بسم الله، الحمد لله، والصلاة والسلام على رسول الله، وعلى آله وصحبه ومن والاه، وأشهد أن لا إله إلا الله وحده لا شريك له، وأشهد أن محمدًا عبده ورسوله. اللهم صلِّ على سيدنا محمد النبي وأزواجه أمهات المؤمنين وذريته وأهل بيته كما صليت على آل إبراهيم إنك حميد مجيد. أما بعد: فسنشرح في كتاب الصيام من كتاب هداية الراغب شرح عمدة الطالب.

قال: كتاب الصيام، وهو لغة مجرد الإمساك. يقال للساكت صائم لإمساكه عن الكلام. الكلام الذي نقرؤه الآن هو كلام عثمان النجدي. فالصيام في اللغة مجرد الإمساك، ومن أمسك عن أي شيء يقال له صائم. ومنه قوله تعالى: ﴿إِنِّي نَذَرْتُ لِلرَّحْمَٰنِ صَوْمًا فَلَنْ أُكَلِّمَ الْيَوْمَ إِنسِيًّا﴾ [مريم: 26]. فالصوم هنا ليس هو الصوم المعروف الذي هو الإمساك عن الطعام والشراب، إنما الصوم هنا الإمساك عن الكلام.

وشرعًا: إمساك بنية عن أشياء مخصوصة في زمن معين من شخص مخصوص. إمساك بنية عن أشياء مخصوصة، وهي مفسدات الصوم، وتأتي معنا إن شاء الله. في زمن معين، وهو من الفجر الثاني إلى غروب الشمس. من شخص مخصوص، وهو المسلم العاقل غير الحائض والنفساء، يبقى هو ده الصوم. وفرض في السنة الثانية من الهجرة في شعبان، فصام صلى الله عليه وسلم تسع رمضانات إجماعًا.

يجب صوم رمضان برؤية هلاله. هذا كلام الإمام البهوتي. يجب صوم رمضان بأي شيء يثبت الشهر؟ يثبت الشهر بواحد من ثلاثة، وإن شئت فقل من أربعة. يجب برؤية الهلال، فمن رأى الهلال وجب صوم رمضان عليه برؤيته للهلال، حتى لو كان الرائي فاسقًا؛ يجب عليه هو نفسه أن يصوم لأنه رأى الهلال بعينه.

لنفهم ما سيأتي: ليلة الثلاثين من شعبان نترائى الهلال. الليلة تسبق اليوم. ليلة الثلاثين من شعبان يعني اليوم الذي قد يكون هو الثلاثين من شعبان أو الأول من رمضان. نبتدئ نتراءى الهلال. لا يخلو الأمر من أحوال: إما أن ينظر على الهلال فيرى، أو لا يرى. فإذا رُؤي الهلال فغدًا واحد رمضان، وهذا يجب صوم رمضان برؤية هلاله.

وإذا نظرنا فلم نجد الهلال، فهذا لا يخلو من حالتين: إما أن نكون ما رأيناه مع صحو، أو مع غيم وقتر. لنفصلها في شجرتنا الذهنية: فرع يمين رؤية الهلال فغدًا واحد رمضان ويصام. فرع شمال لم يُرَ الهلال، وهذا ينقسم لفرعين: فرع يمين مع صحو، وفرع شمال مع غيم أو قتر أو نحوه.

قبل الدخول في مسائل الفقه، ذكر الفقهاء أن المستحب قول "شهر رمضان" فيقال: يجب صوم شهر رمضان. وهل يكره أن يقال "رمضان" من غير شهر؟ ما استقر عليه المذهب آخرًا أنه لا يكره ذلك. ولعل الإمام البهوتي رحمه الله ذكر رمضان هنا من غير لفظة شهر تنبيهًا على هذا المعنى.

