، فبالتالي بينكر وجود الوحي وجود الرسل وجود اليوم الآخر، القرآن بالرغم من أن هو ممكن يكون بيخاطب شخص بينكر وجود الله، إلا أن هو بيكلمه عن مصيره الأخروي.
طب ده المفروض دي كانت تبقى نقطة رقم ستة مثلاً في النقاش؟ لأن القرآن بيعمل لها نوع من التداخل، أنت ممكن تعتقد بطريقتنا في التفكير بس ده مش طريقة منظمة بقى، أه، النفس البشرية لابد أن يحاط بها أثناء الكلام.
عشان أذان العشاء احنا قربنا كده نخلص، اتكلمنا عن المقدمة، اتكلمنا عن أوصاف الخطاب القرآني: يقيني، ومصيري، ومركز، ومتحد، وفوقي. وبعد كده قلنا: الخطاب القرآني بعد ما بيجيب على نفس الحائرة، بيتكلم عن الله، ولذلك بعض الناس بيسمي العقيدة الإلهيات، ولكن إزاي الإلهيات؟ ده فيها نبوات، ده فيها كتب الوحي، ده فيها اليوم الآخر، ما هو كل ده لرسل الإله، يوم لقاء الإله، ما هي كلها ضمن هذه المنظومة. هنستنى قد ايه على العشاء كده؟
إزاي بقى القرآن كطريقة بيقدم النقطة ديت في طريق تقرير العقائد وتفنيد الشبهات؟ القرآن لا يقدم هذا المحتوى -الكلام عن الله واليوم الآخر والرسل والأوامر والنواهي والمصير والقصص- لا يقدمه في صورة في معادلات منطقية فقط، يعني مش بيقدمها إيه: إما أن تؤمن أو أن تكفر، فإن آمنت حاجة من اتنين أو أن كفرت حاجة من اتنين، دي بتفيد في ترتيب الذهن، لكن القرآن ما استعملش الطريقة دي فقط، أحياناً يشير إليها وما استعملش خطاب المشاعر فقط، وهنجيب أمثلة لخطاب العقل وخطاب المشاعر. لا، القرآن دي قاعدة مهمة جداً، تعامل مع الإنسان كإنسان متكامل، عبارة عن: نفس، روح، جسد، مشاعر، طموح، آمال، خوف، بغض، حب، كره، احتياج، ضعف، القرآن خاطبك كل ذلك، عارف لما يعني في مستقبلات حساسيات كتير بداخلك، يعني أنا عايز كلامي يأسر فيك، فممكن... يعني أحياناً إيه، الواحد خاض نقاشات كتير مع ناس في قضايا كتير، سواء شرعية أو غير شرعية، ففي واحد تقعد تكلمه ساعة فيجي واحد يقول لك: يا عم أنت بتعمل ايه؟ ده مش مدخله، أنت قاعد بقالك ساعة تقول له كذا وبما أن كذا، يا عم بقول لك أنت ما عملتش الكلام ده هتضرب، تقول لك: بجد؟ مش تقول، طب توكلنا على الله، فاهم، فقالت استغربت، أنا بقالي ساعة عادي وأقنعك، واحد تاني تقول له: أنت لو عملت الكلام ده هأجيب لك حاجة حلوة، مش عايز، فيجي تقنعه تفاجأ أنه اقتنع.
نوعيات الناس المختلفة، القرآن بيحيط بكل هذه النوعيات وبكل هذه الأمور لأن الإنسان معقد جداً، أحياناً على فكرة شخص يقول لك إيه: أنا لا أقبل إلا بالحجة العقلية، وتفاجئ أنه هو بداخله شخص عاطفي جداً بس هو مش عايز يعترف بده أو بيخبئ هذه المشاعر، فالقرآن بيحيط بالنفس البشرية، ودي زي ما اتكلمنا عنها في الوصف القرآني أن هو يخطفها.
