د. أحمد عبد المنعمبسم الله الرحمن الرحيم. بسم الله والصلاة والسلام على رسول الله صلى الله عليه وسلم. نبدأ هذه الأمسية التربوية، أسأل الله سبحانه وتعالى أن يجعل أعمالنا خالصة لوجهه سبحانه وتعالى وأن يتقبل منا.
تاني بكرر أن الأمسيات التربوية الغرض منها نقاش في قضايا تربوية مفاهيم إيمانية تعليق على حدث معين بنوع من الدردشة البسيطة غير الدروس اللي بتكون مجالس القرآن، بتكون أكثر رسمية شوي. درس الأمسيات حاول يبقى فيها نوع من الانبساط، الانبساط مش اللي هو ما فيش انبساط في الدنيا، الانبساط اللي هو نبقى براحتنا شوية، ونتكلم في بعض القضايا.
وتاني بآكد أن الأمسية التربوية بتكون متنوعة، بمعنى ممكن يكون فيه دروس، وده إذن اتكلمت المرة اللي فاتت في النقطة دي بتناسب طائفة معينة اه صارت في هذا الطريق، عندها بعض الأزمات في طلب العلم في الدعوة إلى الله سبحانه وتعالى، أو بتناسب عموم الناس كدعوة عامة أو غير ذلك. مجلس المرة اللي فاتت يعني ممكن في بعض الناس عموم الناس اشتكى أن المعاني كانت عالية أو ما تخصناش، بلاش عالية، يعني بتتكلم في قضايا ممكن يكون فيها بعض الإشكال شوية، لكن عموما لقاء اليوم بإذن الله سبحانه وتعالى، مش عارف الفيس مضبوط ولا إيه الناس؟ طيب بيقول الصورة تقريبا تروح وتيجي، مش عارف على حالة من عدم الاستقرار بقا البلد كلها ما جتش على الصورة، يعني لقاء اليوم إن شاء الله لأ هيكون نوعا ما قدر المستطاع يكون فيه نوع من التناسب للجميع شوية.
لقاء اليوم بعنوان قول الله سبحانه وتعالى، طبعا المصحف قوله سبحانه وتعالى: ﴿وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ وَكَانَ رَبُّكَ بَصِيرًا﴾ [الفرقان: 20]. طيب الآية دي جت في سورة إيه يا شباب؟ أهل الحفظ لا، دي جت في سورة إيه؟ يعني أنا قدامكم بقالي فترة يعني كان زمانك عملت سيرش وبحثت براحتك في نفس الوقت كده مسموح البحث في مش مشكلة، أجمل كلمة يسمعها الطلبة في اللجنة مسموحة، طيب سورة الفرقان.
تمام، سورة الفرقان كان في درس بعنوان مرحلة الفرقان كنت اتكلمت فيه من هذه الحالة من الفرقانية والوضوح يحبها الله سبحانه وتعالى، وأهل الباطل لا يحبون أبدا الوصول لهذه المرحلة، هم دايما اللي بيحبوا يعيشوا في حالة من اللبس والتلبيس وإشاعة الشبهات وتلبيس الحق بالباطل، ولذلك الله سبحانه وتعالى في أول الأوامر، وده ذكرناه في سورة البقرة في أول الأوامر لبني إسرائيل قال الله سبحانه وتعالى لهم: ولا تلبسوا الحق بالباطل. واتكلمت في درس مرحلة الفرقان عن فكرة سورة الفرقان، كيف نصل بالناس إلى هذه المرحلة الفرقانية الواضحة بين الحق والباطل؟ تمام؟
طيب وهم في سورة الفرقان على طول يعني فيها أكثر من آية، فيها أنهم قالوا الكفار بيقولوا شبهات: ﴿وَقَالَ الَّذِينَ كَفَرُوا إِنْ هَذَا إِلَّا إِفْكٌ افْتَرَاهُ وَأَعََطَهُ عَلَيْهِ قَوْمٌ آخَرُونَ﴾ [الفرقان: 4]، وقالوا أساطير الأولين وقالوا ما لهذا الرسول. هم عمالين يقولوا شبهات متتالية ورا بعضها، والقرآن في سورة الفرقان وفي غيرها بيرد عليهم.
من الشبهات اللي هما قالوها قالوا الكفار يعني ما لهذا الرسول مستغربين أوي يأكل الطعام ده زينا ويمشي في الأسواق. التقاط الشبهة دي هنقول إزاي أن هم بيطرحوها: يأكل الطعام ويمشي في الأسواق، أمال أنتم عايزين إيه؟ لولا أنزل إليه ملك فيكون معه نذيرا، أو يلقى إليه كنز، أو تكون له جنة يأكل منها، وقال الظالمون إن تتبعون إلا رجلا مسحورا. أنظر كيف ضربوا لك الأمثال فضلوا فلا يستطيعون سبيلا.
خلاص، ربنا قال له في الأول: أنا قادر أن أنزل عليك هذه الجنات. ﴿تَبَارَكَ الَّذِي إِنْ شَاءَ جَعَلَ لَكَ خَيْرًا مِنْ ذَلِكَ جَنَّاتٍ تَجْرِي مِنْ تَحْتِهَا الْأَنْهَارُ وَيَجْعَلْ لَكَ قُصُورًا﴾ [الفرقان: 10]. القضية عندهم مش وجود جنات أو غيرها أو أساطير الأولين، القضية الأساسية وده طريقة القرآن. طبعا كل اللي أنا هقوله ده احنا معنا ربع ساعة مقدمة على الأقل، بس اللي مستعجل.
تاني ربنا بيقول لهم أنا قادر أن أنا أنزل هذه الآية التي تريدون، ولكن الله سبحانه وتعالى شاءت الإرادة سبحانه وتعالى أن هو يبتلي العباد، وهنقول دلوقتي، لكن المشكلة الحقيقية عندهم ربنا بيقول إيه؟ وده كتير في القرآن أن القرآن يتجاوز الشبهات التي ليست حقيقية وينفذ إلى أصل الشبه في قلوبهم. فربنا سبحانه وتعالى بيقول إيه؟ المشكلة الأساسية: ﴿بَلْ كَذَّبُوا بِالسَّاعَةِ وَأَعْتَدْنَا لِمَنْ كَذَّبَ بِالسَّاعَةِ سَعِيرًا﴾ [الفرقان: 11]، ثم رد على الشبهات اللي هي ما لهذا الرسول في آخر بقا الصفحة التانية اللي معك، طبعا سورة الفرقان آية عشرين، فقال ربنا سبحانه وتعالى: وهم مستعجبين على إيه؟ وما أرسلنا قبلك من المرسلين إلا إنهم ليأكلون الطعام ويمشي في الأسواق، وبعد كدا بقا الآية اللي احنا بنتكلم عنها: وجعلنا بعضكم لبعض فتنة أتصبرون.
لقاء اليوم عبارة عن شرح الآية في السياق قبل ما نسقطها على الواقع، شرح الآية هننقل أقوال المفسرين في شرح الآية، ثم توسيع مفهوم الآية والاستفادة من هذه الآية في الحياة في الدين وفي الدنيا وفي الدين وفي الدنيا. أو خلينا نبدأ في الدنيا الأول وفي الدين، وهنقول احنا لماذا وسعنا هذا المفهوم؟ وهل ده ينفع أصلا؟ يعني دلوقتي لما تكون الآية لها سياق معين، هل ينفع لفظ العام للآية يستعمل فيه الهداية في الحياة العامة؟ وكيف يفعل ذلك؟ وكيف فعل ذلك المفسرون؟ زي ما هنشوف إن شاء الله.
يبقى ده عناصر اللقاء: شرح الآية في سياقها، ننقل أقوال المفسرين، ثم الاستفادة من عموم لفظ الآية، لفظ الآية عام يصلح للاستفادة منه في الحياة، ونسأل الآية أن هذا القرآن يهدي، فنستهدي بالآية كيف لا نقع في هذه الفتنة: وجعلنا بعضكم لبعض فتنة أتصبرون على مستوى الدنيا وعلى مستوى الدين؟ خلاص؟ إن شاء الله بإذن الله سبحانه وتعالى. أسأل الله السداد والتيسير.
طيب دلوقتي السياق ماشي أن هم بيقولوا، وإن شاء الله أسأل الله سبحانه وتعالى أن ربنا يعينني ويعمل الدرس ده، طريقة القرآن في التناول الإعلامي، وأزاي في جزء من الدرس ده إزاي أن الكفار لما بيطرحوا الشبهات بيطرحوها في جو إعلامي معين مش بيطرحوها بطريقة ساذجة كده ومش مقبولة، لا، لازم يعمل شو معين، زي بالضبط بتوع الإلحاد لما يعمل لك فيديو مقطع وسخرية مرة ومش عارف ومرة يجيب أمثلة ومرة لازم ينوع يقدم الشبهة، مش بيقدم شبهة جافة كده.
هنا شوف طريقة الشبهة يا جماعة من الناس اللي بتبعت رسايل احنا في اللقاء يعني أنتم مش متابعين ولا إيه؟ طيب كنا بنقول إيه؟ هو هنا شوفوا الشبهة، ما قالوش كيف بدأوا؟ عارف أنت عايزين يجيبوا لك إيه؟ معقول معقول رسول من عند الله يأكل الطعام زينا! طب احنا بشر غلابة، ويمشي في الأسواق هذه التي يقولون عنها مكان الشياطين وفيها راية الشيطان، الرسول رايح يشتري ويجي يفاصل ويشتري ويعمل معقول! هو ده رسول! هو ده بتاع الدين! عارف اللي هو عايزك أنت طبيعي تقول إيه؟ لا طبعا ما ينفعش، هو بيستفزك، هو ما قلش هو الإجابة، قال: ما لهذا الرسول إزاي يعني؟ يأكل الطعام ويمشي في الأسواق، وهو بيقترح حل، بيقول لك الرسول الطبيعي يا جماعة الطبيعي أن الرسول ربنا يكرمه وما يسيبوش يأكل كده زينا ويمشي في الأسواق زينا، طب احنا بشر غلابة، إنما هو رسول.
فشوف طريقة الطرح الإعلامي الشبهات الكفار، وده كتير أنا كنت مجمع كده مثلا عشرة آيات إزاي الكفار لما بيطرحوا شبهة على البعث أو على الرسالة أو على القرآن أو على كذا، بيطرحوها بصورة فيها نوع من أساليب بقى كتير نسيبها للدرس إن شاء الله. طيب اهو ده الأول الطريقة اللي هم بيقولوا بها، فربنا هم مستنكرين إيه دلوقتي؟ هم مستنكرين وكانوا شايفين برضوا سواء مش بس الرسول والمؤمنين فيهم ضعف.
وده صورة مكية، الفرقان فيه ضعف، المؤمنين الكفار بيعذبوا المؤمنين، فيه فقر، ما معهمش آيات بينات مش آيات آيات حسية، ما فيش معجزات حسية بيشوفوها كتير، وإن كان هم لما بيشوفوا حتى المعجزة الحسية زي انشقاق القمر بيكفروا بها، لكن أقصد يعني قاعدين الكفار بيضغطوا نفسيا على المؤمنين ويروحوا للنبي صلى الله عليه وسلم يقول له اطرد المؤمنين الفقراء: ﴿أَنُؤْمِنُ لَكَ وَاتَّبَعَكَ الْأَرْذَلُونَ﴾ [الشعراء: 111]، زي ما قوم نوح ده أصلا أمر ممتد، وحتى في سورة الأنعام وفي سورة الكهف أن هو طلبه من النبي صلى الله عليه وسلم أن يطرد هؤلاء، وربنا قال النبي صلى الله عليه وسلم: ﴿وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ﴾ [الكهف: 28].