نحن حين نتكلم عن رمضان الأولى أن يقال شهر رمضان، فهذا مستحب، وإذا قلت رمضان فلا يكره ذلك. وهذا ورد في الأحاديث، مثل حديث المباني الخمسة: «وصوم رمضان». والحديث الآخر: «من صام رمضان إيمانًا واحتسابًا غفر له ما تقدم من ذنبه، ومن قام رمضان إيمانًا واحتسابًا غفر له». كل هذا من صام رمضان من غير كلمة شهر. لماذا كره من كره قول رمضان من غير شهر؟ لورود حديث ضعفه بعض أهل العلم وذهب بعضهم إلى وضعه، أن النبي صلى الله عليه وسلم نهى أن يقال رمضان وقال: هو اسم من أسماء الله. على كل حال، يستحب أن يقال شهر رمضان ولا يكره أن يقال رمضان من غير شهر.

يجب صوم رمضان برؤية هلاله، لقوله تعالى: ﴿فَمَن شَهِدَ مِنكُمُ الشَّهْرَ فَلْيَصُمْهُ﴾ [البقرة: 185]، وقوله صلى الله عليه وسلم: «صُومُوا لِرُؤْيَتِهِ وَأَفْطِرُوا لِرُؤْيَتِهِ». قبل أن نتكلم في مسألة رؤية الهلال، نقول يستحب ترائي الهلال، وهي سنة كادت أن تندثر. ترائي الهلال أن يخرج الناس لينظروا إلى الهلال، وهي سنة نص عليها الفقهاء. معظم الناس يجهلون أصلاً مطالع الهلال، وهذا من شؤم الابتعاد عن الشرع لدرجة أن معظم المسلمين لا يعرفون ما معنى تراءوا الهلال. فإذا رُؤي الهلال فيقال: «الله أكبر، اللهم أهله علينا بالأمن والإيمان، والسلامة والإسلام، والتوفيق لما تحب وترضى، ربي وربك الله».

فإن لم يُرَ مع صحو ليلة الثلاثين، فإنه لا يُصام، بل يُكمل شعبان ثلاثين يومًا. فإذا نظرنا ولم نرَ الهلال مع صحو، يعني السماء صافية لا غيم ولا قتر ولا سحب ولا شيء يحول دون مطلع الهلال، فهذا فرع، وإذا نظرنا ولم نرَه وكان في السماء غيم أو قتر، فهذا فرع آخر.

فإن لم يُرَ الهلال مع صحو السماء ليلة الثلاثين أفطروا. فإذا نظرنا في السماء وكانت صافية ولم نرَ الهلال، فإننا نفطر ويكون غدًا هو الثلاثون من شعبان، ويكون صوم هذا اليوم مكروهًا؛ لأنه يوم الشك المنهي عنه.

هذا هو يوم الشك عند الحنابلة وما استقر عليه المذهب. ركزوا في هذه الحيثية؛ فلدينا حديث عن النبي ﷺ ينهى فيه عن صيام يوم الشك، فنحن نقول سمعنا وأطعنا، ولكن العلماء اختلفوا في تحديد يوم الشك، والمذهب عندنا يرى أن يوم الشك هو أن تنظر إلى السماء فتجدها صحوة ولا ترى الهلال.

قد يتبادر إلى الذهن سؤال: أين الشك هنا؟ فالسماء صحوة، وكأنك تقول يقينًا إن غدًا ثلاثون شعبان. والجواب أن الشك واقع؛ لأنك لم ترَ الهلال أنت وأهل بلدك، لكن لا تعلم إن كان قد رُئي في مكان آخر من العالم أم لا. ونحن عندنا أنه إذا رُئي الهلال وجب الصوم على جميع الناس، فبقي الاحتمال واردًا أن يكون غدًا هو أول رمضان؛ ولذا فهو يوم شك.

وإن حال دون الهلال غيم أو قتر أو نحوه وجب صومه بنية رمضان احتياطًا. وهذه المسألة من مفردات المذهب، أي أنها انفردت بها الحنابلة عن المذاهب الثلاثة الأخرى، وهي أيضًا مما خالف فيها كتابا الإقناع والمنتهى، وهما من أمهات كتب المذهب، والبحث فيهما ومقارنتهما منهجٌ يفتح الله به على طالب العلم.

فإن لم يُرَ الهلال مع صحو السماء ليلة الثلاثين أفطروا، وإن حال دون الهلال غيم أو قتر أو نحوه وجب صومه بنية رمضان احتياطًا. وهذا القول هو قول عمر بن الخطاب وابنه عبد الله، وعمرو بن العاص، وأبي هريرة، وأنس، ومعاوية، وعائشة، وأسماء ابنتي أبي بكر الصديق رضي الله عنهم.