ففي تنوع، وده التصريف اللي في القرآن، اللي هو التنويع، أن الخطاب متنوع، يخاطب الإنسان ككل، يطرق كل الأبواب على القلب مرة واحدة، فبالتالي النفس تشعر بنوع من الحصار المفاجئ، يعني النفس كده بداخلك تشعر فجأة طرقات على باب الخوف، وباب الأمل، وباب المشاعر، وباب الطموح، وباب المستقبل، وباب... مش عارف، طرقات كتير فجأة الإقناع والوعظ، ففي الآخر فجأة القلب يشعر بنوع من الإحاطة، ده أسلوب القرآن أن هو مش بيقول: رقم واحد نقطة كذا خلصناها ننتقل إلى نقطة رقم اثنين، هيكون إنسان واحد، القرآن بينوع.
ولذلك التداخل اللي بين الوعظ الأوامر والنواهي والقصص، هذا أمر مقصود، هذا أمر مقصود، ولذلك أنا يعني لما بأقول كلمة ما بأحبش، أو ده مش ما لهاش لازمة، دي حاجة بس كده إيه با دردش معه، يعني مش حاجة أن هي حاجة مهمة، يعني مش من النوع اللي بحب إيه تقسيمة السورة القرآنية لتشجيرها بصورة معينة إلا لأجل الاستيعاب فقط، لكن مهم تبقى على بعضها كده، أنك أنت تقوم تصلي بها كده، يعني هي هذا الترتيب توقيفي اللي داخل آياته ده ما فيش فيه خلاف، ترتيب السور اللي فيه خلاف، لكن هذا الترتيب مقصود أراده الله سبحانه وتعالى.
كذلك يبقى في... يبقى طريقة القرآن في توصيل العقائد بتخاطبك مختلف. وأيضاً، ودي بقى مهمة جداً في النقاشات في الشبهات وخاصة مع انتشار الشبهات والإلحاد، خطورة... ركزوا معي في الجملة دي، خطورة تجريد الشبهة عن سياقها النفسي والاجتماعي. إيه الكلام ده؟ صلوا على النبي. أحياناً واحد يقول لك: أنا عندي شبهة، قلت له: إيه الشبهة؟ مكشوب هكذا. لو تعاملت مع الشبهة على أنها معلومة خاطئة تحتاج إلى معلومة صحيحة في المقابل، ده غلط، القرآن ما استعملش ده.
تاني، صلوا على النبي، سيبكم من عندي ركزوا معنا، تعال يا حبيبي. ماشي، هو بيحاول يشتت انتباهكم بس أنتم أقوى من... أقوى من المخدرات. صلوا على النبي، كنت بقول إيه؟ أنا بقول أن أنت خطورة تجريد الشبهة عن سياقها النفسي والاجتماعي، خطورة أن واحد يجي يسألك شبهة، أو بلاش خطورة، خطأ أن حد يجي يسألك على شبهة فتتعامل أن الشبهة هي معلومة خاطئة تحتاج إلى معلومة صحيحة في المقابل، لا. القرآن مش بيقول لك كده، القرآن بيقول لك: خد بالك، ممكن تكون الشبهة دي بسبب تقاليد الآباء، بسبب تزيين الشيطان، بسبب ضغط اجتماعي، بسبب مرض نفسي، بسبب شهوات بداخله، بسبب تزيين الشيطان، بسبب النفس عايزة تفجر.
أنت أنت ليه بتتعامل على أن هو حسب... قال لي دخل لك معلومة صحيحة فتقول له: لأ، أنت نسيت تعمل سبيس، افتح قوس، احنا هنصلح لك المعلومة، شكراً إنتر، أصلحت لك المعلومة؟ مش هيتصلح له المعلومة، بالرغم أن أنت صلحت له المعلومة فعلاً، يعني مثلاً من أشهر الشبهات الإلحادية سؤال مشكلة الشر والابتلاءات، هذا حينما يسأل من شخص وقع في ابتلاءات متعددة، دي لها سياقها، غير شخص لم يقع في ابتلاءات فتلاقيه بيسأل السؤال ده مش شاغله أوي.