فاذا حصل نوع من الابتلاء هنا بايه اللي أنا عايز أقوله بقا؟ وده هنا نبدأ ندخل في الدرس، أن ورقة الامتحان بتاعتك، ورقة الامتحان اللي أنت بتمتحنها في الدنيا فيها أسئلة امتحانات في الشرع، هيجي لك تشريعات موافقة لنفسك وتشريعات مش موافقة لهواك: ﴿كُتِبَ عَلَيْكُمُ الْقِتَالُ وَهُوَ كُرْهٌ لَكُمْ﴾ [البقرة: 216]، في قضايا تبتلى بها وقد لا تبتلى بها، وده أحيانا من رحمة الله، أنك تعيش حياتك وما يجيلكش تكليف شرعي أنت يعني مش كل الناس بيكتب عليها القتال برضوا بعض التكاليف بالنسبة للرجل أو بالنسبة للمرأة وبالنسبة للابن أنه ممكن يبتلى بتشريعات.
هنا الابتلاء في التشريع أو في الاقدار، يحصل أقدار صعبة، وهو مطالب أنه يتصبر مرارة هذا الألم، فيبدله الله سبحانه وتعالى وبيؤمن بالله زي سورة الرجل يهدي قلبك وينزل على قلبي السكينة والرضا. الابتلاء ممكن يكون تشريعي، ممكن يكون للقدر، ممكن الابتلاء بتاعك يجي لك في الناس اللي حواليك، وهي دي الآية بتاعة العروض: وجعلنا بعضكم لبعض إيه؟ فتنة.
يبقى الافتتان هنا مش بحكم تشريعي جالك مفاجئ أنت غير قادر عليه أو مش غير قادر عليه، طبعا دكتورة مروة على قدر ديني، أنت مش عايز تنفزه، لذلك لو ما برضوش يطلعوا في الجهاد كانوا فرق متنوعة في سورة التوبة المنافقون يعني بعضهم قال: ﴿ائْذَنْ لِي وَلَا تَفْتِنِّي أَلَا فِي الْفِتْنَةِ سَقَطُوا﴾ [التوبة: 49]، خلاص هنا كان الابتلاء بشيء تكليف أو أقدار يرفضها ليجear الله ذلك سورة آل عمران، ليجعل الله ذلك حسرة في قلوبهم، ما عجبهمش القدر وقعدوا يلولوه: لو كانوا عندنا ما ماتوا وما قتلوا، هذه اللولوة ده نوع من التسخط على الاقدار، وقعوا في الفتنة.
أحيانا بتكون الفتنة في الناس، يعني إيه بقا اللي بيعمل الفتنة في الناس؟ ده اللي هنشوفه بقا. طبيعة الإنسان هو كائن اجتماعي يعني بيحتاج أنه يعيش وسط الناس، وقيل من معاني أن أصل كلمة الناس قيل لأصلها من النسيان وبعض أهل اللغة ضعف ده، إن كان ورد يعني عن بعض السلف، أو من النوس الحركة، أو من أن الظهور عكس الجن من الاختفاء، ففي ظهور واجتماع وحركة، أيا كان الأصل لغوي كلمة الناس.
أن الإنسان بطبيعته، وده أمر متفق عليه، محتاج المرتبة وده أمر اتكلم فيه الفلاسفة وحتى شيخ الإسلام له كلام كتير في مسألة اجتماع الناس واحتياجهم لقانون أو دين يخضعون له، وبالتالي محتاجين إلى شريعة الله سبحانه وتعالى، وأن هم لو تركوا شريعة الله هيذهبوا لشريعة باطلة، أظن أنا الدرس اللي فات بتاع مركزي التوحيد جبت بعض نصوص شيخ الإسلام في كده.
وهنا بقا كتير اتكلموا في مسألة العقد الاجتماعي، الخلاصة أن الإنسان محتاج يعيش وسط ناس، أثناء حياته بين الناس طبيعي أن هو ينظر إليهم، طبيعي أن هو ممكن ينشغل بهم، لذلك هديكم مثال مثلا، من أوائل المعاصي التي حدثت في الأرض: ﴿وَاتْلُ عَلَيْهِمْ نَبَأَ ابْنَيْ آدَمَ بِالْحَقِّ إِذْ قَرَّبَا قُرْبَانًا فَتُقُبِّلَ مِنْ أَحَدِهِمَا وَلَمْ يُتَقَبَّلْ مِنَ الْآخَرِ﴾ [المائدة: 27]، كل واحد قرر قربان، دول رايحين يعملوا إيه يا جماعة؟ رايحين يعملوا طاعة، رايحين يعملوا لهو مثلا أو دنيا عليه، إنما بني آدم بسورة المائدة: إذ قربا قربان، رايحين يعملوا إيه؟ رايحين يقربوا قربان لله سبحانه وتعالى، تمام كده، وتقبل من أحدهما ولم يتقبل من الآخر.
الذي لم يتقبل منه قال لآخر، بدل ما يقول له إيه علمني لماذا تقبل منك ولم يتقبل مني؟ جائز أنت عملت حاجة أنا ما عملتهاش، بحيث المرة الجاية أو أصحح أخطائي، يعني سيدنا موسى لما خطب خطبة بليغة فقام أحد الناس وقال وهل في الأرض أعلم منك؟ فقال موسى: لا، فعتب الله إليه أن بل عبدي فلان اللي هو الخضر يعني أعلم أي في قضية يعني أو في بعض القضايا وقال: أي ربي وكيف لي به؟ مش يا رب أموته عشان ما يفضلش غيري، لأ، يا رب أتعلم، فيه حد عمله، طب راح أتعلم منه.
فهو التي تقبل من أحدهم ولم يتقبل الآخر، بدل ما يقول له علمني قال: لأقتلنك. وده فكر منتشر أن أنا لما تلاقي حد أفضل منك أو عنده حاجة مش عندك، إزاي الخضر قال كلمة رائعة يا ريت أن هي تنتشر بينا خصوصا في التيار الإسلامي يعني أن هو بيقول له أنا على علم علمنيه الله لست تعلمه، بعترف بفضل الله علي، أنا مش يعني مش هخلي التواضع يخليني أنكر الفضل اللي عندي، لأ أنا عندي فضل وعندي خير، وأنت على علم علمه الله لست أعلمه، بعترف برضوا أن أنا عندي نقص، ما حدش كامل، ادعاء الكمال المطلق عند أحد الأفراد أو عند أحد الجماعات أو عند أحد المجموعات ده خطر مستحيل، ما فيش حد بيجمع الدين كله.
صخرة لما اتفتحت ثلاثة، الصخرة أغلقت باب الغار، الصخرة اتفتحت بدعاء الثلاثة مش بدعاء واحد، كل واحد بيدعي وكل واحد بيعمل حاجة بتزحزح الصخرة، حتى نسير بإذن الله سبحانه وتعالى ونخرج من البلاء الذي نحن فيه.
الشاهد أن دلوقتي قال: لاقتلنك، بدل ما يقول له علمني؛ قال: لأ، ده فكر موجود، أنا هقتلك تتفرغ الساحة دي، أنا لقيت واحد احسن مني، طب ما أنا ههدمه، طلع عليه إشاعات، اطلع عليه كلام، أهدمه بأي شكل. واللي بيعرفوا يهدموا عندهم أفكار كتير، مش محتاجين أن أنا أقول لهم أفكار الهدم يعني، بيعرفوا إزاي تبلغ عنه وبتاع، يعني في أفكار كتير إزاي ألاقيه أهدمه الفكر. ولذلك إخوة يوسف لما حسوا أن سيدنا يعقوب بيحب يوسف أكتر، بدل ما يعرفوا يوسف بيعمل إيه ويعملوا زيه؛ قالوا: لأ، نعمل إيه؟ ﴿يَخْلُ لَكُمْ وَجْهُ أَبِيكُمْ وَتَكُونُواْ مِن بَعْدِ قَوْمٍ صَالِحِينَ﴾ [يوسف: 9]. اقتلوا يوسف أو يخلو لكم وجه أبيكم، هو ما عادش يلاقي غيرنا يحبنا، التفكير ده منتشر للأسف.
فهنا قال: لاقتلنك. في رواية جميلة قوي في الطبري وجدناها عن ابن عباس بيقول إيه؟ شوف قصة طويلة بتساعد على ابن عباس، أسند الإمام الطبري لكن السند فيه كلام، لكن الأمر مقبول يعني إن شاء الله. واحد قرب مش عارف كان راعياً والتاني كان إيه وقرب زرع والتاني قرب شاة، قال لأخيه: شف، أتمشى في الناس وقد علموا أنك قربت قرباناً فتقبل منك ورد علي، لا والله لا ينظر الناس إلي وأنا خير منه. هو مشغول بنظر الناس، مش مشغول بنظر الرب سبحانه وتعالى. ده أهم معنى أنا عايز أطلع به النهاردة، سواء على المستوى الديني أو على مستوى الدنيا إن شاء الله، هو مشغول بنظر الناس، ليس مشغولاً بورقته، هو مش مركز في ورقته في علاقته بالله، هو مركز في الناس؛ فلان سبقني، فلان أحسن مني، فلان كذا. وأنا هتكلم إن شاء الله لو تذكرت في الآخر على فكرة علو الهمة وهل ده يعني بالطبع ولا علوهم.
الخلاصة أن النظر للناس ده كان من أهم الأسباب بداية أول معصية. طيب، نجي بقى للأية في سياقها قبل ما ناخد التوسيع بتاعها عشان نذكر أقوام سياقها أن الكفار مش عاجبهم اختيار الرسول، قالوا: ﴿لَوْلا نُزِّلَ هَذَا الْقُرْآنُ عَلَى رَجُلٍ مِّنَ الْقَرْيَتَيْنِ عَظِيمٍ﴾ [الزخرف: 31]. يعني لو كان جه الرسول تاني كنا أمناً، بس هي دي بقى المشكلة للاسف، أن الرسول ده مش متناسب معانا ومش متناسب مع مكانتنا الاجتماعية. وبرضو لأ، ده هو بيمشي يأكل الطعام، لأ لأ ده مش مناسبنا، واللي بيحضره الأراضي لا لا مش عاجبينا، هنغير القصة دي كلها، احنا عايزين الرسول شكله كذا وأتباعه شكلهم كذا واحنا ساعتها ممكن نيجي، زي المنافقين لما كانوا بيشتروا طول ﴿لَوْ كَانَ عَرَضًا قَرِيبًا وَسَفَرًا قَاصِدًا لَّاتَّبَعُوكَ﴾ [التوبة: 42]. وقالوا: لا تنفروا في الحرب، يعني هم كانوا بيحطوا شروط معينة عشان يشتغلوا للدين. فربنا بيقول لهم: هو أنتم متصورين أن ده غاب عن ربنا؟ هو ربنا اختار الرسول بهذه الطريقة والاتباع بهذه الطريقة ابتلاء لكم فتنة لكم، هتسمعوا كلام ربنا لأجل الحق ولا لأجل الدنيا.