وقد استدلوا بقول النبي ﷺ: «إِنَّا أُمَّةٌ أُمِّيَّةٌ، لَا نَكْتُبُ وَلَا نَحْسِبُ، الشَّهْرُ هَكَذَا وَهَكَذَا». يعني مرة تسعة وعشرين ومرة ثلاثين، وفي رواية: «لَا تَصُومُوا حَتَّى تَرَوُا الْهِلَالَ، وَلَا تُفْطِرُوا حَتَّى تَرَوْهُ، فَإِنْ غُمَّ عَلَيْكُمْ فَاقْدُرُوا لَهُ».

فقد كان عبد الله بن عمر رضي الله عنهما إذا مضى من الشهر تسعة وعشرون يومًا يبعث من ينظر له الهلال، فإن رُئي فذاك، وإن لم يُرَ ولم يحل دون منظره سحاب ولا قتر أصبح مفطرًا، وإن حال دون منظره سحاب أو قتر أصبح صائمًا. وهذا فعل راوي الحديث، وهو أعلم بمراد النبي ﷺ.

ومعنى قوله ﷺ «فاقدروا له»: ضيّقوا له، وهذا الجذر اللغوي جاء في القرآن بمعنى التضييق، كقوله تعالى: ﴿وَمَن قُدِرَ عَلَيْهِ رِزْقُهُ﴾ [الطلاق: 7]، وقوله تعالى: ﴿إِذ ظَّنَّ أَن لَّن نَّقْدِرَ عَلَيْهِ﴾ [الأنبياء: 87]، أي لن نضيّق عليه. فالمعنى أن نُضيّق على شعبان فنجعله تسعة وعشرين يومًا.

ويُجزئ هذا الصوم إن ظهر أن ذلك اليوم كان من رمضان، ولا قضاء على من صام تلك الليلة بنية رمضان احتياطًا ثم تبين أنه من رمضان. وتُصلى التراويح تلك الليلة؛ لأن الثواب قد رُتب على صلاة التراويح الشهر كله، لقوله ﷺ: «مَنْ قَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ».

تقدم من ذنبه، فتصلى التراويح أيضاً احتياطاً. خلاص في هذه الليلة.

مسألة بقى هنا مهمة وخطيرة جداً، وهتأخذ لمسألة كبيرة واقعة الآن وهي أنهم قالوا الحنابلة: إنه إذا صام هذا اليوم بلا مستند شرعي لم يجزئه، ولو بان منه. تاني، بنبص في السماء فلقينا السماء فيها غيم وقتر وكده، فراح واحد قال: أنا هصوم بكرة، ركزوا يا جماعة، ليه؟ لأن الحساب الفلكي بيقول إن بكرة واحد رمضان. ماشي، عفواً سيبكم من أن إحنا بصينا فلقينا غيم، سيبكم من المسألة دي خالص، إحنا بنبدأ مسألة جديدة دلوقتي. واحد قال: أنا بصوم على الحساب الفلكي، فالنتيجة بتقول بكرة واحد رمضان، أنا هصوم بكرة، فصام فبان من رمضان لم يجزئه ذلك اليوم. خلاص، ليه؟ لأنه صام لغير مستند شرعي. يا جماعة الحساب ليس مستنداً شرعياً، وهذا قول الجمهور إن لم يكن إجماعاً؛ الحساب الفلكي والنجوم لا يعد مستنداً شرعياً عندنا في ثبوت دخول الشهر. خلاص ركزوا في المسألة دي، فواحد صام للحساب الفلكي نقوله: حضرتك هتقضي اليوم ده تاني، خلي بالكم ما صمش للرؤية. طب خليكم بقى معايا، أنا مضطر دلوقتي أقول إيه الحاجات اللي بيثبت بها الشهر، اكتبوا ورايا الآن عشان مهمة جداً عشان نرجع تاني للمسألة بتاعتنا.