فأحياناً السياق لما مسألة التقرير الأخير اللي عملته البي بي سي وإن كان هو مش أنا أرى إن هو مش هادئ يعني في مسألة إن الشباب العربي أصبح بيدير ظهره للدين وجاب أمثلة في انتشار اللاقدرية أو الإلحاد وخاصة في السوريين اللاجئين لأن هما مروا بمشكلة الابتلاءات.
الموجود بنسبة ما فعلاً إن اللي بيمر بابتلاءات نسأل الله السلامة والعافية كثيرة، هنا ممكن ييجي الشيطان مع الضغط الابتلائي فيقول له وفين ربنا من اللي بيحصل لك؟ يبقى هنا الشبهة دي لها سياق مهم إنك ترد على السياق. ممكن واحد عنده شبهة بسبب تقاليد الآباء، هو مش بسبب أي حاجة تانية. لما لو تقاليد الآباء تغيرت هو يعني أقول لكم على حاجة.
في شبهات بتطرح الآن لم تكن مطروحة، العرب المشركين لم يطرحوها أصلاً بالرغم من إنهم كانوا بيفكروا على أي حاجة يقولوها عشان يهدموا الدين، ومش بس العرب، العرب وغيرهم من اليهود والنصارى لما سمعوا القرآن كانوا بيدوروا على أي ثغرة في القرآن عشان يطعنوا في الدين. لما تغيرت بعض التقاليد فييجي واحد يقول لك إيه ده! ازاي القرآن يقول كده عن الرجال قوامون على النساء! ازاي مسألة الجهاد في سبيل الله؟ وازاي قضية مرتد التعامل معه كده؟ هو نتيجة تقاليد والحداثة والتغير ده خلاه يستشكل أشياء معينة وبقت شبهة، لما بيتغير ده يقول لك على فكرة ده عادي أنا شايف إن ما فيش فيه مشكلة، يقوم جاي له شبهة تانية في مكان تاني.
فإن الشبهة مش مجرد معلومة خاطئة لها سياق، القرآن ما بيفصلش شبهة عن سياق. السلام عليكم ورحمة الله وبركاته، بسم الله والصلاة والسلام على رسول الله صلى الله عليه وسلم. طيب، نرجع تاني، احنا قلنا إن درس اليوم كان عن مفارقة الخطاب القرآني للخطاب البشري في مسألة تقرير العقائد وتفنيد الشبهات، وبدأنا بمقدمة إن القرآن أنزله الله سبحانه وتعالى شفاء لما في الصدور.
والله سبحانه وتعالى هو الذي خلق: ﴿أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ﴾ [الملك: 14]، فبالتالي القرآن متناسب تماماً ويعني متناسق تماماً مع الإنسان، يحتاجه الإنسان ونزل خصيصاً له. بعد كده اتكلمنا في مسألة الخطاب القرآني، قلنا هيحصل نوع من التداخل بين الأوصاف والمحتوى والطريقة؛ قلنا الأوصاف إن هو يقين ومصيري وفوقي أو مهيمن وفي نوع من التحدي ومركز.
بعد كده قلنا الكلام محتواه لا يعني ما فيش فيه اختلافاً كثيراً، يجيب عن نفس الحيارى، ويتكلم عن الله أسمائه وصفاته، وعن خلقه، وعن وحيه، وعن رسله، وعن أوليائه، وعن أعدائه، وعن نعيم الأولياء، وعن عذاب الأعداء، وكيف أن الله سبحانه وتعالى يعطي لأوليائه فبالتالي الإنسان يشتاق. يعني أنت متخيل لما بتتكلم سنعرض عن الله سبحانه وتعالى، يقول لك أنا لا أؤمن بوجود الله، ثم تستمر في الحديث عن نعيم الأولياء، قد يشتاق لأن يكون منهم.