تعالوا بقى نقرأ كلام المفسرين، الطبري بيقول: جعلنا بعضكم من المشاكل البروفيسورين نبدأ به طبعا. الطبري بيقول: وابتلينا أيها الناس بعضكم ببعض، جعلنا هذا نبياً وخصصناه بالرسالة، وجعلنا هذا ملكاً وخصصناه بالدنيا، أدينا لده الرسالة وأدينا ده ملك، وجعلنا هذا فقيراً وحرمناه الدنيا. هنا الطبري انتقل من فصل السياق رسالة الكفار وسع مفهوم الآية دلوقتي للعمومات، وهذا فقير حرم الله الدنيا، نختبر الفقير بصبره على ما حُرم مما أُعطيه الغني، والملك بصبره على ما أُعطيه الرسول من الكرامة، وكيف رضي كل إنسان منهم بما أعطي وقُسم له، وطاعته ربه يقول. فمن أجل ذلك؛ شف بقى هنا، فمن أجل ذلك لم أعطي، ده كلام الطبري ولسه هيجيب أسانيد تدل على ذلك. وقال: فمن أجل ذلك لم أعطي ربنا سبحانه وتعالى يقول يعني؟ فمن أجل ذلك لم أعطي محمداً صلى الله عليه وسلم الدنيا؟ ليه؟ وجعلته يطلب المعاش في الأسواق؟ ليه؟ لابتليكم أيها الناس وأختبر طاعتكم ربكم وإجابتكم رسوله إلى ما دعاكم إليه في غير عرض من الدنيا ترجونه من محمد صلى الله عليه وسلم. ما هو لو كان هو ملك ومعه الدنيا كلها وكانت الناس هتمشي وراه.
وكثير من المفسرين لما أتكلموا في قول الله سبحانه وتعالى في آل عمران في غزوة أحد: ﴿وَتِلْكَ الأَيَّامُ نُدَاوِلُهَا بَيْنَ النَّاسِ﴾ [آل عمران: 140]. قالوا: ما هو لو كان المسلمين بينتصروا على طول كان كتير من المنافقين هيخشوا، هذه من وظائف الهزائم إظهار المنافقين، من وظائف الهزائم من الحكمة من الهزائم اللي بتمر من المسلمين ﴿وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنكُمْ شُهَدَاءَ﴾ [آل عمران: 140]. فينظر كيف تعملون، مين اللي هيستمر؟ زي ما ربنا قال على المنافقين في سورة البقرة: ﴿وَإِذَا أَظْلَمَ عَلَيْهِمْ قَامُواْ﴾ [البقرة: 20] في بعض الهزائم والخسائر، لما اللي هو أنا منكم لمن لا يبطئن، ارجعوا لآيات سورة النساء لما ييجي نصر يقول لك: يا ليتني كنت معهم فأفوز فوزاً عظيماً، لما تجي هزيمة يقول لك: الحمد لله يا سلام ربنا أنعم علي الحمد لله إذ لم أكن معهم شهيد خلاص. طيب.
فبيقول الطبري بيقول: لأني لو أعطيته الدنيا لسارع لسارع كثير منكم إلى اتباعه طبعا في دنياه خلاص؟ ثم جاب آثار بعد الحسن، الحسن بيقول ايه؟ شف هنا هنبدأ نجيب كلام عن السلف بيوسع مفهوم الآية حتى مش بس في السياق، احنا عرفنا السياق المشركين بيقولوا احنا مش هنتبع الرسول فربنا رد عليهم أن التقدير ده فتنة. الحسن بيقول: يقول الأعمى: لو شاء الله لجعلني بصيراً، مش راضي بقضاء الله. ويقول الفقير: لو شاء الله لجعلني غنياً مثل فلان، والاعمى بيقول: لو كان يجعلني بصيراً مثل فلان، وكل واحد مشغول بالتاني. ويقول السقيم: لو جعلني الله صحيحاً مثل فلان. وأُثر عن ابن جريج قال: الله سبحانه وتعالى يمسك عن هذا ويوسع على هذا، فيقول: يا رب لم لا يعطيني الله مثل ما أعطى فلان؟ لم لم يجعلني صحيحاً مثل فلان؟
وجاب أثر عن ابن إسحاق قال: جعلت بعضكم لبعض بلاء لتصبروا على ما تسمعون منهم وترون من خلافهم. احنا بنستحق نركز على السياق وتتبع الهدى بغير أن أعطيهم عليه الدنيا، أن ربنا ابتلاك أنك تسمع كلام الرسول حتى لو مش هاخد منه الدنيا. ولو شئت أن أجعل الدنيا مع رسلي فلا يخالفون أبداً لفعلت، ولكني قد أردت أن أبتلي العباد بكم وأبتليكم به.
خلاص، أوسع واحد شفت فسر الآية وجاب إسقاطات كتير على الواقع وخرج الآية من سياقها للعموم تاني القرطبي، الرازي قال: أنت الآية فيها أقوال ممكن كذا وممكن كذا وممكن كذا، جاب ممكن تبقى خصوص بالسياق وممكن تبقى عامة. خلاص القرطبي بيقول: ﴿وَجَعَلْنَا بَعْضَكُمْ لِبَعْضٍ فِتْنَةً﴾ [الفرقان: 20] قال: يا ريت بصوا ترجعوا له لأن هو بدأ من أول إيه، حتى يعني اللي عايز يرجع للقرطبي، الآية أصلاً أولها إيه؟ ﴿وَمَا أَرْسَلْنَا قَبْلَكَ مِنَ الْمُرْسَلِينَ إِلَّا إِنَّهُمْ لَيَأْكُلُونَ الطَّعَامَ وَيَمْشُونَ فِي الْأَسْوَاقِ﴾ [الفرقان: 20]. القالب اللي احنا بنتكلم فيها أو جزء من الآية ﴿وَجَعَلْنَا بَعْضَكُمْ لِبَعْضٍ فِتْنَةً﴾، احنا بنتكلم في دي، اللي هيرجع للقرطبي أنا عايزه يرجع يقرأ الآية من أولها، هتكلم على الدنيا وهل شغال في الدين يشتغل في الدنيا وهل الرسل هل الأفضل ينعزل عن الدنيا ولا لأ، طب ننزل الأسواق طب الخلاف طب الأخذ بالأسباب طب ما ناخدش بالأسباب، ذكر كلام طويل قرطبي يعني أطول حد فسر الآية دي هو القرطبي.
حتى الشنقيطي في أضواء البيان لما جه يفسر الآية لخص الأول كلام القرطبي وبعدين تكلم هو. طيب بيقول القرطبي: أنا أنقي بعض كلمات من القرطبي، قال: أن الدنيا دار بلاء وامتحان، أراد الله سبحانه شف الفكرة المركزية، أراد الله سبحانه وتعالى أن يجعل بعض العبيد فتنة لبعض ماشي على العموم في جميع الناس. دي فكرة مركزية من سنن البلاء، أنت تبتلى بالتشريع، تبتلى بالأقدار، تبتلى بالناس، خلاص الصحيح فتنة للمريض، والغني فتنة للفقير، والفقير الصابر فتنة للغني. ومعنى هذا أن كل واحد مختبر بصاحبه، كل واحد في كل واحد في حياتنا، كل واحد فينا في حياته ناس هو مبتلى بهم، ينظر لهم. فالغني ممتحن بالفقير ليه؟ عليه أن يواسيه ولا يسخر، ما ممكن الغني تأخذه يعني للاسف بيظهر كتير حد من اللي عنده من الخدم أو راح يشتري حاجة، واحد غلبان فهو صاحب مركز وغني فيسخر منه، دافع جوان ويسخر منه، ده ابتلاء أنك أنت مطالب أنك ما تسخرش منه، بل عليك أن تواسيه، هتنجح في الامتحان ده ولا لأ؟ الغني ممتحن بالفقير عليه أن يواسيه، والفقير امتحن بالغني عليه ألا يحسده، ولا يأخذ منه إلا ما أعطاه، وأن يصبر كل واحد منهم على الحق، كما قال الضحاك في معنى ﴿أَتَصْبِرُونَ﴾ [الفرقان: 20] وأصحاب البلايا يقولون: لما لا نعافى؟ الأعمى يقول: لما لا أجعل كالبصير؟ وهكذا صاحب كل آفة. يبقى جاب في الغنى والفقر وجاب في الأمراض.
والرسول صلى الله عليه وسلم المخصوص بكرامة النبوة فتنة لأشراف الناس، بس يا جماعة الرسول العلماء اللي بيكونوا فقراء أو مش من قبائل ذات نسب بيجي الأغنياء اللي من قبائل بقى بيرفضوا يسألوهم ويرفضوا يجلسوا بين تحت أقدامهم ليتعلموا، ليه؟ لقناعة الغني صاحب المنصب: أروح لفلان أسأله. لما سيدنا عمر كان في الحج تقريباً، خرج الأمير على مكة فقال له عمر بن الخطاب: من تركت؟ فقال: ابن أبزى مولى من الموالى، تحجب عمر قال: بأولى من الموالي! أمير مكة اللي اللي كان مكانه يعني قال: إنه يحفظ القرآن، ويعني معه القرآن. فقال عمر بن الخطاب: إن الله يرفع بهذا الكتاب أقواماً ويضع به آخَرين. تخيل واحد بالعلم يُرفع وهو أصلاً ليس غنياً أو ليس ذا نسب، ده بيكون فتنة للناس، بمعنى يعني أقصد أن ده ابتلاء لازم تتكسر كسر للعلم، وده كتير كان بيحصل يعني.
فالمهم حتى أظن أظن يعني أنا من زمان قريت الكلام كان ابن عبدالبر بيقول: ولذلك كان له معنى أن قدر المستطاع أن العلم يوضع في في أصحاب النسب بحيث حتى نسهل على الناس حتى لا نفتنهم يعني، لكن ده مش معناه أن الآخرين لا يعلموا، يجتزئ الكلام ده. المهم بيقول: الرسول المخصوص بكرامة النبوة فتنة لأشراف الناس من الكفار في عصره، وبيقول: وكذلك العلماء وحكام العدل. ألا ترى إلى قولهم: ﴿لَوْلَا نُزِّلَ هَذَا الْقُرْآنُ عَلَى رَجُلٍ مِّنَ الْقَرْيَتَيْنِ عَظِيمٍ﴾؟ فالفتنة أن يحسد المبتلى المعافى، والصبر أن يحبس كلاهما نفسه عن التجر والضجر ﴿وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ﴾، وشرح يعني وجاب أمثلة عن المزني وابن القاسم رؤي أشرف بن عبد العزيز في مملكته يعني قرأ الآية ثم أجاب على نفسه لما قرأ ﴿أَتَصْبِرُونَ﴾؛ قال: يا رب نصبر.
وفي حديث أغلب المفسرين بيذكروه إن كان فيه ضعف يروى عن النبي صلى الله عليه وسلم: «ويل للعالم من الجاهل، ويل للجاهل من العالم، ويل لمالك من المملوك، ويل للملوك من المالك، وويل شديد الضعيف وانه ضعيف». حديث يعني ذكروه أغلبهم نقلوا عن الثعلبي وإن كان في ضعف. الخلاصة حتى زي ما قلت لكم الشنقيطي لما جه يفسر الآية في أضواء البيان جاب الأول لخص كلام القرطبي، قال: معنى الآية كما ذكر القرطبي أن كل واحد مختبر بصاحبه، وذكر الكلام بتاع بنوع من التلخيص يعني اللي مش قادر يقرا بقى طول كلامه في الطبري ملخص في تلت أربع سطور الشنقيطي، ثم قال: وإذا علمت معنى كون بعضهم فتنة لبعض، فاعلم أن قوله تعالى: ﴿وَجَعَلْنَا بَعْضَكُمْ لِبَعْضٍ فِتْنَةً﴾ فيه فتنة أغنياء الكفار بفقراء المسلمين، ده السياق حيث احتقروهم وازدروهم وأنكروا أن يكون الله منّ عليهم دونهم لأنهم في زعمهم فقراء.