هنقول: يجب الصوم بواحدة من ثلاثة. أول حاجة رؤية الهلال، خلاص ودي جت معانا خلصناها. تاني حاجة بخبر العدل، اكتبوا وبعدين نبقى نشوف المعنى إيه. تالت حاجة بإكمال شعبان 30 يوماً. خلاص، يبقى دول التلات حاجات، ماشي وفاكرين قلت لك ثلاثة أو أربعة؟ وفاكرين لما قلت كده وعدتها كذا مرة، الرابعة لو عاوز تزود يعني رابعة يبقى هي المسألة بتاعتنا اللي هي إيه بتاعة اللي تفردنا بها دي؟ اللي هي مع الغيم والقتر، ما هو إحنا هنا لا شفنا هلال ولا أخبر عدل ولا كملنا شعبان 30، ومع ذلك هنقول إيه نصوم وجوباً برضو صح، فدي المسألة الرابعة بتاعتنا لو عاوزين تثبتها رابعة يعني ماشي.

تاني نرجع تاني، يبقى يثبت الشهر أو نوجب الصوم -ما هو على حسب لو قلنا نوجب الصوم يبقى هنقول الأربعة دول خلاص- يبقى أول حاجة برؤية الهلال، تاني حاجة بخبر العدل أنه رأى الهلال، ثالث حاجة بإكمال شعبان 30. يعني إيه بإكمال شعبان 30 يا جماعة؟ يعني خلاص شعبان بقى 30 يوم، يبقى بكرة هنصوم، مش هنطلع نبص على الهلال تاني لا. مش هنطلع نبص، المفهومة دي يا جماعة؟ يعني إحنا طلعنا بصينا يوم 29 بالليل اللي هو ليلة 30، ما شفناش الهلال مع الصحو، بكرة إحنا خلاص مفطرين؛ ليه؟ لأن بكرة 30 شعبان. طيب بكرة نطلع تاني نبص؟ لا مش هنطلع نبص تاني على هلال ولا حاجة، مش إحنا كملنا شعبان 30 يوم؟ يبقى اللي بعديه واحد رمضان، إحنا ما عندناش حاجة اسمها 31 شعبان، خلاص فيبقى اللي بعديه واحد رمضان على طول. طيب، يبقى دول الثلاث حاجات، هم دول الثلاث حاجات الشرعية، يبقى دول هم أي واحدة منهم مستند شرعي يصام به، أي حاجة بره الحاجات اللي قلناها دي ما هياش مستند شرعي، ولو بحساب أو نجوم، ولو كثرت إصابتهما. إيه رأيكم بقى؟ ده كلام الفقهاء، الألفاظ اللي بقولها دي ألفاظ الفقهاء يا جماعة: ولو كثرت إصابتهما، يعني لو الحساب الفلكي إصابته كثيرة جداً أكثر بكثير من خطئه أيضاً ليس مستنداً شرعياً. طيب واحد صام بالحساب الفلكي، نقول: صيامك لهذا اليوم لا يجزئك، مفهوم؟ فانتبهوا لهذه المسألة.

بصوا يا جماعة المسائل، لو في خطأ في رؤية هلال شعبان دي مسائل نادرة الوقوع، وده ما هياش موضوع بتاعنا هنا، لكن بتقع وأنا عارف أنها بتقع طبعاً وحصلت قبل كده، يعني مش مرة ولا اتنين ده بتحصل، لكن لها مخارج شرعية طبعاً لها مخارج شرعية. ويجزئ إن ظهر منه، خلاص خلصناه. قال: وإذا رؤي في بلد لزم الصوم جميع الناس. صحصحوا كده، ده كلام مين اللي بقرأه دلوقتي البهوتي؟ لا، لسه ناس بتغلط، المتن بتاع البهوتي والشرح بتاع عثمان النجدي، ماشي؟ فإحنا دلوقتي بنقرأ المتن، المتن اللي هو بين الأقواس يا جماعة، أنا بعيد معلش الكلام تاني ممكن يبقى إيه علشان ناس جديدة معانا النهارده.