يعني فكرة إن أنت مش هتنقل في نقطة من نقطة واحد لنقطة اتنين غير لما يقر بواحد، القرآن لم يتعامل بهذه الطريقة، القرآن طرق على كل الأبواب في يعني القرآن اتحرك ممكن نقول إن صح التعبير إن القرآن اتحرك بالتوازي مش بالتوالي. يعني القرآن اتحرك بالتوازي في نفس القضايا في وقت واحد بصورة موازية مش يخلص قضية وبعدين يوالي في القضية التي بعدها.
بعد كده قلنا إن آخر حاجة اتكلمنا فيها إن طريقة القرآن بقى في توصيل محتوى إن هي متداخلة، تخاطب الإنسان ككل، مش بتفصل المشاعر عن العقل عن عن، لا، هي بصورة متداخلة. وقلنا إن من الخطأ أن تتعامل مع الشبهة ودي آخر نقطة اتكلمنا فيها، من الخطأ أنك تجرد الشبهة عن سياقها. يعني مش هينفع تتعامل مع الإنسان على أنه مجرد كائن ذهني أعطى معلومة خاطئة فأنت تصحح له هذه المعلومة.
الإنسان، وده اللي القرآن بينه ولا تعترف به كثير من الفلسفات ولا سيما الفلسفات المادية لا تعترف بهذا، أنت بتقول له أنت كإنسان فيه شيطان، فيه حاجة اسمها شيطان، وفيه حاجة اسمها نفس أمارة بالسوء، وفيه حاجة اسمها الزخرفة والتزيين، وفي حاجة اسمها تقاليد الآباء اللي ممكن تضغط عليك والضغط المجتمعي، كل ده معتبر. القرآن بيعتبره ويرد على النفس، يسكت النفس، يخوفها بالدار الآخرة، يعلمه كيف يصرف عنه الشيطان، يعلمه كيف يأخذ قرار وينفصل عن المجتمع المخطئ.
الردود على الشبهة العلمية فقط مش أو بصورة ذهنية فقط لا يصنع هزا، لأ، أنت القرآن يخاطب الإنسان ككل بيعيش داخل مجتمع، عارفين زي ما حتى في البلاغة في اللغة لما نجي نقول إن الكلمة داخل السياق بتكتسب معاني غير الكلمة المفردة، السياق أكسَب الكلمة معاني جديدة، كذلك الشبهة أو المعلومة داخل سياقها بتدي معاني مختلفة.
زي ما زي ما ذكرت بالضبط مسألة الابتلاءات ومشكلة الشر، تجد الإنسان المشكلة دي في عنده نوع من التضخم لأنه مر بسياقات مختلفة، في واحد تاني عنده مشكلة تانية إنه مثلاً لما سافر الغرب وعاش معهم برة بقى عنده شبهات مختلفة، فانت محتاج تسأل عن السياق اللي نتجت فيه الشبهة دي. فالواحد أحياناً بيسمع شبهة، من خلال الشبهة ممكن تعرف السياق اللي نشأت فيه الشبهة، فبتسأل لذلك مثلاً.
بعضهم اللي بيحاولوا يحللوا في شبهات، كان منهم الشيخ الطريفي كان يرى أن ما من شبهة إلا ونشأت من رحم شهوة ثم أصبحت بالتأصيل والتكرار إلى شبهة. يعني هو كان الإنسان يشتهي شيء معين، فوضع لها تأصيل فأصبحت شبهة، فنشأ ناس اقتنعوا بهذا التأصيل ونسوا الشبهة الأولى التي أنتجت هذه الشبهة الشهوة، الشبهة نشأت شهوة في الأول أنشأت شبهة، أنتم فاهمين أنا قصدي أكيد أنا واثق فيكم.