البقاعي برضو له كلام جميل عشان احنا طولنا بقى في، أنا بس كان يهمني أن احنا دايما بنتعلم قبل ما نتكلم القرآن يرجع لكلام أهل العلم، نرجع لكلام المفسرين. التحرير والتنوير برضو كنت جايب لكم كلام كتير والله بس خلاص ممكن أبقى أحطه لكم على القناة وترجعوا له يعني حلو التمرين. ممكن برضو اللي أقرأ لكم طالما أنا تجاوزت البقاعي والتحرير، الإمام ابن القيم له كلام بديع أيضاً، قال: ﴿وَجَعَلْنَا بَعْضَكُمْ لِبَعْضٍ فِتْنَةً﴾ إهمال بعد ما شرح لها بيميل للعموم، قال: هذا عام. أنا كل ده عايز أقول لكم أن الخروج بمعني الآية إلى العموم ده فعل بعض المفسرين ومهم هيساعدنا في الاستهانة بالقرآن في حياتنا العامة. قال: هذا عام في جميع الخلق، امتحن بعضهم ببعض، امتحن الرسل المرسل إليه تحمل المشاق وتبليغ الرسالات، وامتحن المرسل إليهم بالرسل هل سيطيعون أم يكفرون؟ وامتحن العلماء بالجهال هل سيُعلمونهم وينصحونهم ويصبرون على جهلهم وتعليمهم ونصحهم؟ وامتحن الجهال بالعلماء هل سيطيعون؟ وامتحن الملوك بالرعية والرعية بالملوك؟ وامتحن الأغنياء بالفقراء والفقراء نفس الكلام. عايز أقول لكم أن ابن القيم مال العموم.
ذكر تفسير رجع عشان يقول لك إزاي ممكن الكافر يفتن بالمؤمن أمثلة مثلاً فقال لك عندك وده من تفسير القرآن بالقرآن راح قال لك: مش ربنا قال أن أصحاب موسى عليه السلام موسى وأصحابه كانوا الله سبحانه وتعالى ربنا لا تجعلنا فتنة؟ طب إزاي لا تجعلنا فتنة؟ بعض الفتنة عذاب يعني ما تسلطهم علي، وبعضهم نظر إلى مآلات هذا العذاب، فقال ابن القيم نقل عن المجاهد قال المعنى: لا تعذبنا بأيديهم. طب وبعدين؟ فيقولون: لو كان هؤلاء على الحق ما أصابهم هذا. زجر، لا تظهرهم علينا فيظنوا أنهم على الحق. وقال الفراء: لا تظهر علينا الكفار فيروا أنهم على حق ونحن على باطل.
وقال مقاتل: لا تقطر علينا الرزق فيكون ذلك فتنة لنا، وهذا يحدث. الذي تلاقي ودايخ يعمل، واحد شافه حتى زمان أيام الجامعة، تلاقي واحد يلتزم ممكن أول ما يبدأ يقرب من ربنا والدين يحصل له بعض الابتلاءات، فتلاقي الشباب التاني يخاف، يقول لك: شفت يا عم، أديني أهو، إحنا مش هنيجي للدين، فده بيكون فتنة واختبار.
معي؟ طيب، يبقى ده إحنا كده خلصنا الجزء الأول من الدرس، اللي هو الآية شرحها في سياقها ومعناها العام. تعالوا بقى إحنا نتكلم نستفيد بقى من الآية بعد ما قصرنا أن إحنا ينفع نعمل ده على مستوى الدنيا، على مستوى الدين، خلاص وأنا أؤجل الكلام في الدين للأخر، بحيث إن اللي يزهق ويمل ياخد موضوع الدنيا ويمشي، ويسيب إيه موضوع الدين ده. طيب، هو الصوت مش واضح ليه يا جماعة؟ الناس تبعت، مش عارف، الصوت مش واضح ولا إيه؟
طيب، كنا بنقول في قول الله سبحانه وتعالى: ﴿وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ﴾، هناخدها على مستوى الدنيا وعلى مستوى الدين. بالنسبة للدنيا، أظن واضح، إن شاء الله أظن واضح.
ده أنا كنت اتكلمت في درس اسمه (النظر إلى السماء)، سواء (النظر إلى السماء واحد) أو (النظر إلى السماء اثنين)، فكرة إن أنت لما بتعيش أسير اللحظة، وقلت إن أنت أحياناً الشيطان بيدخلك في النظر اللي سمعت مين؟ بيدخلك في منطقة مظلمة كده ويحاصرك، أنت بتصيبك حالة من الاكتئاب والغم والحزن؛ لأنك بتفكر في منطقة ضيقة جداً جداً من الدنيا. إذن، مش فاكر في أكثر من درس طلبت مسألة أن حياتنا كلها على بعضها أشبه بخط طويل ألف كيلومتر مثلاً، الدنيا هي أول نص متر، فاللي هيعيش أسير هذه اللحظة وينسى بقية الدار الآخرة، طبعا هيعيش في حالة من الضنك والضيق، فكان الحال أن يخرج من أسير هذا الضيق وينظر إلى السماء. قلت، أنا اتكلمت في (النهارده السماء واحد واثنين) في الفكرة دي.
النهارده أنا عايز أتكلم، إيه اللي بيدخلنا كده؟ من أهم أسباب أنك تدخل نفسك في هذه المنطقة المظلمة: المقارنات مع الناس، وأنك شاغل بالك من الناس. وكثيرًا ما أسمع شكاوى، وكثيرًا ما أنا أعر بذلك، أو الناس تشتكي، أو إنه يبقى كويس وراضي ومبسوط، ومصلي ركعتين ودعاء وزي الفل، وراضي وعادل، الحمد لله الحمد لله، ينزل الشغل يقابل واحد ينكد عليه عيشته بكلمتين. يقول له: أنت ازاي كده؟ لا حول ولا قوة. أنت ازاي سايب نفسك كده يا ابني؟ يا ابني، الناس سبقوك في الدنيا وأنت غلبان، أنت ازاي عامل في نفسك كده؟ لا حول، هو ده يرضي ربنا؟ ده لا يرضي الناس ولا يرضي ربنا، أنت يا ابني عامل في نفسك ليه؟ ويقعد: أنا عايز مصلحتك، ممكن اللي يكون بيكلمك ده فاشل، بس بعيدا يعني، حتى لو ناجح يعني. فانت تقعد تقول له: ده أنت لك اختيارات في الحياة، متحمل تبعات اختياراتك، وأنت لك، وده اختيارك، أو ده قدر، أو... أو يا عم بقى بطل بقى الكلام ده، أنت مش... ويقعد يكرهك في حياتك واختياراتك. يعني أظن، أظن كنت قرأت مقالة زمان لبدر السعوي على التليגרام، كان اسمها (البصق في بئر الرضا)، تبقى راضي، تقابل واحد يبصق في بئر الرضا بتاعك يعكره لك. يقول لك: أنت ممكن تبقى ماشي مبسوط، ماشي فعلا بتقول الحمد لله، قاعد بتبص للنعم اللي ربنا أداها لك، مشغول بالنعم اللي عندك، واحد يقول الحمد لله، يقابلك يديك كلمتين، شوف أنا بقول لك الدرس (نظر إلى السماء)، لأ، هو بيخليك تنظر إلى المفقود والحاجة اللي ناقصة اللي عندك، ويكرهك بقى ويضغطك نفسيا، هو ده جا لك فتنة: ﴿وَجَعَلْنَا بَعْضَكُمْ لِبَعْضٍ فِتْنَةً﴾.
خلينا نتكلم في الدنيا، زي ما هم ذكروا فكرة الفقير والأعمى والمريض، وينظر للصحيح والغني والبصير، ده أنت لما بتكون فاقد لحاجة معينة وتلتقي بمن عندهم هذه الأمور، يأتيك الشيطان حتى لو هو ما كلمكش، يأتيك الشيطان لأنك شايف. وده طبعا الشيطان هنا بالضبط زي ما ربنا قال في سورة الفجر: ﴿فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ * وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ﴾ [الفجر: 15-16].
ده أنتم اللي بتعملوا كده مع بعض مش ربنا، أنت لما تحب تهين واحد بتمنع عنه المال: ﴿كَلَّا بَل لَّا تُكْرِمُونَ الْيَتِيمَ﴾ [الفجر: 17]. أنت لما بتستضعف واحد بتمنع عنه المال: ﴿وَلَا تَحَاضُّونَ عَلَىٰ طَعَامِ الْمِسْكِينِ * وَتَأْكُلُونَ التُّرَاثَ أَكْلًا لَّمًّا * وَتُحُبُّونَ الْمَالَ حُبًّا جَمًّا﴾ [الفجر: 18-20].
لا لا، ده الحقيقة تظهر يوم القيامة: ﴿كَلَّا إِذَا دُكَّتِ الْأَرْضُ دَكًّا دَكًّا﴾ [الفجر: 21]. وده كتير في القرآن أن بيحصل أن ناس تخلي معيار رضا الله سبحانه وتعالى على الدنيا أو على العطاءات في أي بلاء، يخلي الإنسان يبدأ يسيء الظن بالله. وسيدنا أيوب مكث في بلائه، في أثر مرفوع عند ابن حبان فيما أذكر يعني، مكث أيوب في بلائه ثمانية عشر عاما فكل الناس بعدت عنه ما عدا اثنين من أصدقائه، فقال أحدهما لآخر: والله ما أرى إلا أن أيوب أذنَبَ ذنباً لم يذنبه أحد من العالمين. صاحبه ما قدرش يسمع الكلمة ويسكت، راح قال لأيوب، فقال: والله ما أدري ما تقول، شف هنا تواضع، وبعدين يعني أنا يعني بتقولوا عليّ كده؟ والله كنت أمر... لا أعلم، ما أدري ما تقول، غير أني كنت أمر على رجلين يقسمان بالله فأكفر عنهما مخافة أن يذكر اسم الله على بطل.
وده كتير في القرآن أن هم... يعني أنا أكثر منك مالا وأعز نفرا. أكثر سورة قصيرة جت فيها كلمة (كلا) متتالية، هي سورة ثمان آيات، خدوا الاختبار ده: سورة ثمان آيات، آيتين بتشرح المشكلة، بعد كده ثلاث آيات (كلا)، وثلاث آيات بدءا بلام القسم. شوف، شوف الغضب اللي في الصورة والاستنفار اللي في الصورة، يعني الاستيقاظ اللي بتعمله الصورة دي واليقظة اللي بتعمله الصورة دي من الغفلة. سورة جزء عم، ثمان آيات، ذكرت المشكلة في أول آيتين بس، بعد كذا (كلا كلا كلا)، بعد كذا لام ولام ولام بدأت.