إذا رؤي في بلد لزم الصوم جميع الناس، وده برضو المذهب، مذهب الحنابلة كده، إنه إذا رؤي في أي بلد لازم يصوم جميع الناس. فيبقى حضرتك عندنا مسألتين هنا: أول مسألة أنك ما تكتفي برؤية بلدك، أياً كان البلد اللي أنت فيها إيه، لا لازم تحاول تصل لرؤية البلدان، الناس اللي بتطلع تشوف لازم؛ لأنه إذا رؤي في بلد لزم الصوم جميع الناس. فيها خلاف طبعاً، فيها خلاف عشان ما حدش يقعد يقول لي بيقولوا وقالوا وأنا سمعت، كل 90% أو 99% من أحكام الفقه فيها خلاف، فمش عاوزين حد يجي يقول: أصل أنا سمعت حد بيقول غير كده، كل المسائل دي فيها خلاف.

طيب، إذا رؤي في بلد لزم الصوم جميع الناس، دي أول مسألة. المسألة الثانية ودي مهمة جداً يا جماعة وركزوا فيها: أنك لما تيجي تعمل الحاجات دي بلاش تعمل بلبلة في الناس، بلاش تعمل بلبلة في الناس، مش أنا صايم وتبقى أنت ماشي وسط الناس: أصل النهارده رمضان، أنتوا مش عارفين أنه مش عارف.. ما تعملش بلبلة، صوم وأنت ساكت، خلاص؟ فمن غير ما تحدث بلبلة وتعمل مشاكل، وهذا نص عليه بعض الفقهاء كابن مفلح وغيره، إنه في بعض المسائل لما ذكر بعض المسائل أنه أنك ممكن تفطر في المهم يعني، قال إنه ما يعرفش الناس، فقال حتى لا تلحقه التهمة أو حاجة زي كده، ففي يعني إيه الناس ما تتهمك في دينك وتقول: ده بقى ده فاسق، ده بيفطر وإحنا صايمين، ده ولا يعني، فإنت لو هتعمل ده اعمله من غير شوشرة، لا حد عاوز يعرف حضرتك صايم ولا حد عاوز يعرف إن حضرتك مفطر، ماشي؟ طيب، إذا رؤي في بلد لزم الصوم جميع الناس؛ لقوله صلى الله عليه وسلم: «صوموا لرؤيته وأفطروا لرؤيته»، وهو خطاب للأمة كافة، النبي صلى الله عليه وسلم بيخاطب الأمة كلها.

قال: ويصام برؤية عدل ولو عبداً أو أنثى. عاوز أشوف أسماء جديدة بقى من اللي لسه حاضرين أول يوم النهارده، ما حدش يرد، ما حدش يرد من الناس القديمة اللي متعود على الأسماء بتاعتها. الناس الجديدة، ويصام برؤية عدل ولو عبداً أو أنثى، ده كلام مين يا جداد؟ عاوز حد جديد يبقى اسمه أول مرة يحضر النهارده واسمه يبقى بالنسبة لي جديد. كلام البهوتي، أحسنت بركات، أحسنت عبد الله، جميل ممتاز ممتاز، البهوتي جميل، الناس اللي جاية جديدة هتكسح الناس القديمة ما شاء الله. ماشي خلي بالكم الناس القديمة فرادة برضو يعني أنا بهزر، ماشي. طيب ويصام برؤية عدل ولو عبداً أو أنثى، بصوا يا جماعة الشهور، كل شهور السنة كلها لا تثبت إلا برؤية عدلين، ولازم يكونوا ذكرين، ولازم يشهدوا، يعني يبقى في لفظ الشهادة، يشهد أنه رأى الهلال، إلا رمضان، هنكتفي فيه برؤية عدل واحد، ومش هنشترط فيه الذكورية حتى لو أنثى، وهنكتفي بخبره حتى لو لم يشهد ما قالش "أشهد أن كذا"، لا "أنا شفت الهلال"، بس كده ماشي. ليه؟ احتياطاً للعبادة، احتياطاً للعبادة، ماشي؟ فهنكتفي فيه برؤية عدل واحد، ده الشهر الوحيد اللي هكتفي فيه برؤية عدل واحد. طيب، يبقى دي تاني مسألة، يبقى تاني حاجة أهو جت معانا أهي اللي بها هنصوم، هي رؤية العدل.

تقول الله، أنا أنا أنا مش فاهم، مش إحنا قلنا فوق أن برؤية الهلال يصام الشهر، وبعدين رجعنا قلنا بخبر العدل، هو إيه الفرق بين الاثنين؟ إيه الفرق بين الاثنين؟ تعالوا أنا أقول لكم إيه الفرق بين الاثنين، ركزوا معايا بقى في الحتة دي. بصوا يا جماعة، دلوقتي هقول لكم مسائل كده شوية مسائل ونثير فيها الأذهان: واحد رأى الهلال، راح للحاكم أو من أنابه الحاكم زي دلوقتي السعودية مثلاً، ما أعرفش كده ولا بس لغاية سنوات قليلة كانت بتعمل كده، بيبقى في محاكم شرعية مفتوحة طول الليل، يشوف الهلال يروح يشهد في المحكمة إنه هو شاف الهلال، أي حد خلاص، وبعدين بس يثبتوا عدالته ويسألوه كم سؤال كده إن هو فاهم يعني إيه مطلع هلال ويعني مش عارف إيه، ويعلنوا الرؤية خلاص.

طيب فواحد شاف الهلال راح رايح للمحكمة أو للحاكم وقال: أنا شفت الهلال، فرد الحاكم قوله، ركزوا بقى ليه رد قوله؟ إما أنه عند الحاكم الحاكم ما قدرش يثبت عدالة هذا الشخص، وهنتكلم في العدالة دي بعدين ما أعتقدش هنلحق نتكلم فيها النهارده، لكن على كل حال الحاكم ما قدرش يثبت عدالة الشخص ده، فقال له: لا مش هناخد بقولك، إيه رأيكم؟ الشخص ده يصوم بكرة ولا ما يصوم؟ يصوم، خلاص، ليه؟ لأنه رأى الهلال، هو رأى الهلال. طب يلا بقى نغمق المسألة زيادة شوية، الشخص ده فاسق، مش بس مستور الحال، مش عارفين نثبت عدالته، لا ده فاسق، ده واحد مدمن خمر ورأى الهلال، الشخص ده يصوم ولا ما يصوم؟ الشخص نفسه يا جماعة الشخص نفسه يصوم؛ ليه؟ لأننا لو كنا ردينا قوله ردينا قوله لأنه فاسق، لكن هو متأكد إنه شاف الهلال ولا مش متأكد؟ هو متأكد إنه شاف الهلال، خلاص، فيبقى عشان كده قلنا أول حاجة يصام بها رؤية الهلال، يبقى حضرتك شفت الهلال هتصوم انتهينا، حضرتك اللي هو أنا وأنت دلوقتي، أنا بكلمك أنت اللي بتسمعني شفت الهلال بعينيك هتصوم، خلاص محكمة بقى حاكم ما فيش حد أروح له، أنت شفت الهلال بعينيك هتصوم خلاص.

طيب مسألة تانية بقى، إخبار العدل دي مسألة تانية غير رؤية الهلال، لأ أن أنت اللي شفته بعينيك. المسألة التانية إخبار العدل، يعني واحد عدل أخبر، طيب أخبر ده يعني أخبرك مش لازم يكون أخبر الحاكم مش لازم ولا المحكمة الشرعية مش لازم، واحد عدل، مين هو العدل بسرعه كده إحنا يعني ما أعرفش أعدي حاجة، العدل مين هو؟ العدل اللي هو باختصار كده يا جماعة، اللي هو عنده صلاح في دينه ويستعمل المروءة، خلاص هو لازم يجمع الحاجتين دول عنده صلاح في دينه، يعني إيه صلاح في دينه؟ قالوا إنه يبقى بيصلي الفرائض بالرواتب، فلو واظب على ترك الرواتب سقطت عدالته، الناس ما تصليش السنن؟ آه وبعدين، وبعدين ما يكونش يأتي الكبائر ولا يصر على الصغائر، كده بقى ده راجل صالح في دينه ما نقدرش نقول طبعاً ما يكونش بيأتي الصغائر، يبقى ما فيش حد عدل في الدنيا كلها، لا، يبقى العدل مين هو؟ اللي هو صالح في دينه ومستعمل للمروءة، خلاص المروءة دي بقى اللي بيستعملها، اللي هو إنه يأتي ما يزينه ويترك ما يشينه، اللي هو إيه يعني اللي هو كل زمان بحسبه، مش ينفع نقعد نعد إيه الحاجات اللي يعملها. خلاص طيب نرجع تاني بقى يا جماعة عشان بس إيه ده بسرعة كده مين هو العدل، يعني حضرتك في واحد عدل وتعرفه راجل متدين وصالح وكل حاجة وقال لك: أنا شفت الهلال، حضرتك بقى تصوم ولا ما تصوم؟ تصوم.