أنتم متخيلين إيه عملوا إيه البشر، واستحقوا ده عشان إيه الغفلة دي؟ ﴿أَلْهَاكُمُ التَّكَاثُرُ * حَتَّىٰ زُرتُمُ الْمَقَابِرَ﴾ [التكاثر: 1-2] وقالوا: ﴿كَلَّا سَوْفَ تَعْلَمُونَ * ثُمَّ كَلَّا سَوْفَ تَعْلَمُونَ * كَلَّا لَوْ تَعْلَمُونَ عِلْمَ الْيَقِينِ * لَتَرَوُنَّ الْجَحِيمَ * ثُمَّ لَتَرَوُنَّهَا عَيْنَ الْيَقِينِ * ثُمَّ لَتُسْأَلُنَّ يَوْمَئِذٍ عَنِ النَّعِيمِ﴾ [التكاثر: 3-8]. قضية التكاثر، كتير من أهل العلم قال إن هو عايز يكاثر غيره، لدرجة أن بعض المنافسين ذكر أثر: «لكم تكاثر حتى زرتم المقابر»، أن هذه المفاخرة والمكاثرة استمرت حتى بلغوا إلى الأموات، وهذا يتكاثر بأمواته وأجدادي باللي مات بالمقابر، يعني بدل ما تكون المقابر عظة أصبحت المقابر فرصة للمباهاة والمفاخرة، كما يحدث الآن، إحنا واخدين مقابر على البحر بتبص، عندنا مقابر الرخام جاي من مش عارف من روسيا قبل الحرب، يعني، فهو حتى المقابر فيها نوع من المفاخرة.
هذا التكاثر يلهي الإنسان؛ لأن هو ما عادش علاقته بالله، عاد علاقته بالبشر، وده... والبشر ما بيخلصوش، والدنيا ما بتخلصش، فهو قاعد ملهي: ﴿أَلْهَاكُمُ التَّكَاثُرُ * حَتَّىٰ زُرتُمُ الْمَقَابِرَ﴾، حتى على القول الأشهر، حتى متم حتى فضل مالي لغاية لما مات، أو ظللتم، يعني مفاخرة ومكاثرة بين حتى ذهبتم إلى المقابر.
لذلك، بعض أهل العلم أشار أن هذا حتى قد يحدث بين أهل الدين، ده بيفاخر بالأسانيد، وده بيفاخر بالإجازات، وده بيفاخر بالكتب، وده بيفاخر. ثم حقيقة العلم قد... قد لا يوجد مباهاة، المفاخرة ده من أخطر الأمور التي تلهي الإنسان، لذلك كان تحذير شديد فيها. ولذلك جاء بعدها أن الزمان بيمر، أنت بتعمل إيه؟ قاعد بتتكاثر مع وتكاثر النشوة، تباهي وتفاخر: أنا خلصت وأنت ما خلصتش، أنا جبت وأنت ما جبتش، أنا اترقيت وأنت ما اترقتش، أنا عملت وأنت ما عملتش. وقاعد شاغل بالك من الناس.
فجأة: ﴿وَالْعَصْرِ * إِنَّ الْإِنسَانَ لَفِي خُسْرٍ﴾ [العصر: 1-2]، خصوص الزمان بيمر، ﴿إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ﴾ [العصر: 3]. ما تخليش هذه المكاخرة والمفاخرة تنسيك الغاية من وجودك: ﴿وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ﴾ [الذاريات: 56]. فمسألة أن الفتنة مع بعض في الدنيا ده أمر يعني... يعني غالب، بلاش يعني... يعني بنسبة كبيرة من المشاكل اللي الواحد بيسمعها.
تيجي تدردش معك أو الحزن اللي بيقع فيه بعض الناس، هو بسبب أنه هو بينظر للآخر. هو ممكن بينه وبين نفسه يكون خد قرار ومرضي، وفاهم تبعات القرار بتاعه، ويكون... وده ممكن بيحصل كتير، تلاقي واحد ربنا رزقه بزوجة وأولاد وبيت وهو راضي بالوضع، تقعد مع واحد، إيه؟ قل له: أنت ازاي زوجتك ما بتعمليش كذا؟ لا حول ولا قوة إلا... أو العكس، زوجة راضية بزوج ومبسوطة وكل حاجة، تيجي تقعد مع واحدة تنكد عليها عيشتها: هو جوزك بيعمل فيك إيه؟ هو شاريك بفلوسه؟ وهو... هو أنت الخدامة اللي أبوه جابها لك؟ أنت بتعملي إيه؟ هي أصلا تكون ما عندهاش أي إشكال.
أو واحد، والصحاب يخلي الولا يتقلب على أبوه: وأبوك ما بيجيبلكش مش عارف ليه كذا، ليه؟ فأبوك مضيع عليك، أو أبوك بيعمل فيكم ليه كذا؟ ويبدأ الناس... عارف؟ «ليس منا من خبّب امرأة على زوجها». هذا التخبيب أن أنت قاعد بتثور المشاعر على الآخرين. ده بيحصل كتير، حتى يصل على الله سبحانه وتعالى، ده غرض من أغراض الشيطان الأساسية، أنه زي ما قلنا لو تفتح عمل الشيطان. ما هو الشيطان عايزك يعني تثور على الله، القدر مش عاجبك، سخط. الشيطان ما عجبوش أن ربنا يقول له: اسجد، فهو عايز، وخلي... كان عايز يخلي سيدنا آدم يعترض، يقول له: ﴿مَا نَهَاكُمَا رَبُّكُمَا عَنْ هَٰذِهِ الشَّجَرَةِ إِلَّا أَن تَكُونَا مَلَكَيْنِ أَوْ تَكُونَا مِنَ الْخَالِدِينَ﴾ [الأعراف: 20]. فغرض الشيطان أن من... حتى من لو تفتح أمام الشباب، عايزك تقول: لو كذا، حتى تصل إلى الاعتراض على قدر الله سبحانه وتعالى، ده بيحصل عن طريق النظر للناس: ﴿وَجَعَلْنَا بَعْضَكُمْ لِبَعْضٍ فِتْنَةً﴾.
ربنا كان ممكن يرجع للناس كلهم حاجة واحدة، لذلك بعض الأفكار اللي ممكن تأثرت به، الاشتراكية لما كانت الاشتراكية منتشرة، كانوا متصورين أن الإسلام يدعو للاشتراكية، مش الاشتراكية لمذهب العصر، أن هو متصورين أن أن لازم الحياة تبقى كلها سواسية، وأن الفلوس تبقى كلها قد بعض، وأن الناس تبقى وده الحل. لأ، سيظل هناك غني وفقير وصحيح ومريض، ستظل هذه الحياة إلى يوم القيامة، يعني، فموضوع أن أن لازم يبقى فيه تساوي مطلق في كل شيء ده... ده مش موجود، يا عدل، في زكاة، في إنفاق القرآن حث عليه، لكن بتصورات مثالية عن الحياة الدنيا فبالتالي نصطدم فيها، فنبدأ نعترض على ربنا سبحانه وتعالى.
يبيبقى عايزين نحذر من أن أنت يبقى عندك قوة نفسية تساعدك أنك لما تكون واخد قرار معين بتضحية، أنت قررت تضحي خلاص بشيء معين في الدنيا، أنت اللي واخد القرار ومرضي به، يجي لك واحد يؤنبك: ازاي؟ ربنا بيقول إيه؟ آه فسوف يأتي لسورة المائدة: ﴿فَسَوْفَ يَأْتِي اللَّهُ بِقَوْمٍ يُحِبُّهُمْ وَيُحِبُّونَهُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللَّهِ﴾ [المائدة: 54]. أول ما جه اهو، التضحية اهو: ﴿وَلا يَخَافُونَ لَوْمَةَ لَائِمٍ﴾. دايما، إسلام بعد كل تضحية الناس مش هتسيب، يقول لك: أنت مجنون؟ أنا أول مرة... يعني يجي لي رسائل كتير كده، بيبقى مهم جدا أثناء البث.
إذن، أن الغرض من الشيطان وأن هو يوصلك أنك تبدأ تنظر للناس؛ عشان تبدأ تعترض على ربنا. شاغل بالك، أنت لما تكون مركز علاقتك بالله سبحانه وتعالى، أنت مرضي، ﴿يُجَاهِدُونَ فِي سَبِيلِ﴾... أنت جاهدت عشان ربنا، هو هيلومك، أنت ما... لما تكون علاقتك بالله: ﴿وَلَا يَخَافُونَ لَوْمَةَ لَائِمٍ﴾، أنت موضوع أنه يلومك ده مش شاغلك أصلا، أنت مركز في علاقتك بالله سبحانه وتعالى.
كتير، وده يا أمة الواحد شاف أن زي ما بقول لكم يعني... يعني كثير من الشكاوى أو الشباب، أو يبقى هو اختار اختيار معين، وراضي بشغلانة بمرتب معين ومبسوط، وقرر يظبط دنيته ودينه على وضع، يجي حالة من الاستطاعة. أكثر حاجة بتعمل هذه الاستفزازات للأسف في الوقت الحالي هي السوشيال ميديا، ليه بقى؟ لأن طبعا حضرتك قاعد سوشيال ميديا قاعد عمال تعمل إيه؟ بتقلب، عمال تعمل سكرولينج، فانت بتشوف فلان متصور في الساحل، وفلان بعد كده في العين السخنة، وفلان بيتصور في أوكرانيا برضه قبل الحرب، وفلان مش عارف راح فين، وفلان طلع منين على مين، وفلان بيلف العلم في سبعين يوم، والتاني بيلف على العجلة، والتاني مش عارف إيه.
وأنت قاعد... قاعد يا عيني غلبان زينا، قاعد على المكتب بتاعك، لا رحت حتى صيف في جمصة ولا عملت أي حاجة، وقاعد طبعا مكتئب وعندك أمتحانات، الناس بتوع ثانوية عامة يا عيني الغلابة! أنت ليه بتعمل في نفسك كده؟ ما هو أنت لك حياتك، أنت لك اختياراتك، لك مسارك. الصور اللي أنت عملت روحها دي أولا هذه ليست هي الحياة، هذه لقطات بسيطة جدا قد تكون كاذبة، هذه البسمة اللي أنت بتشوفها قد تكون، وقد تكون حقيقية، مش ده انشغالي دلوقتي. لكن أنت ليه شغلت بالك وقاعد بتقارن نفسك بكل هذه الصور التي يا جماعة دي حاجة تجيب لي اكتئاب حقيقة، يعني حاجة مدمرة نفسيا، كم المقارنات اللي بتدخل نفسك فيها. يعني دلوقتي أتكلم في الدنيا، لسه هنيجي لموضوع الدين والفتن، ازاي بنفتن بعض في الدين، وازاي غيرك ممكن يعمل لك فتنة في دينك، أتكلم على الدنيا دلوقتي.
أنت بتعرض نفسك لضغط نفسي مهول، خلاص ربنا ابتلاك ابتلاء معين بينك وبين الله، فيه علاقة بينك وبين الله يبتلى المرء على قدر دينه، فمن رضي فله الرضا. ده جزء من حديث تاني.
يعني إن الله سبحانه وتعالى يبتلي من يحب، فمن رضي فله الرضا، ومن سخط فعليه السخط. القضية إنك تركز في ورقتك، في علاقتك بالله سبحانه وتعالى، شاغل بالك ليه بالناس؟ حاول تقاوم ده، طبيعي في الإنسان، لذلك ربنا بيقول مثلا لا، طبعا لنا احنا، ﴿وَلَا تَمُدَّنَّ عَيْنَيْكَ﴾ [طه: 131] مد العين ده متعب للقلب، لا تمدن عينيك إلى ما متعنا به أزواجا منهم.