طيب فاكرين صاحبنا الفاسق اللي من شوية اللي هو مدمن خمر ده، جه قال لك: أنا شفت الهلال، تصوم ولا ما تصوم؟ ما تصوم، ليه؟ لأن ده إخباره فاسق، ده مش واحد عدل، تصوم على قوله؟ طب حضرتك بقى شفت الهلال، تصوم ولا ما تصوم؟ ولا على حسب لو أنت فاسق؟ ولا أنا طبعاً يعني أنا بفترض إن كل اللي معانا ما فيهمش حد فاسق هنا يا جماعة، يرفع إيده الفاسق يرفع، يعني لو حد رفع إيده على سبيل التهمة اتهام النفس، فبرضه حاجة حلوة يعني، الواحد يشوف نفسه أسوأ الناس، لكن كلمة فاسق طبعاً كبيرة، يعني ما حدش يرفع إيده طبعاً عليها، أما أقول بقى حد مثلاً شايف نفسه مثلاً أي كلام يرفع إيده يبقى كله يرفع إيده ماشي، أو حد مثلاً شايف نفسه محتاج ياخد على دماغه عشان يفوق يرفع إيده، كله كله فيكم أنا يعني أنا كمان محتاج الكلام ده، ماشي يلا نرجع تاني فهمنا يا جماعة المسائل، إحنا عمالين أهو إيه نتصور المسائل عشان نفهم الكلام. قال: ويصام برؤية عدل ولو عبداً أو أنثى، ولا يختص بحاكم، أهو ولا يختص بحاكم، عشان كده قلت لك لو جالك العدل وأخبرك أنا شفت الهلال، مسائل بسيطة يا جماعة مسائل بسيطة وسهلة، صوم لكن ما تعملش قلبان.

طيب، شوف تحت بيقول إيه بقى يا عثمان؟ فيلزم الصوم من سمع عدلاً يخبر برؤيته، ده اللي كنت لسه بقوله لكم أهو، خلاص قال: يعني ولا يقبل في شوال، الناس الجديدة ما حدش يرد من الناس القديمة، ولا يقبل في شوال وسائر شهر إلى آخره، ده كلام مين أيها الحاضرون الجدد؟ عثمان، أحسنت، طب حد يعرف يقول لي بقى اسمه عثمان إيه؟ أنا قلتها كده في النص من الجداد، برضو لا، مش البهوتي، ده عثمان أنا قلت في النص النجدي، أحسنت عبد الله ده لو كنت جديد بقى يعني، أنا مش عارف أنت جديد ولا ماشي، عثمان النجدي، خلاص ينا عندنا متن.

كاتبه البهوتي بيشرحه واحد اسمه عثمان النجدي. طيب، قال: ولا يقبل في شوال وسائر الشهور ذكران بلفظ الشهادة، ولو صاموا ثمانية وعشرين يوماً ثم راوه قضوا يوماً فقط.

طيب، وإن صاموا برؤية واحد أو لغي ثلاثين يوماً ولم يرى الهلال لم يفطروا. نقف هنا ولا نكمل؟ أنا شايف نقف عشان عشان أنتوا تعبتوا أكيد وأنا اللي تعبت الصراحة.

نقف هنا يبقى إحنا واقفين على قوله: وإن صاموا برؤية واحد، نكمل الاثنين اللي جاي إن شاء الله. حد عنده أي سؤال؟ ولا يعني لو كان حد عنده كان كتب، ماشي.

سبحانك اللهم وبحمدك، نشهد أن لا إله إلا أنت، نستغفرك ونتوب إليك، والسلام عليكم ورحمة الله وبركاته.