مد العين مش بس انك تبص، لأ تمد عينك فالعين أسبق من البدن والنفس فبترجع العين مؤنبة للنفس، احنا ليه ما عندناش ده؟ وليه ما عندناش ده؟ وليه ما عندناش؟ أحيانا لما بروح أسامر في بعض الأماكن، لأ أنا مش حابب الأماكن دي، هذه الأماكن تجعل العين دائما مفتوحة، الأماكن بقى المبهرة أو بتروح، الأماكن دي تخلي العين على طول مفتوحة، العين ممدودة على طول تنظر لده وعايز ده وكل شوية فيه جديد.
لذلك من الشعارات اللي كانوا عملوها قبل كده في الأفلام، أو مش فاكر فين في الأغاني ولا كان شعار قناة من القنوات زمان، مش هتعرف تغمض عينيك، ده غرض، ده غرض انك تفضل على طول، ربنا في آخر سورة الجمعة قال: ﴿وَإِذَا رَأَوْا تِجَارَةً أَوْ لَهْوًا انْفَضُّوا إِلَيْهَا وَتَرَكُوكَ قَائِمًا﴾ [الجمعة: 11] صلى الله عليه وسلم، قل ما عند الله خير.
كيف تمكث بالرغم من رؤية قوافل الله والتجارة تمر من أمامك؟ كيف تصبر على تضحيتك واختياراتك وابتلاءاتك؟ حتى لو أنت اللي ما اخترتش، دي علاقة خاصة بينك وبين الله سبحانه وتعالى، ومن يؤمن بالله، ارجع لآية التغافل وارجع في تفسيرها، يهدي قلبه. الله سبحانه وتعالى بيرزقه الرضا، فلا تغبن حتى في هذه المصيبة.
في ناس يا جماعة يوميا كل ما تخرج أو تقعد على السوشيال ميديا، تقعد يعني عندها مش عايز أقول لك مكتئبة بمعنى الاكتئاب المرضي، متضايقة، حزينة، ليه؟ جو مقارنات، طول ما هو شايف الناس واحنا مش عايشين والله، بقى ناس عايشة واحنا مش عايشين، قاعد شاغل باله، طب يعني عمر كده ما هترضى، وبعدين هو أنت لما عملت كده يعني جالك اللي عندهم، الحسد هو يعني اعتراض على قدر الله سبحانه وتعالى، نفس خبيثة يعني، فبلاش الإنسان يصل إلى هذه المرحلة أنه يفتن نفسه في دينه يعني في دنياه وفي دينه، أنت ركز في علاقتك بالله سبحانه وتعالى.
بلاش تعرضك للكم الهائل من الفتن الرهيبة اللي حواليك دي، زي ما بقول لك مجرد انك تفتح أي تطبيق، فيسبوك، تويتر، أي حاجة، اقلب شوية ده غير إعلانات اللي هتظهر لك، فعلا حالة من الشتات يعني بيبقى صعب انك تترك ده، أنا حتى أولادي كل شوية يقول لك يا بابا أنا واحد صاحبي معه موبايل كذا، يا بابا أنا واحد مش عارف جاب مش عارف عنده كذا، يا بابا أنا واحد صاحبي عنده كذا.
فتخيل، طب ده الطفل، أنت بقى لما بتكبر تخيل أنت بتقول لنفسك كده، اشمعنى وهو عنده كذا شغلة؟ وده كتير، وياما الواحد أحيانا يقابل واحد صاحبه في الشغل، مالك زعلان ليه؟ مش قصدي واحد، ده مثالي يعني، زعلان ليه؟ تلاقيه زعلان، قل له خير فيه حاجة حصلت؟ بنتك حصلت لها حاجة؟ قالوا كويسة والله الحمد لله، زوجتك حصلت لها حاجة؟ لا والله كويسة الحمد لله.
امال ايه اللي حصل؟ اترقى. زعلان ليه؟ زعلان ليه؟ مش عارف أنا زعلان ليه، ما هو احنا مش عارف يعني هو جاله نعمة، أنت زعلان ليه؟ أنت قاعد بتبص في ورقة الناس ليه؟ ما هو ده ابتلاء أيضا، هو ده مش البلاء! فتلاقي واحد أصلا كان عايش حياته كويس جدا، واحد رزق بنعمة، وده بيحصل حتى ربنا يسترنا يا رب حتى من أهل الدين.
تلاقيه كان كويس وبيذاكر وماشي كويس وجعان كده برضو إن شاء الله إذا جينا لها يعني الوقت، خرج من هنا ليه كده؟ مش عارف مركز في دينه ومبسوط، وبعدين فجأة اكتئب، ليه؟ يا عم فلان، أنت مش شايف فلان عامل فيديو عامل ثلاثة مليون؟ ربنا يبارك، زعلان ليه؟ أنت هنا بقى التأويلات، ما يستاهلش، ما هو الناس مش عارفة مين اللي أهل الحق ومين أهل الباطل، الناس مش عارفة الناس لو بتتبع أهل العلم، سيبهم من الكلام الفارغ ده ما كانش ده حل، هو قاعد شاغل باله يعني.
طبعا ربنا سبحانه وتعالى مطلع على الدوافع بتاعت الإنسان، كل واحد بيبقى له تأويل، ممكن يبقى كلامه صادق، ممكن كل واحد يبقى له تأويل، يعني ربنا مطلع على نفوسنا، إنه عليم بذات الصدور سبحانه وتعالى. طيب أنا طولت قوي في الحتة بتاعت الدنيا دي، بس من كتر ما الواحد شايف مشاكل أن احنا شاغلين بالنا ببعض، أهدافنا مش أنا أبقى كويس، أهدافنا أنا أكثر منك، يعني شوف الراجل صاحب الكلمتين مش رايح بيقول له أنا عندي جنة وكويس، لأ بيقول له أنا أكثر منك مالا وأعز نفرا، أنت بتشغل بالك بيه ليه؟ أنت جاي تتنطط علي ليه؟ يعني أنت ليه عايز تثبت أنك أحسن مني؟ فده أحيانا بيكون حالنا أن أنا شاغل بالي باللي جنبي، شاغل بالي أن أنا أكون أفضل منه، خلاص؟
نيجي بقى لقضية الفتنة في الدين، ازاي نكون احنا فتنة لبعض في الدين؟ طيب السياق هنا إن المشركين ما كانش عاجبهم، طبعا ده كبر منهم، أن الرسالة تأتي للنبي محمد صلى الله عليه وسلم، وهو أشرف الناس صلى الله عليه وسلم، خير الخلق محمد صلى الله عليه وسلم، لكن هو ما كانش عاجبه، قال له: ﴿لَوْلَا نُزِّلَ هَذَا الْقُرْآنُ عَلَى رَجُلٍ مِّنَ الْقَرْيَتَيْنِ عَظِيمٍ﴾ [الزخرف: 31]، ما كانش عاجبهم أن المؤمنين يكونوا من سيدنا بلال وعمار وصهيب، ما كانش عاجبهم الوضع ده.
خلاص احنا مش هنخش فيه، فربنا قال له، ربنا جعل ده ابتلاء، أنت داخل صادق ولا لا؟ يبقى إذا احنا في ديننا قد نبتلى بأناس في الدين يمنعوننا عن دخول الدين، يعني لو هنبسّط الآية، إن المشرك مش عايز يخش الدين بسبب أوضاع معينة عند أهل الدين، هي أوضاع قدرية اختارها الله سبحانه وتعالى، فرفض يدخل، خلاص؟ احنا بقى نسقط الآية أن في ناس مش عايزة تدخل للدين، أو تسير للدين، أو تنصرف عن الدين بسبب أوضاع معينة فيها أهل الدين.
هذه بقى الأاوضاع قد تكون قدرية وقد تكون أخطاء من أهل الدين فصرفت الناس عن الدين، واضح؟ هنبجيب أمثلة علشان نوضح أكثر، يجي مثلا واحد عنده تصور مثالي، وأنا أظن ما تكلمتش فيه قبل كده، عن تصور مثالي عن أهل الدين، عن الدعاة والعلماء، عنده تصور مثالي أن الناس دي ملائكة، هم هنا برضه كانوا عايزين الرسول ده يبقى ملاك، أو ينزل له يعني ما يتعبش، يبقى قاعد عندهم تصور، يعني ممكن واحد لو شاف أهل الدين في ابتلاء يقول لك ايه ده يا عم؟ لا ينكب على الحق، شايف مثلا حد من أهل الدين والعلماء بيتعب وبيمرض وبيروح يشتغل وعرقان وتعبان، يقول لك لا لا لا، لو كان على الحق، لو كان عالما حقا كان ربنا كفاه وأعطاه، هم دول قالوا كده.
﴿وَقَالُوا مَالِ هَذَا الرَّسُولِ يَأْكُلُ الطَّعَامَ وَيَمْشِي فِي الْأَسْوَاقِ﴾ [الفرقان: 7]، خد بالك علشان أصلا ده من سر قوة هذا الدين، الداعية ليس منعزلا بل هو يأكل طعاما، لذلك بنأكد السنة، ﴿وَمَا أَرْسَلْنَا قَبْلَكَ مِنَ الْمُرْسَلِينَ إِلَّا إِنَّهُمْ لَيَأْكُلُونَ الطَّعَامَ وَيَمْشُونَ فِي الْأَسْوَاقِ﴾ [الفرقان: 20] بل، وده ذكرته في مرحلة الفرقان، لن نصل إلى حالة الفرقان في المجتمع إلا بالنزول بين الناس، وإلا منعزل عن الناس الإنسان، وزي ما شرحنا ده بالتفصيل في أمسية تربوية بعنوان: أنا من المسلمين، ده واحد من المسلمين.
أحيانا أول موضوع بنتكلم عنه في الدين: ﴿وَجَعَلْنَا بَعْضَكُمْ لِبَعْضٍ فِتْنَةً أَتَصْبِرُونَ﴾ [الفرقان: 20] أن بعض الناس بيبقى عنده تصور مثالي، طيب، وأهل الباطل يبقوا فاهمين ده، فيقوموا جايبين خطأ لحد من أهل الدين وحاطين عليه، يعني مثلا مثلا، لو افترضنا افترضنا مثلا جدلا يعني في حد من الناس بيسمعني مثلا ومقتنع وشايفك وبيسمع بعض دروسك وكده، فجه ربنا يعافينا نسأل الله السلامة والعافية أنا وقعت في خطأ، طبيعي جدا بشر.
يوم يجي حد بقى من الإعلام وبتاع عامل بقى إيه زوم، فوكس اسمها، شايفين قاعدة دي؟ هو هنا مش عايز يوقعك، بس هو الطبيعي، طب أنا أقول لك اسمع الباقي، ما تسمعش مني الغلط، أو سيبني واسمع غير الدين كتير، الدين محفوظ بأي حد، الدين محفوظ ده لما الناس بتيجي تعترض على البخاري بنقول لهم يا جماعة البخاري لو ما كانش كتب الحديث، الدين محفوظ لكتاب البخاري الصحيح، الخلاصة يعني مكان الرد ده، لكن خلينا نرجع.
فده طريقة معروفة أنه كان عايز يسقط أهل الدين بالتركيز على أخطاء، أنا حتى مش بتكلم على الافتراء، فيه افتراء وفيه ظلم زي ما يجي يقول ساحر وشاعر، زي ما عمل الرسول، ساحر وشاعر ومجنون واتهامات، لأ ده هو عايز زي لما جه الوقت يشوف سيدنا موسى راح لفرعون، تكلموا عن ربنا فبيقول له: ﴿فَعَلْتَ فَعْلَتَكَ الَّتِي فَعَلْتَ وَأَنتَ مِنَ الْكَافِرِينَ﴾ [الشراء: 19] بيجيب له خطأ عشان يحرجه قدام الناس، يقول له أنت جاي تكلمني في الدين؟ جاي تقول لي ربنا والدين؟ أنت نسيت اللي أنت عملته؟ يجي واحد مثلا ملتزم يجي يكلم صحابه، يقول: خذ من على جناح، أنت نسيت نفسك ولا إيه يا عم الشيخ؟ يقعدوا يفكروه بالآية، وده منهي عنه.
الخلاصة جه سيدنا موسى وكلم فرعون، سيدنا موسى هنا وهو نموذج رائع، أثبت الخطأ، قال: ﴿فَعَلْتُهَا إِذًا وَأَنَا مِنَ الضَّالِّينَ * فَفَرَرْتُ مِنْكُمْ لَمَّا خِفْتُكُمْ فَوَهَبَ لِي رَبِّي حُكْمًا وَجَعَلَنِي مِنَ الْمُرْسَلِينَ﴾ [الشعراء: 20-21]، وبعدين رد له بقى، قال له: ماشي أنا اعترفت اهو، بس هو أنا أصلا أنت ربيتني في بيتك ليه؟ ﴿وَتِلْكَ نِعْمَةٌ تَمُنُّهَا عَلَيَّ أَنْ عَبَّدتَّ بَنِي إِسْرَائِيلَ﴾ [الشعراء: 22] هو أنت بتمن علي أنك استعبدت بني إسرائيل؟ طب ما أنا أصلا اتربيت في إيدك عشان أنت استعبدت بني إسرائيل.
الخلاصة أن في تصور مثالي وملائكي عن بعض الناس، بيجي خطأ معين يخلي الأخ أو الأخت تسقط الدين كاملا، مش مثلا جزء من الشخص، وده مشكلة عندنا تكلم فيها كثير من العلماء، ودايما بحب فيها كلام شيخ الإسلام، أن بيقولوا أن الشخص بيجتمع فيه، وده النقطة التانية، معتقد أن شيخه ما بيخطئش، يقول لك لا هو بشر وكل حاجة، بس هو أكيد شيخي في المسائل دي كلها لا يخطئ، وأجيب لكم نص جميل قوي أنا لسه ماشية على قناتي في التليجرام عن مسألة الشيخ الذي لا يخطئ ده.
أنت ممكن تفتتن بشيخ هو فعلا معظم وجيد، سواء من اللي ماتوا أو من المعاصرين أو غير ذلك يعني، فتظن أنه ما بيخطئش، فأنت تابعه على طول الخط، لك الحق وحد يشرح لك ويفهمك أنه أخطأ، طبيعي أنه أخطأ، فترفض؟ خلاص؟
في نص جميل قوي لابن رجب في شرح حديث، كان حديث رقم خمسة وثلاثين عند قوله صلى الله عليه وسلم: «ولا تباغضوا»، خلاص؟ حديث جميل جدا والشرح جميل، فابن رجب بيقول ايه؟ نهى المسلمين عن التبغض بينهم في غير الله، بل على أهواء النفوس، يعني المنهي عنه التبغض على الأهواء، إنما البغض في الله ده مش منهي عن، عجبني قوي بقى ابن رجب أنه استدرك في الحتة دي، لأن أول ما هيديكم المفتاح أن البغض على الهوى منهي عنه، لكن البغض في الله مش منهي عنه، تقول أيوه ما هو أنا كل بغض للناس في الله، هو أنت فاكر أن أنا ببغض الناس عشان أنا كاره كل دول وبحفل عليهم؟ ده مش في الله، مش أي حاجة.
فابن رجب بيقول لك يعني بعد ما أداك المفتاح رجع خده منك تاني، بيقول لك ايه؟ حرم الله على المؤمنين ما يوقع بينهم العداوة والبغضاء، وامتن على عباده بتأليفه، هو بيقول ايه بقى؟ المقطع ده رائع، بيقول: ولما كثر اختلاف الناس في مسائل الدين وكثر التفرق في الدين، اهو كثر بسبب ذلك تباغضهم وتلعنهم، خلافات كتير موجودة، خلافات في مسائل عقدية، في مسائل فقهية، حصل نوع للأسف من التباغض والتلاعن كمان للأسف، وكل منهم يظهر أنه يبغض لله، كل واحد يقول لك لأ أنا ببغضه في الله عشان الخلاف دوت.
طيب، بيقول ايه؟ وقد يكون في نفس الأمر معذورا، وقد لا يكون معذورا، ممكن يكون معذور وممكن يكون مش معذور، ليه بقى؟ بل يكون متبعا لهواه، مقصرا في البحث عن معرفة ما يبغض عليه، أنت بتبغضه حقيقة لله ولا عشان هو مخالف شيخي أو انتمائي أو جماعتي أو فصيلتي؟ فأنا كارهه على المطلق، مش عشان المسألة، وده بيظهر لما تكون مسألة مش واخدة حجمها الحقيقي في الدين أصلا دي مضخمة.
طيب بيقول ايه؟ رجب فإن كثيرا من البغض كذلك إنما يقع لمخالفة متبوع يظن أنه لا يقول إلا الحق، متبوع بمعنى إمام أنت بتتبعه بمجرد أنه خالف شيخي أو انتمائي أو جماعتي أنا ببغضه فورا، ليه؟ لأن إمامي أو شيخي لا يقول إلا الحق.
وهذا ظنه أنه لا يقول إلا الحق خطأ قطعا، فما فيش أحد لا يقول إلا الحق. كل الناس دول، واستدرج كمان وقال جملة: أريد أنه لا يقول إلا الحق فيما خلق فيه. هذا الظن أيضا قانون دمهن يعني، وقد يكون الحامل على الميل لمجرد الهوى والألفة والعادة، وكل هذا يقدح في أن يكون هذا البغض لله. الواجب على المؤمن أن ينصح نفسه ويتحرش. المهم رجع قال: وها هنا أمر خفي ينبغي التفطن له.
إيه بقى؟ أن كثيرا من أئمة الدين عن قول إمام من الأئمة اهو، قد يقول قولا مرجوحا، ده طبيعي أي إمام من أئمة الدين وارد وإيمان أن يقولوا قولا مرجوحا، ده وارد، ويكون الإمام أثناء القول والروح يكون هو مجتهدا فيه، هو اجتهد وجاب آخره فيه، فيكون هو الإمام الذي قال قولا مرجوحا يكون مأجورا على اجتهاده موضوعا عنه الخطأ.
ولا يكون المنتصر لمقالته تلك المنزلة؛ أنت مش هتكون معفو عنه مع انك منتصر لامامك، إمامك قال قول مرجوح، والقول المرجوح اللي قاله ده معفو عنه لأنه هو عمل اللي عليه، أنت نصرت اتباع للهوى، مش عشان هو قال الحق نقرأ تاني، قال: ولا يكون المنتصر لو افترضنا أن أنا باتعصب لامام معين والامام ده قال قول مرجوح، ولا يكون المنتصر لمقالاته تلك المنزلة، لأنه قد لا ينتصر لهذا القول أنا اللي خلاني انتصر للامام ده إيه؟ لأنه قد لا ينتصر إلا لكون متبوعه قد قاله، بما أن أنا شيخي قال أو جماعة قالت يبقى احنا الصح، أنا هنشر القول ده ليه؟ لأن هم اللي تبعنا قال الموضوع منتهي، بحيث لو نفس القول ده لو قاله غيره من أئمة الدين لما قبله ولا انتصروا قالوا ناس تانية يقول لك لا لا لأ هو أنا بانصر إمامي أو الانتمائي أيا كان القول، أنا مش شاغل بالي بالقول، لأن نفس القول ده لو إمام رجع غير القول القول اللي أنا كنت بنصره، التانيين اللي قالوه برضو هبقى أنا مع الراجل ده عادي لما قبله ولم تصل له، ولا والى من وافقه ولا عاد على الخاص.
وهو مع هذا يظن أنه إنما انتصر للحق بمنزلة متبوع بمنزلة وليس كذلك، فإن تتبعه يعني الإمام بتاعه إنما كان قصده الانتصار للحق وإن أخطأ في اجتهاده، واما هذا التابع لقد شاب انتصاره خلط انتصاره داعم لما يظنه الحق، إيه شبهه بإيه؟ إرادة علو متبوعه وظهور كلماته وانه لا ينسب إلى خطأ، وهذه دسيسة تقدح في قصد الانتصار الحق، فافهم هذا فانه فهم عظيم، والله يهدي من يشاء وصراط مستقيم. نسأل الله سبحانه وتعالى أن يهدينا ويختلف فيه من الحق بإذنه.
طيب إذا أنت ممكن الانتصار للمتبوع للإيمان يعمل لك الفتنة، شيخك اللي منبهر به قد يكون فتنة التصور المثالي الملائكي عن طلبة العلم وعن الدعاة قد يكون فتنة المناكفات، وده كتير بقى على السوشيال ميديا، المناكفات اللي بتصل والخناقات وحرب زي حروب الجاهلية كده تقعد بالشهور على السوشيال ميديا عشان مسألة، قد يكون من الفتنة أنك أنت مش عايز توصل لربنا، أنت مش شاغل بالك بعلاقتك وعايز توصل لربنا وتدعو الناس إلى الحق، لأ انشغل بالك بالانتصار، وتؤول لنفسك كل فعل تفعله، فحش، بذاءة، إساءة أدب، إخراج أسرار، اتهام ناس في أعراضها، تفعل كل ما تريد من يعني من أنا يعني الإنسان بيتدنى في أخلاقه وإساءة الأدب والبذاء وتفعل كل ذلك تحت نصوص الحق، أمال أنا هو أنا يا جماعة هو أنا معقول أنا مش هنتصر الحق؟ يلا ما انتصرش الحق أمال مين اللي هينتصر الحق؟ طبعا يعني أنا أكيد منسوي وبتعمل لله.
أفشاء الأسرار وادناها في الأخلاق والفحش واتهام الأعراض، كل ده لله! أمال أنا بعمل ده ليه؟ لله! وتأويل وأدلة جاهزة، لذلك كثير من الوعي العلمي كان يحذر من ده اللعبة الشنيعة ده، أحيانا بيكون والعياذ بالله الفقيه حينما أو اللي عنده يعني موضوع الأدلة حينما يقسو القلب وتقل العبادة والخوف من ربنا يظهر العبث واللعب بالدين ونتخذ آيات الله هزوا. الحذر من المناكفات في الدين وادعاء أن الإنسان إنما يبحث عن الحق، تلاقي مثلا قضية فيها رسايل زي مثلا قضية اللي انتشرت في التكفير أبي حنيفة مثلا، يا ابني أنت مالك؟ مالك أنت وما يعني حاجة عجيبة جدا والله، وشغل باله بالمسألة وحوارات ونقاشات، ما تحطوا المسألة في حجمها الطبيعي أنتم يعني أنت بيبقى الواحد والله العظيم هي مشكلة عقلية فعلا، الشيخ أحمد سيد لما تناول المسألة دي في آخر لقاء هو عايز يصلح عقلية المتلقي بعيدا عن الرد عن تفاصيل الكلام، وبيصحح عقلية المتلقي لهذا الأمر، وده يعني شيء عجيب أن المسائل تاخد هذه المساحات من أعمارنا وتقع في أضعاف أضعاف أضعاف عارف أثر ما رجعتش أصلا ده قبل ما أبدأ الدرس، أظن كان ابن مسعود في الأدب المفرد اللي هو لا يزال المسروق حاجة زي كده يعني المسروق منه يتظنى حتى يفوح الاسم بمعنى أن ممكن واحد اتسرق منه حاجة يبدأ يسيء الظن ويسيء الظن ويسيء الظن في الناس ويتهم الناس بالباطل فبيفك في الإثم السارق قد أكون واهما، ممكن حد يبقى يصحح لي لو وجد فترة طويلة جدا يعني، فالشاهد أن الإنسان قاعد نفترض أنه داخل ينصر مسألة الحق قاعد يرتكب كم من الآثام ليته تركها، ليته ترك المسألة دي أصلا.
النقاش العلمي شيء وما يحدث من مهازل شيء آخر، النهارده تضييع أعمار وقد يبتلى الإنسان بشيخ يحبه يخرج منه هذه الأخطاء، وهو بشر وقد يكون الشيخ ده عنده فوائد وعنده دين وعنده علم في قضايا تانية، ويجي في مسألة يفتن فيها هذا الشيخ ويسيء الكلام ويخرج منه فحش وبذاءة، لا تتبعه إياك أن تتبعه في يد عمرك لا تتبعه في هذا الأمر، ده فتنة لك في المسألة دي.
أن تتبع الحق فكرة أنك ماشي أن تنظر في علاقتك بالله وفي دينك، وده كانت من الوصايا العظيمة اللي كان بيقولها سيدنا معاذ بن جبل قبل أن يموت: اتبع الحق فإن عليه نورا، إياك وذلة العالم، خالد تكلم على العالم وبحذره من ذلة العالم، أنت متخيل بقى الوضع اللي نحن فيه! ده مطالب أنك تكثر من الدعاء بالهداية، اللي مشغول يا جماعة في علاقتك بالله وعايز يوصل لربنا وعايز يقيم المحكمات في الدين، لا نحن عمالين نشغل الناس بكم قضايا المحكمات في الدين آه ويقيم هذا الدين ويرد حتى ويعمل لدين الله سبحانه وتعالى يرد هذه الهجمات الشرسة يعني مش هنشغل مش هيضيع عمره في كده مش هيقعد شهور في في خناقات مش هيعمل كده، كفاية كده مش معقول يعني مش معقول، قد تبتلى بدل ما يخلي المركز في علاقتك أن المركز بتاعك ربنا فانت بتطوف زي ما بتطوف حول الكعبة كده في علاقتك بالله، هل تطوف حوله هو بقى؟ هو المركز بقى كل الكلام عن نفسه.
كونوا ربانيين تربط الناس بالله سبحانه وتعالى بما كنتم تعلمون الكتاب وبان كنتم تدرسون، أنت بتربط الناس بالله وبتعلم الناس صغار العلم قبل كباره، ما بتدخلش الناس في معارك ليست هي المعارك الحقيقية لهم، هو أنا بدافع عن وجودي؟ أنا عندي شوية مسائل حافظها وهي دي اللي بتحافظ على وجودي، أبدأ أشغل الناس بها، أنا مهتم بشوية قضايا دي بتمثل وجودي فانا عشان أحافظ على وجودي أشغل الناس بالمسائل اللي أنا منشغل بها، والا لو الناس لو لم تنشغل بهذه المسائل التي أنا منشغل بها أنا مش هيكون لي وجود ولا لي، فانا أشغل الناس بي لأ تشغل الناس بكلام الله وكلام النبي صلى الله عليه وسلم بنفسك، ليه ليه كل شوية أطلع أتكلم عني؟ ليه وعندي الناس بالله سبحانه وتعالى بس تنشغل بالله بكتاب الله بسنة النبي صلى الله عليه وسلم، يعني مش كلام أهل العلم ليه نشغل الناس بنا إيه ومعاركنا يا فتنة دلوقتي هنخبي ناس هذا قد يكون فكرة لك، جعلنا بعضكم لبعض فتنة، أنا طولت عليكم، كان الحل إيه سواء في الدنيا أو في الدين؟ أتصبّرون.
قد يجد الإنسان ألما أنه يرى حد في الدنيا أسبق منه وأفضل منه، هو محتاج أن يصبر ويتصبر، ولابد الصبر من ألم، وأن تصبر يعقبه بإذن الله سبحانه وتعالى رضا وسكينة بإذن الله سبحانه وتعالى، وراجعوا آيتهم أيهم بالله يهدي قلبك، إذا الحل: أتصبّرون؟ اصبر يا رب والذي يصبر بيقول لك أنا ما حدش حاسس بي خصوصا في الدنيا، الابتلاءات أو الأمراض أو المشاكل أو الحاجات حسني إيه؟ إيه أنت مش حاسس تقول لي اصبر وأنت مش حاسس بالوضع اللي أنا فيه، فعلا أنا مش هدعي أن أي حد بيقول لحد اصبر وحاسس به وفيك بتحط نفسك مكاني وهو ما يعرفش يعيش نفس مشاعرك، ربنا بيقول لك في ختام الآية: وكان ربك بالإضافة لكاف الخطاب دي بصيرا سبحانه وتعالى.
الله سبحانه وتعالى لن يترك عباده أبدا، إبراهيم عليه السلام لما وجد القمر النجم بيت قال: لا أحب الآفلين، أي الإاله الذي يأكل ويغيب أنا لا أحبه، الله سبحانه وتعالى لا تأخذه سنة ولا نوم سبحانه وتعالى، يا عليم مبيدات الصدور الصدور، ما تسكن ورقة إلا يعلمها سبحانه كل ما تمر به من ألم وأسى وحزن وقطرات العرق اللي تسقط منك في سبيل الله، غبار اللي بتختاره القديمة في سبيل الله يعلمه الله سبحانه وتعالى وتؤجر عليه، تغير رائحة فم الصائم يعلمه الله سبحانه وتعالى ويحبه ويأجره عليه، أي شيء أنت بتبذله الله سبحانه وتعالى يعلمه، وكان ربك بصيرا قماش ضحت لا يعلمه إلا الله سبحانه وتعالى.
الناس تتصبر وابتلاءات شديدة لا يعلمها أحد ولا يواسيهم أحد، لكن الله سبحانه وتعالى كان ربك بصيرا، كان ربك بصيرا، أنت متبع مين؟ متبع هواك، أحيانا مع واحد وتبين له أن ده غلط القرار بتاعه غلط وهو فاهم، بس أنا ما أقدرش أسيب يعني الشيخ هيزعل أو ده هو هنا بدأ يعني هو شبه مقر اللي فيه خطأ بس هو مش قادر ياخد القرار، وكان ربك بصيرا، أنت تعامل الله سبحانه وتعالى.
الحل أنا ذكرت جزء من الحل في درس واحد واثنين، وهنا هنتكلم على الصبر واستحضار نظر الله إليك: أتصبّرون وكان ربك بصيرا، الحلول اللي هي بتقدمها لك حتى تخرج من هذه الدائرة ولا تفتن في علاقتك بالناس، أو أنك قاعد شاغل بالك هتيجي تقرب من الدين يقول لك يا عم ده كلهم حرامية ده كلهم كذا، خليك أنت اللي مش حرامي، ده اللي بيصلوا صل أنت وما تبقاش حرام، ما تنشغلش أول واحد قبله قابله سلمان الفارسي رضي الله عنه لما وضحه سيدنا سلمان ضحى ترك العز والقصور وأبوه يعني كان مخليه خادم النار وو وربطوه أبوه عشان ما يهربش وفك القيود وراح قعد خدم واحد اشتغل عنده خدام، بعد ما كان يعني ابن الملك ده عنده خدام وفي الآخر يطلع حرامي، ياه ضيعت عمري الحمد لله أنا سبت أبويا هرجع لابويا ازاي دلوقتي وانا كان زماني قاعد متنغنغ أنتم ضيعتوا مش عارف نحن هنضحك علينا، إيه خلاص شايف اللي بعده، وراح للي بعده ورايحة فين عشان يوصل النبي، واحد قال له هوصلك وضحك عليه وباعه، يعني رحلة عظيمة في البحث عن الحق وصدق الوصول إلى الحق والله سبحانه وتعالى لم يتركه، فانت في رحلة الوصول تبتلى، نسأل الله السلامة والعافية، ممكن تبتلى بشيخ فيه مشاكل وابتلاءات تحصل في الطريق وسقوط للقدوات، وفيتا لذلك أنا كنت حتى كتبت تغريدة في الموضوع ده، أنت محتاج في كل ركعة تقول اهدنا الصراط المستقيم، محتاج الهدية في كل لحظة محتاج فعلا تدعي بالهداية: رب جبرائيل وميكائيل وإسرافيل اهدني لما اختلف فيه من الحق بإذنك، تكثر من الدعاء بالهداية وأن أنت علاقتك بالله سبحانه وتعالى شل والناس من حساباتك.
لذلك أنا نصيحتي كل فترة افصل السوشيال ميديا فترة، يعني افصل دماغك عنها، كثير من المشاكل الضغوطات اللي أنت فيها قد هذه المشاكل قد تتوقف بهذا الإغلاق، تكتشف أن أنت عايش مشاكل تجريدية ما لهاش وقت، أنت عايش معارك تجريدية هي على الأرض هتنزل تعيش وسط ناس هتروح شغلك وتنزل وسط الناس في مسجدك اللي بتصلي فيه والناس اللي حواليك والشوارع اللي أنت فيها، هتكتشف أن المعارك اللي قيمة عيشها هي تجريدية مش موجودة على الواقع، وموجود على الواقع مش بهذا الحجم، أنت اللي كنت عايش وهم معين ترضي فيه نفسك ووجودك وكتاباتك وحماسك بدأ يفصل ده شوية وراجع علاقتك بالله سبحانه وتعالى.
أنا بعتذر طولت، كان المفروض يبقى ساعة أنا طولت عليكم للأسف، أسأل الله سبحانه وتعالى أن يعافينا، أسأل الله سبحانه وتعالى أن يرزقنا الصبر، نعوذ بالله من الفتن ما ظهر منها بطن، نسأل الله سبحانه وتعالى أن يقينا شر الفتن ما ظهر منها وبطن، نسأل الله سبحانه وتعالى أن يرزقنا حسن الخاتمة، أسأل الله سبحانه وتعالى أن يثبتنا على الحق حتى ألقاه، نسأل الله سبحانه وتعالى أن يهدينا الصراط المستقيم، اللهم اهدنا الصراط المستقيم، اللهم أعنا على ذكرك وشكرك وحسن عبادتك، نكتفي بهذا القدر، سبحانك اللهم وبحمدك أشهد أن لا إله إلا أنت أستغفرك وأتوب إليك، والسلام عليكم ورحمة الله وبركاته.